/NGA 11\ *, ,SKYE BA'I SDUG BSNGAL BSAM TSUL BZHUGS SO, ,
, ,NA MO GU RU, MNGAL 'JUG GI MNGO LAS, SKYE BA'I SDUG BSNGAL GSUNGS PA'I SKABS SU, MA'I MDAL DU BDUN PHRAG SA BRGYAD GNAS TE SDUG BSNGAL MYONG LA, DE YANG ZLA BA BRGYAD DANG ZHAG NYER DRUG TZAM MO, ,DE'I BDUN DANG PO LA MID MED PO STE, 'BRAS BU LTA BU'O, ,DE NI MI GTZAD BA'I MNGAL DU BTZOS SHING RAB TU 'TSENG DO, ,DPER NA ZANGS RAB TU TSA BA'I NANG DU BTZOS SHID BRDOS PA LTAR MI BZOD PA'I SDUG BSNGAL CHEN PO LUS DANG RNAM SHES LHAN CIG TU MYONG NGO, ,DES THOG MAR NYID MTSAMS SBYAR BA NI SKYE BA'I SDUG BSNGAL LO, ,DER GNAS PA NI NA BA'I SDUG BSNGAL LO, ,JE CHER 'PHEL BA NI RGA BA'I SDUG BSNGAL LO, ,NYAMS SHING 'JIG PA NI 'CHI BA'I SDUG BSNGAL LO, ,DE NI MKHAS KYIS DUB PA'AM, 'KHRIG PAS DUB PA'AM, ZAS DAN ZOS PA'AM,
, ,NAD KYIS GDUNG BA SOGS THAMS CAD NI DE'I LUS NYAMS BA'I SDUG BSNGAL MYONG NGO, ,SMAN DRAG PO 'THUNG DAM, MNGAL GZHAN GYIS BRDUD PA'AM, RTAS RDOG PA BRGYAB PA SOGS KYIS NI DE'I LUS 'JIG STE 'CHI BA'I SDUG BSNGAL MYONG NGO, ,DE LA SA BAR BYED PA NI SA'I KHAMS SO, ,SA MED NA 'BO BAR 'GYUR TE CHU LTA BU'O, ,GSHED BAR BYED PA NI CHU'I KHAMS TE, CHU MED NA SKAM ZHING 'GYES PAR 'GYUR TE, THAL BA LTA BU'O, ,SMIN PAR BYED PA NI ME'I KHAMS SO, , ME MED NA DUL ZHING MYAGS PAR 'GYUR TE, DBYANG SHA'I DUM BU GRIB MAR BZHAG PA BZHIN NO, ,'PHE KHA PAR BYED PA NI RLUNG GI KHAMS SO, ,RLUNG MED NA 'PHEL ZHING RGYAS PA DAD DBANG PO SOGS 'BYUNG BAR MI 'GYUR TE, ZAN RIL LTA BU'O, ,DE'I PHYIR MA'I CHU KHAMS RGYAS DRAGS NA BU DE CHUS 'KHYER BA LTA BU DANG, BTZAS NA YANG SNA
CHU SOGS HA CANG MANG BAR 'GYUR RO, ,SA RGYAS DRAGS NA MDOG MI SDUG CING SBOM ZHING THUD BA SOGS SU 'GYUR RO, ,ME RGYAS DRAGS NA DRING BAR 'GYUR RO, ,RLUNG RGYAS DRAGS NA KHA DAD SNA'I SGO SOGS HA CANG CHE BAR 'GYUR RO, , DE LA MER MER PO TE NYI GZAG SA BYI LUNG PO MIN LA, DE'I TSOR BA 'DU SHES 'DU BYED RNAM SHES BZHI? NI MING GI PHUNG PO ZHES BYA STE, MID GZUGS KYI PHUNG PO'O, ,GONG GI RGYU MTSAN DES NA SDUG BSNGAL 'BA' ZHIG STE, NGAN SGYUGS NI JI LTAR CHUNG YANG DRI NGAN MNAM PA LTAR, SRID PAR SKYE BA LEN PA NI JI LTAR CHUNG ZHING YUD TZAM YIN NA'ANG SDUG BSNGAL LO, ,DE LTA BU'I SDUG BSNGAL MYONG BZHIN PA'I NGANG NAS ZHAG BDUN GYI BAR DU MA'I MNGAL DU BTZOS SHING RAB TU BTZOS PAR BYED DO, ,BDUN PHRAG GNYIS PA LA NUR NUR POR 'GYUR TE, ZHO SKA BA LTA BU'O, ,GSUM PA LA LTAR LTAR POR 'GYUR TE, SRIN GROL MA LTA BU'O, ,BZHI PA LA GOR GOR PO'AM 'KHRANG 'GYUR ZHES BYA STE, ,CA LANG MNAN DU BZOD PA TZAM GYI MCHI GU LTA BU'O, ,LNGA PA LA RKANG LAG 'GYUS BA STE, BRAL GNYIS, DBUNG BA GNYIS, MGO STE LNGA'I MTSAN MA TZAM 'BYUNG NGO, ,'DI YAN GYI SDUG BSNGAL PHAL CHER MER MER PO NGA YANG LA, ZUG RDU CAN, MI GTZANG BA, RUL BA, RAB TU TSA BA'I 'NAS NANG 'DUG PA LTA BU, LUS KYI DBANG PO THAMS CAD SDUG BSNGAL BA, SHIN TU DKA' BA, DOG PA, NYAM DA BA, SDUG BSNGAL DANG RO GCIG
, ,TU GYUR PA LTA BU'O, ,SMAN YIG SOGS LAS 'KHRUL BA'I 'DU SHES RMI LAM GYI SDUG BSNGAL LTA BU SNA TSOGS PA 'BYUNG BA YANG BSHAD DO, ,DRUG PA LA LAG DAR GNYIS DANG RKANG DAR GNYIS TE BZHI 'BYUNG, BDUN PA LA RKANG LAG GI BOL BZHI 'BYUD, BRGYAD PA LA SOR MO NYI SHU'I MCHAN MA 'BYUNG, DGU PA LA MIG RNA SNA KHA SMAD SGO STE DGU'I MTSAN MA 'BYUNG, BCU PA LA DE RNAMS SRA BA DANG BUS TE RKYAL BA RLUNG GIS BKANG BA LTAR BYANG NGO, ,BCU GCIG PA LA BU GA DGU DOD PAR 'GYUR TE, DE YANG MGAR BA'I SDUD RLUNG LTAR, MAS LUS CHE CHER BSKYOD NA BU GA JE CHER DOD CING, STOD BSKYOD PAS STONG KYI DANG, SMAD BSKYOD PAS SMAD BUG CHE BAR BYED DO, , CUNG ZAD KYANG MA 'GUL NA MNGAL GNAS KYI KHA MIG SOGS SHIN TU CHUD BAR 'GYUR RO, ,BCU GNYIS PA LA RGYU MA GNYE MA RNAMS 'GRUB PA DANG, TSIGS SUM BRGYA SUM BCU DANG, GNAD BRGYA RTZA GCIG RNAMS 'BYUNG, BCU GSUM PA LA BKRES SKOM SHES SHING, MAS ZOS SHING 'THUNGS PA'I NGO DE'I LTE BA NAS ZHUGS TE 'TSO BAR BYED DO, ,BCU BZHI BA LA TZA GYUS STONG 'BYUNG STE, NGOS BZHIR NYIS BRGYA LNGA BCU RE'O, ,BCO LNGA PA LA RLUNG RGYU BA'I RTZA CHEN NYI SHU DANG, DE RE RE LA 'KHOR RTZA BZHI BCU DE STE RTZA BRGYAD BRGYA 'BYUNG, 'DIS NI DBUGS DANG MID PA DANG BSHAD GCI 'DOR BA SOGS BYED DO, ,BRGYAD BRGYA RE RE LA YANG PHAN TSUN 'BREL BA'I RTZA PHRAN BRGYA BRGYA YOD PAS
BSNGOMS NA RTZA PHRAN STONG PHRAG BRGYAD BCU'O, ,DE RNAMS LA BA SPU'I KHUNG BU SOGS DANG 'BREL BA'I BU GA DU MA YOD DO, ,BCU DRUG PA LA NI MIG GIS BLTA BA DANG, KHAS MID PA DANG, NANG DU 'JU BA DANG, THUR DU 'BYIN PA SOGS KYI LAM THOGS MED DU BYED DO, ,BCU BDUN PA LA GNAS DE RNAMS DANG BAR BYED, BCO BRGYAD BA LA YONGS SU DAG PAR BYED, BCU DGU PA LA DBANG PO LNGA MNGON PAR 'GRUB, NYI SHU PA LA RKANG LAG SO SO LA DUS CHEN NYI SHU RE 'GRUB, NYER GCIG PA LA SHA 'GRUB, NYER GNYIS PA LA KHRAG 'BYUNG, NYED GSUM PA LA LPAGS PA 'GRUB, NYED BZHI PA LA LPAGS PA DANG BAR BYED, NYER LNGA PA LA SHA KHRAG DANG BAR BYED DE, LJAN LJIN GYI NGO BOR YOD BA NYID SHA SOGS SU 'GRUB PA'O, ,NYED DRUG PA LA SKRA SPU SEN SKYE, NYER BDUN PA LA DE RNAMS DANG BAR 'GYUR, 'DI'I SKABS SU SDUG MI SDUG PA SOGS JI LTAR 'GYUR BA RNAMS 'GRUB BO, ,NYER BRGYAD PA LA KHYIM DANG BZHON PA DANG SKYED TSA LA DANG KHANG BRTZEGS DANG KUN DGA' RA BA RANG KHRI DANG CHU BO DANG RDZING BU RNAMS SU SPYED PA'I 'KHRUL SHES BRGYAD RMI LAM LTA BUR 'BYUNG, NYER DGU PA LA LPAGS MDOG BYAD BAR BYED, SUM BCU PA LA SKRA SPU SEN RNAMS BYANG BAR BYED, SO GCIG PA NAS SO BZHI PA'I BAR DU LUS 'PHEL ZHING RGYAS PAR BYED, SO LNGA PA LA YAN LAG NYING LAG THAMS CAD RDZOGS PAR BYED, SO DRUG PA LA PHYIR 'BYUNG BAR 'DOD CING MNGON PAR MI
, ,DGA'O, ,SO BDUN PAL DRING BA SOGS KYIS CHES CHER GDUNGS SHING SKYUG LOG PAS DUS 'DA' BAR BYED, SO BRGYAD PA LA RLUNG GIS MGO THUR DU BSTAN PA SOGS SU BYED CING, RLUNG GIS 'PHRUL BA DANG DOG PAS MI SHONG BA SOGS KYI SDUG BSNGAL RNAM PA DU MA MYONG BZHIN DU BTZA'O, ,DE LTA BU'I SDUG BSNGAL MI BZAD PA RNAMS RGYAS PAR GSUNGS SO, ` ,YANG MDO DE NYID LAS, MI GTZANG BA RNAM PA MANG POS YONGS SU GAD PA SRIN BU'I RIGS STONG PHRAG MANG PO'I GYUR PA, SHIN TU DRING BA'I SGO GNYIS DANG LDAN PA, RUS PA'I BU GA DANG KHUR BU PHUG DU MDAR LDAN PA, GCIN DANG KLAD PA DANG KLAD RGYAS DANG RKANG GI TSOGS KYI LJAN LJIN CAN DU PHO BA'I 'OB, ,LONG KA'I STENG NA KHA NI SGAL TSI GSAL BA LTAS, RGYAB NI LTO BA'I PHAGS PA LA BSTAN TE, ZLA BA RE RE BZHIN DU ZLA MTSAN 'BYUNG BAS NI BRTA, MA YI ZAS KYI RNAM PA SO'I PHRENG BA GNYIS KYIS ZHIB MOD BYAS SHING MING PAR MING PA NAS, 'OG NAS KHA'I DI MDANG KHA CHUS BRLAN PA, STED NAS KLAD RGYAS KYIS SPAGS PA, SKYUGS PA DANG 'DRA BA'I ZAS KYI RO KHONG NAS LTE BA'I BU GA NAS 'JUG PAS NI BSKYED CING, NUR NUR BO DANG MER MER PO DANG NAR NAR PO DANG GO JA'I DA CES BA LAG 'GYUS PA'I NGO BOR YONGS SU 'GYUR BAR 'GYUR ZHENG, LAG PA DANG RKANG PA DANG 'GRAM PA NI SHA MA'I SNOD KYIS DKRIS, SNABS PHYI SA BZHIN DU DRI NGA PA MNAM
PA MI BZANG PA 'GRANG PAR NI YAN MAN RGYU, ZAS KYI RO KHA BDANG SKYUR BA DANG RTZUB PA DANG LAN TSVA DANG TSA BA DANG BSKA BA ME STAG LTA BU DAG GIS NI REG ,SRIN GROL MA BZHIN MI GTZAD BA'I KHU BAS NI GSO, MI GTZANG BA MYAGS PA RAB TU 'BAR BA'I 'DAM GYI NANG DU NI SO PA, SROG GI DBANG PO NI MI BRTAN, MA'I LUS KYI NANG GI MES NI KUN NAS GDUD, KUN DU GDUNG, YONGS SU GDUNG, TSA, KUN DU TSA, YONGS SU TSA, BSREG ,KUN DU BSREG ,YONGS SU BSREG CING SDUG BSNGAL GYI TSOR BA CHEN PO DRAG PA RTZUB PA MI BZAD PA YID DU MI 'ONG BA MYONG BAR 'GYUR RO, ,JI LTA JI LTAR DE'I MA G-YO BA DANG KUN DU G-YAB DANG YONGS SU G-YO BA DE LTA DE LTAR YANG DE BCING PA LNGAS BCINGS PA DANG, ME MA MUR GYI DONG DU BCUG PA LTA BUR SDUG BSNGAL GYI TSONG BA CHEN PO DRAG BRTZUB PA MI BZAD PA YID DU MI 'ONG BA DPE BYA BAR DKA' BA MYONG BAR 'GYUR RO, , ZHES DANG, DE NAS DE YAN LAG DANG NYID LAG THAMS CAD SKYES NAS GCIN GYI GNAS, DUL BA, LTUNG BA, 'GRED PA, MI BZAD PA, DRI NGA PA, MNAM PA, MUN GNAB, ,MTHONG NA SHIN TU 'JIGS SU RUNG BA, PHYI SA DANG GCIN GYIS BSGOS PA, DRI MI ZHIM PA'I DRI MA DANG KHRAG DANG CHA SER CAN, RTAG TU 'DZAG PA'I RMA'I SGOR SNGON GYI LAS KYI RNAM PAR SMIN PA LAS SKYES PA'I RLUNG GIS RKANG PA NI
, ,GYEN DU BSTAN, MGO BO NI THUR DU BSTAN, LAG PA GNYIS BSKUMS PA NA RUS PA'I 'KHRUL 'KHOR GNYIS KYIS GZIR, KUN TU GZIR, YONGS SU GZIR ZHING, SDUG BSNGAL GYI TSOR BA CHEN PO DRAG BCUB PA MI BZAD PA, YID DU MI 'ONG BA DAG GIS LUS KYI YAN LAG RMA GSAD BA LTA BU BZE RE CAN THAMS CAD SNGON POR GYUR LA, LUS KYI DBANG PO THAMS CAD NI TSA, MNGAL GYI DRI MA SHIN TU BTZOG PAS NI LUS YOG , SKOM PAS MCHU DANG MGRIN PA DANG SNYING NI BSKAMS TE, DOG PA DANG NYAM NGA BA MI BZAD PAR GNAS PA DE RGYU DANG RKYEN GYI DBANG GIS SNGON GYI LAS KYI RNAM PAR SMIN PA LAS SKYES PA'I RLUNG GIS 'PHUL BAN DKA' DKA' LTAR JI ZHIG LTAR TE 'BYUNG NGO, ,DE BYUNG MA THAG TU PHYI ROL GYI RLUNG MAL TZI DRAG PO'I REG PA CAN LTA BU'AM LAG PA'I MGOS KYIS REG NA RAL GRIS BCAD PA BZHIN DU SDUG BSNGAL GYI TSOR PA CHEN PO DRAG PA RTZUB PA MI BZAD PA YID DU MI 'ONG BA MYONG BAR 'GYUR RO, ,ZHES SOGS GSUNGS SO,, ,, *, ,'CHI BA'I SDUG BSNGAL BSAM TSUL,, ,,NA MO GU RU BHYA:- 'KHOR BA LAS GROL BAR 'DOD PA'I BSAM PA SHUGS DRAG BSKYED BA'I YAN LAG TU 'CHI BA'I SDUG BSNGAL BSAM TSUL BRJOD PA NI, RANG CAG MI YI BDE BA LA RANG DGAR SPYAD NAS GNAS PA LA, GLO BUR DU SNGON GYI LAS KYI RNAM PAR SMIN PA'I MTHUS, 'BYUNG BA 'KHRUGS PA LA SOGS PA'I NAD DRAG POS
BTAB, LUS SEMS THAMS CAD NI NYIN MTSAN THAMS CAD DU SDUG BSNGAL GYI TSOR BAS NYEN, NYIN MO'I BZA' BTUNG DANG YID DU 'ONG BA'I TSIG SMRA BA SOGS MA LUS PAR SPANGS, NUB MO GNYID KYIS LUS BDE BAR GNAS PA YANG BKAG ,YAN LAG RNAMS RID CING SHA MA LUS PAR ZHU, PAGS PA THAMS CAD SKAM PA LTA BUR 'GRO, BDAG NI 'CHI'AM SNYAM NAS 'JIGS PA DANG BU DANG BU MO SOGS KYI MDZA' BSHES RNAMS DANG GTAN DU 'BRAL BA'I DUS LA BAB PAR 'DUG GO SNYAM DU MYA NGAN 'BYUNG BA DANG, SNGON CHAD BDAG GIS DE LTA BU'I DGE BA BYAS PA DES NI NGES PAR NGAN SONG DU MI 'GRO, BDE 'GRO DANG BDE BA'I GNAS SU SKYE SNYAM DU BLO BRTAN RUNG BA'I DGE BA NI MED, RANG GIS MI DGE BA BYAS PA RNAMS KYANG DRAN, DMYAL BA DANG YI DVAGS KYI SDUG BSNGAL CHE ZHES PA TZAM SNGAR THOS PA DAG KYANG YID LA SHAR, KYE MA KYI HUD, DA NI JI LTAR BYAS KYANG 'TSO BA'I SKAL PA NI CHAD, CIS KYANG RANG DBANG MED PAR GSHIN RJE'I LAG TU CHUD PA'I DUS SU NI SLEB, SNYAM PA DANG, KHA CIG NI 'BRAL MI PHOD PA'I BU CHUNG BA, MDZES SHID YID DU 'ONG BA, NANG MA SON PA, SNYING RE RJE, 'DI NI BDAG SHI BA'I 'OG TU, BYI PA'I PHRU GU THANG LA BOR BA LTAR SKYONG MKHAN MED PA DANG, BDAG LA 'KHON PA'I DGRA BO RNAMS KYIS KYANG 'DI LA GNOD PAR BYED DAM SNYAM PA'I MYA NGAN DANG, KHA CIG NI DANG GI PHA
, ,MA RGAS SHING 'KHOGS PA, NA TSONG KYIS GTUGS, CI YANG MI THUB PA, 'DIS NI BDAG DANG BRAL BA'I 'OG TU, DBYAR GYI DUS SU TSA BA'I SDUG BSNGAL, DGUN GYI DUS SU 'KHYAGS PA'I SDUG BSNGAL DANG, DUS DUS SU NAD RO 'PHAR BA'I SDUG BSNGAL SOGS KYIS MNAR ZHING, BDAG DRAN PAS KYANG SHIN TU NYAM THAG PAR 'GYUR RAM SNYAM PA DANG, KHA CIG NI RANG GI CHUNG MA BLTA NA SDUG PA, BED BA SNA TSOGS LA LHAN DU SPYOD PA, SHIN TU PHANGS PA DE DANG 'BREL LAM SNYAM PA DANG, DE BZHIN DU, DNGUL DANG RTA DANG GLANG DANG, ZAS DANG GOS SOGS SNYING DU GCES PAR GZUNG BA RNAMS DANG 'BRAL LAM SNYAM PA SOGS YID LA SHAR BTZAM GYIS, SEMS MYA NGAN GYIS GDUNG ZHING, LUS SDUG BSNGAL GYIS GZIR BA DANG, MIG NAS MCHI MA LHUG PAR SHOR BA SOGS 'BYUNG LA, DE'I GNYEN RNAMS KYIS KYANG, 'BRAL MI PHOD PA'I BRTZE BA'I MIG DU LA KHANG PAS NI DE'I GDONG LA LTA, MYA NGAN GYIS GDUNGS PA'I DO NI GNAG PAR 'GYUR, ZAS GOS SOGS CI YANG MI SEMS PAR DE NYID KHO NA LA BRTZE ZHING GDUNG BAS NI NYIN MTSAN 'DA', DE SOGS KYIS SDUG BSNGAL DPAG TU MED PA MYONG BA'I SKABS SU, SNGON MA GOMS PAS BLA MA DKON MCHOG LA DAD PA MI SKYE, CUNG ZAD DE BSKYED SNYAM NA YANG LUS SDUG BSNGAL GYIS MNAR
BA DANG SEMS MYA NGAN GYIS NON PAS BSKYED MI BTUB, MO MA DANG SMAN PA SOGS LA DRIS KYANG DE DAG GIS KYANG GSON DU RE BA CHER MED PA'I SKABS SU GYUR PAS 'BYOL THABS TSOL BA DANG, 'GA' ZHIG GIS NI BLA MA DKON MCHOG LA GSOL BTHOB, JI LTAR YIN KYANG BLA MA DKON MCHOG GIS MKHYEN PA MA GTOGS, SUS NI CI BYA, ZHES SMRAS PA THOS PAS KYANG, DE THAMS CAD MYA NGAN LHAG PAR 'PHEL, DER MA ZAD, NANG DE YANG RDA CHER SONG BAS, RGYUN MI 'CHAD DU 'KHUN CING GAN BUB SNA TSOGS PA BYED, BU DANG CHUNG MA SOGS LA NI PHRIG HRIG GI MIG GIS LTA, NGAR NGAR GYI DBUGS PHRENG NI NGA LA GSO MED PAR RGYU BAS SROG CHAD LA NYE, CHAGS SEMS SHUGS DRAG BYUNG BAS NOM NOM GYI LAG PAS RANG GI LUS DANG GOS LA REG ,'JIGS 'JIGS PA'I BSAM PA NI STAG GI SBAR MOR CHUNG PA LTA BUR 'GYUR, LNGA BA LDIB KYI NGAG GIS KHA CHE MA GYI GTAM RE GNYIS SMRA, GNYEN DANG 'KHOR G-YOG THAMS CAD RTAB RTOB TU GYUR TE NAD PA'I DRUNG DU LHAGS NAS BSKOR CING BSDAD, MYA NGAN GYIS NON PA'I MIG GIS NAD PA'I GDONG LA YANG YANG LTA, DBANG MED DU 'CHOR BA'I MCHI MA'I CHAR GYIS NI BZHIN GYI DKYIL 'KHOR BKRUS, NAD PA RANG GIS KYANG SNGAR SPYAD BDE SKYID THAMS CAD YANG YANG DRAN KYANG SPYOD PA'I DBANG MED DU GYUR PAS NI YID
, ,SHIN TU MUG ,BA SPU THAMS CAD LANGS SHING RKANG LAG G-YOB, SMAN CHOG LAS KYANG, MDZA' BSHES DANG NYE DU DANG SNAG GI GNYEN MTSAMS DU BA RNAMS KYIS NI BSKOR, PHYOGS RNAMS NI MUN PAR MTHOD, GSHIN RJE'I MA RNAMS KYIS NI DRANGS TE, ZHES GSUNGS PA NI MNGON DU GYUR, GNYEN KHA CIG NI NAD PA'I LAG PA NAS 'DZIN, KHA CIG NI LAG PAS RANG GI BRANG LA BRDUNG, KHA CIG NI RANG GI MGO LA BSNUN, KHA CIG NI LAG PAS KHA BKAB, BLONG BLONG POR GYUR PAS, KYE HUD KYI HUD CES SOGS KYI GTAM MI SNYAN PA SNA TSOGS NI SMRA, DU BA DANG 'DAR ZHING 'DZAR BA'I DUD MO'I SGRA SKAD 'JIGS 'JIGS PO NI DBYANGS SU LEN, JI LTAR BYAS KYANG GTOL MED DU GYUR PA DE'I TSE, MNGOS GLUNG DANG DRAG SNGAGS SOGS GANG GIS KYANG PHAN DU MED, DPA' MDZANGS KYI DMAG GI TSOGS KYIS KYANG BSRUNG DU MED, KHA DRAG CAN GYI RGYAL PO DANG DPON CHEN RNAMS KYIS KYANG SKYOB TU MED, ZAS NOR LONGS SPYOD JI SNYED PAS KYANG BSLU DU MED, MTHU STOBS DBANG PHYUG PHYAG NA RDO RJE SPYAN 'DREN NA YANG MTHUS 'CHI BA BZLOG TU MED, DUG GSUM NANG SEL SANGS RGYAS SMAN BLA SPYAN 'DREN NA YANG SMAN DPYAD SOGS KYIS 'CHI BA BCOS SU MED, 'CHI MED DPAL STER TSE DPAG MED MGON SPYAN 'DREN NA YANG TSE RING BA'I
THABS KYIS TSE BSRING DU MED, DES NA GZHAN GYIS CI ZHIG SMOS PA'I SKABS SU GYUR PA NA, LUS KYI SA'I KHAMS NI CHU LA THIM STE, DE'I PHYI RTAGS NI, LUS SHIN TU LHOD LHOD POR GYUR ZHING SA LA BYING DAM SNYAM PA DANG, GON PA CHES LCIBS MNAN NAM SNYAM ZHING, MGO GYEN DU 'DAGS 'DOD 'BYUNG NGO, ,NANG RTAGS NI, SHES PA MUN PAS 'THIBS PA DANG 'DRA ZHING, SMIG RGYU SNANG BA LTA BU 'BYUNG NGO, ,PHYI ROL GYI GZUGS SGRA RNAMS LEGS PAR GSAL MI NUS PAR 'GYUR RO, ,DE NAS CHU KHAMS ME LA THIM STE, DE'I PHYI RTAGS NI, SO LA DREG CHAGS, KHA CHU DANG SNA CHU THAMS CAD SKAM, RKAN YANG SKAM, SNA ZHOMS, MIG KONG MOR 'GRO, MCHU BA RDZES, LCE THUNG DUR GYUR ZHING SO LA MI SLEB PA 'BYUNG, NANG RTAGS NI, SHES PA RNAL DU MI GNAS PAR 'TSUB CING, PHYOGS THAMS CAD DU BAS GANG PA LTA BU'I SNANG BA 'BYUNG NGO, , DE NAS ME KHAMS RLUNG LA THIM STE, DE'I PHYI RTAGS NI, BKRAG MDANGS GZI BRJID MA LUS PAR NYAMS, KHA NAS RLANGS PA NA BUN LTA BU 'BYUNG, SHIG RNAMS GON PA'I PHYI RU 'BROS, LUS KYI DROD SDUD PAR 'GYUR DE, ,DE YANG SDIG PA SHAS CHER SPYAD PA DAG GI DROD NI, DANG POR MGO NAS SNYING KHA'I BAR DU BSDUS NAS, DE'I RJES SU RKANG MTHIL NAS SNYING KHA'I BAR DU SDUD DO, ,DE'I SKABS SU, KHA SNA BKAG
, ,NAS DBUGS 'GROD MI STENG BA LTA BU'I SDUG BSNGAL DRAG PO MYONG NGO, ,NANG RTAGS NI, PHYOGS THAMS CAD DU ME KHYER 'PHUR NAS 'GRO BA LTA BU'I SNANG BA 'BYUNG NGO, ,DE NAS RLUNG GI KHAMS RNAM SHES LA THIM STE, DE'I PHYI RTAGS NI, DROD MA LUS PAR YAL, THUNG ZHING RTZUB LA SHIN TU DRAG PO'I DBUGS BRTZEGS, BZOD PAR DKA' BA'I SDUG BSNGAL DRAG PO MYONG BA NA, LGANG BU KHA'I RLUNG GIS CHES CHER BUS PA NA RLUNG STOBS KYIS DRAL 'GRO BA LTAR GYUR NAS DBUGS PHRENG CHAD, LUS THAMS CAD SA RDO LTAR CI YANG MI SHES PAR 'GYUR RO, ,NANG RTAGS NI, PHYOGS THAMS CAD DU MAR ME 'BAR BA LTA PHU'I SNANG BA 'BYUNG NGO, ,'BYUNG BZHI 'JIG PA'I SKABS 'DIR MIG SOGS KYI DBANG PO RNAMS RIM GYIS 'GAGS LA, GZUGS SGRA DRI RO REG BYA RNAMS KYANG RIM GYIS MI SHES PAR 'GYUR RO, ,YANG SNANG BA'I SAR BSDAD PA LAS JE MUN JE MUN DU 'GRO BA LTA BU DANG, SHIN TU 'JIGS SU RUNG BA'I GZUGS CAN RNAMS KYIS RANG GSOD PA DANG, KHYI DANG STAG LA SOGS PA RNAMS KYIS RANG ZA BA DANG, SER BA 'BAB PA LTA BU DANG, RANG LA 'KHON CAN GYI MI 'ONG NAS MTSON GYIS GDAB PA DANG, 'JIGS PA'I SGRA CHEN PO GRAGS PA LTA BU RNAMS BYUNG NAS SPU ZING ZHES BYED BA DANG, SDUG BSNGAL SNA TSOGS PA MYONG NGO, ,YANG
LUS KYI GNAD BRGYA RTZA GCIG YOD PA RNAMS KYANG TSOR BA DRAG BO DANG BCAS TE GCOD PAR 'GYUR RO, ,DE YANG MIG GIS MTHONG BA'I GNAD DANG, RNA BAS THOS PA'I GNAD DANG, LAG PAS BRKYANG BSKUM DANG 'DZIN GTONG SOGS BYED PA'I GNANG LA SOGS PA, 'KHRUL 'KHOR GYI GNAD LTA BUR YOD BA RNAMS 'JIG PA'I TSE, SO SOR RAL GRIS GCOD PA DANG THOBS BA SHIG PA LTAR, CUNG ZAD KYANG BZOD DU MI RUNG BA'I SDUG BSNGAL BSAM GYIS MI KHYAB PA MYONG NGO, ,DE LTA BU'I SDUG BSNGAL MYONG BAS RKANG LAG G-YOB PA DANG, BSHAD GCI 'BYUNG BA DANG, NAM MKHA' LA RNYOB PA DANG, MIG LDOG PA DANG, KHA MDOG MI SDUG PAR 'GYUR BA DANG, KHA GDANGS PA DANG, SO GTZIGS PA DANG, DAR SGRA CHEN PO 'BYIN PA DANG, KHA NAS DBUB 'BYUNG BA LA SOGS PA RNGAMS SHING 'JIGS PA'I RNAM 'GYUR SNA TSOGS PA STON PAR 'GYUR RO, ,DE DAG GI SKABS RNAMS SU GNYEN DANG ZAS NOR SOGS LA CHAGS PA DANG, DGRA SOGS LA SDANG BA DANG, SNGON MI DGE BA BYAS PA DRAN NAS 'GYOD PA DANG, DGE BA BYAS PA YOD KYANG DE TZAM GYIS BDE 'GRONG MI SKYE'AM SNYAM PA'I THE TSOM DANG, NGAN 'GRO'I SDUG BSNGAL BSAM NAS 'JIGS PA SOGS BYUNG NA NGAN SONG DU 'GRO BAR 'GYUR RO, ,'DI YAN CHAD LA 'DU SHES RAGS PA YOD LA, PHYI DBUGS CHAD PA NA PHYI NANG GNYIS SU SNANG BA'I SHES PA RNAMS
, ,'GAGS TE LUD MA BSTAN GYI SEMS KHO NAR 'GYUR RO, ,DE YANG RNAM SHES 'PHO BA'I BAR LA STONG PA BZHI SHAR RO, ,DE'I DANG PO SNANG BA SHAR BA'I TSE, PHYOGS THAMS CAD DU BCO LNGA'I MTSAN MO ZLA BA'I 'OD KYIS KHYAB PA LTAR DKAR LAM ME PA DANG, GNYIS PA MA CHED PA'I TSE NYI MA 'CHAR KHA'I 'OD KYIS KHYAB PA LTAR DMAR LAM DANG, GSUM PA NYER THOB GYI TSE, ZLA BA SGRA GCAN GYIS ZIN PA LTAR NAG LAM GYI SNANG BA 'BYUNG NGO, ,'DI GSUM GYI SKABS RIM PA BZHIN DU, ZHE SDANG GI RTOG PA SO GSUM, 'DOD CHAGS KYI RTOG BA BZHI BCU, GTI MUG GI RTOG PA BDUN TE, NYON MONGS KYI RNAM RTOG RAGS PA BRGYANG BCU ZHA MA SHES LA 'DUS NAS SEMS SHIN TU PHRA BAR 'GYUR RO, ,BZHI PA 'OD GSAL GYI TSE THO RANGS NYI ZLA SKAR GSUM MED PA'I NAM MKHA' SPRIN DANG BRAL BA LTA BU STONG SANG DE PA CI YANG YID LA MI 'CHAR BA ZHIG 'BYUNG NGO, ,DE NAS RNAM SHES PHYIR 'PHO STE, DE YANG, MIG GNYIS GANG RUNG NAS THON NA MIR SKYE, RNA BAS NI MI 'AM CI SOGS, SNAS NI GNOD SBYIN SOGS, MCHOG MAS NI GZUGS MED, SMIN MTSAMS NAS NI GZUGS KHAMS, LTE BA NAS
NI 'DOD LHA SOGS, CHU LAM NAS DUD 'GRO, BSHAD LAM NAS DMYAL BA, KHA NAS YI DVAGS SU SKYE'O, ,'BYUNG BZHI 'JIG PA'I BAR LA RING THUNG DES PA MED CING, PHYI DBUGS CHAD NAS RNAM SHES 'PHO BA'I BAR LA'ANG DA SA PA MED DE, PHYI NANG GI DBUGS GNYIS DUS MNYAM DU CHAD PA DANG, NANG DBU GAS TZAM GYIS ZHAG BDUN GYI BAR DU GNAS PA'ANG YOD DO, ,RTA THOG NAS LHUNG STA SHI BA LTA BU GLO BUR DU 'CHI BA LA 'BYUNG BA MTHIM PAR 'CHI BA'ANG YOD CING, CHAD PAS MGO BCAD NAS 'CHI BA LTA BUS KHA MIG SOGS NAS RNA MA SHES 'THON MI RUNG BA DANG, MER MER PO MNGAL DU 'CHI BA LA YANG MIG SOGS MED PAS DE NAS RNAM SHES 'THON RGYU MED PA SOGS KYANG BRTAG GO ,'O NA NANG DBUGS TZAM GYI TSE RNAM SHOS GANG DU GNAS ZHE NA, SNYING GI RTZA 'KHOR GYI DBUS SU RTZA DBU MA LA RO RKYANG GIS MDUD CING YOD PA DE'I NANG DU, MANG LA DU CHAGS DUS KYI PHA'I KHU BA DANG MA'I KHRAG GNYIS KYI CHA PHRA MO ZAN RIL LA MTSAL GYIS BSGYUR BA LTA BU'AM, GA'U KHA SBYAR GYI TSUL DU YOD PA DE'I NANG DU ZHUGS NAS GNAS SO, ,RNAM SHES PHYIR 'A PHO BA JI LTAR SHES ZHE NA, RMA'I SGOR
, ,BRTAG PA DANG, THIG LE ZHIG BAS BRTAG PA GNYIS YOD KYANG, SNGA MA BRTAG DKA' BAS PHYI MA'I TSUL NI, RNAM SHES PHYIR 'PHO BA DANG MNYAM DU KHU BA MAR CHU LAM NAS 'THON LA, KHRAG YANG SNA G-YAS PA NAS 'THON PAS SHES SO, ,'ON KYANG RO GAN RGYAL DU BZHAG PAS PHYIR MI 'THON PA SOGS KYANG SRID DO,, MANGGA LAm,, ,,
[BLANK PAGE]