, ,RAB GNAS KYI CHO GA DNGOS GRUB KUN 'BYUNG ZHES BYA BA BZHUGS SO, ,
, ,NA MO GU RU, RTEN GSUM GYI RAB GNAS BYED PA LA, STEGS KYI KHAR LHA SKU'AM GLEGS BAM SOGS RAB TU GNAS BYA'I RTEN GANG YIN PA DE BZHUGS SU GSOL, MDUN DU CHU GNYIS NYER SPYOD KYI MCHOD PA BSHAMS, RDOR DRIL 'THONG 'BRU RNAMS STA GON BYA, SANGS RGYAS CHOS TSOGS MA LAN GSUM GYIS SKYABS SEMS DANG, TSAD MED BZHI BSGOM, RANG LHAR BSKYED PA NI, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PAR GYUR, MCHOD PA BYIN RLABS NI, HR'I:- shtR'I:- SA BSANGS SBYANGS, STONG PA'I DANG LAS A'A:- LAS BYUNG BA'I THONG PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI MCHOG ,ZHAL ZAS, ROL MO
, ,RNAMS RANG BZHIN BDE STONG RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A:- H'Um, AOm P'ADYAm A'A:- H'Um, AOm BUshPE A'A:- H'Um, AOm DH'U PE A'A:- H'Um, AOm A'A LO KE A'A:- H'Um, AOm GAN DHE A'A:- H'Um, AOm NI WI DYA A'A:- H'Um, AOm SHABTA A'A:- H'Um, RTEN LTAR BSKYED BA NI, HR'I:- shtR'I:- SA BSANG, SVA BHA WAS SBYANGS, STONG PA'I DANG LAS SNA TSOGS PADMA DANG ZLA BA DANG NYI MA'I GDAN GYI STENG DU H'Um LAS RDO RJE H'Um GIS MTSAN PA YONGS SU GYUR PA LAS, DPAL RDO RJE 'JIGS BYED CHEN PO SKU MDOG MTHING NAG X ME DBUD RAB TU 'BAR BA'I KLONG DKYIL NA BZHUGS PA, YE SHES PA SBYAN DRANG BA NI, DE'I SPYI BOR AOm DKAR PO, MGRIN PAR A'A:- DMAR PO, THUGS KAR H'Um SNGON POS MA TSAN PAR
GYUR, RANG GI THUGS KHA'I H'Um LAS 'OD ZER 'PHROS, BSGOMS PA DANG 'DRA BA'I YE SHES PA SANGS RGYAS BYANG SEMS DANG NYAN RANG CHOS SKYONG SRUNGS MA'I TSOGS DANG BCAS PA BDUN GYI NAM MKHAR SPYAN DRANGS, SPOS DRIL THOGS TE, MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZANG 'JOMS MDZAD LHA, ,DNGOS RNAMS MA LUS YANG DAG MKHYEN GYUR BA'I, ,BCOM LDAN 'KHOR BCAS GNAS 'DIR GSHEGS SU GSOL, ,BSU MCHOD DANG SNYAN GSAN YE SHES BA BSTIM PA RNAMS BYA BA NI, AOm SARBA TA TH'A GA TA AARGHAm, NAS, SHAPTA PRA T'ITZTSA H'Um SV'AH'A, ZHES PA'I BAR GYIS MCHOD PA PHUL, THUGS RJE YI NI BDAG CAN BDAG ,SLOB MA RNAMS LA RJES BRTZE DANG, ,KHYED RNAMS LA YANG MCHOD SLAD DU, ,DA LTA RAB GNAS BGYID PAR 'TSAL, ,BCOM LDAN GUS PAS BDAG LA NI, ,DE PHYIR BKA' DRIN MDZAD PAR 'OS, ,RDO RJE CAN BDAG CHE GE MO, ,SKU GSUNG THUGS RTEN RAB GNAS NI, ,YON BDAG CI NUS YO BYAD KYIS, ,DA LHA YANG DAG BGYID PAR 'GYUR, ,DE PHYIR SLOB MAR BCAS RNAMS LA, ,RJES SU BRTZE BAS NYER DGONGS NAS, ,'KHOR BCAS KUN GYIS RAB GNAS LA, ,BYIN GYIS RLABS PAR MDZAD PAR 'OS, ,ZHES LAN GSUM GSOL BA BTAB PAS, LHA RNAMS KYIS
, ,DGYES BZHIN DU GNANG BA BYIN PAR GYUR, PAR BSAM LA, DZA:- H'Um BAm HO:- YE SHES PA RNAMS DAM TSIG PA DANG GNYIS SU MED PAR GYUR, DBANG BSKUR GYIS GDAB NI, RANG GI THUGS KA'I H'Um LAS 'OD ZER 'PHROS, GSHEGS PA DANG GSHEGS MA, SEMS DPA' DANG SEMS MA, KHRO BO DANG KHRO MO'I TSOGS THAMS CAD MDUN GYI NAM MKHAR SPYAN DRANGS, ZHES DBANG LHA SNYAR NGAS, AOm SARBA TA TH'A GA TA AARGHAm ZHES SOGS KYIS MCHOD, DBANG GI LHA RNAMS KYIS 'DI LA MNGON PAR DBANG BSKUR DU GSOL, ,ZHES GSOL BA BTAB PAS NGE BZHIN GSHEGS PA RNAMS KYIS DBANG BSKUR BA'I DGONGS PA MDZAD, SBYAN MA LA SOGS PA'I RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RAB TU GNAS BYA'I LHA RNAMS KYI STENG PHYOGS SU 'DZIN GLU GANG MDZAD CING ROL MO BRDUD, ME TOG DANG GUR GUM LA SOGS PA'I CHAR 'BEB, PHYAG GIS CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS DBANG BSKUR, GZUGS RDO RJE MA LA SOGS PA RNAMS KYIS BKRA SHIS KYI GLU DBYANGS KYI SHIS PA BRJOD, KHRO BO RNAMS PHYOGS MTSAMS SU 'KHOD NAS BGEGS BSKOR BAR GYUR, JI LTAR BLTAM SA PA TZAM GYIS NI, ,LHA RNAMS
KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA PRHI shE KA TA SA MA YA shRI H'Um, ZHES GSUNGS SHING DBANG BSKUR, SKU GANG DRI MA DAG , TSU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, SPYAN DBYE NI, JI LTAR MIG MKHAN RGYAL PO YIS, ,'JIG RTEN RAB RIB BSAL BA LTAR, ,RGYAL BA RNAMS KYIS KHYOD KYI NI, ,MI SHES PA YI RAB RIB BSAL, ,AOm TZAKshU TZAKshU SA MANTA TZAKsh'U BI SHO DHA NE SV'AH'A, ZHI BA LA SOGS PA'I LAS RNAMS BSGRUB PA'I DON DU SBYIN BDAG LA SOGS PA LA YE SHES KYI GZIGS PA LHUR MDZAD BAR GYUR, MCHOD PA NI, TSEGS BCAD BCAS SAM, BSDU NA, AOm SARBA TA TH'AG TA AARGHAm BRA T'ITZTSA H'Um SV'AH'A, NAS, SHAPTA'I BAR GYIS MCHOD, BSTOD BA NI, GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,GZUGS BSGYUR NI, AOm H'Um TRAm HR'I:- A'A:- AOm YA M'ANTA KA H'Um PHAt, DPAL RDO RJE 'JIGS BYED 'ONG DU ZHU BA LAS RTEN GYI RNAM PAR GYUR, ME TOG BSGRUB PA NI, YE DHARMA LAN GSUM BRJOD, BRTAN BZHUGS NI, JI LTAR SANGS RGYAS THAMS CAD NI, ,DGA' LDAN DU NI GNAS PA LAS, ,LHA MO SGYU 'PHRUL LHUMS
, ,ZHUGS LTAR, ,DE BZHIN GZUGS DANG LHAN CIG TU, ,'DI RU MGON BO RTAG BZHUGS NAS, ,BYANG CHUB SEMS NI BSKYED PA DANG, ,YON GYI BDAG PO'I DON SLAD DU, BDAG GI 'BYOR PA NYID KYIS NI, ,CI 'BYOR BA YI MCHOD PA DANG, ,ME TOG LA SOGS 'DI BZHES SHIG ,BDAG DANG SLOB MAR BCAS RNAMS LA, ,RJES SU BRTZEBS NYER DGONGS NAS, ,KUN GYIS 'DI LA BYIN BRLOB CING, ,'DI NYID DU NI BZHUGS PAR RIGS, ,ZHES DANG, PHYOGS BCUN BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, ,JI SRID NAM MKHA'I MTHA' DANG MNYAM PA'I SEMS CAN GYI KHAMS RNAMS MI GNAS PA'I MYA NGAN LAS 'DAS PA'I SA LA MA BZHAG PAR DU MYA NGAN LAS MI 'DA' BAR BRTAN PAR BZHUGS SU GSOL, ,BYE BRAG TU YANG SKU GSUNG THUGS KYI RTEN 'DI LA SA DANG CHU DANG ME DANG RLUNG GI GNOD PAS MA ZHIG BAR DE SRID DU SEMS CAN GYI DON DPAG TU MED PA MDZAD CING BRTAN PAR BZHUGS SU GSOL, ,AOm SU BRA TIsh'A BADZRA YE SV'AH'A, ZHES LAN GSUM MAM GCIG BRJOD DE, 'DI NI RAB GNAS KYI DNGOS GZHI'O, ,SHIS BRJOR NI, YON TAN RAB RDZOGS MA'AM TSIGS BCANG GANG 'OS KYIS BYA'O, ,RTEN GSUM SO SOR MA BSKYED PAR
'DI'I NANG BZHIN BYAS PAS CHOG CING, BGEGS GTOR, KHRUS GSOL LTA BU BYED BAR SPRO NA CHO GA GZHAN LAS BLANGS TE BYA, RAB GNAS KYI CHO GA DNGOS GRUB KUN 'BYUNG ZHES BYA BA 'DI NI RGYAS PA MBUS PA'I TSE LAG TU BLANG BDE BAR BSAMS NAS, ^ TSUL KHRIMS KYIS BSGRIGS PA'O, BSTAN 'GRO YONGS LA PHAN PA'I RGYUR GYUR CIG, ,,MANGGA LAm,, , ^ GONG GI ,RDO RJE CAN BDAG CHE GE MO, ,ZHES PA LA, BDAG NI RIN 'BYUNG RDO RJE YIS, ,ZHES PA LTA BUR BSGYUR BA YIN NO,, ,,