*, ,CHOS KYI RJE THAMS CAD MKHYEN PA 'JAM DBYANGS BZHAD PA'I RDO RJE'I GSUNG 'BUM THOR BU KHRIGS CHAGS SU BSDEBS PA LAS SNA TSOGS KYI SKOR BZHUGS SO,, @001 *, ,DZNY'A PRA SA NNA KA YA NI KHI LAm GA MBHI RA: BA TI SVA RA TA RA: TZI TTA YO: KA RU nA PRA DZA THA: MA NYDZU SHR'I PRA SA DA A'A KU RU: *, ,MKHYEN RAB MA LUS 'DUS PA'I SKU, ,ZAB LDAN DBYANGS NI PHUL DU BYUNG, ,THUGS KYI BRTZE BAS SKYE DGU BSRUNGS, ,'JAM DPAL BKA' DRIN KUN TU MDZOD, , 'BYOR BAS MI SNYEM RGUD PAS ZHUM PA MIN, ,GNYEN LA MI CHAGS DGRA LA SDANG MIN PAR, ,THAMS CAD RO MNYAM CHEN POR RO GCIG TU, ,LEGS ZHUGS SA THOB 'GRO BA'I GNYEN RNAMS RGYAL, ,
, ,RO MNYAM GYUR KYANG CHOS BZHIN NYON MNGOS BSGRUBS PA MIN, ,KUN LA MKHAS KYANG LTA NGAN RGYU BCAS RNAM PAR NYAMS, ,RTZE GCIG BSAM GTAN GRUB KYANG KUN LA RAB TU DPYOD, , THUGS NI DRI MAS DMAN KYANG BLA NA RAB MTHO RGYAL GYUR CIG ` ,'DIR SMRAS PA, SNGA MA'I NGAG 'GROS 'KHYOG PO'I MKHAR BA TZAM, ,SKYABS SU BSTEN PA'I TSIG GI WU BA'I PHRENG, ,RNAM PAR BRTAGS DKA'I YI GE'I DRI MA RNAMS, ,GZHAN GYIS BSKUL TSE DAG PAR BYAS SO LO, ,PHAL CHER LEGS BSHAD RIN CHEN SA LE SBRAM, ,'GA' ZHIG NYES BSHAD LCAGS KYI PHYE MA RNAMS, ,'DRES PA MCHAN GYI PHRAN BUS PHYE NA YANG, ,PHRAG DOG MA LAGS GZHAN LA PHAN PHYIR BKOD, ,SBYANGS PA'I DBANG PHYOGS SA 'DZIN PHRAG PA LAS, ,RNAM DPYOD GZHON NU'I 'OD DKAR CHES DKRIGS PAS, ,MKHAS
RLOMS RGYU SKAR KHENGS PA PHROG NUS KYI, ,'CHAD RTZOD RTZOM PA'I KUN DA KHONGS NAS 'DZUM, ,ZHES PA'ANG 'DI ZHUS DAG BGYID PA'I TSE SMRA'O,, ,,'DUS PA'I DBANG DANG BSKYED RIM GYI ZUR 'DEBS ZAB MO 'GA'I BRJED BYANG BZHUGS SO,, ,,KLU BYANG BA'I DKYIL CHOG LAS, DANG POR SA NI SBYANGS PA DANG, ,DE NAS SA YONGS 'DZIN PA DANG, ,PHYIS NI BGEGS RNAMS NYER ZHI DANG, ,THOD LE KOR GYI THIG GDAB DANG, ,DE NAS SA LHA SOGS LHAG PAR, ,GNAS DANG DE NAS GSOL BTAB DANG, , PHYIS NAS SLOB MA LHA GNAS DANG, ,NAM MKHAR THIG NI GDAB PA DANG, ,TSON SNA LNGA YI CHOG DANG, ,TSON RTZI RNAMS NI 'GYED PA DANG, ,LHA RNAMS SPYAN DRANGS NYID DANG NI, ,DE NAS SLOB MA GZHUG PA DANG, ,KHRUS KYI DKYIL 'KHOR CHO GA DANG, DE NAS SANGS RGYAS DBANG BSKUR DANG, ,DE NAS PHYAG MTSAN DBANG BSKUR DANG, ,BLA MA LHA LA YON GNYIS DANG, ,RJES SU GNANG BA SBYIN PA DANG, ,DE NAS GSHEGS GSOL CHOG DANG, ,DKYIL 'KHOR LAS BYED PHUR BU DANG, ,SKUD PA BSDU BA NYID DANG STE, ,RAB BSHAD CHOG NYI SHU YIN, ,CES DANG, 'DUL 'DZIN PA'I RGYUD PHYI MA'I tIKKA LAS, DE'I TSUL YANG BLA MA'I MAN NGAG GIS SLOB MA'I CHOG SNGON DU 'GRO BA DANG BCAS PAS LHA DE NYID KYI PHRENG BA MOG LA BCINGS PA DANG, GDONG G-YOGS DKROL TE DKYIL 'KHOR BSTAN PA DANG, BUM PA LA MI BSKYOD PAR GYUR PA'I KHRUS BYA ZHING DBANG BSKUR BA DANG, DBU RGYAN LA RIN 'BYUNG BSGOM PAS DBANG BSKUR BA DANG, RDO RJE LA 'OD DPAG MED SGOM PAS DBANG BSKUR BA
, ,DANG; DRIL BU LA DON GRUB BSGOM PAS DBANG BSKUR BA DANG, SPYI BOR RNAM PAR SNANG MDZAD BSGOM PAS DBANG BSKUR BA DANG, RIGS LNGA'I DAM TSIG SBYIN PA DANG, SLOB DPON GYI DBANG BSKUR BA BYAS NAS SLOB MED LA DKYIL 'KHOR GYI DE KHO NA NYID DANG, LHA'I DE KHO NA NYID BSTAN TE BRTUL ZHUGS DANG SH'AKYA THUB PAS LUNG BSTAN PA DANG, RDO RJE 'DZIN PAS DBUGS DBYUNG BA DANG RJES SU GNANG BA LA SOGS TE, BUM PA'I DBANG DGU POS RDO RJE 'CHANG CHEN POS SPRUL PA'I DKYIL 'KHOR DU RIG PA'I DBANG BSKUR BA NI BUM PA'I DBANG GI CHOG YIN NO, ,'DIR ME TOG PHRENG BA NAS BZUNG STE RJES GNANG GI BAR LA DBANG DGU ZHES GSUNGS SHING, DGU'I NGOS 'DZIN GSAL BAR MA GSUNGS SO, ,RIM LDA'I RIM PA GSUM PA LAS, DE'I 'OG TU PHRENG BA DANG, CHU DANG, RDZOGS PA'I SANGS RGYAS DANG, RDO RJE DRIL BU SBYIN PA DANG, ME LONG DANG, MING DANG, SLOB DPON DANG, RJES SU GNANG BA DANG BCAS PA STE, DE DAG DANG BCAS PAR GSANG BA'I DBANG BSKUR BA THOB NAS ZHES GSUNGS PA'I DON NI BUM DBANG DGU PO DANG BCAS PA'I GSANG DBANG BSKUR BA THOB NAS ZHES PA'I DON YIN PAS NA ME TOG PHRENG BA DANG, MI BSKYOD PA CHU'I DBANG DANG, RDZOGS PA'I SANGS RGYAS TE RIN 'BYUNG COD PAN GYI DBANG DANG, 'OD DPAG MED RDO RJE'I DBANG DANG, DON GRUB DRIL BU'I DBANG DANG, ME LONG GI DBANG DANG, RNAM SNANG MING GI DBANG DANG, RDO RJE SLOB DPON GYI DBANG DANG, RJES SU GNANG BA'I DBANG STE DGU'O, ,'DI RNAMS NI DBANG
DGU NGOS BZUNG BA YIN GYI, DE LAS GZHAN BRTUL ZHUGS LUNG BSTAN DBUGS DBYUNG SOGS KYANG DGOS SO, ,ZHES DANG, RGYUD CHEN BRTZEN 'GRUS 'PHAGS KYI RTZA RGYUD tIKKA LAS, RANG GI GZANG GZHAN MI DMIGS PA'I DANG LAS H'Um LAS BYUNG BA'I RDO RJE SNGON PO RTZE LNGA PA NOR BU LA AO YIG GIS MTSAN ZHING, BU GA YI GE PHAt SER POS BKAG PA, YUM GYI GSANG GNAS MI DMIGS PA'I NGANG LAS A'A: LAS BYUNG BA'I PADMA DMAR PO 'DAB MA BRGYAD PA ZE'U 'BRU LA A'A: SA MTSAN PA, BU GA YI GE PHAt SER POS BKAG PA RDO RJE DANG PADMA 'I NANG 'OD ZER LNGAS KHYAB PA STE GANG BA SGOM PAR BYA ZHING, RIN 'BYUNG GI NGA RGYAL GYIS RJES CHAGS DANG, GTZO BO'I NGA RGYAL GYIS H'Um GLUR BLANGS SHING SNYOMS 'JUG GI LAS LA GNAS PAR BYED PA DANG PHAt NGAG TU BRJOD PA'I SGO NAS SPYI BO NAS BYANG CHUB KYI SEMS RDO RJE NOR BU'I RTZE'I BAR DU PHAB PA LAS MCHEG TU DGA' BA'I BDE BA SKYES PA NA DON GRUB KYI NGA RGYAL GYIS MCHOD PA DANG, PHAt CES BRJOD DE PHAt KYI YI GE'I GZUGS BSAL NAS THIG LE YUM GYI PADMAR YID KYIS PHYUNG STE, DKYIL 'KHOR RGYAL MCHOG GI RTEN DANG BRTEN PA'I DKYIL 'KHOR BSKYED PA YIN NO, ,DES GZHAN RNAMS LA'ANG SHES PAR BYA'O, ,ZHES SO, ,DUS 'KHOR LUGS KYI DBANG GRANGS NI, 'GREL CHEN LAS; DE BZHIN DU BDIN RTEN PA BA DBANG NI TU DAD COD PAn DANG, DAR DBYANGS DANG, RDO RJE DANG, DRIL BU DANG, BRTUL ZHUGS CHEN PO DANG, MING DANG, RJES SU GNANG BA STE BDUN DANG, DE BZHIN DU GONG MA NI BUM PA DANG, GSANG BA
, ,DANG, SENG RAL YE SHES DANG, 'JIG RTEN PA'I DBANG BCU GCIG PA NI BZHI PA STE, ZHES DANG, MDOR BYAS LAS, RTA BABS KA PAR CHAD PA, BUM PA KA PA RDO RJE CHE, ,BRE'I PHRENG BYA NI RIM BZHIN GNAS,, ZHES DANG, LTER 'OG KHRO BO DANG 'DRA MA DPAL THIM RIS, STE 'OG KHRO BO SHIN TU BCAS, ,RANG BZHIN GYI NI SNANG BA NYID, ,RNAM SHES PHUNG POR GZHUG PA STE, ,RNAM SHES KYANG NI 'OD GSAL PA'O, ,MYA NGAN 'DAS BCAS KUN STONG DANG, , CHOS KYI SKUR YANG BSHAD PA YIN, ,BRTAN PAR BYA BA'I DON DU NI, ,GSANG SNGAGS 'DI NI BRJOD PAR BYA, ,AOm SH'U N+YA TA DZNY'A NA BDZRA SVA DH'A WA ADMA KO NYA HAm, 'DI NI DON DAM DKYIL 'KHOR TE, ,SNANG BA MED CING MTSAN NYID MED, ,DON DAM BDEN PA ZHES BYA LA, ,DE BZHIN GSHEGS PA KUN GYI GNAS, ,'OD GSAL BAR NI ZHUGS NAS NI, ,LDANG BA YANG NI BSTAN PAR BYA, ,SNGAGS KYI SKU YI SBYOR BA YIS, ,LHA YI GZUGS LA DMIGS PAR BYA, ,NAM MKHA'I DBYINGS KYI DBUS GNAS PAR, ,NYI MA'I DKYIL 'KHOR SGOM PAR BYA, ,PADMA'I STENG DU SRAGS CHEN PO, ,YI GE GSUM YANG BSAM PAR BYA, ,SNGAGS DANG PADMA NYI MA DAG ,ZLA BA'I DKYIL 'KHOR LA ZHUGS PAS, ,ZLA BA'I DKYIL 'KHOR KUN RDZOGS PA, ,BYANG CHUB SEMS SU RNAM PAR BRTAG ,RGYU DANG MI RGYU THAMS CAD KYANG, ,DE NYID DU NI RNAM BAS MA ZHING, ZHES DANG, DANG PO'I MGON PO NI, DE NAS YIG GSUM LAS BYUNG BA'I, ,KUN ZLA BA DKAR DANG MTSUNGS, ,DANG PO'I MGON PO BSAM NAS KYANG, ,
SHIN TU SBYOR BA BSAM PAR BYA, ,MI BSKYOD PA NI RJES ZHUGS PAS, ,ZHAL GSUM PHYAG DRUG 'BANG BA DANG, ,AINDRA NI LA'I 'OD 'BAR BA'I, ,RDO RJE SEMS DPAL RNAM PAR BSGOM, ,ZHES DANG, 'DI LTAR NA MI BSKYED PA DANG PO'I MGON PO TSUR ZHUGS PA LTAR SNANG YANG, RJE YAB SRAS KYIS GZHI LA MI MTHUN PAS PHAR ZHUGS DGOS GSUNGS LA, DE LTAR NA, MI BSKYOD PAR NI RJES ZHUGS PAS, ,ZER RAM DPYAD, DE LTAR 'DU BYAS RNAL 'BYOR PAS, ,RDO RJE PADMA YANG DAG BRTZAM ZHES DANG, RDO RJE DANG PADMA BYIN RLABS RJES CHAGS KYI YAN LAG RJES SU, RDO RJE 'DZIN PA'I NGA RGYAL LEGS 'CHANG ZHING, ,H'Um GI GLU YIS KYANG NI RAB BSKYOD CING, ,RANG GI BYANG CHUB SEMS NYID PHYUNG BA'I TSE, ,DER NI PHAt KYI GSANG SNGAGS BRJOD PAR BYA, ,PHYUNG NAS SNGAGS PAS SLAR YANG NI, ,PHYOGS BCUNG BZHUGS PA'I SANGS RGYAS RNAMS, ,BYANG CHUB SEMS KYIS MCHOD NAS NI, ,GSANG SNGAGS 'DI NI BRJOD PAR BYA, ,MCHOD SNGAGS GSUNGS SO, DKYIL 'KHOR RGYAL MCHOG SKABS SBYAN MA'I MDZAD PA, PHYOGS BCU DAG TU GZIGS NAS NI, ,GDON DANG NANG GDON 'JIGS PA RNAMS, ,THUGS RJE CHEN PO, ZHI MDZAD DE, ,ZHES DANG, MA M'A KI'I MDZAD PA, BGEGS CHEN 'JIGS PAS GZIR PA RNAMS, ,THUGS RJE CHEN POS BSRUNG BAR MDZAD, ,CES DANG, GOS DKAR MO'I MDZAD PA, GDON GYIS NYEN PA ZHI MDZAD DE, ,ZHES DANG, SGROL MA'I MDZAD PA, SEMS CAN THAMS CAD DBANG MDZAD DE, ,ZHES
, ,DANG; RNAL 'BYOR BAS NI RIM GNYIS PAR, ,RDO RJE GZUGS LA SOGS PA DBYUNG, ,ZHES DANG, SGROL MA'I PHYAG MTSAN SKABS SU, SNA TSOGS RDO RJE 'KHOR LO DANG, ,AUTPAL DKAR PO G-YAS PA NA, ,ZHES DANG; MA M'A KI'I SKABS, RDO RJE 'KHOR LO DE BZHIN DU, ,AUTPAL SDO DMAR G-YAS PA LA, ,ZHES DANG, RIM GSUM SHAR GYI SNAM BU RU, ,BRTUL ZHUGS CAN GYIS DBYUNG BA NI, ME THLI'I SAm BO NA LAS BYUNG BA, ,BYAMS PAS YI SNYING PO GNYIS, ,AOm GYIS BON NAS BYUNG BA, ,PHYAG NA RDO RJE MKHA' SNYING BO, ,LHO YI PHYOGS KYI SNAM BU LA, ,GO RIM BZHIN DU DGOD PAR BYA, ,ZHES SOGS DANG, SEMS DPA' DE DAG GI MDZAD PA, 'DI DAG SKYE MCHED RNAM SBYONG ZHING, , LHA YI MIG SOGS STZOL BA'O, ,SEMS CAN SKYE MCHED SBYANG NAS SU, ,SLAR BYED NAS NI STAN LA BZHUGS, ,ZHES DANG, KHRO BO'I MDZAD PA YA M'A NTA KRITA KYI, DBANG PO LA SOGS TSOGS BCAS RNAMS, ,MI ZAD BGEGS KYANG SKRAG PAR BYED, ,CES DANG, BRA DZNY'A TA KRITA KYI, MI ZAD BGEGS NI SKRAG PAR MDZAD, ,CES DANG, RTA MGRIN GYI, PHYOGS BCU DAG TU GZIGS NAS NI, ,KLU RNAMS SKRAG PAR MDZAD NAS KYANG, ,ZHES DANG, MTHAR BYED KYI MDZAD PA DPE 'DIR MI SNANG YANG CHAD DAM BRTAGS, MI G-YO BA'I, YAMS SEGS 'JIGS PA'I GDON BCOM STE, ,ZHES DANG, 'DOD RGYAL GYI, BDEN BRAL BGEGS NI 'JIG PA'O, ,ZHES DANG, DBYUG SDON GYI, YAMS KYI 'JIGS PA BSAL
NAS NI, ,ZHES DANG, STOBS CHEN GYI, MKHA' 'GRO LA SOGS 'JIGS PA 'JOMS, ,ZHES DANG, GTZUG TOR 'KHOR SGYUR GYI PHYAG MTSAN DANG MDZAD PA NI, G-YAS DANG G-YON GYI PHYAG GNYIS KYIS, ,SBYI BOR GTZUG TOR 'DZIN PAR MDZAD, ,RDO RJE PADMA G-YAS DAG LA, ,SDIGS MDZUB RAL GRI G-YON DAG LA, ,'TSE BA THAMS CAD RNAM 'JIGS SHING, ,ZHES DANG, GNOD MDZES KYI NI, RGYU PA DANG NI GNAS PA'I DUG ,K'A LA KUN DA SOGS KUN DANG, ,BGEGS KYI DBANG PO KUN BCOM STE, ,THAMS CAD ZHI BAR MDZAD NAS NI, ,MA LUS BKA' NI RDZOGS BYAS NAS, ,ZHES DANG, LHA NI SUM CU GNYIS RANG BZHIN, ,DKYIL 'KHOR THAMS CAD BSKYED NAS NI, ,'KHOR LO'I DBUS NA GNAS GYUR, NAS; ;DE NAS PHRA MO'I SBYOR BA BRTZAMS, ,SNA YI RTZE MOR YUNGS KAR BSAM, ,'GRO DANG MI 'GRO YUNGS KAR LA, ,GSANG BA'I SNGAGS KYI BRTAG PA YIS, ,YE SHES MCHOG GI GNAS BSGOM MO, ,RIN CHEN KHA DOG SNA LNGA BA, ,YUNGS KAR GYI NI 'BRU TSAD TZAM, ,SNA YI RTZE MOR NAN TAN TU, ,RNAL 'BYOR RIGS PAS RTAG SGOM MO, ,RIN CHEN BRTAN PAR GYUR NAS SPRO, ,BRTAN PAR MA GYUR DE MI SPRO, ,SANGS RGYAS 'BAR BA'I 'OD MNYAM PA'I SHI ,RAB MCHOG SBRIN NI SGRO BAR BYA, ,SLONG MO ZA ZHING MI BZAL STE, ,MA BSLANG BA LA'ANG CHAGS MI BYA, ,'DOD PA KUN LA LONGS SBYOD CING, ,SNGAGS KYI YAN LAG MNYAMS BA ZLAS, ,BRJOD NAS RDO RJE SPRO BA NI, ,RDZOGS PAS YANG DAG BSDUB BYA, ,
, ,'DI NI SANGS RGYAS THAMS CAD KYI, ,DON DAM PA YI BZLAS PAR BSHAD, ,CES DANG, MI BSKYOD PA LA SOGS PA YIS, ,DE BZHIN GSHEGS PA BSTOD PAR MDZAD, ,CES DANG, DE NAS 'KHOR LO SANGS RGYAS KYI NI BSTOD GSOL LAS, ,MCHOG TU GSANG BA'I JI BZHIN DANG SBYAD NAS, ,RANG GI 'KHOR LO LA NI 'KHOR LO GZHUGS, ,MGON PO BDE BA CHEN PO GCIG BU BZHUGS, ,DA LTAR RNAL 'BYOR BZHI BZHED RNAL 'BYOR BA, ,H'Um GI SNYING PO'I 'JIG RTEN RAB TU BSGOM, ,DE BYUNG 'GRO BA RDO RJE SEMS DPAR BSAM, ,LANGS NAS 'GRO BA JI BZHIN SBYAD BAR BYA, ,SNGAGS PA'I TING 'DZIN DMIGS PA'I TSE, ,GANG TSE LUS NI SKAM GYUR NA, ,LUS NGAG YID NI CHIM BYED PA'I, ,SBYOR BA 'DI NI BSGOM BAR BYA, ,MTHO GANG TZAM GYI DPAG PA RU, ,SPYI BOR DKYIL 'KHOR SGOM PAR BYA, ,BDUD RTZI LNGA NI NGES 'BAB PA'I, ,AOm NI DE RU BRTAG PAR BYA, ,RDO RJE SBYOR BA DE YIS NI, ,SKAD CIG GIS NI GZI CAN 'GYUR, ,LUS NGAG YID NI BDE PA DAG, THOB 'GYUR 'DI LA THE TSOM MED, ,DE LTAR SLOB PA'I SNGAGS PA YIS, ,SBYANGS DANG DE BZHIN RTOGS BA BYA, ,LKOG MA SNYING KHA LEGS SBYANGS SHING, ,DE BZHIN GSHEGS RNAMS TSIM PAR BYA, ,ZHES DANG, LTE BA'I DKYIL 'KHOR PHYIN 'OG TU, ,KHA SBYAR BA YI SBYOR BA YIS, ,GSANG BA'I PADMA LAS BYUNG BA'I, ,THAL BA'I MTHAR NI RNAM PAR BRTAG ,RIMS NAD MED CING NAD KYANG MED, ,DUG LA SOGS PAS MI 'CHI LA, ,DE NI DUS MIN 'CHI MI 'GYUR, ,'TSE BA THAMS
CAD RNAM 'JIGS PA'O, ,ZHES SO, ,DGE LEGS 'PHEL,, ,,BLA MA DANG 'JAM DPAL GSHIN RJE'I GSHED DBYER MED PA'I KHAMS GSUM CHOS KYI RGYAL BO TZONG KHA PA YAB SRAS BRGYUD PA DANG BCAS PA'I ZHABS LA DUS THAMS CAD DU GUS PA CHEN POS PHYAG 'TSAL ZHING SKYABS SU MCHI'O, ,RJES SU BZUNG DU GSOL, MTSAN GYIS RMONGS PA'I MUN SEL 'JAM DPAL DBYANGS, ,'CHI BDAG MTHAR BYED RDO RJE 'JIGS MDZAD ZHABS, ,BSHES GNYEN RNAM ROL RGYAL BTZONG KHA PA, RNAM GSUM DBYER MED ZHABS LA GUS PHYAG 'TSAL, ,'JAM DBYANGS BLA MA'I BZHED GZHUNG SHING RTA CHE, ,SROL BCAS SKYONG MDZAD MKHAS GRUB ZUNG 'BREL BA'I, ,BRGYUD PA'I BLA MA GSER RI'I PHRENG MDZES LTAR, ,KHYAD 'PHAGS RNAM PAR BRJID LDAN RNAMS LA 'DUD, ,DUS MTHA' 'DIR YANG CHOS SRID RDZOGS LDAN DU, ,'GOD LA MA LUS RGYAL BA'I MDZAD 'PHRIN CAN, ,RGYAL BA'I TOG GYUR BLO BZANG RGYA MTSO YI, ,ZHABS SEN DBANG RGYAL SPYI BOR LEN LA SPRO, ,ZUR PHUD DBANG SNGON 'OD RIS BOR NAS 'DIR, ,MI YI GANG MDZAD BLO GROS RGYAS MTSO'I ZHABS, ,YAB SRAS ZUNG DANG KHYAD PAR SNYAN BRGYUD GTER, ,DKON MCHOG YANG 'PHEL GCIG TU THUB BSTAN SROG ,DKYIL 'KHOR BDAG PO'I ZHAL BLA DRONG DU CHA'I, ,BYIN RLABS MKHA' KHYAB TSAD MA'I LAM LAS 'ONGS, ,YID CHES BRONG RNYED SNYAN BRGYUD BZHI LDAN CHOS, ,SKAL BAS THOB DE SKAL LDAN DON DU 'BRI, ,DE LA 'DIR DPAL RDO RJE 'JIGS BYED CHEN POS RGYAL BA TZONG KHA PA LA DNGOS SU GNANG, RDZOGS PAR
, ,THUGS NYAMS SU BSTAR BA'I BYIN RLABS KYI TSAN KHA SHIN TU CHE BA'I RDO RJE 'JIGS BYED KYI SKYED RIM GYI NYAMS KHRID ZIN BRIS BGYID PA LA GNYIS, BLA MA'I BRGYUD RIM DANG, GDAMS PA DNGOS SO, ,DANG PO NI, THUN MONG PA RING BRGYUD NI GRAGS BAR ZAD LA, THUN MONG MA YIN PA'AM, NYE BRGYUD NI, 'JAM DBYANGS BA SO BA CHEN POS MDZAD PA'I 'JIGS BYED KYI RDZOGS RIM BDE CHEN 'JUG NGOGS LAS, DE YANG BDAG CAG GI DPAL LDAN BLA MA DAM PA RJE BTZUN CHOS KYI RGYAL PO TZONG KHA PA DE NYID RJE BTZUN 'JAM DBYANGS KYIS DGE BA'I BSHES GNYEN MDZAD DE, THUGS BRTZE BA CHEN POS CHOS KYI TSUL RNAMS LEGS PAR STON PAR MDZAD CING, KHYAD PAR DU'ANG RJE BTZUN NYID RDO RJE 'JIGS BYED KYI SKUR BSGYUR NAS, RDO RJE 'JIGS BYED KYI DKYIL 'KHOR DU DBANG BSKUR ZHING, LAM GYI GNANG RNAMS MTSANG BA MED BAR GSAN NYE THUGS LA MNGON DU MDZAD PAS, ZHES GSUNGS PA LTAR, GSANG BA'I RNAM THAR GNYIS DANG, 'KHRUL 'KHOR RNAM BSHAD DANG, DE'I YIG CHUNG SKOR, GUNG RU RGYAL MTSAN BZANG POS MDZAD PA'I 'DUN LEGS MA'I tIKKA, RJE SHER 'BYUNG GI 'JIGS BYED RDZOGS RIM SOGS LAS KYANG MTHUN PAR 'BYUNG ZHING, RJE BTZUN NYID CES PA DANG, MNGON SUM DU, DNGOS SU ZHES PAS NI, LHA DE'I SGRUL PA TZAM DANG, NYAMS SNANG TZAM YIN PA SOGS BCAD NAS GSANG BDAG GIS DKYIL 'KHOR BDAG PO LA DNGOS SU GSAN PA DANG KHYAD PAR MED PAR RJE 'DIS KYANG LHA DE DAG LAS DNGOS SU GSAN PAR STON
PAS NYE BRGYUD NGES CAN DU YOD, RJE DES MKHAS GRUB THAMS CAD MKHYEN BA DANG, RJE SHER SENG GNYIS LA, DE GNYIS LAS GRUB DBANG 'DUL NAG PA DPAL LDAN BZANG PO, DE NAS DE DBON 'JAM DBYANGS DGE 'DUN 'PHEL BA, RDO RJE 'CHANG BKRA SHIS 'PHAGS PA, 'DUL NAG SPRUL SKU PAn CHEN BSAM GRUB RGYA MTSO, RGYUD BA RNAM GNYIS KYI SNYAN BRGYUD CHU BO ZUNG 'BREL BRGYUD CHEN BRTZON 'GRUS 'PHAGS, MKHAS GRUB RDO RJE BZANG PO, 'DUL NAG YANG SPRUL RDO RJE 'CHANG SANGS RGYAS RGYA MTSO, RGYUD CHEN DKON MCHOG RGYA MTSO, RIGS DANG DKYIL 'KHOR KUN GYI BDAG PO RDO RJE 'CHANG DKON MCHOG YAR 'PHEL NAL SNGA NAS, RJE DE'I DGUNG LO DON DGU BZHES DUS SRAD RIN CHEN RTZE NAS CHOS 'DI'I RIM GNYIS KYI NYAMS KHRID ZLA GCIG GI BAR SMIN RGYAS BDAG 'JAM DBYANGS BZHAD RDOR GYIS ZHUS SO, ,GZHAN YANG RDO RJE 'CHANG KHRI RIN PO CHES 'DI'I BSHAD PA SOGS DANG, 'JAM DBYANGS BLA MA SKU SKYE RIN PO CHE NAS DBEN SA LUGS KYI KHRID SOGS LEGS PAR ZHUS SO, ,GNYIS PA NI, DE LTAR BRGYUD PA DAG LAS, 'DIR NI RDO RJE 'CHANG DKON MCHOG MTSAN CAN GYI GSUNG BZHIN KHRID DMIGS TZAM BRJOD BAR BYA'O, ,DE YANG MKHAS GRUB CHOS KYI RGYAL POS BSKYONG RIM KHYAD PAR CAN BSGOM TSUL NI, SBYANGS GZHI DANG SBYOR BA RDZOGS RIM GYI SMIN BYED DU MA ZAD, GZHAN YANG TSE RABS THAMS CAD DU LHAG PA'I LHAS RJES SU 'DZIN PA DANG, BDUD DANG BAR CHAD KYI DBANG DU MI 'GYUR BA DANG, LAS KYI SGRIB PA DAG
, ,PAR BYED PA DANG, ZHI SOGS KYI LAS RAB 'BYAMS MTHA' YAS BA JI LTAR 'DOD PA LTAR 'GRUB CING, GRUB PA CHEN PO BRGYAD LA SOGS PA DAG KYANG 'GRUB PA SOGS PHAN YON BSAM GYIS MI KHYAB PA DAG YOD DE, DE LTAR PHAN YON MTHONG BAS DRADMA PA'I MI LDOG PA'I DANG PAS BRTZON PA CHEN PO BSKYED DE, LHA'I RNAL 'BYOR MTHAR DBYUNG BAR BYA'O, ,ZHES DANG, RJE BDAG NYID CHEN POS KYANG DE LTAR GSUNG BAS GNAD CHEN PO BLA NA MED PA'O, ,RTEN GYI GANG ZAG NI DBANG THOB CING DAM TSIG SOGS BSRUNG BA DANG, KHYAD PAR SNYING RJE CHE BA GCIG GIS, GNAS RGYUD RTOG BDUN LAS, DE LA THOG MAR SNGAGS PAS YID DU 'ONG BA'I GNAS GANG YANG RUNG BAR GNAS LA DGOS PA THAMS CAD BSGRUB PAR BYA'O, ,DE LA GNAS GSUNGS PA NI, DUR KHROD DAM, CHU KLUNG GI 'GRAM MAM, SHING GCIG GAM, BZHI MDO 'AM, RI'I RTZE'AM, KHANG STONG DAM, MA MO'I KHYIM MAM, LHA'I KHANG BA'AM, 'THAB MO'I GNAS SAM, GRONG KHYER RAM, NAGS KHROD DAM, GRONG BAR LA SOGS PA'I GNAS SU SNGAGS PA GNAS TE, ZHES DANG, LA L'I TAS, DANG BOR DUR KHROD CHU 'GRAM MAM, ,SHING GCIG GAM NI MTSAN PHYED NAS, ,BZHI MDO'AM NI RI BO YI, ,RTZE MO DANG NI KHANG STONG GNAS, ,MA MO'I KHYIM MAM PHOG MDZES, ,LHA YI KHANG BA DAG TU DANG, ,'THAB MO'I SA DANG GRONG KHYER STONG, , YID DU 'ONG BA'I GNAS DAG TU, ,'BOL BA'I STAN SOGS LA 'DUG NAS, ,THANG KA LA SOGS GZUGS BZHAG BSGOM, ,ZHES GSUNGS PA LTAR, GNAS DER SLOB DPON SHR'I BHA TRAS, DANG PO KHO NAR BDAG MED PA BSGOM PAS NANG GI KHRUS BYAS, ZHES
GSUNGS PA LTAR NANG GI KHRUS DANG, SLOB DPON ZHI BA YE SHES KYIS DANG BOR KHRUS BYAS ZHES GSUNGS PA LTAR, PHYI'I KHRUS BYAS, MAndAL BYI DOR BYAS ME TOG GCAL DU BKRAM, BRIS SKU BSHAMS, BSAM GTAN GYI STEGS BU DANG LDAN BA'I STAN BDE BA LA KHA LHOR PHYOGS PA'AM PHYOGS PAR MOS, RO GDAN LA 'DUG PAR MOS NAS DUS THOG MAR MTSAN PHYED DU BYAS NAS SKRA BSIL BA 'AM, GON SKRA 'AM MOS PA GANG RIGS KYI SGOS, BDUD RTZI RIL BU 'AM NANG MCHOD BYIN GYIS BRLABS BAS KHA DAG BAR BYAS NAS NYAMS SU LEN NO,, ,,RMAD BYUNG DKON BA'I GSANG SNGAGS ZAB MO'I LAM, ,MCHOG TU GCES PAR 'OS PA'I SNYAN BRGYUD CHOS, ,BSHAD SGRUB SGO NAS YAR GYI ZLA TSES BZHIN, ,'PHEL MDZAD KHYAB BDAG BLA MA'I ZHABS LA 'DUD, ,'KHRUL BA'I RNYOG BRAL 'CHI MED RDZING LAS 'KHRUNGS, ,NGAN RTOG THUN GSUM MUN PA'I GEGS DANG BRAL, ,ZAB CHOS SINDHU WA RA'I 'DAB MA DAG ,RNAM DBYOD SMIN LEGS 'GRAM CHANG GIS PHYE 'DI'O, ,DE LA 'DIR DAM PA GCIG NAS GCIG TU BRGYUD PA'I PHYAG LEN MTHONG BRGYUD DANG, ZHAL SHES RAB MCHAD BA ZHIG RANG CAG GSANG SNGAGS PA RNAMS LA NGES PAR DGOS PAS, RGYAD SDE RNAMS SU LAM GYI RIM PA DKRUGS SHING MI GSAL BA DANG, KHYAD PAR GSANG SNGAGS LA BYIN RLABS KYI BRGYUD BA SHIN TU GCES SO, ,DES NA BDAG GI DBAL LDAN BLA MA DAM BA, RIGS DANG DKYIL 'KHOR KUN GYI KHYAB BDAG ,RDO RJE 'CHANG CHEN PO DKON MCHOG YAR 'PHEL GYI ZHAL SNGA NAS LAS THOS PA'I ZHAL SHES THOR BU BA 'GA' TZAM
, ,BKOD NA, 'DUS PA'I DBANG BSKUR BA'I DKYIL 'KHOR LA LNGA BSRE DGOS PA KLU BYANG GIS GSUNGS PAS, STA GON MA BYAS NA DE MI TSANG BAS STA GON BYED PA 'AM AU PA DE SHAS DKYIL 'KHOR SBYAN DRANGS PA DGOS, DE NI SNGAR RANG GIS STA GON DANG BCAS PA'I MDUN BSKYED BSGRUBS NAS, LNGA BSRE TSANG BA'I DKYIL 'KHOR DE LA BDAG 'JUG GAM GZHAN LA DBANG BSKUR BA BYAS PA'I DKYIL 'KHOR DE GSHEGS GSOL KYI SKABS SU MI GSHEGS PAR NAM MKHAR BTEGS NAS BZHAG PA ZHIG YIN LA, DE PHYIN CHAD BDAG 'JUG SOGS KYI SKABS STA GON MA BYAS KYANG CHOG, ,,TSE DBANG GI PHYAG LEN ZIN BRIS, DANG PO SPYI DANG BYE BRAG GI CHOS BSHAD NAS YID 'KHRUL BAR BYAS, DE NAS SLOB MA BSANG SBYANGS, LHAR BSKYED, GNAS GSUM DU YI GE BKOD, YE SHES PA DGUG GZHUG DBANG BSKUR RGYAS GDAB BYED, DE NAS SNOD RUNG DU BYAS, SLAR YANG MDUN GYI NAM MKHAR MGON PO TSE DPAG MED SANGS RGYAS BYANG SEMS DPA' BO MKHA' 'GRO'I TSOGS DANG BCAS PA SPYAN DRANGS, MCHOG CING BSTOD, DE NAS SLOB MA LHAR GSAL BA'I RAGS BDAG TSE DPAG MED KYI PHYAG GI BUM NANG GI SNGAGS PHRENG LAS 'OD 'PHROS NAS BYIN RLABS, BDUD RTZI NUS PA SOGS BKUG ,BSTIM PAS BUM PA BDUD RTZIS BKANG ZHING LUD NAS SLOB MA'I LUS LA ZHUGS PA GZHUNG BZHIN DANG, ME TOG MTHOR TSE NAM MKHAR BZHUGS PA RNAMS KYIS GLU GAR
MDZAD CING ROL MO BRDUNG, ME TOG DANG GUR KUM LA SOGS PA'I CHAR PHAB PA SOGS BSAM ZHING, DNGOS SU RANG NYID KYIS BYAS, 'BYUNG BA BZHI NI TSE BRTAN PA SOGS BYED PA YIN, LHA BA STIM PA NI, MDUN BSKYED KYI TSE BUM MGONG BZHAG NAS BKA' BSGO RGYAS BSDUS SKABS DANG BSTUN NAS SBYI PO NAS BSTIM, SNYING KAR YE SHES SEMS DPA'I TSUL DU BZHUGS NAS TSE RABS KUN TU LHAG PA'I LHA MDZAD PA'I SMON LAM SHIS BRJOD BYA, DE KA BSTIM PA DANG, DE 'DRA RE CHAD NAS BSTIM PA SOGS SKABS DANG SBYOR, PHYAG LEN 'DI NI PAn CHEN RIN PO CHE'I PHYAG SROL YIN GSUNGS,, ,,PHYAG RDOR AU TZAR GYI MAN NGAG NI, RDO RJE SNGON PO RTZE DGU PA STENG TSANGS PA'I 'JIG RTEN NAS 'OG DBANG CHEN GSER GYIS GZHI LA THUG PA, RA RNAMS KHONG SENG DE LAS YE SHES KYI ME 'BAR BAS STONG GSUM THAMS CAD MES GANG NAS GDON BGEGS THAMS CAD BSREG PAR BSAM PAS, KLU GDON GTZO BOR ZHI BAR BSHAD, GDON BGEGS 'BYUNG BO ZHI BAR GTZO BOR BYED NA, KHRO BO'I TSOGS DPAG TU MED PA 'PHROS NA NGES PAR ZHI BA YIN PAS, 'DI NI MAN NGAG YIN PAR NGES PA MDZOD GSUNGS, 'BYUNG 'DUL GYIS GDON THAMS CAD 'JOMS PAR BYED PA YIN TE, DBANG LDAN NI DBANG PHYUG CHEN PO YIN PAS, DE'I 'KHOR LA DBANG PHYUG PA ZHIS GTZO BA'I TSANGS PA BRGYA PHYIN NAS 'OG KLU CHEN BRGYAD SOGS DE'I 'KHOR YIN PAS, DRAG PO CHE BA ZHIG YIN PAS DE 'DUL PHYIR BSTAN PAS NA 'BYUNG 'DUL MTHU STONGS
, ,CHE BA YIN,, ,,SPOS SBYOR RIGS LDAN MCHOD SBRIN ZHING KHAMS KUN KHYAB CES BYA BA BZHUGS SO, ,AOm SVA STI PRA DZ'A BHYA: SPOS SBYOR 'DZAM GLING KUN KHYAB LA, GUR KUM DANG, TZANDA NA DMAR PO'I DANG, TZANDA NA DKAR PO'I SBYOR SDE GSUM LAS, DANG PO GUR KUM GYI SBYOR SDE NI, SHUG PHYE NYAG BCU LTA BU LA, GUR KUM BZANG NA BOR GANG DANG, 'BRING YIN NA BOR DO DANG, ZHAN NA BOR RE GSUM YANG DGOS LA, DE LA YANG MANG NYUNG TSAD TZAM GYIS MI CHOG SBYOR TSUL GAL CHE BAS, GUR KUM BZANG PO BOR GANG LA, SHUG PA NYIN GSUM BAR DU BTZOS NAS SHUG DRI THON NGES BYAS, DAR TSAGS LA LEGS PAR BTZAGS, NYAG BCU LA, NA KHI ZHAG YUN RING MNYES PAS DRI MA NYIN LAM BCO BRGYAD TSOR GRAGS, BCO LNGA'I BAR DU GNUR GDAGS BYAS PAS SKAM 'GRO BA'I BAR BYAS, BOR RE GSUM, GLA RTZI SPUS GTZANG BOR DO, GLA SGANG NYAG DO, AAR SKYA 'BA' ZHIG PA NYAG DO, SHA BO RU RTA, DRI BZANG, DNGUL SRANG GANG DANG MNYAM PA, GHI WANG BUR MA 'DRA, SRANG GANG DANG MNYAM PA, LI SHI DE 'DRA TZAM, PI LA SRANG GANG, DRI BZANG YANG RLUNG LA LDANG, SUG SMAN SRANG PHYED, DZA TI RDOG BDUN, DRI BZANG LA MNYAM, RLUNG LA PHAN ZHING DRI MCHOG, GA PUR DNGUL DRI BZANG YANG BSIL, ?BSOD NAMS CHE, DBANG GI RDZAS, GUR KUM MDAG BZANG ZHO LNGA; DRONG SMAN, BI BI LING ZHO DO, TZANDA NA DKAR BO ZHO LNGA, DRI BZANG BSIL, KA KO LA, 'DI GNYIS DRI BZANG ZHING RLUNG LA PHAN, RDOG GNYIS, BZANG DRUG AA RU RA GSER MDOG RDOG GSUM, BSOD NAMS CHE, RUD PA CHE BA'I THABS, KHA CHE 'BRING BOR
DO 'AM, RAB YIN NA BOR GANG DANG, ZHAN NA BOR GSUM, SHEL KA RA BOR GANG, RDO DREGS TSON TZAM, RDZAS DE DAG PHYE MA ZHIB BTAGS DANG DAR TSAGS LA BTZAGS, CHANG GAR MA'I NANG DU SNGON DU KHA CHE PHYE MA BLUGS LA GRANG SBYOR GYIS GNU RA, GLA RTZI'I PHYE MA DE BZHIN DANG, GUR KUM GYI MDANGS 'BYIN PA'I THABS, GLA RTZIS KLU LA GNOD PAS SPANGS PHYIR YIN, GLA RTZI MED NA MI DGOS, 'DI MANG NA DRI BSAD 'GRO LA, RDO DREGS DKAR SER SNA TSOGS PA'I STENG BZHAR NAS 'OG BLANGS NA SPOS ME 'BAR, DE NAS RDZAS DGOS BSKOL NA DRI YAL 'GRO, GZHAN KUN BTAB LA MNYES SHING, CHAD MANG NYUNG SHUG PA SBRUS THUB NGES LAS MANG NA MI BZANG, DBANG LAG MANG NYUNG BZANG NGAN DANG BSTUN, DE GUR KUM GYI SBYOR SDE'O, ,TZANDA NA GYI SBYOR SDE SHUG PA KHAL GCIG LA, TZANDA NA KHAL GCIG NYAG LNGA, GU GUL KHA LA GCIG AAR NAG NYAG LNGA, GLA SGANG NYAG LNGA, SHA BO RU RTA BOR GANG, BZANG NA NYAG GSUM, SUG SMAN BOR PHYED DE TZAM MA BYUNG NA'ANG RUNG YANG CUNG ZAD DGOS, DZA TI RDOG PO BCU, BU RAM GYI GAR RDOG NYAG GSUM, GU GUL MED NA TZANDA NA KYI DANG 'DRA, GLA RTZI MED NAN KHI KHYI DANG 'DRA, TZANDA NA AAR SKYA MI BZANG, 'DI SPOS DRI NGAR CHE BSOD NAMS BZANG, KA KO LA RDOG GSUM, AA RU RA GSER MDOG RDOG BZHI, BSOD NAMS CHE LA DU BA SBOM, DBANG LAG BZANG DAN TSOD DANG BSTUN, SBYOR TSUL, SNGON LA GU GUL ZHIB BAR BTAGS NAS, CHANG NGAR MAR BTAB NAS BSKOL TE RAS TSAGS NGAN PA LA BTZAGS, RO MA 'GA' MA LUS PA BYAS, DE LA CHANG BLUGS NAS TZANDA NA BTAB STE KHOL THAG CHOD BYA BYAS,
, ,DE RJES SHUG PA KHU BA BTON PA, SKAM PO MIN NA TSOS MI LEN PAS SKAM SANG GI PHYE MA BTAB PA BSKOL LA TSOS NGES BYAS, DE RJES SMAN GZHAN GYI PHYE MA BTAB LA BSKOL MI RUNG, DRI YAL 'GRO BAS, SMAN GZHAN BTAB NAS LEGS PAR GNUR LA, DE'I KHAR SHUG PHYE SKAM PO MANG PO BTAB PA BYAS NA SMAN GYI DRI THON MI 'GRO, GOS MANG POS BKAB STE BSNYAL NAS ZHAG GCIG BZHAG ,DBANG LAG BZANG NA NYAG BDUN NAM BRGYAD DGOS, 'DI'I MJUG MA TSANG,, ,,GANG GI MDZAD 'PHRIN GRAGS SNYAN PHUN TSOGS BLA MED GDUGS DKAR GYIS, ,MA LUS RAB 'BYAMS RGYAL BA'I ZHING RNAMS MDZES PA'I GZI BYIN GYIS, ,RGYAL BA'I DKYIL 'KHOR RGYA MTSOR DBANG BSGYUR DKON MCHOG MTSAN CAN ZHABS, ,LHA MI'I GTZUG GI NOR BUS RAB MCHOD DE LA RTAG TU 'DUD, ,RAB YANGS 'GRO KUN CHUB PA'I KUN RMONGS SNGON GYI LHA, ,RTAG 'GRO'I SAR LDAN 'BOD ZOL MA NING LTOR BZHUS MES, ,SRID MTSO DON MED BYA BA'I RGYA CAN 'DI SKAM BAR, ,RTAG ZHI RNAM SAD DGA' DANG BDUD NYON SKRAG PA 'DZIN, ,GANG TSE 'BAD PAS MA BSDUS THUB PA'I SPANG RTOGS KUN, ,RAB DGA' RGYAS PA'I KHYOD THUGS 'OD GSAL NAM MKHA' CHER, ,RGYU SKAR MU TIG PHRENG LDAN THUB BSTAN KUNDA'I GNYEN, ,DNGOS KUN LEGS MTSON KUN 'OD RDO RJE'I SAR PHYIN NGES, ,MKHA' YIS 'KHYUD MIN MKHAS BTZUN BZANG GSUM YON TAN TSOGS, ,ZUNG 'JUG ZA MA TOG 'DIR SHONG MIN
ZHING KUN TU, ,NGO MTSAR BKOD PAS SPUD LA SKAL BA DMAN PA 'GAS, ,KYE HUD MYA NGAN 'DAS ZHES SMRE SNGAGS BTON NAM SNYAM, ,SRID ZHI'I LEGS BYAS KUN GYIS MI MTSON PHYIR, ,KHYOD KYI GSANG GSUM SGYU 'PHRUL GAR GYI DPER, , SLAR YANG DKYIL 'KHOR BDAG PO KHYOD BZHENGS PAR, ,DGOS ZHES LHA MIS GSOL BA 'DEBS PA BZHIN, ,GRANGS MED BSKAL PAS PHYIN MIN RGYAL BA'I SANG, ,SNYIGS DUS ZLA BA'I PHRENG LDAN MANG MIN GYI, ,GO MA GCIG GIS GNON NGES GSANG RDO RJE'I THEG ,TSAD MA BZHI LDAN 'JIG RTEN LA RGYAS SHOG ,MTHA' DRUG TSUL BZHI'I GYEN 'THOR MKHA' LA 'PHYO, ,RGYAN BDUN BUM PA BRGYAR SKYES RI BOS BSKOR, ,RGYAL BA'I GSANG GSUM 'DUS RTZE RGYUD RGYAL GYI, ,RAB BRTAN LHUN BOR 'GRO RNAMS LONGS SPYOD SHOG ,GANG NA DAL 'GRO THUR DU 'BAB MIN CING, ,'GRO BA LAS KYIS 'KHOR BAR 'JUG MIN PA, DE SRID BCU LDAN BSHES GNYEN NYIN BYED KYI, ,LHUN GRUB BZHED PA'I SNANG BA 'DOD 'JOR SHOG , 'DZAM GLING YANGS PO'I LTO BAR GRAGS SNYAN DANG, ,ZAB RGYAS CHOS KYI RNGA CHEN ZUNG BSGRAGS PAS, ,RAB 'GENG SRID ZHI'I NYER 'TSO SRE RGYUD KYI, ,'DUS SNGE MCHOG 'DI DBYAR MTSO LTAR 'PHEL SHOG ,RGYAL BA KUN GYI YAB GCIG TZONG KHA PA'I, ,MDO SNGAGS BSHAD SGRUB MTSUNGS BRAL LAM GSUM 'BANG, ,RTAG PAR SKYE DGU'I SMAN DU CHE BA GANG, ,'PHRIN LAS NGE MO MANG GNYER RGYAS PAR SHOG ,YANG DAG BRJOD PA BLA MED BKRA SHIS DUNG, ,LHAG BSAM
, ,DKAR PAS KUN NAS G-YAS SU 'KHYIL, ,MI SHIS MTHAR BYED SGRA DBYANGS YONGS RDZOGS 'DIR, ,SMON BZHIN 'GRUB PAR MCHOG GSUM MTHUS BYIN RLOBS, ,ZHES RIGS DANG DKYIL 'KHOR KUN GYI KHYAD BDAG RJE DKON MCHOG MTSAN CAN GYI NANG RTEN DNGUL GDUNG RIN PO CHE BSNYAN DAR SGRON RGYU 'BUL SKABS, BSTOD DE SMON PA'I TSIG RIN CHEN PHRENG MDZES ZHES BYA BA 'DI YANG, KUN MKHYEN KHRI RIN PO CHE YAB SRAS DANG RJE DE NYID SOGS DAM PA DU MA'I BKA' DRIN GYIS SDE SNOD GSUM RGYUD SDE BZHI THA SNYAD RIG PA SOGS LA'ANG BLO GROS KYI 'JUG PA BRGYA PHRAG SHAR BA'I DGE SBYONG THOS LDAN 'JAM DBYANGS BZHAD PA'I RDO RJE GZHAN PHAN DBANG PO PHYOGS LAS RNAM PAR RGYAL BA'I SDES STON PA MNGON PAR RDZOGS PAR SANGS RGYAS PA'I DUS KHYAD PAR CAN LA SUG BRIS BGYIS PA DGE LEGS SU GYUR CIG, ,,NA MA SSVAR SVA STYEE, SANGS RGYAS GNYIS PA BLO BZANG GRAGS PA YI, ,MDO SNGAGS BSTAN PA'I RGYAL MTSAN 'DZIN MDZAD PA'I, ,MKHAS MANG RGYA MTSO'I DBUS NA MNGON MTHO BA, ,DPAL LDAN BLA MA DAM PAR GSOL BA 'DEBS, ,BLO BZANG BSTAN PA'I YAN LAG BRGYAD LDAN CHAB, ,RGOL NGAN 'KHRUL BA'I RNYOG PA SEL MDZAD PA'I, , 'KHRUNGS RABS KE TA KA'I PHRENG ZHABS BRTAN ZHING, ,LEGS BSHAD GZHUNG BRGYA'I 'CHAD NYAN 'PHEL BAR SHOG ,SPRUL BA'I SKU 'BUM BYANG CHUB SHING GI RTZER, ,'OD ZER RAB 'GYED 'DUS SDE'I GTZUG LAG GI ,'DIR RKANG PA GCIG CHAD DAM,
RGYA PHIB BUM PA BRGYAR SKYES LEGS BSGRUBS PA'I, ,BYANG PHYOGS SKYONG PA'I SBYIN BDAG MI YI DBANG, ,BTZUN MO SRAS DANG 'KHOR 'BANGS THAMS CAD KUN, ,TSE RABS KUN TU RGYAL BA'I BSTAN PA MCHOG ,'DZIN SKYONG SPEL LA GSANG BDAG LTA BUR SHOG ,'GRO BA'I PHAN BDE SPYI DANG KHYAD PAR DU, ,BLO BZANG MDO SNGAGS SMRA BA'I DGE 'DUN SDE, ,SPRUL PA'I SKU 'BUM 'BAR BA'I BYAMS PA GLING, ,BSHAD SGRUB PHAN TSUN 'GRAN BZHIN RGYAS PAR SHOG ,BLA MA 'JAM MGON RGYAL BA'I BYIN RLABS DANG, ,YI DAM RDO RJE 'JIGS BYED MTHU STOBS DANG, ,BSTAN BSRUNG YE SHES MGON PO CHOS RGYAL MTHUS, ,BLO BZANG BSTAN PA DUS KUN RGYAS GYUR CIG ,LEGS SMON TZINTA MA nI'I PHRENG MDZES 'DI; ;RGYAL BA GNYIS PA'I BLTAMS GNAS SPRUL PA'I SKU, ,'BUM PHRAG DKRIGS PA'I GANDHO LA YI TOG ,BZHENGS PA'I SMON LAM DGOS ZHES MI DBANG DANG, ,SKU 'BUM 'DUS SDE ZUNG GIS BKAS BSKUL TSE, ,'DUS SDE DGON GNAS DE LA DGA' DAD PA'I, ,MANG THOS DGE SLONG 'JAM DBYANGS BZHAD PA YIS, ,DGA' LDAN DAM CHOS BKRA SHIS 'KHYIL DU BRIS,, ,,AOm SVA STI SIDDHI, DKON MCHOG GSUM DANG BDE GSHEGS MCHED BRGYAD LA, ,DNGOS BSHAMS YID KYIS SPRUL PA'I MCHOD PA'I TSOGS, ,'BYAMS KLAS 'GRO RNAMS BLA MED BYANG CHUB LA, ,TSE 'DIR 'GOD PHYIR DANG BA'I SEMS KYIS 'BUL, ,THUB BSTAN SPYI DANG RGYAL DBANG
, ,TZONG KHA PA'I, ,RING LUGS RGYAS MDZAD RGYAL BA'I DBANG PO YI, ,ZHABS PAD RAB BRTAN KHRIMS LDAN MKHAS MANG GIS, ,'DZIN MA'I KHYON YANGS MA LUS 'GENGS PAR SHOG, ,DGE TSOGS TSOGS GNYIS CHU GTER LA ZHUGS TE, ,LEGS BSHAD BSHAD SGRUB BSTAN PA'I RGYAL MTSAN CHE, ,DKON MCHOG MCHOG GI THUGS RJE'I GRIB BSIL LA, ,'GRO KUN KUN MKHYEN BAR DU DAL GSOR SHOG, ,, AOm SVA STI SIDDHAm, MTSAN TZAM THOS PAS SRID ZHI'I 'JIGS CHEN LAS, ,YONGS SKYOB BDER GSHEGS MCHED BRGYAD 'KHOR BCAS LA, ,DNGOS BSHAMS YID SPRUL KUN BZANG MCHOD TSOGS DANG, ,MI MTHUN PHYOGS LAS RGYAL PA'I RGYAL MTSAN CHE, ,SPRIN DKAR THAGS SU BTAGS PA'I BKRA SHIS DAR, ,GSER 'OD RAB 'BAR 'BRUG CHEN 'KHYUD PAS SPRAS, ,G-YU 'BRUG NGA ROR DOGS PA'I SGRA 'BYIN RNGA, ,LHA MI'I RNAM 'DREN BDER GSHEGS MCHED BRGYAD LA, ,'GRO RNAMS RDZOGS PA'I BYANG CHUB THOB PHYIR 'BUL, ,BLO BZANG RGYAL BSTAN CHOS SRID ZUNG GI RNGA, ,RNAM DPYOD LEGS BYAS DBYUG GUS RTAG BSNUN PAS, ,GRAGS SNYAN DKAR POS PHYOGS KUN YONGS KHENGS NAS; ;'GRO KUN RDZOGS LDAN DPAL LA SPYOD PAR SHOG, ,,AOm SVA STI SI DDHAm, ZAB ZAB YON TAN GTER CHEN MCHOG GSUM DANG, ,YANG YANG RGYAL BAS CHER BSNGAGS BDER GSHEGS BRGYAD, ,DUNG DUNG
SEMS KYIS THUB BSTAN BSRUNG BCAS LA, ,LAM LAM BKRA BA'I LHA MI'I DNGOS SPRUL DANG, ,DBANG PO'I GZHU LAS GRUB PA'I RGYAL MTSAN TSOGS, ,BDUD RTZI DAR DKAR YUG 'KHYIL LHA RDZAS DANG, ,DBYAR RNGA DAL GYIS RGOD PA'I DUN DU BHI:, MA RNAMS DON GNYIS RDZOGS PA'I CHED DU 'BUL, ,'JAM DBYANGS BLA MA RJE BTZUN TZONG KHA PA'I, ,RING LUGS CHEN POR RGYAL RNAMS DGYES BZHAD CHE'I, ,RDO RJE 'CHANG GI BSTAN PA DAR DRAG PAS, ,MKHA' YIS KHYAB BZHIN 'DIS KYANG YONGS KHYAB SHOG ,'DI YANG BU SLOB ZHIG GIS MCHOD RDZAS PHUL BA'I SMON TSIG TU GNANG BA YIN NAM SNYAM, ,SRID ZHI'I BRTAN 'PHROG DPAL MO'I MDZES SDUG DANG, ,DRI ZA'I BDAG PO'I DBYANGS KYI DPAL 'PHROG SLAD, ,MES BO'I SNYAN TSIG DBYANGS CAN SPRUL PA GANG, ,KHO BO'I MGRIN MTSOR ROL PA LAS 'DI BYUNG,, ` ,,BRDAS BCING BA'I GAB TSIG GI RGYAN, RIN BRAL GANGG'A SKYES KYI GONG BU CHE, ,MU KHA LA 'ONGS DPAL DU MI 'DZIN PAR, ,RGYA MA LIB MO'I GNYEN PO PHRAN BU DAG ,TSOL BA DE 'DRA BLO GROS LDAN NAM CI, ,MTHA' DAG GZUGS CAN RAB RTOG TU BSRES PA, MDO RGYUD SA 'DZIN MA LUS 'KHUR BA LA, ,MI NGAL SPRO BA'I ZHVA SER 'DZIN PA'I MKHAS, ,MKHYEN YANGS DUS SBAL GYAD KYI DANG TSUL CAN, ,GCIG MIN 'DZIN MA DOG POR BYAS PA BZHIN, ,DGA' PA'I BSDUS BRJOD RGYAN, GZIGS YANGS SPYAN LDAN MES PO'I THOD LAS BABS, ,BRGYAD KYI RO LDAN DRIM KUN DANG SPAL, ,DAG NGAS BSGRUBS PAS GANGG'A LA ZHAGS NAS
, ,NAGS DANG BYA ROG LHAN CIG 'DZOM LA DGA', ,NGO MTSAR PHUL BYUNG, YON TAN PHUNG PO MKHA' LA MI SHONG ZHING, ,BLO GROS SRANG GIS MI THEG DPAL TU LCI, ,DE LTA'I YON TAN 'DOM GANG MI LUS LA, ,SHONG BA AA HO SGYU MA MIN NAM CI, ,RAB SPEL, RDUL PHRAN GRANGS LA 'KHU BA'I 'GRO BA DAG ,'PHRIN LAS KHOR YUG RI BOS RTAG 'KHYUD BA, ,MES BO SKYENGS PHYIR BYED POS BSKRUN PA 'DI, ,MA BYIN BLANGS BAS BSHES KHYOD SNYEMS MI RIGS,, ,,'DI NI SNGON MED BSDUS BRJOD, MUN BA STUG BOR 'DOM 'JAL RANG SNANG GIS, ,ME KHYER SRIN BU KVA YE BAG YOD RIGS, ,SRID NA SHONG MIN SNANG BA'I GTER CHEN PO, ,'CHAR DANG NUB BRAL BCU GNYIS BDAG PO MCHIS, ,'JIGS RUNG BSDUS BRJOD, RO LA CHAGS NAS PAD MTSOR RNYOG PA'I TSOGS, ,SLONG BYED LAG LDAN TSOGS KYANG SKAD MA 'BYIN, ,'DI NA GLOG GI LCE CAN SPRIN GYI SGRA, ,SHIN TU BZOD MIN RTZAL LDAN GDOD LNGA MCHIS, ,DE NI SNYING LA 'JAM DPAL NYID ZHUGS PAS, ,MGRIN PA GSUNG DBANG 'DAB BRGYA'I RGYA GROL BAR, ,SNYAN TSIG BUNG BA'I GLU DBYANGS 'TSER BA'I GLU, ,DRI ZA'I RGYUD BLANGS 'JIGS MED RDO RJE'O, ,ZHES PA'ANG 'JAM DBYANGS BZHAD RDOR GYIS BRIS,, ,,MNYEN GSHIN BYAMS PA'I 'DZUM GYI DKYIL 'KHOR RGYAS, ,ZAB RGYAS BSLAB STON BDUD RTZIR 'BABS NGES SEMS, ,BLO GROS 'DAB MA RAB DGA'I SBRANG RGYAS BAR, ,LEGS BSHAD
DRI BSUNG SPRO BZHIN MGO LCOGS LDEM, ,LTAN SDUG BA ZHAL RAS ZLA BA LAS, ,MYANG YANG TSIM BRAL RAB BSIL LEGS BSHAD KYI, ,GA BUR DOG BA BRAN BA'I BDAG BLO'I MTSO, ,MA BSKRUN BZHIN DU NAM MKHA'I MTHA' DER 'PHYO, ,MANG DU THOS PA'I RIN CHEN SNOD YANGS RTAG TU RNAM PAR BSAM PA'I MTSO, ,RAB TU ZAB PAS RGYA RNGAM GSHAG KYANG RNYOGS PA'I RDUL GYI DRI MAS DBEN, ,'CHAD RTZOD RTZOM RLABS LING LING G-YO YANG SNYING NI TING 'DZIN LAM MI 'KHRUG ,GANG LA 'BAD PA'I RE BA MCHOG TU SKONG BYED KHYOD NI NGO MTSAR 'PHRED, ,'DI YANG RJE NYID KYI PHYAG BRIS NGOM LAS BSHUS, ,H'Um GANGS RI'I MDOG CAN RTA MCHOG STENG NA BRJID, ,RU MTSON PHYAR ZHING SNYAN GRAGS TSE DPAL BSKYED, ,BDUD RTZI BUM PAS CI 'DOD DNGOS GRUB STER, ,LHA CHEN SPOM RA'I SKU LA BDAG BSTOD DO, ,KHYED LA MCHOD CING BSTOD PAS RNAL 'BYOR BDAG ,DPON SLOB DGON GNAS MI NOR BCAS PA KUN, ,BCOL LO GTAD DO NYIN GSUM BYAR DANG, ,MTSAN GSUM MEL TSE RTAG TU BSRUNG BAR MDZOD, ,DGRA DANG BGEGS KYI GNOD PA KUN NI ZHING, ,RNAL 'BYOR BDAG CAG CHO DANG LONGS SPYOD RGYAS, ,KHAMS GSUM DBANG SDUD STOBS CHEN SHUGS LDAN PA'I, ,'PHRIN LAS RNAM BZHI'I DNGOS GRUB BSTZAL DU GSOL,, ,, BRAG DKAR BSANG MCHOD 'DOD DGU'I CHAR 'BEBS ZHES BYA BA BZHUGS SO, ,NA MA: SHR'I BADZRA BHER W'A YA, RANG YI DAM GYI BRGYAL LA GNAS PAS BSAD RDZAS MCHOD GTOR RNAMS AA MRi TAS BSANGS, SVA BHA WAS SBYANGS, STONG PA NYID DU GYUR, STONG PA'I NGANG
, ,LAS RANG RANG GI MID YIG DANG PO THIG LES BRGYAN PA ZHU BA LAS BYUNG BA'I DAM RDZAS SPYAN GZIGS MCHOD GTOR RNAMS KUN TU BZANG PO'I MCHOD SPRIN GYI RANG BZHIN LHA GNYAN CHEN PO 'KHOR DANG BCAS PA'I DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAS GZHI BAR SNANG GI KHYON THAMS CAD YONGS SU GANG BAR GYUR, AOm A'A: H'Um, ZHES BYIN GYIS BRLABS, H'Um BLA MA YI DAM MCHOG GSUM THUGS RJE DANG, ,BSTAN SRUNG MTHU STOBS RTEN CING 'BREL 'BYUNG MTHUS, ,DNGOS BSHAMS YID SPRUL MCHOD PA'I SPRIN CHEN PO, ,'DOD DGU'I PHUN TSOGS SA KUN KHYAB BA GYUR CIG ,GAR BZHUGS RIN CHEN LAS BYUNG GZHAL LAS NAS, ,MTHU STOBS RDZU 'PHRUL RMAD BYUNG LHA GNYAN CHE, ,BRAG DKAR DGE BSNYEN CHEN PO 'KHOR BCAS RNAMS, ,THOGS MED 'DIR GSHEGS YID 'PHROG GDAN LA BZHUGS, ,DNGOS BSHAMS YID SPRUL ROL PA LAS BYUNG NGA'I, ,DVANGS BSIL MCHOD YON NYER SPYOD ROL MOR BCAS, ,LHA BSANG DUD SPRIN NAM MKHA'I KHAMS KUN 'GENGS, ,MDZES PA'I RTA MCHOG KHYUNG LTAR LDING BA DANG, ,G-YAG DKAR ZHOL CHEN NGA RO 'BRUG BZHIN SGROGS, ,DE SOGS MTHUN RDZAS GO MTSON SNA TSOGS 'DIS, ,BRAG DKAR DGE BSNYEN 'KHOR BCAS MNYES GYUR NAS, ,BYANG CHUB GLING GI SGOM SGRUB DGE 'DUN SDE, ,SRID MTHA'I BAR DU DAR ZHING RGYAS PAR MDZOD, ,RGYAL BA GNYIS PA YAB SRAS BKA'
BZHIN DANG, ,'JAM DPAL GSHIN RJE'I GSHED KYI DAM TSIG BZHIN, ,MA G-YEL MTHUN PA'I LAS SGRUBS 'GAL RKYEN SOL, ,'DOD DGU'I LONGS SPYOD CHAR BZHIN 'BEBS PAR MDZOD, ,RMAD BYUNG SRAS BCAS SOGS BYA, ZHES BRAG DKAR DGE BSNYEN CHEN PO'I BSANG MCHOD 'DOD DGU'I CHAR 'BEBS ZHES BYA BA 'DI NI, BRAG DKAR RAB 'BYAMS PA CHOS 'DZIN GRAGS PAS BSOD NAMS KHA BTAGS, DNGUL DONG TZE MANG DU PHUL NAS YUL LHA'I GSOL MCHOD RGYUN DU BYAS CHOG PA ZHIG DGOS ZHES BSKUL BA'I NGOR, SH'AKYA'I DGE SLONG 'JAM DBYANGS BZHAD PA'I RDO RJES SBYAR BA 'DIS KYANG BSTAN 'GRO LA DGE BAR GYUR CIG, ,,
, ,NA MA SSVA RA SVA TYEE, SNGON SBYANGS RNAM DKAR BAG CHAGS STOBS CHE BAS, ,GZIGS PA TZAM GYIS GZHUNG BRGYA'I TSIG DANG DON, ,DVANGS PA'I SHEL LA SNA TSOGS TSON BZHIN DU, ,'DZIN MDZAD NAM MKHA' LHUN GRUB ZHABS LA 'DUD, ,LEGS SMON NAM MKHA' BZHIN DU RGYA CHE BAS, ,MKHAS GRUB DU MA'I ZHABS BSTEN SO THAR SOGS, ,SNGOM GSUM 'BAD MED LHUN GRUB SRUNG MDZAD PA'I, ,BTZUN PA'I MCHOG GYUR MGON LA GSOL BA 'DEBS, ,THOS DANG BSAM PAS MDO SNGAGS GZHUNG LUGS TSOGS, ,NAM MKHA' LTA BU'I MTHA' YAS LEGS RTOGS NAS, ,'CHAD RTZOD RTZOM LA LHUN GRUB THOGS MED PA, ,PAn CHEN KUN GZIGS DAM PAR GSOL BA 'DEBS, ,CHOS KUN SGYU MA LTAR RTOGS 'JIG RTEN CHOS, ,SMYON PA'I GAR DANG NAM MKHA'I DKYIL BZHIN DU, ,SPROS KUN STONG PAR GZIGS NAS LHUN GRUB TU, ,SKYE BA'I ZLOS GAR MDZAD LA GSOL BA 'DEBS, ,MGON KHYOD THUGS LA BZHED PA'I THOS BSAM SGOM, ,GZHAN DON MDZAD 'PHRIN 'KHOR LO BZHI LDAN GYI, ,SPRUL PA'I RABS KYI PHRENG BA NYIN BYED BZHIN, ,PA DAG SOGS 'DAB BRGYA'I DPAL DU LEGS 'CHAR SHOG ,TSE RABS KUN TU KHYED SOGS DAG BA'I BSHES, ,RGYAL DANG RGYAL SRAS MANG BOS RJES BZUNG STE, ,SGRA DBYANGS SRAS DANG NOR BZANG KUN BZANG BZHIN, ,BDAG CAG DON
GNYIS LHUN GYIS GRUB PAR SHOG ,BLA MA RGYAL BA SRAS BCAS THUGS RJE DANG, ,RTEN 'BYUNG BSLU BA MED PA'I BDEN PA DANG, ,BDAG CAG DANG MOS STOBS KYIS BDEN PA'I TSIG ,JI LTAR SMON PA BZHIN DU 'GRUB GYUR CIG , CES GZHUNG BRGYA THOGS MED DU SMRA BA'I PAn CHEN NAM MKHA' LHUN GRUB KYI BSTOD PA GSOL 'DEBS TSOGS GNYIS KYI CHU GTER ZHES BYA BA 'DI NI PAn CHEN DE NYID KYI SLOB MA DKA' CHEN BCU PHRAG SMRA BA BSTAN 'DZIN RGYA MTSOS BSKUL NGOR, SH'AKYA'I DGE SLONG MANYDZU GHO sh'A HAS SYA BADZRA GYIS BRIS PA KUN LA PHAN PAR GYUR CIG,