, ,/NGA10\ THA 4 *, ,BSLAB TSIG SNYING GI NOR BU ZHES BYA BA BZHUGS SO, ,
, ,'JAM MGON BLA MA TZONG KHA PA CHEN PO YAB SRAS BRGYUD 'DZIN DANG BCAS PA RNAMS LA GUS PA'I YID KYIS PHYAG 'TSAL ZHING SKYABS SU MCHI'O, ,TSE RABS THAMS CAD DU RJES SU GZUNG DU GSOL, ,MDO SNGAGS YONGS SU RDZOGS PA'I GDAMS PA MCHOG ,THOS BSAM SGOM PAS TSUL BZHIN SGRUB 'DOD PA'I, ,SKAL LDAN SLOB BU KHYOD KYI 'DOD DON KUN, ,YID BZHIN BDE RLAG NYID DU 'GRUB GYUR CIG ,CES SHIS PA BRJOD PA'I TSIG SDON DU BTANG NAS BRJOD PAR BYA BA NI, GNAS SKABS DANG MTHAR THUG GI LEGS TSOGS THAMS CAD YID BZHIN DU 'GRUB PA'I SGO GCIG PU RGYAL BA'I BSTAN PA RIN PO CHEL SLOB BAR 'DOD BAS THOG MAR KUN SLONG 'CHOS PA, DE NAS RANG LA NGES PAR PHAN 'DOGS NUS PA'I BLA MA BZANG PO LA BSTEN PA, BRTEN NAS GANG
, ,'DOD KYI LUD RIGS MAN NGAG RNAMS SLOB PA, DE NAS THOS PA'I DON RNAMS TSUL BZHIN DU SGRUB PA, DE NAS BSTAN 'GRO'I PHAN BDE SPEL BA'I BYA BA SGRUB PA RNAMS SO, ,DE LA THOG MAR KUN SLONG 'CHOS PA NI, 'JAM MGON BLA MA TZONG KHA PA CHEN POS, SPYAD PAS MI DOMS SRIN PA'I BDE, ,RING DU MI GNAS DAL BA'I RTEN, ,GTAN GYI BDE STENG DAM PA'I CHOS, ,DE PHYIR GANG ZHIG BYA DGOS DBYOD, ,CES GSUNGS PA LTAR TSE 'DI'I RNYED BKUR SNYAN GRAGS DANG 'PHRAL GYI SKYID POR 'DUG PA'I RKYEN ZAS GOS NYE DU LA SOGS PA'I RIGS GANG LA YANG ZHEN CHAGS MED PA CIG DGOS TE, TSE 'DIR ZHEN PA CHEN THOS BSAM SGOM PA GANG YANG RNAM DAG MI 'ONG BAS SO, ,ZHEN CHAGS MI 'BYUNG PA'I THABS NI TSE 'DIR YUN RANG DU MI SDONG PAR MYUR DU SHI
NAS THAMS CAD DANG 'BRAL BA'I 'CHI BA YANG YANG DRAN PA DANG, 'DI PHYI'I BDE SKYID GANG 'DOD THAMS CAD DAM PA'I CHOS KHO NAS LAS 'BYUNG BAR RGYUN DU BSAM PA'O, ,DE LTAR MYUR DU 'CHI BA DANG GTAN DU PHAN PA DAM PA'I CHOS KHO NA YIN PA LA YID CHES RNYED NA TSE 'DIR MI CHAGS PAR NGES PAR DAM PA'I CHOS LA 'JUG 'DOD KYI DAD 'DUN BZANG PO SKYE BAR 'GYUR RO, ,DE NAS DAM PA'I CHOS LA 'JUG PA LA CHOS KYI DON SHES DGOS SHING, DEL NI GZHUNG CHEN MO RNAMS KYI TSIG DON DANG DE DAG GI DGONGS PA NYAMS LEN DU DRIL NAS LAG TU LEN PA'I MAN NGAG LA SOGS PA PHYIN CI MA LOG BAR LTON NUS PA'I BLA MA BZANG PO CIG NGES PAR DGOS LA, DE LTA BU'I BSHES GNYEN BZANG PO TSOL BA LA BLA MA DE'I SKU GSUNG THUGS KYI MDZAD PA SOGS LA RANG GIS KYANG BRTAGS, BSAM BA DRAD ZHING BLA MA LA RGYUS YOD PAR LDAN LA YANG DRIS TE, RANG LA GANG 'DOD KYI CHOS LEGS PAR 'CHANG NUS PA'I MKHAS PA, DE DAG NYAMS LEN DU DRIL BA'I MAN NGAG DANG LDAN PA, SLOB MA LA GANG GIS PHAN PAR 'GYUR PA'I DON LA DGONGS BA 'DI RTZA BA CAN, KHRO GTUM DANG LE LO CHUNG BA, HA CANG BYA BA MANG POS BREL BA MIN PA SOGS DGOS MOD, 'ON KYANG BLA MA GCIG LA YON TAN THAMS CAD TSANG ZHING SKYON THAMS CAD DANG BRAL BA DKON BAS SKABS SU BAB PA'I 'DOD CHOS STER NUS SHING BSTAN DU RUNG BA ZHIG RIGS
, ,PAS DPYAD NAS BSTEN PAR BYA'O, ,BSTEN NAS BSLAB RGYU'I CHOS NI, THOG MAR BSDUS GRVA BLO RTAGS RNAMS LA SBYANGS TE GZHUNG CHEN MO'I DGONGS PA TSO LA BA LA RNO ZHING MYUR BA DANG, RANG PA DOGS PA SKYES PA'I DON LA RE ZHIG BRTAGS PAS 'THAD MI 'THAD GYI PHYOGS RNAMS PHYE NAS THE TSOM GCOD NUS PA DANG, GZHAN LA DRI PA'I TSE DRI DGOS PA'I DON RNAMS LA MI RMONGS PAR DBYIS PHYIN PAR DRI NUS PA DANG, GZHAN LA LAN GDAB PA'I TSE YANG 'PHRAL 'PHRAL DU DA BYANG NAS GTUGS PA MED PAR DON GANG YIN RNAMS LEGS PAR STON NUS PA'I BLO GROS DANG SPOBS PA BSKYED BAR BYA DGOS LA, DE NAS DON BDUN CU'I YIG CHA SOGS BLONG BZUNG ZHING, MNGON PAR RTOGS PA'I RGYAN RGYA BONG KYI 'GREL BA RNAMS DANG BCAS PA LA GTUGS TE PHAR PHYIN GYI SA BCAD DANG DON BDUN CU'I NGO BO DAGS PA RNAMS NGOS GZUNG BAR BYA, DE NAS PHAR PHYIN GYI RTZOD GRVA BYED PA'I SKABS RNAMS SU RTZI BZHAG GI YIG CHA BLONG BZUNG ZHING THANG THANG KYI GZHUNG DANG DE DAG GI 'GREL PA SPYI DANG KHYAD PAR DU LEGS BSHAD GSER PHRENG RNAM BSHAD SNYING PO'I RGYAN GNYIS LA GTZO BOR SBYANGS, DE LA LO 'GA'I BAR DU LEGS PAR SBYANGS NAS GO BA RNYED BA DE'I TSE LAS DANG PO PAS NYAMS SU LEN RGYU SKYES BU CHUNG NGU'I LAM NAS SANGS RGYAS KYI SA'I BAR GYI LAM GYI RIM PA, THEG PA GSUM GYI LAM
BSGOMS PAS 'KHOR BA LAS 'GROL TSUL, THAR PA 'THOB TSUL, SKABS SKABS KYI SPANG BYA SPANG TSUL, YON TAN 'THOB TSUL SOGS MDOR NA RGYAL BA'I GSUNG RAB MTHA' DAG GI DGONGS PA PHYOGS GCIG TU DRIL NAS SHES NUS PA'I GO BA NGO MTSAR BRNYED PAR 'GYUR RO, ,DE NAS PHAR PHYIN GYI NANG NAS SHES RAB KYI NYAMS LEN GYI GTZO BO DBU MA THAL 'GYUR PA'I LTA BA DBYIS PHYIN PAR STON PA'I GZHUNG DBU MA LA 'JUG PA RANG 'GRAL DAD BCAS PA, DE'I RNAM BSHAD DGONGS PA RAB GSAL SOGS LA SBYANGS BAS SNGAR GYI PHAR PHYIN GYI SKABS LAS KYANG CHES LHAG PAR 'KHOR BAR 'KHOR BA'I RTZA BA DANG THAR PA 'THOB PA'I RTZA BA, CHOS THAMS CAD RTEN 'BREL TZAM YIN PAS BDAG TU 'DZIN RGYU MED PA SOGS RANG BZHIN MED PA LA LAS 'BRAS MI BSLU BA'I DON LA SOGS PA LEGS PAR SHES NAS RMAD DU BYUNG BA'I DES PA RNYED PAR 'GYUR RO, ,DE NAS 'DUL BA MDO RTZA 'DUL tIKA RIN CHEN PHRENG BA SOGS LA SBYANGS PAS BSNYEN GNAS DGE BSNYEN PHA MA NAS DGE SLONG GI BAR GYI SDOM PA LEN TSUL BSRUNG TSUL SOGS SANGS RGYAS KYI BSTAN PA'I RTZA BA RANG CAG RAB TU BYUNG BA RNAMS LA GTAN NAS MED DU MI RUNG BA RNAMS YONGS SU RDZOGS PAR SHES PAR 'GYUR RO, ,DE NAS MNGON PA MJOD DANG DE'I 'GREL PA SOGS LA SBYANGS BAS 'KHOR BA DANG MYANG 'DAS SOGS SHES
, ,BYA THAMS CAD KYI GRANGS DANG NGO BO GNAS TSUL SOGS KUN LA MKHAS PAR 'GYUR RO, ,DE NAS RNAM 'GREL DANG DE'I RNAM BSHAD THAR LAM GSAL BYED, SNGE BDUN YID KYI MUN SEL, TSAD MA RIGS RGYAN SOGS LA SBYANGS PAS LAS NYON GYIS 'KHOR BAR 'KHOR BA'I RGYU MTSAN DANG, LAM BSGOMS PAS THAR PA 'THOB PA'I RGYU MTSAN SOGS BLANG DOR GYI GNAS MTHA' DAG RGYU MTSAN YANG DAG GI SGO NAS LEGS PAR GTAN LA 'BEBS NUS PA'I RIGS PA YANG DAG RNYED PAR 'GYUR RO, ,GZHUNG DE DAG LA SLOB GNYER BYED PA'I 'TSAMS RNAMS SU RANG GI NUS PA DANG BSTUN NAS DBANG LUNG KHRID RGYUN SOGS DANG SGRA SNYAN DNGAGS RTZIS DKAR NAG SMAN SOGS RIG GNAS KYI YON TAN GZHAN RNAMS LA'ANG GANG NUS KYIS BSLANG NA KHA CIG RANG GI NYAMS LEN DANG KHA CIG BSTAN 'GRO'I DON SGRUB PA SOGS LA SHIN TU PHAN PAR 'GYUR DO, ,KHYAD PAR DU LAM RIM CHE CHUNG SOGS KYI BSHAD PA MDZUB KHRID BDE LAM SOGS KYI DMIGS KHRID RNAMS NGES PAR NOD DGOS PA YIN NO, ,DE NAS MDO PHYOGS LA SBYANGS PA RDZOGS PA NA RGYUD GR'AR ZHUGS NAS 'GREL PA BZHI SBRAGS GSANG BDE 'JIGS GSUM SOGS KYI BSKYED RDZOGS KYI KHRID, DKYIL 'KHOR SGRUB MCHOD SOGS SNGAGS PHYOGS KYI GZHUNG MAN NGAG RNAMS LA LEGS PAR SBYANGS NA MDO SNGAGS
YONGS SU RDZOGS PA'I MKHAS PA CHEN POR 'GYUR BAS RANG DANG GZHAN GYI 'DI DANG PHYI MA'I DON GANG SGRUB PAR 'DOD PA RNAMS KYANG RANG GI LAG TU YOD PA'I NOR LA LONGS SBYOD PA LTAR BDE BLAG TU SGRUB NUS PAR 'GYUR RO, , DE LTAR THOS BSAM BYED BA LA 'GAL RKYEN SPONG BA DANG MTHUN RKYEN BSTEN PA GNYIS DGOS PAS, DANG PO LA SHO DANG MIG MANG SOGS NGON MED KYI RTZED MO, LONG GTAM, PHAN TSUN GYI 'GRO 'ONG, MTSAN MO'I GNYID, ZAS GOS SOGS MANG ZHING BZANG PO SOGS LA ZHEN PA, LE LO PHRAG DOG NGA RGYAL SOGS DANG, HA CANG MI MANG PO DANG 'GROGS 'DRIS BYED BA, MANG PO'I LAS KHUR 'DZIN PA'I DGE RGAN BYED PA LTA BU'I RIGS RNAMS SPOD CI THUB BYED PA GAL CHE, GNYIS PA MTHUN RKYEN LA NYIN RER BLA MA'I RNAL 'BYOR DANG DMIGS BRTZE MA LA GTZO BOR 'BAD CING, YI DAM RDO RJE 'JIGS BYED DANG CHOS SKYONG MGON BO CHOS RGYAL LTA BU LA 'CHAG MED DU BZLAS PA GTOR 'BUL LTA BU BYED THUB NA SHIN TU LEGS SHING, DE MA BYUNG NA'ANG CI NUS KYI KHA TON RIM GRO DGE SBYONG SOGS LA 'BAD NA 'DOD DON BDE BLAG TU 'GRUB PAR 'GYUR RO, ,DE YANG PHYOGS GCIG TU DRIL NA MTSAN NYID KYI SLOB GNYER LA 'BAD BZHIN PA'I NGANG NAS CHOS MTSAMS RNAMS SU DBANG LUNG KHRID SOGS CHOS GZHAN ZHU BA DANG RIG PA GZHAN RNAMS SLOB PA SOGS
, ,RANG GI BLO NUS DANG BSTUN TE SLOB, RGYUD LA ZHUGS NAS KYANG RGYUD SDE BZHI DANG 'BREL BA'I YI DAM RNAMS KYI BSNYEN MTSAMS BYED TSUL, DMIGS RIM, DKYIL 'KHOR SGRUB MCHOD, LAS TSOGS, CHOS SKYONG RNAMS KYI BSKANG GSO'I RIM PA SOGS LA GANG NUS KYIS SLOB PA RNAMS GAL CHE BA YIN NO, ,DE DAG NI MDO SNGAGS KYI GZHUNG MAN NGAG RNAMS RGYAS PAR BSLAB PA'I RIM PA GRAGS CHE BA RNAMS YIN LA, DA DUNG BRJOD PAR BYA BA SHIN TU MANG MONG KYANG HA CANG MANG BAR 'GYUR PAS RAGS RIM TZAM SMRAS PA YIN NO, ,GAL TE RKYEN DBANG GIS DE LTA BU MA NUS NA LAM RIM CHE CHUNG CI RIGS KYI MDZU BA KHRID DANG, BDE LAM MA MA 'JAM DPAL ZHAL LUNG LTA BU'I DMIGS KHRID, 'JIGS BYED KYI BSKYED RIM GYI KHRID LTA BU BLA MA YI DAM CHOS SKYONG GANG BSTEN PAR 'DOD PA DE'I SOGS KYI MAN NGAG RNAMS MNOS NAS NYAMS SU BLANG NA'ANG SHIN TU LEGS PA YIN NO, ,DE NAS THOS PA'I DON RNAMS SGRUB PA NI, 'JAM MGON BLA MA YAB SRAS SOGS KYIS BYIN GYIS BA RLABS SHING, DA LTA YANG SANGS RGYAS DNGOS DANG 'DRA BA'I BLA MA MANG POS DNGOS SU BSTAN 'GRO'I DON MDZAD BZHIN PAR BZHUGS PA'I GNAS KHYAD PAR CAN DE NYID DU SGRUB PA NYAMS LEN GYI RIM PA GANG 'TSAM PA RE BYAS TE SMON LAM LEGS PAR
BTAB NA GNAS GZHAN DU SGOM SGRUB BYAS PA LAS KYANG PHAN YOD BES YAB CHE BAS DE LTAR BYA DGOS SHING, DE NAS RANG YUL SOGS GANG 'OS KYI GNAS RNAMS SU SGOM SGRUB LA 'BANG PAR BYA DGOS LA, DE YANG THOG MAR SKYABS 'GRO SEMS BSKYED SOGS SPYOR BA'I CHOS DRUG ,BLA MA'I RNAL 'BYOR, LAM RIM, BSKYED RIM SOGS SO SO'I MAN NGAG JI LTA BA BZHIN BYA BA YIN LA DE DAG GI TSUL NI SO SO'I 'KHRID YIG SOGS LAS SHES DGOS SO, DA LTAR BO SGRUBS BAS BLA MA DKON MCHOG GI THUGS RJE BYIN RLABS KYIS GZHAN GYI DON LA DNGOS SU 'JUG PA'I NUS BA THOB PA NA SLOB MA DANG 'DUN CAN DAG LA LUNG KHRID SOGS STER BA, BSTAN PA'I RGYUN LA PHAN PA'I PHYIR DU DBANG RJES GNANG SOGS SPEL PA, BSTAN BCOS RTZOM PA, DGE 'DUN GYI SDE 'DZUGS PA, LHA KHANG BZHENGS PA SOGS SDON BYON SKYES CHEN DAM PA SPYI DANG, KHYAD PAR DU YANG 'JAM MGON BLA MA YAB SRAS RJES 'BRANG NGANG BCAS BA RNAMS KYIS THOS BSAM SGOM PA DANG 'CHANG RTZOD RTZOM PA'I SGO NAS BSTAN 'GRO'I PHAN BDE SPEL BA SOGS JI LTAR MDZAD PA'I RJES SU 'BRANGS TE BSLABS NA, RANG GZHAN KUN GYI 'DOR DON LEGS TSOGS THAMS CAD YONGS SU RDZOGS PAR 'GYUR RO, ,SNGON BSAGS LAS DANG SMON LAM BZANG PO'I MA BUS, ,DAM PA'I CHOS LA ME PHYED DANG PA DANG, ,RNAM DPYOD
, ,BRTZON 'GRUS PHUN SUM TSOGS PA YI, ,SKAL LDAN SLOB BU KHYOD LA SLAR YANG SMRA, ,'PHRAL PHUGS BDE LEGS MA LUS SGRUB NUS PA'I, ,RTEN BZANG 'DI 'DRA PHYIS NAS RNYED PAR DKA', ,RNYED PA 'DI YANG RNAM 'JIG NGES MED PAS, ,GTAN DU PHAN PA'I THABS SHIG RINGS PAR TSOL, ,BDE LEGS THAMS CAD DAM CHOS BSGRUBS LAS 'BYUNG, ,CHOS BZHIN SGRUB PA GDAMS NGAG NYAN LAS 'BYUNG, ,GDAMS NGAG NYAN PA BLA MA'I DRIN LAS 'BYUNG, ,DE PHYIR BLA MA MCHOG ZHIG TSOL LA STEN, ,SDE SNOD GSUM DANG RGYUD SDE RNAM PA BZHI'I, ,DGONGS DON MA NOR YONGS SU BSDUS PA YI, , 'JAM MGON BLA MA'I MDO SNGAGS GZHUNG RNAMS LA, ,THOS BSAM GNANG DU 'KHYOL BA NGES PAR DGOS, ,DE NAS BLA MA'I MAN NGAG JI BZHIN DU, ,NYAMS SU BLANGS TE RANG RGYUD SBYOR BA DANG, ,SKAL LDAN DON GNYED CAN LA SPEL BA SOGS, ,RANG GZHAN PHAN BDE SGRUB PA'I TSUL LA 'BOD, ,'DI DANG PHYI MA GNYIS LAS PHYI MA GTZO, ,CHOS DANG 'JIG RTEN GNYIS LAS DAM CHOS GTZO, ,BSHAD DANG SGRUB PA GNYIS LAS SGRUB PA GTZO, ,GSUNGS PA'I DON LTAR SEMS LA RGYUN DU ZHOG ,MDOR NA SKYID SDUG LEGS NYES CI BYUNG YANG, ,YAB RJE 'JAM MGON BLA MAR BLO BKAL NAS, ,THOS BSAM SGOM PAR RTZE
GCIG 'BAD BYAS NA, ,'PHRAL PHUGS 'DOD DON MTHA' DAG 'GRUB PAR NGES, ,SKYABS GNAS KUN DNGOS RJE BTZUN TZONG KHA PA, ,RDO RJE 'JIGS BYED PHYAG DRUG MGON PO SOGS, ,BRTZE LDAN RNAMS KYIS 'BUL MED DBUNG MDZAD CING, ,BSAM DON MTHA' DAG YID BZHIN 'GRUB GYUR CIG ,CES BSLAB TSIG SNYING GI NOR BU ZHES BYA BA 'DI NI SLOB BU ZHABS DRUNG NGAG DBANG BSTAN 'PHEL RGYAL MTSAN GYIS KHO RANG DBUS GTZANG DU SLOB GNYER LA 'GRO SKABS 'DI LTA BU ZHIG GYIS ZHES BSKUL BA LTAR, BAN RGAN TSUL KHRIMS GYIS SMRAS PA'I DGE BAS GANG 'DOD CHOS LDAN GYI BYA BA THAMS CAD BGEGS MED MYUR DU 'GRUB PAR GYUR CIG, ,, *, ,BSLAB TSIG BSAM 'PHEL NOR BU ZHES BYA BA BZHUGS SO,, ,,NA MO GU RU, PHAN BDE LEGS TSOGS KUN GYI 'BYUNG GNAS RGYAL BA'I BSTAN PA RIN PO CHE LA SLOB PAR 'DOD PAS NI GZHUNG CHEN MO RNAMS LA MKHAS PAR BYA DGOS TE, SNGON BYON PA'I MKHAS GRUB KYI SKYES CHEN THAMS CAD KYANG THOS BSAM LEGS PAR BYAS NAS SGOM SGRUB MDZAD PA DANG, RJE BTZUN TZONG KHA PA CHEN POS KYANG, CHOS KYI PHYIR MNGO SMAD NAS DBUS GTZANG DU BYON, GSANG PHU BDE BA CAN SKYO RA MO LUNG LA SOGS PA MTSAN NYID KYI BSHAD GRVA RNAMS SU, DGE BA'I BSHES GNYEN DU MA LAS DBU PHAR
, ,'DUL MDZOD SOGS KYI DKA' POD RNAMS GSAN NAS THUGS SBYOD MDZAD CING, RJES 'JUG RNAMS LA YANG DE LTAR BYED DGOS ZHES DGA' LDAN 'BRAS SBUNGS SOGS TSOGS GRVA CHEN PO RNAMS BTZUGS NAS SLOB GNYER BYED PA'I SROL BZANG PO BTOD BAR MDZAD PA DANG, RJE THAMS CAD MKHYEN PA ROL PA'I RDO RJES KYANG, GANG NGAG RGYA CHEN THOS DANG MI LDAN ZHING, ,RIGS PA'I TSUL LA BLO KHAM PHYOGS PAR, ,GRUB PA'I GO 'PHANG MTHON POR 'DZEG 'DOD RNAMS, ,GSHOG BRAL BYA DAG MKHA' LA 'PHUR 'DOD BZHIN, ,ZHES GSUNGS PAS SO, ,SLOB GNYER BYED PA DE LA DANG POR KUN SLONG BCO DGOS PA NI, SKYABS MGON AA KY'A RIN PO CHES, BYA BA GANG LA'ANG 'PHEN PA STOBS CHE BAS, ,THOS BSAM BZLAS SGOM 'DI DANG 'DI BYAS NAS, ,DON CHEN SGRUB LA G-YEL MED BYA SNYAM PA'I, ,SNYING STOBS GO CHA NYIN RE BZHIN DU BGO, ,ZHES GSUNGS PA LTAR GRVA TSANG CHEN POR ZHUGS TE DGE BA'I BSHES GNYAN BZANG PO LA BSTEN NAS YON TAN 'DI DANG 'DI LTA BU LA SLOB DGOS, DE'I RJES SU SGOM SGRUB SOGS DE LTAR BYA SNYAM DU RANG GI RIGS PAS DPYOD PA'AM GZHAN GO RGYU YOD PA DAG LA DRIS NAS BYED DGOS KYI, GZHUNG GANG LA SLOB GNYER BYED BA DANG TSUL JI LTAR DU SLOB GNYER BYED PA SOGS LA MNO BSAM CI YANG
MA BTANG BAR GLO BUR DU GZHAN GYI G-YAM LA RGYUG PA LTA BU'I 'A 'UR GYIS 'GRO BA DAG NI BYIS PA'I RTZED MO DANG 'DRA BA'I DON MED KYI BYA BAS NYIN MTSAN PHAL MO CHE 'ANGS TE DON SGRU SANG CU NI TU CHUNG BAR 'GYUR RO, , DES NA THOG MAR GANG LA BSLAB PAR BYA BA'I GZHUNG SOGS DOS BZUNG NAS JI LTAR BSLAB PAR BYA BA'I 'PHEN PA BRTAD PA LTAR 'PHAD PA'I SGO NAS LUNG RIGS LA MKHAS PAR PHYA DGOS SHING, JI LTAR MKHAS PAR BYA BA'I TSUL YANG, AA KY'A RIN PO CHE'I GSUNG DE NYID LAS, TSIG GI NUS PA RNAM DBYE TSIG PHRAD SOGS, ,PHRA MO RES KYANG 'DON PA'I KHYAD BAR MANG, ,DE SLAD RGYA BOD MKHAS PA SNGON BYON RNAMS, , LAM 'DI KHO NAS ZHUGS PA'I TSUL LA LTOS, ,DON CHEN SO SO'I DMIGS 'BYED SA BCAD DANG, ,GANG NAS GANG DU SBREL BA'I 'BREL MTSAMS BTZAL, ,NYOG POR MI GTONG TSIG GI NGAL GSO SOGS, , YAN LAG 'DI RNAMS MED MI DUNG BAR BSTEN, ,GZHUNG DON RIGS PAS GTAN LA 'BEBS PA NA, ,PHA ROL 'BEBS TZAM GTZO BOR MI BYA BAR, ,PHRA ZHIB RIGS PA'I RNAM GRANGS DU MA YIS, ,ZAB MOR DPYOD PA'I BLO GROS RGYAS PAR MDZOD, ,CES GSUNGS PA LTAR TSIG DON RE RE NAS ZHIB TU BRTAGS SHING MKHAS PA DAG LA DRIS NAS DBYIS PHYIN PAR BSLAB DGOS KYI, DON GYI DGAS PA TZAM GO BA'AM RANG
, ,GI BLOR GANG SHAR TZAM GYIS CHOG PAR MI GZUNG NGO, ,DE YANG THOG MAR RIG PA RNO ZHING SPOBS PA SKYE MYUR BA DANG TSIG DON LA 'BYOR PA'I BLO NUS RGYAS PA'I PHYIR DU BSDUS GRVA YUL CAN GZHAN SEL BLO RIGS RTAGS RIGS RNAMS LA BSLAB, DE NAS LAS DANG PO PA'I SA NAS BZUNG STE SANGS RGYAS KYI SA'I BAR GYI LAM BGROD TSUL SOGS KYI RIM PA MTHA' DAG NGOS GZUD PA'I PHYIR DU PHAR PHYIN DANG, 'KHOR BA'I RTZA BA GCOD BYED KYI GNYEN PO BDAG MED RTOGS PA'I SHES RAB DBYIS PHYIN PAR NGOS GZUNG BA'I PHYIR DU DBU MA DANG, 'DUL BA'I BSLAB KHRIMS LEN BSRUNG GI YAN LAG DANG BCAS PA SHES PA'I PHYIR DU 'DUL BA SOGS MTSAN NYID KYI GZHUNG RNAMS LA BSLAB, DE YANG SO SO 'I SKABS KYI RTZI BZHAG GI YIG CHA BLOR BZUNG ZHING, DE'I THANG THANG KYI GZHUNG 'GREL PA SPYI DON SOGS BSHES GNYEN MKHAS PA LA NYAN PA DANG RANG GIS KYANG YANG DANG YANG DU BLTA RTOG BYED PA DANG CHOS MTHUN GYI GROGS RNAMS DANG BGRO GLENG BYED PA SOGS KYI SGO NAS GZHUNG GI DON LEGS PAR SHES PA LA 'BAD DGOS KYI, THAL PHRENG GI GO BA TZAM MAM TSIG 'KHRIS ZOL 'JOG SOGS KYIS MKHAS PA'I GRAGS PA 'THOB TU RE BA LTA BU NI DON MED PA YIN PAS ZHEN PAR MI BYA'O, ,DE YANG NYIN RE BZHIN DU THO RANGS GNYID SAD PA NAS,
BDAG GIS THOS BSAM DANG RTZOD PA GANG BYAS PA DANG BYED PAR 'GYUR BA THAMS CAD RANG GZHAN GYI MA RIG PA'I MUN PA BSAL NAS GZHUNG MAN NGAG SOGS LA MKHAS PAR 'GYUR BA DANG, SEMS RGYAD CHOS LA PHYOGS NAS SGRUB PA SNYID POR BYED CING GTAN BDE'I RTZA BA BRTAN PO TSUGS PA'I RGYUR GYUR CIG ,CES SMON LAM 'DEBS PA LTA BUS MTSON NAS THAMS CAD LA GO BAR BYA ZHING, GZHAN YANG BKA' GDAMS BU CHOS LAS, RKANG G-YAS SA LA RAB BSNUN PAS, ,NGAN SONG LONG YE YOD MA GYUR, ,G-YON PA CUNG ZAD GYEN BTEGS PAS, ,THAMS CAD BA DANG LHAN CIG TU, ,THAR PA'I GNAS SU PHYIN PAR SHOG ,PHYAG RGYA PHYOGS SU RAB BSKYOD BAS, ,BKRA SHIS PHYOGS MTHAR RGYAS PAR SHOG ,PHYAG RGYA NANG DU RAB BSKUMS PAS, ,DPAL 'BYOR G-YANG DU 'DU BAR SHOG ,'BROM STON BKA' GDAMS RIN CHEN BA'I, ,DAM PA CHOS KYI JA SKOL YIN, ,ZHES DANG, RJE 'JAM DBYANGS BZHAD PAS 'JIGS BYED CHOS 'BYUNG DU, RIGS LUNG BYED TSUL GYI MTSON DON YANG, ZHABS G-YAS SA LA BSNUN CING BZHAG PAS NGAN SONG GI SGO GCOD PA DANG, ZHABS G-YON BTEG PAS THAMS CAD THAR BAR MTSE NA CING SMON PA, PHYAG RGYA PHYOGS SU BSKYOD PAS BKRA SHIS PHYOGS MTHAR RGYAS BA MTSON, PHYAG RGYA NANG DU BSDUS NAS SGRA
, ,SGROGS PAS DPAL 'BYOR G-YANG DU 'DU BA'I GRAGS SNYAN GYI BRNGA DANG BKA' GDAMS PA'I CHOS KYI BSKOL TSUL YIN PAS RTEN 'BREL LEGS PA YOD DO, ZHES GSUNGS PA LTAR BGRO GLENG BYED PA'I LUS KYI RNAM 'BYUNG DANG ZLA GAM ZHVA SER GON PA SOGS THAMS CAD KYANG SNGON GYI BLA MA DAM PA RNAMS KYIS BYIN GYIS BRLABS PA'I GYU MTSAN RE DE YOD PA MA THAMS CAD LA DANG PA SPYOD ZHING, TSOGS GRVA LA MA CHAGS PAR PHYIN NAS SLOB GNYER SOGS LA 'BANG PA NI SHIN TU LEGS PA YIN NO, ,GZHAN YANG DE DAG GI SKABS SU CHOS DANG MO MTHUN PA'I RIGS SPONG DGOS PA NI, BU STON RIN PO CHES, RANG NYID GRAGS 'DOD PHA ROL DMA' DBAB 'DOD, ,G-YO SGYU'I RTZOD BA TSIG RTZUB NGAN SEMS CAN, ,NGAG 'KHYAL SNA TSOGS SMRA ZHING GZHAN RGYUD BSREG ,DE LTA'I RTZOD PA 'DI YANG DMYAL BA'I RGYU, ,ZHES DANG, MKHAS GRUB THAMS CAD MKHYEN PAS, GZHUNG LUGS NGON LA CHA TZAM MA REG PA'I, ,RDZAS LDOG NAS BZUNG CHOS CAN ZOL 'JOG SOGS, ,'BAD NAS SLOB PA KUN SLONG SKYON MED NA, ,LUNG MA BSTAN GYI LAS SU 'GYUR PA TZAM, ,ZHES DANG, RNYED BKUR 'KHOR DANG GRAGS PA DON GNYER BAS, ,'GRAN SEMS PHRAG DOG BDAG BSTOD GZHAN SMOD KYIS, ,NGAS SHES GRANGS DANG GSHAGS SBYONG LHUR LEN PA, ,
NYON MONGS SO NAM THOS PA'I GZUGS BRNYAN YIN, ,ZHES DANG, RJE ROL PA'I RDO RJES, RTZOD TSUL GZUR GNAS RGOL DANG DPAD PAR BCAS, ,STON BSTAN TSAD MAR RTEN BCAS DRI MED KYI, ,SGRUB DAG GTAN TSIGS SRUN 'BYIN THAL 'GYUR RNAMS, ,RNO GSAL MYUR BA'I SPO BAS PAS DRAG TU BSGRUB, ,CES DANG, AA KY'A RIN PO CHES, BAG MED GNYID DANG SNA TSOGS BRE MO'I GTAM, ,'GRO 'ONG 'DU 'GOD NGO MTSANG LTAR MO SOGS, ,RKYEN NGAN RLUNG GIS RNAM G-YENG ME SBOR BAS, ,TSUL 'DI GNOD BYED DGRA YI DVANGS MAR ZUNGS, ,THUB PAS GNANG BA'I DUR SMRIG GYAL MTSAN 'CHANG, ,NYIN MTSAN PHAL CHER SPONG DANG KLOG PAS 'DA', ,NANG DU ZANG ZING MED PA'I DGA' BA RGYAS, ,SNGON RABS MKHAS PA'I NGANG TSUL YANG YANG SOMS, ,ZHES GSUNGS PA LTAR NYIN MO'I BZA' BTUNG DANG MTSAN MO'I GNYID SOGS LA HA CANG ZHEN PA SOGS SLOB GNYER LA GEGS BYED PA'I RIGS RNAMS SPANGS TE, NYIN MTSAN RTAG TU THOS BSAM SGOM PA LA CI NUS KYIS 'BAD PA DANG, RNYED BKUR GRAGS PA RANG RNAM G-YENG 'DU 'DZI SOGS LA MA CHAGS PAR DAM PA'I CHOS KYI RO MNGAR BA NGO MTSAR RMAD DU BYUNG BA LA DGA' BAS ROL BA NI MKHAS SHING GRUB PA'I SKYES BU DAM PA RNAMS KYI NGANG TSUL YIN PAS DE LTAR DU SLOB PA GAL CHE 'O, ,DE LTAR
, ,MTSAN NYID KYI SLOB GNYER BYED PA'I CHOS MTSAMS KYI SKABS SOGS LA YANG LAM RIM BLO SPYOD SOGS KYI MDZUB 'KHRING DANG DMIGS KHRID MYONG KHRID, YI DAM GYI LHA'I DBANG RJES GNANG, THA SNYAD KYI RIG GNAS GZHAN RNAMS DANG, RGYUD GRVAR ZHUGS NAS SAM MA ZHUGS KYANG SDAGS PHYOGS KYI SLOB GNYER BYED PA RNAMS KYANG SHIN TU MKHO DES YIN PAS SKABS BSTUN GYIS THOS BSAM BYED DGOS PA YIN NO, ,DE NAS LUNG RIGS LA MKHAS PAR GYUR PA'I RIG PA TZAM LA ZHEN NAS MA BSDAD PAR NYAMS LEN LA NGES PAR 'BAD DGOS TE, AA KY'A RIN PO CHE'I GSUNG LAS, NAM ZHIG THOS BSAM 'BRAS BU GRUB PA NA, ,TZAN DAN SOL BA'I RIN DU 'TSONG PA YI, ,BDAG LTA SKYE BO'I RNAM THAR 'DI RIGS LA, ,'GRAM CHU MA LDANG SNYING NAS SGRUB PA MDZOD, ,CES DANG, RANG NYID LEGS SU 'DOD PA'I SKYE BO RAB, ,THOG MAR TSAD BSDUS RIGS PA'I SGO 'BYED CING, ,DE NAS RGYA CHEN GZHUNG GI THAL ZER RNAMS, ,DES PAR BYAS PAS RIGS LAM YANGS POR 'JUB, ,TSUL DE'I SGO NAS BKA' DANG DGONGS 'GREL GZHUNG, ,'PHAGS BONG MKHAS PA'I LEGS BSHAD CHU GTER LA, ,'DUG PA'I RNAM DPYOD GRU CHEN RAB BSKYOD DE, ,ZAB DON NOR BU LEN PA'I SKAL
BZAD MYONG, ,DE PHYIR RANG YID TSIM PA TZAM ZHIG GIS, ,CHOG SHES MI BYA MKHAS MANG ZHABS LA GTUGS, ,JI LTAR DPYOD PA'I SGO DANG DPYOD TSUL GYI, ,SKYON DANG YON TAN 'BYED LA MKHAS PAR BYOS, , DE LTAR TSUL BZHIN DPYOD PA'I RO 'DZIN GYIS, ,THUB PA'I GSUNG RAB BDUD RTZI'I BCUD MYANGS NAS, ,SNANG SHAS ZIL GYIS GNON PA'I DES 'BYUNG BLOS, ,GTAN GYI 'DUN MA SGRUB LA 'BAD PAR RIGS, , ZHES DANG, RJE ROL PA'I RDO RJES, GANG DAG BLO GROS KYI NOR DANG LDAN PA RNAMS RGYAL BA'I GSUNG RAB DGONGS 'GREL BCAS PA LA GZU BO'I BLO YIS THOS BSAM LEGS PAR BYAS TE DON NYAMS SU LEN PA NI SBYI'I LUGS YIN PAS KHYOD KYIS KYANG DE LTAR SLOB PAR GYIS SHIG ,CES GSUNGS PA LTAR RO, ,DE LTAR THOS BSAM SOGS KYI 'DOD DON THAMS CAD BGEGS MED YID BZHIN DU 'GRUB PA NI RANG GI DAD PA DANG BLA MA DKON MCHOG GI THUGS RJE LA BRTEN DGOS PAS NA, 'JAM MGON TZONG KHA PA CHEN PO NYID BLA MA MCHOG GSUM KUN GYI NGO BOR YID CHES PA'I DAD BA'I SGO NAS BLO BKAL TE DMIGS BRTZE MA LA GTZO BOR 'BAD CING, GZHAN YANG KHA TON DGE SBYOR PHYAG DANG BSKOR BA, YI DAM CHOS SKYONG GI BZLAS PA GTOR 'BUL 'DOD GSOL SOGS LA CI NUS KYIS 'BANG PAR BYA RIGS TE,
, ,RJE RGYAL BA GNYIS PAS, RNAM DPYOD CAN KHYOD TSIMS PAR MA SLA BAR, ,BLA MA LHAG BA'I LHA LA GSOL BTAB STE, ,BSAG SBYANG MANG POS RGYUD NI SMIN BYAS NAS, ,YANG DANG YANG DU RNAM PAR DPYOD CIG DANG, ,GONG NAS GONG DU BLO GROS KHYAD ZHUGS NAS, ,SHIN TU PHRA BA'I GNAS KYANG BYED PAR 'GYUR, ,ZHES DANG, MANG DU THOS PAS RGYAL BA'I DGONGS PA RNYED, ,BRTZON PA CHEN POS SGRUB PA SNYING POR BYED, ,BAG YOD GOMS PAS DAM PA'I RJES SU 'JUG ,SKAL BZANG DE YIS BYANG CHUB RNYED MI DKA', ,ZHES GSUNGS PA LTAR GNAS SKABS DANG MTHAR THUG GI 'DOD DON THAMS CAD BDE BLAG TU 'GRUB PAR 'GYUR RO, ,SLOB GNYER BYED PA LA NYE BAR MKHO BA'I BSLAB TSIG BSAM 'PHEL NOR BU ZHES BYA BA 'DI YANG, BTZUN CHUD ^ MA TI BHA DRAS BGYIS PA DGE LEGS 'PHEL BAR GYUR CIG, ,,MANGGA LAm,, ,, *, ,SVA RTA, NAR BCAD GYI GTAM 'GA' BRJOD PA LA, RANG GI CHOS KYI BYA BA THAMS CAD 'GRUB PA'I DPUNG GNYEN GYI GTZO BO BLA MA YI DAM CHOS SKYONG RNAMS YIN PAS, DE DAG LA YID CHES KYI DAD PAS MGON DU BSTEN PA GTZO BOR BYAS TE, RANG GIS ZHIB TU BRTAGS NAS 'PHRAL
PHUGS SU GANG PHAN DANG SGRUB NUS PA DANG SGRUB PAR 'OS PA GANG YIN PA DE NYID BYED PA MA GTOGS, SGRUB MI NUS PA'AM MI 'OS PA'I PHYA BA LA MI 'JUG CING, GZHAN DAG LA YANG BDAG GI BYA RGYU GANG 'OS KHYED SHES ZER BA LTA BU GZHAN DBANG DU 'GRO ZHING, RJES SU RAB DBANG DU MI 'DU BA'I RIGS MI BYA, 'PHRAL DU SNYING NYE ZHING SHA TSA BA'I ZOL GYIS BSLU ZHING GNOD PA'I SKYE BO DANG, RANG NYID GANG LA DGA' BA'I PHYOGS SU 'THEN PA'I PHYOGS LHUNG CAN DANG, BZANG NGAN NGES MED DU 'GYUR BA YID BRTAN MI RUNG BA'I MI DAG GIS SMRAS PA LA MI BSTEN ZHING, DE DANG DE 'DRA'I MI RNAMS DANG 'DRIS 'GROGS CHE BAR MI BYA, RANG BZHIN GYIS KHRO GTUM CHUD BA, TSIG ZHUNG BA, NGA RGYAL MED PA, CHOS LA DON GNYER CHE BA, SEMS DRANG ZHING PHAN PA'I BSAM BA CAN DANG 'GROGS NA BDE BA YIN, SPYIR SKYE BO MANG PO 'TSOGS PA'I NANG DU RIN PO CHE LTA BU DANG DUG LTA BU LA SOGS PA'I SKYE BO SNA TSOGS PA YOD SRID PAS GANG CI LA YANG BAG YOD BYAS NA LEGS TE, SKYABS MGON A'A KY'A RIN PO CHES, KHA CIG TZAN DAN SOL BA'I RIN DU 'TSER, ,LA LA 'PHYON MA'I GAR GYIS GZHAN YID 'GUGS, ,GZHAN DAG BYI LA'I SBYONG PAS RANG DON SGRUB, ,CHOS 'DOD SKYE BO YOD NA BAG YOD GYIS, ,ZHES GSUNGS
, ,BA LTAR RO, ,DED KYI 'DI NAS GRVA SAR SONG BDAG LA'ANG HA CANG YID CHES SU MI DUD PA 'DRA STO, GRAGS BSANG LA BSKUR BA'I YI GE'I NANG DU, KHYOD KYI TSA BO NGAG DBANG PHUN TSOGS 'DIS BDAG LA STONG GROGS CUNG ZAD TZAM YANG MED, RJES SONG GSAL BAR SHES 'GRO, ZHES PA CIG 'DUG STI, TSIG 'DI LA BTAGS NA DPON GYIS G-YOG LA BKA' BKYAN BYAD PA LTA BA'I NGA RGYAL GYI RNAM 'GYUR 'DUG CING, 'DI 'DRA'I RIGS KYI GTAM 'GA' PHYOGS GZHAN DAG NAS KYANG TSOR BAS, DE DAG LA YANG RTOG DPYOD GYIS, ` RE ZHIG 'DIR SDOD PA DANG DBUS SU 'GRO BA GANG LEGS PAR 'GYUR PA YANG BRTAG PAR BYA ZHING, DBUS SU 'GRO NA YANG, 'DID BSDAD NA YON TAN MI SLOB SNYAM PA LTA BU MI BYED PAR 'DIR BZHUGS PA'I GRVA TSAD RNAMS LA YANG DAD PA MI LHOD PAR GSOL BA 'DEBS BZHIN 'GRO NA BZANG, DBUS SU PHYIN NAS KYANG GRVA TSANG GANG DU 'JUG PA SOGS BLA MA RNAMS KYI GSUNG LTAR BYA YI, ,THA CIG GIS NYE RING CHAGS SDANG BYED PA'I LUGS LTAR MI RUNG ZHING, CHOS SDE SGRUB SDE THAMS CAD LA YANG DAD PA DANG NGAG SNANG BYED PA GAL CHE, KHAMS TSAN DGE RGAN DANG CHOS MDZAD BYED PA DANG, LHA SA'I KHROM DANG NYE TSAN DU YANG YANG PHYIN PA SOGS KYI G-YENG BA MI BYED PA'I
CHOS KHO NA DON DU GNYER BA DANG, PHUGS SU CHOS BZHIN SGRUB PA'I BSAMS PA STEN, MDOR NA BLA MA MCHOG GSUM SBYI DANG, KHYAD PAR DU ^ RJE BLA MA LA SNYING NAS BLO GTANG DE, 'PHRAL DU GANG BYED KYANG PHUGS CHOS DANG MTHUN ZHING, SGRUB PA NYAMS LEN GYI PHYOGS SU 'GRO BA ZHIG BYA SNYAM PA DGOS PA YIN, ^ GAL TE GZHUNG CHEN MO DAG GI DGONGS PA DBYIS PHYIN PAR RNYED PA DKA' BAR GYUR RNAMS GO BA CI NUS BSKYED PA DANG, LHAG TU RANG GIS NYAMS SU LEN RGYU'I CHOS, BLA MA'I RNAL 'BYOR, LAM RIM, YI DAM GYI BSKYED RDZOGS, CHOS SKYONG GI SGRUB SKOR LTA BU RNAMS NI DES PAR 'TSOL DGOS PA YIN NO, , ^ SNYING PO BSDU NA, CHOS JI 'DRA YOD PA KHYOD LA RE BAS SNYING NAS 'BAD RTZOL CI NUS GYIS, MTHUN KYEN SGRUB PA NI KHO BO LA 'BAB DES YIN PAS, BDAG GIS CIS KYANG MI LHOD PA'I BSAM PA BRTAN POS SGRUB PAR BYA'O, ,RANG GI CHOS DANG MTHUN RKYEN GYI RIM PA RNAMS KYANG YI GE MA CHAD PAR BSKUR BAR GYIS, KHO BOS KYANG GANG CI'I GNAS TSUL GYI YI GE SOGS KYANG MI 'CHAD PAR BSKUR RTZIS YOD, NGA LTA DBYAD NAS BRTZAMS TE RE ZHIG BYA BA GZHAN GYIS BAR MA CHOD PAR BSNYEN MTSAMS ZHIG BYED PA'I RTZIS BTANG NAS YOD PAS, BSNYEN SGRUB KYI SKABS SU KHYOD KYI BSAM DON MTHA' DAG YID
, ,BZHIN DU 'GRUB PA'I 'DOD GSOL SMON LAM SOGS KYANG BYED PA LAGS, BSAM DON YID BZHIN DU 'GRUB PAR GYUR CIG, ,, ^ BSAM DON 'GRUB PA'I BSLAB TSAG BZHUGS SO,, ,,BDE LEGS KUN 'BYUNG RTZA RGYUD BLA MA DANG, ,DNGOS GRUB KUN STZOL MCHOG GSUM YI DAM LHA, ,'PHRIN LAS KUN SGRUB MTHU LDAN CHOS SKYONG RNAMS, ,SKAL LDAN SLOB BU'I 'DOD DON KUN 'GRUB MDZAD, ,CES 'DOD DON MTHA' DAG BDE BLAG TU 'GRUB PA'I BDEN TSIG SNGON DU BTANG NAS BRJOD PAR BYA BA NI, SNGON BSAGS LAS SMON BZANG PO'I STOBS KYIS, RANG YUL NYE 'BREL MDZA' BSHES SOGS YAL PAR DOR NAS, CHOS SDE CHEN PO NGAG TU SLOB GNYER LA ZHUGS BA DAG GI LAS SU BYA BA NI, YON TAN SLOB PA DANG, SGRUB PA GNYIS SO, ,DE LA YON TAN THAMS CAD SLOB PA'I 'BYUNG GNAS NI MTSAN NYID DANG LDAN PA'I DGE BA'I BSHES GNYEN CIG DGOS PA YIN PAS, RJE TZONG KHA PAS, LUNG RTOGS YON TAN DU MAS RGYUD GTAMS SHING, ,DBANG PO ZHI ZHING RAB DUL SNYING BRTZER BCAS, ,GZHAN DON SKYO MED SGRUB PA'I SNYING STOBS CAN, ,BSHES GNYEN DAM PAS RJES SU 'DZIN PAR SHOG ,CES GSUNGS PA LTAR LUNG RIGS MAN NGAG LA MKHAS
SHING NYAMS LEN DANG LDAN PA, SGO GSUM GYI MDZAD PA 'JAM ZHING DUL BA, SLOB MA LA BRTZE BAS GANG GIS PHAN PAR 'GYUR BA'I BABS LA DGONGS SHING, GANG 'DOD DAM PA'I CHOS KYI BDUNG RTZI SKYONG LA MED PAR STZOL BA SOGS BSTEN PAR 'OS PA ZHIG BRTAGS NAS BSTAN PAR 'TSAL, DE JI LTAR BSTEN PA'I TSUL YANG, RTAG TU DU YIS CHOS 'PHAGS BSTEN PA LTAR, ,LUS SROG LONGS SBYOD KUN GYIS G-YO MED PAR, , BSHES GNYEN DAM PA LEGS PAR MNYES BYAS NAS, ,MI MNYES SKAD CIG TZAM YANG MI BYED SHOG ,CES GSUNGS PA LTAR DANG GUS KYIS BSNYEN BKUR BYED PA DANG, CHOS NYAN TSUL SNOD KYI SKYON SPONG BA DANG BKA' BZHIN DU SGRUB PA SOGS MNYES PAR BYED PA'I PHYOGS LA 'BAD CING, GROGS NGAN PA DANG 'GROGS SHING, SHO MIG MANG SOGS RTZED MO DANG, LOR GTAM DANG RNAM G-YENG SOGS BLA MA MI MNYES PA'I PHYOGS CI NUS KYIS SPANG BAR BYA, DE NAS MDO SNGAGS SOGS KYI GZHUNG DANG, MTHA' DPYOD KYI RIGS PA DANG, NYAMS LEN DU DRIL BA'I MAN NGAG SOGS LA RANG GIS KYANG ZHIB TU BRTAGS SHING DPYAD DE DZA BAD PA DANG, BLA MA DANG MKHAS PA RNAMS LA YANG GANG BYAS NA 'PHRAL PHUGS SU PHAN THOGS CHEN POR 'GYUR BA RNAMS DRIS NAS RANG GI NUS PA CI YOD KYIS SLOB PAR BYA, DE YANG GZHUNG GI DON GO BA
, ,LA MI PHAN PA'I TSIG 'KHRIS DANG CHOS CAN ZOL 'JOG LTA BU LA DGOS PA CHEN PO MED PAS, RIGS LUNG GTONG BA DANG DAM BCA' 'JOG PA LTA BU GANG GI SKABS SU YANG GZHUNG GI DON GANG YIN TSOL BA LA GTZO BOR BYAS TE BGRO GLENG SOGS BYED PA MA GTOGS, 'KHOR GSUM GTONG THUB PA TZAM ZHIG LA SNYING POR BYED PA DAG GI DANG TSUL LA MKHO CHE PAR MI BYA ZHING, BDAG GYUR LHAG PAR GYUR PA DI TZAM DU, ,PHYI PHYIR KHENGS PA KUN DANG PHRAL BAR SHOG ,CES GSUNGS PA LTAR SEMS LA BZHAG NAS, NGA RGYAL GYIS ZLA GLO'I RMONG SA'I TSEG SMRA BA SOGS MCHOG GSUM LA SKYABS SU SONG BA'I BSLAB BYA DANG 'GAL BA'I RIGS GTAN MI BYA, DE LTA BU LA SOGS PA'I 'GRIG LAM KUN SPYOD TSOGS 'TSOGS LUGS SOGS RJE YAB SRAS NAS BRGYUD PA'I PHYAG SROL RNAM PAR DAG PA, SKAL LDAN DANG BA 'DREN PA'I DMIGS RKYEN, 'BYOR LDAN BSOD NAMS BSOG PA'I ZHINGS, ZHES SOGS DANG MTHUN BAR BYED PA'I SGO NAS SLOB GNYER YAGS PO BYA, DE LTAR DU GYUR PA NA SGRUB PA NYAMS LEN GYI RIM PA JI LTAR BYED DGOS RNAMS NI BLA MA RNAMS KYIS KYANG GSUNG BAR 'GYUR ZHING, RANG GIS KYANG SHES PAR 'GYUR BAS RJE YAB SRAS KYI DGONGS PA DANG MTHUN ZHING, GNAS SKABS DANG MTHAR
THUG GI 'DOD DON THAMS CAD BDE BLAG TU NGES PAR 'GRUB PO, ,'DOD DON DE DAG BSAM BZHIN DU 'GRUB PA LA, RJE BLA MA TZONG KHA PA LA SNYING NAS DAD PA'I SEMS KYIS BLO BKAL TE DMIGS BRTZE MA LA GTZO BOR 'BAD CING, MKHAS GRUB RIN PO CHE LA RJE TZONG KHA PA RANG NYID KYIS, DON LA NGA 'JAM DBYANGS YIN YANG THA MAL PA'I RNAM PAR BSTAN PA YIN, DE'I RJES 'JUG RNAMS KYIS YI DAM RDO RJE 'JIGS BYED DANG, 'JAM DBYANGS AA RA PA TZA NA LA BYED DGOS, 'DI LA RTEN 'BREL ZHIG YOD, CES GSUNGS PA LTAR 'JIGS BYED DANG 'JAM DBYANGS ZHI KHRO SBRAGS NAS SGRUB PA'I MNGON RTOGS BSGOM PA DANG, 'DU 'BRAL MED PAR DNGOS GRUB STER MDZAD PA'I, ,ZHES GSUNGS PA LTAR RJE'I RJES 'JUG RNAMS LA NAM YANG 'BRAL BA MED PAR BSRUNG ZHING DNGOS GRUB STZOL BA'I BSRUNG MA MGON PO PHYAG DRUG PA DANG, YANG MKHAS GRUB RIN PO CHE'I DU NGA DU, GSHIN RJE CHOS RGYAL LA PHO BRGYAD MO BRGYAD KYIS BSKOR BA BYON NAS, BDAG CAG RNAMS NI GSHIN RJE GSHED KYI BKA' SDONG, RJE BLA MA'I BKA' BSRUNG YIN PAS, RJE BLA MA'I BSTAN 'DZIN RNAMS KYIS DED CAG 'KHOR BCAS BSTEN CING SGRUB DGOS PA YIN, ZHES GSUNGS PA LTAR GYI CHOS SKYONG RNAMS KYI GTOR 'BUL LTA BU RE SKABS BSTUN GYIS MA CHAG PAR BYED
, ,NA SHIN TU LEGS PAS SEMS LA ZHOG ,YANG JO BO RIN PO CHER GSER CHAB GSOL BA DANG, RJE BLA MA'I GSER GDUNG RIN PO CHER RGYUN DU 'JOG RGYU'I MCHOD PA'I SNOD MCHOD RDZAS DANG BCAS PA ZHIG 'BUL BAR, SNGA SOR SMRAS PA LTAR BYAS NAS 'DOD GSOL SMON LAM SNYING THAG PA NAS BYAS NA RANG GZHAN GYI DON RGYA CHEN PO 'GRUB NGES PA YIN, GZHAN YANG GLEGS BAM RIN PO CHE LAS, BDAG GI SPRUL PA RAM LA GCIG ,NGES 'GA' DGE SLONG NYID DU SPRUL, ,DE NI GNAS DE SKYONG PAR BYED, ,DES 'GA' BYIS PA'I GZUGS SU 'ONG, ,RES 'GA' DBUL PHONGS SPRAD PO'I GZUGS, RES 'GA' BYOL SENG BYA KHYI'I GZUGS, ,RES 'GA' GSOL 'DEBS DBYANGS KYI GZUGS, ,RES 'GA' YI GE 'BRU YI GZUGS, ,GRAGS PA CAN GYI DGE SLONG NGO, ,BSTAN GNAS PAR DU YANG YANG 'OD, ,ZHES RJE BLA MA TZONG KHA PA'I RNAM 'PHRUL BSTAN 'GRO'I DON DU RNAM PA SNA TSOGS PAR SBRUL NAS LA LA YANG YOD BAR GSUNGS PAS DAG SNANG DANG MOS GU SA CI NUS BYED NA LEGS TSOGS THAMS CAD 'BAD RTZOL MED PAR LHUN GYIS 'GRUB PAR 'GYUR RO, ,CHOS 'DOD SKYE BO'I BSAM DON RNAMS, ,BGEGS MED YID BZHIN 'GRUB BA RGYUR NAS, ,'JAM MGON YAB SRAS JI BZHIN DU, ,DON GNYIS
YONGS SU RDZOGS GYUR CIG ,'DI NI SNYING DANG 'DRA BA'I SLOB BU ZHABS DRUNG NGAG DBANG BSTAN 'PHEL RGYAL MTSAN LA MA TI BHA DRAS 'BRUG LO ZLA BA GNYIS PA'I TSES BCO LNGA LA BRIS NAS SPRINGS PA DGE LEGS SU GYUR CIG, ,,MANGGA LAm,,