*, ,DUS LAS 'DAS PA'I SEMS CAN RNAMS LA PHAN THABS BYA TSUL TSE 'DAS YAR 'DREN ZHES BYA BA BZHUGS SO, , @1 *, ,NA MO GU RU RATNA TRA Y'A YA, ,GANG GI MTSAN TZAM RNA BAR ZHUGS PAS KYANG, ,NGAN SONG BAR DO'I 'JIGS PA 'PHROG MDZAD PA, ,BLA MA DKON MCHOG RIN RNAM GSUM LA, ,RAB DANG GUS PA'I SGO NAS SKYABS SU MCHI, ,SKYON MED DGE BA'I 'BRAS BU SPYAD PAS ZAD, ,BZLOG MED SDIG PA'I LAS KYI RLUNG GIS 'DAS, , MTHA' MED NGAN 'GROR PHYOGS PA'I SEMS CAN RNAMS, ,BSLU MED DKON MCHOG GSUM GYIS YAR 'DREN MDZOD, ,RANG NYID BDE 'GROR SKYE BA'I DBANG MED PAS, ,GZHAN DAG GONG DU 'DREN PAR BKA' MOD KYANG, ,RNAM 'DREN RGYAL BA'I GSUNG LAS BYUNG BA'I THABS, ,SKAL MNYAM GZHAN GYIS BSKUL PHYIR 'DIR BSHAD BYA, ,DE YANG RANG NYID KHE DRAG RNYED BKUR DON DU GNYER
, ,BA SOGS KYI KUN SLONG NGAN PA BSAL TE BYAMS PA DANG, SNYING RJE 'BA' ZHIG GIS DUS LAS 'DAS PA NYAM THAG PA'I SEMS CAN RNAMS LA PHAN PAR 'DOD PAS, SKYABS 'GRO SEMS BSKYED SNGON DU BTANG, MA LUS SEMS CAN KUN GYI ZHES PA NAS GNAS 'DIR GSHEGS SU GSOL, ,ZHES TSOGS ZHING SPYAN DRANGS, JI SNYED SU DAG PHYOGS BCU'I 'JIG RTEN NA, ZHES PA NAS, THAMS CAD BDAG GIS BYANG CHUB PHYIR BSNGO'O, ,ZHES YAN LAG BDUN PA PHUL, DE NAS MAndAL PHUL TE 'DOD PA'I DON SGRUB PAR GSOL BA BTAB PA NI, BLA MA YI DAM SANGS RGYAS BYANG SEMS NYAN RANG DPA' BO MKHA' 'GRO CHOS SKYONG BSRUNG MA'I TSOGS DANG BCAS PA KHYED RNAMS LA MKHYEN RTZE NUS MTHU DANG BCAS PA'I YON TAN BSAM GYIS MI KHYAB PA MNGA' BA LAGS PAS, TSE LAS 'DAS PA CHE GE MO
'DI NYID KYI SDIG SGRIB THAMS CAD DANG, KHYAD PAR NGAN SONG GSUM DU SKYE BA'I RGYU LAS NGAN SDIG SGRIB THAMS CAD BYANG ZHING DAG STE, DAL BA'I RTEN KHYAD PAR CAN BAR MA CHAD PAR THOB NAS MYUR DU MNGON PAR RDZOGS PAR 'TSANG RGYA BAR BYIN GYIS BRLAB TU GSOL, ,ZHES GSOL PA LAN MANG DU BTAB, SKABS 'DIR PHYAG 'TSAL NYER GCIG MA GSUM MAM BDUN SOGS 'DON PA'I MTHAR, RJE BTZUN 'PHAGS MA SGROL MA'I LHA TSOGS 'KHOR DANG BCAS PA KHYED RNAMS LA MKHYEN BRTZE NUS MTHU DANG BCAS PA'I YON TAN BSAM GYIS MI KHYAB PA MNGA' BA LAGS PAS, TSE LAS 'DAS PA CHE GO MO 'DI NYID KYI SDIG SGRIB THAMS CAD DANG, KHYAD PAR NGAN SONG GSUM DU SKYE BA'I RGYU LAS NGAN SDIG SGRIB THAMS CAD BYANG ZHING DAG STE, DAL BA'I RTEN KHYAD PAR CAD BAR MA CHAD PAR THOB NAS MYUR DU MNGON PAR RDZOGS PAR 'TSANG RGYA BAR BYIN GYIS BRLAB TU GSOL, ZHES GONG BZHIN GSOL BA BTAB PAS MTSON NAS CHO GA BYED PA PO RANG GI LHAG PA'I LHAS SGOS KYI GSOL 'DEBS 'DON PAR BYA'O, GZHAN YANG SPRO NA, GANG GI MTSAN TZAM THOS DANG DRAN PAS KYANG, ,NGAN SONG BAR DO'I 'JIGS LAS SKYOBS MDZAD PA'I, ,BLA MA YI DAM DKON MCHOG RNAM GSUM LA; ;GDUNG ZHING RE BA'I SEMS KYIS SKYABS SU MCHI, ,BSLU MED SKYABS GNAS DAM PA KHYED RNAMS KYIS, ,THUGS RJE BYIN RLABS MTHU DPUNG CHER BSKYED NAS, ,NYAM THAG MGON MED DMIGS YUL SEMS
, ,CAN GYI, ,MGON SKYABS DPUNG MNYEN MDZAD PA'I DUS LA 'BAB, ,DGE BAS 'PHANGS PA'I TSE DANG BSOD NAMS ZAD, ,'JIGS RUNG BDUD DANG GSHIN RJES PHA ROL 'KHRID, ,MGON MED NYAM THAG BAR DO'I SEMS CAN LA, ,THUGS RJES GZIGS SHIG BLA MA YID DAM LHA, ,BZLOG MED LAS RLUNG DRAG POS RGYAB NAS BDAS, ,NYON MONGS ZHAGS PA NAG POS SKE NAS BCINGS, , CI BYA GTOL MED BAR DO'I SEMS CAN GYI, ,SKYABS MGON MDZOD CIG BLA MA YI DAM LHA, ,CHA MED YUL DU GROGS MED GCIG PUR 'KHYAMS, ,'JIGS SKRAG 'KHRUL BA'I SNANG BA CHU LTAR 'KHRUG ,GAR SKYES GDENG MED BAR DO'I SEMS CAN GYI, ,SKYABS GNAS MDZOD CIG BLA MA YI DAM LHA, ,LAS LAS GRUB PA'I DMYAL BA'I PHO NYA TSOGS, ,BRTZE MED GAD MO DGOD PA'I BSU MAS BSKOR, ,SKYABS 'TSOL RIG RIG BLTA BA 'DI DAG LA, ,THUGS RJES GZIGS SHIG BLA MA YI DAM LHA, ,MNGON SHES PHRA MA RANG GI SNGA PHYI'I RGYUS, ,CUNG ZAD SHES PAS RANG LA YID CHAD CING, ,'GYOD PA MTSON GYIS RANG SROG BCAD BZHIN BRGYAL, , 'DI 'DRA'I 'JIGS LAS SKYOBS SHIG THUGS RJES CAN, ,BSKAL BA'I BAR DU ME LCE 'BAR BAS LUS, ,MAR ME STONG BU BZHIN DU SREG GYUR KYANG, ,LAS ZAD BAR DU 'CHI BAR MI 'GYUR BA'I, ,NYAMS THAG SEMS
CAN RNAMS LA THUGS RJES GZIGS, ,'JIGS RUNG GSHED MAS DAL BA CUNG ZAD KYANG, ,MED PAR MTSON GYIS GCOD CING GSHIG PA'I TSE, ,SKAD CIG TZAM DU BROS PA'I SKABS MED PA'I, ,'GRO BA NYAMS THAG PA LA THUGS RJES GZIGS, ,ZANGS ZHUN 'BAR BA'I NANG DU NAS 'BRU LTAR, ,'TSAD PAS KENG RUS 'BA' ZHIG LUS NA YANG, ,LUS SEMS 'BRAL BAR MI 'GYUR NYAM THAG PA'I, ,'GRO RNAMS THAR BAR MDZOD CIG BLA MA LHA; ;'KHYAMS ROM SPUBS SU GCER BUR GNAS PA LA, ,LHAG PA CHEN POS BTAB PAS SHA RUS RNAMS, ,RNAM PA DU MAR GAS KYANG MI 'CHI BAR, ,NYAM THAG SMRE SNGAGS 'DON RNAMS THUGS RJES SKYOB, ,MYONG BA LTA ZHOG THOS NA'ANG SNYING GAS PA'I, ,MI ZAD DMYAL BA'I SDUG BSNGAL MTHA' YAS PA, ,MYONG DANG MYONG BAR 'GYUR BA'I 'GRO BA KUN, ,MYUR DU THAR BAR MDZOD CIG BLA MA LHA, ,GCIG LA GCIG ZA GZHAN GYI DBANG GYUR BAS, ,BRDEG CING GSOD DANG BKOL SPYAD RMONGS PA SOGS, ,SDUG BSNGAL DU MAS MNAR BA'I DUD 'GRO RNAMS, ,THUGS RJES GZIGS SHIG BLA MA YI DAM LHA, ,LO STONG MANG POR ZAS SKOM MI SPYOD PAR, , RTAG TU BKRES SKOM SDUG BSNGAL BSTEN GYUR KYANG, ,LTOG PAS 'CHI BAR MI 'GYUR YI DVAGS KYI, ,MGON SKYABS DPUNG GNYEN MDZOD CIG BLA MA LHA, ,BDE 'GROR SKYES KYANG CHOS BYED KHOM PA MED, ,SDIG PA'I LAS
, ,LA RTAG TU RAB DGA' ZHING, ,SLAR YANG NGAN SONG GNAS SU GZHOL 'GYUR BA'I, ,'GRO RNAMS 'DREN PAR MDZOD CIG THUGS RJE CAN, ,KHYAD PAR DMIGS YUL NYAMS THAG SEMS CAN 'DI; ;NGAN SONG GNAS SU NAM YANG MI SKYE BAR, ,TSE RABS BRGYUD MAR DAL 'BYOR TSANG BA'I RTEN, ,THOB PAR BYIN GYIS RLOBS SHIG BLA MA LHA, ,'OD DPAG MED KYI SMON LAM LAS GRUB PA'I, ,BDE BA CAN ZHES GRAGS PA'I ZHING DER SKYES, ,MYUR DU SKYES NAS SA LAM MTHAR PHYIN PAR, ,BYIN GYIS RLOBS SHIG BLA MA YI DAM LHA, ,ZHES TSE 'DAS KYI DON DU BLA MA DKON MCHOG LA CHED DMIGS KYI GSOL 'DEBS KYANG BYA'O, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DPAL RGYAL BA SH'AKYA THUB PA LA PHYAG 'TSAL LO, MCHOD DO SKYABS SU MCHI'O,, BCOM LDAN 'DAS X RDZOGS PA'I SANGS RGYAS RIN CHEN GTZUG GTOR CAN LA PHYAG 'TSAL LO, MCHOD DO X BCOM LDAN X SMAN GYI X LO,, MCHOD X ZHES LAN BDUN BDUN BRJOD, BSDU NA 'DIS CHOG, RGYAS PAR SPRO NA, SMAN CHOG NAS BYUNG BA LTAR BDE GSHEGS BRGYAD DANG, LTUNG BSHAGS NAS 'BYUNG BA LTAR BDE GSHEGS SO LNGA DANG, BSKAL BZANG RGYAN PHRENG NAS BYUNG BA LTAR SANGS RGYAS STONG GI MTSAN RNAMS 'DON NA LEGS SO,, SKABS 'DIR NGAN SONG SBYONG BA'I GZUNGS CHEN SDE LNGAR GRAGS PA RNAMS SPEL TSIG DANG BCAS PA BRJOD DGOS PAS, RTZA RIG NI, AOm NA MO BHA GA WA TE,
SARBA DURGA TI PA RI X BI SHO DHA NE SV'AH'A, TSE LAS 'DAS PA CHE GE MO 'DI NYID KYI SDIG SGRIB THAMS CAD DANG, KHYAD PAR NGAN SONG GSUM DU SKYE BA'I RGYU LAS NGAN SDIG SGRIB THAMS CAD BYANG ZHING DAG STE, DAL BA'I RTEN KHYAD PAR CAN PAR MA CHAD PAR THOB NAS MYUR DU MNGON PAR RDZOGS PAR 'TSANG RGYA BAR GYUR CIG ,LAS SGRIB RNAM SBYONG GI GZUNGS NI, NA MO RATNA TRA Y'A YA, AOm KAm KA NI KAm KA NI, RO TZA NI RO TZA NI, TRO dA NI X SV'AH'A, TSE LAS 'DAS PA CHE GE MO 'DI NYID KYI SDIG SGRIB THAMS CAD DANG, KHYAD PAR NGAN SONG GSUM DU SKYE BA'I RGYU LAS NGAN SDIG SGRIB THAMS CAD BYANG ZHING DAG STE, DAL BA'I RTEN KHYAD PAR CAN BAR MA CHAD PAR THOB NAS MYUR DU MNGON PAR RDZOGS PAR 'TSANG RGYA BAR GYUR CIG ,RNAM RGYAL MA'I GZUNGS RGYAS PA THON NA LEGS, BSDU NA, AOm BHRUm SV'AH'A, AOm X DE SV'AH'A, TSE LAS 'DAS PA CHE GE MO 'DI NYID KYI X KHYAD PAR NGAN SONG GSUM DU X GYUR CIG ,GTZUG GTOR DRI MED KYI GZUNGS RGYAS PA THON NA LEGS, BSDU NA, AOm NA MO STREE YA DHVI K'A N'Am, SARBA X DZAm SV'AH'A, TSE LAS 'DAS PA CHE GE MO 'DI NYID KYI X CIG ,PADMA GTZUG GTOR GYI GZUNGS NI, AOm PADMO AUshni'I shA BI MA LI H'Um PHAt, CHO LAS 'DAS PA X CIG ,CES BTAGS NAS LAN MANG DU BZLAS TE, RO DNGOS SU YOD NA CHU LA BTAB NAS BKRU BA DANG, BYE BA DANG SA DANG YUNGS DKAR SOGS LA BTAB STE BRAB PAR BYA'O, ,YI GER BRIS TE RO'I SPYI BOR BTAGS PA DANG DUR GYI NANG DU BCUG NA YANG PHAN YON CHE BAR GSUNGS SO, BSDU NA 'DI TZAM DANG RGYAS PAR SPRO NA, GSANG BA RING BSREL, BYANG CHUB RGYUN
, ,'BUM; RTEN 'BREL SNYING PO, BYAMS PA DAM BCA' BA'I GZUNGS, BCU GCIG ZHAL GYI GZUNGS RING, YI GE DRUG PA SOGS DANG, SBYONG RGYUD NAS BSHAD PA'I BRAB SNGAGS BCO LNGA RNAMS 'DON PAR BYA'O, DE NAS 'PHO BYA TSUL NI, RDZAS KYI 'PHO BA 'PHEL DUNG DAM, BLA MA BZANG PO'I GDUNG RUS, MGRON DU BU CHE MA'I BSREG THAL, RDO KHAB LEN RNAMS PHYE MAR BTAGS LA SBRANG RGOD DANG SBYAR BA'I LDE GU RO'I SPYI GTZUG TU BYUGS, PHYI DBUGS CHAD MA THAG PA LTA BU LA DGUG GZHUG BYA MI DGOS KYANG, DE LTA MIN NA DGUG GZHUG BYA DGOS PAS, DE'I TSUL NI, NA MO SANGS RGYAS KYI BKA' BDEN PA DANG, CHOS KYI X, DGE 'DUN X, GSANG SNGAGS DANG RIG SNGAGS RNAMS KYI X, KHYAD PAR DU YANG RTEN 'BREL BSLU BA MED PA'I X, CHOS NYID 'GYUR BA MED PA'I BDEN PA'I STOBS KYIS TSE LAS 'DAS PA CHE GE MO ZHES BYA BA'I RNAM PAR SHES PA MTHO SRID PA'I RTZE MO NAS, DMA' DMYAL KHAMS BCO BRGYAD KYI BAR GYI SA 'OG SA STENG SA BLA GANG DU GNAS KYANG SKAD CIG NYID LA 'DIR KHUG CIG ,CES LAN GSUM BYA, BDE BA CAN NAS RTZA BA'I BLA MA DANG, ,DBYER MED 'OD DPAG MED MGON 'KHOR DANG BCAS, ,TSAD MED THUGS RJES DBANG GIS 'DIR GSHEGS TE, ,DMIGS YUL SPYI BOR DGYES BZHIN BZHUGS PAR GYUR, ,ZHES BDE BA CAN NAS BLA MA 'OD DPAG MED BYON NAS RO'I SPYI BOR DGYES BZHIN DU BZHUGS PAR BSAM LA, SGO GSUM GUS PA'I SGO NAS PHYAG 'TSAL ZHING, ,DNGOS BSHAMS YID SPRUL MCHOD PA MA LUS 'BUL, ,SDIG LTUNG BSHAGS ZHING DGE LA RJES
YIS RANGS, ,ZAB RGYAS CHOS KYI 'KHOR LO BSKOR DU GSOL, ,MYA NGAN MI 'DAS BRTAN PAR BZHUGS GSOL 'DEBS, ,DGE BA BLA MED BYANG CHUB CHEN POR BSNGO, ,CES YAN LAG BDUN PA PHUL, BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BA'I DPA' BO STE, ,DAG PA'I ZHING DU 'KHRID PA'I DED DPON MCHOG ,MGON PO 'OD DPAG MED LA GSOL BA 'DEBS, ,NYAM THAG MGON MED DMIGS YUL SEMS CAN 'DI, ,'JIGS RUNG BAR NGO'I 'PHRANG LAS BSGRAL DU GSOL, ,BZOD DKA' NGAN 'GRO'I G-YANG LAS DRANG DU GSOL, ,ZHING MCHOG BDE BA CAN DER KHRID DU GSOL, ,RE SA GZHAN NA MED DO THUGS RJES DRONGS, ,ZHES GSOL GSOL BA BTAB PAS, BLA MA 'OD DPAG MED KYI THUGS KA NAS 'OD ZER LCAGS KYU LTA BU BYUNG STE RO'I TSANGS BUG NAS BZHUGS, TSE 'DAS KYI RNAM SHES THIG LE DKAR PO GSAL BA LA PHYOGS PAS GYEN DRANGS PA DANG, TSE 'DAS KYIS KYANG 'OG RLUNG DRAG TU 'THEN PAR BSAM LA, HIG CES MANG DU RGYAB PAS, TSE 'DAS KYI RNAM SHES THIG LE DKAR PO GSAL BA 'DI NYID DBU MA'I NANG NAS YAR SONG TSANGS BUGS NAS THON NAS BLA MA 'OD DPAG MED KYI GSANG GNAS NAS ZHUGS TE THUGS KAR SIB KYIS THIM PAS BLA MA 'OD DPAG MED BDE BA CAN DU DPA' CHEN GYIS MDA' 'PHANGS PA LTAR GSHEGS PA'I TSE; TSE 'DAS 'DI NYID BDE BA CAN DU RIN PO CHE'I PADMA LAS BRDZU TE SKYES NAS MGON PO 'OD DPAG MED KYI ZHAL MTHONG ZHING GSUNG THOS PAR GYUR PA'I MOS BRTAN PO BYA'O, RGYAL BA'I X TSE 'DAS DER THOB SHOG ,'DI NAS NYID NYID MTSAMS X SHOG ,SH'AKYA'I X
, ,'GRUB SHOG ,CES DANG SPRO NA, BZANG SPYOD DANG SPYOD 'JUG GI SMON LAM SOGS KYANG 'DON NA LEGS SO, ,SMRAS PA, SRID PA'I LHA LAM YANGS PAR LAS RLUNG GIS, ,BSKYOD PA'I LUS CAN SROG DBANG TSA ZER CAN, ,'CHI BDAG CHU LHA'I RI BO'I PHA ROL TU, ,'GRO BAR MA 'GYUR SEMS CAN SU YIS MTHONG, ,MI RTAG MGRIN PA BCU PAS MA ZOS PA'I, ,SEMS CAN DE NI SNGON CHAD 'GA' MA BYUNG, ,DA DUNG DE BZHIN KHO NAR ZAD PAS NA, ,BDAG CAG DAL BAR SDOD PA JI LTAR RIGS, ,SPU GRI'I SOR CHAGS SBRANG RTZI LDAG PA BZHIN, ,GNOG CHUNG SDUG BSNGAL SHUGS DRAG 'BYUNG BA'I GZHI, ,TSE 'DI BDE 'BYOR DPAL LA YID LOG NAS, , PHYI MA'I DON CHEN SGRUB LA BRTZON PAR 'OS, ,'BAD PA DU MAS SGRUB KYANG 'DOR DGOS PA'I, ,SNYING PO MED PA'I TSE 'DI'I BYA BA MTHONG, ,GANG DU SKYES KYANG RTAG TU RJES 'BRANG BA'I, ,DKAR NAG LAS LA 'JUG LDOG NAN TAN BYA, ,'DIR 'BAD LAS BYUNG DGE LEGS TSA ZER GYIS, ,NGAN SONG MI KHOM GRANG REG KUN GSAL ZHING, ,DAL 'BYOR RTEN BZANG PUndA RI KA'I TSAL, ,NGES LEGS ZE'U 'BRU'I DPAL GYIS MDZES GYUR CIG , CES SEMS CAN DUS LAS 'DAS PA RNAMS KYI CHED DU, BLA MA DKON MCHOG LA GSOL 'DEBS DANG DE BZHIN GSHEGS PA'I MTSAN DANG GZUNGS SNGAGS ZAB MO 'DON THABS TSE 'DAS YAR 'DREN ZHES BYA BA 'DI NI, DAD BRTZON LHAG BSAM LDAN PA SPRUL PA'I SKU BLO BZANG BLO GROS RIN CHEN GYIS BSKUL BA LTAR, BTZUN
GZUGS NGAG DBANG DPAL LDAN GYIS BRIS 'DIS KYANG 'GRO BA MANG PO LA PHAN 'DOGS PAR GYUR CIG, ,,DGE BA'I 'GRO KUN SANGS RGYAS MYUR THOB SHOG,