*, ,KUN MKHYEN 'JAM DBYANGS BZHAD PA'I RDO RJE'I GSUNG 'BUM THOR BU KHRIG CHAGS SU BSDEBS PA LAS ZHAL GDAMS MGUR MA'I SKOR BZHUGS SO, , @001 #, ,NA MO GU RU MANYDZU GHO sh'A YA, STON PA MNYAM MED SH'AKYA'I RGYAL PO DANG, ,BYAMS DANG 'JAM DBYANGS JO BO YAB SRAS DANG, ,RGYAL BA GNYIS PA RGYAL BA'I DBANG PO SOGS, BLA MA MCHOG GSUM LHA YIS DUS KUN SKYONGS, ,DGE LEGS RTZA BA MCHOG GSUM NGO BO DANG, ,YON TAN BSTAN GZHI BSTAN 'GRO'I SROG YIN PHYIR, ,YONGS RDZOGS BSHES GNYEN TSUL BZHIN BSTEN PA DANG, ,BLA MA'I RNAL 'BYOR 'BRAL MED SNYING LTAR SKYONGS, ,DAL 'BYOR RNYED DKA' DON CHE THOB DUS 'DIR, ,KHE CHUNG NYEN CHE CHOS BRGYAD MTHO SNYEGS SOGS, ,TSE 'DI'I BDUN MA SPANGS TE RANG GZHAN GYI, ,DAM CHOS SNYING PO CHIG DRIL BYED DUS YIN, ,MI DGE'I 'BRAS BU NGAN SONG 'JIGS BSAM LA, ,DKON COG YON TAN DRAN PA'I SKYABS 'GRO DANG, ,LAS 'BRAS BSLUB
, ,MED TSUL YANG YANG DU, ,LEGS BSAM 'DI SNANG CHAGS ZHEN GCOD PA GCES, ,TSE 'DI'I SNANG BA LOG PAR MA GYUR PHYIN, ,BYA BA GANG BYAS DGE BAR MI 'GRO BAS, ,MTHO SNYEGS MI BYA 'DI LA NAN TAN SGOMS, ,RIGS DRUG BZANG NGAN MTHO DMAN GAR GNAS KYANG, ,BTZON KHANG BZANG NGAN MTHO DMAN JI BZHIN DU, ,YANG YANG BSAM LA SRID PA RGYU DANG BCAS, ,BZLOG THABS BDEN BZHI'I LAM LA YANG YANG DRIL, ,'KHOR BA'I SNANG TSUL SDUG BSNGAL MA SHES PAR, ,RNAM DAK NGES 'BYUNG SKYE PA MI SRID PAS, ,KHAMS GSUM GAR SKYES BSHAN PA'I BSHA' LUG BZHIN, LAS NYON GNYIS KYIS YANG YANG 'CHI TSUL BSAM, ,TSUL DE SHES KYANG 'CHIS BYED KUN 'BYUNG GI ,RTZA BA BDAG 'DZIN PHRA MO MA BCOM PAR, ,THOS BSAM SGOM PA DKA' SPYAD TSUL SOGS KYIS, ,MI
GROL DE PHYIR ZAB LAM BDAG MED BTZAL, ,NAM ZHIG ZAB MO'I LTA DE RNYED PA'I TSE, ,THAG KHRAR SBRUL BZHIN PHUNG PO BDAG MED PAR, ,RTOGS PAS DA LTA'I 'DI BZHIN CHOS BRGYAD KYIS, ,MI 'KHYER RTAG TU DU BZHIN TSOL BAR RIGS, , BDAG MED RTOGS KYANG BYANG CHUB SEMS BRAL NA, ,TSOGS GNYIS RGYA CHEN YUN RING SPYAD BYAS KYANG, ,ZHI BA'I RGUD LAS MI GROL RANG DON GYI, ,GCES 'DZIN BCAD NAS GZHAN DON PHAN YON BSAM, ,'GRO RNAMS PHA MAR GYUR DANG SDUG BSNGAL TSUL, , RMONGS PAS BSGRIBS DANG SKYON GYIS MNAR BA'I TSUL, ,YANG YANG BSAMS NAS SNYING RJE'I RTZA BA TSUGS, ,SEMS BSKYED CES PA'I MING LA MA 'KHRUL PAR, ,DGE BA GANG BYAS NGES PAR GZHAN DON DU, ,BYED DAM MI BYED RANG LA LEGS LTOS LA, ,'GRO MTHONG TZAM GYIS SEMS BSKYED DRAN NUS MDZOD, ,DE LTA'I BDAG MED LTA DANG BYANG CHUB SEMS, ,MED PAR LHA BSGOMS SNGAGS BZLAS TSUL KHRIMS SOGS, ,BDAG 'DZIN BSGOMS PA LA 'GRO MU STEGS KYIS, ,BDAG 'DZIN NGANG NAS LTA BSGOMS SNGAGS SOGS BZHIN, ,MI GROL LAM 'DI GNYIS LA NAN TAN SKYED, ,SEMS DE BSKYED KYANG PHYIN DRUG SPYOD PA LA, ,BSGRUB PA MED NA SEMS BZANG TZAM YIN PAS, ,PHYIN DRUG SPYOD DANG GZHAN DON BSGRUB PA'I CHED, ,TSOGS BSAGS SMON LAM SGO BRGYA 'BYED PAR BYA, ,SNOD RUNG THABS MCHOG 'JUG SGO DBANG LA ZHUGS, ,DNGOS GRUB RTZA BA DAM TSIG SDOM PA 'DI, ,BSRUNG NA RGYAL BA SRAS BCAS BYIN RLOBS SHING, ,MKHA' 'GROS BKA' BZHIN SGRUB PHYIR SNGAGS LAM MYUR, ,DES PAR SNYIGS DUS
, ,TSE GCIG RDZOGS SANGS RGYAS, ,STER BYED RIM GNYIS GO RIM GRANGS NGES LA, ,TSIG SBYIR MA 'JOG YID NGOR 'PHROD NGES LA, ,BSGOM PA'I RNAL 'BYOR AA TO SKAL BA BZANG, ,LHA SGOM TZAM MIN SBYANG GZHI SPYOD BYED KYI, ,DO 'PHROD BSGOMS PAS RDZOGS RIM MYUR SKYE ZHING, ,NGA RGYAL BSGOMS PAS BGEGS BZLOG LHAS BYIN RLOBS, ,GNAD GNYIS TSANG BA'I SKU GSUM LA MA KHYER SGOMS, ,GNAD BZHI LDAN PA'I RTZA RLUNG THIG LE LA, ,GNAD BSNUN LAS RLUNG BCAD DE STONG BZHI'I MTHAR, ,LHA SKUR 'GRUB PA'I SNAD PHYOGS STONG PHYOGS KYI, ,MA BCOS RDZOGS RIM MCHOG 'DI RGYAL BAS BSNGAGS, ,DA LTAR RDZOGS RIM ZAB MO MA THOB KYANG, ,YID DOR SKOR DGU'I BSRE BA LEGS SBYANGS BAS, ,'OD GSAL LAM BU 'PHROD PAS SKYE 'CHI'I 'PHRANG, ,SPRUL PA'I GAR GYIS BDUD BZHI NGES BCOM STE, ,SKYED GSUM BZHI SOGS LA MDON 'TSAD RGYA, ,DE BAS RIM GNYIS LUS DANG SEMS BZHIN CHONGS, ,DE LTA'I LAM LA SBYONG BA'I RNAL 'BYOR BAS, ,NYIN MTSAN SO SO'I KUN SPYOD THUN MTSAMS SOGS, ,MDO DANG RGYUD SDE RANG RANG GZHUNG BZHIN DU, ,TSA GRANG LTAR MIN ZUD 'BREL SPYOD PA GCES, ,DE LTAR SDOM PA GSUM DANG RIM PA GNYIS, ,GDAN GCIG STENG NAS NYAMS SU LEN PA'I TSUL, ,RDO RJE 'CHAD NAS JO BO YAB SRAS DANG, ,RGYAL BA GNYIS PA'I LUGS LA DAD PA DANG, ,THUB BSTAN YONGS SU RDZOGS PAR 'DZIN 'DOD CING, ,BLO GROS CHEN PO CAN RNAMS DPYOD BAR 'TSAL, ,DE LTAR BGYIS PA'I RNAM DKAR DGE BDES, ,SRID ZHI'I RGUD PA'I MUN TSOGS KUN
BSAL TE, ,TSOGS GNYIS YONGS SU RDZOGS PA'I RNAMS DA 'OD, ,LUS CAN KUN GYIS THOB PAR GYUR CIG GU, ,ZHES THEG CHEN RIM GNYIS DANG BCAS PA'I BSLAB BYA MU THI LI'I 'KHRI SHING ZHES BYA BA 'DI NI RANG GI SLOB MA GZHUNG LUGS RAB 'BYAMS SMRA BA TSE BLOS BTANG GI SGRUB PA'I RGYAL MTSAN 'DZIN PA'I RNAL 'BYOR PA LHUN GRUB RGYA MTSOS ZHING KHAMS KUN KHYAB KYI DHU BE DANG BCAS BSKUL BA'I DOR, SH'AKYA'I DGE SLONG 'JAM DBYANGS BZHAD PA'I RDO RJES SBYAR BA 'DIS KYANG SKYE DGU KUN LA PHAN THOGS PAR GYUR CIG, ,,NA MO GU RU MANYDZU GHO sh'A YA, 'DREN PA MNYAM MED RTZA BRGYUD BLA MA DANG, ,'DOD DGU KUN STZOL DKON COG RIN CHEN GSUM, ,DNGOS GRUB KUN STZOL YI DAM CHOS SKYONGS LA, ,GUS BAS 'DUD DO DENG 'DIR SHIS PAS SKYONGS, 'JIG RTEN CHOS BZHIN SKYOD PA'I SA'I TSANGS BAS, ,'DI PHYIR PHAN PA'I BSLAB BYA DGOS GSUNGS PA'I, ,BKA' YI ME TOG STZAL BA THUB PA'I BKA'I, ,DON BZHIN LUNG RIGS RIN CHEN PHRENG BA BYA, ,'GRO BA'I PHAN BDE BSTAN LA RAG LAS PAS,, BSHAD DANG SGRUB PA RANG RANG NUS PA DANG, ,BSTUN PA'I THOS BSAM SGOM LA BRTZON 'GRUS GSUM, ,MI DMAN RGYA BOD MKHAS GRUB RNAM THAR SKYONGS, ,'JIG RTEN BSTAN LA 'JUG PA'I LAM CHEN PO, ,DAD DANG YID CHES MDON 'DOD DAD PA GSUM, ,MA RNYED SNYID RUS MUN PA'I 'GROS SPANGS NAS, ,DAM PA'I LUGS BZHIN SO SOR SKYOD PAR MDZOD, ,DKON MCHOG YON TAN BSAM NA DAD PA SKYE, ,'KHOR BA'I SKYON YON BDAG MED YID CHES YUL, ,THOB BYA'I SA LAM 'BRAS BU MTHAR THUG GSUM, ,YANG
, ,YANG BSAM NA MNGON PAR 'DOD PA SKYE, ,SHES RAB MED PAR DAD PA DE TZAM DU, ,MA ZAD SBYIN SOGS BYANG CHUB SEMS BSKYED KYANG, ,SRID PAR 'CHING BA NAM YANG MI CHOD PAS, ,BDAG MED PHRA RAGS RIGS PAS GTAN LA PHOBS, ,SEMS BSKYED BRAL NA GRUB PA BRGYAD THOB BAM, ,SBYIN SOGS RGYA CHER BSKAL MDU SPYAD BYAS SAM, ,ZAB MO LTA BAS NYON MONGS KUN SPANGS KYANG, ,THEG CHEN MI 'GYUR SEMS BSKYED 'JUG SGO YIN, ,RANG DON DRI MA'I NYES MAD MA BSAM PA'I; ;SEMS BSKYED TZAM DE RANG RGYAL LTAR 'GYUR PAS, ,RANG GCES SPONG DANG GZHAN GCES BLO SBYONG BAS, ,RGYU 'BRAS BDUN GYI DMIGS RNAM SKYONG BA GCES, ,SEMS BSKYED ZAB MO'I LTA BA GNYIS LDAN PAS, ,SRID ZHI'I MTHA' SPONG THEG CHEN GZHUNG SHING YIN; ;GZHAN LA PHAN PA'ANG SEMS LA RAG LAS PAS, ,KUN RDZOB SEMS SBYONG BYAMS PA ZHI LHA'I LUGS, ,MA RNAMS GCES 'DZIN THUGS RJES YID DRANGS NAS, ,SNGAGS KYI THEG PAS SANGS RGYAS RDZU 'PHRUL LTAR, ,SA LAM BGROD PA'ANG ZAB GSAL ZUNG 'BREL LAM, ,BLA MED BSKYED RDZOGS NYAMS LEN YID BZHIN GYI, ,NOR BU LTA BUR SKYE DGU'I RE BA SKONG, ,PHA RGYUD GSANG 'DUS MA RGYUD BDE MCHOG GNYIS, ,'PHAGS YUL MKHAS PAS NYI MA BZHIN BKRAL ZHING, ,ZLA BRAL BSNGAGS PA'I ME TOG BYE BA CAN, ,SROG BZHIN MIG BZHIN GCES PAR 'DZIN LA 'BAD, ,'JAM DPAL RDO RJE 'JIGS BYED DUR SMRIG GAR, ,ZHUGS PA'I BSTAN 'DIR 'JAM DPAL ZHI KHRO GNYIS, ,LHAG PAR NYE BAS DE YI BSNYEN SGRUB DANG, ,MGON CHOS GNYIS KYI
BSNYEN BSGRUB DON CHEN RGYU, ,'DI DAG LEGS MNYES MYUR DU RDZOGS SANGS RGYAS, ,'BRING DANG THA MAS KYANG NI RGYAL BA'I TOG ,SENG GE NGA RO'I MDUN DU MCHOG THOB PA'I, ,LEGS PAR SMON DANG MDO SNGAGS KUN TSAD MDZOD, ,'DI DAG LUNG RIGS BYE BAS GRUB PA'I GTAM, ,YID LA GOMS BYAS DES LDAN RTZA BRGYUD KYI, ,DAM PA GSER RI'I PHRENG BA'I THUGS BCUD DE, ,GO SLA'I NGAG GIS TSANGS DBANG KHYOD LA BSHAD, ,DGE TSOGS RGYA MTSO'I DPAL LAS LEGS 'KHRUNGS SHING, ,LEGS BSHAD BANG RIM MNGON PAR CHES BKRA BA'I, ,DGE LEGS LHUN POR SKYE RGU MA LUS PA'I, ,BSTEN PA'I GZHI DANG SKYOB PA'I DBANG POR SHOG ,BRTZE BA'I ZHAL GDAMS TZINTA MA NI'I PHRENG, ,RTZE MOD BKRA SHIS CHOS RDZONG ZHES BYA BAR, ,MANG THOS DGE SLONG 'JAM BZHAD RDO RJE YIS, ,DUS 'KHOR LO YI THOG MA'I ZLA BAR SBYAR, ,SA'I TSANGS PA G-YON RU'I JO RIG THU HUNG THAS JI LA GDAMS PA'I CHAB SHOG GO, ,,NA MO GU RU BUDDHA BO DHI SATVA: BHYA: MGON ZLA MED RTZA BA'I BLA MA DANG, ,SKYABS RIN CHEN GSUM LA PHYAG BYAS TE, ,DUS SNYIGS MA'I THAL BA'I RDUL 'TSUBS DUS, ,SEMS SNGON SBYANGS GZHAN YANG MANG THOS PAS, ,MGON RGYAL SRAS NYAMS BZHES BDUD RTZI'I CHAR, ,NGAG BCAD KYANG SEMS KYI BDUD RTZI'I RLABS, ,DA YANG YANG G-YOS TSUL 'DI LTAR SEMS, ,LAR MUN BSKAL NANG DU SGRON BSKAL RE, ,'DI 'BYUNG TSUL SMAG NANG GLOG TZAM YIN, ,DON DE LTAR SHES NAS DAM PA KUN, ,LHA RGYAL SRAS CHOS PHYIR SKU SROG GTONG, ,DA DE LTAR MDZOD DANG SHES RAB CAN, ,KHYOD LO MANG SBYANGS PA'I
, ,RGAN MIN NAM, ,CHOS DE LTAR BYUNG YANG DKOR LE TZAM, ,SKYABS SANGS RGYAS DUS NA'ANG DAL 'BYOR KUN, ,DON LE TSAR NYIN SKAR BZHIN GSUNGS PAS, ,LONG YOD PAR MA SEMS BLO SNA BSTUNGS, ,DUS DER DUS NAG PHYOGS KHA RGYAS PAS, ,RKYEN DE YANG NANG GI SEMS DBANG GIS, ,RIMS SNA TSOGS SKYA SMUG SOGS 'BYUNG GSUNGS, ,DUS DE 'DRAR BLO SNA DAM PA DANG, ,RGYAL SRAS KUN BLO BTUNGS SNYING RJE SGOM, ,DA DE LTAR SGOMS SHIG SHES RAB CAN, ,KHYOD LO MANG LAM RIM MA BSGOM MAM, ,LAR NGES PAR 'CHI DANG NAM 'CHI MED, ,TSE PHYI MAR CHOS MIN MI PHAN PAS, ,MGON SANGS RGYAS DES KYANG SNGON BYUNG DUS, ,KHAMS GSUM GA MI RTAG SRIN POS ZOS, ,SKYE 'CHI LAS GROL PA'I BDUD RTZI DE, ,NAM RNYED DGONGS MTSAN MO BROS NAS PHYIN, ,DON DE BZHIN DAM PA THAMS CAD DANG, ,KHONG RGYAL SRAS SA GSUM SA LNGA SOGS, ,THUGS SBYANGS TSUL DE YIN DUS DA LTAR, ,DON DE LTAR DGOS SO SHES RAB CAN, ,KHYOD DKOR GYIS TSIG GAM GDON GYIS SMYOS, ,LAR 'DI SNANG GI BSRUNG 'KHOR SNGAGS BZLA SOGS, ,BYANG CHUB KYI SEMS BRAL BDAG 'DZIN YIN, ,BDAG 'DZIN 'DI 'GONG BO 'PHUNG 'GONG ZHES, ,SANGS RGYAS DANG BYANG SEMS KUN GYIS SMAD, ,SMAD PA DE 'DOR BAR MI RIGS SAM; ;BSTOD SMAD LAM YENGS SHES RAB CAN, ,LO GZHON DUS NAS LAM RIM LA SBYANGS PA'I, ,SEMS 'OR RAM RKUN MAS KHYER RAM CI, ,CHOS BYED TSUL LAS 'BRAS DANG MA MTHUN NA, ,PHUB MA 'CHU DONG CHE YOD DAM PAS GSUNGS, ,DON DE
NANG NAS CHOS LA BRTEN PA'I SDIG ,'DI CHE LA PHRA BAR MANG GSUNGS PAS, ,DA SNYING KHAMS RANG MA CHE DAM PA KUN, ,PHYOGS 'DI LA SKRAG SKAD MI SNANG BAS, ,DON RANG BLO MA 'CHUG SHES RAB CAN, ,KHYOD RJES 'JUG RTEN NA'ANG DE LTAR KHRID, ,LAR 'KHOR BA'I GNAS LUS 'ONGS SPYOD LA, ,SEMS DGA' ZHING DUNG SEMS CHE BA DE, ,SEMS CHAGS ZHEN DU GRAGS PA DE YIN PAS, ,DA CHAGS MED 'PHAGS PA'I RIGS ZHES PA, ,MGON BYAMS PAS RGYAN GYI SKABS BZHI PAR, ,GSUNGS BZHIN DU SPONG PA RGYAL SRAS DANG; ;DAM PA SPYI YI LUGS DANG PHYAG LEN YIN, ,DA 'KHOR BA'I SKYON SEMS SHES RAB CAN, ,TSIG SKAM PO MA GYER SEMS LA LTOS, ,DPAL RANG GZHAN GNYIS KA'I PHUN TSOGS KYI, ,RGYU ZLA MED THEG CHEN 'JUG 'DOD NA, ,SEMS KHENGS PA DOR LA SNYING RJE DANG, ,CHOS BYANG SEMS GZHAN DON BLO SBYONGS LTAR, ,CHOGS BSAGS DANG SMON LAM RGYUN DU SBYONGS, ,'DI MED NA STONG NYID LA BRTZON PAS, ,KHONG NYAN RANG ZHI BA'I RGUD PAR LHUNG, ,SNGAGS BZLAS DANG LHA SGOM BSKAL PA BRGYAR, ,'BAD CHEN POS BYAS KYANG SANGS MI RGYA, ,MGON SANGS RGYAS LA MNGON SUM BSKAL PA BRGYAR, ,MCHOD KYANG SANGS RGYAS MA THOB 'KHOR BSGYUR BZHIN, ,DON 'DI LAM 'KHRUL SEMS LA SBYONGS, ,KHYOD LAM RIM SGOM TSUL 'DI MIN PA'I, ,CHOS GZHAN CIG SHES SAM SHES RAB CAN, ,DA SHES BZHIN NOR BUM 'BOR DON GNYIS 'BYUNG, ,BLO DE 'DRA RGYUD LA MA SKYES PA'I, ,'PHRAL GZHAN PHAN SKAD KYI RNAM G-YENG DE, ,DON GNYIS PO MI 'GRUB 'PHONGS PA'I RGYU, ,DON DE LTAR SHES NAS RGYAL
, ,SRAS YANG, ,DUS DANG POR BSE RU LTAR 'DUG CES, ,MGON RGYAL BA'I YAB GCIG GSUNGS PA DANG, ,MDO DU MAS GSUNGS TSUL BSLAB BTUS GSAL, ,RANG LA SEMS DE YOD MED LTA RTOG GYIS, ,DUS DA RES MA 'CHUG SHES RANG CAN; ;KYE MKHAS RLOM BUM STONG MA BYED RANG LA SOMS, ,SEMS BZANG BTZAM GYIS RANG GZHAN DON, ,RGYU PHYIN DRUG SBYOD BAR MA ZHUGS NA, ,MA 'GRO KUN GYI RE BA MI SKOD PAS, ,DUS KUN TU SPYOD PA'I SMON LAM DANG, ,TSOGS BA SAGS RGYAM CHUD SHES RAB CAN, ,CHOS CHE CHUNG BSAM PA 'DI LA YOD, ,'DI SPYOD TSUL CHUD DANG 'KHRUL BAS MIN, ,LHA JO BO YAB SRAS RJES 'BRANGS DANG, ,RJE YAB SRAS THUGS DA MA NYIS BU YIN, ,DE YIN TSUL MGUR DU BZHES MIN NAM, ,KHYOD DE LTAR MI SBYOD PHAL PA LTAR, ,DA SBYAD NA YONG DAM SHES RAB CAN, ,DUS SNYIGS MAR SNYING RUS PHYIN DRUG SKYONGS, ,KHYOD 'DI SNANG MA LTA CHOS BZHIN SKYONGS, ,DON ZAB MON MA MKHA'I DKYIL LTA BU, ,DBYINGS SPROS BRAL LA RTZOL BAM CHUNG BAR, ,LUNG RIGS PA BYE BAS THOS BSAM LA, ,DUS NYIN MTSAN DANG SKYE BA THAMS CAD DU, ,BLO LEGS PAR RANG GZHAN KUN 'BYONGS PA'I, ,SMON LAM DANG DNGOS SU RNAL 'BYOR GYIS, ,'DI MDO SNGAGS KUN DANG THEG GSUM GYI, ,SROG DAM BAR RGYAL BA GNYIS PAS GSUNGS, ,DA TSOS 'DIR 'PHRAD DUS G-YENG BA SPONGS, ,SNGAGS ZAB MO 'DI YIN SHES RAB CAN, ,'DIS NAD KUN SEL DANG MES MI TSUGS, ,CHU DANG RLUNG GIS MI 'KHYER DGRA DANG BGEGS, ,BDAG 'DZIN PA GCOD BYED
'DI YIN ZUNGS, ,KHYOD RJES 'JUG SBEL NA DE KAS SKYONGS, ,CHOS SANGS RGYAS KYI SBYAN LAS RNYED DKA' BA, ,LAM GSANG SNGAGS 'DI SH'AKYA'I RGYAL BO DANG, ,RJE RGYAL BA GNYIS PA'I BSTAN PA'I GTZO, ,DON 'DI TSED DU SMON LAM MANG BTAB CING, ,DUS MA 'ONGS BA NA SPYOD GSUNGS PA'I, ,MGON DE NYID BCU LDAN BSHES BSTEN NAS, ,SGO DBANG BZHI'I CHU BOS RGYUD SBYANGS NAS, ,LAM BSKYED RDZOGS KYI GSANG LAM NGO MTSAR CAN, ,LAM BSRE BSKOR GSUM SKOR DGU LA; ;DUS KUN TU SKYOD LA RTAG PHYAG 'TSAL, ,DE TSIG GIS SBYONGS LA BDAG PHYAG 'TSAL, ,'DI BDAG CAG LTA CI RGYAL KUN KYANG, ,RIGS KUN KYI KHYAB BDAG LTAR 'DUD CES, ,DPAL 'DUS PA SOGS LAS GSUNG MTHONG BAS, ,MI KHO BO DUS KUN DER PHYAG 'TSAL, ,DE'I SA DANG PHYOGS LA'ANG PHYAG 'TSAL NA, ,KHYED BSTAN BSRUNG DANG MKHA' 'GRO KUN JI LTAR BZHED, ,DA DUS RNAMS KUN TU RGYUD BZHIN BSRUNGS, ,'DI PHYOGS KUN TU RGYAS PA'I BKRA SHIS STZOL, ,GLU LEN PA LA DGA' BZHIG MA YIN KYANG, ,DUS SNYIGS DUS CHOS LA SPYOD PA'I TSUL, ,DON PHYI MIN RANG LA GROS BTAB BZHIN, ,'DI 'GRUB PAR BLA MA MCHOG GSUM DANG, ,DPAL GNAS GSUM SRUNG MAS GROGS MDZOD CIG ,CHOS BYED NA DE BZHIN MDZAD NA DGA', ,DON SUS BYAS SKYID PA'I RGYA MTSOR GNAS, ,GNAS SRONG BTZAN SGRUB GNAS PHA BONG KHA, ,KHA CHOS LA DGA' BA'I DGE SBYONG BLO, ,BLO BDE DANG MI BDE'I DUS DGOS LUGS, ,LUGS MA NOR MTSANG MIN PAR BRIS, ,BRIS YI GE BA NI RANG GIS SO,,
, ,NA MA: SVA RA SVA STYEE, RNAM DKAR RDUL BRTZEGS LEGS SMON G-YAS PHYOGS SU, ,'KHYIL BA'I MKHAS BTZUN BZANG BA'I GRAGS SNYAN DU, ,MTHA' BRAL SGRA DBYANGS THOS LDAN LAM ZHUGS PA'I, ,RMONGS PA'I RIMS NANG KUN SEL TSUL 'DI RMAD, ,BLO BZANG RJES 'JUG MKHAS MCHOG GSER SBYANGS KYIS, ,'KHOR LOS THUB BSTAN GLING BZHIR DBANG BSGYUR BA, ,GRUB PA'I BGO SKAL THUB BSTAN RI DBANG SPOR, ,MDO SNGAGS MIG STONG LDAN 'DI KHO BOS THOB, ,MANG MANG TSE 'DI'I SNANG ZHEN DRUG GIS MYOS, ,LA LA RANG BDE'I DBYINGS 'THIBS GNYID DU SONG, ,MKHAS MKHAS TSOGS KYANG ZANG ZING MGO 'KHOR CHE, ,YANG YANG THOS BSAM PA SGOM PA RNYED 'DI RMAD, ,RMAD BYUNG RMAD PA TZAM MIN CHOS 'DI ZUNG, ,ZUNG 'JUG ZUNG 'BREL ZHI LHAG KUN BSGOMS NA, ,NA TSOD NA RGA BYUNG YANG SU ZHIG 'GYOD, ,'GYOD BRAL 'GYOD SEMS MED PA'I ZAB CHOS TSOL, ,TSOL BZHIS TSOL LA SEMS KYI BDAG NYID DU, ,DU MA DU MAR SNANG BA MED PA'I TSUL, ,TSUL BZHIN TSUL GSUM RTAGS KYIS 'GOG YANG 'TSAL, ,YANG YANG MA BRTAG BRTAG DPYAD MED PA 'GA', ,STONG STONG LA MOS MOS PA LTAR SNANG GIS, ,MTHO MTHO SKAD BYAS BYAS TSAD CHOS MIN ZHES, ,MKHAS MKHAS LUGS MCHOG MCHOG TU SMED 'GA' SDUG ;SDUG KYANG MI SHES SHES RAB MED PA'I LUGS, ,LUGS BZANG MA BTZAL BTZAL KYANG MA RNYED NA, ,NA TSOD RGAN YANG YANG DAG GA LA BDE, ,BDE 'GROR LAM BZANG BZANG MDZES SDE SNOD BSTEN, ,ZHES PA 'DI YANG RJE NYID KYIS
MDZAD PA'O,, ,,SANGS RGYAS CHOS DANG DGE 'DUN GSUM, ,'DI GSUM PHYI YI RIN CHEN YIN, ,NGES 'BYUNG SEMS BSKYED ZAB MO'I LTA, ,'DI GSUM NANG GI NOR BU YIN, ,DAD DANG DAM TSIG SDOM PA GSUM, ,'DI GSUM GSANG BA'I NOR DU YIN, ,LHA DANG LTA BA BZLAS BRJOD GSUM, ,'DI GSUM GSANG SNGAGS PHYI YI NOR, ,NGA RGYAL GSAL SNANG SBYANG GZHI 'PHROD, ,'DI GSUM BSKYED RIM NOR BU YIN, ,RTZA RLUNG THIG LE RNAL 'BYOR GSUM, ,SMIN BYED RDZOGS RIM NOR BU YIN, ,YUL DUS LUS RLUNG GNAD 'DI BZHI, ,'DRAS BU MYUR BSKYED NOR BU YIN, ,DKA' SPYAD DAD PA SNYING RUS GSUM, ,RNAL 'BYOR DGA' BSKYED NOR BU YIN, ,DBANG DANG DAM TSIG BSKYED RDZOGS BSGOM, , 'DI LNGA 'DOD STER NOR BU YIN, ,NOR BU RNAMS LA SU BSTEN PA, ,DE DAG GANG BSAM MYUR DU 'GRUB, ,CES 'JAM DBYANGS BZHAD PAS SMRAS SO,, ,,'GRO 'DI'I BSOD NAMS KUN GSAL GZHAL YAS NA, ,PAn CHEN BLO BZANG CHOS RGYAN NYIN BYED GANG, ,DPAL STUG GSANG GSUM SPRUL ZER GRANGS MED LAS, ,BDAG GI MGON GYUR DBANG PHYUG BRGYAD LDAN GANG, ,YANG YANG YID KYIS LEGS PAR RAB BSAM ZHING, ,DAD DANG GUS PAS BSTEN TSUL MNGON GYUR PA'I,, MANG MANG 'GRO 'DIS MA RNYED LUNG GI NOR, ,ZAB ZAB YID KYI KHANG BUR BZHAG PAS SPRO, ,ZHES PA'AD RJE NYID KYIS GSUNGS SO,, ,,RDO RJE 'CHANG NAS RTZA BA'I BLA MA'I BAR, ,SNYAN BRGYUD KHO NAR BYED PA'I BDUD RTZI DE, ,DAD LDAN GSER GYIS MIN NA
, ,KHA RTZED DU, ,YI GE'I RE BA DAD PA'I RJES 'BRANG LUGS, ,GDAMS PA'I BDUD RTZI YID BZHIN NOR LTAR DU, ,SNYING NYID KHO NAR GCES PAR SKYONGS PA'I NOR, ,SLU BRID JA SER THUM BUS LEN 'DOD PA, ,HA CANG NAM MKHA' BA 'DOD BZHAD GANG RGYU, ,RGYUD PA LDAN NGOS ZLA MED BSHES MANG DANG, ,KHYAD PAR SNYAN BRGYUD RGYAL PO'I MNGA' BDAG ZHABS, ,YUN BSTEN RNYED PA'I BDUD RTZI ZHABS RDOL GYI, ,DUG CAN SNOD DU LEN 'DOD DE BAS MTSAR, ,HA CANG BLUN HAM G-YO KHRAM MANG GRAGS PAR, ,HA CANG NGO TSAS MI SHES KHUR BYAS PAR, ,HA RE LONG 'DUG SNYAM NAS 'DI 'DRA YANG, ,HA HA BRAG PHUG RGAN MO'I DPE MIN NAM, , MANYDZU GHO shA HA SA BADZRA GYIS BRIS,, ,,AOm BDE LEGS SU GYUR CIG ,DGE LEGS RTZA BA YIN PAS DAD DANG BLA MA SGOM, ,'KHOR BAR SKYO BA SKYED LA NGES 'BYUNG NYIN MTSAN GYIS, ,'GRO DRUG PHA MA'I TSUL BSAM BYAMS DANG SNYING RJE DANG, ,GZHAN GYI DON DU YANG YANG SOMS LA SEMS SKYED MDZOD, BSLAB GSUM CHOS KYI 'GAG YIN GCES BAR SRUNGS, ,PHYIN DRUG THEG DRUG THEG CHEN SDOM YIN SO SOR SBYONGS, ,BDAG MED BDUD RTZI'I MCHOG YIN THOS BSAM SGOMS, ,DUS KUN SROG LAS GCES PA'I THABS LA 'BOD, ,SMON LAM DON GNYIS LAM YIN LEGS PAR SGRUBS, ,DE LTAR MDZAD ZHU DUS KUN DGE BAR 'GYUR, ,ZHES PA 'DI YANG KUN MKHYEN 'JAM DBYANGS BZHAD PA'I RDO RJES GSUNGS SO,, ,,LEGS BYAS BSOD NAMS RGYA MTSO BSRUBS LAS BYUNG, ,DPAL LDAN STOBS
BCUR MNGA' BRNYES MDZAD PA CAN, ,RNAL 'BYOR DBANG PHYUG GRUB PA'I NYIN BYED DES, ,THUGS RJE'I ZER GYIS BDAG BLO CHU SKYES SKYONGS, ,GANG GI MDZAD BZANG YID KYI ME LONG LA, ,GANG ZHIG 'PHOS BAR BYAS PA'I SKYE PO'I YID,, GANG ZHIG KUN NAS 'PHROG BYED BLA MA RJE'I, ,GANG GI ZHABS KYI PADMOR GUS PHYAG 'TSAL, ,'DI NA CHOS BRGYAD MI GTZANG DON GNYER BA'I, ,KHVA TA'I TSOGS RNAMS THAR PA'I PAD MTSO LA, ,JI SNYAM MED KYANG THAR 'DOD DANG BA'I KHYU, ,NGES LEGS MTSOR ZHUGS 'KHOR LO GSUM LA SPYOD, ,MANG MANG 'GRO 'DI 'KHOR BAR 'KHOR LUGS LA, ,YANG YANG BSAM NA 'JIG RTEN BYA BA 'GA', ,'BAD 'BAD BYED PA'I SEMS MED MI 'DI CI, ,NYUNG NYUNG SPYAD KYANG RTAG TU BDE BA CHOS; ;RIM GNYIS DBANG GI NOR BU LEN 'DOD NA, ,NA GA DZU NA LTA BU'I DED DPON DE, ,DE NI MNYES BYED MAN NGAG GRU RDZING CHE, ,CHE BA'I STOBS BCU'I NOR THOB PHYIR DU 'JUG ,BSAM GYI NA BSAM GYIN DPAL LDAN BLA MA'I TSOGS ,YANG DANG YANG DU MCHOD KYANG BKA' DRIN LA, ,BLUN PAS BLUN PA BDAG GIS JI LTAR BSHAD, ,NOR GYI NOR MCHOG DANG PA'I NOR 'BUL BZHES, ,BKA' DRIN DRAN PA'I TSIGS BCAD DE SKAD SMRAS, ,SMRA BO 'JAM DBYANGS BZHAD PA'I RDO RJE YIN,, ,, BLA MA YI DAM GSOL BTAB BSAGS SBYANGS GSHIN SA LAS, ,LEGS 'KHRUNGS LUNG GI 'BRAS BU GZHON NU SMON LAM CHUS, ,BRLAN BYAS DGA' BDE'I ME TOG G-YUR DU ZA BA DER, ,YID KYI BUNG BA SPRO BA'I 'PHUR LDING CI YANG BYED, ,
, ,BRLING BRLING MKHAS GSUNGS GNAM LCAGS SPUN ZLA DES, ,ZOB ZOB TSIG SPYOR DMA' 'BEBS PHA ROL RIR, ,DRAG DRAG THAL SKANG 'BRUG SGRA DGOD PA DANG, ,BSAM BSAM BZHIN DU LHAN CIG MED PAR BCOM, , 'KHRUL BA'I MA DAG SNANG BA 'JA' LTAR BKRA, ,MTHA' MED 'KHOR BA'I GNAS 'DI ME SLONG 'DRA, ,NGES 'BYUNG RGYUD LDAN MCHED GROGS NYIN SKAR SONG, ,KYE BDAG SEMS 'DIR CI ZHIG MI 'CHAR CI, ,LAS RLUNG DRAG POS MI 'DOD PHYOGS SU BSKYOD, ,'KHOR BA'I RGYA MTSOR SDUG BSNGAL NA KRA'I KHAR, ,LUS KYI RDZING BU 'CHI BDAG GIS BOS BZHIN, ,KYE RMONGS KHYOD NI SOS DAL 'DUG KHOM MTSAR, ,LAS RLUNG GIS BSKYOD 'KHOR BA DES MED NI, ,PHAM DAG KYANG BU DANG CHUNG MAR GYUR, ,DGRA SOGS DAG KYANG GROGS DANG DGRA RU GYUR, ,KYE BDAG PHYOGS 'DZIN MI 'DOR CI ZHIG BSAM, ,TSE 'DI MI RTAG STON KA'I SPRIN DANG 'DRA, ,DGRA GROGS DES MED BYA SPU RLUNG KHYER 'DRA, ,'KHOR BA'I BDE BA MDZE CAN MES BSREGS 'DRA, , TSIG 'DI TSIG TU MA 'JOG DON DU ZUNGS, ,KYE KHYOD DGE SBYONG SGRA SPYIR SONG MIN NAM, ,KHYOD NI CHU SKYAR BYI LA'I SPYOD PA DE, ,CHOS BRGYAD GDON DANG LHAN CIG CHOMS MDZOD LA, ,BDEN PA'I LDING KHANG DAG TU MI RGYU CI, ,BSAM DON GCIG CHOD MED NA SMYON PA RANG, ,KHA SMRAS SEMS MI ZIN NA BZI BA YIN, ,TSE 'DI GTZO BOR 'DZIN NA DUD 'GRO YIN, ,BDE 'DOD DGE MI SGRUB NA BLUN PA YIN, ,DA NI TSE 'DI'I BYA BA CHOS BRGYAD SOGS, ,G-YANG SKYUR DBEN PAR TSE LHAG SNUM
MED KYI, ,SGRON ME CHOS KYI SNANG BAS SKYONG BAL, ,BLA MA YI DAM CHOS SKYONG GROGS MDZOD KYE, ,MANG THOS SHAR RI'I RTZE RU MA PHYIN PA'I, ,THUB BSTAN PA 'DRO BI GNYEN DU MA GAR YANG, ,LEGS BSHAD SNANG BA GZHON NU BRGYA SPRO PA'I, ,BUM NANG AA LO KE GCIG 'DI NA 'DUG ,MKHAS PA'I GSUNG RAB NAGS TSAL STUG G-YON, ,RANG 'DOD CHOS KYI LAM 'GRO LUNG RIGS KYI, ,GSHOG ZUNG GZHON NU 'DZIN CING CHOS BRGYAD KYI, ,MI GTZANG SPANGS TZA GOR GCIG YANG YIN, , RGYAL GSUNG DBYAR RNGA'I BDE KHUR MANG LA 'DZIN CING, ,TSUL 'CHOS GSHOG ZUNG NAG PO RAB BA SPANGS SHING, ,SNYAN TSIG SGRO MA DNGOS MKHAS KUN DGA' BYED GAR, ,BSGYUR MKHAS SNGON MED MGRIN MDZES GCIG KYANG 'DUG, ,MANG MANG TSIG GI SBYOR BA RAB SPANGS KYANG, ,SNYAN SNYAN LEGS BSHAD TSIGS 'GA' DRAN PA'I TSE, ,DKAR DKAR SHOG BU'I THANG LA TSIG GI RJES, ,YANG YANG 'GOD 'DI SPRANG BCUN NGAG DBANG YIN, ,MKHAS NAS 'DI 'DRA BYAS PA MIN MOD KYANG; ;BLO MA'I BKA' DRIN DRAN DANG SNANG TSUL 'GA', ,YID LA SHAR TSE RANG SEMS GSOL 'DEBS RNGA, ,YID KYI DE BYU GUS BSKUL NAS 'DI SKAD BSGRAGS,, ,,NA MO SVA RA SVA STYEE, GANG GI DGYES BZHAD 'DZUM ZAG BDUD RTZI'I CHA; ;PHRA ME YIS KYANG SNYING MUN KUN SEL ZHING, ,'CHI MED BDE 'THUNG RO BRGYAR RDZOGS STER BA'I, ,DAG GI LHA MOS SPO BSAM MCHOG LHUN GRUB MDZOD, ,ME DE'U MED PAR RNO BA'I NYON MONGS MAS, ,BCAD DANG MED PAR BRUG DZUS GDUNGS
, ,BA'I MA, ,'DI KUN CI BDER BOR TE RANG BDE LA, ,NYIN MTSAN SPYOD BREL DPEN BAR SOS BDE BZHIN, ,'ON KYANG RGYA GAR MKHAS GRUB RNAM THAR BGAR, ,DPEN PAR RANG BTUL LEGS BSHAD DRI BSUD TSOGS, , GSAR BA'I TSOGS KYIS BLO LDAN RNAM DPYOD BYI, ,SKYOR 'GDES BZHIN BDOD LA RMANG DU BYUNG, ,GTI MUG BTHIB POR SPYOD LA ZAB RGYAS CHOS, ,SNANG BYED MCHOG TUB BAR BA'I MKHAS PAR 'GA', ,STON DANG BSTAN 'DZIN RGYAN DRUG POGS BZHIN DU, ,DUS MTHA' 'DIR YANG KUN GYI MIG MIN NAM, ,KYE MA PHRA ZHIB PA'I RNAM DPYOD KYIS, ,DPAG BAR DKA' ZHENG SHIN TU ZAB PA'I DON, ,DGAG SGRUB RNON POS 'DZANGS PAR GTAN 'BEBS PA, ,RMONGS PAS BSLAD MIN MKHAS PA'I DANG TSUL TZAM, ,DON DANG TSIG RE LA YANG NGO BO CHOS, ,RNAM GRANGS SDOG CHA DRIS LAN 'BREL SOGS KYIS, ,DBYE ZHING DBYE NAS GSAR BA YIS, ,RIGS PAS BSGRUB BA'DA MKHAS BA'I DANG TSUL TZAM, ,'JAM MGON BLA MA RJE BTZUN TZONG KHA BA'I, ,BSHAD DANG SGRUB BA'I CHOS KYI RNGA BO CHE, ,KHO BOS RNAM DPYOD DBYUNG GUS RAB TU BRDUNGS PA'I SGRAS, RAB MKHREG 'KHOR BA RNGO RJE'I MTHA' YANG RAL, ,SHES BYA'I PHA MTHA' ZOS BA KHYOD BLO'I LTOR, ,GRAN PA'I SBOBS LDAN CHOS DE MA MTHONG BAR, ,SKRAG LDAN RGYU SKAR GZHON NU DE DAG GIS, ,BCU GNYIS BDAG POR SKYABS NAS MKHA' LA ZHUGS, ,SRID SGRUB SGRO LDAN MDAG RJES 'GRO RIGS SHES KYIS, ,KUN RDZOB DNGOS PO'I'I BEN DGA' BIG BA
BZHIN, ,MA BTAB PHYAR BA TZAM GYI GRIB MA YIS, ,GCOD BA GRIB MA'I GRI GUG CHU LA MCHIS, ,GDUL BYA'I YOL GO GZHAN GYIS THUB MIN PA'I, ,BLA MED RGYUD SDE'I SENG GE'I 'OM GANG, ,GDUL BYA RIN CHEN SNONG DU 'KHRIL PA 'DIS, , SKAL LDAN SBYAD SHES YONGS KYI REB SKONG, ,SNGON BYON DRANG SRONG GZHAN GYIS BGO SKAL DU, ,MA THOB MDO RGYUD MAN NGAG NGAG G'A CHE, ,BLO BZANG SKAL LDAN SHING RTAS PHABS PA GANG, ,DPE MA KHYUNG KHYAB 'JUG RAL BAR 'DZIN MIN DANG, ,NAM YANG RGYUN MI 'CHAD PA'I THOS BSAM RGYUN, ,NYIN BZHIN 'BAB KYANG MI TSIM CHU YI GTER, ,RIN CHEN 'BYUNG YANG GDUG PA LDAN MIN PA, ,RTAG TU PHAN PA'I RLABS PHRENG CAN 'DI MTSAR,, ,,NA MO SVA RA SVA STYEE, DAM PA'I ZLA BA ZLA BA MCHOG GANG LAS; ;LEGS BSHAD BDUD RTZI BDUD RTZI BZHIN DU SPRO, ,GTI MUG MUN PA MUN PA BZHIN DU SANGS, PHAN BDE'I RGYA MTSO RGYA MTSO JI BZHIN 'PHEL, SO M'A MIN KYANG DKAR SNANG KUN LA SPRO, ,'DOD STONG MIN KYANG SA GSUM MA LUGS GSAL, ,NOR 'DZIN MIN KYANG SKYED GU 'DEGS NUS PA, ,RMAD DU BYANG BA'I MGON KHYOD RGYAL GYUR CIG ,YE SHES SDE TSAN GZUGS MIG LAS GRUB CHOS KYI SKU, ,GSANG GSUM NGO MTSAR GTER GYUR LNGA LDAN LONGS SPYOD RDZOGS, ,GANG 'DUL ROL BA 'BUM 'GYED MCHOG GI SPRUL BA'I SKU, ,SKU GSUM DBANG PHYUG SMRA STON LHA MOS DGE LEGS STZOL, ,RGYAL BA'I THUGS BCUD SNGON GYI MKHAS GRUB TSOGS, ,BUD BA BZHIN SDUD DES GSANG DBANG RGYAL LAS, ,DENG 'GAR JA SUN SNUM LDAN ZAN 'CHAD
, ,GIS; ;'DZUM STON 'KHOR SDUD NUS BA MCHOG TU CHE,, ,,NA MO SVA RA SVA STE, GSANG GSUM MI ZAD RGYA NA GYI 'KHOR LO'I MDZOD, ,THABS SU MKHAS PA'I SGYU 'PHRUL DRA BA CHE, ,GANG 'DU LA GZUGS SKU'I RNAM ROL 'JO SGEG GAR, ,SGYUR BA'I RNAM 'DREN KHYAB BDAG BLA MAR 'DUD, ,MANG THOM MKHAS PA MTHONG YANG DKAR MI 'DZUM, ,DAM PA'I LEGS BSHAD NGAG DANG RING NAS 'KHON, ,SDIG BA NAG BO KHO NAR YID GTAD MIG ,'DI SNANG LA ZHE NA SBRUL NGAN BOR NAS BDE, ,'JIG RTEN RAB DGA' RGYAS PA'I 'PHRENG BA BKRIGS, ,RTAG TU RNAM BAR DKAR BA KHO NA 'DZAG ,LHAG PA'I BSAM PA BRTAN PA'I RI BONG CAN, ,THUB BSTAN SA MOS GNYEN DE KHYOD LAS SU, ,MKHAS DANG BTZUN DANG BA ZAD DANG GRUB PA BRNYES, ,ZHI DANG BRAL DANG NGES DANG, RGYU SKAR, SHIN TU DUL, ,?DAM BDAG GI MDZAD PA MA LUS KYANG, ,RGYAL BAS KHYOD NYID KHO NAR BYIN NAM CI, ,ZAB DANG BRLING DANG MA ZLOS MI ZLAG DMAN PA'I, ,BRJOD BYA ?RJOD BYED SKYON GYIS GOS MIN GSUNG, , THUB PA'I MTSAN BZANG MGUR LAS 'ONG BA DAG ,MA BSLAB BRTZE PA'I 'DZUM GYIS 'GRO LA 'DOM, ,MA ZHUM MI DMAN HA CANG NGA MI RGYAL, ,DAL DANG 'BREL DANG PHRA DANG ZHIB DANG ZAB, ,RNAM DBYOD SRID SGRUB MNGA' YE NUS CAN GYIS, ,RTZOD LA PHYOGS LAS RNAM RGYAL CHOS GRAGS BZHIN, ,SNYAN DANG 'JEBS DANG ZAB DANG BI RLANG PA'I DAG ,DBYAD BA GSUM GYI LAM NAS 'ONG BA GANG, ,DAG BYED GANGG'A'I DPAL DE BDAG GIR BYAS, ,TSOGS KYI MCHOG GYUR DGE 'DUN 'DUS PA'I SDE, ,MKHAS BTZUN
BZANG POS RGYUD GANG SER BA'I ZHAS, ,GTZUG TOR MDZES LDAN DUR SMRIG 'DZIN PA'I SDE SA, ,'DZIN MA'I KHYON YANGS MA LUS 'GENGS PAR SHOG ,STON PA'I ZHAL SKYIN BLA MA'I ZHABS BRTAN SHOG ,BSTAN 'DZIN 'DUS SDE MTHUN ZHING RGYAS PAR SHOG ;'GROL LEGS STER MI DBANG SRID BRTAN SHOG ,DGE MTSAN LEGS PAS 'DZIN MA KUN KHYAB SHOG ,NYI GZHON MANG LA DU 'DZIN PA'I DANG PO'I RI, ,RIN CHEN LTOB GYES PA'I CHU GTER BZHIN, ,DAM PA'I RIN CHEN KHO NA LAS GRUB PA'I, ,MNGAL LDAN MA 'DI LHA MO SGYU 'PHRUL MA, ,GANG ZHIG BLTA MAS TSE LUS NI RAB GZHON KYANG, ,BLO NI RGYAL BA KUN LAS RAB RGAN PA'I, ,RGYAL RU 'DZIN, SRAS ZLA BA RNAM DBYOD 'OD STONG GIS, ,MDO RANG BZHIN, LHAN SKYES BDE CHEN LAS GRUB ZUB 'JUG SKU'I, RGYU DBANG TSAL RGOD PA AE MA RGAD,, ,,DGE DBANG RJES SU 'GRO BA'I NGAG GI DBANG, ,'JAM DPAL MKHYEN PAS SNYE MA PA'I LANG TSOL, ,DGYES LDAN DBYANGS CAN BZHAD PA'I 'PHANG 'GRO'I DBYANGS, ,MGRIN PAR BLANGS BA DBANG PO RDO RJE DNGOS,, THUB BSTAN RI SA MED GSER GYI RDA BO CHE, ,THOS BRTZON MI DMAN DBYU GUS BSKUL BA LAS, ,LEGS STON TSANGS DBYANGS NGAG GI 'DOD PA 'JO, ,SKAL LDAN GNYID KYIS YUR KYANG RNA BAR SNYAN,, ,,GSUNG GI DBANG PHYUG DKAR DMAR RIG BYED MA, ,NYI ZLA DRUNG GIS KHO BO'I BLO GROS MKHA', ,BZUNG NAS RMONGS PA'I DRI MA BCOM DANG LHAN, ,RTZOD PA'I PADMA RTZOM PA'I KU NDA PHYE, ,'JAM MGON NYIN BYED SGRA DBYANGS RI BONG CAN, ,RING NAS PHOS TE YO BO'I BLO MKHA' LA, ,ZHUGS TSE RMONGS PA'I MUN BAS LA NYID DANG
, ,LHAN; ;BLO YI PADMA RTZOM PA'I KU MUD RGYAS, ,KHO BO'I BLO DANG NYIN BYED LDAN PA'I MKHA', ,BRTZAM PA'I NGAG DANG NOR BU 'BYUNG BA'I MTSO, ,PHAN TSUN MTSUNGS LAS ZAB RGYAS DANG TSUL LA, ,DPYOD PHYIR MES BOS KYANG NI GDONG BZHI SPRUL, ,SBYANGS PA'I SA 'DZIN SPOR PHYIN DPYOD PA'I SPYAN, ,DKYUS RING STONG PHRAG BGRAD DE BRTZON PA YI, ,RTZE BRGYAS NYES BSHAD RI BO BGROD BCOM PAS, ,RMONGS PA'I LHA MIN MO YI MNGAL KUN LHUNG, ,BGRANG BRAL RDUL GYI GRANGS LA LTA BA'I MA; ;LEGS BYAS 'OD SNANG BTANG STE SDIG MUN DU, ,GCIG TU RMONGS BAR MNAL BA 'DI DAG GIS, ,BDAG SEMS SA MCHOG JI BZHIN BSIL BAR BYAS, ,BSLAB DANG SBYANGS LA SRIN BYAS SNANG GTIR DPE, ,SKYID DANG GRAGS LA BSKRAD NAS 'BOD PA 'GA'I, ,THUGS KYI NGO NA RNAL MA MCHIS MA MCHIS, ,ZLA BA'I 'OD KYI MUN PA 'DI LA MTHONG, ,SNGON BSAGS MES BOS BYIN PA'I SNYAN NGAG GI ,GANGG'A 'DI KOS DRI MA NYER SEL KYANG, ,KHYAB 'JUG RKANG PA BA KRUS MIN RNAM DPYOD KYI; ;RAL BA KHO NAS 'DZIN 'DI PHAL DANG CI, ,BLA MA'I GSUNG GI NYI ZER GYIS PHYE BA'I, ,SMRA BA 'DAB BRGYAR RDZOGS PA'I SNYAN TSIG DRIS, ,PHYOGS KYI BLO GSAL DRUG LDAN KUN BSDUS NAS, ,LEGS BSHAD SBRANG RTZIS NGOMS PAR BYAS BA 'DRA, , 'GRO BA'I BLA MA KHO BO LA DGYES PA'I, ,LEGS BYAS TSOGS GNYIS BLA NA 'BAR BA'I RNGA, ,DMAN MIN DAD PA'I DBYU GUS BSKUL BA LAS, ,BYUNG BA'I GRAGS SNYAN RNA BA'I 'DOD PA 'JO,, ,,SANGS RGYAS KUN GYI GSANG GSUM RGYA MTSO CHE, ,
DAM PA'I GZUGS SU 'KHYIL BA'I ZLOS GAR GYI, ,ZHAL LUNG MA NYAMS LEGS PAR 'ONGS PA 'DI, ,RDO RJE THEG PA'I GSANG BA LAS CHES GSANG, ,SNYAN BRGYUD SNYING PO CAN GYI NYAMS MYONG KHRID, ,MTHOB TSIG SPYI TZAM GYI BZLAS LUNG LA, ,BRTEN NAS LA KHRID PA'I BLA GZUGS 'DI DAG GIS, ,SNYAN BRGYUD 'DI 'DRA MTHONG CHO SNYING 'GAS SAM, ,MKHA' YI MTHA' LA BCAL BA'I YON TAN GYIS, ,CHES CHER LCI BA'I KHUR GYIS SA 'DZIN MA, ,RAB NA NAM ?MKHA' 'KHUN BU SBRIN GYI SGRAR, ,'BYIN PA'I RDUL CHU DBYAR GYI CHAR BZHIN RNA 'BAB, ,MTSAMS SPRIN GOS CAN GZHON NU'I GDUNG SEMS MCHU, ,NA SOS RGAN KYANG NYE MIN GCIG SHOS LA, ,BAR MA DGA' BA'I BYED BA YIS, MO 'DZUM NAG DANG DMAR BA'I 'DZU MA 'DI CI, ,GZHAL DKA'I GANGGH'A SKYES KYI GONG BU CHE, ,GDONG RTZAR 'ONG TSE NYE BAR SPYOD MIN PAR, ,RGYU MA LEB MO'I NAD KYI 'JOMS BYED GZHAN, ,BSTEN PAR BYED GANG BLO DANG LDAN NAM CI, ,GANG ZHIG BSTAN NA RANG GSAL GZHAN GSAL BA, ,YANGS PA'I MKHAR 'GRO BCU GNYIS BDAG BOR NAS, ,BRAG CHA'I RJES ZLOS TZAM LA ZHEN PA YIS, ,MTSAN MOR RGYU BA'I SPUN ZLA BYED PA CI, ,SDE SNOD GSUM DANG RGYUD SDE BZHI'I MTHAR SON, ,MTHA' SLAS GRUB MTHA'I CHUG TER CHE DBYE RGAL, ,GNAS LNGA DKA' GNAS MKHA' LA RGYU SKAR LTAR, ,MA 'DRES YID LA GSAL DES 'DI BRTZAMS SO, ,KHYAD 'PHAGS DON GYI BZHIN LDAN ME LONG MA, ,KA YE BYIS PA'I 'KHRUL SPYAD GOS HRUL SKYUR, ,GSAR BSHAD SNYAN 'JEBS DU KU LA YI RAS, ,GYON LA RMANG BYUNG 'DZUM PA'I
, ,DPAL NGOMS SHIG ,THUB BSTAN MKHA' DBYINGS GSAL BYED THA SNYAD KYI, ,RIG GNAS BCU GNYIS BDAG POS GSAL BYAS PAS, ,MANG THOS 'DAB BRGYA LDAN BAS PHYOGS KUN KHYAB, ,BLO BZANG BSTAN PA'I 'DZIN MA MDZES GYUR CIG ,SHES BYAR YOD DO COG KUN MANG THOS KYI, ,NYA LCIB KHOG PAR BSGRUB PA'I GNAS LNGA'I BSTAN, ,'KHRUL BRAL MUG TI KA YI DO SHAL GYIS, ,BLO GSAL MA GRIN MDZES BLO BZANG BSTAN PA'I RGYAN,, ,,NA MA: SVAR SVA STYEE, SKYABS MCHOG GSUM DANG BLA MA LHAG PA'I LHA, ,GUS PAS 'DUD DO RE BA 'BRAS LDAN MDZOD, ,SNGON SBYANGS BAG CHAGS SAD? CING CHOS KUN LA, ,THOGS MED MKHYEN PA'I SPYAN RAS KYIS MTHO BA'I, ,GNAS LNGA GZIGS PA'I MA H'A PAndI TA'I, ,THUGS BZHENG BUM NANG? BDUNG RTZI 'DI BZHES 'TSAL, ,DAL 'BYOR RNYED DKA' SOMS LA SGO GSUM PO, ,MNGON LKOG MED PAR DAM PA'I RANG BZHIN MDZOD, ,TSE 'DI LONG MED DGONGS LA NYIN MTSAN DU, ,YANG YANG RGYUN DU SKYABS 'GRO LAS 'BRAS SGOMS, ,SKYABS LA YID CHES BSKYED LA ZANG ZING DANG, ,SGRUB PA'I MCHOD PA RGYUN DU THUGS LA BSTEN, ,'CHI TSE LAS DBANG BSAM NAS SU'I DON DU'ANG, ,SDIG PA MI SPYAD DKAR PO'I LAS LAM SBYONGS, ,RTZA BA LAS NYON GNYIS DANG DE LAS KYANG, ,NYON MONGS NANG NAS BDAG 'DZIN SPONG BYED DU, ,BDAG MED GNYIS KYI SGOM TSUL TSIG SPYI DANG, ,HVA SHANG MU STEGS SOGS KYI STONG HAD DANG, ,MA NOR NGE NYID SGOM TSUL CHES PHRA TSOL, ,GZHAN GYI DON DU
'BAD RTZOL MA BYAS NA, ,TSOGS LA JI TZAM BRTZON KYANG THAMS CAD MKHYEN, ,MI THOB DE PHYIR BYANG CHUB SEMS BZANG PO, ,DON GNYIS RGYU YIN 'DI LA DUS KUN 'BUNGS, ,'DI MED GZHAN DON BYAS KYANG RANG DON DU, ,'GYUR TSUL SOMS LA DUS KUN THUGS THUL ZHIG ,DE LTAR BYAS NA PHA DGA' BU LA YANG, ,DE BAS DGA' BA'I NOR NI GA LA DGOS, ,MTHOD MAN NGES MED BSGOM NAS DGE LEGS KYI, ,RTZA BA BSHES GNYEN DAM PA THOD DU KHUR, ,TSIG TSOGS MANG YANG KI STONG DON MED YIN; ;TSIG NYUNG GNAD GSAL ZHU YIG DBYANGS CAN MA'I, ,PHYAG MDZES LEGS BSHAD BEE t'UR PIWANG RGYUD, ,'CHAD MKHAS SOR MOS BSKUL LA TSANGS PA YANG, ,BZHI GNYIS SNYAN GYIS MNYAN SNYAM DGYES PHYIR 'BUL, ,ZHES PA'ANG GNAS LNGA RIG PA'I PAn CHEN TSOGS CHAGS PA CHOS 'PHEL GNYIS ZHABS DGYES PA'I ROL GAR DU MANG THOS 'JAM DBYANGS BZHAD PAS MTSAMS KYI THUN MTSAMS ZHIG LA BRIS PA, SARBA MANGGHA LAm,,