/TA 22\ *, ,RJE RIN PO CHES 'DUL BA'I BSTAN PA RGYAS PAR MDZAD TSUL SOGS BZHUGS SO, ,,
, ,NA MO GU RU, SNGON BSKAL PA DPAG TU MED PA'I LNGA ROL DU BYANG CHUB SEMS DPA' SNYING STOBS CHEN PO ZHES BYA BAS NAM MKHA'I MTHA' DANG MNYAM PA'I 'JIG RTEN GYI KHAMS THAMS CAD KYI NANG NA DAM PA'I CHOS MA DAD PA'AM SEMS CAN RNAMS KYI LTA BA DANG SBYONG PA MA DAG PA'I DBANG GIS THAR PA DANG THAMS CAD MKHYEN PA'I PHYOGS SU 'DREN DKA' BA RNAMS LA RANG GI SKU SROG LA MA GZIGS PAR MDO SNGAGS KYI LAM RNAM PAR DAG PA BSTAN NAS 'GRO BA RNAMS MNGON MTHO NGAS LEGS KYI LAM LA 'GOD PAR DAM BCA' DANG SMON LAM RGYA CHEN PO MDZAD DO, ,DE'I TSE RGYAL BA DBANG PO'I TOG CES BYA BA LA SOGS PA'I SANGS RGYAS DANG BYANG SEMS GRANGS MED MANG POS KYANG SMON LAM SOGS MDZAD DO, ,DE LTA BU'I 'JIG RTEN GYI CHA SHAS CIG NI RANG CAG RNAMS DANG 'CHAGS 'JIG MNYAM PA'I 'DZAM GLING BYE BA PHRAG
, ,BRGYA YIN ZHING, BYANG SEMS SNYING STOBS CHEN PO'I SPRUL PA'I SKU CIG NI RJE RIN PO CHE YIN NO, ,SNGON KYI THUGS BSKYED DANG SMON LAM GYIS BOD DU BYON NAS MDO SNGAGS KYI BSTAN PA DANG POR MDZAD PA'I BKA' DRIN LA BRTAN NAS BDAG CAG RGYA SOG GI SKYE BOR MANG PO DAG GIS KYANG DAM PA'I CHOS DANG MJAL RGYU BYUNG BA 'DI YIN NO, ,RJE RIN PO CHE'I BSTAN PA 'DZIN SKYOD SPEL BAR MDZAD PA'I SKYES CHEN DAM PA 'DI RNAMS KYANG SNGON GYI THUGS BSKYED SOGS KYIS 'GRO BA'I DON MDZAD BZHIN PA'O, ,DE'I NANG NAS BOD DU BYON PA'I RJE RIN PO CHES 'DUL BA'I BSTAN BRGYAS PAR MDZAD PA'I TSUL NI, RJE RIN PO CHE DGUNG LO GSUM BZHES PA'I SA PHAG GI LOR KARMA PA ROL PA'I RDO RJE LAS DGE BSNYEN GYI SNGOM PA MNOS TE MTSAN KUN DGA' SNYING POR GSOL,
DGUNG LO BZHI NGA'I LUGS BYI LOR BYA KHYUNG DGON PAR CHOS RJE DON GRUB RIN CHEN BA'I DRUNG DU PHEBS, DGUNG LO BDUN PA'I CHU MO YOS LOR CHOS RJE DON RIN BAS MKHAN BO MDZAD DE RAB TU BYUNG NAS BLO BZANG GRAGS PA'I DBAL DU MTSAN GSOL, GZHON NU BYANG CHUB BAS DGE TSUL DU BSGRUBS, RJE RIN PO CHES SDOM BA BSRUNGS DANG, MDO SNGAGS KYI CHOS GSAN BA DANG BSNYEN SGRUB SOGS MANG DU MDZAD, DGUNG LO BCU DRUG PA'I CHU BYA LOR DBUS KYI PHYOGS SU THUGS GNYER MDZAD PHYER DU PHEBS, BCU BDUN BCO BRGYAD LA PHAR PHYIN, BCU DGU PAR MDZOD, NYI SHU PAR 'DUL BA, NYER GCIG NYER GNYIS PAR KUN BTUS DANG RNAM 'GREL SOGS LA SBYANGS SHING, GRVA SGRO MANG BO MDZAD, ` DGUNG LO NYER BZHI BA'I LCAGS SBREL LOR YAR LUNG RNAM RGYAL GYI JO GDAN DGON PAR BYON, JO GDAN TSOGS CHEN GYI MKHAN PO DKA' BZHE BA TSUL KHRIMS RIN CHEN BAS BSNYEN RDZOGS KYI MKHAN PO DANG, BYE RDZID MKHAN BO SHES RAB MGON POS LAS SLOB, BYE RDZID DBU MDZAD BSOD NAMS RDO RJES GSANG STOD MDZAD NAS, RJE RIN PO CHES BSNYEN RDZOGS MDZAD DO,, DE YANG RAB BYUNG SGRUB PA'I SKABS SU, KHYIM PA'I RTAGS SPONG NGO, ,RAB TU BYUNG BA'I RTAGS YANG DAG PAR LEN TO, ,ZHES PA DANG, BSNYEN RDZOGS KYI SKABS SU, CHOS GOS RNAM GSUM LHUNG BZED
, ,BCAS BYIN GYIS RLABS NAS GNANG BA DANG, GDENG BA CHU TSAGS TSIG GIS GTANG PA SOGS MDZAD PHYIN CHANG, RJE RANG NYID KYIS CHOS GOS RGYUN DU BZHES PA DANG, PHYI DRO'I KHA ZAS BSRUNG PA SOGS MDZAD CING, DGUNG LO NYI SHU BA'I ME 'BRUG LOR SKYOR LUNG MKHAN PO BLOGS LA BA LAS 'DUL BA MDO RTZA GSAN PA'I DUS NAS 'DUL BA LUNG SDE BZHI'I DGONGS DON MA LUS PAR THUGS SU CHUD ZIN PA YIN NO, ` ,DGUNG LO NYER DGU'I SHING MO GLANG LOR RJE BTZUN RDO RJE RNAL 'BYOR MA'I BKA' LUNG GIS PAn ZHVA GSER MDOG BZHES PAR MDZAD, DGUNG LO SO DRUG PA'I CHU SPREL LOR 'KHOR DAG PA RNAM BRGYAD BCAS DBEN PAR BYON NAS 'OL KHA CHOS LUNG DU BZHUGS PA'I SKABS NAS BRTZAMS TE RAB BYUNG GI RTAGS KHYAD PAR CAN RNAMS BZHES PAR MDZAD PA 'DRA'O, ,DGUNG LO SO BDUN PA'I CHU BYA LOR 'JAM PA'I DBYANGS KYI SHES RAB RAL GRI'I BDUD RTZI THOB, SO DRUG LOR TZA RIR PHEBS, DGUNG LO BZHI BCU'I ME BYI LOR GNYAL GSER PHYE BUM PAR 'JAM DBYANGS GYI BA GAS DPON SLOB THAMS CAD GYIS RAB GYUR GI RTAGS SOGS TSAD BAR MDZAD, CHOS GOS KYI TSAD DANG GYON LUGS, LHUNG BZED KHYI DBYIBS TSAD 'DZIN LUGS SOGS THAMS CAD SLOB PAR MDZAD, PHYIR BCOS DANG DUS 'BREL GYI GSO SBYONG SOGS 'DUL BA'I LUGS DAG THER
MDZAD DO, ` ,DGUNG LO ZHE GCIG BA'I ME GLANG LOR GNYAL STOD RAB GRONG DGON DU DBYAR GNAS MDZAD, 'DIR RGYAL TSAB RJE BYON NAS RJE RIN PO CHE'I SLOB MAR GYUR, ZHE GNYIS PA'I SA STAG LOR DRAGS PE LHA SDING DU DBYAR GNAS MDZAD, ZHE GSUM PA'I SA YOS LOR DBYE'I TE'U RAR DBYAR GNAS MDZAD, TSA KHO DPON PO LA, BSLAB KHRIMS DAG PAR BYED PA LA DRAN PA NYER GZHAG ,LAS BRGYA BA, RTOGS BRJOD BRGYA PA, MDZANGS BLUN, GLING 'BUM SOGS BLTA DGOS PAR GSUNGS, ZHE BZHI PA'I LCAGS 'BRUG LOR NYANG PO MDANG MDO'I DGON PAR DBYAR GNAS MDZAD, ZHI LNGA'I LTAGS SPRUL LOR RJE RED MDA' PA DANG BCAS STAG TSAD DU DBYAR BZHUGS MDZAD, ZHE DRUG BA'I CHU RTA LOR RJE RED MDA' PA, RJE RIN PO CHE, LO CHEN SKYABS MCHOG DPAL BZANG DANG, DGE 'DUN DRUG, BRGYA LHAG TZAM BCOS GNAM RTZENG LDENG DU DBYAR BZHUGS MDZAD, CHOS RJE GSUM GAS 'DUL BA'I BSHAD PA MDZAD DE PHYAG LEN DAG THER MDZAD, DGAG DBYE MDZAD NAS RVA SGRENG DU BYON TE LAM RIM TSEN MO 'A TSUBS SO, ,ZHE BDUN PA'I ME LUG LOR RVA SGRENG DU DBYAR BZHUGS MDZAD, ZHE BRGYAD PA'I SHING SPRE LOR SDE SNONG 'DZIN PA BRGYA PHRAG DU MA BCAS 'ON SDE CHEN STENG RU DBYAR BZHUGS, ZHE DGU BA'I SHING BYA LOR
, ,'OL KHA'I BYAMS PA GLING DU DBYAR BZHUGS, SNGAGS RIM CHEN MO MJOD, LNGA BCU'I ME KHYI LOR YANG BYAMS PA GLING DU DBYAR BZHUGS, NGA GCIG PA'I ME PHAG LO SER CHOS SDING DU DBYAR BZHUGS, MKHAS GRUB RJES 'DIR MAR LA, NGA GNYIS PA'I SA BYI LOR YANG SER CHOS SDID NYID DU BSHES GNYEN DRUG BRGYA TZAM GYIS DBYAR BZHUGS, 'JAM PA'I DBYANGS KYIS LHA SA'I RTEN SOGS GSOS NAS CHO 'PHRUL SMON LAM MDZAD NA LEGS PAR BKA' BSTZAL BAS SMON LAM CHEN MO BTZUGS PAR MDZAD, NGA GSUM PA'I SA GLANG LOR 'OL KHA BSAM GTAN GLING DU DBYAR BZHUGS, LO 'DIR DGA' LDAN RNAM BAR RGYAL PA'I GLING BTAB, NGA BZHI PA'I LTAGS STAG LOR DGA' LDAN DU PHEBS, DE NAS NGA LNGA'I LCAGS YOS, NGA DRUG PA'I CHU 'BRUG ,NGA BDUN PA'I CHU SPRUL, 'DIR BDUNG BTUL, NGA BRGYAD PA'I SHING RTA, DA DGU'I SHING LUG ,DRUG CU'I ME SPREL, RE GCIG PA'I ME BYA, RE GNYIS PA'I SA KHYI NAS BZUNG STE DGA' LDAN DANG, SE RA 'BRAS SBUD SOGS BU DBYAR GNAS DANG, LHA SA SOGS PHYOGS THAMS CAD DU SMON LAM LA SOGS PA'I BSTAN 'GRO'I DON RANG ZHING RGYAS PAR BZHUGS PA YIN NO, ,NGA BZHI PA'I LCAGS STAG LOR 'OL KHA
NAS DGA' LDAN RNAM PAR RGYAL BA'I GLING DU PHEBS NAS RGYUN DU BZHUGS, ZHVA SER RING LUGS DRI MA MED PA LA GZHAN GYI BSRE BSLAD MED PAR DAM PA'I CHOS GTZAD MAR BZHUGS PA'I SLAD DU, 'DUS TSOGS THAMS CAD KYIS ZHVA SER ZLA GAM SOGS NA BZAL BZHES LUGS, TSOGS 'TSOGS LUGS, CHOS 'DON LUGS SOGS THAMS CAD DAG PAR MDZAD, DUS 'BREL GYI GSO SBYOD DANG, DBYAR GNAS, MTSAN NYID KYI PO TI LNGA'I SLOB GNYER, GSANG BDE 'JIGS GSUM SOGS SNGAGS KYI THEG PA'I GSAN SBYONG GIS GTZO BOR BYAS PA'I BSTAN PA YONGS RDZOGS KYI BSHAD PA DANG SGRUB PA'I LUGS BZANG DAR ZHING RGYAS PAR MDZAD DO, ,'BRAS SBUNGS SU RJE 'JAM DBYANGS CHOS RJE, SE RAR RJE BYAMS CHEN CHOS RJE, BKRA SHIS LHUN POR RJE DGE 'DUN GRUB BA, RGYUD SMAD DU RJE SHES RAB SENG GE SOGS RJE RIN PO CHE'I SRAS MCHOG BRGYUD 'DZIN DANG BCAS PA'I SKYES BU DAM BA GRANGS MED PA RNAMS KYIS YUL PHYOGS KUN DU PHAN BDE'I 'BYUNG GNAS BSTAN PA RIN PO CHE DANG ZHING RGYAS PAR MDZAD BZHIN PA 'DI YIN NO,, ,, ` LHA BSRUNG BSTEN TSUL SOGS KYA YIG CHUNG,, ` MKHAS GRUB RIN PO CHES, ^ RJE RIN PO CHE LA THOG MAR MDA' BA'I DUS SU PHAN TSUN CHOS KYI GSUNG
, ,GLENG MDZAD PA NA, ^ RJE RIN PO CHES MKHAS GRUB RJE LA YI DAM CHOS SKYONG GANG BSTEN PA DANG, THUGS DAM NYAMS LEN GANG MDZAD PA RNAMS 'DRI BA'I SKABS SU, MKHAS GRUB RJES 'JAM DBYANGS DMAR SER DANG GSHIN RJE GSHED DMAR BSTEN CING YOD CES ZER BA LA, ,RJE RIN PO CHES GSHIN RJE GSHED KYI NANG NAS RDO RJE 'JIGS BYED DANG 'JAM DBYANGS KYI NANG NAS AA RA PA TZA NA BSTEN DGOS PA'I RGYU MTSAN DANG BCAS MAN NGAG GNANG, DE NAS BZUNG STE DA LTA'I BAR RANG RE'I BLA MA RNAMS DANG 'DUS TSOGS RNAMS SU RDO RJE 'JIGS BYED DANG, AA RA PA TZA NA SBRAG BSGRUB BSTEN PA DANG BA YIN, 'DI'I RGYU MTSAN NI, RJE RIN PO CHE NI SPYIR 'JAM DBYANGS KYI SPRUL PA YIN MOD KYANG, DNGOS KYI SPRAL GZHI NI ZHI BA LA AA RA PA TZAN DANG, KHRO BO LA RDO RJE 'JIGS BYED YIN PAS DA LTA'I SGOM TSUL 'DI NI, BLA MA YI DAM DBYER MED DU SGOM PA'I TSUL YIN, 'DI LTAR SGOM NA BYIN RLABS DANG DNGOS GRUB MYUR BA, BGEGS KYIS MI TSUGS PA SOGS KYI DGOS PA LHAG PO YOD, DE'I PHYIR RJE YAB SRAS SOGS KYI RJES 'JUG GDUL BYA BDAG SOGS RNAMS KYIS RJE'I YI DAM RDO RJE 'JIGS BYED SOGS DANG, RJE'I CHOS SPYOD MGON PO CHOS RGYAL DANG, DUS PHYIS RGYAL DBANG RIN PO CHES LHA MO BSTEN
PA NGANG, PAn CHEN RIN PO CHES BEG TZE BSTEN PA DANG, PHYOGS 'DIR RJE LCANG SKYA RIN PO CHE SOGS DAM BA MANG BOS BKVAN LO YEL 'PHRIN LAS SGRUB PA'I CHOS SKYONG DU BSTEN PA LTA BU DANG, 'BRAS SPUNGS SOGS KYI MTSAN NYID GRVA TSANG LA PE HAR RGYAL PO DANG, RGYUD SMAD PA'I CHOS SKYOD DAM CAN RDOR LEGS BSTEN PA LTA BU'I KHYAD PAR SHES NAS CHOS SKYONG DU BSTEN DGOS LA, BON SKYONG LTA BU LHA KLU 'BYUNG PO'I RIGS SNA TSOGS PA BSTEN NA CHOS SKYONG GI 'KHOR RNAMS KYI'I KHU LDOG DANG, NAG PHYOGS 'BYUNG PO'I DKRU GA BSLAD SOGS KYI NYES PA MANG DU YOD PAS RGYU MTSAN MA SHES PAR BSTEN BAR MI BYA, GAL TE MI 'OS PA'I RIGS LA BSTEN NA NAD GDON GYI 'TSE BA DANG, KHAM CHU 'ZAB RTZOD DANG, NOR PHYUGS GONG KHA SOGS BKRA MI SHIS PA DANG SDUG BSNGAL MANG DU 'BYUNG BAS, BLO LDAN DAG GIS ZHIB TU BSAMS NAS SPOD LEN BYED DGOS SO, ,'DI LA BRTAGS NAS RANG GZHAN GYI RIM GROR MDOS BZLOG PA SNA TSOGS BRA BYED PA DANG, MDOS RDZAS YO BYAD KYI RIGS LEN BA YANG BRTAG DGOS SO,, , *, ,NA MO GU RU, RJE RIN PO CHES GSANG SNGAGS RDO RJE THEG PA RGYAS BAR MDZAD BA'I TSUL NI, SNGON CHAD BYA RGYUD, SPYOD RGYUD, RNAL 'BYOR RGYUD, BLA MED
, ,RGYUD RNAMS KYI SO SO'I RTZA BA'I RGYUD, BSHAD PA'I RGYUD, PHYOGS MTHUN GYI RGYUD GANG DANG GANG YIN PA DANG, DE DAG GI DGONGS PA BKRAL BA'I MKHAS PA RGYA GAR GYI GRUB CHEN GANG YIN PA SOGS SO SOR DOS BZANG NAS NYAMS SU LEN TSUL, RTOGS PA BSKYED TSUL, 'BRAS BU THOB TSUL SOGS GSAL BAR PHYE BA MA BYUNG BA LAS, MA 'DRES SHING MA NOR BAR GSAL BAR PHYE BA NI RJE RIN PO CHE KHO NA YIN LA, DE NI RTOGS BRJOD 'DUN LEGS MA DANG SNGAGS RIM CHEN MO GNYIS LAS SHES DGOS LA, RJE'I RNAM THAR CHEN MOR GSANG 'DUS DANG BDE MCHOG GNYIS GSAL BAR GRAGS PA'I RTAGS BZANG BYUNG BA DANG, DUS 'KHOR GSAL BAR MDZAD PA'I MNAL LAM SOGS ZUNG TZAM YOD,, ` SNGAGS LA 'JUG CHUL GYI YIG CHUNG LAGS,, ,, ` THUN MONG LAM SBYANGS SNOD DU GYUR BA NA, ,THEG PA KUN GYI MCHOG GYUR RDO RJE THEG ,CES GSUNGS PAS SKAL BZANG GI 'JUG DOGS ZHES PA TZAM GYIS MA DINGS PAR, THUN MONG BA'I
LAM LA BLO SBYANGS ZHES PA LA BSAM PAR BYA, THUN MONG PA'I LAM GYI THOG MA SKYES BU CHUD DU YIN, DE LA NI TSE 'DI'I ZHEN PA SPONG DGOS PA YIN, DE 'DRA SHIN TU MANG,, ,, ^ BRGYUD PA 'GA'I BRJED THO LAGS,, ,, ` BOD YUL DU BSTAN PA DAR BA LA, SLOB DPON PAS MA 'BYUNG GNAS DANG, DE'I BRGYUD 'DZIN LO CHEN BEE RO TZA NA DANG, G-YU SGRA SNYING PO SOGS RNYID MA RGYUD DO,, ^ BKA' GDAMS PA NI, JO BO RJE NAS BRGYUD PA STE 'BROM STON SOGS SO,, ^ BKA' BRGYUD PA'AM PHYAG RGYA PA NI, LHO BRAG MAR PA YAB SRAS NAS BYUNG BA SOGS SO,, ^ SHANGS PA BKA' BRGYUD NI, MKHAS GRUB KHYUNG PO RNAL 'BYOR LAS BYUNG NGO,, ^ ZHI BYED RGYUD NI,
, ,PHA DAM PA SANGS RGYAS NAS BYUNG, 'DI NI PHO GCOD YIN, MO GCOD NI, MA CIG LAB SGRON LAS GYUR RO, ,'DI LA GCOD CES GRAGS SO,, ^ SA SKYA NI, 'KHON DKON MCHOG RGYAL PO NAS BYUNG, JO NAD PA NI, KUN SPANGS THUGS RJE BRTZON 'GRUS DANG, KUN MKHYEN RIL PO PA'I BRGYUD 'DZIN NO,, ,, ^ PAR YIG PA DGE SLONG DTA RMA BKRA SHIS SO,, ,, ^ SNGON BYON SKYES BU DAM PA THAMS CAD DANG, ,KHYAD PAR RGYAL PA GNYIS BA YAB SRAS KYIS, NYIN MTSAN KUN DU MDZAD SPONG JI LTA BUD, ,MDZAD PA DE BZHIN BDAG KYANG SGRUB GYUR CIG, ,,
[BLANK PAGE]