*, ,KUN MKHYEN BLA MA'I GCIG TU BRAL GYI YIG CHAR ZUR MCHAN BKOD PA BZHUGS SO,, @1 #, ,'DIR GCIG TU BRAL GYI YIG CHAR ZUR MCHAN CUNG ZAD BKOD PA LA, GNYIS PA NI 'GREL PA'I BSHAD THABS DGOS DON GYI ZHES PA'I GNYIS PA DE 'TSAMS SBYOR RTZA BA 'BREL PA GSUM GYI 'GREL PA LA, BSDUS DON, DGOS DON, RTZOD SPONG, TSIG DON BZHIR BYAS PA'I GNYIS PA LA BYED NA RNAM BSHAD DANG MTHUN NO, RIGS PA LNGA YOD DE, NGO BO DANG 'BRAS BU DANG RGYU 'BRAS GNYIS KA DANG CHOS THAMS CAD LA DPYOD PA'I RIGS PA DANG LNGA YOD PA'I PHYIR ZHES ZER MKHAN YOD LA, RNAL 'BYOR SPYOD PA'I GZHUNG DBU MA RGYAN DANG DBU MA SNANG PAR BSHAD PA'I JO RJE GZEGS MA DANG YOD MED SKYE 'GOG DANG MU BZHI SKYE 'GOG DANG GCIG DANG GCIG TU BRAL DANG RTEN 'BREL GYI GTAN TSOGS LNGA LA BYED DE, THAL 'GYUR BA'I GZHUNG TU BSHAD PA'I RNAM LNGA RNAM BDUN DANG, RTOG GI 'BAR BAR BSHAD PA'I MGO MTSUNGS RIGS PA DANG, BDEN GNYIS SU BSHAD PA'I MU BZHI SKYE 'GOG RNAMS RNAL 'BYOR SPYOD PA'I DBU MA RANG RGYUD PA'I GZHUNG DU MI 'BYUNG BA'I PHYIR ZER MKHAN YOD DO,, SKABS 'DIR KHA CIG GIS RNAM BSHAD DU DBANG RNON LA CHED DU BYA BA SBYAR LA, DBANG RTUL LA MA SBYAR BAS, RGYAN GYI CHED DU BYA BA'I GDUL BYA LA DBANG RNON GYIS KHYAB PAR BSHAD PA 'THAD PAR MI SEMS TE, RGYAN GYI CHED TU BYA BA'I GDUL BYA LA RNO RDUL GNYIS YOD PA RNAM BSHAD GYI DGONGS PA YIN PA'I PHYIR,
, ,SKABS BZHI BA'I RNAM BSHAD LAS, RGYAN GYI CHED DU BYA BA'I GDUL BYA DE LA, DAD PA'I RJES 'BRANG DANG CHOS KYI RJES 'BRANG GNYIS SU NGES PAR STON PA YIN GYI, ZHES GSUNGS PA'I PHYIR, RNAM BSHAD LAS, BYANG CHUB MCHOG TU SEMS BSKYED PA'I SNGON DU STONG NYID RTOGS PA 'GRO DGOS PA NI RNON PO LA MA YIN GYI, RDUL PO LA NI NGES PA MED LA, ZHES GSUNGS PA LA KHA CIG NA RE, DBANG RDUL GYIS SEMS BSKYED PA'I SNGA ROL TU STONG NYID RTOGS PA YOD PAR THAL, RTUL PO LA NI NGES PA MED LA ZHES PA'I DON YOD PA'I PHYIR, 'DOD MI NUS TE, DBANG RNON GYIS SEMS BSKYED PA'I DON DU STONG NYID RTOGS DGOS, DBANG RDUL GYIS STONG NYID RTOGS PA'I SNGON DU SEMS BSKYED DGOS PA'I PHYIR, DBU MA RGYAN LAS, YANG DAG SHES TSOL SNGON BTANG STE, ,DON DAM RNAM PAR NGES GYUR NAS, ,LTA NGAN THIBS NAS 'JIG RTEN LA, ,SNYING RJE KUN TU BSKYED NAS SU, , 'GRO DON BYED PA BSAL GYUR PA, ,BYUNG BA BLO RGYAS MKHAS PA NI, ,BLO DANG SNYING RJE RGYAN PA YIS, ,GRUB PA'I RTUL BZHUGS YANG DAG SPYOD, ,YANG DAG DAD PA'I RJES 'BRANG BA, ,RDZOGS PA'I BYANG CHUB SEMS BSKYED NAS, ,THUB BA'I RTUL ZHUGS BLANGS BYA STE, ,DE NAS YANG DAG SHES TSOL BRTZON, ,ZHES GSUNGS PA'I PHYIR NA MA KHYAB SNYAM YANG 'JUG PA'I t'IKA CHEN TU NGES BZUNG BA
LTA BUR BSHAD PA YOD DO,, SPYIR RNO RTUL GYI KHYAD PAR BLO'I 'JUG PA MYUR 'BUL GYIS BYED BYUNG, RANG BZHIN GYI DBANG PO RNO 'BRANG RTUL GSUM GYI KHYAD PAR NI DAD SOGS LNGA CHE 'BRING CHUNG GSUM LA MKHAS PA'I CHA NAS BZHAG DGOS TE, DAD SOGS LNGA CHUNG TU LA MKHAS PA'I CHA NAS NYAN THOS KYI RIGS CAN RNAMS RANG BZHIN GYI DBANG RTUL DANG, DAD SOGS LNGA 'BRING LA MKHAS PA'I CHA NAS RANG RGYAL RIGS CAN RNAMS RANG BZHIN GYI DBANG 'BRING DANG, DAD SOGS LNGA CHEN PO LA MKHAS PA'I CHA NAS THEG CHEN RIGS CAN RNAMS RANG BZHIN GYI DBANG RNON TU BSHAD PA'I PHYIR, 'GREL BA LAS, 'DI LTAR DAD PA SOGS PA CHEN ZHES PA NAS CHUNG TU RNAMS KYI NI NYAN THOS KYI BYANG CHUB RTOGS SO ZHES BYA BA 'DI 'PHANGS PA YIN NO,, ZHES DANG, GSER 'PHRENG LAS, DE LTAR RIGS CAN GSUM GYI NANG NAS DBANG PO RNON PO'I DAD SOGS KYIS THEG CHEN GYI BYANG CHUB 'THOB PAR DNGOS SU BSTAN PA'I SHUGS KYIS NA DAD SOGS 'BRING PO RNAMS KYIS NI RANG RGYAL GYI BYANG CHUB RTOGS PA STE 'THOB LA, ZHES PA NAS, DE NI SPYI'I SHUGS 'PHANGS YIN LA BYE BRAG TU RIGS CAN GSUM GYI DBANG PO RNON PA LA RNO RTUL GNYIS SU BYAS PAS RDZOGS BYANG THOB DKA' SLAR DNGOS SU BSTAN PAS DBANG 'BRING DANG DBANG RTUL GYI DAD SOGS LA YANG RNO RTUL GNYIS SU BYAS PAS RANG GI BYANG CHUB THOB DKA' SLA GNYIS YOD PAR
, ,'PHANGS SO,, ZHES GSUNGS PA'I PHYIR, KUN BTUS LAS, NYAN THOS KYI CHOS NYID NGS PA'AM MA NGES PA LA ZHES SOGS KYI SKABS SU, THEG PA GSUM GYI GANG ZAG KHYAD PAR BDUN GYIS BSHAD DE, RIGS KYI DANG, DBANG PO'I DANG, SMON LAM GYI DANG, BSAM PA'I DANG, DMIGS PA'I DANG, SPYOD PA'I DANG, 'BRAS BU 'THOB TSUL GYI KHYAD PAR BDUN GYIS BSHAD PA'I PHYIR, DAR t'I KA GI SHOG BU BRGYA NYER DGU BA'I THAN KAR BLTA BA BYA'O,, THOB BYED GANG ZAG GI DBYE BA LA, SDE TSAN GYI SGO NAS BDUN DANG DE RGYU MTSAN TU BYAS TE SO SOR DBYE BA DRUG BCUR BSHAD PA YOD DE, THOB PA RNAM NGES KYI SKABS SU BLTA BAR BYA'O,, KHA CIG, GNOD PA MA MTHONG NAS ZHES PAS GDUL BYA DBANG RNON GYIS, ZHES SOGS GZHAN LUGS DGAG PA 'DI MI 'THAD PAR THAL, GDUL BYA DBANG RNON GYIS GNOD PA MA MTHONG NAS DAD PA BSKYED DGOS PA'I PHYIR NA SHIN TU MA KHYAB STE GNOD PA MA MTHONG BA DANG SGRUB BYED MTHONG BA NYIS SU PHYE BA'I GNOD PA MA MTHONG PAR DAD PA BSKYED TSUL DGAG PA YIN PA'I PHYIR, DER THAL, DBANG RNON GYIS SGRUB BYED MTHONG NAS DAD PA BSKYED DGOS PA'I PHYIR, SGRUB BYED MA MTHONG PAR DAD PA BYED NA DBANG RTUL GYI DAD PA BSKYED TSUL DANG KHYAD MED DU GYUR BA'I PHYIR, DES NA BDEN GRUB LA GNOD PA MA MTHONG BAR DAD PA BSKYED PAR 'DOD PA DGAG PA YIN ZER BA 'BREL
MED DO, KHA CIG NA RE, GCIG DANG TU MA'I NGO BO NYID DANG BRAL BA'I PHYIR ZHES PA'I DNGOS BSTAN GYI GCIG DAN DU MA MED DE, DE DAG BDEN GRUB KYI GCIG DANG DU MA LA BYED PA'I PHYIR, ZER NA, 'O NA BDEN GRUB KYI GCIG TU MA GRUB PA CHOS CAN, MED PAR THAL, DE'I DNGOS BSTAN GYI GCIG YIN PA'I PHYIR, DER THAL, DE'I DNGOS BSTAN GAG ZHIG THA DAD MA YIN PA'I PHYIR, KHYAB STE, GCIG DANG THA DAD GNYIS RNAM BCAD YONGS BCAD KYI DNGOS 'GAL YIN PA'I PHYIR, DBU MA RGYAN RANG 'GREL LAS, GCIG BU'I BDAG NYID DANG DU MA'I BDAG NYID GNYIS PHAN TSUN SPANGS TE GNAS PA'I MTSAN NYID YIN PAS PHUNG PO GZHAN SEL TE, ZHES GSUNGS PA'I PHYIR, BYAS PA LA KHO NA RE, DE'I DNGOS BSTAN GYI BRAL BA ZHES PA'I BRAL RGYU'I GCIG DANG TU MA YOD PAR THAL, DE'I DNGOS BSTAN GYI GCIG DANG TU MA YOD PA'I PHYIR NA MA KHYAB, KHA CIG NA NE, GZHAN DON KHUR KHYER PA'I SNYING RJE CHEN PO SKYE BA'I SNGA ROL TU STONG NYID RTOGS PA'I RGYAN GYI CHED TU BYA BA'I GDUL BYA YOD PAR THAL, DE 'DRA THEG CHEN RIGS CAN YOD PA'I PHYIR, DBU MA RGYAN LAS, YANG DAG SHES TSOL ZHES SOGS GSUNGS PA'I PHYIR, 'DOD NA, GZHAN DON KHUR KHYER BA'I SNYING RJE CHEN PO MA SKYES PA'I RGYAN GYI CHED DU BYA BA'I GDUL BYA'I YOD PAR THAL, 'DOD PA'I PHYIR NA MA KHYAB, 'DOD MI NUS TE, DE YIN NA THEG CHEN RIGS CAN YIN
, ,DGOS PA'I PHYIR, DER THAL, RGYAN GYI CHED TU BYA BA'I GDUL BYA'I MTSAN NYID YOD PA'I PHYIR, YID CHAD RGYAN LA RTEN NAS YUL LNGA GANG RUNG DE DANG DE RTOGS DGOS KYI THEG CHEN RIGS CAN DE, RGYAN GYI CHED TU BYA BA'I GDUL BYA'I MTSAN NYID, DBYE NA, RGYAN GYI CHED TU BYA BA'I GDUL BYA RNO RTUL YOD, SA MTSAMS LAM SA ZHUGS NAS 'PHAGS LAM BAR DU YOD, ZHES GSUNGS PA'I PHYIR, SA MTSAMS YANG 'DI LTAR 'THAD DE, MDO SDE RGYAN LAS, DON SHES PA YI CHOS RNAMS BUN, ,GZINGS DANG 'DRA BA NYID DU BSTAN, ZHES DANG, RTOG GE RTEN CING MA NGES LA, ,MA KHYAB KUN RDZOB SKYO BA CAN, ,ZHES GSUNGS PA'I PHYIR, SO SKYE'I KHYAD CHOS LNGA NGOS BZUNG TU YOD LA, SKABS BZHI BA'I BSDUS DON LAS, RGYAN LAS RTOG GER CHED TU BRTEN PA DANG, ,DAM BCAS GZHAN DU 'GYUR PHYIR MA NGES DANG, ,CHOS KUN YUL DU MI BYED MA KHYAB DANG, KUN RDZOB TZAM LA DON DAM MA MTHONG DANG, ,SPOB PA YONGS SU GTUGS PA'I SKYO BA CAN, ,'DI LA SO SKYE KHO NAR SBYAR PHYIR RO, ,BLO BRTAN RTOG GE GZHUNG LA SBYAR TE BSHAD, ,ZHES PA LTAR GZUNG DGOS PA'I PHYIR, BYAS PA LA KHO NA RE, STONG NYID RTOGS PA'I RGYAN GYI CHED DU BYA BA'I GDUL BYA MED PAR THAL, STONG NYID RTOGS KHA MA'I RGYAN GYI CHED DU BYA BA'I SBYAR MED PA'I PHYIR, ZER NA 'O NA, STONG NYID RTOGS
PA'I RGYAN BRTZOM PA BA MED PAR THAL, STONG NYID RTOGS PA'I RGYAN MED PA'I PHYIR, KHYAB PA SGRIG, KHA CIG NA RE, STONG NYID RTOGS KHA MA'I BLO RGYUD LDAN GYI GANG ZAG YIN NA STONG NYID MA RTOGS PA'I KHYAB ZER NA, RGYUN MTHA' PA CHOS CAN, DER THAL, DE'I PHYIR, RTAGS GRUB STE, STONG NYID RTOGS KHA MA'I SEMS BSKYED RGYUD LDAN GYI GANG ZAG YIN PA'I PHYIR, RNAM 'GREL LAS, MTHONG DANG MA MTHONG DNGOS PO YI, ,DON DE DAG LA MNGON SUM DANG, ,RJES DPAG RNAM PA GNYIS KYIS KYANG, ,GNOD MED 'DI YI MI BSLU BA'O, ZHES GSUNGS PA'I SKABS SU, MTHONG PA MNGON GYUR BSTAN PA'I CHA LA MNGON SUM GYIS GNOD PA MED PA DANG, MTHONG BA LKOG GYUR BSTAN PA'I CHA LA DNGOS STOBS RJES DPAG GI SA GNOD PA MED PA, MA MTHONG BA LKOG GYUR BSTAN PA'I CHA LA YID CHES RJES DPAG GI GNOD PA MED PA NI LUNG DPYAD GSUM DAG TSUL TU BSTAN LA, DE YANG MTHONG DANG ZHES LAS GZHAL BYA GNAS DANG PO GNYIS DANG, MA MTHONG ZHES BAS SHIN LKOG BSTAN NO, SDE BDUN RGYAN GYI TSIG ZIN LTAR NA, LUNG LA GNAS GSUM STON PAS MA KHYAB, SHIN LKOG KHO NA BSTAN PA'I LUNG DE DPYAD GSUM GYIS DAG TSUL LA MTHONG BA MNGON GYUR RTOGS PA'I MNGON SUM TSAD MAS GNOD PA MED PA ZHES SOGS SBYOR GYU YIN PAR 'CHAD PA NI, MKHAS PA LNGA MA'I BSHAD PA'I RNAM GRANGS YIN GYI,
, ,RANG LUGS MA YIN TE, SPYI DON GZHAN DANG, BDAG GTZO BO DANG, 'KHRUS KYIS SDIG PA DAG PA SDE PHYI ROL PA'I GZHUNG NAS STEN PA'I GNAS GSUM LAGS, NGA RIM BZHIN TSAD MA GSUM GYIS GNOD PA MED CING, RANG GI STON PA'I GZHUNG NAS BSHAD PA'I GNAS GSUM, DBANG PO'I YUL DANG, 'PHAGS PA'I BDEN PA BZHI DANG, LAS 'BRAS KYI 'BREL PA PHRA MO LHA BU LA RIM BZHIN TSAD MA GSUM GYIS GNOD PA MED PA NI LUNG DPYAD GSUM GYIS DAG TSUL TU t'IKA CHEN RIGS PA'I RGYA MTSOR BSHAD PA'I PHYIR, GNYIS KA MKHAS GRUB THAMS CAD MKHYEN PA'I GSUNGS YIN KYANG, t'IKA CHEN NI DPYAD PA RDZOGS TUS KYI PHYI RTZOM DANG, TZA BA DANG MTHUN TSAB CHE BAS DBANG BTZAN DGOS PAR RJE GUNG THANG BAS BSHAD PA'I PHYIR, KHA CIG NA RE, SBYIN PAS LONGS SPYOD KHRIMS KYIS BDE, ZHES SOGS KYI LUNG CHOS CAN, RANG GI DON LA MI SLU BA YIN TE, DPYAD GSUM GYIS DAG PA'I LUNG YIN PA'I PHYIR, ZHES PA'I SBYOR BA'I TAGS RTOGS NA BSGRUB BYA RTOGS PA'I KHYAB PAR THAL, RTAGS DE RTOGS PA LA YID CHES RJES DPAG GIS RTOGS DGOS PA'I PHYIR, MA KHYAB STE, DE 'DRA'I LUNG GI BRJOD BYA LA YID CHES RJES DPAG GI GNOD PA MED PAR DNGOS STOBS KYIS GRUB BYANG SHIN TU LKOG GYUR GYI DON NGES GRUB MI DGOS
PAR THAR LAM GSAL BYED LAS GSUNGS PA'I PHYIR, RTAGS YANG DAG THAMS CAD KYI TSUL GSUM MTHAR DNGOS PO'I STOBS SHUGS KYIS GRUB DGOS PAR RIGS RGYAN LAS BSHAD PA'I PHYIR, BSAM GYIS KHYAB MA KHYAB PA'I DON NI DNGOS STOBS GYI RIGS PAS TOGS NUS MI NUS PA LA BYED CING, CHOS BZHI TSANG NA BSAM GYI MI KHYAB PAR GSUNGS PA'I CHOS BZHI NI, GNAS DANG DNGOS PO DANG RGYU DANG RNAM SMIN BZHI LA BYED DO,, GZHI GRUB NA, KHYOD RTOGS PA'I YID CHES RJES DPAG YOD PA'I KHYAB MA KHYAB DPYAD DGOS TE, DBU MA'I MTHA' DPYOD DANG PHAR PHYIN MCHAN GNYIS KYI BSHAD TSUL MI MTHUN PAR SNANG BA'I PHYIR, SHIN LKOG MIN KYANG DGAG GZHI CAN GYI CHOS YIN NA, KHYOD RTOGS PA'I YID CHES RJES DPAG YOD PA'I KHYAB KYANG, DGAG GZHI MED PA LA MA KHYAB ZER MKHAN YOD, GZHAL BYA GNAS GSUM 'GAL MI 'GAL BRTAGS DON BTZAL NAS 'JOG MI 'JOG LA THUG PAR GSUNGS PA'ANG YOD DO, GDUL BYA DBANG RNON RGYAN LA GDUL BYAR ZHUGS PA'I SNGON TU MKHYEN GSUM GYI NGO BO DANG NUS PA'I YON TAN RTOGS PAR BSHAD PA MI 'THAD PAR THAL, 'GREL CHEN DU DANG POR ZHUGS NAS THOS BSAM NANG BYED PAR GSUNGS PA 'GAL PA'I PHYIR, ZHES RTZOD PA'I LAM TU MKHYEN GSUM GYI YON TAN RTOGS PA TZAM GYIS RGYAN GYI DON LA BSAM BYUNG GI NGES PA RNYED MI DGOS PAS SKYON MED GSUNGS, DON DAM PAR
, ,GRUB TSAD DANG KUN RDZOB TU GRUB TSAD GNYIS BZHAG TU YOD DE, BLO GNOD MED LA SNANG BA'I DBANG GIS BZHAG TZAM MA YIN PAR NANG GI SDOD LUGS SU 'GRUB PA DE SNGA MA DANG, BLO GNOD MED LA SNANG BA'I DBANG GIS BZHAG TZAM TU GRUB PA DE PHYI MAR 'JOG PA'I PHYIR, SGYU MA DANG DPE DANG SBYOR TSUL GSUM YOD LA, MIG BSLAD PA'I LTAD MO BA DANG STONG NYID MA RTOGS PA'I SO SKYE DANG SGYU MA MKHAN DANG STONG NYID RTOGS PA'I SO SKYES DANG, MIG MA BSLAD PA'I GANG ZAG DANG BYANG 'PHAGS MNYAM BZHAG PA GNYIS DPE DON SBYOR ZHING, SBYOR TSUL YANG RIM BZHIN SNANG ZHEN GNYIS KA YOD PA DANG, SNANG BA YOD LA ZHEN PA MED PA DANG, SNANG ZHEN GNYIS KA MED PAR SBYOR DGOS SO,, KHA CIG THEG CHEN BAR CHAD MED LAM PA LA, BDEN ZHEN DANG BDEN SNANG YOD PA'I PHYIR TE, DE'I RGYUD LA BDEN 'DZIN YOD PA'I PHYIR, ZER TE DPYAD, SKYES BU CHUNG DU'I RGYUD KYI KUN RDZOB TU GRUB PA YIN NA, DE'I RGYUD GYI BLO GNOD MED LA SNANG BA'I DBANG GIS BZHAG TZAM TU GRUB PA'I KHYAB MA KHYAB SPROS PAS CHOG, BLO GNOD MED MI RANG MTSAN SNANG BA LA LTOS TE MA KHRUL BAS, SNANG BA DE LA SNANG BA LTAR MA GRUB PAR RTOGS PA'I TSAD MA GZHAN GYIS MI GNOD PA'I BLO LA BYED DO,, RNAM RDZUN PA LTA BU'I DBU MA BA'I LUGS LA YANG SO SKYE'I SNGON 'DZIN MIG SHES LA MI 'KHRUL BA'I SNANG BA GCIG BZHAG GAM
DPYAD DO,, CHOS CAN MTHUN SNANG BA KHAS LEN PA NI BLO GNOD MED KYI 'JOG TSUL DE LA THUG GO, DGAG BYA LA DON DAM GYI KHYAD PAR SBYOR BA'I DON DAM GNYIS YOD DE, STONG NYID RTOGS PA'I THOS BSAM SGOM GSUM GYI RIGS SHES LA DON DAM DU BYAS PA DANG, THA SNYAD TU YOD PA'I BZLOG PHYOGS KYI YOD PA LA DON DAM DU BYAS PA GNYIS YOD PA'I PHYIR, SNGA MA'I DON DAM DANG DE'I DON GRUB PA GNYIS KA YOD LA, PHYI MA'I DON DAM DANG DEN GRUB GNYIS KA MED DO, SNGA MA'I DON DAM TU GRUB TSAD RTOG GI 'BAR BA DANG, DBU MA RGYAN SOGS SU GSAL BAR BSHAD KYANG, PHYI MA'I DON DAM TU GRUB PA DBU MA SNANG BA MA GTOGS PAR RANG RGYUD PA'I GZHUNG GZHAN TU MA BSHAD PAS, RJE BLA MA SA RANG RGYUD PA'I GZHUNG KHUNGS THUB GZHAN LAS DGAG BYA SNGO 'DZIN GSAL BAR MI 'BYUNG LA, DBU MA SNANG BA LAS KUN RDZOB TU YOD TSUL BSHAD PA'I BZLOG PHYOGS KYI YOD PA NI DON DAM PAR RAM BDEN YOD DU SHES PAS, ZHES GSUNGS SO, GZHI GRUB NA SNGAL MA'I DON DAM GYI DOR GRUB PAS MA KHYAB STE, BUM PA SNGA MA'I DON DAM GYI DON GRUB PA DE BRTAGS PA MTHA' GZUNG GI DGAG BYA'I CHOS BDAG YIN PA'I PHYIR, KUN RDZOB BDEN PA LA SNGA MA'I DON DAM GYI DON MA GRUB SA PA KHYAB PA'I PHYIR, 'O NA THEG CHEN MTHONG LAM BAR CHAD MED LAM SNGA
, ,MA'I DON DAM GYI DON GRUB PAR THAL, SNGA MA'I DON DAM YIN PA'I PHYIR NA MA KHYAB RTAGS GRUB STE, 'JUG PA'I t'IKA CHEN LAS, DANG PO'I DON DAM DANG, DE'I DON GRUB PA YANG YOD LA, PHYI MA'I DON DAM ,SNGA MA'I DON DAM DEN GRUB TSAD RTOG GI 'BAR BA DANG RGYAN SOGS SU GSAL BAR BSHAD KYANG, PHYI MA'I DON DAM DU GRUB TSAD RANG RGYUD BA'I GZHUNG ZHAN DU MA BSHAD PAS, RJE BAL MAS, RANG RGYUD PA'I GZHUNG KHUNGS THUB GZHAG LAS DGAG BYA DNGOS 'DZIN GSAL PAR MI 'BYUNG LA, DBU MA SNANG BA LAS KUN RDZOB TU YOD TSUL BSHAD PA'I BZLOG PHYOGS KYI YOD PA NI DON DAM PAR RAM BDEN YOD DU SHES PAS, ZHES GSUNGS SO, GZHI GRUB NA SNGA MA'I DON DAM GYI DON GRUB PAS MA KHYAB STE, BUM PA SNGA MA'I DON DAM GYI DON GRUB BA DE BRTAGS PA MTHA' GZUNG GI DGAG BYA CHOS BDAG YIN PA'I PHYIR, KUN RDZOB BDEN PA LA SNGA MA'I DON DAM GYI NGOR MA GRUB PA'I KHYAB BA'I PHYIR, 'O NA, THEG CHEN MTHONG LAM BAR CHAD MED LAM CHOS CAN, SNGA MA'I DON DAM GYI NGOR GRUB PAR THAL, SNGA MA'I DON DAM YIN PA'I PHYIR NA MA KHYAB, RTAGS GRUB STE, 'JUG PA'I t'IKA CHEN LAS, DANG PO'I DON DAM DANG, DE'I DON GRUB PA YANG YOD LA, PHYI MA'I DON
DAM DANG DE'I NGOR YOD PA GNYIS KA YANG MI SRID DO, ZHES GSUNGS, PHYI MA'I DON DAM DER GRUB NA SNGA MA'I NGOR GRUB PA'I KHYAB KYANG, BZLOG NA MA KHYAB STE, STONG NYID DE YIN PA'I PHYIR, BDEN MED SGRUB BYED RTAGS SPYOD DGU YOD DE, 'GAL ZLA DMIGS PA GNYIS DANG, 'BREL ZLA MA DMIGS PA BDUN YOD PA'I PHYIR, DE DAG LAS, RNAM LNGA'I GTAN TSIGS 'DI'I BDAG PHUNG PHAN TSUN BRTEN PA'I PHYOGS GNYIS DANG LDAN PA'I PHYOGS GSUM NI GCIG THA DAD KYI PHYOGS GNYIS SU BSDUS KYANG, 'JIG LTA'I 'DZIN TSUL LA LHOS TE RTAGS LTAR PHYE NAS GSUNGS SO, 'O NA, DE LTAR NA 'JIG LTA NYER LNGAR 'GYUR BAS, MDO LAS RTZE MO'I 'JIG LTA NYI SHUR GSUNGS PA DANG 'GAL LO ZHE NA, SNGON TU PHUNG PO MA BZUNG BAR 'JIG LTAS BDAG TU MNGON PAR ZHEN MI NUS PAS PHUNG PO RE RE LA RNAM PA BZHI BZHIS LOG PAR BZHAGS PA YIN NO,, DE'I PHUNG PO RNAMS LA GTOGS PAR BDAG TU LTA BA'I GZHI NI MU STEGS MA GTOGS PA LA MI 'BYUNG BAS LOG ZHUGS LNGA BA MDO LAS GSUNGS LA, RTZA SHER PHYOGS GZHAN LNGA BA GSUNGS PA NI MU STEGS LUGS KYANG DGAG CHED TU GSUNGS TE, DON 'DI LTAR 'JUG PA'I t'IKA CHEN LAS BSHAD DO,, BDAG PHUNG GCIG NA BDAG KHAS LEN PA DON MED PA DANG, BDAG MANG
, ,PO 'AM PHUNG PO LNGA GCIG TU THAL PA DANG, BDAG SKYE 'JIG CAN DU GYUR PA DANG, BDAG BDEN PAR GRUB PA'I SKYE 'JIG CAN DU 'GYUR NA SKYE BA DRAN PA MI 'THAD PA DANG, LAS BYAS PA CHUD ZOS PA DANG, LAS MA BYAS PA DANG PHRAD PA'I SKYON 'JUG GO, SKYON DANG PO STON PAR, RTZA SHES LAS, NYE PAR LEN PA MA GTOGS PA'I, ,BDAG YOD MA YIN BYAS BA'I TSE, ,NYE BAR LEN NYID BDAG YIN NA, ,KHYOD KYI BDAG NI MED PA YIN, ,ZHES SO, GNYIS PA STON PAR, 'JUG PAR GAL TE PHUNG PO DAG NI DE PHYIR TE, MANG PAS BDAG DE DAG KYANG MANG POR 'GYUR, ,ZHES SO, GSUM PA STON PAR, GAL TE PHUNG PO BDAG YIN NA, ,SKYE DANG 'JIG PA CAN 'GYUR, ,ZHES SO, SKYON PHYI MA GSUM STON PAR, 'JUG PAR, MYA NGAN 'DAS SNGON NAS ZA BAR 'GYUR ZHES SO, LAM RIM CHEN MOR, 'JUG PA LAS, SKYON GZHAN GSUM YANG GSUNGS MOD KYANG RANG SDE KHO NA'I 'DOD PA DGOS PAR SNANG ZHING 'DIR THUN MONGS DU DGOG PAR 'DOD PAS MA BKOD DO, ZHES GSUNGS PAS, SKYON GZHAN GSUM YOD DE, BDAG RDZAS YOD DU 'GYUR BA DANG, BDAG RDZAS YOD DU LHA BA'I 'JIG LHA PHYIN CI LOG TU MI 'GYUR PA DANG, KHYOD KYI LTAR NA, LHAG MED KYI TSE BDAG CHAD PAR 'GYUR PAS CHAD LHA CAN DU 'GYUR PA STE RIGS PA GSUM BSHAD PA'I PHYIR, 'JUG PAR, BDAG NI RDZAS
SU ZHES PA NAS BDAG CHAD 'GYUR, ,ZHES SO, LAM RIM CHEN MOR, DON BSDUS PA'I SKABS SU BYA BYED GCIG TU THAL PA'I SKYON GSUNGS PAS, PHAR PHYIN MCHAN DU, SKYON BDUN GSUNGS SNYAM MO, BDAG NI PHUNG DANG BDEN GRUB KYI THA DAD NA BDAG DE PHUNG PO MTSAN NYID DANG MI LDAN PAR 'GYUR PA DANG, PHUNG PO'I MTSAN NYID DANG MI LDAN NA BDAG TU THA SNYAD 'DOGS PA'I GZHI DANG BDAG 'DZIN GYIS DMIGS PA 'DU MI RUNG BA DANG, PHUNG PO'I MTSAN NYID GZUGS RUNG LAS LOGS SU BLO LHAN SKYES KYIS GZUNG DU YOD PAR 'GYUR BA'I SKYON 'JUG GO, DE LTAR YANG RTZA SHES LAS GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES DANG, GAL TE GZHAN NA LEN MED PAR, ,GZUNG YOD RIGS NA BZUNG DU MED, CES SO, BDAG PHUNG GCIG NA BDAG SKYE 'JIG CAN DU 'GYUR ZHES PA NI RGYU MED PAR SKYE BA DANG RGYUN CHAD PA'I 'JIG PA LA BYED LA, BDAG PHUNG NGO BO THA DAD NA BDAG SKYE 'JIG DANG LDAN MI LDAN PAR 'GYUR ZHES PA NI BDAG RGYU RKYEN LAS SKYE BA DANG SKAD GCIG GNYIS PAR 'JIG PA'I MI RTAG PA LA BYED PAS MI 'GAL PAR SHES PAR BYA'O,, BDEN GRUB KYI RTEN DANG RTEN PA'I PHYOGS KYANG GCIG DANG THA DAD BKAG PA'I RIGS PA DES KHEGS STE LHAS BYIN PA GLANG DANG LDAN PA LTA BU'I NGO BO'I THA DAD PA'I LDAN TSUL NI THA DAD BKAG PA'I RIGS PAS KHEGS LA, LHAS BYIN RNA DBANG DANG LDAN PA
` PA LTA BU'I NGO BO GCIG PA'I LDAN TSUL NI GCIG BKAG PA'I RIGS PAS KHEGS PA'I PHYIR, DE LTAR YANG 'JUG PA LAS, PHUNG POR BDAG YOD ZHES PA NAS GZHAN NYID MED, CES LDAN PA'I PHYOGS BKAG PA'I PHYIR, ZLA BA GRAGS PAS, RNAM LNGA'I STENG DU TSOGS TZAM BDAG YIN PA DGOG PA DANG, DBYIBS BDAG YIN PA DGOG PA BSNAN NAS RNAM BDUN GYI RIGS PA MDZAD PA NI RANG SDE KHA CIG GIS SEMS BDAG TU 'JOG PA DANG, PHUNG PO'I TSOGS PA DANG DBYIBS KYI KHYAD PAR LA BDAG TU 'JOG PA LA SOGS GANG ZAG GDAGS GZHI PHUNG PO'I NGOS NAS RNYED RGYU YOD PA 'GOG CHED YIN LA, 'GOG TSUL YANG PHUNG PO'I TSOGS PA GDAGS GZHI DANG GANG ZAG GDAGS CHOS YIN PAS GDAGS GZHI DE NYID GDAGS CHOS SU MI 'THAD PA DANG, BYA BYED GCIG TU THAL PA'I RIGS PAS TSOGS PA BDAG YIN KHEGS PA DAG, DBYIBS NI GZUGS CAN KHO NA LA YOD PAS, DE LTAR NA GZUGS KHO NA BDAG YIN PAR 'GYUR GYI SEMS SOGS LA BDAG GZHAN DU MED PHYIR, DBYIBS KYI BKOD PA BDAG YIN PA KHEGS PA YIN LA, BYA BYED GCIG TU THAL PA'I RIGS PAS PHUNG PO'I RGYUN YANG BDAG YIN PA KHEGS PA DANG, DE KHEGS PAS GDAGS GZHI NGOS NAS RNYED KYANG YOD PA BGAG PAR 'GYUR PAS, RNAM BDUN GYI GTAN TSOGS 'DI RANG RGYUD PA'I LUGS 'DIR JI LTA BA BZHIN SPYOD TSUL MED KYANG
BDEN PAR GRUB NA GTAGS GZHI'I NGOS NAS GANG ZAG RNYED RGYU MED PAR SBYAR DU RUNG BAS, YIG CHAR BKOD PA MA GTOGS RANG RGYUD PA'I GZHUNG NAS RNAM BDUN GYI GTAN TSIGS BTZAL DU BTON NAS BSHAD PA MED DO, DE DAG GYI PHYOGS SNGA YANG BDAG PHUNG NGO BO THA DAD DU KHAS LEN PA NI GRANGS CAN PA SOGS SO, ,BDAG PHUNG GCIG TU KHAS LEN NI, THAL 'GYUR PA LTAR NA GANG ZAG GDAGS GZHI'I NGOS RNYED RGYU YOD PAR KHAS LEN TSAD BDAB PHUNG GCIG TU KHAS LEN PA'I DON DU SONG BA DANG, RANG RGYUD PA LTAR NA BDEN GRUB KHAS LEN PA THAMS CAD BDAG PHUNG GCIG TU KHAS LEN PAR SONG BA MA GTOGS DNGOS SU KHAS LEN MKHAN GYI GRUB MTHA' SMRA BA MED DO,, 'ON KYANG DBU MA'I RIGS PA'I PHUL GYIS BDAG PHUNG BDEN PAR GRUB NGO BO GCIG DANG LOG PA THA DAD TU KHAS LEN NA LDOG PA GCIG DANG THA DAD DU KHAS LEN PA'I DON DU SONG BA NI GCIG THA DAD BKAG PA'I RIGS PA'I GROS KYIS SHES SLA, RTEN RTEN PA DANG LDAN PA'I PHYOGS GSUM NI SEMS TZAM PA MAN CHAD KYIS DNGOS SU KHAS LEN ZHING, PHUNG PO'I TSOGS PA GANG ZAG GI MTSAN GZHIR 'DOD MKHAN KYANG YOD LA, GANG ZAG GI KHYAD PAR 'GA' ZHIG GTAGS DON BTZAL NAS RNYED PA'I TSE DBYIBS KYI KHYAD PAR LA LTOS DGOS PAS, THAL 'GYUR PA'I RIGS PA'I PHUL GYIS DBYIBS BDAG TU KHAS LEN PAR SONG BA DANG, RGYAN 'PHEN PAS, JI
, ,TZAM DBANG PO'I SPYOD YUL PA, ,SKYES BU DE TZAM KHO NAR ZAD, ,BZANG MO MANG THOS GANG SMRAS PA, ,DE DAG SPYANG GI RJES DANG 'DRA, ,ZHES PA LTA BU MA TOGS DBYIBS BDAG TU 'DOD MKHAN MED DO, SPYANG GI RJES ZHES PA'I LO RGYUS NI SHER SGRON 'GREL BSHAD LAS SHES PAR BYA'O,, MTHA' BZHI 'GOG GI GTAN TSIGS 'DIL RANG RGYUD PA'I GZHUNG NAS RDO RJE GZEGS MAR GRAGS PA YIN LA, RANG RGYUD PA'I LUGS LA GZHAN SKYE 'GOG PA LA DON DAM GYI KHYAD PAR NGES PAR SBYOR DGOS KYANG, GZHAN GSUM LA MI DGOS SHING, RTZA SHES LAS, BDAG LAS MA YIN ZHES PA'I SKABS SU, LEGS LDAN GYIS MCHOD BRJOD LAS 'PHROS TE, MNYAM BZHAG GI NGOR SBYAR BA'I DBANG GIS DON DAM GYI KHYAD PAR SBYAR DGOS PAR GSUNGS LA, ZLA GRAGS KYIS 'GOG PA YIN NO,, BDAG SKYE 'GOG TSUL NI, SLAR YANG SKYE BA DON MED PA DANG, SKYES ZIN SLAR YANG SKYES NA MYU GU SOGS 'BRAS BU'I RIGS 'DRA GTAN NAS MI SKYE ZHING SA BON SOGS RGYU'I RIGS 'DRA RGYUN MI CHAD PAR 'GYUR BA DANG, SA MYUG GNYIS DBYIBS DANG KHA DOG RO DANG NUS PA SOGS THA DAD MED PAR 'GYUR PA DANG, GNAS SKABS SNGA MA SPANGS NAS SA MYUG GNYIS RANG BZHIN GCIG PA MNYAM PA DANG, SA BON GYI GNAS SKABS DANG MYU GU GNAS SKABS GNYIS KAR SA
MYUG GNYIS KA GZUNG DU YOD MED MTSUNGS PAR 'GYUR PA DANG, SA MYUG GNYIS RANG BZHIN GCIG NA 'JIG RTEN GRAGS PA DANG, 'GAL BA STE 'GREL BA MDZAD PA'I RIGS PA DANG, SKYED BYA SKYED BYED BYA BYED LAS GSUM GCIG TU THAL BA NI RTZA SHES KYI RIGS PAS KHEGS TSUL LO, GZHAN GYI SKYE 'GOG TSUL NI, ME LCE 'BAR BA STE MUN PA 'THUG PO 'BYUNG BAR 'GYUR PA DANG, RGYU YIN MIN THAMS CAD LAS 'BRAS BU YIN MIN THAMS CAD 'BYUNG BAR THAL PA DANG, SA LU'I SA BON DANG NAS KYI SA BON GNYIS SA LA'I MYU GU BSKYED PA'I NUS PA YOD MED KYI KHYAD PAR MI 'THAD PA SOGS KYIS KHEGS SO,, GZHAN YANG RGYU 'GAG PA LA MNGON DU PHYOGS PA'I BYA BA DPA' BRAS BU SKYE PA LA MNGON DU PHYOGS PA'I BYA BA GNYIS DUS MNYAM TU YOD DGOS PAS, RGYU 'BRAS GNYIS KYANG MNYAM DU YOD PAR THAL PAS KHEGS TE, RIGS PA 'DI DAG GI GNOD PA PHA ROL PO LA 'JUG TSUL DANG, BKAG PA'I RIGS PA RANG LA MI LDOG PA NI, 'BRAS BU BDEN PAR GRUB, NA RGYU LA MI LTOS PA DANG, RGYU BDEN PAR GRUB NA GZHAN DU MI 'GYUR PA'I GNAD KYIS YIN NO,, BDAG GZHAN GNYIS KA LA SKYE BA 'GOG PA YANG, RE RE LA SKYE BA 'GOG PA'I RIGS PAS KHEGS SHING, RGYU MED LAS SKYE BA 'GOG TSUL NI, GCIG LAS SKYE NA THAMS CAD LAS SKYE BAR 'GYUR PA DANG, 'BAD PA DON MED DU 'GYUR BA DANG, 'JIG RTEN MTHONG PA DANG 'GAL
, ,PA SOGS KYIS 'GOG GO, DON DAM PAR SKYE NA MTHA' BZHI GANG RUNG LAS SKYE DGOS KYANG, THA SNYAD DU SKYE BA LA MTHA' BZHI GANG RUNG LAS SKYE MI DGOS PAR THAL 'GYUR PAS 'DOD PAS LUGS DER MTHA' BZHI GANG RUNG LAS SKYE BA THA SNYAD DU YANG MED LA, RANG RGYUD PA'I LUGS LA MTHA' BZHI GANG RUNG LAS SKYE DGOS PAS GZHAN SKYE THA SNYAD DU YOD LA, DON DAM PAR GZHAN LAS SKYE BA 'GOG TSUL RANG RGYUD PA'I BZHUNG NAS BYUNG BA RNAMS DBU MA SNANG BA DANG STOR MTHUN CHEN MO LAS SHES PAR BYA'O,, GZHAN SKYE'I GZHAN NI RGYU 'BRAS GZHAN TZAM LA MA BYED PAR BDAG LAS SKYE BA'AM GZHAN LAS SKYE ZHES RIGS PAS DPYAD PA'I DPYAD MTHAR RNYED PA'I GZHAN LA BYED PA NI THAL RANG GNYIS KA MTHUN ZHING, 'ON KYANG DGAG BYA PHRA RAGS KYI DBANG GIS DPYOD TSUL DE DON DAM LA DPYOD PAR SONG MA SONG GI KHYAD YOD PAS, GZHAN SKYE KHAS LEN MI LEN GYI KHYAD 'BYUNG BA YIN NO,, BDAG SKYE KHAS LEN MKHAN NI GRANGS CAN PA DANG, GZHAN SKYE KHAS LEN NI RANG BYUNG BA MAN CHAD DANG, DON DAM PAR GZHAN SKYE KHAS LEN PA NI SEMS TZAM PA MAN CHAD DANG, BDAG GZHAN GNYIS KA LA SKYE BA KHAS LEN MKHAN NI GCER BU BA DANG, RGYU MED LAS SKYE BA KHAS LEN MKHAN NI RKYANG 'PHEN PA'O,, YIG CHAR, 'BRAS BU LA DPYOD PA YOD MED SKYE 'GOG GI GTAN TSIGS DANG, RGYU 'BRAS GNYIS KA LA DPYOD PA MTHA' GZHI SKYE 'GOG
DANG, MU BZHI SKYE 'GOG GI GTAN TSIGS GNYIS DANG, ZHES GSUNGS KYANG, DE'I SKABS KYI DPE DAG MA DAG DPYAD DGOS TE, YOD MED SKYE 'GOG GI GTAN TSIGS DANG, YIG CHAR MTHA' BZHI SKYE 'GOG TU GSUNGS PA'I GTAN TSIGS GNYIS RGYU 'BRAS GNYIS KA LA DPYAD MI DPYOD KYI KHYAD PAR BZHAG DKA' BA'I PHYIR, DER MA ZAD SKABS 'DIR MTHA' BZHI SKYE 'GOG TU GSUNGS PA'I GTAN TSIGS 'DI LA GZHUNG CHEN MOR MU BZHI SKYE 'GOG DANG YOD MED SKYE 'GOG TU GSUNGS PA MA GTOGS MTHA' BZHI SKYE 'GOG GI THA SNYAD MA MDZAD PA'I PHYIR, DBU MA'I MTHA' DPYOD DANG STO MTHUN CHEN MOR GNYIS KAR YOD MED SKYE 'GOG LAS LOGS SU MA BSHAD PA'I PHYIR DANG, GZHUNG 'GA' ZHIG TU RTAGS GNYIS TZAM BKOD PA DANG, 'GA' ZHIG TU GTAN TSOGS BZHI KA MA TOGS KHYAD PAR MED PAR SNANG PA'I PHYIR, 'ON KYANG GRUB MTHA' CHEN MOR, 'JUG PAS GZHAN SKYE LA SBYAR LA, 'PHAGS PA DANG JO BOS SPYIR BSHAD PAS SKYE BA GCIG BUR MA ZAD GNAS 'GAG SEL BYED PA YANG YIN, DE YANG YOD PA KHO NA DANG, MED PA KHO NA DANG, GNYIS KA DANG, GNYIS MIN ZHES MA RTZI RGYU YOD PAS MU BZHI SKYE 'GOG YANG BYAS CHOG PAS MTHA' BZHI 'GOG PA DANG 'GAL BAR MA SEMS SHIG, ZHES GSUNGS PAS, MU BZHI DANG MTHA' BZHI SKYE 'GOG GNYIS KA YIN LA,
, ,DER MA ZAD RDO RJE GZEGS MA YANG GNYIS KA YIN TE, STONG THU MCHEN MOR, RANG RGYUD PA'I SKABS SU MTHA' BZHI SKYE 'GOG DANG, THAL 'GYUR PA'I SKABS SU MU BZHE STE 'GOG TU BSHAD PA'I PHYIR, YOD MED SKYE 'GOG DE LA SKABS SU 'DIR YOD ZIN NA'ANG MI SKYE, ZHES BKOD LA, DBU MA'I YIG CHAR, RANG GI RGYU'I DUS SU YOD PA'ANG MI SKYE GTAN NAS MED PA'ANG MI SKYE BA'I PHYIR, ZHES BKOD PA DANG, STON THUN DU YOD PA'I MYU GU ZHES DPYOD PAR GSUNGS KYANG, YOD PA'I MYU GU MI SKYE ZHES BKOD PAR GSUNGS PA MIN PAR MNGON TE, YOD PA'I MYU GU MI SKYE ZHES BKOD NA GTAN TSIG MA GRUB PAR 'GYUR PAS ZHIB CHA DGOS PAR PHAR PHYIN MCHAN DU GSUNGS PA'I PHYIR, 'ON KYANG BDEN PAR GRUB NA MYU GU LHA BU DE DUS KUN TU YOD DGOS PAS RANG GI RGYU'I DUS NA YANG YOD PAR 'GYUR LA; DE BDAG SKYE 'GOG PA'I RIGS PAS KHEGS PA DANG, MYU GU LTA BU DE RANG GYI RGYU'I DUS NA'ANG MED MA DUS THAMS CAD DU MED PAR GYUR PA'I PHYIR, DE NAM MKHA'I PADMO LTA BU GTAN NAS MED PA SKYE BAR THAL BA'I RIGS PAS KHEGS PA NI, GZHUNG DE DAG GI DGONGS DON DU MTHUN PAR SNANG BAS, BKOD TSE RANG DUS NA YOD NA YANG DON DAM PAR MI SKYE, RANG RGYU'I DUS NA MED NA YANG DON DAM PAR MI SKYE BA'I PHYIR ZHES BKOD KYANG SKYON MED DE, BDEN GNYIS SU BSHAD PA'I MU BZHI SKYE 'GOG GI RTAGS GRUB TSUL YOD DE, DON DAM PAR 'BRAS BU GCIG GIS 'BRAS
BU GCIG BSKYED NA MIG SHES GCIG LA RKYEN GSUM KA'I LAG RDZES GSUM MED PAR 'GYUR PA DANG, RGYU DU MAS 'BRAS BU GCIG SKYED NA, MIG SHES KYI STENG GI LAG RDZES GZHAN GYI NANG NAS GNYIS NI MI SRID PA'AM RGYU MED SKYE BAR 'GYUR BA DANG, RGYU GCIG GIS 'BRAS BU DU MA SKYED NA MIG SHES KYI RKYEN GSUM GYI NANG NAS GNYIS NI MI SRID PAR 'GYUR BA DANG, RGYU DU MAS 'BRAS BU DU MA BSKYED NA LAG RJES DU MA LTAR RKYEN GCIG NYID DU MAR THAL PA DANG, RKYEN DU MA LTAR LAG RJES DU MAR THAL PA'I RIGS PAS BZHI BKAG PA'I SGO NAS GRUB PA'I PHYIR, RKYEN GSUM GYI LAG RJES SO SOR YOD DE, SNGON 'DZIN MIG SHES DE SNGON PO'I RNAM PA CAN DU SKYE BA NI DMIGS RKYEN DANG, DE GSAL RIG GI NGO BOR SKYE BA NI DE MA THAG RKYEN DANG, GZUGS MTHONG BA'I NUS PA NI BDAG RKYEN GYI LAG RJES YIN NO, RIGS PA 'DI DAG GI GNOD PA 'JUG TSUL YANG DON DAM PAR GCIG YIN NA, CHA MED KYI GCIG DGOS PA DANG, DON DAM PAR DU MA YIN NA 'BREL MED KYI DU MAR 'GYUR DGOS PA'I GNAD KYIS YIN TE, MTHAR GTUGS NA CHA MED SHES BYA LA SRID PA 'GOG PAS, CHA TU MA DANG LDAN PAR GRUB LA, CHOS GCIG DU MA DANG LDAN PA NI THA SNYAD PA'I DON LA MI 'GAL YANG, BDEN PAR GRUB NA CHA DANG CHA CAN NGO BO THA DAD DU 'BREL MED DANG, NGO BO GCIG NA CHA DU MA GCIG TU THAL PA'I
, ,GTAN TSIGS DANG GCIG DU MAR THAL BA'I GNOD PA 'DI LA GTUG PA'I PHYIR, LEGS BSHAD SNYING PO LAS SLOB DPON YE SHES SNYING POS BDEN GNYIS BDEN GRUB 'GOG PA'I RIGS PA'I DNGOS GZHI MU BZHI SKYE 'GOG MDZAD PA'I GNOD PA MTHAR GTUGS PA YANG ZHI BA 'TSO YAB SRAS DANG 'DRA'O, ZHES GSUNGS PA'I PHYIR, RTAGS BZHI KA LA DON DAM GYI KHYAD PAR SBYAR DGOS GZHUNG 'DIS KYANG GRUB KYANG GRUB MTHA' RTZA BAR, GCIG GI GCIG BSKYED GRUB PHYIR GZHAN RUNG PHYIR, 'DIR NI DGAG BYA KHYAD PAR MI SBYOR 'KHRUL, ZHES SOGS KYI RTZA 'GREL GYIS STAG LOS DON DAM GYI KHYAD PAR MI SBYOR PAR BSHAD PA BKAG PAS GSAL PAR GRUB PO, SLOB DPON LEGS LDAN BYED KYIS RTAGS DANG MTHUN PA'I SGRUB TSUL SLA BAR DGONGS NAS RGYU MTSAN MTSUNGS PA LA MGO SNYOMS KYI RIGS PA GTZO BOR MDZAD LA, DE YANG PHUNG KHAMS SKYE MCHED KYI NANG NAS RAGS PHRA'I RIM PAS DANG POR GZUGS PHUNG DANG DE'I NANG NAS KYANG 'BYUNG BA BZHI LAS BRTAGS PA MDZAD DO, DE'I TSUL NI DBU MA SNYING PO LAS, 'DIR NI SA LA SOGS PA DAG, ZHES SOGS GSUNGS, SA DANG SOGS SGRAS CHU ME RLUNG GSUM TE, 'BYUNG BA BZHI RTZOD GZHI, DON DAM PAR 'BYUNG BA'I NGO BO NYID MED PA CHOS, BYAS BA DANG RGYU LDAN SOGS SGRAS DNGOS PO DANG SHES BYA DANG BRJOD BYA SOGS GTAN TSIGS, CHOS DANG CHOS CAN GYI TSOGS DON NI PHYOGS CHOS SAM
SGRUB BYA'O,, DE LA PHYOGS SKYON GSAL BA NI, PHA ROL PO NA RE, KHYOD KYIS SA SOGS DON DAM PAR 'BYUNG BA'I NGO BO NYID MED PAR SGRUB PA LA MI 'THAD DE, MDO LAS PHUNG KHAMS SKYE MCHED KYI CHOS GSUM DANG DE DAG GI MTSAN NYID KYANG GSUNGS LA, KHYOD KYIS MDO DE DAG TSAD MAR KHAS LEN BZHIN PHUNG SOGS KYI CHOS DE DAG 'GOG PAS RANG GI KHAS LEN DANG 'GAL PA'I SKYON DANG MTHONG BA LAS LHAG PA'I TSAD MA MED PAS KHYOD KYIS 'BYUNG BA'I DBYIBS SOGS MIG GIS MTHONG BA BZHIN DU DE 'GOG PA NI MNGON SUM DANG 'GAL BA'I SKYON DANG, SA LA SOGS PA DANG SRA BA LA SOGS PA'I NGO BO NYID NI DOL BA YAN CHAD KYI 'JIG RTEN PA THAMS CAD LA GRAGS PAS KHYOD KYIS DE DAG 'GOG PA NI 'JIG RTEN NA GRAGS PA DANG 'GAL PA'I SKYON YOD PA'I PHYIR, ZHES PHYOGS SKYON GSUM YOD PAR BRGOL BA DANG, DE'I LAM DU MDO LAS PHUNG KHAMS SKYE MCHED KYI RNAM BZHAG GSUNGS PA NI KUN RDZOB TU YIN LA, DON DAM PAR MED PA SHER MDO LAS GSUNGS PAS SKYON DANG PO MED LA, DBANG SHES NI RANG BZHIN TSOL BA LA BLUN PO YIN PAS SKYON GNYIS PA YANG MED, 'JIG RTEN PA NI MA RIG PA'I DBANG TU 'GYUR BAS RANG BZHIN TSOL PA'I NUS PA MED LA, 'DIR NI DON DAM DPYOD SKABS YIN PAS SKYON GSUM PA YANG MED PAR RTOG GI 'BAR PA DANG LCANG SKYA GRUB MTHA'I RANG RGYUD PA'I SKABS SU BSHAD DO,, SKABS 'DIR CHOS MTHUN SBYOR GYI SGRUB NGAG BSTAN LA CHOS MI MTHUN SPYOR
, ,GYI SGRUB NGAG MA BSTAN PA'I RGYU MTSAN NI DE SGRUB GYI MI MTHUN DPE MED PA'I RGYU MTSAN GYIS YIN NO,, SA SOGS DON DAM PAR 'BYUNG BA'I NGO BO NYID DU 'GYUR NA RGYU LA MA LTOS PAR 'BYUNG BA'I NGO BO NYID DU 'GYUR DGOS, DES NA 'BYUNG BA'I NGO BO NYID DU 'GYUR BA LA RGYU RKYEN LA LTOS MI DGOS PAS SHES PA YANG 'BYUNG BA'I NGO BO NYID DU 'GYUR TE, GCIG NI 'BYUNG BA'I NGO BO NYID DU 'GYUR LA GCIG SHOS NI 'GYUR BA'I NGO BO NYID DU MI 'GYUR BA'I RGYU MTSAN MED PA'I PHYIR, ZHES PA NI RGYU MTSAN MTSUNGS PA MGO SNYOMS BYED TSUL YIN LA, SA NI DON DAM PAR SRA BA'I NGO BO NYID DU MED DE, 'BYUNG BA MA YIN PA'I PHYIR, DPER NA CHU BZHIN ZHES SOGS DANG, GZUGS KYI SKYE MCHED NI MIG SHES KYI BZUNG BYA MA YIN TE, 'BYUNG 'GYUR YIN PA'I PHYIR SGRA BZHIN SOGS DANG, MIG GI DBANG PO GZUGS LA MA BLHA STE DBANG PO YIN PA'I PHYIR, RNA DBANG BZHIN ZHES SOGS SBYAR PAR BYA DGOS TE, SRA NI SRA BA'I NGO BO MIN, ,'BYUNG BA NYID PHYIR RLUNG BZHIN NO, ,ZHES DANG, GZUGS NI MIG GIS BZUNG MIN TE, ,'BYUNG LAS 'GYUR PHYIR RANG GZUGS BZHIN, ,ZHES SOGS GSUNGS PA'I PHYIR, DE BZHIN DU PHUNG PO GZHAN DANG SKYE MCHED KHAMS DANG, MTSAN NYID MTSAN GZHI DANG, SKYE 'JIG GI BYED PA DANG, BCINGS,
MTHAR BRTAGS PA SOGS KYANG RIGS PA'I 'GROS GCIG GIS BYED DE, RGYAS PAR DBU MA SNYING PO RTZA 'GREL SOGS LAS SHES PAR BYA'O,, RTEN 'BREL GYI GTAN TSIGS LA LTOS MED GRUB PA'I RTAG MTHA' DANG, LHOS GRUB TZAM BU YANG MED PA'I CHAD MTHA' GNYIS GCIG CHAR SEL NUS PA YOD PAS MTHA' GNYIS GCIG CHAR SEL PAR BSHAD CING RTAGS KYI BYED PAS CHAD MTHA' SEL, CHOS KYI BYED PA'I RTAGS MTHA' SEL ZHES KYANG BSHAD DO,, PHRAD PA DANG LTOS PA DANG RTEN GSUM SO SO BAR BSHAD NA PHRAD PA'I DON GRUB MTHA' BZHI KA DANG THUN MONGS PA DANG, LHOS PA NI THAL RANG THUN MONGS PA DANG, RTEN PA NI THAL 'GYUR PA THUN MONGS MA YIN PAR BSHAD PA DANG, PHRAD LHOS RTEN GSUM RNAM GRANGS PA'I DBANG DU BYAS NAS GRUB MTHA' BZHI KA THUN MONGS PAR BSHAD PA DANG, THAL 'GYUR PA THUN MONGS MIN PAR BSHAD TSUL SOGS YOD GCIG TU BRAL GYI SBYOR BA'I KHYAB PA SGRUB PA LA PHYOGS CHOS NGES PA'I TSAD MA DANG GCIG DANG THA DAD PHAN TSUN DNGOS 'GAL DU NGES PA'I TSAD MA GNYIS SNGON DU 'GRO DGOS SHING, PHYOGS CHOS SGRUB PA LA BDEN GRUB KYI GCIG TU MA GRUB PA'I RTAGS KYIS BDEN GRUB KYI DU MAR MA GRUB KYANG, CHA BCAS KYI RTAGS KYIS GCIG TU MA GRUB PAR GRUB PO, CHA BCAS
, ,SU SGRUB PA LA RTZOD GZHI BUM PA LTA BU MNGON SUM GYIS GRUB CING, GZHI LAM RNAM GSUM LHA BU LA CHA MED SHES BYA SRID PA 'GOG PA'I TSAD MA DANG CHA BCAS CHA MED DNGOS 'GAL TU NGES PA'I TSAD MA GNYIS LA RTEN NAS GRUB DGOS, CHA BCAS LA BDEN GRUB KYI GCIG TU MA GRUB PAS KHYAB PA TSAD MA GSUM GYIS GRUB PA SOGS YOD, GZHAN YANG, KHYAB PA 'JIG RTEN 'GOG PA SOGS BSHAD RGYU MANG TU YOD LA RANG GZHAN GYI SDEBS BTAGS PA'I RTAG DNGOS GCIG BDEN 'GOG PA LA GNYIS LAS, DANG PO NI, GTZO BO LA SOGS PA CHOS CAN, BDEN GRUB KYI GCIG TU MA GRUB TE, 'BRAS BU SNGA PHYI RIM CAN DU MA LA PHAN PA SNGA PHYI RIM CAN DU MA NYE BAR SBYOR BA'I PHYIR, ZHES BKOD LA, GNYIS PA NI, 'DUS MA BYAS GSUM RE RE NAS DER GCIG TU MA GRUB STE, SGOM BYUNG GI SHES PA SNGA PHYI RIM CAN DU MA DANG YUL YUL DU 'BREL PA'I PHYIR, ZHES BKOD DO, GNAS MA'I BUS BTAGS PA'I GANG ZAG GCIG BDER 'GOG PA NI, GANG ZAG CHOS CAN, DER MA GRUB STE, RTAG MI RTAG GANG DU YANG BRJOD DU MED PA'I PHYIR, ZHES PA'O,, KHYAB PA'I GCIG RTEN 'GOG PA NI, NAM MKHA' DANG DUS SOGS, DER MA GRUB STE, SHAR LA SOGS PA'I PHYOGS KYI CHA DANG 'DAS PA LA SOGS PA'I DUS KYI CHA SHAS
DU MA DANG PHROD DUS 'BREL PA'I PHYIR, ZHES PA'O,, RAGS PA GCIG BDEN 'GOG PA NI, BUM PA LA SOGS PA'I RAGS PA RNAMS CHOS CAN, SGRIB MA SGRIB SOGS RDZAS LA, BRTEN PA'I 'GAL 'DU, G-YO MI G-YO SOGS BYA BA LA BRTEN PA'I 'GAL TU, MTSON GYIS SGYUR MA SGYUR SOGS YON TAN LA BRTEN PA'I 'GAL 'BU SOGS DANG LDAN PA'I PHYIR, ZHES BKOD DO,, RDUL PHRAN GCIG BDEN 'GOG PA NI, RDUL PHRA RAB CHOS CAN, DER MA GRUB STE, KHYOD LA RDUL BCUS BSKOR BA'I TSE CHA BCU DANG LDAN PA'I PHYIR, DE LTAR RDUL CHA MED MI SRID PAS RANG SDE BAS 'DOD PA'I GZUGS CAN GYI KHAMS BCU DANG GZHAN SDE BA'I TSIG GI DON TUG SOGS BDEN PAR MED PAR GYUR ZHING, DE'I RGYU MTSAN GYIS KHAMS BCO BRGYAD KYANG BDEN PAR MED PAR 'GYUR TSUL DBU MA RGYAN RANG 'GREL LAS SO,, RNAM SHES GCIG BDEN 'GOG TSUL YANG BYE SMRAS DBANG SHES RNAM MED TU 'DOD PA 'GOG PA SOGS MANG DU YOD DO,, SKABS 'DI'I TU MA'I SNANG BA CAN GNYIS SNANG CAN LA BYED DGOS, SGRUB NGAG BKOD PA SKABS SU 'BAB PA'I GANG ZAG LA TSUL GSUM TSAD MAS NGES PA'I KHYAB PAR BSHAD LA, CHOS GCIG GI STONG NYID RIGS PA YANG DAG GIS RTOGS NA CHOS GZHAN GYI STONG NYID RTAGS BKOD PA LA MA LTOS PAR RTOGS THUB PA'I KHYAB KYANG, RTAGS SBYOR LA MA LHOS PAR RTOGS THUB PA'I MA KHYAB STE, RJES DPAG LA
, ,RTAGS SBYOR LA RTEN PA'I KHYAB PA'I PHYIR, RTAGS SPYOR LA MA LTOS PAR RTOGS NUS PA DES KYANG RTOGS SBYOR BKOD PA LA BRTEN NAS RTOGS PA'ANG YOD DE, CHOS GCIG GI STONG NYID RTOGS PA'I GANG ZAG DE CHOS GZHAN GYI STONG NYID RTOGS TSE RANG DON GZHAN DON SKABS KYI RJES DPAG GNYIS KAS RTOGS PA YOD PAR 'JUG 'GREL DU BSHAD PA'I PHYIR; DE DAG GI SKABS SU KHA CIG NA RE, BLO GNOD MED CES PA RANG MTSAN SNANG BA LA LTOS TE MA 'KHRUL PA LA BYED PA MI 'THAD PAR THAL, BUM 'DZIN RJES DPAG DE BUM PA'I RANG MTSAN SNANG BA LA LTOS TE MA 'KHRUL PA MA YIN PA'I PHYIR, DES BUM PA'I RANG MTSAN MI SNANG BA'I PHYIR, DES RANG MTSAN PA MI SNANG BA'I PHYIR, DES GZHAN DANG MA 'DRES PAR MI SNANG BA'I PHYIR NA MA KHYAB, YANG KHA CIG SKABS 'DI'I BLO GNOD MED YIN NA RANG GI 'DZIN STANGS KYI YUL GYI RANG MTSAN LA MA 'KHRUL PA'I KHYAB PA MI 'THAD PAR THAL, THAL GYUR PA'I RGYUD KYI BUM 'DZIN RJES DPAG DES BUM PA RANG GI MTSAN NYID KYIS GRUB PA LA MA 'KHRUL PA MA YIN PA'I PHYIR, THAL GYUR BAS BUM PA RANG GI MTSAN NYID KYIS GRUB PAR MI RTOGS PA'I PHYIR NA MA KHYAB STE, YUL DE LA TSAD MAR SONG NA DE'I RANG MTSAN LA TSAD MAR SONG DGOS PAR RJE BDAG NYID CHEN POS GSUNGS PA'I PHYIR,
RO; ;YANG KHA CIG SKABS 'DIR RANG MTSAN DOR NAS 'DZIN TSUL MED PAR BSHAD PA MI 'THAD PAR THAL, THEG CHEN MTHONG LAM BAR CHAD MED LAM GYIS STONG NYID RANG MTSAN GYIS GRUB PA MI SNANG BA'I PHYIR, DES DE RANG MTSAN PA MI SNANG BA'I PHYIR, STONG NYID RANG MTSAN PA STONG NYID MA YIN PA'I PHYIR, ZER NA RTAGS MA GRUB PAR KHAS LEN DGOS SAM DPYAD DGOS, KHA CIG, STONG NYID RANG MTSAN PA STONG NYID MA YIN PAR THAL, STONG NYID RANG GI MTSAN NYID KYIS 'GRUB PA DE STONG NYID MA YIN PA'I PHYIR TE, STONG NYID RANG NGOS NAS GRUB PA DE STONG NYID MA YIN PA'I PHYIR, STONG NYID YOD PA STONG NYID MA YIN PA'I PHYIR, ZHES ZER, 'DI LA KHA CIG NA RE, DE MI 'THAD PAR THAL, STONG NYID RANG MTSAN PA STONG NYID YIN PA'I PHYIR, STONG NYID MTSAN NYID PA STONG NYID YIN PA'I PHYIR, DER THAL, STONG NYID DNGOS GNAS PA STONG NYID YIN PA'I PHYIR, MA GRUB NA, STONG NYID DNGOS GNAS PA KUN RDZOB BDEN PA YIN PAR THAL LO, 'DOD NA, THA SNYAD PA'I TSAD MA'I DOR STONG NYID
, ,DNGOS GNAS PA SHAR BAR THAL LO, ZHES ZER, ZHES PA 'DI SBRANG BTZUN NGAG DBANG DPAL LDAN GYIS BKOD PA'O,, ,,
[BLANK PAGE]