*, ,BDUD RTZI RIL BU SGRUB TSUL BZHUGS,, ,,BLA MA YI DAM MKHA' 'GRO'I TSOGS LA PHYAG 'TSAL LO, ,BDUD RTZI RIL BU SGRUB PA'I TSUL BSHAD PA LA, RDZAS DANG SBYOR TSUL, SGRUB TSUL DNGOS, PHAN YON TE BZHI LAS, DANG PO NI, SPYIR SHA LNGA DANG BDUD RTZI LNGAS BYED PA NI NUS LDAN GYI RNAL 'BYOR PA'I DBANG DU MDZAD LA, DE YANG 'DUS PA'I RTZA RGYUD LAS, BSHAD GCI DANG NI SHA CHEN RNAMS, ,CHA NI
MNYAM PAR BYAS NAS SU, ,KHAM PHOR SBYAR MAR BZHAG NAN, ,SANGS RGYAS KUN DANG LHAN CIG 'KHOD, ,CES PA DANG, BDE MCHOG GI DKYIL CHOG LAS, DRI CHEN DRI CHU BYANG CHUB SEMS, ,DE BZHIN SHA CHEN DANG NI KHRAG ,DE RNAMS BDUD RTZI LNGA ZHES BYA, ,BLA MED BYANG CHUB RGYU YIN NO, ,ZHES BUM RDZAS LA BSHAD PA LTAR RO, ,LAS DANG PO PAS RNAM RTOG 'GOG MI THUB PA SOGS KYIS SBYOR DKA' NA DE DAG GI DOD DU SMAN GYIS BYED PA'I PHYAG LEN YOD DO, ,DE LA SHA LNGA NI, MI'I SHA, RTA'I SHA, KHYI'I SHA, GLANG PO CHE'I SHA, MA HE'AM BA GLANG GI SHA YIN PAS DE RNAMS LAS DOGS PA MI ZA BA'I RIGS 'BYOR NA THUN RE RE SBYOR; DE MIN NA SHA LNGA KA'I DOD LA, AA RU RA GSER MDOG THUN LNGA SPYOR RO, ,BDUD RTZI LNGA NI, DRI CHEN, DRI CHU, BYANG SEMS DKAR PO STE KHU BA, RAKTA STE KHRAG ,SHA CHEN NAM RKANG MAR TE LNGA YIN ZHING, DE LAS DAD PO GSUM NI SKYES BU DAM PA'I DE GSUM RNYED NA SPYOR BAR GSUNGS, MA RNYED NA, DRI CHEN GYI DOD LA DZA TI, DRI CHU'I DONG LA SIL BAM KHRAS CHU, BYANG SEMS DKAR PO'I DOD LA COD ZHI, RAKTA'I DONG LA TZAN DAN DMAR PO, SHA CHEN GYI DONG LA AA RU RA GSER MI DOG RNAMS THUN RE RE SBYOR BAR MDZAD DO, ,DE LA GZHAN RNAMS GO SLA, SIL NI ZHAG RU NOG POR BSHAD PA 'DUG GO ,
, ,GNYIS PA SBYOR TSUL LA, THUN GYI TSAD NI RIL BU MANG NYUNG SGRUB PA LA DPAG STE BYA ZHING, DE RNAMS SO SOR ZHIB PAR BTAGS, DRIL SLA BA'I CHED DU DE DANG MNYAM TZAM GYI 'BRAS RJEN BTAGS KYI ZAN PHYE BSRE, KHA BSGYUR BA'I CHED DU GUR RUM DANG TZAN DAN DMAR PO'I PHYE MA GANG 'TSAM BSRE, GSANG CHAB RIL BU DANG BDUD RTZI RIL BU SKYE BDUN RIL BU RTEN 'DUS RIL BU SOGS BYIN RLABS CAN GYI RIGS GANG 'BYOR BSRES NA LEGS, BUM PA BSGRUBS PA'I CHU DANG LHA LA KHRUS GSOL BA'I CHU DANG CHU GTZANG MA CI RIGS KYIS 'DAM BTAGS LEGS PAR BYA, DUS CHEN GYI NYIN NAM YAR NGO'I TSES BRGYAD DANG BCU BZHI SOGS NYEN BZANG PO LA RIL BU SRAN MA TZAM BSGRIL NAS TSAGS LEGS PAR BYAS LA GRIB MAR BSKAM, 'DI DAG GI TSE MI DANG BZA' BTUNG YO BYAD GRIB CAN LA 'JOM NAS GTZANG SBRA BYA'O, ,GSUM BA DNGOS GZHI NI, 'DIR RDO RJE 'JIGS BYED LA BRTEN PA'I DBANG DU BYED NA, YI DAM GYI SKU BRNYAN DGAM, DE'I MDUN DU RTEN KHEB BTING BA'I STENG DU, THOD PA KHA SBYOR RAM KYANG PA'I NANG DU RIL BU BZHAG ,DE MA RNYED NA SNOD GTZANG MAR BZHAG KYANG RUNG, MCHOD GTOR SOGS BSHAM, SGRUB PA PO RNAMS GRAL LA 'KHOR NAS, 'JIGS BYED LHA BCU GSUM MA'AM DPA' GCIG GI BDAG BSKYED BZLAS PA GTOR 'BUL RNAMS SGRUB THABS BZHIN SNGON DU BTANG, DE NAS RIL BU NANG MCHOD BYIN RLABS LTAR
BSKYED PAR BYA STE, DE YANG RIL BU SNOD DANG BCAS PA, HR'I:- shtR'I:- SA BSANG SBYANGS, STONG PA'I DAD LAS YAm LAS RLUNG, DE'I STENG DU RAm LAS ME, DE'I ZUR GSUM GYI STENG DU AA LAS MI MGO GSUM, DE'I DBUS SU A'A:- DKAR PO LAS THOD PA YANGS SHING RGYA CHE BA DPRAL BA TSUR BSTAN PA, DE'I NANG GI PHYOGS BZHI DANG DBUS SU BRUm AAm DZRIm KHAm H'Um LAS SHA LNGA GO GU DA HA NAS MTSAN PA, MTSAMS BA'I DANG DBUS SU LAm MAm PAm TAm BAm LAS BDUD RTZI LNGA BI RA SH'U MA M'US MTSAN PA RIGS LNGA DANG YUM LNGA'I NGO BOR BSKYED, DE DAG GI STENG DU AOm A'A:- H'Um GSUM BRTZEGS PAR GYUR, RANG GI THUGS KA'I H'Um GI 'OD ZER GYIS RLUNG G-YOS, ME SBAR, RDZAS ZHU ZHING KHOL; YI GE GSUM GYI 'OD KYIS RDO RJE GSUM GYI LHA TSOGS BKUG NAS THIM PA THOD PAR LHUNG STE ZHU, SBYANGS RTOGS SBAR ZHING SPEL BAR GYUR PA'I BAR CHO GA BZHIN BYED, SLAR YANG DE'I STENG DU YI GE GSUM BRTZEGS TE GNAS BA LAS 'OD ZER DPAG TU MED PA SPROS, PHYOGS BCU NA BZHUGS SBYA PA'I BLA MA YI DAM SANGS RGYAS BYANG SEMS DPA' BO MKHA' 'GRO THAMS CAD KYI THUGS KA NAS YE SHES KYI BDUD RTZI KHA DOG SNA LNGA'I 'OD ZER DANG BCAS PA'I YI GE GSUM GYI RNAM PAR BKUG PA THOD PA'I NANG GI RDZAS LA THIM BAS BYIN GYIS BRLAB SPAR BSAM LA, 'BRU GSUM BZLA, THUN 'JOG KHAR YANG, RANG GI THUGS KA'I H'Um LAS 'OD ZER 'PHROS, RLUNG
, ,LA PHOG ,RLUNG G-YOS, ME SBAR, RDZAS ZHU ZHING KHOL, YI GE GSUM LAS 'OD ZER 'PHROS, RDO RJE GSUM GYI LHA TSOGS BKUG NAS THIM, THOD PAR LHUNG NAS SBYAR RTOGS SBAR GSUM BYAS PAR BSAM MO, ,DAG 'DON GYI TSIG RNAMS SGRUB THABS LTAR LA, DMIGS PA RNAMS BSKYED RIM RNAMS SU BLTA BAR BYA, MJUG TU BDAG BSKYED KYI NYER BSDU DANG SMON LAM SHIS BRJOD SPYI LTAR BYAS TE THUN MTSAMS BYA, DE LTA BU'I TSUL GYIS THUN BZHIR BSGRUB CING, GTOR MA NI THUN THA MAR 'BUL NA'ANG CHOG ,DE LTAR BSGRUBS PAS GRUB TSAD NI, ME RU DROD GSUM STE, DANG BO NI RIL BU LAS 'ONG 'BRO BA DANG, GNYIS PA NI RLANGS PA 'THUL BA DANG, GSUM PA NI THOD PA'AM RIL BU LA DROD 'BYUNG BAR GSUNGS, DE TZAM MA NUS NA'ANG YI GE GSUM 'BUM PHRAG GCIG GAM 'BUM GSUM SOGS GANG LCOGS BZLAS TE BSGRUB PAR BYA'O, ,MJUG TU BLA MA YI DAM SOGS LA TSOGS 'KHOR GYI MCHOD PA BYA, SMON LAM SHIS BRJOD RGYAS BAR BYA'O, ,BZHI BA PHAN YON NI, RIL BU DE MCHOD GTOR SOGS LA BSRE BA DANG RANG GIS SBYAR NA THUN MONG GI DNGOS GRUB TSE RING BA DANG, NANG MED PA DANG, GDON BGEGS KYIS MI TSUGS PA DANG, MKHA' 'GRO CHOS SKYONG GIS 'PHRIN LAS BSGRUB PA SOGS SO, ,THUN MONG MA YIN BA NI, RDZAS KHYAD PAR CAN DE NYID RTZA SGRUB RNAMS SU SONG BAS, BYANG SEMS RLUNG BCAS LA 'DRES NAS BYIN GYIS BRLABS PAS BDE STONG
GI YE SHES BSKYED PA DANG, SGYU LUS DANG RDO RJE'I SKU THOB PAR 'GYUR RO, ,BSNYEN PA'I SKABS SU BDUD RTZI RIL BU MA LA DAG PAR BYA NGAD BSUNGS BA YANG, DAG GI CAL RLUNG YIN ZHING DE BYIN GYIS BRLABS BAS BZLAS BRJOD NUS LDAN DU 'GYUR BA DANG, RDZUN PHRA MA SOGS SNGAR BSAGS SBYOR ZHING PHYI MA SDOM PAR 'GYUR BA'I CHED DU'O, ,NYIN RE BZHIN DU RIL BU RE ZOS NA TSE'I BCUD LEN DU 'GYUR BAR GSUNGS SO, ,DA NI ZHAR BYUNG 'GA' ZHIG BRJOD PAR BYA STE, BDUD RTZI RIL BU DANG NANG MCHOD NI BYED LAS MTSUNGS SHING, GSANG BDE 'JIGS GSUM GYI CHO GAR GSUNGS PA'I SHA LNGA DANG BDUD RTZI LNGA'I DRI CHEN SOGS GZHAN RNAMS MTHUN ZHING, GSANG 'DUS LA SHA CHEN DANG, BDE MCHOG LA KLAD PA, 'JIGS BYED LA RKANG MAR TE MI 'DRA BA 'DI TZAM ZHIG 'DUG GO ,BYIN GYIS BRLABS PA'I NAD MCHOD KYIS LHA MCHOD CING RANG NYID MYANGS PAS ZHE SDANG SOGS SBYONG ZHING; YE SHES LNGA SOGS 'THOB BAR GSUNGS PA NI RIL BU LA YANG 'DRA'O, ,BUM RDZAS DANG SBYIN SREG GI RDZAS SOGS LA BDUD RTZI BSRES PA'I DGOS PA YANG DE BZHIN NO, ,NANG MCHOD KYI SGRUB GZHI LA, DBANG DON LAS, BRAN LA SOGS PA LAS GLANG PO CHE LA SOGS BA'I GZUGS BCOS NAS, DE DAG RANG GAR SHI BA'I GDAB SAMS TE BSHIGS PAS KYANG 'GRUB PAR GSUNGS PA SOGS MAN NGAG GI GNANG DANG PA GSANGS
, ,BCOS SHING, ZHES BA DANG, YONGS 'DZIN RIN PO CHES MDZAD BA'I BLA MA MCHOD PA'I KHRID YIG CHEN MO LAS, NANG MCHOD GYI SGRUB GZHI RGYA RNGA'I KHU BA LA BYAR RUNG ZHING, DGA' LDAN BKA' GYUR RIN PO CHE 'DI'I BKA' SROL 'DZIN PA'I DAM PA GONG MA BSTAN PA'I RTZA BA SO SOR THAR PA LA GCES SPRAS SHIN TU CHE BA MANG POS NANG MCHOD KYI SGRUB GZHI RGYA JA'I KHU BA LA MDZAD PAR YANG SNANG DO, ,ZHES DANG, BDUD RTZI RIL BU TSUL BZHIN DU BSGRUBS NAS RIL BU DE NAS NANG MCHOD KYI SGRUB GZHI CHANG LA SOGS PAR BTAB PAS KYANG SHIN TU RUNG ZHING, DE YANG MA 'BYOR NA SGRUB GZHI CHANG TZAM MAM, DE YANG DGAG DGOS KYI DBANG GIS STABS MA BDE NA RGYA JA'I KHU BA'AM THAN CHU TZAM GYIS KYANG DUNG BA MAN NGAG SNYE MAR GSUNGS SHING, SGRUB GZHI GANG YIN YANG DE NYID SHA LNGA DANG BDUD RTZI LNGAR MOS PA BYAS NAS SGRUB RUNG BAR 'DUS PA'I RTZA RGYUR LAS; SHA RNAMS THAMS CAD MED NA YANG, ,THAMS CAD BSAM PAS RNAM PAR BRTAG ,COS GSAL BAR GSUNGS SO, ,ZHES LUNG DANG BCAS GSUNGS, GSANG DBANG GI SKABS SU YANG DBANG DON LAS, DNGOS SU CHAD DANG BU RAM BSROS PA'I MA ZHO DANG BU RAM BSRES PA'I RDZAS STER RO, ,ZHES GSANG RDZAS BYANG SEMS DKAR DMAR GYI DON DU GSUNGS SHING, GTOR MA SOGS GZHAN LA DE DAG GIS RIGS BSGRES
NAS GO DGOS RGYU YOD PAR SNANG NGO, ,RIL BU BRA B'I TSE THA MAL BA'I RDZAS SU MI 'DZIN PAR SANGS RGYAS THAMS CAD KYI YE SHES KYI NGO BOR BSAMS LA MID PAS, LUS KYI RTZA NANG THAMS CAD YE SHES KYI BDUD RTZI DES GANG, NAD GDON SDIG SGRIB BAG CHAGS DANG BCAS PA SBYANGS, TSE BSOD DPAL 'BYOR LUNG RTOGS KYI YON TAN SOGS 'PHEL BAR BYIN GYIS BRLABS PAR BSAM MO, ,GSANG BDE 'JIGS GSUM GAD RUNG GI CHO GA LTAR BSGRUBS PA'I BDUD RTZI RIL BU NI, BLA MED KYI YI DAM THAMS CAD KYI NANG MCHOD DANG BUM RDZAS SOGS LA SBYOR RUNG BA 'DRA'O, ,DGE LEGS 'PHAL BAR GYUR CIG, ,,MANGGA LAm,, ,,