/TA17\ TZA 1 *, ,BSRUNG BA LNGA'I BYA BAS KHRUS BYA TSUL PHAN BDE'I 'BYUNG GNAS ZHES BYA BA BZHUGS SO, ,10
, ,NA MO GU RU, BCOM LDAN 'DAS MA BSRUNG BA LNGA'I BUM PA BSGRUBS NAS BYABS KHRUS BYA BA'I CHO GA BRJOD PA LA, BUM PA KHA RGYAN MGUL CHINGS DANG BCAS PA'I NANG BYA RGYUD KYI BUM RDZAS SAM DRI BZANG BTAB PA'I CHU GTZANG MAS RAN BAR DGANG, STENG DU GZUNGS RDOR DUNG CHOS BZHAG ,DKAR GTOR DANG, CHU GNYIS NYER SPYOD KYI MCHOD PA BSHAMS, SKYABS SEMS TSAD MED BZHI BSGOM, RANG NYID SKAD CIG GIS BCOM LDAN 'DAS SO SOR 'BRANG MA ZHAL GCIG PHYAG GNYIS PA'I SKUR BZHENGS PAR GYUR PAR BSAM LA, MCHOD PA RNAMS, AOm MA nI DHA RI BADZRI nI MAH'A PRA TI SA RE H'Um H'Um PHAt PHAt SV'A H'A, ZHES PAS BSANGS, SVA BHA WAS SBYANGS, STONG PA'I DANG LAS AOm LAS RIN PO CHE'I SNOD YANGS SHING RGYA CHE PA'I NAD DU AOm 'OD DU ZHU BA LAS BYUNG
, ,BA'I LHA RDZAS LAS GRUB PA'I MCHOD YON, ZHABS BSIL, ME TOG ,BDUG SBOS, MAR ME, DRI CHAB, ZHAL ZAS, ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um NAS SHAPTA A'A: H'Um GI BAR GYIS BYIN GYIS BRLAB, BUM PA AA MRi TAS BSANG, SVA BHA WAS SBYANGS, STONG PA'I DANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA, MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD YONGS SU RDZOGS PAR GYUR, AOm T'APTE T'APTE MA H'A T'A PTE SV'AH'A, LHA'I CHU BO GANGGA DANG BUM PA'I CHU DBYER MI PHYER PAR GYUR, BUM PA'I NANG GI STONG KYI CHAR DBUS DAD PHYOGS BZHIR BAm LAS SNA TSOGS
PADMA'I LTE BAR AA LAS ZLA BA'I DKYIL 'KHOR RE RE, DE RNAMS KYI STENG DU DBUS DANG, SHAR NAS G-YAS SKOR DU RIM PA BZHIN PRAm, BHRUm, H'Um, DZRAm, MAm RNAMS LAS RIN PO CHE'I LA tA, 'KHOR LO, RDO RJE, PADMA, RMA BYA'I MJUG SGRO RNAMS SA BON DE DAG GIS MTSAN PA LAS 'OD ZER 'PHROS, RGYAL BA SRAS BCAS MCHOD, SEMS CAN GYI DON BYAS, TSUR 'DUS YONGS SU GYUR PA LAS, BCOM LDAN 'DAS MA LDA'I SKUR YONGS SU RDZOGS PAR GYUR PA NI, DBUS SU SO SOR 'BRANG MA CHEN MO 'OD ZER DMAR PO'I DKYIL n'KHOR CAN ZHAL BZHI'I RTZA ZHAL SER PO, G-YAS ZHAL DKAR, RGYAB SDO, G-YON DMAR BA'I ZHAL RNAMS 'DZUM ZHING SGEG PA, PHYAG BCU GNYIS KYI G-YAS PA RNAMS KYIS RIN PO CHE'I PA dA DANG, 'KHOR LO, RDO RJE, MDA' DANG, RAL GRI, MCHOG SBYIN GYI PHYAG RGYAL, ,G-YON PA RNAMS KYIS RDO RJE DANG, ZHAGS PA, RTZE GSUM, GZHU DANG, DGRA STA, DUNG 'DZIN PA, DBU LA RIN PO CHE'I RTZE PHRAN DANG MCHOD RTEN GYIS BRGYAN PA, PADMA DANG ZLA BA'I GDAN LA RDO RJE'I SKYIL DKRUNGS GIS BZHUGS PA'O, ,SHAR DU STONG CHEN MO RAB TU 'JOMS MA SKU MDOG DKAR MO ZLA BA'I 'OD KYI DKYIL 'KHOR CAN
, ,ZHAL BZHI PA'I RTZA ZHAL DKAR PO, G-YAS SNGO, RGYAB SER, G-YON LJANG GU 'DZUM ZHING ZHI BA'I NYAMS CAN, PHYAG BCU'I G-YAS PA RNAMS KYIS PADMA LA GNAS PA'I 'KHOR LO RTZIBS BRGYAD PA DANG, MCHOG SBYIN, ,LCAGS KYU, MDA' DANG, RAL GRI'O, ,G-YON PA RNAMS KYIS RDO RJE DANG, SDIGS MDZUB DANG, ZHAGS PA, GZHU DANG, DGRA STA 'DZIN PA, PAD ZLA LA ROL BA'I KUN TU SPYOD PAS BZHUGS PA'O, ,LHOR GSANG SNGAGS RJES SU 'DZIN MA CHEN MO NYI MA'I 'OD 'PHRO BA'I SKU MDOG SNGON PO LA RTZA ZHAL NAG , G-YAS DKAR, G-YON DMAR PA'I ZHAL GSUM RNAM PAR SGEG PA, PHYAG BCU GNYIS KYI DANG PO GNYIS CHOS 'CHAD KYI PHYAG RGYA, DE 'OG GNYIS TING NGE 'DZIN GYI PHYAG RGYA, G-YAS PA'I LHAG MA RNAMS KYIS RDO RJE DANG, MDA' DANG, MCHOG SBYIN DANG, MI 'JIGS PA'I PHYAG RGYA'O, ,G-YON GYI LHAG MA RNAMS KYIS SDIGS MDZUB DANG BCAS PA'I ZHAGS PA DANG, GZHU DANG, RIN PO CHE'I PA tA DANG, PADMAS MTSAN PA'I BUM PA 'DZIN PA, PAD ZLA LA RDO RJE'I SKYIL DKRUNG GIS BZHUGS PA'O, ,NUB TU BSIL BA'I TSAL CHEN MO NYI MA'I 'OD CAN GYI SKU MDOG DMAR MO
RTZA ZHAL DMAR PO, G-YAS DGAR, G-YON NAG PA'I ZHAL GSUM CUNG ZAD KHRO ZHING SGEG PA, PHYAG BRGYAD KYI G-YAS PA RNAMS KYIS PADMA DANG BCAS PA'I MI 'JIGS PA'I PHYAG RGYA DANG, MDA' DANG, RDO RJE DANG, RAL GRI'O, ,G-YON PA RNAMS KYIS SDIGS MDZUB DANG BCAS PA'I ZHAGS PA DANG, GZHU DANG, RIN PO CHE'I RGYAL MTSAN DANG, THUGS KAR 'DZIN PA'I PU STI'O, , PAD ZLA'I GDAN LA SKYIL DKRUNG PHYED PAS BZHUGS PA'O, ,BYANG DU ZLA BA'I 'OD ZER RNAM BAR 'PHRO BA'I RMA BYA CHEN MO SKU MDOG LJANG GU RTZA ZHAL LJANG BA, G-YAS NAG ,G-YON DKAR BA'I ZHAL GSUM 'DZUM ZHING ZHI BA, PHYAG BRGYAD KYI G-YAS PA RNAMS KYIS RMA BYA'I MJUG SGRO DANG, MDA' DANG, MCHOG SBYIN DANG, RAL GRI'O, ,G-YON PA RNAMS KYIS LHUNG BZED LA GNAS PA'I DGE SLONG DANG, GZHU DANG, RIN PO CHE 'BAB PA'I BUM PA PANG DU GNAS PA DANG, DAR SNA TSOGS DANG RIN PO CHES MTSAN PA'I RGYAL MTSAN 'DZIN PA, PAD ZLA LA SEMS DPA'I SKYIL DKRUNG GIS BZHUGS PA'O, ,LHA MO LNGA PO RIN PO CHE SNA TSOGS PA'I RGYAN GYI 'OD ZER 'PHRO BA, ZHAL RE RE LA SPYAN GSUM GSUM DANG LDAN PA, DAR SNA TSOGS KYI STONG G-YOGS DANG SMAD G-YOGS RNAM PAR
, ,BKRA BA, ZHI BA'I 'OD ZER RAB TU 'BAR BA'I DBUS NA BZHUGS PA'O, ,DE RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'U SNGON POS MTSAN PA, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA RNAMS SPYAN DRANGS, AOm SARBA TA TH'A GA TA AARGHAm NAS SHABTA PRA T'I TZTSA H'Um SV'A H'A SA MCHOD, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, AOm PANYTZA KU LA SA P'A RI WA RA AARGHAm SOGS KYIS MCHOD, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS BDUD RTZIS GAD BA'I BUM PA THOGS NAS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS SKU KHRUS GSOL, ,AOm SARBA TA TH'A GA TA AA BHI shE KA TA SA MA YA SHRI YE H'Um, ZHES BDUD RTZI'I CHUS DBANG BSKUR, SKU GANG, DRI MA DAG ,CHU LHAG MA SPYI GTZUG TU GNAS PA YONGS SU GYUR PA LAS, GTZO MO LA RIN 'BYUNG, GZHAN BZHI LA SHAR NAS
G-YAS SKOR DU RIM PA BZHIN RNAM SNANG, MI BSKYOD PA, SNANG MTHA', DON GRUB KYIS DBU BRGYAN PAR BSAM, DE NAS MCHOD PA NI, TSIGS BCAD BCAS SAM, MIN KYANG RUNG, AOm A'A RYA PA NYTZA DE BI SA P'A RI WAR AARGHAm PRA T'I TZTSA H'Um SV'A H'A, ZHES PA NAS, SHABTA PRA T'ITZTSA H'Um SV'A H'A'I BAR GYIS MCHOD, BSTOD PA NI, CHOS RNAMS MNYAM NYID THUGS SU CHUNG, YID BZHIN NOR BU JI BZHIN DU, ,'GRO BA'I RE BA KUN SKONG BA, ,SO SOR 'BRANG MA LA PHYAG 'TSAL, ,SGRIB BRAL YE SHES ME LONG DOS, ,SHES BYA MA LUS GSAL BAR BKRA, ,'GRO KUN SRID ZHI'I 'JIGS LAS SKYOB, ,STOD CHEN RAB 'JOMS LA PHYAG 'TSAL, ,CHOS KYI DBYINGS LA MNGA' BRNYES SHING, ,STOBS BCU MTHAR PHYIN YE SHES SKU, ,'GRO BA'I GDON BGEGS 'JOMS MDZAD PA, ,GSANG SNGAGS RJES 'DZIN LA PHYAG 'TSAL, ,SO SOR KUN RTOG GDUGS DKAR GYIS, ,'GRO BA'I SDUG BSNGAL TSA GDUNG SKYOB, ,DES LEGS BSIL BA'I BDE BA STER, ,BSIL BA'I TSAL LA PHYAG 'TSAL LO, ,KHAMS DANG DBANG PO JI BZHIN DU, ,'GRO BA SGROL PA'I DON MDZAD MA, ,NYON MONGS DUG GSUM MTHAR BYED PA'I, ,RMA BYA CHEN MO LA PHYAG 'TSAL, ,GANG ZHIG GUS PAS DRAN TZAM GYIS, ,
, ,RGUD PA MTHA' DAG DRUNG NAS 'BYIN, ,'DOD DGU'I DPAL GYI BDE STER BA, ,KHYED LA KUN TU SKYABS MCHIS NA, ,'GYUR BA MED PA'I BDER GSHEGS BKAS,, GZUNGS KYI PHAN YON GANG GSUNG PA, ,DE DANG DE DAG JI BZHIN DU, ,BDAG LA MNGON DU 'GYUR BAR MDZOD, ,RING NAS GOMS PA'I THUGS RJE'I SHUGS, ,LHAG PAR BSKYED PA'I DUS LAGS PAS, ,JI LTAR SMON CING GSOL BTAB PA'I, ,RE BA'I 'BRAS BU DA STZOL CIG ,BZLAS LA BYA BA NI, GZUNGS THAG NAS BZUNG STE, DUD CHOS KYI CHU LA DMIGS NAS, AOm BADZRA AA MRi TA AU DKA' H'Um LAN BDUN, AOm A'A:- H'Um BDUN BRJOD, DUNG CHOS KYI CHU YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU GYUR PAR BSAM, BUM PA'I LHA RNAMS KYI THUGS KAR SNGAGS PHRENG 'KHOD PA LAS 'OD ZER 'PHROS, RGYAL BA SRAS BCAS KYI SKU GSUNG THUGS KYI BYIN RLABS NUS MTHU THAMS CAD 'OD DANG BDUD RTZI'I RNAM PAR SPYAN DRANGS, SNGAGS PHRENG LA THIM PA LAS BDUD RTZI'I RGYUN BABS PA BUM PA'I CHU DANG RO GCIG TU GYUR BAR BSAM LA, GTZO MO LA, AOm MA nI DHA RI BADZRI nI MAH'A PRA TI SA RE H'Um H'Um PHAt PHAt SV'AH'A, STONG CHEN MO LA, AOm A'A MA H'A SA H'A SRA PRA MARDA NI BHRUm H'Um, GSANG SNGAGS RJES
'DZIN LA, AOm A'A MA H'A MANDA AA NU SA RI NI H'Um H'Um, BSIL BZHI TSAL LA, AOm A'A MA H'A SHI TE PA T'I DZRIm H'Um H'Um, RMA BYA CHEN MO LA, AOm MA H'A MA YU RI BI DYA RA DZA H'Um H'Um PHAt PHAt SV'A H'A, ZHES SO SOR GANG 'TSAM RE BZLA, YIG BRGYA BRJOD DE, GZUNGS THAG BSDU, GTOR MA 'BUL NA, AA MRi TAS BSANG SBYANGS, STONG PA'I DANG LAS BHRUm LAS RIN PO CHE'I SNOD YANGS SHING RGYA CHE BA'I NANG DU AOm A'A:- H'Um ZHU BA LAS BYUNG BA'I GTOR MA DVANGS SHING THOGS PA MED PA YE SHES KYI BDUD RTZI'I RGYA MTSO CHEN POR GYUR PAR BSAM LA, 'BRU GSUM LAN GSUM BRJOD, LHA RNAMS KYI LJAGS RDO RJE'I 'OD ZER GYI SBU GUS GTOR MA'I BCUD THAMS CAD DRANGS NAS GSOL BAR BSAM LA, AOm MA H'A PRA TI SA RE SA PA RI WA RA AA K'A RO MU KHAm SARBA DHA M'A nAm AADYA NU DA PAtNA DV'A TA AOm A'A:- H'Um PHAt SV'A H'A, GSUM MAM BDUN GYIS PHUL, AOm A'A RYA PANYTZA DE BI SA PA RI LVA RA AARGHAm SOGS KYIS MCHOD, DUS GSUM RGYAL BA'I YE SHES ROL PA LAS, ,SKU LNGA LHUN GRIB YUM LNGA'I NGO BO NYID, ,'GRO BA'I NAD GDON BAR CHAD KUN SEL BA'I, ,YI DAM LHA MO'I TSOGS LA PHYAG 'TSAL LO, ,CES BSTOD, AOm MA nI DHA RI BADZRI nI MA H'A PRA TI SA RI H'Um H'Um PHAt PHAt SV'A H'A, ZHES BRJOD CING DUNG CHOS KYI CHUS MCHOD YON PHUL, AARGHAm SOGS KYIS MCHOD, MA RNYED YONGS SU SOGS KYI
, ,BZOD GSOL DANG, BDAG SOGS RNAMS KYI SOGS 'DOD GSOL BYA, BUM PA'I LHA'I YE SHES PA GSHEGS, DAM TSIG PA 'OD DU ZHU NAS BUM PA'I CHUR GYUR PAR BSAM MO, ,GAL TE LHA RE RE TZAM BYED NA, 'BRANG MA LA BUM PA'I NANG GI STONG KYI CHAR, ZHES PA'I BAR SNGAR BZHIN LA, BAm LAS SNA TSOGS PADMA'I LTE BAR AA LAS ZLA BA'I STENG DU BRAm LAS PA tA BRAm GYIS MTSAN PA LAS 'OD ZER 'PHROS, RGYAL BA SRAS BCAS MCHOD, SEMS CAN GYI DON BYAS, TSUR 'DUS YONGS SU GYUR PA LAS BCOM LDAN 'DAS MA SO SOR 'BRANG MA CHEN MO, NAS, RDO RJE'I SKYIL DKRUNG GIS BZHUGS PA, RIN PO CHE SNA TSOGS PA'I RGYAN GYI 'OD ZER 'PHRO BA, ZHAL RE RE LA SPYAN GSUM GSUM DANG LDAN PA, DAR SNA TSOGS KYI STOD G-YOGS DANG SMAD G-YOGS RNAM PAR BKRA BA, ZHI BA'I 'OD ZER RAB TU 'BAR BA'I DBUS NA BZHUGS PA, DE'I SPYI BOR AOm, NAS, YONGS SU GYUR PA LAS RIN 'BYUNG GIS DBU BRGYAN PAR GYUR, CES BSKYED, ` STOD CHEN RAB 'JOMS BSKYED NA, BRAm LAS PA tA'I TSAB TU, BHRUm LAS 'KHOR LO BHRAm GYIS MTSAN PA LAS, ZHES PA DANG, STONG CHEN MO RAB TU 'JOMS MA, ZHES PA NAS, KUN DU SPYOD PAS BZHUGS PA'O, ,ZHES BYA, ` GSANG SNGAGS
RJES 'DZIN LA, H'Um LAS RDO RJE H'Um GIS, ZHES DANG, GSANG SNGAGS RJES SU 'DZIN MA, NAS, SKYIL DKRUNG GIS BZHUGS PA'O, ,ZHES BYA, ` BSIL BA'I TSAL LA, DZRIm LAS PADMA DZRIm GYIS MTSAN PA LAS, ZHES DANG, BSIL BA'I TSAL CHEN MO ZHES PA NAS, PHYED PAS BZHUGS PA'O, ,ZHES BYA, ` RMA BYA CHEN MO LA, ZLA BA'I 'OD ZER RNAM PAR 'PHRO BA'I RMA BYA CHEN MO, ZHES PA NAS, SKYIL DKRUNG GIS BZHUGS PA'O, ,ZHES BRDZE BA DANG, RIN 'BYUNG GI TSAB TU, STOD CHEN LA, RNAM SNANG GIS DBU BRGYAN PAR GYUR, GSANG SNGAGS 'DZIN LA, MI BSKYOD PAS, BSIL BA LA, SNANG BA MTHA' YAS KYIS, RMA BYA LA, DON GRUB KYIS DBU BRGYAN BAR ZHES DANG, YE SHES PA RNAMS ZHES BA'I, RNAMS KYI TSIG DOR, MCHOD PA'I SKABS, AOm MA H'A PRA T'I SA RE AARGHAm ZHES PA DANG, MA HA SA HA SRA BRA MARDA NI AARGHAm, MAH'A MANDA AA NU DHA RE AARGHAm, MA H'A SHI TE BA NI AARGHAm, MA H'A MA YU RO AARGHAm SOGS DANG, SO SO'I BSTOD PA BYA, BZLAS SKABS, BUM PA'I LHA'I THUGS KAR ZHES BRJOD CING, SO SO'I SNGAGS BZLA, GTOR MA 'BUL BAS SO SO'I MTSAN SNGAGS BRJOD DUNG CHOS 'BUL BA LA SO SO'I SNGAGS KYIS BYA ZHING, THUN MONG DU 'DON CHOG PA RNAMS NI GANG GI CHOG LA RIGS 'GRES NAS BYA'O, ` BKRU BYA BAS BSRUNG GSUM BYA BA NI, BSGRUB BYA'I MDUN DU BKRU SNONG DRI GLUNG BCAS BZHAG
, ,LA, BUM PA THOGS TE, BCOM LDAN 'DAS MA BSRUNG BA LNGA'I BYIN RLABS NUS MTHU THAMS CAD GCIG TU BSDUS PA'I YE SHES KYI BDUD RTZI'I CHU 'DIS KHRUS BYAS PAS NAD GDON SDIG SGRIB SOGS MI MTHUN PA'I PHYOGS THAMS CAD BYANG ZHING DAG PAR GYUR BAR BSAM, BSGRUB BYA BSAM SHES PA YIN NA 'DI DANG 'OG MA RNAMS LA'ANG BRDA SPRAD DE MOS SU GZHUG ,LHA LNGA'I BUM PA BSGRUBS PA YIN NA, SNGAGS LNGA PO BRJOD, BSGRUB BYA CHE GE MO'I SDIG PA DANG SGRIB PA THAMS CAD SHANTIm KU RU YE SV'A H'A, DE BZHIN DU THAMS CAD SHANTIm KU RU YE SV'A H'A ZHES SBYAR TE, NANG X GDON X RIMS X KHON X GRIB X BYANG X BYUR X SKAL BA NGAN PA X LTAS NGAN PA X RMI LAM NGAN PA X MTSAN MA NGAN PA X BKRA MI SHIS PA X NYE BAR 'TSE X DUS MA YIN BAR 'CHI BA X STENG GDON GZA' NGANG RGYU SKAR SOGS KYI GNOD PA X BAR GDON BTZAN DANG RGYAL 'GONG SOGS KYI GNOD PA X 'OG GDON KLU DANG SA BDAG SOGS KYI GNOD PA X MDOR NA LO SKEG ZLA SKEG ZHAG SKEG SOGS BAR CHAD MI MTHUN PA'I PHYOGS THAMS CAD SHANTIm KU RU YE SV'A H'A, ZHES LAN GSUM SOGS BRJOD DE BKRU, BSGRUB BYA'I KHAR BUM CHU 'DZIN DU GZHUG ,RMA BYA'I SGRO THOGS TE, RDO RJE DANG
BCAS PA'I RMA BYA'I SGRO MDONGS KYI STENG DU ZLA DKYIL LA GNAS PA'I PRAm YIG SNGAGS PHRENG DANG BCAS PA'I 'OD KYIS BKRUS PAS MA DAG PA'I NANG GDON SOGS BYABS SHING DED PAS KHA NANG GI CHU LA THIM PAR BSAM, SNGAGS LNGA DANG, SDIG PA DANG SGRIB PA THAMS CAD AA PA NA YE SV'A H'A, ZHES SOGS SNGA MA LAS BSGYUR TE LAN GSUM SOGS BYA BA, MTHAR KHA'I CHU DRI GLUD KYI SNOD DU 'PHO, NA MO RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA' BDEN PA DANG, SKYABS GNAS MCHOG GSUM SPYI'I BKA' BDEN PA DANG, KHYAD PAR DU BCOM LDAN 'DAS MA BSRUNG BA LNGA'I THUGS RJE'I BYIN RLABS LA BRTEN NAS, BSGRUB BYA 'DI LA GNOD 'TSE BYED PA'I GDON BGEGS KYI RIGS GANG YIN PA THAMS CAD KHRUS CHU GLUNG DANG BCAS PA 'DI KHYER LA, GNOD 'TSE'I BSAM SBYOR NGAN PA MTHA' DAG SPANG ZHING, PHAN BDE'I BSAM SBYOR BZANG PO DANG LDAN PAS RANG RANG GI GNAS SU SONG ZHIG ,GAL TE MI 'GRO NA KHRO BO YE SHES KYI RDO RJE ME RAB TU 'BAR BA RNAMS KYIS BSREG CING RNAM PAR 'JOMS PAR GDON MI ZA'O, ,SUm BHA NI BRJOD CING KHRUS CHU PHYIR DOR, GU GUL GYIS BDUG ,YUNGS DKAR GYIS BRAB, ROL MO'I SGRA DRAG TU BYA'O, ,DE NAS, SANGS RGYAS
, ,RNAMS NI BDUD LAS RGYAL, ,CHOS NI CHOS MA YIN LAS RGYAL, ,DGE 'DUN MU STEGS RNAMS LAS RGYAL, ,DBANG PO LHA MIN RNAMS LAS RGYAL, , LHA MIN ZLA BA RNAMS LAS RGYAL, ,NAM MKHA' LDING NI RGYA MTSO LAS, ,ME NI SHING RNAMS KUN LAS RGYAL, ,CHU NI ME LAS RGYAL BA STE, ,RLUNG NI SPRIN LAS RGYAL BAR GYUR, ,RDO RJE YIS NI RIN CHEN PHUG ,LHA RNAMS BDEN PAR RAB TU GNAS, ,SA YANG BDEN PAR GNAS PA LA, ,SANGS RGYAS DANG NI CHOS KYANG BDEN, ,BDEN PA RGYAL 'GYUR RDZUN MA LAGS, , BDEN PA DANG BDEN PA'I TSIG 'DI DAG GIS SGRUB BYA 'DI NYID BDUD DANG MI MTHUN PA'I PHYOGS THAMS CAD LAS RGYAL BAR GYUR CIG ,DZA YA DZA YA SING DHI SID DHI PHA LA PHAL HO:, BSGRUB BYA'I SBYI BO SOGS SU RDO RJE RGYA GRAM DU BZHAG STE, RANG LHAR GSAL BA'I THUGS KA'I H'Um DANG, PHYOGS BCU'I RGYAL BA SRAS BCAS THAMS CAD KYI SKU LAS 'OD ZER 'PHROS TE BSGRUB BYA LA THIM PAS DE'I SHA RUS PAGS PA SOGS THAMS CAD RDO RJE'I RANG BZHIN DU GYUR TE PHYIN CHANG NAD GDON BGEGS SOGS GANG GIS KHYAD MI TSUGS
BAR BYIN GYIS BRLABS PAR BSAM, ,SNGAGS LNGA DANG, BSGRUB BYA CHE GE MO ZHES BYA BA 'DI SDIG PA DANG SGRIB PA THAMS CAD LAS RAKshA RAKshA, NAS, MI MTHUN PA'I PHYOGS THAMS CAD LAS RAKshA RAKshA YE SV'A H'A, ,BLA MA RGYAL BA SRAS BCAS BYIN RLABS DANG, ,BCOM LDAN 'DAS MA LNGA YI BYIN RLABS KYIS, ,BSGRUB BYA 'DI LA LEGS PAR BSRUNG ZIN GYIS, ,'DI LA SUS KYANG GNOD PA MA BYED CIG ,BADZRA RAKshA RAKshA, ZHES BRJOD, SPRO NA, GANG LA SER SNA RNAM CHAGS PA, ,ZHES SOGS BDE LEGS SU BYED BA'I SHIS PA BRJOD DO, ` ,LHA RE RE'I BUM PA BSGRUBS PA YIN NA, BCOM LDAN 'DAS MA LHA LNGA'I ZHES PA LA SO SOR 'BRANG MA'I ZHAS PA DANG, STONG CHEN RAB 'JOMS KYI, ,GSANG SNGAGS RJES 'DZIN GYI, ,BSIL BA'I TSAL GYI, ,RMA BYA CHEN MO'I ZHES BRJOD, SO SO'I SNGAGS DANG, RMA BYA'I SGRO'I STENG GI PRAm YIG LA BHRUm H'Um DZRIm MAm ZHES SO SO'I SA BON DANG, BDEN STOBS KYI SKABS SO SO'I MTSAN BRJOD PA MA GTOGS GZHAN RNAMS
, ,SNGA MA LA RIGS 'GRES TE BYA'O, ,'DI LTAR BYAS PA'I PHAN YON NI, ,SO SOR 'BRANG MA'I GZUNGS LAS, ,'DI NI THOS PA TZAM GYIS KYANG, ,SDIG PA KUN LAS ZAD PAR GYUR, ,SEMS CAN KUN LA BDE BA SBYIN, , NAD RNAMS KUN LAS GROL BAR BYED, ,CES DANG, MING TZAM BZUNG STE BRJOD BYAS KYANG, ,SKEM BYED SMYO BYED BRJED BYED DANG, ,MKHA' 'GRO MA DANG SHA ZA DANG, ,GDON RNAMS RAB TU BRLAG BAR GYUR, ,ZHES DANG, DUG DANG DUG SBYAR MES MI TSUGS, ,MTSON DAD CHUS KYANG TSUGS MI 'GYUR, ,LCE 'BAB GLOG GIS MI TSUGS TE, ,DUS KYI RLUNG GIS GNOD MI 'GYUR, ,RIG PA'I RGYAL MO'I GZI BRJID KYIS, ,DGRA KUN RAB TU 'JOMS PAR BYED, ,DE YI DON RNAMS THAMS CAD 'GRUB, ,RTAG TU RGYAL BA THOB PAR 'GYUR, ,GANG GIS RTAG TU MGUL PA'AM, ,
LAG PAR RIG PA BTAGS NA NI, ,DE NI DGOS PA YOD DO COG ,'GRUB 'GYUR 'DI LA THE TSOM MED, ,CES DANG, BUD MED GANG ZHIG RTAG 'CHAD NA, ,DE YI THAMS CAD 'GRUB PAR 'GYUR, ,RTAG PAR MNGAL NA BU PHO CHAGS, ,MNGAL RNAMS NA YANG BDE BAR SKYE, , SPRUM MA DAG KYANG BDE BAR 'GYUR, ,CES DANG, GANG ZHIG TSE NI ZAD GYUR TAM, ,ZHAG BDUN NAS NI 'CHI 'GYUR BA, YI GER BRIS, PA'I BAR TZAM GYIS, ,'TSO BAR 'GYUR TE THE TSOM MED, ,CES DANG, BDAG DANG GZHAN GYI DON SGRUB PHYIR, ,GNAS KYI RNAM PA THAMS CAD DU, ,RIG PA 'DI LA SBYOR NA NI, ,'DOD PA'I LAS RNAMS GANG YIN PA, ,BSGRUB MI DGOS PAR RIG 'DI LAS, , 'GRUB 'GYUR 'DI LA THE TSOM MED, ,CES SOGS MANG DU GSUNGS PA RNAMS SHES NAS DANG BAS RANG GZHAN GYI DON SGRUB PAR BYA'O, ,CES
, ,BYABS KHRUS BYA TSUL PHAN BDE'I 'BYUNG GNAS ZHES BYA BA 'DI NI, DON GNYER CAN 'GA' ZHIG GIS BSKUL BA LTAR BRIS PA 'DIS KYANG 'GRO BA THAMS CAD LA PHAN THOGS PAR GYUR CIG, ,,MANGGA LAm,, ,,
[BLANK PAGE]