/TA 19\ DZA 1 *, ,RIN PO CHE NGOS BZUNG NAS SPYOD TSUL GYI GTAM BZHUGS SO, ,4
, ,NA MO GU RU, JI SKAD DU, RJE BLA MAS, RIGS LAM PHRA MO PHYED PA'I RNAM DPYOD DANG, ,GZHUNG LUGS GDAMS PAR SHAR BA'I NYAMS LEN DANG, ,TSIG SBYOR TSUL LA MKHAS PA'I DAG GI DPAL, ,SA STENG 'DI NA RIN CHEN RNAM GSUM SNANG, , NYES DAM PA'I CHOS LA SPYOD PA'I RIN PO CHE GSUM GSUNGS LA, GSER DNGUL LA SOGS PA'I 'JIG RTEN GYI RIN PO CHE RNAMS NI 'PHRAL DU LUS SROG 'TSO BA DANG, DGE BA SGRUB PA'I MTHUN RKYEN DU 'GYUR LA, DAM PA'I CHOS KYI RIN PO CHE NI DUS THAMS CAD DU RANG GZHAN THAMS CAD KYI DON SGRUB PAR BYED DO, ,DE YANG, PHAL BA'I SKYE BO RNAMS NI GSER DNGUL SOGS LA GTZO BOR BYED LA, MKHAS PA RNAMS NI DAM PA'I CHOS KHO NA LA
, ,GTZO BOR BYED DO, ,DAM PA'I CHOS KYI RIN PO CHE DE RNYED CING LONGS SBYOD BA'I THABS NI THOS BSAM BSGOM PA YIN BAS, DE LA, SA STENG GI RIN PO CHE YIN PAR GSUNGS, DE LA RIN PO CHE DANG PO NI, THOS PA BYAS TE GSUNG RAB LA SBYANGS BA YIN LA, DE'I PHYIR DAM BA RNAMS KYI LEGS BSHAD LA BLTA RTOG BYED PA DAG GIS DE RNAMS KYI SGRAS ZIN GYI DON DANG, PHUGS KYI DGONGS PA GANG YIN DANG, DNGOS BSTAN SHUGS BSTAN SOGS ZHIB TU DPYAD NAS SO SOR NGOS 'DZIN DGOS PA YIN NO, RIN PO CHE GNYIS PA NI, GDAMS PAR SHAR NAS NYAMS SU LEN PA YIN LA, DE YANG, GANG SHES RGYUD LA SBYOR BA'I NYAMS LEN ZHES PA DANG, 'PHRAL LA GANG THUG SGOM LA SPYOD BA ZHES PA RNAMS
GNAD GCIG PA YIN NO, ,DE'I PHYIR 'DIR RNAM THAR CHEN MO LA BLTA BA DAG GIS GSUNG DON LA DPYOD PA DANG, DE NYID NYAMS LEN DU 'KHYER BA GNYIS TSOGS LHAN DU BYED NA LEGS SO, , DE YANG, GZHUNG CHEN MO RNAMS SU, BRJOD BYA, DGOS PA, NYING DGOS, 'BREL BA BZHI GSUNGS PA DANG, MTSAMS SBYAR, TSIG DON, BSDUS DON, DGOS DON, BRGAL LAN TE LNGA BSHAD PA RNAMS DANG MTHUN PAR BYED RGYU BYUNG NA CHOS KYI NYAMS LEN BYED PA YANG DE YIN, SEMS 'DUL BA'I THABS KYANG DE YIN, 'PHRAL PHUGS KYI PHAN YON GANG 'DOD 'GRUB PA'I THABS KYANG DE YIN NO, ,RIN PO CHE GSUM BA NI, BSTAN BCOS RTZOM PA, RTEN GSUM BZHENGS PA, 'DUS SDE 'DZUGS PA, 'CHAD NYAN DANG SGOM SGRUB KYI SROL 'DZUGS PA RNAMS SO, ,DE'I PHYIR 'DIR RNAM THAR GYI NANG DU RJE'I GSUNG MANG DU BKOD PA RNAMS LAS 'GA' ZHIG GI BSDUS DON SA BCAD LTA BU CUNG ZAD 'PHRI BAR BYA'O, ` ,DE YANG, AE YIG MDZES RGYAN DU, KE RU ZHES GRAGS ZHES SOGS KYI TSIGS BCAD NI, RNYED BKUR LA MI ZHEN PAR CHOS LA 'BAD NA JE BZANG DU 'GRO BAR BSTAN NO, ,CE SBYANG BZHIN DU
, ,SOGS NI, TSE 'DI'I DON DU 'GRO 'OD MANG PO MI BYED BA DANG, NGA RGYAL SPANGS TE CHOS LA 'BAD NA RANG GIS MTHO BAR 'GYUR BAR BSTAN, TE LO PA SOGS NI, SKYON RTOG SPANGS TE BLA MA BSTEN NA LEGS PAR BSTAN, PE TA PA SOGS NI, NANG DU BSDAD NAS CHOS LA 'BAD DGOS PAR BSTAN, CO NE 'DUG NAS SOGS NI SEMS RNAL DU PHAB CHOS SEMS PA DANG, PHRAG DOG SPONG BAR BSTAN, ZHES SA 'DUD PA'I SOGS NI RNAM G-YED SPANGS NAS DBEN PA BSTEN DGOS BAR BSTAN, RE BA MCHE SOGS NI 'GAL RKYEN SPANGS NAS DE BA LA 'BAD DGOS PAR BSTAN NO, ,DON BSDU NA, TSE 'DI'I CHOS BRGYAD SPANGS TE CHOS BZHIN DU SPYOD DGOS PAR GSUNGS PA YIN LA, 'DI LA DBYANG BA'I MTHUG THOG TU, RJE BTZUN BLA MA NYAMS LEN DE LTAR MDZAD, ,THAR 'DOD BDAG KYANG DE BZHIN SKYONG BAR SHOG ,CES PA'AM, RNAL 'BYOR NGAS KYANG NYAMS LEN DE LTAR BYAS, ,THAR 'DOD KHYED KYANG, DE BZHIN BSKYANG 'TSAL GSUNGS, ,'JAM MGON BLA MAS MA RANG PA JI BZHIN DU, ,BDAG KYANG RTAG TU CHOS BZHIN SPYOD BAR SHOG ,CES PA LTA BUS NYAMS LEN DU BYA, RIGS PA 'DI GZHAN RNAMS
LA CI RIGS PAR SBYAR RO,, ` AO YIG MDZES RGYAN DU, KO KA LA KA'I SOGS NI RKYEN GZHAN GYI DBANG DU MA BTANG BAR CHOS LA 'BAD PAR BSTAN, CO NAS 'DREN PA'I SOGS NI NYO CHONG SOGS SPANGS NAS BLA MA RNAMS KYI RJES SU 'BRANG DGOS BAR BSTAN, TO KENG BZHIN DU SOGS NI RTZING SPYOD SPANGS NAS MKHAS PAR BYA BA'I PHYIR 'BAD PAR BSTAN, PO TA LA NA SOGS NI CHAGS SDANG SPANGS NAS BSAM PA 'ZANG PO BYA BAR BSTAN, RTZO RA'I 'JIGS PAS SOGS NI BCON 'GRUS DGOS PAR BSTAN, ZHO DANG KU MUD SOGS NI 'DU 'DZI SPANGS NAS DGE PA LA 'BAD PAR BSTAN, RO LA SRE HE PA SOGS NI RNAM G-YENG SPANGS TE GCIG TU BRTZON DGOS PAR BSTAN NO, ` ,SNYAN DNGAGS BLO SBYONG GI SA BCAD NI RNAM THAR GYI NANG DU YOD CING, SKYES BU GSUM GYI LAM LA SLOB DGOS PAR BSTAN NO, ` ,GZHAN YANG, LE'U LNGA PAR, NYAMS LEN MDOR BSDUS KYI TSIGS BCAD, STONG LUNG BA YON TAN RGYA MTSO LA GNANG BA'I BSLAB TSIG SGRUB BA LHUR MDZAD PA'I SHO LO KA, ,DGUNG LO SO BDUN PAR RAL GRI'I BDUD RTZI BRNYES PA'I TSE GSUNGS PA'I TSIGS BCAD, LHO BRAG GRUB CHEN LA PHUL BA'I GSUNGS YIG
, ,'DU LA 'DZIN BAS ZHUS PA'I DON DU GNANG BA 'DI PHYI GNYIS KAR PHAN PA'I MAN NGAG ,RGYAL PO GRAGS RGYAN LA GNANG PA'I GSUNGS, TSA KHO DPON PO'I YIG LAN, BLA MA DBU MA PA LA PHUL BA'I GSUNGS, LAM GYI GTZO BO RNAM GSUM, RDO RJE DPAL LA GNANG PA, DPON YIG RIN CHEN RGYAL PO LA GNANG BA 'KHOR BA LA SKYO BA'I GTAM, RANG LA BSKUL BA'I TSIGS BCAD 'KHOR BA LA SKYO BA'I GTAM, HONG RGYAL BUD GNANG BA'I GSUNG, BSLAB TSIG PHAN BDE'I GZHI 'DZIN, YANG TSA KHO DPON POR GNANG BA, SHES DAB 'PHEL BA'I SMON LAM, BZANG PO LA GNANG BA, TA'I MING RGYAL POD BSU LA BA'I GSUNG, GON T'A YEN LA GNANG BA'I GSUNGS, RGYA MKHRI DPON LA GNANG BA STE NYER GCIG YOD, ` ,LE'U DRUG PAR, BUM CHU BRNYES PA'I TSIGS BCAD, LHA BZO LA GNANG PA'I GSUNG, SGOM PA GRAGS RIN LA GNANG BA, BLO SGROS 'PHEL LA GNANG BA, SA SKYA NGAG DBANG GRAGS PAR GNANG BA, MA CIG DPON BOR GNANG BA, CO TZA DKA' BCUR GNANG BA, KARMA CHOS RJE LA
SPRINGS PA, BAR 'DIR BDUD BCOM PA'I RNAM THAR YOD, MKHAS GRUB RJE LA GNANG BA, SPYAN SNGA DPAL BA LA GNANG BA, BYANG CHUB BLA MA LA GNANG BA, BYANG PA BDAG PO LA GNANG BA, SPONG SHONG BLA MA LA GNANG BA, YANG MA CIG DPON PO LA GNANG PA, YANG BYANG CHUB BLA MA LA GNANG BA, MANG RA DKA' BCU LA GNANG BA, NAM MKHA' DBANG PHYUG LA GNANG PA, BLON CHEN LA GDAMS PA, GUNG RU SGOM PA LA GDAMS PA STE BCU DGU YOD DO, ,RNAM THAR GYI NANG DU BRIS PA'I GSUNG 'DI RNAMS KYANG DAM PA'I CHOS BYED TSUL SHA STAG BSTAN PAR SNANG LA, RANG GZHAN THAMS CAD KYIS ^ RJE RIN PO CHE'I GSUNG GI BDUD RTZI LA RTAG TU LONGS SPYOD PAR GYUR CIG, ,, MANGGA LAm,, ` ^ SKYE KUN RJE BTZUN BLA MA DANG, ,'BRAL MED BKA' BZHIN SGRUB NUS SHOG,