/TA 16\ *, ,SA BDAG GDON 'GROL GYI CHO GA BDE LEGS DPAL STER ZHES BYA BA BZHUGS SO, ,
, ,NA MO GU RU SING HA N'A DA YE, ,BLA MA RJE BTZUN SENG GE SGRA'I, ,ZHABS LA GUS PAS PHYAG 'TSAL TE, ,SA BDAG GDON 'GROL CHO GA NI, ,GSAL ZHING BLANG BDE 'BRI BAR BYA, ,'DID SA BDAG GDON 'GROL GYI CHO GA JI LTAR BYA TSUL BRJOD PA LA, DKYIL 'KHOR BRI BA DANG, YO BYAD GSOG PA DANG, CHO GA DNGOS SO, ,DANG PO NI, RAS GOG SOGS LA TSANGS ZUR GYI THIG SPYI LTAR BTAB PA'I LTE BA NAS PHYOGS RER CHA CHUNG BCU DRUG SOD BA NA RTZA THIG ,DE NAS PHYIR CHA CHUNG GCIG SONG BA NA RTZIG THIG ,DE NAS CHA CHUNG GNYIS LA 'DOD SNAM, CHA CHUNG GCIG LA PHA GU, CHA CHANG GNYIS LA GSER GYI SKA RAGS, CHA CHUNG GCIG LA BYA 'DAB, YANG CHA CHUNG GCIG LA MDA' YAB STE, THIG BDUN PO 'DI ZUR THIG NAS TSANGS THIG GI PHYOGS SU GDAB, DE LA RTZA THIG NI TSANGS THIG
, ,LA CHA CHUNG GNYIS KYIS MA REG PA, DE BZHIN DU RTZIG THIG 'DOD SNAM GNYIS PO CHA CHUNG GSUM GYI MTSAMS SU BZHAG STE 'DI GNYIS KYI RTZE MO THIG DRANG BOS SPREL, PHA GU SOGS GSUM NI CHA CHUNG LNGA'I MTSAMS, MDA' YAB NI ZUR THIG CIG SHOG KYI BAR DU THAL MAR BTAB, DE NAS RTZA THIG GI NANG RTZE NAS PHYIR SGO 'KHYUD CHA CHUNG BZHI DANG, DE NAS ZUR GYI PHYOGS SU SGO 'GRAM CHA CHUNG GNYIS DANG, DE NAS PHYIR SGO LOGS CHA CHUNG GSUM BTAB PA'I RTZE NAS SGO LOGS GCIG SHOS KYI BAR CHA CHUNG BRGYAD PA'I THIG DRANG BOS SBROL NA SGO'I NANG DBYIBS 'BYUNG, DE NAS SGO LOGS KYI RGYAB TU CHA CHUNG GCIG SONG BA NA 'DOD SNAM NAS MNGA' YAB KYI BAR CHA CHUNG LNGA BA'I THIG DRANG PO CIG GDAB STE RTZIG RGYUN NO, ,NANG THIG NI, DBUS NAS CHA CHUNG LDAS BSKOR BA'I LTE BA, DE NAS CHA CHUNG BCUS BSKOR BA'I BDAB MA, DE NAS
GCIG GAS BSKOR BA'I MU KHYUD DE ZLUM THIG GSUM BTAB PA'I 'DAB MA'I SA NI BRGYAD DU BGOS TE 'DAB MA BRGYAD BRI, DE YANG 'DAB MA'I DPUNG PA'I BAR CHA CHUNG DRUG DE NAS MCHU ZLUM POR 'GRO BA LA CHA CHUNG BZHI BYA, KHA DOG SOGS NI, 'OG GZHI BYIN BO SHAR DKAR LHO SER NUB DMAR BYANG LJANG DAM, YAD NA NANG DU CHU RIS SNGON BOS GANG BAR BRI GSUNG BA LTAR BYA, RTZA RTZIG GNYIS KYI BAR STONG LA RTZIG PA LNGA PHYI NAS RIM GYIS SNGO SER DMAR LJANG DKAR PO BRI, 'DOD SNAM DMAR PO LA MCHOD PA'I LHA MO PHYOGS RER BZHI RE STE BCU DRUG ,BZHUGS STABS DANG KHA DOG MA NGES PA, MCHOD RDZAS THOGS PA ZHAL NANG DU LTA BA BRI, ZUR BZHIR ZLA PHYED DKAR PO LA RIN PO CHE DMAR PO RDO RJE SNGON PO RTZE GSUM PAS MTSAN PA RTZE PHYIR BSTAN PA BRI, PHA GU SER PO LA ZUR GSUM DANG GRU BZHI SOGS RIN PO CHE'I PHRA BKOD PA, GSER GYI SKA RAGS GZHI NAG PO LA CHU SRIN GYI KHA NAS 'PHYAD BA'I RIN PO CHE'I DRA BA DRA PHYED DRIL BU RNGA YAB SOGS DANG BCAS PA BRI, BYA 'DAB GZHI NAG PO LA SHAR BU DKAR PO SBYI BLUGS MCHU MED PA MGO THUR DU BSTAN PA 'DRA BA, MDA' YAB GZHI NAG PO LA BAD 'DAB PHYED PA'I DBYIBS CAN DKAR PO STE, BAD 'DAB PHYED PA RE RE BSGRIGS TE BSGRENGS BA LTAR BYA, RTZA THIG GI NANG GI ZUR BZHI SGO DANG SGO 'KHYUD KYI PHYI MTSAMS RNAMS SU ZLA PHYED RDO RJE BRI, NANG GI PADMA NI SNA TSOGS PADMA STE, PHYOGS BZHI'I 'DAB MA DMAR,
, ,SHANG LHO DANG NUB BYANG GI 'DAB MA GNYIS SER, LHO NUB DANG LTE BA LJANG, BYANG SHAR SNGON PO, MU KHYUD SNGON PO LA RDO RJE RTZE GSUM PAR RKANG POS BSKOR BA BRI, YANG PADMA 'DI'I LTE BAR PADMA DMAR PO 'DAB MA BRKYANG PA BRIS PA'I LTE BAR SENG GE'I SGRA, 'DI'I SHAD GYI 'DAB MA LA WA RU nA, SNA TSOGS PADMA'I 'DAB MA BRGYAD LA KLU CHEN BRGYAD DE, KLU RNAMS SENG GE'I SGRA LA KHA PHYOGS PA, 'DI RNAMS KYI SKU 'DRA'AM TZA KA LI'AM PHYAG MTSAN NAM SA BON NAM TSON 'BRU'I TSOM BU RNAMS LAS GANG 'GRUB BYA'O, ,GNYIS PA NI, DKYIL THANG 'DI NYID MCHOD KHRI MTHO ZHING GTZANG MA ZHIG GI KHANG BKRAM BA'I RGYAB TU SENG GE SGRA'AM LHA GANG YANG RUNG BA'I THANG SKU BSHAM , DKYIL 'KHOR GYI MDUN DU SENG GE SGRA LA DKAR GTONG ZLUM PO RIL BU BCAS DANG, DE'I G-YAS G-YON GANG BDER WA RU nA SOGS KLU RGYAL DGU, KLU RIGS BZHI, SA BDAG KLU GNYAN RNAMS LA DKAR GTOR PAD 'DAB CAN RIL BU BCAS SNOD SO SOR BSHAMS, GTOR MA 'DI RNAMS SKOR RGYAN GYIS MDZES PAR BYA, DE'I MDUN DU, ,N'A GA GE SAR, KAttA KA RI, N'A GA PUshPA, RGYA MTSO'I LPU BA, CHU SRIN SDER MO, DBANG LAG ,BAL PO SE'U, SPU SHEL RTZE, DMAR SHANG LCUG MA, GUR GUM, AUTPA LA, 'DAM BU, DAR CHON SNA SNGA, RAS SKUD DMAR PO, LI KHRI, GA BUD, SHEL, SHU DAG
DKAR PO, SNYID ZHO SHA MKHAL MA ZHO SHA ,STAG SHUN, TZAN DAN DKAR DMAR RNAMS 'PHYED NA SNOD SO SOR BSHAM PA'AM, MA 'BYOR NA DE NAMS BSRES PA'I PHYE MA 'O MA'AM CHU DANG BCAS SNOD GCIG TU BSHAM, DA'I MDUN DU CHU GNYIS NYER SPYOD KYI MCHOD PA TSAR BZHI'AM MTSAR GNYIS SAM MA MTHA' TSAR GCIG STE MDUN BSKYED KYI G-YAS NAS MGO BRTZAMS TE BSHAMS, YANG NA 'BUL BA'I GO RIM LTAR DKYIL 'KHOR GYI MDUN DU MCHOD PA, DE'I MDUN DU SMAN, DE'I MDUN DU GTOR MA BSHAMS KYANG RUNG, 'DI RNAMS KYI MDUN DU GRUB NA TSOGS ZHING GI MCHOD PA TSAR GCIG BSHAMS, ` DE NAS BSGRUB BYA'I MDUN NAM 'OS PA'I PHYOGS SU MDOS STEGS GRU BZHI PA SPANG LEB BAM GLANG MA BSGRIGS PA SOGS KYIS JI LTAR 'TSAM PA BZOS BA'I STENG DU, BRAL PA LCI BA SOGS BSRES BA LTA BU'I BCOG PA MA YIN BAR SA? 'AM 'JIM PA GTZANG MA SRAB 'THUG SNYUG GLAD SOGS BCUG RUNG TZAM BYUGS NAS BSTAR PA LA G-YAS G-YON GNYIS SU THIG GIS BGOS TE, GRUB NA GNYIS KA YA TSON GYIS RI BRAG NE 'US DA SOGS BRIS TE NYAMS DGA' BA'I GNAS GNYIS YOD PA LTAR BYA, DE LTAR BYAS BA'I,, G-YAS KYI DBUS SU RIN PO CHE DANG SMAN BSRES PA'AM ZAN GCED MA LAS DBUS SU LVA RU nA, MTHAR KLU CHEN BRGYAD KYI GZUGS BCOS TE YON BDAG LA BSTAN TE BZHAG ,G-YON GYI NANG DU SA BDAG GI GZUGS RI RAB SGENG
, ,BAR BCAD PA DANG 'DRA BA STE, ,RI RAB KYI RGYA MTSO'I NAD DU NUB PA'I GZUGS MI BYA BAR STENG DU 'PHAGS PA'I GZUGS BYA BA NI SKED PAR BCAD PA'I DON DU BYED LA, DE YANG GRU BZHI PA BZHI RTZEGS TE BYA ZHING, BANG RIM 'OG MA LAS STENG MA JE CHUNG DU BYAS PA'I STENG GI ZUR BZHIR BA GLANG GI MGO BZHI KHA PHYIR BSTAN PA BYA, KLUS BDAG GNYIS KA'I MTHA' BSKOR DU, KHYUD GLA BA MA BYA PHAG STE 'DI BZHI PO MA GTOGS PA'I SROG CHAGS SNA TSOGS KYI GZUGS BYA, KLU RGYAL DGU'I LUS DBYIBS SOGS 'DON CHA NAS 'BYUNG BA LTAR BYA LA, KHA DOG RNAMS KYANG GRUB NA CHO GNAS 'BYUNG BA LTAR DANG, SA BDAG NI MDOG NAG BOR BYED SNANG NGO, ,DE NAS STEGS KYI ZUR BZHIR RING THUNG 'TSAM PA'I SHING BZHI BTZUGS PA LA SRAD BU BRIS SHING, DE LA DAR RAS DMAR PO'I 'PHAN COD PA NA DANG RAS SKUD DMAR PO'I LNGA LDI DU MAS BRGYAN, , DE DAG GI PAR RNAMS SU LO MA ME TOG RTZVA SNGON DANG LNGON SHING GEL BA RNAMS BTZUGS TE NE'U SING DANG NAGS TSAL LTA BUR BYA'O, ,DE'I MDUN DU COG TZE'I KHAR KLU DAR SA BDAG GNYIS LA DKAR GTOR PAD 'DAB CAN RIL BU DANG BCAS BSHAMS, DE'I MDUN DU, CHAG TSAD KU BA, GZEM 'PHAD CHEN, MU TIG SHEL GONG, SBU SHEL RTZE, KHRA BO GZI, RGYA SPOS, MGRON BU, LEB BRGAN DAR, BU RAM, SNYING
ZHOG RGYA MTSO'I LBU BA, GUR GUM, MKHAL MA ZHO SHA ,BCOD MDUNG DMAR PO, DBANG LAG ,CHU SRIN SDER MO, DUD DKAR, MTSAL RGOD, NGA CHU, RAS SKUD DMAR PO, RMA BYA'I SGRO MDONGS, GSER DNGUL BYI RU MU TIG MU MEN TE RIN CHEN SNA LNGA, NAS 'BRAS GRO SRAN TIL TE 'BRU LNGA, ZHO 'O MA MAR TE DKAR GSUM, KA RA BU RAM SBRANG RTZI STE MNGAR GSUM RNAMS 'BYOR NA TSAD MA DANG, MA LCOGS NA CI 'BYOR BSHAM, DE'I MDUN DU CHU GNYIS NYER SPYOD TSAR GNYIS SAM TSAR GCIG BSNGO YUL GYI G-YAS NAS BRTZAMS TE BSHAMS, ^ SGRUB PA PO'I MDUN DU KHRI'I STENG DU RDOR DRIL, KHRUS GZHONG, ME LONG, KHRUS NGAR, GU GUL, YUNGS DKAR, BSRUNG SKUNG DKAR PO, BGEGS GTOR SHA CHANG LA PHUG DANG BCAS PA TSAR GNYIS, GZHI BDAG GTOR MA BCAS BSHAMS, 'DI'I BGEGS GTOR GCIG DANG GZHI BDAG GTOR MA NI MDUN BSKYANG KYI GTOR MA PHUL BA'I RJES SU BSNGO RGYU YIN LA, BGEGS GTOR GCIG NI GSHEGS GSOL GYI TSE BSNGO RGYU YIN NO, ,KU SHA RMA BYA'I SGRO DANG, BSGRUB BYA BGU BA'I DRI CHU'I SNOD SOGS KYANG 'TSOGS PAR BYA, ` DE NAS RDOR DRIL GYI RGYAB TU 'AM KHRI GZHAN ZHIG GI STENG DU DBANG BUM DANG SMAN BUM GNYIS SHUG PA SOGS SAM ME TOG DAD LOMS KHA BRGYAN PA DAR GYI MGUL CHINGS BCAS BSHAMS LA,
, ,DBANG BUM GYI NANG DU GLA RTZI MA 'DRES PA'I BUM RDZAS DRI BZANG GI CHU DANG BCAS BAS DAN BAR DGANG, STENG DU GZUNGS RDOR BZHAG , RTZI SMAN GYI BUM DAR KLU SMAN GYI PHYE MA, RA DKAR BA, DMAN GYI 'O MA, DRI BZANG GI CHU BCAS BLUGS, DBANG BUM GYI MDUN DU MCHOD PA TSAR GCIG BSHAM PAR BYA, SGRUB PA PO RNAMS KYIS BREG CHEN GSO SBYONG LA GNAS BA'AM, MA GRUB NA'ANG CHANG DANG DU BA SOGS MI GTZAD BA'I RIGS LA 'DZEM PA DANG, KHA LAG BKRU BA SOGS GTZANG SBRA DANG LDAN PAR BYA'O, ` ,GSUM PA CHO GA LA, SANGS RGYAS CHOS TSOGS MA LAN GSUM GYIS SKYABS 'GRO BYA, RANG NYID SKAD CIG GIS RDZE BTZUN SENG GE'I SGRAR GSAL BA'I THUGS KA'I HR'I:- LAS 'PHROS PA'I 'OD ZER GYIS BLA MA DANG DBYED MED BA'I RJE BTZUN SENG GE'I SGRA LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, AOm GU RU SIm HA N'A DA SARBA BUD DHA BO DHI SATVA BHYA:- ZHES PHYAG BYA, AOm SARBA TA TH'A GA TA AARGHAm B'A DYAm PUshPE DH'U BO A'A LO KE GA NA DHYE NI LAm DYA SHABTA BRA T'ITZTSA H'UI SV'AH'A, ZHES MCHOD, DKON MCHOG GSUM LA BDAG SKYABS MCHI, ,NAS, 'GRUB BAR SHOG, ,CIS BDUN RNAM DAG DANG, SEMS CAN THAMS CAD BDE BA DANG BDE BA'I RGYU DANG NAS GNAS
PAR GYUR CIG ,CES TSAD MED BZHI BSGOM, BADZRA MU:- TSOGS ZHING RANG GNAS SU GSHEGS BAR GYUR, 'DI NI TSOGS ZHING GI SKABS SO, GONG DU TSOGS ZHING GI MCHOD PA BYIN RLABS 'DI'I CHO GA SNGA MA RNAMS SU MA BSHAD 'DUG PAS MA BYAS KYANG CHOG LA, BYED PAR SPRO NA 'OG NAS 'BYUNG PA LTAR BYA'O, ,DE NAS, AOm SH'U N+YA TA DZNY'A NA BADZRA SVA BH'A WA AATMA KOO NYAHAm, STONG PA NYID DU GYUR, STONG PA'I DAD LAS BAm LAS PADMA DMAR PO 'DAB MA BRGYAD PA'I LTE BAR, SIm LAS SENG GE DKAR PO MGO G-YAS SU BSTAN PA, RAL PA DMAR SER 'KHYUG PA, RIN PO CHE'I DRA PAS G-YOGS PA'I STENG NA AA LAS ZLA BA'I DKYIL 'KHOR NYA GANG BA, DE'I STENG DU HR'I:- LAS PADMA DKAR PO HR'I:- SA MTSAN GRA LAS 'OD ZER 'PHROS, 'GRO BA'I DON BYAS, TSUR 'DUS YONGS SU GYUR PA LAS, RANG NYID RJE BTZUN SENG GE'I SGRA SKU MDOG DKAR PO ZHAL GCIG PHYAG GNYIS PA, SPYAN GSUM PA, RAL BA'I THOR TSUGS CAN, GZHON NU DKA' THUB PA'I TSUL 'DZIN CING, G-YAS MCHOG SBYIN DANG, G-YON BUS MO'I RGYAB DOS NAS ZLA GDAN LA BRTEN PA'I MTHEB MDZUB KYIS PADMA'I RTZA BA NAS BZUNG BA'I RTZE MO GNYIS SU GYES BA'I STENG NA RAL GRI SNGO BSANGS DANG, DRI ZHIM PO'I 'BRU
, ,BCUD SNE TSOGS KYIS GANG BA'I BRONG PA BSNAMS BA, SKU'I G-YAS SU SBRUL SNGON BO DAR DKAR PO KHA NAS KHRAG 'DZAG BAS DKRIS BA'I RTZE GSUM ZLA GDAN LA BTZUGS PA, RAS SKUD DMAR PO'I TSANGS SKUD DANG, RAS BZANG PO'I SHAM THABS CAN, SKU LAS 'OD ZER LNGA DANG BCAS PA'I DE BZHIN GSHEGS PA'I TSOGS 'PHRO BA, RGYAL PO ROL BA'I STABS KYIS BZHUGS PA, DE'I SPYI BOR AOm, MGRIN PAR A'A:- THUGS KAR H'Um, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS 'DRA'I YE SHES PA DPANG LHA DANG BCAS PA SPYAN DRANGS, DZA:- H'Um BAm HO:- DAM YI GNYIS SU MED PAR GYUR, DBANG LHAS DPANG BSKUR, 'OD DBAG MED KYIS DBU BRGYAN PAR GYUR, MCHOD RDZAS RNAMS PHUL DU BYUNG BA'I LHA RDZAS SU GYUR, AOm A'ARYA SING HA N'A DA AARGHAm? NAS, SHAPTA PRA T'ITZTSA H'UI SV'AH'A, ZHES MCHOD, SANGS RGYAS KUN GYIS RAB TU BSNGAGS, ,YON TAN DAM PA KUN GYI GZHI, ,SPYAN RAS GZIGS ZHES MTSAN GSOL BA'I, , RTEG BAR BRTZE LA PHYAG 'TSAL LO, ZHES BSTOD, RANG GI THUGS KAR ZLA PA'I STENG DU HR'I:- 'I MTHAR SNGAGS PHRED GIS BSKOR PA LAS 'OD ZER 'PHROS, RANG GZHAN THAMS CAD KYI NAD GDON
SDIG SGRIB SPYI DANG KHYAD BAR KLU DANG SA BDAG GI GNOD PA THAMS CAD SBYANGS, RGYAL BA SRAS BCAS KYI BYIN RLABS RNAMS BSDUS TE SNGAGS PHRENG LA THIM PAR GYUR, NA MO RATNA TA Y'A YA, NAM:- A'ARYA AA LVA LO KI TE SHVA RA YA, BO DHI SATVA YA, MAT'A SATVA YA, MAH'A K'A RU nI K'A YA, TADYA TH'A, AOm AA KA tE, BI KA tE, NI KA tE, KA TAm KA tE, KA RO tE KA RO tE BIDYA SV'A H'A, ZHES GZUNGS RID DANG,, AOm A'A:- H'I:- SING HA N'A NGA H'Um PHAt, CES GZUNGS ZUNG GNYIS CI 'GRUB BZLA, PADMA'I RIGS KYI YIG BRGYA BRJOD, BSRUNG SKUD DKAR PO YOD NA SNGAGS BTAB, RANG GI SNYING KA NAS YE SHES PA BYUNG STE MDUN GYI NAM MKHAR BZHUGS PAR GYUR, SNGAR BZHIN MCHOD BSTONG BYA, BDAG SOGS RNAMS GYI CHOS DANG ZHES SOGS KYIS 'DOD DON LA GSOL BA GDAB, BADZRA MU:- MDUN DU BZHUGS PA'I YE SHES PA RANG BZHIN GYI GNAS SU GSHEGS, RANG NYID SENG GE SGRA'I DAM TSIG PAR GSAL BA'I GNAS GSUM DU AOm A'A:- H'Um GIS MTSAN PAR GYUR, DGE BA 'DI YIS SKYE BO KUN, ,SOGS KYIS BSDO SMON BYA, 'DI NI BDAG BSKYED KYI SKABS SO, ` DE NAS DKYIL 'KHOR, AOm PADM'A NTA KRiDA H'Um PHAt KYIS BSANGS, SHU RGYA TAS STONG PAR SBYANGS, STOD PA'I DANG LAS BHRUm LAS
, ,RIN PO CHE'I GZHAL YAS KHANG GRU BZHI SGO BZHI SOGS MTSAN NYID THAMS CAD DANG LDAN PA YANGS SHING RGYA CHE BA'I NANG DU SNA TSOGS PADMA 'DAB MA BRGYAD PA'I DBUS SU PAm LAS PADMA DMAR PO'I LTE BAR SIm LAS SENG GE DKAR PO ZHES BA NAS, ,RGYAL PO ROL BA'I STABS KYIS BZHUGS PA, ,ZHES PA'I BAR BDAG BSKYED BZHIN LA RANG NYID CEB PA DOR RO, ,GTZO BO'I GDAN GYI PADMA DMAR PO'I SHAR GYI 'DAB MA LA WAm LAS KLU RGYAL WA RU nA DKAR BO, ,'OG GI SNA TSOGS PADMA'I 'DAB MA BRGYAD LA PHU: BRGYAD YONGS SU GYUR PA LAS, SHAR DU MTHA' YAS SNGON PO,, LHOR NOR RGYAS SER PO, ,NUB TU 'JOG PO DMAR PO, ,BYANG DU STOBS RGYU NAG PO, ,MER PADMA DKAR PO, ,BDEN BRAL DU PADMA CHEN PO DKAR PO, RLUNG BA DU DUNG SKYONG DMAR PO, DBANG LDAN DU RIGS LDAN LJANG KHU STE, ,KLU RGYAL DGU PO THAMS CAD KYANG STONG LHA'I LUS CAN, ,SMAD SBRUL MJUG TU 'KHYIL BA, DBU LA GDENGS KA BDUN BDUN DANG LDAN ZHING, ,PHYAG GNYIS BRA LA MO SBYAR NAS GTZO BO LA GUS PAS 'DUD CING BKA' NOD PA, ,DE DAG GI 'KHOR DU KLU RGYAL RIGS, ,RJE RIGS, ,BRAM ZE'I RIGS, ,DMANGS RIGS, ,GDOL PA'I RIGS DANG, ,SA
BDAG KLU GNYAN GYI RIGS RNAMS KYIS BSKOR BA, ,DE RNAMS KYI SPYI BOR AOm DKAR PO, ,MGRIN PAR A'A: DMAR PO, ,THUGS KAR H'Um SNGON PO, THUGS KA'I H'Um LAS 'OD ZER 'PHROS, , RANG BZHIN GYI GNAS NAS BSGOMS PA DANG 'DRA BA'I YE SHES PA RNAMS SPYAN DRANGS, MA LUS SEMS CAN KUN GYI NAS GNAS 'DIR GSHEGS SU GSOL, ,GDENGS KA NOR BU 'BAR BA'I 'OD KYIS NI, ,SA 'OG MUN PA MA LUS SEL MDZAD CING, ,BSTON LA RAB DGA' MTHU STOBS BSAM MI KHYAB, ,KLU RGYAL 'KHOR BCAS GNAS 'DIR GSHAGS SU GSOL, ,RGYA MTSO CHEN PO'I KLONG DKYIL NAS, ,GTZUG NA RIN CHEN KLU YI RJE, ,WA RU nA DANG MTHA' YAS DANG, ,NOR RGYAS 'JOG PO STOBS KYIS RGYU, ,PADMA PADMA CHEN PO DANG, ,DUNG SKYONG DANG NI RIGS LDAN TE; ;KLU CHEN DGU PO 'KHOR DANG BCAS, ,GNAS 'DIR MCHOD KYIS GSHEGS SU GSOL, ,RGYAL RIGS RJE RIGS BRAM ZE RIGS, ,DMANGS RIGS GDOL PA NAG PO DANG, ,KLU BYAM NYAN DANG SA BDAG SOGS, ,SBUL PA 'BUM SDE 'KHRO DANG BCAS, ,SNGON GYI THUGS DAM DRAN DANG DGONGS, ,'GRO BA'I DON DU GSHEGS SU GSOL, ,AOm AE HYE HI, ,A'ARYA SA DE HA N'A DA SAB
, ,N'A GA R'A DZA BHU MI PA TI SA PA RI WA RA SA MA YE SV'AH'A, ,DZA: H'Um BAm HO: RANG RANG GI DAM TSIG PA SO SO DANG GNYIS SU MED PAR GYUR, ,SLAR YANG THUGS KA'I H'Um LAS 'OD ZER 'PHROS, ,DBANG GI LHA RNAMS SBYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL, ,ZHES GSOL BA BTAB PAS, ,BDUD RTZI'I CHUS DBANG BSKUR, SKU GANG, DRI MA DAG ,CHU LHAG MA SPYI GTZUG TU GNAS PA YONGS SU GYUR PA LAS GTZO BO LA 'OD DPAG MED DANG, ,KLU RGYAL RNAMS LA GTZO BOS DBU BRGYAN PAR GYUR, ,CES MDUN BSKYED KYI RTEN BRTEN BA'I DAM TSIG PA BSKYED BA, ,YE SHES PAR GUG GZHUG ,DBANG BSKUR RGYAS GDAB RNAMS BYA, ,CHOD PA PADMANTA KRID KYIS BSANGS, ,SVA BH'A WAS SBYANGS, ,STONG BA'I DANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU MCHOD RDZAS RNAMS DVANGS SHING THOGS PA MED PA NAM MKHA' DANG MNYAM PAR GYUR, ,AOm AARGHAm A'A: H'Um, ,NAS BADZRA SHAPTA A'A: H'Um GIS BYIN GYIS RLABS, ,THUGS RJE CHE LDAN SENG GE'I SGRA, ,SPUL PA'I KLU RGYAL 'KHOR BCAS LA, ,MCHOD YON DAM PA GUS PAS 'BUL, ,BRTZEBS BZHES LA DNGOS GRUB STZOL, ,AOm A'ARY'A SID HA N'A DA SARBA N'A GA R'A DZA BHA MA
PA TI SA P'A RI WA RA AAGHAm PRA T'I TZTSA H'Um SV'AH'A, ,DE BZHIN DU ROL MO DANG SHAPTA'I BAR SBYAR TE MCHOD, ,KHAMS GSUM SEMS CAN THAMS CAD DANG, ,KHYAD PAR KLU GNYAN SA BDAG GI ,NAD DANG SDUG BSNGAL KUN SEL BA'I, ,SENG GE'I SGRA LA PHYAG 'TSAL LO, ,DAM PA'I CHOS LA RAB TU DGA', ,'GRO BA'I DON LA GCIG TU BRTZON, ,MTHU STOBS RDZU 'PHRUL BSAM MI KHYAB, ,KLU RGYAL RNAMS LA PHYAG 'TSAL LO, ,MTHA' YAS SEMS CAN DON MDZAD PHYIR, ,RIGS GZUGS SNA TSOGS STON MDZAD PA'I, ,SPRUL PA'I SA BDAG KLU GNYAN RNAMS, ,'KHOR BCAS KUN LA PHYAG 'TSAL LO, , ZHES BSTOD, DE NAS SMAN RNAMS AOm A'A: H'Um LAN GSUM GYIS BYIN GYIS RLABS LA, ,N'A GA GE SAR SMAN GYI MCHOG ,DRI RO NUS BCUD PHUN TSOGS 'DI, ,DKYIL 'KHOR LHA LA MCHOD PAR 'BUL, ,'GRO BA'I DON DU BZHES SU GSOL, ,KAntA KA RI N'A GA PUshPA DANG, ,RGYA MTSO'I LBU BA CHU SRIN SDER MO DANG, ,DBANG PO LAG PA BAL BO SE'U DANG, ,SPU SHEL RTZE DANG DMAR SHANG LCUG MA DANG, ,GUR AUDRAL 'DAM BU'I NAGS TSAL DANG, ,DAR TSON SNA LNGA RAS SKUD DMAR PO DANG, ,LI KHRI DMAR PO GA BUR SHEL DANG NI, ,SHU DAG DKAR PO SNYED PO ZHO SHA DANG, ,MKHAL MA ZHO SHA STAG GI SHUN
, ,BA DANG, ,TZAN DAN DKAR DMAR BCAS BA'I SMAN RNAMS KYIS, ,DKYIL 'KHOR LHA YI TSOGS LA MCHOD PAR BGYI, ,BZHES NAS YON BDAG 'KHOR BCAS BSRUNG SKYOB MDZOD, ,ZHES MCHOD NAS, GTOR MA RNAMS BSANGS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I LHA RDZAS LAS GRUB PA'I GTOR MA RNAMS DVANGS SHING THOGS PA MED PA'I BDUD RTZI'I RGYA MTSO CHEN POR GYUR, AOm A'A:- H'Um GSUM DANG, AOm SVA BH'A WA PI SHUD DHI NAS S'A DHA NI SV'AH'A, ZHES SNGAGS DRUG PHYAG RGYA DRUG GIS BYIN GYIS BRLABS LA, MGRON RNAMS KYI LJAGS 'OD ZER GYI SPU GUS GTOR MA'I BCUD THAMS CAD DRANGS TE GSOL PAR GYUR, AOm A'A:- H'I:- SRID HA N'A DA AI DAm PA LIm TA KHA KHA KH'A HI KH'A HI, LAN BDUN GYIS GTZO BO DANG, AOm N'A GA R'A DZA WA RU NA A'A DI NA SA B'A RI WA RA AI DAm, SOGS GSUM GYIS LVA RU NA KLU CHEN BRGYAD BCAS DANG, AOm N'A GA KU LA PANYTZA SA P'A RI WA RA AI DAm SOGS GSUM GYIS KLU RIGS LDA DANG, AOm BHU MI PA TI SA P'A RI WA RA AI DAm SOGS GSUM GYIS SA BDAG KLU GNYAN RNAMS LA PHUL, THUGS RJE CHEN PO SENG GE'I SGRA, SPRUL PA'I
'KHOR TSOGS BCAS PA RNAMS, ,BDAG CAG RNAMS KYIS GUS PA YIS, ,PHUL BA'I GTOR MA 'DI BZHES LA, ,SPYIN BDAG 'KHOR DANG BCAS PA YI, ,SDIG SGRIB NAD GDON SOGS SPYI DANG, KHYAD PAR KLU DANG SA BDAG LAS, ,BYUNG BA'I SDUG BSNGAL MA LUS PA, ,BSAL NAS TSE RING NAD MED DANG, ,ZAS NOR LONG SPYOD 'PHEL BA DANG, ,MDOR NA BSAM PA'I DON RNAMS KUN, ,YING BZHIN 'GRUB PA'I 'PHRIN LAS MDZOD, ,CES 'PHRIN LAS BCOL, ,GZHI BDAG GTOR MA 'BRU GSUM LAN GSUM GYIS BYIN GYIS BRLABS, NAM:- SA BA TA TH'A GA TA AA LVA LO KI TE AOm SAMBHA RA SAMBHA RA H'Um, , GSUM GYIS BSNGO, DE BZHIN GSHEGS PA BZHI'I MTSAN BRJOD, PHUN SUM TSOGS 'DOD YON LNGA LDAN PA'I, ,BDUD RTZI'I RGYA MTSO'I GTOR MA 'DI, GNAS 'DI'I YUL LHA GZHI BDAG RNAMS, ,'KHOR DANG BCAS LA 'BUL BAR BGYI, ,BZHES NAS SPYIN BDAG 'KHOR BCAS KYIS, ,GZHI BYAS 'GRO 'DUG GANG DU YANG, ,LAS DANG BYA BA CI BYED KYANG, ,KO LONG PHRAG DGO MA MDZAD PAR, , 'GAL RKYEN BAR CHAD KUN SEL ZHING, MTHUN RKYEN YID BZHIN SGRUB BAR MDZOD, BGEGS GTOR 'BRU GSUM GYIS BYIN KYIS BRLABS, AOm SARBA BIGHNAN NA MA:- SARBA TA TH'A GA TE BHYO ZHES PA NAS
, ,GRiTNA DAm BA LIm TA YE SV'AH'A, GSUM GYIS BSNGO, H'Um STENG 'OG BAR DANG PHYOGS MTSAMS SU, ,GNYUG MA RA GNAS PA'AM GLO BUR DU, ,LHAGS BA'I GDON BGEGS TSOGS SPYI DANG, ,KHYAD PAR SBYIN BDAG 'KHOR BCAS LA, ,GNOD 'TSE'I BSAM SBYOR BYED PA DANG, ,DA LTA LAS 'DI BYED PA LA, ,GNOD 'GAL PHAG SGRUB BYANG PA YI, , GDON BGEGS JI SNYED MTHA' DAG LA, ,MCHOD SBYIN GTOR MA 'DI SPYIN GYIS, ,DGA' BAS BZHES LA DENG PHYIN CHANG, ,GNOD 'TSE'I BSAM SBYOR YONGS BOR NAS, ,ZHI ZHING DGE PA'I SEMS BSKYED MDZOD, ,'DI NI MDUN BSKYED ZHAR BYUNG DANG BCAS BA'I SKABS SO, ` ,DE NAS DBANG BUM, PADMA NTAKRAmD KYIS BSANG BA, ,SH'U RGYA TAS SBYANGS, ,STONG BA'I DANG LAS BHRUm LAS RIN PO CHE'I BUM PA PHYI BUM PA LA NANG GZHAL YAS KHANG GRU BZHI SGO BZHI SOGS MTSAN NYID THAMS CAD LDAN PA ZHES PA NAS, 'KHOR BCAS KUN LA PHYAG 'TSAL LO, ,ZHES PA'I BAR MDUN BSKYED JI LTA BA BZHIN BYA, ,DE NAS H'Um ZHES BRJOD DE GZUNGS THAG NAS BZUNG LA, RANG GI THUGS KA'I HR'I:- LAS 'PHROS PA'I 'OD ZER GZUNGS THAG LA 'KHRIL TE SOD NAS BUM PA'I LHA LA PHOG PAS THUGS RGYUD BSKUL TE BDUD RTZI'I RGYUN
BAB BA DANG, YANG BUM PA'I LHA RNAMS KYI SKU LAS 'PHROS PA'I 'OD KYIS PHYOGS BCU'I RGYAL BA SRAS BCAS KYI BYIN BRLABS THAMS CAD BSDUS TE BUM PA'I CHU LA THIM PAR GYUR, ,GTZO BO'I GZUNGS RING NYER GCIG GZUNGS THUNG SUM BRGYA, AOm LVA RU nA YE N'A GA R'A DZA H'Um N'Am H'Um SV'AH'A, GZHAN 'DRA BA LA WA RU nA'I TSA BCU, AA NANTA, BA SU KI, TAK'A KA KARKO tA, PADMA, MAH'A PADMA, SHANGKHA P'A LA, K'A LI KA ,RNAMS RIM BZHIN SBYAR BA KLU RGYAL RNAMS KYI SNGAGS DANG, AOm N'A GA KU LA BANYTZA SHANTIm SV'AH'A, AOm N'A GA PRA TI BO YA SV'AH'A, AOm N'A GA BRA BHANYTZA PU NYE BA SV'AH'A, AOm N'A GA TE TH'A GA TA HR'I:- TA H'Um SV'AH'A, KLU RIGS BZHI'I SNGAGS RNAMS BRGYA RTZA RE BZLA, GZUNGS THAG RTZI SMAN GYI BUM PA'I STENG DU SBOS LA, RANG DANG MDUN BSKYED KYI LHA TSOGS RNAMS KYI THUGS KA'I H'Um LAS 'OD ZER 'PHROS, PHYOGS BCU'I RGYAL BA SRAS BCAS THAMS CAD KYI BYIN RLABS NUS MTHU THAMS CAD 'OD DANG BDUD RTZI'I RNOM PAR BSDUS TE RTZI SMAN GYI CHU LA THIM PAR GYUR, GTZO BO'I SNGAGS DANG, AOm RU RU SPU RU DZVA LA TIsh'A SID DHI LO TZA NI SARBA AANVA S'A DHA NI SV'AH'A, ZHES SHIG GSO BYED KYI SNGAGS DANG, AOm DE BYA AA MRI TA NAN TA RA BHI SHA MA TI BRA T'ITZTSA BA SA NAN NA MA:- SV'AH'A, ZHES SMAN BDUD RTZIR BSGYUR BA'I
, ,SNGAGS RNAMS BRGYA RTZA DE BZLA, ,SNGAGS KYI BZLA GRANGS 'DI RNAMS MA LCOGS NA CI 'GRUB BZLAS KYAB CHOG ,YIG BRGYA BRDONG CING GZUNGS RDOR BSDU, SNGON TSE RDZOGS PA'I, SANGS RGYAS KYIS, ,SMAN RNAMS 'GRO LA PHAN PA'I PHYIR, KHYIN GYIS RLABS PA'I BDEN PA NGES, ,NAD PA RNAMS KYI NAD GSOS SHING, ,NYES PA THAMS CAD 'JOMS BYED PA'I, ,SMAN RNAMS, BDUD RTZIR 'GYUR BAR SHOG ,'DI NI BUM SGRUB KYI SKABS SO, ` DE NAS MDOS LA PADMA NTA KRiD KYIS BSANGS, SVA BH'A WAS SBYANGS, STOD PA'I DANG LAS YON GYI BDAG PO'I MDUN GYI PHYOGS SU RI BRAG DANG NAGS TSAL NE'U SING PHUN SUM TSOGS PA, CHU MIG 'BAB CHU LJON SHING ME TOG DANG BCAS PA MANG POS SHIN TU MDZES PAR BKRA ZHING, 'PHAN DANG LNGA LDI SOGS KYIS LEGS PAR, SPRAS PA'I GNAS BZANG PO RNAM PA GNYIS SU GYUR PA'I G-YAS KYI NANG GI DBUS SU KLU RGYAL CHEN PO WA RU nA DKAR PO, DE'I SHAR DU MTHA' YAS SNGON PO, LHOR NOR RGYAS SER PO, NUB TU 'JOG PO DMAR PO, BYAD DU STOBS RGYU NAG PO, MER PADMA DKAR PO, BDEN BRAL DU PADMA CHEN PO DKAR PO, RLUNG DU DUD SKYONG DMAR PO, DBANG LDAN DU RIGS LDAN LJANG KHU STE,
THAMS CAD KYANG STOD LHA'I LUS CAN, SMAD SBRUL MJUG TU 'KHYIL BA, SPRUL GYI GDENGS KA BDUN BDUN DANG LDAN ZHING, PHYAG GNYIS THAL MO SBYAR NAS RGYAL BA'I BKA' LA GUS PA DANG SEMS CAN LA PHAN PA'I BSAM PAS BZHUGS PA, GNAS G-YON PA'I NANG DU SA BDAG NAG PO RI RAB GRU BZHI PA'I GZUGS CAN, BA GLANG GI MGO BO BZHI DANG LDAN PA, KLU DANG SA BDAG DE GNYIS KA'I 'KHOR DU RGYAL RIGS SOGS RIGS LNGAR GTOGS PA'I KLU SA BDAG RNAMS DANG, GNAS BDAG GZHI BDAG GRONG BDAG SOGS SPYI DANG, KHYAD PAR DU GNAS GZHI 'DI NYID GTZO BOR BYAS PA'I YUL PHYOGS GANG YANG RUNG PAR GNAS PA, SBYIN PA'I BDAG PO MI NOR 'KHOR DANG BCAS PA RNAMS LA SNGON GYI LAS KYIS DGRA BOR GYUR PA'AM, 'PHRAL GYI RKYEN DANG RIGS RGYUD, SNGA MA'I 'GRO 'DUG GI BYA BYED MA LEGS PA SOGS KYI RKYEN GYIS RKANG LAG SOGS LUS DANG DBANG PO LA SKYON BYUNG BA, LONGS SPYOD GNAS MAL SOGS LA GNOD PAS KO LONG RU NGA SOGS SU GYUR PA, 'KHON DU 'DZIN PA, BU LON 'DED PA, LAN CHAGS GNYER BA SOGS GNOD 'TSE'I BSAM SPYOD BYED PA'I KLU DANG SA BDAG GI RIGS GZUGS DBYIBS RNAM PA SNA TSOGS BAS BSKOR BA, RANG,
, ,LHAR GSAL BA'I THUGS KA'I HR'I:- LAS 'PHROS BA'I 'OD KYIS KLU SA BDAG 'KHOR BCAS KYI MTHAR LCAGS RI'I TSUL DU BSKOR BAS KLU GDUG PA CAN SOGS KYIS SBYIN BDAG SOGS LA GNOD MI NUS BAR GYUR, ZHES BRJOD CING BSGOM, LAG PA G-YON PA'I MTHE BONG DANG MTHE'U CHUNG GNYIS BRKYANGS, LHAG MA GSUM BCAD SA PA'I MTHE BONG GI RGYAB TU G-YAS PA'I SOR MO LNGA PHRAL TE GZHAG PA KLU DGA' BAR BYED PA'I GDENGS KA'I PHYAG RGYA BYAS LA, RANG GI THUGS GA'I H'I:- LAS 'OD ZER 'PHROS, KLU DANG SA BDAG RNAMS RANG RANG SO SO'I GNAS NAS SKAD CIG GIS SPYAN DRANGS, GDENGS KA NOR BU NAS MCHOD KYIS GSHEGS SU GSOL, ,SA BDAG CHEN PO 'KHOR BCAS DANG, ,RGYAL RIGS RJE RIGS BRAM ZO'I RIGS, ,DMANGS RIGS GDOL PA NAG PO SOGS, MCHOD BA'I GNAS 'DID GSHEGS SU GSOL, ,KHYAD PAR SBYIN BDAG 'KHOR BCAS LA, ,GNOD 'TSE'I BSAM SBYOR BYED PA YI, ,KLU DANG SA BDAG 'KHOR DANG BCAS, ,MCHOD BA'I GNAS 'DIR GSHEGS SU GSOL, ,BSAM DON SBYOR TZUB YONGS SPANGS TE, ,ZHI DUL SEMS KYIS GSHEGS SU GSOL, ,MDZES SHING NYAMS DGA'I GNAS MCHOG 'DIR, ,MCHOD GTOR BZHES PHYIR DGYES
BZHIN BZHUGS, AOm SARBA N'A GA R'A DZA BHRU MI PA TI SA P'A RI WA RA DZA:- DZA:- DZA:- H'Um BAm HO:- RANG RANG GI GZUGS SO SO DANG GNYIS SU MED PAR GYUR, KA MA YA YE STVAm, ZHES MDOS MGRON BSKYED PA DANG DBUG GZHUG SOGS BYAS LA, DE NAS YON BDAB LA, KHYED RANG GI MDUN GYI GZUGS 'GROS 'DI RNAMS LAS G-YAS PA'I GTZO BO KLU RGYAL DGU, G-YON PA'I GTZO BO SA BDAG CHEN PO, GNYIS KA'I MTHAR KLU DANG SA BDAG SPYI DANG KHYAD PAR DU KHYED CAG 'KHOR BCAS LA KHON DANG LAN CHAGS SU GYUR BA'I GZHI BDAG GLU SOGS KYIS BSKOR PAR MOS LA, DA LTA GTOR MA DANG MCHOD PA 'BRUL BA DANG BSTOD PAS DE RNAMS TSIM ZHING DGA' BAR SOMS SHIG ,CES BRDA SPRAD NAS, MCHOD GTOR RNAMS PADMA NTA KRID KYIS BSANGS, SBYANGS, STONG PA'I DANG LAS RIN PO CHE'I SNOD YANGS NID RGYA CHE BA RNAMS KYI NANG DU MCHOD GTOR RNAMS LHA RDZAS LAS GRUB PA'I BDUD RTZI'I RGYA MTSO CHEN POR GYUR, AOm A'A:- H'Um, LAN GSUM GYIS BYIN GYIS BRLABS LA, AOm N'A GA D'A DZA WA RU nA A'A DI NA SA P'A RI LPA RA AI DAm BA LIm TA KHA KHA KH'A HI KH'A HI, LAN GSUM GYIS KLU RNAMS DANG, AOm BHU MI PA TI SA P'A RI WA RA AI DAm SOGS GSUM GYIS SA BDAG 'KHOR BCAS LA GTOR MA PHUL, AOm N'A GA R'A DZA BLU MI PA TI
, ,SA P'A RI LBA RA AARGHAm NAS SHABTA'I BAR GYIS MCHOD, ,SMAN RNAMS SANGS DRUG PHYAG RGYA DRUG GIS BYIN GYIS RLABS NAS, ,KLU DANG SA BDAG THAMS CAD DANG, ,KHYAD PAR SBYIN BDAG 'KHOR BCAS LA, ,GNOD 'TSE'I BSAM SBYOR BYED PA YI, ,SA BDAG KLU GNYAN 'KHOR BCAS LA, ,DKAR GSUM MNGAR GSUM BDUD RTZI'I CHU, ,RIN CHEN SNA LNGA KLU YI GTER, ,KLU SMAN DAR ZAB SNA TSOGS DANG, ,RANG RANG DGYES PA'I DAM RDZAS RNAMS, ,TING 'DZIN SNGAGS DANG PHYAG RGYA YIS, ,BYIN GYIS BRLABS TE 'BUL LAGS NA, ,PHYOGS BCU'I KLU YI PHO BRANG DU, , BDUD RTZI'I CHAR RGYUN 'BAB GYUR CIG ,CES SMAN DBUL, ,MTHA' YAS NOR RGYAS LA SOGS KLU DBANG RNAMS, ,YID BZHIN RGYA MTSO CHEN PO YANGS PA NA, ,YID 'ONG RIN CHEN SNA TSOGS KYIS BRGYAN BA'I, ,PHO BRANG 'BYOR PA CHEN PO'I DBUS NA BZHUGS, ,DBU LA SBRUL MGO'I GDENGS KAS MDZES PA'I DBUS, ,YID BZHIN NOR BUS BSAM PA RDZOGS BYED CING, BDAG GZHAN DON RNAMS PHUN TSOGS 'GRUB PA'I GTER, ,DBUL PA'I MRAN SEL 'OD 'BAR RNAMS KYIS BRGYAN, ,GDENGS CAN 'BYOR BA'I TSOGS RNAMS THAMS CAD RDZOGS, ,MTHU STOBS RDZU 'PHRUL
CHE LA MDA' BRNYES PA'I, ,KLU DBANG 'KHOR DANG BCAS LA GUS PAS 'DUD, ,YON BDAG MI NOR BCAS PA BSRUNG SKYOB MDZOD, ,SA BDAG CHEN PO 'KHOR TSOGS BCAS PA DANG, ,SBYIN BDAG RNAMS LA, GNOD 'TSE BYED PA YI, ,KLU DANG SA BDAG PHA MA BU TSA SOGS, ,JI SNYED MCHIS PA KUN LA PHYAG 'TSAL BSTOD, ,CES BSTOD, ,DE NAS RTZI SMAN GYI BUM PA THOGS TE, BUM CHU 'DI GZUGS 'GROS 'DI RNAMS LA GTOR BAS KHYED CAG GIS SA BRKOS PA SHID BCAD PA SOGS KYIS KLU DANG SA BDAG GI LUS DANG GNAS KHANG SOGS LA GNOD PAR RGYUR PA RNAMS SOS SHING BSAM SBYOR NGAN PA RNAMS ZHI BAR MOS PA GYIS, ,ZHES BRDA SBYANG LA GTZO BO'I SNGAGS DANG, ,SHI BA GSO BYED KYI SNGAGS LAN BDUN SOGS BRJOD NAS BUM CHU GTOR BAR BYAS NAS, ,H'Am: DA NI THUGS RJE CHEN PO STE, ,BA SBU'I BU GA THAMS CAD NAS, ,GSO PA'I BDUD RTZI'I RGYUN BABS PAS, ,KLU RGYAL 'KHOR BCAS KHYED RNAMS KUN, ,ZAB MO'I SNGAGS KYI GZI BRJID KYIS, ,BSREG DANG BTZO BA'I SDUG BSNGAL DANG, ,MTSON CHA RNAM BA SNA TSOGS KYIS, ,BSNUN CING GTUBS PA'I SDUG BSNGAL SOGS, ,SDUG BSNGAL SNA TSOGS MYONG BA RNAMS, ,'CHI MED 'TSE BA'I SMAN
, ,RNAMS KYIS, BSREG CING BTZO BO GSOS GYUR CIG ,LUS DANG DBANG PO RGYAS GYUR CIG ,MTHU STOBS LDAN ZHING BDE GYUR CIG ,SDUG BSNGAL KUN LAS THAR BAR SHOG ,DGA' DANG BYANG CHUB SEMS LDAN ZHING, DBANG PO RNAMS KYI SPYOD YUL DU, 'DOD DGU'I LONGS SPYOD LDANG GYUR CIG ,NYAMS PA'I LUS SOGS GSOS SHING RGYAS, ,YAN LAG TSANG ZHING BDE GYUR CIG ,KLU NAD THAMS CAD GSOS GYUR NAS, ,SDUG BSNGAL KUN LAS THAR BAR SHOG ,DAN SONG GSUM LAS YONGS GROL TE, TSANGS PA'I TSE DANG LDAN GYUR CIG ,CHOS SPYOD DBANG PO DUL NAS KYAD, ,SENG GE'I SGRA YI ZHAL MTHONG SHOG ,SNGAGS DANG SMAN SOGS BYIN RLABS KYIS, ,BSAM DAN SBYOR RTZUB ZHI GYUR NAS, , BCINGS PA'I NAD LAS GROL BAR MDZOD, ,BSDU NA DE TZAM DANG, RGYAS BAR NA, CHAG TSAD KU BA'I BDUD RTZI YIS, ,MGO BO NYAMS PA GSOS GYUR CIG ,GZEM 'PHANG CHEM BDUD RTZI X SKRA LO NYAMS PA GSOS X MU TIG SHEL GONG X KLAD PA X SPU SHEL RTZE YI X RNA BA X KHRA BO GZI YI X SPRAN MIG X RGYA SPOS DRI YI X SNA NI X MGRON BU DKAR PO'I X SO NI X
LE BRGAN DAR GYI X LJAGS NI X BUR MA BZANG PO'I X SHA NI X SNYING PO ZHO SHA'I X DON SNYING X RGYA MTSO SBU BA'I X GLO BA X GUR GUM BZANG PO'I X MCHIN PA X MKHAL MA ZHO SHA'I X MKHAL MA X BTZOD MDUD DMAR PO'I X RGYU MA X DBANG PO LAG PA'I X LAG PA X CHU SRIN SDER MO'I X RKAD PA X DUD DKAR G-YAS 'KHYIL X RUS PA X MTSAL CHEN DA CHU'I X KHRAG NI X RAS SKUD DMAR PO'I X TSE SROG X RMA BYA'I MDONGS KYI X BKRAG MDANGS X RIN CHEN SNA LNGA'I X NOR DBYI GA X 'BRU SNA LNGA YI BDUD RTZI YIS, , YUL KHAMS NYAMS PA GSOS GYUR CIG ,N'A GA R'A DZA PHU:- SHANTIm KU RU SV'AH'A, CES TSIG MTSAMS RNAMS SU BUM CHU GTOR BZHIN PAR BRJOD DO, 'PHRIN LAS BCOL BA NI, KYEE KLU RGYAL DGU DAR KLU RIGS BZHI, ,KLU BDUD KLU BTZAN THAMS CAD DANG, ,SA BDAG SA SRIN LA SOGS PA, ,KHYED RNAMS LA NI MCHOD GTOR TSOGS, ,PHUL NAS 'PHRIN LAS BCOL BA LA, ,BDAG DANG RGYU SBYOR YON BDAG KUN, ,BYA BA MANG ZHING SPYOD RTZING BAS, ,SA BRKOS BRAG BSHIG NAS SLOG CING, ,RDO BCAG CHU DKRUGS SHING RNAMS BCAD, ,MI GTZANG THAB GZHOB SOGS BYAS
, ,PAS, ,KLU GNYAN SA BDAG KHYED RNAMS KYI, ,LUS DANG YAN LAG DON SNYING DANG, ,GNAS KHANG LONGS SPYOD NYAMS PA SOGS, ,THUGS DANG SPYAN ZUR LA PHOG BA'I, ,NYES PA THAMS CAD SOS GYUR CIG ,DE LTAR GSOS BAS KHYED RNAMS KYI, ,MTHONG DUG REG DUG MCHE PA'I DUG KHA RLANGS DUG DANG SPYAR DUG GIS BSKYEB PA'I MDZE 'BAS SHU BA DANG, ,PHOL MIG PAS LDAG G-YAN PA DANG, ,ME DBAL DREG GUM RKANG 'BAM DANG, ,DMU CHU LA SOGS NAD RNAMS KUN, ,MI 'BYUNG ZHI BAR MDZAD DU GSOL, ,GDENGS KA'I PHYAG RGYA BYAS TE DAM TSIG BSGRAG PA NI, H'Um NGA NI THUGS RJE CHEN PO STE, ,DAM CHOS BDUD RTZINGS SBYIN GYI, ,KLU DANG SA BDAG 'KHOR BCAS KUN, ,CHOS 'CHAD BDEN TSIG NYAN PAR GYIS, ,GAL TE BDEN TSIG MI NYAN NA, ,RIG SNGAGS RGYAL PO'I BKA' BCAG PAS, ,GSO BA'I SMAN RNAM THAMS CAD KUN, ,MTSON CHA'I CHAR DU GYUR NAS NI LUS KYI GNAD LA GZIR BAR BYED, ,BCAD CING BCAD CING DUM BUR 'GYUR, ,MDAR GSUM LA SOGS GTOR MA YANG, ,DUG CHEN HA LA HA LAR 'GYUR, ,SMYO DANG RMONGS PAR GYUR
NAS NI, ,TSAB CHEN POS GZIR BAR BYED, ,DES NA DUS RNAMS THAMS CAD DU, ,DAM TSIG 'DI NI RTAG TU SRUNGS, ,SDIG PA CI YANG MI BYA ZHING, ,DGE BA PHUN SUM TSOGS PAR SPYANG, RANG GI LUS LA DBE LONG LA, GZHAN LA GNOD PA MA BYED CIG ,AOm A'A:- H'I:- SING HA N'A DA SA MA YA RAKshA RAKshA H'Um PHAt, CES BRJOD DE DAM TSIG LA GNAS PAR BSAM, DE NAS GTZO BO'I GZUNGS THUNG GI RJES SU, SARBA N'A GA R'A DZA SA P'A RI WA RA DU: KHA PRA SHA MAN YE AA BHI shI TZTSA, ZHES LAN GSUM DANG, YANG GZUNGS KYI RJES SU, SARBA N'A GA KLU LA PANYTZA SA P'A RI LPA RA DU:- KHA MAN SBYAR GSUM DANG, YANG GZUNGS KYI RJES SU, SARBA BHU MI PA TI SA P'A RI WA RA DU:- KHA SOGS SBYAD PA GSUM BRJOD, ,BUM PA'I LHA RNAMS KYI SKU LAS BDUD RTZI 'OD ZER DPAG TU MED PA BYUNG ZHAS KLU DANG SA BDAG RNAMS LA THIM PAS DE RNAMS KYI SDUG BSNGAL THAMS CAD ZHI ZHING BDE BA THAMS CAD DANG LDAN PAS DGYES NAS SBYIN BDAG MI NOR 'KHOR BCAS LA BSRUNG SKYOB BYED PAR GYUR CES BRJOD CING BSAMS LA DBANG BSKUR BYA'O, DBANG BUM GYI LHAG GSHEGS ZHU BYA BA NI, BADZRA MU:- BUM BSKYED KYI YE SHES PA RANG BZHIN GYI GNAS SU GSHEGS, DAM TSIG PA 'OD DU ZHU
, ,NAS BUM PA'I CHU DANG DBYER MED DU GYUR, ,DE NAS DBANG BUM GYI CHUS MDUN BSKYED KYI LHA LA KHRUS GSOL BA NI, ,JI LTAR BLTAMS PA SOGS DANG, ,RGYAL PA'I SKU GSUNG THUGS LA SOGS DANG, KHYED SKU RANG BZHIN SOGS TE, ,SNGAGS DANG SBYAR NAS KHRUS BYA, ,RGYAS PAR NA, ,'DI NI SBYIN PA'I SOGS PHYIN DRUG DANG SBYAR BA'I KHRUS BYAS LA, ,'DI DAG SKU LA NAS BI SHO DHA NA YE SV'AH'A, ZHES SKU PHYIS TE CHU BUM PA NYID DU BLUGS NAS BSGRUB BYA BKRU BA NI, ,BUM PA GNYIS KYI CHU BSRE BA'AM DBANG BUM GYI CHUS BKRU ZHING, ,GTZUG NA YID BZHIN NOR BU CAN, ,MIG NI GDANGS PA LTO 'PHYE'I RIGS, ,KLU CHEN BRGYAD PO MTHONG BA'I DUG ,BZOD DKA'I DUG RNAMS PHYIR PHYUNG ZHIG ,DRIL GSIL BCAS, ,AOm A'A:- HR'I: SING HA N'A DA H'Um PHAt CES DANG, RU RU SPHU RU'I SNGAGS BRJOD LA, ,SBYIN PA'I BDAG PO CHE GE MO ZHES BYA BA'I ZHE'AM, ,RNAMS KYI ZHES PA SKABS BSTUN BYAS LA, ,SDIG PA DANG SGRIB PA THAMS CAD SHAMTIm KU RU SV'AH'A, ,DE BZHIN DU THAMS CAD SHANTIm KU DU SV'AH'A ZHES PA 'OG MA KUN LA SBYAR TE, NAD X RIMS X GDON X NYE BAR 'TSE BA X ,DUS MA YIN PAR 'CHI BA X 'KHON DANG GRIB X BYAD DANG BYUR X SKAL PA DAN PA X RMI LTAS DANG MTSAN
MA DAN PA X MTSAN MO NAG MO'I GDON X BDUD KYI ZHAGS PA X BGEGS DANG LOG 'DREN X LO SKEG ZLA SKEG ZHAG SKEG DUS SKEG SOGS BKRA MI SHIS PA X KHYAD PAR DU KLU DANG SA BDAG GI GNOD PA LAS BYUNG BA'I NAD SOGS SDUG BSNGAL THAMS CAD SHANTIm KU RU SV'AH'A, ZHES BKRU LA, ,RGYAS PAR NA 'OG GI SHO LO KA RE RE'I MTHAR, ,SDAGS BRJOD CING SDIG PA DANG SGRIB PA SOGS SBYOR BA'AM, BSDUN THAMS CAD RDZOGS PA'I MTHAR SBYAR TE BKRU, DE YANG, ,LUS CAN MGO BO THA DANG LA, ,ZHE SDANG DREG PO RGYAL PO'I RIGS, ,RIGS BZHI KLU BRGYAD YID KYI DUG ,BZOD DKA'I DUG RNAMS PHYID PHYUNG ZHIG ,GSHER LA GNAS BA MDZANGS PA'I RIGS, ,GTZANG MA PHAL LA GNOD MI BYED, ,KLU BRAN 'BUM SDE REG PA'I DUG ,BZOD DKA'I DUG RNAMS PHYIR PHYUNG ZHIG ,ZHE NGAN GNAG PA BYOL SONG RIGS, ,RMIG BZHI LCAGS LA NA BUN 'THIBS, ,GNYAN CHEN 'BUM SDE RLANGS DUG ,BZOD DKA'I DUG RNAMS PHYIR PHYUNG ZHIG ,DMAR BA'I TSE 'DZIN ZHE SDANG CAN, ,BDEN PA MI NYAN KUN LA GNOD, ,SA BDAG SDE BZHI MCHE BA'I DUG ,BZOD DKA'I DUG RNAMS PHYIR PHYUD ZHIG ,DREGS PA SDE BRGYAD 'BAR BA YI, ,GLEN PA NGA RGYAL MTHU
, ,BO CHE, ,'GRO BA 'DI LA GANG GNOD PA, ,BZOD DKA'I DUG RNAMS PHYIR PHYUNG ZHIG ,SBYOR GZHAN RAB TU KHROS PA'I PHO NYA NI, ,SPRUL PA 'BUM SDES 'GRO LA GNOD PA SKYE LA, ,SMAN DANG SNGAGS DANG PHYAG RGYA TING 'DZIN GYIS, ,BZOD DKA' MI BZOD DUG RNAMS PHYIR PHYUNG ZHIG ,SNGAGS DANG SBEL TSIG RNAMS SBYAR TE LAN GSUM MAM LAN GCIG BKRU, BYAB PA NI, BSGRUB BYA'I KHA NANG DU BUM CHU CUNG ZAD 'DZIN DU BCUG LA, RANG NYID G-YAS RDO RJE DANG BCAS PAS RMA BYA'I SGRO BZUNG STE, RMA BYA'I MDONGS KYI STENG DU ZLA DKYIL LA GNAS PA'I SNGAGS PHRENG GI 'OD KYIS BKRUS PAS MA DAG PA'I NAD GDON SOGS BYA BA ZHING DED PAS KHA NANG GI CHU LA THIM PAR GYUR, BAR BSAMS LA, SPON SNGAR GYI BKRU PA'I SKABS KYI TSIGS BCAD SDUG GNYIS KA BRJOD DE BYA BA LA, BSDUN DRIL BU DKROL ZHING, SGROS BYA BAS TE, SENG GE SGRA'I GZUNGS THUNG DANG, CHE GE MO'I SDIG PA DANG SGRIB PA THAMS CAD AA PA NA YE SV'AH'A, ZHES SOGS GONG GI SHANTIm KU RU RNAMS AA PA NA YE ZHES BSGYUR TE LAN GCIG GAM GSUM BYA BA, MTHAR KHA NANG GI CHU DE BSKRUS PA'I CHU NANG DU 'PHO, BSRUNG BA NI, BSGRUB BYA'I SPYI BO SOGS SU RDO RJE RGYA GRAM DU BZHAG STE, RANG GI THUGS KA'I H'Um LAS 'OD ZER 'PHROS, BSRUNG
BYA'I LUS LA PHOG PAS DE'I SPYI BO NAS RKANG MTHIL GYI BAR GYI SHA RUS LPAGS PA SOGS THAMS CAD GNOD BYED GANG GIS KYANG MI TSUGS PA'I RDO RJE'I RANG BZHIN DU GYUR PAR BSAMS LA, ,SNGAGS BRJOD CING, CHE GE MO 'DI ZHE'AM, SPYIN PA'I BDAG PO RNAMS SDIG PA DANG SGRIB PA THAMS CAD LAS RAKshA RAKshA, ZHES PA NAS, NAD SOGS SDUG BSNGAL THAMS CAD LAS RAKshA RAKshA YE SV'AH'A, ZHES BRJOD CING YON BDAG LA BSRUNG SKUD BTAGS TE, RGYAL BA SRAS BCAS BYIN RLABS DANG, ,SENG GE'I SGRA YI THUGS RJE YIS, ,'GRO BA 'DI LA BSRUNGS ZIN GYI, ,SUS KYANG GNOD PA MA BYED CIG ,RTZA RGYUD KYI BLA MA RNAMS KYI BDEN PA DANG, ,SANGS RGYAS KYI X CHOS KYI X DGE 'DUN GYI X RJE BTZUN SENG GE SGRA'I LHA TSOGS RNAMS KYI X CHOS SKYONG BSRUNG MA RNAMS KYI BDEN PA DANG, RTEN 'BREL BSLU BA MED PA'I BDEN PA'I STOBS KYIS SBYIN BDAG MI NOR 'KHOR DANG BCAS PA RNAMS, KLU GNYAN SA BDAG GI GNOD PA SOGS NAD GDON BAR CHAD MI MTHUN PA'I PHYOGS THAMS CAD LAS RGYAL BAR GYUR CIG ,DZA YA DZA YA SID DHI SID DHI PHA LA PHA LA HO:- BGEGS GDON NAD RIGS MTHA' DAG ZHI BA DANG, ,SOGS DANG, NYIN MO BDE
, ,LEGS SOGS BRJOD DE ME TOG GTOR, DE NAS, MA RNYED YONGS SU SOGS KYIS MNGOS MGRON RNAMS LA BZOD GSOL BYA, SNGAR BSHAMS PA'I BGEGS GTOR MNGOS KYI MDUN DU BZHAG LA, AOm A'A:- H'Um GSUM GYIS BYIN GYIS BRLABS, AOm SARBA BI GHNAN NA MA:- SARBA NAS GRIHNA DAm PA LIm TA YE SV'AH'A, GSUM GYIS SA BDAG 'KHOR BCAS LA BSNGO, GANG ZHIG MTSAN MO RGYU BA YI, ,NAS GZHAN LA GNOD PA MA BYED CIG CES BKA' BSGO, MNGOS PHYIR BSGYUR LA, GU GUL GYI DUD PA BTANG, AOm CHEN PO'AM CHUNG DU GANG DAG GI ,ZHES PA NAS RTAG TU DAM TSIG LA GNAS SHING, ,'DIR NI SPYIN BDAG 'KHOR BCAS LA, ,GNOD 'TSE'I BSAM SBYOR YONGS SPANGS NAS, ,SA BDAG 'KHOR BCAS RANG GNAS DENGS, ,AOm BHU MI PA TI SA P'A RI WA RA BADZRA MU:- SA BDAG 'KHOR BCAS DANG GNAS SU GSHEGS PAR GYUR, ,CES BRJOD CING SE GOL GDAB, DA NI KLU RNAMS GSHEGS SU GSOL, ,RGYAL RIGS DKAR PO SHAR DU GSHEGS, ,BRAM ZE SER PO LHO RU X RJE RIGS DMAR PO NUB TU X DMANGS RIGS SNGON PO BYAD DU X GDOL PA NAG PO MTSAMS SU X SA YI BDAG PO SA LA GSHEGS, ,CHU YI BDAG PO CHU LA X RDO YI BDAG PO RDO LA X
SHING GI BDAG PO SHING LA GSHEGS, ,RANG RANG SO SO'I GNAS SU GSHEGS, ,SARBA N'A GA R'A DZA SA P'A RI WA RA BADZRA MU:- KLU RGYAL 'KHOR BCAS RANG RANG GI GNAS SU GSHEGS PAR GYUR, , ZHES BRJOD CING MGRON RNAMS SO SO'I GNAS SU SONG BAR BSAM, 'DI NI GLU SA BDAG GI GDON LAS DGROL PA'I CHO GA DNGOS KYI SKABS SO, ` ,DA NAS MJUG GI BYA BA LA, MDOS SKYEL TSUL NI, SGRUB GROGS GCIG GIS BUM PA GNYIS KYI CHU GCIG TU KLUGS NAS THOGS TE SENG GE SGRA'I SNGAGS BRJOD CID BUM CHU 'THOR BAS SNA DRANGS, DE RJES RIM PA BZHIN BGEGS GTOR DANG GZHI BDAG GTO RMA, YON BDAG BKRUS PA'I CHU, KLUS BDAG GI GZUGS, MDOS MGRON LA BSNGOS PA'I MCHOD GTOR SMAN RNAMS BSDUS TE BRJOD, SLOB DPON GYIS RDOR DRIL BZUNG, ,SGRUB GROGS GZHAN YOD NA RNGA SBUBS SOGS KYI ROL MO'I SGRA DANG BCAS SKYEL LA, DE YANG MDOS PHYIR DBYUNG BA'I TSE GU GUL GYI DUD PA BTANG, RANG GI THUGS KA'I H'Um LAS 'OD ZER 'PHROS, PHYOGS BCU'I RGYAL BSRAS BCAS SBYI DANG KHYAD BA DU MKHA' 'GRO CHOS SKYOD RNAMS KYI BYIN RLABS NUS MTHU THAMS CAD 'OD ZER KHA DOG SNA LDA'I RNAM PAR BSDUS TE YUNGS DKAR LA THIM PAR GYUR PAR BSAMS LA, SUm BHA NI'I SDAGS LAN GSUM BRJOD CING YUNGS DKAR GYIS BRAB, ,GLAGS
, ,TSOM PA'I BGEGS RNAMS THOS TE PHYI'I RGYA MTSO'I PHA ROL DU SONG BAR BSGOM, DE NAS PHYIR THON TE 'GRO PA'I TSE SLOB DPON RANG NYID DRIL BU DKROL BA, SENG GE SGRA'I SNGAGS 'DON BZHIN PAR BSKYAL NAS, BGEGS GTOR DRI CHU SOGS NA CHU MIG LTA BU'I PHA ROL LAM 'OS PA'I SAR DOR, KLU SA BDAG GI GZUGS RNAMS CHU MIGS NAGS GLONG NGAM NI'U SING LTA BUR PHANG BSTAN TE BZHAG LA, RE ZHIG LA BYA KHYIS MI 'KHYER PA'I THABS BYA, SMAN DANG MCHOD GTOR RNAMS CI DE'I G-YAS G-YON SOGS GANG RUNG DU BZHAG NAS, SGRUB PA PO RNAMS KYIS, 'BYUNG PO GANG NGAG 'DIR NI LHAGS GYUR TE, ,SA'AM 'ON TE MKHA' LA 'KHOR KYANG RUNG, ,SKYE RGU RNAMS LA RTAG TU BYAMS BYED CING, ,NYIN DANG MTSAN DU CHOS LA SPYOD GYUR CIG ,CES DANG, CHE PA'I CHE MCHOG SOGS SAM, SPRO NA, GANG LA SER SNA RNAM CHAGS PA, ,ZHES SOGS BRJOD CING ME TOG GTOR LA, KLUS BDAG RNAMS DANG SBYIN BDAG RNAMS LA TSO BSOD 'PHEL BA SOGS KYI BDE SKYID PHUN SUM TSOGS PAR BSAM, DE NAS, KLU DANG SA BDAG RNAMS KYI MTHAR BSKOR PA'I 'OD KYI RAB DGROL BAR GYUR PAR BSAMS LA, RTA MGRIN NAM YI DAM GANG YANG RUNG BA'I SNGAGS 'DON ZHIN TSUR 'ONG NGO, ,
DE YANG MNGOS SKYEL MKHAN RNAMS SNGON DU 'GROR BCUG LA, SLOB DPON SGRUB GROGS BCAS RTENG MNAN TE TSUR GOM PA GSUM TZAM GYI SAR LOG NAS BSRUNG 'KHOR BSGOM PAR BYA STE, 'DI LTAR, RANG GI THUGS KA'I H'Um LAS KHA DOG SNA LNGA PA'I 'OD ZER SBYIN PA'I BDAG PO MI NOR 'KHOR DANG BCAS PA RNAMS KYI STENG 'OG PHYOGS MTSAMS THAMS CAD DU KHYAB PAR 'PHROS PAS, 'OG THAMS CAD RDO RJE'I SA GZHI, LOGS SU RDO RJE'I RA BA, STENG DU RDO RJE'I GUR, ,GUR GYI 'OG TU RDO RJE'I BLA BRE STE THAMS CAD KYANG RDO RJE 'BAR PA'I RANG BZHIN BAR MTSAMS MED BA DUM BU GCIG TU GYUR PA'I PHYI ROL DU BSKAL PA 'JIG PA'I ME LTA BU KHA NGOG SNA LDA'I ME DPUNG PHYOGS BCUR 'PHROM PAS GDON BGEGS GANG GIS KYANG GNOD MI NUS PA'I BSRUNG BA'I 'KHOR LO CHEN POR GYUR, AOm BADZRA RAKsHA RA KshA YE SV'AH'A, ZHES BRJOD, DE LTAR PHAN TSUN 'GRO BA'I TSE PHYI MIG MI BLTA BA DGOS SO, ,DE NAS NANG DU 'ONGS TE, MDUN BSKYED KYI GTANG RAG BYA BA LA, MCHOD PA PADM'ANTAKRiD KYIS BSANGS SBYANGS, STONG PA'I DANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU MCHOR RDZAS RNAMS DVANGS SHING THOGS PA MED PA NAM
, ,MKHA' DANG MNYAM PAR GYUR, AOm AARGHAm A'A:- H'Um NAS, AOm BADZRA SHABHA A'A:- H'Um GIS BYIN GYIS BRLABS, AOm A'A RYA SING HA N'A DA SARBA N'A GA R'A DZA BHU MI PA TI SA P'A RI WA RA AARGHAm NAS SHABTA'I PAR GYIS MCHOD, KHAMS GSUM SEMS CAN THAMS CAD DANG, ,ZHES PA NAS, 'KHOR BCAS KUN LA PHYAG 'TSAL LO, ZHES BSTOD, LHAG CHAD KYI NYES PA ZHI BA'I PHYIR PADMA'I RIGS KYI YIG BRGYA BRJOD, GANG YANG BDAG BLO X MA RNYED YONGS SU X LHAG PA DANG NI X ZHES NONGS PA BZOD PAR GSOL, KHYED LA BSTOD CING X SBYIN BDAG RNAMS KYI X ZHES 'DOD DON LA GSOL BA GDAB, DGE BA 'DI YIS SKYE BO KUN, ,X SEMS CAN NAD PA JI SNYED PA, ,MYUR DU NAD LAS THAR GYUR CIG ,'GRO BA'I NAD NI MA LUS PA, ,RTAG TU 'BYUNG BA MED PAR SHOG ,'JIG RTEN BDE ZHING LO LEGS DANG, ,X YID LA 'DOD PA KUN 'GRUB SHOG ,CES BSDO SMON BYA, KHYED KYIS SEMS CAN DON KUN MDZAD, ,X 'BYON PAR MDZAD DU GSOL, ,BADZRA MU:- MDUN BSKYED KYI YE SHES
PA RANG BZHIN GYI GNAS SU GSHEGS, DAM TSIG PA BDAG NYID LA THIM PAR GYUR PAR BSAMS LA, YON TAN RAB RDZOGS MA'AM, CHE BA'I CHE MCHOG MAS SHIS BRJOD BYA'O, , 'DI NI MJUG GI CHO GA YAN LAG DANG BCAS PA'I SKABS SO, ,SMRAS PA, ,SNYIGS DUS KLU DANG SA BDAG RNAMS, ,ZHE SDANG GDUG RTZUB LHAG PAR CHE, ,MI RNAMS DAG KYANG LAS MANG, ZHING, ,BYED SPYOD RTZID BAS GZHI BDAG RNAMS, ,'KHRUGS NAS MI PHYUGS NAD RIMS SOGS, ,GNOD 'TSE'I BYA BCI BYAS KYANG, ,GDON 'GROL CHO GA 'DI BYAS NA, ,BZLOG PAR THE TSOM MED DO ZHES, ,TSAD LDAN MKHAS PA MANG PO DAG ,MTHUN PAR GSUNGS PAS RANG GZHAN LA, ,PHAN PAR 'DOD PA'I SHES LDAN DAG ,CHO GA 'DI LA BSTEN NA 'TSENGS, , ZHES RJE BTZUN SENG GE SGRA'I SGO NAS SA BDAG GDON 'GROL BYA TSUL BDE LEGS DPAL STER ZHES BYA BA 'DI NI, ^ BAn CHEN THAMS CAD MKHYEN PA'I GSUNG DANG, SKYABS MGON, ^ AA KY'A RIN PO CHE'I LEGS BSHAD DANG, MKHAS PA CHEN PO GRAGS PA BSHAD SGRUB PA'I LEGS BSHAD RNAM GNYIS SOGS GDON 'GROL GYI
, ,CHO GA MANG PO DAG LA BRTEN NAS ^ BTZUN CHUNG BLO BZANG TSUL KHRIMS KYIS SBYAR BA'O, ,'DIS KYANG 'GRO BA YONGS KYI PHAN BDE MA LUS PA 'GRUB PAR GYUR CIG, ,,MANGGA LAm,, ,, ` 'DI'I PAR GYI YI GE PA NI DGE TSUL BKRA SHIS NYI MA'O,, ,,
[BLANK PAGE]