*, ,BKA' DRIN MTSUNGS MED KHYAB BDAG 'KHOR LO'I MGON PO ^ SKYABS RJE YONGS 'DZIN KHRI BYANG RDO RJE 'CHANG CHEN PO'I DRUNG NAS 'BRAS SPUNGS CHOS SGAR DU BLO SBYONG DON BDUN MA'I KHRID STZAL SKABS KYI ZIN BRIS BZHUGS SO,, ` THOG MAR KHRI PHYAG SHER SNYING, LAM RIM GSOL 'DEBS SOGS SPYI 'GRO LTAR DANG, MAndAL, SANGS RGYAS CHOS TSOGS MA'I MJUG 'O LAGS SO, RGYAL BA BYAMS PAS, NGAN 'GRO'I LAM NI BZLOG BGYIS SHING,, X X ZHES LUNG 'DREN DANG BCAS SNGON 'GRO'I CHOS BSHAD MDOR BSDUS,/ THUGS RJE CHEN PO LA PHYAG 'TSAL LO,\ ,'DIR DRANG DON BZHIN LAG CAN SNYING RJE'I LHA, BKA' GDAMS LHA BZHI'I GRAS YIN PA DE DANG, NGES DON DBU MA 'JUG PA LAS GSUNGS PA LTAR SNYING RJE CHEN PO LA PHYAG 'TSAL, /MAN NGAG BDUD RTZI SNYING PO 'DI,,\ BDUD RTZI NI 'CHI BA MED PA STE, SNYAN NGAG GI RGYAN LTAR MTSAN BTAGS PA DANG, YANG, 'CHI BDUD PHRA MO 'JOMS PA NI SANGS RGYAS KYI GO 'PHANG STE, DE YANG LAM 'DIS THOB PAR BYED PAS, /RDO RJE,\ CHA SHAS PHRA MO'I NYAMS LEN GYIS KYANG, RANG GCES 'DZIN SOGS 'JOMS PAR BYED PA DANG, /NYI MA,\ 'DI YANG 'OD ZER PHRA MOS MUN PA SEL BA LTAR, NYAMS LEN CHA SHAS KYIS GCES 'DZIN SOGS 'JOMS PA, SMAN GYI /LJON SHING BZHIN\ SMAN CHUNG NGU ZHIG ZOS PAS NAD SEL BA LTAR, DON GONG BZHIN SBYAR, RKYEN NGAN GROGS SU BSGYUR,
, ,LTAS NGAN G-YANG DU LEN, ` /DANG PO SNGON 'GRO DAG LA BSLAB,\ ,'DI'I SNGON 'GRO NI, SPYIR LAM RIM GYI SKABS DANG MI 'DRA BAR, 'DIR TSANG MA BYANG CHUB SEMS SAM BLO SBYONG GI BSKUL BYED DU 'GRO BA ZHIG DGOS, 'DIR DMIGS SKOR LNGA'AM DRUG SOGS, DPER NA, DAL 'BYOR, 'CHI BA MI RTAG NGAN 'GRO'I SDUG BSNGAL, LAS 'BRAS, 'KHOR BA'I SDUG BSNGAL BCAS TE, DE YANG BSHES GNYEN BSTEN TSUL LA MTSON NA MJUG GI SBYOR BAS BSTEN PA'I MJUG BSHES GNYEN SGRUB PA'I MCHOD PAS MNYES PA ZHIG BYA DGOS PAR 'DUG BLA MA SANGS RGYAS KYI BZHED DON GTZO BO NI, SEMS CAN THAR PA DANG, THAMS CAD MKHYEN PA'I SAR 'GOD PA DE YIN PAS, DE NYID BDAG GIS KHUR DU BLANGS TE, BDAG KHO NAS BLA MA SANGS RGYAS KYI SRI ZHU DE BSGRUB PAR BYA'O, ,DE LTAR X X SNYAM DU BSAMS PA DANG, DAL 'BYOR LA'ANG, DON CHE BSAM PA'I MJUG DE LTA BU BSGRUB NUS PA'I SKABS, DON CHUNG ZHIG LA MGO MA 'KHOR BAR, DON CHEN PO ZHIG SGRUB DGOS, DON CHE SHOS NI BLO SBYONG STE BYANG SEMS BSGOM PA 'DI YIN PAS 'BAD PAR BYA'O, ,DE LTAR DON CHEN PO BSGRUB MA SHES PA, SHING
MKHAN GYIS LAG PA BZHI 'BYUNG BA'I DNGOS GRUB ZHUS PA DANG, TSONG PAS KYANG TSONG KHE SANG CHE BA ZHIG 'THOB THABS BYED DGOS PA LTAR, RNYED DKA' BA BSAMS PA'I MJUG DE LTAR RNYED DKA' BA'I DUS 'DIR, BYANG SEMS BSGOM MA THUB NA, NAM ZHIG NA BYANG SEMS BSGOM RGYU PHAR ZHOG BYANG SEMS KYI MING TZAM YANG MI THOS PA ZHIG GI SAR SKYE RGYU GOR MA CHAGS PAS, TSE 'DIR DE BSGOM PAR BYA'O, ,DE LTAR X 'CHI BA MI RTAG PA BSAMS, NGES PAR 'CHI BA BSAMS, GSON PA'I TSE CHOS BYA LONG MED PAR NGES PAR 'CHI BA BSAMS PA'I MTHAR, DE LTAR KHOM LONG YOD DUS 'DIR, DA LTA NAS BZUNG STE 'BAD NAS BYANG CHUB KYI SEMS BSGOM PAR BYA'O, ,SNYAM, NAM 'CHI NGES MED MJUG BYANG SEMS KYI MING TZAM YANG MI GO BA ZHIG DA LTA RANG MI YONG BA'I NGES PA MI 'DUG NA, DA LTA NAS DER 'BAD PAR BYA'O, ,DE LTAR 'CHI BA'I TSE CHOS LAS GZHAN GYI MI PHAN, DE YANG SPYI CHOS DANG, DE'I SNYING PO BYANG SEMS TE, 'CHI DUS KYANG BYANG CHUB KYI SEMS BSGOMS NAS SHI NA, DES KO THAG LTOD DGOS MED PA, CHE BYAS CHE 'TSENGS, CHUNG BYAS CHUNG 'TSENGS PA'I CHOS 'DI LA BAG CHAGS TSUN CHAD CIG MA
, ,BZHAG PA'I MTHU MED PAS, 'DI KHO NA LA 'BAD PAR BYA'O, ,NGAN 'GRO'I SDUG BSNGAL THAD, SKYABS 'GRO DANG SBRAG KYANG RUNG LA, SKABS 'GAR SKYABS 'GRO DANG MA SBRAG PAR, DE 'DRE'I SDUG BSNGAL DU DNGOS SU BABS NA NGAS JI LTAR BZOD, DER SKYE SONG NA, DGE SEMS PHRA MO TZAM YANG SKYE BA'I GO SKABS KYANG MED NA, BYANG CHUB KYI SEMS KYI SKAD CHA TZAM GA LA YOD, DES NA DA RES SNYING RUS KYIS 'BAD PAR BYA'O, ,SKYABS 'GRO'I THAD, RANG LA LAM RGYUS MED PAR, GROGS DGE 'DUN BYANG CHUB SEMS PA'I RJES SU ZHUGS NAS THEG PA CHEN PO'I CHOS 'DI NYAMS SU BLANGS BAR BYA'O, ,LAS 'BRAS THAD, RANG GZHAN SEMS CAN THAMS CAD SDUG BSNGAL GYIS MNAR BA NI, BSOD NAMS MA YIN PA'I LAS BSAGS PA 'DI LA THUG 'DUG 'ON KYANG DA LTA RANG NYID KYANG, LAS NGAN PA'I GZHAN DBANG DU SONG 'DUG NA, DGE SDIG SPANG BLANG TSUL BZHIN DU BYA BA DANG, DGE BA'I NANG NAS KYANG STOBS CHE BA BYANG CHUB KYI SEMS 'DI BSGOM PAR BYA'O,, ` 'KHOR BA'I SDUG BSNGAL THAD, NGES PA MED PAR DE LTAR SRID PA'I PHUN TSOGS SOGS GZHAN LA YID BRTAN MED, YID BRTAN 'PHER NGES
BYANG CHUB KYI SEMS 'DI YIN, NGOMS PA MED PA'I THAD, PHUN TSOGS GZHAN GYIS NAM YANG MI NGOMS SHING PHUNG, BYANG CHUB KYI SEMS 'DIS RANG GZHAN GNYIS KA TSIM PAR BYED NUS PA YIN, SNGON LA RANG NYID 'KHOR BA LAS THAR DGOS, DE LA LAM BSLAB PA GSUM LA BSLAB, BSGOM BYA'I GTZO BO BYANG CHUB KYI SEMS LA BYA, BLO SBYONG RTZA TSIG 'GAR, SNGON LA DON DAM BYANG CHUB KYI SEMS BSGOM PAR BSHAD PA, THEG CHEN RIGS CAN DBANG RNON, YANG DAG SHES 'TSOL SNGON BTANG GI DBANG DU BYAS PA YIN, BDAG GZHAN MNYAM BRJE'I BTANG SNYOMS 'DI, GNYEN LA PHAN PA SGRUB DGOS PA BZHIN DU, DGRA LA'ANG PHAN PA SGRUB DGOS PAR MNYAM PA'I BTANG SNYOMS YIN, 'KHOR BA LA MTHA' MED PA, RTEN 'BREL BCU GNYIS KYI 'KHOR TSUL, NYIN RE BZHIN LAS BYE BA 'BUM PHRAG BSAGS TSUL BSAMS NA SHES, DE'I BAR DU SEMS CAN LA BRTEN DGOS, RANG GCES 'DZIN GYI SKYON BSAM PA'I MJUG SNGON TSE RABS 'KHOR BA THOG MED NAS DA BAR PHUNG, DA DUNG PHUNG BAR 'GYUR BA, DE LTAR LAGS PAS DGRA BO BDAG GIS ZIN X X BLO NGAN 'DI'I DBANG DU SKAD CIG KYANG MI BTANG BAR BYA'O,,
, ,` GZHAN GCES 'DZIN YON TAN, DGE BA BCU'I PHAN YON SEMS CAN RNAMS RANG LA TSE 'DI DANG, PHYI MA MNGON MTHO NGES LEGS GANG LA'ANG GZHAN DON DU BYANG CHUB DON GNYER MED KYANG, RTZA BA TSUL KHRIMS BSRUNG NAS SEMS CAN LA GCES PA'I DBANG GIS DGRA BCOM PA'I GO 'PHANG THOB PA, 'DOD CHAGS LA BRTEN PA'I LTUNG BA BRGYA BYUNG BA LAS, ZHE SDANG LA BRTEN PA'I LTUNG BA GCIG BYUNG BA NYES PA CHE BAR GSUNGS PA YANG, BYAMS PA DANG ZHE SDANG GNYIS 'GAL ZLA LTAR SONG BA'I DBANG GIS YIN, DPER NA, RANG LA SON RTZA STER MKHAN DANG, ZHING GNYIS KA DRIN CHE BA LTAR, SANGS RGYAS DANG, SEMS CAN GNYIS KA DRIN CHE ZHING GAL CHE MNYAM YIN, RJE BTZUN BYAMS PAS THUGS BSKYED PA, STON PA SH'AKYA THUB PA LAS BSKAL PA BRGYAD KHRI'AM GCIG SNGA YANG, SNYING STOBS CHE CHUNG GIS SHAKYA THUB PA SNGON LA SANGS RGYAS PA DANG, 'PHAGS PA THOGS MED SNYING RJES SGRIB PA DAG PA, DGE TSUL TSEM BU PAS SNYING RJES DAG PA MKHA' SPYOD DU GSHEGS PA'ANG SEMS CAN GYI DRIN YIN, MDOR NA SEMS CAN YIN NA DNGOS SHUGS BRGYUD GSUM CI RIGS KYIS PHAN 'DOGS BZHIN PA YIN
PAS KHYAB ZER CHOG PA LTA BU YOD, GTONG LEN SKABS, MA RGAN GYI SDUG BSNGAL RI LE'I LCAGS MDONG GI DU BA THON PA LTAR, DE'I SNA BUG G-YAS NAS THON RANG GI SNA BUG G-YON DU ZHUGS, ` /YUL GSUM DUG GSUM DGE RTZA GSUM,,\ ZHES PAR BSAMS TSUL GNYIS YOD KYANG, GCIG BRJOD NA, DANG PO YUL YID DU 'ONG BA LA DMIGS NAS 'DOD CHAGS SKYES PA'I TSE, NGA LTA BU'I 'DOD CHAGS CAN SHIN TU MANG BAS SNYING RE RJE, NGA'I 'DOD CHAGS 'DIS GO BCAD NAS, DE RNAMS KYIS 'DOD CHAGS ZHI BAR GYUR CIG SNYAM PA DANG, DE BZHIN DU ZHE SDANG DANG, GTI MUG LA RIGS 'GRE, ` DON DAM BYANG SEMS BSGOM PA LA, PHYI GZUNG BA BDEN PAR MED PA BSAM PA, /CHOS RNAMS RMI LAM LTA BUR BSAM,,\ NANG 'DZIN PA BDEN PAR MA GRUB PA'I TSUL BSAM PA, /MA SKYES RIG PA'I GSHIS LA DPYAD,,\ 'DI LA'ANG YUL DBANG RNAM SHES 'PHRAD TZAM LAS SKYES PA MA GTOGS TSUGS THUB TU MA SKYES, STONG PA NYID STONG PA NYID BSGOM PA NI, /GNYEN PO NYID KYANG RANG SAR GROL,,\ KUN GZHI ZHES PA STONG NYID DE, 'DI LA BSHAD TSUL GNYIS LAS, GCIG NI, 'DI RTOGS NA 'KHOR BA LAS THAR, MA RTOGS NA 'KHOR BAR 'KHOR BAR
, ,'GYUR BA YIN PAS DE LTAR BRJOD PA DANG, YANG GCIG NI, GANG LA STONG PA NYID RUNG BA,, X X ZHES SOGS LTAR, STONG PA LAS RTEN 'BYUNG GRUB PA, ` /THUN MTSAMS SGYU MA'I SKYES BUR BYA,,\ ZHES PA SPYIR SGYU MA LA, SNANG LA RANG BZHIN MED PA'I SGYU MAR BSHAD TSUL DANG, SNANG YANG BDEN PAR MA GRUB PA'I SGYU MAR BSHAD PA GNYIS LAS, PHYI MA 'DI YIN, ` NAD MNAR SOGS KYI TSE LAM DU KHYER TSUL GNYIS LAS, GCIG NI, NAD 'DIS SNGON GYI LAS NGAN DAG PAS 'GRIG SONG SNYAM PA'I DGA' BA DANG, NAD PA YONGS RDZOGS KYI SDUG BSNGAL DE NGA'I 'DIS GO CHOD PAR SHOG SNYAM PA DANG, YANG GCIG NI, NAD 'DI BLA MA SANGS RGYAS KYIS NGED LA SDUG BSNGAL MI 'DOD NA SDIG PA SPONGS SHIG CES GSUNGS PA'I BRDA YIN PAR 'DUG SNYAM DU BSAMS PA, GSER GLING PAS, RKYEN NGAN DGE BA'I BSKUL MA YIN, ,'DRE GDON RGYAL BA'I CHO 'PHRUL YIN, ,NA TSA SDIG SGRIB KYI PHYAGS SHING STE, ,SDUG BSNGAL CHOS NYID KYI YO LANG YIN, ,ZHES PA LTAR BSAM, BLO SBYONG TSUL 'DI DAG LAG LEN DU MA 'KHEL BA DE 'GA' ZHIG GIS MA SHES PAS LAN, 'GA' ZHIG GIS MA BYAS PAS LAN NAS YOD PA LAS,
DPE CHAS PHONGS PA DANG, BSHAD MKHAN GYIS PHONGS PA MED PAS, BLO SBYONG BLO BZANG DGONGS RGYAN SOGS LA BLTA DGOS, YANG DGON PAS, 'BYOR NA MI DGA' RGUD NA DGA',, 'BYOR NA GSOG BSRUNG SDUG BSNGAL CHE, ,RGUD NA DKA' BAR SPYAD CHOS 'GRUB, ,SPRANG LUS CHOS PA'I GTAD SO YIN, ,BSTOD NA MI DGA' SMAD NA DGA', ,BSTOD NA KHENGS SEMS NGA RGYAL SKYE, ,SMAD NA RANG SKYON THER LA 'BUD, ,ZHES SOGS GSUNGS, ` GDON BGEGS LA GTOR MA BTANG TSE, BLO LEGS PO RANG MA 'BYOR BA'I TSE, BLO SBYONG BA LA BAR GCOD ZHI BA DANG, GROGS BYA BA'I CHED DU BYAS PA DANG, BLO LEGS PO SBYANG THUB NA, 'DRE GDON KHYED RNAMS KYIS DA BAR GNOD PA GTONG BA DE SHIN TU LEGS, DA DUNG THONGS SHIG CES BSKUL BA, ` /GZHUNG BZANG PO MI BSTEN,\ 'DI LA GSUNGS SROL GNYIS TE, NYON MONGS BSTEN NAS NAM YANG MI SPANGS PA'I GZHUNG BZANG MA BYED CES PA'I DON DANG, YANG, GZHAN GYI GNOD PA SOGS BRJED DU MA BCUG PAR NGANG BSRING PA'I KHON 'DZIN DAM PO MA BYED, ` /MDZO KHAL GLANG LA MI 'BYO,,\ 'DI LA'ANG GNYIS TE, RANG SKYON GZHAN LA MI G-YOGS PA'I DON DANG,
, ,LAS DON KHUR DU 'KHRI BA'I LAS 'GAN LA G-YOL NAS GZHAN LA 'GEL THABS BYED PA'O,, ,,BCAS BLO SBYONG DON BDUN MA'I ZIN BRIS 'DI BZHIN DGA' LDAN SHAR RTZE DZE SMAD SPRUL MING PA BLO BZANG DPAL LDAN BSTAN 'DZIN YAR RGYAS SAM MING GZHAN BLO GTER DGYES PA'I LANG TSOS BGYIS PAS DGE BAS SANGS RGYAS KYI BSTAN PA PHYOGS KUN TU DAR ZHING RGYAS PAR GYUR CIG, ,,DGE LEGS 'PHEL,,
[BLANK PAGE]