/TA 13\ *, ,ZHI BAR BYED PA'I SBYIN SREG BYA TSUL BDE LEGS KUN STZOL ZHES BYA BA BZHUGS SO, ,
, ,NA MO GU RU, 'DIR BCOM LDAN 'DAS DBAL RDO RJE 'JIGS BYED KYI SGO NAS, MI NAD DANG PHYUGS KYI GONG KHA SOGS MI MTHUN PHYOGS KYI RIGS ZHI BAR BYED PA'I SBYIN SREG DMIGS BSAL CAN BYA BA LA, RANG GI MDUN DU ZANGS SDER RAM GZHOD PA'AM SPES PHOR LTA BU RDZAS SREG TU RUNG BA'I SNOD KYI NANG DU BYE MA GTZANG MA BLUGS PA'I KHAR, SHUN PA MED PA'I SHING GIS ZLUM POR BSKOR NAS BRTZIG ,DE'I NANG DU BUD SHING SKAM BO BRTZIG ,G-YAS PHYOGS SU STEGS KYI KHAR SNOD KYI NAD DU, NAD SEL BA LA GRO DANG BRA BO, GDON SEL BA LA LO MA DANG 'BRU'I? RIGS GANG 'BYOR, BGEGS SEL BA LA LUNGS KAR, GU GUL RNAMS BRAN LA BSRES NAS RIL BU CHE CHUNG GANG 'TSAM NYER GCIG GAM BRGYA RTZA SOGS BSHAM, ,CHU BZHI NYER SPYOD, NANG MCHOD, GTOR MA, MAR KHU, ME GSO BA'I BUD SHING, RDZAS 'BUL BA'I GZAR BU'AM MCHOD KOD DANG, GZHAN YANG RDOR DRIL BSANG CHU, ME SPOR BA'I DPAL 'BAR RAM,
, ,SPOS RING MAR DU BSNYUGS PA, SGRUB GROGS YONG CING SPRO NA RDA SBUBS SOGS STA GON BYA, SKYABS SEMS TSAD MED BZHI BSGOM, 'JIGS BYED DPA' GCIG GI SGRUB, THABS RGYAS BSDUS CI RIGS SNGON DU BTANG, DNGOS GZHI LA, HR'I:- sht'I:- NYER GCIG BZLAS TE BSAD CHU SGRUB, YAm LAS RLUNG GI SOGS KYIS NANG MCHOD, A'A:- LAS BYUNG BA'I SOGS KYIS CHU BZHI DANG BCAS PA'I PHYI MCHOD RNAMS SGRUB THABS LTAR BYIN GYIS BRLAB, RDZAS RNAMS HR'I:- sht'I:- SA BSANG SBYANGS, STONG PA'I DANG LAS BSREG RDZAS RNAMS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I BDUD RTZI'I RANG BZHIN DU GYUR PAR MOS LA, AOm A'A:- H'Um LAN GSUM GYIS BRLAB, YANG, AOm A'A:- H'Um LAN GSUM GYIS DPAL 'BAR SBAR, HR'I:- sht'I:- LAN GSUM BRJOD CING BUD SHING LA ME SPAR, BSANG CHU GTOR TE, HR'I:- sht'I:- SA ME BSANG, SBA BHA LBAS SBYANGS, STONG PA'I
NGANG LAS YE SHES KYI THAB KHA DOG DKAR ZHING DBYIBS ZLUM PO'I NANG DU RAm LAS YE SHES KYI ME RAB TU 'BAR BA'I DBUS SU, SNA TSOGS PADMA DANG ZLA BA DANG NYI MA'I GDAN GYI STENG DU, H'Um LAS RDO RJE H'Um GIS MTSAN PA LAS DPAL RDO RJE 'JIGS BYED CHEN PO SKU MDOG DKAR PO ZHAL DGU PHYAG SO BZHI ZHABS BCU DRUG PA G-YAS BSKUMS SHING G-YON BRKYANGS PA'I STABS KYIS BZHUGS PA, KHAMS GSUM PO ZA BAR NUS PA HA HA ZHES SGROG CING LJAGS 'DRIL BA, MCHE BA RNAM PAR GTZIGS PA KHRO GNYER CAN, KHRO GNYER GYI 'GRAM DU, SMIN MA DAD SPYAN 'JIG PA'I DUS LTAR 'BAR BA, SKRA KHAM SER GYEN DU BRDZES PA, 'JIG RTEN DANG 'JIG RTEN LAS 'DAS PA'I LHA LA SDIGS MDZUB BYED PA, 'JIGS PA RNAMS KYANG 'JIGS PAR MDZAD PA, PHEEm KA RA'I SGRA CHEN PO 'BRUG LTAR SGROG PA, MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA SKAM PO LDAS THOD BYAS SHING, MGO BO RLON PA LNGA BCU'I THOD PA'I 'PHRENG BAS BRGYAN PA, SPRUL NAG PO'I MCHOD PHYIR THOGS DANG MI RUS KYI 'KHOR LO DANG, RNA CHA LA SOGS PA'I RUS PA'I RGYAN RNAMS KYIS BRGYAN PA, GSUS PA CHE BA, GCER BU'I GZUGS CAN, MTSAN MGYEN DU 'GRED BA, SMIN MA DANG RDZI MA DANG SMA RA DAD BA SPU RNAMS DUS MTHA'I ME LTAR 'BAR ZHING, RTZA ZHAL DKAR PO MA HE'I GDONG CAN,
, ,SHIN TU KHROS PA RVA RNON PO CAN, ,DE'I STENG MA RVA GNYIS KYI DBUS KYI ZHAL DMAR PO, RAB TU 'JIGS PA, ZHAL NAS KHRAG 'DZAG PA, DE'I STENG DU 'JAM DPAL GYI ZHAL SER PO YI TZAM KHROS PA, GZHON NU'I RGYAN GYIS BRGYAN PA, SPYI BOR RAL PA LNGA DANG LDAN PA, RVA'I RTZA BA'I G-YAS KYI ZHAL DANG PO SNGON PO, DE'I G-YAS ZHAL DMAR PO, G-YON ZHAL SER PO, RVA'I RTZA BA'I G-YON GYI ZHAL DANG PO DKAR PO, DE'I G-YAS ZHAL DUD KA ,G-YON ZHAL NAG PO, ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG LDAN PA, PHYAG G-YAS G-YON GYI DANG PO GNYIS KYIS GLANG PO CHE'I PAGS PA RLON PA MGO G-YAS DANG, SPU PHYIR BSTAN TE LAG PA DANG RKAD PA'I PAGS PA G-YON PA NAS BRKYANGS TE 'DZIN PA, LHAG MA G-YAS KYI DANG PO NA GRI GUG ,GNYIS PA NA BHI BHI B'A LA, GSUM PA NA GTUN SHING, BZHI PA NA CHU GRI, LNGA PA NA KA nA YA, DRUG PA NA DGRA STA, BDUN PA NA MDUD, BRGYAD PA NA MDA', DGU PA NA LCAGS KYU, BCU PA NA DBYUG TO, BCU GCIG PA NA KHA HB'Am GA ,BCU GNYIS PA NA 'KHOR LO, BCU GSUM PA NA RDO RJE RTZE LNGA PA, BCU BZHI PA NA RDO RJE THO BA, BCVO LNGA PA NA RAL GRI, BCU DRUG PA NA CAD TE'U BSNAMS SHING, ,
LHAG MA G-YON GYI DANG PO NA KHRAG GIS BKANG BA'I THOD PA, GNYIS PA NA TSANGS PA'I MGO BO, GSUM PA NA PHUB, BZHI PA NA RKANG PA, LNGA PA NA ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA SKYES BU GSAL SHING LA BTZUGS PA, BCU GNYIS PA NA ME THAB, BCU GSUM PA NA THONG TSAL, BCU BZHI PA NA SDIGS MDZUB, BCVO LNGA PA NA 'PHAN RTZE GSUM PA, BCU DRUG PA NA RLUNG RAS BSNAMS PA, ZHABS G-YAS KYI DANG POS ME, GNYIS PAS MA HE, GSUM PAS GLANG, BZHI PAS BONG BU, LNGA PAS RNGA MOD, DRUG PAS KHYI, BDUN PAS LUG ,BRGYAD PAS LBA DANG, G-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN PAS KHYIM BYA, BRGYAD PAS BZHAD MNAN PA, TSANGS PA DANG DBANG PO DANG KHYAB 'JUG DANG DRAG PO DANG, GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SPUB TU BYAS TE, ZHABS 'OG TU MNAN NAS ME DPUNG RAB TU 'BAR BA'I KLONG DKYIL NA BZHUGS PA, DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL GZHON NUR GYUR PA SKU MDOG SER PO YID TZAM KHROS PA, PHYAG G-YAS
, ,RAL GRI 'PHYAR ZHING, G-YON GYIS GLEGS BAM THUGS KAR BSNAMS PA, ZHABS RDO RJE SKYIL KRUNG GYIS BZHUGS PA, MTSAN SO GNYIS DANG DPE BYAD BRGYAD CUS BRGYAN PA, RAL PA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PA, DE'I THUGS KAR A'A:- LAS BYUNG BA'I NYI MA'I DKYIL 'KHOR GYI DBUS SU, TING NGE 'DZIN SEMS DPA' H'Um YIG MTHING GA 'OD ZER LNGA 'PHRO BA, DE'I MIG GNYIS SU KshIm, RNA BAR DZIm, SNAR KHAm, LCER RAm, DPRAL BAR KAm ,LTE BAR SAm, SBYI BOR AOm, MGRIN PAR A'A:- THUGS KAR H'Um GIS MTSAN PAR GYUR, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I DPAL RDO RJE 'JIGS BYED MDUN GYI NAM MKHAR SPYAN DRANGS, DZA:- H'Um BAm HO:- DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DBANG GI LHAS DBANG BSKUR, MI BSKYOD PAS DBU BRGYAN CING SKU LAS 'OD ZER DKAR PO'I TSIGS 'PHRO BAR GYUR, MCHOD PA NI SPRO NA TSIGS BCAD BCAS SAM, BSDU NA, AOm YA M'AN TA KA PRO KshA NAm PRA T'ITZTSA H'Um SV'AH'A, NAS, SHAPTA'I BAR KYIS PHUL,, NAD MCHOD NI, AOm YA M'AN TA KA H'Um PHAt AOm A'A:- H'Um, BSTOD PA NI,
GZUGS MCHOG MCHOG TU DRAG PO CHE, ,DPA' PO MCHOG GI SPYOD YUL CAN, ,'DUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,ZHES BAS BSTOD, LHA'I LJAGS RDO RJE'I RNAM PA CAN DKAR PO LA H'Um YIG GIS MTSAN PAR GYUR, HR'I:- sht'I:- LAN BDUN GYIS MAR KHU TSAR BDUN BLUGS GZAR DAM GZAR BUS PHUL NAS, SBYIN BDAG RNAMS KYI TSE BSOD DPAL 'BYOR SOGS, ,'PHEL ZHING RGYAS LA BAR DU GCOD PA YI, ,NAD RIMS 'THAB RTZOD RMI LTAS MTSAN NGAN DANG, ,DUS MIN 'CHI DANG PHYUGS KYI GONG KHA SOGS, ,BSAM SBYOR NGAN PAS 'TSE ZHING GLAGS TSOL BA'I, ,GDON BGEGS 'BYUNG PO'I GNOD PA LA SOGS PA, , MDOR NA 'GAL RKYEN BAR CHAD MI MTHUN PHYOGS, ,THAMS CAD MA LUS SHANTIm KU RU YE SV'AH'A, CES SPEL TSIG BYA, DE NAS SREG RDZAS KYI RIL BU 'BUL, DE YANG, AOm HR'I:- sht'I:- WI KRi T'A NA NA H'Um PHAt, SBYIN PA'I BDAG PO'I NAD GDON BGEGS DANG PHYUGS KYI GONG KHA SOGS PHYI NAD GI NYER 'TSE THAMS CAD SHANTIm KU RU YE SV'AH'A, ZHES BRJOD CING RIL BU RE RE 'AM GSUM GSUM GZAR BU 'AM LAG PAS PHUL, RIL BU NYI SHU'AM, NYI SHU RTZA LNGA RE SONG BA'I MTSAMS SU MAR KHU GSUM MA MA LNGA'AM BDUN RE LTA BU GANG 'TSAM PHUL LA, MTSAMS RNAMS SU SPEL TSIG RGYAS PA BYA, RDZAS RNAMS PHUL TSAR PA'I RJES SU, LHA'I THUGS KA NAS SPROS PA'I SANGS RGYAS RNAMS KYIS BUM PA DKAR PO BDUD RTZI DKAR
, ,POS GANG BA THOGS NAS, ,SGRUB BYA ZLA BDE DKYIL 'KHOR LA GNAS PA RNAMS LA KHRUS BYAS PAS NAD GDON BGEGS DANG PHYUGS KYI GONG KHA SOGS 'GAL RKYEN NYER 'TSE THAMS CAD BYANG ZHING DAG PAR GYUR, DE NAS GTONG MA BRLABS NAS, ,LHA'I LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN DU GYUR PAS GTOR MA'I BCUD DRANGS TE GSOL BAR GYUR, AOm YA M'AN TA KA AI DAm BA LIm TA KHA KHA KH'A HI KH'A HI, BDUN NAM GSUM, AOm YA M'AN TA KA AARGHAm SOGS PHYI NANG GI MCHOD PA, ,GZUGS MCHOG SOGS KYI BSTONG BA, BCOM LDAN 'DAS DPAL RDO RJE 'JIGS BYED CHEN POS PHYI DANG NANG GI 'GAL RKYEN NYER 'TSE THAMS CAD NYE BAR ZHI BAR BYIN GYIS BRLAB TU GSOL, AOm YA M'AN TA KA SA MA YA, ZHES SOGS YIG BRGYA, ,GANG YANG BDAG BLO SOGS SHO LO KA GCIG ,SBYIN BDAG RNAMS KYI CHOS DANG MTHUN PA'I DON, , JI LHAR BSAMS PA YID BZHIN 'GRUB PA DANG, ,NANG GDON BGEGS SOGS BAR DU GCOD PA'I TSOGS, ,NYE BAR ZHI BAR BYIN GYIS BRLAB TU GSOL, ,BADZRA MU:- ,YE SHES PA RANG BZHIN GYI GNAS SU GSHEGS, DAM TSIG PA RANG NYID LA THIM PAR GYUR, DGE BA 'DI YIS MYUR DU BDAG ,RDO RJE 'JIGS BYED 'GRUB GYUR NAS, ,'GRO BA GCIG KYANG MA LUS PA, ,DE YIS LA 'GONG PAR SHOG ,MI 'GYUR LHUN PO'I
SKU YI BKRA SHIS SHOG ,YAN LAG DRUG CU'I GSUNG GI BKRA SHIS SHOG ,MTHA' BRAL DRI MED THUGS KYI BKRA SHIS SHOG, ,RGYAL BA'I SKU GSUNG THUGS KYI BKRA SHIS SHOG ,CES BSNGO SMON SHIS BRJOD BYA ZHING, ,THAL BA SOGS GTZANG SAR GSHEGS, SGRUB THABS KYI MJUG CHOG RNAMS BYA'O, ,'DIS KYANG 'GRO BA YONGS LA PHAN THOGS PAR GYUR CIG, ,,MANGGA LAm,, ,, ` GONG GI SPEL TSIG ,SBYIN BDAG RNAMS KYI ZHES SOGS NI SBYIN BDAG GI RI MGRO'I DBANG DU BYAS LA, 'DUS SDE'I SPYI SO LTA BU LA, SPYI SO'I NOR PHYUGS LONGS SPYOD LA SOGS PA, ,'PHEL ZHING RGYAS LA BAR DU GCOD PA YI, ,PHYI NANG NYER 'TSE GONG KHA GONG 'DRE SOGS, ,MA LUS MYUR DU SHANTIm KU RU YE SV'AH'A, ZHES BA DANG, BSDUS PA NI, NOR PHYUGS SOGS LA GNOD PA'I PHYI NANG GI NYER 'TSE THAMS CAD SHANTIm KU RU YE SV'AH'A, ZHES BSGYUR, ` 'PHRIN LAS MDZAD SKABS, LHA'I THUGS KA NAS SPROS PA'I SANGS RGYAS RNAMS KYIS BUM PA DKAR PO BDUD RTZI DKAR POS GANG BA THOGS NAS, SPYI SO'I LAS BYED MI NOR SOGS LA KHRUS BYAS PAS NAD DANG BGEGS DANG PHYUGS KYI GONG KHA SOGS 'GAL RKYEN NYER 'TSE THAMS CAD BYAD ZHING DAG PAR GYUR, ` BLA MA'I ZHABS BRTAN DU BYED NA,
, ,RJE BTZUN BLA MA'I SKU TSE 'PHRIN LAS SOGS, ,'PHEL ZHING RGYAS LA BAR DU GCOD PA YI, ,PHYI NANG 'GAL RKYEN BAR CHAD MI MTHUN PHYOGS, ,THAMS CAD MA LUS SHANTIm KU RU YE SV'AH'A, ZHES PA DANG, BSDUS BA, BLA MA'I SKU TSE BRTAN PA DANG 'PHRIN LAS RGYAS PA SOGS LA SAR DU GCOD PA'I 'GAL RKYEN NYER 'TSE THAMS CAD SHANTIm KU RU YE SV'AH'A, ZHES PA'AM, DE LAS KYANG BSDU NA, NYER 'TSE THAMS CAD SHANTIm KU RU YE SV'AH'A, ` 'PHRIN LAS KYI DMIGS PA LA, DPAL LDAN BLA MA DAM PA ZLA BA'I DKYIL 'KHOR LA BZHUGS PA LA KHRUS BYAS PAS 'GAL RKYEN NYER 'TSE THAMS CAD BYANG ZHING DAG PAR GYUR, CES PA LTA BU SKABS BSTUN GYIS BSGYUR BAR BYA'O,, ,,MANGGA LAm,, ,,
[BLANK PAGE]