A Point of Entry for those with Sufficient Goodness--The Wondrous Story of the Life of that Absolute Lord over all those who are Wise and Attained, the Omniscient One, Jamyang Shepay Dorje

!, ,MKHAS SHING GRUB BA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA BZHUGS SO,,

[DD1] #, ,NA MO GU RU BHYA: MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA, MKHYEN RAB KYI BDAG PO 'PHAGS PA 'JAM DPAL GZHON NUR GYUR PA LA PHYAG 'TSAL ZHING SKYABS SU MCHI'O, ,SKYE BA THAMS CAD DU RJES SU BZUNG DU GSOL, BYA DKA'I SPYOD PAS CHOS KYI SKU BRNYES TE, ,'PHRIN LAS GRU GZINGS 'BUM GYIS LUS CAN KUN, ,MI BZAD DU: KHA'I MTSO LAS SGROL MDZAD PA, ,RNAM 'DREN BUR MA SHING PAR GUS PHYAG 'TSAL, ,ZAB YANGS BLO GROS CHU GTER PHUNG PO LUNG DANG RIGS PA'I KLONG 'KHOR CAN, ,MKHAS BTZUN BZANG PO'I RIN CHEN GAN MDZOD RNAM DPYOD LTO BAR YONGS SU [DD2]

[DD1] *, ,'DZIN; ;SNYAN GRAGS RBA RLABS PHRENG BAS RAB MDZES LEGS BSHAD CHU KLUNG BYE BA 'BEBS, ,THUB BSTAN GDENGS CAN BDAG PO'I ROL GNAS KUN MKHYEN TZONG KHA PA LA 'DUD, ,'JAM DPAL DBYANGS CAN ZUNG GI MKHYEN RAB KHAMS, ,DUR SMRIG ZOL GYIS BZHAD PAR BDE GSHEGS KUN, ,SHIS BRJOD ME TOG DKAR PO'I PHRENG 'THOR BA, , MTSUNGS MED BLA MED LA PHYAG 'TSAL LO, ,THEG MCHOG RIGS KYI SA PON GZHON NU BSAM GTAN 'DZIN MAR LHUNG BA GANG, ,BRTZE CHEN GA BUR CHU YIS BRAN PAS THUGS BSKYED RTZA BA BRTAN GYUR BA; ;KUN BZANG SPYOD PA'I YAL 'DAB RAB RGYAS 'PHRIN LAS ME TOG BYE BAS MDZES, ,SKU BZHI'I 'BRAS BU'I KHUR GYIS RAB DUD KUN MKHYEN DPAG BSAM LJON PAR 'DUD, ,THUB BSTAN GANG SA KYI RI BO'I SPOR 'GYID THOS BSAM SGOM PA'I LUS STOBS RGYAS, ,MKHAS RLOM GNYIS 'THUNG BYE BA'I MGO LA LUNG RIGS SNGER MO NGAL GSO BA, ,LEGS BSHAD RIN CHEN ZAB MO'I [DD2]

DBYANGS KYIS BSTAN 'DZIN RI DVAGS TSOGS KUN SKYONG, ,DPAL LDAN PHYOGS RNAMS KUN LAS RNAM RGYAL SMRA BA'I SENG GE RGYAL GYUR CIG ,GANG GI GSANG GSUM MDZAD PA'I CHU GTER NI, ,YON TAN RIN CHEN DU MAS NYER GTAMS PA'I, ,NGO MTSAR MA LUS SGROGS LA TSANGS PA'I MGRIN, ,DBYANGS CAN DPAL MOS 'KHYUD KYANG NGAL BYED MOD, ,'ON KYANG SKAL BZANG DAD BA'I KU MU DA, ,RGYAS SLAD RMAD BYUNG GTAM GYI ZLA BA NI, ,BDAG BLO NOR BU'I RNGA YAB BZHAD PA'I RTZES, ,BLO LDAN DANG BA'I MKHA' DBYINGS KHYAB PAR 'DREN, ,SMIN LEGS NA CHUNG MYOS PA'I 'DZUM DKAR GYI, ,ZLA 'OD ZHAGS PAS CHAGS LDAN GZHON NU BZHIN, ,RTOGS BRJOD DRI BSUNG GSER GYI SPRING YIG GIS, ,BLO GSAL BUNG BA KUN DGA'I SPU LONG GA-YO, ,NYES SPYOD DRI MA'I RNYOG PA DANG BRAL SRAS BCAS RGYAL BA DGYES PA'I GTAM, ,NOR 'DZIN RDUL GRANGS DOGS PA NYID BYED NGO MTSAR TSIG GI 'DOD PA 'JO, ,MKHAS MANG LHA BRGYA'I COD PAn LA SRED GRAGS SNYAN ME TOG PHRENG BA YIS, ,RAB 'BYAMS PHYOGS KYI SKYED TSAL KUN 'GENGS GTAM 'DI SKAL BZANG 'JUG NGOGS YIN, ,DE YANG GANG ZHIG SKYE BO BLO GROS DMAN PA RNAMS KYIS RJES SU YI RANG BA TZAM YANG BYA DKA' BA'I GNAS DAM PA, BLA NA MED PA'I BYANG CHUB KYI SEMS RIN PO CHE'I GAN MDZOD LA 'DOD DGUR DBANG BSGYUR BA'I BYANG CHUB SEMS DPA' SEMS DPA' CHEN PO RNAMS NI RANG GI DON PHUN SUM TSOGS PAR GYUR KYANG DE TZAM LA RJES SU MI GZHOL BAR, 'GRO BA GANG DAG LAS DANG NYON MONGS PA'I GZHAN DBANG DU GYUR TE, SRID PA'I 'BROG DGON PA CHEN PA, SDIG PA MI DGE

, ,BA'I 'O BAS ZAB MOS BSKOR ZHING, LAS DANG NYON MONGS PA'I DUG GI LJON PA DU MAS DKRIGS PA, SKYE BA DANG RGA BA DANG NA PA DANG 'CHI BA'I GCAN GZAN GTUM BO MA RUNGS PA DAG GIS 'JIGS SU RUNG BA'I NGA RO RGYUD MAR SGROGS PA, MA RIG PA'I MUN PA MUN NAG GIS KHYAB PA'I KLONG DU LHUNG ZHING NYAM THAG PAR GZIGS NAS DE DAG LA DMIGS PA'I BRTZE BA SHUGS DRAG POS RANG DBANG MED PAR BSKYOD DE, MA DAG PA'I 'JIG RTEN GYI KHAMS DPAG TU MED PAR CHU ZLA DANG MIG 'PHRUL BZHIN DU GANG LA GANG 'DUL GYI SKU'I BKOD BA SNA TSOGS PA NYE BAR BSTAN NAS LUS CAN MTHA' DAG MNGON PAR MTHO BA DANG NGES PAR LEGS PA'I LAM BZANG PO LA NYE BAR BKRI BA'I KUN TU BZANG PO'I SPYOD PA RGYA MTSO'I ROL PAS 'KHOR BA JI SRID KYI BAR DU DUS 'DA' BAR MDZAD DO, ,DE LTA BU'I BDAG NYID CHEN PO RNAMS KYI NGANG TSUL DPAG PAR DKA' BA DAG KYANG MNGON DU BGYIS PA LTA ZHOG ,TSIG GI LAM DU SPEL BA NYID KYIS KYANG BLO'I MTHU MCHOG DANG LDAN PA RNAMS LA RMAD DU BYUNG BA'I DGA' BSKYED PAR BYED DO, ,DE'I PHYIR RNAM 'DREN THUB PA'I RING LUGS PA CHEN PO, 'CHAD RTZOD RTZOM GSUM GYI SGO NAS SANGS RGYAS KYI BSTAN PA'I BDAG POR GYUR PA, MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I GSANG BA GSUM GYI MDZAD PA RGYA MTSO LTA BU LAS, NYUNG SHAS SHIG BLANGS TE SKAL BA DANG LDAN PA RNAMS LA 'DOMS PAR BYA'O, ,DE YANG TSUL JI LTAR NA, RNAM THAR BKA' RTZOM LAS, SKYES PA'I YUL DANG GZHON DUS BAG CHAGS DANG, ,CHOS SGOR ZHUGS DANG BSHES

GNYEN BSTEN TSUL DANG, ,MANG DU THOS DANG BSAM PAS SGRO 'DOGS BCAD, ,SGOM LA SNYING RUS GZHAN LA PHAN SEMS DANG, ,THUB BSTAN RGYAS 'DOD BDAG GI RNAM THAR YIN, ,ZHES GSUNGS PA LTAR BRJOD PAR 'DOD DO, ,DE LA KUN MKHYEN CHEN PO 'DI GANG DU SKU 'KHRUNGS PA'I YUL NI, SNGON GYI LHA BTZAD PO DAG GI DUS SU, MDO STOD MI'I CHOL KHA, DBUS GTZANG CHOS KYI CHOL KHA, MDO SMAD RTA'I CHOL KHA STE BOD CHOL KHA GSUM DANG, BOD DANG BOD CHEN PO GNYIS SU GRAGS PA DAG LAS PHYI MA STE MDO KHAMS SMAD KYI SA'I CHA, 'KHOR LO SDOM PA'I PHO BRANG MNGON SUM DU BZHUGS PA'I GNAS CHEN BRAG DKAR DANG HA CANG MI RING BA'I GNAS, RGAN KYA'I LTING RING ZHES PA YIN LA, GDUNG RUS NI, THOG MAR BOD LA RUS CHEN BZHIR GYES PA'I NANG TSAN LDONG DANG, DE LA LDONG SHUL CHEN BCO BRGYAD DU GRAGS PA'I NANG GI DPAL SHUL STE, YANG MES GONG MA ZHIG LA BU MED PAR BON BSTEN NAS BU ZHIG BYUNG BA, BON GYI LHA DPAL SE STAG LA ME 'BAR ZHER BA LA MGON SKYABS BCOL TE DBAL SE SKYABS ZHES BTAGS, DE'I BRGYUD PA LA DPAL SHUL DU THOGS PAR RDO RJE 'CHANG STOBS LDAN SNGAGS RAM PA GSUNG, DBAL SHUL YANG 'TSAMS SHIG NAS, KE LU, KE RTZE, KE 'BAN ZER BA GSUM DU GYES, SNGA MA GNYIS KYI BRGYUD PA LA DBAL SHUL 'BUM SKYABS YAG DANG, BSOD NAMS NOR BU SOGS BYUNG STE, KHAMS PHYOGS SU YOD, KE 'BAN GYI BRGYUD PA MANG RAB CIG SONG BA'I SKABS, DBAL SHUL BLA MA SKYABS ZER BA BYUNG, DE LA BU GSUM SKYES PA'I NANG NAS, DBAL SHUL

, ,KHA 'DAL DPA' 'BUM RGYAL BYA BA NI RJE 'DI'I YAB YIN LA, DE DPA' ZHING RTUL PHOD PAS, G-YUL NGO DU MA LAS RGYAL BA ZHIG GO ,YUM NI THAR MO BYAMS BYA BA, RANG BZHIN BZANG ZHING CHOS LA MOS PA, DAD PA DANG GTOR BA SOGS YA RABS KYI SPYOD PA DU MAS BRGYAN PA ZHIG YIN ZHES YUL MI DAG MTHUN PAR GLENG, YAB YUM 'DI GNYIS LA SRAS BZHI MNGA' BA LAS, RJE 'DI CHE BA YIN ZHING, DE YANG DAM PA 'DI YUM GYI LHUMS SU NAM ZHUGS PA NAS; YUM GYI MNGAL LHAG PAR BDE ZHING, SHES RGYUD SNGAR LAS BZANG PA DANG, RMI LAM DANG NYAMS SNANG CI RIGS PAR 'JA' TSON GYI PHRENG BA LUS LA BSKOR TE 'CHAR BA DANG, KHA DOG SHIN TU MDZES PA'I 'OD DKAR PO DU MA GSAL BAR SNANG BA SOGS RTAGS YA MTSAN CAN MANG DU BYUNG SNANG NGO, ,GZHAN YANG MES PO BLA MA SKYABS ZER BA'I RMI LAM DU THANG CHEN PO GCIG NA SKYE PO PHO MO MANG PO TSOGS 'DUG PA LA, DBUS NAS CHOS DUNG YONG GI 'DUG CES THAMS CAD KYIS LTA YIN 'DUG BAR KHO RANG GIS KYANG BLTAS BAS, DUNG DKAR PO DRI MA MED CING SHIN TU LEGS BA ZHIG NAM MKHA' NAS 'ONGS TE KHO RANG GI PAD DU LHUNG BA DANG, MI THAMS CAD KYIS RGAD PO BSOD NAMS CAN ZHES SMON PA ZHIG RMIS, DES MA TSON SKU 'KHRUNGS PA LA NYE BA'I TSE, NYE 'KHOR GYI YUL MI DAG SNANG CAN PHAL CHER LA LTAS NGO MTSAR BA DU MA BYUNG BAR GRAGS KYANG RTZAD MA CHOD, DE NAS RGYA NAG LTAR NA, SA PHO BYI BA, STONG 'GREL LTAR NA, KUN 'DZIN TU GRAGS PA'I GNAM LO'I RANG ZHAL GSAR DU TSES PA'I DKA' THUB ZLA

BA'AM, HOR ZLA DANG PO'I TSES PA BRGYAD KYI NYIN, BAR SNANG LA RDUL MED PAR NAM MKHA'I NGOS KUN CHU 'DZIN GSAR BA'I BLA RES NI GA-YOGS, GZHON NU'I ZHABS BSIL GYI CHED DU LHA RNAMS KYIS SPRIN GYI YOL BA'I PHAG NAS MU TIG GI CHAR RGYUN BZANG PO NI MNGON PAR SPRENGS, BSTAN PA'I NYI MA 'JIG RTEN DU BYON PA LEGS SO ZHES DKAR PHYOGS PA RNAMS CHED DU BRJOD PAS CHED DU BRJOD PA NI DBYAR SKYES KYING RO'I TSUL DU DAL BUR BZHAD, YID DU 'ONG BA'I BYA DU MA YANG DGA' PA'I ZLOS GAR BSGYUR ZHING SGRA SNYAN BA SGROGS PA SOGS YA MTSAN PA'I LTAS KYI RI MO DU MAS SKYE BO KUN GYI MIG GI ME LONG 'GENGS PAR MDZAD PA DANG LHAN TU KHYE'U MDOG DKAR ZHING, DBYIBS LEGS PA, MTHONG NA MI MTHUN PA MED PA, BLTABS CHOG MI SHES PA ZHIG 'JIG RTEN THAMS CAD KYI MIG GI DGA' STON DU YUM GYI MDAL NAS BTZAS PAR GYUR RO, ,'DIR SMRAS PA, NYES PA'I RDUL BRAL MNGAL GYI MKHA', ,DAM PA'I NYI MA 'DIS BZUNG TSE, ,SA 'DI MUN LAS RNAM RGYAL ZHES, ,GRAGS PA'I YI GE 'OG MIN BGROD, ,GANG ZHIG YUM GYI CHU 'DZIN LAS, ,SKYE DGU'I GNYEN KHYOD BLTAMS PAN, ,RGYAL SRAS ZLA BA 'ONGS SO ZHES, ,KU MUD TSOGS KYANG DGOD PA BZHIN, ,LOG RTOG MTSAN MO'I MAL DU GAR BYED PA'I, ,MKHAS RLOM 'BYUNG PO'I BYA RNAMS BAG YOD BYOS, ,DGE LEGS BRGYAS MTSAN MDO SMAD SHAR RI'I RTZER; ;KUN MKHYEN NYIN MO'I DBANG PHYUG SHAR 'DIR LTOS, ,ZHES BYA BA NI MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA LAS SKU BLTAMS PA'I LE'U SNE DANG

, ,PO'O;; ` ,,DE LTA BU'I GZHON NU DE YANG, SNGON LAN CIG MA YIN PAR BAG YOD PA'I SPYOD PA LA YONGS SU GOMS PA'I BAG CHAGS KYI MTHU NYE BAR SAD DE, 'KHRUNGS MA THAG NAS BYIS PA PHAL BA BZHIN DU BA DANG NYAL BA SOGS MI BYED PAR SPYAN PHYE STE SKU DRANG POR BSRANG NAS TZOG TZOG BUR BZHUGS SHING ZHAL GYI DKYIL 'KHOR 'DZUM MUL LE MDZAD PAS THAMS CAD NGO MTSAR, DE NAS YUL LUGS DANG BSTUN PA'I BCAS STON SOGS BYAS TE, SKU ZHANG SGO ME ZER BA'I RTZIS MKHAN MKHAS PA ZHIG YOD PA DE LA RTZIS BYAS PAS, KHO NA RE, YA MTSAN ME LCE 'BAR BA LA SBRANG BU MI CHAGS ZER BA YIN PA LA, SRAS 'BYUNG BA LNGA LDAN ZHIG 'KHRUNGS, RI RAB LA 'PHONG STEGS BYAS, RGYA MTSO LA ZHABS STEGS BYAS ZER BA ZHIG BABS 'DUG PAS KHYOD RANG GNYIS BSOD NAMS CHE, GZHAN LA BSGRAGS PA MI DGA', YAB YUM GNYIS SPAR KHA RTZUB PAS, BU CHUNG GZHAN LA BCOL BAR DRAG ZER BAR BRTEN, MES PO BLA MA SKYABS KHYO SHUG GNYIS LA GTAD PAS, DE GNYIS KYIS KYANG GTZANG SBRA DANG, RIM GRO'I KHYAD PAR PHUN SUM TSOGS PA DU MAS GCES PAR BSKYANGS PAS KHYE'U DE RDZING GI PADMA LTAR SKYED BSRINGS PAR GYUR TO, ,MES PO BLA MA SKYABS DE YANG GSANG BDAG GI BZLAS BRJOD LA BRTZON CING, DAG SNANG CHE PA ZHIG YIN 'DUG PAS, LAN CIG DE'I RMI LAM DU, MI DKAR PO GCIG 'ONG NAS, MI KHYOD KYIS SKYE BA GSUM GYI RING NGA LA PHAN BTAGS YOD PAS, DA RES KHYOD LA DRIN LAN STER ZER NAS, MAR KHU SBRANG RTZI 'DRA BA KHYOR PA GSUM BLUD BYUNG BA

RMIS; DE NI KHO BO TSE 'DI LA 'BYOR PAS MI 'PHONGS PA'I RTAGS SU 'DUG GSUNG, DGUNG LO GSUM BZHI PHAN DU BSNYUNG GZHI KHA SHAS BYUNG KYANG RIM GYIS DVANGS, DGUNG LO LNGA BZHES PA'I TSE, RGYAL BA'I DBANG PO THAMS CAD MKHYEN CING GZIGS PA CHEN PO NGAG GI DBANG PHYUG BLO BZANG RGYA MTSO PHO BRANG DU CHIBS BSGYUR GNANG PA'I SKABS, GZHON NU 'DI MI GZHAN GYIS KHUR NAS MTSO KHAR MJAL DU PHYIN PAS, ZHAL MTHONG TZAM NAS SPYAN BGRAD CING DGYES PA'I RNAM 'GYUR MANG PO MDZAD, RNAM THAR BKA' RTZOM LAS, LO LNGA LON TSE RGYAL BA GONG MA'I ZHABS, ,GONG DU CHI BAS BSGYUR DUS SU ZHAL MJAL ZHING, ,CHOS 'BREL PHYAG DBANG GNANG TSUL DRAN TZAM BYUNG, ,ZHES SO, ,DE DUS SKU RTZED KYI RNAM PA MDZAD PA NA 'ANG, DGON GNAS 'DEBS PA DANG, LHA KHANG BZHENGS PA DANG; MCHOD PA 'BUL BA DANG, GROGS KYI BYIS PA RNAMS LA CHOS 'CHAD PA DANG, PHYAG DBANG 'JOG PA DANG, BUM CU STER BA SOGS KYI RNAM PAS SKU RTZED MDZAD LA, LHAG TU RDO G-YAM LEGS PA ZHIG LA SH'AKYA THUB PA'I SKU ZHIG PHYAG GIS BZOS NAS RDO BTZAG DMAR SER GYIS TSON BTANG, LHA KHANG LTA BU'I KHANG CHUNG ZHIG PHUB PA'I NANG DU KHRI CHUNG GCIG GI KHAR BZHUGS SU BCUG NAS, NYIN RE BZHIN MCHOD PA 'BUL BA DANG, PHYAG BSKOR SOGS MDZAD KYIN SKU RTZED MDZAD PAS, NYIN GCIG ZLA BO BYIS PA GCIG GIS RDO 'PHANGS NAS SKU DE BCAG PAS, SKU TSE 'DI'I MDZAD PA KHA SHAS LA BAR CHAD CUNG ZAD BYUNG PA'I LTAS SU 'DUG GSUNG, RNAM THAR BKA' RTZOM LAS KYANG, CHUNG DU'I DUS SU CHOS 'CHAD DGON PA 'DEBS, ,RI KHROD 'DEBS DANG

, ,SGOM TSUL SNA TSOGS DANG, ,BO TI LHA KHANG SOGS KYI BAG CHAGS SOGS, ,SAD PA'I DRAN TSUL YID KYI RI MO MANG, ,ZHES SO, ,GZHAN YANG KHA DOG SHIN TU MDZES PA'I 'OD SGOR SNGON PO DANG, DKAR PO DANG, SER PO SOGS KYI SNANG BA RGYUN DU 'CHAR ZHING, DE NAM SHAR RES KYIS DGA' BA DANG BDE BA TSAD MED PA 'KHRUNGS, DE YANG, SKU TSE SNGA MAR DUS 'KHOR SBYOR DRUG LA SBYANGS PA'I LAG RJES SU 'DUG GSUNG, LHAG PAR DGON GNAS KHANG PA SPEN THOG YOD PA, ZUR NA LHA THO SPEN KHA CAN YOD PA ZHIG YANG YANG SHAR BA, PHYIS SRAD RGYUD DU PHEBS SKABS DE KHO NA BZHIN 'DUG GSUNGS, DGUNG LO BDUN BA ZHES PA'I DUS SU, RJE NYID KYI AA KHU DGE SLONG BSOD NAMS LHUN GRUB BYA BA KUN SPYOD GTZANG LA KLOG BZANG BA ZHIG YOD PA DES, GZHON NU 'DI PANG DU BLANGS NAS KA KHA BSLABS PAS, KHYOD KYIS SLOB MI SHES PA 'DUG ,DPE ZHOG LA SLOB GSUNGS PAS, THAMS CAD HA LAS PAR GYUR, DE NAS DGE SLONG GIS DPE BZHAG NAS BSLABS PAS NYI MA DE LA YI GE PHAL CHER MKHYEN CING RING PO MA THOGS PAR YI GE 'BRI KLOG KUN LA BYANG BAR GYUR, RI MO YANG BRIS SKU SOGS LA GZIGS NAS 'DRI BAR MDZAD PAS CHA 'DRA BAR MKHYEN, DE NAS SHES BYA'I GNAS TSOL BA LA BRTZON 'GRUS KYI KLONG RDOL BAR GYUR TE, SGRUB THABS KYI SKOR DANG, SMAN DPYAD DANG; ZA YIG DANG, SA DPYAD DANG, RTZIS DANG, SNGAGS 'BUM DANG, MKHYUD DPYAD DANG, BSRUNG 'KHOR GYI RIGS MANG PO 'DRI BA DANG, KLOG PA DANG, GZHAN LA NAN TAN DU NYAN PA SOGS KYIS DE DAG KHONG DU CHUD PAR MDZAD DE SKYE PO BRO 'TSAL BA

MANG POR LJAGS CHU BTAB PA DANG, BSRUNG 'KHOR BTAGS PA TZAM GYIS NYE ZHO'I RGUD PA LAS GROL BAR MDZAD DO, ,DE LTAR YI GE 'BRI BA DANG, KLOG PA DANG, BSNYEN GNAS DANG, BSNYUNG GNAS BSRUNG BA DANG, YI DAM GYI LHA'I BSNYEN SGRUB SOGS KYIS DUS 'DA' BAR GYUR TE NYI MA RIL POR BZHES PA'I RIGS GANG YANG MI MDZAD PAR DE GA'I MU MTHUD DE BZHUGS PAS, MES PO KHYO SHUG GNYIS KYIS 'DI LTAR YIN NA GZHON NU 'DI 'TSO DKA'O ZHES GLENG BA'ANG BYUNG, BAR SKABS SHIG ,PHYAG RDOR 'BYUNG 'DUL GYI BSNYEN PA GNANG PAS, NUB GCIG RMI LAM 'DZIN DGOS DGONGS NAS GZIMS KHAR PHYAG RDOR GYI PHO BRANG LCANG LO CAN BLTA'O ZHES 'PHEN PA BTANG NAS GZIMS PA'I MNAL LAM DU, BYANG PHYOGS NA RI SNGON PO SHIN TU MDZES PA ZHIG 'DUG ,DE'I RTZER SKAD CIG GIS 'PHUR TE PHYIN PAS, RI DE 'DRA BA MANG PO MTHONG, DE'I PHYIR NUB YANG RMI LAM BZUNG BAS DE KHO NA BZHIN BYUNG GSUNG, DE RJES 'BAD DE BSGRUBS PAS GRUB TE DAR DKAR PO'I STOD G-YOGS GYON PA'I PHYAG RDOR 'BYUNG 'DUL NAM MKHA'I KHAMS GANG PA GZIGS SHING BAR CHAD GANG GIS KYANG MI TSUGS PAR BYIN GYIS BRLABS SO, ,DE LTA BU'I NGOM TSAR RMAD DU BYUNG BA BSAM GYIS MI KHYAB PA DANG LDAN PA'I GZHON NU DE YANG NA TSOD PHRA MO'I DUS NAS BAG MED PA'I BRTUL ZHUGS DAG LAS NI DANG GIS LOG ,YA RABS KYI SPYOD PA'I KHYAD PAR DU MAS NI MDZES, DAD PA DANG, BRTZON 'GRUS DANG, BLO GROS KYI MTHU RGYA CHE BAS RIG PA'I GNAS PHAL CHE BA NI RTOGS, RANG BZHIN GYIS YID GZHUNGS SHING, SKAL BA DANG, GZI BYIN GYI MTHU PHUN SUM TSOGS PA DANG LDAN PAS, SKYE BO

, ,RNAMS KYIS RANG GI LHA BZHIN DU BKUR BAR GYUR TO, ,SMRAS PA, DAM PA RNAMS NI BYIS PA'I DUS NA YANG, ,BRTUL ZHUGS MCHOG GIS THUB PA BZHIN DU MDZES, ,DE YI KHYAD PAR SNYING LA BRAN GYUR PA'I, ,PHAL PA RNAMS KYANG CHOS KYI RJES SU 'BRANG, ,GANG SKU ZLA BA'I MYU GU YI, ,LANG TSO'I CHA SHAS RNAM 'PHEL BA, ,DE BZHIN YON TAN KU MU DA'I, ,'DAB MA DAG KYANG LHAG PAR RGYAS, ,THUGS KYI KUN GSAL RNAM DPYOD NYI MA'I RTZE DGA' 'DZIN, ,ZHAL GYI PADMOR BZLAS BRJOD BUD PA'I GLU DBYANGS SGROGS, ,SKU YI LJON SHING PHYAG MCHOD CHU SKYES BYE BA 'PHEN, ,AE MA 'DI LHA'I NGO MTSAR GZHAL MED SU YIS BSAM, ,ZHES BYA BA NI MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG DOGS ZHES BYA BA LAS GZHON NU'I ROL RTZED MDZAD PA'I LE'U STE GNYIS PA'O,, ` ,,DE NAS DGUNG LO BCU GSUM LON PA'I TSE, GNAS BRTAN 'DUL PA 'DZIN KHYU MCHOG YE SHES RGYA MTSO ZHES BYA BA BRTAN MKHAS KYI YON TAN DANG LDAN PA ZHIG BZHUGS PA LAS RAB TU BYUNG, MTSAN BLO BZANG RGYAL MTSAN ZHES BTAGS, DGE TSUL GYI SDOM PA YANG DE LAS BZHES TE DAM TSIG DANG SGOM PA MIG 'BRAS LTAR BSRUNG BAR MDZAD, 'JIGS BYED KYI MNGON RTOGS THUGS 'DZIN GNAD NAS ZHAL 'DON MA CHAG PAR MDZAD CING, PAn CHEN RIN PO CHES MDZAD PA'I 'JIGS BYED BSKYED RIM GZIGS PAS DMIGS PA GSAL LA 'CHAR SLA BA BYUNG GSUNG, RJES SOR RAB BYUNG GI MKHAN PO DE KA'I DRUNG DU 'JIGS

BYED DPA' BO GCIG PA'I RJES GNANG GSAN NAS, ZLA BA DRUG GI RING LA SKU 'TSAMS MDZAD DE YA MA R'A DZA BYE CHEN GCIG SONG SKABS, MNAL LAM DU RVA LO TZ'A BAS PHYAG MTSAN BI DHI P'A LA GTAD DE RTZA SNGAGS KYI BSNYEN PA DES CHOG ZER BA'I GNANG PA THOB, GZHAN YANG YI DAM GYI LHA MANG PO'I BSNYEN SGRUB DANG, 'PHO PA'I MAN NGAG KHYAD PAR CAN 'GA' LA THUGS SBYONG MDZAD PAS RTAGS THON, DGUNG LO BCU DRUG GI STENG DU DGE SBYOR LA GNOD GSUNGS NAS SKU CHINGS BKROL TE MI GZIMS PA'I DAM BCA' GNANG, SBYIN BDAG 'GA' ZHIG GI RTZAR RIM GRO MDZAD PAR PHEBS SKABS, AA YES BYA BRAL ZAS GZIMS GUR NANG LA PHYAG DAR BYED DU PHYIN PAS, GZIMS GUR NANG GI BZHUGS MAL DU KHYE'U DKAR PO PHO MO GNYIS RTZE YIN 'DUG PA MTHONG BAS MO RANG DAG SNANG LHAG PAR 'PHEL, DE SKABS DBUS SU THUGS GNYER LA PHEBS 'DONG CHE BAS BSTAN SRUNG RNAMS LA 'PHRIN BCOL YANG YANG MDZAD, DGE BSHES PHU CHUNG PA'I SKYE BAR GRAGS BA RGYAL SRAS RIN PO CHE LA TSE RTA'I DBANG DANG, RJE RIN PO CHE'I BLA MA'I RNAL 'BYOR GSAN NAS THUGS NYAMS SU BZHES, BSHES GNYEN SU CUG THU ZER BA LAS SNGAGS KLOG KYANG BSLABS, SBYIN BDAG ZHIG GIS GSER GYI BRGYAD STONG PA ZHIG BRIS NAS CHOS 'DON LA PHEBS PAR, CHOS 'DRI MKHAN 'DI 'DRA YONG STE, 'DON MKHAN DA 'DRA BA MI YOD ZHES ZHABS SHOG GI STENG DU 'DRI BAR MDZAD PAS, PHAL CHER GYIS BTZUN CHUD NGA RGYAL CAN ZHIG 'DUG CES GLING, SKABS SHIG GNAS BCU'I ZHAL THANG DU RI KHROD KYI RI MO GZIGS PA'I RKYEN BYA SA 'KHOR BA MTHA' DAG SRIN MO'I GLING LTAR

, ,GZIGS PA'I SKYO SHAS THUGS MNAN NA MI NON PA NYIN MTSAN KHOR YUG TU BYUNG, MI GZHAN GYI BYA BYED DANG, TSE 'DI'I PHUN TSOGS MTHA' DAG LA ZHEN PA DANG GIS LOG STE, TSE 'DI LA RI KHROD KHO NA BYED DGOS DGONGS NAS SGRUB PA SNYING POR BYED PA'I DAM BCA' MDZAD, DE DUS PHYOGS DER STOD 'GAG DANG SHAM THABS SOGS MA DAR BA'I STABS YUL DE'I BTZUN PA THAMS CAD PHU THUNG MA GYON PA SHA STAG YIN ZHING, DAM PA 'DI YANG RGYUN PAR NA BZA' SER PO LA DGYES PAS PHU THUNG SER PO ZHIG BZHES YOD PA LA NYIN GCIG ,STON PA GTZO 'KHOR GSUM GYI BRIS SKU GZIGS NAS YA MTSAN TE, BSHES GNYEN SU CUG THU ZER BA LA, STON PA'I G-YAS G-YON GYI 'DI GNYIS SU YIN, LHA YIN NAM MI YIN GSUNGS PAS, KHO NA RE, 'DI GNYIS LA STON PA'I 'KHOR MCHOG ZUNG GNYIS ZER ZHING MI YIN ZHUS PAS, 'O NA DA LTA 'DI 'DRA BA'I DGE SLONG AE YOD GSUNG, DBUS NA DGE SLONG THAMS CAD LUGS 'DI BZHIN YIN ZHUS PAR, 'O NA NGA TSO'I CHA LUGS 'DI CI YIN GSUNGS PAS, 'DI GANG YANG YIN DOGS MED ZER BYUNG BA DANG, DAM PA'I THUGS SHIN TU 'PHAR NAS DA LTA RANG DBUS SU SLEB NA SNYAM PA DGONGS, DE NAS SA CHA NGAN PA 'DI RANG MI SDOD, DBUS SU 'GRO RGYU YIN GSUNGS NAS, MES PO RGAN RGON GNYIS LA GNANG BA ZHUS PAS, NGED GNYIS MA SHI BAR DU PHEBS MI CHOG CES MA GNANG BA LA, AA KHU DGE SLONG BSOD NAMS LHUN GRUB BYA BA BSAM PA BZANG ZHING SHES RGYA CHE BA ZHIG YOD PA DES KHYOD GNYIS KYIS BTZUN CHUNG DBUS SU PHEBS PA LA BAR

GCOD MA BYED CES AU TSUGS BYAS TE LAB PAS KYANG SHOG MA THENG, DAM PA 'DIS KHO BO DBUS LA 'GRO MA BCUG PHYIN YUL 'DIR RTZA BA NAS MI SDOD, YANG NA PHYOGS GZHAN ZHIG DU LDOM RGYU YIN, YANG NA SROG LA RGOL BA LAS 'OS MED ZHES DBUS SU PHEBS PA'I 'DUN PA RI GZAR GYI RBAB DANG CHU KLUNG DRAG PO'I RGYUN LTAR SUS KYANG ZLOG MA NUS SO, ,DE NAS AA KHU DGE SLONG DES SNGAR GYI RAB BYUNG GI MKHAN PO KHYU MCHOG YE SHES RGYA MTSO PA LA KHYED KYIS GSUNG ZHIG GNANG NA ZHUS PAS, KHONG GIS KYANG DBUS SU PHEBS NA BSTAN PA DANG 'GRO BA'I SPYI DPAL DU 'GYUR BA MKHYEN NAS, MES PO RGAN RGON GNYIS LA BTZUN CHUNG DBUS SU PHEBS NA KHYED RANG GNYIS LA 'PHRAL PHUGS KUN TU LEGS PAS MA 'GOG CES BKA' NAN LCI BAR STZAL BAS, DE GNYIS KYIS KYANG BLA MA'I GSUNG GYEN ZLOG MA NUS TE PHEBS PAR GNANG NGO, ,DGUNG LO NYER GCIG GI STENG DU SKU STOD BSNYUNG ZHING THUGS 'PHAR BA DANG, NYIN PAR YANG GZIMS BRO BA'I BSNYUNG GZHI THU MO ZHIG BYUNG NAS RIM GRO MANG PO SGRUB CING, NYID KYIS PHYAG RDONG LA LJAGS BSNYEN MDZAD PAS KYANG MA DVANGS PA LA, SNGON GYI 'BREL BA'I DBANG GIS NGES PA DON GYI GRUB PA'I DBANG PHYUG CHEN PO SKAL LDAN RGYA MTSO SA CHA DER PHEBS BYUNG BAS, AA KHU DGE SLONG BSOD NAMS LHUNG RUB KYIS RJE 'DI PA'I LO RGYUS DANG BSNYUNG LUGS RNAMS ZHUS NAS 'JIGS BYED KYI RJES GNANG ZHIG GNANG DGOS ZHUS PAS, SANG NYIN KHYER SHOG DANG YONG GSUNG, DE'I PHYI NYIN 'BUL BAR RTA CHUNG ZHIG KHRID DE 'PHEBS PAS CHIBS GONG NAS GZIMS YANG YANG BYUNG ZHING, PHEBS DKA' SE BZHIG LA GRUB CHEN GYI

, ,SKU MDUN DU 'BYOR BAS, DA DUNG THUGS DAM MA TSAR, THANG GI MTHA' PHA GIR SDOD DAD RAN DUS BRDA BYED GSUNG, DE NAS RGYANG RING POR PHYIN NAS BZHUGS PAS, SKABS SHIG GRUB CHEN RIN PO CHE PHYI LOG LA PHEBS NAS PHYAG MKHAR GYIS YUG BYED CING GSUNG MTHON POS, RJES GNANG DGOS PA'I MI DE DA SHOG GSUNG NAS BRDA MDZAD PA BZHIN, RJE 'DI KHU MTSAN GNYIS DANG, GZHAN PA 'GA' BCAS PHABS PAS, GRUB CHEN RIN PO CHE'I KUN SPYOD DANG, MDUN GYI MCHOD PA'I BKOD PA SOGS GZIGS NAS, DANG GUS TSAD MED PA 'KHRUNGS TE, CHOS PA KHO NA ZER BA 'DI RED, NGAS KYANG 'DI 'DRA ZHIG NAM 'OD NA DGONGS, GRUB CHEN RIN PO CHE'I ZHAL NAS, NGA RGAD POS RDZUN LA PA MO NYAN, 'JIGS BYED KYI RJES GNANG MI SHES, 'JAM DBYANGS NAG PO'I RJES GNANG ZHIG BYED KYIS, MI GZHAN PA TSOM 'DUG GSUNGS PAR 'GA' ZHIG THOGS PA LA BKA' BKYON MDZAD DE DBANG MED DU 'GRO DGOS PA BYUNG, DE NAS GSUNG DAL BUS CHO GA'I TSIGS SNGA PHYI'I BAR YANG YUN RING THOGS NAS THON MI THON 'DRA BA ZHIG MDZAD KYIN GSUNGS PAS, RJES GNANG TSAR PA DANG, DAM PA 'DI'I SKU BSNYUNG PHAL CHER DVANGS, PHYIR LAM GZIMS KYANG MED CING THUGS RIG SNGAR LAS GSAL BA DANG RTA RGYUG BYED THUB PA BYUNG, RNAM THAR BKA' RTZOM LAS, YONG KHAR GRUB PA'I DBANG PHYUG ZLA MED PA, ,SKAL LDAN RGYA MTSOR SKYABS 'JUG RTA PHUL TE, ,'JAM DBYANGS NAG PO'I RJES GNANG MDZAD PA NA, ,NYAMS DANG GRIB KYI TSOGS RNAMS RANG SAR

DENGS; ;ZHES GSUNGS SO, ,LO DE KA'I DBYAR 'JUG LA, DBUS GTZANG DAG PA'I ZHING KHAMS SU LEGS BSHAD KYI SKYES LEN PA'I PHYIR, BYANG CHUB SEMS DPA' RTAG TU DU LTAR BGROD PA RING BA'I LAM GYI NYE ZHO LA JI SNYAM DU MI SEMS PAR MTHUN PA'I YO BYANG DU MA DANG BCAS TE ZHABS KYI PADMO BSKYOD PAR GYUR TO, ,SMRAS PA, SRID PA'I PHUN TSOGS NYES BRGYA'I 'BYUNG KHUNGS SU, ,GZIGS PA'I NGES 'BYUNG SKYA RENGS SHAR BA'I MOD, ,SPONG SEMS NYIN BYED 'OD BRGYA'I DRA BA YIS, , GANG THUGS KUN GSAL MKHA' NGOS CI YANG MDZES, ,AE MA ZLA SHEL 'TSAMS SPRIN GYI, ,SHAM THABS GSAR BAS BKAB PA GANG, ,TSUL KHRIMS DRI BZANG SPRO BYED PA'I, ,YA MTSAN THUB PA 'DI SU ZHIG ,GZHON NUR GYUR KYANG TSANGS PAR SPYOD, ,NA TSOD CHUNG YANG BLO GROS RGAN, ,CHOS KUN GZIGS KYANG KHENGS PA BRAL, ,MKHYEN PA'I GTER DU GONG MA CHAG ,BSLAB GSUM GSER GYI SPU SDUG GOS GYON PA'I, ,RGYAL SRAS SNYING STOBS LDAN PA'I DANG PA DE, ,LEGS BSHAD BDUD RTZI'I DGA' STON MYANG PA'I PHYIR; ;DBUS GTZANG CHU GTER CHE DER DAL GYIS 'PHUR, ,ZHES BYA BA NI MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG DOGS ZHES BYA BA LAS KHYIM NAS KHYIM MED PAR RAB TU BYUNG STE DBUS GTZANG GI PHYOGS SU THUGS GNYER LA BYON PA'I LE'U STE GSUM PA'O,, ` ,,DE NAS RIM GYIS PHEBS PAS LAM BAR DU GZHI BDAG RNAMS LA DBUS SU SONG NAS THOS BSAM SGOM GSUM MTHAR MA PHYIN PAR SLAR LOG NA TSAR CHOD CIG

, ,CES 'PHRIN LAS BCOL BAR MDZAD, LDANG LA'I LA RTZAR ZHAG BZHUGS MDZAD SKABS GZIGS SNANG NGO MTSAR CAN ZHIG BYUNG BA LA BRTEN NAS SNGAR GYI BSNYUNG GZHI'I 'PHRO LHAG MA MED PAR SANGS NAS BDE BA'I NYAMS CHEN PO 'KHRUNGS BYANG RVA SGRENG DANG STAG LUNG LA MCHOD MJAL MDZAD, SNGAR MDO SMAD DU DGON PA'I RIGS GZIGS MA MYONG BAS MTHOD TZAM NAS DGA' DAD TSAD MED PA SKYES SHING LHAG PAR PHO MDOR SI LI RGOD TSAD GZIGS PAS DE MA THAG RI KHROD DER PHEBS NA DGONGS PA LA SKU ZLA RNAMS KYIS BKAG ,DE NAS MA 'GYANG BAR BOD YUL GANGS CAN GYI LTE BA SH'AKYA'I RGYAL PO'I PHO BRANG GI BKOD PA BSAM GYIS MI KHYAB PAS NYE BAR MDZES PA CHOS 'KHOR DPAL GYI LHA SAR BYON, JO MJAL LA BYON PAS MJAL DAR PHYAG GIS BZHES TE ZHAL 'DZUM MDZAD PA'I GZIGS SNANG BYUNG, PO TA LAR THAMS CAD MKHYEN CING GZIGS PA CHEN PO NGAG DBANG BLO BZANG RGYA MTSO'I ZHABS DRUNG DU MJAL TE SKYABS 'JUG ZHUS, ,SE RAR PHEBS NAS MCHOD MJAL MDZAD PA'I TSE DGE BSHES GNYIS BGRO GLENG BYED PA GZIGS NAS DAD GUS TSAD MED PA 'KHRUNGS SHING DA LTA RANG CHOS GRVAR SONG NA SNYAM PA DGONGS, BKA' RTZOM LAS, SA YI NYI ZLA SER? 'BRAS ZUNG GRAGS PA'I, ,SE RA THEG CHEN GLING DU MCHOD MJAL BYAS, ,DAD PA CHE BAR SKYES SKABS DGE BSHES GNYIS, ,BGRO GLENG MDZAD PA MTHONG NAS SNGAN CHANG KYI, ,DKA' BA'I SDUG SANGS SKRA GZINGS SNYING 'PHAR TE, ,RE ZHIG 'GRO BA LUS NAS RGYANG BLTAS BYAS, ,AE MA DA LTA RANG LA LVA BA SHAG ,PHUD NAS CHOS GRVAR 'GRO SNYAM YANG YANG SHAR, ,ZHES SO, ,DE NAS MKHAS MANG BYE BA'I

ROL MTSO CHOS GRVA CHEN PO DPAL LDAN 'BRAS SPUNGS PHYOGS THAMS CAD LAS RNAM PAR RGYAL BA'I GLING DU PHYAG PHEBS, DAR 'BAG SNA NAS DGON PA GZIGS PA DANG DUNG GTONG BA DUS MNYAM DU BYUNG BAS RTEN 'BREL 'GRIG ,BKA' RTZOM LAS, DE RJES 'DZAM GLING MKHAS PA'I 'BYUNG GNAS DANG, ,GANGS CAN MGON PO PHYAG NA PADMA YIS, ,MNGON PAR SANGS RGYAS RDO RJE GDAN GYI ZLA, ,BLA MA LHA DANG CHOS SKYONG MNGON SUM DU, ,BZHUGS PA'I DPAL LDAN 'BRAS SPUNGS CHOS SDER SLEBS, ,MA THONG BA TZAM GYIS 'DI KA RANG SDOD CES, ,DAD DANG 'DUN PA DGA' BA PHAN TSUN DU, ,'GRAN PA RAB DGA'I SA YI DBUS SU SLEBS, ,CES SO, ,SNGAR MDO SMAD DU LAM RIM BSDUS DON THUGS 'DZIN MDZAD PAR, TSUL 'DI THUN RE STON DANG NYAN PAS KYANG, ,DAM CHOS 'CHAD DANG THOS PA'I PHAN YON SOGS, ,RLABS CHEN SDUD PAR NGES PAS DE DON BSAM, ,ZHES GSUNGS 'DUG PA LA DE DUS LAM RIM LTA DGONGS KYANG DPE MA RNYED PAS, DE NYIN GRVA PA ZHIG LA LAM RIM CHUNG BA G-YAR TE TSAR GCIG GZIGS PAS BRJOD BYA PHAL CHER THUGS LA SHAR, GLEGS BAM DBU LA BZHAG STE SMON LAM BTAB, 'DU KHANG STENG DU MCHOD MJAL MDZAD SKABS, LAM RIM LHA KHANG GI RGYAL DBANG GI LDER SKU GZIGS DUS NYAMS SNANG KHYAD PAR CAN BYUNG GSUNG, RGYAL BA BSOD NAMS RGYA MTSOS BZHENGS PA'I RJE TZONG KHA PA'I SKU BRNYAN MJAL DUS KYANG MA 'ONGS PA'I LUNG BSTAN 'GA' ZHIG THUGS LA 'KHRUNGS, DE SKABS DPAL LDAN BKRA SHIS SGO MANG GI SLOB DPON YONGS KYI DGE BA'I BSHES GNYEN CHEN PO KLU 'BUM BLO GROS RGYA MTSOS MDZAD SKABS YIN

, ,'DUG PAS, KHONG GI MDUN DU DGE TSUL BSKYAR NAS BSGRUB, CHOS GRVAR 'JUG PA'I LHAN GSAN PHUL TE HOR ZLA DGU PA'I TSES NYI SHU LDA'I NYIN BLO GSAL BYE BA'I BSTI GNAS DPAL LDAN BKRA SHIS SGO MANG GI CHOS GRVAR ZHUGS; BSDUS GRVA'I RTZI BZHAG THUGS 'DZIN MDZAD DE SBYANGS PAS CHOS THUN GNYIS GSUM NAS RTZOD GRA RNYED CING STON CHOS GSUM PA TSUGS DUS BGRO GLENG SHAR SHAR BYED THUB BA BYUNG, CHOS THOG DE DANG CHOS 'TSAMS DE GNYIS LA SKYOR SBYANGS DANG DPYAD PA CHU BO'I RGYUN LTAR MDZAD BAS RIGS LA MA CHUNG 'BRID GNYIS LHAG MA MED BAR THUGS SU CHUD, BKA' RTZOM LAS, NYER GCIG SA SPREL LO DE'I YAR DO LA, ,'JAM MGON MI YI ZOL BRTEN RDO RJE 'CHANG, ,BLO GROS RGYA MTSOR SKYES BCAS SNYAN GSAN BYAS; ;DE YI NYER LNGAR BSDUS GRVA CHUNG DUR ZHUGS, ,CHOS THUN GNYIS BZUNG TZAM GYIS RTZOD GRVA RNYED, ,CES SO, ,DGUN CHOS CHEN MO'I SKABS GLING BSRE DANG SMON LAM GYI DAM BCA' LA GZIGS CHED GRVA PA RGYUS YOD PA ZHIG DANG LHAN DU BZHUGS NAS DGE BSHES RNAMS LA GZIGS BAS, THOG MAR GRVA RGAN RNAMS DPYOD LEGS PA 'GA' RE BZHENGS BYUNG BAR SU YIN DRIS PAS 'DI DAG LA YON TAN CHER MED, DGE BSHES TSO MJUG NA YOD ZER, 'TSAMS ZHIG GRVA PA SKU GZUGS CHE LA SMRA BRJOD GTZANG BA RNAM DPYOD LEGS SHOS SHIG BZHENGS NAS KUN BTAGS NGO BO NYID MED PA ZER BGRO GLENG BYAS SOR BAS DAM BCA' BA'ANG SA 'OG LA THIM 'GRO BA LTAR 'DUG ,SU YIN DRIS PAS BYA BRAL RAB 'BYAMS PA CHOS SKYONG RGYA MTSO YIN, DA LTA DGE BSHES LA 'DI LAS CHE BA MED

ZER; DE NAS GRVA PA SPYAN DMAR KHYUR RE BA ZHIG BZHENGS TE, KUN BTAGS CIG BYAS MA BYAS TSUL ZER BGRO GLENG MDZAD SONG BA DRIS BAS BSAM BLO LCANG SKYA SKU SKYE YIN, YON TAN LA 'GRAN ZLA MED ZER BA LA, RJE 'DI'ANG SNGON GYI 'BREL BA'I DBANG GIS DAM PA DE LA MI PHYED PA'I DAD PA TSAD MED PA 'KHRUNGS SHING DGE RGAN DU BSTEN NA SNYAM PA DGONGS, DGUN CHOS GROL NAS PHA PONG KHAR RIGS DAD DKYIL 'KHOR KUN GYI MNGA' BDAG RDO RJE 'CHAD 'JAM DBYANGS GRAGS PA'I DRUNG DU RJE 'DIS GSOL PA BTAB STE, 'JIGS BYED LHA BCU GSUM MA'I DBANG DANG, SGRUB THABS ZA MA TOG GI LUNG, TSE DPAG MED LHA DGU'I DBANG BCAS, DGE BSHES HER SKAM PO DANG, RAB 'BYAMS BA BLO GROS, ZANGS DKAR TSA BO GSUM DANG LHAN DU GSAN, 'JIGS BYED KYI DBANG GI STA GON MDZAD PA'I NUB MO RMI LAM DU, PHA BONG KHA'I RGYAB KYI ZAM PA'I KHAR ME TOG 'GA' ZHIG BSNAMS NAS YOD PA RMIS PA, ZAM PA LAS NI DON CHEN 'GRUB, ZER BA 'DUG PAS BZANG BAR DGONGS, GSANG SNGAGS RDO RJE THEG PA'I SGOR DE DUS ZHUGS PA PHYIS PHA BONG KHA'I MKHAN PO MDZAD PA'I RTEN 'BREL DU 'DUG GSUNG, DGUN DER RDO BCAL CHEN MO'I GLING BSRE'I SKABS, MKHAS MANG BLO GSAL GLING GI DPON SLOB NYAG RI THO LOG GIS GSUNG BSHAD MDZAD, RJE SGO MANG PA'I ZHAL SNGA NAS KYIS, LNGA SDE LA BDEN BZHI'I CHOS 'KHOR BSKOR TSUL NAS BGRO GLENG MDZAD SONG BAS, SANGS RGYAS DANG LNGA SDE'I SNGON DU GLING 'DIR DGE SLONG MED ZER, CHOS RJE SGO MANG BAS, 'ON, RGYAL BU GZHON NU DON 'GRUB MNGON BAR 'BYUNG PA'I TSE PHO BRANG GI BYANG SGO NAS GZIGS PA'I

, ,DGE SLONG DE CHOS CAN GSUNG BA LA, BLO GSAL GLING ZHAL SNGA NAS KYIS, DE NI GNAS GTZANG GI LHA DGE SLONG GI CHA BYANG DU 'ONG BA YIN GYI DGE SLONG MTSAN NYID PA MIN GSUNG, DE RJES BDE YANGS DPON SLOB BZHENGS NAS, NYAN THOS DGRA BCOM LHAG MED PA CHOS CAN, KHYOD KYIS 'KHOR BA'I RTZA BA SPANGS BAR THAL, 'KHOR BA SPANGS PA'I PHYIR ZER BA LA BLO GSAL GLING ZHAL SNGA NAS KYIS MA KHYAB GSUNG BAR, BDE YANGS BAL MAS 'KHOR GSUM MDZAD NAS, YANG DE CHOS CAN; KHYOD KYIS 'KHOR BA'I RTZA BA SPANGS PAR THAL, 'KHOR BA RTZA BA NAS SPANGS PA'I PHYIR ZER BA LA BLO GSAL GLING ZHAL SNGA NAS BZHAD GAD MDZAD CING PHYAG BRDAB NAS MA KHYAB GSUNG, RJE 'DIS GRVA PA 'GA' ZHIG LA DE RING NYAG RI THO LOG PHAM SONG BA 'DRA, 'KHOR BRTZA BA NAS SPANGS NAS, 'KHOR BA'I RTZA BA MA SPANGS PA SU YOD GSUNGS PAS THAMS CAD HA LAS TE 'DI LO KHA SHAS CHOS GRVA LA SONG NA RTZOD ZLA SUS KYANG CHOD PA DKA' ZHES GLENG, DE NAS SA MO BYA'I GNAM LO GSAR TSES KYI LHA SA SMON LAM DU DGA' LDAN KHRI RIN PO CHE GUR SMON PA RNAM DAG RDO RJE SMON LAM GYI TSOGS DBU MDZAD 'DUG BAR GSUNG CHOS DANG SMON LAM LA CHAG MED DU PHEBS, SKYES RABS SO BZHI PA 'CHAD PA LA 'DI LTA BU'I RNAM DPYOD CAN DKA' ZHES KHONG LA DE DUS GRAGS PA CHEN PO 'DUG GSUNG, GRVA TSANG GIS MCHOD MJAL MDZAD DUS 'JAM DBYANGS GYANG THIM MA LA SNYAN DAR PHUL BAS PHYAG GIS BZHES TE GSUNG 'BYON LA KHANG PA'I GZIGS SNANG BYUNG, LO DER BSDUS CHEN DANG BLO RTAGS LA BRGAL BRTAG SA ZHIB PAR MDZAD PAS GZHAN GYI RTZOD ZLA

MED PA'I TSOD BYUNG, KLU 'BUM BA RGYA NGO DMAR GYIS SDE BDUN RGYAN YID KYI MUN SEL KHYER 'ONG NAS 'DI BLO RTAGS DANG BSDUS GRVA LA PHAN BAR 'DUG PAS KHYED KYIS GZIGS RTOG MDZAD DE SLAR NGA LA THOD CES G-YAR PO PHUL BA ZHIB TU BKLAGS PAS SNGAR GYI BLO RTAGS BSDUS GRVA BCAS KYI RIGS PA'I 'PHROS LHAG MA MED PAR MKHYEN, RTZOD PA SHIN TU RNO BAS PHAL CHER GYIS SNGAR CHOS GRVAR 'GRO MYONG BA ZHIG YIN NAM ZHES THE TSOM GYI DRA BAR CHUD, BKA' RTZOM LAS, CHOS GRVAR RTZOD PA'I THAL 'GYUR KUN LEGS BAS, , PHAL CHER KUN GYIS SNGAR NAS CHOS GRVA RU, ,SONG BA'I NGA RGYAL CAN ZHIG RED CES GRAGS, ,DE SKABS RTAGS DANG RMI LTAS CHES MANG BA, ,DAD PA'I STOBS YIN PHYIS SU DRED PAS MED, ,CES SO, ,DE SKABS SGO MANG CHOS GRVA LA RJE RIN PO CHE PHEBS KYIN 'DUG CES GRAGS PA CHEN PO BYUNG BAR NYIN GCIG BLA BRANG DU SHOG GSUNGS NAS RJE 'DI PHEBS BAS, DPON SLOB KYIS, KHYED TSO'I 'DZIN GRVA SO GSAN GZHAN GYI RTZED MO'I RNAM PAS BTAGS PA'I RJE RIN PO CHE ZER BA'I GRVA PA 'DRA YOD DAM GSUNG, DE 'DRA MED ZHUS PAR NYAMS MTSAR, DENG SANG 'BRAS SPUNGS GLING THAMS CAD LA DE LTAR GRAGS 'DUG GSUNG, DE YANG RJE'I BSTAN PA GSAL BAR BYED PA LA RJE TZONG KHA PA DANG MTSUNGS BA ZHIG 'BYUNG BAR DON GYIS LUNG BSTAN PA LTAR 'DUG ,DPON SLOB LAS THOGS PA DE NYID RJE 'DI LA SHIN TU DGYES BAB RGYUN PAR BLA BRANG DU SPYAN DRANGS NAS ZHAL TA YANG YANG MDZAD CING MI GZHAN TSO SKU MDUN DU MJAL TSE NGAG DBANG GIS SLOB GNYER LA BRTZON 'GRUS BYED KYIN 'DUG GAM ZHES DRI BA MDZAD, RJE 'DI YANG BLA MA

, ,'DI LA LHAG PAR MOS GUS TSAD MED PA THOB, SKU ZLA WA SHUL DKA' BCU ZER BA'I GRVA RGAN ZHIG YOD PA DE DANG BCAS KHA SHAS KYIS DPON SLOB LA KHA BTANG BA GSAN PAS DE 'DRA MA GSUNGS, KHYED RANG TSO DAD PA MED NA'ANG, NGA'I BLA MA YIN PAS NGA'I TSOR SA NAS DE 'DRA GSUNGS PHYIN DKA' BCU PA DANG NGED RANG GNYIS LHAN DU SDOD THABS MED CES BKA' BKYON MDZAD PAS PHYIN CHAD KHOS KYANG LKOG LAB BYAD MA NUS SO, ,TSUL 'DI NI DAM PAS BSNGAGS PAR 'OS PA'I RNAM THAR DU SHES PAR BYA STE, DGE BSHES STON PA'I ZHAL NAS, RANG GI BLA MA LA GZHAN SKYON BRJOD BYED NA DE'I RAM BU MI 'DEGS PAR, DE NGA'I BLA MA YIN, MI GSUNG BAR ZHU BYAS LA GSOL BA 'DEBS, GSOL BA MA THEBS NA RNA KHUNG BKAG STE MI THOS PAR BYA; YANG NA GZHAN DU 'GRO ,ZHES GSUNGS PAS SO, ,LO DER DKYIL 'KHOR RGYA MTSO'I MNGA' BDAG PHA BONG KHA PA 'JAM DBYANGS GRAGS PA'I DRUNG DU GSAD 'DUS DANG 'JIGS BYED SOGS KYI DBANG GSAN ZHING RGYAN 'JUG GNYIS RGYAL BA DGE 'DUN RGYA MTSO'I GRUB MTHA'I RNAM BA ZHAG SOGS ZHIB BAR BZUNG NAS BRGAL BRTAGS KYIS GTAN LA PHAB, BKA' RTZOM LAS, NYER GNYIS SA BYA'I LO LA RDO RJE 'CHANG, ,RTZA BA'I BLA MA PHA BONG KHA'I ZHABS SU, ,GSANG 'JIGS KUN TSEG DBANG RNAMS RGYAS BSHAD BCAS BYIN RLABS BDUD RTZI'I RGYUN GYIS SNYING BUM GANG, ,LO DER RGYAN 'JUG DGE 'DUN RGYA MTSO YI, ,GRUB MTHA'I RNAM BZHAG GRU RDZING RTEN 'BREL DANG, ,BLO RTAGS MAN CHAD BSDUS TSAN NYER LNGA KUN, ,ZHIB BZUNG BRGAL BRTAG SGO NAS GTAN PHAB CING, ,DKA'

BCU NO YON DBON POS KHAS LEN BSKYAR, ,ZHES SO, ,LAN GCIG DBU MAS STONG NYID BSHAD YOD PAR 'DUG CING STONG NYID BSTAN PA'I SNYING PO YIN PAS MJAL DGOS DGONGS NAS 'JAM DBYANGS STAG LUNG BRAG PA'I DBU MA G-YAR NAS GZIGS RTOG MDZAD; 'DIS STONG NYID BSHAD DGOS RGYU LA KUN RDZOB KYI SKOR RKYANG BA LAS BSHAD MI 'DUG SNYAM PA THUGS LA 'KHRUNGS, PHYIS SU YANG DE KHO NA LTAR SNANG GSUNG, LO DE KA'I DGUN CHOS THEG TU PHAR PHYIN GYI GZHUNG GSAR DU ZHUGS, THUB BSTAN YONGS SU RDZOGS PA'I DGE BA'I BSHES GNYEN PO BSAM BLO LCANG SKYA ZHABS DRUNG NGAG DBANG BLO BZANG CHOS LDAN DGE RGAN LA BRTEN NAS KHAS LEN ZHUS PAS, DAM PA DES KYANG LEGS PAR BSHAD PA'I CHU RGYUN GYIS RJE 'DI'I THUGS KYI BUM BZANG YONGS SU 'GENGS PAR MDZAD DO, ,CHOS THOG DE LA DKA' RAM 'DZIN GRVA NAS DGE BSHES CHEN PO KLU 'BUM KHAM RA DGE SLONG DANG, BSAM BLO RAB 'BYAMS PA AA DAR GNYIS GZHUNG GSAR 'DZIN GRVAR DAM BCA' LA PHEBS PAR, RJE 'DI BZHENGS NAS, SHES RAB PHA ROL PHYIN PA LA, ZHES SOGS TSIGS BCAD GCIG PO 'DIS THOS BSAM SGOM GSUM GYI THOG MAR SKYABS 'GRO DGOS TSUL BSTAN PAR MA ZAD DE DUS KYI SPYOD LAM, SKYABS 'GRO'I YUL DANG BCAS BSTAN TSUL LUNG DRANGS NAS GTONG BAR MDZAD PAS KHONG GNYIS KYI DAM BCA' 'DAM LA BTAB PA'I PHUR PA BZHIN DU GYUR PAS KHA SKYENGS, PHYI NYIN DGE SLONG KHAM RA CHOS GRVA'I LAM 'GAG NA BZHUGS 'DUG PA LA, RJE 'DIS DBU ZHVA PHUD NAS GUS GUS MDZAD PAS, KHONG GIS KHYED LA DGE BSHES CHEN PO ZHIG 'ONG

, ,BAR 'DUG PAS SKU RIM LA REM, SLOB GNYER LA HUR THAG GYIS ZHES CHOS LA BSKUL BA'I LAB YAR MDZAD, LCAGS KHYI'I LO DGUNG LO NYER GSUM PA'I DUS 'DZIN GRVA SKABS DANG POR PHEBS, ZUR BKOL BZHI DANG; RNAM BSHAD SKABS DANG PO PHAL CHER THUGS LA BYAD BAR BZUNG, LEGS BSHAD GSER PHRENG SOGS YIG CHA MANG PO LA ZHIB GZIGS MDZAD PAS THUGS SKYED CHE BAR BYUNG, BKA' RTZOM LAS, LCAGS KHYIR LEGS BSHAD SNYING PO CHOS 'BYUNG GI ,DRANG NGES RNAM 'BYED CHOS GRAGS RNAM RGYAL BA'I, ,DRANG NGES RNAM 'BYED DGE 'DUN RGYA MTSO YI, ,DKA' 'GREL BDE LEGS NYI MA DAM CHOS DPAL, ,MO MA'I RTEN 'BREL DGE 'DUN NYI SHU DANG, ,DGE 'DUN NYI SHU CHOS 'BYUNG BYAMS LHUN GNYIS; ;BSAM GZUGS MTHA' DBYOD SPYI DON BRGYAD TZAM SOGS, ,MANG PO'I PHAL CHER BZUNG ZHING LA LA BLTAS, ,ZHES SO, ,DUS RGYUN MCHOD PA DANG MAndAL DANG PHYAG SBYANGS LA GTZO POR 'BAD PAS DPA' RI'I GSUNG RAB ZER BA'I MKHYEN RAB CHEN PO CAN ZHIG YOD PA DES, KHYED CHOS GRVA PA ZHIG GIS RTZI BZHAG SKYOR RGYU BZHAG NAS PHYAG GNANG BA MI DGA', RGYUN DU RTZI BZHAG SKYOR ZHES GSUNGS BYUNG PAR, RJE 'DIS KHYED THUGS BDEN KYANG DA LTA CANG MI GO BA DE TSE SNGA MA'I SDIG SGRIB KYIS LAN PA 'DRA GSUNGS PAS DGE BSHES GSUNG RAB PA YANG ZHAL SKYE NGAS PAR GYUR, KHONG GIS BSAM PA LA, RJE 'DI SKYES BU DAM PA KHYAD 'PHAGS ZHIG TU SNANG BAS CHOS ZHUS NA GRVA PA GSAR PA YIN PAS GNANG MI YONG, 'ON KYANG 'BREL PA ZHIG BYA

DGOS DGONGS NAS, KHO RANG GI GSHAG TU SPYAN DRANGS TE MA 'ONGS BA NA GDUL BYAR 'GYUR BA'I SMON LAM BTAB, BAR SKABS ZHIG RNAM BSHAD GSER 'PHRENG GNYIS PAR 'DEBS DGONGS KYANG SNAG TSAS 'GAG NAS 'BAB GYI MED ZER BA GSAN NAS SKU ZLA 'GA' BCAS NYI NA GSUM GYI RING PAR SHING LEGS PAR BKRUS TE TSAR RE BTAB, DE RJES GRVA PA MANG POS PAR BTAB PAS RNAM BSHAD DANG GSER 'PHRENG GI DPE MOD PO BYUNG, DE NI SKU TSE 'DI LA RGYAL BA GNYIS PA'I RING LUGS GSAL BAR BYED PA'I RTEN 'BREL DU 'DUG GSUNG, RTZI BZHAG SBYOR LAM LA SLEB DU SA 'JAM DBYANGS LA GSOL BA DRAG TU BTAB PAS NYAMS SNANG ZHIG LA BRTEN NAS SHES RAB KYI PHA ROL TU PHYIN PA'I DON LHAG MA MED PAR THUGS SU CHUD, DE PHYIN MDO RGYUD BSTAN BCOS GANG LA BLTAS KYANG THOGS MED DU SHES PA ZHIG BYUNG GSUNG, LCAGS PHAG GI LO DGUNG LO NYER BZHI'I DUS 'DZIN GRVA PHAR PHYIN STON MO LA PHEBS, RNAM BSHAD GSER 'PHRENG GI DKA' GNAD DANG, 'GREL CHUNG DON GSAL DANG, LEGS BSHAD SNYING PO RANG RGYUD PA'I BAR BCAS GZUNG, LO DER RNAM BSHAD DGONGS PA RAB GSAL GYI STOD CHA PHAL CHER THUGS 'DZIN MDZAD CING, ZHAR LA RJE BTZUN PA DANG BDE LEGS NYI MA SOGS KYI 'DUL MDZOD LA SBYANGS PAS RNAM DPYOD KYI KLONG RDOL, DE YANG BKA' RTZOM LAS; LCAGS PHAG LO LA DBU MA'I RNAM BSHAD KYI, ,PHAL CHER BZUNG LA 'DUL MDZOD BDE LEGS DANG, ,RJE BTZUN PA DANG BSOD GRAGS SKYO tIKA DANG, ,DNGOS GRUB GNYIS DANG RIN CHEN SHING RTA GSUM, ,RANG 'GREL 'GREL BSHAD CI RIGS LTA

, ,RTOG BCUG ,DE DUS RNAM PAR DPYOD PA'I KLONG RDOL LTAR, ,GRUB PA'I MTHA' DANG YIG 'JOG SO SO LA, ,BLTAS PA TZAM GYIS CHU DVANGS RDE'U LTAR, ,DNGOS SHUGS MA 'DRES SHEL LA TSON BZHIN 'CHAR, ,ZHES SO, , DE KA'I ZHAR LA LAM RIM SNGAGS RIM 'JIGS BYED KYI BSKYED RDZOGS SOGS GZHUNG DANG MAN NGAG DU MA LA SBYANGS SHING, SGRA DANG SNYAN DAGS LA YANG SKABS SKABS SU GZIGS RTOG MDZAD PAS LEGS PAR DGONGS, LHAG PAR SGRA LA BAG CHAGS BZANG PO YOD PAS SBYANGS PA CHER MA BYAS KYANG RANG SHUGS KYIS SHES PA ZHIG DE DUS NAS YOD GSUNG, CHOS GRVAR 'BYON PA'I SKABS 'DI DAG TU SKU CHAS KYANG BKREN PO BYUNG STE SRAN MA CHU LA SPANGS NAS BZHES PA SOGS GANG BYUNG GI 'TSO BA LA BRTEN NAS SLOB GNYER SHA STAG MDZAD PAS THAMS CAD KYI WA SHUL NGAG DBANG ZHES DKA' SPYANG DANG SNYING RUS KYI TSAD DU 'DZIN NO, ,LO DE'I DGUN CHOS LA PHAR PHYIN STON MO GNANG, DKA' RAM 'DZIN GRVAR DAM BCA' LA PHEBS PAS, BYA BRAL RAB 'BYAMS PA RAG MA BZHENGS NAS BGRO GLENG GNANG, RJE 'DIS KHYI'I LUS RTEN CAN GYI BYANG SEMS KYI LUS RTEN KHYI'I LUS RTEN YIN ZHES DAM BCA' BZHAG ,DE LA RAG MA RAB 'BYAMS PAS 'KHOR GSUM MDZAD DE, DE 'DRA'I BYANG SEMS DE'I LUS RTEN CHOS CAN, KHYI'I LUS RTEN MA YIN PAR THAL, BYANG SEMS DE'I LUS RTEN YIN PA'I PHYIR ZHES KHYAB PA BCAD, RJE 'DIS DE LAM KHYAB GSUNG, YANG KHOS, DE CHOS CAN, 'DE 'GRO'I LUS RTEN YIN PAR THAL, BYANG SEMS DE'I LUS RTEN YIN PA'I PHYIR GSUNG PA LA

YANG KHYAB PA GTAN NAS MED GSUNGS PAS KHO RANG RBAD KYIS CHAD MI SMRA BA'I BRTUL ZHUGS LA GNAS DGOS BYUNG RUNG, DA BYUNG BYUNG, MI TSOS DE MI ZER BA ZER NAS BZHAG ,GZHAN MANG PO LANGS TE KHAS LEN DE SGRUB KYANG LCAGS KYI PHA BONG LA KHU TSUR BA SNUN PA BZHIN DU GYUR, DE RJES SMRA BA'I KHYU MCHOG SGO ME GRAGS PA RGYA MTSO BZHENGS NAS KHYED LA RE CHEN PO YOD KYANG KHAS LEN DE GANG DANG YANG MI MTHUN PA ZHIG 'DUG ZER TSOGS GTAM YOD TZAM BTANG NAS DGE 'DUN NYi SHU NAS BGRO GLENG MDZAD, RJE 'DIS RANG RGYAL LA ZHUGS GNAS BRGYAD 'THAD BYAS PAS, SGO ME GRAGS RGYAM PA HA LAS TE, KHYAB PA GCIG KYANG GCOD RGYU MED PAR 'KHOR GSUM GYI STOD 'UR BYAS, YIG CHA DANG MI MTHUN PA ZER, YANG NYAN THOS GCIG CHAR BA RANG RGYAL LAM DU 'JUG, PA YOD MED DRIS BYUNG BAR, RNAL 'BYOR SPYOD PA'I DBU MA RANG RGYUD PA LTAR NA NYAN THOS GCIG CHAR BA SRID PA THA MA'I TSE RANG RGYAL LAM DU 'JUG PA MED GSUNGS PAS, GRAGS RGYAM PAS 'KHOR GSUM BYAS TE MNGON PA KUN BTUS KYI LUNG DRANG BYUNG BAR, RJE 'DIS KUN BTUS PA DANG, MDO SNGE SPYOD PA'I RANG RGYUD PA SOGS KYI LUGS LA RUNG KYANG, SKABS 'DIR DE LTAR MI RUNG GSUNGS PAS, GRAGS RGYAM PA NGAR NGAR BYAS 'KHRAB GIN BZHUGS PA LAS GNOD BYED MA THENGS, PHYI NYIN DPON SLOB KYIS DKA' RAM 'DZIN GRVA LA NGAG DBANG GIS KHAS LEN CI 'DRA BYUNG ZHES DRI BA GNANG BAR, KHONG RNAMS KYIS NGAG DBANG LA RE CHE YANG DE 'DRA MA BYUNG MI GANG DANG YANG MI MTHUN PA ZHIG ZER GYIN 'DUG ZHUS PAR, BLO RTZE 'DUG GAM GSUNG, DE 'DUG LAGS ZHUS PAS, 'O NA

, ,BYUNG BA YIN 'DUG ,RANG LA BLO RTZE GTANGS YOD NA MI GZHAN DANG MA MTHUN PA LA 'GAL BA CI YOD GSUNG MNYES MNYES MDZAD, BKA' RTZOM LAS, DGUN CHOS PHAR PHYIN STON MO'I DAM BCA' SOGS, ,RJE YI YI GA CHA DANG MTHUN TSAD MAS DRANGS, ,'ON KYANG 'JIG RTEN RMONGS YUS GNA'I SROL GYI, ,DRANG MIN YUR BAR ZHEN PA'I NYAL 'GRO RGYUG ,MTSAN NYID STONG 'KHOR BON PO'I BSVO SGRA DANG, ,MU TO'I RGYANG 'BOD 'DI GSUM NGES PA CI, ,TSE RABS SNGON MA'I LEGS BYAS CHU KLUNG DU, ,LUNG RIGS PAD DKAR 'DAB BRGYA BZHAD PA LA, ,DPYOD LDAN DANG MOS BRGAL BRTAG DBYANGS SNYAN KYANG, ,LOG SMON BYA ROG DER SNYING MI DGA' LO, ,'DZAM GLING GSAL BYED BCU GNYIS BDAG PO 'DI, ,SPRIN DANG KHUG SNA RDUL GYI NYES PA YIS, ,MI SDOD GLING BZHIR CHU SKYES TSAL BZHAD NA, ,RGYAL SRAS TSOGS GNYIS CAN RNAMS JI LTAR SNGOD, ,CES SO, ,DE'I TSE RJE 'DI'I BYIN RLABS KYIS 'DZIN GRVA GONG 'OG KUN LA RTZOD PA SHIN TU DMAR PAS RNAM DPYOD CAN YANG MANG DU BYUNG ZHING LHAG TU RJE RANG GI 'DZIN GRVA NAS SGO MANG GI BLA MA BYAS PA GNYIS BYUNG, SKABS DER NGES 'BYUNG GI BSAM PA MNAN PAS MI NON PA GLO BUR DU BSAM NA THUGS 'PHAR YONG BA'I TSOD TZAM YANG YANG BYUNG BAS, DA NI TSE 'DI LA NGES PA 'GA' MI 'DUG PAS SNGAGS LA BAG CHAGS SHIG BZHAG NAS MGYOGS PAR RI KHROD LA 'GRO DGONGS NAS, ZLA BO RAB 'BYAMS PA NAM MKHA' LA GROS DRIS PAS, KHOS KHYED KYIS PO TI BZHI MTHAR PHYIN PA CIG BSLABS NAS GRVA SKOR BYAS NA BSTAN PA LA PHAN THOGS YONG,

DE MIN RANG DON GCIG PU BYAS PAS CI YONG, LHAG PAR GRVA TSANG GI BLA MA BYAS TE DGE BSHES BSTAN PA 'DZIN THUB PA KHYED RANG 'DRA BA 'GA' BYUNG NA DE KA 'GANG CHE MOD CES LAB YAR MDZAD PA THUGS LA BABS PA ZHIG BYUNG NAS RE ZHIG CHOS GRVAR SNGAR GYI MU MTHUD, DGUNG LO NYER LNGA PA'I STENG DU DBU MA'I 'DZIN GRVAR PHEBS, RNAM BSHAD DGONGS PA RAB GSAL BZUNG NAS DBU MA'I SLOB GNYER DPYIS PHYIN PAR MDZAD, LO DER DKA' BCU'I MING BTAGS MDZAD RTZIS KYIS GSANG PHUL PHEBS, BSE KHRAB PA MJAL DUS ZHAL DMAR SKYA RDUL CAG GE BA ZHIG GZIGS BYUNG, KA BSGYUR BYAS PAS MKHAS GRUB RIN PO CHE'I KA PA THOB PAS SMRA BA'I SENG GE ZHIG 'ONG BA'I RTEN 'BREL 'GRIG ,MKHAS GRUB KYI KA PA YIN MIN THE TSOM MDZAD PAS, MTSAN MO MNAL LAM DU KA PA DE'I STENG NA YI GE ZHIG BRIS 'DUG KYANG ZHAL KHEBS KYIS BSGRIB NAS MI MTHONG BA ZHIG RMIS, MNAL SAD NAS SKU GZUGS YANG CUNG MI BDE BA BYUNG, DE'I PHYI NUB YANG SNGAR GYI DE 'DRA ZHIG RMI LAM DU BYUNG BA ZLA BO RNAMS LA GSUNG 'PHROS MDZAD PAS, KHONG TSOS KHYED KYIS NGA RGYAL BYAS SAM, CHOS SKYONG GI 'TSUB CHA YIN SHAS CHE BAS CHOS SKYONG LA SKYABS 'JUG ZHUS NA ZER BA BZHIN PHYI NYIN SNYAN DAR PHUL 'PHRIN BCOL MDZAD PAS, CHOS SKYONG GI ZHAL YANG SNGA MA DANG MI 'DRA BAR DMAR LA SNUM PA 'OD CHE BA ZHIG GZIGS PAS SKU BSNYUN KYANG DVANGS, DE NUB MNAL LAM DU SNGAR GYI KA PA'I STENG LA GZIGS PAS 'DI MKHAS GRUB CHOS RJE'I KA PA YIN ZER BA ZHIG BYUNG BAS NGES SHES 'DRONGS, DE YANG MKHAS GRUB RJE'I MDO SNGAGS KYI YIG CHA GSAL BAR BYED DGOS PA'I BRDAR 'DUG

, ,GSUNG NAS MKHAS GRUB RJE'I BKA' RTZOM RNAMS LA TSAD MAR MDZAD CING BSNGAGS BRJOD KYANG RJE'I BU CHEN GZHAN LAS CHE BAR GNANG, BSTOD PA YANG SNYAN NGAGS KYIS MDZES PA ZHIG PHYIS SU MDZAD DE BKRA SHIS 'KHYIL GYI TSOGS 'DON DU BTZUGS, PAn CHEN THAMS CAD MKHYEN PA'I SKU DRUNG DU YANG 'BUL CHEN PHUL TE RNAM 'GREL tI KA CHEN DANG SDE BDUN RGYAN YID KYI MUN SEL RNAMS KYI BAR BRKO BA'I RTING BSKUL ZHUS PAS ZHABS PAD NAS KYANG THUGS KHUR BZHES TE MI ZAD PA'I CHOS SBYIN GYI SGO PHYE, DE NAS MKHAS MANG BLO GSAL BYE BA'I DBUS SU LEGS BSHAD SENG GE'I NGA RO YONGS SU BSGRAGS TE DKA' BCU'I MTSAN BTAGS MDZAD, LO DE'I RJES MAR CHOS KHRI SER PO'I GRVA SKOR BYED RGYU'I SNYAN GSAN KYANG PHUL, DE SKABS RIGS PA SMRA BA'I KHYU RGYAN DAM PA MKHAS PA CHEN PO NYI MA THANG PA SHES RAB SBYIN PA DANG MJAL, DE'I DUS NA TSAD MI'I SKOR LA KHONG 'GRAN ZLA DANG BRAL ZHES SHIN TU GRAGS CHE BAS RNAM 'GREL GYI DKA' GNAD LAS BRTZAMS TE DRI GTUGS MANG DU MDZAD PAS, BLA MA YANG DGYES NAS KHYED KYI DOGS PA 'DI DAG DKA' GNAS SU 'DUG PA SANG LA'ANG BLO SKYED 'ONG BAR 'DUG CES GSUNGS PA NI, MKHAS PA MKHAS PA'I DRUNG NA MDZES, ,ZHES PA'I RNAM THAR DU SNANG NGO, ,DE DUS RJE 'DI'I THUGS LA RNAM 'GREL 'DI TSAD MA MDO TZAM BRJOD BYA MI RGYAS PA 'DUG ,'DIS KYANG TSAD MA MDO LTAR BSHAD NA YONG RGYU RED SNYAM PA DGONGS, SANG PHOD GSANG PHU'I GRVA SKOR BYED RTZIS LAGS PAS BLA BRANG NAS DPE 'TSAMS KYI MTHUN RKYEN ZHIG THUGS 'DOGS GNANG DGOS ZHUS PAS DE KA

RANG YONG GSUNG, SLAR 'BRAS SPUNGS SU PHEBS, DPON SLOB BLO GROS RGYA MTSO'I SKU ZHABS SU MJAL TE GSANG PHUR GRVA SKOR BYED RTZIS KYI GNAS TSUL ZHUS PAS, KHYED MKHAS PA CHEN PO YIN PAS LHA SA SMON LAM GYI GRVA SKOR MDZAD NA LEGS ZHES GSUNGS KYANG; THUGS 'DUN GYI DBANG GIS DGONGS PA ZHUS TE GSANG PHU'I GRVA SKOR BYED PAR THAG BCAD, DE NAS NYI THANG BLA BRANG DU DPE 'TSAMS LA PHEBS NAS, GRVA TSANG GI YIG CHA'I DBU MA DANG, SKYED TSAL MKHAN PO 'JAM DBYANGS KUN DGA' CHOS BZANG GIS MDZAD PA'I 'DUL BA LUNG RIGS GTER MDZOD GNYIS THUGS LA BYANG BAR BZUNG, RNAM 'GREL SNGAR NAS THUG 'DZIN GNANG TSAR KYANG SLAR YANG NYI THANG DPON SLOB KYI DRUNG DU ZHIB KHRID DANG DOGS GCOD RGYAS PAR MDZAD DE SLAR 'BRAS SPUNGS SU BYON, DGUNG LO NYER DRUG BZHES PA'I DUS HOR ZLA GSUM PA'I NANG DU GZHUNG NAS DBON SLOB BLO GROS RGYA MTSO RGYUD SMAD BLA MAR PHEBS DGOS ZHES BKA' RGYA BYUNG BA GSAN NAS, DPON SLOB KYI DRUNG DU PHEBS NAS DA DUNG LO KHA SHAS GRVA TSANG GI BLA MA MDZAD DGOS ZHUS PAR; GONG SA'I BKA' YIN PAS GYEN ZLOG MI NUS GSUNG, MI GZHAN GYIS ZER RIGS SNA TSOGS 'DUG PAS GANG LTAR YANG ZHABS PAD YUN RING DU BRTAN DGOS ZHES SPYAN CHAB BTANG NAS ZHUS PAS, KHYOD SGRAG MI DGOS, NGA LA RE ZHIG SKYON MED DGA' LDAN GYI KHRI YANG BYED RGYU 'ONG, DE DUS KHYOD KYANG DGA' LDAN LA 'ONG DGOS, DE BAR PO TI RNAMS MTHAR PHYIN PA BSLAB STE SMAD RGYUD DU BYON NAS SNGAGS LA THUGS GNYER MDZAD NA LEGS ZHES NANG SBYAR GYI ZHAL BKOD DANG BSLAB BYA RGYAS PA GNANG

, ,ZHING PHYAG MTHIL NA 'KHOR LO'I MTSAN MA YOD PA YANG STON PAR MDZAD, DE NAS BYANG SEMS SBYOR LAM PAR GRAGS PA RGYAL SRAS CHEN PO THOR GOD DON GRUB RGYA MTSOS SGO MANG GI BLA MA MDZAD, DE'I STENG DU DPYID CHOS GNYIS PA'I STENG DU DBUM GSAR TSUGS KYI SKYOR DPON MDZAD DE RTZI BZHAG GSAN, CHOS THOG GI SGANG TZAM LA SLEB SKABS, SOG PO DGE BSHES SHES RAB RGYA MTSO DANG BCAS GANGS CAN BSTAN PA'I 'BYUNG GNAS DPAL LDAN GSANG PHU NE'U THOG TU GRVA SKOR LA PHEBS, DE NYIN GSANG PHUR SPYI KHANG GSAR RGYA GCIG TU THAB BZUNG BAS SPYI KHANG GI STENG DU BSANG GTONG BA DANG DAR LCOG BTZUGS PA SOGS BYUNG BAS RTEN 'BREL LEGS PAR DGONGS, SKU ZLA RNAMS KYIS DBU PHAR DANG MDZOD 'DUL LA KHYED GRAGS CHE BAS BAM PA GNANG, RNAM 'GREL GYI NYIN NGAR PO GNANG DGOS ZHES ZHUS PA LTAR ZHAL GYIS BZHES, DE NAS GSANG PHU DBYAR CHOS KYI SKABS SA DGE'I GRVA TSANG BCU GCIG BCAS 'TSOGS PA'I MKHAS MANG BYE BA'I MDUN SAR NYI MA LNGA'I RING PO TI LNGA LA DAM BCA' BZHAG ,PO TI GZHAN GYI NYIN KHONG TSOS HAM PA BYAS KYANG KHA ROG BZHUGS, RNAM 'GREL GYI NYIN THUG NGAR NGAR BYAS TE KHYED TSOL YOD NA DE RING THONG SHOG GSUNGS BAS, KHONG TSO'I KHROD NAS DGE BSHES DREGS POR? RLA YAB MTHA' DAG LANGS NAS BGRO GLENG BYAS PAR GCIG GIS KYANG RIGS LUNG MA SONG BAS KHA SKYENGS, 'ON KYANG THAMS CAD KYIS DA LO'I GRVA SKOR BA 'DI 'DRA'I DGE BSHES ZHES BLO GZU BOS BSNGAGS BRJOD KYI ME TOG 'THOR BAR BYAS SO, ,BKA' RTZOM LAS, CHU GLANG

LO LA CHOS GRVAR 'DUL MDZOD GNYIS, ,MDZOD LA ZUR? NYAN BYAS SHING GSANG PHU RU, ,'JAM MGON SHES RAB SBYIN PAS SNGA LO NAS, ,'DI RU RAB 'BYAMS GYIS ZHES BKA' STZAL BZHIN, ,PO TI LNGA LA NYIN LNGAR DAM BCAS PA'I, ,RAB 'BYAMS SMRA PA'I THOGS MED NAS TSUGS, ,PO TI GZHAN LA'ANG LAN NI MA GNYID TZAM, ,TSAD MA'I SKABS SU LAG PA CUNG ZAD PHYUNG, ,'ON KYANG PHAN TSUN RNAM DPYOD LHAG 'GA' RGYAS, ,LTAS MTSAN NGO MTSAR 'KHRUL MED LEGS 'GA' BYUNG, ,ZHES SO, , DE DUS 'DUL BA LUNG RIGS GTER MDZOD GRAGS CHE BAR BRTEN 'DUL BA DE GZHIR BZHAG MDZAD PAS, DGE BSHES GCIG GIS 'KHOR GSUM BYAS, DAM BCA' GROL NAS, DE RING DGE BSHES DE BDEN PAR 'DUG STE, KHAS LEN DE NGAS SHOR BA MIN; LUNG RIGS GTER MDZOD PAS SHOR BA YIN ZHES KYAL GA MDZAD, NYI MA THANG BLA BRAD NAS KYANG BSNYEN BKUR PHUN SUM TSOGS PA GNANG, SLAR YANG DPON SLOB GNYIS KYIS GSUNG RAB LA DRI GTUGS YUN RING MDZAD, RJE 'DIS KHYED KYIS THUGS DAM GANG LA MDZAD KYI YOD ZHUS PAS, THUGS DAM ZER BA'I ZUR PA CI YOD, ZHOGS KHA NAM LANGS PA NAS MTSAN MO'I BAR DANG, MTSAN MO YANG GANG LCOGS KYI RING GSUNG RAB LA BLTAS, NYAL KHAR DE RING GSUNG RAB LA THOS BSAM 'DI 'DRA BYAS, BLO SKYED 'DI DANG 'DI BYUNG BA BSOD NAMS CHE SNYAM DU YID LA BYAS TE DGE BA BSTAN PA DANG 'GRO BA'I DON DU BSNGOS, 'DZAM BU GLING PA GNYID KYIS PA YIN PAS GNYID KYIS LUS 'DI GSOS LA SANG NYIN YANG GSUNG RAB LA DPYOD DGOS SNYAM DU 'PHEN PA BTANG

, ,NAS PHYI NYIN YANG DE KHO NA LTAR BYED KYIN YOD GSUNGS PAS, RJE 'DI'I THUGS LA YANG DE KHON BZANG BAR DGONGS SHING DAD PA SNGAR LAS KYANG ZLA MED PA 'KHRUNGS, PHYIS SU YANG NGA'I BLA MA DE DAG GI NANG NA NYI MA THANG PA RTOGS PA MTHO BA YOD, KHONG GI THUGS DAM MDZAD LUGS 'DI 'DRA YIN ZHES YANG YANG BSNGAGS BRJOD MDZAD, DGUNG LO NYER BDUN PA SHING STAG GI LO, THAMS CAD MKHYEN CING GZIGS PA CHEN PO NGAG DBANG BLO BZANG RGYA MTSO'I ZHAL SNGA NAS KYIS MKHAN PO; PHA BONG KHA PA 'JAM DBYANGS GRAGS PAS LAS KYI SLOB DPON MDZAD, KHA SKONG BAR 'OS PA DAD PA'I DGE 'DUN GRANGS TSANG PA'I DBUS SU DUS TSES DGE BAR GRU 'DZIN GNYIS PA PHO BRANG CHEN PO TA LAR YONGS SU RDZOGS PA BSNYEN RDZOGS KYI SNGOM PA YANG DAG PAR BZHES TE TSANGS PAR SPYOD PA'I BRTUL ZHUGS YONGS SU DAG PAS 'DUL BA 'DZIN PA RNAMS KYI KHROD NA NYE BAR 'KHOR LTA BUR GYUR TO, ,DE NAS BZUNG GLO PHA BA NAS MI NYAL BAR MTSAN GYI RING DGE SBYOR LA RTZON PA'I DAM BCA' BYAS PA YIN GSUNG, PAn CHEN BKA' 'GYUR BA SBYIN PA RGYA MTSOL CHOS BKA' CI RIGS GSAN, BLA MA DE LA GZHUNG LAS PA DKON MCHOG RAB BRTAN GYIS RJE 'DI THUGS RIGS BZANG LUGS ZHUS PAS GZHUNG GI DKA' GNAS RNAMS LA DRI BA MDZAD, RJE 'DIS KHENGS SKYUNG SA GNANG BAS, CHOS LA SUS GO BDE YIN RGAN GZHON LA LTOS PA MED GSUNG BAR LAN PHUL BAS THUGS DGYES PA'I RANG BZHIN 'BA' ZHIG MDZAD CING BGA' CHOS YANG GANG ZHUS STZAL, DGUNG LO NYER BRGYAD PA SHING YOS LA, SLAR YANG MDZOD

LA THUGS GNYER RTZAL BTON, RNAM 'GREL LA YANG ZHIB GZIGS MDZAD, GRVA SAR PHEBS NAS LO DE YAN CHAD LA RTAG TU DUS SHER PHYIN TSOL BA LTAR TSA GRANG BKRES SKOM SOGS KHYAD DU BSAD NAS MTSAN NYID KYI PHYOGS LA THUGS GNYER GTZO BOR MDZAD PAS RGYA BOD KYI MKHAS PA SO SO'I BSHAD SROL DU MA DANG, RTOG GE'I GSANG TSIG PHRA MO RNAMS KYANG LHA MA MED PAR THUGS SU CHUD DE RIGS PA SMRA BA MTHA' DAG GI GTZUG GI NOR BU DAM PAR GYUR TO, ,CHOS GRVAR PHEBS SKABS BLA MA DAM PA DU MA'I DRUNG DU BKA' CHOS GSAN PA RAGS TZAM BRJOD NA, PAn CHEN BKA' 'GYUR BA SBYIN PA RGYA MTSO'I DRUNG DU, 'JIGS BYED BCU GSUM MA'I DBANG, DE'I MNGON RTOGS SGRUB DKYIL BSKYED RDZOGS KYI SKOR, TSAD MA MDO RANG 'GREL DANG BCAS PA, TSAD MA SNGE BDUN RIGS TSOGS DRUG ,BYAMS CHOS LNGA, RTZA 'JUG GI RNAM BSHAD GNYIS, 'DUL BA MDO RTZA BA, SUM BRGYA PA RTZA 'GREL, LEGS BSHAD SNYING PO, 'JAM DPAL ZHAL LUNG GI NYAMS KHRID RGYAS PA BCAS GSAN, BKA' RTZOM LAS, THOS BSAM SGOM GSUM TSE 'DIR LEGS MDZAD PA, ,RDO RJE 'CHANG DBANG MI YI GAR MDZAD PA, ,PAn CHEN BKA' 'GYUR SBYIN PA RGYA MTSOL, ,BDE GSANG 'JIGS GSUM MNGON DKYIL LHAN THABS DANG, ,SO SO'I BSKYED RDZOGS KUN DANG KHYAD PAR DU, , 'JIGS BYED SGRUB SKOR KUN GYI RIM GNYIS CHA, ,LEGS PAR BSHAD PA MKHAS GRUB YAB SRAS KYI, ,BSKYED RDZOGS CHEN PO RGYUD SDE BZHI'I SBYIN SREG ,MAN NGAG KUN LDAN DNGOS GRUB RGYA MTSO THOB, ,'ON KYANG 'DI YI MAN NGAG KUN SHES PA'I, ,GSUNG

, ,RGYUN SRAD PA RDO RJE 'CHAD NYID LAS, ,RANG GZHAN LA MED SO SO'I YI GE NA, ,STONG GRAGS 'BRUG SGRA BZHIN DU CHER BSGRAGS KYANG, ,RGYUD DANG MAN NGAG PHYAG LEN GSUM 'PHROD PA, ,NYIN MO'I SKAR MA BAS KYANG DKON BAR SNANG, ,RTZA 'JUG RNAM BSHAD GNYIS DANG 'GREL CHUNG DANG, ,LEGS BSHAD SNYING PO DBU MA RIGS TSOGS DRUG ,'JUG PA MDO RTZA SUM BRGYA RTZA 'GREL GNYIS, ,TSAD MA SDE BDUN MDO DANG RANG 'GREL BCAS, ,LAM RIM CHE CHUNG RGYAL BA SNGA PHYI'I KHRID; ;PAn CHEN KHRID SOGS LUNG DANG ZLA GSUM DU, ,'JAM DPAL ZHAL LUNG NYAMS KHRID SMIN RGYAS THOB, ,CES SO, ,BYANG CHUB SEMS KYI GTER MDZOD KUN SPANGS CHEN PO MER RGAN BLA MA NGAG DBANG BLO GROS KYI DRUNG DU, LAM RIM CHE CHUNG, DMIGS BRTZE MA'I SGRUB SKOR SOGS GSAN CING BLA MA'I GTZO BOR MDZAD, BKA' RTZOM LAS, DE DAG GONG TZAM RGYAL BA GNYIS PA'I BSTAN, ,SPEL LA LEGS SMON BYANG CHUB SEMS KYI GTER, ,RGYAL BA'I CHOS MDZOD BDAG GI MGON ZLA MED, ,MER RGAN BLA MA NGAG DBANG BLO GROS LA, ,LAM RIM GNYIS DANG SANGS RGYAS YE SHES KYI, ,DMIGS BRTZE MA YI PHYI NANG GSANG SGRUB SOGS, ,THOB CING DE NAS THUGS RJES DUS KUN TU, ,PHA DANG BU BZHIN MI 'BRAL RGYUN DU BSKYANGS, ,NGA YIS CHOS TSUGS ZIN TZAM 'DI'I DRIN YIN, ,ZHES SO, ,YONGS SU 'DZIN PA CHEN PO BLO GROS RGYA MTSO'I SKU ZHABS SU GSANG 'JIGS GNYIS KYI DPANG, MGON PO PHYAG DRUG PA'I RJES GNANG, TSE DPAG MED GRUB RGYAL MA'I RJES GNANG, 'JAM DBYANGS CHOS SKOR, 'GREL

BA DON GSAL, BRGYAD STONG PA, RGYAL BA DGE 'DUN RGYA MTSO'I GSUNG KHA SHAS KYI LUNG, SNYING PO DON GSUM GYI KHRID BCAS GSAN, THUB BSTAN YONGS SU RDZOGS PA'I BSHES GNYEN PO LCANG SKYA RDO RJE 'CHANG NGAG DBANG BLO BZANG CHOS LDAN GYI DRUNG DU'ANG CHOS BKA' CI RIGS GSAN, SNGAGS PA DPON SLOB ZUR PA RIN CHEN CHOS BZANG BA'I SKU ZHABS SU, SGRUB THABS ZA MA TOG ,BDUD LAS RNAM RGYAL, DMAG ZOR MA'I MDON RTOGS KYI LUNG GSAN, BLA MA DAM PA BSOD NAMS MTSAN CAN GYI DRUNG DU PAn CHEN RIN PO CHE BLO BZANG CHOS RGYAN GYI GSUNG KHA SHAS GSAN, KHRI RIN PO CHE BLO BZANG DON GRUB PA'I ZHABS DRUNG DU, 'JIGS BYED KYI RJES GNANG, MGON PO CHOS RGYAL GNYIS KYI RJES GNANG BCAS GSAN, KLU 'BUM CHOS RGYA MTSO'I DRUNG DU BKA' 'GYUR GYI PO TI PHAL CHER GSAN PAR MDZAD, DE DAG NI MDO TZAM SMOS PA STE, ZHIB PAR GSAN YIG LAS SHES PAR BYA'O, ,'DIR SMRAS PA, MKHYEN PA'I GTING BRAL RNAM DPYOD GANGG'A 'DZIN, ,YON TAN NYAL 'GRO'I GTER DU RDZOGS GYUR KYANG; ;RNAM MAD LEGS BSHAD CHU KLUNG BYE BA BRGYA, ,RTAG TU BTUNG BAS NGOMS PA MED DE MTSAR, ,BRTZON 'GRUS SA SRUNG STENG NA 'GYING BA'I LHA, ,MANG THOS SBYAN STONG G-YO BA KHYOD KYI NI, ,RTZOD DAG RIGS PA'I RDO RJE PHYAR TZAM GYIS, ,MI 'JIGS SMRAR NA LUS PHRA'I MNGAL DE GANG, ,BLO DANG RTZOL BA SNYING RJE'I 'OD 'PHRO BA, ,GANG GI GRAGS PA GSER GYI ME TOG TSOGS, ,MKHAS PA'I NA CHUNG KUN GYI ZUR PHUD LA, ,COD PAn BZHIN DU DAL GSO'I RTZE DGA' 'DZIN, ,CES BYA BA NI MKHAS SHING GRUB

, ,PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG DOGS ZHES BYA BA LAS MDO PHYOGS LA MANG DU THOS PA GTZO BOR MDZAD PA'I LE'U STE BZHI BA'O,, ` DE NAS DGUNG LO NYER DGU BZHES PA'I TSE RGYUD GRVA RA PHEBS DGONGS NAS, SGO MANG DPON SLOB DPON GRUB RGYA MTSO LA DGONGS PA ZHUS PAS, KHYED DGE BSHES GZHAN DANG MI 'DRA BAS RGYUD DU MA 'BYON, RE ZHIG CHOS GRVAR PHEBS NA NGA'I RJES LA SGO MANG BLA MA YONG PA BYED GSUNG BAR, RJE 'DIS BDAG GI PHA MA NYE DU THAMS CAD BLOS BTANG NAS CHOS SHIG AA YONG SNYAM PA YIN DE LA DGONGS PA ZHU DGOS BYAS PAS, KHYED LA DE 'DRA BA'I THUGS DGONGS BZANG PO YOD PHYIN NGAS BSHOL MI NUS GSUNG NAS DGYES BZHIN DU GNANG, RGYUD CHAS KYI SHOG LHUNG SOGS BSGRIGS, 'DON CHA THUGS 'DZIN GNANG NAS ZHOGS GUR SMON GYI CHOS THOG SKABS SU GANGS CAN SNGAGS GRVA'I YANG RTZE DPAL LDAN SMAD RGYUD GRVA TSAR DU ZHUGS, BKA' RTZOM LAS, ME 'BRUG MDO SNGAGS RTZE MO RGYUD KUN GYI, ,RGYAL PO DPAL LDAN GSANG 'DUS BSHAD SGRUB GRVA, ,CHU BO GANGG'A TSUN GYI SNGAGS GRVA'I RTZER, ,MKHAS DANG GANGS CAN MGON POS MNGA' GSOL BA, ,DPAL LDAN SMAD RGYUD 'DUS GRVA'I DBUS SU PHYIN, ,ZHES SO, ,RGYUD SMAD KYI DPON SLOB LAS THOG PA BLO GROS RGYA MTSO SNGA MO NAS RJE 'DI LA THUGS RTZIS CHEN PO YOD PAS DE SKABS KYANG KHYED RGYUD LA PHEBS PA LEGS ZHES DGYES PA'I RANG BZHIN KHO NA MDZAD CING GRVA PA GZHAN CHOS KYANG BKUR GZOS RMAD DU BYUNG BA BYAS, CHOS GRVAR CHAG MED DU

BYON; TSAL GYI DBYAR CHOS MJUG TU GZHUNG GI BKA' LTAR RGYUD PA DPON SLOB DANG RJE 'DI SOGS GRVA PA BSNYEN SONG NYER GCIG BCAS LHA SAR PHEBS TE, LHO 'BRUG PA LA LCAGS MKHAR CHEN MO BRTZIGS DGOS BYUNG BAS LINGGA'I GNAS YIG SOGS RJE 'DIS BRE BAR MDZAD, RDO RJE SLOB DPON GYIS ZHES GSUNG BA LA DRAG LAS MI 'DOD CES DGONGS PA ZHUS, DE DUS DMIGS PA CHER MA BYAS KYANG DMIGS YUL RNAMS LUG RTAGS YANG YANG BYUNG GSUNG, NYIN GCIG TSOGS NAS GZIMS CHUNG ZAD YUR BA'I MNAL LAM DU, MI NAG PO 'GA' ZHIG GIS YON PA SGRA GZING PA LUS RID PA SGE LA THAG PA BTAGS PA MANG PO KHRID 'ONG STE GRVA PA RE LA RE RE GTAD NAS GSOD DGOS ZER, KHONG LA YANG GCIG GTAD BYUNG BAS SNYING RJE DRAG PO SKYES TE 'DI GSOD GA LA NUS DGONGS TZAN MAN LAS DBYUNG GSUNG, BKA' RTZOM LAS, 'JUG SGO TSAL DANG LHO 'BRUG RVA LUNG PAR, ,'JIGS BYED DRAG PO'I GTOR CHEN DRUG CU PA, ,RDO RJE 'CHANG DNGOS BLO GROS RGYA MTSO DANG, ,LCANG SKYA MCHOG GI SPRUL SKU HE RU KA ,BLO BZANG CHOS LDAN RNAM GNYIS ZHABS DRUNG NAS, ,DE YI THIG DBYANGS RDA CHINGS GNAM DANG SA'I, ,'KHOR LO GNYIS DANG ZAN LING SHOG YID GI ,MAN NGAG KUN THOS LAS MKHAN BDAG LA STZAL, ,'PHANG DUS 'GA' LA RMI LTAR NYAMS SOGS BYUNG, ,KHO BO DRAG DMIGS KYI SKABS MA THAG PA, ,BSAM PA TZAM GYIS SNYING RJES 'GA' MA DMIGS, ,BDEN RDZUN DBANG DAM DGE 'DUN DMIGS NUS SAM, ,DMIGS NA RNYAGS THON NGES SNANG YANG YANG 'CHAR, ,DE LTAR NA YANG JO BO'I SKU MDUN NA, ,YUL YANG GNYAN SNYAM

, ,RTZUB PA'I SEMS MA BZHAG ,CES SO, ,STON CHU MIG LUNG DU PHEBS, KHRID KHANG DU BZHUGS TE RIM LNGA'I DMAR KHRID BSKYANGS PAS DMIGS PA GSAL ZHING RTAGS KYANG YA MTSAN PA BYUNG, ZHAL NAS KYANG, NGAS DE DUS KHRID KYI 'PHRO BSKYANGS NA RTOGS PA ZHIG SKYE BA 'DRA SNYAM PA SHAR GSUNG, BKA' RTZOM LAS, DE NAS YAB GCIG RGYAL BA GNYIS PA YIS, ,GNAS 'DIR GSAR 'DUS LHA TSOGS ZHAL GZIGS PAS, ,'DI NA MA 'ONGS DUS NA GSANG 'DUS KYI, , 'DUS SDE 'BYUNG ZHES LUNG BSTAN DAG RGYUN DU, ,GRAGS PA'I CHU MIG LUNG DU RIM LNGA YI, ,DMAR KHRID PHYAG LEN BYIN RLABS BDUD RTZI'I DAD, ,DRON PO MA 'CHUG NYAMS MYONG LJAGS KYIS MYANG, ,DGA' DANG RMI LTAS TING 'DZIN RTZON PA BYUNG, ,MTSAMS GROL KHRID STON LAG RJES RGYUD BZHIN DU, ,BSHAD PA'I GO RIM THOS KYANG SKAL LDAN RNAMS, ,SPU LDAD THAL MO SBYAR DES SNYID TSIM GYUR, ,RID NAS YID LA BRNAG PA'I YAB GCIG RJE'I, ,THUGS BCUD MAR MI'I KHA PO 'BRUG LTA BUR, ,SGROGS PA RGYAL KUN PHYAG BYED MKHA' 'GRO MA'I, ,SNYING GI BCUD DE THOB SNYAM DUS KUN DGA', ,ZHES SO, ,SKABS DER MNAL LAM DU, GZHUNG GI 'KHRUL 'KHOR LOG SONG ZER BA RMIS, KHRID GROL NAS RGYUD CHEN LA ZHUS PAS, RMI LAM DE BDEN PAR 'DUG , ZHA LU MKHAN POS 'BRI GUNG LUGS KYI LCAGS SDIG 'KHOR LO BYAS PA LOG SKAD DU 'DUG ,ZHA LU MKHAN PO 'DI BYED RGYU MAD ZHING GZHUNG DGA' LDAN PHO BRANG 'PHUNG RKYEN DU 'DUG GSUNG NAS THUGS MA MNYES PA MDZAD SKAD, GZHAN YANG GNAS DER GZHI

GSUM GYI PHYAG LEN DANG LAG NYA SRUNG BA DANG NUB LHAG GCOD PA DANG GAR DBYANGS THIG GSUM GYI PHYAG LEN LA SBYANGS, BKA' RTZOM LAS, GNAS DER GZHI GSUM PHYAG LEN LAG NYA SRUNG, ,NUB LHAG GCOD DANG DGAR DBYANGS THIG GSUM SOGS, BSHAD BZHIN PHYAG LEN BTAB PAS DGA' LDAN PA'I, ,GUR DKAR GSER TOG LTA BUR 'GRAN ZLA MED, ,DE YI DON GYI DPAL LDAN RGYUD GRVA GNYIS, ,GNAM LA NYI ZLA SA LA RGYUD PA GNYIS, ,MKHAS PAS BSNGAGS DE DON LDAN SANGS RGYAS GSUNG, , ZHES SO, ,LO DER BSKYED RDZOGS GNYIS DANG, t'IKKA CHUNG BA THUGS 'DZIN MDZAD, 'GREL PA BZHI SBRAGS KYI SA KHUNGS DANG GZHUNG GI KHOG LA GO BA LEGS PAR THEBS PAS DGA' BDE DBYAR GYI CHU BO LTAR GYUR GSUNG, CHU MIG LUNG GI CHOS THOG GROL NAS LHA SA RGYUD KHANG GI THOG TU PHEBS, 'JIGS BYED KYI BDAG 'JUG DANG RDUL TSON GYI PHYAG LEN MDZAD, DGA' LDAN DGUN CHOS SKABS RGYUD CHEN RDO RJE 'CHANG GIS BSKYED RDZOGS CHEN MO GNYIS KYI GZAB BSHAD DANG SGYU LUS LDANG TSUL LAS BRTZAMS TE DGAG BZHAG GI SPROS PA DANG BCAS SNGON MED PA'I LEGS BSHAD RIN PO CHE DU MA'I TSOGS KYIS DAM PA 'DI'I RNAM DPYOD KYI GRU RDZID YONGS SU BKAD, DE NAS 'BRAS SPUNGS KYI CHOS THOG TU PHEBS, YE SHES RDO RJE KUN LAS BTUS KYI BSHAD PA GSAN PAS RGYAN BDUN GYI TSIG DON LA DES PA RNYED, LO DER SER ZHABS DRUNG LA DUS 'KHOR tI KA CHEN DANG 'JAM DBYANGS CHOS SKOR GYI DMAR KHRID LAN GNYIS GSAN, DGUNG LO SUM CU PA ME SBRUL LO ZHOGS GUR SMON DU PHEBS, t'IKKA CHE BA MDZAD DE t'IKKA DANG 'GREL PA LE'U BCU

, ,GSUM PA'I MTSAMS SBYAR GYI BAR DU GSAN, GZHAN YANG BDE LAM DANG, BDE GSANG 'JIGS GSUM GYI KHRID DANG N'A RO CHOS DRUG GI KHRID RNAMS KYANG LO DER GSAN PAR MDZAD, DE NAS BA SOR SKU MTSAMS DAM PAR BSDAMS NAS BSAGS SBYANGS DANG BLA MA'I RNAL 'BYOR SHUGS DRAG LA RGYUN RING BA BSGOM GYIN ZAB DON DBU MA'I LTA KHRID BSKYANGS PAS, RING PO MI THOGS PAR RJE BTZUN 'JAM PA'I DBYANGS KYI ZHAL GYI BDUD RTZI, KLU SGRUB YAB SRAS KYI DGONGS PA, KHAMS GSUM CHOS KYI RGYAL PO TZONG KHA PA CHEN POS LEGS PAR BKRAL BA'I NGES DON MTHAR THUG PA, CHOS THAMS CAD RANG RANG GI GDAGS GZHI'I STENG NAS RDUL TZAM YANG MA GRUB PA DANG, THA SNYAD TSAD GRUB LA RIGS PAS MI GNOD PA GNYIS PHAN TSUN GCIG GROGS SU GCIG SONG BA'I RTEN 'BYUNG STONG PA DANG STONG PA RTEN 'BYUNG GI DON DU LEGS PAR GZIGS PA'I ZAB MO DBU MA'I LTA BA KHYAD PAR CAN THUGS RGYUD LA 'KHRUNGS, DE'I STON CHU MIG LUNG DU PHEBS NAS 'GREL PA'I 'JUG GSAN ZHING, LO SNGA PHYI 'DI GNYIS LA RGYUD SDE BZHI'I DKYIL 'KHOR SO SO DANG, LAS BZHI'I SBYIN SREG MCHOD RTEN SOGS KYI THIG DANG, GAR DBYANGS SOGS RGYUD PA NA GANG YOD BSLABS PAS TSEGS MED PAR MKHYEN, CHOS THOG GROL NAS MAR LAM RGYUD KYI DAM BCA' CHEN MO BZHAG ,DE DUS SMAD RGYUD NA, SE 'BRAS DGE GSUM, BKRA SHIS LHUN PO, RVA BA STOD, MNGA' DVAGS SOGS NAS BYON PA'I DBUS GTZANG KHAMS GSUM GYI DGE BSHES CHEN PO MANG PO YOD PAS, MDO RGYUD GANG GI BGRO GLENG BTANG KYANG LAN THOGS MED DU BTAB

PAS RNAM PAR DPYOD PA'I NYI ZER GYIS RTOG GES DREGS PA PHAL CHER GYI KHENGS PA'I KU MUD YONGS SU ZUM NAS DAD PA'I CHU SKYES KYI TSAL DU BSNGAGS BRJOD BUNG BA'I GLU DBYANGS CI YANG SGROGS PAR GYUR TO, ,DGUN DGA' LDAN GYI CHOS THOG LA PHEBS NAS BSKYED RDZOGS KYI GZAB BSHAD CHEN MO GSAN ZHING PHYAG LEN DANG SNGAGS KYI YIG CHA PHAL CHER LA SLAR YANG ZHIB GZIGS MDZAD, DGUNG LO SO GCIG PAS RTA'I LO, ZHOGS GUR SMON DU, 'GREL PA DANG t'IKKA GSAN, BLA MA RGYUD MCHOD BYAS, STON CHU MIG LUNG DU, RIM LNGA'I DMAR KHRID LA BZHUGS, CHOS THOG DE GROL NAS, LCANG SKYA RDO RJE 'CHANG DANG RJE 'DI PA DPON SLOB GNYIS KYIS LHA SA RGYUD KHANG GI 'JIGS BYED MGON CHOS KYI SKU GSAR BZHENGS LA GZUNGS GZHUG PHUL, SKABS DER SGO MANG ZUR PA SMIN GROL CHOS KYI RGYAL PO HOR NO MON KHANG DBUS SU PHEBS PA DANG MJAL TE CHOS 'BREL ZHUS, RIM GYIS DGA' LDAN DGUN CHOS DANG, 'BRAS SPUNGS CHOS THOG GNYIS SU PHEBS, SKABS DER RGYUD PA'I GRVA PA PHAL CHER GYIS DAM BCA' THON RIM DANG GANG SA NAS ZHOGS GUR SMON GYI DGE BSKOS KHYED RANG LA 'OS ZER GYIN 'DUG PAS THUGS MA BDE BAR, RGYUD CHEN LA DGONGS PA NAN ZHUS BYAS TE BYOL THABS MDZAD PAS THUGS BZHED LTAR BYUNG, DGUNG LO SO GNYIS PAS LUG GI LO LA CHOS THOG PHAL CHER 'GRIM ZHING; RGYUD PA CHOS RJE RDO RJE 'CHANG BLO GROS RGYA MTSO LA RGYAL BA DBEN SA PA NAS BRGYUD PA'I 'KHRUL 'KHOR YANG ZHIB PAR GSAN, STON BZLA BA BRGYAD BA'I NANG DU, CHOS GRVA CHEN PO DPAL LDAN 'BRAS SPUNGS KYI 'DU KHANG CHEN MOR, DKYIL 'KHOR RGYA

, ,MTSO'I MNGA' BDAG RDO RJE 'CHANG PHRENG BA PA PHUN TSOGS LEGS 'BYOR BAR GRAGS PA'I DRUNG DU, SKYES CHEN DAM BA DU MA DANG LHAN DU RDO RJE 'PHRENG BA'I DBANG YONGS SU RDZOGS PA NYI MA BCO BRGYAD KYI RING LA LEGS PAR GSAN PAS THUGS KYI ZA MA TOG SMIN BYED BDUD RTZI'I CHU RGYUN GYIS YONGS SU GANG, RGYUD DU PHEBS RING LA, RGYUD SDE BZHI'I 'GREL PA, 'GREL BSHAD, GSANG BDE 'JIGS GSUM DUS 'KHOR SOGS KYI BSKYED RDZOGS MAN NGAG CHA LAG DANG BCAS PA LA ZHIB TU SBYANGS PAS GSANG CHEN RDO RJE THEG PA'I DGONGS DON 'BYED PA LA MI 'CHUGS PA'I GZER THEBS, GZHAN YANG, GAR THIG DBYANGS GSUM, RAB GNAS SBYIN SREG ,GTOR MA 'KHOR LO SOGS KYI PHYAG LEN DANG BCAS PA'ANG RTZID CHOS SU MA SONG BAR MKHAS PA MANG PO'I MDUN DU ZHUN THAR LEGS PAR BCAD DE DRI GTUGS MDZAD PAS PHYAG LEN PHRA MO TSUN CHAD KYANG LHAG MA MED PAR THUGS SU CHUD, DE LTAR SKYES PA DANG SBYANGS PA'I BLO GROS NI NAM MKHA' LTAR MCHOG TU YANGS, SANGS RGYAS LAS KYANG DKON PA'I THEG PA CHEN PO'I CHOS KYI GAN MDZOD LA NI DBANG 'BYOR, LEGS BSHAD 'DOD DGU'I CHAR CHEN CI YANG 'BEBS PAS SKAL LDAN SNGAGS 'CHANG BYE BA'I BLO GROS KYI DBUL BA SEL BA LA NI YONGS SU MKHAS, RMAD DU BYUNG BA'I MKHYEN RAB KYI ROL MTSO SNGON MED PA'I YON TAN RIN PO CHE DU MA'I 'BYUNG GNAS SU GYUR KYANG KHENGS PA DANG DREGS PA SPANGS PA'I RNAM DPYOD KYI NYIN BYED THUB BSTAN GLING BZHI'I MKHA' LA RGYU BAR BYED DO, ,SMRAS PA, BLO GSAL RKANG 'THUNG 'KHRIGS PA'I CHU GTER NANG, ,ZAB DON MU TIG RLABS PHRENG

'DZUM PA'I RTZER, ,RNAM DPYOD 'DAB GSHOG G-YO BA'I MGRIN RNGA CAN, ,LEGS BSHAD GLU DBYANGS ROL PA'I ZLOS GAR 'DZIN, ,DGE LEGS RIN CHEN RDUL MANG NYER BRTZEGS LHAG BSAM NYAL 'GRO'I SHA MA THABS 'PHYAD, ,NGES GSANG RGYUD SDE'I BANG RIM MNGON DGA' RIM GNYIS NYI ZLA'I RNA CHA G-YO, ,RNAL 'BYOR LEGS BRIS BYE BA'I ROL GNAS SKAL BZANG GSER RI'I PHRENG BAS BSKOR, ,AE MA SNGON MED LHUN PO 'DI YIS THUB BSTAN GLING BZHI CI YANG MDZES, ,RDO RJE THEG PA'I GSUNG RAB LAM GSUM 'BAB, ,MA LUS BLO BZANG ZHAL DU HUB GCIG GIS, ,DRANGS TSE RIG 'DZIN BYE BA'I COD PAN DU, ,ZHABS SKYES ZLA BA'I 'KHRI SHING DAL GSO BSTEN, ,ZHES BYA BA NI MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG DOGS ZHES BYA BA LAS GSANG SNGAGS RDO RJE THEG PA LA GSAN SBYOD GTZO BOR MDZAD PA'I LE'U STE LNGA BA'O,, ` ,,DE LTAR MKHAS SHING GRUB PA BRNYES PA'I DAM PA DU MA'I ZHABS KYI PADMO LA NYE BAR GTUGS NAS BDE BAR GSHEGS PA'I MDO DANG SNGAGS KYI GZHUNG LUGS RGYA MTSO LTA BU LA LEGS PAR SBYANGS PAS RING PO MI THOGS PAR DE DAG GI DGONGS DON RNAMS RGYAL BA'I DGONGS PA BZHIN DU 'BYED PA LA GZHAN GYI DRING LA MI 'JOG PA'I SHING RTA CHEN POR GYUR BA DE'I TSE, 'PHAGS PA SDONG PO BKOD PA'I MDO LAS, YANG DAG SANGS RGYAS BSTAN PA 'DI, ,THOS PA TZAM GYIS MI 'GRUB PO, ,DPER NA LA LA CHU KLUNG GIS, ,STOBS MED NAN GYIS KHYER BDAG ,SKOM NAS SHI BAR GYUR PA BZHIN, ,ZHES GSUNGS PA LTAR GZHUNG LUGS

, ,KUN LA MANG DU THOS PA MCHOG TU GYUR KYANG THOS PA'I DON LA RTZE GCIG TU 'DRIS PA'I SGO NAS NYAMS SU LEN PA ZHIG MA BYUNG NA, CHUS KHYER BA 'GA' ZHIG SKOM PAS GDUNG NAS SHI BA DANG KHYAD PAR MA MCHIS PAS DA NI NGES PAR TSE 'DI'I 'KHRI BA BTZAN CHOD DU SPANGS NAS RGYAL BAS BSNGAGS PA'I DBEN GNAS SHIG TU SGRUB PA SNYING POR BYED PA'I DUS LA BAB PO SNYAM DU RI KHROD DU 'BYON PA'I BSKUL MA YANG YANG 'DEBS SHING YOD PA LA, NYIN GCIG LCANG SKYA RDO RJE 'CHANG GIS RJE 'DI LA, KHYOD RGYUD KYI BLA MA 'DOD DAM GSUNGS PA LA, RJE 'DIS KHYED GANG GSUNG, DA SNGAR NAS CHOS KHO NA ZHIG BYED 'DOD PA KHYED KYIS MKHYEN MOD CES ZHUS PAS, RIN PO CHE BA'I ZHAL NAS, KHYOD BLA MA MI 'DOD NA DA LTA NAS BYOL THABS MDZAD NA DGA' BA 'DRA, RGYUD PA CHOS RJES KHONG RANG GI 'PHRO LA KHYOD KHRI LA 'JOG RTZIS MDZAD KYIN 'DUG ,CES GSUNG BYUNG BAR, RJE 'DIS RNYED BKUR DANG GO SA MTHON PO SOGS LA THUGS BZHED GTAN NAS MED PA'I STABS THUGS SHIN TU MA BDE BAR, CHOS RJE RGYUD CHEN PA'I DRUNG DU BYON NAS RI KHROD DU PHEBS 'DOD KYI DGONGS PA ZHUS PAR, KHYOD LA RGYUD KYI DGONGS PA GTAN NAS MI 'ONG, RE ZHIG MTSAMS SDOM MAM, GZHAN DU BZHUGS 'DOD NA DE KA GYIS ZHES DGONGS PA MA GNANG, RJES SOR YANG BSKYAR GYIS GNANG BA ZHU BAR PHEBS PA'I TSE, SKU MDUN DU LCANG SKYA RDO RJE 'CHANG YANG BZHUGS 'DUG PA LA, SNGAR LTAR ZHUS PAS, SPYAN HUR GYIS GZIGS NAS GLEN PA 'DI GANG ZER, KHYOD KYI DON NGA RANG GIS SHES MOD, GNANG BA MI YONG GSUNG, LCANG SKYA RDO RJE 'CHANG GIS

KHO RANG GIS MI 'DOD PHYIN, GNANG BA BYIN NA ZHUS PAS, THUGS KHROS PA LTAR MDZAD DE, 'DI'I BLO THUG NA KHYOD YOD CES, LCANG SKYA RIN PO CHAR BKA' BKYON YANG MDZAD SKAD, DE NAS YANG NAN ZHU BYAS PAS, CHOS RJE RGYUD CHEN PA THUGS MA RANGS PA LTAR MDZAD NAS 'ON KHYED TSOS GANG 'DOD PA DE GYIS ZHES GSUNG BA LA, DGONGS PA KHROL BA THUGS RJE CHE, PHYIN CHAD THUGS LA BTAGS DGOS ZHES ZHUS TE, RI KHROD DU PHEBS PA'I THAG BCAD, DE NAS SO GSUM PA LCAGS SPREL GYI LO, SLOB SPRING LAS, ZLA BA'I DKYIL 'KHOR GSAL BAS NYE BAR BRGYAN BYAS SHING, ,RKED CHINGS CHAR CHEN SPRIN GYIS 'KHRIGS PAR 'KHYUD GYUR PA, ,RI RTZE'I NAGS KYI MTHONG DER CHAGS PA MED PAR NI, ,RLUNG LTAR G-YO BA'I RANG BZHIN TSE GTUGS SKAL BA CHE, ,NAGS MTHONG RI DVAGS RGYU BA'I TSOGS KYIS BRTEN BYAS PA, ,KUN NAS NYAMS DGA' BZANG PO DE NA SKYID PA GANG, ,DE CI DGA' BA'I NAGS TSAL LTA MO NYAM PHAG TU, ,THEL GYIS 'BEBS PA'I RDO LEB CAN NA'ANG YOD GYUR RAM, ,RI SUL YANGS PA SKYE BO LANG LONG MED PAS RAB BDE BA, ,NYER SPYOD RGYA CHEN KHOR YUG NAGS TSAL SNGO 'KHRUNGS PHRENG BA SBRENGS, ,CHU NGOGS SNYAN PA PHU CHU'I H'Um SGRA RNGA LTAR SNYAN PA YIS, ,BDAG CAG NYON MONGS YUL MA YIN ZHES MGRON LA SGROGS PA BZHIN, ,ZHES GSUNGS PA LTAR SNGON GYI DRANG SRONG DAG DANG DGE SLONG CHOS SMRA BA DAG GI BA STI GNAS GCIG PUR GYUR PA, LHA'I DGA' TSAL LTAR YID DU 'ONG PA'I SMAN DANG, NAGS TSAL GYI PHRENG BA MNGON PAR DKRIGS PA, SHIN TU DRI SHAM PA'I ME TOG GI TSOGS KUN TU RGYAS PA'I DO RAR BUNG BA MANG PO SNYAN PA'I SGRA DI RI

, ,RI SGROGS SHING 'DAB CHAGS KHA DOG SNA TSOGS PA DAG MGRIN PA'I GLU DBYANGS DANG RJES SU CHAGS PA'I RTZED 'JO'I GAR GYI DUS STON LA YID MCHOG TU GZHOL BA, MI DANG GCAN GZAN GDUG PA'I 'TSE BA DANG BRAL PA'I RI DVAGS GZHON NU'I RIGS MANG PO YANG, MAR GAD KYI MYU GU'I 'DAB MA RNAM PAR BKRAM PA'I RI'I SUL RNAMS SU BAG PHEBS SHING DAL BUS RGYU BA, BEE d'URYA'I MDOG DANG 'GRAN PA'I SMUG PA SNGON PO'I DO SHAL GYIS RI YI MGUL BA BRGYAN CING, NGOS KUN NAS RNAL 'BYOR PA'I LUS KYI SKYED TSAL YONGS SU RGYAS PA'I CHU'I RGYUN ZLA BA'I KHU BA LTA BUR 'BAB PA DAG GIS MNGON PAR MDZES PA, DRI MA MED PA'I TING NGE 'DZIN GYI YON TAN KHYAD PAR DU BYED PA'I MTHUN PA'I YO BYAD DU MAS YONGS SU GANG BA'I GRUB PA'I GNAS MCHOG DPAL RI BO DGE 'PHEL DU BYON NAS, RNYED PA DANG, BKUR STI DANG, GRAGS PA DANG, TSIGS SU BCAD PA SOGS TSE 'DI'I PHUN TSOGS LA'ANG RJES SU MI LTA BAR, ZHI BA DANG, DUL BA DANG, DBANG PO'I SGO SDOM PA DANG, ZAS KYI TSOD RIG PA DANG, NAM GYI CHA STOD SMAD LA MI NYAL BAR RNAL 'BYOR LA BRTZON PA DANG, SHES BZHIN DU SPYOD PA SOGS YON TAN GYI KHYAD PAR DU MA DANG RJES SU 'BREL BA'I RNAL 'BYOR GYI RIGS MANG PO LA NYAMS BZHES LHUR MDZAD CING, KHYAD BAR DU 'KHOR BA MTHA' DAG SRIN MO'I GLING LTAR MTHONG BA'I NGES 'BYUNG GI BSAM PA DANG, SEMS CAN KUN SGROL BAR 'DOD PA'I BYANG CHUB KYI SEMS DANG, BDAG TU 'DZIN PA'I 'DRA BA KUN TU GCOD PA'I YANG DAG PA'I LTA BA GSUM DANG, RIM PA GNYIS GTZO BOR GYUR PA'I MDO

DANG SNGAGS KYI LAM GYI RIM PA KUN LA RTZE GCIG TU SGRUB PA SNYING POR MDZAD DO, ,SKABS SHIG ,DBANG LUNG DANG MAN NGAG GI GTER MDZOD DGE SLONG 'JAM DBYANGS GRAGS PA'I SKU ZHABS NAS PHEBS DGOS GSUNGS PA BZHIN PO TA LAR BYON, DGE SLONG LAGS LA DGE LUGS KYI CHOS RGYUN MANG DU GNANG, DGE SLONG DGYES NAS SLAR YANG CHOS BKA' CI RIGS GNANG DGOS ZHES SNYAN GSAN KYANG PHUL, PHAR DGE SLONG LA YANG CHOS 'BREL ZHUS, DE NAS PHRENG BA PA PHUN TSOGS LEGS 'BYOR BA LA 'KHRUL 'KHOR GYI KHRID ZHUS PAR RGYAL DBANG RIN PO CHER DGONGS PA ZHU DGOS GSUNG BA BZHIN SNYAN SGRON ZHUS PAS, DE SHIN TU LEGS, ZHIB POR SLOB CES BKA' RGYA YANG KHROL TE, SA 'KHOR GNAM 'KHOR LINGGA BRI THABS YIG CHUNG GSUM SOGS DANG, SRID GSUM RNAM RGYAL, LAS BZHI'I SBYIN SREG BCAS KYI PHYAG LEN LA ZHIB TU SBYANGS PAS, PHRENG BA PA YANG MNYES NAS NGAS SLOB MI DGOS, KHYOD KYIS SHES TSAR 'DUG CES BSNGAGS BRJOD MDZAD CING, PHRENG BA PA LA GANG YOD KYI MAN NGAG RNAMS LEGS PAR STZAL; DGUNG LO SO BZHI PA LCAGS BYA LO'I DPYID KA CHOS GRVA CHEN PO SE 'BRAS DGE GSUM SOGS CHOS SDE SO SO'I SKYED TSAL NAS GANG GI YON TAN BLA NA MED PA'I DRI BZANG GI PHO NYAS BKUG PA'I BLO GSAL GDUL BYA'I BUNG BA SPRIN LTAR 'DUS BA LA, BYANG CHUB LAM GYI RIM PA'I DMAR KHRID 'JAM DPAL ZHAL LUNG GI KHRID RGYAS PAR STZAL, DE YANG GSUNG RNO ZHING DMIGS RIM MYONG THOG LA BSKOR NAS GSUNGS PAS PHAL CHER GYI BLO SNA 'GYUR ZHING, LAM KHRID SKYONG MKHAN YANG MANG DU BYUNG, DE'I TSE 'BRUG GI

, ,THOG MA GRAGS SHING, ME TOG GI CHAR 'BABS PA SOGS YA MTSAN PA'I LTAS PHUN SUM TSOGS BA DU MA BYUNG, 'DI LAM KHRID GNANG BA'I THOG MA YIN, DE NAS SNGON GYI LAS 'BREL BZANG POS MTSAMS SBYAR BAR MA ZAD, RGYAL DBANG THAMS CAD MKHYEN PA'I SKU ZHABS NAS KYANG RGYUD CHEN DKON MCHOG YAR 'PHEL LA BSNGAGS BRJOD RGYA CHER MDZAD PA'ANG YANG YANG GSAN PA DANG, LHAG TU DGE LUGS PA'I SNYAN BRGYUD KYI MAN NGAG PHAL CHE BA'I RGYUN KYANG NUB TU NYE BAR 'DUG PA GZIGS PA'I RKYEN BYAS, LCANG SKYA RDO RJE 'CHANG DANG, RJE 'DI PA DPON SLOB GNYIS, CHOS RGYUN 'TSOL BA'I CHED, LCANG SKYA RIN PO CHE DBEN SA DANG, RJE 'DI SRAD RGYUD DU PHEBS PA'I BKA' GROS MDZAD NAS RIN PO CHE PA DBEN SAR BYON NAS RDO RJE 'DZIN PA DKON MCHOG RGYAL MTSAN GYI ZHABS LA GTUGS NAS DBEN SA SNYAN BRGYUD KYI MAN NGAG RDZOGS PAR ZHUS SHING, RJE 'DI SRANG RGYUD DU PHEBS NAS RGYUD CHEN RIN PO CHE'I DRUNG DU RI BO DGE LDAN PA'I SNYAN BRGYUD KYI GDAMS PA YONGS SU RDZOGS PA ZHU BAR MDZAD PA YIN LA, DE'I TSUL NI, RJE 'DI GTZANG DU 'BYON PA'I THUGS DGONGS GTAD DE, LAM GROGS ZHIG BTZAL NAS SRAD RGYUD DU PHEBS, LAM BAR SKU CUNG ZAD BSKUR KYANG BLA MA LA GSOL BA BTAB PAS SKYON MA BYUNG GSUNG, SRAD DANG NYE BAR PHEBS PA'I NYIN CHAR ZHOD CHEN PO BYUNG NAS NA BZA' THAMS CAD GSHER BAR GYUR TE PHEBS DKA' SE BA ZHIG GI NGANG LA SROD KYI DUS SRAD KYI LUNG PA'I MDAR PHEBS, SKU ZLA DE SNGON LA SONG NAS GNAS TSUL ZHUS PAS, SNGAR NAS RJE 'DI'I SNYAN GRAGS GSAN PAR BRTEN, RDO RJE

'CHAR RGYUD CHEN PA THUGS DGYES DGYES MDZAD CING, GRVA PA GCIG LA GSOL JA DANG, RTA BSKUR NAS BSU BAR BTANG 'DUG PA LA, RTEN 'BREL GYI KHYAD NAS SANG SNGA DRO MJAL DGOS GSUNG, SLAR YANG RGYUD CHEN SKU ZHABS NAS GSOL JA DANG NA BZA' BSKUR NAS NA BZA' RNYING PA RNAMS BRJE BAR MDZAD, ZHAL NAS, DE DUS DKA' LAS 'DI 'DRA BYUNG BA SKYE BA GZHAN DU SDIG PA CHEN PO BSAGS PA 'DRA SNYAM PA SHAR KYANG, BLA MA'I GDAMS NGAG GIS SEMS RGYUD LA PHAN THOGS PA'I RTEN 'BREL DU 'DUG ,CHOS GANG LA DKA' SPYAD BYAS PA DES GZHAN LA PHAN THOGS, PHAR PHYIN LA SENG GE BZANG PO DKA' SPYAD CHE BAS, DE'I BSHAD RGYUN 'PHEL RGYAS CHE BA 'DI KA YIN GSUNG, DE'I SANG NYIN SNGA DRO MJAL PHRAD MDZAD PA'I DUS KHA BTAGS LNGA 'BREL ZHIG PHUL TE ZHABS SPYI POR BLANGS ZHAL MTHONG BA TZAM NAS MA BU PHRAD PA LTAR MDZAD CING SKU TSE DU MAR 'BREL BA'I RTEN 'BREL GYI SNAD BA MA 'GAGS PAR SHAR, RGYUD CHEN RIN PO CHES RJE 'DI LA KHYED KYIS CHOS JI 'DRA BSLAB CES DRI BA MDZAD PAR, MDO LA PO TI LNGA RAGS RIM DANG, SNGAGS LA SMAD RGYUD DU 'GREL PA DANG t'IKKA BSKYED RDZOGS SOGS LA SBYANGS ZHUS PAS, 'O NA MDO SNGAGS THAMS CAD BSLAB PA RED, DBU MA 'DI MDO SNGAGS THAMS CAD KYI LAM GYI PHYED YIN PAS BSLAB TSAR BDE LEGS 'DUG, THAL RANG GNYIS RANG BZHIN YOD MED RTZOD TSE CHOS CAN MTHUN SNANG BA MED ZER BA'I DON DE GANG YIN GSUNG BA LA, LUNG DRANGS NAS ZHUS PAR NGA RANG LA LUNG 'DREN MI DGOS, LEGS BSHAD SNYING PO STONG THUN LAM RIM SOGS PA'I BLO LA YONG, GO DON GYI 'GAG DE GSUNG DGOS, ZHES DRI BA MDZAD PAR, RJE 'DIS, DNGOS SMRA BA'I

, ,LUGS LA SGRA MA 'KHRUL BA'I TSAD MA'I RNYED DON DANG, THAL 'GYUR BA'I LUGS LA SGRA 'KHRUL BA'I TSAD MA'I RNYED DON YIN PA LA THUG TSUL SOGS KYI RGYU MTSAN GSAL LA 'DRIL ZHING MDOR BSDUS PA ZHIG ZHUS PAS, PHYAG THAL MO SBYAR NAS GO BDE PO BYUNG ZHES MNYES MNYES MDZAD, YANG KHONG GIS, TSIG GSAL NA THAL 'GYUR BA DANG DNGOS SMRA BA GNYIS SGRA BDEN PAR YOD MED RTZOD TSE CHOS CAN MTHUN SNANG BA MI SRID GSUNG, DE LA LEGS LDAN GYIS, RGOL BA DE GNYIS KYIS SGRA BDEN PAR YOD MED RTZOD TSE CHOS CAN MTHUN SNANG BA SPYI TZAM DGOS PA'I DPER, SANGS RGYAS PAS, BYE BRAG PA LA, SGRA MI RTAG PAR DAM BCAS NAS SGRUB PA'I TSE, RGOL BA DE GNYIS KYIS 'DOD PA'I KHYAD PAR DOR BA'I CHOS CAN SPYI TZAM MTHUN SNANG BA 'DZIN PA DANG, BYE BRAG PAS, GCER BU PA LA SGRA MI RTAG PAR SGRUB PA'I TSE DE LTAR MTHUN SNANG BA DGOS PA BZHIN ZHES BKOD PA LA THAL 'GYUR BA RNAMS KYIS LAN JI LTAR 'DEBS GSUNGS PAS, ZLA GRAGS LUGS LA DPE DON MI 'DRA, THAL 'GYUR BA DANG, DNGOS SMRA BA GNYIS DE LTAR RTZOD TSO CHOS CAN MTHUN SNANG BA MED KYANG, BYE BRAG PA DANG SANGS RGYAS PA GNYIS, SGRA RTAG MI RTAG RTZOD TSE CHOS CAN MTHUN SNANG BA SPYI TZAM ZHIG BZUNG DU YOD LA, RTZOD TSE RGOL BA DE LA CHOS CAN MTHUN SNANG BA RUNG BAR TSIG GSAL LAS BSHAD ZHUS PAS, THUGS SHIN TU DGYES NAS DE YIN PAR 'DUG GSUNG, RJE 'DIS RGYUD CHEN LA, KHYED KYIS MTSAN NYID MKHAS PO DE 'DRA GANG DU BSLAB ZHUS PAR, BDAG MTSAN NYID KYI CHOS GRVAL MA SONG, 'ON KYANG

MTSAN NYID KYI GZHUNG MANG PO BZUNG, BDAG GI BLA MA MTSAN NYID LA MKHAS BAS GSUNG BSHAD LA BRTEN NAS CUNG ZAD GO BA YIN GSUNG, DE LTAR GSUNG 'BROS ZHIB PAR GNANG ZHING, KHYOD NGA'I BLA MA DKON MCHOG RGYA MTSO'I SKYE BA YIN PAR 'DUG CES NGOS 'DZIN MDZAD, RJE 'DI LA'ANG SNGAR CHUNG NGU'I SKABS SU LHA THO SBEN KHA CAN YOD PA'I DGON PA ZHIG NYAMS SNANG LA YANG YANG SHAR BA, SRAD RGYUD JI LTA BA BZHIN 'DUG PAS RGYUD CHEN GYI GSUNG DANG RMI LAM GNYIS MTHUN PAR DGONGS, DE YANG RGYUD CHEN 'DI MKHYEN RAB KYI KLONG SHIN TU YANGS PAS GSUNG RAB SPYI DANG, KHYAD PAR ZAB MO RDO RJE THEG PA'I CHOS TSUL KUN LA THOGS PA MED PA'I RNAM DPYOD KYI PADMO KHA PHYE BA, YI DAM GYI LHA DU MAS RJES SU BZUNG ZHING DAM CAN RGYA MTSO'I TSOGS BRAN DU BKOL BA'I MTHU STOBS NUS PA'I DBANG PHYUG TU GYUR CING, BRGYUD PA DAM PA BAR MA CHAD PA'I MAN NGAG LHA'I BDUD RTZIS THUGS KYI BUM BZANG YONGS SU GANG BAS DGE LDAN SNYAN BRGYUD KYI ZAB CHOS 'CHAD PA LA 'GRAN ZLA DANG BRAL BA ZHIG STE, SPRUL SKU GRAGS PA RGYAL MTSAN PA'I MA 'ONGS LUNG BSTAN LAS, LHO NUB PHYOGS NAS GSER GYI RI DBANG GIS, ,ZAB RGYAS CHOS KYI 'O MTSO LAN GCIG BSRUBS, ,BKA' GDAMS BSTAN PA'I MAR GYI NYID KHU 'DON, ,DE YANG SNANG BA MTHA' YAS SPRUL PA'O, ,DE TSE RIN CHEN DO SHAL SPEL GYUR KYANG, ,RGYAN DU LEN PA'I SKAL BZANG SHIN TU DKON, ,ZHES LUNG BSTAN PA LTAR RO, ,DE'I DON YANG TSIG RKANG DANG PO BZHIS RGYUD CHEN RIN PO CHE ZAB RGYAS SNYAN RGYUD KYI BDAG POR 'GYUR TSUL DANG, SNANG BA MTHA' YAS KYI SPRUL BAR BSTAN, RKANG

, ,PA THA MA GNYIS KYIS RGYUD CHEN RANG LA DUS DBANG GIS ZHAL SLOB MANG PO MI 'BYUNG BA DANG, KHYAD PAR DU SNYAN RGYUD KYI GDAMS PA YONGS RDZOGS 'DZIN PA'I RDO RJE SLOB MA CHES DKON PAR BSTAN PA YIN NO, ,DON GYI DBANG 'DI GZIGS NAS THAMS CAD MKHYEN PA NGAG DBANG BLO BZANG RGYA MTSOS KYANG RANG GI RNAM THAR DU, THUGS GZU BOS BSNGAGS BRJOD MDZAD PA NI, CHOS RJES SKYA PAndI TAS, LEGS BSHAD MKHAS PA'I BLO GROS KYIS, ,GO YI BLUN POS DE LTA MIN, , ZHES GSUNGS PA LTAR RO, ,DE NAS CHOS BKA' CI RIGS SNYAN GSAN PHUL BAS, THUGS SHIN TU DGYES NAS BDAG GZUGS PO BDE ZHING KHYED RANG LA SKAL BA YOD NA GDAMS PA GANG YOD STER GSUNGS NAS ZHAL BZHES MDZAD, SRAD RIN CHEN RTZE NAS SDE PA RTZE CHEN PAS RGYUD CHEN RIN PO CHE SPYAN DRANGS PA LA RJE 'DIS KYANG BKA' CHOS KYI KHYAD ZHABS PHYI ZHUS NAS RIN CHEN RTZER BYON, GNAS DER DPAL GSANG BA 'DUS PA'I BSKYED RIM GYI KHRID GZAB BSHAD CAN RGYAS PA, RIM LNGA'I DMAR KHRID ZUNG 'JUG LAG GTONG LTA BU'I GZAB BSHAD RGYAS PA, 'DUS PA'I DKA' GNAS RDO RJE'I TSIGS SGRIGS KYI BSHAD PA, 'JIGS BYED KYI BSKYED RIM DANG, RDZOGS RIM RNAL 'BYOR BZHI RIM GYI NYAMS KHRID, THUN MONG DANG THUN MONG MIN PA'I ZHI KHRO SBRAGS SGRUB KYI KHRID; BDE MCHOG L'U AI PA'I BSKYED RIM DANG RDZOGS RIM RNAL 'BYOR CHEN PO'I KHRID LAG RJES DANG BCAS PA, DUS 'KHOR GYI BSKYED RDZOGS KYI DKA' GNAS MANG PO'I BSHAD PA DANG, RJE RIN PO CHES MDZAD PA'I SBYOR DRUG RDO RJE'I TSIG RKANG GI BSHAD PA,

RGYUD CHEN SANGS RGYAS RGYA MTSOS LHAG PA'I LHA'I BKA' 'DRIN LA BRTEN NAS RNYED PA'I THUN MONG MIN PA'I SBYOR DRUG GI KHRID GZAB SHAD KYIS BRGYAN PA, N'A RO CHOS DRUG DANG 'PHO KHRID GSER GYI SGO 'BYED GNYIS KYI NYAMS KHRID RGYAS PA, DRUG CU PA'I LCAGS MKHAR GYI GZAB KHRID ZHVA LU PA'I RTZA TSIG GI 'BRU 'GREL LTAR 'PHEN PA DGU'I SO SO'I LAS SBYOR GYI KHRID ZHIB RGYAS DANG, SBYIN SREG GI KHRID DNGOS GRUB RGYA MTSO'I NANG LTAR MNAN BSAD ZHI RGYAS KYI SBYIN SREG RE RE LA'ANG GTZO BO 'PHO MI 'PHO DANG, THAB KYI DBUS SU GZHAL YAS KHANG YOD MED DANG, LHA KRONG SKYED, RIM SKYED DANG, BRI RKO RTZIG GSUM GYI THAB BZO LUGS SOGS DANG, MNAN PA'I LAG LEN ZAB MO KHYAD 'PHAGS, MGON PO PHYAG DRUG PA, MGON DKAR, RNAM SRAS GSUM GYI RJES GNANG, DAM GZOR MA'I RJES GNANG DBANG BZHI CAN, TSE DPAG MED GRUB RGYAL LUGS KYI RJES GNANG, LHA MO LO MA GYON MA GTZO 'KHOR GSUM GYI RJES GNANG DANG SGRUB THABS KYI KHRID, SPYI 'JOMS RIL BU, BRGYAD THOD LA BRTEN NAS 'BRUM NAD BSRUNG BA SOGS LAS TSOGS KYI LUNG DANG KHRID, LTO 'PHYE'I THIG ,SENG GE SGRA'I GDON 'GROL, BUM GTER 'JOG TSUL SOGS DANG, ZA BYED MKHA' 'GRO'I SBYIN SREG GI KHRID BCAS ZLA NGO GSUM GYI RING LA LEGS PAR GSAN, DE DUS GSAN PA PHAL CHER LA ZIN BRIS MDZAD CING, KHYAD PAR DU GSANG 'JIGS GNYIS KYI BSKYED RDZOGS ZIN BRIS DANG, RGYUD CHEN GYI GSUNG LTAR RJE ZHVA LU BA'I DRUG CU PA'I RTZA TSIG LA MCHAN 'GREL KHYAD 'PHAGS ZHIG MDZAD BAR SNGON GYI SNGAGS RGAN RNAMS KYIS MTHON PA'I NGO MTSAR

, ,PA'I LEGS BSHAD DU MA YOD DO, ,DE NAS DPON SLOB RNAMS SRAD RGYUD DGA' LDAN PHO BRANG DU PHEBS NAS, GSANG 'JIGS GNYIS KYI DBANG GI SNYAN GSAN PHUL BAS, GNYIS KA MI 'ONG BAS GCIG 'DAM, KHYED RANG GIS SNGAR NYAN PA'I DBANG RNAMS KYIS KYANG DBANG GI GO CHOD PAS DES CHOG GSUNG, 'ON GSANG 'DUS KYI DBANG DGOS ZHUS PAS, THUGS SNGAR LAS KYANG DGYES DGYES MDZAD NAS KHYOD KYIS 'DAM KA MA 'CHUGS PA LEGS BYUNG, GSANG 'DUS SHES NA MDO SNGAGS THAMS CAD SHES BAR 'GYUR BA YIN, DA KHYOD LA GSANG 'DUS RDZOGS PAR STER BA YIN NO GSUNGS NAS, RJE RIN PO CHE'I DBANG DON DE NYID RAB GSAL DANG, SNAR THANG SMRA SENG GIS MDZAD PA'I DBANG tIKA GI TSIG DON RNAMS RDZOGS PAR KHRID CING DBANG GCIG NYI MA GSUM LA GZAB BSHAD DANG BCAS GNANG, SA BZUNG BA'I RDO RJE RTZE GCIG ,RTZE GSUM, SNA TSOGS RDO RJE RNAMS KYI 'GROS DANG RKANG STABS PHAL CHER SNGAR RIN CHEN RTZER BZHUGS PA'I SKABS SU KHRID ZIN KYANG, SLAR YANG BSKYAR GYIS MKHAS GRUB RIN PO CHE'I GSUNG ZIN BRIS DANG, 'DUL 'DZIN GYI GAR DPE'I STENG NAS ZHIB TU KHRID CING DE DAG RE RE LA'ANG GSUNG BSHAD NAM MKHA' LTAR RGYA CHE ZHING NGO MTSAR BA DU MA STZAL, MJUG TU CHOS BDAG BO LA 'PHROD PA YIN NO ZHES DPAL LDAN SRAD RGYUD KYI BSTAN PA'I BDAG POR MNGA' GSOL ZHING, DRUNG RAM PAS MDO DBUS KUN TU RGYAL BA'I BSTAN PA LA PHAN PA RGYA CHEN PO 'ONG BA YOD DO ZHES 'BYUNG 'GYUR GYI LUNG BSTAN KYANG MDZAD, DAD PA DANG DAM TSIG GTZANG BA'I RTEN 'BREL GYIS RJE

'DIS CHOS GSAN PA'I RING RGYUD CHEN RIN PO CHER SKU RLUNG TZAM YANG MA BYUNG BAS, ZHAL NAS, DBANG BDAG KHAMS BDE BO BYUNG BA KHYED RANG BSOD NAMS CHE ZHES GSUNG, TSUR PHEBS 'PHRAL ZHABS LA BSNYUNG GZHI BYUNG BAR GRAGS, DE DUS RGYUD CHEN RIN PO CHE DGUNG LO BRGYAD CU BZHES PA'I SKABS YIN 'DUG KYANG, RJE 'DI NYID SNYAN BRGYUD KYI GDAMS PA YONGS RDZOGS 'DZIN PA'I SNOD LDAN GYI SLOB MA'I GTZO BOR GZIGS PA DANG, RGYAL BA GNYIS PA'I BSTAN PA LA PHAN THOGS RGYA CHEN PO 'BYUNG BAR DGONGS NAS, DKA' TSEGS DANG SKYO NGAL MED PAR, BOD KYI GSER CHOS SU GRAGS PA DAG GIS KYANG BSGRUN DU MED PA'I SNYAN RGYUD KYI GDAMS PA YONGS SU RDZOGS PA STZOL BAR MDZAD PA NI THEG PA CHEN PO'I DGE BA'I BSHES GNYEN GYI RNAM THAR DU SHES PAR BYA'O, ,RJE 'DI'I SKU YON LA CHOS RJE RGYUD CHEN PA'ANG THUGS MGU NAS ZHABS PHYI RNAMS LA DRUNG RAM PA 'DI LTA BU'I SKU YON CAN NGAS SNGAR MA MTHONG ZHES BSNGAGS BRJOD BLOR MI SHONG BA MDZAD, RJE 'DI'ANG SNGON GYI 'BREL BA'I DBANG DANG KHYAD PAR DU SNGAGS KYI ZAB GNAD MANG PO LA LEGS BSHAD NGO MTSAR BA DU MA STZAL BAS THUGS RANG DBANG MED PAR 'PHROG NAS SANGS RGYAS DNGOS KYI DAD GUS SKYES SHING, BLA MA RNAMS KYI NANG NAS GTZO BOR 'DZIN PAR MDZAD DO, ,DE LTAR RGYUD CHEN RIN PO CHE'I DRUNG DU RGYUD BSHAD MAN NGAG DANG BCAS PA LEGS PAR GSAN PA'I GSUNG GI ZLA ZER GYIS RJE 'DI'I BLO GROS KYI KU MUD YONGS SU RGYAS TE GANGS RI'I KHROD KYI SNGAGS 'CHAD RI DVAGS BYE BA'I DBUS SU SNYAN RGYUD GDONG LNGA'I SGRA DBYANGS SGROGS PA LA 'JIGS PA MED PA SMRA BA'I SENG GE GCIG PUR GYUR TO, ,

, ,CHOS BKA'I BZHED BA RNAMS GRUB NAS, SLAR YANG YUL DBUS KYI RI BO DGE 'PHEL DU PHEBS, LAM BAR DU DPAL 'KHOR CHOS SDER KLU 'BUM MKHAN RIN PO CHE CHOS RGYA MTSO DANG MJAL ZHING DAM PA'I CHOS KYI GSUNG GLENG ZHIB PAR MDZAD, DE NAS DGUNG LO SO LNGA PA CHU KHYI'I LO, MDO RGYUD RAB 'BYAMS RGYA MTSO LA MKHYEN RAB THOGS MED DU RGYAS PA'I BSTAN BA'I GSAL BYED CHEN PO RGYUD SMAD CHOS KYI RJE KLU 'BUM BLO GROS RGYA MTSO'I ZHAL SNGA NAS, RJE RGYAL BA GNYIS PA'I MI 'JIGS SENG GE'I 'KHRI LA GSAR DU PHEBS PA'I LEGS 'BUL GYI CHED RI BO DGA' LDAN DU PHEBS, ZANG ZING GI 'BUL BA GYA NOM PA PHUL, DE DUS KHRI RIN PO CHE DE NYID KYIS CHOS RJE ZHIB BZANG PO DANG, MANG RA MKHAN PO SOGS BLA MA DGE BSHES MANG PO LA BKA' CHOS GNANG BA'I MCHOD G-YOG MDZAD DE, BDE MCHOG L'U AI PA DANG, DRIL BU LHA LNGA DANG, LUS DKYIL DANG, 'DUS PA 'PHAGS LUGS DANG, 'JIGS BYED DPA' CIG DANG, BCU GSUM MA RNAMS KYI DBANG DANG, DE DAG GI RIM GNYIS KYI KHRID RNAMS DANG, LAM RIM DMAR KHRID, LTA KHRID, CHOS DRUG GI KHRID, RTZA 'JUG GI RNAM BSHAD GNYIS KYI LUNG SOGS DANG, 'JAM DBYANGS CHOS SKOR, SGRUB THABS RGYA MTSO, ZIR? BRGYA RTZA, SNAR THANG BRGYA RTZA SOGS DAM PA'I CHOS KYI BDUD RTZI'I BGO SKAL YANG DAG BAR BLANGS, TSUR LAM PO TA LAR PHEBS NAS DGE SLONG 'JAM DBYANGS GRAGS PA'I DRUNG DU, MGON PO PHYAG DRUG PA'I RJES GNANG, SPYAN RAS GZIGS LA BRTEN PA'I BLA MA'I RNAL 'BYOR GYI KHRID LUNG,

GTOR MA SNA TSOGS RNAMS GSAN, DE NAS RI BO DGE 'PHEL DU PHEBS, RGYUN GYI THUGS DAM LA BRTZON BAR MDZAD CING, PHYOGS SO SO NAS DGE BSHES MANG PO 'DUS PA LA SNGA PHYIR LAM RIM GYI DMAR KHRID GZAB RGYAS LAN GNYIS, MJUG TU SMON SEMS TSOGS 'DZIN PA DANG, MCHOD PA RGYA MTSO LTAR BSAM LAS 'DAS PA BSHAMS NAS DUS BZANG CHOS SPYOD RGYAS PAR MDZAD, BSKYED RDZOGS KYI KHRID DANG 'DOD CHOS MANG PO'ANG STZAL, DGUNG LO SO DRUG PA CHU PHAG GI LO, SNGAR LTAR LAM KHRID GZAB BSHAD LAN GSUM GNANG, RDO RJE 'CHANG 'JAM DBYANGS GRAGS PAS BO TA LAR SPYAN DRANGS NAS, RJE'I GSUNG 'BUM GYI LUNG DANG, SRAD RGYUD KYI KHRID CHEN LNGA SOGS ZHUS, LAN GCIG MDO SMAD DU AA YES BYA BRAL ZA TSE 'PHOS PA'I GTAM GSAN NAS SDIG SBYONG MDZAD PA'I MNAL LAM DU, BRAG ZHIG GI STENG NAS SPAL BA GCIG YOD PA LHUNG NAS SHI BA'I RO THOG TU 'JA' SHAR BA LA, NAM MKHA' NAS RGAN MO LTAR SKYES SONG ZER BA RMIS PAS LHAR SKYES YOD PA 'DRA GSUNG, DGUNG LO SO BDUN PA SHING BYI'I LO, MDO SNGAGS KYI DGE BA'I BSHES GNYEN MANG PO SNGA PHYIR 'DUS PA LA LAM KHRID TSAR BZHI DANG, ZHOR LA 'DOD CHOS ZUR BA'ANG MANG DU STZAL, DGUNG LO SO BRGYAD PA SHING GLANG GI LO GZHUNG LUGS RAB 'BYAMS LA NANG BYANG CHUD PA'I DGE BA'I BSHES GNYEN BRGYA PHRAG MANG PO LA YAM RIM GYI KHRID DANG RIM GNYIS KYI DMAR KHRID BCAS TZAL ZHING, DRANG NGES RNAM 'BYED KYI MTHA' DPYOD BEEd'URYA DKAR PO'I GAN MDZOD LJAGS RTZOM MDZAD, KHRI RIN PO CHE BLO GROS RGYA MTSO RGYA NAG TU PHEBS RGYU'I SKANG CHAGS NA NAS

, ,DGA' LDAN DU MJAL BAR BYON, SKU 'KHOR 'GA' ZHIG GIS DPON SLOB NGAG DBANG ZHABS PHYI LA KHRID DGOS ZHUS PAS DE MI YOD, NGAG DBANG DBUS SU BSDAD DE NGA'I MING SGROGS DGOS GSUNG BA NI RJE 'DI DBUS SU BZHUGS NA BSTAN PA NGANG SEMS CAN GYI DON RGYA CHEN PO 'OD PA MNGON SUM DU GZIGS PA'I LUNG BSTAN DU SNANG, PHEBS KHAR 'BRAL MI PHONG PA TZAM DU MDZAD, DGUNG LO SO DGU PA ME STAG GI LO, LAM RIM GYI DMAR KHRID LAN GNYIS, BSKYED RDZOGS KYI KHRID SOGS STZAL; LO DER MKHYEN RAB KYI DBANG PHYUG DAM PA HOR SMIN GROL CHOS KYI RGYAL BO NGAG DBANG 'PHRIN LAS LHUN GRUB BA DBUS SU PHEBS BA DANG MJAL, KHONG GI DRUNG DU, MGON PO SNYING ZHUGS KYI RJES GNANG, MDA' RIS CHOS BSTAN PA NAS BRGYUD PA'I KshE TRA P'A LA YAB YUM GYI BSNYEN SGRUB LAS GSUM, SROG 'KHRO THUN MONG MA YIN PA DANG, KshE TRA P'A LA SPREL KHRID MA'I CHOS SKOR ZHAL SHES DANG BCAS PA LEGS PAR GSAN, MDO SMAD BTZAN PO DGON DU RGYUD GRVA BTZUGS NA LEGS TSUL GYI SNYAN BSKUL YANG LEGS PAR ZHUS PAS THUGS KHUR BZHES NAS RGYUD GRVA GSAR 'DZUGS MDZAD PA DE YIN NO, ,DGUNG LO BZHI BCU PA ME YOS KYI LO, DGE BSHES MANG PO LA MDO SNGAGS KYI CHOS DUM DANG, SNGA PHYIR LAM RIM TSAR GSUM, BSKYED RDZOGS KYI KHRID DANG, 'DOD CHOS MANG DU STZAL, DGUNG LO ZHE GCIG PAS 'BRUG GI LO, LAM KHRID TSAR LNGA GNANG, RIM GNYIS KYI DMAR KHRID KHA SHAS, GZHAN YANG BKA' CHOS MANG DU STZAL, SNGON MED PA'I LEGS BSHAD 'GRAN ZLA DANG BRAL BA BSAM GZUGS KYI MTHA'

DPYOD LUNG RIGS RGYA MTSO BKA' RTZOM MDZAD, DGUNG LO ZHE GNYIS PAS SPRUL GYI LO, ,DON GNYER BAM DA DU 'DUS PA LA LAM KHRID TSAR BZHI DANG, RIM GNYIS KYI KHRID BCAS GNANG ZHING, GRUB MTHA'I RNAM BZHAG 'KHRUL SPOD GDONG LNGA'I SGRA DBYANGS BRTZAMS, LCANG RA SLOB DPON PA DANG, MKHAS MANG BLO GSAL GLING SPOM POR RAB 'BYAMS PA NGAG DBANG DPAL LDAN DANG, RJE NYID KYI THUGS SRAS DAM PA GZHUNG BRGYA SMRA BA'I NYI MA MKHAS PA'I DBANG PO SHAR RGYAL MO RONG BA NAM MKHA' LHUN GRUB PA RNAMS KYIS GSOL BA BTAB PA LA BRTEN NAS, DE'I RANG 'GREL KUN BZANG ZHING GI NYI MA'ANG RTZOM PA'I DBU TSUGS, DGUNG LO ZHE GSUM PA LCAGS RTA'I LOR LAM KHRID TSAR BZHI DANG, RIM GNYIS DMAR KHRID SOGS ZAB CHOS KYI CHAR PHABS, DGUNG LO ZHE BZHI PA LCAGS LUG GI LO, ,LAM KHRID SMON 'JUG GI CHO GA BCAS RGYAS PA LAN BZHI, RIM GNYIS KYI KHRID SOGS CHOS MANG DU GSUNGS, YUM GSHEGS PA'I GTAM GSAN NAS DGONGS RDZOGS LA THUGS DAM MDZAD CING SANGS RGYAS KYI SKU MANG PO BZHENGS DE NAS BZUNG ZHAL BZHUGS KYI RING LA LO RE BZHIN SKU RE BZHENGS PA'I DAM BCA' MDZAD, DGUNG LO ZHE LNGA PA CHU SPREL LO, PHYOGS SO SO NAS DON GNYER BA MANG DU 'DUS PA LA RIM GNYIS KYI KHRID DANG, LAM KHRID RGYAS PA TSAR BZHI DANG, LAM RIM CHEN MO'I KLAGS LUNG TSAR GSUM BCAS GNANG, DGUNG LO ZHE DRUG PA CHU BYA'I LO, SNGAR BZHIN DON GNYER BA RNAMS LA, LAM RIM DMAR KHRID GZAB RGYAS SMON SEMS CHO GA BCAS TSAR GCIG DANG, RIM GNYIS KYI DMAR KHRID SOGS CHOS BKA' MANG DU STZAL,

, ,LO DER BYANG CHUB SEMS DPA' CHOS 'PHAGS KYI SPRUL PAR GRAGS PA YONGS KYI DGE BA'I BSHES GNYEN CHEN PO LI THANG MKHAN CHEN NYAG RI CHOS KYI GRAGS PA ZHES BYANG CHUB LAM RIM 'CHAD PA LA 'GRAN ZLA DANG BRAL BA'I MKHAS PA CHEN PO DE DBUS SU PHEBS PA DANG MJAL, KHONG GIS GZHUNG LUGS RGYA MTSO'I MNGA' BDAG BRAG SGO RAB 'BYAMS PA PHUN TSOGS RGYA MTSO LAS LAM RIM CHEN MO'I BSHAD LUNG TSAR MANG PO GSAN 'DUG CING, DE SKABS SU DBUS GTZANG NA LAM RIM CHEN MO'I BSHAD LUNG NYAG RI MKHAN CHEN LAS GZHAN LA MED 'DUG PAS, RJE 'DIS BSTAN PA RIN PO CHE THUGS LA BCANGS NAS KHONG LA ZHU BA'I RTZOL BA MDZAD DE, BLO GSAL GLING GI DPON SLOB TRE PO SKAM PO LA ZHU ROGS BCOL BAS DE SHIN TU LEGS, NGAS KYANG NYAN DGOS PA YOD, YO BYAD GANG DRAG MTHUN RKYEN BYED ZER NAS; RJE 'DI DANG BLO GLING DPON SLOB GNYIS THUN MONG NAS SNYAN GSAN PHUL BAS, LI THANG MKHAN CHEN DE SKU NA SHIN TU BGRES BAS MI LCOGS PA'I TSOD LTA BUR 'DUG KYANG, GZHAN GYI DON DU 'GYUR NA LUS SROG LA LTOS PA MED PAR SNYING STOBS KYI GO CHA BRTAN PO BSKYED PA NI BYANG CHUB SEMS DPA' RNAMS KYI NGANG TSUL YIN 'DUG PAS, MKHAN CHEN PA YANG SHIN TU DGYES NAS KHYED LA CHOS 'BUL RGYU BYUNG NA BDAG KYANG BSKAL PA BZANG, RE ZHIG BYA BA MANG PO 'DUG PAS MI KHOM, SLAR DGE 'PHEL DU YONG THUB PA BYED, KHYED LA DGE 'PHEL DPON SLOB NGAG DBANG ZHES SNYAN GRAGS CHEN PO 'DUG PAS NGA LA YANG DOGS GCOD DANG CHOS ZHU RGYU MANG PO YOD GSUNG, DE NAS RJE 'DIS SLAR YANG RANG GI NYE GNAS SNGAGS RAM PA DPAL 'BAR ZHES BLA MA'I ZHABS TOG SGRUB PA LA DGE BSHES 'BROM STON PA DANG MTSUNGS PA ZHIG

YOD PA DE BTANG NAS, DGE 'PHEL SA MTHO BAS KHYED PHEBS THUB PA DKA', BDAG KYANG 'DIR GRVA RKYANG LTA BU YIN PAS YO BYAD DANG BZHUGS GNAS SPO BO MED, BDAG SKU ZHABS SU 'ONG NAS ZHU DGOS BYAS PAS, MKHAN CHEN PA'I ZHAL NAS, YO BYAD DANG 'DUG GNAS LA THUGS 'TSER MI DGOS, NGED KHAR SLEB YONG GSUNG, DE SKABS SKU MDUN NA BLA MA NYAG RI LHA MGON DANG, GO 'GYO DBU MDZAD GNYIS KYANG BZHUGS 'DRUG PA LA, KHONG GNYIS KYIS KYANG KHYED KYIS BSHAD LUNG GSAN NA BSTAN PA LA PHAN THOGS PAS BKA' DRIN SHIN TU CHEM, YO BYAD LA THUGS 'TSER MDZAD MI DGOS, NGED GNYIS KYANG GSAN ROGS LA 'ONG CHOG ,MTHUN RKYEN YANG GANG DRAG BYED CES 'PHRIN BSKUR, DE NAS RJE 'DIS BLOG SAL GLING BLA MA'I MDUN DU GO 'GYO DBU MDZAD BTANG NAS, SNGA SOR KHYED KYIS LAM RIM GSAN RTZIS YIN PAS, LI THANG MKHAN PO DGE 'PHEL LAM 'GYANG BAR PHEBS PA YOD, KHYED KYIS KYANG DE KA'I THUGS RTZIS MDZAD NA ZHES 'PHRIN BSKUR BAS, NGED KYI NYAG RI CHOS GRAGS 'DI YANG BSAM PA GANG YOD MI SHES PAR 'DUG ,GANG LTAR YANG CHOS NYAN PA LA MI KHOM ZER NAS MA PHEBS SKAD, DE YANG BLA MA TRE BO SKAM PO'I BSAM PA LA, LI THANG MKHAN PO'I PHYAG RDZAS GANG YOD BLO GSAL GLING LA BTANG NAS KHO RANG LA BZANG PO BYAS YONG BSAM KYANG, LI THANG MKHAN CHEN RVA BA STOD LA THUGS ZHEN CHE BAS DER MANG 'GYED SOGS GYA NOM PA BYAS PA LA, BLA MA MGU BAR BLO 'GYUR TE, SKYE BO NGAN PA SRAD MDA' BZHIN, ,CUNG ZAD TZAM GYIS MTHO DMAN GYED, ,CES PA'I NGANG TSUL DANG DU BLANGS SO, ,DE NAS LI THANG MKHAN CHEN RI BO DGE 'PHEL DU PHEBS NAS, RJE 'DI DANG GRVA SLOB NYUNG BSDUS LA LAM RIM CHEN MO'I BSHAD LUNG STZAL, MKHAN CHEN 'DI LAM RIM LA THUGS 'DRIS

, ,SHIN TU CHE ZHING, BLA MA SO SOS 'DI 'DRA GSUNGS ZHES BSHAD SROL DU MA DANG, LAM RIM CHEN MO'I TSIG PHAL CHER THUGS THOG NAS SHAR SHAR GSUNGS PAS DAD GUS RMAD DU BYUNG BA 'KHRUNGS, CHOS GSAN SKABS NAG PO'I TSOGS KYIS YID BSKYOD PA'I SKYE BO 'GA' ZHIG GIS DUG DRANGS PA LA BRTEN, SKU CUNG ZAD BSNYUNG BAR GYUR KYANG, DUG SBYONG MDZAD PAS GZHI MED DU DVANGS, BSHAD LUNG GI SKABS SKABS SU MKHAN CHEN PA DANG, RJE 'DI PA GNYIS LAM RIM DANG RJE'I GSUNG RAB DU MA'I DKA' GNAD LA DOGS GCOD KYANG MDZAD, MJUG TU MKHAN CHEN PA'I ZHAL NAS, CHOS BDAG PO LA 'PHROD PA YIN PAS KHYOD KYIS LEGS PAR SPEL ZHES GSUNGS GI GNANG BA STZAL, DE DUS LAM RIM CHEN MO'I BSHAD LUNG NYAG PHRA BAR YOD PA LA RJE 'DIS MKHAN CHEN LA 'BAD PA DRAG POS GSAN NAS, RANG GI SLOB MA DGE BA'I BSHES GNYEN RNAMS LA STZAL PAS, SA DANG RDO DAR DU SONG NAS, DENG SANG GI DUS SU'ANG DGE BA'I BSHES GNYEN PA RNAMS LA KHYAB BRDAL DU BZHUGS PA 'DI BLO GROS DANG LDAN PA RNAMS KYIS RJE 'DI'I BKA' DRIN DU SHES PAR GYIS SHIG ,DGUNG LO ZHE BDUN PA SHING KHYI'I LO, BSTAN PA'I GSAL BYED HOR SMIN GROL CHOS KYI RGYAL PO LAN GSUM PAR DBUS SU PHEBS PA DANG MJAL, RJE 'DIS GSOL BA BTAB NAS, GDUGS DKAR PHYAG STONG DBU STENG CAN GTZO 'KHOR NYER LNGA'I DBANG DANG, LEGS LDAN MCHED GSUM GYI RJES GNANG, SGROL DKAR YID BZHIN 'KHOR LO'I KHRID DANG RJES GNANG, KHONG RANG GI GSANG BA'I RNAM THAR GYI SKOR MANG PO

GSAN; RJE 'DI LA KHYED RANG BOD DU BZHUGS YUN RING NAS CHU MI THUB PAS NGA DANG MNYAM DU MDO SMAD LA PHEBS NA BSTAN PA LA PHAN THOGS RGYA CHEN PO YONG GSUNGS PA LA, BDAG GIS TSE LA LTOS PA MED PAR SGRUB PA BYED PA'I DAM BCA' BYAS YOD PAS MI 'GRO ZHUS; 'O NA NGAS GZHUNG LA ZHUS NAS DBANG MED DU 'GRO DGOS PA BYUNG NA JI LTAR BYED CES BKA' PHEBS BYUNG BAR, RJE 'DIS GZHUNG NAS SONG GSUNG YA DANG MI 'GRO ,GZHUNG GIS NGA LTA BU'I GRVA RKYANG GCIG LA BYED RGYU GANG YOD, GSOD NA'ANG LUS SROG LA LTOS PA MED CES ZHUS PAS, 'O NA DE KA MDZOD GSUNG, LO DER MDO SNGAGS THUB BSTAN YONGS SU RDZOGS PA'I DGE BA'I BSHES GNYEN CHEN PO BDE CHEN CHOS RJE GRAGS PA RGYA MTSO MDO SMAD NAS PHEBS, RJE 'DI LA BKA' CHOS CI RIGS DANG, MDO SNGAGS KYI DOGS GCOD MANG DU ZHUS SHING, SNGAR NAS MCHED GROGS KYANG YIN PAS PHAN TSUN THUGS YID 'DRES PAR GYUR, SKABS DER BLA MA BRJE MTSAMS YIN PAS MNAL LAM DU SGO MANG BLA MA MDZAD DGOS PA'I RTAGS YANG YANG BYUNG BAR THUGS BZHED MED PAS, ZLOG THABS KYI SKU RIM MANG PO MDZAD, NUB GCIG MNAL LAM DU, CHOS GRVA GONG MA'I BZHUGS KHRI'I RGYAB NGOS NA RGYAL MTSAN ZHIG MGO SHAR LA BSTAN NAS BSNYAL 'DUG PA LA CI YIN DRIS PAS, BTZUN PA GCIG GIS 'DI KHYOD MA 'ONG BAR DU SLONG RGYU MIN ZER BA RMIS, THUGS LA DA RES ZLOG THUB PA YIN KYANG SGO MANG BLA MA CIS KYANG BYED DGOS PAR 'DUG PAS SNGAR GYI LUNG BSTAN KHA SHAS KYI BABS DANG MTHUN BAR DGONGS, DE NAS STOBS KYI 'KHOR LOS BSGYUR BA, BO SHOG THU JU NANG GIS LHA SAR SPYAN DRANGS NAS DA LAM DA DANG

, ,MNYAM DU MDO SMAD DU PHEBS NAS DGON PA ZHIG BTAB NA NGAS SBYIN BDAG BYED CES ZHUS PA LA, DE'I NYIN RTEN 'BREL CUNG ZAD MA 'GRIG PA DANG, DUS LA MA BABS PA YANG MKHYEN NAS, DA RES GNANG BA ZHU, RJES SOR YONG CHOG GSUNGS PAS RGYAL POS, SLAR NGAS GDAN 'DREN PA GTONG RGYU YIN PAS DE DUS CIS KYANG PHEBS DGOS ZHES SNYAN GSAN PHUL, LO DER LAM KHRID TSAR GSUM DANG, LAM RIM CHEN MO'I BSHAD LUNG RGYAS PA CHAR GNYIS GNANG, DGUNG LO ZHE BRGYAD PA SHING PHAG GI LO, LAM RIM DMAR KHRID TSAR GSUM DANG, LAM RIM CHEN MO'I BSHAD LUNG TSAR BZHI BCAS SNGA PHYIR STZAL, THUB BSTAN YONGS SU RDZOGS PA'I BSHES GNYEN BDE CHEN CHOS RJE GRAGS PA RGYA MTSO SOGS DGE BA'I BSHES GNYEN DU MAS GSOL BA BTAB PA LA BRTEN NAS DBU MA'I MTHA' DPYOD LUNG RIGS GTER MDZOD LJAGS RTZOM MDZAD PAS LUNG RIGS NYI MA'I ZER GYIS DPYOD LDAN KUN GYI BLO GROS KYI PADMO KHA PHYE BAS MKHAS RLOM 'BYUNG PO'I BYA RGAN RNAMS BRAG PHUG TU YIB PAR GYUR TO, , DGUNG LO ZHE DGU PA ME PHO BYI BA'I LOR, BYANG CHUB LAM GYI RIM PA'I DMAR KHRID LAN GNYIS, BSKYED RDZOGS KYI KHRID, LAM RIM CHEN MO'I BSHAD LUNG RGYAS PA LAN GNYIS GNANG, LO DE'I NANG DU, MANYDZU SHR'I HU THOG THU DANG, RJE RANG GI GSUNG LAS SKYES PA'I BU CHEN RGYAL BA'I BSTAN PA RAB 'BYAMS LA RNAM DPYOD KYI SPYAN MCHOG TU YANGS PA'I BYA BRAL RAB 'BYAMS PA DGE 'DUN PHUN TSOGS SOGS RJE DE NYID KYI SLOB MA RDO RJE 'DZIN PA DU MAS GSOL BA BTAB PA LA BRTEN NAS RDO RJE 'PHRENG BA'I DBANG BSKUR

BA LA DGONGS PA GTAD DE, DGE 'PHEL RANG DU BSKUR RTZIS MDZAD KYANG, KHANG PA KU DOG PA DANG, BLA CHEN MI CHEN SOGS GSAN MKHAN CHES MANG BA'I STABS ZHABS PHYI RNAMS KYIS SGO MANG GRVA KHANG DU GNANG NA LEGS PA'I RGYU MTSAN ZHUS PAR, GRVA SA GRVA TSANG GI LAS SNA RNAMS LA DGONGS PA ZHU DGOS GSUNG NAS ZHABS PHYI GCIG GIS, SGO MANG GI BLA MA LAS SNA GRVA RGAN RNAMS DANG, GRVA TSANG GZHAN GYI BLA MA RNAMS DANG, TSOGS CHEN DGE BSKOS BCAS LA ZHUS PAS THAMS CAD KYIS DE SHIN TU LEGS 'DUG CES DGONGS PA PHUL, DE NAS PHYAG G-YOG PA KHA SHAS KYIS, SGO MANG GRVA KHANG DU DBANG GI YO BYAD RNAMS STA GON LEGS PAR BSGRIGS, PHYOGS SO SO NAS BLA CHEN MI CHEN SOGS DBANG DON GNYER BA RNAMS KYANG PHEBS GRUB PA NA, SMRA BA'I DBANG PHYUG RJE DGE 'DUN PHUN TSOGS DANG, RAB 'BYAMS PA NGAG DBANG RDO RJE SOGS DGE 'PHEL DU, RJE 'DI GDAN 'DREN LA PHEBS PAR, ZHAL NAS, DE RING NYI MA 'DI SHIN TU TSAL, LTAS GZHAN YANG LEGS PO ZHIG MI 'DUG PAS, DA RES CHOS DE LAM DU MI RGYUG CING, RANG GZHAN THAMS CAD NGO TSA BA GCIG 'ONG BA 'DRA ZHES GSUNGS PA LA, BU CHEN RNAMS KYIS DE 'DRA 'OD DON MED, PHYOGS SO SO NAS GSAN MKHAN KUN BYUNG PHEBS TSAR BAS, DA LA NAM PHEBS NA CI LAS NGO TSA, CIS KYANG PHEBS DGOS ZHES ZHUS PA LA BRTEN, RJE 'DI 'BRAS SPUNGS ZUR BA KHANG DU PHEBS SHING GNANG RTZIS MDZAD PA NA, 'JAM MGON SA SKYA PAndI TAS, CHEN POS 'BAD NAS BSGRUB BA'I GROS, ,NGAN PAS SKAD CIG GCIG LA 'JOMS, ,ZHING PAS

, ,LO ZLAR 'BAD PA'I ZHID, ,SER BAS SKAD CIG RDUL DU RLOG ,CES GSUNGS PA LHAR, BDUD SDIG CAN SNYIGS MA'I DUS SU DUR SMRIG GI ZOL GYIS 'ONG BA'I SKYE BO DAM TSIG NYAMS PA KHA SHAS KYIS DKRUGS SHING BYAS TE, DBANG GNANG NA SLOB DPON RANG GI SGRUB GNAS DGE 'PHEL BZANG, DGON GNAS 'DI MTSAN NYID KYI GRVA SA LA SONG GSHIS MI 'GAB ZER BA'I CHOS SKYONG GI LUNG BSTAN RDZU MA ZHIG KHYER 'ONG NAS THOG TU MA KHEL BAS SKAL LDAN GYI SKYES BU DAM PA DU MA'I RE BA'I RDZING BU BDUD SDIG CAN GYI BAR DU GCOD PA'I ME LCE'I REG PA RNON POS BSKAM PAR GYUR CING, NAG PO'I PHYOGS SU GYUR PA'I BTZUN GZUGS DE DAG KYANG TSE RABS PHYI MA RNAMS SU MI BZAD RDO RJE'I DMYAL BAR SKYES NAS SDUG BSNGAL DRAG LA RGYUN RING BRTAG PAR MYONG BA'I SDIG PA MI DGE BA'I LAM PO CHE LA TSAM TSOM MED PAR ZHUGS SO, ,CHOS SKYONG CHEN PO 'DI NYID KYIS RJE 'DI LA LUS DANG GRIB MA BZHIN GROGS DAN MDZAD PA DANG, DKAR PHYOGS SKYONG BAR SONG GSHIS DE LTA BU ZHIG GSUNGS PA'I GNAS MA MCHIS MOD, BDUD RIGS DE DAG GIS RJE 'DI'I 'PHRIN LAS KYI RNAM PAR DKAR BA'I SGO PHYOGS BRGYAR KHYAB PA MA BZOD NAS, CHOS SKYONG GIS MA GSUNG BZHIN DU GSUNGS SO ZHES RDZUN GYI PHRENG BA BSGRIGS PA NI, CHOS RJES SKYA PAndI TAS, NGAN PA PHAL CHER RANG GI SKYON, ,GANG YIN GZHAN LA BSGO BAR BYED, ,KHVA TA SA MI GTZANG ZOS PA'I MCHU, ,SA GTZANG DAG LA 'BAD NAS 'PHYI, ,ZHES GSUNGS PA LTAR RANG GI G-YO SGYU 'DI NYID GSAL BAR BSTAN TO, ,DE SKABS SGO MANG DU DBANG BSKUR RGYU BYUNG NA, SPYIR GRVA SA DANG, SGOS

SU SGO MANG RANG LA BYIN RLABS DANG RTEN 'BREL GYI GNAD KHYAD PAR CAN ZHIG YOD 'DUG KYANG, GDUL BYA RNAMS SKAL BA DANG BSOD NAMS DMAN PAS BZHED PA LTAR MA GRUB 'DUG ,TSUL DE LA BRTEN NAS SNYIGS MA'I NGANG TSUL LA THUGS SHIN TU SKYO BAR GYUR NAS SKU BA S'U GLO BUR DU BZHES PA'I TSUL BSTAN, SLOB MA SDE SNOD 'DZIN PA RNAMS KYIS YUN RING DU BZHUGS DGOS PA'I GSOL 'DEBS DANG BCAS ZHABS BRTAN PHUL KYANG MA GSAN PA LA, ZHABS PHYI RNAMS GROS THOG NAS NYE GNAS SNGAGS RAM PA DPAL 'BAR KHRI RIN PO CHE BKA' 'GYUR BA SBYIN PA RGYA MTSO'I DRUNG DU ZHU BAR DGA' LDAN LA BTANG BAS KHRI RIN PO CHE'I SKU ZHABS NAS, RJE 'DI LA SNGA MO NAS THUGS DGYES PA'I RANG BZHIN KHO NA MDZAD KYIN YOD PAS, GSAN 'PHRAL DU RJE RGYAL BA GNYIS PA'I BSTAN PA'I GSAL BYED DU YUN RING DU BZHUGS DGOS TSUL GYI BKA' NAN LCI BA DANG BCAS ZHABS BRTAN 'BUL MI GTONG BAR MDZAD PAS, ZHAL NAS, DA LAM BLA MA'I BKA' YIN PAS RE ZHIG SDONG AE THUB BLTA DGOS, 'ON KYANG BKA' CHOS DANG MJAL GA MI YONG, SGO 'DAG SBYAR BYAS NAS ZHOG LA THONG GSUNG, SLOB MA RNAMS KYIS DE 'DRA YIN NA BZHUGS PA LA DGOS PA MI 'DUG ,NGA RANG TSO YANG SKU MDUN LA TSUD PA ZHIG DANG, BKA' CHOS KYANG MTSAMS MTSAMS SU GNANG BA ZHIG MDZAD DGOS ZHES ZHU BA NAN CHER PHUL BAS, 'O NA KHYOD RANG TSO'I 'DOD PA LTAR GYIS ZHES ZHAL BZHES MDZAD, DE NAS BZUNG LO RJES MA'I LO GSAR LA THUG GI BAR SKU MTSAMS DAM PAR BSDAMS, DGUNG LO LNGA BCU PA ME MO GLANG GI LO GSAR DUS GNAS CHUNG LCOG TU SNGAR GYI BYUNG TSUL

, ,RNAMS BDEN MIN ZHU BAR MDZAD PAS, CHOS SKYONG CHEN PO'I ZHAL NAS, SLOB DPON CHOS GNANG BA LA, GZUGS MED LA DOGS GZHI DGOS PA MED GSUNGS PAS, SKYE BO SDIG CAN RNAMS KYI RDZUN PHUG RANG SAR ZHIG GO ,DE NAS DBEN GNAS RI BO DGE 'PHEL DU DBANG GI YO BYAD RNAMS STA GON MDZAD DE, SNOD LDAN GYI SLOB MA CHIG STONG DU NYE BA LA RDO RJE PHRENG BA'I DBANG BSKUR RDZOGS PAR MDZAD PAS DKAR PO'I RIS KYI LHA RNAMS NI SHIN TU DGA' BA'I GLU DBYANGS SRID RTZE'I BAR DU SGROGS SHING; BDUD DANG BDUD KYI RIS SU GYUR PA DAG SEMS KHONG DU CHUD NAS MYA NGAN GYI MAL DU SDUG BSNGAL GYI TSOR BA DRAG POS YID KUN TU GDUNG BAR GYUR TO, ,LO DE'I STON KA SKU ZHABS TSANGS DBYANGS RGYA MTSO MON NAS GDAN DRANGS PA LA, RJE 'DI RI KHROD PA YIN PAS PHEBS DGOS PA'I BAR SKABS MA MCHIS KYANG, THAMS CAD MKHYEN PA LNGA PA CHEN PO RJE NYID KYI RIGS KYI COD PAN YIN PA DANG, GZHUNG GI YANG MKHYEN GIN YOD PA BCAS, CHIBS BSUR PHEBS NAS BSAM 'GRUB SGANG DU ZHAG BZHUGS MDZAD, DE'I SANG NYIN SNYE THANG DU SDE SRID SANGS RGYAS RGYA MTSO'I GTZO BYAS MI CHEN BLA CHEN LAS SNA KHRI PHRAG BRGAL BA RNAMS DANG LHAN DU, RJE 'DIS KYANG CHIBS BSU MDZAD, LEGS 'BUL MTSON BYED DU DNGOS PO GYA NOM PA PHUL, GZHUNG NAS GSUNG BA LTAR BZHUGS GRAL DU BYON, PHYI NYIN LAM BAR DU GLO BUR DU THUGS 'TSUB PA LTAR MDZAD NAS PHYAG G-YOG KUN LA BKA' BKYON GNANG ZHING, NGAG DBANG RDO RJE LA KHYOD KYIS DE RING NGA'I CHOS GOS BOR YONG GSUNGS PAS, NGAG DBANG RDO RJE MA RANGS PA LTAR BYAS NAS, KHYED KYIS

GAL CHE DUS 'DI LTAR BKA' BKYON RANG MDZAD PAS NGA RANG TSO 'TSAB NAS BYA BA THAMS CAD BRJED 'GRO BA GCIG 'DUG ZHUS PAS CANG MI GSUNG, DE NAS DGON PAR PHEBS SKABS SKU CHOS BOR 'DUG PA LA, RJE NYID KYI ZHAL NAS, CHOS GOS BOR BA DENG LA SKYON DU MI 'GYUR, 'ON KYANG RTEN 'BREL MA LEGS PA ZHIG 'DUG GSUNG ZHING, PHYIS SU DE KHO NA LTAR BYUNG BAS ZHABS PHYI RNAMS YID CHES KYI NGAD PA THOB, LO DER MDO SMAD NAS RIGS PA'I DBANG PHYUG SGO ME GRAGS PA RGYA MTSO DBUS SU PHEBS NAS RJE 'DI DANG MJAL 'PHRAD MDZAD, BYANG CHUB RLUNG 'KHOR GYI KHRID DGOS ZHES ZHUS PAS, DE RNYING MA'I CHOS YIN, KHYOD DGE BSHES CHEN PO ZHIG GIS CHOS NGO MI SHES PA AE YIN GSUNG, DGE BSHES GRAGS PA RGYA MTSO MKHAS PA'I THUGS NGAR CHE BAS THOG MAR CHOS 'BREL TZAM ZHIG LAS DAG SNANG CHEN PO MED KYANG, ZHAL MJAL NAS MDO SNGAGS KYI LEGS BSHAD NGO MTSAR BA DU MAS DGE BSHES PA THUGS YID RANG DBANG MED PAR 'PHROG NAS MI PHYED BA'I DAD PA THOB STE 'JIGS BYED KYI BSKYED RDZOGS SOGS CHOS BKA' MANG PO ZHU BAR MDZAD; KHONG PA RJE 'DI'I SKU YON LA SHIN TU MGU NAS, MI GZHAN LA AA MA AA MA DGE 'PHEL RAB 'BYAMS PA DAG DBANG SANGS RGYAS CHAR 'DUG CES BSTOD BSNGAGS KYI PHRENG BA SPEL BAR MDZAD PA NI, 'JAM MGON SA SKYA PAndI TAS, RTAG TU DAM PA'I YON TAN RNAMS; ;SKYE BO DAM PAS LHAG PAR SGROGS, ,MA LA YA YI TZAN DAN DRI, ,RLUNG GIS PHYOGS BCUR RGYAS PAR BYED, ,CES PA LTAR RO, ,DGE BSHES GRAGS PA RGYA MTSO 'DI RJE NYID NYID CHOS GRVAR PHEBS SKABS DGE BSHES CHE BA'I GRAS YIN PAR MA ZAD, SMRA NGAN

, ,TSAR GCOD PA LA RNAM DPYOD MCHOG TU GYUR PA'I MTSAN NYID PA MGO MKHREGS PA'I TSAD ZHIG YIN PAR GRAGS KYANG DE DUS RJE 'DI LA GUS 'DUD LHUR BLANGS PA NI DBANG RNON CHOS KYI RJES 'BRANG GI RNAM THAR DU SNANG NGO, ,DE NAS GRVA SA CHEN PO GSUM GYI GTZOS DGON CHE CHUNG KUN NAS SKAL BA DANG LDAN PA'I DON GNYER BA SPRIN LTAR 'DUS PA LA, BYANG CHUB LAM GYI RIM PA'I NYING KHU 'JAM DPAL ZHAL LUNG GI NYAMS KHRID BLA MA GONG MA'I ZHAL SHES DANG, BKA' GDAMS GSAR RNYING GI GSUNG SGROS DU MAS BRGYAN TE LEGS PAR STZAL PAS PHAL CHER LEGS PAR BSHAD PA'I BDUD RTZIS YID NGOMS PAR GYUR TE, RJE RIN PO CHE DNGOS SU BYON KYANG 'DI LAS LHAG PA GSUNG RGYU MED CES BSTOD BSNGAGS KYI CA CO SGROGS, KHA CIG NI CHOS KYI ME LONG DU DGE SDIG GI GZUGS BRNYAN GSAL BAR SHAR BA MTHONG BAS SNGON TSUL MA YIN PA'I SPYOD PA BYAS PA RNAMS DRAN TE YID 'GYOD PAS GDUNG BA'I SHUGS RING DANG BCAS MTHOL BSHAGS KYIS 'GYOD TSANGS BYED, LA LA NI DA SNGA PHAN MI TSE DON LDAN DU BYED PA ZHIG MA BYUNG YANG, DA CHA TSE 'JUG 'DIR TSE 'DI'I 'KHRI BA MTHA' DAG BTZAN CHOD DU SPANGS TE, DBEN PA'I GNAS SU SGRUB PA SNYING POR BYA'O SNYAM DU YID DAM BRTAN PO LHUR LEN PAR BYED DO, ,DE'I RJES SU YANG DON GNYER BA MANG DU 'DUS PA LA NYAMS KHRID SMIN RGYAS TSAR GSUM TZAM DANG, LAM RIM CHEN MO'I BSHAD LUNG TSAR LNGA TZAM STZAL, DE LTAR LAM RIM CHEN MO'I BSHAD LUNG GNANG BA RNAMS KYANG DA LTA'I 'CHAD PA PO DAG GIS RJES ZLOS BYED PA'I NGANG TSUL DANG MI 'DRA BAR, SHING RTA CHEN PO'I GZHUNG DANG, RJE THAMS CAD MKHYEN PA YAB SRAS KYI

LEGS BSHAD GUNG BSGRIGS TE, BLO LA 'CHAR BDE ZHING DON ZAB PA, DKA' GNAS KUN LAG MTHIL GYI RI MO BZHIN DU GSAL BAR STON PA'I NGO MTSAR BA'I GSUNG BSHAD DU MA DANG BCAS STZOL BAR MDZAD PAS DUS KYI MTHAR YANG BYANG CHUB LAM GYI RIM PA MI NUB PA'I RGYAL MTSAN DU GYUR TO, ,DGUNG LO NGA GCIG PA SA PHO STAG GI LO GDAN SA CHEN PO SKYOR MO LUNG DU GDAN DRANGS TE, CHOS SDE'I MKHAN PO, KHYAMS PHUGS GNYIS KYI BLA MA, PHYOGS NAS PHEBS PA'I BLA CHEN DANG DGE BSHES DU MA'I GTZOS GRVA PA STONG PHRAG LHAG LA KUN RIG GI DBANG BSKUR RGYAS PAR MDZAD, DE NAS MAR KHU SPUS KYUR GNAS GZIGS LA BYON, RGAD PO ZHIG GIS BRAG PHUGS ZHIG BSTAN NAS RJE'I SGRUB PHUGS YIN ZER BA LA THUGS YID MA CHES PAR SPYAN 'DREN KHRUS GSOL DANG, RJE'I SKU BSTOD SMON LAM RNAMS GSUNGS PAR MDZAD PAS CHAR DAL BUS 'BAB PA DANG BCAS 'JA' TSON KHA DOG SNA LNGA PA ZHIG SHAR TE, SNE MO GCIG TING 'DZIN KA PA'I STENG DANG, GCIG SNGA MA'I BRAG DE'I LTAG GI BRAG GCIG LA ZUG BYUNG BAR BRTEN, BRAG DE'I RTZA BA BRUS PA'I NANG NAS RJE RIN PO CHES DUS 'KHOR GYI MUN MTSAMS GNANG BA'I BRAG PHUG DANG, RJE RANG GI BZHUGS KHRI MCHOD STEGS DANG BCAS PA RNYED PAS THAMS CAD NGO MTSAR BAR GYUR, DER SPYAN 'DREN KHRUS GSOL DANG 'JAM MGON BLA MA'I BSTAN PA RGYAS PA'I SMON LAM GYI MTSAMS SBYAR YANG DAG PA MDZAD, PHYOGS DE'I SKYE BO PHO MO RNAMS KYANG RJE 'DI LA MI PHYED PA'I DAD PA THOB STE GUS MCHOD PHUL DU PHYIN PA MDZAD DO, ,SLAR RI PO DGE 'PHEL DU BYON NAS THUGS DAM ZAB MO'I NYAMS BZHES LA BRTZON PAR MDZAD,

, ,BAR SKABS SHIG ,SNGAR JO GDAN MKHAN CHEN LA MI TRA'I DBANG GI SNYAN GSAN PHUL YOD PA LTAR NYI MA THANG DU BYON, NYI THANG ZHABS DRUNG NGAG DBANG GZHON NUS GROGS NGAN MDZAD PAR BRTEN, MKHAS SHING GRUB PA BRNYES PA'I DBANG PHYUG MKHAN CHEN BLO BZANG MKHAS BTZUN PA'I DRUNG DU MI TRA BRGYA RTZA'I DBANG YONGS RDZOGS LEGS PAR GSAN, DBANG GRUB PA'I MJUG TU, MKHAN CHEN PA'I ZHAL NAS, NGAS CHOS 'DI KHYED LA 'PHROD PA YIN PAS DON GRUB, DA SHI NA YANG 'GYOD PA MED GSUNG, STON KA MDO SMAD NAS BYANG 'GRUL BA MANG PO BYUNG BAS, GTZOS RAB 'BYAMS PA MCHOG LDAN GYIS, RJE 'DI 'BRAS SPUNGS SU GDAN DRANGS NAS, ZANG ZING GI 'BUL BA GYA NOM PA PHUL NAS MDO SMAD DU 'BYON DGOS PA'I GSOL BA BTAB PAS, RJE NYID KYIS KYANG PHYOGS DE'I GDUL BYA RNAMS LA PHAN THOGS 'BYUNG BAR DGONGS NAS ZHAL BZHES MDZAD, DGUNG LO NGA GNYIS PA SA MO YOS KYI LO, DGA' BA GDONG DU SPYAN DRANGS PA LA, CHOS SKYONG CHEN PO THOG PHEBS RGYAB NAS BSU BA MDZAD CING, DGON GNAS KYI BDAG PO PHEBS BYUNG ZHES GSUNG BA LA BRTEN, SKYE BO RNAM DPYOD CAN DAG GIS RJE 'DI BLA MA DBU MA PA'I RNAM 'PHRUL DU GLENG BA YANG BYUNG NGO, ,DE NAS 'JAM DBYANGS SGRUB KHANG DU GNAS MJAL MDZAD PAS GZIGS SNANG KHYAD PAR CAN ZHIG BYUNG, DGA' BA GDONG DU SKYA SER GYI TSOGS PA BRGYA PHRAG DUM LA KUN RIG GI KHROM DBANG RGYAS PAR STZAL NAS DGE 'PHEL DU BYON, LO DE'I DBYAR RGYUD SMAD BLA MA DBU MDZAD PA YONGS KYI DGE BA'I BSHES GNYEN CHEN PO DGE 'DUN PHUN TSOGS PAS THOGS DRANGS DGE

BSHES BRGYA PHRAG DU MA LA GSANG BDE 'JIGS GSUM GYI DBANG DANG, LAM RIM GYI KHRID GNANG, STON SKU ZHABS TSANGS DBYANGS RGYA MTSO 'BRAS SPUNGS SU BYON NAS GRVA TSANG BZHI'I CHOS GRVAR PHEBS SKABS, SDE SRID SANGS RGYAS RGYA MTSOS RJE 'DI RTZOD DPANG DU 'BYON DGOS GSUNGS PA LTAR 'BRAS SPUNGS SU PHEBS NAS RTZOD PA'I SHAN 'BYED MDZAD, SGO MANG CHOS GRVAR GRVA TSANG PHAN TSUN GYI DGE BSHES GNYIS STOBS SOGS YON TAN DRUG CU RTZA BZHI'I 'DREN TSUL LA MA 'CHEM PAR RMONGS PAR GYUR PAS SDE SRID NAS BLA MA DGE 'PHEL PA LA DRIS GSUNGS PAS, RJE 'DI NYID KYIS SHES BYED DANG BCAS GSAL PAR DRANGS NAS THE TSOM GYI DRA BA GCOD PAR MDZAD DO, ,BDE YANGS CHOS GRVAR RJE 'DI DANG, RVA BA STOD PA'I DGE BSHES GDONG DMAR GNYIS TSOGS GLENG LA BZHENGS, RJE 'DI'I GZI BRJID KYIS RVA BA STOD PA DE ZHUM NAS LUNG RIGS KYI GNOD BYED LTA CI, TSIG KYANG THON DKA' SE BA ZHIG BYUNG BA LA, KHYOD 'JIGS MI DGOS, DAM PA'I CHOS KYI 'BREL GTAM BYED PA RANG RE SKAL BA BZANG MOD GSUNGS PAS KHO RANG YANG DBUGS PHYUNG ZHING, MJUG TU KHOS MKHAS KHYAD KYIS TSIG SGRA SHOG BU MNGA' TSAD GNYIS LONG BA BTON PAS, KHO'I BSAM PA MKHYEN NAS RJE 'DIS TSIG GCIG KYANG CHAD LHAG MED PAR BSKYUR NAS LAN BTAB PAS DER TSOGS PA'I SKYE BO RNAMS NGO MTSAR PA'I GNAS LA BKOD, DE LA 'DI SKAD CES BYA STE, DRI MED RNAM DPYOD YAN LAG LHUN STUG CING, ,SGRUB DANG SUN 'BYIN 'BAR BA'I MCHE SDER GYIS, ,RGOL NGAN RI DVAGS BYE BA'I SROG 'PHROG PA, ,SMRA BA'I SENG GE GNYIS PA GZHAN YOD MIN, ,'ON KYAN

, ,LAG RTOG KHUNG BU RU, ,NGAL GSO THOS PA NYUNG DUS KHENGS, ,MKHAS RLOM WA SKYES 'DI DAG GIS, ,'GRAN PAR RTZOM 'DI AE MA MTSAR, ,MI MKHAS GANG DES GRAGS PA NI, ,RGYAL MTSAN BZHIN DU BSGRENG 'DOD KYANG, ,KHYOD KYI LUNG RIGS GZI BRJID KYIS, ,STOBS LDAN BZHIN DU SA 'OG BCING, ,JI LTAR SBRANG BU'I GSHOG RLABS KYIS, ,MKHA' LDING DBANG POR 'GRAN PA BZHIN, ,SMRA BO GANG DES STOBS BSKYED KYANG, ,LUS SEMS NGAL BA TZAM DU BAS, ,DE LTA NA YANG KHENGS LDAN KUN LA ZHUM PA'I BRTUL ZHUGS MI 'DZIN ZHING, ,RIG BA'I NOR BRAL BLUN PO RNAMS LA SDANG BAS BRNYAS THABS MI MDZAD PA, ,'DI LTA'I DGE LEGS 'OD ZER PHRENG BAS PHRAG DOG LDAN RNAMS YID ZUM ZHING, SKAL BZANG SNYING GI PADMO GZHON NU KUN DGA'I SPU LONG G-YO BAR BYED, ,CES BYA BA NI BAR SKABS KYI TSIGS SU BCAD PA'O, ,DE NAS GZHUNG GI BKA' LTAR RJE 'DI 'BRAS SPUNGS KYI BLA MA RNAMS DANG MNYAM DU 'BRAS SPUNGS KUN DGA' RA BAR PHEBS, DER SDE SRID KYIS BLA MA RNAMS DANG SKU ZHABS KYI MTSAN NYID ZHABS PHYI RVA BSTOD PA'I PHRU GU TSO BSDUS GRVA RTZOD DGOS GSUNGS NAS, THOG MAR BLA MA KHA SHAS KYIS DAM BCA' BZHAG ,RVA BSTOD PO TSA BGRO GLENG BTANG BAS RTZOD PA SONG NAS DPE MED NGAR NGAR BYED GYIN 'DUG PA LA, SDE SRID KYIS, DGE 'PHEL RAB 'BYAMS PA NGAG DBANG BSDUS GRVA LA YAG PO YOD PAS DAM BCA' ZHOG GSUNGS PA LTAR, RJE 'DIS DAM BCA' BZHAG ,RVA BA STOD PA TSOS BSGRIM NAS BGRO GLENG BTANG BAR, RJE 'DI

ZHIB CHA CHE ZHING LAN MYUR BAS, KHO RANG TSO LUS SEMS NGAL BA TZAM LAS, LUNG RIGS KYIS GNOD PA GANG YANG MA THENGS PAS THAMS CAD KHA SKYENGS TE RDUL CHU'I MU TIG GI PHRENG BAS BZHIN RAS KYI NGOS KUN KHYAB PAR GYUR CING, SDE SRID KYANG DE NYIN RJE 'DI LA DGYES PA'I RNAM 'GYUR MDZAD SKAD, SKABS DER SKU ZHABS KYI THUGS GNYER GYI CHED, SDE SRID DANG, RVA BA STOD BLA MA TSUL KHRIMS RIN CHEN DANG, RVA BA STOD PA'I DGE BSHES TSANGS DBYANGS CHOS GRAGS DANG, DAM CHOS RIN CHEN BZHIS THUN MONG NAS BSDUS GRVA RGYAS PA ZHIG BRTZAMS PAR, BSDUS TSAN NYER LNGA 'DREN MA SHES PAR, SDE SRID KYIS RVA BSTOD PA 'GA' ZHIG LA DRIS PAS TSANG MA 'DREN RGYU MA RNYED PAR, LAG 'THOGS NAS BAR SHUN ZER BA ZHIG DRANGS PA NI MKHAS PA RNAMS LA MA GRAGS PA'I CHOS SKAD DU SNANG STE, RGYA BOD KYI MKHAS PA TSAD LDAN SUS KYANG DE LTA BU'I THA SNYAD MA MDZAD PA'I PHYIR RO, ,KHUNGS MED BZHIN DU RANG BZO'I BYUNG RGYAL 'DI LTAR SMRA BA NI SNYING KHAMS HA CANG YANG CHE'O, ,DA DUNG MA 'DANG NA PHYI SHUN DANG NANG SHUN ZER BA SOGS KYI THA SNYAD GANG DRAN BTAGS NAS BSDUS TSAN BRGYA LHAG TZAM DRANGS NA RANG DANG RIGS MTHUN PA'I BLUN PO RNAMS LA RMAD DU BYUNG BA'I DGA' BA BSKYED PAR 'GYUR RO, ,LA LAS BSDUS TSAN NYER LNGA ZER BA TZAM LAS GRANGS 'DREN RGYU MED CES MA 'CHAM PAR, SDE SRID SKU ZHABS NAS, RJE 'DI LA 'DRI MKHAN BYUNG BAR, LAN DU BSDUS GRVA'I RTZA TSIG GSAR DU BRTZAMS NAS PHUL, YANG NYIN GCIG SDE SRID KYIS BSDUS GRVA'I RDZAS CHOS LDOG CHOS ZER BA 'DI LA SHES BYED

, ,GSAL BO MI 'DUG PAS SLOB DPON CHA BA'I RTOG BZO MIN NAM GSUNGS PAR, TSAD MA'I GZHUNG DU RDZAS YOD BTAGS YOD BYA BA DE'I SHES BYED YIN ZHES LAN BTAB PAS DPYOD LDAN YONGS KYI BLO MIG PHYE, SKABS SHIG SDE SRID SANGS RGYAS RGYA MTSO'I SKU ZHABS NAS, SGRA'I DKA' GNAD KYI DRI BA BZHI BKOD NAS PHYOGS KUN TU BKRA MA TE LAN 'DEBS DGOS GSUNGS PA LA, SGRA BA GZHAN RNAMS KYIS LAN GZHUNG LA PHUL, DRI BA DE RJE RANG GI SLOB MA ZHIG GI LAG TU BYUNG NAS 'DI LA LAN 'DEBS DGOS ZHUS PAR, DA MI KHOM GSUNGS PA LA, SLOB MA KUN GYIS 'DI LA KHYED KYIS LAN MA MDZAD NA DGE LUGS PHYOGS LA LAN THEBS MKHAN MED ZHUS PAS, ZHAL GYIS BZHES NAS, DRI BA GSUM LA LAN MTHA' CHOD PA BRTZAMS, GCIG LA 'DI'I DPE CHA YOD NA LAS SLA ZHES GZHUNG LA PHUL BAS, DE DUS SGRA BA MANG POS LAN PHUL NAS AANG GI GSUM PA BAR DU BSGRIGS TSAR BA'I SKABS YIN 'DUG PAS SDE SRID KYIS LAN LA GZIGS NAS, LAN GYI DBANG DU BYAS NA 'OS THO DANG PO LA 'OS PA 'DUG KYANG, GSUM PA YAN CHAD BSGRIGS TSAR BA DANG, DRI BA GCIG GI LAN YANG MED PA BCAS, BZHI PAR ZHOG GSUNG NAS, AANG GI BZHI PA LA BRIS PA YIN 'DUG ,RJE 'DI LHA MO DBYANGS CAN MAS MNGON SUM DU RJES SU BZUNG BAS GANGS RI'I KHROD DU RIG GNAS SMRA BA LA 'GRAN ZLA DANG BRAL BA'I MKHAS PA MCHOG TU GYUR PA YIN NA'ANG DE DUS AANG GI BZHI PA LA BYUNG BA NI, SA SKYA PAndI TAS, SKYE BO NGAN PA'I TSOGS NANG DU, ,YON TAN LDAN

YANG GA LA 'KHUR, ,SPRUL GDUG GNAS PA'I SA PHYOGS SU, ,SGRON ME GSAL YANG 'OD MI 'BYIN, ,ZHES BA'I RANG BZHIN MNGON DU GYUR PA'O, ,PHYIS SU SDE SRID KYI SKU MDUN DU PHEBS SKABS SHIB, ,SDE SRID KYIS, KHYED KYIS SGRA DE TZAM MKHYEN PA NGAS MA SHES, KHYED 'OS THO DANG PO LA 'OS PA 'DUG KYANG, LAN 'PHYIS NAS 'OS THO BZHI PA'I SKABS SU 'BYOR BA DANG DRI BA GCIG LA LAN YANG MI 'DUG BA DANG BCAS BZHI PAR BZHAG PA YIN, 'OS THO GZHAN MTSO DE TZAM GYIS MKHAS PO MI 'DUG KYANG 'GA' ZHIG LA DMIGS BSAL GYI DBANG GIS GONG DU 'JOG DGOS PA BYUNG ZHES RGYU MTSAN RNAMS ZHIB PAR GSUNGS, SDE SRID 'DI NI CHOS SRID ZUNG LA MKHYEN PA MCHOG TU YANGS PAR GRAGS SHING, THA SNYAD RIG PA'I GNAS LA 'BAD PAS SBYANGS TE BRTZAMS CHOS KYANG MANG DU 'DUG PAS GSO DPYAD KYI SKOR LEGS SHING, GZHAN MA RNAMS DPE SNA 'DZOM PAS MU TO'I PHYE BZHIN MTHONG TSAD DANG TSOR TSAD PHYOGS GCIG TU BSDUS PA LTAR NYI MA 'PHUL THABS TZAM LAS MKHAS PA DGYES PA'I LEGS BSHAD DU MI SNANG NGO, ,'ON KYANG SRID SKYONG GI G-YENG BA CHEN PO'I KHUR GYIS NON BZHIN DU THA SNYAD KYI BSTAN BCOS DE TZAM TSEGS LA MA 'DZEM PAR SPEL BA NI RJES SU YI RANG BA'I GNAS SO, ,BYANG CHUB SEMS DPA' CHEN PO DON GRUB RGYA MTSO'I BKAS LAN GSUM GYI BAR DU BSKUL BA DANG, GZHAN YANG MKHAS PA DU MAS GSOL BA BTAB PA LA BRTEN, BYANG CHUB LAM GYI RIM PA'I MCHAN 'GREL GSER GYI 'KHOR LO RIN PO CHE ZHES BYA BA SLA SAR RGYAS 'GREL BYED PA LTA BU MA YIN PAR DKA' GNAS

, ,KUN LA DON GYI KHOG PHUB PA'I ZHIB MCHAN YOD PA ZHIG MDZAD PAS BYANG CHUB LAM RIM LA LTA BA'I MIG BYIN ZHING, MCHAN GYI MJUG TU'ANG, 'BYAMS BSHAD RNAMS LA DON 'BRU'I SA BCAD DANG, ,TSIG DON DKA' GNAS LUNG RIGS BRGYA STONG GI ,'OD ZER 'KHRUL BRAL BI SHVA KARMA YIS, ,LAN BRGYAR BRDAR BA'I MCHAN 'GREL SNGON MED BYAS, ,MA SBYANGS PHO TSOD DAG NGANG PHYOGS RE'I DAG ,SBYAR MIN MTHONG BRGYUD TSIG DON LUNG RIGS LA, ,MANG THOS MKHAS MANG MDUN SAR 'JIGS MED KYI, ,GDONG LNGA'I MANG THOS RAL BA GSIG GAM SNYAM, ,ZHES BYANG CHUB LAM RIM GYI TSIG DON LA MI 'JIGS PA'I GE DANG THOB TSUL YANG GSUNG BAR MDZAD DO, ,BAR SKABS SHIG ,'JAM MGON RGYAL BA GNYIS PA'I RING LUGS LA LOG PAR 'KHU BA'I SKYE BO 'GA' ZHIG GIS DNGOS SU RGOL MA NUS KYANG THABS KYIS DMA' 'BEBS PAR 'DOD NAS, JI SKAD DU LEGS BSHAD LAS, NYES BA MNGON SUM BYED BZHIN DU, ,G-YO CAN TSIG GIS PHA ROL BSLU, ,LHA CHEN SMRE SNGAGS SHOR BA LA, ,SDUG BSNGAL BDEN PAR BSGRAGS SO LO, ,ZHES PA LTAR PHA BONG KHA'I RI KHROD NA RNYING MA'I RGAN ZHUGS SHIG YONG BA SHI BA'I RO MTSAN MO LHA SA'I STOD KYI RAG KHA NAS CHU LA BSKUR TE, SDE PA DRUG BRGYA PA GRUB PA THOB NAS 'JA' LUS LA SONG NGO ZHES PHYOGS KUN TU DRIL BSGRAGS PAS, KHYI RGAN PAS ZUG BRGYA BA NA KHYI GUS KYANG ZUG RGYAG PA LTAR RGYU MTSAN MED PAR BLUN PO RNAMS KYIS BDEN PAR BZUNG STE, DBUS GTZANG GI PHYOGS KUN TU SPRANG PO MA nI 'DON PA LTAR SGROGS

BAR GYUR TO, ,TSUL DE NYE GNAS SNGAGS RAM PA DPAL 'BAR GYIS THOS NAS, MI'I GRUB THOB TSOL DE 'DRA BYUNG, KHYOD LA RTAGS CI BYUNG ZHUS PAS GANG YANG MA BYUNG GSUNG BA LA NGAS DKA' LAS DE TZAM BYAS, KHYED LO DE TZAM RI KHROD LA BSDAD NAS RTAGS GANG YANG MA BYUNG NA, RI 'DI LA NGO MI TSA BA AE YIN ZHES ZHUS PA LA, RJE 'DI BZHAD MO ZHIG MDZAD PAS, KHYOD LA RGOD RGYU MI 'DUG ,LA DE TZAM LA SGOM BYAS PA STONG ZAD RED, DA PHYIN CHAD RTAGS GCIG AE THON LTOS ZER BA LA, GTOR SGAM GCIG RNYED PHYIN RTAGS AE YONG LTA ZHES RTZED MO MDZAD PAR, KHONG RANG BZHIN SHIN TU DRANG BAS BDEN PAR BZUNG STE GTOR SGAM ZHIG KYANG MA 'GYANGS PAR BTZAL NAS PHUL, RJE 'DIS SNGAGS RAM PA LA KHYOD DE TZAM SDUG MI DGOS, NGAS YIG CHA 'DI TZAM BRTZAMS, NYIN RE BZHIN DGE SBYOR 'DI TZAM BYAS, MDO BSTAN BCOS THAMS CAD YI GE NA GCIG GI NANG DU BSDUS NAS BSHAD DGOS NA'ANG SHES PA YONG, 'DI LAS LHAG PA'I GRUB RTAGS CI DGOS GSUNG PAS SNGAGS RAM PA YANG THUGS MNYES, PHYIS KYI LO RGYUS SMRA BA 'GA' ZHIG GIS, SDE PA DRUG BRGYA PAS RNYING MA'I ZAB CHOS LA BRTEN NAS 'JA' LUS THOB PO ZHES GLENG BRJOD RNA BA SUN SUN DU BRIS PA NI, RNYING ZHEN GYIS SA TSIG RDO TSIG LA SONG BA'I RANG MDANGS PHYI ROL DU SHAR BA TZAM DU ZAD DE, DRUG BRGYA PA'I RO CHU LA 'PHANGS PA BDEN PAR RO KHUR MKHAN GYI RGAD PO DES NYI MA SDINGS DPON SLOB LA DNGOS SU ZHUS 'DUG CES BDAG GI BLA MA STAG PHU RIN PO CHE GSUNG NGO, ,LAR KHONG GIS RI BO DGE LDAN PA RNAMS BKA' DRIN TSAD MED PAS BSKYANGS DGOS RGYU YIN PA

, ,LA; BLANG DOR GO BZLOG NAS RNYING MA NGOS LA BDAG RKYEN GZENG BSTOD DPA' THAL BA MDZAD PA NI, 'PHRAL DU BRTAG TSE DGOS PA'I MCHOD RTEN NAG POR BZHAG NAS, MI DGOS PA'I BRAG LA DBU DKAR GSOL ZHES PA'I DPER SNANG YANG, PHUGS RNYING DGON GOG PO RNAMS MI DMIGS PA'I DBYINGS SU RGYAS 'DEBS PA'I RKYEN DRAG SHOS SHIG 'BAD PA'I SGO NAS SGRUB PA LTAR 'DUG GO, DGUNG LO NGA GSUM PA LCAGS 'BRUG GI LO, LUGS GNYIS LA MKHYEN RAB MCHOG TU YANGS PA'I MI'I RJE BO SDE SRID SANGS RGYAS RGYA MTSO'I SKU ZHABS NAS, RNAM 'GREL GYI YIG CHA PAn CHEN CHOS MCHOG GI 'THAD LDAN DANG MTHUN PA ZHIG RTZOM DGOS ZHES BSKUL BA LA BRTEN NAS, RNAM 'GREL LE'U DANG PO'I MTHA' DPYOD BLO GSAL MGUL RGYAN SKAL BZANG 'JUG NGOGS ZHES BYA BA MKHAS PA SNGA MA SUS KYANG MA THON PA'I NGO MTSAR BA'I LEGS BSHAD DU MAS BRGYAN PA ZHIG BRTZAMS NAS GZIGS PHUL BAS, MKHAS GRUB RIN PO CHE'I GSUNG MANG DU DRANGS PA LA THUGS MA MNYES PAR LE'U PHYI MA RNAMS RTZOM PA'I RTING BSKUL MA MDZAD SKAD, SDE SRID 'Di MKHAS GRUB THAMS CAD MKHYEN PA LA RANG BZHIN GYIS MI GUS PAS, KHONG RANG GI THUGS LA MKHAS GRUB tIKA CHEN DANG 'THAD LDAN GNYIS KHAS LEN MI MTHUN PA'I STABS, 'THAD LDAN RANG LUGS BYAS NA MKHAS GRUB RIN PO CHE RANG SHUGS KYIS PHYOGS SNGAR 'GRO YONG BSAM PA YIN 'DUG KYANG, RJE 'DI NI MKHAS GRUB BSTAN PA'I NYI MA RJE'I BU CHEN RNAMS KYI NANG NAS 'GRAN GYI DO MED GCIG TU 'DZIN PAR MDZAD DE MDO SNGAGS GANG GI

SKABS SU YANG KHUNGS SU 'DREN PA MA GTOGS PHYOGS SNGA'I GZHOG 'DRUD PA TZAM YANG MI MDZAD PAS KHONG LA RE BA GO LOG CIG BYUNG NGO, ,LO DER RGYAL SRAS BSTAN 'DZIN DBANG RGYAL STENG GRIB KYIS BSNYUNG NAS, NGAG LKUGS; RKANG PA BRKYANG BSKUMS TZAM YANG MI THUB PA LA, RJE 'DI SPYAN DRANGS TE 'JIGS BYED KYI SBYIN SREG MANG PO GNANG, KHRO BCU'I LAS TSOGS 'GA' ZHIG MDZAD PAS NGAG GROL CING SKYED CHE BAR BYUNG, MJUG TU BSRUNG 'KHOR 'DOGS PA GNANG NAS 'DI LA SU YANG REG MA 'JUG GSUNG, PHYIR LAM SKYER SGANG GI MGON POR MJAL DU PHEBS PAS GZIGS SNANG KHYAD PAR CAN ZHIG BYUNG BA LA BRTEN, 'DI MGON PO DNGOS GNAS PA YIN 'DUG GSUNGS NAS 'PHRIN BCOL MANG PO MDZAD, RJE 'DI TSUR PHEBS PA'I RJES SU MI 'GA' ZHIG GIS DGE SLONG 'JAM DBYANGS GRAGS PA LA BRTEN NA LEGS PA'I RGYU MTSAN ZHUS PAS, RGYAL SRAS YANG THUGS 'GYUR NAS DGE SLONG GDAN DRANGS NAS SKU RIM BYAS, DGE SLONG GIS RJE 'DIS BTAGS PA'I BSRUNG 'KHOR BSHIG NAS BLTA BAR GNANG BAS, DE 'PHRAL RGYAL SRAS KYI BSNYUNG GZHI SDUG TU SONG NAS MA PHAN PA LA, SLAR GDAN 'DREN DU BYUNG BAS SNGA SOR NGAS LAB PA LTAR KHYED TSOS MA BYAS PA YIN, DA NGA SONG KYANG PHAN MI THOGS GSUNG NAS MA PHEBS SHING; RGYAL SRAS YANG MA 'GYANGS PAR NAD DE'I RKYEN GYIS GRONGS SO, ,LO DE'I STON KA MDO SMAD NAS MKHAS SHING GRUB PA BRNYES PA'I RNAL 'BYOR PA CHEN PO RONG PO SKAL LDAN RGYA MTSO'I SPRUL SKU BYON PA DANG MJAL 'PHRAD MDZAD CING, DKA' BCU

, ,RIN PO CHE NGA'I BLA MA YIN ZHES THUGS DGYES PA'I RANG BZHIN 'BA' ZHIG MDZAD, SPRUL PA'I SKUS KYANG MDO SNGAGS KYI BKA' CHOS MANG PO ZHUS, DGE 'DUN BRGYA PHRAG DU MA 'DUS PA LA LAM KHRID RGYAS PAR GNANG ZHING, SEMS BSKYED STON MO'I SKABS MCHOD PA BSAM GYIS MI KHYAB PA MDZAD PAS SKYE BO PHAL MO CHE LA BKA' GDAMS KYI DGE BA'I BSHES GNYEN RNAMS KYI RNAM THAR MNGON DU GYUR, SPRUL PA'I SKU NAS BSKUL TE MA Ti LUGS KYI 'JAM DBYANGS DKAR PO'I SGRUB THABS MDZAD, BAR SKABS SHIG ,DKYIL 'KHOR RGYA MTSO'I MNGA' BDAG PHRENG BA PA PHUN TSOGS LEGS 'BYOR DGE 'PHEL DU BYON NAS RJE 'DI'I DRUNG DU SRAD RGYUD LUGS KYI RIM LNGA'I DMAR KHRID SOGS KHRID CHEN LNGAR GRAGS PA GSAN, PHRENG PA PA'I DRUNG NAS, ZHAL BSNYEN DUS KYI ZHAL KHRA CAN, BEG TZE LCAM SRING, GUR MGON LHA BRGYAD, DBYANGS CAN MA DMAR MO'I RJES GNANG RNAMS ZHUS, PHRENG BA PA CHEN PO'I ZHAL NAS, DA PHYIN CHAD DBANG DANG RJES GNANG SOGS KYANG KYIS, DGE BA'I BSHES GNYEN CHEN PO MDZAD NAS DE DAG MI GNANG NA GANG GNAD ZHES DKYIL 'KHOR RGYA MTSO'I MNGA' BDAG TU DBANG BSKUR, ZLA BA GCIG MA LONG TZAM BZHUGS, PHEBS KHAR GTOR STEGS DANG GTOR THEBS ZANGS KYI GTOR CHA TSAD MA 'JOG PAR MDZAD, RI KHROD DU BZHUGS SKABS THOG MAR SKU CHAS DKON PO BYUNG NAS RTZAM PA KHUG MA GANG GIS ZLA BA DRUG 'DANG BAR MDZAD PA SOGS DKA' SPYAD SNYING RUS KYI RNAM THAR MANG DU YOD PA 'DRA YANG, PHAL CHER SKU TSE STOD KYI RNAM THAR

DU SONG GSHIS RNAM THAR PHYI MOR MI GSAL BAS 'GOD MA NUS SO, ,RJE 'DI DGUNG LO SO GSUM NAS NGA GSUM LA PHEBS KYI BAR GRUB PA'I GNAS MCHOG DPAL RI BO DGE 'PHEL DU BZHUGS NAS THUGS DAM ZAB MO'I NYAMS BZHES LA RTZE GCIG TU BRTZON PAR MDZAD CING, ZHAR LA SE 'BRAS DGE GSUM SOGS PHYOGS SO SO NAS MKHAS PA'I SKYE BO DON GNYER BA MANG DU 'DUS PA LA, SNGA PHYIR LAM RIM GYI KHRID LNGA BCUR NYE BA STZAL ZHING, GZHAN YANG LO RE BZHIN BDE GSANG 'JIGS GSUM SOGS RGYUD SDE BZHI'I DBANG DU MA DANG, SGRUB THABS RGYA MTSO, BA RI BRGYA RTZA, SNAR THANG BRGYA RTZA, 'JAM DBYANGS CHOS SKOR, MGON PO BKA' BCU GSUM, RNAM SRAS BKA' BCO LNGA SOGS RJES GNANG GI RIGS MANG PO DANG, BDE GSANG 'JIGS GSUM GYI BSKYED RDZOGS KYI KHRID, 'GREL PA BZHI SBRAGS, BSLAB BTUS, LEGS BSHAD SNYING PO, RIM LNGA GSAL SGRON, SPAS DON KUN GSAL, LAM RIM CHEN MO, RTZA 'JUG GI RNAM BSHAD CHEN MO GNYIS SOGS GZHUNG CHEN MO RNAMS LA BSHAD LUNG TSAR MANG PO DANG, BKA' BSTAN BCOS KYI KLAGS LUNG DU MAS MTSON ZAB RGYAS DAM PA'I CHOS KYI CHAR CHEN PO YANG DANG YANG DU PHABS PAS, BOD GANGS CAN GYI RI'I SUL DANG LJONGS THAMS CAD TSE BLOS BTANG GI RNAL 'BYOR BA DANG, LUNG CHOS SMRA BA SHA STAG GIS GANG BAR GYUR TE SA CHEN PO 'DI MDZES PAR BYAS SO, ,DE LTAR THUGS KYI SHING RTA RMAD DU BYUNG BA'I MNGON PAR RTOGS PA'I YON TAN RIN PO CHE DU MAS NI YONGS SU GANG,

, ,MKHAS SHING GRUB PA BRNYES PA'I GRAGS SNYAN GYI BA DAN DKAR PO NI BTZUGS PA BZHIN DU GYUR, BSHAD SGRUB GNYIS KYI SGO NAS BLO BZANG RGYAL BA'I BSTAN PA 'DZIN PA LA NI 'GRAN PA'I ZLA MTHA' DAG DANG BRAL BA'I CHOS KYI RGYAL PO CHEN POR GYUR TO, ,SMRAS PA, GANG ZHIG MDO RGYUD PADMO'I TSIL DU MANG THOS GAR GYIS ROL BYAS KYANG, ,DRI MED NYAMS RTOGS SBRANG RTZI'I CHU YIS SHES RAB RO 'DZIN MA BRLAN PA, ,DE SRID RMAD BYUNG ZAB MO'I DON GYI NGO MTSAR BDE BA MI THOB PAS, ,DAM PA RNAMS NI DPEN PA'I GNAS SU CHOS DON SEMS LA GZHOL BAR BYED, ,ZLA BA DKAR BO'I STOD G-YOGS 'CHANG BA'I SA 'DZIN DAG GIS PHYOGS KUN MDZES, ,SA GZHI MAR GAD KHU BAS BYUGS 'DRA ME TOG RGYAS PA'I RI BO'I DOGS, ,YID 'ONG SNA TSOGS CHU SKYES TSAL DU BUNG BA'I NA CHUNG MGRIN RDA RDUNG, ,NU ZHOS MYOS PA'I RI DVAGS PHRU GU RTZED 'JO'I GAR GYIS LDING ZHING RGYU, ,DRI ZHIM SMAN DANG NAGS TSAL PHRENG BAS 'DU'I DZA'I CHOM RKUN BSGRIB PA BZHIN, , MKHA' SPYOD MDZES MA'I LANG TSOR RJES CHAGS GNYIS SKYES GZHON NU'I GLU DBYANGS NI, ,SNYING GI GDUNG BA'I ME LCE BSIL BYED SGRUB PO CHOS LA BSKUL BA 'DRA, ,MU TIG DOG PA'I CHAR ZIM 'BAB LDAN SMUG PA SNGON PO'I DO SHAL CAN, ,DRANG SRONG BYE BAS BSNGAGS PA DE NI DPAL LDAN RI BO DGE 'PHEL YIN, ,DER NI YON TAN CHU YI GTER, ,MA LUS 'THUNGS PA'I SPOBS PA CAN, ,BLO BZANG GANG DE KU MUD MTSOR, ,MKHA' 'GRO DKAR PO BZHIN DU ZHUGS, ,SRID PA'I RO LA CHAGS

PA DANG BRAL ZLA BA NOR BU'I RDO LEB STENG, ,RTZVA YI MYU GU BKRAM PA'I GDAN LA G-YO MED TING 'DZIN ZHAGS PA YIS, ,SRAS BCAS RGYAL BA'I BLO GROS 'CHING BYED NYAMS DANG RTOGS PA'I MTHAR SON PA, ,DPAL LDAN MKHAS PA'I MKHAS PA DE YIS THUB PA'I RNAM THAR YONGS SU BZUNG, ,RGYUD DANG GDAMS NGAG 'O MA'I RGYA MTSO NI, ,DRI MED BSAM GTAN LAG 'GROS BSRUBS PA LAS, ,SNGON MED RTOGS PA'I BDUD RTZI'I KA LA SHA, KHYOD NYID KHO NAS BDAG GIR MDZAD PA SNYAM, ,YON TAN 'OD ZER STONG GIS RAB 'KHYUD GZHAN PHAN CHA SHAS YONGS RDZOGS SHING, ,CHOS BRGYAD MUN PA'I BLA GOS DANG BRAL RNAL 'BYOR ZAB MO'I 'OD 'PHRENG GIS, ,THUB BSTAN KU MUD CI YANG BZHAD PA'I SGRUB RGYUD CHOS KYI RGYAL MTSAN NI, ,SNYAN GRAGS PA DAN GSAR PA'I DPAL DANG LHAN CIG SRID RTZE'I BAR DU SGRENG, ,ZHES BYA BA NI MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG DOGS ZHES BYA BA LAS DBEN PA BSTEN TE GTZO BOR SGRUB PA MDZAD PA'I LE'U STE DRUG PA'O,, ` ,,DE LTAR BDAG NYID CHEN PO 'DI NI, GZHAN GYI DRING LA MI 'JOG PA'I RNAM DPYOD DANG, BZLOG TU MED PA'I BRTZON 'GRUS KYI GO CHA ZUNG DU 'JUG PA'I MTHU LAS, MDO SNGAGS KYI GRUB PA'I MTHA' RGYA MTSO LTA BU'I PHA ROL TU SON TE, DAM PAS BSNGAGS PA'I DBEN PA'I GNAS SU RGYAL BA DGYES PA'I LAM SROL BZANG PO LA SGRUB PA CHIG THUB TU MDZAD PA LAS, MNGON PAR RTOGS PA'I YON TAN GYI TSOGS KYIS KHA PA CAN GYI MKHAS GRUB PHAL MO CHE'I GTZUG GI COD PAn

, ,DU GYUR PAS, RJE RANG NYID LA DE LTA BU'I THUGS BZHED CHER MED KYANG GZHUNG NAS BKA' GNANG BA DANG, SLOB MA SDE SNOD 'DZIN PA DU MAS GSOL BA BTAB PA LA BRTEN NAS, BLO GSAL BYE BA'I 'JUG NGOGS DPAL LDAN BKRA SHIS SGO MANG GI 'CHAD NYAN PAR BYON PA YIN LA, DE'I TSUL NI, DGUNG LO NGA GSUM PA LCAGS 'BRUG LO'I STON KA SGO MANG DPON SLOB 'OD ZER PAS RIGS GRVA BTANG NAS DGONGS PA ZHU BAR MDZAD DE, BLA MA GSAR BSKOS KYI 'OS THO SGRIGS SKABS, DPON SLOB KYIS NGAS SGO MANG LA CHOS KYIS PHAN MA THOG PAS 'PHRO 'DI LA CHOS KYIS PHAN THOG NGES SHES PA'I BLA MA BZANG PO ZHIG BSKO DGOS, DE YANG DGE 'PHEL DPON SLOB NGAG DBANG PA LAS LHAG GRVA TSANG RANG LA MED CING, KHONG BZHUGS NA GRVA TSANG LA LUGS GNYIS KYIS PHAN THOGS RGYA CHEN PO 'BYUNG ZHES GROS MGO BTON PAS, GRVA TSANG GI LAS SNA DANG GRVA PA RGAN GZHON THAMS CAD 'DUN PA GCIG DRIL DU GYUR TE THAMS CAD KYIS GROS THOG NAS, DA LAM DGE 'PHEL DPON SLOB BLA MAR MA BSKOS PHYIN; BLA MA GZHAN MI DGOS ZHES GZHUNG LA ZHUS PAS GZHUNG NAS KYANG GRVA TSANG GI THUGS BZHED LTAR BSKO BZHAG MDZAD, RJE 'DIS GNANG BA ZHU RTZIS MDZAD PA NA, GRVA MANG GIS PHYAG BYAS NAS DA LAM KHYED KYIS BLA MA MDZAD PHYIN NGED TSO THAMS CAD THUGS NAS DOR BA YIN ZHES GSOL BA BTAB KYANG GSAN DU MA BZHED PAR PHEBS NAS, SDE SRID SKU ZHABS SU ZHUS PAS KHYED NGAS BSKOS PA MIN, RGYAL DBANG RIN PO CHE NAS BSKOS PA YIN PAS ZHABS PAD BU SNYAN SGRON ZHU DGOS GSUNGS PA LTAR,

RGYAL BA TSANGS DBYANGS RGYA MTSO'I DRUNG DU ZHUS PAS, NGA LAM KHYED SGO MANG BLA MA CIS KYANG GNANG DGOS, ZHES BKA' NAN CHEN PO MDZAD PAS GYEN BZLOG MA NUS PAR ZHAL GYIS BZHES, SKABS DER SGO MANG GI KHRI MDZAD NA PHAN THOGS 'BYUNG MI 'BYUNG BRTAG PA GNANG BA'I MNAL LAM DU, 'JIG RTEN BDE ZHID LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS PHUN SUM TSOGS PA DANG, ,YID LA 'DOD PA KUN 'GRUB SHOG ,CES PA'I DBYANGS RING PO 'THEN PA ZHIG BYUNG BAS PHAN THOGS PAR DGONGS, RJE 'DI'I THUGS LA GRVA TSANG CHEN PO 'DI LTA BU LA 'CHAD NYAN GYIS PHAN THOGS PA ZHIG BYUNG NA SANGS RGYAS KYI BSTAN PA LA BYA BA BYAS PA YIN PAS, DES NA BDAG GIS CI NAS KYANG CHOS 'CHAD NYAN DANG SGRIGS LAM KUN SPYOD KYI RIM PA GONG 'PHEL DU 'GRO BA'I THABS TSUL 'DI DANG 'DI LTA BU BYA'O SNYAM DU DGONGS PA'I RNAM PAR DKAR BA'I THUGS BSKYED DBYAR GYI CHU GTER LA 'GRAN PAR GYUR, DE NAS HOR ZLA BCU BA'I YAR DO'I TSES PA LNGA'I NYIN GZA' SKAR 'PHROD SBYOR SHIN TU DGE BA'I SNGA DRO'I DUS SU BLO GSAL MKHAS MANG BYE BA'I GTZUG TOR GYIS MNGON PAR BTUD PA'I DPAL LDAN BKRA SHIS SGO MANG GI MI 'JIGS CHOS KYI KHRI LA ZHABS ZUNG GI PADMO NYE BAR BKOD DO, ,DE'I TSE GZHUNG SA NAS KHRI STON LA GRVA JA DANG 'GYED, BLA BRANG RANG NAS GRVA JA DANG MANYDZI'I 'GYED BCAS BTANG, GRVA TSANG GI LAS SNA DANG, KHAMS TSAN SO SO NAS LEGS 'BUL RGYAS BAR ZHUS, RJE RANG GI GSUNG LAS SKYES PA'I SLOB MA DGE BA'I BSHES GNYEN GRVA SA DANG SGRUB SDE GZHAN DANG GZHAN NA BZHUGS PA

, ,RNAMS KYANG BYON TE LEGS 'BUL KUN TU BZANG BO'I MCHOD SPRIN LA 'GRAN PA PHUL ZHING, SNGON CHAD SGO MANG BLA MA SU LA YANG KHRI 'BUL 'DI 'DRA MA BYUNG ZHES KUN GYIS MGRIN GCIG TU GLENG, LEGS 'BUL RNAMS GRUB 'PHRAL, JI SKAD DU, BYANG CHUB SEMS DPA'I SKYES PA RABS KYI 'PHRENG BA LAS, LEGS PAR BSHAD PA RNAMS KYI RIN THANG ZHIG ,GAL TE NGES PAR BCAD DU RUNG NA NI, ,DE YI RIN DU RGYAL SRID NYID KYANG SBYIN, ,ZHES DANG, YANG DE NYID LAS, YA RABS RNAMS DANG 'PHRAD NA SKYES KYI MCHOG ,TSOGS KYI NANG NA MKHAS PA MGU BAR BYED, ,CES DANG, RTOGS BRJOD RIN PO CHE DPAG BSAM 'KHRI SHING LAS, LEGS BSHAD RNAMS DANG MTHU RNAMS DANG, ,DOGS PA RNAMS KYANG RGYAS PA NI, ,GSAR PA KHO NAS YID 'PHROG STE, ,BUD MED RNAMS KYI LANG TSO BZHIN, ,ZHES DANG, MDO SDE RGYAN LAS, GSER LAS BRDUNGS BYAS 'DRA ZHING PADMA RGYAS PA BZHIN, ,BKRES PAS NYEN PA G-YOS LEGS KHA ZAS ZA BA 'DRA, ,'PHRIN YIG LEGS PA THOS 'DRA RIN CHEN SGROM PHYE LTA'I, ,CHOS DE 'DIR BSHAD PA YANG DGA' BA'I MCHOG SKYED DO, ,ZHES GSUNGS PA LTAR SKYE BO BLO'I NOR CAN RNAMS NI LEGS PAR BSHAD PA'I GTAM KHO NAS YID MGU BAR BYED PA YIN PAS SKABS DER RJE 'DIS YANG DAG PAR RDZOGS PA'I SANGS RGYAS 'JIG RTEN DU BYON NAS THOG MAR LNGA SDE BZANG PO LA BDEN BZHI'I CHOS 'KHOR BSGOR BA LAS BRTZAMS TE GSUNG BSHAD DON ZAB CING 'BRU GSAL BA DRI MA MED PA'I LUNG DANG RIGS

PAS BRGYAN TE BLO GSAL 'DUS PA'I TSOGS LA LEGS BSHAD KYI SKYES BU 'BUL BAR MDZAD PAS SKAL BZANG SNYING GI CHU GTER DGA' BA DE'I RLABS KYIS KHYAB PAR GYUR PA NI ZLA BA'I ZER GYIS REG PA'I ME TOG KU MU DA'I TSAL JI LTA BA BZHIN DU GYUR TO, ,DE'I NYIN GUNG TSIGS CHOS GRVAR PHEBS NAS PO TI LNGA'I MGO NAS RTZI BZHAG RE GNANG, ZLA BA DE'I BCO LNGA LA 'BRAS SPUNGS TSOGS CHEN DU SO THAR GYI MDO GSUNGS PAR MDZAD, BLA MA SNGA MA'I SKABS PHAR PHYIN STON MO'I GNYER PA BSKO 'DUG LA 'DZIN GRVA NANG MA 'CHAM PAR, LO 'GA'I RING PHAR PHYIN STON MO MA BTANG 'DUG PAS RJE 'DIS TSOGS GTAM GNANG NAS LO DER PHAR PHYIN STON MO GSAR DU TSUGS SHING, SNGA SOR PHAR PHYIN STON MO'I LAS SNA'I SKOR LA RTZOD PA CHE YANG RJE 'DI BLA MAR BZHUGS RING RTZOD 'THEN SOGS MA BYUNG BAR LO RE BZHIN JE RGYAS SU SONG STE DA LTA YANG GONG 'PHEL DU YOD PA 'DI YIN NO, ,KHAMS GSUM CHOS KYI RGYAL PO SHAR BTZONG KHA PA CHEN PO'I DUS MCHOD KYI NYIN RTZAM KHAL BRGYAD LAS ZHAL ZAS CHEN PO, MAR RGYAN BKRA SHIS RTAGS BRGYAD, RGYAL SRID SNA BDUN SOGS RGYAN GYI KHYAD PAR DU MAS MDZES SHING RTZE LA DAR GYI GDUGS DANG BDAN BTZUGS PA ZHIG MCHOD PA'I CHED DU BZHENGS PAR MDZAD PAS, SNGAR DE 'DRA MA DAR BAS ZHABS PHYI PA RNAMS NGO MTSAR NYE 'DI SU'I LUGS YIN ZHUS PA LA, 'DI RANG CAG DGE LDAN PA RNAMS KYI LUGS YIN, RJE THAMS CAD MKHYEN PAS BKOD PA MDZAD PA'I ZHAL ZAS RGYA MTSO MA BYA BA 'DI LA ZER BA YIN GSUNGS NAS LO RE BZHIN DU BZHENGS PAS, DE'I MIG LTOS

, ,KYIS GZHAN DANG GZHAN LA'ANG DAR NAS DA LTA'I BAR DU DAR RGYAS SU YOD PA 'DI YANG RJE 'DI'I 'PHRIN LAS KYI CHA SHAS SHIG YIN PAR SEMS SO, ,SGO MANG LA BCA' YIG RNYING PA ZHIG SNGA MO YOD 'DUG KYANG RJE BLO GROS RGYA MTSO PA BRJE MTSAMS SKABS BOR 'DUG PA LO DER RNYED NAS RJE 'DIS DGUN CHOS CHEN MO'I CHOS GRVA NAS TSOGS GTAM DANG SBRAGS KLOG PAR MDZAD CING TSOGS GTAM ZHIB RGYAS GNANG BAS, SNGAR GYI SGRIGS LAM NYAMS PA PHAL CHER SOR CHUD PAR GYUR TO, ,DGUN CHOS CHEN MOR SMON LAM GYI GRVA SKOR BA'I DAM BCA'I SKABS, DA LTA GRVA TSANG LA PHOG THEBS KYI MCHOD GZHI YANG MED, BYANG 'GRUL BA YANG NYUNG BAS GRVA PA RNAMS LA MTHUN RKYEN DKON PO 'DUG ,CHOS KYI NGOS NAS RANG GIS 'BAD 'BAD BYAS NA DGA' MO YONG SHAS CHE YANG, 'JIG RTEN GYI NGOS NAS SHIN TU DKA' BAR 'DUG ,DA LTA RANG GI CHAS KA GANG YOD 'GYED LA BTAD RUNG CI YANG MI THOB LA, BLA BRANG GI THAB KYANG ZIN DKA' BAR 'DUG PAS THABS GANG 'DRA ZHIG BYAS NA DRAG SNYAM DU DGONGS SHING THUGS SHIN TU SKYO BAR BZHUGS PA LA, GUNG RU NGAG DBANG DGE 'DUN ZER BA ZHIG GIS, DPON SLOB RIN PO CHES GRVA TSANG LA PHOG RGYAG RGYU YIN PA 'DRA, KHA SANG BCA' YIG YANG KLOG SONG ZHES CHOS GRVA NAS SHAGS PHUL BAS, LA NYE BZANG GSUNG NAS THUGS MNYES MNYES MDZAD CID MA 'GYANGS PAR RJE 'DI'I BKA' DRIN GYIS SGO MANG LA MCHOD GZHI DANG SA CHA BYUNG TSUL 'CHANG PAR 'GYUR RO, ,'BRAS SPUNGS BYAMS SMON GYI TSOGS DBUR YANG PHEBS, RDO

BCAL CHEN MO'I GLING BSRE SKABS, MKHAS PA'I DBANG PO RAB 'BYAMS PA NGAG DBANG RDO RJES, MTSAN NYID PA 'DI PHYOGS RIS DANG LTA PHYOGS CHE BAS GSUNG BSHAD SPYI MANG LA MTHUN PA ZHIG DANG, KHYAD PAR DU SGO MANG GI YIG CHA RNYING PA RNAMS DANG GANG MTHUN MTHUN ZHIG GSUNG DGOS ZHES ZHUS PAS, GSUNG RAB NA GANG YOD PA DE BSHAD MOD, YIG CHA 'DI TSO DANG MANG MANG LA MA MTHUN PAS CI 'ONG GSUNG NAS, MKHAS PA DU MA'I YIG CHA LA LUNG RIGS KYI DGAG BZHAG RNAM PAR BRKYANGS NAS PO TI LNGA LA 'BYAMS BSHAD MDZAD PAS GZUR GNAS MKHAS PA KUN GYI THUGS YID RANG DBANG MED PAR 'PHROG TE BSNGAGS BRJOD KYI ME TOG GIS PHYOGS KYI SKYED TSAL MA LUS PA KHYAB PAR BYAS SO, ,GSUNG BSHAD NYAN PA'I TSOGS PA'ANG DBYAR GYI SPRIN PHUNG BZHIN DU 'DUS PA RDO BCAL CHEN MO LA MA SHOD TZAM BYUNG BAS RGYUS YOD RNAMS KYIS, SNGAR GLING BSRE LA TSOGS PA DE LAS CHE BA YONG MA MYONG ZHES GLENG, LO SNGA MA RNAMS SU LO GSAR SKABS DGON PA'I GLING NA CHOS DANG MI MTHUN PA'I RTZED MO SNA TSOGS DANG, GLU GZHAS 'THEN PA DANG, BSKOL LDAN 'THUNG BA LA SOGS PA YOD PA LA, TSOGS GTAM GNANG NAS LO GSAR BYED NA YANG DUS BZANG LTAR CHOS SPYOD SOGS 'DON PA MA GTOGS, CHOS MIN GYI RTZED MO'I RIGS DE 'DRA BYED SA MED CES GSUNGS PAS; DE PHYIN CHAD THAMS CAD KYIS RJE NYID KYI GSUNG SPYI BOS NOD DE YA RABS KYI LUGS SROL BZANG PO SLAR GSOS, DGUNG LO NGA BZHI PA LCAGS SBRUL GYI LO LHA SA SMON LAM DU GRVA SKOR BA RNAMS KYI GZHUNG LAS PA MDZAD, BGRO GLENG GTONG MKHAN

, ,RNAMS LA, KHYED TSOS KHA BTANG GLOD SA MED, LUNG RIGS DANG 'BREL BA'I BGRO GLENG GANG TSA TSA GTONG DGOS ZHES GSUNGS PAS, SMON LAM GYI RTZOD PA ZHIG LA LO 'DI LAS DMAR BA MA BYUNG SKAD, DE SKABS SMON LAM GYI TSOGS DBU KHRI RIN PO CHE SBOM 'BOR BAS MDZAD PA LA, RJE 'DI'I ZHAL NAS, KHRI RIN PO CHES BSTAN 'BAR MA DANG BSNGO BA'I 'DON LTA MDZAD LUGS 'DI RTEN 'BREL MA LEGS ZHES YANG YANG GSUNGS PA, PHYIS SU KHONG KHRI MTHAR MA PHYIN PAR GSHEGS PA LA DGONGS PA YIN SNANG, DPYID CHOS CHEN MO'I DUS CHOS GRVAR BYANG CHUB LAM RIM CHEN MO'I BSHAD LUNG ZHIB TU STZAL PAS LEGS BSHAD BDUD RTZI'I BSGO SKAL GYIS BLO GSAL 'DUS PA'I TSOGS RNAMS NGOMS PA MED PAR GYUR PA LAS TSE 'DI'I SNANG SHAS KYI RGYU BA LOG NAS KLOG PA THOS BSAM GYI BYA BA SI NYAN MTSAN KHOR MO YUG TU DUS 'DA' BAR BYED DO, ,SMRA BA'I DBANG PHYUG DPON SLOB NGAG DBANG BKRA SHIS PA'I ZHAL NAS, GDUL BYA RNAMS LA BLO SNA 'GYUR TSAB DE DUS LAS CHE BA MA BYUNG GSUNG, 'DZIN GRVA GONG 'OG RNAMS NAS DON GNYER BA 'DUS PA RNAMS LA, BLO RTAGS GNYIS THUGS THOG NAS GNANG NAS GO BA CHAGS PA MANG DU BYUNG ZHING RNAM DPYOD DANG LDAN PA 'GA' ZHIG GIS BLO RTAGS ZIN BRIS SU BYAS PA LA RJE NYID KYIS ZHUS DAG LEGS PAR MDZAD PA DA LTA'I BLO RTAGS 'DI GNYIS YIN NO, ,CHOS THOG GI SKABS NYE GNAS SNGAGS RNAM PA DPAL 'BAR DANG, LO RGYUS SMRA BA'I DBANG PO GSER KHANG CHOS RJE MKHAS PA YON TAN BLO GROS GNYIS KYIS SGO

MANG RANG LA 'DUL MDZOD KYI YIG CHA MED PAS, GZHAN GYI YIG CHA RTZI BZHAG LA GTONG BA 'DI LA DGE MTSAN CHER MI 'DUG ,SNGA SOR YANG YIG CHA RTZOM THUB PA'I BLA MA MANG PO BYUNG YANG BSKUL MKHAN MA BYUNG, DA PHYIN CHAD KHYED LTA BU'I SGO MANG BLA MA AE YONG MI SHES PAS YIG CHA TSANG MA ZHIG BKA' RTZOM GNANG DGOS ZHES KHA BTAGS, RTEN KHEBS, MAndAL, 'BUL TSAN BCAS PHUL NAS CHOS GRVAR GSOL BA BTAB PAS, DA LTA LUS KYIS KYANG LCOGS DKA', BREL BA YANG CHE BAS MI THUB PA 'DRA, 'ON KYANG 'DUN PA GTONG ZHES GSUNG, SLAD NAS DGA' RAM PA'I 'DZIN GRVA'I DGE BSHES RNAMS KYIS THUGS KHUR BZHES NAS KHAM TSAN SO SO'I DGE RGAN DANG LAS SNA RNAMS GROS BSDUR GYI THOG ,KHAM TSAN SO SO DANG GRVA RGAN RNAMS KYIS KHA BTAGS MAndAL BCAS 'BUL TSAN PHUL TE GRVA TSANG RANG GI RTZA BZHAG LA GTONG RGYU'I CHED DU, 'DUL MDZOD PHAR PHYIN DANG BCAS PA'I YIG CHA BKA' RTZOM MDZAD DGOS ZHES MGRIN GCIG TU CHOS GRVAR GSOL BA BTAB PAS ZHAL GYIS BZHES TE, 'DUL MDZOD KYI MTHA' DPYOD CHEN MO GNYIS RTZOM PA'I DBU TSUGS SHING BRTZAMS TSAR RIM NAS RTZI BZHAG LA GNANG, GLING BA SRE LA LAM RIM DANG PO TI LNGA'I GSUNG BSHAD MDZAD, STON CHOS SKABS, 'DZIN GRVA GONG MA RNAMS LA DUS TSIGS KYI RTZI BZHAG DPE LA MA LTOS PAR THUGS THOG NAS BRTZAMS TE GNANG BA LA LNGA RIGS SMRA BA'I DBANG PHYUG MKHAS PA BLO BZANG 'OD ZER BAS GZIN BRIS MDZAD PA NGO MTSAR BA YOD DO, ,PHAR PHYIN PA RNAMS LA DRANG NGES RNAM 'BYED GZAB BSHAD KYIS BRGYAN PA STZAL

, ,PAS; BLO GSAL BA RNAMS, SNGA SOR YIG CHA RGYAS BSDUS MI 'DRA BA MANG PO BZUNG YANG BLO SKYED DA LAM LAS CHE BA MA BYUNG ZHES MGRIN GCIG TU GLENG, DE DUS GSUNG ZIN BRIS MDZAD PA RNAMS LA SDON MED PA'I LEGS BSHAD DU MA MCHIS KYANG PHAL CHE BA DENG SANG 'THOR NAS MI SNANG NGO, ,LO DER SOG YUL NAS SGO MANG ZUR PA SEMS DPA' CHEN PO THOR GOD DON GRUB RGYA MTSO PHEBS NAS, GRVA TSAD DU GRVA BA GNYIS RE LA JA BAG RE DANG DNGUL SPANG RE'I 'GYED, JA TSUL GYI THEBS LA'ANG DNGOS PO TSAN CHE BA BZHAG NAS GRVA PA RNAMS 'DOD YON GYI BSNYEN BKUR TSAD MED PAS MNYES PAR BYAS SO, ,'DIS MTSON SKABS DER GRVA TSANG LA GRVA JA DANG 'GYED SOGS 'DOD YON GYI LONGS SPYOD ZAD MI SHES PA BYUNG BA NI, SNGA SOR GRVA TSANG LA MTHUN RKYEN DKON PO YOD PA'I STABS, RJE NYID KYIS DE'I CHED DU DMIGS NAS BSTAN SRUNG RNAMS LA 'PHRIN BCOL MDZAD PA'I BKA' DRIN YIN ZHES GRVA RGAN RNAMS GLENG, THOR GOD ZHAL SNGA NAS KYIS RJE 'DI LA'ANG 'BUL BRGYA CHEN PO PHUL TE CHOS 'BREL ZHUS, DER RJE THOR GOD PA'I ZHAL NAS, SA BRGYAD PA'I ZAD PAR GYI TING NGE 'DZIN GYI 'DZIN STANGS KYI YUL AE YONG DRIS PAR RJE 'DIS MED GSUNG, 'O NA LOG RTOG TU MI 'GYUR RAM GSUNG BA LA DGOS DBANG GIS DE LTAR BZUNG PA YIN GYI ZHE THAG PA NAS MI 'DZIN PAR MA ZAD THE TSOM GYIS KYANG MI 'DZIN PAS LOG RTOG TU MI 'GYUR ZHES ZHUS PAS BLA MA THOR GOD PA'ANG BLO SKYED BYUNG ZHES THUGS DGYES DGYES MDZAD, RJE 'DIS KHONG LA, MCHOG GI SPRUL SKU'I RGYUD LA

DGE SLONG GI SNGOM PA YOD NA, LONGS SKU YANG DGE SLOD DU KHAS LEN MI DGOS SAM ZHUS PAS, DE GNYIS KA RGYUD GCIG YIN PAS SPRUL SKUS DGE SLONG GI SNGO MA PA THOB NA LONGS SKYUS KYANG DE NGES PAR THOB, DE LTAR NA LONGS SKU YANG DGE SLOD DU KHAS LEN DGOS SHING, LHA LA DGE SLONG MI 'DOD PA GRUB MTHA' 'OG MA'I LUGS YIN GSUNGS PAS RJE RANG GI DGONGS PA DAD MTHUN PAR BYUNG, DE LTAR PHAN TSUN LEGS PAR BSHAD PA'I 'BEL GTAM GYI DGA' STON SPEL BAR MDZAD PA NI, LEGS BSHAD NYAMS NGA GA'I ME TOG LAS, MKHAS PA GZHAN GYI LEGS BSHAD LA, ,LEGS BSHAD LAN GYIS 'BEL GTAM BYED, ,SPRIN CHEN 'BRUG SGRAS GAD BA NA, ,RMA BYA SKAD SNYAN SGROGS ZHES GRAGS, ,ZHES GSUNGS PA LTAR RO, ,THOR GONG ZHAL SNGA NAS KYIS RJE 'DI LA KHYED BSTAN PA YONGS RDZOGS KYI DGE BA'I BSHES GNYEN CHEN PO YIN PAS GRVA TSANG LA PHAN 'DOGS BZANG PO MDZOD, CES THUGS NAD GTZANG BA'I ZHAL BKOD MDZAD, RJE THOR GOD PAS GRVA KHANG ZHIG GSAR DU RGYAG RTZIS MDZAD PAR, RJE 'DIS GRVA PA'I SLOB GNYER LA GNOD CING, DE LAS THOG THEBS KYI MCHOD GZHI ZHIG BYUNG NA DGA' ZHUS PA LTAR, KHOD GIS GZHUNG LA 'BUL CHEN PHUL TE GYE RE THEM PA NYI SHU'I SA CHA GRVA TSANG LA SBYOR 'JAGS MDZAD DE, LO RE BZHIN CHOS 'GRIM PA RNAMS LA PHOGS MA CHAD PAR BYUNG BA'ANG RJE 'DI'I BKA' DRIN YIN NO, ,DE DUS CHOS GRVA GONG MA 'DIS CHA SHIN TU GU DGO PAS TSOGS PA MA SHOD BAR YOD PA LA RJE 'DIS THOR GOD PA LA ZHU BAR MDZAD NAS, KHONG GIS KYANG

, ,GUNG DU ZUNG JU GNYIS LA GNANG SBYIN GYA NOM PA BYAS NAS SA CHA CHOS GRVA LA SBYAR BA YIN, LO DER BYA ROG GCIG BLA BRANG GI THUG NAG STENG DU BABS NAS SKAD BTON PA GSAN TE, NYE GNAS RAB 'BYAMS PA LA LTOS SHOG GSUNG BAR KHOS PHYIN PAS DER BYA ROG GIS DZAM LA'I SKU ZHIG BZHAG 'DUG PA BLANGS NAS PHYAG TU PHUL BAS THUGS SHIN TU DGYES SHING RTZIS CHER MDZAD DE, DUS RGYUN MCHOD PA DAD CHU SBYIN 'BUL BAR MDZAD PAS LOG 'TSO DANG BRAL BA'I MKHO DGU'I LONGS SPYOD RDZOGS LDAN SPRIN BZHIN DU BYUNG BAR GYUR TO, ,DGUNG LO NGA LNGA PA CHU RTA'I LO LHA SA SMON LAM DU PHEBS NAS BSAM GRUB PHO BRANG DU BZHUGS, MANG DU THOS PA RNAMS KYI MDZOD DU GYUR BA SMAN RAM PA CHAGS PA CHOS 'PHEL DANG RGYUD PA'I DGE BSHES MANG PO LA 'GREL PA BZHI SBRAGS DANG, GSANG 'DUS KYI DBANG, BA RI BRGYA RTZA SOGS 'DOD CHOS DU MA STZAL, LO DER LHA TSES GCIG GI SKABS, BLA MA GZHAN RNAMS KYANG YOD PA LA, CHOS SKYONG CHEN PO RJE 'DI NGOS LA ZHAL PHYOGS NAS, DE RING GZUGS CAN KUN GYIS GO DKA' MOD, ,NANG TSAN BLO BZANG GRAGS PA'I BSTAN PA LA, ,BSHAD SGRUB 'PHRIN LAS SPEL BA'I SLOB DPON ZHIG ,SNGOM BRTZON PHAL BA'I TSUL GYIS 'DI NA 'DUG ,'DI LA SKAL YOD BAN CHUNG 'DUS TSOGS KYIS, ,RNAM PA RTAG TU BKUR ZHING GUS BTUD NA, ,BSTAN DANG LA RGYAR DGE BA LHA GNAS SHES, ,ZHES GSUNGS PA RJE 'DI YIN PAR KUN GYIS MGRIN GCIG TU GLENG, STON KA SKU ZHABS TSANGS DBYANGS RGYA MTSO BSLAB 'BUL DU PHEBS PA'I

ZHABS PHYIR GZHUNG NAS RJE 'DI PHEBS DGOS GSUNGS PA LTAR GTZANG DU BYON, KHAMS GSUM 'GRO BA'I MGON PO PAn CHEN THAMS CAD MKHYEN PA DAD MJAL, SKU ZHABS NAS PAn CHEN RIN PO CHE 'I DRUNG DU BSLAB PA 'BUL GRABS MDZAD PA NA, RJE 'DIS PHYAG GSUM BTZAL TE KHYED BOD GANGS CAN GYI SKYABS GNAS GCIG PU YIN PAS BSTAN 'GRO KUN LA BRTZEBS DGONGS TE DE LTAR MI GNANG BAR ZHU ZHES GDUNG SHUGS DRAG POS GSOL BA BTAB KYANG GDUL BYA RNAMS BSOD NAMS DMAN PA'I DBANG GIS GSAN DGONGS MA GNANG BAR BSLAB BA PHUL TE DUR SMRIG GI RGYAL MTSAN BOR NAS KHYIM PA'I BRTUL ZHUGS 'DZIN PAR MDZAD PAS DKAR PO'I PHYOGS LA MNGON PAR DGA' BA'I 'BYUNG PO RNAMS YID MYA NGAN GYI KHONG DU CHUD CING, DGA' RAB DBANG PHYUG DPUNG DANG BCAS PA'I DBU 'PHANG SRID RTZE'I BAR DU 'DEGS PAR GYUR TO, ,DE'I TSE DE MO PA SOGS ZHABS 'BRING BA KHA SHAS KYIS KYANG BSLAB PA PHUL BA LA, DE MO SPRUL PA'I SKU RIN PO CHE NAM MKHA' 'JAM DBYANGS RJE RANG GI SLOB MA YIN PAS KHONG LA SPYAN 'BUR TSUGS SU GZIGS NAS GZHAN GYIS 'DI LTAR BYED NA YANG KHYED KYIS TSANGS PAR SPYOD PA'I BRTUL ZHUGS 'DOR PHOD DAM ZHES MA RANGS PA'I GSUNG YANG BYON PAR SNANG, DE NAS RJE NYID KYIS PAn CHEN THAMS CAD MKHYEN PA'I DRUNG DU ZANG ZING GI 'BUL BA RGYA NOM PA DANG, BKRA SHIS LHUN POR MAD JA DANG DA DUL 'GYED PHUL, BKRA SHIS LHUN PO'I GRVA PA DON GNYER BA MANG PO LA LAM KHRID DANG LTA KHRID GNANG, CHOS GRVA CHEN PO GANGS CAN CHOS 'PHEL DANG, DBEN DGON GNYIS KYI GRVA MANG YANG MJAL DU BYON PA LA BYANG CHUB LAM RIM GSUNG

, ,BAS SMIN GROL GYI LAM LA BKOD, DGA' LDAN PHUN TSOGS GLING GI GRVA MANG LA YANG LAM KHRID DANG LTA KHRID GZAB BSHAD KYIS BRGYAN PA STZAL TE, THAR 'DOD RNAMS KYI SHES RGYUD BLA NA MED PA'I BYANG CHUB KYIS BON GRUNG PO'I KHUR GYIS LCI BAR MDZAD DO, ,DE LTAR GTZANG GI PHYOGS SU SKAL BA DANG LDAN PA'I GDUL BYA RNAMS LA ZAB PA DANG RGYA CHE BA'I CHOS KYI 'KHOR LO YONGS SU BSKOR NAS SLAR YANG DBUS SU BYON, YAM BAR DU CHOS 'KHOR YANG RTZE BAS GDAN DRANGS NAS CHOS 'BREL ZHUS, DE SKABS BLA BRANG GI ZHIG GSO GRUB, LO DER CHOS GRVA GONG MA YANG RGYA CHE RU BTANG NAS GSAR DU BZOS, RJE RANG GIS BKOD PA GNANG NAS CHOS GRVA LA BUM GTER BZHAG STE SHING MANG PO 'DZUGS BAR GNANG BA LO GCIG GNYIS TZAM LA SHING SDONG CHEN PO BLOR MI SHONG BSKYES, ZHAL NAS, SHING BZANG PO SKYES 'DUG KYANG 'BRAS BU CAN GYI SHING THAMS CAD BYANG NGOS LA SONG 'DUG PAS RTEN 'BREL CUNG MA LEGS GSUNG, BAR SKABS SHIG ,SDE SRID SANGS RGYAS RGYA MTSOS RJE 'DI LA PHYAG BRIS BSKUR NAS, SKU ZHABS KYI MDZAD PA LA MI MANG GIS LOG LTA BYED KYI NA 'DUG PAS, DENG DUS KHYED BSTAN PA'I SROG SHING CHEN PO YIN GSHIS GSUNG CHOS KYI ZHAR LA DMIGS BSAL GYI ZHAL BKOD GNANG DGOS ZHUS PAR BRTEN, DBYAR GYI GLING BSRE LA, RJE 'DIS THOG MAR SPYI BSHAD KYI SKABS, BOD GANGS CAN 'PHAGS PA SPYAN RAS GZIGS KYI 'DUL ZHING YIN BA DANG, SPYAN RAS GZIGS KYI SPRUL PA RIM PAR BYON NAS BOD RNAMS BKA' DRIN GYIS BSKYANGS TSUL DANG, DA LTA

SKU ZHABS RIN PO CHE'I MDZAD PA 'DI 'DRA YIN KYANG, PHAL CHER DUS DANG SEMS CAN GYI BSOD NAMS KYI GSHIS YIN BAS DAD LOG BYAS NA MI RUNG BA'I GTAN TSIGS DANG BCAS TSOGS GTAM GNANG ZHING LAM RIM CHEN MO LA GSUNG BSHAD MJAD, BGRO GLENG GI SKABS, BDE YANGS BLA MA RA GUR BZHENGS NAS, KHYED KYIS SPYAN RAS GZIGS KYI LO RGYUS BSHAD PA DE NAS GTONG DGOS ZER NAS, THOG MAR SEMS BSKYED TSUL BTANG, DE NAS SPYAN RAS GZIGS KYI SGRA BSHAD BTANG NAS, SPYAN RE RES KYANG 'GRO BA LA GZIGS PAS NA SPYAN RAS GZIGS ZHES BRJOD RGYU YIN ZER BA LA, RJE 'DIS SGRA BSHAD TSUL DE 'DRA MIN, SPYAN RAS ZHES PA DE RE RE LA MI ZER BAR PHYOGS KUN NAS SAM CHA KUN NAS ZER RGYU YIN, DON DU SPYAN GYI CHA THAMS CAD NAS 'GRO BA LA GZIGS PAS NA SPYAN RAS GZIGS ZHES BRJOD RGYU YIN GSUNG BAR, BDE YANGS BLA MA NA RE, SPYAN GYI CHA THAMS CAD KYIS 'GRO BA LA GZIGS PA MI 'THAD PAR THAL, SPYAN RE RES KYANG GZIGS NA CHOG BA'I PHYIR, ZHES SMRAS PA LA, RJE 'DIS, KHYOD KYIS CHA LE CHO LE MA LA BA ZHES LAN MA MDZAD DO, ,'KHONG GI BGRO GLENG DE NI, SA SKYA'I LEGS BSHAD LAS, GTING NAS NYAMS PA'I KHREL 'DAS RNAMS, ,RANG GI GTAM NGAN NGO SOR 'KHYER, ,KANYTZI'I YUL GYI RGYAL RIGS RNAMS, ,PHA BSAD BA LA RGYAL RNGA RDUNG, ,ZHES PA LTAR KHO RANG GI BLO GROS KYI MTSANG BRTOL BA LA LEGS BSHAD DPE MED PA'I LUGS SU RLOM TE NGO NGOM MDZAD 'DUG KYANG, BKA' RGYUD BA'I SGOM CHEN ZHIG GIS SPANG BYA GONG MO DANG BLANG BYA 'JOL MO YIN ZER BA'I DPE LTAR,

, ,GSUNG RAB KYI DON LTA CI, YI GE'I BRDAR RAGS PA TZAM YANG MI SHES PA'I NANG RTAGS PHYI REL TU BSTAN PA TZAM DU ZAD PAS, RE SHIG MTSAN NYID KYI BRGAL BRTAG BYED PA'I THUGS KHUR DE BZHAG NAS DAG YIG LA ZHIB TU SBYANGS NA LEGS PAR SNANG NGO, ,BLA MA 'DI THOG MAR RJE 'DI LA CHOS 'BREL ZHUS PA'I SLOB MA YIN 'DUG KYANG, PAR SKABS SHIG ,CHE 'DI'I RNYED BKUR GYI CHED DU DAM TSIG DANG SNGOM PA RTZVA LTAR NGOR NAS MA DAD PA'I SGRO SKUR SNA TSOGS ZHUS TE, NGAN SONG GI BO TZAN RAR MI BZANG PA'I SDUG BSNGAL SNA TSOGS PA MYONG PA'I LAS BDAG GIR BYED PA LA MNGON DU PHYOGS PAR GYUR TO, ,STON CHOS LA LAM RIM CHEN MO'I BSHAD LUNG LHAG MTHONG LA SLEB SKABS NYIN GCIG THUGS 'TSUB NAS GRVA MANG LA BKA' BKYON MANG PO MDZAD NAS 'PHRO 'JOG PA GNANG, DE NAS THAMS CAD KYIS GNAN ZHUS BYAS BAS LAM RIM MI YOD, CHOS GZHAN ZHIG DGOS NA YONG GSUNG NAS BYANG CHUB SEMS DPA'I BSLAB PA KUN LAS BTUS PA'I BSHAD LUNG GNANG, SKABS DER BSLAB BTUS KYI DPE DKON PAR YOD PA LA, RJE 'DI'I ZHAL NAS, DBUS STOD NYI SDINGS NAD PAR YOD PAS DBAR THUB NA LEGS GSUNGS PA LTAR, DON GNYER CAN PHAL CHER GYIS DPAR BTAB PAS DPE CHA MOD PO BYUNG STE, 'DI YANG BSTAN PA'I MIG LTOS LA SHIN TU PHAN PAR BYUNG, STON CHOS GNYIS PA'I SROD CHOS LA 'DZIN GRVA GONG MA RNAMS LA DBU MA'I BDEN GNYIS DANG PHAR PHYIN PA RNAMS LA YAN LAG BCU GNYIS KYI NGOS 'DZIN THUGS THOG NAS GNANG PA LA ZIN BRIS KYANG SNANG, LO DER SNGA PHYIR BSNYEN RDZOGS ZHU MKHAN MANG DU BYUNG BA RNAMS KYI

MKHAN PO MDZAD DE THUB BSTAN YONGS SU RDZOGS PA'I BSLAB PA'I GZHI LA LEGS PAR BKOD, DGUNG LONG DRUG PA CHU LUG GI LO, SKU BSNYUNG NAS BLA BRANG GRVA TSANG GNYIS NAS ZHABS BRTAN MANG PO BSGRUBS, RAB 'BYAMS PA NGAG DBANG RDO RJES ZHABS BRTAN LA GANG 'DON ZHUS PAS, BZANG SPYOD THON GSUNG BAR SKU RIM GZHAN ZHIG GSUNG DGOS ZHUS PAS DGOS PA MED GSUNG, DE NAS RAB 'BYAMS PAS KHYED KYIS DE 'DRA MDZAD NA MI YOD, GZHAN PHYOGS PA RNAMS KYIS KHRI YANG MTHAR MA PHYIN ZER 'OD LA, RJE NYID LA LTOS PA'I GRVA PA 'DI KA TZAM ZHIG THUGS KYIS BTANG NA DGOS PA CI YONG ZHUS PAS, 'ON GDUGS DKAR DANG, SGROL MA, SHER SNYING GANG 'GRUB THON GSUNGS NAS SKU RIM DE RNAMS BSGRUBS KYANG SKU BSNYUNG DE RNAMS MA DVANGS PAR, GRVA TSANG NAS SDE PA KLU 'BUM RAB 'BYAMS PA BLO BZANG DON GRUB BTANG NAS GONGS RIN PO CHER BRTAN BZHUGS SHIG ZHUS PA LA, DUS MTHA'I SDOM BRTZON GSUM LDAN TSUL 'DZIN PA, ,RANG GZHAN DON GNYIS PHUN TSOGS LA ROL ZHING, ,GNAS LNGA'I MKHAS MCHOG 'JAM DBYANGS BZHAD PA KHYOD, ,SEMS CAN 'GRO LA PHAN PHYIR RTAG BRTAN SHOG ,CES GNANG BA GRVA TSAD LA BTZUGS, GRAGS RGYAL MA LA ZHUS PAS, KHYED LA GZHAN GYIS MTHU BYED KYIN 'DUG PAS THUGS RTOG MDZOD, MIS TSOR NA, 'DRE'I GNAS KHANG SHOR YONG ZHES GSUNG, TSA TSA DANG SKU BRNYAN 'BUM THER SOGS BSGRUBS KYANG MJUG CHER MA DVANGS PA LA, 'JIGS MDZAD RDO RJE'I RNAL 'BYOR PA MTHU STOBS NUS PA'I DBANG PHYUG GRUB CHEN SANGS RGYAS CHOS 'PHEL BYON NAS, LAS SNA SOGS LA,

, ,NGA'I RMI LAM LA THANG CHEN PO ZHIG NA DAR MO CHE ZHIG YOD PA MKHA' 'GRO MA MANG POS SGUL BSKYOD BYED KYIN 'DUG PA LA CI YIN DRIS PAS, DAR MO CHE 'DI DA LTA'I BAR DU BZHAG PA YIN, DA RANG YUL DU 'KHYER RGYU YIN ZER BAR, NGAS DA DUNG 'JOG DGOS BYAS PAS BRTAN PO BYAS NAS 'JOG PA ZHIG BYUNG, BLA MA 'DI ZHING GZHAN LA 'PHEN PA BTANG 'DUG ,MGYOGS PAR BRTAN BZHUGS PHUL NA LEGS GSUNG BA LTAR, GRVA MANG GIS TSOGS LA SPYAN DRANGS KYANG MA PHEBS PAR BLA BRANG STENG DU ZHABS BRTAN PHUL NAS ZHABS PAD YUN RING DU BRTAN DGOS PA'I GSOL BA BTAB PAS ZHAL GYIS BZHES, GRUB THOB RIN PO CHES KYANG TSE DPAG MED KYI GSER SKU GCIG DANG BCAS ZHABS BRTAN PHUL BAR, TSE DPAG MED KYI SKU 'DI CHEN PO MI 'DUG PAS TSE 'BRING ZHIG THUB GSUNG, GRUB THOB KYIS RJE BTZUN CHOS RGYAL MA BRTZAMS NAS GRVA TSANG LA BTZUGS, DE NAS NYI MA 'GA' SONG BA NA SKU KHAMS LA SKYED BYUNG STE, RJE RANG GI THUGS SMON DANG, SLOB MA RNAMS DAM TSIG GTZANG BA DANG, GRUB THOB RIN PO CHE MTHU STOBS GZHAN DANG MI 'DRA BA BCAS RNAM PAR DKAR BA'I RTEN 'BREL DU MA LHAN CIG TU 'DZOM PA LA BRTEN NAS BSNYUNG GZHI LHAG MA MED PAR DVANGS, GRUB CHEN GYIS, GRVA MANG LA BLA MA 'DI LUNG GI YON TAN RGYAL BA TZONG KHA PA DANG KHYAD PAR MED, DE LAS LHAG PA'I LUNG GI YON TAN KLU SGRUB DANG ZLA GRAGS LA YANG MED, KHYED RNAMS SKAL BA BZANG, THAMS CAD 'DUN PA CHIG DRIL GYIS BLA MA 'DI LA DAD GUS DANG GSUNG BZHIN BSHAD NYAN LA 'BUNG ZHES ZHAL BKOD RGYAS BAR MDZAD, ZHAL NAS,

GRUB THOB 'DI RJE TZONG KHA PA'I CHOS SKYONG GCIG GI SPRUL PA YIN GSUNG, DE DUS SNGAGS KHANG GI 'JIGS BYED RVA LO TZ'A BA'I DMAR GDUNG NANG RTEN DU BZHUGS PA'I BYIN RLABS CAN DE LA BYIBS SKYON BYAS PA, SKU ZHABS RIN PO CHE TSANGS DBYANGS RGYA MTSOR ZHUS PAS, SGO MANG BLA MA LA BZO CHUG GSUNG BA LTAR RJE 'DI PAS BCOS NAS PHYAG LEN RNAM PAR DAG PAS RAB GNAS RGYAS PAR MDZAD, BAR SKABS SHIG ,SDE PA SANGS RGYAS RGYA MO TSAS KHYED SHAR RTZE'I MKHAN PO LA PHEBS, SPYIR BYANG SHAR GYI KHRI RANG RANG GI GRVA RGYUN RES MOS BYED PA'I SROL 'DUG KYANG KHYAD BSTAN PA'I BDAG PO YIN PAS DMIGS BSAL YOD, DGA' LDAN GYI KHRI LA PHEBS PA'I KHYAD KYANG 'DUG GSUNG BA LA, SNGON NAS MDO SMAD DU 'BYON PA'I THUGS 'DUN BTANG YOD STABS DGONGS PA ZHUS, LAN CIG MNAL LAM DU, SKYI SHOD KYI LUNG PA LA MI SHONG TZAM BYED PA'I G-YAG CHEN PO ZHIG GTZANG NAS 'ONGS TE DBUS KYI MI GNYIS RVA RTZEL KHUR NAS BLANGS SONG BA RMIS PAS THUGS DMIGS CUNG ZAD RE TZAM GYIS KYANG 'DI LTAR DU 'ONG GI 'DUG SNYAM DU PAn CHEN THAMS CAD MKHYEN PA LA DANG GUS TSANG MED PA 'KHRUNGS, LO NGER DPAL LDAN SA SKYA'I GDUNG RGYUD DU GRAGS BRTZE GDUNG ZHABS DRUNG GIS RONG STON SHES BYA KUN RIG GI GDAN SA NA LENDRAR SBYAN DRANGS, ZHABS DRUNG 'DI GDUNG RGYUD PHUN SUM TSOGS PA'I DPAL GYIS MNGON PAR MTHO PA'I KHENGS PA DANG LDAN PA YIN KYANG, DE DUS RJE 'DI LA PHYAG PHUL TE ZHABS SPYI BOR BLANGS, TSE RTA ZUNG 'BREL SOGS CHOS BKA' MANG DU ZHUS, SA DGE RNYING MA SOGS KYI GRUB MTHA'I KHYAD PAR DANG, DAM PA'I CHOS KYI DOGS GCOD MANG DU ZHUS, BSNYEN BKUR DAD 'BUL BA

, ,RGYA CHER PHUL, DER BYON SKABS LAM NAS CHIBS RTA 'GYEL BAS SKU LA SKYON MA BYUNG YANG RTZE GDUNG PA RANG LA 'TSUB LTAS SU 'DUG GSUNG, PHYIR LAM GLANG THANG GI MDO BRGYUD NAS SGO MANG GI MCHOD GZHIS GSAR BGYE RE'I STENG DU PHEBS NAS MI SER RNAMS LA CHOS DANG MTHUN PA'I ZHAL BKOD MDZAD, LO 'DIR RGYAL PO LHA BZANG LA JID GI SI HAN ZHES MTSAN GSOL, SNGE PA SANGS RGYAS RGYA MTSO ZUR BZHUGS BYAS, SRAS AA B'A LA KHRIR BTON, LO SNGA PHYI 'DI DAG TU DGA' LDAN GYI GSER TOG LA ME YANG YANG 'BAR BAS PHAL CHER GYIS LTAS NGAN YIN ZHES GLENG BAR, ZHAL NAS, LTAS NGAN MIN, DGE LUGS LA 'PHEL RGYAS 'OD BA'I LTAS YIN, SNGA MO BSTAN 'DZIN CHOS RGYAL PHEBS DUS KYANG DE 'DRA BYUNG 'DUG GSUNG BA NI, DON GYIS RGYAL PO LHA BZANG KO'U SHR'I HAN GYI SKYE BAR LUNG BSTAN PA YIN ZHES GLENG, ZLA BA BRGYAD PA'I NANG DU DGE BA'I BSHES GNYEN CHEN PO DBON PO RAB 'BYAMS PA DAG DBANG RDO RJE BSKUD NAS SKYABS 'JUG ZHUS PAS, DA 'CHIN YANG 'JIG RTEN 'DI LA CHAGS DON MED, CHOS PA RAB 'CHI BA LA BRONG ZER BA YIN MOD CES ZHAL BKOD STZAL TE DBUGS PHYUNG, DE NAS KHOD MA 'GYANGS PAR GRONGS PA LA BLA BRANG NAS GRVA JA DANG MANG JA SOGS GTONG BAR MDZAD, RAB 'BYAMS PA 'DI MDO SNGAGS KYI MKHYEN PA SHIN TU CHE ZHING, THUGS RGYUD BZANG PA, ZHABS PHYIR 'GYUR BA ZHIG YOD 'DUG PAS RJE NYID KYANG THUGS SKYO SKYO LTAR MDZAD, DE NAS BAR KHAMS BSTAN PA'I GSAL BYED DAM PA MKHYEN RAB KYI DBANG PHYUG BRAG YAB SPRUL PA'I SKU RIN PO CHE BLO BZANG BSTAN PA NAS GSOL BA

BTAB STE, DGE 'DUN BRGYA PHRAG MANG PO LA BYANG CHUB LAM GYI RIM PA 'JAM DPAL ZHAL LUNG GI NYAMS KHRID DANG, BDE LAM GYI KHRID BCAS SMIN RGYAS SU STZAL, MJUG TU GRVA KHANG NAS, SEMS BSKYED STON MO'I PHYAG LEN RGYAS PAR MDZAD NAS ZHAL ZAS KYANG GRVA KHANG GI BLA BREL THUG PA BZHENGS SHING MCHOD PA'I TSOGS BLOS MI 'KHYUD PA BSHAMS, DE'I PHYI NYIN DBU MA'I LTA KHRID GNANG BAS YANG DAG PA'I LAM LA SGRO 'DOGS CHOD PA MANG DU BYUNG, GZHAN YANG BYANG CHUB BDE LAM GYI KHRID DANG, RGYAL BA BSOD NAMS RGYA MTSOS MDZAD PA'I LAM KHRID GSER GYI YANG ZHUN GYI LUNG, 'JAM DPAL ZHAL LUNG GI KLAG LUNG SOGS 'DOD CHOS MANG DU STZAL, BSTAN PA'I GSAL BYED CHEN PO BRAG YAB SPRUL SKU RIN PO CHE NAS JA LAG DRUG MA BRGYAD CU PHUL TE 'JIGS BYED CHOS 'BYUNG RTZOM PAR GSOL BA BTAB PAS ZHAL GYIS BZHES, LO DER DGA' LDAN AER TE NI JU NANG YAB SRAS DBUS SU PHEBS, SNGA SOR PHYAG BRIS PHUL BA LTAR, RJE RANG GI PHA MES KYIS BZHENGS PA'I BKA' 'GYUR DBUS SU GDAN DRANGS 'DUG PA GRVA TSANG LA BZHAG NAS TSOGS SU TSAR GCIG KLOG TU BCUG ,JU NANG YAB SRAS KYIS SNGAGS KHANG GI 'JIGS BYED RAB GNAS KYI YON BDAG BA SGO SKABS MJAL BAS, NGA'I KHYIM BDAG MGON MED ZAS SPYIN KHYOD YIN GSUNG ZHING MNYES MNYES MDZAD PA NI SLAR MDO SMAD DU SBYIN BDAG GI GTZO BOR 'GYUR BA LA DGONGS PAR SNANG, JU NANG GIS MDO SMAD DU 'BYON PAR GSOL BA BTAB PAS, DA 'ONG NA KHYOD KYIS DGON PA 'BRAS SPUNGS TZAM ZHIG 'DEBS AE THUB GSUNGS PAS, 'DI TZAM DKA' YANG CHEN PO ZHIG

, ,'DE BAS NUS ZHUS PAS 'ON YOD GSUNG NAS ZHAL GYIS BZHES, DGUNG LONG BDUN PA SHING SPREL LO, SMON LAM GYI RING DGON PAR BZHUGS NAS SKU MTSAMS DAM PAR MDZAD, BAR SKABS SHIG ,RGYAL PO DANG SNGE SRID GNYIS LONGS SKU NGES PA LNGA LDAN YIN MIN RTZOD PAR GYUR TE, RGYAL BOS, RJE RIN PO CHES LONGS SKU NGES PA LNGA LDAN DU MI BZHED ZER, SNGE PAS BZHED CES THAG MA CHOD PAR RJE 'DI LA DRI BA MDZAD PA'I LAN DU, LEGS BSHAD GSER PHRENG GI TSIG ZIN LA MI GSAL KYANG DON LA NGES PA LNGA LDAN DU BSHAD GSUNGS PAS SDE SRID KYANG DGYES, NYIN GCIG CHOS GRVA NAS BSLAB BTUS KYI GSUNG BSHAD MJUG LA SLEB DUS THUGS 'TSUB NAS 'PHRO BZHAG ,NAN ZHUS BYAS PAR CHOS GZHAN ZHIG AE THUB LTA GSUNG NAS SPYOD 'JUG GI MGO NAS GSUNG BAR MDZAD, SMRA BA'I DBANG PHYUG NGAG DBANG BKRA SHIS PA NI, LAM RIM DANG BSLAB BTUS KYI 'PHRO 'JOG PAR MDZAD PA 'DI LA DGOS PA KHYAD PAR CAN ZHIG YOD PA YIN GSUNG, LO SNGA PHYI 'DI RNAMS LA BSTAN PA LA GEGS CHAG CHEN PO YOD PAR BRTEN RJE 'DI YANG THUGS DRAG PO'I RNAM PA MDZAD CING, TSOGS GTAM LA'ANG, DA KHYED TSOS TSOD 'DZIN RAN PAR 'DUG ,NGA 'KHRUL BA YIN SHAS CHE YANG, NGAS BLTAS NA MDZA' BA KUN DANG PHYE, RGYAB RTEN GYI LHA DANG PHRAL TSAR 'DUG BAS THAG NYE BA 'DRA, KHYED TSOS MI 'DOD NANG LUS 'DI BRJE BA LA DKA' TSEGS MED, LUNG PA 'DI MIN NA CHOS BYED PA'I LUNG PA GZHAN YANG YOD, YANG NA NGAS LUS 'DI BZHAG NAS SA 'DI THAMS CAD KYI BDAG PO MI'I RGYAL PO ZHIG

BYED NA YANG LAS SLA GSUNG, YANG LAN CIG ,DA KHYED TSO MYUR DU 'PHUNG YONG, KHYED TSO YANG BSTAN PA BSHIG PA LA BSAM BZHIN DU SKYE BA BLANGS PA RED DE, DA YANG KHYED TSO RE GNYIS KYI GNYEN POR BSAM BZHIN DU SKYE BA BLANGS PA YIN, DA RANG TSO SU KHE LTA'O MYUR DU MTHONG YONG GSUNG, YANG LAN CIG CHOS GRVAR CHOS THUN RE LA MDO TSAR DGU DGU THON, TSAR GSUM RE LA SENG GDONG MA'I BZLOG PA RE GYIS, DA LTA GRVA SA GRVA TSANG SBYIN BDAG KUN LA CHAG CHE BAS BSHAD NYAN KHO NA BYAS PAS MI YONG BAR 'DUG , DENG SANG CHOS SKYONG RNAMS KYI LUNG BSTAN LAS, NAM MKHA'I NYI MA BZANG PO DANG MTHUN NA, ,GLING BZHI'I DBUS NA MNGON PAR MTHO LA BRJID, ,BZLOG NA DUS MTHA'I ME YIS RGYAL KHAMS 'TSIG ,RI RAB SRID PA BCAS PA CHAG 'JIG YOD, ,ZER BA'I DUS LA SLEB 'DUG PA MA SHES SAM, SKU RIM MA BYAS NA THAMS CAD ZHIG YONG GSUNG, DE LTAR RJE RIN PO CHE'I BSTAN PA'I LA RGYA DANG SEMS CAN RNAMS KYI BDE SKYID KYI CHED KHO NAR DGONGS NAS BKA' BKYON GYI RNAM PA MANG DU GSUNGS PA LA LOG RTOG TU KHYER BA'ANG MANG DU BYUNG SONG, BAR SKABS DER RJE 'DIS DE LTA BU ZHIG MA MDZAD NA RJE BLA MA'I BSTAN PA LA NYAMS CHAG CHEN PO ZHIG 'ONG BA YONG DO ZHES GZUR GNAS KYI DPYOD LDAN RNAMS GLENG BAR BYED DO, ,STON KA MDO SMAD NAS BDE THANG MKHAN PO DANG, 'BE SKU SKYE, 'BOR MTHU STOBS, GTZOS DKA' BCU, TZA YI PHUN TSOGS SOGS BYANG 'GRUL MANG PO 'BYOR NAS ZANG ZING GI DNGOS PO GTOS CHE BA PHUL TE CHOS 'BREL ZHUS, MDO SMAD DU 'BYON PAR GSOL BA BTAB PAS ZHAL GYIS BZHES,

, ,BSTAN PA'I GSAL BYED BDE THANG MKHAN RIN PO CHE DANG 'BE SKU SKYE GNYIS LA TSE RTA ZUD 'BREL DANG, MGON PO'I RJES GNANG STZAL, MKHAN POS SLAR YANG RIN PO CHE MANG PO DANG, GOS CHEN BCAD LDAN KHYAD 'PHAGS YUG BCAS PHUL NAS 'JIGS BYED CHOS 'BYUNG MYUR DU BKA' RTZOM GNANG DGOS ZHES ZHUS PAS ZHAL BZHES MDZAD, YANG KHONG GIS BSKUL DOR, DBYANGS CAN MA'I SGRUB THABS DANG, RJE RANG GI 'KHRUNGS RAB BLA MA MCHOG GSUM MA GNYIS GSUNG RTZOM MDZAD, 'DUL MDZOD KYI MTHA' DPYOD CHEN MO GNYIS KYANG LO 'DIR GRUB, SKABS DE DAG TU CHOS GRVAR 'CHAG MED DU BYON NAS LEGS PAR BSHAD PA'I DGA' STON STZOL BA DANG, PHYOGS SO SO NAS CHOS NYAN PA MAD DU 'DUS PA LA RANG RANG GI 'DOD PA LTAR ZAB PA DANG RGYA CHE BA'I DAM PA'I CHOS KYI CHAR YANG DAG PAR 'BEBS PA DANG, GRVA SA GRVA TSANG GI LA RGYAR PHAN PA'I BYA BA LAS KYI 'KHOR LO'I SGO 'PHAR DU MA THABS LA MKHAS PA'I 'DU BYED KYIS LEGS PAR 'BYED PA DANG, THUGS DAM ZAB MO'I RNAL 'BYOR LA NYIN MTSAN KHOR YUG TU MI G-YEL BA'I DANG NAS SNGON MED PA'I LEGS BSHAD DU MA'I BKA' RTZOM MDZAD PA SOGS TSUR MTHONG GI BLOS DPAG PAR DKA' BA MANG DU MDZAD 'DUG STE, MNYAM RJES DBYER MED DU SONG BA'I 'PHAGS CHEN DAM PA'I RNAM THAR DU SHES PAR GYIS SHIG ,AO ROD NAS DANG STOBS DANG LDAN PA'I DPON MO 'BUM PHEBS NAS DGA' LDAN PO SHOG THU'I DNGUL GDUNG BZHENGS PAR RJE 'DI LA GZUNGS GZHUG DANG RAB GNAS ZHUS PAS MKHAS DBANG KLU 'BUM RAB 'BYAMS PA BLO BZANG

DON GRUB KYIS MCHOD G-YOG DANG, RGYUD SMAD BLA MA DBU MDZAD PA YONGS KYI DGE BA'I BSHES GNYEN CHEN PO SMON LAM SHES RAB SOGS DGE BSHES 'GAS ZHABS PHYI ZHUS NAS, GTZO BOR DNGUL GDUNG DANG ZHAR LA SGO MANG GRVA KHANG DANG BCAS PA LA'ANG RAB GNAS RGYAS PAR MDZAD, SKABS DER BLA MA DBU MDZAD PA LA BKA' BKYON YANG YANG MDZAD PAS, ZHABS PHYI RNAMS KYIS DON MED DU 'DI LTAR GNANG BA MI RIGS SO SNYAM DU MA RANGS BA BYAS 'DUG KYANG PHYIS SU KHONG LA BAR CHAD YOD PA MKHYEN PA'I RTAGS SU SHES TE YID CHES KYI DAD PA LHAG PAR THEB, SBYIN SREG GI SKABS CHAS 'JUG DANG DUS RGYAN GSOL BAS, DE NYIN GZHAN DANG MI 'DRA BAR SKU ZIL CHE ZHING DRUNG DU 'KHOD PA PHAL CHER GYIS YI DAM GYI LHA DNGOS SU BYON PA LTA BUR MTHONG, LO DE'I DGUN RGYUD SMAD BLA MA DBU MDZAD SMON LAM SHES RAB DGA' LDAN DGUN CHOS LA BYON PA BSNYUNG NAS RJE 'DI'I DRUNG DU SKYABS 'JUG DANG THUGS DAM BRTAG PA ZHU BAR BYUNG BAS, DUG YIN 'DUG KYANG KHYED TSO PHAR MA SLEB GONG LA THAG CHOD 'GRO BA 'DRA, 'ON KYANG BUM CHU DGOS NA KHYER GSUNG NAS KHONG TSO PHAR SONG BA'I LAM DU BLA MA DBU MDZAD GSHEGS ZER BA GO BAS RJE 'DI LA THUGS DAM GSAL 'DEBS ZHUS PAS, ZHAL NAS, 'DI BYANG SEMS ZHIG YIN, TSE 'DIR RI KHROD LA BZHUGS NAS SGRUB PA MDZAD NA TSE RING ZHING GZHAN LA PHAN THOGS PA ZHIG 'BYUNG, SNGAR NAS NGAS RI KHROD LA SDOD CES YANG YANG LAB KYANG KHOS RGYUD KYI BLA MA BLOS MA THONG BAR BSDAD BAS LAN PA YIN, SNGA SOR RMI LAM DU'ANG MKHA' 'GROM ZHIG GIS SMON LAM SHES RAB 'DI BYANG CHUB SEMS DPA' ZHIG YIN KYANG, SGRUB PA MA BYAS NA TSE RING PO MI YOD ZER

, ,BA ZHIG BYUNG GSUNG, RJE NYID KYANG BLA MA DBU MDZAD 'DI LA THUGS RTZIS SHIN TU CHE BAS THUGS 'GYOD CHER MDZAD, RGYAL PO LHA BZANG DANG, JA'I SANG 'GA' ZHIG DUG GIS NA NAS GDAN 'DREN DU BYUNG BA LA, PHEBS NAS RGYAL PO LA TSE RTA ZUNG 'BREL GYI RJES GNANG DANG, KHYUNG KHRA'I RJES GNANG, BUM CHU BYIN PAS, DE MA THAG TU DUG SBYANGS NAS NAD DANG BRAL BAR GYUR CING, JA'I SANG TSO LA'ANG DE BZHIN MDZAD PAS GCIG LA'ANG SKYON MA BYUNG, NYIN GCIG SDE SRID SANGS RGYAS RGYA MTSOS RJE 'DI LA SHOG GSUNG BA LTAR PHEBS PAS, SDE SRID BZHIN BSGYUR NAS RGYAL PO NA BDE 'GA' ZHIG GI SA DUG YIN 'DUG ,DA LTA THU MO YOD PA RED ZER, YANG 'GA' ZHIG GIS DUG YIN 'DUG KYANG SGO MANG BLA MAS RJES GNANG DANG BUM CHU BYIN LAS GRAG 'DUG ZER, KHYED KYIS MKHYEN AE BYUNG ZHES DRI BA MDZAD PAR, RJE 'DIS NAD CI 'DRA YIN NGAS MA SHES, SKU RIM 'GA' ZHIG BYAS PAS DGA' RU SONG ZER, GANG LTAR YANG RANG RE SO SO SKYE BO MA RIG BAS DBANG GIS KHYED SANGS RGYAS BYANG SEMS RNAMS KYI THUGS ZUR SBYAN ZUR LA PHOG PA YOD NA BZOD PA BZHES DGOS ZHUS PAS CANG MI GSUNG, SHES DAR JAS SANG ZER BA'ANG NA NAS 'CHI LA THUG PA RJE 'DIS BUM CHU BYIN BSAM 'GYANG BAR GRAG ,DE'I SNGON DU SDE SRID KYI GSOL DPON DUG GIS NA NAS SMAN PA MKHAS PA SUS KYANG PHAN MA THOGS PAR, ZLA BA LNGA SONG NAS 'CHI LA THUG DUS, RJE 'DI NAN GYIS GDAN DRANGS NAS TSE DBANG ZHUS, TSE CHANG MA 'THUNGS PA LA CI YIN DRIS PAS, NAD 'DI'I RGYU CHANG LA BRTEN PA YIN PAS, CHANG 'THUNG NAN TSABS

CHE RU 'GRO BA ZHIG 'DUG ZHUS PAR, CHANG LA LJAGS SNGAGS GNANG NAS 'THUNG BCUG PAS NA TSA GANG YANG MA BYUNG BAR CUNG ZAD BDE RU SONG, KHYUNG KHRA'I RJES GNANG DANG BUM CHU BYIN PAS 'PHRAL DU GRAG NAS KHONG TSOS KYANG GRUB RTAGS SU 'DUG CES MOS GUS LHUR BLANGS SHING LEGS 'BUL GZAB RGYAS ZHUS, DGUNG LO NGA BRGYAD BSHING MO BYA'I LO, SMON LAM GYI SKABS, SDE SRID DANG RGYAL PO GNYIS MA 'CHAM PAR SER 'BRAS KYI BLA MA RNAMS PHEBS DGOS BYUNG BA LA RJE 'DI YANG BYIN, LA MO CHOS SKYONG GI LUNG BSTAN LTAR, RGYAL PO MTSO KHA LA PHEBS PAR THAG BCAD, SDE SRID NAS BLA MA TSOL, RGYAL PO BZUNG NA JI LTAR YONG ZHES GROS DRIS PAS, BLA MA GZHAN RNAMS NI CANG MI GSUNG, RJE 'DIS, RGYAL PO 'DZIN RGYU YIN NA, NGA DE'I GROS NANG NA MED; MTSO KHAN RGYAL PO'I NYE RIGS THAMS CAD YOD PAS DE RNAMS KYIS NGED TSOL YAG PO BYAS MI YONG ZHES ZHUS PAR BRTEN, BLA MA GZHAN RNAMS KYIS KYANG DE DANG PHYOGS MTHUN PA ZHUS PAS 'DZIN MA NUS, RGYAL PO PHEBS KHAR RJE 'DI LHA SAR GDAN DRANGS NAS RJES GNANG 'GA' ZHIG DANG SKYABS 'JUG ZHUS PAS, KHYOD GANG LA SONG YANG RJE RIN PO CHE'I BSTAN PA THUGS LA 'DOGS DGOS ZHES ZHAL BKOD MDZAD, CHIBS RTA KHAMS PA BZANG PO ZHIG YOD PA DE'ANG PHUL, DE DUS RJE 'DI'I MNAL LAM DU, DMIGS BRTZE MA'I DBYANGS RING PO 'THEN PA ZHIG BYUNG BAS, ZHAL NAS, RGYAL PO 'DI RJE RIN PO CHE'I BYIN GYIS RLABS PA'I SGRUL PA ZHIG YIN, BYANG LA SONG BDE LEGS 'DUG ,SLAR 'DIS RJE'I BSTAN PA LA PHAN THOGS BZANG PO YONG ZHES SKU 'KHOR 'GA' ZHIG LA SNGAS

, ,PA'I TSUL GYIS GSUNG, NYIN GCIG SDE SRID KYIS SHOG GSUNG BA LTAR BYON PAS, MGRON GNYER ZHIG BTANG NAS, SGO MANG BLA MA KHYOD LA SNGA SOR RTA KHAM PA BZANG PO ZHIG YOD PA DED LTA GANG NA YOD DRIS PAR, LHA BZANG BYAD LA PHEBS SKABS RDZOD BA BYAS ZHES ZHUS PAS, DA RUNG KHYOD LA RTA DE'I BRGYUD PA YOD 'GRONG LA YANG GCIG BYIN ZER BYUNG, SNGE SRID LA CI 'DRA ZHIG 'ONG BRTAG PHA MDZAD PA'I MNAL LAM DU, RI ZHIG GI NGOS NAS RDO CHEN PO ZHIG 'GRIL BYUNG BA LA SKYOR AE THUB DGONGS KYANG, MA THUB PAR RI RTZAR LHUNG NAS CHAG SONG BA BYUNG BAS, SDE SRID 'DI YUN RING MI BZHUGS PA 'DRA GSUNG, LO DER 'CHAD NYAN DMAR ZHING GSUNG CHOS LA RNAM THAR DAD PA'I 'JUG NGOGS DANG, BLA MA'I RNAL 'BYOR PHYI NANG GSANG GSUM; BYANG CHUB LAM SGRON, SPYAN SNGA BLO GROS RGYAL MTSAN GYI BLO SBYONG SOGS MANG DU GSUNG, SNGA SOR GLA TSANG DU BLA MA MANG POS 'JUG PA 'DZUG BZHED KYANG MA TSUGS LA, RJE BLO GROS RGYA MTSO PAS, SEMS BSKYED DRUG PA BAR DU BTZUGS NA'ANG PAR SKABS SU LUS SONG BAR BRTEN, RJE 'DIS THUGS KHUR BZHES TE LO SNGA MAR SEMS BSKYED DRUG PA'I BAR DU BTZUGS SHING, LO 'DIR SEMS BSKYED BCU PA BAR DU 'DZUGS RTZIS MDZAD YOD KYANG, NYIN GCIG CHOS GRVAR TSOGS GTAM MDZAD NAS 'JUG PA 'DI GRVA PA THAMS CAD KYIS THUGS 'DZIN GNANG GRUB BSTUN 'DZUGS RTZIS YIN KYANG, DA 'PHRO 'DI NAS CI 'DRA YONG MI SHES SHING, SHER PHYIN GYI MDOR, SUS SHES RAB KYI PHA ROL TU PHYIN PA 'DI 'BRIN YANG MYUR DU BRIS, 'DON NA YANG MYUR

DU THON, ZHES GSUNGS PA LTAR BDUD KYI BAR CHAD KYI DBANG GIS LUS MI 'GRO BA'I NGES PA MI 'DUG GSUNGS NAS 'PHRAL DU 'DZUGS PAR MDZAD, DE'I MIG LTOS KYIS BLO GSAL GLING LA TSUGS SHING, DE NAS GRVA TSANG GZHAN RNAMS LA'ANG DAR RGYAS CHE BAR BYUNG NGO, ,ZLA BA LNGA PA'I NANG DU BYANG NAS RGYAL PO LHA BZANG GI DMAG SDE SRID KYI STENG DU 'ONG BA LA, GZHUNG NAS SE 'BRAS DGE GSUM RGYUD STOD SMAD BCAS KYI BLA MA BCAS DMAG BYOL LA 'GRO DGOS GSUNGS PA LTAR, RJE 'DI YANG PHEBS NAS BLA MA RNAMS KYIS DMAG PHYIR 'THEN PA'I NGO CHEN MDZAD KYANG, RGYAL POS, NGA GLANG THANG BAR DU MI 'OD BA'I THABS MED ZER NAS BYOL MA THUB, DE'I RGYU MTSAN SDE SRID LA ZHUS PAS KHO RANG 'ONG NA YANG 'OD CHUG ,BOD KYI DMAG THAMS CAD LA'ANG 'THAB 'DOD 'DUG ZER, DE NAS NYI MA GNYIS TZAM SONG RTID SLAR YANG GZHUNG NAS BLA MA THAMS CAD PHEBS DGOS GSUNGS PA LHAR, RJE 'DI DANG BCAS BYON KYANG SNGON GYI LAS 'DI MTHA' BTZAN PA'I DBANG GIS BZLOG MA THUB, BLA MA RNAMS KYIS RGYAL PO DANG SNGE PA GNYIS PAR CHINGS BYAS NAS, SDE SRID KYIS KHRI BZHAG NAS GONG DKAR RDZONG LA BZHUGS, GZHUNG RGYAL PO LA SPROD PA BYAS SO, ,DE NAS RJE 'DI'I GSUNG LTAR GRVA PA RNAMS KYIS RGYAL PO LA KHA BTAGS PHUL, 'BRAS SPUNGS BLA MA RNAMS KYIS ZHUS NAS, STOD LUNG MTSO SMAD 'BRAS SPUNGS SPYI SOR SBYOR 'JAG MDZAD, RJE NYID KYIS RGYAL PO LA ZHUS TE, STONG LUNG GAS PO ZER BA SGO MANG LA PHOG THEBS SU GNANG, RGYAL POS SER SMAD 'DIS SNGA SO RANG LA YAG PO MA BYAS PAS LAS SNA RNAMS BSAD NAS GRVA TSANG GTOR RGYU

, ,YIN ZER BA LA, RJE 'DIS, KHYED DGE LUGS KYI SBYIN BDAG BYAS NAS DGE LUGS KYI GRVA TSANG CHEN PO ZHIG GTOR LUGS YOD DAM GSUNGS NAS NGO CHEN MDZAD PAS BKA' BZHIN SGRUB CING LAS SNA RNAMS SROG GI CHAD PA LAS GROL, DE NAS RGYAL PO BYANG LA PHEBS RTZIS MDZAD DE SKYAR PO GZHI KHAR BYON, DE SKABS SDE SRID BZUNG NAS STOD LUNG DU KHYER BA GSAN PAS, NGO CHEN DU 'BRAS SBUNGS KYI BLA MA THAMS CAD PHEBS, RJE 'DI YANG BYON NAS SKYOR MO LUNG PA TSOR DRIS PAS, 'DI NAS YAR KHYER MA THAG YIN ZER BAR THUGS LA DE RING RJES ZIN NA SOG PO TSO'I LAG NAS 'PHROG DGOS DGONGS NAS MGYOGS PAR PHEBS PAS, BLA MA GZHAN RNAMS KYIS ZAM PA BSKOR NAS SONG, RJE 'DIS ZAM PA BSKOR NA 'GOR 'GRO GSUNG NAS CHU LA RGYAG RTZIS MDZAD PAR, ZHABS PHYI BA RNAMS KYIS CHU CHEN PO 'DUG PAS BRGAL THUB PA MI SNAD ZHUS KYANG MA GSAN PAR CHUR BRGAL NAS STOD LUNG SNANG RTZER RGYAL MO TSE RING BKRA SHIS YOD PA'I SAR BYON NAS SDE SRID GANG NA YOD GSUNG BAR, MED ZER BA LA, KHYED TSO DE 'DRA MA ZER, NGA DE RING CIS KYANG MJAL 'PHRAD BYED DGOS YOD GSUNG NAS BKA' BKYON MDZAD PAS, BKRONG NAS MED, KHYED 'DIR BZHUGS NAS GUNG TSIGS MDZAD NAS PHEBS NA ZHUS PAS, KHYED TSO LAS MA RABS PA MI 'DUG ,SDE SRID BKRONG RGYU YIN NA NGA LA THOS BCUG NA CI SKYON GSUNGS NAS THUGS MA DGYES PAR PHYIR PHEBS, NYIN DER THUGS 'KHRUGS NAS RGYUN GYI ZHAL 'DON MANG PO CHAG SONG BAR GRAGS, SDE SRID GRONG SMAD PA 'DI

GRUB MTHA'I CHAGS SDANG DANG GROGS DAN PAS BSLAD DE RJE 'DI LA DNGOS DANG BRGYUD PA'I SGO NAS MI RIGS PA'I SBYOR BA SNA TSOGS BYED BZHIN PA YIN KYANG, DE DUS SKYO NGAL MED PAR SROG SKYOB PA'I PHYIR DU BYON PA NI, SNYING RJE CHEN PO'I GZHAN GYI DBANG DU GYUR PAS BYANG CHUB SEMS DPA' CHEN PO RNAMS KYI NGANG TSUL YIN 'DUG GO ,DE LA 'DI SKAD CES BYA STE, MGON PO GANG GI MDZAD PA'I NYIN BYED PHRAG DOG MI GI GAS MI BZOD PA, ,MA RUNGS 'BYUNG PO'I GNYIS SKYES RNAMS KYIS KHYOD LA SNYING NAS MTHO BRTZAM KYANG; ;RTZUB MO'I SBYOR BAS RGOL BAR MI MDZAD SDUG PA'I GNYEN BZHIN LEGS DGONGS PA, ,TSUL 'DIS KHYOD KYI THUGS RJE'I DKYIL 'KHOR KUN LA KHYAB PAR RJES SU DPOG ,JI LTAR NYAM CHUNG BYIS PA CHUS KHYER BA, ,DE TSE BRTZE BAS MA YIS 'BAD PA BZHIN, ,MGON MED SKYE BO 'JIGS LAS SGROL BA'I SLAD, ,THUGS RJE'I PHYAG RING RKYONG BA'I DA RMAD BYUNG, ,'ON KYANG LAS KYIS BYIN PA YIS, ,SDUG BSNGAL ME TOG BSTEN DGOS PA, ,'DI YI SLAD DU RGYAL BA KUN, ,LHAN CIG 'DUS KYANG CI BYAR YOD, ,DPAL LA RAB SDANG MI BSRUN SKYE BO JI LTA JI LTAR NYAMS NYES PA, ,DE LTA DE LTAR DAM PA RNAMS KYI THUGS RJE'I SNYING STOBS LHAG PAR 'PHEL, ,GANG 'DI BDAG NYID CHEN PO RNAMS KYIS NGO MTSAR SPYOD PA'I RANG BZHIN TE, ,DGE PA'I LAM 'DIR DMAN PA GANG DAG YI RANG TZAM YANG SGRUB PAR DKA', ,CHEN PO 'DI KUN 'JIG RTEN DANG, ,MDZA' BA'I RTZE DGA' KHONG NAS RGOD, ,KHYOD NI 'JIG RTEN DANG 'GAL BA'I, ,BYA BA MA LUS BDAG GIR MDZAD, ,CES BYA BA NI BAR SKABS

, ,KYI TSIGS SU BCAD PA'O,, ,,'BUM STENG DU SNGA MO RJE RIN PO CHE'I SBYIN BDAG YIN PA'I SNGAGS PA ZHIG LA, RJE'I THUGS DAM GYI RTEN 'JIGS BYED MGON CHOS RNAM SRAS BCAS KYI ZHAL THANG YOD PA RNAMS SKU ZHABS SU PHUL PA LA, GU RU DRAG PO'I GSER SKU KHAM CAN GCIG ,SBUB CHA RTZI DMAR MA GCIG ,GOS CHEN YUG GCIG BCAS STZAL TE GNAD SBYIN GYIS YID TSIM PAR MDZAD, THO DER TSAL GYI LHA BRIS PAS RJE RANG GI BKOD PA LTAR RNAM THAR BRGYA DANG NGA GSUM MA ZHAL THANG BCU GSUM LA TSUD PA ZHIG BZHENGS, ZHAL GSER GYI NANG NAS GSER BLANGS NA KHYED TSO LA NYES PA CHE BAS, GSER DGOS NA ZUR DU BYIN CHOG GSUNG ZHING, BZO BO RNAMS YON GYIS MNYES PAR MDZAD, STON KA BSTAN PA'I 'PHEL RGYAS KYI DON DU 'JIGS BYED KYI ZHI BA'I SBYIN SREG ZLA BA GCIG GI RING LA MDZAD, AO ROD SBYONG GAR NAS STOBS KYI 'KHOR LO'I BSGYUR BA JO RUG THU HUNG THI 'JI'I 'TSAMS ZHUS PA 'OD NAS 'BUL CHEN PHUL BAR BSTAN PA'I LA RGYA'I SKOR GYI ZHAL BKOD GNANG, NYIN GCIG TSOGS GTAM GNANG NAS DA RUNG BOD 'DI LA CI YONG HA MI GO BAS THAMS CAD KYIS SKU RIM LA 'BAD DGOS, DGE 'DUN GYI SDE DANG DGON GNAS RNAMS LA 'TSUBS CHA CHE, MANG PO MTSON GYIS 'CHI BA'I LUNG BSTAN KYANG YOD GSUNG, YANG NYIN GCIG RJE TZONG KHA PA'I BSTAN PA 'DI LA KHYED TSO SUS KYANG LOG PA DRAN MI NYAN, RANG 'PHUNG YONG 'DI LA MTHO DMAN SUS KYANG PHAR 'GYUR TSUR 'GYUR DANG, PHAR BSRE TSUR BSRE BYED MI RUNG, DA'I TSIG BDEN MI

BDEN SNGA SOR YANG MTHONG BA DE YIN, DES MTSON MA 'ONGS PA'I 'BYUNG 'GYUR RNAMS MNGON SUM DU MKHYEN PA'I RDO RJE'I TSIG DU MA BYON SNANG NGO, ,DGUN CHOS LA DAM BCA'I TSOGS DBUR PHEBS NAS, RIGS LUNG GTONG MKHAN SO SOR GO BA CHAGS MA CHAGS ZHIB RTOGS MDZAD, DGUNG LO NGA DGU PA SHING KHYI'I LO 'CHAD NYAN SHIN TU DMAR ZHING GSUNG CHOS LA MDO SDE RGYAN GNANG, RGYAL PO'I SRAS MO TSOGS BRGYA MAN NAS 'DAM DU GDAN DRANGS PA LTAR BYON PAS, SRAS MO DER MA PHEBS GONG NAS GSHEGS TSAR 'DUG KYANG, RGYAL PO'I AU RGER ZHAG SHAS BZHUGS TE RKYEN SEL GYI RJES GNANG CI RIGS MDZAD PAR DNGUL SRANG SUM BRGYA DANG GOS DAR GYI 'BUL BA SOGS BSNYEN BKUR TSAD MED PA ZHUS, PHYIR LAM BSANG GI MGON PO BYIN CAN MJAL NAS GDAN 'DREN DGONGS KYANG 'TSUB LTAS BYUNG BAS 'JOG PAR MDZAD, BAR SKABS SHIG ,RGYA NAG NAS BANG CHEN PA 'ONGS TE, SKU ZHABS TSANGS DBYANGS RGYA MTSO RGYA NAG TU GDAN DRANGS PA LA, RGYAL POS SE 'BRAS DGE GSUM RGYUD STOD SMAD KYI BLA MA LAS SNE RNAMS BSDUS NAS BKA' GROS MDZAD PAR GZHAN RNAMS KYIS MA PHEBS NA DGA' ZHES ZHUS SHING, RJE 'DIS, SKU ZHABS PHEBS MA BCUG NA RGYA NAG RGYAL POS NGED TSO LA YAG PO BYAS MI YONG, DE LAS PHEBS BCUG NA SKU ZHABS RANG GI MDZAD 'PHRIN DANG BSTAN DON LA RGYA GANG LA'ANG PHAN ZHES GSUNGS PA LA, PHAL CHER GYIS SGO MANG BLA MAS MA 'DOD PA YIN NO ZHES SKYON DU RTOG PAR BYED DO, ,DE NAS SKU ZHABS RIN PO CHE RGYA NAG TU PHEBS RTZIS KYI CHIBS KHA

, ,BSGYUR NAS MTSAN NYID GLING KHAR THAB BSU'I STENG DU BZHUGS YOD THOG 'BRAS SPUNGS KYI GRVA PA KHA SHAS KYIS MGO BYAS NAS PHEBS MA BCUG PAR DGA' LDAN PHO BRANG DU GDAN DRANGS TE BZHUGS SU BCUG ,DE NAS MI NGAN RE GNYIS KYIS DKRUGS SHING BYAS TE 'BRAS SPUNGS GLING DU 'UR ZING CHEN PO BYUNG YANG MTHAR RANG ZHIR SONG, SLAR RGYAL PA'I SKU ZHABS KYANG GONG MA CHEN PO DANG, LHA BZANG GI 'DOD PA LTAR RGYA NAG TU CHIBS KHA BSGYUR, DE SKABS REJ 'DIS RJE BTZUN TZONG KHA PA'I BSTAN PA THUGS LA BCANGS NAS RANG GZHAN KUN LA 'PHRAL PHUGS SU PHAN PA'I GSUNG MANG PO BYON KYANG, LUS MED BDAG POS BYIN GYIS RLABS PA'I SKYE BO DAG GIS GTI MUG GI BUD SHING PHRAG DOG GI RLUNG GIS SPAR TE, SKUR 'DEBS KYI ME LCES DGE BA'I NAGS TSAL YONGS SU BSREGS PA'I LAS LA BRTZON PAR GYUR ZHING, DE'I KHROD NAS KHAL KHA DGE 'PHEL ZER BA ZHIG GIS SKUR ZHUS SNA TSOGS BYAS PAS DE MA THAG SMYOS NAS NGA CHOS RGYAL YIN, RVA 'DI YIN ZER NAS MGO STON CING GCER BUR THON NAS GLING BAR DU RO LANGS LTA BUR RGYUG PA MI KUN GYIS MTHONG ZHING ZHAG GSUM SONG MTSAMS KHA NAS KHRAG SKYUGS TE SHI NAS MTHU STOBS NUS PA'I RANG GZUGS MNGON SUM DU BSTAN PAS GZHAN RNAMS KYANG 'DAR ZHUM PAR GYUR, DE NAS CHOS MTSAMS LA GRVA KHANG STENG NAS RGYUD STOD SMAD SOGS NAS 'OD BA DANG, DGON PA RANG GI GRVA BA MANG PO DANG, GZHAN YANG BLA CHEN DGE BSHES DU MA DANG BCAS DGE 'DUN BRGYA PHRAG MANG PO LA 'GREL PA BZHI SBRAGS KYI BSHAD LUNG ZHIB PAR STZAL TE,

ZUNG 'JUG RDO RJE 'CHANG GI GO 'PHANG SGRUB PA'I THABS PHYIN CI MA LOG PA LAG MTHI LA GYI RDZAS BZHIN DU GSAL BAR BSTAN PAS RDO RJE'I RIGS KYI GDUL BYA RNAMS NI RNYED PA'I MCHOG LEGS PAR RNYED DO SNYAM DU RAB DGA'I GLU DBYANGS SRID RTZE'I BAR DU SGROGS PAR GYUR TO, , MJUG TU RGYUD GTOD PA SOGS KYI PHYAG LEN KYANG RGYAS PAR MDZAD, RGYUD SMAD MKHAN PO RDO RJE 'CHANG DGE 'DUN PHUN TSOGS KYIS LE'U BCU BZHI PA YAN RJE 'DI'I DRUNG DU SDAR GSAN CING, DE MAN MA GSAN PAR BRTEN KHONG GIS KYANG SKABS DER GSAN PAR PHEBS, GSANG 'DUS RIM GNYIS KYI DMAR KHRID KYANG STZAL, DBYAR CHOS SKABS DA LTA MI TSO TSAB TSUB CHE BAR 'DUG PAS, KHYOD KYIS BYAS PA DGA' ZHES MKHAS PA'I DBANG PO KLU 'BUM RAB 'BYAMS PA BLO BZANG DON GRUB GRVA TSANG GI CHOS KHRIMS PAR BSKOS, SNGA SOR RGYA NAG LA 'BUL SDUD BTANG BAR SKYE DGU'I GTZUG RGYAN LCANG SKYA RDO RJE 'CHANG NAS BDAG RKYEN MDZAD PAR BRTEN, RNYED PA YANG GTOS CHE BAR BYUNG BA RNAMS NYE ZHO MED PAR 'BYOR, LCANG SKYA RDO RJE 'CHANG NAS RIGS GRVA GNYIS KYI RING LA BZHUGS NAS 'CHAD NYAN MDZAD NA BSTAN PA LA PHAN PAS RGYUN RING BZHUGS DGOS ZHES PA'I BKA' SHOG KYANG GNANG, MTSO KHA'I 'BUL SDUD PA RNAMS KYANG DE DUS 'BYOR, GRVA PA RNAMS KYANG RJE 'DI LA DAD GUS SHIN TU CHE BAS ZHAL 'DEBS BSAM GYIS MI KHYAB PA PHUL, LO DER RIGS GRVA GTONG BAR MDZAD PA LA, GNYUG MAR GNAS PA RNAMS DANG, PHYOGS GZHAN NAS KYANG GRVA PA MANG PO SKAL LEN LA PHEBS BA BCAS, DGE 'DUN BDUN STONG TZAM 'DUS SHING, PHYAG MDZOD PA DANG, DO DAM PA RNAMS KYIS DGE BSKOS LA GSUNG

, ,NAS; SKAL LEN DU PHEBS PA RNAMS ZUR DU 'DON PA MA MDZAD NA, PHYAG RDZAS KYIS THEM DKA' ZHES ZHUS, DE BYED MI NYAN TSOGS JI TZAM CHE BTZAM GYIS RANG RES BSOD NAMS THOB GSUNG, RIGS GRVA SNGA MA RNAMS KYI SKABS SU ZHAL 'DON RGYUN RING ZHING TSOGS GLENG YUN THUNG BA BYUNG BAS, ZHAL NAS, NGA'I RIGS GRVA'I STENG LA BGRO GLENG RTZAL DU 'DON DGOS PAS ZHAL 'DON MANG PO 'DON SA MED, SBYIN BDAG RNAMS KYANG SKU RIM MANG PO DGOS NA NGA'I RIGS GRVA 'DIR MANG JA GTONG MI DGOS, BGRO GLENG LAS LHAG PA'I SKU RIM GDAN YOD, 'DON PA MANG PO BTON PA LAS BGRO GLENG GI TSIG RE RE BSOD NAMS CHE GSUNG BAS, DE LO LAS TSOGS LANG YUN RING BA MA BYUNG SKAD, RIGS GRVA TSUGS PA LA NYE BA'I SKABS BSAM NGAN ZHIG GIS GRVA TSANG DBU MDZAD DPA'I RA'I NGAG DBANG MKHAS MCHOG LA DUG BTANG NAS THU MOR NA BA LA RJE 'DI THUGS KHROS PA LTAR MDZAD NAS, DE YIN PHYIN GRVA TSANG DBU MDZAD 'DI RIGS GRVA'I TSOGS LA 'DON PA 'DON THUB PA ZHIG CIS KYANG BYED DGOS GSUNG, DUG SBYONG MDZAD PAS TSES GCIG NAS BZUNG RIGS GRVA'I DBU MDZAD BYED THUB PA BYUNG BAS THAMS CAD NGO MTSAR BA'I GNAS LA BKOD, RIGS GRVA NYI MA NYI SHU RTZA GSUM GYI PAR DU GTONG BAR MDZAD PA LA, BLA MA GZHAN GYI RIGS GRVA LA 'KHUR BA GTONG SROL MED KYANG GTONG DGOS GSUNG NAS 'KHUR BA BTANG BA LA GRO ZHIB KHAL DRUG BRGYA LHAG TZAM SONG, NYIN RE BZHIN RTZAM KHAL BZHI BRGYA DE MA MTHA' BYAS NAS TSAR GNAD PA LA RTZAM KHAL STOD PHRAG DGU DANG SUM BRGYA TZAM SONG, NYIN

DANG PO LA KHA BTAGS NYIN BDE MA RE'I 'GYED BTANG BA LA SKAL LHAG DANG BCAS STONG PHRAG BRGYAD SONG, NYIN GNYIS PA LA MANYDZI'I 'GYED, NYIN GSUM PA LA HOR NGAR GYI 'GYED, NYIN BZHI BAR DNGUL ZHO RE THOB NGES KYI GOS CHEN GYI 'GYED, GSER 'GYED LA GSER ZHO DRUG BRGYA SKOR, GRVA PA GSUM RE LA DNGUL SRANG RE BTAD PA LA DNGUL SRANG STONG PHRAG GNYIS DANG SUM BRGYA LHAG SOD, GRVA PA DRUG CU RE LA JA KHOR DRUG MA RE BTANG BA LA KHOR DRUG MA DRUG BRGYA SONG, NYIN RE BZHIN 'GYED 'CHAG MED GNANG; LHAG MCHOD LA GRVA TSAD BZHI PO SGO MANG GRVA KHANG DU 'TSOGS PAR MANYDZE KHA RE DANG GRVA BA BCU RE LA JA SBA GA RE'I 'GYED BTANG, PHYOGS GZHAN GYI SGRUB SDE TSO LA RIGS GRVA'I SKU SKAL PHUL ZHING, DPAL 'KHOR CHOS SDE'I MKHAN PO KLU 'BUM CHOS RGYA MTSO SOGS BLA CHEN PHYOGS NA BZHUGS PA RNAMS LA'ANG RIGS GRVA'I SKU SKAL PHUL, SGO MANG GI LHAG MCHOD LA GRVA PA GSUM RE LA GOS KHA RE DANG GRVA PA RE LA DNGUL BAL tAm DE BTANG, DE LTAR RJE 'DI'I BYIN RLABS DANG 'PHRIN LAS KYI CHU GTER LAS BYUNG BA'I ZANG ZING GI MCHOD PA LOG 'TSO'I RNYOG PA DANG BRAL BA'I ME TOG GI TSOGS DU MAS RIG PA DANG GROL BAR SMRA BA'I DGE 'DUN 'DUS PA RGYA MTSOR BSNYEN BKUR BLA NA MED PA MDZAD CING, DE DAG GI DGE BA'I RTZA BA RNAMS KYANG BYANG CHUB KYI BAR DU MI ZAD PA'I THEG PA CHEN PO'I BSDO BA'I THABS MKHAS KYIS RGYAS 'DEBS PAR MDZAD DO, ,STON CHOS LA 'CHANG NYAN SHIN TU DMAR ZHING MDO SDE RGYAN GYI GSUNG CHOS GRUB NAS BSLAB BTUS KYI 'JUG DANG, BLO SPYOD PHAL CHER GSUNG, DGUNG LO DRUG CU PA ME PHAG GI LO SMON LAM LAM PHEBS

, ,PAR SKU MTSAMS DAM PO MDZAD, DE NAS MI'I DBANG PO LHA BZANG HAN GYIS SKU ZHABS PAD DKAR 'DZIN PA PHO BRANG CHEN PO PO TA LAR GSAR DU SPYAN DRANGS TE KHRI STON MDZAD PA'I LEGS 'BUL DU BYON, DE NAS GZHUNG LA RJE 'DIS GRVA TSANG GI BLA MA'I DGONGS PA ZHUS, GRVA MANG GIS PHYAG BTZAL NAS NAN CHER GSOL BA BTAB KYANG MA GSAN PAR AU TSUG MDZAD PAS GZHUNG NAS KYANG DGONGS PA GNANG, BLA MA GSAR PA BSKO BZHAG LA BYANG RTZE MKHAN RIN PO CHE DGE 'DUN PHUN TSOGS MDO SNGAGS THUB BSTAN YONGS RDZOGS KYI DGE BSHES YIN PAS, RJE 'DI'I THUGS LA BZHED YOD KYANG, HA LDONG BA RNAMS KHAM TSAN GYI PHYOGS RIS KYI DBANG DU SONG STE KHONG LA MI DGA' BA DANG, RGYAL PO'I SKU ZHABS NAS MKHAN RIN PO CHED DGONGS BSTUN MDZAD PA'I TSE, DPON SLOB RIN PO CHE'I 'PHRO LA BDAG LTA BUS BLA MA MI YONG GRVA TSAD GI ZHAL CHOD DKA' ZHES DGONGS PA ZHUS 'DUG PAS STABS MA 'GRIGS, DE NAS HA LDONG BA SOGS KHAM CHAN SO SOS RANG RANG GI 'DOD PA'I BLA MA BSKO DGOS ZHES MA 'CHAM PA LA, RJE 'DI'I ZHAL NAS, KHYED TSOS 'THEN KHYER DANG PHYOGS RIS BYAS PAS MI CHOG ,NGA'I RJES LA BLA MA SU BSKO NGAS SHES MOD, GAL TE KHYED TSOS MI 'GRIGS PA BYED NA, MGON PO'I GTOR MA BSHIG RGYU YIN GSUNG BAS THAMS CAD SKRAG NAS THUGS BZHED LTAR MDZAD NA LEGS ZHUS PAS, SNGA SOR KHRI RGYA NAG PA'I SKABS KYI RTEN 'BREL GCIG KYANG YOD, HA LDONG BA RNAMS KYIS 'DOD CING RGAN RIM YANG YIN PAS NYI MA THANG PA BLO BZANG SHES RAB BSKO DGOS GSUNG NAS

BSKO BZHAG MDZAD, SNGA SOR SPYI 'JOG GI SROL MI 'DUG PA LA, MCHOD BSHAMS SOGS 'JOG PA BZANG PO GNANG, PHEBS KHAR RTEN 'BREL GYI KHYAD RTZAM KHAL LNGA LAS ZHAL ZAS CHEN PO ZHIG BZHENGS NAS BZHAG PA LA BLA MA RJES MAS RJE 'DI PHEBS PHRAL DU BSHIG PAS RTEN 'BREL 'CHUG NAS KHRI YANG MTHAR MA PHYIN PAR SNANG NGO, ,DE YANG 'JAM MGON SA SKYA PAndI TAS, DAM PA DPON DU BSKOS GYUR NA, ,DON GRUB PA DANG BDE SKYID THOB, ,NOR BU RGYAL MTSAN RTZER MCHOD NA, ,YUL PHYOGS DGE ZHES MKHAS RNAMS SGROGS, ,ZHES PA LTAR MKHAS SHING GRUB PA'I DBANG PHYUG CHEN PO 'DI NYID KYIS SGO MANG GI 'CHAD NYAN PA MDZAD RING GRVA TSANG DU'ANG SGRIGS LAM DAM ZHING GRVA PA RNAMS PHAN TSUN THUGS MTHUN PA DANG, NAD DANG 'THAB RTZOD NYUNG BA DANG, 'CHAD NYAN GYI RTING BSKUL LAN CIG MA YIN PAR YANG DANG YANG DU MDZAD PA'I DRIN LAS 'DZIN GSHAR SBYANGS DANG RTZOD PA SOGS DBYAR MTSO LTAR GONG DU 'PHEL ZHING, GANG GI YON TAN PADMO'I MTSO LA YONGS SU 'KHOR BA'I BLO GSAL DANG MO 'BUM SDE'I TSOGS KYIS LUNG RIGS MGRIN PA'I RDZA RNGA NYIN MTSAN KHOR MO YUG TU BRDUNGS PAS DGE LDAN BSTAN PA'I CHU GTER CHEN PO CI YANG MDZES PAR BYAS PA LAS, DE'I DUS NYID NA MTSUNGS PA MED PA'I CHOS GRVA 'DI NI RIGS PA SMRA BA RNAMS KYI 'BYUNG KHUNGS GCIG PUR GYUR TE, ZHVA SER PO'I COD PAn 'DZIN PA'I KLOG PA THOS BSAM PA RNAMS KYI KHROD DU RGYAL MTSAN GYI TOG LTAR KHYAD PAR DU 'PHAGS PAR GYUR TO, ,DER MA ZAD RJE 'DI'I BLA MA MDZAD PA'I RING LOG 'TSO DANG BRAL BA'I CHOS KYI MTHUN RKYEN ZAD MI SHES PA BYUNG ZHING, SNGAR PHOGS THEBS KYANG

, ,DKON PO YOD PA LA, RJE NYID KYI THABS MKHAS DANG RTZOL BA DRAG POS PHOGS THEBS KYI MCHOD GZHI YANG GONG SMOS LTAR MANG DU SBYOR 'JAG MDZAD PA SOGS KYIS MTSON, BLA MA SNGA MA SUS KYANG BSKRUN DU MED PA'I LUGS GNYIS ZUNG 'BREL GYI SGO NAS MAS BU BZHIN DU SKYONG BAR MDZAD PAS GRVA TSANG RANG LA RJE 'DI'I BKA' DRIN GYI PHUNG PO 'GRAN ZLA DANG BRAL BA YIN LA, RGYU MTSAN DE'I PHYIR GZUR GNAS KYI SKYE BO RNAMS SGO MANG BLA MA ZHIG LA RJE 'DI NYID LAS GRVA TSANG LA PHAN PA'I MDZAD PA DANG PHYAG RDZAS RLABS CHE BA MA BYUNG ZHES DA LTA'I BAR DU'ANG MGRIN GCIG DANG DBYANGS GCIG GIS SGROGS PAR SNANG NOG, ,DE NAS RJE 'DI SE CHEN ZHABS DRUNG GI KHANG PAR SPOS NAS BZHUGS, DE DUS SKU ZHABS PAn CHEN RIN PO CHE 'BRAS SPUNGS SU PHEBS PA LA 'BUL BA GYA NOM PA PHUL NAS 'JIGS BYED BSKYED RIM CHEN MO'I LUNG GSAN, BAL PO'I BZO BO KHA SHAS KYIS DNGUL SRANG PHYED DANG LNGA BRGYA LAS, THUB DBANG, 'JIGS BYED, RJE RIN PO CHE'I SKU GSUM GAR BLUGS KYIS BZHENGS PAR MDZAD; DE DUS HOR SMIN GROL CHOS KYI RGYAL PO'I SPRUL SKU'I DON LA LUNG BSTAN ZHU BAR MDO SMAD GSER KHOG DGON NAS BANG CHEN PA 'ONG STE, BRTAGS PA MDZAD PA'I MNAL LAM DU, SMIN GROL CHOS KYI RGYAL PO'I SKU BANG DU, RJE RANG GI DBU BZHAG NAS BZHUGS 'DUG PA LA BLA MA'I SKU MDUN NAS NYAL BA 'DI MA LEGS DGONGS PA DANG MNAL SANG, YANG MTSAN SMAD LA RMI LAM BZUNG BAR SDAM BZHIN BYUNG BAS, NGA'I BLA MA'I SPRUL SKU 'DI 'KHRUL MED DU 'DUG GSUNG NAS THUGS DGYES DGYES MDZAD,

THUGS GNYER LA SBYANGS DGOS LUGS KYI ZHAL BKOD GSUNG 'PHRIN BCAS STZAL, ZLA BA DGU PAR RTA 'ON RGYUD KHANG DU GNAS BRTAN 'DUL BA 'DZIN PA CHEN PO DGE BA'I BSHES GNYEN BLO BZANG PHUN TSOGS SOGS SKYES CHEN DU MAS GSOL BA BTAB PA LA BRTEN NAS DGE 'DUN BRGYA PHRAG MANG PO LA ZHAG MA BCVO LNGA'I RING CHOS THUN RING PO GNYIS GNYIS BYAS TE LAM RIM CHEN MO'I BSHAD LUNG RDZOGS PAR GNANG, RGYAL BOS RJE 'DI LA PHA BONG KHA'I MKHAN PO MDZAD DGOS ZHES ZHU SHOG PHUL BAR, THUGS DGONGS LA BOD KYI BLA MA GZHAN BYED BSAM PA MED KYANG PHA BONG KHA 'DI GNAS NYER BZHI'I NANG GI DE WI KO tI BYA BA YIN PAS BOD NAS 'DUL GYI GNAS LA 'DI LAS BZANG BA MED, CHOS RGYAL SRONG BTZAN SGAM POS KYANG LHA SA'I SA 'DUL 'DI NAS MDZAD 'DUG PAS, NGA YANG BYANG PHYOGS LA SONG NAS DGON PA GSAR 'DEBS KYIS 'DUL 'DI NAS BYAS NA RTEN 'BREL LEGS PAR 'DUG SNYAM DU DGONGS NAS ZHAL BZHES MDZAD DE, ZLA BA BCU PA'I LNGA MCHOD KYI NYIN 'PHAGS PA 'JIG RTEN DBANG PHYUG GI MI 'JIGS SENG GE'I KHRI LA ZHABS SKYES KYI PHRENG PA RNAM PAR BKOD DE, KHRI STON KYANG RGYAS PAR BYAS, DGUNG LO RE GCIG PA SA BYI'I LO, DGE BSHES BLO BZANG RIN CHEN, LA MO NAM MKHA', LA MO BSTAN 'DZIN, SEMS NYID DAM CHOS, BDAG GI BLA MA MKHAN CHEN DGE 'DUN RGYA MTSO SOGS, GZHUNG LUGS RAB 'BYAMS SMRA BA'I DBANG PO DGE BSHES DU MA 'DUS PA LA LEGS BSHAD SNYING PO'I BSHAD LUNG RGYAS PAR STZAL ZHING, DE'I DRIN GYIS DA LTA'ANG MA NUB PAR DAR RGYAS SU BZHUGS PA 'DI LAGS SO, ,GZHAN YANG

, ,KHRID CHEN BRGYAD, LAM RIM CHEN MO'I BSHAD LUNG, BSKYED RDZOGS KYI KHRID, GDUGS DKAR GYI DBANG CHEN SOGS STZAL, PHA BONG KHAR GSANG 'DUS TSOGS 'DON DU BTZUGS, NYAD PO SANG SING YANG MTHUN RKYEN GYI CHED DU RGYAL POS PHUL, PHAR PHYIN SKABS DANG PO DANG BZHI PA GNYIS LO DER LJAGS RTZOM MDZAD, STON KA MDO SMAD NAS DGA' LDAN AER TE NI JU NANG GIS WA SHUL DGE SLONG 'PHRIN LAS BANG CHEN LA BTANG NAS GDAN 'DREN ZHUS PAR SANG PHOD PHEBS RTZIS YIN GSUNG NAS BKA' LAN GNANG, DGUN GYI RING PHAL CHER LA, BYANG PHYOGS SU 'BYON PA'I GEGS SEL DANG, DGON PA GSAR 'DEBS KYIS 'DUL LA DMIGS NAS SKU MTSAMS MDZAD PA'I DGON PA'I GNAS DANG 'PHEL RGYAS DANG SPYIN BDAG SOGS JI LTAR 'BYUNG GSAL BAR GZIGS, LAN CIG SGOM PA RIN CHEN BSTAN 'DZIN GYIS MDO PHYOGS LA PHEBS NAS DGON PA BTAB NA, RJE ZHAL BZHUGS RING LA 'PHEL RGYAS 'ONG YANG DE'I 'PHRO NAS GA 'DRA 'ONG MI SHES ZHUS PAS, ZHAL NAS, NGA'I RJES LA SANGS RGYAS BYANG SEMS DUMS BSAM BZHIN DU DER SKYE BA BZHES NAS BSKYANG 'ONG GSUNG, YANG LAN CIG NGED SNGA MO DGE 'PHEL NA YOD PA'I DUS SU DGON PA GSAR 'DEBS KYI CHED DU BRTAG PA MDZAD PA'I MNAL LAM DU, GRVA TSANG GSAR DU TSUGS PA'I THOG MAR GRVA PA MANG PO 'DUG KYANG, GRVA PA PHAL CHE BA NA BZA' DAN PA DANG, MA 'DZOM PA DANG, PAGS PA'I THUL BA GYON PA DANG, PHU DUNG MA YANG RE GNYIS 'DUG PA RMIS, ZHES GSUNGS PA PHYIS SU DE KHON LTAR BYUNG, SKU

MTSAMS NANG DU RAB 'BYAMS PA NGAG DBANG GIS LO RJES MAR JU NANG GIS GDAN 'DREN 'OD MI 'OD BRTAG PA MDZAD NA ZHUS PAS, MNAL LAM DU, 'JAM DPAL RANG BZHIN MA'I DBYANGS RING PO 'THEN PA ZHIG BYUNG BAS GDAN 'DREN PA 'OD BAR DGONGS, DE NAS DGUN SLAD, RGYAL PO JU NANG GIS DPAL 'BUM AER KHE JAS SANG GDAN 'DREN LA BTANG BA 'BYOR NAS RJE 'DI MDO SMAD DU 'BYON PA'I DGONGS PA GNANG DGOS ZHES GZHUNG LA ZHUS PAS, RGYAL POS RE ZHIG BZHUGS NAS SKU ZHABS RIN PO CHE LA BKA' CHOS 'BUL DGOS GSUNG YANG RJE RANG GI THUGS BZHED LTAR LO PHYI MAR BYANG PHYOGS SU PHEBS PAR THAG BCAD, DGUNG LO RE GNYIS PAS MO GLANG GI LO, DGE BA'I BSHES GNYEN TZUN DBAR BSTAN PA LHUN GRUB SOGS LA LAM RIM CHEN MO'I BSHAD LUNG 'DZUB KHRID, BDE MCHOG DRIL BU LHA LNGA'I DBANG CHEN DANG, GDUGS DKAR GYI DBANG BYANG 'GROL GYI PHYAG LEN DANG BCAS PA, SRAD RGYUD KYI KHRID CHEN BRGYAD KYI LUNG SOGS BKA' CHOS MANG PO STZAL, SKABS DER, DPON AER TE NI JU NANG GIS WA SHUL DGE SLONG 'PHRIN LAS LA KHAL RTA BSKUR NAS BSU BAR BTANG BA'ANG 'BYOR, PHYAG MDZOD RAB 'BYAMS PA NGAG DBANG GLO BUR DU NA PA LA RJES GNANG 'GA' ZHIG GNANG YANG SKYED MA BYUNG BA LA, MTHU BYAD KYI LTAS SU 'DUG GSUNG NAS THUGS KHROS PA LTAR MDZAD DE DRUG CU PA BA SNGO GRABS MDZAD PA NA DANG CIG MNYAM PAR BZHAG STE, RAB 'BYAMS PA SOS THABS MI 'DUG PAS DRUG CU PA BSNGO MI DGOS GSUNG NAS 'JOG PA GNANG, DE NAS MA 'GYAD BAR RAB 'BYAMS PA NAD DE'I RKYEN GYIS GRONGS PAS MANG JA GRVA JA

, ,'GYED SOGS DGE RTZA RGYA CHER BSGRUB, SKYE BA DRAN THABS SU 'JAM DBYANGS KYI BRGYA THANG GSER GYIS BZHENGS DGOS GSUNGS NAS, LHA BZOD BA 'BYAMS PA PHUN TSOGS KYIS KHUR LEN BYAS TE BZHENGS GRUB PA'I TSE GSER GYI MDANGS NGAN PAS SKYE BA DRAN THUB PA MI 'DUG GSUD, GRVA TSAD SDE PA ZUR PA KLU 'BUM RAB 'BYAMS PA BLO BZANG DON GRUB PHYAG MDZOD DU BSKOS, DE NAS GZHUNG GI BKA' LTAR PO TA LAR BYON NAS GZIMS CHUNG KHAMS GSUM ZIL GNON DU BZHUGS, GZIMS CHUNG BKRA SHIS BKOD PAR, THAMS CAD MKHYEN PA NGAG DBANG YE SHES RGYA MTSO DPAL BZANG PO'I ZHAL SNGA NAS DANG, RGYAL PO LHA BZANG DANG, BYANG RTZE MKHAN PO DGE 'DUN PHUN TSOGS, AE MCHI DAR MO NAS SOGS LA, BDE MCHOG DRIL BU LHA LNGA, GSANG 'DUS, 'JIGS BYED BCU GSUM MA, BKA' GDAMS THIG LE BCU DRUG BCAS KYI BKA' DBANG 'BUL BAR MDZAD, PHYAG G-YOG TSOS DE RING DBANG GNANG PA'I KHANG PA DE LA BKRA SHIS BKOD PA ZER 'DUG ZHUS PAS, DA PHYIN TSAD DANG RANG TSO GANG DU SOD PA'I SA LA BKRA SHIS ZER BA ZHIG THOGS 'ONG, THOG MAR BKRA SHIS SGO MANG GI BLA MA BYAS, DE NAS MCHOD GZHI BKRA SHIS RTZE BYUNG, 'DI BKRA SHIS BKOD PA YIN 'DUG GSUNGS PAS, DON GYIS BKRA SHIS 'KHYIL YANG LUNG BSTAN, DE SKABS GZHUNG NAS BZHUGS KHRI RGYAB YOL SOGS DGA' LDAN KHRI RIN PO CHE DANG 'DRA BAR BYAS TE 'BUL PA DANG, BSNYEN BKUR TSAD MED PA GNANG, DE NAS MDO SMAD DU 'BYON PAR CHAS TE ZLA BA DRUG PA'I TSES PA LNGA'I NYIN 'BRAS SPUNGS

SU PHEBS, BLA MA RNAMS DANG TSOGS CHEN DGE BSKOS SOGS LAS SNA MANG MAS CHIBS BSU DANG, GRVA MANG GIS SER SBRENGS MDZAD DE RGYAL BA RIN PO CHE PHEBS PA'I LUGS LTAR GUS 'DUD LHUR BLANGS, DE NAS LHA KHANG GLING DU BZHUGS TE, DGE BSHES DU MAS THOGS DRANGS DON GNYER BA MANG DU 'DUS PA LA, 'JIGS BYED SNGAGS BTU, MGON PO GRIB SEL, BLA MGON DBYER MED, BAR CHAD KUN SEL, 'JAM DBYANGS AA RA PA TZA NA, RDOR SEMS RNAMS KYI RJES GNANG DANG 'JAM DPAL MTSAN BRJOD, RTZA BA SHES RAB, DBUM 'JUG PA, SBYOD 'JUG ,LAM SGRON RNAMS KYI KLAGS LUNG DANG, SKYABS 'GRO DANG, RDO RJE SEMS DPA'I BSGOM BZLAS GNYIS KYI BSHAD LUNG SOGS 'DOD CHOS DU MA'I CHAR PHAB, 'BRAS SPUNGS TSOGS CHEN LAM JA DAD BKRA SHIS KHA BTAGS RE'I 'GYED, SPYI 'JOG LA 'GAN SBYAR DNGUL SRAD SUM CU RI BA GCIG DANG BSOD BTAGS BRGYAD CU BZHAG ,SGO MANG LA JA THUG DANG 'GYED BAL tAm RE, SPYI 'JOG LA GOS CHEN GSER JUS RNYING PA SPUS LEGS SNA TSOGS LAS GRUB PA'I PHYE 'BUR CHE LEGS GCIG DANG BSOD BTAGS BRGYAD CU BZHAG ,GRVA TSANG GI MGON KHANG DU GOS CHEN MA DNOG? LAS GRUB PA'I BLA BRE KHYAD 'PHAGS GCIG DANG, RGYA SBU BA LEGS PA GCIG BCAS PUL TE, RJE RANG NYID KYIS BSKAD PA DANG 'PHRIN BCOL SOGS RGYAS PAR MDZAD, NYAD PO SING SANG GRVA TSANG LA PHUL NAS JA SUL 'PHAR MA RE GTONG BA'I KHA CHAD BYAS, BKRA SHIS DGE 'PHEL GYI MCHOD GZHI 'JUG PA'I JA SUL GYI THEBS LA SBYAR TE LO RE BZHIN DU HOR ZLA

, ,BCU PA'I BCO LNGA NAS NYER LNGA'I BAR DBU MA 'JUG PA MA CHAG PAR GSUNG BA'I SROL BTZUGS, BLO GSAL GLING, BDE YANGS, SNGAGS PA RNAMS LA GRVA JA 'GYED SPYI 'JOG BCAS PHUL, HA LDONG KHAM TSAN LA TSOM JA DANG 'GYED SPYI 'JOG ,KHAM TSAN GZHAN RNAMS LA DKAR YOL YU RING STEGS DANG BCAS PA RE BZHAG ,DGA' LDAN DANG SE RA TSOGS CHEN GNYIS LA MANG JA DANG 'GYED SPYI 'JOG GYA NOM PA GNANG, SE RA BYES SMAD GNYIS LA'ANG SO SOR GRVA JA DANG 'GYED SPYI 'JOG SOGS LEGS PAR PHUL TE, RIGS PA DANG GROL BAR SMRA BA'I DGE 'DUN GYI SDE RNAMS RNYED PA DANG BKUR STIM YANG DAG PAR MNYES PAR MDZAD, DE NAS SGO MANG GI GRVA KHANG DU GDAN DRANGS TE GSOL STON RGYAS PAR ZHUS, LAS SNE DANG DPON CHOS MDZAD SOGS KYIS 'BUL BA'I TSAN GRANGS DANG, GRVA MANG GIS MJAL DAR PHUL TE PHYAG DBANG ZHUS, HA LDONG DANG BSAM BLO GNYIS KYIS KYANG RANG RANG GI SPYI KHANG DU GDAN DRANGS TE BSNYEN BKUR DANG 'BUL BA GZAB TE PHUL, ZHAL NAS, BSAM BLO'I RGAN PA RNAMS LA NGED KYIS BLA MA BYED RING KHYED RNAMS KYIS GANG LEGS BYAS PA YIN ZHES THUGS DGYES PA'I GSUNG GNANG, KHAM TSAN GZHAN RNAMS KYIS GDAN DRANGS PA'I SAR 'BYON MA THUB KYANG RANG RANG GI 'BUL BA GYA NOM PA PHUL, SNGA SOR PHYAG MDZOD RAB 'BYAMS PA NGAG DBANG NA SKABS DGA' GDONG CHOS SKYONG LA LUNG BSTAN ZHUS PA'I LAN DU, GRAGS RGYAL MAS GNOD PA YIN PA 'DRA BA ZHIG GSUNG 'DUG PAR BRTEN, SLAR CHOS SKYONG RANG NAS GRAGS RGYAL MAR DO CHEN MDZAD DGOS PA'I ZHU SHOG

PHUL BAS, DE CHEN LA LAN MA GNANG BAR 'DI LTAR, HR'I: BYANG PHYOGS MUN PA'I SHA ZAN GYI RGYAL POS PHO NYA MNGAGS PA LA BRTEN NAS SLOB DPON GYI CHIBS KHA BYANG PHYOGS SU BSGYUR SKABS 'DRE'I GNAS KHANG DU RIB TZAM PHEBS NAS NGOS MJAL GNANG NA RTEN 'BREL GYI LEGS TSOGS SHIN TU CHE BAS CIS KYANG PHEBS PAR ZHU, ZHES SNYAN SGRON PHUL YOD PAR BRTEN, SKABS DER DGA' BA GDONG DU BYON, CHOS SKYONG GIS BSUS NAS MJAL DAR PHUL, DE NAS RJE NYID KYIS TSAN GRANGS SOGS PHUL TE 'PHRIN BCOL MDZAD PA'I LAN DU, HR'I: YID DGA' CHOS 'DZIN RGYAL BA'I GDAN SA NAS, ,SRAS KYI THU BO SDOM BRTZON 'DZIN PA'I TSUL, ,BYAMS BRTZE'I SPYAN GYIS RGYUN CHAD MED PA RU, ,DNGOS SU GZIGS PA 'JAM MGON BLO BZANG GRAGS, ,MGON KHYOD DENG NAS BYANG CHUB MA THOB PAR, ,GUS PAS 'DUD DO BRTZE BA'I LCAGS KYUS ZUNGS, ,SNGON BKA' GDAMS KLU MES DUS NAS DGE BA'I BSHES GNYEN STON PA CHEN PO, GZUGS MED DREGS PA DANG 'BREL BA'I YANG SRID, RGYAL BA KUN GYI YAB GCIG RJE BTZUN BRTAN PA'I 'KHOR LO, ZHING 'DIR SRID GSUM RNAM RGYAL 'JAM MGON BLO BZANG GRAGS PA'I MDO SNGAGS BSHAD SGRUB KYI BSTAN PA NYIN MO LTAR GSAL BAR MDZAD PA'I PHYIR BSAM BZHIN DU, DUR SMRIG GAR GYI RNAM PAR ROL PA'I TSUL BZUNG BA'I SLOB DPON DANG LHA TSES DE RING MJAL BA, GZUGS MED SHING BYA CAN NGA YANG SKAL BA BZANG ZHING SPRO BA CHE STE, RE ZHIG ZHING 'DI'I GDUL BYA MA RDZOGS PAS CHA SHAS TZAM BZHUGS PAR 'OS NA YANG, NAG PO'I PHO NYAS DUS BTAB STE CHIBS KYI KHA LO SGYUR BAR

, ,NGED CAG CHOS SKYONG DREGS PA'I TSOGS KYANG KHREN CHA SHIN TU CHE NA'ANG, DA LAM SHA ZAN GYI RGYAL PO'I BKOD PA BZLOG TU DKA' ZHING, BYANG PHYOGS RGYA HOR YUL GYI SEMS CAN RNAMS LA DAM PA'I CHOS KYI BGO SKAL STZOL BA'I DUS LA'ANG BABS PAS, CHIBS KYI KHA LO SGYUR BA LA BGEGS RIGS BAR CHAD KYI MTSAN MA CHER MED PAS 'DRES KYANG RNAM PA KUN TU 'PHRIN LAS GANG DRAG AE 'BYUNG LTA, DGON PA YANG BKRA SHIS 'KHYIL ZER BA ZHIG LA BTAB NA LEGS ZHES MI 'GYUR RDO RJE'I TSIG GI LUNG BSGRAGS SHING, DE NAS SLAR YANG 'BRAS SPUNGS SU PHYAG PHEBS SO, ,DE LTAR SHES BYA'I GNAS LA LTA BA'I BLO GROS KYI MIG DRI MA MED PA DANG NI LDAN, GZHAL DU MED PA'I MNGON PAR RTOGS PA'I YON TAN GYI TSOGS DU MAS NI BRGYAN, SKAL BZANG SKYE BO KUN GYI NYER 'TSOR GYUR PA'I RNAM PAR DKAR PA'I 'PHRIN LAS NI MCHOG TU RGYAS, 'CHAD PA DANG RTZOD PA DANG RTZOM PA LA THOGS PA MI MNGA' BA'I RNAM DPYOD GSER GYI 'KHOR LO RTZIBS STONG DU 'BAR BAS THUB BSTAN NOR 'DZIN KHYON KUN LA NI YONGS SU DBANG BSGYUR BAS SA GSUM GYI DAM PA'I CHOS KYI 'KHOR LOS BSGYUR BA CHEN POR GYUR TE DRI MA MED PA'I LEGS PAR BSHAD PA'I BKA'I SPRING YIG LUNG DANG RIGS PA'I DBANG PHYUG MKHAS PA RGYAL PHRAN DU MA'I TSOGS KYI MGO BOR NOR BU RIN PO CHE'I COD PAN BZHIN DU NGAL GSO BAR GYUR TO, ,SMRAS PA, SNGON BSAGS RIN CHEN RI BO'I SPOR GNAS MKHAS MANG SUM RTZEN ROL PA'I DBUS, ,MI 'JIGS CHOS KYI KHRI CHEN GANG DER TSOGS GNYIS RGYAS PA'I GZI BYIN CAN,,

CHOS KUN LTA BA'I 'DREN BYED STONG LDAN BSHES GNYEN LHA DBANG KHYOD BZHUGS TSE, ,RGOL DAN LHA MIN KUN LA MI 'JIGS DPAL DE SKAL BZANG LHA BRGYAS 'DZIN, ,BLO BZANG RIGS LAM SMRA BA'I GANGS KYI SUL, ,SMRA PA'I SENG GE CHEN PO KHYOD KYIS NI, , BZUNG BA DE TSE DREGS LDAN MKHAS RLOM GYI, ,RI DVAGS MA LUS 'DAR BA BZHIN DU SNANG, ,NGO MTSAR BKRA SHIS KU MUD BRGYAS BRTEN 'DZUM DKAR RLABS PHRENG SGEG CING ROL, ,DE YI ZHAL GYI 'O MTSO RAB GSAL YID 'ONG GAL TE MA MTHONG NA, ,LEGS BSHAD BDUD RTZI GSAR BA'I DPAL GYIS BLO GROS LUS RGYAS MI 'GYUR ZHES, ,BLO GSAL MKHA' LDING DKAR PO'I TSOGS RNAMS KHYOD ZHABS SNYIG CING MCHOD PAS BROL, ,BRTZE CHEN SPRIN SNGON ROL PA'I NAM MKHA' LAS, ,LEGS BSHAD 'BRUG SGRA RGOD PA'I GRU CHAR GYIS, ,THUB BSTAN CHU GTER GYEN DU 'PHYUR BA NI, ,KHOR YUGS 'DZIN DAG GIS BRTEN PA BZHIN, ,RNAM DPYOD RTZIBS STONG KUN TU 'BAR BA'I LEGS BSHAD GSER GYI 'KHOR LO NI, ,GDUL BYA GLING BZHI'I DBUS NA RGYU BAS THUB BSTAN NAS KUN DBANG MDZAD PA, ,MDO SNGAGS CHOS KYI 'KHOR LOS SGYUR RGYAL KUN MKHYEN CHEN PO KHYOD KYI BKA', ,SA GSUM MKHAS GRUB RGYAL PHRAN BYE BAS RAL BA'I GTZUG RGYAN BZHIN DU 'DZIN, ,ZHES BYA BA NI MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA LAS, CHOS GRVA CHEN PO DPAL LDAN 'BRAS SPUNGS KYI GRVA TSANG PHAN TSUN GNYIS ZHES NYI ZLA LTAR GRAGS PA'I NANG TSAN DPAL LDAN BKRA SHIS SGO MANG GI CHOS KHRIR BYON

, ,NAS ZAB PA DANG RGYA CHE BA'I DAM PA'I CHOS KYI 'KHOR LO LEGS PAR BSKOR TE, BSTAN 'GRO'I PHAN BDE NYIN MO LTAR GSAL BAR MDZAD PA'I LE'U STE BDUN PA'O,, ` ,,DE LTAR MKHAS SHING GRUB PA'I DBANG PHYUG CHEN PO DE NYID KYIS DBUS GTZANG GI PHYOGS SU THUGS RJE'I GTER CHEN RGYAL DBANG BLO BZANG GRAGS PA'I MDO SNGAGS KYI RING LUGS DRI MA MED PA BSHAD SGRUB GNYIS KYI SGO NAS RGYAS PAR MDZAD PA NA, STOBS KYI 'KHOR LOS SGYUR BA MI'I DBANG PHYUG DGA' LDAN AER DHI NI JU NANG YAB SRAS KYIS MDO SMAD DU 'BYON PA'I GSOL BA BTAB PA LA BRTEN, BYANG PHYOGS MUN PA'I SMAG RUM DU NGAM PA'I CHOS KYI SGRON ME CHEN PO GSAL BAR BYA BA DANG, CHOS KYI RNGA CHEN PO RDUNG BA DANG, CHOS KYI RGYAL MTSAN CHEN PO BSGRENG PA'I SLAD DU, DGE BA'I BSHES GNYEN RAB 'BYAMS PA GRAGS PA DANG, MKHAS PA'I DBANG PO RAB 'BYAMS PA BLO BZANG DON GRUB DANG, GZHUNG LUGS RGYA MTSO'I MNGA' BDAG RJE DAG DBANG BKRA SHIS DANG, RAB 'BYAMS PA NGAG DBANG DPAL LDAN DANG, GTZANG PA DKA' CHEN NGAG DBANG GRAGS PA, HOR BLO GSAL DANG, DKA' BCU TSUL KHRIMS RGYA MTSO DANG, RAB 'BYAMS PA 'JAM DBYANGS DANG, RAB 'BYAMS PA DGE 'DUN RGYAL MTSAN DANG, DKA' BCU BSAM GRUB RGYA MTSO DANG, GUNG DU RAB 'BYAMS PA 'PHAGS PA TSE RING SOGS DGE BA'I BSHES GNYEN MANG PO'I 'KHOR TSOGS DU MA DANG BCAS TE MDO SMAD DU BYON PA YIN LA, DE'I TSUL NI LO DE'I ZLA BA DRUG PA'I TSAS PA BCU GSUM GYI NYIN, CHOS GRVA CHEN PO

DPAL LDAN 'BRAS SPUNGS NAS LHA SAR CHIBS KHA BSGYUR, GRVA PA RNAMS RJE 'DI THAG RING DU 'BYON PAS YID GDUNG BA'I MIG MCHI MAS GANG BA DANG BCAS TSE RABS THAMS CAD DU MI 'BRAL BA'I GSOL 'DEBS GDUNG SHUGS DRAG POS BYED CING 'BRAL MI PHOD PA LHAR MDZAD; LCAGS RI'I PHYI LOGS NAS DGON PA NGOS LA ZHAL PHYOGS PAR BZHUGS NAS BSTAN PA RGYAS PA'I SMON LAM DANG SHIS BRJOD MDZAD, GRVA SA GRVA TSANG GI LAS SNA RNAMS DANG DPON CHOS MDZAD SOGS KYIS CHIBS SKYEL DANG BCAS LHA SA RGYUD KHANG DU BYON, BYANG RTZE CHOS RJE DGE 'DUN PHUN TSOGS KYIS BSNYEN BKUR ZHUS, TSES BCO LNGA'I NYIN JO PO'I DRUNG DU PHEBS NAS GSER CHAB DANG, GSER GYI BYE MA NAS DANG SPRAGS NAS MAndAL GYI TSOM BUR BKOD CING JO BO'I SKU LA'ANG 'THOR BAR MDZAD, GZHAN YANG MCHOD PA'I RNAM GRANGS BSAM LAS 'DAS PA PHUL TE SPYAN 'DREN KHRUS GSOL DANG, BSTAN 'BAR MA SOGS GSUNG NAS BSTAN PA RGYAS PA'I BSNGO SMON LEGS PAR MDZAD, RVA MO CHE LA PHEBS NAS KYANG DE BZHIN GNANG BAS RTEN 'BREL LEGS ZHES GSUNG, RGYUD STONG SMAD LA MANG 'GYED DANG SPYI 'JOG BZANG PO GNANG, DE DUS BYANG RTZE MKHAN RIN PO CHES, KHYED AA MDOR PHEBS NA, DBUS LTAR CHOS KHO NAS GZHAN LA PHAN THOGS DKA' BAS, SBYIN BDAG RNAMS KYI NGO 'DZIN SOGS MDZAD DGOS, 'CHAD NYAN KYANG MYUR DU 'DZUGS PA MA GNANG NA SOG PO 'DI TSOL KHRIG KHRIG CHER MED, CES SNYAN SGRON 'GANG CAN ZHIG ZHUS, DE NAS TSES BCU BDUN GYI NYIN LHAS NAS PHEBS, CHIBS THOG LA THON NAS BYANG RTZE MKHAN RIN PO CHES DUNG DKAR LEGS PA ZHIG

, ,PHUL BAS MDO SMAD DU CHOS KYI DUNG CHEN PO SGROGS PA'I RTEN 'BREL 'GRIG ,GZHUNG NAS CHIBS SKYEL BA AUS JING BI CHE CHI DANG, GZHAN YANG BYANG RTZE MKHAN RIN PO CHE SOGS CHIBS SKYEL BA MANG PO DANG BCAS SKU 'BUM THANG DU GZHUNG GI THAB SKYEL YOD PAS DER PHEBS NAS CHIBS SKYEL BA RNAMS PHYIR LOG ,YAB SRAS GNYIS GCIG GCIG LA 'PHRANG BA'I RNAM PAS 'BRAL MI PHOD PA LHAR MDZAD, DE NUB 'BUM STONG DU BZHUGS, DE NAS RIM GYIS BYON PA'I LAM BAR DU; SLOB MA 'GA' LA MGON CHOS GNYIS KYI DBYANGS 'THEN TSUL KYANG SLOB PAR MDZAD, 'PHAN YUL GLANG THANG GI MDOR RGYAL BA BLA MA YON TAN TSUL KHRIMS KYIS THAB BSU DANG 'BUL BA BSNYEN BKUR GYA NOM PA PHUL, DE NAS RIM GYIS BYON TE STAG LUNG DGON PA'I THANG DU ZHAG BZHUGS MDZAD PA'I TSE, STAG LUNG DGON PA'I LAS SNA RNAMS DANG GRVA MANG TSANG MA MJAL DU BYON PA LA PHYAG DBANG DANG CHOS 'BREL GYIS TSIM PAR MDZAD, DE'I PHYI NYIN PHO MDO CHU KHAR GUNG BABS MDZAD SKABS, ZHAL NAS, CHU 'DI GLO BUR DU RGYAS PA'I TSOD 'DUG PAS MGYOGS PAR PHAR KHAR 'GRO GSUNG NAS 'PHRAL DU BYON PAS YUN RING PO MA LON PAR CHU RGYA NAS LCAGS ZAM GYI STENG DU LUD, KHAL RTA 'GA' ZHIG CHUS KHYER BA LA THUGS DMIGS MDZAD PAS DEM THAG 'GRAM LA THON, RVA SGRENG GI MDOR RJE RANG GI SLOB MA BYANG CHUB KYI SEMS LA MYONG BA THON PA'I DGE SLONG TSE BLOS BTANG ZHIG YONG PA DES THAB BSU BYAS, DNGUL GYI BUM PA CHE LEGS GCIG DANG BCAS 'BUL BA PHUL, KHYED KYiS KHRID GNANG BA NAS DA LTA'I BAR DU BYANG CHUB KYI SEMS

BSGOM PA YIN, PHYIN CHAD JI LTAR BYAS NA DGA' ZHUS PAS TSE HRIL PO LA DE KHO NA LTAR GYIS ZHES ZHAL BKOD MDZAD, GAD PA G-YANG RAR ZHAG BZHUGS MDZAD THOG RGYAL PO'I SKU MDUN NAS BANG CHEN PA 'ONG TE AU RGE LA PHEBS DGOS PA'I SNYAN GSAN PHUL, DE'I SANG NYIN RGYAL PO RANG NYID KYI GTZO BYAS RTA PA BRGYA PHRAG MANG PO CHIBS BSUR BYON NAS GDAN DRANGS TE RGYAL PO'I AUR GE LA BYON STON MO RGYAS PAR PHUL, RGYAL PO RGYAL MO SRAS BCAS LA MGON PO BAR CHAD KUN SEL DANG BCU GCIG ZHAL GYI RJES GNANG, RGYAL BA DGE 'DUN RGYA MTSO'I SMYUNG CHOG GI LUNG KHRID BCAS STZAL TE SMIN GROL GYI LAM LA 'GOD PAR MDZAD, RGYAL PO 'DI KHYIM PA YIN KYANG RNAM DPYOD MCHOG TU YANGS PAS SMYUNG GNAS SOGS KYI DOGS GCOD MANG DU ZHUS, BSTAN DON LA RGYA'I SKOR GYI GSUNG 'PHROS KYANG MDZAD PAR, RGYAL POS LA MO CHOS SKYONG GI LUNG BSTAN GZIGS PHUL BA'I NANG DU, 'DZAM BU'I DAR GYI SNE MO RING LA BZANG, ,PHYI MI NANG GRIM DBYE BA MA PHYED NA, ,MA BRGYA BA MDUD PA SRIN BU TSAD DU 'CHA', ,ZER BA 'DUG PAR, RGYAL POS LUNG BSTAN 'DI'I TSIG RKANG DANG PO LEGS PA LTAR SNANG YANG, GNYIS PA DANG GSUM PA MI LEGS PAR 'DUG ,LUNG BSTAN 'DI'I BABS LA ZHIB TU DPYAD NA BSTAN SRID KYI LA RGYA 'DI NGED KYI RGYUD PA MA YIN PA'I MI GZHAN ZHIG LA 'CHOR BA 'DRA ZER BYUNG BA LA; RJE 'DIS BDEN PAR DGONGS KYANG MA MKHYEN PA LTAR MDZAD NAS, TSIG RKANG GNYIS PA DANG GSUM PA LA SKYON CUNG ZAD 'DUG KYANG, TSIG RKANG DANG PO 'DZAM BU'I DAR GYI SNE MO RING LA BZANG, ZER BA 'DI LEGS PAR SNANG BAS SKYON MI 'DUG CES

, ,GSUNG; YANG RGYAL PO'I SKU ZHABS NAS, JU NANG GIS SBYIN BDAG BYAS NAS DGON PA 'DEBS RGYU AE YONG MI SHES, GDAN 'DREN PA YANG JU NANG RANG GI BU TSA BO GANG RUNG ZHIG GTONG RIGS PA LA MA BTANG 'DUG , MAR PHEBS NAS THUGS SUN PO BYUNG NA DED TSO YANG YID 'GYOD CES ZHUS PAR, DE LA KHYED RNAMS SEMS 'TSER BYED MI DGOS, KHONG TSOS SBYIN BDAG BYAS TE DGON PA 'DEBS RGYU MA BYUNG NA, NGAS SLOB MA RNAMS KHRID NAS DBEN GNAS ZHIG TU SGRUB PA SNYING POR BYAS NA DE KA THOB CHE MOD GSUNG, DE NAS RGYAL PO YUM SRAS KYIS LO 'DIR KHYED MA BYON PA'I THABS MI 'DUG KYANG, MYUR DU PHYIR PHEBS DGOS ZHUS PAR, LO LNGA NAS PHYIR 'ONG CHOG ZHES NGO 'DZIN GYI ZHAL BZHES GNANG, DE NAS RGYAL PO RGYAL MO THUN MONG NAS GSER SGA SPUS LEGS CHA TSANG, RNGA MONG GSUM, RTA BCU, KHAL MA NYI SHU, SPU HRUG DMAR KHRA LAS BYAS PA'I GZIMS GUR KHYAD 'PHAGS BCAS PHUL, ZHABS PHYI BA RNAMS LA SNAM BU 'DOM DGU BRGYA TZAM GNANG, AUR GE NAS TSUR PHEBS, 'DAM CHU'I NANG DU CHIBS THOG NAS SKU BSKYOD PAR RGYAL PO'I JAS SANG ZHIG GIS BRTEN PAS SKYON MA BYUNG BAS MI BZANG DE LA RGYAL POS CHO LO GNANG, ZHAL NAS BLA MA LA LTAS LEGS NYES BYUNG BA PHAL CHER SBYIN BDAG LA LTA GSUNGS PA MA 'ONGS PA MNGON SUM DU MKHYEN PA'I BRDAR 'DUG ,COG TZE LAR THANG LHA'I GANGS ZHU BA GZIGS NAS, THANG LHA'I GANGS 'DAB ZHU BA 'DI BOD LA MI BZANG, COG TZE LA 'DI THANG LHA'I MDUN COG YIN, 'DI'I THOG TU MCHOD RTEN BRTZEGS PA BOD YUL GYI

SA DGRA YIN PAS BOD LA GNOD, 'DI'I 'OG NA MNAN PA YOD PA BTON NA LEGS ZHES RGYAL BO LA GSUNG, SA SKYONG DAM PA RGYAL PO LHA BZANG 'DI KO SHR'I BSTAN 'DZIN CHOS RGYAL GYI GDUNG RGYUD DU 'KHRUNGS PAS RIGS RUS MNGON PAR MTHO BA, DPA' MDZAD RTUL PHOD DANG LDAN PAS RGYAL PO R'A MA nA'I KHENGS PA 'PHROG PAR NUS PA, SKU GSUNG THUGS KYI RTEN GSAR DU BSKRUN PA LA SNYING STOBS LHAG PAR DGE BAS CHOS RGYAL MYA NGAN MED KYI 'GRAN ZLAR 'OS PA, DGE 'DUN GYI SDE RNYED PA DANG BKUR STIS YANG DAG PAR MCHOD BA LA RAL PA CAN GNYIS PA LTA BUR GYUR TE, BOD KYI RGYAL PO BYED RING DBUS GTZANG KUN TU NAD DANG MU GE 'THAB RTZOD LA SOGS PA'I RGUD PA DANG BRAL ZHING, KHYIM PA'I SKYE BO RNAMS DANG RAB TU BYUNG BA'I SDE RNAMS CHOS DANG SRID KYI 'BYOR BA LA LHAG PAR LONGS SPYOD PA'I DGE MTSAN GYIS BOD YUL 'DZIN MA'I KHYON KUN YONGS SU KHYAB PAS RDZOGS LDAN GSAR BA'I DGA' STON LA CO 'DRI BAR GYUR TO, ,DE NAS RIM GYIS PHEBS BAR RJE 'DI MTSAN SNYAN GRAGS CHE BA'I STABS LAM BAR DU MJAL BA LAM MI THOB PA LTA BU BYUNG BA LA SO SO'I 'DOD PA LTAR GSUNG CHOS DANG BYIN RLABS STZAL TE 'KHOR BA MTHA' CAN DU MDZAD, NAG CHU KHA'I 'BROG PA RNAMS KYIS KYANG BSNYEN BKUR GYA NOM PA ZHUS, DE NAS RIM GYIS SOG CHU'I KHAR PHEBS PA NA, LO DER CHAR ZHOD CHEN PO BYUNG BAS CHU DE YANG SHIN TU BRUB NAS RAB MA RNYED PAR ZLA BA GCIG SONG 'DUG PA LA, RJE RANG NYID CHU KHAR PHEBS NAS RDO MANG PO CHU'I NANG DU 'PHEN PAR MDZAD PAS DE MA THAG GOM DO'I BAR DU BRI NAS PHAR KHAR PHEBS PA DANG, SLAR YANG CHU BRU BA PAS LAM 'GAG PHYE

, ,BA LTA BU BYUNG STE, PHYI NANG GI RTEN 'BREL LA DBANG THOB PA'I RNAL 'BYOR BA'I KHYAD CHOS SU MNGON, RA RONG SUM MDOR 'BRONG BA'I DPON PO TSOS ZHABS TOG ZHUS, DE NAS RIM GYIS SNYING THANG LA PHEBS, ZHAL NAS, SA 'DI GNAS BZANG PO 'DUG ,DBUS LA YANG THAG NYE, BAR KHAMS 'DIN NGED KYI SLOB MA'ANG MANG PO YOD PAS 'DI RU BSDAD NA DGA' BA 'DRA GSUNG BAS, GSOL DBON DGE BSHES NGAG DBANG BKRA SHIS KYIS, 'O NA BSTAN PA DANG GDUL BYA LA PHAN THOGS YONG MI YONG BRTAGS PA ZHIG GNANG NA ZHUS PAS BRTAG PA MDZAD, SANG NYIN BZANG NGAN GYI LTAS GANG YANG MI GSUNG BAR PHYAG MDZUB BTZUGS NAS DGON GNAS LA THANG PHA GI BZANG BSAM BRJED GSUNG, MA 'GYANGS PAR DPON TSANG GI SU RUG JI'I STENG DU PHEBS, KHONG TSOS BSU SKYEL DANG, BSNYEN BKUR ZHABS TOG PHUN SUM TSOGS PA PHUL, DER BZHUGS SKABS 'BE DKA' BCU ZER BA GLO BUR DU NA NAS 'CHI LA THUG PA LA BKA' BSGO DANG, BUM CHU GNANG BAS NAD LAS GROL, 'DI'I LAG NA RDZAS NGAN 'GA' ZHIG YOD PA GZHAN DU SKYOL GSUNGS PA LTAR SGRUB, DE NAS RIM GYIS RAG SHUL DU PHEBS, DPON PO AUS JING NO YON GYIS STON MO DANG 'BUL BA PHUN SUM TSOGS PA PHUL TE, 'JIGS BYED, MGON PO, CHOS RGYAL GSUM GYI RJES GNANG ZHUS, BSNYEN RDZOGS ZHU MKHAN KHA SHAS BYUNG BA LA, RJE NYID KYIS MKHAN PO, MKHAS PA'I DBANG PO RAB 'BYAMS PA BLO BZANG DON GRUB KYIS LAS SLOB, RAB 'BYAMS PA GRAGS PAS GSANG STON, DGE PA'I BSHES GNYEN

DKA' BCU PA NGAG DBANG BKRA SHIS DANG, SPO TSANG CHOS MDZAD GNYIS KYIS KHA SKONG MDZAD DE BSNYEN PAR RDZOGS PA'I DNGOS PO LA BKOD, 'BRI CHU'I KHAR ZHAG BZHUGS MDZAD THOG ,SDE DGE'I DMAG GIS PHEBS LAM DU BSGUGS 'DUG ZER BA'I SKAD CHA GSAN PAS; DGE SLONG 'PHRIN LAS JAS SANG GNYIS KYIS LAM GZHAN DU DKYOGS NAS PHEBS NA ZHUS PAS, DE 'DRA MI DGOS, SUM CU RTZA GSUM NA LHA PHRAN RE RES KYANG DMAG 'BUM PHRAG MANG PO BZLOG NUS NA, NGAS 'DI TZAM BZLOG LOS THUB, LAM 'DI NAS 'GRO DANG SKYON MED GSUNGS PA LTAR PHEBS PAS DPON SLOB 'KHOR BCAS LA SKYON CI YANG MA BYUNG, DE'I SANG NYIN SKU 'KHOR BA RNAMS LA, KHYED TSO'I LAG NA RTEN GSUM DANG, RIL BU'I RIGS GANG YOD KYANG MA 'DZIN GSUNG NAS THAMS CAD KYIS DOGS PA ZA BA'I RIGS CHU LA SKYUR BAR MDZAD, KARMA PA'I DGON PA ZHIG GI THAD NAS SPRIN NAG PO GLO BUR DU 'KHRIGS TE, SER BA DRAG PO 'BAB GRABS BYAS PAS, THUGS KHROS PA LTAR MDZAD DE, GZHAN PHYOGS PA 'DI TSO LANG LA SHOR NAS KHONG TSOS MTHU YIN ZER YONG BAS GTZANG BA DKA' CHEN NGAG DBANG GRAGS PA LA KHYED TSOS SER BZLOG GYIS GSUNGS NAS RJE RANG GIS THUGS DMIGS MDZAD PAS DE MA THAG RANG ZHIR SONG, BA YAN HA RAR PHEBS SKABS, KHA BA CHEN PO BABS PAS SKU SKED CUNG ZAD BSNYUNG BAR GSOL SMAN GNANG BAS DVANGS, ZHAL NAS, RI 'DIS NGA LA GANG LEGS BYAS PA YIN, SNGA MO 'OD DUS YANG 'DI NAS SNGAR GYI NA TSA LHAG MA MED PAR DVANGS PAS LTAS KYANG LEGS PO BYUNG, DA LAM YANG LTAS SHIN TU LEGS GSUNG, AU LAN 'BEL

, ,DU PHEBS DUS, SDE DGE'I DMAG GIS AA KHU BA THUR THES JI'I KHRAL LEN PA RNAMS BCOM NAS PHAR LOG SONG ZER BA GSAN PAS SKU 'KHOR BA RNAMS KYIS RNAL 'BYOR BA'I NUS PA BSAM GYIS MI KHYAB PAR GO ,DE NAS MTSO SO LO MAR PHEBS PA'I NYIN, DPON TSANG NAS BTANG BA'I CHIBS BSU BA BSTAN BA DGE SLONG 'KHOR BCAS LAM 'DZOL BA MKHYEN NAS, 'DI KA'I NYE 'KHOR LA BA SU MI 'ONG BA TSO LAM 'DZOL BA YIN NAM GSUNG, DE NAS ZHAG GSUM TZAM SONG BA NA, STOBS KYIS 'KHOR LOS BSGYUR BA DGA' LDAN AER DHI NI JU NANG, SRAS DON GRUB DBANG RGYAL, DPON PO RNAM RGYAL TSE BRTAN SOGS KYIS THOG DRANGS RTA PA SUM BRGYA TZAM CHIBS BSU LA 'BYOR, YON MCHOD RNAMS MJAL 'PHRAD MDZAD, KHAL RTA SOGS LAM GYI MTHUN RKYEN GANG DGOS LEGS PAR PHUL BAS DPON SLOB THAMS CAD THUGS MNYES, DE NUB DPON TSANG NAS, GDUGS, RGYA GLING, DUNG CHEN SOGS BSNAMS 'DUG PA LA, ZHAL NAS, BDAG RI KHROD PA TSE BLOS BTANG ZHIG LA DE 'DRA'I SBROS PA MI DGOS KYANG, GDUL BYA'I TSOGS RDZOGS PA'I CHED DU SANGS RGYAS BCOM LDAN 'DAS KYIS GNANG YOD PAS CHOG GSUNG PA LTAR DE NAS BZUNG STE GZIMS BRDA DANG BZHENGS BRDA SOGS BLA CHEN GYI SROL BZHID BTANG, DE NAS RIM GYIS RMA CHU'I KHAR PHEBS TE, RGYA GAR CHU BO GANGG'A YANG 'DI LAS CHE RANG MED PA 'DRA GSUNG NAS BSNGAGS BRJOD MDZAD, TSUR THON 'PHRAL DU GANGS CAN GYI MA GA DHA BZANG MO DBON MO RNAM RGYAL, SRAS MO KUN DGA' RAB BRTAN, BKRA SHES RAB BRTAN RNAMS DANG, GZHAN

YANG PHYOGS SO SO NAS BLA CHEN, MI CHEN SA STENG KHYAB BA LTA BUS CHIBS BSUR BYON, AUR GE GRVA TSANG GI GRVA MANG GIS GDUGS DANG, RGYAL MTSAN DANG, BDAN LA SOGS PA'I MCHOD RDZAS KYI BYE BRAG SNA TSOGS PA THOGS NAS SER SBRENG MDZAD, DPON PO NO YON HA SHAG HA'I AU RGE LA GDAN DRANGS NAS STON MO DANG 'BUL BA BZANG PO BYAS, AA CHI THU NO MIN HAN GYIS NYI MA CHOS RJE 'TSAMS ZHUS LA BTANG BA'ANG 'BYOR, SGOM SDE'I SKYE BAR GRAGS PA KHRI KA'I BIS KYA ZHABS DRUNG BSU BAR BYON NAS STON MO DANG 'BUL BA GZAB NAS PHUL, ZLA BA DGU PA'I TSES DRUG GI NYIN, LHA MO BLA MTSO LA GNAS GZIGS MDZAD PAS KHANG CHEN PO ZHIG BABS BAR DMAG ZOR MA DGYES PA'I LTAS SU 'DUG GSUNG, RAB BRTAN AERKHE THAS JIS GDAN DRANGS TE 'BUL BA DANG BSNYEN BKUR ZHUS; TSES PA BDUN GYI NYI DROS LA DANG PO'I MDOR DPON TSANG GI AUR GE'I STENG DU PHEBS, RTA PA BRGYA PHRAG MANG POS CHIBS BSU DANG, GRVA PA RNAMS KYIS SER SPRENG MDZAD DE BA SUS, DPON TSANG NAS STON CHEN PHUL, DKA' RAM GNYIS KYIS TSOGS LANG BYAS, DBON DPON MO SRAS BCAS KYIS RJE 'DI MTHONG TZAM NAS MI PHYED PA'I DAD PA THOB STE CI GSUNG BKA' BZHIN DU SGRUB CING RIGS KYI COD PAn DU 'DZIN PAR MDZAD DO, ,DBON TSANG GIS RJE 'DI LA GZIMS GUR KHYAD 'PHAGS DANG, PHYAG PHYI BA RNAMS LA SO SOR GUR RE PHUL TE DBON SLOB 'KHOR BCAS NYAMS BDE ZHING BAG PHEBS PAR BZHUGS, DE NAS BZUNG LO PHYED LHAG GI RING LA DPON G-YOG BRGYA DANG NYER GCIG GI 'TSO BA NAR MA DPON TSANG NAS LEGS PAR BSGRUBS, RGYAL MKHAN PO AA CHI THU NO MIN

, ,HAN; RONG PO GRUB CHEN SKAL LDAN RGYA MTSO'I SPRUL SKU RONG PO NO MIN HAN, MDO SNGAGS RAB 'BYAMS LA MKHYEN PA YONGS SU RGYAS PA'I DGE BA'I BSHES GNYEN CHEN PO MA nI PA SHES RAB BKRA SHIS RNAMS MJAL BAR BYON PA LA SO SOR GSUNG GLENG DANG BKA' 'DRI ZHIB RGYAS MDZAD DE PHYIR PHEBS, RKANG TSA'I DKA' BCU'ANG DE DUS MJAL BAR 'ONG NAS, KHYED KYIS DGON PA 'DEBS NA NGA'I SA BKRA SHIS 'KHYIL BZANG ZHUS PAS THUGS SHIN TU DGYES TE SA CHA CHAGS LUGS CI 'DRA YOD CES ZHIB TU 'DRI BAR MDZAD, RGAN KYA'I PAntI TA SA RGAN KYA BRAG DKAR DU 'DEBS DGOS ZHES ZHUS, LA MO NAS RIGS SMRA'I KHYU MCHOG RAB 'BYAMS PA NGAG DBANG 'PHRIN LAS PHEBS PA LA SNGA MO NAS THUGS RTZIS CHE BAS GSUNG 'PHROS SHIN TU 'PHEL BAR GYUR, MDO SMAD BSTAN PA'I SGRON ME ZHABS DRUNG DKAR PO RIN PO CHE'I SKU ZHABS NAS DPON CHUNG NGAG DBANG NOR BU BTANG NAS KHONG GI AURGE LA SPYAN 'DREN GYI SNYAN GSAN PHUL BAS ZHAL GYIS BZHES, 'DI DAG GI SKABS SU PHYOGS PHYOGS NAS BLA CHEN MI CHEN SOGS MJAL BA MANG DU 'DUS PAS NYIN ZHAG MANG POR MJAL KHA GTONG MI THUB PA'I TSOD TZAM BYUNG, DPON PO RNAM RGYAL TSE BRTAN GYIS AURGE LA GDAN DRANGS NAS BSNYEN BKUR PHUN SUM TSOGS PA ZHUS, DE NAS HOR ZLA DGU PA'I NYI SHU LNGA'I NYIN; GZA' SKAR 'PHROD SPYOR LEGS PAR, DPON TSANG NAS GSER GYI MAndAL LA GSER GYI TSOM BU BKOD PAS THOG DRANGS, RIN PO CHE DANG, CHA SPYAD DU MA, GOS CHEN DAR YUG SOGS KYI TSAN GRANGS LNGA BRGYA, RTA NOR LNGA BRGYA, LUG

STONG PHRAG BZHI BCAS PHYI NANG GI BDOG PA RMUGS 'DZIN GYI BANG MDZOD KHA PHYE BA LTAR PHUL TE BSKAL BA RGYA MTSO'I BAR DU BRTAN PAR BZHUGS PA'I GSOL BRTZE GCIG TU BTAB, 'DIS MTSON GONG 'OG GI SKABS 'DI DAG TU RJE 'DI'I MTSAN SNYAN GRAGS KYIS PHYOGS MTHA' DAG NAS DAD LDAN GYI SKYE BO SPRIN BZHIN DU 'DUS TE NYI MA RE RE BZHIN GSER DNGUL DAR ZAB RTA NOR LUG GSUM SOGS ZANG ZING GI 'BUL BA DPE MED PA BYUNG SNANG STE, TSUL DE NI, MKHAS BTZUN BZANG GSUM GYI DRI MAS DBEN ZHING, CHOS BRGYAD LA NYAMS LEN GYI MTHIL DU MDZAD PA'I DENG SANG Gi BLA CHEN RNAMS KYI RNAM THAR GTZO BOR 'DUG KYANG, SRID PA'I PHUN TSOGS KYI YO LANG MTHA' DAG DRI ZA'I GRONG KHYER LTAR DGONGS PA'I BDAG NYID CHEN PO 'DI LTA BU'I RNAM PAR THAR PA PHAL BAR SNANG BAS ZHIB TU MA BRIS SO, ,DE SKABS CHIBS BSU BA LAM 'DZOL BA RNAMS KYANG PHYIR 'BYOR BA LA DPON TSANG NAS BKA' BKYON MDZAD PAR RJE 'DIS NGO CHEN BYAS PAS NYES PA LAS GROL, ZLA BA BCU PA'I TSES LA RTZE MDOR SGAR RGYAB NAS BZHUGS, SA MO GLANG GI LO 'DI RJE RIN PO CHES DGA' LDAN 'DEBS PA'I LO YIN PAS, LO 'DIR DGON PA GSAR 'DEBS KYI SKAR 'DZIN TZAM BYAS NA RTEN 'BREL GYI KHYAD YOD PAS, KHYED RANG TSO RGYA SGAR DANG TOG TI NGOS LA SONG NAS GNAS BZANG BA ZHIG TU BKRA SHIS GSO SBYONG DANG SA BRTAG BSLANG DANG SHIS BRJOD SOGS GYIS GSUNG NAS GTZANG BA DKA' CHEN NGAG DBANG GRAGS PA, SNGE PA RAB 'BYAMS PA BLO BZANG DON GRUB, SNGAGS RAM PA YON TAN, NGAG DBANG DPAL LDAN, DKA' BCU PA NGAG DBANG BKRA SHIS, DPON TSANG

, ,NAS DKA' BCU BSTAN 'DZIN, MDZOD DGE SKU SKYE SOGS SONG LA, SDE BA BLO BZANG GIS SO THAR GYI MDO THON, DKA' BCU PA LA KHYOD MING BZANG BAS MDO BSKUL MKHAN GYIS, NGAS KYANG DMIGS PA BYED GSUNG NAS RDZONG STA MDZAD, KHONG RNAM PAS KYANG PHEBS TE, GNYAN RJE'I RI ZHOL GNAS BZANG BAR DGONGS NAS BKRA SHIS KYI GSO SBYONG DANG SA BRTAG BSLANG GNANG NAS SHIS BRJOD MDZAD PAS RTEN 'BREL GYI LEGS TSOGS KYANG CHE BAR BYUNG, SKABS DER DPON PO ME RGAN D'A'I CHING 'KHOR BCAS BYON NAS 'BUL BA PHUL TE CHOS 'BREL ZHUS, DGUN KA DGON PA GSAR 'DEBS KYI DON LA SKU MTSAMS MDZAD, DBUS SU RGYAL DBANG THAMS CAD MKHYEN PA DANG, RGYAL PO BCAS LA 'TSAMS ZHUS GTONG DGOS GSUNGS NAS RAG SHUL DKA' BCU BLO BZANG BKRA SHIS ZER BA BANG CHEN LA BTANG, SGO MANG DU GRVA RGYUN LA RJE RANG GI SKU TSA 'JAM DBYANGS BSTAN PA DANG, 'JAM DBYANGS MKHAS MCHOG GNYIS RDZONG STA GNANG, GTZOS DPON PO RAB BRTAN ZAS DUG GIS THU MOR NA BA SKYABS 'TSOL DU 'ONG BA LA BUM CHU GNANG BAS GRAG ,DGON LUNG NAS GDAN 'DREN PA 'ONG BAR DBYAR KA PHEBS PA'I ZHAL BZHES MDZAD, DGUNG LO RE GSUM PA LCAGS PHO STAG GI LO, ZLA BA GSUM PA'I TSES GCIG LA SKU MTSAMS GROL, SKU MTSAMS NANG DU RTAGS LEGS PO BYUNG GSUNG NAS GNAS DE LA BKRA SHIS CHOS RDZONG BTAGS, DE NAS TSES PA GSUM GYI NYIN BZHUGS SGAR BTEG NAS SHA PHO RU RTZE'I MDOR BZHUGS NAS DAD LDAN RNAMS PHYAG DBANG DANG GSUNG CHOS KYIS

TSIM PAR MDZAD, ZLA BA DE KA'I BCO LNGA'I NYIN, ZHAL NAS, DE RING GNAS 'DI LA SHA PHO RU RTZE ZER BAS MING LEGS, CHU YANG G-YAS SKOR DU 'BAB PAS DPYAD BZANG BA BCAS RTEN 'BREL MA BSGRIGS RANG 'GRIGS LTA BUR 'DUG PAS, BCOM LDAN 'DAS KYIS DUS 'KHOR RTZA RGYUD DANG, SHER MDO GSUNGS PA'I DUS YIN PAS TSES GRANGS KYANG BZANG, GRVA TSANG BTZUGS PA'I MING TZAM BYED DGOS GSUNGS NAS DGE BA'I BSHES GNYEN NGAG DBANG BKRA SHIS BA CHOS KHRIMS PAR BSKOS, DPON TSANG GIS GRVA PA GSAR BU BCO LNGA PHUL TE, STAG LO HOR ZLA GSUM PA'I TSES BCO LNGA'I SNGA DRO GSO SBYONG MDZAD DE, GUNG TSIGS SKABS DKA' RAM PA RNAMS DANG, GSAR ZHUGS KYI GRVA PA BCO LNGA BCAS DGE 'DUN BRGYA LHAG TZAM CHOS GRVA'I LUGS LTAR 'TSOGS PA LA, LAM RIM CHEN MO'I DBU NAS GSUNG CHOS MDOR BSDUS SHIG STZAL, RTZI BZHAG LA BDE MCHOG tI KA CHEN, GSANG 'DUS tIKKA, DE'I BSKYED RDZOGS, 'DUL MDZOD, RNAM 'GREL, DBU MA PHAR PHYIN, BSDUS GRVA RNAMS NYI MA BCO LNGA'I RING RJE NYID MA CHAG PAR PHEBS TE GNANG, CHOS GRVA GSAR DU TSUGS STON LA DPON TSANG NAS SKU ZHABS SU 'BUL CHEN DANG GRVA PA RNAMS LA 'GYED GYA NOM PA PHUL, RJE NYID KYIS PHYAG MDZOD NAS 'GYED SNA MANG PO GNANG, CHOS THOG GI SBYIN BDAG DPON TSANG NAS MDZAD, NYI SHU DGU LA GSO SBYONG GNANG, PHYIN CHAD CHOS GRVA'I SGRIGS LAM KUN SPYOD MTHA' DAG SGO MANG LTAR GYIS ZHES LAS SNA RNAMS LA BKA' PHEBS, ZLA BA BZHI PA'I TSES GCIG GI CHOS MTSAMS NYIN PHEBS NAS BSNGO BA DANG

, ,SMON LAM RGYAS PAR GNANG, CHOS THOG GI MJUG LA DBUS SU SONG BA'I BANG CHEN PA RNAMS PHYIR 'BYOR BAS, RGYAL DBANG THAMS CAD MKHYEN PA'I SKU ZHABS NAS, RJE 'DI LA SGO MANG AER DHI NI NO MIN HAN ZHES MTSAN DANG THAM KHA SOGS CHEN POR 'OS PA'I YO BYAD KYI SGO NAS GZENGS BSTOD MDZAD 'DUG PAR DPON TSANG NAS DGA' SPRO'I STON MO DANG LEGS 'BUL BSAM GYIS MI KHYAB PA PHUL, ZHAL NAS, NGA DGE SLONG RGAD PO ZHIG LA DE 'DRA DGOS PA MI 'DUG KYANG, KHYED RANG TSO'I BLA MA YIN PAS, CHO LO DANG THAM KHA SOGS KYI CHE RTAGS BYUNG PA, KHYED RANG TSO'I LA RGYAL BZANG BAS DGA' BAR GYIS SHIG GSUNG, ZLA BA DE KA'I TSES PA GSUM GYI NYIN DGON GNAS 'TSOL BA'I CHED DU, DKA' RAM RNAMS DANG, DPON DPON MO, DON GRUB DBANG RGYAL, RNAM RGYAL TSE BRTAN BCAS SKYA SER BRGYA PHRAG DU MA'I 'KHOR GYIS YONGS SU BSKOR NAS TOG TI'I PHYOGS SU CHIBS KHA BSGYUR, DGE 'DUN GRUB YAB SRAS KYI PHYAG LEN LTAR LAM BAR DU'ANG CHOS THOG TSUGS DGOS GSUNG NAS DGONGS ZHOG LA GRVA PA RNAMS KYIS SKU RIM DANG RTZOD GRVA SOGS CHOS THOG LTAR BYAS, THO RU GDONG DU AERKHE D'A'I CHING GIS STON MO GZAB RGYAS DANG, YO BYED DU MAS BSNYEN BKUR ZHUS, TSES PA DGU'I NYIN TOG TI'I BDE MO THANG LA PHYAG PHEBS, DER CHOS 'KHOR, AA MCHOG ,ZAM ZA, RJES TSANG, RDOG ,RE BA TSA SOGS MJAL BA KHRI PHRAG BRGAL BA 'DUS PAR, RIGS GSUM MGON PO DANG, SGROL MA'I RJES GNANG STZAL TE NGAN SONG DU 'GRO BA'I SGO NI YONGS SU BCAD, MTHO RIS

KYI SGO NI LEGS PAR PHYE NAS SKYE BO RNAMS YANG DAG PA'I LAM LA 'GOD PAR MDZAD DO, ,DER 'DUS PA'I MJAL BA RNAMS LA KHYED TSOS NGAS DGON PA GSAR DU 'DEBS PA LA GROGS LDAN DANG MTHUN RKYEN GANG DRAG BYED DGOS ZHES BKA' PHEBS PAS THAMS CAD KYIS GSUNG SPYI BOR BLANGS, GNAS DER BKRA SHIS GSO SBYONG DANG, SA BRTAG BSLANG LTO 'PHYE'I THIG BTAB NAS SA BRKO BA SOGS RGYUD SDE'I DGONGS PA LTAR MDZAD NAS SA 'DUL GNANG, TSES BCU BDUN GYI NYIN RGYA SGAR LA PHEBS, ZHABS DRUNG DKAR PO'I SKU ZHABS NAS GDAN 'DREN YANG BSKYAR GYIS BYUNG BA LA ZHAL BZHES MDZAD, DE NAS GTZOS DPON PO RNAMS KYIS RGYA MKHAR SGAR DU SPYAN DRANGS, SER SBRENG DANG CHIBS BSU RGYAS PA BYAS, ZHAG GSUM TZAM BZHUGS, SGAR BAS SPYI'I 'DU KHANG DU SPYAN DRANGS, STON MO DANG DNGOS 'BYOR GYI MCHOD PA RGYA CHEN POS MNGON PAR MCHOD, STON MO'I GRAL DER DGE BSHES GNYIS TSOGS GLENG LA BZHENGS, LUNG DANG RIGS PA'I DGA' STON LEGS PAR SPEL, DE NAS DPON KHAG SO SOS GDAN DRANGS TE STON MO DANG 'BUL BA DPANG MTHO BA PHUL, MJAL BA KHRIR NYE BA 'DUS PA LA, RIGS GSUM MGON PO'I RJES GNANG STZAL NAS BLA NA MED PA'I BYANG CHUB KYI SA BON KHYAD PAR CAN BSKRUN PAR MDZAD DO, ,DER MDZOD DGE SMAD KYI BLA MA DPON PO GRVA MANG BCAS MJAL BAR 'ONG, 'BUL BA GYA NOM PA PHUL TE CHOS 'BREL ZHUS, GTZOS SGAR BA LA MANG JA DANG 'GYED GNANG, DE NAS DPON PO AU JID THA'I JIS GDAN DRANGS TE KHA KYA SGAR BAR BYON, CHIBS BSU DANG SER SPRENGS RGYAS PAR BYAS, DER ZHAG GCIG BZHUGS, RI DGON

, ,THUN MONG NAS STON MO DANG 'BUL BRGYA CHER PHUL, RIGS PA'I DBANG PHYUG AA KHYUD RAB 'BYAMS PA MKHAS MCHOG GNAS DER MJAL BAR BYON, KHONG DANG YONGS KYI DGE BA'I BSHES GNYEN CHEN PO NGAG DBANG BKRA SHIS PA'I ZHAL SNGA NAS GNYIS KYIS TSOGS GLENG MDZAD PAS THUGS SHIN TU DGYES, MJAL BA MANG DU 'DUS PA LA PHYAG DBANG DANG 'DOD CHOS KYI CHAR PHAB STE, SMIN GROL GYI LAM BZANG PO LA BKOD, 'GYANG RO SPRUL SKUS SGER MJAL ZHUS PA LA, RJE RIN PO CHES MDZAD PA'I BDE BA CAN GYI ZHING BKOD KYI BSHAD LUNG GNANG, ZLA BA DE'I NYI SHU GNYIS KYI NYIN BSANGS GZHUNG DU CHIBS KHA BSGYUR, GNAS GZIGS MDZAD PAS GAD PA LUG MANG DANG, GZHI MO GLE DRUG GNYIS GNAS BZANG PO 'DUG KYANG BKRA SHIS 'KHYIL LA LTA GSUNG NAS GNAS DER PHEBS, RKANG TSA'I DKA' BCU DANG, ZHANG LA DKA' BCU'I GTZOS LUNG PA DE'I YUL MI THAMS CAD KYIS STON MO 'BUL BA SOGS KYI BSNYEN BKUR GAD LEGS BYAS, DPON SLOB THAMS CAD KYANG BKRA SHIS 'KHYIL DU PHEBS TZAM NAS NYAMS SNANG BDE LA BAG PHEBS PA BYUNG, RKANG TSA'I DKA' BCUS GNAS 'DI SNGAR ZHUS PA LTAR DED TSO'I YIN PAS DGON PA 'DEBS NA PHUL BA YIN, GRVA PA LNGA YANG 'BUL ZHUS PA LA THUGS DGYES PA'I RANG BZHIN MDZAD, CHIBS THOG NAS MDUN RI DANG RGYAB RI YA GZIGS RTOG MDZAD PAS DPYAD SHIN TU LEGS GSUNG, DE NAS GAD PA LUG MANG, GZHI MO GLE DRUG ,BKRA SHIS 'KHYIL GSUM LA MAR ME'I BRTAG PA MDZAD PAS BKRA SHIS 'KHYIL LEGS GSUNGS NAS BKRA

SHIS GSO SBYONG MDZAD, LTO 'PHYE'I THIG DANG, SA BRTAG BSLANG SOGS RGYUD SDE NAS BSHAD PA LTAR GNANG NAS DGON PA 'DEBS PAR THAG BCAD DO, ,DE YANG 'PHAGS MCHOG SPYAN RAS GZIGS KYIS BYIN GYIS RLABS PA'I ZHING KHAMS, BOD CHEN PO'I YUL LJONGS, BYANG PHYOGS MDO SMAD KYI LHO RGYUD, GNAS MCHOG DAM PA BKRA SHIS 'KHYIL ZHES BYA BA 'DI NYID BSNGAGS PAR 'OS PA'I DGE MTSAN DU MA DANG LDAN PA YIN TE, SA GZHI ME LONG GI NGOS LTAR KHONG SNYOMS PA, RGYA BA RI GLANG PO CHE THAL DKAR NYAL PA 'DRA BA LA STENG DU RIN PO CHE'I PHUNG PO'I KHUR GYIS BRJID PA LTA BU, MDUN RI 'BRU'I PHUNG PO SPUNGS PA 'DRA BA LA RKANG 'THUNG GI PHRENG BA TSAR DU DNGAR BA'I KHROD NA YID DU 'ONG BA'I BYA DU MA SKAD SNYAN PAR SGROGS PA, DE'I ZHOL DU BKRA SHIS PA'I MTSAN MA DPAL PE'U DANG GSER NYA GYEN DU 'PHYOBS MDZES PAR BYAS PA, G-YAS KYI PHYOGS NA RI DMAG DPON RAL GRI THOGS NAS PHA ROL GYI DPUNG 'JOMS PA 'DRA BA, NUB RI RGYAL MO ZHES BYA BA BRAG BEE d'URYA BRTZEGS PA 'DRA BA LA RTZI SHING SNA TSOGS PA SKYES SHING YID DU 'ONG PA'I CHU RGYUN 'BAB PA, LHO NUB KYI RI RTZE MTHO ZHING CUNG ZAD SNYUNG BA'I RNAM BA CAN GYIS BTZUN MO RIN CHEN NYE BAR MTSON PA SOGS PHYOGS DANG PHYOGS MTSAMS RNAMS SU RGYAL SRID RIN PO CHE SNA BDUN GYI MTSAN MAS MDZES PA, SHAR GYI PHYOGS NA RI BKRA SHIS SKA RAGS ZHES BYA BA DUD DKAR G-YAS SU 'KHYIL BA 'DRA BA, MDUN DU BSANGS CHU ZHES YAN LAG BRGYAD LDAN GYI CHU KLUNG G-YU 'PHRUG SNGON MO'I TSUL DU 'BAB PA, RGYA PA RI'I G-YAS KYI BRAG MGON PO BYA BAR MGON PO PHYAG DRUG PA

, ,GNAS; RGYAB RI'I RTZE MO LA BDE MCHOG GI PHO BRANG G-YON PHYOGS KYI RI NOR BU SPUNGS PA 'DRA BA LA MGON DKAR YID BZHIN NOR BU SGRUB PA PO LANG NGOS GRUB STZOL BA'I TSUL GYIS BZHUGS PA SOGS BKRA SHIS SHING YID DU 'ONG BA'I SA DPYAD LEGS PA DU MA GSAR DU BCOS SHING SGRO BTAGS PA TZAM MA YIN PAR DANG PO NYID NAS RANG 'KHRUNGS SU YOD DO, ,DER MA ZAD DGE BCU'I YON TAN DANG YANG LDAN TE, JI SKAD DU, KHANG SA ZHING SA SA YI DGE ,'THUNG CHU ZHING CHU CHU YI DGE ,GAM 'BROG RGYANG 'BROG RTZVA YI DGE ,KHANG SHING 'BUD SHING SHING GI DGE ,KHANG RDO THAB RDO RDO YI DGE ,ZHES PA LTAR KHANG PA'I SA DANG ZHING 'DEBS PA'I SA STE SA'I DGE GNYIS DANG, BTUNG BA'I CHU DANG ZHING LA 'DREN RGYU'I CHU STE CHU'I DGE GNYIS DANG, THAG NYE BA'I 'BROG DANG RING BA'I 'BROG STE RTZVA'I DGE GNYIS DANG, KHANG SHING DANG BUD SHING STE SHING GI DGE GNYIS DANG, KHANG PA RTZIG PA'I RDO DANG THAB KHA'I RDO STE RDO'I DGE GNYIS DANG DGE BCU TSAD PAR MNGON SUM GYIS GRUB PO, ,DE LTA BU'I GNAS MCHOG 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, RGYAL BU DKON MCHOG 'BANGS KYI SKYES RABS LAS, SHAR RDO RJE GDAN GYI BYANG PHYOGS NA, ,GNAS PUR RGYAL BOD CES BYA BA YOD, ,RIM THON PO GNAM GYI KA BA YOD, ,MTSO DMA' MO G-YU YI MAndAL YOD, ,GANGS DKAR PO SHEL GYI MCHOD RTEN YOD, ,SPANG SER PO GSER GYI LHUN PO YOD, ,DRI ZHIM PO SMAN GYI BDUG SPOS YOD, ,STON BKRA BA GSER GYI ME TOG YOD, ,DBYAR BKRA PA

G-YU YI ME TOG YOD, ,KYE GANGS RI'I MGON PO SPYAN RAS GZIGS, ,GNAS DEN KHYED KYI ZHING KHAMS YOD, ,ZHING DEN KHYED KYI GDUL BYA YOD, ,KYE GANGS RI'I MGON PO SPYAN RAS GZIGS, ,RI PADMA STONG LDAN DBYIBS LEGS PA, ,DUS DGUN GSUM DKAR PO SHEL GYI MDOG ,DUS DBYAR GSUM SNGON MO G-YU YI MDOG ,DUS STON GSUM SER PO GSER GYI MDOG ,DUS DPYID GSUM KHRA BO GZI YI MDOG ,MDOG PHUN SUM TSOGS PA'I RI BO LA, ,LTAS KHYAD PAR 'PHAGS PA'I MTSAN MA YOD; ;DUNG DKAR PO G-YAS SU 'KHYIL BA LA, ,DAR DMAR PO R'A GA'I COD PAN YOD, ,MI KHYOD KYI SNYAN PA PHYOGS BCUR 'PHEL, ,DPAL BE'US RI RKENG BRGYAN PA LA, ,NAGS BKRA SHIS YAL 'DAB RGYAS PA YOD, ,MI KHYOD KYI BU SLOB PHYOGS BCUR 'PHEL, ,RI BO GAS CHAD G-YU YI BUM PA LA, ,CHU YAN LAG BRGYAD LDAN CHU MIG 'BAB, ,MI KHYOD KYI THUGS RJES BSIL BAR BYED, ,GNAM SDON MO G-YU BYA'I GDUGS SU PHUB, ,LAS NYON MONGS TSAD PA ZHI BAR BYED, ,MI KHYOD KYI DGE BSHES 'PHEL BA'I RTAGS, ,RI ZUR GSUM BRAG GZHUNG GNAM DU MTHO, ,DED MKHA' 'GRO'I RGYAL MTSAN BSGRENG BA 'DRA, ,MI KHYOD KYI GNAS DER BSTAN PA SPEL, ,SA RTZE BRGYAD LUNG PA PHYOGS SU GYES, ,KYE 'KHOR LO RTZIBS BRGYAD PHUB PA 'DRA, , MI KHYOD KYI MI MTHUN GCOD PA'I RTAGS, ,THANG CHEN PO'I DKYIL NA RI CHUNG NYAL, ,MTSO CHEN PO'I NANG GI NYA MO 'DRA, ,MI KHYOD KYI SPYAN SNGA 'PHEL BA'I RTAGS, ,KYE GANGS RI'I MGON PO SPYAN RAS GZIGS, ,MI KHYOD KYI ZHING KHAMS DEN YOD, ,ZHING

, ,DE NA KHYOD KYI GDUL BYA YOD, ,'BRU SNA TSOGS SMIN PA'I ZHING SA CAN, ,'BRU BANG MDZOD RGYAS PA'I RTAGS SU BZANG, ,SHING SNA TSOGS RGYAS PA NAGS KYI KHROD, ,GNAS KHANG BZAD 'PHEL BA'I RTAGS SU BZANG, , CHU MI CHE RGYA MTSO CHEN PO MED, ,CHU MI CHUNG CHU BO DPAG MED 'BAB, ,CHU SNYOMS PAS YUL MI RTAG TU BDE, ,KYE GANGS RI'I MGON PO SPYAN RAS GZIGS, ,GNAS DE NI KHYED KYI ZHING KHAMS YIN, ,ZHING DE NA KHYOD KYI GDUL BYA YOD, ,SHAR LHUN PO'I RTZE NAS NYI MA 'CHAR, ,PHYOGS GZHAN GSUM MI NOR SHUGS LA GNAS, ,'CHAR MI SNGA SNGA DUS BSAM GTAN 'PHEL, ,'CHAR MI 'PHYI NYI 'OD SMIN PA LA, ,LUS BAG PHEBS BDE BAR SPYOR BAR BYED, ,RGAS MI SNGA PHO RAB 'DUN STANGS 'PHEL, ,RGAS MI 'PHYI MDZANGS MA'I LAS RNAMS 'GRUB, ,KYE GANGS RI'I MGON PO SBYAN RAS GZIGS, ,YUL BKRA SHIS 'BYUNG DE KHYOD KYI ZHING, ,ZHING DE NA KHYOD KYI GDUL BYA YOD, ,CES SO, ,DES LUNG BSTAN TSUL NI, RKANG PA DANG PO GNYIS KYIS BOD KYI YUL KHAMS SPYI TZAM ZHIG BSTAN NAS, BYE BRAG TU GNAS KYI KHYAD BAR NI, RI MTHON PO ZHES SOGS KYIS STON PAR SNANG ZHING, DE YANG RI MTHON PO GNAM GYI KA BA NI, BKRA SHIS 'KHYIL DANG NYE BA'I NUB PHYOGS NA MTHON PO DKYIL 'GER BYA BA'I RI MTHON PO ZHIG YOD PA LA ZER, MTSO DMA' MO G-YU YI MAndAL NI RTA RDZOGS G-YU MTSO DANG, GANGS DKAR PO SHEL GYI MCHOD RTEN NI RMA CHEN SPOM RA'I GANGS DANG, SPANGS SER PO GSER GYI LHUN PO YOD SOGS SHO LO KA GCIG GIS BSANGS

GZHUNG DANG DE'I KHYAD CHOS RNAMS BSTAN, KYE GANGS RI'I MGON PO SPYAN RAS GZIGS, ,ZHES SOGS RKANG PA BZHI NI GO SLA BAS BRJOD MI DGOS SO, ,RI PADMA STOD LDAN DBYIBS LEGS BA, ,ZHES PA NAS, MI KHYOD KYI BU SLOB PHYOGS BCUR 'PHEL,, ZHES PA'I BAR GYIS DGON PA'I SHAR NGOS KYI RI MAndAL KLAD ZHES BYA BA PADMA 'DAB MA STONG DANG LDAN PA 'DRA BA, NGOS RNAMS SU LJON SHID SNA TSOGS KYIS MDZES BA DUS BZHIR KHA DOG MI 'DRA BA BZHI 'CHAR BA, DE DANG KHA SPROD KYI TSUL DU BKRA SHIS SKA RAGS ZHES BYA BA'I RI DUNG DKAR GYI DBYIBS 'DRA BA ZHIG YOD PA RNAMS BSTAN, RI BOGS CHAD G-YU YI BUM PA LA, ,ZHES SOGS RKANG PA GSUM GYIS DGON PA'I NUB PHYOGS RGYAD GRAGS GSUM LHAG GI SAR KLU TI SA ZHES BYA BA'I RI CHUNG CHU MIG BRGYA PHRAG 'BAB PA DE BSTAN; CHU MIG 'DI LA KLU 'DZIN PA LAG MANG DANG, DUNG SKYONG GNYIS GNAS ZHES RJE RANG NYID KYIS GSUNG NGO, ,GNAM SNGON MO G-YU BYA'I GDUGS SU PHUB, ,ZHES PA NI G-YU BYA RMA BYA'I MING YIN LA, DGON PA'I NUB PHYOGS CHES MI RING BA NA RMA BYED BO ZHES BYA BA'I RI PHYOGS 'GA' ZHIG NAS BLTAS NA GDUGS PHUB BA 'DRA BA YOD PA LA ZER, RI ZUR GSUM BRAG GZHUNG GNAM DU MTHO, ,ZHES SOGS RKANG PA GNYIS KYIS DGON BA'I NYE SKOR BYIN NUB PHYOGS SU RGYAL MO ZHES BYA BA BRAG ZUR GSUM MDZES SHING MTHO BA NAGS TSAL SNA TSOGS KYIS BRGYAN PA ZHIG YOD PA LA ZER, SA RTZE BRGYAD LUNG PA PHYOGS SU GYES, ,SOGS RKANG PA GSUM GYIS RTZE GZHUNG BSTAN PA YIN TE, DA LTA YONGS GRAGS LA RTZE DRUG SNYING BDUN ZER YANG, KHYUNG RTZE DAD SPA RTZE

, ,GNYIS BSNAN PAS RTZE BRGYAD YIN NO, ,RTZE GZHUNG 'DI SA PADMA 'DAB BRGYAD, GNAM 'KHOR LO RTZIBS BRGYAD, RTZE CHU G-YAS SKOR DU 'BAB BO SOGS GNAS SHIN TU BZANG BAS RTZE BRGYAD KYI NANG TSAN SHA PHO RU RTZE'I MDOR GRVA TSANG GSAR TSUGS KYI GZHI 'DING BAR MDZAD, THANG CHEN PO'I DKYIL NA RI CHUNG NYAL, ,ZHES PA NI THANG TIS LA ZER, 'BRU SNA TSOGS SMIN PA'I ZHING SA CAN, ,ZHES PA NI SNA PHYOGS 'DIR 'BRU SNA TSOGS BTAB NA 'KHRUNGS PA LA ZER, SHING SNA TSOGS SKYES PA NAGS KYI KHROD, ,ZHES PAS LHA KHANG DANG SPYIL BU DANG BUD SHING SOGS KYIS MTHUN RKYEN NAGS TSAL STUG PO'I YON TAN DANG LDAN BAR BSTAN TE, DE YANG BKRA SHIS 'KHYIL NAS BRTZAMS TE SHAR PHYOGS SU NYIN LAM GSUM GYI BAR DU LJON SHING SNA TSOGS SKYES PA'I NAGS TSAL CHEN PO BAR MA CHAD PAR YOD DO, ,CHU MI CHE RGYA MTSO CHEN PO MED, ,ZHES SOGS RKANG PA GSUM GYIS DGON PA'I MDUN DU 'BAB PA'I BSANGS CHU ZHES PA'I YAN LAG BRGYAD LDAN GYI CHU KLUNG CHEN PO DE BSTAN, SHAR LHUN PO'I RTZE NAS NYI MA 'CHAR, ,SOGS RKANG PA GSUM GYIS DGUN DUS SHAR RI'I RTZE NAS NYI MA 'CHAR BAS PHYOGS GZHAN GSUM MI 'KHRUL BAR SHES PA DANG, DGUN KHA NYI MA 'CHAR MI SNGA BAS BSAM GTAN 'PHEL BAR BSHAD, 'CHAR MI 'PHYI NYI 'OD SMIN PA LA, ,ZHES SOGS RKANG PA GNYIS KYIS DBYAR DUS SHAR RI'I DMA' SA NAS NYI MA 'CHAR SNGA BAS LUS BAG PHEBS SHING BDE BAR SPYOD PA DANG, RGAS MI SNGA PHO RABS 'DUN STANGS 'PHEL, ,ZHES PA DGUN DUS NUB RI'I DMA' SA NAS NYI MA NUB

PAS RGAS MI SNGA BA DANG, RGAS MI 'PHYI MDZANGS MA'I LAS RNAMS 'GRUB, ,CES PA DBYAR DUS NUB RI'I MTHOS NAS NYI MA NUB PAS NYI MA RGAS SNGA BA'I DON YIN, KYE GANGS RI'I MGON PO SPYAN RAS GZIGS, ,ZHES PAS, RJE 'DI SPYAN RAS GZIGS KYI SPRUL PAR GSUNGS SO, ,'DI LA THOS RGYA CHUNG BA'I LOG RTOG CAN 'GA' ZHIG NA RE, DE LTAR NA SPRUL SKU GRAGS PA RGYAL MTSAN GYI MA 'ONGS LUNG BSTAN LAS, GSANG BDAG GI SPRUL PAR GSUNG BA DANG 'GAL LO ZHE NA SKYON MED DE, RIGS GSUM MGON PO RGYUD GCIG TU BKA' GDAMS KYI GLEGS BAM LAS GSUNG BA'I PHYIR, JI SKAD DU, GLEGS BAM LAS, DE YANG RIGS GSUM MGON PO LAS, ,THA DAD NYID DU GA LA 'GYUR, ,SEMS CAN KUN LA SPYAN RAS GZIGS, , 'DI NI SNYING RJE BYAMS PA'I RIGS, ,NGA NI SNYING RJE CHEN PO NYID, ,NGA LA SPYAN RAS GZIGS SU GRAGS, ,LUS NGAG YID GSUM ZHI 'JAM PAS, ,'GRO BA KUN GYI DPAL DU GYUR, ,'JAM PA'I DPAL DU'ANG 'GAL BA MED, ,KUN MKHYEN SHES RAB CHE BA'I RIGS, ,PHYAG STONG RE NA MI RTOG PA'I, ,RDO RJE DPA' BO RE BZUNG STE, ,GDUL DKA' 'DUL BA'ANG NGA YIN NO, ,PHYAG NA RDO RJER 'GAL BA MED, ,DE NI DPA' BO DRAG PO'I RIGS, ,DE GSUM RIGS GSUM MGON PO NYID, ,PHYOGS SU MA ZAD DNGOS YIN NO, ,ZHES GSUNGS PA'I PHYIR, 'ON 'JAM DPA' RTZA RGYUD LAS, RJE RIN PO CHE 'JAM DPAL GYI SPRUL PAR BSHAD PA MI 'THAD PAR 'GYUR TE, LHO BRAG MKHAN CHEN GYIS BYAMS PA'I SPRUL PAR BSHAD PA'I PHYIR ZHES SMRAS NA LAN CI

, ,YOD; DES NA THA MAL PA'I RGYUD THA DAD PA'I DPES DAG PA'I SNANG BA 'JAL BAR 'DOD PA NI, BYIS PA'I 'DOM GYIS NAM MKHA' GZHAL BA DANG MTSUNGS SO, ,YUL BKRA SHIS 'BYUNG DE KHYOD KYI ZHING, ,ZHES PAS BKRA SHIS 'KHYIL BSTAN CING DER MA ZAD BKRA SHIS 'KHYIL ZHES BA'I MTSAN SGRA TSANG BAR BSTAN TE, GONG DU DRANGS BA'I, NAGS BKRA SHIS YAL 'DAB RGYAS PA YOD, ,CES PA DANG, DUNG DKAR PO G-YAS SU 'KHYIL BA LA, ,ZHES PA GNYIS BSDOM PA'I SGO NAS BSTAN PA'I PHYIR, YANG GSUNG RAB KYI DON RGYA CHEN PO LA DBYOD PA'I BLO GROS KYI NUS PA DANG BRAL ZHING, PHRAG DOG GI GDON GYIS RANG DBANG DANG BRAL BA 'GA' ZHIG NA RE, BKA' GDAMS GLEGS BAM LAS LUNG BSTAN PA'I GNAS NI RVA SGRENG YIN PAS 'DI DANG SBYOR BA MI RIGS SO ZHE NA, RVA SGRENG GI GNAS SKABS DER BSTAN PA BDEN MOD KYIS, 'ON KYANG GNAS 'DI LA JI SKAD BSHAD PA'I KHYAD CHOS RNAMS TSAD BA DANG, TSIG GCIG LA DON MANG BA YOD PA'I PHYIR SKYON MED DE, DPER NA 'PHAGS PA'I YUL DU TZA RI TRA YOD PA BZHIN DU, BOD KYI YUL DU'ANG TZA RI TRA LA SOGS PA'I GNAS THAMS CAD YOD PAR MAN NGAG SNYE MA LAS GSUNG BA BZHIN NO, ,DE LA 'DI SKAD CES BYA STE, GANG GIS GZHI LAG MTHIL LTAR MNYAM MAR GANG GSAR PA'I ME LONG DAG KYANG DMAN PA NYID BYED MYU GU SNGON PO 'KHRUNGS PA YIN, ,RAL PA'I TSOGS KYIS MDZES PAR BYAS GANG NOR 'DZIN 'KHOR LO'I BZHIN RAS MA LUS NE TZO'I SGRO THUL GSAR BA'I DPAL DANG LDAN PA BZHIN, ,PADMO'I GNYEN DANG CHU SHEL DBANG PO KUN TU 'BAR BA'I

RTZE DGA' RNAM RGON ME TOG TSOGS RNAMS RAB RGYAS GE SAR SO PHRENG STON, ,SRAS BCAS RGYAL BA'I MA GRIN PA'I PAD MTSO BSTOD BSNGAGS DANG MO BYE BA'I GLU YIS DES PAR 'GENGS BYED BKRA SHIS CHU GTER 'KHYIL 'DI RMAD, ,NGO MTSAR BKOD PA STOD LDAN PA'I, , RIN CHEN SA 'DZIN DU MA NI, ,GANG GI PHYOGS DANG PHYOGS MTSAMS SU, ,YA MTSAN STON SLAD 'ONGS PA BZHIN, ,YID 'PHROG GANG DE'I GZI BRJID KYIS, ,NGES PAR RANG NYID PA MDOGS NAS, ,'OD ZER LDAN PA'I RI BDUN KYANG, ,ROL MTSO'I DBUS SU ZHUGS SAM SNYAM, ,G-YU YI LO 'DAB RAB RGYAS PA, ,RKANG 'THUNG GSAR BA'I PHRENG BA NI, ,TSAR DU DNGAR BA YONGS 'DU YANG, ,LHUN PO'I RTZE MOR SNYEGS PA 'DRA, ,SNA TSOGS MDOG LDAN GNYIS SKYES TSOGS, ,'PHUR LDING GAR GYIS ROL PA NI; ;NAGS TSAL BDAG PO'I MDZES PA LA, ,CHAGS PAS 'KHYUD PAR BYED PA BZHIN, ,YAN LAG BRGYAD LDAN BDUD RTZI'I KLUNG, ,LHUNG LHUNG DAL GYIS 'BAB PA GANG, ,THUB BSTAN 'DZIN PA'I MCHOD YON DU, ,GDENGS CAN BDAG PO SI SPRENGS SAM SNYAM; ;NA BUN SNGON PO'I ZUR PHUD RAB MDZES 'JA' TSON GSAR BA'I 'OG BAG CAN, ,SNA TSOGS ME TOG 'BAR BA'I TSAL DU BUNG PA'I NA CHUNG MGRIN RNGA RDUNG, ,DVANGS BSIL 'BAB CHU'I MCHOD YON DAD LDAN NE'U SING GSAR BA'I SMAD G-YOGS KLUBS, , YA MTSAN THAMS CAD GCIG TU SPUNGS 'DI 'JIG RTEN BYED POS BSKRUN MIN NAM, ,'DI NI PAD DKAR 'DZIN PA'I YE SHES KYI, ,SGRU MAS SPRUL PA'I NGO MTSAR PHO BRANG STE, ,DKON MCHOG KUN 'DUS SKYE DGU'I BSOD NAMS ZHING, ,KHRIMS LDAN DGE

, ,'DUN 'DUS PA'I GTZUG LAG KHANG, ,SKAL BZANG BLO GSAL DAD MO BYE BA'I TSOGS, ,RTZOD NGAG DBYANGS SNYAN SGROGS PA'I ROL MTSO STE, ,RIG PA 'DZIN RNAMS GRUB PA BRNYES PA'I GNAS, ,TSANGS SPYOD NYAN THOS DGON CHEN ZHES SU GRAGS, ,YONGS 'DU'I LJON PAS LHUN PO'I GTZUG BZHIN DU, ,BDAG NYID CHEN PO GANG GI ZHABS MTHIL TSON, ,BKRA SHIS 'DZIN MAR BKOD PA'I DGE LEGS KYIS, ,PHYOGS KUN MYA NGAN MED PA'I SKAL BZANG 'DZIN, , ZHES BYA BA NI BAR SKABS KYI TSIGS SU BCAD PA'O, ,DE DAG NI 'PHROS DON NO, ,DE NI DKYUS LA 'JUG PAR BYA STE, GNAS DER SA BRTAG BSLANG SOGS BYAS ZIN NAS, RGAN GYA'I DPON PO PAndI TAS GDAN DRANGS, CHIBS BSU DANG, BSNYEN BKUR ZANG ZING GI 'BUL NOD GYA NOM PA PHUL TE CHOS 'BREL ZHUS, DPON PO PAndI TAS 'DOD PA LTAR, BRAG DKAR GYI GNAS LA GZIGS PAS BRAG MGO SBANG GIS BTUM ZHING, KLU'I GZUGS 'DRA BA'I LTO BA LA DGON PA CHAGS 'DUG PAS SA DPYAD LEGS PO MI 'DUG GSUNG, MGAR RTZE DPON SLOB GNAS DER BYON TE 'BUL NOD NGOS GTZANG BA PHUL TE DAM PA'I CHOS KYI BKA' DRIN ZHUS, NYAMS LEN GANG LA BYED KI YOD CES DRI BA MDZAD PAS, DON GO RGYU CHER MI 'DUG KYANG, BSTAN PA'I ZHABS 'DEGS SU BSAM NAS RI KHROD PA RNAMS LA BSKYED RDZOGS KYI RTZI BZHAG RE GTONG GI YOD ZHUS PAS THUGS SHIN TU DGYES PAR GYUR, PHYIS SU'ANG MA GAR RTZE BLA RGAN 'DI BSAM PA RGYA CHEN PO 'DUG CES BSNGAGS BRJOD YANG YANG MDZAD, HOR TSAD NAS RAB 'BYAMS

PA BSTAN SKYONG DANG, MGO BSKU SKYE BCAS MJAL MI MANG PO BYUNG BA LA 'DOD CHOS DU MA STZAL, RJE NYID KYI GSUNGS LTAR DE PHYOGS KYI DKA' RAM RNAMS DANG, ZHABS PHYI'I DKA' RAM RNAMS LA PHAN TSUN MTSAN NYID KYI RTZOD PA YUN RID PO BYAS PAR GZIGS RTOG GNANG ZHING THUGS MNYES PA'I RANG BZHIN 'BA' ZHIG MDZAD, TSOGS PA STONG RVA CAN 'DUS PA LA ZAB RGYAS CHOS KYI BKA' DRIN YANG DAG PAR STZAL TE, LA LA MNGON MTHO DANG, LA LA THAR PA DANG, LA LA THAMS CAD MKHYEN PA'I RGYU LA 'GOD PAR MDZAD; DAD STOBS DANG LDAN PA RGAN KYA PAndI TA'I GTZOS RGAN KYA STOD SMAD KYI SKYA SER MTHA' DAG GIS DAD POS KUN NAS BSLANGS TE GSER DNGUL, DAR ZAB, RTA NOR, RA LUG ZAM RAS SOGS PHYI NANG GI NYER SPYOD KYI 'BUL BA SPAMS MTHO BA PHUL, ZLA BA LNGA PA'I TSES LA SLAR YANG RANG GI GDAN SA BKRA SHIS 'KHYIL DU PHEBS, ZHAL NAS, DGON PA'I SA 'DUL GYI CHED DU NGED 'TSAMS LA SDOD RGYU YIN, GZHI BDAG RNAMS KYIS SA CHA 'DI BYIN NA LEGS, MA BYIN NA 'BROG DGOS GSUNGS NAS SA 'DUL GYI CHED DU SKU 'TSAMS DAM PAR MDZAD DO, ,'TSAMS GROL NAS, GNAS 'DI'I GZHI BDAG THAMS CAD DKAR PHYOGS PAR SNANG BAS DGA' BZHIN DU NGED LA GNAS STER BAR 'DUG ,SNGON CHAD SU LA YANG MA BYIN PAR MI MA YIN 'DI RNAMS KYIS BSRUNG BSDAD PA 'DRA GSUNG, PHYAG MDZOD PA SDE PA BLO BZANG DON GRUB KYIS, SKU 'TSAMS NANG DU RTAGS CI 'DRA BYUNG ZHUS PAR, RTAGS GZHAN MA BYUNG, SNGON GYI SKYE BA 'GA' DRAN BYUNG GSUNG, SKABS DER GSAL BAR MA GSUNG YANG, PHYIS GYI GSUNG SGROS KYI

, ,BABS LA DPAGS NA, MA CIG GI SRAS STONG SDE NGAG GI DBANG PHYUG YIN PA DANG, RJE RANG GI SKAL BA'I GTER MA CIG GIS SPAS YOD PA RNAMS LA DGONGS PA 'DRA ZHES SLOB MA RNAMS GLENG, RAB 'BYAMS PA GRAGS PA BLA 'TSAB TU BSKO BZHAG MDZAD DE, BO TI LNGA DANG, BSDUS GRVA'I RTZI BZHAG RNAMS SNGAR SROL LTAR 'CHAG MED DU BTANG, DE NAS BDUN PHRAG GCIG GI RING RJE RANG NYID KYIS THUGS KHUR BZHES TE, 'JIGS BYED KYI ZHI RGYAS KYI SPYIN SREG GANG MANG MDZAD, RGYUD NAS BSHAD PA BZHIN BUM GTER SPA BA DANG, SGO BZHI'I GSOL 'DEBS, BGEGS LA BKA' BSGO BA SOGS SA CHOG GI SKABS LTAR SA 'DUL GYI CHO GA THAMS CAD MA TSANG BA MED PAR SGRUB PO, ,DE NAS AUR GE NAS GDAN DRANGS PA LTAR RTZE GZHUNG DU BYON; DER ZHAG MA BCO LNGA'I CHOS THOG BTZUGS NAS, RAB 'BYAMS PA GRAGS PAS SNGAR LTAR RTZI BZHAG BTANG, RJE RANG NYID KYIS NYIN RE BZHIN LEGS BSHAD SNYING PO DANG STONG THUN GNYIS SBRAGS PA'I GZAB BSHAD RGYAS PA STZAL, LA MO BDE CHEN NAS, THUB BSTAN YONGS RDZOGS KYI BSHES GNYEN DPON SLOB GRAGS PA RGYA MTSO 'KHOR BCAS BYON TE 'BUL NOD GYA NOM PA PHUL, SNGA SOR GRVA SAR BZHUGS SKABS NAS PHAN TSUN 'BREL CHE BAR YOD PAS MJAL TZAM NAS THUGS YID 'DRES PAR GYUR TE GSUNG GLENG SHIN TU DMAR BA MDZAD, KHONG GIS GSOL BA BTAB STE, 'JAM DBYANGS CHOS SKOR GYI RJES GNANG LUNG DANG BCAS PA LEGS PAR STZAL, SPYAN SNGA NA 'KHOD PA'I SDE SNOD 'DZIN PA RNAMS KYIS KYANG BDE CHEN CHOS RJE LA CHOS 'BREL ZHUS,

GSHIN RJE'I NGAR DBYANGS 'THEN GSUNGS PA LTAR KHONG TSOS 'THEN PAS, DGONGS PAR MA BABS TE, DE 'DRA MIN 'DI YIN GSUNG NAS RJE RANG GIS 'THEN PAR MDZAD DE LA MO'I GRVA PA RNAMS LA SLOB PAR GNANG, DPON SLOB KYIS BDE CHEN LA PHEBS DGOS ZHES ZHUS PAS, ZLA BA DE KA'I RJES MA LA 'BYON PAR ZHAL GYIS BZHES, BAR SKABS SHIG ,YONGS KYI DGE BA'I BSHES GNYEN CHEN PO MKHAS DBANG BYA BRAL RAB 'BYAMS PA CHOS SKYONG RGYA MTSO BYON NAS BSNYEN BKUR DANG, 'BUL BA'I DNGOS PO GYA NOM PA BSTAB, KHONG PA'I BZHED PA LTAR, 'DOD LHA DU MA'I RJES GNANG DANG, LJAGS RTZOM GRVAS TSIG GSAL GYI TSAD MA'I RNAM BSHAD KYI LUNG DANG, 'JIGS BYED CHOS 'BYUNG GI STOD CHA'I BSHAD LUNG BCAS STZAL, KHONG GIS MDO SNGAGS KYI DKA' GNAS LAS BRTZAMS BA'I DOGS GCOD MANG PO ZHUS PA LA LAN LEGS PAR STZAL TE, THE TSOM BSAL BAS DGE BSHES PA YANG ZHE THAG PA NAS DANG PA'I RNAM 'GYUR LHUR BLANGS, KHYED KYI THUGS DAM GANG LA MDZAD GYIN YOD CES BKA' 'DRI GNANG BAR, SDIG SGRIB SBYONGS PHYIR DU GZUNGS SNGAGS 'GA' ZHIG 'DON GI YOD ZHUS PA LA, THUGS MA RANGS PA'I TSUL MDZAD DE, KHYED DGE BSHES CHEN PO YIN PAS NYAMS KHRID CI RIGS SKYONG GI YOD 'GRO GSUNG BA'I LAN DU, LAM KHRID LA MOS PA MA CHAD TZAM RE BYED GIN BDOG ZHUS PAS THUGS SHIN TU DGYES PAR GYUR TE, DE LTAR GNANG BA BKA' DRIN CHE, PHYIN CHAD KYANG DE BZHIN MDZAD DGOS GSUNG ZHING KHONG BA SNGAR GYI DGE BSHES BGRES PA YIN PAS, PHAR LA YANG GUS 'DUD CHEN PO GNANG, DPON RIN PO CHE

, ,NAS SKU GSUNG THUGS RTEN MANG PO GSAR DU BZHENGS PAR RAB GNAS GNANG DGOS ZHUS PA LTAR, NYI MA GSUM GYI RING DGE LEGS CHAR 'BEBS KYI NANG BZHIN PHYAG LEN RNAM PAR DAG PA'I SGO NAS RTEN RNAMS YE SHES PA'I NGO BOR BSGRUB TE BYIN RLABS KYI SNANG BZAD MI SHES PA'I RANG BZHIN DU MDZAD, YON BDAG BSGO BA'I SKABS SU GSUNG BSHAD MTHA' RGYAS SU STZAL TE, SKYE BO BLO GROS KYI NOR DANG LDAN PA RNAMS KYI YID KYI PADMO LEGS BSHAD KYI ZER GYIS CHES CHER RGYAS PAR MDZAD DO, ,SBYIN BDAG DAM PA MI'I DBANG PO NAS BKA' DRIN BAS BA CHED DU GSER DNGUL, GOS DAR, RTA NOR LUG GSUM SOGS 'BUL BA'I DNGOS PO GYA NOM PAS THOG DRANGS, TSAN GRANGS KHRI PHRAG LAS BRGAL BA PHUL, LO DER ZLA BSHOL YOD PAS, BDUN PA SNGA MA'I TSES BCU GSUM GYI NYIN LA MO BDE CHEN DU CHIBS KHA BSGYUR, R'A NGAN THAR SHUL, KONG PA, KHRI KA PA SOGS LAM BAR DU 'KHONG PA RNAMS KYIS BSNYEN BKUR DANG, 'BUL BA GZAB STE PHUL BAR ZAB RGYAS CHOS KYI BKA' DRIN STZAL TE PHAN BDE'I LAM LA BKRI BAR MDZAD, TSES PA DGU'I NYIN BDE CHEN CHOS RJE GRAGS PA RGYA MTSO'I ZHAL SNGA NAS DANG, KHRI RGYA NAG PA'I SPRUL SKU RIN PO CHE RNAM PA GNYIS KYI GTZOS RTA BA BRGYA PHRAG LHAG TZAM CHIBS BSUR BYON PA LA, KHRI RIN PO CHE'I SPRUL SKUR DAD GUS DANG, BKUR GZOS CHEN PO MDZAD, DE'I SANG NYIN GDUGS DANG RGYAL MTSAN, ROL MO SOGS MCHOD RDZAS SNA TSOGS PA THOGS PAS SER SBRENG GIS MDUN BSUS TE BDE CHEN DU PHEBS, DGE BSHES SPYAN SNGA BA'I RNAM 'PHRUL DU GRAGS PA

BSTAN PA'I GSAL BYED CHEN PO ZHABS DRUNG DKAR PO DANG MJAL PHRAD MDZAD, PHAN TSUN THUGS NANG GSHIN PA'I GSUNG 'PHROS KYANG 'PHEL BAR BYUNG, SPYI SGER SO SO NAS ZHABS TOG DANG BSNYEN BKUR LEGS PAR PHUL, BDE CHEN GYI TSOGS SU MANG JA DANG 'GYED SPYI 'JOG GYA NOM PA GNANG, ZHABS DRUNG RIN PO CHE'I SKU ZHABS DANG, KHRI CHEN SPRUL SKU 'JAM DBYANGS BA'I ZHAL SNGA NAS DANG, DPON SLOB GRAGS PA'I ZHAL SNGA NAS KYIS THOG DRANGS, DGE 'DUN KHRIR NYE BA 'DUS PA RNAMS LA NYI MA GNYIS KYI RING LTA KHRID RGYAS PA GZAB BSHAD GYIS BRGYAN PA DANG, DE NAS LHO BRAG SNYAN BRGYUD KYI LUNG DANG RJES GNANG TSANG MA DANG, GZHAN YANG 'DOD CHOS DUM SMIN RGYAS SU STZAL PAS MCHOG DMAN PAR MA'I NYAN PA PO MTHA' DAG GI YID KYI BUM BZANG ZAB RGYAS BDUD RTZI'I GDAMS PAS CI YANG GANG BAR GYUR TO, ,BCO LNGA'I NYIN TSOGS SU BYON NAS SO THAR GYI MDO GSUNG, DER ZHAG MA BCU'I RING BZHUGS PAS NYIN RE BZHIN STON CHEN DRANGS SHING, STON MO'I BZHUGS GRAL DU THOG MAR RIG PA'I DBANG PHYUG NGAG DBANG 'PHRIN LAS DANG, LUNG RIGS SMRA BA'I DBANG PO NGAG DBANG BKRA SHIS PA'I ZHAL SNGA NAS GNYIS 'BEL GTAM LA BZHENGS TE BGRO GLENG MDZAD PAS PHYOGS GLANG DANG, CHOS GRAGS GNYIS DAM PA'I CHOS KYI BRGAL BRTAG LA GDAN 'JOM PA LTAR GYUR TE, RJE NYID KYANG ZHAL 'DZUM PA DANG BCAS THUGS DGYES PA'I RANG BZHIN MDZAD CING LTAD MO PA THAMS CAD KYANG NGO MTSAR BAR GYUR TO, ,NYI MA PHYI MA RNAMS LA KHONG TSO'I DGE BSHES RE DANG, ZHABS PHYIR 'BRANG BA'I DGE BSHES RE BGRO GLENG BYAS SHING CHOS GLAR YANG, PHAN TSUN RIGS LUNG GTONG RES BYAS

, ,PAS LEGS BSHAD KYI DGA' STON MCHOG TU 'PHEL ZHING, MKHAS PA RNAMS YID RANGS PAR GYUR, 'DI TZAM GYIS KYANG DUS MTHAR BSTAN PA'I DMIGS RKYEN SHIN TU PHAN PAR MTHONG STE, DENG SANG STON GRAL DU 'DUS PA RNAMS NI BZA' BTUNG GI BRNAB SEMS DANG, NGAG 'KHYAL GYI DUS 'DA' BAR SNANG BAS SO, ,ZHABS DRUNG RIN PO CHE'I SKU ZHABS NAS GSER DNGUL, GOS DAR, RTA NOR SOGS PHYI NANG GI 'BUL PA'I DNGOS PO SPAMS MTHOB BSTAB, BDE CHEN DPON SLOB RIN PO CHES KYANG RTA BZHI BCU'I GTZOS 'BUL BA NGES GTZANG BA DANG, KHRI CHEN MCHOG GI SPRUL PA'I SKU RIN PO CHES KYANG 'BUL NOD RGYA CHER PHUL, GZHAN YANG NYIN RE BZHIN MJAL BA SKYES PHO MO GRANGS MED PA SPRIN BZHIN 'DUS TE ZANG ZING GI 'BUL BA MTHA' YAS PA BSTAB PA RNAMS BDAG GIR BZHES TE BYANG CHEN DU BSNGO BA'I BKA' DRIN MDZAD, ZHABS DRUNG RIN PO CHE'I SKU ZHABS SU MGON PO ZHAL GYI RJES GNANG GSAN ZHING PHAN TSUN THUGS YID SHIN TU GCUGS PAR GYUR, DER BSTAN PA DANG 'GRO BA'I DON RGYA CHER MDZAD NAS PHYIR CHIBS KHA BSGYUR BA'I LAM THOGS SU, DGON LUNG NAS GDAN 'DREN GYI BANG CHEN PA 'BYOR TE SNYAN GSAN PHUL, LCANG SKYA RIN PO CHE PHO BRANG NAS PHEBS RGYU YIN ZHUS PAS THUGS SHIN TU DGYES NAS NGA RANG GI BLA MA LA MJAL DGOS PAS YOD CHOG GSUNGS NAS ZHAL BZHES MDZAD, DE NAS KAB RON CHU TSAN KHAR ZHAG SHAS BZHUGS NAS SKU'I 'PHROD RTEN MDZAD DE, BDUN PA PHYI MA'I TSES LA BKRA SHIS 'KHYIL DU PHYAG PHEBS, DE NAS DGON PA GSANG BZHENGS KYI GZHI 'DING BAR MDZAD PA LA, SBYIN BDAG

DAM PA DPON RIN PO CHE NAS, PHYING PA'I GRU GRU BZHI TSOGS PA BRGYAD BRGYA TZAM TSUD BA ZHIG PHUL BA 'DU KHANG BYAS, DE DANG DUS MTSUNGS SU SKYA KYA'I GCOD PAS TSOGS KHRO CHEN PO ZHIG PHUL BAS RTEN 'BREL LEGS PAR 'GRIG ,DPON RIN PO CHE NAS GRVA PA BRGYA, RNAM RGYAL TSE BRTAN GYIS GRVA PA BRGYA, MKHAN PO NO MON HAN GYIS GRVA PA BCU LHAG ,AER KHE DA'I CHING GIS GRVA PA KHA SHAS PHUL BA DANG, ZHABS PHYI'I DKA' RAM BCAS KHYON BSDOM GRVA PA SUM BRGYA LHAG 'DUS PA LA, ZLA BA DE KA'I TSES BCU GSUM GYI NYIN CHOS THOG GSAR DU BTZUGS NAS, NYIN RE BZHIN RJE RANG NYID KYIS RTZI BZHAG GNANG ZHING, LAM RIM CHEN MO'I BSHAD LUNG YANG STZAL, GRVA TSANG GSAR DU TSUGS PA'I DGA' STON LA, BLA BRANG NAS THOG MANG BKRA SHIS KHA BTAGS KYI 'GYED BCAS 'GYED SNA MANG PO BTANG; DPON RIN PO CHE NAS MANG 'GYED KHA SHAS GNANG ZHING, GZHAN SBYIN BDAG SO SO NAS MANG 'GYED SOGS DAM PA'I CHOS KYI MTHUN RKYEN CHAR BZHIN BABS PAR GYUR TO, ,CHOS GRVA'I SGRIGS LAM MTHA' DAG BKRA SHIS SGO MANG LTAR BYED DGOS PA DANG, TSOGS NAS 'JIGS BYED BDUD LAS RNAM RGYAL DANG, KHRO BCU GNYIS DGON PA NAM GNAS KYI BAR DU MA CHAG PA BYED DGOS PA'I BKA' KHYAB KYANG LEGS PAR STZAL, GSO SBYONG BCO LNGA PA DANG, BCU BZHI PA GNYIS LA SO THAR GYI MDO YANG RJE RANG NYID KYIS SGROGS PAR MDZAD, ZLA BA BRGYAD PA'I TSES GCIG LA CHOS MTSAMS BYAS SHING RJE RANG NYID PHEBS NAS, TSOGS GTAM ZHIB RGYAS GNANG, 'CHAD NYAN LAS BYUNG BA'I 'DU BYAS KYI DGE RTZA RNAMS KYANG BSTAN 'GRO'I PHAN BDE'I RGYUR BSDO SMON YANG DAG

, ,GIS 'TSAMS SBYOR BAR MDZAD, BKA' LAS, PHYIN CHAD CHOS THOG LA MANG JA BDUN RE DANG, CHOS MTSAMS LA LNGA RE THOD GSUNG BLTAR, LAS SNE RNAMS KYIS KYAD GSUNG BZHIN BSGRUBS PAS DA LTA'I BAR DU MA CHAG PAR GTONG BZHIN PA YIN TE BLA MA'I BYIN RLABS SU SNANG NGO, ,DE NAS SDE SNOD RGYA MTSO'I PHA ROL TU SON PA'I DGE BA'I BSHES GNYEN CHEN PO DPON SLOB DKA' BCU PA NGAG DBANG BKRA SHIS LA KHYOD KYI BLA MA GYIS LA RTZI BZHAG THONG GSUNG NAS CHOS KYI RGYAL TSAB TU DPANG BSKUR BAR MDZAD DO, ,BRGYAD PA'I TSES GSUM GYI NYIN DGON LUNG DU CHIBS KHA BSGYUR, LAM BAR DU STONG 'KHOR DGON PAS GDAN DRANGS TE BSNYEN BKUR DANG, ZHABS TOG YANG DAG PA BSGRUB, DE NAS DGON LUNG DU 'BYOR BA'I NYIN CHIBS BSU DANG, DUR SMRIG 'DZIN PA'I PHRENG BA TSAR DU DNGAR BA'I SER SBRENG GIS SDUN BSUS TE DGON GNAS DER PHYAG PHEBS, MKHAS GRUB RGYAL PHRAN BYE BA'I MGO BOR GANG GI BKA' YI PHRENG BA NGAL GSO BGYID PA'I CHOS KYI RGYAL PO CHEN PO LCANG SKYA RDO RJE 'CHAD NGAG DBANG BLO BZANG CHOS LDAN DPAL BZANG BO'I ZHAL SNGA NAS DANG MJAL 'PHRAD MDZAD, RING NAS 'BREL BA'I MDZA' GCUGS KYI SNAD BA MNGON DU GYUR TE, PHAN TSUN DGYES TSOR CHEN PO DANG GSUNG GLENG SHIN TU 'PHEL BAR BYUNG, RJE NYID NAS KHA BTAGS, NA BZA', THER SNAM SOGS DNGOS PO GTZANG ZHING GYA NOM PA PHUL, LCANG SKYA RIN PO CHE'I SKU ZHABS NAS KYANG, MDZOD BTAGS, GOS CHEN YUG DU MA, 'GAN 'JAR LEGS PA GCIG ,DNGUL BUM GNYIS BCAS NYER SPYAD KYI DNGOS PO SPAM MTHO BA SKU SKYOS KYI TSUL DU STZAL,

DGON LUNG TSOGS CHEN DU SPYI 'JOG DANG, MANG JA 'GYED BCAS PHUL, LCAD SKYA RDO RJE 'CHANG DANG, RJE 'DI PA RNAM PA GNYIS SNGAR NAS GSUNG BGROS YOD PA BZHIN, BLA MA'I BKA' SPYI BOR NONG DE RGYUD PA GRVA TSANG GSAR DU BTZUGS NAS, RGYUD PA RNAMS LA 'GREL PA BZHI SBRAGS KYI BSHAD LUNG STZAL, DE NAS 'DAN MA ZHABS DRUNG RGYUD 'CHAD PA'I SLOB DPON DANG, KAN CHEN BLO GROS RGYA MTSO BLA MA DBU MDZAD PAR BSKO BZHAG MDZAD DE, SGRIGS LAM KUN SPYOD SOGS DPAL LDAN SMAD RGYUD GRVA TSAD LTAR BGYID DGOS PA'I BKA' KHYAB KYANG STZAL, RGYUD PA'I SPYI 'JOG TU, 'JIGS BYED MGON PO CHOS RGYAL GSUM GYI ZHAL THAD, SBUB CHAL LEGS PA BCAS PHUL ZHING GRVA JA DANG 'GYED SOGS ZANG ZING GIS KYANG TSIM PAR MDZAD, LCAD SKYA RDO RJE 'CHANG DANG, RJE 'DI PA, CHU BZANG RIN PO CHE, KHRI THOG PA THU'U BKVAN RIN PO CHE, DAM CHOS GLING GI RGYUD PA DPON SLOB, DGON LUNG GI RGYUD PA DPON SLOB RNAMS KYI GTZOS DGE 'DUN LNGA BRGYAR NYE BAS DGON LUNG GI 'DU KHA BRTEN GSUM DANG BCAS PA RAB GNAS MDZAD DE DGE LEGS KYI GZI BYIN KUN TU SPRO BAR GYUR TO,, RJE NYID KYIS GSOL BA BTAB STE, LCANG SKYA RIN PO CHE'I ZHABS DRUNG DU 'JIGS BYED BDUD LAS RNAM RGYAL GYI DBANG DANG, CHOS RGYAL GYI RJES GNANG GNYIS GSAN, DER BZHUGS RING NYIN RE BZHIN YAB SRAS GNYIS LHAN CIG TU BZHUGS TE MDO SNGAGS KYI DKA' GNAS MANG PO LAS BRTZAMS PA'I GSUNG GLENG GIS DUS 'DA' BAR MDZAD PA NI, BYAMS PA DANG 'JAM DBYANGS GNYIS CHOS KYI BGRO BA LA GDAN 'DZOM PA BZHIN NO, ,DGON LUNG SPYI SGER NAS 'BUL BA DANG BSNYEN BKUR LEGS PAR GZAB, ZHABS PHYI'I DKA' RAM RNAMS

, ,KYIS DAM BCA' BZHAG NAS BSTAN PA'I BYA BA YANG DAG BAR BYAS, TSUR 'BYON KHAR LCANG SKYA RDO RJE 'CHANG GI ZHAL NAS, KHYED SGO MANG GI KHRI LA RIGS GRVA GNYIS KYI BAR BZHUGS NA MKHAS GRUB KYIS SA STENG KHYAB PA ZHIG YONG RGYU YIN PA LA GCIG LAS BZHUGS MA THUB PA BSTAN PA'I BAR CHAD DU 'DUG ,DBYANG PHYOGS 'DI NAS DGON PA 'DEBS NA 'TSUB 'ONG BAS SKU RIM LA 'BAD DGOS ZHES PAS MTSON, NANG SBYAR GYIS ZHAL BKOD ZHIB RGYAS SU STZAL ZHING PHEBS KHAR YAB SRAS GNYIS 'BRAL MI PHOD PA LTAR MDZAD, SKU 'BUM NAS GDAN 'DREN PA 'ONG BA LA, ZHAL NAS, SKU 'BUM MJAL 'DOD CHE YANG NAM ZLA DGUN KHAS GTUG PA DANG, KHAL RTA SOGS KYIS MI LCOGS PAR 'DUG PAS, RJES SOR YONG THUB PA BYED GSUNG, DE NAS GSER KHOG DGON NAS GDAN 'DREN 'ONG BA LA, ZHAL NAS, DPON SLOB HOR GYI SPRUL SKU LA MJAL DGOS PAS YONG GSUNG NAS CHIBS KHA BSGYUR, GSER KHOG NAS CHIBS BSU SER SBRENG STON MO SOGS SHANGS LEN GZAB RGYAS SU PHUL, SPRUL PA'I SKU RIN PO CHE DANG MJAL 'PHRAD MDZAD PAS BKUR STI DANG MTHONG GZOS CHEN PO GNANG, DGE 'DUN STONG PHRAG DU MA 'DUS PA LA ZAB RGYAS CHOS KYI BKA' DRIN YANG DAG PAR STZAL, SPRUL PA'I SKU RIN PO CHER, SKU YON SBYANGS DGOS TSUL GYI ZHAL BKOD ZHIB TU MDZAD, TSOGS SU MANG 'GYED SPYI 'JOG BCAS GNANG, SPYI SGER SO SO NAS 'BUL NOD RGYA CHEN PO PHUL, BSTAN PA'I DMIGS RKYEN DU ZHABS PHYI'I DGE BSHES RNAMS KYIS DAM BCA' BZHAG NAS LUNG DANG RIGS PA'I DGA' STON LEGS PAR SPEL TO, ,DE NAS PHYIR

CHIBS KHA BSGYUR TE PHEBS PA'I LAM BAR DU, MDUNG NAG CHOS MDZAD SOGS MDUNG NAG NAS MJAL MI MANG PO DANG, MTSO KHA'I DPON PO PHAL CHER DANG, DPON PO AER TE NI THA'I JI BCAS KYI BSNYEN BKUR DANG, 'BUL BA TSAD MED PA PHUL, DE NAS RIM GYIS PHEBS PAR HOR ZLA BCU PA'I BCU BDUN GYI NYIN BKRA SHIS 'KHYIL DU PHYAG PHEBS, SNGAR RGYUN BZHIN THUGS DAM ZAB MO'I NYAMS BZHES NYIN MTSAN KHOR YUG TU SKYONG BZHIN PA NAS, CHOS 'BREL DANG PHYAG DBANG ZHU BA RNAMS KYI RE BSKOD PAR MDZAD, LNGA MCHOD KYI NYIN RTZAM PA BRE CHEN DU MA LAS ZHAL ZAS RGYA MTSO MA BZHENGS SHING, GZHAN YANG MCHOD PA'I BYE BRAG NGOS GTZANG ZHING GYA NOM PA BSHAMS, TSOGS SU'ANG MANG JA 'GYED TSAB RA BCAS KYIS BSNYEN BKUR BAR MDZAD, RJE RANG NYID KYANG TSOGS DBUR BYON TE RGYAL BA GNYIS PA'I THUGS DGENGS RDZOGS SHING BSTAN PA RGYAS PA'I SMON LAM GYI MTSAMS SBYOR YANG DAG PA GNANG, 'DI NAS BZUNG STE LO RE BZHIN LNGA MCHOD KYI NYIN ZHAL ZAS RGYA MTSO MA MA CHAG PAR BZHENGS PA'I RGYUN DA LTA YANG MCHIS SO, ,LNGA MCHOD GROL NAS LO GSAR BAR DU SKU 'TSAMS SU BZHUGS, LO DE'I NANG DU SHING BZO BA BDUN GYIS LAS KA'I MGO BRTZAMS PA LA GOS CHEN YU GA GNYIS, DNGUL SRANG NYI SHU, RTA BDUN, GYON PA CHA TSANG BCAS KYI GNANG SBYIN RGYA CHER STZAL, DGUN CHOS CHEN MO'I SKABS, DE NAS BZUNG STE PHYIN CHAD LO RE BZHIN SGO MANG LTAR, ZLA CHOS BZHI, BAR CHOS BZHI STE CHOS THOG BRGYAD DANG, RIGS GRVA'I CHOS THOG GCIG STE CHOS THOG DGU MA CHAG PAR GYIS GSUNG, RGYAN 'JUG GNYIS KYANG TSOGS 'DON DU BTZUGS, GRVA TSANG DPON

, ,SLOB NAS 'BRAS SPUNGS LTAR TSOGS 'DON DU DMAG ZOR MA'I GTOR BSNGOS BTZUGS NA ZHES SNYAN BSKUL ZHUS PAS, DGON PA MYUR DU 'PHEL RGYAS CHE YANG, DAR RGUD MANG PO 'ONG BAS CHOS SKYONG MGON CHOS GNYIS KYIS CHOG GSUNGS NAS, AE WAm NANG GI GTOR BSNGOS LHUN GRUB BDE STONG MA TSOGS 'DON DU BTZUGS, ZLA BA BCU GNYIS PA'I NYER DGU'I NYIN BKA' PHEBS LTAR, RGYUD PA'I BYING 'DREN PHUN TSOGS BSTAN 'DZIN GYIS GTOR RGYAG BYAS PAS, MNGON SPYOD KYI LTAS 'JIGS RNGAMS CHE BAR BYUNG, DGUNG LO RE BZHI PA LCAGS YOS KYI LO'I ZLA BA DANG PO'I TSES GCIG GI NYIN DPON RIN PO CHE NAS GNAM LO GSAR DU TSES PA'I DGA' STON GYI GRAL DBUR SPYAN DRANGS TE, GSOL STON RGYA CHE ZHING DPANG MTHO BA MNGON PAR BTEG ,DER GRVA PA GSAR ZHUGS PA RNAMS KYIS TSOGS GLENG BYAS PAS, RJE RANG NYID THUGS SHIN TU DGYES PAR GYUR TE, CHOS GRVAR ZHUGS NAS CHER MA SONG YANG RTAGS GSAL KHYAB GSUM LA GO BA GSHA' MA CHAGS 'DUG PA NGO MTSAR CHE, SNGON GYI BAG CHAGS SANG PA DANG, SKYE BA DU MAR NGED LA 'BREL BA YOD PA YIN 'DUG GSUNGS NAS BSNGAGS BRJOD MDZAD PAS RTOG GE BA GZHON NU RNAMS SNGON MED PA'I DGA' SPROS YID RANGS SHING DAD GUS LHAG BAR 'PHEL, TSES GNYIS KYI NYIN BLA BRANG NAS GSOL STON RGYAS PA ZHUS, TSOGS GLENG YANG NYIN SNGA MA LTAR BYAS, TSES PA GSUM GYI NYIN GRAL 'DZIN BYAS TE CHO 'PHRUL CHEN MO'I SMON LAM LEGS PAR BTZUGS, SMON LAM GYI 'DON CHA PHYAG LEN SOGS RJE RIN PO CHE'I GSUNG 'BUM THOR BU'I NANG LTAR CHA TSANG ZHING SLA CHOS

SUM SONG BA KHRIGS CHAGS PA MDZAD, NYIN RE BZHIN GSUNG CHOS DANG TSOGS DBUL MA CHAG BAR PHEBS NAS, SKYES RABS SO BZHI PA'I GZAB BSHAD BKA' DRIN BSKYANGS SHING, TSOGS SU BSNGO SMON GYI MTSAMS SBYOR YANG DAG PAR GNANG, GRVA TSANG DPON SLOB NAS BSDUS GRVA'I LJAGS RTZOM GNANG DGOS ZHES ZHUS PAS, BKA' LAS, BSDUS TSAN BCO LNGA TZAM SNGAR BRTZAMS ZIN KYANG LHAG MA BRIM THUB, DA LTAN SO YANG RGAS SHING BYED DGOS MANG BAS MI LCOGS PAR 'DUG ,SNGA SOR SDE SRID SANGS RGYAS RGYA MTSOS DRI BA MDZAD SKABS, BSDUS TSAN NYER LNGA'I RTZA TSIG ZHIG BRTZAMS YOD PA 'DI YIN PAS, 'DI NYID RTZA BAR BYAS TE LUNG RIGS KYI SHES BYED RGYAS PA SDE BDUN YID KYI MUN SEL NAS KHA BSKANG STE RTZI BZHAG LA THONG GSUNGS PA LTAR, SMRA BA'I DBANG PHYUG DAM PA DPON SLOB ZHAL SNGA NAS KYIS LJAGS RTZOM MDZAD PA DENG SANG BKRA SHIS 'KHYIL GYI BSDUS GRVA ZHES GRAGS PA 'DI YIN NO, ,SMON LAM GROL NAS LO 'DIR MKHAR LAS BYED PA LA RIM GRO BYED DGOS GSUNG NAS, SKU 'TSAMS KYI BCAD RGYA DAM PAR MDZAD, ZHAL NAS; CHOS 'TSAMS LA YANG RTZI BZHAG MCHAG PAR THONG GSUNGS PA LTAR, DPON SLOB ZHAL SNGA NAS KYIS RJE NYID KYI BKA' SPYI BOR NOD DE LO KHA SHAS KYI BAR DU CHOS THOG CHOS 'TSAMS LA RTZI BZHAG MA CHAG PAR GNANG BAS 'CHAD NYAN ME LTAR 'BAR BAR GYUR TE GZUR GNAS MKHAS PA THAMS CAD KYIS GRVA DPON SLOB KUN LA BSTOD BSNGAGS KYI ROL MO SGROGS PAR BYED DO, ,BAR SKABS SHIG TU, DGON BA'I GLING DU NANG RIMS YANG YANG 'ONG BA DANG, LHAG PAR RAB 'BYAMS PA CHOS RGYA MO CHO GLO BUR DU NANG TSEBS

, ,DRAG POS ZIN NAS RIM GRO SOGS BSGRUB KYANG PHAN SKYED MA BYUNG BAS, RJE'I ZHAL NAS, MTHU LTAS SU 'DUG PAS DGA' LDAN GYI PHYAG LEN BZHIN TSOGS THEB GSUM KAR DRUG CU PA RE BSNGOS GSUNG BA LTAR BYAS PAS NAD RIMS KUN CHU 'OL KHA BSGYUR BA BZHIN DU GYUR, NAM ZLA DROS NAS MKHAR LAS KYI MGO BRTZAMS, DPON RIN PO CHES THUGS KHUR BZHES TE KHA KYA TSO DRUG LA SHING CHA 'DREN DU BCUG ,CHE 'KHOR, ZAM TSA, RONG TSO CHEN BCO BRGYAD, RONG PO YAR NANG MAR NANG, RDO BIS, BIS MDO RNAMS NAS AU LAG PA MANG PO BSKUL TE 'DU KHANG KA BA BRGYAD CU MA'I RTZIG RDO BLANGS TE, TSA KHO DANG, RNGA PA, RA MDO'I RDO BZO BA RNAMS KYIS 'DU KHANG KA BA BRGYAD CU MA'I RTZIG RMANG GI GZHI BTING, DE'I TSE LUNG PA SO SO NAS 'DUS PA'I AU LAG PA RNAMS NI 'THAB RTZOD DANG BRAL ZHING SEMS MTHUN PA DANG, SDONG CHEN DANG, RDO CHEN 'DREN DKA' BA DU MA 'DREN DGOS BYUNG YANG DE'I RKYEN GYIS MI DANG PHYUGS GANG LA YANG GNOD PA MED PA DANG, GTZUG LAG KHANG 'DI LTA BU'I LAS KA BYED RGYU BYUNG BSKAL BA BZANG ZHES THAMS CAD DKA' TSEGS LA MI LTA BAR LAS BYED PA LA DGA' BA DANG SPRO BAS DRANGS PAR GYUR PA YANG RJE 'DI'I BYIN RLABS DANG NUS MTHU YIN PAR GDON MI ZA'O, ,ZLA BA GSUM PA'I TSES BDUN GYI NYIN RJE RANG NYID BYON NAS 'DU KHANG GI THIG BTAB, DE'I NYIN SBYAGS MA DANG, 'JOR MANG PO 'TSONG MKHAN BYUNG BRTEN 'BREL LEGS PAR GLENG, SHING BZO NYI SHU, RDO BZO SUM CU BCAS LA STON MO DANG GNANG SBYIN GZAB PA STZAL, DKA' BCU GROGS PO PHA RI BA LAS DPON DU BSKOS TE LAS

BYED KUN GYIS G-YO SGYU MED PAR KHUR DU BLANGS TE SGRUB PAS DBYAR DO DE LA 'DU KHANG GI THOG 'GEL THUB PA BYUNG BAS, YUN THUNG YANG LAS KA TSAN PO CHE 'DI LTAR GRUB PA SKAD CIG BSKAL PAR BYIN GYIS RLOBS PA'I RNAL 'BYOR PA'I RNAM THAR DU SNANG, PHYAG MDZOD SDE PA RAB 'BYAMS PA BLO BZANG DON GRUB KYIS ZHUS NAS, GCOD KYI GDAMS PA THAR 'DOD DED DPON GYI KHRID KLAGS LUNG, BRGYAD STONG DON BSDUS KYI GSUNG BSHAD DANG BCAS PA SMIN RGYAS SU STZAL TE, SLAR YANG BCAD RGYA MDZAD, SKU 'TSAMS GROL NAS RGYAL MKHAN ZUR PA AA CHI THU NO MON HAN MJAL DU BYON TE, YUM GSHEGS PA'I DGONGS RDZOGS SU ZANG ZING GI 'BUL BA'I DNGOS PO SPAMS MTHO BA PHUL BA BDAG GIR MDZAD DE, GSHIN PO NGAN SONG LAS GROL TE MTHO RIS KYI SKAS LA 'DZEG PA'I BSNGO SMON GYI 'JUG PA YANG DAG PA GNANG, MKHAN POS GSOL BA BTAB STE DMAG ZOR MA DANG, RNAM SRAS KYI RJES GNANG SOGS CHOS BKA' CI RIGS PA STZAL NAS BZHED PA BSKANG, PAn CHEN RIN PO CHE DANG, RGYAL BA RIN PO CHE GNYIS LA 'TSAMS ZHUS KYI BANG CHEN LA RAB 'BYAMS PA RAB BRTAN RDZONG STA MDZAD, SLAR YANG SKU 'TSAMS SU BZHUGS TE DPA' RI AA RIN RAB 'BYAMS PA NGAG DBANG DPAL LDAN DANG, DBYIG KYA RAB 'BYAMS PA 'JAM DBYANGS GNYIS KYIS PHYAG G-YOG ZHUS NAS DRAG PO'I SBYIN SREG TSAR MANG PO GNANG, DE'I TSE BYI'U ZHIG 'ONG NAS ME NANG DU RANG DBANG MED PAR MCHONG NAS SHI BA DMIGS YUL GYI DGRA BA GEGS KHUG PA'I LTAS SU MNGON, PAR SKABS SHIG ,DPON PO RNAM RGYAL TSE BRTAN SKU BSNYUNG NAS SKYABS TSOL DU YONG BA LA RJES GNANG KHA SHAS STZAL, BSNYUNG GZHI GZHI

, ,MED DU DVANGS BA'I SKYABS 'JUG ZHUS PAR, ZHAL NAS, SKYI SHOD ZHABS DRUNG GIS BO SHOG THU HAN LA LCAGS MKHAR 'PHANG 'DUG PA DE'I SKYON YIN, DRUG CU PA PHOG NA BDUN RGYUD TSUN CHAD RTZAD NAS GCOD PAS BO SHOG THU'I BU TSA RGYUD LA DA LTA KHYED MIN PA GZHAN MI 'DUG PAS NGAS BSRUNG MI NUS, BLA MA GZHAN LA SKYABS BTZAL NA LEGS ZHES PAn CHEN RIN PO CHE LA SKYABS BTZAL DGOS PA'I BRDA GNANG BA YIN KYANG, KHONG TSOS CI YIN MA SHES, PHYIS SU PAn CHEN RIN PO CHE NAS GNANG BA'I MING BRJES NAS BLO BZANG BSTAN SKYONG BTAGS 'DUG ZER BA'I SKAD CHA MI ZHIG GIS RJE 'DI'I DRUNG DU ZHUS PAS, KHONG TSE THUNG BA PAn CHEN RIN PO CHE'I MKHYEN NAS RNAM RGYAL TSE BRTAN BTAGS PA YIN PAS, MING SPOS BA RTEN 'BREL MA LEGS TSE RING PO MI YONG GSUNG, DE NAS CHER MA 'GYANG PAR NAD GZHI DE'I RKYEN GYIS GRONGS PAS LOG LTA CAN RNAMS KYANG RJE 'DI LA SHIN TU GUS PAR GYUR, ZLA BA DRUG PA'I YAR TSES LA 'DU KHANG CHEN MO'I GDUNG MA 'DEGS PA'I SKABS, SHING BZO RDO BZO RNAMS LA STON MO DANG, GOS DAR SOGS KYI GNANG SBYIN GYA NOM PA STZAL, GDUNG 'DEGS PA'I TSE RJE RANG NYID KYI PHYAG GIS 'GYOGS PAR MDZAD DE, SKYE BA NAS TSE RABS THAMS CAD DU DAM PA'I CHOS KYI GDUNG 'DEGS PAR GYUR CIG CES SMON LAM GNANG, TSUL 'DI YANG SPYOD YUL YANG DAG PA'I MDO LAS BSHAD PA LTAR SPYOD LAM THAMS CAD DON LDAN DU BYED PA'I SEMS DPA' CHEN PO RNAMS KYI RNAM PAR THAR PA MCHOG TU SNANG NGO, ,STON CHOS CHEN MO'I SKABS, DBYAR CHOS CHEN MO'I SA CHA LA GZIGS NAS ZHAL BKOD

MDZAD; CHOS GRVAR BYON TE NYI KHRI SNANG BA, 'JUG PA RANG 'GREL SOGS 'PHAGS YUL GYI GZHUNG CHEN DU MA SBRAGS NAS GSUNG BSHAD RGYAS PA STZAL, SNGA PHYI'I SKABS 'DI DAG TU, 'JIGS BYED CHOS 'BYUNG GI RTZOM 'PHRO YANG GNANG, CHOS 'TSAMS RNAMS SU GRVA PA GSAR ZHUGS PA MTHA' DAG LA BSDUS GRVA RTZOD BCU GNAS GZIGS RTOG ZHIB PAR GNANG ZHING, BGRO GLENG GTONG TSUL, RKANG LAG GI RNAM 'GYUR SOGS SLOB PAR MDZAD, STON MJUG LAS MTSAMS BYAS TE, SHING BZO, RNGO BZE RNAMS SO SOR GYON PA CHA TSANG RE, DNGUL SRANG LNGA BCU, RTA BRGYA DANG LNGA BCU BCAS GNANG SBYIN GTOS CHE BA STZAL TE YID TSIM PAR MDZAD, NYIN GCIG ZHAL NAS, DE RING NAS BZUNG STE TSOGS BRDA LA 'BRAS SBUNGS LTAR DMIGS BRTZAM GTONG DGOS; THOG MAR RAB 'BYAMS PA PHUN TSOGS BSTAN 'DZIN MING BZANG PAS KHYOD KYIS THONG GSUNG BA LTAR SGRUB PA'I DGA' STON DU MANG JA DANG 'GYED GNANG, LNGA MCHOD KYANG SNGAR RGYUN BZHIN GNANG ZHING MJUG TU GTOR RGYAG GYIS GSUNG BA LTAR SGRUB, DGUNG LO RE LNGA PA CHU 'BRUG GI LO, LO GSAR GYI GSOL STON SOGS SNGAR RGYUN BZHIN GNANG, MGAR RTZE DPON SLOB BYON NAS DAM PA'I CHOS KYI DRI BA ZHUS PA LA THUGS MNYES PAR GYUR, SMON LAM GYI SKABS ZHAL ZAS RGYA MTSO MA 'DU KHANG GI THOG TSAD DANG MNYAM PA BZHENGS, GZHAN YANG MCHOD PA'I RNAM GRANGS BSAM GYIS MI KHYAB PA 'DU MDZAD, GSUNG CHOS LA SKYES RABS SO BZHI PA'I 'PHRO DANG, RNAM THAR DAD PA'I 'JUG NGO GAS GSUNGS, TSOGS SU MANG JA DANG 'GYED SOGS BSNYEN BKUR GYA NOM PA MDZAD,

, ,DPYID CHOS GROL NAS DON GNYER BA RNAMS LA TSANG MA RIGS SGO DANG, RIGS THIG SOGS TSADMA'I BSTAN BCOS DU MA'I GSUNG BSHAD RGYAS PA STZAL, THAL 'GYUR CHE BA 'DI SHIN TU RTOGS DKA' GSUNGS NAS, RJE RANG NYID KYIS RTZI BZHAG GNANG BAR NGO MTSAR BA'I LEGS BSHAD DU MA MCHIS, DPYID KA SHING BZO BA NYI SHU DANG, RDO BZO BA LNGA BCU BCAS KYIS RGYA MTHONG DANG, YANG THOG GSAR PHUB KYI, LAS KA'I MGO TSUGS PAR GNANG SBYIN GYA NOM PA STZAL, SRAS DON GRUB DBANG RGYAL SKU BSNYUNG NAS RIM GRO JI LTAR BYAS KYANG PHAN SKYED MA BYUNG BAR, RJE 'DI GDAN DRANGS NAS RKYEN SEL GYI RJES GNANG DANG, BUM CHU STZAL MA THAG TU ZLA BA'I DKYIL 'KHOR SGRA GCAN LAS GROL BA LTAR BSNYUNG GZHI LHAG MED DU DVANGS PAS MTHU STOBS NUS PA'I KHUR GYIS KHENGS PA DANG LDAN PA'I GRUB CHEN DU RLOM PA DAG NI NYI MA'I 'OD DANG 'PHRAD PA'I ME KHYER BZHIN DU GYUR, DPON YUM SRAS THUN MONG GI ZHABS BRTAN TU, BDUN PHRAG GCIG GI RING SKU 'TSAMS MDZAD, DPON RIN PO CHE NAS GSER DNGUL GOS DAR SOGS KYI 'BUL BA GYA NOM PA DANG, MCHOD GZHI'I THEBS SU RAB MDO DUD KHAG LNGA BRGYA SKOR PHUL, DE NAS DBO TSANG CHOS MDZAD KYIS GDAN DRANGS TE MDZO DGE'I PHYOGS SU CHIBS KHA BSGYUR, CHOS MDZAD KYIS, BLA MA CHE BA GSHEGS PA'I BSNGO RTEN DU DNGUL SRANG BZHI BRGYA, GOS DANG, ZAM RAS, RTA NOR BRGYA PHRAG DU MAS MTSON PHYI NANG GI BDOG BA GTOS CHE BA PHUL BA RNAMS BDAG GIR BZHES TE DMIGS YUL DAG PA'I ZHING DU THOGS PA MED BAR BGROD PA'I 'TSAMS SBYOR GYI 'JUG PA GNAD

SMIN STZAL, DE NAS CHEN PO HOR GYI RGYAL RIGS SU SON PA THU MED KHO LO TSIG GDAN 'DREN ZHUS PAR, RJE RANG NYID THU MED LA THUGS ZHEN CHE BA DANG, GZHAN DON GYI DGOS PA YANG GZIGS NAS DER CHIBS KHA BSGYUR TE ZHAG 'GA'I RING BZHUGS, ZAB PA DANG RGYA CHE BA'I 'DOD CHOS DU MA STZAL TE MNGON MTHO DANG NGES LEGS KYI SGO 'PHAR YONGS SU PHYE, SKYE BO BRO 'TSAL BA DANG, SMYO 'BOG GI NAD KYIS THEBS PA MANG PO SGAR LA BSKOR BA BYAS PA TZAM GYIS LUS SEMS ZUG RDU'I TSOR BA LAS GROL TE DGA' BDE'I DBUGS PHYIN PAR GYUR, SKYABS TSOL ZHU MI MANG DU BYUNG BA RNAMS KYANG BRTZE BAS DGONGS TE MI SHIG BSRUNG BA RDO RJE'I GUR KHANG DU 'DZUD PAR MDZAD, THU MED KYI DPON PO KHO LO CHIS THOGS DRANGS, DAD LDAN MTHA' DAG RJE 'DI'I SKU GSUNG THUGS KYI MDZAD PA LA MI PHYED PA'I DAD PA THOB STE, GCES NOR YOD DGU PHUL, ZHAL NAS, RMA CHU DANG RME CHU'I BAR 'DI LHA 'DRE MNGON SUM DU GNAS PAS SHIN TU RTZUB PA ZHIG 'DUG ,YIN KYANG GLING DOS KYIS CHA 'DIS SHIN TU BZANG BA SKYID PA GCIG 'DUG CES BSNGAGS BRJOD MDZAD DE NAS MDZO DGER BYON, MDZO DGE DPON KHAG SO SOS RTA MCHOG BRGYA PHRAG DU MA'I GTZOS 'BUL BA TSAD MED PA DANG, ZHABS TOG BSNYEN BKUR PHUN SUM TSOGS PA ZHUS, MDZO DGE RAB BRTAN GYI RIGS RGYUD DANG, LONGS SPYOD KYI DON DU BU MA GTER SBA BAR MDZAD CING DE LA BRTEN NAS RAB BRTAN GYI BU DANG TSA BO YANG TSA RNAMS 'PHAN DAR ZHING LONGS SPYOD CHE BAR YOD PA 'DI LAGS SO, ,THE BO CHA BA TSAN KHANG PHEBS NAS SKU'I 'PHROD BRTEN DU BDUN PHRAG GCIG CHU TSAN LA BZHUGS, YUL GANGS CAN GYI

, ,SNYAN NGAGS MKHAN NGAG DBANG CHOS GRAGS DKON MCHOG GRUB PA'I SDE'I YANG SRID DU GRAGS PA RDO RJE 'JIGS BYED KYI RNAL 'BYOR PA CHEN PO MDZOD DGE SKU SKYE NAS SHANGS LEN DANG BSNYEN BKUR GZAB PAR ZHUS, DER BZHUGS RING NYIN RE BZHIN MJAL PA DPAG TU MED PA 'DUS PA LA, RANG RANG GI 'DOD MOS KYI BKA' CHOS DANG, PHYAG DBANG GIS TSIM PAR MDZAD DE DAD LDAN GYI LUS CAN MTHA' YAS PA RNAMS PHYIR MI LDOG PA'I GTAN GYI BDE BA LA YANG DAG PAR BKOD, CHAB TSAN SKU LA SHIN TU 'PHROD PAR BYUNG STE, SKU RIN PO CHE SPRIN DANG BRAL BA'I NYI MA LTAR MCHOG TU RGYAS PAR GYUR, CHAB TSAN GYIS 'PHROD BRTEN GRUB NAS SLAR BKRA SHIS 'KHYIL DU CHIBS KHA BSGYUR, LAM BAR DU CHE 'KHOR STOD SMAD KYIS 'BUL BA DANG BSNYEN BKUR TSAD MED PA BSTAG GZHUNG BA RAB 'BYAMS PA BSTAN PAS ZHUS NAS GLA RI MGO LA DGON PA GSAR 'DEBS KYI ZHAL BKOD MDZAD PAS, MA 'GYANG BAR DGON PA ZHIG CHAGS PA DA LTA YANG GONG 'PHEL DU YOD PA 'DI YIN NO, ,DE NAS MI'I DBANG PHYUG DAM PA JU NANG RIN PO CHES SNYAN BSKUL GYIS 'TSAMS SBYAR NAS, AA KHU B'A THUR THA'I JI LA MJAL 'PHRAD MDZAD PA'I CHED DU BYON, LAM BAR DU GNAS PA'I DANG LDAN KUN GYIS BSNYEN BKUR DANG, 'BUL BA RGYA CHER PHUL, AUR GE LA PHEBS PA'I NYIN STOBS KYI 'KHOR LOS BSGYUR BA CHEN PO RGYAL PO B'A THUR THA'I JI RANG NYID KYIS GTZO BYAS, RTA PA BRGYA PHRAG DU MA CHI BAS BSUR BYON TE MJAL 'PHRAD MDZAD PAS RTEN 'BREL DANG LEGS TSOGS CHE BAR BYUNG, DER ZHAG 'GA' BZHUGS PA'I RING, RGYAL PO'I SKU

ZHABS NAS ZHABS TOG DANG BSNYEN BKUR YANG DAG PA SGRUB, RGYAL PO B'A THUR THA'I JI DPON YUM SRAS LA SPYAN RAS GZIGS KYI RJES GNANG STZAL, RGYAL PO 'KHOR BCAS YANG RJE 'DI LA DAD PA BRTAN PO THOB STE, GSER DNGUL, GOS DAR RTA NOR SOGS 'BUL BA SPAMS MTHO BA PHUL, DGON PA'I SA CHA'I DON DU BKA' SHOG KYANG GNANG, DE NAS SLAR BKRA SHIS 'KHYIL DU BYON, STON CHOS CHEN MO'I SKABS, DPA' MDZANGS RTUL PHOD KYIS R'A MA nA'I KHENGS PA 'PHROG PA DPON PO AER TE NI THA'I JI DANG, DPON MO GDUGS DKAR GNYIS MJAL BAR BYON TE PHYI NANG GI 'BUL BA'I DNGOS PO GYA NOM PA DANG, GRVA RGYUN YANG KHA SHAS PHUL, DPON DPON MO GNYIS KYIS GTZOS TSOGS PA STONG PHRAG NYE BA LA 'JIGS BYED BDUD LAS RNAM RGYAL GYI DBANG DANG, TSE DPAG MED LHA DGU'I DBANG STZAL, DPON DPON MO GNYIS KYIS TSOGS SU'ANG MANG 'GYED DANG, BSNYEN BKUR PHUN SUM TSOGS PA ZHUS, THE PO GZA' RU DUD TSAD BRGYAD BRGYA TZAM DGON PA'I MCHOD GZHI'I THEBS SU PHUL, STON MJUG 'DU KHANG GI RGYA MTHONG SBEN YAB DANG BCAS PA LEGS PAR GRUB NAS LAS BYED PA BDUN CU SKOR LA, GOS SLOG CHA TSANG RE, RTA NYIS BRGYA, GSER DNGUL GOS DAR SOGS GTOS CHE BA GNANG PAS YID TSIM PAR MDZAD, DGUN CHOS SKABS GRVA PA GSAR ZHUGS PA'I KHROD NAS BSDUS TSAN NYER LNGA YONGS RDZOGS KYI RGYUG 'BUL MKHAN MAR PO BYUNG BA LA THUGS SHIN TU DGYES SHING GNANG SBYIN GYA NOM PA STZAL, ZANG ZING GI 'BUL BA RI LTAR SPUNGS KYANG THUGS DGYES PA'I RNAM 'GYUR MI MDZAD LA, BSDUS GRVA'I RGYUG TZAM ZHIG PHUL PA LA DGYES PA'I

, ,STANG KA CHER MDZAD PA NI, THUB PA'I BSTAN PA 'BA' ZHIG THUGS LA BCAD BA'I RNAM THAR DU SNANG NGO, ,DGUNG LO RE DRUG PA CHU SPRUL GYI LO SMON LAM CHEN MO'I GSUNG CHOS LA, SKYES RABS SO BZHI PA'I 'PHRO DANG, RJE'I RNAM THAR GSUNGS, SMON LAM GROL NAS, SA SKYONG MI'I DBANG PO JU NAS YUM SRAS RNAMS LA, KHYED RANG TSOS NGA 'DIR BOS PA'I DGOS DON GYI GTZO BO DGON PA BTAB ZIN PA YIN MOD, DA PHYIN CHAD DGON PA 'PHEL RGYAS KYI 'DZIN SKYONG GANG DRAG MDZOD, NGAS DBUS NAS KHRID YONG BA'I DKA' RAM 'DI RNAMS LA BDAG RKYEN BZANG PO GYIS ZHES BCOL GDAMS MDZAD PAS, SKU 'KHOR RTOG DPYOD CAN PHAL CHER YI DAM CHES, ZHAG 'GA' SONG BA NA GLO BUR DU SKU BSNYUNG BZHES PA'I TSUL BSTAN TE, ZHABS BRTAN MANG PO SGRUB KYANG DRAG SKYED MA BYUNG, SMAN PA RNAMS KYIS PHYAG RTZA DANG, CHAB GNYIS MI MTHUN PAR 'DUG PAS 'TSO DKA' ZHES GLENG, RJE RANG GIS ZAS SKYON YIN PA 'DRA GSUNG NAS DUG SBYONG MDZAD PAS KYANG MA PHAN PAR RIM GYIS SNYUN BABS LCI RU SONG NAS DBU BSGRUL BA SKYOD TZAM YANG MI NUS PA'I TSOD DU GYUR KYANG, RGYUN GYI THUGS DAM GYI RIM PA MA CHAG PAR MDZAD PAS SKU 'KHOR BA RNAMS DAD PA LTAG PAR 'PHEL, DE NAS ZHABS PHYI BA MANG MAS SPYI BSDUS KYI 'BUL BA MAndAL DANG BCAS BSTAN 'GRO'I DON DU ZHABS PAD YUN RING BRTAN DGOS PA'I GSOL 'DEBS DANG BCAS ZHABS BRTAN PHUL, SKABS DER TSOGS KYI 'GYED DUNG GTONG BA DUS MTSUNGS SU BYUNG BAS THUGS SHIN TU DGYES NAS, RIM GROR SGROL MA GANG MANG THON, DE RING GI RTEN 'BREL DANG

CHOS SKYONG RNAMS KYI LUNG BSTAN BZHIN LO RE GNYIS LA 'DUG AE THUB LTA ZHES ZHAL BZHES BZANG POS SLOB MA RNAMS DBUGS PHYUNG, ZHABS BRTAN ZHIG GSAR RTZOM ZHUS PAR DE MA THAG PHYAG BRIS MDZAD DE STZAL PAS TSOGS SU BTZUG ,RJE RANG GI THUGS BSKYED DANG; SLOB MA RNAMS DAM TSIG GTZANG BA'I RTEN 'BREL GYIS BRTAN BZHUGS PHUL 'PHRAL DU SKU GZUGS JE BDER SONG, SLAR YANG BSNYUN 'JUG DVANGS CHED DU TSOGS CHEN NAS SGROL MA 'BUM THER, TSE GZUNGS BYE BA, DKA' RAM BSNYEN SONG KHA SHAS KYIS MGON PO'I GTOR CHEN BCAS BSGRUB BSAM 'GYANG BAR ZLA BA SGRA GCAN LAS GROL BA LTAR SKU BSNYUNG LHAG MA MED PAR DVANGS PAS, SLOB MA RNAMS SNGON MED PA'I DGA' BA DES YID BRTAS PAR GYUR, LO DE'I DPYID KA ZHAL BKOD MDZAD PA BZHIN 'DU KHANG CHEN MO'I GTZANG KHANG GSAR RGYAG GI LAS KA'I MGO BRTZAM, ZLA BA BZHI PA'I NANG DU THE BO CHAB TSAN LA PHEBS NAS BDUN PHRAG GCIG GI RING SKU'I 'PHROD BRTEN MDZAD DE, SLAR YANG GDAN SAR BYON, PHAR PHYIN SKABS GNYIS PA DANG GSUM PA, RNAM 'GREL LE'U GNYIS PA RNAMS BKA' RTZOM MDZAD, LAM RIM CHEN MO'I t'IKKA GSAR RTZOM GYI DBU YANG BTZUG ,SA SKYONG DAM PA LHA SKYABS MER RGAN DA'I CHING GIS AEL CHI MDAG NAS KHONG RANG LA PHYIS SUN TSA DRAG BO ZHIG BYUNG BAR SUS KYANG PHAN MA THOG PAS, SKU ZHABS NYID KYIS RJES SU 'DZIN DGOS TSUL ZHUS PAR 'DIR YONGS THUB NA BSNYUNG GZHI DRAG THUB PA BYED CES GSUNG PA LTAR MA 'GYANG BAR MED RGAN DA'I CHING BYON NAS LUS NGAG YID GSUM PHUL TE SKYABS TSO LA ZHUS, KHONG GI BSNYUNG GZHI DE 'BYUNG PO DRAG

, ,RTZAL CAN ZHIG GIS RGYAB BRTEN BYAS PA'I NANG DU SONG GSHIS, SNGA SOR SNGAGS PA NUS LDAN DU RLOM PA MANG POS RIM GRO ZHI DRAG JI LTAR SGRUB KYANG PHAN SKYED TIL 'BRU TZAM MA BYUNG YANG, RJE 'DIS RJES GNANG GCIG STZAL PA TZAM GYIS NAD GZHI LHAG MA MED PAR DVANGS PAS DPON G-YOG KUN GYIS RJE 'DI LA GSANG BA'I BDAG PO LAG NA RDO RJE DANG DBYER MA MCHIS PA'I DAD PA THOB, LO DE'I DBYAR STOD RGYAL MKHAN PO AA CHI THU NO MO HAN PHEBS NAS CHOS BKA' MANG DU ZHUS, PHYIR 'BYON KHAR MKHAN RIN PO CHE LA DGON PAR GZIM KHANG RGYAG DGOS TSUL DANG, SLAD NAS DGON PA'I MKHAN PO MDZAD DGOS ZHES BKA' KHYAB GNANG ZHING, KHONG GIS KYANG DANG DU BLANGS, SA SKYONG MI'I DBANG PO DPON JU NANG DANG, BSTAN SKYONG THUN MONG NAS SNGA SOR MGO LOG GI STENG DU DMAG LAN CIG SONG BA YIN KYANG MA THUB PAR BRTEN, DUS PHYIS KHO RANG TSO NGA RGYAL BA LTA BU'I DGRA JAG GI GNOD TSAB CHE ZHING LHAG PAR DBUS PHYOGS SU 'GRO MI RNAMS LA SHIN TU GNOD PAR SNANG BAS, DA LO YANG BSKYAR GYI DMAG RGYAG RTZIS YIN PAS LAM DU 'GRO BA'I RIM GRO DANG SKYABS 'JUG ZHUS PAR, MGON PO'I GTOR SGRUB BYAS TE SONG NA DON 'GRUB YONG GSUNG BA LTAR SGRUB STE DPON RIN PO CHE DMAG TSOGS DANG BCAS BYON PAS, G-YUL BSHAMS PA TZAM GYIS MGO LOG THAMS CAD DBANG DU BSDUS TE DGRA SDE'I G-YUL LAS RNAM PAR RGYAL BA'I GRAGS SNYAN GYI RU MTSON SRID RTZER SGRENG BA DANG BCAS PHYIR 'KHOR TE BKA' DRIN BSAB CHED DU LEGS 'BUL RGYA CHER BSTAB, STON MJUG GTZANG KHANG GI 'OG SHOD GRUB NAS LAS BYED PA RNAMS LA ZANG ZING

GI GNANG SBYIN GYA NOM PA STZAL TE YID TSIM PAR MDZAD, ZLA BA BCU GCIG PA'I NANG DU RGYAL DBANG THAMS CAD MKHYEN PA DANG, PAn CHEN RIN PO CHER MTSAMS ZHUS KYI BANG CHEN DU RAB 'BYAMS PA 'JAM DBYANGS DPAL LDAN RDZONG STA MDZAD CING, RNAM 'GREL GYI LE'U GNYIS PA DANG, PHAR PHYIN SKABS GNYIS PA DANG GSUM PA BCAS RGYAL BA'I SKU ZHABS SU PHUL, DGUNG LO RE BDUN PA SHING PHO RTA'I LO SMON LAM LA LAN GNYIS TZAM BYON NAS, NYI MA LHAG MA RNAMS LA RJE NYID KYI BKA' LTAR AA CHI THU NO MON HAN GYIS SMON LAM GYI TSOGS DBU MDZAD, ZLA BA BZHI PA'I YAR TSES LA THE BO CHAB TSAN DU BYON NAS BDUN PHRAG GNYIS KYI RING CHAB BZHUGS MDZAD PAS SKU LA SHIN TU 'PHROD PAR BYUNG, ZHAL NAS PHYOGS 'DI'I GZHI BDAG PHAL CHER DKAR PHYOGS BAR SNANG ZHING, LHAG BAR CHAB TSAN 'DI LA SANGS RGYAS KYI ZHAL MTHONG BA'I BYANG SEMS ZHIG GNAS 'DUG CES GSUNGS, CHAB BZHUGS GRUB NAS SLAR GDAN SAR BYON, LO DE'I DBYAR DUS SU LI THANG NAS SNGAGS RAM PA DPAL 'BAR MJAL DU BYON PA LA CHIBS BSU BA BTANG NAS BKUR GZOS MDZAD CING, MJAL 'PHRAD BYAS MA THAG MA BU 'PHRAD PA LHAR DGYES TSOR CHEN PO GNANG, LI THANG MKHAN CHEN SANGS RGYAS CHOS 'PHEL GYIS SKYABS 'JUG ZHU YIG PHUL BA'ANG 'BYOR, SNGAGS RAM PA DPAL 'BAR 'DI PA BLO GSAL GLING BU 'BOR BA YIN ZHING MTHUN SNANG LA SKU YON HA CANG CHE RGYU MED CING, RANG BZHIN DRANG LA G-YO SGYU CHUNG BA, DKON MCHOG MCHOD PA LA BRTZON PA, NOR RDZAS LA 'DZIN CHAGS KYI SRED PA DANG BRAL BA ZHIG STE, RJE NYID SNGA MO DGE 'PHEL DU BZHUGS SKABS NYE

, ,GNAS MDZAD DE TSA GRANG BKRES SKOM GYI NGAL BA MTHA' DAG KHYAD DU BSAD NAS ZHABS TOG PHUN SUM TSOGS PA BSGRUBS PAS, BLA MA SANGS RGYAS SU DNGOS SU MTHONG ZHING, KUN DGA' BO DANG 'BROM STON PA'I RNAM THAR BDAG GIR BYED BA ZHIG GO ,RAB 'BYAMS PA BLO BZANG MKHAS MCHOG JUN GAR DU 'TSAMS ZHUS LA BTANG BA PHYIR 'KHOR, DE DANG MNYAM DU JUN GAR DPON GYI AEL CHI GRAGS PA BLA MA YANG 'BYOR, JO RIGS THU HUm THA'I JI'I ZHU YIG TU BDAG LA BLA MA NYID DANG MJAL 'DOD SKOM BA CHUS GDUNG BA LTA BU YOD KYANG SKAL BA MA BYUNG, 'ON KYANG DGE LUGS KYI BSTAN PA DANG LA RGYA THUGS LA BTAGS DGOS ZHES PA PHUL, DBON PHUN TSOGS BKRA SHIS KYIS 'TSAMS ZHUS DANG, RAB 'BYAMS PA BSTAN PA PHUN TSOGS KYIS 'TSAMS ZHUS DANG RTA BRGYA BSKUR BA'ANG 'BYOR, DPON TSANG NAS RNGA PA'I GRVA PA BRGYA PHUL BA DBYAR CHOS CHEN MOR ZHUGS, MTSO SNGON NAS DAD BRTZON RNAM DBYOD DANG LDAN PA DGE TSUL MA BLO BZANG CHOS MTSO BYON NAS GSOL BA BTAB PA LTAR KHONG DANG, MER RGAN DA'I CHING DANG, GRVA MANG BCAS LA ZLA BA GCIG GI RING LA LAM RIM CHEN MO'I BSHAD LUNG SPYOD PA SPYI BSLAB KYI BAR DU GNANG, MI TRA BRGYA RTZA'I DBANG CHEN GNANG RGYU'I GEGS SEL DU SKU NYE DBAL SHUL RNAMS KYIS KHUR BLANG TE MGON PO'I GTOR SGRUB ZHIG LEGS PAR SGRUB, ZLA BA BRGYAD PA'I NANG DU LA MO BDE CHEN NAS 'JAM MGON RGYAL BA GNYIS PA'I BSTAN PA'I GSAL BYED CHEN PO KHRI RIN PO CHE BLO GROS RGYA MTSO'I MCHOG GI SPRUL PA'I SKU BLO BZANG BSTAN PA'I NYI MA DGE BSHES DU MA'I 'KHOR DANG BCAS DBANG

GSAN PA'I CHED DU BKRA SHIS 'KHYIL DU BYON, CHIBS BSU DANG GSOL STON SOGS SHANGS LEN YANG DAG PAR MDZAD CING MJAL 'PHRAD GNANG BA'I SKABS RJE NYID NAS SPRUL PA'I SKU RIN PO CHER BKUR GZOS CHEN PO MDZAD, KHRI CHEN MCHOG GI SPRUL PA'I SKU RIN PO CHE DE NYID KYIS SNGAR NAS DBANG SNYAN GSAN PHUL BA DANG, GZHAN YANG DON GNYER CAN DU MAS GSOL BA BTAB PAR BRTEN DBANG GI YO BYAD RNAMS STA GON MDZAD DE, KHRI CHEN MCHOG GI SPRUL PA'I SKU DANG, YONGS KYI DGE BA'I BSHES GNYEN CHEN PO MA nI PA SHES RAB BKRA SHIS, GSANG CHEN GDAMS PA'I BANG MDZOD SHA SBRANG SNGAGS RAM PA 'JAM DBYANGS BLO GROS, CHOS RJE DON GRUB RIN CHEN GYI RNAM 'PHRUL DU GRAGS PA KHYA DGE DPON SLOB BLO GROS RGYA MTSO, MDZO DGE SKU SKYE, SPO TSANG SKU SKYE SOGS BLA CHEN DU MA DANG; LUNG DANG RIGS PA SMRA BA'I BSHES GNYEN MANG POS THOG DRANGS DGE 'DUN 'DUS PA KHRI PHRAG BRGAL BA DANG, SA SKYONG DAM PA DPON AER DHE NE JU NANG, DPON MO RNAM RGYAL, MER RGAN DA'I CHING, DON GRUB DBANG RGYAL, DGE TSUL MA BLO BZANG CHOS MTSO, AER DHE NI THAS JI, DPON MO GDUGS DKAR, THU MED KHO LO CHI SOGS DPON PO DU MAS GTZOR MDZAD SKAL BA DANG LDAN PA'I GDUL BYA GRANGS MED PA 'DUS PA LA DKYIL 'KHOR RGYA MTSO'I BDAG POR BZHENGS TE HOR ZLA BRGYAD PA'I NYI SHU THAM PA'I NYIN STA GON MDZAD CING, DE'I NUB MOS 'GUL CHEN PO ZHIG BYUNG BA DKAR PHYOGS KYI 'BYUNG PO RNAMS MNGON PAR DGA' BA'I LTAS SU MNGON, NYI SHU GCIG GI SNGA DRO GSHED DMAR GYI DBANG DANG, PHYI DRO LHA DGU MA'I DBANG STZAL ZHING, NYI MA PHYI MA RNAMS KYI

, ,BLA MED SKABS NYIN RE BZHIN BLA MED KYI DBANG GNYIS RE DANG, RGYUD SDE 'OG MA GSUM LA STA GON RE RE MDZAD DE, NYIN RE BZHIN DBANG BZHI BZHI GNANG, HOR ZLA DGU PA'I NYI SHU LNGA'I SNGA DRO DZAMBHA LA GTZO 'KHOR BCO BRGYAD PA'I DBANG STZAL TE MJUG RDZOGS PAR MDZAD, DE LTAR ZLA BA GCIG DANG, NYI MA DRUG TZAM GYI RING LA THUB BSTAN RIN PO CHE'I BTZAS SU DGONGS TE, GRUB CHEN MI TRA DZO KI'I THUGS BCUD, RGYUD SDE RNAM BZHI'I BANG MDZOD, RNAL 'BYOR DBANG PHYUG BYE BA'I DGA' STON DAM PA MI TRA BRGYA RTZA'I DBANG CHEN ZHES YONGS SU GRAGS PA DE NYID LEGS PAR STZAL PAS, SKAL BA DANG LDAN PA'I GDUL BYA RNAMS KYI YID KYI BUM BZANG BYIN RLABS BDUD RTZI'I CHU RGYUN GYIS YONGS SU GANG ZHING, SANGS RGYAS LAS KYANG DKON PA'I ZAB MO RDO RJE THEG PA'I YANG SNYING, YI DAM RGYAL BA RGYA MTSO'I DKYIL 'KHOR GYI SMIN BYED 'DI TZAM THOB PA NI RNYED PA'I MCHOG LEGS PAR RNYED PA'O SNYAM DU TSONG PA KHE SPOG GRUB PA'AM, DED DPON MKHAS PA NOR BU'I GLING DU SON PA LTAR DGA' BA DANG SPRO BA TSAD MED YID LHAG PAR RANGS PAR GYUR TO, ,DE DAG LA 'DI SKAD CES BRJOD PAR BYA STE, RNAL 'BYOR DBANG PHYUG BYE BA'I GTZUG GI RGYAN, ,MI TRA DZRA KI'I MKHYEN YANGS K'A LA SHAR, ,YONGS BZUNG BYIN RLABS BDUD RTZI'I AA MRi TA, ,GANG THUGS RIN CHEN BUM PAR GCIG TU 'KHYIL; ;RIG SNGAGS 'CHANG GZHUNG RGYA MTSO'I MTHAR SON CING, ,PHYI DANG NANG GI DE NYID BCU LA MKHAS, ,RAB 'BYAMS LHA TSOGS SPRO ZHING SDUD NUS PA, ,KHYOD NI DKYIL 'KHOR RGYA MTSO'I BDAG POR GRUB, ,ZUNG 'JUG PHYAG RGYA CHEN PO'I GO 'PHANG

LA; ;SRED LDAN RDO RJE'I RIGS CAN SKAL BZANG KUN, ,PADMO'I MTSO LA DANG MO'I PHRENG BA BZHIN, ,CI DGAR 'DUS PA'I NGANG TSUL 'DI RMAD BYUNG, ,DNGOS GRUB CHAR 'BEBS SRAS BCAS RGYAL BA'I DKYIL 'KHOR GRANGS MED 'DU MDZAD CING, ,DPAL LDAN RIGS LNGA'I DRANG SRONG RNAMS NI MKHA' DBYINGS TIL GYI GANG BU BZHIN, ,YID 'PHROG RIG PA'I NA CHUNG GANG DAG SNYAN PA'I GLU LEN SHIS PA BRJOD, ,KHRO BO'I TSOGS RNAMS PHYOGS BCUR RGYUG CING BDUD BGEGS MA LUS RTZAD NAS 'BYIN, ,DE LTAR NGO MTSAR CHEN PO'I BKOD PA YIS, ,ZAB MO'I DBANG MCHOG LEGS PAR STZAL PA'I TSE, ,SKAL BZANG 'DI KUN SRID PA'I SBUBS GNAS KYANG, ,BDE CHEN 'JO SGEG ROL PA CI YANG 'DZIN, ,MI SLOB ZUNG 'JUG SKU YI PHYIR, ,'BAD RTZOL DRAG PO DGOS DE RDZUN, , MGON KHYOD DBANG MCHOG STZAL TZAM GYIS, ,GROL BAR GYUR 'DI CI ZHIG YIN, ,SKAL LDAN BLO NGOR GANG SNANG DAG PA YI, ,DKYIL 'KHOR NYID DU 'CHAR BA SU YIS BSKRUN, ,DPAL LDAN DANG PO'I MGON DANG DBYER MED PA, ,KHYOD KYI RNAM 'PHRUL NYID DU GOR MA CHAG ;CES BYA BA NI BAR SKABS KYI TSIGS SU BCAD PA'O, ,KHRI CHEN MCHOG GI SPRUL PA'I SKU RIN PO CHES GTZO MDZAD, DBANG GSAN PA PO RNAMS KYIS CHOS KYI BKA' DRIN BSAB CHED DU, GSER DNGUL DAR ZAB RTA NOR LUG GSUM GYIS MTSON ZANG ZING GI 'BUL BA TSAD MED PA PHUL, SNGON CHAD MDO SMAD KYI PHYOGS 'DIR MI TRA'I DBANG RGYUN SHIN TU DKON PAR YOD PA LA, RJE 'DI'I BKA' DRIN LA BRTEN, KHRI CHEN MCHOG SPRUL RIN PO CHES AA MDO DANG, BYANG PHYOGS HOR GYI RGYAL KHAMS SU TSAR KHA SHAS STZAL ZHING,

, ,GRUB PA'I DBANG PHYUG CHEN PO SNGAGS RAM PA 'JAM DBYANGS BLO GROS DANG, CHOS KYI SPYAN LDAN CHEN PO DBYIG KYA RAB 'BYAMS PA 'JAM DBYANGS RNAM PA GNYIS KYIS KYANG DON GNYER BA RNAMS LA 'GA' ZUNG STZAL PA DANG, DE LAS KYANG MAR ME GCIG LAS GNYIS CHAD KYI TSUL DU PHYOGS DANG PHYOGS MTSAMS KUN TU DAR ZHING RGYAS PAR GYUR TE KHYAB BRDAL DU YOD PA 'DI LAGS SO, ,DBANG GNANG RING CHOS THUN GYI BAR BAR DU RJE NYID KYI GSUNG LTAR DGE BSHES RNAMS 'DUS NAS DAM BCA' BTZUGS TE LUNG DANG RIGS PA'I DGA' STON MNGON PAR SPEL, MTSO SNGON GYI RGYAL PO AA KHU B'A THUR THA'I JI DUS KYI CHOS NYID DU GYUR PA'I DGONGS RDZOGS KYI BSNGO BA ZHU MI 'BYOR BAS, ZHAL NAS, AA KHU GSHEGS SONG BA DE LTAS NGAN GYI DANG PO YIN; RE ZHIG BSDAD NA MTSO KHA PA RNAMS LA BZANG YANG DA 'PHRO 'DI NAS BDE SKYID CI 'DRA YONG MI SHES ZHES GSUNGS SHING THUGS SHIN TU SKYO SKYO LTAR MDZAD PA NI MA 'GYANGS PAR MTSO SNGON DU DUS 'KHRUG CHEN PO 'BYUNG PA MNGON SUM DU MKHYEN PA'I GSUNG DU SNANG, STON MJUG JUN GAR GYI AEL CHI PHYIR 'GRO PA DANG MNYAM DU RAB 'BYAMS PA BLO BZANG MKHAS MCHOG JO RIGS THU HONG THA'I JI'I MDUN DU MTSAMS 'DRI ZHU BAR RDZONG STA MDZAD DE, SA SKYONG CHEN PO NYID KYIS SNGAR BZHIN RJE TZONG KHA PA'I BSTAN PA 'PHEL RGYAS KYI THABS THUGS LA BTAGS DGOS, DGE SBYONG RGAN PO BDAG KYANG SA SKYONG DAM PA'I ZHAL DNGOS SU MJAL 'DONG CHE YANG, DGON PA GSAR 'DZIN GYI LAS 'PHRO MA GRUB PAS DA LAM YONG MA THUB KYANG, SLAD NAS THUGS BZHED LTAR YONGS AE THUB LTA ZHES PA'I CHAB SHOG

KYANG STZAL, DPON PO MER GEN DA'I CHING GIS SKYUNG GZHI DVANGS PA'I BKA' DRIN BSAB CHED DU RTA NOR LUG SOGS KYI LEGS 'BUL RGYA CHER PHUL, LO DER 'DU KHANG GI GTZANG KHANG SPEN PAD DANG BCAS PA LEGS PAR GRUB STE, SHING BZO BCU GNYIS LA SO SOR RTA DRUG RE DANG, DNGUL GOS CHEN SOGS KYI GNANG SBYIN GYA NOM PAS YID TSIM PAR MDZAD, LAS BYED GZHAN RNAMS LA'ANG BDAG RKYEN GYA NOM PA GNANG, BAR SKABS SHIG ,YONGS RDZOGS BSTAN PA'I MNGA' BDAG RDO RJE 'CHANG LCANG SKYA RIN PO CHE DAG PA'I ZHING DU GSHEGS PA'I GTAM GSAN NAS THUGS KHRAL MDZAD CING DGONGS RDZOGS RGYA CHER SGRUB, LO DE'I MJUG BSTAN PA SPYI'I 'PHEL RGYAS KYI DON DU LCAGS MKHAR BRTZIGS DGOS GSUNGS NAS SLOB MA KHA SHAS LA PHYAG LEN ZHIB TU KHRID DE, NYI SHU LNGA LA BSKANG GSO DANG, DRUG NAS DNGOS GZHI'I DBU BTZUGS TE NYI SHU DGU'I NYIN GTOR RGYAG BYAS, DE NAS BZUNG STE LO RE BZHIN MA CHAG PAR GYIS ZHES GSUNG PA LTAR SA SKYONG CHEN PO CHIN WANG GIS SBYIN BDAG MDZAD DE MA NYAMS PAR YOD PA 'DI BZHIN NO; ;DGUNG LOR BRGYAD PA SHING MO LUG GI LO'I DPYID KA DPON PO AE RE TA NI THA'I JI DAM, DPON MO GDUGS DKAR GNYIS BYON NAS ZANG ZING GI 'BUL BA GYA NOM PA DANG, GRVA RGYUN LA SHAS PHUL, DGON PAR YANG MANG 'GYED BCAS BSNYEN BKUR BSTAB; SGRA K'A LA PA DANG; TZANTRA PA GNYIS KYI t'IKKA RTZOM PA'I DBU BTZUGS, 'CHI MED MDZOD KYI 'GYUR RNYING LA HOR KHUNGS SU LUS PA DANG, 'GYUR SKYON KYANG 'GA' RE 'DUG GSUNG NAS NAG RA'I DPE ZHIG LA BRTEN NAS MGO MJUG TSAD MA BSGYUR

, ,BAR MDZAD, RGYAL DBANG THAMS CAD MKHYEN PA'I MCHOG GI SPRUL PA'I SKU RIN PO CHE DPON TSANG GI AUR GER SPYAN DRANGS PA LA, DBON PO RAB 'BYAMS PA BLO GROS DANG, DKA' RAM KHA SHAS BCAS MNGAGS NAS ZHABS BRTAN PHUL BA GNANG, LHA BRIS PA GSANG SNGAGS MKHAR BA'I DBU MDZAD, LHA BZO BZHI BCU NYE BAS ZLA BA DRUG PA'I TSES NAS MGO BRTZAMS TE 'DU KHANG GI LOGS BRIS ZLA BA PHYED DANG GNYIS KYI KHONGS SU SGRUB, DPA' GCIG DANG CHOS RGYAL GNYIS BZHENGS DUS LTAS BZANG PO BYUNG GSUNG NAS GRUB 'PHRAL DU SNYAN DAR RE 'BUL BAR MDZAD, LHA BRIS PA RNAMS LA RTA NOR GOS DAR DNGUL SOGS ZANG ZING GI DNGOS PO GYA NOM PA STZAL ZHING GSANG SNGAGS MKHAR BA LA GZHUNG SA CHEN MOR ZHUS NAS GZHIS KA GCIG KYANG GNANG, LO SNGA MA RNAMS SU RIGS GRVA MA TSUGS PA LA LO DER CIS KYANG 'DZUG DGOS GSUNG NAS, 'BRAS SPUNGS LTAR BTZUGS SHING GLING BSRE YANG TSUGS, ZLA PA BDUN PA'I NANG DU RAB 'BYAMS PA BLO BZANG MKHAS MCHOG PHYIR 'BYOR, HONG THA'I JI'I MTSAMS ZHUS RGYAS PA 'DUG PA'I ZHU YIG TU, SLAD NAS DGON PA'I SBYIN BDAG GANG DRAG BYED, GRVA RGYUN YANG GANG MANG GTONG AE THUB LTA, RJE NYID BSTAN PA'I MNGA' BDAG YIN PAS BSTAN 'GRO'I DON DU YUN RING POR BZHUGS DGOS TSUL DANG, GUS LDAN SA SKYOD BDAG LA YANG SKYA BAS 'JUG DANG SKU RIM GNANG DGOS ZHES PA PHUL BA'I DON BZHIN TSE SGRUB DANG, ZHI RGYAS KYI SBYIN SREG MANG DU SGRUB, STON MJUG DPON PO

AER TE NI THA'I JI PHEBS NAS CHOS BKA' KHA SHAS ZHUS TE ZANG ZING GI DNGOS PO GYA NOM PA PHUL, KHONG GIS BSKUL TE RED MDA' BA'I DRIS LAN GYI t'IKKA RTZOM PA'I DBU BTZUGS, DGUN GYI RING PHAL CHER SKU MTSAMS MDZAD, PHAR PHYIN STON MO GSAR DU BTZUGS PA LA GTONG SGO'I THEBS SU GNANG SBYIN GYA NOM PA STZAL TE, CHOS KYI STON MO BYAS PA BSOD NAMS CHEN PO THOB PA YIN ZHES MNYES MNYES MDZAD, SKU 'KHOR GYI DGE BSHES RNAMS LA KHYED TSOS PHAR PHYIN STON MO'I DAM BCA' BA RNAMS LA BGRO GLENG YAG PO THONG, KHAS LEN CI 'DRA BYUNG BA NGA LA LAB DGOS GSUNG PA LTAR, DKA' RAM RNAMS KYIS BKA' BZHIN BSGRUB PAS THUGS SHIN TU DGYES, DGUNG LO RE DGU PA ME SPREL GYI LO GSUNG CHOS DANG SMON LAM LA MA PHEBS PAR SKU MTSAMS GNANG, RID MDA' BA'I DRIS LAN GYI t'IKKA GSAR RTZOM GYI CHED DU GSANG 'DUS KYI SKOR LA ZHIB GZIGS MDZAD PAS, SA LAM GYI BGROD LUGS LA RIGS PA'I LAM NAS DRANGS PA'I NGES SHES BRTAN PO RNYED DE, LAM BZANG PO 'DI NYID DUS KYI DBANG GIS NYAMS PA LA MNGON DU PHYOGS 'DUG PAS, GCES PA'I LUS SROG KYANG BTANG STE 'DI NYID YUN RING DU GNAS THABS BYED THUB NA CIM RUNG SNYAM PA'I YID CHES KYI DAD PA TSAD MED PA 'KHRUNGS DES RKYEN BYAS TE GSANG BA 'DUS PA'I 'CHAD NYAN 'DZUGS PAR DGONGS NAS, RAB 'BYAMS PA BLO GSAL BLA MA DGU MDZAD DANG, RAB 'BYAMS PA PHUN TSOGS BSTAN 'DZIN BYING 'DREN DU BSKOS TE, HOR ZLA GSUM PA'I BCO LNGA'I NYIN RGYUD GRVA GSAR DU TSUGS SHING, RJE RANG NYID CHOS GRVAR BYON TE 'GREL PA BZHI SBRAGS KYI BSHAD PA DANG,

, ,BSKYED RDZOGS KYI RTZI BZHAG GNANG, MJUG TU LO RE BZHIN 'GREL PA BZHI SBRAGS KYI BSHAD PA TSAR RE DANG, t'IKKA'I RTZI BZHAG TSANG MA RE 'GRO DGOS SHING, 'DON LTA DBYANGS PHYAG LEN SOGS RGYUD SMAD BZHIN BYED DGOS PA'I ZHAL BKOD KYANG STZAL, CHOS THOG PHYI MA LA BLA MA DBU MDZAD RGYUD PA'I BLA MA DANG, RAB 'BYAMS PA NGAG DBANG BLA MA DBU MDZAD DU BSKOS TE RGYUD KYI 'CHAD NYAN DANG PHYAG LEN MA NYAMS PAR GYIS SHIG GSUNGS, GLING BSRE'I SKYABS DA PHYIN CHANG NYIN DANG PO LA GRVA TSANG BLA MAS PO TI LNGA'I BSHAD PA DANG, NYIN GNYIS PA LA RGYUD PA BLA MAS t'IKKA'I BSHAD PA GYIS ZHES GSUNG BA LTAR SGRUB, RIGS GRVA'I CHOS MTSAMS KYI SKABS RJE RANG NYID KYI SLOB MA DPAL LDAN BKRA SHIS SGO MANG GI DPON SLOB BLO BZANG PHUN TSOGS PA GZHUNG NAS MTSO KHAR BANG CHEN LA BTANG BA MJAL DU BYON, CHIBS BSU SOGS SHANGS LEN RGYAS PAR MDZAD, ZHAL SNGA NAS KYIS 'GREL PA BZHI SBRAGS DBANG MA'I DPE PHUL BAS MCHAN 'DEBS LUGS RJE RIN PO CHE'I DGONGS PA BZHIN MA BYUNG 'DUG NA'ANG DPAR LA BRKO DGOS ZHES SNGAR NGAS RTING BSKUL BYAS PA YIN PAS DPAR GRUB PA SHIN TU LEGS ZHES GSUNGS, DPON SLOB KYIS NA BZA' NYER SPYAD KYI SKOR SOGS DNGOS PO GYA NOM PA PHUL, RGYAL PO'I GSUNG PHRIN GYI SKOR KYANG SNYAN SGRON ZHUS, KHONG GIS GSOL BA BTAB STE RVA LUGS KYI KHRO BCU'I LAS TSOGS KYI KHRID DANG, GSUNG RTZOM KHRO BCU'I MNGON RTOGS KYI LUNG, KshE TRA P'A LA'I LAS TSOGS, SPREL KHRID KYI MAN NGAG SGRUB THABS DANG BCAS PA, DRUG CU PA'I

RTZA TSIG GI BSHAD LUNG BCAS STZAL, SKABS DER RJE NYID KYIS YIG CHA RNAMS SGO MANG GI RTZI BZHAG LA GTONG RGYU 'JOG GRAB BYAS PA GSAN PAR BRTEN, ZHAL NAS, SNGA SOR GRVA PA RGAN GZHON THAMS CAD KYIS MGRIN GCIG TU BSKUL TE, RTZI BZHAG LA GTONG BA'I KHA CHANG BYAS NAS BRTZAMS PA YIN, RANG GI NGOS NAS YIG CHA RTZI BZHAG LA BTANG MA BTANG 'DRA YANG NGAS BLA MA BYAS SKABS SGO MANG GRVA TSANG CHOS 'JIG RTEN GNYIS KYI SGO NAS LEGS PAR BSKYANGS PA YIN PAS, YIG CHA BZHAG NA BKRA SHIS PO AE YONG MI SHES ZHES GSUNG, ZHAL SNGA NAS RANG NYID RJE 'DI LA SANGS RGYAS DNGOS KYI 'DU SHES YOD PAS MA 'ONGS PA NA 'PHRAL PHUGS KYI LEGS NYES JI LTAR 'BYUNG ZHUS PA DANG, KHYED RANG LA 'JIGS PA CHEN PO GNYIS 'OD BAS DANG PO'I SKABS SU SKRAG MI DGOS, GNYIS BA'I TSE BSHOL THABS MDZAD NA LEGS ZHES SOGS 'BYUNG 'GYUR GYI LUNG BSTAN MANG DU GSUNGS SHING, PHYIS SU KHONG GIS KYANG BLA MA'I GSUNG LTAR RGYA DMAG DANG PO'I SKABS SU MI GZHAN TSOS BROS NA ZHUS PA LA, BLA MA'I GSUNG YOD PAS DA LAM SKYON MED GSUNG, GNYIS PA'I SKABS SU NGA 'GRO BA'I DUS YIN GSUNG NAS RGYA DMAG MA LUNG GONG TZAM LA RANG YUL DU BYON PAS SKYON MA BYUNG 'DUG ,DPON SLOB BLO BZANG PHUN TSOGS 'DI BA JUN GAR GYI RGYAL RGYUD DU 'KHRUNGS PA'I RIGS RUS MNGON PAR MTHO YANG DMAN CHA 'DZIN PA LA DGYES PA, RANG BZHIN DRANGS LA DAD GUS CHE BA, SBYANGS PA'I YON TAN PHUL DU PHYIN KYANG KHENGS PA MI MDZAD PA, BSLAB PA'I BSRUNG SDOM LA NGO LKOG MED PA SOGS BSNGAGS PAR 'OS PA'I YON TAN DU MAS RGYUD

, ,PHYUG CING, RJE NYID KYIS KYANG PHAS BU BZHIN DU BRTZEBS SKYOD BAR MDZAD PA ZHIG GO, DBUS SU BANG CHEN DU 'JAM DBYANGS DPAL LDAN RDZONG STA MDZAD DE RGYAL BA YAB SRAS LA ZHU YIG RGYAS PA PHUL, GZHUNG NAS KYANG SGO MANG ZUR PA AER TE NI NO MON HAN BSTAN PA DANG LA RGYA LA SKU DRIN SHIN TU CHEBS AEL CHI GZHAN LAS MTHO PA BYED DGOS ZHES BAD CHEN PA RNAMS LA BDAG RKYEN DANG GZENGS BSTOD RGYA CHER GNANG, ZLA BA BRGYAD PA'I NANG DU CHAB TSAN LA CHIBS KHA BSGYUR, LAM BAR DU MKHAN PO NO MON HAN GYIS RANG NYID SKU 'BUM GYI KHRIR PHEBS NA GEGS YOD MED ZHU BAR MER GEN DKA' BCU BTANG 'DUG PA YANG 'BYOR BAS LAN DU MTHA' BRTAN PO AE YONG MI SHES KYANG RIM GRO RGYA CHER SGRUB TE 'DOD PA LTAR PHEBS PAS 'THUS ZHES PA GNANG, CHAB TSAN DU BDUN PHRAG GCIG BZHUGS NAS BKRA SHIS 'KHYIL DU BYON, MTSO SNGON NAS DPON PO TSE RING NO YON SKYABS 'TSOL DU YOD BA LA RKYEN SEL GYI DBANG DANG RJES GNANG SOGS STZAL, GRVA MANG LA LEGS BSHAD SNYING PO'I BSHAD PA DANG, ZHI BA LHA'I MDO KUN LAS BTUS KYI GZHUNG 'GA' ZHIG GNANG NAS DENG SANG BSTAN PA MAR 'GRIB KYI DUS BSTAN 'DZIN GYI SKYES BU RE RE TZAM BYUNG BA LA GZUGS CAN DANG GZUGS MED THAMS CAD KYIS 'TSE BA BYED LUGS GSUNG ZHING THUGS SKYO SKYO LTAR MDZAD, BSTAN PA'I 'PHEL RGYAS KYI DON DU BSTAN 'BAR MA SNGAGS DANG BCAS PA GANG MANG THON GSUNG BA LTAR TSOGS NAS SGRUB, NOR 'DZIN CHOS BZHIN SKYONG BA'I DBANG PHYUG CO NE DPON CHEN GYIS GDAN 'DREN PA YANG 'ONG NAS PHYOGS DER 'BYON PAR GSOL BA BTAB PA BZHIN ZLA

NGA BCU PA'I TSES GSUM GYI NYIN CHIBS KHA BSGYUR, LAM BAR DU'AB SKU SKYE DANG, MDZO DGE SMAD SOGS KYIS DRAG ZHAN MTHA' DAG GIS BSNYEN BKUR RGYA CHER ZHUS, CO NE NANG SOS RTA PA BRGYA PHRAG KHRID DE CHIBS BSU DANG, DGE 'DUN MANG MAS SER SBRENG GIS BSUS TE CO NE DGON DU PHYAG PHEBS, CO NE NANG SO DANG, DGON PA'I BLA MA GNYIS, DGE BA'I BSHES GNYEN CHEN PO DPON SLOB GRAGS PA BSHAD SGRUB KYIS THOGS DRANGS DGE 'DUN KHRI RVA CAN LA BDE MCHOG LHA LNGA DANG, 'JIGS BYED BCU GSUM MA'I DBANG CHEN, LAM GYI GTZO BO RNAM GSUM GYI BSHAD LUNG BCAS STZAL, DER ZHAG NYI SHU TZAM BZHUGS RING, NYIN RE BZHIN MJAL BA KHRIR NYE BA 'DUS PA LA 'DOD CHOS KYI CHAR PHAB STE SMIN GROL GYI LAM DU BKOD, CO NE NANG SO DANG, BLA MA GNYIS SOGS DANG LDAN MTHA' DAG GIS BSOD NAMS KYIS TSOGS TSAD MED PA BSKRUN PA'I PHYIR ZANG ZING GI 'BUL BA KUN TU BZANG PO'I MCHOD SPRIN DANG 'GRAN PA PHUL, CO NE DPON CHEN GYIS THOG MAR DANG PAS SPYAN DRANGS PA YIN YANG, DER BYON PA'I TSE GROGS NGAN PAS BSLAD DE, GNAS GZHAN DU BYOL NAS RJE NYID DANG DNGOS SU MA MJAL BA NI, DPER NA, RGYAL PO MES BYIN GYIS DBYAR ZLA BA GSUM GYI RING ZHABS TOG BYED PAR KHAS BLANGS NAS STON PA 'KHOR BCAS GRONG KHYER DGRA MTHAR SPYAN DRANGS TE BYON PA NA, MDUN NA 'DON GYI BRAM ZE GDUG PA'I DBANG DU GYUR TE, STON PA'I ZHAL MA MJAL ZHING BSNYEN BKUR MA SGRUB PA BZHIN NO, ,SKYES BU DAM PA LA SDIG PA BSAGS PA'I LAS NI SHIN TU LCIBS DPON CHEN RANG NYID KYANG TSE'I MJUG TU LAS KYI 'BRAS BU BDAG GIR BYED

, ,DGOS PA BYUNG NGO, ,SLAR BKRA SHIS 'KHYIL DU CHIBS KHA BSGYUR, LAM BAR DU BRAG DKAR RI KHROD DU BYON TE 'DOD CHOS KYIS TSIM PAR MDZAD, RDOG REB TSA, NYANG TSANG SOGS PHYOGS DE'I DAD LDAN MTHA' DAG GIS DAD PA DANG GUS PA LHUR BLANGS TE CHOS 'BREL ZHUS, 'BOR MTHU STOBS KYIS GDAN DRANGS NAS ZANG ZING GI DNGOS PO GYA NOM PA PHUL BAR BKA' CHOS KYANG CI RIGS STZAL TE RIM GYIS GDAN SA CHEN POR PHYAG PHEBS, BLO RTAGS KYI RGYUG SPROD MI KHA SHAS BYUNG BA LA GNANG SBYIN DANG DGYES PA'I GSUNG GIS TSIM PAR MDZAD, DGUNG LO BDUN CU PA ME MO BYA'I LO GSUNG CHOS DANG SMON LAM LAM PHEBS PAR SKU MTSAMS MDZAD, DBYID KA RGYAL PO JU NANG DANG, DPON PO BSTAN SKYONG KHU MTSAN GNYIS NANG MA 'CHAM PAR DPON TSANG NAS DE LUGS KYI GNAS CHUL ZHU MI 'BYOR BAS, SKU RIM LA MGON PO'I GTOR SGRUB GYIS GSUNG BA LTAR DKA' RAM RNAMS KYIS KHUR BLANGS TE SGRUB, RTEN GTOR LA BDUD RTZI BABS PAS THUGS SHIN TU 'TSUB NAS GTOR SGRUB PA RNAMS LA BKA' BKYON MDZAD DE, RTEN GTOR LA BDUD RTZI BAB PA 'DI 'TSUB LTAS YIN, SNGA SOR NGA'I GTOR MA LA BDUD RTZI LAN LNGA BABS SHING, BABS RES KYIS LONGS SPYOD CHE RU SONG YANG 'KHOR LA 'TSUB GSUNG, DPON TSANG GNYIS NANG RGYAS JE TSER SONG STE 'KHRUG PA LANG GRAB BYAS PAS, DPON RNAM GNYIS NAS BAR CHINGS LA 'BYON PAR GSOL BA BTAB PA BZHIN BYON, RJE 'DI PA, ZHABS DRUNG DKAR PO RIN PO CHE, MKHAN PO NO MON HAN, RGYA NAG GI MI BZANG BCAS THUN MONG GI GROS THOG NAS

SO SOR GSUNG GNANG KYANG 'GRIG DKA' SE BA BYUNG BA LA, RJE 'DIS DPON PO GNYIS SO SOR CHOS 'BREL DAM TSIG LA BKAR BA'I GSUNG NAN LCI BAR STZAL TE, PHAN TSUN GYI RTZOD PA ZHI BAR BYAS NAS CHOD YIG KYANG BZHAG ,DER BZHUGS RING ZHABS DRUNG DKAR PO RIN PO CHE DANG, RJE 'DI PA RNAM PA GNYIS NYIN RE BZHIN LHAN CIG TU BZHUGS TE PHAN TSUN THUGS NANG SHIN TU GTZANG BAS GSUNG 'PHROS 'PHEL BAR BYUNG ZHING, SKU RTZED DANG KYAL KA 'ANG CI RIGS MDZAD, PHEBS KHAR PHAN TSUN 'BRAL MI PHOD PA LTAR GNANG BAS, PHYAG G-YOG PA RNAMS DGA' DAD SPRO GSUM 'GRAN PA BZHIN DU GYUR, SKABS DER RAB 'BYAMS PA 'JAM DBYANGS DPAL LDAN YANG BAL PO'I BZO BO GSUM DANG BCAS BDE BAR 'BYOR ZHING, RGYAL BA YAB SRAS KYI CHAB SHOG SKYES BZANG GIS BRGYAN PA DANG, LHA BZANG HAN GYIS ZHU YIG RTEN LDAN PHUL BAS THUGS SHIN TU DGYES, SLAR GDAN SAR PHYAG PHEBS, GRVA MANG LA RIM LNGA GSAL SGRON GYI BSHAD LUNG DANG, MGON PO'I BE'U BUM GYI BSHAD LUNG, BSTAN RTZIS KYI BSHAD PA RNAMS RGYAS PAR STZAL, BAL PO'I BZO BO RNAMS LA KHA BTAGS, GOS CHEN, DNGUL SRANG LNGA BCU BCAS GNANG NAS BYAMS SKU MTHONG BA DON LDAN GYI LAS KA'I MGO BTZUGS, RJE RANG NYID BYON NAS BYAMS SKU'I CHE CHUNG GI THIG GNANG DUS CHAR 'JAM PO DAL BUS BABS SHING, LTAS LEGS PAR BYUNG, LO DE'I STON MJUG CUNG GAR GYI DMAG DBUS SU SLEB 'DUG ZER BA GSAN NAS BRTAG PA MDZAD PA'I RMI LTAS SHIN TU NGAN, RGYAL PO TSANG CUNG GAR GYIS LEN PA 'DRA GSUNG, AER TE NI THA'I JIS NGAS DMAG

, ,KHRID NAS RGYAL PO'I DMAG ROG LA SONG NA ZHUS PAS KHYOD MA SLEB GONG DU THAG CHOD 'GRO BA 'DRA GSUNG NAS DER 'GRO BA BSHOL, DKA' RAM GSAR PA KHA SHAS KYIS RGYUD PAR 'GRO BA'I DGONGS PA ZHUS PA LA, MTSAN NYID LA GNOD GSUNGS NAS DGONGS PA MA GNANG, MTSAN NYID KYI SLOB GNYER RNAM DAG ZHIG MA BYUNG PHYIN BSTAN PA RGYAS PA'I THABS MED, MTSAN NYID KYI BRDAR SHAM CHOD PA'I BLUN SGOM GYIS GAR YANG MI PHYIN PA'I DANG TSUL LA DGONGS NAS, MKHAS GRUB RIN PO CHES KYANG DGA' LDAN DU MTSAN NYID 'DZUGS PAR MDZAD PA YIN GSUNG, DGUNG LO DON GCIG PA SA PO KHYI'I LO GSUNG CHOS LA SKYES RABS SO BZHI PA DANG, KHA CHE MCHE BA'I SDES MDZAD PA'I 'BUM tIKA GSUNG, RJE NYID KYIS SNGAR NAS GTER 'DON PA'I GSUNG BGROS YOD KYANG THUGS BREL GYI DBANG GIS MA LCOG PA LA LO DER GSAR DU 'DON RGYU YIN GSUNG BAR, SLOB MA RNAMS KYIS SA CHA CI 'DRA ZHIG YOD CES ZHUS PA'I LAN DU KLU BDUD NAG PO'I PHO BRANG YOD PA, 'OG TU PHA WANG BONG BU NYAL BA 'DRA BA, CHU MIG GRU GSUM PA YOD PA, PHUG PA'I BYANG PHYOGS NA BRAG SENG GE KHA BYANG PHYOGS SU BLTAS NAS NYAL BA 'DRA PA, LAB KYI RI BRGYUD NA MCHOD RTEN BRTZEGS PA 'DRA BA YOD PA'I SAR SPAS TE, CHOS SKYONG CHOS RGYAL DANG, GNYAN MGON ZHAL BZHI PA GNYIS LA GTAD YOD, LAB SGRON GYIS; MA 'ONGS DUS KYI SNYIGS MA LA, ,RDO RJE'I MING DU SBRUL NAS KYANG, ,GTER CHOS 'DI LA SBYOD PAR SHOG ,GSUNG BA DENG YIN GSUNG, ZLA BA DANG PO'I YANG TSES LA GTER LUNG DU CHIBS KHA BSGYUR, LAM BAR DU 'KHOD PA'I GNAM LA'I SKYU SEN?

MTHA' DAG GIS STON MO 'BUL BA GYA NEM PA PHUL, GTER KHAR BYON NAS ZLA BA GCIG BZHUGS RING NYIN RE BZHIN MJAL PA MANG DU 'DUS PA LA PHYAG DBANG DANG 'DOD CHOS MANG DU STZAL TE BLA NA MED PA'I BYANG CHUB KYI SA BON BSKRUN, GUD RU RAB 'BYAMS PA 'PHAGS PA TSE RING RANG YUL DU SOR BA PHYIR 'BYOR, LAB SGRON GYI LUNG BSTAN KHA SHAS KYI DPE PHUL BAS RTEN 'BREL BZANG BAR DGONGS, KHONG LA CHAB MDON SA RGYAL BA 'PHAGS PA LHA'I SPRUL SKU 'KHRUL MED 'BYON MI 'BYON GYI BRTAG PA'I ZHU YIG PHUL BA'I LAN DU, DA LAN SPRUL SKU NGOM 'BYON, DE NAS ZHING KHAMS GZHAN DU BYON NAS 'TSANG RGYA BAR 'GYUR ZHES PA GNAD, GNAS DER GTER BLANGS NAS DE'I SHUL DU DZAM LA DKAR PO'I BUM GTER 'JOG PAR MDZAD, GTER KHUNG KHA LA GTER BTON TSAR ZHES RDO YIG BRKOS NAS BZHAG ;GNAS DE'I GZHI BDAG LA GSOL MCHOD ZHIG KYANG LJAGS RTZOM MDZAD, NYAN PO BLA MAS GDAN DRANGS TE 'BUL BA DANG BSNYEN BKUR BSTAB, RIG PA SMRA BA'I KHYU MCHOG AA KHYUNG MKHAS MCHOG GIS GDAN DRANGS NAS CHOS BKA' CI RIGS ZHUS SHING 'BUL BA DANG BSNYEN BKUR BLA NA MED PA MDZAD, ZHAL NAS, GNAS 'DI BDE MCHOG GI SGRUB GNAS YIN 'DUG PAS BDE MCHOG TSOGS 'DON BTZUGS NA LEGS ZHES KHONG GIS KYANG DANG DU BLANGS, AA KHYUNG SGAR PAS KYANG GDAN DRANGS NAS 'BUL BA DANG BSNYEN BKUR GYIS MNYES PAR MDZAD, ZLA BA GNYIS PA'I TSES LA SLAR GDAN SAR BYON, BAR SKABS SHIG ,RJE RANG GI GSUNG LAS SKYES PA'I SLOB MA BSHES GNYEN CHEN PO DPA' RIS RAB 'BYAMS PA DON GRUB BYON NAS CHOS BKA' CI RIGS ZHUS,

, ,GSER KHOG DGON NAS M'A KHYE BLA MA BYON NAS ZANG ZING GI 'BUL BRGYA CHER BTEGS TE GSOL BA BTAB PA BZHIN GSANG 'JIGS GNYIS KYI BSKYED RIM GYI KHRID, 'KHRUL 'KHOR GYI RNAM BSHAD CHEN MO DANG ZHVA LU BA'I RTZA TSIG ,PAn CHEN GYIS MDZAD PA'I DRUG CU PA'I CHO GA BCAS KYI KHRID SMIN RGYAS SU STZAL, ZLA BA BZHI PA'I NANG DU GRVA MANG LA BCU GCIG ZHAL GYI RJES GNANG, DGE SLONG MA DPAL MO DANG, KLU SGRUB, TZANTRA GO MI GSUM GYIS MDZAD PA'I SGRUB THABS KYI BSHAD LUNG DANG, RJE RANG NYID KYIS MDZAD PA'I SMYUNG GNAS KYI CHO GA'I LUNG RNAMS STZAL, BCU BZHI'I NYIN GRVA MANG LA SDOM PA GNANG NAS SMYUNG GNAS BSRUNG LUGS KYI BSHAD PA RGYAS PAR GNANG, RJE RANG NYID KYIS NYIN GNYIS LA DKAR CHOG MDZAD, DPON PO AER TE NI THA'I JIS GSOL BA BTAB STE GRVA MANG DANG LHAN DU 'JIGS BYED BCU GSUM MA'I DBANG CHEN STZAL, SNGAR NAS RIGS RGYUD KYI DON DU SKYABS 'TSOL ZHUS PAR BRTEN SRAS MING SRING GNYIS 'KHRUNGS PA'I LEGS 'BUL KYANG RGYA CHER PHUL, DE NAS THE BO CHAB TSAN DU PHEBS NAS BDUN PHRAG GCIG BZHUGS PAS SKU LA 'PHROD SKYED CHE BAR BYUNG ZHING, MDZO DGE SKU SKYES KYIS BKRA SHIS RAB BRTAN DU GDAN DRANGS NAS 'BUL BA DANG ZHABS TOG PHUN SUM TSOGS BA SGRUB TE CHOS BKA' CI RIGS ZHUS, SLAR BKRA SHIS 'KHYIL DU BYON, DPON RIN PO CHE RGYA NAG LA PHEBS PA'I RKYEN SEL DU BAR CHAD KUN SEL GYI RJES GNANG BCAS STZAL, KHYOD LA GONG MA CHEN PO NAS BDAG RKYEN YAG PO YONG ZHES GSUNGS PA LTAR CUN DBANG GI CHO LO DANG THAM KA GNANG, DPON RIN PO CHE NAS BRTAN BZHUGS KYI

'BUL BA SPAMS MTHO BA PHUL, DGE LUGS KYI CHOS 'BYUNG RTZOM PA'I DBU YANG BTZUG ,DGUN KA DPON RIN PO CHE PHYIR 'KHOR NAS LEGS 'BUL GZAB RGYAS DANG, TSOGS CHEN DU KHE BU SU'I GRAL GDAN PHUL, CUN GAR GYI DMAG GIS LHA BZANG BGRONGS PA GSAN NAS THUGS 'GYOD CHER MDZAD CING TSOGS SU MANG JA BTANG NAS 'JIGS BYED TSAR RE RE ZHIG PAR GSUNG BCUG NAS DGONGS RDZOGS SGRUB, RJE NYID KYIS MKHAN PO MDZAD DE GRVA PA GSAR ZHUGS PA KHA SHAS BSLAB PA YONGS SU RDZOGS PA'I GZHI LA BKOD, LO DER 'KHRUG PA'I STABS KYIS GRVA RGYUN DBUS SU 'GRO MA THUB BA'I RGYU MTSAN ZHUS BAS CHOS GRVAR SONG NAS DBUS LA 'GRO MA THUB PAR MING BTAGS BYED RGYU MA BYUNG NA MI LEGS PAS 'DI NAS MING BTAGS 'DZUG DGOS PAR 'DUG GSUNG NAS GRVA PA LNGA LA MING BTAGS GNANG, DGUNG LO DON GNYIS PA SA MO PHAG GI LO SMON LAM DANG GSUNG CHOS LA SNGAR RGYUN BZHIN PHEBS, LO SNGA MA RNAMS SU BCU BZHI'I NYIN SMON LAM BSDUS PA MDZAD KYIN YOD PA LA DE NYIN SMON LAM RGYAS PO GNANG, ZLA BA GSUM PA'I NANG DU DUR BED KYI DPON PO NO YON HVA SHAG KA GSHEGS PA'I DGONGS RDZOGS SU SPYAN DRANGS PA LTAR BYON, GSHIN PO 'KHOR BA DANG NGAN SONG GI 'JIGS PA LAS GROL TE BDE BA CAN GYI ZHING DU NYING MTSAMS SPYOR BA'I SKYABS 'JUG DANG RNAM SHES SPOR BA'I 'PHO BA'I DMIGS PA'ANG BKA' DRIN BSKYANGS, SNGAN CHAD GSHIN SNGAS LA PHEBS MA MYONG KYANG SKABS DER BYON PA NI, DPON PO KHO RANG RJE 'DI LA MI PHYED PA'I DAD PA BRTAN PO DANG LDAN PA'I NUS MTHU YIN 'DUG CES GLENG, PHYI NANG GI DNGOS PO GYA NOM PA PHUL BA'I DGE BA RNAMS CHUD MI ZA BA'I PHYIR RDZOGS BYANG DU BSNGO BAR

, ,MDZAD; DE NAS RIM GYIS MDZO DGE BRGYUD NAS CHAB TSAN DU PHEBS, LAM BAR DU SBO TSANG CHOS MDZAD DANG, BZHAG SDOM PA'I DPON PO RNAMS BCAS SKYA SER MTHA' DAG GIS GCES NOR YOD DGU PHUL BA BDAG GIR MDZAD DE 'DI PHYI'I SKYABS 'JUG YANG DAG PA GNANG, BDUN PHRAG GCIG GI RING CHAB TSAN DU BZHUGS PA SKU GZUGS LA 'PHROD SKYED CHE BA BYUNG, SKABS DER THAN PA CHEN PO BYUNG BAR PHYOGS DE'I MI MANG GIS CHAR 'BEBS ZHUS PAS SKU RTZED KYI RNAM PAS PHYAG GI DAR YUG YUG MDZAD NAS CHAR PHOB CIG ,CHAR PHOB CIG CES LAN 'GA' GSUNG MA THAG GLO BUR DU CHAR CHEN PO BABS PAS KHONG RNAMS MI PHYED PA'I DAD PA THOB, DE NAS RIM GYIS BKRA SHIS 'KHYIL DU BYON, GRVA MANG LA RTEN 'BREL GYI RTZI BZHAG GSUNG BSHAD DANG SBRAGS NAS NYIN DU MA'I BAR DU STZAL, ZLA BA LNGA PA'I YAR TSES LA LEGS BSHAD SNYING PO'I GSUNG BSHAD BCAS MJUG RDZOGS PAR MDZAD NAS, DBUS MTHA'I 'GREL PA DANG, 'GREL BSHAD GNYIS SBRAGS NAS GSUNG BSHAD RGYAS PAR GNANG BAS BLO GSAL RNAMS KYI YID KYI PADMO NYI MA'I ZER DANG 'PHRAD PA JI LTA BA BZHIN DU RGYAS PAR GYUR, SKU 'BUM NAS RGYAL DBANG MCHOG GI SKU ZHABS NAS DRUNG 'KHOR GCIG ZHU YIG DANG BCAS GDAN 'DREN PAR 'ONG STE SNYAN SGRON ZHUS PA BZHIN ZLA BA DRUG PA'I TSES LA CHIBS KHA BSGYUR, SNGA SOR GRVA PA GSAR ZHUGS KYI KHROD NAS RIGS PA BZANG PA BCU TZAM ZHIG SKU 'BUM LA SONG NAS DAM BCA' 'JOG DGOS GSUNG YOD KYANG 'BYON KHAR DAM BCA' 'JOG RGYU AE YONG MI SHES PAS 'GRO MI DGOS GSUNG NAS BZHAG ,LAM BAR DU DPON TSANG GIS

PHYING DMAR GYI GZIMS GUR KHYAD 'PHAGS, GOS CHEN THON THI'I YOL BA BLA BRE DANG BCAS PA PHUL, MKHAN PO NO MON HAN GYIS ZHOS 'PHONG DUD KHAG LNGA BRGYA SKOR DGON PA'I MCHOD GZHI'I THEBS SU PHUL, RIM GYIS RMA CHU'I KHAR PHEBS SKABS, DAM PA'I MDZAD PA LA LOG PAR 'KHU ZHING 'DOD LHA'I BYIN GYIS RLABS PA'I MTSO SNGON GYI DPON PO KHA SHAS KYIS DKRUGS SHING BYAS TE, RGYAL DBANG MCHOG DANG MJAL PHRAD BYAS MI CHOG CES BKAG STE PHEBS MA BCUG ,DE'I STABS KYIS NYIN ZHAG MANG PO'I BAR RMA CHU'I KHAR BZHUGS DGOS BYUNG BAR, DPON PO AER TE NI THA'I JIS ZHABS TOG PHUN SUM TSOGS BAR SGRUB, SKABS DER 'BRAS SPUNGS CHOS SKYONG LA SNYAN DAR PHUL TE 'PHRIN BCOL MDZAD PAS NYIN GCIG SKU 'KHOR BA RNAMS LA DE RING YOL GOR NANG DU GAR 'KHRAB MKHAN DE SU YIN GSUNG BAR KHONG TSOS MA MTHONG ZHUS PAS, 'O NA MYUR DU DON 'GRUB PA 'DRA GSUNG, DE NAS MA 'GYANG BAR GONG MA'I SRAS AA GI BANG GIS AEL CHI BTANG NAS BKAG 'GOG MA BYED PAR PHEBS CHUG CES MO TSA KHA PA RNAMS LA DRIL BA SGRAGS PAR BRTEN, DE NAS SGAR BTEG STE RIM GYIS ZI? LING DU BYON DBU GDUGS RGYA GLING DANG BCAS PHEBS CHOG CES GONG NAS GSUNG BA LTAR MKHAR NANG DU BYON, AA GI BANG DANG MJAL 'PHRAD MDZAD, RJE 'DI LA MTHONG GZOS CHE BAR BYAS, JA SBYOR GNYIS KYI BAR DU GSUNG 'PHROS MDZAD CING, SRAS KYI SKU ZHABS NAS PHRENG BA RIN PO CHE'I RGYAN LDAN, GOS CHEN 'GA' BCAS PHUL ZHING RGYA LUGS KYI STON MO DANG BSNYEN BKUR GZAB RGYAS ZHUS, DE NAS PHYIR BYON PA'I LAM BAR DU RGYAL DBANG

, ,MCHOG GI YAB BSOD NAMS DAR RGYAS MJAL BAR BYON TE MDZOD BTAGS, DNGUL SRANG LNGA BCU, GOS CHEN KHA SHAS BCAS 'BUL NOD GYA NOM PA DANG, DGON PAR MANG 'GYED BCAS PHUL TE BZOD GSOL BYAS, RJE NYID KYIS KYANG MCHOG SPRUL RIN PO CHE NAS MDO SNGAGS KYI GSAN SBYONG MTHAR PHYIN PA MDZAD DE, BSTAN PA'I BDAG PO GNANG DGOS TSUL GYI ZHAL BKOD SMIN RGYAS SU STZAL, GDAN SA CHEN PO SKU 'BUM NAS SPYI GNYER DANG, GRVA MANG RNAMS MJAL BAR BYON TE ZANG ZING GI 'BUL BA RGYA CHER PHUL ZHING THUGS DGYES PA'I GSUNG DANG, DBU MA'I LTA KHRID SOGS 'DOD CHOS CI RIGS STZAL, DE NAS RIM GYIS AER TE NI THA'I JI'I AUR GE STENG DU PHEBS, ZANG ZING GI 'BUL BA GTOS CHE BA PHUL, ZUR ZA'I DPON MOS RGYAL PO'I DGONGS RDZOGS SU, RTA SGA STAN SRAB GSUM BCAS PHUL BAR BSNGO SMON GYI MTSAMS SPYOR YANG DAG PAR MDZAD, PHYOGS DER THAN PA CHEN PO BYUNG NAS RGYA BOD KYI CHAR 'BEBS BYED MKHAN MANG POS 'BAD KYANG 'BEBS MA THUB PA LA RJE 'DIS THUGS DMIGS TZAM MDZAD PAS CHAR CHEN PO BA BAS TE SKYE BO MTHA' DAG NGO MTSAR BA'I GNAS LA BKOD, DE NAS RIM GYIS BKRA SHIS 'KHYIL DU PHEBS, ZLA BA DGU PA'I TSES NAS MGO BTZUGS TE ZLA BA GCIG GI RING 'JIGS BYED DPA' GCIG DANG CHOS RGYAL GNYIS KYI DRAG PO'I SBYIN SREG GANG MANG MDZAD; RGYUD PA BLA MA HOR BLO GSAL GYIS DGONGS PA ZHUS NAS, RAB 'BYAMS PA BLO BZANG MKHAS MCHOG RGYUD PA'I BLA MAR BSKOS, GONG MA CHEN POR MTSAMS ZHUS LA DPON PO RAB 'BYAMS PA 'JAM DBYANGS MKHAS MCHOG RDZONG STA MDZAD, DGUNG LO

DON GSUM PA LCAGS PHO BYI BA'I LO SMON LAM LA MA PHEBS PAR SKU MTSAMS MDZAD, ZLA BA DANG PO'I NANG DU MTSO KHA NAS AER TE NI BO SHOG THU MJAL BAR BYON TE ZANG ZING GI 'BUL BA GTOS CHE BA DANG, DGON PAR MANG 'GYED GYA NOM PA BYAS TE RIGS RGYUD LAM DU 'GRO PA'I GEGS SEL GYI SKYABS 'JUG ZHUS PAR RJES GNANG KHA SHAS STZAL ZHING, THUGS DMIGS KYI RNAL 'BYOR KYANG BKA' DRIN BSKYANG, ZLA BA DANG PO'I MJUG TU ZAS RKYEN GYIS SMYUNG TSUL BSTAN PAR GRVA MANG DPON TSANG AER TE NI PO SHOG THU BCAS KYI BRTAN BZHUGS PHUL TE YUN RING DU BZHUGS DGOS ZHES GSOL BA DRAG TU BTAB CING, RJE NYID KYIS DUG SBYONGS MDZAD PAS SMYUNG GZHI JE BDER SONG, GRO TSANG DPON PO RAB 'BYAMS PA LA ZHI KHRO SBRAG SGRUB KYI KHRID SOGS CHOS BKA' CI RIGS DANG, MKHAN PO NO MON HAN LA RNAM SRAS MDUNG DMAR CAN GYI RJES GNANG SOGS RJES GNANG KHA SHAS STZAL, DPON RIN PO CHE RGYAL DBANG MCHOG GI SKU ZHABS DBUS SU BYON PA'I PHEBS SKYEL DU 'BYON KHAR RJES GNANG KHA SHAS DANG, BSRUNG 'KHOR BCAS GNANG, DPON PO RAB 'BYAMS PA 'JAM DBYANGS MKHAS MCHOG RGYAL KHAB CHEN PO PE'I CING NAS 'BYOR TE, GONG MA BDAG PO CHEN POS RJE 'DI NYID LA BDAG RKYEN GZENGS BSTOD TSANG MED PA GNANG TSUL GYI SNYAN SGRON ZHUS, ZLA BA DRUG PA'I NYI SHU DGU'I NYIN GONG MA CHEN PO'I SKU ZHABS NAS BDAG RKYEN GZENGS BSTONG SKYEL BAR RGYA'I MI DPON ZHIG BTANG BA 'BYOR BAS, RJE 'DI LA BSTAN PA 'DZIN CING SKYONG PAR BYED PA'I AER TE NI NO MON HAN ZHES PA'I CHO LO DANG, GSER THAM GSER YIG SOGS BDAG RKYEN GZENGS BSTOD PHUN SUM TSOGS PA GNANG 'DUG PA LA

, ,DGA' SPRO'I GSOL STON DANG RGYA DPON LA'ANG SNA LEN DANG GNANG SBYIN GYA NOM PA STZAL, AEL CHI DE'I GDONG DU GONG MA'I SRAS BZHI PAS GSER SRANG BCU, DNGUL SRANG BRGYA, GOS CHEN BRGYAD PHUL BA DANG, THU'U BKVAN RIN PO CHE NAS BRTAN BZHUGS KYI 'BUL BA GZAB RGYAS DANG, TSOGS LA MANG 'GYED BCAS BSKUR BA'ANG 'BYOR BA'I GSUNG LAN KYANG ZHIB RGYAS PHUL, RIGS GRVA'I TSES BA BRGYAD KYI NYIN TSOGS SU BYON, RA NGAN RI KHROD PAS ZHO DANG, SHING TOG MANG PO TSOGS LA DRANGS, GRVA PA BLO GSAL BA'I KHROD NAS 'BE BSTAN 'DZIN RGYA MTSO DANG, MDZO DGE DON GRUB SENG GE GNYIS RNAM 'GREL LE'U GNYIS PAR TSOGS GLENG BYAS, 'PHROS LA, TSANG MA BSLU MED CAN SHES PA, ,DON BYED NUS PAR GNAS PA NI, ,MI PA SLU ZHES BA BYUNG BAS TSIGS GRVA LEGS PO 'DUG CES THUGS SHIN TU DGYES, ZLA BA BRGYAD PA'I TSES LA CHAB TSAN DU BYON NAS BDUN PHRAG GCIG BZHUGS PAS SKU LA 'PHROD PAR BYUNG, NYIN RE BZHIN PHYOGS SO SO NAS MJAL BA STONG PHRAG DU MA 'DUS BA LA PHYAG DBANG DANG BKA' CHOS STZAL TE 'BREL TSAD DON LDAN DU MDZAD, SKU 'KHOR BA KHA SHAS LA SBYIN SREG DNGOS GRUB RGYA MTSO'I BSHAD LUNG KYANG STZAL, SNGA SOR CHU TSAN NAS PHEBS KHAR SHIS BRJOD GNANG GI MED KYANG DE DUS DA PHYIN CHAD 'ONG MI THUB GSUNG NAS SHIS BRJOD MDZAD, PHYOGS DE'I SKU DNGOS KYI GDUL BYA'I THAM RNAMS KYI DON RDZOGS PAR MDZAD NAS RIM GYIS GDAN SAR BYON, BAR SKABS SHIG ,RDO RJE 'CHANG LCANG SKYA RIN PO CHE'I SPRUL SKU'I DOGS GNAS KHA SHAS BYUNG YANG THAG MA CHOD PAR BRTEN

PHYAG MDZOD DKA' CHEN SHES RAB DAR RGYAS NAS, RJE 'DI LA BRTAG ZHUS KYI YI GE PHUL BA'I LAN DU, ZHVA MAR PHA KHRA'I PHYOGS SU 'KHRUNGS PA 'DI NYID NGA'I BLA MA'I SPRUL SKU 'KHRUL MED YIN ZHES NGOS 'DZIN MDZAD PA, DA LTA LUNG DANG RTOGS PA'I YON TAN MTHA' DAG LA DBANG 'BYOR ZHING MKHAS GRUB BYE BA'I GTZUG RGYAN DU GYUR TE THAMS CAD MKHYEN PA LCANG SKYA ROL PA'I RDO RJE ZHES SNYAN GRAGS KYI BA DAN DKAR PO SRID PA'I RTZEN MO DAN PAR MTHO BZHIN, BSTAN PA DANG 'GRO BA'I PHAN BDE'I RTZA LAG DAM PAR 'TSO ZHID GZHES PA 'DI LAGS SO, ,DBON PO RAB 'BYAMS PA 'JAM DBYANGS MKHAS MCHOG BCAS KHA SHAS LA MGON PO'I BSRUNG BZLOG BSAD GSUM DANG GTAD 'DON GYI KHRID ZHIB RGYAS GNANG, LDA MCHOD KYI SKABS MKHAN PO NO MON HAN PHEBS PA LA CHOS BKA' CI RIGS PA STZAL TE KHYOD RANG DA NAS BZUNG STE DGON PA 'DIR SDOD, GRVA PA RNAMS SKYONG BAR MDZOD CES ZHAL BKOD GNANG, NYIN GCIG TU SKU MCHED RAB 'BYAMS PA BLO GROS LA PHYIN CHAD NGA'I RTEN GSUM RNAMS 'THOR DU MA 'JUG ,KHYOD GZHAN GYIS BSKYOD NAS 'THOR DOGS YOD GSUNG; YANG GSOL DPON GNYIS LA KHYED GNYIS NGA'I PHRENG PA'I RDZI BO LA BZHAG PA YIN PAS DO DAM LA REM CES BCOL DAM MDZAD, LO MJUG TU 'JIGS BYED KYI ZHI RGYAS DBANG DRAG GI SBYIN SREG GANG MANG MDZAD DO, ,DE LTAR BYANG PHYOGS MDO SMAD KYI LJONGS SU BYON NAS 'GRO BA DU MA'I 'DREN PAR GYUR PA'I BLA CHEN RNAMS DANG YANGS BA'I NOR 'DZIN CHOS BZHIN DU SKYONG BA'I RGYAL PO RGYAL PHRAN SOGS MI CHEN MTHA' DAG GIS ZHABS KYI PADMO SPYI POR BLANGS NAS BDOG PA'I DNGOS PO GANG YOD KYIS BYU? DRUD DANG BSNYEN BKUR BSAM

, ,GYIS MI KHYAB PA BYAS SHING, DE DAG RNAMS LA'ANG RANG RANG GI SKAL BA DANG RJES SU 'TSEMS PA'I DAM PA'I CHOS KYI BGO SKAL DRI MA MED PA YANG DAG PAR RTZOL BAR MDZAD PAS GDUL BYA RGYUD MA SMIN PA RNAMS SMIN PA DANG, SMIN PA RNAMS GROL BA DANG, GROL BA RNAMS MTHAR PHYIN PA'I RANG BZHIN CAN DU MDZAD DE RNAM PAR DKAR BA'I 'PHRIN LAS KYIS SHAR MDO SMAD KYI YUL GRU MTHA' DAG KHEBS PAR GYUR NAS SANGS RGYAS KYI BSTAN PA RIN PO CHE DAR ZHING RGYAS LA MI NUB PAR MDZAD DO, ,DE YANG LUS CAN RNAMS KYI DGE LEGS KYI RTZA BA NI SANGS RGYAS KYI BSTAN PA RIN PO CHE YIN ZHING, DE YANG MTHAR GTUGS NA DGE 'DUN GYI SDE'I RTZA BA CAN DU DGONGS NAS YUL BYANG PHYOGS KYI LJONGS DGE MTSAN DU MAS YONGS SU MDZES PA'I GNAS MCHOG BKRA SHIS 'KHYIL BYA BAR BSHAD SGRUB KYI GRVA TSANG CHEN MO LEGS PAR BTZUGS PAS RING PO MA THOGS PAR DGE 'DUN GYI SDE RGYA MTSO LTA BU CHAGS SHING, DE YANG SANGS RGYAS KYI BSTAN PA'I SNANG BYED CHEN POR GYUR TE 'KHOR LO GSUM GYI BYA BAS NYIN MTSAN KHOR MO YUG TU DUS 'DA' BAS, SKYE 'GRO KUN GYI PHAN BA DANG BDE BA MA LUS PA'I 'BYUNG KHUNGS RIN PO CHE GCIG PUR GYUR TO, ,SMRAS PA, TSOGS GNYIS ME SHEL KHAMS LAS LEGS GRUB RNAM DPYOD 'OD BRGYA'I PHRENG BA 'DZIN, ,THOS BSAM SGOM BA'I DKYIL 'KHOR YONGS GANG THUB BSTAN RI GLING DBUS NA RGYU, ,BLO GSAL LHA BRGYA'I 'KHOR GYIS YONGS BSKOR MKHAS GRUB BCU GNYIS BDAG PO DE, ,GANGS CAN MDO SMAD LHA YI LAM DU LEGS BYAS SHING RTAS DRANGS PAR GYUR, ,DE TSE MKHAS RLOM ME KHYER RNAMS NI

PHRAG DOG MUN PA'I LAM DU BROS, ,DREGS LDAN MKHAS PA'I ZLA BA RNAMS KYANG ZLA BA'I GZUGS BRNYAN BZHIN DU GYUR, ,LUS CAN BDE SKYID PADMO'I KHA NI BKRA SHIS 'DAB MA STONG DU BZHAD, ,DA NI SKYE DGU'I BUNG BDAG KYANG RAB DGA'I DBYANGS KYI RTZED 'JO BYED; ;GANG DU DGE LEGS GSAR BA'I DUS STON DUS KYI MTHAR YANG 'BYUNG BA'I SLAD, ,LUNG DANG RIGS PA'I DRIL CHEN STONG SGROGS BSHAD SGRUB CHOS KYI GRVA PO CHE, ,YONGS SU BSKRUN BA'I RNAM DKAR 'PHRIN LAS 'GOG PA MED PA'I 'OD STONG GIS, , DUS BZHI 'JIG KYANG THUB BSTAN ME TOG SKAL BZANG BUNG BA'I NYER 'TSOR BGYID, ,CES BYA BA 'DI NI MKHAS SHING GRUB BA'I DBANG PHYUG CHEN PO KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA LAS SHAR MDO SMAD KYI LJONGS SU BSHAD SGRUB KYI GRVA TSANG CHEN PO LEGS PAR BTZUGS NAS SANGS RGYAS KYI BSTAN PA'I RGYAL MTSAN YONGS SU BSGRENGS PA'I LE'U STE BRGYAD PA'O, ` ,,DE NAS DGUNG LO DON BZHI PA LCAGS MO GLANG GI LO ZLA BA DANG PO'I TSES GCIG LA SKU MTSAMS GROL NAS GRVA MANG LA MJAL KA GNANG, 'DU KHANG DU MA PHEBS PAR GZIMS KHANG NANG DU LO GSAR GYI DGYES STON MDZAD, PHYOGS KUN NAS DANG LDAN GYI SKYA SER PHO MO MANG PO MJAL DU 'ONGS PA LA, PHYAG DBANG MA GNANG BAR BKRA SHIS KYI ME TOG GI CHAR PHAB NAS 'DOD PA'I DON 'GRUB PAR MDZAD DO, ,DA NI RNAM THAR GYI DON BSDU BAR BYA STE, DES NA 'DI LA GNYIS, MANG DU THOS BA LUNG GI YON TAN DANG, TSUL BZHIN SGRUB PA RTOGS PA'I YON TAN NO, ,DANG PO LA GSUM,

, ,'CHAD PA LEGS BSHAD KYI RNGA SGRAS BLO GSAL GYI SKYE BO GTI MUG GI GNYID LAS BSLAD PA, RTZOD PA LUNG RIGS KYI RDO RJES RGOL BDAN PA'I LOG RTOG GI BRAG RI BSHIG PA, RTZOM PA LEGS BSHAD KYI PHRENG BAS THUB BSTAN LHA'I KHANG BZANG MDZES PAR BYAS PA'I YON TAN NO, ,DANG PO LA BZHI, 'CHAD PA'I KUN SLONG, BSHAD PAR BYA BA'I CHOS, JI LTAR 'CHAD PA'I TSUL, BSHAD PA'I 'BRAS BU'O, ,DANG PO NI, RJE 'DIS CHOS 'CHAD PA'I TSE JI SKAD DU, MNGON PA MDZOD LAS, CHOS SBYIN NYON MONGS CAN MIN PAS, ,MDO SOGS YANG DAG JI BZHIN STON, ,ZHES GSUNGS PA LTAR, NYON MONGS PA CAN NAM DE DANG RJES SU 'BREL BA'I KUN SLONG GI RTOG PA THAMS CAD RGYANG RING DU SPANGS TE 'GRO BA MTHA' DAG LA BU GCIG PA LTAR BRTZE PA'I SNYING RJE CHEN PO DANG NAM MKHA'I MTHA' KHYAB KYI SEMS CAN THAMS CAD GTAN BDE'I DPAL LA 'GOD PAR BZHED PA'I BYANG CHUB KYI SEMS RIN PO CHES KUN NAS BSLANGS TE 'CHAD PAR MDZAD DO, ,GNYIS PA BSHAD PAR BYA BA'I CHOS NI SANGS RGYAS KYIS GSUNG, SDUD PA POS BSDUS, GRUB THOB RNAMS KYIS NYAMS SU BZHES PAS GROL, MKHAS PA RNAMS KYIS NYAN BSHAD KYIS GTAN LA PHAB, LO TZTSA BA TSAD LDAN RNAMS KYIS LEGS PAR BSGYUR BA'I BKA' DANG DGONGS 'GREL GYI BSTAN BCOS RNAMS DANG, RGYAL BAS LUNG BSTAN PA'I TSAD MA'I SKYES BU CHEN PO THAMS CAD MKHYEN PA SHAR BTZONG KHA PA BLO BZANG GRAGS PA YAB SRAS KYI GSUNG RAB RNAMS YIN NO, ,GSUM PA JI LTAR 'CHAD PA'I TSUL NI, DAM PA'I CHOS DRI MA CAN DU

BYED PA'I SKYON LEGS PAR MI 'CHAD PA DANG, THE TSOM GYIS 'CHAD PA DANG, DKA' BA'I GNAS SU BYIL BYIL PO DANG, DGOS SAR MI SPRO BAR MI DGOS SAR SPROS NAS 'CHAD PA DANG, 'KHRUGS PA MI SDEB PAR MI DGOS PAR DKRUGS TE BSHAD PA DANG, GONG DU BSHAD RGYU 'OG TU 'DOR BA DANG, 'OG TU BSHAD RGYU GONG DU LEN PA DANG, SKABS SU BABS PA MI BSHAD PAR MA BABS PA BSHAD PA DANG, TSIG DON LEGS PAR BRDA' MI SPROD PA LA SOGS PA'I SKYON RNAMS DOR NAS, RGYUD SDE 'CHAD PA NA MTHA' DRUG DANG TSUL BZHI RGYAN BDUN LA SOGS PA'I SKABS PHYE STE 'CHAD, MDO 'CHAD PA NA PHUN SUM TSOGS PA LNGAS GLENG BSLANGS TE 'CHAD, BSTAN BCOS 'CHAD PA NA 'CHAD THABS KYI MAN NGAG LNGA'I SGO NAS 'CHAD, MTSAN NYID KYI GZHUNG 'CHAD PA NA LUNG RIGS KYI DGAG GZHAG RNAM PAR BSKYANGS TE TSIG PHRA MO'I SKYON TSUN CHAD KYANG BCAD DE 'CHAD, LAM RIM DANG BLO SBYONG SOGS 'CHAD PA NA MYONG BA LA BSKOR TE GDUL BYA'I SEMS STENG DU PHAN PA'I MAN NGAG GIS BRGYAN TE 'CHAD PAR MDZAD PA SOGS CHOS GANG DANG GANG 'CHAD KYANG TSIG GI ZUR GSAL ZHING, DON GO BDE BA, SLOB MA RNAMS KYI BBLO'I RIM PA DANG 'TSAMS PA SOGS BSHAD PA'I RGYAN DU MA DANG LDAN PA'I SGO NAS DUS BZHIN DU 'DOM PAR MDZAD PAS, NYAN PA PO SRNAMS KYI BLO GROS KYI PADMO KHA 'BYED CING DGE BA'I LO TOG SMIN PAR BYED PA'I SMRA BA'I NYI MA CHEN POR GYUR PA YIN TE, MDO SDE RGYAN LAS, BLO BZANG SKYO BA MED LDAN BRTZE BA CAN, ,SNYAN PAR RAB GRAGS CHOG BZANG SHES LDAN PA YI, ,BYANG CHUB SEMS DPA' LEGS PAR SMRA BA YIN PA STE, ,BSHAD PAS SKYE BO'I NANG NA NYI

, ,MA BZHIN DU LHA MA, ,ZHES GSUNGS PA LTAR RO, ,BZHI PA CHOS BSHAD PA'I 'BRAS BU SLOB MA JI LTAR BYUNG BA'I TSUL NI, RJE 'DIS BKA' DANG BSTAN BCOS MTHA' DAG GI DGONGS DON JI LTA BA BZHIN THUGS SU CHUD NAS, SKAL BA DANG LDAN PA'I GDUL BYA RNAMS LA DPE MKHYUD DANG SKYO NGAL SPANGS TE STON PAR MDZAD PAS GSUNG GI BDUD RTZI LAS SKYES PA'I SLOB MA GNAM GYI SKAR MA DANG, SA'I DREGS PA LTAR BGRANG GIS MI LANGS MOD, 'ON KYANG 'DIR CHE LONG TZAM ZHIG BRJOD PA LA, BSTAN BA'I MNGA' BDAG TU GYUR PA DANG, BSTAN 'DZIN GYI SKYES BUR GYUR PA DANG, BSTAN PA LA SRI ZHU BYED PA'I YON BDAG TU GYUR PA GSUM, DANG PO NI, LHA DANG BCAS PA'I 'JIG RTEN MTHA' DAG GI MGON SKYABS DANG DPUNG GNYEN GCIG PUR GYUR PA MCHOG GI SPRUL PA'I SKU BAD DKAR 'DZIN PA NGAG DBANG YE SHES RGYA MTSO'O, ,GNYIS PA LA, RGYAL BA GNYIS PA'I GDAN SAR BZHUGS PA'I KHRI CHEN, 'GRO BA DU MA'I 'DREN PAR GYUR PA'I BLA CHEN, CHOS KYI GDAN KHRIS MNGON PAR MTHO BA'I MKHAN CHEN, SGRUB PA'I RGYAL MTSAN 'DZIN PA'I RNAL 'BYOR BA, 'CHAD NYAN GYI RGYAL MTSAN BSGRENG BA'I SLOB DPON, LUNG DANG RIGS PA SMRA BA'I BSHES GNYEN, RIG PA'I GNAS LNGA LA SBYANGS PA'I PAndI TA DANG BDUN NO, ,DANG PO NI, MDO SNGAGS THUB BSTAN YONGS SU RDZOGS PA'I BSHES GNYEN THUGS SRAS DAM PA KHRI CHEN DGE 'DUN PHUN TSOGS, BYANG CHUB KYI SEMS LA DBANG 'BYOR BA'I KHRI CHEN DPAL LDAN GRAGS PA, DBANG LUNG MAN NGAG GI BANG MDZOD 'DZIN PA KHRI CHEN RGYAL MTSAN SENG GE ,

MTHU STOBS NUS PA'I MNGA' BDAG KHRI CHEN NGAG DBANG MCHOG LDAN TE BZHI'O, ,GNYIS PA NI, BAR KHAMS BSTAN PA'I SGRON ME BRAG YAB SPRUL PA'I SKU BLO BZANG BSTAN PA, DE MO SPRUL PA'I SKU RIN PO CHE NAM MKHA' 'JAM DBYANGS, BYANG SEMS BDE MTHONG PA'I RNAM 'PHRUL SEMS DPA' SPRUL PA'I SKU RIN PO CHE, MDO SMAD BSTAN PA'I GSAL BYED LA MO ZHABS DRUNG BLO BZANG BSTAN PA'I RGYAL MTSAN, LUNG RTOGS BSTAN PA'I GSAL BYED THU'U BKVAN HU THOG THU NGAG DBANG CHOS KYI RGYA MTSO, BSTAN 'GRO'I DPAL MGON KHRI CHEN BLO GROS RGYA MTSO'I MCHOG GI SPRUL PA'I SKU RIN PO CHE BLO BZANG BSTAN PA'I NYI MA, BSTAN PA'I GSAL BYED CHEN PO SMIN GROL NO MON HAN SPRUL PA'I SKU RIN PO CHE, 'GRO BA DU MA'I 'DREN MCHOG RONG PO NO MON HAN, MTHON PO'I RIGS SU 'KHRUNGS PA RGYAL MKHAN PO AA CHI THU NO MON HAN, THOS PA'I MDZOD 'DZIN BKA' 'GYUR BA NO MON HAN SOGS TE LUNG DANG LAS KAS MNGON PAR MTHO BA'I BLA CHEN MANG DU MCHIS SO, ,GSUM PA NI, RGYAL MKHAN PO AER TE NI BLO BZANG TSANGS DBYANGS, SPOS KHANG MKHAN CHEN NGAG DBANG BLO BZANG, 'BRUG LA MKHAN CHEN BLO BZANG SNYAN GRAGS, DPAL 'KHOR CHOS SDE'I MKHAN CHEN RDO RJE 'CHANG DGE 'DUN RGYA MTSO, DPAL CHOS MKHAN CHEN 'JAM DBYANGS RGYA MTSO SOGS GDAN SA CHEN PO'I KHRIL BYON PA'I MKHAN CHEN SHIN TU MANG NGO, ,BZHI PA NI, RJE THANG SAG PA DNGOS GRUB RGYA MTSO, GRUB PA'I DBANG PHYUG BLO BZANG 'JAM DPAL RGYA MTSO, MKHAR RDO SGOM CHEN BZOD PA RGYA MTSO, KHYA DGE DPON SLOB BLO GROS RGYA MTSO SOGS TSE 'DI'I 'KHRI BA BTZAN CHOD DU

, ,SPANGS TE DPEN PA'I GNAS SU SGRUB PA RTZE GCIG TU MDZAD PA'I RNAL 'BYOR BA CHES MANG BA YOD DE, ,LNGA BA LA GNYIS, DBUS GTZANG DU MDZAD PA DANG, MDO SMAD DU 'CHAD NYAN MDZAD PA'I SLOB DPON NO, ,DANG PO NI, BKRA SHIS LHUN PO'I THOS BSAM GLING DPON SLOB DPAL LDAN YE SHES, 'BRAS SPUNGS SGO MANG DU 'CHAD NYAN MDZAD PA'I SLOB DPON KYANG GRUB PA'I DBANG PHYUG CHEN PO BLO BZANG SHES RAB, GNAS BRTAN CHEN PO BLO BZANG PHUN TSOGS, RIG PA'I DBANG PHYUG CHAN PO NGAG DBANG NAM MKHA', GZHUNG LUGS RGYA MTSO'I MNGA' BDAG BLO BZANG DAM CHOS, LUNG RIGS SMRA BA'I DBANG PHYUG BLO BZANG CHOS GRAGS, SBYANGS PA'I YON TAN MTHAR PHYIN PA SANGS RGYAS RDO RJE RNAMS SO, ,GZHAN YANG BLO GSAL GLING DPON SLOB BLO BZANG SBYIN PA, SER BYES DPON SLOB BLO BZANG NOR BU, DGA' LDAN SHAR RTZE'I DPON SLOB BYAMS PA RIG 'DZIN SOGS TE GZHAN YANG MANG NGO, ,GNYIS PA NI, GDAN SA CHEN PO SKU 'BUM DU MKHAS SHING GRUB PA'I DBANG PHYUG CHEN POR KHO DPON SLOB SHES RAB CHOS 'BYOR, MTSAN SGROGS MKHAN PO DGE 'DUN DON GRUB, GRUB PA'I DBANG PHYUG MI NYAG CHOS RJE NGAG DBANG BLO GROS DANG GSUM, DGON LUNG DU MKHAS GRUB DAM PA LDAN MA ZHABS DRUNG, GSER KHOG DGON DAM CHOS GLING DU GRUB PA'I DBANG PHYUG CHEN PO SPU DPON SLOB NGAG DBANG DPAL LDAN, THANG RING DU MTHA' BRAL DBU MA'I RNAL 'BYOR BA BLO BZANG DGE LEGS, LA MO BDE CHEN DU MKHAS PA CHEN PO DPON SLOB GRAGS PA RGYA MTSO, CO NE DGON DU DPON SLOB GRAGS PA BSHAD SGRUB, G-YER

GSHONG RI KHROD DU DKYIL 'KHOR RGYA MTSO'I MNGA' BDAG SNGAGS RAM PA 'JAM DBYANGS BLO GROS, BRAG DKAR DGON DU MKHAS PA CHEN PO RAB 'BYAMS PA NGAG DBANG 'JAM DBYANGS SOGS DGON CHEN DANG DGON PHRAN RNAMS KYI BLA MA DANG SLOB DPON MDZAD PA CHES MANG BA YOD DO, RJE RANG GI GDAN SAR 'CHAD NYAN MDZAD PA'I SLOB DPON KYANG DGE BA'I BSHES GNYEN RAB 'BYAMS PA GRAGS PA, MANG DU THOS PA RGYA MTSO'I PHA ROL TU SON KYANG KHENGS PA DANG BRAL BA THUGS SRAS CHEN PO RJE NGAG DBANG BKRA SHIS, GRUB PA'I DBANG PHYUG CHEN PO ZHAL SNGA NAS BLO BZANG DON GRUB, YONGS 'DZIN DAM PA NGAG DBANG BSTAN 'DZIN SOGS DANG, RGYUD KYI 'CHAD NYAN MDZAD PA'I SLOB DPON KYANG HOR RAB 'BYAMS PA BLO GSAL, RAB 'BYAMS PA NGAG DBANG MKHAS MCHOG ,RAB 'BYAMS PA DGE 'DUN RGYAL MTSAN, RAB 'BYAMS PA NGAG DBANG DPAL LDAN, RAB 'BYAMS PA 'JAM DBYANGS DPAL LDAN RNAMS SO, ,DRUG PA NI, GZHUNG LUGS RGYA MTSO'I DON LA GZHAN DRING MI 'JOG PA'I BSHES GNYEN CHEN PO SPHO? ME GRAGS PA RGYA MTSO, THOS BSAM SGOM GSUM MTHAR PHYIN PA BYA BRAL RAB 'BYAMS PA CHOS SKYONG RGYA MTSO, GZHUNG LUGS 'BUM PHRAG GIS MGRIN PA BRGYAN PA RGYAL MO RONG PA NAM MKHA' LHUN GRUB, RIG PA SMRA BA'I KHYU MCHOG CHEN PO LA MO NGAG DBANG 'PHRIN LAS, SMRA BA'I DBANG PHYUG CHEN PO RAB 'BYAMS PA DON GRUB SOGS GZHUNG LUGS RAB 'BYAMS LA SBYANGS PA DANG, DKA' BCU DANG, DKA' BZHI DANG, DBU PHAR LA SBYANGS PA'I BSNGAGS 'OS YON TAN GYI NOR BU'I GDENG KA MNGON PAR MTHO ZHING, LUNG DANG RIGS PA'I GTER MDZOD LA DBANG BSGYUR BA'I

, ,BSHES GNYEN KLU'I DBANG PO 'BUM PHRAG DU MA RANG RANG GI GDUL BYA RGYA MTSO'I GLING NA LEGS BSHAD 'DOD DGU'I CHAR PA 'BEBS BZHIN BZHUGS PA NI, JI SKAD DU, SLOB DPON DPA' BOS, KHYOD KYI SLOB MA BZANG PO'I SHID, DGE BA'I ME TOG CHER RGYAS PA, ,DPYID KA'I SHING NI ME TOG GIS, ,BRGYAN PA LTA BUR MDZES PA LAGS, ,ZHES GSUNGS PA LTAR RO, ,BDUN PA NI, MKHYEN RAB KYI DBANG PHYUG SGRA TSAD PA BLO BZANG RIN CHEN, MKHAS PA'I DBANG PO 'JAM DBYANGS GZHON NU DGYES PA'I RDO RJE, LO CHEN BLO BZANG 'OD ZER GSUM MO, ,GSUM PA YON BDAG NI, MTSO SNGON GYI RGYAL PO AA KHU B'A THUR THA'I JI, BOD YUL DBUS KYI RGYAL PO MDZAD PA LHA BZANG HAN, SA SKYONG CHEN PO DGA' LDAN AER TE NI JU NAD, DPON PO BLO BZANG BSTAN SKYONG, MER GAN DA'I CHING, AER KHE DA'I CHING, AER TE NI BO SHOG THU, RGYAL MO BKRA SHIS TSE RING, DPON MO RNAM RGYAL SGRO LAM, DPON MO BKRA SHIS RNAM RGYAL SOGS RGYAL PO DANG RGYAL PHRAN DPON MOR BCAS PA RNAMS DANG, BOD KYI DPON CHEN DANG DPON PHRAN DU MAS GTZOS MCHOG DMAN GYI 'GRO BA SA CHEN PO'I RDUL LTAR BGRANG LAS 'DAS PA MCHIS SO, ,GNYIS PA RTZOD PA LUNG RIGS KYI RDO RJES RGOL BA NGANG PA'I LOG RTOG GI BRAG RI BSHIGS TSUL NI, DE YANG SBYIR RTZO DAR ZHES BYA BA NI, MDO RGYUD DPANG DU BZHAG NAS RANG LUGS BZHAG PA DANG, GZHAN LUGS SUN 'BYIN PAR BYED PA ZHIG LA ZER BAS, DE YANG RJE 'DIS MDO SNGAGS KYI RTZOD PA CI 'DRA ZHIG MDZAD KYANG, PAndI DA NA SH'I LA'I RTZOD PA SHAN 'BYED KYI BSTAN BCOS LAS, RANG NYID RGYAL

PAR 'DOD PA'I CHAGS PA DANG, ,GZHAN DAG PHAM PAR 'DOD PA'I ZHE SNGANG DANG, ,RANG GZHAN GRUB MTHA'I GZHUNG LA RMONGS PA GSUM, ,RTZOD PA'I BSAM PA DUG CAN YIN PAS SPONG, ,ZHES PA LTAR RANG NYID RGYAL ZHING GZHAN PHAM PAR 'DOD PA'I RTZOD PA'I BSAM PA NGAN PA RNAMS DOR NAS, RANG NYID RTOGS PA 'PHEL ZHING GZHAN GYI LOG RTOG SEL BA'I PHYIR, 'BREL ZLA SGRUB PA DANG, 'GAL ZLA 'GOG PA DANG, MTSUNG ZLA BA SGRE BA SOGS RTZOD PA'I YAN LAG RGYAN DU MA DANG LDAN PA'I SGO NAS RANG DANG GZHAN GYI GTI MUG GCOD PA 'KHOR LO LTA BU DANG, SUN 'BYIN PA'I RLUNG GIS MI G-YO BA LHUN PO LTA BU DANG, TSIG DON LAM RMONGS PA THUB PA'I DBANG PO'I SRAS LTAR RTZOD PAR MDZAD PA'I TSO RGOL PA JI LTA BU ZHIG YIN KYANG MI SMRA BA'I BRTUL ZHUGS LHUR LEN PA NI, JI SKAD DU, SLOB DPON DPA' BOS, KHYOD KYI GSUNG NI GCIG TZAM GYIS, ,PHA ROL TSAR GTZOD MDZAD PA NA, ,GZHAN DAG MI SMRA'I TSUL GNAS PA, ,DGUN GYI KHU BYUG LTA BU LAGS, ,ZHES GSUNGS PA LTAR RO, ,DER MA ZAD SMRA BDAN PA'I LOG RTOG GI TSANG TSING MTHA' DAG THAL 'GYUR DANG RANG RGYUD KYI RIGS PA'I ME LCE RNON POS BSREGS TE YID CHES LUNG GI CHU KLUNG 'BUM PHRAG 'BEBS PAR BYED PA'I RTZOD PA'I BSTAN BCOS MANG DU MDZAD PA'I SGO NAS RGYAL BA'I BSTAN PA CHES CHER GSAL BAR MDZAD DO, ,ZHAL NAS KYANG, DPAL LDAN CHOS GRAGS LTA BU ZHIG YONG NA NGA'I RTZOD ZLA YONG, DE MIN NA DENG SANG RTZOD ZLA THUB PA MI 'DUG CES ZHAL PHO'ANG? MDZAD PAR GRAGS, GSUM PA RTZOM PA LEGS BSHAD KYI 'PHRENG PAS THUB BSTAN LHA'I KHANG BZANG MDZES PAR BYAS PA'I YON TAN NI, DE YANG MDO SNGAGS

, ,RIG GNAS SOGS KYI GZHUNG CI 'DRA ZHIG BRTZAMS KYANG, BRJOD BYA RGYA CHE LA DON ZAB BZHIS 'BYUNG ZHING, KHYAD PAR DU MDO DANG SNGAGS KYI BKA' RTZOM RNAMS NI RJE YAB SRAS KYI DGONGS PA BZHIN DKA' GNAS MTHA' DAG GSAL BAR MDZAD PAS MKHAS PA KUN LA SNGON MANG PA'I LEGS BSHAD KYI BDUD RTZI'I DGA' STON CI YANG SBYIN PAR MDZAD PA DANG, SNYAN DANG GAS KYI RTZOM PA RNAMS KYANG SKYON BCU DANG BRAL ZHING, TSIG GI SDE BA SBYOR LEGS LA, SNGA PHYI 'BREL CHAGS PAS MKHAS BA RNAMS KYI YID 'PHROG PAR BYED, RTZOM PA PHUN SUM TSOGS PA'I RGYUL, RIG PA'I GNAS LNGA LA MKHAS PA, RDZOGS PA'I SANGS RGYAS NAS BZUNG STE DAM PA BAR MA CHAD PA'I BRGYUD PA'I MAN NGAG DANG LDAN PA, YI DAM GYI LHA'I ZHAL GZIGS PA'AM, GSUNG GI GNANG PA THOB PA GSUM YOD CING, DE DAG RE RES KYANG GZHUNG PHUN SUM TSOGS PA RTZOM PAR CHUS PA LA, RJE 'DI LA NI GSUM KA TSANG BA YIN NO, ,LEGS BSHAD KYI RTZOM PA'ANG NANG DON RIG PA'I SKOR LA PHAR PHYIN GYI MTHA' DPYOD CHEN MO, SKABS BRGYAD PA'I MTHA' DPYOD RGYAS PA, DON BDUN CU, RTEN 'BREL, DRANG NGES RNAM 'BYED, BSAM GZUGS GSUM GYI MTHA' DPYOD, DBU MA'I MTHA' DPYOD, CHIG GSAL STONG THUN, THAL 'GYUR PA'I LUGS KYI TSADMA'I RNAM BZHAG ,'DUL BA'I MTHA' DPYOD, SPYI BSTAN COM 'PHRO, MDZOD KYI MTHA' DPYOD, RNAM 'BREL LE'U? DANG PO DANG GNYIS PA'I MTHA' DPYOD, BLO RTAGS GNYIS, GRUB MTHA' CHEN PO RTZA 'GREL, LAM RIM CHEN MO'I t'A KKI RTZOM 'PHRO, DE'I MCHAN 'GREL, LAM RIM GYI DMAR KHRID, DGA' LDAN

CHOS 'BYUNG RTZOM 'PHRE, GSANG 'DUS DANG 'JIGS BYED GNYIS KYI BSKYED RDZOGS DANG BSNYEN YIG RE, ZHI KHRO SBRAG SGRUB KYI RNAM BSHAD RGYAS 'BRING BSDUS GSUM, 'JIGS BYED KYI CHOS 'BYUNG CHEN MO, RTOG BDUN GYI t'IKKA RTZOM 'PHRO ,DE'I MCHAN 'GREL, YI DAM SGRUB SKOR, BSTOD TSOGS KYI SKOR, RAB GNAS DANG GZUNGS GZHUG GI SKOR, DRI LAN GYI SKOR, GTOR MA BRGYA RTZA'I SKOR, ZHAL GDAMS MGUR MA DANG GSOL MCHOD KYI SKOR BCAS MANG DU MDZAD DO, ,PHYI NANG THUN MONG BA'I RIG GNAS KYI SKOR LA, SNYAN DANG GAS KYI BSTAN BCOS DBYANGS CAN ZHAL LUNG, KA L'A PA DANG TZAndA PA GNYIS KYI t'IKKA RTZOM 'PHRO, LEGS SBYAR GCES PA'I GNAD BSDUS MGRIN PA'I LCAGS SGROGS RANG GROL, BRTAGS GSUM GYI RNAM DBYE MDZAD CING, RJE 'DI NYID SGRA LA SHIN TU MKHAS PAS SDE SRID SANGS RGYAS RGYA MTSOS KYANG BSNGAGS BRJOD MDZAD PAR GRAGS SO, ,GSO BA RIG PA DANG, SKAR RTZIS KYI SKOR LA SHIN TU MKHAS PA'I TSUL MDZAD KYANG, BSKUL BA PO MA BYUNG BA'I DBANG GIS RTZOM PA MA MDZAD DO, ,BKA' RTZOM CHE CHUNG KUN BSNGOM NA PO TI CHEN PO BCUR LONG BA TZAM MCHIS SO, ,GNYIS PA TSUL BZHIN SGRUB BRTOGS PA'I YON TAN LA, BSLAB PA GSUM GYI YON TAN DANG, MKHYEN BRTZE NUS GSUM GYI YON TAN ZHAR BYUNG MDZAD PA DANG PHYAG RJES DANG THUGS DAM NAR MA'I RIM PA RNAMS JI LTAR MDZAD PA'I TSUL LO, ,DANG PO NI, TSUL KHRIMS KYI BSLAB PA'I DBANG DU BYAS NA, RJE 'DIS THEG PA RANG RANG GI GZHUNG NAS BSHAD PA LTAR GYI DGE BA'I BSHES GNYED MTSAN NYID DANG LDAN PA'I DRUNG DU SNGOM PA GSUM GYI BKA' DRIN NOD PAR MDZAD DE, SO SOR THAR PA'I 'DUL BA

, ,NAS GSUNGS PA'I PHAM PA BZHI DANG, LHAG MA BCU GSUM, SPANG LTUNG SUM CU, SO SOR BSHAGS PA BZHI NYES BYAS BRGYA DANG BCU GNYIS 'BA' ZHIG PA DGU BCU SOGS LUS SEMS YONGS SU BSRUNG BA'I DGE SLONG GI KHRIMS NYIS BRGYA LNGA BCU RTZA GSUM DANG, BYANG SEMS KYI 'DUL BA NAS GSUNG BA'I RTZA LHUNG BCO BRGYAD DANG, NYES BYAS ZHE BRGYAD SOGS BYANG SEMS KYI BSLAB PA'I MI MTHUN PHYOGS RNAMS DANG, RDO RJE'I THEG PA'I 'DUL BA NAS GSUNG BA'I RTZA LTUNG BCU BZHI DANG, SBOM PO BRGYAD SOGS SDOM PA GSUM GYI BCAS PA'I 'TSAMS LAS NAM YANG 'DA' BA MED PAR MDZAD CING, BRGYA LA GAL TE GOS NA YANG RANG RANG GI GZHUNG NAS BSHAD PA'I BSHAGS BSDAM RNAM PAR DAG PAS LTUNG BA DANG ZHAG TU MI 'GROGS PAR MDZAD PAS 'DUL BA 'DZIN PA RNAMS KYI MCHOG TU GYUR PA YIN NO, ,DE'I DBANG GIS DBUS GTZANG KHAMS GSUM GYI BLA CHEN DANG MI CHEN MANG POS KYANG KHENGS PA DANG DREGS PA'I BRTUL ZHUGS DOR NAS RJE 'DI'I ZHABS KYI PADMO SPYI BO'I RGYAN DU 'DZIN PAR MDZAD PA NI, PHAR PHYIN BSDUS PA LAS, RKANG BAS BKRA SHIS GYUR PA'I RDUL DAG KYANG, ,SBYI GTZUG DAM PAS BLANGS SHING LHA DANG MIS, ,PHYAG 'TSAL MGOS GTUGS THOB PA KUN TU KHYER, ,DE PHYIR TSUL KHRIMS DPAL LDAN RIGS MCHOG YIN, ,ZHES GSUNGS PA LTAR RO, ,TING NGE 'DZIN GYI BSLAB PA NI, THUN MONG BA'I DBANG DU BYAS NA, SEMS GNAS PA DGU'I SGO NAS LUS SEMS SHIN SBYANGS DANG BCAS PA'I TING NGE 'DZIN BRTAN PO LA MNGA' BRNYES SHING, THUN MONG MA YIN PA RIM GNYIS KYI TING NGE 'DZIN RI RGYUD 'DRA BA THUGS RGYUD LA

'KHRUNGS PAS, MTSAN GYI RING LA'ANG GZIMS DANG TING NGE 'DZIN GNYIS BSRES NAS DGE SBYOR MDZAD CING, THUGS DAM GNANG BA'I SKABS NYE 'KHOR DU DUD CHEN BTANG YANG MI GSAN ZHES GRAGS, LHAG PA SHES RAB KYI BSLAB PA NI, THUN MONG BA MTSAN NYID SO SO RIG PA YID BYED KYI SGO NAS ZHI LHA GZUNG DU 'BREL BA'I LHAG MTHONG GI TING NGE 'DZIN BRNYES SHING, THUN MONG MA YIN PA STONG NYID MNGON SUM DU RTOGS PA'I LHAG MTHONG DANG, RDZOGS PA'I RIM PA'I LHAG MTHONG KHYAD PAR CAN BRNYES SO, ,GNYIS PA LA MKHYEN PA'I YON TAN NI, THUN MONG BA 'JIG RTEN GYI DAR RGUD DANG, SEMS CAN GYI BDE SDUG SOGS MA 'ONGS PA'I 'BYUNG 'GYUR RNAMS KYANG MNGON SUM DU MKHYEN PA'I MNGON PAR SHES PA LNGA DANG LDAN LA, THUN MONG MA YIN PA RGYAL BA'I GSUNG RAB RAB 'BYAMS KYI DKA' GNAD DANG; THAR BA DANG THAMS CAD MKHYEN PAR BSGROD PA'I LAM GYI RIM PA RNAMS LA TSIG SPYI TZAM MA YIN PAR RIGS PA'I LAM NAS DRANGS PA'I NGES SHES BRTAN PO BRNYES SO, ,BRTZE BA'I YON TAN NI, THUN MONG BA SDUG BSNGAL GYIS NYAM THAG PA'I 'GRO BA RNAMS LA LHAG PAR BRTZE ZHING, THUN MONG MA YIN PA SEMS CAN THAMS CAD SDUG BSNGAL DANG BRAL 'DOD KHUR DU 'KHYER BA'I SNYING RJE CHEN PO BCOS MAM YIN PA THUGS RGYUD LA 'KHRUNGS TE DGRA GNYEN PAR MA'I 'GRO BA MTHA' DAG MAS BU GCIG PA LTAR SKYONG BAR MDZAD PA NI, BSTOD PA BRGYA LNGA BCU PA LAS, KHYOD NI MA BCOL LEGS MDZAD PA, ,KHYOD NI RGYU MED BZHIN DU BYAMS, ,KHYOD NI MA 'DRIS MDZA' BSHES TE, ,'BREL BA MED PA'I GNYEN 'DUN LAGS, ,ZHES GSUNGS PA LTAR, RJE 'DI NYID MCHOG DMAN PAR MA'I 'GRO BA

, ,MTHA' DAG GI MGON DANG SKYABS DAM PAR GYUR PA YAD, BYAMS PA DANG SNYING RJE BYANG CHUB KYI SEMS RIN PO CHE'I DBANG GIS YIN TE, BRGYA LNGA BCU BA LAS, MTHO LA PHRAG DOG MI MDZAD CING, ,DMA' LA RNGAN CAN MI MDZAD LA; ,MNYAM LA 'GRAN PA MI MNGA' BAS, ,KHYOD NI 'JIG RTEN GTZO BOR GYUR, ,CES SO, ,NUS PA'I YON TAN NI, RIM GNYIS KYI RNAL 'BYOR BRTAN PO LA MNGA' BRNYES PAS, PHYI NANG GI RTEN 'BREL MTHA' DAG LA DBANG 'BYOR ZHING, GDON DRAG PO DANG, 'BYUNG BZHI 'KHRUGS PA'I NAD TSAB CHEN GYIS ZIN PA RNAMS KYANG BUM CHU DANG BYIN RLABS GNANG BA TZAM GYIS GSO BAR MDZAD LA, KHYAD PAR DU GZHAN PHYOGS KYIS GRUB CHEN DU RLOM PA MANG POS GRUB MTHA'I KUN SLONG GIS RJE 'DI LA DMIGS PHUG PAS MTHU BYA DMAN NA GTAD SOGS NGAN SNGAGS KYI LAS MANG DU BYAS KYANG RJE'I DAL GNOD PA PHRA MO TZAM YANG 'BYUNG BA LTA CI, RA SPU'I 'UR RDOR BO'I MGO ZER BA'I DPE LTAR KHO RANG TSO BRLAG PA'I RGYUR GYUR TO, ,GSUM PA LA MDZAD PA PHYAG RJES NI, SKU GSUNG THUGS KYI MDZAD PA MTHA' DAG BSTAN PA DANG 'GRO BA'I DON 'BA' ZHIG MDZAD PA MA GTOGS RANG DON GYI 'KHRIB CUNG ZAD TZAM YANG MI MNGA' ZHING, SBYIN BDAG GIS PHUL BA'I DAD RDZAS RNAMS KYANG, BLA MA'I DUS MCHOD, SKU GSUNG THUGS RTEN GSAR BZHENGS, MCHOD PA, SNYAN DAR, NA BZA' SOGS KYI RGYUR GTONG BA DANG, PHYAG DPE SO SOR GOS DAR GANG BZANG GIS NA BZA' NYIS BRTZEG SUM BRTZEG GNANG, LHAG TU RJE RIN PO CHE'I GSUNG GANG YIN LA GOS NGAR SPUS GANG LEGS KYIS NA BZA' LNGA BRTZEG BDUN BRTZEG SOGS

SGRON TE, GLEGS BAM THAMS CAD KYI STENG DU BZHUGS SU BCUG STE NYIN RE BZHIN MAndAL SOGS MCHOD PA'I RNAM GRANGS GANG RGYAS 'BUL BAR MDZAD, PHYAG RDZAS LHAG MA RNAMS KYIS DGE 'DUN GYI SDE LA BSNYEN BKUR DANG, DBUL PHONGS LA SBYIN GTONG SOGS BSTAN PA DANG SEMS CAN GYI DON KHO NA'I CHED DU GTONG BA MA GTOGS DENG SANG GI BLA CHEN RNAMS KYI PHYAG BZHES LTAR NYE DU SKYONG BA DANG, SBYIN BDAG GI NGO 'DZIN SOGS CHOS BRGYAD DANG 'DRES PA'I RANG DON SGRUB PAR MI MDZAD DO, ,THUGS DAM GYI RIM PA NI, ZHOGS KA SNGA MO BZHENGS NAS LTUNG BSHAGS TSAR LNGA RE'I RING LA PHYAG MDZAD, SPYAN 'DREN KHRUS GSOL RGYAS PA, MAndAL GANG MANG, LAM RIM GYI KHRID RGYAS BSDUS GANG LCOG RA, BDE GSANG 'JIGS GSUM GYI BSKYED RDZOGS SOGS KHRID DMIGS DU MA SKYONG BAR MDZAD, PHYI DRE'I CHA LA 'JIGS BYED, MGON PO, CHOS RGYAL, RNAM SRAS SOGS LHAG PA'I LHA DANG, CHOS SKYONG GI GTOR 'BUL GAD RGYAS MDZAD, MGON PO'I SPOS SPYOR SNGA DRO DANG PHYI DRO'I DUS GNYIS KAR CHAG MED DU GNANG, MTSAN MO GZIMS PA'I SKABS SU PHYAG PHRENG DANG PHYAG 'KHOR BSNAMS NAS TZOG PUR BZHUGS BAM GTOGS PHAL PA'I NYAL LUGS GTAN NAS MI MDZAD PAR MTSAN GYI RING LA PHRENG BA SHAG SHAG 'DREN ZHING, PHYAG 'KHOR BSKOR NAS, YI DAM GYI LHA DU MA'I BZLAS BRJOD DANG BSNYEN BSGRUB GNANG ZHING, ZHOGS KA NAM LANG BA NA PHYAG PHRENG THAMS CAD LA GRANGS GSOG PA YIN ZHES RJE NYID KYI GSOL DPON DBYIG KYA RAB 'BYAMS PA 'JAM DBYANGS LAS DNGOS SU THOS, DE LTAR BSNGAGS PAR 'OS PA'I YON

, ,TAN GYI PHRENG BAS MNGON PAR BRJID PA'I MKHAS GRUB CHEN PO 'DI NI PHYAG NA RDO RJE'I RNAM 'PHRUL DU SHES BAR BYA STE, SPRUL SKU GRAGS PA RGYAL MTSAN GYI MA 'ONGS LUNG BSTAN LAS, PHRENG RDOG 'GA' ZHIG 'DZIN PA PHYAG RDOR GYI,, SPRUL PA DGE SLONG GCIG TZAM 'BYUNG BAR 'GYUR, ,KHAMS GSUM CHOS KYI RGYAL PO BTZONG KHA PA'I, ,MDO SNGAGS DAM CHOS SPRIN BAR NYI MA 'DRA, ,SKAL LDAN PADMO'I TSAL SMIN 'GYUR BA LA, ,SKABS DER NYI MA'I GNYEN NI KHO BO TZA MA, ,ZHES SO, ,GZHAN RNAMS NI GO SLA LA, PHRENG RDOG 'GA' ZHIG 'DZIN PA NI RJE 'DIS DUS RGYUN PHYAG PHRENG BCU GSUM TZAM BSNAMS PA LA GO BAR BYA'O, ,MDOR NA RJE 'DI NI GZHON NU'I DUS NAS THEG PA MCHOG GI RIGS YONGS SU SAD PA, BRTZON 'GRUS RLABS CHE BAS THOS BSAM SGOM GSUM MTHAR PHYIN PA, MKHYEN PA NAM MKHA' LTAR YANGS PAS RIGS PA'I GNAS MTHA' DAG THUGS SU CHUD PA, SGRUB PA LA SNYING RUS CHE BAS YI DAM GYI LHA NAM MKHA'I SKAR TSOGS DANG MNYAM PA'I ZHAL GZIGS PA, NOR RDZAS LA SRED PA DANG BRAL BAS LONGS SPYOD GANG YOD RNAM DKAR GYI PHYOGS SU GTONG BA, GZHAN DON LA SKYOB SPANGS PAS GDUL BYA MTHA' DAG RJES SU 'DZIN PA, MKHAS BTZUN BZANG GSUM GYI RNAM THAR MCHOG TU GSAL BAS SNYAN GRAGS NYI ZLA LTAR KHYAB PA, LHAG PA'I BSAM PA MCHOG TU DEG BAS 'PHRIN LAS KYI 'JUG PA GANG G'A'I RGYUN LTAR RING BA SOGS SMRA BSAM GYI RAB LAS 'DAS PA'I YON TAN CHAD MED BA MNGA' BA'I SGO NAS DBUS GTZANG KHAMS GSUM DU 'CHAD RTZOD RTZOM GSUM GYIS RGYAL BA'I BSTAN PA RIN PO CHE NYIN MO LTAR

GSAL BAR MDZAD PA STE, GTAN TSIGS 'DI LAS NI THUB BSTAN YONGS SU RDZOGS PA'I BDAG POR SHES PAR BYOS SHIG ,SMRAS PA, RNAM DPYOD GRU GZINGS RGYA CHEN BRTZON PA'I RLUNG GIS BSKUL BA LAS, ,RANG GZHAN GRUB MTHA' RGYA MTSO'I PHA ROL NYID DU BDER SON TE, ,LNGA RIGS RAB DKAR NOR BU'I MDZOD LA DBANG 'BYOR DED DPON KHYOD, ,LEGS BSHAD 'DOD DGU'I CHAR 'BEBS 'DI KO SKAL BZANG SNYING GI DPYID, ,'CHAD PA'I RO 'DZIN RNAM PAR BRKYANGS TSE THOGS MED SKU MCHED MI SMRA'I BRTUL ZHUGS CI YANG 'DZIN, ,RTZOD PA RAL GRI'I 'KHOR LO GDENGS TSE SMRA NGAN MTHA' DAG SNYING DANG LHAN CIG 'DAR BA BRTEN, ,RTZOM PA SNYAN DNGAGS MA LONG NGOS SU NGO MTSAR TSIG RGYAN GZUGS BRNYAN 'BUM PHRAG GCIG CHAR 'CHAR, ,MKHAS PA'I YID 'PHROG RIN CHEN GSUM GYIS MNGON PAR MDZES SLAD KHYOD NI RGYAL BA'I GDUNG 'TSO BA NYID, ,MKHYEN PA RIN CHEN 'BYUNG GNAS NYID YIN BA TSVA'I MTSO CHEN DE MA YIN, ,BRTZE BA CHU SHEL DBANG PO NYID YIN NAG PHYOGS 'GRIB PA DE MA YIN, ,MA THU STOBS RDO RJE'I GZEGS MA NYID YIN GNAM LCAGS PHRENG BDE MA YIN, ,'PHRIN LAS NOR BU'I COD PAN NYID YIN 'CHING BU'I CHUN PO DE MA YIN, ,MKHAS MKHAS GCAM BU'I BSTOD PA MA YIN ZAB ZAB YON TAN RGYA MTSOS BRJID, ,BTZUN BTZUN MU COR SGROGS PA MA YIN LHAG LHAG KHRIMS KYIS RTAG TU BSNGAMS, ,BZANG BZANG CHOS BRGYAD G-YO THABS MA YIN MANG MANG 'GRO LA BYAMS PAS 'KHYUD, ,DE DE RANG 'DOD BRJOD PA MA YIN NGES NGES GTAN CHIGS DU MAS GRUB, ,DUS MTHAR THUB BSTAN SPEL BA'I NYER SPYAD KUN, ,MGON PO KHYOD KYIS

, ,BDAG GIR MDZAD PA NA, ,THUB PA'I DBANG PO DE SRAS SLOB MAR BCAS, ,ZHI BA'I DBYINGS SU ROL PAR GYUR TAM SNYAM, ,ZHES MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA LAS RNAM PAR THAR PA SPYI'I DON BSDU BA'I LE'U STE DGU PA'O,, ` ,,DE NAS DGUNG LO DON BZHI PA LCAGS MO GLANG GI LO'I HOR ZLA DANG PO'I TSES PA BZHI NAS SMYUNG TSUL BSTAN TE, SMYUNG ZUG CHER MED KYANG GZIMS YANG YANG 'BAB PA BYUNG, GZIMS KHANG GI STENG DU RGYAL MTSAN GSAR DU TSUGS GSUNG BA LTAR BTZUGS, TSES BCU'I NYIN BLA MA RNAMS KYIS GTZO BYAS GRVA MANG GIS DNGOS 'BYOR GYI 'BUL BA DANG BCAS ZHABS BRTAN PHUL TE BSTAN 'GRO'I MGON DU YUN RING BZHUGS DGOS ZHES ZHU BA NAN CHER PHUL BA LA, NGO 'DZIN TZAM DU DA LO DGU BCU'I BAR DU SDONG RGYU YIN GSUNG, RIM GYIS SKU NYAMS ZHAN DU SONG BA'I STABS BLA BRANG GZHUNG NAS KYANG MANG JA GANG MANG DANG, GRVA MANG GIS KYANG SPYI BSDUS KYI MANG 'GYED KYI THOGS ZHABS BRTAN RGYA CHER SGRUB, NYER GCIG NAS GNAM GANG GI BAR SLOB MA BSNYEN SONG KHA SHAS KYIS MGON PO'I GTOR CHEN DANG SPREL NAS SHA SA NA BYE CHUNG LAS NYE BA BSGRUB, NYIN GCIG ZHAL NAS, RGYAL 'GONG GCIG GIS RGYUN DU GRVA MANG LA YANG GNOD, NGA LA YANG GNOD PA BYED KYIN 'DUG CING DA SNGA PHAN LA SNYING RJE BSGOM PA YIN, DA KHOS BAR DO BAR DU NGA'I RJES 'DED RTZIS 'DUG CING, BAR DO'I SKABS SU MGON RGAN GYIS KHYOD LA NGA'I GDONG TZAM YANG MTHONG 'JUG MI YONG, YIN KYANG

LHA 'DRE TSO SKYAG YANG LA 'TSOR MI NYAN PAS MNAN PA RGYAG DGOS GSUNG NAS DAM SRI GNON PA'I 'KHOR LO BRIS TE RJE RANG GIS RAB GNAS DGUG GZHUG SOGS RGYAS PAR MDZAD DE, NGAS RTA MGRIN 'GRUB YOD PAS MYUR DU 'GRUB YONG GSUNGS SHING, PHUN TSOGS LHA BRIS PA DANG, BSAM BLO SGOM PA DANG, DKA' BCU BLO BZANG DAR RGYAS DANG, DKA' BCU RGYA MTSO BZHI LA GZIMS KHANG MDOR SGRUB TU BCUG ,TSES GCIG GI NYIN DA RTAGS THON 'DUG PAS MNAN PA CHOG GSUNG BA LTAR KHO RANG TSOS KYANG TSUL DANG MTHUN PAR BSGRUB, TSES PA GNYIS KYI NYIN SA SKYONG CHEN PO DGA' LDAN AER TE NI JU NANG GI AUR GE NAS ZHABS BRTAN RGYAS PA PHUL TE YUN RING DU BZHUGS DGOS PA'I GSOL BA BTAB, TSES GSUM GYI NYIN THUB BSTAN YONGS SU RDZOGS PA'I BSHES GNYEN CHEN PO RJE NYID KYI THUGS SRAS DAM BRJE NGAG DBANG BKRA SHIS PA'I ZHAL SNGA NAS KYIS ZHABS BRTAN PHUL NAS GSOL BA 'DEBS PAR MDZAD PA LA, ZHAL NAS, CUNG ZAD RE NA BA LA SKYON MED, RE ZHIG BSDAD CHOG GSUNG NA'ANG, SKU KHAMS JE ZHAN DU SONG BA'I STABS KYIS SKU 'KHOR BA RNAMS YID MA CHES, SKABS DER SRAS MO KUN DGA' RAB BRTAN SMYUNG NAS SKYABS 'JUG ZHUS PAR AA TZAM ZHES GSUNGS SHING BRTZE BA'I NYAMS MDZAD, TSES LNGA'I ZHOGS KA PHYAG MDZUB KYIS BRDA MDZAD NAS PO TI PHA KI KHYER SHOG GSUNG BA LTAR PHUL BAS RVA PO TA YIN 'DUG PAR MGO NAS BZUNG STE SHOG SDEB RE RE NAS RDZOGS PAR GZIGS, DE NAS RJE NYID KYI SKU MCHED RAB 'BYAMS PA BLO GROS KYIS SKU KHAMS NGAN NA DED RNAMS LA ZHAL BKOD ZHIG GNANG DGOS ZHUS PAS

, ,LAN MA GNANG, DE NAS RJE NGAG DBANG BKRA SHIS PAS BDAG CAG SLOB MA RNAMS LA ZHAL BKOD ZHIG GNANG DGOS ZHUS PAS, ZHAL 'DZUM 'DZUM PA ZHIG GNANG NAS KHRI BAS 'CHAD NYAN GYIS, BLA MA GZHAN TSOS RANG RANG GI GRVA TSANG SKYONGS, LAS SNA GZHAN RNAMS KYIS RANG RANG LA GANG BAB PA'I LAS KA DE GYIS, CHAS KA'I LHAG MA RNAMS DBON PO GNYIS KYIS BDAG PO GYIS ZHES GSUNG GNANG BA LA BRTEN NAS THAMS CAD KYIS MI BZHUGS PAR THAG BCAD, RAB 'BYAMS PA NGAG DBANG DPAL LDAN GYIS RJE NYID KYI DAG PA'I ZHING GANG YIN, NGED TSO'I ZHING GANG DU SMON LAM 'DEBS ZHUS PAS, SANGS RGYAS BYANG SEMS KYI ZHING GANG YIN PA DE YIN MOD, 'ON KYANG GTZO BO BDE BA CAN YIN PAS DE LA SMON LAM THOB, 'DU KHANG DU ZHING BKOD KYI LOGS BRIS KYANG YOD PAS KHYED RANG TSOS KYANG ZHING BKOD RE BZHENGS NA LEGS ZHES GSUNG, DE NAS RJE NGAG DBANG BKRA SHIS KYIS DA DUNG BSTAN PA DANG 'GRO BA'I DON LA DGONGS NAS SPRUL SKU ZHIG 'BYON DGOS, YUL PHYOGS GANG DU AANG NYAN BYAS NA ZHUS PAS SKYES LA NGES PA MED GSUNG, DE NAS GRVA MANG LA PHYAG DBANG GNANG DGOS ZHUS PA BZHIN MJAL KA GNANG BAR 'GA' ZHIG GIS SKU MDUN DU DUS PAS DAM YONG ZHES PHYAG GIS BRDA MDZAD DE MTSAMS BCAD, DE NAS HIK MTHON PO ZHIG MDZAD DE ZAB MO'I THUGS DAM LA RTZE GCIG TU BZHUGS PAR GYUR TO, ,DE LTAR LCAGS MO GLANG GI LO'I HOR ZLA GNYIS PA'I TSES PA LNGA'I NYI DROS KYI DUS LA BABS PA NA SKYE BO RTAG 'DZIN CAN RNAMS CHOS LA BSKUL BA'I PHYIR DU STONG PA GSUM RIM GYIS MNGON

DU BYAS PA'I MTHAR THAMS CAD STONG PA DON DAM PA'I BDEN PA DANG RO GCIG TU ZHUGS PA'I BDE BA CHEN PO'I YE SHES KYI RANG BZHIN 'OD GSAL CHOS SKU'I DBYINGS LA RTZE GCIG TU MNYAM PAR BZHAG PAR GYUR TO, ,DE'I MOD LA SKU'I SHA TSUGS ZHIG PA DANG LHOD PA DANG GNYER MA SOGS KYI KHANG KHUNG DU GYUR PA SOGS YE MED PAR, SKU LUS CHUNG ZHING GZHON SHA CHAGS PA 'OD KYI PHUNG PO DU MA SPRO BA'I LHA BU GZHON NU NGAG GI LUS LTA BUR GYUR CES GRAG GO ,SMRAS PA, LUNG RTOGS 'OD BRGYA'I DRA BA RAB GSAL ZHING, ,THUB BSTAN GLING BZHI GSAL BA'I GNYEN GCIG PU, ,MKHAS GRUB NYIN BYED DUS KYI DBANG GIS NI, ,CHOS DBYINGS NUB RI'I RTZEL 'DZEGS PAR GYUR, ,DE TSE NOR GYI BLO GROS MA, ,SGRIB BYED MUN PA'I GOS 'CHANG ZHING, ,RLUNG GIS BSKYOD PA'I 'KHRI SHING LTAR; ;MYA NGAN CHU GTER 'KHRUG PAS 'DAR, ,THUB BSTAN PAD MO'I TSAL GNAS PA'I, ,BLO GSAL RKANG DRUG LDAN RNAMS KYIS, ,LEGS BSHAD MA GRIN PA'I GLU DBYANGS KYANG, ,SKAD CIG NYID LA 'GRIB PAR GYUR, ,THAR LAM STON PA'I DMIGS BU KHYOD, ,DAG PA'I ZHING KHAMS GZHAN GSHEGS NA, ,BDAG CAG MGON PO SUS BYA ZHES, ,SLOB MAS TSOGS RNAMS SPRE SNGAGS 'DON, ,SKAL BZANG MKHAR NYAL TSOGS KYIS NI, ,MGON PO DAG PA'I ZHING MCHOG TU, ,SPYAN DRANGS 'JA' 'OD ME TOG GIS, ,SKYE BO 'DI DAG BSLU ZHING 'BRING, ,AA HO CHOS RNAMS STONG BA LA, ,SU ZHIG SKYE ZHING SU ZHIG GSHEGS, ,BDE ZHING SDUG PA'I MTSAN MA GANG, ,DNGOS POR ZHEN RNAMS BLO RE RMONGS, ,SKYE DANG 'JIG PA MA DMIGS KYANG, ,RTAG

, ,DANG CHAD PA SPANGS PA'I PHYIR, ,SKYE ZHING 'JIG PA'I CHO 'PHRUL STON, ,KYE MA STONG PA'I DBYINGS 'DI MTSAR, ,DE PHYIR GNYIS MED 'KHOR LO'I MGON PO DE, ,SNANG STONG SGYU MA'I GAR GYIS RTZEN PA LA, ,MYA NGAN MI RIGS SLAR YANG DE YI TSUL, ,DRAN PAS ZAB MO'I RNAL 'BYOR NYAMS SU LONG, ,ZHES MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA LAS SKU MYA NGAN LAS 'DAS PA'I TSUL BSTAN PA'I LE'U STE BCU PA'O,, ` ,,DE LTAR THAMS CAD STONG PA 'OD GSAL GYI DBYINGS LA BDUN PHRAG GCIG GI RING SNYOMS PAR ZHUGS PA'I MTHAR THUGS DAM GROL TE, RTAGS SU SHANGS BUG G-YAS G-YON NAS BYANG SEMS DKAR DMAR GYI RGYUN 'BAB PA DANG, PHYI ROL DU YANG NAM MKHA'I NGOS KUN SPRIN DANG RDUL DANG, KHUG SNA SOGS KYIS RNYOG PA MTHA' DAG DANG BRAL ZHING, BEE d'URYA'I ME LONG LTAR GSAL BA LA 'JA' TSON GYI DRA BAS KHYAB PAR GYUR CING, SHIN TU DRI ZHIM PA'I LHA'I BDUG SPOS KYI DRI NGAD DPAG TSAD KYI BAR DU LDANG BA DANG, SKABS 'GA' ZHIG TU KHA DOG SNA TSOGS PA'I ME TOG GI CHAR 'BAB PA DANG, RLUNG DRAG TU LDANG BA'I DPYID DUS YIN KYANG BSER BU'I RGYU BA PHRA MO TZAM YANG MI LDANG BA SOGS PHYI NANG GI MNGON PAR BYANG CHUB PA'I RTAGS YA MTSAN PA DU MA RGYUD SDE LAS BSHAD PA BZHIN BYUNG NGO, ,DE'I TSE RJE NYID KYI BKA' DRIN LA BRTEN PA'I SKYE PO RNAMS NI DMUS LONG DMIGS BU DANG BRAL BA LTAR SHIN TU BZOD PAR DKA' BA'I SDUG BSNGAL DRAG PO'I RLUNG GIS SBAR BA'I MYA NGAN GYI ME LCES SNYING

GI CHU GTER CI YANG KHOL BAR GYUR PA LAS, 'DREN BYED KYI BU GNAS MCHI MA'I DO SHAL MU TIG GI PHRENG BA LTA RU 'DZAG PA DANG BCAS BKA' DRIN RJES DRAN GYI BSTOD PA DANG, GSOL 'DEBS LHUR LEN PAR BYED DO, ,DE NAS LUS CAN KUN GYI BSOD NAMS BSAGS PA'I ZHING MCHOG SKU GDUNG RIN PO CHE'I DRUNG DU MCHOD PA'I TSOGS BSAM GYIS MI KHYAB PA NYE BAR BSTAR TE, DKA' BOT RAB 'BYAMS LA NANG BYAN CHUD PA'I SDE SNOD 'DZIN PA RNAMS KYIS SPYAN 'DREN KHRUS GSOL DANG, LTUNG BSHAGS, SPYI BSHAGS, SMON LAM RNAM LNGA, LAM RIM BSDUS DON SOGS CHOS SPYOD DANG, DPAL RDO RJE 'JIGS BYED DANG, GSANG BA 'DUS PA GNYIS KYI DKYIL 'KHOR SGRUB CING MCHOD PA SOGS RJE BTZUN DAM PA DE NYID KYI ZAG MED KYI THUGS DGONGS YONGS SU RDZOGS PA'I 'DU BYAS KYI DGE BRLABS PO CHE BDUN PHRAG BDUN GYI RING YANG DAG PAR SGRUB PA LA, PHYAG MDZOD NAS KHUR BLANGS TE BSNYEN BKUR DANG ZHABS TOG GYA NOM PAS MNYES BAR BYAS, TSOGS NAS KYANG DGE 'DUN RNAMS KYIS GZHAN GYIS BSKUL BA LA MI LTOS PAR THUGS DGONGS RDZOGS CHED CHOS SPYOD KYI BGYI BA LA NYIN MTSAN KHOR YUG TU GZHOL BAR MDZAD CING, MANG 'GYED KYANG LEGS PA PHUL, NYE SKOR GYI DGON GRUB SDE RNAMS DANG, SKU 'BUM, DGON LUNG, BA TZAN PO DGON, BYA KHYUNG, BDE CHEN SOGS MDO SMAD PHYOGS KYI DGON SDE CHE KHAG RNAMS SU MANG 'GYED KYI BSNYEN BKUR LEGS PAR ZHUS, DBUS GTZANG DU DGONGS RDZOGS SGRUB PAR AEL CHI CHED MNGAGS KYI GDONG, PAn CHEN RIN PO CHER LJAGS BSNGO ZHU RTEN KHA BTAGS,

, ,MAndAL, GSER GYI SPOS PHOR, GAN GOS SER PO'I SKU BER, RIN PO CHE'I PHRENG BA RGYAN LDAN, GSER DNGUL GOS DAR SOGS RGYA CHE ZHING DBANGS MTHO BA DANG, GONG SA RIN PO CHER YANG DE BZHIN DU PHUL, SE 'BRAS DGE GSUM, BKRA SHIS LHUN PO, RGYUD STOD SMAD GNYIS BCAS LA MANG JA DANG DNGUL ZHO 'GYED, SGO MNGAL DNGUL ZHO LNGA RE'I 'GYED, HA GDONG KHAM TSAN LA DNGUL ZHO 'GYED, DGE 'PHEL DANG, PHA BONG KHA'I RI KHROD RNAMS LA DNGUL ZHO 'GYED, DGA' LDAN KHRI RIN PO CHE'I THOG DRANGS BLA MA DANG SPRUL SKU CHE KHA'I RIGS LA LJAGS BSNGO ZHU RTEN GYI NOM PA PHUL, RJE RANG GI GDAN SA CHOS GRVA CHEN PO BKRA SHIS 'KHYIL DU'ANG GRVA SLOB DANG SBYIN BDAG RNAMS KYIS KHUR BLANGS TE ZLA MCHOD DANG, DUS MCHOD MA CHAG PAR DA LTA'I BAR DU 'PHEL RGYAS SU BYUNG NGO, ,RJE 'DI LA DAD PA THOB PA'I BLA CHEN, DPON CHEN SOGS MCHOG DMAN DU MAS GDUNG 'BUL GYI ZHAL 'DEBS DANG, MCHOD PA'ANG RGYA CHE BAR PHUL ZHING, KHYAD PAR SA'I DBANG PHYUG CHEN PO DGA' LDAN AER TE NI JU NANG DANG, MI'I DBANG MO RNAM RGYAL SGROL MA GNYIS KYI DAD PAS KUN NAS BSLANGS TE GDUNG 'BUL DANG MCHOD PA BSAM GYIS MI KHYAB PA PHUL TE DGONGS RDZOGS RLABS CHEN SGRUB PAR MDZAD DO, ,DE YANG DPON RIN PO CHE YAB YUM 'DI GNYIS NI RIGS RUS MNGON PAR MTHO ZHING LUGS GNYIS LA MKHYEN PA'I SPYAN YANGS PA, DKON MCHOG GSUM LA MI PHYED PA'I DAD PA THOB CING BSTAN PA DANG BSTAN 'DZIN DANG BCAS PAR SRI ZHU BYED BA LA SNYING STOBS MCHOG TU DGE BA, STOBS 'BYOR MNGA' THANG RMUGS 'DZIN GYI DPAL

LA 'GRAN KYANG KHENGS PA'I RNAM 'GYUR MI MDZAD PA, DGE BCU'I BKA' KHRIMS SHIN TU DAM YANG SDIG PA'I LAS LA MI DGYES PA, PHA ROL ZIL GYIS GNON PA'I BRTUL ZHUGS ? KYANG ZHI ZHING DUL BA'I NGANG TSUL LAS MI 'DA' BA SOGS RMAD DU BYUNG BA'I YON TAN DU MA DANG LDAN PA ZHIG YIN ZHES GZUR GNAS MTHA' DAG MGRIN GCIG TU GLENG NGO, ,DE LTAR DGONGS RDZOGS RNAMS LEGS PAR GRUB ZIN NAS PHAL CHER GYIS BYIN RLABS KYI CHED SKU GDUNG RIL POR 'JOG DGOS ZER, 'GA' ZHIG GIS RIL BOR BZHAG NA SPRUL SKU 'BYON PA LA GNOD CES 'THEN KHYER BYUNG YANG, MI'I DBANG MO RNAM RGYAL GYI GSUNGS LTAR SKU GDUNG RIL POR 'JOG PAR THAG BCAD DE DRI BZANG GI CHUS LEGS PAR BKRUS NAS GUR KUM DANG TZAN DAN SOGS DRI BZANG GI PHYE MA DANG BCAS SNAM 'BYAR GYIS LEGS PAR G-YOGS NAS ZANGS KYI BUM PA'I NANG DU BCUG STE, MI'I DBANG PO YAB YUM GNYIS KYI THOG DRANGS GRVA SLOB SBYIN BDAG RNAMS KYIS MTHUN RKYEN SBYAR BA LA BRTEN DNGUL SRANG CHIG STONG LAS BYANG CHUB MCHOD RTEN BZO DBYIBS DANG BKOD PA KHYAD PAR 'PHAGS SHING, RIN PO CHE SNA TSOGS PA'I PHRA RGYAN GYIS MDZES PA GSAR DU BZHENGS PA'I NANG DU GZHAL DU MED PA'I YON TAN GYI PHUNG PO DU MA'I ZAM TOG SKU GDUNG RIN PO CHE BZHUGS SU BCUG NAS LUNG DANG RIGS PA SMRA BA'I KHYU MCHOG CHEN PO THUGS SRAS DAM PA RJE NGAG DBANG BKRA SHIS PA'I ZHAL SNGA NAS KYIS GTZO MDZAD, DGE 'DUN 'DUS PA'I TSOGS KYIS RAB TU GNAS PA'I CHO GA RGYAS PAR MDZAD DE BYIN RLABS KYI GZI 'OD PHYOGS BRGYAD SGROGS LUS CAN KUN LA PHAN PA DANG BDE BA'I DNGOS PO

, ,YID BZHIN DU 'JO PA'I SRID BA GSUM GYI MCHOD SDONG GCIG PUR GYUR TO, ,ZHES MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG NGOGS ZHES BYA BA LAS DGONGS RDZOGS KYI RNAM DKAR DANG, SKU GDUNG JI LTAR SGRUB BA'I LE'U STE BCU GCIG PA'O,, ` ,,SMRAS PA, ZAB YANGS RNAM DPYOD LHUN PO'I RTZER 'KHRUNGS RAB DKAR KUN SLONG RTZA BA 'DOD DGU'I SA BON 'BUM PHRAG 'DZIN, ,DON BZANG SDONG PO KHYAD 'PHAGS NGO MTSAR TSIG GI YAL 'DAB RAB RGYAS DGE BA'I GRIB BSIL PHYOGS BCUR 'BAB, ,MTSUNGS MED RGYA CHEN SNYAN DNGAGS ME TOG KHA PHYE ZE'U 'BRU RAB GSAL YA MTSAN GTAM GYI CHAR BA YIS, ,SKAL BZANG 'CHI MED RE SKONG RNAM THAR DPAG BSAM SHING CHEN LHAR BCAS SKYE DGU'I DPAL DU DENG 'DIR GRUB, ,'DI NI 'OD ZER STONG LDAN NYI MA MIN YANG THAR 'DOD RNAMS LA ZHI BA'I PHYOGS KUN GSAL BAR STON, ,RAB 'BAR ME LCE'I PHRENG PA MA YIN PHRAG DOG LDAN PA KUN GYI SNYING GI CHU GTER KHOL BAR BYED, ,DMAR SER RAL PA'I KHUR 'CHANG SENG GE MIN YANG MKHAS RLOM DREGS LDAN GNYIS 'THUNG MTHA' DAG ZIL GYIS GNON, ,PADMA RGYAS PA'I DGA' TSAL NYID MIN BLO GSAL RKANG DRUG TSOGS RNAMS RAB DGA'I DBYANGS SNYAN DAR DIR SGROGS, ,BSNGAGS 'OS YON TAN LCID BRAL BA, ,MKHAS RLOM KHENGS LDAN SHING BAL YANG, ,GCAM BU'I TSIG GI DRI BZHON GYIS, ,MTHON PO'I DBYINGS SU 'DEGS BYED

NA; ;ZAB CING RGYA CHE'I YON TAN GYI, ,GTER GYUR MKHAS GRUB GTZUG GI RGYAN, ,KHYOD KYI NGO MTSAR MDZAD PA NI, ,SHIN TU BSTOD CING BSNGAGS BAR 'OS, ,'KHOR SLOB BZANG ZING RNYED BKUR RAB RGYAS CHU 'DZIN LANG LONG G-YO BA DANG, ,MTHU BYAD DPUNG 'JUG GNAM LCAGS PHRENG BAS GZHAN SDE'I BRAG RI BSHIG PA SOGS, ,CHEN PO'I GTAM GYIS 'BRUG SGRA ZAB MO SNYAN PA'I DBYANGS KYIS BSGRAG SGYUR KYANG, ,SRID PA'I 'KHOR LO RNAM PAR BSKOR BA'I NGANG TSUL NYID DU BDAG GIS RTOGS,, THUB BSTAN SGOR ZHUGS DUR SMRIG RGYAL MTSAN NYER BLANGS TE, ,DAM PA'I ZHABS BSTEN THOS DANG BSAM PAS SGRO 'DOGS BCAD, ,GRUB PA MCHOG BRNYES BSTAN 'GRO'I PHAN BDE SPEL MDZAD PA, ,'DI LTA'I RNAM THAR ZHI BA'I GRONG 'JUG 'BAB STEGS YIN, ,RNAM THAR RAB SNYAN RGYUD MANG DANG MTSUNGS RNA BA'I BU GAR SON MA THAG ,MI BSRUN SKYE BO PHRAG DOG 'DZIN YANG RANG GI LAS KYIS NONGS PA STE, ,BDUD RTZI'I ZIL MNGAR RAB RGYAS 'O MA'I RGYUN BZANG NYE BAR BTUNG BA YIS, ,MI BZAD DUG NI 'PHEL BAR BYED GANG LTOS 'GRO'I SKYON DU ZAD PA BZHIN, ,'DI NA CHEN POR RLOM RNAMS KYI, ,RNAM THAR TSIG TSOGS RGYA CHE YANG, ,GSER GYI NI SGRUD BZHIN DU, ,CHAGS SDANG SPEL BA'I SA BON NYID, ,THOG MA BAR DANG MTHAR DGE BA, , RMAD BYUNG DAM PA'I RTOGS BRJOD NI, ,THOS PA TZAM GYIS GANG GI SNYING, ,DANG PA'I NOR GYIS PHYUG PAR BYED, ,CHOS BRGYAD RLABS 'KHRUG DMAN PA'I SPYOD TSUL BA TSVA'I MTSO CHEN JI LTAR RGYAS KYANG THAR 'DOD SKOM PA SEL MI NUS, ,MKHAS BTZUN

, ,BZANG PO'I RO DANG BCUD LDAN DAM PA'I RTOGS BRJOD BDUD RTZI'I THIGS PA GCIG GIS SKYE DGU'I DBUGS 'BYIN BYED, ,DE SLAD YA MTSAN GTAM GYI GLENG MO 'DI YI TSIG PHRENG CHA SHAS RES KYANG SKAL BZANG SNYING GI YOL GO RU; ;KUN DGA'I TSOR BA MCHOG GI BDUD RTZI CI YANG BLUGS PAS BDE CHEN GSAR BA'I RTZE DAGS PHYOGS KUN 'GENGS SAM SNYAM, ,RNAM THAR PHAL CHER MU TO'I PHYE BZHIN SNA TSOGS GTAM GYI SBYOR BAS GANG, ,'GA' ZHIG GZHAN SMOD TSER MA RNON POS SNYING LA MI BZAD ZUG RDU SBYIN, ,LA LA RGYU RDZAS PHAR PHYIN TSUR BLANGS BKOD PA'I DEB YIG LTA BU STE, ,KYE MA THOS BSAM BSGOM PA'I DPAL LDAN RNAM THAR NYIN SKAR BZHIN DU MTHONG, ,MANG DU THOS PA'I BYI DOR GYIS, ,BSAM PA'I GZI 'OD RAB 'BAR ZHING, ,SGOM BYUNG 'DOD DGU'I CHAR 'BEBS PA, ,'DI 'DRA YID BZHIN NOR BU'O, ,GANG 'DI RNYOG BRAL DAD PA'I MTSOR, ,NGAL GSO YON TAN MDZOD 'DZIN PA, ,SKAL BZANG GDENGS CAN TSOGS RNAMS KYIS, , RAL PA'I RTZE MOR GUS PAS LONGS, ,BDAG BLO MGRIN SNGON RAL PA'I GSEB LAS SNYAN DNGAGS DBU BA'I 'DZUM DKAR CAN, ,RTOGS BRJOD GANG G'A'I KLUNG CHEN 'DI PHA BA 'GRO BA DUG CAN TSOGS RNAMS KYI, ,MI SHIS SDIG PA'I DRI MA DAG

BYED SROG CHAGS BYE BA KHRAG KHRIG LA, ,PHAN BDE'I MCHOD SBYIN CI YANG STOB PAS DGE LEGS SNANG BA 'BAR GYUR CIG ,BU RAM SHING BSTAN RAB GSAL MKHA' DBYINGS BKRA SHIS RTOGS BRJOD NYI ZLA'I DKYIL 'KHOR MCHOG GIS MNGON PAR BRGYAN PA LAS; ;PHYOGS KUN RNA BA BDUD RTZI NYID BYED BKRA SHIS NGO MTSAR SNYAN TSIG 'OD ZER MKHA' DANG MNYAM PAR SPRO BA YIS, ,SKAL BZANG 'JIG RTEN KUN GZHI'I ME TOG BKRA SHIS DAG SNANG ZE'U 'BRU KHA PHYE RO 'DZIN GSER RGYAS PA'I RTZER, ,SMRA BA'I RKANG DRUG RDUL LTAR RAB DKRIGS BKRA SHIS BSNGAGS BRJOD ROL MO'I SGRA YIS RGYA MTSO'I GOS CAN KHYAB GYUR CIG ,CES MKHAS SHING GRUB PA'I DBANG PHYUG KUN MKHYEN 'JAM DBYANGS BZHAD PA'I RDO RJE'I RNAM PAR THAR PA NGO MTSAR SKAL BZANG 'JUG DOGS ZHES BYA BA 'DI NI, DUS GSUM RGYAL BA KUN GYI MKHYEN BRTZE'I BDAG NYID SNYIGS MA'I DUS 'DIR BSHAD SGRUB GSER GYI 'KHOR LO CHEN POS THUB BSTAN GLING BZHI'I KHYON LA 'DOD DGUR LONGS SPYOD PA'I CHOS KYI 'KHOR LOS SGYUR BA CHEN PO MKHAS SHING GRUB PA'I DBANG PHYUG THAMS CAD MKHYEN PA NGAG DBANG BYAMS PA'I ZHAL SNGA NAS KYIS 'DI LTA BU ZHIG GYIS ZHES GSUNG GI ME TOG SPYI BOR STZAL BA DANG DU BLANGS NAS, SHAR MDO SMAD RMA CHU'I 'GRAM DU SKYES

, ,PA'I MANG DU THOS PA'I DGE SLONG ZHVA SER COD PAN 'DZIN PA DKON MCHOG 'JIGS MED DBANG POS SA STAG ZLA BA BDUN PA'I YAR TSES KYI NYIN MKHAS 'GRUB BYE BA'I BSTI GNAS CHOS GRVA CHEN PO DPAL LDAN 'BRAS SPUNGS SU SBYAR BA, LAS; SLAR YANG MDO SMAD DU DBRI BSNAN BYAS TE GRUB PAR BGYIS PA DZA YANTU,, ,,

[BLANK PAGE]