/TA 21\ *, ,KAR CHAG LAS BLANGS PA'I YIG CHUNG BZHUGS,, ,,
, ,'OL KHA CHOS LUNG GI KAR CHAG LAS, ,RJE RIN PO CHE 'KHOR DAG PA RNAM BRGYAD BCAS SKYOR MO LUNG NAS PHEBS, MKHA' STAG LA BRGYUD DE 'O LA KHA GROG DGON GSAR ZHES PA'I GNAS SU PHEBS PA'I TSE, ,RJE BTZUN SGROL MA'I RNAM 'PHRUL , BTZUN MA ZHIG GIS THOG MAR MJAL TE ZHO DANG 'O MA DRANGS, ,MAR DANG CHU RA PHUL, RJE RIN PO CHES PHYAG MDZUB BSTAN NAS GNAS RI YA GI'I MING LA CI ZER, ,ZHES GSUNGS PAR, BTZUN MA NA RE, ,GNAS KYI MING LA CHOS LUNG ZER, ,RIL DUNG 'DRA ZER ZHUS BAS, ,RTEN 'BREL DANG MING GRVA LEGS BAR DGONGS NAS THUGS SHIN TU DGYES, ,GNAS SGO DANG PO'I MTSAMS SU RJE BLA MAS ZHABS RJES BZHAG ,DE
, ,PHYOGS SU GNAS PA'I DKAR PHYOGS SKYONG BA BCU DANG, LHA CHEN PO 'O DE GUD RGYAL SOGS KYIS NGO MTSAR BA'I LTAS DU MAS BSUS TE CHOS LUNG 'DI NYID DU PHEBS, SA BSLANG BA DANG BRTAG PA SOGS RGYUD SDE DANG MTHUN PAR MDZAD, DE SKABS 'OL KHA STAG RTZE'I SDE PA BKRA SHIS LHUN GRUB MJAL BAR BYON PAS, MING GRVA LEGS PAR BRTEN KHONG PA LA ZHAL BKOD MDZAD PAS THUGS KHUR BZHES TE GZIMS PHUG GSAR RGYAG GNANG BAR RJE BDAG NYID CHEN PO BZHUGS SHING, GLING STOD KYI SGRUB PHUG BRGYAD PO SO SOR 'KHOR DAG PA RNAM BRGYAD BZHUGS TE SGRUB PA SNYING POR MDZAD, GZHI BDAG RNAMS KYIS RDO'I MAndAL KHYAD PAR DU 'PHAGS PA ZHIG PHUL BAR MAndAL MDZAD DE NYIN RE BZHIN
MAndAL BRGYA PHRAG DU MA 'BUL BAR MDZAD CING, PHYAG DAR GYIS YANG YANG BYI BDAR MDZAD PA LA BRTEN SKU MTSAL MANG DU BYUNG BAR, BDE GSANG 'JIGS GSUM, BCU GCIG ZHAL, RJE RANG NYID KYI SKU RNAMS RANG BYON, A'A:- DAD H'Um RANG BYON BCAS RDO'I NGOS GSUM DU BYUNG, ` ,DE YANG GZIMS PHUG GI NANG DU RJE BLA MA'I THUGS DAM RTEN GYI BLA MA DBU MA PA'I SKU BRNYAN MTHONG BA DON LDAN GYI SKU BYIN CAN, TSOGS KHANG GI MDOR RJE BLA MAS BSAG SBYANG GNANG TSUL BSTAN DUS KYI RDO'I MAntAL CHEN MO PHYAG DAR GYIS PHYI BDAR MDZAD BA'I ZANG RJES LA NGO MTSAR BA'I RANG BYON MANG BA BYIN RLABS BDUD RTZI'I GZI 'OD 'PHRO BA DANG, 'DU KHANG SBUG TU RJE BLA MAS PHYAG 'TSAL GNANG DUS KYI ZHABS RJES GNYIS, CHOS RVA'I NANG DU RJE BDAG NYID CHEN POS PHYAG 'TSAL GNANG DUS DPRAL RJES DANG PHYAG GNYIS KYI RJES LEGS PAR GSAL BA'I BRAG BYIN CAN BDUD RTZI'I ZIL BA 'PHRO BA'I LDEBS LA 'JIGS BYED MGON PO PHYAG DRUG PA LHA MO CHOS RGYAL BCAS KYI RANG BYON GSAL BAR YOD PA, CHOS RVA GONG MA'I SA KHRI'I STENG NA RJE BLA MAS RGYUD SDE BZHI'I BKA' CHOS MTHA' YAS PA GNANG BA'I SA KHRI CHEN MO BCAS BZHUGS SO, ,ZHES GSUNGS, ` ,'JAM DBYANGS
, ,BZHANG PA'I 'KHRUNGS RABS KYI NANG GI BLA MA DBU MA PA'I RNAM THAR DU, DBU MA BA NYID GSANG PHUR GSAN SBYOD MDZAD NAS, SA SKYAR BYON, RED MDA' BA LAS DBU MA DANG 'DUL BA GSAN BAR GSUNGS BA'I MJUG TU, DE NAS MAR BYON, RONG CHOS LUNG DU BZHUGS, ,RJE TZONG KHA PA CHEN PO LA 'JUG PA RANG 'GREL TSAR GCIG GSAN, DE NAS BLA MA 'DIS LO TZ'A MDZAD, RJE RIN PO CHES DRI BA PO MDZAD NAS, RJE BTZUN 'JAM BA'I DBYANGS LA MDO SNGAGS KYI CHOS MANG PO DANG, KHYAD PAR DBU MA'I LTA BA LA DRI GTUGS TSAR MDZAD PAS, YI DAM GYI ZHAL NAS, SNANG PHYOGS DANG LTA PHYOGS LA NYE RING GTAN NAS BYED MI NYAN, ,KHYAD PAR SNANG BA LA GTZIGS SU BYED DGOS GSUNG, ,PHYIS SKYID SHOD DGA' BA GDONG DU RJE RIN PO CHE DANG THABS GTZIGS BZHUGS NAS DPON SLOB GNYIS MTSAMS DAM PAR BCAD, GNYIS PO GZIMS KHANG SO SOR MDZAD NAS, GSOL JA SOGS LA 'TSOGS PA MDZAD, GSOL JA BZHES PA'I SKABS SU BLA MA 'DIS LO TZ'A MDZAD NAS, ,RJE RIN PO CHES RJE BTZUN LA CHOS MANG DU GSAN, DE DUS BLA MA 'DIS 'JAM DBYANGS CHOS SKOR GYI LUNG DANG, RJES GNANG SOGS GDAMS NGAG GI RIGS RJE TZONG KHA PAR GNANG,
BA DED SANG RI BO DGE LDAN PA'I THUN MONG MA YIN PA'I THAB CHOS SU GRAGS BA 'DI KA YIN NO, ZHES GSUNGS SO, ` ,SKU 'BUM GYI KAR CHAG CHO NGAS SRAS DGYES PA'I GLU DBYANGS ZHES BYA BAR, RJE RIN PO CHE BOD DU BZHUGS PA'I SKABS SU YUM LA GNANG BA'I GSUNG SHOG TU BYUNG BA LTAR YUM GYIS TZAN DAN DANG RGYAL BA SENG GE'I NGA RO'I SKU BRNYAN SNYING POR BYAS TE PANG SPUNGS MCHOD RTEN THOG MAR BZHENGS, ,DE NAS LO MANG LON TSE DANG LDAN RNAMS KYIS PANG SPUNGS NYID SNYING POR BYAS PA'I RNAM RGYAL MCHOD RTEN DANG, ,DE NAS RIM GYIS SGO MANG MCHOD RTEN, ,MYANG 'DAS MCHOD RTEN, DBYEN BSDUMS MCHOD RTEN, LHA BABS MCHOD RTEN SOGS SU BSGYUR NAS BZHENGS, DE NAS CHU LUG LO LA RGYAL DBANG BSOD NAMS RGYA MTSOS MCHOD RTEN GYI DRUNG DU BYON TE BKA' GNANG BA BZHIN LHA KHANG BZHENGS NAS 'DUS SDE BTZUGS, ,DE NAS TA'I CHING HA SHA CHI DANG, ,RGYAL MO AA LA NGAR AA BU GNYIS KYIS RTEN MCHOG BZHUGS BA'I GTZUG LAG KHANG GI STENG DU GSER GYI RGYA PHEBS BZHENGS, DE NAS YUN RING LON TSE SKU 'BUM MKHAN PO DGE 'DUN DON GRUB KYIS BSKUL BA'I RKYEN GYIS, BOD YUL DBUS KYI MI DBANG BSOD NAMS STOBS RGYAS KYIS SLAR YANG GSER GYI RGYA PHEBS GSO BAR MDZAD, DE NAS
, ,CHING WANG AER KHE SHAR YAB YUM GYIS GSER GYI MDA' YAB BZHENGS, DE NAS LO MANG SONG BAS LHA KHANG GI RTZIG PA SOGS NYAMS PA'I TSE, GNYER PA BLO BZANG BSTAN PA DANG BLO BZANG TSUL KHRIMS GNYIS KYIS ^ RJE THAMS CAD MKHYEN PA AA KYA RIN PO CHE BLO BZANG BSTAN PA'I RGYAL MTSAN DPAL BZANG PO'I ZHAL SNGA NAS, PHO BRANG CHEN PO PE'I CING DU BZHUGS PA'I DRUNG DU ZHU YIG PHUL BA'I TSE, AA KY'A RIN PO CHE NAS LHA KHANG ZHIG GSOS KYI CHED DU DNGUL SRANG NYIS STONG LNGA BRGYA BSKUR BA, RJE CHU BZANG RIN PO CHE SKU 'BUM GYI KHRIR BZHUGS PA'I SKABS SU 'BYOR, DE RJES DANG LDAN DU MAS ZHAL 'DEBS BYAS TE, STAG MTSER RIN PO CHE KHRIR BZHUGS PA'I SKABS SU, GSOR RGYA GNYER PA DANG, AA KY'A DBON CHUNG GNYIS KYIS KHUR BLANGS NAS, SHING SPREL ZLA BA GNYIS PA NAS MGO BRTZAMS TE LO GNYIS KYI KHONGS SU RTZIG PA SHING RTZI LDEBS RIS SOGS TSAD MA LEGS PAR BSGRUBS, DE NAS JUN WANG DKON MCHOG BKRA SHIS KYIS YON BDAG BYAS TE, SHING BYA HOR ZLA DGU PA'I NYER GSUM PA'I NYIN RJE 'JAM DBYANGS BZHAD PA DKON MCHOG 'JIGS MED DBANG PO DANG, KHRI ZUR STAG MTSER ZHAL SNGA NAS SOGS 'DUS TSOGS MANG POS RAB GNAS MDZAD PAR GSUNGS SO,, ,,
` MKHAS GRUB RJE'I RNAM THAR LAS BRTZAMS BA'I BRJED THO BZHUGS SO,, ,,*, ,'JAM DBYANGS BZHAD PAS MDZAD PA'I MKHAS GRUB RJE'I RNAM THAR LAS, LAS CHEN KUN DGA' RGYAL MTSAN GYI BKA' GDAMS CHOS BYUNG DU, BO DONG PAn CHEN GYIS RJE 'DI LA CHED DU BRJOD PA BUNG BA RNAM PAR RTZE BA'I RGYUD MNGAS ZHES BYA BA ZHIG MDZAD CES GSUNG BA NI ZHIB TU MA BRTAG PA'I SKYON TE, BSTONG PA DE NI ZHANG ZHUNG BA CHOS DBANG GRAGS PAS MDZAD PA'O, ,DES NA YIG MKHAN ZHIG GIS TSES DBANG GRAGS PA ZHES PA NOR NAS 'JIGS MED GRAGS PA ZHES BRIS PA YIN NAM SNYAM MO, ,'ON KYANG PAn CHEN PA DE RJE 'DI'I SKU YON LA THUGS SHIN TU MGU NAS GZHAN DANG GZHAN DU BSNGAGS PA BRJOD PA'ANG MDZAD DO, ,DE NIS PAn GYIS, MKHAS PA MKHAS PA'I DRUNG NA MDZES, ,BLUN POS MKHAS PA JI LTAR GO ,ZHES PA'I DON DU SNANG NGO, ,ZHES GSUNGS, ` ,YANG, DGUNG LO NYER GSUM BZHES PA'I TSE RJE BTZUN RED MDA' PAS BSKUL NAS RJE TZONG KHA PA CHEN PO MJAL BAR DBUS SU PHEBS, DE SKABS RJE RIN PO CHE SE RA CHOS SDINGS SU DBYAR GNAS MDZAD NAS BZHUGS YOD PA LA, RJE NYID SE RA RTZER PHEBS PA NA DER MJAL DU PHYIN PAS, THOG MAR DGE SLONG ZHA RUL CAN ZHIG DANG MJAL
, ,BYUNG BAR, RJE BTZUN TZONG KHA PA'I GZIMS KHANG GANG YIN ZHES DRI BA MDZAD PAS, DGE SLONG DES LAN MI SMRA BAR NANG DU PHYIN NAS SPOS RING GCIG SPAR NAS KHYER BYUNG STE GZIMS KHANG SER BA'I MDUN DU SLEB BA NA PHYAG GSUM BTZAL NAS, PHYAG GNYIS KYIS SPO SA RENG BZUNG NAS DON KYI SLAD DU MTSAN NAS SMOS TE BDAG GI MKHAN PO RIN PO CHE BLO BZANG GRAGS PA'I ZHAL SNGA NAS BZHUGS PA'I GTZUG LAG KHANG NI 'DI'O ZHES SPOS RING GTZUGS PA DANG 'DUL BA NAS BSHAD PA'I DGE SLONG GI RTAGS CHA LUGS LEGS PAR TSANG BA'I SPYOD LAM DUL BA GZIGS PA DANG, BDAG NYID NA BZA' DUD MA BZHES BA SOGS MI CHEN GYI CHA LUGS DANG LDAN ZHING THUGS NGA RGYAL PA'I RNAM PA CAN YONG PAS 'TSER SNANG GIS DPA' ZHUM PAR GYUR, ZHES GSUNGS, ` ,DGUNG LO NYER GSUM BAR RJE RIN PO CHE LA MJAL BAR GSUNGS BA'I RJES SU, DE NYID LAS SKABS DER RJE'I GSUNG GIS DKA' GNANG 'GA' ZHIG LA ZIN BRIS KYANG MDZAD, DE NAS GTZANG LA PHEBS TE BSTAN PA'I BYA BRGYA CHER MDZAD, DGUNG LO SO GCIG BZHES PA SHING MO LUG GI LO SMIN DRUG ZLA, BA'I GZA' SKAR TSES GRANGS DGE BAR BYANG CHUB SEMS DPA' ZLA BA RGYAL MTSAN GYI GDAN SA MU ZING GI GTZUG LAG KHANG DU RJE BTZUN RED MDA' BA GZHON NU BLO GROS KYIS MKHAN PO, ,SEMS DPA' CHEN PO
DPAL 'BYOR SHES RAB KYIS LAS SLOB, GNYAL BA BLO GROS MTSUNGS MED KYIS GSANG STE STON PA'I SLOB DPON MDZAD NAS DAD BA'I DGE 'DUN BRGYAD TSOGS KYI DBUS SU BSNYEN PAR RDZOGS PA DGE SLONG GI SDOM PA BZHES TE DUR SMIG 'DZIN PA KUN GYI GTZUG RGYAN DU GYUR TO, ,ZHES GSUNGS, ` ,YANG, ROD tI KA PA PHAM BAR MDZAD PA'I RJES SU DE NYID LAS, CHOS 'BYUNG YID KYI MDZES RGYAN DU, ,SKABS RER NA LENDRA NAS CHOS RJE RONG CHEN PO GDAN DRANGS ZHES BSHAD PA NI MI 'THAD DE, RTZOD PA 'DI MDZAD BA'I TSE RONG CHEN PO DGUNG LO RE GCIG BZHES BA'I SKABS YIN LA, NA LENDRA NI RE DGU BA'I STENG DU BTAB PAR BSHAD PAS DUS SNGA PHYI MI 'GRIG BAR SNANG NGO, ZHES GSUNGS, MKHAS GRUB RIN PO CHE NI RJE RIN PO CHE'I DGUNG LO NYER DGU'I GLANG LOR 'KHRUNGS PA YIN BAS, ,MKHAS GRUB RJE'I NYER GSUM BAR RJE RIN PO CHE DGUNG LO LNGA BCU NGA GCIG LA PHEBS PA YIN LA, DE'I BAR DU GTZANG PHYOGS KYI 'DUS SDE SOGS GZHAN RNAMS SU GRA RIGS RNAMS GZAN SHAM GON PA'I GLOB MA DANG BA YIN LA, DES NA 'DUL BA'I LUGS RNAM DAG NI RJE RIN PO CHES GSAN NAS GSAL BAR MDZAD PA YIN NO, 'DIS MTSON NAS ZHVA SER LUGS GTZANG GZHAN RNAMS KYANG SHES PAR BYA'O,, ` ,,KHA BYANG SNON TSIG BCUGS,, ,,
, ,SKU GZHOGS RJE BTZUN DAM PA RIN PO CHES GNANG BA'I KHA BA SKUD RTEN LA PHUL BA'I TSIGS BCAD, THABS SHES ZUNG 'BREL CHOMS DRUB KHA BSKUNG KYIS, ,ZAB GSAL MYUR CHA'I SHES RAB THOGS MOD CING, SPYAN DANG MDON SHES SMRA MKHAS BZOD PA SOGS, ,GZHAN DON BYED BA'I RKYEN RNAMS TSAD BAR SHOG, ^ ,,SBYIN SER PHUL BA'I TSIG, ,MCHOG THUN DNGOS GRUB SBYOR BYED PA'I, ,SBYIN SER DANGS MA GUS PAS PHUL,, THUGS YING 'DRES SHING MTHUN PA YI, ,BSTAN 'GRO'I DON KUN RDZOGS GYUR CIG ^ ,,ME CHA PHUL BA'I TSIG, DGE LEGS YON TAN DPAL 'BAR ZHING, ,'GRO BA'I RGUD MUN RAB BSAL TE, , PHAN BDE'I 'OD SNANG KUN DU KHYAB, ,BDE SKYED PHUN SUM TSOGS PAR SHOG, ,,'DI DAG NI RAB YINGS SPRUL LO'I HOR ZLA BDUN PAR ^ RJE NYID NAS nAL HA ^ RJE BTZUN DAM PA RIN PO CHE MTSO BDUN DU PHEBS PA MJAL BAR BYON SKABS, ^ RJE BTZUN DAM PA RIN PO CHE NAS RJAD? LA KHA BA SKUD SOGS GNANG BYUNG BA RNAMS, ,SLAR PHEBS NAS DGON SDE'I RTEN GTZOR? 'BUL BA'I TSE KHA BYANG GLON TSIG TU MDZAD PA'O,, ,, ^ PAR YIG PA DGE TSUL BKRA SHIS NYI MA BKRA SHIS BDE CHEN GNYIS SO,, ,,SKYE BA KUN DU 'JAM MGON BLA MA DANG, ,'BRAL MED BKA' BZHIN SGRUB PAS MNYES BYED SHOG, ,,
[BLANK PAGE]