/TA 20\ WA 1 *, ,CHOS 'BYUNG LAS BLANGS BA'I YIG CHUNG GZHUGS, 6
, ,RJE 'JAM DBYANGS BZHAD PA DKON MCHOG 'JIGS MED DBANG POS MDZAD PA'I DGE LDAN CHOS 'BYUNG NOR BU'I PHRENG BA LAS,__ RJE RIN PO CHE'I RNAM THAR GZHAN DU MI GSAL PA MANG PO GSUNGS 'DUG GO ,DE YANG, RGYAL BA SENG GE'I NGA RO DE NI SKU MDOG LJANG KHU MAR GAD KYI LHUN PO LA MTSAN DPES SPRAS BA LTA BU, ZHES DANG, ,PHYAG G-YAS CHOS 'CHAD, G-YON MNYAM BZHAG GI STENG DU LHUNG BZED BDUD RTZIS GANG BA'I NANG NAS MCHOD SDONG GRU BZHI PA, RA BUS CUNG ZAD MTHO BA, 'OD ZER SNA TSOGS PA KUN DU 'PHRO BA, ZHES 'BYUNG, ` 'KHRUNGS DUS NI, PAD DKAR ZHAL LUNG RJES 'BRAD DANG BCAS PA LTAR NA, SANGS RGYAS MYA NGAN LAS 'DAS NAS LO NYIS STONG NYIS BRGYA SO BDUN DANG, MKHAS PA
, ,DGA' BYED DANG tIKA CHEN DE NYID SNANG BA LTAR NA, ,NYIS STONG CHIG BRGYA DGU BCU RTZA GCIG ,ME MKHA' RGYA MTSO'I THOG MA ZUG NAS BDUN BRGYA DANG SO GSUM, JO BO RJE GSHEGS NAS SUM BRGYA DANG NYAG MA GSUM 'DAS GSER 'PHYANG ZHES PA ME MO BYA'I LO LA, ZHES GSUNGS, ` CHOS RJE DON GRUB RIN CHEN GYI MNAL LAM BSHAD PA'I MJUG TU DE NYID LAS, ,DE DUS KYI CHOS RJE DON RIN PA'I BZHUGS GNAS NI, ,SKU 'BUM GYI NUB PHYOGS CHU DKAR RI KHROD BYA BA ZHIG YOD PA 'DI YIN ZER, ZHES 'BYUNG, RJE'I SKU MCHED KYI MTSAN GYI SKABS SU DE NYID LAS, YAB YUM DE GNYIS LA SRAS GTZUG TOR BYAMS, TSE BO, TSE DBANG RGYAL, KUN DGA' SNYING PO, BLO LDAN DANG LNGA 'KHRUNGS PA
LAS, RJE 'DI NYID BZHI PA YIN NO, ZHES GSUNGS, ` 'OL KHAR BYON TE DGUN GYI RING DANG, CHU BYA LO'I DPYID GNYIS LA 'OL KHA CHOS LUNG DU BZHUGS, ZHES DANG, DGUN DVAGS PO SMAN LUNG RGYA SOGS PHUR BYON TE SGRUB PA MDZAD CES DANG, ,DE NAS DGUNG LO SO BRGYAD BZHES PA SHING KHYI LO'I DPYID 'OL KHAR BYON, ZHES SOGS KYIS RDZID PHYI'I ZHIG GSOS DANG RAB GNAS MDZAD NAS, LHO BRAG GRUB CHEN DANG MNGAL BA SOGS GSUNGS PA'I RJES, DE NYID LAS, GNYAL DU BZHUGS DUS YI DAM GYIS KYANG 'DUL BA'I BSLAB PA LA BRTEN NAS RANG GZHAN LA PHAN PA RGYA CHEN POR 'GYUR BA LUNG BSTAN PAS, THOG MAR DPON SLOB RNAMS KYIS BLA GOS DRAS SHING DRUNGS BA DANG LHUNG BZED DANG GDIR BA LA SOGS PA'I 'TSO BA'I YO BYAD RNAMS BSNAMS NAS RAB TU BYUNG BA'I TSUL NI 'DI LTA BU KHO NA'O ZHES YID CHES PAR 'GYUR BAR MDZAD PAS, PHYIS LO RE'AM ZLA RE TZAM CHOS NYAN BAR RTZOL BA'I SLOB MA DAG KYANG 'DUL BA'I KUN DU SPYOD PA LA BGOD BAS MNGON SUM DU GYUR BA LTA ZHOG RGYANG RING PO NAS THOS PA DAG KYANG SPU LONG G-YO BAS PHYOGS THAMS CAD DU SNYAN BAS KHYAB STE 'GRAN ZLA MED PAR GYUR TO, ` GNYAN DU CHOS 'KHOR BTZUGS BAR GSUNGS PA'I MJUG TU DE NYID LAS, TE'U
, ,DER RJE BTZUN MI LA'I GSUNG SGROGS BAR DO DRI LAN GYI SKOR GZIGS PAS GSANG SNGAGS KYI GDAMS PA'I GNAD THUN MONG MA YIN PA LA THUGS DES CHEN PO 'KHRUNGS TE, GSUNG SGROS DE LA MCHOD PA RGYA CHEN PO PHUL, ,ZHES GSUNGS, DE RJES MKHAN CHEN CHOS SKYABS BZANG PO LAS LAM RIM GYI KHRID GSAN PA SOGS GSUNGS, ` DPON NAM MKHA' BZANG POS GDAN DRANGS PA'I SKABS KYI BSHAD PA LAS, PO TA LAR BZHUGS NAS GSANG BDE GUD GSUM, DGA' SKYOR ZUL GSUM GYI GDAN SA PA RNAMS KYIS THOG DRANGS PA'I SDE SNOD 'DZIN PA BRGYA PHRAG DU MA LA DBU MA SNAD BA, 'DUL BA, LAM RIM LA SOGS PA'I CHOS MANG DU GSUNGS, MKHAS PA CHEN PO ROD STON SH'AKYA RGYAL MTSAN GYIS GYANG PO TA LAR BZHUGS DUS ZHABS LA GTUGS TE LAM RIM GSAN, DE'I PHYI LO SOS KA DGA' BA GDOD DU BYON NAS CHOS GSUNGS PA DANG, STAG TSANG DU DBYAR GNAS MDZAD PAR GSUNGS PA'I RJES SU DE NYID LAS, DGA' BA GDOD DU 'JUG PA TSAR GCIG GSUNGS PA LA, PHAR TSAD MKHYEN BA'I DGE BSHES PHYED DANG LNGA BRGYA TZAM 'DUS SHING, DE DUS GSANG PHU BA'I DGE BSHES PHAR TSAD KYI STON PA BZANG BA LDAN MA DKON MCHOG SENG GE ZER BA TSOGS NAS LANGS NAS, DENG SANG, GTZANG NA MKHAS PA RED MDA' BA, DBUS NA MKHAS PA TZONG KHA
PA; ZER BAS, KHYED YAB SRAS GNYIS DENG SANG GI DUS SU DBUS GTZANG NA BSTAN PA'I BDAG POR GYUR GDA' ZHING, DA LTA ZHAL 'DZOM DUS 'DIR THEG PA GSUM DANG GRUB MTHA' RNAM BZHI'I GSHAG RAL MDZAD BA RNAMS LKOG TU MI MDZAD PAR, BDAG CAG DBUS GTZANG GI DON GNYER BA RNAMS KYI THE TSOM DANG LOG RTOG BSAL BA'I PHYIR DU TSOGS SU 'BEL GTAM MDZAD PA ZHU ZHING, LUNG RIGS KYI DGAG SGRUB MDZAD NAS,, YIN MIN GYI KHO THAG CHOD PA'I CHOS 'KHOR YUN RING DU BSKOR DU GSOL, ,DE BAS NA RJE BTZUN RED MDA' PA YANG GANGS BU LE DANG, CHOS RJE BLO BZANG GRAGS PA YANG 'O DE GUNG RGYAL GYI GANGS LA GSHEGS MI GSUNG BAR, DBUS GTZANG GI GZHUNG DU BSTAN BA'I BYA BA RGYA CHEN PO MDZAD PAR ZHU ZHES ZHUS SO, ZHES GSUNGS, ` ,RJE BTZUN RED MDA' PA, RJE TZONG KHA PA, CHOS RJE SKYABS MCHOG DPAL BZANG BCAS CHOS RJE RNAM GSUM GYIS GNAM RTZE LJOD DU DBYAR BZHUGS MDZAD, DER DBYAR GNAS PA'I DGE 'DUN DRUG BRGYA LHAG DANG, CHOS NYAN PA LA 'ONGS PA'I DGE 'DUN DANG BCAS BRGYAD BRGYA TZAM LA CHOS RJE RNAM GSUM GYIS CHOS RGYA CHEN PO GSUNGS PAR BSHAD PA'I 'PHRO LA DE NYID LAS, DE DUS KYI CHOS KHRIMS BA NI KARMA PA DKON MCHOG GZHON NU YIN LA, KHONG GIS TSOGS GTAM MDZAD PA NA, CHOS RJE LO TZ'A BA KHYED GYI SLOB MA
, ,'GA' ZHIG KUN RDZOB TU YOD PAS YOD GO MI CHOD ZER GI 'DUG PA, LAS RGYU 'BRAS KHYAD DU GSOD PA BSTAN PA'I CHOM RKUN YIN PAS, RANG RE GNYIS KYIS RED MDA' PA DANG TZONG KHA PA GNYIS DPAD DU BZHAG NAS RTZOD PA YIN, YANG NA RED MDA' PA DANG NGED RANG GNYIS BRTZAD PAS 'THUS, DA LAM BLA MA BLO BZANG GRAGS PA DANG RTZOD RGYU MED, KHONG LA SNGA MO NAS BYANG CHUB KYI SEMS BZANG PO YOD PAS GRUB MTHA' NGAN PA RI LA'ANG CHAGS SDANG MI MDZAD PA 'DUG PA, RED MDA' PA 'DI YANG DED SANG GANGS CAN NA KHA DBU MA SNA DBU MA ZER BA 'DI KHOD GI DRIN YIN, DE'I SNGON DU THANG SA GA NA DBU MA SHI BA'I RO ZHIG 'DUG ,GZHAN DBU MA'I SGRA GRAGS PA MA TSOR, DE LTAR PHUN SUM TSOGS PA YIN SNYAM TZA NA, DUS 'KHOR CHOS MIN ZER BA 'DI BDUD LAS YIN NAM SNYAM, G-YAG PHRUG PA 'DI YANG BGRO GLENG DGA' MO ZHES PA'I BLO GSAL BA CIG YIN SNYAM TZA NA, SGRA RTAG CES SMRA BA 'DI MU STEGS GRANGS CAN PA DANG KHYAD MED, LTA BA BKAR BTAGS KYI PHYAG RGYA BZHI MI SHES PA'I MKHAS PAR RLOM PA SNYING RE RJE, JO GDAN MTSAN SGROGS PA 'DI YANG RANG DON DU DNGOS PO DANG KHA GANG LAS LHAG PA MI 'DZIN PA NGO MTSAR CHE NA'ANG, SMAN BLA GTONG SKABS SU KHYED RNAMS DGE SLONG YIN, GNOD SBYIN GYI SDE DPON DGE BSNYEN YIN PAS PHYAG BTZAL MI RIGS ZHES SMRA BA NI SHIN TU BLUN,,
KHYED LAS LHAG PA MKHAN PO BODHI SATVAS KYANG PHYAG MDZAD 'DUG ,DA MDOR BSDU NA DBUS GTZANG GI MKHAS PA THAMS CAD 'TSOGS NA, CHOS RJE RNAM GSUM GYI STENG DU LO TZ'A BA GRAGS PA RGYAL MTSAN PHEBS DGOS, BZHI PO DE 'JOM NA CHAD LHAG GI SKYON MED CES GSUNGS BAR GRAGS, DE NI 'PHROS DON TZAM MO, ,ZHES GSUNGS, ` LAM RIM CHEN MO MDZAD BAR GSUNGS PA'I SKABS SU DE NYID LAS, SNGON MED PA'I LEGS BSHAD BYANG CHUB LAM RIM CHEN MO'I RTZOM PA'ANG MDZAD, DE NYID KHYAD CHOS LDAS KHYAD PAR DU 'PHAGS PA YIN TE, BSHAD BYA KHYAD PAR DU 'PHAGS PA JO BO'I MAN NGAG SKYES BU GSUM, 'CHAD TSUL KHYAD PAR DU 'PHAGS PA LAM GYI NGO BO GO RIM DANG GRANGS DES PA GSUM, BSKUL BA PO KHYAD PAR DU 'PHAGS PA MKHAS SHID RNAM THAR GTZANG PA LO CHEN SKYABS MCHOG DPAL BZANG PO, GNAS KHYAD PAR DU 'PHAGS PAR SGRANG RGYAL BA'I DBEN GNAS, 'KHOR KHYAD PAR DU 'PHAGS PA SRAS KYI THU BO GNYIS LA SOGS PA SKYES BU CHEN PO RNAMS SO, ,ZHES GSUNGS, ` LHA SA SMON LAM GYI MJUG TU BYAMS PA GLING BSKOR MDZAD PA NI DE NYID LAS, TSES BCU DRUG GI NYIN PAR GROL NAS, 'DUL BA GNAS KYI GZHI LAS, STON PA'I SKU GZUGS KYIS GRONG KHYER GYI MTHA' BSKOR BAR GSUNGS PA DANG, SKYE DGU RNAMS MA 'ONGS PA NA RGYAL BA BYAMS PA 'JIG RTEN DU BYON,
, ,PA'I TSE 'DUS PA DANG POR SKYE BA'I RTEN 'BREL DU RGYAL BA BYAMS PA'I SNANG BRNYAN MCHOD PA'I TSOGS DU MA DAD TSE LO BRGYAD KHRI PA'I LUS TSAD PHO MO, STAG SENG G-YAG LA SOGS PA DAD BCAS TE, PHYI BSKOR LA GDAN 'DREN PA'I PHYAG LEN 'DZUGS PAR MDZAD, CES GSUNGS, ` SPYAN SNGA BSOD NAMS BZANG POS GDAN DRANGS PAS ZANGS RI'I PHU MCHIN DU BZHUGS NAS MANG PO LA CHOS GSUNGS PA DANG RGYAL TSAB RJE DANG 'DUL 'DZIN SOGS 'BROG RIN DGA' LDAN 'DEBS PAR BSHAD PA'I RJES SU DE NYID LAS, ,MCHIN DU BZHUGS DUS MKHAS PAR GRAGS PA DVAGS PO 'OD ZER SENG GES KYAD ZHABS DRUNG DU BYON, DRANG DES RNAM 'BYED KYI SKYAR 'GO MDZAD DE, DRI RNA MDZAD SKABS SHIG TU SKYE BA DANG RGA SHI GANG SNGA ZHUS PA LA, RJE'I ZHAL NAS, SKYE BA SNGA GSUNG, DE LA KHOD NA RE, ,MA SHI PAR SKYE BA YOD PAR THAL, SKYE PA DANG RGA SHI GNYIS SKYE BA SNGA BA'I PHYIR, DE LA KHYAB BA YOD DE, GAL TE SKYE BA SNGA GYUR LA, ,RGA SHI 'PHYI BA YIN NA NI, ,SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES GSUNGS PA'I PHYIR ZHES 'PHAG 'PHAG MDZAD, DE LA RJE'I ZHAL SNGA NAS, 'ON KHYED DVAGS BO DKA' BCU PA'I SKYE BA DANG RGA SHI GANG SNGA GSUNGS BA LA, BDAG GI SKYE BA SNGA LAGS ZHUS PAS, 'O NA KHYED DVAGS PO DKA' BCU PA MA SHI BAR SKYE BA YOD PAR
THAL, KHYED DVAGS PO DKA' BCU PA'I SKYE BA DANG RGA SHI GNYIS SKYE BA SNGA BA'I PHYIR, 'KHOR GSUM MO, ZHES GSUNGS PAS TSAN PO DVAGS PO PA LAN MED PAR GYUR TO, ,ZHES GSUNGS, ` BSTAN BSRUNG RNAMS KYIS BDUD RIGS TSAR BCAD PAR GSUNGS PA'I RJES SU DE NYID LAS, DGUNG LO LNGA BCU NGA DGU BZHES PA SHING LUG LOR LAM RIM CHUNG BA MDZAD, CES SOGS DANG, YANG, THAMS CAD MKHYEN PA DGE 'DUN GRUB PA DPAL BZANG POS KYANG DE DUS MJAL, SEMS DPA' CHEN PO KUN BZANG PA DANG SHES RAB SENG GE GNYIS KYIS THUGS RAB CHE TSUL GYI BSNGAGS PA BRJOD PAS, ,MJAL MA THAG NAS RJE BDAG NYID CHEN PO THUGS SHIN TU DGYES SHING GSUNG CHOS KYANG THAMS CAD THEB BAR MDZAD DO, ,TSAD MA'I DKA' GNAS GA DAS PA LA KHONG GIS ZIN BRIS KYANG MDZAD, 'GOS LO TZ'A BA GZHON NU DPAL DANG, PAn CHEN BYAMS PA GLING PA, BLA MA CHOS NYI BA RNAMS KYIS KYANG DE DUS CHOS GSAN PA YIN, DPAL YID BZANG RTZE PAS CHES DRUG LA ZIN PRIS MDZAD, BYAMS PA GLING PAS CHOS KHRI'I LOGS LA RJE'I SKU 'DRA LAM RIM BRGYUD PAS BSKOR PA KHONG RANG GI PHYAG BRIS KYIS BTAB PAR MDZAD, BKRA SHIS NGO KHA MAR GRAGS PA'I SKU BYIN RLABS KYANG YANG DE DUS BYUNG BA YIN NO, ,ZHES GSUNGS SO, ,'DI RNAMS NI DGE LDAN CHOS 'BYUNG LAS BTUS TE BRIS PA STE, RJE THAMS
, ,CAD MKHYEN PAS TSE RABS KUN DU RJES SU 'DZIN PAR GYUR CIG, ,,MANGGA LAm,, ,, ^ SNGON BYON SKYES BU DAM PA THAMS CAD DANG, ,KHYAD PAR RGYAL BA GNYIS PA YAB SRAS KYIS, ,NYIN MTSAN KUN DU MDZAD SPYOD JI LTA BUR, ,MDZAD PA DE BZHIN BDAG KYANG SGRUB GYUR CIG, ,,
[BLANK PAGE]