/NGA15\ *, ,DPAL RDO RJE 'JIGS BYED DPA' BO GCIG PA'I SGO NAS BCU CHA'I SBYIN SREG BYA TSUL DNGOS GRUB KUN 'BYUNG ZHES BYA BA BZHUGS SO, ,
, ,BLA MA DANG 'JAM DPAL GSHIN RJE'I GSHED DBYER MA MCHIS PA'I ZHABS LA GUS PAS PHYAG 'TSAL ZHING SKYABS SU MCHI'O, ,TSE RABS THAMS CAD DU RJES SU GZUNG DU GSOL, ,'DIR BCOM LDAN 'DAS DPAL RDO RJE 'JIGS BYED DPA' BO GCIG PA'I BSNYEN PA'I MJUG TU BCU CHA'I SBYIN SREG BYA BA'I TSUL BRJOD PA LA, BCU CHA'I SBYIN SREG GI DGOS PA, BYED PA'I GNAS DANG DUS, BYED PA PO'I GANG ZAG, ,CHO GA'I RNAM BZHAG DANG BZHI LAS, DANG PO NI, YI DAM GYI LHA MNYES SHING SGRUB PA PO'I DBANG DU GYUR TE GANG 'DOD KYI DNGOS GRUB STZOL BA DANG, RANG GZHAN GYI DON DU ZHI RGYAS DBANG DRAG GI LAS GANG SGRUB KYANG BDE BLAG TU 'GRUB PA DANG, TSE RABS THAMS CAD DU
, YI DAM GYI LHAS 'BRAL BA MED PAR LHAG PA'I LHAR GYUR NAS GANG 'DUL SPRUL PAS RJES LU 'DZIN PA DANG, CHOS SKYONG RNAMS KUR GANG BCOL GYI 'PHRIN LAS SGRUB PA SOGS TE, MDOR NA MCHOG DANG THUN MONG GI DNGOS GRUB MTHA' DAG BDE BLAG TU 'GRUB BAR 'GYUR BA YIN NO, ,GNYIS PA LA GNAS NI, GANG DU BSNYEN PA BYAS PA'I GNAS DE NYID DU BYA ZHING, SGRUB KHANG GI NANG DU'AM SHAR LA SOGS PA GANG 'OS SU BYA, DUS NI, YAR NGO'I TSES BRGYAD KYI NYIN PHYED KYI DUS LAGS BAR GSUNGS LA, CHO 'PHRUL DUS CHEN LTA BU DANG, GZA' SKAR BZANG BO DANG ZLA BA'I YAR NGO RNAMS DANG BSTUN NA'ANG LEGS PAS DE DAG TU MGO BRTZAMS TE BYA'O, ,
GSUM PA BYED PA PO NI, THUN MONG BA'I LAM LA BLO SBYANGS SHING DBANG THOB NAS DAM TSIG DANG SDOM PA BSRUNG BA, BSNYEN PA TSAD DU 'KHYOL NAS KHA SKONG GI SBYIN SREG BYAS PA ZHIG DGOS SO, ,BZHI PA CHO GA'I RNAM BZHAG LA, SNGON DU LHAG CHAD SOGS KYI NYES PA ZHI BAR BYED PA'I KHA SKONG GI SBYIN SREG BYA DGOS KYANG GRAGS CHE BAS LOGS SU SHES PAR BYA LA, 'DIR NI BCU CHA'I SBYIN SREG GI DNGOS KYI RNAM BZHAG BRJOD PAR BYA'O, ,DE LA THAB DANG, RDZAS DANG, CHO GA DNGOS DANG GSUM LAS DANG PO LA, SA CHOG NI, THAB GANG DU BYA BA'I SA PHYOGS SU STAN BDE BAR DANG NYID 'DUG PA'I MDUN DU STEGS KYI KHANG SA'I BDAG BO SOGS LA 'BUL RGYU'I DKAR GTOR CHU GNYIS NYER SPYONG DANG BCAS PA BSHAM, SGRUB GROGS GZHAN YOD NA G-YAS G-YON DU JI LTAR RIGS PAR 'KHOD DE, SANGS RGYAS CHOS TSOGS MA LAN GSUM, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA'I SKUR BZHENGS PAR GYUR, AA MRi TAS BSAD, SVA BH'A WAS SBYANGS, STONG PA'I DANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD RDZAS RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A:- H'Um, NAS, AOm SHAPTA A'A:- H'Um GIS MCHOD BA
, ,BYIN GYIS RLABS, SNGAR BZHIN BSANG SBYANGS, STONG PA'I DANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm 'ONG DU ZHU BA LAS BYUNG BA'I GTOR MA DVANGS SHING THOGS PA MED PA BDUD RTZI'I RGYA MTSO CHEN POR GYUR, AOm A'A:- H'Um, LAN GSUM GYIS GTOR MA BYIN GYIS BRLAB, RANG GI THUGS KHA'I H'Um LAS 'OD ZER 'PHROS, SA BDAG GNAS BDAG ZHING SKYONG KLU LA SOGS PA 'KHOR DANG BCAS PA SPYAN DRANGS TE MDUN DU BZHUGS PAR GYUR, AOm BHU MI PA TI SA B'A RI WA RA, AOm AA KA RO MU KHAm SARBA DHAM nAm AADYA NUDPAnA NA TVAD AOm A'A:- H'Um PHAt SV'AH'A, LAN GSUM GYIS BSDO , AOm BHU MI PA TI SA B'A RI WA RA AARGHAm BRA T'ITZTSA H'Um SV'AH'A, NAS, SHABHA PRA T'ITZTSA H'Um SV'AH'A, ZHES PAS MCHOD, DRIL GSIL DANG BCAS, GANG DAG 'DIR GNAS LHA DANG KLU, ,GNOD SBYIN SRIN BO'AM NI GZHAN, , DE DAG RNAMS LA SA 'DI NI, ,BDAG ZHU KHYOD KYIS BSTZAL DU GSOL, ,ZHES LAN GSUM GYIS GSOL BA BTAB BAS, RIG PA 'DZIN PA CI BDER GYIS SHIG CES GNANG BA BYIN TE RANG GNAS SU GSHEGS PAR GYUR PAR BSAM LA SA BSLANG, DE NAS LAG PA G-YAS RDO RJE DANG BCAS PA SA BZHAG STE, AOm A'A:- H'Um, AOm HA NA HA NA KRO DHA H'Um PHAt, RDO RJE KHRO BO SA BGEGS RNAMS BCOM ZHING RDO RJE GSUM GYIS SA'I NYES SKYON
THAMS CAD SBYANG BAR GYUR, CES DANG, H'Um:- shtR'E:- BRGYA RTZA BRGYAD BZLAS TE KUN RDZOB KYI SBYANG BA DANG, SA LA SOGS BA'I CHOS THAMS CAD RANG BZHIN GYIS RNAM PAR DAG PA'I STONG PA NYID DU GYUR, CES DON DAM PA'I SBYANG BA BYA'O, ,DE NAS THAB BCA' BA LA, RDO SHING SOL BA PHUB MA SOGS DANG MA 'DRES PA'I SA GTZANG MA LA STEGS RGYA DPANGS GANG 'TSAM ZHIG BYAS TE KHA DOG DMAR POR BSGYUR, NANG MCHOD BSRES PA'I DRI DMAR POS BYUG ,DE'I DBUS BTZAL LA TSANGS ZUR GYI THIG GDAB, DBUS NAS MTHO GANG GIS BSKOR BA THAB, DE LA SOR BZHI BSNAN NAS BSKOR BA MU RAN, YANG SOR BZHI BSNAN NAS BSKOR BA KHA KHYER TE ZLUM THIG GSUM MO, ,DE NAS PHYIR TSANGS THIG GI STENG DU SOR GNYIS DOR BAR MTSAN MA BYAS LA BRUR BZHIR BYA RJES BTZAL BA'I STENG DU GRU BZHIR BTAB PA STEGS BU'I THIG GO ,THAB KYI DBUS SU SNA TSOGS PADMA STE SOR BZHIS BSKOR BA'I LTE BA, DE NAS SOR GANG GIS BSKOR BA'I GE SAR, SOR DRUG GIS 'DAB MA, YANG SOR GANG GIS RDOR PHRENG GI MU KHYUD DO, ,LTE BAR NYI MA'I STENG DU PADMA DMAR PO 'DAB MA BRGYAD PA, SNA TSOGS PADMA'I GSER SER PO, SHAR GYI 'DAB MA LA 'KHOR LO DKAR PO, LHOR RIN PO CHE SER BO, NUB TU RDO RJE SDON PO, BYANG DU RAL GRI LDANG KHU SOR DRUG PA
, ,RNAMS DANG, PHYI'I MU KHYUD LA RDOR PHRENG BYA, MU RAN LEG SAR DANG BCAS BA'I ZE'U 'BRU DANG, KHA KHYED LA PADMA'I 'DAB MA'I RNAM PA DANG, PHYOGS MTSAMS SU RDO RJES BSKOR BA BRI, STEGS KYI KHRUR BZHID ZLA PHYED RDO RJE BYA, DE RNAMS RDUL TSON DANG ME TOG BKRAM STE BRI BA DANG CHU TSON GYIS BRI BA DANG 'DZOM PA SOGS LAS BZOB GANG RIGS KYIS RUNG NGO, ,STEGS BU'I MTHAR MTHO GANG TZAM 'KHOR BAR SA DMAR PO DANG BDUD RTZI BSRES PA'I DRI DMAR BOS BYUGS LA ME TOG DMAR PO GTOD TE DGRAM, ME YOL GYI NGOS SU PAm YIG DKAR PO BRI BAR BYA'O, ,GNYIS PA RDZAS KYI RNAM BZHAG LA, YAM SHING NI, SHING DMAR PO DANG NIM PA DANG THANG SHING DANG ME TOG DAD BCAS PA'I SHING NGO MYAR PO GANG RUNG, GAS CHAG SOGS KYI SKYON MED CING, RTZE GNYIS MNYAM POR BCAD PA, SOR LNGA PA'O, SBOM PHRA'I TSAD MI GSAL YANG ZHI BA'I YAM SHING LTAR MTHE'U CHUNG GI TSAD TZAM BYAS NA RUNG NGAM BA RTAG GO ,MAR KHU NI MAR DKAR BZHUS PA LA 'BRI MOG GIS DMAR POR BSGYUR BA'O, ,RDZAS CHEN BCU GNYIS TSANG BAR 'BUL NA ZHI BA DANG 'DRA MOD KYANG 'DIR RDZAS KHYAD BAR BA'I GRANGS MED BAS MA PHUL KYANG CHOG GO ,ME LHA'I RDZAS KHYAD PAR BA NI, ME TOG DMAR PO 'BRAS YOS ZHO DANG SBRANG RTZI DANG
MAR DANG SBYAR PA'O, ,'DAS LHA'I RDZAS KHYAD PAR BA NI, MNGAR GSUM GYIS BSKUS BA'I MI TOG DMAR PO'O, ,CHU BZHI'I RDZAS NI, ME RTOG DMAR PO DANG NAS TIL NAG KU SHA 'BRAS YOS BDUD TZI LNGA DANG DRI DMAR PO'I CHU RNAMS SO, ,NYER SPYOD NI, DRI ZHIM PO'I ME TOG DMAR PO, SPOS DMAR RAM TZAN DAN SOGS KYI SPOS, MAR DKAR KHA BSGYUR BA'I MANG ME, TZAN NGAN DMAR PO SOGS BTAB PA'I DRI CHAB, SHING THOG SGYUR PO DANG, MNGAR GSUM DANG SBYAR BA'I LHA BSHOS RNAMS SO, ,GOS ZUNG NI DMAR BO, SO RTZI NI KHA BSGYUR PA'I MAR LA RDO RJE GO YU GO LA'I PHYE MA SBYAR BA, GTOR MA MNGAR GSUM DANG SBYAR BA'O, ,GZHAN YANG RLUNG YAB LJANG KHU, THAB LA 'GREM RGYU'I KU SHA DGU, ME SBOR BA'I DPAL 'BAR DMAR BO, RGYU YAM SHING DANG 'DRA BA'I BUNG SHING SOGS MKHO CHAS RNAMS STA GON BYA'O, ,DE DAG BSHAM TSUL NI, SGRUB PA PO'I G-YAS PHYOGS SU RAS DMAR SOGS KYIS G-YOGS PA'I STEGS KYI KHAR, 'DAS LHA LA 'BUL RGYU'I YAM SHING RTZE PHYIR BSTAN PA, DE'I MTHAR 'DAS LHA'I RDZAS KHYAD PAR BA DANG, DE'I NANG NGOS SU ME LHA'I YAM SHING RDZAS KHYAD PAR BA RNAMS BSHAMS, DE'I NANG NGOS SU 'DAS LHA'I NYER SPYOD DANG GOS ZUNG SO
, ,RTZI GTOR MA RNAMS DANG, DE'I NANG DU ME LHA'I NYER SPYOD SO RTZI GOS ZUNG GTOR MA RNAMS BSHAM, SGRUB BA PO'I G-YON DU'AM GZHAN LA 'BUL DU BCUG NA DE'I MDUN DU MAN DZI'I KHAR PADMA DMAR BO'I STENG DU ZANGS SNOD DAM SNONG DMAR PO'I NANG DU, BSANG GTOR DANG ZHAL BSIL SNOD GCIG DANG, MCHOD YON RANG ZHABS BSIL GNYIS SOR TE SNOD GSUM DU BLUG PA DANG DE'I MDUN DU BZOD ZHAL GSUM DANG, GSANG GTOR GYI 'DOR YAB, SON RGYU'I CHU SOGS BSHAM, MAR KHU NI SGRUB PA PO'I MDUN GYI G-YAS PHYOGS SU BZHAG ,DGANG BLUGS NI BUS MO G-YAS PA'I NYE LOGS SU PADMA DMAR PO 'DAB BRGYAD KYI STENG DU BZHAG ,GZHAN YANG RDOR DRIL BSANG CHU NANG MCHOD SOGS KYANG 'OS PA'I PHYOGS SU BA SHAM, SNOD DGOS PA RNAMS LA ZANGS SNOD DAM SNOD DMAR PO SKYON MED KYIS BYA, THAB KYI NANG DU BUD SHING ZLUM POR BRTZIG LA, DE'I NANG DU YANG BUNG SHING BSGRENG TE BSGRIGS PA'I SHAR LHO'I MTSAMS SU THOG MAR ME SPOR SLA BA'I RTZVA SHING LTA BUS ME TSAD BCA', BUNG SHING 'DI RNAMS LA BDUD RTZI BSRES BA'I DRI DMAR POS BYUGS LA KHA DOG KYANG DMAR POR BSGYUR NA'ANG LEGS, DGE SLONG GI SDOM LDAN YIN TSE SNGON DU DUS DRAN BYED DGOS PAS, ME LA REG PA DANG REG TU GZHUG PA DANG
DE BZHIN DU RIN PO CHEL REG PA SOGS DANG, RGYAN DANG GLU GAR ROL MO SOGS BYED PA RNAMS LA DUS DRAN BYA, SREG RDZAS LA SRAN MA DMAR PO SOGS RUNG BA BYED DGOS PA'I SA BON GYI RIGS YOD NA RUNG BA BYED DU GZHUG GO ,GSUM PA CHOG LA, MCHOD GTOD RDOR DRIL SOGS BSHAM, SGRUB PA PO RNAMS GRAL LA 'KHOD, SKYABS SEMS SOGS SNGON DU BTANG, BLA BRGYUD GSOL 'DEBS NAS BZUNG BDAG BSKYED RGYAS BAR BSGOM, DE YANG GZHAN RNAMS RDZE LCANG SKYA RIN PO CHES MDZAD PA'I 'JIGS BYED DPA' GCIG GI SGRUB THABS JI LTA BA BZHIN LA, LHA MDOG BSGYUR NAS DANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO SKU MDOG DMAR PO ZHAL DGU PHYAG SO BZHI ZHES DANG, RTZA ZHAL DMAR PO MA HE'I GDONG CAN, ZHES DANG, RTZA ZHAL GYI DBU LA MI BSKYOD PAS RGYAS BTAB, DBANG GI LHA RNAMS RANG NYID LA THIM ZHING, SKU LAS 'OD ZER DMAR PO'I TSOGS 'BRO PAR GYUR CES BRJOD LA, MI BSGYUR NA 'OD ZER DMAR PO 'PHRO BAR BSGOMS PAS CHOG GO ,GTOR MGRON RGYAS BSDUS CI RIGS BSKYED CING GTOR MA PHUL NAS GSHEGS GSOL MA BYAS PAR 'JOG PA'I PHYAG LEN YOD PAS, LAS GSHIN GYI GTOR MA PHUL NAS, RNAM DAG BSAM PAS TSUL 'DIR 'BAD BA LAS, ,ZHES SOGS KYI SMON LAM BTAB STE THUN MTSAMS BYA'O, ,DE NAS SKYIN SREG DNGOS LA, THAB DANG RDZAS SOGS THAMS CAD LA DRI ZHIM PO'I SLOS KYIS 'DUG ,BDUD
, ,RTZI RIL BU'I BU BA'AM NANG SA CHOD KYIS BRAN, SGRUB PA PO DAD NYID KHRUS BYAS, MTHO ZHING BDE BA'I STAN PADMA DMAR PO'AM SNA TSOGS PADMA BKOD PA LA NUB TU BLTAS TE RDO RJE SKYIL DGUNG GIS 'DUG PAR BYA LA, 'DUG STANGS NI BDAG BSKYED KYI TSE YANG GRUB NA LEGS, SPYI MGRIN SNYING KAR DAL LAG BA RNAMS SU DRI ZHIM POS BYUGS, STOD G-YOGS SMAD G-YOGS DMAR PO GON, THOR TSUGS DANG MI BSKYOD PA GTZO BOR BYAS THA'I DBU RGYAN DANG DAD DBYANGS KYIS BRGYAN BAR BYA, MA RGAN SEMS CAN THAMS CAD MYUR BA MYUR BAR SDIG SGRIB SDUG BSNGAL MTHA' DAG LAS BSGRAL TE SANGS RGYAS KYI SA LA 'GOD PAR BYA, DE'I CHENG DU RANG GI SDIG SGRIB THAMS CAD BYANG BA DANG LUNG RTOGS KYI YON TAN 'PHEL BA DANG TSE DBAS KUN DU YI DAM GYI LHA DANG MI 'BRAL BA SOGS MCHOG THUN GYI DNGOS GRUB MA LUS PA SGRUB PA'I GSANG SNGAGS KYI THABS MKHAS CHEN PO 'DI LA 'JUG PAR BYA'O, ,'DI LA ZHUGS PAS GANG 'DOD KYI DNGOS GRUB MTHA' DAG 'GRUB PAR GYUR CIG SNYAM PA DANG, DAD DANG RDZAS DANG THAB LA SOGS PA THAMS CAD DANG BZHEN MED BSGYU MA LTA BU DANG, YI DAM GYI LHA'I YE SHES KYI RNAM 'PHRUL DU MOS PA RNAMS LEGS BAR GSAL BTAB, SPYIR BYA BA GANG LA YANG KUN BLO DGI BAR GIS 'BAS BU CHE CHUNG DANG BZANG NGAN SOGS SU 'GYUR BA YIN BAS, 'DI 'DRA'I CHOS BRAB MO DANG MJAL BA'I SKAL PA CUNG ZAD THOB PA DANG, BSNYEN SGRU
BYAS PA SOGS KYI RAL BA 'BRAS MED DU MI GTONG BAR DON LDAN DU BYED BZHIG DON GYI GTZO BO YIN BAS, SLA CHOS RANG GZHAN GYI MIG SNGAR MDZES PA TZAM DANG RNYED GRAGS SOGS 'DOD PA RANG KHA NAS CHO GA 'DON KYANG SEMS G-YENG ZHING 'UR BA SOGS KYI TZAB TZUB MA BYED PAR, THAR BA DANG THAMS CAD MKHYEN PA'I RGYUD 'GRO LUGS LAM RIM SOGS NAS GSUNGS PA DANG, DBANG GI LAS LA DON DU GNYER BYA DE NYID THOB BAR 'DOD PA'I KUN SLONG BSKYED DGOS PA SOGS LA BLO NANG DU KHUG NAS ZHIB TU DBYOD BA GAL CHE'O, ,DE NAS BSANG CHU SGRUB BA NI, RANG GI THUGS KA'I H'Um LAS 'OD ZER 'PHROS PAS PHYOGS BCU'I SANGS RGYAS THAMS CAD KYI BYIN RLABS DANG NUS MTHU THAMS CAD BKUG ZHAS BSANG CHU LA THIM PAR GYUR BAR BSAM LA, HR'I:- shtR'I:- BRGYA RTZA SOGS BZLAS TE BSANG CHU BSGRUB, AOm HR'I:- shtR'I:- WI KRi T'A NA NA H'Um PHAt HO:- ZHES LAN BDUN SAGS BA LAS TE CHU BZHI BSGRUB, NANG MCHOD SNGAR BYIN RLABS BYAS BA MED NA 'DIR BRLAB, DE ZHES SMRA BA GZHAN BCAD DE, RDO RJE NI THABS DANG DRIL BU NI SHES RAB STE DE GNYIS KA'ANG DON DAM PA'I BYANG CHUB KYI SEMS KYI RANG BZHIN NO SNYAM DU MOS LA, AOm SA THA TA TH'A GRA TA SID DHI BADZRA SA MA YA TIshthA AE shA STVA DH'A RA Y'A MI HI HI HI HI HI H'Am H'Am H'Am PHAt SV'AH'A, ZHES BRJOD CING G-YAS PA'I MTHE BONG DANG MING MED KYIS RDO RJE THUGS KAR BZUNG, AOm BADZRA GAntA H'Um, ZHES BRJOD CING G-YON BA'I
, ,MTHE BOD DANG MING MED KYIS DRIL BU DKU G-YON BAR KHA GYEN LA BSTAN TE BZUNG, RDO RJE SEMS DPA' LA SOGS PA RNAMS MNYAS PAR BYA'O, ,SNYAM DU BSAM LA, H'Um SEMS CAN RMONGS DANG 'BRAL BA YI, ,RDO RJE GSOR BA MDZES PA YIS, ,RNAM THAR CHOS KYI BYA BA STI, ,SBROR NGA BCAS PAS RDO RJE BZUNG, ,H'Um H'Um H'Um HO HO HO ZHES BRJOD CING RDO RJE GSOR, DE NAS RDO RJE G-YAS KYI DKUNG BZUNG BA'AM, GSONG ZHING, AOm BADZRA DHARMA RA nI TA BRA RA nI TA SAm BRAR nI TA SARBA BUD DHA KshE TA BRA TZA KHI NI BRADZNY'A B'A RA MI TA N'A DA SVA BHA WE BADZRA SATVA HRI DA YA SANTO shA NI H'Um H'Um H'Um HO HO HO SV'AH'A, ZHES BRJOD CING DRIL BU'I DBUS KYI PHYOGS BRGYAR DU LCE BSKYOD PAS DKROL BAR BYA ZHING, SBYIN SREG MTSAD GYI BANG LAG PA RDOR DRIL DANG MBRAL BAR CA, G-YAS BA KU SHAS BSANG CHU BLANGS NAS, THAB RJES DGANG ZLUGS RANG DANG BCAS THAMS CAD LA DMIGS TE, LAS SNGAGS BRJOD CING G-YAS SU BSKOR TE BSANG GTOR LAN GSUM DANG, DE BZHIN DU G-YON PA'I MTHEB SRIN GYIS NANG MCHOD ZLANGS NAS BSANG GTOR LAN GSUM BYA'O, ,DE NAS ME LHA'I MCHOD RDZAS RNAMS LA NANG MCHOD GTAD TE, HR'I:- shtI:- SA BSGYUR SKYANGS, STONG PA'I NGANG LAS A'A:- LAS BYUNG BA'I THONG PA YANGS SHING RGYA CHEB RNAMS KYI NANG DU H'Um H'Um ZHU BA LAS BYUNG BA'I BSANG GTOR ZHAL BSIL MCHOD YON ZHABS BSIL SOGS
KYIS BYIN GYIS BRLAB, RDO RJE KHU TSUR KHA SBYAR BA'I GUNG MO GNYIS BSGRER NAS RTZE SPRANG PA'I PHYAG RGYA RDZAS LA REG PAR MOS LA, AOm SV'AH'A, RDZAS RNAMS BKRUS PAR GYUR, AOm A'A:- SV'AH'A, YAM SHING RNAMS KYI SOGS RUNG, AOm SHR'Im SV'AH'A, ZHUN MAR RNAMS KYI DANG, AOm DZRAm SV'AH'A, 'BRU RNAMS KYI DANG, AOm KU RU KU RU SV'AH'A, DE DAG LAS GZHAN PA'I RDZAS RNAMS KYI MTSAN NYID DANG MI LDAN PA'I NYES SKYON THAMS CAD BYANG ZHING DAG NAS NANG GI BDUD RTZI LNGA'I NGO BOR GYUR BAR BSAM, SMAD 'CHOD DANG RJE RIGS KYI KHYIM GYI ME GANG RUNG, AOm A'A:- H'Um LAN GSUM BRJOD DE SNOD DU BZHAG LA DES MAR ME SBAR, TR'I: shtR'I: BRJOD PA DANG MNYAM DU MAR ME DES DPAL 'BANG SPANG, LAS SNGAGS BRJOD CING BSANG CHU DANG NANG MCHOD KYIS DPAL 'BAR GYI MEL G-YAS BSKOR DU LAN GSUM GSUM BSANG, ME DE SHAR LHO'I MTSAMS NAS THAB TU B?CUG LA, AOm DZVA LA DZVA LA H'Um, DANG, H'Um YIG BRJOD DE RLUNG YAB KYIS ME SLAR, LAS SNGAGS LAN BDUN BZLAS TE MAR KHU BLUG GZAR BDUN GYIS ME RAB TU SBAR, DE NAS KU SHA RNAMS LAG TU BZUNG LA, AOm BADZRA SATVA AA, ZHES PA LAN BDUN DANG, AOm KU SHA 'DI NI GTZANG ZHING DGE ,CHANGS PA LHA RNAMS DAG BYED YIN, ,DKON MCHOG GSUM PO MNYES BYED PA, ,SA LAS SKYES PA 'DAB MA'I SNYING, ,BDAG SGIB GEGS RNAMS THAMS CAD NI, ,ZHI DANG BKRA SHIS MDZAD DU GSOL, ,ZHES
, ,BRJOD, BREL DUS TSIGS BCAD 'DAM BRJOD KYANG RUNG, SNGAGS SNGA MKHAN LNGA BRJOD CING KU SHA DGRAM, DE YANG KU SHA GNYIS GNYIS GSHIBS PA DANG GI G-YON NGOS NAS, THAB KYI KHA KHYER LA RANG KHA GANG DU BLTAS PA'I PHYOGS LA NUB TU BYAS PA'I LUGS KYIS RTZE MO NUB DANG, DE NAS G-YAS BSKOR GYIS SNGA NA RI RTZE MOS PHYI MA'I RTZA BA NON PAR BKRAM RJES, THAB KHUD DU KU SHA THUNG BRTZA RTZE PHRAL DBUS SPOM BA RTZE NUB TU BSTAN PAS G-YOGS LA, THAL MO SBYAR NAS, BCOM LDAN 'DAS RDO RJE SEMS DPA', BGEGS THAMS CAD ZHI BA DANG BKRA SHIS PAR MDZAD DU GSOL, ,ZHES BRJOD, DE NAS 'JIG RTEN PA'I ME LHA MCHOD PA LA, THAB LA BSANG CHU GTOR TE, HR'I:- shtR'I:- SA BSANG SBYANGS, STONG PA'I DANG LAS SNA TSOGS PADMA DANG ZLA BA'I STENG DU SAm DANG RDO RJE LAS RDO RJE 'DZIN PA DMAR PO DMAR SNGO DKAR BA'I ZHAL GSUM PHYAG DRUG GI DANG PO GNYIS KYIS DANG 'DRA'I YUM LA 'KHYUD PA, G-YAS 'OG MA GNYIS KYIS RDO RJE DANG RAL GRI, G-YON 'OG MA GNYIS KYIS RIN PO CHE DANG PADMA 'DZIN PA ZHU BA LAS BYUNG BA'I YE SHES KYI THAB KHA DOG DMAR ZHING DBYIBS SGRUM PO PU? RAN KHA KHYAR DANG BCAS PA, MU RAN LA GE SAR DANG BCAS PA'I ZE'U 'BRU DANG, KHA KHYER LA PADMA'I 'DAB MA'I RNAM PA LA PHYOGS MTSAMS NAMS SU RDO RJES BSKOR ZHING, GRVA BZHIR ZLA PHYED RDO RJES MTSAN PA, THAB KYI
NANG DU RDO RJE'I 'PHRENG BAS BSKOR BA'I SNA TSOGS PADMA'I LTE BAR PADMA DMAR PO 'DAB MA BRGYAD PA, PHYOGS BZHI'I 'DAB MA LA 'KHOR LO RIN PO CHE RDO RJE RAL GRI RNAMS KYIS MTSAN PA, DVANGS SHING THOGS PA MED PAR GYUR, 'DIR RDO RJE 'DZIN BA'I KHA DOG MI BSGYUR BA'I LUGS KYANG YOD CING, SBYIN SREG GZHAN GYI CHOG RNAMS SU NANG GI PADMA DANG MTSAN MA NAMS MI BSKYED PAR 'DUG KYANG 'DIR NI PHYAG LEN LTAR BKOD, DE'I NANG DU RAm LAS SKYES PA'I ME GRU GSUM GYI DBUS SU SNA TSOGS PADMA'I LTE BAR RAm LAS BGRANG 'PHRENG, DE YONGS SU GYUR PA LAS ME LHA SKU MDOG DMAR PO DMAR SNGO DKAR BA'I ZHAL GSUM PHYAG DRUG PA, GNYUG MAR GNAS PA'I RIG MA DANG GNYIS SU MED PA'I SKU, PHYAG G-YAS KYI DANG PO NA BGRAD 'PHRENG, GNYIS PAS MI 'JIGS PA SBYIN PA, GSUM PA NA GRI GUG ,G-YON GYI DANG PO NA DBYUG GU RTZE GSUM PA, GNYIS PA NA SPYI BLUG ,GSUM PA NA THOD PA BSNAMS PA, G-YON BRKYANG BA'I STABS KYIS BZHUGS PA, KHRO BO'I RGYAN RNAMS KYIS BRGYAN PA'I THUGS KAR ME GRU GSUM PA RI GYIS MTSAN PA, DAM TSIG PA'I THUGS KHA'I SA BON GYI 'OD ZER LAS SPROS PA'I KHRO BO 'DONG RGYAL GYIS, SHAR LHO NAS BSGOMS BA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS BAR BSAM LA, G-YAS
, ,MI 'JIGS PA'I PHYAG THAL 'THE BONG SRIN LAG GI RTZA BAR BZHAG LA MTHE BOD NYID G-YAB PA'I PHYAG RGYA BYAS TE, AOm TSUR BYON TSUR BYON 'BYUNG PO CHE, ,LHA YI DRANG SRONG BRAM ZE MCHOG ,SREG BLUG ZHAL ZAS BZHES SLANG DU, ,'DIR NI YANG DAG BSNYEN PAR MDZOD, ,AOm tAKKI H'Um DZA:- ZHES PAS SPYAN DRANGS KHA THAB KYI KHA KHYER GYI KU SHA'I GDAN LA BZHUGS PAR BSAM, LAS SNGAGS BRJOD CING BSANG CHU TOR LA PHYI 'BRANG GI BGEGS BSKRAD, SPRO NA CHU BZHI DBUL ZHING BSDUS PA LA MOS NA MA PHUL KYANG RUNG, AOm MU DA GA RA DZA:- ZHES PAS DAM TSIG PA DANG NYE BAR BKUG ,AOm DAN tA H'Um GIS DAM TSIG PA LA GZHUG , AOm PADMA BAm GYIS DBYER MED DU BCING, AOm KHA tA GA HO:- SA DBANG DU BYA STE RDOR DRIL GYIS 'KHYUD PA'I TSUL DANG LDAN PA'I PHYAG RGYA GNYIS KYIS SE GOL TOG PA SNGON DU 'GRO BAS DGUG GZHUG SOGS BYA, DE NAS, AOm A'A:- HR'I:- PRA WA RA SANG K'A RAm PROKshA nAm BRA T'ITZTSA H'Um SV'AH'A, ZHES PAS BSANG GTOR DANG, PROKshA nAm GYI TSAB TU, A'ANYTZA MA nAm DANG, AARGHAm DANG, B'A TYAm BCUG PAS ZHAL BSIL, MCHOD YON, ZHABS BSIL RNAMS PHYAG RGYA DANG BCAS BAS DBUL, ME LHA'I SNGAGS, AOm AAGAN YE A'A DI BYA A'A DI BYA A'A BI SHA A'A BI SHA MAH'A SHRI YE HA BYA KA BYA B'A H'A N'A YA, ZHES PA LA, AOm BADZRA PUshPE A'A:- H'Um, ZHES SOGS DANG, AOm A'A:- H'Um,
BTAGS PAS NYER SPYOD ROL MO NANG MCHOD DANG BCAS PAS MCHOD, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tAKKIS DBANG BSKUR BA, ,SHES RAB MCHOG GIS NYON MONGS THAMS CAD BSREG ,'DZIN BYED ME LHA NYID LA RNAM PAR 'DUD, ,TSANGS PA 'JIG RTEN MGON GYI SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU BSKYANG PA'I PHYIR, , THUGS RJE'I DBANG GIS SKUR SPRAL PA, ,RIG SNGAGS GRUB PA'I DRANG SRONG TSUL, ,NYON MONGS BSREG PA'I SHES RAB 'OD, ,BSKAL BA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN, ,THABS KYIS SPRUL PA'I THEG PA LCIBS, ,RIG SNGAGS GSUNG ZHING BGRANG 'PHRENG 'DZIN, ,BDUD RTZI'I BCUNG LDAN GU nDE BSNAMS, ,CHOS KYI BDUD RTZI YONGS LA BSIL, ,NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,ZHI BA BRNYES KYANG THUGS RJE CHE, ,DE BAS BSTOD DE PHYAG KYANG 'A TSAL, ,ZHES DRIL GSIL DANG BCAS PAS BSTOD, BSDUN SHO LO KA DANG PO GCIG GIS CHOG ,AOm BADZRA AA NA LA MAH'A BHU TA DZA LA DZVA LA YA SARBA BHASMI KU RUS PA DUshtA NA H'Um PHAt TRI SHYA DZA:- H'Um BAm HO:- SA MA YA STVAm SA MA YA HAm ZHES LAN
, ,GSUM GYIS DAM TSIG BSGRAGS, DE NAS, ME LHA'I LJAGS RDO RJE'I RNAM PA CAN DMAR PO LA RAm YIG DANG, DGANG BLUGS KYI KHA LA YA YIG 'OD ZER DANG BCAS PAS MTSAN PAR GYUR BAR BSAM LA, LAG PA GNYIS KYI MTHEB MDZUB GNYIS RTZE SBRAD PA ZLUM POR BYAS PA'I MDZUB MO'I PHYI NAS GUNG MOS DKRIS PA'I PADMA'I KHU TSUR GYIS DGANG BLUGS MAR GYIS BKAR BA BZUNG LA, BUS MO'I NANG NAS PHYIR MI 'DA' BAR G-YAS SU BSKOR BA DANG BCAS, AOm AAGNA YE A'A D'I BYA A'A D'I BYA A'A BI SHA A'A BI SHA MAH'A SHRI YE HA BYA KA BYA B'A H'A N'A YA SV'AH'A, LAN BDUN NAM GSUM GYIS BYON SKYEMS 'BUL ZHING, THA MAL SV'AH'A MI BRJOD PAR, RGYAL BA RGYAL SRAS NYAN THOS RANG RGYAL, ,LHA DANG MI DANG LHA MIN KUN GYI, ,MTHU DANG NUS PA YON TAN GZI BRJID, ,MA LUS DBANG DU BYED PAR MDZOD CIG ,TSE RABS KUN DU LHAG PA'I LHA MCHOG , KHYED KYIS 'BRAL MED RJES SU BZUNG STE, ,GNAS SKABS MTHAR THUG 'DOD PA'I DON KUN, ,MA LUS YID BZHIN SGRUB PAR MDZOD CIG ,WA SHAm KU RU HO:- ZHES SPEL TSIG TU SBYAR NAS GSOL BA BTAB PAS ZHAL GYIS BZHES PAR BSAM, 'DIR ME LA BGEGS YOD MED BRTAG PA LA, KHA DOG SNA TSOGS PA DANG 'BRU MAR LTA BU SOGS KHA DOG GI SKYON DANG, BOD BU'I SGRA LTA BU SOGS SGRA'I SKYON DANG, DRI NGAN PA'I SKYON DANG, YANG YANG 'DAR BDANG G-YON
DU 'KHOR BA SOGS DBYIBS KYI SKYON CI RIGS 'BYUNG NA GNANG PA'I RTAGS DANG, KHA DOG DKAR SER SNUM PA SOGS DANG, DRI BZANG BA DANG, BI WANG SOGS LHA BU'I SGRA NYAN PA DANG, G-YAS SU 'KHYIL BA DANG DU BA MED PA SOGS BZANG RTAGS SU GSUNGS PAS, NGAN PA'I RTAGS MED NA MI DGOS LA, YOD NA LAS SNGAGS DANG BSANG CHUS BSANGS TE, LAS SNGAGS LA, BGEGS THAMS CAD SHANTIm KU RU YE SV'AH'A, ZHES PA SBYAR TE DGANG BLUG BDUN ME LHA LA PHUL NAS SLAR YANG LAS SNGAGS KYIS BSAD GTOR BYAS TE DGANG BLUGS BDUN NAM GSUM MAM GCIG ME LHA'I SNGAGS KYIS DBUL, DE NAS, YAM SHING RNAMS BYANG CHUB KYI SHING GI RANG BZHIN GYI BDUD RTZIR GYUR BAR MOS TE, YAM SHING GNYIS GNYIS SAM RE RE G-YAS MCHOG SBYIN BYAS PA'I MTHEB SRIN GYIS RTZE MO LHA LA BSTAN TE BZUNG LA CUNG ZAD BSKOR ZHING, AOm AAGNA YE X B'A H'A N'A YA M'A NA TRA SID DHI MA ME D'I SV'AH'A, ZHES BRJOD DE LAN BDUN SOGS DBUL LA, GONG GI SPEL TSIG BRJOD, 'DIR RDZAS SNGAGS MI SBYOR BAS MAR KHU DANG RDZAS KHYAD PAR BA GNYIS KA LA YANG SNGAGS DE NYID BRJOD CING BLUGS GZAR GYIS DBUL LO, ,YAM SHING DANG MAR GNYIS LA GRANGS NGES GZUNG MED BAS GANG 'TSAM BYA LA, RDZAS KHYAD PAR BA NI STONG PHRAG BRGYAD 'BUL BA YIN TE, DNGOS GRUB RGYA MTSO LAS, DE LTAR NA SBYIN SREG GIS DNGOS GRUB SGRUB BA LA THOG MANG ME LHA THAB TU 'GUGS PAR NUS PA ZHIG GAL CHE LA DE YANG RIG PA MCHOG LAS, LAS THAMS CAD
, ,LA'ANG THOG MANG PA LA SHA'I SHING GIS ME SBAR NAS 'BRAS YOS ZHE DANG SBYAD RTZI DANG MAR DANG SBYAD BAS ME LHA LA LAN STONG PHRAG BRGYAD SBYIN SREG BYAS NA LAS 'GRUB PA DANG ME LHA BYON PA'I RTAGS KYANG ME'I DBUS SDO BRED DE 'DUG PA DANG MTHA' SNGO BA DANG ME'I RTZE MO RGYAS PA DANG RTZAL SNGO ZHING MGYOGS BA RNAMS YIN PAR GSUNGS SO, ,'DI NI LHA DBANG DU BYED PA'I SBYIN SREG LTAR BYA'O, ,ZHES GSUNGS PA LTAR RO, ,PAn CHEN RIN PO CHES MDZAD BA'I MGA' PO'I SBYIN SREG SOGS LAS ME LHA'I RDZAS BCU GNYIS PO AOm AAGNA YE SV'AH'A SA 'BRAL BAR GSUNGS PA SOGS LA DPAGS NA, 'DIR ME LHA'I SNGAGS RANG GIS GRANGS SKONG MNUS TSE, AOm AANGA YE M'AN TRA SING DHI MA ME D'I SV'AH'A ZHES BAS GRANGS GZUNG DUNG NGAM SNYAM LA, YANG YIG CHUNG ZHIG LAS, ME LHA DBANG DU SDUNG PA'I SBYIN SREG GI TSE, GRANGS GZUNG GI SNGAGS NI, AOm AA GNA YE AAKARshA YA DZA:- SPEL TSIG LOGS SU MED DO, ,ZHES KYANG 'BYUNG BAS BRTAG GO ,DE LTAR RDZAS RNAMS SNYAN PA'I DBYANGS KYIS PHUL NAS, AOm A'A:- HR'I:- SOGS KYIS ZHAL BSIL DANG BSANG GTOR 'BUL LO, ,DE NAS 'JIG RTEN LAS 'DAS PA'I ME LHA MCHOD PA NI, 'DAS LHA'I MCHOD RDZAS CHU BZHI DANG BCAS BYIN GYIS BRLAB, 'DOD YON LNGA 'BUL NA DE YANG SPYOD, SREG RDZAS BKRU SBYANG BYA, DE NAS LHA BSKYED PA LA GZHAL YAS KHANG BCAS SKYED MI SKYED GNYIS LAS, GZHAL YAS KHANG BCAS SKYED NA,
ME LHA'I THUGS KAR ME GU GSUM 'BAR BA'I DBUS SU GZHAL YAS KHANG GRU BZHI PA SGO BZHI PA, NAS, DE'I G-YAS G-YON DU RI DVAGS PHO MO DANG BCAS PA, GZHAL YAS KHANG GI DBUS SU YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DU SNA TSOGS PADMA DANG ZLA BA DANG NYI MA'I GDAN, DE'I STENG DU H'UM LAS RDO RJE H'Um GIS MTSAN PA YONGS SU GYUR PA LAS DPAL RDO RJE 'JIGS BYED CHEN PO SKU MDOG DMAR PO ZHAL DGU SOGS DANG, RTZA ZHAL DMAR PO NAS, KLONG DKYIL NA BZHUGS PA, DE'I MAG TU SA SNYING GI SOGS DANG, DAM TSEG SEMS DPA'I NAS, 'OD ZER LNGA 'PHRO BA, 'JAM DPAL RANG BZHIN MA DANG, H'I:- HA BHO BRJOD, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I DPAL RDO RJE 'JIGS BYED DPA' BO GCIG PA'I RTEN DANG BRTAN BA'I DKYIL 'KHOR MDUN GYI NAM MKHAR SPYAN DRANGS, AOm HR'I:- shtR'I:- WI KYiNG PA, BDAG LA ZHES PA, 'DI LA ZHES BSGYUR CING, DBU LA MI BSKYONG PAS RGYAS BTAB, DBANG GI LHA RNAMS DE NYID LA THIM ZHING SKU LAS 'OD ZER DMAR PO'I TSOGS 'PHRO BA'I GYUR, CES TSIG 'GA' BSGYUR BA MA GTOGS SGRUB THABS BZHIN BYA, GZHAL YAS
, ,KHANG MI SKYED NA, ME LHA'I THUGS KAR ME GRU GSUM 'BAR BA'I DBUS SU YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DU SNA TSOGS PADMA DANG ZLA BA DANG NYI MA'I GDAN, DE'I STENG DU H'Um LAS RDO RJE H'Um GIS MTSAN PA YONGS SU GYUR PA LAS DPAL RDO RJE 'JIGS BYED CHEN PO SKU MDOG DMAR PO, ZHES PA MAN SNGAR BZHIN LA, SPYAN 'DEN SKABS, BSGOMS PA DANG 'DRA BA'I DPAL RDO RJE 'JIGS BYED DPA' BO GCIG PA'I YE SHES PA MDUN GYI NAM MKHAR SPYAN DRANGS, ZHES BSGYUR RO, ,DE GNYIS GANG BYAS KYANG, DAG CING DRI MED YID 'ONG BA'I, ,SNGAGS KYI BSANG GTOR MCHOG 'DI DAG ,BDAG GIS DANG PAS 'BUL LAGS KYI, ,BZHES TO BDAG LA BKA' DRIN STZOL, ,AOm A'A: HR'I: PRA WA RA SA RA KA RAm PROKsHA nAm PRA t'ITZTSA H'Um SVH'AH'A, DE BZHIN DU BSANG GTOR GYI GNAS SU ZHAL BSIL YON CHAB ZHABS BSIL DANG, PROKshA tAm GYI GNAS SU A'ANYTZA MA nAm SOGS SBYAR NAS CHU BZHI, RGYAL BA RNAMS NI YON TAN MCHOG GI SKU,, BYANG CHUB YAN LAG RGYAN GYI ME TOG MDZES, ,SOGS DANG, AOm YA M'A NA TA KA PU shPE BRA T'ITZTSA H'Um SV'AH'A, ZHES SOGS KYIS NYER SPYOD ROL MO, 'DOD YON LNGA 'BUL BAR SPRO NA, RIN CHEN DBANG GI
RGYAL PO SOGS KYIS DBUL, BSDU NA SNGAGS RKYANG GIS RUNG, AOm YA M'AN TA KA H'Um PHAt AOm A'A:- H'Um GIS NANG MCHOD DBUL, 'JAM DPAL GSER MDOG MA DANG GNYIS MED THUN MONG MA GANG RUNG NGAM, YANG NA, BDE CHEN 'ONG GSAL ZUNG 'JUG PHYAG RGYA CHE, ,DPA' BO'I GANG GYIS DUR KHROD DBUS SU ROL, ,KHAMS GSUM BDUD DPUNG BZA' BA'I MCHE BA DKAR, ,GZIGS PA'I 'OD CAN KHYOD KYIS RTAG TU SKYONGS, ,RAB 'BAR DUS KYI ME LCE'I 'PHRENG BA'I DBUS, ,CHU SKYES NYI MA LHA CHEN GDAN GYI KHYIR, ,DGU DANG BCU DRUG SUM CU BZHI LDAN GYI, ,'GYIR MDZAD BDUD BZHI'I DGRA 'JOMS KHYOD LA BSTOD, ,KUNDA'I 'OD ZER 'GYED PA'I BSIL BYED KYIS, ,NYON MONGS BDUD DANG GSHIN RJE'I BAR GCOD KUN, ,CHOS KYI DBYINGS SU RNAM PA ZHI MDZAD PA, ,ZHI B'A MGON PO KHYOD LA BSTOD, ,KUNDA'I 'OD ZER 'GYED PA'I BSIL BYED KYIS, ,NYON MONGS BDUD DANG GSHIN RJE'I BAR GCOD KUN, ,CHOS KYI DBYINGS SU RNAM PAR ZHI MDZAD PA, ZHI BA'I MGON PO KHYOD LA BSTOD PAR BGYI, ,GSER GYI KHU BA BZHU BA'I 'OD 'PHRENG LAS, ,TSE DANG BSOD NAMS BSLAB GSUM DPAL 'BYOD DANG, ,SHES RAB GRUB CHEN BRGYAD KYI DNGOS GRUB KUN, ,RGYAS MDZAD RGYAS PA'I MGON PO CHE LA BSTOD, ,KYO BA ZHAGS PA MDA' RNON DMAR 'OD KYIS, ,GANG LA REG PA 'DU ZHING 'BUGS 'GYUR PA'I, ,DBANG GIS LAS MDZAD DBANG GI GZI BRJID
, ,CAN, ,DBANG SDUD MGON PO KHYOD LA BSTOD BAR BGYI, ,BDUD DANG DGRA BGEGS 'BYUNG PO GDUG PA CAN, ,SKAD CIG NYID LA GNAM LCAGS KYIS SHING BZHIN, , 'JOMS MDZAD DRAG PO'I MGON PO DRAG SHUL CAN, ,RDO RJE 'JIGS BYED CHEN POR BSTOD PAR BGYI, ,RAL GRI RIL BU MIG SMAN KAD GI MGYOGS, ,BUM BZANGS 'OG LA SOGS GRUB CHEN BRGYAD, ,DBANG PHYUG BRGYAD SOGS YON TAN MA LUS BA, ,DRAN PA TZAM GYIS STZOL MDZAD KHYOD LA BSTOD, ,SNYING DBUS NYON MONGS GSHIN RJE'I LNGAGS MKHAR CHE, ,PHUG PAS PHYAG RGYA CHEN PO MCHOG GI BDE, ,ZHAL DGUS BRJID PA DPAL LDAN GSHIN RJE'I GSHED, ,KHYOD LA RE BA'I YID KYIS BSTOD PAR BYA, ,MGON PO KHYOD KYIS RTAG TU SEMS CAN KUN, ,THUGS RJES MA BOR BYAMS PA'I PHYAG GIS BZUNGS, ,KHYAD PAR RNAL 'BYOR BDAG GI RE BA KUN, ,RGYA MTSO'I DUS RLABS BZHIN MDZAD DE'I PHYIR BSTOD, ,THUGS RJE'I MNGA' BDAG BLA MA MCHOG RNAMS DANG, ,DBYE BA MED PA DE'I PHYIR BDAG GIS NI, ,RTZE GCIG GSOL BA BTAB NAS BSTOD LAGS KYI, ,DA DUNG RE BA MA LUS LTUN GYIS SGRUBS, ,BSHAD DANG SGRUB PA'I RGYAL MTSAN SRID PA'I RTZED, ,BSGRENGS
TE BLO BZANG RGYAL BA'I BSTAN PA MCHOG, ,RANG GI RGYUD LA SPEL BAR BYED PA LA, ,BAR DU GCOD PA'I LAS KUN ZHI BAR MDZOD, ,BDAG LA BLTOS SHING BSRUNG BA'I SKYE BO RNAMS, ,TSE RABS KUN DU MGON PO KHYOD NYID DANG, ,MI 'BRAL KHYED DANG BLA MA DBYER MED DU, ,LEGS PAR BLTAS NAS RDZOGS SANGS RGYAS GYUR CIG ,CES PAn CHEN RIN PO CHES MDZAD PA'I BSTOD BA 'DI YANG SKABS DON DANG 'BREL CHE BAR SNANG BAS 'DIS BSTONG KYANG CHOG GO ,DE NAS, LHA'I LJAGS RDO RJE'I RNAM PA CAN DMAR PO LA RAm YIG GIS MTSAN PAR GYUR, LAS SNGAGS KYIS MAR KHU DGANG BLUGS GSUM MAM BDUN PHUL NAS, RGYAL BA RGYAL SRAS SOGS KYIS SDAR LTAR GSOL BA BTAB PAS 'PHRIN LAS MDZAD PAR ZHAL GYIS BZHES PAR BSAM, YAM SHING RNAMS BYANG CHUB KYI SHING GI RANG BZHIN DU GYUR BAR BSAM LA, AOm HR'I:- shtR'I:- WI KRi T'A NA NA M'AN TRA SID DHI MA ME D'I H'Um PHAt, CES BA'I SNGAGS KYIS YAM SHING GANG 'TSAM PHUL NAS, RGYAL BA RGYAL SRAS SOGS KYIS GSOL BA GDAB, MAR DANG RDZAS KHYAD BAR BA GNYIS KA YANG SNGAGS DE NYID KYIS DBUL LA TSEGS BCAD BRJOD, 'DIR RDZAS KHYAD BAR BA SNGAGS DANG SBRAGS NAS BCU CHA'I GRANGS GSOG PA YIN LA, DE LA SNGAGS GANG GI GRANGS KYI BCU CHAS BYED BA LA MI 'DRA BA YOD KYANG, 'DIR RTZA SNGAGS 'BUM BZLAS PA'I GRANGS KYI BCU CHA STE SBYIN SREG KHRI BYED PA YIN NO, ,
, ,DE YANG DNGOS GRUB RGYA MTSOR LUNG DANG BCAS GSUNGS PA NI DE NYID LAS, SLOB DPON BLO GROS BZANG POS, DE NAS LAS THAMS CAD PA'I THAB KHUNG DU CHO GA BZHIN DU MNGAR GSUM GYIS BSKUS PA'I ME TOG DMAR BO STONG PHRAG BCU SBYIN SREG BYA STE, ZHES SREG RDZAS DMAR POS LAS THAMS CAD BA'I THAB TU LTA DBANG DU BYED PA'I SBYIN SREG BYA BAR GSHED DMAR GYI MNGON RTOGS LAS GSUNGS PA'I PHYIR RO, ,ZHES GSUNGS SO, ,DE LTAR RDZAS RNAMS PHUL NAS GSOL BA BTAB PAS, LHA'I THUGS KA NAS SPROS PA'I SANGS RGYAS RNAMS KYIS BUM PA DMAR PO BDUD RTZI DMAR POS GANG BA THOGS NAS, SGRUB BYA RANG NYID ZLA BA'I DKYIL 'KHOR DMAR PO LA GNAS PA LA DBANG BSKUR BAS LUS THAMS CAD GANG, ZHI RGYAS DBANG DRAG SOGS LAS RAB 'BYAMS KYI SGO NAS RANG GZHAN GYI GNAS SKABS DANG MTHAR THUG GI DON THAMS CAD THOGS MED DU SGRUB NUS PA'I SNGAGS KYI DNGOS GRUB MA LUS PA THOB PAR GYUR PAR BSAM PA'AM, YANG NA, DPAL RDO RJE 'JIGS BYED CHEN PO SHIN TU DGYES PAS DNGOS GRUB STZOL BAR BSAM KYANG RUNG NGO, ,SLAR YANG LAS SNGAGS KYIS MANG BU DAG BA BLUG GSUM MAM BDUN DANG, LAS SNGAGS KYIS MCHOD YON PHUL TE, AOm A'A:- HR'I:- SOGS KYIS BSANG GTONG DANG ZHAL BSIL, AOm BADZRA WA SA SYA SV'A H'AS GOS, AOm BADZRA TAM BU
LA SV'AH'AS SO RTZI, AOm HR'I:- shtR'I:- HA:- SOGS KYIS NYER SPYOD ROL MO, SNYING BO LA 'BRU GSUM BTAGS BAS NANG MCHOD 'BUL, GNYIS MED THUN MONG MAS BSTOD, GTONG MA 'BUL BAR SPRO NA BYIN GYIS BRLABS LA, LHA'I LJAGS H'Um LAS SKYES PA'I RDO RJE RTZE GCIG PA DMAR PO NAS BSTOD PA'I BAR DKYUS LTAR BYAS LA DBUL, AOm PRA NA MA MI TA TH'A GA TAN GYIS PHYAG BYA, A'A:- HR'I:- SOGS KYIS MCHOD YON DBUL, ME TOG DANG BCAS PA'I THAL MO SNYING KHAR SBYAR NAS YO BYAD MA TSANG BA LA SOGS PA'I NYES BZHI BA'I PHYIR DU, GANG YANG BDAG BLO MONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, , MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYOD KYIS BZOD MDZAD RIGS, , DE NAS SPRO NA, BCOM LDAN 'DAS 'JAM DPAL GSHIN RJE'I GSHED KHYED LA MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS, SKYE BA PA'I NUS MA THU BSAM GYIS MI KHYAB PA MNGA' BA LAGS PAS, PHAN BDE'I 'BYUNG GNAS SANGS RGYAS KYI BSTAN PA RIN PO CHE 'DI NYID SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS BAR BYIN GYIS BRLAB TU
, ,GSOL, ,DPAL LDAN BLA MA DAM PA RNAMS DANG BSTAN PA 'DZIN PA'I SKYES BU DAM PA THAMS CAD SKU KHAMS BZANG ZHING SKU TSE RING BA DANG RNAM PAR DKAR BA'I 'PHRIN LAS DAR RGYAS SU 'BYUNG BA DANG, BDAG CAG DPON SLOB SBYIN BDAG DANG BCAS PA RNAMS KYI NANG GDON SDIG SGRIB SOGS MI MTHUN PA'I PHYOGS THAMS CAD ZHI BA DANG TSE BSOD DPAL 'BYOR SOGS MTHUN RKYEN LEGS TSOGS THAMS CAD 'BAD MED LHUN GRUB TU 'BYUNG BA DANG, 'JIG RTEN GYI KHAMS THAMS CAD DU BKRA SHIS KYI DGE MTSAN RGYA CHEN PO RGYUN MI 'CHAD DU 'BYUNG BAR BYIN GYIS BRLAB TU GSOL, ,KHYAD PAR DU YANG BLA MA YI DAM MCHOG GIS TSE RABS THAMS CAD DU 'BRAL BA MED PAR RJES SU 'DZIN PA DANG, THUN MONG DANG THUN MONG MA YIN PA'I LAM GYI RIM PA MTHA' DAG RGYUD LA SKYES NAS MYUR BA MYUR BAR DPAL RDO RJE 'JIGS BYED CHEN PO'I GO 'PHANG THOB PAR BYIN GYIS BRLAB TU GSOL, ,ZHES SPYI 'GRO'I 'DOD GSOL DANG, RGYAL BA RGYAL SRAS NAS, 'GRUB PAR MDZOD CIG CES 'DOD DON 'GRUB PA'I GSOL BA GDAB, CHAD LHAG GI NYES PA ZHI BAR BYA BA'I SEMS KYIS, AOm BADZRA SAT'A A'A:- ZHES PA GSUM MAM BDUN SOGS BRJOD DE, GSHIN RJE GSHED KYI YIG BRGYA BZLA, AOm A'A:- AOm YA
M'AN TA KA H'Um PHAt, H'Um MU:- YE SHES PA DAM TSIG PA DANG BCAS PA RANG NYID LA THIM PAR GYUR BAR BSAS YO, ,DE NAS YANG 'JIG RTEN PA'I ME LHA MCHOD PA NI, AOm AAGNA YE SOGS ME LHA'I SNGAGS LA, PUshPAm PRA T'ITZTSA H'Um SV'AH'A, DE BZHIN DU, DHU PAm, A'A LO KE ,GAN DH'E, SOGS DANG 'DRU GSUM BTAGS PAS NYED SPYOD ROL MON NGA MCHOD, AOm A'A:- HR'I:- SOGS KYIS BSANG GTONG DANG ZHAL BSIL, TAM BU LAS SO CI, WA SA SYAS GOS, ME LHA'I SNGAGS LA M'AN TRA SANG DHI SOGS BTAGS PAS YAM SHING SOGS PHUL LA, DRIL BU DKROL ZHING, 'JIG RTEN DBANG PHYUG TSANGS DBANG MGON GYI SRAS, ,ZHES SOGS KYI SHO LO KA GCIG GIS BSTOD, DE NAS A'A:- HR'I:- SOGS KYIS ZHAL BSIL DANG BSANG GTONG, ME LHA'I SNGAGS LA BU shPAm SOGS BTAGS BAS NYER SPYOD DANG ROL MOS MCHOD, GTOR MA BSANG SBYANGS BYIN GYIS BRLABS TE ME LHA'I SNGAGS LA, AA KA RO BTAGS PA GSUM GYIS PHUL, ME LHA'I SNGAGS LA BUshPAm SOGS SBYAR BA'I NYER SPYOD LNGAS MCHOD, ME STE SREG BYA ZA BA'I LHA, ,DRANG SRONG RGYAL PO BZHIN GYI BDAG, ,SHAR LHO ME LHA'I TSOGS BCAS LA, ,MCHOD CING BSTOD DE PHYAG KYANG 'TSAL, ,ZHES BSTOD, MCHOD SBYIN GTOR MA 'DI SNOM LA, ,RNAL 'BYOR BDAG CAG 'KHOR
, ,BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL PA BZANG, ,LONGS SPYOD RGYA CHEN KUN 'GRUB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNGS, ,DNGOS GRUB KUN GYI STONG GROGS MDZOD, ,DUS MIN 'CHI DANG NAD RNAMS DANG, ,GDON DANG BGEGS RNAMS MED PAR MDZOD, ,RMI LAM NGAN DANG MTSAN MA DAN, ,BYA BYED DAN PA MED PAR MDZOD, ,'JIG RTEN BDE ZHING LO LEGS DANG, ,'BRU RNAMS 'PHEL ZHING CHOS 'PHAL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHOG ,CES 'PHRIN LAS BCOL BA LTAR ZHAL GYIS BZHES PAR BSAM, A'A:- HR'I:- SOGS KYIS MCHOD YON BUL, GANG YANG BDAG BLO RMONGS PA YIS, ,SOGS SHO LO KA GCIG GIS BZOD BAR GSOL, ME LHA'I RGYAL BOS BDAG CAG DPON SLOB 'KHOR DANG BCAS PA RNAMS KYI 'GAL RKYEN MI MTHUN PA'I PHYOGS THAMS CAD ZHI ZHING MTHUN RKYEN LEGS TSOGS THAMS CAD YID BZHIN DU 'GRUB PAR MDZOD CIG ,CES BA LTA BU SKABS RANG BSTUN PA'I 'DOD BA'I DON ZHU, AOm BADZRA SATV'A AA:- RANG GI DON DANG GZHAN GYI DON, ,SGRUB BYED SREG BYA ZA BA GSHEGS, ,JI BZHIN DUS SU TSUD
SPYON CING, ,BDAG GI DNGOS GRUB THAMS CAD SGRUBS, ,ZHES PAS BSKUL LA, AOm MU:- YE SHES PA RANG GNAS SU GSHEGS NAS DAM TSIG PA ME 'BAR BA'I RNAM PAR GYUR PAR BSAM, YI DAM GYIS RJES SU 'DZIN BA'I SMON LAM ZUR DU BKOD BA LTAR GDAB BO, ,GONG DU BDAG BSKYED BSGOMS PA'I RJES SU RANG GTZO BO LAS LOGS SU BYE STE SBYIN SREG BYAS LA, 'DIR NANG DU ZHUGS NAS GTZO BO DANG THA MI DANG DU GYUR PAR MOS SHING, GTOR MGRON GYI GSHEGS GSOL DANG SMON LAM NYER BSDU SHIS BRJOD RNAMS SGRUB THABS LTAR BYA'O, ,DA NI DON LHAG MA 'GA' ZHIG BRJOD PAR BYA STE, DE YANG GONG DU BSHAD PA LTAR RDZAS 'BUL BA'I GRANGS MANG ZHING, ZHAG MANG BO 'GRO DGOS PAS NYIN RE BZHIN CHO GA RDZOGS PA'I RJES SU 'O MA DANG BSRES PA'I DRI DMAR PO'I CHUS THAB KYI ME GZHIL LA, THAL PA DANG RDUL TSON SOGS LAS BUM DU BLUGS LA CHU BO LA SOGS PAR BSKUR BAR GSUNGS PAS GRUB NA RDUL TSON GSHEGS PA'I TSUL LTAR BKUR STI DANG BCAS SKYEL BAR BYA ZHING, DE MA BYUNG NA'ANG SNOD GTZANG MANG BLUGS NAS SA GTZANG SAR SKYEL LO, ,SBYIN SREG PHYI MA RNAMS LA SA CHOG BYED MI DGOS, THAB KYIS GZHI SLAR YANG KHA BSGYUR NAS THAB 'BRI BA DANG RDZAS DANG YO BYAD BSHOM PA SOGS THAMS CAD SNGAR DANG 'DRA, THOG MA DANG THA MA'I CHO GA RGYAS LA, BAR BA RNAMS BSDUS PA BYAS KYANG RUNG BAS GANG MOS
, ,BYA, 'JIG RTEN PA'I ME LHA'I RDZAS KYI GRANGS MA RDZOGS BAR DU DE GTZO BOR BYED CING 'DAS LHA LA NYUNG TZAM DE DBUL, DE'I GRANGS RDZOGS PA'I TSE 'DAS LTA'I SBYIN SREG GI GRANGS BZUNG LA, ME LHA LA NYUNG TZAM DBUL ZHING, DE YANG RDZAS KHYAD PAR BA LNGA BCU RE SONG BA'I MTSAMS SU YAM SHING DANG MAR KHU LAN BDUN RE LTA BU SEL BAR BYA, SGRUB GROGS GCIG GIS GRANGS GZUNG BA DANG, ME LA BUD SHING SNON PA SOGS SKABS DANG BSTUN, RKANG 'OG TU SONG BA DANG MCHIL SNABS 'BYAR BA'I SHING SOGS BTZOG PA'I RIGS ME NANG DU MA 'DAR BA SOGS GTZANG SBRA LEGS PAR BYA, BCU CHA'I SBYIN SREG GI GRANGS RDZOGS PA'I MJUG TU YI DAM GYI LHA LA GTANG RAG GI TSUL DU RGYAS PA'I SBYIN SREG 'BUL BA PHYAG LEN DU SNANG BAS SPYI 'GRO LTAR BYA ZHING, 'O THUG SGRUB PA SOGS KYI DGA' STON DANG, CHOS SKYONG RNAMS LA GTANG RAG GI BSKAD GSO DANG, SMON LAM SHIS BRJOD RNAMS NI BSNYEN YIG RNAMS SU 'BYUNG BA LTAR BYA'O, ,DE LTAR BYED DGOS PA THAMS CAD LA LE LO DANG RTZED MO LTA BUR BYED PA SOGS SPANGS TE, THAB DANG RDZAS SOGS YO BYANG THAMS CAD GTZANG ZHING TSANG BA DANG, CHO GA PHYAG LEN MI 'CHOL BA DANG, DMIGS RIM RNAMS KYANG CI NUS KYIS BSAM BSGOM BYED BA RNAMS SHIN TU GAL
CHE STE, RJE THAMS CAD MKHYEN PA LCANG SKYA RIN PO CHES SBYIN SREG GI CHO GA SHEL DKAR ME LONG DU, DES NA RANG CAG BSGOM BZLAS TSAD DU 'KHYOL BAS LHA MNYES PAR BYAS PA LTA ZHOG ,LAS RUNG GI GRANGS BSNYEN CHA MTHUN TZAM YANG MA SONG ZHING, GANG LA DMIGS PA GTAD KYANG DON SPYI RAB RIB TZAM YANG 'CHAD DKA' BA DAG GIS NI THAB DANG RDZAS SOGS YO BYAD THAMS CAD TSOGS SHING CHO GA NGAG 'DON DANG LAG LEN MA 'CHOL BAS PHYI'I SBYIN SREG SGRUB PA KHA CI NUS KYIS 'BAD PAR BYA YI, YO BYAD DANG CHO GA DANG LAG LEN GANG BYUNG TZAM GYIS PHYI'I SBYIN SREG DANG, DMIGS RNAM GANG YANG 'CHAD RGYU MED PA'I YID KYI SBYIN SREG BYED PA'I RTZOM PA MI BYA STE, DES DGOS PA'I DON MI 'GRUB PAS RANG GZHAN BSLU BAR 'GYUR BAS SO, ,ZHES DANG, YID GYI SGOM PA JI LTA BA BZHIN MA BYUNG KYANG, THAB DANG RDZAS SOGS YO BYAD BSHAD TSOD LTAR TSOGS NA RDZAS KYI NUS PA BSAM GYIS MI KHYAB PA'I MTHU DANG, SNGAGS DANG CHO GA'I NGAG 'DON CHAD LHAG MED PA BYUNG NA SNGAGS KYI NUS PA BSAM GYIS MI KHYAB PA'I MTHU DANG, DMIGS PA YID LA BYED TSUL GYI GO BA CHAGS NAS DE LTAR BA YI NO SNYAM PA'I MOS PA BYED RGYU BYUNG NA MOS PA'I MTHU BSAM GYIS MI KHYAB PA GSUM KA CHOGS PA'I RTEN 'BREL GYIS DGOS PA'I DON BGRUB PAS SO, ,ZHES RANG CAG RNAMS LA THUGS BRTZE BA
, ,CHEN POS ZHAL GDAMS SU GNANG BA LTAR RO, ,TSUL 'DI NI RDO RJE 'JIGS BYED KYI LAS BZHI'I SBYIN SREG GI RNAM BSHAD DNGOS GRUB RGYA MTSO DANG, ZHI BA'I SBYIN SREG GI CHO GA SHEL DKAR ME LONG DANG, BCU CHA'I SBYIN SREG GI DAG 'DON BRUR DU BSGRIGS PA DNGOS GRUB CHAR 'BEBS SOGS DAM PA RNAMS KYI GSUNG DU MA LA BRTEN CING, BLA MA RNAMS KYI PHYAG BZHES SU MDZAD PAS KYANG BRGYAN TE SBYAR BA YIN MOD KYANG, BDAG NI SKYES SBYANGS KYI BLO SHIN TU DMAN ZHING ZHAL SHES MAN NGAG GI GNAD LA'ANG GDENGS THOB MA BYUNG BA BCAS LHAG CHAD NOR BA SOGS KYI SKYON JI SNYED BYUNG BA THAMS CAD BLA MA YI DAM MKHA' 'GRO CHOS SKYONG DANG BCAS PA RNAMS LA SNYING NAS 'CHAGS SO, ,NONGS TSOGS THAMS CAD BYANG ZHING DAG NAS PHAN YON RGYA CHEN PO 'BYUNG BAR BYIN GYIS BRLAB TU GSOL, , RNAM DAG BSAM PAS TSUL 'DIR 'BAD PA LAS, ,BYUNG BA'I DGE BAS MTHA' YAS 'GRO BA KUN, ,SKYE ZHING SKYE BAR 'JAM DBYANGS ZHI KHRO YIS, ,'BRAL BA MED PAR RJES SU 'DZIN GYUR CIG ,CES DPAL RDO RJE 'JIGS BYED DPA' BO GCIG PA'I SGO NAS BCU CHA'I SBYIN SREG BYA TSUL DNGOS GRUB KUN 'BYUNG ZHES BYA BA 'DI NI, ^ RJE BTZUN THAMS CAD MKHYEN LA A'AKY'A RIN PO CHE DANG, ^ MKHAS SHING GRUB
PA'I DBANG PHYUG KHRI CHEN CHOS KYI RGYAL PO'I ZHAL SNGA NAS LA SOGS PA SANGS RGYAS DNGOS DANG DBYER MA MCHIS PA'I DGE BA'I BSHES GNYEN DU MA'I ZHABS KYI RDUL LA SPYI BOS REG PA'I SKAL PA CUNG ZAD THOB PA BLO BZANG TSUL KHRIMS ZHES BGYI BAS, RANG NYID BSNYEN SGRUB BGYID PA'I TSE RANG DANG NYE BAR GNAS PA RNAMS KYIS LAG TU BLANG BDER BYA BA DANG, SKAL MNYAM DON GNYER GYI SKYE BO 'GA' 'BYUNG NA DE LA'ANG PHAN BA'I PHYOGS SU 'GYUR SRID DAM SNYAM NAS BSGRIG PA'I TSE SHOG BUR BRIS PA'I YI GE PA NI DGE SLONG BSTAN PA YAR 'PHEL LO, ,'DIS KYANG ^ 'JAM MGON RGYAL BA GNYIS PA'I RING LUGS DRI MA MED PA 'DI NYID DAR ZHING RGYAS LA YUN RING DU GNAS PA DANG, BDAG SOGS 'GRO BA THAMS CAD KYIS DAM PA'I CHOS TSUL BZHIN DU SGRUB PA'I RGYUR GYUR CIG, ,,MANGGA LAm,, ,,
/NGA16\