The Vast and Wondrous Flow of the Ganges--The Story of the Life of that Lord of the Dharma, the Omniscient Jamyang Shepay Dorje

, ,DHA RMA A'A RYA SA RBA DZNY'A MA NYDZU GHO sh'A HA SA BADZRA: BI MO KshA SHRA DH'A WA NTOO SHRU TI KRI YA AA HO GG'A SYA AU TA KA DH'A R'A BI HAR TI SMA,, *, ,CHOS KYI RJE KUN MKHYEN 'JAM DBYANGS BZHAD PA'I RDO RJE'I RNAM PAR THAR PA DAD PA DANG LDAN PA DAG LA GTAM DU BYA BA NGO MTSAR GANGG'A'I CHU RGYUN ZHES BYA BA BZHUGS SO, ,

, ,NA MO MANYDZU GHO sh'A SVA RA SVA STI BHYA: CHOS KYI RJE KUN MKHYEN 'JAM DBYANGS BZHAD PA'I RDO RJE'I RNAM PAR THAR PA DANG PA DANG LDAN PA DAG LA GTAM DU BYA BA NGO MTSAR GANGG'A'I CHU RGYUN ZHES BYA BA, PHUL BYUNG DGE LEGS BYE BAS NYER BSKRUN MTSAN DPE'I DPAL 'BAR MDZES PA'I SKU, ,BRGYAD KHRI BZHI STONG CHOS PHUNG LEGS 'DOMS YAN LAG DRUG CU'I DBYANGS LDAN GSUNG, ,JI LTA JI SNYED SHES BYA'I GNAS RNAMS MA 'DRES 'KHRUL MED MKHYEN PA'I THUGS, ,BLA MED GSANG GSUM RGYA MTSONG MNGA' BRNYES SH'AKYA SENG GER GUS PAS 'DUD, ,RNAM MANG RGYAL BA'I MKHYEN RAB MA DROS KLUNG, ,GANG THUGS RGYA MTSO'I YOL GOR RTAG 'BAB PA'I, ,YE SHES

, ,LUS CAN GZHON NU'I ROL RTZED MKHAN, ,BRTAN PA'I 'KHOR LO DE YIS RJES SU SKYONGS, ,MA LI GSAR BA'I PHRENG BAS 'KHYUD PA'I MTHON MTHING DBU SKRA'I LAN BU G-YO, ,RIG GNAS DBYANGS BZANG 'THUNG BAS RAB MYOS BEEd'UR SNGON PO'I RGYUD MANG NI, ,MNYEN LCUG SOR MOS DAL BUR BSKYOD PAS LEGS BSHAD MI ZAD 'DOD PA 'JO; ;SMRA BA'I DBANG PHYUG DRI ZA'I NA CHUNG TSUR SPYON BDAG BLO'I 'O MTSOR ROL, ,TSOGS GNYIS RGYA MTSO'I 'JING LAS NYER 'KHRUNGS SHING, ,LUNG RTOGS YON TAN ME TOG RGOD PA'I RTZER, ,SKU BZHI'I 'BRAS BUS NYER DUD THAMS CAD MKHYEN, ,RGYAL DBANG BLO BZANG GRAGS PAR SNYING NAS 'DUD, ,GTZUG LAG SPRIN GYI GLANG PO'I STENG 'GYING LNGA RIG DU K'U LA

YI GOS BGOS LUNG RIGS RDO RJE RTZE BRGYA PA, ,GDENGS PA TZAM GYIS LOG RTOG RI BO'I BGROD PA NYER BCOM RGOL NGAN SBYIN SKYES DAM BCA'I MNGAL KHUR PHYE MAR 'THAG ,CHOS KUN GZIGS PA'I 'DREN BYED STONG G-YO MKHYEN BRTZE NUS PA'I GZI BYIN RAB 'BAR 'CHAD RTZOD RTZOM PA'I DO SHAL 'PHYANG, ,MKHAS MANG LHA BRGYA'I ZUR PHUD KYIS MCHOD SMRA BA'I NYI MA 'JAM DBYANGS BZHAD PA GRAGS PA'I MU KHYUD SRID 'DIR RGYAL, ,BZLOG PAR MI NUS GANG GI BRTZON 'GRUS CHU KLUNG NYID YIN KHYAB 'JUG RKANG PA DE MA YIN, ,SA GSUM GSAL BYED GANG GI LEGS BSHAD NYIN BYED DNGOS YIN NA MKHA'I THIG LE DE MA YIN, ,SNYAN PA'I DBYANGS SGROGS GANG GI RNAM THAR PI WANG NYID YIN DRI ZA'I RGYUD MANG DE MA YIN, ,'DOD DGU'I DPAL STER GANG GI 'PHRIN LAS DBANG RGYAL DNGOS YIN NOR BU'I 'KHRI SHING DE MA YIN, ,NGAG GI DBANG DU PHYUG 'JAM DPAL DBYANGS BZHIN RNAM DPYOD DKYIL 'KHOR RGYAS PA LAS, ,YAN LAG BCU GNYIS GSUNG RAB 'OD DPUNG LI KHRI'I RDUL DMAR G-YO BA YIS, ,BLO GSAL BLO YI PADMO KHA PHYE BDE LEGS SBRANG RTZI BZHAD PA'I DPYID, ,SNGON MED NYI MA 'JAM DBYANGS BZHAD PA'I 'KHRUNGS RABS RTOGS BRJOD DBYANGS SU 'JO, ,GANG GI RGYA CHEN MDZAD PA YIS, ,MKHAS MANG YID LA DGA' BA RGYAS, ,CHU 'DZIN GLAL BA'I SGRA DBYANGS KYIS, ,MDONGS MTHA'I MNGAL NI SKAL BZANG BYED,,

, ,NGO MTSAR GTAM GYI DRI BSUNG CAN, ,RTOGS BRJOD TSIG GI ME TOG NI, ,MTHA' DAG PHYOGS KYI MDZES MA YI, ,RNA BA DAG LA DAM DU 'KHYUD, ,BLO GROS BUNG BA'I MGRIN PA RU, ,MDZAD BZANG SPRANG RTZI MA LUS PA, ,BGROD NUS MIN KYANG ZEGS MA TZAM, ,SNYING GI GDUNG SEL MCHOG TU 'GYUR, ,DENG DUS SKYE BO PHAL CHER GYI, ,YID NI NYES BSHAD LA GUS SHING, ,LEGS BSHAD SMRA LA SDANG NGAS NA; ;SU ZHIG LEGS BSHAD BRJOD PAR BYED, ,'ON KYANG GANGS LJONGS MKHAS MANG DBUS, ,LUNG RIGS SMRA LA ZLA MED PA, ,DAM PA'I GSUNG GIS BSKUL BA'I PHYIR, ,PHYOGS TZAM BRJOD LA ZHUGS PAR GYUR, , BSOD NAMS DMAR 'OD LHUNG BA YIS, ,DAD PA'I BZHIN RAS CHES GSAL BA, ,SKAL BZANG RI DVAGS MIG CAN DAG ,LEGS BSHAD DO SHAL 'DI LONGS SHIG ,CES SNYAN CHIG TA MBU RA'I RGYUD NAS DRANGS PA'I RMAD DU BYUNG BA'I BSTOD DBYANGS KYIS SDUN BSUS TE GLENG BAR BYA BA NI, DE LA DPAG TU MED CING MTHA' YAS PA'I BSKAL BAR BSOD NAMS DANG YE SHES KYI TSOGS RGYA MTSO LTA BU LA NYE BAR GOMS PA, BZLOG TU MED PA'I BRTZON 'GRUS RLABS PO CHES GZHAN GYI DON SGRUB PA LA SNYING STOBS RAB TU BRTAN CING GANGS CAN GYI LJONGS 'DIR MKHAS PAR GRAGS PA'I MKHAS PA PHAL MO CHES GANG GI ZHABS KYI PADMO LA NYE BAR GTUGS PA

RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON KYANG KHENGS PA DANG DREGS PA'I RNAM 'GYUR SPANGS TE THUB PA'I BRTUL ZHUGS LA LEGS PAR GNAS PA, YONGS SU GRAGS PA'I SHES BYA'I GNAS SDE SNOD GSUM DANG SGRA DANG TSAD MA SDEB SBYOR SNYAN DANG GAS MNGON BRJOD SOGS MKHAS PA 'JUG PA'I YAN LAG THAMS CAD 'CHAD PA DANG RTZOD PA DANG RTZOM PA LA 'GRAN PA'I ZLA THAMS CAD DANG BRAL BA'I GNAS LNGA RIG PA'I PAndI TA CHEN PO, YI DAM GYI LHA NAM MKHA'I SKAR TSOGS LTA BUS RJES SU BZUNG ZHING BSKYED PA'I RIM PA DANG RDZOGS PA'I RIM PA BRTAN PO LA MNGA' BRNYES PA, BYAMS SNYING RJE BYANG CHUB KYI SEMS SOGS KYIS THUGS RGYUD LEGS PAR MDZES PA YONGS RDZOGS BSTAN PA'I MNGA' BDAG MTSUNGS MED CHOS KYI RJE 'JAM DBYANGS BZHAD PA'I RDO RJE PHYOGS LAS RNAM RGYAL GZHAN PHAN DBANG PO'I SDE ZHES GRAGS SNYAN BA DAN DKAR PO DGE LEGS GSAR BA'I RNGA YAB DANG 'GROGS PA SRID PA GSUM NA CHES CHER G-YO BA DE NYID KYI 'KHRUNGS RABS RTOGS BRJOD DO MTSAR GANGG'A'I CHU RGYUN SNYAN TSIG RBA RLABS 'BUM GYIS 'KHYUD PA KHO BO'I RNAM DPYOD KYI RAL PA LAS 'BEBS PAR BYA YI, SKAL BA DANG LDAN PA DAG GUS PA DANG DGA' BA 'GRAN BZHIN PAS NGOMS PA MED PAR 'THUNGS SHIG ,DE LA RE SHIG BDAG NYID CHEN PO 'DI SKU TSE SNGA MA RNAMS SU RGYA BOD KYI MKHAS

, ,GRUB MANG POR SKU'I SKYE BA BZHES PA'I GTAM NYUNG SHAS SHIG BSNYAD PAR BYA STE, JI SKAD DU RGYUD BLA MA LAS, THUGS RJE CHEN POS 'JIG RTEN MKHYEN, ,'JIG RTEN KUN LA GZIGS NAS NI; ;CHOS KYI SKU LAS MA G-YOS PAR, ,SPRUL PA'I RANG BZHIN SNA TSOGS, ZHES LONGS SPYOD RDZOGS PA'I SKU NGES PA LNGA LDAN CHOS KYI SKU LAS MA G-YOS BZHIN DU SEMS CAN GYI DON DU SPRUL BA GRANGS MED PA STON PAR GSUNGS PA LTAR BDAG NYID CHEN PO 'DIS KYANG SKU'I SKYE BA 'DI DANG 'DI'O ZHES BGRANG BAR BYA BA TSUR MTHONG DAG GI BLO'I SPYOD YUL LAS 'GONG MOD KYI, 'ON KYANG NYID KYI ZHAL NAS GSUNGS PA'I 'KHRUNGS RABS GSOL 'DEBS DBANG GI RGYAL PO'I 'PHRENG MDZES LTAR YI GE'I LAM DU 'GOD PAR BYA'O,, ` ,,THEG MCHOG GTAM GYIS SH'AKYA'I 'KHOR MANG KUN, ,ZHUM MDZAD RDZU 'PHRUL GZUNGS SPOBS MNGON SHES SOGS, ,MTHA' YAS YON TAN TSOGS LA DBANG BSGYUR BA, ,RGYAL BA'I SRAS PO DRI MED GRAGS PAR 'DUD, ,BSKAL PA BZANG PO'I SANGS RGYAS STONG GI NANG NAS PADMA DKAR PO LTA BUR CHES CHER BSNGAGS PA RGYAL MCHOG BUR MA SHING PA 'JIG RTEN DU BYON PA'I DUS SU, KUN MKHYEN CHEN PO 'DI NYID LI TZA B'I DRI MED GRAGS PA ZHES BYA BAR 'KHRUNGS TE, DE YANG SNGON GYI RGYAL BA LA LHAG PAR BYA BA BYAS SHING DGE BA'I RTZA BA

BSKYED PA, SANGS RGYAS MANG PO LA BSNYEN BKUR BYAS PA GZUNGS SPOBS PA MI 'JIGS PA BZOD PA MNGON PAR SHES PA LNGA THOB CING BDUD DANG PHYIR RGOL BA BCOM PA, SANGS RGYAS THAMS CAD KYIS BSTOD CING BKUR TE RAB TU BSNGAGS PA SOGS YON TAN BSAM GYIS MI KHYAB PA LA MNGA' BRNYES PA ZHIG GO ,DE LTA BU'I BDAG NYID CHEN PO DES SKABS ZHIG TU THABS LA MKHAS PAS RANG NYID NA BLTAR BSTAN NAS, NAD 'DRI BA'I PHYIR YANGS PA'I GRONG KHYER GYI RGYAL PO DANG BLON PO SOGS YUL MI'I TSOGS MANG PO DANG SROG CHAGS STONG PHRAG MANG PO 'ONGS PA RNAMS LA LUS MI RTAG PA SNYING PO MED PA SOGS DPE DANG DON SNA TSOGS LAS BRTZAMS TE CHOS STON BZHIN YOD PA LAS MTSAMS ZHIG TU THUGS LA BDAG NA ZHING SDUG BSNGAL PAR YOD NA SANGS RGYAS KYIS THUGS BRTZE BAS NAD 'DRI MKHAN ZHIG KYANG MA BTANG NGO SNYAM MO, ,DE'I TSE BCOM LDAN 'DAS KYIS DE'I BSAM PA MKHYEN NAS, SH'A RI'I BU LA KHYOD DRI MA MED PAR GRAGS PA'I NAD 'DRIR SONG ZHIG CES BKA' STZAL PAS, BDAG DER MI 'GRO'O ZHES ZHUS SO, ,KHYOD DER CI'I PHYIR MI 'GRO GSUNGS PAS, SH'A RI'I BUS GSOL BA, BDAG SNGON SHING DRUNG ZHIG NA NANG DU YANG DAG PAR BZHAG PAR GYUR PA NA LI TZA B'I DRI MED GRAGS PA DER 'ONGS NAS 'DI SKAD CES BTZUN PA SH'A RI'I BU JI LTAR KHYOD KYI NANG DU YANG DAG PAR BZHAG PA DE LTA BU'I NANG DU 'JOG PA LA

, ,NANG DU YANG DAG PAR BZHAG PAR MI BYA'O ZHES SOGS SMRAS PAS BDAG GIS DE LA LAN MA THEBS SO, ,DE'I SLAD DU SKYES BU DAM PA DE'I BRO 'DRI ZHING MCHI BAR BDAG MI SPRO'O ZHES ZHUS TE 'GROR MA NYAN, DE NAS MO'U 'GAL GYI BU DANG, 'OD SRUNG CHEN PO DANG, TSE DANG LDAN PA RAB 'BYOR DANG, BYAMS MA'I BU GANG PO DANG, KA TYA'I BU CHEN PO DANG, MA 'GAGS PA DANG, NYE BAR 'KHOR DANG, SGRA GCAN ZIN SOGS LA RIM BZHIN BKA' STZAL PAS DE RNAMS KYIS KYANG SNGAR GYI RGYU MTSAN DE LTA BU RE ZHUS NAS SU GCIG KYANG 'GROR MA NUS SO, ,DE NAS KUN DGA' BO LA BKA' STZAL PA, DES ZHUS PA, BDAG SNGON BCOM LDAN 'DAS KYI SKU LA SNYUN CIG BYUNG NAS 'O MA 'TSOL DU BRAM ZE GCIG GI SGO DRUNG NA YOD PA LA, DER DRI MED GRAGS PA 'ONGS NAS, KUN DGA' BO KHYOD NANG SNGA MOR LHUNG BZED THOGS NAS BRAM ZE'I SGO DRUNG DU CI'I PHYIR SDOD PA YIN ZHES SMRAS PA LA, BDAG GIS SANGS RGYAS KYI SKU LA SNYUN CIG BYUNG STE 'O MA 'TSOL DU 'ONGS PA YIN ZHES SMRAS SO, ,DE'I LAN DU BDAG LA KUN DGA' BO DE BZHIN GSHEGS PA'I SKU NI RDO RJE LTAR MKHREGS PA'I RANG BZHIN YIN NA SNYUN GA LA 'BYUNG, KHYOD BCOM LDAN 'DAS LA SKUR BA MA 'DABS PAR SLAR SONG, GZHAN SU LA'ANG DE SKAD MA ZER CIG, BYANG CHUB SEMS DPA' DANG LHA'I BU GZI

BRJID CHE BA RNAMS KYIS THOS PAR 'GYUR TA RE, 'KHOR LOS BSGYUR BA DGE BA'I RTZA BA CHUNG DU DANG LDAN PA LA YANG NAD MED NA BCOM LDAN 'DAS DGE BA'I RTZA BA TSAD MED PA DANG LDAN PA DE LA SNYUN GA LA MNGA', BTZUN PA KUN DGA' BO KHO BO NGO TSA BAR MA BYA BAR SLAR SONG ZHIG CES SOGS SMRAS BYUNG BAS BDAG SHIN TU NGO TSA BAR GYUR TO, ,DE'I SLAD DU BDAG DER MCHI BAR MO SPRO'O ZHES ZHUS SO, ,DE BZHIN DU NYAN THOS LNGA BRGYA TZAM LA YANG BKA' STZAL PAS RANG RANG GIS 'GROR MI SPOBS PA'I RGYU MTSAN RE BCOM LDAN 'DAS LA GSOL NAS 'GROR MA NUS SO, ,DE NAS BYANG CHUB SEMS DPA' BYAMS PA DANG, LI TZA B'I GZHON NU BKOD PA DANG, BYANG CHUB SEMS DPA' 'GRO BA 'DZIN DANG, TSONG DPON GYI BU LEGS BYIN SOGS LA BKA' STZAL PAS SNGAR BZHIN RGYU MTSAN MI 'DRA BA RE ZHUS NAS SU YANG 'GROR MA PHOD DO, ,DE NAS BYANG CHUB SEMS DPA' SEMS DPA' CHEN PO 'JAM DPAL LA, KHYOD LI TZA B'I DRI MED GRAGS PA'I NAD 'DRIR SONG ZHIG GSUNGS PAS, 'JAM DPAL GYIS ZHUS PA, BCOM LDAN 'DAS LI TZA B'I DE NI ZAB MO'I TSUL LA SPOBS PA RAB TU ZHUGS PA, BYANG CHUB SEMS DPA' BGYI BA THAMS CAD TSAR PHYIN PA, THABS MKHAS PA RTOGS PAR KHONG DU CHUD PA, DRIS PA GTAN LA 'BEBS PA SOGS YON TAN GYI TSOGS DPAG TU MED PA DPAG PAR DKA' BA TSAD MED PA DANG LDAN

, ,PAS; DE NI GO CHA CHUNG DUS MGU BAR MI NUS KYI, 'ON KYANG SANGS RGYAS KYI BYIN RLABS KYIS, YANG DAG PA JI LTA BA DANG MTHU JI LTA BA BZHIN DU BSHAD PAR BDAG 'GRO'O ZHES ZHAL GYIS BZHES TE 'BYON PAR CHAS SO, ,DE'I TSE SANGS RGYAS KYI 'KHOR NA GNAS PA'I BYANG CHUB SEMS DPA' DANG, NYAN THOS DANG, BRGYA BYIN DANG, TSANGS PA DANG, 'JIG RTEN SKYONG BA DANG, LHA'I BU DANG, LHA'I BU MO RNAMS KYIS, 'JAM DPAL DANG LI TZA B'I DRI MED GRAGS PA GNYIS LAS GDON MI ZA BAR DAM PA'I CHOS KYI GTAM CHEN PO 'BYUNG BAR 'GYUR RO SNYAM DU BSAMS NAS CHOS NYAN PA'I PHYIR 'KHOR DE DAG GIS BYANG CHUB SEMS DPA' SEMS DPA' CHEN PO 'JAM DPAL YONGS SU BSKOR TE YANGS PA'I GRONG KHYER DU GSHEGS SO, ,DE NAS DRI MED GRAGS PAS, 'JAM DPAL 'KHOR BCAS 'ONGS PAR 'DUG PAS BDAG GI KHYIM 'DI STONG PAR BYIN GYIS BRLAB PO SNYAM STE KHYIM DER KHONG RANG NA BA NYAL ZHING 'DUG PA'I KHRI GCIG PU MA GTOGS GANG YANG MI SNANG BAR BYAS TE GNAS SO, ,DE NAS 'JAM DPAL 'KHOR BCAS NANG DU BYON PA'I TSE KHYIM DE STONG PAR MTHONG NGO, ,DE'I TSE DRI MED GRAGS PAS 'JAM DPAL LA 'DI SKAD CES SMRAS SO, ,'JAM DPAL LEGS PAR 'ONGS SO, ,'JAM DPAL SHIN TU LEGS PAR 'ONGS SO, ,SNGON MA 'ONGS, MA MTHONG,

MA THOS PA MTHONG NGO, ,'JAM DPAL GYIS SMRAS PA, KHYIM BDAG KHYOD JI SKAD ZER BA BZHIN TE, GANG 'ONGS PA DE NI PHYIS MI 'ONGS, GANG SONG BA DE NI PHYIS MI 'GRO'O, ,SKYES BU DAM PA KHYOD BZOD DAM, 'TSO 'AM, KHYOD KYI KHAMS MI 'KHRUG GAM, BCOM LDAN 'DAS KYIS KYANG KHYOD LA GNOD PA NYUNG NGAM, NYAM NGA BA NYUNG NGAM, NA BA NYUNG NGAM, BDE BA LA REG PAR GNAS SAM ZHES BDAG 'DRI BAR BTANG NGO, ,KHYIM BDAG KHYOD KYI NAD 'DI CI LAS BYUNG, BYUNG NAS JI SRID LON, JI LTAR GNAS, JI TZAM NA 'TSO BAR 'GYUR, DRI MED GRAGS PAS SMRAS PA, 'JAM DPAL MA RIG PA DANG SRID PA'I SRED PA JI SRID PAR KHO BO'I NAD 'DRI'ANG DE SRID DO, , SEMS CAN THAMS CAD KYI NAD JI SRID PAR KHO BO'I NAD KYANG DE SRID DO, ,SEMS CAN THAMS CAD NAD DANG BRAL BAR GYUR PA DE'I TSE KHO BO'I NAD KYANG 'BYANG NGO, ,ZHES SOGS PHAN TSUN SHIN TU ZAB CING RGYA CHE BA'I DAM PA'I CHOS KYI DKA' GNAS LAS BRTZAMS PA'I DRI BA DRIS LAN GYI SENG GE'I NGA RO PHYOGS BRGYAR BSGRAGS PAS LHA'I BU BRGYAD STONG BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DE NAS SH'A RI'I BUS; KHYIM 'DIR STAN GCIG KYANG MI 'DUG NA BYANG CHUB SEMS DPA' 'DI DAG DANG NYAN THOS 'DI DAG CI'I STENG DU 'KHOD SNYAM MO, ,DE'I BSAM PA DRI MED GRAGS PAS SHES NAS, SH'A RI'I BU LA KHYOD CHOS 'DOD

, ,NAS 'ONGS PA YIN NAM, STAN 'DOD NAS 'ONGS PA YIN ZHES SMRAS PAS, SH'A RI'I BU NA RE, KHO BOS CHOS 'DOD NAS 'ONGS KYI STAN 'DOD NAS 'ONGS PA MA YIN NO, ,DRI MED GRAGS BAS SMRAS PA, BTZUN PA SH'A RI'I BU, GANG CHOS 'DOD PA DE NI BDAG GI LUS KYANG 'DOD PA MA YIN NA STAN 'DOD PAR GA LA 'GYUR, ZHES SOGS CHOS KYI RNAM GRANGS MANG PO BSTAN PA NA LHA'I BU LNGA BRGYA CHOS RNAMS LA CHOS KYI MIG RNAM PAR DAG PA THOB PO, ,DE NAS BDAG NYID CHEN PO DRI MA MED PAR GRAGS PAS, 'JAM DPAL LA KHYOD PHYOGS BCU'I SANGS RGYAS KYI ZHING GRANGS MED PAR SONG BA'I TSO SENG GE'I KHRI THAMS CAD KYI MCHOG RMAD DU BYUNG BA DAG MTHONG DAM ZHES DRIS PAS, 'JAM DPAL GYIS SMRAS PA, RIGS KYI BU 'DI NAS SHAR PHYOGS SU SANGS RGYAS KYI ZHING GANGG'A'I KLUNG SUM CU RTZA GNYIS KYI BYE MA SNYED 'DAS PA NA 'JIG RTEN GYI KHAMS LHUN PO'I RGYAL MTSAN ZHES BYA BA YOD, DE NA DE BZHIN GSHEGS PA LHUN PO'I SGRON ME'I RGYAL PO ZHES BYA BA BZHUGS TE, DE'I SKU LA DPAG TSAD 'BUM PHRAG BRGYAD CU RTZA BZHI YOD, DE'I KHRI'I TSAD NI DPAG TSAD 'BUM PHRAG DRUG CU RTZA BRGYAD DO, ,'KHOR GYI BYANG CHUB SEMS DPA' DAG GI LUS KYANG DPAG TSANG 'BUM PHRAG BZHI BCU RTZA GNYIS SO, ,DE DAG GI KHRI LA YANG DPAG TSAD 'BUM PHRAG SUM CU SO

BZHI YOD, DE NAS DE THOS MA THAG TU LI TZA B'I DRI MED GRAGS PAS RDZU 'PHRUL GYIS SANGS RGYAS KYI ZHING DE NAS GONG DU BSHAD PA'I KHRI DE DAG DANG MNYAM PA'I SENG GE'I KHRI SUM KHRI NYIS STONG NAM MKHA' LAS 'ONGS TE KHONG RANG GI KHYIM DU GNAS PAR BYAS SO, ,DE NAS DRI MED GRAGS PAS 'JAM DPAL 'KHOR BCAS LA KHYED RANG RNAMS SENG GE'I KHRI DANG 'TSAM PA'I LUS SPRUL LA KHRI'I STENG DU 'DUG CIG CES SMRAS PAS, BYANG CHUB SEMS DPA' RDZU 'PHRUL THOB PA DAG GIS RANG RANG GI LUS DPAG TSAD 'BUM PHRAG BZHI BCU RTZA GNYIS PAR SPRUL TE KHRIR 'KHOD DO, ,DE NAS BYANG CHUB SEMS DPA' LAS DANG PO PA RNAMS KHRIR 'DUG MA NUS PA LA, DE MA THAG LI TZA B'IS CHOS BSTAN PAS RDZU 'PHRUL THOB STE SNGAR BZHIN 'KHOD DO, ,DE'I TSE NYAN THOS CHEN PO DE DAG KYANG SENG GE'I KHRIR 'DUG MA NUS PA LA, DRI MED GRAGS PAS SH'A RI'I BU LA SMRAS PA, KHYED RANG SENG GE'I KHRI LA 'DUG CIG, SH'A RI'I BUS SMRAS PA, SENG GE'I KHRI 'DI DAG RGYA CHE ZHING YANGS PA'I STOBS KYIS BDAG CAG 'DUG MI NUS SO, ,DRI MED GRAGS PAS SMRAS PA, DE BZHIN GSHEGS PA LHUN PO'I SGRON ME'I RGYAL PO LA PHYAG 'TSOL ZHIG DANG 'DUG NUS PAR 'GYUR RO, ,DE NAS NYAN THOS RNAMS KYIS DE BZHIN BYAS PAS SENG GE'I KHRIR 'KHOD DE, SH'A RI'I BUS DRI MED GRAGS PA LA 'DI SKAD CES RIGS KYI BU KHYIM CHUNG DU'I NANG DU

, ,'DI LTA BU'I KHRI BSAM GYIS MI KHYAB PA SHONG BA NI NGO MTSAR CHE'O ZHES SMRAS PAS, DE'I LAN DU DRI MED GRAGS PA NA RE, SANGS RGYAS DANG BYANG CHUB SEMS DPA' RNAMS LA RNAM PAR THAR PA BSAM GYIS MI KHYAB PA ZHES BYA BA ZHIG YOD CING, DE LA GNAS PA'I BYANG CHUB SEMS DPAS SHIN TU CHE BA'I RI RAB LHUN PO YANG YUNGS 'BRU'I NANG DU 'JUG PAR BYED CING, DE'I TSE YUNGS 'BRU CHER MA SONG LA RI RAB CHUNG DU SONG BA MED DO, ,ZHES SOGS RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' RNAMS KYI YUL LA 'JUG PA DPE DANG DON SNA TSOGS PAS BSTAN, DE NAS SH'A RI'I BU 'DI SNYAM DU GDUGS TSOD LA BAB 'DUG PA LA BYANG CHUB SEMS DPA' 'DI DAG ZAN GANG DU BZA' SNYAM MO, ,DE'I TSE DRI MED GRAGS PAS SH'A RI'I BU'I BSAM PA SHES NAS, DE LA 'DI SKAD CES KHYOD DE BZHIN GSHEGS PAS GSUNGS PA'I RNAM PAR THAR BA BRGYAD LA GNAS PAR BYOS LA ZANG ZING DANG 'DRES PA'I RGYUD KYIS CHOS MNYAN CIG, CUNG ZAD SDOD DANG SNGON ZAM MYONG BA'I KHA ZAS ZA BAR 'GYUR RO ZHES SMRAS SO, ,DE NAS LI TZA B'I DRI MED GRAGS PA TING NGE 'DZIN LA SNYOMS PAR ZHUGS NAS, 'DI LTA BU'I RDZU 'PHRUL MNGON PAR 'DU BYAS SO, ,SANGS RGYAS KYI ZHING 'DI NAS STENG GI PHYOGS SU

SANGS RGYAS KYI ZHING GANGG'A'I KLUNG BZHI BCU RTZA GNYIS KYI BYE MA SNYED 'DAS PA NA SANGS RGYAS SPOS MCHOG BRTZEGS BA'I ZHING SPOS KYI DRI MCHOG CES BYA BA KHANG PA BRTZEGS PA THAMS CAD SPOS LAS BYAS PA, 'JIG RTEN GYI KHAMS TSAD MED PA KHYAB PA'I DRI 'BYUNG BA'I KHA ZAS PHUN SUM TSOGS PA DANG LDAN PA DE LTA BU BSTAN NAS, DRI MED GRAGS PAS, 'JAM DPAL GYI 'KHOR NA GNAS PA'I BYANG CHUB SEMS DPA' DAG LA SANGS RGYAS KYI ZHING DE NAS KHA ZAS LEN DU SPRO BA SU YOD DAM ZHES DRIS PAS, SU YANG 'GRO BA LA MI SPRO'O ZHES SMRAS SO, ,DE NAS DRI MED GRAGS PAS, KHYOD KYI 'KHOR 'DI DAG NGO MI TSA'AM ZHES GSUNGS PA LA, DE'I LAN DU 'JAM DPAL GYIS, RIGS KYI BU DE BZHIN GSHEGS PAS MA BSLAB PA LA BRNYAS PAR MI BYA'O ZHES MA GSUNGS SAM, ZHES SMRAS SO, ,DE NAS DRI MED GRAGS PAS MAL DE NAS MA LANGS BZHIN DU BYANG CHUB SEMS DPA' DE DAG GI MDUN DU MTSAN DANG DPE BYAD BZANG POS BRGYAN PA'I BYANG CHUB SEMS DPA' RE RE SPRUL PAS, 'JAM DPAL GYI 'KHOR DE DAG MOG MOG BOR BYAS SHING, SPRUL PA DE DAG LA DRI MED GRAGS PAS SMRAS PA, RIGS KYI BU KHYED RNAMS SPOS MCHOG BRTZEGS PA'I DRUNG DU SONG LA, LI TZA B'I DRI MED GRAGS PAS BCOM LDAN 'DAS KYI ZHABS LA MGO BOS LAN BRGYA STONG DU PHYAG 'TSAL NAS, BCOM LDAN 'DAS

, ,LA GNOD PA NYUNG NGAM, NYAM NGA BA NYUNG DAM, BDE BA LA REG PAR GNAS SAM ZHES SNYUN GSOL ZHING, BCOM LDAN 'DAS KYIS ZAS GSOL BA'I LHAG MA'ANG BDAG LA STZAL DU GSOL, DES 'JIG RTEN GYI KHAMS 'DIR SANGS RGYAS KYI MDZAD PA BGYID PAR 'GYUR RO, ,ZHES SOGS ZHUS SHIG CES SMRAS PAS, SPRUL PA'I BYANG CHUB SEMS DPA' DE DAG GIS KYANG LEGS SO ZHES MNYAN TE SANGS RGYAS DE'I DRUNG DU SONG NAS DE BZHIN ZHUS PAS, SANGS RGYAS DES DRI THAMS CAD DANG LDAN PA'I SNOD DU DRI THAMS CAD BSGOS PA'I ZAS BLUGS TE SPRUL PA'I BYANG CHUB SEMS DPA' DE DAG LA BYIN NO, , DE'I TSE ZHING DE'I BYANG CHUB SEMS DPA' BRGYA STONG PHRAG DGU BCUS DE BZHIN GSHEGS PA SPOS MCHOG BRTZEGS PA LA 'DI SKAD DU BDAG CAG KYANG 'JIG RTEN GYI KHAMS DER SANGS RGYAS SH'AKYA THUB PA DE LA BLTA ZHING PHYAG 'TSAL BA DANG DRI MA MED PAR GRAGS PA DANG BYANG SEMS DE DAG LA BLTA BA'I SLAD DU MCHI'O ZHUS PAS, RIGS KYI BU DAG KHYED RNAMS KYI LUS LAS BYUNG BA'I DRIS 'JIG RTEN GYI KHAMS MI MJED DE'I SEMS CAN DAG MYOS SHING GZUGS KYIS DE DAG SPA BKOD BAR 'GYUR BAS, DRI MED PA DANG GZUGS BSGYUR LA SONG ZHIG CES BKA' STZAL TO, ,DE NAS SPRUL PA'I BYANG CHUB SEMS DPA' DE RNAMS KYIS ZHAL ZAS THOGS NAS

BYANG CHUB SEMS DPA' DE DAG DANG LHAN CIG TU SANGS RGYAS KYI MTHU DANG DRI MED GRAGS PA'I BYIN RLABS KYIS YUD TZAM ZHIG LA LI TZA B'I'I KHYIM DU SLEB PAS, DE MA THAG DRI MED GRAGS BAS SENG GE'I KHRI BRGYA STONG PHRAG DGU BCU SPRUL NAS DE DAG GI STENG DU BYANG CHUB SEMS DPA' RNAMS 'DUG TU BCUG CING, SPRUL PA'I BYANG CHUB SEMS DPAS SNGAR GYI ZHAL ZAS DE DRI MED GRAGS PA LA PHUL BAS ZHAL ZAS DE'I DRIS 'JIG RTEN GYI KHAMS STONG GI BAR DU KHYAB PAR GYUR TO, ,DE'I TSE YANGS PA'I GRONG KHYER GYI BRAM ZE DANG, KHYIM BDAG RNAMS DANG, LI TZA B'I RNAMS KYI DBANG PO ZLA GDUGS KYIS GTZOS LI TZA P'I BRGYAD KHRI BZHI STONG LONGS PA DANG, SA LA SPYOD PA'I LHA'I BU RNAMS DANG, 'DOD PA NA SPYOD PA DANG, GZUGS YOD PA NA SPYOD PA'I LHA'I BU RNAMS KYANG DRI DE TSOR NAS DRI MED GRAGS PA'I KHYIM DU 'ONGS SO, ,DE NAS LI TZA B'I DRI MED GRAGS PAS NYAN THOS RNAMS LA 'DI SKAD DU, BTZUN PA RNAMS DE BZHIN GSHEGS PA'I ZHAL ZAS BDUD RTZI THUGS RJE CHEN POS YONGS SU BSGOS PA ZO LA NYI TSE BA'I SPYOD PAR SEMS MA 'DOGS SHIG CES SMRAS SO, ,DE'I TSE NYAN THOS 'GA' ZHIG GIS 'DI SNYAM DU, 'DI 'DRA'I 'KHOR MANG POS ZHAL ZAS NYUNG DU 'DI JI LTAR BZA' SNYAM MO, ,DE NAS SPRUL PA'I BYANG CHUB SEMS DPA' DES NYAN THOS DE DAG LA, TSE DANG LDAN PA DAG KHYED RANG GI SHES RAB DANG BSOD NAMS

, ,DE BZHIN GSHEGS PA'I SHES RAB DANG BSOD NAMS SU MA SNYOMS SHIG, CI'I PHYIR ZHE NA, RGYA MTSO CHEN PO ZAD PAR GYUR KYANG ZHAL ZAS 'DI LA 'DZAD PA MED DO, ,SEMS CAN THAMS CAD KYIS 'DI LA KHAM DU BCAD DE ZOS KYANG 'DZAD PAR MI 'GYUR RO, ,ZHES SOGS SMRAS SO, ,DE NAS LI TZA B'IS SHIS BZHIN DU SPOS MCHOG BRTZEGS PA'I ZHING GI BYANG CHUB SEMS DPA' RNAMS LA, RIGS KYI BU DAG DE BZHIN GSHEGS PA SPOS MCHOG BRTZEGS PAS CHOS CI 'DRA STON CES SMRAS SO, ,DE DAG GIS SMRAS PA, DE BZHIN GSHEGS PA DE NI YI GE DANG NGES PA'I TSIG GIS CHOS MI STON LA, DRIS BYANG CHUB SEMS DPA' RNAMS 'DUL BAR BYED CING, DE YANG SPOS KYI SHING DANG BYANG CHUB SEMS DPA' DAG LA DRI SHIN TU ZHIM PA 'BYUNG STE, DRI DE MA NAMS MA THAG TU BYANG CHUB SEMS DPA'I YON TAN THAMS CAD KYI 'BYUNG GNAS ZHES BYA BA'I TING NGE 'DZIN THOB PAR 'GYUR ZHING, DE THOB MA THAG TU BYANG CHUB SEMS DPA'I YON TAN RNAMS SKYE'O, ,DE NAS BYANG CHUB SEMS DPA' DE DAG GIS DRI MED GRAGS PA LA SMRAS PA, BCOM LDAN 'DAS SH'AKYA THUB PA JI LTAR CHOS STON, DRI MED GRAGS PAS SMRAS PA, SKYES BU DAM PA RNAMS SEMS CAN 'DI DAG NI GDUL DKA' STE SEMS CAN DMU RGOD GDUL DKA' BA 'DI RNAMS LA DMU RGOD DANG GDUL DKA' BA

'DUL BA'I GTAM RNAMS RAB TU STON TO, ,DMU RGOD GDUL DKA' BA RNAMS 'DUL BA GANG, DMU RGOD GDUL DKA' BA 'DUL BA'I GTAM DE GANG ZHE NA, 'DI LTA STE, 'DI NI SEMS CAN DMYAL BA'O, ,'DI NI DUD 'GRO'I SKYE GNAS SO, ,'DI NI GSHIN RJE'I 'JIG RTEN NO, ,'DI NI MI KHOM PA'O, ,'DI NI DBANG PO NYAMS PAR BYED PA'O, ,ZHES SOGS NGAN SONG GSUM DANG, MI DGE BA BCU DANG, DE'I 'BRAS BU DANG, PHYIN DRUG GI MI MTHUN PHYOGS 'BRAS BU DANG BCAS PA DANG, KUN BYANG GI SPANG BLANG GI RIM PA BSHAD PAS 'DUL BAR BYED DO ZHES SMRAS SO, ,BYANG CHUB SEMS DPA' DAG GIS SMRAS PA, BCOM LDAN 'DAS SH'AKYA THUB PA SANGS RGYAS KYI CHE BA BZHAG STE NGAN CING DBUL BA'I SEMS CAN DMU RGOD RNAMS 'DUL BA NI NGO MTSAR TO, ,LI TZA B'I DRI MED GRAGS PAS SMRAS PA, SKYES BU DAM PA DAG DE DE BZHIN TE, 'JIG RTEN GYI KHAMS 'DI'I BYANG CHUB SEMS DPAS TSE GCIG LA SEMS CAN GYI DON MANG DU BYED PA DE TZAM 'JIG RTEN GYI KHAMS SPOS THAMS CAD KYI DRI MCHOG DER BYANG CHUB SEMS DPA' DAG GIS BSKAL PA BRGYA STONG GI BAR DU YANG MI NUS SO, , ZHES SOGS GSUNGS PAS SROG CHAGS 'BUM BLA NA MED PA'I BYANG CHUB TU SEMS BSKYED DO, ,BYANG CHUB SEMS DPA' CHIG KHRI MI SKYE BA'I CHOS LA BZOD PA THOB PO, ,DE'I TSE BCOM LDAN 'DAS AA MRA SRUNG BA'I

, ,TSAL NA CHOS STON PA'I 'KHOR GYI KHYAMS DE YANGS PAR GYUR CING 'KHOR DE DAG KYANG GSER GYI KHA DOG LTA BUR 'DUG PA LA, KUN DGA' POS 'DI CI LAGS ZHUS PAS, BCOM LDAN 'DAS KYIS BKA' STZAL PA, KUN DGA' BO 'DI NI LI TZA B'I DRI MED GRAGS PA DANG, 'JAM DPAL 'KHOR BCAS 'ONGS PA'I SNGA LTAS SO, ,DE NAS LI TZA B'I DRI MA MED BAR GRAGS PAS RDZU 'PHRUL GYIS 'JAM DPAL 'KHOR BCAS KHRI DANG BCAS PA RANG GI LAG PA G-YAS PA'I STENG DU BZHAG NAS BCOM LDAN 'DAS KYI DRUNG DU PHYIN PA DANG, DE DAG SA LA BZHAG STE ZHABS LA MGO BOS PHYAG 'TSAL TE LAN BDUN BSKOR BA BYAS NAS PHYOGS GCIG TU 'KHOD DO, ,DE NAS 'KHOR GZHAN RNAMS KYANG RANG RANG GI KHRI LAS BABS TE BCOM LDAN 'DAS KYI ZHABS LA PHYAG 'TSAL NAS PHYOGS GCIG TU 'KHOD PA'I TSE, BCOM LDAN 'DAS KYIS BYANG CHUB SEMS DPA' RNAMS LA RIGS KYI BU DAG RANG RANG GI KHRI'I STENG DU SDOD CIG CES BKA' STZAL PAS DE DAG RANG RANG GI KHRI'I STENG DU 'KHOD DO, ,DE NAS BCOM LDAN 'DAS KYIS SH'A RI'I BU LA BKA' STZAL PA, SH'A RI'I PU KHYOD KYIS BYANG CHUB SEMS DPA' RNAMS KYI RNAM PAR 'PHRUL PA MTHONG NGAM, SH'A RI'I BUS GSOL BA, BCOM LDAN 'DAS MTHONG LAGS SO, ,BCOM LDAN 'DAS KYIS BKA' STZAL PA, DE LA KHYOD 'DU

SHES JI LTAR SKYES, DES GSOL PA, BDAG DE LA BSAM GYIS MI KHYAB PA'I 'DU SHES SKYES LAGS SO, ,DE NAS TSE DANG LDAN PA KUN DGA' BOS BCOM LDAN 'DAS LA GSOL PA, SNGON MNAMS MA MYONG BA'I DRI 'DI SU'I DRI LAGS, BCOM LDAN 'DAS KYIS BKA' STZAL PA, KUN DGA' BO BYANG CHUB SEMS DPA' 'DI DAG GI LUS KYI BA SPU'I KHUNG BU NAS DRI BYUNG BA YIN NO, ,SH'A RI'I BUS SMRAS PA, TSE DANG LDAN PA KUN DGA' BO LI TZA B'I DRI MED GRAGS BAS DE BZHIN GSHEGS PA SPOS MCHOG BRTZEGS PA'I ZHING NAS ZHAL ZAS BLANGS TE BDAG CAG LA BYIN PAS ZOS TSAD LA 'DI LTA BU'I DRI 'BYUNG NGO ZHES SMRAS SO, ,DE NAS DE BZHIN GSHEGS PA SPOS MCHOG BRTZEGS PA'I ZHING GI BYANG CHUB SEMS DPA' RNAMS KYIS BCOM LDAN 'DAS LA GSOL BA, BCOM LDAN 'DAS BDAG CAG SANGS RGYAS KYI ZHING 'DI LA NGAN PA'I 'DUR SHES BGYI BA RNAMS SPANGS PAR 'TSAL LO, ,DE CI'I PHYIR ZHE NA, SANGS RGYAS KYI YUL DANG THABS MKHAS PA NI BSAM GYIS MI KHYAB STE, SEMS CAN YONGS SU SMIN BAR BGYI BA'I SLAD DU, JI LTA JI LTAR BYED PA DE LTA DE LTAR ZHING GI BKOD PA STON TO, ,BCOM LDAN 'DAS BDAG CAG 'JIG RTEN GYI KHAMS SPOS THAMS CAD KYI DRI MCHOG DER MCHIS KYANG, SANGS RGYAS RJES SU DRAN PA'I CHOS KYI RDZONGS ZHIG BDAG LA STZAL DU GSOL, BCOM LDAN 'DAS KYIS

, ,BKA' STZAL PA, RIGS KYI BU BYANG CHUB SEMS DPA'I RNAM PAR THAR BA ZAD PA DANG MI ZAD PA ZHES BYA BA YOD DO, ,DE LA KHYED KYIS BSLAB PAR BYA STE, ZHES SOGS BSTAN PAS BYANG CHUB SEMS DPA' DE DAG DGA' ZHING MGU NAS MCHOD PAS MNGON PAR MCHOD NAS 'JIG RTEN GYI KHAMS SPOS THAMS CAD KYI DRI MCHOG DER SONG NGO, ,DE NAS BCOM LDAN 'DAS LA TSE DANG LDAN PA SH'A RI'I BUS GSOL BA, BCOM LDAN 'DAS LI TZA B'I DRI MA MED PA 'DI SANGS RGYAS KYI ZHING GANG NAS SHI 'PHOS TE 'DIR MCHIS, BCOM LDAN 'DAS KYIS BKA' STZAL PA, RIGS KYI BU 'DI DE BZHIN GSHEGS PA MI 'KHRUGS PA'I ZHING MNGON PAR DGA' BA NAS 'DIR 'ONGS SO, ,ZHES GSUNGS PAS, 'KHOR DE NA GNAS PA'I BYANG CHUB SEMS DPA' DANG NYAN THOS CHEN PO DE DAG GIS 'JIG RTEN GYI KHAMS MNGON PAR DGA' BA DANG DE BZHIN GSHEGS PA MI 'KHRUGS PA DE BDAG CAG GIS MTHONG BAR GYUR NA SNYAM DU BSAM PA LAS, BCOM LDAN 'DAS KYIS DE MKHYEN NAS DRI MED GRAGS PA LA, RIGS KYI BU KHYOD KYIS DE BZHIN GSHEGS PA MI 'KHRUGS PA DANG DE'I ZHING MNGON DGA' DE 'KHOR 'DI DAG LA STON CIG CES BKA' STZAL PAS, LI TZA B'I DRI MA MED PAR GRAGS PA SENG GE'I KHRI LAS MA LANGS BZHIN DU, 'JIG RTEN GYI KHAMS MNGON PAR DGA'

BA DANG DE BZHIN GSHEGS PA MI 'KHRUGS PA 'KHOR RGYA MTSO'I DBUS NA GNAS PA DANG, SUM CU RTZA GSUM GYI LHA RNAMS DE BZHIN GSHEGS PA MI 'KHRUGS PA LA BSNYEN BKUR DANG CHOS NYAN PA'I PHYIR 'DZAM BU GLING DU 'BAB CING, ZHING DE'I MI RNAMS KYANG SUM CU RTZA GSUM GYI LHA RNAMS LA BLTA BA'I PHYIR LHA GNAS SU BGROD PA'I RIN PO CHE'I THEM SKAS GSUM 'DZAM BU GLING NAS SUM CU RTZA GSUM GYI BAR DU MNGON PAR 'PHAGS PA DE LTA BU'I YON TAN TSAD MED PA DANG LDAN PA'I 'JIG RTEN GYI KHAMS MNGON PAR DGA' BA DE, CHU'I PHUNG PO NAS BZUNG STE 'OG MIN GYI BAR DU RDZA MKHAN GYI 'KHOR LO BZHIN DU LOGS SU BCAD DE LAG PA G-YAS PAS ME TOG GI 'PHRENG BA LTAR THOGS TE 'JIG RTEN GYI KHAMS MI MJED 'DIR BCUG NAS 'KHOR DE DAG LA BSTAN PAS LHA DANG MI KHRI PHRAG BCU BZHI BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, , DE NAS LI TZA B'I DRI MA MED PAR GRAGS PAS 'JIG RTEN GYI KHAMS MNGON PAR DGA' BA MI 'KHRUGS PA DANG BCAS PA SLAR RANG GNAS SU BZHAG GO, DE NAS BCOM LDAN 'DAS KYIS SH'A RI'I BU LA BKA' STZAL PA, KHYOD KYIS DE BZHIN GSHEGS PA MI 'KHRUGS PA DANG 'JIG RTEN GYI KHAMS MNGON PAR DGA' BA DE MTHONG NGAM, DES GSOL PA, BCOM LDAN 'DAS BDAG GIS MTHONG LAGS SO, ,SEMS CAN THAMS CAD KYANG SANGS

, ,RGYAS KYI ZHING GI YON TAN BKOD PA DE 'DRA BAR GYUR CIG, SEMS CAN THAMS CAD KYANG RIGS KYI BU LI TZA B'I DRI MA MED PAR GRAGS PA JI LTA BA DE 'DRA BA'I RDZU 'PHRUL DANG LDAN PAR GYUR CIG, CES SMON LAM BTAB PO, ,DE LTAR BYANG CHUB SEMS DPA' SEMS DPA' CHEN PO LI TZA B'I DRI MA MED PAR GRAGS PA ZHES MTSAN SNYAN GYI SGRA DBYANGS SRID ZHI'I RNA RGYAN DU SPUNG PA DE NYID KYI RNAM PAR THAR PA BSAM GYIS MI KHYAB PA GSUNG RAB LAS 'BYUNG MOD KYI 'ON KYANG 'DIR YI GES 'JIGS PAS RAGS RIM TZAM BSDUS TE SMRAS PA YIN LA, RGYAS PAR SHES 'DOD PA DAG GIS DRI MA MED PAR GRAGS PAS BSTAN PA LAS SHES PAR BYOS SHIG, ` ZAB RGYAS GSUNG RAB GSER GYI SHING RTA CHE, ,RNAM DPYOD SNYING STOBS PHRAG PA'I KHYOGS BLANGS TE, ,KLU SGRUB LUGS BZANG ZAB LAM THAL 'GYUR SROL, ,JI BZHIN 'BYED MDZAD SANGS RGYAS BSKYANGS LA 'DUD, , DE LA BDAG NYID CHEN PO 'DI RGYA GAR 'PHAGS PA'I YUL DU NGES PA DON GYI PAndI TA CHEN PO SANGS RGYAS BSKYANGS SU SKU'I SKYE BA BZHES PA'I LO RGYUS NI, DE YANG LHO PHYOGS TAMBA LA'I YUL GYI BYE BRAG DANG PA'I RTZA BA ZHES BYA BAR RIGS RUS PHUN SUM TSOGS PA ZHIG TU SKU 'KHRUNGS, YUL DE NYID DU BRTAN MKHAS KYI YON TAN DANG LDAN PA'I MKHAN PO ZHIG LAS RAB TU BYUNG, SLOB DPON KLU'I BSHES GNYEN GYI SLOB MA SLOB DPON DGE 'DUN

BSRUNG BA LAS SLOB DPON KLU SGRUB KYI GZHUNG LUGS RNAMS LA MANG DU THOS PA MDZAD PAS YONGS SU GRAGS PA'I MKHAS PA CHEN POR GYUR TE, RTZA BA SHES RAB KYI 'GREL PA BUDDHA P'A LI TA BRTZAMS TE THAR PA DANG THAMS CAD MKHYEN PA'I LAM BZAD GSAL BAR BYED PA'I SGRON ME GRUB MTHA' THAMS CAD KYI PHYI MO DBU MA THAL 'GYUR BA'I SHING RTA'I SROL CHEN PO LEGS PAR PHYE BA YIN NO, ,DE YANG, STONG THUN SKAL BZANG MIG 'BYED LAS, SLOB DPON SANGS RGYAS BSKYANGS KYIS RTZA SHE'I 'GREL PA MDZAD NAS 'PHAGS PA YAB SRAS KYI DGONGS PA THAL 'GYUR DU BKRAL ZHING ZHES GSUNGS SO, ,RTZE GCIG TU BSGOMS PAS YE SHES MCHOG BRNYES, 'PHAGS PA 'JAM DPAL DBYANGS KYI ZHAL MNGON SUM DU GZIGS NAS BLA MA DANG SLOB MA'I TSUL GYIS CHOS GSAN PAR MDZAD, LHO PHYOGS KYI GTZUG LAG KHANG DAntA PU RI ZHES BYA BAR BZHUGS NAS CHOS MANG DU BSTAN, 'PHAGS BA YAB SRAS DANG SLOB DPON DPA' BO LA SOGS PAS MDZAD PA'I BSTAN BCOS MANG PO LA RNAM BSHAD MDZAD, MTHAR RIL BU'I DNGOS GRUB BSGRUB PAS 'GRUB STE RIG 'DZIN GYI GNAS SU GSHEGS ZHES GRAG GO ,DE LTAR DU YANG, 'GREL PA'I 'GYUR BYANG LAS KYANG, 'JAM DPAL GZHON NU'I BKA' SGRUB PA, BSTAN BCOS DU MA'I RNAM BSHAD MDZAD PA, THEG PA CHEN PO LA YANG DAG PAR ZHUGS PA, RIG SNGAGS 'CHANG GRUB PA'I GNAS

, ,KHYAD PAR CAN DU GSHEGS PA'I MDZAD PA ZHES GSUNGS SO, ,RGYAS PAR NI GTAM RGYUD KYI YI GE TSAD LDAN DAG LAS MI 'BYUNG BA'I PHYIR SNANG BA GANG DRAN GYI BLA BRDOL 'BRAR MA SPABS SO, , ` KUN MKHYEN GNYIS PA'I ZHABS PAD GTZUG BSTEN CING, ,'PHAGS MCHOG 'JAM PA'I DBYANGS KYIS RJES BZUNG BAS, ,RANG GZHAN GRUB MTHA' RGYA MTSO'I MTHAR SON PA, ,ZLA MDE PHYOGS KYI GLANG POR GUS PAS 'DUD, ,DE LA BDAG NYID CHEN PO 'DI SLOB DPON SANGS RGYAS BSKYANGS SU SKU'I SKYE BA BZHES PA DANG DUS MNYAM DU 'GRAN ZLA DANG BRAL BA'I MKHAS PA CHEN PO PHYOGS KYI GLANG PO ZHES BYA BAR SKU 'KHRUNGS, DE YANG DUS KYI 'KHOR LO BSDUS PA'I RGYUD PHYI MA LAS, PHYOGS KYI GLANG PO GZHAN LA PHAN PA'I BSAM PA BTZUN PA ZLA BA PADMA'I MYU GU DANG ZHES RGYAL BA NYID KYIS MDO RGYUD DUM NAS LUNG BSTAN NO, ,DE LA SKU BLTAMS PA'I YUL NI RGYA GAR LHO PHYOGS KYI GRONG KHYER CHEN PO SAm GHA BAKTRA ZHES BYA BA KANYTZI'I YUL DANG NYE BA ZHIG TU BRAM ZE'I RIGS SU 'KHRUNGS, LO RGYUS KHA CIG TU RGYAL RIGS LAS 'KHRUNGS PAR BSHAD PA NI SNGON GYI MKHAS PA DAG GI GSUNG MA THOS PAS RANG BZO MGO PHUR DU 'DUG, SGRA DANG SNYAN NGAG SOGS THA SNYAD KYI RIG GNAS LA LEGS PAR SBYANGS PAS MKHAS PA CHEN POR GYUR, DE NAS MU STEGS KYI GRUB PA'I MTHA' LA SHIN TU MKHAS PA'I GNAS MA BU'I

MKHAN PO NA GA DATTA STE GLANG PO BYIN ZHES BYA BA LAS RAB TU BYUNG STE MTSAN PHYOGS KYI GLANG POR BTAGS, NYAN THOS KYI SDE SNOD LA'ANG LEGS PAR SPYANGS, DE NAS MKHAN PO DE NYID LA SPONG BA GDAMS NGAG ZHUS PAS PHUNG PO LAS DE NYID DANG GZHAN DU BRJOD DU MED PA'I BDAG SGOMS SHIG GSUNGS NAS MAN NGAG BYIN NO, ,DER RNAM PAR DPYAD CING BRTAGS TE CI TZAM BTZAL KYANG BDAG YOD PAR MA MTHONG NAS NYIN MO SNANG BAS BSGRIBS SAM SNYAM SKAR KHUNG THAMS CAD BSAL TE BTZAL KYANG MA MTHONG, MTSAN MO PHYI NANG GI MUN PAS BSGRIBS SAM SNYAM NAS PHYOGS BZHIR MAR ME CHEN PO BZHI SBAR, LUS GCER BUR PHYUD MIG BGRAD DE PHYI NANG KUN TU YANG YANG BLTAS KYANG MA RNYED DO, ,DE LTAR BYED PA GROGS KYIS MTHONG NAS MKHAN PO LA ZHUS PAS, MKHAN POS KHYOD CI'I PHYIR DE LTAR BYED DRIS PAS, BDAG NI BLO RTUL ZHING BLO GROS DMAN PAS MKHAN POS GSUNGS BA'I BDAG GANG YIN PA DE MA MTHONG STE, DE'I PHYIR SGRIB BYED KYIS BSGRIBS SAM SNYAM STE DE LTAR BYAS TE BTZAL BA YIN ZHES ZHUS PAS, MKHAN POS, KHYOD RANG GIS NGED KYI GRUB PA'I MTHA' SUN 'BYIN PAR 'DUG PAS SONG ZHIG ZER BA DANG, MKHAN PO GNAS DE NYID DU RIGS PAS TSAR GCAD PAR NUS MOD KYI 'OS MA YIN SNYAM STE PHYAG BTZAL NAS PHYIR BYON, DE NAS MTHAR GYI KUN MKHYEN GNYIS PAR GRAGS PA SLOB DPON CHEN

, ,PO DBYIG GNYEN GYI DRUNG DU BYON NAS ZHABS PAD SPYI BOS BLANGS TE THEG PA CHE CHUNG GI SDE SNOD MTHA' DAG LA MKHAS PAR SBYANGS, KHYAD PAR DU RNAM RIG PA'I GRUB MTHA' DANG TSAD MA LA 'GRAN ZLA DANG BRAL BA'I MKHAS PA CHEN POR GYUR PAS DBYIG GNYEN GYI SLOB MA TSAD MA RANG LAS MKHAS PAR GRAGS, MTHAR MDO LNGA BRGYA TZAM BZUNG, SNGAGS MKHAN GYI SLOB DPON GCIG LAS RIG SNGAGS MNOS TE BSGRUBS PAS 'PHAGS PA 'JAM DPAL GYI ZHAL MNGON SUM DU GZIGS SHING DGYES BZHIN DU RJES SU BZUNG STE JI LTAR BZHED PA BZHIN CHOS GSAN PAR MDZAD DO, ,DE NAS AOtI BI SHA'I YUL NAGS TSAL SHIN TU DBEN PA'I PHYOGS GCIG TU BHO RA SEE LA ZHES BYA BA'I BRAG RI'I PHUG TU BZHUGS NAS RTZE GCIG TU BSAM GTAN 'BA' ZHIG LA GNAS SO, ,DE NAS LO 'GA' ZHIG 'DAS PA NA DPAL NA LENDRAR BRAM ZE SU DUR DZA YA ZHES BYA BA RANG GI BSGRUB PA'I LHA MNGON SUM DU MTHONG BRTOG GE DANG RIG PA'I GNAS LA BLO SHIN TU BYANG BA ZHIG RTZOD DU BYUNG BAS, SANGS RGYAS PA SUS KYANG RTZOD PAR MA NUS NAS SHAR PHYOGS NAS SLOB DPON PHYOGS KYI GLANG PO SPYAN DRANGS TE MU STEGS DE NYID LAN GSUM DU PHAM PAR BYAS TE SANGS RGYAS KYI BSTAN PA LA BKOD, GZHAN YANG MU STEGS KYI SMRA BA NGAN PA'I BRAG RI THAMS CAD RIGS PA DRI MA MED PA'I GNAM LCAGS

KYI RDO RJES THAL BAR BYAS TE RE RE NAS SUN PHYUNGS, GNAS DER MDO SDE DU MA GSUNGS, MDZOD KYI 'GREL PA MDZAD DE CHOS MNGON PA RGYAS PAR BYAS, RIGS PA'I SGO NAS DMIGS PA BRTAGS PA SEL BA BRTAGS PA SOGS TSAD MA'I BSTAN BCOS THOR BU BRGYA RTZA BRGYAD MDZAD PA LAS, NAM ZHIG GI TSE RANG GI THUN MONG MIN PA'I BLO GROS KYI STOBS LAS BYUNG BA TSAD MA'I BSTAN BCOS SNGAR MANG DU BRTZAMS YOD PA DE DAG GI BRJOD DON RNAMS 'THOR BA BZHIN DU GYUR TE LUS YONGS SU MA RDZOGS BAR GZIGS NAS DE DAG GI BRJOD DON THAMS CAD TSANG ZHING LUS GCIG TU DRIL NAS STON PA'I BSTAN BCOS CHEN PO TSAD MA KUN LAS BTUS PA RTZOM PAR BZHED NAS PHYOGS KYI GLANG PO'I PHUG CES PA'I BRAG RI'I NGOS LA RDO THAL GYIS, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL TE, ,TSAD MA SGRUB PHYIR RANG GI GZHUNG KUN LAS, , BTUS TE SNA TSOGS 'THOR RNAMS 'DIR GCIG BYA, ,ZHES MCHOD BRJOD DANG BSHAD PAR DAM BCA' BA GNYIS BRIS PA TZAM GYIS SA GA-YOS, PHYOGS KUN TU SNANG BAS KHYAB, SGRA CHEN PO GRAGS, MU STEGS KYI STON PA RNAMS KYI BYIN PA SHING BZHIN DU RENGS PA LA SOGS PA'I LTAS KHYAD PAR CAN DU MA BYUNG, DE'I TSE NYE LOGS NA MU STEGS KYI STON PA THUB RGYAL NAG PO ZHES BYA BA ZHIG YOD PA LA CI YIN SNYAM NAS MNGON

, ,SHES PHRA MOS BLTAS PAS, DE'I MTHUR SHES NAS SLOB DPON BSOD SNYOMS LA BZHUD PA'I SHUL DU 'ONGS TE BSUB, YANG GNYIS PA BRIS PAS KYANG BSUB, DE NAS SLOB DPON GYIS GSUM PA BRIS NAS MJUG TU NGAS BRIS PA'I TSIGS BCAD 'DI BSUB PA SU YIN, KU RE DANG KYAL KA'I TSUL DU BSUB PA YIN NA DGOS PA RGYA CHEN PO YOD PAS MA BSUB CIG, PHRAG DOG GI DBANG GIS YIN NA THOD LE KOR GYI RI MO BSUB PAR NUS KYANG, BLO GROS KYI RI MO BSUB PAR MI NUS SO, ,GAL TE DON NOR TE RTZOD PAR 'DOD NA LUS SNAD PAR GYIS SHIG DANG BRTZAD PAR BYA'O, ,ZHES BRIS TE BSOD SNYOMS LA GSHEGS PA'I SHUL DU KHO BSUB TU 'ONGS PAS RTZOD PAR BYA'O ZHES PA MTHONG STE BSDAD DO, ,DE NAS SLOB DPON BSOD SNYOMS LAS 'KHOR NAS BSTAN PA DPANG DU BTZUGS TE BRTZAD PAS LAN GSUM GYI BAR DU MU STEGS PHAM PAR BYAS SHING MI SMRA BA'I RTUL ZHUGS LA BKOD DO, ,DA KHYOD NANG PA'I BSTAN PA LA ZHUGS SHIG GSUNGS PAS, KHO KHROS NAS KHA NAS ME 'BAR TE SLOB DPON GYI YO BYAD THAMS CAD BSREGS, SLOB DPON YANG TSIG LA KHAD BYAS PAS THUGS SKYO STE BDAG GIS SEMS CAN THAMS CAD KYI DON BYA SNYAM MOD KYI, DA NI MU STEGS 'DI GCIG PU'I DON YANG BYA MI NUS PAR 'DUG BAS RANG NYID ZHI BDE MNGON DU BYA'O SNYAM DU

DGONGS NAS THOD LE KOR NAM MKHAR 'PHANGS TE 'DIS LA LHUNG MA THAG TU BYANG CHUB KYI SEMS GTONG NGO ZHES DAM BCAS NAS 'PHANGS PAS SA LA MA BAB PAR 'JAM DPAL DNGOS SU BYON TE, BU MA BYED MA BYED THEG PA DMAN DANG 'PHRAD PA LAS NI BLO GROS NGAN SKYE STE, ,KHYOD KYI BSTAN BCOS 'DI LA MU STEGS TSOGS KYIS GNOD MI NUS BAR SHES BYA STE, ,KHYOD KYIS SA MA THOB KYI BAR DU DGE BA'I BSHES SU NGA 'GYUR GYI, ,PHYI MA'I DUS NA BSTAN BCOS KUN GYI MIG GCIG TU NI 'DI 'GYUR RO ZHES GSUNGS SO, ,T'A RA N'A THA'I CHOS 'BYUNG DU, DE'I LAN DU, SLOB DPON GYIS, BZOD DKA'I SDUG BSNGAL DU MA DANG LDAN BRNAG DKA' LA, ,SEMS KYANG DAM PA MIN PA'I SPYOD PA LA DGA' ZHING, ,SKYE BO DAM PA 'PHRAD DKA' GAL TE KHYOD KYI ZHAL MTHONG YANG, ,BDAG LA BYIN GYIS MI RLOBS DE YIS CI BGYIR MCHIS, ,ZHES ZHUS PAR BSHAD DO, ,KHA CHE DZNY'A NA SHR'I'I t'IKKA LAS, KHYOD KYIS SANGS RGYAS MA THOB KYI BAR DU ZHES 'BYUNG BAS SA MA THOB KYI BAR DU ZHES PA MA DAG PA 'DRA'O ZHES CHOS RJE BU STON GSUNGS, RNAM NGES t'IKKA CHOS MCHOG LAS, SLOB DPON PHYOGS KYI GLANG PO RI PHUG DBEN PA ZHIG NA BSGOM PA LA BRTZON PAS GNAS PA NA, GNAS SKABS ZHIG TU 'KHOR BA LAS YID BYUNG NAS SEMS CAN GYI DON LAS GZHAN DU PHYOGS TE GCIG TU GROL BAR 'DOD PA NA, SKAD CIG DE LA 'PHAGS

, ,PA 'JAM DPAL BYON NAS PU SKYE BO DAN PA DANG RJES SU MTHUN PAR SEMS SNGAR BA'I GZHAN GYI DBANG DU GYUR TE, SEMS CAN KUN LA PHAN PAR NUS PA'I SEMS YOD BZHIN DU CI'I PHYIR BTANG SNYOMS SU BYED CES GSUNGS PA DANG, LAN DU BCOM LDAN 'DAS 'KHOR BA NI BZOD PAR DKA' BA'I SDUG BSNGAL DU MA DANG LDAN PA LA, SEMS KYANG DAM PA MA YIN PA'I SKYE BO LA DGA' BAS G-YO BAR BYED CING; KHYOD MTHONG YANG BDAG LA BYIN GYIS MA BRLABS NA DE LA CI ZHIG BGYIR MCHIS ZHES GSUNGS PA DANG, LAN DU BU JI SRID SA MA THOB KYI BAR DU DGE BA'I BSHES GNYEN NI NGA NYID DO, ,ZHES GSUNGS TE MI SNANG BAR GYUR TE, ZHES 'BYUNG BA SOGS LO RGYUS MI 'DRA BA MANG DU SNANG MDO, GANG LTAR NA'ANG BSTAN BCOS RTZOM PA'I GSUNG GI GNANG BA BYIN TE, TSAD MA KUN LAS BTUS PA RANG 'GREL DANG BCAS PA BRTZAMS NAS MU STEGS BYED KYI STON PA DRANG SRONG GLING SKYES LA SOGS PA'I GTAN TSIGS NGAN PA MTHA' DAG NYI 'OD DANG 'PHRAD PA'I KUNDA BZHIN DU ZUM PAR MDZAD DO, ,DE NAS SKABS ZHIS CUNG ZAD BSNYUNG NAS GRONG KHYER DU BSOD SNYOMS BLANGS TE NAGS MTHONGS ZHIG TU GZIM DU SONG BAS MNAL LAM DU SANGS RGYAS DPAG TU MED PA'I ZHAL MTHONG TING NGE 'DZIN YANG MANG PO THOB PAS LHA RNAMS KYIS ME TOG GIS KYANG MNGON PAR GTOR RO, ,

DE NAS RIM GYIS LHO PHYOGS SU PHEBS NAS CHOS GZHI NYAMS PA PHAL CHER GSOS, YUL SO SO'I PHYI ROL BA'I RGOL BA NGAN PA THAMS CAD TSAR BCAD DE NANG PA LA BKOD, AO tI BI SHA'I RGYAL PO'I MDZOD KYI SPYAN PA BLON PO BHA TRA BHA LI TA ZHES BYA BA DE SANGS RGYAS KYI BSTAN PA LA BCUG NAS BRAM ZE DES GTZUG LAG KHANG CHEN PO BCU DRUG BZHENGS, DE RE RER YANG DGE 'DUN GYI SDE CHEN PO RE RE BTZUG, GTZUG LAG KHANG RE RE LA YANG CHOS GZHI MANG PO YOD PA BYAS, DE NAS LAN CIG TSUL KHRIMS LDAN PA SMON PAS 'GRUB CES PA LTAR, BRAM ZE DE'I SKYED MO'I TSAL NA NAD THAMS CAD GSO BAR NUS SHING SKYE BO MANG PO LA PHAN PA'I MUshtI HA RI TA KA ZHES BYA BA AU RU RA'I KHYAD PAR GYI SDONG PO ZHIG YOD PA LA SKABS ZHIG TU SKAM BAR GYUR PA SUS KYANG GSO MA THUB STE, SLOB DPON GYIS SOS PAR SMON LAM BTAB PAS ZHAG BDUN NAS SOR CHUNG DO, ,DE LTAR GZHAN DRING MI 'JOG PA'I MKHAS PA CHEN POR GYUR TE MU STEGS KYI RGOL BA PHAL CHER TSAR BCAD PAS RTZOD PA'I KHYU MCHOG TU GRAGS, SLOB MA YANG SLOB DPON DKON MCHOG GSUM GYI 'BANGS DANG BTZUN PA CHOS SKYONG SOGS YONGS RDZOGS KYI PAndI TA CHEN PO DU MAS PHYOGS THAMS CAD KHYAB PAR YOD, BKA' RTZOM YANG MDZOD 'GREL GNAD KYI SGRON MA, BRGYAD STOD DON BSDUS, SPEL MAR BSTOD PA, BZANG PO SPYOD BA'I 'GREL PA, 'JAM DPAL GYI

, ,BSTOD PA YANG NGAG PA'I 'KHOR LO, TSAD MA KUN BTUS SOGS MANG DU MDZAD, PHYI BZHIN 'BRANGS PA'I DGE SBYONG NI GCIG KYANG MA BZUNG, 'DOD PA CHUNG ZHING CHOG SHES PA'I JI SRID 'TSO'I BAR DU SBYANG BA'I YON TAN BCU GNYIS LA GNAS BZHIN DU AO tI BI SHA'I NAGS TSAL DBEN PA ZHIG TU SKU GSHEGS ZHES GRAGS SO, ,DES NA BDAG NYID CHEN PO 'DI RGYA GAR DU SLOB DPON SANGS RGYAS BSKYANGS DANG PHYOGS KYI GLANG PO GNYIS SU DUS MNYAM DU SKU'I SKYE BA BZHES TE SANGS RGYAS KYI BSTAN PA GSAL BAR MDZAD PA YIN NO, ,ZHES RNAM DPYOD DANG LDAN PA RNAMS KYIS NGES PAR BYA'O, ,DE YANG BLUN PO SHES RGYA CHUNG BA DAG GIS DUS MNYAM PA'I PHYIR DE GNYIS SU SKU'I SKYE BA BZHES PA NI MI RIGS SO ZHE NA SKYON MED DE, BYANG SEMS RNAMS KYIS SA DAD PO'I GNAS SKABS SU SKAD CIG MA GCIG LA SANGS RGYAS BRGYA'I ZHAL MTHONG BA RNAM SMIN GYI SKYE BA BRGYA 'DZIN PA SOGS YON TAN BRGYA PHRAG BCU GNYIS DANG, GNYIS PA'I SKABS SU DE LAS STONG 'GYUR SOGS THOB PAR MDO SDE DU MA LAS BSHAD PA LTAR YIN PAS, DE LA BSKAL BA'I BAR DU BSAMS KYANG KLAN KA'I GLAGS MI RNYED DO, ,RGYAS PAR SHES 'DOD PA DAG GIS SA BCU BA'I MDOR LTOS SHIG DANG, GZHUNG BKLAGS PA TZAM GYIS GO BAR 'GYUR RO, ,KHA CIG GIS DE GNYIS DUS

MI MNYAM PA LTAR 'DOD PA NI MKHAS PA'I GTAM RGYUD LA ZHIB TU MA DPYAD PAS MUN SPRUL 'BA' ZHIG TU 'DUG PAS SKYE BO BLO'I NOR DANG LDAN PA RNAMS KYIS MCHIL MA'I THAL BA BZHIN DU DOR NAS YANG DAG PA'I GTAM LA GUS PAR BYA'O,, ` ,,'PHAGS PA'I DGONGS ZAB BUDDHA P'A LI TAS, ,JI BZHIN BKRAL BA NYI LTAR GSAL MDZAD CING, ,RIG GNAS RGYA MTSO'I MTHAR SON PAndI TA, ,SMRA BA'I KHYU MCHOG ZLA BA GRAGS PAR 'DUD, ,DE NAS BDAG NYID CHEN PO 'DI SLOB DPON ZLA BA GRAGS PAR SKU'I SKYE BA BZHES TE, DE YANG RGYA GAR LHO PHYOGS KYI YUL SA MANTAR 'KHRUNGS, CHUNG DU NYID NAS RIG PA'I GNAS MTHA' DAG LA SBYANGS TE RAB TU BYUNG, SANGS RGYAS BSKYANGS KYI SLOB MA KA MA LA BUDDHI LA SLOB DPON KLU SGRUB KYI GZHUNG LUGS DANG MAN NGAG THAMS CAD MNOS PAS, MKHAS PA CHEN POR GYUR TE NA LENDRA'I MKHAN PO MDZAD CING BZHUGS SKABS, NA LENDRA NA PAndI TA MANG PO YOD KYANG MU STEGS KYI RGOL BA LA SKRAG NAS PHYI RU CHOS 'CHAD MI NUS LA, SLOB DPON 'DI NI MU STEGS BYED KYI RGOL BA THAMS CAD TSAR GCOD PA LA BLO GROS KYI MTHU CHEN PO GRUB PAS DOGS PA MED PAR PHYI RU CHOS 'CHAD PA YIN NO, ,DE'I TSE RGYA GAR LHO PHYOGS KYI MKHAS PA CHEN PO TZANDRA GO MI CHOS 'CHAD PA'I SAR 'ONGS TE 'DUD PA MA BYAS PAR BSDAD PA DANG, ZLA GRAGS KYI THUGS DGONGS LA RTZOD DAM

, ,RGOL BAR 'DOD PA ZHIG 'DIR 'ONG BA YIN NAM SNYAM PHYOGS GANG NAS 'ONGS CHOS CI SHES DRIS PAS, YUL LHO PHYOGS NAS 'ONGS, CHOS SGRA P'A nI PA, BSTOD PA BRGYA LNGA BCU PA, 'JAM DPAL MTSAN BRJOD GSUM SHES ZER BAS, SLOB DPON GYI THUGS DGONGS LA 'DIS GZHUNG GSUM LAS MI SHES ZHES TSIG KHENGS SKYUNGS KYANG SGRA DAD MTSAN NYID DANG SNGAGS KYI RTZA BA GSUM SMOS PAS MDO SNGAGS RIG GNAS KUN LA MKHAS PAR KHAS BLANGS PA YIN 'DUG PAS TZANDRA GO MI YIN NAM DGONGS NAS MING DRIS BAS TZANDRA GO MI ZHES 'JIG RTEN PA RNAMS 'DOGS SO ZER, 'O NA PAndI TA CHEN PO THOG BABS SU BYON PA MA LEGS KYI RE SHIG GRONG KHYER DU BYON CIG GSUNGS PAS, TZANDRA GO MIS BDAG DGE BSNYEN LA DGE 'DUN GYIS BSU BA BYAR GA LA RUNG ZER, SLOB DPON GYIS 'DI LA THABS ZHIG YOD DE 'PHAGS PA 'JAM DPAL GYI SKU ZHIG SPYAN 'DREN PA YIN PAS DE LA RNGA YAB G-YOB CING BYON CIG DANG, DGE 'DUN GYIS 'JAM DPAL GYI SKU LA BSU BA BYAS PAR 'GYUR RO GSUNGS NAS, CHOS 'CHAD 'PHRO BCAD, GAndI BRDUNGS, PAndI TA RNAMS BSAGS TE 'DIR MKHAS PA CHEN PO TZANDRA GO MI BYON GYIS BSU BA BYA DGOS PAS SHING RTA GNYIS CHOS LA GCIG LA 'JAM DPAL GYI SKU BZHUGS, GCIG LA TZANDRA GO MI BZHUGS SU CHUG

LA MCHOD PA'I TSOGS DANG BCAS PAS SPYAN DRONGS SHIG CES BSGOS TE DE LTAR BGYIS PAS 'JAM DBYANGS KYI SKU LA TZANDRA GO MIS, 'JAM DBYANGS PHYOGS BCU'I DE BZHIN GSHEGS PA BYE BA RNAMS KYIS BSTOD PAR 'GYUR MOD DE LTA NA'ANG, ,BSAM PA BLUN PO BLA MA LA GUS ZHES SOGS KYIS BSTOD PAS 'JAM DPAL GYI SKU BRNYAN ZHAL PHYIR LOG NAS GSAN PAR MDZAD PA DA LTA YANG NA LENDRA NA SHING SKU MJINGS YON MANG GRAGS SO; ;DE NAS NA LENDRAR BYON, ZLA GRAGS DANG GDAN 'DZOMS, TZANDRA GO MIS THOGS MED KYI SROL LA BRTEN TE RNAM RIG PA'I PHYOGS BZUNG, SLOB DPON CHEN PO ZLA GRAGS KYIS KLU SGRUB KYI GZHUNG SANGS RGYAS BSKYANGS KYIS BKRAL BA LA BRTEN TE NGO BO NYID MED PAR SMRA BA'I PHYOGS BZUNG STE PHAN TSUN CHOS KYI BGRO GLENG LO BDUN GYI BAR DU MDZAD PAS ZLA GRAGS KYIS LAN RNAMS THOGS MED DU BTAB, TZANDRA GO MIS SPYAN RAS GZIGS LA DRIS SHING THOGS BCAS SU BTAB PA LA, NAM ZHIG ZLA GRAGS KYIS 'DI LA SLOB MKHAN ZHIG YOD PA YIN NAM SNYAM NAS TZANDRA GO MI'I PHYI BZHIN BYON TE SGO'I PHYI LOGS NAS PHAG NYAN BYAS PAS, SPYAN RAS GZIGS KYI RDO SKU DES TZANDRA GO MI LA ZLA GRAGS KYIS DRIS PA'I LAN RNAMS SLOB KYIN YOD PA LA, SLOB DPON GYIS, 'PHAGS PA LA NYE RING MNGA' 'AM, KHONG LA ZHAL BSTAN PA LTAR BDAG LA YANG ZHAL BSTAN

, ,DU GSOL ZHES GSOL BA BTAB PAS, ZHAL MA BSTAN PAR MNAL LAM DU KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS NGAS BYIN GYIS BRLABS MI DGOS, TZANDRA GO MI LA CUNG ZAD BYIN GYIS BRLABS PA YIN, DE SKAD MA ZER BAR SONG ZHIG ZER BA RMIS, GNYID SAD TSE DE LTAR LAGS KYANG ZHAL BSTAN PAR ZHUS PAS ZHAL MNGON SUM DU BSTAN, DE NAS SLOB DPON GYIS 'PHAGS PA BDAG GI SPYI GTZUG TU BZHUGS LA SEMS CAN THAMS CAD KYIS MTHONG BAR MDZOD CIG CES GSOL BAS, BDAG SEMS CAN THAMS CAD KYI DRUNG DU SONGS KYANG LAS SGRIB KYI DBANG GIS MI MTHONG GSUNGS, CIS KYANG BZHUGS SHIG CES GSOL BA BTAB NAS 'PHAGS PA SPYI BOR KHYER TE GRONG KHYER RNAMS SU BDAG GI SPYI BO NA 'PHAGS PA SPYAN RAS GZIGS BZHUGS SO THAMS CAD KYIS PHYAG DANG MCHOD PA GYIS SHIG CES BSGRAGS PA DANG, LA LAS NI CI YANG MA MTHONG, LA LAS KHYI RO ZHIG MTHONG, PHAL CHE BAS ZLA BA GRAGS PA CHOS MANG PO BSHAD PAS RLUNG SMYO YIN ZER, CHANG 'TSONG MA ZHIG GIS ZHABS TZAM MTHONG BAS THUN MONG GI DNGOS GRUB THOB, DE 'DRA'I SLOB DPON DES KUN RDZOB KYI SNANG BA RDZUN PAR MNYAM GSUNGS PAS, PAndI TA GZHAN DAG NA RE, DNGOS PO'I BA LAS 'O MA 'BYUNG BA BZHIN DU RI MO'I BA LAS 'O MA 'BYUNG DAM ZER

BA LA 'BYUNG GSUNGS TE, RI MO'I BA LAS 'O MA BZHOS TE DGE 'DUN THAMS CAD 'O THUG GIS TSIM PAR MDZAD, GTZUG LAG KHANG GI RDO'I KA BA LA 'DI STONG PA YIN NAM ZER BA LA, YIN GSUNGS TE RNGO'I KA PA LA PHYAG BRGYAB PAS THOGS PA MED PAR THAL BYUNG DU MDZAD, SKABS SHIG RDO'I SENG GE LA CHIBS NAS DU RUshKA'I DMAG BZLOG PA SOGS YON TAN BRJOD KYIS MI LANG BA ZHIG STE RGYAS PAR MA BRIS SO, ,BKA' RTZOM YANG SLOB DPON YAB SRAS KYI GDAMS NGAG LA BRTEN NAS RGYUD 'GREL SGRON GSAL, DBU MA TSIG GSAL, 'JUG PA, BZHI BRGYA PA'I 'GREL PA SOGS MANG DU MDZAD CES GRAG GO ,SLOB DPON 'DI KLU SGRUB KYI SLOB MA MA YIN PAR SMRA BA NI RNAM PAR MA BRTAGS PA'I BAB CHOL TE, RTZOD DUS KYI THAMS CAD MKHYEN PA BU STON RIN PO CHE DANG, RJE YAB SRAS SOGS MKHAS PA MANG POS KLU SGRUB KYI DNGOS SLOB RTZOD MED DU MGRIN GCIG GIS GSUNGS PA'I PHYIR DE DAG LA BSAM PAR BYA BA KHO NA YIN NO,, ` ,,RJE BTZUN 'JAM DPAL DBYANGS KYIS BYIN BRLABS PAS, ,RIG GNAS KUN LA THOGS MED BLO GROS RGYAS, ,MDO SNGAGS RGYA MTSO'I DGONGS DON GSAL MDZAD PA, ,DGRA LAS RNAM PAR RGYAL BA'I ZHABS LA 'DUD, ,DE NAS BDAG NYID CHEN PO 'DI MKHAS PA DANG GRUB PA'I DBANG PHYUG CHEN PO SLOB DPON DZE T'A RI DGRA LAS RNAM PAR RGYAL BA ZHES BYA BAR SKU'I SKYE

, ,BA BZHES TE, DE YANG RGYA GAR SHAR PHYOGS KYI YUL WA LENDRAR RGYAL PHRAN SA NA TA NA ZER BA ZHIG BYUNG, DE NYID KYI BTZUN MO GZUGS DANG BLO GROS PHUN SUM TSOGS PA ZHIG YOD PA DE RGYAL POS SLOB DPON KUN DGA' SNYING PO'I ZHABS LA PHUL BAS, DUS GZHAN ZHIG NA BTZUN MO DE LA SLOB DPON GYI SRAS MTSAN DANG LDAN PA ZHIG BTZAS, LO BDUN LON PA NA BRAM ZE YI GE SLOB PA'I GRVAR BRDZANGS PAS, KHYE'U GZHAN RNAMS KYIS KHYOD NI RIGS NGAN YIN NO ZHES BRNYAS SO, ,RGYU MTSAN DRIS PAS, KHYOD KYI PHA NANG PA'I SNGAGS PA YIN PAS DMANGS RIGS KYI BTZUN PA GRAL MGOR 'JOG, MCHOD PA BYED PA'I GNAS SKABS SU RIGS BZANG NGAN GYI DBYE BA MED PAR BSRES SO ZHES LAN MANG DU GTZOS PAS, GNAS DER SKYO BAR GYUR NAS DU ZHING RANG KHYIM DU LOG PA NA YAB KYIS RGYU MTSAN DRIS PAS, SNGAR LTAR GYUR TSUL ZHUS SO, ,DE NAS YAB KYIS 'O NA 'DI DAG ZIL GYIS GNON PA'I THABS SHIG BYA DGOS GSUNGS TE, 'JAM DPAL GYI DBANG BSKUR RJES GNANG STZAL, MAN NGAG BYIN NAS SGRUB TU BCUG PAS LO GCIG TU NYE BAR SONG BA NA, TING NGE 'DZIN GYI GSAL SNANG MCHED CING GRUB PA'I RTAGS BYUNG, SPYIL BU'I PHYI NANG THAMS CAD 'OD DMAR SER GYIS KHYAB, MAS KHA ZAS SKYEL DU 'ONG BAS DE LTAR MTHONG STE, SPYIL BU LA ME SHOR RO SNYAM NAS CHO NGES BTAB

PAS TING NGE 'DZIN SAD 'OD KYANG YAL LO, ,DER YAB NA RE, DE LTAR GSAL SNANG DE LA ZHAG BDUN DU GNAS NA 'PHAGS PA 'JAM DPAL DNGOS DANG MNYAM PA ZHIG 'ONG NA'ANG RIG PA'I GNAS THAMS CAD LA THOGS PA MED PA'I BLO GROS RGYAS PA ZHIG 'ONG GSUNGS, DE NAS SLOB DPON KUN SNYING SOGS BLA MA YANG MANG DU BSTEN, KHYAD PAR 'PHAGS PA 'JAM DPAL LA DNGOS SU CHOS THAMS CAD GSAN PAR MDZAD, RIG PA'I GNAS THAMS CAD LA GZHAN DRING MI 'JOG PA'I MKHAS PA CHEN POR GYUR TO, ,YAB GSHEGS PA'I 'OG TU RGYAL PO MA H'A P'A LA'I DUS SA TRA MA THOB PA YUL SNA TSOGS SU LHA KHANG RNAMS LA PHYAG MDZAD PA DANG, PAndI TA RNAMS DANG RIGS PA 'GRAN PA'I PHYIR BYON PA LAS, LAN CIG KHA SAR PA nI'I SGO DRUNG NA MI G-YO BA'I SKU ZHIG 'DUG PA GZIGS PAS SRIN PO'I GZUGS CAN 'DI LTA BU SNYAM NAS MA DAD PA SKYES, DE NUB MNAL LAM DU; THUB PA'I DBANG PO'I THUGS KA NAS MI G-YO BA MANG PO SPROS TE TSAR GCOD PA RMIS, MNAL SAD MA THAG 'GYOD PA SKYES TE BSHAGS BSNGAMS MDZAD PAS SGROL MA ZHAL GZIGS, RIGS KYI BU KHYOD KYIS THEG PA CHEN PO'I BSTAN BCOS MANG DU GYIS SHIG DANG SDIG PA BYANG BAR 'GYUR RO ZHES LUNG BSTAN, DE NAS PHYIS RGYAL PO MA H'A P'A LA'I DUS PRIKshA PU RI ZHES BYA BA'I GNAS GZHI BZANG PO ZHIG PHUL, BI K'A MA LA SH'I LA'I PAndI TA'I

, ,SA TRA YANG THOB, GNAS DER THEG PA CHEN PO'I CHOS MANG DU GSUNGS, RJE BTZUN MA'I BKA' BZHIN, BSLAB BTUS DANG, SPYOD 'JUG, NAM MKHA'I SNYING PO'I MDO SDE SOGS LA BSDUS 'GREL RE DANG MDO SNGAGS KYI BSTAN BCOS BRGYA RTZA TZAM MDZAD DE, SANGS RGYAS KYI BSTAN PA NYI MA LTAR GSAL BAR BYAS, JI SRID BAR RTEN DGE BSNYEN DU GNAS SHING RTZE GCIG TU SGRUB PA LA GZHOL BAR MDZAD, DE NAS SKABS SHIG TU 'JAM DPAL BYON NAS DA KHYOD KYIS LO BRGYA DANG BCU LON, NGA LO BCU LAS MI THUB PAS SNOD LDAN ZHIG TSOL LA NGA'I GDAMS PA RNAMS BYIN CIG CES LUNG BSTAN, DE NAS SLOB DPON GYIS PHYOGS KUN TU RDZU 'PHRUL GYIS NYUL NAS BTZAL BAS, MA GA DHA'I YUL NA MA HE'I RDZI BO RGAS SHING 'KHOGS PA ZHIG SNOD LDAN DU GZIGS NAS, LAS 'DI ZHOG LA CHOS SGOR ZHUGS GSUNGS PAS, KHO NA RE, NGA NI RGAS SHING 'KHOGS LA 'TSO BA'ANG MED YI GE'ANG MI SHES PAS DE 'DRA MI NUS, TSE PHYI MAR RJES SU 'DZIN PAR ZHU ZER, SLOB DPON GYIS DE LA THABS YOD GSUNGS NAS, 'JAM DPAL GYI DBANG BSKUR, RJES GNANG STZAL, MAN NGAG BYIN NAS SGRUB TU BCUG PAS ZHAG LNGA NA CHOS THAMS CAD RANG GROL DU SHES PA'I PAndI TA CHEN PO MA TI ZHES BYA BAR GYUR CING GRAGS, GSANG MTSAN SGEG PA'I RDO RJE DANG, RAB TU BYUNG BA'I MTSAN MNGON PAR

BYANG CHUB PA'I SKAL BA CAN DANG, NOR DU GLING DU 'KHRUNGS PAS NOR BU GLING BA ZHES KYANG GRAGS SO, ,DE NAS SLOB DPON LA PHYAG 'TSAL TE KHYOD KYIS RJES SU BZUNG BAS BDAG MKHAS PAR GYUR KYANG RGAS PAS MI KHOM SGRUB PA ZHIG BYED ZHUS PAS, SLOB DPON GYI ZHAL NAS, KHYOD RANG LA TSE LHAG MA LO BCU 'DUG, NGA LA YI DAM GYIS LUNG BSTAN PA'I LO BCU YOD PA'I STENG NAS GNYIS SONG, DA LO BRGYAD YOD PA KHYOD LA BYIN PA YIN; LO BCO BRGYAD BAR DU 'GRO DON GYIS, DE NAS YI DAM LA GSOL BA BTAB NA TSE NYI ZLA DANG MNYAM PA'ANG 'BYUNG ZHES LUNG BSTAN NAS SLOB DPON NYID MKHA' SPYOD DU 'JAM DPAL RDO RJE'I THUGS KAR GSHEGS SO; ;DE LTAR BDAG NYID CHEN PO 'DI RGYA GAR 'PHAGS PA'I YUL DU PAn GRUB MANG POR SKU'I SKYE BA BZHES TE SANGS RGYAS KYI BSTAN PA LA BYA BA BYAS TSUL MDO TZAM BRJOD ZIN TO,, ` ,,SHING RTA CHEN PO'I THUGS BCUD GDAMS PA'I PHUL, ,SKYES BU GSUM GYI LAM GYI RIM PA YIS, ,THUGS KYI BUM BZANG YONGS SU GANG GYUR PA, ,RGYAL SRAS CHEN PO RIN CHEN GSAL BAR 'DUD, ,DA NI BOD GANGS CAN GYI LJONGS SU SKYE BA BZHES TSUL BRJOD PA LA, DE YANG MNYAM MED JO BO CHEN PO DPAL LDAN AA TI SHA BOD DU BYON NAS SANGS RGYAS KYI BSTAN PA'I ME RO GSO BAR MDZAD DUS BDAG NYID CHEN PO 'DI DGE BA'I BSHES GNYEN RGYAL SRAS

, ,PU TO PA ZHES BYA BAR GYUR TO, ,DE'I GDUNG GNYOS, YAB SRID PO, YUM LI MOR GRAGS PA GNYIS KYI SRAS SU ME MO YOS LA SPRAS KYI BA'O THANG DU SKU BLTAMS, BYIS PA'I DUS NAS 'KHOR BA LA ZHEN PA DAD GIS LOG, RGYA LAM GYI MGRON PO'I SAR BYON NAS, MGRON PO KHYED CAG KUN YUL DU LO LEGS PAR SHOG, BYES SU DON 'GRUB PAR SHOG CES SMON LAM 'DEBS PAR MDZAD, YAB BON PO YIN PAS BON BSLAB 'DOD KYANG ZHAL GYIS MA BZHES, DE DUS SHAR PA PA SH'AK DBANG ZER BA ZHIG GRONGS PAS SPUR ME LA SBYANGS DUS, 'JA' 'OD SOGS LTAS YA MTSAN CAN BYUNG, DE CI YIN ZHES YAB LA DRIS PAS, SGOM CHEN ZHIG GRONGS BA YIN ZER BAS, SGOM ZHIG NGAS BSLAB KYANG 'ONG SNYAM PA ZHIG BYUNG, BYIS PA'I DUS SU SBA SGOM GYI MDUN DU BSNYEN GNAS KYI SDOM PA BLANGS NAS SANG BSRUNG BA'I DE RING CHANG GSOL BAS BAD KAN LA PHOG NAS SKYUGS PA BYUNG, DER YAB NA RE, KHAMS NGAN PAR 'DUG PAS DE RING MA SRUNGS SANG SRUNGS BYAS PAS, KHO BO DUS NAM YIN PA NA BSRUNGS PA YIN, KHAMS BZANG DUS BSRUNGS PAS GA NA 'OD GSUNG, DE LA SBA SGOM MNYES NAS, MNYEN PO ZHIG 'ONG BAR 'DUG, RAB TU BYUNG LA CHOS ZHIG BYED DU GZHUG DOGS GSUNGS NAS, YER BA RANG DU RDOG BYANG CHUB 'BYUNG GNAS

KYIS MKHAN PO GLAN TSUL BYANG LA SLOB DPON ZHUS NAS RAB TU BYUNG, MTSAN RIN CHEN GSAL BAR BTAGS, DE NAS SBA SGOM LA BDAG LA SGOM ZHIG SLOB ZHUS PAS, KHONG GI ZHAL NAS SGOM GSHA' MA ZHIG BYED NA CHOS CUNG ZAD NYAN DGOS, DE LTA MIN NA SGOM CHEN GYI SGOM MCHAN KHUNG BAS PHU THAG THUNG DU 'GRO BA YIN GSUNGS PAS, KHU STON LA MTSAN NYID KYI CHOS MANG PO ZHIG DANG, GLAN LA 'DUL BA GSAN, JO BO LA NAG TSOS LO TZ'A BYAS NAS SGOM RIM BAR BA GSAN, DE NAS SGOM ZHIG BYA'O DGONGS NAS, RA SGRENG DU DGE BSHES STON PA DANG MJAL BAR BYON PAS MI LDOG PA'I DANG BSKYES TE LO BDUN GYI BAR LA ZHABS PAD BSTEN, SGOM SGRUB 'BA' ZHIG GIS DUS 'DA' BAR MDZAD, DGE BSHES STON PA RIN PO CHE'I THUGS KYANG KHENGS, NGA'I JO BO CHEN PO GSUNGS NAS YANG YANG BSNGAGS BRJOD MDZAD, 'DA' KHAR SU LA BSTEN ZHUS PAS, BOD PHU THUNG TZAM 'DI NA KHYOD KYI DGE BSHES NGAS MA MTHOD GI, DGE BSHES MDO SDE LA GYIS GSUNGS, DGE BSHES STON PA MYA NGAN LAS 'DAS PA'I SKABS RMI LAM DU, RTZE 'PHYING DKAR GYI STENG DU BYON NAS RAL GRI GCIG LEG TU THOGS TE, DUNG ZHIG BUS PA RGYA DKAR NAG THAMS CAD DU THOS SAM SNYAM PA ZHIG RMIS, MNAL SAD MA THAG DPYAD PAS, RAL GRI THOGS PA NI SHES RAB JE CHE JE CHER 'GRO, DUNG BUS PA NI CHOS 'GA' DE TZAM

, ,'CHAD PA ZHIG 'ONG BAR 'DUG GSUNG, DE NAS RA SGRENG DU TSOGS PA BSKYANGS, SKABS SHIG BSLAB BTUS GSUNGS PAS GZHAN GYI SHES PA BSGYUR THUB PA ZHIG BYUNG, RA SGRENG NAS BYON TE SKU MCHED LHAN CIG TU NA MGO DANG, LA MO RA SGYE SOGS SU BZHUGS, DE NAS SGRO LAG DGON PAR BZHUGS NAS TSOGS PA BSDUS NAS LAM SGRON DANG, BSHES SPRINGS, YON TAN MTHA' YAS BAR BSTOD PA SOGS GSUNGS PAS GRVA PA SUM BRGYA TZAM 'DUS, DGUNG LO DRUG CU RTZA GCIG PA LA SPRAS KYI PU TO DGON PAR BZHUGS PAS MTSAN YANG PU TO BAR GRAGS, NA MGON BZHUGS DUS SA DE GNYAN PAS SPYIL PO BRTZIGS BA DANG, RKO RLOG BYAS PAS GRVA BA RNAMS KYI RMI LAM DU SDIG PA RVA CAN DANG, SBAL SBRUL SOGS RMIS PA LA, NYID KYI ZHAL NAS, KHYED RNAMS 'JIGS MI DGOS, NGA'I RGYAB NA NUB PHYOGS KYI RGYAL PO SPYAN MI BZANG LUS DANG GRIB MA BZHIN DU RTAG TU YOD GSUNGS, NA TSA YE MA BYUNG SKAD, BAR CHAD KYIS MI TSUGS PA'I RGYU YANG BYANG CHUB SEMS DPA' NYAN THOS KYI CHA LUGS KYIS SEMS CAN GYI DON MDZAD PA'I GNAS BRTAN BCU DRUG GI GCIG YIN GSUNG, RAM SDINGS MA PA LA KHYOD YI CHAD MI DGOS, NGA GNAS BRTAN BCU DRUG GI GCIG YIN NGA DANG MJAL BA KHYOD BSOD NAMS MI CHUNG GSUNG, YANG ZHAL NAS GNAS BRTAN BCU

DRUG BYA BA DE RNAMS SPRUL PA'I NYAN THOS LAGS PAR GDA', DA LTA YANG SEMS CAN GYI DON 'BA' ZHIG MDZAD DE GCIG RI RAB KYI RTZE NA BZHUGS, GCIG LUS 'PHAGS PO NA BZHUGS, GCIG BA LANG SPYOD NA BZHUGS, GCIG GLING G-YOG GCIG NA BZHUGS, GZHAN THAMS CAD 'DZAM BU GLING RI BO GANGS CAN GYI RGYUD BYA BA 'O SKOL GYI GLING 'DI NA BZHUGS PAR GDA', DE RNAMS KYI NANG NAS DGRA BCOM PA SPED BYED BYA BA DANG; YAN LAG 'BYUNG BYA BA GNYIS LAS, GCIG LA 'KHOR DGRA BCOM BA LNGA BRGYA TZAM YOD, GCIG LA PHYED DANG SUM BRGYA TZAM YOD DE, GCIG NGA YIN PAR GSAL GSUNGS NAS LJAGS NAR MDZAD SKAD, DES NA DGE BSHES CHEN PO SPRUL PA'I NYAN THOS SEMS CAN GYI DON LA BYON PA LAGS PAR GDA', DE YANG BOD NA STONG PHRAG RE RE GNYIS GNYIS RNAM PAR THAR PA GCIG LA 'GOD NUS PA'I DGE SLONG YOD CES DGE BSHES 'DI RGYA GAR DU'ANG GRAGS, 'OL BA STON CHUNG GIS DPAL LHA MO RBAD BAS DGE BSHES MKHAR PHU BA 'DAS, 'KHOR RJES NA 'DUG PA RNAMS LA YANG GTZES PAS, DGE BSHES KYIS, DPAL LHA MO LA, KHYED SANGS RGYAS LA CHOS DNGOS SU NYAN PAS 'DI LTAR BYED NA, NGED CAG LUNG LA BRTEN PAS JI LTAR BYED CES BKA' BKYON MDZAD PAS LHA MO 'ANG 'JIGS ZER, DE NAS NUB GCIG RMI LAM NA BU MO GCIG GIS G-YAG RGOD

, ,GNYIS GNYA' BCAG NAS DED SONG, PHA TSAD SONG BA DANG DE THAMS CAD NAM MKHA' LA 'PHUR SONG BA ZHIG RMIS, DE PHYIN CHAD GNOD PA YE MA BYUNG GSUNG, GZHAN GYIS GNOD PA BYED PA BYUNG NA YANG, SPYIR DGE SLONG KHAS NYEN, BYE BRAG TU BYANG CHUB SEMS DPA' KHAS NYEN GSUNGS NAS, GNOD LAN GTAN MI MDZAD, CHOS 'CHAD PA NA RTZAL BTON NAS GSUNGS PAS, DANG PO PHYAM TSE BSHUS, DE NAS BLA GOS KYI RKED SO TZAM DU SHUS NAS 'GRO, SHES RAB SHIN TU CHE BAS, TSIG BZHI RE LA'ANG 'DI'I CHA NAS DPYAD NA 'DI LTAR 'GRO, 'DI'I CHA NAS DPYAD NA 'DI LTAR 'GRO ZHES DON MI 'DRA BA BCU BCU TZAM GSUNGS, DGE BSHES KYI CHOS 'DI TZAM SU LA BSLAB ZHUS PAS, SLOB DPON PRADZNY'A LA BSLAB GSUNG, BSHAD CHOS LA LAM SGRON GTZO BOR BYAS NAS, GZHAN MDO SDE RGYAN DANG BYANG CHUB SEMS DPA'I SA; BSLAB PA KUN LAS BTUS PA DANG SPYOD 'JUG, SKYES RABS DANG CHED DU BRJOD PA'I TSOM DRUG NAN TAN DU GSUNGS PAS, DE DAG LA BKA' GDAMS GZHUNG DRUG TU GRAGS, DE YANG SA CHEN PO'I KHYON LA BKA' GDAMS ZHES GRAGS CHE ZHING RNAM THAR GTZANG BA DANG KHYAB BDAL CHE BA'ANG SKU MCHED GSUM GYI NANG NAS DGE BSHES PU TO PA KHO NA'I BKA' DRIN DU GDA', THUGS SHIN TU SGAM PAS, NGA LA YON TAN 'DI LTA BU YOD

CES MI GSUNG YANG, BYANG CHUB KYI SEMS MNGA' BA, YI DAM GYI LHA'I ZHAL GZIGS PA, GNAS BRTAN CHEN PO'I GRAGS PA CAN, SDE SNOD KYI DON LA MKHAS PA, 'DUL BA'I PHYAG LEN THEBS PA, MKHYEN RAB KYI KLONG RDOL BA, ZAB MO'I GNAS LUGS RTOGS PA, BYIN RLABS KYI SPRIN LAS PHAN BDE'I CHAR PA 'BEBS PA, 'PHRIN LAS LA MNGA' BRNYES PAS MTHONG THOS DON LDAN DU BYED PA, SANGS RGYAS KYI BSTAN PA'I BDAG POR GYUR PA LAGS, DE NAS DGUNG LO BDUN CU DON DGU PA SHING MO BYA'I DBYAR ZLA 'BRING PO'I NYI SHU GSUM GYI NUB MO NAS BSNYUNG BA'I TSUL BSTAN, DE'I TSE NAM MKHA'I KHAMS GANG BA'I SANGS RGYAS DANG BYANG CHUB SEMS DPA'I ZHAL GZIGS, GRVA SLOB RNAMS KYIS ZHABS BRTAN LA 'BAD KYANG ZHING GZHAN DU GSHEGS PAR BZHED DE ZLA BA DE KA'I GNAM STONG GI SNGA DRO PHYAG THAL MO SBYAR NAS, SEMS CAN SKYABS MED PA'I SKYABS, MGON MED PA'I MGON, DE BZHIN DU GNAS DANG, GLING DANG, DPUNG GNYEN MED PA RNAMS KYI DPUNG GNYEN DU GYUR CIG GSUNGS NAS THAL MO PHYIR LA SHIG GIS SONG STE THUGS DAM GLOD NAS GZUGS SKU'I BKOD PA CHOS DBYINGS SU BSDUS SO, ,SBUR SBYANGS PAS GDUNG RUS LA THUGS LJAGS SPYAN GSUM RING BSREL SOGS MANG DU BYUNG, GDUNG KHANG DU DNGUL GYI MCHOD RTEN BYED PA PHU CHUNG BAS GSAN NAS, DNGUL LA BYAS NA DNGUL MI

, ,NGAN GYIS KHYER NAS, NGA'I GROGS PO'I GDUNG GROG NANG DU SPUNG NGE 'ONG DOGS GSUNGS KYANG GRUB TSAR BAS PHU CHUNG BA SPYAN DRANGS NAS RAB GNAS MDZAD DE SKYE DGU'I BSOD NAMS KYI ZHING DU LEGS PAR BZHUGS SO, ,GSUNG GI BDUD RTZI LAS SKYES PA'I SLOB MA NYIS STONG TZAM 'DUS PA'I NANG NAS BKA' BABS KYI BU CHEN BRGYAD DU GRAGS PA NI, DANG TSUGS MCHOG ZUNG GCIG LA 'GRAN PA ZHIG YOD PA'I BKA' DGE BSHES PHO BRANG SDINGS PA LA BABS, RTZOD PA PAndI TA'I RGOL BA YANG ZLOG NUS PA'I BKA' DGE BSHES DOL BA CHEN PO LA BABS, BYAMS SNYING RJE BYANG CHUB KYI SEMS BDAG GZHAN BRJE NUS PA'I BKA' DGE BSHES GLANG RI THANG BA LA BABS, BKA' 'GYUR RO COG LA GZHUNG BSHAD BYED PA THAMS CAD MKHYEN PA'I YE SHES LA MNGA' BRNYES PA 'DRA BA ZHIG YOD PA'I BKA' ZHANG SHAR BA PA LA BABS, STONG NYID KYI LTA BAS DNGOS PO DANG MTSAN MAR 'DZIN PA THAMS CAD 'JIG NUS PA'I BKA' RAM SDINGS MA PA LA BABS, GSUNG RAB THAMS CAD SKYES BU GSUM GYI GDAMS NGAG TU DRIL NAS SMAN PA MKHAS PAS NAD BRTAGS TE NAD THOG TU SMAD GTONG PA 'DRA BA ZHIG YOD PA'I BKA' SNANG DRE'U LHAS PA YE SHES RGYAL MTSAN LA BDAS, MCHOD PA KUN TU BZANG PO'I MCHOD SPRIN LA 'GRAN NUS PA ZHIG YOD PA'I BKA' DGE BSHES STAG DKAR BA LA BABS, BAL MA LA SANGS RGYAS KYI MOS

GUS RGYUN CHAD MED PA YOD PA'I BKA' GNYAL PA CHOS 'BAR LA BABS SO, ,GZHAN YANG KHA RAG SGOM CHUNG, ZHANG SDINGS PA, GLANG BYA RAB PA, 'BE MON BU CHUNG BA, BYA LUNG GNYIS, ZHAD DGON PA GOD 'OG GNYIS, GRU LUNG PA SOGS KHYAD PAR DU 'PHAGS PA DRUG CU TZAM BYON PAR GDA', DE LTAR BSAM GYIS MI KHYAB PA'I RNAM PAR THAR PA RGYA MTSO LTA BU LAS CHU THIGS TZAM ZHIG DAD PA'I GSOS SU BKOD PA'O,, ` ,,'JAM DPAL RDO RJES MNGON SUM RJES BZUNG BAS, ,MTHAR 'DZIN 'CHING BA'I DRA BA KUN ZHIG NAS, ,CHOS KUN SGYU MAR GZIGS PA'I DBU MA BA, ,RNAL 'BYOR DBANG PHYUG BRTZON 'GRUS SENG GER 'DUD, ,DE NAS BDAG NYID CHEN PO 'DI MTHA' BRAL NAM MKHA'I RNAL 'BYOR PA CHEN PO DBUM PA BRTZON 'GRUS SENG GE MTSAN GZHAN DPA' BO RDO RJE ZHES BYA BAR SKU'I SKYE BA BZHES TE, DE YANG MDO KHAMS SMAD DU RIGS RUS PHUN SUM TSOGS PA ZHIG TU SKU 'KHRUNGS, CHUNG DU'I DUS NAS RJE BTZUN 'JAM PA'I DBYANGS LA MOS PA CHER BYUNG BAS, SKABS SHIG PHYUGS RDZI MDZAD PA'I TSE, RANG GI KHOD BA'I NANG NAS AA RA BA TZA NA'I SNGAGS KYI SGRA 'UR 'UR BA GRAGS SHING, DE NAM BYUNG RES KYIS LUS KYI BA SBU LDANG ZHING THUGS 'PHAR NAS GNON MI THUB PA 'DRA BA ZHIG 'BYUNG, LAN CIG DE LTAR BYUNG BA'I RKYEN BYAS BRGYAL BAR GYUR CING, BRGYAL SANGS PA DANG, MDUN NA RJE BTZUN 'JAM PA'I

, ,DBYANGS SKU MDOG NAG PO ZHIG 'DUG PA DNGOS SU GZIGS, DE NAS BLA MA ZHIG LAS 'JAM DBYANGS KYI SGRUB THABS DANG RJES GNANG SOGS GSAN NAS BSNYEN SGRUB LA SHIN TU BRTZON BAR MDZAD PAS SKU DANG GSUNG GI SNANG BA MANG DU BYUNG YANG DE LA THUGS NGES RANG MA MDZAD PAR DBUS SU BYON, CHOS GRVA CHEN PO DPAL LDAN GSANG PHUR BZHUGS TE SLOB GNYER LA 'BAD BAS BRGAL BRTAG LA SHIN TU BYANG, CHOS SKAD PHUN SUM TSOGS PA BYUNG, DER GRVA SKOR MDZAD PAR DGONGS PA LA RJE BTZUN GYI ZHAL NAS, YO BYAD GANG YOD TSOGS SU THONGS GSUNGS, DE LTAR BYED NA SLOB GNYER BYED PA'I CHAS MI 'ONG BAR 'DUG ZHUS PAS; DE LA 'JIGS MI DGOS GTER CIG 'DON RGYU YOD PAS GONG LTAR GYIS GSUNGS, DE NAS YO BYAD THAMS CAD TSOGS SU BTANG NAS, DA GTER 'DON 'TSAL ZHUS PAS, YI DAM GYI ZHAL NAS, DA BYA BRAL THAG CHOD GYIS LA DGE SBYOR MDZOD CIG CES BSKUL LO, ,DE NAS RJE BTZUN GYI BKA' BZHIN BYA BRAL MDZAD NAS KONG PO PHYOGS LA BYON, KARMA KAm TSANG GI CHOS SKOR PHYAG RGYA CHEN PO SOGS ZHUS, DE'I TSE YI DAM SGRUB PA LA RTZE GCIG TU GZHOL BAR MDZAD PAS SNGAR LAS KYANG YI DAM GYI SKU DANG GSUNG GI SNANG BA GSAL ZHING BRTAN PA BYUNG, DE NAS BSAM YAS SU PHEBS, RTOGS LDAN MTSO DKAR MAL SBYOR DRUG GSAN

BAS THUGS SU CHUD, DE'I TSE YI DAM GYI RNAM 'PHRUL GSAL ZHING BRTAN PA DPAG TU MED PA BYUNG, RTOGS LDAN PA LA ZHUS NA BYAS PAS MA ZHU GSUNG, DE NAS DPAL RI BA'I BLA MA GZHON RGYAL BA LA ZHUS NA BYAS PAS CHOG GSUNG, KHONG GIS LAM 'BRAS NAS BSHAD PA'I MAN NGAG DBANG BZHI'I BRDA' RNAMS BSTAN PAS BRDA LAN RGYUD NAS BSHAD PA LTAR 'JAL GI NA 'DUG, BRDA LAN 'JAL LUGS RNAMS ZHUS PAS, KHYED KYI 'DI RNAM DAG CIG YIN PA 'DUG CES GSUNGS, YI DAM GYI ZHAL NAS, BRDA STON PA LA PHYAG RGYA RNAMS YID LA BSAM PAS CHOG, LUS KYI RNAM 'GYUR MI DGOS PA YIN TE KHO RANG GIS MI SHES 'DUG CES GSUNG NGO; ;DE NAS GTZANG LA 'BYON PAR BZHED PA LA, DE DUS 'BAR 'JAG GNYIS GRAGS CHE BAR 'DUG PAS SU'I DRUNG DU PHYIN PA DGA' ZHES YI DAM LA ZHUS PAS, KHYOD RANG SONG DANG, 'BUM TSO GDONG GI 'PHRANG DER MI CIG DANG 'PHRAD PAR 'DUG, NGES GANG ZER BA LTAR GYIS GSUNG, DER BYON PAS 'PHRANG DER BTZUN PA CIG DANG PHRAD, DE LA DRIS PAS 'BA' RA BA'I DRUNG DU SONG ZER, DE NAS GRUB PA'I DBANG PHYUG CHEN PO 'BA' RAB RGYAL MTSAN DPAL BZANG PO'I SPYAN SNGAR BYON NAS, PHYAG CHEN SOGS MANG DU ZHUS, KHONG SKYO SHAS CAN ZHIG 'DUG PAS, DE'I STOBS KYIS NGES 'BYUNG DANG SKYO SHAS DRAG PO SKYES, SNANG SHAS CHUNG DU 'GRO BA'I TSABS CHEN PO BYUNG, DE LA DGONGS PAR 'DUG

, ,KHONG GIS BSTAN PA'I LHAG MTHONG DE LHAG MTHONG MTSAN NYID PA AE YIN ZHUS PAS, RJE BTZUN GYI ZHAL NAS, CIS KYANG MIN GSUNG NGO, ,DE NAS YI DAM GYIS LUNG BSTAN NAS SA SKYAR BYON GANGS RI'I KHROD KYI SHING RTA CHEN PO MNYAM MED RJE BTZUN RED MDA' PA LA DBU MA DANG 'DUL BA GSAN PAS, LHAG MA MED PAR KHONG DU CHUD, DE NAS MAR BYON RONG CHOS LUNG DU BZHUGS, RJE RTZONG KHA PA CHEN PO LA 'JUG PA RANG 'GREL TSAR GCIG GSAN, DE NAS BLA MA 'DIS LO TZ'A BA MDZAD, RJE RIN PO CHES DRI BA PO MDZAD NAS, RJE BTZUN 'JAM PA'I DBYANGS LA MDO SNGAGS KYI CHOS MANG PO DANG, KHYAD PAR DU DBU MA'I LTA BA LA DRI GTUGS CHER MDZAD PAS, YI DAM GYI ZHAL NAS, SNANG PHYOGS DANG STONG PHYOGS LA NYE RING GTAN NAS BYED MI NYAN, KHYAD PAR SNANG BA LA GTZIGS SU BYED DGOS GSUNG, PHYIS SKYID SHOD DGA' BA GDONG DU RJE RIN PO CHE DANG THABS CIG TU BZHUGS NAS DPON SLOB GNYIS PO 'TSAMS DAM POR BCAD, GNYIS PO GZIMS KHANG SO SOR MDZAD NAS, GSOL JA SOGS LA 'TSOGS PA MDZAD, GSOL JA BZHES PA'I SKABS SU BLA MA 'DIS LO TZ'A MDZAD NAS, RJE RIN PO CHES RJE BTZUN LA CHOS MANG DU GSAN, DE DUS BLA MA 'DIS 'JAM DBYANGS CHOS SKOR GYI LUNG DANG RJES GNANG SOGS GDAMS NGAG GI RIGS RJE TZONG KHA PAR GNANG BA DENG

SANG RI BO DGE LDAN PA'I THUN MONG MA YIN PA'I ZAB CHOS SU GRAGS PA 'DI KA YIN NO, ,DE LTAR SNGON LAN GCIG MA YIN PAR TSOGS GNYIS RLABS PO CHE LA YUN RING DU GOMS SHING, SKYE BA MANG POR LHAG PA'I LHAS BYIN GYIS BRLABS PA'I MTHUS, SKU TSE 'DIR BSNYEN SGRUB SOGS KYI 'BAD PA LA MA LTOS PAR CHUNG DU'I DUS NAS RJE BTZUN 'JAM PA'I DBYANGS KYIS RJES SU BZUNG STE DGE BA'I BSHES GNYEN MDZAD NAS ZAB PA DANG RGYA CHE BA'I DAM PA'I CHOS KYI DGA' STON NYIN RE BZHIN STZOL BAR MDZAD CING KHYAD PAR THO RANGS MNAL SAD RES KYIS SHLOO KA RE MA CHAG PAR GSUNG BA ZHAL GYIS BZHES, 'PHRAL GYI BYA BA THAMS CAD KYANG YI DAM LA MA ZHUS PAR RANG DGAR MI 'JUG PA SOGS GSANG BA GSUM GYI YON TAN SKYE BO PHAL PO CHE'I SMRA BSAM GYI RVA BA LAS 'DAS PA YIN NO, ,'GRO DON PHAL CHER RDZOGS NAS MYA NGAN LAS 'DAS PA NA, GDUNG ME LA SBYANGS PA'I TSE, DU BA DANG ME LCA RAL GRI DANG AUTPA LA'I GZUGS SU 'ONGS NAS NAM MKHAR YAL 'GRO BA SOGS KUN LA MTHUN SNANG DU GRUB CING, RING BSREL GUR KUM GYI MDOG CAN MANG DU 'PHEL PA LAS, KHA CIG RING BSREL PHRA MO MANG PO GCIG LAS GCIG 'PHEL BA 'KHOR LO RTZIBS DRUG LTE BA MU KHYUD DANG BCAS PA'I RNAM PA CAN DU BYUNG BA SOGS GSHEGS RJES SU'ANG NGO MTSAR BA'I LTAS KYIS GDUL BYA RNAMS MCHOG TU DKAR BA'I 'PHRIN LAS LA 'GONG

, ,PAR MDZAD DO ZHES GRAGS SO, ,GRUB CHEN 'DI'I RNAM PAR THAR PA'I YI GE RGYAS PA KHO BOS MA MTHONG BAS RANG BZO'I RDZUN GYI PHRENG BA MA BKOD DO,, ` ,,YAB SRAS GNYIS KYIS GSANG MDZOD KUN GTAD NAS, ,MTHU STOBS NUS PA'I BDAG POR MNGA' GSOL ZHING, ,MKHAS SHING GRUB BRNYES RNAL 'BYOR DBANG PHYUG CHE, ,LEGS PA RGYAL MTSAN ZHABS LA GUS PAS 'DUD, ,DE NAS BDAG NYID CHEN PO 'DI MTHU STOBS NUS PA'I DBANG PHYUG ZHA LU COG CHUNG BA LEGS PA RGYAL MTSAN ZHES BYA BAR SKU'I SKYE BA BZHES TE, DE YANG SHING MO YOS LA GTZANG ZHA LU RA 'KHRUNGS, ,RJE 'DUL BA 'DZIN PA 'KHRUNGS PA'I PHYI LO DANG, MKHAS GRUB RJE LAS LO BCUS SGRES, DE NAS ZHA LUR RAB TU BYUNG DBU MDZAD YUN RING MDZAD, ZHA LU RIN PO CHE GRAGS PA RGYAL MTSAN DANG, SHANGS PA KUN MKHYEN SHES RAB DPAL BZANG BSTEN NAS MDO SNGAGS MANG POR GSAN SBYONG BYAS, DE NAS 'JAM MGON CHOS KYI RGYAL PO'I GRAGS PA GSAN NAS MJAL DU BYON PAS MI LDOG PA'I DAD PA 'KHRUNGS TE SKU ZHABS SU RGYUN MTHUD DE BZHUGS, CHOS BKA' YANG MANG DU ZHUS, RJE'I ZHAL NAS NAM ZHIG CHOS KYI SKU GCIG TU MA GYUR GYI BAR DU NGAS KHYOD KYI DGE BA'I BSHES GNYEN BYED PA YIN NO ZHES DBUGS PHYUNGS, GDAMS NGAG KYANG PHAL CHER GNANG NAS DON GYIS BSTAN PA

GTAD, GZHAN YANG, RGYAL TSAB DAR MA RIN CHEN, 'DUL BA 'DZIN PA GRAGS PA RGYAL MTSAN, MKHAS GRUB SMRA BA'I SENG GE, BLA MA BZANG SKYONG BA, SHAR BA RIN CHEN RGYAL MTSAN SOGS LAS MDO SNGAGS KYI GZHUNG LUGS MTHA' DAG LA GSAN SBYANGS MDZAD PAS MKHAS PA CHEN POR GYUR, RIM GNYIS KYI RNAL 'BYOR BRTAN PO DANG LDAN, PHYAG NA RDO RJE 'KHOR CHEN GYI GRUB THOB TU'ANG GRAGS, KHYAD PAR MKHAS GRUB RJE'I DRUNG NAS RTOG BDUN, RTOG GSUM, SHOG DRIL CHE CHUNG SOGS 'JIGS BYED KYI SKOR KUN GSAN, MKHAS GRUB THAMS CAD MKHYEN PAS KYANG BRTAG GNYIS t'IKA CHEN DU LUNG DANG MNGON PAR RTOGS PA'I YON TAN RIN PO CHE'I TSOGS KYI MDZOD 'DZIN PA'I GNAS BRTAN YONGS KYI DGE BA'I BSHES GNYEN CHEN PO BLA MA LEGS PA RGYAL MTSAN PA ZHES BSNGAGS BRJOD MDZAD, GSUNG SHIN TU LEGS PAS DGA' LDAN GYI DBU MDZAD GNANG, MKHAS GRUB RJE GSHEGS NAS GRA DGON DKA' BZHI PA DANG 'DUL NAG PA SOGS KYI GDAN SAR BZHUGS PA'I GSOL BA BTAB PAS ZHAL GYIS BZHES TE, DGUNG LO DRUG CU RTZA LNGA PAS MO LUG LA DGA' LDAN RNAM PAR RGYAL BA'I GLING DU MI 'JIGS SENG GES BTEGS PA'I KHRI 'PHANG MTHON POR ZHABS SEN GYI PADMO NYE BAR BKOD DE, TSOGS PA LO BCU GNYIS KYI BAR DU BSKYANGS, LEGS PAR BSHAD PA'I BDUD RTZI'I BGO SKAL GYIS SKAL BA DANG LDAN

, ,PA'I MKHAS GRUB PHAL MO CHE'I BLO GROS KYI BUM BZANG YONGS SU BKANG NAS RGYAL BA GNYIS PA'I RING LUGS KYI RGYAL MTSAN SRID RTZE'I BAR DU BSGRENGS, DE'I RING LA DGE 'DUN GYI 'DU 'TSOGS DANG LONGS SPYOD KYI 'DU LONG DBYAR MTSO LTAR BYUNG, RJE BTZUN TZONG KHA PA CHEN PO'I RING LUGS LA LOG PAR 'KHU BA'I SA 'BRI'I MI BSRUN PA RNAMS KYANG DRAG PO'I MNGON SPYOD KYI SGO NAS 'CHI BDAG GSHIN RJE'I ZAS SKAL DU GTAD DE TSAR BCAD PAS BDUD KYI DKYIL 'KHOR MYA NGAN GYI KHANG BUR BTZUD CING MA RUNGS PA'I SKYE BO PHAL CHER SKRAG NAS ZHABS SPYI BOR LEN PAR GYUR TO, ,DON 'DI LA DGONGS NAS PHYIS KYI THAMS CAD MKHYEN PA CHEN POS KYANG, MTHU STOBS NUS PA'I DBANG PHYUG ZHA LU BA, ,ZHES BSNGAGS PA MDZAD PA NI RANG BZHIN BRJOD PA KHO NA YIN NO, ,GSER THOG GI 'PHRO YANG KHUR LEN GNANG NAS LEGS PAR BSGRUBS, DE'I BLUGS PHUD LA GZIMS KHANG SHOD DU PADMA MKHAR BAS GSANG BDE DUS 'KHOR GSUM GYI GSER SKU MI TSAD TZAM RE BZHENGS, 'PHAGS YUL GYI RGYAL RIGS SHING S'A LA CHEN PO ZA HOR GYI RIGS LAS SON PA 'PHYONG RGYAS PA HOR DKON MCHOG RIN CHEN PAS GDAN DRANGS, SRAS MA BYUNG BAR RJE 'DI NYID LA ZHUS PAS GSHED DMAR GYI SGO NAS RIGS SRAS BSKRUN PA'I CHO GA MDZAD PAS HOR RDO RJE TSE BRTAN 'KHRUNGS, DE'I GDUNG RGYUD LA RGYAL DBANG

THAMS CAD MKHYEN PA NGAG DBANG BLO BZANG RGYA MTSO YANG BYON, SKABS SHIG TU LHA MO 'OD ZER CAN MA'I LAS TSOGS LA BRTEN NAS RGYA KHAB RTZER BRGYUS DGRA PHYOGS SU BSTAN PAS DMAG GI DPUNG CHEN POR MTHONG BA DANG, RDZONG LA CHU MED PAR DBYANGS 'CHAR GYI SGO NAS LU MA 'DON PA SOGS NGO MTSAR BA'I MDZAD PA DU MA BSTAN, SNE'U GDONG BA DANG 'PHYONG RGYAS PA GNYIS G-YUL BSHAMS DUS HOR RDO RJE TSEE BRTAN PAS SKU ZHABS SU 'JIGS SKYOB KYI BSRUNG MDUD SOGS ZHUS NAS DMAG NANG DU PHYIN PA G-YUL NYES NAS GROG PHUG GCIG LA BKAR DUS PHYAG PHYI GCIG GI RTA LA MDUNG RING BRGYAB BAS PHA RIR MCHONGS NAS NYES SKYON MA BYUNG SKAD, DE LTAR 'PHYONG RGYAS BA RJE 'DI LA DANG PO THAB STE DGE LUGS PA'I SBYIN BDAG TU GYUR, RANG LO DON DRUG PA LCAGS RTA HOR ZLA DRUG PA'I NYER BZHI LA 'JA' 'OD DANG ME TOG GI CHAR SOGS NGO MTSAR BA'I LTAS DANG BCAS NAS DAG PA'I ZHING DU GSHEGS, GDUNG MER SBYANGS PAS DBU KLAD LA RDO RJE 'JIGS BYED ZHAL PHYAG YONGS RDZOGS BYON PA NANG RTEN BYAS NAS DNGUL GDUNG BZHENGS TE CHOS RJE CHOS GRAGS BZANG PO'I GDUNG GI G-YAS SU BZHUGS SO, ,DUS MCHOD KYANG 'PHYONG RGYAS NAS 'DZIN BZHIN PA YIN NO,, ` ,,RGYAL BA GNYIS PA'I THUGS BCUD GDAMS PA'I SROG ,SNYAN BRGYUD RIN CHEN BYE BA'I MDZOD BZUNG NAS, ,SKU GSUM

, ,DNGOS GRUB 'DOD DGU'I CHAR 'BEBS PA, ,RDO RJE 'CHANG DBANG BRTZON 'GRUS 'PHAGS PAR 'DUD, ,DE NAS BDAG NYID CHEN PO 'DI RIG SNGAGS 'CHANG PA'I RJE BO DKYIL 'KHOR RGYA MTSO'I MNGA' BDAG RGYUD CHEN BRTZON 'GRUS 'PHAGS ZHES BYA BAR SKU'I SKYE BA BZHES TE, DE YANG LHUN PO RTZER 'KHRUNGS, BRTAN MKHAS KYI YON TAN DANG LDAN PA'I MKHAN PO ZHIG LAS RAB TU BYUNG, DBUS SU PHEBS NAS MKHAS GRUB DU MA'I ZHABS PAD SPYI BOR BLANGS TE MDO SNGAGS KYI CHOS TSUL RGYA MTSO LTA BU LA GSAN SBYANGS BYAS PAS MKHAS PA CHEN POR GYUR, DPAL LDAN SMAD RGYUD GRVA TSANG DU PHEBS NAS GRUB PA'I DBANG PHYUG RDO RJE 'CHANG CHOS SKYONG RGYA MTSO LA GSANG SNGAGS THAMS CAD KYI PHYI MO GSANG BA 'DUS PA'I RTZA RGYUD 'GREL PA MTHA' DPYOD MCHAN SOGS DANG BSKYED RDZOGS KYI KHRID CHA LAG DANG BCAS PA LEGS PAR GSAN, RGYUD SMAD KYI BLA MA DBU MDZAD YANG GNANG, DE NAS SRAD RGYUD DU 'DUL NAG SPRUL SKU PAn CHEN BSAM GRUB RGYA MTSO'I DRUNG DU BYON, DBUS NAS KHRID GSAN TSUL SOGS KYI GSUNG GLENG ZHIB PAR MDZAD PAS PAn CHEN THUGS DGYES NAS RGYUD LA PHEBS GSUNGS, DER RGYUD LA BZHUGS TE RDO RJE 'CHANG BKRA SHIS 'PHAGS LA MDO SNGAGS KYI CHOS KHA SHAS GSAN, DE NAS PAn CHEN BSAM 'GRUB RGYA MTSOS KHONG RANG GI RJES LA SRAD RGYUD KYI

KHRIR BSKOS TE, BRTZON 'GRUS 'PHAGS NAS BRTZON 'GRUS BSKYED DGOS PA YOD GSUNGS, GSANG SNGAGS RDO RJE THEG PA'I SNYING PO DBANG KHRID LUNG RJES GNANG SOGS KYI SGO PHYE NAS SKAL BA DANG LDAN PA RNAMS CHIM PAR MDZAD, DE'I TSE 'DRI 'TSAMS KYI NANG BA CHE BA GCIG GI BU STON YON TAN CAN ZHIG YOD PA MA BSKOS PAS KHONG RNAMS KHROS TE, RGYUD PA 'BRI 'TSAMS LA PHEBS DUS KHONG TSOS THAMS CAD LA RDO BRDEG BYAS, RGYUD CHEN GYI RTA LA'ANG RDO BRGYAB PAS, RGYUD CHEN THUGS 'UR NAS DRUG CU PA BSNGOS, KHONG TSOS MTHU ZLOG LA RNYING MA'I SNGAGS PA GCIG BOS TE KHANG PA'I NGOS LA H'Um DANG G-YAG MGO GCIG BZHAG NAS MTHU ZLOG BYAS PAS, RGYUD CHEN GYIS GSAN NAS, KHYOD KYI YI GE H'Um DANG G-YAG MGOS, NGA'I CHOS RGYAL KHOG NAD LTOS ZHES MA THU BSDIGS GNANG, ZLA BA GCIG LAS MA 'GYANG BAR KHONG TSO TSANG MA TSAD RIMS GCIG GIS SHI, RGYUD PA DPON SLOB TSUR PHEBS DUS KHANG PA LAS MI 'DUG SKAD, DE LTAR LOG PAR 'KHU BA'I GDUG PA CAN THAMS CAD TSAR BCAD NAS RGYUD KYI BSHAD NYAN DANG PHRID RNAMS SA DAR RDO DAR DU BTANG, DAR RGYAS CHE BAR BYUNG, 'DI NAS RGYUD PA GNYIS 'BREL GYI BSHAD PA DANG KHRID RGYUN YANG BYUNG BA YIN, RIM GNYIS BRTAN PO DANG LDAN ZHING RGYUD SDE'I GNAD LA MI 'CHUGS PA'I GZER THEBS, CHOS SKYONG BRAN DU BKOL ZHING MTHU STOBS NUS PA'I BDAG POR

, ,GYUR TE SANGS RGYAS KYI BSTAN PA LA BYA BA YANG DAG PAR MDZAD DO, ,ZHING 'DIR MDZAD PA RDZOGS NAS NGO MTSAR BA'I LTAS DU MA DANG BCAS TE DGA' LDAN MKHA' SPYOD DU GSHEGS SO,, ,, ` RDO RJE 'CHANG DBANG THUGS KYI BCUD PHYUNG BA, ,SMIN BYED DBANG DANG GROL BYED RIM GNYIS SOGS, ,ZAB GSANG GDAMS NGAG RGYA MTSO'I PHA ROL SON, ,SNGAGS 'CHANG DKON MCHOG RGYA MTSOR GUS PAS 'DUD, , DE NAS BDAG NYID CHEN PO 'DI RIGS DANG DKYIL 'KHOR KUN GYI BDAG PE DKON MCHOG RGYA MTSO ZHES BYA BAR SKU'I SKYE BA BZHES TE, DE YANG RTA LOR GTZANG DBANG LDAN DU 'KHRUNGS, RAB TU BYUNG NAS GANGS CAN DU CHOS KYI GRAGS PA'I GZHUNG LUGS DRI MA MED PA TSAD MA SNGE BDUN MDO DANG BCAS PA LA LEGS PAR SBYANGS, SRANG RGYUD DU PHEBS, MKHAS SHING GRUB PA'I DBANG PHYUG RJE RDO RJE BZANG PO LA'ANG CHOS KHA YAR GSAN, KHYAD PAR DU RAB 'BYAMS RGYUD SDE'I BANG MDZOD NGES PA DON GYI RDO RJE 'DZIN PA CHEN PO SANGS RGYAS RGYA MTSO BSTEN NAS, BDE MCHOG GSANG 'DUS 'JIGS BYED DUS 'KHOR SOGS KYI DBANG LUNG DANG, GSANG 'DUS RIM LNGA'I DMAR KHRID, BDE MCHOG LO DRIL GYI KHRID GNYIS, 'JIGS BYED RNAL 'BYOR BZHI RIM GYI KHRID, DUS 'KHOR SBYOR DRUG GI KHRID, PHYAG RDOR 'KHOR CHEN GYI KHRID, N'A RO CHOS DRUG GI KHRID, 'PHO KHRID GSER GYI SGO 'BYED DE KHRID CHEN

BRGYAD SOGS LA GSAN SBYANGS PHUL DU PHYIN PA MDZAD, GZHAN YANG 'JIGS BYED KYI 'KHRUL 'KHOR DRUG CU PA LAS BZHI'I SBYIN SREG THUN MONG DANG THUN MONG MA YIN PA KUN DANG BZLOG CHEN BZHI SOGS KYI MAN NGAG LAG LEN DANG BCAS PA RNAMS RGYUD CHEN GYI PHYAG G-YOG ZHUS NAS LEGS PAR BSLAB, DE LTAR YANG DBANG GI RGYAL PO'I PHRENG MDZAS LAS, DANG PO'I SANGS RGYAS RDO RJE 'CHANG BSTEN NAS, ,ZAB DON SNYAN BRGYUD NOR BU BZHIN DKON CHOS, ,MCHOG TU SPEL MDZAD DKYIL 'KHOR RGYA MTSO'I BDAG ,THUB BSTAN SROG SHING 'DZIN LA GSOL BA 'DEBS, ,ZHES GSUNGS SO, ,SKABS 'DIR LA LA DAG THUB BSTAN SROG SHING 'DZIN ZHES PA SROG SHING GSUM ZHES PAR BSGYUR TE 'DON PA NI MA DAG PAS NGAG PA SUN 'BYIN PA YIN PAS DPYOD LDAN RNAMS KYIS YID CHES PA'I GNAS SU MI BZUNG NGO, ,GSANG SNGAGS RDO RJE THEG PA DPYIS PHYIN PAR SHES PA NI RIG GNAS LA RAG LAS PAR DGONGS NAS SGRA SNYAN NGAG RTZIS MNGON BRJOD SOGS LA SBYANGS PAS MKHAS PA CHEN POR GYUR, KHYAD PAR DU RTZIS LA SHIN TU MKHAS PAS LNGA BSDUS KHYAD 'PHAGS SHOG GCIG BKOD, DUS 'KHOR GYI THIG RTZA MKHAS GRUB KYIS MDZAD PA DE SHLO KA GCIG GI NANG DU 'DUS PAR MDZAD PA SOGS NGO MTSAR BA DU MA YOD, RGYUD CHEN GSHEGS RJES SU RGYAL RI KHROD DU PHEBS NAS, THOS PA'I RJES 'JUG SGRUB PA SNYING POR BYED

, ,CES PA'I DON LTAR, LO BCU GNYIS LA GSANG 'DUS KYI BSKYED RDZOGS DANG LAM RIM LA THUN BZHIR BCAD NAS THUGS DAM MDZAD, RTAGS YA MTSAN CAN MANG DU BYUNG YANG BU MA NAD GI BUNG BA LTAR SBED PA KHO NA GNANG, SLOB DPON DKON MCHOG YAR 'PHEL BA'I ZHAL NAS, DE DUS SBAS NAS MI GSUNG YANG, DMA' NA'ANG LAM DUS KYI SKU GSUM MAN CHAD NGES PAR THOB RTAGS MANG DU GSUNG ZHES 'JIGS BYED CHOS 'BYUNG LAS SO, ,SKABS SHIG RGYUD KYI BLA MAR BZHUGS DGOS PA'I NGO SHAR BAS, DE SKABS DBUS GTZANG KHRIMS MED YIN PA DANG, LHAG TU RGYUD PAR MTHO DMAN GANG THAD NAS GNOD PA BYED KYIN 'DUG PAS, RGYUD KYI BLA MAR 'GRO PHYIN SRID GSUM CHAM LA 'BEBS PA'I MTHU STOBS NUS PA'I DBANG PHYUG CIG BYA'O SNYAM DU DGONGS NAS, DER 'JIGS BYED LA ZLA BA BCU GNYIS, MGON PO LA ZLA BA DRUG TU BSNYEN PA MDZAD PAS NUS MTHU'I PHA ROL TU SON, DE NAS RANG LO ZHE BZHI PA'I DUS RGYUD KYI GDAN 'DREN 'ONGS NAS DVAGS PO DANG 'OL KHA SOGS RJE'I SGRUB GNAS RNAMS LA MJAL GYIN PHEBS, LAM DU DVAGS PO RAB 'BYAMS PA DGUNG LO SHIN TU SGRES PA GCIG 'DUG PA DE'I NANG DU ZHAG BZHUGS BYAS, DPON SLOB PHAN TSUN MDO SNGAGS LA GLENG MO MDZAD PAS RAB 'BYAMS PA KHO SHIN TU DAD PAR GYUR NAS PHEBS KHAR RGYUD CHEN LA KHYED GSANG SNGAGS KYI

BDAG PO ZHIG 'DUG KYANG DANG NA SO RGAS PAS MI LCOGS SKYE BA PHYI MAR KHYED KYI GDUL BYAR 'GYUR BA CIG BYA ZHUS NAS RGYUD CHEN GYI PAD DU DBU BZHAG STE GSHEGS PAR BSNGO SMON MDZAD, DE NAS SRAD RGYUD KYI KHRIR BZHUGS TE GSANG SNGAGS KYI CHOS 'KHOR BSKOR, DE KA'I SNGON DU CHOS RJE BYAMS PA RGYA MTSO'I GCUNG BOS RGYUD PA'I CHAS KA THAMS CAD 'PHROG NAS DA DUNG YANG GNOD PA BYED PA'I KHAS LEN BYED 'DUG PAR, GRVA PA RNAMS KYIS 'DI GSON PHYIN GRVA TSANG SDOD THABS MI 'DUG ZER BAS, RGYUD CHEN RIN PO CHE SDE SRID GTZANG BA'I DRUNG DU BYON, PHRAN BUR RGYUD KYI BLA MAR DGOS TSUL BYUNG YANG GRVA TSANG GI THEBS MI 'DUG PAS DKA' BAR SNANG ZHUS PAS, KHYED LA RGYUD PA SNGAGS RAM PA ZHES GRAGS CHE BAR GDA' BAS CHOS LA MI SDUG PA ZHIG YONG 'GRO, 'JIG RTEN PHYOGS NAS DGOS CHAS BYUNG NA NGED LA 'PHROS GYIS DANG MTHUN RKYEN SBYOR ZHES BKA' MCHID LEGS PO GNANG, TSUR PHEBS NAS MGON PO'I GTOR CHEN GYI SGO NAS LAS SBYOR MDZAD PAS ZLA BAR MA 'GYAD PAR BYAMS RGYAM PA'I GCUNG PO BSTAN PA SHIG DE SHUL MED DU BTANG, CHOS RJE BYAMS PA RGYA MTSOR THUGS SKYON MED DGONGS KYANG KHONG GI PHUGS MI BZANG BA'I STABS MA 'GOR BAR GSHEGS, DE NAS SDE SRID LA GRVA TSANG GI CHA RKYEN ZHUS PAS DBANG LDAN GYI DUNG NYI SHU SA CHA DANG BCAS PA GNANG, LAN CIG SNGAR GYI DVAGS PO RAB 'BYAMS DE KHONG RANG GI ZHAL

, ,BZHES LTAR 'KHRUNGS AE YOD DGONGS NAS THUGS DAM BRTAGS PAS MNAL LAM DU, RAB 'BYAMS PA DE DVAGS PO NAS TSUR SRAD DGA' LDAN GYI NGOS SU 'ONGS NAS DBANG LDAN GYI CHU MIG KHAR DO MAR BZHES TE CHA BA GTOR GCIG GNANG, DE NAS GAR 'GRO DGONGS TZA NA GNAS BUM GYI MO YAN MA GCIG GI NANG DU BYON SONG BA SHAR GSUNG, PHYIS KYANG DE KHO NA LTAR BYUNG STE 'OG TU 'CHAD DO, ,RGYUD PA GNAS BUM LA PHEBS SKABS MO YAN MA DE JA 'DREN BYUNG BAR BSRUNG MDUD DANG BUM CHU SOGS GNANG NAS RE ZHIG BRTAG PA LTAR MDZAD, SKABS SHIG RGYUD CHEN GRVA DPON SLOB 'BRI 'TSAMS LA PHEBS, DE DUS 'BRI 'TSAMS KYI SBYIN BDAG DE LA SDE PA LCANG RA BAS 'PHROG BCOM GLENG 'GEL SOGS GNOD PA MANG DU BSKYAL 'DUG PAR SBYIN BDAG GIS ZHUS NAS, DPON SLOB 'KHOR BCAS KYIS MGON PO'I GTOR CHEN BTZUGS, GTOR MA 'PHEN DUS KHYI DKAR PO ZHIG MDUN DU BRGYUG 'ONG NAS 'PHEN SAR 'GYEL BA GZIGS PAS DE'I MGO LA GTAD DE GTOR MA 'PHANGS, LCANG RA RGYAL BO MA 'GYANG PAR GSHEGS, KHYI DKAR PO DE LCANG RA BA'I PHO LHA YIN GSUNG, LAN CIG JO NANG SPRUL SKU T'A RA N'A THA RGYUD PAR THUGS MNYES PO YOD PAS MJAL BAR PHEBS PAS, DRUNG NA AA TZA RA'I PAndI TA GCIG KYANG 'DUG, RGYUD CHEN GYI THUGS DGONGS LA KUN MKHYEN JO MO

NANG PA 'DI ZLA GRAGS LA MI DGYES 'DUG STABS SPRUL SKU 'DIS SGRON GSAL MA GZIGS SAM SNYAM NAS, KHONG GIS MKHYEN PA YIN NAM JI LTAR YANG SGRON GSAL GYI GZHUNG SO SOR DRI BA MANG DU MDZAD, MDUN NGOS SU ZLA GRAGS KYI SKU ZHIG KYANG BKRAM 'DUG, KHONG RNAM GNYIS KYI GSUNG 'PHROS AA TZA RA LA RGYA SKAD KYIS MOL PAS, PAndI TA DE BZHENGS NAS RGYUD CHEN LA PHYAG MDZAD, RGYUD CHEN GYIS DE 'DRA MI RUNG GSUNGS KYANG SPRUL PA'I SKUS CHOG GSUNGS NAS PHYAG DBANG BZHAG, GZHAN YANG DRUG CU PA SOGS LA GSUNG GLENG ZHIB PAR MDZAD, DE NAS RGYUD CHEN GYI THUGS LA ZLA GRAGS KYI SKU PHYAG RIS MA 'DI BDAG LA GNANG BYUNG NA SNYAM DU DGONGS KYANG ZHU MA NUS, DER SPRUL BA'I SKUS MKHYEN NAS KHYOD ZLA BA LA DAD PAR 'DUG PAS, NGED KYIS BRIS PA'I THAD KA 'DI KHYED LA BYIN PA YIN GSUNGS, PHYAG GIS PAn ZHVA SER POR BSGYUR NAS GNANG BYUNG BAS DGA' SPRO DPAG MED SKYES TE PHYAG PHUL; PHEBS KHAR SPRUL PA'I SKU'I ZHAL NAS RGYUD KYI 'CHAD NYAN SNGAR LUGS LTAR GANG LEGS LEGS MDZOD GSUNGS, ZHAL TA GNANG, MAR LAM RJE 'GOS KYI SGRUB KHANG SGYU LUS PHUG PAR MJAL, 'GOS KYI THUGS DAM RTEN BSIL BA TSAL GYI RDO NAG LAS GRUB PA'I SKU DE GANG DU YOD CES DKON GNYER LA DRIS PAS DE 'DRA MA SHES ZER, SGRUB KHANG GI PHUG KUN TU BTZAL BAS KHUNG BU ZHIG GI KHA SAS BKAB 'DUG PA BRUS PA'I NANG NAS MGON

, ,PO'I SKU ZHIG RNYED, DE SKU 'BAG TU BCUG NAS SMON LAM MANG DU BTAB, SGOR BSNAMS YONG NAS GZIGS PA NA SNGAR BTZAL BA'I SKU DE YIN 'DUG PAR RJE 'GOS KYI BKA' DRIN DANG MGON PO'I BYIN RLABS YIN SNYAM DAD GUS TSAD MED 'KHRUNGS, RGYUD KYI KHRIR PHEBS NAS LO LNGA SONG BA'I SKABS SHIG DBON PO LA CHIBS PA LONG DANG, SANG GNAS BUM LA 'GRO DGOS, MGRON PO DREGS PA CAN ZHIG YONG BAR YOD GSUNG, 'BROG NAS CHIBS DREL RNAMS BLANGS TE PHYI NYIN GNAS BUM LA PHEBS PAS, DBON POS GZHI GNYER LA 'GRUL BA'I SKAD CHA YOD DAM DRIS PAS MED ZER, KHO TSIG NAS DE RING DE 'DRA'I 'GROS LOG BYAS NAS CI BYED, 'DI NA 'GRUL BA'I SKAD CHA YANG MI SNANG ZHES YUS BDAS, DE'I SANG ZHOG RGYUD CHEN GYI ZHAL NAS, KHA SANG MA YONG BA'I MI CHEN DE RING YONG BAR YOD PAS SU BYUNG YANG MA 'GOG PAR THONGS GSUNG, NYI MA DROS TZA NA SNGAR GYI MO YAN DES DVAGS PO RAB 'BYAMS PA'I SKU SKYES DGUNG LO BRGYAD PA DE KHRID 'ONGS NAS RAB TU 'BYUNG DGOS ZHUS PAS, RAB BYUNG DANG DGE TSUL BSGRUBS MTSAN DKON MCHOG YAR 'PHEL DU BTAGS, SKU 'KHOR RNAMS LA SNGAR BSHAD PA'I MI CHEN DE 'DI YIN GSUNGS NAS DGYES DGYES MDZAD, ZHAL BKOD GNANG NAS KLOG DANG SLOB GNYER LA SBYANGS BCUG PAS MDO SNGAGS YONGS SU RDZOGS PA'I MKHAS

PA CHEN NGOR GYUR TE PHYIS SRAD RGYUD KYI KHRIR PHEBS PA RGYUD CHEN DKON MCHOG YAR 'PHEL ZHES GRAGS PA DON LDAN GYI RDO RJE 'CHANG DE NYID YIN NO, ,DE LTAR RGYUD KYI KHRI LO BCU DRUG TZAM MDZAD NAS MDO SNGAGS KYI BSTAN PA YAR ZLA LTAR 'PHEL BAR BYAS, RGYUD KYI KHRI BZHAG NAS GNAS BUM DU RI KHROD MDZAD, DER BZHUGS RING LA GSOL DBON MGRON GNYER JA MA KUN RDO RJE 'CHANG DKON MCHOG YAR 'PHEL BAS MDZAD NAS ZHABS TOG PHUN SUM TSOGS PA BSGRUBS PAS DGYES NAS KHYOD NGA'I PANG LA MGO SNGAS NAS SHI BA DE YIN AANG ZHES YANG YANG GSUNGS, DE SKABS PHYOGS PHYOGS NAS KHRID GSAN MKHAN GYI MKHAS PA MANG PO PHEBS PAR NYAMS KHRID SMIN RGYAS SU STZAL NAS SGOM DU BCUG PAS BSKYED RIM PHRA RAGS LA BRTAN PA THOB PA MANG DU BYUNG, GZHAN YANG SKYE BO KUN GYIS BKUR STI CHEN PO BYAS PAS DBANG LDAN GYI BON PO KHU MTSAN LNGA PHRAG DOG SKYES NAS RGYUD CHEN LA MTHU BYAS, RDO RJE LEGS PA'I LHA THO'I RTZAR MNAN PA BRGYAB, DE 'GA' ZHIG GIS THOS NAS RGYUD CHEN LA ZHUS PAS, DRUG CU PA'I SGO NAS MNAN GSAD BYED TSUL GYI MAN NGAG DKA' CHEN SENG GE SOGS LA GNANG NAS BZLOG GSAD KYI MNAN PA MDZAD, DE DUS YUL DE'I SER BA BSRUNG MKHAN YIN PAS, GNAM NGO BYUNG TZA NA RGYUD CHEN DPON SLOB LHA THO'I RTZAR PHEBS NAS 'GOG PAR MDZAD, DKA' CHEN SENG GES BON PO 'DI TSO LA

, ,GA 'DRA 'BYUNG NGAM ZHUS PAS, ZHAL NAS, KHONG TSO RUL TSAR 'DUG RDO RJE LEGS PA 'DI YANG DGA' MO RED GTAD MA BLANGS PAS PHAS KYI NUS PAS LHA THO GAS GSUNG, ZLA BA PHYED MA LON PAR BU CHUNG GCIG MA GTOGS BON DAN KHU MTSAN LNGA GA RIMS GCIG GIS GLO BUR DU RJES MED DU BTANG, BU CHUNG DE MAS KHRID 'ONGS NAS RTA NOR SNAM RAS SOGS PHUL NAS 'DI KHYED KYI SKYABS 'OG LA 'DZIN DGOS ZHES GSOL BA BTAB PAS, AA TZA MA SNYING RE RJE GSUNGS NAS, BSRUNG MDUD RJES GNANG SOGS STZAL NAS RJES SU BZUNG, DE'I RGYUD PA DA LTAR YANG YOD CES GRAGS, DE DUS SLOB MA NYAMS RTOGS 'BUL MKHAN MANG DU BYUNG BAR, LHUN PO RTZE'I DKA' CHEN DANG, 'BRONG RTZE RAB 'BYAMS PA SOGS MANG POS LHA'I NGA RGYAL DANG GSAL SNANG KHYAD PAR CAN ZHUS PAS, LEGS PO BYUNG 'DUG GSUNG, RDO RJE 'CHANG DKON MCHOG YAR 'PHEL BAS BDAG PHYUG G-YOG SOGS KYI STABS NYIN MO MA KHOM, MTSAN MO RGYA MTHONGS KHAR BSDAD NAS BSGOMS PAS NGA RGYAL GSAL SNANG RJES THOB TU'ANG 'CHAR GIN 'DUG, PHRA MO'I RNAL 'BYOR GYI PHYAG MTSAN 'GRO 'DUG GANG GI TSE YANG SNA RTZER YONG BA MIG LAM DU 'CHAR BA BSDUS KYANG DE MA THAG YANG RE RE 'BYUNG ZHUS PAS, RGYUD CHEN GYI ZHAL NAS, NGAS RDO RJE 'CHANG SANGS RGYAS RGYA MTSO'I PHYAG G-YOG

THUGS ZIN NGES SHIG BSGRUBS PAS, DKON RGYAM PA KHYOD LA 'PHRIN LAS CHEN PO 'ONG, SLOB MA YANG SNGAGS KYI LAM ZIN NGES DU MA 'BYUNG, KHYAD PAR DU GSANG 'DUS LA RTZAL THON PA'I SLOB MA MCHOG GCIG 'ONG GSUNGS PA DE KHYOD YIN PA 'DRA, PHRA MO BRTAN PA'I TSANG LA SLEB 'DUG GSUNGS DGYES PA'I RANG BZHIN KHO NA MDZAD, RANG LO BDUN CU PA SA PHO 'BRUG GI LOR DA LO NGA'I TSE TSAD YIN GSUNG ZHING BSNYUNG NAS ZHAG BDUN SONG BA DANG YE SHES GONG 'PHO MDZAD NAS NGO MTSAR BA'I LTAS SA G-YO BA ME TOG GI CHAR 'BAB PA SOGS DANG BCAS TE MKHA' SPYOD DU GSHEGS, SLOB MA YANG RGYUD CHEN DKON MCHOG YAR 'PHEL, LHUN PO RTZE'I DKA' CHEN SENG GE, BDE 'BYOR PA DGE 'DUN RGYAL PO, GNAS RNYING CHOS RJE, LHUN RTZE RAB 'BYAMS PA BZOD PA SENG GE SOGS SLOB MA MKHAS SHING RIM GNYIS KYI RNAL 'BYOR LHUR LEN PA MANG POS MDO DBUS GTZANG GSUM DU BSKYED RDZOGS NYAMS SU LEN PA'I SGRUB PA POS BKANG STE DGA' SLDAN SNYAN BRGYUD KYI RGYAL MTSAN LEGS PAR BTZUGS PA YIN NO, ,DE LTAR NA RJE RANG NYID KYIS GDUL BYA KHYAD PAR DU 'PHAGS PA 'GA' ZHIG GI NGOR ZHAL GYIS 'CHES PA'I SKU TSE SNGA MA RNAMS KYI RNAM PAR THAR PA RANG BZO DANG SGRO SKUR SPANGS TE TSAD LDAN GYI DEB THIR KHUNGS MA LAS 'BYUNG BA JI LTA BA BZHIN DU BKOD PA YIN PAS TSAD MA'I GNAS SU ZUNGS SHIG, SMRAS PA,

, ,'JAM DPAL SGYU 'PHRUL MNGAL LAS 'ONGS PA'I KHAMS, ,THUGS BSKYED GANGG'A'I LHO BAR BSKYED BSRINGS PA, ,SKAL BZANG GDUL BYA'I MA MAR RJES CHAGS PAS, ,MKHAS MANG GDONG BA DRUG PA'I ROL GAR 'DZIN, ,RAB 'BYAMS ZHING DU MTHA' YAS GZUGS BZUNG NAS, ,SNA TSOGS SKAD KYIS GRANGS MED GDUL BYA LA, ,RANG RANG MOS PA'I SNOD DANG 'TSAM PA YI, ,BGRANG YAS CHOS TSUL RGYA MTSO STON PAS TSIM, ,KHYAD PAR 'PHAGS PA'I YUL DANG GANGS LJONGS 'DIR, ,MKHAS GRUB NYIN BYED DU MA'I RNAM ROL TE, ,RGYAL BA DGYES PA'I LAM BZANG YONGS RDZOGS PA, ,RTAG TU NYAMS PA MED PA'I BKA' DRIN MDZAD, ,BLO GROS TZANDAN LJON PA'I YAL 'DAB LAS, ,ZAG PA'I LEGS BSHAD GA BUR BDUD RTZI'I RGYUN, ,GANG GI SNYING LA REG PA TZAM GYIS KYANG, ,BDAG 'DZIN RMONGS PA'I TSA GDUNG DRUNGS NAS 'BYIN, ,DBYANGS CAN ZHAL GYI PADMO DGOD PA'I DBUS, ,RO 'DZIN BUNG BA'I 'DU 'GOD STONG SPROS NAS, ,DAR DIR DBYANGS KYIS BRJOD KYANG 'DZAD MIN PA'I, ,MTHU CHEN RNAMS KYI NGANG TSUL AE MA HO, , ZHES BYA BA NI BAR SKABS KYI TSIGS SU BCAD PA'O,, ,,SARBA MANGGA LAm,, ,,,

[BLANK PAGE]