/NGA90\ *, ,KLU'I BUM GTER GYI CHO GA LAG TU BLANG BDER BKOD PA 'DOD DGU'I CHAR 'BEBS ZHES BYA BA BZHUGS SO, ,
, ,NA MO GU RU, 'DIR DANG RANG GZHAN GYI DON DU KLU'I DBANG PHYUG RGYAL PO'I SGO NAS KLU'I BUM GTER BYIB TSUL 'CHAD PA LA, SBYOR DNGOS MJUG GSUM MO, ,DANG PO LA, BUM PA'I RNAM GZHAG ,NANG GZHUG RTEN GYI RNAM GZHAG ,RDZAS KYI RNAM GZHAG ,YO BYED GZHAN DANG JI LTAR BSHAM TSUL LO, ,DANG PO NI, BUM PA RGYU GSER DNGUL ZANGS DMAR SOGS RIN PO CHE LAS BYAS PA, TSAD NI, LTO BA'I RGYAD SOR BCU DRUG ,LTO BA'I 'OG NAS KHA'I BAR SOR NYI SHU, MGRIN PA'I DPANGS SU SOR DRUG ,KHA'I MTSAMS NAS 'PHYANG BA'I MCHU LA SOR GNYIS, MCHU'I MTHA' NAS MTHA'I BAR LA SOR BRGYAD YOD PA'I CHA GNYIS MGUL BA'I SBUBS STONG DANG, CHA GCIG G-YAS G-YON GYI MCHU'I STED GI TSAD DU GSUNGS SHING, MCHU NI KHA'I MTHA' NAS 'PHYANG
, ,BA'I LEB MO LA BYA, YANG NA, LTO BA'I RGYAR SOR NYI SHU, MTHA' BSKOR DU SOR DRUG BCU, MGRIN PA'I DPANGS SOR BRGYAD DE GZHAN RNAMS SNGAR DANG 'DRA, KHA DGAB DANG ZHABS STEGS CAN DU BYA'O, ,'ON KYANG SA GTER LA RDZA BUM LEGS SHING, TSAD SNGAR DANG 'DRA BA MA BYUNG NA'ANG YUL DE'I BRE CHUNG GANG GI BCUD SHOD BA GAS CHAG SOGS MED PAS CHOG PAR BSHAD, KHA DOG NI RANG BZHIN GYIS DKAR PO 'AM, KAR DANG 'O MAS SPANGS PA'I DKAR RTZIS BSGYUR, MDUN DOS LA RIN PO CHE CHA DGU PA, LOGS RNAMS LA BKRA SHIS RTAGS BRGYAD, ZHABS SREGS LA PADMA, KHA DGAB LA NOR BU DGA' 'KHYIL BRI, LCAGS DA GAN ZHA NYE DANG SHING GI BUM PA MI RUNG BAR GSUNGS SO, ,GNYIS PA NANG GZHUG RTEN NI, KLU DBANG GTZO 'KHOR
LNGA, KLU RGYAL DGU RNAMS KYI GZUGS BYA, DE YANG KLU SMAN BSRES PA'I DANG 'DAG DANG 'JIM PA'AM SPRA TSIL GYIS BZO BA'AM, TZA KA LI BRIS PA'AM PAR DU BTAB PAS KYANG RUNG ZHING, TZA KA LI BYED TSE RGYAB TU SNGAGS SPEL TSIG BCAS BRIS NA LEGS SHING, RAB GNAS BYED THUB NA SHIN TU LEGS PAS GRUB NA BYA'O, ,DE LA KLU DBANG SKU MDOG SNGON PO, MGRIN PA YAN DKAR PO, PHYAG GNYIS THUGS KAR RDO RDZE NANG BSDAMS KYI MDZUB MO BSGRENGS PA'I RTZE MO CUNG ZAD MA REG PA'I BAR DU MTHE BOR GSHIBS PA, ZHABS GNYIS RDOR SKYIL, CHOS GOS GSOL ZHING DBU GTZUG TOR DANG GDENGS KA BDUN LDAN NO, ,MDUN DU SGRIB SEL DKAR PO G-YAS RIN PO CHE'I MYU GU STE PA tA LTA BU, G-YON BUM PA, G-YAS SU BYAMS PA DMAR SER G-YAS THUGS KAR MTHEB MDZUB KYIS KLU SHING GI ME TOG ,G-YON SPYI BLUGS, RGYAB TU 'JAM DPAL SER PO PHYAG GNYIS KYIS AUTPA LA, G-YON DU SBYAN RAS GZIGS DKAR PO PHYAG GNYIS KYIS PADMA, BZHI KA RDOR SKYIL, RIN PO CHE'I RGYAN DANG RANG GYI NA BZA' CAN, LNGA PO PAD ZLA LA BZHUGS PA'O, ,KLU GZUGS NI, NOR RGYAS DNGUL MDOG SPYI BOR AUTPA LA SNGON POS MTSAN PA, MTHA' YAS GSER MDOG SPYI BOR PADMA, PADMA SER PO SPYI BOR DPAL BE'U, 'JOG PO DMAR PO SPYI BOR NOR BU DGA' 'KHYIL,
, ,WA RU nA DNGUL MDOG SPYI BOR AUDPA LA SNGON PO, PADMA CHEN PO DKAR PO SPYI BOR RTZE GSUM, DUNG SKYONG SDO SKYA SPYI BOR NOR BU, STOBS RGYU DKAR DMAR MGRIN PAR DUNG G-YAS 'KHYIL, RIGS LDAN SNGO SKYA MGRIN PAR ZLA TSES KYIS MTSAN PA, THAMS CAD ZHAL GCIG PHYAG GNYIS PA, STONG LHA LHA BU RIN PO CHE'I RGYAN DANG DAR GYI NA BZA' CAN, LTE BA MAN CHAD SBRUL MJUG TU 'KHYIL BA, THUGS KANG BAL MO SBYAR BA'I BAR NA BUM PA 'DZIN PA, SBRUL GYI GDENGS KA BDUN BDUN DANG LDAN PA, G-YON DU RANG RANG DANG 'DRA BA'I YUM GDENGS KA LNGA LNGA CAN GYIS BSTEN PA'O, ,DE RNAMS 'DRI BA'I TSON LA SPYIN DANG CHANG MA 'DRES PA BYA, DE BZHIN GSHEGS PA DANG, KLU LA GDAN GYI CHED DU PAD DKAR 'DAB BRGYAD RE RE 'DRI, DE THAMS CAD KYANG BUM PA'I NANG DU SHOD BA'I TSAD DU BYA'O, ,GSUM PA RDZAS KYI RNAM GZHAG LA, KLU SMAN NI, N'A GA GSER, N'A GA BUshPA, RGYA MTSO'I LBU BA, SNYING ZHO SHA, MKHAL MA ZHO SHA, GLA GONG ZHO SHA, RDO RGYUS, SPU SHEL TZE, SPANG SPOS, AUTPA LA SNGON PO, SPOS DKAR, ZIR DKAR NAG ,TIL DKAR NAG ,TZAN DAN DKAR DMAR, MTSAL, DUNG DKAR, KHRO BO GZI, 'NGAM BU'I RTZA BA, LI KHRI, SENG LDENG DKAR DMAR, BAL PO SE'U, SMYAG SHAD LCUG MA, THANG LO, SMYUG LO, STAG PA'I SHUN PA,
RMA BYA'I MDONGS, DAR TSON SNA LNGA, RAS SKUD DMAR PO, 'OM BU, ZAL KA RDO RJE, MGRON BU, LE BRGAN DAR, BYI THA DAG ,AA RU, BA RU, SGYU RU, BA DMAR DANG RA DKAR GYI 'O MA, SHEL, ZHO 'O MAR TE DKAR GSUM, KAR BUR SBRANG STE MNGAR GSUM, DZA TI LI SHI SUGMEL CU GANG GUR GUM KA KO LA STE BZANG DRUG RNAMS DANG, YANG BYA GYUR NAS BSHAD PA'I BUM DZAS GZHUG NA'ANG LEGS PAS DE LA, GSER DNGUL MU TIG BYI RU MU MEN TE RIN PO CHE LNGAS BKRA SHIS SHING DGOS 'DO DA'I BYUNG, KAntA KA RI, SLE TRES, SHU DAG DKAR PO, CHU SRIN SDER MO, DBANG LAG STE SMAN LNGAS NAD SOGS MI 'BYUNG ZHING BDE BA BSKYED, NAS 'BRAS GRO MON SRAN DRE'U TIL DKAR TE 'BRU LNGAS LONGS SPYOD SOGS 'PHEL ZHING MU GE SOGS ZHI BAR BYED, GBUR TZAN DAN DKAR PO GUR GUM AA GA RU DZA TI STE DRI LNGAS TSUL KHRIMS RNAM PAR DAG CING NGAN 'GROR MI LTUNG, KA RA BU RAM SBRANG RTZI'O MA MAR TE BDUD RTZI LNGA BCAS BUM RDZAS NYER LNGA DANG, SA'I SNYING PO GSER, CHU'I SNYING PO LAN TSA, ME TOG GI SNYING PO SBRANG RTZI, RTZI THOG GI SNYID PO MAR, SHING THOG GI SNYING PO KAR STE SNYING PO LNGAS BCUD 'PHEL ZHING 'DOD DON 'GRUB PAR GSUNGS PAS DE RNAMS DANG, CHU SNA LNGA, SHING SNA LNGA, 'O MA SNA LNGA DANG BCAS PA RNAMS GSUNGS LA, GZHAN LANG SHA CHAD SGOG TZONG THA MA KHI
, ,SOGS DANG, LCAGS ZHA NYE LTA BU DANG, BRA BO BAD KHA YUNGS DKAR GLA RTZI SOGS MI GTZAD BA DANG KLU LA GNOD BA'I RIGS RNAMS SPANGS PA'I ZAS GOS RANG SNA TSOGS RUNG BAR BSHAD DO, , RDZAS RNAMS THAMS CAD 'DZOM PA MA BYUNG NA GANG 'BYOR GYIS BYA'O, ,BZHI PA LA YO BYAD GZHAN NI, BUM GDAN PAD DKAR 'DAB BRGYAD, MCHOD RGYU'I GDUGS BRGYA RTZA BRGYAD, BA DAN BRGYA RTZA BRGYAD, AA KA RU NAG PO, SPOS DKAR, BDUG PA SNA TSOGS, ME TOG ,MAR ME, LHA BSHOS, ROL MO, 'DOD YON LNGA RGYAL SRID SNA BDUN SOGS DNGOS SAM, MA NUS NA RDO LEB BAM SHING LEB LTA BU LA BRIS NAS MTHA' BSKOR DU BZHAG NA LEGS SHING, CHO GA'I SKABS SU MKHO BA RNAMS KYANG BSAG GO ,JI LTAR BSHAM TSUL NI, BUM PA GCIG GI DBANG DU BYAS NA, BUM PA'I ZHABS SU KLU SMAN GYI RIGS BLUGS LA, KLU GDAN PADMA BZHAG ,DE'I KHAR KLU RGYAL NOR RGYAS BUM PA'I MDUN NGOS LA BSTAN TE PADMA'I LTE BAR BZHAG ,'DAB MA RNAMS LA KLU GZHAN RNAMS KHA NANG DU BSTAN NAS GO RIM LTAR BZHAG ,DE DAG GI BAR RNAMS SU SMAN DANG 'BRU SOGS BLUG ,BUM PA'I STONG DU KLU DBANG GI GDAN PADMA, LTE BAR KLU DBANG, 'DAB MAR 'KHOR RNAMS CHO GA LTAR BZHUGS SU GSOL, LTA DANG KLU GZUGS RNAMS MA YO BA DANG MA NOR BA
DGOS SHING, NA BZAS DRIL LA GA'U'AM SMYUG SBUBS LTA BUR BCUG NA LEGS PAR KHA CIG BZHED, BAR STONG RNAMS SMAN SOGS KYIS LEGS PAR BKAR, SMAN 'DI RNAMS REL PO'I MA PHYE MA'AM THUM BUR BYAS PA GANG BDE BYA, KHA DAG 'JOG PA'AM 'JIM PA'AM SHING SOGS KYIS KHA BCAD DE DANG RAS DKAR SER SOGS KYIS BTUMS NAS MDUN NGOS LA RGYA BTAB, NOR BU SOGS BUM PA LA BRI MA BDEN RAS LTA BU LA BRIS NAS NA BZA' LTAR BYA, STEGS GTZANG MA'I KHAR PADMA'I STENG DU BUM PA BZHAG ,GDUGS BA DAN SOGS YOD NA MTHA' BSKOR, MDUN DU LHA LA 'BUL RGYU'I DKAR GTOR, KLU'I GTOR MA, CHOS SKYONG DANG GZHI BDAG GI GTOR MA, CHU GNYIS NYER SPYOD TSAR GNYIS SAM GANG 'BYOR, GNAS DE'I KLU LA 'BUL RGYU'I GTOR MA'I YO BYAD 'O MA SMAN DANG CHU DANG 'BRAS SOGS DANG, MDUN DU RDOR DRIL BSANG CHU SOGS GANG DGOS RNAMS STA GON BYA ZHING THAMS CAD LA GTZANG SBRA DANG LDAN BAR BYA'O, ,GNYIS PA DNGOS GZHIL, BDAG BSKYED DANG BUM BSKYED GNYIS LAS, DANG PO NI, SANGS RGYAS CHOS TSOGS MA LAN GSUM GYIS SKYABS SEMS BYA, SVA BH'A WAS SBYANGS, STONG PA'I DANG LAS PAm LAS PADMA AA LAS ZLA BA'I STENG DU DANG SEMS H'Um YIG SNGON PO, DE LAS 'OD ZER 'PHROS, 'PHAGS PA MCHOD, SEMS CAN THAMS CAD KYI LAS NYON DANG SDUG BSNGAL THAMS CAD SBYANGS,
, ,'OD ZER TSUR 'DUS YONGS SU GYUR PA LAS, RANG NYID BCOM LDAN 'DAS GLU'I DBANG PHYUG RGYAL PO SKU MDOG SNON PO, ZHAL DANG MGRIN PA DKAR PO, ZHAL GCIG PHYAG GNYIS DAM TSIG GI PHYAG RGYA MDZAD PA, ZHAL 'DZUM BAG DANG LDAN ZHING MTSAN DPE GSAL RDZOGS KYIS SPRAS PA, ZHABS RDO RJE'I SKYIL MO KRUNG GIS 'OD KYI GUR KHYIM GYI DBUS NA BZHUGS PA, DE'I SPYI BOR AAm, MGRIN PAR A'A:- THUGS KAR H'Um, H'Um LAS 'OD ZER 'PHROS PAS, RANG BZHIN GYI GNAS NAS PHYOGS BCU'I SANGS RGYAS DANG BYANG CHUB SEMS DPA' THAMS CAD BCOM LDAN 'DAS KHU'I DBANG PHYUG RGYAL PO'I RNAM PAR SPYAN DRANGS, AOm SARBA TA TH'A GA TA AARGHAm NAS SHAPTA PRA T'ITZTSA H'Um SV'AH'A, DZA:- H'Um BAm HO:- GNYIS SU MED PAR GYUR, MCHOD RDZAS RNAMS PHUL DU BYUNG BA'I LTA RDZAS SU GYUR, AOm A'A:- H'Um LAN GSUM BRJOD, AOm TA TH'A GA TA N'A GA R'A DZE SHVA RA AARGHAm NAS SHAPTA'I BAR GYIS MCHOD, SHES BYA MA LUS MKHYEN PA'I BCOM LDAN 'DAS, ,'GRO BA KUN LA BU GCIG LTA BUR BRTZE, ,LHUN GRUB RGYUN MI 'CHAD PA'I MDZAD PA CAN, ,BCOM LDAN KLU DBANG RGYAL PO LA PHYAG 'TSAL, ,RANG GI THUGS KAR ZLA BA'I STENG DU H'Um YIG GI MTHAR BZLAS BYA'I SNGAGS KYIS BSKOR BA LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, RGYAL BA SRAS
CAS KYI BYIN RLABS THAMS CAD SPYAN DRANGS TE RANG LA THIM BAR GYUR, TADYA TH'A, AOm TA TH'A GA TA BHA GA WAN N'A GA R'A DZE SHVA RA AA DHIshthA NA AA DHIshthI TE SV'AH'A, ZHES CI 'GRUB BZLA, YIG BRGYA BRJOD, DGE BA 'DI YIS MYUR DU BDAG ,KLU DBANG RGYAL PO 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSDO SMON BYA'O, ,GNYES BA BUM PA SGRUB PA LA, THOG MAR BSANG CHU SGRUB PA NI, RANG GI THUGS KA'I H'Um BAS 'OD BRER 'PHROS, RGYAL BA SRAS BCAS THAMS CAD KYI BYIN RLABS NUS MTHU THAMS CAD BSDUS TE BSANG CHU LA THIM PAR BSAM LA, AA MRi TA BRGYA RTZA BRGYAD DAM CI 'GRUB BZLA, MCHOD PA BYIN GYIS BRLAB PA NI, AA MRi TAS BSAD SBYANGS, STONG BA'I DANG LAS AOm LAS BYUNG BA'I RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I LHA RDZAS LAS GRUB PA'I MCHOD YON ZHABS BSIL ME TOG BDUG SPOS MAR ME DRI ZHAL ZAS ROL MO LA SOGS PA RNAMS RANG BZHIN STONG PA, RNAM PA MCHOD RDZAS, BYED LAS ZAG MED KYI BDE BA KHYAD PAR CAN BSKYED PAR GYUR, AOm AA GHAm A'A:- H'Um, NAS, AOm SHAPTA A'A:- H'Um, AOm R'U PA A'A:- H'Um, DAS, AOm SPARSHA A'A:- H'Um, BUM PA GTER RDZAS MCHOD BA GZHAN RNAMS DANG BCAS BA BYIN GYIS BRLAB BA NI, AA MRi TAS BSANG SBYANGS, STONG PA'I NGANG LAS PAR DANG ZLA BA'I STENG DU BHRUm LAS RIN PO CHE'I BUM PA
, ,YANGS SHING RGYA CHE BA'I NANG DU, RDZAS RNAMS KYI RANG RANG GI MING YIG DANG PO THIG LES BRGYAN PA LAS, MGRON RNAMS MNYES PAR BYED CING 'DOD DGU 'BYUNG BA'I BDUD RTZI'I RGYA MTSO DANG, DIN PO CHE SNA TSOGS DANG 'BRU BCUD BRAS NOR GOS DAR SOGS LHA MI'I DBAL 'BYOR PHUN SUM TSOGS PA THAMS CAD SPRIN LTAR 'THIBS PA, RGYA NAM MKHA'I MTHA' DANG MNYAM PA, KLU LA SOGS PA RNAMS KYI SDUGS BSNGAL THAMS CAD SEL BA'I SMAN DANG, DGOS 'DOD THAMS CAD 'BYUNG BA'I NOR BU DANG, ,YID DU 'OD PA'I MNAS DANG YO BYAD SOGS GANG LA GANG 'DOD KYI LONGS SPYOD DPAG TU MED PA 'BYUNG BAR BYUR CES BSKYED LA, SBYONG SPEL BSGYUR THOB TSIM ZHING DBANG DU BYED, CES PA'I SDOM TSIG LTAR SBYOD BA NI, LAG PA G-YAS PA'I MTHE BOS MTHE'U CHUD MIN, LHAG MA GSUM SO SOR BSGRENG LA, AOm SV'A BH'A WA BI SHUD DHE DHARM'A:- TE BADZRA SIDDHI H'Um, LAN GSUM MAM BDUN SOGS BRJOD, YO BYAD RNAMS KYI MA DAG PA SBYANGS SHING KHA DOG DRI RO SOGS GANG LA YANG NYES PA'I SKYON MED PAR BSAM, SPEL BA NI, THAL MO SNYIM BA'I TSUL DU BYAS PA DBRAL BAR BZHAG LA, NA MA:- SARBA TA TH'A GA TE BHYO:- BI SHVA MU KHE PHYA:- SARBA TANG KHAm AUD GTE SPA RA nA HI MI GAG NA KHAm SV'AH'A, LAN GSUM SOGS DANG, YO BYAD RNAMS JI LTAR LONGS SPYAD KYANG ZAD MI SHES PA'I MANG POR SPEL ZHING NAM MKHA'I KHAMS
KHYAB PAR BSAM, BSGYUR BA NI, SOR MO RNAMS BSNOL LA GUR MO GNYIS BSGRENG LA BCAG STE RTZE SPRAD NAS DKROL ZHING, AOm AA MRi TE H'Um PHAt, GSUM SOGS DANG, MGRON RNAMS KYIS LONGS SPYOD PAS THUGS RGYUD LA ZAG MED KYI BDE CHEN BSKYED NUS PA'I BDUD RTZIR SDUD BAR BSAM, THOB BA NI, G-YON RDO RJE KHU TSUR SNYING KHAR BZHAG ,G-YAS MCHOG SBYIN GYI PHYAG RGYA BYES LA, AOm AA K'A RO MU KHAm SAB DHAM'A:- n'Am A'A DY'A NUD PAN NA TYAD, GSUM SOGS DANG, 'PHAGS PA RNAMS KYI SPYAN SDAR MCHOD PA MTHA' YAS BDAG SEMS CAN RNAMS KYI DBANG PO LNGA'I SPYOD YUL DU LONGS SPYOD DPAG TU MED PA 'BYUNG BAR BSAM, TSIM BA NI, G-YAS KHRO BO LA KHU TSUR BCINGS BA BSKRENG NAS RDZAS LA GTANG DE SE GOL BTAB CING DKROL LA, NA MA:- SARBA TA TH'A GA TA AA WA LO KI TE AOm SAMBHA DA SA MDHA RA H'Um, GSUM SOGS DANG, 'PHAGS PA RNAMS MNYES SHING, SEMS CAN RNAMS PHAM RGYAL MED PAR DANG RANG GIS JI LTAR 'DOD PA BZHIN THOB NAS TSIM PAR BYED NUS PAR BSAM, DBANG DU BYED PA NI, G-YAS MI 'JIGS BA'I PHYAG RGYA BYAS LA, AOm DU RU SPU DU DZVA LA TIshshA SID DHA LO TZA NE SARBA AARBBA S'A DHA NI SV'AH'A, GSUM SOGS DANG, 'PHAGS PA RNAMS KYIS BRTZE BAS DGONGS SHING, SEMS CAN RNAMS KYANG GANG BSGO BA'I 'PHRIN LAS SGRUB PA'I 'DUN PA SKYED PA'I NUS PA DANG LDAN PAR GYUR BAR BSAM, PHYAG RGYA TING 'DZIN DANG BCAS SNGAGS 'DI RNAMS
, ,SO SOR BRGYA RTZA BRGYAD SOGS BZLA BAR YANG GSUNGS SO, ,BDAG GI BSAM PA'I SOGS BDEN STOBS BRJOD, BUM PA'I LHA BSKYED PA NI, AA MRi TAS BSANG SBYANGS, STONG PA'I NGAD LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING PA MCHU 'PHYANG BA LA SOGS PA MTSAN NYID THAMS CAD DANG LDAN PA'I NANG GI STOD KYI CHAD LHA DANG MI YI 'DOD DGU'I LONGS SPYOD DANG CHU MTSO DPAG BSAM GYI SHING SOGS NGO MTSAR SNA TSOGS KYIS GANG BA'I GNAS KYI DBUS SU PAR ZLA'I GDAN LA H'Um LAS DE BZHIN GSHEGS PA KLU'I DBANG PHYUG RGYAL PO SKU MDOG SNGON PO, ZHAL DANG MGRIN PA DKAR PO, ZHAL GCIG PHYAG GNYIS KYIS KLU LA SOGS PA'I SEMS CAN THAMS CAD SDUG BSNGAL RGYU DANG BCAS PA LAS SKYOB PAR MDZAD PA'I DAM TSIG GI PHYAG RGYA MDZAD PA, ZHAL 'DZUM BAG DANG LDAN ZHING MTSAN DPES SPRAS PA, CHOS GOS DUR SMRIG GSOL ZHING SPRUL MGO BDUN GDENGS PA'I RGYAB YOL CAN, 'OD KYI GUR KHYIM GYI DBUS NA RDO RJE SKYIL KRUNG GIS BZHUGS PA, DE'I MDUN DU SGRIB PA RNAM SEL SKU MDOG DKAR PO RIN PO CHE'I MYU GU DANG BUM PA BSNAMS PA, G-YAS SU BYAMS PA SKU MDOG DMAR PO KLU SHING GI ME TOG DANG RIL BA SPYI BLUGS BSNAMS PA, RGYAB TU 'JAM DPAL SKU MDOG SER PO AUTPA LA BSNAMS PA, G-YON DU SPYAN RAS GZIGS SKU MDOG
DKAR PO PADMA BSNAMS PA, BZHI KA'ANG PAD ZLA'I GDAN LA BZHUGS SHING ZHAL GTZO BO LA GZIGS PA, DE DAG GI G-YAS PHYOGS SU BYANG CHUB SEMS DPA'I TSOGS DPAG TU MED PA DANG, G-YON PHYOGS SU DGRA BCOM PA'I TSOGS DPAG TU MED PAS BSKOR BA, 'OG TU KLU'I TSOGS DPAG TU MED PA THAL MO SBYAR BA'I BAR NA NOR BU RIN PO CHE THOGS TE BCOM LDAN 'DAS LA GUS PAS BLTA ZHING MCHOD PAR BYED PA, GTZO 'KHOR THAMS CAD KYI SPYI BOR AOm, MGRIN PAR A'A:- THUGS KAR H'Um, YE SHES PA SPYAN DRANGS NAS BSTIM PA NI, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS PHYOGS BCU'I SANGS RGYAS DANG BYANG CHUB SEMS DPA'I THAMS CAD BCOM LDAN 'DAS KLU'I DBANG PHYUG RGYAL PO GTZO 'KHOR LNGA'I RNAM PAR SPYAN DRANGS, AOm SARBA TA TH'A GA TA AARGHAm NAS SHAPTA PRA T'ITZTSA H'Um SV'AH'A, DZA:- H'Um BAm HO:- GNYIS SU MED PAR GYUR, DE NAS CHU GNYIS NYER SPYOD ROL MO 'BUL BA NI, BCOM LDAN KLU DBANG RGYAL PO 'KHOR BCAS LA, ,DNGOS SU BSHAMS DANG YID KYIS SPRUL PA YI, ,MCHOD YON 'DI DAG GUS PAS 'BUL LAGS NA, ,THUGS RJES BZHES NAS DNGOS GRUB STZAL DU GSOL, ,AOm TA TH'A GA TA N'A GA R'A DZE SHVAR SA PA RI WA RA AAGHAm BRA T'ITZTSA H'Um SV'AH'A, DE BZHIN DU SHABTA'I BAR SBYAR TE MCHOD LA, YANG SPRO NA 'DOD YON LNGA DANG,
, ,RGYAL SRID SNA BDUN RNAMS KYANG TSIGS BCAD 'DI'AM GZHAN CI RIGS KYIS 'BUL, GDUGS 'BUL BA NI, DRI MED GSER GYI RTZIBS STONG 'OD 'BAR BA, ,RIN CHEN AINDRA N'I LA'I TOG GIS MDZES,, SNA TSOGS PHRA BKOD MU TIG CHUN 'PHYANG GIS, ,KHOR YUG BRGYAN PA'I GDUGS KYIS MCHOD PAR BYA, ,AOm TA TH'A X WA RA TZTSA TRAm GA PRA T'ITZTSA TH'Um SV'AH'A, BA DAN NI, DRANG ZHING LDEM PA'I RIN CHEN YU BA NI, , BLA PHYED RDO RJE RIN CHEN RTZE MO CAN, ,DAR LCE GSUM PA RLUNG GIS BSKYOD PA NA, ,SIL SIL 'KHROL BA'I DRIL CHUNG SGRA SGROG CING, ,SUM KHUG 'KHYOG GI 'GYID DANG RAB TU LDAN, ,RAB MDZES PA NGAN RNAMS KYIS MCHOD PAR BYA, ,AOm TA TH'A X WA RA BRA T'INGGA PRA T'ITZTSA H'Um SV'AH'A, MCHOD PA SNA TSOGS NI, BSOD NAMS ZHING DU GYUR PA'I SANGS RGYAS LA, ,SNANG LA RANG BZHIN MED PA'I MCHOD SPRIN 'DI, ,SNANG STONG DBYER MED SEMS KYIS 'BUL LAGS NA, ,DBYER MED BDE CHEN THUGS RJES BZHES SU GSOL, ,AOm SARBA BI SHODHA B'U DZA ME GHA BHA BA SPHA RA nA SA MU DRA H'Um, ZHES GDUGS BRGYA RTZA BRGYAD, BA DAN BRGYA RTZA BRGYAD, AA GA RU NAG PO SOGS RIM PA LTAR 'BUL, BSDU NA SNGAGS RKYANG GIS 'BUL LO, ,BSTOD PA NI, GANG GI MTSAN TZAM DRAN PAS SRID ZHI YI, ,MI BZAD SDUG BSNGAL MTHA' DAG SEL MDZAD CING, ,'DOD DGU'I DNGOS GRUB MA LUS
LEGS STZOL BA'I, ,KLU DBANG 'KHOR DANG BCAS LA PHYAG 'TSAL LO, ,MDZE DANG RIMS NAD KUN GYIS MI TSUGS SHING, ,GDON BGEGS CHOM RKUN SOGS KYIS MI 'TSEL, ,THOG DANG KLU NAD KUN LAS SKYOB MDZAD PA'I, ,KLU DBANG 'KHOR DANG BCAS LA PHYAG 'TSAL LO, ,MYONG DES LAS NGAN MTHA' DAG 'DZAD 'GYUR CING, ,DBUL BA SEL ZHING CI BSAM DON KUN 'GRUB, ,TSE BSOD DPAL 'BYOR LEGS TSOGS 'PHEL MDZAD PA'I, ,KLU DBANG BKOR DENG BCAS LA PHYAG 'TSAL LO, ,SBYIN BDAG MI NOR YUL PHYOGS BCAS PA LA, ,MI 'DOD NYER 'TSE NAM YANG MI 'BYUNG ZHING, ,CHOS SRID DON KUN BDE BLAG 'GRUB PA DANG, ,BDE SKYID PHUN SUM TSOGS PAR MDZAD DU GSOL, ,BZLAS PA BYA BA NI, BCOM LDAN 'DAS KYI THUGS KAR ZLA GDAN LA H'Um GI MTHAR SNGAGS KYIS BSKOR BA LAS 'OD ZER 'PHROS, RGYAL BA SRAS BCAS THAMS CAD MCHOD, BYIN RLABS THAMS CAD 'OD KYI RNAM PAR BSDUS TE SNGAGS PHRENG LA THIM, YANG 'OD ZER 'PHROS, SBYIN BDAG MI NOR 'KHOR DANG BCAS PA DANG, DE DAG GI GNAS GZHI YUL PHYOGS DANG BCAS PAR PHOG PAS, NAD GDON SDIG SGRIB SOGS MI MTHUN PA'I PHYOGS THAMS CAD NYE BAR ZHI ZHING, TSE BSOD DPAL 'BYOR SOGS CHOS SRID KYI PHUN TSOGS THAMS CAD 'PHEL
, ,BA DANG, BKRA SHIS KYI DGE MTSAN RGYA CHEN PO RGYUN MI 'CHAD DU 'BYANG BAR BYIN GYIS BRLABS PAR BSAM PA LTA BU SKABS BSTUN GYI DMIGS PA DANG BCAS, TA BYA TH'A, AOm TA TH'A GA TA BHA GA BA'ANG N'A GA R'A DZE SHVA RA AA DHI shthA NA AA BHI shthI TE SV'AH'A, ZHES CI 'GRUB BZLA, MTHAR YIG BRGYA BRJOD, GTOR MA BRLABS NAS 'BUL BA NI, AA MRi TAS BSANG SBYANGS, STONG PA'I NGANG LAS RIN PO CHE LAS GRUB PA'I SNOD YANGS SHING RGYA CHE BA'I NANG DU GTOR MA KHA DOG DRI RO NUS PA PHUN SUM TSOGS PA YE SHES KYI BDUD RTZI'I RGYA MTSO CHEN POR GYUR, ,AOm A'A:- H'Um, LAN GSUM BRJOD, BCOM LDAN 'DAS 'KHOR DANG BCAS PA'I LJAGS 'OD ZER GYI SPU GUS GTOR MA'I BCUD DRANGS TE GSOL BAR GYUR, AOm TA TH'A GA TA N'A GA R'A DZE SHVA RA SA PA RI W'A RA AA K'A RO X NA TVA DA AOm A'A:- H'Um PHAt SV'AH'A, NYER GCIG GAM BDUN SOGS KYIS PHUL, AARGHAm SOGS KYIS MCHOD, GANG GI MTSAN TZAM SOGS SHO LO KA GCIG GIS BSTOD, BCOM LDAN 'DAS KLU'I DBANG PHYUG RGYAL PO 'KHOR DANG BCAS PA RNAMS KYIS SBYIN BDAG 'KHOR DANG BCAS PA'I NAD GDON BAR CHAD SPYI DANG KHYAD PAR DU KLU DANG SA BDAG GZAL SKAR SOGS KYI GNOD PA DANG DUS MIN 'CHI BA DANG RIMS DANG DBUL BA'I SDUG BSNGAL SOGS BKRA MI SHIS PAR THAMS CAD NYE BAR ZHI BAR BYIN GYIS BRLAB TU GSOL, TSE BSOD DPAL 'BYOR STOBS DANG MDA'
THAD GZI BRJID SNYAN GRAGS RIGS RGYUD ZAS NOR SOGS CHOS SRID KYI LEGS TSOGS THAMS CAD YAR NGO'I ZLA BA BZHIN DU 'PHEL BA DANG, YUL PHYOGS 'DI DAG THAMS CAD DU BKRA SHIS KYI DGE MTSAN RGYA MTSO CHEN PO RGYUN MI 'CHAD DU 'BYUNG BAR BYIN GYIS BRLAB TU GSOL, CES 'DOD DON LA GSOL BA BTAB STE, YIG BRGYA LAN BDUN SOGS KYIS BRTAN PAR BYA'O, ,BUM PA'I KLU RNAMS BSKYED BA NI, BUM PA'I NANG GI SMAD KYI CHA LA RIN PO CHE'I RI BRAG DANG NAGS TSAL NE'U SING MTSO DANG CHU MIG SOGS KYIS SHIN TU NYAMS DGA' BA'I GNAS SU KLU'I PHO BRANG RIN PO CHE LAS GRUB PA, SMAN DANG ZAS NOR SOGS MKHO DGU'I LONGS SPYOD PHUN SUM TSOGS PAS GANG BA'I DBUS SU PADMA DKAR PO 'DAB MA BRGYAD PA'I LTE BAR KLU RGYAL NOR RGYAS DNGUL MDOG SPYI BOR AUTPA LA SNGON POS MTSAN PA, 'DAB MA BRGYAD LA SHAR DU MTHA' YAS GSER MDOG SPYI BOR PADMAS MTSAN PA, LHOR PADMA SER PO SPYI BOR DPAL BE'US MTSAN PA, NUB TU 'JOG PO DMAR PO SPYI BOR NOR BU DGA' 'KHYIL GYIS MTSAN PA, BYANG DU WA DU nA DNGUL MDOG SPYI BOR AUDPA LA SNGON POS MTSAN PA, BYANG SHAR DU PADMA CHEN PO DKAR PO SPYI BOR RTZE GSUM, ,DA LHOR DUNG SKYONG SNGO SKYA SPYI BOR BKRA SHIS, LHO NUB TU STOBS RGYU DKAR DMAR MGRIN PAR RI MO GSUM PA, NUB BYANG DU RIGS LDAN SNGO SKYA MGRIN PAR
, ,ZLA TSES KYIS MTSAN PA, THAMS CAD KYANG ZHAL GCIG PHYAG GNYIS PA, STONG LHA'I LUS LTAR MDZES SHING, RIN PO CHE'I RGYAN SNA TSOGS KYIS BRGYAN PA, LTE BA MAN CHAD SPRUL MJUG TU 'KHYIL BA, PHYAG GNYIS RIN PO CHE'I GTER GYI BUM PA THUGS KAR BSNAMS PA, G-YON PHYOGS NAS RANG 'DRA'I RIG MAS BSTEN PA, YAB RNAMS SPRUL GYI GDENGS KA BDUN BDUN DANG LDAN ZHING, YUM RNAMS GDENGS KA LNGA LNGA DANG LDAN PA, DE DAG GI SPYI BOR AOm, MGRIN BAR A'A:- THUGS KAR H'Um, THUGS KA'I H'Um LAS 'OD 'PHROS, RGYA MTSO CHEN PO SOGS NAS KLU'I RGYAL PO 'KHOR BCAS SPYAN DRANGS, AOm N'A GA R'A DZA SA PA RI W'A RA AE HYE HI DZA:- DZA:- DZA:- H'Um BAm HO:- GNYIS SU MED PAR GYUR, PADMA KA MA LA YE STVAm, MCHOD PA BYIN GYIS BRLAB PA NI, AA MRi TAS BSANG SBYANGS, STONG PA'I NGAR PAS AOm LAS RIN PO CHE'I SNOD YANGS SHING RGYA CHE BA RNAMS GYI NANG DU AOm 'OD DU ZHU BA LAS BYUNG BA'I MCHOD RDZAS RNAMS KHYAD PAR GSUM LDAN GYI BDUD RTZI'I RGYA MTSO CHEN POR GYUR, AOm AARGHAm A'A:- H'Um NAS, AOm SHAPTA A'A:- H'Um, MCHOD BSTOD NI, AOm N'A GA R'A DZA SA PA RI W'A RA AARGHAm BRA T'ITZTSA H'Um SV'AH'A, DE BZHIN DU SHAPTA'I BAR SBYANG TE MCHOD, GDENGS KA NOR BU 'BAR BA'I 'OD ZER GYIS, ,SA 'OG MUN PA MA LUS SEL
MDZAD CING, ,BSTAN LA RAB DGA' MTHU STOBS BSAM MI KHYAB; ,KLU RGYAL 'KHOR DANG BCAS LA PHYAG 'TSAL BSTOD, ,BZLAS BA BYA BA NI, KLU KYAS RNAM 'ANG THUGS KA'I SA BON LAS 'OD ZER 'PHROS, RGYAL BA SRAS BCAS KYI BYIN RLABS DANG 'JIG RTEN KHAMS KYI PHUN TSOGS THAMS CAD BSDUS TE GTER BUM LA THIM PAS BKRA SHIS DANG BDE LEGS RGYUN MI 'CHAD DU 'BYUNG BA'I GTER CHEN POR GYUR, YANG SGRUB BYA MI NOR YUL PHYOGS RNAMS LA THIM PAS BKRA MI SHIS PA DANG MI 'DOD PA MTHA' DAG NYE BAR ZHI ZHING, JI LTAR 'DOD PA'I DON THAMS CAD YID BZHIN DU 'GRUB PAR BYIN GYIS BRLABS PAR GYUR, AOm A'A:- BA SU KE YE H'Um SV'AH'A, SNGAGS KYI THOG MTHA' 'DRA BA LA, BA SU KE'I TSAB TU, AA NAN T'A, PADMA, TA KshA K'A ,WA RU nA, MA H'A PADMA, SHAm KHA P'A LA, KARKO tA, KU LI KA RNAMS BCUG STE SO SOR CI 'GRUB BZLA, YIG BRGYA BRJOD, GTOR MA SNGAR BZHIN BRLAB, KLU RGYAL 'KHOR BCAS KYI LJAGS 'OD ZER GYI SPU GUS GTOR MA'I BCUD THAMS CAD DRANGS TE GSOL BAR GYUR, GDENGS KA'I PHYAG RGYA BCAS, AOm HI LI HI LI MA H'A HI LI PHRUm PHU SV'AH'A, LAN GSUM, AOm BHAKshA YA BHA KshA YA SA MA YA TIshthA PHRUM PHU SV'AH'A, LAN GSUM GYIS 'BUL, CHU GNYIS NYER SPYOD SOGS KYIS MCHOD, GDENGS KA NOR BU SOGS KYIS BSTOD, CHOS SBYIN BYA BA NI,
, ,SDIG PA CI YANG MI BYA ZHING, ,DGE BA PHUN SUM TSOGS PAR SPYAD, ,RANG GI SEMS NI YONGS SU GDUL, ,'DI NI SANGS RGYAS BSTAN PA YIN, ,RDZAS DANG SMAN RNAMS BSDOS NAS 'DOD GSOL SMON LAM BYA BA NI, KLU RGYAL CHEN PO 'KHOR BCAS LA, ,MDZES PA'I DKAR GSUM MCHOD PA DANG, ,MDAR GSUM 'O MA'I RGYA MTSO 'KHYIL, ,RIN CHEN MDZES PA'I THEM SKAS CAN, , BU YI SDUG BSNGAL SKYOB BYED PA'I, ,MTHUN PA'I RDZAS SU 'DI GYUR CIG ,MCHOD SBYIN GTOR MA 'DI BZHES LA, ,BDAG CAG YON MCHOD 'KHOR BCAS LA, ,BZHI BRGYA RTZA BZHI'I NAD RNAMS DANG, ,KLU LAS GYUR PA'I NAD KYI RIGS, ,MTHONG BA'I DUG DANG REG PA'I DUG ,BSAM DAN DUG DANG KHA RLONGS DUG ,SBYOR BA'I DUG LA SOGS PA KUN, ,MA LUS MYUR DU ZHI GYUR CIG ,BDAG LA GCES PA'I RDZAS KHYER LA, ,KLU YI NANG RNAMS ZHI BAR MDZOD, ,'PHRIN LAS RNAM BZHI'I DNGOS GRUB DANG, ,DPAL 'BYOR LONGS SPYOD RGYAS PAR MDZOD, ,JI SKAD BRJOD PA'I SMAN GYI BDUD RTZI'I RGYA MTSOS KLU GNYAN SA BDAG RNAMS KYI NAD DANG SDUG BSNGAL SOS PA DANG, 'JIG RTEN KHAMS SU PHAN BDE RGYA CHEN PO SGRUB PAR BSAM LA, SMAN GYI RGYAL PO BZANG DRUG GIS, ,DON SNOD NYAMS PA SOS GYUR CIG
DZA TI GUR GUM BZANG PO YIS, ,SHA KHRAG MCHIN PA NYAMS PA SOS, ,MGRON BU DUNG DANG DAR DMAN BU YI, ,SO RUS LCE NYAMS SOS GYUR CIG ,RMA BYA RI MO GAS PA MA 'A CHEN LNGAS, ,GZI MDANGS RGYAS SHING SNYING ZHO SHA, ,MKHAL MA ZHO SHA GLA GOR SHAS, ,SNYING MKHAL GLO BA'I NAD SOS GYUR, ,DBANG LAG CHU SRIN SDER MO YIS, ,YAN LAG MCHIS PA SOS GYUR CIG ,SPU SHEL TZE DANG RDO RGYUS KYIS, ,RTZA RGYUS NYAMS PA SOS GYUR CIG ,SBAD SBO SA SLE TRE SBYI THANG KA ,RGYA MTSO'I LBU BA 'BRAS BU GSUM, ,SMAN GYI BYE BRAG SNA TSOGS KYIS, ,PHUNG KHAMS SKYE MCHED NYAMS PA SOS, , RIN CHEN SNA LNGA 'BRU TSOGS KYIS, ,BAR MDZOD NYAMS PA SOS GYUR CIG ,DKAR GSUM MNGAR GSUM KHA ZAS KYIS, ,KHA DOG NYAMS PA SOS GYUR CIG ,MDOR NA MTHUN PA'I SMAN RNAMS KYIS, ,KLU DANG SA BDAG THAMS CAD KYI, ,NAD DANG SDUG BSNGAL SOS GYUR TE, ,DBANG PO GSAL ZHING LONGS SPYOD RGYAS, ,BYAMS PA'I SEMS KYIS RGYUNG GANG NAS, ,'JIG RTEN KHAMS RNAMS THAMS CAD DU, ,LO PHYUGS LEGS SHING CHANG CHU SNYOMS, ,RTZI BCUD 'BRAS BU RGYAS PAR MDZOD, ,DE NAS BZOD GSOL 'PHRIN BCOL BYA BA NI, BDAG DANG RGYU SBYOR SBYIN BDAG 'KHOR BCAS RNAMS
, ,MONGS PA'I DBANG GYUR BYA SPYOD MI MKHAS PAS, ,SA GNYAN BRKOS SHING RI GNYAN SLAG PA DANG, ,SHING GNYAN BCANG CING CHU GNYAN DKRUGS PA DANG, ,MI GTZANG GRIB KYIS KLU LA MNOL BA SOGS, ,PHOG THUG BYUNG BA THAMS CAD BZOD PAR MDZOD, ,PHYOGS 'DIR DUS MIN RLUNG DANG KHA CHAR DANG, ,THAN PA SAD SER BU YUG THOG DANG GLOG ,SA G-YOS DAL YAMS PHYUGS KYI GONG KHA SOGS, ,MI MTHUN RKYEN RNAMS THAMS CAD ZHI BAR MDZOD, ,SHU THOG SHA BKRA GZHANG 'BRUM MDZE NAD DANG, ,RKANG BAM DREG GRUM DMU RDZING SKYA RBAB DANG, ,GZHOGS SKAMS ZHA 'ON 'THENG SGUNG LONG BA SOGS, ,KLU LAS BYUNG BA'I NAD RNAMS ZHI BAR MDZOD, ,CHAR CHU SNYOMS SHING RTZI SHING LO TOG RGYA DANG, ,PHYUNGS RNAMS BDE ZHING 'PHEL KA RGYAS PA DANG, ,SNOD BCUD BKRAG MDANGS GYA NOM BDE SKYID 'BYOR, ,PHUN TSOGS DPAL GYIS MNGON PAR BRJOD PAR MDZOD, ,DE NAS RANG GI MDUN DU GNAS DE'I KLU LA 'BUL RGYU'I GTOR MA KHAM BOR DGU'AM CI 'BYOR BA'I NANG DU 'O MA DANG KLU SMAN NAM 'BRAS DKAR CHU GTZANG DANG BCAS BSHAMS LA, CHOS SKYONG DANG GZHI BDAG GI GTOR MA DANG KLU GTOR RNAMS PHYOGS GCIG TU SNGAR BZHIN BYIN GYIS BRLABS, AOm SARBA DHARM'A P'A LA SA PA RI W'A RA AI DAm BA LIm TA KHA KHA KH'A HI KH'A HI,
GSUM GYIS 'BUL, AOm SARBA DHARM'A P'A LA SA PA RI W'A RA AARGHAm SOGS KYIS MCHOD, BSTAN BSRUNG 'KHOR BCAS KHYED RNAMS KYIS, ,X MA LUS YID BZHIN SGRUB PAR MDZOD, ,CES CHOS SKYONGS GTOR MA PHUL NAS, GZHI BDAG GTOR MA SPYI LTAR GTOR, KLU GTOR NI, AOm HI LI HI LI MA H'A HI LI PHRUm PHU:- SV'AH'A, LAN GSUM DANG, AOm BHAKshA YA BHAKshA YA SA MA YA TIshthA PHRUm PHU:- SV'AH'A, LAN GSUM GYIS PHUL, KLU YI RGYAL PO 'KHOR BCAS KYIS, ,MCHOD SBYIN GTOR MA 'DI SNOMS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL PA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNGS, ,DNGOS GRUB KUN GYI STONG GROGS MDZOD, ,DUS MIN 'CHI DANG NANG RNAMS DANG, ,GDON DANG BGEGS RNAMS MED PAR MDZOD, ,RMI LAM NGAN DANG MTSAN MA NGAN, ,BYA BYED NGAN RNAMS MED PAR MDZOD, ,'JIG RTEN BDE ZHING LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHOG ,YIG BRGYA BRJOD DE LHAG CHAD KYI NYES BZHI ZHING BYIN RLABS BTAN PAR BYA, KLU'I GTOR MA RNAMS BYI ROL DU GTOR, 'BYUNG PO GANG DAG 'DIR NI LHAGS GYUR TE,,
, ,SA'AM 'ON TE MKHA' LA 'KHOR KYANG RUNG, ,SKYE DGU RNAMS LA RTAG TU BYAMS BYED CING, ,NYIN DANG MTSAN DU CHOS LA SPYOD GYUR CIG ,YUL KHAMS SPYI DANG KHYAD PAR RTEN 'DI NYID, ,GNAS PA'I PHYOGS DER CHAR CHU DUS SU 'BAB, ,RTZI BCUD LO TOG PHYUGS SOGS 'DOD DGU 'PHEL, ,'GRO RNAMS RDZOGS LDAN DPAL LA SPYOD PAR SHOG ,PHYAG MCHOD MTHONG THOS DRAN REG LA SOGS PA'I, ,'BREL TSAD LUS SEMS GDUNG BA KUN ZHI ZHING, ,TSE BSOD DPAL 'BYOR PHUN SUM TSOGS PA YI, ,DGA' BDE'I SNANG BA DBYAR MTSO LTAR RGYAS SHOG ,MDOR NA MCHOG GSUM THUGS RJE BYIN RLABS DANG, ,BDAG CAG DANG MOS RTEN 'BREL TSOGS PA'I MTHUS, ,PHYI NANG NYER 'TSE 'GAL RKYEN KUN ZHI ZHING, ,BSAM DON LEGS TSOGS LHUN GYIS 'GRUB GYUR CIG , CES BSNGO SMON BYA'O, ,DE LTA BU'I TSUL GYIS ZHAG BDUN SOGS KYI BAR BSGRUB PAR BYA ZHING, SNGAGS KYI GRANGS NI, GTZO BO'I SNGAGS 'BUM PHRAG GCIG DANG, NOR RGYAS KYI SNGAGS SOGS STONG PHRAG DE LTA BU GANG LCOGS BZLA, DE YANG THUN PHYI MA RNAMS LA MCHOD GTOR LAG SO, ,BDAG BSKYED MA GRUB NA, RANG NYID SKAD CIG GIS BCOM LDAN 'DAS KLU'I DBANG PHYUG RGYAL POR GYUR CES SKAD CIG KRONG BSKYED BYA, BSANG CHU SGRUB MI DGOS, MCHOD BA RLABS,
BUM PA SNGAR YONG GSAL 'DEBS SU BYED PA LA, MDUN DU PADMA DANG ZLA BA'I STENG DU RIN PO CHE'I BUM PA YANGS SHING RGYA CHE BA'I NANG DU, MGRON RNAMS MNYES PAR BYED CING ZHES SOGS BDEN STOBS KYI BAR DANG, MDUN DU RIN PO CHE'I BUM PA DKAR PO LTO BA CHE BA X GNAS KYI DBUS SU PAR ZLA'I GDAN LA DE BZHIN GSHEGS PA KLU'I DBANG PHYUG RGYAL PO ZHES PA NAS MJUG GI BSNGO SMON GYI BAR BYA LA, BSDUS PA BYED NA MCHOD BSTOD BSDUS PA BYA, DNGOD GSOL DANG KLU LA RDZAS SMAN BSNGO BA SOGS BZHAG ,CHOS SKYONG GZHI BDAG DANG GNAS KYI KLU'I GTOR MA RNAMS NI THUN THA MA'I MTHAR PHUL BAS KYANG CHOG PAS LONG SKABS DANG BSTUN PAR BYA'O, ,RTZA BA'I BCAD GSUM PA MJUG GI BYA BA LA, SA CHOG DANG, BUM PA BZHUGS SU GSOL BA, RAB GNAS SOGS LHAG MA RNAMS BYA BA DANG GSUM LAS, DANG PO NI, BUM GTER SBA BA'I GNAS SU PHYIN NAS, STEGS GTZANG MAR BUM PA BZHAG LA GLU GTOR DANG GZHI BDAG GTOR MA NYER BYOD SOGS KYI MCHOD PA RNAMS BSHAMS, GRUB NA, PHYOGS BCU'I MUN SEL, BKRA SHIS DON GRUB, SNANG BRGYAD RNAMS SGROGS LA BSANG BTANG, MCHOD GTOR RNAMS GONG BZHIN BYAS PAS, RANG GI THUGS KA'I H'Um GI 'OD ZER GYIS ZHING SKYONG 'KHOR BCAS SPYAN DRANGS, AOm AA K'A RO X NA TVA DA AOm A'A:- H'Um PHAt SV'AH'A, GSUM GYIS GTOR MA PHUL, AOm KshE TRA P'A LA SA PA RI WA RA AARGHAm NAS SHAPTA BRA T'ITZTSA H'Um SV'AH'A SA MCHOD, GANG DAG
, ,'DIR GNAS LHA DANG KLU, ,GNOD SBYIN SRIN PO'I MA NI GZHAN, ,DE DAG RNAMS LA SA 'DI NI, ,BDAG ZHU KHYED KYIS STZOL CIG DANG, ,BSTAN DANG 'GRO BA'I DON CHED DANG, ,KHYED RNAMS LA YANG PHAN PA'I PHYIR, ,MI ZAD GTER CHEN SPA BAR BYA, ,PHRAG DOG MA MDZAD DGA' BAS STZOL, ,ZHES GSOL BA BTAB PAS DGYES BZHIN DU GNANG BA BYIN NAS RANG GNAS SU GSHEGS BAR GYUR BAR BSAM, KLU GTOR NI; AOm KLU RGYAL MTHA' YAS NOR RGYAS BU, ,'JOG PO DANG NI STOBS KYIS RGYU, ,PADMA PADMA CHEN PO DANG, ,DUNG SKYONG DANG NI RIGS LDAN NO, ,LHA MO LHA MO CHEN PO DANG, ,ZLA BA'I SPYI GTZUG SPYI GTZUG CHE, , DBYUG 'DZIN DBYUG 'DZIN CHEN PO DANG, ,SOG MA MED DANG HU LUNTA, ,DGA' BO DANG NI NYED DGA' BO, ,RGYA MTSO RGYA MTSO CHEN PO DANG, ,TSA BA TSA BA CHEN PO DANG, ,DPAL GYI 'ONG DANG 'ONG PO CHE, ,RIN CHEN 'OD DANG GZUGS MDZES DANG, ,GZUGS MDZES CHEN PO SPRUL BZANG DANG, ,LTO 'PHYE CHEN PO TSE YI DANG, ,TSI LI CHEN PO RNAMS DAG NI, ,MCHOD PA'I GNAS 'DIR GSHEGS SU GSOL, ,AOm A'A GATZTSA A'A GATZTSA MAH'A N'A GA AA DHI BA TA YE SARBA BHURBHU BA:- PHRUm PHU SV'AH'A, ZHES PAS MDUN DU BYON PAR BSAM, PADMA KA MA LA YA STVAm KYIS GDAN BUL, AOm MAH'A N'A GA AA DHI PA TA YE GRiHnE DAm AA GHAm SV'A H'A, AARGHAm'I GNAS SU, PUshPE, H'U SE,
D'I PE, GAN DHE BCUG PAS MCHOD, KLU DGA' BAR BYED PA'I PHYAG RGYA DANG, AOm HI LI HI LI MA H'A HI LI PHRUm PHU SV'A H'A, SE GOL GTOG PA BCAS LAN GSUM DANG, AOm BHA KshA YA BHA KshA YA SA MA YA TIshthA PHRUm PHU SV'A H'A, LAN GSUM GYIS BUM NANG GI KLU DANG GSANG DU SPYAN DRANGS PA'I KLU GNYIS KA LA 'BUL, KLU CHEN BRGYAD SOGS KLU RIGS THAMS CAD DANG, ,BYE BRAG LUNG PA 'DI YI KLU RIGS RNAMS, ,GTOR MA 'DIS TSIM DGYES SHING GDUG SEMS ZHI, , PAN PA BYANG CHUB SEMS DANG LDAN GYUR CIG ,DZA:- H'Um BAm HO:- GRU GRU BZHI PA KHRU GANG NGAM 'DOM GANG SOGS BRKOS NAS, RDO THIM PAR GYUR, ,GNYIS PA BUM PA SRA BA NI, SHA RUNG DA DGOS DGANG RUNG DAM RDO RJE'I RTZE MOS SA LA RGYA GRAM DU BRIS PA'I RJES SU SA GRU GRU BZHI PA KHRU GANG NGAM 'DOM GANG SOGS BRKOS NAS, RDO KHANG SOGS BRTAN BO BRTZIGS LA SA DKAR GYIS BYUGS, BA BYUNG DANG DRI BZANG GI CHUS CHAG CHAG GDAB, SPOS DKAR TZAN DAN SOGS KYIS BDUG ,'BRU DKAR DGRAM, BUM STAN PADMA 'DAB BRGYAD BTING BA'I KHAR BUM PA YUL PHYOGS SAM MTSOS GSAL GZIGS SAR BZHAG ,MTHA' MCHOD PAS BSKOR, GTOR MA RNAMS KYANG BSHAM, SA RDUL 'OD NYEN YOD NA KHA DGAB BZHAG LA, SKYABS SEMS, BDAG BSKYED, BUM PA SNGAR YONG GSAL 'DEBS SOGS MCHOD BSTOD 'DONG GSOL RNAMS RGYAS PAR BYAS TE KLU GTOR PHYI ROL DU GTOR BA'I BAR BTANG NAS, GANG YANG BDAG BLO X
, ,MA RNYED YONGS SU X DUS NGAN SEMS CAN BSOD NAMS DMAN, ,MA RIG NYON MONGS DANG 'DRES PAS, ,'PHAGS PA'I THUGS DGONGS MA RDZOGS PA, ,DE YANG BZOD PAR MDZAD DU GSOL, ,LHAG PA DANG NI X MDZAD DU GSOL, ,ZHES BZOD GSOL DANG, SBYIN BDAG RNAMS KYI CHOS DANG MTHUN BA'I DON, X KHYED LA BSTOD CING X ZHES 'DOD GSOL BYA, BUM GTER KLU LA GNYER DU GTANG BA NI, H'Um BSTAN LA RAB DGA' MTHU STOBS CHE LDAN PA'I, ,KLU CHEN BRGYAD PO 'KHOR DANG BCAS PA SOGS, ,YUL PHYOGS 'DIR GNAS SA BDAG KLU GNYAN KUN, ,'GRO LA PHAN PA'I BYA BA 'DI DGONGS SHIG, SKYE 'GRO YONGS LA BDE SKYID 'BYUNG BA'I PHYIR, ,GNAS 'DIR MI ZAD RIN CHEN GTER BUM SPA, ,SA CHU ME RLUNG 'BYUNG BAS MI GNOD PAR, ,'DOD DGU'I GZHI 'DI RTAG TU GNAS GYUR CIG ,RGYAL BA'I BKA' LTAR BSGRUBS PA'I GTER BUM 'DI, ,KLU RGYAL 'KHOR DANG BCAS LA RJES GTAD KYI, ,BKUR STI SRI ZHUS RANG GNAS SPYAN DRONGS LA, ,SA 'OG GNAS PA'I KLU RNAMS KYIS GTZOS PA'I, ,'BYUNG BO KUN LA PHAN BDE 'BYUNG BA DANG, ,'JIG RTEN KHAMS 'DIR CHAR CHU DUS 'BEBS SHING, ,'BRU BCUD RTZI SHED LO TOR RGYAS PA DANG, ,MI NOR LONGS SPYOD THAMS CAD 'PHEL BAR MDZOD, ,MI ZAD RIN CHEN
GTER BUM 'DI YI MTHUS, ,KLU RNAMS SDUG BSNGAL RGYU BCAS LAS GROL NAS, ,RTAG TU BDE SKYID PHUN SUM TSOGS PA DANG, ,NYIN DANG MTSAN DU CHOS LA SPYOD GYUR CIG ,MI ZAD RIN CHEN GTER BUM 'DI YI MTHUS, ,SA BDAG KLU GNYAN GNOD PA LA SOGS PA'I, ,MI NAD PHYUGS NAD THAMS CAD ZHI BA DANG, ,CHOS LDAN BSAM PA THAMS CAD 'GRUB GYUR CIG ,YANG SPRO NA, H'Um KLU YI GZHAL YAS PHO BRANG DU, , MI ZAD GTER CHEN 'DI SBAS PAS, ,DPYID KYI DUS SU MA SKAMS SHIG ,DBYAR GYI DUS SU MA RUL CIG ,STON GYI DUS SU MA TSIG CIG ,DGUN GYI DUS SU MA 'KHYAG CIG ,MI ZAD GTER CHEN 'DI SBAS BAS, , KLU RNAMS RTAG TU LONGS SPYOD CING, ,BDE SKYID PHUN SUM TSOGS GYUR CIG ,RIN CHEN LNGA YI GTER SBAS PAS, ,MI ZAD GTER DANG 'PHRAD PAR SHOG ,SNYING PO LNGA YI GTER SBAS PAS, ,DBANG PO LNGA DANG LDAN PAR SHOD, ,SMAN SNA LNGA YI GTER SBAS PAS, ,NAD KYI SDUG BSNGAL ZHI BAR SHOG ,'BRU SNA LNGA YI GTER SBAS PAS, ,MU GE'I BSKAL PA ZHI BAR SHOG ,SPOS SNA LNGA YI GTER SBAS PAS, , TSUL KHRIMS RNAM PAR DAG PAR SHOG ,CHU SNA LNGA YI GTER SBAS PAS, ,CHAR CHU DUS SU 'BAB BAR SHOG ,SHING SNA LNGA YI GTED SPAS PAS, ,RTZI SHING NAGS TSAL RGYA SA BAR SHOG ,'O MA LNGA YI GTER SBAS 016A *, ,PAS, ,ZAS RNAMS RO MCHOG LDAN PAR SHOG ,DAR ZAB LNGA YI GTER SBAS PAS, ,GOS RNAMS DRONG DANG LDAN PAR SHOG ,KLU YI NOR BRGYAD GTER SBAS PAS, ,'KHOR DANG LONGS SPYOD RGYAS PAR SHOG ,NOR BU RIN CHEN GTER SBAS PA SA, ,BSAM PA YID BZHIN 'GRUB PAR SHOG ,KLU GZUGS SNA TSOGS GTER SBAS PAS, ,BKRA SHIS NAD MED BDE BAR SHOG ,RDZA BUM GSAR BA'I GTER SBAS PAS, ,MI 'JIGS BZHI DANG LDAN PAR SHOG ,MI ZAD RIN CHEN BUM PA 'DI, ,SBA NI MI MNGON DBYINGS SU SBA, ,'CHOL NI GZHI BDAG KLU LA 'CHOL, ,DBANG NI MI DANG SPYI YIS DBANG, ,KLU YIS SPYAD NA MI LA PHAN, ,'OG TU KLU PHYAG DAR PA BZHIN, ,STENG DU MI PHYUG DAR BA YIN, ,'OG TU KLU RGYAS DAR BA BZHIN, ,STENG DU MI RGYAS DAR BA YIN, ,'OG TU KLU GNYAN BTZAN PA LTAR,, STER BU MI GNYAN BTZAN PAR SHOG ,'OG TU KLU SKYID BDE BA LTAR, ,STENG DU MI SKYID BDE BAR SHOG ,RIN CHEN RDZA YI BUM PA NAS, ,KLU DANG MI YI GNAS PHYOGS SU, ,SKYID KYI CHU MIG RDOL BA YIN, ,NOR GYI BAR MDZOD CHEN PO RNYED, ,ZAS KYI RO MCHOG CHEN PO BYED, ,GOS KYI REG BYA SRA LA 'JAM, ,NGA NI SBA'O DBYINGS SU SBA, ,DBYINGS SU SBAS PAS GTOR MI SRID, ,MA GTOR BA YI 'BRAS BU
YIS, ,KLU RNAMS CHOS DANG 'PHRAD PAR SHOG ,MI RNAMS DBUL PHONGS BRAL BAR SHOG ,SBAS MKHAN RNAMS LA DNGOS GRUB STZOL, ,KLU YI GDUG RTZUB BZHI BAR MDZOD, ,GNYAN GYI BYANG THAG BCAD DU GSOL, ,SA BDAG GDUG PA BSHIG TU GSOL, ,KO LOD MA SDANG ZHI BAR MDZOD, ,YUL PHYOGS KU DU DPAL 'BAR ZHING, ,DGE LEGS RGYUN MI 'CHA PA DANG, ,DKAR PHYOGS SKYONG BA'I LHA KLU RNAMS, ,RTAG TU BRTZE BAS SKYONG GYUR CIG ,BRTAN BZHUGS BYA BA NI, 'DIR NI RTEN DANG LHAN CIG TU, ,X STZAL DU GSOL, ,BCOM LDAN 'DAS KLU'I DBANG PHYUG RGYAL PO 'KHOR DANG BCAS PAS RTEN 'DI LA BTAN PAR BZHUGS NAS, SBYIN BDAG 'KHOR DANG BCAS PA'I NANG GDON SDIG SGRIB SOGS MI MTHUN PA'I PHYOGS THAMS CAD NYE BAR ZHI ZHING, TSE BSOD DPAL 'BYOR SOGS CHOS SRID KYI LEGS TSOGS THAMS CAD 'PHEL BA DANG, BKRA SHIS KYI DGE MTSAN RGYA CHEN PO MYUN MI 'CHAD DU 'BYUNG BAR BYIN GYIS BRLAB TU GSOL, ,KLU'I RGYAL PO 'KHOR DANG BCAS PA RNAMS KYANG RTEN 'DI LA BRTAN PAR BZHUGS NAS, ,'JIG RTEN GYI KHAMS SPYI DANG KHYAD PAR YUL PHYOGS 'DI RNAMS SU NANG 'KHRUG MU TE LO NYES DUS MA YIN PA'I LRUNG DANG KHA CHAS SAD DANG SER BA THOG DANG GLOGS G-YO BA LA SOGS PA'I 'JIGS PA
, ,DANG BKRA MI SHIS PA THAMS CAD ZHI BA DANG, RTZI SHING LO TOG RGYAS SHING, MI NOR THAMS CAD BDE ZHING SKYID PA DANG, CHOS NOR LONGS SPYOD PHUN SUM TSOGS PA'I BKRA SHIS KYI DGE MTSAN RGYUN MI 'CHAD DU 'BYUNG BA'I 'PHRIN LAS MDZOD CIG ,AOm SU PRA TIshthA BADZRA YE SV'A H'A, ZHES BRJOD LA ME TOG GTOR RO, ,'BYUNG PO GANG DAG 'DIR NI SOGS GONG DU BSHAD PA'I BSNGO SMON GYI, DE NAS BSDU DGOS PA'I MCHOD GTOR YOD NA BSDUS TE RDO KHANG BCOS PA YIN TSE DE LA THOG DGA', THOG DE LA DRI BZANG GIS 'KHOR LO BRI, STENG NAS NE'U SING NGAM SA SES MNAN LA MKHAR GONG SOGS KYIS BRTAN POR BYA'O, ,GSUM BA RAB GNAS SOGS BYA BA NI, CHU GSUM NYER SPYOD KYI MCHOD PA 'THOR 'BRU SOGS BSHAMS LA, SA 'OG TU KLU'I PHO BRANG YOD PAR BSAM NAS, AA MRi TAS BSANG SBYANGS, STONG PA'I DANG LAS BHRUm LAS 'KHOR LO BHRUm GYIS MTSAN PA YONGS SU GYUR PA LAS RNAM PAR SNANG MDZAD DKAR PO ZHAL GCIG PHYAG GNYIS KYIS 'KHOR LO DANG DRIL BU 'DZIN PA, RIN PO CHE'I RGYAN DANG DAR GYI NA BZA' GSOL BA, RDO RJE SKYIL KRUNG GIS BZHUGS PA'I SPYI BOR AOm, MGRIN PAR A'A:- THUGS KAR H'Um, DE LAS 'OD 'PHROS, BCOM LDAN 'DAS RNAM PAR SNANG MDZAD LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, AOm A'A:- HR'I:- BRA WA RA SAD KA RAm P'A DYAm PRA T'I TZTSA
H'Um SV'AH'A, P'A DYAm GYI TSAB TU, AANYTZA MA NAm DANG AARGHAm BCUG STE MCHOD, AOm BADZRA SA MA YE STVAm DZA:- H'Um BAm HO:- GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG LHA SPYAN DRANGS, KHYAD RNAMS KYIS 'DI LA DBANG BSKUR DU GSOL, ZHES GSOL BA BTAB PAS, SHIS BRJOD SNGON DU 'GRO BAS DBANG BSKUR, SKU GANG, DRI MA DAG ,CHU LHAG MA YAR LUNG PA LAS RNAM SNANG GIS DBU BRGYAN PAR GYUR, MCHOD RDZAS RNAMS PHUL DU BYUNG BA'I LHA RDZAS SU GYUR, AOm A'A:- H'Um LAN GSUM BRJOD, AOm A'A:- JI NA DZI KA PUshpE PRA T'I TZTSA H'Um SV'A H'A, NAS SHAPTA'I BAR GYIS MCHOD, RNAM PAR SNANG MDZAD DAG PA CHE, , RDO RJE ZHI BA DGA' BA CHE, ,RANG BZHIN 'OD GSAL MCHOG GI MCHOG ,STON PA RDO RJE LA PHYAG 'TSAL, ,ZHES BSTOD, AOm A'A:- DZI NA DZI KA AOm H'Um, BRGYA RTZA BRGYAD BZLA, AOm H'Um TRAm HR'I:- A'A:- AOm A'A:- DZI NA DZI KA AOm H'Um, LAG PA G-YAS RDO RJE DANG BCAS BAS GNAS GSUM DU REG PAR MOS LA, RNAM SNANG 'OD DU ZHU NAS RIN PO CHE'I RI BRAG DANG NAGS TSAL NE'U SID MTSO DANG CHU MIG SOGS SHIN TU NYAMS DGA' BA'I GNAS SU KLU'I PHO BRANG RIN PO CHE LAS GRUB PA, MKHO DGU'I LONGS SPYOD PHUN SUM TSOGS PAS GANG BA, 'GRO PA RNAMS KYI NANG DANG SDUG BSNGAL SDIG SGRIB THAMS CAD ZHI BA DANG, LEGS TSOGS RGYAS PAR BYED PA'I BYED LAS DANG LDAN
, ,PAR GYUR, CES GZUGS BSGYUR BYA, YE DHARM'A LAN GSUM BRJOD, PHUN SUM TSOGS PA MNGA' BA SOGS SHO LO KA GSUM GYIS SHIS PA BRJOD, BCOM LDAN 'DAS RNAM BAR SNANG MDZAD RTEN 'DI LA BRTAN PAR BZHUGS NAS 'GRO BA SEMS CAN GYI DON DPAG TU MED PA MDZAD CING, BYE BRAG TU YUL PHYOGS 'DI'I SNOD BCUD KYI 'BYOR PA RGYAS PA DANG, ,CHOS DANG MTHUN PA'I LEGS TSOGS THAMS CAD GONG NAS GONG DU 'PHEL BA DANG, SKYE BO RNAMS LA BKRA SHIS KYI DGE MTSAN RGYA CHEN PO RGYUN MI 'CHAD DU 'BYUNG BAR BYIN GYIS BRLAB TU GSOL, AOm SU PRA TIshthA BA DZA YE SV'A H'A, ZHES LAN GSUM GYIS BRTAN BZHUGS BYA, SLAR YANG YE DHARM'A LAN BDUN DANG, BKRA SHIS KYI TSIGS BCAD CI RIGS BRJOD DE ME TOG GI CHAR 'BAB BAR BYA'O, ,DE LTAR BYAS PA'I PHAN YON NI, GNAS SKABS SU PHOD SA PA'I SDUG BSNGAL THAMS CAD DANG BRAL BAR 'GYUR BA DANG, KLU'I GNOD PA DANG SANG SER LCE 'BAB MI PHYUGS KYI NANG RIMS SOGS NYER 'TSO MTHA' DAG ZHI BA DANG, MI NOR LONGS SPYOD 'PHEL BA DANG, YUL KHAMS THAMS CAD DU LO LEGS SHING BDE SKYID 'PHEL BA SOGS MTHA' YAS PA GSUNGS SO, ,CES KLU'I BUM GTER 'DOD DGU'I CHAR 'BEBS ZHES BYA BA 'DI NI, 'JAM MDBYANGS BZHAD PAS MDZAD PA'I KLU'I BUM GTER DANG, KHRI CHEN NO MON HAN,
DKA' CHEN YE SHES RGYAL MTSAN, RJE BTZUN GRAGS PA BSHAD SGRUB PA RNAMS GYI KLU'I BUM GTER SOGS DAM PA MANG BO'I GSUNG LAS CI RIGS PAR BTUS TE, DAGS RIM COG LAG TU BLANG BA RI BANG SH'A KA BTZUN MA TI'I MAR CAN GYIS BRIS PA'O, ,DGE LEGS 'PHEL BAR GYUR CIG, ,,MANGGA LAm,, ,,