/TA 10\ THA 4 *, ,GDUGS DKAR MO CAN GYI GZUNGS MCHOG GRUB MA 'DON TSUL BZHUGS SO, ,5
, ,BCOM LDAN 'DAS KYI THUGS RJE'I STOBS KYIS JI SKAD GSUNGS PA'I PHAN YON THAMS CAD RANG CAG SEMS CAN MTHA' DAG LA STZOL BA'I SLAD DU BKA' BSTZAL BA'I GZUNGS 'DI 'DON PA'I DMIGS PA BYA TSUL NI, RGYA GAR SKAD DU SOGS GLENG GZHIS GSAL GDAB PA, SANGS RGYAS LA PHYAG 'TSAL LO, ,SOGS KYIS PHYOGS BCU'I ZHING DPAG TU MED PA NAS BYON TE, GTZUG TOR GYI STENG GI 'OD KYI PHUNG PO'I DBUS NA BZHUGS PA'I SANGS RGYAS BYE BA PHRAG BDUN SOGS DANG, 'KHOR DU BYON PA'I BYANG SEMS NYAN RANG LHA DANG DRANG SRONG LEGS LDAN SOGS LA THUGS BSKUL ZHING GSOL BA GDAB PA DANG, DE RNAMS LA PHYAG 'TSAL NAS SOGS KYIS BYIN RLABS NUS MTHU DRAN NAS RANG LA MNGON DU 'GYUR
, ,BAR GSOL BA, ,GZHAN GYIS MI THUB DRAG SHUL CHE SOGS KYIS BCOM LDAN 'DAS MA PHYAG RGYA'I TSOGS DANG BCAS PA DRAN ZHING SNGAGS BRJOD NAS GSOL 'DEBS SMON LAM GDAB PA, ,BDAG DANG SEMS CAN THAMS CAD RGYAL PO'I 'JIGS PA DANG SOGS KYIS SGOS SU RGYAL PO'I 'JIGS PA SOGS BCU DGU, ,LHA'I GDON SOGS NYER BRGYAD, ,MDANGS ZA BA SOGS GDON NYER BDUN RNAMS KYI GNOD PA ZHI ZHING DE DAG LAS BSRUNG BA DANG, ,DE DAG THAMS CAD KYI SOGS NYER GSUM GYIS NUS MTHU BYANG PHUR SOGS NYER 'TSE KUN ZHI BAR MDZAD CING BSRUNG BAR GSOL BA SOGS DANG, ,AOm AA SI TA AA NA L'ARGA SOGS KYIS ZHI BAR BYED PA'I GZUNGS BZLA BA, ,SEMS CAN GANG SU DAG SOGS
KYIS BSAM NGAN SBYOR RTZUB ZHI BA, ,GNOD SBYIN DANG GDON GANG SU DAG SOGS KYIS ZA BA PO NYER BRGYAD, ,NGAN SEMS LNGA, ,LHA'I GDON SOGS NYER BZHI, ,RIMS NYIN GCIG PA SOGS SO BDUN, 'BYUNG BO DANG RO LANGS SOGS NYER 'TSE ZHE GSUM RNAMS BRJOD NAS, ,RIG SNGAGS BCING BAR BGYI'O SOGS BZHIS GDON DANG NYER 'TSE SOGS NAM YANG MI 'BYUNG BA DANG, ,NAD DANG GNOD PA MI 'BYUNG BA, TADYA TH'A, ,AOm AA NA LE SOGS DE DAG 'GRUB PA'I CHED DU THUGS RGYUD BSKUL BA'I SNYING PO NYE SNYING BRJOD PA, ,DAD GUS SHUGS DRAG PO BSKYED PA'I CHED DU SUS DE BZHIN GSHEGS PA'I SOGS PHAN YON 'DON PA, ,TADYA TH'A, ,AOm shtOm BANDHA SOGS LAS TSOGS 'GRUB PA'I SNGAGS CHO GA RNAMS BTON NAS, ,SANGS RGYAS BCOM LDAN 'DAS DANG BYANG CHUB SEMS DPA' RNAMS DANG SOGS BTON ZHING BDUD RTZI 'BEBS SBYANG GI SGO NAS MJUG RDZOGS PA'O, ,'DIS KYANG 'GRO BA YONGS LA PHAN THOGS PAR GYUR CIG, ,,MANGGA LAm,, ,, *, ,GDUGS DKAR MO CAN GYI SNGAGS LA CUNG MI 'DRA BA 'GA' YOD PAS, ,'DIR 'DUS SDE'I ZHAL 'DON MTHUN PAR BYA BA'I PHYIR TSIG 'GA' BCOS PA NI, SNGAGS DANG PO'I RKANG PA
, ,BRGYAD PA LA, SARBA DUshtA PRA DUshtA N'Am, ,RKANG PA BCU GCIG PA LA, MAH'A GRA HA, ,SNGAGS GNYIS PA'I RKANG PA DRUG PAR, SARBA DUshtA N'Am SHAm BHA NA, SNGAGS GSUM PA LA, SARBA KA tA NE P'U TA NE, SARBA MA TRI GA nA, AA BA LAm BA KE, DU PRA KshI TE, GI RA nA BE T'A tE LA SARBA MED, PIshnU B'I YE, AINDRI YE, ,ZHES 'DON PAR BYA, ,NAD KYI SKABS SU, SNYING NAD DANG, SNYING NA BA DANG, ZHES YOD PA NI GZUNGS GRVA LNGA SOGS LAS KYANG 'BYUNG BAS RNYIL ZHES 'DON BAR MI BYA, NYE SNYING LA, BEE RA BEE RA, BI SHA RE BI SHA RE, SNGAGS LNGA PA LA, TZURn'A TE, DZO RA SI, BEE RA BEE RA, ZHES 'DON PAR BYA'O,, ,,SNGAGS KYI TSIG 'GA' BCOS PA YIN NO,, ,,MANGGA LAm,, ,, *, ,GDUGS DKAR MO CAN GYI SMON LAM NI, RGYAL BA KUN GYI YUM MCHOG BCOM LDAN MA'I, ,THUGS RJE BYIN RLABS DPAG TU MED PA'I MTHUS, ,MTSAN BCAS MTSAN MID RNAL 'BYOR MTHAR PHYIN NAS, ,ZUNG 'JUG RDO RJE 'CHAD DBANG MYUR THOB SHOG ,GNAS SKABS RGYAL RKUN ME CHU DUG MTSON DANG, ,DMAG DANG MU GE DGRA SOGS 'JIGS RNAMS DANG, ,LHA KLU
LHA CHEN RLUNG LHA NAM MKHA' LDING, ,DRI ZA LA SOGS GDON KUN ZHI GYUR CIG ,ZAS SU MDANGS MDAL KHRAG ZHAG ZA SOGS DANG, ,RLUNG MKHRIS BAD KAN RIMS SOGS NANG KYI RIGS, ,SROG TSOGS GNOD PA PYAD PHUR RBOD GTONG SOGS, ,PHYI NANG NYER 'TSE MTHA' DAG ZHI GYUR CIG ,TSE DANG BSOD NAMS STOBS 'BYOR RNYED PA DANG, ,LHA RNAMS KUN GYIS RTAG TU BSRUNG SKYOB SOGS, ,JI SKAD GSUNGS PA'I PHAN YON MA LUS PA, ,BDAG CAG RNAMS KYIS 'PHRAL DU THOB RGYUR CIG ,CES PA'O,, SHIS BRJOD NI, , ,'JIG RTEN 'DI'AM YANG DAG 'DAS PA DANG, ,MTHO RIS NGAG NA RIN CHEN MCHOG YOD PA, ,DE BZHIN GSHEGS PA LHA YI LHAR GYUR BA, ,MI YI MCHOG DANG 'DIR NA MTSUNGS PA MED, ,DE BAS 'DI NI RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,ZAD PA CHAGS BRAL BDUD RTZI 'DUS MA BYAS, ,SHES PAS SH'AKYA THUB DES RAB TU PHYE, ,BDUD RTZI ZHIB 'DUS BYAS MA YIN PA, ,CHOS DE DANG NI MTSUNGS PA GANG YANG MED, ,DE BAS 'DI NI RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,,MCHOG TU GANG 'DOD TSUL BZHIN RAB BSTAN PA, ,STON PA'I
, ,RNAL 'BYOR BLA MED RTAG BSGRUB PA, ,RDO RJE LTA BU'I MI GNYIS LAM MTHONG BA, ,TING 'DZIN DE DANG MNYAM PA YOD MA YIN, ,DE BAS 'DI NI RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,GANG ZAG CHEN PO BRGYAD PO RAB BSNGAGS SHING, ,GANG ZAG ZUNG BZHIR BRJOD PA DE DAG NI, ,DRANG SRONG CHEN PO GANG ZAG MTSUNGS MED PA, , BDE BAR GSHEGS PAS SBYIN PA'I GNAS ZHES GSUNGS, ,DE LA BYIN NA 'BRAS BU CHER 'GYUR TE, ,ZHING RAB GSHIN LA SA BON BDAB PA BZHIN, ,'DI NI DGE 'DUN RIN CHEN MCHOG TU GSUNGS, , BDEN PA DE YIS 'DIR NI DGE BAR SHOG ,GANG DAG BRTAN PA'I YID KYIS RAB BRTZON CING, ,GO'U TA MA'I BSTAN LA 'JUG BYED PA, ,DE DAG THOB NAS BDUD RTZI 'JUG THOB STE, ,MUN PA BSAL NAS MYA NGAN 'DAS THOB PA, ,DE BAS DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,LTA BA 'DI LA SBYAR MA THAG TU NI, ,'JIG TSOGS LTA DANG TSUL KHRIMS BRTUL ZHUGS DANG, ,THE TSOM DANG NI NYON MONGS GSUM PO DAG ,GCIG CAR SPANGS TE 'PHAGS PA'I BDEN MTHOD BA, ,DES NA DGE 'DUN RIN CHEN MCHOG TU GSUNGS, ,
BDEN PA DE YIS 'DIR NI DGE BAR SHOG ,LUS SAM NGAG GAM 'ON TE YID KYIS KYANG, ,SDIG PA RNAM GSUM NAM YANG MI BYED CING, ,GLO BUR BYAS NA'ANG 'CHAB PAR MI BYED LA, ,DE LTAR DE DAG LTA BAS 'DZIN MI BYED, ,DE BAS DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,JI LTAR DBANG PO'I SDONG PO SAR BTZUGS PA, ,PHYOGS BZHI'I RLUNG RNAMS KYIS NI MI G-YO LTAR, ,'PHAGS PA'I LAM GYI DAM PA MTHONG PA YI, ,GANG ZAG 'PHAGS PA'I DGE 'DUN DE BZHIN NO, ,DES NA DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,SHES RAB ZAB MOS SHIN TU BSTAN PA YI, ,'PHAGS PA'I BDEN PA SU DAG RNAM SGOM ZHING, ,LUS KYANG SBYIN PAR YID LA BYAS PA NI, ,DE DAG 'JIGS PA BRGYAD DANG PHRAD MI 'GYUR, ,DES NA DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,JI LTAR ME NI RLUNG GIS RAB GTOR BA, ,LAG TU BLANGS TE BGRANG DU MED PA NYID, ,DE LTAR KUN DU SBYOR BA RAB BTAD BA, ,SANGS RGYAS SRAS RNAMS BSTAN DU MED PAR 'GRO, ,DES NA DGE 'DUN RIN CHEN MCHOG TU GSUNGS, ,BDEN PA DE YIS
, ,'DIR NI DGE BAR SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD 'DING NI BDE GYUR CIG ,STON MCHOG LHA DANG MIS NI MCHOD 'OS PA, ,SANGS RGYAS PHYAG 'TSAL DENG 'DIR DGE BAR SHOG ,SEMS CAN GAD DAG 'GRO DANG MI 'GRO BA, ,DE DAG THAMS CAD 'DIR NI BDE GYUR CIG ,ZHIB CHAGS BRAL LHA MIS MCHOD 'OS PA, ,CHOS LA PHYAG 'TSAL DENG 'DIR DGE BAR SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD 'DIR NI BDE GYUR CIG ,TSOGS KYI DAM PA LHA MIS MCHOD 'OS PA, ,DGE 'DUN PHYAG 'TSAL DENG 'DIR DGE BAR SHOG ,'BYUNG BO GANG DAG 'DIR NI LHAGS GYUR TE, ,SA'AM 'ON TE BAR SNANG 'KHOD PA DAG ,SKYE RGU RNAMS LA RTAG TU BYAMS BYED CING, ,NYIN DANG MTSAN DU CHOS LA SPYOD GYUR CIG ,'DI NI RGYAL BA DGRA RGYAL BDEN GANG GIS, , SHIN TU BDEN PA GSUNGS SHING BRDZUN MED PA, ,BDEN PA DE YIS 'DIR NI DGE BAR SHOG ,DE KUN 'JIGS PA CHE LAS THAR GYUR CIG, BKRA SHIS KYI TSIGS BCAD 'DI NI BSRUNG BA GRVA LNGA'I NANG CHEN STONG CHEN MO RAB TU 'JOMS PA'I MDO LAS BLANGS PA'O, ,GNAS BCU'I PHYAG MCHOD DU BKOD PA'I SHIS BRJOD KYANG 'GYUR MI 'DRA TZAM MA GTOGS 'DI DANG 'DRA BAR SNANG NGO, ,BAR YIG PA NI DGE TSUL SKAL BZANG RDO RJE'O,, MANGGA LAm,, ,,
[BLANK PAGE]