—

*, ,BUM SGRUB KYI RDZAS CUNG ZAD BRJOD PA BZHUGS, , @001 #, ,NA MO GU RU, YI DAM GYI LHA 'GA' ZHIG GI BUM PA SGRUB PA LA MKHO BA'I RDZAS KYI RIM PA BRJOD PAR BYA STE, DE LA GZHUNG NAS GSUNGS TSUL, LAG TU LEN TSUL, RDZAS KYI BYED LAS DANG GSUM, DANG PO LA, BUM RDZAS NYER LNGA DANG SUM BCU DANG SO LNGAR YANG GSUNGS PA LAS, RIN PO CHE LNGA NI SLOB DPON KLU BYANG GIS MDZAD PA'I DKYIL CHOG NYI SHU PA LAS, GSER DNGUL MU TIG BYU RU PADMA R'A GA STE LNGA YIN PAR GSUNGS LA, GZHUNG GZHAN DU PADMA R'A GA MED NA ZANGS SAM DUNG GIS CHOG PAR BSHAD, SNGAGS RIM CHEN MOR DNGUL MA BGRANGS PAR MU MEN BSHAD DO, ,'BRU LNGA NI NYI SHU PA LAS, GRO, NAS, TIL, MON SRAN BRE'U, MON SRAN RDE'U STE LNGA DANG, PHRENG BA LAS GRO NAS TIL GSUM 'DRA LA, MON SRAN DANG 'BRAS SOB STE LNGA DANG, RDO RJE MKHA' 'GRO LAS GRO NAS TIL GSUM GYI

, ,STENG DU, MON SRAN GRE'U DANG MUD KA STE LNGA GSUNGS LA, SNGAGS RIM LAS MON SRAN GRE'U DANG MON SRAN RDE'U NI SRAN MA CHE CHUNG YIN PAR GSUNGS, SUM PA RIN PO CHES MDZAD PA'I SMAN GYI MNGON BRJOD LAS, MON SRAN GRE'U LAM SHA, SRAN CHUNG LA MA S'U RA DANG BKRA SHIS CAN, SRAN ZLUM LA HA DE nU, RLUNG SKYED, CIS DANG, DNGOS GRUB RGYA MCHOD SBYIN SREG GI RDZAS KYI BYED LAS GSUNGS PA'I SKABS SU, M'A SHAS STOBS NI CHEN BOR BSHAD, ,CES 'BYUNG BAS MON SRAN GRE'U NI SRAN MA DGAR ZLUM LA BYA'AM DBYAD DE, ,YANG AE PHU MGON PO SKYABS KYIS SMAN MING RGYA BOD SHAN SBYAR BYAS PA LAS, SRAN CHUD NI RGYA NAG GI SKAD DU LAN DHE'U, MON SRAN NA TSAN DHE'U, MDA' RGYUS NI CHI BHYO'U DHE'U, MA SHA NI BZHIN HANG DHA'U ZHES PA 'DUG LA, TSONG RA NAS NYO BA LA, WAN DHE'U NA SRAN MA DKAR ZLUM STENG LTA MANG

BOS SBYIN SREG GI RDZAS SU BYAS BA DE YIN 'DUG ,TSAN DHE'U NI KHA DOG SER SMUG ,SHAS CHER LEB 'JOD GI DBYIBS CAN, SRAN MA GZHAN RNAMS LAS CHE BA ZHIG GO ,CHI shYO'U DHE'U NI SMAD NGOS NAG LA, STONG DMAR PO, ZLUM ZHING 'JONG NYAMS YED PA CHUNG DU ZHIG STE, BOD KYIS DMAR RU MGO NAG ZER RO, ,BZHIN HVAD DHE'U NI DKAR LEB 'JOD BA ZHIG STE, PAGS PA LTA BU'I SHUN PA PHUD NA SER SHAS CHE BA ZHIG TU 'DUG GO ,DBANG DON LAS, SRAN MA MUNG GA SRAN CHUD, ZHES GSUNGS BAS, MON SRAN RDE'U DANG MUD KA DANG SRAN CHUD RNAMS DON GCIG YIN NAM DBYAD, GRO NAS GNYIS LA RIGS MI 'DRA BA MED CING, TIL LA DKAR NAG GNYIS YOD PA LAS, MKHAS GRUB RJE'I DUS 'KHOR DKYIL CHOG TU, TIL DKAR GSUNGS SHING, PHYAG LEN LA'ANG TIL DKAR LA BYED PAR SNANG NGO, ,SMAN LNGA NI NYI SHU PA LAS, BRI H'A T'I; K'AntA K'A RI, HA SA DE BA, AA PA RA DZI TA, DAntA AUTPAL STE LNGA DANG, PHRENG BAR HA SA DE BA MA BGRANGS PAR DAntA AUTPAL DKAR DMAR GNYIS SU PHYE ZHING, DBANG GI RAB BYED LAS, DBANG LAG GCIG TU BGRANGS LA, RDO RJE MKHA' 'GRO LAS, BYA GRI SING GRA'I DBYUG PA YI, ,AUTPAL DANG GZHAN MI THUB, ,HA SA DE BA'I SMAN CHEN BCAS, ,ZHES GSUNGS, DE LA BAM PA RIN PO CHES, BRI T'A T'I NI STAG TSER TE KAntA K'A RI SMUG PO DANG, K'AntA K'A RI NI TSER

, ,MA BYED PA STE K'AntA K'A RI DKAR PO DANG, AA BA RA DZI TA NI GZHAN GYIS MI THUB PA STE SHU NGAG DKAR PO YIN PAR BSHAD, DBANG DON DU HA SA DE BA NI LHAR BCAS, DAntA AUTPAL NI DBYUG PA'I AUTPA LAR BSHAD, SUM PA RIN PO CHES, BY'A GHRI STAG LDAN NAM STAG TSER BYED PA, TSER KHYAB, SENG TSER RNAMS KAntA KA RI DKAR BO'I MING DANG, BYA WA, RA PA DING GAntA GA RI SMUG PO'I MING DU BSHAD; DBANG DON LAS, BY'A GHRI KAntA KA RI DANG, SIm GHRI CHU SRIN SDER MO DANG, HA SA DBANG LAG YIN PAR GSUNGS LA, DE LTAR NA RNAM SRAS KYI BSKANG RDZAS LA, BYA DRI SING DRA HA SI DE BA DANG, ,GAR NI GA DANG SMAN MCHOG RNAM LA DANG, ,ZHES PA'I BYI DRI SING DRI NI KAntA KA RI DANG CHU SRIN SDER MO YIN LA, HA SA DE BA DANG KARNI KA GNYIS KYI NGOS 'DZIN GSAL BA MA MTHONG ZHES DBANG DON DU GSUNGS, RAntA AUDPA LA'I RTZA BA SBYOR DGOS PAR GSUNGS KYANG, SMAN GYIS STOBS RDZAS DANG NGOS 'DZIN GYI YI GE RNAMS SU RAntA AUTPA LA'I BSHAD PA MA MTHONG ZHING, SMAN DU SBYOD BA'I AUTPAL DKAR SER DMAR SNGO BZHI YOD PAR GSUNGS PAS DE DAG GANG RUNG GI MING YIN NAM LOGS SU YOD DAM DBYAD PAR BYA'O, ,BRGYA RTZA'I RNAM BSHAD LAS HA SA DE BA NI CHU SRIN SDER MO YIN PAR BSHAD, DBANG LAG LA SOR MO LNGA YAN CHAD BZANG, SOR BZHI

BA 'BRING, GSUM PA MAN DAN PAR SMAN YIG TU BSHAD PAS 'DIR YANG SOR LNGA BA SOGS SBYAR NA LEGS SO, ,DRI LNGA NI, DBANG DON LAS, GA BUR, GUR GUM, TZAN DAN DKAR DMAR, GLA RTZI STE LNGA GSUNGS SHING; 'DI NI D'A RI KA PA'I BZHED PA YIN PAR GSUNGS SO, ,NAD GI BDUD RTZI LNGA NI, SNGAGS RIM DU PHRENG BA KHUNGS SU DNGAGS NAS GSUNGS SHING, DE YANG RGYAL BA BZANG POS BDE MCHOG GI DKYIL CHOG TU; DRI CHEN DRI CHU BYANG CHUB SEMS, ,DE BZHIN SHA CHEN DANG NI KHRAG ,DE RNAMS BDUD RTZI LNGA ZHES BYA, ,BLA MED BYANG CHUB RGYU YIN NO, ,ZHES BUM RDZAS KYI SKABS SU BSHAD PA LTAR YIN PAR DBANG DON LAS GSUNGS SO, ,SNYING PO LNGA NI, KUN RIG tIKA CHEN LAS, CHU'I SNYING PO LAN TSVA, RTZI THOG GI SNYING PO MAR, ME TOG GI SNYING PO SBRANG RTZI, SHING TOG GI SNYING PO KAR, 'BRU'I SNYING PO TIL MAR TE LNGA GSUNGS SHING, 'GA' ZHIG TIL MAR GYI CHAB LA, SA'I SNYING PO GSER RAM BCUD KYI SNYING PO 'O MA 'DREN PA YANG YOD PAR BSHAD, YE SHES RDO RJE'I RNAM 'JOMS KYI 'GREL PA LAS, LAN TSVA DANG MAR DANG SBRANG RTZI GSUM SNGA MA DANG 'DRA LA, SA'I SNYING PO TIL DANG, SHING THOG GI SNYING PO BU RAM DU BSHAD, DBANG DON LAS, KAR DANG BU RAM NI, BU RAM SHING GCIG NYID LAS 'BYUNG BAS SHING TOG GI SNYING BO YIN PAR 'DRA

, ,LA; 'BRU'I SNYING PO TIL MAR BGRANGS PA NI, TIL 'BRU'I GRAS SU BYUNG BA DANG MI ZLOS PAS LEGS PAR MNGON, ZHES DANG, YANG DBANG DON LAS, DE LTAR BUM RDZAS LNGA PHRAG DRUG BLA MED SPYI THAMS CAD LA 'DRA ZHING, SA RA HA'I THOD PA'I DKYIL CHOG TU SHA LNGA GZHUG PAR YANG GSUNGS, ZHES GSUNGS PAS GSANG BDE 'JIGS GSUM SOGS KYI BUM PA LA GONG GI BUM RDZAS NYER LNGA'AM, SNYING PO LNGA BCAS RDZAS SUM BCU TSAD MA LDUGS NA LEGS LA, DE MA NUS NA GANG 'BYOR GYIS PHYA ZHING, RNAM RGYAL BUM PA LA RDZAS DES PAR DGOS PAR GSUNGS SO,, ` ,,GNYIS PA LAG TU LEN TSUL LA, DBAL RDO RJE 'JIGS BYED KYI BUM RDZAS NI, GSER DNGUL MU TIG ,BYU RU DMAR PO, PADMA? R'A GA'AM DUD NGAM ZANGS TE RIN BO CHE LNGA DANG, GRO NAS, TIL DKAR, TSAN DHE'U ZER BA'I SRAN CHEN SER SMUG GAM SRAN MA DKAR ZLUM, SRAN CHUD LJANG KHU STE 'BRU LNGA, KAntA KA RI DKAR SMUG GNYIS, SHU DAG DGAR BO, DBANG LAG ,DBYUG PA'I AUTPA LA'I RTZA BA'AM AUTPA LA GANG 'BYOR TE SMAN LNGA, GA BUR, GUR GUM, TZAN DAN DKAR DMAR, GLA RTZI STE DRI LNGA, NANG GI BDUD RTZI LNGA'AM BDUD RTZI RIL BU'AM, DRI CHEN GYI TSANG LA DZA TI, DRI CHU LA AA GA RU NAG PO, BYAD SEMS DKAR PO LA COD ZHI, KHRAG LA TZAN DAN DMAR PO,

SHA CHEN LA AA RU GSER MDOG SBYOR, LAN TSVA, MAR KHU, SBRANG RTZI, KA RA, TIL MAR TE SNYING PO LNGA RNAMS SO, ` ,KUN RIG RNAM PAR SNANG MDZAD KYI BUM RDZAS NI, MU TIG BYU RU, GSER, DUNG DAM MU MEN, PADMA R'A GA'AM DNGUL LAM ZANGS TE RIN PO CHE LNGA, KAntA KA RI DKAR SMUG ,SHU DAG ,DBANG LAG ,AUTPAL STE SMAN LNGA 'JIGS BYED DANG 'DRA, NAS, 'BRAS, GRO, SRAN LNGAR, TIL DKAR TE 'BRU LNGA, TZAN DAN DKAR DMAR, DZA TI, GA BUR, GUR GUM STE DRI LNGA, LAN TSVA MAR SBRANG KA RA TIL MAR TE SNYING PO LNGA RNAMS SO, ,'DI NI RNAL 'BYOR RGYUD THAMS CAD LA 'DRA ZHING, tIKA CHEN DU BSHAD MA THAG PA'I BUM RDZAS NYOR LNGA GSUNGS LA, GZHAN LAS BCO LNGA TZAM BSHAD PA'ANG YOD PAR GSUNGS SO, ` ,MGON PO TSE DPAG MED KYI BUM RDZAS NI, GSER DNGUL MU TIG BYU RU MU MEN TE RIN PO CHE LNGA, NAS 'BRAS GRO SRAN TIL TE 'BRU LNGA, SBRANG KA RA ZHO 'O MA MAR TE BDUD RTZI LNGA, SLE TRES, KAntA KA RE DKAR PO, DBANG LAG ,RGYA MTSO'I LBU BA, SHU DAG DKAR PO STE SMAN LNGA, TZAN DAN DKAR DMAR, DZA TI, GA BUR, GUR GUM STE DRI LNGA RNAMS SO, ,'DI NI BYA RGYUD SPYIL SBYAR CHOG PAR GSUNGS, RDZAS KYI TSAD NI, DUS 'KHOR MA GTOGS BA GZHAN LAS CHAD DES

, ,GZUNG MA GSUNGS PAS GANG 'BYOR GYIS CHOG GO ,SBYOR TSUL NI, DBANG DON LAS, DENG SANG BUM RDZAS RNAMS PHYOGS GCIG TU RIL BUR BSRES TE BUM PAR 'DEBS PA RTEN 'BREL GYI RDZAS LTA BUS DANG SHAS CHE YANG, RDO RJE RNAM 'JOMS LAS, RIN CHEN RMA MED TZAN DAN BCAS, ,ZHES PA'I THAD KYI 'GREL PA DU MAR RIN PO CHE BUG PA MED PA DANG MA NYAMS PA DGOS PAR GSUNGS PA LA BRTAGS NA BSDOD PA H'I GZHI'O, ,ZHES GSUNGS PAS RDZAS RNAMS KHROL BU'AM PHYE MA'AM RIL BU GANG RUD BYA, RING DU BSREL NAS DUS DUS SU BUM PA SGRUB PA LA 'JUG RGYU YIN NA RIL BUR BYAS PA LEGS TE, YUN DU BZHAG NA SMAN 'GA' ZHIG GI NUS PA NYAMS PA DANG, GA BUR LTA BU NI YAL 'GRO BA DANG, 'O ZHO LTA BU DUL SUNGS SOGS SU 'GYUR BAS SO, ,DES NA, RLON GYI RIGS RNAMS SO SOR BSKAM, SBRAD BUR BSKOL NAS 'THEN PA SOGS KYIS SBYAR DU DUNG BAR BYA, DE RNAMS PHYE MAR BYAS LA MAR GYI RIGS BSRE, DE NAS SBRANG NGAM BU RAM BSKOL BA'I DVANGS MA LA SBYANG NAS 'DAM BTAGS BYAS TE RIL BU CHE CHUNG GANG 'DOD DU DRIL, KAR YOL GYI SNOD DU BSKOR BA SOGS KYIS SKAM THAG LEGS PAR BYA, MKHO BA'I TSE KHRAM KHRUM BRDUNGS LA BUM PAR LDUG GO ,BYIN RLABS BYA TSUL NI

DKYIL CHOG DU MAR MA GSUNGS PAS MA BYAS KYANG CHAD PA'I SKYON MED LA, SNGAGS RIM SOGS LAS GSUNGS PAS BYAS NA PHUN SUM TSOGS PA'I YAN LAG TU 'GYUR RO, ,DE YANG, RDZAS KHROL BU LA BYED NA, RIN PO CHE DANG SMAN SOGS SNOD SO SOR BZHAG LA, PHYE MA'AM RIL BU YIN NA DE NYID SNOD DU BZHAG NAS, RANG NYID YI DAM GANG 'OS SU BSKYED, RANG GI THUGS KA'I H'Um LAS 'OD ZER 'PHROS, PHYOGS BCU'I RGYAL BA SRAS BCAS KYI BYIN RLABS THAMS CAD BDUD RTZI 'OD ZER GYI RNAM PAR SPYAN DRANGS TE RDZAS RNAMS LA THIM PAR GYUR PAR BSAM LA, SMAN LNGA LA, AOm PANYTZA BE shA DZYE A'A:- H'Um, RIN CHEN LNGA LA, AOm PANYTZA RATNA A'A:- H'Um, DRI LNGA LA, AOm PANYTZA GANDHE A'A:- H'Um, 'BRU LNGA LA, AOm PANYTZA BE GA A'A:- H'Um, SNYING PO LNGA LA, AOm PANYTZA GARBHA A'A:- H'Um, BDUD RTZA LNGA LA, AOm PANYTZA AA MRi TA A'A:- H'Um, ZHES BA RNAMS SO SOR BDUN NAM NYER GCIG SOGS CI RIGS BZLA'O, ,RNAL 'BYOR RGYUD LA BDUD RTZE LNGA DANG, BYA RGYUD LA SNYING BO LNGA MI SBYOR BAS DE DAG GI SNGAGS BZLA MI DGOS SO, ,BUM PAR GZHUG TSUL NI, DKYIL CHOG RIN CHEN PHRENG BA LAS, CHU GTZANG MA SROG CHAGS MED PA DRI BZANG DANG BSRES PAS RAN PAR DGAD, DE DAG GI NANG DU RIN PO CHE LNGA, 'BRU LNGA SMAN LNGA DRI LNGA LA SOGS PA GZHUG ,CES GSUNGS SHING, RJE YAB SRAS KYI GSUNG GZHAN RNAMS LAS KYANG DE LTAR DU 'BYUNG BAS, SNGON DU DRI BZANG GI CHU BLUG ,DE RJES RDZAS

, ,GANG 'TSAM BLUG GO ,BUM CHU'I TSAD NI, DBANG DON LAS, DE'I TSAD DES BZUNG RJE YAB SRAS KYI GSUNG RNAMS LAS MI 'BYUNG LA, 'GRO MGON 'PHAGS PAS, BUM PA CHA GSUM DU PHYI BA'I CHA GNYIS CHUS GAD BA DANG, CHA GCIG STOD PAR 'JOG CING, CHA GNYIS GANG BAS GZUGS SKU GNYIS DANG, STONG PA'I CHA GCIG GIS CHOS SKU MTSON PA YIN GSUNG, ZHES BSHAD PAS GAR 'CHAM GYIS CHOG GO ;'DI RNAMS NI BDAG 'JUG SOGS LA MKHO BA'I LHA BUM BSGRUB PA'I DBANG DU BYAS PA YIN NO, ` ,LHA MCHOD PA'I GAD BUM LA NI, RIN CHEN MDZES PA'I BKRA SHIS BUM PA 'DI, ,SNA TSOGS BCUD KYIS BKANG STE PHUL BA YIS, ,ZHES GSUNGS PAS BUM PA GANG MDZES KYIS BRGYAN PA DANG, NANG DU DKAR GSUM MDAR GSUM SOGS RO BCUD BSRES PA'I CHUS BKAD BA BYA ZHING, KHRUS BUM LA NI, RAB GNAS KYI CHO GAR MNGAR GSUM GYI BUM PA DANG ZHO'I BUM PA SOGS GSUNGS LA, SPYIR BTANG WA, RIN CHEN BUM PA MANG PO SPOS KYI CHU, ,YID 'ONG LEGS PAR BKANG BA GLU DANG NI, ,ROL MOR BCAS BA DU MAS SKU KHRUS GSOL, ,ZHES GSUNGS PA LTAR, KHA DOG DRI RO REG BYA YID DU 'ONG BA STE, KHA DOG NI RNYOG MED DVANGS GTZANG, DRI ZHIM PO, RO MNGAR BA, REG BYA DRO BSIL RAN BA DANG,

GLU ROL BCAS TE 'DOD YON LNGA TSANG BA'I SGO NAS KHRUS 'BUL BA YIN NO, ,DENG SANG KHRUS CHU LA BU RAM SBYAR BA MANG ZHING, DE'I STENG DU DRI BZANG GI RIGS SBANGS BA'I CHU BSRES NA LEGS PAS BSHAD MA THAG PA LTAR BYA'O,, ,,GSUM BRDZAS KYI BYED LAS NI, KHRI CHEN BLO BZANG BSTAN PA'I NYI MA'I ZHAL SNGA NAS KYIS MDZAD PA'I GTOR MA BRGYA RTZA'I RNAM BSHAD LAS, GSER DNGUL MU TIG BYI RU MU MEN TE RIN PO CHE LNGA NI LHA MO NOR RGYUN MAS SANGS RGYAS LA PHUL BAS BKRA SHIS SHING DGOS 'DOD 'BYUNG, MTSON 'KHRUG DANG DBUL BA ZHI BAR BYED, STAG GIS PHUL BAS BYI KRI STE STAG TSER BA DANG MING GZHAN KAntA 'DIR DANG; SENG GES PHUL BAS SING KRI STE MING GZHAN SLE TRES DANG, NAGS KYI LHA MOS PHUL BAS AA PA RA DZI TA DANG GZHAN GYIS MI THUB PA STE SHU DAG DKAR PO DANG, CHU SRIN GYIS PHUL BAS CHU SRIN SDER MOR GRAGS PA STE HA SA DE BA ZHES PA DANG, BRGYA BYIN GYIS PHUL BAS AINDRA HA RI STE DBANG PO LAG BA DANG, SMAN LNGAS NAD SOGS MI 'BYUNG ZHING BDE BA BSKYED, NAS GRO MON SRAN GRE'U 'BRAS TIL BCAS 'BRU SNA LNGAS LONGS SPYOD SOGS 'PHEL ZHING MU GE SOGS ZHI BAR BYED, SPRIN GYI RGYAL MO 'ONG 'CHANG LHA MOS GA BUR DANG, RGYA GAR SKYONG BYED LHA MOS TZAN DAN, KHA CHE DRI BZANG BTZUN

, ,MOS GUR GUM, GSER MDOG LHA MOS AA GA RU, SRIN MOS DZA TI PHUL BAS, DRA LNGAS TSUL KHRIMS RNAM PAR DAG CING NGAN 'GROR MI LTUNG, DRANG SRONG RNAM MANG GIS PHUL BAS SA'I SNYING PO GSER DANG, KLU'I RGYAL PO RGYA MTSOS PHUL BAS CHU'I SNYING PO LAN TSVA DANG, TSOD DBON KA GEN GYIS PHUL BAS ME TOG GI SNYING PO SBRANG RTZA DANG, ZHING PA'I BU SO PA LEGS SKYES MAS PHUL BAS RTZI THOG GI SNYING PO MAR DANG, SPREL RGYAL HA LU MANYDZUS PHUL BAS SHING THOG GI SNYING PO BU RAM STE, SNYING PO LNGAS 'KHOR 'DAS KYI BCUD 'PHEL ZHING, DGOS 'DOD RE BA STER ZHING DON THAMS CAD 'GRUB PAR BYED PAS BUM GTER SOGS SU 'JUG PAR MA ZAD, 'DIR BCUG NA'ANG PHAN YON CHE BAR DAM PA GONG MA RNAMS KYIS GSUNGS SO, ,ZHES DANG, RDO RJE 'JIGS BYED KYI MNGON RTOGS KYI DMIGS RIM LAS, 'BRU LNGAS MU GE'I BSLAL BA LAS THAR PAR BYED, RIN PO CHE LNGAS MCHON GYI BSKAL PA LAS THAR BAR BYED, SMAN LNGAS NAD RIMS KYIS GDUD BA LAS THAR BAR BYED, DRI LNGAS TSUL 'CHAL GYI NYES PA LAS THAR BAR BYED, SNYING PO LNGAS KHA ZAS RE BRGYA DANG LDAN PAR BYED 'O, ,ZHES GSUNGS TE, SPYIR BZA' BTUNG GIS BKRES SKOM SEL BA DANG, SMAN GYIS NAD SAL BA SOGS YOD PA LTAR RDZAS KYI NUS PA BSAM GYIS MI KHYAB BA DANG,

SANGS RGYAS BCOM LDAN 'DAS KYIS BYIN GYIS BRLABS PA'I NUS MTHU BSAM GYIS MI KHYAB PA SOGS RTEN 'BREL MI BSLU BA'I CHOS NYID LA BSAM NAS YID CHES BYAS NA JI SKAD GSUNGS PA'I PHAN YON DIS PAR 'BYUNG NGO, KHYAD PAR DU YI DAM GYI LHA BSGOMS NAS SNGAGS BZLAS PA SOGS BYAS PA'I BUM CHU NI SGO GSUM GYI SDIG SGRIB BAG CHAGS DANG BCAS PA SBYAD BA DANG, TSE BSOD SOGS GANG 'DOD KYI BDE SKYID DANG LEGS TSOGS THAMS CAD YID BZHIN DU 'GRUB PAR BYED PAS NA BDUD RTZI ZHES BYA BA YIN ZHING, BUM PA'I CHUS DBANG BSKUR BAS PHUNG PO LNGA GNAS BSGYUR BA DANG, YE SHES LNGA DANG SKU BZHI THOB PAR 'GYUR BA SOGS DBANG TSOG LAS GSUNGS PA LTAR RO, ,DE LA CHOS DBYINGS LA SHES NI, SGRIB GNYIS SPANGS PA SOGS KYI KHYAD PAR DANG LDAN PA'I CHOS NYID MNGON SUM DU RTOGS PA MTHAR THUG PA'I YE SHES YIN NO, ,MNYAM NYID YE SHES NI; SEMS CAN THAMS CAD LA MNYAM PA NYID DU 'JUG PA BYAMS SNYING RJE GNYIS DANG MTSUNGS PAR LDAN ZHING GDUL BYA LA GANG 'DUL GYI SPRUL PA STON PA'I BYED LAS CAN NO, ,SO SOR RTOG PA'I YE SHES NI, SHES BYA THAMS CAD LA THOGS PA MED PAR SO SOR GZIGS PA STE, 'GRO BA'I THE TSOM SEL ZHING CHOS KYI CHAR 'BEBS PA'I BYED LAS CAN NO, ,BYA SGRUB YE SHES NI, 'JIG RTEN GYI

, ,KHAMS THAMS CAD DU SPRUL PA SNA TSOGS KYI SGO NAS SEMS CAN GYI DON SGRUB PA'I BYED LAS CAN NO, ,ME LONG YE SHES NI, DUS GSUM GYI SHES BYA THAMS CAD RANG RANG GI GAN SKABS JI LTA BA BZHIN MA 'DRES PAR GZIGS PA'O, ,BYIN RLABS NUS PA DE RNAMS NI RIL BU BSGRUB PA SOGS GZHAN LA YANG GO DGOS SHING, BUM SGRUB DANG BDAG 'JUG GI SKABS SU JI SKAD BSHAD PA'I PHAN YON RNAMS THOB PAR GYUR CIG SNYAM DU SMON PA BYAS NA LEGS SO, ,CES BUM SGRUB LA MKHO BA'I RDZAS KYI RIM PA CUNG ZAD BRJOD PA 'DI NI ^ BLA MA DAM PA RNAMS KYI GSUNG RAB DU MA LA BRTEN NAS ^ TSUL KHRIMS KYIS BSGRIGS PA'O, ,'DIS KYAD BSTAN 'GRO YONGS LA PHAN PA'I RGYUR GYUR CIG, ,,MANGGA LAm,, ,,