*, ,DPAL 'KHOR LO BDE MCHOG DRIL BU LUS DKYIL GYI ZAB KHRID STZAL THOB KYI ZIN BRIS 'CHI MED BDUD RTZI'I THIGS PA ZHES BYA BA BZHUGS SO,, ` PHYI LO 1977 ZLA 12 TSES 13 NAS ZLA 12 TSES 25 BAR, ` \NYIN DANG POR/ 'GREL GTOR SOGS SNGON 'GRO'I SKOR RJE PHA BONG KHA'I GSUNG 'BUM GA PAR GSAL BA LTAR DANG, BRTZI BZHAG DE LA 'DIR NAS RDZOGS RIM NYAMS SU LEN TSUL LO, ,BAR STZAL, RJE TZONG KHA PA CHEN POS, DAL BA'I RTEN 'DI YID BZHIN NOR LAS LHAG ,ZHES PA DRANGS NAS GSUNG BSHAD STZAL, DA RES CHOS BYED NA, GANG TSE RANG DBANG 'JUG CING X DA RES RANG SEMS JI TZAM BKUG KYANG 'GUGS MI NUS PA SOGS 'DI DAG SNGAR CHOS DANG MA MJAL BA'I RTAGS YIN, PHYI ROL PA DANG NANG PA GNYIS KAR GSANG SNGAGS 'DRA 'DRA YOD PA, LAM GTZO GSUM GYI SGO NAS KHYAD PAR 'BYED DGOS, LHA BZHI NAM MKHA' NAS 'ONGS PA GTZO BO GNYIS DANG G-YOG GNYIS TE BZHI, DES DRI ZA SOGS GZHAN LA RIGS 'GRE, DBANG PHYUG 'DUL BA NI, GSANG 'DUS KYI NANG GI LUS NGAG YID GSUM G-YO 'GUL MED PAR GYUR, ZHES PA DANG DON 'DRA BAS, DE'I DON NI, DE DAG 'OD GSAL DU BCUG PA'I DON YIN PA LAS, PHUR BU BTAB 'GUL BSKYOD BYA RGYU MED PA'I DON MA YIN GSUNGS, RTOGS BRJOD
, ,MDUN LEGS MAR, DE PHYIR RTZA BA'I RGYUD KYI RJES 'BRANG NAS,, X X BLA MA'I MAN NGAG LAS NI SHES BYAR GSUNGS, ,ZHES SOGS GSUNGS PA LTAR RTZA BSHAD SBYAR DGOS PA DANG, DE YANG BLA MA'I MAN NGAG LA RAG LUS PA YIN TE, DPER NA, MDO PHYOGS LA SHER PHYIN YUM DE RTZA RGYUD, MNGON RTOGS RGYAN DE BSHAD RGYUD DANG 'DRA, MDO RGYAN SBYAR BA BLA MA'I MAN NGAG LA LTOS PA DANG 'DRA BA YIN, 'JAM BZHAD KYI BLA MA, ME RGAN BLO GROS RGYA MTSOS RGYAS PAR BSHAD NA SNYAN BRGYUD MAN NGAG 'JIG GCIG TU BSDUS NA MAN NGAG THOR BU 'JIG DPER NA, t'I SING LTA BUR BOD RIGS SHIG MTHONG TSE RTAGS DANG SPYOD PA NAS NGO SHES NAS, LAM SENG 'DRIS MIG BTANG SAR BSKYOD PA LTAR, DPA' BO MKHA' 'GRO SGRUB PA PO DANG NYE BA'I GNAS YUL NA BZHUGS PA MYUR DU BYON NAS LAM GYI GROGS MDZAD PA YIN, MA HE RGOD, CES PA G-YAG RGOD LA BYED, MA RUNG TSAR GCOD GU HYA PA, ZHES BSNGAGS PA LTAR, BLA MA'I SKU DGRA 'JIG RTEN GYI MKHA' 'GRO MA BROS SONG BA 'TSOL NAS MTHAR SHING SDONG NANG NAS 'BU ZHIG SPRUL NAS RNYED PA TSAR BCAD NAS DGRA SHA LON TSUL, LHA SA'I GTZUG LAG KHANG GI
AE WAm NANG DU PHUR LCOG BYAMS PAS GSANG 'DUS KYI DBANG GNANG SKABS LCANG SKYA ROL RDOR GYIS ZHUS PAR, LAM RIM GYI GSUNG BSHAD MANG BAR LCANG SKYAS BSNGAGS BRJOD MDZAD TSUL, 'DI NYIN BDAG BSKYED DPE THUNG DBU BLA MA 'KHOR LO SDOM PA'I NAS, 3 NA 1 KHA DAG PAR BYAS LA, BAR LUNG STZAL, LCANG SKYA'I BSKYED RIM 4 NA 5 RJE RIN PO CHES BZHED DE BAR STZAL, DVAGS PO'I BSKYED RIM DBU NAS, 3 NA 1 RAG LUS PAR BSAMS NAS BDE MCHOG ZIN BRIS DBU NAS 28 NA 3 ZHIG GIS NYAMS SU LEN DGOS, BAR STZAL, ` \NYIN GNYIS PAR/ BRTZI BZHAG GONG MTSAMS NAS RDOR SEMS BSGOM BZLAS SO, ,ZHES PA'I BAR, BDE ZIN 28 NA 6 GDOD NAS GRUB PA'I DUR KHROD DU, ZHES PA NI BSKAL PA CHAGS DUS NAS LHAN DU GRUB PA'I DUR KHROD RVA MA LI LTA BU LA BYED, SHING GCIG PA NI, RGYANGS GRAGS TSUN CHAD SHING GZHAN MED PA'I SHING SDONG GCIG PU CAN LA ZER, TSANG TSING NI, SHING GI YAL GA PHAN TSUN REG CING 'DZINGS PA LA ZER, SENGGE LTA BU'I GANG ZAG NI, STONG NYID RTOGS PA DANG, BYANG CHUB KYI SEMS DANG LDAN PA SOGS LA BYED, SA NGAN PA, PHUNG GSUM GYI SA ZHES,
, ,RGYAL PO STONG PA, GRONG KHYER STONG PA, DGON PA CHEN PO STONG PA BCAS LA BYED, MTSAMS THO'I LHA LA RNAM SRAS BSKYED PA TSUL KHRIMS DAG PA'I DGOS PA YOD, 'PHAGS SKYES PO BSKYED PA TSE'I BAR CHAD SEL BA'I DGOS PA YOD, BDE 'JIGS GNYIS LA KHA LHOR BLTA BA'I RGYU MTSAN NI, 'JIGS BYED KYI GDUL BYA'I GSHIN RJE LHO PHYOGS SU YOD PA DANG, BDE MCHOG NI SNGON BYUNG STON PA'I RNAM THAR DANG MTHUN PA, ` SPYIR RANG LUGS DGE LUGS RIL BU BYUNG NA LEGS KYANG, RNAL 'BYOR MA LA SA SKYA NAS BRGYUD PA'I BDUD RTZI RIL BU BYUNG NA LEGS, BDE ZIN 31 NA 6 PADMA'I TSOGS NI NYAMS DGA' BAR, ,BUNG BA'I TSOGS 'DU JI BZHIN DU, ,DAM TSIG RDZAS LA LEGS GNAS NA, ,RING POR GNAS KYANG BYIN GYIS BRLABS, ,BDE ZIN 31 BA 5 BDAG GI BLA MA ZHES PA YAB RIN PO CHE YIN, SNGAGS LA MGO MED MTHA' MED SOGS KYI SKOR 'DI BSHAD RGYUD RDO RJE PHRENG BA'I LE'U ZHE GNYIS PAR GSAL YOD SNYAM, BDE ZIN 34 NA 3 SKYIL KRUNG GIS RDZOGS RIM SKABS THUR SEL GYI RLUNG GYEN DU 'DREN PA, ZHES PA NI SROG THUR BSRE BA'I RNAL 'BYOR, MIG SNA RTZER
GTAD PAS SNA RTZE GSUM GYI RNAL 'BYOR, SKAD CIG DKRONG BSKYED 'GOR, SNOD BCUD GZHAN BSDU MI DGOS, RANG LUS HRIL GYIS BSDU BA RIL 'DZIN, BLA MA RNAMS RANG LA THIM PAS RANG SEMS BDE STONG GI RANG BZHIN DU SONG BA DANG, LUS 'OD KYI RANG BZHIN DU GYUR NAS BSDU, BAR DO LONGS SKU'I LAM KHYER RTEN 'OD KHRU GANG NGAM MI TSAD TZAM PA GSAL BA SKAD CIG GIS HE RU KAR BSGYUR BA, GLOG BRNYAN BSTAN SKABS YI GE RNAMS KHANG PAR GYUR PA LTA BU DGOS, BDE ZIN 'DIR DVAGS PO'I GSUNG MANG PO BTUS, LCANG SKYA MANG CHE BAS MA BTUS, DPER NA, SKABS 'DIR RUS RGYAN SOGS LCANG SKYA'I KHRID DU GSAL BA 'DIR MED, 'PHEN PA BTANG TSUL 'DIR MA GSAL YANG, CHOS SKU'I NGANG NAS GNAS NA SEMS CAN GYI DON MI 'BYUNG BAS GZUGS SKUR LDANG SNYAM PA'I 'PHEN PA BTANG DGOS, BDE ZIN 36 BA 1 'OD KYI GONG BUR BSAMS, ZHES PA 'DUL BA LUNG DU, ME LUS KYI DBYIBS SU 'DUG PA LTA BU, MCHOD SDONG RIN PO CHE GSER GYI PHRAS BTAB PA LTA BU, MAR ME GSER GYI SNOD DU BZHAG PA LTA BU, ZHES GSUNGS PA LTA BU ZHIG DGOS, RUS PA'I RGYAN DRUG DANG,
, ,,PHYAG RGYA DRUG LA MU BZHI, 'OG PAGS DANG THAL CHEN GYI BYUGS PA GNYIS GCIG YIN LA GCIG SHOS MIN PA'I MU YIN, DBU RGYAN RUS PA LEB MOR BYED PA MI RUNG ZHING, RUS PA'I 'PHRENG BA BRGYUS PA'I 'KHOR LO RTZIBS BRGYAD PA BYA, DE'I DBUS SU NOR BU CHA DGU PA, DBUS KYI 'BUR PO BCAS DGU LA BYED, THOD SKAM RTZE PHRAN DANG BCAS PA LNGA LA RE RE'I BAR RDO RJE NAG PO'I PHRENG BA STOD SMAD DU GNAS PA GNYIS LA BRGYUS PA, THOD SKAM SOR LNGA'I TSAD YIN, 'DI LA DRA BA KHUG PA GNYIS DANG DRA PHYED, DRVA BA DRVA PHYED RNAMS DPRAL BA'I DBUS NAS THUNG BA, SNYAN NGOS KYI G-YAS G-YON RNAMS CUNG RING BA DGOS, TOG NOR BU CHA DGU PA DBU SKRA'I NANG DU SONG BA YIN, 'DIR MTSON DON 'KHOR LO'I RTZIBS NOR BU'I CHA BRGYAD, RDOR PHRENG STENG 'OG TU BRGYAD RE BCAS SO GNYIS DES SPYI BO'I RTZA 'DAB SO GNYIS MTSON, SNYAN RGYAN, 'KHOR LO'I DBUS RDO RJE RTZE GSUM PA LA DRVA BA KHUG PA GSUM BSNOL BA DANG, DRA PHYED LNGA BCAS BYA, MGRIN RGYAN NAM MGUL RGYAN, RDO RJE RA BCU DRUG PA 'DI BSGOM MI BDE, DBUS SU RDO RJE RTZE GSUM PA GCIG G-YAS G-YON LA GNYIS RE BCAS GSUM, DRVA BA
DRVA PHYED NGES MED, SE RAL KHA LA, SNYING KHAR RUS PA'I 'KHOR LO RTZIBS BRGYAD PA, DE'I DBUS SU RDO RJE RTZE GSUM PA BYA, 'OG PAGS LA, PHRENG BA, BSNOL MAR BTANG BAS RE MIG DRUG CU RE BZHI 'BYUNG BA LTE BA'I RTZA 'DAB MTSON, 'DI LA KHUG PA LNGA DANG, DRA PHYED BCU GSUM, 'DI'I DRA BA DRA PHYED RNAMS DKYIL NAS LONG BU TZAM DU RING BA DANG, G-YAS G-YON PUS MO TZAM BAR THUNG BA BYA, THAL CHEN GYI TSOM BU NI, MI RUS MA BSREGS PA PHYE MAR 'THAG PA LA SOR MO LNGAS BLANGS NAS LUS LA LNGA TSOM BYAS PA DANG, THAL CHEN NI MI RUS BSREGS PA'I THAL BAS LUS LA KHYAB PAR BYUGS PA LA BYED PAS MI 'DRA, DRIL BU 'KHROL BA'I SGRAS, SANGS RGYAS KYI ZHING G-YO BA TZAM DU SGROGS SHIG CES PA'I ZHING G-YO BA NI ZHING KUN KHYAB PA'I DON YIN, THOD BSKYED LA, RGYA STONG GSUM DANG MNYAM PA DANG PO NAS BSAM BLO 'KHOR MI THUB, YONG TSOD CIG BSAM NA 'GRIG SHA RNAMS BSKYED TSUL, 'JIGS BYED LTAR NA MGO BO NANG DANG, MJUG MA PHYIR BSTAN PA, KHA G-YAS BSKOR DU BSTAN PA, RNAL 'BYOR MA LTAR NA SHA RNAMS GAN RKYAL MGO PHYIR BSTAN, BDE MCHOG LUS DKYIL 'DIR,
, ,MGO G-YAS, KHA NANG DU BSTAN PA, BDE ZIN, 'DI PHYOGS G-YON BSKOR DANG, MTSAMS G-YAS BSKOR 'DON CHAR GSAL BA LTAR YI GE NOR, DBYANGS GSAL PHRENG GSUM BKOD PA DE DAG DPER NA 'JA' YAL BA'I TSE MGO MJUG GNYIS NAS YAL TE, DKYIL GSAL BA LTA BUR YAL NAS 'BRU GSUM DU GYUR, SKYAR BSHAD GNYIS BDAG BSKYED DANG, SKYAR BSHAD GSUM PA SMON LAM GYI STENG NAS STZAL, LCANG SKYA'I KHRID YIG 9 BA 3 DRAG BSKYED PA YIN NO, ,ZHES PA'I BAR, DVAGS PO'I KHRID YIG 6 NA 3 SPEL MAR BSAMS, ZHES PA'I BAR STZAL, BDE ZIN 43 NA 3 MAN NGAG KHYAD PAR CAN YIN ZHES PA'I BAR STZAL, BDAG BSKYED, 5 NA GTOR MA NANG MCHOD LTAR BYIN GYIS BRLABS LA, BAR STZAL, SMON LAM DBU NAS RIM PA DANG PO'I RTOGS PA SKYE BAR SHOG BAR STZAL, ` /NYIN GSUM PAR\ BRTZI BZHAG GONG MTSAMS NAS BAR DO LONGS SKUR 'KHYER BA'I LAM KHYER BSGOM PA'O,, BAR STZAL, BLA MED LA MCHOD YON SOGS KYI PHYAG RGYA LAG GNYIS KYIS BYED PA, MCHOD LHA PHYAG BZHI YOD PA'I 'OG MA GNYIS KYIS SNOD DANG STENG MA GNYIS KYIS PHUL BA MTSON BYED YIN,
45 BA 6 'DIR 'DOD SNAM LA BKOD PAR GSAL BA, DA LTA DKYIL 'KHOR MA BSKYED PAS 'DOD SNAM MED KYANG, DKYIL 'KHOR GSAL 'DEBS RJES 'DOD SNAM LA BKOD, ` SGRUB KHANG PAS, NGA YANG 'DUS BYAS, BYANG CHUB KYI SEMS KYANG 'DU BYAS YIN PAS NGED GNYIS LA SKYE RES SHIG YOD GSUNGS LTAR, RDOR SEMS BSGOM BZLAS 'DIR, SDIG LTUNG GI 'PHEL KHA 'BYUNG TSUL, DNGUL GYI BSKYED KHA DANG, BSKYED YANG BYUNG TSUL SOGS DANG DPE SBYAR NAS GSUNGS, CHOS LA SMOD PA YANG, DPE CHAR MA GUS PA RKYANG PA MIN, DE LUNG GI CHOS LA MA GUS PA DANG, SDOM PA KHYAD DU BSAD NA, RTOGS PA'I CHOS LA SMOD PA'I NYES PA BYUNG, RJE MID LAS, SANGS RGYAS CHOS DANG DGE 'DUN STE, ,DE GSUM PHYI YI SKYABS 'GRO YIN, ,NGA YANG KHONG LA BSTEN PA'I 'TSENGS, ,KHYED KYANG KHONG LA BRTEN NA 'TSENGS, ,BLA MA YI DAM MKHA' 'GRO GSUM, ,DE GSUM NANG GI SKYABS 'GRO YIN, ,RTZA DANG RLUNG DANG THIG LE GSUM,, DE GSUM GSANG BA'I SKYABS 'GRO YIN, ,'DI RNAMS KYI SKYABS TSUL GRU LA BRTEN NAS CHU'I PHA ROL TU BSGRAL BA LTAR, DE DAG LA GNAD DU BSNUN NAS LAM BGROD PAR BYAS PAS YIN,
, ,YIG BRGYA NYI SHU RTZA BRGYAD 'DON TSUL DVAGS PO BLA MA RIN PO CHE'I PHYAG BZHES BDE ZIN DU GSAL BA LTAR BYA, SDIG PA RNAMS MA BSHAGS NA, MDO LAS, RGOD CING SDIG PA'I LAS BYED PA, ,NGU BZHIN NYAMS SU MYONG BAR 'GYUR, ,ZHES PA LTAR, 'DI'I THAD, TEE LOS, SNANG BAS MI 'CHINGS ZHEN PAS 'CHINGS, ,ZHEN PA THONGS SHIG N'A RO PA, ,ZHES PA LTAR, BSGRUB GZHI RLUNG SEMS NGO BO DBYER MED DE THOG MED NAS YOD PAS H'Um YIG DE DPAL MCHOG DANG PO'I YI GE ZER, DVAGS PO'I KHRID 13 BA 3 CHOS 'BYUNG PHYI DKAR LA NANG DMAR BA GSAL YANG, YONGS GRAGS LTA BUR CHOS 'BYUNG MTHING NAG YIN, BDE ZIN, ZHAL ZAS MA SNA TSOGS MDOG CAN BYA TSUL 'DI KUN RIG NAS 'BYUNG, MCHOD PA PHUL NAS BDE STONG GI YE SHES GSAR PA RE SKYES PA'I MOS PA BYED NA, RANG RE LA TSOGS BSAGS PA'I DGOS PA CHE, DE MIN SKYABS YUL RNAMS SANGS RGYAS YIN PAS YE SHES GSAR PA SKYE RGYU GANG YANG MED, RANG NYID BDAG NYID SKAD CIG MA, 'DI'I 'GREL PAR, SKAD CIG SKAD CIG GIS 'JIG PA'I PHUNG PO RANG GI LUS 'DI ZHES SBREL NA BDE BA YOD, SKYAR BSHAD SKABS,
RDOR SEMS RANG GI SGO GSUM DANG DBYER MED DU GYUR PA'I SGO GSUM DE SGO GSUM PHRA MO YIN, RU NI RNAM RTOG GI DRA BAS BKOD PA STE, DPER NA, SDOM GYI BA THAG LTA BU, LCANG KYA'I BSKYED RIM GONG MTSAMS NAS 19 NA 6 THIG LE'I KHAMS DRUG YIN NO, ,ZHES PA'I BAR STZAL, DVAGS PO'I BSKYED RIM GONG MTSAMS NAS 15 NA 2 ZHES GSUNGS SO,, ZHES PA'I BAR STZAL, BDE ZIN 58 BA 3 YANG 'KHRUL YIN ZHES PA LTAR RO, ,ZHES PA'I BAR STZAL, BDAG BSKYED 5 NA 6 PHEEm RANG GI THUGS KAR NAS 13 BA 4 TSOGS GSOG PA'O, ,ZHES PA'I BAR STZAL, GSUNG BSHAD TSOGS ZHING SMIN MTSAMS SU SDUD PA'I BAR STZAL, SMON LAM, SGO GSUM SPYOD PA X X TSOGS NI RDZOGS PAR SHOG BAR RO,, ` /NYIN BZHI PAR\ BRTZI BZHAG GNYIS PA, THUN GYI DNGOS GZHI LA JI LTAR BYA BA LA GNYIS, X X DAG PA BSGOM TSUL LO, ,BAR STZAL, BSHAD PA BZHI BSHAD MDZAD SROL LTAR, SNGON 'GRO GTOR MA'I SKABS, BSKYED STANGS LA RGYUD GRVA STOD SMAD PHYAG BZHES MI 'DRA BA, GSHEGS GSOL RGYUD STOD PAS GSUNGS LA, RGYUD SMAD PAS MI GSUNGS, THOG MAR PHYOGS
, ,SKYONG BSKYED STANGS MI 'DRA BA'I DBANG GIS YIN PA, RGYUD STOD LTAR NA RANG GI MTHA' SKOR RAM, MDUN DU BKUG NAS MCHOD GTOR PHUL BA'I RJES PHYIR GSHEGS PA DANG, RGYUD SMAD LTAR NA, DANG PO NAS THAG RING LA YOD PA LA, LHA MO SPROS NAS PHAR PHUL BA, DPER NA CHA GSOL PHAR BTANG BA LTA BU DANG, SNGA MA ZA KHANG DU MGRON 'BOD BYAS NAS DE RJES PHYIR GYES PA LTA BU, GTOR SNGAGS, ME ZHES YAR BCAD, PRA YA TZTSAN TU, ZHES DANG, YAKshAS ZHES YAR BCAD, BHU TA ZHES BTON DGOS TSUL, YIG BRGYA'I SKABS DRIL BU DKROL BA, NYES PA CHOS DBYINGS KYI NGANG DU SBYANGS PA, ZHU 'BUL PHYAG BCO BRGYAD PA ZHES PA, SNGA PHYI BSDOMS PA'I PHYAG BCO BRGYAD YOD PA'I DON YIN PA LAS, BSDEBS GCIG TU 'TSAL MI DGOS, SPYI BO'I RDOR SEMS MTHO GANG NGAM REG LAM 'BYAR BA, 'DIR YIG BRGYA G-YON BSKOR DU BKOD, MI GSUM GYIS DUG ZOS NAS GCIG SHI, GCIG SHI LA KHAD, GCIG MI NA BAR YOD PA'I PHYI MA'I BSAM TSUL JI YOD LTA BUR RANG GI SDIG LTUNG LA 'GYOD SEMS DGOS, RDOR SEMS GZI BYIN DANG NUS MTHU CHE RGYU MED KYANG, DE LTAR PHYIN SONG
SNYAM DU BSAMS NA GNAD CHEN PO YOD, RDOR SEMS KYIS KHYED KYI SDIG SGRIB DAG CES GSUNG BAR MOS PA NI, DBANG GI DAG PA DANG 'DRA, SDIG SGRIB DAG PA'I YID CHES BYA DGOS, DE MED NA BYAS BSAGS MA TSANG BA LTA BUR GYUR, SNGAGS LUGS LA, GZHON PA'I RLUNG GIS 'KHOR BA'I RTZA BA BYED KYANG, DE 'KHOR BA'I RTZA BA MA YIN ZER DGOS, STONG PA'I CHOS, STONG PA'I CHOS, ZHES BRJOD TSUL GYI DBANG GIS GO RGYU MI 'DRA BA YOD, RU NI RNAM RTOG GI DRA BAS BKOD PA, ZHES PA'I THAD, BDAG 'DZIN LCAGS KYI DRA BA'I SBUBS SU CHUD,, X SRID PA'I DRA BA 'JOMS PA PO,, X SNGAGS LUGS LA, YUL CAN LA PHRA RAGS YOD PAS BDEN 'DZIN SOGS LA GNOD TSABS CHE CHUNG YOD, DE LA BRTEN NAS LAM LA MGYOGS BUL YOD, DAG PA GSUM GYI RNAL 'BYOR NANG, SEMS CAN THAMS CAD LA PHAN BDE'I SEMS KYIS, ZHES GSUNGS PA'I DON 'DIR 'PHEN PA BTANG TSUL, SEMS CAN 'DI RNAMS KYIS HE RU KA'I DON MA RTOGS PAS 'KHOR BAR 'KHOR, DA NI DE'I DON RTOGS NAS NGES DON HE RU KA'I GO 'PHANG LA 'GOD 'DOD PA, BCUD KYI SEMS CAN LTA CI SMOS, BRTAN PA SNOD KYANG DBYANGS
, ,GSAL GYI RANG SGRA SGROGS PAR BSAM, CHOS 'BYUNG PHYI DKAR LA NANG DMAR BAS BDE STONG MTSON PA DANG, CHOS 'BYUNG MTHING NAG GIS 'GYUR BA MED PA MTSON PAS DE GNYIS GANG BYED KYANG MCHOG TSOGS ZHING MCHOD PA LOGS SU BSHAMS MI BSHAMS DBANG GIS MCHOD PAR ROL MO DKROL MI DKROL RGYUD GRVA STOD SMAD PHYAG BZHES MI 'DRA, GZHAN DU 'DI LTAR YOD CES BSHAD NA, KHRID KYI GO CHOD RGYU YOD, SKYE BA SBYONG RGYU DE, 'DZAM GLING MNGAL SKYES KHAMS DRUG LDAN DANG, DE YANG MA 'ONGS PA NA RANG LA YONG RGYU DE SBYANGS PA LAS 'DAS PA DA LTA SBYANGS RGYU MED, PO TO BAS, NGA SKYE BAR 'JIGS, ZHES GSUNGS PA DANG, RAB GNAS SU, SKYE BA'I LJON SHING RTZAD NAS GCOD DO, ,ZHES GSUNGS PA LTAR RTZA BA SKYE BA NAS BCAD DGOS, RNAM PA MTHUN PAS SBYONG TSUL LA, DPER NA, DMAG RTZED, BDE MCHOG 'DIR DMIGS GSAL SNANG BCAS KYI STONG NYID BSGOM PA ZHIG YOD, DE YANG DPER SLOB PA 'PHAGS PAS SNANG BA MA BSDUS PAR STONG NYID BSGOM PA LTAR, MI THA MAL PA 'CHI BA 'OD GSAL LA NYIN GNYIS GSUM ZHIG BSDAD PA DANG, RGAN PO ZUNG ZAD, NAD PA
NYAMS THAG SOGS ZHAG GCIG LAS MI BSDAD PA MANG, GLO BUR BA'I 'CHI RKYEN BYUNG BA LA, RTAGS RNAMS SHIN TU MYUR BA SHAR NAS NGOS ZIN MI THUB PA, DPER NA, AUTPALA'I 'DAB MA BRGYA 'BIGS PA LTAR, 'DIR MI GSAL YANG, SNOD RNAMS 'OD SNGON POR ZHU NAS RANG LA THIM PA SOGS RTAGS 'DI RNAMS LEGS PAR GOMS NA, 'CHI BA'I SKABS KYANG KHA TON BYANG BA DANG, CHU RKA 'GOR BCUG NA SHAR GYIS 'GRO BA LTAR, KHRID SKABS RJE PHA BONG KHA'I PHYAG BZHES SU DPE CHA RNAMS LUNG KLOG NAS DMIGS RIM RNAMS THUGS THOGS NAS GSUNGS, 'OD GSAL ZLA NYI SMAG GI SKYON DANG BRAL BA, BSKAL PA STONG PA LTA BU'I STONG SANG DE'I NGANG NAS, N'A DA 'DIR MTSAN DPE DNGOS SU MED KYANG DON LA TSANG BAS 'GRIG DPER NA, SGROL MA DANG 'JIGS BYED SOGS LA MTSAN DPE DNGOS SU MED KYANG DON LA TSANG BA LTAR YIN, BAR DO'I SKOR, MDZOD LAS GSUNGS PA LTAR DANG, BSRUNG 'KHOR, GUR GYI STENG RDO RJE RTZE LNGA PA YONGS RDZOGS KYIS MTSAN PA, DUM BU GCIG PA, ZHES PA DPER NA, SHEL DAM LTA BU, 'DIR DKYIL 'KHOR LA DMIGS BSAL ME RIS DRUG CU RE BZHI YOD, SA DKYIL
, ,STENG GI GRA BZHIR RDO RJE RTZE GSUM PA NYAL STABS KYIS MTSAN PA DGOS, YAm RAm LAm GSUM NYAL STABS DANG, SUm LANGS STABS SU BSKYED, PADMA'I ZUR GYIS LCOG BRGYAD KYI NANG DU BYED PA GNYIS GANG MOS BYA RUNG ZHING PHYI MA CUNG BDE, BCUD KYI SEMS CAN LHAR GYUR PA DANG, SNGON NAS GRUB PA RGYU SKYABS KYI HE RU KA STE, 'KHOR 'DAS GNYIS KA'I LHAR GSAL BA TSUR BSDUS PA, ZLA BA DBYANGS GSAL SOGS BSDU SKABS PADMA CHUNG NGU MA GSAL YANG BSDU DGOS, GSUNG BSHAD RTEN DANG BRTEN PA DUS GCIG TU GRUB PA CHOS DBYINGS YE SHES BAR GRUB, LCANG SKYA'I KHRID YIG 19 NA 6 GNYIS PA 'CHI BA CHOS SKU NAS 24 BA 6 SGRUB THABS BZHIN BSGOM, BAR, ` DVAGS PO'I KHRID YIG 15 NA 2 DE LTAR TSOGS ZHING GI NAS 24 NA 3 GSAL 'DEBS DGOS PAS, BAR STZAL, BDE ZIN, GNYIS PA 'CHI BA CHOS SKU NAS 67 NA 3 YANG SBYAR DGOS GSUNGS, ZHES PA'I BAR STZAL, BDAG BSKYED, 13 BA 4 CHOS THAMS CAD NGO BO NAS, 19 NA 3 SPRUL SKUR KHYER BA'I LAM KHYER RO, ,BAR STZAL, SMON LAM, SPROS KUN 'OD GSAL X X DE BZHIN 'GRUB
PAR SHOG BAR STZAL LO,, ` /NYIN LNGA PAR\ 'DI NYIN TSES BCU 'KHEL BAS, TSOGS THENGS DANG POR BLA MCHOD BDE STONG DBYER MED STENG NAS TSOGS 'KHOR DANG BCAS PA, DPYID GLU'I MJUG GTOR MA, 'GREL GTOR LTAR, LAS GSHIN, GZHI BDAG DKAR GTOR, SRID ZHI'I RNAM DKAR 'GOR GO CHA BKOD, SMON LAM BSDUS PA'I RJES TSOGS GROL, CHOS THUN GNYIS PAR, MAndAL DANG, BLA BRGYUD GSOL 'DEBS RJES KHA SANG BRTZI BZHAG MAR TZAM SONG ZIN PAS DE RING MI DGOS PA YIN ZHES STZAL, BAR DO'I SKOR LA, SHA GZUGS, ZHAG ZHE DGU'I NANG NAS PHYED, SNGA MA'I LUS KYI BYAD DBYIBS DANG, PHYED PHYI MA GANG DU SKYE BA BLANGS PA'I BYAD DBYIBS CAN DU BAR DO THOS GROL LAS BSHAD PAS, BDUN BZHI PAR GAL CHE TSUL BSHAD PA YOD, YANG DE'I TSE TSAD ZHAG BDUN BDUN ZHE DGU STE, GANG DU SKYE BA'I SA LA BRTZI BA DANG, MI'I ZHAG LA BRTZI BA'I LUGS GNYIS YOD KYANG, NGES PAR MI'I DBANG DU BYA DGOS PA'I RGYU MTSAN MED SNYAM, SHAR SOGS PHYOGS BZHIR, SUMBHA NI, SOGS BKOD PA'I TSE, SNGAGS RANG SGRA 'BRUG STONG LTAR SGROGS PAR BSAM, DBYANGS GSAL
, ,BSKYED PA'I TSE LANGS STABS DANG, ZLA BA'I GZUGS BRNYAN LTAR SHAR BA'I DBYANGS GSAL NYAL STABS SU BSAMS, YANG NA ZHES PA'I BSHAD PA 'DI, MA RGYUD KYI THUN MONG MA YIN PA GTUM MO LA SBYAR BA'I BSHAD PA YIN, DVAGS 'KHRID 32 NA 6 SHING GI MING, PA TRA, SARKA, ZHES PA NOR, PARKA YIN, GSER GYI SKE RAGS KYI ZUR GYI GDUNG BSNOL MA BTANG BA 'DI, BOD LA GLANG SNA BRE 'GYOGS ZER, MDA' YAB KYI MING, BOD DU NYA RGYAB GONG LA, PU SHU SOGS ZER, RTA BABS KYI STENG MDA' YAB PADMA RI DVAGS MJUG MA'I PHYOGS SU GNYIS BKOD TSUL SOGS LA GSUNG SROL MANG YANG, LAG LEN PHYAG BZHES LA, MDA' YAB PHYI NANG BCU RE BSGRIGS PA, SHING KHROL LTA BUR DE'I NANG RI DVAGS SOGS, SPYI BOR THOD SKAM GCIG GIS BRGYAN PA NI, SPYI BO'I BYANG SEMS MTSON PA DANG, THOD SKAM LNGAS BRGYAN PA BDE GSHEGS RIGS LNGA YIN PAS MI 'DRA, DUR KHROD KYI GRUB THOB DE THOD SKAM GCIG GIS BRGYAN PA YIN, DUR KHROD KYIS SGRUB PA PO'I LUS MTSON PA DANG, DE'I DBUS KYI SHING GIS RTZA DBU MA MTSON, DE'I RTZA BA'I PHYOGS SKYONG GIS THUR SEL GYI RLUNG MTSON,
RI'I RTZA BAR YOD PA'I MES GTUM MO DANG, RTZE MOR YOD PA'I MCHOD RTEN GYIS KUN DA LTA BU'I BYANG SEMS MTSON, YANG MCHOD RTEN GYIS CHOS SKU MTSON, LCANG SKYA'I KHRID YIG GONG MTSAMS NAS 31 BA 1 GNAD KYI DON PO YIN NO, ,BAR, DVAGS PO'I KHRID YIG GONG MTSAMS NAS 33 NA 6 BSGOM PA GAL CHE'O, ,BAR, BDE ZIN, GONG MTSAMS NAS 78 NA 5 LTAR BSGOM GSUNGS, BDAG BSKYED, MJUG TU SMON LAM RGYAS PA'I RJES, SRID ZHI RNAM DKAR BTON, ` /NYIN DRUG PAR\ BRTZI BZHAG MED, GSER GYI SKE RAGS LA KA BA RKYANG BSGRIGS DANG, NYIS BSGRIGS GANG YIN YANG, ZUR LA KA BA GCIG MA GTOGS 'DZUG RGYU MED, BYA 'DAB CES PA BAD PHUR, DUR KHROD KYIS NGES 'BYUNG MTSON PA STE, 'KHOR BA RNAM RTOG KYI DUR KHROD NA,, RDO RJE RVA BAS BYANG CHUB KYI SEMS MTSON, DE NI GANG LA GNOD PA BYAS KYANG X X ZHES DANG, KHONG KHRO'I MTSON GYI MI PHIBS PA, NANG GI THOG 'BUB TSUL, LCANG SKYA'I KHRID YIG LTAR LA, 'DIR MI GSAL YANG GDUNG 'KHOR YOD CES STZAL, SGO LOGS LCAM JI YOD 'DIR MI GSAL YANG GRANGS BCU YOD, PAndI TA
, ,NAGS KYI RIN CHEN LUGS KYI BDE MCHOG GI YUM GYI ZHABS BRKYANG PA ZHIG YOD, DPA' BO'I DAR THOD CES PA BRIS CHA LA MED KYANG, DAR DMAR POR RDO RJES BRGYAN PA ZHIG YIN PA DANG, RDO RJE GZHUNG LA YOD PA, 'PHRED DU YOD PA'I LUGS GNYIS YOD KYANG, GZHUNG LA YOD PA LEGS SHING, ZHAL BZHES GSUNG RGYUN LA YOD, BRIS CHAR, G-YON PA'I KHA tAm GA TSUR BKUG NAS BSNAMS PAR, G-YAS KYIS dA MA RU YANG TSUR BKUG NAS BSNAMS PA BRIS KYANG, BSGOM DON LA G-YAS PA'I dA MA RU PHAR BRKYANGS DGOS, GTZUG GTOR GYI MDUN GYI LDEB LA SNA TSOGS RDO RJE, DRUNG 'KHOR TSO'I SPA LCOG GI GA'U LTAR YOD, 'KHOR LO BDE MCHOG GI ZHAL KHRO CHAGS BRJID PA SOGS DA LTA DA LTA 'GYUR 'GRO BA YOD, THOD SKAM LNGA BCU NI, NANG GI AA LI KA LI DAG PA MTSON, 'DI GSANG 'DUS KYI NANG GI NYER SPYOD LTAR, SNYOMS 'JUG DGA' BA'I ROL PA LAS BYUNG X X X ZHES DANG, DAR PAN AA CARYAS, KA LI PHA STE AA LI MA, ,ZHES SOGS LTAR, RLUNG DE DAG BYED PA LCE RKAN DANG, MA PHRAD BAR MI GSAL BA DANG, DER PHRAD TSE GSAL BAR GYUR, DRAG PO 'JIGS BYED,
SNYING KHA GTI MUG SKYE BA'I GNAS DANG, DPRAL BA ZHE SDANG SKYE BA'I GNAS GNYIS BLTAB NAS MNAN PA, BLA MA'I GSUNG RGYUN ZHIG LA BSGOM DON DU ZHABS GNON GYI LHA GNYIS KYI MGO BO NANG NGOS SU BSTAN PAR BSGOM PA'ANG YOD, DE'I MTSON DON RO RKYANG GI RLUNG DHU TIR THIM PA'I MTSON BYED DENG DUS YONGS GRAGS BRIS CHAR MGO BO PHYIR BSTAN YIN PAS, BRIS CHAR MGO BO NANG BSTAN BYA MI RUNG GSUNGS, ZHABS G-YAS THABS KYI CHA BRKYANGS PAS ZHI MTHAR MI GNAS PA DANG, G-YON SHES RAB KYI CHA BSKUMS PAS SRID MTHA' SPANG PA MTSON, TSOGS BDAG LA 'DAS MA 'DAS GNYIS YOD CING, SPYAN RAS GZIGS KYIS TSOGS BDAG BSGRAL BA'I LO RGYUS SHIG KYANG YOD, MDOR NA BDE MCHOG GIS DBANG PHYUG GI BU TSOGS BDAG BSGRAL BA'I PAGS PA DPA' RTAGS SU BSNABS PA DANG, NGES DON LA GLANG POS GTI MUG MTSON PA, LEGS BRIS MAR, GTI MUG GLANG PO'I 'JIGS PA SKYAB TU GSOL, ,ZER BA LTAR YIN, 'DI LAS 'PHROS NAS DGA' LDAN GSER SKONG RDO RJE 'CHANG GI GSUNG RGYUN, RDZI DVAGS RIN PO CHES PHYAG BZHES SU, GLUD LA GLANG PO CHE'I MGO BYED PA, 'DI GO RGYU CHE, KHVA tAm GAS,
, ,SGRUB PA PO'I LUS MTSON, RDO RJE RTZE GCIG PAS MAR SNE, MGO BO GSUM GYIS LUS NGAG YID GSUM, SBYIR SPYAN LA, GZHU SPYAN, NAS SPYAN, BDE MCHOG GI SKU ZHI BAR BLTAS NA ZHI BA, DRAG POR BLTAS NA KHRO BA'I NYAMS DANG LDAN PA SNGON GYI SKU RNYING LTA BU, dA MA RUS SNYOMS 'JUG GI DGA' BA'I SGRAS BSKUL BA'ANG YIN MOD, SANGS RGYAS RNAMS ZHI DBYINGS SU MA BZHUGS PAR CHOS KYI 'KHOR LO BSKOR BAR BSKUL BA, THOD PA DKAR PO SGYU LUS, KHRAG GIS 'OD GSAL MTSON PA, NANG GI HE RU KA DE DBU MA'I NANG YOD BSAM PA TZAM LAS DBU MA GSAL BTAB MI DGOS, GSANG 'DUS LTA BU LUS KYI CHA RAGS PA LHA LA BSKYED PA'I LUS DKYIL LAS, BDE MCHOG LUS KYI CHA PHRA MO LHA LA BSKYED PA ZAB, SNGA MA DPER, SHING TOG PAGS PA DANG MNYAM DU ZA BA LTAR DANG, PHYI MA SNYING PO BTON NAS ZA BA LA ZHIM MNGAR KHYAD BYUNG BA LTAR YIN, GSANG 'DUS LA LUS RAGS PA LHAR BSKYED PA RAGS PA NYER LNGA SOGS SBYANGS NAS SGYU LUS 'GRUB PA'I DGE RTZA SMIN PA DANG, BDE MCHOG LA PHRA BA'I RTZA KHAMS LHAR BSKYED NAS 'OD GSAL 'GRUB PA'I DGE RTZA SMIN, BDE ZIN,
85 BA 1 DAG PAR BYAS PA'I DAG BYA'I ZHES SNANG YANG, GSUNG BSHAD LA DAG CHA'I ZHES PA'I DON DU BKRAL DGOS PAR SNANG, LUS DKYIL SKABS, RANG GI LUS KYI CHA DE THIM PA'I SKAD CIG DER, DE NYID RANG GI LUS KYI CHA SHAS SU GYUR BAR MOS DGOS PA DPER NA, CHU DVANGS MA ZHIG TU RANG GI RNAG KHRAG LTA BU BLUGS NA, DE'I SKAD CIG DER DE'I NGO BO SONG BA LTA BU YIN, SUM MDO ZHES PA, LTE BA'I 'OG TU, RKANG BRGYAD LAS KA BA BRGYAD, CES SGO LOGS KYI RTZIG GDONG KA BA BRGYAD YIN ZHING, GSANG BA 'DUS PA'I 'PHAGS LAM BRGYAD MTSON PA'I KA BA YANG 'DI YIN, NANG GI HE RU KA ZHAL BZHI PHYAG BCU GNYIS PA BSGOM MA THUB NA, ZHAL GCIG PHYAG GNYIS PA BSGOM NA 'GRIG LTE BA'I DMAR CHA YUM PHAG MOR BSKYED PA LTE BA NAS SNYING KHAR DRANGS, L'U AI PA'I LUGS LA, LHA RNAMS ZHAL GCIG PHYAG BZHI PA YIN LA, 'DIR ZHAL GCIG PHYAG GNYIS SHA STAG THUGS 'KHOR GYI RTZIBS PHYI SNGO LA NANG DMAR BA, GSUNG 'KHOR GYI RTZIBS PHYI DMAR LA NANG DMAR, SKU 'KHOR PHYI DKAR LA NANG DMAR BA YIN, BDE CHEN 'KHOR LO'I LHA SOGS LA, RO GDAN
, ,'DON CHAR MI GSAL YANG YOD GSUNGS, KHVA GDONG MA SOGS, SNYAN PHAN CHAD LHA'I DBU LA DE TSUN CHAD KHVA SOGS KYI GDONG BRNYAN YIN PAS SNA CHA SOGS LHA'I SNYAN LA 'DOGS DGOS, LCANG SKYA'I KHRID, GONG MTSAMS NAS 41 BA 2 ZHAL LA LTOS DGOS PA MANG DU YOD DO, ,ZHES PA'I BAR, DVAGS PO'I KHRID GONG MTSAMS NAS 42 NA 6 ZHAL GZHAN GSUM LA MIN NO, ,ZHES PA'I BAR, BDE ZIN GONG MTSAMS NAS 90 NA 5 SPYI DON LTAR DANG, ZHES PA'I BAR, BDAG BSKYED GONG MTSAMS NAS 33 NA 3 RTEN BRTEN PA RNAMS GSAL GDAB, CES PA'I BAR STZAL, ` /NYIN BDUN PAR\ BRTZIS BZHAG BZHI BA GO BGO ZHING YE SHES PA BCUG NAS X X DKYIL 'KHOR BSGOM PA'O, ,ZHES PA'I BAR STZAL, BLA MCHOD KYI NANG GI MAndAL LA, 'DI'I LUS DKYIL LTAR, RANG GI LUS KYI CHA SHAS LAS RANG 'DRA CHAD PA THIM NAS SKAD CIG SNGA MA PHYI'I 'JIG RTEN DE SKAD CIG PHYI MAR RANG LUS KYI CHA SHAS SU GYUR, 'DI LA 'GA' ZHIG GCOD LTAR LUS DUM BUR BTUB PA GSUNGS KYANG, RJE PHA BONG KHA'I GSUNG RGYUN GONG LTAR YIN, SNYING KHA'I DPYID THIG CES, DPYID BRJOD PA NI,
DPER NA, SA 'OG GI DROD RGYAS NAS RTZI SHING NAGS TSAL RGYAS PA LTAR, LTE BA'I GTUM MO 'BAR BA'I DROD KYIS, SNYING KHA'I THIG LE LA BRTEN NAS BDE CHEN GYI YE SHES 'PHEL BA YIN PAS THA SNYAD DE LTA RA GDAGS, 'DOD YON GYI LHA MO LNGA GRA BZHI SOGS SU BKOD PA'I TSE, DRI DE GZUGS KYI NANG DU BSDUS, DBANG BSKUR BA'I SKABS BDE 'JIGS GNYIS KAR, GRVA BZHI'I THOD PA RNAMS GZUGS RDO RJE MA SOGS SU LDANG NAS DBANG BSKUR BA'I BYA BA MDZAD, LUS DKYIL GYI LHA THAMS CAD KHA NANG BLTA 'BA' ZHIG GNAS GCIG LA LHA MANG PO YOD TSE, GO CHA'I LHA DE PHYIR, DE'I NANG SGO MTSAMS MA, DE'I NANG LUS DKYIL DPA' BO DPA' MO RNAMS BSKYED CING, SPYI GTZUG LA YOD PA RNAMS STENG 'OG TU BSKYED, RTZA RNAMS LA KHU KHRAG RLUNG GSUM GA 'BAB KYANG, KHU BA GTZO BOR 'BAB PA DANG KHRAG GTZO BOR 'BAB PA SOGS, RTZA KHAMS YANG YANG BYIN GYIS BRLABS PAS KO BA YANG YANG BRNYIL PA LTAR DUL BA, 'CHI RTZA BOL LA BLTA, LAG MTHIL DANG BOL GONG SOGS KYI 'KHAR RTZA RNAMS 'GAG NAS RIM GYIS NANG DU BSDU BA YIN, LHAN SKYES KYI MKHA' 'GRO MA ZHES PA, RIM PA BZHI PA DON GYI 'OD
, ,GSAL RGYUD LA SKYES PA'I 'PHAGS PA ZHIG LA BYED, THUR SEL SA KHAMS SER PO DE, BY'A DANG SER DY'A PO, LUS DKYIL GYI LHA GTZO BO YAB YUM DANG, PHYI'I HE RU KA LAS GZHAN PA RNAMS LA GNAS GZHI'I SNGAGS 'KHOR BKOD MI DGOS SHING, KHA GSANG BYIN RLABS MI DGOS, LCANG SKYA'I KHRID YIG TU, 'DIR ZHAL LAS SHES DGOS PA YOD CES PA DVAGS PO'I KHRID YIG TU GSAL BA LTAR, NYE BA'I SBYOR BA, RING BA'I SBYOR BA, LHAG PAR NYE BA'I SBYOR BA SOGS YIN PA, 'DI RNAMS ZHIB CHA SLE LUNG BZHAD PA'I RDO RJE'I GSUNG BDE MCHOG GI PHYI NANG GSANG BA'I BSNYEN PA BYA TSUL DER YOD, 'BAR BA'I PHYAG RGYA G-YON BSKOR GCIG DANG G-YAS BSKOR GCIG GIS 'GRIG GSANG BA 'DUS PA'I 'DUS LUGS, 'DIR 'KHOR LO SDOM LUGS KYI BSHAD PA MTHA' DAG GNAD GCIG PA YIN PAS, DER YOD PA THAMS CAD 'DIR SBYAR RUNG, RIGS BDAG GI LHA RNAMS DBANG CHOG LTAR ZHABS SKYIL KRUNG, MI BSKYOD PA G-YAS RDO RJE G-YON DRIL BU 'DZIN, RIN 'BYUNG G-YAS RIN PO CHE DANG G-YON DRIL BU 'DZIN PA SOGS RIGS BDAG GIS BRGYAN YUL NOR BU CHA DGU PA'I DBUS SU YIN, LUS DKYIL
GYI LHA THAMS CAD KYIS SNYOMS 'JUG MDZAD PAR MOS, YANG GTZO BO YAB YUM SNYOMS 'JUG MDZAD LHA THAMS CAD LA BDE CHEN BSKYED PAR MOS KYANG RUNG, RNAM SNANG LA ZLA GDAN DANG, GZHAN LA NYI GDAN BYED PA, BYON SKYEMS NI, BLA DPON GYI THAB BSU LTA BU ZHIG YIN, PHYI'I MCHOD PA RNAMS BUM DBANG DANG 'BREL BA YIN TSUL NI, DE DANG 'DRA BA YIN LA, DES GZHAN GSUM LA RIGS 'GRE, GSUNG BSHAD DNGOS GZHI, PHYI NANG GSANG BA DE KHO NA NYID KYI MCHOD PA'I MJUG SNGAGS MCHOD KYI 'GO'I BAR STZAL, LCANG SKYA'I KHRID GONG MTSAMS NAS 47 BA 4 'DI DAG SHIN TU GAL CHE, ZHES PA'I BAR STZAL, DVAGS PO'I KHRID, GONG MTSAMS NAS 47 BA 4 BZHI PA DANG 'BREL BA'I MCHOD PA'O, ,ZHES PA'I BAR, BDE ZIN GONG MTSAMS NAS 99 BA 6 GSANG MCHOD KYANG DE BZHIN ZHES PA'I BAR STZAL, BDAG BSKYED GONG MTSAMS NAS 46 NA 6 YUN RING DU 'JOG CES PA'I BAR, SMON LAM, ` /NYIN BRGYAD PAR\ BRTZI BZHAG GSUM PA THUN GYI MJUG TU JI LTAR BYA BA X X TSOGS BSAGS PA BLA MA'I RNAL 'BYOR RO,, ZHES PA'I BAR, GNAS GZHI'I SNGAGS RNAMS SHA PAGS
, ,MTSAMS SU MA YIN, PAGS PAR ME LONG LA GZUGS BRNYAN NANG BZHIN, GO CHA'I SNGAGS HR'Im HR'Im ZHES PA MA DAG HREm HR'Im ZHES SNGA MAR 'GRENG BU BYA DGOS, RGYAS BTAB PA'I RIGS BDAG RNAMS BZHENGS BZHUGS GNYIS KA RUNG YANG, BZHUGS PA DE STABS BDE, SV'A H'A ZHES GZHI TSUGS ZHES PA STE, ` NANG MCHOD 'BUL SKABS, RANG LUS LA BKOD PA'I LUS DKYIL KYI LHA RNAMS DANG, PHYI ROL DU SPYAN DRANGS PA'I BDE MCHOG GI LHA RNAMS TE, PHYI NANG GI LHA GNYIS KAR PHUL BAR MOS DGOS, SNGAGS KYI MCHOD PA 'DI, BDE MCHOG GI DE NYID BCU BZHI'I NANG NAS GCIG YIN, BSTOD PA'I SKABS, PHYAG 'TSAL MKHAN GYI HE RU KA ZHIG SPRUL NAS PHYAG BYED PAR MOS, RU DHIR AANDHA MA LA WA ZHES SOGS LA PHRAG DANG RGYU MA'I PHRENG BA 'PHYANG BA, ZHES PA'I DON YIN, DZA tA ZHES PA RAL PA STE, DPER NA RAL GCIG MAR AEK DZA tI ZER BA LTA BU, ZHI GNAS SKABS SHES BZHIN GYI BYA RA BYED TSUL, DPER NA, DGRA LTA BU'I MI DOGS CAN ZHIG DANG MNYAM DU LAM 'PHRANG DOG PO ZHIG TU BSKYOD DGOS TSE GTZO BO LAM LA MIG BLTA DGOS KYANG, MIG ZUR GYIS MI DER BLTA DGOS PA
LTAR BYA DGOS, BSGOM GSAL KYIN 'PHRO GCOD DGOS PA NI, GRUB DBANG BLO BZANG RNAM RGYAL GYIS BKA' GDAMS PA'I GSUNG SGROS THOR BU'I LUNG GNANG BA NA, DUS SNYIGS MAR RANG 'DUL BA'I DUS YIN, GZHAN 'DUL BA'I DUS MIN ZHES PAR BSHUM NAS MTSAMS BZHAG SANG NYIN LUNG GNANG TSE YANG BSHUM NAS NYIN SHAS DE 'DRA BYUNG TSUL, HA CANG LHOD PA MA YIN, HA CANG GRIM PA MIN PA ZHIG DGOS PA'I THAD, MDOR, STON PAS, PI WANG GI SGRA SNYAN PO 'BYUNG BA LA RGYUD DE HA CANG MI GRIM MI LHOD PA DGOS PA'I DPE DANG BCAS SBYAR NAS GSUNG YOD, SKABS 'DIR GSAL SNANG, NGA RGYAL, RANG BZHIN MED PAR BSGOM PA GSUM GAL CHE MNYAM YIN, DES NA DANG POR GSAL SNANG, DE NAS DE LA NGA RGYAL BZHAG NAS NGA'O SNYAM PA SHUGS CAN BSKYED, DE LA ZUR GYIS NGA DE GDAGS GZHI DANG GCIG THA DAD KYI DPYAD NAS RANG BZHIN MED PAR BLTA BA DGOS, DE GSUM MNYAM DU SKYONG BA DANG, DE YANG GANG SHUGS CHUNG DU SONG BA DE GSAL DU BTANG KYIN BSGOM DGOS, DZnOOm DZnOOm ZHES PA 'DI'I DON 'GREL BA LA SLE'U LUNG BZHAD PA RDO RJE'I GSUNG YUNGS 'BRU NAM MKHA' ZHES PA YOD, DE'I DON TSIG YUNGS
, ,'BRU TZAM LA DON NAM MKHA' LTA BUR RGYA CHE BAR YOD PA'I DON YIN, /ZAB DON LEGS BSHAD YUNGS 'BRU NAM MKHA',\ DAM TSIG GI BZLAS PA ZHES BRJOD PA'I RGYU MTSAN NI, SEMS CAN GYI DON BYA BA LA, RGYAL BA SRAS BCAS LA MCHOD PA RNAMS RIGS LNGA SPYI DANG SO SO'I DAM TSIG NANG YOD PAS YIN, 'KHYER SO GSUM LAS, SKU'I 'KHYER SOR LHA SKU'I RNAM PAR GSAL BTAB MI DGOS PAR HE RU KA'I BDAG NYID BLTA BAS 'GRIG RANG GI DRAN RTOG DGE MI DGE THAMS CAD, DPER NA RLUNG GIS G-YOS PA'I MTSO LAS RLABS DKAR NAG JI LTAR BYUNG BA LTAR, GTOR MGRON GYI MJUG TU, YIG BRGYA BRJOD TSE, 'DAS MA 'DAS KYI MGRON YONGS RDZOGS KYI SPYI BOR RDOR SEMS SAM YIG BRGYA BKOD NAS BDUD RTZI 'BEBS SBYANGS BYED, 'DI NYIN GSUNG BSHAD, BSKYED RIM YONGS RDZOGS ZIN PAS, LCANG SKYA, DVAGS PO'I KHRID YIG BDE ZIN, BDAG BSKYED BCAS KYI LUNG KHRID MTHA' DAG RDZOGS PAR MDZAD, RKANG BRGYAD BSTOD PAR, dA RU GSUM DANG DRIL BU GSUM 'KHROL H'Um H'Um ZHES BDE STONG GNYIS DANG, PHAt CES DE GNYIS BSKUL BAR BYED PA MTSON, ` /NYIN DGU PAR\ BRTZIS BZHAG KHA SANG
GI SKYAR BSHAD SKABS, BADZRA NI RDO RJE STE, RDO RJES GZHAN 'JO MAS PA LA ZLA MED PA LTAR, YE SHES DES RMONGS PA 'JOMS PAR BYED, HE HE, RU RU, SOGS GNYIS RE YOD PA TSANG MAS BDE STONG GI YE SHES MTSON, KAm ZHES PA THOD PA'I MING YIG DANG PO LA, THIG LES BRGYAN PAS STONG DANG RTEN 'BYUNG MTSON, KA PA LA NI BDE SKYONG STE, KHRAG LA DGYES PA LA PHYI NANG GSANG BA'I TSUL DU MA YOD PA LAS, PHYI LTAR NA, BDUD BZHI BTUL BA'I KHRAG LA ROL PA DANG, NANG LTAR NA, THOD PAS SGYU LUS, KHRAG 'OD GSAL TE, ZUNG 'JUG LA ROL PA, 'DI'I RGYU MTSAN PHA LAS THOB PA'I KHAMS DKAR PO KUN DA LTA BU DANG, MA LAS THOB PA'I KHAMS KHRAG 'KHOR LO SDOM PA CHOS KYI GAR KHYAB LA STONG NYID KYIS KHYAB, DES GAR KHYAB BDE BAS KHYAB PAS NA SDOM PA, YUM GYI SNYING PO'I DON, BEE RO TZA NA NI RNAM PAR SNANG MDZAD DE SKU'I YON TAN BSTAN, RNAM SNANG NI SNANG MED CHOS KYI DBYINGS LAS GZUGS SKUR BZHENGS SHING SHAR BA, YUM GYI NYE SNYING GIS GSUNG DANG THUGS KYI YON TAN BSTAN, 'DIR dA KI ZHES PA MKHA' 'GRO STE, DE YANG SHES BYA'I BDEN GNYIS LA THUG 'GRO BA STE,
, ,DPER NA, NYI ZLA NAM MKHAR THOGS PA MED LTAR SPYAD, ,CES PA LTAR DANG, RKANG BRGYAD 'GREL PA DNGUL CHU'I BDE MCHOG SKOR DER YOD SNYAM PA DRAN PAS DE TSOR LTOS, GSAL SNANG DANG, NGA RGYAL GNYIS KYI NANG NAS NGA RGYAL GTZO CHE, 'DIR MA RGYUD LA RDOR SEMS BSGOM BZLAS KYI YIG BRGYA G-YON BSKOR BYA DGOS, YIG BRGYA LA GONG BU'I BZLAS PA BYA, SKRA TZAM KHYON LA X DAG PA 'DI NI X RDUL GCIG YUL LA X RDUL GCIG STENG NA X 'BAD RTZOL MED PA NI, SHUGS CAN MA YIN PA, DVAGS KHRID, RTZA DBU MA'I KHA DOG LA, SNGA PHYIR MI MTHUN PA GNYIS NANG 'GAL LTA BUR YOD PA LA SKYON MED, SMIN MTSAMS SU RTZA DBU MA GSEG KHAR BCAD PA LTA BU, SPYI BO'I RTZA 'KHOR KHA DOG SNA TSOGS PA LAS DKAR SHAS CHE BA, RTZA RNAMS MNYEN PA, RTZA LAM SBYANG BA DANG, STONG RA BSGOM PA GNYIS BLA MA'I MAN NGAG GIS SBYAR, DPYID THIG LAS, KHA BA LTA BUR DKAR BA YI, ,PAn CHEN RDZOGS RIM, DVAGS PO'I RDZOGS RIM DPAR RNYING DBU NAS 6 NA 4 ZHES GSUNGS SO ZHES PA'I BAR, SMON LAM, GSUNG BSHAD DNGOS GZHI, RDZOGS RIM DBU NAS BDAG BYIN RLABS RDZOGS MTSAMS
BAR STZAL, ` /NYIN BCU PAR\ DBANG BZHI PA'I SKABS, LUS NGAG YID GSUM GA'I SDIG SGRIB BAG CHAGS DANG BCAS PA DAG PAR MOS RGYU'I BAG CHAGS LA SA BON GYI BAG CHAGS DANG BZHAG PA'I BAG CHAGS GNYIS KA YOD, RO RKYANG GNYIS KYI NANG RLUNG MI GTZANG BA RGYU BA'I SGO NAS CHAM LA PHABS PAS CHAM PA ZER TSUL SMAN GZHUNG LAS 'BYUNG BA LTAR, RTZA DPE DANG, LAG KHRID LA LTE BAR RTZA 'DAB BCU DRUG PO RE RER BZHI RE BYAS NAS DRUG BCU RE BZHI BYED PA 'DI PHYAG LEN YIN ZHING, 'ON KYANG BSGOM TSE BLO LA 'CHAR MA BDE NA BCU DRUG PO RE RE LA GNYIS RE STE SO GNYIS, DE RE RE LA GNYIS RE STE SO GNYIS BYAS KYANG RUNG, L'U AI PA'I GZHUNG DU GSAL BA LTAR, SINDHU RAS BYUGS PA'I MU TIG LTA BU DKAR LA DMAR BA'I MDANGS CHAGS PA, RLUNG SEMS 'JUG PA GCIG PA, MI RTA DANG, DPON G-YOG DANG 'DRA BAR GCIG YONG SAR GCIG SHOS 'JUG RLUNG BSDU BA LA, SNYING KHAR DMIGS PA GTAD NA SROG RLUNG GI NYEN CHE NA, DE DAG LTE BAR SPOS NAS BSGOM YANG RUNG ZHING LEGS, DVAGS KHRID DPAR RNYING 4 BA 4 ZHAL LAS SHES DGOS GSUNGS PA GZHAN MED, THOG MAR LTO BAR
, ,MI BDE BA BSKYOD CING, DE NAS RIM GYIS BDE 'BOL GYIS 'GRO BA YOD, LUGS 'BYUNG GI BDE BA LAS, LUGS LDOG GI BDE BA DE SHIN TU CHE BA YIN, DE YANG SNGON TA RA NA THAS, SNYOMS 'JUG MDZAD DE LUGS LDOG GI BDE CHEN MGO PAGS BUD LA KHAD PA'I BDE BA SKYES, ZHES 'BYUNG, 'DIR NYIN MO'I RNAL 'BYOR SAD DUS SKOR GSUM RE MOS SU BSKYANGS NAS THUGS DAM GONG 'PHEL 'BYUNG BAS DER BSLAB DGOS, LONGS SKU HE RU KA DKAR PO DE, SPRUL SKU DAM TSIG PA HE RU KA SNGON PO DE'I SPYI BO NAS ZHUGS PAS, 'DIR BSRE BA SKOR DGU YANG RGYAS PAR STZAL, 'CHI DUS RLUNG RNAM SHES LA THIM KHAR GZAB, RDOR BZLAS KYI SKABS, SNGAGS KYI GDANGS DE MDA' 'PHEN PA'I SHU SGRA LTAR 'BRU GSUM GYI GDANGS DE DE LTAR MOS DGOS, 'DI SROG 'DZIN RLUNG GI RDOR BZLAS DANG, 'DIS DANG PO LDANG 'JUG GNAS GSUM CHA MNYAM DANG, DE NAS GNAS PA JI RING DU BTANG NAS BSGOM, BAR DO BA DER, RNAL 'BYOR PA RTOGS PA MTHO DMAN DBANG GIS DANG POR THA MAL PA'I BAR DO GRUB NAS DE LAM DU BSGYUR NAS GRUB PA GNYIS YOD, LAS RGYA ZHES PA NI, LAS DBANG GIS
GRUB PA'I PHUNG PO CAN GYI PHYAG RGYA MA'AM RIG MA LA ZER, DVAGS KHRID, THABS LAM SNYING BCUD ZHES GSAL BA 'DI SLE LUNG BZHAD PA'I RDO RJE'I GSUNG YIN, DVAGS KHRID DPAR RNYING 9 BA 1 GSAL BA LTAR, MKHA' GSANG BYIN RLABS NGES PAR DGOS TE, MKHA' GSANG BYIN GYIS BRLABS PA NGAG SNGAGS KYI 'DU SHES SOGS 'DU SHES GSUM DANG BRAL BA'I SNYOMS 'JUG MI RUNG BAS SO, ,N'A RO CHOS DRUG GI GTUM MO 'KHOR LO BZHI MA DANG, 'DI GNYIS 'DRA PO YOD, 'DIR RTZA PHAN TSUN PHU DUNG NANG PHU DUNG BCUG PA LTA BUR BYAS PA RTZA RDO RJE SKYIL KRUNG, THUR SEL GYI RLUNG PHAN TSUN DU SONG BA RLUNG RDO RJE'I SKYIL KRUNG, THIG LE DKAR CHA YAB KYI NGOS DANG, DMAR CHA YUM GYI NGOS SU BYAS PA'I THIG LE BSKYED PA THIG LE RDO RJE SKYIL KRUNG, DE LA BRTEN NAS BDE STONG GI YE SHES BSKYED PA BDE STONG RDO RJE SKYIL KRUNG STE SKYIL KRUNG RNAM PA BZHI, PAn CHEN RDZOGS RIM, DVAGS PO'I RDZOGS RIM DPAR RNYING, GONG MTSAMS NAS 10 NA 3 ZHUGS PA'I BAR SNGAR BZHIN NO, ,ZHES PA'I BAR STZAL, SMON LAM, GSUNG BSHAD DNGOS GZHI, LAS RGYA RDZOGS MTSAMS BAR STZAL,
, ,/NYIN BCU GCIG PAR\ SHI BA'I TSE SNA BUG G-YAS PA RANG GIS BKAG THUB NA RAB, DE MIN SNA BUG G-YAS NAS RLUNG RGYU BA LA RNAM RTOG GI GZHON PA SHUGS CHE BAS SRIN BAL SOGS KYIS BKAG PA LA YANG KHYAD PAR YOD, THUGS DAM LA BZHUGS MI BZHUGS, TZOG TZOG GIS SDOD MIN LA BYA RGYU MIN, TZOG PUR SDAD PA LA HA LAS RGYU MED, DE LAS LHAG YAR LANGS NAS SHI MKHAN, SNA THOD LA RTZE SOGS KU LI RGYUGS MKHAN 'DRA YOD, STON PA BCOM LDAN 'DAS KYANG GZIM NAS GSHEGS, SHI BA'I SKABS KYANG THIM RIM RNAMS NGO SHES PAR BYED NAS, DE RJES BDE STONG GI YE SHES KYI DMIGS RNAM BSKYANGS, RANG GI RGYUD TSOD SHES PAR BYA BA LAS, MTHO NYAMS BYAS NAS RDZOGS RIM MTHON PO'I NYAMS LEN MI BYA, BAR DO'I 'PHEN PA MA SHI GONG KUN RTOG MA 'GAG GONG NAS BTANG NA LEGS, 'PHEN PA'I SHUGS KYIS DUS DER 'GRUB PA, DPER NA, DO NUB GNYID NYAL KHA NAS SANG SNGA BAR LDANG BA'I 'PHEN PA BTANG NA DUS DER SAD PA LTA BU, PAn CHEN RDZOGS RIM DU, LTE BAR GSAL BTAB NAS GSANG GNAS NAS 'BAR BAR GSUNGS PA, DON LA LTE 'OG SOR BZHI TZAM DU YOD PA
LAS LTE BA DANG GSANG GNAS SO SOR GNYIS YOD PA MIN, 'DIR MI GSAL YANG, HAm YIG DKAR PO DE LA ZLA TSES THIG LE N'A DA DANG BCAS PA GSAL BTAB DGOS SHING, N'A DA DE ZLA DKYIL DBUS SU ZUG PAR MOS, PHYOGS BZHI'I YI GE RNAMS MGO GYEN BSTAN GYIS YAR LANGS PAR MOS, RLUNG BUM CAN BZUNG TSUL, BKA' BRGYUD PA DANG, DGE LUGS PA MI 'DRA, BKA' BRGYUD RLUNG DRAG TU BZUNG BA DE CUNG ZAD MYUR YANG NYEN CHE, DGE LUGS LTAR BYED PA 'GOR YANG NYEN CHUNG, PHYI'I LAS RGYA DANG, NANG GI SDUD RIM GNYIS LA BRTEN NAS, SNANG PHYOGS BSAM MI KHYAB CES PA'I SNANG PHYOGS NI MA DAG PA'I SGYU LUS, DON GYI 'OD GSAL NI STONG PHYOGS, 'OD GSAL LA RNAL 'BYOR PA'I 'DOD PAS YUN RING THUNG SNA TSOGS YOD PA, ZLA PHYED ZLA BA LO DANG NI, ,BSKAL PA BSKAL PA STONG DU X X LTAR YIN, SANG THO RANG SANGS RGYAS MKHAN LA'ANG, BLA MAS DBANG GSUM PA DNGOS DBANG DU BSKUR BAR GSUNGS PAS DGE BA'I BSHES GNYEN DE LAM GYI THOG MTHA' BAR GSUM DU GAL CHE, GONG GI 'PHROS BSHAD LA, DE BZHIN DU SEMS CAN YANG THOG MTHA' BAR GSUM DU GAL CHE BA SOGS GSUNGS,
, ,BYING RGOD SEL PHYIR DMIGS RIM 'DIR GSAL BA DANG, DE MIN DMIGS RTEN MTHO DMAN GYI GNAD KYIS SEL BA YANG YOD, THUN BSDU BA'I TSE, 'OD ZER TSUR BSDU DGOS, RLUNG THAMS CAD TSUR BSDU NAS, ME'I TSA REG SHA RUS KYANG ZHU NUS PA ZHIG BSAM, 'DI RNAMS SNYING KHAR GSUNGS YOD KYANG, GROGS RLUNG GI NYEN CHE NA LTER BAR PHABS KYANG 'GRIG PAn CHEN RDZOGS RIM BSKUL PA PO G-YUL RGYAL NOR BU 'DI STAG RTZE SDE PA YIN, 'DI'I BRGYUD PA LHA RGYAL RAB BRTAN YIN PA SOGS BKA' STZAL, PAn CHEN RDZOGS RIM MJUG RDZOGS, DVAGS PO'I RDZOGS RIM MJUG RDZOGS, SMON SHIS CHA TSANG RDZOGS PAR GRUB BO, ,'DI NYIN GSUNG BSHAD LEGS PAR GRUB CING, SLAR YANG LCANG SKYA'I BSKYED RIM GYI DBU NAS 3 BA 5 ZHAL LAS SHES DGOS SO, ,ZHES PA'I BAR STZAL LO, ,RJE PHA BONG KHA PAS, BKA' KHRID STZAL SKABS, 'GREL GTOR GYI RKANG BRGYAD DANG, SRID PA DANG MNYAM SOGS LA RTA DBYANGS DANG, MJUG GI SMON LAM LA RTA DBYANGS GNANG BA YIN 'DUG,, ,, GRUB BO,,
[BLANK PAGE]