*, ,BKA' DRIN ZLA MED ^ SKYABS RJE YONGS 'DZIN KHRI BYANG RDO RJE 'CHANG CHEN PO'I DRUNG NAS SE RA TSOGS CHEN DU BLA MA MCHOD PA'I KHRID STZAL SKABS KYI ZIN BRIS BZHUGS SO,, ` SHER SNYING BZLOG BSGYUR GRUB RJES, PHYAG CHEN BRGYUD 'DEBS, MAndAL, SANGS RGYAS CHOS TSOGS MA TSAR GSUM, DE NAS 'JAM MGON CHOS KYI RGYAL PO TZONG KHA PA CHEN PO'I GSUNG LAS, DAL BA'I RTEN 'DI YID BZHIN NOR LAS LHAG X X SOGS DANG, GZHAN YANG, BDAG GIS DGE GOM X GANG ZHIG GSER SNOD X 'DIR GSER SNOD MI LUS DANG, PHRA RNAMS DAL 'BYOR CHOS BCO BRGYAD DANG 'DRA BAR RJE PHA BONG KHAS GSUNGS, 'DI GSER SNOD RNYED DKA' BA LTAR, MI LUS TZAM YANG THOB DKA', RGYA CHER ROL PA LAS, MI KHOM DAL BA'ANG RNYED DKA' STE, ,DAD PA'ANG SHIN TU RNYED PAR DKA', ,BYAMS PAS, \CHOS THOS PAS/ DAD DANG \DON LA BSAM PAS/ DGA' DANG \SGOM BYUNG GI RTOGS PA'I/ BLO RNAMS NI, ,THOS PA LA BRTEN NAS CHOS DON GNYER GYI DAD PA SKYE BA SOGS THOG MTHA' BAR GSUM DU DGE BA LA SBYAR, RANG RE DGE BA BYA KHUL BYAS PA RNAMS KYANG, ^ RGYAL MCHOG SKAL BZANG GIS, LUS NGAN DGE BA'I X CHOS BRGYAD 'GONG PO \GDUG 'DRE ZHUGS NAS BSHAD PA RNAMS DE'I YIN PA LTAR/ RNAM DKAR ZER YANG X CI BYAS SKYON DU X
, ,MDO SNGAGS GZHUNG LA 'BAD PA 'DRA BSTEN KYANG, ,MKHAS 'DOD SGRA SPYI'I SLOB GNYER LA ZAD NAS, ,GO DON LAG TU LEN DUS SHIG MI 'DUG ,'CHI KHAR PHAN PA'I LHA CHOS DANG BRAL LO,, RANG RE'I DGE BA BSAGS PA LA BLTAS TSE SPRANG PO'I CA LAG LTA BU DANG, SDIG PA BSAGS PA LA BLTAS TSE RGYAL PO'I BANG MDZOD LTA BU, RANG RE SHI NAS SKYABS THO'I NANG TSE 'DAS KYI GRAS SU 'GOD PA DANG, DA LTA PHAR SBYANG BA BYAS NAS YUNGS DKAR BRABS PA MTHAR RANG LA TSUR BRABS PA, BSNGO RTEN SOGS SGO DU MA NAS BSAM, RANG RE DANG DMYAL BA'I BAR THAG RING PO MED PAR DBUGS 'DI TZAM YIN PA, 'DUL BA LUNG LAS, DGE SLONG LUS LA ME GSUM DUS GCIG TU 'BAR BA BYUNG BA'I LO RGYUS LTAR YIN ZHING, BKA' GDAMS PAS, DMYAL BA'I ZANGS KHA NA GNAS PA DANG 'DRA GSUNGS, GTING MTHA' MED PA'I 'KHOR BA X 'KHOR BA MTHA' MED LUGS DANG, THAR 'DOD KYI NGES 'BYUNG MTSAN NYID PA MA SKYES PAR 'KHOR BA'I GTING MI DPOG SANGS RGYAS KYI GO 'PHANG ZHIG 'THOB THUB NA, BRGYA SBYIN RNGA SPRIN TSANGS PA DANG, ,NYI MA NOR BU RIN CHEN BZHIN, ,ZHES PA LTAR, DNGOS GZHI BLA MA MCHOD,
1/ 'DUL BAR, SHA CHANG BUD MED SOGS SPANG BYAR GSUNGS, 2/ THEG CHEN GYI MDOR, GZHAN DON DU 'GYUR NA BSTEN RUNG BAR GSUNGS, 3/ SNGAGS LUGS LA, DAM TSIG GI RDZAS SU NGES PAR BSTEN DGOS PAR GSUNGS PA SOGS MI 'DRA BA MANG YANG, BLA MA BSTEN DGOS PAR GSUNGS PA 'DRA 'DRA YIN PA, 'ON KYANG BLA MA BSTEN TSUL MI 'DRA BA NI, 'DUL BAR, BLA MA DE PHAN GNOD KYI ZHING DU SANGS RGYAS DANG 'DRA BAR BLTA DGOS PA DANG, THEG CHEN GYI MDO SDER, BLA MA DE SANGS RGYAS KYI SPRUL PAR BLTA BAR GSUNGS, SNGAGS LUGS 'DIR NGO BO MA ZAD RNAM PA'ANG SANGS RGYAS SU BLTAS NAS GANG SNANG BLA MA'I RNAM ROL DU BLTA BAR GSUNGS, BSTEN TSUL YANG 'DUL BAR, CHOS MA YIN PAR SMRA NA BZLOG PAR BYA'O, ,ZHES DANG, THEG CHEN GYI MDO SDER, RIGS PA YIS NI MI NUS NA, ,MI NUS DE LA TSIG GI SBYANGS, ,ZHES DANG, SNGAGS LA, BLA MA'I BKA' BZHIN BSGRUB STE, PAn CHEN N'A RO PA LTAR BZANG NGAN GANG YANG BSGRUB DGOS, RJE BTZUN 'JAM DPAL DBYANGS KYIS RJE BLA MAR GSUNG CHOS SKABS MI GNYIS YOD PA RJE BLA MA DANG, RTOGS LDAN 'JAM DPAL
, ,RGYA MTSO, SKAL LDAN GYI LHA LNGA YOD PAR 'DUG 'JAM DBYANGS RTOGS LDAN 'JAM DPAL RGYA MTSOR ZHAL GZIGS PA DE, GSUNG SGROS MANG ZHING, RJE BLA MAR ZHAL GZIGS PA DE, GZI BRJID DANG 'OD ZER 'BAR ZHING GNAD 'GAG TZAM LAS MANG PO MI GSUNG PA ZHIG BZHUGS, 'DI RNAL 'BYOR PA'I RTZA RLUNG GI KHAMS LAS BYUNG, RDO RJE MCHED GSUM NI, GRUB CHEN CHOS KYI RDO RJE, GRUB CHEN DPAL LDAN RDO RJE, GRUB CHEN YE SHES RDO RJE, DANG PO JO MO LHA RI, GNYIS PA GRIB KYI SRIB RI, GSUM PA YER PA'I JO MO SRIB RIR BZHUGS, RGYAL BA DBEN SA PA, 'BRAS SPUNGS DGE RGYAM SAR PHEBS PAR, RGYAL BAS SHIN TU GUS BKUR MDZAD PAR, ZHABS GRAS TSOS 'DI LA DBEN SA SMYON PA ZER, ZHUS PAR, RGYAL BA DGE RGYAM GYIS DE SKAD MA ZER, 'DI SANGS RGYAS RGYA GNANGS RGYA LA SLEBS 'DUG GSUNGS PA'I LO RGYUS MCHIS, PAn CHEN BLO BZANG CHOS RGYAN BKA' DRIN CHE ZHES PA, GSUNG 'BUM DU BRGYA BZHI DANG, KHA 'BAR MA SOGS YOD PAS MA YIN, GDAMS PA 'DI 'DRA YOD PA LA BRTEN NAS YIN ZHES RJE PHA BONG KHAS GSUNGS, PAn CHEN BLO BZANG CHOS RGYAN GYIS GLEGS BAM GCIG
LA MCHOD 'BUL SOGS RGYA CHER MDZAD PA, NYIN GCIG GSOL DPON GYIS BSNGOGS NAS BLTAS PAR, SHOG STONG TZAM LAS MED PA, SLAR PAn CHEN NYID LA ZHUS PAS, KHYED KYIS SHOG STONG TZAM MJAL BA'ANG SKAL BA BZANG ZHES GSUNGS TSUL, PAn CHEN DPAL LDAN YE SHES GZHAN ZHIG LA GSUNGS PA'I LO RGYUS MCHIS, BLA MA BSTEN DGOS PA 'DI CHOS LUGS MTHA' DAG DANG, PHAG GRUS KYANG, LUNG TZAM MA ZAD RIGS PAS KYANG BLA MA BSTEN DGOS TE, 'DI PHYI'I LEGS TSOGS SPEL DGOS PA BLA MAR RAG LUS, 'DI PHYI'I NYES SKYON SEL DGOS PA YANG BLA MAR RAG LUS, PHYI MAR BAG CHAGS BZHAG PA BLA MA LA BSTEN DGOS, PO TO BAS, RNAM GROL BSGRUB PA LA X X GDAMS PA'I CHE BA LA, LAM RIM GYI CHE BA BZHI DANG, KHYAD CHOS GSUM, BLO SBYONG GI KHYAD CHOS SOGS 'DIR TSANG, DE BZHIN GSANG BDE 'JIGS GSUM GYI KHYAD CHOS KUN YANG 'DIR TSANG, 'DIR BSKYED RIM GYI GNAD SKU GSUM LAM KHYER DANG, GSHAM DU RDZOGS RIM GYI GNAD RNAMS KYANG TSANG, DA LTA GNYEN PO BSTEN PA BAS YUL NGAN SPANG BA GTZO, RTOGS PA YAR TZAM SLEBS TSE, SNANG BAS MI 'CHING ZHEN PAS 'CHING, ZHEN PA
, ,THONGS SHIG N'A RO PA, ZHES PA LTAR, SLOB DPON SANGS RGYAS YE SHES KYIS, PAn CHEN BLO BZANG CHOS RGYAN LA DPE RNYOG BLTA BA SHES RAB 'CHAL BA'I RGYUR GSUNGS NAS, DPE RNYOG BLTAS PA BKAG PA'I LO RGYUS YOD, RNAM PAR SNANG MDZAD, CHOS SKU LAS GZUGS SKU'I RNAM PAR SNANG BAS NA, RLUNG RO DGU PHRUG BSAL BA DANG, CHAM LA 'BEBS PA GANG RUNG ZHIG BYAS PAS 'THUS, SKYABS YUL TSANG MA SENG KHRI'I STENG YOD PA DER KHRI CHUNG LNGA, RGYA CHEN SPYOD BRGYUD DANG, ZAB MO LTA BRGYUD PHYOGS RER TSOM BU KHAG ZLA BSGRIL BGYIS KYANG RUNG, GRAL RNAMS ZLA GAM BYAS KYANG RUNG, YANG, RGYUD SDE BZHI PHYOGS BGOS KYANG BYA RUNG, MDOR NA, SKYABS YUL NAM MKHA' GANG, SEMS CAN SA GZHI GANG BA LTA BUR BSGOM, BDUD RTZIS GNYIS SNANG 'KHRUL PA'I DRI MA DANG, DE 'JOMS PAR BYED PA'I BDE STONG GI YE SHES LA BYED, 'DI YANG GSER SKONG RDO RJE 'CHANG GI GSUNG RGYUN, BDUD RTZI 'BEBS PA SNGAGS LUGS DANG, AA MRiTA, 'CHI MED KYI SKU, SGYU LUS 'GRUB BYED, 'OD ZER 'BEBS PA MDO LUGS YIN, STONG NYID RTOGS PA'I YE SHES KYI 'OD SNANG, BDUD RTZI 'OD ZER LA 'KHRIL
NAS BABS PAR BSAMS, DVANGS SGYU LUS, GSAL 'OD GSAL 'OD KYI RANG BZHIN DU GYUR, ZUNG 'JUG 'DI GSER SKONG RDO RJE 'CHANG GI GSUNG RGYUN YIN, TSE DANG BSOD NAMS X TSE 'PHEL BA YANG, CHOS MTHUN GYI TSE 'PHEL BA TZAM LAS, GZHAN PO TO BAS SDIG CAN TSE THUNG BAR SMON PA LTAR YIN, DE LTAR SBYANG, 'JUG TSUD GSUM, CHOS LA LUNG GI CHOS LA BRTEN PA'I SDIG SGRIB YONGS GRAGS DANG, RTOGS PA'I CHOS LA BRTEN PA'I SDIG SGRIB NI BCAS 'GAL SOGS MANG, TSAD MED THAD, SEMS CAN GYI NANG NAS, NYAN RANG DGRA BCOM SOGS SDUG BSNGAL MED KYANG, BRAL RGYU ZHIG YOD CING, LDAN RGYU'I YON TAN YOD, BLA MCHOD KHRID 1 NAS 30 NA 3 BAR GRUB, ` \NYIN GNYIS PAR,/ LUNG 'DREN SOGS MA MDZAD PAR, MAR GYUR NAM MKHA'I MTHA' DANG MNYAM PA'I SEMS CAN THAMS CAD X BDE LAM DANG, MYUR LAM SOGS SNGAGS DANG 'BREL BA TZAM YIN, BLA MCHOD 'DI SNGAGS KYI DNGOS GZHI LTA BU YIN, GNAS LUGS NGES DON GYI BLA MA RNAL MA DE RANG RGYUD LA 'BYOR BA'AM SLEBS PA ZHIG LA BLA MA'I RNAL 'BYOR ZER, GNAS LUGS NGES DON GYI BLA MA RANG RGYUD LA SKYE
, ,BA LA, KUN RDZOB DRANG DON GYI BLA MA LA BSTEN TSUL TSUL BZHIN DGOS, GU RU, ZHES PA LCI BA'AM, DAD NA GROL BA STE, DAD PA BYED NA 'KHOR BA DANG NGAN SONG LAS GROL BA LA BYED, DE LTAR NGES DON GYI BLA MA'I RNAL 'BYOR YONG BA LA, KUN RDZOB DRANG DON GYI BLA MA BSTEN PA GAL CHE, BLA MA'I RNAL 'BYOR MANG YANG, DGA' LHA DANG, BLA MCHOD, 'CHI BDAG KHAR 'KHOR LOS BKAG PAR BSGOM PA NI, MA CIG LAB SGRON GYI MAN NGAG YIN, KUN SLONG BCOS TSUL NI, DA LTA DAL 'BYOR GYI MI LUS THOB, SANGS RGYAS KYI BSTAN PA DANG MJAL BA SOGS BSAMS, SNGA LO RANG GI GROGS SHI BA'I TSAD DER SHI YOD NA DA TSOD NGAN SONG DU GNAS YOD PAR THAG CHOD, YUL DAG PA GSAL 'DEBS PA NI SKYABS YUL, YUL MA DAG PA GSAL 'DEBS PA NI, SEMS CAN, RANG GI BLA MA KHYIM PA DANG BUD MED SOGS YOD TSE NGO BO DE YIN PA LA, RNAM PA DGE SLONG DU GSAL NA LEGS, BSKYAB BYA'I SEMS CAN RNAMS DGRAS MTHONG YANG SNYING RJE BA'I NYAMS THAG PA ZHIG TU BSAM, DE YANG, SHUGS DRAG CHU BO BZHI YI RGYUN GYIS KHYER, ,BZLOG DKA' LAS KYI X ZHES SOGS LTAR BSAM, CHOS
DANG DGE 'DUN LA SMOD PA'I THAD, MNGON RTOGS RGYAN SHES PA'I 'DZIN GRVA GCIG PA LTA BUR BRNYAS SMOD BYAS TSE, DE'I RGYUD KYI MNGON RTOGS RGYAN LA SMOD PAR 'GYUR, DER SMAD NA SHER PHYIN LA SMOD PA STE, NYES PA SHIN TU CHE, 'DI'I SEMS BSKYED THAD, RGYU 'BRAS MAN NGAG BDUN MDOR BSDUS SHIG BSAMS NAS SEMS BSKYED BYA, KHYAD PAR GYI SEMS BSKYED THAD, MYUR BA GNYIS KYI DON LA, 1\ SPYIR GSANG SNGAGS MYUR, LHAG PAR BLA MED MYUR, 2\ SPYIR BLA MED MYUR, LHAG PAR 'JAM MGON SNYAN BRGYUD MYUR, KHRID YIG 30 BA 4 THAD, RJE MID LAS, SANGS RGYAS CHOS DANG DGE 'DUN STE, ,DE GSUM PHYI YI SKYABS 'GRO YIN, ,MI NGA YANG KHONG LA SKYABS PAS 'TSENGS, ,KHYOD KYANG KHONG LA SKYABS NA LEGS, ,BLA MA YI DAM MKHA' 'GRO GSUM, ,DE GSUM NANG GI SKYABS 'GRO YIN, ,X X RTZA DANG RLUNG DANG THIG LE GSUM, ,DE GSUM GSANG BA'I SKYABS 'GRO YIN,, X PHYI MA DE DE DAG LA GNAD DU BSNUN PA STE, DPER NA, GRU LA BRTEN NAS CHU BO SGROL BA LTAR YIN GSUNGS, THEG CHEN THUN MONG MA YIN PA'I SKYABS 'GRO NI, 'BRAS SKYABS LA SKYABS SU 'GRO TSUL STE, RGYU SKYABS DANG
, ,'BRAS SKYABS DPER, NYES CAN DU GYUR PA SKYOB PHYIR, GZHAN LA 'GO 'DREN 'TSOL BA DANG, RANG NYID KYI GO SA DE LON THABS BYED PA LTA BUR, SNGON 'GRO BZHI NI, LAM LOG PA MU STEGS CAN LAS KHYAD PAR DU BYED PA SKYABS 'GRO, LAM DMAN PA NYAN RANG LAS KHYAD PAR DU BYED PA SEMS BSKYED, 'GAL RKYEN SDIG SGRIB SBYONG BA RDOR SEMS KYI KHRID, MTHUN RKYEN TSOGS GSOG PA BLA MA'I RNAL 'BYOR GYI KHRID DANG BZHI, 'KHOR BA 'JOG TSUL LA, PHUNG PO NYID 'KHOR BAR BSHAD PA DANG, DBANG MED DU NYID MTSAMS SBYOR BA'I CHA DE 'KHOR BAR 'JOG TSUL, DE YANG, SKYE BA'I RDZONGS, X PO TO BAS, 'CHI BA LA MI 'JIGS, SKYE BAR 'JIGS GSUNGS, SKYABS YUL RANG LA BSTIM NAS RANG LHA SKUR LDANG BA DANG, YANG SKYABS YUL NAM MKHAR STEGS NAS, TSOGS ZHING SPYAN 'DREN SKABS MAR BSTIM PA'ANG RUNG, 'DIR, H'Um YIG ZHABS SKYU HA LA THIM PA NAS SA CHU LA THIM PA, LONGS SKU'I LAM KHYER, 'JIGS BYED LA 'OD KHRU GANG TZAM, BDE MCHOG LA N'A DA, GSANG 'DUS LA RDO RJE 'CHANG DKAR PO, NANG MCHOD LA DMIGS NAS DE NGA'O ZER BA MIN GYI, NANG MCHOD STENG GI STONG PA
YUL DU BYED PA'I BDE STONG GI YE SHES DE NGA'O ZHES NGA RGYAL BZUNG, NANG MCHOD KYI SHA THAMS CAD KYI MGO NANG DANG MJUG MA PHYIR BSTAN, GZHOG G-YAS PHABS PA, STI KHA LEN CHOG GI KHRAM CAN DU GSAL, ROL MO YANG, THOD PAR BSKYED DGOS, DE YANG, KA MA, 'DOD PA'AM BDE BA DANG, PA LA, SKYONG BA STE BDE STONG GI MTSON BYED YIN, TSOGS ZHING GSAL 'DEBS SKABS, SA GZHI 'O MTSO'I MTHAR SPANG GI STENG, ME TOG PADMA, NYAN THOS, KU MUD, RANG RGYAL, AUTPAL, BYANG SEMS, RDO'I SNYING PO NI, PHA LAM STE, DE LA KHA DOG DKAR PO YIN MI DGOS PA, RDO SMUG PO'I KA BA ZHES PAS SHES GSUNGS, YAL GA DANG, SDONG PO, LO MA, ME TOG SOGS BDUN TSAN BDUN TSAN DU YOD PAS, BYANG CHUB YAN LAG BDUN MTSON, SENGGE LAG PA G-YAS PAS KHRI BTEGS, G-YON PAS SA LA BRTEN PA, KHRI YANG BEEd'URYA'I KHRI LA, GSER SOGS KYI KHRA BTAB PA, PAD ZLA NYI MA'I GDAN GSUM GYIS LAM GTZO GSUM DANG SGYU LUS 'OD GSAL GSUM MTSON, BKA' DRIN GSUM LDAN NI, MDO LA, SDOM PA GNANG BA, LUNG STZAL BA, KHRID GNANG BA BCAS GSUM DANG, SNGAGS LUGS LA,
, ,DBANG BSKUR, RGYUD BSHAD, MAN NGAG GNANG BA GSUM YIN, G-YAS CHOS 'CHAD DANG, G-YON MNYAM BZHAG MDZAD PA NI, CHOS KYI SKU LAS MA G-YOS PAR, SPRUL PA'I RANG BZHIN SNA TSOGS STON PA SOGS MTSON, RJE'I G-YON GYI GLEGS BAM NI, SHER PHYIN DANG, RANG NYID GANG LA THOS BSAM NYAMS LEN BYED PA, LAM RIM CHEN MO, RIGS TSOGS, MDZOD RTZA, MDO RTZA SOGS GANG YANG BKOD PAR RUNG, RDO RJE 'CHANG GI SKU LA 'OD 'PHRO BA RLUNG 'OD ZER LNGA PAS SGYU LUS 'GRUB PA, 'JA' MTSON GYIS BSKOR BA NI, SKU'I RNAM PA RIGS BRGYA LA SOGS PAS 'GRO BA'I DON MDZAD PA, TSIG CHEN BRGYAD LA KUN BZANG BKOD PA, 'DUS PA'I LHA RNAMS ZHAL GSUM PHYAG DRUG BKOD MA NUS NA, TSANG MA ZHAL GCIG PHYAG GNYIS DANG DE YANG MA NUS NA DE DANG DE'I NGO BOR YOD SNYAM PA BYA GSUNGS, SANGS RGYAS MED PA'I ZHING MED, YE SHES KYI GAR KHYAB LA SKUS KHYAB PA SOGS 'DI RNAMS KYI RTZA BA SKU THUGS NGO BO GCIG PA LA THUG SEMS DPA' DGU BRTZEGS NI, GZHI'I GSUM NI, DAM TSIG SEMS DPA', YE SHES SEMS DPA', TING NGE 'DZIN SEMS DPA', LAM GYI GSUM NI, LUS
RAGS PA, MI SHIGS PA'I THIG LE, RLUNG SEMS PHRA MO SGYU LUS ZHUGS SA'I PHUNG PO SNYING PA, 'BRAS BU'I GSUM NI, SPRUL SKU, LONGS SKU, CHOS SKU, KHRID YIG 43 NA 5 DE BZHIN RGYU NI THUGS RJE DANG, ZHES PA'I THAD, SNYING RJE'I SKAD DOD, KA RU nA, ZHES PA BDE 'GOG MDO LUGS KUN BZANG MCHOD SPRIN NI, KUN BZANG PHYAG GI NOR BU LAS 'OD ZER BCU 'AM NYER LNGA RE SPROS, SNGAGS LUGS NI, GSANG 'DUS BDAG 'JUG LAS, THOG MTHA' MED PA'I X GSANG BDE 'JIGS GSUM GYI DKYIL 'KHOR BSGOM TSE, SHAR SGO BLA MA BLO BZANG THUB DBANG RDO RJE 'CHANG LA YAR BSTAN DGOS, CHOS SKYONG GI GTZO BOR PHYAG DRUG PA BSGOM PA, BYAMS SNYING RJE BYANG CHUB KYI SEMS LA GTZO BOR BYED PAS YIN, TSOGS ZHING GI LHA THAMS CAD SEMS DPA' GSUM BRTZEGS GSAL THUB NA LEGS PAS THUGS KAR RDO RJE 'CHANG RE DANG, DE'I THUGS KAR H'Um YIG RE GSAL, CHOS RNAMS RANG BZHIN X ZHES PA'I TSIG BCAD 'DI 'JIGS BYED KYI 'JAM DPAL RANG BZHIN GYI DON DANG 'DRA, BLA MCHOD KHRID YIG 30 NA 3 NAS 61 BA 3 BAR GRUB, ` /NYIN GSUM PAR,\ BSHAD KHRID LA SKYAR
, ,BSHAD MI DGOS, NYAMS KHRID LA BZHI BSHAD DAM, GSUM BSHAD NGES PAR DGOS SHING, KHRID DMIGS DGONG DRO DANG, SANG SNGA DRO BCAS BSKYANGS DGOS, TSOGS ZHING RANG LA THIM NAS MNYAM PAR GZHAG PA DE NGES DON GYI BLA MA'I RNAL 'BYOR DANG, DE NAS BSDU RIM BYA, BLA MA BLO BZANG RDO RJE 'CHANG LA SENG KHRI GSAL BTAB MIN GNYIS YOD KYANG, 'DAB MA BZHIR GZHAL YAS KHANG GSAL TSE, DE'I DBUS SU MAR NUB PA LTA BUR GYUR PAS ZE 'BRU'I STENG SENG KHRI GSAL YANG LEGS, PHYOGS BZHIR SPRIN PHUNG STENG, RGYAL CHEN BZHI, DRI ZA, GRUL BUM, KLU, GNOD SBYIN BCAS 'BUM 'BUM GYIS BSKOR, 'GUGS GZHUG BCING MNYES SKABS, DMAG RTZED KYI SKAD BRGYABS PA'I DPE GSUNGS, RAB 'BYAMS RGYAL BA KUN GYI X THAD, SPRUL PA SNA TSOGS PA, DE DAG DGON PAR LJON SHING CHEN POR 'GYUR, ,SMAN DANG RIN CHEN MI ZAD GTER RNAMS DANG, ,YID BZHIN NOR BU 'DOD PA 'BYIN BZHIN DANG,, LAM GOL 'KHYAMS PA RNAMS LA LAN STON 'GYUR,, DE LTAR BOD PA'I DON BYED PA LA BOD PA'I RNAM PAR BSTAN DGOS, ZHES AA RI'I MI ZHIG LA LAN 'DEBS MDZAD PA LTAR, ` RANG
RGYUD KYI SDOM PA DE, SANGS RGYAS KYI 'PHRIN LAS YIN PAS, DE'I BDAG RKYEN MKHAN SLOB BLA MA DE'I RGYUD LA GZHAG DGOS, RAB 'BYAMS RGYAL BA KUN GYI X TSIG BCAD THAD, BLA MA SANGS RGYAS YIN PAR LUNG GIS BSGRUB PA DANG, DE YOD PA'I DON YIN ZER NA, GANG DU YOD, SU YIN ZHES DPYAD NA MI RNYED PAS BLA MA LAS 'OS MED, DA RES RANG RE 'DUL BA'I GO SKABS YOD PA, SANGS RGYAS KYIS MKHYEN CING, 'PHRIN LAS DUS LAS MI YOL BA YIN, 'ON KYANG RANG DANG KHA MNYAM LAG MNYAM 'DI LAS GZHAN GNANG THABS ZAD DE 'DI 'DRAR BSTAN, BLA MA'I SKU DGE 'DUN, GSUNG CHOS, THUGS SANGS RGYAS LA DAD CING MOS PAS YID, BSTOD DBYANGS RGYA MTSOR BCAS NGAG ZHING RDUL MNYAM PA'I LUS SPRUL LUS, DBANG BSKUR MCHOG THOB DE BZHIN GSHEGS, ,DUS GSUM DU NI MNGON PHYAG 'TSAL, ,ZHES PA DANG, RJE BTZUN BYAMS MGON GYIS STON PA SH'AKYA THUB PA MCHOD RTEN GYI RNAM PAR BSTEN PA, MCHOD LHA SPROS NAS NGES PAR BSDU BA NI, DA GZOD RDZOGS RIM SKABS RLUNG NANG DU 'DU SLA BA DANG, SGYU LUS PA'I SPRO BSDU'I SMIN BYED DU 'GYUR, RJE'I GSUNG, GSANG BA'I 'KHOR LO'I KHUNGS,
, ,KHRID YIG 72 NA 1 'DI RNAMS YIN, MI SHIGS YI GE MCHOG GI ROL MO'I SGRA, ,ZHES SOGS 'DI LA BSHAD SROL GNYIS YOD PA, GCIG NI, AA NI YIG 'BRU X SOGS LTAR, MI SHIGS PA'I THIG LE LAS NGAG GI SA BON LAS RLUNG LNGA BCU RGYU BA'I RANG MDANGS MI GSAL BA'I TSUL GYIS YOD PA DE NYID, BYED PA LCE RKAN DANG, 'PHRAD PA'I TSE SGRAR GSAL BA, MDO LUGS KYI MCHOD PAS BSOD NAMS KYI TSOGS LAS MI RDZOGS, SNGAGS LUGS KYI MCHOD PAS YE SHES KYI RANG BZHIN DU MOS PAS, TSOGS GNYIS KA RDZOGS, NANG GI MAndAL THAD, KHA CHEMS RLUNG BSKUR LTAR NA, BSGRAL MCHOG LTAR YOD KYANG, 'DIR BDE MCHOG SOGS KYI LUS DKYIL LTAR, RANG LUS SO SO DER THIM PA'I MOS PA BYA, DPER NA, 'DI SKAD CIG DANG POR CHU RKYANG PA LA, SKAD CIG GNYIS PAR KHRAG BSRES PA LTA BUR DE BDE STONG GI NGO BOR BSAM PAS PHYI NANG GSANG BA DE KHO NA NYID KYI MAndAL BZHI KA TSANG, RANG GIS BSAGS PA'I DGE RTZA RNAMS RGYAL BA LA MCHOD RDZAS SU PHUL, DE LTAR PHUL BA'I DGE RTZA DE MAR SEMS CAN LA BSNGOS, 'DI'I KHUNGS KHRID 82 NA 2 PAR YOD PA'I LUNG 'DI YIN, KHRID 85 BA 2 'DIR
YOD PA RNAMS BDUD RTZI RIL BU MYANGS PA'I PHAN YON YANG YIN, DAM SDOM DAG NA SKYE BA BDUN DANG, BCU DRUG LA 'GRUB PAR GSUNGS PA DE, DBANG PO RNO RTUL GYIS KHYAD PAR BYUNG, RDO RJE SKU NI, SGYU MA'I SKU STE, SKYE 'CHI MED KYANG DE'I ZA MA TOG STE, PHYI NANG GSANG BA'I BAR CHAD DAM GEGS NI, PHYI'I GEGS GDON BGEGS NAD SOGS DANG, NANG GI GEGS NYON MONGS, GSANG BA'I GEGS, RLUNG GEGS, RTZA GEGS SOGS, RGOD TSANG PAS, MOS GUS RAB LA NYAMS MYONG RAB, ,MOS GUS 'BRING LA NYAMS MYONG 'BRING, ,MOS GUS THA LA NYAMS MYONG THA,, DE PHYIR MOS GUS MTSAN LDAN GCES, ,BLA MCHOD KHRID YIG 61 BA 3 NAS 115 BA 4 BAR STZAL, ` /NYIN BZHI PAR,\ SKYAR BSHAD THAD, BRGYAD KHRI BZHI STONG DAM CHOS 'BYUNG BA'I GNAS, ,ZHES PA'I THAD, RANG RES LUNG GI CHOS LA SKYABS 'CHA' BA GAL CHE BA LAS, RTOGS PA'I CHOS 'GOG LAM DNGOS DA LTA MED, GSUNG RAB SOGS KUN RDZOB PA'I CHOS ZHES MAR TZAM BZHAG PA 'DI MI LEGS, KUN RIG 'GOR YOD PA, BLO MCHOG 1\ RNAMS KYI KUN DGA' RVA BA STE, ,DMAN 2\ PA'I 'JIGS PA RNAMS LA RGYAL BYED TSAL, ,SRID PA'I
, ,3\ 'BYOR BA ZIL GYIS GNON PA'I MCHOG, /SKYES BU GSUM LTAR SBYOR RGYU YOD,\ GSUNG MCHOG CHOS LA RTAG TU SKYABS SU 'CHI, ,ZHES PA LTAR GSUNG DE CHOS DKON MCHOG TU BZHAG DGOS, YANG, RANG RE LA 'GOG LAM RJES MTHUN PA YOD PA NI LAM RIM CHEN MOR, NAD NI SHES BYA X ZHES SOGS LTAR, NGAN 'GRO'I SDUG BSNGAL SHES, DE RGYU MI DGE BA MTHONG BA SOGS SKYES BU CHUNG NGUR SBYAR RGYU YOD PA, DER NGAN 'GRO'I SDUG BSNGAL 'GOG PA SOGS 'GOG LAM RJES MTHUN PA YOD, YANG, NAD NI SHES BYA X SOGS SKYES BU CHEN POR YANG SBYAR TSUL STZAL, GSANG BA'I 'KHOR LO SKABS, GSANG 'DUS GTZO BO YAB YUM TZAM LAS, 'KHOR LA MI PHUL BA, 'KHOR RNAMS LA YUM MED PAS YIN, YANG 'DI'I SKABS, 'BUL YUL LA BDE STONG SKYE BA DANG, RANG YANG DE BZHIN DU BDE STONG SKYE BA'I DMIGS PA BYED NA GNAD 'GAG MCHIS, STONG LA, STONG SPYI PHUD, DE STONG LA STONG BAR MA, DE STONG LA STONG GSUM, DE STONG LA STONG GSUM RAB 'BYAMS, DE STONG LA RAB 'BYAMS RGYA MTSO, DE STONG LA RAB 'BYAMS RGYA MTSO'I RGYUD SOGS, ` RDO RJES SPRAS PA'I KHRI DANG,
RDO RJE'I KHRI GNYIS MI 'DRA, DUG KHONG DU SONG BA LTA BU'I 'GYOD PA'I THAD, RANG DANG LHAN DU DUG ZA BA'I MI KHA SHAS YOD NA ZHES SOGS DPE SBYAR, DMIGS BRTZE MA DGU SKOR LA, DBEN SA DANG, SRAD BRGYUD LUGS GNYIS YOD PA MI 'DRA, LAS TSOGS SKABS, BLA MA'I THUGS KA NAS 'OD KYI SBU GU RANG GI SPYI BOR ZUG PA'I NANG BDUD RTZI DKAR PO BYUNG NAS MA DAG PA BKRUS, SER PO BYUNG NAS SKU YI CHE SOGS, BDUD RTZI DE RAGS PAR BLTAS NA BDUD RTZI DANG, ZHIB TU BLTAS NA 'JAM DBYANGS KYI SKU'I RNAM PAR YOD PA SOGS GSAL, DBANG GI SKABS, RGYAL MTSAN THOGS PA SPRUGS NAS NOR BU 'BEBS PA, KHAM SDONG SPRUGS PA LAS KHAM BU BABS PA LTAR BSAM, DRAG POR, BUM PA SNGON PO, BDUD RTZI SNGON PO, CHU RDUL THAMS CAD KHRO BO'I RNAM PAR GSAL, RNAM PA KUN TU SDIG PA MED PAR YOD MA YIN, SNGON GYI RGYAL BA SOGS THUGS RJE DANG BYIN RLABS CHUNG NAS RANG LUS PA MA YIN YANG, RANG RE MTHA' ZHAN DRAG NAS DA BAR LUS, LAM RIM SKABS, SPYIR SANGS RGYAS KUN LAS DRIN CHE BA, SGOS SH'AKYA THUB PA LAS BKA' DRIN CHE BA, DE'I STENG MAN NGAG LUGS LA 'DIR GSUNGS PA LTAR BSNAN PA NI,
, ,SA DANG PO SOGS KYIS SPRUL PA DU MAS SANGS RGYAS KYI ZHING DU MAR BGROD DGOS PA SOGS KYIS BYAS PA'I BSOD NAMS KYI TSOGS DE, 'DIR BLA MA'I BA SPU GCIG MCHOD PA TZAM GYIS RDZOGS PAR 'GYUR BA, BSKAL PA STONG DU PHA ROL X MGO DANG X BLA MA'I X ZHES SOGS LTAR RO, ,DE LTAR DKA' NGAL MED PAR SKAD CIG RE LA'ANG BSAGS THUB PA'I BKA' DRIN CAN TE, 'DIR DUS GSUM PHYOGS BCU'I RGYAL BA X GANG GI X TSOGS GSOG PA'I ZHING LA BLA MA DRIN CHE BAS DGA' LHAR YANG, BRTAN BZHUGS THOG MAR 'BYUNG BA DE LTAR YIN, 126 BA 5 TSIGS BCAD 'DI'I BAR, ZHES PA CUNG MI BDE BAS TSIG CHAD DAM DPYAD, BDE GSHEGS SKU GSUM RGYAN GYI 'KHOR LO X ZHES SOGS 'DI PHYI LA YAR SBYAR BA DANG, NANG LA MAR SBYAR BA GNYIS GSUNGS PA'I SA BCAD DANG PO LTAR NA, SKU GSUM PO DE, GSANG BA BSAM GYI MI KHYAB LA BYAS PA DANG, SA BCAD GNYIS PA NANG LA SBYAR NA, ZUNG 'JUG PA'I SKU GSUM 'DUS PA'I KHYOD KYI SEMS LUS LTA BU DANG X ZHES SOGS LTAR SBYAR NA LEGS, DE BZHIN DU, KUN MKHYEN YE SHES ROL PA X ZHES SOGS KYANG NANG GI YON TAN LA SBYAR NA,
BKRA SHIS GANG ZHIG SEMS CAN KUN GYI SNYING LA GNAS, ZHES SOGS DANG SBYAR NA LEGS ZHES STZAL, 'KHOR BA'I RTZA BA RLUNG GI BYED TSUL NI, SEMS RNAM RTOG GI GZHON PAS YUL LA G-YO BA DE RLUNG GI BYED PA STE, SRID PA'I 'KHOR LO RNAM SBYONG BA, ,ZHES SOGS LTAR YIN, DPANG BZHI LEN TSE DPAG BSAM SDONG PO DANG BCAS PA GZHAL YAS KHANG GI NANG DU BSAM PA DANG, YANG, BLA MA BLO BZANG RDO RJE 'CHANG KHO NA GZHAL YAS KHANG DU BSGOMS PA'ANG YOD, DBANG BZHI LEN TSUL, 'JIGS BDE SOGS SO SO'I LAS RUNG BTANG THUB NA LEGS, DBANG ZHUS NAS, DBANG BZHI BYIN RLABS MA CHAG NA DBANG GI CHU BO MA NUB PA STE, DPER NA, ZHVA LUR, GRUB CHEN BIR WA PA'I DBANG GI BUM CHU RGYUN MA NYAMS PAR YOD PA LTAR, CHU KHA GSOS, BDAG GI BLA MA, ZHES PA GRUB DBANG BLO BZANG RNAM RGYAL DANG, DE'I BLA MA PAn CHEN BLO BZANG YE SHES, MU NE'I DON, THUB PA, 3 'DI SKYES BU GSUM LA SBYAR, MTSAN SNGAGS PHYI RIM NAS BZLA ZHING, BSDU BA NI, RDZOGS RIM PA'I RLUNG NANG DU 'DU BA'I DGOS PA, RJE PHA BONG KHAS BKA' BSGO GAL CHE BA SOGS LA, DVAGS PO BLA MA RIN PO CHE'I MTSAN SNGAGS
, ,BZLAS NAS BYED PA YIN, ZHES BKA' STZAL, LCAGS SBRUL SMON LAM GTOR RGYAG TSES NYER LNGA 'KHEL NYIN RJE PHA BONG KHAR GSOL TSIG PHUL NAS NYER LNGA'I GO BCAD PA YIN ZHES STZAL, DGE SBYOR THAMS CAD BLA RNAL KHOG NAS BYED PA NI, DBEN SA SNYAN BRGYUD KYI PHYAG BZHES THUN MONG MIN PA YIN, SKYABS 'GRO BSAGS NA, SNGON 'GRO'I THAD DER RAM ZHING MCHOG DAM PAR, MAndAL BSAGS NA, BYE BA PHRAG BRGYA'I 'GOR RAM DON CHEN PO GSOL 'DEBS THAD, YIG BRGYA BSAGS NA, THOG MED DUS NAS 'GOR GTZO BO RDO RJE 'CHANG RDO RJE SEMS DPAR BSGYUR, DE LAS RANG 'DRA BYUNG BA RANG GI SPYI BOR BKOD NAS BZLAS DMIGS BYA, PHYAG NI, PHYAG 'TSAL SKABS SAM, THOG MED DUS NAS 'GOR LTUNG BSHAGS DANG SBRAGS NAS BSAGS, SNGON 'GRO BSAGS SKABS, THUN SNGA PHYIR BLA MCHOD RE 'DON MA THUB NA, SKABS THOB DE RANG BSKYOR BA'AM, YANG NA, YAN LAG BDUN PA BSKYOR NA 'THUS, 'JIGS BYED SNGON 'GRO DANG, BLA MCHOD DNGOS GZHIR BYED PA ZHIG DANG, 'JIGS BYED DNGOS GZHI DANG, BLA MCHOD SNGON 'GRO BYED PA GCIG BCAS GNYIS YOD, DE LTAR 'JIGS
BYED BSNYEN PA'ANG BTANG TSUL GYI THUN BZHI SOGS STZAL, BLA MA'I RNAM ROL, GAR MKHAN DPA' BOS GAR STABS BSGYUR BAS SRID PA GSUM GYI GAR 'DI BYAS, ,ZHES PA LTAR, BSTEN PA'I PHAN YON DANG, MA BSTEN PA'I NYES DMIGS BSAMS NAS, BSHES GNYEN BSTEN PAR THAG BCAD, BSTEN TSUL LOG PA'I NYES DMIGS BSAMS NAS SNGAR BYAS PA RNAMS 'THOL LO,, DA NI MI BGYID DO, ,RMI LAM DU YANG DE LTA BU MI 'PHRAD CING MA MTHONG BAR SMON, YON TAN MTHONG BA'I DAD PA DANG, BKA' DRIN DRAN PA'I GUS PA BYED PA GNYIS KA DGOS PA NI, BUS AA MA BRDUNGS PA DE, AA MA YIN PA SHES KYANG, BKA' DRIN MA DRAN PA LTAR BKA' DRIN DRAN PA GAL CHE, RJES, DAL 'BYOR RTEN 'DI, ZHES MA GSUNGS PA NI, 'BYOR PA 'GA' ZHIG RJES MTHUN PA YIN PA'I DBANG GIS MA GSUNGS, SKYES BU 'BRING THAD, 'KHOR LO LA, 'DZIN PAR BYED PA'I LTE BA SOGS GSUM YOD PA LAS, LTE BA LTA BU DE TSUL KHRIMS YIN, BLA MCHOD KHRID YIG 115 BA 4 NAS 148 BA 4 BAR STZAL, ` /NYIN LNGA PAR,\ GTZO BO'I THUGS KA'I RDO RJE 'CHANG BSGYUR NAS RIG BYED MA DANG, SGROL DKAR, RDOR SEMS SOGS
, ,SU BSGYUR NAS BZLAS PA BYAS TE, DBANG DANG, TSE SGRUB PA DANG, SDIG SGRIB ZHI BA SOGS GANG YANG RUNG, GZHAN LA 'GRAM CHU LDANG MI DGOS PA, ^ RGYAL MCHOG LNGA PA CHEN POS, GUR KUM TSOS KYIS TZOS PA'I LA BA'I ZHVAS, ,RANG RIGS BSTAN PA X BLA MA BKA' DRIN CHE LUGS, GAL TE GUD NA GNYEN YANG DGRA, ,GAL TE 'BYOR NA DGRA YANG GNYEN, , ZHES PA LTAR MIN GYI, SANGS RGYAS LAS LHAG LUGS NI, SANGS RGYAS KYI ZHAL GZIGS DA LTA MED PA, BLA MAS NI, MU GES 'CHI LA KHAD PAR X MI'I DPUNG SHUGS, STA RE'I YU BA, SO RNON PO BCAS BSLAB PA GSUM LA SBYAR, SNYING RJE THOG MTHA' BAR GSUM DU GAL CHE BA LTAR, BSHES GNYEN BSTEN PA'ANG THOG MTHA' BAR GSUM DU GAL CHE STE, SANG NYIN SANGS RGYAS MKHAN LA'ANG BLA MA DGOS TSUL, BYAMS BSTOD DU, 'BYOR PAS DMAN PA'I SLONG MO BA BZHIN GYUR, ,ZHES PA LTAR, BTANG SNYOMS SGRUB TSUL THAD, LAM RIM SOGS SU THOG MAR GNYEN LA BSAM PA SOGS RIM CAN DU DMIGS NAS SBYANG YANG, MAN NGAG LUGS LA, DGRA GNYEN PAR GSUM DUS GCIG TU DMIGS NAS BSGOM, YID DU MI 'ONG BA SOGS BLO
LA DPER NA, CHUS BKRU BAR DRI MA BSLANG PA LTAR, SHAR DU BCUG NAS DE'I RGYU MTSAN LA DPYAD DE, DE 'DRA MIN, RANG 'KHRUL, SNGAR 'DAS PA'I DUS SU PHAN BTAGS, DA LTA'ANG TSE STOD SMAD LA NGES PA MED, MA 'ONGS PA NA'ANG RANG SANGS MA RGYAS BAR PHAN 'DOGS PAR 'GYUR, RANG NYID NI GNAS SKABS GNAS SKABS SHIG LA BLTAS NAS, 'DRE DANG, SEMS CAN DGUG PA CAN DANG 'DRA BAR GYUR 'DUG CES ZHE SDANG DGAG DE BZHIN DU GNYEN LA YID 'ONG 'CHAR DU BCUG NAS RGYU MTSAN LA DPYAD NAS 'DOD CHAGS DGAG CHAGS PA 'DI NI, SRIN MO'I BSLU BRID DANG 'DRA, YANG BAR MA LA, YAL BAR 'DOR BA'I BLO SKYE RU BCUG PA SOGS RIGS 'GRE, LTO, GOS, GTAM GSUM KA SEMS CAN GYI DRIN YIN, RANG RES DAL 'BYOR THOB PA SEMS CAN GYI DRIN YIN, SDOM PA THOB PA'ANG SEMS CAN GYI DRIN TE GZHAN GNOD SPONG, GZHI 'KHOR BAR 'KHYAMS DUS BDE BA PHRA MO'ANG SEMS CAN GYI DRIN YIN, LAM GYI SKABS SNYING RJE THOG MTHA' BAR GSUM DU GAL CHE BA LTAR, DE'I DMIGS YUL SEMS CAN YANG THOG MTHA' BAR GSUM DU GAL CHE, RGYAL SRAS KYI SPYOD PA RLABS CHE BA'ANG, SEMS
, ,CAN LA BRTEN NAS RLABS CHE, NYAN RANG ZIL GYIS GNON PA'ANG SEMS CAN LA BRTEN NAS ZIL GYIS GNON, 'BRAS BU SANGS RGYAS KYANG, SEMS CAN DRIN CHE BA NI, 'PHRIN LAS RGYUN MI CHAD PA YANG SEMS CAN LA RAG LUS, DRIN DRAN KHYAD PAR BA BSAM TSE, MAR SHES KYI DRIN DRAN DE CHUNG CHUNG ZHIG TU GYUR, BDAG GZHAN MNYAM BRJE'I BLO SBYONG TSUL LA GTZIGS CHE BAR MDZAD PA'ANG DRIN DRAN BSAM TSUL 'DI 'DRA YOD PAS YIN, DUD 'GRO DUG SBANG SOGS KYIS DNGOS SU GNOD KYANG BRGYUD NAS PHAN THOGS TE BYANG CHUB KYI SEMS SKYE BA'I DMIGS YUL DU GYUR, DMIGS YUL BYAS NAS SKYE BA TZAM LA GTZIGS CHE BA BYA CI DGOS SNYAM NA, DE DGOS TE, ZHING DANG BA SOGS LTAR PHA ROL POR PHAN SEMS MED KYANG, GTZIGS CHE BA DGOS PA BZHIN NO, ,DRIN DRAN DE JI TZAM SHUGS CHE BA TZAM GYIS DRIN BZO DANG, BYAMS SNYING RJE SHUGS CHE, DE JI TZAM SHUGS CHE BA TZAM GYIS X X SANGS RGYAS LA MYUR BA, DE LA BRTEN NAS JO BOS KYANG, BDAG GZHAN MNYAM BRJE'I MAN NGAG GSAN YUL BLA MA GSER GLING PAR RTZA BA CHE BAR MDZAD, PHUR LCOG GSUNG DU, 'KHOR BA'I GNAS GANG LA BLTAS
KYANG KHYED SEMS SKYED CIG ZER BA LTA BU, NYAN RANG LA BLTAS KYANG KHYED SEMS SKYED CIG ZER BA LTA BU YOD CES GSUNGS PA LTAR RO, ,BDAG GZHAN MNYAM BRJE'I BLO SBYONG 'DI, BYANG SEMS SNYING STOBS DMAN PA LA GSANG BAR GSUNGS, 1 BDE BA 'DOD LA SDUG BSNGAL MI 'DOD MNYAM, 2 SPRANG PO BCU LTAR SDUG BSNGAL BAR MNYAM, 3 NAD PA BCU LTAR BDE BA 'DOD PA MNYAM, 1 KHO RANG GIS MA BYUNG BAS LAN SNYAM NA, DE LTAR YAL BAR 'DOR MI RUNG, RANG GI MA BYAS PA SOGS DRIN GYIS BSKYANGS TE PHAN BTAGS YOD, 2 DES GNOD KYANG SKYEL SNYAM NA, GNOD SKYEL BA LAS PHAN BTAGS PA MANG TE, DNGOS SHUGS BRGYUD GSUM CI RIGS PAR PHAN PA BSGRUB PA YIN, PHAN GNOD GNYIS LA NAM MKHA' DANG BU GA TZAM YOD, 3 BRTZON PA GCIG GIS GCIG LA CHAGS SDANG BYED RIN MED PA LTAR, SDUG BSNGAL BA 'DRA 'DRA, 'CHI NGES YIN PA 'DRA 'DRA, DER MA ZAD SEMS CAN 'DI TSO LA RTEN NAS RANG GIS SANGS RGYAS BSGRUB DGOS PAS GZHAN ZHES 'JOG RGYU MED, 1 DGRA GNYEN SANGS RGYAS KYIS MA GZIGS, 2 RANG GZHAN PHAN TSUN LTOS BRTAGS TZAM YIN PA, 3 MI GCIG LA DGRA
, ,GNYEN GNYIS KYIS BLTAS PA LTAR BLTA LUGS DANG MTHONG LUGS ZHIG GI KHYAD PAR, RANG GCES 'DZIN SKYON, BSOD NAMS MIN PA'I LAS SROG GCOD, ZAS DANG SMAN GYI NUS PA CHUNG BA DANG, BYED PA RGYU MTHUN SOGS 'BRAS BU BZHI BYUNG BA, DE BZHIN BSOD NAMS KYI LAS LA BRTEN NAS 'KHOR BAR 'KHOR BA NI, 'DOD SRED ZHAGS PAS 'KHOR BA'I BTZON RVAR BCING, ,ZHES PA LTAR, KHA TON DANG, DGE 'DUN LA BSNYEN BKUR SOGS KYANG CHOS BRGYAD DANG, GTAM 'DOD SOGS TSE 'DI PAR BTANG BA DE RANG GCES 'DZIN GYIS BYAS, TSONG PA DGRA JAG DANG 'PHRAD PA, ZHING PA LO NYES BYUNG BA, G-YOD CHAGS SGO, BTZON KHANG, RAB BYUNG SDOM PA DANG BRAL BA SOGS, RJE THU'U BKVAN PAS, MI BYED DGU BYED BYAS PA'I SKYE BO LA, ,MI YONG DGU YONG BYUNG BA 'DI MTHONG NAS, ,MI THOS DGU THOS CHOS KYI RDO RJE YIS, ,MI SMRA DGU SMRA 'DI YANG DON YOD SHOG, CES PA LTAR DANG, KHRID YIG 'DIR, GTONG BA SNGON DU GSUNGS KYANG, LAG LEN LA, LEN PA SNGON DU BYED, DPER N A, MES TSIG PA LA ZAS ZHIM PO SBYIN KYANG MI LEGS PA, DES NA RJE BTZUN BLA MA X NGAN SONG GSUM SOGS
MI'I RNAM PAR BSAMS NA, TSIGS BCAD TSAR GSUM BTON SKOR DMIGS RIM NI, 1 'OD ZER GYI RNAM PAS SDUG BSNGAL BLANGS, LUS BTANG, 2 THOG SER GYI RNAM PAS SDUG BSNGAL GYI RGYU BLANGS, LONGS SPYOD BTANG, GCAN GZAN GYI RNAM PAS SHES SGRIB BLANGS, DGE RTZA BTANG, DPER NA GSUM PA'I TSE, SEMS CAN RNAMS KYI SHES SGRIB MTHA' DAG 'OD ZER NAG PO'I RNAM PAS TSUR BYUNG BA RANG GI SNYING KHAR GCAN GZAN STAG SENG DOM DRED LA SOGS 'JIGS SU RUNG BAS GCES 'DZIN GYI SHA KHRAG RNAMS CHOM CHOM ZOS NAS RMEG MED DU GYUR PAR BSAMS PA STE, 'DI SNGA MA GNYIS LA RIGS 'GRE, 'DI DBYANGS RTA BYA DGOS PA'ANG BSAM BLO BTANG CHED YIN, BYAMS PA DANG LHAG BSAM SPEL BAS GTONG BA DANG, SNYING RJE DANG LHAG BSAM SPEL BAS LEN PA STE, DE GNYIS KA LHAG BSAM GYI NYAMS LEN DU SBYAR, SNOD BCUD SDIG PA'I X MAN CHAD SKYAR BSHAD DANG KHRID DMIGS MED KYANG 'THUS, LAM RIM NYAMS KHRID SKABS KYANG, 'DI MAN CHAD KHRID DMIGS DANG SKYAR BSHAD MI MDZAD PA PHYAG LEN LA YOD, LAM RIM SKABS SPYOD PA SPYI BSLAB MAN CHAD LA SKYAR BSHAD MI GNANG,
, ,BLA MCHOD KHRID ZIN 148 BA 4 NAS 191 BA 1 BAR STZAL, ` /NYIN DRUG PAR,\ LHA BABS DUS CHEN NYIN, BKA' DRIN GSUM LDAN RTZA BA'I BLA MA X ZHES PA DANG, NYAMS THAG 'GRO BA 'DI KUN X ZHES PA'I THAD 'DIR BLO BTANG NA YID 'GYUR BA'I BLO ZHIG SKYE RGYU YOD, DPYAD PA DANG, MYONG BA 'DON NAS LAG RJES BZHAG PA STE THAG BCAD PA SOGS, RANG LA DGOS PA'I CA DNGOS NYO SGRUB THAG BCAD PA SOGS DANG SBYAR NAS STZAL, SON YOD KYANG ZHING MED PA DANG, ZHING YOD KYANG SON MED NA MI 'GRIG PA LTAR, SANGS RGYAS DANG SEMS CAN RANG NYID SANGS RGYAS PA LA DGOS TSUL, SEMS CAN RNAMS DANG RGYAL BA RNAMS, ,SANGS RGYAS CHOS SGRUB 'DRA BA LA, ,ZHES SOGS, BDAG GZHAN BRJE NUS PA'I THAD, GOMS NA DGRA LA'ANG YID DU 'ONG BA'I RNAM PA SKYE BAR 'GYUR, DGE BA'I BSHES GNYEN LA'ANG GTONG LEN BYA RGYU YOD, TSUR LEN RGYU NI, THUN MONG SNANG TSOD BSNYUN MNAR SOGS DU: KHA'I RGYU 'BRAS RNAMS STE, STON PA'ANG SKU STOD BSNYUN PA SOGS DANG, RJE BLA MA'ANG BSNYUNG NAS STOD LUNG CHU TSAN DU PHEBS PA SOGS YOD, DE NAS RDO RJE 'DZIN PA'I DED DPON GYI, X
ZHES DE NAS ZHES PA GO RGYU CHE STE, THUN MONG PA'I LAM SNGON DU BTANG DGOS PA'I DON YIN, BLA MCHOD KHRID ZIN 191 BA 1 NAS 232 RDZOGS KYI BAR STZAL LO,, ,,