*, ,RJE BTZUN BLA MA THAMS CAD MKHYEN PA LCANG SKYA ROL BA'I RDO RJE'I 'KHRUNGS RAB KYI PHRENG BA GTAM DU BRJOD PA NGO MTSAR DAD PA'I LJON SHING ZHES BYA BA BZHUGS SO,,
, ,NA MO GU RU BHYA: RJE BTZUN BLA MA THAMS CAD MKHYEN PA LCANG SKYA ROL PA'I RDO RJE'I 'KHRUNGS RAB KYI PHRENG BA GTAM DU BRJOD PA NGO MTSAR DAD PA'I LJON SHING ZHES BYA BA, DPAL LDAN BLA MA DE NYID KYI ZHABS LA SGO GSUM GUS PA CHEN POS PHYAG 'TSAL LO, ,TSOGS GNYIS BDUD RTZI'I ROL MTSO LAS 'ONGS SHING, ,MKHYEN BRTZE'I DKYIL 'KHOR RDZOGS PA'I BSIL ZER GYIS, ,THUB BSTAN KU MUD BZHAD PA'I DPAL YON CAN, ,THAMS CAD MKHYEN DNGOS ROL PA'I RDO RJER 'DUD, ,SPROS BRAL DBYINGS DANG RO GCIG NYID GYUR BDE CHEN 'OD GSAL CHOS KYI SKU, ,MTHA' DAG 'GRO BA'I SGRA SKAD RJES 'JUG 'GAG PA MED PA LONGS SPYOD RDZOGS, ,GCIG NYID LAGS KYANG GDUL BYA'I MOS NGOR CING YANG 'CHAR BA SPRUL PA'I SKU, ,GSANG GSUM DBYER MED DNGOS GRUB GTER
, ,CHEN MGON PO DE YIS SHIS PA STZOL, ,'KHRUL BA KUN BRAL YE SHES SPYAN GYIS BDEN GNYIS SHES BYA'I DE NYID MA LUS GSAL BAR GZIGS, ,RAB DKAR PHRIN LAS GRU CHAR G-YO BAS BSTAN PA'I CHU GTER BSHAD SGRUB RLABS PHRED ROL PA 'DZIN, ,RGYA CHEN LEGS BSHAD SGRON ME'I 'PHRENG BAS THAR 'DOD BLO YI RMONGS PA'I MUN PA KUN SEL BA, ,MKHAS DANG GRUB PA'I RTZER GSHEGS CHOS KYI RGYAL PO'I ZHABS SKYES RDUL PHRENG BDAG SNYING PADMOR ROL, ,GANG YANG 'DI NA RGYAL PHRAN BYE BA'I PHYAG 'TSAL RDUL GYIS LHA YI RDZING RING MOG POR BGYID, ,NGO MTSAR BKA' LUNG GSER GYI SPRINGS YIG MTHA' YAS 'GRO 'DI'I YAN LAG MCHOG GIS GUS PAS 'DZIN, ,DUS RLUNG LTAR 'TSUB 'JIGS PA'I DPUNG GIS NYI MA'I BU YI DREGS PA'I BZHIN RAS ZUM BYED PA, ,SA CHEN SKYONG BA'I MTHONG MTHING RAL PAS
GANG GI ZHABS BSTEN SRID GSUM BLA MA RGYAL GYUR CIG ,DAG DANG MA DAG ZHING KHAMS MTHA' YAS BAR, ,SNA TSOGS SGYU 'PHRUL BKOD BA NYER BZUNG STE, ,'GRO LA PHAN BDE'I LAM BZANG GSAL MDZAD PA, ,RMAD BYUNG SKYES RABS PHRENG BAR GUS PHYAG 'TSAL, , JI LTAR KA LAN TA KA'I GSHOG RLABS KYIS, ,RGYA CHEN KUN GSAL PHA MTHA' 'JAL BA LTAR, ,BDAG LTA'I SPOBS PAS 'DREN MCHOG 'DI NYID KYI, ,GSANG GSUM NGO MTSAR JI LTAR BRJOD PAR NUS, ,'ON TANG GANG G'A'I RDUL LA CO 'DRI SRAS BCAS RGYAL BA'I NGO MTSAR GTAM, ,DANG BA'I YID KYIS SRID MTHA'I BAR DU SNYAN PA'I DBYANGS SU BSGRAGS BABS, ,GSUM LDAN RDO RJE SLOB DPON GANG GI RMAD BYUNG YON TAN CHA SHAS TZAM, ,BRJOD PA'I BSOD NAMS PHA MTHA' MED CES TSUL 'DIR YID NI SPRO BAS ZHUGS, ,DAD BAS SNYING MYOS BDAG BLO'I NGANG MO DKAR, ,GANG GI YON TAN RGYA MTSOR SON PA NA, ,MKHAS RLOM RNAM THAR BCOS MA'I RDZING BU LA, ,MTSAR DU 'DZIN PA'I RTZE DGA' DOR BAR GYUR, ,RMAD BYUNG NGO MTSAR GTAM GYI SBYOR BA 'DI, ,SKAL BZANG DAD BA'I SPU LONG G-YO BA DANG, ,BYANG CHUB SPYOD BA'I 'JUG NGOGS GSAL BYED DE, ,NYIN BYED ZER GYIS REG PA'I 'DAB STONG BZHIN, ,DE PHYIR RNAM GROL DON GNYER NA CHUNG DAG ,GDOL GTAM MGRON BU'I DO SHAL RI DOR NAS, ,MKHAS BTZUN BZANG PO'I GZI 'OD STONG 'BAR BA'I, , RTOGS BRJOD NOR BU'I GTZUG RGYAN LEN PAR BYOS, ,DE YANG GANG DAG LAS DANG NYON MONGS PA'I RLUNG DRAG POS BANGS TE SRID PA'I RGYA MTSOR YUN RING DU BYING ZHING SDUG BSNGAL GYIS NYAM THAG PA'I 'GRO BA RNAMS GTAN GYI BDE BA LA 'GOD PA'I SLAD DU, BYAMS PA DANG
, ,SNYING RJE CHEN POS THUGS RANG DBANG MED PAR BSKYOD DE BLA NA MED PA'I BYANG CHUB KYI SEMS NI YANG DAG PAR BSKYED, ,KUN RDZOB DANG DON DAM PA'I BDEN BA LA DMIGS PA'I BSOD NAMS DANG YE SHES KYI TSOGS GNYIS RLABS PO CHE DAG NI NYE BAR BSAGS, RIGS KYI KHAMS BDE BAR GSHEGS PA'I SNYING PO DRI MA MTHA' DAG DANG BRAL BA'I CHOS SKU'I NGO BOR NI SON, ,GZUGS KYI SKU RNAM PAR DAG PA GNYIS KYIS 'KHOR BA MA STONG GI BAR DU 'GRO BA'I DON MDZAD PA'I 'PHRIN LAS MTHA' YAS BA LA MNGA' BRNYES PA'I RGYAL BA'I DBANG PO SANGS RGYAS BCOM LDAN 'DAS RNAMS NI, CHOS KYI SKU LAS NAM YANG G-YO BA MED BZHIN DU JI LTAR DRI MA MED PA'I NOR BU CHU SHEL GYI DBANG PO TSON SNA TSOGS DANG 'PHRAD PA'AM, LHA YI LAM DU GNAS BA'I BSIL ZER DBANG PO GCIG NYID SA'I STENG GI CHU SNOD THA DAD PA'I NANG DU 'CHAR BA JI LTA BA BZHIN MTHA' YAS PA'I ZHING DU GDUL BYA RNAMS KYI KHAMS DANG BSAM PA DANG DBANG PO'I RIM PA DANG 'TSAM BAR SPRUL BA'I ZLOS GAR DPAG TU MED BA STON PAR MDZAD PA YIN TE, RGYUD BLA MA LAS, CHOS KYI SKU LAS MA G-YOS PAR, ,SPRUL BA'I RANG BZHIN SNA TSOGS KYIS, ,ZHES PA NAS, YONGS SU MA DAG ZHING RNAMS SU, ,SRID PA JI SRID GNAS BAR STON, ,ZHES DANG, SANGS RGYAS MNYAM SBYOR LAS, ,RES 'GA' ZHI LA RES 'GA' KHRO, ,RES 'GA' BGEGS CHEN GDON MDZAD CING, ,SKYE DANG RI BO THAMS CAD DANG, ,SHES DANG, LDONG PO ??? LAS, DE DAG KUN TU 'TSO BA'I CHOS 'DZIN CING, ,BLA NA YOD DANG BLA NA MED RNAMS DANG, ,RAL PA RING DANG GZHON NU'I BRTUL ZHUGS CAN, ,DE DAG GI YANG SLOB DPON
'BYUNG BA YIN, ,DE DAG DGON PAR LJONG SHING CHEN POR GYUR, ,SMAN DANG RIN CHEN MI BZANG GTER RNAMS DANG, ,YID BZHIN NOR BU 'DOD PA 'BYIN SHING DANG, ,LAM GOL 'KHYAMS PA RNAMS LA LAM STON 'GYUR, ,ZHES GSUNGS PA LTAR DAG PA'I ZHING DU LONGS SPYOD RDZOGS PA'I SKU DANG, MA DAG PA'I ZHING KHAMS LA LAR MDZAD PA BCU GNYIS KYI TSUL STON PA SPRUL PA'I SKU DANG, ZHING KHAMS LA LAR BYANG CHUB SEMS DPA' DANG, RANG SANGS RGYAS DANG, NYAN THOS DANG, MKHAS PA PAndI TA DANG, GRUB PA DANG, RIG PA 'DZIN PA LA SOGS PA DANG, ZHING KHAMS LA LAR TSANGS PA DANG, BRGYA BYIN DANG, 'KHOR LOS BSGYUR BA'I RGYAL PO LA SOGS PA DANG, LA LAR GRU GZINGS DANG, SMAN DANG, ZAM PA DANG, LJON SHING DANG, BYA DANG RI DVAGS LA SOGS PA GANG DANG GANG GIS 'DUL BA LA; DE DANG DE'I TSUL BZUNG NAS MTHA' YAS PA'I GDUL BYA RNAMS SMIN GROL GYI LAM LA RIM GYIS BKOD DE, MTHAR KHA SBYOR YAN LAG BDUN LDAN ZUNG 'JUG RDO RJE 'CHANG CHEN PO'I GO 'PHANG LA BKRI BAR MDZAD DO, ,TSUL DE JI LTA BA BZHIN DU, BDAG CAG RNAMS KYI 'DREN MCHOG DAM PA, DUS GSUM RGYAL BA MA LUS PA'I MKHYEN BRTZE GCIG TU BSDUS PA'I NGO BO, ,SHES BYA'I DKYIL 'KHOR MTHA' DAG LA LKOG TU MA GYUR PA'I YE SHES KYI SPYAN DRI MA MED PA DANG LDAN PA, RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE RIG PA'I GNAS MTHA' DAG 'CHAD BA DANG, RTZOD PA DANG, RTZOM BA LA SA'I STENG NA 'GRAN PA'I ZLA THAMS CAD DANG BRAL BA'I SMRA BA'I KHYU MCHOG CHEN PO, ,RGYAL BA GNYIS PA'I RING LUGS KYI GDUGS DKAR PO RGYA MTSO'I GOS CAN GYI KHYON KUN KHYAB PAR
, ,'DEGS PA LA THUGS RJE DANG SNYING STOBS PHUL TU BYUNG BA, NGED BAR GSHEGS PA'I GSUNG RAB RAB 'BYAMS KYI DGONGS PA RANG DBANG DU 'GREL BA LA RNAM DPYOD THOGS PA MED PA'I NGES PA DON GYI SHING RTA CHEN PO, ,NOR 'DZIN GYI DKYIL 'KHOR LA STOBS KYI 'KHOR LOS BSGYUR BA'I GNAM BSKOS GONG MA CHEN PO LA SOGS PA'I 'DZAM GLING DREGS LDAN MTHA' DAG GI GTZUG GI NOR BUS GANG GI ZHABS STEGS KYI PADMA MNGON PAR MCHOD PA'I LHA MI'I GTZUG RGYAN DAM PA, GONG MA BDAG PO CHEN PO'I BKA'I LUNG GIS KON TING PHU'U SHAN BKANG TSi T'A KO SHRI STE BOD KYI SKAD DU BYAMS BRTZES KUN GYI SPYI BO NAS DBANG BSKUR BA'I KUN MKHYEN CHEN PO ZHES 'BOD PA'I MTSAN DANG LUNG LAS KYIS MNGON PAR MTHO BA, RIGS DANG DKYIL 'KHOR KUN GYI KHYAB BDAG DON GYI SLAD DU MTSAN NAS SMOS TE YONGS RDZOGS BSTAN PA'I MNGA' BDAG THAMS CAD MKHYEN BA YE SHES BSTAN PA'I SGRON ME ZHES SNYAN GRAGS KYI BA DAN DKAR POS GSUM NA RNAM PAR G-YO BA 'DI NYID KYANG BSKAL BA DPAG TU MED PA'I SNGA ROL NAS BYANG CHUB SEMS DPA'I SPYOD PA RLABS PO CHE DAG GI PHA ROL TU BYON TE, LONGS SPYOD RDZOGS PA'I SKUR MNGON PAR RDZOGS PAR SANGS RGYAS ZIN KYANG, SLAR YANG THUGS BRTZE BA CHEN POS KUN NAS BSKYOD DE, DAG PA DANG MA DAG PA'I ZHING KHAMS BGRANG LAS 'DAS PAR GANG LA GANG 'DUL GYI SPRUL BA'I BKOD PA MTHA' YAS BA SRID MTHA'I BAR DU STON PAR MDZAD DO, ,ZHES BYA BAR LUNG DANG RIGS PA DU MAS LEGS PAR GRUB PA NYID DO, ,DE LTA MOD KYI DE LTA BU'I SKYES PA'I RABS KYI RNAM PAR THAR PA MTHA' YAS PA DAG NI, RGYAL BA SRAS DANG BCAS PAS BSKAL BA BYE
BA'I BAR DU BRJOD KYANG MTHA' RTOGS PAR MI NUS NA, BDAG CAG TSU ROL MTHONG BA RNAMS KYIS PHYOGS TZAM ZHIG BSNYAD PA'I RDO YANG MI THOGS MOD, 'ON KYANG RE ZHIG BDAG CAG DANG SKAL BA MNYAM PA'I BYIS PA SO SO'I SKYE BO DAG GI SNANG NGOR, LAM LA SLOB PA'I DGE BA'I BSHES GNYEN GYI TSUL BZUNG NAS RGYA GAR 'PHAGS PA'I YUL DANG, BOD GANGS CAN GYI LJONGS SU BSTAN 'GRO'I DON RGYA CHER MDZAD PA'I RNAM PAR THAR PA'I TSUL LAS BRTZAMS TE CUNG ZAD TZAM ZHIG NGAG GI LAM DU SPEL BA 'DI LA KHA NA MA THOB MED DO, , RGYU MTSAN DE NYID KYI PHYIR SANGS RGYAS SNANG BA MTHA' YAS NGUR SMRIG GAR GYIS RNAM PAR ROL PA PAn CHEN THAMS CAD MKHYEN CING GZIGS PA CHEN PO BLO BZANG DPAL LDAN YE SHES DPAL BZANG BOS MDZAD PA'I RJE NYID KYI 'KHRUNGS RAB GSOL 'DEBS KYI DGONGS DON BZHIN, RANG NYID KYIS DAD PA GONG DU 'PHEL BA DANG, SKAL BA DANG LDAN PA GZHAN DAG KYANG GUS PA BSKYED PA'I PHYIR RTOGS PA BRJOD PA GTAM DU GLENG BAR BYA'O, ,MGON KHYOD 'OG MIN ZHING MCHOG NYAMS DGA' BAR, ,SAR GNAS RGYAL SRAS RGYA MTSO'I 'KHOR GYI DBUS, ,RANG DON MTHAR THUG CHOS KYI SKU BRNYES KYANG, ,ZAG MED ZHI BA'I BDE LA MI GZHOL BAR, ,GANGG'A'I RDUL SNYED PHYOGS BCU'I ZHING RNAMS SU, ,SNA TSOGS GDUL BYA'I MOS PA DANG 'TSAM PAR, ,GANG 'DUL SPRUL BA'I GAR GYIS ROL PA NI,, SRID MTHAR STON PAS MI NGAL 'DI YA MTSAN, ,'ON KYANG NGO MTSAR ROL MO 'DI, ,KHYOD NYID KHO NA'I MA LAGS TE, ,DUS GSUM RGYAL BA MA LUS PA'I, ,RNAM PAR 'PHRUL BA NYID YIN NO,, ` ,,THUB GSUNG DBYAR SKYES RTZE DGA' LAS 'ONGS PA'I, ,
, ,LEGS BSHAD KUN DAGS MYOS PA'I MDONGS MTHA' CAN, ,RNAM GROL 'JO SGEG ROL PA LHUR LEN PA, ,DGRA BCOM CHEN PO TZUN DA'I ZHABS LA 'DUD, ,DE YANG 'DI SKAD CES THOS TE, 'KHRUNGS RABS GSOL 'DEBS LAS KHYOD NI ZHING 'DIR BDE GSHEGS NYI MA'I GNYEN, ,'GRO BA KUN GYI DPAL DU GYUR PA'I TSE, ,THEG CHEN 'PHAGS MCHOG NYAN THOS DGRA BCOM TSUL, ,RAB BZUNG TZUN DAR GYUR LA GSOL BA 'DEBS, ,ZHES GSUNGS PA LTAR, BDAG CAG GI STON PA SH'AKYA THUB PA 'JIG RTEN DU BYON PA'I TSE BDAG NYID CHEN PO 'DI DGRA BCOM BA TZUN DA ZHES BYA BAR SKU'I SKYE BA BZHES TE, DE NI GZUGS DANG LANG TSO PHUN SUM TSOGS SHING KHYIM NAS KHYIM MED PAR RAB TU BYUNG STE, STON PA'I SPYAN SNGAR GDAMS NGAG NYAN PA LA BRTEN NAS DGRA BCOM PA'I 'BRAS BU THOB STE, BRJOD PA RNAM PAR DAG PA'I DBYANGS KYIS RGYAL PO DANG, BRAM ZE DANG, KHYIM BDAG RNAMS LA 'KHOR BA LAS NGES PAR 'BYUNG BA'I GTAM MDZAD DE THAR BA'I LAM DU BKOD PA SOGS RNAM PAR THAR PA MTHA' YAS PA DANG LDAN PA ZHIG GO , RGYU SKAR DBUS NAB SANGS DANG, ,RKANG 'THUNG KHROD NA TZAN DAN BZHIN, ,THUB PA'I SLOB MA GSUNG SKYES DBUS, ,KHYOD NI YON TAN TSOGS KYIS MDZES, ,YE SHES RAL GRIS KHAMS GSUM GYI, ,KUN SBYOR 'DUL BA'I DGRA THABS MKHAN, ,'DI DE RTOGS BRJOD 'KHRI SHING GI ,ME TOG RAB 'THON DANG PO YIN, ,ZHES PA NI DGRA BCOM BA TZUN DAR SKU'I SKYE BA BZHES PA'I YAL 'DAB STE RAB TU BYED BA DANG PO'O,, ` ,,'DUS BA'I MAN NGAG BDUD RTZI'I DOG PA YIS, ,RNAM DPYOD RIN CHEN BUM BZANG LA REG PAS,,
RMAD BYUNG GRUB PA'I GO 'PHANG MCHOG BRNYES PA, ,SH'AKYA BSHES GNYEN ZHABS KYIS DENG 'DIR SKYONGS, ,DE YANG 'KHRUNGS RABS LAS, ,KLU SGRUB ZLA BA'I 'OD SNANG 'JIG RTEN 'DIR, ,'PHAGS PAR GYUR TSE SH'AKYA BSHES GNYEN ZHES, ,RAB GRAGS MDO SNGAGS CHOS TSUL KUN GYI BDAG ,MCHOG GYUR CHOS KYI RGYAL POR GSOL BA 'DEBS, ,ZHES GSUNGS BA LTAR DPAL MGON 'PHAGS PA KLU SGRUB KYI THUGS SRAS CHEN PO SLOB DPON SH'AKYA BSHES GNYEN DU SKU'I SKYE BA BZHES PA'I TSUL NI, DE YANG RGYA GAR 'PHAGS PA'I YUL DU SKU 'KHRUNGS, THEG PA CHEN PO'I CHOS KYI TSUL LA SHIN TU DANG PAR GYUR TE, SHING RTA CHEN PO KLU SGRUB KYI ZHABS PAD GUS PAS BSTAN NAS GZHUNG LUGS LA LEGS PAR SBYANGS PAS GSUNG RAB SPYI DANG KHYAD PAR DU DPAL GSANG BA 'DUS PA'I BDAG POR GYUR TE RIM PA GSUM PA LA SOGS PA MDZAD, GDAMS PA'I DON THUGS NYAMS SU BZHES BAS GRUB PA'I GO 'PHANG MTHON PO BRNYES TE, SANGS RGYAS KYI BSTAN PA LA BYA BA YANG DAG PAR MDZAD PA ZHIG STE RNAM PAR THAR BA RGYAS BA NI MA MTHONG BAS 'BRI BAR MA NUS SO, ,'ON KYANG 'DI NI YO GA LA MKHAS PA'I MI GSUM GYI NANG TSAN SH'AKYA BSHES GNYEN DANG GCIG TU 'KHRUL BAR MI BYA STE, DE NI SLOB DPON SH'AKYA 'OD KYI SLOB MA YIN PAR RJE T'A RA N'A THA'I RGYA GAR CHOS 'BYUNG DU GSUNGS PA'I PHYIR RO, ,KLU SGRUB SPYAN SNGA'I CHU GTER NI, ,MDZES BYED RGYAL SRAS NGANG MO YI, ,RNAM THAR ZLA CHOS CHES PHRA YANG, ,SKAL BZANG LHA CHEN RGYAN DU 'OS, ,ZHES BA NI SLOB DPON CHEN PO SH'AKYA BSHES GNYEN DU SKU'I SKYE BA BZHES PA'I YAL 'DAB STE GNYIS PA'O,, ` ,,RGYUD SDA'I RAL MTSO RNAM DPYOD RI DBANG GIS,,
, ,BSRUBS PA LAS 'ONGS MAN NGAG KA LA SHAS, ,SKAL LDAN LEGS BRIS YID KYI 'DOD 'JO BA, ,DARPAN A'A TZARYA ZHES GRAGS DER 'DUD, ,DE YANG 'KHRUNGS RABS LAS, GZHAN YANG 'PHAGS PA'I YUL DU GSHIN RJE'I GSHED, ,'JIGS MDZAD DPA' BO MNGON GYUR GRUB PA'I GTZO, ,DARPAN A'A TZARYA ZHES SNYAN BA'I DAR, ,SA GSUM KUN TU G-YO LA GSOL BA 'DEBS, ZHES GSUNGS BA LTAR GRUB THOB CHEN PO DARPAN A'A TZARYA ZHES GRAGS PAR SKU'I SKYE BA BZHES PA'I TSUL NI, DE YANG RGYA GAR 'PHAGS PA'I YUL DU SKU BLTAMS, CHUNG DU NAS THEG PA CHEN PO'I RIGS KYI BAG CHAGS YONGS SU SAD DE, SLOB DPON CHEN PO MA TI GARBHA LA SOGS PA'I ZHABS LA GTUGS TE, MDO SNGAGS LA SBYANGS BAS MKHAS PA CHEN POR GYUR, YE SHES KYI MKHA' 'GRO MA'I ZHAL MNGON SUM DU GZIGS, KRI YAS MUD TZA ZHES PA'I CHO GA RGYAS PA ZHIG MDZAD, 'DI SNGON CHAD BOD DU MA GRAGS KYANG, DUS PHYIS SA BZANG 'PHAGS PA GZHON NU BLO GROS DPON SLOB BDUN GYIS BAL BO YE RANG DU BYON NAS, PAndI TA MA H'A BO DHI LA DBANG LUNG YONGS SU RDZOGS PAR GSAN TE, GANGS CAN GYI LJONGS SU SPEL BAR MDZAD PAS DA LTA'I BAR DU DAR ZHING RGYAS PAR GYUR TO, ,SKU TSE'I RIG 'DZIN BRNYES TE DGUNG LO STONG DANG NYIS BRGYA BZHUGS PA LA TSEMS LAN NYI SHU BRJES ZHES GRAGS, ZAB MO'I RNAL 'BYOR NYIN BYED ZER, ,'THUNGS PAS RAB MYOS PADMA DKAR, MTHAR BYED GRANG REG LAS RGYAL TE, ,'CHI MED GE SAR SO PHRENG RGOD, ,CES BA NI GRUB THOB CHEN PO DARPAN A'A TZARYAR SKU'I SKYE BA BZHES
BA'I YAL 'DAB STE GSUM PA'O,, ` ,,BRTZON PA CHEN BOS RGYA GAR 'PHAGS YUL NAS, ,MDO DANG RGYUD SDE DPAG MED SPYAN DRANGS TE, ,SANGS RGYAS BSTAN PA NYI LTAR GSAL MDZAD PA, ,KA BA DPAL BRTZEGS ZHABS LA GUS BAS 'DUD, ,DE YANG 'KHRUNGS RABS LAS, KHA BA CAN GYI LJONGS SU'ANG DE BZHIN DU, ,SEMS CAN RNAMS LA BRTZE BAS NYER DGONGS TE, ,BDAG CAG 'GRO BA'I MGON GYUR SGRA BSGYUR CHE, ,KA PA DPAL BRTZEGS ZHABS LA GSOL BA 'DEBS, ,ZHES GSUNGS PA LTAR LO TZ'A BA CHEN PO KA BA DPAL BRTZEGS SU SKU'I SKYE BA BZHES PA'I TSUL NI, DE YANG BOD GANGS CAN GYI YUL DU SKU BLTAMS, LO TZ'A BSLABS PAS MKHAS PAR MKHYEN TE RGYA GAR DU BYON, CHOS RGYAL KHRI SRONG LDE BTZAN GYI DUS SU MDO SNGAGS KYI CHOS MTHA' YAS BA BSGYUR, LO TZ'A BA BRGYA DANG BRGYAD KYI NANG NAS MCHOG TU GYUR BAR GRAGS, THANG YIG LAS LO TZ'A BA CHEN PO 'DI NYID TZUN DA'I SKYE BAR LUNG YANG BSTAN TE, DE NYID LAS, YAB MING KA BA BLO LDAN ZHES BYA BA, ,YUM MING 'BROM BZA' RDO RJE LCAM GYI BU, ,SH'AKYA THUB NYE GNAS TZUNDA TSE 'PHOS PA, ,SKYES BU KA PA DPAL BRTZEGS ZHES BYA BA, ,ZHES SO, ,RMAD DU BYUNG BA'I SNYING STOBS KYIS, ,PHAN BDE'I 'OD ZER RGOD PA YI, ,DAM CHOS SGRON ME SBAR BA NA, ,RGUD BA'I MUN BA GA SHED SONG, ,ZHES PA NI LO TZ'A BA CHEN PO KA PA DPAL BRTZEGS SU SKU'I SKYE BA BZHES PA'I YAL 'DAB STE BZHI BA'O,, ` ,,MDO SGYU SEMS SDE'I GDAMS PA LA BRTEN NAS, ,KUN BZANG GNYUG MA'I RANG ZHAL MNGON SUM GZIGS, ,SNANG SRID RTEN 'BREL KUN LA MNGA' BRNYES BA, ,RNAL 'BYOR DBANG PHYUG
, ,SGRO PHUG ZHABS LA 'DUD, ,DE YANG 'KHRUNGS RABS LAS, DE LAS SLAR YANG BKOD PA'I ROL BA NI, ,GSANG SNGAGS SNGA 'GYUR GRUB PA MCHOG BRNYES PA, ,SGRO PHUG CES GRAGS KUN GYI 'DREN PA MCHOG ,RNAL 'BYOR DBANG PHYUG ZHABS LA GSOL BA 'DEBS, ,ZHES GSUNGS PA LTAR LHA RJE SGRO PHUG PAR SKU'I SKYE BA BZHES PA'I TSUL NI, SO ZUR GNUBS GSUM SNGAGS PA'I RGYAL PO ZHES YONGS SU GRAGS PA'I NANG TSAN, ZUR GYI RIGS LAS YAB LHA RJE BDE GSHEGS RGYA PO PA DANG, YUM JO SRAS MO MDA' MO GTZUG TOR LCAM BYA BA GNYIS KYI SRAS SU SHING PHO STAG LA SKU 'KHRUNGS, DE'I SNGON TZAM DU SKYO STON SH'AKA YE BYA BA'I RMI LAM DU, YUM GYI SRIN LAG LA BSTAN PA'I GTZO BO ZHIG 'DUG PA RMIS PAS, YAB GYI ZHAL NAS, SKYO STON SH'AKA YES KYI RMI LTAS KYANG BZANG, NGA'I BU 'DI BSTAN BA'I GTZO BO DANG TSUL MTHUN PA, 'GRO BA LA PHAN THOGS PA ZHIG 'ONG BAR 'DUG PAS MING YANG SH'AKYA SENG GER THOGS GSUNG, YUM GYI ZHAL NAS, MIG RTZA DRUNG HOR PA'I MIG 'DRA BAS SHIN TU GRUNG BA CIG 'ONG BAR 'DUG PAS, MING HOR POR THOGS GSUNG, DE LTAR ZUR SH'AKYA SENG GE DANG MDA' TSA HOR POR GRAGS, DE YANG 'KHRUNGS DUS SU YAB KYIS SPONG THAG BYAS NAS CI YANG MED PA'I DUS GCIG DANG THUG PAS, YUM NA RE, NA NING NAS BU 'DI SKYE BA'I RGYUS NI YOD, RKAN MAR TZAM ZHIG MI 'JOG PA DA SBYIN RGYU MED ZER BAS, RU'I ZHAL NAS, KHONG RANG LA BSOD NAMS SHIG YOD NA NGAS MA BZHAG KYANG 'ONG, BSOD NAMS MED NA NGAS BZHAG KYANG PHAN MI THOGS GSUNGS NAS KHANG THOG
NA BZHUGS 'DUG TZA NA, BTZUN MA MO GCIG GIS NAS BONG RGYAB BRGYA DANG MAR KHAL BRGYA 'BUL DU BYUNG BAS, RU'I ZHAL NAS, RKAN MAR BYUNG NGO GSUNG SKAD, DE NAS BSOD NAMS CAN 'GRO BA LA PHAN THOGS PA GCIG 'OD BAR 'DUG GSUNGS NAS DGYES SO, SKU GZHON PA'I DUS SU YUM DANG ZHANG BOS GCES PAR BSKYANGS NAS, MDA' PHUR LO BCO LNGA BZHUGS, DE NAS CHU BAR DU GLAN GYI SAR BYON, DE NAS SKED LUNGS SU YANG KHYED GI SAR BYON NAS LO GSUM GYI RING CHOS GSAN, DGUNG LO BCU DGU LA CHE 'DON MDZAD PAS 'PHRIN LAS LHAG PAR RGYAS, DE'I DBANG GIS THOM BSAM LA CUNG ZAD GNOD PAR BYUNG YANG, BLA MA MKHAS PA MANG PO SPYAN DRANGS NAS SLOB GNYER RNAMS RDZOGS PAR MDZAD, DE YANG SEMS PHYOGS KYI KA PA GUNG BU'I SKYO STON SH'AKYA YES, MDO'I KA BA SKYED LUNGS KYI YANG KHENG BLA MA, SGYU 'PHRUL GYI KA BA CHU BAR GYI GLAN SH'AKYA BZANG PO, PHRIN SGRUB KYI KA BA NAG MO RI'I MNGA' TI JO SH'AKYA STE KA BA BZHI LA, MDO, SGYU 'PHRUL, SEMS PHYOGS GSUM GYI RGYUD, MAN NGAG ,SGRUB PHRENG, PHYAG BZHES DANG BCAS PA RDZOGS PAR GSAN, KHYAD PAR DU GLAN SH'AKYA BYANG CHUB LA RDZOGS CHEN SKOR LUGS GSAN, LHA RJE SHANGS PA NAG PO LA RDZOGS CHEN BRGYUD PA THA MA'I SKOR RGYUD GDAMS NGAG DANG BCAS PA GSAN PAS GSANG SNGAGS SNGA 'GYUR GYI BSTAN PA'I BDAG POR GYUR, LAN CIG ZHAL NAS, RANG GI SLOB MA STON PA BZHI LA, KHYED TSOS TSOGS 'KHOR GYI CHA RKYEN KHYER LA SHOG ,NGAS KYANG KHYER LA 'ONG GIS GSUNGS NAS, STON PA BZHiS KYANG LHA RJE'I GSUNG BZHIN DU TSOGS 'KHOR GYI CHA RKYEN KHYER NAS PHYIN BA NA, SLOB DPON YANG SGRO PHUG GI LTAG
, ,NA RI SPO THO ZHIG YOD PA'I KHAR BYON NAS BZHUGS 'DUG PA LA CHA RKYEN RNAMS PHUL NAS TSOGS 'KHOR BSKOR, GSUNG GLENG MANG DU MDZAD PA'I MTHAR, KHYED RNAMS NGA MED PA LA MYA NGAN MA BYED CIG ,NGAS DA RES LUS MA SPANGS PAR RIG 'DZIN GYI SA LA 'GRO BA YIN, KHYED RNAMS LA SHUL DU BKRA SHIS SHING, MI RGYUD DANG BSTAN PA 'PHEL BA ZHIG 'ONG NGO GSUNGS NAS MGUR GCIG BZHENGS, NAM MKHA' LA 'PHAGS NAS GSHEGS SO, ,YANG MGUR GCIG BZHENGS TE 'PHAGS NAS GSHEGS, DE LTAR MGUR RE BZHENGS TE RIM GYIS JE MTHO JE MTHOR BYON TE NAM MKHA'I DBYANGS MIG GIS MI MTHONG BA'I SAR GSHEGS SO, ,DE NAS KHONG RNAMS MYA NGAN GYIS NON TE MIG NAS MCHI MA BYUNG, CHO NGE 'DON, MTSAN NAS POS TE GSOL PA DRAG PO BTAB PAS, YANG RIM GYIS MAR LA BYON TE, KHYED RNAMS NGA'I KHA LA MI NYAN PA STENG ZHAN, DA NGA'I MI RGYUD LA BKRA SHIS PA BAG MI 'ONG GSUNGS, DE NAS DE'I PHYI LO SHING STAG LA SKU MYA NGAN LAS 'DA' TSUL BSTAN, SPUR SPYONG BA'I TSE SNGAGS BA GZHON PA CHA LUGS MDZES PA ZHIG GIS RTA NGANG BA BZANG PO ZHIG LA, DUNG GI SGA RANG 'GUGS LEGS PA ZHIG BSTAD NAS PHUL, 'BUL MKHAN DE 'DI NAS BYUNG DANG, 'DIR SONG, 'DI 'DRA GCIG YIN ZHES SUS KYANG NGO SHES PA MA BYUNG STE LHA RNAMS KYIS BSU BA'I LTAS SU MNGON, DE YANG RJE SGRO PHUG PA 'DI GSANG PA'I BDAG PO PHYAG NA RDO RJE'I SPRUL PAR GRAGS SHING, GSANG SNGAGS SNGA 'GYUR GYI BSTAN PA SPEL BA'I CHED DU SKAL BA DANG LDAN PA MTHA' YAS PA LA CHOS KYI 'KHOR LO RGYA CHER BSKOR BAS, SLOB MA YANG
GDUGS THOGS PA'I BSHES GNYEN STONG TZAM BYON NO, ,DE DAG GI NANG NAS THUGS ZIN PA'I SLOB MA BZHI GSUM BCU GNYIS TE, ME BZHI NI, DO PANG STON LCAGS KYU, SHAB RTZE GSER BA, BYA STON RDO RJE GRAGS, G-YU STON NO, ,NAG BZHI NI, LCE STON RGYA NAG, ZUR NAG 'KHOR LO, ,MYANG NAG MDO PO, MDA' NAG GTZUG TOR DBANG PHYUG GO ,STON BZHI NI, RGYA STON, GYABS STON, NYE STON, ZHANG STON NO, ,RGYAL KUN MTHU STOBS NUS PA YI, ,DPAL NI NGA NYID LA YOD CES, ,MGON KHYOD SNYEMS PAR MI 'TSAL TE,, RDO RJE 'DZIN LA'ANG DE YOD PHYIR, ,ZHES PA NI LHA RJE SGRO PHUG PAR SKU'I SKYE BA BZHES PA'I YAL 'DAB STE LNGA PA'O,, ` THUGS RJE'I BDAG NYID PAD DKAR 'DZIN PA YIS, ,MNGON SUM RJES BZUNG SKAL LDAN 'GRO RNAMS LA, ,'PHAGS PA'I 'PHRIN LAS NYI LTAR GSAL MDZAD PA, ,SI SI RI PA'I ZHABS LA PHYAG 'TSAL LO, ,DE YANG 'KHRUNGS RABS LAS, SI SI RI PA'I MTSAN CAN SPYAN RAS GZIGS, ,DNGOS SU ZHAL GZIGS SPAS PA'I BRTUL ZHUGS CAN, ,MAR GYUR 'GRO RNAMS LAM BZANG 'KHRID MDZAD PA,, 'GRO PA'I SKYABS GCIG DAM PAR GSOL BA 'DEBS, ,ZHES GSUNGS PA LTAR GRUB PA'I DBANG PHYUG SI SI RI PAR SKU'I SKYE BA BZHES PA'I TSUL NI, AE RIG PA'I 'BYUNG GNAS KYI SA'I CHAR SKU BLTAMS, CHUNG NGU NAS DANG PA DANG BRTZON 'GRUS DANG SNYING RJE LA SOGS PA THEG PA CHEN PO'I RIGS KYI BAG CHAGS YONGS SU SAD, DGE PA'I BSHES GNYEN DU MA LAS ZAB PA DANG RGYA CHE PA'I GDAMS PA RNAMS LEGS PAR GSAN TE, THUGS RJE CHEN PO BSGRUBS PAS ZHAL MNGON SUM DU GZIGS SHING BYIN GYIS BRLABS,,
, ,SKABS 'GAR THAG BTAGS PAS, LAS DAG PA ZHIG GIS PHYAG BZHI YOD PAR YANG MTHONG, YI GE DRUG PA'I SGO NAS RANG GZHAN GYI DON RGYA CHEN PO MDZAD PAS, SPYAN RAS GZIGS DBANG SI SI RI BA ZHES GRAGS SHING; SPAS PA'I RNAL 'BYOR YON TAN MTHA' YAS PA DANG LDAN PA ZHIG STE, RNAM PAR THAR PA RGYAS PA MA MTHONG BAS 'BRI BAR MA NUS SO, KHYOD KYI THUGS RJE'I RNGA YAB KYIS, ,'GRO BA'I GDUNG BA SEL BA TZAM, ,SPRIN BRAL STON KA'I ZLA BA YI, ,BSIL ZER NYID KYANG DE LTA MIN, ,ZHES PA NI GRUB PA'I DBANG PHYUG SI SI RI BAR SKU'I SKYE BA BZHES PA'I YAL 'DAB STE DRUG PA'O,, ` ,,NGES 'BYUNG BSAM PA MCHOG GIS RGYUD GTAMS SHING, ,RIS MED 'GRO LA BU GCIG LTA BUR BRTZE, ,RIN CHEN BYANG CHUB SEMS KYI GTER GYUR PA, ,GLANG RI THAD BA'I ZHABS LA GUS PAS 'DUD, ,DE YANG 'KHRUNGS RABS LAS, MA RIG 'KHOR BA'I 'KHRUL 'KHOR 'JOMS PA LA, ,YE SHES RDO RJE'I THOG DANG RAB MTSUNGS PA'I, ,STONG NYID SENG GE'I NGA RO CHER SGROGS PA, ,DPAL LDAN BLA MA'I ZHABS LA GSOL BA 'DEBS, ZHES GSUNGS PA LTAR DGE BA'I BSHES GNYEN GLANG RI THANG PAR SKU'I SKYE BA BZHES PA'I TSUL NI, DE YANG YUL DBUS KYI SA'I CHA 'PHAN YUL GNYA' GONG GSER MA GSHONGS BYA BAR, YAB JO BO DAR MA MDO BZANG GI SRAS SU SHING PHO RTA LA 'KHRUNGS, RUS SHUGS TSANGS YIN, NAR SON PA NA KHONG RANG GI ZHANG PO BSHES GNYEN GROG MO MKHAR PA'I SPYAN SNGAR RAB TU BYUNG, MTSAN RDO RJE SENG GER BTAGS, RGYAL BA 'OD DPAG TU MED PA'I SPRUL PAR GRAGS KYANG,
BKA' GDAMS GLEGS BAM LAS SPYAN RAS GZIGS KYI SPRUL PAR GSUNGS, DANG POR SHIN TU BKREN PA'I TSUL MDZAD DE, LO NA SPYAN SNGA BA LA CHOS GSAN DUS YOS SPAR BA RES GDAN SNON MDZAD KYIN BZHUGS, DE NAS BSOD SNYOMS MDZAD PAS RNYED PA GANG BYUNG SPYIR DGE 'DUN DANG, KHYAD PAR DU PO TO PA DPON SLOB LA DRANGS PAS, SLAD NAS SKU BSOD SKYES TE GRVA PA NYIS STONG TZAM 'TSOGS PA'I ZHABS TOG KHONG RANG GIS GNANG, GNAS NGES MED MDZAD CING SKU MCHED GSUM LA SOGS PA'I BLA MA MANG DU BSTEN NAS SDE SNOD GSUM LA GSAN SBYANGS RGYA CHER MDZAD, RJE SPYAN SNGA BAS LO'I MCHOD RTEN BZHENGS DUS, KHONG GIS GRVA BA LNGA BRGYA KHRID DE MCHOD RTEN BRTZIGS PA'I GROGS LDAN ZHUS, SKU MCHED GSUM GYI NANG NAS GTZO BOR PO TO PA'I RNAM THAR DANG GSUNG SGROS LA GTZIGS CHE BAR MDZAD, PO TO PA GSHEGS KHAR KHONG LA, KHYED GNAS GCIG TU MA BZHUGS, DNGOS PO CI YANG BDAG GIR MA 'DZIN, DE GNYIS SEMS LA ZHOG GSUNGS, SPYAN SNGA BA LA KHONG GIS, MI TSE HRIL BOR BYAMS BA KHO NA BSGOM PAR ZHU ZHUS PAS, SPYAN SNGA PA'I DBU ZHVA PHUD NAS, JO BO BA CHA BYAD BZANG GSUNGS NAS DBU DUD DUD PA MDZAD SKRAD, LAN CIG GI TSE TSE RABS THAMS CAD DU DGE SLONG GI DNGOS PO DANG MI 'BRAL BAR DAM BCA' BRTAN PO MDZAD PAS, DPAL LHA MO DRE'U'I SKAD LHANG DE BYON NAS DE'I BAR DU NGAS KHYOD KYI GROGS BYA'O GSUNG, KHONG NYID KYI ZHAL NAS, CI TZUG SONG NGAM, BSRUNG SNGOM BAG RE YANG BYAS, BSAM SGOM BAG RE YANG BYAS, BSOD NAMS KYI LAS KA BAG RE YANG BYAS PA LA, CI 'DRA'I PO TI ZAB MO ZHIG ZHAL PHYE YANG SKYON THAMS CAD RANG GI YIN, YON TAN THAMS CAD JO BO
, ,SEMS CAN GYI YIN, DE'I GNAD KAS KHE DANG RGYAL KHA THAMS CAD GZHAN LA BYIN LA, GYONG DANG BUB KHA THAMS CAD RANG GIS BLANG SEMS PA MIN PA GO RGYU MA RNYED GSUNGS, YANG ZHAL NAS, 'GRO BA RIGS DRUG GAR SKYE CHA MED DE, GAR SKYES KYANG SEMS CAN LA PHAN 'DOGS PA 'DI MI BRJED DAM SEMS, MIG LONG YANG CHOS MI 'CHOR, RNA BA 'ON PA DANG, MDZES KHYER BA DANG, RKANG LAG ZHA BA DANG, LCE LKUGS KYANG CHOS MI 'CHOR GSUNGS TE, DON LA PHYIR MI LDOG PAR ZHAL GYIS BZHES PA YIN GSUNGS, PO TO BA GSHEGS NAS THANG GRONG LTAG TU GTOR MA MDZAD DUS GTOR SNGER BYA ROG GIS KHYER TE, GLANG THANG GI SHAR GYI RI DE'U DE'I KHAR BZHAG PAS, DPON SH'AKYA BYA BAS ZHABS TOG BYAS TE, DER LO GSUM SGRUB PA MDZAD, ZHOL DU SGRUB CHU YANG BYUNG, NYIN MTSAN DBYER MED DU BYANG CHUB KYI SEMS KYI TING NGE 'DZIN BSGOMS PAR MDZAD PA LA KLU MO SPUN GSUM GYIS GLANG THANG GI GNAS PHUL, DGE 'DUN GYI SDE 'DZUGS PAR ZHUS, PHYIS RI DE'I STENG NAS YAR 'PHUR TE, THUGS 'PHRENG SKYUR SAR KHRON PA BRUS, DBU ZHVA SKYUR SAR BLA BRANG BYAS TE DGON PA BTAB, SKAL BA DANG LDAN PA'I GDUL BYA DPAG TU MED PA 'DUS PA LA BKA' GDAMS GZHUNG DRUG DANG, LAM SGRON, BYAMS CHOS LA SOGS PA'I GZHUNG BSHAD RGYA CHER STZAL TE, BSTAN PA LA PHAN YANG DAG PAR BTAGS, LA MO CHAGS DE'UR BZHUGS DUS DGE BSHES BYA YUL BAS KYANG 'DUL BA MDO RTZA BA GSAN, PHYIS SU GLANG THANG BSNE'U ZUR BA'I SLOB MAR GYUR CING SNE'U ZUR PAS KHYED KYI YON TAN NAM BDE BA 'DI RNAMS GZHAN GANG LAS KYANG MA BYUNG,
BYANG CHUB KYI SEMS LAS BYUNG BA YIN GSUNGS TE, DE KHO NA BZHIN DU BDAG GZHAN BRJE BA'I BYANG CHUB KYI SEMS KYI NYAMS LEN GTONG LEN KHO NA LA THUGS DAM GYI MTHIL DU MDZAD DE, KHO BOS RLUNG THA MAL DU GTONG MA MYONG GSUNGS, ZHAL BZHUGS RING GLANG THANG GI DGON PA'I LCAGS RI'I NANG DU TSUD PA'I SROG CHAGS RNAMS KYANG BYAMS PA'I SEMS DANG LDAN PAR GYUR TE GCIG LA GCIG MI 'TSE BAR GRAGS, BLA MA RDO RJE GDAN PAS KHYUNG PO RNAL 'BYOR LA SANGS RGYAS SNANG BA MTHA' YAS KYI SPRUL PA GLANG RI THAD PA LA BSNYEN PAR RDZOGS SHIG CES LUNG BSTAN, KHYUNG PO RNAL 'BYOR GYIS MKHAN PO MDZAD, RTAG TU NGES 'BYUNG DANG SKYO SHAS KYI DBANG DU GYUR TE, 'DZUM YE MI MDZAD PAS GLANG RI THANG PA NGO NAG CES GANGS CAN PA YONGS KYI RNA BA'I RGYAN DU GYUR, DE LTAR 'GRO BA'I DON RGYA CHEN PO MDZAD NAS TSOGS BA'ANG NYIS STONG TZAM 'DUS, RANG LO BDUN CU BA CHU MO YOS KYI LO SA GA ZLA BA'I NYI SHU GSUM LA NGO MTSAR BA'I LTAS DU MA DANG BCAS TE BDE BA CAN DU GSHEGS SO, ,SMIN CING GROL BAR MDZAD PA'I SLOB MA MTHA' YAS BA'I NANG NAS GTZO BOR GYUR PA NI, DGE BSHES SHA BO SGANG BA, RGYA LCAGS RI BA, DGE BSHES GNYAN PA WA 'DUL 'DZIN, MGAR ZHANG ZHUNG BA, KHYUNG PO RNAL 'BYOR, YAR LUNG LCAGS ZHING BA, MA THANG BA, NYE MAL BA, GLANG THANG ZHANG LA SOGS PA MANG DU BYON ZHING, GDAN SA NI PHYI MA 'DIS SKYONG BAR MDZAD DO, BKA' GDAMS GLEGS BAM LAS BZHUGS GNAS SLOB MA DANG BCAS PA GSAL BAR LUNG BSTAN TE, DA NI RIN CHEN GSAL MDZAD PAS, ,THUGS RJE CHEN POR BYIN BRLABS PA'I, ,RDO RJE SENGGES GLANG MA'I RI, ,'DABS KYI THANG SMAN DGRAM PA LA, ,THUGS
, ,RJES DGON PA RAB BZHENGS NAS, ,BYANG CHUB SEMS DPA' DPAG MED SDUD, ,DE YIS MDO SDER SMRA BA DANG, ,ZHANG ZHES MDUNG GI PHUR BZHUGS DANG, ,GZHAN YANG SHA PO PA ZHES PA, ,BRTZE BA'I BRTZE MCHOG SNYING RJE CAN, , DAM PA'ANG DGON BUR BCAS TE 'BYUNG, ,ZHES GSUNGS SO, ,GANG THUGS 'DAB BRGYA'I TSAL CHEN PO, ,BKA' GDAMS NYI ZER DANG 'GROGS PAS, ,LHAG BSAM GE SAR RGOD PA'I RTZER, ,YON TAN RGYA MTSO'I ZIL MNGAR 'DZIN, ,ZHES PA NI DGE PA'I BSHES GNYEN CHEN PO GLANG RI THANG PAR SKU'I SKYE BA BZHES PA'I YAL 'DAB STE BDUN PA'O,, ` ,,MKHYEN BRTZE NUS PAS RGYA BOD HOR GSUM KUN, ,DBANG DU BSDUS TE BU RAM SHING BA'I BSTAN, ,'KHOR LO GSUM GYIS PHYOGS MTHAR RGYAS MDZAD PA, ,'GRO BA'I MGON PO CHOS RGYAL 'PHAGS PAR 'DUD, ,DE YANG 'KHRUNGS RABS LAS, 'JAM DBYANGS SA SKYA PAn CHEN GDUNG RIGS SU, ,RJE BTZUN BLO GROS RGYAL MTSAN ZHES BYAR GYUR, ,SANGS RGYAS BSTAN PA PHYOGS BCUR RGYAS BAR MDZAD, ,BSTAN PA'I SGRON ME MCHOG LA GSOL BA 'DEBS, ,ZHES GSUNGS PA LTAR 'GRO BA'I MGON PO CHOS RGYAL 'PHAGS PAR SKU'I SKYE BA BZHES PA'I TSUL NI, GTZANG STOD KYI SA'I CHA G-YAS RU NGAM RING GI KLU KHUD CES BYA BAR, YAB SA SKYA PAn CHEN GYI GCUNG SLOB DPON ZANGS TSA BSOD NAMS RGYAL MTSAN DANG, YUM MA CIG KUN SKYID GNYIS KYI SRAS SU SHING LUG ZLA BA GSUM PA'I TSES DRUG LA SKU BLTAMS, DE GNYIS KYI SRAS SU 'KHRUNGS PA'I RKYEN NI, YAB ZANGS TSAS CHOGS BDAG BSGRUBS PAS ZHAL GZIGS TE, TSOGS
BDAG GI GLANG PO CHE'I SNA RTZER KHUR NAS RI RAB KYI RTZER BSKYAL TE LTOS SHIG ZER BAS, ZANGS TSA SKRAG NAS YUN RING LTA MA NUS, DBUS GTZANG KHAMS GSUM SOGS BOD KYI GZHUNG TAL TZAM GZIGS PAS, KHYOD RANG GIS GANG MTHONG DBANG DU 'DU BA YIN PA LA; DBUS GTZANG KHAMS GSUM SOGS KHYOD KYI BU'AM TSA BRGYUD KYI DBANG DU 'DU BA ZHIG 'BYUNG, MYUR DU MA MTHONG BAS KHYOD RANG LA NI DBANG THANG MED ZER, 'ON KYANG YUN RING DU SRAS MA BYUNG BAS ZANGS TSA NGANG THUNG NAS, TSOGS BDAG GNAD LA DBAB PA'I SBYOR BA MDZAD PAS, SKABS SHIG GUNG THANG DU SPYAN RAS GZIGS KYI ZHAL GZIGS PA'I SA STON RI PA BZHUGS PA'I RTZAR TSOGS BDAG BYON NAS, ZANGS TSAS NGA LA DBUS GTZANG KHAMS GSUM DBANG DU 'DU BA ZHIG DGOS ZER NAS NAN GYIS BSKUL BYUNG YANG, KHO RANG LA NI SKAL BA MI 'DUG ,KHO'I BUR 'JIG RTEN GYI KHAMS RGYA CHEN PO DBANG DU 'DU BA'I SMON LAM BTAB BA ZHIG DGOS RGYU LA KHYED LA SKAL BA 'DUG PAS, ZANGS TSA'I BUR SKYE BA BZHES NA DBUS GTZANG KHAMS GSUM SOGS BOD YUL PHAL CHER DBANG DU 'DU BA ZHIG 'BYUNG BAR SNANG BAS CIS KYANG SKYE BA LEN DGOS ZHES BSKUL BA LA BRTEN NAS DE BZHIN MDZAD PA YIN NO, ,YUM GYI LHUMS SU ZHUGS PA DANG, SKU BLTAMS PA'I DUS DAG TU NGO MTSAR BA'I LTAS PHUN SUM TSOGS PA MANG DU BYUNG NGO, ,GZHON NU NAS BLO GROS DANG DBANG PO SHIN TU GSAL BAS YI GE 'BRI KLOG LA SOGS PA TSEGS MED PAR MKHYEN, RIG PA'I GNAS PHAL CHE BA GZIGS PA TZAM GYIS THUGS SU CHUD, SNGON GYI GNAS DRAN PA'I MNGON SHES KYANG THOGS PA MED PA MNGA' STE, SA STON RI PA'I SLOB MA GNYIS
, ,KYIS BDAG CAG GI BLA MAS SKYAR SKU 'KHRUNGS 'DUG ZER BA THOS PAS BLTAR 'ONG BA DANG, BDAG NYID CHEN PO 'DI BYIS PA'I KHROD NA RTZE ZHING BZHUGS PAS MKHYEN NAS, KHYED GNYIS 'ONGS SAM ZHES GSUNGS PAS, KHONG GNYIS KYIS NGED GNYIS NGO SHES SAM ZHUS PAS SHES TE, NGA'I SLOB MA 'DI DANG 'DI'O ZHES GSUNGS PAS, KHONG GNYIS DAD PA SKYES TE MIG NAS MCHI MA LHUNG ZHING ZHABS SPYI BOR BLANGS SO, ,YANG BAR SKABS SHIG BDAG NYID CHEN PO 'DI CHOS RJE PAn CHEN GYI PHYAG PHYIR SKYID GRONG DU BYON PA'I TSE, GUNG THANG GI DGE BA'I BSHES GNYEN DGE 'DUN DANG BCAS PA RNAMS KYIS BSU BA DANG, MJAL 'PHRAD LA SOGS PA RGYA CHER MDZAD NAS, SO SOR 'GRO BA'I TSE GLANG RI THANG PA'I DGE 'DUN RNAMS KYIS 'PHAGS PA'I DRUNG DU MJAL DU 'ONGS PA LAS, DE'I NANG NAS BTZUN BA BGRES PO CIG LA 'PHAGS PAS GZIGS NAS, NGA'I NYE GNAS BKRA SHIS GRUB BYUNG GSUNGS PAS, BTZUN PA BGRES PO DES KYANG RANG GI BLA MA YIN PAR SHES NAS, NGA'I BLA MA ZHES ZHABS LA 'JUS NAS MCHI MA PHYUNG NGO ZHES GRAG ,DE NAS DGUNG LO GSUM PA LA KYEE RDO RJE'I SGRUB THABS MTSO SKYES KYIS MDZAD PA SOGS GSANG SNGAGS KYI CHOS ZAB MO DU MA GSUNGS PAS TSOGS PA THAMS CAD NGO MTSAR BAR GYUR TE, 'DI NI NGES PAR 'PHAGS PA'O ZHES PHYOGS KUN TU BSGRAGS PAS DE PHYIN CHAD 'PHAGS PA ZHES MTSAN THOGS SO, ,DGUNG LO BRGYAD PA LA SLOB DPON DPA' BOS MDZAD PA'I SKYES RABS SO BZHI PA THUGS THOG NAS GSUNGS, DGU PA LA CHOS RJE PA'I SNGON 'GRO'I CHOS 'KHOR MDZAD DUS BRTAG GNYIS GSUNGS,
TSOGS KYI GTAM BSHAD MDZAD PAS MKHAS PA THAMS CAD KYI NGA RGYAL CHAG CES GRAG ,BCU PA LA CHOS RJE'I PHYAG PHYIR BYON PA'I LAM DU DBUS SU MKHYEN RAB KYI DBANG PHYUGS SKYA PAndI TAS MKHAN PO, ZUL PHU BSAN BZA' 'PHRENG GSOL GYI SLOB DPON MDZAD NAS RAB TU BYUNG, MTSAN BLO GROS RGYAL MTSAN DPAL BZANG PO ZHES BTAGS, SKYOR MO LUNG PA'I MKHAN PO SHES RAB SENG DGE LA DGE TSUL GYI BSLAB BYA GSAN, DE NAS RIM GYIS MDO KHAMS DANG, MDO SMAD DANG, BYANG NGOS KYI SA CHAR BYON TE, DE DAG RNAMS SU YANG THEG PA GSUM GYI CHOS KYI 'KHOR LO RGYA CHEN PO BSKOR ZHING GDUL BYA DPAG TU MED PA SMIN CING GROL BAR MDZAD DO, ,DE NAS BDAG NYID CHEN PO 'DI DGUNG LO BCU BDUN BZHES PA'I TSE, CHOS KYI RJE 'DI NYID LA MNGA' BA'I YON TAN GYI CHOS THAMS CAD YONGS SU RDZOGS PAR GYUR TE; BSTAN PA'I KHUR CHEN PO 'KHYER NUS PAR CHOS RJE NYID KYIS GZIGS NAS CHOS KYI DUNG DANG LHUNG BZED LA SOGS PA GNANG, SLOB MA'I TSOGS RNAMS KYANG BDAG NYID CHEN PO 'DI LA GTAD NAS, DA NI KHYOD KYIS BSTAN PA'I BYA BA DANG SEMS CAN DPAG TU MED PA'I DON BYA BA'I DUS LA BABS PAS SNGON GYI DAM BCAS PA DRAN PAR GYIS SHIG CES BSTAN PA GTAD DO, ,DE NAS GLANG GI LO LA HOR GYI RGYAL BO GO BE LA'I PHO BRANG DU BYON TE, RGYAL PO BTZUN MO SRAS DANG BCAS PAS ZHABS SPYI BOR BLANGS, RGYAL PO NA RE, BOD KYI YUL DU MI CHE BA SU 'DRA BYUNG ZHES DRIS PA LA, BDAG NYID CHEN PO'I ZHAL NAS, BOD KYI YUL DU MI CHE PA CHOS RGYAL MES DBON RNAM GSUM BYON BA LAGS GSUNGS PAS, DE GSUM MI CHE BA'I RGYU MTSAN CI YIN GSUNGS PA LA SRONG BTZAN SGAM BO THUGS
, ,KHRI SRONG LDE'U BTZAN 'JAM DBYANGS KYI SPRUL PA, KHRI RAL PA CAN PHYAG NA RDO RJE'I SPRUL PA YIN PAS MI CHE PA LAGS ZHUS PAS, KHYED BOD YUL DU PHO RGOD PA SU BYUNG GSUNGS PA LA, PHO RGOD PO MI LA RAS PA ZHES BYA BA BYUNG GSUNGS PAS, DE CI YIN GSUNGS, TSE STOD LA DGRA BTUL, TSE GZHUG LA CHOS BYAS GRUB PA THOB PA LAGS ZHUS PAS, KHYOD KYI YUL DU MI YON TAN CHE BA SU BYUNG GSUNGS PA LA, YON TAN CHE BA BDAG GI BLA MA CHOS RJES SKYA PA LTA BU BYUNG ZHUS PAS, BLA MA CHOS RJE PA'I MKHYEN PA DE CI TZAM YIN, DE LA KHYED RANG GIS CI TZAM BSLAB GSUNGS PAS, BLA MA CHOS RJE PA'I MKHYEN PA DE RGYA MTSO DANG 'DRA, DE NAS BDAG GIS CHU PHUL GANG BLANGS PA TZAM BSLAB ZHUS SO, ,DE NAS RGYAL PO NA RE, BOD LA DMAG KHRAL 'GREL BA DANG, NOR SDUD LA GTONG GSUNGS PA LA, BDAG NYID CHEN PO 'DIS NAN CHER ZHU BAR MDZAD DE, BOD MTHA' 'KHOB YUL CHUNG, 'BYOR BA DMAN PAS DMAG DANG KHRAL MI THEG CES ZHUS PAR RGYAL POS MA GNANG BAR, BDAG NYID CHEN PO 'DIS DE LTAR NA BOD KYI BANDE 'DIR 'ONGS NAS BSDAD PA LA DGOS PA MI 'DUG PAS RANG YUL LA 'GRO BA ZHU ZHUS PAS, 'O NA BYON PAS CHOG CES RGYAL POS GSUNGS PA LA, BTZUN MO CHA BU NA RE, 'DI 'DRA'I BANDE DKON, SNGAR GYI TSAL PA LA SOGS PA'I BANDHE RGAN PO RNAMS LA 'DI'I YON TAN GYI CHA SHAS TZAM YANG MNGA' BA'I SNGON GYI GTAM RGYUD MI 'DUG PAS, BANDE BOD DU ME BTANG BAR DA DUNG YON MCHOD GSUNG GLENG DANG CHOS KYI DRI BA 'DRA MDZAD NA LEGS ZHES RGYAL PO LA ZHUS PAS GSAN NAS, YON MCHOD GSUNG GLENG MANG DU MDZAD, DE'I TSE BDAG NYID
CHEN PO 'DIS THUGS RGYAL CHE BA LTAR MDZAD PA NA, RGYAL PO NA RE, KHYED DE TZAM DU NGA RGYAL CHE BA CI YIN, KHYED LA GANG CI YOD GSUNGS PA LA, BDAG NYID CHEN PO 'DI'I ZHAL NAS, NGED SNGON NAS, RGYA, MI NYAG ,RGYA GAR, MON, BOD KYI RGYAL PO LA SOGS, PA'I BLA MCHOD BYAS PAS, ZHU SA DPANGS MTHO TZAM BYUNG BA YIN ZHUS, RGYAL PO NA RE, BOD KYI RGYAL PO NAM BYAS, RGYAL BO SU YIS BKUR ZHING DBANG SU YIS ZHUS, BANDE BOD DANG MI MTHUN PA'I BRDZUN ZER BA CIG 'DUG GSUNGS PA LA, BDAG NYID CHEN PO 'DI'I ZHAL NAS; NGED KYIS SNGON DU BOD KYI RGYAL PO BYAS TE, RGYA DANG DMAG 'THAB PAS, BOD RGYAL NAS 'DZAM BU GLING GI SUM GNYIS 'OG TU CHUG ,DE RJES RGYA BOD GNYIS GNYEN BYAS, KONG JO DANG JO BO GDAN DRANGS TSUL ZHUS PAS, RGYAL PO NA RE, BDEN MI BDEN YIG TSANG LA LTOS SHIG GSUNGS PA LTAR BLTAS PAS, BDAG NYID CHEN PO 'DIS JI LTAR GSUNGS PA BZHIN BYUNG BAS RGYAL PO YANG THUGS DGYES, DER MA ZAD SNGA ROL LO BYE BA'I GONG DU 'DZAM BU GLING DU KHRAG GI CHAR BA ZHAG BDUN PA BABS PA YIN GSUNGS PAR, RGYA'I YIG TSANG DU YANG DE BZHIN BYUNG BAS RGYAL PO YID CHES, YANG BDAG NYID CHEN PO 'DIS NGED KYI PHA MES LA, MI NYAG RGYAL POS GOS CHEN GYI BLA BRE SHA BA'I RVA CO NAS BZUNG THUB PA PHUL YOD GSUNGS PAS, RGYAL BOS SA SKYAR BLTAR BTANG BAS 'DUG ZER NAS RGYAL PO YAB SRAS SHIN TU MOS PAR GYUR, DE NAS BTZUN MOS RGYAL PO LA BDAG NYID CHEN PO 'DI BOD DU MA BTANG NA LEGS, SA SKYA BA LA GSANG SNGAGS ZAB MO'I DBANG BSKUR GZHAN LA MED PA'I KHYAD CHOS SHIG YOD PAR 'DUG ,DE ZHUS PA 'THAD CES ZHUS PAS, RGYAL PO NA RE, SNGON LA
, ,KHYOD KYIS ZHUS DANG DE NAS NGAS ZHU'O GSUNGS PAS, BTZUN MOS KYEE RDOR GYI DBANG ZHUS PAS SHIN TU DAD PAR GYUR, DBANG YON DU CI BZHED ZHUS PAS, BDAG NYID CHEN PO'I ZHAL NAS, RANG GI LUS LONGS SPYOD KHA RJE DBANG THANG THAMS CAD 'BUL BA YIN, KHYAD PAR DU RANG NYID GANG LA RTZIS CHE BA'I DNGOS PO DE 'BUL DGOS GSUNGS PAS, BTZUN MOS, NGA BAG MA LA YONG DUS PHA MES KYIS BYIN PA'I NOR RTZIS CHE BA 'DI YIN ZER NAS RNA RGYAN GYI STENG NA MU TIG GI RDOG PO CHEN PO ZHIG YOD PA DE PHUL PA SOG PO GCIG LA BTZONGS PAS GSER BRE CHEN GANG DANG, DNGUL BRE CHEN STONG BYUNG BA YAR BSKUR NAS GTZANG CHU MIG GI CHOS 'KHOR DANG, SA SKYA'I GSER THOG CHEN MO'I GZHI BYAS ZER, DE NAS BTZUN MOS RGYAL PO LA, BLA MA 'PHAGS PA LA CHOS GZHAN LAS KHYAD PAR DU 'PHAGS PA ZHIG 'DUG PA DE GSAN PA GRAG ZHUS PAS, RGYAL POS KYANG DANG DU BLANGS NAS BTZUN MO LA GNANG PA'I CHOS KHYAD PAR DU 'PHAGS PA DE BDAG LA GNANG DGOS ZHES ZHUS PAS, BDAG NYID CHEN PO 'DI'I ZHAL NAS, KHYED RGYAL PO CHEN PO YIN PAS CHOS KYI DAM TSIG BSRUNG MI THUB, DA RES LO TZ'A BA MKHAS PA YANG MED PAS RJES NAS PHUL NA CHOG GSUNGS PAS, RGYAL PO NA RE, DAM TSIG CI BSRUNG DGOS ZHUS PAS, DBANG BSKUR ZHUS NAS BLA MA GRAL MGOR BZHUGS, LUS KYIS PHYAG 'TSAL, NGAG GIS CI GSUNG NYAN, YID KYIS THUGS DANG MA 'GAL BA BYED DGOS GSUNGS PAS, RGYAL PO NA RE, DE LTA BU'I DAM TSIG BSRUNG MI THUB PAR 'DUG GSUNGS PAS, BTZUN MO NA RE, DE LA THABS YOD DE, CHOS ZHU BA'I SKABS DANG MI NYUNG DUS BLA MA GUNG LA
BZHUGS, RGYAL PHRAN DANG MI DPON LA SOGS PA MI CHOGS CHE DUS RGYAL PO GUNG LA BZHUGS, BOD PHYOGS KYI BYA BA RNAMS GSUNG LTAR SGRUB, BLA MA LA MA ZHUS PAR RGYAL POS LUNG MA GNANG, DE MA YIN PA'I BYA BA CHE CHUNG GZHAN LA BLA MA'I GSUNG DANG ZHAL 'JUG MA MDZAD CES ZHUS PAS, BDAG NYID CHEN PO 'DIS KYANG ZHAL GYIS BZHES NAS BSNYEN SGRUB MDZAD, DE'I BAR LA LO TZ'A BA YANG 'BOD DU BTANG, BSNYEN MTSAMS GROL NAS DBANG GI YO BYAD RNAMS STA GON MDZAD DE, RGYAL POS GTZO BYAS SKAL BA DANG LDAN PA NYI SHU RTZA LNGA LA DPAL KYI RDO RJE'I DPANG MO CHE LAN GSUM GYI BAR DU BSKUR BAR MDZAD DE, CHEN PO HOR GYI RGYAL KHAMS SU GSANG SNGAGS RDO RJE THEG PA'I CHOS KYI DBU BRNYES SO, RGYAL PO'ANG SHIN TU DAD PAR GYUR TE, DBANG YON DANG PO LA KHRI SKOR BCU GSUM PHUL, DBANG YIN PAR MA LA CHOS DUNG DKAR PO RGYAD GRAGS KYIS GTZOS BOD CHOL KHA GSUM PHUL, DBANG YON THA MA LA RGYA'I MI GYUR CHEN MO PHUL BAS BDAG NYID CHEN PO 'DI THUGS SHIN TU MNYES NAS BSNGO BA 'DI LTAR MDZAD DE, NAM MKHA'I KHAMS NI KHRAG GI MDOG LTAR DMAR, ,RKANG LAG RO YIS PHYI YI RGYA MTSO KHENGS, ,'DI 'DRA BCAD PA'I DGE BA GANG DE YIS, ,MKHYEN RAB DBANG PHYUG THUGS DGONGS RDZOGS PA'I PHYIR, ,PHAN BDE'I BSTAN PA RAB TU RGYAS PA DANG, MI DBANG SKU TSE YUN DU BRTAN PHYIR BSNGO, ZHES GSUNGS SO, ,DE LTAR BDAG NYID CHEN PO 'DI RGYAL PO CHEN PO'I TI SHR'I RGYUR PA'I RJES SU, GRUB THOB KARMA PA GSHIS RDZU 'PHRUL MTHA' YAS PA BSTAN PA RGYAL POS GZIGS NAS YA MTSAN TE, RANG RE'I BLA MA LAS 'PHRAL SNANG GI RDZU 'PHRUL DANG RTOGS PA RTOGS LDAN RGYA BO 'DIR RANG NGO MTHO BA 'DUG CES 'KHOR GYI
, ,NANG DU GSUNGS PAS RKYEN BYAS, BTZUN MO BLO MA BDE BAR BDAG NYID CHEN PO'I SPYAN SNGAR PHYIN TE, RGYAL POS GSUNG TSUL RNAMS SNYAN DU GSOL NAS, BLA MAS KYANG RDZU 'PHRUL ZHIG MA BSTAN NA, RGYAL PO'I RE BA MI KHENGS SHING THUGS LA 'GYUR BA YANG BYUNG DGOS 'DUG CES GSOL BA BTAB PAS, BDAG NYID CHEN PO'I ZHAL NAS, PAG SHI'I RDZU 'PHRUL YANG SPYIR GDUL BYA DUS LA BABS PA DANG DON LA NGED KYI YIN, 'ON KYANG RGYAL PO DAD PA CAN GYI RE BA MA KHENGS NA MI RUNG, RDO RJE THEGS PA LAS KYANG NYES PA CHE BAR BSHAD PAS RDZU 'PHRUL STON PAR BYA'O ZHES ZHAL GYIS BZHES, DE NAS RGYAL PO BLON PO 'KHOR DANG BCAS PA LA BRDA' SPRAD NAS, DE THAMS CAD 'DZOM PA NI, BDAG NYID CHEN PO'I ZHAL NAS, BTZUN MO RANG RAL GRI RNON PO ZHIG KHYER SHOG GSUNGS PA LTAR BTZUN MOS GRI PHUL BA BZHES TE, NGED KYI YAN LAG RNAMS RGYAL BA RIGS LNGAR BYIN GYIS BRLABS PAR BYA YI, KHYED RANG RGYAL BLON RNAMS RIGS LNGA'I ZHING KHAMS GANG DU MOS PA DER SKYE PAR GSOL BA THOB, YID MA CHES NA GZIM KHRI'I STENG NA LUS RIL BO YOD PAS DE LA MJAL BAR MDZOD CES GSUNG GNANG STE YAN LAG RNAMS SO SOR PHRAL NAS DBU RNAM PAR SNANG MDZAD, PHYAG ZHABS BZHI RIGS GZHAN BZHIR BYIN GYIS BRLABS TE RGYAL BA RIGS LNGA KRONG DE BYON PA LA, RGYAL PO BTZUN MO BLON PO BRAN 'KHOR DANG BCAS PA DANG PA SHUGS DRAG PO SKYES TE PHYAG DANG BSKOR BA BYED CING SMON LAM BTAB, DE NAS SKU GZUGS LA 'JAL DU PHYIN PAS GZIM KHRI'I NANG NA MA TSAL KHRAG GIS CUNG ZAD GOS PA RGYAL BLON RNAMS KYIS MTHONG NAS SKRAG STE SKAD SHUGS CHEN POS GSOL BA BTAB KYANG RDZU
'PHRUL MA BSHIG ,DE NAS BTZUN MO CHA BUS, 'JIG RTEN MGON PO RDZU 'PHRUL MYUR DU MA BSHIG NA RGYAL PO'I SNYING GAS NAS 'CHI BAR 'DUG GO, ,ZHES GSOL BA BTAB PAS, RDZU 'PHRUL DE LAS BZHENGS PAS RGYAL PO 'KHOR BCAS DGA' SPRO DANG LDAN PAR GYUR, DE PHYIN CHAD GRUB PA THOB PA'I SKYES BU CI 'DRA ZHIG BYON NAS RDZU 'PHRUL BSTAN KYANG, RGYAL PO'I THUGS LA RDZU 'PHRUL NGO MTSAR CHE YANG SPANGS RTOGS KYI YON TAN DED KYI BLA MA'I GONG DU 'GRO BA MI 'DUG SNYAMS SHAR, DE NAS RGYAL POS BDAG NYID CHEN PO 'DI LA TI SHR'I'I MTSAN GSOL ZHING RIN PO CHE'I THAM KHA PHUL, GZHAN YANG, GSER DANG MU TIG GI SNAM SBYAR, SKU CHOS, PHYA MTSE, DBU ZHVA, PHYAG LHA MA, BZHUGS GDAN, GSER KHRI, GDUGS, GSOL ZHAL, GSOL SDER SOGS TSANG MA, RDA MOD, CHIBS DREL, GSER GYI SGA 'KHOR TSANG MA BCAS PHUL, DGUNG LO NYi SHU BSHES PA STAG GI LO LA, BANDE SHED BSKYED KYI BKA' SHOG BOD YIG TU BRIS PA DANG, DNGUL BRE CHEN LNGA BCU RTZA DRUG ,JA SI GNYIS BRGYA, GOS YUG BRGYAD CU, DAR YUG STONG DANG BRGYA BCAS PHUL LO, ,DE SKABS BDAG NYID CHEN PO 'DIS ZHUS TE, BANDE'I KHANG PAR GSER YIG PA MI SDOD PA DANG, 'U LAG MI BSKUL BA DANG, KHRAL KHUR MI DGOS PA'I BDAG RKYEN KYANG GNANG, DE NAS RGYAL PO'I BKA' LAS, NYI MA NUB KYI BANDE RNAMS JI LTAR BYA BA'I MGO LUNGS SKYA PA SHES SU CHUG BYA BA'I LUNG YANG STZAL, YANG RGYAL BA'I BKA' LAS, BOD KYI YUL DUS SKYA BA'I CHOS LUGS LAS GZHAN BYAS MI CHOG PA'I LUD 'BUD GSUNGS PA LA, BDAG NYID CHEN PO 'DIS DE BYED MI RUNG, RANG RANG GI CHOS LUGS GANG YONG SKYONG
, ,DU 'JUG PA DOGS GSUNGS NAS, MCHOD YON GNYIS KA'I 'JAL SA THAMS CAD LA RANG RANG GI CHOS LUGS LA 'BAD PA THON ZHES GSUNGS, DE LTAR NA BOD KYI GRUB MTHA' SNA TSOGS PA RNAMS RANG RANG GI CHOS LUGS BZUNG NAS BSDAD CHOG PA BYUNG BA YANG BDAG NYID CHEN PO 'DI'I BKA' DRIN DU 'KHUMS, DE LTAR RGYAL PO CHEN POS GTZOS SKAD RIGS MI GCIG PA DU MA LA CHOS KYI BRDA DANG THA SNYAD DU MA GSAL BAR MDZAD CING, KHYAD PAR DU MI'I DBANG PO GO PE LI'I GSUNG GIS RGYA NAG LA SOGS PA RNAMS LA RANG RANG GI YI GE YOD PA BZHIN DU, NGED HOR RNAMS LA YANG DED RANG GI SKAD KYI BKLAGS CHOS PA'I YI GE MDZAD PAR ZHU ZHES BSKUL NAS SNGON CHAD HOR RNAMS LA YI GE MED PA LA, BDAG NYID CHEN PO 'DIS YI GE KHYAD PAR DU 'PHAGS PA MDZAD PA YIN NO, DE'I PHYI LO RGYAL PO 'JANG YUL DU DMAG LA BYON PA'I SKABS, BDAG NYID CHEN PO 'DI BYANG NGOS SU BYON TE CHOS RJE BA'I SKU 'BUM LA RAB GNAS MDZAD, CHOS RJE PAn CHEN GYI GSUNG BZHIN DU 'U YUG PA LA BSNYEN RDZOGS ZHU BA DANG, SNGAR MA GSAN PA'I CHOS DU MA GSAN PA'I CHED DBUS GTZANG DU 'BYON PAR DGONGS NAS MDO KHAMS KYI BAR BYON PA DANG, 'U YOG PAS GLANG GAm LO LA SKU GSHEGS PA'I GTAM GSAN NAS PHYIR LOG STE RGYAL BO TSUR BYON PA DANG LHAN CIG RGYA YUL DU BYON NAS RGYA DANG HOR GYIS MTSAMS THE LE ZHES BYA BAR BZHUGS, DE NAS DBUS SU BANG CHEN PA BTANG NAS, SDE SNOD RGYA MTSO'I MNGA' BDAG SNYE THANG PA GRAGS PA SENGGE GDAN DRANGS, DGUNG LO NYER GCIG PA SHING MA YOS KYI LA, ZLA BA LNGA BA'I TSES BCO LNGA'I NYIN, SNYE THANG
PA GRAGS PA SENGGE MKHAN PO, JO GDAN BYANG BA BSOD NAMS RGYAL MTSAN GYIS LAS SLOB, YAR LUNG PA BYANG CHUB RGYAL MTSAN GYIS GSANG STON, GNAM PHAR PA TSUL KHRIMS RIN CHEN SOGS KYIS BSKOR MDZAD DE BSNYEN PAR RDZOGS NAS GNAS 'DUL BA 'DZIN PA MTHA' DAG GI GTZUG GI NOR BUR GYUR TO, MKHAN PO LAS PHAR PHYIN GSAL SOGS DANG, SLOB DPON LAS SO THAR MDO RTZA SOGS DANG, GSANG STON LAS SDE BDUN LA SOGS PA GSAN, DE NAS RJE BTZUN 'JAM PA'I DBYANGS KYI BZHUGS PA'I GNAS RI BO RTZE LNGAR BYON, DE'I TSE SKYE BO THAMS CAD KYIS MNGON SUM DU RJE BTZUN 'JAM PA'I DBYANGS KYIS RNAM PAR ROL BAS SNGON MA BYUNG BA'I 'OD KYI DRANG LA SOGS PA'I BSU BA DANG MCHOD PA'I KHYAD PAR RGYA CHEN PO BYUNG, BDAG NYID CHEN PO 'DIS RING BO RTZE LNGA LA BSTOD BSNGAGS YANG RGYA CHER MDZAD DO, DE NAS SLAR YANG RGYAL PO'I PHO BRANG DU BYON NAS CHOS KYI 'KHOR LO MTHA' YAS PA BSKOR, DE'I TSE RGYA'I YUL DU SNGON DU BYUNG BA THA'I SHANG LA BYIN ZHES BYA BA'I RJES SU 'BRANGS PA ZIN SHING ZHES BYA BA'I SDE RAB TU MANG PO GNAS PA RNAMS LTA BA NGAN PA LA MNGON PAR ZHEN NAS, DE DAG DANG GZHAN DAG LA YANG GNOD PAR 'GYUR BA GZIGS NAS, RGYAL PO CHEN PO'I BKAS LOG PA'I GRUB MTHA' 'DI DAG CHOS DANG MTHUN PAR TSAR CHOD CIG CES BSKUL TE, ZIN SHING GI STON PA RING DU SPYANGS PAS RANG GI GZHUNG LUGS KYI MTHAR SON PA BCU BDUN YANG DAG PA'I RIGS PAS PHAM PAR MDZAD NAS LTA BA NGAN PA LAS BZLOG STE, YANG DAG PA'I LTA BA 'DZIN DU BCUG NAS RAB TU BYUNG STE THUB PA'I BSTAN PA CHER CHER GSAL BAR MDZAD PA YIN TE, DE'I TSE BDAG NYID CHEN PO'I 'DIS ZIN SHING
, ,BTUL BA'I TSIGS SU BCAD PA LAS, DE BLO DAG PA LCAGS KYI KHAMS, YANG DAG GSUNGS PA'I BSTAN PA YI, ,GSER 'GYUR RTZI YIS RAB SBYANGS NAS, ,THUB PA'I BRTUL ZHUGS LEGS 'DZIN PA'O, ,SDOM BRTZON DAM PAR BDAG GIS BSGYUR, ,ZHES GSUNGS SO, ,DGUNG LO NYER BRGYAD PA'I DUS SU CHA RKYEN MANG PO BSKUR NAS, DPON CHEN SH'AKYA BZANG POS DBU RTZE RNYING MA'I NUB TU GSER THOG CHEN MO BZHENGS, DE LTAR SHAR PHYOGS KYI RGYAL KHAMS CHEN POR BSTAN PA DANG 'GRO BA'I DON DPAG TU MED PA MDZAD NAS, SLAR YANG KHA BA CAN GYI GDUL BYA RNAMS RJES SU BZUNG BA'I PHYIR, DGUNG LO SO GCIG PA SHING MI GLANG GI LO LA RIM GYIS GDAN SA CHEN PO DPAL LDAN SA SKYAR BYON TE, MCHOG DMAN PAR MA'I SEMS CAN MTHA' YAS PA MTHONG THOS DRAN REG GIS DON LDAN DU MDZAD DO, ,DE'I TSE NOR GYI DNGOS PO GTOS CHE BA BSNAMS YONG PA RNAMS LAS, 'GA' ZHIG NI RDO RJE GDAN LA SOGS PA'I GNAS KHYAD PAR DU 'PHAGS PA RNAMS DANG, MCHOD PAR 'OS PA RNAMS LA MCHOD PA'I RDZAS SU PHUL LA, 'GA' ZHIG NI GTZUG LAG KHANG DANG DE BZHIN GSHEGS PA'I SKU DU MA BZHUGS PA'I MCHOD RTEN RIN PO CHE DU MA LAS GRUB PA'I SGO MANG SHIN TU MTSAR ZHING RGYA CHER RGYAB YUL DANG BCAS PA BZHENGS PA DANG, BLA MA GONG MA RNAMS KYI SKU 'BUM LA GSER GYI GDUGS CHOS 'KHOR LA SOGS PA MDZAD DO, ,'GA' ZHIG NI DE BZHIN GSHEGS PA'I GSUNG RAB DU MA RIN PO CHE LAS BZHENGS SO, ,'GA' ZHIG NI DGE SPYONG DANG, BRAM ZE DANG,
PHONGS PA RNAMS LA SBYIN PA RGYA CHEN PO MDZAD DE, BDAG NYID KYI DON DU YONGS SU MA BZUNG ZHING GZHAN GYI DON KHO NAR MDZAD DO, ,DBUS GTZANG KHAMS GSUM GYI DGE BA'I BSHES GNYEN MTHA' YAS PA SBRIN BZHIN 'DUS PA RNAMS LA ZAB PA DANG RGYA CHE BA'I CHOS KYI 'KHOR LO RGYA CHER BSKOR NAS SANGS RGYAS KYI BSTAN PA RIN PO CHE NYI MA'I ZER GYIS REG PA'I PADMO BZHIN DU GSAL BAR MDZAD DO, ,BDAG NYID CHEN PO 'DI MANG DU THOS PA'I RGYA MTSO'I PHA ROL TU SON KYANG DAM PA'I CHOS CHOL BA LA NGOMS PA MI MNGA' BA'I DBANG GIS SLAR YANG CHOS KYI RNAM GRANGS MTHA' YAS PA GSAN PA'I TSUL STON PAR MDZAD DE, KHA CHE'I PAndI TA SHR'I TA TH'A GA TA BHA DRA ZHES BYA BA'I DRUNG DU, SGRA MDO KA L'A PA DANG, DE'I 'GREL BA SLOB MA LA PHAN PA, SDEB SBYOR GYI RNAM BZHAG ,DAM CHOS PADMA DKAR PO 'GREL BA DANG BCAS PA, RDO RJE GCOD PA TSUL BRGYA LNGA BCU PA LA SOGS PA GSAN, GLO BO LO TZ'A BA SHES RAB RIN CHEN GYI DRUNG DU, GSHED DMAR BCU GSUM MA'I DBANG, DE'I CHA LAG DANG BCAS PA, 'PHRENG BA BSKOR GSUM, PHYAG NA RDO RJE'I CHOS SKOR LA SOGS PA GSAN, MCHIM NAM MKHA' GRAGS KYI DRUNG DU, NYI KHRI SNANG BA, JO BO'I CHOS CHUNG BRGYA RTZA, BE'U BUM SNGON PO, DPE CHOS RIN CHEN SPUNGS PA LA SOGS PA GSAN, GSANG BA GNYAN 'DOD SRUNG MGON PO'I DRUNG DU, 'JAM DPAL DRAG PA SNGAGS KYI DBANG BDUN, 'JAM DPAL ZHI KHRO'I SGRUB THABS, RTOG PA GSUM PA, GTAM RGYUD KYI RTOG PA LA SOGS PA GSAN, SLOB DPON YON TAN DPAL GYI DRUNG DU, DE BZHIN GSHEGS PA'I SNYING PO'I MDO LA SOGS PA ZAB MO'I MDO LNGAR GRAGS PA RNAMS GSAN, TSOGS
, ,SGOM KUN DGA' DPAL GYI DRUNG DU, 'KHRUL 'KHOR GYI RIM PA 'GA' ZHIG GSAN, ZHANG ZHUNG PA RDO RJE 'OD ZER GYI DRUNG DU, YE SHES SNYING PO RNAL 'BYOR MA'I RGYUD KYI LUNG GSAN, RIN PO CHE SKYOB PA DPAL GYI DRUNG DU, MKHA' 'GRO RGYA MTSO'I LUNG GSAN, RGA LO TZ'A PA'I DRUNG DU, GSHED DMAR LHA LNGA'I DBANG CHA LAG DANG BCAS PA, PHAG MO'I DBANG, TSOGS BDAG GI SGRUB THABS LAS TSOGS DANG BCAS PA LA SOGS PA GSAN, CHAG LO TZ'A PA'I DPON PO NYI MA DPAL GYI DRUNG DU, DPAL MCHOG DANG PO, DAM TSIG GSUM BKOD KYI RGYUD, 'DUS PA'I DKYIL CHOG NYI SHU PA, BSHAD RGYUD RDO RJE PHRENG BA, MDZOD KYI 'GREL BA RGYAL SRAS MA, BYANG SA'I 'GREL BA RGYA MTSO'I SPRIN LA SOGS PA GSAN, ZHANG MNGON BA BA RIN CHEN RDO RJE'I DRUNG DU, KUN LAS BTUS PA'I BSHAD PA, THEG BSDUS KYI 'GREL PA RNAMS GSAN, BRAG PHUG BA 'BUM PA 'OD ZER GYI DRUNG DU, SHER PHYIN STONG PHRAG BRGYA PA, KHRI SRONG LDE'U BTZAN GYIS MDZAD PA'I 'GREL CHEN, SHER PHYIN YI GE NYUNG DU LA SOGS PA GSAN, 'DUL BA 'DZIN BA SH'AKYA BYANG CHUB KYI DRUNG DU, DGE SLONG MA'I SO SOR THAR PA, DGE SLONG GI TSIG LE'UR BYAS PA, 'DUL BA RGYA CHER 'GREL, KARMA SHA TAM LA SOGS PA GSAN, SDOM BRTZON SENG GE'I LA GNON GYI DRUNG DU, SPYOD 'JUG GI 'GREL CHEN, SO SOR THAR PA'I TSIG GI BRJED BYANG GNYIS GSAN, MNGON PAR DBANG PHYUG BRTZON 'GRUS KYI DRUNG DU, 'JAM PA'I RDO RJE LHA BCU DGU'I DBANG, BDAG MED LHA MO BCO LNGA'I DBANG, BDE MCHOG LHA BCU GSUM MA DANG, LHA LNGA GNYIS KYI DBANG, SGROL MA NYI SHU RTZA
LNGA'I DBANG LA SOGS BA GSAN, RDO RJE 'DZIN PA CHOS KYI MGON PO'I DRUNG DU, KUN RIG GI DBANG, RTZE MO RIGS BSDUS KYI DBANG LA SOGS BA GSAN, DGE BA'I BSHES GNYEN LHA BTZUN GYI DRUNG DU, RIGS PA DRUG CU BA'I 'GREL PA ZLA GRAGS KYIS MDZAD PA SOGS GSAN, SLOB DPON SANGS RGYAS 'BUM GYI DRUNG DU, THAMS CAD YOD SMRA'I 'DUL BA LUNG DUM BU BZHI PA GZHUNG KHRI PHRAG BCU GCIG TU LONGS PA DANG, MA H'A MA Y'A'I 'GREL BA, DUS 'KHOR GYI RGYUD PHYI MA, PHYAG NA RDO RJE MNGON PAR DBANG BSKUR BA'I RGYUD LA SOGS PA CHOS MANG DU GSAN, SLOB DPON 'BRAS, BUD PA'I DRUNG DU, DE KHO NA NYID BSDUS PA'I 'GREL BA DANG, GSO DPYAD KYI MAN NGAG 'GA' ZHIG GSAN NO, DE LTAR DGE BA'I BSHES GNYEN DU MA'I GANGS RI LAS NYE BAR 'ONGS PA'I ZAB BA DANG RGYA CHE BA'I CHU KLUNG GRANGS MED PA THAMS CAD BDAG NYID CHEN PO 'DI'I THUGS KYI RGYA MTSO CHEN PO DANG RO GCIG TU GYUR TO, ,'DI NI DAM PA'I CHOS GSAN PA'I TSUL MDO TZAM SMOS PA YIN GYI, RGYAS PAR NI GSAN YIG LAS SHES PAR BYA'O, ,DE NAS SLAR YANG RGYAL BOS GDAN 'DREN GYI GSER YIG PA RIM PAR BYUNG BAR BRTEN, DGUNG LO SUM CU RTZA GSUM PA ME MO YOS LA LAS TSAN BCU GSUM GYI GRVA SGRIGS MDZAD NAS BYON, DE'I TSE BCOM LDAN RAL GRIBS, SANGS RGYAS BSTAN PA BKA' PHYAG SPRIN GYIS BSGRIBS, ,SEMS CAN BDE SKYID MI DPON LAG TU SHOR, SNYIGS DUS DGE SBYONG DPON PO'I BRTUL ZHUGS 'DZIN, 'DI GSUM MA RTOGS 'PHAGS PA MiN PAR GO, ZHES ZUR ZA MDZAD, DE'I LAN DU BDAG NYID CHEN PO'I ZHAL NAS, BSTAN LA 'PHEL 'GRIB YONG BA RGYAL PAS GSUNGS, SEMS
, ,CAN BDE SKYID RANG RANG LAS LA RAG ,GANG LA GANG 'DUL DE LA DE STON BYED, ,'DI GSUM MA RTOGS MKHAS PA MIN BAR GO ,ZHES GSUNGS SO, ,LAM BAR DU BKA' GDAMS PA'I DGE BA'I BSHES GNYEN NAM MKHA' 'BUM DANG MJAL TE DAM PA'I CHOS KYI GSUNG GLENG MANG DU MDZAD, DE NAS BDAG NYID CHEN PO 'DI CHU SHEL DBANG PO RGYU SKAR GYI TSOGS KYIS BSKOR BA'AM, THUB PA'I DBANG PO NYAN THOS CHEN PO'I TSOGS KYIS BSKOR BA LTAR SLOB MA DUL BA'I TSOGS MTHA' YAS PA DANG BCAS, BOD KYI YUL NAS DPAG TSAD BRGYA PHRAG MANG PO'I LAM SHIN TU BGRONG DKA' BA'I CHU PO DUM DANG, THANG DANG, RI RGYUD DU MA DANG, ZAM PA DANG, 'PHRANG LA SOGS BA DU MA LAS BRGAL TE RIM GYIS SA'I BDAG PO CHEN PO GANG DU BZHUGS PA'I RGYAL KHAMS SU BYON PAR GYUR TO, ,DE'I TSE RGYAL PO CHEN PO DANG, DE'I SRAS KYI THU BO JI MA GYIM DANG, BTZUN MO DANG, BLON PO'I TSOGS CHEN PO DANG BCAS PA THAMS CAD KYIS RGYA GAR GYI GLANG PO CHE LA RIN PO CHE'I DRA BAS SPRAS PA'I KHRI DANG, RIN PO CHE'I ZAR TSAGS MNGON PAR 'PHYANG BA'I GDUGS DANG, RGYAL MTSAN DANG, BA DAN DANG, ROL MO'I TSOGS RGYA CHEN PO DU MA DANG BCAS PA RGYAL PO'I 'BYOR BA CHEN POS BSU BA DANG, MCHOD PA'I KHYAD PAR DPAG TU MED PA MDZAD CING PHO BRANG CHEN POR GDAN DRANGS NAS, ZAB PA DANG RGYA CHE BA'I CHOS KYI TSUL DU MA ZHUS SHING, SANGS RGYAS KYI BSTAN PA ME TOG KU MU DA'I TSAL LA ZLA BA'I 'OD ZER SHAR BA LTAR CHES CHER GSAL BAR MDZAD DO, ,DE NAS DGUNG LO SO DRUG PA LCAGS PHO RTA'I LO, RGYAL POS GSOL BA BTAB STE KYEE RDOR
GYI DBANG STZAL, DBANG YON DU SHEL TAM GLING DRUG MA DANG, 'JA' SA KHYAD PAR CAN PHUL TE, GNAM GYI 'OG ,SA'I STEN GNA RGYA GAR LHA'I SRAS PO, SPRUL BA'I SANGS RGYAS, YI GE RTZOM MI, RGYAL KHAMS CHAM 'JAGS SU 'JUG PA PO, GNAS LNGA RIG PA'I PAndI TA 'PHAGS PA TI SHR'I ZHES PA'I MTSAN GSOL, DNGUL BRE CHEN STONG RVA CAN, GOS DAR LNGA KHRI DGU STONG LA SOGS PA ZANG ZING GI 'BUL PA MTHA' YAS PA PHUL, DE LTAR RGYA DANG HOR GYI RGYAL KHAMS SU SANGS RGYAS KYI BSTAN PA'I BYA BA DANG, GDUL BYA DPAG TU MED PA'I DON MDZAD NAS, SLAR YANG KHAB CAN PA RNAMS LA THUGS RJES GZIGS SHING, THUGS BRTZE BAR DGONGS NAS SLOB MA'I TSOGS RGYA CHEN PO DANG, SA'I BDAG PO RGYAL PO'I SRAS RGYAL BU AA ROG CHE ZHES BYA BA DPUNG GI TSOGS RGYA CHEN PO DANG BCAS PAS ZHABS 'BRING BYAS SHING, RIM GYIS GDAN SA CHEN POR BYON PA'I LAM RNAMS SU MI DANG MI MA YIN PA'I 'GRO BAS 'BYOR BA DU MAS BSU BA DANG, SKYEL BA DANG, MCHOD PA DANG, BSNYEN BKUR BA'I KHYAD PAR DPAG TU MED PA DANG, BGROD DKA' BA'I CHU BO RNAMS LA YANG, MI DANG MI MA YIN PA THAMS CAD KYIS ZAM PA 'DZUGS PA LA SOGS PA DANG, MTHONG BA DANG THOS PA THAMS CAD KYANG BA SPU'I TSOGS KUN NAS LNGANG ZHING MCHIM G-YOG BAR BYED PA LA SOGS PA NGO MTSAR BA'I KHYAD PAR DPAG TU MED PA BYUNG ZHING, DE DAG SO SO'I BSAM PA DANG, KHAMS DANG MTHUN PAR DAM PA'I CHOS DU MA BSTAN NAS SMIN CING GROL BAR MDZAD DE, BYI BA'I LO LA NGO MTSAR BA'I LTAS DU MA DANG BCAS GDAN SA CHEN PO DPAL LDAN SA SKYAR PHYAG PHEBS PA YIN NO, ,DE'I MOD LA DBUS GTZANG NA BZHUGS PA'I DGE BA'I BSHES GNYEN CHEN PO CHOS
, ,DON DU GNYER BA SLOB MA'I TSOGS DANG BCAS PA DANG, MI CHEN BO DU MA 'DUS SHING, RGYA GAR DANG, KHA CHE LA SOGS PA NAS KYANG 'DI'I SNYAN PAS PAndI TA DU MA BYUNG LA, DE DAG THAMS CAD KYIS RANG RANG GIS JI LTAR 'BYOR BA'I MCHOD PA DANG, BSNYEN BKUR RGYA CHEN PO BYAS SHING DGE BA'I RTZA BA DU MA BSKYED NAS DAM PA'I CHOS GSUNGS BAR GSOL BA BTAB CING, BDAG NYID CHEN PO 'DIS KYANG CHOS KYI RJE NYID LA MNGA' BA'I DBANG DANG BYIN RLABS KYI BKA' DU MA DANG, BSHAD PA'I SROL DU MA DANG, MAN NGAG GI SKOR PHRA ZHING PHRA BA THAMS CAD KYANG NGA LA LEGS PAR YOD PA YIN PAS, KHYED RANG SO SO GANG LA MOS PA'I CHOS THAMS CAD DA LTA NGA LA ZHUS SHIG GSUNGS NAS, SHIN TU ZAB PA DANG RGYA CHE PA'I CHOS KYI SGO GRANGS LAS 'DAS PA DPE MKHYUD MED PAR GNANG ZHING, ZANG ZING GI SPYIN PA YANG RGYA CHAR STZAL TE, GANGS CAN PA RNAMS CHOS DANG ZANG ZING GNYIS KAS TSIM BAR MDZAD DO, ,GDAN SA CHEN POR DE LTA BU'I TSUL GYIS NYIN MTSAN 'DA' BAR MDZAD CING 'GRO BA DU MA SMIN GROL LA BKOD DE, DE NAS ME MO GLANG GI LO'I DPYID ZLA RA BA LA RGYAL BO JIM GYIM ZHES BYA BAS SBYIN BDAG BYAS NAS GTZANG CHU MIG RING MOR CHOS KYI 'KHOR LO RGYA CHEN PO BSKOR BA'I TSE, BDAG NYID CHEN PO 'DIS DGE 'DUN KHRI PHRAG BDUN LHAG PA LA ZHAL ZAS GYA NOM BAS BSNYEN BKUR NAS, DGE 'DUN RE RE LA GSER ZHO RE, SUM RNAM RE'I 'GYED MDZAD CING ZAB PA DANG RGYA CHE BA'I CHOS KYI 'KHOR LO RGYA CHEN PO BSKOR TE, DER 'DUS PA DGE 'DUN KHRI PHRAG BDUN DANG, GZHAN YANG CHOS SMRA BA'I DGE BA'I BSHES
GNYEN GZHUNG LUGS DU MA'I PHA ROL TU SON PA STONG PHRAG DU MA DANG, SKYE BO PHAL BA DANG BCAS PA'I 'BUM PHRAG TU LONGS PA LA RGYAL PA THAMS CAD KYI BGROD BA GCIG PA'I LAM BO CHE THEG PA CHEN PO'I BYANG CHUB MCHOG TU SEMS BSKYED PA 'DZIN DU BCUG STE; DE THAMS CAD KYANG 'BRAS BU BLA NA MED PA RDZOGS PA'I BYANG CHUB TU NGES PA KHO NAR MDZAD BA YIN TE, RJE 'DI NYID KYiS BSTAN PA'I RTZIS MDZAD PA LAS, SKYE BO PHAL BA DANG BCAS PA 'BUM DU LONGS PA LA DGE SLONG RDO RJE 'DZIN PA 'PHAGS PAS BYANG CHUB KYI MCHOG TU SEMS BSKYED PA BYAS PA'I NYIN PAR BSTAN RTZIS 'DI YANG YI GER BRIS ZHES 'BYUNG BA YIN NO, ,DE LTAR CHOS 'KHOR ZHAG MA BCU BZHI'I RING MDZAD CING, MJUG TU DGE 'DUN 'DUS PA RGYA MTSO'I DBUS SU, BDAG NYID CHEN BO 'DIS BSNGO BA'I YON BSHAD CHEN MO MDZAD, GZHAN YANG MDO KHAMS SGANG DU GSER GYI PO TI BRGYA DANG BCO LNGA DANG, STAG THOG GZHIS MO CHEN MDO MANG PO TI BZHI BCU GSER LAS BZHENGS SHING, GZHAN YANG GDAN SA CHEN POR CHOS RJE'I NANG RTEN GSER GYI SGO MANG DANG, DE'I BZHUGS GNAS GTZUG LAG KHANG GSER THOG CHE PA LA SOGS PA BZHENGS, MDOR NA NYIN RE BZHIN YANG 'BYOR BA'I KHYAD PAR TSAD MED PA PHYAG TU BABS PA RNAMS KYANG RANG DON DU TIL 'BRU TZAM YANG MI 'DZIN PAR, DKON MCHOG GSUM MCHOD PA DANG, PHONGS PA RNAMS LA CI DGAR SBYIN PA 'BA' ZHIG MDZAD PA YIN NO, ,GZHAN YANG BDAG NYID CHEN PO 'DI LA MNGON PAR SHES PA YANG THOGS PA MED PAR MNGA' STE, RGYA GAR GYI PAndI TA GO TAMBHA DRA LA MTSAN MO RMI LAM JI LTAR BYUNG BA THAMS CAD BDAG NYID CHEN PO
, ,'DI'I MNGON PAR SHES PAS MKHYEN NAS NANG PAR PAndI TA LA GSUNG BYON PA'I TSE, PAndI TA SHIN TU NGO MTSAR BAR GYUR NAS, MAH'A GU RU LA MNGON PAR SHES PA AA TSI ZHES ZER ZHING SHIN TU DAD PAR GYUR CES GRAG ,'DI LTA BU'I BDAG NYID CHEN PO 'DI LA BSTAN BCOS RTZOM BA'I RGYU TSOGS KYANG MA TSANG BA MED PAR MNGA' BAS, GSOL 'DEBS DANG, SPRINGS YIG DANG, SGRUB THABS DANG, MAN NGAG DANG, DRIS LAN LA SOGS PA PO TI BZHI RU LONGS PA MDZAD CING, DE DAG KYANG TSIG SBYOR LEGS SHING DON ZAB PA, MKHAS PA RNAMS MGU BA SKYED PA'I BSTAN BCOS PHUN SUM TSOGS BAR SNANG NGO, ,GSUNG LAS SKYES PA'I SLOB MA YANG, SHAR NUB GUNG GSUM DANG, BLA MA GRAGS PA BU 'OD ZER, BLA MA BKRA SHIS DPAL, ZHANG DKON MCHOG DPAL, DGE SLONG KUN DGA' BLO GROS, GSAL BA 'OD ZER 'BUM, DBUS PA SANGS RGYAS 'BUM LA SOGS PA BSHAD SGRUB KYI RGYAL MTSAN 'DZIN PA'I SKYES MCHOG MTHA' YAS PA BYON TE, BDE BAR GSHEGS PA'I RING LUGS DRI MA MED PA CHES CHER GSAL BAR MDZAD DO, ,DE NAS BDAG NYID CHEN PO 'DI SKU TSE DE NYID KYI GDUL BYA THAMS CAD SMIN CING GROL BAR RANG GI MNGON PAR SHES PAS MKHYEN CING, SKU'I BKOD PA GZHAN GYIS SEMS CAN GYI DON RGYA CHEN PO MDZAD PA'I DUS LA BABS PAR GZIGS NAS; SLOB DPON CHEN PO DHARM'A PHA LA RAKshI TA LA BLA MAS SKYA BA CHEN PO'I RNAM PAR THAR PA LA SOGS PA GSUNGS NAS, BLA MA DAM PA DE RNAMS LA YON TAN GYI PHUNG PO DE LTA BU MNGA' ZHING, BSTAN PA'I BYA BA DE LTA BU MDZAD PA YIN LA, NGAS KYANG BSTAN PA'I BYA BA DANG
SEMS CAN LA PHAN PA CI NUS KYI TSUL DU BSGRUB PA YIN PAS, DA NI KHYOD KYIS KYANG DE BZHIN DU BYED DGOS PA YIN PAS GO BAR GYIS SHIG ,CES GSUNGS SO, ,DE YANG SNGAR SKU NA PHRA MO'I DUS SU MNAL LAM DU, SBA MKHAR TSIGS BRGYAD CU BA TSIGS BZHI BCU ZHE DRUG PA DE 'KHYOGS PA GCIG PHYAG TU BYUNG NAS, NANG BAR RJES PAn LA ZHUS BAS, TSIGS GRANGS DE RNAMS KYI TSE'I MTSON BYED YIN TE, TSIGS ZHE DRUG PA CUNG ZAD 'KHYOGS PA DE LO DER SLOB PA NA CUNG ZAD DOGS PA'I LTAS YIN PAS DE DUS GZAB DGOS ZHES GSUNGS PA'I LUNG BSTAN LTAR MYA NGAN LAS 'DA' BA LA MNGON DU PHYOGS BAR GYUR PA NA, MI DGE BA'I LTAS DANG MTSAN MA MANG DU BYUNG, DE'I TSE BDAG NYID CHEN PO 'DI LA BDE BA CAN NA DE BZHIN GSHEGS PA AA MI T'A BHA WA, PADMA R'A GA'I RI BO LTAR KUN NAS BRJID PA'I ZHABS KYI DRUNG NA, BYANG CHUB SEMS DPA'I TSOGS DU MA KUN TU BZANG PO'I MCHOD PA'I SPRIN GYI PHUNG PO CHEN POS MCHOD PA BYED PA LA SOGS PA SANGS RGYAS KYI ZHING RNAM PAR DAG PA DU MA'I BKOD PA THUGS DAM DU GZIGS PA'I SNANG BA BYUNG LA, KHYAD PAR DU 'BRUG LO ZLA BA BCU PA'I TSES GSUM GYI MTSAN MO LA, DPAL GYI RI LA SLOB DPON CHEN PO KLU SGRUB BYANG CHUB KYI SHING RGYA DANG TSAD GZHAL BAR DKA' BA'I ZHABS KYI DRUNG NA BZHUGS PA LA, BDAG NYID DBU MA RIGS PA'I TSOGS DRUG LA SOGS PA GSAN CING, NAM MKHA' LA LHA'I BU MO DU MAS MCHOD PA'I KHYAD PAR DPAG TU MED PAS MCHOD BA BYED PA DANG, RIG PA'I RGYAL MO RMA BYA CHEN MO MNGON SUM DU BZHUGS PA RNAMS RMI LAM DU GSAL BAR BYUNG ZHES GSUNGS NAS, DE'I RNAM PAR THAR PA NI MA 'ONGS PA'I SEMS CAN RNAMS KYI DON DU 'BRI BA MDZAD DO, ,
, ,BLA MA PAn CHEN GYI DUS MCHOD ZLA PA BCU PA NAS BZUNG STE MDZAD PA LA, DRUNG NA 'KHOD PA RNAMS NA RE, DUS MCHOD 'DI SNGAR NAS ZLA BA BCU GCIG PA LA MDZAD PA MA LAGS SAM ZHES ZHUS PAS, DE BZHIN YIN MOD KYI, LO RE'I NANG DU ZLA BA RE TZAM BYED PA DAM BCA' YIN LA, BCU GCIG BA'I ZLA BA TSANG BAR MAndAL 'BUL BA LA SOGS PA MA BYUNG GIS DOGS NAS BSU BA YIN MOD GSUNG, DE LTAR ZLA BA BCU GCIG PA'I TSES BCO BRGYAD KYI BAR DU TSOGS SU BYON CING CHOS GNANG, BCU DGU NAS TSOGS SUM BYON PAR GZIMS KHANG RANG DU BZHUGS PA MDZAD, DE NAS DGUNG LO ZHE DRUG PA LCAGS PO 'BRUG GI LO ZLA BA BCU GCIG PA'I NYI SHU GNYIS KYI SNGA DRO'I CHA LA MCHOD PA'I TSOGS RGYA CHEN PO SHOMS GSUNGS NAS, RDO RJE DANG DRIL BU BSNAMS TE, GDUL BYA RTAG 'DZIN CAN RNAMS CHOS LA BSKUL BA'I PHYIR MYA NGAN LAS 'DA' BA'I TSUL BSTAN TO, DE NAS GDUNG ZHUGS LA PHUL BAS GDUNG RNAMS NI RING BSREL GYI PHUNG PO CHEN POR GYUR CING, NGO MTSAR BA'I LTAS KYANG MANG DU BYUNG NGO, ,DE LTA BU'I BDAG NYID CHEN PO 'DI NI, LO TZ'A BA KA PA DPAL BRTZEGS KYI SKYE BAR GRAGS TE, SLOB DPON PADMA'I MA 'ONGS LUNG BSTAN LAS, LO TZ'A KA PA DPAL BRTZEGS KHYOD, ,DKAR NAG RGYA RU 'GRO DON BYED, ,DE NAS AU RGYAN GHA NA RU, ,PADMA DANG GROS BSTAN NAS; ;GTZANG GI GROM PA ZHES BYA BAR, ,'KHON GYI RIGS GYUR LUG LO BA, ,DE YIS SDE SNOD BSTAN PA 'DZIN, ,'PHAGS PA'I MTSAN CAN GSANG SNGAGS SKYONG, ,MTHA' MI DE YIS 'DUL BAR 'GYUR, ,ZHES GSUNGS PA LTAR RO, ,'OD GSAL 'KHON
RIGS DBANG PHYOGS RI BO'I RTZER, ,RGYAL SRAS DPA' PO SMRA BA'I ZLA BA 'DZEG ,GANGS CAN 'JIG RTEN KU MUD GZHON NU'I TSAL, ,PHAN DANG BDE BA'I 'DZUM DKAR CI YANG 'GYED, ,RMAD BYUNG GSANG GSUM MDZAD PA YIS, ,SA YI BDAG PO THUGS PHREGS TE, , DBANG SNGON RAL BA'I COD PAN GYIS, ,KHYOD ZHABS RDUL 'PHRENG GTONG MI PHOD, ,MTHA' YAS SKYE RGU'I RKANG STEGS NYID GYUR CING, ,DGE LEGS NAGS TSAL PHRENG BA BSKRUN PA 'DI, ,NOR 'DZIN KHYON NAM KHYOD KYI 'PHRIN LAS ZHES, ,BDAG GI YID NI THE TSOM DPYANG THAG 'DZIN, ,ZHES PA NI 'GRO BA'I MGON PO CHOS RGYAL 'PHAGS BAR SKU'I SKYE BA BZHES PA'I YAL 'DAB STE BRGYAD PA'O,, ` ,,'CHAD RTZOD RTZOM PA'I 'OD ZER 'BUM PHRAG GIS, ,MDO RGYUD GZHUNG LUGS PADMA KHA PHYE STE, ,LEGS BSHAD SBRANG RTZI'I DGA' STON RTZOL MDZAD PA, ,BSOD NAMS RGYAL MTSAN ZHABS LA GUS PAS 'DUD ,DE YANG 'KHRUNGS RABS LAS, 'GRO BA'I MGON PO BSOD NAMS 'PHAGS PA ZHES, ,MDO SNGAGS RGYUD SDE RGYA MTSO'I PHA ROL SON, ,MTHU STOBS DBANG PHYUG GNOD SBYIN BRAN DU 'KHOL, ,YONGS 'DZIN GDUL BYA'I SKYABS LA GSOL BA 'DEBS, ZHES GSUNGS PA LTAR CHOS KYI RJE BLA MA DAM PA BSOD NAMS RGYAL MTSAN DU SKU'I SKYE BA BZHES PA'I TSUL NI, 'GRO MGON 'PHAGS PA'I GCUNG SLOB DPON PHYAG NA RDO RJE LA SRAS DHARMA P'A LA DANG, SLOB DPON YE 'BYUNG GNYIS BYUNG BA'I PHYI MA'I SRAS BDAG NYID CHEN PO BZANG PO DPAL ZHES BYA BA NI RJE 'DI'I YAB YIN LA, DE YANG YAB KYIS DGUNG LO LNGA BCU BZHES PA DANG, YUM ZHA LU SKU ZHANG GI SRAS MO GZHON NU 'BUM LO NYER BDUN LON PA'I TSE, RJE 'DI LHUMS SU ZHUGS PAR
, ,NA YUM GYI RMI LAM DU NYI MA'I DKYIL 'KHOR LTO BAR ZHUGS PA'I SNANG BA DANG, G-YAS RU GTZANG BO DUS GCIG LA 'THUNGS PA DANG, CHU DE LA MI MANG PO BRGAL BAR CHAS PAS, DE RNAMS CHU LA SGROL BAR RTZOM PA RMIS TE, BO DONG AE'I BLA MA 'KHON STON LA ZHUS PAS KHYED LA SRAS SANGS RGYAS KYI BSTAN PA'I GSAL BYED CHEN PO ZHIG GAM, YANG NA STOBS KYI 'KHOR LOS BSGYUR BA'I RGYAL BO LTA BU BSOD NAMS DANG LDAN PA GCIG BLTAMS PA'I LTAS YIN ZHES LUNG BSTAN, CHU PHO BYI BA'I LO, SA GA ZLA BA'I TSES BRGYAD KYI SNGA DRO RIN CHEN SGANG GI BLA BRANG GONG MAR SKU 'KHRUNGS, DE'I TSE SA G-YO PA DANG, NAM MKHA' LA 'JA' TSON 'KHRIGS PA, KHA'U GTZANG PO CHER RGYAS PA LA SOGS PA DGE LAGS KYI LTAS MANG DU BYUNG BAS, MI THAMS CAD JO MO'I SRAS 'KHRUNGS PA'I LTAS AA LA LA ZHES DGA' ZHING NGO MTSAR BAR GYUR TO, ,MTSAN YANG RMI LTAS DANG MTHUN PAR NYI MA BDE BA'I BLO GROS ZHES BTAGS SO, ,BLA CHEN TI SHR'I KUN DGA' BLO GROS LA SOGS PA YAB GCIG LA YUM MI GCIG PA'I SKU MCHED DGU 'KHRUNGS PA'I MTHA' LTAG NI CHOS RJE NYID YIN NO, ,SRAS DE GSO BA'I MA MA KUN DGA' SKYID CES PA LA GTAD NAS BSKYED BSRINGS TE, RANG BZHIN GYI YID DU 'ONG BA, GZUGS MDZES SHING LTAN SDUG PA, BYIS PA'I SPYOD PA LAS 'DAS PA, KLOG DANG YI GE LA SOGS PA BRDA SPRAD PA CAM GYIS MKHYEN PA, ZHI ZHING DUL BA LA SOGS PA'I YON TAN DU MA DANG LDAN PAR GYUR TO, ,'KHRUNGS NAS ZLA BA GSUM TZAM 'DAS BA NA TING NGE 'DZIN ZAB MO LA MNGA' BRNYES SHING MNGON BAR SHES BA DANG LDAN PA CHOS RJE NYAN PO BA BSOD NAMS BRTAN
BA LAS BDE MCHOG DRIL BU BA'I DBANG GSAN, DE NAS DGUNG LO GSUM TZAM BZHES PA NA MKHAS GRUB CHEN PO RONG BA SHES RAB SENG GES SKU RIM PA MDZAD DE, GSHIN RJE'I GSHED DMAR PO LHA LNGA'I DBANG BSKUR BA YANG GSAN, DE TZAM NA SGRO SMON CAN GYI BLA MA BZANG PO BA LAS LUGS 'JAM DBYANGS AA RA PA TZA NA'I LUNG MNOS NAS BLA MAS KYANG SGRUB GROGS MDZAD DE ZLA GSUM TZAM BSGRUBS PAS THUGS RAB THOGS PA MED PA BYUNG, BRTZAMS BA THAMS CAD KYI MGOR YANG 'JAM PA'I DBYANGS LA MCHOD BRJOD MDZAD, DGUNG LO BRGYAD PA LA RIN CHEN SGANG DU SDE SNOD 'DZIN PA DU MA'I DBUS SU, RGYA BOD KYI MKHAS GRUB DU MA DANG, YAB MES GONG MA RNAMS KYi BZHED SROL PHYIN CI MA LOG PAR RNAM GRANGS DU MAS GSAL ZHING RGYA CHE BAR GSUNGS PAS, SDE SNOD 'DZIN PA THAMS CAD KYANG NGO MTSAR ZHING SNYAN PA'I GRAGS PA CHEN PO BSGRAGS SO, ,DE NAS YAB YUM LA SOGS PA LA RAB TU BYUNG BA'I ZHU BA NAN CHER ZHUS KYANG YUN RING BOR MA GNANG, RAB TU BYUNG BA LA DKA' LAS CHEN PO BYUNG GSUNGS, BLA MA BZANG PO BA DANG, BLA MA GZHON NU DPAL GNYIS LAS PA CHOS BRTAG GNYIS, BDE DGYES YO GA GSUM LA SOGS BAS LUGS KYI DBANG BYIN RLABS LUNG MAN NGAG MANG DU GSAN CING PHYAG LEN PHRA MO YAN CHAD THUGS SU CHUD PAR MDZAD, KHYAD PAR BLA MA BZANG PO BDE NYID LAS DUS 'KHOR SBYOR DRUG , THUGS RJE CHEN PO'I DMAR KHRID LA SOGS PA ZHUS PAS, 'JAM PA'I DBYANGS KYI ZHAL GZIGS SHING TING NGE 'DZIN GYI SGO DU MA THUGS LA 'KHRUNGS, YAB BDAG NYID CHEN PO LAS BDE MCHOG KYE RDOR SGROL MA LA SOGS PA'I DBANG, CHOS SKYONG CHE CHUNG GI RJES
, ,GNANG, THUGS BSKYED LA SOGS PA CHOS MANG DU GSAN, DGUNG LO BCU GCIG PA LA BLA CHEN KUN DGA' BLO GROS KYI DRUNG DU DGE BSNYEN GYI SDOM PA ZHUS TE, THEG CHEN SEMS BSKYED, BDE KYE YO GA GSUM LA SOGS PA'I DBANG, CHOS SKYONG CHE CHUNG, TSOGS BDAG DMAR CHEN, DKAR MO NYI ZLA'I RJES GNANG LA SOGS PA DU MA GSAN NO, ,DE NAS SNGAGS MTSAN NYID KYI GZHUNG LUGS RGYA MTSO'I PHA ROL TU SON PA BLA MA DPAL LDAN SENG GE LAS TSAD MA RNAM 'GREL LA SOGS PA'I MTSAN NYID, RDO RJE PHRENG BA LA SOGS PA'I DBANG BYIN RLABS, LAM 'BRAS LA SOGS PA'I KHRID MAN NGAG ,RGYUD 'BUM LA SOGS BA'I LUNG, BLA MA DE LA BZHUGS PA PHAL CHE BA GSAN ZHING THUGS SU CHUD DO, ,DGUNG LO BCU BDUN PA LA GANGS CAN GYI MKHAS GRUB THAMS CAD KYIS BSTEN PA'I 'DUL BA 'DZIN PA CHEN PO JO GDAN TSOGS PA'I MKHAN CHEN BSOD NAMS GRAGS PAS MKHAN PO, ,MKHAS MCHOG DPAL LDAN SENG GES SLOB DPON, BLA MA BZANG PO BAS GRIB TSOD PA MDZAD DE RAB TU BYUNG NAS BSOD NAMS RGYAL MTSAN DPAL BZANG PO ZHES MTSAN GSOL, DGUNG LO BCU DGU PA LA DPANG LO TZ'A BA BLO GROS BRTAN PA'I DRUNG DU, GCEN 'JAM DBYANGS DON YOD RGYAL MTSAN PA DANG LHAN CIG MNGON PA KUN LAS BTUS KYI BSHAD PA DANG, KLU SGRUB KYI BSTOD TSOGS LA SOGS PA GSAN, DGUNG LO NYI SHU BA LA DGE TSUL GYI MKHAN SLOB ZHUS PA'I MKHAN SLOB RNAMS KYIS DGE SLONG GI MKHAN SLOB KYANG MDZAD, GRIB TSOD PA BLA MA DON YOD DPAL BA DANG, GROGS LDAN PA SLOB DPON GRUB RGYAL BA LA SOGS PA DAD PA'I DGE 'DUN MKHAS SHING BTZUN PA
BSTAN PA 'DZIN BA'I GNAS BRTAN CHEN PO BCU BDUN TZAM GYI DBUS SU LCAGS MO LUG LO'I DBO ZLA BA'I YAR TSES BRGYAD KYI NYI MA BZHI CHA SHAR BA'I DUS SU BO DONG BYA RGOD GSHONGS KYI GTZUG LAG KHANG DU, GCEN PO 'JAM PA'I DBYANGS DON YOD RGYAL MTSAN DPAL BZANG PO DANG SKU MCHED GNYIS BSNYEN PAR RDZOGS PAR MDZAD DO, ,MKHAN CHEN BSOD NAMS GRAGS PA DANG, MKHAN CHEN BSOD NAMS BZANG PO BA LAS 'DUL BA MDO RTZA, LUNG SDE BZHI LA SOGS PA 'DUL BA'I CHA LAG LAG LEN DANG BCAS PAS THOG DRANGS TE, CHOS KYI RNAM GRANGS DU MA GSAN NO, ,DE NAS BZUNG STE 'DUL BA'I SPANG BLANG GI NYES LTUNG PHRA MO YANG KHYAD DU MI GSOD CING, PHAM LHAG SOGS KYI NYES BSAM GOS PA YIN NO, ,DGUNG LO NYER GCIG PA LA DBANG LO TZ'A BA BLO GROS BRTAN PA RIN CHEN SGANG BLA BRANG DU GDAN DRANGS TE, RTZA BA SHES RAB, DE'I 'GREL BA TSIG GSAL, DBU MA 'JUG PA RANG 'GREL DANG BCAS PA BZHI BRGYA PA SOGS DBU MA'I SKOR DANG, BDE MCHOG LHA LNGA, LHA BCU GSUM MA SOGS KYI SGRUB THABS KYI LUNG, GSHIN RJE'I GSHED KYI SKOR DU MA, SGROL MA'I SGRUB THABS LAS TSOGS DANG BCAS PA GSAN, DGUNG LO NYER GNYIS PA LA BO DANG AER BYON NAS LO TZ'A BA DE NYID KYI DRUNG DU, SA'I DNGOS GZHI, MNGON PA KUN LAS BTUS KYI 'GREL BA RGYAL SRAS MA, BYAMS CHOS PHYI MA BZHI 'GREL BA DANG BCAS PA, NYI SHU PA RTZA 'GREL, SUM CU BA RTZA 'GREL SOGS GSAN, DGUNG LO NYER GSUM BA LA LO TZ'A BA DE NYID KYI DRUNG DU, MNGON BA KUN BTUS KYI BSHAD BA, THUB BA DGONGS RGYAN GYI BSHAD PA, BSLAB PA KUN BTUS, MDO KUN BTUS, CHOS CHUNG BRGYA RTZA, BA RI BRGYA RTZA, SGRUB THABS
, ,RGYA MTSO LA SOGS PA GSAN, DGUNG LO NYER BZHI PA LA PO DONG AER LO TZ'A BA DE NYID KYI DRUNG DU, TSAD MA KUN LAS BTUS RANG 'GREL DANG BCAS PA, GTAN TSIG THIGS PA, 'BREL BA BRTAG PA LA SOGS PA TSAD MA'I BSTAN BCOS DU MA DANG, KYE RDOR SNYING 'GREL LA SOGS PA MDO SNGAGS KYI CHOS TSUL MTHA' YAS PA GSAN NAS THUGS SU CHUD PAR MDZAD, YANG DE'I DRUNG DU, DUS 'KHOR GYI RGYUD KYI BSHAD PA YONGS SU RDZOGS PAR GSAN NAS DUS 'KHOR 'GREL CHEN DU GRAGS PA YANG MDZAD, RJE 'DI LA BKA' DRIN LHAG PAR CHE BA'I BLA MA LNGA YOD PA'I GCIG LO TZ'A BA CHEN PO 'DI YIN NO, ,DE NAS DPAL LDAN SA SKYA BA'I SGRUB RGYUD KYI BSTAN 'DZIN CHEN PO CHOS KYI RJE BRAG PHUG PA BSOD NAMS DPAL PA'I DRUNG DU, DPAL DGYES PA RDO RJE'I RGYUD DBANG ZAB MO DANG, DE'I LUS DKYIL GYI DBANG, GSUNG NGAG RIN PO CHE MAN NGAG YONGS SU RDZOGS PA CHA LAG DANG BCAS PA NYAMS KHRID DU GSAN NAS, DE'I TSE RTEN 'BREL BSGRIGS PA'I PHYIR BLA MA'I GZIMS MAL DU CHOS RJE NYID THUGS DAM MDZAD CING NYAMS KHRID SKYONG BAR BZHUGS SU GSOL BA NA, TING NGE 'DZIN GSUM SKYON MED THUGS LA 'KHRUNGS PAS, BLA MA BRAG PHUG PA'I GSUNG GIS, RANG RE TSOS LO DANG ZLA BAR BSGOM PA BAS DRUNG BA 'DIS ZHAG RE BSGOM PA TING NGE 'DZIN GYI SKYE TSUL BZANG PAR 'DUG ,'DI NI THA MAL BAR MI 'DUG CES GSUNGS PA SOGS KYI SGO NAS BSNGAGS PA YAR CHER MDZAD, LUS DKYIL GYI DBANG GSAN PA'I TSE, LUS DKYIL GYI LHA TSOGS LUS KYI GNAS DE DANG DE RU BYON NAS BZHUGS PA'I SNANG BA BYUNG, GZHAN YANG BLA MA DE NYID KYI DRUNG DU, BDE MCHOG
LO NAG DRIL GSUM, GSHED DMAR LHA BCU GSUM MA, 'JIGS BYED RVA LUGS, MAH'A M'A YA, SGROL MA LHA BCU BDUN MA, RIGS GSUM SPYI DANG, PHAG MO SKOR GSUM, CHOS SKYONG CHE CHUNG LA SOGS PA'I DBANG BYIN RLABS RJES GNANG, CHOS RJE KHU DBON GYI BKA' 'BUM PHAL CHE BA DANG, LUNG MAN NGAG MANG BO GSAN ZHING, DE DAG GI PHYAG LEN PHRA MO TSUN CHAD KYANG MA 'DRES PAR THUGS SU CHUD PAR MDZAD, SNGAR BLA MA GZHAN LAS THOB PA DU MA YANG BLA MA 'DI LA BSKYAR NAS GSAN PAR MDZAD DE, CHOS RJE NYID KYI ZHAL NAS, BLA MA 'DI NI CHOS RJES SKYA PA NAS BRGYUD PA'I CHOS BSKOR LA RGYUN MA CHAD CING, DAM TSIG GI SEL GCIG KYANG MA ZHUGS PAS BYIN RLABS KYI BKA' BABS PA'I SGO NAS BSKYED RDZOGS KYI TING NGE 'DZIN KHYAD PAR CAN THUGS RGYUD LA 'KHRUNGS SHING, BLA MA GONG MA'I PHYAG LEN RDO RJE DRIL BU 'DZIN TSUL TSUN CHAD KYANG MA 'DRES PAR SKYONG BA'I BRGYUD PA RNAM PAR DAG PAR 'DUG PAS, NGAS SNGAR GZHAN DU THOB PA'I SA SKYA BA'I CHOS MANG PO'ANG SLAR BSKYAR NAS ZHUS ZHES GSUNGS SHING, BLA MA RNAMS KYI NAD NAS 'GRAN GYI DO MED DU MDZAD DO, ,BLA MA BRAG PHUG PA'I ZHAL NAS, CHOS RJE BA KHYED LA HOR GYIS GDAN 'DREN 'ONG BAR 'DUG ,DER BYON NA 'GRO DON CHEN PO 'ONG BAR 'DUG STE SKU TSE THUNG BAR 'DUG ,'ON KYANG 'BYON MI DGOS PA BYED MKHAN 'DRA 'ONG BAR 'DUG CES DANG, BOD 'DIR DUS SKABS DAN PA 'CHAR ZHING YUN RING BSDAD KYANG MI LEGS PA MANG PO MTHONG BAR 'DUG CES PA DANG, DA LO BCU LHAG TZAM NA MAR SA SKYA PA LA 'BYUNG TSUL LA SOGS PA MA 'ONGS PA MANG PO LUNG BSTAN TO, ,GCEN BO KUN
, ,DGA' NYI MA DANG, TI SHR'I KUN DGA' RGYAL MTSAN, 'JAM DBYANGS DON YOD RGYAL MTSAN PA RNAMS LAS KYANG THUGS BSKYED DANG TSAD MA LA SOGS PA'I CHOS CUNG ZAD GSAN, KUN SPANGS CHEN PO'I BU CHEN CHOS RJE BRAG KHA PA GRAGS PA SENG GE LAS DUS 'KHOR GYI DBANG, SBYOR DRUG ,THUGS RJE CHEN PO'I DMAR KHRID, GCOD, GZER LNGA, DKA' THUB KYI SKOR LA SOGS PA MANG DU GSAN, BDE DROD KYI NYAMS RTOGS DANG LDAN PA BLA MA SRON PA CHOS DPAL BZANG PO PA LAS SBYOR DRUG KHONG PA RANG GI LUGS KYI SROG RTZOL GYI MAN NGAG ,GSHIN RJE'I GSHED KYI CHOS SKOR LA SOGS PA MANG DU GSAN, GAN PA RIN CHEN RGYAL MTSAN PA LAS GUR RIGS BSDUS, GSANG 'DUS 'PHAGS ZHABS, PHYAG RDOR BDE KHROS, 'KHOR CHEN, TSE DPAG MED GRUB RGYAL MA, SA LUGS KYI YANG PHUR, RNAM 'JOMS BIR LUGS LA SOGS PA'I DBANG DANG, BU TRA LA SOGS PA'I RJES GNANG MANG DU GSAN, THAMS CAD MKHYEN PA BU STON RIN PO CHE'I DRUNG DU, GDAN BZHI'I DBANG, RDO RJE DBYINGS KYI DBANG, DPAL MCHOG RIGS BSDUS KYI DBANG, RTZE MO RIGS BSDUS KYI DBANG LA SOGS PA DBANG BSKUR GYI RIGS ZAB CING RGYA CHE BA DU MA DANG, RGYUD KYI BSHAD BKA' DANG, GZHAN YANG RGYUD DANG DE'I 'GREL BA, SGRUB THABS, DKYIL CHOG MAN NGAG LA SOGS PA CHOS KYI RNAM GRANGS MTHA' YAS PA DANG, BU STON PA RANG GI GSUNG 'BUM PHAL CHE BA RNAMS GSAN, 'PHAGS MCHOG 'JIG RTEN DBANG PHYUG GI RNAM 'PHRUL RGYAL SRAS THOGS MED PA LAS KHAMS GSUM RNAM RGYAL GYI DBANG LA SOGS PA MDO SNGAGS KYI LUNG MANG DU
GSAN, JO GDAN MKHAN CHEN GZHON NU MGON PO LAS DBANG BYIN RLABS, MDO RGYUD KYI GZHUNG 'GREL MAN NGAG PHRAN MANG PO RNAMS RTZAD BCAD CING GZHAN LA ZHU RU BTANG NAS MANG DU GSAN, LO CHEN BYANG CHUB RTZE MO LAS SGRA SNYAN NGAGS LA SOGS PA GSAN SBYONG MDZAD CING, TSUR YANG CHOS BKA' CI RIGS ZHUS, GZHAN YANG RIGS DANG YON TAN LA SOGS KYIS KHENGS PA MI MDZAD PAR GANG DANG GANG LA MKHAS PA SU LA YANG 'DRI BA DANG, RANG GZHAN LA CHOS KYI DAG THER KHON MDZAD PAS BSTAN PA GSAL BAR MDZAD, THON BYA BRAL BA LA SOGS PA PHAL PA CIG LA'ANG MNYAM 'GROGS SU MDZAD NAS CHOS GDAMS NGAG CUNG ZAD SHES PA TZAM YANG PHAN TSUN BRDAR SHA GCOD PA SO SO'I BLO LA NGES PAR MDZAD PA'I SGO NAS GANGS CAN GYI KHROD NA THEG PA GSUM GYI CHOS KYI BKA' LUNG MAN NGAG RNAM PAR DAG BA 'GYUR RO COG PHAL MO CHE GSAN CING, SBYOR BYUNG GI BRTZON 'GRUS PHUL DU BYUNG BAS BLA MA SO SO'I BZHED SROL, GSUNG SGROS PHYAG LEN RNAMS MA 'DRES PAR THUGS SU CHUD PAR MDZAD DO, ,GZHAN YANG SKU GZUGS MCHED RTEN LA SOGS PA'I CHAGS TSAD, GSER 'GYUR LA SOGS PA BZO'I RIGS DU MA DANG, YAN LAG BRGYAD PA LA SOGS PA GSO BA RIG PA'I GZHUNG MAN NGAG LAG LEN DU MKHYEN PAR MDZAD, SAM SKRi TA LA SOGS PA'I RGYA DKAR NAG ,HOR BOD LA SOGS PA'I YI GE DANG, SGRA'I BYE BRAG DU MA MKHYEN LA, DE DAG GI DON SPYI DANG RANG GI MTSAN NYID PHYIN TZAM LOG PAR MNGON SUM DANG RJES DPAG DANG LUD TSAD MA'I SGO NAS GTAN LA 'BEBS PA LA THOGS PA MED PA'I GTAN TSIGS RIGS BA DANG, THEG PA GSUM GYI SDE SNOD GSUM SPYI DANG, SO SO'I
, ,KHYAD PAR STON PA'I GZHUNG PHAL MO CHE GSAN CING THUGS SU CHUD DE, RJE BTZUN BSOD RTZE CHU BO GANGG'A TSUN CHAD NA GSAN RGYA CHE BAS BOD DU 'GYUR RO COG LA MA GSAN PA TZAM MED PAR BYED LA, DE TZAM ZHIG NGAS KYANG BYA BSAM PA'I GO CHA GYON PA YIN TE, HOR GYIS GCOS PAS CUNG MA GRUB, GZHAN RNAMS KYANG BSTAN PA LA BSAM LA DE BZHIN GO CHA BSKYED DGOS GSUNGS SO, ,DE LTAR DAM PA'I CHOS TSOL BA LA BRTZON 'GRUS PHUL DU BYUNG BA STE, CHOS RJE NYID KYI ZHAL NAS, DA LTA BOD NA YOD PA GCIG LA MKHAN CHEN BU STON PA'I BRTZON 'GRUS LA SUS KYANG MI NGO, ,DE MIN GZHAN GCIG LA NGA YANG BRTZON 'GRUS CHUNG RGYU MED CES GSUNGS, DGUNG LO NYER BDUN BZHES PA'I TSE, LO GCIG GI NANG DU HOR GYIS GDAN 'DREN PA THENGS GSUM BYUNG STE, BLA MA BRAG PHUG? PA'I GSUNG DRAN NAS THABS SNA TSOGS PA'I SGO NAS BYOL THABS MDZAD, DE NAS GDAN 'DREN PA'I GSER YIG BA DANG BCAS LHA SAR BYON TE, JO BO RIN PO CHE LA GSER CHAB GSOL, BSTOD PA LEGS PA ZHIG MDZAD PAS 'JA' DANG ME TOG GI CHAR 'BABS PA SOGS PA NGO MTSAR BA'I LTAS MANG DU BYUNG, DE NAS GUNG THANG NAS GDAN DRANGS PA LTAR BYON NAS DER ZLA BA DRUG TZAM BZHUGS, BAR SKABS SHIG BSAM YAS SU MKHAN PO BO DHI SA TVA'I DBU THOD GDAN DRANGS TE GZUNGS DANG RTEN KHYAD PAR CAN MANG PO'I NANG RDZONG MDZAD NAS BSTOD PA LEGS PA ZHIG DANG MCHOD PA GYA NO MA PA 'BUL BAR MDZAD PAS ME TOG GI CHAR 'BAB PA DANG, LHA'I ROL MO'I SGRA SGROGS PA SOGS BYUNG, DGUNG LO NYER BRGYAD NAS DRUG CU LHAG BZHES KYI BAR DU GCO CHER RIM GNYIS ZAB
MO'I THUGS DAM LA MNYAM PAR 'JOG PA DANG, MDO SNGAGS KYI CHOS LA GZIGS RTOGS DANG 'CHANG RTZOD RTZOM GSUM SOGS BSTAN PA'I BYA BA KHO NAS DUS 'DA' BAR MDZAD DO, ,DE LTA BU'I BLA MA DAM PA 'DI NI MNGON PAR RTOGS PA'I YON TAN DRI MA MED PA LA MNGAL BRNYES PA YIN TE, LHAG BA TSUL KHRIMS KYI BSLAB PA'I DBANG DU BYAS NA, SO THAR BYANG SEMS, RIG PA 'DZIN PA'I BSLAB BYA BSRUNG SDOM RNAMS MIG GI 'BRAS BU LTAR GCES PAR BSRUNG ZHING, KHYAD PAR SO SOR THAR PA LA GTZIGS CHE BAR MDZAD DE, SHA CHANG, PHYI DRO'I KHA ZAS, THA NA GOS PHU DUNG MA GYON PA LA SOGS PA 'DUL BA DANG 'GAL BA PHRA MO TZAM YANG SPANGS TE, DGE SLONG GI KHRIMS NYIS BRGYA LNGA BCU RTZA GSUM 'DUL BA NAS JI LTAR GSUNGS PA BZHIN PHYAG LEN LA THEBS PAR MDZAD DO, ,LHAG PA SHES RAB KYI BSLAB PA DANG LDAN PA'I TSUL YANG, RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON CING, 'KHOR 'DAS KYI CHOS THAMS CAD RANG BZHIN GYIS GRUB PAS STONG PAR GZIGS SHING THA SNYAD DU RTEN CING 'BREL BAR 'BYUNG BA'I TSOGS MA LUS PA CHU NANG GI ZLA BA LTAR GZIGS PA'I MKHYEN RAB PHUN SUM TSOGS PA MNGA' 'O, ,LHAG BTING NGE 'DZIN GYI BSLAB PA DANG LDAN PA'I TSUL YANG, DBUS SU DUS GCIG GI TSE, SROD CIG DGE BSHES 'DRA DANG CHOS KYI GSUNG GLED MDZAD PA'I DON TSIGS BCAD DU DRUNG NAS MDZAD, BSNYEL DOGS NAS MUN NAG PHYAG YIG MDZAD, MI NYAG SHER RGYAL DRUNG NA YOD BAS, DRUNG NAS PHYAG YIG BYANG DRAG PAS RGYUS THOG NAS 'OD BA LAGS SAM ZHUS PAS, 'AM 'BU LA 'OD GSAL GYI SNAD BA ZLA BA SHAR BA'I SNANG BA TZAM ZHIG RGYUN DU
, ,YOD PAS BRIS PA YIN GSUNGS TE, SANG BA LTAS PAS NYIN PAR BRIS PA DANG KHYAD MI 'DUG PAS, KHONG PA YANG YID CHES TE DAD PA CHEN PO SKYES, YANG CHOS RDZONG PA'I DGE BSHES ZHIG GONG DKAR DU 'GRO BA'I TSE PHYAG DBANG DANG SKU KHAMS ZHUS PAS, KHYED RANG PHYIN PA LEGS PAR 'ONGS, LHAG PA'I LHA DANG MJAL BAR 'DUG GI ZHES GSUNGS NAS, DGE BSHES DES KYANG PHYIN PAS, G-YAS RU LA 'GRO BA'I TSE KO BA'I NANG NAS YI DAM DRAN PAR BYAS TE GSOL BA BTAB PAS, SRIN PO RI NGOS KYI NAM MKHA' LA 'KHOR LO BDE MCHOG ZHAL MTHONG, TING NGE 'DZIN DANG RTOGS PA BSAM GYIS MI KHYAB PA SKYES PAS CHOS RJE NYID LA RDO RJE 'CHANG DNGOS KYI MOS PA SKYES, YANG CHOS RDZONG DU DBANG BSKUR BA MDZAD PA CIG GI TSE, DBANG RDZAS RDO DRIL RIM PAS GTAD PA NA BLA MA LEGS PA BYA BA PHAL BA CIG YOD PA DE'I MDUN DU SLEBS TZA NA, DRUNG GIS PHYAG DRIL KHYER SHOG GSUNGS NAS GNANG STE, PHYIS GSANG PHU BRAG NAG GI GDAN SA BYAS PAS GSANG SNGAGS KYI LAG LEN LA DE BAS 'GRO DON CHE BA MED PA CIG BYUNG, GZHAN YANG BLA MA DPAL LDAN TSUL KHRIMS LA KHYOD KYIS KHRID GNYER GYIS SHIG GSUNGS PAS, PHYIS KHRID DPON DU GYUR DE DAG KYANG MNGON PAR SHES PA'I TING NGE 'DZIN BSAM GYIS MI KHYAB PA MNGA' BA'I MTHUR SNANG NGO, DER MA ZAD BDAG GZHAN MNYAM BRJE BYANG CHUB KYI SEMS MNGA' PA'I TSUL NI, DRUNG GI GZIMS KHANG BYANG CHUB RDZONG ZHES BYA BA'I DGE RU 'BROG SDE CIG LA STOD BYANG GIS CHA LA GNYEN TSAN 'DRA'I STOBS KYIS BROS PAS, MA GCIG LA SOGS PA RIN CHEN SGO GI NYE
GNAS RNAMS NA RE, DE PA RTZAD BCAD NAS 'GUGS PA YIN ZER PA LA KHONG PA RANG BYANG NGOS DGA' BA YIN YANG GANG BDE LA BTANG DGOS GSUNGS NAS, GZHAN MI DGA' BA DANG MI 'DOD PA RNAMS THAMS CAD DU SPONG ZHING, RANG RANG SO SO JI LTAR DGA' BDE'I MTHUN PHYOGS KHO NA MDZAD DE, GZHAN GYI 'DOD PA SGRUB PA'I GEGS RNAM PA THAMS CAD DU MI MDZAD PAR SNANG ZHING, GZHAN LA PHAN PA DANG BDE BA 'BA' ZHIG CI NUS SU SGRUB PAR MDZAD DE, THA NA SKYE BO DMAN PA SPRANG PO CIG GI LAM DU MIG NA BA LA SOGS PAS KYANG ZHUS NA DE'I MDUN DU BZHUGS TE, LJAGS CHAB BAM, GDAMS NGAG SMAN SBYOR LA SOGS PA THABS JI LTAR MNGA' BAS PHAN 'DOGS SHING PHA MAS BU LA BYA BA BZHIN MDZAD PA 'DI NI KUN GYIS MTHUN SNANG DU GRUB PA'O, ,GZHAN YANG DPAL LDAN SA SKYA PA'I GDUNG RABS RTZOD MED BOD SHING SGO CAN GYI BDAG PO 'PHAGS PA RIN PO CHE'I GZHI THOG GI GDAN SAR MNGA' PHUL TE, KU SHR'I'I MTSAN DANG, DAM KHA LA SOGS GONG NAS 'JA' SA DANG GNANG SBYIN YANG YANG BYUNG, GDUNG RGYUD THAMS CAD KYI GTZO BOR GYUR PA YIN PAS, 'CHAD NYAN LA SOGS PA'I BSTAN PA'I BYA BA DANG, SDE DANG RGYAL KHAMS CHOS BZHIN DU SKYONG BA LA SOGS PA'I THUGS KYI GO CHA CHEN PO BGOS NA YANG, ZHAL NGO GDUNG BRGYUD MANG BAS, RANG RANG SE SO NAS SA SKYA'I BDAG PO BYA PAR 'DOD PAS, SA SKYAR BZHUGS TZA NA SKU BSOD DANG MNGA' THANG LA MI 'CHAM PAS, SO SO NAS 'KHRUG LONG DANG RANG GZHAN THAMS CAD CHAGS SDANG MI DGE BA STOBS CHEN 'PHEL BA'I RNAM 'GYUR MANG PO GZIGS NAS, RANG GI 'JIG RTEN 'DI'I 'KHOR LONGS
, ,SPYOD GOS DANG, MNGA' THANG BDE SKYID THAMS CAD LA GCES PAR 'DZIN PA'I 'JIG RTEN CHAGS SDANG GI KHYU NAS BUD DE, GZHAN JI LTAR 'DOD PA BZHIN BYED DU 'JUG PA DE NYID CHOS DANG MTHUN PAR DGONGS NAS GZHAN CI DGAR BCUG CING DGA' MGUR MDZAD DE, RANG NYID DVAGS KONG LA SOGS PA GZHAN LA GNOD PAR MI 'GYUR BA'I GNAS G-YENG BA MED PA RNAMS SU 'JIG RTEN GYI BYA BA THAMS CAD DOR NAS, SEMS CAN GYI DON DU BSTAN PA RIN PO CHE'I KHUR BSNAMS TE, DE YANG PHYOGS RIS KYI SDE SKYONG BA DANG, LONGS SPYOD MNGA' THANG LA MI 'CHAM PA'I SGO NAS SNGE 'KHRUG DANG, RGYAL KHAMS KYI YO BYUS YIN ZER NAS G-YO SGYU KHRAM GSUM GYI MI DGE BA DU MAS RANG GZHAN THAMS CAD PHUNG ZHING MI DGE BA 'PHEL BA'I BYA BA BYED PA RNAMS SEMS CAN GYI DON DANG BSTAN PA'I ZHABS TOG BYED PA MA YIN TE, GZHAN CHOS LA 'JUG PA LA RANG CHOS BZHIN BYED DGOS PAS, RANG CHOS BZHIN BYED PA NI BSLAB PA GSUM LA NAN TAN BYED PA DE NYID SANGS RGYAS KYI BSTAN PA 'DZIN PA DANG, SEMS CAN GYI DON YIN GSUNGS NAS CHOS RJE NYID KYANG SANGS RGYAS KYI BSTAN PA DANG SEMS CAN LA DGONGS NAS SNGON GYI MKHAS GRUB RNAMS KYI TSUL LA ZHUGS TE, GSUNG RAB LAS JI SKAD BSHAD PA BZHIN BSLAB PA GSUM LA NAN TAN DU SGRUB PA LHUR LEN CING CHOS BZHIN DU MDZAD DO, ,GZHAN YANG YI DAM CHOS SKYONG LA SOGS PA'I ZHAL BSTAN CING BYIN GYIS BRLABS PA YIN TE, DGUNG LO NYI SHU SKOR CIG BZHES PA'I SKABS SU MNAL LAM DU, CHOS RJES SKYA PAndI TA YIN ZER BA'I SKU GZUGS RING PO BYAS PA, NA BZA' THER LCAM DUR KHA GSOL BA GCIG RMIS TE, MNAL SAD
BA NA CHOS RJE BA NA BZA' SER PO RAD AE MA NABS NA SNYAM THE TSOM 'KHRUNGS SHING YOD PA NA, DUS PHYIS DPE KHANG NA CHOS RJE BA'I NA BZA' THER LCAM DUR KHA DA LTA'I MI GZUGS RING PO MIN PAS MI RDZOGS PA ZHIG BYUNG BAS SNGAR GYI RMI LAM DRAN GSUNGS, YANG BAR SKABS SHIG PAn CHEN SH'AKYA SHR'I YIN ZER BA'I DGE SBYONG GZUGS RING PO BYAS PA LA, SHA BYIN GYI CUNG PHRA BA, RAS RDO CHOS KYI PHYAR BU MNABS PA, PHRAG CHUNG BZED PA, DBYIBS MKHAN CHEN DHARMA SHR'I 'DRA BA CIG DANG MJAL NAS CHOS GSAN PA'I MNAL LAM BYUNG BA DANG, YANG LAN CIG DING RI GLANG 'KHOR YIN NAM SNYAM PA ZHIG TU PHA DAM PA YIN ZER BA'I RNAL 'BYOR BA GZI BRJID CAN ZHIG DANG MJAL NAS CHOS GSAN PA RMIS TE, DE DUS MKHAN CHEN BU STON PA LA ZHI BYED KYI SKOR RNAMS CHED DU GTAD NAS ZHU BSAM PA MED NA'ANG NYIN GCIG MKHAN CHEN PA'I ZHAL NAS, NGAS ZHI BYED KYI SKOR RNAMS NGA RANG GI KHU BO LA THOB PA YIN GSUNGS PAS RKYEN BYAS NAS ZHU BA'I 'DUN PA BYUNG STE DE LA LTA BA 'DRA ZHES GSUNGS, NGAG GZHAN YANG CHOS RGYAL 'PHAGS PA LA SOGS PA'I BLA MA GONG MA DU MA'I ZHAL GZIGS TE BYIN GYIS BRLABS SHING, YANG BLA MA TI SHR'I KUN DGA' RGYAL MTSAN SKU GSHEGS NAS, RGYAL POS BLA MA 'DI SPYAN 'DREN PA'I GSER YIG PA BTANG SKABS, DE'I GNAS TSUL GSAN PAS SA SKYA NA CHOS GSUNG 'PHRO LA SUS KYANG MTSOR BAR PHYOGS GZHAN DU 'BYON PAR BRTZAMS TE KHA'U'I LAM BRGYUD NAS DVAGS POR BYON PA NA KHA'U'I NYIN KHA PA CHEN PO ZHIG BABS PA'I LAM KHA NA, SPYANG KI'I RJES 'DRA BA SEMS CAN GANG YIN MI SHES PA CIG GI RJES GCIG 'DUG PA DE DED NAS BYON PAS DVAGS POR
, ,MA SLEBS KYI BAR DU SEMS CAN DE'I RJES 'DUG PAS LAM MA NOR PAR BYUNG, DE NI CHOS SKYONG GI RNAM 'PHRUL DU 'DUG CES GSUNGS, YANG LAN CIG RJE 'DI PA 'PHAN YUL GYI GROG NANG DU ZHAG MAL MDZAD PA'I NUB MO DGE SLONG BZANG RGYAL BAS DNGUL TAM CIG YOD PA SNGAS 'OG TU BCUG NAS NYAL BA'I TSE, GNAS TSANG DE BAS MTSAN PHYED TZAM NA DNGUL TAM DE BRKUS NAS KHYER SONG PA TSOR NAS RJES GCOD LA RGYUG PAS, GNAS TSANG GI MI RNAMS KYIS BRDUNG BRDEG BYAS, DE NAS MA 'GYANG BAR GNAS TSANG DE PA'I KHANG PA LA THOG RGYAB STE MI NGO DRAG PA DE 'DAS, DE YANG CHOS SKYONG GI NUS PAR 'DUG CES GLENG, YANG LAN CIG CHOS RDZONG GIS CHA GZIGS PAR BRTZAMS TE GZHUNG KO LA BYON PA'I TSE, KO BA RAL NAS GZHAN THAMS CAD TA BTAB POR GYUR PA NA; RJE 'DIS SKRAG MI DGOS NYEN CI YANG MED GSUNGS PAS, KO BA SLE LA THOGS NAS GNOD PA CI YANG MA BYUNG, DE'I TSE KO BA LA 'JA' GNYIS RIM GYIS ZUG PAS THAMS CAD NGO MTSAR, YANG LAN CIG DVAGS PO'I MKHAR KLU BZANG DU BZHUGS NAS DUS 'KHOR 'GREL CHEN RTZOM PA'I GRA BA MDZAD PA NA, NUB GCIG MNAL LAM DU MKHAN CHEN BU STON PA YIN SNYAM PA LA, RES 'GA' BUD MED GCIG YIN SNYAM PA ZHIG GIS SNAG BUM DANG SMYU GU GNYIS GTAD NAS MGYOGS PAR BRIS SHIG ZER BA BYUNG, GZHAN YANG 'CHAD RTZOD RTZOM GSUM GYI SGO NAS RGYAL PA'I BSTAN PA RIN PO CHE NYIN MO LTAR GSAL BAR MDZAD PA YIN TE, 'CHAD PA NYI MA'I 'OD ZER GYIS GDUL BYA'I BLO GROS KYI PADMO RAB TU RGYAS PAR MDZAD PA'I TSUL NI, GDAN SA CHEN PO DPAL LDAN SA SKYA DANG,
BO DONG, SGRO SMON CAN, MNGA' RIS GUNG THANG, LHAS, BSAM YAS, SNYE THANG CHOS RDZONG, DVAGS PO, YAR LUNG LA SOGS PA DBUS GTZANG MNGA' RIS DANG BCAS PA NAS LEGS PAR BSHAD PA DON DU GNYER BA'I MKHAS PA'I SKYE BO DPAG TU MED PA 'DUS PA RNAMS LA DBU MA RIGS PA'I TSOGS DRUG ,SPYOD 'JUG ,BYAMS CHOS LNGA, MNGON PA GONG 'OG ,TSAD MA SDE BDUN LA SOGS PA MTSAN NYID KYI PHYOGS DANG, DGYES PA RDO RJE, BDE MCHOG ,GSANG PA 'DUS PA, DUS KYI 'KHOR LO LA SOGS BRGYUD SDE RNAMS KYI DBANG DANG, RGYUD 'GREL GYI BSHAD PA, BSKYED RDZOGS NYAMS KHRID LA SOGS PA MDO DANG SNGAGS KYI CHOS KYI 'KHOR LO BSAM GYIS MI KHYAB PA BSKOR TE, GDUL BYA MTHA' YAS PA SMIN GROL GYI LAM BZANG PO LA 'GOD PAR MDZAD, KHYAD PAR DGUNG LO NGA BDUN BZHES PA'I TSE, SNYE THANG DU DBUS GTZANG GI SDE SNOD 'DZIN PA PHAL MO CHE 'DUS PA LA DUS KYI 'KHOR LO'I RGYUD DANG, DE'I 'GREL PA DRI MED 'OD KYI BSHAD LUNG RGYAS PAR STZAL, DUS 'KHOR GYI 'CHAD NYAN GCIG LA DBUS RANG DU SDE SNOD 'DZIN PA'I TSOGS PA DE LAS CHE BA MA BYUNG BAR GRAG ,YANG DGUNG LO DRUG CU RE GCIG TZAM BA ZHES PA'I TSE, BO DONG AE'I CHOS GRVA CHEN POR, MKHAS GRUB PHYOGS LAS RNAM RGYAL DANG, LO CHEN BYANG CHUB RTZE MO LA SOGS PA SDE SNOD 'DZIN PA PHAL CHE BA 'DUS PAR, ZLA BA BZHI TZAM GYI RING DUS KYI 'KHOR LO'I RGYUD 'GREL GYI BSHAD PA YANG DAG PAR STZAL, GTZANG PHYOGS SU DUS 'KHOR GYI 'CHAD NYAN GCIG LA TSOGS PA DE LAS CHE BA MA BYUNG BAR GRAG ,YANG SNYE THANG CHOS RDZONG DU BZHUGS SKABS SHIG THAMS CAD MKHYEN PA TZONG KHA BA CHEN POS KYANG ZHABS LA GTUGS TE, 'JAM DBYANGS AA RA PA TZA NA'I RJES GNANG, BDE MCHOG DRIL BU LUS DKYIL
, ,GYI DBANG, GUR MGON GYI RJES GNANG RNAMS GSAN, YANG RJE 'DIS NYAN PO DGON PAR PHAR PHYIN GSUNGS PA'I TSE, DE'I SNGA ROL ZHAG 'GA' NA 'PHAN YUL GYI GRO BA KUN MKHYEN ZHES GRUB THOB CHEN PO ZHIG BZHUGS PA DE'I NYAMS SNANG LA, NYAN PO DGON PA NA BCOM LDAN 'DAS SH'AKYA THUB PA 'KHOR MANG PO LA CHOS GSUNG GI NA 'DUG PA CIG BYUNG, DE NAS ZHAG MA KHA SHAS 'DAS PA NA RJE 'DIS PHAR PHYIN GSUNG BAR MDZAD PAS, GRUB PA'I DBANG PHYUG DE YANG RJE 'DI LA DAD PA TSAD MED PA SKYES, DE'I TSE STOD LUNG NAS DGE BSHES SHES RAB RDO RJE GROGS MANG PO DANG BCAS MJAL DU 'ONG BAR, RJE 'DI NYID NYAN PO'I CHOS KHRI'I STENG NAS BZHUGS PA, RGYANG RING PO NAS 'JAM PA'I DBYANGS 'OD ZER DANG BCAS PA'I RNAM PAR MNGON SUM DU MTHONG BAS, SHES RAB RDO RJE YID RANG DBANG MED PAR DAD NAS MYUR BAR RJE NYID KYI DRUNG DU PHYIN TE SKU DRUNG DU SLEB PA NA PHYAG RTEN 'BUL RGYU CIG BSAM PAS TSONG BYA RGYU'I MAndAL CIG YOD PA DRAN NAS DE LAG TU THOGS PA NA MAndAL GYI RGYAN GZHAN NI MED PAR RANG GI LAG PA'I SOR MO LNGA BCAD DE MTHE BONG LA RI BO MCHOG RAB, GZHAN BZHI LA GLING BZHI BYAS LA 'BUL SNYAM NAS RDO MKHREGS PA CIG KYANG LAG TU KHYER NAS, RJE NYID KYI SKU MDUN DU SLEBS PA'I MONG MAndAL MDUN DU BZHAG STE, LAG PA G-YAS PAS RDO DE BZUNG NAS THE TZOM MED PAR LAG PA G-YON PA'I SOR MO LA BSNUN PAS GUNG MDZUB GNYIS CHAD, GZHAN RNAMS MA CHAD PA TZAM DU GYUR KYANG, KHONG RANG YID DGA' SPRO DANG BCAS PA MA GTOGS PA SDUG BSNGAL CUNG ZAD KYANG MA BYUNG BA LA, RJE NYID TAB TAB POR GYUR TE PHYAG PHYIS KYI DAR KHA GANG GIS SOR MO RNAMS DKRIS, ZHAL CHAB MANG PO BTAB CING BZHAG STE, DE'I NUB
MO N'A RO MKHA' SPYOD KYI BYIN RLABS GCIG GNANG BAS, ZHAG GCIG GNYIS NAS SOR MO RNAMS RMA RJES MED PAR SOS TE, DE NAS DGE BSHES SHES RAB RDO RJE DE LA DAG PA'I SNANG BA DANG BYIN RLABS NUS PA DANG LDAN PA BYUNG ZHING, MI PHYED PA'I DANG PA BRTAN PO THOB PO, ,DE LTA BU'I SNYAN PA'I GRAGS PA PHYOGS KUN TU KHYAB PAR GYUR TE, THUN MONG RIG PA'I GNAS LNGA LA MKHAS PAS PHYI ROL PA'I BRAM ZE'I RIGS KYI PAndI TA CHEN PO BI DYA KA RA KI RI DANG, TA BHU BA KI RI CES PA GNYIS RGYA GAR GYI YUL NAS BYANG PHYOGS SU 'ONG STE, 'DI YI SKU YI SNYAN PA'I GRAGS PA TSOR NAS MJAL DU 'ONG BAS ZHAL MTHONG BA'I MDO LA SNGON GYI LAS KYI SGRIB BZAD DE, SKYES BU DAM PA 'DI LA YID CHES KYI DAD PA SKYES NAS RTAG RNAM RTZEN ZHES BYA BA'I SNGE BA SBYOR GYIS BCINGS PA'I BSTOD PA NGO MTSAR BA ZHIG KYANG PHUL, SANGS RGYAS KYI BSTAN PA LA DAD DE RAB TU BYUNG BAR MDZAD CING, MA H'A M'A YA DANG, SGROL MA LA SOGS PA'I DBANG BSKUR YANG STZAL TE DAM PA'I CHOS KYIS TSIM PAR MDZAD DO, ,DE YANG BU HRANGS, MNGA' RIS SKOR GSUM, DBUS GTZANG KHAMS GSUM NA BZHUGS PA'I MKHAS PA RNAMS KYIS RJE 'DI'I ZHABS LA GTUGS TE LEGS BSHAD KYI BGO SKAL LEN PAR MDZAD PAS, SLOB MA'I TSOGS KYANG SA CHEN PO LA NAGS TSAL PHRENG BA TSAR DU DNGAR BA LTAR MCHIS SO, ,RTZOD BA GNAM LCAGS KYI RDO RJES LOG RTOG GI BRAG RI SNYIL BAR MDZAD PA'I TSUL NI, RGOL BA MKHAS PAR GRAGS PA DU MAS MDO SNGAGS KYI DKA' GNAD JI LTAR DRIS KYANG YID CHES PA'I LUNG DANG, DNGOS STOBS KYI RIGS PA'I SGO NAS THE TSOM GYI DRA BA SEL BAR MDZAD PA DANG, BDE BAR GSHEGS PA'I GRUB MTHA' LA MA RTOGS PA DANG LOG PAR RTOG PA DANG, MA NGES PAR SMRA
, ,BA'I SMRA BA NGAN PA MTHA' DAG DRI MA MED PA'I RIGS PAS TSAR BCAD NAS PHYIN CI MA LOG PA'I GRUB MTHA' LA 'GOD PAR MDZAD PA'O, ,RTZOM PA NOR BU'I PHRENG BAS MKHAS PA RNAMS KYI MGUL BA BRGYAN PAR MDZAD PA'I TSUL NI, RGYAS PA'I BSTAN BCOS TSAD MA RNAM 'GREL GYI t'IKKA RGYAS 'BRING BSDUS GSUM, MNGON RTOGS RGYAN GYI t'IKKA RGYAS BSDUS GNYIS, DE'I LHAN THABS MDO DANG SBYAR BA GCIG ,SPYOD 'JUG GI t'IKKA SA BCAD DANG BCAS PA, MDO SDE RGYAN DANG, RGYUD BLA MA GNYIS LA t'IKKA SA BCAD DANG BCAS PA RE RE, 'BYED RNAM GNYIS LA t'IKKA RE RE, RIGS PA DRUG CU PA, STONG NYID BDUN CU PA, RTZOD PA BZLOG PA, ZHIB MO RNAM 'THAG RNAMS LA t'IKKA SA BCAD DANG BCAS PA RE RE, BSHES SPRINGS KYI t'IKKA, SGRA'I BSTAN BCOS KA L'A PA'I t'IKKA, DUS 'KHOR 'GREL CHEN GYI t'IKKA, SA BCAD, CHOS 'BYUNG, DUS BZHI STONG PAR 'JUG TSUL GYI RTZIS BZHI, THUGS DKYIL GYI BSRUNG 'KHOR MNGON RTOGS, DKYIL 'KHOR YONGS RDZOGS KYI BSRUNG 'KHOR, MNGON RTOGS, DKYIL CHOG ,SBYOR DRUG GI KHRID YIG ,NGO SPROD CHEN MO, THUGS RJE CHEN PO'I DMAR KHRID NGO SPROD DANG BCAS PA, DGES PA RDO RJE'I RTZA RGYUD KYI 'GREL PA RGYAS BSDUS GNYIS, MNGON RTOGS YAN LAG DRUG PA, DKYIL 'KHOR BDUN BSRE'I TSUL GCIG ,LUS DKYIL GYI DBANG CHOG ,LAM DUS KYI KHRID YIG ,GUR RIGS BSDUS KYIS CHOG ,MNGON RTOGS, DKYIL CHOG ,CHOS SKYONG GI BSTOD PA GNYIS, PHUR MCHOD RGYAS PA'I YIG CHA GCIG ,LAM 'BRAS BLA MA BRGYUD PA'I GSOL 'DEBS, LAM 'BRAS KYI KHRID YIG ,GZHUNG BSHAD, BHA YA NI'I SGRUB THABS, DRIL BU PA'I SGRUB THABS, LU AI BA'I SGRUB THABS,
GSHED DMAR LHA LNGA'I MNGON RTOGS, RDO RJE PHUR PA'I MNGON RTOGS RGYAS 'BRING BSDUS GSUM, DKYIL CHOG ,DRAG PO'I RJES GNANG BYA TSUL, RDOR DBYINGS KYI DKYIL CHOG RGYAS BSDUS GNYIS, SA CHOG GI BKA' BSGO'I TSIGS BCAD, DPAL MCHOG RDOR SEMS KYI DKYIL CHOG ,MGON PO PHYAG BZHI PA'I GTOR CHOG ,LNGA LDAN GYI KHRID YIG ,RAB GNAS NYIN GCIG MA, SGROL MA DKAR MO'I SGRUB THABS DANG SBYIN SREG ,RJES GNANG, SGROL MA MAndAL BZHI PA'I CHO GA ,'OD ZER CAN PHYAG GNYIS MA'I SGRUB THABS, SBYIN SREG ,SANGS RGYAS KYI MTSAN 'BUM PHYAG 'TSAL DANG BCAS PA DRUG DANG, BLA MA'I MTSAN 'BUM CHA GNYIS KYI MGO DRANGS NAS GZUNGS 'BUM THAMS CAD PHYOGS GCIG TU BYAS PA RGYAS 'BRING BSDUS GSUM, MTHAR BKRA SHIS BSNGO BA SMON LAM GYIS BRGYAN PA, SMON PA SEMS BSKYED KYI CHO GA RGYAS 'BRING BSDUS GSUM, 'JUG PA SEMS BSKYED KYI CHO GA ,MKHAN PO ZHI BA 'TSO'I BSTOD PA, DRUNG DON YOD PA LA BSTOD PA, THUB PA'I BSTOD PA MKHAS PA'I YID 'PHROG ,DE'I SA BCAD, SGROL MA'I BSTOD PA, LO TZ'A BA BLO GROS BSTAN PA LA SPRINGS YIG ,RGYA MA RIN PO CHE LA SPRINGS YIG ,'BRI GUNG BLA MA KUN RGYAL BA LA SPRINGS YIG ,TSAL PA KUN DGA' RDO RJE LA SPRINGS YIG LA SOGS PA SPRINGS YIG GI SKOR THOR BU BA DANG BCAS MDZAD DO, ,MI 'JIGS PA SKYABS KYI SBYIN PA YANG MI NAG CAN SKYABS TSOL DU 'ONGS PA RNAMS THABS DU MA'I SGO NAS 'JIGS PA DE DAG LAS SKYOBS PAR MDZAD PA, ZANG ZING GI SBYIN PA YANG DAD 'BUL GYI RNYED PA BYUNG BA THAMS CAD DKON MCHOG GI ZHABS TOG ,SKU GSUNG THUGS KYI RTEN BZHENGS PA, BLA MA RNAMS KYI DUS MCHOD, DGE 'DUN LA BSNYEN BKUR, DBUL PHONGS RNAMS
, ,LA SBYIN PA GTONG PA SOGS GZHAN DON KHO NA LAS RANG DON DU CUNG ZAD TZAM YANG CHUD 'DZA' BAR MI MDZAD DO, ,RGYUN GYI THUGS DAM GYI RIM PA'ANG THO RANGS SNGA BAR BZHENGS NAS BLA MA'I RNAL 'BYOR TSAR GSUM KHUG PA'I MAN NGAG DANG BCAS PA BSGOM PAR MDZAD, DE NAS DUS 'KHOR DANG LAM 'BRAS KYI RLUNG SBYOR DANG, LTA KHRID SKYONG BAR MDZAD, DE NAS TSA GONG DU DKAR GTOR CHA BZHI DANG, DZAM BHA LA'I CHU SBYIN LA SOGS PA GNANG, NYIN GUNG GI CHA LA 'CHAD RTZOD RTZOM GSUM MDZAD PA'I ZHOR LA GTOR MA BRGYA RTZA SOGS GTOR MA'I RIM PA RNAMS GTONG BAR MDZAD, DE NAS SHER SNYING GANG 'GRUB RE DANG, SGROL MA MAndAL BZHI PA, 'OD ZER CAN GYI BSGOM BZLAS RNAMS MA CHAG PAR MDZAD, DGONG MO BDE MCHOG DANG KYEE RDOR GANG RUNG GI BDAG BSKYED LA BRTEN NAS DBANG RGYAS BSDUS GANG LCOGS RE MA CHAG BAR MDZAD DO, ,DGUNG LO DRUG CU RE BZHI BZHES PA'I TSE, CHOS RDZONG DU BSTAN PA'I GSAL BYED DGE PA'I BSHES GNYEN MANG PO LA NGAS DBANG BSKUR BYED PA'I THA MA YIN, DA LAN SHOG GSUNGS NAS DPAL DUS KYI 'KHOR LO'I DKYIL 'KHOR DU DBANG BSKUR, DE'I TSE ME TOG GI CHAR CHEN PO BAB, MGUR CHAM ZHIG LA BRTEN NAS SKU KHAMS CUNG ZAD LTEM YANG, YAR LUNG CHOS 'KHOR LA GDAN 'DREN PA LA, CHOS RDZONG NAS 'JANG NAS 'JANG GI GTZUG LAG KHANG DU PHEBS, SONG CHU'I KO BA LA BYON PA'I TSE, 'DI RANG NGA'I KO PA'I THA MA YIN NAM GSUNG, 'ON KYANG 'U SHANG RDOR PHEBS PA NA RDO RING GI RTZA BA NAS GTZUG LAG KHANG LA PHYAG GRANGS LAS 'DAS PA DPAG TU MED PA MDZAD, RDO RAR PHEBS PA'I NUB MO KHAR SANG 'JANG DU BSDAD PA'I NUB MO DE SO MA BSOD GSUNGS, DE CI LAGS ZHUS PAS, DE NUB DBUS KYI LHA 'DRE THAMS
CAD YIN ZER BA'I 'BAG GYON PA DANG, 'CHAM SKU 'DRA DANG, SEMS CAN GYI RIGS GZUGS SNA TSOGS PA MANG PO ZHIG 'DUS NAS MDUN DU GRAL KA 'DRA CIG BYAS NAS ZHU BA BYA RGYU YOD PA YIN ZER, DE'I NANG GI BUD MED CIG LA KHYOD KYIS ZHU BA GYIS LA, 'DI NAS GZHAN DU MI 'BYON PAR GSOL BA THOB ZER BA'I SNANG BA ZHIG BYUNG, DE NI CHOS RDZONG GI GZHI BDAG MO'I 'PHRUL YIN PAR 'DUG GSUNGS, 'O NA DA RUNG BYON PA MI 'THAD DAM ZHUS PAS, BSAM YAS SU BSDAD PAS CHOG GSUNGS NAS BSAM YAS SU BYON, DER MKHAN CHEN ZHI PA 'TSO'I DBU THOD GDAN DRANGS NAS 'DI 'U CAG BOD LA BKA' DRIN CHE BA YIN GSUNGS NAS NYIN RE BZHIN SKU KHAMS KYIS MI LCOGS BZHIN DU PHYAG BRGYA RTZA DANG, MCHOD PA RGYA CHER PHUL NAS SMON LAM 'DEBS PAR MDZAD, DE NAS SKU BSNYUNG PA'I TSE DGA' LDAN PA'I LHA YIN ZER BA CIG GIS RIN PO CHE'I KHRI CIG DANG, SGROM BU CIG KHYER NAS BLA MA GDAN 'DREN PA YIN ZER PA'I SNANG BA CIG BYUNG GSUNGS, BZHUGS PAR GSOL BA BTAB PAS KHONG RNAMS RE ZHIG LOG SONG GSUNGS NAS, YANG SKABS SHIG NAD NANG THO RANGS MKHAN CHEN BU STON RIN PO CHE BZHUGS PA'I SA CIG NA RDO RJE RNAL 'BYOR MA YIN SNYAM PA GCIG 'DUG PA, MKHAN CHEN BU STON PA NA RE, 'DI MKHA' SPYOD MA YIN NO GSUNGS PA'I SNANG BA GCIG BYUNG GSUNGS, SKU NA GZHON DUS SU YANG PHA DAM PA, KHA CHE PAn CHEN, SA SKYA PAn CHEN LA SOGS PA DANG MNAL LAM DU 'JAL ZHING, YANG NYIN CIG CHEN PO DGE SLONG BAS, GZIGS SNANG ZHIG RGYUN DU YOD PA'I RNAM BZHIG 'DUG PA JI LTAR LAGS ZHUS PAS, RJE 'DIS PHYAG MJUB KYI TSIGS LA TSOD MDZAD NAS, 'DI KA TZAM PA'I DE BZHIN GSHEGS
, ,PA MANG POS ZHING 'DI THAMS CAD GANG 'DUG GSUNGS PA LA, DE RNAMS BLA MA GONG MA RNAMS KYI THUGS DAM GYI LHA TSOGS LAGS SAM ZHUS PAS, DE MIN DE TSO THAMS CAD KHA SANG NAS BYON TSAR, RANG RES BLO KHEL NA DKON MCHOG GIS MI BSLU BA BDEN PAR 'DUG GSUNG, DGUNG LO DRUG CU RE BZHI PA ZHES PA'I YOS LO ZLA PA DRUG PA'I BCU DGU'I NYIN, THAMS CAD MTHUN SNANG DU GRUB PAR DRI ZHIM PO'I NGAD LDANG BA BYUNG BAS, KHYED RNAMS KYIS SPOS CI 'DRA ZHIG BSREGS PA YIN GSUNGS PAR BSREGS PA MED ZHUS PAS, LHA'I DRI BSUNG GIS KUN NAS KHYAB PA ZHIG BYUNG GSUNG, NYI SHU'I NYIN SLOB MA RNAMS LA ZHAL CHEMS MANG PO GNANG ZHING, KHYAD PAR DU SKUR BA'I GZHI BYUNG GI DOGS NAS, NGAS LO BCU BDUN LA RAB TU BYUNG BA NAS, DENG PHAN CHAD 'DUL KHRIMS LA NGO LKOG MED PAR RNAM PAR DAG PA YOD PAS, DA LA RAB TU BYUNG BA DANG, BSNYEN PAR RDZOGS PAR BYAS PA THAMS CAD YID BRTAN DU RUNG BA YOD CES GSUNG SHOG MDZAD, DE THAMS CAD DPANG DU BZHAG STE NAN TAN DU MDZAD DO, ,JI SRID BSNYUNG GI BAR LA'ANG THUGS DAM GYI RIM PA THAMS CAD CHAG PA'I SKABS MED CING, KHYAD PAR DU NYI SHU LNGA'I NYIN YANG PHYAG GIS 'PHRENG BA 'DZIN SHUGS MED BZHIN DU, DRUNG NA GNAS PA KUN LA PHRENG PA'I SNE MO DANG GRANGS 'DZIN DU BCU GNAS BSNYEN PA'I RiM PA RNAMS MDZAD DO, ,NYI SHU LNGA'I NYI MA PHYED TZAM NA MCHOD PA DANG GTOR MA BZANG PO SHOMS GSUNG, BSHAMS PAS SNGAGS DANG PHYAG RGYA TING NGE 'DZIN GYIS BYIN RLABS RGYAS PAR MDZAD NAS YI DAM MANG PO'I SNGAGS DANG PHYAG RGYA MANG PO MDZAD NAS
PHUL TE GSOL BA BTAB, SMON LAM YANG MANG PO 'DEBS PA GNANG, DA GONG MO'I TSE DO NUB MAR ME GSAL BO GRABS KYIS, KHYED RNAMS LA BREL PA ZHIG BYUNG NYEN YOD DO GSUNGS, THUGS DAM GYI RIM PA THAMS CAD GRUB, SROD KYI DUS SU ZHABS DRUNG NAG NAS PA KUN LA KHYED RNAMS RE ZHIG RANGS PAR RGYUG GSUNGS NAS SONG, CHEN PO RIN RGYAL DANG, DGE BSHES BZANG RGYAL GNYIS ZHABS DRUNG NA YOD PA'I TSE, 'O DA RAN BYUNG GSUNGS NAS BZHENGS PA'I TSUL MDZAD KYIN 'DUG ,ZER MA CIG 'ONG BA LAGS SAM ZHUS PAS, MIN NGA RANG LA RGYUS ZHIG BDOG GI COG GE MA REG PAR ZHOG CIG GSUNGS NAS, 'DI 'DRA BA'I BDE BA, MI 'GYUR BA'I BDE BA, 'DZAG MED KYI BDE BA ZHES SOGS DANG, RDO RJE'I TSIG ,THIG LE STONG PA 'GYUR MED DRUG ,DBU MA'I THIG LE, STONG PA NYID KYI THIG LE ZHES BRDA'I TSIG MANG PO GSUNGS SHING GZUGS SKU'I BKOD PA CHOS KYI DBYINGS SU BSDUS PA'I TSUL BSTAN TO, ,DE'I TSE SNGA DRO SA G-YO BA DANG, NAM MKHA' LAS SGRA CHEN PO GRAGS PA KUN GYIS TSOR ZHING ME TOG GI CHAR KHA BA BU YUG LTAR DU 'BAB PAR GYUR, GDUNG ZHUGS LA ZHEN PA'I TSE NAM MKHA' LAS 'JA' SHAR ZHING ME TOG GI CHAR BABS, RING BSREL YANG MANG DU BYON NO, ,DBU THOD RIL POR BYON PA RIN CHEN SGANG GI NANG RTEN DU BZHUGS SU GSOL, SKU GDUNG SA SKYA LA SOGS PA GANG DU SPYAN DRANGS PA'I SA DANG, ZLA MCHOD KYI TSE YANG ME TOG GI CHAR CHEN PO 'BAB BA SKYE BO RNAMS KYIS MTHUN SNANG DU MTHONG BAR GYUR TO, ,LHAG BSAM BA DAN STONG GIS RAB MDZES PA'I, ,RGYA CHEN BRTZON PA'I GZINGS DANG 'GROGS PA KHYOD, ,RANG GZHAN GRUB MTHA' RGYA MTSO'I MTHAR SON TE, ,
, ,LUNG RTOGS NOR BU'I GAN MDZOD BDAG GIR MDZAD, KHYOD KYI ZAB YANGS MKHYEN PA'I DKYIL 'KHOR LAS, ,MTHA' YAS LEGS BSHAD 'OD ZER SPRO BA YIS, ,BU RAM SHING BSTAN PADMA DKAR PO'I TSAL, ,BSHAD SGRUB SBRANG RTZI'I KHUR GYIS DUD PAR GYUR, ,GANGS CAN LJONGS GNAS MKHAS GRUB MTHA' DAG GIS, KHYOD ZHABS GTZUG RGYAN NYID DU BYAS GYUR PA, ,DE TSE RAB DKAR GRAGS PA'I DO SHAL GYIS, ,PHYOGS KYI BU MO'I MGRIN PA SKAL BZANG BYED, CES PA NI DPAL LDAN BLA MA DAM PA BSOD NAMS RGYAL MTSAN DU SKU'I SKYE BA BZHES PA'I YAL 'DAB STE DGU PA'O,, ` ,,SMON LAM RTA BDUN BZHON PA LA BRTEN NAS, ,SKAL BZANG DAD PA'I MKHA' LA RNAM PAR RGYU, ,'PHRIN LAS 'OD STONG PHYOGS BCUR 'GYED MDZAD PA, ,BYAMS CHEN CHOS RJE'I ZHABS LA GUS PAS 'DUD, ,DE YANG 'KHRUNGS RABS LAS, KHYAD PAR KHAMS GSUM 'DREN MCHOG BTZONG KHA PA'I, ,SRAS KYI MCHOG GYUR BYAMS CHEN CHOS KYI RJE, ,GOO TA BSTAN PA'I SNYING PO'I SNANG BYED MCHOG ,KHYAB BDAG 'KHOR LO'I MGON POR GSOL BA 'DEBS ZHES GSUNGS PA LTAR, BYAMS CHEN CHOS RJE SH'AKYA YE SHES PAR SKU'I SKYE BA BZHES PA'I TSUL NI, LHA LDAN SPRUL PA'I GTZUG LAG KHANG GI BYA 'DAB, ZHANG 'GRO BA'I MGON PO G-YU BRAG PA'i GDAN SA, TSAL GUNG THANG GI ZHOL DU SKU BLTAMS, CHUNG DU NAS SNGON GNAS RJES DRAN GYI GSUNG MANG DU BYON, DAM PA'I RIGS KYI BAG CHAGS YONGS SU SAD DE SANGS RGYAS KYI BSTAN PA'I SGOR ZHUGS NAS RAB TU BYUNG STE MTSAN SH'AKYA YE SHES SU GSOL, DE NAS BRTZAMS TE THUB PA'I BRTUL ZHUGS KYIS SGO GSUM YANG DAG PAR BSDAMS
SHING, YI GE 'BRI KLOG SOGS CHOS SPYOD KYI BYA BA LA BRTZON PAR MDZAD, BSHES GNYEN DU MA'I ZHABS PAD BSTEN NAS GZHUNG LUGS LA SBYANGS PAS MKHAS PA'I GO 'PHANG BRNYES SHING, KHYAD PAR DU CHOS KYI RGYAL PO BTZONG KHA PA CHEN PO'I ZHABS PAD BSTEN NAS RTZA BA SHES RAB, BZHI BRGYA PA, BYANG CHUB LAM RIM, GSANG SNGAGS LAM RIM, GSANG 'DUS RIM LNGA, RTZA LTUNG RNAM BSHAD, BLA MA LNGA BCU PA SOGS MDO SNGAGS KYI CHOS MANG DU GSAN, NGAG RGYUN LTAR NA RJE RIN PO CHE'I GSOL BA 'DREN MKHAN YIN ZHES GRAGS LA, GANG LTAR YANG RJE RIN PO CHE DANG MI 'BRAL BAR MDZAD NAS MDO SNGAGS KYI CHOS THAMS CAD BUM PA GANG BYO'I TSUL DU GSAN PA ZHIG YIN PAR 'DUG ,LHAG PAR BYAMS SNYING RJE'I NYAMS LEN DANG, TSUL KHRIMS LA GCES SPRAS SU MDZAD CING SBAS PA'I TSUL GYIS GSANG 'DUS KYI BSKYED RDZOGS LA NYAMS LEN GTZO BOR MDZAD PA ZHIG STE, CHOS RJE 'DI BAS ZHUS NAS, GSANG 'DUS KYI BSRE BA SKOR DGU'I MAN NGAG RJE RIN PO CHES GNANG BA GSUNG 'BUM DU BZHUGS PA LTAR RO, ,BAR SKABS SHIG ,RGYA NAG GONG MA T'A MING YUNG LO RGYAL BOS, GANGS CAN GYI LJONGS NAS MCHOD GNAS SU 'OS PA'I SKYES MCHOG DAM PA ZHIG GDAN 'DREN PAR DGONGS PA NA, RJE RIN PO CHE'I SNYAN GRAGS GSAN NAS T'A ZHIN BZHIS GTZO BYAS BANG CHEN PA RNAMS MNGAGS PA BOD DU 'BYOR BA'I TSE, RJE RIN PO CHE NYID THOG MAR SKU MTSAMS SHIN TU DAM PAR BZHUGS NAS MJAL KHA MA GNANG, DE NAS MI DBANG GRAGS PA RGYAL MTSAN PAS GTZO MDZAD DPON NAM MKHA' BZANG PO BA DANG BCAS PA NGO CHEN DU SPRAN NAS, GSER YIG PA RNAMS KYI MIG NAS MCHI MA PHYUNG ZHING ZHU BA NAN CHER PHUL BAS, SE RAR PHEBS
, ,NAS GSER YIG PA RNAMS LA MJAL KHA GNANG, GONG MA CHEN PO'I BKA' LUNG DANG, GNANG SBYIN GYA NOM BA PHUL BA RNAMS KYANG BZHES, RJE RANG NYID RGYA NAG TU PHEBS NA DGAG BYA CHE ZHING, DGOS PA CHUNG BA'I RGYU MTSAN DANG BCAS GSUNGS NAS MI 'BYON PAR THAG BCAD, DE NAS GSER YIG PA RNAMS KYIS RJE NYID PHEBS MA THUB KYANG, RJE NYID DANG KHYAD PAR MED PA'I SLOB MA ZHIG MCHOD GNAS SU GTONG DGOS TSUL ZHUS PAS, RANG GI SLOB MA MKHAS GRUB MTHA' YAS PA YOD PA'I NANG NAS CHOS RJE 'DI BA SKU TSAB TU 'BYON DGOS PA'I BKA' DANG, 'GRO DON JI LTAR BYA TSUL GYI BSLAB STON ZHIB PAR STZAL ZHING, RGYAL CHEN RNAM THOS SRAS CHOS RJE 'DI'I 'PHRIN LAS BSGRUB PA'I BSRUNG MAR BSKO BAR MDZAD, LO RGYUS 'GA' ZHIG LAS, GSER YIG PA RNAMS KYIS RJE RIN PO CHE GDAN MA 'DRONGS PAR PHYIR LOG STE GONG MAR RGYU MTSAN ZHUS PAS, RJE RIN PO CHE PHEBS MA THUB KYANG RJE RIN PO CHE'I SLOB MA ZHIG GDAN 'DREN DGOS, ZHES BAD CHEN PA BTANG BA LA BRTEN NAS CHOS RJE 'DI PHEBS PA YIN ZHES BA'ANG 'DUG PAS BRTAG ,DE NAS CHOS RJE 'DI BA DPON SLOB RNAMS DANG, T'A ZHIN BZHI BCAS LHO KHAMS LI THANG GI SA CHA BRGYUD DE RGYA NAG TU BYON, ZI'U CHON DU PHEBS PA'I TSE, RGYA'I DPON BO RNAMS KYIS DMAG MI DANG BCAS TE BSUS, DE NAS THEN TU HU'I MKHAR DU BYON PA'I TSE, GONG MA CHEN PO NAS T'A ZHIN BZHI GNANG SBYIN GYA NOM PA DANG BCAS BSU BAR BTANG BA'AD 'BYOR TE, RGYAL PO'I BKA' LAS, SH'AKYA YE SHES ZHES BYA BA'I BLA MA KHYOD, RTOGS PA'I YON TAN MTHO ZHING CHE BA, SHES RAB CHE ZHING GSAL BA, SMON LAM GYI
MTHU STE BAS ZAB PA, DE BZHIN GSHEGS PA'I RTOGS PA DANG LDAN PA, GDUL BYA ZHI BA'I THABS KYIS 'DUL BAR BYED PA, ZHI BA'I 'PHRIN LAS BSAM GYIS MI KHYAB PA MNGA' BA YIN ZHES THOS NAS, THE KYEN HA'U ZHEN GYIS GTZOS BANG CHEN BA RNAMS MNGAGS TE TSUL MTHUN GYI BKA'I LUNG GIS GDAN DRANGS PAR, DA LTA BLA MA KHYOD BOD YUL NAS CHIBS KHA BSGYUR BA'I LAM BAR NA, NYI LHAG TSA GRANG LA MA 'DZEM PAR BGROD NAS DPAG TSAD KHRI PHRAG DU MA'I SA CHA BRGYUD DE PHYOGS 'DIR PHEBS PAS BDAG DGA' BA DPAG TU MED PA SKYES, DA RTEN 'BREL LEGS PA 'GRIG PA'I CHED DU 'BUL BA BSU BA GZAB RGYAS SU BTANG BA YIN TE, 'DI NI BDAG YID SPRO BA'I RTAGS YIN ZHES PA'I LUNG DANG, ZAD ZING GI SKYES GYA NOM BA BSKUR BA RNAMS KYANG PHUL, DE NAS RIM GYIS BYON TE GONG MA'I PHO BRANG DANG NYE BAR PHEBS PA'I TSE, CO MIN THI'I TUS GTZO BYAS BLON PO RNAMS KYIS BSUS TE, PHO BRANG GI NANG MKHAR SER PO'I BYANG PHYOGS SU HE YIN ZI ZHES BYA BA'I DGON PAR BYON NAS BZHUGS, DE NAS RGYAL BO'I PHO BRANG NANG MA T'A SHIN TIN BYA BAR GONG MA DANG MJAL 'PHRAD MDZAD, DE'I TSO GONG MA CHEN PO NAS BKUR STI DANG THUGS SHIN TU DGYES PA'I GSUNG 'PHROS MANG PO GNANG ZHING, YUL LUGS KYI STON MO YANG RGYAS PAR PHUL, RGYAL PO'I BKA' LAS, DA KHYED RANG HE YIN tI ZHES BYA BA'I DGON PAR BZHUGS NAS RGYUD SDE BZHI'I DKYIL 'KHOR GYI SGRUB MCHOD BYED DGOS ZHES GSUNG GNANG, DE NAS RJE 'DI BA DPON SLOB RNAMS KYIS GSANG 'DUS, BDE MCHOG ,'KHOR CHEN, 'JIGS BYED ZHE DGU MA, SMAN BLA RNAMS KYI SGRUB MCHOD RGYAS PAR MDZAD, DE'I TSE NAM MKHA' LAS LHA RNAMS KYIS ROL MO'I SGRA
, ,BSGRAGS PA YANG KUN GYIS TSOR ZHING, NAM MKHA'I NGOS SU RGYAL MTSAN RDO RJE 'KHOR LO PADMA SNA TSOGS RDO RJE'I DBYIBS CAN GYI 'JA' TSON YANG YANG SHAR BA SKYE BO THAMS CAD KYIS MTHUN SNANG DU MTHONG, SPRIN DANG BRAL BA'I NAM MKHA' LAS ME TOG GI CHAR BA BAS PA YANG LAN DU MAR BYUNG BAS THAMS CAD YID CHES KYI DAD PA THOB, RGYAL BO'I MNAL LAM DU YANG HE YIN ZI'I STENG GI NAM MKHA' LA PHYOGS BCU'I SANGS RGYAS BYANG SEMS THAMS CAD BYON NAS BZHUGS PA RMIS, CHOS RJE 'DI BA'I RMI LAM DU YANG SGRUB MCHOD MDZAD PA'I DKYIL 'KHOR GYI LHA TSOGS YANG YANG GZIGS PA'I SNANG BA BYUNG, DE'I TSE RGYAL PO CHEN PO THUGS SHIN TU DGYES SHING YID CHES KYI DAD BA LHAG PAR SKYES TE, CHOS RJE 'DI LA, THAMS CAD MKHYEN PA, BLO GROS CHEN PO, KUN GYI SKYOB PA, BYAMS PA CHEN PO, YANGS PA'I RGYAL KHAMS THAMS CAD BDE BAR SPYOR BA, KUN GYI GTZUG TU DBANG BSKUR BA, NUB PHYOGS KYI RGYAL BA'I SRAS PO, SKYID PA'I RGYAL SRID Mi 'GYUR BRTAN PA'I BLA MA CHEN PO, T'A KO'U SHR'I BYAMS CHEN CHOS RJE ZHES PA'I MTSAN DANG, GSER NAG LAS GRUB PA'I THAM KA DANG BCAS PHUL TE BSTAN 'DZIN MTHA' DAG GI GTZUG RGYAN DU MNGA' GSOL, DE NAS T'A SHEN TIN ZHES PA'I PHO BRANG DU GDAN DRANGS NAS RGYAL BO RANG DANG BZHUGS GDAN MTHO DMAN 'DRA BAR MDZAD CING, YUL LUGS KYI STON MO YANG GZAB STE PHUL, DE NAS GONG MA BDAG PO CHEN PO LA GRUB RGYAL MA'I LUGS KYI TSE DBANG, GRUB CHEN TE LO PA'I LUGS KYI BDE MCHOG 'CHI BA MTHAR BYED KYI DBANG DANG BCAS PHUL, GONG MA'I DBU THOG TU BUM PA BZHAG
BA'I TSE BDUD RTZI BUM PA'I KHA NAS LUD PA DANG, TSE RIL LAS 'OD 'PHRO BA SOGS BYUNG BAS RGYAL PO YANG LHAG PAR DAD PA SKYES, YON DU ZANG ZING GI DNGOS PO GTOS CHE BA PHUL, NUS PA STON PA'I PHYIR RGYA NAG TU RDZU 'PHRUL GYIS KHA BA CHEN PO YANG PHAB BAS THAMS CAD YID CHES, DE NAS RGYAL PO LA DGONGS PA ZHUS TE RI BO RTZE LNGAR BYON NAS GNAS MJAL MDZAD, DE'I TSE NAM MKHA' LAS 'JA' TSON SHAR BA KUN GYIS MTHONG ZHING, CHOS RJE BA 'DIS 'JAM DBYANGS DANG, JO BO AA TI SHA YAB SRAS, BLA MA 'PHAGS PA RNAMS KYI ZHAL GZIGS, DER BZHUGS RING PHYOGS THA DAD NAS, BLA MA DPON PO DU MAS GTZOS DAD LDAN GYI SKYE BO MTHA' YAS BA MJAL DU 'ONG BA LA DBANG, RJES GNANG, KHRID, BSNYEN RDZOGS RAB BYUNG DANG, BSNYEN GNAS DANG SMYUNG GNAS KYI SNGOM PA 'BOG BA SOGS RANG RANG GI SKAL BA DANG 'TSAM PA'I DAM PA'I CHOS KYI CHAR CHEN PO PHAB NAS SMIN GROL GYI LAM YANG DAG PA LA 'GOD PAR MDZAD, RGYAL KHAMS LA BDE SKYID 'BYUNG BA'I PHYIR RDO RJE PHUR BA'I SGRUB MCHOD MDZAD PAS PHUR BU NAM MKHA' LA 'PHAGS PA BYUNG, SHIN TU SRA BA'I RDO SNGON PO MKHREGS BA ZHIG 'DAM LTAR BRDZIS TE PHYAG RJES KYANG BZHAG PAS PHYOGS DE'I SKYE BO THAMS CAD NGO MTSAR BA'I GNAS LA BKOD, DE NAS PHYIR BYON NAS BSTAN 'GRO'I DON RGYA CHER MDZAD CING, KHYAD PAR DU RI BO DGE LDAN PA'I MDO SNGAGS KYI RING LUGS DRI MA MED PA GSAL PAR MDZAD, RGYAL PO CHEN PO RNAM THOS SRAS KYIS 'PHRIN LAS SGRUB PAR MDZAD PAS ZANG ZING GI LONGS SPYOD KYANG DBYAR MTSO'I 'PHEL BA LA 'GRAN PA BYUNG, DE NAS DBUS SU 'BYON PAR DGONGS TE, GONG MA BDAG PO CHEN PO LA DGONGS PA ZHUS PA NA,
, ,CHOS RJE 'DI BA'I THUGS BZHED LTAR GNANG ZHING, PHEBS KHAR GONG MA CHEN POS GOS CHEN STONG PHRAG GCIG GIS GTZOS ZANG ZING GI DNGOS PO MTHA' YAS PA PHUL, DE NAS LI THANG GI SA CHA BRGYUD DE DBUS SU BYON, THOG MAR DGA' LDAN DU PHEBS NAS RJE BDAG NYID CHEN PO DANG MJAL TE ZANG ZING GI 'BUL NOD KUN TU BZANG PO'I MCHOD SPRIN LA 'GRAN PA PHUL, SLAD NAS SE RAR GDAN DRANGS NAS SER RTZER CHOS 'KHOR RGYA CHER BSKOR BA'I ZHABS TOG BSGRUBS TE, 'GREL BA SGRON GSAL GYI BSHAD PA, RIM LNGA'I DMAR KHRID, DUS 'KHOR 'GREL CHEN DRI MED 'OD KYI BSHAD PA, SBYOR DRUG GI KHRID, BDE MCHOG RTZA RGYUD KYI BSHAD PA, N'A RO CHOS DRUG ,DBU MA'I LTA KHRID SOGS ZAB PA DANG RGYA CHE BA'I CHOS DPAG TU MED PA GSAN, DE'I TSE RJE RIN PO CHES BSTAN BA'I GSOS SU RGYUD GRVA RNAM DAG CIG 'DZUGS PA'I THUGS DGONGS BZHES TE, CHOS RJE 'DI LA RGYUD GRVA 'DZUGS PA'I BDAG RKYEN DGOS TSUL SNGAR NAS YANG YANG GSUNGS PA DANG, LHAG PAR SKABS DER GSUNG NAN STZAL BAR BRTEN CHOS RJE 'DI BAS CHA RKYEN GANG DGOS RNAMS PHUL TE, DPAL LDAN SMAD RGYUD GRVA TSANG PHYAG 'DEBS MDZAD TE, 'DI YANG CHOS RJE BA 'DI'I 'PHRIN LAS LAS BYUNG BAR SEMS SO, ,DE NAS RJE BDAG NYID CHEN POS, BSHAD SGRUB KYI BSTAN PA RIN PO CHE SRID MTHA'I BAR DU MI NYAMS PA'I CHED DU CHOS RJE BA 'DI LA SE RA THEG CHEN GLING 'DEBS DGOS PA'I BKA' GNANG BA LTAR DANG DU BLANGS TE, SA MO PHAG GI LO DE KA LA GTZUG LAG KHANG GI RMANG BTANG NAS SBYIL BU SOGS RIM GYIS CHAGS SHING, DE NAS LO RE BZHIN RJE RGYAS SU SONG STE DA LTA SE RA THEG PA
CHEN PO'I GLING ZHES SNYAN GRAGS KYI 'OD PHRENG DKAR PO SRID PA'I RTZE MO'I BAR DU SPRO BAR BYED PA 'DI LAGS SO, ,DE LTAR GTZUG LAG KHANG BSKRUN TE, DE'I NANG DU CHOS RJE BA RANG NYID KYIS RGYA NAG NAS BSNAMS PHEBS BA'I STON PA GNAS BRTAN BCU DRUG ,DGE BSNYEN HA SHANG DANG BCAS PA TZAN DAN DKAR PO LAS GRUB PA NANG BZHUGS SU BZHUGS PA'I SMAN SKU KHYAD PAR CAN BZHENGS, RGYA NAS BSNAMS PA'I BKA' 'GYUR NGO MTSAR CAN RNAMS 'JOG BA GNANG NAS LO GNYIS TZAM GYI BAR DU CHOS KYI 'KHOR LO BSKOR, GUNG RU RGYAL MTSAN BZANG PO'I RNAM THAR LAS, DGUNG LO ZHE DRUG PA'I STENG DU THEG CHEN GLING DU PHEBS NAS, BYAMS CHEN CHOS RJE SH'AKYA YE SHES PA'I DRUNG DU 'JIGS BYED KYI DBANG, RNAM SRAS MDUNG DMAR CAN GYI RJES GNANG ZHUS, CES DANG, CHAB MDO 'DEBS PA BO BYANG SEMS SHES RAB BZANG PO'I RNAM THAR DU, CHOS RJE SH'AKYA YE SHES PA LA GSHED DMAR LHA LNGA, TSE DPAG MED LHA DGU, SO SOR 'BRANG MA, GDUGS DKAR, RNAM RGYAL MA, SHARBA RI, 'OD ZER CAN RNAMS ZHUS, ZHES 'BYUNG BA LTAR NA MKHAS PA CHEN PO DE GNYIS KYIS KYANG SKABS DER CHOS RJE 'DI'I ZHABS LA GTUGS PAR SNANG, DE NAS RING POR MA LON PAR RJE BTZONG KHA BA GZHAN DON DU GSHEGS PA'I TSUL BSTAN PA NA, DGA' LDAN DU BYON TE SKU GDUNG LA MCHOD PA RGYA CHER PHUL ZHING SMON LAM 'DEBS PA GNANG, DE NAS RJE'I DGONGS PA RDZOGS THABS SU SE RA THEG CHEN GLING DU YANG CHOS RJE RANG NYID KYIS GTZO BYAS DGE 'DUN MANG POS GSANG BDE 'JIGS GSUM LA SOGS PA'I DKYIL 'KHOR CHEN PO RNAMS ZHAL PHYE NAS BDAG 'JUG BZHES PAR MDZAD, DE'I CHE NAM MKHA' LA 'JA' SHAR BA DANG,
, ,ME TOG GI CHAR 'BAB PA SOGS BYUNG, RJE GSHEGS PA'I LO RJES MA'I LNGA MCHOD LA DPON NAM MKHA' BZANG PO KHU DBON GYIS RA KHA BRAG TU GDAN DRANGS TE DUS MCHOD RGYA CHEN PO MDZAD, DE'I TSE YANG ME TOG GI CHAR CHEN PO BABS, DE NAS SLAR YANG LCAGS GLANG GI LOR, GONG MA BDAG PO CHEN POS GDAN 'DREN PA BYUNG BAR BRTEN, RJE RIN PO CHE'I DNGOS SLOB CHOS KYI RJE DAR RGYAS BZANG PO GDAN SAR BSKOS, DE NAS AA MO GHA CHOS RJE DANG, BSOD NAMS SHES RAB CHOS RJE RNAM GNYIS KYIS GTZOS SLOB MA DGE BA'I BSHES GNYEN DU MA DANG BCAS BOD YUL NAS CHIBS KHA BSGYUR TE, RIM GYIS MTSO SNGON, BTZONG KHA, ZI LING, MDZO MO MKHAR, KA CU, 'PHAGS PA SHING KUN, THO'U JU'U, MEN JU'U, ZI NGAN PHUL, SHAN ZI, AU THA'I SHAN RNAMS BRGYUD DE PHO BRANG DANG KHAD NYE BAR PHEBS SKABS GONG MA SKU GSHEGS, ZON TE RGYAL SAR 'KHOD NAS CHOS RJE 'DI LA YAB RGYAL BO'I DUS LAS KYANG GUS 'DUD LHAG BAR MDZAD, RGYAL BO'I DGONGS RDZOGS SU RGYUD SDE'I BZHI'I DKYIL 'KHOR ZHAL PHYE NAS SGRUB MCHOD MDZAD, DE'I TSE 'JA' DANG ME TOG GI CHAR BABS PA DANG, NANG MCHOD KYI BDUD RTZI KHOL BA DANG, BUM PA'I CHU LUD BA SOGS RTAGS NGO MTSAR BA DU MA BYUNG BAS ZON TE RGYAL PO YANG YID CHES KYI DAD PA GONG 'PHEL DU GYUR, RGYAL PO LA ZHAL TA GNANG STE, RGYA NAG GI YUL GRU SO SOR GTZUG LAG KHANG RTEN DANG BRTEN PA GSAR DU BZHENGS PA DANG, DGE 'DUN GYI SDE MANG PO 'DZUGS PA, LHA KHANG RNYING BA GSO BA SOGS BSTAN PA'I ZHABS TOG YANG DAG PA MDZAD, MKHAS PA YON TAN CAN RNAMS LA KOO SHR'I DANG, CHAN SHI LA SOGS PA'I
CHEN PO'I MING DANG, GO SA GNANG ZHING BDAG RKYEN RGYA CHER MDZAD, DE LTAR BSTAN PA DANG 'GRO BA'I DON RGYA CHEN PO MDZAD NAS DGUNG LO BRGYAD CU RTZA GNYIS PA SHING YOS ZLA BA BCU BA'I BCO BRGYAD KYI NYIN CHOS RJE RNAM PA GNYIS LA ZHAL CHEMS GNANG STE, NYER BZHI'I NYIN ZHI BA'I DBYINGS SU GSHEGS PA'I TSUL BSTAN TO, ,DE'I TSE PHO BRANG NAS NUB PHYOGS SU LE BAR NYIS STONG BRGYAD BRGYA TZAM GYIS CHAR THUN GON ZHES BYA BA'I MKHAR YOD CING, NYI SHU BZHI'I NAM PHYED KYI DUS SU MKHAR DE'I SHAR PHYOGS NAS MI 'GA' 'ONG BA LA, MKHAR BSRUNG RNAMS KYIS SU YIN DRIS BAS NGA BYAMS CHEN CHOS RJE YIN, BOD YUL LA 'GRO RGYU YIN GSUNG ZHING, RTA DKAR PO ZHIG LA CHIBS NAS GRVA BA GNYIS DANG BCAS SHAR SGO'I STENG NAS NAM MKHA' LA 'PHAGS TE NUB PHYOGS KYI BAR SNANG LA PHEBS PA MTHONG, DE NAS MKHAR BSRUNG RNAMS KYIS MKHAR DE'I DPON PO LA ZHUS PAS, DES KYANG DPON PO GZHAN LA YI GE PHUL BA RIM GYIS RGYAL BO'I SNYAN DU GSOL BAS SKU GSHEGS PA'I DUS DANG MTHUN PAR BYUNG BAS RGYAL BLON THAMS CAD DAD PA TSAD MED PA SKYES, YONGS GRAGS KYI LO RGYUS LTAR NA, RGYA NAG NAS DBUS SU PHEBS PA'I MDZO MO MKHAR DU ZHI BAR GSHEGS ZHES GRAG ,DE NAS HE YAN ZI BYAMS CHEN LHA KHANG DU T'A KOO SHR'I DPAL LDAN GYIS GTZO MDZAD, KOO SHR'I, CHAN SHI SOGS DGE 'DUN THAMS CAD 'DUS NAS ZHAG ZHE DGU'I BAR DU DGONGS RDZOGS RGYA CHER SGRUB, SKU GDUNG ZHUGS LA ZHEN PA'I TSE NGO MTSAR BA'I LTAS DU MA BYUNG ZHING RING BSREL YANG MANG DU BYON, DE NAS GSER GYI MCHOD RTEN BZHENGS PA'I NANG DU SKU GDUNG RING BSREL DANG BCAS PA BZHUGS SU BCUG NAS RAB GNAS RGYAS PAR MDZAD, RGYAL PO'I BKA' LUNG LTAR CHOS RJE BSOD NAMS SHES
, ,RAB DANG, CHOS RJE SENG GE BZANG PO GNYIS KYIS SKU GDUNG GI MCHOD RTEN MDZO MO MKHAR DU GDAN DRANGS NAS GTZUG LAG KHANG KHYAD BAR DU 'PHAGS PA BSKRUN TE BZHUGS SU GSOL, DE LA BRTEN NAS DGE 'DUN GYI SDE YANG CHAGS TE DA LTA YANG MA NYAMS PAR YOD DO, ,DE'I SLOB MA SNYE THANG BA CHOS RJE AA MO GHA BA DANG, BSOD NAMS SHES RAB GNYIS KYIS KYANG ZON TE RGYAL BO'I TI SHRI MDZAD DE LUGS GNYIS KYI 'PHRIN LAS MCHOG TU 'PHEL BAR BYUNG, DGA' LDAN GYI THUB PA GNAS BCU'I ZI THANG YA MTSAN CAN 'DI YANG MCHOD YON 'DI GSUM GYI RING LA DBUS SU GDAN DRANGS PAR SNANG, BLA MA DE GNYIS KYI SLOB MA CHOS RJE GZHON NU DPAL LDAN ZHES PAS KYANG RGYAL BO'I BLA MCHOD MDZAD DE DGE 'DUN GYIS DE BSKYANGS SHING, RGYAL BA'I BSTAN PA RIN PO CHE SPEL BAR MDZAD DO, ,DE NAS BZUNG STE DA LTA'I BAR DU RGYAL KHAB CHEN PO BE CHING DU MNYAM MED RI BO DGA' LDAN PA'I RING LUGS DRI MA MED PA DAR RGYAS SU GYUR PA YANG CHOS RJE 'DI BA'I BKA' DRIN DU SHES PAR BYA'O, ,RAB DKAR TSOGS GNYIS BDUD RTZI'I ROL MTSO LAS, ,NYE BAR 'ONGS PA'I RGYAL SRAS 'OD DKAR CAN, BSTAN 'DZIN MGRIN SNGON RAL BAR NGAL GSOL BAS, ,DGE LEGS KU MUD CI YANG BZHAD PAR GYUR, ,NGO MTSAR GSANG GSUM BKOD PA'I RNAM 'PHRUL GYIS, ,'DZAM GLING SA CHEN SKYONG BA DBANG BSDUS TE, ,SHAR PHYOGS 'JIG RTEN DAD PA'I KHANG BZANG RTZER, ,BLO BZANG RING LUGS RGYAL MTSAN BSGRENG BAR MDZAD, ,'PHRIN LAS GANGS RI LAS 'ONGS NYAL 'GRO STOD, ,GCIG TU 'KHYIL BA 'DUS SDE'I CHU GTER NI, ,MKHAS GRUB GDENGS CAN BYE BAS BSTEN PA LAS, ,DUS MTHAR LUS CAN KUN GYI GSOS SU GYUR, ,ZHES PA NI BYAMS CHEN CHOS RJE SH'AKYA
YE SHES BAR SKU'I SKYE BA BZHES PA'I YAL 'DAB STE BCU BA'O,, ` ,,DRI BRAL MKHYEN YANGS SPRIN SNGON BA GAM LAS, ,RGYA CHEN LUNG GI GRU CHAR DANG BCAS TE, ,DGAG SGRUB RIGS PA'I GNAM LCAGS STONG 'BEBS PA, ,RJE BTZUN CHOS KYI RGYAL MTSAN ZHABS LA 'DUD, , DE YANG 'KHRUNGS RABS LAS, RGYAL BA GNYIS PA'I LUGS SROL MA LUS PA, ,NYIN BZHIN LEGS BSHAD 'OD BRGYAS SNANG MDZAD CING, ,THUB BSTAN CHOS KYI RGYAL MTSAN 'DZIN PA'I DPAL, ,RJE BTZUN BLA MA'I ZHABS LA GSOL BA 'DEBS, ,ZHES GSUNGS PA LTAR, RJE BTZUN CHOS KYI RGYAL MTSAN DPAL BZANG POR SKU'I SKYE BA BZHES PA'I TSUL NI, GTZANG NYANG STOD RIGS PA'I 'BYUNG GNAS KYI SA'I CHA, KHYE'U ZHES PAR RDOG YE SHES SENG GE SOGS GRUB PA'I DBANG PHYUG DU MA BYUNG BA'I RIGS LAS, RTA NAG PHYUG PO GZHUNG LHO SMAD SOGS KYI MI KHYIM MANG PO'I DPON DU GYUR PA, PHYIS SMIN DRUG KHYUNG RTZE SOGS RDZOGS CHEN GYI BDAG POR GYUR PA'I DPON CHEN PO'I BRGYUD PA YAB NANG SO BSOD NAMS 'PHEL DANG, YUM SGROL MA 'BUL GNYIS KYI SRAS SUS MO GLANG GI LO LA SKU BLTAMS, LHUMS SU ZHUGS DUS YUM GYI MNAL LAM DU MI ZHIG GIS SHEL GYI MCHOD RTEN DRI MA MED PA ZHIG BYIN NAS, 'DI RGYA GAR GYI MCHOD RTEN YIN, 'DI LA MCHOD PA GYIS DANG BDE SKYID PHUN SUM TSOGS PA YOD ZER PA ZHIG BYUNG, DE DUS RJE BA SO BA DGE LDAN GYI KHRI THOG TU BZHUGS KYANG, GTZANG DU BZHUGS DUS NAS RTZA BA'I BLA MA YIN BAS MJAL BA DANG, LHA SA DGE LDAN SOGS SKYI SHOD KYI GNAS RNAMS SU MJAL BA LA BYON, DE DUS RJE BA SO BA DANG MJAL BAS KHYED KYI LHUMS SU ZHUGS PA'I SRAS 'DI BSTAN PA LA PHAN THOGS PA'I BSTAN 'DZIN CHEN PO ZHIG YONG, MTSAN
, ,CHOS KYI RGYAL MTSAN DU THOGS, 'KHRUNGS MA THAG NA BZA' 'DI GSOL ZHES BKRA SHIS KHA BTAGS SHIG GNANG, GTZANG DU PHEBS PA NA YUM GYI MNAL LAM LA BLA MA KHYAD PAR CAN ZHIG 'BYON ZER NAS KHYE'U GZHIS KA'I RTZE NAS DAR 'PHYAR BA DANG DUNG 'BUD PA DANG RNGA BO CHE BRDUNG BA SOGS BYUNG, DE NAS RING POR MA THOG PAR SKU 'KHRUNGS SHING BTZAS STON SOGS RGYA CHER BYAS TE, RIM GRO'I KHYAD PAR DU MAS BSKYANGS PAS GZHON NU DE RDZING GI PADMA LTAR SKYED BSRINGS PAR GYUR TO, ,SKUN PHRA MO NU ZHO BZHES PA'I SKABS RJE BA SO BA'I DNGUL GDUNG LA MJAL BAR DGA' LDAN DU PHEBS PA'I TSE, YUM LA AA MA DRUNG PA'I NU MA G-YAS PA NGA'I 'BUL SKAL DU PHUL LA THONG GSUNGS PAS, DE NAS NU MA G-YAS PA SKAM SONG BA ZHIG BYUNG 'DUG ,DGUNG LO GSUM BZHI'I DUS NYID NAS SANGS RGYAS BYANG SEMS KYI SKU BRNYAN GZIGS PA NA THUGS DAD 'KHRUNGS SHING, DKAR ME SOGS MCHOD PA 'BUL BA LA BRTZON PAR MDZAD, DGUNG LO DRUG BZHES PA'I TSE, PAn CHEN DGE 'DUN GRUB PA NYANG STOD KYI CHAB TSAN LA PHEBS PA SPYAN DRANGS TE, BSNYEN BKUR RMAD DU BYUNG BA MDZAD CING YAB YUM SOGS ZHAL NGO RNAMS LHAN CIG TU GRUB RGYAL LUGS KYI TSE DBANG MANG DU GSAN PA RNAMS NI THUGS LA SHIN TU GSAL BAR BYUNG BAS, PHYIS GNAS RNYING RIN PO CHE'I DRUNG DU GSUNG CHOS GSAN DUS KHYED KYIS NGA'I BLA MA RIN PO CHE DE LAS TSE DBANG THOB 'DUG STE, SKU NA PHRA DRAG PAS NGES PO MA BYUNG BA 'DRA GSUNGS PA LA, NGES PO BYUNG LAGS ZHUS PAS, JI LTAR BYUNG GSUNGS PA LA, BLA MA BGRES PO DBU SKYA RIL LE BA SPYAN HRIG HRIG BYED PA ZHIG MDO LI LA BTEG NAS MI THAMS CAD TSOGS TE BYIN RLABS ZHU
BAR 'DUG ,TSE DBANG GI DUS LAN CIG TSE RIL PHYED KA ZHIG BYUNG, GZHAN TSANG BAR BYUNG ZHUS PAS NGES PO BYUNG 'DUG PA SHIN TU LEGS TE, DE SANGS RGYAS TSE DPAG MED DNGOS SU MJAL BA DANG KHYAD MED GSUNGS NAS, NGA DANG JO LAGS TSE RING PO YONG BSAM PA YOD CES GSUNGS, DGUNG LO BDUN BZHES PA'I DUS SU GNAS RNYING CHOS RJE KUN DGA' BDE LEGS RIN CHEN RGYAL MTSAN DPAL BZANG PO DBEN GNAS SMAN CHUN BZHUGS PA'I DRUNG DU DGE BSNYEN GYI SDOM PA ZHUS DUS, GONG DU BSHAD PA LTAR, YUM LA RJE BA SOBS LUNG BSTAN TSUL RNAMS SNYAN DBANG DU GSAN 'DUG PAS GNAS RNYING CHOS RJE'I ZHAL NAS, NGA'I BLA MA LAN DU MAR BSNGAGS PA'I PAndI TA YIN, KHYED LA KHONG GIS MTSAN GNANG 'DUG PA 'DI NGAS SPO MI NUS, KHYAD PAR 'DI LA RTEN 'BREL CHEN PO YOD, RTEN 'BREL 'CHUG TU MI RUNG BAS, MTSAN DE'I STENG DU DPAL BZANG PO BSNAN NAS, CHOS KYI RGYAL MTSAN DPAL BZANG PO ZHES MTSAN GSOL, RJE NYID KYI DRUNG DU, CHOS SPYOD NAR MA'I SKOR DANG ZAB CHOS DU MA ZHUS SHING, TSE DPAG MED GRUB RGYAL LUGS LA SOGS PA'I DBANG BKA' RJES GNANG MANG DU GSAN, GZHAN YANG SMIN DRUG KHYUNG RTZE DANG KHYE'U GZHIS SOGS SU BZHUGS NAS, DKA' CHEN BZHI'I RTZA GZHUNG, RTZA 'JUG GNYIS, MDO SDUD PA, BYANG CHUB LAM SGRON, MTSAN BRJOD RNAMS THUGS 'DZIN MDZAD CING, GNAS RNYING RIN PO CHE'I DRUNG DU LO LNGA BZHUGS, DGUNG LO BCU GSUM PA LA RJE 'DI BA LA SKU MCHED LNGA YOD PA'I BZHI PA DANG, 'DI NYID KYIS GNAS RNYING RIN PO CHE'I DRUNG DU DGE TSUL GYI SDOM PA ZHUS TE GCUNG PO'I MTSAN KUN DGA' CHOS LDAN DU BTAGS, LO DE LA SKU MCHED LHAN CIG TU BKRA SHIS LHUN POR GSAN SPYONG LA PHEBS, GLING 'DABS
, ,SU PHEBS PA DANG GSUNG CHOS KYI GAndI BRDUNG BA DUS MNYAM DU BYUNG; DE'I SANG NYIN BKRA SHIS LHUN PO'I KHRI THOG PA PAn CHEN LUNG RIGS RGYA MTSO DANG MJAL, KHONG GI ZHAL NAS, KHA SANG GAndI BRDUNG BA DANG KHYED 'DIR PHEBS PA GNYIS DUS MNYAM DU BYUNG 'DUG PAR SHIN TU LEGS, KHYED KYIS BSTAN PA LA PHAN THOGS RGYA CHEN PO 'BYUNG BA'I RTEN 'BREL YIN, BCOM LDAN RIG RAL YANG SNAR THANG DU THOG MAR PHEBS DUS DBU LA NYI MA SHAR BA DANG, TSOGS KYI DUNG 'BUD PA, THEM PA'I NANG DU ZHABS BZHAG PA RNAMS DUS MTSUNGS BYUNG 'DUG ,DE KHONG GIS BSTAN PA DAR ZHING RGYAS PAR MDZAD PA'I 'PHRIN LAS CHEN PO 'BYUNG BA'I RTEN 'BREL YIN PAR 'DUG GSUNGS PA DANG, NGED RANG GI BSAM PA LA YANG BKRA SHIS LHUN PO RANG DU 'CHAD NYAN GYI SGO NAS PHAN THOGS 'BYUNG BA'I RTEN 'BREL YIN SNYAM PA BYUNG STE, RE ZHIG BSAM PA LTAR GYI PHAN THOGS PA MA BYUNG YANG, SLOB GNYER DMAR PO BYUNG BAS DE KHA LA BLTA BA 'DRA ZHES GSUNGS, DE NAS BLO GSAL BYE BA'I BSTI GNAS THOS BSAM GLING GRVA TSANG DU ZHUGS, KUN MKHYEN CHOS 'BYOR DPAL BZANG PO'I ZHABS BAD BSTEN NAS BSDUS SBYOR BRTZI BAR MDZAD, KUN MKHYEN CHOS 'BYOR BA'i ZHAL NAS GZHI GRUB NA MTSAN NYID MA YIN PAR BUD GSUNGS PAR, LAN 'KHRUL MAD PHUL BAS THUGS SHIN TU DGYES, DES RIGS GZHAN RNAMS KYANG SHES PAR BDUG BSAM PA BYUNG GSUNGS, DE NAS SBYOR BA BRTZI PA SOGS CHER MA MDZAD KYANG, SNGON SBYANGS PA'I BAG CHAGS SAD BA'I STOBS KYIS ZLA CHOS GNYIS TZAM LA BSDUS SBYOR GYI RIGS PA'I GNAS MTHA' DAG DANG, RTAGS RIGS BLO RIGS SOGS RIGS PA DANG PO'I SGO 'BYED RNAMS LA BLO GROS KYI SNANG BA CHES CHER RGYAS TE, GRVA TSANG
DE'I BSDUS GRVA BA DANG TSAD CHUNG BA RNAMS KYI DBUS NA 'GRAN ZLA DANG BRAL BAR GYUR, DE'I TSE BLA MA GRVA BA THAMS CAD ZHAL MTHUN PAR RIGS LAM LA ZHUGS MA THAG BLO SKYED DANG, RIGS LAM LA BYANG CHUB PA 'DI 'DRA BA SNGON MA BYUNG BA LTA BU YIN ZHES MTHUN PAR GLENG, DE NAS KUN MKHYEN CHOS 'BYOR PA'I DRUNG DU TSAD MA SDE BDUN MDO DANG BCAS PA RNAMS DANG, GTZO BOR TSAD MA RNAM 'GREL LA SBYANGS PAR MDZAD, THAR LAM GSAL BYED SOGS TSAD MA'I DAR tIKA RNAMS DANG, RIGS RGYAN LA SOGS PA'I SPYI DON RNAMS GSAN, PAn CHEN LUNG RIGS RGYA MTSO'I DRUNG DU RNAM 'GREL GYI t'IKKA TSAR GCIG ,SPYI CHOS LA DPE CHOS RIN SPUNGS, BE'U BUM SNGON MO RTZA 'GREL DANG RJES GNANG KHA SHAS GSAN, DGUNG LO BCO LNGA'I DUS SU TSAD MA SDE BDUN MDO DANG BCAS PA RIGS PA'I LAM NAS SMRA BA LA MKHAS PA'I GRAGS PA THOB, DE NAS RGYAL BA BTZONG KHA PA YAB SRAS RNAMS KYI t'IKKA'I STENG NAS DBU MA, PHAR PHYIN, MNGON PA MDZOD RNAMS KYI 'BRU GNON, DKA' GNAS, MTHA' DPYOD DANG BCAS PA KUN MKHYEN CHOS 'BYOR PA LAS GSAN, DGUNG LO BCU DRUG BZHES PAN PAn CHEN YE SHES RTZE MO BKRA SHIS LHUN PO'I KHRI THOG TU PHEBS, DE'I TSE BKRA SHIS LHUN PO'I MKHAN PO SUS MDZAD KYIS DKA' CHEN BZHI DANG, GSANG 'DUS KYI 'GREL BA SGRON GSAL DANG BCAS PA 'CHAG MED DU GNANG BA'I SROL YOD 'DUG PAS, PAn CHEN LA 'DUL BA MDO RTZA, MNGON PA MDZOD, TSAD MA RNAM 'GREL RNAMS KYI t'IKKA TSAR RE, LAM RIM CHE CHUNG, BKA' GDAMS GLEGS PAM CHA LAG TSANG BA, JO BO'I BDEN GNYIS, RGYAL SRAS RIN PO CHE'I DKA' 'BUM RNAM THAR, THAMS CAD
, ,MKHYEN PA BTZONG KHA PA CHEN PO'I BKA' 'BUM, MKHAS GRUB RJE'I BKA' 'BUM, MGON PO SNYING ZHUGS MA GTOGS PA'I MGON PO'I RJES GNANG RNAMS DANG, MGON PO BCU GSUM GYI RGYA GZHUNG GI LUNG, GNOD SBYIN BZHI LHA MO DANG BCAS PA'I PHYAG DRUG PA'I SKOR GYI CHOS BKA' RDZOGS PA DANG, GZHAN YANG CHOS BKA' MANG DU GSAN, GTZO BOR CHOS GRAR BYON NAS RIGS LUNG LA BRTZON PA CHEN PO MDZAD PAS DGUNG LO BCO BRGYAD DU PHEBS DUS PHAR TSAD DBU GSUM, 'DUL MDZOD SOGS KYI DGONGS DON JI LTA BA BZHIN DU THUGS SU CHUD DE, RIGS PA SMRA PA MTHA' DAG GI GTZUG RGYAN DU GYUR TO, ,DE NAS 'DUL 'DZIN SEMS DPA' CHEN PO TSUL KHRIMS YE SHES PA'AM KHYUNG PO BYA BRAL DU GRAGS PA DE NYID KHYUNG RIR PHEBS DUS LAM RIM GYI SPYOD PA SPYI BSLAB, GZHI GSUM GYI PHYAG LEN, SDOM PA GSUM GYI PHYIR BCOS SOGS CHOS MANG DU GSAN, DE NAS KUN MKHYEN CHOS 'BYOR DPAL BZANG PO LA 'DUL BA MDO RTZA, MNGON PA KUN BTUS, BYAMS CHOS PHYI MA BZHI, DBU MA RiGS TSOGS DRUG ,RNAL 'BYOR SPYOD PA BZHI BRGYA BA RNAMS RANG RANG GI t'IKKA'I STENG NAS GSAN, BLA MA 'DI LA BRTEN NAS LUNG RIGS SMRA BA LA GZHAN DRING MI 'JOG PA'I SPOBS PA BRNYES PAS BLA MA RNAMS KYI NANG NAS BKA' DRIN CHE SHOS GCIG TU 'DZIN PAR MDZAD DO, , BAR SKABS SHIG ,MKHAS PA CHEN PO THOG SANGS RGYAS DPAL RIN PA DANG, RJE 'DI GNYIS TSAD MA RNAM 'GREL GYI MA DMIGS PA'I RTAGS YANG DAG 'JUG PA'I DUS LA BRGAL BRTAGS MDZAD PAS MKHAS PA DE NYID MI SMRA BA'I BRTUL ZHUGS LA BKOD, DER MA
ZAD CHOS GRVA CHEN PO DER 'DUS PA'I LUNG RIGS SMRA BA'I DBANG PO SU DANG BRTZAD KYANG BGRO GLENG MA SONG BA MED CES GRAG ,DGUNG LO NYER GSUM PA LA BKRA SHIS LHUN PO'I DGE BSKOS MDZAD NAS CHOS GRVA DE'I SGRIG LAM RNAM BZHAG RIGS LUNG SOGS DGE BA'I BYA BA MTHA' NGAG DBYAR GYI CHU BO BZHIN DU GONG 'PHEL DU MDZAD PA DANG, DGAG DBYE LA MANG JA TSAB RA ZAS SNA DGONGS BUR DGE 'DUN RE RE LA MAR NYAG BDUN RE SOGS KYI BSNYEN BKUR GYIS MNYES PAR MDZAD CING, DE DAG GI SKABS SU RJE SHES RAB SENG GE'I DNGOS SLOB MKHAS GRUB RIN CHEN BSHES GNYEN LA NI GU CHOS DRUG ,RTA MGRIN GSANG SGRUB SOGS SHANGS BA LUGS KYI ZAB CHOS DU MA DANG, GU RU ZHI DRAG SOGS KYI RJES GNANG DU MA DANG, DBU MA RIGS TSOGS DRUG GI LUNG SOGS DANG, KHYAD PAR DU DBU MA'I LTA KHRID NYAMS KHRID KYI TSUL DU GSAN PAS DGAG BYA 'CHAR TSUL 'KHRUL MED DU NGOS ZIN NAS, GCIG DU BRAL LA SOGS PA'I SGO NAS 'GOG TSUL RNAMS LEGS PAR THUGS SU CHUD DE RGYAL BA'I DGONGS PA MTHAR THUG PA KLU SGRUB YAB SRAS DANG, RGYAL BA BTZONG KHA PA YAB SRAS KYI THUGS BCUD ZAB LAM DBU MA'I LTA BA MTHAR THUG PA THUGS LA 'KHRUNGS, GZHAN YANG GNAS RNYING BA KUN DGA' BDE LEGS DANG, MKHAS BTZUN YON TAN RGYA MTSO GNYIS LA RGYAL BA BTZONG KHA PA NAS MKHAS GRUB THAMS CAD MKHYEN PA YAB SRAS LA BRGYUD PA'I DBU MA'I LTA KHRID LUNG KHRID KYI TSUL DU GSAN, GNYAL STON DPAL 'BYOR LHUN GRUB YAB SRAS LA 'JAM DBYANGS CHOS RJE NAS KUN MKHYEN BLO GROS SENG GE LA BRGYUD PA RNAMS GSAN, KUN MKHYEN CHOS 'BYOR DPAL BZANG LA MKHAS GRUB THAMS CAD
, ,MKHYEN PA DANG, RJE BTZUN SHES RAB SENG GE GNYIS LAS RGYAL SRAS 'DUL DKAR BA LA BRGYUD PA RNAMS GSAN, RGYAL BA DGE 'DUN RGYA MTSO LA MKHAS GRUB NOR BZANG RGYA MTSO NAS BRGYUD PA RNAMS GSAN PA SOGS LUGS 'DI'I LTA KHRID BLA MA BZANG LA MANG BA LAS GSAN PAR MDZAD KYANG, DBU MA'I LTA BA RNAM PAR DAG PA MKHAS GRUB RIN CHEN BSHES GNYEN PA'I GSUNG LA BRTEN NAS RNYED PAS BLA MA RNAMS KYI NANG NAS BKA' DRIN CHE BA'I BLA MA GCIG TU MDZAD DO, ,GNAS RNYING CHOS RJE KUN DGA' BDE LEGS LA BLO SBYONG MTSON CHA'I 'KHOR LO, RMA BYA DUG 'JOMS, SEMS DPA'I RIM PA, MTHA' 'KHOB 'DUL BA'I CHOS BZHI, GYER SGOM RDO RJE'I GLU LA SOGS PA'I BLO SBYONG GI RGYA GZHUNG MTHA' DAG DANG, BLO SBYONG DON BDUN MA, KHAM LUNG GI THUN BRGYAD MA, GLANG RI THANG PA'I TSIG BRGYAD MA SOGS BLO SBYONG GI SKOR RNAMS DANG, BKA' GDAMS THOR BU BA, SHA RAB PA'I LAM RIM BRJED BYANG MA SOGS SHA RA BA NAS 'CHAD KHA BA LA BRGYUD PA'I LAM RIM MANG PO DANG, SNAR THANG BA NAS BRGYUD BA'I LAM RIM, SNAR THAD PA'I LAM MCHOG ,MKHAS GRUB RJE'I YIG CHUNG NYER GCIG GI LUNG, MGON PO SNYING ZHUGS SOGS MGON PO'I SKOR GYI ZAB CHOS KHA YAR DANG, LHA MO PHYAG BZHI MA, GNAS RNYING BA NAS BRGYUD PA'I MGON PO PHYAG DRUG PA'I SKOR RNAMS DANG, MGON PO STAG ZHON PHUB RAL CAN RNAMS KYI LUNG RJES GNANG RNAMS GSAN ZHING SDE PHYIR BKA' DRIN TSAD MED PAS BSKYANGS PAS 'DI YANG BLA MA'I GTZO BO ZHIG TU MDZAD DO, ,RTA NAG CHOS RJE CHOS KYI DPAL 'BYOR PA ZHES TSE
DPAG MED KYI ZHAL GZIGS PA'I GRUB CHEN DE NYID LAS TSE DPAG MED GRUB RGYAL LUGS KYI DBANG, MKHA' 'GRO MA SENG GDONG MA'I RJES GNANG, 'JAM DBYANGS NAG PO'I BSRUNG BZLOG SOGS CHOS BKA' CI RIGS PA GSAN, CHOS RJE DBYANGS PA GRAGS BSAM PA LA GSANG 'DUS BDE MCHOG GNYIS KYI DBANG DANG BSKYED RDZOGS SOGS GSANG SNGAGS KYI CHOS MANG DU GSAN, DE LTAR DGUNG LO NYER GSUM PA YAN LA GTZANG PHYOGS SU MDO SNGAGS KYI GSAN SBYANGS RGYA CHER MDZAD NAS DPAL 'KHOR BDE CHEN DANG, GNAS RNYING GI GZUNGS SGRUB SKABS SU RAB 'BYAMS PA'I GRVA SKOR MDZAD, DE'I TSE SA DGE LDAN GYI MKHAS PA MTHA' DAG GIS SKU NA GZHON NU LA YON TAN MTHA' YAS PA 'DI LTA BU MNGA' BA ZHES BSNGAGS BRJOD KYI ME TOG 'THOR, DE NAS BKRA SHIS LHUN PO BA RNAMS KYIS YANG BSKYAR GYI CHOS KHRIMS PAR BSKO BA'I RTZIS BYAS PA NA, RJE 'DIS SLOB GNYER LA GNOD GSUNGS NAS DGONGS PA ZHU BAR MDZAD, JO BO RIN PO CHE DANG, RJE RIN PO CHE'I SKU GDUNG MJAL BA DANG, GNYAL STON DPAL 'BYOR LHUN GRUB YAB SRAS SOGS KYI SNYAN PAS THUGS DRANGS TE, DE RNAMS LAS LEGS PAR BSHAD PA'I BGO SKAL LEN PAR BZHED NAS DGUNG LO NYER BZHI PA LA DBUS SU PHEBS, LAM BAR DU MKHAS GRUB RIN CHEN BSHES GNYEN PA DANG MJAL, KHONG GIS t'I KA CHEN DGONGS PA RAB GSAL GYI DPE ZHIG GNANG NAS RTEN 'BREL LEGS PAR BYUNG, KHYED KYIS DBUS PHYOGS SU BSTAN PA LA PHAN PA RGYA CHEN PO THOGS PA 'BYUNG ZHES LUNG BSTAN, DE NUB GSHAG CHUNG ZHIG TU t'IAKA CHEN LA MCHOD ME PHUL
, ,BAR NYIN ZHAG SBREL BA'I YUN TSAD THUB PAS RTEN 'BREL LEGS PAR DGONGS NAS THUGS DGYES PA CHEN PO BYUNG, DE NAS RIM GYIS BYON NAS GTZANG RONG GI SPUBS SU ZHAG GCIG BZHUGS PA'I MNAL LAM LA RJE BTZUN MA SGROL MA'I SKU CIG DANG DAM CAN CHOS KYI RGYAL PO'I SKU CIG GSAL BAR BYUNG, DE NAS SNYE THANG 'OR DU PHEBS, MCHOD KHANG RNAMS MJAL NAS ZHAG GCIG BZHUGS PA'I MNAL LAM LA BYIS PA GOS DKAR GYON PA ZHIG BYUNG NAS DA SE RA NAS 'ONGS PA YIN, NGA DANG MNYAM DU SE RA LA 'BYON DGOS ZER BA CIG BYUNG, DE NAS SE RAR BYON, MKHAS PA CHEN PO DON YOD DPAL LDAN PA DANG MJAL, DE'I TSE KHONG GI ZHAL NAS, KHYED GTZANG NAS 'BYON DUS MNAL LAM SOGS RTEN 'BREL LEGS PO BYUNG NGAM GSUNG BA LA, RJE 'DI'I THUGS DGONGS LA MNAL LAM BYUNG TSUL RNAMS ZHIB ZHUS BYAS NA THUGS KHREL ZHUGS DOGS NAS, YUL 'DI 'DRA ZHIG TU BSDAD PA'I NUB RJE BTZUN MA SGROL MA'I SKU CIG MJAL BA'I RMI LAM BYUNG ZHUS PAS, DE MNAL LAM BZANG POR 'DUG, SGROL MA 'PHRIN LAS KYI LHA YIN KHYED LA 'PHRIN LAS CHEN PO 'BYUNG BA'I RTEN 'BREL DU 'DUG GSUNG, DE NAS MKHAS PA CHEN PO GNYAL STON DPAL 'BYOR LHUN GRUB PA'I DRUNG DU, RJE RIN PO CHES MDZAD PA'I RTZA 'JUG GNYIS KYI t'IKA CHEN, DRANG NGES RNAM 'BYED KYI t'IKKA, KARMA SHA TAM, TSUL KHRIMS LE'U'I RNAM BSHAD, KUN RIG t'IKA CHEN, BLO SBYONG GI RGYA GZHUNG 'GA' ZHIG DANG, RJE HOR STON PAS MDZAD PA'I BLO SBYONG NYI MA'I 'OD ZER RNAMS KYI BSHAD LUNG GSAN, RTA MGRIN YANG GSANG KHROS PA'I
RJES GNANG ZHU BA'I NUB MO MNAL LAM DU MI ZHIG GIS RIN PO CHE MANG PO BYIN BYUNG BAR, RIN PO CHE GANG GI RIGS YIN DRIS PAS PADMA'I RIGS YIN ZER BA ZHIG BYUNG, SANG NYIN RJES GNANG ZHUS DUS KHYOD LA RMI LAM CI BYUNG GSUNG BA LA MNAL LAM BYUNG TSUL ZHUS PAS RMI LAM SHIN TU BZANG BAR 'DUG ,YI DAM 'DIS RJES SU 'DZIN PA DANG, 'DI LA BRTEN NAS DNGOS GRUB THOB PA'I RTEN 'BREL YIN GSUNG, PADMA DBANG CHEN GYI GTOR DBANG, CHOS SKYONG LCAM SRID, AA GHO RA, LEGS LDAN RNAMS KYI RIGS GTAD, GING LNGA GZA' GDONG GI BKA' BSGO DANG BCAS PA GNANG NAS, NGED KYIS KUN MKHYEN BLO GROS RIN CHEN SENGGE LA THOB PA YIN ZHES LO RGYUS RGYAS PAR GSUNGS, DE NAS RJE DON YOD DPAL LDAN PA'I DRUNG DU t'IKA CHEN GNYIS KYI STENG NAS RTZA 'JUG GI ZHIB BSHAD LUNG DANG BCAS PA, STONG THUN SKAL BZANG MIG 'BYED KYI ZHIB BSHAD LUNG DANG BCAS PA, DRANG NGES RNAMS 'BYED KYI ZHIB BSHAD LUNG DANG BCAS PA, 'GREL PA BUDDHA P'A LI TA, 'GREL PA TSIG GSAL, 'JUG PA'I RANG 'GREL RNAMS KYI LUNG SPYOD 'JUG DAR tIKA ,BSLAB BYA CHEN MO, DGE TSUL GYI BSLAB BYA, GLENG 'BUM, GRO LUNG PA'I BSTAN RIM, SKYES TSOMS GNYIS, SNGOM GSUM RNAM BZHAG RNAMS KYI ZHIB BSHAD LUNG DANG BCAS PA GSAN, DE'I TSE CHOS MTSAMS SHIG LA SE RA RTZER RJE'I GZIMS KHANG SER POR DPE MTSAMS LA BYON TE DRANG NGES RNAM 'BYED THUGS LA BYANG BAR BZUNG NAS, DE'I DON RJE'I RTZA 'JUG GI t'IKA CHEN GNYIS DANG, STONG THUN SKAL BZANG MIG 'BYED, KUN MKHYEN MUS SRAD PA'I SA BCAD, RJE DPAL 'BYOR
, ,LHUN GRUB PA'I t'IKKA RNAMS KYI STENG NAS ZHIB TU DPYAD CING, MDO SDE DGONGS 'GREL, DBU MA RGYAN RTZA 'GREL, DBU MA SNANG BA RNAMS LA GZIGS RTOGS MDZAD PAS DBU SEMS KYI SHING RTA CHEN PO RNAMS KYI GRUB PA'I MTHA' LA 'KHRUL BA MED PA'I NGES PA RNYED, SKABS DER DUS BZANG RNAMS LA ME TOG GI CHAR BABS PA BYUNG ZHING MNAL LAM LA RIN PO CHE'I GTER MANG PO THON PA BYUNG BA NI, RJE RIN PO CHE'I THUN MONG MA YIN PA'I GRUB MTHA' MANG PO NGAS RTOGS BYUNG BA DE'I LTAS YIN PA 'DRA GSUNG, YANG BAR SKABS SHIG SE RA RTZE'I RJE'I GZIMS KHANG DER DPE MTSAMS MDZAD NAS, GNAS 'DI RJE RIN PO CHES SHER PHYIN GYI MDO'I 'GRES RKANG RNAMS GSER BTZO MA'I YI GE'I GZUGS SU NAM MKHA' LAS GZIGS PA'I GNAS YIN PAS, GNAS 'DIR DBU MA LA SLOB GNYER BYAS NA BLO SKYED CHE BA YONG DGONGS NAS, RTZA 'JUG GI 'GREL CHEN GSUM, RJE RIN PO CHES MDZAD PA'I RTZA 'JUG GI t'IKA CHEN GNYIS STONG THUN SKAL BZANG MIG 'BYED, KUN MKHYEN PA'I TSIG GSAL STONG THUN RNAMS LA ZHIB GZIGS MDZAD PAS KLU SGRUB YAB SRAS DANG, RGYAL BA BTZONG KHA PA CHEN PO YAB SRAS KYI DBU MA'I BSHAD SROL PHYIN CI MA LOG PAR THUGS SU CHUD CING ZAB MO DBU MA'I LTA BA LA THUGS NGES SNGAR LAS CHE BA 'KHRUNGS, DE'I TSE MNAL LAM LA MKHAS GRUB THAMS CAD MKHYEN PA YIN ZER BA'I BLA MA CIG GIS DGE BSHES BA DBU MA'I LTA BA KHYAD PAR CAN 'DOD NA, RJE BTZUN BLA MA DANG 'JAM DBYANGS DBYER MED DU BYAS NAS GSOL BA 'DEBS PA DANG, BSAG
SBYANGS LA 'BAD PA DANG, GZHUNG KHUNGS THUB LA DPYOD PA GAL CHE ZER BA ZHIG BYUNG BAS, GNAS 'DIR DBU MA LA THOS BSAM BYED MKHAN BYUNG NA BLO SKYED CHEN PO YONG BA'I GNAS YIN GSUNG, BAR SKABS SHIG RI BO DGE LDAN DU BYON NAS 'DUL BA 'DZIN PA RJE SHES RAB BZANG POS MKHAN PO DANG, CHOS RJE TSUL KHRIMS BZANG POS LAS SLOB MDZAD NAS MTSAN NYID DANG LDAN PA'I KHA SKONG GRANGS TSANG BA'I DBUS SU BSNYEN RDZOGS KYI SDOM PA YANG DAG PAR BZHES TE LHAG BA TSUL KHRIMS KYI BSLAB PA RIN PO CHE MIG GI 'BRAS BU LTAR BSRUNG BAR MDZAD PAS 'DUL BA 'DZIN PA RNAMS KYI KHROD NA NYE BAR 'KHOR LTA BUR GYUR TO, SKABS DER RDO RJE 'CHANG SHES RAB BZANG PO LA BSLAB BYA CHEN MO, ME TOG PHRENG RGYUD LA SOGS PA'I BSHAD LUNG DU MA DANG, PHAG MO BRDA BZHI, DPAL MCHOG RIGS BSDUS RNAMS KYI DBANG, RTA MGRIN SHVA NA BZHI SKOR LA SOGS PA'I RJES GNANG 'GA' ZHIG GSAN, DGUNG LO NYER BDUN PA LA SLAR GTZANG PHYOGS SU PHEBS, LO DE'I MJUG GNAS RNYING SE RA GRVA TSANG GI 'CHAD NYAN LA GDAN 'DREN BYUNG BAS, BDAG NYID CHEN PO RANG LA PHEBS BZHED GTAN NAS MED KYANG, GNAS RNYING RIN PO CHE KUN DGA' BDE LEGS KYI BKA' LUNG NAN CHE BA MA THEG PAR DER PHEBS NAS LO GSUM GYI BAR LA 'CHAD NYAN MDZAD CING, CHOS RJE KUN DGA' BDE LEGS LA BSO BA NAS BRGYUD PA'I CHOS MANG DU GSAN, DE NAS BYAMS CHEN BDE BA CAN GYI 'CHAD NYAN LA GDAN 'DREN PA BYUNG BA'I TSE, RJE 'DI BA'I MNAL LAM DU GLANG PO CHE DKAR PO SHIN TU CHE BA CIG LA RJE RANG GI PHYAG DPE RNAMS BKAL NAS PHYOGS DER 'GRO BA ZHIG BYUNG BAS 'CHAD NYAN GYIS PHAN
, ,THOGS PAR DGONGS NAS, DGUNG LO SO GCIG PA LA BYAMS CHEN DU PHEBS, DE'I NYIN ME TOG GI CHAR BABS PA DANG, 'JA' SHAR BA DANG, NAM MKHA' LAS LHA'I ROL MO'I SGRA SNYAN PO SGROGS PA SOGS BYUNG BAS SKYE BO RNAMS SHIN TU DAD PAR GYUR, RJE 'DI MKHAS PA'I SNYAN GRAGS CHE BA LA BRTEN, PHYOGS THA DAD NAS SLOB GNYER BA MANG DU 'DUS PA DANG, GRVA TSANG RANG GI SLOB GNYER BA DANG BCAS PA BYA BRAL 'CHAD NYAN BZHIN GYi CHOS GRVAR RIGS LUNG DMAR BAR BYUNG, LO GNYIS PA LA BKRA SHIS LHUN POR CHOS PAR MDZAD PAS GZHI BA'I GRVA TSANG RNAMS DANG 'DRA BA'I DGE BSHES RAGS LA SLOB GNYER BA MANG BAS 'DI LTA BU'I 'CHAD NYAN 'BYUNG BA ZHES THAMS CAD HA LAS BAR GYUR, PAn CHEN YE SHES RTZE MO DANG, KUN MKHYEN CHOS 'BYOR GNYIS KYANG THUGS DGYES TSUL CHEN PO MDZAD, KUN MKHYEN PA'I GDAN SA LA MDO SNGAGS KYI GZHUNG LUGS RAB 'BYAMS SMRA BA'I MKHAS MCHOG CHOS RJE BLO BZANG BSHES GNYEN PHEBS 'DUG PA LA CHOS 'BREL YOD PA CIG MDZAD PAS KUN MKHYEN PA LHAG PAR THUGS DGYES TE, NGA LA 'JAM GLING GI NOR BU PHUL BA LAS CHOS RJE LA CHOS 'BREL MDZAD PA 'DI DGA' ZHES THUGS DGYES PA CHEN PO BYUNG, DE'I TSE BSKAL BZANG 'KHYAMS SU PO TI BCU LHAG PA LA DKA' BA'I GNAD RNAMS LA 'BRU GNON RE DANG SBRAGS PA'I DAM BCA' 'JOG PA GNANG BA LA, SUS KYANG BGRO GLENG 'GRO BA MA BYUNG ZHING PHAR LA THAL 'GYUR GCIG GNYIS TE TZAM GNANG PAS RGOL BA RNAMS PHAM PAR MDZAD PAS, THAMS CAD ZHAL MTHUN PAR DENG SANG SA DGE GANG GI KHROD NA YANG GZHUNG LUGS KYI GO RGYA DANG,
STON PA BZANG BA GNYIS KA 'DZOM PA 'DI LTA BU RE RE GNYIS GNYIS TZAM YANG DKON PAR 'DUG ZER NAS DAD CING GUS PAR GYUR, DE NAS BA SO, BYAMS CHEN, RGYAL BYED TSAL RNAMS SU CHOS THOG MDZAD CING PO TI LNGA DRUG TZAM GYI 'CHAD NYAN GNANG, CHOS GRVA 'DZUGS PA'I BAR SKABS SHIG ,RJE MKHAS BTZUN YON TAN RGYA MTSO LHA RIN BZHUGS PA MJAL DU BYON PA'I NUB SNGON MA DE LA MKHAS BTZUN PA'I MNAL LAM DU BUD MED SNGO SENG BA CIG GIS GOS CHEN SER PO LAS BYAS PA'I RGYAL MTSAN DRI MAS CUNG ZAD GOS PA ZHIG GTAD NAS 'DI KHYOD KYIS DRI MA DANG BRAL BAR GYIS LA RJE RIN PO CHE'I CHOS KHRIL TSUGS ZER BA CIG BYUNG, MJAL BA'I NUB DE LA MNAL LAM DU NUB SNGON MA'I BUD MED DES RIN PO CHE SHEL LAS GRUB PA'I BUM PA CIG GTAD NAS 'DI'I NANG DU BDUD RTZI RIL BU DMAR NAG CHUG ZER BA CIG BYUNG BAS, DE'I NYIN BDAG NYID CHEN PO 'DIS GSUNG CHOS KYI 'BREL BA ZHUS PAS RJE MKHAS BTZUN PAS KHYED SNOD LDAN GYI SLOB MAR 'DUG ,CHOS GAL CHE BA RNAMS LA KHYED RANG GIS KYANG GTUGS, NGAS KYANG LAN GTONG GSUNGS NAS THUGS DGYES PA CHEN PO GNANG, RJE MKHAS BTZUN PA DE RJE 'DI PA'I SKU TSE SNGA MA DU MA'I BLA MAR 'DUG PAS SKU TSE 'DIR YANG MI PHYED PA'I DAD PA BRTAN PO THOB PAS DBANG LUNG RJES GNANG ZAB KHYAD CAN MTHA' YAS PA GSAN PA LA RAGS PA CUNG ZAD TZAM 'DIR BRJOD PA NI, GSANG 'DUS MI BSKYOD PA DANG 'JAM RDOR GNYIS, BDE MCHOG LU DRIL GNYIS, DRIL BU LHA LNGA, MKHA' 'GRO RGYA MTSO, MEE TRI BCU GSUM MA STE BDE MCHOG SKOR DANG, 'JIGS BYED BCU GSUM MA, RO LANGS BRGYAD SKOR, GSHED DMAR BCU GSUM MA,
, ,KYEE RDOR MTSON CHA CAN DANG LHA DGU MA GNYIS, DUS KYI 'KHOR LO, PHAG MO BCU GSUM MA, MI 'KHRUGS PA, TSE DPAG MED LHA DGU MA, KUN RIG RNAM PAR SNANG MDZAD, RDOR DBYINGS, RNAM SNANG MNGON BYANG RNAMS KYI DBANG, 'GREL BSGRON GSAL GYI STENG NAS RTZA RGYUD LE'U BCU BDUN PA'I ZHIB BSHAD, LE'U BCO BRGYAD PA N'A RO PA'I 'GREL BA'I STENG NAS ZHIB BSHAD, RNAM BZHAG RIM PA'I t'IKKA, BSHAD RGYUD LHA MO BZHIS ZHUS, YE SHES RDO RJE KUN LAS BTUS, RIM LNGA GDAN RDZOGS, RIM LNGA GSAL SGRON, MTHA' DPYOD RIN PO CHE'I MYU GU, RDO RJE SNYING PO RGYAN GYI RGYUD, BDE MCHOG 'DOD 'JO, DRIL BU RIM LNGA'I t'IKKA, BDE MCHOG RTZA RGYUD KYI t'IKKA CHEN, 'GRIL CHEN DRI MED 'OD KYI ZHIB BSHAD, PAD DKAR ZHAL LUNG, BRTAG GNYIS SA LUGS, MKHAS GRUB RJE'I BRTAG GNYIS RNAM BSHAD, RTOG BDUN RNAM BSHAD, RDO RJE 'CHANG CHEN PO'I LAM GYI RIM PA, RTZA LTUNG RNAM BSHAD, BLA MA LNGA BCU PA'I RNAM BSHAD, 'PHO KHRID GSER GYI SGO 'BYED RNAMS KYI ZHIB BSHAD LUNG DANG BCAS PA, MKHAS GRUB RJE'I GSUNG 'BUM THOR BU PA, GSANG 'DUS SBYIN SREG ,SBYIN SREG DNGOS GRUB RGYA MTSO, TSES BCU LAG MCHOD, 'JAM DPAL RTZA RGYUD, SAMBU tA RNAMS KYI LUNG, GSANG 'DUS BSKYED RDZOGS, BDE MCHOG LU AI BA'I BSKYED RDZOGS, DRIL BU BA'I RDZOGS RIM, 'JIGS BYED BSKYED RIM, 'KHOR TSAN BSKYED RIM, BA SO RJE'I DUS 'KHOR BSKYED RIM, DUS 'KHOR SBYOR DRUG ,N'A RO CHOS DRUG GI KHRID LA SOGS PA'I KHRID KYI SKOR DU MA RNAMS GSAN PAS BKA' DRIN CHE BA'I BLA MA ZHIG TU MDZAD DO, ,BYAMS CHEN DU 'CHAD NYAN MDZAD PA'I TSE BZHUGS GRAL DUS SKYA BA'I DGE BSHES DRAG PA RNAMS DANG, DGE LDAN
PA'I DGE BSHES RNAMS 'BEL GTAM DANG BA GRO GLENG YANG YANG BYED DGOS PA LA, RJE 'DI NAM BZHENGS DGOS PA'I NUB DAM CAN CHOS KYI RGYAL BO GZI BRJID DANG LDAN PA RE GZIGS SNANG LA BYUNG ZHING, BGRO GLENG YANG RJE 'DI NYID RGYAL BA 'BA' ZHIG BYUNG STE, SA SKYA BA'I DGE BSHES MKHAS GRAGS CHE BA MANG DU 'DUS PA RNAMS LUNG DANG RIGS PA DRI MA MED PA'I GZI BRJID KYIS ZIL GYIS GNON PAR MDZAD DO, ,DE LTAR LO BCU GSUM PA'I RING BYAMS CHEN BDE BA CAN PA'I 'CHAD NYAN MDZAD PAS SBYOR BA RTZIB NAS BZUNG STE RAB 'BYAMS GRVA SKOR THENG BA'I DGE BSHES BCU PHRAG LHAG TZAM DANG, PO TI GNYIS GSUM GYI YON TAN CHAGS PA NI DPAG TU MED PA BYUNG BAS PHYOGS DER RGYAL BA BTZONG KHA PA CHEN PO'I BSTAN PA DAR ZHING RGYAS PAR MDZAD DO, ,DE NAS RJE DON YOD DPAL LDAN PAS SER BYES PA GRVA TSANG GI 'CHAD NYAN 'JOG PAR DGONGS NAS, RJE BTZUN MA SGROL MA DANG, CHOS RJE KUN MKHYEN PA'I YI DAM CHOS SKYONG RNAMS LA GSOL BA DRAG TU BTAB NAS MNAL LAM BRTAG PAR MDZAD PAS, NUB GCIG MNAL LAM DU BU MO RAS GOS GYON PA ZHIG DANG, AA TZA RA DUNG LONG SKYA KHROL LE BA CIG DANG GNYIS BYUNG NAS 'CHAD NYAN PA GTZANG NA YOD DE GDAN DRONGS DANG BSTAN PA LA PHAN PA RGYA CHEN PO THOGS PA YOD ZER BA BYUNG BAR BRTEN, GRVA TSANG GI MI SNA BSAGS NAS 'CHAD NYAN GYI 'OS RIS BSKOR BAS GRVA TSANG NANG GSES KYI CHAGS SDANG GIS DGE RGAN BLO MA TSAD PA GCIG TZAM MA GTOGS GZHAN RNAMS RJE 'DI LA 'THAD PAR BYUNG NAS GTZANG LA GDAN 'DREN DU BTANG BAS, RJE 'DI'I THUGS DGONGS LA MKHAS GRUB RIN CHEN BSHES GNYEN GYIS DBUS PHYOGS SU BSTAN PA LA PHAN THOGS RGYA CHEN PO
, ,'BYUNG BAR LUNG BSTAN PA DANG, GDAN 'DREN PA SLEB PA'I NUB RJE RANG LA DAM CAN CHOS KYI RGYAL PO'I SKU SNUM ZHING BRJID PA CIG GIS GZIGS SNANG BYUNG BAS 'CHAD NYAN LA PHEBS NA LEGS PAR DGONGS TE, SDE BAS GNANG BA BYUNG ZHING GRVA TSANG 'DI LA 'CHAD NYAN PA CIG 'KHOD NA ZHAL SNGA NAS DON YOD PA'I BKA' LUNG NAN CHE BAR 'DUG CING, NGED RANG LA RMI LAM BZANG BAR BYUNG BAS KHYED RANG RNAM PA'I GSUNG BZHIN BYAS CHOG GYIS ZHAL BZHES GNANG NAS SNYAN ZHUS PA RNAMS DBUS LA LOG PA'I MTSAMS NAS, SNGAR GYI DGE RGAN DES SDE BA SGAR BA'I BLA MA CHOS RJE TE BA RA BA LA GOS CHEN TA HUN YUG GCIG GIS GTZOS PA'I 'BUL BA CHEN PO BYAS NAS RJE 'Di PA DBUS LA PHEBS MI THUB PA'I GEGS CHEN PO BYUNG BAS, DE'I LO RGYUS RJE DON YOD DPAL LDAN PAS GSAN NAS KHO RANG DPON SLOB GSUM ZHABS BTZUGS SU RIN SPUNGS SU PHEBS TE, DBYUNG BA BRGYUD NAS BSKOS JA ZHUS, BDAG NYID CHEN PO 'DI GRVA TSANG GI 'CHAD NYAN LA BSKO BAR THAG BCAD NAS DPON SLOB RNAMS SNGON LA PHEBS, RJE 'DI BA DPON SLOB RNAMS PAn CHEN YE SHES RTZE MO MJAL DU BKRA SHIS LHUN POR BYON PAS, PAn CHEN SNAR THANG NA BZHUGS PAS DER BYON NAS DBUS SU 'CHAD NYAN LA 'BYON DGOS TSUL DANG 'DOD CHOS RNAMS ZHU BA LA YONG BA YIN ZHUS PAS, DE KA LEGS KHYED LA YANG 'PHRIN LAS CHEN PO YONG 'DOD CHOS RNAMS DA LAN 'GRUB PAR BYED GSUNG, THUGS DGYES PA CHEN POS 'DOD CHOS DU MA GNANG, 'KHOR CHEN GYI DBANG ZHUS DUS KYI 'KHOR LO CHEN PO ZHAL GZIGS BYUNG TSUL ZHING TU GSUNG,
DE NAS RJE 'DI BA DBON SLOB DBUS SU BYON PAS SNYE THANG DU PHEBS PA'I NUB MNAL LAM DU, 'BRAS SPUNGS KYI RGYAB RI'I RTZE DER RGYAL BA BTZONG KHA PA SKU CHOS GSER GYI MDOG CAN BZHES PA NYI MA 'BUM GYI 'OD 'PHRO BA ZHIG BZHUGS PA'I MDUN DU DUNG DKAR CHE BA 'BUD PA ZHIG BYUNG, DE NAS SE RAR PHEBS TE DGUNG LO ZHE GSUM PA LCAGS LUG GI LO LA BYES PA GRVA TSANG GI 'CHAD NYAN PA MDZAD DE, BLO GSAL BRGYA PHRAG DU MA 'DUS PA RNAMS LA LEGS PAR BSHAD PA'I BDUD RTZI'I BGO SKAL STZOL BAR MDZAD DO, , SDE BA SGAR BAS SA SKYA BA'I DGE BSHES MKHAS PA MANG PO BSAGS NAS PO TA LA DANG, GZHIS KA SNE'U RNAMS SU SE 'BRAS KYI BLA MA RNAMS DANG BZHUGS GRAL DU BGRO GLENG LAN MANG DU MDZAD PAS RJE 'DI LA 'GRAN ZLA MED CING, LUNG RIGS DRI MA MED PAS PHAS KYI RGOL BA RNAMS PHAM PAR MDZAD PAS SA SKYA BA'I GRUB MTHA'I PHYOGS 'DZIN CHEN PO YOD PA'I DPON SKYA MANG POS, KHYED SA SKYA BA'I DGE BSHES 'DI TZAM ZHIG 'TSOGS NAS SMIN DRUG KHYUNG RTZE BA'I SLOB DPON 'DI'I YA BA DBUS GTZANG GNYIS KA RU MI YONG BAR 'DUG PA 'DI CI YIN ZHES GLENG BA YANG BYUNG, DE NAS GNYAL STON DPAL 'BYOR LHUN GRUB SKU GSHEGS NAS SE RA'I MKHAN POR BLA MA'I ZHABS TOG LA DMIGS NAS RJE DON YOD DPAL LDAN PA BSKO BA'I THUGS KHUR CHEN PO BZHES PAS, SDIG PA DAG PA'I RTAGS DANG, SANGS RGYAS BYANG SEMS MNYES PA'I MTSAN LAM MANG DU BYUNG, RJE DON YOD DPAL LDAN PA LA BYANG CHUB LAM RIM CHE CHUNG SOGS CHOS MANG DU GSAN, BAR SKABS SHIG THOS BSAM GLING GI 'CHAD NYAN LA GDAN 'DREN PA BYUNG BAS, KUN MKHYEN
, ,CHOS 'BYOR BA BKA' DRIN CHE SHOS KYI BLA MA YIN PA DANG, BKRA SHIS LHUN POR THUGS SPYOD LA PHEBS DUS RTEN 'BREL LEGS PAR BYUNG BAS, BKRA SHIS LHUN POR PHAN THOGS CHEN PO YONG PA'I RTEN 'BREL DU DGONGS NAS, THUGS SPRO SHUGS DANG LDAN PAS PHEBS BAR THAG BCAD NA'ANG, DAM CAN CHOS KYI RGYAL PO'I SKU'I SNANG BA MNAL LAM TSUN CHAD DU YANG MA BYUNG BA DANG, NAM MKHA' NAS KHYOD RANG BSDAD NA DGA'O ZHES PA'I SGRA LHANG DE BZHIG BYUNG BAS GNOD SBYIN BEG RTZER DGONGS NAS MI 'BYON PAR THUGS THAG BCAD PAS, DE NAS DAM CAN CHOS KYI RGYAL PO GZI BRJID DANG LDAN PA MNGON SUM DANG MNAL LAM DU YANG YANG BYUNG, DE NAS MKHAS GRUB DON YOD DPAL LDAN CHOS DBYINGS SU GSHEGS PA'I GDAN SAR RJE 'DIS THUGS KHUR BZHES NAS THAMS CAD MKHYEN PA DGE 'DUN RGYA MTSO SPYAN DRANGS, DE'I DRUNG DU CHOS GSAN PA CUNG ZAD BRJOD NA, DUS 'KHOR RGYUD 'GREL, MKHAS GRUB NOR BZANG BA'I DUS 'KHOR SPYI DON, 'GREL PA SGRON GSAL, BKA' GDAMS GLEGS BAM, DPE CHOS RIN CHEN SPUNGS PA, GTAM RGYUD RIN SPUNGS, BYANG CHUB LAM RIM, DPAG BSAM 'KHRI SHING, SNYAN DAG ME LONG, MTSAN BRJOD RNAM BSHAD SOGS RJE DE NYID KYI BKA' 'BUM TSAD PAR GSAN, DE NAS BAR SKABS SHIG RGYAL BA DGE 'DUN RGYA MTSOS SGRUB THABS RGYA MTSO GNANG BA'I DUS SU RJE 'DI PA DPON SLOB BZHI BRGYA TZAM CHOS BAR BTEG NAS 'BRAS SPUNGS SU BYON, DE'I TSE THAMS CAD MKHYEN PA'I SKU 'KHOR NA CHOS RJE LEGS DON PA SOGS DGE BSHES MANG PO
BZHUGS PA DANG, RJE 'DI BA'I SKU 'KHOR NA SMRA BA'I DBANG PHYUG BYAMS PA BKRA SHIS PA SOGS DGE BSHES MANG DU BZHUGS PAS MKHAS PA DE DAG DANG 'BRAS SPUNGS PA'I MKHAS PA RNAMS 'DUS TE CHOS GRVAR RIGS LUNG MDZAD PAS, THAMS CAD KYIS DGE BSHES MKHAS PA MANG PA GRVA 'TSOGS CHE BA BYES PA 'DI 'DRA BA DA LTA GANG NA YANG MED PA 'DRA ZHES YID SMON DU BYED PA BYUNG, DGE BSHES MANG POS RJE 'DI PA LA DKA' GNAS KYI DOGS DPYOD ZHUS PA NA, LAN THOGS MED DU STZAL BAS THAMS CAD KYIS GUS 'DUD LHUR BLANGS, DER SGRUB THABS RGYA MTSO'I RJES GNANG LUNG DANG BCAS PA GSAN NAS SER THEG CHEN GLING DU PHEBS, BAR SKABS SHIG GTZANG DU YUM MJAL BA LA BYON TE, DE PHYOGS KYI GDUL BYA MANG PO'I DON MDZAD, DE'I TSE RGYAL BA BTZOD KHA PA CHEN PO DNGOS SU BYON TE KHYOD BLA MA YI DAM GYIS 'CHAD NYAN LA BSKOS PA YIN PAS MYUR BAR DBUS SU SOD LA 'CHAD NYAN GTZO BOR GYIS DANG, BSTAN BSRUNG RNAMS KYIS 'PHRIN LAS SGRUB PA YIN GSUNGS PA BYUNG, DE YANG RJE 'DIS SANGS RGYAS BYANG SEMS DANG YI DAM DU MA'I ZHAL GZIGS SHING CHOS SKYONG RNAMS KYIS 'PHRIN LAS SGRUB PA DANG, KHYAD PAR DU STONG NYID SNYING RJE'I SNYING PO CAN THUGS LA 'KHRUNGS PA LA BRTEN NAS BKA' BSGO BYAS PA TZAM GYIS KYANG GDON BGEGS KYI RIGS THON PA MANG DU BYUNG STE, DE DUS GLANG PHUN MI CIG 'DRES BSKYOD NAS RGYUN RING DU SONG BA LA, GDON 'DUL NUS MTHU CAN DU GRAGS PA DU MAS KYANG PHAN THOGS MA BYUNG ZHING BYIN RLABS BYED MKHAN RNAMS LA GNOD TSABS CHE BAR BYUNG NAS, RJES SU GSANG SNGAGS GSAR RNYING GI GRUB THOB TU RLOMS PA
, ,RNAMS KYIS KYANG BKA' BSGO RE TZAM RE MI NUS PA'I DUS SU RJE 'DI PAS BKA' BSGO ZHIG GNANG BAS, CHOS RJE CHOS RGYAL BA'I BKA' GNYAN ZER NAS MI DE BGEGS LAS THAR BAS, KUN GYIS AO RGYAN PADMA DNGOS SU BYON YANG 'DI BAS LHAG PA MED ZER NAS NGO MTSAR BA'I YUL DU BYED PA BYUNG, YANG LAN CIG BYE RI STAG RTZER DPON SA RDO RJE BSTAN SKYONG RGYAL MO GDON ZHUD GCIG GIS SHANGS TSAL SHOR NAS BZHUGS MI BZHUGS LA THUGS PA'I TSE, RJE 'DI PA GDAN 'DREN DU BYUNG DUS DAM CAN CHOS KYI RGYAL PO 'JIGS SHING RNGAMS PA PHYAG G-YAS NA LCAGS KYI RDO RJE BSNAMS PA ZHIG GI GZIGS SNANG BYUNG BSAD LAN NGAS KHAG THEG 'DI LA THUGS ZHED MI DGOS GSUNGS PAS, SDE BA DPON BLON RNAMS KYIS KHYED SANGS RGYAS SU SONG BA'I THUGS RJE ZHIG YOD NA MA GTOGS DA LAN KHAG CAN ZHIG LA GTOD PA 'DRA GSUNGS NAS THUGS 'TSABS BAR GYUR PA LA, BKA' BSGO ZHIG GNANG BAS SHAR SA TSAL JE NYUNG DANG, THUGS DRAN JE GSAL DU SONG ZHING SKU KHAMS GZHI MED DU DRANGS PAS THAMS CAD BYIN RLABS DANG NUS MTHU LA YID CHES PA'I DAD PA CHEN PO THOB PAR GYUR TO, ,YANG RAG KHA PA'I AA LAGS ZHIG LA GDON ZHUD CHEN PO ZHIG GIS DRAN PAS MI ZIN PA KHA NAS 'DRES BSLAB PA'I GTAM SNA TSOGS LAB PA LA SKYID SHOD KYI SNGAGS PA MTHU CHE BA MANG POS RJES GNANG DANG BYIN RLABS BYAS PAS KHYAD MA BYUNG BA'I KHAR BYIN RLABS BYED MKHAN 'DAS PA YANG BYUNG 'DUG ,DE'I TSE BDAG NYID CHEN PO 'DI BYIN RLABS LA GDAN DRANGS PA'I TSE RJE 'DI BAS DMIGS MED BYANG CHUB KYI SEMS RIN PO CHE
STA THOG TU BZHAG PA'I SKU MDUN DU SLEB TZAM NAS, PHYAG BTZAL NAS CHOS RJE RIN PO CHE RJE BTZUN PA PHEBS 'DUG PA KHYED RANG GIS GANG GSUNG BYED ZER BA LA, SEMS CAN LA GNOD 'TSE BYED MI NYAN PA'I CHOS BSHAD MDZAD PAS AA LAGS GDON LAS THAR PAR GYUR PAS BYIN RLABS KYI RTAGS MTSAN LA THAMS CAD HA LAS PAR GYUR PA SOGS MTHA' YAS SO, GZHAN YANG RJE 'DI LA BLA MA DANG SANGS RGYAS BYANG SEMS KYI GZIGS SNANG NGO MTSAR BA BYUNG TSUL NI, LAN CIG MNAL LAM DU BUD MED SHING LO'I GOS CAN BZHIS KHRI CHEN PO ZHIG BTEG PA'I STENG DU RGYAL BA BTZONG KHA PA CHEN PO BZHUGS PA'I MDUN DU MKHAS GRUB BSTAN PA'I BDAG PO DES DRANG NGES RNAM 'BYED DANG, DBU MA'I SKOR GYI DRI BA MANG PO MJAD PA'I MDUN DU GLING SMAD PA PHYOGS LHA 'OD ZER LA SOGS PA MANG PO ZHIG YOD PA LA BUD MED DE'I GCIG GIS, RJE 'DI LA DRI LDAN AA MRi TA 'DI MYANG NAS 'TSENGS ZER NAS RGOD PA ZHIG BYUNG, YANG LAN CIG MNAL LAM LA RGYAL TSAB CHOS RJE YIN ZER BA'I BLA MA ZHIG GIS RNAM BSHAD SNYING PO RGYAN GYI DKA' GNAS MANG PO LA ZHIB TU BSHAD PA ZHIG GNANG NAS, LJAGS KYI STENG NAS PADMA DKAR PO ZHIG BLANGS NAS GNANG STE, DE ZHAL DU BZHES PAS LUS SEMS LA BDE BA KHYAD PAR CAN SKYES PA'I NGANG NAS MNAL SAD PA DANG, LUS SEMS LA DGA' BA TSAD MED PA SKYES TE RNAM BSHAD KYI BSHAD PA PHAL CHE BAM BRJED PAR YOD PA ZHIG BYUNG GSUNGS, ZHAL SNGA NAS BDE LEGS NYI MAS RJE 'DI LA SGROL DKAR DANG MGON PO'I ZHAL GZIGS BYUNG BAR KUN GYIS MTHUN PAR GLENG 'DUG PAS GSUNG 'TSAL ZHUS PAR, ZHAL NAS,
, ,MIS ZER BA LA GTAD RA CI YOD, 'ON KYANG SGROL DKAR YID BZHIN 'KHOR LO RJE NOR BZANG RGYA MTSOS ZHAL GZIGS, DE LA THAMS CAD MKHYEN PA DGE 'DUN RGYA MTSOS GSAN, DES BDAG LA LAN DU MAR THUGS DGYES BZHIN DU GNANG BYUNG, MGON PO DANG CHOS RGYAL GNYIS LA CHED DU GNYER NAS BSNYEN SGRUB SOGS MA BYAS KYANG THUGS RJES 'DZIN PA ZHIG YOD DE, RGYAL BA BTZONG KHA PA'I GSUNG RABS KYI DGONGS DON MTHAR THUG PA GO BA 'DI'I BYIN RLABS YIN SNYAM PA YONG GSUNG, YANG LO GCIG GTZANG DBUS GNYIS SU SDE GZAR RGYUN RING PO BYUNG STE, RJE 'DIS STAG RTZER DMAG BZLOG MDZAD PAS THO RANGS SHIG MGON PO PHYAG DRUG PA, RNAM THOS SRAS, DAM CAN CHOS RGYAL RNAMS KYI ZHAL GZIGS PA'I NYIN STAG RTZE BA LA JUS YAG BYUNG BAS SDE BA DPON SLOB RNAMS THUGS YID CHES SHING MI PHYED PA'I DAD PA BRTAN PO THOB, DBU MA'I SPYI DON RTZOM PA MDZAD DE THAL BZLOG GI SKABS SU SLEBS PA'I TSE DAM CAN CHOS KYI RGYAL PO 'JIGS SHING RNGAMS PA ZHIG GAR STABS MDZAD KYIN BYON NAS KHYED KYI BSTAN BCOS 'DI'I BDAG PO NGAS BYED GSUNG, SER THEG CHEN GLING NA BZHUGS PA'I SKABS SHIG MNAL LAM LA RA MO CHE'I NGO BO RIN PO CHE'I THUGS KA NAS 'OD ZER CIG 'PHROS TE, RJE 'DI PA'I THUGS KHAR ZUG ,DE LAS 'OD ZER DPAG TU MED PA 'PHROS PAS SKYID SHOD LUNG PA 'OD KYI LUNG PO CIG TU SONG BA ZHIG BYUNG GSUNGS, YANG BAR SKABS SHIG DAM CAN CHOS KYI RGYAL PO DNGOS SU BYON NAS DENG SANG
BTZUN PA 'GA' ZHIG GIS DAM TSIG TSUL BZHIN DU MI BSRUNG BAR BSTAN PA LA GNANG GNOD BYED, NGA LA YANG MCHOD BSTOD RE TZAM MI BYED GSUNGS PA CIG BYUNG BAS, DE DUS SE RA'I TSOGS CHEN DU MANG JA GCIG GNANG NAS, PAn CHEN DGE 'DUN GRUB PAS MDZAD PA'I CHOS RGYAL YAB YUM GYI BSTOD PA DE 'DZUGS PAR MDZAD, RJE 'DIS YI DAM GYI GTZO BO RDO RJE 'JIGS BYED LA MDZAD DE YI DAM GYI BDAG 'JUG RE DANG, RDZOGS RIM RNAL 'BYOR BZHI PA'I DMIGS RIM CHAG MED DU GNANG BA LA BRTEN NAS BSKYED RDZOGS KYI RTOGS PA KHYAD PAR CAN THUGS LA 'KHRUNGS PAR DON GYIS GO BA BYUNG ZHES AE BA DKA' CHEN SHES RAB RGYAL PO GSUNG, RTA MGRIN YANG GSANG KHROS PAS KYANG RJES SU BZUNG ZHING BYIN GYIS RLOBS PAR MDZAD DE, RJE RANG GI ZHAL NAS GONG DU BSHAD PA LTAR RJE DPAL 'BYOR LHUN GRUB PA LA PADMA DBANG CHEN GYI RJES GNANG GSAN DUS MNAL LAM KHYAD PAR CAN BYUNG ZHING, NGAS YI DAM DANG CHOS SKYONG 'DI RNAMS KYI BSNYEN SGRUB SOGS MA BYAS KYANG YI DAM CHOS SKYONG 'DI RNAMS KYIS BYIN GYIS BRLABS PA DANG SKYOB PA'I RTAGS MANG DU BYUNG BAS KUN MKHYEN RIN PO CHE'I DBU TSANG KYI GSUNG SGROS 'DI RNAMS BSHAD NA GRVA TSANG LA DAR RGYAS SHIN TU CHE BA YONG BAR 'DUG KYANG, RJE YAB SRAS KYi GSUNG DANG MI MTHUN PA RE GNYIS 'DUG PA LA DGAG PA 'BUL DGOS PA BYUNG ZHES GSUNGS, DE SKABS DGA' LDAN BYANG GLING GI ZHAL BDAG LO 'GA' ZHIG MDZAD, DE NAS CHU MO LUG GI LOR, STAG RTZE RIN CHEN SGANG GI MKHAN POR PHEBS TE, BYANG CHUB LAM RIM, BDE GSANG GI BSKYED RDZOGS, KHROM CHOS MA nI
, ,BKA' 'BUM SOGS GNANG BAS SKAL LDAN GYI GDUL BYA MANG PO THAR PA MCHOG GI BDE BA LA 'GOD PAR MDZAD DO, ,DE NAS DGUNG LO BDUN CU PA SA PHO KHYI'I LOR, RGYAL BA DGE 'DUN RGYA MTSO'I RGYAL TSAB TU SE RA THEG CHEN GLING GI MKHAN PO MDZAD, BYANG CHUB LAM RIM LA SOGS PA LEGS PAR BSHAD PA'I CHOS KYI CHAR CHEN PO PHAB NAS SKAL LDAN GYI GDUL BYA DPAG TU MED PA SMIN CING GROL PAR MDZAD, BYI BA'I LOR, GRVA TSANG GI 'CHAD NYAN LA CHOS RJE SHES RAB SENG GE BSKOS NAS RJE 'DI GZIMS KHANG RANG DU BCAR BZHUGS MDZAD DE, BKA' CHEN BZHI'I t'IKKA, DRANG NGES RNAM 'BYED SOGS GANG LA GANG 'DOD KYI BKA' CHOS KYI CHAR PHAB, BAR SKABS SHIG GONG DKAR NAS DPON SA BDAG MOS GDAN DRANGS TE GSUNG CHOS MANG DU GSAN, DE'I TSE PHYOGS DE'I RANG GZHAN GYI MKHAS PA PHYOGS RIS CAN DU MA YOD PA RNAMS KYANG RJE 'DI'I SKU GSUNG THUGS KYI MDZAD PA LA DAD CING GUS PAR GYUR, SLAR SE RAR PHEBS PA'I SKABS SHIG ,DA LTA RDO SKU RNAMS BZHENGS PA'I THAD TZAM GYI NAM MKHA' LA RGYAL BA BTZONG KHA PA DANG DAM CAN CHOS RGYAL YAB YUM BZHUGS PA'I GZIGS SNANG BYUNG BA LA BRTEN NAS RGYAL BA BTZONG KHA PA, THAMS CAD MKHYEN PA DGE 'DUN RGYA MTSO, DAM CAN CHOS RGYAL YAB YUM RNAMS KYI SKYA BRIS BRGYAB NAS RDO BRKO MKHAN MA RNYED PA LA GTZANG BA YIN ZER BA'I MI ZHIG BYUNG NAS, RDO SKU RNAMS BRKOS GRUB PA NA GNANG SBYIN MDZAD DGONGS NAS YOD TZAN GAR SONG CHA MED PA ZHIG BYUNG BAS DGE 'DUN PA RNAMS KYIS
CHOS RGYAL GYI SPRUL BAR THAG BCAD DO, ,DE NAS DGUNG LO DON GSUM PA LCAGS MO GLANG GI LO LA, BDE CHEN GSANG SNGAGS MKHAR GYI GDAN SAR PHEBS NAS ZHING GZHAN DU GSHEGS KYI BAR LO RE BZHIN CHOS SDE DER YANG ZLA RE ZLA GNYIS TZAM LA BSLAB BYA, LAM RIM SOGS CHOS BKA' MANG DU STZAL, CHOS SDE DE NYID DU BZHUGS PA'I TSE DGE BSHES GSUNG CHOS DON DU GNYER BA ZHABS PHYIR 'BRANGS PA RNAMS LA YANG RTZA 'JUG ,PHAR TSAD, RGYUD BLA MA, DRANG NGES RNAM 'BYED LA SOGS PA'I DKA' GNAS RNAMS LA ZHIB BSHAD MDZAD DE, DE DAG GI RE BA YONGS SU BSKANGS, SE RA'I GDAN SAR PHEBS NAS GZHI GSUM SOGS 'DUL BA'I PHYAG LEN RNAM PAR DAG PAR MDZAD CING GRVA BA MANG PO LA GZHUNG SO SO'I t'IKKA DANG, DKA' GNAS RNAMS LA MTHA' DBYOD, SPYI DON BCAS GNANG BA'I TSE NUB CIG MNAL LAM DU BYIS PA GOS DKAR GYON PA ZHIG BYUNG NAS KHYED KYIS SLOB MA 'DI RNAMS KYI NANG NA GNYIS GSUM TZAM SMIN PAR GYIS DANG BLO BSKYED RE YOD GI ,GZHAN 'DI RNAMS LA BLO BSKYED BYUNG PA ZHIG MI 'DUG ,SEMS CHOS DANG RGYAB BSNOL DU SONG BA'I CHOS SKAD KYI RNAM PA RE LAB RGYU YOD PAS BLO BSKYED DU MI 'GRO ,BLO BSKYED BYUNG ZER BA DE SNYING RJE DANG BYANG CHUB SEMS KYIS RGYUD PHYUG CING, RIGS DRUG GI SEMS CAN THAMS CAD DRIN CAN GYI PHA MAR SHES NAS BDAG GI BDE DGE DANG DE RNAMS KYI SDUG BSNGAL GTONG LEN BYED PA'I BLO DU RI BA SPYI GTZUG TU THOG BABS KYANG MI BRJED CING, BDAG 'DZIN GYI 'KHRI BA CHOD PA ZHIG LA BLO BSKYED BYUNG BAR 'JOG PA YIN, KHYED
, ,KYIS SLOB MA 'DI RNAMS LA LAM RIM DANG BLO SBYONG GTZO BOR GYIS LA CHOS STON ZER BA BYUNG BAS, LO RE LA TSOGS PA RNAMS LA BLO SBYONG GI RGYA GZHUNG MANG PO DANG, RJE HOR STON PA'I BLO SBYONG SOGS BLO SBYONG MANG PO GNANG BA YIN GSUNG, BAR SKABS SHIG KARMA RABS BRGYAD PA MI BSKYOD RDO RJES RJE 'DI LA BSNGAGS BRJOD KYI YI GE DANG, KHONG RANG GIS MDZAD PA'I PHAR PHYIN GYI t'IKA CHEN, RAB 'BYAMS PA DPON G-YOG GNYIS LA BSKUR NAS NGED KYI t'IKKA 'DI LA DGAG SGRUB TSUL BZHIN DU MDZAD DGOS GSUNG BA DANG, RGYAL BA DGE 'DUN RGYA MTSO'I ZHAL SNGA NAS KYIS KYANG, CHOS RJE KARMA PAS DED LA YANG DE BZHIN GNANG 'DUG KYANG NGED BREL BAS G-YENGS NAS MI KHOM PAR SNANG, NGED RANG DPON SLOB DGONGS PA GCIG PAS KHYED KYIS LAN MDZOD, KHYED 'DRA BA ZHIG GIS LAN MA MDZAD NA GZHAN GYIS JI LTA BA BZHIN YONG BA DKA', KARMA PA SKU YUL GNYAN PAS LAN MA BYAS NA BRNYAS STABS SU YANG 'GRO BA DANG, GZHAN PHYOGS PA RNAMS KYIS DGE LDAN PA'I DKYIL NA LAN LDON NUS PA MI 'DUG ZER NAS SKUR BA ZHU BA'I RKYEN DU YANG 'GRO BAR SNANG BAS, 'DI'I LAN KHYED KYIS CIS KYANG MDZAD DGOS ZHES BKA' GNANG BA KHUR DU BZHES NAS KAR LAN KLU SGRUB DGONGS RGYAN BRTZAMS NAS 'BUM RAB 'BYAMS PA DPON G-YOG GNYIS 'BUL DU BTANG BAS, RJE KARMA PA'I SGAR CHEN SNYE MON BZHUGS PA'I SAR PHUL BA LA GZIGS RTOG ZHIB PAR MDZAD CING, SKU 'KHOR GYI DGE BSHES RNAMS LA
YANG KHYED RNAMS KYIS 'DI LA RTOG DPYOD ZHIB BAR GYIS LA MI 'THAD PA 'DUG NA DGAG LAN KHYER SHOG GSUNG BA SOGS KYI SGO NAS DPYAD PA ZHIB PAR MDZAD PAS DKAR LAN DE YANG LEGS BSHAD RMAD DU BYUNG BAR GZIGS NAS, RGYAL BA BTZONG KHA PA'I DBU MA'I LTA GRUB LA THUGS DAD CHEN PO 'KHRUNGS TE, RJE 'DI LA BSNGAGS BRJOD KYI BKA' SHOG DANG, RJE BTZONG KHA BA'I DBU SKRA 'KHRUL MED KYI RTEN DANG BCAS PA GNANG, KAR LAN 'BUL BA'I SKABS SU RJE KARMA PA'I MNAL LAM DU BAR SNANG NAS SGRA ZHIG LA, RGYA NAG RI BO RTZE LNGA NAS 'JAM DBYANGS DHARMA DHA TU'I SPRUL BAS KLU SGRUB KYI DGONGS PA PHYIN CIM LOG PAR BSHAD PAS, DE RING NYID DU KHYOD NYID TSIM PAR GYIS ZER BA BYUNG ZHES 'BUM RAB 'BYAMS PA LA BKA' LUNG GNANG, RJE 'DI LA KAR LAN BRTZAMS PA DANG, 'BUL BA'I SKABS RNAMS SU RJE RIN PO CHE DANG, CHOS KYI RGYAL PO'I GZIGS SNANG YANG DANG YANG DU BYUNG BAR AE BA DKA' CHEN SHES RAB RGYAL PO LA DNGOS SU GSUNGS, DE DUS KAR LAN DU GO SHAKA GNYIS KYIS, RJE BTZONG KHA PA LA DGAG PA BYAS PA'I LAN ZHIG BYED PAS DPANG PO MDZAD DGOS GSUNG BAS, RJE KARMA PAS BSTAN PA'I DAG THER KHYED LTA BU'I SKYES BUD MA PAS MDZAD PAR RIGS PAS CIS KYANG NAS BRTZAM PAR MDZOD LA BDAG LA 'PHROD PA ZHIG GAL CHE GSUNG BA LA BRTEN SH'AKA LAN RDZOGS PAR MDZAD, GO LAN GYI STOD TZAM BRTZAMS GRUB NAS YOD PAR BDAG NYID CHEN PO MYA NGAN LAS 'DA' KHAR RJE KARMA PA'I PHYAG TU 'BUL THUB PA GYIS GSUNG BAS ZUL PHUR PHEBS
, ,DUS 'BUM RAM PA DANG NYE GNAS CHEN PO BSTAN 'PHEL GNYIS KYIS 'BUL DU PHYIN PAS THUGS DGYES TE KHONG GNYIS LA GNANG SBYIN CHEN PO MDZAD, SNGA PHYIR BSTAN PA'I RGYUN LA DGONGS NAS GSUNG RTZOM MDZAD PA'I RIM PA YANG DBU MA'I SPYI MA THAL, 'JUG PA'I DKA' GNAS KYI DOGS DBYOD NYUNG BSDUS GCIG PHAR PHYIN SPYI DON SKABS DANG PO'I 'PHRO CUNG ZAD MA GTOGS CHA TSANG BA, TSAD MA'I SPYI DON, TSAD MA'I MTHA' DPYOD LE'U GNYIS PA MA TSAD PA GCIG ,DRANG NGES RNAM 'BYED KYI MTHA' DPYOD BSDUS PA GCIG ,KAR LAN DANG SH'AKA LAN YONGS RDZOGS, GO LAN RTZOM 'PHRO, MKHAS GRUB RIN PO CHE'I RNAM THAR, GNAS RNYING KUN DGA' BDE LEGS KYI RNAM THAR, KHYAD PAR 'PHAGS BSTOD KYI SA BCAD, BZANG SPYOD SMON LAM GYIS BCAD, GU RU DRAG PO'I SGRUB THABS, SGROL DKAR GYI SGRUB THABS BSTOD PA DANG BCAS PA, DBU MA'I LTA KHRID NYUNG BSDUS GCIG ,RGYA BAN GYIS 'BUM BZHENGS PA'I DKAR CHAGS, 'JUG PA'I t'IKKA SNGA RTING GNYIS, PHAR TSAD DBU GSUM 'DUL MDZOD DANG BCAS PA LA ZHAL SLOB RNAMS KYIS SNGA PHYIR ZIN BRIS BYAS PA'ANG MANG DU YOD PAR SNANG NGO, ,GZHAN YANG RJE 'DI MKHAS BTZUN BZANG GSUM GYI YON TAN DANG LDAN PA'I TSUL LA MKHAS PA'I YON TAN NI, THOG MTHA' BAR GSUM DU DGE BA'I BSHES GNYEN DU MA BSTEN NAS MDO RGYUD DBANG LUNG MAN NGAG GZHUNG LUGS SO SO'I TSIG DON MA LUS BAR
THUGS SU CHUD DE GDUL BYA RNAMS LA 'CHAD PA NA, GZHUNG LUGS GANG 'CHAD CING GZHUNG LUGS RE RE LA RGYA BOD KYI MKHAS PA'I BSHAD SROL MI 'DRA BA DU MA LUNG RIGS DANG SBYAR NAS BSHAD PAS, GO BA BOGS CHOD BDE BLAG TU STER NUS PA DANG, DKA' BA'I GNAD RNAMS LA BRGAL ZHING BRTAGS PA MDZAD PA'I TSE, DNGOS STOBS KYI RIGS PA DRI MA MED PAS LOG PAR RTOG PA RNAMS LHAG MA MA LUS PAR SUN 'BYIN NUS SHING, DNGOS STOBS KYI RIGS PA YANG DENG SANG GI TSIG PHYIR 'BRANGS TE, PHAR 'THEN TSUR 'THEN GYI SGO NAS TSIG GI NANG 'GAL CUNG ZAD CIG BYUNG PA LA, STON PA BZANG BAR RLOM PA LTA BU MA YIN PAR BSTAN BCOS RTZOM PA PO RANG RANG GI DGONGS PAR 'THAD PA'I PHYOGS RNAMS SGRUB NUS PA DANG, MI 'THAD PA'I PHYOGS RNAMS DNGOS STOBS KYI RIGS PAS SUN 'BYIN NUS PAR YOD PA NI, RJE 'DI NYID KYI GSUNG RAB RNAMS LA RNAM DPYOD DANG LDAN PA'I GZUR GNAS RNAMS KYIS BLTAS PAS SHES NUS SHING, THA NA RJES GNANG RE TZAM LA YANG LUGS MI 'DRA BA DU MA DANG, GZHAN LAS 'PHAGS PA'I ZAB KHYAD RE 'BYUNG, BLA MA RNAMS KYI RNAM THAR GSUNG PA'I TSE GZHAN LAS KHUNGS BTZUN ZHING YID CHES PAS 'KHRUL MED RE 'BYUNG, KUN MKHYEN CHOS 'BYOR DPAL BZANG SOGS BLA MA RNAMS KYIS BZHED PA MI 'THAD PA RE TZAM YOD PA LA DGAG PA MDZAD PA NA, NGED KYI ZHAL SNGA NAS DE 'DI SKAD GSUNGS ZHES LUGS DE BSKYAR NAS DE LA DOGS DBYOD KYI TSUL DU DGAG PA RE MDZAD, DE LTAR LUNG DANG RIGS PA SMRA BA LA MKHAS
, ,PA'I MCHOG TU GYUR TE SNYAN PA'I GRAGS PA PHYOGS BCUR RGYAS SO, ,BTZUN PA'I YON TAN YANG SO THAR BYANG SEMS SNGAGS KYI SDOM PA GSUM LEGS PAR MNOS NAS RANG RANG GI NYES BYAS PHRA MOS KYANG MA GOS PAR TSUL BZHIN DU BSRUNG BAR MDZAD PAS LHA DANG BCAS PA'I 'JIG RTEN THAMS CAD KYI YON GNAS DAM PAR GYUR TO, ,BZANG BA'I YON TAN NI 'GRO BA MTHA' DAG LA BU GCIG PA LTAR BRTZE BA DANG SNYING RJE CHEN POS DRANGS PA'I BYANG CHUB KYI SEMS RIN PO CHE DANG, MTHA' BRAL GYI DE KHO NA NYID GZIGS PA'I SHES RAB KHYAD PAR CAN DANG, RIM GNYIS KYI RTOGS PA KHYAD PAR CAN RNAMS THUGS RGYUD LA MNGA' BAS SO, ,'PHRAL GYI MDZAD PA YANG MTHON PO LA LHAG PAR MI BKUR, DMA' BA LA MI BRNYAS, MTHO DMAN KUN LA ZHE SA RE DANG BCAS GSUNG GLENG GNANG BA, CHOS 'CHAD NYAN LA SPRO SHAS CHE BA, CHOS MTHUN GYI GRA BA RNAMS LA BU GCIG BA LTAR BRTZE BA, BSTAN PA LA THUGS RUS CHE BA, TSE 'DI'I CHE THABS DANG SNYAN GRAGS LA MI DGYES PA, 'PHRAL DU GRA BA SNYOMS CHUNG GI JA ZHUS RE'AM DAR KHA TZAM PHUL BA LA YANG THUGS DGYES PA CHEN PO MDZAD PA DON LA 'DZAM GLING GSER GYIS BKANG NAS PHUL YANG ZHEN CHAGS MI MNGA' BA, MI TSE HRIL POR ZHABS 'BRING DU BSDAD KYANG SKYON GYI RNAM PA CUNG ZAD TZAM YANG MI MTHONG ZHING, YON TAN GYI CHA NAS DAD GUS CHES CHER 'PHEL BA, NYIN MTSAN THUGS DAM GYIS 'DA' YANG MI GZHAN LA PHYOGS TZAM
YANG MI MNGON PA ZHIG YOD LA, DE YANG DVAGS PO SLOB DPON YON TAN RGYA MTSOS RJE 'DI LA THUGS DAM GYI RIM PA JI LTAR GNANG GIN YOD ZHUS PAS, NGAS THUGS DAM BYED KYIN MED PA MTHONG NGAM GSUNGS, SLAR YANG NAN CHER DU ZHUS PAS, KHYED RNAMS KYIS DBE CHA BLTA BA LA THUGS DAM GYI THA SNYAD MI BYED PAR 'DUG KYANG NGAS KHA 'DON GYI GTZO PO DPE CHA BLTA BA 'DI RANG YIN, NGA DPE CHA BLTA BA LA NUS RAB YOD, GZHAN KHA 'DON CHER MED, RDO RJE 'JIGS BYED KYI BDAG 'JUG RE, MTSAN BRJOD TSAR RE, RDO RJE SEMS DPA'I BSGOM BZLAS, YI GE BRGYA PA BRGYA RTZA RE, SDOM PA GSUM RANG RANG GI PHYIR BCOS KYI SGO NAS BSHAGS SNGOM RE, GTOR 'BUL NYUNG BSDUS TE, MTSAN MO THUN GSUM GYI DANG PO LA DBU MA'I LTA KHRID, BAR PA LA BDE MCHOG DRIL BU PA'I KHRID, THA MA LA RDO RJE 'JIGS BYED KYI KHRID RE RNAMS 'CHAG MED DU BYED KYIN YOD PA RNAMS KYANG SANGS RGYAS KYI BSTAN PA CI DAR DANG, BSTAN 'DZIN GYI SKYES BU'I SKU RIM DANG, SEMS CAN LA BDE SKYID 'BYUNG BA'I THABS 'BA' ZHIG LA DMIGS PA YIN, LAR NGAS LO BCO BRGYAD PA'I DUS SMAN CHU NA ZHAL SNGA NAS KUN DGA' BDE LEGS LA BLO SBYONG MANG PO NYAN PA'I DUS SHIG NAS BZUNG STE, THA NA BRTZI BZHAG CHOS THUN RE BZUNG BA DANG, GZHAN LA CHOS THUN RE BSHAD PA RNAMS KYANG SANGS RGYAS KYI BSTAN PA DAR BA'I CHED DU DMIGS PA YIN, SANGS RGYAS KYI BSTAN PA DAR NA SEMS CAN GYI BDE SKYID KYANG ZHAR LA 'BYUNG GSUNGS, DE LTAR BSTAN PA DANG
, ,SEMS CAN GYI DON RGYA CHEN PO MDZAD DE, SKU DNGOS KYI GDUL BYA RNAMS RDZOGS PA'I MTHAR, CHU MO YOS KYI LO NAS ZHING KHAMS GZHAN DU GSHEGS PA'I DGONGS PA GNANG 'DUG STE, LO DE'I STON RI BO DGE LDAN NAS CHOS KYI RJE RGYAL MTSAN BZANG PO MJAL DU BYON PA LA, DA LAM KHYED BYON PA LEGS, NGED RANG DPON SLOB DA LAN MIN PA MI MJAL, NGED RANG RNAMS KYIS BSOD NAMS SU MING BTAGS PA'I 'DU 'DZI LANG LONG 'DI BDUD KYI BSLU BRID CHEN POR 'DUG ,'DI LA MA CHAGS PAR SPYIR SANGS RGYAS KYI BSTAN PA, SGOS RGYAL BA BTZONG KHA PA CHEN PO'I BSTAN PA LA THUGS RUS MA CHUNG, SANGS RGYAS KYI BSTAN PA CI NGAR BYED PA GAL CHE GSUNGS PA LA, CHOS RJE RGYAL MTSAN BZANG POS SLAR DPON SLOB MJAL PA'I SMON LAM 'DEBS PAS CIS KYANG MJAL PA'I SMOL LAM ZHUS PAS, CHOS RJE RANG SMON LAM MDZOD DANG BAN RGAN JI LTAR TSE RING YANG SANG PHOD DA TZAM PHAN LA MI SDOD, DE'I BAR LA MJAL AE THUB MI SHES GSUNGS PA LA, CHOS RJE RGYAL MTSAN BZANG POS BRTAN BZHUGS PHUL BAS, GANG LTAR YANG BSTAN PA LA THUGS RUS MCHUNG BSTAN PA NYAMS DMA' PA'I DUS YIN GSUNGS, STONG NYID SNYING RJE'I SNYING PO CAN THUGS LA 'KHRUNGS YANG THUN MONG GI SNANG NGOR SPYAN CHA BA 'DON PA SOGS MI MDZAD KYANG, DE DUS BSTAN PA NYAMS PA THUGS KYIS MA BZOD NAS SPYAN CHAB MANG DU BTON PAS, CHOS RJE RGYAL MTSAN BZANG PO YANG THUGS SHIN TU SKYO NAS
SPYAN CHAB MANG DU BYUNG, JI SKAD GSUNG BA BZHIN CHOS RJE RGYAL MTSAN BZANG POS DE'I RJES SU MJAL MA THUB PA 'DUG STE, MNGON SHES THOGS PA MED PA MNGA' PA'I GSUNG DU SNANG, DE NAS DGUNG LO DON DRUG PA SHING PHO 'BRUG GI LO LAN CIG GZIMS KHANG GI RTZE THOG TU ZHABS 'CHAG MDZAD PA'I TSE, NGA DA LO 'CHI BAR 'DUG ,CHOS RJE CHOS SKYONG RGYA MTSO YANG ZHI BAR GSHEGS PA'I LOR BYANG SHAM BHA LA LA 'BYON PA'I MNAL LAM BYUNG 'DUG ,NGA LA YANG DA LO DGA' LDAN DU 'GRO BA'I RMI LAM LAN 'GA' BYUNG GSUNGS, LO DE'I HOR ZLA DGU PA'I TSE BCO LNGA'I NYIN DPON SLOB NYUNG 'DUS SHIG LHA SAR BYON NAS JO PO RIN PO CHE DANG, BCU GCIG ZHAL SOGS LA GSER CHAB SNYAN DAR PHUL NAS BSTAN PA RGYAS PA'I SMON LAM RGYAS PAR MDZAD, DE'I TSE GDAN 'DREN PA MANG DU BYANG BA LA SMON LAM 'CHAG PAR 'DUG PAS NGA MI 'GRO, MI RGAN JO BO LA PHYI PHYAG GCIG 'TSAL DU YONG PA JAS KHYER NA MI YONG GSUNGS PA LA, DVAGS PO SLOB DPON PAS GSUNG DE TSER MA THAG THUGS THON PA 'DRA BA ZHIG BYUNG NAS DAR CIG GA RING LA GSUNG MA THON, DE NAS SLAR YANG YUN RING BZHUGS DGOS PA'I BRTAN BZHUGS PHUL BA LA, DA LO YANG MANG PO LON, NAM 'CHI CHA MED PAS JO BO RIN PO CHE YANG YANG MJAL AE THUB MI SHES BSAM PA MA GTOGS PHYI PHYAG YIN PA'I DES PA CI YOD GSUNGS PAS, DVAGS PO SLOB DPON PAS GSUNG DE SEMS GSO BA TZAM TU 'DUG DGONGS SHING SE RAL PHYAG PHYIR BYON, ZHAG LNGA DRUG GI RING LA DPON SLOB GSUNG GLENG MANG DU
, ,MDZAD PAS, BDAG NYID CHEN PO 'DI'I ZHAL NAS, DUS DENG SANG LAS SANGS RGYAS KYI BSTAN PA NYAMS DMA' BA MA BYUNG, BSTAN 'DZIN GYI SKYES BUR KHAS 'CHE BA MANG DU 'DUG KYANG BSTAN PA'I KHUR SHIN TU CHUNG BAR 'DUG ,THAMS CAD MKHYEN PA DGE 'DUN RGYA MTSO'I ZHAL SNGA NAS DE GANG DU BZHUGS KYANG BSTAN PA DAR ZHING RGYAS PAR MDZAD PAS BZHUGS PA GCIG BUS BSTAN PA LA PHAN PA GCIG YOD PA DE NI ZHING KHAMS GZHAN DU GSHEGS, CHOS RJE CHOS SKYONG RGYA MTSO PA DE LA BSTAN PA'I KHUR CHEN PO GCIG YOD PA DE YANG MI BZHUGS, SANGS RGYAS KYI BSTAN PA'I MING TZAM GYI DUS LA BAB, BSTAN PA'I KHUR BYED PA NI NYIN MO'I SKAR MA TZAM LAS DKON, RANG RE RNAMS KYI KHA THABS NI 'DIR ZAD PAS BYED THABS MI 'DUG GSUNGS, BSTAN PA NYAMS PA THUGS KYIS MA BZOD NAS GSUNG 'DAR LHANG DE BA DANG BCAS SPYAN CHAB MANG DU GNANG BAS DVAGS PO BA LA YANG SPYAN CHAB MANG DU BYUNG, DE NAS HOR ZLA BCU GCIG PA'I TSES BCU GSUM LA BDE CHEN NAS SNGE PA DMAG DPON PA BSNYUNG NAS GDAN 'DREN DU BYUNG BAS, DE NYIN TSAL DU PHEBS NAS BZHUGS PA DANG SNGE PA GSHEGS PA GSAN NAS TSES BCU BZHI LA SE RAR PHEBS, TSES BCU BZHI'I GUNG TSIGS GNANG MA THAG ZHAL SKYUGS CUNG ZAD BYUNG, SNYUNG ZUG CHER MED KYANG SKU KHAMS NYOG PA ZHIG BYUNG BAS SMAN PA RNAMS KYIS SKU GRIB YIN PAR 'DUG ZER NAS SKU RIM DANG KHRUS GSOL SOGS BYAS KYANG PHAN CHA CHER MA BYUNG, SKU RIM GYI 'GYED GRABS BYAS PA'I TSE DRIL BU
ZHIG 'KHROL BA GSAN NAS KHYED RNAMS KYIS CI BYED KYIN YOD GSUNG BAR, SKU RIM GYI 'GYED GTONG RGYU YIN ZHUS PAS, NGA'I SNAM SBYAR LHUNG BZED MGON DKAR GYI THANG GA RNAMS ZHOG GSUNG, DE NAS TSES PA BCO BRGYAD KYI DGONG MO SKU KHAMS DVANGS SHING SKU MDANGS YANG SNGAR LAS BZANG BA ZHIG BYUNG BAS SKU DRUNG NA 'KHOD PA RNAMS LA DGYES TSOR CHEN PO BYUNG, DE'I TSE SKU DRUNG NA 'KHOD PA RNAMS LA, GO SH'AKA GNYIS KYIS RGYAL BA BTZONG KHA PA CHEN PO'I BSTAN PA CHES CHER DAR PA MA BZOD NAS LTA GRUB LOG PA MANG PO RJE RIN PO CHE'I LTA GRUB YIN ZER NAS SKUR ZHUS DANG, DGAG PA MANG PO BYAS 'DUG PAS KHONG GNYIS KYI DGAG LAN 'DI DAG 'CHI KHAR KHA 'DON RNAMS BCAG NAS BYAS PA YIN, GO BO RAB 'BYAMS PA'I LAN 'DI'I 'PHRO MA GRUB KYANG 'DI GNYIS RJE KARMA BA MI BSKYOD RDO RJE'I DRUNG DU CIS KYANG 'BUL THUB PA ZHIG GYIS GSHUNG NAS DBU PHUR NAS BZHUGS PAS SKU DRUNG NA 'KHOD PA RNAMS MYA GNANG GYIS GDUNGS NAS NGUS PAS, DBU PHUR BA BZHAG NAS KHYED RNAMS KYIS MYA NGAN DE LTAR MA BYED, BLA MA BZUNG NAS BSDAD PA SU YANG MED, LHAG PAR BAN RGAN GCIG BSDAD KYANG BSTAN PA DANG SEMS CAN LA PHAN PA ZHIG MI YONG BAR 'DUG ,KHYED RANG RNAMS KYANG TSUL KHRIMS RNAM DAG DANG LDAN PAR GYIS LA RANG RANG LA BABS TSOD KYIS BSTAN PA LA GANG PHAN DANG, DBON GNAS RE BSTEN LA DGE SBYOR CI 'PHEL BYAS NA NGA'I BSAM PA YANG DES RDZOGS, YON TAN THAMS CAD KYI GZHI MA TSUL KHRIMS YIN PAS TSUL KHRIMS LA GCES SPRAS DANG LAS
, ,RGYU 'BRAS LA RTZIS SU BYED DGOS, LAS RGYU 'BRAS LA MI 'DZEM PAR TZAL TE BTANG NAS TSUL KHRIMS KHA RAL SNA RAL DU SONG NAS CHOS MANG PO SHES KYANG DES PHAN PA GCIG KYANG MED, TSUL KHRIMS RNAM PAR DAG PAR GYIS LA MIG LTOS LA GANG PHAN GYIS GSUNGS, THUGS RIG SHIN TU DVANGS BAS MTSAN DE LA YANG THUGS DAM LA 'GRUS PAR MDZAD, DE'I DANG NAS BCUD GU'I NAM SENG LA BABS PA NA ZHABS RDO RJE'I SKYIL KRUNG, PHYAG GNYIS MNYAM BZHAG MDZAD NAS DGA' LDAN CHOS KYI PHO BRANG DU GSHEGS PA'I TSUL BSTAN TO, ZHAG BRGYAD KYI RING THUGS DAM LA BZHUGS SHING, DE'I TSE NAM MKHA' SPRIN DANG BRAL ZHING 'JA' KHA DOG SNA TSOGS PA 'CHAR BA DANG, ME TOG SNA TSOGS KYI CHAR 'BAB PA SOGS YA MTSAN PA'I LTAS MANG DU BYUNG, THUGS DAM GROL BA DANG DRI BZANG GI CHUS KHRUS GSOL BA'I RIL BU BYAS PA RNAMS LA YANG RING BSREL MANG DU 'PHEL, DE NAS NYI SHU BDUN GYI DGONG MO RJE 'DI'I THUGS SRAS DAM PA DVAGS PO SLOB DPON YON TAN RGYA MTSOS SKU GDUNG ZHUGS 'BUL MDZAD PAS GLING KHROD DANG, PHYOGS MTHA' RNAMS SU YANG ME TOG DKAR SER LJANG SNGON SOGS ME TOG SNA TSOGS KYI CHAR MANG DU BABS PA DANG, 'JA' KHA DOG SNA TSOGS PA YANG GUR PHUB PA LTAR SE RA'I PHYOGS THAMS CAD DU ZUG PA BYUNG BAS, RJE 'DI LA MI GUS PA'I SKYE BO SKAL BA DMAN PA RNAMS KYANG 'GYOD PA DRAS POS BSHAGS PA BYED CING GUS PA CHES CHER 'PHEL BAR GYUR, DE NAS
BSTAN PA'I SBYIN BDAG DAM PA DPON SA RDO RJE BSTAN SKYONG RGYAL MOS, RANG GI SKU RGYAN GYI G-YU MU RIG SOGS RIN PO CHE'I RGYAN GYIS SPRAS PA'I GSER GDUD NGO MTSAR CAN ZHIG MYUR DU BZHENGS NAS SE RAR PHEBS PA DANG, GDUNG KHANG ZHAL PHYE BA LA DUNG G-YAS 'KHYIL GSUM, DUNG GI RNAM PA DOD TZAM GCIG DANG THOD DBYUG GCIG ,RING BSREL KHA DOG MI 'DRA BA SNA TSOGS PA YOD PA DPAG TU MED PA BYUNG BA RNAMS NI DAD PA CAN RNAMS KYI LAG TU 'PHEL BA'ANG BYUNG, GDUNG RUS 'GA' ZHIG LA AOm A'A: H'Um DANG YA MA R'A DZA'I YIG 'BRU RNAMS TSANG BA, A'A LI K'A LI'I YIG 'BRU THOR RE RNAMS BYUNG ZHING, GDUNG RUS KA SHI KHA GANG GI LTEBS SU BTUMS PAS, KA SHI LA RDO RJE 'JIGS BYED DPA' BO GCIG PA ZHAL PHYAG YONGS SU RDZOGS PA ZHIG BYON, GZHAN MA'I GDUNG RUS GDUD THAL RNAMS KYI NANG DU YANG DUNG DKAR G-YAS 'KHYIL DANG RING BSREL MANG DU BYUNG, DUD G-YAS 'KHYIL GCIG GSER GDUNG GI BANG RIM LA SHEL SGO BYAS NAS YOD, DUD G-YAS 'KHYIL GCIG DANG THOD DBYUG GI RNAM PA GNYIS LHA BTZAN PO 'JIG RTEN DBANG PHYUG LA PHUL BAS MCHOD THEBS KYI RIN PO CHE MANG DU GNANG, GCIG DRUNG CHEN LA YOD GSUNGS, DUNG G-YAS 'KHYIL GYI NYAMS YOD TZAM ZHIG SDE BA 'PHYOS PA LA PHUL BAS, KHO RANG GI PHYAG TU 'BYOR BA NA DUNG G-YAS 'KHYIL GSAL BA ZHIG BYUNG ZHES GRAG ,KA SHI'I RAS LA RDO RJE 'JIGS BYED BYON PA DE DGOS ZER MKHAN 'BYUNG DOGS, GZHAN LAM MNGON PAR DRUNG CHEN LA YOD PA, PHYIS DVAGS
, ,PO SLOB DPON YON TAN RGYA MTSOS MJAL KHA DGOS GSUNGS PAS, CHOS RJE RGYAL MTSAN BZANG PO LA PHUL ZER YANG MA PHUL BAR 'DUG GSUNGS, DVAGS PO SLOB DPON RANG LA YANG TSEMS GCIG LA AA NYIS BRTZEGS YOD PA GCIG YOD GSUNGS, DES MTSON NGO MTSAR BA'I LTAS BSAM GYIS MI KHYAB PA BYUNG NGO, LEGS BSHAD NOR BU'I DPAL LA RJES CHAGS PA'I, ,BLO GROS LANG TSO RDZOGS PA'I DED DPON KHYOD, ,RMAD BYUNG BRTZON PA'I GRU GZINGS LA BRTEN NAS, ,SDE SNOD GANGG'A 'DZIN DE'I PHA ROL SON, ,RNAM DPYOD SPRIN DKAR 'DZUM PA LAS, ,DAM CHOS CHAR CHEN STONG PHAB PAS, ,SKAL BZANG YID KYI ZHING SA NI, ,RNAM GROL MYU GU'I PHRENG BA 'DZIN, ,RTZOD PA'I KHRI LA KHYOD BZHUGS TSE, ,BLO BZANG BSTAN LA CO 'DRI BA'I, ,LOG BAR SMRA BA RNAMS KYI LCE, ,SNYING DANG LHAN CIG 'DAR BA BRTEN, ,NGES DON GZHUNG LUGS 'O MA'I MTSOR, ,GANG THUGS ZLA ZER ROL PA LAS, ,ZAB DON RBA RLABS LUD PA'I RTZER, ,THAR 'DOD DANG MO 'PHUR ZHING LDING, ,DGE LEGS RIN CHEN LAS GRUB LUNG RIGS KYI, ,NYI ZLA'I 'OD 'BAR MKHAS MCHOG GSER RIS BSKOR, ,RKANG 'THUNG COD PAN 'DZIN PA'I LHUN PO 'DIS, ,THUB BSTAN CHU SRIN GRONG KHYER CI YANG MDZES, ,ZHES PA NI RJE BTZUN CHOS KYI RGYAL MTSAN DPAL BZANG POR SKU'I SKYE BA BZHES PA'I YAL 'DAB STE BCU GCIG BA'O,, ` ,,GTZUG LAG CHU GTER DBUS NA RNAM ROL ZHING, ,LUNG DANG RIGS PA'I GDENGS
KA STONG GIS MDZES, ,BSLAB GSUM NOR BU'I MDZOD LA MNGA' BRNYES PA, ,'KHON STON CHOS RJE'I ZHABS LA GUS PAS 'DUD, ,DE YANG 'KHRUNGS RABS LAS, 'JAM DBYANGS 'KHON GYI RIGS 'KHRUNGS SA GSUM GYI, ,'GRO BA'I DED DPON MNGA' BRNYES SKYABS GCIG BU, ,DPAL 'BYOR LHUN GYIS GRUB PA'I MTSAN MNGA' BA, ,RJE BTZUN BLA MA'I ZHABS LA GSOL BA 'DEBS, ,ZHES GSUNGS PA LTAR, 'KHON STON CHEN PO DPAL 'BYOR LHUN GRUB TU SKU'I SKYE BA BZHES BA'I TSUL NI, YUL DBUS AE RIG PA'I 'BYUNG GNAS KYI SA'I CHA, SKYOGS MKHAR ZHES PA'I GRONG DU 'JAM DBYANGS BDUN BRGYUD SOGS SKYES MCHOG TU MA BYUNG BA'I 'KHON GYI RIGS LAS, GSANG SNGAGS RNYING MA BKA' GTER MTHA' DAG LA GSAN RGYA CHE ZHING, GRUB PA'I YON TAN YANG DAG PAR BRNYES PA YAB TSE DBANG NOR BU DANG, YUM BUD MED KYI SKYON DANG BRAL BA RGYAL MO 'DZOM BYA BA GNYIS KYI SRAS SU LCAGS MO BYA'I LO LA SKU BLTAMS SHING, SKU MCHED GSUM LAS RJE 'DI BGRES PA YIN, BTZAS MA THAG TU HR'I: DANG DH'I: DANG AA RA PA TZA NA SOGS 'DREN PA BYUNG ZHING, BYIS PA'I DUS NA RTZED MO'I 'TSAB TU YANG ZLA BO RNAMS LA DBANG BSKUR CHOS BSHAD MDZAD PA, RTZIG PA DANG RDO LA YI GE 'BRI BA SOGS MDZAD PA LAS BYIS PA'I RNAM PA YE MED PAR GRAGS, DGUNG LO BDUN BRGYAD TZAM LON PA'I DUS YI GE 'BRI KLOG BSLAB BAS DKA' TSEGS MED PAR MKHAS PAR MKHYEN, DE'I TSE KLOG PA'I SLOB DPON GYI DPE CHA'I KHROD NA
, ,THEG PA CHEN PO'I BLO SBYONG GI SKOR MANG DU 'DUG PAS, 'BRI KLOG GI GSENG DANG, SLOB DPON GYIS MA GZIGS PA'I LKOG THAMS CAD DU LJAGS LKOG GNANG BAS, NGES 'BYUNG GI BSAM PA BCOS MA MA YIN PA THUGS RGYUD LA 'KHRUNGS SHING, KHYAD PAR GRONG BA'I MI ZHIG GIS KHYI LA GRI BRGYAB PA'I RMA'I ZUG RDU MI BZOD PA BYUNG NAS SKAD DRAG PO YANG YANG 'DON PA GSAN ZHING GZIGS PA BYUNG BAS KYANG RKYEN BYAS TE, KHYI DES DNGOS SU DPER MTSON PA'I 'GRO BA'I SDUG BSNGAL LA MI BZOD PA'I SNYING RJE SHUGS DRAG PO'I DBANG GIS SPYAN CHAB MANG DU 'DON PA BYUNG, DE NAS CHU MIG LO TZ'A BAS MDZAD PA'I KA LA BA'I 'GREL BA'I STENG NAS SGRA'I RI MO DANG, SNYAN NGAG ME LONG GI DPER BRJOD, SUM RTAGS, GSO RIG GI SKOR SOGS LA BSLAB SBYANGS MDZAD PAS THUGS SU LEGS PAR CHUD, YUL LUGS KYI STABS NAS GSUNG RAB 'BRI BA YANG MANG DU MDZAD DO, ,DGUNG LO BCU LON PA'I TSE, THAMS CAD MKHYEN PA BSOD NAMS RGYA MTSO NANG SO RGYA RI BAS RI SGO CHOS RDZONG DU SPYAN DRANGS SKABS, MA CIG GRUB RGYAL LUGS KYI TSE DBANG, THUGS RJE CHEN PO'I SGOM LUNG, THEG CHEN THUN MONG MA YIN PA'I SKYABS 'GRO DANG SEMS BSKYED ZHUS; CHOS RJE BSKAL BZANG PA, CHOS RJE DGE 'DUN BSAM GRUB, CHOS RJE SANGS RGYAS BLO GROS GSUM LA TSE DBANG GSAN, DGUNG LO BCU GSUM LON TSE DRAGS PO GRVA TSANG GI SLOB DPON SKAL BZANG RGYA MTSO LA SGROL MA NYI SHU RTZA
GCIG GI RJES GNANG, PHYAG 'TSAL NYER GCIG GI LUNG, GDUNGS DKAR BSTOD PA DANG BCAS PA'I LUNG, BYANG CHUB LAM RIM CHUNG BA'I DKAR PO'I LAS 'BRAS LA THUG GI BAR GYI BSHAD LUNG GSAN, GSANG SNGAGS RNYING MA'I SLOB DPON NOR BU YONGS GRAGS LA TSO SGRUB GSANG BA 'DUS PA, ZUR RI SLOB DPON PAR KARMA KAm TSANG NAS BRGYUD PA'I TSE DBANG GRUB RGYAL LUGS, SNGAGS GRVA CHE CHUNG GI BLA MA GNYIS LA 'BRUG PA NAS BRGYUD PA'I RAS CHUNG SNYAN BRGYUD LUGS KYI TSE RTA ZUNG 'BREL TING NGED 'DZIN GYI DBANG DANG BCAS PA, YAB LA RGYUD GSANG BA SNYING PO DANG, DE'I 'GREL PA G-YUNG STON GYIS MDZAD PA, KUN MKHYEN KLONG CHEN PA'I PHYOGS BCU MUN SEL SOGS ZAB CHOS CI RIGS PA GSAN, DGUNG LO BCU BDUN PA ME MO GLANG GI LOR SA SKYA NAS BDAG CHEN SNGAGS 'CHANG CHEN PO BSAM YAS SU PHEBS, YAB SRAS GNYIS GA MJAL BAR 'BYON RTZIS LA, BDAG CHEN PAS ZHVA SER GYIS BAR KHANG GI ZHAL BA 'PHYI BA'I RDOG PHYIS BYED ZER BA'I GTAM NGAN ZHIG BYUNG BAS, YAB KYIS MDZAD PA DE 'DRA YIN NA RUS NI MNYAM, CI BYED CES MA BYON, PHYIS GTAN DE BDEN PA'I NGES PA MI 'DUG ,CHOS KYI GEGS BYUNG BA 'DRA GSUNGS, THAMS CAD MKHYEN PA BSOD NAMS RGYA MTSO NANG SO RGYA RI BAS GDAN DRANGS PA'I TSE, GTZUG PHUD 'BUL MI SHIN TU MANG BA 'DUG PA DANG LHAN CIG PAR, RJE 'DI PA'I THUGS DGONGS LA, RGYAL BA 'DI LTA BU LA RAB TU BYUNG THUB NA SKAL BAR BZANG SNYAM PA'I THUN MONG MA YIN PA'I THUGS DAD 'KHRUNGS TE
, ,RAB TU BYUNG, MTSAN BSOD NAMS RNAM RGYAL DU GSOL TE, CHOS KYI RGYAL PO BTZONG KHA PA CHEN PO'I BSTAN PA'I SGOR ZHUGS, THAMS CAD MKHYEN PA'I DRUNG DU SKYABS 'GRO SEMS BSKYED KYI CHOS SKOR, GRUB RGYAL LUGS KYI TSE DBANG, SPYAN RAS GZIGS KYI SKYES RABS, DE'I DMAR KHRID, 'KHYER SO GSUM GYI DANG NAS YIG DRUG BZLA LUGS RGYAS BSDUS GNYIS, BSTOD TSOGS SKOR 'GA' ZHIG GI LUNG, DPAL LDAN LHA MO DMAG ZOR MA'I RJES GNANG THUN MONG MA YIN PA, MA CIG DPAL LHA DANG SPYAN RAS GZIGS PHYAG BZHI PA'I RJES GNANG GNYIS, THAMS CAD MKHYEN PA BSOD NAMS RGYA MTSOS CHOS RGYAL SRONG BTZAN SGAM PO LA DNGOS SU GSAN PA'I NYE BA RGYUD, SLOB DPON PADMA'I DNGOS SLOB GRUB CHEN BADZRA LA DNGOS SU GSAN PA'I TSE DBANG NYER BRGYUD RNAMS GSAN, DE DUS CHOS SGOR ZHUGS PA PHAL CHER LA RGYAL DVAGS PO GRVA TSANG DU 'GRO DGOS PA'I BKA' NGES PA GNANG GI 'DUG PA LTAR, RJE 'DI NYID PHEBS BZHED BYUNG NA YANG YO BYAD MA 'GRIG PA SOGS KYI STABS NAS LO NGO BZHI TZAM GYI RING 'BRI KLOG GI SGO NAS 'GRO PHAN MDZAD PA DANG, KHYAD PAR DGUNG LO BCO BRGYAD LON PA SA PHO STAG GI LOR, KHU BO RNYING MA'I RTOGS LDAN ZHIG YOD PA DE DANG LHAN DU SLOB DPON CHEN PO'I DNGOS KYI SLOB MA YANG DAG THUGS KYI BKA' BABS GNUBS NAM MKHA'I SNYING PO'I RNAM 'PHRUL RIG 'DZIN CHEN PO NYI ZLA SANGS RGYAS PA'I DRUNG DU BYON NAS RDZOGS PA CHEN PO KLONG GSAL SNYING THIG CHES PA 'GRO 'DUL
GLING PAS SPYAN DRANGS PA'I GTER MA'I DBANG LUNG KHRID MAN NGAG DANG BCAS PA GSAN PAS SNGON GYI BAG CHAGS YONGS SU SAD, GZHAN YANG DRAG PO RANG BYUNG RANG SHAR GYI DBANG 'BRING PO, DAM RDZAS SKYE BDUN GYI SKOR, RJE NYID KYI RNAM MGUR, GTER STON RIN CHEN DPAL BZANG GI MNAL LAM DAR DKAR MA'I SNYAN BRGYUD MDZOD RKANG DGU PA YAN, DE'I RNAM THAR RGYAS 'BRING BSDUS GSUM, DAM CAN SDE BDUN GYI GTOR CHOG ,GTER KA 'OG MA'I BTAGS GROL, SKYER SGANG LUGS KYI RTA MGRIN GSANG SGRUB, MNGA' BDAG DUNG MTSO RAS PA'I TSE SGRUB NYI ZLA KHA SBYOR, MA 'ONGS LUNG BSTAN SOGS LHO BYANG GI GTER KHA'I DBANG LUNG MANG DU GSAN, NYAMS LEN GYI TSE THANG LHOD PHRAN TSOGS BYUNG DUS, KHU BOS, SKAS KHA'I 'OG GI LJANG BU DANG 'DRA BA KHYOD GSUNGS SHING, BKA' BKYON DANG PHYAG 'BEBS YANG YANG MDZAD, TSAN GYI BCUD LEN 'BA' ZHIG LA BRTEN NAS BSGOMS PAS NYAMS RTOGS SHIN TU 'PHEL BA BYUNG, DGUNG LO BCU DGU BZHES PA'I TSE GRUB DBANG NYI ZLA SANGS RGYAS SGRUB SDE KUN BZANG RTZER PHEBS PA'I PHYAG PHYIR BYON, SLAR YANG GSOL BA BTAB STE, SPRUL SKU DRI MED LHUN POS BOD YUL GYI RDO RJE GDAN RAS 'PHRUL SNANG GI GTZUG LAG KHANG GI RANG BYUNG THUGS RJE CHEN PO'I GTZANG KHANG NAS GDAN DRANGS PA'I DON TIG 'GRO BA KUN SGROL GYI DBANG LUNG KHRID MAN NGAG KUN GSAN NAS THUGS NYAMS SU BSTAR BA'I TSUL MDZAD, GZHAN YANG KUN MKHYEN KLONG CHEN PA'I THEG MCHOG MDZOD KYI
, ,BSHAD LUNG, BLA MA SKU GSUM GYI SGRUB PA'I CHOS SKOR, RIN PO CHE BYE TSANG PAS MDZAD PA'I KHUG PA LNGA'I NGO SPROD SOGS MANG DU GSAN, SKABS SHIG GTER STON BDE CHEN GLING BA AE GNYAL DU 'GRO DON LA PHEBS PA'I TSE ZHAL MJAL GNANG, CHOS 'BREL MED KYANG LUNG ZiN GYI GTER STON DU DGONGS PA'I THUGS DANG TSAD MED PA 'KHRUNGS, MI RING BAR YAB GSHEGS PAS DE MA THAG GSAL 'DEBS KYI RTEN 'BUL BAR GRAB TU GRUB DBANG NYI ZLA SANGS RGYAS KYI SKU ZHABS SU PHEBS PAS, SGO DRUNG DU GRVA PA ZHIG GIS YAB GRONGS PA YIN NAM ZHES DRIS BYUNG BAR, SKAD CHA YOD CHOD MIN PAR SUS GLENG GSUNGS PAS, RIN PO CHES THUGS DAM 'OD GSAL GYI NGANG NAS GZIGS PAS BKA' PHEBS GNANG ZER BAS, SNGAR NAS THUGS DANG BLA NA MA MCHIS PA YOD PA'I STENG DU SLAR YANG DAD PA GONG 'PHEL DU GYUR, DE DUS MOD SNGAGS KYI THOS PA RNAMS GRUB RJES TSE DANG SGRUB PA MNYAM PA'I RI KHROD KHO NA MA GTOGS GO SA 'DZIN PA SOGS GTAN MI BYED, KHYAD PAR NGES DON YANG ZAB RDZOGS PA CHEN PO DANG MJAL BAR CHES DKA', DA RES SANGS RGYAS LAG PAR GTOD RGYU YOD PA'I SKABS 'DIR MI MED KYI DBEN PA KHO NA BSTEN DGONGS TE, SGRUB 'PHRIN MNGON SPYOD SOGS LA DON GNYER CHER MA GNANG BAS, GRUB THOB RIN PO CHE'I GSUNG LAS, NGED KYANG SNGA MO KHYOD KYI BLO DANG 'DRA BA ZHIG YOD KYI, DUS PHYIS BU SLOB 'DRA MANG BAS 'PHRIN LAS RNAM BZHI'I SKOR 'DI YANG DGOS PA CIG BYUNG GSUNGS,
PHYIS NYI THANG GI BLA MA GNANG DUS 'PHRENG PO SOGS SU BAN SNGAGS MANG POS SGRUB 'PHRIN ZHUR 'ONGS PA LA BRTEN, RJE BTZUN LAS KYI RDO RJE SOGS LA SLAR DON GNYER BYED DGOS BYUNG, DE SKABS NI 'DOD CHOS DE DAG MA THOB PAS BYED MA THUB, SLAR CHOS ZHU PA DE TSO MA BYUNG BAS CI YIN NAM SNYAM TZA NA, RJES SU BDAG PO RIN PO CHE'I DBON SKU MCHED GNYIS DER BZHUGS PA'I STABS KYIS CHOS KYIS MA PHONGS PA YIN PAR 'DUG CES BKA' PHEBS PA GSAN, DGUNG LO NYI SHU LON TSE SNGAR GYI THUGS BZHED LTAR, SHAR PHYOGS BSTAN PA'I SGRON ME DVAGS PO GRVA TSANG DU PHEBS RTZIS KYIS RI SGO RDZONG DU NANG SO RGYA RI BAR LAM SKYEL DGOS TSUL ZHUS PAS, KHYOD LA SANGS RGYAS ZHAG BDUN MA'I GDAMS PA YOD NA, GRVA TSANG LA 'GRO MI DGOS LAS CHE ZHES, GRAB TU GRUB DBANG GI SKU ZHABS SU BYON PA LA MA RANGS PA'I KUN SLONG SKYON CAN GYI ZUR ZA BAR BYUNG BAS, SLAR BSKYAR BA SOGS MA GNANG BAR THUGS THAG BCAD DE 'GRUL TSAN GZHAN DANG BSDEBS NAS PHEBS, DGUNG LO NYER GCIG PA LCAGS PHO 'BRUG GI LOR, MKHAN PO RIN PO CHE MANG THOS MKHAS PA'I DBANG PO'O LA KHA LBA BA BLO BZANG RGYA MTSO'I DRUNG DU DGE TSUL GYI SDOM PA YANG DAG PAR MNOS TE TSUL KHRIMS MIG 'BRAS BZHIN DU BSRUNG BAR MDZAD, DE NAS GRVA TSANG GI CHOS GRVAR ZHUGS, BSDUS GRVA LA SLOB GNYER MDZAD PAS RTZOL PA CHEN PO MA DGOS PAR RANG SHUGS KYIS MKHYEN, DE NAS PHAR PHYIN GYI BSKYAR CHOS YONGS RDZOGS GNYIS DANG, DBU MA'I BSKYAR CHOS TSAR 'GA' GSAN
, ,PAS THEG PA CHEN PO'I SDE SNOD KYI DON RNAMS LHAG MA MED PAR THUGS SU CHUD, SPYI CHOS SU BYANG CHUB LAM RIM CHUNG BA'I SKYES BU CHUNG NGU'I SKOR GYI BSHAD LUNG, RGYAL BA BTZONG KHA PA'I RNAM THAR DAD PA'I 'JUG NGOGS DANG GSANG BA'I RNAM THAR, BKA' GDAMS GLEGS BAM RIN PO CHE LAS RDOG CHOS KYI SKOR DANG, THAMS CAD MKHYEN PA DGE 'DUN RGYA MTSO'I RNAM THAR RNAMS KYI LUNG GZAB BSHAD DANG BCAS PA GSAN, DGUNG LO NYER GNYIS PA CHU RTA'I LOR, CHOS 'KHOR RGYAL GYI DBYAR CHOS DUS, SHING RTA CHEN PO KLU SGRUB KYI DGONGS DON PHYIN CI MA LOG PA DPAL LDAN ZLA BA'I ZHAL LUD LTAR, SNYIGS DUS KYI RGYAL BA GNYIS PA BTZONG KHA BA CHEN PO'I BZHED PA JI BZHIN DU GSAL BAR STON PA'I ZAB MO DBU MA'I LTA KHRID THUGS RTZOM GNANG PAS, RAB 'BYAMS SMRA BA'I MKHAS PA PHAL CHER THUGS YID PHROGS SHING, MDZAD BYANG GSAL KHA MED PA LA BRTEN, RJE 'DI DANG GRVA THOG GCIG PA'I CHAGS SDANG GI RNAM PA YID LA BYED BA ZHIG GIS SUS MDZAD MA NGES SHING DON BZANG PO 'DUG PA LA BRTEN BLO LA BZUNG NAS BSHAR SBYANG MANG DU BYAS SHING, SKABS SHIG MDZAD PA BO SHES NAS 'PHRO BCAD CES GLENG, DE RJES GRUM MDA' MKHAN PO BLO BZANG CHOS 'PHEL GRVA TSANG GI 'CHAD NYAN GYI KHRI THOG TU BYON PA NAS BZUNG RIM GYIS PHAR PHYIN GYI SPYI DON, TSANG MA RNAM 'GREL, 'DUL MDZOD SOGS KYI GZHUNG 'GREL KUN LA THOS BSAM PHUL TU BYUNG BA MDZAD,
AE RI SGO'I CHOS THOG ZHIG GI SKABS, MCHED GROGS ZHIG GIS BSKUL BA LA BRTEN NAS DKON MCHOG GSUM LA SKYABS SU 'GRO TSUL GYI GDAMS PA ZAB MO SNYAN BRGYUD KHYAD PAR GSUM LDAN ZHES BYA BA'I THUGS RTZOM GNANG, LO SHAS NAS RI SGO CHOS SDE'I DGE BSKOS KYI LAS SNA BABS TE, GZHI DGON DU LO GCIG BZHUGS LAS SNA THON RJES RI KHROD CIG TU 'GOL BZHUGS KYI SKABS, DVAGS PO RAB 'BYAMS PA DANG, BYAMS GLING RAB 'BYAMS PA ZHES PA DPON SLOB KHRI RIN PO CHE DKON MCHOG CHOS 'PHEL GNYIS LA, RGYAS PA'I BSTAN BCOS TSANG MA RNAM 'GREL GYI t'IKKA DANG, KHYAD PAR RNAM 'GREL LE'U GNYIS PA LA RGYAL BA BTZONG KHA PA'I DGONGS PA THUN MONG MA YIN PA'I GZAB BSHAD DANG, ZHAR LA DKON MCHOG GSUM GYI DKA' GNANG DANG, SGRA MTSAMS SBYOR LNGA PA GSUNGS, DE LTAR DVAGS PO GRVA TSANG DU MDO PHYOGS LA THOS BSAM PHUL DU PHYIN PA MDZAD KYANG, DES THUGS MA TSIM PAR RJE NYID BYAMS CHEN CHOS RJE DANG, RJE BTZUN CHOS KYI RGYAL MTSAN DU SKU SKYE BA BZHES PA'I SNGON GNAS RJES SU DRAN PA'I BAG CHAGS KYI MTHUS, SER THEG CHEN GLING GI BYES PA GRVA TSANG 'DI SPYIR MKHAS MCHOG BYE BA'I BSTI GNAS YIN PA DANG, KHYAD PAR DBU MA'I BKA' BABS YIN PA'I THUGS NGES DANG BCAS TE SE RAR BYON NAS BYES PA GRVA TSANG DU BZHUGS, 'CHAD NYAN LAS THOG TU CHOS RJE DPAL 'BYOR BSOD NAMS LHUN GRUB DANG, 'PHRIN LAS LHUN GRUB GNYIS RIM BZHIN BZHUGS
, ,'DUG PA LA GUS PA GSUM GYIS BTUNG DE, 'JUG PA RTZA 'GREL DANG, RJE BDAG NYID CHEN PO'I RNAM BSHAD RNAMS NYING KHUR BSGRIL TE t'I KA 'GREL GTZO BOR GSAN, 'GYANG MED DU GLING BSRE YANG GRUB, DPON SLOB 'PHRIN LAS LHUN GRUB KYI DRUNG DU SPYI CHOS DANG SGOS CHOS CI RIGS PAR, RGYAL BA BTZONG KHA PA'I BKA' 'BUM THOR BU, GLEGS BAM BKA' RGYA MA, LHA CHOS BDUN LDAN, RANG RGYUD LA BSKUL MA 'DEBS PA DAD PA'I LJON SHING, MA 'ONGS LUNG BSTAN, LO RGYUS, ZHU LAN NOR BU PHRENG BA'I RTZA BA, MDO SDE RGYAN, RGYUD BLA, 'BYED GNYIS DANG, CHOS MTSAMS SU PADMA DBANG CHEN YANG GSANG KHROS PA'I DBANG, PHYAG RDOR 'KHOR CHEN GYI DBANG, TSE DPAG MED LHA DGU'I DBANG, DBYANGS CAN MA DKAR MO'I RJES GNANG RNAMS GSAN, DE NAS CHOS GRVA CHEN PO RTZES THANG DU MKHAS MANG 'DUS PA RGYA MTSO'I DBUS SU GZHUNG LUGS RAB 'BYAMS SMRA BA'I GRVA SKOR MDZAD DE GSUNG RAB KYI DKA' BA'I GNAD LA BSHAD PA MTHA' KLAS PA MDZAD PAS GZUR GNAS SKYE BO RNAMS DAD GUS CHES CHER 'PHEL ZHING, RTZOD NGAG RIGS PA'I RDO RJES RGOL BA NGAN PA MTHA' DAG GI SPOBS PA PHROGS PAR MDZAD DO, , SLAR YANG SKYID SHOD DU PHEBS, DGA' LDAN CHOS RJE BYAMS PA RGYA MTSO LA BYANG CHUB LAM RIM CHUNG BA'I BSHAD LUNG GSAN, DE'I SKABS LHAS BRAG DGON SPYAN SNGA GZHON NU CHOS DPAL BZANG PO MDO SNGAGS KYI CHOS KYI GSAN RGYA SHIN TU
CHE BA'I GRAGS PA LA BRTEN, BRAG DGON DU PHEBS, SPYAN SNGA RIN PO CHE'I DRUNG DU, DPAL SNAR THANG PA'I MNGON RTOGS BRGYA RTZA, RDO RJE 'PHRENG BA DANG, KRI YA SA MUNYTZA ZUNG DU 'JUG PA ZHE LNGA MA'I DBANG, GRI GUG LCAM DRAL GYI RJES GNANG SNYING ZHUGS DANG SBRAGS PA, RNAM 'JOMS, BDE MCHOG DKAR PO, RTA MGRIN SHVA NA BZHI BSKOR, DBYANGS CAN MA GSANG SGRUB, RJE BTZUN RIG BYED MA, 'JAM DBYANGS NANG SGRUB, DUR KHROD BDAG PO 'JAM DKAR GTZO 'KHOR LNGA PA, 'JAM DBYANGS LUS DKYIL, DPA' GCIG ,SGROL DKAR, SENG GDONG MA, TSOGS BDAG DKAR DMAR RNAMS KYI RJES GNANG, BYANG SEMS ZLA BA RGYAL MTSAN LUGS KYI RTA MGRIN LCAGS, RAL CAN GYI RJES GNANG LAS TSOGS DANG BCAS PA, DBYANGS CAN MA DKAR MO'I RJES GNANG, CHOS SKOR, 'JAM DBYANGS NAG PO'I BZLAS LUNG, GU RU ZHI BA'I BLA MA'I RNAL 'BYOR, TSE RING MCHED LNGA'I RIGS GTAD, 'JAM DBYANGS CHOS SKOR, RTZA SHE ,LAM SGRON, GLANG THANG PA'I BLO SBYONG TSIGS BRGYAD MA, BLO SBYONG MTSON CHA 'KHOR LO, RMA BYA DUG 'JOMS, RTOG PA 'BUR 'JOMS, SKYID SDUG LAM 'KHYER, NYI MA'I 'OD ZER, BSLAB BYA CHEN MO, GNAS BCU'I SGRUB YIG ,DPE CHOS RIN CHEN SPUNGS PA RTZA 'GREL, SPYAN SNGA BLO GROS RGYAL MTSAN PA'I LAM RIM GYI KHRID, KHA RAG PA'I AANG YIG BDUN CU, KHRID CHEN BRGYAD KYI KHA SKONG, THAMS CAD MKHYEN PA BSOD NAMS RGYA MTSOS
, ,MDZAD PA'I LAM RIM GYI KHRID, THAMS CAD MKHYEN PA DGE 'DUN RGYA MTSO'I GSUNG 'BUM CA DUM PA DANG CHA DUM PA'I LUNG SOGS DBANG LUNG MAN NGAG GI RIGS MTHA' YAS PA GSAN, SPYAN SNGA RIN PO CHE 'DI NYID CHOS KYI GAN MDZOD LTA BU YIN PAR 'DUG CES YANG YANG BSNGAGS BRJOD GNANG, LAN CIG SPYAN SNGA LA SKYE BRTAG ZHUS PAS, LHA MO SHRA MA nA'I SGO NAS RMI LAM BSGUGS GSUNGS PA BZHIN GNANG BAS, SROD KYI MNAL LAM DU BUD MED CIG BYUNG NAS KHYOD LA LO BDUN GYI TSE LAS MED ZER BAS, CHOS LDAN GYI DGOS PA DU MA SGRUB PA'I GEGS SU GYUR GYIS DOGS NAS THUGS 'DZANGS PAR BYUNG PAS, SLAR SMON LAM BTAB, BAR GCOD SEL BYED LA CI PHAN DRIS PAS; THO RANGS KHA'I MNAL LAM DU LO RE LA TSE DPAG MED DANG SGROL DKAR GYI SKU BRGYA RE BZHENGS NA LO BDUN CU DON BDUN THUB, DE NAS CI BYAS KYANG MI PHAN ZER BA BYUNG BA LTAR, SKU BRNYAN RNAMS LO LTAR GYI MA CHAG BA GNANG, SKABS SHIG PAR GCOD KYI RNAM PAS GRANG GZHI'I SNYUN GYIS SKU CUNG ZAD MA BDE BA LA, DRUNG PA SNGAGS RAM PA BZANG PO RNAM RGYAL BYIN RLABS CHE BAR GRAGS PAS, SRAS KHANG DGON PAR PHEBS TE, BYIN RLABS DANG THABS ZHUS PAS, MGON PO TRAG SHAD KYI RJES GNANG MDZAD, DE NUB RMI LAM BSGUGS SHIG GSUNGS, SROD KYI MNAL LAM DU MI PHO MO THAL SKYA MANG PO ZHIG 'DUG PA LA, MI NAG RTA NAG ZHON PA MDUNG KHYER BA ZHIG GIS DED SONG BA BYUNG, NANG BAR PHYAG 'BUL
LA THEGS PAS, MDANG 'AM BUS KHO BTANG YOD PA SLEB AE BYUNG GSUNGS, DE NI CHOS SKYONG BRAN DU 'KHOL BA'I RTAGS SU 'DUG CES PHYIS SU GSUNGS, GZHAN YANG MGON PO PHYAG DRUG PA'I RJES GNANG, LHA BZHI DRIL SGRUB DANG BLA MGON DBYER MED KYI KHRID, DMIGS BRTZE MA'I KHRID, LTUNG BSHAGS KYI KHRID, 'PHO KHRID, GSHED DMAR LHA BCU GSUM GYI DBANG, ZA MA TOG GI LUNG KHRID, BCU GCIG ZHAL LHA LNGA DANG DON ZHAGS LHA LNGA'I DBANG, ZHAL KLU SGRUB RTZA MGON GYI RJES GNANG, ZHAL BRAM GZUGS KYI BLA MA'I RNAL 'BYOR, MGON PO DANG RNAM SRAS KYI RGYAS PA DANG DBANG GI 'KHRUL 'KHOR GYI PHYAG LEN, SMAN BLA, PHYAG RDOR GOS SNGON CAN, RNAM SRAS SER CHEN SOGS CHOS BKA' MANG DU GSAN, CHU 'BRUG LOR YAR KLUNG MKHAR THOG TU MKHAS PA'I DBANG PO SGOM SDE NAM MKHA' RGYAL MTSAN LA DPAL RDO RJE 'JIGS BYED KYI DBANG BZHI, DE'I SNGAGS BTU, MGON PO, CHOS RGYAL PHYI NANG GSANG GSUM, RNAM SRAS, RNAM 'JOMS, PHAG DKAR SHES RAB GSAL BYED KYI RJES GNANG GSAN, SLAR YANG 'DOD CHOS ZHU BAR YONGS CHO GA BA'I BKA' BZHES BZANG PO GNANG ZHES PHYIS KYANG THUGS GZO BA'I BKA' 'PHROS GNANG, SKYI SHOD NYANG PHRAN PHA BONG KHAR CHOS RJE RIN CHEN BSHES GNYEN PAR, 'JIGS BYED KUN RIG GNYIS KYI DBANG, CHOS RGYAL RNAM SRAS GNYIS KYI RJES GNANG, LCAM SRING SENG GDONG MA GNYIS KYI RJES GNANG LUNG DANG BCAS PA, BYANG CHUB GZHUNG LAM,
, ,'DUL BA'I SPYI DON, MKHAS GRUB BKA' 'BUM GYI STOD CHA RNAMS GSAN NO, BAR SKABS SHIG STOD LUNG PHYOGS SU PHEBS PAS, LAM KHAR SDE BA SNANG RTZE NAS KHROM DBANG ZHIG MDZAD KYI 'DUG PAS, KHROM GYI MTHA' GCIG TU BZHUGS NAS GSAN KYANG, GSUNG CHUNG ZHING THAG 'GYANGS BAS TSIG 'BRU GSAL BAR MA GSAN, BUM PA DANG TZA KA LI 'GRIMS PA SOGS ZHIB PAR GZIGS, PHYIS RTZAD BCAD PAS THUGS RJE CHEN PO 'KHOR BA LAS SGROL GYI DBANG YIN PAR 'DUG ,'ON KYANG TSIG SOGS GSAL BA MA BYUNG BAR BRTEN DBANG THOB PA'I GO CHOD PA MI GNANG BAR MNGON ZHING, DE DUS GTER STON PA GRAGS CHE SKABS YIN 'DUG PAS DAD PA CHE TZAM BYUNG YANG, DUS PHYIS LUNG BSTAN SOGS MANG DU GZIGS PAS SLAD CHE BAR DGONGS TE BTANG SNYOMS SU MDZAD, DGUNG LO SO BZHI PA SHING PHO RTA'I LO, DGA' LDAN DU RJE BDAG NYID CHEN PO'I GZIMS KHANG RGYAL KHANG RTZER BSTAN PA'I GSAL BYED CHEN PO CHOS RJE DPAL 'BYOR RGYA MTSOS MKHAN PO DANG, CHOS RJE DGE 'DUN RGYAL MTSAN GYIS SLOB DPON MDZAD, DAD PA'I DGE 'DUN GRANGS TSANG BA'I DBUS SU BSNYEN PAR RDZOGS TE MTSAN DPAL 'BYOR LHUN GRUB TU GSAL ZHING, 'DUL BA'I BSLAB BYA CHEN MO DANG, 'DUL BA'I GLENG 'BUM SOGS KYI BSHAD LUNG YANG GSAN NO, ,DE NAS THUGS DGONGS LA, TSE 'DI YUN THUNG SHES BYA'I RNAM PA MANG, ZER BA BZHIN, RGYU MTSAN NYID KYI CHOS MTHA' ZAD BA MED PA LTA BU
YIN PAS, SANGS MA RGYAS BAR DU SLOB GNYER TSAR BA'I SKABS CI MCHIS KYANG, SNYING PO'I MCHOG 'BRAS BU GSANG SNGAGS RDO RJE'I THEG PA PHYI 'GYUR GYI SKOR LA THOS BSAM MDZAD PA'I DGONGS 'DUN MNGON DU GYUR TE DPAL LDAN SMAD RGYUD GRVA TSANG DU PHEBS, 'CHAD NYAN LAS THOG TU MKHAS SHING GRUB PA'I DBANG PHYUG CHEN PO RNAM RGYAL DPAL BZANG BZHUGS 'DUG BA LA, RDO RJE 'CHANG DNGOS KYI THUGS DAD DANG BCAS TE GUS PAS BSTEN NAS, SHING LUG LOR 'DUS PA'I BSKYED RDZOGS KYI t'IKKA'I BSKYAR LUNG, RIM LNGA GSAL SGRON, BSKYED RIM RNAM BSHAD, RIM LNGA'I DMAR KHRID KYI SGOM LUNG, KHRID LAG RJES TSAR LNGA, RGYUD RKYANG LE'U BCU GSUM PA YAN DANG, 'GREL BA MCHAN BCAS LE'U BCU GSUM PA'I 'GOG PA KHRO BO'I 'KHOR LO DRANG DON YAN TSAR GNYIS, LE'U BCU DRUG PA'I GNOD SBYIN PHO MO 'GUGS PA NAS, 'GYUR BYANG GI BAR GYI RTZA 'GREL MCHAN BCAS, DE THAMS CAD KYI MTHA' DPYAD, BSTAN PA SPYI RNAM BSKYAR LUNG DANG BCAS PA GSAN, ME SPREL LA 'GREL PA BZHI SBRAGS, LE'U BCU BZHI PA'I GSHIN RJE GSHED KYI LAS SGRUB PA YAN, LE'U BCO LNGA PA'I MTSAMS SBYOR YAN GYI t'IKKA'I BSKYAR LUNG, ME BYA LA 'GREL PA BZHI SBRAGS YONGS RDZOGS, GSAL SGRON, BSKYED RIM RNAM BSHAD, SA KHYI LA BZHI SBRAGS KYI LE'U BCU GSUM PA'I NANG RGYAS PA DANG DBANG GI LAS SPEL TE BSTAN PA YAN, RGYUD PHYI MA, DGONGS PA LUNG STON, LHA MO BZHIS ZHUS LO
, ,CHEN DANG 'GOS KYI 'GYUR LA RGYAL BA BTZONG KHA PAS ZHUS DAG GNANG BA SOGS GSAN, BLA MAS KYANG RANG RE'I SMAD RGYUD KYI DPAL 'DUS PA'I GZHUNG LUGS 'DI LA RDO RJE 'CHANG NAS RTZA BA'I BLA MA'I BAR MI BAR KYIS MA CHOD CING BYIN RLABS KYI DROD MA YAL ZHES SPRO BA YANG YANG BSKYED PA GNANG GSUNG NGO, GZHAN YANG BLA MA DE NYID KYI DRUNG DU BDE MCHOG L'U AI PA'I DBANG, MGON PO PHYAG DRUG PA, RTA MGRIN GSANG SGRUB, DZAM DKAR SER RNAMS KYI RJES GNANG, 'JIGS BYED KYI BSKYED RDZOGS MKHAS GRUB RJE DANG BLO GROS CHOS SKYONG BA GNYIS KYIS MDZAD PA, GZHI GSUM CHO GA ,LAM RIM CHUNG BA'I SKYES BU 'BRING GI SDUG BDEN 'KHOR BA'I NYES DMIGS BSAM PA YAN, LAM RIM GYI KHRID, MTSAN BRJOD, PHYAG RDOR GYI RGYUD, DGRA NAG GI RGYUD, 'JIGS BYED KYI RTOG PA BDUN PA, BDE MCHOG GI RTZA RGYUD, MGON PO PHYAG DRUG PA'I LAS GSUM RNAM BZHAG ,BLA MGON DBYER MED THUN MONG MA YIN PA, GRIB SEL, RTEN BZHI GNAD GSUM, MKHA' 'GRO DBANG SDUD, MGON PO GNAD DBAB, DRUG CU BA'I SKOR, MGON PO'I RGYUD LE'U BRGYAD PA, CHOS RGYAL GYI SGRUB THABS RGYA GZHUNG SOGS DAM PA'I CHOS KYI BGO SKAL MTHA' YAS PA LEN PA GNANG, TSAL GYI RGYUD KHANG GI KHANG LAS DANG LOGS BRIS SKABS SA MEN DANG MTHING SPANG GZHAN SUS KYANG MA RNYED PAR RJE RNAM RGYAL DPAL BZANG NYID KYIS RNYED CING,
DE SKABS RJE 'DI BAS KYANG SA MIN LEN PAR PHEBS PAS, RJE RNAM DPAL BAS RDO LA PHYAG ZHABS KYI RJES MANG DU BZHAG PA SOGS SKU GSUNG THUGS KYI GSANG BA'I MDZAD PA DPAG PAR DKA' PA MANG DU GZIGS, DUS PHYIS RJE YAB SRAS KYI GSUNG RAB KYI DKA' GNAD RNAMS LA GZIGS TSE YANG, DUS THOG DE LA RANG PHYOGS KYI MKHAS GRUB GRAGS CAN SHIN TU MANG NA YANG, RJE RNAM DPAL PA'I GSUNG NYID LEGS PAR 'DUG CES THUGS DANG TSANG MED PA GNANG, ME BYA LA RGYUD KYI CHOS MTSAMS SHIG GI SKABS, GDAN SA CHEN PO'I GZIMS KHANG RGYAL KHANG RTZER MGON PO BCU GSUM GYI RJES GNANG, SGRUB THABS MDOR BYAS DANG MDO BSRE'I LUNG, 'GREL PA DON GSAL GYI t'IKKA, MDZOD KYI GNAS BZHI PA YAN GYI t'IKKA'I BSKYAR LUNG RNAMS GSAN, BYANG RTZE CHOS SGO SLOB DPON 'PHRIN LAS DPAL 'BYOR LA PHYAG RDOR 'BYUNG 'DUL, GU RU ZHI BA, GCOD NAM MKHA' SGO 'BYED GSAN CING, GZHAN YANG RGYUD KYI CHOS MTSAMS RNAMS SU, 'OD GSAL LHA'I RIGS LAS MKHAS SHING GRUB PA BRNYES PA LHA RIN PO CHE LA, DPAL LDAN DMAG ZOR MA'I RJES GNANG, ZHAL RNAM 'GYUR BZHI'I RJES GNANG, CHOS RGYAL NANG SGRUB DANG ZHANG BLO NA GYI RJES GNANG, LHA MO'I THUN MONG MA YIN PA'I BKA' BSGO BA, MGON PO PHYAG DRUG PA'I LAS GSUM RNAM BZHAG ,GTOR MA'I RNAM BSHAD, RTEN BZHI GNAD GSUM, SNGAGS DON, GSANG PA DRUG GI YIG CHUNG,
, ,ZHAL KLU SGRUB KYI RGYA GZHUNG, GNYAN LO'I BSKANG THUNG, BSNYEN SNGAGS, LHA MO'I LAS GSUM RNAM BZHAG ,GTOR CHEN RNAM BSHAD, ZOR BZHI THUN SGRUB, SBYIN SREG ,NAD DANG BYA NAG GTONG THABS, SPOGS CHOG ,SHO MO, DPAL 'BAR BRTAG PA, SPYAN SNGA CHOS DRUG GI LUNG SOGS MTHA' YAS PA DANG, SLOB DPON SANGS RGYAS RGYAL MTSAN LA SME BRTZEGS, KHYUNG KHRA, SGROL DKAR, AU TZ'ARYA RNAMS KYI RJES GNANG, CHOS RJE BYANG MA NAS LA RNAM THAR DAD PA'I 'JUG NGOGS, LAM SGRON GYI t'IKKA, RDOG CHOS CHA TSANG RNAMS GSAN, GDAN SA CHEN PO DGA' LDAN DU SLOB DPON RIN PO CHE DGE 'DUN RGYAL MTSAN LA RDO RJE 'CHANG GI LAM GYI RIM PA DANG, BYANG CHUB LAM GYI RIM PA GNYIS KYI ZHAL LUNG YONGS RDZOGS GSAN, GSUNG CHOS KYI SKABS SHIG BZHUGS SA SPYI KHANG ZHIG GI 'OG KHANG DU BYUNG BAS, DE'I SNGON TZAM DU GNAS SKOR PA MANG PO BSDAD SHUL YIN 'DUG PAS, SKU GRIB KYIS SHIN TU BSNYUN PA ZHIG BYUNG YANG, BSHAD LUNG GNYIS KA RGYAL BA BTZONG KHA PA NAS RIM GYIS TSIG GCIG KYANG MA CHAD PAR BRGYUD NGES YIN PAR BRTEN, THUGS RUS BSKYED NAS CHOS THUN GCIG KYANG MA CHAG PAR MDZAD, DE YANG SGOM PA YON TAN 'BAR GRANG GZHI'I NAD KYIS NA BAR RNAL 'BYOR PAS GSUNGS PA'I DON LTA BU THUGS LA SHAR PAR NGES SHING LHAG TU RGYAL BA BTZONG KHA PA'I GSUNG RAB KYI DKA' GNAD LA DON GNYER MTHA' YAS GNANG BA'I STABS, SKU NA MTHON POR
PHEBS KYANG BSNYEL GSO'I TSUL STON PA GNANG, DE NAS SA MO PHAG GI LOR, 'BRAS SPUNGS SU BYON NAS CHOS RJE NAM MKHA' BZANG PO'I DRUNG DU, GSANG 'DUS MI BSKYOD PA, BDE MCHOG L'U AI PA, DRIL BU LUS DKYIL GSUM GYI DBANG BZHI YONGS RDZOGS, CHOS RGYAL PHYI NANG GSANG GSUM GYI RJES GNANG GSAN, AE NAS YUM SHIN TU BSNYUNG BA'I 'BOD MI BYUNG BA DANG LHAN CIG TU YUL DU PHEBS, LAM BAR DU 'PHYONG RGYAS RTZER PHEBS PAS ZHABS DRUNG GZHUNG NGAG DBANG BSOD NAMS GRANGS PA 'JIG RTEN DGA' BA'I RGYAN GYIS BDAG RKYEN TSANG MA MCHIS PA GNANG, GSUNG LAS, YON BDAG RAB 'BYAMS PA KHYED GSANG SNGAGS SNGA 'GYUR GYI SKOR LA DON GNYER CHE BA YOD 'DUG PA, DES NA ZHABS DRUNG BDAG PO RIN PO CHE DE RING 'DIR PHEBS RGYU YIN PAS KHYED RANG YANG ZHAG SHAS 'DI KAR SDOD LA, 'DOD CHOS MTHA' DAG CHOS KYI BDAG PO LA ZHUS CHOG GSUNGS BYUNG BAS, THUGS SHIN TU DGYES TE CHOS 'BA' ZHIG LA, THUGS DUNGS BA'I SEMS MNGON GYUR SHUGS CHE BAS YUL DU PHEBS DGOS PA SOGS ZIL GYIS NON PA LTA BUR SONG NAS, BZHUGS PAR THUGS THAG BCAD TSE, 'BOD MI DES 'DI RU YUN RING NA DE BAR YUM GRONGS NAS NGOS KYIS MJAL RGYU MI YONG ZER, NAN SHIN TU CHE BAS 'PHRAL DU THEGS PAR SHAR, LAM DU ZHUGS PA DANG KHRI SRONG RNAM SPRUL BDAG PO RIN PO CHE DPAL BKRA SHIS STOBS RGYAL DBANG PO'I SDE PHEBS PA MJAL, PHYAG 'BUL GNANG BAS, THUGS 'DRIS MED SNGAR NAS NGO MKHYEN BA ZHIG DANG 'DRA BA'I THUGS DGYES DGYES DPE MED GNANG GSUNGS, RANG YUL
, ,DU PHEBS TE YUM GYI 'DI PHYI'I DGOS PA RDZOGS THABS KYI DGE PA'I MDZAD PA RNAMS BRTZON PAS BSGRUBS, LAN BUG AA MI ZHES DKAR CHAS 'DZIN PA'I BLA MA LO BRGYA DANG NYI SHU TZAM LON PA, GRONGS DUS KYANG BSNYUNG GZHI SOGS YE MED PAR SRAS KYIS THUGS CUNG ZAD DKRUGS PAR BRTEN, YI DAM CHOS BSRUNG RNAMS LA DANG MI SNGOD THONGS SHIG GSUNG BA'I MUS LA GSHEGS PA'I NUS LDAN DE NYID KYI DRUNG DU, GU RU ZHI BA, TSE DBANG, RTA MCHOG ROL PA, PHYAG RDOR DREGS 'DUL, N'A GA RAKSHA, KHYAB 'JUG ,DBANG PHYUG RNAMS KYI DBANG, RTA NAG ,LHA MO SPU GRI'I RJES GNANG, SGRA MI SNYAN PA'I TSE SGRUB KYI GTAD LUNG SOGS CHOS DU MA DANG, LHA BTZUN NGES LEGS DPAL 'BYOR LHUN GRUB LA ZHANG BLON GYI RJES GNANG GSAN, SLAR SKYID SHOD DU PHEBS, GZHIS KHA BRAG DKAR DU CHOS RJE DPAL 'BYOR BSOD NAMS LHUN GRUB LA, MKHAS GRUB NOR BZANG PA'I DUS 'KHOR SPYI DON, BDE MCHOG SPAS DON KUN GSAL, DRIL BU LHA LNGA'I RGYA GZHUNG, DE'I 'GREL PA RGYAL BA BTZONG KHA PAS GNANG PA, L'U AI PA'I DKYIL CHOG ,ZHU LAN NOR BU'I 'PHRENG PA, KHU CHOS TSANG BA, RJE BTZUN RIG BYED MA'I CHOS SKOR, KHYUNG PO'I MGUR BRGYAD RTZA 'GREL, BLA MA'I RNAL 'BYOR BYIN RLABS BDUD RTZI'I CHU RGYUN, MKHAS GRUB RJE DANG GRUB CHEN THAR PA'I RGYAL MTSAN GNYIS KYI BSTOD PA GSAN, DE NAS PHAL CHER SER THEG CHEN GLING DU BZHUGS TE, CHOS RJE 'PHRIN LAS LHUN
GRUB SOGS LA BKA' CHOS CI RIGS PA ZHUS, MKHAS PA 'JUG PA'I SGO ZHES RIG GNAS KYI RNAM BZHAG STON PA'I LEGS BSHANG PHUN SUM TSOGS PA ZHIG THUGS RTZOM MDZAD CING, SDEB SBYOR GYI DZ'A TI'I SKOR NAS 'PHRO LUS, BAR SKABS SHIG NYANG PHRAN RIN CHEN TSAL BAS BSNYEN BKUR BYAS TE, DGONG ZHOG YON BDAG GI RIM GRO DANG, NYIN PAR RA SA 'PHRUL SNANG GI GTZUG LAG KHANG DU ZHABS BSKOR BDUN CU RE TZAM MA CHAG PAR GNANG BAS SKOR 'BUM 'GYANGS MED DU BSOGS, GNAS SKABS SU SKU NGAL BAR BYUNG YANG SGRIB PA DAG PA'I LTAS DE LAS CHE BA MA BYUNG GSUNG BA PHYI RABS KYI GDUL BYA LA DGONGS PA 'DRA, MI RING PAR GZHAN PHAN PA BLA MA DUNG DKAR 'BRUG GRAGS KYIS BKA' 'GYUR BZHENGS PA LA; AE PA'I BRIS MKHAN RNAMS LA ZHAL BKOD DANG BCAS, GZHU KHANG RAB 'BYAMS BA DGE LEGS LHUN GRUB DANG LHAN DU ZLA BA GSUM GYI BAR BKA' 'GYUR ZHUS DAG DANG, RGYAL PO YAB YUM GYI SKU 'DRA'I GZUNGS GZHUGS SOGS KYI BYA BA MDZAD, GZHAN YANG 'DI DAG GI SNGA PHYI 'GA' ZHIG TU SLOB DPON BKRA SHIS PA'I DRUNG DU RNAL 'BYOR DAG RIM, RIM LNGA GDAN RDZOGS SOGS, SLOB DPON SINGGHA LA CHOS RJE RGYAL SRAS PA'I BKA' 'BUM, YIG CHUNG NYER GCIG ,CHOS RJE BLO GROS MTHA' YAS LA RNAM SNANG MNGON BYANG, BDE MCHOG LHA LNGA, 'JAM DBYANGS ZHI KHRO SBRAGS SGRUB, RVA SGRENG PA RIN CHEN DPAL 'BYOR LA MGON PO LHO NUB BA, BKA' GDAMS LHA BZHI'I RJES GNANG,
, ,SLOB DPON BYAMS PA BRTAN PA LA TSIG GSAL GYI STONG THUN, 'DUL BA'I GZHI STOD, RTA MGRIN GSANG SGRUB KYI RJES GNANG, GZHAN YANG LCI LA PO RAB 'BYAMS PA NGAG DBANG CHOS GRAGS SOGS CHOS 'BREL GSAN PA'I BLA MA YANG GRANGS LAS 'DAS, MDOR NA BSDUS TSAD NAS BZUNG THUGS GNYER MDZAD DUS KYI RNAM PA THAMS CAD LA, SLOB GNYER 'DI BYAS PA LA BRTEN NAS SEMS LA PHAN PA'I NYAMS LEN GCIG BYED RGYU AE YONG DGONGS PA MA GTOGS, GZHAN KHYAD GSOD RNYED PA DANG BKUR STI'I PHYIR BSAM PA SKAD CIG KYANG MED CES GSUNGS, DGUNG LO ZHE GCIG PA LCAGS MO GLANG GI LOR, GSANG PHU NE'U TOG GI GRVA TSANG NYI MA THANG GI 'CHAD NYAN DU PHEBS, LO LNGA'I BAR DU 'CHAD NYAN MDZAD PAS LHO BRAG RAB 'BYAMS PA BYAMS PA CHOS DBANG, NAM MKHA' NOR BU, GUNG RU RAB 'BYAMS PA KUN DGA' LHUN GRUB SOGS MKHAS PA MANG DU THON, MDO PHYOGS GCIG PUR MA ZAD THA SNYAD RIGS PA DANG, CHOS 'BYUNG LO RGYUS SOGS GSUNGS PAS PHAL CHER LA SNGON MED PA'I LEGS BSHAD DU GYUR, CHU STAG LA 'BRAS SPUNGS SU RJE NAM BZANG PA LA RDO RJE PHAG MO, BDE MCHOG DKAR PO, DUR KHROD BDAG PO GSUM GYI RJES GNANG GSAN, 'PHRANG MGOR CHOS THOG PHEBS SKABS, KONG CHEN RIN PO CHE'I SLOB MA AO RGYAN CHOS RDZONG GI BLA MA LA DGONGS 'DUS YONGS RDZOGS ZHIG GSAN BZHED BYUNG YANG, NYE GNAS KYIS, CHOS GRVA CHAG NA GRVA PA RNAMS KYIS SKUR ZHUS YONG ZHES
BSHOL BSAM GRUB, SHING SPRUL BYES KYI SLOB DPON 'PHRIN LAS LHUN GRUB PAS KUN SPANGS MDZAD, NGED KYI RJES SU NYI THANG SLOB DPON YON BDAG RAB 'BYAMS PA 'DI SHES RAB DANG, MDO SNGAGS LA SBYANGS PA CHE, KHYAD PAR BYES PA'I GRUB MTHA'I DKA' GNANG THAMS CAD LA 'DRIS PAR YOD PAS GDAN DRANGS PA 'THAD GSUNGS PA BZHIN, GDAN 'DREN BYUNG BAS, DUS MCHOD KYI THOG NAS BYES MKHAS 'DUS GRVA TSANG GI CHOS KYI KHRIR PHEBS SO, BSTAN PA THUGS LA BCANGS NAS 'CHAD NYAN SHIN TU 'PHEL BAR MDZAD PAS PHYOGS MTHA'I MKHAS PA THAMS CAD KYANG BYES SU 'DUS, CHOS GRVAR BYANG CHUB ME TOG SHIN TU MANG BA SKYES PAS 'GA' ZHIG GIS BTZUGS PA YIN NAM ZHES LOG RTOG BYED NA'ANG, RJE 'DIS BLA MA BZHAG PA DANG MNYAM DU BYANG CHUB ME TOG KYANG CHER MA MCHIS ZHES GLENG, CHU YOS LA 'BRAS SPUNGS SU BYON, PAn CHEN BLO BZANG CHOS KYI RGYAL MTSAN GYI DRUNG DU THAMS CAD MKHYEN PA YON TAN RGYA MTSO DANG, SE 'BRAS KYI SLOB DPON RNAMS DANG LHAN CIG PAR DBANG RDO RJE PHRENG BA DANG, SGRUB THABS RGYA MTSO SOGS CHOS BKA' MTHA' YAS PA GSAN, RJE 'DI PA YANG PAn CHEN THAMS CAD MKHYEN PAR, RGYAL BA GNYIS PA'I BSTAN 'DZIN KUN GYI GTZUG NA MKHAS BTZUN BZANG GSUM GYI MDZAD PAS MNGON PAR MTHO BA'I RIGS THAMS CAD KYI BDAG POR GDON MI ZA BA'I THUGS MOS 'KHRUNGS, PAn CHEN RIN PO CHE NAS KYANG DE SKABS CHOS RJE DAM CHOS DPAL, GZHU KHANG RAB 'BYAMS PA, RAB 'BYAMS PA CHOS GRAGS
, ,RNAM RGYAL SOGS DGE BSHES GRAGS CAN MANG PO'I KHROD NAS, RJE 'DI LA SKYES BU DAM PAR DON GYIS NGOS BZUNG BA'I GZHAN LAS THUGS GCIGS CHE ZHING, GZHUNG LUGS KYI DKA' GNAD MANG BO LA DRI BA'I TSUL GYIS DOGS GCOD KYANG GNANG, DUS PHYIS SU DPON SLOB PHA BONG KHA PA DE BLA MA RNAM DAG RANG YIN ZHES BSNGAGS BRJOD MDZAD, MCHOD GZHIS KYI DON CIG LA SDE PA G-YUL RGYAL BAR YANG YANG ZHUS PAS GSAL KHA MA BYUNG BAS SKABS SHIG ,MI DBANG MDZAD PA RGYA MTSO'I RBA KLONG DU, ,LDOM BU'I ZHU YIG LUS PHRA SIM GYUR NA, ,GSUNG GI ZHI MIN MDZAD PAS GANG GI THUGS, ,'DOD DGUR MCHOD LA LHAN SKYES DGA' BAS ROL, ZHES SNYAN NGAG DAM PA YIG CHUNG DU 'BUL BA GNANG BAS, SDE BAS MA DGONGS PAR SKU MDUN BYANG MA NAS LA BSTAN PAS 'BRU GZHAN DU BRGYAB NAS YIG CHUNG DE MED PAR MDZAD, RJES SU MJAL DUS KHYED JI CHUNG BA DE 'DRA SDE BAR PHUL NAS KHONG PA BDAG MIN PA 'DUG PA AE YIN GSUNG, YIG CHUNG GI DON NI, RGYA MTSO'I NANG DU GZUGS CHUNG CHUNG RNAMS MI MNGON PA LTAR, SDE BA'I THUGS BREL GYIS RJE NYID KYI ZHU YIG DA BAR DU 'KHYAMS NA, GSUNG RTA MGRIN GYIS ZHI BA MIN PA DRAG PO'I MDZAD PAS KHYOD KYI SNYING ZO ZHES PA'I DON NO, RTEN 'BREL GYI DBANG GIS SDE BA YANG MA 'GYANGS PAR GRONGS, SPREL LOR THAMS CAD MKHYEN PA YON TAN RGYA MTSO SE RA THEG CHEN GLING DU BZHUGS, RJE 'DI NYIN STAR GYIS PHYAG 'BUL
LA PHEBS PA DANG, NYIN GCIG BKA' 'PHROS KYI LHONGS LA, RVA BOD DANG MKHAS GRUB RIN PO CHE'I KHAMS GSUM RNAM RGYAL GYI LAS TSOGS KYI LAG LEN SOGS LAG TU KHEL MI KHEL DANG, KHYED KYIS AE YONG GI DRI BA GNANG BAR, PHEBS LAN DU, LAG LEN GSAL ZHING ZAB KYANG, LAG TU LON PA LA DBANG LUNG MAN NGAG MTHA' DAG THOB PA, BLA MA DANG DAM TSIG GI SEL MA ZHUGS PA, BSNYEN PA TSAD DU THEMS PA, LTA BA'I RGYAB DANG SGOM PA'I RTZAL YOD BA ZHIG MED NA, DON MED PA'AM RANG PHUNG BA'I RGYU YIN PAS, NGED TSOS PHYOGS 'GRO SHES NA'ANG BYED PA THOG TU KHEL DKA' ZHUS PAR, SKU MDUN NA GZHU KHANG RAB 'BYAMS PA YOD 'DUG PAS, ZHAL SNGA NAS BYES PA'I DE THUGS BDEN ZHES SLAR SGRUB BYED MANG PO GSUNGS, BYANG BDAG PO NAS RGYUD GSANG BA SNYING PO'I BSHAD RGYUN RTZAD BCAD PAS GZHAN NAS MA RNYED PAR, RJE 'DI SNGA 'GYUR GYI PHYOGS LA GSAN RGYA CHE ZHING KHYAD PAR DU GSANG BDAG SGRO PHUG PA'I SNGON GNAS RJES DRAN GYI MTHUS, RGYUD DON MTHA' DAG GZIGS PA TZAM GYIS THUGS SU CHUD PA'I SNYAN GRAGS GSAN PAR BRTEN, CHOS RJE AO RGYAN BSTAN 'DZIN BSHAD RGYUN ZHU BAR BTANG BA LA G-YUNG 'GREL GYI STENG NAS SHIN TU ZHIB CING MTHA' CHOD PAR STZAL, GLING BSRE HA CANG BYED SLA BA'I STABS KYIS DMIGS LTOS LA GNOD PAR DGONGS NAS, GLING BSRE BYED KHAR DBU PHAR GNYIS LA DAM BCA' NYI MA GSUM RE DANG, 'DUL PAR NYIN GCIG 'JOG PA'I SGRIG GNANG BAS
, ,BSTAN PA'I RGYUN LA CHES PHAN PAR BYUNG, SLAR SE 'BRAS KYI GRVA TSANG GZHAN RNAMS KYIS KYANG, DE LA DPE BYAS NAS BTZUGS ZHES GRAG ,SLAR YANG PAn CHEN RIN PO CHE DBUS PHYOGS SU PHEBS SKABS SHIG ,BDE MCHOG RTZA RGYUD, DUS 'KHOR BSDUS RGYUD, DBANG MDOR BSTAN, RNAM 'JOMS KYI RGYUD, RNAM RGYAL GZUNGS, BYAMS PA DAM BCAS PA'I GZUNGS, RDOR GCOD, BDE MCHOG DRIL BU PA'I MNGON RTOGS, CHOS RGYAL GSANG SGRUB MNGON RTOGS, BLA MA'I RNAL 'BYOR, DUS 'KHOR SGRUB THABS, DKYIL CHOG ,SHIS BRJOD, SMON LAM, 'JIGS BYED KYI RGYUD, TE'U LO BA'I RTOG PA TZTSU DA TSA RA, CHOS RGYAL SGRUB THABS, PADMA YANG GSANG GI RGYUD, 'JIGS BYED BDUD LAS RNAM RGYAL SOGS CHOS MANG DU GSAN, GRUB CHEN LAS KYI RDO RJE'I RNAM 'PHRUL RJE DRUNG RIN PO CHE SKYID SHOD PHYOGS SU PHEBS, DE NYID 'PHRAL GYI SNANG TSUL GRUB SPYOD SHIN TU RTZING BA ZHIG MDZAD PA'I STABS NAS, SKYE BO BLO DMAN RNAMS KYI BLOR YANG MI TSUD CING, KHYAD PAR RJE RIN PO CHE'I BSTAN PA 'DI NYID 'DUL BA'I DANG TSUGS GTZO BOR BYED DGOS PA'I DBANG GIS SKUR ZHUS BYED PA MANG NA'ANG, RJE 'DI NYID THUGS DAD TSAD MED PA 'KHRUNGS NAS YONGS 'DZIN DU BSTEN NAS ZHAL RNAM 'GYUR BZHI'I RJES GNANG, DRAG PO DMAR CHEN GYI DBANG, MGON PO AA GHO RA, DZAM LA DMAR PO'I RJES GNANG, MGON PO RA THOD, KLU BSRUNG, DBYU GU
SPUN GSUM, HRI DMAR, RNAM SRAS MDUNG DMAR GYI LAS TSOGS, KUN MKHYEN MUS SRAD PA LUGS KYI ZHAL GYI CHOS BSKOR, GZHAN YANG MA GSHIN SOGS BDAG PO RIN PO CHE DANG 'BRI GUNG PA GNYIS NAS BRGYUD PA'I CHOS BKA' MTHA' YAS PA GSAN, PHYIS KYANG RGYAL BA KUN GYI MTHU STOBS KYI DBANG PHYUG YIN ZHES BSNGAGS BRJOD MANG DU GNANG, GZHAN YANG GUD RU DBYANGS DPON PA DPAL LDAN GRAGS ZHES BDAG PO YAB SRAS, CHOS RJE DANG SAM PA, YUG NAS SOGS BLA MA MANG DU BRTEN NAS, CHOS TSIGS BCAD RE'I PHYIR DKA' BA MANG DU SPYAD PA'I GSANG SNGAGS 'CHAD BA DE NYID RGYUN BZHUGS SER RTZER MDZAD PA'I STABS KYIS 'PHRAL 'PHRAL BLA BRANG DU BYON NAS CHOS KYI GSAN GLENG JI SNYED CIG MDZAD DO, RJE BTZUN H'A RA NA THA SHUN ZHABS DRUNG SOGS KYIS GDAN DRANGS NAS DBUS SU PHEBS PA'I TSE, DGA' LDAN KHANG GSAR DU BZHUGS 'DUG PAR CHOS 'BREL MANG DU GSAN BZHED NAS PHEBS KYANG, THUGS BREL GYI STABS NAS MJAL KHA DANG CHOS 'BREL YOD TZAM LAS MA GRUB, SA SKYA'I KHRI CHEN BSOD NAMS DBANG PO LHA SAR PHEBS SKABS SA SKYA'I SNYAN BRGYUD SOGS ZAB CHOS MANG PO ZHIG GSAN BAR BZHED KYANG, KHONG DPON SLOB MYUR DU PHEBS DGOS PA DANG THUG STABS MA 'GRIG, THAMS CAD MKHYEN PA YON TAN RGYA MTSO THEG CHEN GLING DU BZHUGS DUS SHIG BDAG PO DPON RIN PO CHE PHEBS, RJE 'DIS DBYANGS DPON PA BRGYUD NAS, BYES BLA BRANG DU ZHAG SHAS KYI BZHUGS YUL DANG, RTA MGRIN KHANG GI PHUR MJAL
, ,SOGS GNANG, 'DOD CHOS CI RIGS KYI SNYAN GSAN PHUL BAS, THUGS DGYES DGYES DANG BCAS ZHAL BZHES MDZAD KYANG, BYANG 'GRUL TSAN CHEN SLEB PA DANG 'GRIG ,THAMS CAD MKHYEN PA 'BRAS SPUNGS SU PHEBS, KHONG DPON SLOB KYANG 'BRAS SPUNGS NAS RDZONG BRDA BYED CES 'PHRAL 'BYON DGOS BYUNG BAS DE RES 'GYANGS SO, ,SKABS SHIG GRONG SMAD DU MI ZHIG LA GDON SHIN TU CHE BA ZHIG BTAB BYUNG ZER NAS NAM PHYED TZAM NA GDAN 'DREN PA BYUNG BAS, DO NUB MUN PA'I STABS KYIS YONG MI THUB PAR 'DUG, ,RTA SGA THOD LA KHA GRONG SMAD PHYOGS SU STON LA ZHOG ,KHYOD RANG LOG GSUNG, GDAN 'DREN BA LOG PAS MI DE PHYIR SLEB TZAN NAD PA DRAG 'DUG ZER, DE NI DMIGS PA GAR GTAD LA NUS PA'I RTZAL 'BYIN PA'I RTAGS SO, ,CHOS MTSAMS SU BSTAN RTZIS, 'PHRUL SNANG GTZUG LAG KHANG GI DKAR CHAG ,GSANG 'DUS SMON LAM GYI t'IKKA SOGS LEGS BSHAD KYI RTZOM PA MANG DU MDZAD, BAR KHAMS NAS BA SO RJE DRUNG DANG, SHER DBANG SPRUL SKU SOGS RIM GYIS BYON, BYES GRVA TSANG DU SLOB GNYER MDZAD SKABS SBYIN SREG ZHIG GI SAR BA SO RJE DRUNG RIN PO CHE CHED GNYER GYIS 'BOD PA GNANG, KHONG GIS PHYAG LEN LA MA GZIGS PAR MNAL BAS RJE NYID THUGS RGYAL BZHENGS TE, NGAS SBYIN SREG MGO MA THON PAR KHYED BOS PA MIN, KHYED RANG LA RJES SU PHAN DU RE BA YIN ZHES BKA' BKYON KYANG GNANG, LHA SAR PAn CHEN
RIN PO CHE BLO BZANG CHOS KYI RGYAL MTSAN GYI DRUNG DU SHER DBANG SPRUL SKU DANG LHAN DU PA RI BRGYA RTZA YONGS SU RDZOGS BA GSAN, BYES PA GRVA TSANG GI 'DU KHANG GI LOGS BRIS GNANG BA'I DUS, PADMA YANG GSANG BKA' SRUNG DANG BCAS PA'I STABS KYIS GNYAN BAS, 'BROM STOD SNGAGS 'CHANG GIS RI MO PA'I GTZO BO BYAS, RJE NYID KYIS SKU BRNYAN RNAMS LA YE SHES SEMS DPA' DNGOS SU BCUG CING, KHYAD PAR THIG DANG SKYA RIS LA RAB GNAS MDZAD PA TZAM GYIS MCHOD ME 'DZIN PA SOGS NGO MTSAR BA'I LTAS MANG DU BYUNG ZHING GEGS MED PAR GRUB, PHYIS SKOR LOGS BRIS BYAS PA RNAMS LA DRANG SRONG GI GNOD PA SOGS BYUNG ZER, SKABS SHIG GZHIS KA SNE'UR RJE 'DI PA PHEBS, RAB GSAL SGO MANGS BSGRIGS PA'I THEM PA YONG BAR BZHUGS PAR, GSOL JA 'DREN MKHAN LA KHYED RKANG PA THEM BA'I KHAR ZHOG MDZOD, THEM PAS MTSAMS CHOD NA BYIN LEN MI CHAGS ZHES BCAS PA PHRA MOR YANG 'DZEM PA GNANG, SKABS DER BYANG 'GRUL PA MANG DU 'BYOR ZHING RMA CHEN SPOM RA'I NYE 'DABS KHREB CES BYA BA'I SA NAS DPAL RDO RJE 'JIGS BYED KYI RNAL 'BYOR BA DGE SLONG SH'AKYA RGYAL MTSAN GYIS DBUS SU 'ONG BA LA BAR CHAD MED PAR 'GRUB PA'I DON DU ZLA BA GSUM MTSAMS BCAD DE LHA LA GSOL BA BTAB PAS, MTSAMS GROL KHAR DA CHA MYUR DU 'GRUL TSAN MANG BAR 'GYOGS, KHYOD BAR CHAD MED PAR BYAMS CHEN CHOS RJE'I SKU SKYE DANG MJAL, DON 'GRUB CES LUNG BSTAN PA DANG,
, ,GNYID SAD BA DUS MTSUNGS SU BYUNG, DE 'BRAL GSAR BRDA BYUNG BAS YID CHES TE THE TSOM MED PAR SONG, 'DAM DANG SE 'BRAS TSER GRVA BA RNAMS LA BLA MA 'DI DANG 'DI BYAMS CHEN CHOS RJE'I SKU SKYE AE YIN ZHES DRIS BAS; MA TSOR ZER, SNGAR LUNG BSTAN YOD PA MI BSLU BA CHE SNYAM PA'I NGANG NAS SE RA'I MANG JA SKOL BA'I DUNG GTONG KHAR RMI LAM DU, DA NANG KHYOD KYI BLA MA BYAMS CHEN CHOS RJE'I SKU SKYE DE DANG MJAL YONG BAS SEMS DGA' BAR GYIS ZER, SPOS BSKOR LA YONGS PA DANG, RJE 'DI BA MTHONG MA THAG RMI LAM DU BYUNG BA DANG KHYAD MI 'DUG ZER RAB TU DGA' BA'I RNAM 'GYUR DANG BCAS 'PHRAL 'PHRAL 'ONGS NAS CHOS DU MA DANG, BSNYEN RDZOGS KYI SLOB DPON ZHUS SO, LHA LDAN GYI TSES BCU PA KHAG LA BLA MA'I DBANG GNANG BAS DAM RDZAS GA P'A LA'I NANG NAS KHOL ZHING LUD, DBUS GTZANG DANG MDO STOD, MDO SMAD, RGYA HOR SOGS SKYE DGU MANG POR GSANG BDE 'JIGS GSUM SOGS 'DOD CHOS JI SNYED STZAL, TSAL DANG LHAS SOGS SU CHOS PAR BTEG PAS, SPYIR GRVA TSANG BZANG BA DANG, LHAG TU RJE NYID KYI THUGS RJE'I MTHUS LUGS GNYIS KA'I GDUL BYA 'PHRIN LAS SA 'UR LA SONG, SKABS SHIG STOD RGYUD BA DANG LHAN DU LHA SAR 'DZOM PAR, 'DI PHYI GNYIS KA'I SKYABS GNAS ZHU BA'I PHYIR DU PHOG JA TSUL 'BUL NOD SOGS BYES PA BZANG BAR BYUNG BAS, 'GA' ZHIG MDO LAS SNGAGS SDE RKYEN SEL YAR 'DREN GANG LA YANG 'JIG RTEN PA RNAMS MOS PAR BYED NA'ANG, DA RES RGYUD
PA DANG BYES PA GO LOG PA 'DI CI YIN ZHES MANG DU GLENG, LA LA BYES PA'I BLA MA YON BDAG RAB 'BYAMS PA 'DIS DBANG SDUD BZHIN BYAMS ZER BA'ANG BYUNG, AE NAS BON RTZIS PA SLOB DPON NOR BU DANG GNYAL PA SNGAGS 'CHANG BA GNYIS SKU GZHOGS SU BSDAD NAS, RTZIS DANG YI GE'I SKOR SOGS ZHAL BKOD GNANG STE, DBYANGS GSAL KLAG THABS KYI RE'U MIG ,RDO RJE RNAM 'JOMS KYI SNGAGS 'KHOR SOGS BRIS RIM GYIS ZHUS DAG DANG, RTZIS DKAR NAG GI PHYAG DPE RNAMS LA YANG DAG THER GNANG, RJE 'DIS BLA MA MDZAD RING 'CHAD NYAN SHIN TU 'PHEL BA'I STABS KYIS PHYIS SU GRVA TSANG GI SLOB DPON MDZAD PA RAB 'BYAMS PA BYAMS PA SMON LAM, RAB 'BYAMS BA 'PHRIN LAS BSAM GRUB, RONG PO BA RAB 'BYAMS PA BSOD NAMS BKRA SHIS, RTZES THANG RAB 'BYAMS PA, GSANG SNGAGS MKHAR GYI GZHI PA BLA MA NGAG DBANG RDO RJE SOGS DGE BSHES GRANGS KYIS MI LANG BA BYUNG, 'ON KYANG RONG PA RAB 'BYAMS PA SOGS DRED PO CHOS RGYUS MKHAN DU MA DANG, TSA BA DGE RGAN SOGS CI RIGS KYIS LEGS SKAR GYIS STON BA SKYON GYI GONG BUR MTHONG BA LTAR RJE 'DI'I MDZAD PA MTHA' DAG LA LOG PAR BLTAS TE THUGS SUN MANG DU ZHUS, DE NAS MA 'ONGS PA'I DUS RTAGS SOGS JI LTAR 'BYUNG BA'I TSUL LA THUN MONG GDUL BYA'I SNANG NGOR MO RTZIS GNANG BA LTAR STON YANG, DON LA MNGON BAR MKHYEN PA NYID KYIS DUS MI BDE BA 'ONGS PAR DGONGS TE RI KHROD DU PHEBS RTZIS MDZAD NAS 'CHAD NYAN GYI DGONGS BA ZHUS PA NA,
, ,THAMS CAD KYIS MGRIN GCIG TU GSOL BA BTAB STE, RTA LO'I BAR 'CHAD NYAN GYI 'PHRO SKYONG DGOS PA BYUNG, ME SPRUL MJUG TU KHAL KHA CHO KHUR DPON PO SOGS DMAG DANG 'GRUL PA GTOS SHIN TU CHE BA SLEB, DE SKABS 'JIG RTEN GRAGS PA'I RJES SU 'BRANG BA MANG PO ZHIG SDE GZAR GYI 'DOD PA MNGON DU GYUR, RJE 'DI NYID NI, SPYIR YANG SER DMAG MI 'OS SHING, KHYAD PAR DBYANGS 'CHAR SOGS NAS KYANG DON DU MI 'GYUR BA ZHIG GZIGS, DE DUS PAn CHEN RIN PO CHES KYANG THUGS DBANG 'DUS PA'I NGES PA MI 'DUG NA'ANG, 'GAL BA MED BAR DGONGS TE 'BRAS SPUNGS SU PHEBS NAS, DUS RTAG RTEN 'BREL SNYAN 'BUL ZHUS, SA RTA LHA SA SMON LAM GYI SROD SKOR ZHIG GI SKABS PHAN BDE LEGS BSHAD GLING GI SLOB DPON PA RTA'U RI KHROD PA PHUN TSOGS BZANG PO DANG MNYAM DU BYUNG BAS GSUNG 'PHROS ZHIG GI MUS, KHONG GIS NGED TSOD LO PAn CHEN RIN PO CHE'I PHYAG PHYIR MNGA' RIS LA 'GRO RGYU YIN ZHES ZER BAS, KHYED RNAMS BSOD NAMS SHIN TU CHE, DA LO NGED 'DI PHYOGS SU SDOD MI RNAMS LA CHAGS SGO RANG CHE GSUNGS, DE NAS RIM GYIS SDE GZAR GYI SGO DOD DE, DGA' LDAN PHO BRANG SOGS NAS BSHOL BA 'GAB TSUL MDZAD KYANG, GTZANG SRID LA 'PHUL BAS MTHONG PHYOGS KYIS NYAN 'JOG MA BYAS, DE MTSUNGS RJE 'DI BAS CHOS MTHUN GYI ZHAL BKOD GNANG BAR MA RUNGS PA RNAMS KYI BLO LA MA BABS PAS PHAN MA THOGS,
DE NAS 'CHAD NYAN 'JOG RTZIS MDZAD DE SKU CHAS RNAMS 'GA' RU KHANG DU BSKYAL, BLA BRANG NAS PHEBS MA GRUB GONG DU LHA SAR 'KHRUGS PA BYUNG BA'I BAR DU PHEBS, SROG BSKYAB 'DRA AE YONG GI RTZIS GNANG YANG THUGS BZHED DANG MTHUN PA CHER MA BYUNG, SPYIR YANG SNYIGS MA LNGA BDO BAS 'KHRUG LONG MI BZAD BA 'DI LTA BU DANG, KHYAD PAR SER DMAG TU MING BTAGS PAS BSTAN PA 'GRIB CING 'GRO BA'I PHAN BDE LA CHES GNOD PA'I DUS NGAN 'DI LTA BU SNYAM DU THUGS SKYO BA DANG SNYING RJE PHAN TSUN 'GRAN PA BZHIN DU GYUR PA'I NGANG NAS SE RAR PHEBS, HOR ZLA BDUN PA'I NANG DU GLING LOG BYUNG STE, SER 'BRAS PHAL CHER STAG LUNG TSOR BTEG SKABS, RJE 'DI BA RIM GYIS SOG YUL LA 'BYON DGOS PA BYUNG NGOGS NAS YER BAR BZHUGS, DPON SA STAG LUNG MA'I GNYER PAS, YER PAR GTZANG BAS NYUL MI BTANG DOGS NAS, DPON SLOB RNAMS KHANG PA'I NANG DU BZHUGS SU BCUG ,PHYI NAS SGO LCAGS BRGYAB NAS MDZOD KHANG YIN PA LTAR BYAS, SNGAR NAS THUGS 'DRIS YOD PA'I YER BA'I BTZUN PA KARMA BRTZON 'GRUS ZER BA ZHIG GIS MI SNA LA SKAD CHA BSHAD PAS SKU CHAS RNAMS SHOR, DE NAS SLAR STAG LUNG NAS DO DAM MDZAD DE DGON PA RNAMS KYANG SO SOR SNGAR LUGS LTAR GNAS CHOG PA TZAM BYUNG SKABS, RJE 'DI NYID KYANG ZHABS THANG LA YER BA NAS GAD KHA PA BRGYUD DE SE RAR PHEBS, ZHOG GCIG TSOGS SU MANG JAR PHEBS BAS, GRVA PA RNAMS SGO SOGS JI BZHIN MED PA LA DPAG CHAS KA PHRAN TSEGS
, ,YOD PA KHUR NAS 'ONGS PA DANG, SNOD MA CHAG PA G-YOR BA? MA RNYED PAS, THUGS LA BSTAN PA'I SNYING BO NI RGYAL BA BTZONG KHA BA'I RING LUGS YIN, DE YANG DUS DBANG GIS 'DI LTA BUR GYUR 'GRO BA DGONGS THUGS SHIN TU DAL BA BYUNG, DE NAS PHYAG DPE 'THOR PA RNAMS 'GA' RU KHANG DU BLANGS TE BSGRIGS BA GNANG YANG, CHAR LHAGS KYIS CHUD ZOS PA DANG, DMAG MI 'GA' ZHIG GIS DPE CHE'I STENG DU DUD 'GRO BSAD PA'I KHRAG GIS SBAGS PA SOGS SHIN TU MA RUNGS PAR GYUR 'DUG PAS, THUGS BDE SPYOD THUB TZAM YAN CHAD GLEGS BAM DU MDZAD, DE MIN TSVA KHANG SOGS 'O MI BRGYAL BA'I SAR BZHUGS SU BCUG ,ZLA SHAS RAM RTZER ZHABS TOG ZHUS NAS BZHUGS, YER BAR SKU CHAS 'DREN PAR NYANG BRAN BLON PO BA'I G-YAG MANG PO YOD PA MA BYUD ZER GZHIS KA SNE'UR GTUGS NAS MI SNA PHAB, RJE NYID THUGS RGYAL BZHENGS TE GTOR ZOR 'PHANGS PAS BLON PO BSOD NAMS BKUM MO, DE NAS SGRUB BA 'BA' ZHIG LA THUGS GZHOL ZHING, SGRUB GNAS KYANG DPON SA STAG LUNG MAS YER BA BRAG GSEB TU BZHUGS, 'TSO CHAS KYI ZHABS 'DEGS 'DI NAS BYED GSUNGS PA DANG, 'GA' ZHIG GIS NI RGYAL 'OL DANG AE DVAGS PHYOGS SU PHEBS PA LEGS ZER BA MANG DU BYUNG YANG, RJE 'DI'I THUGS DGONGS LA NYANG BRAN PHA BONG KHA 'DI SNGON CHOS KYI RGYAL PO SRONG BTZAN SGAM POS SGRUB PA MDZAD PAS GRUB PA THOB STE, SANGS RGYAS KYI BSTAN PA DANG ZHING RGYAS PAR MDZAD PA'I GNAS GZHI KHYAD PAR CAN YIN PAS SGRUB GNAS LA 'DI RANG LEGS ZHES PHA BONG KHA BYANG CHUB SHING GI NAGS KHROD, YUL NYI SHU RTZA BZHI'I YA GYAL, DE BI KO tIR SA MO LUG GI LOR BYON NAS ZAB MO'I RNAL 'BYOR LA RTZE GCIG TU BRTZON PAR MDZAD, THUGS DAM SPROS BCAS KYI RIM PA YANG DPAL
'KHOR LO SDOM PA DRIL BU LUS DKYIL, DPAL RDO RJE 'JIGS BYED BCU GSUM MA, DE DAG GI BZLAS BA STONG TSO RE LA MTHA' BRTEN, BLA SGRUB, BSAM GTAN GYI SBYIN SREG ,YE SHES KYI MGON PO PHYAG DRUG PA, LAS GSHIN, ZHAL DMAR NAG ,DMAG ZOR MA, RNAM SRAS SOGS CHOS SKYONG SKOR GYI MCHOD GTOR, PHYI GTOR BRGYA RTZA, BSANGS MCHOD, NYER LNGA BYUNG RES KYI DPAL GSANG BA 'DUS PA, GZHAN YANG PADMA YANG GSANG SOGS RGYUD SDE CHE BA'I RIGS JI SNYED DANG, GSOL 'DEBS CHOS SPYOD KYI RIGS KYANG MANG DU GNANG, GTZO BOR SPROS MED 'OD GSAL SNANG BZHI'I SKOR LA THUGS DAM GYI MTHIL DU MDZAD, THUGS DAM GYI BOGS 'DON DANG, BSTAN DANG 'GRO BA LA PHAN PA RGYA CHEN PO'I LTAS YA MTSAN PA MANG DU BYUNG NGO, LCAGS SPREL LOR, DPON SA STAG LUNG MA GSHEGS PA'I YAR 'DREN DU BYON, DE DUS BYANG RTZE CHOS RJE NGAG DBANG CHOS GRAGS 'BROM GLING MAR GSHEGS PA'I GDUNG DGA' LDAN BYANG RTZER DRANGS PA'I ZHUGS 'BUL LA PHEBS, RGYAL BA BTZONG KHA PA'I PHYAG DRIL, N'A RO'I KHRUS BUM GYIS SNA DRANGS PA'I 'BUL NOD RGYA CHER BYUNG, DGUNG LO RE GCIG BA LCAGS BYA LA SGOM SDE CHOS RJE RIN CHEN 'OD ZER, LHA RTZE DPON MO SOGS 'GRUL PA MANG DU 'BYOR, SGOM SDE CHOS RJE DANG SGAR PA GRVA TSANG GI SLOB DPON DUNG MKHAN SOGS KYIS GSOL BA BTAB STE, 'GREL BA SGRON GSAL GYI DBU TSUGS TZAM DANG, BDE MCHOG 'DOD 'JO, SPYOD 'JUG ,RGYAL BA BTZONG KHA PA'I GSUNG 'BUM THOR BU, THAMS CAD MKHYEN PA
, ,DGE 'DUN RGYA MTSO'I GSUNG 'BUM, 'DUL BA'I GLENG 'BUM SOGS MDO RGYUD KYI BSHAD LUNG DU MA DANG, KUN RIG GI DBANG, BCU GCIG ZHAL GYI DBANG, SGROL MA NYER GCIG ,SNAR THANG BRGYA RTZA CHOS SKYONG SKOR GYI RJES GNANG, SGRUB YIG GI LUNG, DPAL RI BO DGE LDAN PAR GRAGS PA'I KHRID CHEN BRGYAD, SNYING PO DON GSUM, DBU MA'I LTA KHRID, LTA BA SPYI KHYAB SOGS KYI SKOR YANG MANG DU GNANG, HOR ZLA BCU GCIG PA'I NANG DU RJE NYID KYI THUGS SRAS DAM PA CHOS KYI RJE SNGAGS RAM PA ZUR BTZUN DPAL 'BYOR 'PHRIN LAS RAB RGYAS DPAL BZANG PO YANG SKU ZHABS SU 'BYOR, PHYAG DPE DANG, THUGS DAM THAD KA 'BRI BA SOGS ZHABS PHYIR SHIN TU 'GYUR BA BYUNG, MDO SNGAGS GSAR RNYING GI GSUNG CHOS KYANG 'DI DAG GI SNGA PHYI KHO NAR 'PHEL, SKABS SHIG LHA RTZE DPON MOS LHA SA NAS BTON ZER BA'I DPE CHA 'GA' DANG, PHA BONG KHA NAS KYANG GTER 'DON RGYU YOD ZER SKU ZHABS SU 'ONGS PAR, BRTAGS DPYAD GNANG BAS GTER YANG ZOB DANG, GRUB RTAGS LA YANG THUGS THE TSOM BYUNG BAS, KHYED RANG GI 'PHRIN LAS LHA SAR 'PHEL ZHING, GNAS 'DI NAS GTER 'DON NAS BCUD NYAMS 'GRO ZHES THABS MKHAS KYIS RDZOD BA GNANG, DE NAS ZA PHRUG GI SNYUN DAM POS SKU LA BTAB STE, SMAN DPYAD SOGS BCOS KA CI BYAS KYANG PHAN NGO CHE BA MA BYUNG BAS, THUGS DAM GYI DANG RANG DU BZHUGS PAS GDANGS BSKYED CHE BAR BYUNG, BAR GCOD
SEL BYED DU PAn CHEN RIN PO CHE SPYAN 'DREN GNANG, TSE DBANG BRGYA RTZA, GUR DRAG ,KHYUNG DMAR NAG ,PHYAG RDOR SOGS KYI RJES GNANG GSAN, DE NYIN NYI MA LOG POS RING BA DANG, NAM MKHA' LA 'JA' TSON 'KHRIGS PA SOGS YA MTSAN BA'I RTAGS MANG DU BYUNG BAS MI RNAMS KYIS ZHING BRJES BAR GLENG, BYANG RTZE'I KHRI DANG LCANG RA MKHAR THOG SOGS KYI SNYAN GSAN BYUNG YANG, BOD 'BANGS KYI BDE THABS THUGS LA BRNAGS SHING, RANG NYID GDAN SA CHE GE BYAS SO ZHES PA'I SNYAN GRAGS LA JI MI SNYAM PA GNYIS 'DZOM PAS MI PHEBS PAR THUGS THAG BCAD, RGYUN GYI NYAMS BZHES DANG, SE 'BRAS RGYUD STOD SMAD MDO KHAMS LHO BYANG GI DGE BA'I BSHES GNYEN MANG PO LA CHOS KYI BKA' DRIN STZAL PA SOGS RNAM DKAR GYI MDZAD PA PHAN TSUN 'GRAN PA BZHIN DU GYUR, JING GIR GNAM GYI RGYAL BRGYUD LHA BTZUN DANG 'GU RU HUNG THE'I JI SOGS RGYAL BRGYUD KYI RIGS DU MAS ZHABS KYI PADMOR BTUD DE DAM PA'I CHOS KYI BKA' DRIN MNOS, CHA GAR RGYAL PO SOGS KYI BLA MA CO NE CHOS RJER YANG DBANG DANG RJES GNANG SOGS 'DOD CHOS LHUG PAR STZAL, RJE NYID KYI DBON PO CHOS BZANG NAD DAM BOS BTAB STE KHONG RANG GIS KYANG 'CHI BAR THAG BCAD, LHA RJE SOGS KYANG TSAM TSOM DU GYUR SKABS, ZHOG GCIG BKA' LAS, MA DANG SNYING THIG GI 'OD GSAL LA GNAS PA'I SKABS SHIG ,SOG PO DGE 'DUN RGYA MTSO'I RJES LA 'BRANGS PA'I MTHA' 'DRE CIG GIS DBON PO LA BAR CHAD BYED PA SHAR PAS, DE RANG
, ,'DRE DE RDZONG DGOS PA 'DUG CES RNAM 'JOMS KYI BYA BAS KHRUS DANG BCAS GLUD RDZONG GNANG BAS MA 'GYANGS PAR NANG LAS GROL, CHOS RJE SNGAGS RAM PAR SGYU 'PHRUL GSANG BA SNYING PO'I 'GREL t'IKA G-YUNG 'GREL GYI STENG NAS NYIN RER CHOS THUN TSAR GNYIS RE, GZHAN YANG SNYING THIG GI SKOR SOGS CHOS MTHA' YAS PA GNANG, SHING PHO BYI BA'I LO LA CHOS RJE BYAMS PA RGYA MTSO'I SPRUL SKUS GTZOS PA'I 'GRUL TSAN SHIN TU CHE BA SLEB, DAM PA RNAMS ZANG ZING GI 'DU 'GOD LHUR MI MDZAD KYANG, 'GRO BA'I BSOD NAMS KYI ZHING DU MKHO DGU'I YO BYAD JI SNYED PHUL, BDOG PA RNAMS RI KHROD KYI MTHUN RKYEN SOGS SU BSGYUR NAS DON LDAN DU MDZAD, LO SNGA MA RNAMS SU PHYAG G-YOG SNA TSOGS KYI STABS NAS SKU CHAS THANG LHOD CI RIGS BYUNG, ZHAL NAS, 'PHRIN LAS PHUN TSOGS ZER BA ZHIG YOD PA DE NGED DANG LO KHAMS MTHUN BAS LAG G-YOG BYAS NA 'GYUR BA YOD, MA SHIN DO ZHAG TZAM SLEB YONG GSUNGS PA LTAR, DKA' BCU 'PHRIN LAS PHUN TSOGS SKU ZHABS SU 'BYOR, 'DI DAG GI SNGA PHYIR 'DOD CHOS ZHUS, GSANG BDE 'JIGS GSUM SOGS YI DAM GYI BSNYEN SGRUB DANG, NYAMS KHRID SKYONG 'DOD DOGS GCOD ZHU BA LA BKA' BCU RAB 'BYAMS SOGS DU MA, LA LA LO SHAS, 'GA' ZHIG DBYAR GNAS TZAM SDOD MI NYUNG MTHA' 'ANG BCU RE TZAM BSTAR CHAGS SU BYUNG BAR, DAD 'BUL BSNGO RTEN GYI STENG NAS NYIN RER JA GNYIS RE DANG, GZHUNG DU ZHU
BA GNANG BAS PHOG SOGS 'TSO CHAS KYI MTHUN RKYEN DANG, GTZO BOR RGYAL BA BTZONG KHA PA'I MDO SNGAGS KYI GSUNG RAB RNAMS KYIS THOG DRANGS PA'I GRUB MTHA' RIS SU MA CHAD BA'I 'DOD CHOS KYIS TSIM BAR MDZAD, SHING GLANG JU NANG THUB PA THE'I JI SOGS BYANG PHYOGS HOR SOG GI YUL GYI SKYA SER JI SNYED 'BYOR, GRVA TSANG CHOS RJE BSOD NAMS BKRA SHIS DANG, DU RAL NANG SO GNYIS KYIS GSOL BA BTAB NAS, BOD KYI RDO RJE GDAN LHA SAR GDAN DRANGS, RDO RJE PHRENG BA ZHE LNGA MA'I DBANG, BDE MCHOG DRIL BU LHA LNGA'I DBANG, RTA MGRIN YANG GSANG, THUGS RJE CHEN PO SOGS KYI DBANG LUNG RJE GNANG MANG PO ZLA BA GCIG GI RING LA GNANG, GSANG 'DUS YE SHES ZHABS LUGS KYI DBANG GI DGUNG MO SA G-YOS PA SOGS LTAS YA MTSAN PA MANG DU BYUNG, RGYAL DBANG YON TAN RGYA MTSO'I DNGUL GDUNG GI RAB GNAS LA PAn CHEN THAMS CAD MKHYEN PAS GTZO MDZAD SE 'BRAS KYI SLOB DPON LAS THOG ZUR BA THAMS CAD 'DUS PAR RJE 'DIS KYANG BYON, SGO MANG SLOB DPON CHOS GRAGS RNAM RGYAL DANG GSANG SNGAGS GSAR SNYING GI MTSAMS LA 'BEL GTAM MDZAD PAS MKHAS PA RNAMS DGYES PA BSKYED BAR BYAS, BAR KHAMS NAS RGYAL BA 'PHAGS PA LHA PHEBS TE, THOG MAR NI BKA' CHOS SHIG GSAN BZHED YIN PAS DGONGS 'DUS ZHU ZER, DE YONGS RDZOGS MA THOB GNANG BAR THUGS MTHO DMA' RE YOD TSOD DU GDA' BAS RJES MA CHOS NI MA ZHUS 'DUG ,MI TRA BRGYA RTZA'I DBANG CHOG ZHIG BSKUL NAS,
, ,GSAL BA'I SGRON ME ZHES BA THUGS RTZOM GNANG, ME STAG LO'I SMON LAM CHE CHUNG GI SKABS PAn CHEN THAMS CAD MKHYEN PA PHEBS LAM DU THUGS BREL GYIS G-YENGS NAS CUNG ZAD 'GYANGS DOGS, DGA' LDAN PHO BRANG NAS SNYAN GSAN PHUL BA LTAR, PAn CHEN RIN PO CHE MA PHEBS BAR DUR MO CHE'I SMON LAM GYI TSOGS DBU MDZAD, ME YOS KYI STON MJUG RGYAL DBANG LNGA PA CHEN PO'I SKU ZHABS SU BKA' THO ZHIG 'BUL BA GNANG BAS, DE'I SNGON TZAM DU PHYI NAS RLUNG YE MED BAR NAD DU RLUNG DMAR GYIS SKOR TSUB BYAS PAS, DE'I KHROD DU MI DMAR PO ZHIG GCIG GIS MTHONG 'DUG STE, BEG TZE 'DI BKA' SDOD DU SONG GSHIS PHYAG BRIS KYI PHO NYAR SNGON DU 'ONGS PA ZHIG YIN PAR 'DUG CES LNGA PA CHEN PO GSUNGS, DE NAS SKU'I 'PHROD RTEN GYI CHED AE'I CHAB CHEN LA PHEBS, DE YANG GDUL BYA'I NGOR CHAB LA BZHUGS PAR STON PA TZAM MA GTOGS, DON SKUN PHEBS PA SOGS KYIS DA RES LAS AE PHYOGS SU PHEBS BAR MI 'CHAR ZHING, 'DUL DGOS KYI GDUL BYA LHAG MA MANG PO'I DON DU DGONGS TE MTHONG THOS DRAN REG BKA' 'BREL GYI SGO NAS RNAM DKAR GYI LAS RLABS PO CHE BSKRUN, KHYAD PAR RI SGO CHOS SDER PHEBS NAS SMAN BLA BDE GSHEGS BDUN GYI DBANG, CHOS SKYONG SKOR GYI RJES GNANG SOGS 'DOD CHOS DU MA DANG, JA GOS DAR SOGS ZANG ZING GI 'GYED KYIS TSAM PAR MDZAD, GRVA BA RNAMS KYIS, ZHAL SNGA NAS BYAMS
PA BRTAN BAS MI TSE HRIL BOR BLA MA MDZAD PA LAS ZHAL SNGA NAS YON BDAG THENGS GCIG PHEBS PA LUGS GNYIS NAS DGA' PA BYUNG ZHES GLENG, GSOL DPON RAB BRTAN GYIS GTZOS PA'I SKYE BO MANG PO YAN LAG BRGYAD PA'I BSLAB KHRIMS LA 'GOD BAR MDZAD, PHEBS ZHOR CHAD DKAR RDZONG DU ZHABS DRUD KHRI BAS BSNYEN BKUR GYA NOM PA DANG BCAS SNYING THIG ZHU BA'I SNYAN GSAN PHUL, 'ON KYANG SKYID SHOD DU THUGS RINGS BAS 'PHRAL DU 'BUL MA THUB SLAR SGRUB PA'I BSTI GNAS NYID DU PHEBS, DGE 'DUN BCU PHRAG RE LHAG PAR LO RE BZHIN DBYAR GNAS DGAG DBYE GSO SBYONG STE GZHI GSUM GYI PHYAG LEN DANG, RGYUN LDAN DU BSTAN 'GRO'I PHAN BDE'I CHED DU, SNGA JA LA SHER SNYING TSAR SUM CU, NAG PO SKOR GSUM, DMAG ZOR MA, RNAM SRAS, ZHAL DMAR NAG ,TRAG SHAD, DPAL LHA SOGS KYI MNGON RTOGS, DGONGS JA LA BSKANG GSO, GTOR BSNGO, SMON LAM SHIS BRJOD PAR, NYER LNGA BYUNG RES KYI GSANG 'DUS MNGON DKYIL GYI RGYUN 'DZUGS PAR GNANG, RDO RJE 'CHANG CHEN PO'I LAM RIM, BYANG CHUB LAM RIM, DBANG LUNG KHRID SOGS SO SO'I RE 'DOD DANG SBYAR TE CHOS 'PHEL BAR MDZAD, 'DI DAG GI SNGA PHYI RNAMS SU 'JIGS BYED KYI CHOS 'BYUNG NOR BU'I 'PHRENG PA SOGS BKA' RTZOM MANG DU MDZAD, RKUN MA ZHIG GIS DAR PO CHE BRKUS PAR, RI KHROD PA RNAMS KYIS DAR PO CHE SNANGS CHUNG YANG 'DI RIGS MANG NA RJES SOR RI KHROD MI CHAGS BAS, 'DI
, ,LA MNGON SPYOD KYI RTAGS THON PA ZHIG DGOS ZHUS BAS, BEG TZO'I LAS SBYOR GYIS LO MA 'GYANGS PAR MI DE GUMS, DRAG LAS GNANG NA RVA SNUBS DANG MTSUNGS PA'I MTHU BO CHE ZHIG YONG NGES KYANG; RTZAL 'DON MI GNANG, ZHAL NAS, RJE MI LAS NGA MCHOG LA SEMS DPA'I RNAL 'BYOR BA YIN ZHES LUNG 'DREN KYANG MDZAD, 'BRUG PA BZANG SDING SKU SKYES RGYA BOD KYI SKAD SHAN SBYAR SDEB SBYOR SOGS YOD PA'I ZHU YIG SNYAN NGAG GI LAM NAS DRANGS PA ZHIG PHUL BAR, ZHABS PHYI PA RNAMS KYIS, DA RES 'DI PA DANG MTSUNGS PA'I BKA' SHOG GNANG BA LEGS ZHUS PAS, DA NGED RANG RI KHROD DU BSDAD NAS G-YENG BA GANG CHUNG DANG DGE SBYOR GANG 'PHEL LA GTZO BOR BYED PA LAS, THA SNYAD SPROS PA'I RIGS KYIS DGOS PA CHUNG, 'DI LA LAN DE 'DRA ZHIG BYAS NA, SLAR KHONG GIS DE'I LAN BYED, YANG LAN GYI MNO BSAM GTONG DGOS YONG BAS, DE THAMS CAD KYI 'TSAB TU DMIGS RKANG RE BSKYANGS KYANG SLEB TSOD CIG YOD GSUNGS, BKA' GDAMS KYI PHYAG LEN LA THUGS SHIN TU DGYES PAS DBYAR GNAS DANG DUS BZANG MANG POR GNAS BCU'I SGRUB MCHOD SNAR THANG PA'I LUGS BZHIN PHYAG LEN DU GNANG, SA PHO 'BRUG GI LOR CHU 'DZIN GYI SGRIB G-YOGS MED PAR NAM MKHA' G-YA' DAG PA BZHIN DU NYIN BYED DBANG PO'I 'OD MOG MOG POR GYUR PA LA BRTEN, SKYE 'GRO PHAL CHER YID TSAM TSOM DU GYUR CING, 'DI 'DRA GANG GI RTAGS YIN NAM ZHES GLANG SKABS, GRUB
THOB MDUD RTZE RAS PA'I DBON BRGYUD CHOS RJE LHUN GRUB RGYA MTSO DANG, YI GE DRUG PA'I 'PHRIN LAS PA BLA MA DUNG DKAR BA SOGS DU MAS, RJE 'DI PA'I DRUNG DU DRI BA ZHUS PAR, MA 'ONGS 'BYUNG 'GYUR GYI RIM PA BSHAD PA'I LUNG BSTAN LNGA PA, YANGS PA'I RGYAL KHAMS BDE THABS KYI SKU RIM DGE BSKUL GYI RIM PA PHAN BDE'I 'BYUNG GNAS ZHES PA GNANG, DE NI DUS GSUM LA CHAGS THOGS MI MNGA' BA'I MNGON PAR MKHYEN PA DANG LDAN PA'I RTAGS SU SNANG NGO, DE SKABS LOG RTOG CAN RNAMS KYIS 'PHYA SMOD KYI GTAM SNA TSOGS BSGRAGS KYANG RAB BYUNG BCU GCIG PA'I SA SBRUL NAS LCAGS 'BRUG GI BAR GYI DUS RTAGS RNAMS LA NAD RIMS DANG, AAR SA LANG LA BRTEN PA SOGS DUS 'KHRUGS LHO BYANG MANG POR BYUNG BA THAMS CAD KYI SPYOD YUL DU GYUR, SKABS DER, KUN GYIS DMIGS BRTZE MA LA 'BAD DGOS GSUNGS PA NI BSTAN 'DZIN CHOS RGYAL GYI LUNG GIS GANGS CAN GYI LJONGS SU MNGA' BSGYUR BA'I BRDAR SNANG, LCAGS RTA'I LO BAR KHAMS NAS BA SO RJE DRUNG RIN PO CHE BYON, ZANG ZING GI 'BUL BA GYA NOM PA PHUL TE, BDE MCHOG L'U AI PA'I DBANG BZHI YONGS RDZOGS ZHUS, LCAGS LUG ZHAL SNGA NAS SKU SKYES RGYUD KYI 'CHAD NYAN 'JOG RGYU YIN PAS BLA MA GNANG DGOS TSUL GYI SNYAN GSAN BYUNG YANG MI PHEBS PA'I BKA' GSAL GNANG, KHAL KHA DPON PO AA KHAS TA'I CHIN, CHA KAR SKU SKYE, CO NE CHOS RJE SOGS BYANG 'GRUL MANG DU 'BYOR, DBANG BKA' RJES GNANG LUNG SOGS KYIS SO SO'I RE BA YONGS SU BSKANGS, CI NA'I YUL GRU LAS 'ONGS BA'I DNGOS PO 'GRO
, ,BA'I LEGS SPYAD KYI RGYUR BSKRUN, CHU SPREL LO SKU SHIN TU BSNYUN PA ZHIG BYUNG BAS, 'GA' ZHIG GIS DA LO BAR GTZOD CHE BA ZHIG MI YONG LAS CHE ZHES ZHUS PAR, NGED GNAS 'DIR SLEBS NAS RTEN 'BREL MANG DU BRTAGS PAR DA LO CUNG ZAD 'TSE BA TZAM YOD NA'ANG, RIM GROS BZLOG BAR 'DUG LO DRUG GI RING SDOD BSAM PA YOD GSUNGS, CHU BYA HOR ZLA GSUM PA'I NANG DU DGA' LDAN PHO BRANG DU PHEBS, RGYAL DBANG RIN PO CHE LA ZHAL BRAM GZUGS KYI BLA MA'I RNAL 'BYOR, N'A GA RA KshA, BLA MA DRAG PO, THUGS RJE CHEN PO'I DBANG, DUR KHROD BDAG PO RNAMS KYI RJES GNANG PHUL, SHING KHYI'I DBYAR SMAD SKU SHIN TU BSNYUN PA'I TSUL BSTAN TE, GSOL SMAN DANG SKU RIM MANG DU BSGRUB, SGRUB SDES BRTAN BZHUGS PHUL BAS SKU KHAMS DANGS PAR GYUR, SHING PHAG ZLA BA GSUM BA'I NANG DU RGYAL DBANG RIN PO CHE PHA BONG KHAR BYON TE ZLA BA PHYED GNYIS LA THUG GI BAR DU BZHUGS NAS GSANG SNGAGS GSAR RNYING GI DBANG LUNG KHRID MAN NGAG MTHA' YAS PA GSAN, YIG CHUNG NYER GCIG GI LJAGS LUNG SKABS GSUNG SGROS 'DI RNAMS YI GER MA BTAB NA RJE'I SNYAN BRGYUD RNAMS RIM GYIS NUB DOGS TSUL 'DUG CES MKHAS GRUB RIN PO CHE'I GSUNG RNAMS BYUNG BAS RKYEN BYAS SPYAN CHAB SHAR MAR SHOR TE YUG GCIG LJAGS KLOG GI MTSAMS 'JOG DGOS PA BYUNG, RGYAL DBANG LNGA PA CHEN PO'I BKA' LAS, RJE 'DI RIS MED CHOS LA MKHYEN PA CHE BAS GRUB MTHA' MI GTZANG BAR GLENG
MKHAN MANG PO YOD DE, GRUB MTHA' GTZANG GTZANG MO TSOS KYANG RGYAL BA TZONG KHA PA'I BSTAN PA LA THUGS ZHEN BCOS MIN RJE 'DI BA TZAM DKA' BAR MCHIS GSUNGS, PHYAG DPE DPE KHRIR BRTZIGS PA'I TSE YANG, RGYAL BA GNYIS BA'I GSUNG RAB RNAMS STENG KHO NAR 'ONG BA GNANG, GAL BOR 'OG TU CHUD NA BKA' BKYON, BSKYED RIM GYI RTOGS PA MTHAR PHYIN PA'I RTAGS KYI GSUNG THOL BYUNG DU YANG YANG GNANG, SLAR ZHIB TU ZHUS NA SBAS PA'I BRTUL ZHUGS 'DZIN, BAR SKABS SHIG RDZI BO ZHIG RBAB LA SHOR NAS SHI BA'I BSNGO ZHUS BYUNG BAS, DE MA THAG BCOS MIN GYI SNYING RJE CHEN PO BLA NA MED PA'I RNAM PA DANG BCAS BSNGO SMON MDZAD, SLAR SKU MDUN GYI MI TSOR SBUB ZOS RNAM PA'I JI MI SNYAM PA LTA BUR BZHUGS, THUGS DAM BRTAG PA 'GA' ZHIG ZHU MKHAN BYUNG BA NA, PHYAG 'PHRENG LA BRTZIS PA'I MO ZHIG GNANG BAS BKA' PHEBS GANG GNANG GI THOG KHO NAR 'GRO BA ZHIG BYUNG, BLA MED KYI DBANG BKA' RJES GNANG SOGS MDZAD PA'I TSE DBANG RDZAS MCHOD PA YO BYAD PHRA MO TSUN LA YANG SO SO'I BSHAD SPROL LTAR ZHIB TU GNANG BA MA GTOGS SLA CHOS GTAN NAS MI MDZAD, KHRID PHYAG BZHES KYI RIGS KYANG BLA MA 'DI 'DI 'DRA BZHED CES ZHIB CHA DANG BCAS GSUNGS, HOR ZLA DGU PA'I NANG DU AAR SA LANG GI DMAG DPUNG CHEN PO DANG BCAS TE 'DAM DU 'BYOR, SLEB MA THAG YONG SHA BU'I DPON KHAG BZHI TZAM BCOM PA SOGS KYI DRAG SHUL GYIS BOD RNAMS SKRAG CING, RGYAL BA GNYIS PA'I BSTAN PA LA MI BSRUN PA'I BLO YOD PA 'DRA ZHES PHAL CHER YID GNYIS SU GYUR KYANG,
, ,RJE 'DI NYID KYIS SKYON DU 'GYUR BA MI 'ONG ZHES GSAL BAR GSUNGS, DE YANG SOG DMAG DES SPYIR BSTAN PA DANG, BOD KHAMS LA MI DGE ,KHYAD PAR RGYAL BA BTZONG KHA PA'I BSTAN PA LA NGAN SEMS 'CHANG BA MKHYEN TE, DPAL RDO RJE 'JIGS BYED KYI RGYUD RTOG PA GSUM PA'I DON RGYAS PAR BSHAD PA KHAMS GSUM LAS RNAM PAR RGYAL BA'I NYI 'OD KYI 'PHRIN LAS RNAM BZHI'I SGO NAS SDANG SEMS ZHI BA, SPA BKONG BA, DBANG DU BSDU BA SOGS KYI LAS SBYOR DANG, AAR SA LANG LA YANG RGYAL BA GNYIS PA'I BSTAN PA LA GUS MCHOD LHUR BLANGS NA 'DI PHYIR DGE BA'I ZHAL TA DANG PHYAG THAM GNANG NGO, SOG PO'I DMAG GIS YAR 'BROG PHYOGS SU BRGYUGS PA LA BRTEN, ME BYI'I DI BYAD KA GTZANG PA NAS, BOD KHRI SKOR BCU GSUM GYI DPUNG GNAM MTSO LE GONG DU BTEG ,GTZANG SDE SRID KYI GSUNG LTAR BOD SOG GI BAR CHING BYED PAR RGYAL DBANG RIN PO CHE 'PHAN YUL RGYAL LHA KHANG BAR DU BYON, TSUR LAM PHA BONG KHAR PHEBS TE RJE 'DI NYID KYI DRUNG DU BKA' CHOS CI RIGS GSAN, DE'I TSE NYE 'KHOR DU 'BRUM PA MCHED PAS, ZHAL NAS, DA LO'I 'BRUM NAD 'DI YANG MTHA' DMAG BOD DU LHAGS CHE BAS MTHA' 'DRE'I KHA RLANGS YIN PAS RGYAL 'GONG GNAD LA GZIR BA'I SKOR 'DI LAG LEN DU BSTAR DGOS TSUL GYI BSLAB STON DANG LJAGS KHRID GNANG BA RGYAL DBANG RIN PO CHES NYAMS BZHES MDZAD PAS RTAGS GSAL BAR THON, RGYAL DBANG RIN PO CHE NAS BSTAN PA DANG SEMS CAN GYI DON DU YUN RING POR BZHUGS DGOS PA'I GSOL BA BTAB PAS, BRAG DGON DU SKYE BRTAG
GNANG BA'I LO RGYUS SOGS GSUNG ZHING, NGA LO DON DRUG PA YIN PAS, DA YUN RING SDOD AE THUB MI SHES ZHES ZHAL GYIS BZHES PA MA BYUNG, SKU SKYE BA GANG DU BZHES ZHUS PAR YANG, SNGAR SLOB GNYER MUS LA RI KHROD NYAG BSKYANGS NAS SGRUB PA ZHIG BYED RGYU BYUNG NA DAG PA'I ZHING GCIG TU SKYE AE THUB KYI 'DUN PA YIN NA'ANG, BAR DU RNAM G-YENG DANG DKOR GYI DBANG GIS RANG DBANG 'DUS PA ZHIG DKA' BAR 'DUG KYANG, RGYA HOR DBUS GTZANG SOGS SU SKYE BA LEN 'DOD NI MED CES BKA' PHEBS, DE YANG THUGS RANG DBANG MI 'DUS PA GSUNG BA NI DGONGS PA CAN DU MNGON, HOR ZLA BDUN PA'I NANG DU AAR SA LANG MI BZANG DANG BCAS JO MJAL LA 'ONG, RJE 'DI NYID MJAL TE, LEGS NYES KYI BRTAG PA ZHU BA DANG, ZANG ZING GI 'BUL NOD MANG DU BYAS, DAM SEL GYI RNAM PAS NAM MKHA' SHIN TU 'TSUB CING, KHYAD PAR DGE 'PHEL GYI RI RGYUD NAS SNA DRANGS, PHA BONG KHA'I BAR SER BA DRAG TU BABS, DE 'PHRAL BSKANG BSHAGS DANG GTOR 'BUL SOGS MDZAD PAS NAM MKHA' DVANGS, BRTAG PA YANG, AAR SA LANG PHAR MTSO KHAR LOG NA PHA DANG AE 'PHRAD ZHUS PAS MI 'PHRAD CING BAR CHAD CHE BA 'DUG GSUNGS, PHA'I BLON PO THA'I CANG GIS NGA 'DI NAS MGYOGS PAR MTSO KHAR PHYIN NA DPON PO DANG AE MJAL, SDE RNAMS 'TSAM POR AE YOD, DPON SKU KHAMS AE BZANG ZHUS PAS, DA LTA SDE YANG 'TSAM POR YOD, DPON YANG SKU KHAMS BZANG BAR 'DUG ,KHYOD DANG DPON MI MJAL GSUNGS, THA'I CANG GI BSAM PA LA, DPON SKU KHAMS BZANG, SDE 'TSAM POR YOD NA ZLA BA GNYIS GSUM LA
, ,NGA MTSO KHAR NI SLEB 'GRO, BRTAG PA 'DI CI 'DRA YIN BSAM PA SHAR BA RJES SU GLENG BRJOD BYUNG 'DUG ,DE NAS ZLA BA DRUG THOG LA BAR KHAMS SU AAR SA LANG DPON G-YOG NANG 'KHRUG DANG, MTSO KHAR AO ROD KYI DMAG GIS BCOM PA DUS MNYAM DU BYUNG, ME GLANG GI LO LA DBYAR GNAS SOGS SNGAR BZHIN RGYAS PA GNANG, GNAS BCU PHYAG MCHOD KYI ZHAL BKOD DANG, THA MA'I ZHAL GDAMS KYANG MANG DU GSUNGS, DGAG DBYE GROL RJES HOR ZLA BRGYAD PA'I TSES BRGYAD NAS SKU CUNG ZAD BSNYUD BA'I TSUL BSTAN PAR NYI THANG DRUNG 'TSO PA SOGS SMAN PA RNAMS KYIS 'PHROD BRTEN MANG DU BYAS KYANG PHAN PA CHER MA BYUNG, TSES DGU DANG BCU'I NYIN NAM MKHA' LA YANG YANG GZIGS KYIN BZHANG MO DANG BCAS TE DGYES PA'I RNAM 'GYUR MANG DU MDZAD, TSES BCU GCIG GI SROD LA ZHING 'DI'I MDZAD PA THA MA BSTAN TE CHOS KYI DBYINGS SU SKU GSHEGS PA'I TSUL BSTAN, ZHAG BDUN GYI BAR DAD LDAN GSOL BA 'DEBS PA RNAMS KYI CHED DANG, DMANGS PHAL PA RNAMS KYI DAD PA'I GSOS SU THUGS DAM LA BZHUGS PA'I RTAGS DRI BZANG POS KHYAB PA DANG, SKU MDANGS MA YAL BA SOGS BYUNG, CHOS BCU DGU'I NYIN SMAD RGYUD GRVA TSANG GI SLOB DPON CHOS RJE CHOS RGYAL BAS THOG DRANGS DPON SLOB THAMS CAD KYIS GDUNG MJAL DANG, SKU GDUD RIN PO CHE'I DRUNG DU 'DUS PA'I SMON LAM MGRIN GCIG TU GSUNGS PAS MTSAMS SBYAR TE, 'CHI BA 'OD GSAL CHOS KYI SKU LAS BAR DO LONGS SPYOD
RDZOGS SKUR BZHENGS PA'I RTAGS SU THUGS DAM GROL, GDUNG CHOG LA DGE SLONG RI KHROD PA RNAMS KYIS DPAL GSANG BA 'DUS PA'I DKYIL 'KHOR GYI CHO GA'I SGO NAS KUN TU BZANG PO'I MCHOD SPRIN ZAD MI SHES PA 'BUL BA DANG, RGYUD STONG SMAD TSOR 'DUS BA'I STONG RTZA, SER 'BRAS DGE GSUM LA MANG 'GYED, PAn CHEN THAMS CAD MKHYEN PA SOGS BLA MA RNAMS LA THUGS DAM 'DEGS CHAS KYIS MTSON DGONGS PA RDZOGS THABS RGYA CHEN PO BKA' BCU PA 'PHRIN LAS PHUN TSOGS KYIS DO DAM BYAS TE BSGRUBS, DE YANG ZHAL CHEMS BZHIN, GLANG LO'I 'PHRO MA RDZOGS KYI RING SKU GDUNG RIN PO CHE BZHUGS PA 'GAB PAR KUN MTHUN TE, TSES NYI SHU'I DGONGS MO CHOS RJE SNGAGS RAM PA DANG NYI THANG SLOB DPON GNYIS KYIS SBUR CHAS BYAS NAS MCHOD PA'I RTEN DU BZHUGS SU GSOL, ZLA BA BCU PA'I NANG DU BSTAN 'DZIN CHOS KYI RGYAL PO DANG, CO NE CHOS RJE SOGS KYIS GDUNG MJAL DU BYON, DNGUL SRANG LNGA BCU MA, DNGUL GYI KA TOR SOGS RTEN BZHENGS KYI MTHUN RKYEN MCHOG DMAN DU MAS MANG DU PHUL, BYES PA SLOB DPON BYAMS PA SMON LAM DANG, RI KHROD PA RNAMS KYIS GDUNG ZHUGS SU PHUL BAS NAM MKHA' DVANGS PA DANG, 'JA' 'OD KYI GUR, ME TOG GI CHAR BABS, PHYIR MI LDOG PA'I RTAGS SU DBU THOD BAM RIL, THUGS, SKU NYUNGS 'BRU LTA BU'I RING BSREL 'GA' ZHIG BYON, SA STAG NANG DU BYANG CHUB CHEN PO'I MCHOD RTEN MTHO BCU PA NYID CHOS RJE SNGAGS RAM PAS THIG RTZA, GZUNGS GZHUGS 'BUL BA DANG, GANG CI'I KHUR LEN
, ,BKA' BCU PAS BGYIS TE, BAL PO BDUN GYIS ZLA BA GCIG LA GEGS MED PAR LHUN GYIS GRUB, RI KHROD PA RNAMS KYIS RAB TU GNAS PA MDZAD DE, BKRA SHIS PA'I ME TOG GI CHAR PHAB PO, RJE 'DI NYID KYI GSUNG LAS SKYES PA'I SLOB MA YANG, RGYAL BA'I DBANG PO THAMS CAD MKHYEN CING GZIGS PA CHEN PO NGAG DBANG BLO BZANG RGYA MTSO DPAL BZANG PO, ZUR CHEN DPAL 'BYOR 'PHRIN LAS RAB RGYAS SOGS MKHAS GRUB GNYIS LDAN GYI SKYES MCHOG MTHA' YAS PA MCHIS, BSTAN PA'I RGYUN LA DGONGS NAS SNGA PHYIR LEGS PAR BSHAD PA'I RTZOM PA YANG, THAMS CAD MKHYEN PA DGE 'DUN RGYA MTSOS MDZAD PA'I BLA MA MCHOD PA'I RNAM BSHAD, 'JIGS BYED CHOS 'BYUNG, 'JIGS BYED KYI 'PHRIN LAS BZHI'I SBYIN SREG ,DBU MA'I LTA KHRID, PHAR PHYIN GYI t'IKKA SHIN TU GSAL BA, SKYABS 'GRO'I RNAM BSHAD, BDE BA CAN GYI SMON LAM GYI t'IKKA, SA GSUM MA'I t'IKKA, SMAN BLA BDE GSHEGS BDUN GYI DBANG CHOG ,BRDA 'GROL BLO BZANG DGONGS RGYAN, 'CHAD RTZOD RTZOM GSUM GYI RNAM BZHAG MKHAS PA KUN GYI 'JUG NGOGS, ZHAL GDAMS DRIS LAN GYI RIGS, BYANG GTER THUGS SGRUB KYI MNGON RTOGS SOGS MDO SNGAGS KYI BSTAN BCOS MANG DU MDZAD DE, RGYAL BA'I BSTAN PA RIN PO CHE GSAL BAR BYAS SO,, ,,SMRAS PA, 'KHON RIGS 'CHI MED TSAL LAS 'KHRUNGS PA GANG, ,NGO MTSAR LANG TSO'I 'DAB 'PHRENG MA RDZOGS KYANG, ,LEGS BSHAD 'DOD DGU'I CHAR CHEN 'BEBS
NUS PA'I, ,SNGON MED DPAG BSAM SHING CHEN 'DI YA MTSAN, ,SNGON SBYANGS MANG THOS BAG CHAGS YONGS SAD PAS, ,RAB 'BYAMS SHES BYA'I TSON RIS MA LUS PA, ,GZHON NU'I MIG SNGAR PRA PHAB GZUGS BRNYAN BZHIN, ,KHYOD BLO'I ME LONG DVANGS PAR CI YANG GSAL, , RNAM MANG MKHAS GRUB BCU GNYIS BDAG PO YI, ,ZAB RGYAS MAN NGAG 'OD STONG KUN 'THUNGS PA'I, ,RGYAL SRAS SBRANG RTZI'I RGYAL MTSAN DBANG PO DE, ,DUS MTHAR SKAL BZANG BUNG BA'I NYER 'TSOR GYUR, ,THOS BSAM DRI MED RIGS PA'I 'THOR RLUNG GIS, ,BDAG 'DZIN RMONGS PA'I SPRIN TSOGS DRA BA KUN, ,DBYINGS SU BSKRAD PAS KHYOD THUGS KUN GSAL NGOS, ,STONG NYID NYIN BYED SGEG MO'I RTZE DGA' 'DZIN, ,MDO RGYUD MAN NGAG KUN GYI PHA MTHAR SON, ,NYAMS DANG RTOGS PA'I BANG MDZOD BDAG GIR MDZAD, ,MTHU LDAN CHOS SKYONG BSRUNG MA BRAN DU BKOL, ,KHYOD NI THUB BSTAN RGYA MTSO'I DED DPON NO, ,ZHES PA NI MKHAS GRUB CHEN PO 'KHON STON DPAL 'BYOR LHUN GRUB TU SKU'I SKYE BA BZHES PA'I YAL 'DAB STE BCU GNYIS PA'O,, ` ,,RNAM DAG TSANGS SPYOD CHA SHAS YONGS SU GANG, ,BYAMS DANG SNYING RJE'I BSIL ZER 'PHRENG BA YIS, , LUS CAN PHAN BDE'I KU MUD RGYAS MDZAD PA, ,GRAGS PA 'OD ZER ZHABS LA GUS PAS 'DUD, DE YANG 'KHRUNGS RABS LAS, RGYAL BSTAN SA MOS TSAL MCHOG KHA 'BYED PA'I, ,GRAGS PA'I 'OD ZER 'GYED MKHAS GRUB PA'I GTZO, ,MTHONG THOS DRAN RIG SMIN CING GROL MDZAD PA, ,DPAL LDAN BLA MA DAM PAR GSOL BA 'DEBS, ZHES GSUNGS PA LTAR, CHOS KYI RJE GRAGS PA 'OD ZER DU SKU'I SKYE BA BZHES PA'I TSUL NI, MDO SMAD BTZONG KHA'I YUL GYI HU LAN NU RA ZHES PA'I LUNG BA'I
, ,MDOR NYE BAR, LCANG SKYA ZER BA'I GRONG TSE CHE CHUNG 'TSAM PA ZHIG YOD PA DER SKU SKYE BA BZHES, GZHON NU NAS BSTAN PA'I SGOR ZHUGS TE, YON TAN KUN GYI GZHIR GSUNGS PA'I TSUL KHRIMS LAS RAB BYUNG GI TSUL KHRIMS RNAM PAR DAG PA BZHES, RGYAL BA YON TAN RGYA MTSO DANG, PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO YAB SRAS GNYIS KYIS, PHAN BDE'I GZHI RTZA SANGS RGYAS KYI BSTAN PA RIN PO CHE BLA NAS BLAR SPEL BA'I CHED DU RGYAL SRAS DON YOD CHOS KYI RGYA MTSO RDZONG BRDA' MDZAD DE GSAR DU 'DEBS PA GNANG BA'I DGON LUNG DU GRAGS PA MDO SMAD KYI DGON BA JI SNYED YOD PA RNAMS KYI NANG NAS, MTSAN NYID KYI 'CHAD NYAN THOG MAR LEGS PAR DAR BA'I CHOS SDE CHEN PO DGA' LDAN BYAMS PA GLING DU CHOS GRVAR ZHUGS, DAM CHOS RGYA MTSO ZHES PA'I YONGS 'DZIN MTSAN GZHAN SUM BHA SLOB DPON PAR GRAGS PA'I DAM PA RIN PO CHE DE NYID BSAM SBYOR GNYIS KYIS TSUL BZHIN DU BSTEN NAS LO 'GA' ZHIG GI RING MTSAN NYID KYI PHYOGS LA THOS BSAM MDZAD, DE RJES DBUS GTZANG DU PHEBS 'BRAS SPUNGS KYI DPAL LDAN BKRA SHIS SGO MANG GI CHOS GRVAR ZHUGS TE DBU PHAR 'DUL MDZOD SOGS LA GSAN SBYONG TSUL MTHUN MDZAD, DAMS RING CHOS SDE CHEN POR GRVA SKOR GNANG, BSHAD PA DAM BCA' KHAS LEN SOGS PHUL TU BYUNG BA'I SGO NAS RAB 'BYAMS PA'I MTSAN GSOL, DE DUS MKHAS PA'I GRAGS PA HA CANG MI CHE NA'ANG BSLAB TSUGS BTZUN PAS LTAG SGO'I DGE SLONG
ZHES SHIN TU BTZUN PA'I DPER BYED PA 'PHAGS PA NYE BAR 'KHOR LTA BU CIG BYUNG 'DUG CING, KHONG BZHUGS PA'I SPYI KHANG LA LHAG SGO RGYAB ZER BAS LTAG SGO'I DGE SLONG DU GRAGS, DBUS NAS RANG YUL DU BYON TE DGON LUNG DU PHEBS, SUM BHA SLOB DPON PA DE NYID RJE 'DI'I SKU YON KUN SPYOD SOGS LA THUGS SHIN TU MGU NAS MTSAN NYID KYI BRTZI BZHAG GTONG BA'I SLOB DPON DU BSKOS BAR, KHONG GIS KYANG BLA MA'I BKA' BZHIN DU BRTZI BZHAG GTONG BA DANG, 'CHAD NYAN GYI DO DAM SOGS LA THUGS BRTZON CHE BAR MDZAD CING, GRVA BA RNAMS KYIS KYANG BRTZI BZHAG ,'DZIN SKYOR SBYANGS SOGS LA 'BAD DE 'CHAD NYAN GONG 'PHEL DU GYUR PA NA SHES RAB RGYA MTSO SOGS NAG PO'I PHYOGS SU GYUR PA'I GRVA RGAN 'GA' ZHIG GIS KHA SMRAS BYAS PAR BRTEN, DBEN PA'I GNAS MCHOG RI BO DAN TIG TU BYON NAS THUGS DAM ZAB MO'I RNAL 'BYOR LA RTZE GCIG TU BRTZON PAR MDZAD PAS MNGON PAR RTOGS PA'I YON TAN KHYAD PAR CAN THUGS RGYUD LA 'KHRUNGS, BAR SKABS SHIG ,THAD RING THAR PA GLING NAS 'CHAD NYAN GSAR 'DZUGS KYI SLOB DPON DU GDAN DRANGS PA LTAR, DER BYON TE 'CHAD NYAN GSAR DU BTZUGS NAS BLO GSAL SKYE BO'I TSOGS LA LEGS PAR BSHAD PA'I DGA' STON STZOL BAR MDZAD, THANG RING GI CHOS GRVA NAS SLOB GNYER BA 'GA' ZHIG DGON LUNG DU GRVA SKOR DU PHYIN PAR, DAM BCA' DANG, BGRO GLENG SOGS PHUN SUM TSOGS PA BYUNG BAS DGON LUNG GI CHOS GRVA BA RNAMS KYI YID PHROGS PA BYUNG BAR BRTEN, SNGAR
, ,GYI KHA SMRAS BYED MKHAN RNAMS KYIS 'GYOD TSANGS DANG BCAS BSHAGS PA PHUL BA BZHES TE, DGON LUNG PA RNAMS KYIS GDAN DRANGS PA LTAR BYON NAS SLAR YANG MTSAN NYID KYI BLA MA'I GO SAR PHEBS NAS 'CHAD NYAN SHIN TU 'PHEL BAR MDZAD, DON GNYER CAN DU MA LA DBANG DANG RJES GNANG, LUNG KHRID MAN NGAG SOGS SO SO'I 'DOD PA LTAR STZAL TE RGYAL BA'I BSTAN PA RIN PO CHE RGYAS PAR MDZAD, DE LTAR BSTAN 'GRO'I MDZAD PA RNAMS MTHAR PHYIN NAS SKU DNGOS KYI GDUL BYA RDZOGS PA NA DGA' LDAN MKHA' SPYOD KYI GNAS SU GSHEGS PA'I TSUL BSTAN TO, SMRAS PA, RAB DKAR DAD PA'I RTZA BA MCHOG TU BRTAN, ,RGYA CHEN BRTZON PA'I YAL 'DAB RGYAS PA'I RTZER, ,TSANGS SPYOD 'BRAS BU'I KHUR GYIS YONGS DUD PA, ,BSHES GNYEN YONGS 'DU'I DBANG PO BSNGAGS PAR 'OS, ,SRID PA'I PHUN TSOGS RTZVA RTZE'I ZIL BA DANG, ,SPU GRI'I SOR CHAGS SBRANG RTZI LTAR DGONGS NAS, ,GRUB PAS BSTEN PA'I DBEN PA'I GNAS MCHOG TU, ,ZAB MO'I LAM LA GZHOL BA 'DI RMAD BYUNG, ,PHUL TU BYUNG BA'I MNGON PAR RTOGS PA YI, ,YON TAN DU MA'I TSOGS KYIS RGYUD GTAMS KYANG, ,BUM NANG MAR ME JI BZHIN BKA' GDAMS PA'I, ,RNAM THAR 'DZIN KHYOD BSTAN PA'I SROG SHING YIN, ZHES BA NI CHOS KYI RJE GRAGS PA 'OD ZER DU SKU'I SKYE BA BZHES PA'I YAL 'DAB STE BCU GSUM PA'O,, ` ,,BLO GROS SPYAN STONG MNGON PAR G-YO BAS SHES BYA'I DE NYID MA LUS GZIGS, ,RMAD BYUNG LUNG DANG RIGS BA'I MTSON CHAS RGOL NGAN SBYIN SKYES KUN
BCOM STE, ,MDO SNGAGS LEGS BSHAD BDUD RTZI'I DPAL GYIS SKAL BZANG MKHAR NYAL KUN SKYONG BA, ,MKHAS MCHOG LHA BRGYA'I GTZUG RGYAN BSHES GNYEN BA DE SOGS BDAG POR 'DUD, ,DE YANG 'KHRUNGS RABS LAS, DAG GI DBANG PHYUG DUR SMRIG 'DZIN PA YI, ,MDO SNGAGS GSUNG RAB KUN GYI SNYING PO'I DON, ,TSUL BZHIN LEGS BSHAD KUN LA SBYIN MDZAD PA, ,BLO BZANG CHOS LDAN ZHABS LA GSOL BA 'DEBS, ,ZHES GSUNGS BA LTAR, YONGS RDZOGS BSTAN PA'I MNGA' BDAG RDO RJE 'CHANG BLO BZANG CHOS LDAN DPAL BZANG POR SKU SKYE BA BZHES PA'I TSUL NI, MDO SMAD BTZONG KHA'I LJONGS G-YI DGE ZHES BYA BA'I CHAR GTOGS, RTA PHYUG TU GRAGS PA'I GRONG DU YAB ZHAN CI NAS TSONG LA 'ONGS TE, GRONG DER GZHI CHAGS PA'I JANG YE HAR ZHES PA RANG BZHIN DRANG ZHING G-YO SGYUS DBEN PA, NGO TSA SHES SHING KHREL YOD PA SOGS YA RABS KYI YON TAN DU MA DANG LDAN ZHING, YUM NI THAR MO MTSO ZHES PA DANG RGYUD 'JAM ZHING DKON MCHOG LA DAD PA ZHIG STE, YAB YUM DE GNYIS KYI SRAS SU CHU RTA MGO ZLA BA'I TSES BCU'I MTSAN MO SKU BLTAMS, LHUMS SU ZHUGS PA'I TSE YUM GYI MNAL LAM DU NYI MA'I DKYIL 'KHOR SA NAS RNYED PA SOGS RMI LTAS YA MTSAN PA MANG DU BYUNG, DE NAS MTHUN PA'I YO BYAD DAG GIS SKYED BSRINGS TE LO KHA SHAS LON PA NA SNGON GNAS RJES DRAN GYI MTHUS, NGA LCANG SKYA BLA MA YIN, NGA LA GRA BA DANG RTEN GSUM 'DI DANG 'DI BYA BA YOD TSUL GYI GSUNG GSAL BO GNANG BYUNG BAR, YAB YUM GNYIS KYIS SKU SKYE RNAMS KYI GNAS TSUL MA GSAN CING MI
, ,MKHYEN PAR BRTEN, DE SKAD MA ZER ZHES BKAG PAS CI YANG MI GSUNG BA'I TSUL MDZAD DE LKUGS BA LTA BUR BZHUGS, DE NAS YAB YUM GNYIS THUGS MA BDE BAR LKUGS KHA 'BYED PA'I THABS DANG RIM GRO MANG DU BYAS PAS CANG MA PHAN PAR LUS BSGYUR TE DGE BSNYEN DU BSGRUBS NAS MTSAN LA DGE 'DUN SKYABS ZHES PAS BTAGS RIM GYIS SMRA THUB PAR GYUR, DE NAS YI GE 'BRI KLOG CHOS NYAN BSHAD SOGS KYI RNAM PAS SKU RTZED MDZAD PA THANG RING KHRI BA LAS THOG PA LDAN MA GRUB CHEN TSUL KHRIMS RGYA MTSOS GSAN NAS BU CHUNG KHRID SHOD GSUNGS PA LTAR SKU MDUN DU MJAL BAR BYON BAS THUGS BRTZE BA'I RANG BZHIN MDZAD CING ZHVA SNAM DANG GZAN LA SOGS PA'I GNANG SBYIN STZAL TE RTEN 'BREL SGRIG PA GNANG, DE NAS LCANG SKYA BLA MA'I DPON PO SOGS KYIS THOS NAS BLA MA GONG MA'I YO BYAD 'GA' ZHIG NGOS 'DZIN MDZAD BCUG PAR NGOS 'DZIN 'KHRUL MED DU BYUNG ZHING, PAn CHEN RIN PO CHER ZHUS PAS CHOS RJE GRAGS PA 'OD ZER GYI SKU SKYE 'KHRUL MED YIN TSUL GYI BKA' LUNG GSAL BO STZAL, DE NAS DGUNG LO LNGA BZHES PA'I TSE DGON LUNG SPYI SGER GYI MI SNA LCANG SKYA'I DPON PO GRVA BA DANG BCAS PAS THANG RING THAR PA GLING DU GDAN DRANGS NAS BZHUGS SU BCUG ,LDAN MA GRUB CHEN TSUL KHRIMS RGYA MTSO DANG, KHRI THOG PA PHUN TSOGS BZANG PO'I MTSAN CAN GNYIS KYI DRUNG DU RAB TU BYUNG NAS MTSAN BSTAN 'DZIN LEGS BSHAD RGYA MTSOR GSOL, DE NAS SKYA THA RAB 'BYAMS BA ZER BA DGE RGAN DU BSTEN NAS KLOG
BSLAB PAS TSOGS MED PAR MKHYEN TE CHOS SPYOD KYI RIGS MA LUS PA THUGS SU CHUD PAR MDZAD, DE KA'I ZHAR LA SNGON 'JUG RJES 'JUG GI KHYAD PAR DANG, RNAM DBYE'I SKOR RNAMS KYANG PHAL CHER MKHYEN PA BYUNG, DGUNG LO DGU BZHES PA LCAGS STAG GI LOR, CHOS SDE CHEN PO DGON LUNG BYAMS PA GLING DU GDAN DRANGS, KHRI THOG PA YONGS KYI DGE BA'I BSHES GNYEN CHEN PO DON GRUB RGYA MTSO'I ZHAL SNGA NAS DANG, SUM BHA SLOB DPON PA DAM CHOS RGYA MTSO RNAM GNYIS KYIS GTZOS, MCHOG DMAN KUN GYIS BSU BA SER SBRENG STON MO SOGS SHANGS LEN YANG DAG PA MDZAD, SPRUL BA'I SKU RIN PO CHE NYID NAS KYANG DER 'DUS PA KUN LA BKA' CHOS DANG PHYAG DBANG BCAS STZAL TE SMIN GROL GYI LAM BZANG POR BKOD, DGUNG LO BCU GCIG PA CHU PHO 'BRUG LA, GONG MA SHUN CI RGYAL POS PAD DKAR 'DZIN PA RGYAL DBANG LNGA PA CHEN PO RGYAL KHAB BE CING DU GDAN DRANGS NAS BYON PA'I LAM BAR DU MJAL TE, DGE BSNYEN GYI SDOM PA DANG RAB BYUNG GI TSUL KHRIMS YANG DAG PAR BZHES SHING, THUGS RJE CHEN PO'I RJES GNANG YAD GSAN, DGE BA'I BSHES GNYEN CHEN PO LDAN CHUNG 'OD ZER BKRA SHIS KYI DRUNG DU RDO RJE 'JIGS BYED KYI DBANG SOGS DBANG BKA' 'GA' ZHIG DANG, YI DAM GYI LHA DU MA'I RJES GNANG GSAN, DGON LUNG DU CHOS GRVAR ZHUGS TE RIGS LAM LA SBYANGS PAR MDZAD, DE NAS DGON LUNG KHRI THOG PA SDE SNOD GSUM GYI MNGA' BDAG THAR BO BKRA SHIS RGYAL MTSAN ZHES PA'I DRUNG DU RIGS LAM GYI 'PHRO DANG, PHAR PHYIN GYI GZHUNG TSAN KHA YAR GSAN PAS GZHUNG DE RNAMS KYI
, ,DON LHAG MA MED PAR THUGS SU CHUD DE RIGS LUNG GTONG BA DANG, KHAS LEN 'DZIN PA SOGS LA SUS KYANG BSGRUN DU MED PAR GYUR, TSOGS LANGS KYI BSHAD PA 'GA' ZHIG KYANG THUGS RTZOM GNANG BA TSIG SBYOR PHUN SUM TSOGS PA BYUNG BAR BRTEN, GZHAN GYIS BSTOD BSNGAGS MDZAD PA'I TSE RJE NYID KYI ZHAL NAS, GZHAN GYIS BSNGAGS BRJOD BYAS PA RNAMS GCAM BU'I TSIG YIN, BDAG YUL DBUS SU PHYIN NAS SLOB GNYER GSHA' MA ZHIG BYAS TE DBEN PA'I GNAS SU BYANG CHUB LAM GYI RIM PA LA BAG CHAGS 'JOG DGOS GSUNGS, DE DUS NAS RJE 'DI PAG CHAGS KYI DBANG GIS BDE MCHOG LA THUGS DGYES PA ZHIG YOD 'DUG STE, BAR SKABS SHIG BDE MCHOG PA RNAMS KYIS DBYID KYI RGYAL MO'I GLU DBYANGS 'DON PA GSAN PAS THUGS LA DGA' TSOR CHEN PO 'KHRUNGS SHING, BDE MCHOG 'DZIN DGOS PAR 'DUG DGONGS TE NANG DU PHEBS 'PHRAL PHYAG DPE ZHIG THUM PHYE STE KHA PHYE BAS DE'I NANG GI DPE TSAN DANG PO BDE MCHOG L'U AI BA'I SGRUB THABS YIN 'DUG PA GZIGS PAS THUGS LHAG PAR MNYES NAS THUGS 'DZIN MDZAD DE BDE MCHOG PA'I GRAL DU BYON CES GLENG, DE NAS MDO SNGAGS KYI GZHUNG LA SLOB GNYER GSHA' MA ZHIG MDZAD PAR BZHED NAS YUL DBUS SU BYON, THAMS CAD MKHYEN PA LNGA PA CHEN PO'I DRUNG DU DGE TSUL GYI SDOM PA BZHES TE MTSAN NGAG DBANG BLO BZANG CHOS LDAN ZHES BTAGS, DE NAS LHO KHAR BON MDA' MNGA' RIS GRVA TSANG DU RGYAL SRAS RIN PO CHE BLO BZANG BSTAN 'DZIN MJAL
PAR PHEBS, ZHAR LA BSAM YAS LA GNAS MJAL YANG ZHIB BAR MDZAD, RGYAL SRAS RIN PO CHE NAS MTHONG GZOS DANG BKUR STI SHANGS LEN SOGS YANG DAG BA GNANG, DE'I DRUNG DU RIGS GSUM MGON PO'I RJES GNANG SOGS CHOS BKA' CI RIGS GSAN, TSUR 'BYON KHAR RGYAL SRAS RIN PO CHE NAS THUGS GNYER JI LTAR MDZAD TSUL GYI ZHAL TA ZHIB BAR STZAL, DE NAS BKRA SHIS LHUN POR BYON TE PAn CHEN BLO BZANG CHOS KYI RGYAL MTSAN GYI DRUNG DU MJAL TE ZANG ZING GI 'BUL NOD GZAB RGYAS ZHUS, PHYI NANG GI RTEN MJAL YANG ZHIB PAR GNANG, DE NAS DBUS SU BYON TE CHOS SDE CHEN PO DPAL LDAN 'BRAS SPUNGS KYI DGUN CHOS THOG ,MKHAS MCHOG BYE BA'I BSTI GNAS DPAL LDAN BKRA SHIS SGO MANG GI CHOS GRVAR ZHUGS, DPON SLOB 'PHRIN LAS LHUN GRUB PA'I DRUNG DU LO GSUM GYI RING PHAR PHYIN YONGS RDZOGS GSAN PAS SHER PHYIN GYI DGONGS DON SMRA BA LA 'GRAN ZLA DANG BRAL BA'I MKHAS PA CHEN POR GYUR, DGUNG LO NYER GSUM BZHES PA'I TSE RGYAL DBANG LNGA PA CHEN PO'I DRUNG DU BSNYEN RDZOGS KYI SDOM PA BZHES NAS TSUL KHRIMS MIG GI 'BRAS BU LTAR BSRUNG BAR MDZAD, DGUNG LO NYER BZHI PA SHING MO SBRUL GYI LOR, 'JAM MGON NGAG DBANG BLO GROS RGYA MTSO DPAL LDAN BKRA SHIS SGO MANG GI 'CHAD NYAN PAR BYON PA'I DRUNG DU DBU MA, MDZOD 'DUL RNAMS LO BRGYAD KYI BAR DU GSAN NAS RDZOGS PAR MDZAD, DE YANG SGO MANG GI CHOS GRVAR YONGS 'DZIN RNAM PA GNYIS SNGA PHYIR LO BCU GCIG GI BAR DU BSTEN NAS BKA' BOD CHEN PO LNGA LA SBYONG BAR MDZAD PAS
, ,GZHUNG DE DAG GIS BRJOD BYA GANG STON DANG, DKA' GNAS KYI MTHA' GCOD TSUL DANG, GZHUNG DON LAM GYI RIM PAR SGRIGS PA'I TSUL SOGS BRJOD DON MA LUS BA LHAG MA MED PAR THUGS SU CHUNG DE MKHAS PA'I GRAGS SNYAN GYI BA DAN SRID RTZE'I BAR DU BSGRENG, ME PHO SPRE'U'I LOR, DPAL LDAN 'BRAS SPUNGS SU GLING BSRE DKA' BCU'I MTSAN BTAGS MDZAD, DGUNG LO NYER DGU BZHES PA LCAGS PHO KHYI'I LOR LHAS SMON LAM GYI GRVA SKOR MDZAD PAS RJE 'DI'I RMAD DU BYUNG BA'I YON TAN GYIS MKHAS PA RNAMS YID 'PHROG PAR MDZAD, CHU MO GLANG GI LOR, SGO MANG DPON SLOB BLO GROS RGYA MTSO DPAL LDAN SMAD RGYUD GRVA TSANG GI CHOS KHRIR BYON PA'I ZHABS PHYIR PHEBS, DGUNG LO SO GSUM PA SHING PHO STAG GI LOR, GTZANG STOD BKRA SHIS LHUN POR BYON, PAn CHEN THAMS CAD MKHYEN PA'I SPRUL PA'I SKU RIN PO CHE DANG MJAL, SHAR RTZE GRVA TSANG GI BLA MA BLO BZANG PADMA'I DRUNG DU RJE RIN PO CHE'I GSUNG 'BUM TSANG MA, PAn CHEN RIN PO CHE'I GSUNG 'BUM PHAL CHE BA RNAMS KYI LUNG, 'JIGS BYED, KUN RIG ,TSE DPAG MED RNAMS KYI DBANG, SGROL MA NYER GCIG GI RJES GNANG SOGS DBANG LUNG MAN NGAG MTHA' YAS PA GSAN, SNGAGS PA DPON SLOB DGE 'DUN DON GRUB PA'I DRUNG DU GSANG 'DUS, 'KHOR CHEN, BDE MCHOG LHA LNGA, MI 'KHRUGS PA, GDUGS DKAR, GTZUG TOR RNAM RGYAL SOGS KYI DBANG, 'JAM DBYANGS CHOS SKOR, SNAR THANG BRGYA RTZA, MGON PO'I
BKA' BCU GSUM LA SOGS PA'I RJES GNANG DU MA, 'KHRUL 'KHOR, DRUG CU PA, MGON PO'I BE'U BUM SOGS KYI LUNG KHRID RNAMS GSAN, DKYIL 'KHOR GYI THIG DANG MCHOD RTEN GYI THIG SOGS PHYAG LEN DU MA LA MKHAS PAR SBYANGS, DRUNG PA RIN PO CHE BLO BZANG RGYAL MTSAN PA LAS DBEN SA PA'I THUN MONG MA YIN PA'I LAM RIM GYI KHRID, LTA KHRID GNYIS, SPYAN SNGA BLO GROS RGYAL MTSAN PA'I LAM RIM SOGS CHOS BKA' MANG PO GSAN, SHING YOS KYI LOR SLAR YANG BKA' CHOS MANG PO GSAN PA'I CHED DU GTZANG DU BYON, RDO RJE 'DZIN PA DKON MCHOG RGYAL MTSAN GYI DRUNG DU BDE MCHOG L'U AI BA DANG, DRIL BU LUS DKYIL GNYIS KYI DBANG, BDE GSANG 'JIGS GSUM GYI BSKYED RDZOGS KYI KHRID, PHYAG CHEN, NAM MKHA' SGO 'BYED SOGS ZAB CHOS DU MA GSAN, DKA' CHEN CHOS 'PHEL BYA BA LAS 'JIGS BYED KYI BSKYED RDZOGS DANG, BLO SBYONG GI KHRID, BKA' GDAMS GLEGS BAM, 'DUL BA'I GLENG 'BUM GYI LUNG SOGS CHOS BKA' CI RIGS GSAN, SA MO LUG GI LOR, MKHYEN BRTZE'I BDAG NYID 'JAM MGON 'PHRIN LAS LHUN GRUB MDO SMAD NAS DBUS SU PHEBS TE, DON GNYER BA MANG DU 'DUS PA LA RDUL TSON LA BRTEN NAS GSANG 'DUS KYI DBANG STZAL, DE'I TSE RJE 'DI DANG, RJE 'JAM DBYANGS BZHAD PA'I RDO RJE DPON SLOB GNYIS KYIS ZHABS PHYI ZHUS TE, DKYIL 'KHOR BRI THIG ,RDUL TSON SOGS SBYOR DNGOS 'JUG GSUM GYI PHYAG LEN MTHA' DAG RGYUD DANG GRUB CHEN GYI DGONGS BA JI LTA BA BZHIN DU MDZAD PAS GSANG SNGAGS
, ,LA MKHAS PA'I GRAGS SNYAN THOB, PHYIS SU RJE 'DI NYID 'JAM DBYANGS GONG MA'I GSER YIG PAR PHEBS SKABS, SDE SRID KYI ZHAL NAS, SNGA SOR BTZAN PO NO MON HAN GYIS GSANG 'DUS KYI DBANG GNANG SKABS KHYED KYIS GROGS LDAN ZHUS TE, BRI THIG RDUL TSON SOGS KYI PHYAG LEN KHYAD PAR DU 'PHAGS PA BYUNG 'DUG PA'I SNYAN GRAGS THOS ZHES BSNGAGS BRJOD MDZAD, DPON SLOB 'PHRIN LAS LHUN GRUB PA'I DRUNG DU 'JAM DPAL ZHAL LUNG GI DMAR KHRID GSAN TE ZIN BRIS YANG MDZAD, RGYAL DBANG LNGA PA CHEN POS PAn CHEN MCHOG GI SPRUL PA'I SKU RIN PO CHE LA ZAB RGYAS KYI BKA' CHOS MANG PO STZAL BA'I TSE, RJE 'DIS KHRID KYI SKYOR MGO GNANG STE GSUNG BSHAD DANG KHRID DMIGS MTHA' DAG LHAG CHAD MED PAR ZIN BRIS SU MDZAD PAS DER 'TSOGS PA KUN YI RANGS PAR GYUR, NGES PA DON GYI RDO RJE SLOB DPON CHEN PO PHUN TSOGS LEGS 'BYOR BA'I ZHAL SNGA NAS KYIS 'BRAS SDUNGS 'DU KHANG CHEN MOR, SEMS DPA' RIN BO CHE, BYANG RTZE MKHAN PO, GNAS RNYING ZHABS DRUNG, 'BRAS SPUNGS KYI SLOB DPON SOGS DGE 'DUN 'DUS PA'I TSOGS LA RDO RJE 'PHRENG BA DANG KRi YA GNYIS SBRAGS PA'I DKYIL 'KHOR ZHE LNGA'I DBANG STZAL BA'I TSE, RJE 'DI YANG MA CHAG PAR BYON NAS YONGS SU RDZOGS PA GSAN, DGUNG LO SO DGU BZHES PA LCAGS PHO SPRE'U'I LOR, BYANG RTZE MKHAN RIN PO CHE NAS RDO RJE 'PHRENG BA'I DKYIL THANG YONGS RDZOGS BZHENGS PA'I THIG TSEN DANG LHA'I BKOD PA RNAMS RJE 'DI NYID KYIS MDZAD DE
BZHENGS GRUB PA NA, RGYAL DBANG LNGA PA CHEN PO'I SKU ZHABS SU PHYAG NAS ZHU BAR KHYER BAS SUS BKOD PA BYAS PA YIN ZHES BKA' 'DRI GNANG BAR, RJE 'DIS BKOD PA MDZAD TSUL ZHUS PAS, RGYAL DBANG RIN PO CHE NAS 'DI LTA BU'I TSAD LDAN NGOS GTZANG BYUNG BAS YA MTSAN CHE ZHES BSNGAGS BRJOD MDZAD, LCAGS MO BYA'I LOR, DGA' LDAN 'DU KHANG DU DGE 'DUN BA MANG LA BYANG RTZE MKHAN RIN PO CHE NGAG DBANG BLO GROS RGYA MTSOS RDOR PHRENG DANG KRi YA SBRAGS PA'I DKYIL 'KHOR ZHE LNGA'I DBANG STZAL BA'I TSE, RJE 'DIS PHYAG G-YOG MDZAD PAS PHYAG LEN MTHA' DAG SLA CHOS MA YIN PAR NGOS GTZANG BA BYUNG, DGUNG LO ZHE GCIG PA CHU PHO KHYI'I LO, SLAR YANG GTZANG DU BYON, SNGON NAS CHOS 'BREL YOD PA'I BLA MA ZHAL BZHUGS PA RNAMS DANG MJAL TE CHOS BKA' CI RIGS ZHUS, KHYAD PAR DU RIGS DANG DKYIL 'KHOR KUN GYI KHYAB BDAG SRAD RGYUD RDO RJE 'CHANG DKON MCHOG YAR 'PHEL BA'I DRUNG DU MJAL TE GSANG 'DUS DANG 'JIGS BYED GNYIS KYI DBANG CHEN, DE GNYIS KYI BSKYED RDZOGS KYI KHRID, BDE MCHOG GI DMAR KHRID, NA RO CHOS DRUG ,'PHO KHRID GSER GYI SGO 'BYED, SBYIN SREG ,DRUG CU PA, LTO 'PHYE'I THIG DANG PHYAG LEN, RJE RIN PO CHE NAS BRGYUD PA'I TSE KHRID THUN MONG MA YIN PA SOGS ZAB RGYAS KYI GDAMS PA MANG DU GSAN PAS RJE 'DI'I THUGS KYI BUM BZANG YONGS SU GANG BAR GYUR, ZHVA LU MKHAN CHEN 'JAM DBYANGS BSTAN 'DZIN LAS TSEM BUD MAR KHRID, LNGA PA CHEN PO'I GSUNG 'BUM PHAL CHE BA DANG, BU STON GYI GSUNG 'GA' ZHIG
, ,GI LUNG RNAMS GSAN, KHONG GIS TSUR BDE MCHOG LUS DKYIL GYI DBANG DANG, 'GREL BA BZHI SBRAGS KYI LUNG ZHU BAR MDZAD, SNAR THANG BYANG CHEN GYI SLOB DPON RNAM RGYAL MTSAN CAN LAS KYANG CHOS 'BREL GSAN, CHU MO PHAG GI LOR, BYANG RTZE MKHAN RIN PO CHE NGAG DBANG BLO GROS RGYA MTSO DGA' LDAN GYI KHRI THOG TU BYON TE SMON LAM GYI TSOGS DBU MDZAD SKABS ZHABS PHYIR PHEBS TE, DBON SLOB LHAN CIG TU BSTAN 'GRO'I PHAN BDE BLA NAS BLAR 'PHEL BA'I SMON LAM GYI MTSAMS SBYOR YANG DAG PA GNANG, DGUNG LO NYER GCIG NAS ZHE GNYIS KYI BAR DU DBUS GTZANG DU BZHUGS SHING, DE'I RING LA MTSAN NYID DANG LDAN PA'I DGE BA'I BSHES GNYEN RNAMS LAS ZAB RGYAS DAM PA'I CHOS KYI THOS PA MDZAD PA'I TSUL NI, SGO MANG DPON SLOB BSAM 'GRUB SGANG BA'I DRUNG DU BDE MCHOG DANG 'JIGS BYED GNYIS KYI DBANG, DPON SLOB 'PHRIN LAS LHUN GRUB BA'I ZHAL SNGA NAS LAS, BDE GSANG 'JIGS GSUM, BKA' GDAMS THIG LE BCU DRUG RNAMS KYI DBANG DANG, BE'U BUM SNGON PO, BKA' GDAMS THOR BU PA, PAn CHEN GYI GSUNG 'BUM THOR BU SOGS KYI LUNG, KHRI RIN PO CHE NGAG DBANG BLO GROS RGYA MTSO PA'I SKU ZHABS NAS, BDE GSANG 'JIGS GSUM, RDO RJE 'PHRENG BA, KUN RIG RNAMS KYI DBANG, 'JAM DBYANGS CHOS SKOR, PHYAG RDOR SNYAN BRGYUD KYI DBANG LUNG RJES GNANG, DMAR PO SKOR GSUM, RNAM SRAS SOGS KYI RJES GNANG DU MA DANG, GRUB RGYAL
LUGS KYI TSE KHRID, SGROL DKAR GYI TSE KHRID, BSAM GTAN NYAL SGOM LA SOGS PA'I KHRID MANG PO, BRGYAD STONG PA, GZUNGS 'DUS, BYAMS CHOS SDE LNGA, DBU MA RIGS TSOGS DRUG ,BKA' GDAMS KYI GZHUNG MANG PO DANG, 'GREL PA DON GSAL, MDZOD RTZA, MDO RTZA BA, RNAM 'GREL RTZA BA SOGS LUNG DU MA RNAMS GSAN, KHRI RIN PO CHE BLO BZANG DON YOD PA'I SKU ZHABS NAS, 'GREL PA BZHI SBRAGS, RIM LNGA'I KHRID DANG LUNG RNAMS GSAN, BCO BRGYAD CHOS RJE BYAMS PA NGAG DBANG LHUN GRUB PA'I ZHAL SNGA NAS LAS, KYE RDO RJE'I DBANG, SGRUB THABS BRGYA RGYAM GYI RJES GNANG LUNG DANG BCAS PA RNAMS GSAN, MER GEN DPON SLOB NGAG DBANG BLO GROS PA'I ZHAL SNGA NAS LAS, BDE GSANG 'JIGS GSUM GYI SGRUB THABS DKYIL CHOG BSKYED RDZOGS RJE RIN PO CHE DANG MKHAS GRUB RIN PO CHES MDZAD BA RNAMS DANG, 'DUL 'DZIN BAS MDZAD PA'I KUN RIG GI SGRUB THABS, DKYIL CHOG ,KUN RIG tI KA CHEN, 'DUL tIKA RIN CHEN 'PHRENG BA, MDZOD THAR LAM GSAL BYED RNAMS KYI LUNG GSAN, SGRUB BRGYUD KYI BSTAN 'DZIN DAM PA MKHAR SKYA GRUB CHEN PA'I SKU ZHABS NAS, GZIMS KHANG GONG SBRUL SKU RIN PO CHE'I GSUNG 'BUM PHAL CHE BA'I LUNG, MKHAR SKYA GRUB CHEN LHA LUNG BA BSOD NAMS DON GRUB LAS BLO BZANG BKA' 'BUM, MKHAS GRUB SANGS YE BA'I BKA' 'BUM LA SOGS BA'I LUNG GSAN, RGYAL BA 'PHAGS PA LHA DANG, SEMS DPA' CHEN PO RNAMS LA'ANG CHOS 'BREL ZHUS TE BSHES
, ,GNYEN DU MA'I GANGS RI LAS 'ONGS PA'I LEGS PAR BSHAD PA NYAL 'GRO'I RGYUN GYIS RJE 'DI'I THUGS KYI CHU GTER YONGS SU GAD BAR GYUR, RGYAL DBANG THAMS CAD MKHYEN PAS ZHVA LU MKHAN CHEN BSOD NAMS MCHOG GRUB LAS PAn CHEN SH'AKYA SHRI'I SDOM RGYUN BZHES PA'I RJES SU 'BRANG NAS, KHRI CHEN NGAG DBANG BLO GROS RGYA MTSO LAS SDOM RGYUN GSAR DU BZHES, DE NAS 'BRAS SPUNGS SU PHEBS, RJE RANG GI SLOB MA MDO SNGAGS RAB 'BYAMS SMRA BA'I DBANG PHYUG 'JAM DBYANGS BZHAD PA'I RDO RJES THOG DRANGS SLOB MA'I TSOGS MANG PO DANG BCAS PAS MDO SDE RGYAN LA SOGS PA'I LUNG MANG PO ZHUS TE, DAM PA'I CHOS KYI DGA' STON PHYOGS BRGYAR SPEL BA'I RTEN 'BREL GYI SGO LEGS PAR PHYE, SUM BHA ZHABS DRUNG RIN PO CHE GTZOS DGON LUNG MI CHEN, THANG RING MI TSAN GYI GRVA BA RNAMS LA RGYAN 'JUG GNYIS LA SOGS PA'I LUNG GNANG, DE NAS MDO SMAD DU 'BYON PA'I DGONGS PA GTAD DE RGYAL SRAS RIN PO CHE'I DRUNG DU MJAL BAR PHEBS, THUGS DGYES TSOR CHEN PO DANG BCAS ZHAL GDAMS LHUG PAR STZAL, DE NAS DGA' LDAN DU BYON TE, KHRI CHEN DANG, RJE 'DI BA DPON SLOB GNYIS KAS RJE BTZONG KHA PA'I GZIMS CHUNG 'OD GSAL PHUG TU MCHOD 'BUL RGYAS PA MDZAD DE ZHAL 'DON THUGS SMON RGYA CHER MDZAD, MDO SMAD DU 'BYON PA'I LAM CHAS KHAL RTA SOGS MTHUN RKYEN SKU ZHABS NAS GNANG ZHING, GANG CI'I BSLAB STON ZHIB RGYAS STZAL, PHEBS KHAR DPON SLOB GNYIS 'BRAL MI PHOD PA LTAR MDZAD CING KHRI RIN PO CHE NAS SKYEL THUD
MDZAD, DE LTAR TSONG PA KHE SPOGS GRUB PA'AM, DED DPON MKHAS PA RGYA MTSO'I GLING NAS NOR BU'I TSOGS MTHA' YAS PA DANG BCAS RANG YUL DU 'KHOR PA LTAR, RJE 'DI NYID KYANG LUNG DANG RTOGS PA'I YON TAN RIN PO CHE DU MAS THUGS KYI GAN MDZOD YONGS SU GTAMS TE, CHU MO PHAG GI LOR MDO SMAD DU BYON, DGON LUNG DU PHEBS PA'I NYIN BSU BA SER SPRENG SPYI SGER NAS GSOL STON SOGS BSNYEN BKUR YANG DAG PA ZHUS, SHING PHO BYI BA'I LOR, STAG PHYUG CHOS RJES SKU 'BUM DU GDAN DRANGS PA LTAR BYON TE, MCHOD RTEN GYI BKOD PA GZUNGS 'JUG RAB GNAS SOGS RGYAS PA MDZAD, DE KA'I RTEN MJAL ZHIB TU MDZAD, ZHAR LA GRO TSANG DANG THANG RING DGON PAR YANG BYON, SHING MO GLANG GI LOR SMIN GROL CHOS KYI RGYAL PO'I SKU ZHABS NAS GDAN DRANGS PA LTAR GSER DGON DAM CHOS GLING DU BYON TE, DAM PA GONG MA'I PHYAG LEN LTAR RTEN RNAMS LA GZUNGS 'JUG 'BUL BA GNANG, MKHAS GRUB DAM PA DKA' CHEN BLO BZANG DAR RGYAS SOGS DON GNYER BA MANG DU 'DUS PA LA DAM PA'I CHOS KYI BKA' DRIN STZAL, DE NAS KAN CHEN DGON PAR GDAN DRANGS PA LTAR BYON TE, RTEN GSAR DU BZHENGS PA RNAMS LA GZUNGS 'JUG DANG RAB GNAS RGYAS PA MDZAD, DGON PA DE'I BLA MA MKHAS BTZUN MTSAN CAN DANG, RONG PO BYANG CHUB MI LA, KHA KYA DBU MDZAD SOGS DON GNYER BA RNAMS LA 'DOD CHOS KYI CHAR PHAB, LO DER HAL HA DANG AO ROD KYI GZHUNG BSTAN LA RGYA'I DON DU RGYAL DBANG RIN PO CHE'I SKU ZHABS NAS KHRI CHEN BLO GROS RGYA MTSOG GTONG BAR MDZAD PA MTSO SNGON PO'I KHAR
, ,PHEBS PA NA, RJE 'DI MJAL DU BYON, NGED DANG MNYAM DU 'GRO DGOS GSUNGS PA LTAR ZHABS PHYIR BYON, ME PHO STAG GI LOR KHU RING PER CHER ZHES PA'I SA CHAR KHRI CHEN DPON SLOB DANG, HAL HA RJE BTZUN DAM PA BCAS GDAN 'DZOM, HAL HA DANG AA ROD KYI DPON PO RNAMS DANG, GONG MA'I MI SNA 'GA' DANG BCAS MANG DU 'TSOGS, KHRI RIN PO CHER BKA' CHOS ZHU MI MANG BAR BYUNG STE THUGS BREL GYIS MA LCOGS PA'I TSE, PHAL CHER LA RJE 'DIS CHOS GNANG, ME MO YOS KYI LOR, KHRI RIN PO CHE RGYAL KHAB CHEN PO BE CING DU PHEBS, SMON LAM GYI TSOGS DBU MDZAD, KHRI RIN PO CHE LA GONG MAS MJAL KHA LAN GNYIS BYUNG BAS SNGA PHYIR RJE 'DI YANG PHEBS TE, MJAL KHA SNGA MA'I SKABS SU GONG MA CHEN POS BKA' 'DRI DANG, KHA BTAGS GOS CHEN SOGS KYI GNANG SBYIN GYA NOM PA MDZAD, RJES MA'I SKABS SU TZAN DAN JO BO'I MDUN DU GONG MA'I BKA' LTAR GNAS RNYING ZHABS DRUNG DANG RJE 'DI BA GNYIS BGRO GLENG MDZAD PAS, GONG MA THUGS DGYES TE DPA' DAR GNANG, GONG MA'I BKA' LAS, RJE 'DI DANG DBU MDZAD GNYIS BE CING LA BZHUGS DGOS ZHES GSUNGS PAR, KHRI RIN PO CHE NAS THABS MKHAS KYIS DGONGS PA ZHUS PA LTAR BYUNG, SA PHO 'BRUG GI LOR, KHRI RIN PO CHE DE NYID GZUGS SKU'I BKOD PA CHOS DBYINGS SU BSDU BA'I TSUL BSTAN PAS RJE 'DI NYID THUGS SHIN TU SKYO BAR GYUR YANG SRAN BTZUGS TE SKU GDUNG RIN PO CHE'I ZHABS TOG TSUL DANG MTHUN PA MDZAD PAS MTSAN LTAS KYANG LEGS PAR BYUNG, DE NAS AA MDOR
BYON TE DGE 'DUN MANG MAS GSOL BA BTAB PA LTAR DGON LUNG BYAMS PA GLING GI MI 'JIGS SENG GE'I KHRI LA ZHABS SEN GYI PADMO NYE BAR BKOD, CHOS GRVA BA RNAMS LA SLOB GNYER GYI RTING BSKUL DANG, BRTZI BZHAG 'CHAG MED DU GNANG, GZHI BA RNAMS KYANG LAM RIM LA BLTA RTOG BYED DU BCUG STE THABS MKHAS KYI MDZAD PA'I SGO NAS 'CHAD NYAN DBYAR GYI NYAL 'GRO'I 'PHEL BA LA 'GRAN PAR GYUR TE, SLOB GNYER BA YANG MANG DU THON, BAR SKABS SHIG DGE BA'I BSHES GNYEN CHEN PO AA RIG RAB 'BYAMS PA CHOS SKYONG RGYA MTSO, SMRA BA'I DBANG PHYUG DAM PA BDE CHEN DPON SLOB BLO BZANG BKRA SHIS, RIG GNAS SMRA BA'I DBANG PO B'A JO'U BLA MA BLO BZANG 'OD ZER, GRUB PA'I DBANG PHYUG DKA' CHEN BLO BZANG DAR RGYAS SOGS BSTAN 'DZIN GYI SKYES MCHOG DU MA RJE 'DI'I DRUNG NAS ZAB RGYAS CHOS KYI GDAMS BA ZHU BA'I PHYIR BYON TE, KHONG RNAMS DANG, DGON LUNG GI RNGO BA CHOS RJE, BDE DGU CHOS RJE, SUM BHA ZHABS DRUNG SOGS DON GNYER BA MANG DU 'DUS PA LA BDE GSANG 'JIGS GSUM GYI BSKYED RDZOGS, SNYING PO DON GSUM, BLA MA MCHOD PA, 'PHO KHRID GSER GYI SGO 'BYED, LAM RIM, BLO SBYONG LTA KHRID, GCOD KHRID SOGS MDO SNGAGS KYI KHRID MANG PO DANG, DKYIL 'KHOR GYI THIG ,MCHOD RTEN GYI THIG ,LTO 'PHYE'I THIG LA SOGS PA'I BRI THIG RNAMS DANG, RAB GNAS, SBYIN SREG LA SOGS PA'I PHYAG LEN PHRA ZHIB RNAMS SLOB PA GNANG, GZHAN YANG SO SO'I THUGS 'DOD LTAR GYI ZAB RGYAS CHOS KYI BKA' DRIN LEGS PAR STZAL, RGYUN PAR YANG DGUN DUS CHOS GRVAR
, ,BRTZI BZHAG GNANG BA DANG SMON LAM CHEN MO'I BREL BA SOGS MA GTOGS, STON DPYID DBYAR GSUM LA CHOS GRVA TSUGS PA'I DUS SU GSUNG CHOS BRTZI BZHAG GNANG BA'I THUGS BREL DANG, GZHAN GYI SKABS PHAL CHER LA SKU SKYES, CHOS RJE, DKA' BCU, RAB 'BYAMS PA, DGE TSUL SLONG MANG PO LA RJE BTZUN BTZONG KHA PA'I GSUNG 'BUM PHAL CHE BA DANG, STONG THUN SKAL BZANG MIG 'BYED, RNAM BSHAD SNYING PO RGYAN, JO PO'I CHOS CHUNG BRGYA RTZA SOGS RGYA BOD KYI MKHAS GRUB DU MAS MDZAD PA'I PO TI MANG PO'I LUNG, SGRUB THABS BRGYA RGYAM SOGS SPYI BKA'I RJES GNANG, GRUB RGYAL LUGS KYI TSE DBANG SOGS ZUR BKA'I RJES GNANG MANG PO DON GNYER CAN SO SO'I 'DOD PA LTAR GNANG ZHING, GONG DU BSHAD PA'I BRI THIG DANG PHYAG LEN SLOB PA DANG, RAB BYUNG, DGE TSUL BSNYEN RDZOGS MANG PO SGRUB PA SOGS DAM PA'I CHOS KYI DGA' STON SPEL BAS DUS 'DA' BAR MDZAD DO, SA MO SBRUL GYI LOR MTSO SNGON GYI SPYI DPON T'A LA'I HUNG THE'I JI'I SGAR THOG TU BYON, BSNYEN BKUR PHUN SUM TSOGS PA BSGRUBS, DPON LA DBUS GTZANG NAS TSE DBANG BRGYA RTZA DANG, 'CHI BLU GTONG DGOS PA'I GSUNG BRTAGS PHEBS 'DUG KYANG ZHU YUL GYI BLA MA MA RNYED BAS CUNG ZAD 'GYANGS SHING, SKABS DER DPON GYI MNAL LAM DU RJES GNANG ZHU BA'I BLA MA BYUNG 'DUG PAR CI'I PHYIR MI ZHU ZER BA RMIS BAS MTSAMS SBYAR TE, RJE 'DIS TSE CHOG GI SGO NAS 'CHI BLU DANG, TSE DBANG BRGYA RTZA, MGON PO'I RJE GNANG RNAMS GNANG, ZHAL NGO MGRON GNYER SKYAR PO
NAS DANG, DRUNG YIG RTA LAM PA GNYIS LA'ANG TSE DBANG DANG RTA MGRIN SOGS KYI RJES GNANG 'GA' ZHIG STZAL, DE KAR BZHUGS SKABS AER TI NI CHOS RJE ZHING GZHAN DU PHEBS PA'I SKU GDUNG ZHUGS 'BUL LA GDAN DRANGS PA LTAR BYON TE, DGONGS RDZOGS KYI THUGS DMIGS RGYA CHE BA GNANG, DGON LUNG GI KHRI THOG TU YUN RING TZAM BZHUGS RGYU BYUNG NA DGON PA RANG GI 'KHOR LO GSUM GYI BYA BA DBYAR MTSO LTAR 'PHEL BA ZHIG 'ONG BAR YOD NA'ANG, LHA SDE'I KHA 'DZIN BLA BRANG NAS BYED DGOS PA DANG, KHA MCHU'I RIGS KYANG MANG BAS THUGS SUN TE, LCAGS PHO RTA'I LOR DGONGS PA ZHUS TE CHOS RJE DPAL LDAN RGYA MTSO DGON LUNG KHRI PAR BSKOS, RJE RANG NYID DBEN GNAS BYANG CHUB GLING DU PHEBS NAS MDO SNGAGS KYI LAM GYI RIM PA MA LUS PA THUGS NYAMS SU BZHES PAR MDZAD, DPON T'A LA'I HUNG THE'I JI BSNYUNG NAS RJE 'DI GDAN DRANGS PA LTAR PHEBS NAS DPON PO LA RKYEN SEL GYI RJES GNANG 'GA' ZHIG GNANG, NYI MA 'GA' NAS DPON PO GSHEGS PAS DGONGS RDZOGS LA BDUN PHRAG GCIG GI RING RJE 'DI NYID DANG, CHA GAN NO MON HAN GNYIS LHAN CIG TU GSANG 'DUS KYI CHO GA GSUNGS PAR MDZAD, NO MON HAN LA KHRI CHEN GYI SPRUL SKU'I DON SKOR GSUNG SGROS NANG SBYAR MANG PO GNANG, DGUNG LO LNGA BCU BZHES PA LCAGS LUG LA, RJE 'DI NYID KYIS RGYU YON PHUL TE LI THANG NAS BKA' 'GYUR MTSAL DPAR MA GDAN DRANGS PA RAB GNAS RGYAS PAR MDZAD DE, CHOS SDE CHEN PO DGON LUNG BYAMS PA GLING GI SPYI SOR PHUL, BAR SKABS SHIG ,MTSO
, ,SNGON G-YON RU'I DPON PO PHUN TSOGS DBANG PHYUG GI SRAS MO GSHEGS PAS DGONGS RDZOGS LA GDAN DRANGS, DE LAS ZHAG SHAS BZHUGS NAS GSHIN PO'I RNAM SHES NGAN SONG DU MI 'KHYAMS PA'I THUGS DMIGS MDZAD, CHU PHO SPRE'U'I LOR DGON LUNG BYAMS PA GLING GI 'DU KHANG CHEN MOR KHRI PA DPAL LDAN RGYA MTSO, SUM BHA ZHABS DRUNG, GZHAN YANG DKA' RAB 'BYAMS MANG PO DANG, MCHOD RTEN THANG GI BLA MA ZUR BA, BA JO'U BLA MA BLO BZANG 'OD ZER, SEMS NYID BLA MA ZUR PA, KAN CHEN DGON GYI BLA MA KHRI PA, SGOM ZHIS ZHABS DRUNG, BA YAN THANG GSUM GYI AAR KYA DGON PA'I BLA MA, SH'A RDZONG BLA MA, RONG PO'I SGOM CHEN NU GU PA, SGOM CHEN SPREL NAG PA SOGS GZHI BYES KYI DGE 'DUN TSOGS PA STONG PHRAG GNYIS LHAG DANG, MI SKYA YANG MANG PO 'TSOGS PA LA RDO RJE 'PHRENG BA DANG KRi YA GNYIS SPRAGS PA'I DKYIL 'KHOR ZHE LNGA'I DBANG LEGS PAR BSHAD PA DU MAS BRGYAN TE, BLA MA GONG MA RNAMS KYI PHYAG LEN JI LTA BA BZHIN LEGS PAR STZAL PAS, SKAL BA DANG LDAN PA RNAMS KYI YID KYI BUM BZANG GSANG CHEN RDO RJE THEG PA'I BYIN RLABS KYI BDUD RTZIS YONGS SU GTAMS PAR MDZAD DO, KHRI CHEN SPRUL SKU CHA GAN NO MON HAN GYI SKU TSAR 'KHRUNGS TE BLTA RTOG GI CHED CHOS RJE DON GRUB RGYA MTSO RDZONG BRDA' MDZAD, DGUNG LO NGA GNYIS BZHES PA CHU MO BYA'I LOR, RGYAL SRAS RIN PO CHE MDO SMAD DU PHEBS, DE SKABS BLA BRANG DANG SPYI BA SO SOR MDZAD PA YUN RING MA SONG BAR
GCIG TU BSGRIL 'DUG PA KHA MCHU'I GCOD RGYA SOGS 'JIG RTEN GYI BYA BYED THAMS CAD BLA MAS GNANG NA, 'CHAD NYAN SOGS CHOS PHYOGS KYI BYA BA LA SHIN TU GNOD 'DUG PAR BRTEN, RJE 'DIS THUGS KHUR BZHES TE BLA MA GRVA BA RGAN GZHON THAMS CAD GROS MTHUN GYI SGO NAS GNYER BA LOGS SU BSKOS, BCA' YIG CHEN MO GSAR DU BZHAG STE CHOS SDE'I LUGS GNYIS KYI BGYI BA YAR ZLA'I 'PHEL BA LA 'GRAN PAR MDZAD, DE NAS RJE 'DIS THUGS SMON GYI DBANG GIS RGYA NAG PO'I GDUL BYA RNAS 'DUL BA'I DUS LA NYE BAR BABS PA NA, GONG MA BDE SKYID RGYAL PO'I SKU ZHABS NAS RDO RJE BLA MA DANG, JAR GO CHI GCIG ,YIG MKHAN GCIG BCAS GDAN 'DREN PAR BYUNG, GONG MA'I BKA' LAS, DED LA YON TAN CHEN PO YOD PA'I BLA MA CHE BA ZHIG DGOS BYUNG BAR, BLA MA RIN PO CHE DANG PAn CHEN RIN PO CHE RNAM PA GNYIS DGUNG LO MTHO BAS GDAN MA DRANGS, KHYOD RANG YON TAN CHEN PO YOD PA'I BLA MA BZANG PO YIN 'DUG PAS 'BOD MKHAN BTANG BA LTAR CIS KYANG YONG DGOS ZHES BKA' LUNG LCI PA STZAL, RJE RANG NYID DBEN PAR SGRUB PA MDZAD PA'I THUGS BZHED MA GRUB PA DANG, DGON PA'I BLA MA DGE 'DUN DANG BCAS PA YANG RJE 'DI NYID YUL GZHAN ZHIG TU PHEBS PA'I THUGS 'GYOD KYIS DPON SLOB TSANG MA THUGS BLONG BLONG POR GYUR YANG, BKA' GYEN BZLOG MA NUS PAS 'BYON PAR THAG BCAD, SMIN GROL NO MON HAN MJAL TE RJES GNANG 'GA' ZHIG GSAN, CHU BZANG RIN PO CHE DANG LNGA MCHOD NANG SO
, ,GNYIS LA'ANG 'BYON BZHUD KYI GSUNG GLENG RGYAS PA MDZAD, CHOS RJE KUN DGA' RGYA MTSO DGON LUNG GI KHRI PAR BSKOS, DGE SLONG BKRA SHIS RGYA MTSO BLA BRANG GI DO DAM PAR BZHAG ,DGON LUNG ? TSOGS CHAN DU SPYAN DRANGS TE ZHABS BRTAN RGYAS PAR PHUL, SUM BHA ZHABS DRUNG RIN PO CHES GTZO MDZAD, DKA' RAB 'BYAMS DU MA'I 'KHOR DANG BCAS RGYA NAG TU CHI BAS KHA BSGYUR, DGON PA'I KHRI RIN PO CHE DANG, ZUR PA RNAMS KYIS GTZOS DGE 'DUN MANG DANG CHOS SKYONG KHOG ZHUGS MDZAD DE PHEBS SKYEL ZHUS, GZHI BYES THAMS CAD SEMS 'PHRENG BZHIN DU RJE 'DI NYID RANG YUL DU MGYOGS PAR PHEBS PA'I RTEN 'BREL BSGRIGS, DGON LUNG SPYI GNYER, STAG PHYUG CHOS RJE BCAS KYIS ZHAG KHA SHAS KYI BAR DU PHEBS SKYEL ZHUS, KHRI CHEN SPRUL SKU'I NGOS 'DZIN GYI CHED DU RTEN GSUM NYER SPYAD DU MA DANG BCAS STAG PHYUG CHOS RJE RDZONG STA MDZAD, DE NAS RIM GYIS PHEBS TE PHO BRANG GI NYE 'KHOR SH'A HO ZER BA'I MKHAR GCIG TU PHEBS, DE'I TSE GONG MA'I BKA' LTAR PHO BRANG NANG GI T'A BLA MA THAMS CAD BSU BAR 'BYOR, DE'I PHYI NYIN CHANG PHRUN YON DU GRAGS PA'I SKYED MO'I TSAL DU GONG MA DANG MJAL 'PHRAD MDZAD, GONG MA YANG THUGS SHIN TU DGYES TE KHYOD LA YON TAN CHEN PO YOD PA THOS NAS 'BOD DU BTANG BA YIN, KHYOD 'ONGS PA SHIN TU LEGS ZHES BKA' GNANG BAR, RDZE 'DIS BDAG GIS MTSAN NYID KYI PHYOGS LA SLOB GNYER PHRAN BYAS KYANG YON TAN CHEN PO MA LOG
DE LAS GZHAN PA'I YON TAN SMAN DANG RTZIS LA SOGS PA'I RIG GNAS DANG, CHAR 'BEBS GCOD SOGS MAN NGAG GI RIGS MANG PO GANG YANG MA BSLAB PAS MI SHES KYANG GONG MA'I BKA' BZLOG MA NUS PAR 'ONGS PA YIN ZHES LAN PHUL, DE NAS PHO BRANG NANG DU BYON, T'A KOO SHRI MER GEN CHOS RJE, CHOS 'BYOR RAB 'BYAMS PA, CHA GAN BLA MA 'I ZHABS DRUNG, SHRA KHA ZHABS DRUNG SOGS BLA MA SO SOS ZHABS TOG BSNYEN BKUR 'BUL BA SOGS GYA NOM PA MDZAD, BAR SKABS SHIG ,TSA BA'I RKYEN GYIS 'KHRU BA'I BSNYUNG GZHI ZHIG BYUNG BAR, GRVA MANG GIS ZHABS BRTAN DANG, RJE RANG GIS GSOL SMAN BZHES PA LA BRTEN NAS MA 'GYANGS BAR ZLA BA NYA BA SPRIN DANG BRAL PA LTAR BSNYUN LAS GROL, GONG MA CHEN PO NAS RJE 'DI LA NA BZA' TSANG MA, SUM BHA ZHABS DRUNG SOGS ZHABS PHYI RNAMS LA'ANG GO BABS DANG MTHUN PAR GOS DMAR SER GYI LVA BA SOGS GNANG, GONG MA'I BKA' LTAR BYAMS CHEN CHOS RJE'I LHA KHANG DU BZHUGS, RJE 'DI NYID LA BLA MA CHEN PO'I GOS DANG, SUM BHA ZHABS DRUNG LA JA SAG GI GOS GNANG, ZHABS PHYI DKA' BCU DANG RAB 'BYAMS PA BCO LNGA T'A BLA MA'I GRAL DU BZHAG PA SOGS GSOL RAS DANG BDAG RKYE NA TSAD MED BA GNANG, BAR SKABS SHIG , GOD MA CHEN PO RJE 'DI'I GZIMS KHANG DU PHEBS, RTEN LA PHYAG MDZAD CING CUNG ZAD BZHUGS TE ZHABS PHYI'I GRVA BA RNAMS LA 'DON PA GSUNG BCUG NAS GZIGS RTOG ZHIB PAR GNANG, THUGS NANG GTZANG BA'I TSUL GYIS RJE 'DI'I RTEN
, ,SGAM RNAMS KHA PHYE NAS ZHIB GZIGS MDZAD, SKU 'DRA 'GA' ZHIG PHUL BA MA BZHES PAR PAn CHEN RIN PO CHE'I PHYAG 'PHRENG ZHIG YOD PA BZHES, PHEBS BSU DANG PHEBS SKYEL GYI SKABS GONG MA RANG GIS RJE 'DI NYID KYI GRU MO NAS BSKYOR TE MNYAM POR PHEBS CHOG PA SOGS KYI BDAG RKYEN BLA NA MED PA MDZAD, SHING PHO KHYI'I LOR GONG MA'I BKA' LAS, KHYED RANG RNAMS GSAR DU 'ONGS PA YIN GSHIS TSA BA AE THUB MI SHES PHYI LOGS LA PHEBS NAS GONG MA'I SU RUG STENG DU BZHUGS ZHES GSUNG GNANG, GONG MA'I MDZOD NAS RJE 'DI BA DPON SLOB LA GZIMS GUR, RAS GUR, KHAL RTA SOGS CHA RKYEN GANG DGOS PHUL NAS PHYI LOGS LA PHEBS TE DBYAR NGO DER BZHUGS, CHEN PO HOR GYI YUL GYI DAD LDAN BRGYA PHRAG 'DUS PA LA DAM PA'I CHOS KYI CHAR CHEN PO PHAB STE, MNGON MTHO DANG NGES LEGS KYI LAM BZANG PO LA BKOD, STON KA GONG MA RI DVAGS KYI SAR PHEBS PA'I ZHABS PHYIR BYON, SKABS DER HAL HA RJE BTZUN DAM PA GONG MA'I MDUN DU PHEBS 'DUG PAS, RJE 'DI LA CHOS KYI BKA' 'DRI MANG PO GNANG BAR LAN PHUL BAS THUGS MNYES TSUL CHEN PO MDZAD, SLAR PHO BRANG NANG DU BYON, NYI MA THAD ZHABS DRUNG BE CING DU PHEBS, DE'I MDUN DU RGYAL DBANG GI YI DAM SGRUB SKOR DANG, RGYUD BZHI'I LUNG RNAMS GSAN, DE NAS SHING MO PHAG DANG, ME PHO BYI BA GNYIS KYI DBYAR KHA SHAR KA RU BSIL KHANG CHEN PO'I NANG DU SOG GUR,
PHUB NAS TSA BA'I RING LA DER BZHUGS, SKABS DE DAG TU SNGA PHYIR DON GNYER BA MANG DU 'DUS PA LA RANG RANG GI 'DOD PA LTAR ZAB RGYAS DAM PA'I CHOS KYI CHAR CHEN PO PHAB STE DGE BA'I LO TOG SMIN PAR MDZAD, DGUNG LO NGA DRUG BZHES PA ME MO GLANG GI LOR, GONG MA CHEN PO'I BKAS RGYAL DBANG RIN PO CHER GSER YIG 'BUL DU BYON, LAM BAR DU MKHAR SNGON JA SAG AEM CHI'I BLA MAS GDAN DRANGS, ZHAG 'GA' BZHUGS TE KHONG PA LA RJES GNANG 'GA' GNAD ZHING, RAB BYUNG DGE TSUL BSNYEN RDZOGS KYI SDOM PA ZHU MKHAN MANG DU BYUNG BA RNAMS KYI RE BA YONGS SU BSKANGS, DZA YA PAndI TAS LHA KHANG DANG DGON PA GSAR BZHENGS BYED RGYU'I SA CHAR GDAN DRANGS TE LHA BSANGS DANG BKRA SHIS BRJOD, MKHAR SNGON PO'I SA CHAR GNAS PA'I BLA MA DPON PO SKYA SER DRAG ZHAN MTHA' DAG LA DAM PA'I CHOS KYI BKA' DRIN STZAL, MKHAR SNGON PO'I LHA KHANG SO SO'I BLA MA RNAMS KYIS KYANG BSU SKYEL STON MO RDZONG BA SOGS PHUN SUM TSOGS PA BYAS, LO DER GONG MA CHEN PO NYID SH'A MKHAR DU PHEBS, RJE 'DI YANG RIM GYIS CHA GAN SU BU R'A GA ZHES PAR PHEBS PA'I NYIN, GONG MA CHEN PO'I SKU ZHABS NAS RJE 'DI 'BOD MI BTANG BA LTAR ZHABS PHYI NYUNG BSDUS DANG BCAS RINGS STABS KYIS PHEBS, GONG MA DANG MJAL, RGYAL DBANG MCHOG GI DON SKOR GYI BKA' 'DRI RGYAS PA PHEBS PAR LAN YANG ZHIB PAR ZHUS, P'A THUR THE'I JI SOGS MTSO SNGON GYI DPON PO RNAMS GONG MA MJAL
, ,BAR 'ONGS RGYU'I SKOR GYI GSUNG 'PHROS YANG NANG SBYAR DU GNANG, PHEBS KAR GONG MA RANG GI PHYAG GIS KHA BTAGS GNANG NAS BKUR GZOS CHER MDZAD, DE NAS RIM GYIS PHEBS TE TE'I THUNG ZAM KHAR 'BYOR BAN, DGON LUNG SPYI SGER GYI GNYER BA RNAMS DAD, DKA' BCU RAB 'BYAMS SOGS BSU BA MANG DU 'BYOR BAS GZHI BYES MA BU 'PHROD PA LTAR PHAN TSUN DGA' BDE'I DPAL GYIS DOMS PAR GYUR, TE'I THUD SE RE LUNG GI SMON LAM GYI TSOGS DBUR GDAN DRANGS PAR PHEBS TE, BSTAN PA RGYAS PA'I BSNGO SMON YANG DAG PA GNANG, DE NAS BTZONG KHAR PHEBS PA'I NYIN A'A KYA DGON GYI SGAR BA DKA' BCU RNAM GNYIS KYIS GDAN DRANGS TE, SKU GSUNG THUGS RTEN MANG PO LA PHYAG NAS 'THOR BAR MDZAD CING BSNYEN BKUR PHUN SUM TSOGS PA ZHUS, BKRA SHIS CHOS GLING GI BLA MA DKA' BCU BZANG PO DAR RGYAS KYIS GTZO MDZAD, DGE 'DUN MANG MA LAM KHAR PHEBS NAS, GDUGS DANG RGYAL MTSAN LA SOGS PA'I MCHOD RDZAS THOGS TE, SER SBRENG GI BSU BA DANG, STON MO SOGS RGYAS PAR PHUL, RJE NYID NAS KYANG DE DAG LA ZAB RGYAS CHOS KYI BKA' DRIN YANG DAG PAR STZAL, DE NAS HA CANG MI RING BA 'PHRANG THON PA'I ZAM PA'I THAD DU DGON LUNG BYAMS PA GLING GI KHRI RIN PO CHES GTZOS BLA MA KHRI GDAN ZUR, ZHABS DRUNG, DKA' RAB 'BYAMS MANG POS BSU BA 'BYOR TE STON MO GZAB RGYAS PHUL ZHID DGYES PA'I GSUNG GIS TSANG MA MGU BAR MDZAD,
DE NAS ZI LING MKHAR DU PHEBS PA'I NYIN RDO RJE BLA MA'I MI SNA RNAMS DANG, GZHI SNGOD KYI RGYA DPON DU MA DANG BCAS PAS CHIBS BSU BYAS, ZHAG 'GA'I RING ZI LID DU BZHUGS TE RDO RJE BLA MA SOGS LA MTSO SNGON GYI DPON PO RNAMS GONG MA'I MJAL KHAR 'GRO RGYU'I SKOR GYI GSUNG GLENG MDZAD, GONG MA CHEN POR RJE 'DI NYID KYIS ZHUS TE, DGON LUNG LHA KHANG CHEN MOR MTSAN GNAD PA SKYEL BAR RJE 'DI NYID, RDO RJE BLA MA, JA SAG BLA MA BLO BZANG RNAM RGYAL, GDUGS DKAR HO SHU'I AI JIN, AER LAD BE'U JAR GO CHI, ZI LING GI TO'U YE DANG BCAS DGON LUNG DU PHEBS, RTA BSU LE TSAN, SER SBRENG SOGS KYI BSU BA DANG, DGA' SPRO'I STON MO SOGS RGYAS PAR BYAS, RDO RJE BLA MAS NGED SNGA SOR RJE 'DI GDAN 'DREN LA YONG PA'I SKABS KHYED TSOL 'DI 'DRA'I GRVA 'GRIG PO MED MOD, DA LAM GYI BYED PA 'DI LA BLTAS NA BLA MA 'DI KHYED TSANG LA LUGS GNYIS KYI SGO NAS BKA' DRIN CHE BA YIN 'DUG CES ZER, RJE 'DIS DGON LUNG TSOGS CHEN DU 'GYED DANG MANG JA GYA NOM PA DANG, SPYI 'JOG LA GOS CHEN TSEM GRUB MA'I RGYAL SRID SNA BDUN, BKRA SHIS RTAGS BRGYAD, DNGUL DKAR GYI BYA MA BUM, CHOS SKYONG GI NA BZA' CHA TSANG, GSER SKYEMS KYI PHOR PA BCAS PHUL, DGON LUNG RI KHROD LA YANG SPYI 'JOG DANG MANG 'GYED GYA NOM PA GNANG, DE BZHIN DU GSER DGON DAM CHOS GLING, SKU 'BUM, BYA KHYUNG, CHU BZANG, THANG RING SOGS DGON SDE CHE PHRA RNAMS LA MANG JA DANG 'GYED BCAS PHUL TE,
, ,CHOS SBYIN GYI SGO 'PHAR 'BYED PAR MDZAD, ZI LING NAS DBUS SU CHIBS KHA BSGYUR TE, LCAGS RI'I PHYIR SLEB PA'I NAM GUNG TZAM DU ZI LING NAS RDO RJE BLA MA SOGS MI BZANG RNAMS KYIS YIG MKHAN TSE RING ZER BA BTANG NAS, MTSO KHA'I DPON PO RNAMS GONG MA'I MJAL KHAR MI 'GRO BA'I GNAS TSUL NGED TSOR SKYEL MKHAN BTANG 'DUG PAS, MTSO KHA'I TSOGS 'DU MA GROL GONG DU KHYED PHEBS NAS GSUNG DGOS ZHES 'PHRIN BYUNG BAR BRTEN, DE MA THAG RJE RANG NYID ZHABS PHYI NYUNG 'DUS DANG BCAS MGYOGS PAR PHEBS PAS CHA GAN THO LO KE'I SA CHAR NYIN GUNG YOL TZAM DU PHEBS, DPON PO GZHAN RNAMS GYES NAS BYAMS PA GLING MKHAN PO, GSOL DPON SNGAGS RAM PA, P'A THUR THE'I JI LHA BZANG, AER TE NI P'A THUR SOGS DPON PO CHE KHA RNAMS KYIS BSGUGS 'DUG PAS, 'TSOGS SAR RJE 'DI DANG, JA SAG BLA MA BLO BZANG RNAM RGYAL BCAS PHEBS TE DPON PO RNAMS LA KHYED TSO SNGA SOR MJAL KHA LA 'GRO RGYUR THAG BCAD NAS, GONG MA LA DE LTAR ZHUS 'DUG PA DA CHA MI 'GRO BA'I RGYU MTSAN CI YOD, KHYED TSO SONG NA BDAG RKYEN 'ONGS SHING MA SONG NA BKA' BKYON NGES PAR 'ONGS PAS PHYIN PA DRAG CES GSUNGS PA'I LAN DU, RGYAL DBANG RIN PO CHE MTSAMS GROL NAS MJAL KHA 'ONGS SKAD 'DUG PAS NGED TSO LA MJAL KHA SHIN TU GAL CHE BAS DER 'GRO RGYU YIN ZER BAR, RJE 'DI NYID KYIS RGYAL DBANG RIN PO CHE'I
MJAL KHA'I SKOR KHYED TSO 'GRO ZER DUS NAS THOS PA YIN PA LA, DE DUS 'GRO BAR KHAS BLANGS NAS DA CHA MI 'GRO BA'I RGYU MTSAN GANG YIN ZHES PHAN TSUN GSUNG GLENG MANG DU BYAS PA'I MTHAR, DPON PO RNAMS KYIS RJE 'DI LA KHYED KYIS NGED TSO SONG NA BDAG RKYEN NGES PAR 'ONGS ZHES GSUNG PA 'DI LA YID CHES PAR 'DUG NA'ANG, DPON PO SKAL LDAN RDO RJE DANG, PANYTZA RAKshA SOGS LA BDAG RKYEN GNANG KHUL GYIS MI LEGS PA BYUNG BA'I SKAD CHA TSOR BAS DOGS PA SKYES PA YIN ZER, RJE 'DIS YAR PHEBS PA'I LAM PAR DU GONG MA CHEN POR MJAL TE, MTSO SNGON GYI DPON PO RNAMS KYI MJAL KHA'I SKOR NANG SBYAR GSUNG YOD PA LTAR KHYED RANG RNAMS GONG MA'I MJAL KHAR SONG NA SKYON MED PA'I STENG DU BDAG RKYEN GNANG BA'I KHAG KHYAG BDAG GIS BYED, 'DI DKON MCHOG DPANG DU BZHAG NAS LAB PA YIN PAS BDEN PAR ZUNGS ZHES GSUNG BAR DPON PO RNAMS KYIS DA NI KHYED KYI GSUNG LA YID CHES PA YIN, NGED TSO GONG MA'I MJAL KHAR 'GRO BAR THAG BCAD PA YIN ZER BYUNG BAS DE LUGS KYI 'PHRIN ZI LING DU SKYEL MI BTANG, RJE 'DI NYID RIM GYIS DBUS SU BYON, LHA SAR PHEBS NAS ZHAG MANG PO MA 'GYANGS PAR RGYAL DBANG DRUG PA BO T'A LAR GSAR DU GDAN DRANGS PA'I SKABS SU, GONG MA'I GSER YIG DANG RTEN CHAS RNAMS PHUL, DE NAS RJE 'DI NYID KYIS ZHAL DKAR STEGS BCAS, CHAB RIL RGYAN DRUG ,BZED ZHAL BCAS CHA TSANG DANG, RDO RJE DRIL BU SOGS KA CA DANG PHYAG MTSAN GYI RIGS MANG PO, GZHAN
, ,YANG GSER DNGUL GOS CHEN KHA BTAGS BCAS DNGOS PO GTZANG ZHING GYA NOM PA'I LEGS 'BUL SPUS GTZANG BA PHUL, ZHABS BRTAN CHEN MO'I TSOGS 'KHOR GYI THEBS SU DNGUL SRANG BRGYA PHRAG DU MA DANG; NA BZA' CHA TSANG, BZHUGS GDAN RGYA BA YOL, GOS DAR SOGS DANG BCAS ZHABS BRTAN RGYAS PAR PHUL, BAR SKABS SHIG ,RGYAL DBANG RIN PO CHE LHA SAR RTEN MJAL DU BYON PA'I TSE 'KHYAMS RA CHEN MOR BZHUGS GRAL DU RJE 'DI NYID NAS GSER GYI MAndAL KHYAD 'PHAGS KYI GTZOS GOS DAR MDZOD BTAGS SOGS SLAR YANG 'BUL BA GYA NOM PA PHUL, GZHUNG SA NAS KYANG RJE 'DI NYID LA BZHUGS KHRI RGYA BA YOL KHA DKAR SOGS BKUR GZOS PHUN SUM TSOGS PA GNANG, SNANG BA MTHA' YAS DUR SMRIG GAR GYIS RNAM PAR ROL PA PAn CHEN THAMS CAD MKHYEN PA'I DRUNG DU GONG MA'I GSER YIG DANG RTEN CHAS RNAMS PHUL, RJE RANG NYID KYIS KYANG MCHOD RDZAS SNA TSOGS, GSER DNGUL, GOS DANG, MDZOD BTAGS SOGS ZANG ZING GI 'BUL BA GYA NOM PA PHUL TE, TSE DPAG MED 'JAM LUGS, GRUB RGYAL LUGS KYI TSE DBANG, MGON PO, CHOS RGYAL LHA MO RNAMS KYI RJES GNANG BCAS GSAN, RIG 'DZIN 'JAM DBYANGS GRAGS PA'I DRUNG DU GSUNG 'BUM RGYA CAN MA'I NANG GI RTA ZHAL YID BZHIN GYI RGYA CAN ZHUS, RDO RJE 'DZIN PA DKON MCHOG RGYAL MTSAN GYI SPRUL SKUR MJAL TE 'BUL BA SPUS GTZANG BA PHUL ZHING,
RGYUD CHEN DKON MCHOG YAR 'PHEL DANG SNGAGS CHEN RNAM GNYIS KYI SPRUL SKU LA YANG MJAL DAR 'BUL BA ZHU YIG DANG BCAS BSKUR BAR MDZAD, 'BRAS SPUNGS TSOGS CHEN LA MANG JA DANG MANYDZI KHA RE, KHA BTAGS NYIN BDE CHE LEGS 'DOM 'KHOR MA'I 'GYED, BLA MA RNAMS LA RGYA RAS SER POS BZOS PA'I RAS BER RE'I GTZOS 'BUL BA RNAM BZHAG DANG BCAS PHUL, SGO BLO GNYIS, BDE SNGAGS GNYIS BCAS GRVA TSANG BZHI SGO MANG GRVA KHANG GI STENG SHOD DU MNYAM DU 'TSOGS PA LA GRVA JA DANG, HOR DAR DMAR PO KHA RE'I 'GYED PHUL, SGO MANG GRVA TSANG LA ZUR DU GRVA JA DANG DNGUL ZHO DO RE'I 'GYED, SPYI 'JOG GOS CHEN RDO RJE GSANG LAM MA'I BLA BRE BCAS PHUL, DE BZHIN DU SER, DGE LDAN, RGYUD STOD SMAD, BKRA SHIS LHUN PO, RVA SGRENG, BKRA SHIS LJONGS, NYI MA THANG SOGS KYI BLA MA SO SOR 'BUL BA DANG, DGE 'DUN LA MANG 'GYED BCAS PHUL, LHAS DANG PO TA LAR BZHUGS PA'I JO SH'AKA GNYIS KYIS GTZOS SKU BRNYAN RNAMS LA GSER CHAB DANG SNYAN SHAL SPOS PHOR SOGS MCHOD PA'I SPRIN CHEN LEGS PAR BSTAR TE BSTAN PA RIN PO CHE PHYOGS MTHAR RGYAS PA'I THUGS DMIGS KYI 'TSAMS SBYOR YANG DAG PA GNANG, SDE SRID STAG RTZER DNGUL GOS CHEN KHA BTAGS SOGS DNGOS PO GTOS CHE BA PHUL NAS SMAD RGYUD KYI ZHOGS GUR SMON GYI GRVA KHANG GSAR RGYAGS DGOS TSUL ZHUS PAR, KHONG GIS KYANG THUGS KHUR BZHES TE MA 'GYANGS PAR LEGS
, ,BAR BSGRUBS, GNAS CHUD CHOS RGYAL DANG LA MO CHOS SKYONG GNYIS SKU PHEBS ZHUS TE SNYAN SHAL DANG 'BUL BA GZAB RGYAS PHUL, CHOS SKYONG GNYIS NAS KYANG RJE 'DI LA DGYES PA'I RNAM 'GYUR SHIN TU CHE BA MDZAD, MKHAS SHING GRUB PA'I DBANG PHYUG DKYIL 'KHOR 'KHOR LO'I MGON PO 'JAM DBYANGS BZHAD PA'I RDO RJE'I ZHAL SNGA NAS DANG, SRAD RGYUD DPON SLOB BLO BZANG DON GRUB, SBEN SER DPON SLOB DKA' CHEN BLO BZANG CHOS DAR, CHOS SDINGS KHYUNG TSANG GI DPON SLOB SANGS RGYAS, RGYUD SMAD BLA MA DBU MDZAD MKHAS DBANG DGE 'DUN PHUN TSOGS SOGS BLA MA DGE BSHES MANG POS GTZOS DON GNYER BA MANG DU 'DUS PA LA RJE RANG NYID KYI GSUNG 'BUM PHAL CHE BA DANG, MDO SNGAGS KYI BKA' CHOS MANG PO STZAL, LHA SAR ZLA BA GSUM LHAG TZAM BZHUGS RING 'JAM DBYANGS BZHAD PA'I RDO RJE'I ZHAL SNGA NAS SKU ZHABS SU BCAR BZHUGS MDZAD CING PHYOGS SO SO NAS ZAB CHOS DON DU GNYER BA'I SKYE PO SNGA PHYIR 'ONGS PA RNAMS KYI RE BA YONGS SU BSKANG, DGUNG LO NGA BDUN PAS PHO STAG GI LO'I TSES GCIG GI NYIN RGYAL DBANG RIN PO CHE NAS LHA MO'I TSES GTOR MDZAD PA'I TSOGS GRAL DU PHEBS, DE LTAR CHOS DANG ZANG ZING GI SBYIN PA RGYA CHEN POS BSTAN PA'I ZHABS TOG YANG DAG PA BSGRUB, DE NAS MDO SMAD DU CHI BAS KHA BSGYUR, LAM BAR DU RVA SGRED DU BYON TE JO BO 'JAM PA'I RDO RJES GTZOS RTEN GSUM RNAMS LA SNYAN SHAL
DANG MCHOD PA LEGS PAR PHUL TE BSTAN PA RGYAS PA'I THUGS SMON GNANG, DER BZHUGS PA'I DGE 'DUN RNAMS LA YANG MANG 'GYED PHUL, DE NAS RIM GYIS BYON TE ZI LING DANG NYE BAR PHEBS PA LA DGON LUNG SPYI GNYER SOGS CHI BAS BSU BA RNAMS 'BYOR, BA SO RJE DRUNG RIN PO CHE BO'I CING DU PHEBS SKABS SU SNANG BAS DUS DER MJAL 'DZOM MDZAD, DE NAS RJE 'DI KHRI CHEN BLO GROS RGYA MTSO'I SPRUL SKU MJAL BA'I CHED DU MANG RAR PHEBS, CHA GAN NO MON HAN DANG KHRI CHEN SPRUL SKU BCAS PAR MJAL 'PHRAD MDZAD, NO MON HAN DANG NAD SO BCAS PAR SPRUL SKU'I SKOR GYI GSUNG NAN ZHIB PAR GNANG, DER BZHUGS RING KHONG RNAMS KYIS KYANG BSNYEN BKUR DANG ZHABS TOG TSAD MED PA PHUL, BDE CHEN DPON SLOB GRAGS PA RGYA MTSO DANG SNGAGS RAM PA 'JAM DBYANGS BLO GROS SOGS LA BKA' CHOS CI RIGS STZAL, DE NAS ZI LING DU PHEBS PA NA P'A THUR THA'I JI SOGS MTSO KHA'I DPON KHAG RNAMS GONG MA CHEN POR MJAL TE YAR 'ONGS PA SKABS DER ZI LING DU 'BYOR 'DUG PAS, DPON PO RNAMS RJE 'DI DANG MJAL TE KHYED KYIS GSUNG LTAR NGED TSO SONG BAS, GONG MA CHEN PO NAS WANG GI LUNG LAS SOGS BDAG RKYEN GZHAN DANG MA 'DRA BA GNANG BYUNG BA'I GNAS TSUL ZHUS PAS, RJE NYID KYANG THUGS SHIN TU DGYES PAR GYUR, DAM CHOS GLING DU BYON TE SMIN GROL NO MON HAN DANG MJAL, LHA MO'I RJES GNANG SOGS ZAB CHOS 'GA' ZHIG GSAN, DE NAS
, ,DGON LUNG BYAMS PA GLING DU PHEBS, KHRI PA KUN DGA' RGYA MTSO DANG, KHRI ZUR DPAL LDAN RGYA MTSO GNYIS KYIS GTZOS DGON PA DANG RI KHROD KYI GRVA PA DON GNYER CAN MANG PO LA RJE NYID KYI GSUNG 'BUM GYI LUNG DANG, KLAG LUNG DU MA, YI DAM CHOS SKYONG 'GA' ZHIG GI RJES GNANG BCAS GNANG, BSNYEN RDZOGS KYI DNGOS PO DON DU GNYER BA'I SKYE BO BRGYA PHRAG BRGAL BA'I MKHAN PO MDZAD DE, DE DAG GI YID KYI BUM BZANG SPONG BDUN 'KHOR BCAS KYI LHA YI CHU BOS YONGS SU GTAMS PAR MDZAD, DE NAS CHOS RAR BYON TE GRVA PA CHOS RA PA RNAMS KYI RIGS LUNG LA GZIGS RTOG MDZAD PAS THUGS LHAG BAR MNYES, DGON LUNG CHOGS CHEN NAS ZHABS PAD BSKAL BRGYAR BRTAN PAR BZHUGS PA'I RTEN 'BREL SOG DU MA NAS LEGS PAR BSGRIGS, DE NAS SKU 'BUM DU DRUG PA'I SMON LAM MJAL BAR BYON, DE'I TSE SKU 'BUM NAS RTA BSU DANG, DGE 'DUN RNAMS KYIS SER SBRENG BCAS BKUR GZOS YANG DAG PA ZHUS, BYAMS PA'I GOS SKU CHEN MO BKRAM PAR MJAL TE, SBYAN 'DREN KHRUS GSOL MCHOD 'BUL SMON LAM SOGS YANG DAG PA GNANG, KHRI THOG PA CHU BZANG RIN PO CHE DANG MJAL 'PHRAD GNANG, SKU 'BUM CHOS SKYONG NAS KYANG GUS PA'I RNAM 'GYUR MDZAD, DER SKYA SER GYI 'TSOGS PA SHIN TU CHE BA 'DUS PAS DE RNAMS PHYAG DBANG GIS TSIM PAR MDZAD, BLA BRANG GNYIS DANG SPYI SO,
ZHING SKYONG NANG SO BCAS PAS BSNYEN BKUR ZHABS TOG GZAB RGYAS ZHUS, DE NAS STAG PHYUG SGAR BAR KHRI RIN PO CHE'I SKU GSUNG THUGS RTEN RNAMS MJAL BAR BYON, CHU BZANG RIN PO CHE DANG GANG CI'I GSUNG GLENG NANG SBYAR ZHIB RGYAS MDZAD, GRUB DBANG DAM PA DKA' CHEN BLO BZANG DAR RGYAS KYIS GTZOS RI DGON GYI GRVA PA MANG POR 'DOD CHOS CI RIGS GNANG, PHEBS KAR CHU BZANG RIN PO CHE NAS SKYEL THUNG DANG, SPYI SGER GYIS SKYEL RING MDZAD, DE NAS ZI LING MKHAR DU PHEBS TE RE ZHIG BZHUGS, DER RONG PO'I GRUB CHEN NI GU PA, BRAG DKAR SNGAGS RAM PA, DGE SLONG CHOS GRAGS, DKA' BCU TSUL KHRIMS RGYA MTSO SOGS SGRUB PA'I RGYAL MTSAN 'DZIN PA MANG PO DANG, DGON SDE CHE CHUNG DU MA'I GRVA PA MANG PO SNGA PHYIR BYON PA RNAMS LA RJES GNANG, LJAGS LUNG SOGS DAM PA'I CHOS KYI BDUD RTZIS TSIM PAR MDZAD, DE MO SPRUL SKU RIN PO CHE GZHUNG SA NAS GONG MA'I 'TSAMS ZHUS LA RDZONG LTA GNANG PA DER PHEBS BA DANG MJAL 'PHRAD MDZAD, ZI LING NAS DE MO RIN PO CHE DANG RJE 'DI PA GNYIS MNYAM DU PHEBS, LAM PAR DU TA'I THUNG DGON CHEN, SER LUNG GNYIS KYI BLA MA DANG GRVA MANG MJAL BAR BYON, GRUNG LAD MKHAR DU SEMS NYID BLA MA, THUR CHEN DGON GYI BLA MA 'DAN MA SPRUL SKU, SEMS NYID DGON GYI BLA MA, TOB TSANG CHOS RJE, SEMS NYID NANG SO SOGS MANG PO LA RJES GNANG KHA SHAS STZAL, ZUNG SHAN NAS 'BRI GUNG NANG SO BZANG PO RGYAL MTSAN GYIS GDAN DRANGS
, ,TE BSNYEN BKUR DANG ZHABS TOG 'BUL BA GYA NOM BA PHUL, DGON PA GSAR DU BTAB PAR PHYAG NAS GNANG, DE NAS RIM GYIS NYID SHA MKHAR DU BYON, DER DE MO SPRUL SKU RIN PO CHE'I DRUNG DU RJES GNANG KHA SHAS GSAN, LAM BAR DU AOR TU SU'I DPON KHAG RNAMS KYIS GTZOS SKYA SER DRAG ZHAN GRANGS MED MJAL DU 'ONGS PA RNAMS LA DAM PA'I CHOS KYI BKA' DRIN STZAL TE MNGON MTHONG DES LEGS KYI LAM BZANG PO LA 'GOD PAR MDZAD, LO DER GONG MA CHEN PO AU LA ZHES PA ZLA BA GCIG TZAM 'GRO DGOS PA'I SA CHAR RI DVAGS LA PHEBS, MI SNA PHYOGS NAS 'KHOR MKHAN RNAMS GONG MA GAR BZHUGS KYI SAR 'GRO DGOS PA LUGS SROL YIN KYANG, GONG MA CHEN PO NAS, RJE 'DI NYID LA LHAG PAR BRTZE BA'I DBANG GIS KHONG GI RJES LA YONG MI DGOS PAR, PE'I CING LA PHEBS NAS BSGUG NA CHOG ZER BA'I BKA' 'BEBS PAR MI BZANG ZHIG MNGAGS PA AOR TU SUR 'BYOR BAS RJE 'DI 'KHOR DANG BCAS PA DGA' BDE'I DPAL LA 'KHOD, DE NAS MKHAR SNGON DU BYON, DON GNYER BA MANG PO DGE BSNYEN DANG, DGE TSUL DANG, BSNYEN RDZOGS KYI SDOM PA LA BKOD, SER SKYA MCHOG DMAN MANG BOR 'DOD CHOS CI RIGS GNANG, DZA YA PAndI TAS LHA KHANG DANG RTEN GSUM MANG PO BZHENGS PA LA RAB GNAS RGYAS PA MDZAD, KHONG LA MGON PO PHYAG DRUG PA, LHA MO, KHYUNG KHRA RNAMS KYI RJES GNANG BCAS STZAL, BRTEN PA'I DAM TSIG
GI RDZAS RDOR DRIL ZHIG PHUL BAR THUGS MNYES TSOR CHEN PO GNANG, SHI RE THUS KYANG PHEBS BSU DANG BSNYEN BKUR GZAB RGYAS ZHUS, PE'I CING DU PHEBS NAS GONG MA'I BKA' LTAR PHEBS BSGUG ZHUS, GONG MA CHEN PO RGYAL KHAB TU PHEBS PAR NYE BA NA RJE 'DI ZHAG GNYIS GSUM GYI SA CHAR BSU BAR BYON, GONG MA CHEN PO DANG MJAL 'PHRAD MDZAD PAS BKA' 'DRI GNANG ZHING DGYES NYAMS CHEN PO MDZAD, DE YANG GONG MA CHEN PO SDE SRID LA THUGS MI MNYES PAR YOD 'DUG PAS, RJE 'DI DBUS SU PHEBS KAR ZHU SNA BYED MI DES LCANG SKYA HU THOG THUS DA LAM SDE PAR MJAL RGYU MIN ZER BYUNG ZHES GONG MA'I DGONGS PA DANG BSTUN NAS ZHUS PAS THUGS MNYES TSOR CHEN PO GNANG, DE NAS ZHU SNA BYED MI DES RJE 'DI LA KHYED DA LAM DBUS SU PHEBS NAS SNGE SRID MJAL CHOG PA MED, ZER BYUNG BAR THUGS LA BABS PO ZHIG MA BYUNG YANG BYA THABS DANG BRAL, DE NAS DBUS SU PHEBS SKABS DE LUGS KYI RGYU MTSAN GSANG BKROL NAS SDE SRID LA ZHUS PAS, KHYED KYIS DA LAM MA MJAL NA GZHUNG GI BSTAN DON LA RGYAR 'DI LAS GNOD TSABS CHE BA MED TSUL GYIS AU TSUGS MDZAD BYUNG BAR, RJE 'DIS RGYAL DBANG RIN PO CHE'I ZHABS TOG TU 'GYUR NA RANG GI SROG LA'ANG LTOS PA MED CES GSUNGS NAS SDE SRID LA PHYAG 'TSAL DGOS PA BYUNG, SKABS DER GONG MA'I BKA' LAS KHYOD KYIS SDE SRID LA PHYAG MA BYAS SAM ZHES DRI BA GNANG PA'I LAN DU, PHYAG BYAS PA'I RGYU MTSAN MA GSANG BAR ZHUS PAS DON 'DI
, ,RE ZHIG GSANG NA LEGS ZHES BKA' PHEBS KYANG, RJE 'DI RING MO ZHIG NAS BDEN PA SMRA BA LA GOMS PA'I DBANG GIS MI MANG 'TSOGS SAR SDE SRID LA MJAL TSUL YANG YANG GSUNGS PAS, SBYIN BDAG DPON PO SNYING NYE BA RNAMS KYIS BKA' LAS 'DAS PA'I CHAD LAS LA KHRIMS LUGS LTAR SGO 'GAGS SU BUS 'DZUG MDZAD DGOS TSUL SOGS ZHUS PAR BRTEN, PUS 'DZUG GNANG BA MI MANG POS KYANG MTHONG, GCIG NAS GCIG TU BSGRAGS TE BKA' LAS 'DAS PA YIN 'DUG CES GRAGS PA CHER SONG BAS, GONG MA RIN PO CHER YANG GNANG THABS MED PA BYUNG STE, HOR ZLA BCU GCIG PAR BKA' 'DAS KYI CHAD PA RJE 'DI NYID BLA MA CHE BA'I GRAL RIM NAS PHAB, DGE SLONG RANG 'GA' BA'I GRAL RIM DU ZHOG LA PE'I CING DU KHONG RANG GI LHA KHANG DU SDOD CHUG ,ZLA BO JA SA GA BLA MA MUG DUN LA THONG ZHES PA'I BKA' PHEBS PAR, RKYEN NGAN GROGS SHAR LTA BUR GYUR TE THUGS DAM ZAB MO LA RTZE GCIG TU BRTZON PAR MDZAD, DGUNG LO NGA BRGYAD PA SA MO YOS KYI LO'I TSES GCIG GI ZHOG KHA SUM BHA ZHABS DRUNG RIN PO CHER GONG MAS KHA BTAGS CHE BA ZHIG GNANG NAS RJE 'DI LA MTSAMS 'DRiR? MNGAGS, NYI SHAR TZAM LA GONG MA CHEN PO TZAN DAN JO BO MJAL BAR PHEBS, DER RJE 'DI NYID BYON NAS KHA BTAGS DANG, BOD NAS PHEBS PA'I SKYOS MAR SKU 'DRA GCIG ,TSE DPAG MED KYI DKYIL THANG CHUNG BA SHEL SGO
CAN GCIG ,'PHRENG BA GCIG, SPOS KHRES 'GA' DANG BCAS PHUL BA DGYES PA'I RNAM 'GYUR BCAS BZHES TE PHYAG GIS KHA BTAGS GNANG, DE LTA BU'I NGANG TSUL 'DI NI GONG MA CHEN PO DANG RJE 'DI PA MCHOD YON GNYIS DUS RING MO ZHIG NAS BSTAN 'GRO'I DON DU THUGS SMON LHAN CIG MDZAD PA'I RNAM THAR DU SNANG, DE NAS GONG MA CHEN PO RANG GIS CHAG TSAD SOGS ZHAL BKOD MDZAD DE 'JAM DBYANGS, SPYAN RAS GZIGS, KUN TU BZANG PO GSUM GYI SKU BRNYAN KHYAD 'PHAGS BZHENGS PAR MDZAD PA'I GZUNGS GZHUG SGRIL BA'I DO DAM GONG MA'I BKA' LTAR SGRUB, DE NAS ZLA BA 'GA' SONG PA'I 'TSAMS, GONG MA'I BKA' LAS, DA KHYED RANG SNGAR LUGS LTAR BLA MA CHE KHA'I GRAL DU SDOD, SEMS BDE MO GYIS, KHYOD KYI ZLA PO JA SAG BLA MA MUG DUN DU BZHAG NA KHYED RANG BLO MI BDE BAR 'DUG PAS, KHO RANG YANG MKHAR SNGON SHI RE THU'I RTZAR 'JOG RGYU YIN ZHES GSUNGS PAS, RJE 'DI THUGS SHIN TU MNYES, DGUNG LO NGA DGU PA LCAGS 'BRUG GI LOR, DGON LUNG DU SMON LAM CHEN MO'I GTONG THEBS BSKUR TE, DGE 'DUN RNAMS ZANG ZING GI DNGOS PO GYA NOM PAS MNYES PAR MDZAD, GONG MAS BZHENGS PA'I RIGS GSUM MGON PO'I SKU BRNYAN RNAMS RI BO RTZE LNGAR GDAN DRANGS, DE'I TSE RJE 'DI NYID GONG MA'I BKA' LTAR GNAS MCHOG DER PHEBS NAS RTEN RNAMS LA GZUNGS 'JUG PHUL TE, RDO RJE 'JIGS BYED KYI SGO NAS RAB GNAS
, ,RGYAS PAR MDZAD, GNAS DE'I LHA KHANG RNAMS LA MCHOD MJAL ZHIB TU GNANG ZHING RI SKOR LA PHEBS PA'I TSE, LHO RI DANG BYANG RI'I RTZER 'JA' TSON KHA DOG SNA TSOGS PA NGAD, SHAR RI DANG BYANG RI'I BAR NAS PHUS TING GI THAD DU 'JA' TSON KHA DOG SNA LNGA'I GUR KHYIM SHIN TU GSAL BA ZHIG GZIGS TE THUGS 'DUN DRAG POS SPYAN DMIGS MDZAD, ZHABS PHYI NA YOD PA PHAL CHER GYIS KYANG MTHONG, SHAR RI'I RTZER MCHOD MJAL GNANG DUS, DE NAS 'OG PHYOGS SU GZIGS PA NA SPRIN DKAR GSAR BAS YONGS SU KHYAB PA'I GZIGS SNANG KHYAD PAR CAN BYUNG BA ZHABS PHYI RNAMS DANG, GNYUG MAR GNAS PA'I HOR SHAD RNAMS KYIS KYANG MTHONG ZHING RGYUS YOD RNAMS KYIS SHIN TU YA MTSAN PAR BYED DO, DER 'TSOGS PA'I BOD KYI BAN DE DANG, RGYA'I BAN DE DANG, SKYES PA BUD MED KHRI PHRAG NYE BAR 'DUS PA LA BZA' BTUNG DANG GNANG SBYIN STZAL TE YID TSIM PAR MDZAD, DRUG PA'I SMON LAM GYI TSOGS DBUR PHEBS TE BSTAN 'GRO'I LEGS TSOGS YAR ZLA LTAR 'PHEL BA'I THUGS SMON GNANG, RTZE LNGAR GNAS MJAL DU 'ONGS PA'I DAD LDAN MANG PO LA RJES GNANG BKA' BSGO SOGS RANG RANG GI 'DOD CHOS LHUG PAR STZAL, SHE HU CHON GYI BLA MA SOGS GNAS DE'I DON GNYER BA RNAMS LA'ANG 'DOD CHOS CI RIGS GNANG, RAB BYUNG DGE TSUL BSNYEN RDZOGS KYANG KHA SHAS SGRUB BAR MDZAD,
GNAS DER ZLA BA GSUM LHAG TZAM BZHUGS SHING BSTAN 'GRO'I DON RGYA CHER MDZAD DE SLAR YANG PE'I CING DU PHEBS, CHANG KHRU YON ZHES GRAGS PA'I SKYED MOS TSAL GYI LHA KHANG DANG, DE'I RTEN GYI GTZO BO THUB PA CHEN PO GTZO 'KHOR GYI SKU BRNYAN RNAMS GSAR DU BZHENGS PA'I SKABS, GONG MA'I BKA' LTAR GZUNGS 'JUG PHUL ZHING DGE LEGS RGYA MTSO'I CHO GA LA BRTEN NAS RAB GNAS RGYAS PAR MDZAD, GONG MA CHEN PO NAS KYANG BDAG RKYEN SPAM MTHO BA GNANG, DGUNG LO DRUG CU PA LCAGS SPRUL LA HAR CHIN BYAMS PA BKRA SHIS KUNG GIS GONG MA CHEN PO'I ZHABS BRTAN DU SKU GSUNG THUGS RTEN MANG PO GSAR DU BSKRUN PA'I RAB GNAS LA GDAN DRANGS PA LTAR HAR CHIN DU PHEBS, LHA KHANG RTEN GSUM RNAMS LA RAB GNAS RGYAS PAR MDZAD, DPON PO KUNG GIS GTZOS YUL DE'I DPON RIGS, MI BZANG, BLA MA SOGS DON GNYER BA MTHA' YAS PA LA 'JIGS BYED BCU GSUM MA, BDE MCHOG LHA LNGA, BCU GCIG ZHAL GYI DBANG SOGS DBANG MANG PO DANG, 'JIGS BYED KYI BSKYED RDZOGS KYI KHRID, SKYABS 'GRO DANG RDO RJE SEMS DPA'I BSGOM BZLAS KYI LUNG, GZHAN YANG YI DAM GYI LHA DU MA'I RJES GNANG SOGS ZAB PA DANG RGYA CHE BA'I CHOS KYI 'KHOR LO RGYA CHER BSKOR TE SKYE PO KHRI PHRAG DU MA THAR PA DANG THAMS CAD MKHYEN PA'I LAM BZANG PO LA 'GOD BAR MDZAD; SO THAR GYI TSUL KHRIMS DON DU GNYER BA MANG PO 'DUS PA LA'ANG DGE BSNYEN DGE TSUL
, ,BSNYEN RDZOGS KYI SDOM PA STZAL, DE NAS HAR CHIN BKRA SHIS WANG GIS GDAN DRANGS TE TSE DPAG MED GYI GSER SKU BRGYA RTZA SOGS RTEN GSUM RNAMS LA RAB GNAS RGYAS PAR MDZAD, HAR CHIN WANG DANG CHOS RJE BLA MA SOGS SLOB MA NYER LNGA TZAM LA THUGS RJE CHEN PO BCU GCIG ZHAL GYI DBANG SMIN RGYAS SU STZAL, GONG MA CHEN PO NAS HAL HA TSO BDUN MNGA' 'OG TU BCUG STE SO SOR BDAG RKYEN GZENGS BSTOD GNANG PA'I TSOGS 'DU'I SA CHA DO LON NOR DU GRAGS PAR LHA KHANG GSAR RGYAGS MDZAD, DE'I TSE GONG MA'I BKA' LTAR RJE 'DI NGO LON NOR DU PHEBS NAS RJE 'DI PA, RJE DRUNG SPRUL SKU, KO SHRI MER GEN CHOS RJE DANG BCAS PAS LHA KHANG RTEN GSUM RNAMS LA RAB GNAS RGYAS PAR MDZAD, DE'I NYIN GONG MA CHEN PO YANG DER PHEBS NAS, LHA KHANG 'DI BSTAN 'GRO SPYI DANG, KHYAD PAR NANG GI DAR TSA CHEN PO BRGYAD, PHYI'I TSO CHEN BZHI BCU ZHE DGU, HA LA HA AO ROD THAMS CAD KYI DON DU BZHENGS PA YIN ZHING, LHA KHANG 'DI LA SNGAR GYI SOGS PO RNYING BA'I JA SAG ZHA DGU DANG, DE'I STONG DU HAL HA'I JA SAG GSAR BA LNGA BCU LHAG TZAM LAS JA SAG RE NAS GRVA BA RE BSDUS PA'I GRVA PA BRGYA DANG BRGYAD YOD PA'I DGE 'DUN GYI SDE GSAR DU 'DZUG PA'I BLA MAR KHYOD RANG SDOD DGOS, LO STAR GYIS DGUN PE'I CING DANG, DBYAR 'DI KAR SDOD DA GZOD ZLA BA GSUM PA'I NANG DU SKYES SKAR LA 'DON PA CHEN PO 'DON
DGOS ZHES PA'I BKA' PHEBS TE LHA KHANG RTEN GSUM DANG BCAS PA RJE 'DI NYID LA GTAD, DGUNG LO RE GCIG PA CHU PHO RTA'I LOR MTSO BDUN DGON GSAR DU PHEBS, GRVA PA GSAR ZHUGS PA RNAMS LA GZIGS RTOG MDZAD CING SGRIG LAM KUN SPYOD ZHIB TU SLOB PA GNANG ZHING, GRVA BA RANG YUL NAS CHAS KA MA YOD BA RNAMS LA RANG RANG GIS GANG ZHUS LTAR GYI YO BYAD KYANG GNANG, DE'I TSE RJE 'DI NYID KYI LUNG DANG RTOGS PA'I YON TAN DRI MA MED PAS YID DRANGS TE PADMA'I MTSO LA BUNG BA'I 'DU 'GOD LTAR PHYOGS SO SO NAS ZAB CHOS DON DU GNYER BA'I SKYE PO MTHA' YAS PA RIM PAR 'DUS PA LA DBANG, RJES GNANG, LUNG KHRID SOGS DAM PA'I CHOS KYI CHAR CHEN PO PHABS TE YID KYI ZHING SAR BYANG CHUB KYI MYU GU RGYAS PAR MDZAD, RNAM PAR DKAR BA'I MDZAD 'PHRIN KYANG PHYOGS BCUR RGYAS TE SKYE BO KUN GYI YID KYI GSOS SMAN DAM PAR GYUR TO, BAR SKABS SHIG ,SKU CUNG ZAD BSNYUNG TSUL BSTAN PAR GZHI BYES KYI DGE 'DUN TSANG MAS RJE DRUNG RIN PO CHES GSUNGS PA'I ZHABS BRTAN RNAMS BSGRUB PAR MDZAD, T'A BLA MA DKA' BCU BLO BZANG RNAM RGYAL BTANG NAS GONG MA CHEN POR ZHUS PAS GSOL SMAN ZHIG GONG MA RANG GI PHYAG NAS STZAL, SMAN PA MKHAS PA GCIG KYANG BTANG 'DUG PAS MA 'GYANGS PAR ZLA BA NYA BA GZA' LAS THAR PA LTAR BSNYUNG LAS GROL TE SKU 'KHOR RNAMS DGA' BDE'I DPAL LA ROL PAR GYUR, DE NAS GONG MA'I BKA' BZHIN STON KA PE'I CING DU PHEBS, BAR SKABS SHIG,
, ,SUM BHA ZHABS DRUNG RIN PO CHE SKU BSNYUNG STE BE'I CING NANG GI DGE 'DUN STONG PHRAG LHAG TZAM GYIS SKU RIM BSGRUB PA DANG SMAN PA MKHAS PAS GSOL SMAN PHUL YANG PHAN MA THOGS PAR ZHI BAR GSHEGS PA NYIN ZHAG GCIG GI RING THUGS DAM LA BZHUGS PA BYUNG, ZHABS DRUNG 'DI BA BKA' GDAMS PA'I RNAM THAR SKYONG BA'I SKYES BU DAM PA ZHIG YIN PAR BRTEN, RJE RANG NYID KYANG THUGS KHRAL CHE BA GNANG, DGUNG LO RE GNYIS PA CHU MO LUG GI LOR, SUM BHA ZHABS DRUNG GSHEGS PA'I THUGS KHRAL DANG, MNAL LAM 'KHRUGS PA SOGS BAR CHAD KYI 'TSUB LTAS SHIN TU CHE BA BYUNG STE, RJE DRUNG RIN PO CHER GSUNG BRTAGS ZHUS PA BZHIN BDUN PHRAG LNGA'I RING LA RJE NYID SKU 'TSAMS MDZAD BAS BAR CHAD KYI MTSAN MA MTHA' DAG MING GI LHAG MA TZAM DU GYUR, DE NAS DGON LUNG SPYI SOR 'BUL RGYU'I CHED DU BYAMS PA, SMAN BLA, RNAM SNANG RNAMS KYI GSER SKU, SKU ZHABS RANG GI MCHOD KHANG DU BSHAMS RGYU'I STON PA DANG BCAS SMAN BLA BDER GSHEGS BRGYAD, 'OD DPAG MED, RGYAL BA RIGS LNGA, RDO RJE 'CHANG, RDO RJE SEMS DPA', MI 'KHRUGS PA, TSE DPAG MED, NYE BA'I SRAS CHEN BRGYAD RNAMS KYI GSER SKU NYI SHU RTZA BDUN, DRI MED 'GREL BA NAS BSHAD PA'I MCHOD RTEN MGRIN RING BRGYAD, DUS KYI 'KHOR LO NAS BSHAD PA'I MGRIN THUNG MCHOD RTEN RNAMS DANG, GSER ZANGS LAS BRDUNG BA'I BDER GSHEGS MCHOD RTEN DGU RNAMS, CHA TSAD BZO DBYIBS
GSER RTZI SOGS SHIN TU LEGS PA GSAR DU BZHENGS, BZO BO RNAMS YON GYIS MGU BAR MDZAD, RE RER SANGS RGYAS KYI 'PHEL GDUNG RE RES THOG DRANGS BYIN RTEN BYIN RLABS CAN SHIN TU MANG PO DANG, CHOS SKU'I RING BSREL GZUNGS CHEN SDE LNGA SOGS GZUNGS SNGAGS ZAB MO'I GZUNGS GZHUG LEGS PAR PHUL TE, RJE RANG NYID KYIS RAB GNAS TSUL DANG MTHUN PA MDZAD PA RNAMS DANG, KHRI RIN PO CHE'I SPRUL SKUR 'BUL RGYU'I SKU'I RTEN TSE DPAG MED KYI SKU BRNYAN, GSUNG GI RTEN BLA MA LNGA BCU PA, 'DUL BA RGYA MTSO'I SNYING PO, SDOM PA NYI SHU PA DANG BCU BZHI PA, RDO RJE THEG PA'I RTZA LTUNG DANG SBOM PO BSRUNG BA'I THABS, RTOGS BRJOD BDUN LEGS MA, 'JAM DPAL MTSAN BRJOD, MDO SDUD PA, RGYAN 'JUG GNYIS LAM SGRON, LAM GYI GTZO BO RNAM GSUM, LUGS GNYIS KYI BSLAB BYA BLANG DOR RAB GSAL RNAMS GSAR DU BZHENGS PA'I PO TI GCIG ,THUGS KYI RTEN RNAM RGYAL MCHOD RTEN, GZHAN YANG RDOR DRIL, dA MA RU, DNGUL BUM SOGS DBANG CHAS CHA TSANG, SKU CHOS, SKU GZAN, SKU SHAM, SKU 'GAG ,SKU RAG ,DBU ZHVA, PHYAG PHRENG SOGS NYER MKHO'I YO BYAD RNAM PA MANG BO, BLA BRE, YOL BA, BZHUGS GDAN, SNYE 'BOB, KHA BTAGS RTZER SON, DNGUL MAN, GOS YUG ,DAR YUG SOGS LEGS 'BUL SPAM MTHO PA SKYEL BAR DON YOD RGYA MTSO GTONG BAR MDZAD, DBYAR THOG MTSO BDUN DU PHEBS, SNGA MO NAS BI LIG THU NO MON HAN, RAB 'BYAMS PA NGAG DBANG BSTAN 'DZIN, DRUNG RAM PA BSTAN
, ,PA LHUN GRUB, CHAS PA DKA' BCU BCAS MANG POS LAM RIM GYI KHRID GNANG DGOS TSUL YANG YANG ZHUS PAR BRTEN, ZHU BA BO RNAMS DANG, PHYOGS MANG PO NAS DKA' RAM, DGE TSUL SLONG, DPON PO, MI BZANG, BTZUN SKYA BRGYA PHRAG LHAG BYON PA RNAMS DANG, GZHIR GNAS DKA' RAM BRGYA DANG DGE TSUL SLONG BRGYA PHRAG LHAG BCAS SUM BRGYA NYE BA RNAMS LA BYANG CHUB LAM GYI RIM PA'I DMAR KHRID SHIN TU RGYAS PA DANG, BRANG TI NAM MKHA' DPAL BZANG GI YIG CHA'I STENG NAS SGRUB THABS RGYA MTSO'I RJES GNANG TSANG MA LUNG DANG BCAS PA, GZHAN YANG SO SO'I 'DOD CHOS CI RIGS RNAMS STZAL, LAM KHRID LA GSUNG BSHAD KYI SKABS SU GZHUNG DON RNAMS MAN NGAG GIS BRGYAN TE, GDUL BYA RNAMS KYI BLO DANG 'TSAMS PA'I BSHAD PAS NYAN PA PO RNAMS YID 'KHUL NGES PA MDZAD, LAM KHRID LA 'TSOGS PA RNAMS KYANG CHOS THUN SKABS SEMS MI G-YENG BAR RNA BA GTOD PA DANG, THUN BAR RNAMS SU DMIGS KHRID 'DZIN SKYOR, KHRID YIG ZIN BRIS, LAM RIM CHE CHUNG SOGS LA BLTA BA PHAN TSUN LA DOGS GCOD BYED PA SOGS MGO MJUG THAMS CAD LA DON GNYER SHIN TU CHE BAR BYUNG, DE LTA BU'I 'CHAD NYAN LA RJE RANG NYID KYANG SHIN TU DGYES PA'i GSUNG BYON PA NI, BKA' RTZOM LAS, ,MTHA' 'KHOB 'CHAD NYAN SNANG BAS DBEN PA YI, ,MUN PA'I GLING DU BYANG CHUB LA MA RIM GYI, ,DMIGS RIM 'CHAD PA'I SGRON ME BTEGS PA DANG, ,
NYAN PA'I SNANG BAR SPYOD PA NGO MTSAR GNAS, ,BDAG KYANG MTHA' 'KHOB YUL DU 'KHYAMS 'KHYAMS NAS, ,CHOS SPYOD CI RIGS BYED KHUL BYAS NA YANG, ,CHOS TSUL 'DI 'DRA 'CHAD RGYU BYUNG BA NI, ,SKAL BA BZANG SNYAM SPRO BA LHAG PAR 'PHEL, ZHES SO, RTA LO NAS BZUNG STE LUG LO'I BAR DU MTSO BDUN GYI DGON PA'I BLA MA GRVA PA RNAMS LA LO RE RER RTA RE GNANG ZHING, LO PHAL CHER LA RTA GNYIS RE DANG, SKU RIM GYI YON DANG BCAS GSUM RE GNANG BA'ANG YOD, GZHAN YANG AA MDO'I PHYOGS KYI GNAS MJAL BA DANG, HO SHANG LHA KHANG BZHENGS MKHAN DANG, AA TZA RA GNAS BSKOR BA RNAMS LA YANG KHO RANG TSOS 'DOD PA LTAR RTA SGA 'KHOR TSAD MA, GOS SLOG ,LAM CHAS SOGS STZAL TE RE BA SKONG BAR MDZAD, DGUNG LO RE GSUM PA SHING PHO SPRE'U'I LOR, MTSO BDUN DGON GSAR DU PHYOGS NAS BYON PA'I GRVA BA DON GNYER BA RNAMS DANG, GZHI SDOD KYI BLA MA GRVA PA RNAMS LA 'JIGS BYED KYI DBANG DANG, SNGAGS BTU'I RJES GNANG, BSKYED RIM GYI KHRID SOGS 'DOD CHOS DU MA STZAL, DGON DER BSTAN PA'I RTZA BA GZHI GSUM CHO GA'I PHYAG LEN YANG GSAR DU 'DZUG PAR MDZAD BA DENG SANG GI BAR DU 'PHEL RGYAS SU GYUR, DGE 'DUN RNAMS LA RGYUN GYI MANG JA ZLA BA RE RER TSES GCIG SOGS NYI MA BRGYAD LA JA THUG BLA BRANG NAS GTONG BA'I THUGS KHUR BZHES, DE NAS DGON PA'I SPYI BA LOGS SU BZHAG STE SPYI GNYER GNYIS BSKOS SHING, PHYAG MDZOD NAS SPYI 'JOG LA RTA PHO RGOD BRGYA
, ,DANG NYI SHU, RA LU GSUM BRGYA, GOS DAR YUG KHA SHAS MGRON GDAN RING THUD 'GA', SGAM CHE CHUNG KHA SHAS, SDER MA, KHRO SOGS SNOD SPYAD KYI BYE BRAG DU MA, NGUD TSANG GCIG DANG BCAS SBYOR 'JAG MDZANG, DGUNG LO RE BZHI PA SHING MO BYA'I LOR, 'JAM DBYANGS GONG MA CHEN PO MTSO BDUN DU DGON GSAR GYI LHA KHANG MJAL BAR PHEBS, RJE 'DI NYID KYIS LJAGS BKOD MDZAD DE GDUGS, RGYAL MTSAN, BA DAN, MA TOG DANG SPOS, DUNG CHEN, RGYA GLING, RDA ROL SOGS MCHOD RDZAS RNAM PA SNA TSOGS PA THOGS PA'I SER SBRENG GIS BSU BA DANG, BLA BRANG NAS STON MO RGYAS PA, RNGA MONG DGU TSAN, RTA DGU TSAN BCAS PHUL BAS GONG MA CHEN PO THUGS SHIN TU DGYES PA'I RNAM 'GYUR MDZAD, RJE 'DI NYID DANG, T'A BLA MA GNYIS, RJE 'DI NYID KYI ZHABS PHYI BA DKA' BCU, RAB 'BYAMS PA GSUM, DEM CHI SBYIN PA RGYA MTSO RNAMS LA GOS CHEN MAD NUG GI WA BA RE, JA SAG NAS BSDUS PA'I GRVA PA BRGYA DANG BZHI LA GOS CHEN GYI WA BA RE, GOS CHEN YUG RE, DPON SLOB THAMS CAD LA KHA BTAGS RE, RJE 'DI NYID KYIS GTZOS SPYI SGER SO SO LA RI DVAGS KYI SHA SKAM SOGS GNANG SBYIN GYA NO MA BA STZAL, GONG MA'I BKA' LAS, RJE 'DI LA KHYED RANG GIS LHA KHANG GI GTZANG SBRA, MCHOD PA, DGE 'DUN GYI SGRIG LA MA SOGS YAG PO BYUNG 'DUG PAS CHAN ZHI'I LUNG LAS GNANG RGYU YIN ZHES GSUNG, DE NAS GONG MA CHEN PO STON KA BE'I CING
NANG DU PHEBS PA'I SKABS SU KHRIMS RA'I BLON PO RNAMS KYIS CHAN ZHI'I LUNG LAS JI 'DRA ZHIG GNANG RGYU YIN ZHUS PAR, KOO SHRI'I LUNG LAS PHUL ZHIG CES BKA' GNANG, DGUNG LO RE LNGA PA ME PHO KHYI'I LOR, GONG MA CHEN PO NAS, KON TA DI PHU'U SHAN BKVANG TZI T'A KOO SHRI ZHES, BOD KYI SKAD DU BYAMS BRTZES KUN GYI SPYI BO NAS DBANG BSKUR BA'I KUN MKHYEN BLA MA CHEN PO ZHES PA'I BKA' DANG GSER YIG ,GSER SRAD BRGYAD CU GYA BRGYAD DANG ZHO BRGYAD SKAR MA BRGYAD LAS BZOS PA'I GSER THAM LUNG LAS RNAMS GNANG BA, JAR GO CHI GNYIS, DRUNG YIG GNYIS BCAS DPON PO BZHIS SKYEL TU 'ONG, BE'I CING GI BLA MA SPYI'I KHRIMS BDAG KOO SHRI MER GAN CHOS RJES GTZO MDZAD PA'I JA SAG BLA MA, T'A BLA MA, DEM CHI RNAMS DANG, HAL HA DZA YA PAndI TA, MKHAR SNGON SHE RE THU CHOS RJE SOGS BLA MA DPON PO MI BZAD RNAMS KYIS DGA' STON GYI LEGS 'BUL RGYAS PAR PHUL, SKYEL MKHAN DPON PO BZHIL RTA SGA 'KHOR TSA NGAM RE, GOS YUG BZHI RE BCAS GNANG, DGUNG LO RE DRUG PA ME MO PHAG GI LOR RJE NYID KYI PHYAG MDZOD NAS MTHUN RKYEN SBYAR TE MTSO BDUN DGON GSAR GYI 'DU KHANG SNGAR LAS JE CHER BTANG STE GSAR BZHENGS MDZAD, SANGS RGYAS KYI MDZAD BCU'I ZHAL THANG BCU GNYIS, COG TZE GZHI, TING PHOR, BDUN TSAR 'GA', MCHOD SKONG DU MA, RNGA DANG CONG SOGS GSAR DU BSGRUB, GONG MA'I MGRON GNYER BKRA SHIS KH'A ZHES PAS SBYIN BDAG MDZAD DE, SGO KHANG GI NANG DU RGYAL CHEN
, ,BZHI'I SKU BRNYAN BZHENGS, 'DU KHANG RTEN GSUM DANG BCAS PA LEGS PAR GRUB NAS RAB GNAS MDZAD, DGUNG LO RE BDUN PA SA PHO BYI BA'I LOR GOD MA CHEN POS HA YI KU ZHES PAR GSAR DU BZHENGS BA'I LHA KHANG RJE 'DIS RAB GNAS MDZAD, STON GONG MA RI DVAGS LA PHEBS PA'I SA CHAR SRAS BCO BRGYAD PA SKU BSNYUNG TE RJE 'DIS SKU RIM MDZAD PAS RE ZHIG SKU KHAMS BDE NYAMS BYUNG YANG MA 'GYANGS PAR SKU GSHEGS, DGONGS RDZOGS SU SRAS KYI NOR RDZAS GAD YOD PHUL BA BDAG GIR MDZAD DE THUGS DMIGS GNANG, BAR SKABS SU GONG MA CHEN PO SKU BSNYUNGS PA'I TSUL BSTAN PAR, SRAS RNAMS KYIS RJE 'DI LA BRTAGS PA ZHUS PAS SKU RIM RNAMS RJE 'DI NYID DANG, ZHABS DRUNG NGAG DBANG DPAL 'BYOR HU THOG THU, SHE RE THU NO YON CHOS RJE, BSTAN PA JA SAG BCAS KYIS LEGS PAR BSGRUBS PAS GONG MA CHEN PO'I SKU KHAMS BDE BAR GYUR, SRAS RNAMS KYIS KYANG 'TSO BA ZHABS TOG GZAB STE PHUL, DGUNG LO RE BRGYAD PAS MO GLANG GI LOR GONG MA CHEN PO NAS DBUS GTZANG GI GZHUNG BSTAN LA RGYA'I DON LA MI SNA GTOD RTZIS MDZAD SKABS, RJE BTZUN DAM PA DANG RJE 'DI BA LA KHYED GNYIS KYIS MI SNA RE YANG THONG ZHES BKA' GNANG STE, RJE 'DI NYID KYIS DEM CHI SBYIN PA RGYA MTSO RDZONGS STA MDZAD, DE'I SKABS SU SE 'BRAS DGE GSUM, BKRA SHIS LHUN PO, DGA' LDAN CHOS SDINGS RNAMS LA MANG JA DANG 'GYED, PO TA LA DANG 'BRAS SPUNGS GNYIS KYI DPAR KHANG
GI DPE CHA GANG YOD DPAR LA 'DEBS RGYU'I CHA RKYEN RNAMS KYANG BSKUR, SRAS GNYIS PAS GONG MA'I ZHABS BRTAN LA DMIGS TE GSER SRAD STONG PHRAG GCIG GIS RDO RJE 'JIGS BYED KYI SKU BRNYAN GSAR DU BZHENGS PAR, SRAS KYI GSUNG LTAR RJE NYID KYIS GZUNGS GZHUG PHUL TE RAB GNAS RGYAS PAR MDZAD, MDA' RIS ZHABS DRUNG DANG, DAM RING MKHAN PO CHAGS PA CHOS 'PHEL GNYIS LA 'JIGS BYED BCU GSUM MA DANG, BDE MCHOG LU AI PA'I DBANG SMIN RGYAS SU STZAL, DGUNG LO RE DGU PA LCAGS STAG GI LOR GONG MA CHEN POR DGONGS PA ZHUS TE DGON LUNG DU PHEBS RGYU'I GRVA SGRIG MDZAD, GONG MA CHEN PO THUGS DGYES NYAMS CHEN PO DANG BCAS GANG CI'I SLAB STON RGYAS PAR STZAL ZHING, SHING RTA SER PO YANG GNANG, PE'I CING NANG Gi THAM KA BLA MAS GTZOS PA'I BLA MA RNAMS DANG, GONG MA'I SRAS RNAMS KYIS 'BUL RDZONGS GYA NOM PA PHUL, DE NAS DO LON NOR BRGYUD DE RIM GYIS BYON BAS MKHAR SNGON DU PHEBS, DER GONG MA'I SRAS MO BZHI PA DANG, GSHAG SKOR ZUR BA SHE RE THU NO YON CHOS RJE, CHOS RJE NGAG DBANG BSOD NAMS, AA MA THU JA SAG ,JA SAG BLA MA BLO BZANG RNAM RGYAL SOGS KYIS PHEBS BSU DANG STON MO 'BUL BA SOGS BSNYEN BKUR YANG DAG PA BSGRUB, DE NAS RIM GYIS PHEBS PAS AOR TU SU'I SA CHAR DPON KHAG RNAMS KYIS KYANG BSU SKYEL STON MO 'BUL BA SOGS BSNYEN BKUR PHUN SUM TSOGS PA MDZAD, DE NAS RIM GYIS ZUNG SHAN TU PHEBS PHAN? 'BRI GUNG DGON
, ,PA'I BLA MA TA LA'I CHOS RJE, STAG LUNG DGON PA NAS DBON PO RAB 'BYAMS PA, PRA STI DGON PA'I BLA MA ZHVA DMAR RAB 'BYAMS PA 'OD ZER, 'DAN MA ZHABS DRUNG RIN PO CHE, SEMS NYID DGON GYI BLA MA SEMS NYID ZHABS DRUNG RIN PO CHE, DGON LUNG SPYI GNYER, CHOS SKYONG CHEN PO'I SKU RTEN, THUR CHEN DGON BA'I BLA MA KHRI BA DGE 'DUN MANG DANG BCAS PA, JAG ROD NAS DPA' RIS KYI SGAR BA SGOM SDE RNAMS DANG, MKHYEN RAB KYI DBANG PHYUG DAM PA DGON LUNG KHRI THOG PA THO'U BKVAN ZHABS DRUNG RIN PO CHE, MCHOD RTEN THANG GI BLA MA KHRI PA RNAMS PHEBS BSUR RIM PAR 'BYOR BAS RJE 'DI NYID KYANG THUGS DGYES TSOR CHEN PO MDZAD, DE NAS RIM GYIS TA'I THUD DU PHEBS PA NA, TA'I THUNG DGON CHEN DANG, SER LUNG GNYIS KYI BLA MA GRVA MANG MJAL DU BYON, DPON CHEN KLU SKYABS KYIS KYANG PHEBS BSU DANG ZHABS TOG BSNYEN BKUR PHUN SUM TSOGS PA BSGRUB, DE NAS RIM GYIS PHEBS PA'I LAM PAR DU THANG RING DANG, AA KY'A SGRAR PA, BKRA SHIS CHOS GLING SOGS PHYOGS DE'I SGAR BA RNAMS KYIS PHEBS BSU SNGA PHYIR 'BYOR, NEM PA'I MKHAR DANG NYE BAR PHEBS PA NA MI DPON CHEN PO KHYI KYA AA LI HA AA MA BAS PHEBS BSU DANG BSNYEN BKUR ZHUS, LCANG SKYA'I GRONG DU PHEBS PA NA GE SER DGON DAM CHOS GLING GI LAS SNA RNAMS KYANG PHEBS BSUR 'BYOR, LAM BAR NA YOD PA'I GRONG PA RNAMS KYIS KYANG STON MO DANG 'BUL BA SOGS BSNYEN BKUR YANG DAG PAR BSGRUB, ZLA BA LNGA PA'I YAR TSES LA DGON LUNG DU PHEBS
PA'I NYIN DGE 'DUN STONG PHRAG BZHIR NYE BAS SER SBRENG GIS MDUN BSUS TE CHOS SDE CHEN PO BYAMS PA GLING DU PHYAG PHEBS, DGE 'DUN GYI TSOGS DANG, MJAL BA PHO MO MANG DU 'DUS PA RNAMS PHYAG DBANG GIS TSIM PAR MDZAD, SKU 'BUM, GSER KHOG ,BDE CHEN, THANG RING SOGS DGON PA SO SO NAS GDAN 'DREN PA BYUNG BAR GONG MA'I DGONGS PA MA KHROL BA'I STABS PHEBS MA THUB KYANG DGON PA SO SOR MANG 'GYED DANG SPYI 'BUL GYA NOM PA GNANG, GZIMS KHANG GI MCHOD KHANG STENG MAR GSER SKU BRGYAD BCU, GSER ZANGS KYI MCHOD RTEN BCU DGU, TZAN DAN GYI MCHOD RTEN BCO BRGYAD, RJE RIN PO CHE'I RNAM THAR THANG KA BRGYAD BCAS BZHUGS PA DANG, MCHOD KHANG 'OG MAR LI THANG BKA' 'GYUR, BSTAN 'GYUR GSAR BZHENGS BCAS LA RJE RANG NYID DANG, KHRI THOG PA ZHAL SNGA NAS NGAG DBANG CHOS RGYA MTSO RNAM GNYIS KYIS GTZOS DGE 'DUN 'DUS PAS RAB TU GNAS PA RGYAS PAR MDZAD, GONG MA'I MI SNA AA DA HA T'A DANG, ZI LING TZONG YE, BING YE KHYI KYA DPON PO, LI KYA GONG 'GAB GNYIS KYI DPON PO RNAMS DANG, GRO TSANG NANG SO, ZHING SKYONG NANG SO, HAN GYI NANG SO, RAB BRTAN PE'I LI, CHE CHEN TA'I CHING, TSE BRTAN PE'I LI, DA YAN THA'I JI RNAMS MJAL BAR BYON, RAB BRTAN PE'I LIS STON MO GZAB RGYAS ZHUS, RTA RNGA MONG SOGS KYI 'BUL BA'ANG PHUL, AA KHU WANG, TA'I CHING HO SHO'U CHI, AER TI NI MER GAN TA'I CHING SOGS DPON PO 'GA' ZHIG DANG, BYA KHYUNG DGON PA RNAMS KYIS MTSAMS ZHUS MI SNA BTANG BA
, ,RNAMS KYANG 'BYOR, DGON LUNG GI BLA MA SPYI BA, SGAR BA SO SO NAS DGA' STON GYI ZHABS TOG GZAB STE PHUL, GZIMS KHANG GONG GI YANG SRID MNGA' RIS ZHABS DRUD RIN PO CHER BDE MCHOG LUS DKYIL GYI DBANG SOGS CHOS BKA' CI RIGS STZAL, KHRI CHEN RGYA NAG PA'I SPRUL SKU DANG, BDE CHEN DPON SLOB GRAGS PA RGYA MTSO GNYIS MJAL BAR BYON TE 'BUL BA GYA NOM PA PHUL, KHRI CHEN SPRUL SKUS RDO BCAL CHEN MOR DAM BCA' BZHAG ,DE'I TSE RJE 'DIS GZIGS RTOG MDZAD PAS, KHRI CHEN SPRUL SKU RIN PO CHES MTSAN NYID PA'I LUGS KYI LAN TSUL DANG MTHUN PA GNANG BAS RJE NYID KYI THUGS SHIN TU DGYES, KHONG RNAM PA GNYIS LA DRIL BU LUS DKYIL GYI DBANG DANG, BLO SBYONG LTA KHRID, BCAS CHOS BKA' CI RIGS GNANG, SPRUL SKU RIN PO CHER MDO SNGAGS LA THUGS GNYER GSHA' MA GNANG DGOS TSUL GYI SNYAN SGRON ZHIB PAR PHUL, GZHAN YANG SNGA PHYIR SKYOR MO LUNG MKHAN PO ZUR BA, RAB 'BYAMS PA BLO BZANG DPAL 'BYOR, THANG RING GI BLA MA PHRI GDAN ZUR GSUM, SKU 'BUM DANG GSER KHOG GNYIS KYI RGYUD PA BLA MA STAG PHYUG SING THU CHOS RJE, KAN CHEN KHRI BA, LI KYA CHOS RJE, YEN KYA ZHABS DRUNG, BRA STI BLA MA, DOR SHI BLA MA, MDUNG NAG CHOS RJE, BDE THANG ZHABS DRUNG, DKA' CHEN BLO BZANG DAR RGYAS, RONG PO SNGAGS RAM PA 'JAM DBYANGS BLO GROS SOGS PHYOGS GZHAN NAS PHEBS PA MANG PO DANG, CHOS SDE RANG GI KHRI CHOG BA THO'U BA KVAN ZHABS DRUNG RIN PO CHE DANG, 'DAN MA ZHABS DRUNG SOGS
BLA MA SKU SKYE DKA' RAB 'BYAMS SOGS DON GNYER PA MANG PO LA RANG RANG GI THUGS 'DOD LTAR GYI BKA' CHOS CI RIGS STZAL, CHU BZANG RIN PO CHE MJAL BAR BYON TE KHONG GIS BSKUL BA LTAR RTEN 'BREL SNYING PO'I RNAM BSHAD LJAGS RTZOM MDZAD, CHOS SDE CHEN PO BKRA SHIS 'KHYIL NAS MKHAS SHING GRUB PA'I DBANG PHYUG CHEN BO KUN MKHYEN 'JAM DBYANGS BZHAD PA'I RDO RJE MJAL BAR BYON TE 'BUL BA RGYA CHEN PO PHUL, KHONG SNGA SOR DBUS GTZANG NA BZHUGS PA'I DUS SU RJE 'DI LA ZHU YIG PHUL TE, DGON LUNG DU MTSAN NYID KYI 'CHAD NYAN 'DUG KYANG SNGAGS KYI 'CHAD NYAN MI 'DUG PAS, RGYUD GRVA ZHIG GSAR 'DZUG MDZAD DGOS ZHES ZHUS PAR RJE NYID KYIS SKABS SU BABS BA NA TSUGS PA'I SMON PA BGYID CES GSUNGS, SKABS DER RGYUD PA GSAR TSUGS KYI RTEN 'BREL RANG 'GRIG LTA BUR GYUR BAR BRTEN, RJE 'DI NYID KYIS, 'JAM DBYANGS BZHAD PA RIN PO CHER SNGA SOR KHYED KYIS SNGAGS KYI 'CHAD NYAN ZHIG 'DZUG DGOS GSUNGS PA DUS LA BABS 'DUG PAS, KHYED KYIS 'DZUG DGOS ZHES BKA' GNANG BAR KHONG GIS KYANG BLA MA'I BKA' BZHIN BSGRUB STE, CHOS SDE KHRI RIN PO CHE DANG, 'DAN MA ZHABS DRUNG RIN PO CHE SOGS LA 'GREL BA BZHI SGRAGS KYI BSHAD LUNG GNANG ZHING, RGYUD GRVA'I SLOB DPON DU 'DAN MA ZHABS DRUNG DANG, BLA MA DBU MDZAD PAR KAN CHEN BLO GROS RGYA MTSO BSKOS TE, 'DUS PA'I RGYUD GRVA DPAL LDAN SMAD RGYUD JI LTA BA BZHIN DU BTZUGS, RJE 'DI NYID KYIS 'JAM DBYANGS BZHAD PA'I SKU ZHABS LA 'JIGS BYED BCU GSUM MA'I
, ,DBANG DANG, ZHABS PHYI'I GRVA MANG BCAS LA GRUB RGYAL LUGS KYI TSE DBANG GNANG, RJE 'DI NYID KYIS DGON LUNG 'DU KHANG GSAR RGYAGS THEBS SU SNGA PHYIR DNGUL GOS DAR SOGS ZANG ZING GI DNGOS BO GTOS CHE BA BSKUR BA RNAMS CHUD ZOS SU MA SONG BAR KHRI RIN PO CHES THUGS KHUR BZHES TE 'DU KHANG KAB BRGYA DANG BCU GNYIS, SHING RTZI, LDEB RIS SOGS BZO BKOD PHUN SUM TSOGS PA GSAR DU BSGRUB PA'I 'DU KHANG RTEN GSUM DANG BCAS PA RNAMS ZLA TSES DGE BAR RJE 'DI NYID DANG, RJE 'JAM DBYANGS BZHAD PA, CHU BZANG RIN PO CHE, KHRI THOG PA THO'U BKVAN RIN PO CHE, DAM CHOS GLING GI RGYUD PA DBON SLOB, DGON LUNG GI RGYUD BA DPON SLOB RNAMS KYIS GTZOS DGE 'DUN LNGA BRGYAR NYE BAS 'JIGS BYED KYI SGO NAS BKRA SHIS SNYE MA LHAR RAB GNAS RGYAS BAR MDZAD DE DGE LEGS KYI ME TOG CHAR DU BSNYIL, 'DU KHANG GSAR BZHENGS KYI DGE RTZA RNAMS BLA MED BYANG CHUB KYI RGYUR BSNGO BA'I CHED DU NYI MA GCIG LA CHO 'PHRUL SMON LAM CHEN MO'I PHYAG LEN JI LTA BA BZHIN MDZAD DE, TSOGS DBUR DPON SLOB CHU BZANG RIN PO CHE GDAN DRANGS NAS 'BUL BA DANG, DGE 'DUN LA MANG 'GYED GYA NOM PA PHUL TE, GONG SMOS KYI DGE BA RNAMS THUB BSTAN RIN PO CHE DAR ZHING RGYAS PA'I RGYUR BSNGO BA MDZAD, BYANG CHUB GLING GI GRUB SDER BYON TE RI KHROD PA RNAMS LA CHOS BKA' 'GA' ZHIG GNANG, BTZAN KHANG DU BYON TE CHOS SKYONG CHEN PO SPYAN 'DREN ZHUS TE RTEN CHAS GYA NOM PA PHUL, CHOS SKYONG GIS KYANG PHYAG DBANG ZHU BA SOGS GUS PA CHEN PO MDZAD, BE'I CING
DU PHEBS PA LA MNGON DU PHYOGS PA NA DGON LUNG SPYI NAS RJE 'DI 'DU KHANG CHEN MOR GDAN DRANGS TE, DGE 'DUN TSOGS BAS ZHABS BRTAN RGYAS BAR PHUL, CHOS SKYONG CHEN PO KHOG ZHUGS MDZAD NAS ZHABS PAD BSKAL BRGYAR BZHUGS PA'I RTEN 'BREL BSGRIG, RJE 'DI NYID KYIS CHOS SKYONG LA RI DGON TSANG MA GNYER GTANG DANG, DGON LUNG DANG DAM CHOS GLING GNYIS THUGS MTHUN LUGS LEGS 'ONGS BA'I 'PHRIN BCOL NAN CHER MDZAD, CHOS SKYONG GIS KYANG 'PHRIN LAS G-YEL MED DU SGRUB PAR ZHAL GYIS BZHES, SPYI BLA BRANG NAS PHEBS RDZONG KYI 'BUL BA DANG STON MO RGYA CHER BTEG ,D'U KHANG GI LTAG TU LHA KHANG GSAR BZHENGS KYI THEBS SU DNGUL SRAD STONG PHRAG LHAG TZAM GNANG NAS GANG CI'I BSLAB STON ZHIB RGYAS STZAL, DE KAR BZHUGS RING DGE TSUL DANG BSNYEN RDZOGS DON DU GNYER BA BRGYA PHRAG MANG PO BYUNG PA RNAMS KYANG BSLAB PA'I GZHI LA LEGS PAR BKOD, DE NAS ZLA TSES DGE BAR BE'I CING DU CHIBS KHA BSGYUR, DGON LUNG GI BLA MA DGE 'DUN DANG BCAS PAS PHEBS SKYEL MDZAD, DGON LUNG KHRI RIN PO CHE DANG SPYI GNYER SOGS LAS SNA RNAMS KYIS THAG RING TZAM LA PHEBS BSKYEL ZHU RTZIS 'DUG KYANG, RJE NYID NAS THAG RING LA 'GRO MI DGOS GSUNG NAS BING GU'I LUNG MDO NAS PHYIR LOG ,GZHAN YANG SNGAR PHEBS BSU BYED MI RNAMS KYIS PHEBS RDZONGS DANG PHEBS SKYEL LEGS PAR ZHUS, AA LAG SHAR AA BO WANG GIS GDAN 'DREN ZHUS TE, GOS CHEN 'GA' DANG, RTA PHO RGOD SUM BRGYAR NYE BA PHUL BA'I NANG NAS GOS CHEN RNAMS DANG RTA GCIG BZHES TE, WANG DANG GE GE
, ,GNYIS LA RKYEN SEL GYI RJES GNANG MANG TZAM STZAL, NYID SHA MKHAR DU PHEBS PA NA DE MCHI SBYIN PA RGYA MTSO DBUS GTZANG NAS GSAR DU SLEB STE GANG CI'I GSUNG 'PHROS RGYAS BA GNANG, RGYA DBON RNAMS KYIS KYANG SKYEL BSU DANG ZHABS TOG BSNYEN BKUR YANG DAG BA BSGRUB, AOR TU SU'I SA CHAR BKA' 'GYUR BE'I LI SOGS DPON KHAG RNAMS KYIS SNGAR LUGS BZHIN ZHABS TOG GROGS DAN LEGS PAR ZHUS, MKHAR SNGON DU DE KA'I BLA MA GRVA RIGS KYIS BKUR STI SNGAR RGYUN BZHIN DANG, KHYAD PAR DO LON NOR GYI T'A BLA MA DKA' 'GYUR PA NO MON HAN GYIS LAM BAR DU PHEBS BSGUG GNANG 'DUG PA MJAL TE STON MO DANG 'BUL BA SPAM MTHO BA PHUL, SHA BAR THU ZER BA'I SA CHAR DO LON NOR GYI LAS SNA RNAMS PHEBS BSUR 'BYOR, LCAGS RI'I NANG DU B'A YAN SU MER BE'I CING NAS BLA BRANG GNYER BA SOGS PHEBS BSUR 'BYOR TE ZHABS TOG ZHUS, NAN KHU'I NANG DU SRAS BCU GNYIS PA SOGS LHA SRAS RNAMS KYIS 'TSAMS ZHUS PA BTANG BA RNAMS 'BYOR, CHING HOR DPON PO PHE'I TAN T'A PHEBS BSUR BYON, STON MO DANG 'BUL BA BZANG PO PHUL ZHING LHA SRAS BZHI BAS KYANG DE MTHUN MDZAD, GONG MA CHEN POR 'TSAMS ZHUS GNANG BAS THUGS DGYES TSOR CHEN PO MDZAD, DGUNG LO BDUN BCU PA LCAGS MO YOS KYI LOR LHA SRAS BZHI BAS MTHUN RKYEN SBYAR TE, PE'I CING DU P'A THUR J'A NA GYI GZHIM KHANG BA DANG BCAS PA NYOS NAS LHA KHANG GZHI BTING, DO LON NOR GYI LHA KHANG GI SHING RTZI DANG RTEN BZHED GI MA GO YANG LO DAR BRTZAMS, DGUNG LO DON GCIG
BA CHU PHO 'BRUG LA GONG MA'I BKA' LTAR RJE 'DI NYID DANG THAM KA BLA MA BCAS DGE 'DUN BRGYA RTZA BRGYAD KYIS MA nI BUM SGRUB MDZAD SKABS NAM MKHA' LA 'JA' TSON SHAR BA SOGS RTAGS MTSAN LEGS PA BYUNG, BUM PAR RIL BU LDUGS PA DANG BUM PA'I KHA 'BYED PA SOGS GONG MA RANG GIS MDZAD, MJUG TU BUM PA KHA PHYE BAS RIL BU PHOR BA GSUM BZHI TZAM 'PHEL 'DUG PA GZIGS NAS GONG MA CHEN PO YANG THUGS LHAG PAR MNYES, DE 'PHRAL THAM KA BLA MA NGAG DBANG DPAL 'BYOR, MGRON GNYER BKRA SHIS KH'A SOGS KYIS BSKUL NAS, 'OD ZER KUN 'PHAGS DPAL BRTZEGS LA SOGS PA'I, ,DUS GSUM SANGS RGYAS BYANG SEMS BYIN RLABS KYIS, ,GONG MA CHEN PO BSKAL BRGYAR ZHABS BRTAN CING, ,THUB PA'I BSTAN DAR 'GRO KUN BDE BAR SHOG, ,CES PA GSAR RTZOM MDZAD DE ZHABS PAD BRTAN PA'I RTEN 'BREL BSGRIG ,GONG MA'I BKA' LTAR GTZANG BA BLA MA DGE LEGS CHOS RJE DANG, DKA' BCU BLO BZANG DPAL 'BYOR RNAM GNYIS KYIS YANG DAG PAR RDZOGS PA'I SANGS RGYAS SH'AKYA THUB PAS CHOS 'KHOR BSKOR TSUL NAS BSGRO GLENG MDZAD, GONG MA'I BKAS RJE 'DIS DBU MDZAD GNANG NAS SHIS BRJOD RGYAS PAR MDZAD, BLA MA DGE 'DUN DANG BCAS PAR GONG NAS RIL BU THUM RE KHA BTAGS DNGUL SOGS KYI GNANG SBYIN STZAL, BE'I CING GI LHA KHANG RTEN GSUM DANG BCAS PA LEGS PAR GRUB NAS GONG MAR ZHUS PAS, LHA KHANG LA ZUNG GRU ZI ZHES PA'I MTSAN GNANG, LHA KHANG DER SPO PA'I NYIN LHA SRAS BZHI PAS MCHOD RDZAS SNA TSOGS PA THOGS PAS MDUN BSUS TE LHA KHANG DER GDAN DRANGS,
, ,BZHUGS KHRI BZHUGS GDAN DANG BCAS PA, NA BZA' CHA TSANG, GSER DNGUL GOS DAR SOGS 'BUL BA SPAM MTHO BA DANG BCAS ZHABS BRTAN PHUL ZHABS PHYI RNAMS LA'ANG ZANG ZING GI GNANG SBYIN GYA NOM PA STZAL, GSOL STON KYANG RGYA CHE BAR BTEGS TE PHAN DANG BDE PA'I LEGS TSOGS LHUN GYIS GRUB PA'I RTEN 'BREL SGO DU MA NAS SGRIG PAR MDZAD, LO DE'I DBYAR KHA DO LON NOR DU BYON, LHA KHANG GSAR BZHENGS LA RAB GNAS RGYAS PAR MDZAD, T'A BLA MA GNYIS, BI LIG THU NO MON HAN RNAMS LA GOS CHEN YUG RE DANG RTA RE, DGE 'DUN PA MI RER KHA BTAGS RE DANG RTA RE YON PHUL, BKA' 'GYUR PA BLO BZANG TSUL KHRIMS KYIS LO SNGA MAR MI TRA BRGYA RTZA GNAD PA'I YON PHUD LA DNGUL GYI MAndAL, NA BZA' CHA TSANG, GOS CHEN 'GA', RTA PHO RGOD BRGYA DANG BCAS ZHABS BRTAN PHUL, AU RAD MER GEN DA YAN CHI DBON SLOB LA B'A RI BRGYA RTZA'I RJES GNANG STZAL, AENG NYOD TSANGS SBYIN WANG GIS GDAN DRANGS TE LHA KHANG GSAR BZHENGS LA RAB GNAS MDZAD, WANG DANG AO CHIR AA KI SOGS TSOGS PA MANG PO LA SNAR THAD BRGYA RTZA'I RJES GNANG STZAL, WANG GIS ZANG ZING GI 'BUL BA RGYA CHER BSTAB, DGUNG LO DON GNYIS PA CHU MO SPRUL GYI LOR 'JAM DBYANGS GONG MA CHEN PO MTSO BDUN DU CHI BAS KHA BSGYUR, LHA KHANG MJAL DU PHEBS PAR STON MO DANG 'BUL BA GYA NOM PA PHUL, GONG MA CHEN PO TSOGS KYI GRAL MGOR TSOGS YUN GCIG GI RING LA BZHUGS, DGE 'DUN RNAMS KYI 'DON PA BZANG ZHES GSUNGS, RJE 'DI NYID LA THUGS DGYES PA'I GSUNG 'PHROS MANG TZAM GNANG, DGE
'DUN LA KHA BTAGS DANG DNGUL GYI GNANG SBYIN YANG MDZAD, DER ZHAG BZHI BZHUGS PA'I RING LA ZHOG KA RER 'O MA'I SBRIS MA DRON PO DRANGS PAS, GONG MA'I ZHAL NAS, 'DI NANG LA STON MO 'BUL BA'I RIGS CI TZAM BYUNG BA LAS KHYOD KYIS 'O MA'I SBRIS MA DRANGS PA DE LHAG CES GSUNGS, PHAR 'BYON PA'I NYIN LHA KHANG MJAL BAR PHEBS, RTEN MJAL GRUB NAS RJE 'DI NYID KYI GZIMS KHANG DU PHEBS, GONG MA'I BKA' LTAR RJE 'DI DANG GONG MA GNYIS BZHUGS KHRI GCIG GI STENG DU BZHUGS, ZHABS PHYI'I DKA' RAM GNYIS KYIS BGRO GLENG MDZAD PAS, GONG MA THUGS MNYES, PHEBS KAR GONG MA'I ZHAL NAS, LHA KHANG 'DI PHYI'I SOGS PO THAMS CAD KYI DON DU BZHENGS PA YIN, KHYED TSOS SKU RIM LEGS PAR BYAS PA'I MTHUS SOG BO THAMS CAD LA BDE SKYID PHUN SUM TSOGS PA BYUNG, DA DUNG SNGAR MU BZHIN YUN RING SDOD PA'I RTEN 'BREL GYI CHED DU KHA BTAGS STER BA YIN ZHES RJE 'DI LA KHA BTAGS DANG BCAS BKA' LUNG BZANG PO STZAL, PHEBS SKYAL LA 'BYON RTZIS MDZAD PA NA GONG MA CHEN PO ZHAL 'DZUM PA DANG BCAS PHEBS MI DGOS GSUNGS NAS SKYEL THUNG MDZAD, STON KA BE'I CING LA BYON, GONG MA CHEN POR MJAL 'PHRAD MDZAD PAS THUGS DGYES PA'I GSUNG GNANG, PE'I CING GI GRVA BA MANG PO DANG PHYI NAS 'ONGS PA'I GRVA BA MANG PO LA BSNYEN RDZOGS KYI SNGOM BA STZAL, LO DE'I DGUN SNGA MO NAS SKU RLUNG GI BSNYUD GZHI ZHIG YOD PA CUNG ZAD 'KHRUG PA'I RKYEN DANG, RNAM THAR GYI 'PHRO THUGS RTZOM GNANG BA'I DGONGS PAS BDUN PHRAG GSUM SKU 'TSAMS LA BZHUGS, THUN 'TSAMS RNAMS SU RNAM THAR GYI 'PHRO BKA'
, ,RTZOM MDZAD, DGUNG LO DON GSUM PA CHU RTA'I LOR DBYID ZLAR BA'I MJUG TZAM LA SKU RLUNG RNYING BCUNG ZHIG CHE RU SONG BAR BRTEN, SMAN RAM BA KUN BZANG, BKRA SHIS KH'A SOGS DANG ZHABS PHYI RNAMS KYIS ZHABS BRTAN PHUL BAS DE 'PHRAL DU BSNYUN GZHI SHIN TU DVANGS BAR GYUR, GONG MA'I BKA' LTAR YE HOR DU PHEBS NAS LHA KHANG SER BO LA RAB GNAS MDZAD, DKA' CHEN SHES RAB DAR RGYAS KYIS GTZOS NGON GNYER BA RNAMS LA PAn CHEN RIN PO CHE'I GSUNG 'BUM GYI LUNG GNANG, ZLA BA BZHI PAR DO LON NOR DU PHEBS, PHYOGS MTHA' DAG NAS SKYA SER MCHOG DMAN DPAG TU MED PA MJAL DU 'ONGS PA RNAMS BKA' CHOS KYIS TSIM PAR MDZAD, RDO RJE 'PHRENG BA'I DBANG CHOG GSAR RTZOM LA ZHUS DAG KYANG GNANG, GRVA BA RNAMS LA GANG CI'I BSLAB BYA RGYAS PAR MDZAD, RDO RJE 'PHRENG BA'I YIG CHA LA ZHUS DAG DANG PO GRUB NAS SLAR YANG RJE RANG NYID ZHUS DAG MDZAD DE MTHA' RTEN GYI, CHOS RNAMS GZUGS BRNYAN LTA BU STE, ,GSAL ZHING DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,RDO RJE SEMS DPA' ME LONG BZHIN, ,ZHES PAR ZHUS DAG GI 'TSAMS GNANG, DE'I SANG NYIN ZLA BA LNGA BA'I BCU GSUM NAS CHAB 'GAG GI BSNYUNG TSUL BSTAN, DE 'PHRAL DU TSOGS CHE CHUNG RNAMS SU ZHABS BRTAN LA BRTZON PAR MDZAD, GONG MA'I SKU ZHABS DANG LHA SRAS BZHI PAR DE LUGS KYI RGYU MTSAN ZHU MI BTANG BAS, GONG NAS SMAN RAM PA KUN BZANG, RGYA'I SMAN PA GCIG BKRA SHIS KHA' BTANG BA RNAMS 'BYOR TE SO SO NAS GSOL SMAN ZHUS
KYANG PHAN NGO CHER MA BYUNG, 'ON KYANG RJE 'DI NYID THUGS DKYEL CHEBS DGA' SDUG GI RNAM PA PHYIR MI MNGON PA'I STABS KYIS BSNYUNG ZUG CHER YOD PA'I RNAM PA PHYI ROL TU MI MNGON SMAN PA RNAMS DANG GSUNG SGROS GNANG BA DANG, RGYUN GYI THUGS DAM SOGS SNGAR RGYUN BZHIN MDZAD, NYER GNYIS LA MGRON GNYER BKRA SHIS KH'A PHYIR LOG ,NYI SHU BZHI'I NYIN SANG NYIN NYI SHU LNGA YIN NAM GSUNGS PAR YIN ZHUS PAS CANG MI GSUNG, NYI SHU LNGA'I NYIN ZHAL DPUGS RGYU BA ZHAN DU SONG BAS GZHAN DON LA DGONGS PA GTAD PAR SHES NAS PHAL CHER CI BYA GTOL MED DU GYUR, PHYAG MDZOD BA DKA' CHEN SHES RAB DAR RGYAS KYIS THAL MO SPYAR TE GDONG MCHI MAS GANG BA DANG BCAS TE, BSTAN 'GRO SPYI DANG KHYAD PAR NGED CAG LTOS BCAS THUGS NAS MA DOR BAR ZHABS BAD BRTAN PA'I THUGS RJES 'DZIN DGOS, CIS TE GZHAN DON LA DGONGS BA GTANG BA MDZAD NGES NA, DON DU DAM PA KHYED RNAMS LA DE TZAM GYIS LTOS PA MI 'DUG KYANG, YUL DUS 'DIR THUGS DAM LA BZHUGS PA YA MTSAN DU RTZIB DANG, NYID RIN PO CHE MTSAN SNYAN GRAGS CHE BA BCAS THUGS DAM LA BZHUGS PA THUGS LA 'DOGS DGOS, BDAG GIS KYANG MI TSE GCIG LA ZHABS PHYI ZHUS KHUL BYAS KYANG MA RIG PA SOGS NYON MONGS PAS BLA MA BSTEN TSUL LAS 'GAL BA RNAMS MTHOL BSHAGS ZHU BAS SGRIB PAR MI 'GYUR BA'I THUGS RJES 'DZIN DGOS, KHYAD PAR DU NGED RNAMS KYIS TSE 'DI LA ZHAL MJAL, GSUNG THOS TE DAM HSPA'I CHOS KYI BDUD RTZIS TSIM PAR BYED PA'I SPRUL SKU MYUR DU PHEBS DGOS ZHES GSOL BA NAN GYIS BTAB BAS, ZHAL
, ,NAS KHYED RANG CHOS DKON MCHOG LA GSOL PA THOB, NGAS KYANG DKON MCHOG LA GSOL BA 'DEBS, ZHES GSUNGS, BSNYUNG TSUL BSTAN PA NAS BZUNG STE GRVA MANG GI MJAL KHA 'TSAMS BYAS YOD PAR, DE NYIN THAMS CAD LA MJAL DU CHUG CES BKA' GNANG STE GRVA MANG LA PHYAG DBANG GNANG, GRVA PA RNAMS LA RE RE NAS GZIGS RTOG ZHIB PAR MDZAD, RGYA RTZIS KYI NYER DRUG DANG, DKAR RTZIS KYI NYER LNGA'I ZHOG KA ZHAL LHO PHYOGS LA GZIGS TE ZHABS BSKYANGS BSKUMS DANG, PHYAG G-YAS KYIS SKU RGYAB NGOS KYI GDAN LA BRTEN NAS BZHUGS PAR MDZAD CING, NYI MA SHAR NAS RING PO MA LON PA SBRUL GYI DUS SU STONG PA GSUM RIM GYIS THIM NAS THAMS CAD STONG PA DON GYI 'OD GSAL MNGON DU MDZAD DE MKHA' SPYOD KYI GNAS SU ZHI BAR GSHEGS PA'I TSUL BSTAN TO, DE'I TSE SKU DRANG POR BZHUGS ZHING ZHAL GYI DKYIL 'KHOR MDANGS DANG LDAN PA DANG, GNYER MA DANG KHANG KHUNG SOGS MED PAR BLTA BAS CHOG MI SHES PA'I RANG BZHIN CAN DU GYUR TE, GDUNG MJAL LA BYON PA RNAMS KYANG MTHONG BA TZAM GYIS SHIN TU NGO MTSAR BAR GYUR, GONG MAS MGRON GNYER BTANG BA 'BYOR TE SKU GDUNG MJAL ZHING PHYIR LOG NAS RGYUN RING MA SONG BAR THUGS DAM GROL BAR MDZAD, DE NAS PHYAG MDZOD PA DKA' CHEN SHES RAB DAR RGYAS KYIS THUGS KHUR BZHES TE ZHAG BZHI BCU ZHE DGU'I BAR DU DGONGS RDZOGS SGRUB PAR MDZAD, SKU GDUNG GI MDUN DU ZHABS PHYI PA BCU PHRAG
LHAG TZAM GYIS BDE MCHOG DRIL BU LUS DKYIL KYI BDAG 'JUG MDZAD, BKA' 'GYUR BA NO MON HAN GYIS GTZOS GRVA PA BCU LHAG GIS KUN RIG GI CHO GA DANG BDAG 'JUG ,T'A BLA MA RAB 'BYAMS PA BLO GROS BZANG POS GTZOS GRVA BA BCU LHAG GIS 'JIGS BYED KYI CHOG DANG BDAG 'JUG ,CHOS RJE CHOS RGYA MTSO SOGS GRVA PA BCU LHAG GIS GSANG 'DUS KYi CHOG ,TSOGS CHEN NAS SMAN CHOG CHEN MO GSUNGS NAS THUGS DGONGS RDZOGS PA'I THABS YANG DAG BA BSGRUBS, PE'I CING GI DGON SDE KHAG RNAMS DANG, ZHE HOR GYI GRVA TSANG KHAG DANG, MKHAR SNGON GYI DGON SDE RNAMS DANG, RI BO RTZE LNGA'I CHOS SDE KHAG DANG, HAL HA RJE BTZUN DAM PA'I SKU PHYOGS GRVA TSANG, DZA YA PAndI TA'I GRVA TSANG SOGS DGE 'DUN GYI SDE CHES MANG BAR MANG JA DANG 'GYED GYA NOM PA PHUL TE DGONGS PA CHOS KYI DBYINGS SU RDZOGS PAR MDZAD, GONG MA'I SKU ZHABS NAS GDUNG 'BUL DU DNGUL SRAD LNGA BCU'I MAndAL, KHA BTAGS RTZER SON, GTZANG SPOS DMAR SER BAG CHA BZHI, MDZOD BTAGS NYIS BRGYA BCAS GNANG, LHA SRAS BZHI BA SOGS GONG MA'I SRAS RNAMS KYIS KYANG GDUNG 'BUL DANG MCHOD PA RGYA CHEN PO PHUL, BE'I CING NANG GI BLA MA CHE CHUNG RNAMS KYIS DNGUL GYI MAndAL, GOS CHEN KHA BTAGS SOGS GTOS CHE BA PHUL, GZHAN YANG RJE BTZUN DAM PA'I SKU ZHABS DANG, DZA YA PAndI TA SOGS HAL HA'I BLA DPON MANG PO DANG, SHI RE THU ZHABS DRUNG SOGS MKHAR SNGON GYI BLA MA RNAMS DANG,
, ,BKA' 'GYUR PA NO MON HAN SOGS MTSO BDUN GYI BLA MA CHE CHUNG RNAMS KYIS KYANG DAD PAS KUN NAS BSLANGS TE GDUNG 'BUL DANG MCHOD PA RGYAS PA PHUL, GONG MA'I SRAS MO GNYIS PA DANG BZHI PA, AU CU MU CHIN CHIN WANG, SU NYID MGON BSRUNG WANG, HAR CHIN BKRA SHIS WANG, HAR CHIN BYAMS PA BKRA SHIS KUNG SOGS DAD LDAN GYI SBYIN BDAG RNAMS KYIS KYANG GDUNG 'BUL DANG MCHOD PA RDZOGS LDAN GYI SPRIN BZHIN PHUL, DGONGS RDZOGS RNAMS BSGRUB ZIN NAS SKU GDUNG RIN PO CHE DGON LUNG DU GDAN 'DREN RTZIS BYAS TE, GONG MA RIN PO CHER DE LUGS KYI RGYU MTSAN ZHUS PA NA, GRVA BA RNAMS KYIS ZHUS PA LTAR GDAN 'DREN DU CHUG CES DGONGS PA GNANG, DE NAS HOR ZLA DGU BA'I LHA BABS KYI DUS CHEN MAR NGO'I NYER GNYIS LA SKU GDUNG RIN PO CHE DO LON NOR NAS GDAN DRANGS, BKA' 'GYUR BAS GTZOS BLA MA RNAMS KYIS SKYEL MA MDZAD, LAM BAR NA 'KHOD PA'I SER SKYA DRAG ZHAN KUN GYIS KYANG GDUNG 'BUL MTHA' YAS PA PHUL, TA'I THUNG DU DGON LUNG SPYI GNYER DANG, ZHID SKYONG RAB 'BYAMS PA DPON SLOB RNAMS BSU BAR 'BYOR BAR, NE BES KYIS CHAR BSTAN 'GRO'I DPAL MGON DAM PA KHRI ZUR THO'U BKVAN RiN PO CHES GTZOS DKA' RAM RNAMS PHEBS BSUR 'BYOR, GZHI BYES KYI GRVA DPON SLOB TSANG MA MYA NGAN GYIS SHIN TU GDUNGS PAR GYUR KYANG THO'U BKVAN RIN PO CHE NAS THUGS
SRAN MDZAD DE DRAN GSO'I GSUNG GIS MYA NGAN SEL BA'I THABS MDZAD, HOR ZLA BCU GNYIS PA'I TSES GSUM GYI NYIN GRVA MANG GIS SER SBRENG DANG BCAS DGON LUNG GI GZIMS KHANG DU GDAN DRANGS, DGON LUNG TSOGS CHEN LA MANG JA DANG 'GYED GYA NOM PA PHUL TE DGONGS RDZOGS SGRUB, GZHAN YANG SKU 'BUM, DGA' LDAN DAM CHOS GLING, THAD RING, GRO TSANG, B'A KYO'U, MCHOD RTEN THANG, SEMS NYID DGON PA, KAN CHEN DGON PA, BRA STI DGON PA, LA MO BDE CHEN, RONG PO'I PHYOGS KYI DGON PA 'GA' ZHIG ,BKRA SHIS 'KHYIL, BSAM GTAN RTZE, 'BRUG LUNG, BKRA SHIS CHOS GLING SOGS MDO SMAD KYI DGON SDE CHE CHUNG RNAMS SU MANG 'GYED SPYI 'BUL DANG BCAS PA GYA NOM PHUL, DGON LUNG RI KHROD DU YANG MANG 'GYED BTANG, LUG LO HOR ZLA DANG PO'I TSES LNGA'I NYIN CHU BZANG RIN PO CHE, THO'U BKVAN RIN PO CHE, 'DAN MA ZHABS DRUNG, RGYUD PA DBON SLOB BLO GROS RGYA MTSO SOGS KYIS RDO RJE 'JIGS BYED KYI CHO GA LA BRTEN NAS SKU GDUNG RIN PO CHE ZHUGS 'BUL MDZAD, DE'I TSE NAM MKHA' G-YA' DAG CING SBYIN BSREG GI DU BA BEEd'URYA'I MDOG LTAR SNGO ZHING DRI DAD PHUN SUM TSOGS PA DANG LDAN PA BYAD NGOS KHO NAR 'GRO BA ZHIG BYUNG BAS NYI MA RGYA MTSO SOGS GRVA RGAN RNAMS KYIS DU BA'I 'GRO LUGS BLTAS NA SPRUL SKU BYANG NGOS SU 'BYON PA 'DRA ZHES GLENG BA PHYIS SU DE DANG MTHUN PAR BYUNG, CHU BZANG RIN PO CHE'I ZHAL
, ,NAS NGA LA DE DUS CHAM PA THU MO ZHIG BYUNG YOD PA SKU GDUNG SBYIN BSREG GI DU BA MA NAM PA TZAM GYIS DVANGS PAR GYUR, CES GSUNG, BSREG CHOG GNANG BA'I BLA MA DGE 'DUN RNAMS LA 'BUL BA ZHABS TOG GZAB RGYAS ZHUS, DBUS GTZANG DU DGONGS RDZOGS SGRUB PA'I CHED DU CHOS RJE PHUN TSOGS RNAM RGYAL RDZONG STA MDZAD, RGYAL BA YAB SRAS GNYIS, RGYAL SRAS RIN PO CHE, SEMS DPA' RIN PO CHE SOGS LA BSNGO RTEN, SE 'BRAS DGE GSUM, RGYUD STONG SMAD, BKRA SHIS LHUN PO, DGE LDAN CHOS SDINGS SOGS DGON PA CHE CHUNG RNAMS SU MANG 'GYED, JO SH'AKA GIS GTZOS RTEN RNAMS LA MCHOD 'BUL GYI THEBS SU GSER DNGUL, GOS DAR, JA RAS SOGS KHYON BSNGOMS DNGUL SRANG KHRI PHRAG BZHI TZAM GYI ZANG ZING GI BDOG PA BSKUR BAR MDZAD, SNGON NAS ZHAL BZHES YOD PA LTAR LHA SRAS BZHI PAS MTHUN RKYEN SBYAR TE, SKU GDUNG MCHOD RTEN RGYU DANG BZO DBYIBS, PHRA BKOD SOGS PHUN SUM TSOGS PA ZHIG BSGRUBS TE BSKUR BA ZLA BA LNGA PA'I NANG DU 'BYOR, CHOS RJE RNAM PAS THUGS KHUR BZHES TE SKU GDUNG GI RING BSREL RNAMS MCHOD RTEN GYI NANG DU SPYAN DRANGS SHING GZUNGS 'JUG SOGS DAM PA GONG MA'I PHYAG LEN DANG MTHUN PAR PHUL NAS RAB TU GNAS PA MDZAD DE, BYIN RLABS KYI GZI 'OD YONGS SU 'BAR BA'I MCHOD SDONG DAM PA SKYE DGU'I BSOD NAMS KYI ZHING DU
LEGS PAR BSGRUB PAR MDZAD DO, ,SMRAS PA, THUGS BSKYED BDUD RTZI'I MTSO CHEN DPAG DKA' BA, ,BRTZE CHEN NOR RGYAS DBANG POS YONGS BZUNG STE, ,SMON LAM RI BOS BSRUBS PA'I NGO MTSAR LAS, , RGYAL SRAS CHU SHEL DBANG PO DENG 'DIR 'KHRUNGS, ,GANGS CAN MDO SMAD GSER LDAN DGA' MA'I BZHIN, ,SPRUL BA'I SKYES MCHOG NYIN BYED DANG 'GROGS PA, ,DE YI MOD LA NYES BRGYA'I RGUD PA YI, ,MUN PA'I BLA GOS GLO BUR NYID DU DOR, ,THUB PA'I BSTAN LA RJES CHAGS DED DPON KHYOD, ,DBUS GTZANG CHOS KYI RGYA MTSOR BDER BYON TE, ,GZHUNG LUGS NOR BU'I GAN MDZOD RNAM DPYOD KYI, ,GRU GZINGS STONG PHRAG G-YO BAS BDAG GIR MDZAD, ,RAB DKAR GRAGS PA'I AUTPAL PHON PO NI, ,PHYOGS KYI BU MO'I RNA BAR BKOD BYAS PA, ,DE TSE MKHAS RNAMS KHYOD ZHABS GUS BSNYEN TE, ,ZAB RGYAS MAN NGAG 'THUNGS BAS CI YANG BREL, ,KHYOD ZHABS SEN MO'I 'DAB 'PHRENG RI BONG CAN, ,BKRA SHIS DGE MTSAN 'OD ZER SPRO BA GANG, ,'KHOR BSGYUR MGRIN SNGON RAL BAS GUS BSTEN NA, ,DREGS LDAN PHAL GYIS BTUD 'DIR CI ZHIG MTSAR, ,RGYU 'BRAS THEG BA'I DKA' GNAD MA LUS PA, ,GSAL BAR 'GREL BA'I KHYOD GSUNG LEGS BSHAD TSOGS, ,SKAL BZANG SNYING GI YOL GOR BSTEN PA LAS, ,DUS MTHAR THUB
, ,BSTAN MDZES PA'I RGYAN DU GYUR, ,KHYOD KYI 'PHRIN LAS DPAG BSAM SHING CHEN LAS, ,BSDU BZHI'I 'BRAS BU CHAR DU BSNYIL BA YIS, ,THAR 'DOD LEGS BRIS TSOGS RNAMS KUN DGA'I DBYANGS, ,SGROGS PAS SRID ZHI'I GDUNG BA SEL BA SNYAM, ,ZHES PA NI YONGS RDZOGS BSTAN PA'I MNGA' BDAG NGAG DBANG BLO BZANG CHOS LDAN DPAL BZANG POR SKU'I SKYE BA BZHES PA'I YAL 'DAB STE BCU BZHI PA'O, ,DE LTAR NA RJE BTZUN BLA MA THAMS CAD MKHYEN PA LCANG SKYA ROL PA'I RDO RJE'I 'KHRUNGS RABS KYI 'PHRENG BA GTAM TU BRJOD PA NGO MTSAR DAD PA'I LJON SHING ZHES BYA BA LAS SKU TSE SNGA MA RNAMS KYI RNAM PAR THAR PA BRJOD ZIN TO, ,ZHES PA 'DI NI RJE BTZUN BLA MA GANG GI ZHABS 'BRING DU 'KHOD PA LUGS GNYIS LA BLO GROS KYI 'JUG BA MCHOG TU YANGS PA'I AEM CHI CHOS RJE BLO BZANG RNAM RGYAL GYIS MDZOD BTAGS, DNGUL GYI MAndAL, GOS CHEN SER PO 'DOM BRGYAD YUG BCAS BSKUL BA LA BRTEN NAS, RJE BTZUN BLA MA THAMS CAD MKHYEN PA GANG DE'I ZHABS KYI PADMO LA NYE BAR GTUGS PA'I BTZUN PA ^ DKON MCHOG 'JIGS MED DBANG PO'I SDES GDONG NGAN ZHES PA ME SPREL HOR ZLA GNYIS PA'I TSES LA SBYAR BA'I YI GE PA NI SNGAGS RAM PA CHOS 'DZIN DAR RGYAS SO, ,'DI LA LJAGS ZHUS SONG BA ZHIG YOD KYANG PHYAG DPE MA SNYUNG? BAS THOR BU 'GA' BA SDUR NAS BRIS,
[BLANK PAGE]