*, ,GSANG BA 'DUS PA DANG, 'JIGS BYED DBANG GI ZIN BRIS, N'A RO MKHA' SPYOD MA'I DBANG BZHI BYIN RLABS SKABS KYI ZIN BRIS BZHUGS SO,, ` 'JIGS BYED LHA BCU GSUM MA'I DBANG GI ZIN BRIS BZHUGS SO,, ` SHER SNYING MJUG TYATHA ZHES BZLOG PA, RGYUD STOD PAS GSUM DANG, RGYUD SMAD PAS GNYIS, ` RGYUD SMAD LUGS, DRUG BCU MA SHA GZUGS MA LA LAS BZHI TSANG BAR BSHAD PA DANG, GZHI BDAG DKAR GTOR MED, ` RGYUD STOD LUGS, LAS BUM KHA RGYAN LA RTZVA KU SHA DANG, RGYUD SMAD PAS, SHING LO 'DZUGS, ` SA CHOG NANG AOm GHA GHA GH'A TA YA X ZHES PA RGYUD STOD PAS TSAR BCU, RGYUD SMAD PAS TSAR GSUM, ` 'JIGS BYED LHA BCU GSUM MA'I DBANG GI STA GON NYIN, GANG TSE RANG DBANG 'JUG CING X X ZHES LUNG 'DREN MDZAD DE, GANG ZHIG GSER SNOD RIN CHEN X X ZHES SOGS LTAR, SANGS RGYAS SGRUB PA'I THABS LA MDO SNGAGS GNYIS DANG, GSANG /THEG DMAN LA,\ SNGAGS /MANTRA,\ RDO RJE /DBYER MED,\ THEG PA /SA GZHI LTAR\ 'BRAS BU'I THEG PA, ZUNG DU 'JUG RGYU'I YA RE RE NAS SGRUB DGOS PA, SNGAGS LA RGYUD SDE BZHI, BLA MED LA PHA MA'I RGYUD GNYIS, PHA RGYUD LA, 'DOD CHAGS THABS RGYUD SOGS GSUM, ZHE SDANG THABS RGYUD, GSHED SKOR LA, 'JAM DPAL DBYANGS NYID RMONGS
, ,PA'I DGRA LA KHROS CHE CHUNG GIS DGRA GDONG 'JIGS GSUM DANG, 'JIGS BYED LA'ANG, RO LANGS BRGYAD SKOR, ZHE DGU MA, BCU GSUM MA, DPA' BO GCIG PA SOGS YOD PA LAS, 'JIGS BYED NI, GNYIS MED THUN MIN LTAR, /GNYIS MED THUN MONG MA YIN,\ ZHES PAR, BDE STONG GNYIS MED PHAR PHYIN THEG PA DANG THUN MONG MA YIN PA, /KHYAB PA'I SKU\ NI, YE SHES GAR KHYAB LA SKUS KHYAB PA'I SKU, KUN LA SNYOMS MDZAD NI, SNYING RJE CHEN PO'I RANG BZHIN YIN PA DANG, RGYAL BA KUN GYI BSHES GNYEN MDZAD PAS YAB DANG, YANG NA, SNYING RJE THABS KYI RANG BZHIN NYID LHA SKUR SHAR BA, /CHOS KYI DBYINGS GYUR\ NI, YUM SHER PHYIN GYI RANG GZUGS LHAR SHAR BA, THEG MCHOG LA MOS X X /YE SHES SEMS DPA' RGYAL BA\ BYANG CHUB SEMS DPA'I RNAM PAR ROL BA, RATnA AACARYA'I GSUNG BZHIN, PHYI NANG GSANG BA'I GSHIN RJE DANG, DE'I GSHED, ` KHYAD CHOS CHEN PO LNGA STE, GSANG BA 'DUS PA'I SGYU LUS KYI GNAD 'DU BA, RGYU MAS MTSON PA DANG, BDE MCHOG GI GNAD 'DUS PA NI KHA TRVAm GAS MTSON PA DANG, SDIG CHEN BTZAN THABS SU 'TSANG RGYA BA SKYES BU GSAL SHING LA
BTZUGS PAS MTSON PA, 'OD GSAL GYI GNAD 'DUS PA ME THABS KYIS MTSON PA, ZHI KHRO SBRAGS SGRUB KYI GNAD TSANG BA, ` BCU GSUM MA GSUM ZHES, DGRA NAG LHA BCU GSUM, GSHED DMAR LHA BCU GSUM MA, 'JIGS BYED LHA BCU GSUM MA STE DE GSUM GYI DKYIL CHOG RIN CHEN PHRENG BA'I STENG NAS DA LAM STZAL RGYUR, MAndAL RGYAS PA PHUL, DE NAS STA GON GYI SA BCAD LA LNGA, SPYI 'GRO LTAR, RANG GI BSLAB LDAN 'KHOR BZHI PO SOGS, DAD PA MANG DU BYED, 'DI GTZO BO MNGON 'DOD KYI DAD PA STE, SANGS RGYAS KYI GO 'PHANG THOB 'DOD LA BYED, ` 'JIG RTEN PHA ROL, ZHES PA 'JIG RTEN LAS 'DAS PA SANGS RGYAS KYI GO 'PHANG, GSOL BA 'DEBS PA LA, DGA' CHEN KHYOD STON PA STE, DANG STON PA BAS, ZHES GNYIS YOD PA DON 'DRA, DAM TSIG DE NYID X CES PA SNGAGS SDOM DANG, DE LA BYANG SDOM SNGON DU 'GRO DGOS PAS, BYANG CHUB SEMS KYANG X DE LA SKYABS 'GRO SNGON DU 'GRO DGOS PAS, SKYABS GSUM DAG KYANG X 'JIG RTEN RJES 'JUG RTOGS NAS NI, ,ZHES PA, RJES 'JUG GDUL BYA RNAMS LA ZHAL CHEMS KYI TSUL DU RANG NYID GANG NAS BGROD PA'I MYUR LAM DE NYID
, ,'DOMS PA'I CHOS 'KHOR BSKOR NAS, BYANG CHUB TU NI NGES MDZAD PA'I X THAD, BYANG CHUB KYI SEMS GO SLA YANG, RGYUD LA SKYE DKA' BA NYAN RANG LA'ANG MA SKYES, YANG BYANG CHUB TU NI X 'DI'I THAD, 'CHAR CAN LTA BU RJE PHA BONG KHAS, SPYOD 'JUG GI, BSKAL PA DU MAR RAB DGONGS MDZAD PA X ZHES PA DRANGS NAS GSUNGS, ` BYANG SDOM BZUNG BA DANG, SNGAGS SDOM BZUNG BA GNYIS LA RGYAS BSHAD MDZAD, ` DAM TSIG YID DU 'ONG BA, ZHES 'DI KHO NA LA YID DU 'ONG BA ZHES SBYAR BA NI, 'GRO BA'I RE BA YID BZHIN DU SKONG BAS TSIM PAR BYAS PA YIN PA'I DBANG GIS, ` SKU GSUNG THUGS BYIN RLABS KYI TSE, RIN PHRENG 'DIR MI GSAL YANG, SLOB AM RNAMS KYI SNYING KHAR H'Um LAS RDOR JE SNGON PO'I LTE BAR H'Um GYIS MTSAN PA, MGRIN PAR AA: LAS PADMA DMAR PO AA: SA MTSAN PA, SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, THIG LE BYAS TSE BLA MA'I THUGS KA NAS SKU'I BYIN RLABS THAMS CAD BDUD RTZI 'OD ZER GYI RNAM PAS SNYING KHA MAN CHAD GANG BAS, YID KYI SDIG SGRIB DAG MGRIN PAR THIG LE BYAS TSE, BLA MA'I MGRIN PA SOGS RIGS 'GRE, SO SHING,
SGO GSUM GYI DRI MA RAGS PA SBYANG BA DANG, KHYOR CHU, SGO GSUM GYI DRI MA PHRA MO SBYANG BA, AOm BUDDHA MEE TRI RAKshA RAKshA SARBA NA SV'AH'A, ZHES PA BSGYUR TSUL DANG, GSUNG BSHAD 'DRA MIN MANG YANG, RJE PHA BONG KHAS BYAMS PA'I TING NGE 'DZIN RGYUD LA MA SKYES KYI BAR DU SRUNG SHIG CES PA'I DON YIN BKA' STZAL, DE YANG, KHRO BO'I BZLAS PAS BSDIGS PAS GNOD BYED KYIS SKABS BTZAL NAS TSUR GNOD SRID, BYAMS PAS BTUL BA DES, KHO SEMS RGYUD ZHI BAS, PHYIS GNOD PA YONG DOGS MA MCHIS, SRUNG MDUD DE NYID, RAL GRI GSHIN RJE GSHED DU BSKYED, GSANG SNGAGS SPYOD PA'I TSUL 'BYUNG, DMAN MOS LA CHAGS BRAL, RGYA CHE BAR MOS PAR PHAR PHYIN, ZAB MO LHAG MOS LA CHAGS CAN BCAS GSUM, DO NUB LAS THAMS CAD PA'I SNGAGS BZLAS TE BSRUNG BA'I SGO NAS NYAL DGOS PAS, MJUG 'DIR BZLAS LUNG GNANG BA PHYAG LEN LA YOD PAS ZHES, KHANG+GA DHRI KA GI BZLAS LUNG STZAL, MJUG TU, KU SHA'I STAN LA KHYOD NYOL LA, 'DI'I SHLOO KA GCIG 'DI GSUNGS PA PHYAG LEN LA YOD CES GSUNGS, ` SA CHOG SKABS 'DIR RGYAS 'BRING BSDUS GSUM YOD TSUL BKA' STZAL, ` STA GON BSGRUB
, ,BZHAG SKABS, BDAG BSKYED RJES, 'DIR RAS BRIS YIN STABS, SA BRTAG BSLANG SBYANG GSUM MI DGOS PAR SA BZUNG BA MAN CHAD, LAS THIG GDAB PA'I SKOR MA GTOGS, BUM PA STA GON DANG BCAS PAR BYA LA, ` DKYIL 'KHOR GSOL 'DEBS MJUG GI DKYIL 'KHOR NAM MKHAR MI BTEGS PAR, SLOB MA STA GON SKABS, DKYIL 'KHOR GYI SHAR SGOR SLOB MA GNAS YUL GYI CHED DU BZHAG SLOB MA STA GON ZIN NAS NAM MKHAR BTEGS, ` BUM PA'I MTSAN MA RNAMS, LHAR BSKYED SKABS MTSAN MA TZAM LHAR BSKYED PA MIN PAR, BUM PA'I PHYOGS KYI RDUL PHRA RAB MTHA' DAG 'KHOR LO SOGS DE DANG DE'I MTSAN MA DANG LHA DE'I RNAM PAR BSKYED, ` BDAG 'JUG SKABS, PHYI ROL MCHOD PA NGES PAR BYA MI DGOS PA KHUNGS YOD CES DKYIL CHOG RIN PHRENG 'DIR GSAL 'DUG CES GSUNGS, NANG MCHOD DANG, LUNG BSTAN DBUGS DBYUNG RJES DRIL BU'I SGRA PHYUNG BA NGES PAR MI DGOS, ` /'JIGS BYED LHA BCU GSUM MA'I DBANG DNGOS GZHI'I NYIN,\ BSHAL CHU ZIN YANG, BGEGS GTOR RJES, JI LTAR BLTAMS PA ZHES SOGS KYIS DRI MA SBYANG BA'I DMIGS PA RE MDZAD PA BLA MA'I
PHYAG BZHES YIN, RMI LAM BRTAG PAR, LEGS PA'I MTSAN MA BYUNG YANG RE DOGS BYED NA BAR CHAD DU 'GYUR BA, SNGON MI GCIG GI 'JIGS BYED BSNYEN CHEN GYI SKABS, DNGOS GRUB KYI RDZAS 'KHOL BA, 'DI 'THUNG NGAM, LHA LA PHUL ZHES THE TSOM PAS, GLO BUR THAL RLUNG DU GYUR NAS SONG BA LTAR YIN, RNAM RTOG MED NA GNOD PA MI TSUGS PA, RDO RIL LA LCAGS SKYU MI ZIN PA LTAR YIN TSUL DANG, MID LA'I LUNG SOGS GSUNGS, ` RAS BRIS SU DBANG BSKUR BAR, BAR DU ZHAG MANG MED GSHIS RMI LAM NGAN PA LA, 'DIR SNGAGS KYIS BSRUNG BA DANG, DON DAM PA'I BSRUNG BA GNYIS TZAM BYA BA PHYAG LEN LA YOD, DE NAS KUN SLONG BCOS, ` JO BO RJES RGYA GAR NA ZONG 'TSONG BA MANG, BOD NA CHOS 'TSONG BA MANG GSUNGS, BLA SLOB GNYIS KAS DMIGS PA MA BYED NA BYA 'PHUR BA'I GSHOG PA YA GCIG MED PA DANG 'DRA GSUNGS, CHAS 'JUG SKOR, SNGAGS LA GSANG 'DUS NAS TSUR KHA BSKANG, SGO BZHI GSOL 'DEBS LA, CHO GAR MI GSAL YANG, GTZO BO'I THUGS KA BDE MCHOG LTAR DANG, GTI MUG GSHIN RJE GSHED SOGS SO SO'I THUGS KA NAS RANG 'DRA BYUNG BA THIM PAS MCHOD PA
, ,DANG BSNYEN BKUR BA'I NUS PA CAN SOGS SU BYIN GYIS BRLAB PA'I MOS PA BYA, 'DUS PAR MI 'DRA YANG, 'DIR SGO BZHI KAR LUS SA LA PHABS PA'I PHYAG BYA BA RKYANG PAS 'THUS, ` MCHOD PA RAB TU BSKOR BA, MCHOD YUL MNYES PA'I SGRUB PA'I MCHOD PA'I GTZO BO, GZHAN LA CHOS 'KHOR BSKOR BA, ` PHA'I GCES NOR BU LA SPROD PA'I TSE PHAN YON DANG NYES DMIGS BRJOD DE DAM BSGRAGS BYAS PA LTAR, DAM GZHAG MDZAD, KHYOD KYI DMYAL BA'I CHU, ZHES DMYAL BA NI, SDUG BSNGAL BAR BYED PA STE, DE LTAR BYED PA'I CHU, ` YE SHES 'BEBS SKABS, LTE BAR ME DKYIL GTOR MA ZUR GSUM LTA BU, 'DIR CHO GAR MI GSAL YANG, DE DANG DUS MNYAM DU DMIGS PA GTZO BO'I THUGS KA'I 'OD KYIS RTEN DANG RTEN PA'I DKYIL 'KHOR DPAG MED SPYAN DRANGS TE BSTIM PAR MOS, SPOGS CHOG LTA BUR, 'OG GI RLUNG GIS BAR SNANG LA BTEGS, ` ME TOG GTZO BOR PHOG PAS MI BSKYOD RDO RJE, ME TOG BLA MA'I THUGS KA NAS BYIN RLABS 'OD DANG BDUD RTZI'I RNAM PA BYUNG BA, ME TOG LA BSTIM, ME TOG SPYI BOR BCINGS, DE LAS BDUD RTZI RGYUN BABS PAS LUS
GANG ME TOG PHRENG BA'I DBANG GI BDE STONG SKYE BAR MOS, ` MIG LA AOm YIG SHEL TOG DRI MAS GOS PA LTAR NAG MOG MOG PA LA BDE MCHOG LTAR H'Um GIS BSKUL, RAM GYIS SDIG SGRIB BSREGS, AOm GYIS 'OD GSAL BAR BYAS, MIG DVANGS PA DE NYID LAS 'OD ZER 'PHROS, GTZO BO'I ZHAL DGU'I SPYAN BCO BRGYAD LA PHOG DE RNAMS LAS YE SHES SPYAN GYI NGO BO BDUD RTZI BABS PA, SLOB MA'I MIG LA THIM PAS, YE SHES KYI SPYAN GSAR PA RE SKYE BA'I MOS PA BYA, ` RDO RJE PADMA RTZE ROL PAS, ZHES PA 'DREN BYED RTAGS KYI AE WAm TZAM MIN PAR, LAM DANG 'BRAS BU'I AE WAm RIM BZHIN SKYE BAR BYA, ` DKON GNYER GYI GNAS BSHAD LTAR, RIM BZHIN NGO SPRAD, BYUNG NA DUR KHROD DANG ME RI NAS BZUNG ZHIB PAR GSUNGS NAS NGO SPRAD, DE YANG GSANG BDE 'JIGS GSUM MTHA' DAG LA 'DRA BAR, PHYI NAS NANG DU RIM BZHIN NGO SPRAD PA YANG, RLUNG NANG DU 'DU BA'I RTEN 'BREL GYI GNAD YOD, RDO RJE'I GLU BLANGS PA, DKYIL 'KHOR DU DE RING ZHUGS, NANG GI RTEN DANG BRTEN PA'I DKYIL 'KHOR DA LTA MTHONG, ME TOG PHRENG BA'I DBANG BSKUR BA YANG THOB CES PA'I DON YIN, ` BUM PA MCHOD G-YOGS KYIS
, ,TING KHEBS DANG BCAS BTEGS PA NI, DBANG LHAS DAR GOS SOGS RGYAN GYIS SPRAS NAS BUM PA BTEGS PA'I MTSON BYED, DBANG LHA'I SKABS 'DIR, DRI GZUGS KYI NANG DU BSDUS NAS, GRVA BZHI'I THOD PA BZHI DE GZUGS, SGRA, RO, REG GI LHA MO BZHIR GYUR, CHU DBANG SKABS, BYUNG NA BKRA SHIS TSIGS BCAD THAMS CAD GSUNGS DGOS, KHOM LONG MED NA, TSIGS BCAD GNYIS TZAM GYIS 'THUS, 'DIR BUM PA SPYI BOR BZHAG PA, BUM CHU SPYI BOR GTOR BA, BUM CHU MYANG BA GSUM KA MDUN GYI SLOB MA 'GA' ZHIG TZAM LA MDZAD PA PHYAG BZHES YIN, 'DI CHU DBANG YIN PAS MTHA' RTEN CHU DBANG ZUR DU MI DGOS, MTHA' RTEN CHU DBANG 'DI, BRTAN BZHUGS RAB GNAS SAM TSON LA SRA RTZI'I TSUL DU, DBANG THOB PA DE NYID BRTAN BYED YIN, 'CHAM ZHUGS RDZOGS PA LTAR, RE RE BZHIN DBANG LHA RNAMS BSTIM, DAG PA NI GTZO BOS GSUNGS BAR MOS, 'DI LA, DAG BSGYUR, BYED GSUM YOD, ` SRID PA'I DRA BA 'JOMS PA PO, ZHES PA, 'DOD SRED ZHAGS PAS 'KHOR BA'I BTZON RVAR BCING, ,ZHES PA LTAR DANG, 'OD DPAG MED 'DOD CHAGS SBYONG
BYED YIN PA'I GNAD KYIS, SANGS RGYAS KUN GYI RDO RJE YI, ZHES PA SANGS RGYAS RNAMS KYI THUGS RGYUD LA YOD PA'I YE SHES KYI RDO RJE DE, ` DRIL BU THOG MAR 'DZIN SKABS, G-YON PA'I SOR MO GSUM GYIS 'DZIN DGOS, G-YON PA SHES RAB KYI RANG BZHIN YIN PA DANG, MDZUB MO GSUM GYIS SNANG MCHED THOB GSUM MTSON LA, DE DRIL BU'I KHOG PA STONG PAR SBYAR BA, DE GSUM 'OD GSAL STONG NYID DU DAG PA MTSON, DON GRUB KYI DBANG RDZAS, DRIL BU 'BYUNG BA'ANG, 'PHRIN LAS KYI GTZO BO GSUNG GI MDZAD PA CHOS STON PA'I SGRA SGROGS PA, ` RNAM PAR SNANG MDZAD 'KHOR BA'I SDUG BSNGAL RTAG 'PHROG CING, CES SDUG BSNGAL SEL BA'I TSUL NI, 'KHOR BA SDUG BSNGAL CAN GYI RTZA BA GTI MUG MA RIG PA YIN PA DANG, GTI MUG SBYONG BA'I LHA RNAM SNANG YIN PA'I GNAD, DAM TSIG GSUM BZUNG BA'I MJUG 'DI MTHA' RTEN CHU DBANG GI RJES MA YIN PA'I DBANG GIS CHU DBANG RGYAS PAR BSKUR LA BUM CHU 'GREMS PAR MDZAD, DE KHO NA NYID BSTAN PA ZHES PA, DKYIL 'KHOR GYI NGES DON BSTAN PA LA ZER, DE LA, SANGS DANG, DE'I RNAM CAN RTEN PA LHA DANG, SANGS RGYAS MA YIN PA, DE'I RNAM
, ,CAN GYI DKYIL 'KHOR GNYIS DE KHO NA NYID DU STE NGES PA'I DON DU SANGS RGYAS YIN PAR MNYAM PA DANG, RGYUD KYIS BSDUS PAR MNYAM PA, 'DI RNAMS GTZO BOS NGO SPROD PA'I MOS PA BYA, LAS RIM BSTAN PA, LAS SNE SOGS BSKOS MTSAMS RANG RANG GI LAS 'GAN NGO SPROD PA LTAR, SLOB DPON DU BYA BA'I LAS RIM RNAMS BSTAN, SNGAGS DBANG GI GONG 'DIR CHO GAR MI GSAL YANG, PHYAG BZHES LA SLOB MA GSANG BDE 'JIGS GSUM SOGS YI DAM GANG YIN GYI SKUR GYUR PA'I MOS PA BYA, CHO GAR MED KYANG, LAS KYI RDO RJES GTZO BO LA GSOL 'DEBS, BCOM LDAN 'DI LA XX ZHES SOGS BYA, BLA MA RANG NYID KYIS, SLOB MAR SNGAGS DBANG BSKUR BA'I DON DU SNGAGS TSAR GSUM GSUNGS, DE NAS BZLAS DMIGS DANG BCAS, SNGAGS GSUM GYI RJES ZLOS MDZAD, RGYUD STOD PAS, SNGAGS GSUM SBREL NAS TSAR GSUM DANG, RGYUD SMAD PAS, SNGAGS GSUM RE RE BZHIN TSAR GSUM RE BYAS PAR, PHYI MA 'DI DMIGS PA BDE BAS DA LAM DE LTAR BYA GSUNGS, MIG LA PRAm YIG BKOD PA, PRANYDZA'I MING YIG DANG PO THIG LES BRGYAN PA, ` ME LONG DBANG GI SKABS,
GSAL BA NYON SGRIB MED, DVANGS BA SHES SGRIB MED, RNYOG PA MED PA SNYOMS 'JUG GI SGRIB PA MED, ME LONG GIS STONG NYID DON SPYI'I TSUL GYIS RTOGS PA DANG, MDA' GZHUS MDA' 'BEM THAL BYUNG DU PHUG PA LTAR, DE MNGON SUM DU RTOGS PA'I BAG CHAGS BZHAG 'KHOR LO YANG, SHING RTA'I 'PHANG LO LTA BU STE, 'DI MTHO BA LA 'PHAR ZHING, DMA' BA LA 'BAB PA SOGS BYED PA STE, DE LTAR CHOS 'KHOR SKOR CIG CES DANG, CHOS 'KHOR GANG BSKOR ZHE NA, GSHIN RJE GSHED KYI RGYUD KYI PO TI, 'DOD CHAGS BRAL BA LTA BU'I SDIG CES PA, 'DOD CHAGS LAM BYED BDE BA CHEN PO'I LAM DANG BRAL BA LA BYED PA LAS, NYON MONGS 'DOD CHAGS LA MI BYED, ` DAG PA'I SKABS, SMIN BYED RGYU'I DBANG, GROL BYED LAM GYI DBANG, GROL BA 'BRAS BU'I DBANG DANG GSUM YOD PA LAS, GSANG DBANG GI BLA MA YAB YUM BSKYED PA DANG, MKHA' GSANG BYIN RLABS SOGS BLA MAS DMIGS PA MDZAD PA LAS, SLOB MAS MA BYED KYANG 'GRIG GSUNGS, GSANG RDZAS 'GRIM SKABS, DANG POR BYANG SEMS DKAR PO MTSON BYED ZHO 'GREMS, DE RJES BYANG SEMS DMAR PO MTSON PA'I CHANG 'GREMS, DE NAS
, ,NANG MCHOD LTAR BYIN GYIS BRLABS LA BKRA SHIS TSIGS BCAD DANG POS BSRES NAS BYIN, DE GSUM GSUM GA LA RTOGS PA 'BUL BA RJES ZLOS, ` SROG 'DZIN GYI RLUNG DANG, RLUNG 'OD ZER LNGA PA GNYIS DON GCIG YIN LA, SROG 'DZIN CHES PHRA NOR BU CHU SHEL NI, ,RNAM DAG 'OD GSAL LHA YI LAM LAS 'ONGS, ,RAB DKAR ZLA ZER BYE BAS 'KHYUD PA'I SKU, ,ZUNG 'JUG DANG PO'I MGON PO LA PHYAG 'TSAL, ,MCHOG TU GSANG BA XX MCHOG TU YANG DAG 'GYUR, BAR PHAN YON BSHAD PA, DNGOS GRUB DAM TSIG SDOM PA XX DAM TSIG LA SOGS BSTEN, BAR DU DAM TSIG BSHAD PA DANG, GAL TE BLA MA SMOD DE BZHIN,, XX RNAMS LA SDIG PA BSHAGS, BAR NYAMS NA GSO TSUL BSHAD PA, DENG KHYOD SKYE BA 'BRAS BU BCAS,, XX KHYED RNAMS PHYIN PAR 'GYUR, BAR SPRO BA BSKYED PA, RGYUD SMAD KYIS, DBANG RDZAS BUM DBANG MJUG TU BSDU, RGYUD STOD KYIS, DBANG RDZAS BDAG 'JUG ZIN NAS BSDU, CES DPAL RDO RJE 'JIGS BYED KYI DBANG GI ZIN BRIS 'DI BZHIN DGA' LDAN SHAR RTZE DZE SMAD SPRUL MING PA BLO BZANG DPAL LDAN BSTAN 'DZIN YAR RGYAS SAM MING GZHAN BLO GTER DGYES PA'I LANG TSOS BGYIS PAS DGE BAS 'GRO
KUN SKYE BA KUN 'JAM DPAL GSHIN RJE GSHED KYIS RJES SU BZUNG BA'I RGYUR GYUR CIG, ,,