, ,GSO BA RIG PA'I MAN NGAG SBYOR BA BRGYA PA'I MCHAN BZHUGS SO,,
, ,RGYA GAR SKAD DU, YO GA SHA TA KA, BOD SKAD DU, SBYOR BA BRGYA PA, SANGS RGYAS SMAN GYI BLA BEE d'URYA 'OD KYI RGYAL PO LA PHYAG 'TSAL LO, ,'PHAGS PA KLU SGRUB LA PHYAG 'TSAL LO,, RING DU GRAGS PA'I GSO DPYAD NAS, ,MTHA' YAS RGYUD KYI GCES PA BLANGS, 11 ,SMAN PA MKHAS PAR RAB MCHOD PA'I, ,SBYOR BA PA RGYA YI BCINGS PA BYA, ,BDUD RTZI LTA BU'I SMAN SBYOR GYIS, ,LUS NI NAD MED 'GYUR BA YIN, ,GSO DPYAD SHES PA'I SMAN PA YIS, ,NAD RGYU MTSAN NYID YONGS SU BRTAG ,SLE TRES GLA SGANG BYI TSER BCA' SGA DANG, ,BYI TSER GLA SGANG TIGTA PARPA tA, ,PA SHAKA BYI TSER BCA' SGA GLA SGANG RNAMS, ,BSKOL THANG RLUNG MKHRIS BAD KAN RIMS LA BTUNG, 1 ,KshU TR'A KAndA K'A RI, SLE TRES BCA' SGA PUSKA RO, ,MA NU PUS SKAR GYI RTZA BA, BSKOL BA'I THANG BYAS BAD KIR TA TIGTA TA KAN RLUNG MCHOG LA, ,LUD PA DBUGS MI BDE BCAS DANG KA MED, ,GZHOG GZER NYES GSUM LAS BYUNG RIMS LA'ANG BSNGAGS, 2 ,DONG KA DRO SMAN NAR RTZA GLA SGANG DANG, ,HO NGA LEN AA RU RA RNAMS BSKOL BA'I THANG, ,GZER BCAS TSAD 'KHRU BAD RLUNG LDAN RIMS LA, , PHAN NO DROD BSKYED BZHU BA BYAS PAS KYANG, 3 ,RGUN 'BRUM GLA SGANG HONG LEN AA RU RA, ,DONG KA 'I 'BRAS BU, PARPA tA KA'I THANG BYAS LA, ,MKHRIS BYUNG RIMS DANG GLAB COL BRGYAL BA DANG, ,MGO 'KHOR TSA
, ,SKAM SKOM DAD LDAN RNAMS LA, 4 ,KAndA K'A RI BCA' SGA SLE TRES BSKOL, ,DRO SMAN NAR MO'I PHYE MA BSRES PA'I THANG 'THUNG PAS, ,GSUS GZER LUD PA TSAD RNYING DANG KA MED, ,PHO BA'I NAD CHAM DBUGS MI BDE RNAMS 'JOMS, 5 ,BYI TSER PARPA tA KA 'GREL PA GCIG NA MED DO, ,AA RU RA, ,B'A sh'A BA SH'A KA, HONG LEN TIKTA PRI YANG KU ,'I RDZAS KYI ME TOG GZUNG ZHES 'GREL PAR RO, ,KA RA CHER BTAB BSKOL BA'I THANG 'THUNG PAS, ,SKOM DAD KHRAG MKHRIS RIMS DANG TSAD LDAN 'JOMS, 6 ,RIMS NAD GSO BA'I DPYAD DO, , ! SKYER RTZA KI RA TA TIG THA, 'BRAS BU GSUM DANG BI BI SHA L'A GNYIS YOD PA LAS LAG LDAN SO ZHES PA'I BI SHA L'A LAS GZHAN YIN NO, , SHA AINDRA BA RU nA, L'A, ,SKYER RTZA PHYE MAR BYAS LA NGES PAR BSKOL, ,THANG LA SBRANG RTZI LDAN PA 'THUNG PA YIS, ,GCIN KHA SNYI BA'I NAD SKYES MA LUS 'JOMS, 7 ,AU DI B'A LA KA, TZYA DANG KA PED BONG NGA DKAR, ,GLA SGANG DUG MO NYUNG BCAS NI 'GREL PAR KU tA JI LTAL ZHES 'BYUNG BAS SHUN PA DGOS PA 'DRA'O, ,THANG BYAS PA, ,TSAD PA GZER BCAS KHRAG 'KHRU DANG BCAS PA, ,YUN RING ZHUGS PA'I 'KHRU BA RNAMS LA PHAN, 8 ,GLA SGANG BCA' SGA BONG NGA DKAR POR BCAS, ,SLE TRES CHA MNYAM CHU LA BSKOL 'THUNG PAS, ,ME DROD ZHAN PA'I RGYUN GYI NAD RNAMS DANG, ,TSAD ZIN 'KHRU BA'I NAD KYANG SEL BAR 'GYUR, 9 ,PAGS NAD LTO BA NA DANG SKYA SBAB NAD, ,SPOS DANG
CHAM PA BAD KAN MGUL 'GAG LA, ,PU NARNA P'A BA SPU BA THANG SHING 'GREL PAR SKYER PA'I SHING DU BSHAD, AA RU RA, ,SLE TRES BA GCIN GU GUL LDAN PA BTUNG, 10 ,GLA SGANG SHIG GRU PHO BA RIL DKAR, THANG SHING NA DE BA D'A RU, DANTI RGYA DPER 'DUG GO 'GREL PAR MU shI KA PARnI 'DUG GO , 'BRAS, ,'BRAS BU GSUM MO, BI TANG DRO SMAN NAR PHYE BCAS THANG GIS, ,RGYUN DU KHA RKUB NAS 'BYUNG SRIN BU DANG, ,SRIN LAS SKYES PA'I NAD KYANG 'JOMS PAR 'GYUR, 11 ,SUKshME SUG SMEL, DRO SMAN PI PI LING NGO SHING MNGAR NA LE AA KHU PARnI, SHAM, PHO BA RIL, AA SMA BHE DA SRU SRU'I RTZA BA, AE RAN P'A sh'A GZE, ,MA, BRAG ZHUN GTZO CHER BSKOL BA'I THANG 'THUNG NA, ,RDE'U GSEG MA DANG BCAS GCIN SDE PHEL?, 12 ,BRAG ZHUN AASMA SRU SRU'I RTZA BA BHE DA SUKshME SUG SME BA?, DANG, ,DRO SMAN PI PI LING, PHYE MA 'BRAS BKRUS CHU BTAB BTUNG, , YANG NA BU RAM DANTA, dA, B'A SH'A KA'O, DANG BCAS 'THUNG GYUR NA, ,GCIN SRI 'CHI LA THUG PA YANG 'TSO 'GYUR, 13 ,DONG KA DANG NI GZE MA AA RU RA, ,BYI TSER AASMA BHE DA B'A SH'A KA ,BSKOL BA'I THANG LA SBRANG RTZI LDAN 'THUNG NA, ,TSA ZHING GZER BCAS GCIN SRI GROL BAR 'GYUR, 14 ,DONG KA SOR BZHI PA DANG NI SLE TRES B'A sh'A B'A SH'A KA, RNAMS, ,AE RAN dA MAR KHU LA BSKOL THANG 'THUNG NA, ,RLUNG BYUNG RNAM GYUR MA LUS KHRAG GI NAD, ,STENG 'OG LUS KUN NAS 'DZOG RIM PAS 'JOMS, 15 ,TAnYU LI KA'I SBYIR 'BRAS LA PHRER KYANG DA RES 'BRAS MIN PA GCIG YOD, RTZA BA LIG BU MIG ,SKAD DOD LA RAS AANYDZA NI KHU BA'I MIG SMAN TE, YAN LAG BRGYAD PAR PHYE KHAnDA RA BSGYUR BA LEGS SO, ,KHA CHE BLA DGA'I SMAN MING LAS, RA SA AANYDZA NA SKYER KHANDA, SHRO DA AANYDZA NA LIG 'U MIG GO, 'BRAS KYI CHU LA SBRANG RTZI LDAN 'THUNG NA, ,RLUNG MKHRIS BAD KAN 'DUS PA KUN GYIS BSKYED PA'I KHRAG NAD NGES PAR 'JOMS, ,DBUGS MI BDE LA BH'A RG'I TSANGS PA'I SHING NGAM BRAM ZE'I SHING DU 'GREL PAR BSHAD, BRGYAD PAR GA PRAR BSHAD DO, ,BCA' LGAS SO, 16 ,BRA HI TI GNYIS STAG TSER CHE BA DANG KAndA K'A RI AE RA nA dA KA PED DANG, ,M'A TU LUNG KA'I SA BON AASMA Ksh'A SRU SRU'I RTZA BA RA SHING KUN
, ,GZE, ,MA RNAMS KYI RTZA BA SENDHE RGYA TSA AE RAn dA MAR KHUR BSRES BYAS THANG, ,RKED PA SNYING NU PHO MTSAN GZER BAS BTUNG, 17 ,SHING KUN CHA GCIG SHU DAG CHA GNYIS KHA RU TSA CHA GSUM BCA' LGA CHA BZHI DANG, ,'GREL BAR ZI RAR BSHAD, GO SNYOD CHA LNGA AA RU RA CHA DRUG PUshKA RA MA NU PUS KA KAR CHA BDUN RU RTA CHA BRGYAD RNAMS, ,PHYI MA'I CHA 'PHEL PHYE MAR BYAS RNAMS KYIS, ,LTO SKRAN RIMS SNYING GSUS NAD 'GRANGS DRAG BA'I NAD RNAMS LA'O, 18 ,BCA' LGA SHING KUN RU TZA KA STE KHA RU TSA'O, CHA MNYAM PHYE, ,SGA SKYA'I CHU LA BSKOL BAD KAN RLUNG BYUNG DANG, , RTZIB LOGS SNYING RGYAB GSUS PA GZER BA DANG GSUD RNAMS LA, ,BTUNG NGO DE BZHIN NAS KHUS RTUG 'GAG LA'O, 19 ,'JAM 'BRAS LA GNYIS YOD PA'I GCIG KAnthA KA RANYDZA'I LO MA'O, ,LO MA BI SH'A L'A TZA AIndA BA RU NI BYA, ,DBYI MONG GI LO MA TZITRA KA TSA GSUM BA HI KA DANG MA BA KHA , LAN TSA RGYA MTSA GTZO CHER BRTZEGS, ,BSREGS PA'I THAL BA ZHO LA SBYAR 'THUNG PAS, ,DMU SKRAN SKYA RBAB RKUB KYI NAD RNAMS SEL, 20 ,SHING KUN SHU DAG BCA' LGA 'GREL BA GCIG NA RU RTA ZHES BYUNG STE MA DAG SNYAM SVA RTZI KA'I 'GYUR BYED DO, ,KHA RU TSA ^ LKA PI PI LING NA LE SHAM, PHYI MA NYIS 'GYUR PHYE MAR BYAS, ,CHU DRON BTAB 'THUNG SNA TSOGS GSUS GZER DANG, ,SNYING NANG SKRAN DANG STOD DU RLUNG 'TSANGS 'JOMS, 21 ,SHRI G'I KARKA tA'I RVA CAN TSA GSUM 'BRAS GSUM KAndA K'A, RI, BH'A RG'I PUshKAR MA NU PYASGA? RA GYI RTZA BA DZA t'A NI RAL BA STE DE'I RTZA BA, TSA SNA LNGA, ,RGYAM TSA, AUD BTI DA, TZAL RDU TSA, KHA RU TSA, RGYA MTSO LAS BYUNG BA'I DZVA'O, ,PHYE MA CHU DRON BTAB 'THUNG SKYIGS PU LUD, ,DANG KA MED CHAM STONG RLUNG MI BDE 'JOMS, 22 ,DZAM BU KA DUG NYUNG AARKA SHIG GRU SNU 'GREL PAR MING GI RNAM GRANGS SHE SU ZER, RGYA DPE GCIG LA SNU GZER, HA RGYA DPE GNYIS LAS SNU TA ZER RO, ,BSRE SHING BY'A GHRI BRA HA T'I, ,S'A RI JA TA KA, KA PED TSOS SHING GI ME TOG DZA t'A AA P'A M'ARGA NIMBI TZI TRA KA ,B'A shA B'A SH'A KA PUshKAR MA NU PUSKA KAR, RGYA DPE GCIG TU PUSKA KOO RE'I MING GI RNAM GRANGS GHOOnthA ZHES 'BYUNG, P'A tA LA DANG SENDHE LDAN PA
BSREGS THAL BSKOL BA LA, ,SNGAR BSHAD SHING KUN LA SOGS KYI SGRAS SHU DAG YA SOGS PA BSDU'O, ,SOGS BTAB PA'I KHU BA LTO SKRAN BAD KAN NAD LA BTUNG, 23 ,TZA BYA STAR BU TSA GSUM BSE YAB BCAS, ,BA LU 'I 'DAB MA J'I RA GRIR YIN CU GANG CI TRAKA, PHYE MA CHA MNYAM BUR BSRES DRI GSUM LDAN, ,GRE 'DZER CHAM BAD DANG KA MED LA BSNGAGS, 24 ,BA LU 'I 'DAB MA TZA BYA NA LE SHAM RNAMS CHA MTSUNGS PA GZUNG BAR BYA'O, ,MTSUNGS GNYIS PA, ,MU LA 'DIR 'GYUR CUNG ZAD MA BDE STE RGYAD PE RTZA 'GREL DU DHI RAMS M'U YE ZHES PA'I 'GREL BAR RAM PA LA M'U LA ZHES PA PUSKA RA'I RTZA BA'O DE CHA GNYIS SO, ,MA NU BU SKA RA'I RTZA BA CHA GNYIS, CU GANG DRO SE SYA YI CHA GNYIS TZA'O DE BZHIN DU CU GANG DANG DRO SMAN NAR MO DAG KYANG CHA GNYIS SO, ,LGA SUM 'GYUR, ,BU RAM SUM 'GYUR DRI BZANG DZA TIG GSUM GYI DRI BZANG BAR BYAS NAS, RIL BYAS MU RA, ,GRANG GZHI GLO RIMS GZER BA'I GZHANG 'BRUM SEL, 25 ,LGA DROS SMAN NAR NAL SHAM N'A GA GE SAR GYI 'DAB MA NI LO MA SHING TSVA, ,SUKshMEL MTHA' MA SUG SMEL NAS LUGS LDOG GI RIM PAS SUG SMEL CHA GCIG GO ,DE'I STENG DU SHING CHA GNYIS SO, ,DE BZHIN DU SNGAR GYI SO SO'I CHA RNAMS 'PHEL BAS SO, ,RIM GANG 'PHEL PHYE MAR BYAS, ,'DI DAG CHA 'DRA'I KAR DKAR PO 'GAM GZHANG ME ZHAN, ,DBUGS MI BDE DANG DANG KA MI BDE BA DANG SKRAN DANG MGUL NAD DANG SNYING NANG LA PHAN PA'O, 26 ,SENDHE RGYA MTSA SHING KUN 'BRAS GSUM LA LA PHUD, ,TSE GSUM BU RAM GYI CHA RNAMS KYIS RDZAS GZHAN RNAMS LA PHYE MAR BYAS BA CHA MNYAM PA RIL BUR BYAS, ,DE RNAMS MUR ZHING MYANGS PAS CHIM THOB CING, ,ME DROD ZHAN LAS RAB TU BYUNG BA'ANG SEL, 27 ,LCAGS PHYE TSA GSUM RGYA SHUG CHA THAMS CAD, ,KYI M'AKshI KA SBRANG RTZI SNGAR GYI RNAMS KYI PHYE MA DANG MNYAM BA DE RNAMS BZA', ,RGUN 'BRUM LDAN PA'I RJES SU DAR 'THUNG PAS, ,SKYA RBAB NAD LA PHAN ZHING RING DU 'GRO 28 ,THAMS CAD LA DANG POR BU RAM LDAN PA'I GZHIR BZHAG PA GNYIS PAR BCA' LAG GSUM PAR AA RUR'AM YANG NA BCA' LGA'I GNAS SU DRO SMAN NAR, ,MO DAR, GSUM PA AA RU RA'AM YANG
, ,NA BCA' LGA'I GNAS SU BAL PO'I SE'U, ,DANG GSUM PAR AA RU RA'O, ,BAD KAN TSAD RNYING GZHANG 'BRUM NAD RNAMS DANG, ,RTUG PA 'GAG PA RNAMS LA'ANG RTAG TU BYA, 29 ,BCA' LGA GLA SGANG AA RU RA PHYE LA, ,BU RAM LDAN PA LA NI RI LU BYA, ,LUD PA DBUGS MI BDE DANG TSO CHES RNAMS, ,KHA RU RI LU MUR BAS LDOG PAR 'GYUR, 30 ,N+YA GRO DHA SHING AUTPAL RU RTA M'AKshI KA ,SBRANG RTZI, PHYE MA 'BRAS PHYE BCAS LA RIL BU BYA, ,SRA BA KHA RU MUR BAS SKOM DAD DANG, ,RAB TU 'PHEL BA MYUR DU 'DZOMS PAR 'GYUR, 31 ,LDONG ROS DRO SMAN NAR MO NA LE SHAM, ,PHYE MA KA PIRTHA'I 'BRAS BU SKYUR KHU SHING MA YIN PA'I KHU BAR LDAN, ,PA, 'BRAS PHYE SNGAR GYI LDONG ROS LA SOGS PA RNAMS DE SNYED DANG, CHA MNYAM PA LA M'AKshI KA BSRES PA'I, ,BUS PAS LAN GCIG MA YIN SKYUGS PA 'JOMS, 32 ,SNA KHRAG 'DZAG LA DURBA'I KHU BA 'AM, ,BAL PO SE'U 'I ME TOG GI KHU BA SBYAR BA NGES PAR BSTAN, ,BUD MED NU ZHO RGYA SKYEGS KHU BA 'AM, BI tA BSHANG BA MAKshI 'GREL PAR MAKshI KA'I BSHANG BA NGES PAR SBYAR ZHES 'BYUNG STE, DE LTAR NA SPRA TSIL YIN NAM SNYAM, KAS KYANG AI KU 'JOMS, 33 ,SKYU RU RA'I 'BRAS BU SPOS DKAR KHU BA KHA RU TSA, ,DE RNAMS BSRES PA SOO BI RA RTZAB MO LA BTAGS, ,DES 'DIR MYUR BAR GZHI NAS MED BYED CING, ,JI LTA'I SKYIGS BU SLAR MI 'BYUNG BA YIN, 34 ,DURBA SENDHE BA THAL KA RDO RJE AA RU RA, , KU thE RA K'A ZIM THIG LE KA NYDZI KA RTZAB MO DAR BTAGS, ,DUR BA SENDHE BA AA RU RA GSUM POS BYUGS PA 'AM NU MA'I 'OG BTAGS PAS, ,SHU PA DANG NI G-YAN PA RNAM PAR 'JOMS, 35 ,SNU HA RGYA DPE GNYIS LAS GAndI RI KA ZHES 'BYUNG, NGES PAR SKYONG BA'I 'GREL PAR BTZOD DU BSHAD DO, ,TZI TRA KA BHRI GA R'A DZA AARKA DANG, ,MYA NGAN MED PA'I NGES PAR SKYONG BA'I 'GREL PAR KU tU DZA'I SHUN PA LA BSHAD, SHUN PA RU RTA RGYAM CHA TSA BA GCIN, ,BTZOS PA'I TIL GYI MAR KHUS SHU BA MDZE GLANG SHU ,GDUG PA'I RMA DANG ZA 'BRUM SER GA 'PHROG 36 ,GU GUL MIG SMAN SKYER
KHAndA SPRA CHAL SINDHU RA, ,SANGS MA CHA MNYAM TSA PA'I SKE TSE'I MAR KHUS BTZO, ,KHYI RDO ZA TZAG GI NI LUS BSKAMS LA, ,LAN GCIG BYUGS PA'I NUS PA GZHI NAS 'DON, 37 ,SU RTZI KA DANG SVAR DZIGS 'GYUR BYED RU RTA M'URB'A BCA' LGA, ,KHYAB 'JUG LHAS, MA DHU RAS, NGES PAR SKYONG PAS T'IKTA BLKA LI KA ZHES BSHAD DO, ,RGYA SKYEGS DANG NI BTZOD KYI SKAD DOD LA LO HI RA YAshtI KA ZHES PA'I 'GREL PA NGES PAR SKYONG BAS BYAS PAR LO HI RA TZAN DAN DKAR PO, YAshtI KA SHING DMAR PO, YANG NA SHING DMAR PO STE BTZOD DU BSHAD, DANG YUNG BA RNAMS, ,DRUG 'GYUR GYI DAR BAR LDAN BA'I TIL GYI TIL MAR BA LA BSKOL BA GRUB BA NA, , BYUGS BAS GRANG DANG TSA BA'I RIMS 'JOMS SO, 38 ,KAndA K'A RI SLE TRES B'A SH'A KA ,PHYE MAR ZHUN MAR LA BSKOL GRUB PA DE, ,'THUNG PAS TSAD RNYING LUD GZER DBUGS MI BDE, ,ME DROD ZHAN PA'I PHO BA'I NAD LA PHAN, 36 ,B'A sHA SENG LDENG PA tO LA'I 'DAB MA PA TRA; ;NIMBA'I SKAD DOD NI MA DZAKA ZHES PA LA NGAS PAR SKYONG BA'I 'BREL PAR NI SMBA'I SHING SHUN DU BSHAD, SHING TSA SLE TRES TA MA LA, ,SKYU RU RA K'I PHYE MAR GSAR LA BSKOL MYUR GRUB NA, ,ME DBAL MKHRIS SKRAN MDZE LAS RGYAL BAR 'GYUR, ,DRUG PAS CHIGS BCA' GCIG PE 'DI GZHUNG LA LA LA MED CING, YOD PA'I LUGS LA DRUG PAS ZHES PA PAGS PA SHA DANG ZHES YOD DO, ,KHRAG DANG BCAS PA BRGYA YI SKYON, ,RAB 'KHRUGS LAS SKYES YAN LAG LUS KUN GZER, ,BYE BRAG ME DBAL CHANG GIS RA RO BA, ,RMONGS PA CHANG 'THUNG LAS SKYES RNAM 'GYUR LA'O, 40 ,KAndA K'A RI NIMBA PA tO LA, ,SLE TRES 'BRAS GSUM 'JAM 'BRAS B'A SH'A KA, PHYE CHU MAR RNYING LA NI TSOGS BTZO, ,MYUR DU GRUB 'DIS MDZE LAS MYUR DU RGYAL, 41 ,KA RA HAGS KUshMAndA KA CHO GA BZHIN DU BTZOS BSKAMS NAS, ,MAR BSKOL KAR BTAB TSA GSUM DRI GSUM SHING TSA SUG SMEL PA TRA KA ZI RA LDAN PA BTZO, ,'DI BSTEN BYIS RGAN KHRAG 'DZAG RLUNG 'JOMS BUD MED LA PHOD CING, ,ZAS SKOM LUD KHRAG MKHRIS SKYUGS DBUGS MI BDE DANG GZHANG 'BRUM 'JOMS, 42 ,BA GCIN SKYU RU'I SGRAS RTZA BA MO DANG ZHO KHA CHU LA SOGS PA M'AKshI KA DRO SMAN,,
, ,KHA RU TSA SO SON CHA KHYIM GYI DU BA DANTI DANG, ,RU RTA RNAMS GTZO RENG BU MTHE BONG 'DRA, ,MAR BSKUS RKUB BCUG DE YI NAD 'PHROG BYED, 43 ,LUS GSO BA'I DPYAD RDZOGS SO,, ,,KAR BCAS GUR GUM CHA MNYAM MAR LA BTZOS, ,CHO GA BZHIN BLUGS RLUNG KHRAG LAS BYUNG BA'I, ,SMIN MA MU 'GRAM RNA MIG MGO BO YI, ,PHYED GZER NYI 'KHOR LAS BYUNG NAD 'JOMS SO, 44 ,AA RU BA RU SKYU RU RNAMS KYI 'BRAS BU'I NANG GI SA BON, ,AA RU RA'I CHA GSUM KHA RU RA'I CHA GNYIS SGYU RU RA'I CHA GCIG GI CHA RNAMS ZHO LA BTAB, ,MIG SMAN DE YIS MCHI MA MANG 'BYUNG ZHING, ,MIG TSA RAB TU 'KHRUGS PA'ANG 'JOMS PAR 'GYUR, 45 ,AA RU SENDHE BA DANG LIG BU 'DIR RAS AA RDZA NA LA LIG BU MIG TU BSGYUR TE BRGYAD PAR LO TZ'A BA RIN CHEN BZANG POS SKYER KHANDA RAB SGYUR BA LEGS SO, ,MIG ,BTZAG YUG DANG BCAS DANG BA'I CHU LA BSRES BTAGS TE, ,MIG GI PHYI ROL RAB TU BYUG BYAS PAS, ,'DI YIS MIG GI NAD KUN ZHI BAR 'GYUR, 46 ,SOO BI RA SENDHE BA SENG PHROM ZHU MKHANDA NO BTAGS, ,DE NAS MAR BCOS RAS DKAR PO LA BTZAGS, ,DE YIS MIG LA BYUG BYAS MKHRIS BSKYED NAD, ,DMAR TZAG DANG NI SHA 'DZER NGES PAR 'JOMS, 47 ,KHRAG BSKYED KAR RGYA MTSO'I LBU BAS 'JOMS, ,BA BYUNG GI KHU BA DRO SMAN NAR MO SROD LONG LA'O, ,LIG BU SKYER KHA NAD MIG TSA BA GSUM GYIS MIG 'GRIB LA, ,'O, LING TOG DKAR LA M'AKshI 'DIR M'AKshI SBRANG RTZI ZHES PA'I SKAD DOD GNYIS MED LA SBRANG RTZI ZHES BA GCIG PU YOD DO, ,SBRANG RTZIS SO, 48 ,NAG TSUR LIG BU SKYER KHANDA MIG TZANDA NA, ^ NGES PAR SKYONG BA'I 'GREL PAR KA RA DANG BCAS PA ZHES 'BYUNG STE SKAD DOD DANG DE MTHUN NO, ,DKAR BCAS RGYA MTSO'I L'U, ,NAL SHAM SAM DPEL LAR, SHARDZA, DE'I 'GREL PAR SHING S'A LA'I THANG CHU ZHES 'BYUNG STE, DE LTAR NA SPOS DKAR RO, ,NGES PAR SKYONG BAS SHA KHA NA BHI ZHES ZER RO, ,KHA SENDHE BA BTZAG YUG DANG, ,WONG ROS CHA MNYAM M'AKshI KA'I KHU BA BSRES BTAGS, ,RAB RIB KHUS BSKYED RDZI
NAD TSA GA PO 'JOMS, 49 ,SLE TRES 'GREL PA GNYIS KYI DPE LAS GLA SGANG DU BYUNG NGO, ,PU SHEL TZE LCAGS PHYE DUG NYUNG GI SKAD DOD P'A SHA ZHES PA LA NGES LAR SKYONG BAS BYI TSER PAR BSHAD, NAL SHAM SENDHE BA KAtPHA LA,, RO HI nA'I SHUN PA, LIG SKYER KHANDA MIG BU RDO DREG SPANG SPOS NGAS PAR SKYONG PAS SKYER PAR BSHAD, YUNG BA SANGS MA PANG KHA SHA KHA NA BHI RGYA MTSO'I LBU, ,MTSUNGS PA PHYE MA LCAGS SNOD DU BZHAG SBRANG RTZI LDAN PAS SHA 'DZER DANG, ,RAB RIB LING TOG KHRAG 'BUR MIG SHA'I NAD LA NYE BAR GYUG PA'ANG BSNGAGS, 50 ,SHING MNGAR AUTPAL SNGON PO RGYA MTSO'I LBU BA SHING TSVA MYA NGAN MED KYI SHUN PA ZHES KHYAB 'JUG LHAS BSHAD, PU SHEL CE GHI HANG BTZOD, ,SPANG SPOS TZANDAN DMAR PO SAm KHA BTZAG YUG BA LU LIG SKYER KHANDA DA, BU, MIG NAG TSUR TA MA LA'I 'DAB, ,MA, DE LTAR THAMS CAD CHA MNYAM MIG SMAN 'DI YIS MIG 'BRUM MIG NAG TSA, ,MCHI KHRAG SKYA RIB MIG SHA GZER NAD 'PHROG LA BSNGAGS PAS RTAG TU BYUG, 51 ,MIG GI SMAN DPYAD DO,, ,,THANG SHING BONG NGA DKAR PO SLE TRES BCAS, ,GLA SGANG GNYIS LAS BYUNG, DUG NYUNG HONG LEN MA NU P'A THA'I THANG, ,BA GCIN LAS GRUB SBRANG RTZI DANG LDAN PA, ,MGRIN PA'I NAD RNAMS KUN LA BTUNG BAR BYA, 42 ,YA BA KshA RA TE DZ'A BA TI 'OD LDAN P'A thA DANG, ,LIG SKYER KHANDA MIG SKYER RTZA THANG SHING YUNG GNYIS LAS BYUNG, NGES PAR SKYONG BAS SKYER RTZA YUNG BA GNYIS KA GCIG TU BSDUS NAS SKYER BA'I BAR BSHAD DE DE LEGS SO, ,YUNG BA DRO SMAN NAR, ,RIL BU SBRANG RTZI LA BYAS KHA NANG DU, ,MUR BAR BYA'O MGRIN PA'I NAD KUN LA, 53 ,SKYER RTZA GLA SGANG SLE TRES DZ'A TI'I ME TEG GI ,LO MA GSAR DU SKYES BA RGUN 'BRUM DUG NYUNG NGES PAR SKYONG BAS BYI TSER BAR BSHAD DO,, 'BRAS GSUM BSKOL, ,SBRANG RTZI LDAN PAS LUS KYI KHA SGO'I NAD, ,LCE YI NAD RNAMS DUS SU ZHI BAR BYED, 54 ,RU RTA DANG NI SKYER PA'I RTZA BA SENG PHROM BTZOD, ,PHAG GNON PA ZHES NGES PAR SKYONG BAS BSHAD, KHA CHE ZLA DAGS BRTZOD DANG RIGS MTHUN PA'I SHING DMAR PO GCIG BSHAD DO, ,YUNG BA HONG LEN
, ,GLA SGANG P'A thA TE DZA NI, ,TIKTA BALKA LI ZHES BSHAD, ZHIB BTAGS SO RNAMS LDEG BAR BYED PA DANG, ,GZER ZHING 'KHYUG LA NAD KHRAG 'BYIN PAR BYED, 55 ,SOO RTZAB MO ,B'I RA TZU KRA SHING SKYUR MO GZUNG BAR BYA'O, ,SGE'U GSHER MA TU, ,LUNG GA , DANG PO GSUM GYI KHU BA DANG SHA BA LA SOGS PA SHA RNAMS GU GUL SENDHE RNAMS, ,GANG ZHIG TSA BA'I MAR KHU LA BSKOL TE, ,RNA BAR BLUGS PAS RNA BA'I ZUG RNGU SEL, 56 ,B'A SH'A KA NIMBA PA tO LA BARPA tA KA 'DIR PHA LA SHR'I ZHES PA GZHI MTHUN DU BSAM NAS, 'GREL PA GZHAN NAS KA PITZVA RU BSHAD, NGES PAR SKYONG BAS PA LA MYOS BYED KYI 'BRAS BU RE SO SON CHA DANG, SHR'I ZHES BA SHR'I B'A SAR BSHAD, SE TthA TZA BYA DBYI MONG SKYER RTZA DANG, ,GLA SGANG HONG LEN DU NGES SKYONG GIS BSHAD, TIKTA PU SHEL TZE BYI TSER TSA GSUM TRA YANTI KA TZANDAN DKAR PO, GCIG NAS DMAR POR BSHAD DO, ,DMAR SER NGES PAR SKYONG BAS BSHAD, RNAMS, ,ZHUN MAR B'A SH'A KA NAS SKYER RTZA'I BAR BSKOL TE HONG LEN NAS TZANDA NA GYI MTHAR THUG PA'I PHYE MA RNAMS MAR BSKOL BA LA GDAB BO, ,LA GRUB STENG 'OG NAS SKYES RNAM 'GYUR SNA DANG MIG GI GZER LA SOGS, ,PAGS NAD RIMS DANG KHONG 'BRAS RMA YI ZUG RNGU MIG NAD SKYA RIB RNAMS LA BSNGAGS, 57 ,SKYER RTZA DUG NYUNG NIMBA PARBA tA DANG DRO SMAN NAR MO BYI TSER SHING MNGAR DANG, ,TRA YANTI YAN LAG BRGYAD PAR KHYI LCE BAR BSGYUR, HONG LEN 'BRAS GSUM TIKTA BRI KI RA TA TIKTA shA B'A SH'A KA PA tO LA DANG GLA SGANG TZANDA NA DMAR, ,NGES PAR SKYONG BAS GUR GUM DU BSHAD, DE RNAMS PHYE MA BSKOL BA ZHUN MAR LA GRUB 'DI NI MIG LA PHAN PA YIN, ,MKHRIS PA KHRAG LAS BYUNG DANG SKYA RIB TRA YA MA nA RAB RIB RNAMS DANG STOD KYI NAD RNAMS LA, 58 ,'O,, AE RAn dA DKAR PO'I RTZA BA DANG NI SHU DAG DANG,, SHA TA PUshPA BRI HA TI'I 'BRAS BU GZHAN YANG, ,TA KA RA YI MAR KHU 'O MAR BCAS LAS GRUB, ,RAB RIB STOD DANG GTZO CHE'I NAD DANG GZHAN PA'ANG 'JOMS, 59 ,ZUG RDU ZAD PAR BYED PA GNYIS PA RDZOGS SO,, ,,DUNG DANG MUshKA KA GHAndA PA TRA LI DE'I MUshKA TZA KA, DAG ME
LCES BSREGS PA'I THAL BA RAS LA BTZAGS NAS SNOD STONG DU BLUGS BYAS TE, ,DE NYID DU SLAR CHU LA BTZO ZHING BSKOL BA'I THAL PA MAR KHU'I CHO GA RNAMS, ,SBYOR BA DE YIS GDUG PA'I RMA DANG RMA TSA SKRANGS 'BUR RTZA YI NAD RNAMS DANG, ,RNAM PA SNA TSOGS MTSAN BAR RDOL BA PAGS NAD YUN RING MGUL PA'I NAD RNAMS LA'O, 60 ,SHING MNGAR DANG BCAS SKYER RTZA SHUG PA AUTPAL DANG, ,PRI YANG DRI'AM KU KA DANG SENG PHROM DKAR PO TZANDA NA DKAR PO RNAMS, ,TIL GYI MAR KHU DANG NI BA'I 'O MAR BTZO ZHING SBYAR BAR BYA, ,RMA RNAMS DANG NI GZER DANG TSA BA 'JOMS PAR 'GYUR, 61 ,DZ'A TI NIMBA PA tO LA RNAMS KYI DANG PA TRA STE 'DAB MA GZUNG BAR BYA'O, ,HONG LEN SKYER RTZA YUNG BA DANG, ,BTZOD DANG THAL TRES SHYA MI LA RA, SHA RI BA, AA RU RA PU SHEL TZE, 'DIR SKAD DOD LA RTZA BAR AA BHYA ,DE'I 'GREL PAR AA BHYA NI PU SHEL TZE'O ZHES 'BYUNG GI THA DAD MIN PA 'DRA'O, ,SPRA TSIL SANGS MA SHING MNGAR 'JAM 'BRAS RNAMS, ,NI GNYIS LAS DAKTA HVA'I SA BON NO, ,MAR LA GRUB PA 'DI YIS KHA NAD PHRA MO DANG NI GNAD GZER TZA YI NAD, ,NAD DAM GZER BCAS 'PHO ZHING 'BYUNG BA'I RMA YI NAD RNAMS DANG NI 'BYANG BA 'BYIN, ,ZUG RNGU ZAD BYED GSUM PA RDZOGS SO,, ,,NA LE SHAM DKAR PO SHI 'I SA PON LA R'I shA YI, ,ME TOG GI KHU BAS BRGYA PHRAG BSGO BAR BYA, ,SBRUL GYI SOS BTAB BRGYAL BAR GYUR PA LA, ,RAB TU SBYAR BYA BTUNG DANG MIG SMAN LA'O, 62 ,RMA BYA'I MKHRIS PA DAndYU LI YA KA, K'A K'And'A SIm R'I KA NAG PO BCAS MI NYUNG 'THUNG BYAS PAS, ,'GRO BA'I DUG DANG BRTAN MCHOG DUG GI NI, ,'TSO BA DANG BCAS MYUR DU 'BYIN PAR BYED, 63 ,TIL BTAGS MAR KHU LA NI PU RA MA DANG, ,DE BZHIN AARKA'I 'O MA CHA MNYAM BTUNG, ,SPRIN GYI TSOGS LA 'PHRAL DU RLUNG BYUNG LTAR, ,KHYI SMYO'I DUG MCHOG MYUR DU 'BYIN PAR 'GYUR, 64 ,KHANG PA'I DU BA GUGGUL DANG LDAN PA, ,B'A DZI RNA'I TRI, GANDHA 'DIR RGYA DPER MAR YOD PA CHAD, TANdYU LI ME BYA HA KA DANG, YA KA DANG BCAS, ,BA YI GCIN LA BTAGS BYAS SNYING NAD DANG, ,BRTAN
, ,MCHOG 'GRO BA'I DUG RNAMS 'PHROG PAR 'GYUR, 65 ,SPANG SPOS PU SHEL TZE, BAB LA KOONTI HA RE nU KA DZA LA B'A LA KA SLE TRES GLA SGANG LDONG ROS GHI HANG PUshKATA PARMA KE SHI SPANG SPOS DANG, ,SPRIKK'A DRI'I RDZAS TZAndA TZO RA KA'I ME TOG YUNG BA RU RTA 'GREL PA GCIG NAS KA RA DANG TZANDA NA DKAR PO, GCIG NAS KA RA DANG SHU DAG DKAR PO, KA RA LA NGES PAR SKYONG BAS BTZOD RTA PRI YANG KU RDO DREG SUKshME LA GUR GUM SHING SHUG PA, ,SPANG SPOS NAS SUG SMEL GYI MTHAR CHA MNYAM NYUNGS KAR NYUNGS KAR GYI SKAD DOD GOO RA DE NGES PAR SKYONG BA'I 'GREL PAR PRI YANG KU DKAR POR BSHAD DO, ,BRGYAD CHA N'A GA GE SAR ME TOG CHA BZHIS LDE GUS KUN TU LONGS SPYOD CING, ,PHUN SUM TSOGS BYA SHA ZA AA SHR'I KA ZHES PA NGES PAR SKYONG BAS GUR GUM DU BSHAD KYI SUG SMEL DANG GNYIS MI SNANG NGA, ,RIMS DANG DUG GI NAD RNAMS 'JOMS 'GYUR ZLA BA SHAR BA LTA BUR GRAGS, , DUG NAD SEL BA'I RGYUD BZHI PA RDZOGS SO,, ,,NYUNGS KAR KAR PO 'BRAS GSUM SHI RI KA PI PUshBA KA tA KA NA BHI BHI KARKA t'A SHR'I GI SHVE TA KI RI KARnI K'A 'JAM 'BRAS SLE TRES DANG, ,BTZOD DANG SER PO GNYIS PO DANG TSA BA GSUM DANG SPANG SPOS SHU DAG SHING KUN RNAMS, ,RA YI GCIN LA BTAGS BYAS 'THUNG SOGS BSTEN PAS SBRUL GYI SOS BTAB GDON KUN DANG, ,GSHED BYED SMYO BYED SHA ZA DANG NI SRIN PO 'JOMS SHING BRLAG PAR BYED PAR 'GYUR, 66 , YUNG BA DANG SKYER PA, KAR PA SA YI RUS PA DANG NI RMA BYA'I 'DAB MA STE GSHOG PA BRI HA TI RNAMS DANG, ,NI RM'A SHI BA NI RMA LYA, LYA SO SON CHA SHING TSA CU GANG BYI LA'I RTUG PA B'A SH'A KA DANG KE SHA BA LE KA SBRUL LPAGS DANG, ,GLANG PO'I SO DANG SHRING GA BA GLANG GIR SHING KUN NAL SHAM DKAR PO CHA MNYAM BDUG BYAS PAS, ,GSHED BYED SMYO BYED SHA ZA SRIN PO LHA RNAMS ZHUGS PA'I RIMS NI 'JOMS PAR DRAN, 67 ,TSA BA GSUM DANG DA LA PA TRA KA GUR GUM DRO SMAN NAR MO'I RTZA BA KshA RA YA BAKshA RA, SIDHI KAndA KA RI YUNG BA RU RTA NYUNGS KAR
KAR NAG GNYIS DANG AAMBU B'A SH'A KA DUG NYUNGS KA RA SGOG SKYA 'BRAS BU GSUM DANG PU SHEL TZE DANG HONG LEN SHU DAG SANGS MA SHING MNGAR BA L'A B'AtYA LA KA DMAR PO 'GREL PA GCIG NA BTZOD, GCIG NA TZANDA NA DMAR PO LDONG ROS SHUG PA ZHES GRAGS PA, ,DA DHI SHA RA LA'I THANG CHU RGYA SPOS MA DHU KA SA PRI SHING MNGAR YANG KU DANG BONG NGA DKAR PO LIG PU MIG DANG TZA BYA THANG SHING GI SKAD DOD A'A MA LA 'GREL PAR MING GI RNAM GRANGS GRANTHI MA NA BCAS PA PHYE MAR BYAS PA MAR DANG SROG CHAGS AA BI DANG, BA LANG DANG, MA HE DANG, GLANG PO CHE DANG, RA DANG, RNGA MONG DANG, RTA DANG, BONG BU DANG, BRGYAD KYI GCIN GYI CHU LA BSKOL BSHAD 'THUNG PAS 'BYUNG PO 'BROS SHING DE YIS GDON RNAMS MCHOG TU 'JOMS PAR 'GYUR, 68 ,RGYA SPOS SHING MNGAR 'JAM 'BRAS RGYA SKYEGS PA tO LA'I LO MA LO MA DMAR PO CAN ZHES PA STE PHAG GNON PA ZER RO,, RAKTA PA TRI K'A SHU DAG P'A tA LA DANG SHING KUN NYUNGS KAR SIDHI KAndA K'A RI SER GNYIS YUNGS SKYER LA TA SPRIKKA BTZOD LA 'JUG, HONG LEN DANG, ,SO SON DPE LA LA NA 'DI'I RJES SU SENG LDENG YOD, TSA GSUM K'A KAndA NI KRIshnA SI SVI KA'O, ,THANG SHING BI GA DANG AA DZA GANDHA GO P'A LA PA TRI K'A'O,, MA AA R'A, ,GRANTHI M'A L'A AARKO tA DANG KO GHO shAKA sh'A TA K'I LE NA SHAM DKAR PO NIMPA SLE TRES GLA SGANG DUG MO NYUNG, ,GI SA BON, RU RTA SHI RI SHA'I ME TOG, SHU KA TA RU PUshPA AAMBU B'A LA B'A LA KA SHING MNGAR AA PA RA DZI TA, ,DKAR PO DAND'I KUMBHA NI TZI TRA KA KA PED CHA MNYAM PHYE MA GCIN GYI SDE DANG MAR AANG KO tA, LA BSKOL, ,YUN RING DU BZHAG KUN GYI RIM PAR SBYOR BAS MYUR DU 'JOMS BAR 'GYUR BA YIN, ,'BYUNG PO CHEN PO'I GDON KUN DANG NI SMYO BYED DES BYAS MDZE RIMS ZHI BAR BSHAD, ,'BYUNG PO ZHI BAR BYED PA'I RGYUD LNGA PA RDZOGS SO,, ,, SKYER PA DANG YUNG BA DUG MO NYUNG GI SA BON DANG, ,SIDHI KAndA K'ARI DANG NI SHING MNGAR CHA MNYAM PO, ,DE RNAMS THANG BYAS BU CHUNG MA YI NI, ,BU NAD DANG NI 'KHRU BA KUN LA PHAN, ,KA PED PUshPA DH'A TA DHA TA KI'I ME TOG KI DZA LA, ,BA LE KA, SENG PHROM DANG BCAS GA DZA PI
, ,PPA L'I, ,THANG LA M'AKshI KA BSRES BYUG PA DANG, ,'KHRU BA RNAMS LA BYIS PA LA SBYAR BYA, ,SHRINGGA KARGA tA SHRIDGI, ,DRO NAR BONG DKAR PHYE MAR BYAS, ,GLO RIMS SKYUG BA'I NAD RNAMS 'JOMS BA LA, ,M'AKshI KA BCAS SONG DKAR DE BZHIN GCIG ,BYIS PA'I NAD SEL BA'I RGYUD DRUG PA RDZOGS SO,, ,,SKYU RU RA PHYE DRUG CU RTZA BZHI'I SRANG LA RANG GI KHU BSGOS SBRANG RTZI MAR DANG CHA MNYAM ZHING, ,DRO SMAN NAR MO NYI SHU RTZA BRGYAD LHAG PA'I SRANG BRGYA KA RA NYIS 'GYUR CHA LDAN THAL BA'I PHUNG PO'I NANG DU GZHAG PAR BYA, ,DBYAR GYI MTHA' RU DE BSTEN SKRA DKAR DANG BRAL GZUGS DANG KHA DOG DANG NI SPOBS PA DANG LDAN ZHING, ,NAD MED BLO DANG YID GZHUNGS DRAN PA TSIG GSAL STOBS DANG BRTAN ZHING SEMS STOBS LDAN PAR 'GYUR BA YIN, , DPE KHA CIG LA 'DI 'OG TU BSTAN, SHING MNGAR DANG NI SBRANG RTZI MAR DANG NI, ,'O MA DANG SBYAR RJES SU BSTEN PA YIS, ,LUS PO RGYAGS PA RAB TU THOB GYUR NAS, ,DGA' ZHING 'KHRIG PA YANG YANG NUS PAR 'GYUR,, SHING MNGAR CU GANG SENDHE BA DRO SMAN NAR, ,KA RA DANG NI 'BRAS BU GSUM RAB LDAN, ,TSE SBYIN RO RTZA SHIN TU YID GZHUNGS SHING, ,RGAS DANG NAD RNAMS RNAM PAR 'JOMS PAR 'GYUR, ,GZE MA SKYU RU RA ME SHA SLE TRES PHYE MAR BYAS, ,SBRANG RTZI MAR DANG LDAN PA BSTEN PA YIS, ,RO RTZA BRTAN ZHING SDUG BSNGAL RNAM 'GYUR ZHING, ,SKRA NAG TSE LO BRGYAR NI 'TSO BAR 'GYUR, ,NIM BA'I MAR KHU RANG BZHIN GNAS BYAS PA, ,CHO GA JI LTA BA BZHIN BTUNG BA DANG, ,'O MA MAR DANG RAB SBYAR DE ZLA BAS, ,SKRA DKAR DANG NI RGAS PA RNAM PAR 'BYIN, ,GZE MA KshU RA MO SHE RA KA DANG NI RTZA BA NYE SHING BA BRGYA, ,BA NA SHU KA SI SVI KA R'I N'A G'A AA TI BA L'A GO RUKshA TANdYU LA BA L'A, ,PHYE MA 'O THUG BYAS 'DI BTUNG BAR BYA, ,DE YIS 'KHRIG PA LAN BRGYAR NUS PA YIN, ,RTA LTAR BYED PA BDUN PA RDZOGS SO,, ,,SKYUGS SHING
MNGAR THANG BSKOL SENDHE BA LDAN ZHING, ,DUG NYUNG DRO NAR SO SON CHA PHYE MA BSRE, ,SBRANG RTZI BCAS PA 'DI DAG SLON LA SBYAR, ,MGRIN NAD KHA DANG GRE 'GAG NAD RNAMS LA'O, ,SOO BSHAL B'I RA LA AA RU RA THANG BSKOL, ,DRO NAR KHA RU TSA DANTI PHYED PHYE LDAN, ,AE RAn MAR KHU DANG BCAS 'KHRU BA DE, ,BSHAL GYI SBYOR BAS NAD RNAMS 'JOMS PAR 'GYUR, ,R'A SNA NI RU DNYA SO SON CHA DANG 'BRAS GSUM SLE TRES KYI SDONG BU RTZA BA BIL BA DANG, AAGNI MANTHA DANG, SEN KA DANG, TA PA LA DANG, PA tA LA DANG, DA DAG NI RTZA BA CHEN PO LNGA'O, ,BA LA PARnI DANG, PRIshnA BARnI DANG, BRIHA TI DANG, KANdA KA RI DANG, GZE MA DANG DE DAG NI RTZA BA CHUNG NGU LNGA'O, ,BCU DANG BA L'A BA tYA LA KA DANG, ,TIL GYI MAR KHU SENDHE BA BCAS PA 'GREL PA GCIG NA SPANG SPOS, GCIG NA SHA BA LA SOGS PA'I SHA LA M'i SI BTZOS LDAN SPRANG RTZI BUR MAR BCAS, ,SHA TA PUshPA SLE TRES GLA SGANG RU RTA KA PED PRI YANG KU DANG DRO SMAN NAR, , SHU DAG PHYE MA KANYDZI KRU DANG BA 'I 'O MA DANG BA'I GCIN BCAS MAS BTANG RLUNG NAD RNAMS LA PHAN, ,B'A LA 'JAM RTZI PHYE MA MAR KHU LA BSKOL DRI BZANG DANG, ,BCUD GRUB PA DANG 'O MA ZHO DANG TU shO DA KA SKYUR CHU RNAMS, ,DE BZHIN SA H'A L'A B'A nA TZA R'A R'A SN'A SHA RA nA'I SLE TRES DANG; ;B'A RI SHA TA RE RER NYE SHING BA BSKOL BAS RLUNG 'JOMS SO, ,SBYAR BAR BYA'O BCA' LGA 'AM BU RAM LA, ,YANG NA SENDHE BA BCAS DRO NAR LA'O, ,SNA KHA MJING PA 'GRAM PA DPUNG PA DANG, ,RGYAB DANG MGO MIG MGUL 'GAG NAD RNAMS LA, ,LAS LNGA'I LE'U BRGYAD PA RDZOGS SO,, ,,RIMS LA GTZO CHER PARPA? tA KA SBYAR BYA SKOM DAD CHE LA SKYU RU RA DANG SKYUG PA LA, ,TSA BA PI PI MING DANG, PI PI LING GI RTZA BA DANG, DBYE MANG DANG, KU DRUG DRES DANG, BCA' LGA NI TSAB LNGA'O,, LNGA SKYES GZER LA 'JAM RTZI RENGS LA GI RI DZA DANG GCIN SNYI SKYU RU RA YI KHU BAS SO, ,RLUNG GI NAD LA R'A SNA DMU RDZING MCHER BA'I NAD LA PA GCEN CHAM PA LA, ,DRO NAR 'PHYO LA BI DANG KA DUG LA SHU KA RTA RU SKRANGS LA GU GUL LO, ,P'A SH'A KA YIS KHRAG MKHRIS DUG NYUNG GIS, ,'KHRU LA'O BSE SHING HE MAm LCI
, ,GZER LA, ,SBOS LA THANG SHING SRIN NAD BI DANG KAS, ,SKYA RBAB AA RU RA DANG 'BRU GZHAN GYIS, ,ZAD BYED NAD LA 'BRAS BU GSUM BSHAD GZER BA KUN LA DE LTAR KHU BAS SO, ,MDZE LA RTAG TU SENG LDENG KHU BA SNYING PO GLO LA KAndA K'A RI DANG, ,TSIGS NAD GZE MA MU RA GSHED BYED N'A GA BA L'A BA L'AS SO, ,BCUD LEN KUN LA SKYU RU LHA BCAS GDON GYI NAD LA BRAG ZHUN BSHAD, ,RGYUD PHYI MA'O,, ,,RAB TU GRUB PA'I SBYOR BA'I CHO GA RDZOGS PAR BYAS, , GRUB PA'I DON RNAMS RTOGS PA'I SMAN PA MKHAS RNAMS KYIS, ,RTOGS PA'I SMAN PA MED PAR SU YIS SBYOR BA MTHONG, ,'DI DON SLAR YANG 'DIR NI CUNG ZAD BSHAD PAR BYA,, SHUGS BKAG MA ZOS GNYID CHAG SKAD CES RTZOL BA DRAG, BZHON PA LA ZHON TSA BA KHA BSKA RTZUB PA RNAMS, ,SEMS BZUNG 'KHRIG DANG 'JIGS DANG SMYUNG GNAS MYA NGAN GRANG , ,DBYAR GYI DUS SU RLUNG NI RAB TU 'KHRUG PAR 'GYUR, ,TSA SKYUR CHANG DANG LAN TSVA RNO DRO TIL MAR KHU, ,KHRO DANG GDUNG BA LO MA SKAM PO 'JIGS NGAL RNAMS, ,THAL SMAN LA SOGS MA ZHU MI 'PHROD ZAS ZOS PA, ,STON GYI DUS SU MKHRIS PA RAB TU 'KHRUG PAR 'GYUR, ,NYIN GNYID DNGAR DANG GRANG CHES NYA SHA LCI BA DANG, ,SHING TOG 'O MA BU RAM SHING GI RNAM 'GYUR RNAMS, ,SNUM BAG 'GRANGS CHES ZOS DANG LAN TSVA BUR CHU RNAMS, ,DPYID KYI DUS SU BAD KAN RAB TU 'KHRUG PAR 'GYUR, ,DE LTAR 'DI RNAMS RIM PAS BYE BRAG SKYON, ,GDUG PA KUN NI LDAN PAS BRGYAD DU SHES, ,SNA TSOGS NAD NI LUS KYI GRANGS BZHIN DU, ,MING RNAMS MA LUS RJES SU RTOGS PAR BYA, ,RTZUB 'KHUMS 'PHO ZHING GZER DANG SNGO BSANGS MDOG ,YAN LAG ZUG CHE YAN LAG BRKYANG BSKUM BYED, ,SHES RMONGS GRANG ZHING GYONG LA SKOM PA RNAMS, ,RLUNG GI LAS SU MKHAS PAS RAB TU BSTAN, ,'DZAG CING RDUL 'BYUNG CHE ZHING
'DOD CHAGS SKYE, ,DRI NGA RNAG DANG 'JU DANG KHRO BA DANG, ,GLAB COL BRGYAL DANG MGO 'KHOR LUS MDOG SER, ,MKHRIS PA'I LAS SU MKHAS PAS RAB TU BSTAN, ,KHA MIG SNA CHU GRANG LCI LUS G-YA' RDUL,, SHES PA RMONGS SHING SNA TSOGS 'GAG PA DANG, , TSO CHES MCHIL SNABS YUN RING 'BYUNG BYED RNAMS, ,BAD KAN LAS SU MKHAS PAS RAB TU BSTAN, ,DE RNAMS KYIS BYAS 'DI DAG RTOGS RNAMS NI, ,NAD KUN MING NI DU MA'I RNAM PA YANG, ,BYE BRAG KHA CIG SKYE BA'I DBANG GIS 'GYUR, ,GANG GIS 'DI RNAMS MING GZHAN KUN TU 'GRO ,RGYUD NI LE LO YID NI RNAM MA DAG ,SKYON NI RAB 'JUG BKRES DANG GCIN YANG 'BYUNG, ,GSUS LCI SHES PA RMONGS SHING DANG KA MED, ,DE RNAMS NAD LDAN DE LA NAD 'BYUNG 'GYUR, ,BCUD DANG DROD DANG BRTAN DANG RO RTZA STOBS BSKYED LAN TSVA MNGAR SKYUR MAR KHU DANG, ,KHRUS DANG DROD BSTEN MAL DANG SHA DANG STAN BSTEN YAN LAG KUN LA DRIL PHYIS DANG, ,SNUM GYIS DUGS DANG 'JAM RTZIS ZHI RGYAS BSKU BYUG NYE BAR BSTEN PA LA SOGS PA, ,BZA' DANG BTUNG BA GNAS DANG SMAN 'DI RNAMS KYIS RLUNG NI RAB TU ZHI BAR 'GYUR, ,KHA MNGAR BSKA BA GRANG DANG RLUNG YAB MTSAN MO ZLA BA'I ZER LA GNAS PA DANG, ,SA YI KHANG PA CHU YI 'KHRUL 'KHOR CHU LA RTZE ZHING BUD MED LUS LA REG ,MAR GSAR KshI RA DANG POR LUS LA BKRU SMAN DANG NI KHRAG GI GTAR DPYAD BYA; ;BZA' DANG BTUNG BA GNAS DANG SMAN 'DI RNAMS KYIS MKHRIS PA RAB TU ZHI BAR 'GYUR, ,RTZUB DANG KshA RA BSKA KHA TSA BA DANG NI 'BAD RTZOL DRAG DANG NGAR SNABS SBYANGS, ,BUD MED BSTEN ZHING NGAL DUB GNYID BCAG CHU LA RTZE ZHING RKANG PA 'CHAG PAR BYA, ,RENG BU'I DUD BSTEN MGO BSRO KHRUS DANG SKYUGS SMAN GDUGS DANG MAS BTANG LA SOGS PA, ,BZA' DANG BTUNG BA GNAS DANG SMAN 'DI RNAMS KYIS BAD KAN NYE BAR ZHI BAR 'GYUR, ,'PHROD ZAS SMYUNG DANG TSA BA'I CHU BTUNG ZHING, ,ZAS DANG BYA NA YANG ZHING KHA BA'I BCUD, ,RTZUB BRAL
, ,DUGS DANG 'JU BA BSTEN PA DANG, ,DE BZHIN LUS KYI STENG 'OG SBYANG BAR BYA, ,DGUN STOD DBYAR DANG DGUN SMAD RLUNG GI DUS, ,MKHRIS PA STON DANG SO GA TSA BA'I DUS, ,BAD KAN DPYID KA ME TOG 'ONG DUS 'KHRUG ,DE LA DE BZHIN PHAN PA'I SMAN BSTEN BYA, ,BAD KAN 'KHRUGS LA SKYUGS SMAN SBYAR BAR BYA, ,MKHRIS PA'I RNAM 'GYUR BYUNG LA BKRU SMAN GTANG, ,RLUNG GI BDAG NYID 'JAM RTZIS 'JOMS PAR 'GYUR, ,'DU 'PHROD SKYES LA'ANG 'DRES MA DE DAG GO ,RLUNG LA SKYUR DANG MAR KHU LAN TSVA DANG, ,MNGAR BA'I BZA' DANG BTUNG BA RNAMS KYIS SO, ,MKHRIS PA LA NI DE BZHIN MNGAR BA DANG, ,KHA DANG BSKA BA GRANG BA RNAMS KYIS SO, ,BAD KAN LA YANG KHA DANG TSA BA DANG, ,RTZUB DANG BSKA BA RNO BA'I RO RNAMS KYIS, ,DE RNAMS BZA' BAS NYE BAR 'GRO 'GYUR BA, ,NAD NI RAB TU ZHI BAR 'GYUR BA YIN, ,BLO GZHAN NYID KYIS GANG DE MA BSTAN GANG ZHIG BSTAN, ,NAD RNAMS RANG GIS YANG DAG RTOGS NAS JI LTA'I TSUL, ,SMAN RNAMS RJES SU BLO GROS CHUNG BA RNAMS LA BYAS, ,BSTAN BCOS SU NI CUNG ZAD GTAN PHAB 'BRAS BUR BYAS, ,YON TAN LHAG CAN SBYOR BA BRGYA PA BRJOD PA YIS, ,BSOD NAMS BLA NA MED PA BDAG GIS GANG THOB PA, ,DE YIS RNAM PA SNA TSOGS NAD KYIS GZIR GYUR PA, ,MTHA' YAS 'GRO BA RNAMS KYI NAD NI MED GYUR CIG ,SBYOR BA BRGYA PA ZHES BYA BA'I SMAN GYI GZHUNG 'PHAGS PA KLU SGRUB ZHABS KYIS MDZAD PA RDZOGS SO,, ,,BAL PO'I PAndI TA CHEN PO BRAM ZE DZE TA KARnA'I ZHAL SDA NAS DANG PO RTZA 'GREL LAN GCIG GSUNGS SHING, DUS PHYIS RGYA GAR SHAR PHYOGS KYI PAndI TA BUDDHA SHR'I DZNY'A NA'I ZHAL SNGA NAS STOD CUNG ZAD GSUNGS NAS, GRUB PA'I ZHING GI RONG 'PHAGS PA 'JIG RTEN DBANG PO'I GTZUG LAG KHANG LA CUNG ZAD LAS MI RING BA, CHEN PO'I CHEN PO RNAMS KYI GDAN SA DPAL SHER GYI GTZUG LAG KHANG DU, SDOM BRTZON DAM PA SDE SNOD GSUM
DANG, RGYUD DANG RGYUD KYI YAN LAG RNAMS LA LEGS PAR 'DRIS SHING, KHYAD PAR DU TSE'I RIG BYED YAN LAG BRGYAD PA'I SNYING PO BSDUS PA'I GZHUNG DON LEGS PAR RTOGS BA DGE SLONG AA MO GHA'I GSUNG GIS BSKUL NAS, MANG DU THOS PA'I LO TZ'A BA SH'AKYA'I DGE SLONG DPAL NYI MA RGYAL MTSAN BZANG POS 'GREL PA GSUM DANG BSTUN TE BSGYUR ZHING LEGS PAR GTAN LA PHAB PA'O,, ,,GSO DPYAD GZHUNG LUGS BRGYA PHRAG DU MA'I GNAD, ,SNA TSOGS MNGON BRJOD THA DAD SDEB SBYOR CAN, ,YA MTSAN RGYAN LA LEGS SBYAR TSIG GIS SPEL, ,GANG 'DI BSGYUR DGES NAD RNAMS ZHI BAR SHOG ,SA'I STENG DU NYI MA DANG ZLA BA LTAR GYUR CIG, LO TZ'A BA'I 'GYUR STAN LA DPE PHYI BYAS NAS BRIS TE ZHU DAG LEGS PAR BGYIS PA 'DIS SEMS CAN DPAG TU MED PA'I DON BYED PAR GYUR CIG, 'DI'I 'GREL PA RGYA GAR GYI PAndI TA KHYAB 'JUG LHA DANG, DHRU BA B'A LAS MDZAD PA'I RGYA DPE GNYIS BLTAS NAS MTSAN BU 'DI BU STON GYIS BKOD PA YIN NO,,