/TA 7\ JA 1 *, ,BOD YIG GE 'JUG TSUL DANG RNAM DBYE BZHUGS SO, , 7
, ,AOm SVA STI, NA MO GU RU MANYDZU GHO sh'A YA, RNAM 'DREN KUN GYIS STON MDZAD CING, ,MKHAS PA KUN GYIS BSNGAGS PA'I LAM, ,SKAL LDAN KUN LA STZOL MDZAD PA'I, ,BLA MA KUN LA PHYAG 'TSAL LO, ,'DIR BKA' DANG BSTAN BCOS RNAMS LA RTOG DPYOD BYA BAR 'DOD PA'I GSAR BU PA DAG GI BLO'I NUS PA RGYAS PAR BYED PA'I TSIG 'GA' ZHIG BRJOD BA LA, BOD KYI YI GE 'BYUNG TSUL, RJES 'JUG SOGS KYI RNAM BZHAG ,RNAM DBYE SOGS KYI RNAM BZHAG DANG GSUM, DANG PO NI, SNGON RGYAL PO SRONG BTZAN SGAM POS BLON PO THON MI SAMBHOtA RGYA GAR DU BRDZANGS PA DES LA NYTZA'I YI GE SOGS LA MKHAS PAR SBYANGS NAS BOD DU 'ONGS TE, BOD KYI GZAB YIG DANG GSHAR YIG
, ,RNAMS BRTZAMS SO, ,DE YANG RGYA GAR GYI YI GE LA, AA A'A NAS AAm AA:- 'I BAR DBYANGS YIG BCU DRUG , KA KHA NAS HA KshA'I BAR GSAL BYED SO BZHI YOD PA LAS BOD SKAD LA MI MKHO PA DAG NI BOR LA, BOD LA MKHO BA, CA CHA JA ZHA ZA 'A DRUG BSNAN TE KA KHA GA NGA, CA CHA JA NYA, TA THA DA NA, PA PHA BA MA, TZA TSA DZA WA, ZHA ZA 'A YA, RA LA SHA SA, HA AA, ZHES SDE PA PHYED DANG BRGYAD NI GSAL BYED SUM BCU DANG, AI AU AE AO BZHI NI DBYANGS YIG TU MDZAD PAR GSUNGS SO, ,GNYIS PA LA, RJES 'JUG ,SNGON 'JUG ,MI 'JUG PA, BTAGS CAN, MGO CAN TE LNGA, DANG PO LA, RJES 'JUG NGOS GZUNG BA, ,
YANG 'JUG NGOS GZUNG BA, DE DAG GI DPER BRJOD GSUM, DANG PO NI, GONG GI GSAL BYED SUM BCU LAS, GA NGA DA NA BA MA 'A RA LA SA STE BCU'O, ,GNYIS PA NI, SA YIG KHO NA'O, ,GSUM PA NI, BKAG BKANG BKAD DKAN BKAB, SKAM BKA' BSKAR BKAL BKAS, ZHES PA LTA BU KA YIG GI RJES SU 'JUG PA DANG, DE BZHIN DU KHAG KHANG SOGS YI GE SUM BCU PO THAMS CAD KYI RJES SU 'JUG TU RUNG NGO, ,YANG 'JUG NI, CHAGS, SBYANGS, STABS, SEMS, ZHES PA LTA BU, GA DA BA MA BZHI'I MJUG TU NI YANG 'JUG 'OD DU RUNG LA, DE LAS GZHAN LA NI 'OD MI RUNG NGO, ,SDOM NI, GA NGA DA NA BA MA 'A, ,RA LA SA STE RJES 'JUG BCU, ,YANG 'JUG SA YIG GCIG BU YIN, ,RJES 'JUG KUN LA 'JUG TU RUNG, ,YANG 'JUG GA NGA BA MA BZHIR, ,'JUG GI GZHAN LA MI RUNG NGO, ,GNYIS PA SNGON 'JUG LA, DE NGOS GZUNG BA, GANG LA 'JUG MI 'JUG GI KHYAD PAR, DPER BRJOD GSUM, DANG PO NI, GONG GI RJES 'JUG BCU LAS, GA DA BA MA 'A STE LNGA PO 'DI NI SNGON DU'ANG 'JUG GO ,GNYIS PA LA, GA NI,
, ,CA NYA TA NGA NA TZA ZHA ZA YA SHA SA STE YI GE BCU GCIG GI SNGON DU 'JUG LA, GZHAN LA NI MI RUNG NGO, ,DE BZHIN DU, NGA NI, KA GA NGA PA BA MA DRUG DANG, BA NI, KA GA CA TA NGA TZA ZHA ZA SHA SA BCU DANG, MA NI, KHA GA NGA CHA JA NYA THA DA NA TSA DZA BCU GCIG DANG, 'A NI, KHA GA CHA JA THA DA PHA BA TSA DZA STE BCU'I SNGON DU 'JUG GO ,GSUM BA DPER BRJOD LA, GA YIG SNGON DU 'JUG PA NI, GCES GNYA' GTAN GDA' GNAS GTZANG GZHAN GZA' G-YAG GSHAD GSAL LTA BU YIN LA, DA 'JUG BA NI, DKAR DGANG NGA DAR SOGS TE, 'DIS GZHAN LA'ANG 'GRO'O, ,'DI RNAMS LAS GZHAN LA MI RUNG BA NI, GA KA DA KHA BA AA MA BA LTA BU SOGS SO, ,SDOM NI, GA DA BA MA 'A LNGA PO, ,SNGON DU 'ANG 'JUG BAR SHES PAR BYA, ,GSUM PA MI 'JUG PA NI, RJES 'JUG BCU PO MA GTOGS PA'I YI GE NYI SHU STE, KA KHA CA CHA SOGS SO, ,DE DAG NI YI GE GANG GI YANG SNGON RJES GANG DU YANG MI 'JUG STE, DPER NA, KA GA TA, KHA BA CA, THA PHA YA LTA BU MI RUNG BA YIN NO, ,SDOM NI, RJES 'JUG MA GTOGS NYI SHU NI, ,SNGON RJES
GANG DU 'ANG MI 'JUG GO ,BZHI PA BTAGS CAN LA, SPYIR GI GU ZHABS KYU 'GRENG BU NA RO BZHI NI YI GE SUM BCU PO KUN LA GDAGS SU RUNG MOD, 'ON KYANG YI GE GCIG LA GI GU 'GRENG BU GNYIS BRTZEGS LTA BU NI MI RUNG STE, KI KHU LTA BU'O, ,BYE BRAG TU, YA BTAGS CAN DU 'ONG BA NI, KA KHA GA PA PHA BA MA BDUN TE, DPER NA, DKYIL BYA BA DKYES DBYAD PHYIR BYAD MYONG LTA BU'O, ,'DI LAS GZHAN LA MI 'OD BA NI, CYA NY+YA TYA LTA BU STE GZHAN LA'ANG 'GRE, DPE RNYING LA LAR BZHUGS SHYO RDZOGS SHYO ZHES SA LA HA DANG YA BTAGS PA'I YI GE BRIS PA YOD KYANG DE'I KHUNGS MA MTHONG, RA BTAGS CAN NI, KA KHA GA TA THA DA NA PA PHA BA MA SA HA BCU GSUM STE, BKRA KHRAB GRAG TRE SAM THEG DRANG SNEL GZHI BRA PHAB PHRA BA BRAG SMRA SRA BA HUL PO LTA BU'O, ,LA BTAGS CAN NI, KA GA BA ZA RA SA DRUG STE, KLAD PA GLANG PO BLA MA ZLA BA RLABS SLA LTA BU'O, BSTAN BCOS RNAMS SU LA BTAGS CAN GYI SHA YIG SHLOO KA ZHES PA ZHIG SNANG YANG BOD SKAD MIN PA 'DRA'O, ,WA BTAGS CAN NI, KA KHA GA NYA DA TZA TSA ZHA ZA RA LA SHA HA BCU GSUM STE, KVA YI KHVA DA, GVA DOR NYA BZHI
, ,DVA PHRUG, RTZVA DUR BA, BA TSVA, ZHVA SER, ZVA TSOD, RVA CO, LVA BA, SHVA HVAGS PA LTA BU'O, ,DPE LA LAR, BCVO LNGA 'JVA SA LA SVAGS PA ZHES CA JAS GSUM LA LVA BTAGS PA'ANG SNANG, SDOM NI, YA BTAGS 'ONG BA'I YI GE BDUN, ,RA BTAGS CAN NI BCU GSUM YIN, ,LA BTAGS CAN LA DRUG DAR NI, ,LVA BTAGS BCU GSUM YOD PAR SHES, ,LNGA PA MGO CAN LA, MGOR 'ONG BA'I YI GE NI, RA LA SA GSUM MO, ,DE LA RA MGO CAN NI, KA GA NGA JA NYA TA DA NA BA MA TZA DZA LA BCU GSUM STE, RKANG PA BRGAL RDA BRJOD RNYING RTA BRDA RNA, RBAD, RMA RTZA RDZAB RLAN LTA BU'O, ,LA MGO CAN NI, KA GA NGA CA JA TA DA PA BA HA BCU STE, LKOG MA, SGANG PA, LNGA, LCAGS, LJAGS, LTA BA LNGA LDI LPAGS PA, LBA BA, LHAD DE LTA BU'O, ,SA MGO CAN NI, KA GA NGA NYA TA DA NA PA BA MA TZA BCU GCIG STE, SKAL SGANG SNGAR SNYING STENG SDANG SNA SPOBS SPAL SMAN STZAL LTA BU'O, ,DPE RNYID LA LAR, SDZAS ZHES PA'ANG SNANG, GZHAN YANG, SKYA SGRA BLU ZHES PA LTA BU SOGS YOD KYANG, KA YIG NI SA MGO CAN DANG YA BTAGS CAN GNYIS KAR
'OD BAS SKYA ZHES PA'I YI GE 'OD BAR GO NUS LA, KHA NI YA BTAGS CAN DU 'ONG YANG MGO CAN DU MI 'ONG BAS SKHYA ZHES PA LTA BU MI 'OD BAR GO NUS PA SOGS YIN PAS MA BRIS SHING, RJES 'JUG SOGS KYANG PHAL CHER SNGAR BSHAD BAS GO BAR 'GYUR LA, MA NGES PA 'GA' ZHIG NI, RA DANG LA GNYIS LA SNGON 'JUG 'ONG BA MED KYANG DE GNYIS BRTZEGS PA LA 'OD BA NI BRLA LTA BU DANG, NYA RKYANG LA SNGON 'JUG GA 'OD YANG SA MGO CAN SNYA LA MI 'OD BA LTA BU, YOD KYANG 'DIR MA 'BRIS SO, ,SDOM NI, RA LA SA GSUM MGOR 'OD LA, ,RA MGO CAN NI BCU GSUM DANG, ,LA MGO CAN NI BCUR NGES SHING, ,SA MGO CAN LA BCU GCIG GO ,RTZA BA'I SA BCAD GSUM PA RNAM DBYE SOGS LA GNYIS, RNAM DBYE BA MED PA DANG, DON LHAG MA GZHAN BSTAN PA'O, ,DANG PO LA, SGRA NYID 'GOD PA DANG, RGYU MTSAN BRJOD PA'O, ,DANG PO LA, NGO BO BRJOD PA'I SGRA NI, SANGS RGYAS CHOS DGE 'DUN LHA MI BLO SGRA LTA BU RNAMS SO,, 'BREL BA'I SGRA NI, GI KYI GYI 'I RNAMS TE, 'DI NGAG LAS GI NI GA DA GNYIS KYI RJES SU 'ONG STE, DPER NA, BDAG GI GANG GI LTA BU'O, ,KYI NI DA BA SA GSUM LA 'OD STE, KHYOD KYI
, ,RGYAB KYI RNAMS KYI LTA BU'O, GYI NI NA MA RA LA BZHIR TE, ,KUN GYI LAM GYI ,NOR GYI RGYAL GYI LTA BU'O, ,'I NI 'A DANG RJES 'JUG MED BA RNAMS LA STE, DE YANG SEMS DPA' LTA BU LA 'ONG BA'I TSE, RJES 'JUG GI 'A DE NYID LA GI GU 'DOGS BA YIN GYI, DPA' 'I ZHES PA LTA BU MA YIN NO, RJES 'JUG MED PA KA BA LHA DE RO LTA BU LA NI, KA BA'I LTA'I DE'I RO'I LTA BU'O, TSIGS BCAD KYI RKANG PA SGONG BA'I TSE NI, 'I 'ONGS RA YI 'ONG STE, DRANG SRONG LHA MIG LDAN PA YI, LTA BU DANG, LHA YI ME TOG DAM PA 'DI, LTA BU'O, ,BYED PA PO'I SGRA NI, GIS KYIS GYIS SA RNAMS SO, ,DE LA GIS NI GA NGA GNYIS LA STE, MIG GIS GSUNG GIS LTA BU'O, KYIS NI NGA BA SA GSUM LA STE; SNOD KYIS YAB KYIS THUGS KYIS LTA BU'O, GYIS NI NA MA RA LA BZHIR TE, DON GYIS KHYIM GYIS GTER GYIS TSUL GYIS LTA BU'O, ,SA NI 'A DANG RJES 'JUG MED PA RNAMS PA STE, DGA' LTA BU LA DAGS DANG, BUM BA GTZO BO LTA BU LA BUM PAS GTZO BOS LTA BU'O, ,RKANG PA SKOD CHE YIS 'ONG BA NI, RIGS PA YIS NI MI NUS NA, LTA BU DANG,
SKABS 'GAR TSIG LHUG LA'ANG 'ONG BAR SNANG, LHAG BCAS KYI SGRA NI, DE TE STE CING ZHING SHING RNAMS SO, ,DE LA DE NI DA'I RJES SU 'ONG STE, YONG DE BTUNG DE LTA BU'O, , TE NI NA RA LA SA BZHIR TE, YIN TE PHYIR TE GROL TE GSUNGS TE LTA BU'O, ,STE NI GANG BA MA 'A DANG RJES 'JUG MED PA RNAMS LA STE, LDOG STE, SONG STE KHYAB STE SNYAM STE DGA' STE SGRA STE CI STE LTA BU'O, ,CING NI GA DA BA GSUM LA STE, SGEG CING BKOD CING THOB CING LTA BU'O, ,ZHING NI NGA NA MA RA LA 'A DANG RJES 'JUG MED PA RNAMS LA STE, 'ONG ZHING SMON ZHING THIM ZHING BOR ZHING DU LA ZHING DPA' ZHING SKYE ZHING 'DU ZHING LTA BU'O, ,DPE LA LAR, BRTEN CING GYUR CING ZHES PA'ANG SNANG, SHING NI SA LA STE, GSUNGS SHING LTA BU'O, ,TSIG RGYAN GYI SGRA NI, KYANG 'ANG YANG RNAMS SO, ,DE LA GA DA BA SA DANG SKABS 'GAR NA LA'ANG 'ONG STE, BDAG KYANG KHYOD KYANG KHYAB KYANG SUS KYANG 'ON KYANG LTA BU'O, ,'DI NI RJES 'JUG MED PA LA STE, GANG LA'ANG 'DI NI 'DI LTA BU'O, ,TSIGS BCAD 'GA' RE RE, 'GA'ANG ZHES PA LTA BU 'OD NGO, ,YANG NI DA NA MA 'A RA LA DRUG DANG, RKANG BA SKONG BA LA'ANG 'ONG STE, GANG YANG
, ,YIN YANG RLOM YANG 'GA' YANG SLAR YANG MJAL YANG DANG, RDO RJE DRI LA BU PHYAG RGYA YANG, ,LTA BU DANG, TSIG LHUG LA'ANG, DE YANG LTA BU 'ONG BA YOD DO, ,GANG MA KHA CAN SOGS LA 'OD BA'I SGRA NI, GAM NGAM DAM NAM BAM MAM 'AM RAM LAM SAM TAM RNAMS SO, ,DE YANG PHAL CHER RANG GI SNGA ROL GYI TSIG GI RJES 'JUG DANG MTHUN TE, 'DUG GAM RUNG DAM YOD DAM YIN NAM GRUB BAM SNYAM MAM DGA' MA TSOR RAM 'BUL LAM SHES SAM LTA BU DANG, RJES 'JUG MED PA LA NI, LHA'AM MI'AM LTA BU DANG, SKABS 'GAR NA RA LA GSUM LA TA MA 'ONG BA NI, MKHYEN TAM GYUR TAM GSOL TAM LTA BU'O, ,BSKUL TSIG SOGS KYI SKABS SU 'ONG BA'I SGRA NI, ZHIG SHIG CIG RNAMS SO, ,DE LA ZHIG NI, DAM LA 'A DANG RJES 'JUG MED PA LA'ANG 'ONG STE, SONG ZHIG NAM ZHIG THUL ZHIG 'DA' ZHIG ZO ZHIG LTA BU'O, ,SHIG NI SEL STE, GSUNGS SHIG LTA BU'O, ,CIG NI GA DA NA BA RA RNAMS LA STE, KHUG CIG MDZOD CIG STON CIG PHOB CIG 'OR CIG LTA BU'O, ,DOGS PA BSU BA
SOGS LA 'ONG BA'I SGRA NI, ZHE NA CE NA SHEN RNAMS SO, ,DE LA ZHE NA NI, NGA NA MA 'A RA LA DANG RJES 'JUG MED PA LA STE, GANG ZHE NA YIN ZHE NA RUNG DAM ZHE NA CI GDA' ZHE NA CI'I PHYIR ZHE NA 'TSAL ZHE NA CI ZHE NA LTA BU'O, ,CE NA NI GA NGA BA GSUM LA STE, GANG NA 'DUG CE NA, CI YOD CE NA CI 'GRUB CE NA LTA BU'O, ,SHE NA NI SA LA STE, GANG GSUNGS SHE NA LTA BU'O, ,'ON KYANG BSTAN BCOS RNAMS SU SA'I RJES SU YANG ZHE NA BRIS PA MANG BAR SNANG NGO, ,TSIG SPYI'I MTSAMS SBYAR SOGS LA 'ONG BA'I SGRA NI, ZHES CES GNYIS SO, ,DE LA ZHES NI DA NA MA 'A RA LA SA BDUN DANG RJES 'JUG MED PA LA STE, 'BYUNG ZHES YIN ZHES TZAM ZHES DPA' ZHES DAR ZHES 'DUL ZHES DGOS ZHES BDE ZHES LTA BU'O, ,'GA' ZHIG TU SA'I RJES SU SHES 'ONG BAR BSHAD, CES NI GA DA BA GSUM LA STE, CHOG CES, 'KHOD CES, KHYAB CES LTA BU'O, ,RDZOGS TSIG TU 'ONG BA'I SGRA NI, GO NGO DO NO BO MO 'O RO LO SO TO RNAMS SO, ,DE YANG 'DUG GO RUNG NGO YOD DO YIN NO GRUB BO TZAM MO DGA'O 'GYUR RO PHUL LO DGOS SO LTA BU RJES 'JUG DANG MTHUN PA DANG, RJES 'JUG MED BA LA 'DI'O 'GRO'O
, ,LTA BU 'O DANG, SKABS 'GAR NA RA LA GSUM LA ZIN TO GYUR TO BSTZAL TO LTA BU 'ONG NGO, ,LAS SU BYA BA SOGS LA 'OD BA'I SGRA NI, SU RU TU DU NA LA RNAMS SO, ,DE LA SU NI SA LA STE, YONGS SU LTA BU'O, ,RU NI 'A DAD RJES 'JUG MED PA LA STE, 'BA' RU BUM PA RU LTA BU'O, ,TU NI GA BA GNYIS LA STE, GCIG TU RAB TU LTA BU'O, ,DU NI NGA DA NA MA RA LA DRUG LA STE, GANG DU SLAD DU KUN DU GAM DU PHYIR DU ZHAL DU LTA BU'O, ,DPE LA LAR KUN TU ZHES BRIS PA YOD KYANG BRIS NOR YIN NAM SNYAM,, NA LA GNYIS NI 'OG TU 'CHAD, ,TSIG GROGS SOGS LA 'ONG BA'I SGRA LAS, BA NI GA DA BA SA NA MA DRUG LA STE, THEG PA BSTOD PA GRUB PA DGOS PA RGAN PA RNAM PA LTA BU'O,, BA NI NGA 'A RA LA BZHI DANG RJES 'JUG MED PA LA STE, SNANG BA DGA' BA 'GYUR BA 'DUL BA SKYE BA LTA BU'O, ,THAR PA RKANG BA LTA BU MA NGES PA YANG 'JUG ,GZHAN RNAMS NI 'DIR MI SPRO'O, ,SDOM NI, SO SO'I MING BRJOD NGO BO'I SGRA, ,GI KYI SOGS NI 'BREL BA'I SGRA, ,DE LA SA SBYAR BYED SGRA YIN, ,TE STE CING SOGS LHAG BCAS SGRA, ,KYANG YANG 'ANG
RNAMS TSIG RGYAN TE, ,GA MDAM LA SOGS GDAM KHA CAN, ,ZHIG CIG SOGS NI BSKUL TSIG DANG, ,ZHEN LA SOGS DOGS BSU'O, ,ZHES CES DAG NI MTSAMS SBYAD TE, ,GO NGO LA SOGS RDZOGS TSIG GO ,SU RU TU SOGS LAS SOGS SGRA, ,BAB LA SOGS TSIG GROGS YIN,, ,, ^ PAR YIG PA DGE SLONG DHARMA BKRA SHIS SO,,