/TA 14\ *, ,NOR LHA GSUM GYI SBYIN SREG BYA TSUL DGOS 'DOD KUN 'BYUNG ZHES BYA PA BZHUGS SO, ,
, ,NA MO GU RU, 'DIR NOR PHYUGS LONGS SPYOD 'PHEL BA'I PHYIR DU, , NOR RGYUN MA, RNAM SRAS, DZAm BHA LA STE NOR LHA GSUM GYI SBYIN SREG BYA TSUL BRJOD PA LA, RANG GI MDUN DU ZANGS SDER RAM GZHONG BA'AM SPOS PHOR LTA BU RDZAS SREG TU RUNG PA'I SNOD KYI NANG DU BYE MA GTZANG MA BLUGS PA'I KHAR, SHUN PA MED PA'I SHING GIS ZLUM PO'AM GRU BZHIR BSKOR NAS BRTZIG ,DE'I NANG DU BUD SHING SKAM PO BRTZIG G-YAS PHYOGS KYI STEGS KYI KHAR SNOD KYI NANG DU 'BRAS DKAR RAM, 'BRAS CHAN LA, ZHO'AM 'O MA, MAR, MDAR GSUM SBYAR BA SNOD GCIG DANG, YANG DKAR GSUM MNGAR GSUM SBYAR BA'I ZAN RIL BRGYA RTZA BRGYAD, CHU BZHI, NYER SPYOD LNGA TSAN GSUM, GTOR MA GSUM, MAR KHU, BUD SHING, GZAR BU; ,DPAL 'BAR, BSANG CHU, RDOR DRIL SOGS STA GON BYA, SKYABS SEMS TSAD MED BZHI BSGOM, RANG NYID SKAD CIG GIS DPAL PHYAG NA RDO RJE'I SKUR BZHENGS
, ,PAR GYUR, ,AA MRi TA NYER GCIG BZLAS TE BSANG CHU SGRUB, ,MCHOD PA SOGS, ,AA MRI TAS BSANG SBYANGS, ,STONG PA'I NGANG LAS SNOD SO SOR MCHOD RDZAS DANG BSREG RDZAS RNAMS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD PA'I BYE BRAG BSAM GYIS MI KHYAB PA DANG BDUD RTZI'I RANG BZHIN DU GYUR PAR MOS LA, ,AOm A'A: H'Um LAN GSUM GYIS BRLABS, YANG, AOm A'A: H'Um LAN GSUM BRJOD DE DPAL 'BAR GYIS BUD SHING LA ME SPAR, ,AA MRi TAS ME BSANG SBYANGS, STONG PA'I NGANG LAS YE SHES KYI THAB KHA DOG SER PO DBYIBS GRU BZHI PA SHEL LTAR DVANGS SHING THOGS PA MED PA'I NANG DU RI LAS NGO BO ME LHA LA RNAM PA YE SHES GYI ME KHA DOG SNA LNGA CAN 'BAR BA'I DBUS SU PAm LAS PADMA DANG AA LAS ZLA BA'I DKYIL 'KHOR GYI STENG DU BAm YIG GSER GYI MDOG CAN LAS
'OD ZER 'PHROS, ,DON GNYES BYAS, TSUR 'DUS YONGS SU GYUR PA LAS LHA MO NOR RGYUN MA SKU MDOG SER PO ZHAL GCIG PHYAG GNYIS PA, ,LANG TSO GZHON ZHING RGYAN DANG NA BZAS RNAM PAR BRGYAN PA, PHYAG G-YAS MCHOG SBYIN DANG G-YON 'BRAS KYI SNYEM DANG RIN PO CHE'I CHAR 'BEB BZHIN PA'I BUM PA THUGS KAR BSNAMS PA, RIN 'BYUNG GI COD PAN CAN, RIN PO CHE'I RGYAN DANG DAR SNA TSOGS KYI NA BZA' CAN, ZHABS RDO RJE'I SKYIL KRUNG GIS BZHUGS PA, ,G-YAS SU TAm LAS RIN PO CHE'I KHRI'I STENG DU BAm LAS PADMA DANG AA LAS ZLA BA'I DKYIL 'KHOR GYI STENG DU BEE YIG LJANG KHU LAS 'OD ZER 'PHROS, SEMS CAN RNAMS KYI 'PHONGS PA'I SDUG BSNGAL BSAL, 'JIG RTEN KHAMS KYI DPAL 'BYOR LONGS SBYONG PHUN SUM TSOGS PA BSDUS TE BEE LA THIM, DE YONGS SU GYUR PA LAS, ,RGYAL PO CHEN PO RNAM THOS SRAS NOR GTER SKU MDOG LJANG ZHING DRI MA MED PA ZHI 'DZUM SGEG PA'I NYAMS CAN YAN LAG RAGS LA GSUS KHYIM RGYAS PA, ,PHRAG GONG G-YAS G-YON NA NYI ZLA 'CHAR BA, ,RIN PO CHE'I RGYAN SNA TSOGS KYIS BRGYAN CING DAR GYI NA BZA' GSOL BA, ,PHYAG G-YAS RIN PO CHES MTSAN PA'I BE CON THUGS KAR 'DZIN CING G-YON RIN PO CHE SNA TSOGS SGYUGS BA'I NE'U LE BRLA G-YON PA LA BRTEN TE BSNAMS PA, RIN 'BYUNG GI COD PAN
, CAN, ZHABS G-YON BSKUMS SHING G-YAS BRKYANG BAS SGRUB PA PO LA DNGOS GRUB STER BA'I TSUL GYIS RIN PO CHE DU MA'I DBUS NA GNAS PA'I GTER GYI BUM PA'I STENG DU BZHUGS PA, , G-YON DU BAm LAS PADMA 'DAB MA BRGYAD PA'I LTE BAR AA LAS ZLA BA'I DKYIL 'KHOR GYI STENG DU DZAm GSER GYI MDOG CAN, DE LAS 'OD 'PHROS, ,DON GNYIS BYAS, ,TSUR 'DUS YONGS SU GYUR PA LAS, ,DZAm BHA LA SKU MDOG SER PO ZHAL GCIG PHYAG GNYIS PA G-YAS BI DZA P'U RA DANG G-YON RIN PO CHE'I CHAR RAB TU 'BEB BZHIN PA'I NE'U LE BSNAMS BA, ,RIGS LNGA'I COD PAN CAN, ,ZHABS GNYIS GYIS DUNG DANG RIN PO CHE'I GTER MNAN ZHING RGYAL PO ROL BA'I STABS KYIS BZHUGS PA, ,DE GSUM GYI SPYI BOR AOm DKAR PO, ,MGRIN BAR A'A: DMAR PO, ,THUGS KAR ,H'Um SNGON PO, THUGS KA'I H'Um LAS 'OD ZER 'PHROS, ,RANG BZHIN KYI GNAS NAS NOR LHA GSUM GYI YE SHES PA RNAMS SPYAN DRANGS, DZA: H'Um BAm HO: RANG RANG GI DAM TSIG PA DANG GNYIS SU MED PAR GYUR, ,SLAR YANG THUGS KA'I H'Um LAS 'OD ZER 'PHROS, ,DBANG GI LHA SPYAN DRANGS BA RNAMS KYIS BUM PA'I CHUS DBANG BSKU, ,NOR RGYUN MA DANG RNAM SRAS LA RIN 'BYUNG, DZAm BHA LA LA RIGS LNGAS DBU BRGYAN CING, ,SKU LAS 'OD ZER SER PA'I TSOGS 'PHRO BAR GYUR, ,CES LHA BSKYED, ,AOm BA SU
BHA RE, ,BIRGAL nA, ,DZI LHA LA BROKshA nI PRA T'ITZTSA YE SV'AH'A, NAS, SHABHA'I BAR DANG, ,PHUN TSOGS DGE LEGS KUN 'BYUNG BCOM LDAN MA, ,DBAL DANG 'BYOR BA'I DBANG PHYUG NOR RGYUN MA, ,YID LA RE BA'I BKRA SHIS STZOL MDZAD MA, ,BSAM 'PHEL DKYIL 'KHOR DBANG PHYUG MA LA 'DUD, ,RGYAL CHEN RNAM MANG THOS SRAS NOR MANG LDAN, ,MA GAD LHUN PO LTA BU'I BRJID BA'I SKU, ,SPRIN BRAL NYI MA STONG GI GZI LDAN PA, ,'DOD DGU'I CHAR 'BEBS KHYOD LA PHYAG 'TSAL LO, ,NOR GYI DBANG PHYUG RIN CHEN GTER MNGA' ZHING, ,GNOD SBYIN NOR 'CHANG MANG PO KUN GYI RJE, ,BYANG PHYOGS SKYONG BA'I MGON PO DZAMBHA LA, , DNGOS GRUB MCHOG STZOL MDZAD LA PHYAG 'TSAL LO, ,CES MCHOD BSTOD BYA, ,LHA RNAMS KYI LJAGS RDO RJE'I RNAM PA CAN SER PO LA, ,BAm SER PO RNAMS KYIS MTSAN PAR GYUR, ,AOm GRI BA SU NI DHA NA HshE DRE SV'AH'A, ,AOm BEE SHRA MA NA YA H'Um, ,AOm DZAm BHA LA DZA LENDRA YE SV'AH'A, ,NOR PHYUGS LONGS SPYOD THAMS CAD PUshtIm KU RU AOm, ,ZHES BRJOD DE MAR KHU LAN BDUN PHUL, ,DE YANG BDUN PA LA SPEL TSIG BSDUS PA MI BRJOD BAR, ,SBYIN PA'I BDAG PO 'KHOR DANG BCAS RNAMS KYI, ,TSE BSOD DPAL 'BYOR RNYED GRAGS MDA' THANG DANG, ,RIGS RGYUD NOR LUGS LA SOGS CHOS
, ,SRID KYI, ,LEGS TSOGS THAMS CAD BUshtIm GU RU AOm, ,ZHES SPEL TSIG RGYAS PA BYA, DE NAS SNGAGS SNGA MA NYID KYI MTHAR RAMS GSUM BA'I THOG MTHA' GNYIS LA SPEL TSIG RGYAS PA DANG,, BAR PA LA BSDUS PA BYA, ,ZHO ZAN DANG, ,ZAN RIL BDUN RE'AM, ,DGU RE'I MTSAMS SU MAR KHU GSUM RE LTA BU RTZI ZHING, ,RDZAS GNYIS SO SOR BRGYA RTZA BRGYAD DAM NYER GCIG YAN CHAD PHUL, ,MJUG TU, LHA RNAMS KYI THUGS KA NAS SPROS PA'I SKU MDOG DANG GOS DANG RGYAN DANG 'OD ZER SER PO CAN GYI LHA MO RNAMS KYIS BUM PA SER PO BDUD RTZI SER POS BKANG BA THOGS NAS, SGRUB BYA SER PO ZLA DKYIL SER PO LA GNAS PA RNAMS LA DBANG BSKUR BAS, ,TSE BSOD DPAL 'BYOR RNYED GRAGS MNGA' THANG RIGS RGYUD ZAS NOR SOGS CHOS SRID KYI LEGS TSOGS THAMS CAD RGYAS SHING, BUM PA NAS RIN PO CHE'I CHAR BABS PAS YUL PHYOGS THAMS CAD DU BKRA SHIS KYI DGE MTSAN PHUN SUM TSOGS PAR GYUR CES BRJOD, GTOR MA 'BUL BA NI, ,LHA RNAMS KYI LJAGS 'OD KYI SBU GUS GTOR MA'I BCUD DRANGS TE GSOL BAR GYUR, AOm BA SUDHA RE, ,BEE SHRA WA nA, ,DZI BHA LA AIDAm BA LImTA KHA KHA KH'A HI KH'A HI, ,GSUM MAM BDUN GYIS PHUL, ,AOm BA SUDHA RE, ,BEE SHRA WA nA, ,DZAm BHA LA AARGHAm SOGS KYIS MCHOD, ,PHUN TSOGS
DGE LEGS SOGS GSUM GYIS BSTOD, BCOM LDAN 'DAS NOR LHA GSUM GYIS TSE DANG BSOD NAMS NOR PHYUGS LONGS SPYOD SOGS LEGS TSOGS THAMS CAD 'PHEL ZHING RGYAS PAR MDZAD DU GSOL, ZHES GSOL BA GDAB, ,YIG BRGYA BRJOD, ,GANG YANG BDAG BLO SOGS KYIS BZOD GSOL, ,AOm BADZRA MU:- YE SHES PA RANG GNAS SU GSHEGS NAS DAM TSIG PA RANG NYID LA THIM PAR GYUR BAR BSAM LA; ,BSNGO SMON SHIS BRJOD CI RIGS BYA, ,THAL BA SOGS GSHEGS DGOS RNAMS GCANG SAR GSHEGS BAR BYA'O, ,ZHES PA 'DI NI SI?SU? HA RISHA BO CHE'I GSUNG LA BTEN NAS RGYAR BA 'DIS KYANG 'GRO BA THAMS CAD PHUN SUM TSOGS PA'I DPAL LA ROL BAR GYUR CIG, MAG MANGGA LAm ` ,GONG GI SPEL TSIG LA, ,SPYI SO LTA BU LA, SPYA'I SO'I NOR PHYUGS LONGS SPYOD LA SOGS PA, ,GONG NAS GONG DU 'PHEL ZHING RGYAS PA DANG, ,MTHUN KYEN MTHA' DAG YID BZHIN 'GRUB PA SOGS, ,LEGS TSOGS THAMS CAD PUshtIm KU RU AOm, ^ ,GANG BA 'OGS NAS, SPYI SO'I LAS BYED LE NOR SOGS LA BUM PA'I CHUS DBANG BSKUR BAS, ,NOR PHYUGS LONGS SPYOD
, ,'PHEL BA SOGS CHOS SRID KYI LEGS TSOGS THAMS CAD RGYAS SHING, ,BUM PA NAS ZHES SOGS GONG GI TSE GA'I NANG LTAR BRJOD, ^ ZHABS BRTAN LA, RJE BTZUN BLA MA'I SKU TSE RAB BRTAN CING, ,RNAM DKAR 'PHRIN LAS PHYOGS BCUR RGYAS BA DANG, ,GANG BZHED MTHA' DAG YID BZHIN 'GRUB BA SOGS, ,LEGS TSOGS THAMS CAD PUshtIm KU RU AOm, ^ ,DPAL LDAN BLA MA DAM PA ZLA DKYIL SER PO LA BZHUGS PA LA DBANG BSKUR BAS, SKU TSE ZHABS PAD BRTAN CING BSTAN 'GROR PHAN BA'I MDZAD PA 'PHRIN LAS BZHED PA BZHIN DU 'GRUB PA SOGS LEGS TSOGS THAMS CAD RGYAS PAR GYUR, ZHES PA LTA BU SKABS BSTAN THAR RO,, ,,MANGGA LAm,, ,, ,,
[BLANK PAGE]