` GSANG 'DUS 'JAM DPAL RDO RJE'I DBANG GI ZIN BRIS BZHUGS SO,, ` GSANG 'DUS 'JAM DPAL RDO RJE'I SGRUB BZHAG SKABS 'DIR, PHUR LCOG NGAG DBANG BYAMS PA'I GSUNG DANG, RGYAL
TSAB RJE'I GSUNG DKYIL CHOG DNGOS GRUB SNYE MA'I STENG NAS STA GON SKABS SA BZUNG BA MAN CHAD RGYAS PAR MDZAD, WA 2 NA 4 PAR, MAm BUm, ZHES PA MA DAG CING, 'DI BHR'Um YIN ZHES DANG, MIG GNYIS SU YI GE SAm ZHES PA MA DAG PRAm YIN PA DANG, RIGS LNGA'I PHYAG MTSAN SKABS, PADMA'I, ZHES MTSAMS GCOD DGOS PA DANG, ` 'DI'I SHOG GRANGS 27 PA MA TSANG GSHIS, DE SNGON SKU MDUN LA PHUL SKABS, GZHAN ZHIG NAS KHA BSKANG BA YIN SNYAM DU DRAN GSUNGS, 'DI BRTAG SKABS 'PHAGS LUGS MI BSKYOD PA NAS KHA SKONG MDZAD SNANG, ` 28 BA 2 DKON MCHOG GSUM GNOD, CES PA DON LA CUNG MI BDE BA, RGYAL TSAB GSUNG DNGOS GRUB SNYE MAR BLTA DGOS ZHES STZAL BA LTAR BLTAS PAS, DKON MCHOG SNOD GZHOM BUD MED KUN, ,MCHOG KYANG LOG PA'I DAG MA YIN, ,ZHES SNANG, ` GSANG 'DUS 'JAM DPAL RDO RJE'I DBANG CHEN SKABS, BGEGS GTOR RJES, BUM CHUS BSANGS NAS DRI MA KHRUS PA'I DMIGS PA MDZAD, SLOB DPON SANGS RGYAS YE SHES KYIS SGRUB THABS KUN BZANG LAS, DAL 'BYOR 'DI NI SHIN TU G-YO BA DANG, ,'JIG RTEN SKYE BO DAM
, ,PA 'PHRAD RNYED DKA', ,DE BAS SHES RAB THABS LA GZHOL BA YIS, ,YID LA BYED PA'I MCHOG DE BSGRUB PAR BYA, ,ZHES GSUNGS PA LTAR, SANGS RGYAS YE SHES KYI RNAM THAR SOGS, BSKYED RIM DANG, LAM RIM SKABS LTAR STZAL, SLOB DPON 'JAM DPAL BSHES GNYEN DE, 'JAM DBYANGS KYI SPRUL PA LTA BU ZHIG YIN TSUL, YANG DAG PA YI X RGYUD SMAD PAS, TSANG MA'I MJUG TU DRIL BU BSIL, RGYU STOD PAS, TSIGS BCAD RE'I MJUG TU DRIL BU BSIL, BKRA SHIS 'KHYIL 'JAM DBYANGS BZHAD PAS, TSIGS RKANG GNYIS RE'I SKABS DRIL BU BSIL, DPAL MANG SKU BGRES NAS BZHUGS KHRIR BZHUGS BZHIN DU THAL SBYAR GYIS GSOL 'DEBS MDZAD, 'BUL SDUD RDO RJE 'CHANG NAS, LAN DANG POR RGYUD SMAD, GNYIS PAR RGYUD STOD, GSUM PAR 'JAM BZHAD LUGS SU MDZAD SONG, ZHES BKA' STZAL, ` BLA MAS SLOB MA RNAMS DRANGS PA'I TSE, PHRENG BA 'DREN PA LTAR BSAM, NANG DBANG SKABS KYI MCHOD PA DANG GSOL 'DEBS 'DI LA, BLA MAS GTZO BO NAM MKHA'I RGYAL BAR PHUL BAR MOS PA, RANG DANG BLA GTZO GNYIS KAS PHUL BAR MOS PA, RANG NYID KYIS BLA GTZO DANG,
NAM MKHA'I RGYAL BA GNYIS KAR PHUL BAR MOS PA BCAS GSUM, DRIL BU'I DBANG LA, SOR MO GSUM GYIS BZUNG BA 'DI, SNANG MCHED THOB GSUM 'OD GSAL DU DAG PA MTSON, RDOR DRIL LAG TU SLEBS PA DANG, MKHYUD RGYA BYED PA RGYUD GRVA'I PHYAG LEN LTAR BYA BA 'DI DAM TSIG GSUM BZUNG BA YIN, SLOB MA'I MCHOD PA LA, RGYUD SMAD PAS DRIL BU MI BKROL BA 'BUL YUL RANG YIN PA'I DBANG GIS DANG, RGYUD STOD PAS BKROL BA DE, GTZO BOS LHA MO SPROS NAS 'BUL BA'I DBANG DU BYA, ` BUM PA'I KHA RGYAN LA SHING GNYIS RE BYED PA THABS SHES GNYIS KYI RTEN 'BREL, ` SLOB DPON GYI DBANG GI SKABS RDOR DRIL SOGS GTZO BOS GNANG BAR MOS, RIG PA LNGA'I DBANG RNAMS LAS KYI RDO RJES BYED PAR MOS, SNGAGS KYI RJES ZLOS SKABS, GTZO BO SEMS DPA' GSUM BRTZEGS BSKYED DGOS PA MA ZAD, SLOB MA YANG SEMS DPA' GSUM BRTZEGS BSKYED DGOS PA, 'DIR DNGOS SU GSAL BA LTAR BDE GSANG GZHAN LA MI GSAL YANG, NGES PAR DGOS PA PHYAG BZHES YIN, ` MIG GNYIS LA YI GE PRAm BSKYED PA SHES RAB KYI SKAD DOD PRANYDZ'A'I MING YIG DANG POR THIG LE BYIN PA YIN GSUNGS,
, ,'ON KYANG, 'JAM BZHAD YIN SNYAM PAS, PRAm MA YIN PAm SDIG PA'I SKAD DOD PA PAm GYI MING YIG DANG PO YIN TSUL GSUNGS, GSER GYI MIG THUR GYIS MIG 'BYED, GSANG DBANG SKABS, LONGS SKU 'DI GSUNG LA BYA DGOS SHING, DUS RGYUN GYI LONGS SKU DE, SPRUL SKU'I KHONGS SU BSDU, DUS RGYUN GYI LONGS SKU DANG, 'DI GNYIS BYA BYED MI 'DRA BA'I CHA NAS BZHAG PA STE, THEG CHEN GYI CHOS LA RDZOGS PAR LONGS SPYOD PA PO YIN PA DANG, SPYOD PA'I BYA BA DE GSUNG GI BYA BA YIN PA'I CHA NAS, RGYUD KYI PO TI, SO SO'I RGYUD MA RNYED NA, 'JAM DPAL MTSAN BRJOD KYIS 'GRIG RIGS LNGA'I MTSAN MA SBYIN SKABS, LHA DE DANG DE'I NGA RGYAL BZUNG BA LAS RNAM PA MI BSGYUR, RLUNG SEMS GNYIS NGO BO DBYER MED PA YUL LA 'JUG PA'I CHA NAS RLUNG DANG, YUL NYAMS SU MYONG BA'I CHA NAS SHES PAR BTAGS PA TZAM YIN, GRUB BO,, ,,