S12074E · GMLW-006032

How to Make Torma Cakes for the Great Ritual of Banishing Demons

ZLOG CHEN GYI GTOR MA BZO TSUL

מחברauthor

CHAHAR GESHE LOBSANG TSULTRIMCHA HAR DGE BSHES BLO BZANG TSUL KHRIMS1740-1810

נמצא בfound inSECRET TEACHINGS (TANTRA)

מהדורהrecensionnot applicable - a collected works, not a canon edition

פוליוfolios1a–6a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S12074E_ZLOG CHEN GYI GTOR MA BZO TSUL_How to Make Torma Cakes for the Great Ritual of Banishing Demons_CHA HAR DGE BSHES BLO BZANG TSUL KHRIMS (1740-1810).TXT/RGYUD_SECRET TEACHINGS (TANTRA)/GDUGS DKAR_WHITE PARASOL (SITAPATRA)/BZLOG PA_REPELLING EVIL SPIRITS

הטקסטThe text

טיבטיתTibetanS12074E_ZLOG CHEN GYI GTOR MA BZO TSUL_How to Make Torma Cakes for the Great Ritual of Banishing Demons_CHA HAR DGE BSHES BLO BZANG TSUL KHRIMS (1740-1810).TXT9,364 תוויםcharacters

001a

/TA 12\ *, ,ZLOG CHEN GYI GTOR MA BZO TSUL BZHUGS, ,

001b

, ,GDUGS DKAR ZLOG CHEN GYI SKABS SU GTOR MA BZO TSUL LA, MDUN BSKYED KYI GTOR MA, MI ZA DGU ZA'I GTOR MA, 'PHEN PA'I GTOR MA STE GSUM LAS, DANG PO NI, GTZO MO'I GTOR MA ZAN GTZANG MA LA DKAR GSUM MNGAR GSUM SOGS RO BCUD DANG, 'BRAS BU GSUM SOGS NUS PA DANG, TZAN DAN GA BUR DRI BZANG BSRES PA LAS DKAR GTOR ZLUM PO, MAR RGYAN SOGS KYIS SPRAS PA, RIL BU MANG POS BSKOR BA BYA, LHA SO LNGA MA LTA BU BSKYED PA YIN TSE, 'KHOR RNAMS KYI GTOR MA BSHOS BU SO BZHI'AM DGU SOGS RIL BU BCAS BYA, CHOS SKYONG SPYI DANG LEGS LDAN GYI GTOR MA DMAR PO ZUR GSUM PA MTHEB KYU BCAS PA RNAMS RTEN GYI

002a

, ,MDUN DU BSHAM, YANG NA THAMS CAD SHING TOG 'BRU DANG PHYE MAR GYIS BYA, GZHAN YANG GZHI BDAG GTOR MA DANG, CHA GSUM GTONG NA DE YANG BSHAM, MCHOD PA RNAMS KYANG CHO GA DANG MTHUN PAR BSHAM MO,, ,,GNYIS PA MI ZA DGU ZA'I GTOR MA NI, NYER DGU LAS, DANG PO PHRENG BA ZA BA'I GDON TSANGS PA'I 'KHOR LA RU RA KA SHA DANG SHING GI PHRENG BA DANG ZAN LAS PHRENG BA LTA BUR BZOS PA'O, ,DE DAG GI GTZO BO TSANGS PA 'KHOR BCAS LA DKAR GTOR GTZANG MA BYA ZHING BSHOS BU RIL BU MAR GYIS BRGYAN PA BYA, ZA BA PO DANG GTZO BO RNAMS KYI GTOR MA LA 'BRU'I RIGS DANG RO BCUD, ME TOG ,BA DAN SOGS KYIS MDZES PAR BYA BA NI 'OG MA KUN LA

002b

'GRE'O, ,GNYIS PA SROG 'PHROG PA'I GDON GYI BDAG PO YUL 'KHOR BSRUNG LA DKAR GTOR, 'KHOR RNAMS LA ZHO'O MAR TE DKAR PO'I RIGS, ,GSUM PA 'PHAGS SKYES PO'I, 'KHOR 'BRAS BU ZA BA'I GDON LA SHING TOG SNA TSOGS, BZHI PA SPYAN MI BZANG GI 'KHONG SKYUGS PA ZA BA'I GDON LA SPRANG RTZI, LNGA PA RNAM SRAS KYI 'KHOR BDUG PA ZA BA'I GDON LA SPOS DMAR SER RNAMS BSHAM PA STE, 'DI YAN GYI GTOR MA LNGA PO SDE TSAN GCIG TU BYAS NAS BSHAM, GTZO BO SO SO'I GTOR MA NI 'KHOR RNAMS KYI GTOR MA LAS SNOD GZHAN DU BSHAM NA LEGS, , ` ,DRUG PA BRGYA BYIN GYI 'KHOR MNGAL ZA BA'I GDON LA KA RA BU RAM SBRANG RTZI STE MNGAR GSUM, BDUN PA ME LHA'I 'KHOR SBYIN SREG ZA BA'I GDON LA 'BRAS YOS DANG 'BRAS ZAN SBYIN SREG GI RDZAS LTAR SBYAR BA, BRGYAD PA GSHIN RJE'I 'KHOR SHA ZA BA'I GDON LA SHA TSOS PA DANG RJEN PA, DGU PA BDEN BRAL GYI 'KHOR RKANG ZA BA'I GDON LA RKANG MAR DANG RUS PA, BCU PA CHU LHA'I 'KHOR ME TOG ZA BA'I GDON LA CHU DANG THANG SOGS LAS SKYES PA'I ME TOG SNA TSOGS, BCU GCIG PA RLUNG LHA'I 'KHOR MCHIL MA ZA BA'I GDON LA SPRAD RTZI, BCU GNYIS PA KU BE RA'I

003a

, ,'KHOR LO TOG ZA BA'I GDON LA SNYE MA DANG GANG BU DANG BCAS PA'I 'BRU SNA TSOGS, BCU GSUM PA DBANG LDAN GYI 'KHOR GTOR MA ZA BA'I GDON LA 'KHUR BA SNA TSOGS TE 'DI YAN BRGYAD PO TSAN GCIG TU BSHAM MO, ` ,BCU BZHI PA 'BYUNG PO'I RIGS MI GTZANG BA ZA BA'I GDON LA SGOG TZONG LA PHUG ,BCVO LNGA PA GZA'I RIGS TSIL ZA BA'I GDON LA PHYI TSIL NAD TSIL, BCU DRUG BA RKYU SKAR GYI RIGS 'BRAS BU ZA BA'I GDON LA ZHO 'O MAR DANG SBRAD KAR BU RAm TE DKAR GSUM MANG RA GSUM, BCU BDUN PA SA BDAG GI RIGS SNABS ZA BA'I GDON LA BYA MO'I SGO NGA, BCO BRGYAD PA LHA MIN KYI RIGS RANG ZA BA'I GDON LA SHA RU LA BA DANG BSUNG BA, BCU DGU PA MI'AM CI'I RIGS DAR SNABS ZA BA'I GDON LA BYA PHO'I SGONG, NYI SHU PA MA MO'I RIGS ZHAG ZA BA'I GDON LA SHA TSOS BA'I KHU BA ZHAG ,NYER GCIG PA MKHA' 'GRO'I 'KHOR KHRAG 'THUNG BA'I GDON LA KHRAG SNA STE 'DI YAN BRGYAD PO TSAN GCIG TU BSHAM MO, ` ,NYER GNYIS PA CHU LHA'I RIGS STOR KHUNG NAS 'BAB PA 'THUNG PA'I GDON LA CHU SNA, NYER GSUM BA MKHA' LDING SHI RIGS BTZAS PA ZA BA'I

003b

GDON LA BUR MA DANG SHING KUN, NYER BZHI BA SRID MO BZHI'I RIGS GCIN 'THUNG BA'I GDON LA 'BRAS CHANG RGUN CHANG SOGS CHANG SNA, NYER LNGA PA SRIN MO'I RIGS LHAG MA ZA BA'I GDAN LA BZA' BTUNG GI LHAG MA MANG PO BSAGS PA, NYER DRUG PA LTO 'PHYE'I RIGS DRI ZA BA'I GDON LA GA BUR GUR GUM TZAN DAN DZA TI SUG MEL KA KO LA STE BZANG DRUG SOGS SMAN SNA STE 'DI YAN LNGA BO TSAN GCIG TU BSHAM MO, ,GONG DU TSANGS BA'I SKABS SU BSHAD PA LTAR 'DI YAN GYI GTZO BO NYER DRUG PO LA DKAR GTOR SO SOR BSHAM NA LEGS, ` ,NYER BDUN PA LAN CHAGS GNYER BA SOGS 'BYUNG PO SBYI LA DKAR GTOR RKENG DKRIS CAN GSUM MAM DGU, DAR MI BCU GSUM, PHRENG BA, ME TOG ,DRI, ,BDUG PA DANG BYUG PA'I RDZAS SPOS DANG MAR RNAMS BSHAM, ,DRI GLUD BCOS NAS KHRUS CHU BCAS GTONG NA'ANG RUNG, ,NYER BRGYAD PA RIGS DRUG SBYI DANG GLO BUR PA RNAMS LA DKAR GTOR BDUN, ,RIL BU BRGYA, CHU DANG BCAS BSHAM, ` ,NYER DGU PA BGEGS LA DMAR GTOR ZLUM PO RKED DKRIS CAN GSUM, ,TID LO CHAD BU GSUM RE, SHA CHAD LA PHUG BCAS PA BSHAM, GTOR MA

004a

, ,'DI YAN GSUM PO TSAN GCIG TU BSHAM NA SDE TSAN LNGAR 'GYUR RO, ,GTOR MA THAMS CAD LA 'BRU BCUD BLUG PA DANG ME TOG BA DAN SOGS KYIS BRGYAN PA NI SNGAR BSHAD PA LTAR RO, ` ,GTOR MA 'DI RNAMS SGRUB PA PO'I MDUN NAM GRAL GYI MTHA' LTA BU'I 'OS PA'I GNAS SU COG CE'I KHAR RAS SHOG BTING BA LA GO RIM MA 'CHOL BAR BSHAM LA, CHU GNYIS NYER SPYOD KYI MCHOD PA TSAR NYER BDUN NAM TSAR LNGA MGRON RNAMS TSUR BLTA BA'I G-YAS NAS BRTZAMS TE BSHAM, ,GTOR MA 'PHEN PA'I SKABS SU SNOD GCIG TU BSDUS NAS BSREG KHANG GI PHYI ROL DU GTOR BAR BYA, ` 'PHEN GTOR LA, LEGS LDAN GSUM, TSANGS PA, RGYAL CHEN BZHI'I ZOR RNAMS RANG RANG GI MGO BRNYAN CAN, THAMS CAD DMAR PO, ME RIS DANG ,RTZE MOR RDO RJE PHYED PA NAG PO, DE'I 'OG TU MGO BRNYAN SO SO'I MDOG CAN BYA, MJUG TU 'PHEN RGYU'I SBYI ZOR NI, THOD SKAM CAN DU BYA, MNGA' NI 'UG PA'I SGRO DANG SKYER PA'I MDE'U CAN NAM SBYI'I MDA' GZHUS KYANG RUNG ZHID ME'I PHYI ROL DU 'PHEN NO, ,SGONG ZOR NI BYA'I SGO NGA ZUR GSUM PA'I DBYIBS CAN DU SPUNGS

004b

PA'AM, ZAN LAS BZOS NAS SHING DANG ZAN GYIS MAR MI LTUNG BA'I THABS BYAS NA'ANG RUNG, RDO ZOR NI RDO CHUNG MANG PO SPUNGS BA 'AM, ZAN LAS ZUR GSUM BCOS PA LA RDE'U MANG PO BTZUGS KYANG RUNG, RKONG ZOR NI MAR ME GRU GSUM MAM ZUR GSUM GYI RTZE DANG LOGS RNAMS SU RKONG BU BYAS TE DER MAR BLUGS, SDONG BU BTZUGS NAS SPAR TE 'PHEN, KHRAG ZOR NI ZUR GSUM RTZE BCAD PA LTA BU'I NANG DU BRUS NAS KHRAG BLUGS PA BYA'AM, SGO NGA LA KHRAG BLUGS PA'ANG RUNG, TSER ZOR NI TSER MA CAN GYI RTZVA SHING ZUR GSUM LA 'DZUGS PA'AM RTZVA SHING GI PHON PO NYID 'PHAN NA'ANG RUNG, YUNGS ZOR NI YUNGS DKAR SGANG BU CAN ZUR GSUM LA 'DZUGS PA'AM YUNGS 'BRU ZUR GSUM LA 'BYAR BA'AM, RTZVA'I PHON BOS KYANG RUNG NGO, , MJUG TU 'PHEN RGYU'I SPYI ZOR NI MDOG DBYIBS SPYI 'GRO LTAR RO, ` ,ZOR GYI GRANGS NI, LEGS LDAN SOGS LHA'I ZOR BRGYAD GRANGS NGES, GZHAN LA DES GZUNG MED KYANG, MNGA' ZOR BZHI, SGONG ZOR GNYIS, RDO ZOD GNYIS, RKONG ZOR GNYIS, KHRAG ZOR GNYIS, TSER ZOR BZHI, YUNGS ZOR BZHI, MJUG TU

005a

, ,'PHEN RGYU'I ZOR CHEN GCIG BYED NA GRANGS NYER DGUR 'GYUR RO,, ,,*, ,BZLOG CHEN GYI GTOR MA 'PHEN TSUL BZHUGS,, ,, GDUGS DKAR BZLOG CHEN GYI GTOR ZOR 'PHEN PA LA, 'PHEN SAR PHYIN TE GSER SKYEMS BSKU LA BA BYAS RJES, G-YON PHYOGS SU GTOR MA 'DZIN MKHAN BSGRIG ,G-YAS G-YON DU GTOR MA LEN PA DANG SNONG BSDU BA PO BCAS, THOG MAR LEGS LDAN GSUM GYI GTOR MA RIM BZHIN 'PHEN BA'I TSE, LEGS LDAN GTZOS PA'I YI DAM CHOS SKYONG RNAMS KYIS BGEGS RIGS STONG PHRAG BRGYAD CU'I GNOD PA THAMS CAD ZHI BAR MDZOD CIG ,DE BZHIN DU GDON RIGS NANG RIGS LA DMIGS NAS BYA, DE NAS TSANGS GTOR LA, TSANGS PA SOGS PHYOGS SKYONG RNAMS KYIS GNOD BYED THAMS CAD ZHI BAR MDZOD CIG ,RGYAL CHEN BZHI LA, SHAR PHYOGS DRI ZA SOGS KYI GNOD PA, LHO GRUL BUM, NUB KLU, BYANG GNOD SBYIN, MDA' BZHI LA, GNOD BYED LA MDA' CHAR BABS NAS BSAM NGAN SBYOR RTZU BA THAMS CAD ZHI BAR MDZOD CIG ,SGONG ZOR LA, BU YUG LTA BU'I RBAB 'DRIL PA DANG, RDO ZOR LA, RI BRAG CHEN POS MNAN PA, RKOD ZOR LA,

005b

ME CHEN POS BSREG PA, KHRAG ZOR LA, SHVA PO CHEN POS 'KHYER PA, TSER ZOR LA, SHAL MA LI'I TSER MA LTA BUS 'BIGS PA, YUNGS ZOR LA, KHRO BO DPAG TU MED PA MTSON CHA THOGS PAS BRLAG , BAR BYED PAR BSKUL BA'I BSAM PAS 'PHEN ZHING, ME MTSON SOGS KYIS GNOD BYED THAMS CAD ZHI BA DANG BSANG BSKRANG SOGS BYAS PAR BSAM, ZOR SO SO LA BZHI RE YOD PA'I DANG POS SHAR, GNYIS PAS LHO SOGS PHYOGS BZHI'I GNOD BYED 'JOMS PA'O, GNOD BYED KYI NGO BO NI SGRUB BYA'I LAS NGAN BAG CHAGS BCAS PA YIN PA LA, RNAM PA GDON BGEGS SOGS SNA TSOGS PA'I RNAM PA CAN RNAMS RANG RANG GI GNAS SU 'AM, RLUNG GIS RTZVA SBUR 'DENG PA LTAR DBANG MED DU BSREG KHANG GI NANG DU 'ONGS PA LA MDA' CHAR SOGS KYIS BRLAG PAR BYED KYANG RUNG, MDA' ZOR SOGS RE RE'AM, 'GA' ZHIG MED KYANG CHOG CING, BZLOG PA BTON TSAR BA'I RJES SU SO SO'I DMIGS PA DANG BCAS 'PHEN BA 'AM, GDUGS DKAR SOGS KYI SNGAGS BRJOD PA'AM, BZLOG PA DANG MNYAM DU 'PHEN PA GANG BYAS KYANG RUNG, MNYAM DU 'PHEN PA LA BZLOG TSIG DANG SBYAR MA SBYAR CI RIGS YOD DO, ,SGONG ZOR LTA BU KHA CIG BZHI BO GCIG TU BSDEBS NAS 'PHEN KYANG RUNG, BSREG KHANG GI ME NI DANG PO NAS SPOR BA'AM, 'PHEN TSAR BAR NYE BAN SPOR

006a

, ,KYANG RUNG NGO, ,MI ZA DGU ZA'I GTOR LHAG RNAMS GTOR ZOR GYI SNOD DU CHAR BGOS NAS BLUGS TE MER 'PHANG BA YANG 'DUG CING, BSREG KHANG GI PHA ROL DU BSKYAL NAS 'BYUNG PO RNAMS KYIS 'KHYER BAR BSAM NA 'ANG RUNG, MI MO SOGS KYI GZUGS RNAMS NI NYER BDUN PA LAN CHAGS KYI MGRON RNAMS LA BSNGO BA YIN, LAN CHAGS KYI GTOR MA 'DI LAN GSUM BYAS NA'ANG LEGS, GZHAN YANG KHA MCHU'I DOGS PA YOD NA BAR 'DIR GDUGS DKAR GYI LAS TSOGS NAS 'BYUNG BA LTAR BYAD DGROL DANG BKRU BYABS BSRUNG BA BYA BA DANG, DE BZHIN DU SRI MNAN DANG PHYUGS NANG DANG GOD KHA ZHI BAR BYED PA LTA BU'I DMIGS BSAL CAN GYI DGOS PA YOD NA BYAS KYANG RUNG NGO, ,'PHEN PA'I GO RIM NI, LEGS LDAN MCHED GSUM, TSANGS PA, RGYAL CHEN BZHI'I GTOR MA RNAMS GO RIM NGES SHING, GZHAN LA NGES PA MED KYANG, MNGA' BZHI, SGONG, RDO, ,RKOD PO, KHRAG ,TSER, ,YUNGS RNAMS RIM PAR 'PHANGS BAS CHOG GO, ,,MANGGA LAm,, ,, ,,

006b

[BLANK PAGE]