*, ,SEMS CAN MGU BAR BYA BA'I TSIGS SU BCAD PA MCHAN DANG BCAS PA BZHUGS SO,, ,, @1 #, ,NA MO GU RU WEE, SEMS CAN KUN LA BU GCIG LTAR BRTZE BA'I, ,SANGS RGYAS SRAS DANG BCAS LA PHYAG BYAS TE, ,SEMS CAN MGU BAR BYA'I TSIGS BCAD KYI, ,TSIG DON JI BZHIN MTSAN GYIS DBYE BAR BYA, ,DE YANG SANGS RGYAS BCOM LDAN 'DAS NGA LA GUS PAS MCHOD PAR 'DOD PA RNAMS SEMS CAN GYI DON BYED DGOS TE SEMS CAN LA BYAMS PAS PHAN BTAGS PA NI NGA'I THUGS MGU BAR BYED PA'I MCHOG YIN PA LTAR, ZANG ZING DBUL BA LA SOGS PA'I GUS PA GZHAN DAG NI DE LTAR MIN, ,PA'I PHYIR RO, ,GANG ZAG GANG GIS SEMS CAN LA SNYING RJE MA BTANG DE YIS, BCOM LDAN 'DAS NGA LA GUS PAS MCHOD PA BYED PA'I MCHOG STE, ,DE NI NGA'I THUGS MGU BAR BYED PA'I MCHOG YIN PA'I PHYIR RO,, SNYING RJE LHAG BSAM BTANG NAS ZHI MTHA' LA GNAS PAR GYUR PA DANG THEG PA DMAN PAR LTUNG BA GANG YIN PA, ,DE NI DMAN PAR LTUNG BA DE LAS SNYING RJE LHAG BSAM GYIS BSLANG BAR NUS KYI THABS GZHAN GYIS BSLANG BAR NUS PA,
, ,MIN; ;TE, MA NI SHES RAB PHA NI THABS, ,SE BDAG MED RTOGS PA'I BLO SOGS SHES RAB KYI CHA RNAMS THEG PA GSUM KA'I THUN MONG BA YIN PA'I PHYIR RO,, GANG ZAG GANG GI SNYING RJE SEMS CAN RNAMS LA NI RJES SU ZHUGS PAR GYUR BA, ,DES NI BCOM LDAN 'DAS NGA YANG MNYES PAR BYAS SHING, GANG ZAG DES NI SANGS RGYAS KYI BSTAN PA'I KHUR CHEN PO YANG YONGS SU BZUNG, ,BA YIN TE, SANGS RGYAS KYIS SEMS CAN RNAMS CHES SHIN TU GCES PAR 'DZIN PA DANG, SANGS RGYAS KYI BSTAN PA NI SNYING RJES RAB TU PHYE ZHING SNYING RJE'I RTZA BA CAN YIN PA'I PHYIR RO,, TSUL KHRIMS DAG PA DANG MANG DU THOS PA DANG SNYING RJE BSKYED PA DAG DANG GSUNG RAB KYI TSIG DON RTOGS DKA' BA RNAMS LA 'JUG PA'I BLO ZAB PA DANG CHOS RNAMS KYI CHA SHAS PHRA ZHING PHRA BA RNAMS 'BYED NUS PA'I SHES RAB GSAL BA DAG ,GANG ZAG GANG GI RGYUD LA YOD PA DES NI DUS RTAG TU BDE BAR GSHEGS PA RNAMS MCHOD ,BA YIN TE, SANGS RGYAS RNAMS NI
ZANG ZING GI MCHOD PAS MI MNYES KYI SGRUB PA'I MCHOD PAS MNYES PA'I PHYIR RO,, BCOM LDAN 'DAS NGA NYID SNGON SEMS CAN RNAMS LA PHAN 'DOGS PAR GYUR BA'I STOBS KYI SA GRUB PA MCHOG SKU GSUM GYI GO 'PHANG 'DI NYID BRNYES PA STE, ,SEMS CAN GYI ZHING SA GSHIN PO LA BYAMS SNYING RJE BYANG CHUB KYI SEMS DANG PHYIN DRUG BSDU BZHI'I SA BON GRUNG PO MA BTAB PAR DON GNYIS PHUN TSOGS KYI STON THOG BZANG ZHING MANG BA 'BYUNG BAR MI 'GYUR BA'I PHYIR TE, BYANG CHUB SEMS 'GREL LAS, SEMS CAN BRTEN NAS SANGS RGYAS KYI, ,GO 'PHANG BLA MED RNYED 'GYUR NA, ,LHA DANG MI YI LONGS SPYOD GANG, ,TSANGS DANG DBANG PO DRAG PO DANG, ,'JIG RTEN SKYONG BAS BSTEN DE DAG ,SEMS CAN PHAN PA TZAM ZHIG GIS, ,MA DRANGS PAS NI 'GRO GSUM 'DIR, ,GANG YANG MED LA MTSAR CI YOD, ,CES DANG, SPYOD 'JUG LAS KYANG; SEMS CAN RNAMS DANG RGYAL BA LAS, ,SANGS RGYAS CHOS 'GRUB 'DRA BA LA, ,RGYAL LA GUS BYED DE BZHIN DU, ,SEMS CAN LA MIN CI YI TSUL, ,ZHES GSUNGS PAS SO,, SEMS CAN KHO NA'I DON DU BCOM LDAN 'DAS NGA YIS GZHAN DON LONGS SPRUL GYI SKU GNYIS PO 'DI YANG DAG PAR BZUNG BA YIN TE, GZHAN DU NA DAG PA GNYIS LDAN GYI CHOS SKU TZAM GYIS CHOG PA'I PHYIR DANG, SNYING RJE CHEN PO THOG MTHA' BAR GSUM DU GAL CHE BA'I DON YOD PA'I PHYIR RO,, SEMS CAN RNAMS LA YID KYIS GNOD PAR SEMS PA'I GANG ZAG DE NYID RGYU MTSAN GANG GI PHYIR, ,NA BCOM LDAN 'DAS NGA LA MI BLTOS PAS TE SANGS RGYAS KYI BSTAN PA'I KHYAD CHOS KYI GTZO BO SEMS CAN LA GNOD 'TSE SPONG BA DANG 'GAL BA DE'I PHYIR NA NGA NYID GANG ZAG DE YI DON TE SKYABS STON PAR MI 'GYUR RO,,
, ,SEMS CAN LA PHAN 'DOGS PA CHUNG DU BYAS NA YANG GANG ZAG DES NI BCOM LDAN 'DAS LA MCHOD PA BYAS PA'I PHAN YON 'BYUNG BAR 'GYUR TE, ,BYA BA GANG GIS SANGS RGYAS KYI YID DE THUGS NI MGU BAR BYED PA DE NI MCHOD PA YIN PAS SO, ,SEMS CAN LA GNOD PA'I BDAG NYID CAN NAM GZHAN LA RNAM PAR 'TSE BA'ANG RUNG STE, DE LTAR BYAS NAS ME TOG DANG BDUG SPOS LA SOGS PA MCHOD RDZAS BZANG PO LEGS PAR SBYAR NAS MCHOD PAR GYUR KYANG MCHOD PA DES NI SANGS RGYAS BCOM LDAN 'DAS KYI THUGS DGYES PA'I MCHOD PAR MI 'GYUR TE, SEMS CAN LA GNOD PA'I BYA BAS, SANGS RGYAS KYI THUGS DGYES PAR MI 'GYUR BA'I PHYIR TE, DPER NA, SNYING DU SDUG PA'I BU LA GNOD PA BYAS PAS, DE LA BYAMS PA'I MA'I YID MGU BAR MI 'GYUR BA BZHIN NO, ,SHIN TU MDZES PA'I CHUNG MA DAG DANG SNYING DU SDUG PA'I BU DANG YID DU 'ONG BA'I 'BYOR PA DANG RGYAL SRID CHEN PO DANG, ,RANG GI SHA RNAMS DANG NI KHRAG DANG TSIL DANG MIG DANG LUS RNAMS KYANG, ,SEMS CAN GANG LA BRTZE BA'I GZHAN DBANG DU BYAS NAS TE SONG NAS BCOM LDAN NGA YIS GZHAN LA YONGS SU BTANG BA, ,DES NA SEMS CAN DE LA GNOD PA BYAS NA BCOM LDAN 'DAS NGA LA GNOD PA BYAS PAR 'GYUR BA YIN NO, ,RGYU MTSAN DES NA GANG ZAG GANG SEMS CAN LA PHAN PA BYAS NA BCOM LDAN 'DAS NGA LA MCHOD PA BYAS PA'I MCHOG DANG, GANG ZAG GANG SEMS CAN LA GNOD PA BYAS PA
DE NI BCOM LDAN 'DAS NGA LA SHIN TU GNOD PA'I MCHOG STE MTHAR THUG YIN NO, ,BDE BA DANG SDUG BSNGAL BCOM LDAN 'DAS NGA DANG SEMS CAN RNAMS MTSUNGS PAR MYONG BA STE LDAN 'DOD DANG 'BRAL 'DOD MTSUNGS BDE BAS NA, ,SEMS CAN RNAMS LA GNOD CING 'TSE BAR BYED PA DE NI BCOM LDAN 'DAS NGA YI SLOB MA JI LTAR YIN TE MIN NO, ,SANGS RGYAS DANG SEMS CAN BDE SDUG MTSUNGS BAR MYONG ZHES PA'I DON NI, SEMS CAN RNAMS KYIS RANG NYID BDE BA DANG LDAN ZHING SDUNG, BSNGAL DANG 'BRAL BAR 'DOD PA LTAR SANGS RGYAS KYIS SEMS CAN RNAMS BDE BA DANG LDAN ZHING SDUG BSNGAL DANG 'BRAL BAR 'DOD PA MTSUNGS BA'I DON YIN TE, LO TZTSA BA CHOS KYI SHES RAB KYI BSGYUR LAS, NGA DANG SEMS CAN DAG NI BDE DANG, SDUG BSNGAL MTSUNGS 'DOD PAS, ZHES 'BYUNG BAS SO,, BCOM LDAN 'DAS KYIS SNGON SEMS CAN RNAMS LA GNOD 'TSE SPONG ZHING BYAMS SNYING RJE BSGOMS PA LA BRTEN NAS SANGS RGYAS KYI THUGS MNYES PAR BYAS SHING, DGE BA MTHA' YAS PA RDZOGS PAR BYAS, ,PA DANG, SEMS CAN MANG PO'I DON LA STE DON DU BYANG CHUB MCHOG TU THUGS BSKYED NAS, SEMS CAN MTHA' YAS PA LA RANG GI LUS DANG LONGS SPYOD DGE RTZA DANG BCAS PA GTONG BA'I BLO GOMS PA DANG, SEMS CAN MTHA' YAS PA LA GNOD 'TSE SPONG BA'I TSUL KHRIMS DANG, SEMS CAN GYI LOG SGRUB BZOD PA DANG SEMS CAN MTHA' YAS PA'I DON LA, BRTZON PA'I DKA' SPYAD BZOD PA DANG, SEMS CAN MTHA' YAS PA'I DON, BYA BA'I PHYIR DU MNGON PAR SPRO BA'I BRTZON 'GRUS, GZHAN DON LA SEMS RTZE GCIG PA'I BSAM GTAN DANG, SEMS CAN MTHA' YAS PA'I DON KHA NA MTHO BA MED PAR SGRUB PA'I TSUL RNAM PAR 'BYED PA'I SHES RAB LA DUS
, ,YUN RING POR RAB TU GNAS PA'I STOBS KYIS SBYIN PA LA SOGS PA'I PHA ROL TU PHYIN PA DRUG THOB, ,PA DANG, SEMS CAN TSAD MED PA'I DON LA BRTZON PA'I YID DE BYAMS PA TSAD MED KYIS LTA'I BU'I BDUD KYI STOBS KYANG BCOM, ,BAR MDZAD PA DANG, SEMS CAN RNAMS LA BRTEN NAS SNGAR BSHAD PA'I SBYIN SOGS DE LTA BU DE LAR SPYAD PA DES NA STE DE'I STOBS KYIS ZAG GTZANG SRAS PO NGA MNGON PAR RDZOGS PAR SANGS RGYAS, ,PA YIN NO, ,SKYE BA SKYE BAR TE DU MAR SHIN TU GCES PAR GYUR BA'I GNYEN GYI MTHAR THUG TSE 'DI'I MA DANG 'DRA BAR GYUR BA'I SROG CHAGS MED PAR GYUR NA, ,DNGOS PO GANG LA SKABS 'DIR NI SNYING RJE DANG BYAMS LAS TE BYAMS PAS DMIGS PA STE DMIGS NAS NGES PAR 'GRUB,, STE 'GRUB PAR MI 'GYUR RO, ,BTANG SNYOMS DANG DGA' BA TSAD MED DANG LA SOGS PA'I SGRAS BSDUS PA BYANG CHUB KYI SEMS DANG PHYIN DRUG BSDU BZHI LA SOGS PA'I RGYAL SRAS KYI LAM PHAL MO CHE RNAMS DMIGS PA'AM CHED DU BYA BA'I DNGOS PO'I YUL GANG LA DMIGS NAS, DE DGA' GRUB PAR 'GYUR TE MI 'GYUR BA DANG RNAM PAR THAR BA DANG BYANG PHYOGS SO BDUN, LA SOGS PA'I THUN MONG BA'I LAM RNAMS KYANG GANG LA, ,DMIGS PA'AM GANG GI DON DU DE DAG SGRUB PAS THEG DMAN LAS KHYAD PAR DU 'PHAGS PAR 'GYUR TE MI 'GYUR ZHING, GANG ZAG GANG GI DON DU SNYING RJE BSKYED NAS GZHAN DON DE LA 'BAD PA'I YID KYIS DKA' SPYAD DANG DU LEN PA'I BZOD PA YUN RINGS POR BSGOMS PAR 'GYUR TE MI 'GYUR RO,, JI SKAD DU, RMI LAM YID BZHIN NOR BU'I GTAM LAS
GAL TE SEMS CAN DE DAG MED GYUR NA, ,'DI NI GANG GI CHED DU SBYIN PA GTONG, ,GAL TE LUS CAN RNAMS NI MED GYUR NA, ,GANG LAS 'DUL BA'I TSUL KHRIMS THOB PAR 'GYUR, NYES PA BYED PA YANG NI GANG ZHIG YIN, ,GANG GI CHED DU DPA' BO BZOD PA BSGOMS, ,GANG ZHIG MNGON PAR 'DOD PA THOB BYA'I PHYIR, ,SU YI CHED DU BRTZON 'GRUS DE DE BYED, ,GAL TE LUS CAN RNAMS NI MED 'GYUR NA, ,JI LTAR BYAMS DANG SNYING RJE DGA' BA DANG, ,BTANG SNYOMS DAG LA YANG DAG BRTEN NAS NI, ,BSAM GTAN SNYOMS 'JUG BDE BA 'THOB PAR 'GYUR, ,THAR BA BDE BA DNGOS DANG, DNGOS MED SHES, ,KHAMS DANG BSOD NAMS BAG LA NYAL DU BRJOD, ,KUN NAS NYON MONGS RNAM PAR BYANG BA DAG ,GAL TE DE DAG MED NA JI LTAR SHES, ,BYANG CHUB PHYOGS DANG MTHUN PA'I CHOS RNAMS KYI, ,RGYU NI 'DI LTAR SEMS CAN RNAMS YIN PAS, ,DE PHYIR RDZOGS PA'I BYANG CHUB 'DOD PA YI, ,SEMS CAN RNAMS NI BLA MA BZHIN DU BLTA, ,ZHES GSUNGS PA LTAR RO,, GLANG PO CHE DANG RTA BZANG PO LA SOGS PA 'GRO BA SEMS CAN RNAMS NYID DU MA THUB DBANG NGA YIS GZHAN LA PHAR SBYIN PA BTANG BA BYAS, ,SHING, SEMS CAN RNAMS NYID CHOS KYI SNOD NYID DU YANG NYE BAR GYUR BAS TE GYUR TSE THUB DBANG NGA YIS SBYIN PAS TSUR BSDUS, ,PA DANG, SEMS CAN RNAMS NYID SNA TSOGS PA'I RGUD BAS MNAR BA'I DNGOS POR GYUR BAS SNGON THUB DBANG NGA YIS SNYING RJE SHIN TU 'PHEL BAR GYUR, ,PA YIN NO, ,GAL TE SEMS CAN RNAMS NYID BSRUNG MA BYAS TE SKYONG BAR MA MDZAD NA GANG GI DON DU DON GNYIS PHUN TSOGS 'DI NYID BSGRUBS, ,TE 'GRUB PAR MI 'GYUR RO, ,GAL TE
, ,SEMS CAN MED NA 'KHOR BAR NYON MONGS PA'I KUN NYON MI ZAD DE DRAG PO RNAM GRANGS RAB TU MANG PO LAS, ,LAS KYI KUN NYON SNA TSOGS 'BYUNG ZHING, DE LAS 'GRO BA RIGS DRUG GI SKYE BA'I KUN NYON 'GYUR BA SOGS BRGYUD PAR TE 'KHOR LO BZHIN DU YANG DANG YANG DU 'KHOR BA'I GNOD PA MTSUNGS PAR MYONG BA MED LAS TE MED PAS CHED DU BYA BA GANG LA BRTEN NAS PHAN BDE BLA NA MED PA'I GO 'PHANG 'DI NYID BSGRUBS, ,TE 'GRUB PAR MI 'GYUR RO, BDE BAR GSHEGS PA BCOM LDAN 'DAS KYI BDAG NYID CHEN PO STE LUS CAN KUN GYI MCHOG TU GYUR BA NGO MTSAR CHE ZHING RMAD DU BYUNG BA 'KHOR BA'I RGYAN DU GYUR BA'I YON TAN BSAM GYIS MI KHYAB PA 'DI, ,DAG GAL TE BCOM LDAN 'DAS NGA LA SEMS CAN RNAMS LA THUGS BRTZE BA MED PAR GYUR NA CHED DU BYA BA GANG GI DON DU NYE BAR BSGRUBS, ,TE 'GRUB PAR MI 'GYUR RO, DE'I PHYIR SANGS RGYAS BYANG SEMS KYI BZANG PO SPYOD PA'I YON TAN PHUL DU 'BYUNG ZHING DPAG PAR DKA' BA RNAMS SEMS CAN LA RTEN NAS 'BYUNG BA SHA STAG YIN PAS, BLO GROS DANG LDAN PA RNAMS KYIS SEMS CAN GYI ZHING LA CHES SHIN TU GCES SPRAS SU 'DZIN DGOS PA'I TSUL LA NGES PA BRTAN PO BSKYED PAR BYA'O,, JI SRID DU THUB DBANG NGA YI BSTAN PA 'GRO BA MTHA' YAS PA RNAM LA PHAN BDE DPAG TU MED PA STER BAR BYED PA 'DI NYID 'JIG RTEN GYI KHAMS 'DIR NI 'BAR BAR GYUR PA, ,DE SRID DU GZHAN SEMS CAN RNAMS LA MCHOG TU PHAN PAR 'DOD PA'I NYAN THOS CHEN PO KHYED RANG RNAMS KYIS ZHI BA'I DBYING SU MI BZHUGS PAR GNAS PAR GYIS, ,SHI GCES PA'O, ,CHOS KYI SHES RAB KYI BSGYUR LTAR NA BDAG
GZHAN MNYAM PAR GNAS PAR BSHAD DO,, MDO SDE MANG PO THOS PAS BCOM LDAN 'DAS NGA YI LEGS PAR SPYAD PA STE SKYES RABS MANG PO'I KUN BZANG SPYOD PA SEMS CAN GYI DON LA NAM YANG MI SKYO BA RNAMS LEGS PAR THOS NAS NGES PAR BGYID LA, ,SEMS CAN GYI DON LA SKYO BA DANG NGAL BA MED PAR CHU SHING DANG DBU BA LTA BU'I SNYING PO MED PA'I LUS 'DI LAS NI LHUN PO LTA BU'I SNYING PO DAM PA DAG NI BLANG BAR GYIS, ,SHIG, CES BYANG CHUB SEMS DPA'I SDE SNOD BA TSVA'I CHU KLUNG ZHES BYA BA'I LUNG LAS BCOM LDAN 'DAS KYIS NYAN THOS CHEN PO BCU DRUG LA BKA' STZAL PA, SEMS CAN MGU BAR BYA BA'I BSTOD PA SLOB DPON KLU SGRUB KYIS TSIGS SU BCAD PA'I SGO NAS BSDUS PA RDZOGS SO,, ,, RGYA GAR GYI MKHAN PO PAndI TA CHEN PO D'I BAm KA RA SHR'I DZNY'A NA STE DPAL MAR ME MDZAD YE SHES DANG, LO TZ'A BA DGE SLONG TSUL KHRIMS RGYAL PAS BSGYUR CING ZHUS TE GTAN LA PHAB PA'O,, ,,'DIR 'BAD DGE CHOGS RLUNG GIS RAB BSKYOD PA'I, ,MAN NGAG RGYU 'BRAS BDUN GYI GRUR BZHUGS NAS, ,SKU GSUM RIN CHEN GLING DU PHYIN GYUR TE, ,SKYES DGU'I RE BA MA LUS SKONG BAR SHOG, ,, CES SEMS CAN MGU BAR BYA BA'I TSIGS BCAD LA BSGYUR MI 'DRA BA GNYIS YOD PA LAS, NAG TSO'I BSGYUR GYI STENG NAS MCHAN GYIS TSIG DON, CUNG ZAD RNAM PAR PHYE BA 'DI NI, SPONG BA
, ,BA'I GZUGS BRNYAN ^ SPRANG BTZUN NGAG DBANG DPAL LDAN GYIS, RAB BYUNG BCU BZHI PA'I 'GRANG BYA BZHI BCU RTZA BZHI PA THUN MONG ZHES PA LCAGS PHO KHYI LO'I CHO 'PHRUL GYI ZLA BA'I DUS SU, KHU KHEN HU THOG THU'I KHUR DAM CHOS 'GYUR MED GLING DU 'TSAMS BCAD SKABS SBYAR BA 'DIS KYANG BSTAN 'GRO LA PHAN THOGS PAR GYUR CIG, ,,DGE'O,,
[BLANK PAGE]