*, ,KUN MKHYEN CHEN PO 'JAM DBYANGS BZHAD PA'I RDO RJE'I GSUNG 'BUM THOR BU LAS CHU GTOR DNGOS GRUB KUN 'BYUNG ZHES BYA BA BZHUGS SO, , @001 #, ,BLA MA DANG YI DAM SANGS RGYAS BYANG SEMS THAMS CAD LA PHYAG 'TSAL ZHING SKYABS SU MCHI'O, ,DUS THAMS CAD DU RJES SU BZUNG DU GSOL, JO BO DANG 'GRO BZANG LUGS KYI CHU GTOR GTONG BAR 'DOD PAS, TING SHAG CHU BUM SOGS STA GON BYAS, GTOR STEGS LA GSER SOGS RIN PO CHE'I SNOD BZANG PO DBYIBS PHRA RGYAN GYIS SPRAS PA SOGS SAM, GSER DA DUL ZANGS DANG GAN DANG MKHAR BA DANG DUNG DANG SHING DANG RDZA SOGS KYI SDOD GAS BA DANG CHAG PA DANG ZHOM PA DANG BUG RDOL MED PA CI 'BYOR PA'I NANG DU CHU GTZANG MA SROG CHAGS MED PAS KHENG BAR BKANG BA'I NANG DU PHYE DANG RIN PO CHE LNGA DANG SMAN DANG 'BRU SOGS BYUNG NA LHAG PAR BZANG LA, YANG NA CHAN THUG GAM 'KHUR BA'AM PHYE 'AM ZAN SOGS KHA ZAS MA SMAS MA SPAGS PA SOGS BLUGS LA, PHYOGS BCU DUS GSUM GYI DPAL LDAN BLA MA DAM PA RNAMS LA SKABS SU MCHI'O,,
, ,SANGS RGYAS X CHOS LA X DGE 'DUN X GSUM SOGS BRJOD, DKON MCHOG GSUM LA X 'GRUB PAR SHOG ,LAN GSUM BYA, 'GRO BZANG CHU GTOR LAS, SKYABS 'GRO SEMS BSKYED BYAS, BDAG PHYAG NA RDO RJER WAL GYIS BSGOMS LA LUS NGAG YID GSUM BYIN GYIS BRLABS ZHES GSUNGS PA LTAR RAM, JO PO LHA CIG GI CHU GTOR LAS KYANG, RANG DANG POR SGRUB THABS LAS BYUNG BA'I LHA'I RNAL 'BYOR DU BYAS LA, LUS DANG NGAG DANG YID GSUM BYIN GYIS BRLABS PAR BYA'O, ,ZHES DANG, RGYAL SDES KYANG DANG POR BDAG GI LUS BSRUNG ZHING LHA'I PHYAG RGYA CHEN PO DRAN PA BSKYED CES GSUNGS PAS LHA GANG RUNG DU SKAD CIG KRONG BSKYED, SGO GSUM BRLABS BA 'AM, YANG NA, AOm SVA BHA WA X SHUDDHO NYHAm, STONG PAR GYUR, STONG PA'I NGANG LAS PAD DKAR ZLA BA'I STENG DU RANG GI SEMS HR'I: DKAR PO LAS 'OD 'PHROS, DON
GNYIS BYAS 'DUS YONGS SU GYUR PA LAS RANG NYID 'PHAGS PA SPYAN RAS GZIGS SKU MDOG DKAR PO ZHAL GCIG PHYAG BZHI PA, DANG PO GNYIS THUGS KAR THAL MO SBYAR BA, G-YAS 'OG MAS SHEL PHRENG DANG, G-YON 'OG MAS PADMA 'DZIN PA MTSAN DPE'I 'OD 'BAR ZHING RIN PO CHE'I RGYAN DANG DAR GYI NA BZA' KLU BAS PA ZHABS RDO RJE'I SKYIL KRUNG GIS BZHUGS PA'I SPYI BOR AOm, MGRIN PAR A'A: THUGS KAR HR'I: H'Um GIS MTSAN PA, DE LAS 'OD ZER 'PHROS, PO TA LA NAS YE SHES PA DANG DBANG GI LHA RNAMS SPYAN DRANGS, DZA: H'Um PAm HO: RANG DANG GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, MCHOD PA RNAMS, AA MRi TAS BSANGS, SVA BHA WAS SBYANGS, STONG PA'I DANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm LAS MCHOD RDZAS RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARBHAm A'A: H'Um, NAS, SHAPTA A'A: H'Um GIS BYIN GYIS BRLABS, GTOR MA RNAMS AA MRi TAS BSANGS, DE NAS 'GRO BZANG GI CHU GTOR LTAR, AOm SVA BHA WA SHUDDHA SARBA DHARMA SVA BHA WA SHUDDHO NYRHAm, ZHES BRJOD PAS, CHU GTOR SNOD BCAS STONG PAR GYUR PAR BSAM, STONG PA'I DANG LAS BH'Um SER PO NGANG LAS BHRUm SER PO LAS GTER MA'I SNOD RIN PO CHE'I KHANG BU BRTZEGS PA RI'I RGYAL PO RI RAB KYI TSAD DANG MNYAM PAR GYUR PAR BSAM, SNOD CHE BA DE DAG GI NANG DU YI GE PAm LJANG KHU LAS BDUD RTZI'I RANG BZHIN SMAN SNA TSOGS LAS GRUB PA'I DPAG BSAM LJON SHING DANG RIN PO CHE LAS GRUB PA'I
, ,GTER GYI BUM PA DANG DAR LA SOGS PA GOS SNA TSOGS PA 'BYUNG BA YAL GA DANG LO MA PHUN SUM TSOGS PA 'DOD DGU 'BYUNG BA'I RANG BZHIN DU GYUR PA LA SKU GSUM YE SHES LNGA'I RANG BZHIN GYI AOm A'A: H'Um HA HO HR'I: DAG LAS 'OD ZER 'PHROS PAS PHYOGS BCU'I BDE BAR GSHEGS PA THAMS CAD KYI THUGS DAM BSKUL NAS, DE DAG GI THUGS KA NAS YE SHES KYI BDUD RTZI MDOG 'O MA'I RGYA MTSO LTA BU'I RGYUN BYUNG BA DANG 'DRES PAS KHA DOG DRI RA NUS PA PHUN SUM TSOGS PAR GYUR, AOm NA MA: SARBA NAS SAm BHA RA H'Um, ZHES PAS, YE SHES KYI GTOR MA DGUGS PAR JO BOS GSUNGS, MTSAMS KYI DUS LTA BUR MGRON SPYAN MI 'DREN PAR MCHOD SBYIN LUGS LTAR BYED PA SNAR THAD BRGYA RTZA LTAR YANG ZUNG, SKABS 'DIR MGRON SPYAN 'DREN PA 'GRO BZANG DANG NGO BO SLOB DPON MI BSKYED PA DANG, GTOR MA'I LAS RIM RNAMS LAS BSHAD PAS, SPRO NA, BLA MA YI DAM DKON MCHOG SRI ZHU'I MGRON, ,MGON PO YON TAN RIGS DRUG SNYING RJE'I MGRON, ,GDON BGEGS LAN CHAGS MGRON RNAMS 'DIR BYON BZHUGS, ,PADMA KA MA LA YE STVAm, ZHES PA NGAM BSDUS NA, RANG GI THUGS KA'I SA BON LAS 'OD ZER 'PHROS BAS NAM MKHA'I KHAMS SU HR'I: LAS PADMA DPAG TU MED PAR BSAM STE, DE'I STENG DU YI DAM LHA TSOGS DANG CHOS SKYONG THAMS CAD DANG 'GRO DRUG THAMS CAD BYON NAS BZHUGS BAR GYUR PAR BSAM, 'GRO BA RNAMS LA 'OD ZER PHOG PAS RIGS DRUG SOGS KYI SDIG SGRIB DAG NAS YI DAM LHAR GYUR PAR BSAMS LA, BDUN RNAM DAG BYED PAR 'GRO BZANG GIS GSUNGS PAS, PHYAG BYAR 'OS PA THAMS
CAD LA, ,ZHING RDUL KUN GYI GANGS SNYED KYI, ,LUS BTUD PA YI RNAM KUN TU, ,MCHOG TU DAD PAS BSTOD PAR BGYI, ,AOm A'A: GU RU BADZRA SARBA BUDDHA BO DHI SATVA SA PA RI W'A RA BADZRA AARGHAm PRA T'I TZTSA H'Um SV'A H'A, NAS, SHAPTA PRA T'I TZTSA H'Um SV'H'A, DNGOS BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA YI RANGS BGYI, ,'KHOR BA MA STONGS BAR DU LEGS BZHUGS LA, ,'GRO LA CHOS KYI 'KHOR LO BSKOR DU GSOL, ,BAR GA GNAD DGE RNAMS BYANG CHUB CHEN POR BSNGO, ,AOm A'A: H'Um, LAN GSUM DANG, RDO RJE THAL MO KHONG STONG DU SBYAR LA SOR MO RNAMS NANG DU BSNOL TE MTHE BONG GNYIS GNYIS PA BKYANGS LA, LAN BDUN BRJOD PAS KHAS DRAG ZHAN MED PAR THOB PAR BSAM MO, ,YANG 'PHAGS PA RNAMS LA GZHAL MED DBANG SOGS MCHOD SPRIN MANG BO SPRUL NAS MCHOD PA DANG SEMS CAN THAMS CAD KYI DBANG PO'I SPYOD YUL DU JI LTAR 'DOD YON LNGA CHAR BZHIN DU 'BYUNG BAR BSAM ZHING, KHYAD PAR DU YI DVAGS KYI RNAM PA MANG PO DANG SEMS CAN THAMS CAD RDZOGS PAR BSAM LA, AOm RU RU SPHU RU DZVA LA TIshthA SIDDHA LO CI NI SARBA AARTHA SADHA NI SV'A H'A, 'GRO BZANG GIS SNGAGS GNYIS PO 'DI LAN BDUN BRJOD, CES DANG, JO BOS KYANG SNGAGS 'DI GNYIS LAN BDUN BDUN BZLAS LA BTAB BO, ,ZHES GSUNGS PAS 'DI'ANG LAN BDUN BRJOD, DE NI ZANG ZING GI SBYIN PA'O, ,CHOS SBYIN NI, SKAR MA RAB RIB MAR ME DANG, ,SGYU MA ZIL BA CHU BUR DANG, ,RMI LAM GLOG DANG SPRIN LTA BU, ,'DU BYAS CHOS RNAMS DE LTAR BLTA, ,CHOS RNAMS THAMS CAD RGYU LAS BYUNG, ,NAS, DGE SBYONG CHEN POS 'DI SKAD GSUNGS, ,SDIG PA CI YANG MI
, ,BYA ZHING, ,DGE BA PHUN SUM TSOGS PAR SBYAD, ,RANG GI SEMS NI YONGS SU 'DUL, ,'DI NI SANGS RGYAS BSTAN PA YIN, ,DE NAS SMON LAM NI, DGE BA 'DI YIS SKYE BO KUN, ,BSOD NAMS YE SHES TSOGS BSAGS TE, ,BSOD NAMS YE SHES LAS BYUNG BA'I, ,DAM PA GNYIS NI THOB PAR SHOG, ,CES PA'O, ,DE NAS NGO BO DANG 'GRO BZANG GNYIS KAS BDEN PA BDAR GSUNGS PAS, SANGS RGYAS DANG BYANG CHUB SEMS DPA' THAMS CAD KYI MTHU DANG, CHOS KYI DBYINGS RNAM PAR DAG PA'I BYIN RLABS KYI MTHU DANG, BDAG GI BSAM PA RNAM PAR DAG PA'I STOBS KYIS 'PHAGS PA THAMS CAD KYI PHO DRANG SEMS CAN THAMS CAD KYI GNAS DANG, SEMS CAN THAMS CAD KYI RGYUD LAS CHOS DANG ZANG ZING GI LONGS SPYOD DPAG TU MED PA DANG, BSAM GYIS MI KHYAB BA BRJOD KYIS MI LANGS BA 'BYUNG ZHING RGYAS BAR GYUR CIG, SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, GSANG SNGAGS DANG RIG SNGAGS DANG PHYAG RGYA DANG, TING NGE 'DZIN DANG, BDAG GI BSAM BA RNAM PAR DAG BA'I STOBS KYIS SEMS CAN THAMS CAD KYI NAD GDON THAMS CAD ZHI NAS, BAR CHAD DANG GNOD PA THAMS CAD SPANGS TE BYAMS PA'I SEMS DANG LDAN PAR GYUR CIG ,DE NAS YIG BRGYA 'AM, AOm BADZRA SA TVA H'Um, ZHES BAS NONGS PA BZOD PAR GSOL TE, AOm BADZRA MU: ZHES SE GOL GTOGS PAS SO SOR RANG RANG GI GNAS SU GSHEGS PAR BAS MKHAN YON, NGO BOS RKYEN DANG BAR CHAD THAMS CAD BZLOG PA YON TAN THAMS CAD NYE BAR SDUD PAR BYED PA ZHES GSUNGS SO, ,GRUB DBANG 'GRO BZANG DANG, JO BO LHA CIG LUGS KYI CHU GTOR DNGOS GRUB KUN 'BYUNG ZHES BA SH'AKYA'I DGE SLONG MANG THOS
'JAM DBYANGS BZHAD PA'I RDO RJES BRIS PA THAMS CAD LA DGE BAR GYUR CIG, ,,MANGGA LAm,, ,,