/TA\ CA 6 *, ,LHA KHANG BZHENGS PA'I SA LA BYIN RLABS DGOS PA SOGS BZHUGS SO, , 8
, ,NA MO GU RU, SNGON BSKAL PA DPAG TU MED PA'I SNGA ROL DU, RGYAL DBANG PO'I TOG GI DRUNG DU BYANG SEMS SNYING STOBS CHEN POS MA DAG PA'I ZHING GI SEMS CAN MA RUNGS PA RNAMS LA MDO SNGAGS ZUNG 'BREL GYI CHOS BSTAN NAS PHAN BDE LA 'GOD PAR DAM BCAS PA'I TSE, RGYAL BA DBANG PO'I TOG SOGS PHYOGS BCU'I SANGS RGYAS THAMS CAD KYIS, 'JIG RTEN GANG DANG GANG DU BYANG SEMS SNYING STOBS CHEN POS CHOS STON PAR 'GYUR BA'I ZHING DE RNAMS BYIN GYIS BRLABS, DE'I DUS SU RANG CAG GI ZHING KHAMS 'BYUNG BAR 'GYUR BA 'DI YANG BYIN RLABS MDZAD, RANG CAG DANG 'BREL BA'I 'DZAM BU'I GLING BYE BA PHRAG BRGYA 'BYUNG BA RNAMS KYANG BYIN GYIS BRLABS, NGO MTSAR RMAD BYUNG BKOD PA'I ZHING KHAMS
, ,'BYUNG BA YANG BRLABS, ~ DE NAS BDAG CAG GI STON PAS DGE LDAN RNAM PAR RGYAL BA'I GLING 'DEBS PA'I RI'I BRAG LA DUNG DKAR BZHAG PA SOGS KYIS BYIN RLABS MDZAD, 'DZAM GLING BYE BA PHRAG BRGYAD YANG DE LTAR MDZAD, ` YANG SNGON 'PHAGS PA SPYAN RAS GZIGS KYIS RANG GI SPRUL PA RGYAL PO SRONG BTZAN SGAM PO BTANG NAS BOD KYI YUL DU LHA SA'I JO BO CHE CHUNG GNYIS GDAN DRANGS, RJE BTZUN SGROL MA DANG KHRO GNYER CAN MA GNYIS GDAN DRANGS TE LHA KHANG BZHENGS PA SOGS KYIS GNAS RNAMS BRLABS, 'GRO BA RNAMS 'JIGS PA BRGYAD SOGS LAS SKYOB PAR MDZAD DO, ~ ,YANG BOD GYI YUL DU SNGON GYI DUS NAS BYAMS PA SNYING RJE SOGS MED PA'I MI MA YIN NAG PHYOGS PA MANG POS
MI RNAMS KYI SEMS BSGYUR NAS SDIG PA MI DGE BA GSOG TU BCUG CING NGAN SONG DU SKYUR BAR BYED PAS, SANGS RGYAS 'OD DPAG MED KYI RNAM 'PHRUL BLA MA DRI MA MED PAS RANG GI SPRUL BA SLOB DPON PADMA 'BYUNG GNAS BTANG NAS LHA 'DREG DUG RTZUB CAN RNAMS BTUL, YUL KHAMS BKRA SHIS PAR BYIN GYIS BRLABS SO, ` ,DES NA BOD SOG GI ZHING KHAMS 'DI RNAMS SNGON GYI DUS NAS RJE RIN PO CHE SOGS KYIS BYIN RLABS MDZAD PA YIN MOD, 'ON KYANG LHA KHANG DANG RTEN BZHENGS PA, 'DUS SDE 'DZUGS BA SOGS BYED PA PO RNAMS KYIS KHYAD RANG RANG GI SDIG SGRIB BDAG PA DANG 'DOD DON 'GRUB PA SOGS KYI CHED DU KHA TON RIM GRO BSNYEN SGRUB KYI RIGS LA 'BAD DGOS SO, ,BSTAN 'GRO'I DON DU BYON PA'I SKYES BU DAM PA RNAMS NI LUNG RTOGS KYI YON TAN RGYA CHEN PO LA MNGA' BRNYES SHING, TSOGS GNYIS RGYA CHEN PO BSAGS NAS SMON LAM BTAB PAS 'PHRIN LAS GANG BZHED LTAR 'GRUB NGES PA YIN KYANG, DE'I 'OG GI 'DUS SDE'I GRVA RIGS DANG, LAS BYED PA'I MGO PA BLA MA DGE BSKOS SOGS KYI KHROD NA NGES 'BYUNG BYANG SEMS YANG DAG LTA BA SOGS RTOGS PA'I YON TAN LA DBANG THOB PA MA BYUNG BA'AM, BSNYEN SGRUB TSAD DU 'KHYOL BAS NUS PA MTHON PA YANG MI SRID PA'I NGES PA MED PAS DE LTA BU'I RKYEN KYIS,
, ,GNAS DANG 'KHOR DANG BYA BYED SOGS LA 'ANG BSAM BLO BTANG NAS 'BAD DGOS BA'ANG YOD DO, ~ ,DES NA RJE RIN PO CHOS DGUNG LO LNGA BCU RTZA GNYIS KYI BAR DU THUGS DAM NYAMS BZHES SOGS LA GTZO BOR MDZAD CING, LHA KHANG BZHENGS PA, 'DZUS SDE BTZUGS PA SOGS MA MDZAD PA DANG, YI DAM GYI LHA RNAMS KYI DBANG BKA'I RIGS MANG PO MA GNANG BA DANG, JO BO AA TI SHA RGYA GAR DU BZHUGS NA DGUNG LO DGU BCU LHAG BZHUGS RGYU YIN PA LA, BOD DU BYON NAS 'GRO DON MDZAD PAS BDUN CU LHAG TZAM BZHUGS PAR GSUNGS PA SOGS LA BRTAG RGYU YOD PAR SNANG NGO, , DE'I PHYIR MANG PO'I DON BYED PA LA NI 'PHRAL DANG PHUGS KYI PHAN YON NYES DMIGS LA BSAMS TA 'BUL SDUD DPYA SDUD SOGS LA MI ZHEN PAR, RNYED GRAGS 'DOD PA SOGS 'JIG RTEN CHOS BRGYAD DANG MA 'DRES PA DANG, NGES 'BYUNG DANG BYAMS SNYING RJE SOGS BSGOM PA DANG, KHA TON DGE SBYOR LA 'BAD PA SOGS GANG NUS BYAS NA LEGS SO,, ~ ,,SKU 'BUM GYI GNAS BYIN GYIS BRLABS PA NI, RJE RIN PO CHE SKU 'KHRUNGS PA DANG, RJE'I SPRUL SKU TZAN DAN DKAR PO BYUNG BA DANG, RGYAL BA SED KE'I NGA RO'I SKU 'BUM PHRAG SOGS BZHENGS PA DANG, SPRUL PA'I DGE SLONG BYON NAS BZHUGS PA DANG, DE LAS
DUS PHYIS RI KHROD PA RIN CHEN BRTZON 'GRUS RGYA MTSOS KHANG PA BRTZIGS NAS RI KHROD PA 'GA' 'DUG TU BCUG PA DANG, RJE BTZUN BYAMS PA'I SKU BZHENGS PA DANG, DE'I RJES SU RGYAL DBANG GSUM PA BSOD NAMS RGYA MTSO, BZHI PA YON TAN RGYA MTSO, RGYAL DBANG BSKAL BZANG RGYA MTSO, PAn CHEN THAMS CAD MKHYEN PA BLO BZANG DPAL LDAN YE SHES PA'I ZHAL SNGA NAS SOGS SKYES CHEN DAM PA MANG PO RIM PAR BYON BA DANG BZHUGS NAS BYIN GYIS BRLABS PA'O, ` ,BYA KHYUNG DGON NI, CHOS RJE DON GRUB RIN CHEN PAS, THOG MAR RDO RJE 'JIGS BYED DANG MGON PO PHYAG DRUG PA SOGS CHOS SKYONG RNAMS BZHENGS TE MCHOD GTOR GSOL GDAB RING DU BYAS TE BRLABS, PHYIS LHA KHANG 'DUS SDE BTZUGS NAS RDO RJE 'JIGS BYED KYI BSNYEN SGRUB SOGS MDZAD, RJE RIN PO CHES SKU NA PHRA BA'I DUS SU AA RA PA TZA NA BSGRUBS TE GNAS SOGS BYIN GYIS BRLABS PA'O, ` ,'BRAS SPUNGS KYI SNGAGS KHANG DU, 'BRAS SPUNGS KYI RTEN GYI GTZO BO DPAL RDO RJE 'JIGS BYED SOGS BZHENGS BA LA, RJE BLA MAS SPRUL PA'I DGE SLONG MANG PO DANG BCAS, SKU RGYU 'JIM PA'I, SRIN ZHAL GYI MTHEB SKYU RE LA YA MA R'A DZ'A 'BUM PHRAG RE DANG, SKU GZHAN RNAMS KYI MTHEB SKYU RE LA KHRI PHRAG RE BCAS BZLAS NAS 'JIGS BYED DPA' GCIG ZHAL PHYAG
, ,YONGS RDZOGS BZHENGS PA'I NANG DU, DVA LO'I SKU GDUNG PHYAG MDZUB GCIG MA GTOGS TSAD MA BZHUGS SU GSOL, YANG CHOS RGYAL SOGS CHOS SKYONG RNAMS KYANG BZHENGS PAS RJE RIN PO CHES RAB GNAS MDZAD, 'JIGS BYED 'DI'I SKU STONG RANG BYON YIN ZHING, 'DI NYID SA GZHI DANG RTZIG PA KA BA SOGS GANG LA YANG MA REG PAR BAR SNANG DU BZHUGS NGES PA YIN, CHOS RGYAL SOGS KYI SKU RGYU YANG 'JIGS BYED DANG 'DRA, 'DI RNAMS LA RJE RIN PO CHES RAB GNAS MDZAD PA'I TSE, 'JIGS BYED ZHAL PHYAG YONGS RDZOGS ZHAL GCIG PHYAG GNYIS PA SOGS NYI ZER GYI RDUL GYI GANGS LTAR MANG BA PHEBS NAS RTEN LA THIM PA DER BZHUGS PA KUN GYIS MNGON SUM DU GYUR PA LAGS SO,, ` ,DGA' LDAN DU, GOS DAR BZANG PO MTHA' LAS BA BRDUNGS PA'I DAR 'DAG 'BA' ZHIG LAS BSGRUBS PA'I BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA'I SKU LA, RGYAB MTHO BCU BDUN YOD PA DANG, CHOS RGYAL TZA MUntI BCAS BZHENGS RGYU'I RJES LA RJE RANG GIS BYIN RLABS MDZAD NAS MANG PO LA MI STON BAR BZHENGS PA'I TSE, RDO RJE 'JIGS BYED KYI RTZA ZHAL DANG, CHOS RGYAL GYI SKU PHAL CHER RANG BYON DU GRUB, 'JIGS
BYED 'DI'I THUGS KAR BYE'U'I SGO NGA TZAM GYI DROD YOD, 'JIGS BYED KYI RAB GNAS KYI NYIN NAM MKHA' DVANGS BA'I DKYIL NAS 'BRUG SGRA TZAM GYI SGRA CHEN PO GRAG BZHIN PAR RTEN GYI LHA KHANG DU ZHUGS PA KUN GYIS THOS SHING, DE DANG MNYAM DU GSANG BA 'DUS PA DANG BDE MCHOG GI RNAL 'BYOR BA 'GA' ZHIG GIS RDO RJE 'JIGS BYED KYI DKYIL 'KHOR NAM MKHA' GANG BA TZAM PHYOGS BZHI NAS BYON TE RTEN LA THIM PA SOGS GZIGS, DAM CAN CHOS RGYAL 'DI NI RJE BLA MA LA SNYING NAS DAD PA RNAMS LA LHAG PAR GROGS BYED CING BSRUNG SKYOB MDZAD DO, ,DES NA DGA' LDAN 'BRAS SPUNGS SOGS KYI GRVA SA CHEN PO RNAMS SU BZHUGS PA'I GRVA RIGS DANG, LHA KHANG 'DUS SDE'I BYA BA BYED MKHAN SOGS KYIS YI DAM CHOS SKYONG 'DI LA BRTON DGOS SHING, SKU DANG BYON DU GRUB PA DANG, YE SHES PA RTAGS DANG BCAS THIM PA SOGS LA NI RGYU MTSAN KHYAD PAR CAN YOD DO,, ,,MDO SDE GDAMS DGA' BOGS BA LAS GSUNGS PA'I DGE SLONG PADMA'I DANG LDAN, 'JAM DPAL RTZA RGYUD LAS, RJE BTZUN 'JAM DBYANGS, BKA' GDAMS GLEGS BAM LAS, PADMA 'BYUNG GNAS, JO BO AA TI SHA, KHU BYUG ZLA BA'I RTOGS BRJOD LAS, RJE BTZUN MI LA'I SLOB MA LHA RJE SGAM PO BA BSOD NAMS RIN CHEN,
, ,SA SKYA PAn CHEN KUN DGA' RGYAL MTSAN, BA TSAB LO TZTSA BA NYI MA GRAGS RNAMS YIN PAR GSUNGS, PAn CHEN RIN PO CHES, BYANG CHUB SEMS DPA' GZHON NU NOR BZANG, MAR BA CHOS KYI DBANG PHYUG ,MTSO SNA PA SHES RAB BZANG PO, SKYES RABS SO BZHI PA RTZOM PA PO SLOB DPON DPA' PO, LAB SGRON GYIS MA 'ONGS SANGS RGYAS BDUN PA, SLOB DPON PADMAS RDO RJE 'CHANG GI SPRUL PA DANG, SLOB DPON BEE RO TZA NA, NYE BAR 'KHOR, NYER SBAS, BHA WA BHA DRA, ` GLEGS BAM DU RIGS GSUM MGON PO KUN BZANG SGRIB SAL LNGA PO NGO BO GCIG TU GSUNGS;; ,,TSE RING MCHED LNGA BOD KHAMS SKYONG BA'I BSTAN MA BCU GNYIS NI, SNGON TSE KHYAB BDAG HE RU KA DANG PADMA 'BYUNG GNAS KYIS BKA' BSGOS, DAM LA BZHAG ` ,BKA' GDAMS BSTAN MA BCU GNYIS NI, DANG POR STON PA SH'AKYA'I RGYAL POS BSTAN PA'I BSRUNG MAR BSGOS, PAR DU PADMA 'BYUNG GNAS DANG JO BO RJES DAM LA BZHAG ,DUS MTHAR RJE RIN PO CHES BSTAN PA'I BSRUNG MAR BSNGAGS SO, ,DE NI DMAG ZOR RGYAL MO, DPAL GYI LHA MO, RDO RJE RAB BRTAN, DUD SOL MA, DUS MTSAN MA, RANG BYUNG RGYAL MO, NAM MKHA'I GOS CAN,
DBANG SNGON MDANGS LDAN, 'DOD KHAMS DBANG PHYUG ,RDO RJE NAM GRU, TZAnTI KA, SNGAGS SKYONG CHEN MO'O,, ` SNGAGS MTSAN NYID KYI LAM GYI LUS YONGS RDZOGS DANG, BLA MA YI DAM MCHOG LA MI 'BAD PAR, GZHI RTZA MED PA'I RTZA RLUNG DANG GCOD SOGS RDO RJE 'CHANG 'THOB TU RE BA SNYING RE RJE GSUNG,, ,, *, ,ZHU YIG DAG LAGS DPAL STER LAGS,, ,,PHYOGS BCU'I RGYAL BA THAMS CAD KYI MKHYEN BRTZE NUS PA'I BDAG NYID, KHAMS GSUM 'GRO BA'I BLA MA RJE BTZUN TZONG KHA PA CHEN POS, NAM MKHA'I MTHA' DANG MNYAM PA'I SEMS CAN THAMS CAD KYI PHAN BDE'I 'BYUNG GNAS BSTAN PA RIN PO CHE DAR ZHING RGYAS LA YUN RING DU GNAS PA'I SLAD DU, DGA' LDAN, 'BRAS SPUNGS, SE RA, BKRA SHIS LHUN PO, LA SOGS PA'I 'DUS SDE CHEN PO RNAMS BTZUGS, MDO SNGAGS KYI LAM RNAM PAR DAG PA'I SROL BTONG, MA DAG PA'I DRI MA RNAMS BSAL BAR MDZAD, DE'I RJES SU 'BRANGS NAS YUL MTHA' DBUS KUN DU LHA KHANG 'DUS SDE GRANGS MED PA
, ,DAR, SEMS CAN THAMS CAD KYI BDE SKYID 'PHEL BAR GYUR TO, 2 ,DE'I PHYIR RAB TU BYUNG BA RNAMS KYIS RANG GZHAN KUN LA PHAN BDE RGYA CHEN PO 'BYUNG BA'I CHED DU CHOS DANG MTHUN PA'I BYA BA LA 'BAD CING, MI MTHUN PA RNAMS CI NUS KYIS SPANGS NA LEGS PAR NGES PAS, DGON SDE 'DIR BZHUGS PA'I GRVA RIGS RNAMS KYIS BLANG DOR GYI GNAS RNAMS THUGS LA BZHAG NAS BRTZON PA'I RIM PA RNAMS ZHU BA LAS, ^ BYA BAR 'OS PA'I RIM PA NI, ,DUS DUS KYI TSOGS LA CHAD MED DU 'TSOGS PA, LHA RTEN MCHOD PA, KLOG 'DON BYED PA, LHA KHANG LA BYI DOR BYED PA, GZHON PA RNAMS KYIS 'DON CHA DANG DBYANGS 'THEN PA, PHYAG RGYA BYAD PA, ROL CHA BYED PA SOGS LEGS PAR SLOB PA, RGAN PA RNAMS NI SLOB MA SOGS LA YON TAN BSLAB PA, GZHON PA DGE PHRUG RNAMS KYIS DGE RGAN DAG GI DAG LA NYAN NAS GANG LEGS KYI RJES SU 'BAD PA DANG, YANG RANG RANG LA GTAD PA'I BYA BA SPYI SA'I
LAS DANG, DNGUL DANG NOR PHYUGS LONGS SPYOD, MCHOD GTOR SOGS JI LTAR BYED TSUL RNAMS LHA KHANG DANG 'DUS TSOGS MANG BO LA PHAN PAR 'GYUR BA, 'OS SHING LEGS PAR 'GYUR BA LA BRTAGS NAS 'BAD PA SOGS TSUL DANG MTHUN PAR BYED DGOS, ^ SPONG BAR 'OS PA'I RIM PA NI, BLA MA DE MCHI DGE BSKOS RNAMS KYI BSGO BA DANG, 'DUS SDE'I KHRIMS LUGS BZANG PO'I RJES SU MI 'BRANG BA, RANG 'DOD KYIS LHA KHANG GZHAN GYI TSOGS LA SONG NAS RANG GI DGON SDE BOR BA, 'DUS SDE'I BYA BA LA BSAM PA DRANG POS MI BRTZON PAR G-YO SGYU PHYED PA, RKUN MA DANG BSNYON HAM BYED PA'I MI NGAN DANG 'GROGS PA, CHANG DANG THA MI KHI 'THEN PA, ZHVA NAG PO SOGS MI RIGS PA'I YO BYAD LA SPYOD PA, GCIG GIS GCIG LA PHRAG DOG GIS 'TSE BA, MING DANG GOS LA THOB SHA BYAS TE RTZOD PA, KHA MCHU 'THAB RTZOD BYED PA, PHRA MA SMRA BA SOGS SER MO PA DANG KHYIM PA DAG GI BAR DU DKRUGS PAR BYED PA'I RIGS LEGS PAR SPANGS NAS GANG 'THAD PA'I PHYOGS 'DZIN DGOS, ` SPYIR YANG KHA TON
, ,DANG, DGE SBYOR SOGS DAM PA'I CHOS BSLAB PA DANG SGRUB PA LA 'BAD NA, RANG GZHAN LA DUS THAMS CAD DU PHAN YON CHEN PO 'BYUNG PA LAGS BAS, THUGS DGONGS RNAM PAR DAG PAS PHYAG BZHES SU GNANG BA ZHU, DAM CHOS RNAM DAG DAR ZHING RGYAS GYUR CIG ,MI RIGS SPYOD KUN BYANG ZHING DAG GYUR CIG ,'GRO BA THAMS CAD BDE ZHING SKYID GYUR CIG ,PHYOGS BCUR BKRA SHIS LEGS TSOGS 'PHEL GYUR CIG, ,,MANGGA LAm,, ,, ` BAR GYI YIG PA NI DGE SLONG BLO BZANG CHOS 'DZIN NO,, *, ,SPRINGS YIG BZHUGS,, ,,JI SKAD DU, SKYES RABS LAS, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSIGS CHUNG THAR BAR 'GYUR, , ZHES LEGS PA'I YON TAN 'DOD PA DAG GIS THOG MAR LUNG RIGS LA BROS PA BYED, DE'I RJES SU CHOS BZHIN DU SGRUB PA SNYING POR BYED, DE LTAR BYED NA 'KHOR BAR YANG DANG YANG DU SKYE ZHING
SDUG BSNGAL GYIS MNAR BA 'DI LAS THAR NAS SANGS RGYAS KYI GO 'PHANG 'THOB PAR GSUNGS, THOS PA MA BYAS PAR SNGAGS BZLA BA LTA BU'I 'U TSUGS KYIS 'KHOR BA LAS DGROL BA NI MA GSUNGS SO, ,DE YANG THOS PA'I RJES SU SGRUB PA BYA DGOS PAR GSUNGS LA, THOS PA'I SNGON DU SGRUB PA BYA BAR MA GSUNGS, SGRUB PA BYED TSUL YANG CHOS DANG MA THUR PA SHUGS DRAG PO SA SNYING POR BYA DGOS PAR GSUNGS LA, CHOS MTHUN YOD MI YONG LA MI BRTZI PAR SGRUB PA BYED PA'I MING CAN CIG RANG GIS GANG 'DOD LTAR BYAS PAS CHOG PAR MA GSUNGS, DE YANG TSOMS LAS, THOS PAS CHOS RNAMS SHES PAR 'GYUR, ,THOS BAS SDIG LAS LDOG PAR BYED, ,THOS PAS DON MA YIN PA SPONG, ,THOS PAS MYA NGAN 'DAS PA 'THOB, ,CES GSUNGS PAS BKA' DANG BSTAN BCOS KYI TSIG DON SHES PA NI THOS PA LAS BYUNG, DE SHES PA'I STOBS KYIS SDIG PA MI DGE BA SPONG BA DANG, DANG PA SHES RAB SOGS YON TAN 'THOB PA DANG, MTHAR 'KHOR BA LAS THAR NAS SANGS RGYAS KYI GO 'PHANG 'THOB PA YANG THOS PA LAS 'BYUNG BA YIN LA, DE'I PHYIR GZHUNG CHEN MO RNAMS LA THOS PA LEGS PAR BYAS TE MKHAS PAR
, ,SBYANGS, DE RJES DPE DANG GTAN TSIGS SOGS KYI RIGS PAS GZHUNG LUGS GDAMS PAR SHAD NAS BSAM BYUNG GI NGES SHES BSKYED, DE RJES DUS YUN RING PO'I BAR DPYAD SGOM 'JOG SGOM TSUL BZHIN DU BYAS NA RTOGS PA'I YON TAN THOB PAR 'GYUR ZHING, RIM GYIS TSE 'DI'I ZHEN PA LOG NAS SKYES BU CHUNG NGU'I BSAM PA SKYE, SRID PA'I BDE 'BYOR MTHA' DAG LA ZHEN PA LOG NAS SKYES BU 'BRING GI BSAM PA SKYE, SEMS CAN THAMS CAD LA BYAMS PA SNYING RJE DANG SANGS RGYAS 'THOB 'DOD KYI BYANG CHUB KYI SEMS SKYES NAS BYANG CHUB SEMS DPAR 'GYUR, DE RJES BSKAL CHEN GRANGS MED MANG POR TSOGS GNYIS RGYA CHEN PO BSAGS NAS SANGS RGYAS 'THOB PAR 'GYUR RO, ,DES NA RJE BTZUN TZONG KHA PA CHEN POS, THOG MAR ZHING GI MTHU LA BRTEN NAS NI, , NANG GI BSAM PA'I STOBS NI SKYE 'GYUR BAS, ,DGE BA'I BSHES DANG DKON MCHOG MCHOD PA LA, ,RGYUN MI 'CHAD PA'I SBYOR BA BSTEN 'TSAL LO, ,ZHES GSUNGS PA LTAR RANG GI CHOS 'DREL MNOS PA'I BLA MA DGE BA'I BSHES GNYEN RNAMS DANG DKON MCHOG GSUM LA NYIN RE BZHIN PHYAG MCHOD GSOL 'DEBS DANG, KHA TON DGE SBYOR GYI RIM PA LA RGYUN CHAD MED PAR BYAS NA, NANG GI DAD BA SHES
RAB BRTZON 'GRUS LA SOGS BA SKYI BA DANG 'PHEL BAR 'GYUR BAS, 'PHRAL DU MNGON SHES RDZU 'PHRUL SOGS KYI YON TAN KHYAD PAR CAN 'THOB TU RE BA DANG, YON TAN THOB PA MI YOD DAM SNYAM PA'I DOGS PA GANG YANG MI BYED PAR, 'PHRAL PHUGS KUN DU SKYID SDUG LEGS NYES CI BYUNG YANG BLA MA DKON MCHOG GSUM MKHYEN, KHYAD PAR DU YI DAM THUGS RJE CHEN PO MKHYEN SNYAM DU BLO BKAL NAS SNGAR RGYUN BZHIN KHA TON SOGS BYAS NA CHOS LAM DU 'GRO BA DE KA YIN PAS DE LTAR DU BYED NA LEGS, SMYUNG GNAS BSRUNG BAR BYED PA PO CIG LA YIG LAN DU SPRINGS PA LAGS,,