The String of Pearls-- An Account of the Successive Generations of that Magnificent Seat of Learning, Kumbum Jampa Ling

*, ,GDAN SA CHEN PO SKU 'BUM BYAMS PA GLING GI GDAN RABS MU TIG 'PHRENG BA ZHES BYA BA BZHUGS SO, , @001 !, ,SDEB SBYOR MNYAM PA'I BRittA LAS YI GE BCU GCIG PA GSUM BSNGAGS LA NYIS STONG BZHI BCU ZHE BRGYAD YOD PA LAS SUM BRGYAD BDUN BA DBANG PO RDO RJE ZHES BYA BA'I PR'A LTAR,, [DD] *, ,KA LPO PA TZI DDVOO GA nA ME RA BOO NYA GRAm A'A DHARMA DRishtI RNA YA NAm SA HA SR'A:, ,, *, ,BSKAL PAR NYER BSAGS TSOGS GNYIS LHUN PO'I SPOR, ,CHOS KUN GZIGS PA'I 'DREN BYED STONG LDAN ZHING, ,,

[DD] *, ,A'ARYYO GA nO BENDRA AA BH'U TZTS'I KH'A LAm MOO NENDRA YA DZNYA KRA TU YA SSA NA MYAm, , *, ,'PHAGS TSOGS NYE DBANG GTZUG GI RGYAN GYUR BA, ,THUB DBANG MCHOD SBYIN BRGYA BA GANG DER 'DUD, ,

RING MO NYID NAS BYANG CHUB MCHOG BRNYES KYANG, ,RGYAL SRAS ZOL GYIS SKAL BZANG 'GRO RNAMS LA, ,ZAB RGYAS BDUD RTZI'I BGO SKAL SBYIN MDZAD PA, ,MI PHAM 'JAM PA'I DBYANGS LA GUS PHYAG 'TSAL, ,SHER PHYIN DGONGS DON GSER GYI SHING RTA CHE, ,ZLA MED RNAM DPYOD GNYIS 'THUNG GIS DRANGS TE, ,DBU SEMS GRUB MTHA' LAM BZANG GSAL MDZAD PA, ,KLU SGRUB THOGS MED ZHABS DER DANG BAS 'DUD, ,RGYAL BO'I RIGS 'KHRUNGS GNAS LNGA RIG PA'I PHA ROL SON, ,DAM PAS RJES BZUNG RIM GNYIS ZAB MO'I RTOGS PA BRNYES, ,GANGS CAN YUL BYON BKA' GDAMS RING LUGS NYI ZLA LTAR, ,GSAL MDZAD 'DREN MCHOG AA TI SHA LA GUS PHYAG 'TSAL, ,RMAD BYUNG BLO GROS GTING MTHA' DPAG DKA' MKHYEN DANG BRTZE BA'I BEE d'UR PHUNG POS YONGS SU GTAMS, ,GZHAN PHAN GA BUR ZEGS MA DANG LDAN MKHAS BTZUN BZANG PO'I RLABS 'PHRENG CHAL CHIL G-YO BA'I NANG,,

, ,DPAG MED YON TAN BDUD RTZIS MYOS PA'I NGANG MO GANG NGAG RAB DKAR GRAGS PA'I RDZA RNGA BRDUNG, ,MDO SNGAGS NYAL 'GRO BYE BA'I 'BYUNG GNAS THAMS CAD MKHYEN DNGOS BLO BZANG GRAGS PA'I ZHABS LA 'DUD, ,RNAM MANG LUNG GI RANG BZHIN 'CHI MED GOS, ,RNAM DPYOD DRI MED GSER GYI YU BAR BRTEN, ,RNAM DAG SGRUB PA'I TOG GIS RAB MDZES PA, ,RNAM PAR BSGRENG MDZAD DE DAG PHYAG GI YUL, ,MI PHAM MDUN SA YID 'PHROG DGA' LDAN ZHING, ,DUS KYI DBANG GIS SA LA 'PHOS PA LTAR, ,BSNGAGS PAR 'OS PA SPRUL PA'I SKU 'BUM ZHES, ,GRAGS PA'I BA DAN G-YO BA AE MA'O MTSAR, ,GANG DU BSLAB GSUM BDUD RTZIS RGYUD GTAMS SHING, ,'CHAD NYAN GSER GYI DRIL CHEN 'KHROL BA YIS, ,THUB BSTAN RIN CHEN SPEL BA'I DPAL YON CAN, ,MKHAN BRGYUD RIM PAR BYON RNAMS DAD BAS BSNGAGS, ,SRID ZHI'I DGE

LEGS GCIG TU SPUNGS PA'I GNAS, ,SKU 'BUM BYAMS PA GLING GI NGO MTSAR GTAM, ,PADMA DKAR PO'I TSAL DANG MTSUNGS PA GANG, ,GSAL BYED DKAR CHAG 'OD STONG DENG 'DIR SHAR, ,MA DAG GTAM GYI 'KHRUL BA'I DRI MA KUN, ,DAG BYED DBANG PHYUG BLO MTSOR 'KHYIL BA GANG, ,RNAM DPYOD SKAL LDAN SHING RTAS NYER DRANGS TE, ,DON GNYER SKYE BO'I DPAL DU 'DI LTAR 'BAB, ,DE LA 'DIR RNAM 'DREN THUB PA'I DBANG PO SRAS DANG BCAS PA'I THUGS RJE'I GANGS RI LAS 'ONGS PA'I LEGS SPYAD KYI CHU KLUNG 'BUM PHRAG MNGON PAR 'KHYIL BA'I CHOS SDE'I CHU GTER CHEN PO, RNAM PAR DKAR BA'I 'PHRIN LAS KYI GTING MTHA' DPAG PAR DKA' BA, BSLAB PA GSUM GYI NOR BUS YONGS SU GTAMS SHING SDE SNOD GSUM GYI RLABS 'PHRENG CHAL CHIL DU G-YO BA, BLO GSAL NGANG MO 'BUM SDE 'CHAD NYAN GYI SGRA DBYANGS PHYOGS BRGYAR SGROGS PAS THAR 'DOD YID KYI 'DOD PA 'JO BA, MKHAS GRUB KLU DBANG BYE BA'I TSOGS KYIS YONGS SU BRTEN PAS LEGS BSHAD 'DOD DGU'I CHAR CHEN 'BEBS PA, RGYA BOD HOR GSUM GYIS BSDUS PA'I LUS CAN SROG CHAGS MTHA' YAS PA'I MGON DANG SKYABS DANG DPUNG GNYEN GCIG PUR GYUR PA MDO SMAD BSTAN PA'I 'BYUNG GNAS SKU 'BUM BYAMS PA GLING ZHES YONGS SU GRAGS PA 'DI NYID THOG MAR JI LTAR BTAB CING MKHAN BRGYUD RIM PAR BYON PA DANG, SKU GSUNG THUGS RTEN JI LTAR BZHUGS TSUL DANG BCAS PA BRJOD PAR BYA BA LA, THOG MAR RJE BDAG NYID CHEN PO'I RNAM PAR THAR PA MDOR BSDUS PA ZHIG BRJOD NA, DE YANG PAD DKAR ZHAL LUNG RJES 'BRANGS DANG BCAS PA LTAR NA SANGS RGYAS MYA NGAN LAS 'DAS

, ,NAS LO NYIS STONG NYIS BRGYA SO BDUN DANG, MKHAS PA DGA' BYED DANG tIKA CHEN DE NYID SNANG BA LTAR NA NYIS STONG CHIG BRGYA DGU BCU RTZA GCIG 'DAS PA GSER 'PHYANG ZHES PA ME MO BYA'I LO LA, BOD CHOL KHA GSUM GYI NANG NAS MDO SMAD RTA'I CHOL KHA, DGE BCU TSANG BA'I YUL, TZONG KHA ZHES BYA BAR MAL GYI RIGS LAS YAB KLU 'BUM DGE DANG, YUM SHING MO BZA' AA CHOS GNYIS KYI SRAS SU NGO MTSAR BA'I LTAS DU MA DANG BCAS TE SKU BLTAMS PA YIN TE, JI SKAD DU, GANGS CAN GYI SNYAN NGAG MKHAN NGAG DBANG CHOS GRAGS DKON MCHOG GRUB PA'I SDES MDZAD PA'I RTOGS BRJOD DPAG BSAM 'KHRI SHING LAS, 'DI NAS SHAR GYI PHYOGS NA TZONG KHA ZHES, ,SA LA GNAS KYANG LHA YI 'JIG RTEN DU, ,BRTAG PAR BYA BA YUL GYI DGE MTSAN NI, ,MA LUS BGRAD LA THUB RNAMS NGAL BA YOD, ,DER NI KLU DBANG JI BZHIN DPAL 'BYOR DANG, ,GRAGS PA'I BA DAN RTAG TU BTZUGS PA BZHIN, ,KLU 'BUM DGE ZHES YON TAN ME TOG SOGS, ,DAM PA'I DRI BSUNG PHYOGS MTHAR SPRO BA BYUNG, ,DE YI DGA' MA DUL ZHING MDZANGS PA DANG, ,YA RABS CHOS KYIS MTHO BA DBYANGS CAN NI, ,MI YI ZOL LA BSTEN 'DRA SHING MO BZA', ,AA CHOS ZHES BYA DPAL DANG LDAN PA BYUNG, ,DPAL MO DE YI MNGAL GYI 'O MA'I MTSOR, ,DAM PA'I RIN CHEN YON TAN GZI 'BAR BA, ,RAB TU 'DZIN PAS MDZES PAR GYUR BA NI, ,'OD DKAR GYI NI RI BONG MTSAN MA BZHIN, ,SGYU MA YIS NI ZAS GTZANG SRAS PO DANG, ,BYAMS PA'I DPAL NI TSANGS SBYIN LHA MO YIS, ,MNGAL DU 'DZIN PA 'DI

YI 'GRAN ZLA STE, ,NGO MTSAR 'DI DAG BYED POS SPRUL LAM CI, ,DPAL LDAN MO DE DE TSA BDE BA LA, ,REG PAR GNAS SHING DGE BA'ANG NGANG GIS 'PHEL, ,DAM PA RNAMS KYI RANG BZHIN NYID YIN KO, ,'DI LA KHENGS SHING DREGS PA JI LTAR RIGS, ,DE NAS NAM ZHIG SMON LAM RLUNG BZHON GYIS, ,MNGAL NAS SPRIN RUM GO SKABS PHYE BA BZHIN, ,GNOD PA MED PAR GZHON NU BTZAS PA NI, ,SPRIN RUM NAS THON ZLA BA'I DKYIL 'KHOR BZHIN, ,RGYAL BA'I MYU GU BSAM BZHIN BLTAMS PA DANG, ,LHAN CIG 'JIG RTEN MIG NI PHYE BA DANG, ,DRAN PA'I PHYOGS RNAMS NGO ZUM GNAG PA DANG, ,NOR 'DZIN GOS DKAR GYON PA MNYAM DU BYUNG, ,ZHES GSUNGS PA LTAR RO, ,DE YANG LTE BA BCAD PA'I KHRAG 'DZIN MAR LHUNG BA LAS, BYANG CHUB KYI LJON SHING PHUN SUM TSOGS BA ZHIG 'KHRUNGS, DGUNG LO GSUM PA LA KARMA PA ROL PA'I RDO RJE'I DRUNG DU YONGS RDZOGS DGE BSNYEN GYI SDOM PA BZHES, DE'I TSE CHOS RJE PA'I MNAL LAM DU PHYOGS DER TZAN DAN GYI LJON SHING SHIN TU CHE BA ZHIG SKYES 'DUG PA'I GRIB BSIL DU SROG CHAGS GRANGS MED PA NGAL GSO BA ZHIG RMIS, YAB YUM GNYIS LA BYIS PA 'DI SA MTHON POR GNAS PA'I BYANG CHUB SEMS DPA' CHEN PO ZHIG YIN PAR 'DUG PAS GCES SPRAS GANG DRAG GYIS, MI RINGS PAR LTE BA BCAD PA'I KHRAG LAS LJON SHING KHYAD PAR CAN ZHIG SKYE BAR 'DUG CING, SHING DES MA 'ONGS PA NA 'GRO BA RNAMS LA PHAN THOGS PAR 'GYUR RO ZHES LUNG BSTAN, DGUNG LO BDUN PA LA BABS PA NA CHOS RJE DON GRUB RIN CHEN BAS MKHAN PO DANG, GZHON NU BYANG CHUB KYIS SLOB DPON

, ,MDZAD NAS RAB BYUNG DANG DGE TSUL BSGRUBS TE BLO BZANG GRAGS PA'I DPAL ZHES MTSAN GSOL, YI GE 'BRI KLOG LA BRTZON PAR MDZAD PAS RIG PA'I GNAS PHAL CHE BA TSEGS MED PAR THUGS SU CHUD, BCU BDUN BZHES PA NA LEGS BSHAD KYI SKYES LEN PA'I PHYIR MKHAN POS BDAG RKYEN MDZAD NAS YUL DBUS SU BYON, 'BRI GUNG THENG DU SPYAN SNGA CHOS KYI RGYAL PO LA SEMS BSKYED DANG, PHYAG CHEN LNGA LDAN GSAN, SNYE THANG BDE BA CAN DANG, SA SKYA LA SOGS PA'I CHOS GRVA MANG POR SHING RTA'I SROL 'BYED BZHIR GRAGS PA'I GZHUNG LUGS RNAMS THUGS SU CHUD PAR MDZAD, DBUS GTZANG DU DKA' CHEN BZHI'I GRVA SKOR MDZAD PAS DKA' BZHI PA BLO BZANG GRAGS PA ZHES SNYAN GRAGS KYI SGRA DBYANGS SRID RTZE'I BAR DU KHYAB PAR GYUR, DGUNG LO SUM CU PA LA YAR LUNG RNAM RGYAL DU JO GDAN TSOGS PA'I MKHAN PO TSUL KHRIMS RIN CHEN GYIS MKHAN PO DANG, BYE RDZING MKHAN PO SHES RAB MGON POS SLOB DPON, DBU MDZAD BSOD NAMS RDO RJES GSANG STON MDZAD NAS BSNYEN PAR RDZOGS TE 'DUL BA 'DZIN PA RNAMS KYI GTZUG GI NOR BUR GYUR, GDAN SA THEL DU SPYAN SNGA GRAGS PA BYANG CHUB LA N'A RO CHOS DRUG GI KHRID SOGS GSAN, LHA KHANG KE RUR TSA KHO DPON PO SOGS SDE SNOD 'DZIN PA MANG PO LA DKA' CHEN BZHI'I BSHAD PA STZAL, SKYID SHOD TSAL DU BKA' 'GYUR LA GZIGS RTOG GNANG, LHA SAR SNYUNG GNAS KYI THUGS DAM DANG, BDE BA CAN DU CHOS MANG DU GSUNGS, KHYAD PAR DU MON MKHAR BKRA SHIS GDONG DU MKHAS PA RGYA MTSO LTA BU LA RGYA GAR SKAD

BCO LNGA'I DBU DUS GCIG TU BTZUGS NAS BSHAD PA MDZAD PA NI MDZAD PA THAMS CAD KYI MCHOG TU GYUR PA'O, ,BLA MA DBU MA PA BRTZON 'GRUS SENG GES MTSAMS SBYAR NAS RJE BTZUN 'JAM PA'I DBYANGS LA ZAB CHOS DU MA GSAN CING, KLU SGRUB YAB SRAS KYI DGONGS PA PHYIN CI MA LOG PAR RTOGS TE ZAB MO DBU MA'I LTA BA THUGS LA 'KHRUNGS, LHO BRAG GRUB CHEN NAM MKHA' RGYAL MTSAN DANG, BRA GOR MKHAN CHEN CHOS SKYABS BZANG PO GNYIS LA BKA' GDAMS KYI SKOR GSAN NAS THUGS NYAMS SU BZHES PAS GSUNG RAB THAMS CAD GDAMS NGAG TU SHAR ZHING SGRUB PA'I RGYAL MTSAN BTZUGS, RJE BTZUN 'JAM PA'I DBYANGS KYIS BSTAN BCOS 'DI DANG 'DI RTZOM ZHES BSKUL MA MDZAD PA BZHIN LAM RIM SNGAGS RIM SOGS MDO SNGAGS KYI GZHUNG DU MA LJAGS RTZOM MDZAD PA RNAMS DPYAD PA GSUM GYIS DAG CING BSTAN PA RIN PO CHE'I MDZES RGYAN DU GYUR TO, ,DGUNG LO NGA GSUM PAS MO GLANG GI LO'I TSE 'PHRUL ZLA BA'I TSES GCIG NAS BCO LNGA'I BAR LHA SA SMON LAM CHEN MO BTZUGS NAS DGE 'DUN STONG PHRAG BRGYAD LHAG TZAM LA BSNYEN BKUR RGYA CHER BSTAB NAS BSTAN PA RIN PO CHE VPHYOGS MTHAR RGYAS PA'I THUGS SMON RNAM PAR DAG PA MDZAD, 'DI NI SPYAN RAS GZIGS DBANG SRONG BTZAN SGOM POS GSAL BAR LUNG BSTAN TE, RGYAL PO BKA' CHEMS LAS, DE NAS KHYAD PAR BSNYEN BKUR CHER MDZAD PA, ,DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING RNAL 'BYOR CHEN PO NI, ,SNYING PO'I MTHA' RTEN SKYES CHEN DAM PAS NI, ,ZHAL YANG BSGYUR ZHING BSNYEN BKUR DAM PA MDZAD

, ,DE LA BSNYEN BKUR CHER BYED DE DAG NI, ,'PHAGS PA'I GANG ZAG DGE SBYONG SHA STAG GO ,ZHES GSUNGS PAS SO, ,LO DE'I DPYID KA GNAS GZHI GSAR DU 'DING RTZIS MDZAD DE, GSANG BDAG GI LUNG BSTAN LAS, DBANG BSKUR RI YI LDEBS DAG TU, ,BTZUN MO SDINGS KYI NGOS PHYOGS SU, ,DGE 'DUN DPAG MED 'DU BAR 'GYUR, ,RI NI GANG YIN 'JAM DPAL 'CHAD, ,DBUS GTZANG MDO KHAMS RGYA YUL GYI, ,MCHOD GNAS DAM PA TSOGS GSOG RTEN, ,MNGA' RIS BYANG KHAMS KUN GYI SKYABS, ,PHYOGS BCUR SDE DGON RGYAS PAR 'BYUNG, ,ZHES GSUNGS PA LTAR, 'BROG RI BO CHE DGE LDAN RNAM PAR RGYAL BA'I GLING BTAB STE GSER MDOG COD PAN 'DZIN PA'I RING LUGS PHYOGS DANG PHYOGS MTSAMS KUN TU DAR ZHING RGYAS PA'I 'BYUNG KHUNGS GCIG BUR GYUR TO, ,GNAS RI DE YANG SKU GSUNG THUGS KYI RTEN RANG BYON GSAL ZHING GRANGS LAS 'DAS PAS GANG BAR SNANG STE, PHYIR SKOR SOGS LA ZHIB TU GZIGS PAS SHES SO, ,DE LTA BU'I DGON GNAS DAM PAR BSTAN PA RIN PO CHE BSHAD SGRUB GNYIS KYI SGO NAS NYIN MO LTAR GSAL BAR MDZAD NAS LO BCU GCIG GI BAR DU GDAN SA CHEN PO SKYONG BAR GNANG, DGUNG LO DRUG CU RE GSUM PAS PHAG LOR ZLA BA BCU PA'I NYER LNGA'I SNGA DRO'I CHA LA DGE LDAN GZIMS KHANG DKAR POR, 'OD GSAL LHA KHANG DU 'CHI BA CHOS SKUR BSGYUR PA'I SGO NAS BAR DO LONGS SPYOD RDZOGS PA SGYU MA LTA BU'I SKUR BZHENGS NAS, SKU TSE PHYI MA DGA' LDAN DU RGYAL SRAS 'JAM DPAL SNYING PO ZHES BYA

BAR SKU'I SKYE BA BZHES SHING, MA 'ONGS PA NA NGO MTSAR RMAD BYUNG BKOD PA'I ZHING DU RGYAL BA SENG GE'I NGA RO ZHES BYA BAR SANGS RGYA PA'I TSUL BSTAN TE MDZAD BA BCU GNYIS KYI RNAM PAR 'PHRUL BSTON PAR 'GYUR BA YIN NO, ,DE DAG NI GDUL BYA THUN MONG GI DBANG DU BYAS PA'I RNAM PAR THAR PA YIN LA, NGES PA'I DON DU NA GSANG BDAG GIS MKHAN CHEN LAS KYI RDO RJE LA GSUNGS PA LAS, NGA LAG NA RJES KYANG MA TABHI DRA'I YON TAN GYI MTHA' RTOGS PAR MI NUS SO, ,ZHES GSUNGS PA LAS NA, SKU BZHI'I GO 'PHANG MNGON DU MDZAD PA'I RGYAL BA ZHIG ZHING 'DIR SEMS CAN GYI DON DU BYON PA YIN NO ZHES BYA BAR NGES SO, ,DE LTAR GTAM DU BRJOD PA RNAMS NI BDAG NYID CHEN PO 'DI'I RNAM PAR THAR PA MDOR BSDUS TZAM STE, ZHIB PAR NI RNAM THAR GYI YI GE CHEN MO LAS SHES PAR BYA'O, ,SMRAS PA, RGYAL KUN YE SHES RANG BZHIN DH'I: YIG GI ,DMAR SER THIG LE SGEG MO'I MNGAL NYID DU, ,SBRUM PA LAS 'KHRUNGS RGYAL SRAS NYIN MOR BYED, ,THUB BSTAN PADMO BYE BA'I GNYEN DU GYUR, ,DE TSE MKHAS RLOM 'BYUNG PO'I GNYIS SKYES KUN, ,TSUL 'CHOS MUN PA'I KHUNG BUR YIB PA DANG, ,LHAN CIG GZUR GNAS MKHAS GRUB SKYE BO'I TSOGS, ,KHYOD ZHABS SPYI BOR MCHOD PAS CI YANG BREL, ,GANG GI 'PHRIN LAS CHU KLUNG BYE BA BRGYA, ,DGE LEGS 'DZUM DKAR RGOD BZHIN BABS PA LAS, ,RIG GROL BLO GSAL DGE 'DUN RKANG 'THUNG GIS, ,RGYA MTSO'I GOS CAN GANG BA BZHIN DU GYUR, ,CES BYA BA NI BAR SKABS KYI TSIGS SU BCAD PA'O,, ` ,,DA NI RJE BDAG NYID CHEN PO

, ,SKU GANG DU 'KHRUNGS PA'I GNAS, GDAN SA CHEN PO SKU 'BUM BYAMS PA GLING GI RTEN DANG BRTEN PAR BCAS PA BYUNG TSUL BRJOD PAR BYA STE, DE YANG GNAS SPYI'I KHYAD PAR NI, GANGS CAN MDO SMAD KYI SA'I CHA, SHAR PHYOGS TZONG KHA'I YUL LJONGS, THA GRU YANGS SHING RGYA CHE BA, SA 'DZIN GYI 'PHRENG BAS YONGS SU BSKOR BAR LJON SHING SNA TSOGS SKYES PA, YAN LAG BRGYAD DANG LDAN PA'I TZONG CHU ZHES CHU KLUNG CHEN PO DAL GYIS 'BAB PA, SA GZHI NYAMS DGA' ZHING 'BRU RIGS DU MA 'KHRUNGS BA, GRONG DANG GRONG KHYER GYI BKOD PA DU MAS BRGYAN PA, JI SKAD DU, KHANGS ZHING SA SA YI DGE ,'THUNG CHU YUR CHU CHU YI DGE ,GAM 'BROG RGYANG 'BROG RTZVA YI DGE ,KHANG SHING BUD SHING SHING GI DGE ,KHANG RDO THAB RDO RNGO YI DGE ,ZHES PA LTAR GYI DGE BCU'I MTSAN NYID RNAMS KYANG TSANG BAR MNGON SUM GYIS GRUB PA'I GNAS SO, ,BYE BRAG GDAN SA CHEN PO 'DI'I GNAS KYI KHYAD PAR NI, SA GZHI PADMA 'DAB BRGYAD, GNAM 'KHOR LO RTZIBS BRGYAD, RGYAB RI MDZES SHING LHUN CHAGS PA, MDUN RI 'BRU SNA TSOGS SPUNGS PA LTA BU, LHO PHYOGS LHA MO RIR AU RGYAN GYI SKU RANG BYON, NUB PHYOGS SU BRAG GI RIR BYAMS PA'I SKU RANG BYON, BYANG PHYOGS STAG RIR 'OD DPAG MED KYI SKU RANG BYON RNAMS BZHUGS SHING; MDOR NA NGO MTSAR PA'I YON TAN DU MA DANG LDAN PA'I GNAS KHYAD PAR DU 'PHAGS PA STE, JI SKAD DU, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MDZAD PA'I GNAS BSTOD LAS, SHAR PHYOGS 'JAM PA'I DBYANGS

KYI PHO BRANG GI ,RDUL BRTZEGS LA 'KHU BDE GSHEGS RIGS LNGA PO, ,LEGS BAR BZHUGS 'DRA SA 'DZIN RNAMS KYI DBUS, ,SA GZHI PADMA 'DAB BRGYAD DBYIBS LEGS SHING, ,LHA LAM RTZIBS BRGYAD 'KHOR LO'I TSUL DU GNAS, ,RIN CHEN MAR GAD KHU BAS BYUGS 'DRA BA'I, ,SA 'DZIN 'PHRENG BAS PHYOGS KUN MDZES PAR BSKOR, ,BDAG NYID CHEN PO'I BSTAN 'DZIN BGRANG YAS KYIS, ,PHYOGS KUN GANG ZHING DE RJES 'JUG PA DAG ,RGYUN MI 'CHAD PA MTSON PHYIR RTZVA SNGON GYI, ,SA 'DZIN 'PHRENG BAS PHYOGS KUN MDZES PAR BSKOR, ,MTHU LDAN MKHA' 'GRO CHOS SKYONG BSRUNG MA YIS, ,RGYAB BRTEN JI BZHIN RGYAB RI 'BRUG CHUNG ZHES, ,MDZES SHING LHUN CHAGS MKHA' LA SNYEGS BA 'DRA, ,PHUN TSOGS 'DOD DGU'I LONGS SBYONG 'DU BA DANG, ,BSHAD SGRUB BSTAN PA RGYAS PA'I RTEN 'BREL DU, ,MDUN RI 'BRAS BU BZANG PO SPUNGS PA DANG, ,BANG RIM GLEGS BAM BRGYA PHRAG BRTZEGS PA BZHIN, ,RGYAL BA GNYIS PA'I MDO SNGAGS BSTAN PA LA, ,LHAR BCAS 'GRO BA MA LUS GUS PA NI, ,NYER MTSON DBANG PO'I PHYOGS KYI RI RNAMS 'DUD, ,NYI MA'I BU NGOS DUNG DANG NOR BU'I GZUGS, ,MNGON PAR BKRA BA'I SA 'DZIN MDZES PA NI, ,LUNG RTOGS BSTAN PA'I SNYING PO NOR LDAN PA'I, ,DON LDAN SNYAN GRAGS PHYOGS BCUR SGROGS PA 'DRA, ,BYANG PHYOGS LE'U CHER GRAGS PA LHUN PO NI, ,RNAM MANG THOS SRAS NE'U LE LEGS BZUNG NAS, ,SGRUB PA PO LA 'DOD DGU STZOL BZHIN BA, ,LHO PHYOGS RGYANG GRAGS GSUM NA CHU SHEL GYI, ,MCHOD RTEN DANG

, ,MTSUNGS GANGS RI'I 'PHRENG BAS BSKOR, ,ME MTSAMS RGYANG GRAGS GNYIS NA SING LAG THANG, ,CHU LHA'I PHYOGS KYI RGYANG GRAGS ZUNG DAG NA, ,G-YER MO THANG DAG MAndAL 'BUL BA'I TSUL, ,BYANG DU TZONG CHU ZHES GRAGS LO HI TA, ,PAtA'I 'DZUM 'KHYIL LTA BUR SHAR PHYOGS SU, ,DBU BA'I GOS GYON DAL GYIS 'BABS PA NI, ,RGYUN MI 'CHAD PAR RJE BTZUN BLA MA YI, ,LUGS BZANG RING DU GNAS PA'I RTEN 'BREL YIN, ,ZHES GSUNGS PA LTAR RO,, DE LTA BU'I GNAS MCHOG DAM PAR RJE BDAG NYID CHEN PO GSAR DU 'KHRUNGS PA'I TSE LTE BA BCAD PA'I KHRAG 'DZIN MAR LHUNG BA LAS TZAN DAN DKAR PO'I SDONG PO RTZA BA SBOM ZHING YAL GA SHIN TU RGYA CHE BAR 'DAB MA RIM GYIS 'PHEL BAS 'DAB MA 'BUM PHRAG DANG LDAN PA, 'DAB MA RE RE LA RGYAL BA SENG GE'I NGA RO'I SNANG BRNYAN RE RES MTSAN ZHING, SHUN PA LA SKU GZUGS DANG YIG 'BRU DANG PHYAG MTSAN RNAMS RANG BYON DU BYUNG, LO RGYUS KHA CIG TU TZAN DAN GYI SDONG PO LA MGON PO PHYAG DRUG PA'I SKU DANG, YAL GA LA GNOD SBYIN BZHI, LO 'DAB LA SH'A SA NA'I YI GE RNAMS RANG BYON DU BYUNG ZHES BSHAD, GNAS 'DIR SKU 'BUM ZER BA'I RGYU MTSAN SHING DE'I 'DAB MA 'BUM LA SNANG BRNYAN 'BUM YOD PA'I DBANG GIS BTAGS PA YIN LA, 'GA' ZHIG BDE MCHOG GI BUM SKU BZHENGS PA ZUNG CHA GNAS SKU 'BUM DU BRJOD PAR 'DOD PA NI NGAG SGROS MA DAG PA YIN PAR SNANG NGO, ,BAR SKABS SHIG, MDO SMAD NAS YUM GYIS NGA NI RGAS SHING 'KHOGS PAS YUL PHYOGS 'DIR CIS KYANG PHEBS DGOS

ZHES SKRA DKAR PO'I LAN BU DANG BCAS ZHU YIG PHUL BAR, MDO SMAD DU PHEBS PA DGAG BYA CHE LA DGOS PA CHUNG BAR GZIGS NAS MI 'BYON PAR THAG BCAD DE, LAN SKYEL BAR RJE DBON GRAGS PA RGYAL MTSAN GTONG BAR MDZAD NAS, YUM DANG AA CE GNYIS LA RJE RANG NYID KYI SKU THANG RE DANG, RGYAL BA SENG GE'I NGA RO'I SKU PAR BCAS BSKUR TE, KHO BO SKYES PA'I SA CHA DER RGYAL BA SENG GE'I NGA RO'I SNANG BRNYAN 'BUM DANG, TZAN DAN GYI SDONG PO SNYING POR BYAS PA'I MCHOD RTEN ZHIG BZHENGS NA, KHO BO DER 'ONGS PA DANG KHYAD PAR MA MCHIS SHING, BSTAN PA PHYOGS MTHAR RGYAS PA'I RTEN 'BREL YOD CES GSUNGS, YI GE RTEN BCAS SGO DRUNG DU 'BYOR BA NA, BRIS SKU DE'I ZHAL NAS AA MA AA MA ZHES 'BOD PAR MDZAD PAS GSUNG 'BYON MAR GRAGS, YUM THUGS SHIN TU SKYO NAS SPYAN CHAB MANG BO BSIL ZHING BRIS SKU GDAN DRANGS TE PHYAG MCHOD KYI RTEN DU MDZAD, YUM GYIS THUGS KHUR BZHES SHING DANG LDAN GZHAN GYIS KYANG GROGS LDAN BYAS PA LA BRTEN NAS, RJE NYID KYI GSUNG LTAR RGYAL BA SENG GE'I NGA RO'I SNANG BRNYAN 'BUM DANG, TZAN DAN GYI SDONG PO SNYING POR BYAS TE SKYI DGU RNAMS KYI BSOD NAMS KYI ZHING DU PADMA SPUNGS PA'I MCHOD RTEN BZHENGS PAR MDZAD DO, ,JI SKAD DU, RJE GRUB PA'I DBANG PHYUG NGAG DBANG BYAMS BAS MDZAD PA'I DKAR CHAG LAS, DE TSE BSKYED PA'I YUM MCHOG AA CHOS KYI, ,MGO SKYES LAN BU DKAR PO'I LCAGS KYU YIS, ,'GRO KUN MA LTAR DGONGS DE'I YID DBANG DRANGS, ,RINGS PAR YUL DU CHAS TSE MI BSLU BA'I, ,LHA DANG BLA MA'I LUNG LAS BOD DBUS SU, ,BZHUGS PA KUN TU

, ,DGE BA'I MTSAN MA GZIGS, ,RANG GI SHANGS MTSAL LAS GRUB SNANG BRNYAN DANG, ,RGYAL BA SENG GE'I NGA RO'I SKU PAR GNANG, ,KHO BO SKYES PA'I SA DER BDE GSHEGS 'DI'I, ,SKU GZUGS 'BUM PHRAG SNYING POR LDAN PA YI, ,CHOS SKU'I RTEN GCIG BZHENGS NA KHO BO NYID, ,GNAS DER LHAGS DANG KHYAD PAR MA MCHIS SHING, ,THUB BSTAN PHYOGS MTHAR RGYAS PA'I RTEN 'BREL YOD, ,'DRA 'BAG 'DI NI NGA DANG DBYE BA MED, ,DE PHYIR DE DAG TSUL BZHIN SGRUB PAR MDZOD, ,CES GSUNGS DE BZHIN YUM GYI THUGS LA SIM, ,SNGAR GYI TZAN DAN SROG SHING DU BGYIS NAS, ,MI YI SENG GE BDAG MED NGA RO'I SGRAS, ,MU STEGS KLAD PA 'GEMS PA'I SKU 'BUM PHRAG ,SNYING POR BZHUGS PA BAD SPUNGS MCHOD RTEN BZHENGS, ,ZHES GSUNGS PAS SO, ,RNAM THAR DAD PA'I 'JUG NGOGS LAS, DE'I STON 'KHRUNGS YUL NAS RKYEN DU BAB BA'I 'TSOG CHAS CI RIGS PA 'PHRIN LAS PA'I NANG DU 'BUL BA BSKUR YOD PA 'DRA ZER NAS, DE BZHES PA LA SOGS PA'I SLAD DU NGAM RING NAS SA SKYA LA MDZAD DE DBUS SU BYON, DBUS SU PHEBS NAS GROGS DANG SLOB 'BREL MANG POS BSKUL ZHING, MDO SMAD NAS YUM GYIS KYANG ZHU BA NAN CHER BYUNG BAS RKYEN BYAS NAS LAN GCIG MDO SMAD LA 'BYON PAR BZHED PA 'KHRUNGS TE MAL GRO LHA LUNG DU BYON, LAG LEN 'GA' ZHIG LA THUGS SBYONG YANG MDZAD PAR BRTZAMS PA LA MTSAMS SHIG NAS, CI BYED DE 'DRA BA LA DOGS PA MI 'DUG, DA NI MDO KHAMS DANG YUL GYI PHYOGS LA GTAN NAS MI 'GRO BA'I YID DAM BCA'

BAR BYA'O SNYAM DU DGONGS PA SHUGS DRAG PO SKYO SHAS DANG BCAS PA ZHIG 'KHRUNGS NAS DE 'PHRAL DU MDO SMAD LA MI 'BYON PA'I THUGS THAG BCAD DO, ,ZHES GSUNGS SHING, RTEN BSKUR BA SOGS KYI GSAL KHA MI 'DUG, DKAR CHAG RNYING BA LTAR NA, RJE DGUNG LO NGA GNYIS PA'I DUS YIN ZHES BSHAD 'DUG KYANG, DAD PA'I 'JUG NGOGS LTAR NA SKU TSE'I STOD YIN PA 'DRA'O, ,DKAR CHAG DER SA SKYA PAn CHEN SKU 'BUM DU BYON NAS RJE BLA MA'I 'KHRUNGS GNAS LA BSNGAGS BRJOD MDZAD PAR BSHAD PA NI BLUN PO'I CAL SGROG YIN TE, SA SKYA PAn CHEN CHU STAG LA SKU BLTAMS NAS BDUN CU PA LCAGS PHAG LA MYA NGAN LAS 'DAS SHING, DE NAS LO BRGYA DANG LNGA 'DAS PA'I ME BYA LA RJE BDAG NYID CHEN PO SKU BLTAMS PA YIN PA'I PHYIR RO, ,YUM LA GNANG BA'I SKU THANG DE DA LTA 'DU KHANG CHEN MO'I RAB GSAL DU BZHUGS SHING, AA CE LA GNANG BA'I SKU THANG PHYAG ZHABS KYI RJES YOD PA DE 'JAM DBYANGS KUN GZIGS KYI NANG RTEN DU BZHUGS, YUM ZHI BAR GSHEGS BA'I DBU THOD LA H'Um RANG BYON ZHIG BYUNG BA DE RGYUD KHANG GI STENG DU BZHUGS SO, ,DE RJES RJE BDAG NYID CHEN POS CHOS KYI 'KHOR LO BSKOR BAR MDZAD PA'I SNYAN PA THOS NAS RNAM RGYAL MCHOD RTEN GYI DBYIBS SU BZHENGS, ZHI BAR GSHEGS PA'I TSUL BSTAN PA'I TSE MYANG 'DAS MCHOD RTEN GYI DBYIBS SU BZHENGS, RGYA SOG GI 'KHRUG PA CHEN PO BYUNG BA'I TSE MEN JE'U BLA MAS DBYEN BZLUMS MCHOD RTEN DU BSGYUR, SKU YI SKYE BA 'BYON PAR NYE BA NA ZHING SKYONG NANG SOS LHA BABS MCHOD RTEN DU BSGYUR, DE NAS TA'I MING RGYAL PO KY'A KYING DGUNG LO DGU PA LCAGS PHO SPREL LOR,

, ,SGRUB PA NYAMS LEN LA GCIG TU GZHOL BA'I SGOM CHEN RIN CHEN BRTZON 'GRUS RGYA MTSOS LHAG BSAM RNAM DAG GIS KUN NAS BSLANGS TE DGE 'DUN BCU PHRAG TZAM YOD PA'I DGON SDE CHUNG NGU ZHIG GSAR DU BTAB, DE YANG RIM GYIS 'PHEL TE DGE 'DUN SUM CUR LONGS PA BYUNG, DE RJES GONG MA W'AN LI RGYAL BO KHRIR PHEBS NAS LO LNGA LON PA ME MO GLANG GI LOR GNAS 'DIR GTZUG LAG KHANG BZHENGS TE, SGOM CHEN BA DE NYID KYIS SBYIN BDAG MDZAD NAS, SMAN 'DAM LAS RGYAL BA BYAMS PA MGON PO DGUNG LO BCU GNYIS PA'I SKU TSAD BZHENGS, DE'I NANG RTEN DU SANGS RGYAS KYI 'PHEL GDUNG BYA SGONG MA DANG, YAB KLU 'BUM DGE'I DBU THOD LA 'JAM DBYANGS KYI SKU 'BUR DOD DU YOD PA DANG, JO BO RJE'I GDUNG RUS; SH'A RI'I BU'I DBU SKRA SOGS RTEN BYIN CAN MTHA' YAS PA BZHUGS, RAB GNAS MDZAD PA'I CHE NAM MKHA' NAS ME TOG GI CHAR 'BABS PA DANG, ROL MO'I SGRA SGROGS PA SOGS NGO MTSAR PA'I LTAS DU MA BYUNG, DE NAS BZUNG STE DGON GNAS 'DI LA SKU 'BUM BYAMS PA GLING ZHES MTSAN THOGS PAR GYUR TO, ,DE NAS GONG MA TA'I MING W'AN LI DGUNG LO DRUG PA SA PHO STAG GI LOR RGYAL BA BSOD NAMS RGYA MTSO STOBS KYI 'KHOR LOS BSGYUR BA THU MED AAL THAN RGYAL POS SPYAN DRANGS NAS SOG YUL DU PHEBS TE CHOS KYI 'KHOR LO BSKOR ZHING, SA MO YOS KYI LOR PHYIR PHEBS SHING SKABS DER SKU 'BUM DU MA PHEBS PAR MNGON, LCAGS SBRUL GYI LOR AAL THAN CHOS KYI RGYAL PO ZHI BAR GSHEGS SHING 'DA' KHAR RGYAL DBANG THAMS CAD

MKHYEN PA CIS KYANG GDAN 'DREN DGOS ZHES ZHAL CHEMS MDZAD PA BZHIN, CHU RTA'I LOR THA'I JI GCIG GIS GTZOS GDAN 'DREN PA 'BYOR BAR ZHAL GYIS BZHES TE MTSO KHAR PHEBS, DE NAS WAN LI DGUNG LO BCU GCIG PA RAB BYUNG BCU PA'I CHU LUG LA ZHING SKYONG NANG SOS GDAN DRANGS TE RGYAL BA BSOD NAMS RGYA MTSO SKU 'BUM DU PHEBS, MCHOD RTEN CHEN MO BYANG CHUB MCHOD RTEN DU BSGYUR BAR MDZAD, BSTAN PA'I DON DU DGONGS NAS SKU 'BUM DU DGON SDE ZHIG TSUGS NA LEGS ZHES 'DUL BA CHOS RJE SNGA MA BRTZON 'GRUS RGYAL MTSAN BZANG PO DANG, SBYIN BDAG RNAMS LA BKA' LUNG BZANG PO STZAL BAR THAMS CAD KYIS BKA' BZHIN SGRUB PAR KHAS BLANGS TE, RGYAL DBANG MCHOG NAS SA 'DUL MDZAD CING BKRA SHIS KYI ME TOG GI CHAR PHAB NAS PHAL CHER GYIS KHANG BA'I GZHI BZUNG, GZIMS KHANG ZHIG GSAR DU BZHENGS TE NANG DU CHOS SKYONG GI GTOR MA BTZUGS SHING SKU MTSAMS BSNGAMS NAS DGON PA DANG DGE 'DUN GYI SDE TSUGS PA'I SMON LAM RLABS PO CHE MDZAD, DE NAS DANG LDAN KHA SHAS KYIS SBYIN BDAG BYAS TE ZLA BA DANG PO'I NANG DU CHO 'PHRUL GYI SMON LAM YANG LO 'GA'I BAR DU BTZUGS, CHU YOS KYI LOR THAMS CAD MKHYEN PA YON TAN RGYA MTSO SOG YUL NAS DBUS GTZANG DU PHEBS SKABS, SNGAR GYI DGON PA RNYING BA RIM GYIS GRONG DGON LTA BUR SONG BA LA ZHIG GSO MDZAD BAR DGONGS NAS 'DUL BA CHOS RJE PHYI MA 'OD ZER RGYA MTSO GNAS 'DI'I GDAN SAR BSGO BZHAG MDZAD CING SGRIGS LAM KUN SPYOD RNAM PAR DAG PA DANG LDAN PA'I 'CHAD NYAN GYI GRVA TSANG ZHIG TSUGS DGOS PA'I BKA' NAN TAN DU

, ,STZAL; LHA KHANG GI NYE SKOR GYI GRONG BA RNAMS BTON NAS DGON PA GTZANG DGON DU BYAS SO, ,RGYA YAG DKA' BCU DGE 'DUN RGYAL MTSAN GYIS LHA KHANG LA ZHIG GSO LEGS PAR MDZAD, DE NAS DAD LDAN 'GA' ZHIG GIS MTHUN RKYEN SBYAR TE DUS GSUM SANGS RGYAS KYI LHA KHANG GSAR DU BZHENGS TE LOGS RIS LA RJE BDAG NYID CHEN PO'I RNAM THAR RGYAS PA SGRUB PAR MDZAD, 'JIGS BYED KYI SGO NAS RAB GNAS RGYUD SDE DANG MTHUN PAR MDZAD DE BYIN RLABS KYI GZI 'OD DANG LDAN PAR BYAS, DE NAS BSTAN PA'I SBYIN BDAG DAM PA ZIN NANG SO KHU DBON GYIS BDAG RKYEN MDZAD NAS MGON KHANG GSAR BA BSKRUN TE NANG DU BCOM LDAN 'DAS RDO RJE 'JIGS BYED ZHAL PHYAG YONGS RDZOGS, 'KHOR LO BDE MCHOG, GSANG BDAG 'KHOR CHEN, YE SHES KYI MGON PO PHYAG BZHI PA, PHYAG DRUG PA, DAM CAN CHOS KYI RGYAL PO, DPAL TSOGS KYI BDAG PO SOGS KYI SKU BRNYAN BZHENGS, RTEN DANG BRTEN PAR BCAS PA LA RAB GNAS MDZAD DE GTOR MA, MCHOD RDZAS, SPYAN GZIGS SOGS BKOD PA PHUN SUM TSOGS PAS MDZES PAR BYAS SO, ,DE NAS 'DUL BA CHOS RJE 'OD ZER RGYA MTSOS THUGS KHUR BZHES TE, RGYAL BA BYAMS PA MGON PO'I SNANG BRNYAN DANG LHA KHANG BZHENGS NAS RAB GNAS RGYAS PAR MDZAD, SKABS DE DAG TU DGE 'DUN RNAMS 'TSOGS PA'I TSE 'DU KHANG MED STABS RAS GUR GYI NANG DU TSOGS PA LA SBYIN BDAG TOR RTA DPON POS DAD PAS KUN NAS BSLANGS TE RGYA LUGS KYI 'DU KHANG ZHIG PHUG PAR MDZAD, RJES SOR RGYA YAG DKA' BCU DANG, ZIN KO SHRI KHU DBON GYIS MTHUN

RKYEN SBYAR TE 'DU KHANG RNYING BA JE CHER BTANG NAS DBUS 'PHUG LTAR 'DU KHANG KA BA SUM CU RTZA DRUG PA GSAR DU BSKRUN TE SHING RTZI LOGS RIS RNAMS KYI BDAG RKYEN RGYA YAG DKA' BCU DANG SO PHAG GI MTHUN RKYEN ZIN KO SHRI KHU DBON GYIS MDZAD NAS BKOD PA KHYAD PAR DU 'PHAGS PA LEGS PAR BSGRUBS, DE LTAR GTZUG LAG KHANG DANG BCAS PA'I DGON SDE ZHIG TSUGS KYANG 'CHAD NYAN MA TSUGS PA LA, 'CHAD NYAN DANG BRAL NA SANGS RGYAS KYI BSTAN PA'I GZHI MA MI TSUGS PAR DGONGS NAS YON MCHOD RNAMS BKA' BGROS MDZAD DE, CHU PHO BYI BA'I LO'I SMON LAM GYI STENG NAS GRVA TSANG GSAR DU BTZUGS TE CHOS KYI RJE 'OD ZER RGYA MTSO CHOS KYI KHRIR PHEBS NAS BLO GSAL 'DUS PA RNAMS LA PHAR PHYIN DANG BSDUS GRA'I BRTZI BZHAG GNANG, LO LNGA'I BAR DU CHOS DANG 'JIG RTEN GNYIS KA'I SGO NAS SKYONG BAR MDZAD, GRVA TSANG GSAR DU BTZUGS PA'I LO LA MI MTHUN PA SNANG STE RGYAL DBANG LNGA PA CHEN POS MDZAD ZER BA'I DKAR CHAG DANG, SDE SRID SANGS RGYAS RGYA MTSO'I DGE LDAN CHOS 'BYUNG GNYIS LAS SA PHO BYI BA'I LOR GRVA TSANG TSUGS PAR BSHAD, 'PHAN PO BSHES RAB DPAL BZANG GI DKAR CHAG LAS BYI BA'I LO ZHES PA TZAM LAS MA BSHAD, RONG BO GRUB CHEN SKAL LDAN RGYA MTSOS, CHOS RJE 'OD ZER RGYA MTSO YIS, ,CHU BYI'I LO LA SKU 'BUM DU, ,GRVA TSANG BTZUGS NAS BSTAN PA SPEL, ,ZHES GSUNGS 'DUG CING DE DANG MTHUN PAR KUN MKHYEN 'JAM DBYANGS BZHAD PA'I RDO RJE'I BSTAN RTZIS LAS KYANG CHU BYI'I LO LA SKU 'BUM DU GRVA TSANG BTZUGS PAR BSHAD, LUGS DE GNYIS LAS GANG 'THAD PA'I PHYOGS SU GZUNG BAR BYA ZHE NA KHO BO

, ,NI 'DI LTAR SEMS TE, CHOS SDE 'DI'I DKAR CHAG KHA SHAS 'DUG PA'I NANG NAS KHRI THOG BZHI PA 'PHAN PO BA SHES RAB DPAL BZANG GIS MDZAD PA DE KHUNGS BTZUN PAR MTHONG ZHING, DKAR CHAG DE NYID LAS, GONG DU SBOS PA LTAR, RGYAL BA YON TAN RGYA MTSO YAR PHEBS SKABS CHOS RJE 'OD ZER RGYA MTSO LA 'CHAD NYAN GYI GRVA TSANG BTZUGS DGOS ZHES GSUNGS PAR BSHAD, DE LTAR NA GRVA TSANG TSUGS PA'I LO SA PHO BYI BAR MI 'GRIG STE, SA PHO BYI BA SNGA PHYI GNYIS LAS SNGON MA LA BYED NA RGYAL BA YON TAN RGYA MTSO'I 'KHRUNGS LO DANG GCIG PAS YAR PHEBS SKABS GRVA TSANG 'DZUGS RGYU'I GSUNG BKOD GNANG BA DANG 'GAL, RJES MA LA BYED NA DE'I BAR DU BZHI BCU ZHE LNGA TZAM 'GRO DGOS PAS HA CANG YUN RING BA'I SKYON 'BYUNG NGO, ,DES NA CHU YOS NAS BRTZIS PA'I LO BCU PA CHU BYI'I LO LA GRVA TSANG TSUGS PAR BYAS NA DUS SNGA PHYI 'GRIG CING SGRUB BYED DANG LDAN PAR RTOGS SO, ,DKAR CHAG SRID NA MNGON MTHO ZHES PA DE RGYAL DBANG LNGA PA CHEN PO LA KHA G-YAR BA ZHIG YIN NA MA SNYAM ZHING, GAL SRID RGYAL DBANG DES MDZAD PA YIN KYANG BAR SKABS SU MI MKHAS PA ZHIG GIS LHAD MANG PO BCUG BAR GDON MI ZA'O, ,SDE SRID KYIS MDZAD PA'I DGE LDAN CHOS 'BYUNG DU 'DI TZAM DU MA ZAD GZHAN MA'I SKABS SU YANG NOR 'KHRUL MANG DU BYUNG 'DUG BAS MTHA' GCIG TU YID BRTAN DKA' BAR SNANG NGO, ,LA LA BLUN PO'I DAG SGROS GTZO BOR 'DZIN, ,KHA CIG MI SHES TSOD 'JOG BYUNG RGYAL SMRA, ,RIGS DANG MI RIGS KHYAD PAR LEGS PHYE NAS, ,SMRA BA 'JIG RTEN 'DI

NA SHIN TU DKON, ,BLO GROS YAN LAG RANG DBANG BRAL BZHIN DU, ,DAM POR BCINGS PA'I SOM NYI'I ZHAGS PA NI, ,RNAM DPYOD RAL GRIS BCAD PA'I NGO MTSAR 'DIR, ,GUS PAR MI BYED SHES LDAN SU ZHIG MCHIS, ,ZHES KYANG SMRAS SO,, ,, ` DA NI DKYUS LA 'JUG PAR BYA STE, CHOS RJE 'OD ZER RGYA MTSO DE NI AA MDOR 'KHRUNGS SHING, CHUNG DU NAS RAB TU BYUNG STE GZHUNG LUGS LA SBYANGS PA MTHAR PHYIN PAR MDZAD, TSUL KHRIMS GTZANG ZHING THUGS DGONGS DAG PA, MKHYEN PA RGYAS SHING GZHAN DON LA SNYING STOBS CHE BA, 'BYOR BA GANG YOD CHOS PHYOGS SU GTONG BA, CHOS SDE CHEN PO 'DIR LUGS GNYIS KYI SGO NAS BKA' DRIN SHIN TU CHE BA ZHIG STE, KHONG GIS GDAN SA LO LNGA MDZAD NAS DGONGS PA ZHUS, YON MCHOD BGROS THOG NAS MKHAS BA CHEN PO CHOS KYI RGYA MTSO GDAN SAR BSKO BZHAG MDZAD NAS, TAN TIG YANG TIG, SHA RDZONG SOGS DBEN GNAS RNAMS SU ZAB RGYAS LAM GYI RIM PAR SGRUB PA SNYING BOR MDZAD PAS DUS 'DA' BAR GYUR TO,, ` ,,KHRI THOG GNYIS PA MKHAS PA CHEN PO KO'U PA CHOS KYI RGYA MTSO NI, MDO SMAD KHRI KA'I SA'I CHA, RMA CHU'I KLUNG 'GRAM SKAR MA THANG ZHES BYA BAR LCAGS MO LUG GI LO LA BSOD NAMS RIN CHEN DANG, PADMA MTSO GNYIS KYI SRAS SU SKU 'KHRUNGS, DGUNG LO BDUN PAR BLA MA GONG MA CHOS KYI RGYAL MTSAN LAS YI GE 'BRI KLOG SOGS BSLABS, DGUNG LO BCU BZHI PA LA SHAR TZONG KHA'I YUL DU THAMS CAD MKHYEN PA BSOD NAMS RGYA MTSO LAS RAB TU BYUNG, STONG 'KHOR SPRUL SKU YON TAN RGYA MTSO DANG, SPRUL

, ,SKU BSOD NAMS YE SHES DBANG PO SOGS MJAL, DGUNG LO BCU BDUN PA LA YUL DBUS SU BYON, RI BO DGE LDAN DU CHOS KYI RJE BYAMS PA RGYA MTSO'I SPYAN SNGAR DGE TSUL BSKYAR TE BSGRUBS, SGOM SDE NAM MKHA' RGYAL MTSAN GYI DRUNG DU DBYANGS CAN MA'I RJES GNANG GSAN, SE 'BRAS DGE GSUM GYI RTEN DANG JO SH'AKA SOGS MJAL, CHOS GRVA CHEN PO 'BRAS SPUNGS SU BKRA SHIS SGO MANG GI CHOS GRVAR ZHUGS, CHOS KYI RJE CHU BZANG PA BYAMS PA LHUN GRUB BSTEN NAS BSDUS GRVA DANG PHAR PHYIN LA SBYANGS, DE RJES ZHA DMAR RAB 'BYAMS PA BRTZON 'GRUS RGYA MTSO'I DRUNG DU DBU MA, 'DUL MDZOD, RNAM 'GREL SOGS GSAN CING SBYANGS BAS MKHAS PA'I GO 'PHANG BRNYES, DGUNG LO NYI SHU RTZA DRUG PA LA GLING BSRE'I MTSAN BTAGS MDZAD, DGUNG LO NYER BDUN PA LA BKRA SHIS LHUN POR PHEBS NAS DKYIL KHANG PA SANGS RGYAS RGYA MTSO'I DRUNG DU TSANG MA RNAM 'GREL GSAN, BYANG NGAM RING DU GRVA SKOR MDZAD, DGUNG LO NYI SHU RTZA BRGYAD PA LA DBEN DGON DU PHEBS NAS PAn CHEN BLO BZANG CHOS KYI RGYAL MTSAN GYIS MKHAN SLOB SBRAGS MA MDZAD, RJE DBON LEGS TSOGS LHUN GRUB PAS GSANG STON BYAS TE DGE 'DUN GRANGS TSANG BA'I DBUS SU BSNYEN PAR RDZOGS, BLA MA PAn CHEN GYIS DGYES BZHIN DU RJES SU BZUNG STE THOS BSAM SGOM GSUM LHAN CIG TU MDZAD CING, LUNG RJES GNANG MTHA' YAS PA GSAN, DE NAS DBUS SU BYON NAS SMAD RGYUD DU CHOS RJE RNAM RGYAL DPAL BZANG BSTEN NAS SNGAGS PHYOGS LA SBYANGS, DE NAS

'BRAS SPUNGS SU PHEBS NAS, SNGAGS PA SLOB DPON NAM MKHA' BZANG PO BA LA BDE MCHOG LUS DKYIL SOGS GSAN, SEMS DPA' CHEN PO NGAG DBANG CHOS KYI RGYA MTSO DANG, STAG LUNG BRAG PA BLO GROS RGYA MTSO GNYIS LA CHOS BKA' CI RIGS GSAN, DGUNG LO SO GSUM PA LA PAn CHEN RIN PO CHE DBUS SU PHABS SKABS TSE RABS KUN TU RJES 'DZIN GYI SKYABS 'JUG ZHUS PA'I LAN DU, MTHA' 'KHOB MUN GLING SKYE BA'I RGYAR CHUD KYANG, ,DBUS GTZANG DAG BA'I ZHING BGROD DAM PA BSTEN, , ZAB MO'I LUNG DANG RTOGS PA'I BDAG NYID DU, ,BYAS TE RANG YUL LDOG PAR RIGS PA DE, ,'JIG RTEN MIG GYUR RIN CHEN BZANG PO SOGS, ,BDE BAR KHA BA CAN LJONGS BGROD PA BZHIN, ,YID GCUGS MA BU YUN RING 'BRAL MTHONG NA, ,MA SMAD 'PHRANG BZHIN BSLAB BYA BYED PA LTAR, ,DGE BA'I MDZA' BAS SBREL BA BDAG CAG GNYIS, ,RNAM DKAR SNGON LAS DBANG GIS 'DIR 'BREL ZHING, ,'DIR YANG BZANG BO'I GOMS PA BRTAN BYAS TE, ,TSE RABS KUN TU 'BRAL MED CHOS SPYAD NAS, ,MTHAR THUG CHOS KYI DBYINGS SU RTZE BAR SMON, ,ZHES SOGS GNANG, DGUNG LO SO BZHI PAR RANG YUL DU PHEBS, DON GNYER BA RNAMS LA CHOS KYI CHAR PHAB CING, YON BDAG RNAMS SMIN GROL GYI LAM DU BKOD DE 'GRO DON RGYA CHER MDZAD, DGUNG LO ZHE BDUN PA RAB BYUNG BCU PA'I ME SPRUL LA SKU 'BUM BYAMS PA GLING GI KHRI THOG TU PHEBS, BLO GSAL 'DUS PA'I TSOGS LA LEGS BSHAD KYI DGA' STON STZAL, SA MO LUG GI LOR SDE PA CHOS RJE BSTAN 'DZIN BLO BZANG RGYA MTSO PHEBS BYUNG BAR 'GREL

, ,PA BZHI SBRAGS SOGS GSAN, GNAS DER RANG NYID KYI RNAM THAR, BSTAN BCOS GZE MA RA MGO SOGS MDZAD, CHU PHAG LOR DGONGS PA ZHUS TE RANG YUL DU PHEBS NAS SKAR MA THANG DU BZHUGS, SDE PA CHOS RJE'I DRUNG DU CHOS BKA' MTHA' YAS PA GSAN, SA PHO 'BRUG GI LOR REB GONG DU PHEBS NAS RONG PO CHOS PAS GTZO BYAS SKYA SER KUN LA DAM PA'I CHOS KYI DGA' STON STZAL, SA MO SBRUL LOR SKU 'BUM DU BYON NAS SDE PA CHOS RJE'I DRUNG DU DBANG RDO RJE 'PHRENG BA SOGS GSAN, DGUNG LO DRUG CU RE LNGA PA LA RJE TZONG KHA PAS BYIN GYIS BRLABS PA'I GNAS YIN PAS SKU 'BUM PHYOGS SU 'GRO GSUNGS NAS, HOR ZLA DANG PO'I NANG DU LHUN GRUB CHOS RDZONG NAS BYON TE TZONG KHA'I SA'I CHA AA RTZE ZER BAR PHEBS, DER SKU KHAMS MA BDE BAR HOR ZLA GSUM PA'I NYI SHU LNGA LA ZHI BAR GSHEGS, GDUNG ZHUGS LA SBYANGS PAS DUNG DKAR G-YAS 'KHYIL SOGS BYON NO,, ` ,,KHRI THOG GSUM PA 'DUL BA CHOS RJE 'OD ZER RGYA MTSO STE, SLAR YANG GDAN SAR PHEBS NAS LO KHA SHAS KYI RING CHOS SDE CHEN PO LUGS GNYIS KYI SGO NAS SKYONG BAR MDZAD DO,, ` ,,KHRI THOG BZHI PA 'PHAN PO BA SHES RAB DPAL BZANG PO STE, DE NI 'PHAN YUL DU 'KHRUNGS, BKRA SHIS LJONGS SU SLOB GNYER MDZAD PAS MKHAS PA'I MCHOG TU GYUR, MDO SMAD DU PHEBS NAS 'GRO DON MDZAD, DE NAS SBYIN BDAG RNAMS DANG, KHYAD BAR DU SDE BA ZHABS DRUNG BSTAN 'DZIN BLO BZANG RGYA MTSO NAS ZHU YIG DANG BCAS NGA CHEN MDZAD DE SKU 'BUM GYI GDAN SAR PHEBS

PA YIN LA, DE'I SKABS KYI ZHU YIG NI 'DI YIN TE, SHES BYA'I GNAS KUN GSAL LER RTAG GZIGS BLO BZANG RGYAL BA YI, ,RAB 'BYAMS MDO RGYUD CHOS KYI MDZOD LA DBANG BSGYUR MKHAS PA'I MGON, ,DPAL LDAN MCHOG TU DKAR BA'I LHUN GRUB 'PHRIN LAS BSTAN 'GRO'I GNYEN, ,BZANG PO'I SKAL CAN SKYE DGU'I YONGS 'DZIN GANG DE RGYAL GYUR CIG ,SHES BYA KUN GZIGS RGYAL BA DE'I, ,RAB 'BYAMS 'PHRIN LAS SPEL BA LA, ,DPAL DANG MCHOG TU KHYOD GYUR CES, ,BZANG 'GRO'I BSNGAGS PA GANG DE'I DRUNG, ,YONGS 'DZIN DAM PA'I MGON GYIS BZUNG, ,MDO RGYUD THOS PA'I NOR GYIS PHYUG ,RNAM DPYOD MIG YANGS G-YO BA DES, ,SLAR YANG KHYOD LA 'DI SKAD GSOL, ,BDAG CAG KUN GYI 'DREN PA DES, ,KUN LA THUGS RJES NYER BZUNG NAS, ,GDAMS PA'I SNYING PO BSDUS PA NI, ,'DI SKAD STZAL BA MA LAGS SAM, ,BRGYAD LHAG BCU PHRAG CHOS LDAN PA'I, ,RTEN BZANG THOB PA'I DUS SKABS 'DIR, ,NGA YI BSTAN LA RAB BYUNG NAS, ,BSHAD SGRUB BYA BA RNAM GNYIS KYIS, ,RGYAL BA'I 'PHRIN LAS BSGRUBS ZHES GSUNGS, ,DE YANG DANG PO'I LAS CAN LA, ,RANG GZHAN KLOG PA THOS BSAM LA, ,SBYOR BA MCHOG TU BSNGAGS PA YIN, ,DE PHYIR MKHAS KHYOD NA TSONG PHRA, ,BLO GROS DBANG PO'I RTZAL MI DMAN, ,BRTZON PA'I LANG TSO DANG LDAN PAS, ,DA DUNG SNGON GYI 'PHRIN LAS SKYONGS, ,SRID GSUM KUN LA DBANG BYED PA'I, ,DGRA DES NAM 'DZIN CHA MED KYANG, ,SA BCU'I DPA' BO RNAMS KYIS KYANG, ,SMON PA'I GNAS GYUR BZANG PO YI, ,BAG CHAGS NGANG DU DUS 'DA' NA, ,

, ,DE LAS MCHOG GYUR CI ZHIG MCHIS, ,SNGON GYI DAM PA CHA BA DANG, ,MA CIG DBON PO LA SOGS PA'I, ,RNAM THAR TSUL LA KHYOD DGONGS NAS, ,BDAG CAG RE BA 'BRAS LDAN 'TSAL, ,MDO RGYUD KUN LA DBANG BSGYUR BA, ,KHYOD LA MANG DU GSOL CI 'TSAL, ,DUS GNAS SKYE DGU'I GSHIS GZIGS LA, ,BLO BZANG BSTAN PA 'BA' ZHIG DGONGS, ,GANG CI'I ZHIB RGYAS MTHA' DAG PA, ,NGOS KYIS ZHU ZHING 'DI RNAMS KYIS, ,ZHU BA YOD LA RTEN 'BREL NI; ;BZANG POR MTSON PHYIR BKRA SHIS KYI, ,KHA BTAGS DBANG GI MDANGS LDAN PA'I, ,RTEN GYIS THOG DRANGS LNGA TSAN BCAS, ,BZANG PO'I TSES LA DGE BAR PHUL, ,ZHES PA'O, ,SA MO SBRUL LOR CHOS KYI RJE NYID KYIS GTZO BYAS MCHOD YON THUN MONG NAS MKHAS SHING GRUB PA BRNYES PA'I DBANG PHYUG SDE PA ZHABS DRUNG BSTAN 'DZIN BLO BZANG RGYA MTSO'I DRUNG DU DBANG RDO RJE 'PHRENG BA'I SNYAN GSAN PHUL TE SKU 'BUM DU SPYAN DRANGS, DGE 'DUN 'DUS PA'I TSOGS KYIS BSNYEN BKUR LEGS PAR BYAS; RE ZHIG SKU MTSAMS MDZAD NAS PHYAG DPE LA GZIGS RTOG GNANG, SKU MTSAMS GROL NAS ZLA BA GSUM PA'I TSES LA MKHAS PA CHEN PO KO'U BA CHOS KYI RGYA MTSO, SLOB DPON SHES RAB SENG GE, GDAN SA PA CHOS RJE 'DI PA, BYA KHYUNG CHOS RJE DNGOS GRUB RGYA MTSO SOGS DGE BA'I BSHES GNYEN RNAMS DANG, BSTAN PA'I SBYIN BDAG ZIN KO SHRI SOGS LNGA BRGYA LHAG TZAM LA DBANG RDO RJE 'PHRENG BA RDZOGS PAR GNANG, DBANG GRUB NAS DGON PAR BZHUGS TE, DBYAR DUS DGON

PA'I BYANG PHYOGS SU BYANG CHUB MCHOD RTEN BZO DBYIBS KHYAD PAR DU 'PHAGS PA PHYAG TSA DANG GDUNG RING BSREL SOGS KYI NANG RTEN CAN LEGS PAR BZHENGS TE, DPAL RDO RJE 'JIGS BYED KYI SGO NAS RAB GNAS RGYAS PAR MDZAD DE ME TOG GI CHAR PHAB, RAB GNAS LEGS PAR GRUB PA'I DGA' STON DU DGE 'DUN 'DUS PA'I TSOGS LA MANG 'GYED GYA NOM PA PHUL, CHOS KYI RJE 'PHAN PO BA 'DIS DKAR CHAG LEGS PA MDOR BSDUS ZHIG KYANG MDZAD DO,, ` ,,KHRI THOG LNGA PA CHU BZANG RNAM RGYAL DPAL 'BYOR NI, YUL DBUS KYI SA'I CHA STOD LUNG CHU BZANG DUS PHO STAG GI LOR SNGAGS 'CHANG BSOD NAMS MGON PO DANG, MA MA BRE SANG GNYIS KYI SRAS SU 'KHRUNGS, 'BRI KLOG SOGS BSLABS TE NAR SON BA NA, SMAD RGYUD GRVA TSANG CHU MIG LUNG DU DBYAR GNAS MDZAD PA'I TSE BROS STABS KYIS PHEBS, RGYUD CHEN RNAM RGYAL DPAL BZANG GI SPYAN SNGAR RAB TU BYUNG, MTSAN RNAM RGYAL DPAL 'BYOR DU BTAGS, DE NYID KYIS CHA RKYEN GNANG NAS RAB STOD DU PHEBS, STAG LUNG BRAG PA BLO GROS RGYA MTSO BSTEN NAS BSDUS TSAD LA SBYANGS PAS MKHAS PA'I MCHOG TU GYUR, DE NAS 'BRAS SPUNGS SU PHEBS NAS BKRA SHIS SGO MANG GI CHOS GRVAR ZHUGS TE MKHAS PA CHEN PO BZHU KHANG PA DGE LEGS LHUN GRUB PA'I DRUNG DU PHAR PHYIN, DBU MA, 'DUL MDZOD RNAmS LA LEGS PAR SBYANGS PAS MKHAS PA'I GRAGS PA THOB, 'BRAS SPUNGS SU GLING BSRE'I MTSAN BTAGS MDZAD, SE RA, DGE LDAN, BKRA SHIS LHUN PO, DPAL 'KHOR CHOS SDE, NGAM RING SOGS SU GRVA SKOR MDZAD, BKRA SHIS

, ,LHUN POR BZHUGS SKABS, SA SKYA PA DANG, KARMA PA'I DGE BSHES GNYIS RTZOD PA BYED DU 'ONGS PA NA, PAn CHEN RIN PO CHE'I GSUNG LTAR BZHENGS NAS BGRO GLENG MDZAD PAS KHONG GNYIS TSAR BCAD DE PHAM PAR BYAS, DE TSE SDE SRID GTZANG PA SOGS BZHIN GYI MDOG 'GYUR ZHING, SDE PA BSOD NAMS CHOS 'PHEL GYIS LKOG NAS BDAG RKYEN MDZAD, BKRA SHIS SGO MANG GI DGE BSKOS KYI THOG MA GNANG NAS 'DZIN SKYOR SBYANG GI RTING BSKUL YANG DAG PA MDZAD, SMAD RGYUD DU PHEBS NAS SNGAGS PHYOGS LA GSAN SBYONG MDZAD, PAn CHEN BLO BZANG CHOS KYI RGYAL MTSAN GYI DRUNG DU RDO RJE 'PHRENG BA'I DBANG DANG CHOS BKA' MTHA' YAS PA GSAN, PAn CHEN DE NYID KYI DRUNG DU BSNYEN RDZOGS MDZAD, HAN STAG LUNG NAS HAN AA BU BLA MA DANG, STAG LUNG DBON PO SOGS KYIS RGYAL BA YON TAN RGYA MTSO'I SKU ZHABS SU BANG CHEN PA MNGAGS TE BLA MA BZANG BA ZHIG GNANG DGOS ZHES ZHUS PA NA, RAB 'BYAMS PA BSOD NAMS GRAGS PA LA 'GRO DGOS GSUNGS KYANG DGONGS PA ZHUS, DE NAS MKHAS PA CHEN PO 'DI LA PHEBS DGOS ZHES RGYAL BA YAB SRAS GNYIS NAS GSUNG GNANG BAS PHEBS PAR THAG BCAD DE, LHA BTZUN SOGS GRVA PA MANG PO DANG 'GROGS NAS RIM GYIS MTSO KHAR PHEBS, LHA BTZUN DBUS NA YOD SKABS, GZHAN PHYOGS PA RNAMS KYIS DGE LUGS PA LA RDO RJE 'PHRENG BA'I DBANG RGYUN MED ZER 'DUG PA AE BDEN ZHES PAn CHEN RIN PO CHER ZHUS PAS, DBANG RGYUN YOD PA'I RGYU MTSAN MANG DU GSUNGS NAS NGED KYI SLOB MA RAB 'BYAMS PA

RNAM RGYAL DPAL 'BYOR LA YANG YOD GSUNGS, LHA BTZUN MDO SMAD DU 'BYOR NAS DE'I RGYU MTSAN KHO RANG GI PHA LA LAB PAS, DPON PO DES RE ZHIG NGA'I SA CHAR BZHUGS DGOS ZHES ZHUS TE, DER DGON PA ZHIG BTAB NAS LO BDUN GYI RING 'CHAD NYAN MDZAD, MI RING BAR DPON PO GSHEGS PA'I RKYEN GYIS DGON PA 'THOR ZHIG TU GYUR, DE NAS MTSO SRIBS SU LO GCIG TZAM DANG, THAR KHIR ZHES PA'I SA CHAR LO KHA SHAS BZHUGS NAS SGRUB PA SNYING BOR MDZAD, 'JIGS BYED KYI RDZOGS RIM GYI KHRID YIG CIG KYANG GSAR DU BRTZAMS, HUNG THA'I JI DANG NU BO GNYIS NANG 'KHRUGS TE, RJE 'DI DANG SDE BA ZHABS DRUNG GNYIS DE'I BAR CHINGS LA BYON PAS PHAN CUNG ZAD THOGS, DE NAS HAL HA CHOG THU'I DMAG MTSO KHAR 'ONGS PA'I RKYEN GYIS NANG PHYOGS SU PHEBS, DOM BAG CES BYA BA'I GRONG DU ZIN NANG SOS SBYIN BDAG MDZAD NAS BZHUGS, ZIN NANG SO KHU DBON GYIS LHA KHANG 'OG MAR SPYAN DRANGS TE BKUR STI PHUN SUM TSOGS PA MDZAD, SBYIN BDAG RNAMS KYIS YANG DANG YANG DU GSOL BA BTAB PA LA BRTEN NAS SKU 'BUM GYI KHRI KHAR PHEBS, BLO GSAL RNAMS LEGS PAR BSHAD PAS BSKYANGS, YIG CHA'I SKOR LA GTAM GLENG CUNG ZAD BYUNG YANG MA 'GYAD BAR ZHI, HAL HA CHOG THUS GDAN DRANGS NAS BSNYEN BKUR MDZAD, BLA MA 'DI DANG SDE PA ZHABS DRUNG GNYIS ZHVA MA GTOGS BDAG GI BLA MAR 'OS 'DUG CES SMRAS SKAD, CHOG THU DPON BLON RJE RIN PO CHE'I BSTAN PA LA SDANG BAR BRTEN, RJE 'DIS THABS MKHAS GYIS KHONG RNAMS MGU BAR MDZAD, DGUNG LO NGA DGU PA ME

, ,BYA'I LOR SKU CUNG ZAD BSNYUNGS TE ZHABS BRTAN SKU RIM RGYA CHER MDZAD, BAR SKABS SHIG, KU SHRI BLA MAS SKU MDUN DU CHOS RGYAL GYI ZHAL THANG LA BLTAS TE, KHYOD KYIS DBYUG TO 'PHYAR NAS KHA GDANGS MA GDANGS MI 'DUG, HAL HA CHO GA THUS RJE BTZUN TZONG KHA PA'I BSTAN PA BSNUBS TSAR 'DUG CES SMRAS PAS, DE 'DRA ZER MI RUNG CHOG THU LA YUN RING PO MI YONG ZHES GSUNGS, LO DE'I MJUG TU BSTAN 'DZIN CHOS KYI RGYAL BO DANG, B'A THUR HUNG THA'I JI GNYIS KYIS CHOG THU RMEG MED DU BCOM, ME GLANG LOR BSTAN 'DZIN CHOS KYI RGYAL POS DAM PA 'DI SPYAN DRANGS TE BKA' CHOS GSAN, RGYAL BO SKU 'BUM DU PHEBS PAR BSNYEN BKUR MDZAD, LO DE'I MJUG TU KHRI'I DGONGS PA ZHUS NAS, RGYAL BA CHOS RJE BKRA SHIS DON GRUB GDAN SAR BSKOS, DGUNG LO RE GCIG PA SA STAG GI LOR, SDE BA ZHABS DRUNG BSTAN 'DZIN BLO BZANG RGYA MTSO DGON LUNG DU ZHI BAR GSHEGS PA'I DGONGS RDZOGS SU SPYAN DRANGS TE SKU GDUNG ZHUGS 'BUL MDZAD, SKU 'BUM DU STONG 'KHOR RGYAL BA RGYA MTSO PHEBS PAR BRGYA 'BUL SOGS GNANG, SA MO YOS KYI LOR DGON LUNG GI KHRIR PHEBS NAS 'CHAD NYAN GYI RGYAL MTSAN BSGRENG PAR MDZAD, PHYOGS DE'I LUS CAN RNAMS KYI DON RLABS PO CHE MDZAD, AER KHE CHOS RJE SOGS LA GSANG 'DUS KYI DBANG CHEN STZAL, AER TI NI HUNG THA'I JIS SKU 'BUM DU MCHOD RTEN BZHENGS PAR RAB GNAS GNANG, SHING SPRUL GYI LOR LE'U TZE'I DMAG GIS DGON SDE RNAMS LA GNOD BAR BYUNG BA LA, RJE 'DIS THABS MKHAS MDZAD DE 'JIGS

BA LAS BSKYABS, ME PHAG LOR STONG 'KHOR MDO RGYUD RGYA MTSO BSOD SNYOMS LA PHEBS PAR DGON LUNG DU SPYAN DRANGS, 'GA' ZHIG GIS STONG 'KHOR GYI SKYE BA YIN MIN ZER YANG, RJE 'DIS RGYAL BA RGYA MTSO'I SKU SKYE 'KHRUL MED YIN GSUNGS NAS BKUR GZOS GNANG, SA PHO BYI BA'I LOR AOR TSE SKU SKYE DANG, AA KY'A SKU SKYE GNYIS RAB BYUNG MDZAD, LO DER DGON LUNG GI KHRI'I DGONGS PA ZHUS NAS ZLA BA BCU BA'I YAR TSES LA BTZAN PO DON GRUB RGYA MTSO GDAN SAR BZHUGS, DGON PAR SPYI 'JOG GYA NOM PA MDZAD, SA MO GLANG GI LOR ZIN NANG SOR GSER YUM GTAD PA GDAN DRANGS TE RAB GNAS MDZAD, LCAGS STAG GI LOR SKU 'BUM DU GDAN DRANGS NAS GTZANG BA KHANG DU BZHUGS, BLA MA DGE 'DUN RNAMS LA 'BUL BA MANG 'GYED GYA NOM PA GNANG, DGUNG LO DON BZHI PA ZLA BA BCU GNYIS PA'I NANG DU SKU KHAMS MA BDE BAR BCU DGU'I THO RANGS NGO MTSAR BA'I LTAS DU MA DANG BCAS TE ZHI BAR GSHEGS, CHOS RJE RAB 'BYAMS PA DON YOD RGYAL MTSAN GYIS GDUNG ZHUGS 'BUL MDZAD, DE LTAR NA DAM PA 'DI NI GDAN SA CHEN PO 'DI LA CHOS SRID GNYIS KA'I SGO NAS BKA' DRIN CHE BAR SNANG NGO,, ` ,,KHRI THOG DRUG PA RGYAL BA CHOS RJE BKRA SHIS DON GRUB,, ` ,,KHRI THOG BDUN PA BTZAN PO DON GRUB RGYA MTSO NI, YUL DBUS DGA' BA GDONG DU 'KHRUNGS, GZHON NU NAS RAB TU BYUNG STE 'BRAS SPUNGS BKRA SHIS SGO MANG DU GZHUNG LUGS LA SBYANGS PAS MKHAS PA'I MCHOG TU GYUR, MDO SMAD DU BYON NAS RAB BYUNG BCU GCIG PA'I CHU RTA LA SKU

, ,'BUM GYI KHRIR BZHUGS NAS LEGS BSHAD KYI DGA' STON SPEL BAR MDZAD, BAR SKABS SU DGON LUNG GI KHRI YANG MDZAD CING, BYA KHOG TU GSER DGON DGA' LDAN DAM CHOS GLING GSAR 'DEBS MDZAD, 'DIS GDAN SA MDZAD PA'I SKABS SU, HAL HA NAS DAD STOBS DANG LDAN PA AER TI NI HUNG THA'I JI DBUS SU 'GRO BA'I LAM ZHOR LA SKU 'BUM DU BYON TE RGYAL BA TZONG KHA BA CHEN PO LA MI BYED PA'I DAD PA TSAD MED PA 'KHRUNGS NAS, DNGUL GTOS CHE BA PHUL TE SNGAR GYI BYANG CHUB CHEN PO'I MCHOD RTEN NANG DU BZHUGS SU BCUG NAS CHO 'PHRUL CHEN PO'I MCHOD RTEN BKOD PA PHUN SUM TSOGS PA BZHENGS PAR MDZAD,, ` ,,KHRI THOG BRGYAD PA GDONG KHA PA CHE SHOS DPAL LDAN RGYA MTSO , 'DIS KHRI MDZAD SKABS SU CHU 'BRUG LOR RGYAL DBANG THAMS CAD MKHYEN CING GZIGS PA CHEN PO NGAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDE RGYA NAG GONG MA SHUN TI RGYAL POS SPYAN DRANGS TE, RGYAL KHAB CHEN BOR CHIBS KYI KHA LO BSGYUR BA'I TSE GDAN SA CHEN PO 'DIR PHEBS NAS ZHAG GNYIS TZAM BZHUGS, TSOGS CHEN DU SPYAN DRANGS NAS ZHABS BRTAN RGYAS PAR PHUL, RGYAL BA BSOD NAMS RGYA MTSO'I BZHUGS KHRI'I STENG NAS KHROM TSOGS PA RNAMS LA BYANG CHUB LAM RIM CHEN MO'I DBU NAS CHOS THUN GCIG GNANG, DGE 'DUN RNAMS LA MANG 'GYED BCAS GSOL RAS STZAL, CHU SPRUL LOR YAR PHEBS SKABS BCA' CI CHEN MO DANG, GSER SRANG STONG LAS GRUB PA'I STON PA'I SNANG BRNYAN, ZANG ZING GI BDOG PA GYA

NOM PA GNANG, DE YANG RNAM THAR DU K'U LA'I GOS BZANG LAS, RGYAL BA GNYIS PA TZONG KHA PA CHEN PO SKU BLTAMS PA'I GNAS LUMBA'I TSAL GYI RJES SU 'GRO BA SKU 'BUM BYAMS PA GLING DU 'DUS TSOGS RNAMS KYIS MDUN BSUS TE 'BYOR, AOS ROD KYI DPON PO TSE DBANG BSTAN 'DZIN GYIS RGYA KHANG GSAR BRGYAB CIG 'DUG PA BYIN BYUNG BAR SDONG SA BYAS, PHYI NANG GI RTEN RNAMS ZHIB PAR MJAL, TSOGS CHEN GYIS RING POR 'TSO BA'I BDEN PA BRJOD DE RTEN 'BREL BSGRIGS, DGON PA'I MDUN DU THAMS CAD MKHYEN PA BSOD NAMS RGYA MTSO'I BZHUGS KHRI ZHIG 'DUG PA DER BOS, SPYI SGER GYIS RTA BCU GNYIS KYIS GTZOS PA'I GOS DAR GSER DNGUL JA SOGS KYI STONG 'BUL BYAS, RGYA BOD HOR SOG GI KHROM STONG PHRAG LNGA TZAM LA BYANG CHUB LAM RIM CHEN MO NAS CHOS THUN GCIG ZHIB TU BSHAD, KHROM PA RNAMS KYI BLO DANG BSTUN TE ME TOG GTOR, BSTAN 'DZIN DANG TA'I CHING GNYIS KYIS BZHENGS PA'I BKA' 'GYUR LA SHIS PA BRJOD, TSOGS PA LA MANG JA DANG JA DNGUL GYI 'GYED BTANG, ZHAG GNYIS BSDANG NAS BTEG CES GSUNGS PA LTAR RO,, ` ,,KHRI THOG DGU PA KHYUNG THAR PA BSOD NAMS RIN CHEN,, ` ,,KHRI THOG BCU PAR KHO CHOS BKRA SHIS,, ` ,,KHRI THOG BCU GCIG PA RDO BIS BYAMS PA DPAL BZANG,, ,, ` KHRI THOG BCU GNYIS PA GZIMS KHANG GONG MA 'JAM DBYANGS DPAL 'BYOR,, ` ,,KHRI THOG BCU GSUM PA LI THANG PA BSTAN PA DAR RGYAS,, ` ,,KHRI THOG BCU BZHI PA DKAR PO BA YON TAN BLO GROS,, ` ,,KHRI THOG BCO LNGA PA KHYUNG

, ,THAR PA SANGS RGYAS LHUN GRUB,, ` ,,KHRI THOG BCU DRUG PA AA KY'A SHES RAB BZANG PO STE, KHANG ZHI RGYAL PO DGUNG LO NYER LNGA PA ME STAG LA KHRIR BZHUGS TE, SA 'BRUG LOR DBUS 'PHUG LTAR 'DU KHANG KA BA SUM CU RTZA DRUG PA JE CHER BTANG NAS KA BA BRGYAD CU GSAR DU BSKRUN TE, DE LTAR NA GDAN SA 'DI LA CHOS SRID GNYIS KA'I SGO NAS BKA' DRIN CHE BAR MDZAD DO,, ` ,,KHRI THOG BCU BDUN PA STAG MTSER BLO BZANG RDO RJE STE, RAB BYUNG BCU GNYIS PA'I LCAGS LUG LA KHRIR 'KHOD,, ` ,,KHRI THOG BCO BRGYAD PA CHU BZANG PA BLO BZANG BSTAN PA'I RGYAL MTSAN TE, KHANG ZHI RGYAL PO'I DGUNG LO SO LNGA PA ME BYI LOR KHRIR 'KHONG,, ` ,,KHRI THOG BCU DGU PA SKYOR MO LUNG PA 'JAM DBYANGS RGYAL MTSAN TE, CHU SPRUL LOR GDAN SAR PHEBS,, ` ,,KHRI THOG NYI SHU PA RGYAL MKHAN PO AA CHI THU NO MIN HAN BLO BZANG DON GRUB STE, DE NI KO SHRI HAN BSTAN 'DZIN CHOS RGYAL GYI GDUNG BRGYUD DU 'KHRUNGS PA YIN LA, DE YANG KO SHRI HAN GYI SRAS CHE BA TSE RING YEL DU CI, DE'I SRAS CHUNG BA DAR RGYAL PO SHOG THU, DE LA DPON MO GSUM YOD PA'I CHE PA'I SRAS TSE DBANG DPAL 'BAR, DE LA SRAS GSUM YOD PA'I CHE BA AER KHE TA'I CHING, 'BRING PO CHOG THU TA'I CHING, CHUNG BA NI CHOS RJE 'DI PA YIN NO, ,DBUS SU BYON NAS DPAL LDAN 'BRAS SPUNGS SU BKRA SHIS SGO MANG GI CHOS GRVAR ZHUGS NAS GZHUNG LUGS LA SBYANGS PAR MDZAD, 'JAM DBYANGS BZHAD PA'I RDO RJE SOGS DAM PA DU MA'I ZHABS PAD BSTEN NAS

MDO SNGAGS KYI CHOS MANG DU GSAN, RGYAL ME TOG THANG GI MKHAN PO YANG MDZAD, MDO SMAD DU PHEBS NAS KHANG ZHI RGYAL PO NGA DRUG PA ME BYA LA GDAN SA CHEN PO 'DI KA'I KHRIR PHEBS NAS CHOS DANG 'JIG RTEN GNYIS KA'I SGO NAS BSKYANGS, BKRA SHIS 'KHYIL GYI MKHAN PO YANG MDZAD, 'DIS SKU 'BUM GYI MKHAN PO GNANG SKABS MTSO SNGON BSTAN 'DZIN WANG GIS 'KHRUG PA BSLANGS TE, CHU MO YOS KYI LO'I ZLA BA BCU GNYIS PA'I NYI SHU LA SEG DMAG NANG LOG TU 'ONGS NAS RGYA GRONG KHA SHAS BCOM NAS NYI SHU LNGA LA PHYIR LOG, RGYA NAG NAS KYANG NYAN GUNG YE DANG NYO GUNG YE GNYIS KYIS GTZOS DMAG CHEN 'ONGS TE MDO SMAD KYI DGON KHAG RNAMS DANG MTSO SNGON GYI RGYAL BRGYUD RNAMS MCHOD YON DU 'BREL BA'I DOGS GZHI DANG, MI NGAN RE GNYIS KYI BYA SPYOD LA BRTEN NAG PHOG NAS DGON LUNG DANG, BTZAN DGON SOGS DGON KHAG CHE PHRA MANG PO GTOR, LO DE'I ZLA BA BCU GNYIS PA'I NYER LNGA'I THO RANGS YO GUNG YE, NAN TS'A ZI, ZI LING TO'U YE SOGS RGYA DMAG DANG BCAS SKU 'BUM DU 'ONGS NAS GRVA PA'I KHROD NAS GRVA BA GZHON PA DRUG BRGYA DANG DRUG CU TZAM RANG RANG GI YUL DU BSKRAD, RGAN PA SUM BRGYA TZAM 'DUG TU BCUG NAS DMAG PHYIR LOG, NYER BDUN GYI NYIN RGYA DBON RNAMS NAS AA THAN RAB 'BYAMS BA GNYER BAR BSKOS TE ZLA PHOG LA GRVA PA RE RER NAS SHING TZE LNGA RE GNANG, SKABS DER MKHAN PO 'DI PA YANG 'KHRUG PA'I NANG DU SHOR NAS GRONGS ZHES GRAGS,, ` ,,KHRI THOG NYI SHU RTZA GCIG PA SER DRIS TSUL KHRIMS RIN CHEN TE, SHING 'BRUG LA 'KHRUNGS, DUS 'KHRUG

, ,BYUNG BA'I STABS KYIS MKHAN PO SNGA MA NI GRONGS, RJES MA BSKO BZHAG MA THUB PAR YOD PA LA, SHING PHO 'BRUG GI LOR NYAN GUNG YE DANG YO GUNG YE, ZI LING TOR GI AAM PAN RNAMS GROS THOG NAS CHOS KYI RJE 'DI KHRI PAR BSKOS, SNGAR GYI GRVA RGAN SUM BRGYA LA YI GE THAM KA CAN RE BYIN NAS DGE 'DUN GYI SDE GSAR DU BTZUGS, AA THAN RAB 'BYAMS PA SHES SGO YONG THANG CHE BAS THABS MKHAS KYI SGO NAS MCHOD GZHI'I SA CHA RNAMS MA SHOR BAR RANG 'JAGS SU GNAS PA BYUNG, DE'I RJES SU BLO BZANG T'A BLA MA RGYA NAG PHO BRANG NAS YAR 'BYOR TE GRVA PA GZHON PA RNAMS KYANG BSDUS NAS DGE 'DUN GYI SDE DAR ZHING RGYAS PAR GYUR,, ` ,,KHRI THOG NYI SHU RTZA GNYIS PA STAG MTSER BLO BZANG DAR RGYAS TE, MDO SMAD DU RAB BYUNG BCU GCIG PA'I SA PHAG LA 'KHRUNGS, CHOS BRGYAD KYIS MGOS PAS RNAM THAR GTZANG MA DANG LDAN ZHING, BYANG CHUB KYI SEMS DANG STONG NYID KYI LTA BA LA NYAMS LEN GTZO BOR MDZAD, DON GCIG PAS BYA LA KHRIR BZHUGS TE DBU MA 'JUG PA'I SEMS BSKYED DRUG PA MAN CHAD TSANG MA BRTZI BZHAG LA BTANG STE GSAR DU BTZUGS PAR GNANG NAS DGE 'DUN RNAMS LUGS GNYIS KYI SGO NAS SKYONG BAR MDZAD CING, DON DGU PA ME SPRUL LA ZHI BAR GSHEGS,, ` ,,KHRI THOG NYI SHU RTZA GSUM PAR KHO SHES RAB CHOS 'BYOR, SKU 'BUM DANG MI RING BA'I SA'I CHA RA KHO ZHES PAR CHU MO GLANG LA 'KHRUNGS, DBUS SU BYON TE DPAL LDAN 'BRAS SPUNGS SU BKRA SHIS SGO MANG GI CHOS GRVAR ZHUGS TE GZHUNG LUGS LA SBYUNGS PAS MKHAS

PA CHEN POR GYUR, 'JAM DBYANGS BZHAD PA'I RDO RJE DANG, KHRI CHEN DGE 'DUN PHUN TSOGS SOGS BSTEN NAS LEGS PAR BSHAD PA'I BDUD RTZI'I BGO SKAL BLANGS, MDO SMAD DU BYON NAS SKU 'BUM DU RGYUD PA'I SGRIGS LAM NYAMS PA RNAMS GSO BAR MDZAD, DGUNG LO NGA DGU PA LA TSOGS CHEN GYI KHRIR YANG PHEBS TE 'CHAD NYAN GYI RGYAL MTSAN BSGRENG BA'I SKABS SHIG NA KHONG GI RNAL LAM DU, RGAD PO SMAR DANG AAG TSOM DKAR PO CAN ZHIG BYUNG NAS KHO LA GTOR MA GCIG THONGS DANG NGAS KHYED KYI 'PHRIN LAS BSGRUB, KHYED KYI GTOR MA CI 'DRA ZHIG YIN MI SHES PAR 'DUG DRIS BAS, LAN DU NGA'I GTOR MA RTZA BA GCIG LA RTZE MO LNGA YOD PA YIN GSUNGS, DE NI PE HAR RGYAL PO'I 'PHRUL YIN PAR NGES NAS, BTZAN KHANG CHEN MOR GTOR MA SPOR SKABS LO LTAR BZHIN DU ZHAL 'DEBS MA CHAG PA PHUL BAS 'PHRIN LAS TSUL BZHIN DU SGRUB, BSHAD SGRUB GLING GI SGRIGS LAM LA NYAMS GSOS MDZAD, GRVA TSANG 'DI DANG RGYUD PA GRVA TSANG GNYIS LA BKA' DRIN GZHAL DU MA MCHIS ZHES RGAN PA RNAMS GLENG, MTHAR KUN SPANGS MDZAD DE GYA GSUM PA SHING PHAG LA RA KHO RI KHROD DU ZHI BAR GSHEGS,, ` ,,KHRI THOG NYI SHU RTZA BZHI PA DGE 'DUN DON GRUB NI, MDO SMAD KHRI KA'I SA'I CHA GONG BA ZHES PAR SA SPREL LA 'KHRUNGS, DGUNG LO BCU GSUM PA LA DBUS SU BYON NAS 'BRAS SPUNGS SGO MANG DU MTSAN NYID LA SBYANGS, DGUNG LO NYER BDUN PA LA LHA SA SMON LAM GYI GRVA SKOR MDZAD, RJE 'JAM DBYANGS BZHAD PA DANG, BYA BRAL BLO BZANG RIN CHEN, BRAG

, ,DKAR RAB 'BYAMS PA BLO BZANG BSTAN PA RAB RGYAS RNAMS BSTEN NAS MDO SNGAGS KYI LEGS PAR BSHAD PA'I BGO SKAL BLANGS, PO TA LAR MGRON GNYER LO TZ'A BA BYAS SHING, DGUNG LO NYER BRGYAD PA LA 'DUL BA BLA MA GNANG, RGYA NAG PHO BRANG DU LAN GNYIS PHEBS SHING, BKA' 'GYUR BA BLO BZANG TSUL KHRIMS LAS KYANG CHOS GSAN, MTSAN SGROG MKHAN PO YANG MDZAD, MDO SMAD DU BYON NAS DGUNG LO RE BDUN PA SHING STAG LA KHRIR BZHUGS TE 'CHANG NYAN GYI DGA' STON SPEL, DUS SNGA PHYIR DON GNYER BA RNAMS LA DBANG RDO RJE 'PHRENG BA TSAR GSUM, MI TRA BRGYA RTZA TSAR GNYIS, SNAR THANG BRGYA RTZA TSAR KHA SHAS, DUS KYI 'KHOR LO'I DBANG CHEN, GSANG BDE 'JIGS GSUM GYI DBANG, RJE'I GSUNG 'BUM GYI LUNG SOGS MDO SNGAGS KYI CHOS MANG DU GNANG, KHYAD PAR DU MKHAN RIN PO CHE 'DI PA DBUS SU BZHUGS SKABS MI DBANG DANG THUGS 'BREL CHAGS PA'I STABS LAS SNA RNAMS GROS THOG NAS, SA SKYONG MI'I DBANG PO BSOD NAMS STOBS RGYAS KYI DRUNG DU LHA KHANG CHEN MO'I GSER TOG LA ZHIG GSO GNANG DGOS TSUL GYI ZHU YIG DANG BCAS MI SNA DBUS SU MNGAGS PAS, SA SKYONG DAM PA NYID NAS RJE RIN PO CHE LA THUGS DANG SHIN TU CHE GSHIS DGYES BZHIN DU ZHAL BZHES MDZAD DE BZO GRVA BTZUGS NAS MA 'GYANG BAR BSGRUBS TE MKHAR TSO BA DANG RAB BRTAN SHAR BA SKYEL BAR GTONG GNANG MDZAD CING, GSER GYI RGYA PHIB BZO BKOD PHUN SUM TSOGS PA NYI MA 'BUM GYI MDANGS DANG LDAN PA LUS CAN RNAMS KYI MIG GI DGA' STON DU LEGS

PAR GRUB BO, ,DE LTAR LO NGO MTHONG BRGYAD TZAM LA GDAN SA CHEN PO 'DI NYID LUGS GNYIS KYI SGO NAS SKYONG BAR MDZAD CING, LCAGS BYA'I LOR DGONGS PA ZHUS TE ZUR BZHUGS MDZAD,, ` ,,KHRI THOG NYI SHU RTZA LNGA PA CHOS KYI RJE NGAG DBANG BSTAN PA NI, CHU MO PHAG GI LOR ZI NA'I GDUNG BRGYUD DU 'KHRUNGS, RAB TU BYUNG NAS SKU 'BUM DU BSDUS GRVA LA SBYANGS, DBUS SU PHEBS NAS SE RA BYES GRVA TSANG DU GZHUNG CHEN MO LA SLOB GNYER MDZAD DE DKA' BCU'I MTSAN BTAGS GNANG, GRUB PA'I DBANG PHYUG SGRUB PHANG DGE LEGS RGYA MTSO'I DRUNG DU BKA' CHOS MANG DU GSAN, DE NAS MDO SMAD DU BYON TE DBEN GNAS SENG GE RDZONG DU BYANG CHUB LAM RIM LA BRTZON PAR MDZAD, RGYAL DBANG THAMS CAD MKHYEN PA BSKAL BZANG RGYA MTSO SKU 'BUM DU PHEBS SKABS MTSO SNGON POR DPON G-YOG BRGYA PHRAG DANG BCAS CHIBS BSUR PHEBS SHING RGYAL DBANG MCHOG NAS GZIGS PA CHEN PO MDZAD, RGYUD PA BLA MAR KHO ZHABS DRUNG GZHUNG GI MI SNA LA PHO BRANG DU PHEBS DGOS BYUNG STE, BLA MA 'DI NYID RGYAL DBANG MCHOG GI BKA' LTAR RGYUD PA DPON SLOB MDZAD DE LUGS GNYIS KYI SGO NAS RGYUD PA GRVA TSANG LEGS PAR BSKYANGS, DE NAS BYA KHYUNG GI KHRIR PHEBS TE LO KHA SHAS 'CHAD NYAN MDZAD, SLAR SKU 'BUM DU BYON TE GRUB PA'I DBANG PHYUG RA KHO SHES RAB CHOS 'BYOR PA'I ZHAL SNGA NAS KYI GSUNG LTAR SNGAGS PA GRVA TSANG GI SLOB DPON MDZAD, DE NAS DGONGS PA ZHUS TE SENG GE RDZONG DU SGRUB PA SNYING POR MDZAD, CH'EN LUNG DGUNG LO DRUG PA LCAGS BYA'I LOR KHRIR PHEBS TE 'CHAD NYAN MDZAD, AOS ROD

, ,JUN GAR NAS MI SNA 'BYOR TE DGE 'DUN GYI SDE LA BSNYEN BKUR GYA NOM PA PHUL, AA LAG SHA WANG GIS 'DU KHANG DU KHE BE SU'I GRAL GDAN CHA TSANG PHUL, KHRI BA BRJE MTSAMS SKABS GNAS BRTAN BCU DRUG GI ZHAL THANG, BDE GSHEGS BRGYAD KYI MCHOD RTEN, DUD TSANG BDUN PHUL TE 'JOG PA MDZAD, RE BZHI PA MA STAG LA ZHI BAR GSHEGS,, ` ,,KHRI THOG NYI SHU RTZA DRUG PA GSER TOG NO MON HAN NGAG DBANG BSTAN PA'I RGYAL MTSAN TE, 'DI'I SKYE BRGYUD NI, LAN JUS PHYOGS KYI AOR TSO YIN PA'I CHOS RJE NGAG DBANG 'PHRIN LAS RGYA MTSO ZER BA ZHIG RGYAL BA BSOD NAMS RGYA MTSO'I ZHABS 'BRING BA BYAS SHING SOG YUL DU 'BUL SDUD LA PHEBS, RGYAL BA YON TAN RGYA MTSO YAR GDAN 'DREN ZHUS SKABS BOD DU PHEBS TE RA MO CHE'I GSER THOG BZHENGS PAR MDZAD PAS, GSER TOG TA'I CHING NO MON AE TZEN ZHES PA'I CHO LO GNANG, DE NAS SOG YUL DU PHEBS TE AAL THAN RGYAL PO'I GDUNG BRGYUD RNAMS KYIS BLA MAR BKUR, RJES SOR KU SHRI BSTAN 'DZIN CHOS KYI RGYAL POS HAL HA CHOG THU BCOM STE RGYAL KHAMS BDE 'JAGS SU BKOD PA'I TSE TA'I CHING CHOS RJE 'DI BLA MAR BSTEN, DGUNG LO BRGYAD CU GYA LNGA PA LA ZHI BAR GSHEGS, DE'I SKU SKYE HAN STAG LUNG DU 'KHRUNGS SHING, MTSAN LA BLO BZANG 'PHRIN LAS RNAM RGYAL ZER, DBUS SU PHEBS SKABS BSTAN 'DZIN CHOS KYI RGYAL BOS NGED KYI BLA MA'I SKU SKYE YIN ZER NAS MTHONG GZOS CHE BAR MDZAD, 'BRAS SPUNGS SU THUGS GNYER GNANG ZHING MING BTAGS BYAS, DE NAS MDO

SMAD DU PHEBS TE BSTAN 'GRO'I DON MDZAD, DGUNG LO SO DGU PA LA ZHI BAR GSHEGS, DE'I SKYE BA PHYI MA NI MKHAN RIN PO CHE 'DI YIN LA, DE YANG MTSO SNGON DU AER TI NI PO SHOG THU'I MNGA' ZHABS SU YAB TSE THAR DANG, YUM HO RENG KHA ZER BA GNYIS KYI SRAS SU SHING BYI LA SKU 'KHRUNGS, DGUNG LO BDUN LON PA'I TSE HOR NO MON HAN NGAG DBANG 'PHRIN LAS LHUN GRUB KYI DRUNG DU RAB TU BYUNG, NGAG DBANG BSTAN PA'I RGYAL MTSAN ZHES MTSAN BTAGS, DGUNG LO BCU GNYIS PA'I TSE THUGS GNYER GYI CHED DBUS SU BYON NAS LO 'GA' BZHUGS KYANG SA CHU MA 'PHROD PA'I RKYEN GYIS YUL PHYOGS SU PHEBS, CHU BZANG SKU GONG MA BLO BZANG BSTAN PA'I RGYAL MTSAN LAS BSNYEN PAR RDZOGS, RGYAL BA BSKAL BZANG RGYA MTSO SKU 'BUM DU BZHUGS SKABS SMON LAM GYI GRVA SKOR MDZAD CING SMON LAM RAB 'BYAMS PA'I THOG MA YIN ZER, DGUNG LO LNGA BCU BZHES PA'I TSE DBUS GTZANG DU BYON TE RGYAL BA YAB SRAS LA ZHABS BRTAN DANG, SE 'BRAS DGE GSUM LA MANG 'GYED GYA NON PA PHUL, RE GSUM PA ME STAG GI LOR SKU 'BUM GYI KHRIR PHEBS TE 'CHAD NYAN GNANG, LO DER BSTAN PA'I SBYIN BDAG CHING WANG GI DPON MO AER KHE SHA RAS MDA' YAB KYI SBYIN BDAG MDZAD DE, MI'I DBANG PO'I SKU ZHABS NAS THUGS KHUR BZHES TE DO DAM PA GSOL DPON RAB BRTAN MNGAGS NAS BSGRUB PAR GNANG BA YANG NGO MTSAR BA'I BKOD PA DU MAS KHYAD PAR DU 'PHAGS PA'O, ,YANG LO DER RGYA YAG MKHAN PO AER TI NI CHA GAN HU THOG THUS DBUS NAS RJE RIN PO CHE'I GOS SKU CHEN MO DGON PAR GDAN DRANGS, ME YOS

, ,LOR RGYAL DBANG BDUN PA CHEN PO'I SKU ZHABS NAS YAB KYI DGONGS RDZOGS SU BZANG GOS LAS GRUB PA'I SANGS RGYAS SUM CU SO LNGA'I ZHAL THANG BCU GSUM GNANG, RAB BYUNG BCU GSUM PA'I SA 'BRUG GI LOR MKHAN CHEN RIN PO CHE 'DI PAS THUGS KHUR BZHES TE MCHOD RTEN CHEN MO LA ZHIG GSO YANG DAG PA MDZAD, NANG RTEN LHAG MA RNAMS SNYING POR BYAS TE DGON PA'I BYANG PHYOGS SU MCHOD RTEN SGO BZHI CAN BZHENGS, KHRI MDZAD RING ZLA BA RE BZHIN NYA STONG BRGYAD GSUM LA MANG JA GSUM RE GTONG BAR MDZAD, SA MO SPRUL GYI LOR KHRI'I DGONGS PA ZHUS TE, MANG JA'I THEBS SU RTA PHO RGOD BRGYA LUG STONG BCAS 'JOG PA GNANG, DON BRGYAD PA LCAGS SPRUL LA GSHEGS,, ` ,,KHRI THOG NYI SHU RTZA BDUN PA MI NYAG BLO GROS DAR RGYAS NI, MDO SMAD DU RAB BYUNG BCU GCIG PA'I SHING YOS LA BUM PAR RTE'U CHUNG ZHES PAR 'KHRUNGS, SKU 'BUM GYI RGYUD PA BLA MA SKE KYA DGE LEGS DPAL LDAN LAS RAB TU BYUNG, DBUS SU BYON NAS MTSAN NYID KYI GSAN SBYONG MTHAR PHYIN PA BYAS TE GSANG PHU DKA' BCU'I MING BTAGS MDZAD, BRAG DKAR SNGAGS RAM PA SOGS BSTEN NAS CHOS MANG DU GSAN, MDO SMAD DU BYON NAS BSTAN 'GRO'I DON MDZAD BZHIN PA'I NGANG NAS, RAB BYUNG BCU GSUM PA'I SA SPRUL LA GDAN SA CHEN PO'I KHRI KHAR PHEBS TE 'CHAD NYAN GYI DGA' STON SPEL BAR MDZAD, LO DER SKYABS MGON LCANG SKYA RIN PO CHE RGYA NAG NAS MDO SMAD DU BYON PA'I TSE GDAN SA CHEN PO 'DIR YANG PHEBS TE, MANG 'GYED GYA NOM PA DANG, MCHOD RDZAS KYI

'JOG PA YANG GNANG, GDAN SA PA 'DI BAR PHYAG CHEN GYI KHRID KYANG GSAN, LCAGS RTA'I LOR RGYA YAG MKHAN PO AER TI NI CHA GAN HU THOG THUS RJE RIN PO CHE'I GSER SKU CHE BA ZHIG GDAN DRANGS PA 'DU KHANG NANG DU BZHUGS SU BCUG, DON GNYER BA RNAMS LA SNGA PHYIR BDE GSANG 'JIGS GSUM, SPYAN RAS GZIGS, TSE DPAG MED SOGS KYI DBANG, SNAR THANG BRGYA RTZA'I RJES GNANG, LAM RIM, SNGAGS RIM, PAn CHEN GSUNG 'BUM, LCANG SKYA GSUNG 'BUM SOGS KYI LUNG BCAS ZAB PA DANG RGYA CHE BA'I CHOS MANG DU STZAL, SKYES RABS SO BZHI PA'I STOD CHA LA 'GREL BA ZHIG KYANG MDZAD, CHU SPREL GYI LOR DGONGS BA ZHUS NAS KHRI KA DANG MTSO SNGON GYI PHYOGS SU 'GRO DON MDZAD, DON DGU PA CHU BYA LA GSHEGS,, ` ,,KHRI THOG NYI SHU RTZA BRGYAD PA CHU BZANG RIN PO CHE NGAG DBANG THUB BSTAN DBANG PHYUG NI, RAB BYUNG BCU GNYIS PA'I NANG DU SNA TSOGS DBYIG CES PA SHING MO SPRUL GYI LOR, CHOS SDE CHEN PO DGE NA LUNG DANG NYE BA'I SA'I CHA KHRA CI ZHES PA'I GZHIS KAR GU RU THA'I JI'I SRAS SU SKU 'KHRUNGS, KHAMS GSUM 'GRO BA'I MGON PO LCANG SKYA ROL PA'I RDO RJE DANG SKU MCHED DU GYUR, GZHON NU NAS RAB TU BYUNG, LHA DANG BLA MAS CHU BZANG RIN PO CHE'I SKYE BAR THAG BCAD DE CHU BZANG DGON DU GDAN DRANGS, DGUNG LO BCO BRGYAD PA CHU PHO KHYI'I LOR LEGS BSHAD KYI SKYES LEN PA'I PHYIR DBUS GTZANG DU BYON, RGYAL DBANG THAMS CAD MKHYEN CING GZIGS PA CHEN PO BLO BZANG BSKAL BZANG RGYA MTSO'I ZHABS DRUNG DU MJAL TE THUGS DGYES PA'I GSUNG GLENG MANG DU STZAL, RGYAL DBANG THAMS

, ,CAD MKHYEN PA RNAM RGYAL GRVA TSANG GI TSOGS DBUR SPYAN DRANGS TE ZHABS BRTAN RGYAS PAR PHUL, DE NAS CHOS GRVA CHEN PO DPAL LDAN 'BRAS SPUNGS BKRA SHIS SGO MANG GI CHOS GRVAR ZHUGS TE, RIGS PA SMRA BA'I DBANG PO DPON SLOB BLO BZANG CHOS GRAGS KYI ZHABS PAD BSTEN NAS SHES RAB KYI PHA ROL TU PHYIN PA'I GZHUNG LUGS LA SBYANGS PAR MDZAD, MKHYEN RAB PHUN SUM TSOGS PAS DKA' TSEGS LAM LTOS PAR GZHUNG LUGS KYI DON MTHA' DAG THUGS SU CHUD DE LUNG DANG RIGS PA SMRA BA'I DBANG POR GYUR, CHU MO PHAG GI LOR RGYAL DBANG RIN PO CHE'I DRUNG DU 'JIGS BYED SNGAGS BTU'I RJES GNANG, CHOS RGYAL PHYI NANG GSANG GSUM GYI RJES GNANG, 'JIGS BYED DPA' GCIG GI RJES GNANG RNAMS GSAN, DE NAS BKRA SHIS LHUN POR PHEBS, DGUNG LO NYER GCIG PA SHING MO GLANG GI LOR MDO SMAD NAS GDAN 'DREN LA DGE SLONG DPAL 'BYOR DAR RGYAS YONG BAR RGYAL DBANG MCHOG NAS RE ZHIG GRVA SAR BZHUGS NAS THUGS GNYER MDZAD NA LEGS TSUL GYI ZHAL BKOD GNANG NAS PHYIR LOG, BAR SKABS SHIG RGYAL DBANG THAMS CAD MKHYEN PA SKU CUNG ZAD BSNYUNG BA'I TSUL BSTAN PAR RJE 'DI NYID DANG, MTSAN NYID ZHABS PHYI BA RNAMS KYIS ZHABS PAD YUN RING DU BRTAN DGOS PA'I GSOL 'DEBS MDZAD PAS, THUGS SHIN TU DGYES SHING MA 'GYANG BAR SKU GRIB DVANGS PA'I TSUL BSTAN, LO DER RGYAL DBANG THAMS CAD MKHYEN PAS MKHAN PO MDZAD DE BSNYEN RDZOGS KYI SDOM PA BZHES, SNGA PHYIR RGYAL DBANG RIN PO CHE'I DRUNG DU RGYAL BA RGYA MTSO'I DBANG, TSE DPAG

MED LHA DGU'I DBANG, 'JIGS BYED BCU GSUM MA'I DBANG, 'JAM DBYANGS CHOS SKOR, SPYAN RAS GZIGS LHA LNGA, RNAM SRAS MDUNG DMAR CAN RNAMS KYI RJES GNANG GSAN, KHRI CHEN NGAG DBANG MCHOG LDAN GYI DRUNG DU BKA' GDAMS THIG LE BCU DRUG GI DBANG GSAN, DE NAS AA MDOR 'BYON SKABS RGYAL DBANG RIN PO CHE NAS SANGS RGYAS BYANG SEMS KYI SKU BRNYAN LI MA'I RIGS MANG BA DANG, MKHAN CHAS CHA TSANG, DBU GDUGS SOGS CHEN POR 'OS PA'I YO BYAD DANG, BSTAN PA'I GSAL BYED AA CHI THU NO MON HAN ZHES PA'I CHO LO DANG THAM KA BCAS STZAL TE, BKA' LAS, NYID KYI SKU GONG MA DE NYID LUNG RTOGS KYI YON TAN RGYA CHE ZHING NGED LA'ANG BKA' DRIN CHE BA'I BLA MA YIN LA, NYID KYANG SHES RAB PHUN SUM TSOGS SHING RGYAL BA'I GSUNG RAB LA THOS BSAM LEGS BAR GNANG BA BCAS DA DUNG YANG SGRUB BA NYAMS LEN DANG, 'JAM MGON BLA MA'I BSTAN PA RIN PO CHE'I 'DZIN SKYONG DANG, GDUL BYA RNAMS LA GANG PHAN GYI MDZAD PA RLABS CHEN PO SKYES BU DAM PA GONG MA RNAMS KYI RNAM PAR THAR PA LA SLOB PA GAL CHE, NGED NAS KYANG BZHED PA MTHA' DAG JI LTA BA BZHIN DU 'GRUB PA'I CHED DU DKON MCHOG LA GSOL 'DEBS DANG, MKHA' 'GRO CHOS SKYONG LA 'PHRIN BCOL SOGS GANG DRAG BGYID, CES SOGS THUGS DGYES PA'I ZHAL TA MANG DU GNANG, RJE 'DI SKYANG TSE RABS THAMS CAD DU RJES 'DZIN GYI SKYABS 'JUG NAN TAN DU ZHUS, DE NAS DGUNG LO NYER BZHI BA LA MDO SMAD DU BYON TE, CHOS SDE CHEN PO DGON LUNG BYAMS PA GLING GI KHRIR PHEBS TE 'CHAD

, ,NYAN BSTAN PA'I BYA BA RGYA CHER MDZAD, CHU PHO SPRE'U'I LOR SKU 'BUM GYI GDAN SAR PHEBS NAS 'CHAD NYAN GYI BDUD RTZIS BLO GSAL RNAM SAD BYE BA'I YID KYI RE BA SKONG BAR MDZAD, RJE 'DI'I 'PHRIN LAS LA BRTEN NAS DGE 'DUN LA LONGS SPYOD KYI 'DU 'GOD KYANG CHE BAR BYUNG, SGRIGS LAM KUN SPYOD LA DAG THER ZHIB TU MDZAD DE, SKABS BZHI PA'I 'DZIN GRVA YANG GSAR DU BTZUGS, CHU BYI'I LOR BLA BRANG BKRA SHIS KHANG GSAR GYI TSOMS KHANG GZIMS CHUNG BCAS PAR ZHIG GSO MDZAD, RGYAL DBANG THAMS CAD MKHYEN PA BSKAL BZANG RGYA MTSO'I SPRUL SKU MYUR 'BYON GYI CHED DU RJE 'DI NYID NAS THUGS KHUR BZHES TE, SA STAG HOR ZLA GNYIS PAR MGO BRTZAMS NAS RGYAL BA BSOD NAMS RGYA MTSO'I SKU GDUNG DBYEN BZLUM SA MCHOD RTEN DNGUL SRANG STONG PHRAG BZHI DANG DON GSUM LAS BZHENGS SHING, LO DE'I HOR ZLA BCU PA'I TSES PA BRGYAD LA RJE RANG NYID KYIS GTZOS DGE 'DUN BRGYA PHRAG GIS RDO RJE 'JIGS BYED KYI SGO NAS RAB GNAS RGYAS PAR MDZAD, DGUNG LO SO BRGYAD PA CHU RTA LA DGONGS PA ZHUS TE ZUR BZHUGS MDZAD,, ` ,,KHRI THOG NYI SHU RTZA DGU PA STAG MTSER YE SHES SKAL BZANG NI, RAB BYUNG BCU GNYIS PA'I SHING BYA LA NGAG DBANG BLO GROS DANG RIN CHEN MTSO GNYIS KYI SRAS SU 'KHRUNGS, MNGA' RIS SPRUL SKU LA MTSAN ZHUS PAR 'JAM DBYANGS RGYA MTSO ZHES BTAGS, DGUNG LO BDUN BZHES PA'I TSE CHU BZANG SKU GONG MA BLO BZANG BSTAN PA'I RGYAL MTSAN LAS RAB TU BYUNG, DE'I RJES SU STAG MTSER CHOS KYI RJE BLO BZANG DAR RGYAS LAS

DGE TSUL BSGRUBS, DGUNG LO NYER DRUG PA LCAGS KHYI LA DBUS SU PHEBS TE DPAL LDAN 'BRAS SPUNGS BKRA SHIS SGO MANG GI CHOS GRVAR ZHUGS TE GZHUNG LUGS LA GSAN SBYONG MDZAD, DGUNG LO NYER DGU PA LA PAn CHEN THAMS CAD MKHYEN PA BLO BZANG YE SHES DPAL BZANG POS MKHAN PO MDZAD DE BSNYEN PAR RDZOGS, MTSAN YE SHES SKAL BZANG ZHES BTAGS, DGUNG LO SO DRUG PA LA MDO SMAD DU BYON, SO DGU PA CHU PHAG GI LOR RGYUD PA'I BLA MA DBU MDZAD BYAS TE LO BZHI'I RING RGYUD PA'I SGRIGS LAM KUN SPYOD NYAMS GSOS MDZAD, DGUNG LO ZHE BZHI PA LA RGYUD PA DPON SLOB MDZAD DE LO BZHI'I RID 'CHAD NYAN GNANG, DE NAS SHA RDZONG DU BZHUGS NAS SGRUB PA NYAMS LEN LA GZHOL BAR MDZAD, DGUNG LO NGA BRGYAD PA CHU RTA LA SKU 'BUM GYI KHRI KHAR PHEBS TE LO GSUM GYI RING DGE 'DUN RNAMS CHOS DANG ZANG ZING GNYIS KA'I SGO NAS SKYONG BAR MDZAD, CHU RTA'I LOR RGYA NAG NAS KHRI CHEN BLO GROS RGYA MTSO'I SPRUL SKU BLO BZANG BSTAN PA'I NYI MA 'DIR PHEBS PAR STON MO DANG 'BUL BA GYA NOM PA PHUL ZHING, TSOGS CHEN LA LAM RIN CHEN MO'I MGO NAS CHOS THUN GCIG GNANG, SHING SPREL GYI LOR SKYABS MGON LCANG SKYA RIN PO CHE YE SHES BSTAN PA'I SGRON ME PHEBS TE TSOGS CHEN LA LAM GYI GTZO BO RNAM GSUM GYI KHRID GNANG, LO 'DIR AA KY'A RIN PO CHE BLO BZANG BSTAN PA'I RGYAL MTSAN GYIS DNGUL SRANG STONG PHRAG GSUM DU NYE BA DANG, MTSO SNGON JUN WANG DKON MCHOG BKRA SHIS KYIS KYANG MTHUN RKYEN SBYAR TE LHA KHANG CHEN MO SNGAR LAS KYANG BZO BKOD PHUN SUM TSOGS PA BYAS TE BZHENGS, MKHAN RIN PO CHE

, ,'DI BAS THUGS KHUR BZHES TE BLA BRANG CHEN MO LA ZHIG GSO DANG, DGON PA'I PHYOGS BZHI'I 'BUM KHANG DANG, DGE 'DUN DBYE NA BZLUMS KYI MCHOD RTEN LA ZHIG GSO MDZAD, DGUNG LO RE GCIG PA SHING BYA LA GDAN SA'I DGONGS PA ZHUS TE DGON PA RANG DU ZUR BZHUGS MDZAD NAS THUGS DAM NYAMS BZHES LA BRTZON PAR MDZAD, SHA RDZONG DANG AAN JA SU GNYIS KYI 'DU KHANG LA ZHIG GSOS DANG, RTEN BZHENGS SOGS BDAG RKYEN RGYA CHER MDZAD, CHOS KYI RJE MKHAN RIN PO CHE 'DI NI RNAM G-YENG GIS THUGS SUN TE RTAG TU SKU MTSAMS LA GNAS PA, YON BDAG DANG GRVA PA'I NGO 'DZIN LA MI DGYES PA, CHOS BRGYAD KYIS MGOS PA'I NGANG TSUL CAN ZHIG STE, DA LTA YANG THUGS DAM GONG 'PHEL DU BZHUGS SO,, ` ,,KHRI THOG SUM CU BA NI SNYOM LAS PA BDAG LAGS TE, DE YANG PHUR BU ZHES PA SA PHO SPRE'U'I LOR LA MO BDE CHEN DANG NYE BA'I SA'I CHA, SNANG RA'I GSER KHANG GI BYA 'DABS SU PHA NGAG DBANG RNAM RGYAL DANG MA GNAM SKYID ZER BA GNYIS KYI BUR SKYES, DGE PHYUG CHOS RJE DON GRUB RGYA MTSO LAS RAB TU BYUNG, ZHANG BO DGE SLONG BLO GROS RGYA MTSO SLOB DPON DU BSTEN NAS KLOG BSLABS PAS LEGS PAR SHES, LO BCU GSUM LON PA'I TSE STONG 'KHOR RIN PO CHE NGAG DBANG BSOD NAMS RGYA MTSO'I DRUNG DU DGE TSUL GYI SDOM PA THOB CING, NGAG DBANG 'JAM DBYANGS 'PHRIN LAS ZHES MING BTAGS, RGYAN 'JUG GNYIS KYANG LEGS PAR BZUNG, STONG 'KHOR RIN PO CHE'I MDUN NAS

'JIGS BYED DPA' GCIG GI DBANG, RIG BYED MA'I RJES GNANG SOGS CHOS BKA' MANG DU MNYAN, LO BCU DRUG LON PA'I TSE LA MO DANG, GNAS CHUNG, DGA' GDONG CHOS SKYONG RNAMS KYIS 'JAM DBYANGS BZHAD PA'I RDO RJE'I SKYE BAR THAG BCAD DE BKRA SHIS 'KHYIL GYI GDAN SAR 'KHOD, LO DE'I RJES MAR BKRA SHIS 'KHYIL GYI SMON LAM GSUNG CHOS RNAMS LA CHAG MED DU PHYIN PAS, CHOS BSHAD DANG BSNGO SMON LA TSOGS PA RNAMS KYANG MGU BAR GYUR, DGE BA'I BSHES GNYEN NGAG DBANG BSTAN 'DZIN DGE RGAN DU BSTEN NAS BSDUS GRVA LA SBYANGS PAS, NYI MA GCIG GNYIS NAS RTAGS GSAL NGO SHES TZAM BYUNG, YONGS RDZOGS BSTAN PA'I MNGA' BDAG DPAL 'KHOR CHOS SDE'I MKHAN CHEN RDO RJE 'CHANG DGE 'DUN RGYA MTSO GDAN DRANGS TE, KHONG GI DRUNG DU 'JIGS BYED BCU GSUM MA DANG, GSANG 'DUS GNYIS KYI DBANG, THUGS RJE CHEN PO BCU GCIG ZHAL GYI DBANG SOGS DBANG CHEN GYI RIGS DANG, SNAR THANG BRGYAD RTZA, SGRUB THABS RGYA MTSO SOGS SPYI BKA'I RJES GNANG DANG, MGON PO BKA' BCU GSUM, SGROL DKAR, KHYUNG NAG, KHYUNG KHRA SOGS ZUR BKA'I RJES GNANG DU MA DANG, BKA' GDAMS GZHUNG DRUG, PHRENG BSKOR GSUM, PAn CHEN GSUNG 'BUM, LCANG SKYA GSUNG 'BUM SOGS LUNG GI RIGS DU MA DANG BCAS ZAB PA DANG RGYA CHE BA'I CHOS KYI BKA' DRIN MANG DU NOD, MER GEN CHOS RJE NGAG DBANG RGYA MTSO'I DRUNG DU SNYAN NGAG ME LONG GI MDZUB KHRID KYANG ZHUS, LO NYER GNYIS PA'I TSE DGON LUNG BYAMS PA GLING DU MKHAS GRUB

, ,KUN GYI GTZUG RGYAN LCANG SKYA RIN PO CHE YE SHES BSTAN PA'I SGRON ME'I ZHAL SNGA NAS LA MKHAN PO ZHUS TE BSNYEN PAR RDZOGS, LO NGO'I STON STONG 'KHOR RIN PO CHE DGON GSAR BKRA SHIS RAB BRTAN DU SPYAN DRANGS TE RDO RJE 'PHRENG BA DANG KRi YA SBRAGS PA'I DBANG CHEN YONGS RDZOGS ZHUS, LO NYER LNGA LON PA CHU PHO SPRE'U'I LOR YUL DBUS SU PHYIN TE, PHO BRANG CHEN PO PO TA LAR RGYAL DBANG THAMS CAD MKHYEN CING GZIGS BA CHEN PO BLO BZANG BSKAL BZANG RGYA MTSO DANG PAn CHEN THAMS CAD MKHYEN PA BLO BZANG DPAL LDAN YE SHES GNYIS DANG MJAL, PAn CHEN RIN PO CHE NAS RGYAL DBANG MCHOG LA BKA' CHOS GSAN PA'I SKABS SU 'DUG PAS CHOS NYAN PA'I GRAL DU BSDAD DE, SGRUB THABS RGYA MTSO, BA RI BRGYA RTZA, SNAR THANG BRGYA RTZA, SMAN BLA'I RJES GNANG SOGS DANG, RGYAL DBANG RANG GI GSUNG 'BUM GYI LUNG SOGS CHOS BKA' MANG DU THOB, DE NAS 'BRAS SPUNGS SU DPAL LDAN BKRA SHIS SGO MANG GI CHOS GRVAR ZHUGS TE MKHAN CHEN SANGS RGYAS RDO RJE'I DRUNG DU BRTZI BZHAG MNYAN CING, RIGS PA'I DBANG PHYUG KLU 'BUM BLO BZANG DAR RGYAS DGE RGAN DU BSTEN NAS SHES RAB KYI PHA ROL TU PHYIN PA'I GZHUNG LUGS LA SBYANGS, PHUR BU LCOG TU RJE GRUB PA'I DBANG PHYUG DPON SLOB BYAMS PA RIN PO CHE MJAL DU PHYIN PAS THUGS DGYES PA'I STANGS KA MDZAD, CHOS 'BREL ZHIG ZHUS PAS SGROL DKAR GYI TSE KHRID CIG GNANG, CHU BYA'I LOR RGYAL DBANG RIN PO CHE 'BRAS SPUNGS SU BYON PA'I TSE BDAG GIS GSOL BA BTAB STE BYANG CHUB

BDE LAM GYI KHRID, 'GREL PA BZHI SBRAGS KYI BSHAD LUNG GNYIS THUGS DGYES BZHIN DU STZAL, BAR SKABS SHIG KHAMS NAS RDO RJE 'CHANG STAG PHU RIN PO CHE PHEBS BYUNG BAR, KHONG GI MDUN DU BDE MCHOG L'U AI PA'I DBANG, SA SKYA'I GSER CHOS SOGS MNYAN, DPON SLOB BYAMS PA RIN PO CHE LAS BDE LAM GYI KHRID DANG, 'JIGS BYED KYI BSKYED RDZOGS GNYIS LEGS PAR THOB, ME MO GLANG GI LOR GTZANG DU PHYIN TE BKRA SHIS LHUN POR PAn CHEN THAMS CAD MKHYEN PA DANG MJAL, TSE DPAG MED GRUB RGYAL LUGS KYI DBANG SOGS CHOS BKA' CI RIGS THOB, DE NAS SNAR THANG, PHUN TSOGS GLING, LHA RTZE RNAMS BRGYUD DES SKYAR PHYIN, RDO RJE 'CHANG BDAG CHEN NGAG DBANG KUN DGA' BLO GROS KYI DRUNG DU BDE MCHOG NAG PO'I DBANG, 'JAM DBYANGS DMAR SER GYI RJES GNANG, GTZUG TOR 'BAR BA'I RJES GNANG SOGS MNYAN, DE NAS MAR LAM LHUN PO RTZE SRAD RGYUD GNYIS SU GNAS MJAL BYAS, ZHA LUR DGE BA'I BSHES GNYEN DU MA LAS CHOS RGYUN DKON PA CI RIGS MNYAN NAS 'BRAS SPUNGS SU 'ONGS, LO DE'I DGUN SKYABS MGON LCANG SKYA RIN PO CHE RGYA NAG NAS BOD DU PHEBS BYUNG BA'I TSE RDO RJE 'CHANG DE NYID KYI DRUNG DU GSANG 'DUS KYI DBANG, BDE MCHOG DRIL BU PHYI NANG GNYIS KYI DBANG, BDE MCHOG LUS DKYIL GYI BSKYED RDZOG, KHRID CHEN BRGYAD SOGS THOB, BYES DPON SLOB ZUR BA NGAG DBANG DON GRUB KYI DRUNG DU LAM RIM CHEN MO'I BSHAD LUNG MNYAN, RDO RJE 'CHANG YANG DGON SNGAGS RAM PA BLO BZANG DON GRUB LAS SGRUB THABS RIN 'BYUNG SOGS CHOS BKA' MANG DU THOB, DBU PHAR GYI

, ,SLOB GNYER GRUB NAS SA MO YOS KYI LOR MDO SMAD DU 'ONGS TE, BKRA SHIS 'KHYIL LA CHOS DANG 'JIG RTEN GNYIS KYI SGO NAS PHAN GANG THOGS BYAS, CHU LUG GI LONG CHOS SDE CHEN PO DGON LUNG BYAMS PA GLING GI KHRIR 'KHOD NAS 'CHAD NYAN CI LCOGS BYAS, LO DE'I DGUN KA DGON LUNG DU YOD SKABS RGYA YAG MKHAN POS GDAN DRANGS TE SKU 'BUM DU PHYIN, TSOGS CHEN DU DGA' LDAN LHA BRGYA MA'I KHRID PHUL, BUM PAR SGAR PAR RGYUD PA DPON SLOB ZUR BA TSUL KHRIMS RGYA MTSOR YON TAN GZHIR GYUR MA'I KHRID DANG, RGYA YAG SGAR BAR MKHAN POS GTZOS GRVA BA BRGYA PHRAG SKOR LA SGRUB THABS RIN 'BYUNG GI PHYED, TSE RTA MGON GSUM, CHOS RGYAL PHYI NANG GSANG GSUM GYI RJES GNANG SOGS BYAS, LO DE'I ZLA BA BCU GCIG PA'I NANG DU SKYABS MGON LCANG SKYA RIN PO CHE RGYA NAG NAS DGON LUNG DU PHEBS BYUNG BAR SHANGS LEN SOGS LEGS PAR BYAS, SHING SPREL ZLA BA GSUM PA'I NANG DU BDAG GIS GTZOS DGON LUNG TSOGS MANG NAS GSOL BA BTAB STE, 'JAM DPAL ZHAL LUNG GI KHRID ZLA BA GCIG TZAM GYI RING SMIN RGYAS SU STZAL, LO DER DGON LUNG GI KHRI'I DGONGS PA ZHUS, RANG LO SO BRGYAD PA SHING BYA'I LOR SKU 'BUM NAS TSOGS CHEN DGE BSKOS CHI KY'A BLO BZANG BKRA SHIS KYIS GTZOS GDAN 'DREN PA 'ONGS PAR KHAS BLANGS NAS, ZLA BA DRUG PA'I TSES BRGYAD LA KHRI THOG TU SLEBS, LAM RIM CHEN MO'I MGO NAS CHOS THUN GCIG BSHAD, TSOGS CHEN DANG KHYAD PAR BSHAD SGRUB GLING GI SGRIGS LAM KUN SPYOD LA NYAMS GSOS

DANG; SLOB GNYER BA RNAMS LA MTHONG DANG BDAG RKYEN CHE BAR BYAS, RGAN PA RNAMS CHOS GRVA LA 'ONGS PA'I CHED DU LAM RIM 'DZIN GRVA GSAR DU BTZUGS, TSIG RGYUG DANG DON RGYUG LEN PA SOGS DO DAM GANG DRAG BYAS PAS 'CHAD NYAN ME 'BAR BA LTAR GYUR PA KUN GYIS SHES, ME KHYI'I LOR WANG KY'A CHOS RJES DNGUL SRANG STONG PHRAG GCIG SPYI SOR PHUL BA BSHAD SGRUB GLING GI RGYUN GYI GRVA JA'I THEBS SU SBYOR 'JAGS BYAS, KHRI KHAR SDOD RING DON GNYER BA RNAMS LA DBANG DANG RJES GNANG LUNG SOGS BYAS PA'I RIM PA YANG, RAB 'BYAMS PA NGAG DBANG CHOS LDAN LA MI 'KHRUGS PA'I DBANG, SGRUB THABS RIN 'BYUNG GI RJES GNANG YONGS RDZOGS LUNG DANG BCAS PA, SGO ME NIS LUNG TSANG LA SNAR THANG BRGYA RTZA'I RJES GNANG LUNG BCAS, DBEN SA BKA' 'BUM GYI LUNG, LCANG SKYA RIN PO CHE'I LAM RIM TSIGS BCAD MA'I STENG NAS BDE LAM GYI KHRID SEMS BSKYED MCHOD PA DANG BCAS PA, 'JAM DBYANGS CHOS SKOR GYI RJES GNANG, BDE MCHOG SNGAGS BTU'I RJES GNANG, BKA' GDAMS GZHUNG DRUG, CHOS CHUNG BRGYA RTZA, RIGS TSOGS DRUG RNAMS KYI LUNG, DPA' RIS THUR CHEN TO BA TSAD BLA MA LA MKHAS GRUB RIN PO CHE'I GSUNG 'BUM THOR BU BA'I LUNG, SMAN PA DPON SLOB ZUR BA CHU RU KHA PA'I ZHABS DRUNG LA LHO BRAG SNYAN BRGYUD KYI DBANG DANG RJES GNANG TSANG MA, RKANG TSA BYANG 'DREN LA GSANG 'DUS, BDE MCHOG, 'KHOR CHEN GSUM GYI DBANG, GZHAN YANG DON GNYER BA KHA SHAS LA 'JIGS BYED DANG BDE MCHOG GI DBANG, 'DOD LHA DU MA'I RJES

, ,GNANG SOGS MANG DU BYAS KYANG 'DIR ZHIB TU MA BRIS, KHO BOS RJE RIN PO CHE'I BKA' DRIN BSAMS NAS GDAN SA CHEN PO 'DI LA CHOS KYI SGO NAS PHAN GANG THOGS GANG DRAG BYAS PA LAGS, 'JIG RTEN GYI GTONG SGO YANG SNGAR SROL GANG YOD MA NYAMS PAR BGYIS, SA PHO BYI BA'I LO ZLA BA BDUN PA'I NANG DU KHRI'I DGONGS PA ZHUS TE, TSOGS CHEN DANG BSHAD SGRUB GLING BCAS PA DNGUL SRANG STONG PHRAG GCIG GI 'GYED PHUL TE DGE 'DUN RNAMS MNYES PAR BYAS; DE LTAR LO GSUM GYI RING 'THAB RTZOD 'KHRUG LONG MED PAR THUGS MTHUN PA DANG 'CHAD NYAN DMAR BA BYUNG STE DKON MCHOG GI BKA' DRIN DU SHES PAR BYA'O, ,BDAG GI LO RGYUS ZHIB PAR NI GZHAN DU SHES SO,, ` ,,KHRI THOG SUM CU SO GCIG PA MGON KYA'A GRAGS PA RGYAL MTSAN NI, RAB BYUNG BCU GNYIS PA'I LCAGS KHYI LA HOR KYA ZHES PAR 'KHRUNGS, GZHON NU NAS RAB TU BYUNG STE SKU 'BUM DU CHOS GRVAR ZHUGS NAS MTSAN NYID KYI GSAN SBYONG MDZAD, RGYUD PA'I DPON SLOB MDZAD DE GRVA KHANG ZHIG GSOS LEGS PAR BYAS, DGUNG LO SO DGU BAS PHO BYI BA'I LONG TSOGS CHEN GYI KHRIR PHEBS TE 'CHAD NYAN MDZAD, 'DI BAS GDAN SA GNANG SKABS AA KY'A ZHABS DRUNG RIN PO CHE DANG, LA SAR T'A BLA MA GNYIS KYIS SBYIN BDAG BYAS TE 'DU KHANG CHEN MO JE CHER BTANG NAS ZHIG GSO MDZAD, RA KHO DPON PO SANGS RGYAS LHUN GRUB KYIS TSOD RA'I NANG DU BDE GSHEGS MCHOD RTEN BRGYAD BZHENGS, GDAN SA PA NYID NAS THUGS KHUR BZHES TE BYANG

CHUB CHEN PO'I MCHOD RTEN LA ZHIG GSO MDZAD, DE LTAR LUGS GNYIS KYI SGO NAS LO BCU'I RING GDAN SA MDZAD DE DGUNG LO ZHE BRGYAD PA ME BYA'I LOR KHRI THOG NAS GSHEGS,, ` ,,KHRI THOG SO GNYIS PA CHU BZANG RIN PO CHE NGAG DBANG THUB BSTAN DBANG PHYUG STE, DE'I RNAM PAR THAR PA MDOR BSDUS PA GONG DU BRJOD ZIN LA, MGON KY'A TSANG GSHEGS NAS BLA MA RJES MA GSAR BSKOS KYI MTSAMS SU TSOGS 'DU NAS CHOS SKYONG LA ZHUS PAS RJE 'DI NYID BSKOS TE SLAR YANG GDAN SAR PHEBS PA YIN LA, ME BYA ZLA BA DRUG PA'I TSOS BDUN LA SENG GE'I KHRIR BYON TE DGE 'DUN GYI SDE SKYONG BAR MDZAD, SA MO PHAG GI LOR PAn CHEN THAMS CAD MKHYEN CING GZIGS PA CHEN PO BLO BZANG DPAL LDAN YE SHES ^ GONG MA BDAG PO CHEN POS SPYAN DRANGS NAS BYANG PHYOGS SU PHEBS PA'I TSE, RJE 'DI MKHAN PO GDAN SA PA YIN STABS ZHAL BKOD MDZAD DE RANG NYID KYIS GTZOS CHIBS BSU SNGON MA RNAMS KYIS RDZA ZO RA'I TSUR NANG DANG, RGYUD PA BLA MAS GTZOS CHIBS BSU BAR BAS MTSO SNGON GYI 'GRAM NAS BSUS SHING THABS BSU RGYAS BA PHUL, CHIBS BSU BRJES MAS DGON PA'I NYE SKOR TE'U DMAR THANG NAS SKYA SER SUM BRGYA LHAG TZAM GYIS BSUS TE, DER GSOL STON RGYAS PAR PHUL, LAB TZE SHAR GDONG NAS KHRI ZUR STAG MTSER YE SHES SKAL BZANG BA'I ZHAL SNGA NAS KYIS GTZOS DGE 'DUN STONG PHRAG GNYIS LHAG TZAM GYIS MCHOD RDZAS SNA TSOGS PA THOGS NAS SER SBRENG GIS BSUS TE, ZLA BA BCU PA'I BCU DRUG LA SKU 'BUM BLA BRANG DU PHYAG PHAB STE GONG MA'I GSER YIG

, ,BSGRAGS SHING 'BUL BA GYA NOM PA PHUL, BCO BRGYAD KYI NYIN GONG MA'I MDZOD NAS STON CHEN PHUL TE STON MO GROL NAS SKYABS MGON PAn CHEN RIN PO CHE LHA KHANG CHEN MO'I NANG DU PHEBS TE RTEN MJAL MDZAD, BCU DGU'I NYIN SKU 'BUM SPYI SO NAS 'DU KHANG CHEN MOR SPYAN DRANGS TE GSOL STON RGYAS PA DANG ZHABS BRTAN GYI 'BUL BAR DNGUL GYI MAndAL CHE LEGS DAR TSON SNA LNGA'I SNE 'DOGS, KHA BTAGS NANG MDZOD, SKU GSUNG THUGS RTEN, BZHUGS GDAN, RGYAB YOL, NA BZA', NYER SPYAD, DNGUL SRANG STONG PHRAG GCIG, DONG RTZE KHRON STONG PHRAG GCIG BCAS RNAM GRANGS KHRI TSO GCIG DANG BRGYA DANG BCU GSUM PHUL, DE'I SKABS SU ZHABS BRTAN GYI BSHAD PA RJE 'DI NYID NAS GNANG, SKYABS MGON PAn CHEN RIN PO CHE'I SKU ZHABS NAS TSOGS CHEN DU DGE 'DUN NYIS STONG LHAG LA 'GYED KHA BTAGS RE DANG, ZLA BA BCU PA'I LNGA MCHOD LA DNGUL 'GYED ZHO DRUG DANG PHUL LNGA RE GNAD BA NAS, LCAGS BYI ZLA BA GSUM PA'I TSES BZHI'I NYIN DNGUL ZHO DE RE BCAS 'GYED LAN MANG DU STZAL, BZHUGS RING LA JA THUG YANG MCHAD PAR GNANG, DE NYIN SPYI 'JOG LA DNGUL SRANG BZHI BRGYA, JA 'KHOR DRUNG BCU GNYIS, RTA DRUG CU RE GCIG, MDZO DGU, G-YAG DRUG; PHOG THEBS SU DNGUL SRANG STONG PHRAG GCIG DANG SRANG BZHI BCU ZHE BZHI BCAS RGYA CHE DPANGS MTHO SBYOR 'JAGS MDZAD, ZLA BA BCU GNYIS PA'I BCU DRUG LA BDAG GIS ZHABS BRTAN DANG GSOL STON RGYAS PAR PHUL NAS YON TAN GZHIR GYUR

MA'I KHRID KYANG ZHUS, DE NYIN TZE NE NANG SOS ZHABS BRTAN DU GSER DNGUL GOS DAR DNGOS PO GYA NOM PA PHUL, DE'I SKABS SU ZHABS BRTAN GYI ZHU 'BUL BDAG GIS BYAS, DE'I NYI SHU BRGYAD LA BSTAN PA'I GSAL BYED THO'U BKVAN SPRUL BA'I SKU NAS GSOL BA BTAB STE PHYAG CHEN GYI KHRID NYI MA GSUM GYI RING GNANG, ZLA BA DANG PO'I TSES PA GSUM GYI NYIN SKYABS MGON PAn CHEN RIN PO CHE CHOS GRVAR PHEBS TE LAM RIM BDE LAM GYI KHRID KYI MGO BTZUGS, LHA KHANG RGYAB TU CHOS SKYONG RNAM GNYIS KYIS SKU PHEBS BRGYAB NAS BSU BA BYAS, NYIN DER BSTAN PA'I SBYIN BDAG DAM PA CO NE DPON YUM SRAS NAS SKYABS MGON PAn CHEN RIN PO CHE TSOGS DBUS SU GDAN DRANGS, ZHABS BRTAN DU GSER DNGUL GOS DAR DANG DGE 'DUN LA YANG JA THUG DANG 'GYED GYA NOM PA PHUL, DE SKABS ZHABS BRTAN GYI ZHU 'BUL CHU BZANG RIN PO CHE NAS MDZAD, DE NAS NYI MA KHA SHAS LA GNANG MA THUB PAR TSES PA BRGYAD NAS BCU GNYIS KYI BAR DU LAM KHRID SEMS BSKYED MCHOD PA DANG BCAS GNANG, TSES BCO LNGA'I NYIN CHOS GRVAR PHEBS NAS SMON LAM GYI GSUNG CHOS LA SKYES RABS SO BZHI PA'I MGO NAS CHOS THUN GCIG GSUNGS, NYIN DER SMON LAM DU PHEBS NAS BSNGO SMON SOGS RGYAS PAR GNANG, ZLA BA GNYIS PA'I TSES GNYIS LA RGYUD PA GRVA TSANG GIS ZHABS BRTAN RGYAS PAR PHUL ZHING GSANG 'DUS KYI 'GREL GTOR BTANG NAS GSANG 'DUS RTZA RGYUD LE'U BCU GNYIS LHAG TZAM GYI LUNG GNANG, BCO LNGA'I NYIN GSO SBYONG LA PHEBS NAS SO THAR GYI MDO GSUNGS, LHA KHANG SO SOR RTEN MJAL MDZAD, LHA KHANG

, ,CHEN MO'I MCHOD RTEN GYI BUM PA'I SGO RGYAN NANG GI RJE RIN PO CHE'I PHYAG TU DUNG DKAR G-YAS 'KHYIL, DE'I MDUN DU DNGUL GYI MAndAL, MCHOD KONG CHE CHUNG, TING PHOR, GZHAN MCHOD RDZAS SBUB CHAL SIL SNYAN LA SOGS PA'I MCHOD RDZAS BGRANG LAS 'DAS PA PHUL, BCU DRUG LA SMAN PA GRVA TSANG GIS ZHABS BRTAN PHUL ZHING SMAN CHOG BSDUS PA'I LUNG STZAL, BCO BRGYAD KYI NYIN BSHAD SGRUB GLING GIS CHOS GRVAR SPYAN DRANGS TE ZHABS BRTAN GYA NOM PA PHUL ZHING MNGON RTOGS RGYAN GYI LUNG GNANG, NYI SHU DRUG LA CHU BZANG SPRUL PA'I SKU RIN PO CHE NAS SKYABS MGON PAn CHEN RIN PO CHE CHUNG BZANG SGAR BAR SPYAN DRANGS TE ZHABS BRTAN PHUL ZHING GSOL STON RGYAS PAR ZHUS, ZLA BA GSUM PA'I TSES BZHI LA SKYABS MGON PAn CHEN RIN PO CHE TSOGS CHEN DU SPYAN DRANGS TE ZHABS BRTAN PHUL ZHING GSOL STON GYA NOM PA ZHUS, DE NYIN RGYUD PA GRVA TSANG DU SPYAN DRANGS TE GSANG 'DUS KYI BLA BRGYUD GSOL 'DEBS SMON LAM SHIS BRJOD KYI LUNG ZHUS TE ZHABS BRTAN KYANG MDOR BSDUS PHUL, SKYABS MGON PAn CHEN RIN PO CHE NAS BLA BRANG GI KA BZHI MA'I NANG DU RTEN GSUM MCHOD RDZAS GONG MAS GNANG BA'I TZI BAN SOGS 'JOG PA GYA NOM PA GNANG, TSES DRUG LA CHU BZANG RIN PO CHE NAS DGONGS PA ZHUS TE, BLA MA GSAR BSKOS KYI 'OS THO SKYABS MGON PAn CHEN RIN PO CHE'I DRUNG DU PHUL TE, BRTAG RIL MDZAD PAS RGYUD PA DBON SLOB LAS THOG PA NGAG DBANG BSTAN PA LA BABS TE BSKO BZHAG

MDZAD, ZLA BA DE'I TSES BCU LA SKYABS MGON PAn CHEN RIN PO CHE SKU 'BUM NAS RGYA NAG TU CHIBS KHA BSGYUR, CHIN SHUS HOR NAS SPYI SOS JA THABS RGYAS PAR PHUL, RJE 'DI NYID KYIS GTZOS RTA PA SUM BRGYA LHAG TZAM GYIS CHIBS SKYEL BYAS, SPYI GNYER GYIS SAN YAN JING BAR DU CHI BAS SKYEL BYAS, RJE 'DI SKU TSE GONG MA NA RIM GYI SKABS SU CHOS SDE 'DIR BKA' DRIN CHE TSUL GONG DU BSHAD ZIN PA LTAR DANG, SKU TSE 'DIR YANG LAN GNYIS KYI BAR DU GDAN SAR BZHUGS NAS CHOS 'JIG RTEN GNYIS KYI SGO NAS SKYONG BAR MDZAD CING, KHYAD PAR DU SKYABS MGON PAn CHEN RIN PO CHE PHEBS SKABS GANG CI'I MGO 'DREN YANG DAG PAR MDZAD PAS BKA' DRIN MCHOG TU CHE BAR SHES PAR BYA'O,, ` ,,KHRI THOG SO GSUM PA CHE SHOS NGAG DBANG BSTAN PA NI, SKU 'BUM DANG THAG NYE BA'I SA'I CHA CHE SHOS ZHES BYA BAR SGRA'I RIGS LAS 'PHAGS PA SKYABS DANG, NGAG DBANG SGROL MA GNYIS KYI SRAS SU RAB BYUNG BCU GNYIS PA'I ME BYA HOR ZLA BCU GCIG PA'I TSES BCU BDUN GYI NYIN 'KHRUNGS, MTSAN RNAM 'JOMS ZHES BTAGS, DGUNG LO BCU BZHI LON PA NA ZIN CHOS RJE NGAG DBANG BSTAN PA LAS RAB TU BYUNG, SENG GE RI KHROD DU LO DRUG GI BAR BZHUGS TE DGE SLONG SHES RAB LHUN GRUB LA BSNYEN NAS YI GE DKAR NAG LEGS PAR BSLABS, CHOS SPYOD DANG CHO GA'I RIGS BLO 'DZIN MDZAD, DGUNG LO BCU DGU PA'I TSE SKU 'BUM DU CHOS GRVAR ZHUGS TE GRUB DBANG CHEN PO CHE SHOS LHA BZO BSTEN NAS MTSAN NYID KYI GSAN SBYONG MDZAD, NYI SHU BZHES PA NA SER

, ,DRIS CHOS RJE TSUL KHRIMS RIN CHEN LAS DGE TSUL BSGRUBS, NYER GCIG LA DBUS SU BYON TE SER THEG PA CHEN PO'I GLING GI SMAD GRVA TSANG THOS BSAM NOR BU'I GLING DU CHOS GRVAR ZHUGS TE, SE RA SMAD PA DPON SLOB DGE BSHES CHEN PO DAR RGYAS LHUN GRUB PA DGE RGAN DU BSTEN NAS GZHUNG LUGS LA SBYANGS PAR MDZAD, RA BA STOD DU YANG PHEBS NAS BSDUS TSAD LA SBYANGS, DE NAS DBU PHAR 'DUL MDZOD SOGS GZHUNG CHEN RNAMS LA SBYANGS PA RIM GYIS MDZAD, DGUNG LO NYER BDUN PA LA RGYAL BA'I DBANG PO BSKAL BZANG RGYA MTSO'I DRUNG DU DE MO RIN PO CHE DANG LHAN DU BSNYEN RDZOGS BSGRUB PAR MDZAD, RGYAL DBANG THAMS CAD MKHYEN PA DE NYID KYI DRUNG DU SPYAN RAS GZIGS RGYAL BA RGYA MTSO'I DBANG, SMAN BLA'I RJES GNAD DANG LUNG, DGA' LDAN LHA BRGYA MA'I KHRID, RJE'I GSUNG 'BUM GYI LUNG PHAL CHER GSAN, DVAGS PO DGE BSHES BLO BZANG SBYIN PA'I DRUNG DU 'JIGS BYED DAD GDUGS DKAR GNYIS KYI DBANG, CHU BZANG DPON SLOB DPAL 'BYOR GRAGS PA'I DRUNG DU NA RO CHOS DRUG GI KHRID, YONGS RDZOGS BSTAN PA'I MNGA' BDAG RJE NGAG DBANG BYAMS PA'I DRUNG DU 'JAM DPAL ZHAL LUNG DANG BDE LAM GNYIS KYI KHRID, SPYAN RAS GZIGS BCU GCIG ZHAL GYI DBANG BCAS GSAN, THEG CHEN GSO SBYONG GI SNGOM PA ZHUS TE BSNYUNG GNAS KHA SHAS BSRUNG BAR MDZAD, RJE DE NYID KYI DRUNG DU SEMS BSKYED CHOGS BZUNG STE BYANG CHUB KYI SEMS LA NYAMS LEN MDZAD, SO BZHI PA LA RIGS

GRVA'I GRVA SKOR GNANG, DE LTAR MDO PHYOGS KYI SBYANGS PA MTHAR PHYIN NAS SO LNGA LON PA NA MDO SMAD DU BYON, SKU 'BUM DU DBU PHAR GYI DAM BCA' 'JOG PAR MDZAD PAS LEGS PAR BYUNG, DGUNG LO SO DGU LON PA'I TSE GROGS 'GA' DANG BCAS GSER KHOG DGON LUNG SOGS SU GRVA SKOR GNANG, ME BYI'I LOR RGYUD GRVAR PHEBS TE LO BCU'I RING SNGAGS KYI SLOB GNYER TSUL DANG MTHUN PAR MDZAD CING BLA MA DBU MDZAD KYANG THON, LCAGS STAG GI LOR SMAN PA GRVA TSANG GI DPON SLOB MDZAD DE SGRIGS LAM KUN SPYOD LA NYAMS GSO DANG, KHYAD PAR KUN RIG GI DBANG GNANG NAS BDAG 'JUG 'DZUGS PA DANG, CHAS 'JUG CHA TSANG BRGYA PHRAG GCIG, DRIL BU LNGA BCU BCAS BZHAG CING, GSO DPYAD KYI 'CHAD NYAN YAR RGYAS SU 'PHEL BAR MDZAD, SA PHAG GI LOR HOR ZLA GSUM PA'I TSES BRGYAD LA RGYUD PA'I DPON SLOB MDZAD DE 'GREL BA BZHI SBRAGS KYI 'CHAD NYAN DANG, RGYUD PA'I SGRIGS LAM LA DO DAM GANG DRAG MDZAD, DGUNG LO RE BZHI PA LCAGS PHO BYI BA'I LOR HOR ZLA GSUM PA'I TSES DGU'I NYIN SKYABS MGON PAn CHEN RIN PO CHE NAS BKA' PHEBS TE MKHAN POR BSKO BZHAG GNANG, ZLA BA BZHI PA'I TSES BRGYAD LA MI 'JIGS SENG GE'I KHRIR 'KHOD DE 'CHAD NYAN GYI RGYAL MTSAN PHYOGS BCUR BSGRENGS, ZLA BA BCU GCIG PA'I TSES GCIG LA SKYABS MGON PAn CHEN RIN PO CHE DGONGS PA CHOS DBYINGS SU THIM PA'I SKOR GYI GSER YIG ZLA BA DE'I NYER DRUG LA 'BYOR TE LHA KHANG CHEN MO DANG, BLA BRAD KA BZHI MA'I NANG DU SMON

, ,LAM DANG SPYAN 'DREN KHRUS GSOL BSTAN 'BAR MA BCAS ZHAL 'DON, GLING ME DANG BCAS PA NYI MA BDUN GYI RING BYAS, TSOGS CHEN DANG GRVA TSANG SO SO NAS KYANG DE BZHIN DU MDZAD, MDO SMAD KYI BLA MA CHE KHAG DANG; MTSO SNGON GYI DPON KHAG SO SO NAS MANG 'GYED BTANG, SPRUL SKU MYUR 'BYON GYI GSOL 'DEBS YANG TSOGS SU BTZUGS, LCAGS GLANG ZLA BA DANG PO'I NANG DU PHYAG MDZOD CHEN MO'I SKU ZHABS NAS SDE PA YE SHES PHUN TSOGS MNGAGS TE DGONGS RDZOGS DANG, SPRUL SKU MYUR 'BYON GYI CHED DU CHOS SDE CHEN PO 'DIR 'GYED DANG MANG JA, LHA KHANG CHEN MO'I NANG DU GRVA PA BZHI BCUS ZLA BA GSUM GYI RING DGONGS RDZOGS BSGRUB PAR 'GYED MANG JA GNANG BA 'DI PAS THUGS KHUR BZHES TE THUGS KYI DGONGS PA ZAG MED CHOS KYI DBYINGS SU RDZOGS PA'I RNAM DKAR GYI DGE RTZA RLABS CHEN PO BSGRUB PAR MDZAD, LCAGS GLANG HOR ZLA LNGA PA SNGON MA'I TSES DRUG LA SKYABS MGON PAn CHEN RIN PO CHE'I SKU GDUNG ZI LING DU PHEBS BAR CHIBS BSU GNANG ZHING, ZLA BA DE'I TSES BCU GNYIS LA LAS SNA GRVA MANG PHAL CHER ZI LING DU PHEBS NAS KHA BTAGS GOS DAR DNGUL SRANG LNGA BRGYA BCAS STONG 'BUL MDZAD, MKHAN RIN PO CHE 'DI LA STON PA'I GSER SKU GCIG DANG, LAS SNA RNAMS LA GNANG SBYIN GYA NOM BA STZAL, TSES BCU BZHI'I NYIN PHYAG MDZOD CHEN MO'I SKU ZHABS DGON PAR PHEBS, TSOGS CHEN DU MANG JA DAD 'GYED DNGUL ZHO DO RE GNANG, LHA KHANG CHEN MO'I NANG DU GRVA BA BZHI BCUS ZLA BA GNYIS

KYI RING DGONGS RDZOGS BSGRUB PAR 'GYED DANG JA THUG BCAS GNANG, GZHAN YANG GRVA PA SO SO NAS MCHOD 'BUL SOGS BYAS SHING, MKHAN RIN PO CHE 'DI PAS RTING BSKUL MDZAD DE PHYAG MDZOD SKU ZHABS NAS, RGYUD KHANG GI STENG DU RGYAL MTSAN GYI THEBS SU GSER SRANG NYER LNGA, DNGUL SRANG NYIS BRGYA, GZHIS KA'I THEBS SU DNGUL SRANG DGU BRGYA, 'DU KHANG NANG DU LHA BABS MCHOD RTEN BZHENGS RGYU'I THEBS SU DNGUL SRANG BRGYA BCAS GNANG BAR 'DI NYID NAS THUGS KHUR BZHES TE LEGS PAR BSGRUBS, STONG SKOR BAR DU CHIBS SKYEL YANG MDZAD, MKHAN RIN PO CHE 'DI LUNG RTOGS KYI YON TAN DANG LDAN ZHING RANG BZHIN BZANG BA, DGON PA'I LAS DON LA SHA TSA ZHING 'CHAD NYAN LA BRTZON PA, TSUL KHRIMS LA GCES SPRAS SU BYED PA ZHIG STE DA LTA YANG RNAM DKAR GYI 'PHRIN LAS GONG 'PHEL GYI NGANG NAS KHRI THOG TU BZHUGS SO,, ` ,,RGYUD PA GRVA TSANG NI, RAB BYUNG BCU GCIG PA SA MO GLANG GI LOR ZI NA CHOS RJE LEGS PA RGYA MTSOS PAn CHEN BLO BZANG CHOS KYI RGYAL MTSAN GYI GSUNG LTAR RGYUD PA GRVA TSANG GSAR DU BTZUGS, CHO GA PHYAG LEN SMAD RGYUD DANG MTHUN PAR MDZAD; RGYAL DBANG LNGA PA CHEN PO DANG, PAn CHEN BLO BZANG CHOS KYI RGYAL MTSAN NAS RGYUD PAR BKA' SHOG GNANG, CHU SPRUL GYI LOR RGYAL DBANG LNGA PA CHEN POS BCA' YIG GSAR RTZOM MDZAD DE STZAL, CHOS RJE LEGS PA RGYA MTSO DE NI CHU SPRUL LA 'KHRUNGS SHING BDUN CU PA CHU STAG LA GSHEGS, PUR SPYANGS PA'I TSE THUGS LJAGS SPYAN GSUM DANG DUNG DKAR G-YAS 'KHYIL, RING BSREL

, ,MANG DU BYON, DE NYID NANG RTEN BYAS TE BZHENGS PA'I RJE RIN PO CHE'I SKU BRNYAN DA LTA RGYUD KHANG NA YOD, ZIN CHOS RJE LEGS PA RGYA MTSO'I RJES SU CHOS RJE BSOD NAMS RIN CHEN BLA MAR BSKOS, DE NAS RIM PA BZHIN, DAM CHOS PHUN TSOGS, GRAGS PA BKRA SHIS, AA KY'A SHES RAB BZANG PO, CHU BZANG BLO BZANG BSTAN PA'I RGYAL MTSAN, NGAG DBANG DPAL LDAN, STAG MTSER BLO BZANG RDO RJE, DGE LEGS DPAL LDAN, DON GRUB 'OD ZER, ZIN DBON PO NGAG DBANG BLO BZANG, SGO ME GRAGS PA RGYA MTSO, BLO BZANG RIN CHEN, NGAG DBANG BSTAN 'DZIN, RA KHO NGAG DBANG CHOS RGYAL MTSAN, ZIN NGAG DBANG RGYA MTSO, RA KHO SHES RAB CHOS 'BYOR, MI NYAG BLO GROS DAR RGYAS, AAN JA SU BLO BZANG KUN DGA', AA KY'A BLO BZANG BSTAN PA'I RGYAL MTSAN, DKAR PO BLO BZANG TSANGS DBYANGS, STAG MTSER YE SHES SKAL BZANG, BUM PAR TSUL KHRIMS RGYA MTSO, DGA' LDAN YE SHES SKAL BZANG, P'A JUS SHES RAB LHUN GRUB, MGON KY'A GRAGS PA RGYAL MTSAN, AA 'BRUG BLO BZANG CHOS GRAGS, ZIN ZHABS DRUNG NGAG DBANG TSUL KHRIMS RGYA MTSO, CHE SHOS NGAG DBANG BSTAN PA, DA LTA KHRI KA PA 'JAM DBYANGS DON GRUB KYIS 'CHAD NYAN MDZAD BZHIN PA'I SKABS SO,, ` ,,SMAN PA GRVA TSANG NI, CHU BZANG SKU GONG MA BLO BZANG BSTAN PA'I RGYAL MTSAN GYIS SMAN PA GRVA TSANG 'DZUGS PAR MDZAD KYANG BAR SKABS SU MTSO SNGON GYI 'KHRUG

PA'I DBANG GIS MA GNAS SO, ,DUS 'KHRUG GI RJES SU TOR GE AAM BAN GYI GSUNG LTAR SMAN PA GRVA TSANG GSAR DU BTZUGS, AEM CHI SNYAN GRAGS KYIS SLOB DPON MDZAD DE 'PHEL RGYAS SU GYUR, DE NAS BLA RABS KHA SHAS SONG MTSAMS CHU BZANG RIN PO CHE NGAG DBANG THUB BSTAN DBANG PHYUG GIS MKHAN PO MDZAD PA'I SKABS SU, ME MO GLANG GI LOR MDZO DGE BLO BZANG BSTAN PA'I RGYAL MTSAN SMAN PA DPON SLOB TU BSKOS, BLA MA 'DI MDZO DGE GRO TSANG NAS YIN ZHING THOG MAR BKRA SHIS 'KHYIL DU SLOB GNYER MDZAD CING PHYIS SU SKU 'BUM DU BYON PA ZHIG STE, KHONG GIS GRVA KHANG GSAR BZHENGS DANG 'CHAD NYAN GONG 'PHEL DU MDZAD, DE NAS BLA RABS RIM PA BZHIN, MER GEN CHOS RJE SHES RAB BSTAN 'DZIN, HOR HU THOG THU DPAL LDAN RGYA MTSO, RGYA YIG MKHAN PO BLO BZANG DAR RGYAS, CHU RU KHA PA'I ZHABS DRUNG BLO BZANG DAR RGYAS, CHE SHOS NGAG DBANG BSTAN PA, DA LTA SER DRIS ZHABS DRUNG DKON MCHOG RNAM RGYAL GYIS GSO RIG GI 'CHAD NYAN MDZAD BZHIN PA'I SKABS SO, ,DE LTAR PHYOGS THAMS CAD LAS RNAM PAR RGYAL BA'I CHOS SDE CHEN PO 'DIR BZHUGS PA'I DGE 'DUN PA RNAMS NI THUGS MTHUN ZHING BSLAB KHRIMS DAG PA, LTA GRUB GTZANG ZHING GZHAN LA 'GRAM CHU MI LDANG BA, 'DOD PA CHUNG ZHING CHOG SHES PA, DON DANG BYA BA NYUNG ZHING 'DU 'DZIL MI DGYES PA, BLA MA LA GUS SHING THOS BSAM LA GZHOL BA, ZHI ZHING DUL BA'I SPYOD LAM GYIS MDZES SHING KHENGS DREGS MI MDZAD PA, NYIN MTSAN DAM PA'I CHOS KYIS 'DA' BA'I

, ,DANG TSUL CAN TE, TSOGS PA CHE BA'I SKABS SU NYIS STONG LHAG TZAM DANG, RGYUN PAR STONG DANG BDUN BRGYA TZAM BZHUGS SHING BSHAD NYAN GSER GYI RNGA CHEN PHYOGS BRGYAR BRDUNGS PAS RGYA MTSO'I GOS CAN GYI KHYON 'DI CI YANG MDZES PAR BYAS SO, ,SMRAS PA, 'PHAGS PA'I YUL MCHOG RDO RJE GDAN GYI BYANG, ,DGE BCU KUN TSANG MDO SMAD YUL GYI LJONGS, ,SPRUL PA'I SKU 'BUM ZHES GRAGS GRAGS SNYAN GYI, ,'OD 'PHRENG SRID PA'I RTZE MOR 'GOD PAR BYED, ,TSUL KHRIMS CHU GTER GTING MTHA' MI MNGON ZHING, ,BSHAD DANG SGRUB PA'I RLABS 'PHRENG CI YANG GA-YO, ,RIG GROL DGE 'DUN 'DUS PA ROL PA'I MTSO, ,GANG 'DI SKAL BZANG SKYE DGU'I NYER 'TSO YIN, ,'KHOR LO GSUM DANG 'BREL BA'I GRU CHAR GYIS, ,THUB BSTAN MTSO CHEN SKYONG BAR MDZAD PA YI, ,MKHAN BRGYUD GDENGS CAN NGO MTSAR MTHONG BA NA, ,GTAD RABS BDUN LA'ANG GUS PA LHOD PAR GYUR, ,CES BYA BA NI BAR SKABS KYI TSIGS SU BCAD PA'O,, ` ,,DA NI CHOS SDE CHEN PO 'DIR SKU GSUNG THUGS KYI RTEN JI LTAR BZHUGS PA'I TSUL BRJOD PAR BYA STE, DE YANG LHA KHANG CHEN MO'I NANG DU RGYAL BTZONG KHA BA CHEN PO GSAR DU SKU BLTAMS PA'I TSE LTE BA BCAD PA'I KHRAG GI THIG SA PA 'DZIN MAR LHUNG BA LAS BYANG CHUB KYI SHING KHYAD PAR DU 'PHAGS PA YAL GA DANG, LO MA DANG, PAGS PA RNAMS SKU BRNYAN DANG YIG 'BRU DU MA RANG BYON DU YOD PA DE NYID SNYING POR BYAS TE BZHENGS PA'I MCHOD RTEN CHEN MO BYIN

RLABS KYI GZI 'OD BRGYA PHRAG TU 'BAR ZHING SKYE DGU'I BSOD NAMS KYI ZHING DAM PAR BZHUGS, MCHOD RTEN CHEN MO'I SHEL SGO'I NANG DU SANGS RGYAS 'OD SRUNG GI TSEMS DANG, SANGS RGYAS KYI 'PHEL GDUNG BZHI BZHUGS, MCHOD RTEN CHEN MO'I G-YON NGOS SU LCANG SKYA SKU GONG MA NGAG DBANG BLO BZANG CHOS LDAN GYI DNGUL GDUNG, DE'I MDUN DUR KHO CHOS RJE SHES RAB CHOS 'BYOR GYI DNGUL GDUNG, AA KY'A RIN PO CHE'I SKU GDUNG MCHOD RTEN GSER ZANGS LAS GRUB PA, MCHOD RTEN CHEN MO'I G-YAS NGOS SU BSO RJE DRUNG RIN PO CHE'I SKU GDUNG BYANG CHUB MCHOD RTEN, DE'I MDUN DU RGYAL BA BYAMS PA'I GSER SKU CHE BA, DE'I G-YAS G-YON DU AA LAG SHA WANG GIS RIN CHEN GNYIS PA LAS BZHENGS PA'I BYANG CHUB MCHOD RTEN, AER TI NI WANG GIS DNGUL LAS BZHENGS PA'I LHA BABS MCHOD RTEN, MCHOD RTEN CHEN MO'I G-YAS ZUR DU RJE RIN PO CHE'I LTE KHRAG LAS 'KHRUNGS PA'I BYANG CHUB KYI SHING LAS GRUB PA'I BYAMS PA'I SNANG BRNYAN, MCHOD RTEN CHEN MO'I MDUN DU NGAG LDAN SHI RE THU'I HU THOG THU BLO BZANG BSTAN PA'I NYI MA'I DNGUL GDUNG, DE'I GZUNGS GZHUG TU RJE RIN PO CHE'I DBU LO, RGYAL BA YAB SRAS KYI NA BZA' BCAS BYIN RTEN KHYAD PAR CAN MANG PO BZHUGS, DNGUL LAS GRUB PA'I BYANG CHUB MCHOD RTEN GSUM, GSER ZANGS LAS GRUB PA'I BAD SPUNGS MCHOD RTEN GNYIS, TZAN DAN LAS GRUB PA'I RJE RIN PO CHE'I SKU, DUS GSUM SANGS RGYAS, RGYAL BA SENG GE'I DA RO, BYAMS PA, BCU GCIG ZHAL, RJE RIN PO CHE, SGROL MA RNAMS

, ,KYI GSER SKU, BZANG GOS SNA TSOGS LAS GRUB PA'I RGYAL BA SENG GE'I NGA RO'I GOS SKU CHEN MO, YANG GOS CHEN SNA TSOGS LAS GRUB PA'I RJE RIN PO CHE'I GOS SKU, MCHOD RTEN CHEN MO'I G-YAS PHYOGS KYI KUN DGA' RA BAR BKA' 'GYUR DBUS DPAR TSAR GCIG, G-YON NGOS SU BSTAN 'GYUR DBUS DPAR TSAR GCIG, GSUNG RAB SNA TSOGS DUM PA NYER DGU, GSER GYI BSKAL BZANG TSAR GCIG, RDO'I NGOS LA RJE RIN PO CHE'I ZHABS RJES GSAL BAR BABS PA ZHIG BCAS BZHUGS, GONG MA KHANG ZHI RGYAL PO DANG, CH'AN LUNG RGYAL PO GNYIS KYI GSER YIG TSAR KHA SHAS DANG, KHYAD PAR DU CH'AN LUNG RGYAL PO NAS GNANG BA'I GSER GYI TZA BIN GCIG KYANG YOD, MCHOD RTEN CHEN MO'I MDUN GYI MCHOD RDZAS KYI RIM PA YANG, GONG MA CH'AN LUNG RGYAL PO NAS PHUL BA'I 'KHOR LO PHRA RGYAN CAN STEGS BCAS GCIG, BYU RU'I 'PHRENG BA LEGS PA GCIG, DNGUL SRANG BRGYAD LAS GRUB PA'I BKRA SHIS RDZAS BRGYAD KYI SNOD BZHI, DNGUL SRANG SUM CU SO GNYIS LAS GRUB PA'I BKRA SHIS RTAGS BRGYAD, DNGUL SRANG LNGA BCU LAS GRUB PA'I MAndAL GSER TSOS MA GCIG, DNGUL SRANG NYI SHU RTZA LNGA LAS GRUB PA'I BUM PA KHA RGYAN DANG BCAS PA, ME LONG, SO SHING, GSER ZANGS KYI LDER MA, KAR YOL YU RING LNGA STEGS BCAS, SPOS PHOR RTZI NAG MA GCIG, 'DI RNAMS RGYAL POS GNANG BA YIN,, ` ,,LHA KHANG CHEN MO'I BAR THOG TU KHRI RIN PO CHE BLO GROS RGYA MTSO'I THUGS DAM GYI RTEN RIN

PO CHE SNA TSOGS LAS BZHENGS PA'I BKA' 'GYUR CHAR GCIG, RJE BTZUN TZONG KHA PA CHEN PO'I GSUNG 'BUM, LCANG SKYA RIN PO CHE NGAG DBANG BLO BZANG CHOS LDAN GYI GSUNG 'BUM, RJE RIN PO CHE'I GSER SKU SHING KHRI CAN, YANG RJE RIN PO CHE'I GSER SKU GCIG, BYAMS PA'I GSER SKU GCIG, AA KY'A HU THOG THU NAS GZHUNG LA ZHUS NAS GNANG BA'I RJE RIN PO CHE'I 'KHRUNGS RABS THANG KA SUM CU RTZA LNGA KHYAD 'PHAGS, YANG THUB DBANG, TSE DPAG MED, RJE RIN PO CHE'I ZHAL THANG TSEM GRUB GSUM GYIS GTZOS THANG KA CHE CHUNG LNGA BCU BCAS BZHUGS,, ` ,,LHA KHANG CHEN MO'I MDUN GYI 'DU KHANG CHEN MO'I NANG DU RTEN GYI GTZO BO RGYAL BA BSKAL BZANG RGYA MTSO'I BZHUGS KHRI'I STENG DU GUNG RU MKHA' 'GRO MAS BZHENGS PA'I RJE RIN PO CHE'I SKU LI MA CHE BA GCIG, DE'I G-YAS SU RJE RIN PO CHE'I GSER SKU, DE'I G-YON DU RGYAL BA BSOD NAMS RGYA MTSO'I BZHUGS KHRI'I STENG DU THUB DBANG GI GSER SKU CHE BA GCIG, GSER ZANGS LAS GRUB PA'I BYAMS PA'I BZHENGS SKU GNYIS, SMAN BLA'I PHO BRANG NANG DU BDE GSHEGS BRGYAD KYIS GTZOS GSER SKU NGA GNYIS, DNGUL GYI MCHOD RTEN CHE BA GCIG, YANG BDE GSHEGS BRGYAD KYI GSER SKU TSAR GCIG, THUB DBANG RDO RJE GDAN PA'I GSER SKU, TZAN DAN LAS GRUB PA'I JO BO RIN PO CHE'I SKU, 'DU KHANG GI PHUG NGOS SU MI 'KHRUGS PA SOGS KYI ZHAL THANG CHE BA BCU BDUN, DE DAG GI G-YAS G-YON DU SANGS RGYAS STONG GI THANG KA CHE BA NYER GNYIS, LCAM SRING GI THANG KA BYIN RLABS CAN GCIG, SRID PA'I 'KHOR

, ,LO'I THANG KA CHE BA GCIG, RGYA MA THONGS SU KHANG ZHI RGYAL POS GNANG BA'I TZI BAN, SGO CHEN GYI NANG PHYOGS SU CH'AN LUNG RGYAL POS GNANG BA'I TZI BAN, GZHAN YANG THANG KA MANG DU BZHUGS, 'DU KHANG CHEN MO'I NANG GI SENG KHRI'I G-YAS SU PAn CHEN RIN PO CHE'I BZHUGS KHRIN BZA' DANG BCAS PA, GZHAN YANG 'DU KHANG CHEN MO'I NANG DU BKA' 'GYUR TSAG GNYIS, BSTAN 'GYUR TSAR GCIG BCAS GLEGS BA MA BRGYA PHRAG DU MA BZHUGS,, ` ,,'DU KHANG CHEN MO'I RAB GSAL NANG DU RJE RANG NYID KYI SHANGS MTSAL LAS GRUB PA'I RJE RIN PO CHE'I ZHAL THANG GSUNG 'BYON MA, TZAN DAN LAS GRUB PA'I JO BO LO KI SHVA RA, GSER ZANGS LAS GRUB PA'I BYAMS PA'I BZHENGS SKU, TSE DPAG MED KYI SMAN SKU SOGS SMAN SKU DU MA, BDE GSHEGS BRGYAD KYI MCHOD RTEN TSAR GNYIS, SPYAN RAS GZIGS DANG RJE RIN PO CHE'I ZHAL THANG THAG GRUB MAS GTZOS THANG KA BZHI BCU LHAG TZAM, RGYAL DBANG THAMS CAD MKHYEN PA BSKAL BZANG RGYA MTSO NAS GNANG BA'I SANGS RGYAS SUM CU SO LNGA'I ZHAL THANG DRAS GRUB MA BCU GSUM, RA KHO DBON PO SANGS RGYAS LHUN GRUB KYIS GZHUNG LA ZHUS NAS GNANG PA'I RIGS LDAN NYER LNGA'I ZHAL THANG NYER LNGA, DNGUL LAS BZHENGS PA'I 'BUM SOGS PO TI DU MA, RGYAL BA BSOD NAMS RGYA MTSO'I MDUN COG, RGYAL DBANG LNGA PA CHEN PO DANG BSKAL BZANG RGYA MTSO GNYIS KYI CHIBS SGA, KHANG ZHI RGYAL PO'I NA BZA' BZHUGS GDAN DANG BCAS PA, DE'I G-YON GYI KHANG BAR THUB DBANG

SMAN BLA SOGS KYI GSER SKU BCU LHAG TZAM, BA SO LAS GRUB PA'I SPYAN RAS GZIGS KYI SKU, GZHAN YANG LI MA GSER SKU SMAN SKU SOGS SKU 'DRA'I RIGS MANG BA DANG, THANG KA'I RIGS MANG BA BCAS BZHUGS SO,, ` ,,'DU KHANG CHEN MO'I STENG GI LI MA KHANG DU TZAN DAN LAS GRUB PA'I SPYAN RAS GZIGS KHA SAR P'A nI BZHENGS SKU, DE'I G-YAS SU TZAN DAN LAS GRUB PA'I JO BO LO KI SHVA RA, DE'I G-YAS PHYOGS SU KUN DGA' RA BA'I NANG DU RGYAL BA BSKAL BZANG RGYA MTSO RAB BYUNG GNANG SKABS KYI THUB PA RDO RJE GDAN PA GTZO 'KHOR GSUM, 'DI PAn CHEN RIN PO CHE GSO SBYONG DU PHEBS SKABS 'DU KHANG NANG DU SBYAN DRANGS NAS GSO SBYONG MDZAD, GZHAN YANG GSER SKU NYIS BRGYAR NYE BA, TZAN DAN LAS GRUB PA'I RJE RIN PO CHE, TZAN DAN LAS GRUB PA'I MCHOD RTEN BRGYAD SOGS MCHOD RTEN NYI SHU LHAG, THUB DBANG GRONG KHYER MA SOGS ZHAL THANG BCU LHAG, GTZO BO'I G-YON PHYOGS SU 'OD DPAG MED SOGS GSER SKU NYIS BRGYAR NYE BA DANG, GZHAN YANG SKU 'DRA'I RIGS DU MA, DNGUL DANG TZAN DAN LAS BZHENGS PA'I MCHOD RTEN SUM CU LHAG, BYAMS PA SOGS KYI ZHAL THANG NYI SHUR NYE BA,, ` ,,NANG RTEN GYI SKOR, RGYAL BA YON TAN RGYA MTSO DANG LNGA PA CHEN PO GNYIS KYI DBU ZHVA, RGYAL BA BSOD NAMS RGYA MTSO'I PHYAG DRIL, RGYAL BA YON TAN RGYA MTSO'I ZHABS LHAM, PAn CHEN BLO BZANG YE SHES KYI SKU SHAM, RGYAL BA BSKAL BZANG RGYA MTSO'I GOS BER, RGYAL BA TSANGS DBYANGS RGYA MTSO'I ZHABS LHAM, BA SO RJE DRUNG RIN PO CHE'I SKU GZAN,

, ,CHU BZANG BLO BZANG BSTAN PA'I RGYAL MTSAN GYI DBU ZHVA BCAS BZHUGS, DE'I G-YON GYI LI MA KHANG CHUNG BA'I NANG DU THUB DBANG GI GSER SKU SOGS GSER SKU BRGYA PHRAG GCIG, SGROL LJANG GI DNGUL SKU, RGYAL BA BSOD NAMS RGYA MTSO'I DNGUL SKU, GZHAN YANG LI MA'I RIGS MANG PO DANG, GNAS BCU SOGS KYI ZHAL THANG NYI SHU LHAG TZAM, GSER ZANGS LAS GRUB PA'I GSANG 'DUS DANG BDE MCHOG GI BLOS BSLANG TSAR RE DANG, 'JIGS BYED BCU GSUM MA'I BLOS BSLANG TSAR GNYIS,, ` ,,LI MA KHANG GI G-YAS KYI MGON KHANG NANG DU RJE RIN PO CHE'I GSER SKU SNE'U CHUNG BA'I PHYAG BZO MA NANG RTEN LA RJE RIN PO CHE'I DBU SKRA TSANG MA GSUM YOD PA'I BYIN CAN GCIG, CHOS KYI KYI RJE STAG MTSER BLO BZANG DAR RGYAS KYI THUGS DAM GYI RTEN MGON PO PHYAG DRUG PA'I SMAN SKU GCIG, GZHAN YANG GSER SKU LNGA BCU RTZA GRANGS, SMAN SKU DGU, TZAN DAN GYI SKU BCU BZHI, RGYAL BA BSOD NAMS RGYA MTSO DANG, NGAG DBANG BLO BZANG RGYA MTSO'I ZHAL THANG KHYAD 'PHAGS GNYIS KYIS GTZOS THANG KA BCU DGU, RDO SKU BCAS BZHUGS,, ` ,,LHA KHANG CHEN MO'I G-YAS PHYOGS KYI LHA KHANG DU RGYAL BA BYAMS PA MGON PO'I SMAN SKU CHE BA GCIG, 'DI'I NANG RTEN LA DE BZHIN GSHEGS PA GLANG PO'I GDUNG GI TSEMS, SANGS RGYAS KYI 'PHEL GDUNG NYER BRGYAD, YAB KLU 'BUM DGE'I DBU THOD, NI GU MA, MKHAS GRUB KHYUNG PO, SHA RA BA, RJE RIN PO CHE, PAn CHEN RIN PO CHE SOGS KYI DBU SKRA,

PAn CHEN MEE TRI PA'I NA BZA' SOGS RTEN KHYAD PAR CAN MANG DU BZHUGS, G-YAS PHYOGS SU BYANG CHUB MCHOD RTEN GYI NANG DU BRTZON 'GRUS RGYAL MTSAN GYI SKU GDUNG RIL PO MA NYAMS PA, G-YON DU DBYEN BZLUMS MCHOD RTEN GYI NANG DU 'OD ZER RGYA MTSO'I GDUNG RUS BZHUGS, YANG BYANG CHUB MCHOD RTEN GCIG, KA BA'I GDONG DU RGYAL BA BSOD NAMS RGYA MTSOS GNANG BA'I GSUNG GI RGYAL PO'I THANG KA BYIN CAN GCIG BCAS BZHUGS,, ` ,,LHA KHANG CHEN MO'I G-YON GYI JO BO LHA KHANG GI NANG DU RJE BTZUN BYAMS PA'I SMAN SKU CHE BA GTZO 'KHOR GSUM PA GCIG, GZHAN YANG SMAN SKU DU MA BZHUGS, DE'I THOG KHANG DU RGYA BZA' KONG CO'I YAB RGYAL POS BZHENGS PA'I JO BO BRGYA RTZA BRGYAD KYI NANG TSAN JO BO RIN PO CHE'I SKU 'DRA DUS 'KHRUG GI SKABS SU RGYA'I DMAG LA GSUNG BYON PA'I BYIN CAN GCIG, DE'I 'KHOR DU BSOD NAMS BSTAN 'DZIN WANG GIS BZHENGS PA'I NYE BA'I SRAS BRGYAD, RTA MGRIN, PHYAG RDOR RNAMS KYI SKU, RJE RIN PO CHE'I ZHAL THANG, 'OD DPAG MED KYI ZHING BKOD, BLA MA RIN PO CHE'I 'KHRUNGS RABS SOGS THANG KA MANG DU BZHUGS,, ` ,,DE'I MDUN GYI MGON KHANG CHEN MO'I NANG DU SMAN 'DAM LAS GRUB PA'I RDO RJE 'JIGS BYED ZHAL PHYAG YONGS RDZOGS, DE'I G-YAS SU DUS 'KHOR, DE'I G-YAS SU LHA MO, DE'I G-YAS SU MGON PO PHYAG DRUG PA DANG, KshE TRA P'A LA, 'JIGS BYED KYI G-YON DU BDE MCHOG, DE'I G-YON DU MGON PO PHYAG BZHI PA, DE'I G-YON DU TSOGS BDAG, DE'I G-YON DU CHOS RGYAL DANG TZA MUndI BCAS

, ,BZHUGS SO,, ` ,,CHOS GRA'I LTAG GI KUN GZIGS LHA KHANG DU, MKHAS PA'I DBANG PO CHE SHOS LHA BZO BLO BZANG BSHES GNYEN GYIS BZHENGS PA'I 'JAM DBYANGS KUN GZIGS KYI SMAN SKU SHIN TU CHE BA BZO BKOD KHYAD PAR DU 'PHAGS PA, 'DI'I NANG RTEN LA RJE RIN PO CHE'I ZHAL THANG GSUNG 'BYON MA SOGS MANG DU BZHUGS, DE'I 'KHOR DU SPYAN RAS GZIGS PHYAG RDOR GNYIS KYANG YOD,, ` ,,DE'I G-YAS KYI LHA KHANG DU SMAN 'DAM LAS GRUB PA'I RJE RIN PO CHE'I SKU, DE'I 'KHOR DU RGYAN DRUG MCHOG GNYIS SOGS SMAN SKU BCU GNYIS, SGO'I G-YAS G-YON DU MGON CHOS KYI SMAN SKU RE,, ` ,,DE'I G-YON GYI LHA KHANG DU RGYAL BA SENG GE'I NGA RO'I SMAN SKU, DE'I 'KHOR DU SMAN 'DAM LAS GRUB PA'I RDO RJE 'CHANG, RGYAL BA RIGS LNGA, GDUGS DKAR, DBYANGS CAN MA, NOR RGYUN MA, SGO'I G-YAS G-YON DU LHA MO RNAM SRAS GNYIS KYI SMAN SKU,, ` ,,RJE'I LHA KHANG GI G-YAS SU MA nI DUNG PHYUR GYI CHOS 'KHOR GCIG, ` ,,CHOS GRVA'I G-YAS KYI LHA KHANG G-YU THOG MA'I NANG DU RTEN GYI GTZO BO RGYAL BA BSOD NAMS RGYA MTSO'I DNGUL GDUNG MCHOD RTEN CHEN MO, YANG DNGUL GYI BDE GSHEGS BRGYAD KYI MCHOD RTEN TSAR GCIG, YANG DNGUL GYI BYANG CHUB MCHOD RTEN GNYIS, BYANG CHUB MCHOD RTEN BZHI, SGO MANG MCHOD RTEN GCIG, LHA BABS MCHOD RTEN GNYIS RNAMS DANG, MCHOD RTEN GYI RGYAB NGOS SU NYE SRAS BRGYAD DANG, RJE RIN PO CHE SOGS KYI SMAN SKU BCU GSUM BZHUGS, THANG KA

MANG DU YOD,, ` ,,DE'I G-YAS SU BKA' 'GYUR BZHUGS PA'I CHOS 'KHOR GYI LHA KHANG KHYAD PAR DU 'PHAGS PA YOD,, ` ,,ZHABS BRTAN LHA KHANG DU THUB DBANG GTZO 'KHOR GSUM PA, GNAS BRTAN BCU DRUG, RGYAL CHEN BZHI, DGE BSNYEN DHARMA T'A LA, HA SHANG RNAMS KYI SMAN SKU CHE BA RE, GZHAN YANG SKU 'DRA MANG PO DANG, ZHAL THANG DU MA BCAS BZHUGS, DE'I KHYAMS RA'I NANG NA CHOS RGYAL GNAS PA'I RDO PHA BONG CHE BA GCIG, TZAN DAN GYI LJON SHING LA YIG 'BRU GSAL BAR DOD PA GCIG BCAS BZHUGS, ` ,BLA BRANG GI 'DU KHANG NANG DU PAn CHEN RIN PO CHE BLO BZANG DPAL LDAN YE SHES KYI SKU ZHABS NAS GNANG BA'I THUB DBANG, MCHOG ZUNG, GNAS BRTAN BCU DRUG, RGYAL CHEN BZHI, DGE BSNYEN DHARMA T'A LA, HA SHANG RNAMS KYI GSER SKU CHE BA NYER LNGA, GZHAN YANG LI SKU SMAN SKU BDUN CU, GSER ZANGS DANG TZAN DAN LAS GRUB PA'I MCHOD RTEN RE BZHI, BKA' 'GYUR DBAR MA TSAR GCIG, GZHAN YANG MDO PHRAN KHA SHAS, PAn CHEN RIN PO CHE BZHUGS PA'I 'GYOG SHING BCAS BZHUGS SO,, ,, ` ,PAn CHEN RIN PO CHE'I GZIMS CHUNG NANG DU GSER ZANGS LAS GRUB PA'I BYAMS PA'I SKU BRNYAN CHE BA GCIG GIS GTZOS LI MA CHE CHUNG BCU BDUN, 'OD DPAG MED KYI LI SKU CHE BA GCIG, RGYU TZI GIN LAS GRUB PA'I TZAN DAN JO BO DANG, SPYAN RAS GZIGS KYI SKU BRNYAN BYIN CAN, PAn CHEN RIN PO CHE NAS GNANG BA'I SGROL MA NYER GCIG GI ZHAL THANG BDUN GYIS GTZOS ZHAL THANG DU MA, YUM MTSAL DBAR MA PO TI BCU DRUG GIS GTZOS PHYAG DPE SNA TSOGS PA PO TI SUM CU LHAG DANG, MCHOD RTEN GCIG

, ,BCAS BZHUGS,, ` ,,RGYUD PA'I GRVA KHANG NANG DU RTEN GYI GTZO BO RGYAL BA MI PHAM PA'I SMAN SKU CHE BA, 'DI'I NANG RTEN LA SANGS RGYAS KYI 'PHEL GDUNG GSUM, BYANG CHUB SEMS DPA' CHOS 'PHAGS KYI TSEMS, JO BO RJE'I GDUNG THAL SOGS RTEN KHYAD PAR CAN MANG DU YOD, DE'I G-YAS SU RGYAL BA BSKAL BZANG RGYA MTSO'I BZHUGS KHRI'I STENG DU RJE RIN PO CHE'I SKU BRNYAN GCIG, GTZO BO'I G-YON DU RJE SHES RAB SENG GE'I SKU BRNYAN, RJE'I G-YON DU 'JIGS BYED LHA BCU GSUM MA'I BLOS BSLANG, SHES RAB SENG GE'I G-YON DU 'JIGS BYED DPA' BO GCIG PA'I BLOS BSLANG, DAM CAN GYI ZHAL THANG SOGS THANG KA MANG PO YOD, BKA' 'GYUR TSAR GSUM DANG BCAS GLEGS BAM BRGYA PHRAG DU MA, MGON KHANG NANG DU RTEN GYI GTZO BO GSER ZANGS LAS GRUB PA'I MGON PO'I SKU KHYAD 'PHAGS, 'JIGS BYED KYI ZHAL THANG, CHOS SKYONG LNGA'I ZHAL THANG SOGS THANG KA MANG PO DANG, MCHOD RTEN SANGS RGYAS KYI 'PHEL GDUNG CAN GCIG, YANG MCHOD RTEN CHE CHUNG KHA SHAS, RAB GSAL NANG DU RJE RIN PO CHE'I YUM GYI DBU THOD, MKHAS GRUB RIN PO CHE'I DBU ZHVA, PAn CHEN RIN PO CHE BLO BZANG DPAL LDAN YE SHES KYI SKU SHAM, PAn CHEN RIN PO CHES PHYAG RJES GNANG BA'I RJE RIN PO CHE'I ZHAL THANG; BTZAN KHANG NANG DU DAM CAN GYI SKU 'BAG RANG BYON BCAS BZHUGS,, ` ,,SMAN PA GRVA TSANG GI 'DU KHANG NANG DU GSER ZANGS LAS GRUB PA'I SMAN BLA'I PHO BRANG, DE'I G-YAS SU RJE RIN PO CHE'I SMAN SKU MI TSAD TZAM, PHO BRANG GI

G-YON DU BYAMS PA'I SMAN SKU MI TSAD TZAM, GZHAN YANG SKU 'DRA DU MA, BDE GSHEGS BRGYAD DANG GNAS BCU SOGS KYI ZHAL THANG DRUG CU SKOR, 'BUM SOGS GLEGS BAM DU MA, 'DU KHANG STENG GI LI MA KHANG DU GSER ZANGS LAS GRUB PA'I SMAN BLA, THUB DBANG, RJE RIN PO CHE SOGS KYI SKU 'DRA MANG PO DANG, TZAN DAN LAS GRUB PA'I MCHOD RTEN BRGYAD, GNAS BCU'I ZHAL THANG SOGS BZHUGS, RAB GSAL NANG DU RJE RIN PO CHE'I ZHAL THANG SOGS THANG KA DU MA, BCU MA TSAR GCIG BCAS BZHUGS, MGON KHANG NANG DU ZHANG BLON GTZO 'KHOR LNGA'I SMAN SKU, GSER ZANGS LAS GRUB PA'I ZHANG BLON GYI SKU, CHOS SKYONG RNAMS KYI ZHAL THANG SOGS THANG KA DU MA YOD, BTZAN KHANG NANG DU DAM CAN SENG CIBS, RA CIBS, NOR SGRUB KYI SMAN SKU GSUM YOD;; ` ;;BTZAN KHANG CHE BA'I NANG DU, PHO BRANG NANG MA LA 'PHRIN LAS RGYAL POS GTZO BYAS PA'I SKU LNGA, GSANG YUM LNGA, BLON PO LNGA DANG BCAS PA'I SMAN SKU MI TSAD TZAM RE BZHUGS, GSER SKU LNGA, THANG KA DRUG, SMAN SKU GCIG, GLEGS BAM BRGYA DANG BCU DRUG, MCHOD RTEN GCIG BCAS, STENG GI MCHOD KHANG NANG DU RGYAL PO SKU LNGA GSANG YUM BLON PO DANG BCAS PA'I ZHAL THANG GSUM YOD,, ` ,,BTZAN KHANG CHUNG BA'I NANG DU, RTA MGRIN DPA' GCIG GI SKU BRNYAN, BLON PO RDO RJE GRAGS LDAN GYI SKU BRNYAN BYIN CAN, 'DI SKU BRTEN PA RGYAL MTSAN BZANG POS BZHENGS PA YIN ZHING, BZHENGS SKABS LTAS YA MTSAN PA MANG DU BYUNG SNANG, 'PHRIN LAS RGYAL PO'I SKU BRNYAN, GSER ZANGS LAS

, ,GRUB PA'I RJE RIN PO CHE'I SKU BRNYAN, RGYU THO SHA LAS GRUB PA'I MGON PO PHYAG DRUG PA'I SKU BRNYAN, RGYAL PO SKU LNGA'I ZHAL THANG, GSUNG RGYAL GTZO BOR BYAS PA'I 'DOD LHA SNA TSOGS, 'OD DPAG MED, THUB DBANG MDZAD BCU'I ZHAL THANG BYIN CAN DU MA BZHUGS,, ` ,,SPYI SO'I MCHOD KHANG NANG NA RGYAL BA BSOD NAMS RGYA MTSOS GNANG BA'I LHA MO'I SKU THANG BYIN RLABS CAN GCIG BZHUGS, RMA CHEN DANG DGRA LHA'I SKU 'DRA GNYIS, YANG RMA CHEN GYI SKU 'DRA GSAR DU BZHENGS PA GCIG BCAS BZHUGS, DE LTAR NA MDO SMAD BSTAN PA'I 'BYUNG GNAS GDAN SA CHEN PO SKU 'BUM BYAMS PA GLING GI RTEN DANG BRTEN PAR BCAS PA'I DKAR CHAG ZHIB TU BRJOD ZIN TO, ,SMRAS PA, RNAM 'DREN KUN GYI MKHYEN RAB GCIG BSDUS RJE BTZUN BRTAN PA'I 'KHOR LO NYID, ,BSTAN DANG 'GRO BA'I PHAN BDE SPEL SLAD YA MTSAN LTAS BZANG DANG BCAS TE, ,BSAM BZHIN MI YI ZLOS GAR MDZAD PA'I DGE LEGS DPAL LDAN NOR 'DZIN GANG, ,GANGS CAN MDO SMAD LUMBI NI ZHES GZUR GNAS KUN GYIS BSNGAGS PAR 'OS, ,GANG DU RGYAL BA GNYIS PA'I THUGS BSKYED DANG, ,BYANG PHYOGS SKYE DGU'I LEGS SPYAD SMIN PA LAS, ,DUR SMRIG 'DZIN PA'I SDE CHEN TSUGS PA YIS, ,SHAR PHYOGS 'JIG RTEN LI KHRI'I STOD G-YOGS 'DZIN, ,STONG PHRAG NYI MA'I DPAL DANG LDAN PA GI, ,GSER GYI COD PAN 'DZIN PA'I GTZUG LAG KHANG, ,MDA' YAB 'OD ZER RTZE DGA' RGOD PA CAN, ,BYIN RLABS GZI 'OD 'BAR BAS CI YANG MDZES, ,LUNG DANG RIGS

PA'I SPYAN STONG G-YO BA CAN, ,BSHES GNYEN BDE SOGS BDAG PO CHOS KYI KHRIR, ,NGAL GSO MDZAD PAS SKAL BZANG RNAMS SAD TSOGS, ,LEGS BSHAD BDUD RTZI'I DPAL LA MNGON PAR ROL, ,THAR 'DOD BLO GSAL DANG MO 'BUM SDE'I TSOGS, ,GNAS MCHOG ROL PA'I MTSO CHEN 'DIR 'DUS TE, ,LUNG RIGS DBYANGS SNYAN SGROGS PAS MA TSIM PAR, ,TSOGS GNYIS GSHOG ZUNG BSKYOD PA'I ZLOS GAR 'DZIN, ,BSOD NAMS ZHING MCHOG 'DI 'DRA YOD BZHIN DU, ,YAL BAR BOR NA TSUL DANG MI MTHUN ZHES, ,DAD LDAN SKYE BO DGA' ZHING 'DU BA NI, ,NYI MAS GDUNGS PA'I GLANG CHEN MTSOR LHAGS BZHIN, ,DE LTA'I DGE MTSAN RMAD BYUNG BYE BA 'BUM, ,GCIG TU SPUNGS PA'I NGO MTSAR CHOS KYI SDE, ,DUS MTHAR 'GRO LA NGES PAR LEGS PA'I LAM, ,GSAL BAR STON PA'I SNANG BYED GCIG PUR GYUR, ,PAD DKAR 'DZIN PA'I RMAD BYUNG 'PHRIN LAS LAS, ,SDE 'DI JI LTAR BTAB CING RGYAS PA'I TSUL, ,SNGON BYON MKHAS PAS ZHIB TU MA BRJOD PA'ANG, ,BDAG GI BGO SKAL NYID DU BZHAG PAR NGES, ,DE PHYIR LHAG BSAM NYA LCIBS KHOG PA DRI MA MED PA LAS 'ONGS SHING, ,SDEB LEGS TSIG GI SRAD BU LA BRGYUS DON BZANG GZI 'OD KUN TU 'BAR, ,MA DAG ZER SGROS MCHING BU ZIL GNON DKAR CHAG MU TIG 'PHRENG BA 'DI, ,BLO GSAL DON GNYER RI DVAGS MIG CAN MGUL BA MDZES PHYIR BDAG GIS SPYIN, ,KYE MA THUB BSTAN NYIN BYED NUB TU NYE, ,BSTAN 'DZIN PHAL CHER DAG PA'I ZHING DU GSHEGS, ,MKHAS RLOM SKYE BO DREGS PA'I GO 'PHANG MTHO, ,GZUR GNAS

, ,MKHAS PA SRANG MDO'I KHYI BZHIN RGYU, ,BLA CHEN PHAL CHER CHOS BRGYAD LAS LA BRTZON, ,DGON SDE PHAL CHER 'THAB RTZOD 'KHRUG LONG BYED, ,RAB BYUNG PHAL CHER KHYIM GYI BYA BAS BREL, ,BSTAN PA'I GZUGS BRNYAN MNGON SUM MTHONG BAS SKYO, ,DE PHYIR GZHAN LA PHAN PA CHES DKA' BAS, ,SMRA BA MANG PA RANG NYID 'CHAL BA'I RGYU, ,'ON KYANG DAM PA'I GSUNG GIS YANG DANG YANG, ,BSKUL BA MA BZOD G-YAR KHRAL TZAM DU SMRAS, ,'DIR 'BAD LAS BYUNG DGE BA'I DNGOS PO PADMA'I RTZA BA LTAR DKAR BAS, ,BSLAB PA GSUM LDAN 'DUS PA'I SDE 'DI MKHAS MANG SKYE BOS YONGS GANG ZHING, ,MKHAN BRGYUD GSER RI'I 'PHRENG BAS NYER MDZES THUGS MTHUN KHRIMS GTZANG LA GNAS TE, ,'CHAD NYAN GSER GYI RGYAL MTSAN BSGRENG BAS THUB BSTAN KHANG BZANG MDZES GYUR CIG ,CES KHAMS GSUM CHOS KYI RGYAL BO TZONG KHA PA CHEN PO'I 'KHRUNGS GNAS GDAN SA CHEN PO SKU 'BUM BYAMS BA GLING GI GDAN RABS MU TIG 'PHRED BA ZHES BYA BA 'DI NI, KHRI THOG SO GSUM PA LUNG DANG RTOGS PA'I YON TAN GYI DPAL LA DPAL 'BYOR PA'I MKHAN CHEN CHE SHOS NGAG DBANG BSTAN PAS MDZOD BTAGS DNGUL GYI MAndAL BCAS BSKUL DOR, ^ BTZUN PA DKON MCHOG 'JIGS MED DBANG POS RAB BYUNG BCU GSUM PA'I 'PHAR BA ZHES BA LCAGS MO GLANG GI LOR CHOS SDE CHEN BO BKRA SHIS 'KHYIL DU SBYAR PA'O,, ,,

[BLANK PAGE]