*, ,'JAM MGON SNYAN BRGYUD KYI BSTAN PA'I MDZOD 'DZIN ^ SKYABS RJE DZE SMAD RIN PO CHE RJE BTZUN BLO BZANG DPAL LDAN BSTAN 'DZIN YAR RGYAS SAM BLO GTER DGYES PA'I LANG TSO DPAL BZANG PO'I GSUNG 'BUM GYI GLENG BRJOD BZHUGS SO,, @1 *, ,BLO 'DAS RGYAL KUN MDZAD BZANG LHUN PO'I DPAL, ,STOBS LDAN LHAG BSAM PHRAG PAR NYER BLANGS TE, ,THUB BSTAN 'DZIN PA'I RTUL ZHUGS YAR ZLA LTAR, ,RAB RGYAS RJE BTZUN BLA MAS DGE LEGS STZOL, ,STONG NYID SNYING RJE'I GZEGS MA GCIG 'DRES SHING, ,SRID ZHI'I MTHA' YANG BRGAL BA'I 'OD ZER CAN, ,BGRANG YAS 'JIG RTEN RMONGS MUN SEL BA'I GTER, ,DAM CHOS SNANG BA'I NGO MTSAR DENG 'DIR BSNGAGS, ,ZHES 'KHOR 'DAS KUN GYI PHAN PA DANG BDE BA MA LUS PA GANG LAS 'BYUNG BA'I GZHI RTZA RGYAL BA'I BSTAN PA RIN PO CHER BSNGAGS PA'I ME TOG 'THOR BA'I MDUN BSUS TE SKABS BABS KYI DON DNGOS NI DA LAM DGE LDAN SNYAN BRGYUD KYI BSTAN PA'I MDZOD 'DZIN CHEN PO ^ SKYABS RJE DZE SMAD RIN PO CHE RJE BTZUN
, ,BLO BZANG DPAL LDAN BSTAN 'DZIN YAR RGYAS SAM BLO GTER DGYES PA'I LANG TSO DPAL BZANG PO'I GSUNG 'BUM DPAR SKRUN ZHU BA'I SNGON GLENG MDOR BSDUS SHIG ZHU'O, ,DE YANG ^ SKYABS RJE RIN PO CHE MCHOG NI DNGOS 'BREL DUS RABS NYI SHU PA 'DI'I NANG RANG CAG BOD GANGS LJONGS PA RNAMS KYI MKHAS PA'I YANG RTZER SON PA ZHIG YIN PA NI RTZOD MED YONGS SU GRAGS PAS BRJOD MI DGOS MOD, 'ON KYANG 'DIR DRAN GSO'I SLAD SKYES MCHOG DE'I RNAM PAR THAR PA MDOR TZAM ZHIG GLENG NA, ^ SKYABS RJE MCHOG PHYI LO 1927 LOR BOD SHAR PHYOGS MDO KHAMS KYI SA'I CHAR GTOGS PA 'DAB YANG STENG ZHES PAR YAB 'PHRIN LAS BRTZON 'GRUS DANG, YUM BKRA SHIS G-YANG 'DZOMS GNYIS KYI SRAS SU SKU BLTAMS SHING, DGUNG
GRANGS GSUM PAR DZE SMAD SKU PHRENG GSUM PA RJE BTZUN BLO BZANG 'PHRIN LAS RNAM RGYAL GYI SKU'I YANG SRID DU NGOS 'DZIN ZHUS, DGUNG LO BDUN PAR 'DAB YANG STENG DGON DGA' LDAN BDE CHEN GLING DU LI THANG SGO GSAB RIN PO CHE'I DRUNG NAS RAB TU BYUNG BA DGE TSUL GYI SDOM PA LEGS PAR MNOS TE BSTAN PA'I SGOR ZHUGS SHING MTSAN BLO BZANG DPAL LDAN BSTAN 'DZIN YAR RGYAS ZHES BSTZAL, PHYI LO 1938 DGUNG GRANGS BCU GCIG THOG BOD DBUS LHA SAR PHEBS BSKYOD KYIS GDAN SA CHEN PO DGA' LDAN RNAM PAR RGYAL BA'I GLING GI YA GYAL DPAL LDAN SHAR RTZE THOS BSAM NOR GLING GRVA TSANG DU SGRIGS ZHUGS MDZAD DE GZHUNG CHEN BKA' POD LNGA'I GSAN BSAM GYI DBU TSUGS, SKYES CHEN 'DI THUGS BSKYED KYI DAM BCA' BRTAN CING LHAG PAR SKYES STOBS KYI MKHYEN RAB SHIN TU RNO BAS GZHUNG CHEN MO'I THOS BSAM RNAMS DUS THUNG NGU ZHIG GI NANG MTHAR SON TE PHYI LO 1948 LOR DGUNG GRANGS NYER GCIG TU PHEBS SKABS LHA LDAN SMON LAM CHEN MO'I GRA SKOR DAM BCA' MDZAD DE MANG THOS MKHAS PA'I GO GNAS DGE BSHES LHA RAMS PA'I MTSAN BZHES GNANG, DE RJES DPAL LDAN STOD RGYUD GRVA TSANG DU GSANG SNGAGS RDO RJE THEG PA'I LAM LA THOS BSAM SGOM PA YA MA BRAL BAR MDZAD DE 1953 LOR DGU LO NYER DRUG TU SON PA NA RGYUD KYI BSHAD PA MTHAR PHYIN PA'I MKHAS PA'I DAM BCA'
, ,MDZAD PA SOGS NANG DON RIG PA'I GNAD MTHA' DAG LA NANG BYAN CHUD PA'I MKHAS PA'I GO 'PHANG THOB, GZHAN YANG THUN MONG BA'I RIG GNAS SPYI DANG BYE BRAG BRDA SPROD DANG SNYAN NGAG SDEB SBYOR SOGS LA'ANG NGAG GI DBANG PHYUG TU GYUR CING, BSTAN BCOS KYANG DPAL MGON KLU SGRUB KYI DGONGS PA GSAL BAR BYED PA 'JAM DPAL DGYES PA'I GTAM GYIS RGOL NGAN PHYE MAR 'THAG PA REG GCOD RAL GRI'I 'PHRUL 'KHOR ZHES BYA BA SOGS GSHAM DU JI LTAR GSAL BA BZHIN MDO SNGAGS RIG GNAS SOGS GNAD DU MA STON PA'I BKA' RTZOM MANG DU MDZAD, SKU GZHON NU'I DUS NAS YONGS RDZOGS BSTAN PA'I MNGA' BDAG ^ SKYABS RJE YONGS 'DZIN KHRI BYANG RDO RJE 'CHANG CHEN POS DBUS MKHAS GRUB KYI SKYES CHEN DAM PA DU MA'I ZHABS LA BTUGS TE DBANG LUNG KHRID GSUM GYI MAN NGAG BUM PA GANG BYO'I TSUL DU BZHES LA, DE'I NANG NAS KYANG ^ SKYABS RJE RDO RJE 'CHANG CHEN PO'I THUN MONG MA YIN PA'I SNYAN BRGYUD KYI BLA MA'I MAN NGAG GI GTER MDZOD 'DZIN PA'I SRAS KYI THU BO ZHIG TU GYUR, JI LTAR THOS PA'I DON RNAMS KYANG GTZO BO RANG RGYUD 'DUL BA'I THABS DAM PAR GCIG TU DGONGS TE NYIN MTSAN KUN TU THOS BSAM SGOM PA ZUNG DU 'BREL BA'I RNAM THAR GTZANG MA BDAG GIR BZHES SHING, DE YANG, PHYI RU NYAN THOS SPYOD PAS ZHI ZHING DUL, ,NANG DU RIM GNYIS RNAL 'BYOR
GDENGS DANG LDAN, ,MDO SNGAGS LAM BZANG 'GAL MED GROGS SU 'KHYER, ,ZHES PA'I GNAD DON JI LTA BA BZHIN RGYAL BSTAN YONGS RDZOGS GANG ZAG GCIG 'TSANG RGYA BA'I LAM GYI RIM PAR GZIGS PA'I NYAMS BZHES NI RANG GIS MDZAD PA TZAM DU MA ZAD GZHAN LA'ANG DE BZHIN DU LAM STON GNANG, SKU TSE'I MDZAD PA'ANG BOD DU THOG MAR LHA SAR SLOB GRVA GSAR PA'I CHOS DGE MDZAD CING, ^ SPYI NOR ^ GONG SA SKYABS MGON CHEN PO MCHOG RGYA NAG DANG RGYA GAR TU GNAS GZIGS CHIBS BSGYUR SKABS GNAD CHE'I 'THUS MI'I KHONGS CHIBS ZHABS SU SKU BCAR ZHUS, DUS 'GYUR RJES ^ GONG SA MCHOG GI BKA' DGONGS BZHIN BYES 'BYOR BOD MI'I SPYI TSOGS NANG RTZA CHE'I BOD KYI RIG GZHUNG GI RTZA BA SRA BRTAN LEGS PO ZHIG TSUGS CHED BOD GZHUNG GTAN 'JAGS SLOB GRVA GSAR 'DZUGS MDZAD PA NA DE DAG TU SLOB RGYU'I BOD YIG GI SLOB DEB GSAR BSGRIGS KYI RTZOM BRIS PA'I THUGS 'GAN GTZO BOR BZHES, DER MA ZAD GSAR BSGRIGS BOD YIG SLOB DEB DE RNAMS KYI STENG NAS SLOB STON THUB PA'I BOD DGE TSAD LDAN 'ONG CHED DGE RGAN 'OS SBYONG SKABS SNGA PHYI'I DBU BZHUGS MDZAD PA'I THOG NAS SLOB STON PA'I 'GAN BZHES GNANG, DE BZHIN MA SU RIR SLOB GRVA DANG PO'I CHOS DGE DANG, PA CHA MA RI, dAL HA'O SI SOGS SU SLOB SPYI MDZAD PA SOGS MDOR NA BYES 'BYOR BOD RIGS GZHON
, ,NU'I BLO GROS KYI MIG 'BYED PAR MDZAD PA'I BKRIN TSAD MED PA BSKYANGS, PHYI LO 1974 LOR SPYI TSOGS KYI ZHABS ZHU NAS DGONGS ZHUS KYIS MA'I SOR GZHIS CHAGS SU LO MANG RING MTSAMS BSNYEN SGRUB KYI SGO NAS NYAMS BZHES ZAB MO MDZAD CING, DE RJES ^ SKYABS RJE RDO RJE 'CHANG CHEN PO'I BKA' DGONGS BZHIN GDAN SA CHEN PO DGA' LDAN RNAM PAR RGYAL BA'I GLING DU SLOB GNYER BA RNAMS LA MDO SNGAGS KYI GZHUNG CHEN RNAMS LHUG POR BYED PA'I DPE KHRID RGYA CHEN POR MDZAD PA MA TSAD GDAN SA DGA' LDAN DANG, DE BZHIN DU RDO RJE GLING, KA LON SBUG BAL YUL SOGS SU DAD LDAN GYI SLOB MA'I TSOGS STONG PHRAG BRGAL BAR LAM RIM DANG BLO SBYONG GTZO BO'I THOG DBANG LUNG KHRID SOGS GDUL BYA'I SKAL BA DANG 'TSAMS PA'I CHOS KYI 'KHOR LO BSKOR TE SKAL LDAN GYI SKYES BU GRANGS LAS 'DAS PAR THUGS BRTZE CHEN POS RJES SU BZUNG BA SOGS KYI SGO NAS RGYAL BSTAN SPYI DANG LHAG PAR 'JAM MGON BLA MA'I BSTAN PA RIN PO CHE TSUL BZHIN DU SKYONG BA'I MDZAD RJES CAN GYI MKHAS GRUB GNYIS LDAN GYI SKYES CHEN DAM PA ZHIG YIN PA KUN GYI MTHONG CHOS SU GYUR PA YIN NO, ,MDOR NA SKYES CHEN DAM PA 'DI'I RNAM PAR THAR PA NI KHO BO LO NGO BCU PHRAG BRGAL BAR SHAG GI DGE PHRUG BYAS TE SKU'I GAM BCAR GYI TSUL DU DUS DANG RNAM PA KUN TU BRTAG CING DPYOD PA'I GO SKABS
THOB PAS DNGOS 'BREL MKHAS PA PAndI TA'I TSUL GYIS 'CHAD RTZOD RTZOM GSUM DANG, GRUB THOB RNAL 'BYOR PA'I TSUL GYIS NYAMS BZHES, RGYAL SRAS BYANG CHUB SEMS DPA'I TSUL GYIS GZHAN DON LA GCIG TU GZHOL BA'I THABS MKHAS KYI SPYOD PA RNAMS PHAN TSUN GCIG GIS GCIG MI 'CHOL BAR 'GAL MED GCIG TU 'DRIL BA ZHIG TU MNGON PAS GZUR GNAS KUN GYIS RJES SU YI RANG BA'I GNAS LAGS PA GDON MI ZA'O,, PHYI LO 1984 LOR BSTAN 'GRO'I GEGS DBANG LTA BUS ^ SKYABS RJE RIN PO CHE MCHOG SKU BSNYUN TSUL BZHES TE GSUNG MI BSTZAL BA LTA BU MDZAD MOD, 'ON KYANG RGYUN GYI THUGS DAM NYAMS BZHES RNAMS NYAMS PA MED PA SKYONG GNANG THOG LHAG PAR RJE NYID KYIS SNGAR PHYAG ZIN DU BTAB PA'I RTZOM RIGS RNAMS GSUNG 'BUM PHYOGS BSGRIGS ZHUR BCUG PA SOGS BKA' GDAMS PA'I DAM PA GONG MA'I MDZAD SPYOD BZHIN BSTAN PA RIN PO CHE 'BA' ZHIG THUGS BCANGS MDZAD DE MTHAR PHYI LO 1996 ZLA 3 TSES 27 BOD RGYAL LO 2123 ZLA BA 2 TSES 8 NYIN RE ZHIG GZHAN SNANG GZUGS SKU'I BKOD PA CHOS KYI DBYINGS SU BSDUS TSUL BSTAN, ^ SKYABS RJE RIN PO CHE MCHOG NAS SNGON GYI BLA MA DAM PA'I MAN NGAG DANG, RANG NYID KYI DGONGS PA'I ZAB GNAD MANG PO ZHIG PHYIS RABS KYI GDUL BYA RNAMS LA DGONGS TE MDO SNGAGS KYI LAM GYI RNAM
, ,GZHAG DU MA GSAL BAR BYED PA'I BSTAN BCOS, SGRUB LA GCIG TU GZHOL BA RNAMS LA SMAN PA'I LAM STON GYI YIG CHA, GZHAN YANG THUN MONG BA BOD GANGS CAN PA'I BRDA SPROD DANG SNYAN NGAG SOGS LHUG POR BYED PA'I BKA' RTZOM SOGS DANG, MTHA' NA RANG CAG BOD MI RIGS KYI NGO BO MTSON PAR BYED PA'I 'JIG RTEN GYI GTAM DANG LO RGYUS MANG DAG CIG KYANG BOR GYIS DOGS NAS DUS YUN RING PO'I NANG SKU NGAL 'DZEMS MED KYIS YI GER BKOD GNANG MDZAD PA RNAMS DA LAM PHYOGS GCIG TU BTUS TE DPAR SKRUN ZHU RGYUR BRTEN DENG MKHAS PA'I DBANG PO 'DI'I GSUNG GI BDUD RTZI RNAMS SKYE BO MCHOG DMAN KUN GYIS NYAMS SU MYONG BA'I GO SKABS BZANG PO THOB NGES LAGS, DE YANG GSUNG 'BUM DPE RING POD DRUG GI BRJOD BYA DANG GO RIM RNAMS NGO SPROD RAGS TZAM ZHUS NA, KA/ PAR GSAN YIG DANG ZIN BRIS KYI SKOR, KHA/ PAR BDE MCHOG DRIL BU LUS DKYIL GYI BSNYEN CHEN DANG 'BREL BA'I CHOS SKOR SOGS GSANG SNGAGS KYI SKOR SNA TSOGS, GA/ PAR GZHUNG CHEN MO DANG NANG CHOS SPYI'I SKOR, NGA/ PAR RNAM THAR DANG, CHOS 'BYUNG LO RGYUS KYI SKOR, CA/ PAR DRIS LAN DANG, ZHU 'PHRIN, ZHAL GDAMS NYAMS MGUR SOGS GSUNG THOR BU'I SKOR, CHA/ PAR RIG GNAS DANG, GTAM DANG NGAG SGROS SNA TSOGS KYI SKOR BCAS BZHUGS SO,,
GSUNG 'BUM DNGOS GZHI PHYOGS SGRIG ZHU STANGS NI GSUNG 'BUM GYI MA PHYI RNAMS MANG CHE BA ^ SKYABS RJE RIN PO CHE RANG NYID NAS PHYAG BRIS SU DEB CHUNG GRANGS MANG DAG CIG NANG BTAB YOD PA RNAMS THOG MAR RGYAL BA'I LHA GDUNG DKAR PO DGE BSHES BLO BZANG CHOS DAR NAS LO NGO GNYIS KYI RING KAM PU'U KRAR NANG MA PHYI'I DEB KYI AANG GRANGS JI BZHIN PHAB 'JUG GNANG, DE BZHIN DU BDE MCHOG GI CHOS SKOR SOGS SNGAR DPAR DU BSKRUN ZIN PA'I RIGS RNAMS KYANG KAM PU'U KRAR NANG BCUG STE GSUNG 'BUM YONGS RDZOGS KYI THOG MA'I ZIN BRIS SHIG BKOD, DE GZHIR BZHAG GIS KHO BO THUB BSTAN SBYIN PAS ^ SKYABS RJE RIN PO CHE NYID LA DGONGS SKOR ZHUS TE GTZO BO BRJOD BYA DANG KLOG PA PO'I GZIGS BDE DANG BSTUN TE GSUNG 'BUM POD SO SO DA LTA'I DKAR CHAG GI GO RIM LTAR BSGRIGS TE ZIN BRIS KYI MA DPE ZHIG BZOS, DE YANG GSUNG 'BUM GYI BRJOD BYA RANG LA MA PHYI'I DEB NANG GANG YOD LAS YI GE BZO BCOS GTAN NAS BYAS MED PA MA ZAD, LHAG PAR GTAM DANG LO RGYUS KYI SKOR NANG DUS DANG BRJOD DON DANG BSTUN NAS PHYOGS SGRIG BGYID 'OS PA ZHIG 'DUG NA'ANG MA BGYIS PAR MA PHYI'I NANG GO RIM JI LTAR YOD PA RANG SOR BZHAG YOD, DE YANG GTAM TSOGS DE DAG LAS PHAL MO CHE NI SNGON GYI NGAG SGROS YIN PAS GCIG TU BDEN PA'I NGES PA MED PAR ZHU MA DGOS SHING,
, ,'ON KYANG LO RGYUS DANG, NGAG SGROS, LHAG PAR GO RGYU'I THOG NAS LHA SA BAS GTANG BA'I GZHAS TSIG DE RNAMS KYIS BOD MI'I SPYI TSOGS KYI GNAS STANGS DANG, MI RIGS KYI GOMS GSHIS DANG LTA TSUL, BOD MI PHAL PAS CHAB SRID KYIS 'PHO 'GYUR LA BLTA PHYOGS JI 'DRA YOD MIN, CHOS LUGS DANG CHAB SRID KYI 'BREL BA SOGS GAL CHE'I GNAD DON MANG PO ZHIG MTSON PAR SNANG BAR BRTEN ^ SKYABS RJE RIN PO CHE NAS CHED DU BSDUS GNANG BAR GDON MI ZA, MA DPE ZHU DAG GI 'GAN KHUR GTZO BO ^ SKYABS RJE RIN PO CHE'I SHAG GI DGE PHRUG DGA' SHAR LHA RAMS PA 'CHI MED TSE RING, BYAMS PA DKON MCHOG RGYAL LHA DKAR PO DGE BSHES BLO BZANG CHOS DAR GSUM NAS BZHES SHING, KHO BOS KYANG ZHU DAG CHA TSANG ZHIG LOGS SU BYAS PA SOGS DA LAM RNAM DKAR GYI BGYI BA 'DI'I THOG MTHA' BAR GSUM DU MI SHIS PA CUNG ZAD KYANG MED PAS TSANG MAS YID CHES KYI GNAS SU BZUNG 'OS PA LAGS SO, ,DA LTA DPAR SKRUN ZHUS PA'I GSUNG 'BUM GYI KHONGS SU BZHUGS PA RNAMS NI ^ SKYABS RJE RIN PO NYID NAS GSOL BSTZAL GNANG BA'I GSUNG RIGS SHA STAG YIN, 'DIR MI GSAL BA NI DA LTA ZIN BRIS KYI TSUL DU YOD PA'I CHAB SHOG DPYAD ZHIB KYIS BSGRIGS DGOS PA THUMS GCIG YOD PA ZHIG DANG, DE SNGA DUS 'GYUR MA BYUNG GONG ^ SKYABS RJE RIN PO CHE NAS PHYAG BRIS SU BTAB
PA'I BKA' RTZOM KYI RIGS 'GA' ZHIG DANG LHAG PAR RGYA GAR DANG BAL YUL KHUL DU GSUNG CHOS DANG BKA' SLOB KYI RIGS DU MA ZHIG BKA' BSTZAL PA SGRA SDUD 'KHOR LO'I NANG BZHUGS PA DE RNAMS YIN, 'ON KYANG RIM PAS GSUNG 'DI RNAMS DPAR SKRUN ZHU THUB PA'I RE 'DUN ZHU GI YOD, DA LAM GSUNG 'BUM POD DRUG PO 'DI RNAMS DPAR SKRUN ZHUS PA'I RNAM DKAR GYI BGYI BA 'DIS BDAG CAG GI 'DREN MCHOG BKA' DRIN MTSUNGS MED DGE BA'I BSHES GNYEN CHEN PO 'JAM MGON SNYAN BRGYUD KYI BSTAN PA'I MNGA' BDAG GANGS CAN MKHAS PA'I KHYU MCHOG ^ SKYABS RJE DZE SMAD RIN PO RJE BTZUN BLO BZANG DPAL LDAN BSTAN 'DZIN YAR RGYAS DPAL BZANG PO MCHOG GI THUGS KYI DGONGS PA ZAB MO YONGS SU RDZOGS PA DANG, SKU GSHEGS PHYAG MDZOD DGE SLONG BLO BZANG SKAL BZANG LAGS KYI THUGS 'DUN YID BZHIN DU 'GRUB PA SOGS KYI SMON LAM 'DEBS BZHIN PA BCAS SNGON GLENG 'DI BZHIN MGON PO 'DI'I SLOB MA'I GRAL MTHAR GTOGS KYANG GSUNG GI BDUD RTZIR NGOMS MED LONGS SU SPYOD PA'I GO SKABS THOB PA MA ZAD, LO NGO BCU PHRAG BRGAL BAR SKYES CHEN DAM PA 'DI'I SKU'I GAM BCAR GYI TSUL DU BKUR BSTI ZHU BA'I SKAL BA DANG LDAN PA LHA RAMS PA'I MING 'DZIN THUB BSTAN SBYIN PAS, AING LEN KHEM BI RDZI MTHO SLOB KHANG NAS, 1996 ZLA 5 TSES 1 BZANG POR BRIS PA DGE'O,, ,,