/TA 6\ CHA 5 *, ,PAn CHEN RIN PO CHE'I GSUNG 'GA' LAS BRTZAMS PA'I DRIS LAN BZHUGS SO, ,11
, ,PAn CHEN THAMS CAD MKHYEN BA BLO BZANG DPAL LDAN YE SHES DPAL BZANG PO'I DRUNG DU, DKA' CHEN YE SHES TSE RING DANG DKA' CHEN YE SHES DGE 'DUN GNYIS KYIS RTZOD YIG PHUL BA'I LAN DU GNANG BA LAS, CHES PHRA'I BLO GROS MTSON RNON DGE BA'I BSHES, , GSUNG GI SNU MA TSOGS NGAR GYIS MA BRAN PAR, ,GZHUNG LUGS NAGS TSAL 'DREN PAR MI NUS PAS, ,THAR PAR 'DOD RNAMS TSUL 'DI'I RGYU LA 'BAD, ,CES GSUNGS BA'I TSIGS BCAD 'DI NI SNYAN DNGAGS KYI LUGS BZHIN SBYAR BA YIN LA, DE YANG SNYAN DANG GSAL DON RGYAN DANG SGRA RGYAN GNYIS YOD CING, DON RGYAN LA NI SO LNGA YOD PA LAS 'DI NI GZUGS CAN GYI RGYAN YIN NO, ,DE LA YANG SBYOR TSUL MI 'DRA BA MANG DU YOD PA'I
, ,NANG NAS SHO LO KA 'DI NI DPE CAN DPE'I GZUGS SU BKOD PA'I RGYAN YIN ZHING, DE LA DPE CAN NI, CHES PHRA BA'I BLO DANG, DGE BA'I BSHES GNYEN GYI GSUNG THOS PA DANG, GZHUNG LUGS MANG PO'I DON GO BA RNAMS YIN LA, DPE NI MTSON RNON PO DANG, SNUM TSOGS KYI NGAR GYIS THAN PA DANG, NAGS TSAL GYI SHING MANG PO GCOD NUS PA RNAMS YIN NO, ,DE YANG DPE DON SBYAR NAS BSHAD NA, CHES PHRA BA'I BLO DANG LDAN KYANG BSHES GNYEN MKHAS PA LA BRTEN NAS GSUNG GI BSHAD PA LA THOS PA MANG PO MA BYAS NA MDO SNGAGS KYI GZHUNG LUGS CHEN PO SOGS KYI DON GO PAR MI NUS TE, DPER NA MTSON RNON PO YIN KYANG SNUM LA SOGS PA'I DAR BLUD PA'I RDZAS KYI TSOGS KYIS DAR MA BRAN NA SHING
MA DPE RANG NI RTZA CHAD, ,SNGAR BCOM LDAN 'DAS ZHAL BZHUGS PA'I DUS SU YUM GYI MDO NAS GSUNGS PA'I STONG PA NYID KYI DON PHYIN CI MA LOG BAR RTOGS NAS BSGOM PA'I CHU LA SHIN TU DAR PA YIN KYANG, PHYIS LO MANG SONG BA NA RIM GYIS 'GRIBS NAS STONG NYID KYI DON MA NOR BAR SHES NAS NYAMS SU LEN MKHAN SHIN TU NYUNG BAR GYUR PA'I DUS SU, MGON PO KLU SGRUB BYON NAS GZHUNG LUGS MANG PO LA MKHAS PAR SKYANGS SHING, 'JAM PA'I DBYANGS LA BRTEN NAS STONG NYID KYI DON LEGS PAR RTOGS TE, STONG NYID KYI DON DGAG GZHAG SPONG GSUM GYIS GTAN LA PHAB PA'I BSTAN BCOS RTZA BA SHES RAB LA SOGS PA BRTZAMS PAS KLU SGRUB LA DBU MA PA'I SHING RTA'I SROL 'BYED CES GRAGS LA, DE BZHIN DU RGYA CHEN SKYOD PA'I LAM SEMS TZAM PA'I LUGS SU NYAMS SU LEN TSUL RNAMS BCOM LDAN 'DAS MYA NGAN LAS 'DAS PA'I RJES SU RIM GYIS 'GRIBS PA NA 'PHAGS PA THOGS MED KYIS LUGS DE GTAN LA PHAB BA'I BSTAN BCOS SA SDE LNGA LA SOGS PA BRTZAMS NAS RGYAS PAR MDZAD PAS NA SEMS TZAM BA'I SHING RTA'I SROL 'BYED CES GRAGS SO, DE BZHIN DU LEGS LDAN 'BYED LA RANG RGYUD PA'I SHING RTA'I SROL 'BYED DANG, ZLA BA GRAGS PA LA THAL 'GYUR PA'I SHING RTA'I SROL 'BYED CES PA YANG
, ,SNGAR BCOM LDAN 'DAS ZHAL BZHUGS PA'I DUS SU YUM GYI MDO NAS GSUNGS PA'I STONG PA NYID KYI DON PHYIN CI MA LOG PAR RTOGS NAS BSGOM PA'I TSUL SHIN TU DAR BA YIN KYANG, PHYIS LO MANG SONG BA NA RIM GYIS 'GRIBS NAS STONG NYID KYI DON MA NOR BAR SHES NAS NYAMS SU LEN MKHAN SHIN TU NYUNG BAR GYUR BA'I DUS SU, MGON PO KLU SGRUB BYON NAS GZHUD LUGS MANG PO LA MKHAS PAR SKYANGS SHING, 'JAM PA'I DBYANGS LA BRTEN NAS STONG NYID KYI DON LEGS PAR RTOGS TE, STOD NYID KYI DON DGAG GZHAG SPONG GSUM GYIS GTAN LA PHAB PA'I BSTAN BCOS RTZA BA SHES RAB LA SOGS PA BRTZA MAS PAS KLU SGRUB LA DBU MA PA'I SHING RTA'I SROL 'BYED CES GRAGS LA, DE BZHIN DU RGYA CHEN SKYOD PA'I LAM SEMS TZAM PA'I LUGS SU NYAMS SU LEN TSUL RNAMS BCOM LDAN 'DAS MYA NGAN LAS 'DAS PA'I RJES SU RIM GYIS 'GRIBS PA NA 'PHAGS PA THOGS MED KYIS LUGS DE GTAN LA PHAB BA'I BSTAN BCOS SA SDE LNGA LA SOGS PA BRTZAMS NAS RGYAS PAR MDZAD PAS NA SEMS TZAM PA'I SHING RTA'I SROL 'BYED CES GRAGS SO, DE BZHIN DU LEGS LDAN 'BYED LA RANG RGYUD PA'I SHING RTA'I SROL 'BYED DANG, ZLA BA GRAGS PA LA THAL 'GYUR PA'I SHING RTA'I SROL 'BYED CES PA YANG
DE DAG SO SO'I LUGS THOG MAR GTAN LA PHAB NAS RGYAS PAR MDZAD PA PO YIN PAS SO, ,GSANG SNGAGS LA NI RGYUD SDE BZHI MTHA' DAG GI DGONGS PA GTAN LA PHAB NAS RGYAS PAR MDZAD PA'I MKHAS PA MA BYUNG BAS RGYA GAR NA BYUR KYI SHING RTA'I SROL 'BYED MED LA, KLU SGRUB KYIS GSANG 'DUS MI BSKYOD RDO RJE'I BSKYED RDZOGS SOGS GSAL BAR MDZAD PAS SLOB DPON 'PHAGS PA'I LUGS ZHES GRAGS PA DANG, LA LI TA BADZRAS RDO RJE 'JIGS BYED KYI CHOS SKOR DAR BAR MDZAD BA SOGS YI DAM RE RE'I CHOS SKOR GSAL BAR MDZAD PA YOD PAS DE DAG SO SO'I SHING RTA'I SROL 'BYED DU 'JOG NA'ANG CHOG PAR NGES SO, , NGES NA RJE RIN PO CHE NI MDO SNGAGS THAMS CAD KYI SHING RTA'I SROL 'BYED YIN TE, LAM RIM BLO SPYOD SOGS NI JO BO AA TI SHA SOGS KYI DUS SU DAR BA LAS MING TZAM YANG MED PA'I TSOD DU GYUR PA LA, RJE RIN PO CHES LEGS BSHAD GSER PHRENG, RNAM BSHAD DGONGS PA RAB GSAL, LAM RIM CHE CHUNG SOGS BRTZAMS NAS GSAL BAR MDZAD, SNGAR 'GOS LO SOGS KYI DUS SU GSANG BDUS DANG, MAR BA SOGS KYI DUS SU BDE MCHOG DANG, RVA LO SOGS KYI DUS SU 'JIGS BYED SOGS DAR BA YOD KYANG DE DAG LA YANG NOR BA'I CHA 'GA' YOD PA DANG, PHYIS PHAN TSUN BSRES PA SOGS KYIS SNA
, ,TSOGS SU GYUR PA LA RJE RIN PO CHES SNGAGS RIN CHEN MO DANG 'DUS PA DANG BDE MCHOG GI RGYUD 'GREL SOGS BRTZAMS NAS NOR 'KHRUL GYIS BSLAD PA RNAMS DAG PAR MDZAD PA DANG NYAMS PA DANG CUB PA RNAMS DAR BAR MDZAD PAS SO, ,DE THAMS CAD KYANG GZHAN GYI TSIG GI RJES SU MA 'BRANGS PAR RJE RANG GI MKHYEN DBYOD KYIS DPYAD NAS MI 'BRAD PA RNAMS BKAG ,'THAD PA RNAMS BLANGS, DOGS PA BCAD NAS RTZOD PA SPOD PA'I SGO NAS NOR PA'I DRI TZAM YANG MED BAR DBYIS PHYIN BAR GSUNGS BA YIN NO, ,DE'I PHYIR SHING TA'I SROM 'BYAD KYI MTSAN NYID KYI ZUR DU 'GREL BYED GZHAN PHYIS BKRAL BA LA MI LTOS PAR ZHES PA NI GZHAN GYIS BRTZAMS PA'I BSTAN BCOS LA MA BRTEN BAR ZHES BA MIN GYI, GZHAN GYIS GANG BSHAD PA THAMS CAD LA YID CHES MI BYED BAR ZHES PA'I DON YIN, RANG STOBS KYIS 'GREL PA ZHES PA NI RANG GI BLO'I STOBS KYIS BRTAGS NAS MI 'THAD PA RNAMS BKAG BA DANG 'THAD BA RNAMS LEN PA'I SGO NAS BSTAN BCOS RTZOM PA ZHES PA'I DON YIN, DE YANG SANGS RGYAS KYI BKA' DANG MKHAS BA RNAMS KYI BSTAN BCOS RNAMS PHAN TSUN GTUGS NAS SANGS RGYAS KYI DGONGS BA DANG MTHUN NAM MI MTHUN, RIGS PAS DPYAD NA SKYON YOD DAM MED CES SOGS KYIS BRTAGS NAS
RIGS MI RIGS 'BYED BA YIN GYI, GZHAN GYIS BSHAD PA LA BRTAG DPYAD MI BYID BAR DE'I RJES SU 'BRANG BAR MA BYED PA'I RGYU MTSAN KYIS GZHAN LA MI LTOS PA DANG RANG STOBS KYIS 'GREL PA ZHES BSHAD PA YIN NO, ,MI'I RTEN CAN ZHES PA NI CHOS GRVAR RTZOD PA BYED PA LA GO SLA BAR 'GYUR BA DANG KHAS BLANG LA TSIG 'KHRI MI 'ONG BA SOGS KYI CHED DU SBYAR BA STE, SHING RTA'I SROL 'BYED CES PA'I DON GO BA LA NI MI'I RTEN CAN ZHES PA'I TSIG SBYOR MA'I GOS SO, ` ,RGYAL BA'I YAB GCIG DUR SMRIG RGYAL MTSAN CAN, ,GSUNG LAS PHYI RO LA GYUR CING DE'I RJES SU, ,KHA ZAS BYA BAS 'BRANGS PA'I LO MA CAN, ,MJUG MA'I NGOS NAS RIG PA'I DBYUG BAS SKROD, ,CES PA YANG SNYAN DANG GAS TE, RJE BTZUN TZONG KHA PA'I RJES SU 'BRANGS PA LTAR YOD KYANG GZHUNG GI DON LA BRTAG DPYAD BYED PA'I TSE, RJE'I GSUNG LAS PHYIN CI LOG TU KHAS BLANGS PA'I SKYE PO DE NI CHOS KYI CHED DU RJE'I RJES SU 'BRANGS PA MA YIN ZHING RNYED BKUR GYI CHED DU RJE'I RJES SU 'BRANGS BA YIN BAS RIG PAS DGAG PAR BYA RIGS TE,__ DPER NA KHA ZAS KYI CHED DU MI'I RJES SU 'BRANGS PA'I KHYI LA MJUG MA'I NGOS NAS DBYUG PAS BRDEG NAS SKROD RIGS BA BZHIN NO, ,DE LA LO MA CAN ZHES PA MI MNGON BRJOD KYI GZHUNG NAS 'BYUNG BA'I MING
, ,YIN ZHING, TSIG GONG 'OG LA BSTAGS NA KHYI'I MING YIN BA 'DRA'O, ,DE YANG KHYI'I RNA BA NI RTZVA SHING RNAMS KYI LO MA DANG DBYIBS 'DRA BAS SAM, MJUG MA GYEN DU BTEGS NAS 'KHYIL BA LTAR BYED PAS SAM, RGYU MTSAN GANG YANG RUNG BA CIG GIS LO MA CAN ZHES MING BTAGS BA 'DRA ZHING, RJE'I BSTAN PA LA ZHUGS KYANG KHA ZAS TZAM DON DU GNYER PA'I GANG ZAG LA KHYI DANG 'DRA ZHES SHIN TU SMAD PAR MDZAD DO, ` ,LUGS SROL NI RANG GI RJES SU 'BRANGS PA'I SKYE BO RNAMS LA 'DI DANG 'DI SPONGS SHIG ,'DI DANG 'DI SGRUBS SHIG CES GDAMS PA'I DON ZHIG YIN LA, NGES NA RJE RIN PO CHES RANG CAG RNAMS LA MDO SNGAGS KYI LAM NYAMS SU LEN TSUL DANG, NYAMS LEN SUM SGRIL PHYED TSUL SOGS GSUNGS PA'I BRJOD BYA'I DON RNAMS NI RJE'I LUGS SROL YIN ZHING, DON DE LAS 'DAS TE PHYIN CI LOG TU MI BYED PAR DE'I RJES SU 'BRANG DGOS PA'I DON GYIS LUGS ZER BA DANG, RJES 'JUG DAG GIS BGRONG PAR BYA BA'I LAM LTA BU YIN PAS SROL PHER BA 'DRA ZHING, LUGS DANG SROL GNYIS KYI DON 'DRA BAR BYAS NA'ANG CHOG PA 'DRA'O, ` ,RGYAL BA'I BSTAN PA DANG DAM PA'I CHOS GNYIS DON GCIG YIN ZHING DE GNYIS KA LA LUNG DANG RTOGS PA__
GNYIS RE YOD DO, ,GSUNG RAB NI LUNG GI BSTAN PA'I NANG TSAN SANGS RGYAS KYI BKA' RNAMS LA BYED DO, ` ,LAM RIM NI RGYAL BA'I GSUNG RAB THAMS CAD KYI GNANG THAMS CAD MA TSANG BA MED BAR THUN GCIG GI NANG DU YANG BSGOM RUNG BA'I MAN NGAG YIN BAS NA STAN THOG GCIG TU NYAMS SU BLANG BAR BYA BA'I GDAMS NGAG CES PA YIN NO, ` ,GSUNG RAB THAMS CAD KYI BRJOD BYA LA DNGOS BSTAN SHUGS BSTAN GNYIS RE YOD PA 'DRA'O, ,DNGOS BSTAN SHUGS BSTAN GYI KHYAD PAR NI, TSIG GIS DNGOS SU BRJOD PA LA DNGOS BSTAN DANG, TSIG ZIN LA DNGOS SU MI BRJOD PAR DON GYIS BSTAN PA LA SHUGS BSTAN DU BYED PA'I TSUL GCIG DANG, SKABS DE'I 'CHAD RGYU'I GTZO BO LA DNGOS BSTAN DANG, 'CHAD RGYU PHAL BA LA SHUGS BSTAN DU BYED PA'I TSUL GCIG STE 'DOD TSUL MI 'DRA BA GNYIS YOD DO, ,DE YANG GONG DU BSHAD PA'I CHES PHRA'I BLO GROS ZHES SOGS KYI TSIGS BCAD LA SBYAR NA, 'DOD TSUL DANG PO LTAR NA, THOS PA MA BYAS NA GZHUNG DON GO BAR MI NUS PA DPE DANG BCAS PA NI DNGOS BSTAN GYI DON DANG, THOS PA BYAS NA GO NUS PA NI SHUGS BSTAN GYI DON NO, ,TSUL GNYIS PA LTAR NA, DPE CAN NI DNGOS BSTAN GYI DON DANG, DPE NI SHUGS BSTAN GYI DON DU BYED
, ,PA'AM, YANG NA MANG DU THOS PA LA 'BAD PA NI DNGOS BSTAN DANG, GZHAN RNAMS NI MANG DU THOS PA LA 'BAD DGOS PA'I RGYU MTSAN BSTAN PA YIN PAS SHUGS BSTAN DU__ BYED DO, ,'DIS GZHAN LA 'GRE'O, ` ,SDUG BDEN GYI BYA BA NI RANG RGYUD LDAN GYI GANG ZAG GI LUS SEMS MI BDE BAR BYED PA YIN, NYAN RANG DGRA BCOM PAS NYON MONGS MA LUS PAR ZAD NAS DGRA BCOM THOB KYANG RANG GI LUS RTEN DE MA DOR BAR DU DE'I GZUGS PHUNG DE NI SNGA MA'I LAS NYON GYIS 'PHANGS PA'I PHUNG PO YIN PAS SDUG BDEN YIN LA, 'ON KYANG DGRA BCOM PA DE LUS SEMS SHIN SBYANGS KYI BDE BA LA SOGS PA'I YON TAN MANG PO DANG LDAN PA'I STOBS KYIS, GZUGS PHUNG DE NYID DGRA BCOM PA DE'I LUS SEMS MI BDE BA'I SDUG BSNGAL SKYED MI NUS PAS NA SDUG BDEN GYI BYA BA NYAMS PA ZHES PA'O, ,SPYIR SDUG BSNGAL YIN NA SDUG BDEN YIN BAS KHYAB BO, ` ,KHAMS GSUM GANG RUNG DU LAS NYON GYI DBANG GIS SKYES PA'I GANG ZAG YIN NA MA DAG PA'I BCUD KYI 'JIG RTEN YIN PAS KHYAB CING, DE BZHIN DU LAS NYON GYI DBANG GIS GRUB PA'I KHAMS GSUM GANG RUNG GI GNAS YIN NA MA DAG PA'I SNOD KYI 'JIG RTEN YIN PAS KHYAB PAR SPYIR BSHAD NAS, DE LAS DMIGS BSAL
PHYE BA'I PHYIR GSUNG SNGA MA'I MJUG THOG TU STON PA LA SOGS PA LA NI DON DE BRJOD BAR MI SPOBS, ZHES GSUNGS SO, ,DE'I DON NI SPYIR LAS NYON GYIS SKYES PA'I GANG ZAG RNAMS MA DAG PA'I 'JIG RTEN YIN KYANG, STON PA BCOM LDAN 'DAS DANG RJE BTZUN TZONG KHA PA SOGS NI LAS NYON GYIS SKYE BA BLANGS PA MA YIN ZHING, SNYING RJE DANG SMON LAM GYI DBANG GIS SPRUL PA YIN PAS MA DAG BA'I BCUD KYI 'JIG RTEN YIN ZHES BRJOD PAR MI RIGS, ZHES PA'O, ` RANG RGYUD PA'I SKABS SU, STONG NYID MNGON SUM DU RTOGS PA'I NYAN RANG YOD BAR BSHAD PA NI, RANG RANG GI SKABS SU GANG BABS KYI SGRIB PA SPONG BYED DE RNAMS RANG LAM LA LTOS PA'I STONG NYID LAS BYUNG BAR DGONGS SHING, ZHES PA'I TSIG ZIN LTAR NA, RANG RANG ZHES PA NI NYAN RANG GNYIS YIN LA, SKABS SU BABS PA'I SGRIB PA NI NYAN THOS LA NI NYAN THOS KYI DGRA BCOM THOB PA LA GEGS BYED KYI SGRIB PA DANG, RANG RGYAL LA YANG RANG GI DGRA BCOM THOB PA LA DGEGS BYED KYI SGRIB PA YIN NO, ,SPONG BYED DE RNAMS STONG NYID LAS BYUNG ZHES PA NI, NYAN RANG GNYIS KYIS RANG RANG GI SGRIB PA SPONG BA NI STONG NYID BSGOMS PA'I STOBS KYIS BYUNG ZHES PA'O, ,RANG LAM LA LTOS ZHES PA NI NYAN THOS KYI LAM LA LTOS PA'I
, ,STONG NYID NI GANG ZAG GI BDAG MED DANG, RANG RGYAL GYI LAM LA LTOS PA'I STONG NYID NI GZUNG 'DZIN RDZAS GZHAN DU GRUB PAS STONG PA'I STONG NYID YIN ZHES BSHAD CHOG GO , GZHAN YANG, PHAR PHYIN GYI YIG CHA DANG GZHUNG PHAL CHER RNAL 'BYOR SPYOD PA'I DBU MA RANG RGYUD PA'I LUGS GZHIR BZHAG NAS BSHAD PA YIN PAS, LUGS DER NYAN RANG BYANG SEMS GSUM GYI BSGOM BYA'I GTZO BO MI 'DRA BA GSUM DANG, SPANG BYA'I GTZO BO MI 'DRA BA GSUM YOD BAR BZHED DO, ,DE YANG NYAN THOS KYI SPANG BYA'I GTZO BO NI GANG ZAG RANG RKYA THUB PA'I RDZAS SU GRUB PAR 'DZIN PA'I BLO YIN ZHING, DE NYID 'KHOR BA'I RTZA BA GANG ZAG GI BDAG 'DZIN YIN PAR BZHED CING, DE SPONG BA'I PHYIR DU GANG ZAG GI BDAG MED GTZO BOR BSGOM, RANG RGYAL NI NYON MONGS SPONG BA'I CHED DU GANG ZAG GI BDAG MED KYANG, BSGOM DGOS MOD KYANG, GTZO BOR SHES SGRIB RAGS PA SPONG BA'I CHED DU GZUNG 'DZIN RDZAS GZHAN DU GRUB PAS STONG PA'I STONG NYID BSGOM, BYANG SEMS RNAMS KYIS DE DAG GI STENG DU SHES SGRIB PHRA MO SPONG PA'I CHED DU STONG NYID PHRA MO BSGOM PAR BZHED DO, ,DE LA NYAN RANG GIS GANG ZAG GI BDAG MED DANG CHOS KYI BDAG MED RAGS PA RTOGS PA DANG BSGOM PA YOD KYANG DE TZAM GYIS STONG NYID RTOGS PA'I GO MI CHOD CING,
DE GNYIS KYIS RANG RANG GI DGRA BCOM THOB PA LA STONG NYID BSGOM MI DGOS PAS NYAN RANG PHAL MO CHE LA STONG NYID RTOGS PA MED CING, NYAN RANG 'GA' ZHIG STONG NYID RTOGS PA NI BCOM LDAN 'DAS KYIS 'KHOR MANG PO LA THEG PA CHEN PO'I CHOS GSUNGS PA'I GRVAR BSDANG NAS NYAN PA LTA BU'I RKYEN GYIS RTOGS PA YIN BAR BZHED CES YIG CHA RNAMS SU BSHAD, 'DI DANG GONG GI 'CHANG TSUL GNYIS MI 'DRA BAR SNANG NGO, ,DE LA GANG ZAG RANG RKYA THUB PA'I RDZAS SU GRUB PA ZHES PA'I DON NI, GANG ZAG CES PA PHUNG PO LA LTOS NAS GRUB BA MA YIN PAR, PHUNG PO LA MA BRTEN PAR RANG STOBS KYIS PHUNG PO LA DBANG BSGYUR BYED LTA BUR GRUB PA'I DON NO, , DE LTAR DU GYUR BAR 'DZIN BA NI GANG ZAG GI BDAG 'DZIN DANG, DE LTAR GRUB PA MED PAR BSGOM PA NI GANG ZAG GI BDAG MED BSGOM PA YIN, GZUNG 'DZIN RDZAS GZHAN DU GRUB PA ZHES PA'I DON NI, GZUGS SGRA SOGS PHYI ROL GYI YUL RNAMS NI GZUNG BA YIN LA, NANG GI SHES PA RNAMS NI 'DZIN PA YIN NO, ,DE YANG MIG SHES KYI YUL DU GYUR PA'I GZUGS NI RANG MTHONG BYED KYI MIG SHES KYI SNANG BA TZAM YIN PAS MIG SHES DE'I RDZAS KYI BDAG NYID YIN GYI, MIG SHES LA MA LTOS PAR PHYI ROL DU GRUB PA MA YIN TE, DPER NA GANGS RI SNGON POR SNANG BA'I MIG SHES KYI SNANG DOR SHAR BA'I SNGON PO DE NI MIG SHES DE'I RDZAS
, ,YIN GYI, MIG SHES LAS RDZAS GZHAN DU PHYI ROL DU GRUB PA MED DO, ,SNGON PO MED BZHIN DU 'KHRUL BA'I RKYEN GYIS SNGON POR SNANG BA LTAR THOG MA MED PA NAS GOMS PA'I BAG CHAGS KYI DBANG GIS PHYI ROL DU GRUB PA MED BZHIN DU PHYI ROL DU GRUB PA LTAR SNANG BA YIN PAS, YUL RNAMS RANG 'DZIN SHES PA LA MA LTOS PAR GRUB BA NI RDZAS GZHAN DU GRUB PA'I DON DANG, DE LTAR DU GRUB BAR 'DZIN PA NI SHES SGRIB RAGS PA DANG, DE LTAR DU GRUB BAS STONG PA NI CHOS KYI BDAG MED RAGS PA YIN PAR RANG RGYUD PA'I LUGS 'DIR BZHED DO, ,SEMS TZAM PAS SHES BYA THAMS CAD NANG SHES PA'I BDAG NYID YIN ZHES 'DOD PA YANG DON SNGA MA DANG 'DRA'O, ` ,RANG RGYUD PA'I LUGS LA SH'A RI'I BU DANG MO'U GAL GYI BU SOGS NI SANGS RGYAS KYI SPRUL PA YIN PAS SEMS CAN GYI DON DU NYAN THOS GYI TSUL BZUNG BA YIN GYI, NYAN THOS DNGOS GNAS BA MA YIN PAR BZHED CING, SEMS TZAM PA DANG THAL 'GYUR BA'I LUGS LA YANG 'DRA, ` ,SNYING RJE CHEN PO NI THEG CHEN GYI LAM NAS BCOM LDAN 'DAS 'BYON PA'I THOG MA'I SGRUB BYED YIN ZHES PA'I DON NI, SANGS RGYAS BCOM LDAN 'DAS RNAMS SNGON SO SKYE'I DUS SU SEMS CAN THAMS CAD KYI DON DU SANGS RGYAS KYI
GO 'PHANG THOB PAR 'DOD PA'I BYANG CHUB KYI SEMS BSKYED PA NI SEMS CAN THAMS CAD SDUG BSNGAL GYIS MNAR BA LA MA BZOD PA'I SNYING RJE CHEN PO'I DBANG GIS YIN LA, THEG CHEN LAM RGYA CHEN PO MANG PO RNAMS BSKAL PA GRANGS MED DU NYAMS SU BLANG BA LA YANG SKYO BA MED PA DANG, SANGS RGYAS KYI GO 'PHANG THOB PA'I BAR DU BYON PA THAMS CAD KYANG SNYING RJE'I STOBS KYIS BYUNG BA YIN BAS, SANGS RGYAS KYI GO 'PHANG THOB PA'I THOG MA'I RGYU'I GTZO BO NI SNYING RJE CHEN PO YIN ZHES PA'O,, ` ,,DGE SLONG SKAL BZANG DON YOD KYI DRIS LAN LAS, DBANG GONG MA GSUM ZHU BA'I TSE, RI RAB SUM CU RTZA DRUG GI RDUL GYI GRANGS DANG MNYAM PA'I ZHING KHAMS RIN PO CHES BKANG STE PHUL BA'I MOS PA BYED PAR GSUNGS PA NI, 'BUL BA BSAM GYIS MI KHYAB PA 'BUL DGOS PA'I MTSON BYED DU GSUNGS KYI, GRANGS DE SNYED LA NGES GZUNG DGOS PA MIN NO, ,SPYIR GANG G'A'I KLUNG GI BYE MA SNYED KYI GRANGS DANG MNYAM PA ZHES PA DANG, SA'I RDUL DANG MNYAM PA ZHES PA LTA BU RNAMS NI GRANGS MED PA DANG DPAG TU MED PA'I DON YIN ZHING, LA LAR GANG G'A'I BYE MA DANG, LA LAR SA'I RDUL ZHES SOGS 'BYUNG BA NI TSIG MI 'DRA YANG DON 'DRA STE, 'DI LTA BU
, ,LA BSHAD TSUL GYI RNAM GRANGS ZHES ZER, DE YANG DPER NA MI GCIG LA MING MANG PO YOD NA MING GANG GI SGO NAS BRJOD KYANG RUNG BA BZHIN, BSHAD TSUL GYI RNAM GRANGS GANG GI SGO NAS BSHAD KYANG RUNG BA YIN NO, ` ,BCU CHA'I SPYIN SREG LA YE SHES 'BEBS SNGAGS KHO NA'I DBANG DU BYED PA MA YIN TE, YE SHES PA'I SKU GSUNG THUGS PHAB NAS RANG GI LUS DAG YID GSUM BYIN GYIS BRLAB PA LA YE SHES 'BEBS SNGAGS KYI DBANG DU BYED PA DANG, MCHOG THUN GYI DNGOS GRUB 'GRUB PA LA RTZA SNGAGS KYI DBANG DU BYED PA SOGS YOD BAS SO, , ` DGONGS PA CUNG ZAD BLANGS NA ZHES PA NI, BZHED PA GANG YIN PA DE NYID MDOR BSDUS TZAM BSHAD NA, ZHES PA'I DON NO, ` ,BYA BYED LAS GSUM GYI 'JOG TSUL NI, DPER MTSON NA, MTHONG BYA GZUGS NI BYA BA DANG, MTHONG BYED MIG SHES NI BYED PA PO DANG, MIG SHES DES GZUGS DE MTHONG PA NI SKABS DE'I LAS YIN ZHING, GZHAN YANG, BSREG BYA BUNG SHING NI BYA BA DANG, SREG BYED ME NI BYED PA DANG, MES BUD SHING BSREG PA NI LAS TE, DE BZHIN DU GNAN THAMS CAD LA SPYO,, ` ,,DKA' CHEN YE SHES DPAL 'BYOR GYI DRIS LAN
LAS, CHOS DANG CHOS KYI GNAS TSUL ZHES PA'I DON NI, LAM RIM BSGOM PA'I THUN RING THUNG JI LTAR BYA TSUL SOGS DANG, SMON SEMS NI BYANG CHUB KYI SEMS YIN MIN DRIS PA RNAMS NI CHOS DRIS PA STE, DE'I LAN DU, THUN GYI TSAD RANG GI NUS PA DANG BSTUN NAS BYA DGOS ZHES PA DANG, SMON SEMS BYANG CHUB KYI SEMS YIN ZHES BSHAD PA NA, DRI BA POS, THUN TSAD JI LTAR BYA TSUL TZAM GO BAR 'GYUR BAS CHOS SHES PA YIN LA, THUN TSANG DE LTAR BYED PA'I RGYU MTSAN MI GO BAS CHOS KYI GNAS TSUL SHES PA MIN NO, ,DE BZHIN DU SMON SEMS BYANG CHUB KYI SEMS YIN PAR SHES KYANG DE LTAR YIN PA'I RGYU MTSAN MA SHES PAS, SMON SEMS KYI CHOS SHES KYANG SMON SEMS KYI GNAS TSUL SHES PA MA YIN NO, ,DES NA CHOS DE'I NGO BO TZAM DRIS PA LA CHOS DRIS PA DANG, DON DRIS PA LA GNAS TSUL DRIS PA'I DON DU BYA'O, ` ,MA BYIN LEN GYI PHAM PA'I SKABS SU, NAS KHAL GCIG BRKUS NA PHAM PA 'BYUNG BAR GSUNGS PA NI DNGOS PO'I NGO BO'I SGO NAS BYED PA YIN ZHES PA NI, NAS KYI RIN THANG GI DBANG DU BYED PA MIN, NAS KYI NGO BO CHE CHUNG GI DBANG DU BYED PA YIN ZHES PA'O, ,DE YANG LO 'GAR LO TOG BZANG BAS NAS KYI RIN CHUNG STE, NAS KHAL GCIG LA DNGUL ZHO GANG GI RIN DU
, ,'TSONG BA YANG YOD, LO KHA CIG TU LO TOG DAN PAS NAS KHAL GCIG LA DNGUL ZHO LNGA'I RIN DU 'TSONG BA YANG YOD MOD KYANG, RIN CHE CHUNG MA BRTZIS PAR NAS KHAL GCIG LONGS NA PHAM BA 'BYUNG LA, MA LDAN NA MI 'BYUNG BA'I DON DU BYED RGYU 'DRA BAR 'DUG KYANG, RIN THANG GI TSANG NGES PAR BRTZI DGOS BA NI BSLAB BYA'I GZHUNG RNAMS SU GSAL BAS DGONGS PA GANG YIN SLAR BRTAG DGOS SO, ,SPYIR NI DAM PA RNAMS KYIS GSAL BAR BSHAD ZIN PA'I DON DANG, GO SLA BA'I DON DANG, 'DRI BA PO LA MI MKHO BA'I DON DRIS PA LTA BU DANG, DGOS PA CHUR BA'I BRTAN BZHUGS GSOL 'DEBS RTZOM PAR BSKUL BA LTA BU RNAMS NI, BLA MA RNAMS KYI THUGS DAM DGE SBYOR GYI BAR CHAD DANG, BSTAN 'GRO'I DON RGYA CHEN PO MDZAD PA'I GEGS SU YANG 'GYUR PAS DE 'DRA'I RIGS LA ZHIB TU DPYAD NAS GSUNG BAR MI MDZAD PAS, BLO LDAN RNAMS KYIS YIG CHUNG RNAM BA SNA TSOGS KYIS NYIN MTSAN 'DA' BAR MI BYED BAR 'RJE YAB SRAS SOGS KYIS GANG LA RTZAL DU BTON NAS BSHAD PA'I GZHUNG LUGS RNAMS KYI DGONGS PA CHO LA BA LA 'BAD PAR BYA'O, ` ,SKUR 'DEBS NI RDZUN GYIS NYES BA MA BYAS BZHIN DU BYAS SO ZHES SMRAS PA LTA BU DANG, MI SNYAN PAR SMRA BA NI BDEN
RDZUN GANG YIN KYANG RUNG, YID DU MI 'ONG BA'I TSIG SMRA BA'O,, ` ,,NA MO GU RU WE, ZHES PA'I DBU CAN GYI DRIS LAN LAS, STON PA DANG DE'I MING CAN KYI CHOS ZHES PA NI SANGS RGYAS KYI CHOS ZHES PA'I DON TE, DPER NA NANG BA PA'I CHOS, PHYI ROL BA'I CHOS ZHES PA LTA BU'O, ` ,SRID BA MTHA' MA PA NI DA LTA LAS KYIS 'KHOR BAR MI SKYE BAS MTHA' MA'I SKYE BA LA GNAS BA ZHES PA'I DON NO, ` ,GRUB MTHA' RKANG BTZUGS NAS 'DZIN PA NI, GRUB MTHA' DE 'SRAD BAR THAG BCAD NAS GRUB MTHA' GZHAN DU YID MI G-YO BAR 'DZIN PA'I DON NO,, ` ,,RI KHROD PA DGE SLONG BLO BZANG DPAL 'BYOR GYI DRIS LAN LAS, RANG DON DU SKYE BA PHYI MA'I BDE BA LA ZHEN PA'I CHAGS BA YOD NA SDUG BSNGAL MI MYONG BAR 'DOD PA NGES PAR 'BYUNG LA, DE YOD NA RNYED PA DANG SNYAN GRAGS DANG BSTOD PA LA SEMS DGA' BA YANG 'BYUNG ZHING, DE'I LDOG PHYOGS LA MI 'DOD PA YANG 'BYUNG BAR 'GYUR TE, RANG DON DU ZHEN BA'I 'DOD CHAGS KYI DBANG DU SONG BA'I PHYIR RO, ` ,SBYIN PA GTONG PAN TSE 'DIR RAM SKYE BA PHYI MAR PHYUG POR 'GYUR BAR 'DOD PA DANG, TSUL KHRIMS BSRUNG NA YANG 'KHOR BA'I BDE BA 'THOB PAR 'DOD BA'I KUN SLONG GIS BSRUNG BA SOGS NI THAR 'DOD KYI BSAM PAS BYAS PA MA YIN ZHING 'KHOR BA'I BDE PA DON DU GNYER BA'I BSAM BAS BYAS PA YIN PAS SNANG SHAS ZHES PA'O, ,DE LA SNANG BA 'KHOR BA'I BDE BA
, ,LA ZHEN PA'I BLO YIN LA, DE'I DBANG DU SONG BA'I BYA BA LA SNANG BA'I CHA SHAS SAM SNANG BA'I PHYOGS ZHES PA YIN NO, ` ,SNGAR SO THAR GYI SDOM PA'I SA BON BZHAG PA DE PHYIS NGES 'BYUNG GI BSAM PA SKYES PA NA SDOM PA RNAM DAG TU 'GYUR BA NI PHAM PA MA BYUNG BA LA DGONGS PA YIN ZHING, SDOM PA GONG MA GNYIS LA YANG RIGS 'GRE BYA RUNG, ` ,NGES 'BYUNG GI BSAM PAS ZIN PA'I DGE BA NI 'KHOR BA LAS THAR 'DOD KYI BSAM PAS BYAS PA'I DGE BA YIN, ZIN PA'I DON NI LAG BAS BZUNG NAS 'THEN PA LTAR KUN SLONG GIS GANG 'DOD PA'I PHYOGS SU LUS NGAG YID GSUM KHRID NAS RANG GI GANG 'DOD KYI BYA BA BYED DU BCUG PA LA ZIN PA ZHES PA STE, 'KHOR BA'I RGYUR GYUR BA'I LAS RNAMS NI 'KHOR BA'I BDE PA 'THOB 'DOD KYI BSAM PAS ZIN NO, ,DE YANG DPER NA SHA ZA BA'I BDE BA MYONG 'DOD KYI KUN SLONG GIS ZIN PA NA, YID KYIS LUG GSAD PAR BYA SNYAM PA DANG DAG GIS DE SGRUB PA'I GTAM SMRA BA DANG LUS KYIS LUG GSOD PA DANG SHA 'TSOD PA DANG ZA BA RNAMS 'BYUNG BAS NA DE THAMS CAD NI THOG MA'I KUN SLONG DE NYID KYIS KHRID NAS BYED DU BCUG BA DANG 'DRA BAR, 'KHOR BA LAS THAR 'DOD DANG 'KHOR BA'I BDE PA 'DOD PA DANG SANGS RGYAS THOB 'DOD KYIS BYAS PA'I DGE BA SOGS THAMS CAD LA GO BAR BYA'O,, ,, ^ PAR YIG PA DGE SLONG DPAL 'BYOR RAB BRTAN NO,, ,,
[BLANK PAGE]