/NGA 13\ *, ,DPAL RDO RJE 'JIGS BYED KYI MNGON RTOGS BSDUS PA'I DMIGS RIM DGE LEGS CHAR 'BEBS ZHES BYA BA BZHUGS SO, ,
, ,NA MO GU RU, 'DIR THAMS CAD MKHYEN PA LCANG SKYA RIN PO CHES MDZAD PA'I RDO RJE 'JIGS BYED DPA' BO GCIG PA'I MNGON RTOGS MDOR BSDUS KYI DMIGS RIM NYAMS SU LEN TSUL GO BDE BAR BRJOD PA LA, MCHOD GTOR BSHAM PA NI, RTEN GANG YOD KYI MDUN NAM 'OS PA'I PHYOGS SU STEGS KYI KHAR, 'JIGS BYED LA 'BUL RGYU'I GTOR MA DANG NANG MCHOD, 'BUL YUL SBYI RNAMS NAS MGO BRTZAMS PA'I PHYI MCHOD, RANG GI MDUN DU RDOR DRIL tA MA RU, DE'I RGYAB TU BDAG BSKYED KYI MCHOD PA RANG GI G-YAS NAS BRTZAMS TE BSHAMS, DE YANG MCHOD GTOR SOGS TSAD NA PHAN YON CHE BAS DE LTAR BYAS NA LEGS MOD KYANG, RGYUN GYI NYAMS LEN LA MCHOD GTOR MA 'BYOR NA YID KYIS BSAM PAS KYANG RUNG NGO, ,SKYABS SEMS BYA BA NI, SANGS RGYAS CHOS DAD TSOGS KYI MCHOG RNAMS LA, ,
, ,ZHES SOGS LAN GSUM BRJOD PA'I TSE, PHYOGS BCU NA BZHUGS BA'I BLA MA MCHOG GSUM THAMS CAD LA YID GTAD DE BYED RNAMS MKHYEN SNYAM PA'I SKYABS 'GRO DANG, SEMS CAN THAMS CAD KYI DON DU SANGS RGYAS KYI GO 'PHANG THOB PAR SHOG CIG SNYAM PA'I SEMS BSKYED KYI DMIGS RNAM DAG 'DON DANG BSTUN NAS BSGOM, YANG NA RJE TZONG KHA PA LTA BU RANG GI MDUN DU BZHUGS PAR DMIGS NAS DE LA SKYABS GNAS KUN GYI NGO BOR MOS NAS SKYABS SEMS BYAS KYANG CHOG GO ,SKAD CIG KROD BSKYED NI, RANG NYID THA MAL PAR GNAS PA DE NYID SKAD CIG GIS MI DMIGS PAR GYUR PA'I GO SA DER, SNA TSOGS PADMA 'DAB BRGYAD, DE'I LTE BAR NYI GDAN LA RANG NYID RDO RJE 'JIGS BYED SKU MDOG MTHING NAG ,MA HE'I ZHAL CAN, PHYAG G-YAS GRI GUG DANG G-YON THOD KHRAG THUGS KAR STENG 'OG TU
BYAS NAS 'DZIN PA, RUS RGYAN GYIS BRGYAN PA, ZHABS G-YAS BSKUMS SHING G-YON BRKYANG BA'I STABS KYIS BZHENGS PA'I SKU LAS 'OD DMAR PO 'PHROS PA'I RTZE MOR ME RAB TU 'BAR BAR GYUR PAR BSAM LA, RANG NYID SKAD CIG GIS ZHES SOGS BRJOD CING, RDO RJE 'JIGS BYED KYI THUGS RJE DANG, CHO GA NGAG TU BTON PA'I BYIN RLABS DANG, RANG GIS MOS PA'I STOBS RNAMS TSOGS PA'I MTHUS RANG NYID RDO RJE 'JIGS BYED DNGOS SU GYUR SNYAM DU LHA'I NGA RGYAL BRTAN PO BSKYED PAR BYA'O, ,MCHOD GTOR BYIN GYIS BRLAB PA LA, BSANG BA NI, HR'I:- sht'I:- BRJOD PA'I TSE RANG GI THUGS KAR H'Um SNGON PO ZHIG YOD PA'I 'OD ZER GYI RTZE LAS RANG 'DRA'I 'JIGS BYED DPAG TU MID PA 'PHROS TE, RANG GI SNGON BSAGS SDIG SGRIB KYI DBANG GIS BYUNG BA'I GDON BGEGS KYI RIGS MI SDUG PA'I GZUGS CAN MANG PO DAG MCHOD GTOR GYI NYE 'KHOR DU GNAS PA RNAMS LA BSDIGS SHING SKROD PA'I TSUL DU SONG BA NA, BYE'U YI TSOGS KHRAS GTOR ZHING DED PA LTAR GDON BGEGS THAMS CAD SHIN TU 'JIGS PAS PHYI'I RGYA MTSO'I PHA MTHAR BROS PAR BSAM, SNGAGS DON NI 'OG TU 'CHAD DO, ,SBYANG BA NI, SVA BHA WA BRJOD PA'I TSE, MCHOD GTOR RNAMS MI DMIGS PAR BSAM, SNGAGS DON NI, AOm GYIS SBYANG YUL MCHOD GTOR, SBYOD BA PO RANG NYID, SBYANGS PA'I NGO BO MCHOD GTOR MI DMIGS PAR GYUR PA GSUM MTSON ZHING,
, ,SVA BHA WA RANG BZHIN, SHUD DHA DAG PA, SARBA THAMS CAD, DHA RM'A:- CHOS, SVA BHA LVA RANG BZHIN, SHUDDHONYAHAm, DAG PA'I BDAG NYID DE, DON DRIL NA, SBYANG YUL MCHOD GTOR SOGS KYANG RANG BZHIN GYIS DAG PA YIN ZHING, DE BZHIN DU CHOS THAMS CAD KYANG RANG BZHIN GYIS DAG PA YIN NO, ,ZHES PA'O, ,BSKYED PA NI, BDAG MDUN GYI MCHOD PA'I GO SAR THOD PA BRGYAD BRGYAD KYI NANG DU MCHOD YON NAS ROL MO'I BAR GYI MCHOD PA RNAMS KHYAD PAR GSUM LDAN DU GRUB BAR BSAM, DE YANG RANG BZHIN GYI KHYAD PAR NI, MCHOD RDZAS DE RNAMS THA MAL BA'I RDZAS MA YIN ZHING RDO RJE 'JIGS BYED KYI YE SHES KYI RNAM 'PHRUL DU BSAM PA'O, ,RNAM PA'I KHYAD BAR NI, KHRAG GI MCHOD YON DANG ZHABS BSIL, KHRAG ZHAG MKHRIS PA'I DRI CHAB, DBANG PO LNGA'I ME TOG ,SHA CHEN TSIL CHEN GYI BDUG SPOS, ZHUN CHEN GYI MAR ME, SHA RUS KYI ZHAL ZAS, RDOR DRIL DANG THOD PA'I tA MA RU SOGS KYI ROL MO'I RNAM PAR BSAM PA'O, ,BYED LAS KYI KHYAD PAR NI, MCHOD PA DE RNAMS LONGS SPYAD PAS BDE BA KHYAD PAR CAN STER NUS PAR BSAM PA'O, ,BYIN GYIS BRLAB PA NI, AOm AA RGHAm A'A:- H'Um ZHES SOGS SO SO'I SNGAGS BRJOD PA'I TSE BDAG MDUN GYI MCHOD PA GNYIS KA KHYAD PAR GSUM GYI YON TAN DANG LDAN PAR BSAM ZHING, SHAPTA'I SKABS SU DNGOS SU RANG GIS ROL MO
DKROL KYANG, ROL MO RNAMS RANG GI DANG GIS SGRA 'BYUNG BAR BSAM MO, ,GONG DU BSKYED PA'I SKABS SU GTOR MA DANG NANG MCHOD GNYIS KA'I GO SAR THOD PA SHA LNGA DANG BDUD RTZI LNGAS GAD BA THOL GYIS BYUNG ZHING, RANG GI THUGS KA'I H'Um LAS 'OD ZER 'PHROS TE PHYOGS BCU'I SANGS RGYAS THAMS CAD LA PHOG PAS DE RNAMS KYI BYIN RLABS THAMS CAD 'OD KYI RNAM PAR BSDUS TE GTOR MA DANG NANG MCHOD LA THIM BAS DE GNYIS KA MAR BZHUS PA LTAR ZHU ZHING SKYON DANG BRAL BA'I BDUD RTZI'I RGYA MTSOR GYUR PAR BSAM LA, AOm A'A:- H'Um LAN GSUM BRJOD DO, ,DE NAS MNGON RTOGS DNGOS GZHI BSGOM PA LA, DAM TSIG SEMS DPA' BSKYED PA NI, AOm SVA BHA WA SOGS BRJOD CING, RANG NYID STOD PA NYID DU GYUR BAR BSAM, SNGAGS DON LA, SKABS 'DIR AOm GYI AA DANG NA RO DANG THIG LE GSUM GYIS RANG GI LUS DAG YID GSUM MTSON PA STE, MTSON PA'I DON NI DE GSUM YID LA DRAN PA'I BRDA'O, , TSIG DON GZHAN RNAMS SNGAR LTAR LA, SHUDDHONYAHAm ZHES PA'I NA RO PHRAL NAS AA YIG TU BYAS PAS, AA HAm ZHES PA NI NGA'O ZHES PA'I DON DU 'GYUR RO, ,DE YANG, SVA BHA WA SHUDDHA GNYIS LAS SNGA MA NI, AOm GYIS MTSON PA'I LUS NGAG YID GSUM LA NGA'O ZHES MID BTEGS PA'I NGA ZER BA DE RANG BZHIN GYIS MED, CES PA'O, ,SVA BHA WA SHUDDHA PHYI MA NI, DE BZHIN DU CHOS THAMS CAD KYANG RANG BZHIN GYIS MED CES PA'O, ,DE YANG RANG
, ,BZHIN GYIS MED PA'I DON NI, RANG GI LUS DANG NGAG DANG YID GSUM TSOGS PA'I STENG DU NGA'O ZHES MING BTAGS PA TZAM MA GTOGS, DE GSUM SO SOR PHRAL PA'I RJES SU NGA ZER BA DE 'DI'O ZHES NGOS 'DZIN RGYU MED DO, ,DE'I PHYIR LUS DAG YID GSUM LA BRTEN NAS NGA ZER BA YOD PA MA GTOGS, DE GSUM LA MA BRTEN PAR RANG GI STOBS KYIS GRUB PA'I NGA ZER RGYU MED BA DE NI, NGA RANG BZHIN GYIS MED PA'I DON NO, ,DE BZHIN DU CHOS THAMS CAD KYANG RANG RANG GI GDAGS GZHI LA LTOS NAS GRUB PA MA GTOGS, GANG LA YANG MA LTOS BAR GRUB BA MED PAS, CHOS THAMS CAD RANG BZHIN GYIS MED CES PA YIN BAS DON DE DRAN PA'I SGO NAS SNGAGS BRJOD PA YIN NO, ,STONG PA'I NGANG LAS RANG GI GO SAR SNA TSOGS PADMA 'DAB MA BRGYAD PA ZHIG BYUNG BAR BSAM, DE YANG PHYOGS BZHI'I 'DAB MA DMAR, SHAR LHO DANG NUB BYANG GI 'DAB MA SER, LHO NUB KYI 'DAB MA LJANG, BYANG SHAR GYI 'DAB MA SNGO, LTE BA LJANG LA, GE SAR SER BA, RGYA CHE CHUNG 'DOM GANG LHAG PA 'AM RANG GI BLO DANG GANG 'TSAM ZHIG TU BSAM MO, ,DE'I STENG DU LTE BA DANG TSAD MNYAM PA'I ZLA BA, SHEL DKAR GYI RNGA ZLUM LEB MOR BZHAG PA LTA BU, DE'I STENG DU NYI MA SHEL DMAR LAS GRUB PA TSAD DBYIBS ZLA BA DANG 'DRA, DE'I STENG DU H'Um YIG SNGON PO, DE 'OD DU ZHU BA LAS RDO RJE RTZE LNGA PA SNGON PO GYEN 'GRENG GI LTE BAR H'Um YIG BRIS PA LTA BU
ZHIG BSAM, RDO RJE DE 'OD DU ZHU BA LAS RANG NYID DPAL RDO RJE 'JIGS BYED CHEN PO SKU MDOG MTHING NAG CES PA NAS, G-YON BRKYANG GI STABS KYIS BZHUGS PA ZHES PA'I BAR TSIG DANG BSTUN TE SKU'I RNAM PA RAGS PA TZAM YID LA SHAR BA'I SGO NAS CHE CHUNG GANG 'TSAM ZHIG SKAD CIG GIS BSKYED DO, ,DE NAS RIM GYIS GSAL 'DEBS PA LA, KHRO ZHAL RNAMS KYI 'JIGS RUNG GI TSUL NI, KHAMS GSUM PO SKAD CIG GIS ZA BAR NUS PA LTA BU'I ZHAL RAB TU GDANGS PA, HA HA ZHES SOGS KYI GANG RGYANGS CHEN PO SGROG CING, ZHAL GYI NANG DU KHRAG GIS BYUGS PA LTAR SHIN TU DMANG BA, GLOG 'KHYUG PA LTAR LJAGS 'DRIL BA, SHIN TU DKAR BA'I MCHE BA RNON PO BZHI RNAM PAR GTZIGS PA, SMIN MTSAMS SU SHIN TU BSDUS BA'I KHRO GNYER CAN, DE'I 'GRAM DU SMIN MA DMAR SER DANG, SPYAN DMAR LA 'TSER BA DUS MTHA'I ME LTAR 'BAR BA, DBU SKRA KHAM SER GYEN DU BRDZES PA'O, ,PHYAG ZHABS KYI TSUL NI, PHYAG G-YAS PA RNAMS BSDIGS MDZUB KYI RTZE GYAN DU BSTAN NAS 'JIG RTEN LAS 'DAS PA'I LHA RNAMS LA SGRUB PA PO LA DNGOS GRUB STZOL PAR BSKUL BA, PHYAG G-YON PA RNAMS BSDIGS MDZUB KYI RTZE 'OG TU BSTAN NAS 'JIG RTEN PA'I LHA 'DRE GDUG PA CAN RNAMS LA GNOD 'TSE MI BYED PAR BKA' BSGOS PA, 'JIG RTEN NA MTHU CHE ZHING 'JIGS PAR BYED PA'I TSANGS PA BRGYA BYIN SOGS ZHABS 'OG TU MNAN NAS 'JIGS PAR
, ,MDZAD PA'O, ,SRIN ZHAL GYI 'JIGS SU RUNG BA'I TSUL NI, RTZA ZHAL GYI STENG GI ZHAL DMAR PO NAS MKHA' 'GRO DPANG DU SDUD PA'I PHEE ZHES PA'I SGRA 'BRUG LDER BA LTAR SGROG PA, KHRAG ZHAG RKANG MAR TSIL BU ZA BAR MDZAD PA'O, ,RGYAN GYIS BRGYAN TSUL LA DBU RGYAN NI, KHRO ZHAL BRGYAD KYI DBU'I STENG DU RUS PA'I 'KHOR LO RTZIBS BRGYAD BA, RTZIBS KYI RTZA BA ZUG MTSAMS KYI LTE BAR BUG BA NAS RUS PHRENG 'PHYANG BA, LTE BAR NOR BU'I STENG DU RDO RJE GYEN 'GRENG YOD PA, DE'I MDUN NGOS KYI RTZIBS LNGA'I THAD DU THOD SKAM LNGA, MIG KONG CHE ZHING MA CHE RING BA SNOL BA, DE'I STENG 'OG TU RDO RJE 'PHRENG LA BRGYUS NAS THOD LTAR BSKOR BA'I 'OG MA LAS RUS PA'I DRA BA DRA PHYED 'PHYANG BA, STENG DU RIGS LNGA'I SKU 'BUR DOR KYI MTHA' BA TRAS BSKOR BA, MGO PHRENG NI, MI MGO RLON PA LNGA BCU'I PHRENG BA SKRA NAS BRGYUS PA MGUL PA NAS BRLA'I BAR 'PHYANG BA, SBRUL RGYAN NI SBRUL NAG PO GNYIS PHRAG BA G-YAS NAS MTSAN KHUD G-YON DANG, PHRAG G-YON NAS MCHAN G-YAS SU BTANG BA'I MGO MJUG MDUN DU BSNOL NAS MDUD PA STE, MCHOD PHYIR THOGS ZHES PA NI BRAM ZE RNAMS KYIS LHA MCHOD PA'I TSE SKUD PAS SE RAL LA BYAS NAS 'DOGS PA DANG RNAM PA 'DRA BAS DE LTAR BU MING BTAGS PA'O, ,MI DUS KYI 'KHOR LO NI, SNYING KA'I THAD KYI MDUN RGYAB GNYIS
SU MI RUS LEB MO GRU BZHI PA LA 'KHOR LO RTZIBS BRGYAD KYI LTE BAR RDO RJE RTZE GSUM PA BRKOS PA, DE'I ZUR BZHIR BUG PA GSUM GSUM NAS RUS PA'I PHRED BA GSUM GSHIBS NAS PHRAG GNYIS DANG MCHAN KHUNG GNYIS SU RGYA GRAM DU BTANG BA, RNA CHA NI, MA HE'I ZHAL MA GTOGS BA'I KHRO ZHAL BDUN GYI SNYAN LA, RUS BA'I DRA BA DRA PHYED 'PHYANG BA'I 'KHOR LO LTE BAR RDO RJES MTSAN BA, RNA CHA LA SOGS PA'I DUS BA'I RGYAN RNAMS KYIS BRGYAN PA ZHES PA'I SOGS KHONGS SU BSDUS PA MGUL RGYAN NI, MGRIN PAR DBUS DANG G-YAS G-YON DU RUS LEB LA BRKOS PA'I RDO RJE RTZE GSUM PA LA RUS PHRENG BRGYAD BSNOL MAR BTANG BA LA RUS PA'I DRA BA DU MAS MDZES BAR BYAS PA, DBUS RGYAN NI, DBUD PA'I TSIGS MANG MAS KYI THAD DU DBUS DANG MTHA' GNYIS SU RDO RJE RTZE GSUM PA LA RUS PHRENG LNGA BSNOL MAR BTANG BA'I SMAD NGOS LA SHAR BU DANG G-YER KHA 'PHANG BA, PHYA GZHABS KYI MKHRIG MA'I THAD DU YANG SDA MA DANG 'DRA BA'I PHYAG GDUB DANG ZHABS GDUB, SKA RAGS NI, SKED PAR DBUS DANG G-YAS G-YON DANG MTHA' GNYIS TE LNGA LA RDO RJE RTZE GSUM PA RE RE YOD PA LA RUS BA'I PHRENG BA BRGYAD BSNOL PAR BTANG BA LAS RUS PA'I DRA BA DRA PHYED G-YER KHA RNAMS KYIS SBRAS PA'O, ,SKU'I 'JIGS RUNG GI NYAMS NI, GSUS BA CHE LA LDING BA, SHA MA THABS MED PA'I GCER BU, MTSAN MA GYEN DU 'GRENG BA, SMIN MA RDZI MA SMRA
, ,RAB SPU RNAMS KHAM SER 'TSER ZHING 'BAR BA'O, ,ZHAL GYI KHA DOG SOGS NI, RTZA ZHAL NAG PO DBU RIL PO MA HE SHIN TU KHROS PA'I GDONG PA CAN, RVA GNYIS SNGO SANGS RTZE MOD ME 'BAR BA, RTZA ZHAL GYI STENG TSANGS BUG GI RGYAB TZAM DU ZHAL DMAR PO, ZHAL NAS KHRAG 'DZAG PA, DE'I STENG DU 'JAM DPAL BYI ZHAL MGRIN PA DANG BCAS PA SER PO, MDZES SHING YID DU 'ONG BA ZHI BA'I NYAMS CAN, SMIN MTSAMS SU KHRO GNYER CUNG ZAD TZAM YOD PA, RIN PO CHE'I DBU RGYAN DANG RNO RGYAN CAN, DBU SKRA'I LAN BU THAMS CAD RTZE MO NANG DU BCUG STE BCINGS PA LA GSER GYI YU BA CAN GYI NOR BU'I TOG BTZUGS PA, RAL PA'I THOR COG DE LA SKUR BA GNYIS KYIS GONG 'OG TU BSDAMS PA LAS DUM BU GNYIS SU GYUR BA'I 'OG MA DE NYID ZUR BZHIR BGOS TE 'CHING SKUD KYIS BCINGS PA'I RAL PA'I ZUR PHUNG LNGA DANG LDAN PA, NOR BU'I TOG GI 'OG NAS MU TIG SOGS KYI DZAR DZAR BYAS PA, RGYA GAR NA GZHON NU RNAMS KYIS ME TOG BRGYUS NAS RGYAN BYED PA LHAR THOR COG GI BCINGS MTSAMS RNAMS SU ME TOG GI PHRENG BAS BRGYAN PA'O, ,RTZA ZHAL GYI RVA G-YAS KYI 'OG RNA BA'I RGYAB TU ZHAL GSUM 'KHOR MAR YOD PA'I DBUS ZHAL SNGON PO, DE'I G-YAS PA STE LTAG PA'I PHYOGS KYI ZHAL DMAR PO, G-YON PA STE MDUN NGOS KYI ZHAL SER PO, RVA'I RTZA BA'I G-YON ZHAL GSUM GYI DBUS DKAR,
DE'I G-YAS PA MDUN PHYOGS KYI ZHAL DUD KHA LTAR KHAM NAG ,LTAG PHYOGS KYI ZHAL SOL BA LTAR NAG PO, G-YAS G-YON GYI ZHAL DRUG PO RTZA ZHAL DANG MGRIN PA GCIG LA, SNYAN PHAN CHAD KYI DBU THOD KYANG GCIG STE 'BUR DOD KYI TSUL DU YOD BA, 'JAM DBAL GYI ZHAL MA GTOGS PA'I BRGYAD PO SHIN TU KHROS PA, 'JAM DPAL GYI ZHAL DANG BCAS DGU BO RNAMS SBYAN GSUM GSUM DANG LDAN PA'O, ,PHYAG GI GYES TSUL PHYAG MTSAN SOGS NI, G-YAS KYI SOG YU'I KHA GCIG NAS MDUN NGOS SU DPUNG MGO BRGYAD STENG 'OG TU BSGRIGS, RGYAB NGOS SU YANG DPUNG MGO BRGYAD STENG 'OG TU BSGRIGS PA DANG, DE GNYIS KYI STENG GI GYIS MTSAMS NAS GLANG LPAGS 'DZIN PA'I PHYAG GI DPUNG MGO THON PA STE G-YAS PHYAG BCU BDUN DANG, DE BZHIN DU G-YON PHYAG BCU BDUN STE SO BZHI PO THAMS CAD KYI MTHIL DMAR BA, SEN MO RNO ZHING RING BA CUNG ZAD GUG PA, PHYAG DANG PO GNYIS KYIS GLANG PO CHE DKAR PO'I PAGS PA KHRAG BCAS RLON PA, MGO G-YAS DANG SPU PHYIR BSTAN TE BRKYANGS NAS 'DZIN PA, PHYAG DE GNYIS KYI LHAG MA G-YAS KYI BCU DRUG GI DANG POS RDO RJE RTZE LNGA BA PHYED BAS YU BA BYAS PA'I GRI GUG GDENGS PA'I TSUL GYIS 'DZIN PA STE, 'DIR NI GRO THOD THUGS KAR BSNOL BA MA YIN BAR, G-YAS BA THAMS CAD BRDEG PA'I TSUL DANG, G-YON PA THAMS CAD GZHAN LA STOB
, ,PA'I TSUL DU BSNAMS PA YIN NO, ,GNYIS PA NA BHI RHI P'A LA ZHES PA NI, LCAGS KYI MDUNG THUNG DANG CHA 'DRA PA LA SO NOB MED CING RTZE MO PHRA ZHING RNO BA, RTZE MOR KHA LTA BU'I BUG PA YOD PA'I NANG DU RMA BYA'I SGRO'I CHUN PO BTZUGS PA HA CANG MI RING BA'O, ,GSUM PA NA RKED PA PHRA LA SNE GNYIS SBOM BA'I GTUN SHING, BZHI PA NA RTZE MO RNO ZHING BRANG RGYAS PA, RKED PA BYIN GYIS PHRA ZHING YU BA'I STENG TZAM GYI RTZA BA RGYAS PA LTAG PA MTHUG CING CUNG ZAD GUG PA, RDO RJE RTZE LNGA PA PHYED PA'I YU BA CAN GYI CHU GRI, LNGA PA NA KA NA YA ZHES PA NI MDUNG THUNG BYED PA LA ZHAGS PA BTAGS PA STE, DE YANG SO GNYIS PA MA YIN PAR NGOS GCIG LA SO YOD PA'O,, DRUG PA NA DGRA STA NI SPYI 'GRO'I STA RE YIN PA LA YU BA'I YAR RTZEL RDO RJE RTZE LNGA PA PHYED PAS MTSAN PA'O, ,BDUN PA NA MDUNG YONGS GRAGS, BRGYAD PA NA SOG MDA' BSNAMS PA STE MDUN PHYAG BRGYAD DO, ,RGYAB PHYAG GI THOG MA STE, DGU PA NA YU BA RING ZHING LTAG PA DANG YAR RTZE GNYIS LA RDO RJE PHYED PAS MTSAN PA'I LCAGS KYU STE 'DI NI GRI GUG 'DZIN PA'I PHYAG GI RGYAB TU YOD DO, ,BCU PA NA MI'I THOD SKAM SHING GI YU BA CAN NAM SGAL TSIGS SOGS KYI KED RUS DANG 'BREL BZHIN YOD PA LA SGAL TSIGS KYI RUS PA NYID YU BAR BYAS TE 'DZIN PA'I DBUG TO'O, ,BCU GCIG PA NA YU BA DKAR PO'I STENG DU BUM PA SER PO, DE'I STENG DU SNA TSOGS RDO RJE
NYAL STABS SU YOD PA, DE'I STENG DU MI MGO RLON PA NAG PO, DE'I STENG DU MI MGO RNYING PA DMAR PO, DE'I STENG DU THOD SKAM DKAR PO, DE'I SPYI BOR RDO RJE RTZE LNGA PA NAG PO RDZOGS PA GYEN 'GRENG DU YOD CING, BUM PA'O RTZA BAR G-YER KHA DANG BCAS BA'I BA DAN BTAGS PA, YU BA'I MAR RTZAR RDO RJE RTZE GCIG PA YOD PA'I KHA tV'Am GA'O, ,BCU GNYIS BA NA LCAGS GYI 'KHOR LO STE RTZIBS BRGYAD PA, MU KHYUD MED PA, RTZIBS RNAMS RAL GRI SO GNYIS PA LTAR SHIN TU RNO BA'I SO GNYIS YOD PA LA RTZE PHRA ZHING SMAD RGYAS PA, LTE BA LA ZUG MTSAMS NA CUNG PHRA BA, RDO RJE BYED PAS YU BA BYAS PA 'AM LTE BA'I BU GANG MDZUB MO BCUG NAS BSNAMS PA'O, ,BCU GSUM PA NA GSER GYI RDO RJE RTZE LNGA PA, BCU BZHI PA NA YU BA'I YAR MAR GYI RTZE GNYIS DANG THO BA'I MGO LA RDO RJE PHYED PA RE RES MTSAN PA'I THO BA, BCO LNGA PA NA RDO RJE BYED PAS YU BA BYAS PA'I RAL GRI SO GNYIS PA, BCU DRUG PA NA THOD PA'I tA MA RU YONGS GRAGS DANG 'DRA BA'O, ,G-YON GYI PHYAG LHAG MA DANG PO NA KHRAG GIS GAD BA'I THOD BA, GNYIS PA NA TSANGS PA'I MGO BO GDONG BZHI PA STE 'KHOR ZHAL CAN SER PO MGRIN PA CUNG ZAD YONG PA'I GTZUG PHUD NAS BSNAMS PA, GSUM PA NA PHUB STE DBYIBS ZLUM LEB, RTZIBS DRUG PA, SMYUG MA'I TSAGS ZHVA LTAR BZOS PA, MTHUG CING SRA PA, RGYAB TU 'CHANG GZUNG YOD PA, MDUN NGOS SU RE MO SER KHRA YOD
, ,PA'O, ,BZHI PA NA MI'I RKANG PA YA GCIG ,PUS MO'I 'OG TZAM NAS BCAD PA, LNGA PA NA SNE GNYIS SU RDO RJE PHYED PA BTAGS PA'I ZHAGS PA NAG PO, DRUG PA NA SPYI 'GRO'I RVA GZHU, BDUN PA NA MI'I RGYU RLON, BRGYAD BA NA RDO RJE RTZE LNGA PAS YU BA BYAS PA'I DRIL BU, RGYA BA PHYAG GI THOG MA STE, DGU PA NA MI'I LAG PA GRU MO'I 'OG TZAM NAS BREGS PA, BCU PA NA DUR KHROD KYI RAS DKAR PO GRUB ZHI PA LA CUNG ZAD NAR STABS CAN, BCU GCIG BA NI MI GSON PO LCAGS KYI GSAL SHING GIS RGYAB NAS LTO BA LA THAL MAR PHUG STE BSNAMS PA, BCU GNYIS PA NA ME THAB NI, DBYIBS DKAR GTOR ZUR GSUM KHOD ZUS PA LTA BU'I NGOS RE RE LA BUG PA DE YOD PA, NANG NAS ME 'BAR BA STE, 'OG GI RTZE PHRA BA'I THAD NAS BSNAMS PA, BCU GSUM PA NI SKRA DANG BCAS PA'I MI THOD RLON PA, SMIN MTSAMS DANG LTAG PA'I THAD NAS SGOR MOR BREGS PA STE SGRA NAS BZUNG BA, BCU BZHI PA NA BSDIGS MDZUB STE GUNG MO DANG SRIN LAG MTHE BOS MNAN ZHING, MDZUB MO DANG MTHE'U CHUNG KENG BA'I LAG PA BSNAMS PA, BCO LNGA PA NA MDUD RTZE GSUM PA LA BTAGS PA'I 'PHAN RTZE GSUM PA, BCU DRUG PA NA SHING LA BTAGS PA'I RAS KHRA BO'I DAR LCOG ZUR GSUM BA LTA BU'I RLUNG RAS BSNAMS PA'O, ,ZHABS KYI GYES TSUL SOGS NI, G-YAS G-YON GNYIS SU DBYI MIG
GCIG NAS THON PA'I ZHABS MDUN NAS RIM BZHIN RGYAB NGOS SU BRGYAD BRGYAD BSGRIGS PA, ZHABS MTHIL DMAR BA, G-YAS BRGYAD SOR MO G-YAS SU BSTAN NAS BSKUMS SHING, G-YON BRGYAD KYANG G-YON DU BSTAN NAS BRGYANGS PA, ZHABS G-YAS BRGYAD KYI DANG BOS MI GCER BU MNAN ZHING, GNYIS PAS MA HE SNGO SKYA, GSUM PAS GLANG NAG PO, BZHI PAS BONG BU RKYANG DMAR DAM GANG RIGS, LNGA PAS RNGA MONG KHAM NAG ,DRUG PAS KHYI NAG BDUN BAS LUG DKAR, BRGYAD PAS WA SER PO RNAMS KYI MGO PHYIR BSTAN TE RGYAB KYI STENG NAS BRDZIS PA, G-YON GYI ZHABS DANG POS BYA RGOD SMUG KHAM, GNYIS PAS 'UG PA SMUG SER KHRA NYAMS CAN, GSUM PAS BYA ROG NAG BO, BZHI PAS NE TZO SNGO SKYA, LNGA PAS KHRA SMUG KHAM LA CUNG ZAD KHRA NYAMS YOD PA, DRUG PAS BYA CHEN PO NI NE LE'I RIGS SHIG YIN LA, LUS NAG CING MGO DANG MCHU CUNG DKAR BA'O, ,BDUN BAS KHYIM BYA NI RGYA GAR NA MING SHA RI ZER BA, LUS NAG LA SKE LA BYA BRE LTA BU'I SHA'I SKE 'KHOR CAN, MI SKAD SMRA NUS BA ZHIG GO ,BRGYAD PAS BZHAD MNAN PA STE, LUS DKAR ZHING MGRIN PA RING BA, MCHU LEB LA SER PA'O, SROG CHAGS KYI KHA DOG GONG DU BSHAD PA LTAR RAM, YANG NA MA HE SOGS G-YAS KYI SROG CHAGS PHAL CHED LA KHA DOG NGES PA MED PAS RANG GIS GANG 'DOD BYAS CHOG CING, BYA RGOD SOGS G-YON GYI SROG CHAGS RNAMS NI
, ,RANG RANG GI SPYI 'GRO'I KHA DOG CAN NO, G-YAS KYI SROG CHAGS RNAMS KYI 'OG TU, MGO SROG CHAGS DANG BLTA PHYOGS MTHUN PAR, TSANGS PA SER PO GDONG BZHI PA 'KHOR ZHAL CAN, DBANG PO DKAR PO, KHYAB 'JUG NAG PO, DRAG PO NAG PO, MGRIN PA SNGO BA RNAMS DANG, G-YON GYI 'OG TU, GZHON NU DMAR PO GDONG DRUG PA 'KHOR ZHAL, LOG 'DREN DKAR PO GLANG PO CHE'I GDONG CAN, ZLA BA DKAR PO, NYI MA DMAR PO RNAMS LHA RDZAS KYI NA BZA' DANG RIN PO CHE'I RGYAN CAN, LAG NA PHYAG MTSAN MED CING LAG PA BSNOL BA'AM THAL MO SBYAR BA SOGS KHA SBUB TU 'GYEL NAS SKRAG CING GUS PA'I RNAM PAR YOD PA RNAMS PA NAN PA STE DE LTAR KHRO BO'I NYAMS THAMS CAD YONGS SU RDZOGS PA, YE SHES KYI ME RAB TU 'BAR BA'I DBUS NA BZHUGS PAR GYUR PAR BSAM MO, ,YE SHES SEMS DPA' BSKYED PA NI, RANG NYID DAM TSOG SEMS DPA' RDO RJE 'JIGS BYED DU BSAM PA'I THUGS KA'I THAD KYI RGYAB LA NYE BAR ZLA GDAN SHEL DKAR GYI MAndAL LTA BU, DE'I STENG DU YE SHES SEMS DPA' 'JAM DPAL GZHON NU'I NYAMS CAN SER PO, SPYAN GSUM PA, YID TZAM KHROS PA, PHYAG G-YAS RDO RJE RTZE LNGA PA PHYED PAS YU BA BYAS PA'I RAL GRI SO GNYIS PA RTZE MOR ME 'BAR BA 'PHYAR ZHING, G-YON BSDIGS MDZUB DANG BCAS PA'I PHYAG GIS BKA' BRGYAD STONG
PA'I GLEGS BAM THUGS KAR BSNAMS PA, RDO RJE SKYIL DKRUNG GIS BZHUGS PA, PHYAG MTHIL DU 'KHOR LO'I RI MO YOD PA SOGS MTSAN SO GNYIS DANG, SEN MO ZANGS KYI MDOG LTA BU SOGS DPE BYAD BRGYAD CU DANG LDAN PA, RAL PA'I ZUR PHUD LNGA DANG LDAN ZHING, RIN PO CHE'I DBU RGYAN, SNYAN RGYAN, MGUL RGYAN, DPUNG RGYAN, PHYAG GDUB, ZHABS GDUB, SE MO DO, 'OG PAG ,DO SHAL RNAMS KYIS BRGYAN PA, SKU STOD LA DAR SNA TSOGS KYI GSHA DANG, SKU SMAD LA SHAM THABS DMAR PO GSOL BA, SKU LAS 'OD ZER 'PHRO BAR BSAM MO, ,DE LA DBU RGYAN NA DE BZHIN GSHEGS PA LNGA'I SKUL RIN PO CHE'I PA TRAS BSKOR BA DANG SO MO DO NI RUS PA'I MCHOD PHYIR THOGS DANG 'DRA BA DANG, 'OG PAG NI SKA RAGS TE, GZHI SKA RAGS LEB MO'AM RIN PO CHE'I PHRENG PA MANG PO GSHIBS NAS BYAS PA'I SKA RAGS LA RIN PO CHE'I DRA BA DRA PHYED 'PHYAD BA DANG, RGYAN GZHAN RNAMS KYANG RIN PO CHE LAS BYAS BA MA GTOGS DBYIBS RUS RGYAN DANG CHA 'DRA BAR GSUNGS PA LTAR RAM, YANG NA, DBU RGYAN DANG 'OG PAG GNYIS NI SNGA MA DANG 'DRA LA, SNYAN RGYAN NI RIN PO CHE'I AA LONG LA DRA BA DRA PHYED 'PHYANG BA'O, ,MGUL RGYAN NI MGRIN PA 'KHOR BA TZAM DANG, SE MO NGO NI SNYING KHA ZIN TZAM DANG, DO SHAL NI LTE BAR SLEB PA TZAM STE GSUM KA YANG RIN PO CHE'I PHRENG BA LA DBUS DANG GLO GNYIS
, ,RNAMS SU NOR BU SBOM PO LA GER GYIS BSDAMS PA SOGS MDZES PAR SPRAS PA'O, ,DPUNG RGYAN SOGS KYANG 'DI DAG DANG 'DRA'O, ,TING NGE 'DZIN SEMS DPA' BSKYED PA NI, 'JAM DPAL GYI THUGS KAR NYI GDAN LA H'Um YIG SNGON PO GYAN DU 'GRENG BA, DKAR SER DMAR LJANG SNGON PO'I 'OD ZER 'PHRO BAR BSAM PA'O, ,SKYE MCHED SKU GSUNG THUGS BYIN GYIS BRLAB PA NI, RANG NYID LHAR GSAL BA'I RTZA ZHAL GYI MIG GNYIS KYI NANG DU ME LONG LA GZUGS BRNYAN SHAR BA LTA BU'I KshIm DKAR PO PHYIR BSTAN PA RE RE, RNA BA GNYIS KYI BU GA'I NANG DU 'DZRIm NAG PO RE RE, SNA BUG GNYIS 'DRES PA'I MTSAMS KYI SUM MDO'I NANG DU KHAm SER PO, LCE'I RTZAB LCE CHUNG GI MDUN TZAM DU RAm DMAR PO, DBRAL BA'I NANG DU KAm LJANG KU, LTE BA'I BUG PA'I THAD KYI NANG DU SAm DKAR PO, SPYI BO'I THOR PA'I 'OG KLAD RGYA'I STENG DU AOm DKAR PO, MGRIN PA'I AOL MDUD KYI THAD KYI SBUBS SU A'A:- DMAR PO, SNYING KA'I YE SHES SEMS DPA'I MDUN DU H'Um SNGON POS MTSAN PAR BSAM MO, ,YE SHES PA SPYAN DRANGS NAS BSTIM PA NI, RANG GI THUGS KA'I TING NGE 'DZIN SEMS DPA' H'Um YIG LAS KHA DOG SNA LNGA'I 'OD ZER PHYOGS THAMS CAD DU KHYAB PAR 'PHROS, PHYOGS BCU'I ZHING RAB 'BYAMS NA BZHUGS PA'I SANGS RGYAS THAMS CAD LA PHOG PAS DE THAMS
CAD RANG BZHIN CHOS SKU'I NGANG NAS BSGOMS PA DANG 'DRA BA'I DPAL RDO RJE 'JIGS BYED KYI SKU'I RNAM PAR MDUN GYI NAM MKHA' SPYAN DRANGS, DZA:- ZHES PA'I TSE DE THAMS CAD GCIG TU GYUR TE RANG DANG ZHAL LTA PHYOGS MTHUN PAR RANG GI SPYI BOR BYON, H'Um GI TSE RANG LA THIM, BI GYI TSE RANG DANG DBYER MED DU 'DRES, HO:- ZHES PA'I TSE YE SHES PA DE NYID KYIS GANG 'DOD KYI DNGOS GRUB STZOL BA'I PHYIR DU BRTZE ZHING DGYES PAR BSAM LA, DAM TSIG PA RANG NYID LHAR GSAL BA DANG YE SHES PA GNYIS NGO BO DBYER MED DU GYUR SNYAM DU BSAM MO, ,DBANG BSKUR RGYAS GANG BA NI, SLAR YANG SNGAR BZHIN H'Um LAS 'OD 'PHROS PAS, SHAR PHYOGS KYI SANGS RGYAS DANG BYANG SEMS SOGS THAMS CAD RNAM SNANG DKAR PO 'KHOR LO DANG DRIL BU 'DZIN PA'I RNAM PA CAN, LHO PHYOGS PA RNAMS RIN 'BYUNG SER PO RIN PO CHE DANG DRIL BU, NUB PHYOGS PA RNAMS 'OD DPAG MED DMAR PO PADMA DANG DRIL BU, BYANG PHYOGS PA RNAMS DON GRUB LJANG GU RAL GRI DANG SRIL BU, STENG 'OG NAS BYON PA RNAMS MI BSKYOD PA SNGON PO RDOR DRIL 'DZIN PA, THAMS CAD KYANG RIN PO CHE'I RGYAN DANG DAR GYI NA BZA' CAN GYI DBANG GI LHA RNAMS NAM MKHAR SPYAN DRANGS, DE RNAMS LA RANG NYID KYIS KHYED RNAMS KYIS MNGON PAR DBANG BSKUR DU GSOL ZHES GSOL BA BTAB PAS, DE RNAMS KYI THUGS KA NAS RTZA RTZI KA DKAR MO, PHAG MO
, ,SNGON MO SOGS PHYAG NA BUM PA DKAR PO BDUD RTZIS GANG BA THOGS PA MANG PO BYUNG NAS, RANG GI RTZA ZHAL GYI TSANGS BUG GI STENG NAS BUM PA'I CHU'I RGYUN GYIS DBANG BSKUR BAS, LUS KYI NANG GANG, SDIG SGRIB THAMS CAD DAG ,SRIN ZHAL GYI MDUN DU TSANGS BUG GI KHAR CHU YAR LUNG PA LAS MI BSKYOD PA SNGON PO RDOR DRIL 'DZIN PA, YUM M'A MA KYI SNGON MO GRI THONG 'DZIN PA LA 'KHYUD PA, PAD ZLA'I GDAN LA RDOR SKYIL GYIS BZHUGS PAS DBU BRGYAN BAR BSAM LA, DBANG LHA RNAMS KYANG RANG LA THIM PAR BSAM MO, ,MCHOD BSTOD BYA BA LA PHYI MCHOD NI, AOm ZHES BRJOD PA'I TSE RANG GI SNYING KA'I SA BON LAS RTZA RTZE KA SOGS DANG 'DRA BA'I MCHOD PA'I LHA MO PHYAG GNYIS PA BYUNG, YA M'AN TA KA AARGHAm PRA T'ITZTSA ZHES PA'I SKABS SU SNGAR BYIN GYIS BRLABS PA'I MCHOD YON GYIS RANG LA BSNYEN BKUR BA'I PHYIR MDUN DU BZHAG NAS, H'Um SV'AH'A, ZHES PA'I TSE RANG LA THAM PAR BSAM MO, ,NGES MCHOD PA GZHAN RNAMS LA RIGS 'GRO BYA ZHING, P'A DYAm GYIS ZHABS BKRUS, GAN DHES THUGS KAR GTOR, BU SHPES GYEN DU GTONG BA NAM MKHA' LA SPRIN LTAR CHAGS, DH'A PES SHANGS LA BDUG, S'A LO KES 'JIG RTEN PHYI KHAMS THAMS CAD SPYAN LA GSAL BAR SNANG BAR BYAS, NEE WI DYES LJAGS 'OD KYI SPU GUS GSOL NAS TSIM PAR BYAS, SHAPTA'I SGRA SNYAN LA THOS PAS TSIM PAR BYED PAR BSAM MO, ,
SNGAGS DON NI, AOm NI SKU RDO RJE'I SA BON YIN PAS, SKABS 'DIR MCHOD PA'I LHA MO'I SKU SPRUL PA SOGS YIN, YA MA NI GSHIN RJE, AANTA KA NI GSHED PO, AARGHAm NI MCHOD YON, BRA T'ITZTSA NI SO SOR BZHES, H'Um NI THUGS KYI SA BON YIN PAS THUGS RGYUD BSKUL PA STE, KHYED RANG MKHYEN ZHES BA LTA BU SOGS YIN, SV'AH'A NI GZHI TSUGS ZHES PA'AM LEGS PA SPYIN ZHES PA STE, DON DRIL NA, GSHIN RJE GSHED KHYED KYIS MCHOD YON BZHES NAS DNGOS GRUB STZOL DU GSOL ZHES PAR 'GYUR RO, ,GZHAN RNAMS KYI DON NI NGES 'GRO, NANG MCHOD NI, AOm YA M'AN TA KA AOm A'A:- H'Um, ZHES BRJOD PA'I TSE SNYING KA NAS LTA MO THOD PA 'DZIN PA BYUNG NAS, BYIN GYIS BRLABS PA'I NANG MCHOD NAS BCUS TE PHUL BA LJAGS KYI SBU GUS GSOL BAS BDE BA KHYAD PAR CAN SKYES PAR BSAM LA, LHA MO RANG LA BSTIM MO, ,BSTENG BA NI, SPROS PA'I LHA MOS ROL MO DBYANGS DANG BCAS TE BSTOD PAR BSAM LA, GZUGS MCHOG SOGS BRJOD, DE YANG DON NI, SKYON THAMS CAD DANG BRAL BA'I YE SHES NYID GZUGS KYI SKUR SHAR BAS NA GZUGS MCHOG ,SHIN TU KHROS PA'I SKUR BSTAN PAS NA MCHOG TU DRAG PO CHE, MI MTHUN PHYOGS THAMS CAD LAS RGYAL BAS NA DPA' BO, THABS SNA TSOGS KYIS 'GRO BA'I DON LA SPYOD BAS NA MCHOG GI SPYOD YUL CAN, PHYI'I GSHIN RJE GDON BGEGS SOGS
, ,DANG, NANG GI GSHIN RJE SDIG SGRIB SOGS 'JOMS PAS NA GDUL DKA' 'DUL BA'I DON MDZAD PA STE, DE LTA BU'I YON TAN DANG LDAN PA'I RDO RJE 'JIGS BYED KHYED LA PHYAG 'TSAL LO, ,ZHES PA'O, , LHA MO RANG LA BSDU, MCHOD BSTOD KYI LHA MO 'DI RNAMS SO SOR GRANGS MANG PO'AM RE RE SPRO BAR BYAS KYANG CHOG GO ,MTSAMS 'DIR GSAL SNANG NGA RGYAL BSGOM PA LA, GONG DU BSKYED PA'I RNAM PA JI LTA BA BZHIN YANG YANG GSAL 'DEBS PA NI GSAL SNANG DANG, KHO BO RDO RJE 'JIGS BYED DO SNYAN DU BSGOM PA NI NGA RGYAL BSGOM PA YIN NO, ,DE YANG, 'OG TU SNA TSOGS PADMA, ZLA BA, NYI MA, DE'I SNYING DU RDO RJE 'JIGS BYED MTHING NAG MA HE'I ZHAL CAN, DE'I STENG ZHAL DMAR PO, DE'I STENG ZHAL SER PO, G-YAS SU ZHAL GSUM, G-YON DU ZHAL GSUM, PHYAG SO BZHI'I DANG PO GNYIS GLANG LPAGS 'DZIN PA, NGA'I LHAG MA G-YAS KYI MDUN PHYAG BRGYAD KYIS GRI GUG BHI DHI P'A LA SOGS 'DZIN, RGYAB PHYAG BRGYAD KYIS LCAGS KYU DBYUG THO SOGS 'DZIN PA, G-YON GYI MDUN PHYAG BRGYAD KYIS THOD PA TSANGS MGO SOGS 'DZIN, RGYAB PHYAG BRGYAD KYIS LAG PA RO RAS SOGS 'DZIN PA, ZHABS G-YAS BRGYAD BSKUMS PA'I 'OG TU MI SOGS SROG CHAGS BRGYAD, DE'I 'OG TU TSANGS BA SOGS LHA CHEN BZHI, G-YON BRGYAD BRKYANGS PA'I 'OG TU BYA RGOD SOGS BYA BRGYAD, DE'I
'OG TU GZHON NU SOGS LHA CHEN BZHI, SBRUL DANG RUS RGYAN CAN, SKU LAS ME RAB TU 'BAR BA, THUGS KAR ZLA GDAN LA YE SHES SEMS DPA' 'JAM DPAL, DE'I THUGS KAR NYI GDAN LA TING NGE 'DZIN SEMS DPA' H'Um YIG SNYAM PA LTA BUS YID LA 'CHANG DU 'JUG BA'I GSAL SNOD BSGOM ZHING, BDAG NYID DE LTA BU'I RNAM PA CAN GYI DPAL RDO RJE 'JIGS BYED DNGOS YIN NO SNYAM DU NGA RGYAL BSGOM MO, ,DE YANG RANG NYID THA MAL PA'I MI'I RNAM PA CAN DU MI 'DZIN PAR LHA'I RNAM PA CAN DU BSGOM PA DANG, THA MAL PA'I MI YIN SNYAM DU MI 'DZIN PAR SANGS RGYAS YIN SNYAM PA YIN LA, 'DI BSGOM PA SHIN TU GAL CHE BAS GROGS MANG PO DANG BCAS 'DON PA LTA BU'I SKABS MA GTOGS, BSNYEN SGRUB BYED PA SOGS KYI TSE BSGOMS NA LEGS, DE NAS BZLAS PA BYA PA LA, 'JAM DPAL GYI SNGAGS BZLA BA'I TSE TING NGE 'DZIN SEMS DPA' GDAN DANG BCAS PA BSGYUR DGOS BAS, RANG GI THUGS KA'I TING NGE 'DZIN SEMS DPA'I NYI GDAN ZLA GDAN DU GYUR CING H'Um YIG DH'I:- YIG TU GYUR BA'I MTHAR AOm AA RA PA TZA NA ZHES PA'I SNGAGS PHRENG GSER GYI MDOG CAN G-YAS SKOR DU GYEN 'GRENG GIS GNAS PA LAS 'OD ZER SER PO NYI 'OD LTA BU 'PHROS, YE SHES SEMS DPA'I SKU'I NANG GANG, BA SPU'I SGO NAS PHYIR 'PHROS, DAM TSIG SEMS DPA'I SKU'I NANG GANG, NAD GDON SDIG SGRIB BAG CHAGS
, ,DANG BCAS PA THAMS CAD SBYANGS, 'OD ZER PHYIR 'PHROS, PHYOGS BCU'I 'JIGS RTEN GYI KHAMS DPAG TU MED PA THAMS CAD LA KHYAB, SEMS CAN THAMS CAD LA PHOG PAS SDIG SGRIB SDUG BSNGAL MTHA' DAG SBYANGS TE 'JAM PA'I DBYANGS KYI GO 'PHANG LA BKOD, DE THAMS CAD KYIS KYANG SNGAGS BZLA PAR BSAM, YANG 'OD ZER 'GA' ZHIG GI SNE LAS MCHOD PA'I LHA MO CHU GNYIS NYER SPYOD 'DOD YON LNGA RGYAL SRID SNA BDUN SOGS MCHOD RDZAS MANG PO THOGS PA DPAG TU MED PA BYUNG STE, PHYOGS BCUR BZHUGS PA'I BLA MA MCHOG GSUM THAMS CAD LA MCHOD PA PHUL, 'OD ZER TSUR BSDU BA DANG MNYAM DU DE THAMS CAD KYI BYIN RLABS DANG YON TAN THAMS CAD 'OD KYI RNAM PAR BSDUS NAS SNGAGS PHRENG BON DANG BCAS PA LA THIM PA DANG, RANG YI DAM DU GSAL BA'I ZHAL DGU PO NAS 'DON PAR BSAM LA, AOm AA RA BTZA NA DH'I:- ZHES CI 'GRUB BZLA, DE YANG RES 'OD ZENG SPRO BSDU BYA ZHING, RES SNGAGS 'KHOR 'OD ZER 'BAR BA TZAM LA DMIGS NAS BZLA, RANG GI ZHAL DGU DANG SEMS CAN THAMS CAD KYIS BZLA BAR BSAM NA DE SNYED KYI PHAN YON YOD, SNGAGS KYI DON NI, AOm NI SKU'I SA BON YIN PAS LHA'I SKU DRAN PA YIN ZHING, DER MA ZAD, AA DANG NA RO DANG THIG LE GSUM GYIS SKU GSUNG THUGS MTSON PA DANG, AOm ZHES BZLAS PAS JI
LTAR 'DOD PA'I DON 'GRUB PA'I PHAN YON YOD PAS SNGAGS KYI MGOR BRJOD PA YIN NO, ,AA RA NI 'GRO BA, BA TZA NA NI SMIN BYED DAM 'DREN PA, DH'I:- NI BLO CAN ZHES PA DANG THUGS KYI SA BON YANG YIN PAS THUGS RGYUD BSKUL BA'O, ,'GRO BA SMIN BYED NI 'JAM DPAL GYI MTSAN YIN PAS, DON BSDU NA, 'JAM PA'I DBYANGS DNGOS GRUB STZAL DU GSOL ZHES PA'I DON NA, ,DA LTAR 'JAM DPAL GYI SNGAGS JI TZAM BZLA BA'I GRANGS RDZOGS PA NA, SNGAGS PHRENG DH'I:- LA THIM ZHING, DH'I:- H'Um YIG TU GYUR, ZLA GDAN NYI GDAN DU GYUR PA'I H'Um GI MTHAR YA M'A NA TA KA, DE'I MTHAR HR'I:- sht'I:- DE'I MTHAR YA MA R'A DZA'I SNGAGS PHRENG MTHING NAG G-YAS SU BSKOR BA LAS KHA DOG SNA LNGA'I 'OD ZER 'PHROS, SDIG SGRIB SBYANGS, 'GRO BA'I DON BYAS, RDO RJE 'JIGS BYED KYI GO 'PHANG LA BKOD, DE RNAMS GYANG SNGAGS BZLA, RGYAL BA RNAMS MCHOD DE BYIN RLABS BSDU BA SOGS KYI DMIGS PA SNGAR BZHIN BSAM PA'I SGO NAS YA MA R'A DZA BZLA, SNGAGS DON LA TSIG 'GYUR NI GO DKA' BAS, DON 'GYUR LTAR BYED NA, AOm NI SNGAR BZHIN, YA MA NI GSHIN RJE, R'A DZA NI RGYAL PO, SA NGO NI RTAG TU, ME YA NI BDAG DANG STE, GSHIN RJE'I RGYAL POS RTAG TU BDAG DANG, ,ZHES PA'O, ,YA ME NI GSHIN RJE'O, ,DO NI GNOD PA, DU nA NI GDUNGS PA, YO DA YA NI 'GRO BA STE, GSHIN RJE'I GNOD PAS GDUNGS PA'I 'GRO PA, ,ZHES PA'O, ,
, ,YA NGA NI GANG YIN, YO NI NI SKYE GNAS, RA YA NI 'JIGS MED, KshE YA NI ZAD MED DE, GANG YIN SKYE GNAS 'JIGS MED ZER MED, ,CES PA'O, ,YA KshE NI MCHOG SBYIN, YATZTSA NI STZOL CIG ,NI NI NGES PAR, R'A MA YA NI BRTZEBS TE, MCHOG SBYIN STZOL CIG NGES PAR BRTZE BAS, ,ZHES PA'O, ,H'Um H'Um PHAt PHAt SV'A H'A NI THUGS RGYUD BSKUL BA YIN PAS, RANG GI JI LTAR 'DOD PA'I DON LA BSAM NAS DE SGRUB PAR MDZAD DU GSOL ZHES BA'I DON DU 'GYUR RO, ,DE LTAR RTZA SNGAGS RDZOGS PA NA H'A:- sht'I:- LA THIM, H'I:- shtR'I:- 'I SPRO BSDU SOGS LA DMIGS NAS BZLA, SNGAGS DON NI, AOm SNGAR BZHI, HR'I:- NI 'PHRO BYED, sht'I:- NI MCHE BA, WI KRi TA NI RNAM PAR GTZIGS PA, AAN NA NI ZHAL CAN, H'Um PHAt NI THUGS RGYUD BSKUL BA STE, AOm 'PHROG BYED MCHE BA RNAM PAR GTZIGS PA'I ZHAL CAN GYIS DNGOS GRUB STZOL, ZHES PA'O, , DE LTAR NYE SNYING RDZOGS PA NA SNYING PO LA THIM, SNYING PO'I SNGAGS BZLA, SNGAGS DON NI, AOm GSHIN RJE GSHED KYIS DNGOS GRUB STZOL ZHES PA STE, DE LA PHYI'I GSHIN RJE NI GNOD PAR BYED PA'I GDON BGEGS SOGS YIN LA, NANG GI GSHIN RJE NI SDIG SGRIB SDUG BSNGAL SOGS YIN ZHING, GSANG BA'I GSHIN RJE NI SANGS RGYAS KYI GO 'PHANG THOB PA LA GEGS BYED BA'I RTZA BA LAS KYI RLUNG SOGS YIN NO, ,RDO RJE 'JIGS BYED NI GSHIN RJE DE GSUM PO
'JOMS SHING SEL BAR BYED PA'I LHA YIN PAS, GSHIN RJE'I GSHED CES PA STE, GONG GI 'PHROG BYED CES PA'I DON YANG DE LTAR YIN NO, ,SNYING PO'I BZLAS BA RDZOGS PA 'A H'Um YIG LA THIM BAD BSAM MO, ,LOR YOD NA SNGAGS DE BZHI KA BZLA BAR BYA ZHING, DE MI NUS NA SNYING PO GCIG BU BZLAS KYANG RUNG NGO, ,GAL TE SNYING PO TZAM BZLA BA YIN TSE TING NGE 'DZIN SEMS DPA' GDAN DANG BCAS PA BSGYUR MI DGOS SHING, DMIGS PA GZHAN RNAMS SNGA MA LA RIGS 'GRO BYA'O, ,SNGAGS KYI GRANGS NI BSNYEN MTSAMS KYI SKABS YIN NA BSNYEN YIG SOGS LAS GSUNGS PA LTAR BYA LA, SBYIR BTANG LA NA RANG GI GANG 'DOD LTAR BZLAS PA CHOG GO, SNGAGS PHRENG DANG 'OD ZER GYI KHA DOG NI, SBYIR BTAD LA GONG DU BSHAD PA LTAR BYED LA, DMIGS BSAL NAD GDON SDIG SGRIB SOGS ZHI BA LA DKAR PO DANG, TSE BSOD YON TAN SOGS RGYAS PA LA SER POR BSGYUR BA SOGS YOD CING, BZLA BA'I TSE GZHING KYIS NON NAS RMONGS PA DANG, HA CANG RINGS NAS HAB HAB BYED PA SOGS NI SHIN TU MI LEGS PAS, TSIG DAG CING MYUNG BUL NGAN PA, DMIGS PA YANG CI NUS BYED PA'I SGO NAS BZLA'O, ,DE NAS SPYI BO'I RIGS BDAG MI BSKYOD PA'I THUGS KAR ZLA GDAN LA H'Um YIG DKAR PO'I MTHAR YIG BRGYA'I SNGAGS PHRENG KHA DOG DKAR PO G-YAS SU BSKOR BAR BSAM LA GSHIN RJE'I GSHED KYI YIG BRGYA
, ,BRJOD CING, SNGAGS DON BZHIN GSOL BA BTAB PAS BDUD RTZI DKAR PO'I RGYUN BABS, LUS GANG, SDIG SGRIB SPYI RANG KHYAD PAR DU SNGAGS MA DAG PAR BTON PA CHO GA LTAG CHAD DU GYUR PA SEMS KYI NYES LTUNG THAMS CAD DUD KHU DANG SOL KHU'I RNAM PAR BA SPU'I BU GA NAS PHYIR THON TE BYANG ZHING DAG ,SNGAGS BZLAS PA'I BYIN RLABS DANG 'OD ZER SPRO BSDU'I TSE SANGS RGYAS THAMS CAD KYI YON TAN RNAMS BSTIM PA SOGS KYI BYIN RLABS THAMS CAD RNAM YANG MI NYAMS PAR BYIN GYIS BRLABS PAR GYUR SNYAM DU BSAM MO, ,SNGAGS DON NI, AOm YA M'A NA TA KA NI SNGAR BZHIN TE, 'DIR SBYI BO'I MI BSKYOD PA LA DMIGS NAS YA M'AN TA KA ZHIS BRJOD PA YIN, SA MA YA NI DAM TSIG, ,MA NU NI RJES SU, P'A LA YA NI SKYONGS SHIG STE, GSHIN RJE'I GSHED PO DAM TSIG RJES SU SKYONGS, ,ZHES PA'O, ,TE NA NI NYID KYIS, AU PA NYE BAR, TIshthA GNOS SHIG STE, GSHIN RJE'I GSHED PO NYID KYIS NYE PAR GNAS, ,ZHES PA'O, ,'DIR TVE NO PA ZHES PA'I NA RO PHRAL NAS AU ZHES 'DOD PA YIN, tHI dHO BRTAN PA, ME BDAG LA, BHA BA MDZOD DE, BDAG LA BRTAN PAR MDZOD CES SO, ,SU SHIN TU, TO shYO NGA GYE PA STE, BDAG LA SHIN TU DGYES PAR MDZOD, ,SU PO shYO SHIN TU RGYAS BA STE, BDAG LA SHIN TU RGYAS PAR MDZOD, ,AA
NU RJES SU, RAKTO CHAGS PA STE, BDAG LA RJES SU CHAGS PAR MDZOD, ,CES PA STE 'DIR CHAGS PA NI MI 'BAL BA'I DON YIN, SARBA THAMS CAD, SING DHI DNGOS GRUB, MME BDAG LA, PRA RAB TU, YATZTSA STZOL CIG STE DNGOS GRUB THAMS CAD BDAG LA RAB TU STZOL, ,KARMA LAS, SU TZA YANG, ME BDAG STE, LAS THAMS CAD KYANG BDAG LA STZOL, ,TZIDTAm SEMS, SHRI DPAL, YAm PHAN PA, KU RU MDZOD DE, SEMS LA DPAL DANG PHAN PA MDZOD, ,H'Um NI THUGS RJES GZIGS, HA BZHI HO:- DANG LNGA NI YE SHES LDA'I MTSON BYED DE, CHOS DBYINGS YE SHES LA SOGS PA'I YE SHES KYI YON TAN BDAG LA STZOL ZHES PA'I DON NO, ,BHA GA BCOM, WAN LDAN, SARBA THAMS CAD, TA TH'A DE BZHIN, GA TA GSHAGS PA, BADZRA RDO RJE, MA ME BDAG ,MU NYTZA MA 'DOD CIG STE, BCOM LDAN 'DAS DE BZHIN GSHEGS BA THAMS CAD KYI SKU GSUNG THUGS RDO RJE'I NGO BO KHYED KYIS BDAG MA 'DOR CIG CES SO, ,BADZRE RDO RJE CAN, BHA BA MDZOD DE, RDO RJE CAN DU MDZOD, MA H'A CHEN PO, SA MA YA DAM TSIG ,SATVA SEMS DPA' STE, DAM TSIG CHEN PO DGONGS SU GSOL ZHES SO, ,A'A:- NI GSUNG GI SA BON, H'Um PHAt NI THUGS RGYUD BSKUL BA'O, ,GTOR MA 'BUL BA LA, RANG GI THUGS KA'I H'Um LAS 'OD ZER PHYOGS BCUR
, ,'PHROS TE, PHYOGS BCU'I SANGS RGYAS THAMS CAD RDO RJE 'JIGS BYED KYI RNAM PAR SPYAN DRANGS BA RNAMS MDUN GYI NAM MKHAR BYON PA NA GCIG TU GYUR ZHING, DE'I LJAGS 'OD DU ZHU NAS 'OD SIR DKAR BO GRU BZHI PA SBU GU CAN DU GYUR PAS, GTONG MA 'BUL BA'I TSE GTOR MA LA ZUG NAS DRANGS TE GSOL BAS TSIM PAR BSAM ZHING, AOm ZHES PA'I TSE LHA MO SNYING KA'I SA BON LAS SPROS TE, YA M'A NA TA KA AI DAm SOGS KYI TSE SNGAR BYIN GYIS BRLABS PA'I GTOR MA NAS THOD PAS BCUS TE PHUL BAR BSAM, SNGAGS BSKYAR NAS BRJOD PA'I TSE LHA MO DE NYID KYIS SLAR YANG GTOR MA NAS BCUS TE 'BUL ZHING, DE LTAR LAN GSUM MAM LAN BDUN PHUS NAS LHA MO TSUR RANG LA BSTIM, DE NAS LHA MO MANG DU SPROS PA'I KHA CIG MCHOD YON DANG, KHA CIG ZHABS BSIL SOGS BZUNG NAS PHYI MCHOD DANG, DE BZHIN DU NANG MCHOD DANG BSTOD PA RNAMS BYA, GTER MA DANG MCHOD BSTOD KYI SNGAGS NANG TSIGS BCAD DE DAG SPROS PA'I LHA MO RNAMS RANG RANG NYID LHAN CIG TU BRJOD PAR BSAM NAS 'DON NO, ,MCHOD SNGAGS KYI DON GONG DU BSHAD ZIN CING, GTOR SNGAGS KYI DON LA, AI DAm 'DI, BA LI TA GTAR MA, KHA KHA BZHES BZHES, KH'A HI KH'A HI BZHES SU GSOL BA ZHES SU GSOL, ZHES PA'O, ,GTOR MGRON BRTAN
BZHUGS BYED NA, 'DIR NA GZUGS DANG SOGS DANG, SU PHRA TIshthA'I SNGAGS BRJOD DE, MDUN GYI NAM MKHAR BZHUGS PA'I 'JIGS BYED 'OD DU ZHU NAS GANG LA DMIGS PA'I RTEN DE LA THIM PAR BSAM, TSIGS BCAD SNGAGS KYI DON NI, RDO RJE 'JIGS BYED KHYED KYIS GNAS 'DIR RTEN GYI GZUGS 'DIR DANG LHAN CIG TU BDAG SOGS 'GRO BA KUN GYI DON DU BZHUGS NAS KYANG, RANG CAG RNAMS LA NAD MED PA DANG TSE RING BA DANG, 'DOD DON THAMS CAD RANG DBANG DU 'GRUB PA'I DBANG GIS PHYUG PA DANG, MCHOG SANGS RGYAS KYI GO 'PHANG THOB PA'I DNGOS GRUB STZAL DU GSOL, ,AOm SNGAR BZHIN, SU BRA SHIN TU RAB TU, TIshthA BRTAN BA'AM GNAS, BADZRA YE RDO RJE LTAR, SV'AH'A GZHI TSUGS TE, DRIL NA RDO RJE 'JIGS BYED KHYED KYIS RDO RJE LTAR SHIN TU RAB TU BRTAN PAR BZHUGS SU GSOL, ,ZHES PA'O, ,GSHEGS GSOL BYED NA, KHYED KYIS SEMS CAN SOGS DANG, AOm BADZRA MU:- ZHES PA'I TSE NAM MKHA'I DBYINGS SU GSHEGS NAS MI SNANG BAR GYUR PAR BSAM, TSIG GI DON NI, RDO RJE 'JIGS BYED KHYED KYIS 'DIR BYON NAS, BDAG SOGS SEMS CAN KUN GYI DON MDZAD CING, RANG RANG GI MOS PA DANG RJES SU MTHUN PA'I DNGOS GRUB RNAMS BSTZAL BA BKA' DRIN SHIN TU CHE, DA NI RE ZHIG PHYOGS BCU'I SANGS RGYAS KYI YUL RNAMS SU SEMS CAN GYI
, ,DON DU GSHEGS NAS KYANG, SLAR YANG DUS DUS SU 'DIR BYON PAR MDZAD DU GSOL, ,AOm NI LHA SKU DRAN PA STE RDO RJE 'JIGS BYED KHYED KYIS PHA LTA BU'O, ,BADZRA NI RDO RJE STE YE SHES PA, MU:- NI RTZA BA ZHES PA'AM BSDU ZHES PA STE, RDO RJE 'JIGS BYED KYI YE SHES PA RU BA'I GNAS SU GSHEGS CES PA'O, ,DE NAS BSNGO SMON BYA BA NI, BDAG GIS YI DAM GYI LHA BSGOMS SHING SNGAGS BZLAS PA SOGS KYI DGE BA 'DI DANG GZHAN YANG THOG MA MED BA NAS BSAGS PA'I DGE BA JI SNYED YOD PA THAMS CAD PHYOGS GCIG TU BSDOMS PA'I MTHU LAS, MYUR BA ZHID DU RDO RJE 'JIGS BYED KYI GO 'PHAR THOB NAS, 'GRO BA GCIG TZAM YANG MA LUS PAR BCOM LDAN 'DAS RDO RJE 'JIGS BYED KYI GO 'PHANG LA 'GOD PAR SHOG CIG SNYAM DU BSAM PA'I SGO NAS, DGE BA 'DI YIS ZHES SOGS BRJOD, MTSAMS 'DIR, RANG ZHING RDO RJE 'JIGS BYED ZHAL PHYAG YONGS RDZOGS SU GNAS PA DE NYID STOD SMAD NAS RIM GYIS 'OD DU ZHU STE MI DMIGS PAR GYUR PA LAS, SLAR YANG 'JIGS BYED ZHAL GCIG PHYAG GNYIS PA'I RNAM PAR GYUR PAR BSAM, SHIS BRJOD NI, NAM KHA'I KHAMS KUN GANG BA'I BLA MA YI DAM MKHA' 'GRO CHOS SKYONG SOGS KYIS, RANG GI DGE BA BYAS PA LA THUGS DGYES SHING BRTZE BAS GZIGS PA DANG, RANG GIS KYANG DE RNAMS MNGON SUM
DU MTHONG NAS DGA' BA DANG DAD PA SKYES PA'I TSE, MKHA' 'GRO MA RNAMS KYIS GLU GAR MDZAD CING ROL MO BRDUNG, BLA MA YI DAM SOGS THAMS CAD KYIS SNYAN PA'I DBYANGS KYIS BKRA SHIS PA'I TSIGS BCAD GSUNG ZHING, ME TOG GI CHAR 'BABS PAR BSAM LA, NYIN MO BDE LEGS ZHES SOGS BRJOD, DON NI, BLA MA MCHOG GSUM NI SKYON THAMS CAD DANG BRAL ZHING YON TAN THAMS CAD YONGS SU RDZOGS PA YIN PAS, NYIN MO YANG BDE SKYID DANG DGE LEGS PHUN SUM TSOGS PAR GNAS LA, MTSAN MO YANG BDE SKYID DGE LEGS PHUN SUM TSOGS PAR GNAS PA DANG, NYI MA'I GUNG LA SOGS PA'I DUS KYI CHA PHRA MO SKAD CIG TZAM DU YANG MI BDE BA DANG MI LEGS PA MED PAR BDE LEGS PHUN SUM TSOGS SHING, DE LTAR NYIN MTSAN RGYUN MA CHANG PAR RTAG TU BDE LEGS PHUN SUM TSOGS PA'I DKON MCHOG GSUM GYI BKRA SHIS DPAG TU MED PA'I BDEN PA'I STOBS KYIS, KHYED CAN RNAMS KYANG NYIN MTSAN THAMS CAD DU BDE LEGS PHUN SUM TSOGS PAR GYUR CIG ,CES PA'O, ,DE LTAR YI DAM GYI LHA BSGOM PA DANG SNGAGS BZLAS PA SOGS KYI PHAN YON NO, ,RGYAL DBANG THAMS CAD MKHYEN PA BSKAL BZANG RGYA MTSO DPAL BZANG PO'I ZHAL SNGA NAS KYIS MDZAD PA'I 'JIGS BYED BSKYED RIM GYI 'KHRID DNGOS GRUB GTER MDZOD LAS, TSE RABS GZHAN RU YAN
, ,LAM BZANG SGRUB PA'I RTEN KHYAD PAR CAN THOB NAS SNGON GOMS KYI DGE BA'I BAG CHAGS 'THUG PO SAD PAR 'GYUR BA SOGS PHAN YON MTHA' YAS SHING, TSE 'DIR YANG LAS KYI SGRIB PA DAG PAR BYED PA DANG, BSKYED RIM PHRA RAGS MTHAR PHYIN PA MA YIN KYANG BSGOM BZLAS LA GZHOL BAS ZHI RGYAS DBANG DRAG GI LAS MANG PO THOGS MED DU 'GRUB PA DANG, KHYAD PAR DU YANG LHA MCHOG 'DI NYING RJE BTZUN 'JAM DPAL DBYANGS SHIN TU DRAG POR KHROS PA YIN PAS, DENG SANG SNYIGS MA'I DUS CHOS SGRUB PA LA BAR CHAD MANG BA'I SKABS 'DIR YI DAM 'DI'I RNAL 'BYOR DANG BZLAS PA CUNG ZAD TZAM GYIS KYANG BGEGS DANG BDUD RIGS KYI BAR GCOD SHIN TU MTHU CHE BAS KYANG MI TSUGS SHING, SKAD CIG LA 'JOMS PAR 'GYUR BA DANG, THUGS KAR YE SHES SEMS DPA' 'JAM DPAL DNGOS SU BZHUGS PAS 'DI'I RNAL 'BYOR PA LA JI LTA JI SNYED KYI SHES BYA'I GNAS LA CHED DU GNYER NAS MA BSGRUBS KYANG SHES RAB CHE ZHING GSAL PAR 'GYUR BA SOGS PHAN YON MTHA' YAS SHING, DE'I NANG NAS KYANG BRGYUD PA 'DI NYING RJE BTZUN 'JAM DPAL DBYANGS ZHI KHROS CHOS KYI RGYAL PO TZONG KHA PA CHEN PO LA 'DI'I DBANG BSKUR ZHING MAN NGAG GNANG BA LAS BRGYUD PAS, GZHAN LAS KYANG BYIN RLABS CHE ZHING MYUR LA ZAB PA YIN, ZHES GSUNGS BA LTAR RO, ,
CES DPAL RDO RJE 'JIGS BYED KYI MNGON RTOGS BSDUS PA'I DMIGS RIM DGE LEGS CHAR 'BEBS ZHES BYA BA 'DI NI, DE MCHI DBYAR BDAG PA BLO BZANG SMON LAM DANG DGE SLONG 'JAM DBYANGS GNYIS KYIS BSKUL BA LA BRTEN NAS, ^ SKYABS MGON DAM PA AA KY'A RIN PO CHE DANG, ^ KHRI CHEN CHOS KYI RGYAL PO'I ZHAL SNGA NAS LA SOGS PA'I DAM PA DU MA'I ZHABS KYI RDUL LA SBYI BOS DGE BA'I DGE SLONG TSUL KHRIMS KYIS, BSKYED RIM GYI 'KHRID YIG MANG PO LAS BTUS NAS GO SLA ZHING BLO LA 'CHAD BDE BAR BSGRIGS PA'O, ,'DI LTAR BGYIS PA'I DGE BA'I MTHU LAS RANG GZHAN THAMS CAD KYIS MDO SNGAGS KYI LAM RNAM PAR DAG PA TSUL BZHIN DU SGRUB NUS PAR GYUR CIG, ,,MANGGA LAm,, *, ,SNGAGS SDOM THOB PA DAG LA ZHI BAR MKHO BA'I PHRAN TSEGS KYI RIM PA 'GA' ZHIG BZHUGS, ,NA MO GU RU, 'DIR SNGAGS SDOM THOB PA DAG LA NYE BAR MKHO BA'I PHRAN TSOGS KYI RIM PA 'GA' ZHIG RTZA LTUNG RNAM BSHAD SOGS LAS BTUS TE MDO TZAM BRJOD PAR BYA'O, ,DE LA RIGS LNGA'I SDOM GZUNG NAS 'BYUNG BA'I DAM TSIG GI GRANGS 'DREN TSUL NI, RNAM SNANG GI RIGS GYI DAM TSIG DRUG,
, ,MI BSKYOD BA'I RIGS KYI BZHI, RIN 'BYUNG GI BZHI, 'OD DPAG MED KYI GSUM, DON GRUB KYI RIGS KYI GCIG STE BCO BRGYAD DO, ,LAS RIGS KYI SDOM PA THAMS CAD LDAN PAR NI ZHES BA'I DON PHYI NANG GSANG BA SOGS KYI MCHOD PA THAMS CAD KYIS MCHOD DGOS PA'I DON DU BZHED PA DANG, MCHOD PA LAS LOGS SU RIGS GZHAN GYI SKABS SU BSHAD PA'I SDOM PA BSRUNG DGOS BA LA BZHED PA GNYIS TE, PHYI MA LTAR NA DON GRUB KYI DAM TSIG GNYIS TE BCU DGUR 'DREN NO, ,BSRUNG TSUL LA, SNGAGS SDOM THOB PA THAMS CAD KYIS DAM TSIG DE THAMS CAD BSRUNG DGOS KYANG, RANG GI RIGS GANG YIN PA'I DAM TSIG LA LHAG BAR NAN TAN BYED DGOS TE, RTZA LTUNG RNAM BSHAD DNGOS GRUB SNYE MA LAS, DBER NA MI BSKYOD PA'AM DE'I RIGS LA MI TOG PHOG BA'I SGRUB PA PO YIN NA DAM TSIG GSUM DANG SLOB DPON GZUNG BA LA NAN TAN DU BYA DGOS BA LTA BU'O, ,ZHES GSUNGS TE 'DI NI ME TOG PHOG PA'I LHA'I DBANG DU MDZAD LA, RDONG PHRENG GI DBANG LTA BU'I DBANG MANG PO THOB PA LA NI, DKYIL 'KHOR 'GA' ZHIG TU RNAM SNANG LA ME TOG PHOG PA DANG, 'GA' ZHIG TU RIN 'BYUNG LA PHOG PA SOGS RIGS LNGA KA LA ME TOG PHOG PA'ANG SRID DO, ,RGYAL DBANG BDUN PA CHEN PO'I ZHAL SNGA NAS KYIS DBANG DON DE NYID RAB GSAL GYI RNAM
BSHAD RDO RJE SEMS DPA'I ZHAL LUNG LAS, DPER NA BDE MCHOG GI RNAL 'BYOR PAS NYIN RE BZHIN MCHOD GTOR SOGS BYA DGOS KYANG, YAR MAR GYI TSES BCU LA GZHAN LAS LHAG THON PA BYED DGOS PA LTA BU YIN TE, ZHES GSUNGS PAS, 'JIGS BYED LA YI DAM DU BYED PA DAG GIS RDO RJE'I RIGS KYI DAM TSIG LA GZHAN LAS LHAG PAR DU NYAMS SU LEN DGOS SAM BRTAG GO ,SKABS 'DI'I TSUL KHRIMS GSUM GYI KHYAD PAR NI, DBANG DON RDO RJE SEMS DPA'I ZHAL LUNG LAS, TSUL KHRIMS GSUM LA BSLAB TSUL LA BYANG SA SOGS NAS BSHAD PA'I THUN MONG BA RNAMS KYI STENG DU, SGO GSUM THA MAL GYI SNANG ZHEN LAS LDOG PA'I NYES SPYOD SDOM PA, BSKYED RDZOGS KYI LAM ZAB MO LA BSLAB PA SOGS DGE BA CHOS SDUD, GZHAN DON DU LAS BZHI'I 'PHRIN LAS RAB 'BYAMS SGRUB PA SOGS SEMS CAN DON BYED KYI TSUL KHRIMS THEG PA 'OG MA LA MED PA DU MA YOD PAS DE DAG LA BSLAB PA YANG DGOS TE, ZHES GSUNGS PA NYID DO, ,RIGS LNGA'I SDOM GZUNG GI GZHUNG DON NYAMS LEN DU DRIL BA NI, DNGOS GRUB SNYE MA LAS, SDOM GZUNG GI GZHUNG RNAMS KYI DON BSDU NA 'DIR 'GYUR TE, DKON MCHOG GSUM DANG BLA MA LA SKYABS SU 'GRO BA BYAS NAS, RANG NYID LHA'I SKU PHYAG RGYA CHEN BOR BSKYED LA, RDO RJE DANG DRIL BU'I DE KHO NA NYID DRAN TE BZUNG NAS, RANG
, ,LA MCHOD PAR BYED CING, THEG PA GSUM LA MKHAS PAR BYAS NAS, NYES SPYOD MTHA' DAG LAS LDOG PA DANG, DGE BA'I CHOS MTHA' DAG BSDUS NAS, SBYIN PA BZHI'I SGO NAS SEMS CAN GYI DON BYED BA'O, ,ZHES GSUNGS SO, ,DA NI SNGAGS KYI SGO NAS GZHAN DON BYED BA LA MKHO BA'I GTAM 'GA' ZHIG BRJOD PAR BYA STE, DE YANG RJE THAMS CAD MKHYEN PA TZONG KHA BA CHEN POS MDZAD PA'I GSANG SNGAGS KYI TSUL KHRIMS KYI RNAM BSHAD DNGOS GRUB SNYE MA LAS, GZHUG PA TZAM LA NI SNOD DANG LDAN MI LDAN BRTAG MI DGOS PAR GSUNGS TE, ZHES GSUNGS LA, TSUL 'DI RNAL 'BYOR RGYUD LA RUNG BA NI, RTZA RGYUD DE NYID BSDUS PA LAS, RDO RJE DBYINGS KYI DKYIL 'KHOR CHEN PO 'DIR GZHUG PA LA SNOD DU GYUR BA DANG SNOD DU MA GYUR PA BRTAG MI 'TSAL LO, ,ZHES GSUNGS SHING, DE'I DON NI BSHAD RGYUD RTZE MO LAS, GAL TE DE NI SNOD MIN NA, ,DE LA GZHUG PA SBYIN PAR BYA, ,ZHES DANG, GZHUG PA TZAM ZHIG SBYIN BYA YI, ,RNAM PA THAMS CAD BYA BA MIN, ,ZHES GSUNGS PA LTAR YIN PAR BSHAD DO, ,TSUL DE BYA SPYOD GNYIS LA YANG RUNG PAR SLOB DPON SANGS RGYAS GSAD BAS RNAM SNANG MNGON BYANG GI 'GREL PAR GSUNGS LA, DGRA NAG GI 'GREL BA RIN PO CHE SGRON MER BLA MED RGYUD LA YANG RUNG BAR BSHAD DO, ,DKYIL 'KHOR DU GZHUG PA
TZAM BYED DU RUNG BA'I SNOD MIN GYI GANG ZAG JI LTA BU YIN ZHE NA, DE YANG DNGOS GRUB SNYI MA LAS, DKYIL 'KHOR DU 'JUG BA TZAM ZHIG BYED PA NI THUN MONG YIN GYI SDOM PA GNYIS GANG YANG MI 'DZIN PA STE, DE YANG MTSAMS MED LA SOGS PA'I SDIG PA CHEN PO BYED PA DANG, RGYAL SRID DANG BZA' BTUNG DANG 'DOD YON LNGA LA CHAGS PA CHE ZHING, DAM GZHAG GI DAM TSIG BSRUNG BA LA MI DGA' LA, SNGAR SBYAD BCO BRGYAD MI NUS PA DANG, DGE BSNYEN LA SOGS PA'I BSLAB PA'I GZHI 'DZIN PA LA SKRAG CING, LHA CHEN PO LA SOGS PA'I 'JIG RTEN PA'I LHA'I DKYIL 'KHOR DU 'JUG BAR MOS BA LA DE NYID BSDUS BRTZA 'GRAL LAS GSUNGS PA RNAMS SO, ,ZHES DANG, 'DI NI SRUNG SDOM MI NUS SHING SNGAGS LA YANG MOS PA RNAMS LA SNGAGS KYI BAG CHAGS BSGOR BA'I THABS SHIN TU LEGS BA GCIG SNANG PAS SHES PAR GYIS SHIG ,CES GSUNGS SO, ,'DI DAG NI SNOD MIN GYI SKYE BO DAG LA PHAN PA'I PHYIR DKYIL 'KHOR DU GZHUG PA'I DBANG DU MDZAD NAS GSUNGS PA YIN NO, ,DA LTA RANG CAG GIS SNGAGS KYI CHO GA MANG PO ZHIG GI SGO NAS YON BDAG GI RIM GRO BYED PA DE DAG RUNG MI RUNG GI KHYAD PAR NI, MKHAS GRUB THAMS CAD MKHYEN PA DGE LEGS DPAL BZANG PO'I ZHAL SNGA NAS KYIS, THUB BSTAN BYI DOR LAS, SUNG
, ,SDOM GANG YANG MI NUS PA'I KHYIM PA PHO MO LA SOGS PA GDUL BYA DU MA ZHIG LA, SDIG PA SBYANG BA DANG BAR CHAD BZLOG PA LA SOGS PA'I SLAD DU PHAN GDAGS PAR 'DOD NA, SBYIN SREG DANG GTOD MA'I CHO GA DANG KHRUS KYI CHO GA DANG KHRO BO BCU LA SOGS PA BSGOMS PAS PHYIR BZLOG PA DANG BRIS LA LUS LA BTAGS PAS BSRUNG ZHING PHYIR BZLOG PA LA SOGS PA'I CHO GA RGYUD SDE DAG LAS DU MA ZHIG GSUNGS PA DE DAG LA MKHAS PAR BYAS NAS, CHOS 'TSONG BA'I BSAM PAS MA YIN PAR, CHOS LDAN GYI DGOS PA MTHONG BA'I TSE SNYING BRTZE BA'I BSAM PA NYE BAR BZHAG NAS PHAN GDAGS PAR BYA ZHING, GAL TE DKYIL 'KHOR LA BRTEN PA'I CHOG CI NAS DON DU GNYER CING BYED NA YANG, MGON PO TSE DPAG TU MED PA DANG, GDUGS DKAR DANG, BSRUNG BA LNGA LA SOGS PA'I DKYIL 'KHOR DAG TU BCUG CING, THEG PA CHEN PO'I SDOM PA GANG YANG MA PHOG PAR LHA NGO BSTAN CING DAD PA BSGOM PA LA SOGS PA'I BRDA LEGS PAR SPROD DE, KHRUS DANG, BYAB PA DANG, BSRUNG BA DANG, BYUNG BSAL BA DANG, BGEGS SDIG SBYANG BA DANG, BKRA SHIS PAR BYA BA LA SOGS PA DKYIL 'KHOR DE DANG DE LA BRTEN PA'I CHO GA MANG DU GSUNGS PA DAG LA MKHAS PAR BYAS NAS DE DAG GI SGO NAS PHAN GDAGS PAR BYA'I, ZHES GSUNGS
LA, DE YANG GANG LA PHAN GDAGS PA'I YUL NI, SRUNG SDOM ZHES SOGS KYIS BSTAN PA'I KHYIM PA SOGS SO, ,GANG GI CHED DU BYED PA'I DGOS PA NI SDIG PA SBYAD BA DANG SOGS KYIS BSTAN PA DE'O, ,GANG GIS PHAN GDAGS PA'I CHOS NI, SBYIN SREG DANG ZHES SOGS DNGOS SU SMOS PA LNGA DANG GZHAN YANG RGYUD LAS GSUNGS PA RNAMS SO, ,TSUL JI LTAR BYED PA NI DE DAG LA MKHAS BAR BYAS NAS JI LTAR GSUNGS PA BZHIN DU BYA YI, RANG DGAR PHRI SNON DANG SNA TSOGS BSRES PA SOGS KYIS MA YIN NO, ,BSAM PA JI LTA BUS BYED PA NI, CHOS 'TSONG BA'I BSAM PA RNYED BKUR SOGS 'DOD PA MA YIN ZHING, DGOS PA CHEN PO MTHONG PA'I 'DU SHES DANG, YON BDAG SOGS SDUG BSNGAL DANG 'BRAL 'DOD KYI SNYING RJE'I SGO NAS BYED PAR BZHED PA YIN NO, ,GAL TE ZHES PA MAN CHAD NI, SNGA MA LAS LHAG PAR DON DU GNYER BA DAG LA, DKYIL 'KHOR DU BCUG PA DANG DE LA BRTEN PA'I LAS TSOGS BYED PA'I TSUL GSUNGS PA YIN NO, ,DE LA KUN MKHYEN LCANG SKYA RIN PO CHE RJE GONG MAS DO SREG GI CHO GA THAR PA'I SGO 'BYED LAS, SREG THAB KYI NYE 'KHOR DU DBANG THOB MA MYONG BA MANG DU TSOGS PA LTA BU'I DGAG BYA YOD NA DER SGRUB GROGS 'BA' ZHIG GIS GZHAN GYIS MTHONG KYANG NYES DMIGS SU MI
, ,'GYUR BA'I MCHOD PA SOGS BYED DU BCUG NAS, RDO RJE SLOB DPON SGRUB GROGS DANG BCAS PAS GNAS DBEN PAR SBYIN SREG GI CHO GA BYAS NAS SREG RDZAS RNAMS SNOD GCIG TU BSAGS LA SGRUB GROGS GZHAN ZHIG THAB KYI SAR SKYEL DU BTANG NAS 'BUL BA'ANG RUNG BAR RJE BTZUN GRAGS PAS KYEE RDOR GYI SREG CHOG TU GSUNGS TE, ZHES GSUNGS PAS GONG DU SBYIN SREG BYED DU RUNG BAR GSUNGS PA DE RDO RJE MKHA' 'GRO'I SBYIN SREG LTA BU YIN NAM SBYI 'GRO'I SBYIN SREG GANG YIN BRTAG PAR BYA ZHING, DE LA YANG GZHUNG CHEN MO RNAMS LA BRTAGS TE DMIGS BSAL DGOS PA RNAMS LEGS PAR SHES DGOS SO, ,GTOR MA'I CHO GA NI, GTOR MA BRGYA RTZA DANG CHA GSUM BGEGS GTOR LTA BU LA BYED PA DANG, DRUG BCU PA LTA BU LA'ANG BYED SNANG LA, YI DAM GYI MDUN BSKYED LA GTOR MA 'BUL PA DANG CHOS SKYONG GI GTOR CHOG RNAMS KYANG BYED KRUNG DAM BRTAG GO, ,KHRUS KYI CHOG NI BYABS KHRUS GYI CHOG YIN LA, KHRO BO BCU'I SGOM BZLAS DANG BSRUNG 'KHOR LUS LA 'DOGS BA RNAMS NI SO SO'I CHOG MANG DU YOD PA RNAMS SO, ,SOGS KYI SGRAS NI TSE SGRUB DANG BUM GTER LTA BU GZHAN RNAMS SDUD DO, ,DKYIL 'KHOR LA BRTEN PA NI, TSE DPAG MED KYI DKYIL 'KHOR BSGRUBS NAS
'CHI BLU BYED PA DANG, GZHAN YANG LHO SGO'I CHO GA LTA BU RNAMS LA BYED DAM SNYAM MO, ,'ON KYANG CHO GA DE DAG GI SO SO'I RNAM GZHAG RGYAS PAR BSHAD PA'I GZHUNG RNAMS DANG, DGAG DGOS CHE CHUNG GI KHYAD BAR DANG, KHYAD BAR DU SNGAGS KYI BSLAB BYA STON PA'I GZHUNG RNAMS SU GNANG BKAG GI BCAS PA JI LTAR MDZAD PA'I MTSAMS RNAMS LEGS PAR SHES DGOS PAR SNANG LA, LCANG SKYA RIN PO CHE'I GSUNG GONG DU DRANGS PA DE LA YANG, MTHONG KYANG NYES DMIGS SU MI 'GYUR BA'I MCHOD PA SOGS ZHES GSUNGS PA LA DPAG NA MCHOD PA LA DAD PA MED PA SOGS KYIS MTHONG KYANG NYES PAR MI 'GYUR BA DANG, MTHONG NA NYES PAR 'GYUR BA GNYIS SU 'BYED DGOS PA DANG, SOGS KYI SGRAS MCHOD PA LAS GZHAN PA'I RDZAS SOGS LA'ANG DMIGS PHYED DGOS PA'I DON DU 'DUG GO ,DE LTAR NA CHO GA GZHAN LA YANG SKABS BSTUN GYIS, 'DI TSUN NI DUNG LA, DE PHAN CHAD NI MI RUNG NGO ZHES PA'I MTSAMS SHIG RNYED NAS 'JUG LDOG BYED DGOS BA 'DRA'O, ,'JUG LDOG GI MTSAMS 'DZIN TSUL ZUR TZAM ZHIG BSHAD NA, THUB BSTAN BYI DONG LAS, BSRUNG SDOM YAL BAR DOR TE, LHA BSGOM PA DANG, SNGAGS BZLAS PA DANG, RTZA RLUNG THIG LE BSGOM PA DANG, 'PHYAR G-YENG GI SEMS DANG RGOD BAG GI BLOS NYON MONGS
, ,PA CAN GYI SEMS KYIS KUN NAS BSLANGS TE, TSUL MA YIN PA'I KUN DU SBYOD PA SNA TSOGS PA 'BAR PAS LHUR LEN PA'I SGO NAS DKYIL 'KHOR CHEN PO SGRUB CING MCHOD BAR THA SNYAD BTAGS PA'I CHO GA'I GZUGS BRNYAN TZAM ZHIG RTZE 'JO DANG BZA' BTUNG GI BLOS 'BAD DE SGRUB PA LA SOGS PA NI, DNGOS GRUB 'GRUB PA LTA ZHOG ,NGAN 'GRO MI BZAD PA'I SGO 'BYED PAR BYED PA YIN BAR RGYUD SDE RIN PO CHE GONG 'OG DU MA ZHIG DANG RGYA BOD KYI MKHAS GRUB CHEN PO DU MA ZHIG GIS LAN BRGYA PHRAG CIG TU BKA' BSTZAL TO, ,ZHES GSUNGS SO, ,DE YANG, BSGOM BZLAS NI BSKYED RIM DANG, RTZA RLUNG THIG LE NI RDZOGS RIM GYI PHYOGS SU GO RGYUR SNANG BAS, BSRUNG SDOM YAL BAR DOR NAS DE DAG BSGOM PA NI BKAG PA YIN GYI, SBYIR DE DAG BSGOM PA CI'I PHYIR DGAG PAR 'GYUR, DE BZHIN DU 'PHYAD G-YENG DANG RTZE 'JO SOGS MI RIGS PA'I KUN SPYOD SNA TSOGS PA BYED BZHIN PA'I NGANG NAS DKYIL 'KHOR SGRUB MCHOD BYED PA NI BKAG LA, SPYIR DKYIL 'KHOR SGRUB MCHOD BYED BA MI 'GOG PA LTA BU LA DPAG DGOS SAM SNYAM STE BRTAG GO ,GZHAN YANG DGAG DGOS BRTAG PA NI, RGYUD RDO RJE RTZE MO LAS, SEMS CAN GDUL PHYIR MA GTOGS PA, ,BYA BA MA YIN THAMS CAD SPANG, ,ZHES GSUNGS SHING,
DE'I DON 'GREL BA NA DNGOS GRUB SNYE MA LAS, GZHAN YANG SGO GSUM GYI BYA BA MA YIN PA NYES SPYOD THAMS CAD SPANG PAR BYA STE, 'ON KYANG THEG PA MCHOG GI SDOM PA TSUL BZHIN DU BSRUNG ZHING BYANG CHUB KYI SEMS BRTAN PA'I RGYAL SRAS 'GA' ZHIG LA SEMS CAN 'DUL BA'I PHYIR DU RNAM SNANG MNGON BYAD NAS GSUNGS PA LTAR SROG GCOD PA SOGS LUS NGAG GI BDUN LA GNANG BA'I SKABS YOD PAS DE 'DRA BA'I TSE NI MA GTOGS SO, ,ZHES DANG, DE NI BSAD NAS SANGS RGYAS KYI ZHING KHAMS RNAM DAG LA SOGS PAR SKYE BAR BYED NUS PA DANG, RNAM SHES SLAR YANG LUS LA 'JUG NUS SHING, SNGON DANG PHYI MA'I MTHA' SHES PA'I MNGON SHES DANG LDAN PA, SNYING RJE CHEN PO CAN RNAMS KYIS BYA BA MA YIN PA DE LAS THABS GZHAN GYIS BZLOG MA NUS NA DE'I NGAN 'GRO'I SDUG BSNGAL RGYUN RING MYONG BA DGAG PA'I PHYIR DU MNGON SBYOD BYA DGOS PAR STON PA YIN GYI, ZHES GSUNGS PA DANG, DRAG LAS BYA BA'I YUL NI DE NYID LAS, BSTAN BA 'JIG BA SOGS KYI SEMS CAN MNGON SPYOD BYA BA'I YUL GDUG PA CAN RNAMS TE, ZHES GSUNGS SO, ,DES NA SBYIR BYA BA MA YIN PA THAMS CAD SPANG PAR GSUNGS PAS SROG GCOD SOGS BYED BA NI DGAG BYA DANG BCAS PA YIN LA, DMIGS BSAL GYIS GNAD BA NI DGOS PA SOGS LA
, ,LTOS PA YIN NO, ,DE LA DGOS PA NI SDIG PA DES YUN RING DU NGAN 'GRO'I SDUG BSNGAL MYONG BA DE DGAG PA DANG SANGS RGYAS KYI ZHING DU SKYE BAR BYED PA SOGS SO, ,RGYU MTSAN NI THABS GZHAN GYIS BZLOG MA NUS PA'O, ,KUN SLONG NI SNYING RJES GANG ZAG DES SDUG BSNGAL CHEN PO MYONG BAR 'GYUR BA LA MA BZOD PAS SO, ,YUL NI BSTAN PA 'JIG PA SOGS KYI SDIG PA CHEN PO LA ZHUGS BA'O, ,DE'I PHYIR BYED PA PO DANG BYA BA'I YUL DANG RGYU MTSAN DANG DGOS PA SOGS MANG PO ZHIG TSOGS PA LA LTOS TE GNANG BA YIN PAR SNANG NGO, ,SNGAR BSHAD PA LTA BU LAS GZHAN DU MI RUNG BA NI, DNGOS GRUB SNYE MA LAS, TZA NAG KYA ZHES BYA BA GSHIN RJE GSHED DNGOS SU GRUB PA ZHIG GIS MNGON SBYOD BYAS PAS TSE 'PHOS NAS MNAR MED DU SKYE BAR GSUNGS NA GZHAN GYIS LTA CI SMOS TE, ZHES SOGS NYES DMIGS CHEN PO DANG BCAS PA GSUNGS SO, ,'DI LTA BU DAG LA RIGS 'GRE BYAS TE RANG GZHAN GYI RIM GROR CHA GSUM GTONG BA SOGS DANG, GDUGS SHER GYI BZLOG PA DANG CHOS SKYONG GI 'PHRIN BCOL LTA BU NGAG LA YANG RANG GI KUN SLONG DANG CI'I CHED DU BYED PA'I DGOS PA DANG GANG LA BYA BA'I YUL RNAMS LA BRTAGS NAS SHES DGOS PA'I GNAD YOD DO, ,BYED PA PO LA LTOS PA'I KHYAD PAR NI, RGYAL
DBANG LNGA PAS SMAN BLA'I MDO CHOG YID BZHIN DBANG RGYAL LAS, KAKnI'I DKYIL 'KHOR ZHAL SBUBS PA SOGS LA DPAGS NA BLO'I BYE BRAG LAS MTHA' GCIG TU MA NGES SHING, GTZO BO NI GANG ZAG GI RTOGS PA MTHO DMA' LA RAG PA 'DRA'O, ,ZHES GSUNGS TE, 'DI NI SMAN BLA'I PHO BRANG GI LHA ZHAL PHYIR BLTAS DANG NANG BLTAS MDZAD PA'I TSUL GNYIS YOD PA LA, 'GA' ZHIG GIS PHYIR BLTAS 'DI BKRA MI SHIS PA CIG YIN PA 'DRA SNYAM PA'I DOGS PA BYAS PA DE BKOD NAS DE'I DOGS GCOD DU GONG DU DRANGS PA'I GSUNG 'DI GNANG BAR MDZAD DO, ,DE YANG GANG ZAG RTOGS PA MTHON POS SMAN BLA'I PHO BRANG GI LHA ZHAL PHYIR BLTAS SU MDZAD NAS BSGOM BA LA SKYON MED CING, RTOGS PA DMAN PAS DE LTAR BYED NA SKYON DU 'GYUR BAR BZHED NAS, DE LA KAKnI'I DKYIL 'KHOR ZHAL SBUBS PA SOGS DPER MDZAD GDA' BAS DON 'DI LTA BU LA 'GRES NAS SNYING RJE CHEN PO DANG YANG DAG PA'I LTA BA SOGS THOB PA DANG MA THOB PA GNYIS LA GNANG BKAG GI MTSAMS MI 'DRA PAR GO DGOS SAM SNYAM MO, ,GZHAN YANG LCANG SKYA RIN PO CHES 'PHRENG BA GNYIS KYI MTHA' DPYOD RIG BA'I 'PHRUL GYI LDE MIG LAS, DE LTA NA'ANG PHYIS KYI BLA MA MANG POS 'PHRENG BA'I DBANG GI SKABS SU SLOB MA GRANGS NGES BZUNG MA MDZAD PA NI, RGYUD KYI DGONGS PA DANG
, ,MI MTHUN PAR BYAS PA'I NYES PA 'BYUNG BA'I DGAG BYA LAS SLOB MA MANG PO TSOGS PA NA DE'I NANG GI SLOB MA MANG PO ZHIG LA RDO RJE THEG PA'I BAG CHAGS KHYAD PAR CAN DGOD PA'I DGOS PA CHEN PO YOD PA DE LA DGONGS NAS, NYI SHU RTZA LNGA LAS LHAG BRGYA STONG SOGS LA STA GON DANG DBANG BA MAD SOGS MDZAD PA YIN PA'I PHYIR, DPER NA 'DUL BA'I SKABS SU NYES MED PHUN TSOGS KYI DBANG DU BYAS NA BYA MI RUNG PA 'GA' ZHIG DGOS PA'I DBANG DANG BSTUN NAS BYA BA, STON PAS GNANG PA YANG MANG PA 'BYUNG BA BZHIN YIN PA'I PHYIR, DES NA 'PHRENG BA'I DBANG GI SKABS SU DKYIL 'KHOR GRANGS MANG BA DANG CHOG BZHUGS TSOGS CHE BAS BLA MAS KYANG YANG YANG LDAB PA DKA' ZHING, SLOB MA'ANG YANG YANG 'DU BA DKA' LA, 'GA' ZHIG LA DON CHEN POR YANG 'GYUR PAS, SLOB MA GRANGS NGES MA MDZAD PA YIN ZHES SMRA BAR BYA YI, ZUR BKA' LA SLOB MA'I GRANGS NGES BZUNG DGOS KYANG SPYI BKA' LA MI DGOS SO ZHES BLUN PO'I 'CHAL GTAM SMRA BAR MI BYA'O, ZHES DGAG BYA YOD KYANG DGOS PA LA LTOS NAS 'JUG RUNG GI KHYAD PAR DPE DANG GTAN TSIGS DANG BCAS TE GSUNGS YO, ,DES NA MKHAS GRUB RIN PO CHES MDZAD BA'I SNGAGS KYI BSLAB BYA BSDUS PA LAS, DES NA DBANG MA THOB PA LA RJES GNANG DANG
BZLAS LUNG 'BOGS PA SOGS LA RTZA LTUNG 'DIR 'GYUR BA YIN NO, ,ZHES RTZA LTUNG BDUN PA'I SKABS SU GSUNGS PA DANG, YANG DE NYID LAS, SBOM PO GSUM PA NI, SNOD MIN LA NI MI GSANG DANG, , ZHES TE, DBANG MA THOB PA'AM THOB KYANG SNGAGS LA MI DAD PA LA, SNGAGS KYI BRES SKU GLEGS BAM RDOR DRIL RGYAN DRUG SOGS DANG, LAG PA'I PHYAG RGYA DANG RKANG STABS SOGS STON PA'O, ,SAMBU tA LAS, GLEGS BAM DANG NI BRIS SKU NYID, ,GAL TE SKAL PA MED MTHONG NA, ,SKYE BA 'DIR NI 'GRUB MI 'GYUR, ,'JIG RTEN PHA ROL SBYOD YUL MIN, ,ZHES GSUNGS SHING, BSHAD RGYUD RDO RJE PHRENG BA LAS KYANG NAN CHE BAR GSUNGS PAS, SLONGS MO SBYOD PA'I MIG 'PHRUL MKHAN DAG GI DANG TSUL MI BYA BAR GNAS 'DI LA BAG YOD PAR BYA'O, ,ZHES LUNG DANG BCAS TE GSUNGS PA DANG, RJE THAMS CAD MKHYEN PAS DNGOS GRUB SNYE MA SOGS SU YANG MANG DU GSUNGS LA, MKHAS GRUB RJES GZUGS BRNYAN GSAL BAR BYED PA'I ME LONG LAS, DBANG GIS MA SMIN SKYE BO'I TSOGS NANG DU, ,RKAD STABS PHYAG RGYA SNGAGS DANG DKYIL 'KHOR SOGS, , GSANG BA BSGRAGS PAS RNYED BKUR DON GNYER BA, ,GSANG SNGAGS CHOM RKUN CHO GA'I GZUGS BRNYAN YIN, ,ZHES DANG, DBANG KHRID LUNG GIS ZAS NOR TSOL BA DANG, ,LTO PHYIR RDZUN GYI CHO GA BYUNG RGYAL GYIS, ,
, ,PHAN SEMS MED PAR GRONG CHOG BRTZON PANI, ,BDAG GZHAN BSKU BA'I GZHAN DON GZUGS BRNYAN YIN, ,ZHES DANG, MDOR NA BSHES GNYEN DAM PAS MA ZIN CING, SNANG SHAS DBANG GYUR CHOS BRGYAD RJES 'BRANGS PA'I, ,THOS BSAM SGOM DANG BSTAN PA'I BYA BA SOGS, ,JI TZAM 'BAD KYANG PHAL CHER GZUGS BRNYAN YIN, ,DANG BA'I MTSO NANG ZLA BA'I GZUGS BRNYAN LA, , ZLA BAR 'KHRUL NAS 'DZIN PAR 'DOD BA NI, ,CHU NANG LHUNG BAS SROG DANG BRAL BA LTAR, ,GZUGS BRNYAN CHOS KYIS BSLUS PA'ANG SHES PAR GYIS, ,ZHES GSUNGS PA SOGS MTHA' YAS PA RNAMS DANG, SDOM PA NYI SHU PA LAS, SNYING BRTZER BCAS NA MI DGE MED, ,CES DANG, SNYING BRTZE LDAN ZHING BYAMS PHYIR DANG, ,SEMS DGE BA LA NYES PA MED, ,CES PA DANG, LUNG DE DAG GI DGONGS BA RJE THAMS CAD MKHYEN PAS BYANG CHUB GZHUNG LAM DU RGYA CHER BKA' BSTZAL PA DANG, RIGS LNGA'I SDOM PA GZUNG BA NA, SEMS CAN DON BYED TSUL KHRIMS GSUM, ,SO SOR BRTAN POR BDAG GIS GZUNG, , ZHES GZHAN DON BYED PAR DAM BCAS PA DANG, GZHAN DON BYED PA LA BYA BA BCU GCIG GI SGO NAS BYED PA RAB, ZHI RGYAS SOGS LAS SBYOD GYI SGO NAS GZHAN DON BYED PA'I TSUL RNAMS JI LTAR GSUNGS BA DANG,
SPYIR BTANG LA BKAG PA DANG, DE LAS 'DAS NA NYES DMIGS YOD PA DANG, DMIGS BSAL GYIS GNANG BA DANG, DE LA ZHUGS NA DON CHEN PO YOD PA'I KHYAD PAR TSAD LDAN GYI GZHUNG CHEN MO RNAMS SU LUNG RIGS KYIS JI LTAR GTAN LA PHAB PA RNAMS ZHIB TU DPYAD DE DGONGS PA MI 'GAL BAR SHES DGOS PAR SEMS SO, ,GAL TE DE LTAR DU DGONGS PA MA SHES NA, BSLAB BYA'I GZHUNG RNAMS LAS GSANG BA SGROGS PA LA SOGS PA'I NYES DMIGS DANG DE DAG BYED DU MI RUNG BAR BSHAD PA MTHONG ZHING, SKYES CHEN DAM PA 'GA' ZHIG GIS MI BRGYA STONG SOGS LA DBANG RJES GNANG SOGS STZAL BA DANG CHOS SDE MANG PO DAN TU BDE GSANG 'JIGS GSUM GYI CHO GA MI GSANG BAR 'DON PA SOGS BSLAB YA DANG 'GAL BA LTA BUR SNANG BA MANG PO ZHIG KYANG MTHONG BAS, DE DAG GIS DAM TSIG SDOM PA MI BSRUNG BAR BRTZI BA'AM, YANG NA GZHUNG RNAMS SU DE DAG BKAG NAS NYES DMIGS TSE BAR GSUNGS PA LA YID MI CHES PAR 'GYUR BA'AM, GANG LA YANG THE TSOM MA CHOD PA LTA BU ZHIG TU 'GYUR BA 'DRA'O, ,'ON KYANG LAS DANG PO PAS NI LAG LEN DOG MTHA' GZUNG BA SHIN TU GAL CHE STE, RJE BTZUN RED 'DA' PAS, CHOS BRGYAD RKYEN GYIS NAM YANG MI G-YO BA'I, ,SEMS LA BRTAN PA JI SRID MA THOB BAR, ,GCIG TU RANG RGYUD 'DUL BA MA GTOGS
, ,PAR, ,GZHAN DON THABS KYIS RANG DON NYAMS MI BGYID, ,ZHES PA DANG, RJE THAMS CAD MKHYEN PAS DKA' BZHI PA GRAGS PA RGYAL MTSAN PA LA GNANG BA'I MAN DAG LAS, GZHAN YANG RNYED BKUR RANG GIS 'DU ZHING 'KHOR MANG LONGS SPYOD CHE, SNYAN GRAGS RGYAS PA'I GTZO BO'I GNAS THOB PA LA'ANG RANG NYID KYI RGYUD LA SNANG SHAS ZIL GYIS GNON PAR BYED PA'I NGES 'BYUNG BYANG CHUB KYI SEMS LTA BA'I MYONG BA SHIN TU STOBS DANG LDAN PA YOD NA LAM GYI GROGS SU 'GRO NA'ANG DE DKON PAS NA, CHOS KYI GO YUL TZAM YOD KYANG NGES SNANG SHAS KYI 'JUG PA MI KHEGS PAS SBYIR 'KHOR BA DANG KHYAD PAR DU NGAN SONG GI RGYU DPAG TU MED PA MA TSOR BZHIN DU SOG, SNGON BSOD NAMS RE 'GA' BSAGS PA'I 'BRAS BU RNAMS NI 'DIR SPYOD PAS ZAD PA'I PHYIR, NOR YI MI SBEL BAR BU LON LEN PA 'BA' ZHIG BYAS NAS DGA' DGA' LTAR SNANG BA DANG 'DRA BAR MNGON NO, ,DON GYI DBANG 'DI GZIGS NAS KYANG, SA'I SNYING PO'I MDO LAS, BZOD PA MA THOB KYI BAR DU DGE SBYONG GTZO BO DANG MKHAN PO GTZO BO'I GNAS SU MA GYUR CIG CES GSUNGS PA YIN, DES NA SNANG SHAS 'DI LA DKAR NAG KHRA GSUM YOD PA'I NAG PO RIG SLA YANG GZHAN GNYIS PO 'DI LA 'KHRUL SA CHEN PO 'DUG PAS BAG YOD BAR MDZOD CIG ,CES DANG,
LAM RIN CHEN MO LAS KYANG, GZHAN GYI DON BSGRUB PAR 'DOD PAS SNGON DU RANG NYID GDUL BAR BYA'O, ,DE LA NI SGRUB PA SNYING POR BYA DGOS PAR GSUNGS SHING, SGRUB PA YANG SDOM PA BZUNG NAS DE'I BSLAB PA LA SLOB PAR GSUNGS PAS SGRUB PA SNYING POR BYED PA'I BYED SA ME 'CHUGS PA GAL CHE'O, ,ZHES GSUNGS PA'I PHYIR RO, ,GZHAN YANG BSLAB BYA SOGS KYI GZHUNG DU MA DANG MKHAS GRUB RJE'I GSUNG GONG DU DRANGS PA DAG GIS KYANG 'GRUB BO,, ,,DA NI MI 'BRAL BA'I DAM TSIG LAS BRTZAMS TE BRJOD PAR BYA STE, DE YANG, DNGOS GRUB SNYE MA LAS, RDOR DRIL DANG BGRAD PHRENG LA SOGS PA GZUNG PA BSTAN PA'I DAM TSIG LA YANG GNAS DGOS TE, ZHES DANG, SNGAGS RIM CHEN MO LAS, CHA LUGS MI NYAMS SHING BZUNG BA'I GDAM TSIG GI YAN LAG RDO RJE DANG DRIL BU DANG DGANG BLUGS DANG RGYAN DRUG DANG tA MA RU DANG KA P'A LA DANG KHA tVAm GA LA SOGS PA JI LTAR BYA BAR LA, DE LTAR BYAS PA RNAMS BCAD BA'I TSUL RNAMS KYANG SNGAGS PA'I KUN SPYOD DAG PA'I THABS SU SHIN TU GAL CHE, ZHES GSUNGS SO, , BCAD PAR BYA BA'I DAM TSIG GI RDZAS NI, RDOR PHRENG DBANG GI CHO GA DANG SBYAR NA, BLA MED KYI DBANG GI SKABS SU, SANGS RGYAS KYI GO 'PHANG 'THOB PA'I THABS SU DES DON GYI RDO RJE YE SHES LNGA BSGOM PA DANG MI 'BRAL
, ,BA DGOS PAS DE MI BRJED PAR BYA BA'I CHED DU MTSON BYED DBE'I RDO RJE RTZE LNGA PA MI 'BRAL BAR 'CHANG BA RDO RJE'I BRTUL ZHUGS DANG, KHA tVAm GA LHA'I SKU BDE BA CHEN PO, tA MA RU SHES RAB STONG PA NYID, THONG PA BDE STONG DBYER MED DU SKYONG BA STE, DE RNAMS MTSON BYED DU, KHA tVAm GA ,CANG TE'U; THOD PA BDUD RTZIS GANG BA STE GSUM 'CHANG BA DANG, MI BSKYOD PA 'OD DPAG MED RIN 'BYUNG RNAM SNANG DON GRUB STE RIGS LNGA'I NGO BOR MOS NAS, GTZUG RGYAN GYI 'KHOR LO, RNA RGYAN GNYIS, MGUL RGYAN, LAG GDUB GNYIS, SKA RAGS TE LNGA 'CHANG BA DANG, BDE MCHOG GI SNGAGS RNAMS KYI NGO BOR MOS NAS, SPYI GTZUG GI 'KHOR LO DANG THONG SKAM GYI DBU RGYAN, RNA RGYAN, MGUL RGYAN, LAG GDUB, SKA RAGS, MI MGO'I PHRENG BA, STAG SHAM, THOD PA, KHA tVAm GA ,tA MA DU, TSANGS SKUD, MGRIN PAR 'PHYANG BA'I DO SHAL, RDO RJE'I RGYAN, SKRA LAS BYAS BA'I COD PAN, SKOR GNYIS PA'I SKA RAGS, THAL CHEN, DBUNG RGYAN, RKANG GDUB, G-YER KHA RNAMS 'CHANG BA SPYOD PA'I BRTUL ZHUGS SU GSUNGS, RGYUD SDE 'OG MA'I SKABS SU, RIN CHEN SNA BDUN, GRI GUG ,KHA tVAm GA ,BGRANG PHRENG, GLEGS BAM, THOD LO KOR, SAM 'BOR, RDZA SNOD, RNAL 'BYOR DBYUG PA, LTAM, SGOM
THAG RNAMS DAM TSIG GI RDZAS SU STER BAR GSUNGS, YANG SDOM GZUNG GI SKABS SU RDOR DRIL GZUNG BAR DAM BCAS PA DANG, SLOB DPON GYI DBANG GI DAM TSIG GSUM SBYIN PA'I SKABS SU YANG RDOR DRIL GZUNG BA'I DAM TSIG YOD DO, ,DES NA DBANG DE DAG THOB PA RNAMS KYIS DE DAG 'CHANG DGOS SO, ,GZHAN YANG DBANG GI MTHA' RTEN GYI RJES GNANG GI SKABS SU, 'KHOR LO, DUNG, PO TI, DRIL BU DANG, 'KHOR LO RDO RJE NOR BU PADMA SNA TSOGS RDO RJE RNAMS DANG, BKRA SHIS RDZAS BRGYAD STER BA'ANG YOD CING, PHUN SUM TSOGS PA'I YAN LAG TU BYAS NAS DE DAG 'CHANG BA'I LAG LEN KYANG SNANG NGO, ,RNAL 'BYOR ROL PA'I DGA' STON DU, RDOR DRIL, CAD TE'U, BGRANG PHRENG, LUS RGYAN, KHA tVAm ,THOD PA, STAG LBAGS, DO GDAN, DUR KHROD KYI RAS KYI GANG MA RNAMS RGYAS BAR GSUNGS SHING, DGANG BLUGS BUM PA SOGS KYANG GZHAN DU SHES BAR BYA BAR GSUNGS SO, ,'DIR LUS RGYAN LA, RNAL 'BYOR RGYUD NAS, GTZUG TOR, RIN PO CHE'I PROG ZHU, ME TOG GI PHRENG BA, DAR DBYANGS, AUDPA LA'I GDENGS KA ,DBU RGYAN SNYAN RGYAN MGUL RGYAN PHYAG GDUB ZHABS GDUB MU TIG GI SE MO DO RIN BO CHE'I DO SHAL 'OG PAG RNAMS GSUNGS LA, DBU RGYAN MAN CHAD LA RIN PO CHE'I RGYAN BRGYAD CES KYANG GSUNGS SO, ,BLA MED KYI RGYUD 'GA' ZHIG TU DBU RGYAN SOGS RNAL
, ,'BYOR RGYUD DANG 'DRA BAR GSUNGS LA, BDE MCHOG SOGS MANG PO DAG LAS, RUS PA'I RGYAN DRUG GSUNGS, RGYAN DRUG GI 'DREN TSUL LA MGUL RGYAN, GDU BU, RNA CHA, SPYI GTZUG GI ZHENG BU, MCHOD PHYIR THOGS, THAL CHEN TE DRUG LA MDZAD PA DANG, SPYI GTZUG GI NOR BU MA BGRANGS PAR, MGO PHRENG 'DREN PA DANG, NOR BU DANG MCHOD PHYIR THOGS MA BGRANGS PAR, 'KHOR LO DANG RKED RGYAN BGRANG BA'ANG YONG DO, ,GDU BU LA NI, LAG GDUB, RKANG GDUB, DBUNG RGYAN GSUM YOD CING, RGYAN DRUG GI DAG PA 'CHAD PA'I SKABS SU GLANG BO CHE'I PAGS PA YANG GSUNGS PAR SNANG NGO, ,CHOS SKYONG 'GA' ZHIG GI RTEN BCAD BA LTA BU DMIGS BSAL CAN YANG YOD KYANG 'DIR SBYI 'GRO'I DBANG DU BYAS SO, ,DAM RDZAS DE RNAMS DNGOS SU MED KYANG RI MOR BRIS NAS 'CHAD DU RUNG BA NI, DBANG DON CHEN MO LAS, RDOR DRIL LA SOGS PA MED DU MI RUNG BA'I DAM TSIG GI RDZAS RNAMS NAS MTHA' YANG RI MOR BRIS PA GZHAN LA MI STON PAR BCAD BA LTA BUS MTSON DAM TSIG DANG SDOM PA BSRUNG TSUL GYI GNAD 'DI DAG CI NAS KYANG SHES PAR BYAS TE BLANG DOR BYA BA LA 'BAD DGOS PA YIN NO, , ZHES DANG, BLA MA MCHOD PA'I KHRID YIG SNYAN RGYUD MAN NGAG GI GTER MDZOD LAS, BSTEN PA'I DAM TSIG NI, SNGAGS PA'I RTAGS RDO RJE DANG DRIL BU DANG BGRANG PHRENG DANG CANG TE'U DANG KHA tAm GA DANG KA B'A LA DANG DGANG GZANG
BLUG GZAR DANG BUM PA DANG RGYAN DRUG LA SOGS PA RGYUD NAS BSHAD PA'I DAM TSIG GI RDZAS RNAMS 'CHANG BA'O, ,'DI LA THAMS CAD DNGOS SU GRUB NA RAB, MA MTHA' RDOR DRIL DANG BGRANG PHRENG NGES PAR DGOS SHING, DAM TSIG GI RDZAS GZHAN RNAMS RI MOR BRIS PA TZAM ZHIG NGES PAR 'CHAD DGOS PAR BDAG GI BLA MA DAM PA DE NYID GSUNG NGO, ,ZHES GSUNGS SO, ,SNGAGS SDOM THOB NAS BRTUL ZHUGS DE DAG MA BCANGS NA DGE SLONG GI SDOM PA BLANGS NAS CHOS GOS RNAM GSUM MI 'CHAD BA DANG TSUL 'DRA BAR GSUNGS PA'ANG YOD PAS, RDZAS DE RNAMS TSAD BAR BRIS NAS RAB GNAS BYIN RLABS SOGS TSUL BZHIN DU BYAS TE BCANGS NA LEGS PAR SEMS SO, ,BCANG BAR BYA BA DE DAG GZHAN LA BSTAN NA, MKHAS GRUB RJE'I GSUNG GONG DU DRANGS PA LTAR NYES DMIGS YOD CING, MI GUS PA SOGS KYANG BYED DU MI RUNG STE, RNAL 'BYOR ROL BA'I DGA' STON LAS, DE BAS NA RDO RJE DANG DRIL BUS SGRE BO LA 'JOG PA SOGS KYI MGUS PA NI, SKU GSUNG THUGS KYI RTEN MCHOG TU GYUR PA GZHAN LA DE LTA BU'I MA GUS PA BYED PA DANG KHYAD PAR MED PA'I SDIG TU 'GYUR ZHING, RDOR DRIL ZAS KYI LHAG RO DANG LHAN CIG LAG PHYIS KYI NANG DU 'CHING BA DANG, GSUNG RAB KYI PO TI LHAM DANG SBRAGS TE 'KHUR BA LA SDIG PA KHYAD BAR CI YANG MED DO, ,ZHES GSUNGS BA'I PHYIR
, ,RO, ,GSUNG 'DIS PHRENG BA DANG BUM PA THOD PA MCHOD PA'I YO BYAD SOGS LA'ANG SHES DGOS SO, ,RDOR DRIL GZHAN LA BSTAN NA NYES BAR 'GYUR BA'I DON 'DI LAS 'PHROS TE, DNGOS GRUB SNYIM LAS, BOD KYI MKHAS PA KHA CIG NA RE, RDOD DRIL GYIS NI KHYAB PAR SNANG BAS SGRUB BAR MI NUS PAS NA DAM TSIG RDOR DRIL ZUR PA MI STON PA ZHIG BCAD GSUNG STE LEGS LA 'DRA'O, ,ZHES GSUNGS TE, 'DIS BRIS SKU GLEGS BAM BGRANG PHRENG LTA BU MANG PO LA DAR BAS SBED MI NUS PA 'GA' ZHIG LA RIGS 'GRE BYED RUNG NGAM BRTAG PAR BYA'O, ,CES PA 'DI NI TSUL KHRIMS KYIS BRIS PA STE, DAM BA'I CHOS TSUL BZHIN DU SGRUB NUS PA'I RGYUR GYUR CIG, ,,MANGGA LAm,, ,,
[BLANK PAGE]