/NGA17\ TZA PA *, ,DPAL RDO RJE 'JIGS BYED LHA BCU GSUM MA'I BLA BRGYUD GSOL 'DEBS BZHUGS SO, , 19
, ,NA MO GU RU BADZRA BHEE RA WA YA, KHYAB BDAG 'JAM PA'I RDO RJE GSHIN RJE'I GSHED, ,MGON DE DGYES PA KUN BSKYED MKHA' 'GRO'I GTZO, ,ZUNG 'JUG GO 'PHANG MNGON GYUR L'A LI TA, ,GSOL BA 'DEBS SO DNGOS GRUB RNAM GNYIS STZOL, ,GRUB MCHOG DON YOD RDO RJE YE SHES SBAS, RLUNG SEMS DBANG BSGYUR PADMA BADZRA DANG, ,MDO RGYUD MNGA' BDAG MAR ME MDZAD PA'I ZHABS, ,GSOL BA X MTHU TSOGS DBANG PHYUG RVA LO RDO RJE GRAGS, ,'JIG RTEN MIG GYUR CHOS RAB RE SRAS MCHOG ,DPAL LDAN YE SHES SENG GE 'BUM SENG ZHABS, ,GSOL BA X BDUD BZHI'I G-YUL BZLOG RJE BTZUN RGVA LO DANG, ,KUN MKHYEN SHES RAB SENG GE YE SHES DPAL, ,DON GNYIS LHAN GYIS GRUB PA RIN PO CHE, ,GSOL BA X RGYAL BA GNYIS
, ,PA BLO BZANG GRAGS PA'I DPAL, ,MKHAS GRUB DAM PA CHOS KYI RGYAL MTSAN DANG, ,RDO RJE'I SKU BRNYES CHOS KYI RDO RJE'I ZHABS, , GSOL BA X SKU GSUM MNGON GYUR RGYAL BA DBEN SA PA, ,LUNG RTOGS MNGA' BDAG SANGS RGYAS YE SHES ZHABS, ,PAn CHEN BLO BZANG CHOS KYI RGYAL MTSAN LA, ,GSOL BA X RDO RJE 'DZIN PA DKON MCHOG RGYAL MTSAN ZHABS, ,RIGS KUN BDAG PO BLO BZANG YE SHES DPAL, ,MDO RGYUD MNGA' BDAG DON YONG MKHAS GRUB LA, ,GSOL BA X KHYAB BDAG RJE BTZUN NGAG DBANG MCHOG LDAN DPAL, ,BSTAN PA'I GSAL BYED BLO BZANG DPAL LDAN RJE, , DRIN CAN YE SHES BSTAN PA'I SGRON ME'I ZHABS, ,GSOL BA X SRIN NA DKON PA'I MCHOG GYUR RDO RJE THEG ,PHYOGS BRGYAR SPEL LA 'JIGS MED
DBANG PHYUG CHE, ,RDO RJE SEMS DNGOS 'GRO BA'I MGON PO LA, ,GSOL BA X BLO CHEN RGYAL NGANG RGYAL SRAS BZANG PO YI, ,THUGS BCUD 'JAM DBYANGS BLA MA'I LEGS BSHAD RNAMS, ,'DOMS MDZAD DKYIL 'KHOR RGYA MTSO'I BYED PO LA, ,GSOL BA 'DEBS SO DNGOS GRUB RNAM GNYIS STZOL, ,'DI YAN DPEN SA LUGS KYI BRGYUD PA YIN LA, RGYAL BA GNYIS PA BLO BZANG GRAGS PA'I DPAL, ,MKHAS GRUB DAM PA SHES RAB SENG GE DANG, ,ZUNG 'JUG MCHOG BRNYES DPAL LDAN BZANG PO'I ZHABS, ,GSOL BA X MDO RGYUD BSTAN PA'I MNGA' BDAG DGE 'DUN 'PHEL, ,RGYUD DON JI BZHIN GZIGS PA BKRA SHIS 'PHAGS, , DON GNYIS LHUN GRUB BSAM GRUB RGYA MTSO'I ZHABS, ,GSOL BA X YONGS RDZOGS BSTAN PA'I MNGA' BDAG BRTZON 'GRUS 'PHAGS, ,LEGS BSHAD 'BYOR PA'I MDZOD 'DZIN RDO RJE BZANG, ,GDAMS PA'I GTER MDZOD SANGS RGYAS RGYA MTSO'I ZHABS, ,GSOL BA X RTOGS PA MCHOG BRNYES DKON MCHOG RGYA MTSO DANG, ,RIM GNYIS MTHAR SON DKON MCHOG YAR 'PHEL ZHABS, ,MKHAS GRUB NGAG DBANG BLO BZANG CHOS LDAN LA, ,GSOL BA X RIG SNGAGS 'CHANG BA 'JAM DPYANGS BLO GROS DANG, ,RJE BTZUN BLO BZANG BSDAN PA'I NYI MA'I ZHABS, ,DRIN CAN LCANG SKYA ROL BA'I RDO RJE LA, ,GSOL BA X
, ,RAB 'BYAMS RGYAL BA RGYA MTSO'I YE SHES KUN, ,GCIG BSDUS MTHA' YAS DKYIL 'KHOR KUN GYI GTZO, ,'GRAN GYI DO MED GTZUG GI NOR BU LA, ,GSOL BA X BLO BZANG MKHYEN BRTZE'I YE SHES 'OD STONG GIS, ,RGYAL BSTAN PAR TSAL RAB TU RGYAS MDZAD BA'I, ,SKYABS GSUM KUN 'DUS RDO RJE 'CHANG CHEN LA, ,GSOL BA X BLO CHEN RGYAL NGANG RGYAL SRAS BZANG PO YI, , THUGS BCUD 'JAM DBYANGS BLA MA'I LEGS BSHAD RNAMS, ,'DOMS MDZAD DKYIL 'KHOR RGYA MTSO'I BYED PO LA, ,GSOL BA X RGYAL BA KUN GYI YAB GCIG 'JAM PA'I DBYANGS, ,MA DUNGS GDUL DKA' MTHA' DAG 'DUL PA'I PHYIR, ,'JIGS BYED KHRO BO CHEN PO'I SKUR STON PA, ,GSOL BA 'DEBS SO DNGOS GRUB RNAM GNYIS STZOL, ,DE LTAR BSTOD PAS BYANG CHUB SNYING PO'I BAR, , 'GAL RKYEN BDUD BZHI'I G-YUL LAS RNAM RGYAL TE, ,ZHI RGYAS DBANG DRAG GRUB CHEN BRGYAD LA SOGS, ,DNGOS GRUB KUN GYIS RTAG TU 'BYOR GYUR CIG ,MDOR NA DENG NAS TSE RABS THAMS CAD DU, ,'JAM DPAL DPA' BOS DGYES BZHIN RJES BZUNG STE, ,RIM GNYIS LAM GYI RTOGS PA MTHAR PHYIN NAS, ,SKU GSUM GO 'PHANG BDE BLAG THOB GYUR CIG ,CES DPAL RDO RJE 'JIGS BYED
LHA BCU GSUM MA'I DBANG GI BRGYUD PA'I KHA SKONG BLA BRGYUD GSOL 'DEBS 'DI NI, RJE LCANG SKYA RIN PO CHE'I GSUNG GZHING BZHAG PA'I STENG DU, DPEN SA BRGYUD LA JE 'JAM DBYANGS BZHAD PA DANG, SRAD BRGYUD LA MKHAN CHEN RDO RJE 'CHANG, KHRI CHEN RDO RJE 'CHANG, RJE AA KY'A RIN PO CHE RNAMS LA GSOL BA GDAB PA'I SHO LO KA RNAMS NI, ^ RJE THAMS CAD MKHYEN PA AA KY'A RIN PO CHES MDZAD PA YIN NO, ,RJE AA KY'A RIN PO CHES RJE 'JAM DBYANGS BZHAD PA DANG RDO RJE 'CHANG RNAM GNYIS TE GSUM KA LAS DBANG THOB BA YIN ZHING, BDAG GIS RJE BTZUN THAMS CAD MKHYEN PA AA KY'A RIN PO CHE'I ZHAL SNGA NAS KYI DRUNG DU DBANG THOB NAS BRGYUD RIM ZHUS PA'I TSE BSTZAL BA LTAR RANG GZHAN RNAMS KYIS KHA TON SOGS BYED PA LA MKHO BAR BSAM NAS, DGE SLONG BLO BZANG TSUL KHRIMS KYIS BSGRIGS PA'O, ,TSE RABS THAMS CAD DU ZLA MA DAM PA RNAMS KYIS BRTZE BAS RJES SU 'DZIN PA'I RGYUD GYUR CIG, ,,MANGGA LAm,, ,, NANG MCHOD 'BUL BA LA, PHYOGS BCU DUS GSUM GYI ZHES BA NAS, CHOS KYI RGYAL PO TZONG KHA PA CHEN PO'I ZHAL DU AOm A'A:- H'Um, ZHES PA'I BAR 'JAM DPAL DGONGS RGYAN LTAR KHA, DE NAS, MKHAS GRUB DGE LEGS DPAL BZANG PO'I X PAn CHEN CHOS KYI RGYAL MTSAN GYI X GRUB CHEN CHOS RDO RJE'I X RGYAL BA BLO BZANG DON GRUB KYI X MKHAS GRUB SANGS RGYAS YE SHES KYI X PAn CHEN THAMS CAD MKHYEN PA
, ,BLO BZANG CHOS KYI RGYAL MTSAN DPAL BZANG PO'I X RDO RJE 'DZIN PA DKON MCHOG RGYAL MTSAN DPAL BZANG PO'I X PAn CHEN RIN PO CHE BLO BZANG YE SHES KYI X RJE DON YOD MKHAS GRUB KYI X KHRI CHEN NGAG DBANG MCHOG LDAN DPAL BZANG PO'I X KUN MKHYEN BLO BZANG DPAL LDAN RIN PO CHE'I X RJE THAMS CAD MKHYEN PA LCANG SKYA DOL PA'I RDO RJE YE SHES BSTAN PA'I SGRON ME DPAL BZANG BO'I X RJE 'JAM DPYANGS BZHAD PA DKON MCHOG 'JIGS MED DBANG PO DPAL BZANG PO'I X DRIN CAN RTZA BA'I BLA MA RDO RJE 'CHANG CHEN PO BLO BZANG 'JAM DBYANGS RGYA MTSO DPAL BZANG PO'I ZHAL DU AOm A'A:- H'Um, SLAR YANG CHOS KYI RGYAL BO TZONG KHA BA CHEN PO'I X MKHAS GRUB BSTAN PA'I NYI MA DGE LEGS DPAL BZANG PO'I X RJE BTZUN SHES RAB SENG GE'I X 'DUL 'DZIN DPAL LDAN BZANG BO'I X 'JAM DBYANGS DGE 'DUN 'PHEL BA'I X RGYUN CHEN BKRA SHIS 'PHAGS PA'I X RGYUD CHEN BSAM GRUB RGYA MTSO'I X RGYUD CHEN BRTZON 'GRUS 'PHAGS PA'I X RGYUD CHEN RDO RJE BZANG PO'I X RGYUD CHEN SANGS RGYAS RGYA MTSO'I X RGYUD CHEN DKON MCHOG RGYA MTSO'I X RGYUD CHEN RDO RJE 'CHANG DKON MCHOG YANG 'PHEL GYI X RJE NGAG DBANG BLO BZANG CHOS LDAN DPAL BZANG PO'I X SNGAGS 'CHANG 'JAM
DBYANGS BLO GROS KYI X RJE BLO BZANG BSTAN PA'I NYI MA'I X RJE ROL BA'I RDO RJE'I X RIGS BRGYA'I KHYAB BDAG RJE BTZUN RDO RJE 'CHANG RGYA MTSO MTHA' YAS DPAL BZANG PO'I X THUB BSTAN YONGS RDZOGS KYI MDA' BDAG RJE BTZUN RDO RJE 'CHANG CHEN PO BLO BZANG YE SHES BSTAN PA RAB RGYAS DPAL BZANG PO'I X DRIN CAN RTZA BA'I BLA MA RDO RJE 'CHANG CHEN PO BLO BZANG 'JAM DBYANGS RGYA MTSO DPAL BZANG PO'I ZHAL DU AOm A'A:- H'Um, GZHAN YANG DBANG BSKUR ZHES PA MAN 'JAM DPAL DGONGS RGYAN LTAR RO, ,RDO RJE 'JIGS BYED LHA BCU GSUM MA'I SGRUB THABS KYI NANG DU NANG MCHOD 'BUL BA'I TSIGS DAG 'DON DU JI LTAR BYA TSUL 'DI NI, ^ RJE THAMS CAD MKHYEN PA AA KY'A RIN PO CHE NAS DBANG THOB PA'I BRGYUR RIM LTAR, RJE BLA MA GANG GI BKA' 'BANGS THA SHAL BA TSUL KHRIMS KYIS BSGRIGS PA DGE LEGS SU GYUR CIG, ,, ^ BCOM LDAN 'DAS DPAL RDO RJE 'JIGS BYED LHA BCU GSUM MA'I BUM PA'I CHO GA BZHUGS SO,, ,,BLA MA DANG 'JAM DPAL GSHIN RJE'I GSHED DBYER MA MCHIS PA'I ZHABS LA GUS PAS PHYAG 'TSAL LO, ,'DING BCOM LDAN 'DAS DPAL RDO RJE 'JIGS BYED LHA BCU GSUM MA'I BUM PA'I CHO GA BSHAD PA LA, GO BA SKYED PA'I RIM PA DANG CHO GA DNGOS SO, ,DANG PO LA, DON TSAN BCU GCIG
, ,TU YOD PA LAS, DANG PO BUM PA'I RGYU NI, GSER DNGUL ZANGS RAG DANG 'JIM PAS KYANG BYA RUNG BAR GSUNGS SO, ,GNYIS PA TSAD NI, LTO BA'I MTHA' BSKOR DU MTHO LNGA STE, ZHED LA SOR NYI SHU, MGRIN PA'I DPANGS SOR BRGYAD, ,BA'I 'GREM NAS 'PHYAR BA'I MA CHU LA SOR GNYIS YOD BAR GZHUNG MANG PO LA GSUNGS LA, DUS 'KHOR NAS BUM PA'I DPANGS LA SONG NYI SHU, ,PA'I MTHA' NAS MTHA'I BAR LA SOR BRGYAD YOD PA'I CHA GNYIS MGUL BA'I SPUBS STOB DANG, CHA GCIG G-YAS G-YON GYI SNYONG GU TSAD DU GSUNGS, RNAM RGYAL BUM PA'I TSAD 'DI LTAR BYA ZHING, BUM PA GZHAN LA TSANG NGES GZUNG MI DGOS PAR BZHED DO, ,RTZA BA'I ZHABS STEGS MA 'BYAR BAR GSUNGS KYANG DA LTAR PHAL CHER 'BYAR BA BYAS PA NI 'JOG BDE BA'I CHED YIN PA 'DRA ZHING, CHU 'DZAG PA'I SPU GU CAN GYI MCHU BYA BAR MA GSUNGS KYANG LHA LA KHRUS GSOL PA SOGS LA BDE BA'I PHYIR PHYAG LEN LA MDZAD DO, ,GSUM PA KHA DOG NI, DNGUL BUM LTA BU RANG BZHIN GYIS DKAR NA DES CHOG LA, DE MIN NA 'BRAS PHYE'AM THOD LE KOR RAM TZAN DAN NAM RDO GYUR DANG SA DKAR SOGS KYIS BSGYUR BAR GSUNGS PAS, DKAR RTZI BYUGS NAS SRA RTZIS
BRTAN PAR BYAS NA BZANG NGO, ,BZHI PA GRANGS NI, RGYAS PAR NA LHA BCU GSUM, THOD BA BZHI BCAS LA BCU BDUN, LAS BUM BCAS BCO BRGYAD DANG, DE LAS BSDU NA BCU DANG, DRUG TU YANG RUNG BA 'DRA LA, SHIN TU BSDU NA LHA BUM DANG LAS BUM GNYIS, DE'ANG MED NA BUM PA GCIG GIS CHOG PAR GSUNGS SO, ,RDO RJE 'JIGS BYED KYI DKYIL CHOG RIN CHEN PHRENG BAR MI GSAL YANG, GSANG 'DUS KYI DBANG BSHAD DU SHAR DANG SHAR LHO BA RNAMS BUM PA GCIG TU BSKYED PA SOGS GSUNGS LA, DE LTAR BYED TSE GTZO BO'I BUM PA NI RNAM RGYAL BUM BA YIN ZHING, 'KHOR RNAMS KYI BUM PA NI LTA BUM YIN KYANG RNAM RGYAL MIN PAR GSUNGS SO, ,LNGA PA MTSAN MA NI, GTZO BO LA CHOS 'BYUNG GI DBUS SU SNA TSOGS PADMA DANG NYI MA'I STENG DU H'Um YIG GAM RDO RJE SNGON PO GYEN 'GRED 'BRI, BUM PA MANG NA LHA SO SO'I SA BON SOGS 'BRI DGOS KYANG 'DIR BUM PA GNYIS KYI DBANG DU BYED NA RIGS BZHI'I MTSAN MA BYA STE, DE YANG BUM PA'I GDONG LA GTZO BO'I MTSAN MA DANG, DE'I 'OG TU SNA TSOGS PAD ZLA LA 'KHOR LO DKAR PO RTZIBS BRGYAD PA, BUM PA'I G-YAS NGOS SU PAD NYID RIN PO CHE SER PO, RGYAB TU PAD NYID PADMA DMAR PO, G-YON DU PAD NYID
, ,RAL GRI LJANG KHU BYA, SA BON ZIN RIM BZHIN KshE MA MER BZHI 'BRI, LAS BUM LA PAD NYIR RAL GRI LJANG KHU'AM RA YIG 'BRI'O, ,'DI RNAMS BUM PA LA 'BRI BA'AM TZA KA LI BRIS NAS GDAGS KYANG RUNG, BUM PA GCIG YIN NA PHRAG DOG GSHIN RJE GSHED KYI MTSAN MA'I G-YON DU LAS KYI MTSAN MA BYA'O, ,DRUG PA MGUL CHINGS NI, RIN CHEN PHRENG BA LAS, GOS DKAR PO LA SOGS SNA LNGA GANG RUNG ZUNG GIS MGUL PA BROG GSUM PA'I TSUL GYIS BCING, ZHES GSUNGS PA LTAR, GOS RAS SNAM THAR SOGS GTZANG MA, DKAR SER DMAR LJANG SNGO GANG RUNG NYIS RIM DU BYA, 'CHED TSUL NI THOG COG GAM PHROG GSUM PA'I TSUL DU BUM PA'I MGUL LA BCINGS PA'I STENG NAS SRANG BU DKAR SER SOGS BDUN GYIS DKRI, ,DE YANG SRANG BU LA H'Um LAN BDUN BZLAS SHING, DKRI BA'I TSE, AOm BADZRA SHE KHA RA RU tA MA tA DI SHAm BA NA DHA H'Um ZHES BRJOD, YANG BUM PA'I MGUL DU ME TOG GI PHRENG BA 'CHING BAR YANG GSUNGS PAS SPRON BYA, BROG GSUM NI 'CHING RGYU'I GOS SOGS KYI SNE GNYIS BSNOL NAS MDUD BA BRGYAB BAS BUM PA'I G-YAS G-YON RGYAB GSUM DU RNA BA LTA BU ZHIG 'ONG BA'O, ,BDUN PA CHU
SOGS BLUG TSUL NI, BUM PA LA GU GUL GYIS BDUG ,KHAtGA DHRi KA BZLAS TE YUNGS DKAR GYIS BRAB, RTA BONG SOGS KYIS BTZOG PAR MA BYAS PA'I CHU GTZANG MA SROG CHAGS MED PA DRI BZANG BSRES PAS RAN PAR DGANG, 'DI LA DRI BZANG NI, TZAN DAN DKAR DMAR RGYA SPOS GA BUR GUR GUM AA KA RU RNAMS YIN PAR GSUNGS, DE'I NANG DU BUM RDZAS NYER LNGA GZHUG PAR GSUNGS TE BUM RDZAS KYI NGOS 'DZIN NI LOGS SU 'BRI BAR BYA'O, ,BRGYAD PA KHA RGYAN NI, DRI ZHIM ZHING 'BRAS BU CAN GYI SHING GI YAL GA LO MA ME TOG BCAS PA'AM, LDUM BU BZANG POS KYANG BYA BAR GSUNGS PAS, SHING GI YAL GA'AM RTZVA'I RIGS GANG 'OS BUM PA'I KHAR BTZUGS, DE YANG YAL GA RNAMS BKRAD PAR BYAS PA'I DBUS SU DUNG CHOS 'JIG TU RUNG BA DANG, YAL GA NAS BLANGS TE CHU 'THOR DU RUNG BA BYA DGOS SHING, DE 'DRA MA RNYED NA YU BA RING PO CAN GYI BCOS MA'I ME TOG GIS KYANG RUNG BA 'DRA'O, ,DGU PA DUNG CHOS NI, DUNG DKAR CHE CHUNG GANG 'BYOR RAM THOD PA'AM RDZA PHOR GYIS KYANG CHOG PAR GSUNGS SHING, ZANGS RAG GIS BZOS PA'I DUNG CHOS KYI TSAB KYIS KYANG RUNG BAS, DUNG GI 'KHYIL BA'I NGOS RANG LA BSTAN TE BUM PA'I KHAR BZHAG
, ,PA'I NANG DU BDUD RTZI LNGA DANG DRI BZANG GI CHU BLUGS PA'O, ,BCU PA GZUNGS RDOR NI, RDO RJE RTZE LNGA PA'I LTE BA LA ME TOG GI PHRENG BA DANG BCAS PA'I GZUNGS THAG 'DOGS PA STE, RDO RJE 'DI DUNG CHOS KYI KHAR 'PHRENG LA 'JOG PA YIN NO, ,GZHUNG MANG POR RDO RJE 'DI LA ME TOG GI PHRENG BCING BA LAS GZHAN MA GSUNGS LA, KUN RIG tI KA CHEN DU SKUD PA GDAGS BAR GSUNGS KYANG KHA DOG SOGS MI GSAL, LAG LEN DU KHA DOG SNGA LNGA'I DAR SKUD BTAGS PAR SNANG NGO, RIN CHEN PHRENG BAR YE THIG GI SKUD PA LA, NAG DKAR SER DMAR LJANG BA'I RAS SKUD RIGS LNGAR BSKYED NAS THIG GA DAB PAR GSUNGS SHING, DKYIL CHOG DU MAR, RAS SKUD GTZANG MA KHA DOG LNGA SO SOR LNGA LNGA STE NYID LNGA MJUR MDUD MED PAR LEGS PAR BSGREL BA LA YE SHES LNGA SOGS KYI NGO BOR MOS NAS THIG GDAB PAR GSUNGS PAS, GZUNGS THAG LA DE'I RIGS PA SBYOR RAM DBYAD DO, ,BCU GCIG PA DE RNAMS KYI DAG PA NI, BUM PAS LHA'I GZHAL YAS KHANG MTSON, DE BZHIN DU, ,BRGYAN MGUL CHINGS KYIS RTA BABS, GZUNGS THAG GIS THUGS RJE, SMAN LNGAS LHA RNAMS KYI SNYING RJE DANG BYANG SEMS, 'BRU
LNGAS LHA'I NGO BO, RIN CHEN LNGAS SKU'I 'OD ZER, SNYING PO LNGAS THUGS KYI DBYINGS, DRI LNGAS YON TAN MTSON PAR MNYAM SBYOR GYI DKYIL CHOG LAS GSUNGS, BIM LA MI TRA'I RNAM 'JOMS KYI 'GREL PAR, 'BRU LNGAS SKU LNGA THOB, KHA RGYAN GYIS 'DOD DON 'GRUB, DRI LNGAS LAS RAB 'BYAMS 'GRUB, SNYING PO LNGAS YE SHES LNGA THOB PAR GSUNGS, SMRi TIS, SMAN LNGAS ZAG BCAS KYI PHUNG PO LNGA DAG NAS BRAG MED KYI PHUNG PO LNGA THOB, 'BRU LNGAS SA SOGS KHAMS LNGA DAG NAS YE SHES LNGA THOB, RIN PO CHE LNGAS RO SOGS YUL LNGA DAG NAS SKU GSUNG THUGS YON TAN 'PHRIN LAS RNAMS THOB PAR GSUNGS PAS, DE RNAMS SHES NAS SLA CHOS SU MI BYA BAR CI NUS KYIS TSANG BAR BYAS NA SNGAGS KYI BYIN RLABS DANG RDZAS KYI ZHUS PA SOGS KYI RTEN 'BREL GYIS PHAN YON DES PAR 'BYUNG NGO, ,SNGAR BSHAD PA DE LAS BUM PA'I GRANGS DANG MTSAN MA SOGS 'GA' ZHIG MA GTOGS PA GZHAN RNAMS NI BUM SGRUB GZHAN LA YANG 'DRA'O, ,GNYIS BA CHO GA LA, BSHAM TSUL NI, BUM BA GNYIS KYI DBANG DU BYED NA, SGRUB PA PO'I MDUN DU STEGS KYI KHAR 'BRAS DKAR RAM KU SHA'I GANG NA LA LTA BU MA DANG, DE'I G-YON DU LAS BUM BSHAMS, BUM PA GNYIS LA BUM RDZAS DANG KHA RGYAN, RNAM BUM LA DUNG CHOS
, ,GZUNGS RDOR SOGS THAMS CAD SNGAR BSHAD PA LTAR BYA, DE'I MDUN DU MCHOD PA LHA GRANGS DANG MNYAM PA'AM, TSAR GNYIS SAM GCIG BUM LHA'I G-YAS NAS BRTZAMS TE BSHAMS, RDOR DRIL 'THOR 'BRU RNAMS KYANG BSHAM MO, ,DE NAS, BUM PA BSKYED PA LA LAS SNGAGS KYIS BSANG BAR GSUNGS PA YOD KYANG, RJE'I DKYIL CHOG TU, BUM PA RNAMS LAS THAMS CAD PAS BSANG, SH'U N+YA TAS STONG PAR SBYANGS, ZHES GSUNGS PAS, AOm KHAtGA DHRi KA H'Um PHAt KYIS BSANG, AOm SH'U N+YA TE DZNY'A NA BADZRA SVA BH'A WA A'ADMA KONYHAm, BUM PA RNAMS STONG PA NYID DU GYUR, STONG BA'I NGANG LAS BAm BAm LAS BYUNG BA'I RIN PO CHE'I BUM PA DKAR PO LTO PA CHE BA, MGRIN PA RING BA, MCHU 'BYAR BA LA SOGS PA MTSAN NYID THAMS CAD DANG LDAN PAR GYUR, AOm T'A BHE T'A BHE MA H'A T'A BHE SV'A H'A, LAN GNYIS, LHA'I CHU BO GANGG'A DANG BUM PA'I CHU DBYER MI PHYAR PAR GYUR, RNAM RGYAL BUM PA PHYI BUM PA LA NANG GZHAL YAS KHANG GDAN DANG BCAS PA'I RNAM PA CAN DU GYUR PA'I DBUS SU, H'Um LAS RDO RJE H'Um GIS MTSAN PA, SHAD DU KshE LAS 'KHOR LO KshE SA MTSAN PA, ZHES PA NAS, PHYI'I GRVA BZHIR nA YO NI DA'I YI GE BZHI RNAMS 'OD ZER 'PHRO ZHING 'DU BAR GYUR, GTI MUG GSHIN RJE GSHED KYIS BON LA NANG GI ZHES PA'I TSIG DOR BAS TZA RTZI KA
LA'ANG 'DRA SNYAM LA, THOD PA BZHI'I SA BON LA PHYE'I GRA BZHI ZHES 'BYUNG BAS DPYAD DGOS SO, ,PHYAG MTSAN SA BON GYIS MTSAN PAD ZHA RNA YONGS SU DAG PA LAM DPAL RDO RJE 'JIGS BYED LHA BCU GSUM GYI SKUR YONGS SU RDZOGS PAR GYUR PA NI, DBUS KYI GDAN LA DPAL RDO RJE 'JIGS BYED CHEN PO ZHES PA NAS, KLONG DKYIL NA BZHUGS PA, DAM TSIG SEMS DPA'I X 'OD ZER LNGA 'PHRO BA, DE'I DPANG NA X G-YON PAS YAB LA 'KHYUD PA, SHAR DU GTI MUG GSHIN RJE'I GSHED ZHES PA NAS, MI'I THOD PA BDUD RTZIS GANG BA BZHIN GYUR, ZHES PA'I BAR SGRUB THABS LTAR YANG YUM ZHAL SPYOD DU BSKYED LA, TZA RTZI KA BSKYID PA'I SKABS KYI NANG GI ZHES PA'I TSIG DANG, RNAM RGYAL BUM PA'I MTSAN MA LNGA'I GNAS SU, THUN MONG GI GDAN SNA TSOGS PADMA RE RE, THUN MONG MA YIN PA'I GDAN NYI MA ZLA BA NYI MA GSUM, GDAN DE RNAMS KYI STENG DU H'Um LAS RDO RJE H'Um GIS MTSAN PA, KshE LAS 'KHOR LO KshE SA MTSAN PA, MA LAS RIN PO CHE MAS MTSAN PA, ME LAS PADMA MES MTSAN PA, DA LAS RAL GRI RAS MTSAN PA, DE RNAMS YONGS SU GYUR PA LAS DE BZHIN GSHEGS PA LTAR GYUR PA NI, DPAL RDO RJE 'JIGS BYED CHEN PO SKU MDOG MTHING DANG ZHAL DGU, PHYAG SO BZHI,
, ,ZHABS BCU DRUG PA X ME DPUNG RAB TU 'BAR PA'I GLONG DKYIL NA BZHUGS PA, GTI MUG GSHIN RJE'I GSHED DKAR PO DKAR SNGO DMAR BA'I ZHAL GSUM PHYAG DRUG GI DANG PO GNYIS KYIS GRI GUG DANG THOD BA THUGS KAR 'DZIN CING, LHAG MA G-YAS GNYIS 'KHOR LO DANG RAL GRI, G-YON GNYIS NOR BU DANG PADMA 'DZIN PA, SER SNA GSHIN RJE'I GSHED SER PO X G-YON GNYIS 'KHOR LO DANG PADMA 'DZIN PA, 'DOD CHAGS GSHIN RJE'I GSHED DMAR PO X G-YON GNYIS NOR BU DANG 'KHOR LO 'DZIN PA, PHRAG DOG GSHIN RJE'I GSHED LJANG GU X G-YON GNYIS NOR BU DANG PADMA 'DZIN PA, LAS BUM GYI NANG NGANG MTSAN MA'I GNAS SU SNA TSOGS PADMA DANG NYI MA'I GDAN RA RE, GDAN DE GNYIS KYI STENG DU RA LAS RAL GRI RES MTSAN PA GNYIS YONGS SU GYUR PA LAS RAL GRI GSHIN RJE'I GSHED GNYIS SU GYUR PA NI, SKU MDOG LJANG GU LJANG SNGO X G-YON GNYIS NOR BU DANG PADMA 'DZIN PA, RNAM BUM GYI MTSAN MA'I LHA LNGA DANG LAS BUM GYI LTA GNYIS TE BDUN PO YAB KYANG YIN PAS, 'JIGS BYED LA, MTSAN MA GYEN DU 'GRENG BA, ZHES PA'I TSIG SPYOD, GZHAN RNAMS YUM MED PAR GRI THOD THUGS KAR 'DZIN PAR BSKYED DO, ,GTZO 'KHOR
THAMS CAD KYI MIG GNYIS SU KshIm KshIm, RNA BA GNYIS SU DZRIm DZRIm, SNAR KHAm, LCE RA RAm, DPRAL BAR KAm, ,LTE BAR SAm, SPYI BOR AOm, MGRIN PAR A'A:- THUGS KAR H'Um GYIS MTSAN PA, AOm HR'I:- H'Um BHO MA H'A KRI DHA A'A GATZTSA A'A GATZTSA AASM'A DA PU DZA PA TI GRiHNAN'A BRA SA DA ME DHR'I M'A NA KU RU SV'A H'A, RANG GI THUGS KA'I H'Um LAS 'OD ZER 'PHROS, RANG BZHIN GYIS GNAS NAS BSGOMS PA DANG 'DRA BA'I YE SHES GYI 'KHOR LO SPYAN DRANGS, AOm HR'I:- sht'I:- WI KRi T'A NA NA H'Um PHAt, AOm HR'I:- shtR'I:- HA:- X AOm BADZRA SHAPTA A'A:- H'Um, AOm MUNGGA DA DZA:- AOm DAntA H'Um, AOm PADMA BAm, AOm KHANGGA PHO:- AOm HR'I:- H'A BHO X KU DU SV'A H'A, SLAR YANG DANG GI THUGS KA'I H'Um LAS 'OD ZER 'PHROS PAS, PHYOGS BCU NA BZHUGS PA'I SANGS RGYAS SRAS DANG BCAS PA MDUN GYI NAM MKHAR SPYAN DRANGS, AOm HR'I:- shtR'I:- HA:- X SHAPTA A'A:- H'Um, DE BZHIN GSHEGS PA RNAMS KYIS 'DI LA ZHES PA NAS, BYANG DANG BYANG SHAR BA RNAMS LA DON GRUB, MTSAN MA'I LHA RDO RJE 'JIGS BYED LA MI BSKYOD PA, GTI MUG GSHIN RJE'I GSHED SOGS LA RNAM SNANG SOGS BZHI DANG RAL GRI GSHIN RJE'I GSHED GNYIS LA DON GRUB KYIS DBU BRGYA CING DBANG GI LHA RNAMS DE NYID LA THIM PAR GYUR, ZHES LHA BSKYED CING DBANG BSKUR RGYAS GDAB RNAMS BYA, MCHOD BSTOD NI,
, ,HR'I:- shtI:- SA BSANGS, SVA BH'A WAS SBYANGS, STONG PA'I NGANG LAS AA LAS BYUNG BA'I THOD PA X SHAPTA A'A:- H'Um, CHOS DBYINGS RNAM DAG YE SHES RANG BZHIN LAS, ,SGYU MA'I RNAM 'PHRUL LHA MO MCHONG YON MA, ,BCOM LDAN BUM PA'I LHA TSOGS MNYES PHYIR 'PHUL, ,RDO RJE MCHOD YON MA YIS MNYES GYUR CIG ,AOm AA M'ANTA KA SA PA RI W'A RA AARGHAm PRA T'I TZTSA H'Um SV'A H'A, ZHES SOGS SHABDA'I BAR GYIS MCHOD, AOm HR'I:- sht'I:- WI KRi T'A NA NA H'Um PHAt, AOm A'A:- H'Um, AOm BADZRA BEE T'A LI NAS AOm BADZRA RA TI H'Um PHAt, AOm A'A:- H'Um, AOm KHAtGA DHRi KA H'Um PHAt, AOm A'A:- H'Um GIS NANG MCHANG DBUL, GNYIS MED THUN MONG MA YIN X ,DKYIL 'KHOR GTZO LA PHYAG 'TSAL BSTOD, ,PHRAG DOG RDO RJE'I NGO BO KHYOD, ,SOGS KYIS BSTOD, ,SNGAGS BZLA BA NI, DUNG CHOS KYI CHU LA DMIGS TE, AOm BADZRA AA MRi TA AU DA KA thA H'Um, LAN BDUN, DUNG CHOS KYI CHU YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU GYUR PAR BSAM, RIN CHEN PHRENG BAR, BUM BSKYED KYI SNGA ROL DU RNAM BUM GYI KHAR DUNG CHOS 'JOG PA'I TSE SNGAGS 'DI BZLA BAR GSUNGS, DE NAS G-YON PA'I RDO RJE KHU TSUR GYIS GZUNGS THAG BZUNG LA, RANG GI THUGS KA NAS SNGAGS KYI PHRENG BA GZUNGS THAG LA 'KHRIL TE BUM PA'I NANG GI
LHA RNAMS KYI THUGS RGYUD BSKUL, BDUD RTZI'I RGYUN BABS PAS BUM PA GANG BAR GYUR PAR BSAMS LA, YA MA R'A DZA, HR'I:- shtR'I:- YA M'ANTA KA ,BADZRA BI DHA LI SOGS BZLA, GZUNGS RDONG LAS BUM GYI KHAR BZHAG LA, KHAtGA DHRi KA BZLA, SLAR YANG RNAM BUM GYI STENG DU BZHAG LA, AOm BADZRA AU DA KA H'Um, ZHES BZLAS TE CHU BYIN GYIS BRLAB BO, ,'DIR RIN CHEN PHRENG BA LAS, SO SO'I SNGAGS DANG, CHU LA AU DA KA DANG, LAS BUM LA KHAtGA DHRI RNAMS BRGYA RTZA BRGYAD BZLA BAR GSUNGS, PAn CHEN RIN PO CHES BRGYA RTZA DE BZLA BAR GSUNGS, SNGAGS KYI GRANGS 'DI LTAR MA NUS NA GAD 'GRUB BYA, RGYAL DBANG RIN PO CHES, AU DA KA'I SNGAGS 'DI BUM PA THAMS CAD LA BZLA BA LHAN THABS 'GAR 'DUG KYANG RIN CHEN PHRENG BA SOGS LAS MI GSAL BAS DPYAD, CES GSUNGS LA, PAn CHEN RIN PO CHE SOGS KYIS LAS SNGAGS KYI RJES SU BZLA BAR GSUNGS LA, RJE RIN PO CHES DE'I GONG DU GSUNGS BAR SNANG NGO, ,THU'U BKVAN RIN PO CHES, BZLAS PA'I DMIGS PA LA, BUM PA'I LHA'I THUGS RGYUD BSKUL BAS, BUM SA'I LHA RNAMS KYI THUGS KA'I SNGAGS PHRENG LAS 'OD ZER 'PHROS, YE SHES KYI BDUD RTZI BKUG NAS SNGAGS PHRENG LA THIM PAR BSAM GSUNG, BZLAS PA RDZOGS PA'I MJUG TU GSHIN RJE'I GSHED KYI YIG BRGYA GSUM MAM GCIG BRJOD DE GZUNGS THAG BSDU, HR'I:- sht'I:- DANG H'Um LAN BDUN BRJOD DE, BAR SKOR SNGO
, ,DU 'GRO BAS DUNG CHOS BLANGS NAS, BUM PA GNYIS KAR DUNG CHOS KYIS MCHOD YON RE RE PHUL, AOm KHAtGA DHRi KA H'Um PHAt, CES BRJOD CING ME TOG DKAR PO GSUM GSUM PHUL, 'DIR DKYIL CHOG LAS, ME TOG DKAR PO GSUM GZHUG CES GSUNGS PAS BUM PA'I NANG DU LDUG DGOS KYANG LAG LEN LA 'THOD BAR SNANG, AOm YA M'ANTA KA SA PA RI W'A RA PUshPE NAS SHAPTA BRA T'ITZTSA H'Um SV'AH'A, RNAM BUM LA LAS BUM GYI CHU DANG, AOm KHAtGA DHRi KA H'Um PHAt KYIS BSANGS LA, JI SRID DKYIL 'KHOR CHEN PO'I BYA BA RNAMS MA RDZOGS PA DE SRID DU BGEGS RNAM PAR PA ZLOG PA'I 'PHRIN LAS MDZAD CIG , CES LAS BCOL, MKHAS GRUB RJES BDE CHEN ROL MCHOD LAS BUM GYI CHU 'DI BUM BA THAMS CAD LA 'THONG BAR GSUNGS SHING, BUM PA BSANG STE BSRUNG BA DANG MNYAM DU LAS LHA LA GSOL BA BTAB PA YIN NO, ,BUM PA'I LHA RNAMS CHAGS PA CHEN PO'I MES ZHU NAS BYANG CHUB KYI SEMS KYI NGO BOR BUM PA'I CHU DANG RO GCIG TU GYUR, GZHAL YAS KHANG BUM PA LA THIM ZHING, MTSAN MA'I LHA RNAMS KYANG ZHU NAS LHA RANG RANG GI PHYAG MTSAN GYI RNAM PAR GYUR, CES BUM LHA BZHU BAR BYA, BUM MTSAN LAS BON BRIS PA YIN NA, RANG RANG GI SA BON GYI RNAM PAR GYUR, ZHES BRJOD DO, ,DKYIL CHOG TU, ME TOG GSUM
BUM PA'I RJES SU LHA BZHUS NAS, ME TOG SOGS KYIS MCHOD PA DANG LAS BCOL BYA BAR GSUNGS, SNGAGS RIM SOGS LAS MJUG TU BZHU BAR GSUNGS PA LTAR 'DIR BKOD PA YIN, MJUG MCHOD 'DI LA DRI CHAB SNGON DU BYA BAR BZHED PA YOD KYANG DKYIL CHOG NA ME TOG LA SOGS PAS MCHOD CES GSUNGS SO, ,DE NAS RNAM BUM NI DKYIL THAR GI NYE BA SOGS DBEN PAR KU SHA'I STENG DU BZHAG LA AA GA RU SOGS KYIS BDUG PA'I RAS KYIS BKAB, DBANG GI TSE SLAD MDUN DU BZHAG NAS DBANG LEN NO, ,MCHOD PA SOGS BSDU, LAS BUM KU SHA'I CHUN PO DANG BCAS SGRUB BA PO'I NYE LOGS SU 'JOG ,BUM SGRUB KYI TSE YAL 'DAB KYIS KHA BRGYAN PA DANG, SGRUB ZIN BA'I RJES SU KU SHAS CHU 'THOR BA YIN NO, ,BUM BSKYED KYI CHO GA 'DI NI ^ RJE RIN PO CHES MDZAD PA'I DKYIL CHOG RIN CHEN PHRENG BA DANG, RGYAL DBANG RIN PO CHE'I DBANG BSHAD DANG, PAn CHEN RIN PO CHE'I BUM CHOG SOGS LA BRTEN NAS BSGRIGS PA'O, ,'DIS KYANG BSTAN 'GRO YONGS LA PHAN PA'I RGYUR GYUR CIG, ,,MANGGA LAm,, ,, ` DKYIL 'KHOR SGRUB PA'I SKABS SU SNYAN GSAN SOGS BYA BA'I RIM PA BZHUGS SO,, ,,NA MO GU RU, BCOM LDAN 'DAS DPAL RDO RJE 'JIGS BYED LHA BCU GSUM MA'I SGRUB THABS LA, BDAG
, ,BSKYED RKYANG PA BSGOMS NAS BSNYEN PA BYA TSUL NI RJE RIN PO CHES ZA MA TOG TU GSUNGS, DKYIL THANG SOGS LA BRTEN NAS BDAG MDUN THA MI DANG DU SGRUB TSUL DBANG DANG BCAS BA NI DKYIL CHOG RIN CHEN PHRID LAD GSUNGS SO, ,DE'I DGONGS PA JI LTA BA BZHIN DAG 'DON DU BYED TSUL NI RJE LUNG SKYA RIN PO CHES 'JAM DPAL DGONGS RGYAN DU GSUNGS SO, ,DE YANG 'JAM DPAL DGONGS RGYAN DU SGRUB GZHI MED PAR BDAG BSKYED RKYAD BA'I SGRUB TSUL DANG, DE'I RJES SU GTOR MGRON BSKYED CHOG RGYAS 'BRING BSDUS GSUM, LAS GSHIN GYI GTOR CHOG RGYAS BSDUS GNYIS, BDAG BSKYED MED PAR GTOR 'BUL BYA TSUL RNAMS DANG, DE'I RJES SU SGRUB GZHI RAS BRIS KYI DKYIL THANG LA BRTEN NAS BDAG MDUN THA MI DAD DU SGRUB PA'I TSUL GNYIS GSUNGS SO, ,'DIR NI 'JAM DPAL DGONGS RGYAN GZHID BZHAG PA LA SNYAN GSAN SOGS JI LTAR BYA TSUL BRJOD BAR BYA STE, DE YANG DKYIL THAD GYEN DU BSLANGS PA LA SGRUB GZHIR MI BYED BAS LEB MOD DGRAM PA DANG MCHOD GTOR RNAMS DGONGS RGYAN NAS GSUNGS PA LTAR LA, COG TZE GCIG LA SNGON 'GRO'I MCHOD GTOR DANG, YANG GCIG LA MAndAL, BKYE BSDU BYAS NAS TSOM BU 'GOD RGYU'I 'BRU, BLA MA LA 'BUL RGYU'I ME TOG DNGOS SAM 'BRAS DANG SPOS RED, GSOL GDAB KYI ME TOG RNAMS STA GON BYA, RDOR DRIL tA MA RU SIL SNYAN RGYA GLING CHAD CHU NANG MCHOD, CHU
BZHI RNAMS SGRUB PA PO SO SO'I MDUN DU BSHAM, TSOGS PAS BLA BRGYUD GSOL 'DEBS RDZOGS PAR NYE BA NA LAS KYI RDO RJE'AM MCHOD G-YOG PAS GRAL GYI MTHA' NAS PHYAG GSUM 'TSAL, GSOL 'DEBS RDZOGS RJES GZAN PHAB, THAL MO SBYAR BA'AM BSNOL TE, RDOR DREL BYIN RLABS MDZAD PAR ZHU, ZHES PA'I RJES SU TSOGS PAS, RANG NYID SKAD CIG GIS ZHES SOGS SKAD CIG KRONG BSKYED RDOR DRIL BYIN RLABS BYA, 'DIR LAS RDOR NI RAL GRI GSHIN RJE GSHED DU BSKYED PA'I SLOB MA DANG, MCHOD G-YOG PA NI LHAR BSKYED MA BYAS PAR MCHOD GTOR SOGS KYI LAS BYED MKHAN NO, ,TSOGS PAS 'DON MTSAMS SU SLEB PA NA MCHOD G-YOG PAS SNYAN GSAN ZHU BA'I DUS 'GRIG PAR BYA BA NI GONG 'OG KUN LA SHES PAR BYA, YANG RDOR DRIL BRLABS PA'I RJES SU, MCHOD G-YOG PAS PHYAG DANG SPYOD LAM SNGAR BZHIN LA, NANG MCHOD BYIN RLABS MDZAD PAR ZHU, ZHES BRJOD, PHYOGS SKYONG GI MCHOD GTOR BSHAMS LA, PHYAG SOGS BYAS TE, SNGON 'GRO'I MCHOD GTOR BYIN RLABS MDZAD PAR ZHU, ZHES DANG, THONGS SKYONG GSHEGS RJES, PHYAG SOGS BYAS TE; BDAG BSKYED KYI MCHOD PA BYIN RLABS MDZAD PAR ZHU, ZHES BRJOD PAR TSOGS PAS, CHU BZHI NYER SPYOD 'DOD YON LNGA BCAS BRLAB, 'DI'I SKABS SU MCHOD G-YOG PA
, ,GCIG GAM GNYIS SOGS KYIS PHYAG GSUM 'TSAL, SNGAR STA GON BYAS PA'I MAndAL SOGS GRAL GSHAM DU BZHAG ,YANG PHYAG GSUM 'TSAL, GTZO BO LA ME TOG PHUL, DE RJES ME SBAR BA'I SPOS DER THAL MO SBYAR BA'I BAR DU BZUNG NAS PHUL, GTZO BOS KYANG DE BZHIN DU BLANGS NAS RANG GI MDUN DU BZHAG ,TSOGS PA GZHAN RNAMS LA GRAL MGO NAS BRTZAMS TE YAS RIM GYIS ME TOG BKYE, YANG PHYAG GSUM 'TSAL, ME TOG DANG BCAS PA'I THAL MO SNYING KAR SBYAR TE; SEMS CAN DON DU SEMS DGE BAS, ,RNAL 'BYOR PA YI TSOGS RNAMS KUN, ,TSUL BZHIN CHO GA LDAN PA YIS, , RNAL 'BYOR LA NI NYER GNAS MDZOD, ,CES LAN GSUM GYIS TSOGS PA SBYI LA GSOL BA GDAG BDE MCHOG GI CHO GAR ME TOG GTOR BAR GSUNGS PAS SPRO NA BYA, YANG PHYAG GSUM 'TSAL TE GTZO BO ME GTOGS PA'I ME TOG GRAL GSHAM NAS BRTZAMS TE MAS RIM GYIS BSDU, YANG PHYAG GSUB 'CHAL NAS 'DUG STE, ME TOG GAM KHA BTAGS DANG BCAS LAG PA G-YON PAS MAndAL BZUNG, G-YAS ME TOG BZUNG BA'I LAG DAR GYIS MA ZHAL GYI STENG NGOS PHYI, DE NI LAG DAR LA BYANG CHUB KYI SEMS KYI RTZA YOD PAS RTOGS PA SKYE BA'I DGOS PA YOD, TSOGS PAS, AOm BADZRA BHU MI A'A:- H'Um, DBANG
CHEN GSER GYI SA GZHI, ZHES PA'I TSE 'BRU SAGS DGRAM, AOm BADZRA RE KHE A'A:- H'Um, PHYI LCAGS RI MU KHYUD, 'DIR MAndAL GYI MTHA'I STENG NAS SRIN LAG GIS RI MO 'BRI BA LTAR BSKOR BA'AM, ME TOG DGRA MCHAG, ZANGS SKUD LA BRGYUS PA'I PHRENG BA 'JOG BA GANG RIGS BYA, AOm HA SU MA DHYA MEE RA WE N'A MA, DBUS SU RI RAB, AOm YAm B'URBA BI DA H'A YA N'A MA, SHAR LUS 'PHAGS, AOm RAm DZAMBU DV'I B'A YA N'A MA, PAL BRA, BU GLING, AOm LAm AA BA RA GOO TZARYA N'A MA, NUB BA LANG SPYOD, AOm WAm AU DA TA RA KU RA WE N'A MA, BYANG SGRA MI SNYAN, AOm YAm AU PA DV'I P'A YA N'A MA, ZHES PA LAN GNYIS, LUS DANG LUS 'PHAGS, AOm RAm AU PA DV'I P'A YA N'A MA, ZHES PA LAN GNYIS, RNGA YAB DANG RNGA YAB GZHAN, AOm LAm AU PA DV'I P'A YA N'A MA, ZHES PA LAN GNYIS, G-YO LDAN DANG LAM MCHOG 'GRO, AOm LAm AU PA DV'I P'A YA N'A MA, ZHES BA LAN GNYIS, SGRA MI SNYAN DANG SGRA MI SNYAN GYI ZLA, ZHES PA'I BAR LA DBUS DANG PHYOGS BZHI, GLING KHA PHYIR BLTAS PA'I G-YAS G-YON DU GLING PHRAN GYI TSOM BU DGOD, AOm YAm GA DZA DA TN'A YA N'A MA, GLANG PO RIN PO CHE, AOm RAm PU RU shA RATN'A YA N'A MA, KHYIM BDAG RIN PO CHE, AOm LAm AA SHVA RATN'A YA N'A MA, RTA MCHOG RIN PO CHE, AOm LAm STRI RATN'A YA N'A MA, BTZUN MO RIN PO CHE, AOm YAm KHANGGA RA TN'A YA
, ,N'A MA, DMAG DPON RIN PO CHE, AOm RAm TZAKRA RATN'A YA N'A MA, 'KHOR LO RIN PO CHE, AOm LAm MA nI RATN'A YA NA MA, NOR BU RIN PO CHE, AOm WAm MAH'A NI DHI RATN'A YA N'A MA, GTER CHEN PO, ZHES BA'I BAR LA RIM BZHIN SHAD NAS PHYOGS BZHIR GLANG PO SOGS BZHI, SHAR LHO SOGS MTSAMS BZHIR DMAG DBON SOGS BZHI, AOm S'UDYA YA t'A MA, NYI MA, AOm TZANDR'A YA N'A MA, ZLA BA, RI RAB KYI SHAR NUB GNYIS SU TSOM BU DGOD BA STE, RTEN LA BSTAN PA'I NGOS LA SHAD DU BYA, RI RAB KYI STENG DU TSOM BU GCIG BZHAG LA, TSOGS PAS, BDAG GZHAN LUS NGAG YID GSUM LONGS SPYOD DUS GSUM DGE TSOGS BCAS, ,RIN CHEN MAndAL BZANG PO KUN BZANG MCHOD PA'I TSOGS BCAS PA, ,BLO YIS BLANGS NAS BLA MA YI DAM DKON MCHOG GSUM LA 'BUL, ,THUGS RJE'I DBANG GIS BZHAS NAS BDAG LA BYIN GYIS BRLAB TU GSOL, ,AOm NA MA GU RU RATN'A MAndAL KAm NIRYA TA Y'A MI, TSIGS BCAD KYI TSE MAndAL GTZO BO'I MDUN DU KHYED, GTZO BOS BLA MA GONG MA RNAMS LA 'BUL BA'I PHYIR RANG GI ME TOG MAndAL GYI STENG DU SPUNGS, MCHOD G-YOG PAS MAndAL RTEN GYI DRUNG DU BZHAG ,YANG GTZO BOS SNGAR GYI SNGOS DER THAL MO SBYAR BA'I BAR DU BZUNG NAS MCHOD G-YOG PA LA GTAD, NGES KYANG DE BZHIN BLANGS NAS MAndAL PHUL TE,
GRAL GSHAM DU PHYAG GSUM 'TSAL BAR BYA, DE NAS GTZO BOS, BSHAGS BA DANG BSDAMS PA SNGON DU 'GRO BA CAN GYI LHA'I RNAL 'BYOR LA GNAS PAR ZHU, ZHES TSOGS PA SPYIL DKYIL 'KHOR SGRUB PAR BSKUL LA, GONG GI MAndAL NI BLA MA DNGOS SU BZHUGS YOD NA TSOGS PAS BLA MA LA 'BUL BA YIN ZHING, MCHOD G-YOG PAS MAndAL BZUNG NAS, BLA MA DANG GTZO BO THA MI DAD PA'I ZHABS DRUNG DU, RIM GNYIS KYI RNAL 'BYOR ZAB MO LA GNAS PAR ZHU BA'I YON DU MAndAL 'BUL BAR ZHU, ZHES BRJOD RJES MAndAL 'DON PA DPAL LDAN SMAD RGYUD GRVA TSANG GI PHYAG BZHES YIN LA, BLA MA MED NA NUS LDAN CIG LA GTZO BOR BYAS TE BYA ZHING, DGE 'DUN THAMS CAD KYIS MDUN GYI NAM MKHAR RTZA RGYUD KYI BLA MA RNAMS DANG YI DAM MCHOG GSUM BZHUGS PA LA RANG RANG GI LAG TU MAndAL BZUNG NAS PHUL BAR BSAM, KUN BZANG MCHOD PA'I TSOGS BCAS PA, ZHES PA'I MCHOD PA NI, RI RAB GLING BZHI SOGS THAMS CAD KYI STENG DU RANG GI THA MAL BA'I RNAM PA G-YAS YID BZHIN GYI NOR BU DANG G-YON YAL GNYER LNGA DANG LDAN PA'I DPAG BSAM GYI SHING THOGS PA RE RE GNAS BA, SHING DE'I YAL GA RE RE'I STENG DU YANG RANG GI LUS RE RE NOR BU DANG SHING THOGS PA, SHING DE RNAMS KYI STENG DU YANG SNGA MA DANG 'DRA BA SOGS JI MANG JI MANG DU SBRUL PA DPAG TU MED PA DANG, SEMS
, ,CAN THAMS CAD KYI LUS NGAG YID GSUM DANG LONGS SPYOD DANG DGE BA DANG BCAS THAMS CAD 'BUL BAR MOS BA BYA'O, ,MCHOD G-YOG PAS BSKUL BA NI MKHA' 'GRO MA RNAMS KYIS GROGS MDZAD NAS RIM GNYIS KYI RTOGS PA SKYE BA'I CHED YIN PAS, DE LTAR DU GYUR CIG SNYAM DU SMON DGOS LA, CHO GA DNGOS KYI RIM PA NI GTZO BOS BSKUL BAR BYAS BAS MCHOD GA LOG PAS SNYAN GSAN MI BYED DO, ,SNYAN GSAN DANG MAndAL 'DI DAG NI BDAG BSKYED RKYANG BA DANG BDAG MDUN THA MI DAD GNYIS KA LA BYA RUNG BAR GSUNGS SO, ,DE NAS, DKON MCHOG GSUM LA SKYABS SU 'GRO, ,ZHES PA NAS, BTANG SNYOMS LA GNAS PAR BYA'O, ,DKYIL 'KHOR SGRUB MCHOD TZAM LA BUM PA SGRUB MI DGOS KYANG DBANG DANG 'BREL BA'I TSE BUM PA DGOS BAS MCHOD G-YOG PAS BUM PA BSHAMS NAS MTSAMS 'DIR BUM PA LOGS SU BRIS BA LTAR SGRUBS, RANG NYID BRIS PA'I DKYIL 'KHOR GYI NANG DU ZHUGS NAS GTZO BO'I MTSAN MA DANG DBYER MED DU RGYUD PAR YOS TE, AOm KHAtGA DHRi KA H'Um PHAt CES BRJOD DE LAS BUM GYI CHUS DKYIL 'KHOR BSAD, SVA BH'A WA X SH'U N+YA TA X RANG DANG DKYIL 'KHOR DANG TSOGS ZHING GI LHA DANG NAS CHOS KYI DBYINGS KYI YE SHES LA BGENG, GCIG TU 'DUS, RANG DANG GTZO BO'I MTSAN MA DANG NGO BO DBYER MED DU GYUR, DE BZHIN DU, NANG GI SHAR GYI MTSAN MA DANG
NGO BO DBYER MED DU GYUR, SHAR SGO'I MTSAN MA DANG X NANG GI SHAR LHO'I MTSAN MA DANG, PHYI'I GRVA BZHI'I MTSAN MA DNGOS PO DBYER MED DU GYUR, ZHES BA'I BAR LA 'GRE, DAM TSIG GI GZHAL YAS KHANG LA THIM BAR GYUR, CES PA'I MJUG TU, AOm HR'I:- shtR'I:- WI KRi T'A NA NA H'Um H'Um PHAt PHAt SAR, NAS, YUM DANG BCAS PA'I SKUR BZHENGS PA'I GTZO 'KHOR THAMS CAD KYI MIG GNYIS SU KshIm KshIm DANG 'KHOR LO LAS X RNA BA GNYIS SU DZRIm DZRIm DANG RDO RJE LAS X SNANG KHAm DANG RIN PO CHE LAS NAS, K'A YA BADZRA SVA BH'A WA AATMA KONYHAm, DZA:- 'JAM DBAL RANG BZHIN X LAS BYED SBRUL PA ZHES PA DOR NAS, GTI MUG GSHIN RJE'I GSHED SOGS 'KHOR DANG BCAS, ZHES BSGYUR LA, BYANG DANG BYANG SHAR BA RNAMS LA DON GRUB KYIS DBU BRGYAN, PHYOGS SKYONG BCO LNGA 'KHOR DANG BCAS PA LA DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA RE RES RGYAS BTAB, DBANG GI LHA RNAMS RANG NYID LA THIM, RANG GTZO BO LAS MAR ME GCIG LAS GNYIS CHAD KYI TSUL DU PHYE NAS DKYIL 'KHOR GYI SHAR SGO'I THAD KYI PHYI ROL DU MCHOD PA'I LAS LA GNAS PAR GYUR, MCHOD BA'I SPOS DANG MAR ME SBAR NAS SLAR BRLAB KYANG RUNG, MCHOD GRAL GYI SPOS SBAR MI BDEN
, ,SNGOS GZHAN SBAR, CHU BZHI NYER SBYOD ROL MO, 'DOD YON, RGYAL SRID BDUN PHUL, NANG MCHOD BRLAB, AOm MCHOD DO, ,NAS, BADZRA SVA BH'A WA A'ATMA KONYHAm, RANG GI LUS LA GNAS MA'I RGYAL BA RNAMS ZAG BA MED PA'I YE SHES KYI BDUD RTZIS MNYES SHING TSIM PAR GYUR, RANG NYID DKYIL 'KHOR GYI NANG DU ZHUGS GTZO BO DANG THA MI DAD PAR GYUR, GNYIS MED THUN MONG MA DANG, ZHAL DGU NI SOGS DANG, PHRENG BA BRLABS NAS SNGAGS BZLA, YIG BRGYA MCHOD BSTOD BYA, MCHOD PA'I TSE DANG GTZO BO LAS BYE BA LTAR NA GTOR MA LA YANG DE LTAR BYED DAM DBYAD, BYE NA, RANG GTZO BO LAS MAR ME GCIG LAS GNYIS CHAD KYI TSUL DU DPAL RDO RJE 'JIGS BYED ZHAL GCIG PHYAG GNYIS PA'I RNAM PAR PHYE NAS DKYIL 'KHOR GYI PHYI ROL DU GNAS BAR GYUR, ZHES PA'O, ,GTOR MA CHANG CHU NANG MCHOD KYIS BRAN NAS BRLAB, 'JIG RTEN LAS 'DAS PA'I MGRON RNAMS KYI LJAGS H'Um LAS ZHES SOGS KYIS DKYIL 'KHOR PA LA GTOR MA PHUL, PHYOGS SKYONG 'KHOR DANG BCAS PA RNAMS KYI LJAGS H'Um LAS SOGS KYIS PHYOGS SKYOD LA GTOR MA PHUL, LAS GSHIN LA RGYAS BSDUS GANG RUNG GIS PHUL, LAS GSHIN GYI MCHOD PA LA, AOm K'A LA R'U PA YE GRiTNE DAm PUshPE PRA T'ITZTSA H'Um SV'AH'A, ZHES BRJOD PAR 'KHRUL SPOD LAS GSUNGS, GTOR MA'I GONG DU
RANG GTZO BO LAS MA PHYE NA 'DIR PHYE STE, PHYOGS SKYONG GI MCHOD GTOR BRLAB, RANG GI THUGS KA'I H'Um SNGON PO'I NAS, DE'I BAR CHAD ZHI BA'I 'PHRIN LAS MDZOD CIG GI BAR SNGON 'GRO LTAR LA, YIG BRGYA TSAR GCIG MA RNYED YONGS SU SHO LO KA GCIG ,JI SRID DKYIL 'KHOR GYI BYA BA RNAMS MA RDZOGS PA DE SRID DU STENG 'OG PHYOGS MTSAMS RNAMS SU 'KHOR NAS BGEGS RNAM PAR BZLOG PA'I 'PHRIN LAS MDZOD CIG ,CES BRJOD, RNAM DAG BSAM PAS SOGS KYI SMON LAM GDAB PO, ,BDAG 'JUG DANG GTANG RAG RNAMS DANG RANG GI CHO GA LTAR BYA, BDAG BJUG NYIN MANG BO SBREL NAS BYED NA NYIN PHYI MA RNAMS LA PHYOGS SKYONG GIS CHOD GTOR BRLAB, PHYOGS SKYONG 'KHOR DANG BCAS PA RNAMS KYI LJAGS H'Um LAS ZHES SOGS MCHOD GTOR 'PHRIN BCOL SNGAR BZHIN BYA, NYIN THA MAR DAS BRIS LA BRTAN BZHUGS BYAS PA'I MJUG TU, PHYOGS SKYONG GI MCHOD PA BRLAB, AOm DA SHA DI KA SOGS KYIS PHYI NANG GI MCHOD PA DANG, BCOM LDAN CHOS RJE NAS BAR CHAD ZHI BA'I 'PHRIN LAS MDZOD CIG ,YIG BRGYA BZOD GSOL, AOm A'A:- BADZRA MU:- PHYOGS SKYONG 'KHOR BCAS DANG GNAS SU GSHEGS PAR GYUR CES GSHEGS GSOL BYA, DE RJES RANG NYID SKAD CIG GIS ZHES SOGS GNAS GSUM BYIN RLABS, SHIS BRJOD RNAMS BYA, BDAG 'JUG LAN
, ,GCIG BYED NA'ANG DKYIL 'KHOR BSRUNG DU BCUG PA'I PHYOGS SKYONG GI GSHEGS GSOL BSHAD MA THAG PA LTAR BYA LA, DKYIL 'KHOR SGRUB MCHOD TZAM LA NI 'DI MI BYED DO, ,CHO GA'I MGOD NANG MCHOD BSANG BA DANG, SNGON 'GRO'I MCHOD GTOR BSAD BA, BDAG BSKYED KYI MCHOD PA BSANG BA RNAMS HR'I:- shtR'I:- SA BYED LA, BUM SGRUB KYI MCHOD PA BSANG BA DANG, PHRENG BA BYIN BRLAB KYI TSE BSANG BA YANG LAS SNGAGS KYIS BYED PAR SNANG, DE LAS GZHAN BUM PA BSANG BA, DKYIL 'KHOR BSANG BA, MCHOD GTOR BSANG BA THAMS CAD LA LAS THAMS CAD PA'I SNGAGS KYIS BSANG BAR MDZAD DO, ,'DIR LAS SNGAGS NI HR'I:- shtR'I:- DANG, LAS THAMS CAD PA'I SNGAGS NI KHAtGA DHRi KA YIN NO, ,LAS BUM MA BSGRUBS PAR DKYIL 'KHOR SGRUB MCHOD BYED PA'I TSE BSAD BA THAMS CAD LAS SNGAGS KYIS BYED DO, ,RAS BRIS KYI DKYIL 'KHOR LA NYIN MANG PO MTHUD NAS BDAG 'JUG LEN PA LA NYIN RE BZHIN BRTAN BZHUGS BYED BA PHYAG LEN NO, ,KUN RIG DANG TSE DPAG MED KYI DKYIL 'KHOR SGRUB MCHOD LA MAndAL ZHU 'BUL NI GONG DU BSHAD PA DANG 'DRA, KUN RIG LA, RDOR DRIL DANG, SNGON 'GRO'I MCHOD GTOR GYI BYIN RLABS ZHU BA DANG, BSANG GTOR DANG TSOGS ZHING GI MCHOD PA BYIN RLABS MDZAD PAR ZHU BA DANG, TSE DPAG MED LA, SNGON 'GRO'I MCHOD GTOR GYI SNYAN GSAN TZAM BYA BA LAS GZHAN SNYAN GSAN 'BEBS RGYU MED DO, ,
'DIS CHOG GZHAN LA RIGS 'GRO BYA'O, ,'DIS KYANG ^ BLA MA YI DAM RNAMS KYIS RJES SU 'DZIN PAR GYUR CIG, ,,MANGGA LAm,, ,, ` DPAL RDO RJE 'JIGS BYED LHA BCU GSUM MA'I DKYIL 'KHOR SGRUB MCHOD KYI GTANG RAG BYA TSUL BZHUGS,, ,,GTANG RAG BYA TSUL NI, DBANG PAS 'BRIL TSE MAndAL 'BUL DGOS PAS, BLA MA DANG GTZO BO THA MI DAD PA'I ZHABS DRUNG DU, DBANG BZHI RDZOGS PAR THOB PA'I BKA' DRIN GTANG RAG GI YON DU MAndAL 'BUL BAR ZHU, MAndAL GYIS BSDUS CI RIGS PHUL, MCHOD BA, KHAtGA DHi KA GIS BSANG SBYANGS NAS BYIN GYIS BRLABS, DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'BUL LAGS NA, ,BZHES TE BDAG LA BGYIS PAR MDZOD, , AOm A'A:- HR'I:- PRA WA RA SAR K'A RAm AARGHAm PRA T'ITZTSA H'Um SV'AH'A, SNGAR GYI TSIGS BCAD KYI YON CHAB KYI GNAS SU, ZHABS BSIL, ZHAL BSIL, BSANG GTOR, AARGHAm GYI GNAS SU, B'A DYAm, AANYTZA MA nAm, PROKshA nAm SBYAD NAS CHU BZHI, CHU SKYES DE BZHIN THANG LAS SKYES, ,ME TOG DAM PA 'DI DAG NI, ,MCHOG TU GUS PAS BDAG 'BUL NA, ,CI BDE BAR NI KHYED KYIS BZHES, ,AOm A'A:-
, ,BADZRA PUshPE H'Um, LHAN CIG SKYES DANG SBYOR LAS BYUNG, ,DE BZHIN BDUG SPOS MCHOG 'DI DAG ,MCHOG TU GUS BAS BDAG 'BUL NA, ,CI BDE BAR NI KHYED KYIS BZHES, ,DH'A PE X ZHUN MAR 'THU MAR MAR ME 'DI, ,LHA RDZAS 'BAR BA MUN PA 'JOMS, ,MI SHES THAMS CAD ZHI BYA'I PHYIR, ,BDAG NYID DAD PAS 'BUL BAR BGYI, ,A'A LO KE X LHAN CIG SKYES DANG SBYAR BA YI, ,DRI MCHOG DAM PA 'DI DAG NI, ,MCHOG TU GUS PAS BDAG 'BUL NA, ,CI BDE BAR NI KHYED KYIS BZHES, ,GAN DHE X BZA' DANG BCA' BAR YANG DAG LDAN, ,KHA DOG DRI DANG ROR LDAN ZHING, ,THAMS CAD SBYANG BA'I ZHAL ZAS 'DI, DBUL GYI YANG DAG BZHES SU GSOL, ,NEE WI TYE X BLA MED RDO RJE THEG PA'I DON STON CING, ,SHES RAB DBYANGS KYI RJES 'GRO ROL MO'I SGRA, ,BDUD KYI 'KHOR LO GZHOM PHYIR DBUL BAR BGYI, ,DON GYI DBYINGS LA MNGA' BRNYES 'DI BZHES SHIG ,AOm YA M'ANTA KA SA PA RI W'A RA SHABTA BRA T'ITZTSA H'Um SV'A H'A, ZHES PHYI MCHOD DBUL ZHING, LHA SO SO'I SNGAGS LA 'BRU GSUM BTAGS PAS NANG MCHOD DBUL, GNYIS MED THUN MONG SOGS KYIS BSTOD, RANG NYID DKYIL 'KHOR GYI NAD DU ZHUGS, GTZO BO DANG THA MI DAD PAR GYUR, RNAM DAG YID KYI SOGS
KYIS BSNGO SMON BYA, GSHIN RJE GSHED KYI YIG BRGYA GSUM, ME TOG DANG BCAS PA'I THAL SO SNYING GAR SBYAR LA, MA TSANG BA LA SOGS PA'I NYES BZHI BAR BYA BA'I PHYIR BZOD PAR GSOL TE, GANG YANG BDAG BLO RMENGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS BA, ,DE KUN GTZO BOS BZOD MDZAD RIGS, , ZHES BRJOD, ,BCOM LDAN 'DAS 'JAM DPAL GSHIN RJE'I GSHED KYI LHA TSOGS KHYED RNAMS LA MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS, SKYOB PA'I NUS MTHU BSAM GYIS MI KHYAB PA MNGA' BA LAGS PAS, PHAN BDE'I 'BYUNG GNAS SANGS RGYAS KYI BSTAN PA RIN PO CHE 'DI NYID SGO THAMS CAD NAS PHYOGS THAMS CAD DU RANG ZHING RGYAS LA YUN RING DU GNAS PAR BYIN GYIS BRLAB TU GSOL, DPAL LDAN BLA MA DAM PA RNAMS DANG BSTAN PA 'DZIN PA'I SKYES BU DAM PA THAMS CAD SKU KHAMS BZANG ZHING SKU TSE RING BA DANG, RNAM PAR DKAR BA'I 'PHRIN LAS DANG RGYAS SU 'BYUNG BA DANG, BDAG CAG DBON SLOB SBYIN BDAG DANG BCAS PA RNAMS KYI NANG GDON SDIG SGRIB SOGS MI MTHUN PA'I PHYOGS THAMS CAD ZHI BA DANG, TSE BSOD DBAL 'BYOR SOGS MTHUN RKYEN LEGS TSOGS THAMS CAD 'BAD MED LHUN GRUB TU 'BYUNG BA DANG, 'JIG
, ,RTEN GYI KHAMS THAMS CAD DU BKRA SHIS KYI DGE MTSAN RGYA CHEN PO RGYUN MI 'CHAD DU 'BYUNG BAR BYIN GYIS BRLAB TU GSOL, KHYAD PAR DU YANG BLA MA YI DAM MCHOG GIS TSE RABS THAMS CAD DU 'BRAL BA MED PAR RJES SU 'DZIN PA DANG, THUN MONG DANG THUN MONG MA YIN PA'I LAM GYI RIM PA MTHA' DAG RGYUD LA SKYES NAS MYUR BA MYUR BAR DPAL RDO RJE 'JIGS BYED CHEN PA'I GO 'PHANG THOB PAR BYIN GYIS BRLAB TU GSOL, ZHES 'DOD GSOL BYA, BDAG LA DNGOS GRUB MCHOG BSTZOL LAGS, ,TING 'DZIN KUN GYI 'BRAS BU STZAL, ,SEMS CAN KUN LA CI 'DOD BAR, ,DNGOS GRUB BLA NA MED PA STZOL, ,BSGRUBS PA'I DKYIL 'KHOR GYI DAM TSIG PA LA CHA GNYIS SU PHYE BA'I RANG GIS SPRUL BA'I CHA GCIG 'OD DU ZHU NAS RANG LA THIM, RANG GTZO BO LAS MAR ME GCIG LAS GNYIS CHAD KYI TSUL DU DPAL RDO RJE 'JIGS BYED ZHAL GCIG PHYAG GNYIS PA'I RNAM PAR PHYE NAS DKYIL 'KHOR GYI PHYI ROL DU GNAS PAR GYUR, RDO RJE DANG BCAS PA'I LAG PA G-YAS PAS LHA RNAMS KYI THUGS KA SOGS GNAS GSUM DU REG BA'AM MOS LA, AOm YA M'ANTA KA H'Um PHAt, AOm BADZRA BE T'A LI X AOm BADZRA RA TI H'Um PHAt, DAM TSIG PA'I CHA GCIG DANG YE SHES PA RNAM PAR BA, GTOR MGRON GYI PHYOGS SKYONG DANG LAS GSHIN RNAMS, 'DIR NI GZUGS DANG LHAN CIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG
PHYUG DANG, ,MCHOG RNAMS LEGS PAR STZAL DU GSOL, ,AOm SU PRA TIshthA BADZRA YE SV'UH'A, ZHES BRJOD CING ME TEG GTAR, NYIN BA MED DKYIL 'KHOR BSRUNGS PA'I PHYOGS SKYONG MTSAMS 'DIR GSHEGS PAR BYA, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS PA'I SKUR BZHENGS PA'I SPYI BOR AOm, MGRIN PAR A'A:- THUGS KAR H'Um GIS MTSAN PAR GYUR, 'CHI MED LAM KUN SOGS KYIS SHES BRJOD BYA'O, ,DPAL RDO RJE 'JIGS BYED LHA BCU GSUM MA'I DKYIL 'KHOR SGRUB MCHOD KYI MJUG TU GTANG RAG BYA TSUL GSAR DU BSGRIGS BA DGE LEGS 'PHEL,, ,,MANGGA LAm,, ,,