*, ,'GREL BA BZHI SBRAG GI 'CHAD NYAN GYI SKABS KYI DRIS LAN BZHUGS SO,, ,, @1 #, ,PHYAG LEN BLTUL PA LTAR 'PHUL BA LAG, PHYAG LEN DPYOD LDAN KHYED NYID KYIS DRIS PA'I LAN ZHU GYUR, BDAG GI BLA MA BLO BZANG BSHES GNYEN GYI ZHAL SNGA NAS KYIS, 'GREL BA BZHI SPRAG GI BSHAD LUNG STER BA LA PHYAG LEN RGYAS BSTUS GNYIS LAS, BSTUS PA LTAR NA LE'U DANG POR 'GREL RKYANG DANG MCHAN SPRAG SO SOR KLOG PA DANG, LE'U GNYIS PA MAN CHAD MCHAN SBRAG TZAM GYIS CHOG PAR MDZAD PA NI BLA MA GONG MA RNAMS KYI PHYAG LEN LA YOD GSUNGS NAS, KHO BO LA PHYAG LEN BSTUS PA LTAR GNANG BA YIN PAS, KHO BO KYANG KHYED CAG LA 'BUL CHE RGYAS BSTUS GANG YIN KYANG DE'I BSHAD LUNG THOB PA LA KHYAD BAR MED KYANG, SGRON GSAL GYE LUNG THOB MA THOB KYI KHYAD PAR YOD DO, ,PHYAG LEN BSTUS PA LTAR BSHAD LUNG THOB BA'I GANG ZAG SGRON GSAL GYI LUNG KHOGS SU THOB PA YIN NA, GZHAN LA BSHAD LUNG 'BOG PA'I TSE PHYAG LEN RGYAS BSTUS GANG LTAR BYED KYANG RUNG LA, SGRON GSAL GYI LUNG MA THOB PA YIN NA BSTUS PA LTAR 'BOG DGOS SO, ` ZUR MCHAN GYI 'THEN RTAGS RKANG BA'I DBUS SU BTAGS PA LA RKANG PA DE 'DON TSAR NAS ZUR MCHAN 'DON DGOS, GZHAN LA NGES PA MED, 'GYUR PHAR MA'I 'DON TSUL NI, BLA MA KA MANG RIN PO CHE'I ZIN BRIS SU GSAL BAS DER BLTA BAR BYA, 'ON KYANG DE KHO NA LTAR 'DON PA'I NGES PA MED, 'GYUR 'PHAR MA GANG 'DUG SAR 'DON KYANG SKYON MAD DO, ` GRANGS KYI AANG GI GCIG DANG GNYIS GO RIMS MTHAR CHAGS SU BYUNG BA'I TSE, GCIG NAS GNYIS KYI BAR YIG BCAD LA, GCIG THOG NAS GNYIS THOG LA PHEBS PAR ZHU ZHES BRJOD NAS AANG GI BAR GYI YIG DOR BAR BYA, DE LTAR AA KY'A YONGS 'DZIN GYI ZIN BRIS SU GSUNGS PA LTAR PHYAG LEN LA'ANG YOD, BLA MA GONG MA RNAMS KYIS 'GREL BA BZHI SPRAG GI BSHAD LUNG GNANG BA'I TSE SHAS CHER SMAD RGYUD PAR RNYING GIS GNAR SROS NAR BAS, KHO BOS KYANG DE'I STENG NAS PHUL BA LAGS, ZIN BRIS
, ,YANG POR SHOG GRANGS SMOS PA RNAMS DE'I STER NAS SHA STAG YIN ZHING, BYIN RLABS CHE BAR GLENG BA YANG YOD, 'ON KYANG PAR GZHAN GYIS MI NYUNG ZHES BKAG PA MED DO,, ` DENG SANG SNGAGS BLA MED KYI RGYUD LA 'CHAD NYAN BYED PA PO'I MTSAN NYID TSANG BA NYIN MO'I SKAR MA LAS DKON MOD, 'ON KYANG DUS DANG SA MTHA' 'DIR RANG CAG LTA BUS 'CHAD NYAN BYAS NA SANGS RGYAS LAS KYANG DKON PAR GSUNGS PA'I RGYUD GZHUNG ZAB MO'I BSHAD RGYUN NUB PAR 'GYUR BAS, KHYED CAG RNAMS KYIS 'KHUR DU BLANGS TE BRTZON PA CHEN POS GZHAN LA SPEL BAR BYED DGOS, 'CHAD NYAN BYED PA'I THOG MAR DPON SLOB TSANG MA'AM MA MTHA' BLA MAS BDE GSANG 'JIGS GSUM GANG RUNG GI BDAG 'JUG BLANGS TE 'CHAD NYAN BYAS NA, RJE BDAG NYID CHEN PO'I PHYAG BZHES GTZANG MA DANG MTHUN PAR GYUR BAS SHIN TU LEGS, ` SNGAGS YIG RTAGS SPRUL SHAD SOGS LA DPYAD PA CUNG ZAD BYAS YOD KYANG MTHA' CHOD PA ZHIG MA BYAS SHING, YI GER BKOD PA MED LAGS, 'DI LA 'CHAD SNYAN BYED PA'I TSE, CHOS KYI TSUL LA RING TU GNAS PA'I 'DU SHES ZHES GSUNGS PA LTAR, RGYUD GZHUNG ZAB MO'I BSHAD RGYUN 'DI NAM YANG MI NUB PAR RING PO'I BAR TU GNAS NA CI MA RUNG SNYAM DU 'PHANGS PA'I SEMS KYIS 'CHAD NYAN BYAS NA BSOD NAMS KYANG CHE ZHING, LHAG BSAM GYI RGYAL BA'I BSTAN BA'ANG YUN RING DU GNAS BAR 'GYUR LA, RANG NYID NGES PA DON GYI BSTAN 'DZIN GYI SKYES BU DAM PA'I NANG DU CHUD PAR GYUR BAS 'BAD 'TSAL, SLAD NAS KYANG RNAM DKAR GONG 'PHEL NAS SNGAGS LAS BRTZAM PA'I DPAR YIG ZHUS DAG BRTZON PA MI DOR ZHING GSUNG 'OS KYANG RGYUN LDAN 'TSAL,, CES PA 'DI NI CHOS RJE NGAG DBANG DPAL LDAN GYIS CHOS RJE NGAG DBANG 'JIGS MED LA GNANG BA'I DRIS LAN NO,,
[BLANK PAGE]