/TA 8\ NYA 8 *, ,TSOGS 'KHOR GYI CHO GA ^ SKYABS MGON MCHOG GI PHYAG LEN BZHIN BRIS PA BZHUGS SO, , 10
, ,NA MO GU RU BADZRA DHA RA YA, 'DIR ^ RJE LCANG SKYA RIN PO CHE SOGS KYIS GSUNGS PA LTAR, DAM TSIG NYAMS CHAGS SKONG BA DANG, SDIG SGRIB SPYOD BA DANG, BSOD NAMS KYI TSOGS RLABS CHEN PO MYUR DU RDZOGS PAR BYA BA DANG, BLA MA YI DAM SRUNG MA'I TSOGS KYI THUGS RJE DANG NUS MTHU BSKUL BA DANG, RANG GZHAN GYI NAD GDON BAR CHAD ZHI BA LA SOGS PA'I CHED DU TSOGS MCHOD BYA BA LA, RTEN GYI MDUN DU NANG MCHOD, CHU BZHI NYER SPYOD SOGS KYI MCHOD PA, KHYAD PAR TSOGS RDZAS BZA' BCA'I RIGS GTZANG ZHING GYA NOM PA LEGS PAR BSHAM, DE NAS SGRUB PA PO RNAMS GRAL DU 'KHONG NAS, SANGS RGYAS CHOS TSOGS MA LAN, GSUM GYIS SKYAB SEMS BYAS TE, SKAD CIG KROD BSKYED NI, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS
, ,KYIS GRI GUG DANG THOD PA 'DZIN PAR GYUR, SNOD BCUD BYIN GYIS BRLABS PA NI, AE MA HO YE SHES ROL PA CHE, ,ZHING KHAMS THAMS CAD RDO RJE'I ZHING, ,GNAS RNAMS RDO RJE'I PHO BRANG CHE, ,KUN BZANG MCHOD SPRIN RGYA MTSO 'BAR, ,LONGS SPYOD 'DOD DGU'I DPAL DANG LDAN, ,BCUD RNAMS DPA' BO DPA' MO DNGOS, ,MA DAG 'KHRUL BA'I MING YANG MED, ,DAG PA RAB 'BYAMS 'BA' ZHIG GO ,NANG MCHOD DANG CHU BZHI NAS RAG BYA'I BAR GYI PHYI MCHOD RNAMS YI DAM GYI SGRUB THABS LTAR BRLAB, TSOGS RDZAS RNAMS BRLAB PA NI, H'Um SPROS KUN NYER ZHI CHOS SKU'I DANG, ,RLUNG ME G-YO ZHING 'BAR BA'I STENG, ,MI MGO'I SKYID BU GSUM GYI KHAR, ,A'A:- MTSAN
LDAN THOD PA KA P'A LAR, ,AOm RDZAS RNAMS SO SOR 'BAR BAR GYUR, ,DE DAG STENG GNAS H'Um A'A:- AOm, ,KHA DOG GZI BYIN SO SOR 'BAR, ,RLUNG G-YOS ME 'BAR RDZAS RNAMS ZHU, ,KHOL BA'I RLANGS PA CHER G-YOS PA'I, ,YI GE GSUM LAS 'OD ZER TSOGS, ,PHYOGS BCUR 'PHROS PAS RDO RJE GSUM, ,BDUD RTZIR BCAS PA SPYAN DRANGS NAS, , SO SOR YIG GSUM LA THIM PAS, ,BDUD RTZIR ZHU NAS BCUD DANG 'DRES, ,SBYANGS RTOGS SBAR BYAS AE MA HO, ,'DOD DGU'I DPAL 'BYOR RGYA MTSOR GYUR, ,AOm A'A:- H'Um, LAN GSUM, H'Um THUGS RJE'I BDAG NYID RTZA BRGYUD BLA MA DANG, ,YI DAM LHA TSOGS SKYABS GNAS DKON MCHOG GSUM, ,DPA' BO MKHA' 'GRO CHOS SKYONG SRUNG MA'I TSOGS, ,SPYAN 'DREN MCHOD PA'I GNAS 'DIR GSHEGS SU GSOL, ,LAN GSUM, PHYOGS BDAG ZHING SKYONG LHA KLU 'BYUNG PO SOGS, ,DKAR NAG 'DU BYED RGYU LAS BDE SDUG GI ,'BRAS BUR SPYONG PA'I 'GRO DRUG SNYING RJE'I MGRON, ,MA LUS TSOGS KYI GNAS 'DIR GSHEGS SU GSOL, ,BDE CHEN KUN BZANG MCHOD SPRIN RGYA MTSO'I DBUS, ,GSER GYI MYU GU BKRAM PA'I GDONG LNGA'I KHRID,,
, ,SNA TSOGS PAD ZLA NYI MA'I GDAN MCHOG LA, ,ZHABS SEN 'OD CHAGS BRTAN PAR BZHUGS SU GSOL, ,ZHES MGRON SPYAN DRANGS TE BZHUGS SU GSOL, MCHOD PA 'BUL BA LA, DAG CING DRI MED YID 'ONG BA'I, ,SNGAGS KYI BSANG GTOR MCHOG 'DI DAG ,BDAG GIS DANG PAS 'BUL LAGS KYI, ,BZHES TE BDAG LA BKA' DRIN STZOL, ,AOm A'A:- HR'I:- PRA WA RA SAD KA RAm PRO KshA nAm PRA T'I TZTSA H'Um SV'AH'A, DE BZHIN DU, BSAD GTOR GYI GNAS SU, ZHAL BSIL, MCHOD YON, ZHABS BSIL DANG, PROKshO nAm GYI GNAS SU, A'ANYTZA MA nAm, AARGHAm, P'A TYAm ZHES SBYAR NAS CHU BZHI, TING 'DZIN PAR GYIS BRIS PA'I SMIN LEGS GZUGS, ,'KHRI SHING GZHON NU BZHIN DU LUS PHRA ZHING, ,BZHIN RAS RGYAS PAS ZLA BA'I MDZES PA 'PHROG ,AU TPAL SNGON PO'I MIG CAN MCHU SGROS DMAR, ,SPEL LEGS ME TOG PHRENG BA 'DZIN MDZAD MA, ,'DOD PA'I BDE LA CHAGS PA MANG SBRUL TE, ,DKYIL 'KHOR BA RNAMS DGYES PA BSKYED PA'I PHYIR, , NYER SBYOD LHA MO'I BDE BAS MCHOD PAR BYA, ,AOm BADZRA PUshPE PRA T'I TZTSA A'A:- H'Um, ZHES ME TOG DANG, DE BZHIN DU BDUG SBOS NAS ZHAL ZAS KYI BAR LA TSIGS BCAD DANG SNGAGS SNGA MA BZHIN DU BRJOD LA, KHYAD PAR
NI, SPEL LEGS MI TOG PHRENG BA 'DZIN MDZAD MA, ,ZHES DANG, ,PUshPE ZHES PA'I GNAS SU RIM BA BZHIN, DRI ZHIM BDUG PA'I SBOS SNOD 'DZIN MDZAD MA, ,DHU PE ZHES PAS BDUG SPOS DANG, RIN CHEN 'OD 'BAR SNANG GSAL 'DZIN MDZAD MA, D'I BE ZHES MAR ME DANG, STONG GSUM DANG LDANG DRI MCHOG 'DZIN MDZAD MA, ,GANDHE ZHES DRI DANG, RO BRGYA LDAN PA'I ZHAL ZAS 'DZIN MDZAD MA, ,NEE BITYA ZHES ZHAL ZAS DANG, YID 'ONG ROL MO'I CHA BYAD MTHA' YAS LAS, ,BYUNG BA'I GDANGS SNYAN MI 'DRA DU MA CAN, ,THOS PAS LUS SEMS GDUNG BA ZHI BYED PA, ,SNA TSOGS ROL MO'I SGRA YIS MCHOD PAR BYA, ,AOm BADZRA SHABHA PRA T'I TZTSA A'A:- H'Um SV'AH'A, ZHES BAS NYER SPYOD ROL MO, RAB 'BYAMS ZHING NA JI SNYED GZUGS MCHIS PA, ,YONGS SU GYUR PA LAS BYUNG LHA MO NI, , BZHIN RAS 'DZUM ZHING SKU YI MDZES BSTON, ,GZUGS KYI RDO RJE MA YIS MCHOD PA YIS, ,GANG SHAR GZUGS KYI SNANG BA THAMS CAD NI, ,GZUGS KYI RDO RJE MAR NI SHAR BA'I MTHUS, , MI 'GYUR BA DE BA CHEN PO RAB STZAL TE, ,BDE STONG MCHOG GI TING 'DZIN RDZOGS PAR SHOG ,AOm RLU PA BADZRI H'Um H'Um PHAt, CES GZUGS DANG, DE BZHIN DU TSIGS BCAD GZHAN RNAMS SNGA MA BZHIN DU
, ,BRJOD LA, KHYAD PAR NI, GZUGS ZHES PA 'OG MA BZHI LA RIM PA BZHIN, SGRA DANG, DRI DANG, RO DANG, REG BYA ZHES PA BRJES NAS, BZHIN RAS 'DZUM ZHING SKU YI MDZES PA STON, ,ZHES PA'I GNAS SU, SNYAN PA'I PI WANG BRDUNG ZHING GLU LEN MA, ,SHAPTA ZHES PAS SGRA DANG, BZANG PO'I DRI YIS PHYOGS KUN RAB 'GENGS MA, ,GANDHE ZHES DRI DANG, BDUD RTZIS GANG BA'I RIN CHEN SNOD 'DZIN MA, ,RAS ZHES RO DANG, 'JAM MNYEN REG BYA MCHOG GIS YID 'PHROG MA, ,AOm SPARSHA BADZRI H'Um H'Um PHAt, CES 'DOD YON LNGA DBUL, MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD GCIG TU BSDUS PA'I NGO BO, CHOS KYI PHUNG PO STONG PHRAG BRGYA CU RTZA BZHI'I 'BYUNG GNAS, 'PHAGS PA'I DGE 'DUN THAMS CAD KYI MNGA' BDAG ,DRIN CAN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI ZHAL DU AOm A'A:- H'Um, RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU X ,SKYABS GNAS DKON MCHOG RIN PO CHE'I TSOGS
RNAMS KYI ZHAL DU X ,SNGON SANGS RGYAS MTHONG BA, DAM PA'I CHOS THOS PA, 'PHAGS PA'I DGE 'DUN LA BRTEN PA, BSTAN PA DANG 'KHOR RNAM BZHI SKYONG BAR ZHAL GYIS BZHES PA, BLA MA GONG MA RNAMS KYIS BSTEN ZHING BSGRUBS PA'I BSRUNG MA DAM TSIG CAN RNAMS KYI ZHAL DU X ,YUL NYI SHU RTZA BZHI, GNAS SUM CU RTZA GNYIS, DUR KHROD CHEN PO BRGYAD NA GNAS PA'I DPA' BO DANG, RNAL 'BYOR MA DANG, PHYOGS SKYONG DANG, ZHING SKYONG DANG, KLU LA SOGS PA RNAMS KYI ZHAL DU X ,GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A:- H'Um, MGRON THAMS CAD YE SHES KYI BDUD RTZIS MNYES SHING TSIM PAR GYUR, CES NANG MCHOD DBUL, GANG GI THUGS RJES BDE BA CHEN PO'I DBYINGS, ,SKU GSUM GO 'PHANG MCHOG KYANG SKAD CIG LA, ,STZOL MDZAD BLA MA RIN CHEN LTA BU'I SKU, ,RDO RJE CAN ZHABS PADMOR PHYAG 'TSAL LO, ,RAB 'BYAMS RGYAL BA KUN GYI YE SHES NI, ,GANG 'DUL CIR YANG 'CHAR BA'I THABS MKHAS MCHOG ,DUR SMIG 'DZIN PA'I GAR GYIS RNAM ROL BA, ,SKYABS MGON DAM PA'I ZHABS LA
, ,PHYAG 'TSAL LO, ,NYES KUN BAG CHAGS BCAS PA DRUNGS PHYUD ZHING, ,DPAG MED YON TAN RIN CHEN TSOGS KYI GTER, ,PHAN BDE MA LUS 'BYUNG BA'I SGO GCIG PU, ,RJE BTZUN BLA MA'I ZHABS LA X ,LHAR BCAS STON PA SANGS RGYAS KUN GYI DNGOS, ,BRGYAD KHRI BZHI STONG DAM CHOS 'BYUNG BA'I GNAS, ,'PHAGS TSOGS KUN GYI DBUS NA LHANG DE BA, ,DRIN CAN BLA MA RNAMS LA X, ,SKYABS GNAS DKON MCHOG GSUM GYI NGO BO NYID, ,TSOGS BSAG SGRIB PA SBYONG BA'I ZHID GI GTZO, , RGYAL BA KUN LAS LHAG PA'I BKA' DRIN CAN, ,RJE BTZUN BLA MA RNAMS LA X, ,SKU YI CHA SHAS PHYAG MTSAN RGYAN SOGS KYIS, ,TSE GCIG KUN MKHYEN SAR BGROD MYUR LAM MCHOG ,GSAL BAR MTSON PAS DNGOS GRUB MCHOG STZOL BA, ,YI DAM LHA TSOGS RNAMS LA X, ,MTSAN DPE GSAL RDZOGS KUN NAS MDZES PA'I SKU, YAN LAG DRUG CU'I DBYANGS LDAN SNYAN PA'I GSUNG, ,MKHYEN BRTZE'I GTER GYUR ZAB YANGS THUGS MNGA' BA, ,RDZOGS PA'I SANGS RGYAS RNAMS LA X, ,'GRO KUN PHAN BDE
MA LUS 'BYUNG BA'I GANGS, ,NYAM THAG RGUD PA KUN LAS THAR BA'I LAM, ,NAM YANG BSLU BA MED PA'I MGON SKYABS DNGOS, ,LUNG RTOGS DAM CHOS RNAMS LA X, , GZHAN DON KHUR DU 'KHYER BA'I LHAG BSAM GYIS, ,GZHAN PHYIR DKA' BA BRGYA PHRAG BSKAL MANG DU, ,SPYAD KYANG SKYO MED BRTZON PA LHUR LEN PA'I, ,BYANG CHUB SEMS DPA' RNAMS LA X, ,SRID 'BYOR MTHA' DAG RMI LAM DGA' BDE LTAR, ,SNYING PO MED PAR MTHONG BA'I DES 'BYUNG GIS, ,RNAM DAG BSLAB GSUM BSTEN NAS RANG GI DON, ,LEGS BSGRUBS NYAN RANG RNAMS LA X, ,ZHI DANG KHROS PA'I SPRUL PA SNA TSOGS KYIS, ,GNAS SKABS 'GAL RKYEN PAR CHANG KUN SEL ZHING, ,MTHUN RKYEN 'PHRIN LAS MTHA' DAG SGRUB MDZAD PA'I, ,MKHA' 'GRO CHOS SKYONG RNAMS LA X, ,DUS GSUM PHYOGS BCUR BZHUGS PA'I BLA MA DANG, ,RIN CHEN MCHOG GSUM PHYAG 'OS THAMS CAD LA, ,DAD CING MOS PA'I BSTOD DBYANGS RGYA MTSOR BCAS, ,ZHING RDUL MNYAM PA'I LUS SPRUL PHYAG 'TSAL LO, ,ZHES BSTOD, DE NAS TSOGS MCHOD DNGOS GZHI 'BUL BA NI, HO:- TING 'DZIN
, ,SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD RGYA MTSO 'DI, ,RTZA BRGYUD BLA MA'I TSOGS RNAMS MNYES PHYIR 'BUL,, AOm A'A:- H'Um, 'DOD DGU'I DPAL LA ROL PAS TSIM MDZAD NAS, ,AE MA HO, BYIN RLABS CHAR CHEN DBAB TU GSOL, ,LAN GSUM, HO:- TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD RGYA MTSO 'DI, ,YI DAM LHA TSOGS 'KHOR BCAS MNYES PHYIR 'BUL, ,AOm A'A:- H'Um, 'DOD DGU'I DPAL LA ROL BAS TSIM MDZAD NAS, ,AE MA HO, DNGOS GRUB CHAR CHEN DBAB TU GSOL, ,LAN GSUM, HO:- TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD RGYA MTSO 'DI, ,DKON MCHOG RIN CHEN TSOGS RNAMS MNYES PHYIR 'BUL, ,AOm A'A:- H'Um, 'DOD DGU'I DPAL LA ROL PAS TSIM MDZAD NAS, ,AE MA HO, DAM CHOS CHAR CHEN DBAB TU GSOL, ,LAN GSUM, HO:- TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD RGYA MTSO 'DI, ,MKHA' 'GRO CHOS SKYONG TSOGS RNAMS
MNYES PHYIR 'BUL, ,AOm A'A:- H'Um, 'DOD DGU'I DPAL LA ROL PAS TSIM MDZAD NAS, ,AE MA HO, ,'PHRIN LAS CHAR CHEN DBAB TU GSOL, ,LAN GSUM, HO:- TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD RGYA MTSO 'DI, ,MAR GYUR SEMS CAN TSOGS RNAMS MNYES PHYIR 'BUL, ,AOm A'A:- H'Um, 'DOD DGU'I DBAL LA ROL PAS TSIM MDZAD NAS, ,AE MA HO, 'KHRUL SNANG SDUG BSNGAL ZHI GYUR CIG ,LAN GSUM BRJOD, DE NAS LAS KYI RDO RJE JI LTAR RIGS PAS TSOGS PHUNG RNAMS BTEG STE, AE MA HO, TSOGS KYI 'KHOR LO CHE, ,DUS GSUM BDE GSHEGS GSHEGS SHUL TE, DNGOS GRUB MA LUS 'BYUNG BA'I GNAS, ,DE LTAR SHES NAS DPA' BO CHE, , RNAM PAR RTOG PA'I SEMS BOR LA, ,TSOGS KYI 'KHOR LO RGYAN DU ROL, ZHES BRJOD NAS TSOGS GRAL DU 'DUS PA RNAMS LA TSOGS RJES 'BUL, DE NAS TSOGS KYI SLOB DPON GYIS GTZO BYAS THAMS CAD KYIS MGRIN GCIG TU, AOm RDO RJE GSUM DBYER MED PA'I BDAG ,RANG NYID BLA MA LHAR GSAL BAS, ,A'A:- ZAG MED YE SHES BDUD RTZI 'DI, ,H'Um BYANG CHUB SEMS LAS G-YO
, ,MED PAR, ,LUS GNAS LHA RNAMS MNYES PHYIR ROL, ,ZHES BRJOD CING TSOGS RDZAS LAS CUNG ZAD MYANG LA, AA HO MA H'A SU KHA, ZHES BRJOD NAS LHA MCHOD PA'I BSAM PA DANG NANG GI SBYIN SREG GI TSUL DU LONGS SPYOD, DE NAS PHUR TSUGS SU GSOL BA 'DEBS PA NI, KHYOD NI BLA MA KHYOD NI YI DAM KHYOD NI MKHA' 'GRO CHOS SKYONG STE, ,DENG NAS BZUNG STE BYANG CHUB BAR DU KHYOD MIN SKYABS GZHAN MI 'TSOL BAS, ,'DI DANG BAR DO PHYI MA'I MTHAR YANG THUGS RJE'I LCAGS KYUS GZUNG MDZOD LA, ,SRID ZHI'I 'JIGS SGROL DNGOS GRUB KUN STZOL GTAN GYI GROGS MDZOD BAR GCOD SRUNGS, ,LAN GSUM DANG, DENG NAS SKYE ZHING SKYE BA THAMS CAD DU, ,SKYABS MGON KHYED RNAMS 'BRAL MED RJES BZUNG ZHING, , GNAS SKABS MTHAR THUG DGOS 'DOD MA LUS PA, ,'BAD MED LHUN GYIS 'GRUB PA'I BKRA SHIS STZOL, ,ZHES PA'ANG LAN GSUM GYIS GSOL BA GDAB, DE NAS LAS KYI RDO RJES TSOGS LHAG RNAMS BSDUS TE SNOD DU BZHAG LA, ,TSOGS PAS, ,H'Um MA DAG 'KHRUL SNAD DBYINGS SU DAG ,A'A:- YE SHES LAS GRUB BDUD RTZI CHE, ,AOm 'DOD DGU'I RGYA MTSO CHEN POR GYUR, ,AOm A'A:- H'Um,
GSUM GYIS BYIN GYIS BRLABS LA, RANG GI THUGS KA'I H'Um GI 'OD ZER GYIS DUR KHROD BRGYAD LA SOGS PA NAS DAM CAN ZHING SKYONG GI TSOGS RNAMS SBYAN DRANGS, GZHAN YANG LHAG MAR PA'I 'BYUNG PO'I TSOGS THAMS CAD KYANG 'DUS BAR GYUR, HO:- TING 'DZIN SNGAGS DANG PHYAG RGYAS BYIN BRLABS BA'I, ,ZAG MED BDUD RTZI'I TSOGS LHAG RGYA MTSO 'DI, ,DAM CAN ZHING SKYONG TSOGS RNAMS MNYES PHYIR 'BUL, ,AOm A'A:- H'Um, 'DOD DGU'I DPAL LA ROL BAS TSIM MDZAD NAS, ,AE MA HO, RNAL 'BYOR 'PHRIN LAS TSUL BZHIN SGRUBS, , LAN GSUM, AOm A'A:- H'Um, HO:- LHAG MA'I MGRON RNAMS 'KHOR BCAS KYIS, ,TSOGS LHAG RGYA MTSO 'DI BZHES NAS, ,BSTAN PA RIN CHEN RGYAS PA DANG, ,BSTAN 'DZIN YON MCHOD THAMS CAD DANG, ,KHYAD PAR RNAL 'BYOR YON MCHOD LA, ,DUS DANG GNAS SKABS THAMS CAD DU, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB DAM PA STZOL, ,DAM TSIG CAN GYIS BDAG LA SRUNGS, ,
, ,DNGOS GRUB KUN GYI STONG GROGS MDZOD, ,DUS MIN 'CHI DANG NAD RNAMS DANG, ,GDON DANG BGEGS RNAMS ZHI BA DANG, ,RMI LAM NGAN DANG MTSAN MA NGAN, ,BYA BYED NGAN RNAMS MED PAR MDZOD, ,'JIG RTEN BA DE ZHING LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHOG ,CES BRJOD CING LHAG GTOR PHYI ROL TU SKYEL, 'DUN PA DRAG POS BSNGO SMON BYA, YIG BRGYA LAN GSUM BZLAS GANG YANG BDAG BLO SOGS SHO LO KA GSUM GYIS NONGS PA BZOD PAR GSOL LA, AOm BADZRA MU:- MGRON 'JIG RTEN PA RNAMS RANG GNAS SU GSHEGS SHING, TSOGS ZHING RNAMS RANG LA THIM PAS RGYUD BYIN GYIS BRLABS PAR GYUR PAR BSAMS SHING, SHIS PA BRJOD CING ME TOG GI CHAR DBAB PAR BYA'O,, ,, 'DIS KYANG ^ RJE BLA MA RDO RJE 'CHANG CHEN PO'I BSTAN PA RIN PO CHE DAR ZHING RGYAS TE NAM YANG MI NUB PA'I RGYAL MTSAN DU GYUR CIG, ,,MANGGA LAm,, ,,
, ,TSOGS 'KHOR GYI DRIS LAN BZHUGS SO, , *, ,SPYIR TSOGS 'KHOR GYI CHO GA 'DI NI BLA MCHOD BDE STONG DBYER MED MA DANG 'BREL BA'I CHO GA YIN PAS, ,BLA MCHOD KYI TSOGS ZHING SNGAR YOD GSAL 'DEBS PA'AM, ,GSAR DU BSKYED TSE DE DANG 'DRA BAR BYED DGOS PA YIN MOD KYANG, LAM RIM GTZO BOR NYAMS LEN DU BYED PA DAG GIS NI TSOGS ZHING GSAL GDAB TSUL LAM RIM LTAR BYAS NA LEGS, GSER GYI MYU GU ZHES PA NI BLA MCHOD DANG 'BREL BA'I TSE DPAG BSAM SHING DU BSAM NA'ANG CHO GA MOD KYANG, DON NI, GSER GYI MYU GU'AM ME TOG BKRAM PA LTAR SENG KHRI MANG PO BKRAM PA'I DON YIN, ,CHU BZHI'I GO RIM NI, BLA MCHOD KYI CHO GA 'DI GSANG 'DUS KYI LUGS GTZO POR BYAS PA YIN PAS, BSANG GTOR ZHAL BSIL MCHOD YON ZHABS BSIL RNAMS RIM BZHIN 'BUL DGOS, TING 'DZIN SNGAGS DANG PHYAG RGYA ZHES PA'I PHYAG RGYA NI, ,RDO RJE GSUM GYI LHA TSOGS SPYAN DRANGS NAS BSTIM BDE YIN, ,DE'I PHYIR SNGAGS NI 'BRU GSUM DANG, TING 'DZIN NI SBYANGS RTOGS SPAR GSUM GYI DMIGS PA BYED TSUL DE RNAMS YIN,
, ,BYIN RLABS ZHU BA'I SKABS KYI BDUD RTZI 'BEBS SBYANG BYED TSUL SBYIN BSREG GI 'PHRIN LAS MDZAD PA'I DMIGS PA DANG 'DRA ZHING, RGYAL DBANG BSKAL BZANG RGYA MTSO'I BDE MCHOG GI TSOGS 'KHOR GYI CHO GAR GSAL PO YOD, LUNG RTOGS KYI CHOS DKON MCHOG GSAL GDAB DGOS SHING, TSOGS 'KHOR YANG 'BUL DGOS TE, BLA MCHOD DANG LAM RIM GANG DANG 'BREL BA YIN TSE DE'I LUGS BZHIN BYED DGOS PAS, SKABS 'DIR LAM RIM LTAR BYED RGYU YIN, RANG RDO RJE GSUM GYI NGO BOR MOS PA BYED PA NI, RANG 'JIGS BYED DU GSAL BAS, AOm ZHES RING DU BRJOD PA'I TSE PHYOGS BCU'I SKYABS GNAS THAMS CAD RDO RJE 'JIGS BYED DKAR DMAR MA THIB GSUM GYI RNAM PA DPAG TU MED PA BYON NAS RANG LA THIM, RANG RJE RIN PO CHE DANG RDO RJE 'JIGS BYED DBYER MED KYI NGO BOR BSAM PA'AM, RDO RJE 'JIGS BYED KYI YE SHES SEMS DPA'I THUGS KAR RJE RIN PO CHE, DE'I THUGS KAR TING NGE 'DZIN SEMS DPA' H'Um GI THIG LE'I NAD DU DH'I:- SA MTSAN BAR BSAM, A'A:- 'I TSE TSOGS RDZAS RNAMS RDO RJE 'JIGS BYED KYI YE SHES NYID BDUD RTZIR
GYUR PA'I RDZAS SU BSAM, H'Um GI TSE RANG GI LJAGS RDO RJE RTZE GCIG PA'I 'OD KYI SPU GU RDZAS DE NYID MAR KHU'I RNAM PAR YOD PA LA ZUG PAR BSAM, LUS GNAS LHA RNAMS NI SKYE MCHED SKU GSUNG THUGS KYI LHA DNGOS SAM, MIG GNYIS SU KshIm SOGS KYI RNAM PAR YOD PA DE RNAMS YIN ZHING, ME 'BAR BA'I STENG DU MAR BLUGS PA NA CHES CHER 'BAR BA LTA BU'AM, KHA DOG GSAL BA'I RIN PO CHE LA NYI 'OD PHOG PA NA JE GSAL DU 'GYUR BA LTAR TSOGS 'KHOR MYONG BA'I TSE RANG RGYUD LA BDE BA CHEN PO'I YE SHES SKYES SHING, DE'I STOBS KYIS RANG NYID YON TAN DANG GZI BRJID RGYAS PAR GYUR PA DANG, SKYE MCHED KYI LHA DANG YI GE RNAMS KYANG KHA DOG 'BAR ZHING, MTHU STOBS YON TAN PHUN SUM TSOGS PAR BSAM, BYANG CHUB SEMS LAS G-YO MED PAR, , ZHES PA YANG DMIGS PA JI LTAR BYA BA'I TSUL LAS MA G-YOS PA DANG, KHO BOS DGE BA'I BYA BA BYAS BA 'DI RNAMS KYIS RANG GZHAN LA PHAN PA RGYA CHEN PO 'BYUNG BAR GYUR CIG SNYAM PA SOGS TE, BCU CHA DANG KHA SKONG GI KUN SLONG GI SKABS SU BSHAD PA LAS SHES PAR BYA, PHYI'I TSOGS 'KHOR NI RDZAS RNAMS BDUD RTZIR MOS NAS LONGS SPYOD PA 'DI YIN, NANG GI TSOGS 'KHOR NI
, ,'DI LTAR BYAS PAS SDIG SGRIB SBYANG BA DANG BSOD NAMS 'PHEL BA SOGS KYI SMON PA BYED PA DE YIN, 'DI KUN SLONG GI BSAM TSUL YIN, ,GSANG BA'I TSOGS 'KHOR NI RANG RGYUD LA BDE BA CHEN PO'I YE SHES DNGOS SU SKYES BAR BSAM PA YIN, DE KHO NA NYID KYI TSOGS 'KHOR NI, 'DI THAMS CAD RGYU RKYEN TSOGS PA LAS GRUB PA YIN KYANG, SO SO'I RANG BZHIN BTZAL NA RNYED RGYU GTAN MED KYI STONG PA NYID DO SNYAM DU BSAM PA'O, ,MDOR NA NGO BO BDEN PAR MED KYANG, BLA MA LHA'I BYIN RLABS DANG CHO GA'I NUS PA SOGS TSOGS PA'I STOBS KYIS YE SHES KYI BDUD RTZIR GYUR PA'I TSOGS RDZAS 'DI LA SPYAD BAS RANG GZHAN LA PHAN BDE RGYA CHEN PO 'BYUNG BAR GYUR CIG SNYAM DU BSAM NA TSOGS 'KHOR GYI DAM TSIG THAMS CAD TSANG BAR 'GYUR ZHING PHAN YON 'BYUNG BAR NGES SO,, ,,MANGGA LAm,, ,,'DI'I PAR GYI YI GE PA NI DGE SLONG PHUN TSOGS BKRA SHIS SO,, ,,
[BLANK PAGE]