*, ,BLA MA'I BKA' DRIN RGYAL BA KUN LAS LHAG PAR DRAN PA'I GSOL 'DEBS BZHUGS SO, , @1 *, ,RAB 'BYAMS RGYAL BA KUN GYI MKHYEN BRTZE RNAMS, ,SNYIGS MA'I DUS SU BSHES GNYEN DAM PA'I SKUR, ,YONGS SHAR BSOD NAMS ZHES BYAR MTSAN GSOL BA'I, ,DRIN CAN RTZA BA'I BLA MAR GSOL BA 'DEBS, ,'JUG LDOG GNAS LA RMONGS PA'I LING TOG GIS, ,BDAG CAG BLO MIG YUN RING BSGRIB PA NYID, , LEGS BSHAD GSER GYI THUR MAS PHYE MDZAD PA'I, ,BSHES GNYEN BKA' DRIN CAN LA X, ,GANG LA MCHOD NA PHYOGS BCU'I SANGS RGYAS RNAMS, ,DE YI LUS LA ZHUGS NAS SGRUB PA PO'I, ,MCHOD PA BZHES PAR RGYAL BAS LEGS GSUNG BA'I, ,ZHING MCHOG DAM PA KHYOD LA X, ,PHYOGS BCU'I RGYAL BA THAMS CAD MCHOD PA LAS, ,GANG GI
, ,LUS KYI BA SPU'I KHUNG BU GCIG ,MCHOD PA'I BSOD NAMS CHE BAR LEGS GSUNGS PA'I, ,BLA MED ZHING MCHOG KHYOD LA X, ,RGYAL KUN MKHYEN RTZE NUS PA'I NYIN BYED 'OD, ,GANG SKU'I ME SHEL BZANG POR LEGS BSDUS NAS, ,DAD LDAN SLOB MA'I SEMS RGYUD SPRA BA LA, ,BYIN RLABS ME 'BAR MDZAD LA X, , BDAG GI 'DREN BYED YUL DU MA GYUR PA'I, ,MTSAN DANG DPE BYAD 'BAR BA'I LHA SKU LAS, ,MTHONG BA TZAM GYIS DGA' DANG 'PHEL MDZAD PA'I, ,BLA MA'I SKU NYID LHAG PAR BDAG GIS KHUMS, ,THOS PA TZAM GYIS BLO DMAN SEL MDZAD PA'I, ,BLA MA'I GSUNG SNYAN MCHOG GIS NGOMS PA NA, ,SKAL DMAN RNAMS LA SHIN TU LKOG GYUR PA'I, ,
RGYAL BA'I GSUNG LA'ANG GUS PA LHOD PAR BYAS, ,CHOS KUN CIG CHAR MKHYEN PA'I RGYAL BA'I THUGS, ,RMONGS PA'I DBANG GYUR BDAG GI BLOR MI SHONG, ,BDAG LA MDO RGYUD DGONGS DON 'BYED MDZAD PA'I, ,BLA MA'I MKHYEN RAB BZANG PO 'DI KAS CHOG ,RGYAL KUN THUGS RJE CHEN POS DUS RGYUN DU, ,MKHA' MNYAM SEMS CAN KUN LA GZIGS MOD KYI, ,SKAL CHAD BDAG LA BRTZE BAS BLANG DOR GNAS, ,STON MDZAD BLA MA'I THUGS RJE'I CHAR MI PHOD, ,MTSAN THOS TZAM GYIS NGAN 'GRO'I 'JIGS PA 'PHROG ,DRAN PA TZAM GYIS 'KHOR BA'I DU: KHA SEL, ,GSOL BA BTAB NA DNGOS GRUB BDE BLAG TU, ,STZOL MDZAD SKYABS GNAS DAM PA KHYOD MIN SU, ,DE LTAR ZHING GI MTHAR THUG KHYOD NYID LA, ,MA DAD BRNYAS SMOD BGYIS PA LA SOGS PA'I, ,SDIG LTUNG MA LUS MTHOL ZHING BSHAGS LAGS NA, ,DMIGS MED THUGS RJES TSANGS PAR MDZAD DU GSOL, ,JI SRID BLA MED BYANG CHUB THOB KYI BAR, ,SKYABS MCHOG KHYOD KYIS 'BRAL MED RJES BZUNG ZHING, ,LEGS BSHAD LCAGS KYUS SRID PA'I MTSO CHEN LAS, , DRANGS TE SKU BZHI'I SKAM SAR BZHAG TU GSOL, ,'DIR 'BAD DGE BAS BLA MA MCHOG NYID KYI, ,ZHABS PAD BRTAN CING MDZAD 'PHRIN RGYAS PA DANG, ,BDAG KYANG RTAG TU DGE BA'I BSHES GNYEN RNAMS, ,
, ,BKA' BZHIN BSGRUB PA'I MCHOD PAS MNYES BYED SHOG ,MA 'ONGS SKYE BA'I 'PHRENG BA THAMS CAD DU, ,DAM PA'I MGON GYIS RJES SU BZUNG BA'I MTHUS, ,SA LAM RTOGS PA MYUR DU MTHAR PHYIN TE, ,MAR GYUR 'GRO KUN GTAN BDER 'KHRID PAR SHOG, ,,CES PA 'DI NI GZHUNG LUGS MANG DU THOS SHING SGRUB PA LA GSHOL BA'I BKA' BCU RIGS GROL GYIS 'DI LTA BU ZHIG DGOS ZHES BSKUL BA LTAR, MANG THOS SPONG BA'I GZUGS BRNYAN ^ SPRANG BTZUN NGAG DBANG DPAL LDAN GYIS SBYAR BA'O, ,'DI LAS GONG DU BSOD NAMS ZHES PA'I GNAS SU MTSAN GZHAN BLA MA GZHAN LA YANG SBYAR CHOG PA DANG, ZHABS PAD BRTAN CING MDZAD 'PHRIN RGYAS PA DANG, ,ZHES PA'I GNAS SU, THUGS BZHED MA LUS YONGS SU RDZOGS PA DANG, ,ZHES BCUG NAS BLA MA ZHING GZHAN LA PHEBS PA YANG SBYAR CHOG GO, ,,SARBA MANGGA LAm,, ,,
[BLANK PAGE]