*, ,RGYAL MTSAN RTZE MO'I DPUNG RGYAN GYI BZLOG BSGYUR DGRA LAS RNAM RGYAL ZHES BYA BA BZHUGS SO, , @1 *, ,NA MO GU RU MU NI AINDRA YA, ,PHAS RGOL G-YUL LAS RNAM PAR RGYAL MDZAD CING, ,LHA MCHOG RGYAL MCHOG RTZE MO'I DPUNG RGYAN LA; ;GUS PAS 'DUD NAS DE LA NYER BRTEN PA'I, ,GTOR MA'I LAS RIM CUNG ZAD BRJOD PAR BYA, ,'DIR LHA MCHOG RGYAL MCHOG RTZE MO'I DBUNG RGYAN LA BRTEN NAS GTOR MA DANG 'BREL BA'I BZLOG BSKYUR BYA BAR 'DOD PAS, RGYAL MTSAN RTZE MO'I DBUNG RGYAN GYI SKU BRNYAN BRIS BUR CI RIGS KYI MDUN DU DMAR GTOR ZUR GSUM PA RTZE MO'I RNO BRGYAN MED PA DANG, CHOS SKYONG SPYI GTOR MA DANG, BDAG MDUN GYI MCHOD PA DANG, PHYOGS SKYONG SDE BRGYAD GDON BGEGS RNAMS LA BSNGO RGYU'I GTOR MA CHA GSUM DANG, GZHI BDAG GI GTOR MA DANG BCAS PA BSHAMS TE, SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, SH'U N+YA TAS STONG
, ,PAR SBYANGS, STONG PA'I NGANG LAS PADMA DANG ZLA BA'I DKYIL 'KHOR GYI STENG DU RANG GI DHVAm YIG MTHING KHA DE LAS 'OD ZER 'PHROS PHAS RGOL GDUG PA CAN THAMS CAD TSAR BCAD, TSUR 'DUS YONGS SU GYUR PA LAS, RANG NYID RGYAL MTSAN RTZE MO'I DPUNG RGYAN RDO RJE RO LANGS MA SKU MDOG MTHING NAG ZHAL BZHI PHYAG BRGYAD PA ZHABS BZHI PA PHYAG G-YAS KYI DANG PO RAL GRI, GNYIS PA'I GTUN SHING, GSUM PAS 'KHOR LO, BZHI PAS MDA' 'DZIN PA, G-YON GYI DANG PO RTZE GSUM, GNYIS PAS ZHAGS PA, GSUM PAS GZHU 'DZIN CAN, BZHI PAS SDIG 'DZUB MDZAD PA, ZHABS BZHI BDUD BZHI MNAN BA, KHRO MO'I CHA LUGS DANG RGYAN GYIS BRGYAN CING, DAR
SNA TSOGS KYI NA BZA' GSOL BA, SKU LAS SKYES PA'I YE SHES KYI ME 'BAR BA'I DBUS NA ZHABS G-YAS BSKUMS SHING, G-YON BRKYANGS PA'I STABS KYIS BZHUGS PA, DE'I DPRAL BAR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOM PA DANG 'DRA BA'I YE SHES SEMS DPA' BADZRA SA MA DZA: DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GIS LHA RNAMS SPYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYI YE SHES KYIS BDUD RTZI'I GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I YA H'Um, ZHES GSUNGS ZHING DBANG BSKUR BAS SKU GANG, DRI MA DAG CHU LHAG MA YAR LUD PA LAS MI BSKYOD PAS DBU RGYAN PAR GYUR, MCHOD PA RNAMS BYIN BRLABS LA, AA MRi TAS BSANGS, SVA BHA WAS SBYANGS, STONG PA'I NGANG LAS AOm LAS BYUNG BA'I SNOD YANGS SHING ZHES PA NAS MNYAM PAR GYUR, AOm AARGHAm NAS SHAPTA A'A: H'Um, ZHES BYIN GYIS RLABS, AOm DHVA DZA AA KRA KE YU RA AARGHAm NAS SHAPTA PRAT'I TZTSA SV'AH'A, ZHES MCHOD, PHAS RGOL MA LUS 'JOMS MDZAD PA, ,THUB PA'I DBANG PO RAB SNGAGS PA'I, ,RGYAL MTSAN RTZE MO DPUNG RGYAN
, ,LA; ;SGO GSUM GUS PA'I PHYAG 'TSAL LO, ,ZHES PHYAG BYA, RANG GI SNYING GAR ZLA BA'I DKYIL 'KHOR GYI STENG DU DHVAm YIG MTHING KHA'I MTHAR BZLAS BYA'I SNGAGS KYIS BSKOR BA'I 'OD ZER BA SPU'I KHUNG BU THAMS CAD NAS PHYIR 'PHROS, RGYAL BA SRAS BCAS RNAMS MCHOD PAS MNYES PAR BYAS, MING PO GSUM GYI DMAG BSKUL TE, PHAS RGOL GDUG PA CAN THAMS CAD TSAR GCOD PAR BSAM ZHING, SNGAGS BZLAS, NA MO BHA GA WA TI DHVA DZA AA KRA KE YU RA PAR SE N+YA BI DHVA SA NA KA RI SVA BO SA N+YA PA RI PHA LA NI, AU LA KA MU KHAm KHA KHA KH'A HI KH'A HI, PA RE SE N+YAm AA NTAN MU KHI NA, AA NTAN BHU DZE NA PRA HA RA PRA HA RA H'Um H'Um PHAt PHAt SV'AH'A, ZHES MANG NYUNG JI LTAR RIGS PAR BZLAS ZHING DGE BA BSNGO BAR BYA'O, DE NAS RGYAL MTSAN RTZE MO'I DBUNG RGYAN BKA' SDOD DANG BCAS PA SPYAN 'DREN PA DANG SNANG SRID KYI 'BYUNG PO RNAMS MGRON DU 'BOD PA NI, H'Um PHAS RGOL MTHA' DAG 'JOMS MDZAD PA'I, , RGYAL MTSAN RTZE MOR DBUNG RGYAN MCHOG ,BKA' SDOD BSRUNG MA'I TSOGS DANG BCAS, ,MCHOD PA'I GNAS 'DIR GSHEGS SU GSOL, ,SHAR LHO NUB BYAN STENG DANG 'OG ,DBANG DANG BRTEN 'BREL ME RLUNG GI , PHYOGS DANG PHYOGS MTSAMS SKYONG MDZAD PA'I, ,PHYOGS SKYONG 'KHOR BCAS GNAS 'DIR GSHEGS, ,LHA KLU GNOD SBYIN LHA MIN BLA, ,SDE BRGYAD 'KHOR DANG BCAS PA DANG, ,GDON BGEGS 'BYUNG PO'I TSOGS
RNAMS KYANG, ,MCHOD SBYIN GNAS 'DIR GSHEGS SU GSOL, ,AE HYA HE BADZRA SA MA YA DZA: DZA: MDUN GYI NAM MKHAR RGYAL MTSAN RTZE MOR DPUNG RGYAN RDO RJE RO LANGS MA SKU MDOG MTHING NAG ZHES SOGS GONG BZHIN STABS KYIS BZHUGS PA'I MTHA' BSKOR DU BSTAN BSRUNG YE SHES PA'I TSOGS KYIS BSKOR BA'I PHYI ROL TU PHYOGS SKYONG SDE BRGYAD GDON BGEGS 'BYUNG PO'I MTHA' YAS PA'I BSKOR GTZO 'KHOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR BSAM, KA MA LA YE STVAm, ZHES GDAN PHUL, MCHOD PA RNAMS KYI CHU NYER SPYOD 'DOD YON LNGA DANG BCAS PA BYIN GYIS RLABS TE, LHA RDZAS MCHOD YON RGYA MTSO 'DI, ,RGYAL MTSAN RTZE MO DPUNG RGYAN SOGS, ,SRID ZHI'I MGRON RNAMS KUN LA 'BUL, ,RLUNG RTA RGYAS PHYIR GSHEGS SU GSOL, ,AOm DHVA DZA AA KRA KE YU RA SA P'A RI W'A RA AARGHAm PRA TI TZTSA H'Um SV'AH'A, ZHES SOGS CHU GNYIS NYER SPYOD, 'DOD YON LNGA DANG RIN CHEN SNA 'DUN 'BUL, PHAS RGOL MA LUS ZHES SOGS PHYAG 'TSAL LO, ,CES GANG 'OS KYIS BSTOD, DE NAS GTZO BO DANG CHOS SKYONG GI GTOR MA GNYIS, AA MRi TAS BSANGS, SVA BH'A WAS STONG PAR SBYANGS, STONG PA'I NGAG LAS BHRUm LAS BYUNG BA'I GTOR MA KHA DOG DRI RO NUS MTHU PHUN SUM TSOGS PA DANG LDAN PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um, ZHES LAN GSUM BRJOD PA BYIN RLABS, CHA GSUM GTOR MA SNGAGS DRUG PHYAG DRUG GIS BYIN RLABS TE, AOm DHVA DZA AA KRA KE YU RA
, ,P'A RI W'A RA X KHA KHA KH'A HI KH'A HI, ZHES BDUN NAM NYER GCIG GIS GTZO MO BYAS LA 'BUL, AARGHAm SOGS KYI MCHOD, H'Um PHAS RGOL 'JOMS LA MNGA' BRNYES PA'I, ,RGYAL MTSAN BRTZE MO'I DPUNG RGYAN GYIS; ;MCHOD GTOR RGYA MTSO 'DI BZHES LA, ,BDAG CAG YON MCHOD 'KHOR BCAS KYI, ,DUS MIN 'CHI DANG NAD RIMS DANG, ,GDON BGEGS BAR CHAD ZHI BA DANG, ,MI DANG MI MIN 'BYUNG PO BZHI'I, ,'JIGS PA KUN LAS THAL BAR MDZOD, ,KHYAD PAR PHA ROL DMAG 'KHRUG DANG, ,NGAN SNGAGS BYED KHA RBOD GTONG DANG, ,MI KHA KHA MCHU NGAN PA SOGS, ,MI MTHUN G-YUL LAS RGYAL BAR MDZOD, ,AOm SARBA DHARMA PA LA SA P'A RI X KH'A HI, LAN BDUN GYIS CHOS BSRUNG SPYI LA PHUL, AARGHAm SOGS KYIS MCHOD, H'Um RGYAL BSTAN BSRUNG BAR ZHAL BZHES PA'I, ,CHOS SKYONG 'KHOR DANG BCAS RNAMS KYI, ,MCHOD GTOR RGYA MTSO 'DI BZHES LA, ,SANGS RGYAS BSTAN PA BSRUNG BA DANG, ,BSTAN 'DZIN DPON SLOB YON MCHOD KYI, ,'GAL RKYEN BAR CHAD ZHI BA DANG, ,TSE DANG BSOD NAMS RGYAS PA DANG, ,BSAM DON LHUN GYIS 'GRUB PAR MDZOD, ,DMAG DANG RGYAL PO'I 'JIGS PA DANG, ,'KHRUG LONG 'THAB RTZOD GSHA 'GYED DANG, ,MTHU BYAD KHA SMRAS NGAN PA SOGS, ,PHA ROL DGRA LAS RGYAL BAR MDZOD, ,AOm RU TRA YA ZHES PA NAS, N'A GA BHYA: SA PA RI WA RA NA MA: SARBA X BA
LIm TA YE SV'A H'A, LAN GSUM GYIS PHYOGS SKYONG LA 'BUL, AARGHAm SOGS KYIS MCHOD, TSANGS DBANG ME LHA GSHIN RJE SOGS, ,PHYOGS SKYONG 'KHOR DANG BCAS RNAMS KYIS, ,MCHOD GTOR RGYA MTSO 'DI BZHES LA, ,RNAL 'BYOR YON MCHOD 'KHOR BCAS KYIS, ,DUS MIN CHI DANG NAD GDON BGEGS, ,SAD SER BTZA' THAN MU GE SOGS, ,PHYI NANG NYER CHA 'TSE ZHI BA DANG, ,CI BSAM LHUN GYIS 'GRUB PAR MDZOD, ,DMAG DANG CHOM RKUN 'JIGS PA DANG, ,PHA ROL RBAD 'DRE RBOD GTONG DANG, ,KHA SMRAS 'THAB RTZOD GDUG SHER SOGS, ,GZHAN GYIS PHYOGS LAS RGYAL BAR MDZOD, ,AOm DE BA N'A GA ZHES SOGS, BA LIm TA YE SV'A H'A, ZHES LAN GSUM GYIS SDE BRGYAD LA 'BUL, AARGHAm SOGS KYIS MCHOD, LHA KLU GNOD SBYIN DRI ZA SOGS, ,SDE BRGYAD 'KHOR DANG BCAS RNAMS KYI, ,MCHOD GTOR RGYA MTSO 'DI BZHES LA, ,BDAG DANG DMIGS YUL SBYIN BDAG GIS, , DUS MIN 'CHI DANG GDON DANG BGEGS, ,NAD YAMS THAR PA MU GE SOGS, ,MI 'DOD NYER 'TSE ZHI BA DANG, ,'DOD YON YID BZHIN 'GRUB PAR MDZOD, ,DGRA JAG CHOM RKUN DMAG 'KHRUG DANG, ,BYAD KHA KHA MCHU NGAN PA DANG, ,'THAB RTZOD GDUG SHER LA SOGS PA'I, ,G-YUL LAS RNAM PAR RGYAL BAR MDZOD, ,AOm GUNG KA RI X BA LIm TA YE SV'AH'A, ZHES LAN GSUM GYI GDON BGEGS 'BYUNG BO'I TSOGS LA BSNGO, AARGHAm SOGS KYIS MCHOD,
, ,STENG 'OG BAR GSUM LA GNAS PA'I, ,GDON BGEGS 'BYUNG PO'I TSOGS RNAMS KYI, ,MCHOD GTOR RGYA MTSO TSIM GYUR NAS, ,NAD RIM 'THAB RTZOD 'KHRUG LONG DANG; ;THAN BA MU GE SAD SER SOGS, ,PHYI NANG NYER 'TSE MA BTANG BAR, ,PHA MAR GYUR PA'I 'GRO KUN LA, ,PHAN BDE'I BSAM SBYOR BSTEN PAR MDZOD, ,MTSON CHA MI 'JIGS GANG YANG MED, ,ZHES PA NAS GZHAN LA GNOD PA MA BYED CIG ,GZHI BDAG LA GTOR MA BSNGO, MTSAMS 'DIR RGYAL MTSAN RTZE MO'I DPUNG RGYAN GYI GZUNGS MDO MANG NYUNG CI RIGS PAR 'DON BAR BYA, DE NAS CHOS SKYONG GI GTOR MA DANG CHA GSUM RNAMS GTZO MO'I GTOR MA'I SNOD DU BLUG NAS SGO PHYOGS SU STEGS PA'I KHAR GTOR MA'I MDUN DU BSTAN TE BZHAG ,CHAB KYIS BRAN LA, AA MRi TAS BSANGS SVA BHA WA SA STONG BAR SBYANGS, STONG PA'I NGANG LAS GTOR MRO RNAMS H'Um LAS THOG DANG MTSON CHA ME DPUNG RAB TU 'BAR PA DGRA BGEGS BAR GCOD BZLOG PA LA MTHU DANG LDAN PAR GYUR BAR BSAM LA, H'Um PHAS RGOL MI DANG MI MIN KUN, ,MTHA' DAG 'JOMS MDZAD LHAG PA'I LHA, ,RGYAL MTSAN RTZE MO'I DPUNG RGYAN GYIS, ,ZOR CHEN RDZAS KYI STOBS SKYOD CIG ,RGYAL BA'I SPYAN SNGAR BSTAN PA DANG, ,BSTAN 'DZIN SKYONG BAR ZHE LA BZHES PA'I, ,DKAR PHYOGS CHOS BZHIN SKYONG MDZAD PA'I, ,TSANGS SOGS PHYOGS SKYONG 'KHOR BCAS DANG, ,DREGS
PA SDE BRGYAD TSOGS KYIS KYANG, ,ZOR CHEN RDZAS KYI STOBS SKYED CIG ,'PHRIN LAS BSKUL BA NI, H'Um PHAS RGOL SDANG DGRA 'JOMS MDZAD PA'I, ,RGYAL MTSAN RTZE MO'I DPUNG RGYAN BZHES, ,MTSAN GSOL RDO RJE RO LANGS MA, ,DE RING LAS 'DI 'GRUB PAR MDZOD, ,BSTAN DGRA MA LUS 'DUL BA DANG, ,BSTAN 'DZIN BU BZHIN SKYONG MDZAD PA'I, ,MTHU LDAN CHOS SRUNG TSOGS RNAMS KYIS, ,DE RING LAS 'DI X NAG PHYOGS BDUD SDE'I DPUNG 'JOMS PA'I, ,MTHU STOBS DPAL MNGA' PHYOGS SKYONG DANG, ,SDE BRGYAD DMAG TSOGS 'KHOR BCAS KYI, ,DE RING LAS 'DI 'GRUB PAR MDZOD, ,CES BRJOD CING GTOR MA SGO PHYOGS SU BSGYUR, H'Um BLA MA LHA BSRUNG TSOGS RNAMS KYI, ,MTHU STOBS NUS PA MTHA' YAS PA'I, ,BDAG GIS BCOL BA'I LAS 'DI DAG ,DA LTA MYUR DU 'GRUB PAR MDZOD, ,THUB BSTAN SPYI DANG KHYAD PAR DU, ,BLO BZANG RGYAL BA'I CHOS LUGS LA, ,SDANG BZHIN GNOD PA'I SEMS LDAN RNAMS, ,DMAR CHEN GTOR MA BRLAG PAR MDZOD, ,DPAL LDAN BLA MA'I SKU 'DGRA DANG, ,RNAL 'BYOR YON MCHOD 'KHOR BCAS LA, ,GNOD CING 'TSE BA DGRA BGEGS RNAMS, ,DMAR CHEN GTOR X, ,SKU GSUNG THUGS DANG BSHIG PA DANG, ,DGE 'DUN SDE LA GNOD PA DANG, ,NYES MED 'GRO LA 'TSE BA RNAMS, ,DMAR
, ,CHEN X, ,MI DANG PHYUGS KYI NAD RIMS DANG, ,MU GE THAN PA SAD SER SOGS, ,GNOD 'TSE GTANG BA'I GDON BGEGS RNAMS, ,DMAR CHEN X, ,BYAD KHA PHUR KHA RBOD GTONG, ,GDUG SHER KHA MCHU NGAN PA DANG, ,'THAB RTZOD 'KHRUG LONG BYED PA RNAMS, ,DMAR CHEN X, ,MDOR NA RNAL 'BYOR MCHOD SOGS, ,SKYE 'GRO YONGS KYI BDE BSKYID LA, ,BSAM SBYOR NGAN PA'I DGRA BGEGS RNAMS, ,DMAR CHEN GTOR MAS BRLAG PAR MDZOD,, ,,CES BSKUL ZHING, GTOR ZOR GNOD PHYOGS SKU BSKYAL BAR BYA, DE NAS DNGOS 'GRUB ZHU, BTANG RAGS GI MCHOD BSTOD DANG YIG BRGYA BZOD GSOL GSHEGS GSOL BSNGO SMON LAM BSHIS BRJOD KYIS MTHA' BRGYAN PAR BYA'O, CES RGYAL MTSAN RTZE MO'I DPUNG BRGYAN GYI BTKYUR DGRA LAS RNAM RGYAL ZHES BYA BA 'DI NI, SNANG SRID CHOS BZHIN DU SKYONG BA'I MI DBANG CHEN PO'I THUGS BZHED LTAR, MANG DU THOS PA'I ^ SPRANG BTZUN WA GINTRAS SUG BRIS SU BGYIS PA 'DIS KYANG 'GRO BA MANG PO LA PHAN THOGS PAR GYUR CIG, ,,SARBA MANG+GA LAm,, ,,
[BLANK PAGE]