*, ,SGRO 'DOGS KYI MTHA' BYE BRAG TU 'GOG PA'I SKABS LA 'DOGS PA DPYOD PA'I DKA' GNAS RNAM BZHAG BZHUGS SO, ,
, ,SGRO 'DOGS KYI MTHA' BYE BRAG TU 'GOG PA'I SKABS LA DOGS PA DPYOD PA LA, 'DI NYID LAS, LUGS 'DI'I RIGS PA'I DGAG BYA LA GNYIS YOD PAS, ZHES PA NAS SGRO 'DOGS SO, ,ZHES GSUNGS SO, ,MTHA' DPYAD PA LA, KHA CIG NA RE, DON DAM DPYOD PA'I RIGS PA'I DGAG BYA LA SGRO SKUR GNYIS YOD PAR THAL, KUN RDZOB DPYOD PA'I RIGS PA'I DGAG BYA LA SGRO SKUR GNYIS YOD PA'I PHYIR NA MA KHYAB ZER, 'DOD MI NUS TE, DON DAM DPYOD PA'I RIGS PA'I DGAG BYA LA, BDAG 'DZIN YIN DGOS PA'I PHYIR ZER BA LA, 'O NA, DON DAM DPYOD PA'I BAR CHAD MED LAM GYI DGAG BYA LA BDAG 'DZIN DGOS PAR THAL, RGYU MTSAN DE'I PHYIR, 'DOD NA, THEG CHEN BAR CHAD MED LAM GYI DGAG BYA LA CHOS KYI BDAG 'DZIN GYIS KHYAB PAR THAL, 'DOD PA'I PHYIR, 'DOD NA, MTHONG SPANG BDEN 'DZIN GYI SA BON DANG THE TSOM SOGS CHOS CAN, RIGS NGES THEG CHEN BAR CHAD MED LAM GYI DGAG BYA YIN PA'I PHYIR, DE MIN NA LAM GYI DGAG BYA MIN 'GYUR DGOS SO,, ` KUN RDZOB DPYOD BYED KYI RIGS SHES RAB RGYUD LA SKYES PA'I GANG ZAG YIN NA, KUN RDZOB DPYOD BYED KYI RIGS SHES KYI DGAG BYA NGOS 'DZIN PA'I KHYAB ZER, DON DAM DPYOD BYED KYI RIGS SHES LA'ANG KHYAB ZER NA, BUM PA RTOGS PA'I GANG ZAG LA KUN RDZOB DPYOD BYED KYI RIGS SHES KYI DGAG BYA NGOS 'DZIN PA'I KHYAB PAR THAL LO,, PHYI MA LA, RIGS NGES
, ,NYAN THOS CHOS CAN, DON DAM DPYOD BYED KYI RIGS SHES KYI DGAG BYA NGOS 'DZIN PAR THAL LO,, 'DOD NA, DON DAM DPYOD PA'I RIGS PA YANG DAG GI DGAG BYA NGOS 'DZIN PAR THAL LO,, 'DOD NA, RIGS PA YANG DAG GI DGAG BYA NGOS 'DZIN PAR THAL LO,, 'DOD NA, SKYES BU CHE 'BRING GANG RUNG YIN NA, DE NGOS 'DZIN PA'I KHYAB PAR THAL BA DANG, RIGS SHES SKYES PA'I GANG ZAG LA DE NGOS 'DZIN PA'I KHYAB PAR THAL BAR 'GYUR RO,, ` SGRO SKUR GNYIS KA'I MTHA' LA MI GNAS PA'I GRUB MTHA' SMRA BA YIN NA, SEMS TZAM PA'I KHYAB, DE MA YIN PA'I GRUB MTHA' SMRA BA YIN NA, SGRO SKUR GNYIS KA'I MTHAR LTUNG BA'I KHYAB PA BDEN YIN, NYAN THOS SBYOR LAM LA GNAS PA'I BYE SMRA CHOS CAN, SGRO SKUR GYI MTHA' LA GNAS PA DANG, SGRO SKUR GYI MTHAR LTUNG BA MA YIN PA'I PHYIR TE, DER THAL, DE GNYIS KA'I MTHAR ZHEN PA MA YIN PA'I PHYIR, DE GNYIS KA'I ZHEN YUL MED PA RTOGS PA'I PHYIR TE, SKUR 'DEBS KYI ZHEN YUL MED PA RTOGS PA'I PHYIR TE, NYON MONGS KYI ZHEN YUL MED PA RTOGS PA'I PHYIR SOGS SO, ,SGRO 'DOGS KYI ZHEN YUL MED PA RTOGS PA'I PHYIR TE, RTOG PA LOG SHES KYI ZHEN YUL MED PA RTOGS PA'I PHYIR TE, GZHAN DU NA, DE DAG GI ZHEN YUL MED PA RTOGS NA STONG NYID RTOGS DGOS PAR 'GYUR RO,, ` LOG SHES DE'I ZHEN YUL SUN 'BYIN PA'I GANG ZAG YIN NA, LOG SHES DE'I ZHEN YUL MED PA RTOGS PA'I KHYAB STE, RNAM 'GREL LAS, DE YUL SUN PHYUNG
MED PAR NI, ,ZHES SOGS GSUNGS SO,, RIGS NGES NYAN THOS MTHONG LAM PA CHOS CAN, KUN GZHI YOD PAR RTOGS PAR THAL, DE MED PAR 'DZIN PA'I LOG SHES KYI ZHEN YUL MED PAR RTOGS PA'I PHYIR TE, DE'I YUL SUN PHYUNG BA'I PHYIR TE, DE 'DRA'I LOG SHES SPONG BA'I PHYIR SOGS SO,, ` DON DAM DPYOD BYED KYI RIGS SHES LA STONG NYID RTOGS PA'I KHYAB ZER BA MI 'THAD DE, RIGS NGES NYAN THOS MTHONG LAM BAR CHAD MED LAM DE DE 'DRA'I RIGS SHES YIN KYANG DON DAM DPYOD NA RNYED PA'I BLO MA YIN PAR DKA' 'GREL RTZOM 'PHRO LAS GSUNGS PA'I PHYIR, PHYI DON MED PA DPYOD BYED KYI RIGS SHES YIN NA, PHYI DON MED PA RTOGS PA'I KHYAB ZER BA MI 'THAD DE, GZUGS ZHES BRJOD PA'I SGRA DNGOS DBANG GIS MI 'JUG PAR RTOGS PA'I TSAD MA DE DON DAM DPYOD BYED KYI RIGS SHES GANG ZHIG, GZUGS PHYI DON MED PA MA RTOGS PA'I PHYIR, GZUGS PHYI DON MED PAR SGRUB BYED KYI PHYI RGOL YANG DAG GI RGYUD LA YOD PA'I PHYIR SOGS SO,, ` SKUR 'DEBS YIN NA, ` GRUB MTHA' SMRA BA'I RGYUD KYI BSDUS PAS KHYAB PAR THAL, YIG CHAR SKUR 'DEBS NI GRUB MTHA' SMRA BA KHO NA RGYUD LA YOD KYI ZHES GSUNGS PA'I PHYIR NA MA GRUB TE, BYANG SA'I DNGOS STAN GYI SKUR 'DEBS LA DGONGS SO,, 'O NA, BYANG SA'I DNGOS STAN GYI SKUR 'DEBS YIN NA, THAL BA RANG GANG RUNG GI RGYUD KYI BSDUS PAS KHYAB PAR THAL, DGONGS TSUL DE'I PHYIR, 'DOD NA, TSAD MA YIN NA, RANG DANG DMIGS PA GCIG LA DMIGS NAS 'DZIN STANGS
, ,DNGOS 'GAL DU BZHUGS PA'I SGRO 'DOGS DPYOD BYED KYI BLO YIN PA'I MA KHYAB PAR 'GYUR PA DANG, RIGS NGES NYAN THOS 'PHAGS PA RNAMS BYANG SA'I DNGOS STAN GYI SKUR 'DEBS KYI DNGOS GNYEN BYAS NAS SPONG BA MA YIN PAR 'GYUR, GANG ZAG YIN NA, KHYOD RANG RGYUD GCIG PA'I THAL RANG GANG RUNG YOD PAS KHYAB ZER BA DANG, KHYOD DANG RGYUD GCIG PA'I BYE BRAG STE BA BCO BRGYAD YOD PAS KHYAB ZER BA DANG CHAD SMRA DANG BDAG SMRA SOGS YOD PAS KHYAB PAR GYUR LA MA 'DAS PA'O,, ` YIG CHA DU MA SOGS LAS KUN BTAGS NI GRUB MTHA' SMRA BA KHO NA RGYUD LA YOD PA GSUNGS PAS DPYAD DGOS TE, SU'I LUGS LA GRUB MTHA' MA ZHUGS PA'I GANG ZAG DES NGAN 'GROR SKYE BA 'PHEN BYED LAS BSOGS PA YOD PA'I PHYIR SOGS DPYAD DGOS SO,, MTHONG SPANGS SU GYUR BA'I THOG MA'I MA RIG PAS KUN NAS SLONG BA'I MI DGE BA'I LAS BSAGS PA YOD PA'I PHYIR RO,, ` DON SMRA SDE GNYIS BYANG SA'I DNGOS STAN GYI SGRO 'DOGS 'GOG YUL MA YIN PA'I PHYIR, DON SMRA SDE GNYIS DE 'DRA'I MDO'I SGRAS ZIN KHAS LEN PA'I KHYAB PA'I PHYIR, YIG CHAR DON SMRA SDE BA LAS LUNG GSUM SGRA JI BZHIN PAR GRUB CING ZHES SOGS GSUNGS PA'I PHYIR, YANG; SGRAS ZIN LA PHYI DON MED PAR STON PA'I MDO YIN NA, NYAN THOS SDE GNYIS DE'I SGRAS ZIN KHAS MI LEN PA'I KHYAB PA'I PHYIR,, ` 'DIR SNGON 'DZIN MIG SHES LA SNGON PO SNGON POR SNANG BA LTAR DU GRUB PAR
THAL, YIG CHAR, DANG PO GRUB STE, DE LA DE LTAR SNANG BA DE RIGS MTHUN PA'I BAG CHAGS KYIS BSKYED PA'I 'BRAS BU YIN PA'I PHYIR, ZHES GSUNGS PA'I PHYIR NA MA KHYAB, YIG CHAR, SKABS 'DI'I DE GNYIS RNAM RDZUN PAR KHAS LEN ZHES SO,, DE LTAR NA MNGON PAR BRJOD PA'I BAG CHAGS KYIS BSKYED PA'I SNANG BA LA 'KHRUL BA'I SNANG BA YIN DGOS, RIGS MTHUN PA'I BAG CHAGS KYIS BSKYED PA'I SNANG BA LA MA 'KHRUL BA'I SNANG BA YIN DGOS PAR THAL, DE LTAR STONG THUN GYI LUNG DRANGS NAS YIG CHAR GSUNGS PA'I PHYIR,, ` SNGON 'DZIN MIG SHES KYI SNANG TSUL GSUM PO GANG RUNG GI SNANG BA LTAR GRUB PAR 'DZIN PA'I RTOG PA LA RTOG PA GSUM YOD DO, ,SNGON PO SNGON POR SNANG BA LTAR DU GRUB PAR 'DZIN PA'I RTOG PA DANG, SNGON PO THA SNYAD KYI GZHIR SNANG BA LTAR DU GRUB PAR 'DZIN PA DANG, THA SNYAD KYI GZHIR RANG GI MTSAN NYID KYIS GRUB PAR 'DZIN PA GSUM YOD PA'I PHYIR, YIG CHAR, SNANG TSUL DE LTAR 'DZIN PA'I RTOG PA'I ZHEN TSUL GSUM YOD PAR GSUNGS PA'I PHYIR, ZER BA LA 'O NA, SNGON 'DZIN MIG SHES KYI SNANG BA LTAR DU GRUB PAR 'DZIN PA'I RTOG PA DON MTHUN YOD PAR THAL, DE 'DRA'I RTOG PA GSUM YOD PA'I PHYIR, DE'I SNANG BA LTAR DU GRUB PAR 'DZIN PA'I LOG SHES YOD PAR THAL, DE 'DRA'I RTOG PA GSUM YOD PA'I PHYIR, 'DOD MI NUS TE, 'GAL PA LA MA 'KHRUL PA'I TSAD MA YOD PA'I PHYIR, 'ON KYANG, DE'I
, ,SNANG BA LTAR DU GRUB PAR 'DZIN PA'I BLO CHOS KYI BDAG 'DZIN YIN TE, DE'I SNANG BA LTAR DU MA GRUB PA CHOS KYI BDAG MED PHRA MO YIN PA'I PHYIR,, ` SNGON 'DZIN MIG SHES SNGON PO THA SNYAD KYI GZHIR YOD PAR SNANG BA'I SNANG BA DE MA 'KHRUL BA'I SNANG BA YIN PAR THAL, 'DOD PA'I PHYIR, 'DOD MI NUS TE, DE'I SNANG BA YIN NA, RKYANG CHAD DU SNANG BA'I SNANG BA YIN PA'I KHYAB PA'I PHYIR TE, YIG CHAR, RKYANG CHAD SNANG BA'I SGO NAS SNANG BA MA GTOGS SNGON PO SNANG MI NUS ZHES GSUNGS PA'I PHYIR RO,, ` SNGON PO DANG SNGOR SNANG DBANG SHES GNYIS LHAN CIG DMIGS NGES YIN ZER NA, SNGON 'DZIN YID MNGON CHOS CAN, SNGON 'DZIN DBANG SHES DMIGS BYED DU THAL, SNGON PO DMIGS BYED YIN PA'I PHYIR, KHYAB PA KHAS, DE LTAR GRUB MTHA' CHEN MOR GSUNGS PA'I PHYIR, KHO NA RE, LHAN CIG DMIGS NGES YIN NA, GCIG DMIGS BYED DGOS, GCIG DMIGS BYED DGOS NA, GCIG SHOS DMIGS BYED DGOS PAR THAL, DE GNYIS LHAN CIG DMIGS NGES YIN PAR SGRUB TSUL DE'I PHYIR, 'DOD NA, SNGON 'DZIN MIG SHES NYAMS MYONG GI RANG RIG CHOS CAN, SNGON PO DMIGS BYED DU THAL, SNGON 'DZIN SHES PA DMIGS BYED YIN PA'I PHYIR, SNGON 'DZIN RTOG PA CHOS CAN, SNGON 'DZIN SHES PA DMIGS BYED DU THAL LO,, ` SNGON PO DANG SNGON 'DZIN SHES PA RDZAS GZHAN MA YIN PAR SGRUB PA LA
RDZAS GCIG TU SGRUB DGOS ZER NA, DE GNYIS CHOS CAN, RDZAS GCIG YIN TE, LHAN CIG DMIGS NGES YIN PA'I PHYIR ZHES PA'I SBYOR BA DE SBYOR BA YANG DAG YIN PAR THAL, 'DOD NA, LHAN CIG DMIGS NGES YIN NA, RDZAS GCIG YIN DGOS PAR THAL LO,, 'DOD MI NUS TE, BUM 'DZIN RTOG PA DANG BUM PA'I DON SPYI GNYIS LHAN CIG DMIGS NGES GANG ZHIG, RDZAS GCIG MA YIN PA'I PHYIR, DE LTAR GRUB MTHA' CHEN MOR GSUNGS PA'I PHYIR, BUM 'DZIN RTOG PA DANG BUM PA'I DON SPYI GNYIS CHOS CAN, LHAN CIG DMIGS NGES MA YIN PA'I PHYIR, LHAN CIG DMIGS NGES KYI DON MA TSANG BA'I PHYIR, DMIGS PA'I DON MA TSANG BA'I PHYIR, BUM 'DZIN RTOG PA DE BUM PA'I DPON SPYI MA RTOGS PA'I PHYIR, DE MA YIN NA, DMIGS PA NI RTOGS PA'O ZHES GSUNGS PA DANG 'GAL BAR 'GYUR PA'I PHYIR,, ` BUM 'DZIN RTOG PA DANG BUM PA'I DPON SPYI GNYIS CHOS CAN, LHAN CIG DMIGS NGES MA YIN PA'I PHYIR, LHAN CIG DMIGS NGES YIN NA, PHAN TSUN CIG DMIGS BYED KYI NGO BOR SKYE NA, GCIG SHOS DMIGS BYED KYI NGO BOR SKYES PA'I KHYAB PA'I PHYIR, GCIG SHOS DMIGS BYED KYI NGO BOR SKYES DGOS PAR SKABS LNGA PA'I MTHA' DPYOD LAS GSUNGS PA'I PHYIR, BAR MA CHOD PA'I SNANG GZUGS GNYIS LHAN CIG DMIGS NGES YIN TE, LHAN CIG DMIGS NGES DANG RDZAS GZHAN MA YIN PAR GRUB MTHA' CHEN MOR
, ,GSUNGS PA'I PHYIR, DE GNYIS CHOS CAN, DMIGS PA'I DON TSANG BAR THAL, 'DOD MI NUS TE, GCIG SHOS DMIGS TSUL MED PA'I PHYIR ZER, GRUB MTHA' CHEN MOR SNGON PO DANG SNGON 'DZIN SHES PA GNYIS LHAN CIG DMIGS NGES YIN PAR GSUNGS PA LA, SNGON 'DZIN SHES PA DMIGS BYED KYI NGO BOR SKYE SA NA, SNGON PO DMIGS BYED KYI NGO BOR SKYES PA'I KHYAB PAR THAL, DE GNYIS LHAN CIG DMIGS NGES YIN PA'I PHYIR, KHYAB PA SKABS LNGA PA'I YIG CHA KHAS, 'DOD NA, SNGON PO MED PA'I SA PHYOGS CHOS CAN, DER THAL, DE'I PHYIR, 'DOD NA, SNGON PO SKYES PAR THAL, 'DOD PA'I PHYIR, 'DOD MI NUS TE, MA GRUB NA, SNGON PO MED PA'I SA PHYOGS SU SNGON 'DZIN SHES PA YOD PA'I PHYIR, SNGON 'DZIN RTOG PA YOD PA'I PHYIR, DE LTAR SKABS LNGA PA'I MTHA' DPYOD LAS GSUNGS PA'I PHYIR, BUM 'DZIN RTOG PA DANG BUM PA'I DON SPYI GNYIS LHAN CIG DMIGS NGES YIN PAR GSUNGS PA DANG 'GAL TSUL DPYAD; GOS SO,, SNGON PO DANG SNGON 'DZIN TSAD MA GNYIS CHOS CAN, LHAN CIG DMIGS NGES RTAGS KYIS RDZAS GZHAN MA YIN PAR SGRUB BYED KYI SBYOR BA'I PHYI RGOL YANG DAG TU SONG KHA MA'I MDO SDE PA YOD PAR THAL, PHYI DON MED PAR SGRUB BYED KYI SBYOR BA'I PHYI RGOL YANG DAG TU SONG KHA MA'I MDO SDE BA YOD PA'I PHYIR NA MA KHYAB, 'DOD MI NUS TE, SNGON PO DANG SDON 'DZIN TSAD MA
GNYIS DUS MNYAM DU 'DZIN PA'I MDO SDE BA MED PA'I PHYIR, ` DE 'DRA'I SBYOR BA DE PHYI DON MED PAR SGRUB BYED KYI SBYOR BA MA YIN PA'I PHYIR, DGAG RTAGS YANG DAG GI SBYOR BA MA YIN PA'I PHYIR, MA DMIGS PA'I RTAGS YANG DAG GI SBYOR BA MA YIN PA'I PHYIR, MA GRUB NA, DE SGRUB KYI DNGOS KYI SGRUB BYA'I CHOS YIN NA, MED DGAG YIN PA'I KHYAB PAR THAL, TSUL GSUM TSANG BA'I SBYOR BA YANG DAG GANG ZHIG, DE SGRUB KYI DNGOS KYI SGRUB BYA'I CHOS LA MED DGAG DGOS PA DE, MA DMIGS PA'I RTAGS SBYOR YANG DAG GI MTSAN NYID YIN PA'I PHYIR, 'DOD NA, RDZAS GZHAN MA YIN PA DE MA YIN, RDZAS GZHAN MED PA DE MA YIN PA'I PHYIR, DANG PO MA GRUB NA, DE MED DGAG MA YIN PA'I PHYIR, PHYI MA DER THAL, DE STONG NYID MA YIN PA'I PHYIR RO,, DER THAL, RDZAS GZHAN DU GRUB PA YOD PA'I PHYIR, RGYU 'BRAS SNGA PHYI RDZAS GZHAN DU GRUB PA'I PHYIR SOGS SO,, ` DE 'DRA'I SBYOR BA'I PHYI RGOL YANG DAG DE LA SNGON PO'I STENG GI RTOG PA YID SHES LA LTOS PA'I PHYI DON MED PA RTOGS PA'I GANG ZAG YOD DE, SNGON PA'I STENG GI RTOG PA YID SHES LA LTOS PA'I PHYI DON MED PA RTOGS LA, DE'I STENG GI RTOG MED DBANG SHES LA LTOS PA'I PHYI DON MED PA MA RTOGS PA'I GANG ZAG LA PHYI RGOL YANG DAG YOD PA'I PHYIR, ZER BA DPYAD DGOS TE, 'ON KYANG DE 'DRA'I PHYI RGOL
, ,YANG DAG DE SNGON PO PHYI DON MED PAR RTOGS PA DANG, SNGON PO PHYI ROL DON DU MA GRUB PAR SGRUB BYED KYI SBYOR BA'I PHYI RGOL YANG DAG GNYIS KAR THAL LO,, DE 'DRA'I SBYOR BA'I SGRUB BYA RTOGS MA THAG PA DE SNGON PO RANG 'DZIN TSAD MA DANG RDZAS GCIG TU RTOGS PA MA YIN PA'I PHYIR, DE DE GNYIS RDZAS GCIG TU GSAR DU RTOg PA MA YIN PA'I PHYIR TE, MA GRUB NA, DE 'DRA'I SBYOR BA'I SGRUB BYA RTOGS MA THAG PA'I RGYUD LA DE 'DRA RDZAS GCIG TU RTOGS PA'I RDZAS DPAG MED PA'I PHYIR, PHYI MA MA GRUB NA, MED DGAG DNGOS SU RTOGS PA'I SHUGS LA MA YIN DGAG RTOGS PA MI SRID PA'I PHYIR, DE 'DRA'I PHYI RGOL YANG DAG DANG RGYUD GCIG PA'I SGRUB BYA RTOGS MA THAG PA CHOS CAN, DE 'DRA'I RDZAS GCIG TU RTOGS PA'I TSAD MA SKYE NGES MA YIN PAR THAL, DE 'DRA'I RJES DPAG SKYE NGES MA YIN PA'I PHYIR NA MA KHYAB, 'DOD MI NUS TE, DE 'DRA'I RDZAS GCIG TU RTOGS PA'I PHYIR RO, DE 'DRA'I RTOG PA BCAS SHES SKYE NGES MIN PAR THAL, DE 'DRA'I RJES DPAG SKYE NGES MA YIN PA'I PHYIR NA MA KHYAB, DE 'DRA'I RTOG PA BCAD SHES DE, RAB 'DREN BYED KYI TSAD MA SNGA MA'I GZHAL BYA RTOGS PAR THAL ZHE NA, 'DOD TE, DE STONG NYID SHUGS LA RTOGS PA'I BCAD SHES YIN PA'I PHYIR RO,, ` SNGON PO DANG SNGON 'DZIN TSAD MA GNYIS CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR ZHES
PA'I SBYOR BA DE'I DNGOS KYI SGRUB BYA'I CHOS YANG YIN MED DGAG YIN PA'I GZHI MA THUN PA YOD DE, GZUNG 'DZIN RDZAS GZHAN MED PA YIN ZER RAM DPYAD,, ` SGO NGA PHYED TSAL PA'I LUGS LA; DE GNYIS CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR ZHES PA'I SBYOR BA DE PHYI DON MED PAR SGRUB BYED KYI SBYOR BA YIN TE, DE'I LUGS LA SNGON PO DANG SNGON 'DZIN TSAD MA GNYIS RDZAS GCIG YIN KYANG SNGON PO DANG SNGON 'DZIN SHES PA GNYIS RDZAS GCIG MA YIN TE, GRUB MTHA' CHEN MOR, 'DI PA'I SNGON 'DZIN DANG DE'I YUL SNGON PO GNYIS SKYE DUS SAM GRUB DUS LA LTOS NAS RDZAS THA DAD YIN PAS LHAN CIG DMIGS NGES MIN PAR 'DOD PAR MNGON TE, ZHES GSUNGS PA'I PHYIR, 'ON KYANG, SEMS TZAM PA 'DI PA DANG SEMS TZAM PA RANG LUGS LA KHYAD PAR MED PAR GYUR PA'I PHYIR DANG, DE GNYIS SNGON 'DZIN TSAD MA LHAN CIG DMIGS NGES SU 'DOD, SNGON PO DANG SNGON 'DZIN SHES PA LHAN CIG DMIGS NGES SU MI 'DOD PA MTSUNGS PA'I PHYIR RO, ,DER MA ZAD SNGON PO DE SNGON 'DZIN SHES PA'I SNGA ROL TU GRUB KYANG SNGON 'DZIN TSAD MA'I SNGA ROL TU MA GRUB ZHES PA MI RIGS PA'I PHYIR, SNGON 'DZIN TSAD MA DE SNGON 'DZIN SHES PA DANG BDAG NYID CIG YIN PA'I PHYIR RO, ,'ON KYANG, SNGON PO DANG SNGON 'DZIN TSAD MA GNYIS LHAN CIG DMIGS NGES MA YIN NA, SNGON PO DE SNGON 'DZIN TSAD MA
, ,DANG RDZAS GCIG MA YIN PAR THAL, 'DOD NA, DE GNYIS RDZAS GZHAN YIN PAR THAL, 'DOD PA'I PHYIR, 'DOD NA, SNGON PO SNGON 'DZIN TSAD MA RDZAS GZHAN GYIS STONG BA STONG NYID MA YIN PAR THAL LO,, ZER RAM DPYAD DO,, ` SNGON PO DANG SNGON 'DZIN TSAD MA GNYIS CHOS CAN, DMIGS DUS LA LTOS NAS RDZAS GZHAN MA YIN TE, DMIGS DUS LA LTOS NAS LHAN CIG DMIGS NGES YIN PA'I PHYIR ZHES PA'I SBYOR BA DE PHYI DON MED PAR SGRUB BYED KYI SBYOR BA YIN NAM DPYAD DO,, ` TSAD 'BRAS KYI RNAM BZHAG LA, 'BRAS RTOG DANG PO STON PA NI, TSAD MA'I MDOR, BYA DANG BYA BAR RTOGS PA'I PHYIR, ,'BRAS BU NYID YIN 'JAL BYED LA, ,TSAD MA NYID DU 'JOG PA STE, ,BYA BA MED PA MA YIN NO, ,ZHES PAS BSTAN, DE'I DON 'GREL PA NA RNAM 'GREL LAS, BYA BA GRUB PAR BYED CES TE, ,ZHES SOGS RKANG PA BZHIS BYA BYED SPYI'I RNAM BZHAG BSTAN, RNAM 'GREL LAS, DE LAS MA MYONG TZAM DU NI,, ZHES SOGS KYIS RGYAS PAR BSHAD,, ` 'BRAS RTOG GNYIS PA'I RANG RIG GI TSAD 'BRAS NI, TSAD MA'I MDOR, YANG NA RANG RIG 'BRAS BU YIN, ,ZHES BSTAN, DE'I DON 'GREL NA; DON RIG GANG YIN SO SOR RIG, NAS, MYONG BA NYID NI 'BRAS BU YIN, ,ZHES SO,, ` GZHAN RIG GI TSAD 'BRAS NI, TSAD MA MDOR, DE'I NGO BO LAS DON NGES,,
ZHES PAS BSTAN, DE'I DON 'GREL PA NA, RNAM 'GREL LAS, GANG TSO RNAM RIG RGYU'I YUL, ,NAS, DON RIG PAR NI GYUR PA YIN, ,ZHES SO, ,t'IKA CHEN LAS, 'BRAS RTOG GSUM ZHES PA NI GZHAN RIG GI TSAD 'BRAS RGYAS PAR BSHAD PA'I DON NO,, RANG RIG GI TSAD 'BRAS LA DOGS GCOD RGYAS PAR 'CHAD PA NI, 'DI NYID SMRAS PA, GANG TSE SNANG BA DE GZHAL BYA, , NAS, DE GSUM THA DAD DU MAS BYAS, ,ZHES SO, ,DE'I DON 'GREL PA NA, RNAM 'GREL LAS, ,BLO DAG RNAM PAR DBYER MED KYANG, ,ZHES SO, ,SDE BDUN DU, GSUM PA RNAM GZHAG 'DI NYID NGES PAR SGRUB PA NI, TSAD MA MDOR, GANG TSE SNANG BA DE GZHAL BYA, ,ZHES GSUNGS, DE NYID RNAM 'GREL DU RGYAS PAR 'CHAD PA NI, PHYI ROL DON NI YOD NA YANG, ,NAS, DE 'DRA NGAS KYANG MI SHES SO, ,ZHES GSUNGS SO, ,'BRAS RTOG GSUM KA GZHUNG DE DAG GIS RANG LUGS KYI TSAD 'BRAS 'THAD LDAN DU SGRUB PA YIN GYI SNGA MA GNYIS LAS LOGS SU RNAM BZHAG GSUM PA STON PA MIN ZHES MKHAS GRUB THAMS CAD MKHYEN PAS GSUNGS, RGYAL TSAB THAMS CAD MKHYEN PAS NI; 'BRAS RTOG GSUM PA'I TSAD 'BRAS RNAM BZHAG NI, GZHUNG DE DAG GI SHUGS LA THON PAR BYED DO ZHES ROL PA'I RDO RJES GSUNGS PAS MI 'GAL TSUL DPYAD DGOS SO, ,
, ,'BRAS RTOG DANG PO'I RNAM BZHAG 'DI NI, GTZO BO MDO SDE BA'I TSAD 'BRAS KYI RNAM BZHAG YIN LA, SEMS TZAM PAS MI 'DOD PA NI MIN NO, , ` PHYI ROL DON DU GRUB PA'I SNGON PO GZHAL BYAR BYAS PA'I TSAD 'BRAS GZHAL GSUM GANG RUNG YIN NA, MDO SDE BA THUN MONG MA YIN PA'I TSAD 'BRAS YIN PAS KHYAB PAR THAL, DE MDO SDE PA THUN MONGS MA YIN PA'I TSAD 'BRAS SU GSUNGS PA'I PHYIR, 'DOD NA, DE YIN NA, MDO SDE BA THUN MONGS MA YIN PA KHAS LEN PA'I KHYAB PAR THAL, 'DOD PA'I PHYIR NA MA KHYAB STE, DE MDO SDE SPYOD PA'I DBU MA RANG RGYUD PAS KYANG KHAS LEN PA'I PHYIR, MDO SDE BA THUN MONGS MA YIN PA'I TSAD 'BRAS ZHES PA NI, MDO SEMS GNYIS KYI NANG NAS MDO SDE BA THUN MONGS MIN PAR KHAS LEN PA LA BYED PA'I PHYIR,, ` MDO SEMS THUN MONGS DU KHAS LEN PA'I PHYIR ROL DON DU MA GRUB PA'I SNGON PO GZHAL BYAR BYAS PA'I TSAD 'BRAS MED PAR THAL, DE SEMS TZAM PA THUN MONGS MA YIN PA'I TSAD 'BRAS YIN PA'I PHYIR, MDO SEMS THUN MONGS DU KHAS LEN PA'I PHYI ROL DON DU MA GRUB PA'I SNGON PO MED PAR THAL, 'DOD PA'I PHYIR, 'DOD NA, DE GNYIS THUN MONGS DU KHAS LEN PA'I PHYI ROL DON DU GRUB PA MED PA'I PHYIR, KHO NA RE, DE 'DRA'I TSAD 'BRAS KYI RNAM BZHAG DE RNAL 'BYOR SPYOD PA'I DBU MA RANG RGYUD PAS KHAS MI LEN PAR THAL,
DE SEMS TZAM THUN MONGS MA YIN PA'I TSAD 'BRAS SU BZHAG PA'I PHYIR NA MA KHYAB STE, MDO SEMS GNYIS KYI NANG NAS SEMS TZAM PA THUN MONGS MA YIN PAR KHAS LEN PA LA BYED PA'I PHYIR,, ` SEMS TZAM PA THUN MONGS MA YIN PA'I TSAD 'BRAS GZHAL GSUM GANG RUNG YIN NA, MDO SDE PAS KHAS MI LEN PAS KHYAB PAR THAL, KHYAB PA'I PHYIR, 'DOD NA, 'BRAS RTOG GSUM PA'I TSAD 'BRAS GZHAL GSUM GANG RUNG YIN NA, MDO SDE PAS KHAS MI LEN PA'I KHYAB PAR THAL, 'DOD PA'I PHYIR, 'DOD NA, MDO SDE PAS PHYI DON DU 'DOD PA'I SNGON PO CHOS CAN, DER THAL, DE'I PHYIR, RTAGS GRUB TE, MDO SDE PA LA NANG 'GAL STON PA'I TSAD 'BRAS GZHAL GSUM GANG RUNG YIN PA'I PHYIR, 'DOD MI RIGS TE, MDO SDE PAS RANG GI PHYI ROL DON DU 'DOD PA'I SNGON PO KHAS LEN PA'I PHYIR, SEMS TZAM PA THUN MONGS MA YIN PA'I RANG RIG GI TSAD 'BRAS GZHAL GSUM GANG RUNG YIN NA, MDO SDE PAS KHAS MI LEN PAS KHYAB PAR THAL, SHES PA'I BDAG NYID DU GRUB PA'I SNGON 'DZIN TSAD MA DE GZHAL BYAR BYAS PA'I TSAD 'BRAS SDE SEMS TZAM THUN MONGS MA YIN PA'I TSAD 'BRAS YIN PA'I PHYIR ZER BA LA, 'O NA, SHES PA'I BDAG NYID DU GYUR BA'I SNGON 'DZIN TSAD MA DE KHAS MI LEN PAR THAL, 'DOD PA'I PHYIR, 'DOD NA, MDO SDE PAS SNGON 'DZIN TSAD MA DE SHES PA'I BDAG NYID DU KHAS
, ,MI LEN PAR THAL, 'DOD PA'I PHYIR, 'DOD NA, DE RANG 'DZIN SHES PA'I BDAG NYID DU KHAS MI LEN PAR THAL, 'DOD PA'I PHYIR, 'DOD NA, DE RANG 'DZIN MNGON SUM GYI BDAG NYID DU KHAS MI LEN PAR THAL, 'DOD PA'I PHYIR, 'DOD MI RIg TE, RTOG MED SHES PA'I RDZAS SU KHAS MI LEN PAR THAL, 'DOD MI RIg TE, RANG RIG MNGON SUM GYI RDZAS SU KHAS LEN PA'I PHYIR, RDOG PA'I RDZAS RTOG BRAL GYI RDZAS MI 'GAL PAR BLO RIG GI MTHA' DPYOD LAS GSUNGS PA'I PHYIR, RANG NYAMS MYONG GI RANG RIG DANG GRUB BDE RDZAS CIG YIN PAR THAL, SHES PA YIN PA'I PHYIR, KHYAB STE, YIG CHAR GSUNGS, DER MA ZAD, SNGON 'DZIN SHES PA'I BDAG NYID DU KHAS LEN PAR THAL, DE SHES PA DANG BDAG NYID GCIG TU KHAS LEN PA'I PHYIR TE, DE SHES PA DANG BDAG CIG TU 'BREL PAR KHAS LEN PA'I PHYIR, DE SHES PA SHES PA'I BYE BRAG TU KHAS LEN PA'I PHYIR, MDO SDE PAS SHES PA'I BDAG NYID DU 'GYUR PA'I SNGON, 'DZIN SHES PA KHAS LEN NA, DE SEMS TZAM PA THUN MONGS MA YIN PA'I TSAD 'BRAS MA YIN PAR GYUR DGOS PAS DPYAD DO,, ` SHES PA'I BDAG NYID DU GYUR PA'I SNGON 'DZIN SHES PA RTOGS PA'I GANG ZAG YIN NA, STONG NYID RTOGS PA'I KHYAB STE, DE YIN NA, SHES PA'I BDAG NYID DU GRUB PA RTOGS PA'I KHYAB PA'I PHYIR, 'O NA, SHES PA'I BDAG NYID DU
GYUR PA'I SNGON 'DZIN SHES PA RTOGS PA'I MDO SDE BA MED PAR THAL, 'DOD PA'I PHYIR, 'DOD NA, SHES PA DANG BDAG NYID CIG PA'I SNGON 'DZIN SHES PA RTOGS PA'I MDO SDE BA MED PAR THAL, 'DOD PA'I PHYIR, 'DOD NA, SNGON 'DZIN SHES PA SHES PA DANG BDAG NYID GCIG PA'I SGO NAS THA DAD DU RTOGS PA'I MDO SDE BA MED PAR THAL, 'DOD PA'I PHYIR, 'DOD MI NUS TE, SNGON 'DZIN SHES PA DE SHES PA'I BYE BRAG TU RTOGS PA'I MDO SDE BA YOD PA'I PHYIR, SHES PA'I BYE BRAG RTOGS PA'I MDO SDE BA YOD PA'I PHYIR, SHES PA'I BYE BRAG RTOGS PA'I GANG ZAG YIN NA, STONG NYID RTOGS PA'I KHYAB PAR THAL LO ZER NA, 'DOD DE, SNGON 'DZIN SHES PA SHES PA'I BYE BRAG TU RTOGS NA, SNGON 'DZIN SHES PA SHES PA DANG RDZAS GCIG TU RTOg DGOS PAS SHES PA'I BDAG NYID DU GRUB PAR RTOGS PAR 'GYUR PAS DPYAD DO,, ` RNAM RIG PA'I LUGS KYI RANG RIG DANG GZHAN RIG GI TSAD 'BRAS JI LTA BA BZHIN DU RTOGS PA LA BGEGS KYI GTZO BO BZHI STE, GZHAL BYA LA LOG PAR RTOG PA, TSAD MA LA LOG PAR RTOG PA, 'BRAS BU LA LOG PAR RTOG PA, DE GSUM KA LA LOG PAR RTOG PA DE BZHI, TSAD 'BRAS GZHAL GSUM LA LOG PAR RTOG PA DU MA YOD KYANG, 'DIR RNAM RIG PA'I GRUB MTHA' RTOGS PA LA JI LTA BA BZHIN DU BGEg KYI GTZO BO THUN MONGS MA YIN PA BZHI NI, SNGO SOGS PHYI ROL DON DU YOD PAR 'DZIN PA'I BLO DE GZHAL BYA LA LOG PAR
, ,RTOG PA YIN, SNGO SOGS 'DZIN PA'I BZUNG RNAM DE PHYI ROL DON DU GRUB PA'I BZUNG RNAM DU 'DZIN PA NI, TSAD MA LA LOG PAR RTOG PA, DE GNYIS CHOS KYI BDAG 'DZIN YIN TE, t'IKA CHEN LAS, TSAD 'BRAS GNYIS KYI TSAD MA DANG, GZHAL BYAR BZHAG PA'I BZUNG RNAM LA LOG RTOG 'GOGS PA'I RIGS PA NI, CHOS KYI BDAG MED GTAN LA 'BEBS PA'I DON DAM DPYOD PA'I RIGS PA DNGOS YIN LA, SNGON 'DZIN MNGON SUM DE RANG LA RDZAS GZHAN DU GYUR PA'I PHYI ROL GYI DON RTOG 'DOD PA NI, 'BRAS BU LA LOG PAR RTOG PA STE, LOG RTOG DE NI PHYI DON 'GOGS PA'I RIGS PAS 'KHEGS SO, ,THUN MONGS DU LOG PAR RTOG PA NI TSAD 'BRAS GZHAL GSUM RDZAS GZHAN DU 'DZIN PA DE NI TSAD 'BRAS DANG NGO BO GCIG PA DANG, TSAD MA LA GZHAL BYA RDZAS GZHAN MA YIN PAR SGRUB PA'I RIGS PAS KHEGS SO, ,SEMS TZAM THUN MONGS MA YIN PAS RANG RIG GI TSAD 'BRAS LA LOG PAR BZHUGS PA'I LOG 'DZIN BZHI PO GANG RUNG GI ZHEN YUL MED PA RTOGS PA LA STONG NYID RTOGS DGOS KYANG SPYIR TSAD 'BRAS LA LOG PAR BZHUGS PA'I LOG 'DZIN GYI ZHEN YUL MED PA RTOGS PA'I MDO SDE BA YOD PA'I PHYIR, SNGON 'DZIN SHES PA RNAM BCAS SU RTOGS PA'I MDO SDE PA DE GZHAN RIG GI TSAD MA DANG RANG RIG GI GZHAL BYA LA LOG PAR 'DZIN PA'I BLO'I ZHEN
YUL MED PA RTOGS PA'I PHYIR, MDO SDE BA'I RGYUD KYI SNGON 'DZIN TSAD MA DANG, RDZAS GCIG PA'I SNGON PO 'DZIN PA'I TSAD MA DE STONG NYID RTOGS PA'I GANG ZAG GI RGYUD KYI BSDUS, SNGON 'DZIN TSAD MA DANG RDZAS GCIG PA'I SNGON PO RTOGS PA'I GANG ZAG YIN NA, STONG NYID RTOGS PA'I KHYAB PA'I PHYIR, 'O NA, MDO SDE BA'I RGYUD KYI SNGON 'DZIN TSAD MA DANG RDZAS GCIG PA'I SNGON PO 'DZIN PA'I TSAD MA DE RANG GI GZHAL BYA SNGON PO DANG RDZAS CIG YIN PAR THAL, SEMS TZAM PA'I RGYUD KYI SNGON 'DZIN TSAD MA YIN PA'I PHYIR, 'DOD NA, MDO SDE BA'I RGYUD KYI SNGON 'DZIN TSAD MA DANG RDZAS GCIG PA'I SNGON PO DANG RDZAS GCIG YIN PAR THAL, 'DOD PA'I PHYIR, 'DOD MI NUS TE, SEMS TZAM PA'I RGYUD KYI SHES PA'I YIN PA'I PHYIR, ` PHYI ROL PA'I RGYUD KYI 'JIG LTA KUN BTAGS CHOS CAN, RANG 'DZIN TSAD MA DANG RDZAS GCIG YIN PAR THAL, 'DUS BYAS YIN PA'I PHYIR, 'DOD NA, DE DANG RDZAS GCIG PA'I TSAD MA YOD, PAR THAL, 'DOD PA'I PHYIR NA MA KHYAB, ZER MKHAN YOD KYANG, 'ON KYANG, DE 'DRA'I 'JIG LTA KUN BTAGS 'DZIN PA'I TSAD MA DANG RDZAS GZHAN GYIS STONG BA DE STONG NYID MA YIN PAR THAL, DE DE 'DRA'I TSAD MA DANG RDZAS GCIG MA YIN PA'I PHYIR, 'DOD NA, DE 'DRA'I TSAD MA DE DE 'DRA'I 'JIG LTA KUN BTAGS DANG RDZAS GZHAN GYIS STONG BA DE 'DRA'I
, ,TSAD MA'I STENG GI STONG NYID MA YIN PAR THAL LO, RNAM 'GREL LAS, GNYIS KA'I MNYAM PAR GYUR BA YIN, ,ZHES PA DANG 'GAL PAR GYUR RO,, DPYAD DO,, ` DE RING GI DUS KYI SNGON PO DANG DE RING GI DUS KYI SNGON 'DZIN TSAD MA GNYIS RDZAS GCIG YIN TE, DE GNYIS RDZAS GZHAN GYIS STONG BA NYID YIN PA'I PHYIR ZER BA LA, 'O NA, DE RING GI DUS KYI SNGON PO SNGON 'DZIN TSAD MA DE DE RING GI SNGA ROL TU YOD PA'I PHYIR, RNAM MKHYEN YIN NA, DE RING GI DUS KYI SNGON 'DZIN TSAD MA YIN PA'I KHYAB PA'I PHYIR, ` BRGYA BYIN GRUB PA BRGYA BYIN GYI MING GRUB PA DUS MNYAM MA YIN TE, BRGYA BYIN SNGAR SKYES DE'I RJES SU DE'I MING RNAMS GRUB PA'I PHYIR, KHO NA RE, BRGYA BYIN GYI MING DE DE'I SNGA ROL TU GRUB PA'I PHYIR, BRGYA BYIN ZHES BRJOD PA'I SGRA DANG, DE 'DZIN PA'I RTOG PA DE BRGYA BYIN GI SNGA ROL DU GRUB PA'I PHYIR, DPER NA, LONGS SKU THUB PA RNAM SNANG GANGS CAN MTSO 'DZIN PA'I RTOG PA DE DE'I SNGA ROL TU GRUB PA'I PHYIR, STON PA DANG RGYUD CIG PA'I BYANG CHUB SEMS DPA'I RGYUD LA YOD PA'I PHYIR, DE DANG RGYUD CIG PA'I BYANG 'PHAGS DE RANG DANG RGYUD CIG PA'I LONGS SKU RTOGS PA'I PHYIR SOGS SO, ,DER MA ZAD STON PA DANG RGYUD CIG PA'I BYANG 'PHAGS DE, RANG GI THOB BYAR GYUR PA'I RNAM MKHYEN RTOGS PA'I PHYIR, DE 'DRA'I BYANG 'PHAGS DE
RANG GI THOB BYAR GYUR PA'I LONGS SKU DE YIN NO SNYAM DU 'DZIN PA'I RTOG PA SKYES PA YOD PA'I PHYIR, DE LTAR NA, MING GI SNGA ROL BLO MED PHYIR, ,ZHES GSUNGS PA DANG MI 'GAL TSUL, DPYAD DGOS SO,, BRGYA BYIN CHOS CAN, RANG ZHES BRJOD PA'I SGRA'I 'JUG GZHIR RANG GI MTSAN NYID MA GRUB TE, BRGYA BYIN ZHES BRJOD PA'I SGRA BRGYA BYIN LA DNGOS DBANG GIS MI 'JUG PA'I PHYIR, ZHES PA'I SBYOR BA'I PHYI RGOL YANG DAG SONG KHA MA'I MDO SDE BA YOD ZER BA MI 'THAD DE, DE 'DRA'I DNGOS DBANG GIS ME 'JUG PA RTOGS PA'I MDO SDE BA MED PA'I PHYIR, DE RTOGS PA'I TSAD MA DE RNAM RIG TZAM LA 'JUG PA'I MING TSOL PA YIN PA'I PHYIR, DE LTAR YIN PAR YIG CHAR GSUNGS PA'I PHYIR, ` TSOL BA BZHI PO GANG RUNG GI NGO BOR GYUR PA'I RNAM RIG PA'I LTA BA RNYED PA'I GANG ZAG YIN NA, RNAM RIG PA'I LTA BA RNYED PA'I KHYAB ZER NA, GZUGS CHOS CAN, RANG ZHES BRJOD PA'I SGRA'I 'JUG GZHIR RANG GI MTSAN NYID KYIS MA GRUB STE, GZUGS ZHES BRJOD PA'I SGRA DE GZUGS LA DNGOS DBANG GIS MI 'JUG PA'I PHYIR ZHES PA'I SBYOR BA'I PHYI RGOL YANG DAG TU SONG MA THAG PA CHOS CAN, DER THAL, DE'I PHYIR, 'DOD MI NUS TE, GZUGS KYI STENG GI PHYI DON MED PA MA RTOGS PA'I PHYIR, DE PHYI DON MED PA SGRUB BYED KYI SBYOR BA'I PHYI RGOL YANG DAG YIN PA'I PHYIR, BRDA LA MA BYANG BA'I SKYES
, ,BU'I RGYUD KYI DBANG SHES SNANG TSUL DE BRDA LA SPYAR PA DANG KHYAD PAR MED KYANG, RJES KYI RTOG PA'I SNANG TSUL LTAR DON SPYI SHAR YANG DE'I THA SNYAD KYI SGRA SPYI MI SHES PA TZAM ZHIG KHYAD PAR RO, ,ZHES GSUNGS PA'I PHYIR, BUM BRDA MI SHES PA'I GANG ZAG GI RGYUD KYI DBANG SHES KYI SNANG TSUL BUM PAR SHES PA LA KHYAD PAR MED KYANG RJES KYI RTOG PA RANG 'DZIN RTOG PA'I ZHEN GZHIR RANG GI MTSAN NYID KYIS GRUB PAR 'DZIN PA'I BLO LA SGRA SPYI MA SHAR BA NI BRDA LA BYANG BA NI KHYAD PAR RO, ,ZHES PA NI, LTO LDIR BA BUM PA'O SNYAM DU MI SHES PA'I GANG ZAG GI RGYUD KYI BUM PA PHYI ROL DON DU GRUB PAR 'DZIN PA'I BLO YIN NA, SGRA SPYI MA SHAR BA'I KHYAB PAR THAL, 'DOD PA'I PHYIR, STONG NYID BDEN PAR 'DZIN PA'I SGRA SPYI SHAR BA'I RTOG PA YIN NA, STONG NYID RTOGS PA'I GANG ZAG GI RGYUD KYIS BSDUS PA'I KHYAB PAR THAL LO,, ` BZUNG 'DZIN GRANGS MNYAM PA'I LUGS LA, SO SKYE BYE BRAG PA GCIG GIS KHRA 'DZIN MIG SHES KHRA BO LA BLTA BA'I TSE KHRA BO'I STENG GI DKAR DMAR SNGO SER BZHI KHA 'DZIN PA'I MIG SHES GCIG CHAR SKYE BA MED PA'I PHYIR, DE BZHI MI 'DRA BA GCIG CHAR SKYE BA MED PAR THAL, RIg MTHUN PA'I RNAM SHES YIN PA'I PHYIR, MDO LAS SEMS CAN RNAMS KYI RNAM PAR SHES PA NI RGYUD RE RE BA'O ZHES GSUNGS PA'I PHYIR, MA KHYAB ZER, YUL YUL CAN GNYIS KA RIGS MTHUN PA'I RNAM SHES MI 'DRA BA GCIG
CAR MNGON GYUR PA MED ZER RAM, YANG NA BRTAN PA RANG DBANG CAN GYI RNAM SHES GNYIS MNGON DU GYUR PA MED ZER BA LA DGONGS ZER RO, ,` SNA TSOGS GNYIS MED PA'I LUGS LA, GANG ZAG BYE BRAG PA GCIG GI RGYUD LA KHRA BO'I STENG GI DKAR DMAR SNGO SER BZHI KA 'DZIN PA'I MIG SHES TSAD MA CIG CAR SKYE BA MED ZER NA, MI 'THAD PAR THAL, SANGS 'PHAGS GI RGYUD LA CIG CAR SKYE BA YOD PA'I PHYIR, SO SKYE BYE BRAG PA GCIG GI RGYUD LA DE BZHI KA 'DZIN PA'I TSAD MA GCIG CAR SKYE BA MED ZER BA YIN, 'O NA, SO SKYE BYE BRAG PA GCIG GIS DKAR DMAR SNGO SER BZHI LDAN GYI KHRA BO LA BLTA BA'I TSE DKAR 'DZIN MIG SHES DANG POR SKYES GZHAN RNAMS RJES SU SKYE BA'I DBANG DU BYAS NAS, DE 'DRA'I DKAR PO DE SO SKYE BYE BRAG PA GCIG GI RGYUD KYI DKAR 'DZIN SHES PA DANG RDZAS GCIG MA YIN PA'I PHYIR, MA GRUB NA, DE CHOS CAN, DE 'DRA'I SER 'DZIN MIG SHES DANG DUS MNYAM MA YIN PAR THAL, MA GRUB PA DE'I PHYIR, 'DOD NA, DE 'DRA'I SER PO DANG DUS MNYAM MA YIN PAR THAL, 'DOD PA'I PHYIR, 'DOD MI NUS TE, DE'I TSOGS PA NA YOD PA'I DKAR DMAR SNGO SER BZHI KA DANG RDZAS GCIG YIN PA'I PHYIR TE, DE KHRA BO DANG GRUB BDE RDZAS GNYIS YIN PA'I PHYIR, KHRA BO'I KHYAD CHOS YIN PA'I PHYIR SOGS SO,, ` DKAR SOGS BZHI LDAN GYI KHRA BO'I STENG GI
, ,DKAR PO DE, DE 'DRA'I DKAR PO 'DZIN PA'I DBANG SHES DANG RDZAS GCIG MA YIN PAR THAL LO,, 'DOD NA, DE 'DRA'I DBANG SHES DANG RDZAS GZHAN GYIS STONG BA STONG NYID MA YIN PAR THAL LO ZER DPYAD,, ` GZUGS RANG 'DZIN RTOG PA'I ZHEN GZHIR RANG GI MTSAN NYID KYIS MA GRUB PAR RTOGS NA, GZUGS RANG 'DZIN TSAD MA DANG RDZAS GZHAN GYIS MA GRUB PAR RTOGS PA'I MA KHYAB TE, DE GNYIS LA DGAG BYA PHRA RAGS GI KHYAD PAR MED KYANG RTOGS DKA' SLA'I KHYAD PAR YOD PAR GSUNGS PA'I PHYIR, GZUGS RANG 'DZIN RTOG PA'I ZHEN GZHIR RANG GI MTSAN NYID KYIS GRUB PAR 'DZIN PA'I BLO RANG GI SNANG YUL 'KHRUL BAR RTOGS PA'I MDO SDE BA YOD PAR GSUNGS PA DPYAD DGOS TE, DE 'DZIN PA'I RTOG PA'I SNANG BA LTAR DU MA GRUB PA RTOGS PA'I MDO SDE BA MED PA'I PHYIR, DE 'DRA'I RTOG PA'I SNANG BA LTAR DU MA GRUB PA STONG NYID YIN PA'I PHYIR, DE 'DRA'I RTOG PA'I SNANG BA DE PHYI ROL DON DU GRUB PAR SNANG BA'I SNANG BA YIN PA'I PHYIR SOGS SO,, ` BZUNG 'DZIN RNAM RIG TZAM LA 'JUG PA'I GANG ZAG YIN NA, RTOG MED DBANG SHES LA LTOS PA'I PHYI DON MED PA RTOGS PA'I MA KHYAB STE, YIG CHAR, BZUNG 'DZIN RNAM RIG TZAM LA 'JUG BYED KYI TSOL BA BZHI DANG SHES PA BZHI YOD PAR GSUNGS, TSOL BA BZHI RANG RGYUD LA SKYES PA'I GANG ZAG YIN NA,
RTOG PA YID SHES LA LTOS PA'I PHYI DON MED PA RTOGS PA'I KHYAB, YANG YIG CHAR, BZUNG 'DZIN GNYIS MED KYI RNAM RIG TZAM LA 'JUG TSUL BSHAD PAS SHES PA'I PHYIR, TSOL PA BZHI NI GNAS LUGS DPYOD PA'I BLO RNYED PA NAS RGYUN MTHA' BAR NA YOD, SHES PA BZHI GNAS LUGS RTOGS PA'I LTA BA RNYED PA NAS SANGS RGYAS KYI SA'I BAR YOD, KHO NA RE, TSOL BA BZHI PO GANG RUNG LA STONG NYID RTOGS PA'I GANG ZAG GI RGYUD KYI BSDUS PA'I KHYAB PAR THAL, NYAN THOS BAR CHAD MED LAM DE GNAS LUGS DPYOD NA RNYED PA'I BLO MA YIN PAR GSUNGS PA'I PHYIR ZER BA LA, 'O NA, TSOL BA BZHI PO GANG RUNG SKYE LA SHES PA BZHI PO GANG RUNG MI SKYE BA MED PAR THAL, 'DOD PA'I PHYIR, 'DOD MI NUS TE, DE GNYIS SA 'TSAMS SO SOR BSHAD PA'I PHYIR, GZUGS ZHES BRJOD PA'I SGRA GZUGS LA DNGOS DBANG GIS MI 'JUG PA RTOGS PA'I TSAD MA DE MING TSOL BA YIN PA'I PHYIR, DE 'DRA'I TSAD MA SKYE BA LA PHYI DON MED PA RTOGS MI DGOS PA'I PHYIR, SHES PA BZHI KA SKYES PA'I GANG ZAG YIN NA, RTOG MED DBANG SHES LA LTOS PA'I PHYI DON MED PA RTOGS PA'I MA KHYAB STE, BZUNG 'DZIN GNYIS MED TZAM LA
, ,'JUG BYED KYI SHES PA BZHI PO YOD PAR GSUNGS PA'I PHYIR RO, ,GNYIS SNANG NUB PA 'DZIN PA'I RTOG MED SHES PA GNYIS SNANG GI RNAM PA MA SHAR, GNYIS SNANG NUB PA'I RNAM PA SHAR BAS STONG NYID RTOGS PA'I RJES DPAG KUN RDZOB PA'I RNAM PA MA SHAR TE, SEMS CAN GI RGYUD KYI DON DAM RNAM CAN GYI BLO YIN PA'I PHYIR, ZHES GSUNGS PA DPYAD DGOS SO,, KUN RDZOB PA'I RNAM PA SHAR BA'I BLO YIN NA, KUN RDZOB BDEN PA'I RNAM PA SHAR BA'I BLO YIN PA'I KHYAB PAR THAL, 'DOD NA, BUM 'DZIN RTOG PA DE KUN RDZOB PA'I RNAM PA SHAR BAR THAL, GNYIS SNANG GI RNAM PA SHAR BA'I BLO LA RTOG PA RTOG MED GANG YOD BRTAGS DGOS SO, , RDUL PHRA RAB DE RDZAS YOD DANG DBYIBS ZLUM PO CAN YIN GSUNGS PA LA, DE CHOS CAN, RDZAS YOD KYI GZUGS YIN PAR THAL, RDZAS YOD DANG GZUGS GNYIS KA YIN PA'I PHYIR NA MA KHYAB, 'DOD MI NUS TE, DBANG PO'I BZUNG CHAR GYUR BA'I GZUGS YIN PA'I PHYIR, DE CHOS CAN, DBYIBS YIN PAR THAL, DBYIBS ZLUM PO CAN YIN PA'I PHYIR, 'DOD NA, GZUGS KYI SKYE MCHED YIN PAR THAL, DBYIBS ZLUM PO CAN YIN PA'I PHYIR NA MA KHYAB PA YIG CHAR GSUNGS,
CHA MED BSAGS PA'I PHYI DON MED PA RTOGS MI DGOS SO,, 'ON KYANG CHA MED BSAGS PA'I PHYI DON 'GOG BYED 'DI NI PHYI DON 'GOG BYED YIN PAR GSUNGS PA LA, DE 'GOG BYED KYI RIGS PA DE PHYI DON 'GOG BYED KYI RIGS PA YIN PAR THAL, DE LTAR YIN PAR GSUNGS PA'I PHYIR, 'DOD NA, PHYI DON DNGOS SU KHEGS PA MA YIN, SHUGS LA KHEGS PA MA YIN PA'I PHYIR, DANG PO MA GRUB STE, CHA MED BSAGS PA'I PHYI DON MED PA DE CHOS KYI BDAG MED PHRA MO MA YIN PA'I PHYIR, PHYI MA GRUB TE, RANG DANG RIGS MI GCIG PA'I MED DGAG GZHAN 'PHEN PA MED PA'I PHYIR TE, CHA MED BSAGS PA'I PHYI ROL DON DU GRUB PAR 'DZIN PA'I BLO DE KUN BTAGS YIN NO, ,PHRA RAB BZUNG DON YIN PA 'GOG PA'I RIGS PA YOD DE, PHYI DON GYI RDUL PHRA RAB CHOS CAN, DBANG SHES KYI DMIGS RKYEN MA YIN TE, DE'I RGYU YIN DU CHUG KYANG DE LA MI SNANG BA'I PHYIR, ZHES PA'I SPYOR BA YIN NAM DPYAD DO, ,SNGO RDUL PHRA MO DE SNGON 'DZIN MIG SHES LA MI SNANG BAR THAL, DE SBYOR BA YANG DAG YIN PA'I PHYIR, 'DOD NA, SNGON PO DANG GRUB BDE DBYER MED RDZAS GCIG MA YIN PAR THAL, 'DOD PA'I PHYIR, 'DOD NA, SNGON PO DANG GRUB BDE RDZAS GCIG PA'I
, ,GZUGS PHRA MO MED PAR THAL, 'DOD PA'I PHYIR, 'DOD NA, DE DANG GRUB BDE DBYER MED RDZAS GCIG PA'I MI RTAG PA PHRA MO MED PAR THAL LO, , ZER DPYAD DO, ,` BZUNG 'DZIN MTSAN NYID SKYE LA 'DRA BA 'GOG PA'I RIGS PA NI, SNGON 'DZIN MI GA SHES SKAD CIG GNYIS PA CHOS CAN, DE DANG PO BZUNG DON BYAS NAS MYONG BAR THAL, DE 'DI LAS SKYES ZHING RNAM PA 'DI DANG 'DRA BA'I PHYIR ZHES PA'O,, ,, SGRO 'DOGS KYI MTHA' BYE BRAG TU 'GOG PA'I SKABS LA 'DOGS PA DPYOD PA'I DKA' GNAS RNAM BZHAG 'DI NI, ^ BTZUN GZUGS NGAG DBANG DPAL LDAN GYIS BRIS PA'O,, ,,MANG+GA LAm,, DGE'O,,
[BLANK PAGE]