/TA 9\ TA 1 *, ,BCOM LDAN 'DAS GDUGS DKAR MO CAN LHA SO LNGA MA LA BRTEN NAS SNGAGS DANG GZUNGS 'DON PA'I CHO GA DNGOS GRUB KUN 'BYUNG ZHES BYA BA BZHUGS SO, , 14
, ,NA MO GU RU, BCOM LDAN 'DAS MA GDUGS DKAR MO CAN GYI CHO GA GZUNGS DANG SPRAGS NAS 'DON TSUL 'DUL 'DZIN RIN PO CHES MDZAD PA'I BYA SPYOD SPYI'I CHO GAR GSUNGS PA BZHIN DU BRJOD PAR BYA'O, ,DE YANG, RTEN DANG MCHOD GTOR SOGS BSHAM PA, SNGON DU BYA BA'I RIM PA GZHAN BYA BA, BDAG BSKYED BSGOM PA, MDUN BSKYED BSGOM PA, SNGAGS DANG, GZUNGS 'DON BAR SBA, MJUG CHOG PA NA YON TE DRUG LAS, DANG PO LA, KHANG GUR SOGS DAG PAR BYA, GDUGS DKAR MO CAN GYI SKU SOGS RTEN GANG 'BYOR BKRAM, DE'I MDUN DU MCHOD YON ZHABS BSIL, KHRUS BUM ME LONG SOGS DANG, NA BZA' RGYAN, DRI CHAB ME TOG BDUG SPOS ZHAL ZAS MAR ME, GZHAN YANG ROL MO, GTOR MA CHA GSUM, LEGS LDAN GYI GTOR MA, SPYI 'GRO LTAR GYI BDAG BSKYED KYI MCHOD PA, GTANG RAG GI MCHOD PA, BSANG CHU, BSU PA'I MCHOD
, ,YON, GU GUL YUNGS DKAR RNAMS BSHAM MO, ,GNYIS PA SNGON DU BYA BA'I RIM PA GZHAN BYA BA LA, SPYI 'GRO'I SKYABS 'GRO SOGS SNGON DU BTANG NAS, RANG RIGS KYI SNGAGS RGYA BYA BA NI, THAL MO BKAN PA LAS MDZUB MO GNYIS CUNG ZAD BKUG PA'I PHYAG RGYA MGO'I THANG DU BZHAG NAS, AOm TA TH'A GA TA AUD BHA WA YE SV'A H'A, ZHES BRJOD, PHYAG BYA BA NI, THAL MO SBYAR TE, AOm SARBA TA TH'A GA TA K'A YA WA KA TZITTA BADZRA PRA NA ME NA SARBA TA TH'A GA TA BADZRA P'A DA BENDHA NI KA RO MI, LUS 'BUL BA NI, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA BYANG CHUB SNYING PO LA MCHIS KYI BAR DU BDAG NYID DUS THAMS CAD DU YONG YE 'BUL NA, SANGS RGYAS DANG BYANG CHUB SEMS DPA' CHEN PO RNAMS KYIS BDAG BZHES SU GSOL, BDAG LA DNGOS
GRUB BLA NA MED PA STZAL DU GSOL, ZHES BRJOD, SKYABS SEMS BYA BA NI, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON SGRUB SLAD DU, ,BDAG GIS BYANG CHUB SEMS BSKYED DO, ,PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON, ,BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ,ZHES LAN GSUM BRJOD, KUN RDZOB DANG DON DAM PA'I BSRUNG BA BYA BA NI, LAG PA GNYIS SOR MO PHAN TSUN BSNOL TE KHU TSUR BCINGS LA MTHE'U CHUNG GNYIS GSHIBS TE BSGRENGS MDZUB MO RTZE MO SBYAR PA'I GLOR MTHE BONG GNYIS BTZUGS PA'I PHYAG RGYA DANG, AOm BADZRA KRO DHA MAH'A BA LA HA NA DA HA PA TZA BI DHVA NA SA YA AUTZTSU shMA KRO DHA H'Um PHAt, ZHES PA KHRO BO MNOL BA MED PA'I SNGAGS RGYAS BSTZAL BAR BYA ZHING, MTHA' BTUNG DANG BSHANG GCI'I SNGA BYI RNAMS SU YANG BSRUNG BAR BYA'O, ,RANG GI SNYING KAR ZLA BA LA RNAM SNANG GI NGO BO MA YIG DANG, MGO BO LA MI G-YO BA'I NGO BO HA YIG GNYIS 'BAR BA'I PHRENG BA 'KHRUG PAR GYUR PAR BSAM, AOm SVA BHA WA SHUDDHA SARBA DHARM'A SVA BHA WA GUDDHONYRA TAm, CHOS THAMS CAD RANG BZHIN KYIS DAG PANG GYUR PAR MOS PA BYA'O, ,DE NAS, SANGS RGYAS CHOS DANG TSOGS MCHOG LA, ,ZHES SOGS LAN GSUM GYIS SNGAR BZHIN SKYABS SEMS BYA, SKAD CIG KRONG BSKYED BYA BA NI, RANG NYID SKAD CIG GIS BCOM LDAN 'DAS GDUGS
, ,DKAR MO CAN SKU MDOG DKAR MO DBU STONG PHYAG STONG CAN GYI SKUR GSAL BAR GYUR, BSANG CHU SGRUB PA NI, SNGAR BSHAMS PA RI SPOS TSUL DMIGS TE, AOm TAm BAN DHA SV'A H'A, ZHES DE BZHIN GSHEGS PA'I RIGS KYI LAS THAMS CAD PA'I SNGAGS LAN BDUN DANG, DZI NA DZI KA ,CES DE BZHIN GSHEGS PA'I RIGS KYI SNYING PO LAN BDUN BRJOD PAS, CHU DE NYID BGEGS DANG MI GTZANG BA SOGS SEL BA'I NUS PA DANG LDAN BAR BSAM, BDAG BSKYED KYI MCHOD PA BYIN GYIS BRLAB BA NI, AOm TRI BAN DHA SV'A H'A, DZI NA DZI KA ,CES BSANG, RDO RJE KHU TSUR NANG DU BCINGS PA LAS G-YON PA'I GUNG MO BSGRENG, G-YAS PA'I SOR MO DBUS MA GSUM GYIS DE BZUNG BA'I PHYAG RGYAS MCHOD RDZAS KYI STENG DU BRIM PA'I STANGS KA BYA ZHING, AOm TE DZA:- TE DZA: SA NI SID DHI S'A DHA YA H'Um PHAt, CES GZI BYIN BSKYED, MCHOD PA RNAMS PHUL DU BYUNG PA'I LHA RDZAS SU GYUR, NA MO RATNA TRA Y'A YA, NA MA SHTZAntA BADZRA B'A nA YE, MA H'A YAKshA SE NA PA TA YE, NA MO BADZRA KRO DHA YA, TABYA TH'A, AOm HU LU HU LU, TIshthA TIshthA, BANDHA BANDHA, HA NA HA NA, AA MRAm TE H'Um PHAt, CES BDUD RTZI THAB SBYOR GYI SNGAGS DANG, DZI NA DZI KA ,CES RIGS KYI SNYING PO BRJOD, DE NAS BDAG DANG GNAS LA BSRUNG BA BYA STE, 'DI LTAR, RDO RJE KHU TSUR GNYIS NANG DU BCINGS TE MDZUB MO BYUNG NAS BSGRENG LA MGO NAS RKANG PA'I BAR DU BRAB PA'I STANGS KA BYED CING, AOm HA NA HA NA
AA MRi TE H'Um PHAt, CES BDAG NYID BSRUNG, AOm TRI BANDHA SV'A H'A, ZHES RANG LA BSANG CHU GTOR NAS BGEGS BSAL, AOm K'I LI K'I LI BADZRI PA DZRI BHUR BAN DHA BAN DHA H'Um PHAt, CES LAN BDUN BRJOD CING, PHYOGS KUN DU BSANG CHU GTOR BAS, BGEGS RNAMS BSKRAD PAR GYUR PAR BSAM, LAG PA GNYIS KYI GUNG SRIN GNYIS GDU BU LTAR BKUG NAS RTZE MA SBYAR, MTHE'U CHUNG DANG MDZUB MO GNYIS GSHIBS TE BSGRENG, MTHE BONG GNYIS KYI RTZE SBYANG TE 'OG TU BSTAN BA PHUR BU'I PHYAG RGYA BYAS TE, AOm K'I LI K'I LI BADZRI BADZRI BHAR PA NA DHA PA NA DHA H'Um PHAt, BGEGS RNAMS LA KHRO BO RDO RJE PHUR SPUS BTAB PAS G-YO 'GUL MED PAR GYUR, SPOS PHOR DU GU PHUL SHUG PA SOGS KYI BDUG PA BTANG LA, AOm SU SID DHI KA RA DZVA LI TA, AA NANTA MU RTE YE DZVA LA DZVA LA, BANDHA BANDHA, HA NA HA NA H'Um PHAt, CES PA RIGS GSUM SPYI'I SNGAGS DANG, AOm DZVA LA H'Um, ZHES PA DE BZHIN GSHEGS PA'I RIGS KYI SNGAGS BRJOD DE, STING GI LHA'I GDON RNAMS BCINGS PAR GYUR, DZI NA DZI KA ,CES BSANG CHU BSKOR NAS GTOR, BHRUm AOm AA MRi TA AUD BHA WA AUD BHA WA H'Um PHAt, NA MO RATNA TRA Y'A YA, NA MA: TZAntA BADZRA P'A nA YE, MA H'A YAKshA SE NA PA TA YE, AOm SUMBHA NI SUMBHA H'Um, GRiHnA DZRA:- H'Um, GRiHnA BA YA GRiHnA PA YA H'Um, A'A NA YA HO BHA GA WAN BIDYA R'A DZA H'Um PHAt, ZHES PA RIGS GSUM GYI RIG PA'I RGYAL PO'I SNGAGS BRJOD PAS
, ,PHYOGS KYI BGEGS THAMS CAD BCINGS PAR GYUR BAR BSAM MO, ,SNGAR GYI PHUR PU'I PHYAG RGYA LAS MTHE BONG GNYIS GYEN DU BGRENG BAR PA'I PHYAG RGYA DANG, NA MO RATNA TRA Y'A YA, NA MA:- TZAntA BADZRA P'A nA YE; MAH'A YAKshA SE N'A PA TA YE, TADYA TH'A, AOm SA RA SA RA, BADZRA PA KA RA H'Um PHAt, CES BRJOD PAS, RDO RJE'I RABS BAR MTSAMS MED PAR BSKOR BAR GYUR BAR BSAM MO, ,DPA'I PHYAG RGYA NYID KHA THUR DU BSTAN NAS BSKOR LA, NA MO RATNA TRA Y'A YA, NA MA:- TZAntA BADZRA P'A NA YE, MAH'A YAKshA SE N'A PA TA YE, AOm PI SPHU RAKshA BADZRA P'A nI H'Um PHAt, CES PAS, RDO RJE RA BA'I STENG DU RDO RJE'I GUR DU GYUR PAR BSAM, NA MO RATNA TRA Y'A YA, NA MA:- TZAntA BADZRA P'A nA YE, MA H'A YAKshA SE N'A PA TA YE, NA MO BADZRA KRODHA YA, TATYA TH'A AOm HU LU HU LU, TIshthA TIshthA, BANDHA BANDHA, HA NA HA NA, AA MRi TE H'Um PHAt, SNGAR GYI PHUR BU'I PHYAG RGYA BYAS LA, AOm K'I LI K'I LI BADZRI BHUR BANDHA BAMDHA H'Um PHAt, SNGAGS DANG PHYAG RGYAS RA BA SOGS DE RNAMS BYIN GYIS BRLABS PAR GYUR BAR BSAM, LAG PA GNYIS KHU TSUR BCINGS TE SOR MO GZHAN GYI SEN MO RNAMS MTHE POS MNAN, MDZUB MO BYUNG STE BSGRENG, DBUS NAS BRTZAMS TE G-YAS SU BSKOR ZHING, NA MA:- SA MANTA BADZRA nI, AOm TA RA TA RA ,TU RU TU RU, MA tA MA tA, BANDHA BANDHA, SARBA TRA
AA PRA TI HA DE, SA SI ME SA MA BANDHA KU RU KU RU, TA RA TA RA, SA MANTA BADZR SA MANTA BADZRE, KU RU AA MA LE GU RU nA, MA YE TU TA YE TU TA YE, PAR BAR, KA RA KA RA, SU MI MA SA MANTA BIDHVA NA SA YE, DZVA L'A YA SV'AH'A, RDO RJE RA PA'I PHYOGS MTSAMS THAMS CAD DU ME DPUNG 'BAR BAS KHYAB PAR GYUR PAR BSAM LA MTSAMS BCING BA STE, DE LTAR BYAS PAS GDON BGEGS GANG GIS KYANG TSUGS BAR MI 'GYUR RE, , GSUM PA BDAG BSKYED DNGOS LA, AOm SVA BH'A WA SHUDDHA:- SARBA DHARMA SVA BH'A WA SHUDDHONYA HAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU LHA'I DE KHO NA NYID KYANG DE BZHIN YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, CES STONG PA NYID BSGOM PA NI LHA DRUG GI DANG PO DON DAM PA'I LTA'O,, STONG BA'I DANG LAS AOm SARBA TA TH'A GA TA AU shnI shA SI T'A TA PA TRE H'Um PHAt SV'AH'A, ZHES PA'I SNGAGS KYI GDANGS KYI RNAM PAR NAM MKHA' LA GRAG PAR GYUR PAR BSAM PA NI GNYIS PA GDANGS SAM SGRA'I LHA'O, ,BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PAR NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA
, ,LTAR, YIG 'BRU BRIS PA'I RNAM PA CAN DU 'KHOD PAR BSAM BA NI GSUM PA YI GE'I LHA'O, ,YONGS SU GYUR PA LAS, GDUGS DKAR PO'I TOG LA AOm SARBA TA TH'A GA TA AU shn'I shA SI T'A TA PA TRE H'Um PHAt SV'AH'A, ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS BA LAS 'OD ZER SNA TSOGS BYUNG BA'I RTZE MO LAS GDUGS DKAR MO CAN GYI LHA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRING CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING DE RNAMS TSIM PAR BYAS, LHA'I SKU DANG BCAS PA'I 'OD ZER SLAR LOG NAS RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA LAS, RANG NYID BCOM LDAN 'DAS MA GDUGS DKAR PO CAN SKU MDOG DKAR MO, RDO RJE GTZUG TOR PHYIR BZLOG BA CHEN MO, SPRUL PA'I DBU STONG MNGA' BA, PHYAG STONG MNGA' BA, SPYAN BYE BA BRGYA STONG MNGA' BA, MI PHYED 'BAR BA'I MTSAN RTAGS CAN RDO RJE YANGS PA CHEN MO, SA GSUM GYI DKYIL 'KHOR LA MNGA' MDZAD MA, RTZA PA'I PHYAG DANG PO GNYIS KYIS GDUGS DKAR PO'I YU BA THUGS
KAR 'DZIN CING, PHYAG LHAG MA RNAMS KYIS MTSON CHA RAB TU 'BAR BA SNA TSOGS BA 'DZIN PA, DAR GYI STOD G-YOGS DANG SMAD G-YOGS CAN, RIN PO CHE'I RGYAN SNA TSOGS KYIS BRGYAN CING, ZHABS RDO RJE'I SKYIL KRUNG GIS BZHUGS PA'I LHAR BSGOM ZHING RANG DANG THA MI DANG PA'I NGA RGYAL BYA BA NI BZHI PA GZUGS KYI LHA'O, ,DE'I SPYI BOR AOm LAS 'KHOR LO DKAR PO'I LTE PAR AOm GYIS MTSAN PA, MGRIN PAR A'A:- LAS PADMA DMAR PO'I LTE PAR A'A:- SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PA, SNGAR BSHAD PA'I DE BZHIN GSHEGS PA'I RIGS KYID MA RGYA BCINGS LA, AOm TA TH'A GA TA AU DDHA WA YE SV'A H'A, ZHES BRJOD PAS THUGS KA DANG SMIN MTSAN SA DANG MGRIN PA DANG DPUNG MGO RNAMS SU REG LA BYIN GYIS BRLAB PA NI WA PA PHYAG RGYA'I LTA'O, ,DE LTAR BSKYED ZIN PA'I LHA DE NYID LA DMIGS NAS GSAL 'DEBS PA SOGS KYI DPYAD BSGOM DANG SEMS RTZE GCIG PA'I 'JOG SGOM BYED PA NI DRUG PA MTSAN MA'I LHA'O, ,MCHOD PA NI, AOm SARBA TA TH'A GA TA AU shn'I shA SI T'A TA PA TRE AA RGHAm PRA T'A TZTSA H'Um SV'A H'A, DE BZHIN DU, SHAPTA'I BAR SBYAR TE PHUL, BSTOD PA NI, RGYAL BA KUN GYI MTSAN MCHOG GTZUG TOR NAS, ,LEGS PAR BYUNG PA'I RMAD BYUNG LHA MO NI, ,GZHAN GYIS MI THUB GTZUG TOR GDUGS DKAR ZHES, ,YONGS SU GRAGS PA DE LA PHYAG
, ,'TSAL LO, ,SPRUL PA'I DBU DANG PHYAG NI STONG MNGA' ZHING, ,BYE BA BRGYA STONG SPYAN LDAN DPA' MO GANG, ,PHAS RGOL 'JOMS LA THOGS MED MTHU LDAN PA, ,MI PHYED 'BAR BA'I RTAGS 'CHANG DE LA 'DUD, ,CES PAS BSTOD, YE SHES PA GZHUG PA DANG DBANG BSKUR ZHING RGYAS GDAB PA SOGS PAntI TA GZHAN GYIS GSUNGS PA LTAR BYAS NA'ANG RUNG LA, SLOB DPON SANGS RGYAS GSANG BA SOGS KYIS MA BSHAD BA LTAR NA'ANG 'GAL BA MED CES GSUNG NGO, ,DE NAS, RANG GDUGS DKAR MOR GSAL BA'I SPRUL PA'I DBU DANG PHYAG SOGS RTZA BA'I ZHAL PHYAG LA THIM, RANG ZHAL GCIG PHYAG GNYIS PA'I RNAM PAR GYUR PA'I GNAS GSUM DU AOm A'A:- H'Um GIS MTSAN PAR GYUR, DGE BA 'DI YIS MYUR DU BDAG ,GDUGS DKAR MO CAN 'GRUB GYUR NAS, ,ZHES SOGS BYA'O, ` ,BZHI PA MDUN DU YE SHES PA SPYAN DRANGS TE MCHOD PA SOGS KYI TSUL LA, RTEN BSKYED PA NI, BRIS SKU SOGS GANG TU BKRAM PA'I PHYOGS SU DMIGS LA, RANG GI MDUN DU RIN PO CHE DU MA LAS BYAS PA'I SA GZHI GSER GYI BYE MA BRDAL BAR GYUR PAR BSAM, AOm TZA LA BI H'Um SV'AH'A, ZHES BRJOD PAS BYIN GYIS BRLAB, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA PADMA DANG AUTPA LA LA SOGS PA'I ME TOG GIS BRGYAN PA, RIN PO CHE'I BYA'I TSOGS MANG PO LDING BAR
GYUR, AOm BI MA LA DHA HA H'Um, ZHES PAS BYIN GYIS BRLAB, DE'I DBUS SU RI RAB GRU BZHI PA NGOS BZHIN GSER DANG DNGUL DANG AINDRA NI LA DANG SBUR LEN LAS BYAS PA'I THEM SKAS KYI PHRED BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STOD 'PHUR BAS BRGYAN PA, DE'I STENG DU PADME'I SDONG PO RIN PO CHE DU MAS BRGYAN PA'I RIN PO CHE SNA TSOGS KYI 'DAB MA CAN GSER GYI ZEB DANG SPUR LEN GYI BRE'U 'BRU DANG LDAN PA, SNYING PO'I THOG LA GSER DNGUL GYI RI MOS BSKOR BA, DPAG TSAD DU MA'I KHYON CAN RI RAB KYI DBUS BRDOL NAS BYUNG BA'I LTE BAR BHRUm LAS BYUNG BA'I GZHAL YAS KHANG GRU BZHI SGO BZHI PA, PHYI NAS RIM PA BZHIN SNGO SER DMAR LJANG DKAR BA'I RTZIG PA RIM PA LNGA DANG LDAN PA'I RIN PO CHE'I RTZIG PAS BSKOR BA'I STENG NA, RIN PO CHE'I PHA GU GZHI DMAR PO LA RIN PO CHE ZUR GSUM DANG GRU BZHI LA SOGS PAS SPAS PA, DE'I STENG NA GNAS PA'I GSER GYI SKA RAGS BZHI'I PHYI NGOS SU, CHU SRIN GYI LA NAS MU TIG GI NGO SHAL DANG NGO SHAL PHYED BA 'PHYANG BA, DE'I PHYI NGOS SU BYA 'DAB LAS 'PHYAD PA'I RIN PO CHE'I SHAR BU, DE'I STENG NA PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS THON PA'I RGYAL MTSAN DANG BA
, ,NGAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STABS DANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO 'KHYUD KYI PHYI'I MTSAMS DANG RTZIG PA'I PHYI NANG GI ZUR BZHIR ZLA PHYED LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I MDUN DU STEGS BU GRU BZHI PA'I STENG DU BUM PA LA GNAS PA'I KA PA BZHI BZHIS BTEGS PA'I RTA BABS, GSER DANG, SHAR BU DANG, RIN PO CHE DANG, RTA RMIG DANG, MUN SNAM DANG, WA RA ntA DANG, MUN PA DANG, SHAR BU DANG, RIN PO CHE DANG, RMIG PA DANG, MNGA' YAB STE SNAM DU BCU GCIG DANG LDAN PA'I RTZE MOR CHOS KYI 'KHOR YO'I GA LAS G-YON DU RI DVAGS PHO MO DANG BCAS PA, RTA BABS KYI G-YAS G-YON DU BUM BA BZANG PO LAS SKYES PA'I DBAG BSAM GYI SHING LA RGYAL SRID RIN PO CHE SNA BDUN DANG, BAR PAR DU GRUB PA THOB PA DANG, SPRIN GYI GSE BA NAS BYUNG BA'I LHA ME TOG GI PHRENG BA BZUNG BA RNAMS KYIS KUN NAS MDZES PAR BYAS PA, KA BA BRGYAD KYIS BTAGS PA'I RDO RJE'I GDUNG GIS MDZES PAR PHUB PA'I RTZE MOD RDO RJE RIN PO
CHE'I TOG GIS SPRAS PA, LHA DANG MI LAS YON TAN KHYAD PAR DU 'PHAGS PA'I KHANG BZANG DAM BA PHYI BA LTAS NANG GSAL BA, NANG BLTAS PHYI GSAL BA'I NANG GI STENG GI 'OG GIS GZHI THAMS CAD SHAR SNGO, LHO SER, NUB DMAR, BYANG LJANG, DBUS DKAR BAR GYUR PA'I NANG DU SNA TSOGS PADMA 'DAB MA BRGYAD PA'I LTE BA'I STENG DU SENG GE'I KHRI, SHAR DU GLANG PO CHE, LHOR RTA MCHOG ,NUB TU RMA BYA, BYANG DU MKHA' LDING GI KHRI RNAMS DANG, DE'I PHYI ROL DU 'KHOR LO SER PO RTZI BAS BCU DRUG PA DANG, STENG 'OG GI GNAS GNYIS DANG GLA BZHI'I PHYI NANG GNYIS GNYIS DANG, SGO BZHI RNAMS SU SNA TSOGS PADMA DANG NYI MA DANG ZLA BA'I GDAN GSUM GSUM, BSAM LA, PHYAG 'TSAL BA'I THAL MO LAS SOR MO PHAN TSUN BSNOL TEG LAS PA'I MTHE POS G-YON LA'I MBRE PO MNAN LA, NA MA:- SARBBA TA TH'A GA T'A NAm SARBA TH'A KHAm AUD GATE SPHA RA nA HI MAm GA GA NA KHAm SV'AH'A, ZHES BA'I SNGAGS BRGYA BZLAS LA BYIN GYIS BZLAB PAR BYA'O, STENG DU BLAR YANG SKAD CIG GIS BYUNG BAR GYUR BAR BSAM, BRTEN PA LHA SPYAN DRANGS TE BZHUGS SU GSOL PA NI, GSER DNGUL DANG ZANGS LA SOGS PA'I SNOD DU, 'BRAS YOS, KU SHA, DRI BZANG PO'I SPOS, ME TOG DKAR PO, TIL LA SOGS PA DANG SPYAR BA'I CHU GTZANG MA BSHAMS LA, BDUG SPOS KYIS BDUG CING, AOm TRAm BANDHA SV'AH'A, ZHES RIGS KYI LAS
, ,THAMS CAD PA BDUN BZLAS LA BYIN GYIS BRLABS NAS, MDUN DU BRIS SKU LA SOGS PA GANG DU YOD PA'I PHYOGS SU BLTAS TE, AOm SARBBA TA TH'A GA TA K'A YA W'A KA TZITTA BADZRA PRA nA ME NA SARBA TA, TH'A GA TA BADZRA P'A DA BANDHA N'A KA RO MI, ZHES PHYAG BYA, DE NAS PUS MO SA LA BTZUGS NAS SOR MO RNAMS PHAN TSUN DU BSNOL TE THAL MO BKAN LA MDZUB MO GNYIS GSHIBS TE BSGRENG ZHING MTHE BONG GNYIS G-YAB BA SPYAN DRANG BA'I PHYAG RGYA DANG, DED PA DANG NI DAM TSIG GIS, ,TSUR GSHEGS TSUR GSHEGS BCOM LDAN 'DAS, ,BDAG GI MCHOD YON 'DI BZHES NAS, ,MCHOD PAS BDAG LA DGYES PAR MDZOD, ,DZI NA DZI KA ,AE HYE HI, ZHES SPYAN DRANGS LA, MCHOD YON GYI SNOD BZUNG NAS, AOm SARBA TA TH'A GA TA AU shnI shA SI T'A TA PA TRE SA P'A RI W'A RA AARGHAm PRA T'I TZTSA SV'AH'A, ZHES MGO'I THAD NAS MCHOD YON DBUL LO, ,BCOM LDAN 'DAS MA GDUGS DKAR PO CAN GYI LHA TSOGS LA RIG SNGAGS DANG GSANG SNGAGS DANG KHRO BO DANG LEGS LDAN NAG PO CHEN PO DANG MDAG GZHUG PA DANG MNGAG GZHUG MA LA SOGS PA NAM MKHA'I DBYINGS KHYAB CING KHOR YUG TU BSKOR BA BYON BA NI, DBUS KYI SENG GE'I KHRI LA BCOM LDAN 'DAS MA GDUGS DKAR PO CAN SKU MDOG DKAR MO, RDO RJE GTZUG TOR PHYIR BZLOG PA CHEN MO, SPRUL PA'I DBU STONG MNGA' BA, PHYAG STONG
MNGA' BA, SPYAN BYE BA BRGYA STONG MNGA' BA, MI PHYED 'BAR BA'I MTSAN RTOGS CAN, RDO RJE YANGS PA CHEN MO, SA GSUM GYI DKYIL 'KHOR LA MNGA' MDZAD MA, SGEG BA DANG DPA' BA'I NYAMS, CAN GYI RTZA ZHAL NYIS BRGYA DKAR PO, 'JIGS SU RUNG BA DANG RGOD PA'I NYAMS CAN GYI G-YAS ZHAL NYIS BRGYA SER PO, GSHE BA DANG RNGAMS PA'I NYAMS CAN GYI RGYAB ZHAL NYIS BRGYA DMAR PO, SNYING RJE BA DANG ZHI BA'I NYAMS CAN GYI G-YON ZHAL NYIS BRGYA LJANG KHU, NGO MTSAR PA DANG DAG PO'I NYAMS CAN GYI STENG ZHAL NYIS BRGYA SNGON PO, ZHAL RE RE LA YANG SPYAN GSUM GSUM DANG LDAN ZHING, DBU RE RE LA KHRO BO'I RDO RJE 'BAR BAS MTSAN PA, DBU'I STENG DU GDUNG BDUN, BDE GSHEGS BCU SOGS YANG DAG BAR RDZOGS PA'I SANGS RGYAS BYE BA PHRAG BDUN GYI COD PAN 'CHANG BA, PHYAG G-YAS G-YON GYI DANG POS 'KHOR LO DANG BCAS PA'I SKYABS SBYIN DANG, MDA' DANG BCAS PA'I GDUGS DKAR PO'I YU BA THUGS KAR 'DZIN CING, G-YAS G-YON GYI LHAG MA DGU BCU RTZA DGU NA 'KHOR LO DANG MDA', G-YAS KYI PHYAG LHAG MA BZHI BRGYAS RDO RJE RIN PO CHE PADMA SNA TSOGS RDO RJE RNAMS BRGYA PHRAG RE RE 'DZIN CING, G-YON GYI PHYAG LHAG MA BZHI BRGYAS GZHU DANG RAL GRI ZHAGS PA LCAGS KYU RNAMS BRGYA PHRAG RE RE
, ,'DZIN PA, DAR GYI STONG G-YOGS DANG SMAD G-YOGS CAN, RIN PO CHE'I RGYAN SNA TSOGS KYIS BRGYAN CING, ZHABS RDO RJE'I SKYIL KUNG GIS BZHUGS PA, SHAR GYI KHRI LA DRAG SHUL CHEN MO DKAR MO, LHO'I KHRI LA GTUM PA CHEN MO SER MO, NUB KYI KHRI LA 'BAR BA CHEN MO DMAR MO, BYANG GI KHRI LA STOBS CHEN MO LJANG GU RNAMS G-YAS RDO RJE KHU TSUR DKUR BRTEN CING, G-YON RIN PO CHE'I BUM PA 'DZIN PA, SHAR GYI RTZI BAS BZHI'I DANG PO LA GOS DKAR MO SER MO, GNYIS PA LA KHRO GNYER CAN SNGO SANGS, GSUM PA LA RGYAL BA'I RDO RJE BRENG BA MA LJANG GU, BZHI PA LA PADMA'I MNGON MTSAN MA DMAR MO RNAMS G-YAS PA BGRANG PHRAD DANG G-YON AUTPAL LA 'DZIN PA, LHO'I RTZIBS BZHI'I DANG PO LA GZHAN GYIS MI THUB MA DKAR MO, GNYIS BA LA RDO RJE 'GROS CAN MA SER MO, GSUM PA LA ZHI BA'I LHA RNAMS KYIS MCHOD PA NAG MO, BZHI PA LA GZHI BRJID CHEN MO LJANG GU RNAMS G-YAS RDO RJE RIN PO CHE 'DZING CING G-YON DBYIG PA LA BRTEN PA, NUB KYI RTZIBS BZHI'I DANG PO LA STOBS CHEN MA DMAR MO, GNYIS PA LA RDO RJE LU GU RGYUD SER MO, GSUM PA LA RDO RJE RIGS 'DZIN MA DKAR MO, BZHI PA LA RDO RJE RIGS GSER 'PHRENG LJANG GU RNAMS G-YAS
RDO RJE DANG G-YON BGRANG 'PHENG 'DZIN PA, BYANG GI RTZIBS BZHI'I DANG PO LA RDO RJE RIN CHEN MA DMAR MO, GNYIS PA LA RDO RJE GTZUG TOR MA DKAR MO, GSUM PA LA RNAM PAR BGYINGS PA'I RDO RJE MA LJANG GU, BZHI PA LA GSER 'OD LTA BU'I SPYAN MNGA' MA SER MO RNAMS G-YAS SNA TSOGS RDO RJE DANG G-YON BGRANG 'PHRENG 'DZIN PA, STENG DU SGROL MA DANG 'OG TU PADMA'I SPYAN GNYIS DGAR MO G-YAS SKYABS SBYIN DANG G-YON MNYAM GZHAG GI PHYAG RGYA MDZAD PA, DE'I PHYI ROL GYI SHAR LHOR SGEG MO DKAR MO RDO RJE RTZE LNGA PA GNYIS BSNYEMS PA'I TSUL GYIS 'DZIN PA, LHO NUB TU PHRENG BA MA SER MO PHRENG BA 'DZIN PA, NUB BYANG TU GLU MA DMAR MO PI WI 'DZIN PA, BYANG SHAR DU GAR MA LJANG GU RDO RJE RTZE GSUM PA GNYIS BSNAMS NAS GAR BSGYUR BA, DE'I PHYI ROL GYI SHAR LHOR BDUG PA MA DKAR MO BDUG SPOS KYI SNOD 'DZIN PA, LHO NUB TU ME TOG MA SER MO ME TOG GI SNOD 'DZIN PA, NUB BYANG DU MA RE ME MAD MAR SKYA MAR ME'I SDONG BU 'DZIN PA, BYANG SHAR DU DRI CHAB MA LJANG GU DRI'I DUNG CHOS 'DZIN PA, SHAR SGOR LCAGS KYU MA DKAR MO LCAGS KYU 'DZIN PA, LHO SGOR ZHAGS PA MA SER MO ZHAGS PA 'DZIN PA, NUB SGOR LCAGS SGROG MA DMAR MO LCAGS SGROG 'DZIN PA, BYANG SGOR DRIL BU MA LJANG GU RDO RJE DRIL BU 'DZIN PA, THAMS CAD KYANG YID TZAM KHROS SHING
, ,GTZO MO LA GZIGS PA, DAR GYI STOD G-YOGS DANG SMAD G-YOGS CAN, RIN PO CHE'I RGYAN SNA TSOGS KYIS BRGYAN PA, ZHABS RDO RJE'I SKYIL KRUNG GIS BZHUGS PA, PHYI ROL GYI SHAR LHOR SNA TSOGS PADMA DANG NYI MA'I STENG DU LEGS LDAN NAG PO CHEN PO ZHAL GCIG PHYAG GNYIS G-YAS GRI GUG DANG G-YON THOD PA BSNAMS PA, ZHABS G-YAS BRKYANGS G-YON BSKUM PA'I STABS KYIS BZHUGS SHING MA MO'I TSOGS KYIS BSKOR BA, THAMS CAD KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A:- LAS PADMA DMAR PO'I LTE BAR A'A:- SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PA, AOm TA TH'A GA TA AUDDHA WA YE SV'AH'A, ZHES LAN LNGA BRJOD CING, THUGS KA ,SMIN MTSAMS, MGRIN PA, DPUNG MGO GNYIS RNAMS SU THAL MO BKAN PA LAS MDZUB MO CUNG ZAD BKUG PA'I PHYAG RGYA BYA'O, ,BCOM LDAN THUGS RJES BYON PA LEGS, ,BDAG CAG BSOD NAMS SKAL PAR LDAN, ,BDAG GI MCHOD YON BZHES NAS KYANG, ,THUGS LA DGONGS SHING GNANG BAR MDZOD, ,BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG BGYID NA, ,DE SRID BCOM LDAN BZHUGS SU GSOL, ,
RGYAS PA LA MOS NA THAL MO SBYAR BA PADMA KHA PHYE BA'I TSUL DU BYAS PA DANG, AOm KA MA L'A YA H'Um SV'AH'A, ZHES PA DANG, LAG PA GNYIS KA'I SOR MO DBUS MA GSUM RDO RJE LTAR BYAS LA, AOm BADZRA A'A SA NI H'Um PHAt, CES KYANG BRJOD, SOR MO DBUS MA GNYIS GCIG TU SBYAR BA DPA' BO'I 'DUG STANGS KYI PHYAG RGYA DANG, AOm BADZRA KA H'Um PHAt, CES GDAN PHUL LA BZHUGS SU GSOL, DE NAS PHYAG RGYA BSTAN PA NI, LAG PA G-YAS PA'I MTHE BOS MTHE'U CHUNG GI SEN MO MNAN LA SOR MO LHAG MA RNAMS RDO RJE LTAR BYAS PA DAM TSIG RDO RJE PHYAG RGYA DANG, SHI KA RE SA M'A YE SV'AH'A, ZHES BRJOD, LAG PA GNYIS PHAN TSUN DU KHU TSUR BCINGS NAS MTHE BONG GNYIS BSTAN PA DE BZHIN GSHEGS PA'I RIGS KYI PHYAG RGYA DANG, DZI NA DZI KA ,CES BRJOD CING, AOm TZAntA MAH'A RO shA nA H'Um PHAt, CES DE BZHIN GSHEGS PA'I RIGS KYI SNGAGS YUNGS DKRAR LA BZLAS PA GTOR LA PHYI 'BRANG GI BGEGS BSKRANG NGO, ,DE NAS MCHOD PA NI, BSANG CHU GTOR LA, AOm TRI BANDHA SV'AH'A, AOm PRA WA RA SANG KA RAm AARGHAm PRA T'ITZTSA SV'AH'A, AOm PRA WA RA SAD KA RAm P'A DYI PRA T'ITZTSA SV'AH'A, A'A HA RA A'A HA RA SARBA BIDYA DHA RI P'U DZI TE SV'AH'A, ZHES LAN BZHI, A'A LO KA YA A'A LO KA YA BI DYA DHA RI P'U DZI TE SV'AH'A, AOm SARBA TA TH'A GA TA AU shn'I shA SI T'A TA PA TRE SA P'A RI W'A RA SHAPTA PRA T'ITZTSA SV'AH'A,
DZIN DZI KA ,CES BRJOD DE BSANG, AOm TA DZA:- TA DZA:- SA NI SING DHI S'A DHA YA H'Um PHAt, MCHOD PA RNAMS PHUL DU BYUNG BA'I LHA RDZAS SU GYUR, NA MO RATNA TRA Y'A YA, NA MA:- TZANtA BADZRA P'A nA YE, MH'A YA KshA SE NA PA TA YE, NA MO BADZRA KRO DHA YA, TATYA TH'A, AOm HU RU HU LU, TIshthA TIshthA BANDHA BANDHA, HA NA HA NA, AA MRi TE H'Um PHAt, DZI NA DZI KA, CES BRJOD DE MCHOD PA RNAMS BYIN GYIS BRLAB BAR BYA, MCHOD PA 'BUL BA LA, MCHOD PA'I PHYAG RGYA, MTHE'U CHUNG DANG SRIN LAG NANG DU PHAN TSUN BSNOL TE GUNG MO GNYIS GSHIBS TE BSGRENGS PA'I TSIGS GSUM BAR MDZUB MO BKUG MTHE BONG GNYIS NGOS LA SBYAR BA'I MCHOD YON GYI PHYAG RGYA DANG, MCHOD PA'I PHYAG RGYA, G-YAS PA'I KHU TSUR GYI MDZUB MO DANG MHE BONG SKAM PA LTAR BYAS NAS ZHABS BSIL GYI SNOD NANGS ME TOG BLANGS TE SOR MO RNAMS RIM GYIS BKROL BA'I PHYAG RGYA DANG, G-YAS SKYABS SBYIN BYAS PA'I MKHRIG MA NAS G-YON PAS BZUNG BA DRI'I PHYAG RGYA DANG, LAG PA GNYIS SOR MO PHAN TSUN BSNOL TE LAG PA'I NANG DU MDZUB MO GNYIS RTZE MO GCIG TU BYAS LA GDU BU'I TSUL DU BYAS NAS MTHE BONG GNYIS GLOR BZHAG STE PADMA LTAR BYAS PA'I ME TOG GI PHYAG RGYA DANG, LAG PA GNYIS KYI MTHE'U CHUNG SRIN LAG GUNG MO RNAMS KYI SOR MO RNAMS PHAN TSUN DU SBYAR TE SNGA MA SNGA MA'I RGYAB KYI SEN MO'I DRUNG DU BKUG NAS MDZUB MO
GNYIS LOGS GCIG TU BRKYANG STE MTHE BONG GNYIS GLOR BZHAG PA BDUG SPOS KYI PHYAG RGYA DANG, BZAD PA'I THAL MO LAS MDZUB MO CUNG ZAD BKUG PA'I PHYAG RGYAS LHA BSHOS DANG, MTHE BONG DANG GUNG MO GNYIS GCIG TU SBYAR TE BSGRENGS LA LAG PA KHU TSUR GCIG TU BYAS BA'I PHYAG RGYAS MAR ME DANG, ZHES GSUNGS PA LTAR LA, 'BUL BA'I TSUL LA, MCHOD YON NI, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm SARBA TA TH'A GA TA AU shn'I shA SI T'A TA PA TRE SA PA RI B'A RA AARGHAm PRA T'ITZTSA SV'AH'A, ZHABS BSIL NI, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI ZHABS BSIL BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm BRA WA RA SANG KA RAm P'A DYI BRA T'ITZTSA SV'AH'A, KHRUS NI, DE BZHIN GSHEGS DANG DE YI SRAS RNAMS LA, ,RIN CHEN BUM PA MANG PO SPOS KYI CHU, ,YID 'ONG LEGS PAR BKAB BA GLU DANG NI, ,ROL MOR BCAS PA DU MAS SKU BSIL LA, ,AOm SARBA DE WA TA AA TZINTA AA MRi TA
, ,SV'AH'A, ZHES ME LONG LA GZUGS BRNYAN SHAR BA LA BUM PA'I CHUS KHRUS BYA, MA 'BYOR NA G-YON PA'I THAL MO BKAN LA, G-YAS PA'I MTHEB MDZUB KYI RTZE SBYAR BAS KHRUS KYI PHYAG RGYA BYED, NA BZA' NI, SNA TSOGS DBANG PO'I GZHU BZHIN RAB BKRA ZHING, ,GANG LA REG NA BDE BA'I RGYUR 'GYUR PA, ,GOS BZANG RIN CHEN BDAG BLO SBYAD PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm BADZRA WA STA A'A:- H'Um SV'AH'A, ZHES DNGOS SU LHA DAR SOGS 'DEGS PA DANG, LAG PA GNYIS KYI MTHEB MDZUB KYIS GOS PHUL BA'I PHYAG RGYA BYA, RGYAN NI, RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN DAG GIS BRGYAN PAR MI 'TSAL YANG, ,RIN CHEN RGYAN MCHOG PHUL BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,AOm BADZRA A'A LAm KA RA WA PHU shA NI A'A:- H'Um SV'AH'A, ZHES NAM MKHA' MDZOD KYI PHYAG RGYA BYAS TE RIN PO CHE'I BRGYAD DANG GDUGS PA NGAN SOGS PHUL, DRI CHAB NI, GTZANG ZHING GTZANG MA LAS BYUNG BA'I, ,LHA RDZAS BZANG PO'I DRI 'DI DAG ,BDAG NI DAD PAS 'BUL LAGS KYI, ,BZHES NAS BDAG LA DGYES PAR MDZOD, ,A'A HA RA A'A HA RA SARBA BI DYA BHA RI P'U DZI TE SV'AH'A, ME TOG NI, GTZANG ZHING
GTZANG MAR SKYES BA YI, ,LHA RDZAS BZANG PO'I ME TOG 'DI, ,BDAG NI DAD PAS 'BUL LAGS KYI, ,BZHES NAS BDAG LA DGYES PAR MDZOD, ,A'A HA RA A'A HA RA SARBA BI DYA RI B'U DZI TE SV'AH'A, BDUG SPOS NI, NAGS TSAL BCUD NI YID DU 'ONG, ,DRI YIS SBYAR BA LHA YI RDZAS, ,BDAG NI DAD BAS 'BUL LAGS KYI, ,BZHES NAS BDAG LA DGYES PAR MDZOD, ,A'A HA RA A'A HA RA SARBA PIDYA DHA RI P'U DZI TE SV'AH'A, ZHAL ZAS NI, SMAN RNAMS BCUNG NI YID DU 'ONG, ,SNGAGS KYI ZHAL ZAS BSHOS 'DI AG ,BDAG NI DAD PAS 'BUL LAGS KYI, ,BZHES NAS BDAG LA DGYES PAR MDZOD, ,A'A HA RA A'A HA RA SARBA BIDYA DHA RI B'U DZI TE SV'AH'A, MAR ME NI, GNOD RNAMS 'JOMS SHING BKRA SHIS PA, ,DGE ZHING MUN PA RNAM SEL 'DI, ,BDAG NI DANG PAS 'BUL LAGS KYI, ,MAR ME 'DI DAG BZHES SU GSOL, ,A'A LO GA MA A'A LO KA MA BIDYA DHA RI P'U DZI TE SV'AH'A, ROL MO NI, DE LAS GZHAN YANG MCHOD PA'I TSOGS, ,ROL MO DBYANGS SNYAN YID 'ONG LDAN, ,SEMS CAN SDUG BSNGAL SIM BYED PA'I, ,SPRIN RNAMS SO SOR GNAS GYUR CIG ,AOm SARBA TA TH'A GA TA AU shn'I shA SI T'A TA PA TRE SA PA RI WA RA SHAPTA
, ,PRA T'ITZTSA SV'AH'A, ZHES SIL SNYAN DBUL ZHING, GZHAN YANG MCHOD PA'I GZUGS BRIS PA DANG, DNGOS SU BSHAMS PA DANG YID KYIS KYANG SPRUL TE PHUL, DE NAS, NA MA:- SARBA TA TH'A GA TA NAm SARBA TH'A KHAm AUD GA TE SAPHA RA nA HI MAm GA GA NA KHAm SV'AH'A, ZHES GNAS BYIN GYIS BRLAB PA'I SNGAGS BRGYA BZLA BAR BYA'O, ,BSTOD PA NI, MGON PO THUGS RJE CHE LDAN PA, ,THAMS CAD MKHYEN PA'I STON PA'O, ,BSOD NAMS YON TAN RGYA MTSO'I ZHING, ,DE BZHIN GSHEGS LA PHYAG 'TSAL LO, ,DAG PAS 'DOD CHAGS BRAL BAR GYUR, ,DGE BAS NGAN SONG LAS GROL CING, ,GCIG TU DON DAM MCHOG GYUR PA, ,ZHI GYUR CHOS LA PHYAG 'TSAL LO, ,GROL NAS GROL BA'I LAM YANG STON, ,BSLAB PA DAG LA RAB TU GNAS, ,ZHING GI DAM PA YON TAN LDAN, ,DGE 'DUN LA YANG PHYAG 'TSAL LO, ,GZHON NU'I CHA LUGS 'CHANG BA BO, ,SHES RAB SGRON MES RAB TU BRGYAN, ,'JIG RTEN GSUM GYI MUN SEL BA, ,'JAM DPAL LA YANG PHYAG 'TSAL LO, ,SANGS RGYAS KUN GYIS RAB TU BSNGAS, ,YON TAN DAM BA KUN BSAGS PA, ,SPYAN RAS GZIGS ZHES MTSAN GSOL PA, ,RTAG PAR BRTZE LA PHYAG 'TSAL LO, ,STOBS PO CHE LA DRAG SHUL
CAN, ,RIG SNGAGS RGYAL PO DGE BA CAN, ,GDUL DKA' BO NGAG 'DUL PA PO, ,RDO RJE 'DZIN LA PHYAG 'TSAL LO, ,ZHES SPYI BSTOD DANG, SGOS BSNOD NI, RGYAL BA KUN GYI MTSAN MCHOG GTZUG TOR NAS, ,LEGS PAR BYUNG BA'I RMAD BYUNG LHA MO NI, ,GZHAN GYIS MI THUB GTZUG TOR GDUGS DKAR ZHES, ,YONGS SU GRAGS PA DE LA PHYAG 'TSAL LO, ,SPRUL PA'I DBU DANG PHYAG NI STONG MNGA' ZHING, ,BYE BA BRGYA STONG SPYAN LDAN DPA' MO GANG, ,PHAS RGOL 'JOMS LA THOGS MED MTHU LDAN PA, ,MI PHYED 'PAR PA'I RTAGS 'CHAD DE LA 'DUD, ,CES GTZO BO DANG, 'KHOR RNAMS LA, GZHAN GYIS MI THUB DRAG SHUL CHE, ,GTUM MO CHEN MO STOBS CHEN MO, ,'BAR BA CHEN MO GZI BRJID CHE, ,PHA ROL GNON LA PHYAG 'TSAL LO, ,DKAR MO CHEN MO STOBS CHEN MO, ,'BAR BA'I PHRENG BA GOS DKAR MO, ,'PHAGS MA SGROL MA KHRO GNYER CAN, ,BDUD BZHI 'JOMS LA PHYAG 'TSAL LO, ,RGYAL BA'I RDO RJE PHRENG ZHES GRAGS, ,PADMA'I MNGON MTSAN RDO RJE'I MTSAN, ,GZHAN GYIS MI THUB 'PHRENG BA CAN, ,GZHAN DON MDZAD LA PHYAG 'TSAL LO, ,RDO RJE WA RNAMS 'JOMS PA MO, ,ZHI BA'I LHA RNAMS KYIS MCHOD MA, ,
, ,GZUGS ZHI GZI BRJID CHEN PO CAN, ,ZHI MDZAD KHYOD LA PHYAG 'TSAL LO, ,'PHAGS MA SGROL MA STOBS CHEN MO, ,RDO RJE LU GU RGYUD GZHAN DANG, ,RDO RJE GZHON NU RIGS 'DZIN MA, ,RIG SNGAGS 'CHANG LA PHYAG 'TSAL LO, ,LAG NA RDO RJE RIGS GSER 'PHRENG, ,RNAM PAR BSGYINGS MA'I RDO RJE DANG, ,GSER 'OD LTA BU'I SPYAN MNGA' MA, , 'DOD DON SGRUB LA PHYAG 'TSAL LO, ,RDO RJE 'GROS DANG DKAR MO DANG, ,PADMA'I SPYAN DANG ZLA 'OD DANG, ,BCU PHRAG GNYIS DANG GNYIS LHA MO, ,PHYAG RGYA'I TSOGS LA PHYAG 'TSAL LO, ,ZHES PAS BSTOD, ,LEGS LDAN LA, SRIN PO'I GZUGS KYIS GDUG PA CAN, ,TSAR GCOD BYANG CHUB SEMS DPA' STE, ,GRONG KHYER SUM BRTZEGS 'JIG BYED PA, ,GTUM PO KHYOD LA PHYAG 'TSAL BSTOD, ,MDOG NAG GZUGS THUNG GZI BRJID CHE, ,GDUG PA TSAR GCOD GRI GUG G-YAS, ,G-YON PAS THOD PA KHRAG GANG BSNAMS, ,THOD 'PHRENG CAN LA PHYAG 'TSAL BSTOD, ,KHROS PAS ZHABS BRDABS SA GZHI G-YO, ,BZHAD PA'I GANG MOS RI RAB BSGYEL, ,DAM TSIG NYAMS PA'I SNYING 'BYIN PA, ,DAM TSIG CAN LA PHYAG 'TSAL BSTOD, ,
CES PAS BSTOD, DE NAS, NA MA:- SARBA BUDDHA PO DHI SATV'A N'I, SARBA TRA SAm KU RU MI TA AA BADZNY'A RA SHI NI NA MO STU TE SV'A H'A, ZHES BSTOD PA 'BYUNG BA'I SNGAGS BRGYA BZLA BAR BYA'O, ,SDIG PA BSHAGS PA NI, 'JIG RTEN DAG GI PHYOGS KUN NA, ,DE BZHIN GSHEGS PA GANG BZHUGS DANG, ,DGRA BCOM BYANG CHUB SEMS DPA' DAG ,DE DAG BDAG LA DGONGS SU GSOL, ,TSE RABS GANG YANG RUNG BA NAD, ,BDAG GIS SDIG PA CI BGYIS DANG, ,SNGON GYI TSE RABS GZHAN DAG DANG, ,TSE RABS 'DI DANG 'KHOR BA NA, ,'DOD CHAGS DBANG DANG BLUN PA DANG, ,KHRO BA DAG GIS 'KHRUGS GYUR TE, ,SANGS RGYAS CHOS DANG DGE 'DUN NAM, ,BLA MA DAG DANG PHA MA DANG, ,DGRA BCOM BYANG CHUB SEMS DPA' DANG, ,SBYIN GNAS GANG YANG RUNG BA DANG, ,DE LAS GZHAN PA'I SEMS CAN DAG ,YON TAN LDAN DANG MI LDAN LA, ,SDIG PA'I LAS RNAMS GANG BGYIS DANG, ,GANG YANG BGYID DU BSTZAL BA DANG, ,GANG YANG CUNG ZAD YI RANG BA, ,BAG MED PAS NI PHRA MO YANG, ,LUS NGAG YID KYIS BGYIS PA RNAMS, ,DE DAG MA LUS BLOS BSDUS NAS, RDZOGS PA'I SANGS RGYAS SRAS BCAS PA, ,BDAG GIS DA NI MNGON SUM BZHIN, ,
, ,RAB TU GUS PAS PHYAG BTZAL TE, ,SKYO BA'I YID DU GYUR BA YIS, ,THAL MO SBYAR TE GNONGS PA RNAMS, ,YANG DANG YANG DU SO SOR BSHAGS, ,BDAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA BZHIN, ,DE DAG BDAG GIS SO SOR BSHAGS, ,SLAN CHAD DE LTAR YONGS MI BGYID, ,CES 'GYOD PA DANG SDOM SEMS DANG LDAN PA'I SGO NAS BYA'O, ,SKYABS 'GRO NI, SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA, ,GUS PAS YANG DAG SKYABS SU MCHI, ,ZHES SHUGS DRAG PA'I GUS BAS SKYABS SU 'GRO BA BYA'O, ,DE NAS, CHOS KYI LONGS SPYOD SNA TSOGS LA, ,MNYAM PAR BZHAG NAS YI RANG NGO, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM PAR DU, ,MYA NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, ,BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD BDE BA DANG, ,ZHI ZHING NAD KYANG MED PAR SHOG ,BDAG NI BYA BA
KUN NUS SHING, ,YON TAN DANG YANG LDAN PAR SHOG ,NOR LDAN GTONG PHOD SHES RAB CAN, ,BZOD LDAN DGE LA DANG BA DANG, ,SEMS CAN TSE RABS THAMS CAD DU, ,SKYE BA DRAN ZHING BRTZER LDAN SHOG ,CES DE DAG GI DON DRAN BZHIN PAS BYA'O, ,TSAD MED PA BZHI SGOM BA NI, SEMS CAN RNAMS SDUG BSNGAL THAMS CAD DANG BRAL BAR GYUR CIG ,SNYAM PA'I SNYING RJE DANG, BDE BA THAMS CAD DANG LDAN PAR GYUR CIG ,SNYAM PA'I BYAMS PA DANG, SANGS RGYAS KYI BDE BAS BDE BAR GYUR CIG ,SNYAM PA'I DGA' BA DANG, SANGS RGYAS KYI MYANG 'DAS BLA NA MED PAS MYA NGAN LAS 'DA' BAR GYUR CIG ,SNYAM PA'I BTANG SNYOMS LA GNAS PAR BYA'O, ,DE NAS, SEMS CAN KHAMS NI MTHA' YAS PA'I, ,SDUG BSNGAL NYE BAR ZHI BA DANG, ,NGAN 'GRO RNAMS LAS BSGRAL BA DANG; ;NYON MONGS RNAMS LAS DGROL BA'I PHYIR, ,SRID PA MI BDE DOG PA NA, ,SDUG BSNGAL SNA TSOGS CI MCHIS PA, ,DE YAS YONGS SU BSKYAB PA'I PHYIR, ,BDAG NI BYANG CHUB SEMS BSKYED DO, ,SEMS CAN PHONGS PA THAMS CAD KYI, ,SKYABS SU BDAG NYID RTAG TU SHOG ,BDAG NI MGON MED RNAMS KYI MGON, ,RTEN MED RNAMS KYI RTEN DU BAB, ,SKYABS
, ,MED RNAMS KYI SKYABS 'GYUR ZHING, ,SDUG BSNGAL BDE BAR BYED PA DANG, ,BDAG NI SEMS CAN THAMS CAD KYI, ,NYON MONGS ZHI BAR BYED PAR SHOG , DGE BA'I LAS RNAMS GANG DANG GANG, ,'DI DANG GZHAN DU BSAGS PA RNAMS, ,BSOD NAMS YE SHES ZHES BYA BA'I, ,TSOGS NI RNAM PA GNYIS SU SHOG ,PHA ROL PHYIN PA DRUG SGO NAS, , BDAG GIS BRTZON 'GRUS GANG BRTZAMS PA, ,DE YANG SEMS CAN MA LUS PA, ,THAMS CAD LA NI PHAN PAR SHOG ,TSE YI MTHA' KLAS BYED PA DANG, ,GANG YANG CUNG ZAD BYED 'GYUR BA, , MDOR NA SEMS CAN THAMS CAD KYI, ,NYON MONGS THAMS CAD ZHI BA DANG, ,GROL BAR BYA BA'I PHYIR 'BAD CING, ,BYANG CHUB BAR DU BDAG BRTZON NO, ,CES NYAM THAG PA'I 'GRO BA RNAMS BSGRAL BA'I PHYING DU SANGS RGYAS THOB PAR BYA'O SNYAM DU BYANG CHUB KYI SEMS RGYUD DANG 'DRES NGES PA BSKYED DO,, ` ,LNGA PA SNGAGS DANG GZUNGS 'DON PA'I, ,LHA DANG BLA MA LA PHYAG BYA BA NI, AOm GU RU SARBA TA TH'A GA TA KA YA WA KA TZITTA PRA NA ME TA SARBA TA TH'A GA TA BADZRA P'A DA BAN DHA NAm KA RO MI, PHRENG BA BYIN RLABS NI, BGRANG PHRENG SNYIM PAR BCUG STE, AOm BHA GA WA TE SIDDHI SIDDHI YA SIDDHA RTHE SV'A H'A, LAN BDUN BRJOD, DA NAS SPRON GSOL BA GDAB
PA NI, BCOM LDAN 'DAS DE BZHIN GSHEGS PA'I GTZUG TOR NAS BYUNG BA'I GDUGS DKAR PO CAN, RDO RJE GTZUG TOR PHYIR BZLOG PA CHEN MO, PHYAG STONG MNGA' BA CHEN MO, DBU STONG MNGA' BA CHEN MO, SPYAN BYE BA BRGYA STONG MNGA' BA CHEN MO, MI PHYED 'BAR BA'I MTSAN RTAGS CAN, RDO RJE YANGS PA CHEN POS SA GSUM GYI DKYIL 'KHOR DU BDAG DANG SEMS CAN THAMS CAD RGYAL PO'I 'JIGS PA DANG, ZHES PA NAS, ZAS SU SBYIN SREG ZA BA'I GDON LAS BDAG LA BSRUNG BAR GYIS SHIG ,CES PA'I BAR GYIS GSOL BA GDAB, SNGAGS BZLA BA NI, LHA'I THUGS KAR ZLA BA'I DKYIL 'KHOR GYI STENG DU, TA DYA TH'A, AOm AA NA LE, AA NA LE, BI shA DE BI shA DE, BHEE RA BHEE RA, BADZRA DHA RI, BANDHA BANDHA, BADZRA P'A nI PHAt, H'Um H'Um PHAt PHAt, H'Um DRUm BHANDHA PHAt, CES PA'I NYE SNYING DANG, AOm SARBA TA TH'A GA TOshnI shA SI T'A TA PA TRE H'Um PHAt SV'A H'A, ZHES PA'I SNYING PO'I SNGAGS KYIS BSKOR BA LAS 'OD ZER 'PHROS, PHYOGS BCU'I RGYAL BA SRAS DANG BCAS PA THAMS CAD LA MCHOD PA SNA TSOGS KYIS MCHOD, SEMS CAN THAMS CAD KYI SDIG SGRIB SBYANGS, GDUGS DKAR MO CAN GYI GO 'PHANG LA BKOD, TSUR 'DUS, SNGAGS PHRENG
, ,LA THIM, DE LAS BDUD RTZI'I RGYUN BABS, SGRUB BYA RNAMS KYI SPYI BO NAS ZHUGS, LUS KYI NANG THAMS CAD GANG, NANG GDON SDIG SGRIB THAMS CAD DUNG KHU DANG SOL KHU'I RNAM PAR PHYIR THON TE BYANG ZHING DAG ,TSE BSOD DPAL 'BYOR SOGS LEGS TSOGS THAMS CAD 'PHEL BAR BYIN GYIS BRLABS PAR GYUR PAR BSAM LA, SNYING PO GANG MANG DANG, NYE SNYING GANG 'TSAM BZLA; GZUNGS 'DON PA NI, RGYA GAR SKAD DU, ZHES PA NAS, MNGON PAR BSTOD DO, ,ZHES PA'I BAR GDUGS DKAR MCHOG TU GRUB PA JI LTA BA BZHIN DU LAN GSUM SOGS THON, 'DI NI NYE BAR 'TSE BA THAMS CAD LA SANGS RGYAS RNAL 'BYOR DU BYAS LA LAN GSUM DU BZLA BAR BYA'O, ,ZHES GSUNGS PA'I MAN NGAG GO ,BZLAS BRJOD YAN LAG BZHI BYA BAR SPRO NA SNGAGS RIM NAS GSUNGS PA LTAR BYA, DE NAS SPRO NA YIG BRGYA BRJOD, AOm SARBA TA TH'A GA TA AUshn'I shA SI T'A TA PA TRE SA P'A RI WA RA AARGHAm NAS SHAPTA'I BAR GYIS MCHOD, RGYAL BA KUN GYI SOGS SHO LO KA GNYIS KYIS BSTOD, DE NAS GTOR MA CHA GSUM AA MRI TAS BSANG SBYANGS SOGS SPYI 'GRO LTAR GTONG, DE NAS LAGS LDAN GYI GTOR MA SNGAGS DRUG GIS BRLABS, AOm MA H'A K'A LA GRiHNE DAm PA LIm TA KHA KHA KH'A HI KH'A HI, GSUM GYIS DBUL, SRIN PO'I GZUGS KYIS, GA PA CAN, ,TSAR
GCOD BYANG CHUB SEMS DPA' STE, ,GRONG KHYER SUM BRTZEGS 'JIG BYED PA, ,GTUM PO KHYOD LA PHYAG 'TSAL BSTOD, ,CES BSTOD, 'PHRIN LAS RGYAS BAR 'CHOL BA NI, SARBA DE BE BHYA PHAt, CES PA NAS, MTSAMS BCING BAR BGYI'O, ,ZHES PA'I BAR BRJOD, DGE RTZA 'TUL BA NI, G-YAS PA'I SRIN LAG GI RGYAB TU GUNG MO BZHAG G-YON PA'I SRIN LAG GI RGYAB TU GUNG MO BZHAG NAS SBYAR TE G-YAS PA'I MDZUB MOS G-YON PA'I GUNG MO DANG SRIN LAG DKRI ZHING G-YON PA'I MDZUB MOS KYANG G-YAS KYI GUNG MO DANG SRIN LAG DKRIS LA, MTHE'U CHUNG GNYIS GSHIBS TE BSGRENGS NAS MTHE BONG GNYIS MDZUB MO'I TSIGS DBUS MAR BZHAG PA BUM PA'I PHYAG RGYA BYAS LA, BDAG CAG GI DGE BA'I RTZA BA 'DI SBYIN PA BDAG GI NAD GDON PAR CHAD THAMS CAD ZHI ZHING, TSE BSOD RGYAS PA LA SOGS PA'I DNGOS GRUB KYI RGYUR, BCOM LDAN 'DAS GDUGS DKAR MO CAN GYI LHA TSOGS LA 'BUL LO, ,MGON PO KHYOD KYIS CI 'DOD PA'I DNGOS GRUB STZAL DU GSOL, ZHES PA LTA BU SKABS DANG SBYAR TE BRJOD DO, ` ,DRUG PA MJUG CHOG LA, GTANG RAG GI MCHOD PA, TRI BANDHA DANG, DZI NA DZI KA GIS BSANG, TE DZA:- SA GZI BYIN BSKYED, SVA BHA WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS
, ,KYI NANG DU AOm 'OD DU ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, SNANG GSAL, DRI CHAB, ZHAL ZAS, ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A:- H'Um NAS, AOm BADZRA SHAPTA A'A:- H'Um GIS BRLAB, AOm SARBA TA TH'A GA TA AUshnI shA SI T'A TA PA TRE SA PA RI W'A RA AARGHAm PRA T'ITZTSA H'Um SV'A H'A, DE BZHIN DU, P'A TYAm NAS SHAPTA'I BAR CHU GNYIS NYER SPYOD ROL MO SPYI LTAR 'BUL KHA BSTOD PA NI SNGAR LTAR RAM, RGYAL BA BYE BA BDUN DANG 'PHAGS PA'I 'KHOR, ,ZHES PA NAS, MTHUN KYE NA MA LUS YID BZHIN 'GRUB PAR MDZOD, ,BZOD GSOL NI, GANG YANG BDAG BLO RMONGS PA MIS, ,NYES BYAS CUNG ZAD GANG BGYIS PA, GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN GTZO BOS BZOD MDZAD RIGS, ,'DOD GSOL NI, BDAG SOGS RNAMS KYI SOGS DANG, SMON LAM NI,
DGE BA 'DI YIS MYUR DU BDAG ,SOGS GANG 'TSAM BYA, YE SHES PA GSHEGS SU GSOL NA, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG BYON PAR MDZAD DU GSOL, ,SNGAR GYI SPYAN DRANG BA'I PHYAG RGYA LAS MTHE BONG GNYIS PHYIR BKYED PA GSHEGS SU GSOL BA'I PHYAG RGYA DANG, DZI NA DZI KA GATZTSA, GZHAL YAS KHANG DANG BCAS PA RANG BZHIN GYI GNAS SU GSHEGS PAR GYUR PAR BSAMS TE GSHEGS SU GSOL LO, ,RAS BRIS SOGS LA BRTAN BZHUGS BYED NA, 'DIR NI GZUGS DANG X STZAL DU GSOL, SU PRA TIsh'A'I SNGAGS BRJOD DE BRTAN BZHUGS BYA, DE NAS LAG BA G-YON PA'I STENG DU G-YAS PA'I THAL MO BZHAG STE SOR MO BSNOL BA'I RTZE MO DRUNG BAR SBYAR TE THANG KAR BZHAG PA MI MNYAM PA'I YAN LAG GI PHYAG RGYA G-YON PHYOGS NAS BSKOR ZHING, AOm HU LU HU LU TZAntA LI MA TI GI BI SV'A H'A, ZHES BRJOD DE SNGAR PHYOGS MTSAMS BCINGS PA LA SOGS PA BKROL BAR BYA'O ,,'JIG RTEN 'DI DANG GZHAN DANG MTHO RIS NA, ,ZHES SOGS SAM, GANG SHES KYI SHIS BRJOD BYA'O, ,NYIN RE BZHIN THUN BA'I LTA BU BYED CHE, THUN PHYI MA RNAMS LA MDUN BSKYED BSKYAR NAS BYA ZHING, GTANG RAG NI PHYI DRO'I THUN LA BYA, MCHOD PA KHA GSO BSAGS GZHAN RNAMS SPYI DANG MTHUN, 'DRI LTAR BYAS PA'I PHAN YON NI, MCHOG GRUB MA LAS,
, ,SUS DE BZHIN GSHEGS PA'I ZHES SOGS GSUNGS PA LTAR, BGEGS GDON NAD RIGS KYI GNOD PA DANG, ME CHU SOGS GANG GIS KYANG MI TSUGS, SDIG SGRIB SDUG BSNGAL THAMS CAD BYANG, LEGS TSOGS THAMS CAD 'PHEL, PHYI MA BDE BA CAN DU SKYE BA SOGS MCHOG THUN GYI DNGOS GRUB THAMS CAD 'THOB PAR 'GYUR RO, ,ZHES BCOM LDAN 'DAS MA GDUGS DKAR MO CAN LHA SO LNGA MA LA BRTEN NAS SNGAGS DANG GZUNGS 'DON PA'I CHO GA DNGOS GRUB KUN 'BYUNG ZHES BYA BA 'DI NI, RJE 'DUL 'DZIN GRAGS PA RGYAL MTSAN GYIS MDZAD PA'I BYA SPYOD SPYI'I CHO GA LA GZHING BYAS, GZHAN LAS KYANG CI RIGS BAR BLANGS TE, TSUL KHRIMS KYIS BSGRIGS PA'I TSE, YI GE PA NI DGE SLONG BLO BZANG BSAM GRUB NYI MA'O, ,'DIS KYANG RANG GZHAN THAMS CAD LA PHAN BDE RGYA CHEN PO 'BYUNG BAR GYUR CIG, ,,
[BLANK PAGE]