/TA 2\ KHA 10 *, ,LAM KHRID KYI BRJED BYANG SOGS BZHUGS SO, , 7 @001 *, ,PAn CHEN THAMS CAD MKHYEN PA BLO BZANG DPAL LDAN YE SHES PA'I ZHAL SNGA NAS KYIS, BDE LAM KYI KHRID SLOB BSHAD MYONG KHRID KYI TSUL DU GNANG BA LA, RGYAL SRAS SPRUL SKU SKAL BZANG THUB BSTAN RGYA MTSOS ZIN BRIS SU BTAB PA LAS, GNAS KHANG BYI DOR BYAS NAS CHAG CHAG GDAB PA LA RANG GI KHAMS LA MI GNOD PA'I DRI BZANG GI RIGS KYIS BYUG ,STAN RGYAB MTHO LA MDUN DMA' BAR BYED PA NI RTZA DBU MA'I RTZA BA CUNG MTHO BAR YOD NA DMIGS PA GSAL ZHING 'CHAR BDE BA'I GNAD YOD PAR GSUNG, SENG KHRI'I LOGS GNYIS DANG MDUN RGYAB RNAMS SU SENG GE GNYIS GNYIS KHA SPOD DU YOD PA BYED, THUB PA'I DBANG PO SNGON RDZA MKHAN GYI KHYE'U SNANG BYED DU GYUR PA'I
, ,DUS SU RDZA'I STUNG BZIR 'JAM GYIS GANG BA PHUL NAS SEMS BSKYED PA YIN PAS DA LTA LHUNG BZED BDUD RTZIS GANG BA BSNAMS PAR BSKOM PAS RTOGS PA SKYE BA'I DGOS PA YOD, PHYAG NA LHUNG BZED MED PA, MDUN DU RDO RJE YOD PA NI THUB PA BYANG CHUB CHEN PO ZER NYAMS LEN BYIN RLABS BGYUR BA LA, MGON PO KLU SGRUB, JO BO RJE, RJE RIN PO CHE GSUM NGES PAR DGOS, JO BO AA TI SHA LA tOm BHI BAS MI'I LAG PA'I PIN MDZUB ZHIG BSTZAL BA BZHES PAS BDE GSAL MI RTOG PA'I TING NGE 'DZIN 'KHRUNGS, 'DIS BYIN RLABS RGYUD KYI DON LA DBYOD, RJE BTZUN BYAMS MGON BZANG PO'I 'DUG STANGS, 'JAM DBYANGS SKYIL KRUNG, RGYAL CHEN BZHI RANG RANG GI PHYOGS SU ZHAS BSTEN NAS BAR
CHAD BSRUNG BAR BSAM PA YOD, BZANG SPYOD SMON LAM NI BYANG CHUB SEMS DPA'I SMON LAM THAMS CAD KYI DON BSDUS PA YIN PAS 'DI NAS 'BYUNG BA'I YAN LAG BDUN PA BYED, THOG MAR 'PHAGS PA 'JAM DPAL GZHON NUR GYUR PA LA PHYAG 'TSAL BA NI, 'JAM DBYANGS NI SANGS RGYAS BYANG SEMS THAMS CAD LA SMON LAM DANG SANGS RGYAS SGRUB PAR BSKUL BA PO'I GTZO BO DANG, MDO PHAL PO CHER SMON LAM 'DI'I GLENG GZHI MDZAD PA PO 'JAM DBYANGS YIN PAS RTEN 'BREL GYI GNAD YOD, ` ,PAn CHEN RIN PO CHES MDZAD PA'I LAM KHRID GZHAN PHAN BDUD RTZI'I BUM BA ZHES BYA BAR, LAS 'BRAS KYI SKABS SU, DGE SLONG RTZA LA YANG BA LA SPRE'U 'DRA ZHES RTZED MOR SMRAS BAS SKYE BA LNGA BRGYAD SPRE'UR SKYES PA MI DGE PA'I 'BRAS BU, SHA SPRANG GIS DE BZHIN GSHEGS PA'I MCHOD RTEN GYI MTHA' LA RTA BRTAGS PA'I THANG GI DRIL 'KHOR NAS MCHOD RTEN BSKOR BAS RGYA GAR NA KHYIM BDAG DPAL SKYES SU SKYES PA DGE BA'I 'BRAS BUR GSUNG, SBYIN PA NYAMS SU LEN PA LA, STON PA'I SKU SNGA RGYAL BU SNYING STOBS CHEN PO DANG, NAM MKHA' DANG, NYA'I RGYAL PO SOGS KYI DPE SBYAR, TSUL KHRIMS LA, RTA THUL DANG NYE BAR 'KHOR, ,CHU TSAGS MED
, ,BAS SKOM NAS SHI BA'I DGE SLONG GZHON NU DANG, BUM PA CAN GYI SKYES RABS SBYAR, BTHOD PA LA, DRANG SRONG BTHOD PA SMRA BA DANG, SPRE'U'I RGYAL PO DANG, SENG GE YI DAM BRTAN PA DANG, RGYAL BU DGE DON RNAMS SBYAR, BRTZON 'GRUS LA, STON PAS SNGON SKU LUS LA LCAGS GZER STONG BTAB PA DANG, SEMS CAN GYI DBUL BA SEL BA'I PHYIR RGYA MTSO SKEM BAR CHAS PA SBYAR, BSAM GTAN LA SRID MO THE TSOM SEL BA LTA BU SBYAR, SHES RAB LA 'JAM DBYANGS LTA BU BYED GSUNG, ` , ,RJE MI LAS RANG GI RNAM THAR DU, GANG ZHIG BDAG GI RNAM THAR LA, ,SPYOD CING SGRUB PA BYED PA DANG, 'BRI ZHING THA CHANG NYAN BYED PA DANG, KLOG DANG PHYAG MCHOD 'BUL BA DANG, RNAM THAR TSUL BZHIN SKYONG RNAMS DANG, ,MNGON DGA'I ZHING DU MJAL BAR SHOG ,CES GSUNGS, ` ,GTZANG RONG GI GNUBS KHU LUNG PA YON TAN RGYA MTSO LAS BLANGS PA'I MTHU NI GZA' GDONG DMAR NAG CES BYA BA H'Um SHI DANG PHAt 'GYEL THONGS PA YIN, , ` DBUS KYI GNYAG B'A MA G-YUNG STON KHRO RGYAL LAS BLANGS BA'I SER BA SBYANG RIM DGU THONGS BA 'DI YANG GZA' R'A HU LA'I LAS SBYOR YIN, ,RJE MI LAS CHU PHO 'BRUG
LOR 'KHRUNGS, CHUNG DUS RNYING MA'I SLOB DPON GRONG CHOG PA LA KLOG BSLABS, DE RJES G-YUNG STON GYI DRUNG DU LO GCIG BSDAD, DE RJES GTZANG KHU LUNG PA'I DRUNG DU SONG STE MTHU BYAS, DE NAS G-YUNG GI DRUNG DU LOG 'ONGS NAS SER BA PHABS, DE NAS RONG YON TAN LHA DGA' LA RNYING MA'I CHOS RDZOGS CHEN ZHUS, ,BLA MA DES LUNG BSTAN PA LTAR MAR PA'I DRUNG DU BYON, DE NAS MKHAR SHAR DU ZLUM PO, NUB TU ZLA GAM, BYANG DU GRU GSUM BRTZIGS NAS BSHIG ,DE NAS GZHAN CIG LA MKHAR GRU BZHI GNYDZIR BCAS BCU THOG BRTZIG TU BCUG PA SOGS DKA' LAS BSAM GYIS MI KHYAB BAS SDIG SBYONG MDZAD, ,DE NAS MAR PAS, NGA'I BU 'DI LA YID CHAD CHEN BO DGU BTANG NA TSE GCIG LA 'TSANG RGYA BA YIN LA, 'ON KYANG YID CHAD CHEN BO BRGYAD DANG, SNANG CHUNG MANG PO'I SGO NAS SDIG SBYONG BYAS ZIN BAS, DMIG NAD RANG GI SNYING DANG 'DRA BA'I GDAMS NGAG RNAMS BYIN NAS SGRUB PA BYED DU 'JUG BA YIN, ZHES GSUNGS, DE NAS MI LA'I SKRA BZHAR, GOS BSKYUR, RDO RJE RGYAL MTSAN DU MING BTAGS, DGE BSNYEN KYI SDOM PA GNANG, BYANG SEMS KYI SDOM PA YANG GNANG, DE RJES BDE MCHOG LHA DRUG CU RTZA GNYIS KYI DKYIL 'KHOR DU DBANG BSKUR, GSANG MTSAN BZHANG PA'I RDO RJER BTAGS, GDAMS NGAG RNAMS
, ,GNANG NAS SGRUB PA MDZAD DU BCUG ,PHYIS MKHA' 'GRO'I SNYAN RGYUD SMIN BYED KYI DBANG DANG GROL BYED KYI GDAMS DAG RNAMS KYANG RDZOGS PAR GNANG, MI LAS TSE DANG SGRUB PA SNYOMS PAR MDZAD PAS MNGON SHES RDZU 'PHRUL LA SOGS PAS LAM GYI RTOGS PA THAMS CAD MTHAR PHYIN TE BSTAN 'GRO'I DON DPAG TU MED BA MDZAD, MTHAR DGUNG LO GYA BZHI PA'I SHING MO YOS LOR SKU GSHEGS TSUL BSTAN NO, ,RNAM THAR RGYAS PA NI RNAL 'BYOR PA RUS PA'I RGYAN CAN GYIS MDZAD PA YOD DO, ` ,PAn CHEN RIN PO CHES MDZAD PA'I RDO RJE 'JIGS BYED KYI DBANG DRAG GI SBYIN SREG BYA TSUL LAS, DBANG GI THAB NI DBYIBS ZLA GAM KHA BDAG NYID BLTA BA, ZHES 'BYUNG, DNGOS GRUB RGYA MTSO LAS, DBANG DANG DRAG PO'I BSREG RDZAS RNAMS LA, RDZAS SNGAGS SO SO BA MI SNANG BAS, GANG LA 'BUL BA'I LHA'I SNGAGS NYID KYIS BYA'O, ,ZHES GSUNGS PAS, 'DIR 'JIG RTEN PA'I SKABS SU DE NYID KYI SNGAGS DANG, 'JIG RTEN LAS 'DAS PA'I SKABS SU BSREG RDZAS THAMS CAD, AOm HR'I: shtRI: WI KRAm T'A NA NA H'Um PHAt, CHE GE MO WA SHI KU RU HO: ZHES SPEL TSIG SBYAR NAS 'BUL, ZHES 'BYUNG, ,
` THOB PA MANG DU BYAS PA'I DGOS PA NI, ,TSE 'DIR SA LAM GYI RTOGS PA THOB PAR MA GYUR KYANG, BAG CHAGS KYI NUS PA MTHU BRTAS PA'I DBANG GIS SKYE BA PHYI MA RNAMS SU RIGS KYI NUS PA RIM GYIS RGYAS TE RTOGS PA THOB PAR 'GYUR RO, ` BSKAL CHEN GRANGS MED GSUM DU TSOGS BSAG DGOS PAS DUS YUN RING BA DANG TSOGS CHE BA SOGS MTHONG NAS MA BZOD PAR, YUN THUNG DU RANG TSOGS CHUNG DUS SANGS RGYAS 'DOD NAS SNGAGS LA 'JUG PA NI PHYIN CI LOG YIN PAS, NGES SNGAGS LA ZHUGS SNYAM PA BYAS KYANG SNGAGS SU YI MI 'GYUR RO, ,BU CHUNG NA BU LA BRTZE BA'I MAS MI BZOD BA LTAR SEMS CAN THAMS CAD LA 'PHRAL DU BDE BA DANG LDAN PAR BYA BA'I CHED DU RINGS DGOS BA YIN NO, , 'PHAG SA 'OD YON TAN RGYA MTSO'I BDE MCHOG GANG KYI LA CHOG TU, 'BUR DU DOD BA PHYI DKYIL PHYI NANG DU 'DU BAR BSHAD CES 'BYUNG STE, BLOS BSLANGS LA DBANG DANG BDAG 'JUG DUD MI RUNG DPYAD PAR BYA DGOS SO, , ` 'PHAGS PA THOGS MED KYIS ZHAL GZIGS PA'I BYAMS MGON NI, ZHAL GSUM PHYAG BZHI SANGS RGYAS SPRI NA MANG SBRO, ,CHOS 'KHOR
, ,SKYABS SBYIN KLU SHING ME TOG CAN, ,RAB MDZES SER SNGO 'BAR BA'I 'DZUM ZHAL GYIS, ,DNGOS GRUB STZOL MDZAD BYAMS MGON KHYOD NYID DGONGS, ,ZHES PAn CHEN RIN PO CHES GSUNGS PA LTAR RO,, ,,'DIR BDE LAM GYI ZIN BRIS, LAM KHRID BRJED BYANG, MI LA'I RNAM THAR GYI BRJED THO, SBYIN SREG GI BRJED THO, THOS PA'I DGOS PA, SNGAGS LA 'JUG PA'I KUN SLONG, DBANG LEN PA'I DKYIL 'KHOR, BYAMS MGON GYI BSTOD TSIG STE BRGYAD YOD,, ,,MANGGA LAm,, ,, PAR GYI YI GE PA NI DGE TSUL SKAL BZANG RDO RJE'O,, ,, *, ,RIM LNGA'I DON BSDUS YIG CHUNG NI, GSANG 'DUS RIM LNGA'I DANG PO NI RDOR BZLAS TE, RLUNG GI 'BYUNG 'JUG GNAS GSUM DANG SBYAR NAS YI GE GSUM BZLA BA'O, , ` GNYIS BA SEMS DMIGS KYI RIM PA STE, STONG PA, SHIN TU STONG PA, STONG CHEN, THAMS CAD STONG PA STE BZHI BSGOM PA'O, ` ,GSUM PA BDAG BYIN RLABS KYI RIM PA STE,
SGYU LUS BSGOM PA'O, ` ,BZHI PA MNGON BAR BYANG CHUB BA'I RIM PA STE, DON GYI 'OD GSAL BSGOM PA'O, ` ,LNGA PA BRUNG 'JUG GI RIM PA STE, 'KHOR 'DAS ZUNG 'JUG ,KUN BYANG ZUNG 'JUG ,RNAM BCAS RNAM MED ZUNG 'JUG SOGS ZUNG 'JUG NYER GSUM BSGOM PA'O,, ` ,,RNAM BCU DBANG LDAN GYI BSHAD BSDUS PAn CHEN RIN PO CHE'I GSUNG LAS BYUNG BA NI, PHYI NANG GI SRING PA BCU SGRIB BRAL DU BYAS PA'I YE SHES BCU'I MTSON BYED NI RNAM BCU DBANG LDAN NO, ,DE LA PHYI'I SRID PA BCU NI, ,ZLA NYI NAM MKHA', RLUNG ME CHUS, RI RAB 'DOD GZUGS, GZUGS MED KHAMS SO, ,NANG GI SRID PA BCU NI, KHAMS DKAR DMAR, NANG GI 'BYUNG BA LNGA, SGAL TSIGS, DPRAL BA, GTZUG TOR RNAMS SO, ,SNGAGS KYI SKYE GNAS LAS RNAM BCU DBANG LDAN 'BYUNG TSUL NI, PHYI NANG GI ZLA BA SGRIB BRAL DU BYAS PA LAS THIG LE'I NGES DON DANG DE MTSON BYED DRANG DON GYI THIG LE, DE BZHIN DU NYI MA LAS RNAM BCAD DANG, NAM MKHA' LAS AA, RLUNG LAS AE, ME LAS RAm, CHU LAS AU, SA LAS LAm, RI RAB LAS MA, G-YO BA 'DOD GZUGS KYI KHAMS LAS KshA, GZUGS MED KYI KHAMS SGRIB BRAL DU BYAS PA LAS, DES DON
, ,HI HA DANG, DE MTSON BYED LHA YIG 'BYUNG BA YIN PA'I PHYIR, YANG NA PHYI NANG GI ZLA BA DANG DE SGRIB BRAL DU GYUR BA'I CHA GSUM MTSON DON DU BYAS PA LAS, DE MTSON BYED DU DRANG DON GYI YI GE THIG LE 'BYUNG ZHES SOGS KYANG SBYAD DO, ,'O NA THIG LE SOGS BCU BO RNAM BCU DBANG LDAN GYI SKYE GNAS SU 'GYUR BA DANG, DE LAS RNAM BCU DBANG LDAN BSGRUB TSUL GANG ZHE NA, SKYE GNAS KYI SNGAGS THIG LE DANG BCAS PA G-YON DU MAS RIM BZHIN DGOD DE, HA KshA MA Li AU Ri AI AA: ZHES PAS SO, ,SGRA MDOR AA TZA DANG BRAL BA'I YI GE PHA ROL GYI YI GER DRANG NGO, ,ZHES DANG 'DIR YANG, GSAL BYED SNGA MA PHYI MA'I STENG DU 'GRO'O, ,ZHES GSUNGS PA'I RIGS PAS, HA KshA'I STENG DANG, DAKshA MA'I HENG DU 'BRO ZHING, Li LA DANG, AU WA DANG, Ri RA DANG, Ai YA RU BSKYUR ZHiNG SNGA MA PHYI MA'I STENG DU BRTZEGS PA LA, SGRA MDOR, DBYANGS MED DBYANGS DANG SBYAR RO, ,ZHES BSHAD PAS, MTHA'I AA YA LA SROG TU BCUG STE THAMS CAD SROG LDAN DU BYAS PA'I STENG DU RNAM BCAD ZLA PHYED KYI RNAM PA DANG, THIG LE ZLUM PO'O, ,STENG DU LHAN CIG SKYES PAS YE SHES MTSON BYED N'A DA RTZE MO GCIG PA BRIS PAS
DKshAMW'ARYA ZHES BA GRUB PO, ,DE LTA BU'I RNAM BCU DBANG LDAN GYI YI GE BCU PO LA PHYI NANG GZHAN GSUM DANG SBYAR BA'I MTSON DON KHYAD PAR CAN DU MA YOD DE, PHYI SNOD BCU DANG SBYAR NA SROG TU BCUG PA'I AA YIG GIS NAM MKHA'I KHAMS DANG, YI GE 'OG MA LNGAS 'BYUNG BZHI'I DKYIL 'KHOR RI RAB DANG BCAS PA DANG, KshA YIG GIS 'DOD GZUGS KYI LHA GNAS DANG, TA YIG GIS GZUGS MED KYI GNAS DANG, RNAM BCAD DANG THIG LE GNYIS KYIS ZLA NYI DANG, N'A DAS THAMS CAD LA KHYAB PA'I BDEN STONG DE KHO NA NYID MTSON PA'I PHYIR, NANG LA SBYAR NA, YA RA LA WA BZHIS RIM BZHIN SGRUB PA PO'I DPRAL MGRIN SNYING GA LTE BA'I RTZA 'KHOR DANG, MAS SGRAL TSIGS DANG, HA RNAM BCAD THIG LE GSUM GYIS RTZA GSUM DANG, KshAS GSANG BA'I PADMA DANG, GZHAN BSKYED RIM LA AA YIG GIS CHOS 'BYUNG DANG, YA RA LA WA MA LNGAS 'BYUNG BZHI'I DKYIL 'KHOR RI RAB DANG BCAS PA DANG, HA RNAM BCAD THIG LE GSUM GYIS ZLA NYI SGRA GCAN KYIS GDAN GSUM DNGOS SU MTSON PA'I SHUGS LA GZHAL YAS KHANG DANG, N'A DAS GTZO BO DNGOS SU MTSON BA'I SHUGS LA LHA GZHAN THAMS CAD MTSON PA'I PHYIR DANG, GZHAN RDZOGS RIM
, ,LA'ANG SNGAR BSHAD PA'I YE GE BZHIS RTZA 'KHOR BZHI DANG, K'A YIG GIS MTSON DON GSANG BAR GNANG DU BSNUN BAS GTUM MO 'BAR BA RNAM BCAD KYIS DANG, DE LA BRTEN NAS BYANG SEMS DKAR PO 'BAB PA THIG LES DANG, DE LA BTEN NAS SEMS BDE CHEN KYI NGO BOR SKYES PA N'A NGAS MTSON PA'I PHYIR, 'DI NI BLA MED SPYI'I LUGS SO, , ` DUS 'KHOR 'GREL CHEN DE NYID SNANG BA'I SNYING PO YID BZHIN NOR BU ZHES BYA BA PAn CHEN CHOS RGYAN GYIS MDZAD BDE'I NANG GI MDOR BSDUS BDUN BA'I SKABS SU RNAM BCU DBANG LDAN YOD DO, ,
[BLANK PAGE]