/NGA9\ *, ,RJE BTZUN BYAMS PA MGON PO GLING BSKOR LA SPYAN DRANGS NAS MCHOD CING SMON LAM GDAB PA'I RIM PA BZHUGS SO, ,
, ,NA MO GU RU, 'DIR RJE BTZUN BYA NAS PA MGON PO GLING BSKOR LA SPYAN DRANGS NAS MCHOD CING SMON LAM GDAB PA'I RIM PA CUNG ZAD BRJOD PA LA GSUM, RNAM THAR GYI CHA ZUR TZAM BSHAD PA DANG, DGOS PA BSHAD BA, BSKOR LAM DU SBYAN 'DREN TSUL DNGOS BSHAD PA'O, ,DANG PO LA, RJE BTZUN BYAMS MGON GYIS BYANG CHUB TU THUGS BSKYED PA NI, SNGON BSKAL PA DPAG TU MED PA'I SNGA ROL DU SANGS RGYAS GSER BZAD 'OD CES BYA BA 'JIG RTAN DU BYON, DE'I TSE BYAMS PA 'DI 'KHOR LOS BSGYUR RGYAL GSER MDOG CES BYA BAR GYUR PAS, SANGS RGYAS 'KHOR SHIN TU MANG PO DANG BCAS BA LA LO BYE BA PHRAG BRGYAD CU RTZA BZHI'I BAR DU BSNYEN BKUR BYAS NAS, SANGS RGYAS DE LA BYE BA KHRAG KHRIG 'BUM PHRAG DGU BCU RTZA DGU RI BA'I GOS PHUL NAS BYANG CHUB TU SEMS BSKYED PAR BYAMS PA 'JUG PA'I MDO LAS GSUNGS SHING, DE NAS
, ,BSKAL PA BRGYAD KHRI BZHI STONG LON PA'I RJES SU STON PA SH'AKYA THUB PAS GDONG SEMS BSKYED PAR GSUNGS, MDO SDE BSKAL BZANG LAS, BYANG CHUB SEMS DPA' BYAMS PA 'KHOR LOS BSGYUR BA YI, ,RGYAL PO RNAM PAR SNANG BYED CES BYAR GYUR PA NA, ,BDE GSHEGS MTHU CHEN GDUGS TSOD DAG LA SPYAN DRANGS NAS, , DANG POR BYANG CHUB TU NI SEMS BSKYED DO, ,ZHES GSUNGS, BYAMS PAS ZHUS PA'I MDO LAS, BYAMS PAS THUGS BSKYED NAS BSKAL BA BZHI BCU RTZA GNYIS LON PA'I 'OG TU BDAG CAG GI STON PAS THUGS BSKYED PAR GSUNGS SO, ` ,SBYOR LAM BZOD BA THOB PA NI, SNGON SANGS RGYAS DRI MED SNANG BA ZHES BYA BA BYON PA'I DUS SU BYAMS PA 'DI RGYAL BO NOR DPAL ZHES BYA BAR GYUR CING, SANGS RGYAS DE LA CHOS NYAN NAS RAB TU BYUNG STE TSANGS PAR SPYAD PAS SBYOR LAM
BZOD BA THOB BAR GTZUG NA RIN BO CHES ZHUS PA'I MDO LAS GSUNGS SO, ` ,SA THOB TSUL NI, SNGON SANGS RGYAS 'OD ZHI SBOS SNANG DBAL ZHES BYA BA BYON PA'I DUS SU BYAMS PA 'DI 'KHOR LOS BSGYUR RGYAL AUTPALA'I GDONG GI BTZUN MO LHA MDZES ZHES BYA BAR GYUR CING, SANGS RGYAS DE LA CHOS NYAN NAS GSOL BA BTAB BAS, RIN PO CHE TOG GI GZUNGS BKA' BSTZAL MA THAG TU SKYES BAR GYUR NAS RAB TU BYUNG STE SA DANG BO THOB PAR TOG GZUNGS LAS GSUNGS SO, ` ,SA BRGYAD PA THOB TSUL NI, SNGON DE BZHIN GSHEGS PA TSOGS KYI DBANG PHYUG CES BYA BA BYON PA'I DUS SU BYAMS PA 'DI RGYAL PO ME TOG MCHOG GI SRAS BSOD NAMS BLO GROS ZHES BYA BAR GYUR CING, SANGS RGYAS DE LA MCHOD PA PHUL NAS CHOS NYAN PAS ME SKYE BA'I CHOS LA BZOD PA THOB PAR ZLA BA SGRON ME'I MDO LAS GSUNGS SHING, YANG SANGS RGYAS MNGON PAR ROL PA MNGON PAR SHES PA ZHES BYA BA BYON PA'I DUS SU BYAMS PA 'DI BRAM ZE'I KHYE'U BZANG DAG CES BYA BAR GYUR CING, SANGS RGYAS DES GRONG KHYER GYI SGOR BYON PA NA KHYE'U DE DAD PAS SMON LAM BTAB STE SA LA NYAL STABS SU GNAS PA LA, SANGS RGYAS KYI ZHABS KYIS DE'I LUS LA REG PAR MDZAD PA NA BZOD PA THOB PAR BYAMS ZHUS KYI MDO LAS GSUNGS SO, ^ ,SLOB PA DANG MI SLOB PA'I GNAS SKABS THAMS CAD DU BYAMS PA ZHES PA'I MTSAN DANG LDAN PAR GYUR
, ,PA'I RGYU MTSAN NI, BSKAL PA GRANGS MED KYI SNGA ROL DU SANGS RGYAS RIN CHEN GDUGS KYI BSTAN PA LA BYAMS PA 'DI TSONG DPON GYI RIGS LAS RAB TU BYUNG BA'I DGE SLONG BLO GROS BRTAN PA ZHES BAR GYUR CING, SROG CHAGS BRGYA TSANG BAR BSLAB GZHI LNGA LA MA BKOD KYI BAR DU ZAS MI ZA BA'I DAM BCA' BYAS NAS, ZHAG DU MA'I BAR DU ZAN CHAD KHYAD SKYO BA MED PAR DAM BCA' DES LO BRGYAD KHRI BZHI STONG GI BAR DU GZHAN DON MDZAD PAS, SEMS CAN BYE BA KHRAG KHRIG 'BUM PHRAG SUM BCU RTZA DRUG BSLAB PA'I GZHI LNGA LA BKOD, DE NAS LO BZHI KHRI NYIS STONG GI BAR DU SEMS CAN RE RNAMS LA CHOS BSTAN PAS SEMS CAN BYE BA PHRAG GSUM THEG CHEN LA BTZUD, GZHAN MANG PO THEG DMAN LA BKOD NAS, DE RNAMS BYAMS PA LA 'GOD PAR MDZAD, DE'I TSE DGE SLONG DE NYID BYAMS PA BSGOM BZHIN DU GRONG KHYER SOGS KYI SGO'I THEM PA LA ZHABS REG PA TZAM GYIS DE NA GNAS PA'I SEMS CAN RNAMS BYAMS PA'I TING NGE 'DZIN LA GNAS PAR GYUR TO, ,DE'I TSE LHA RNAMS KYIS SEMS DPA' CHEN PO BYAMS PA ZHES BSNGAGS PAR BYAS, SANGS RGYAS RIN CHEN GDUGS KYIS DGE SLONG BLO GROS BRTAN PA 'DI SKYE BA THAMS CAD DU BYANG CHUB SEMS DPA' BYAMS PA ZHES PAR 'GYUR ZHING, BYANG CHUB 'THOB BA'I TSE YANG SANGS RGYAS BYAMS PA ZHES PAR 'GYUR RO ZHES LUNG BSTAN PAR BYAMS PA 'JUG PA'I MDO LAS GSUNGS SO, ,
` 'DZAM BU'I GLING 'DIR MCHOG GI SBRUL SKUR 'TSANG RGYA TSUL NI, GLING 'DI'I MI RNAMS KYI TSE MAR 'GRIB NAS TSE LO BCU PAR SLEB PA LAS, YAR 'PHEL TE TSO LO BRGYAD KHRI BAR 'GYUR PA NA SANGS RGYAS BYAMS PA 'BYON NO; ,DE YANG DE'I TSE PHO BRANG CHEN PO TOG LDAN ZHES BYA BAR 'KHOR LOS BSGYUR BA'I RGYAL PO DUNG ZHES BYA BA 'BYUNG, DE'I BLON PO BRAM ZE TSANGS RAB DANG, BTZUN MO TSANGS LDAN MA ZHES PA GNYIS KYI SRAS SU RDZE BTZUN BYAMS MGON 'KHRUNGS BAR 'GYUR ZHING, LO STONG GI BAR DU SRAS KYI TSUL DU KHAB TU BZHUGS, DE'I TSE RGYAL PO DUNG GIS BRAM ZE RNAMS LA MCHOD RTEN CHEN PO CIG PHUL BA BRAM ZE STOD GIS CHAR BGOS NAS LEN PA GZIGS PA'I RKYEN GYIS 'KHOR BA LA YID SKYO NAS RAB TU BYUNG STE, KLU SHING ZHES PA'I BYANG CHUB KYI SHING GI DRUNG DU MNGON PAR RDZOGS PAR 'TSANG RGYA BAR MDO BSTAN BCOS MANG POR GSUNGS SHING, MDO SDE BSKAL BZANG LAS, DE BZHIN GSHEGS PA BYAMS PA SKYE BA'I YUL NI RGYAL PO'I PHO BRANG GRONG KHYER TOG GI BLO GROS ZHES BYA'O, ,RIGS NI BRAM ZE'O, ,'ONG NI DPAG TSAD GCIG GO ,YAB NI TSANGS PA ZANG ZHES BYA'O, ,YUM NI TSANGS BDAG MA ZHES BYA'O, ,SRAS NI BSOD NAMS STOBS ZHES BYA'O, ,RIM GRO PA NI RGYA MTSO ZHES BYA'O, ,SHES RAB CAN RNAMS KYI MCHOG NI YE SHES 'OD CES BYA'O, ,RDZU 'PHRUL CAN RNAMS KYI MCHOG NI BRTZON 'GRUS BRTAN ZHES BYA'O, ,
, ,'DUS BA DANG PO LA NI NYAN THOS DGRA BCOM PA DUD 'PHYUNG PHRAG DGU DANG BYE BA DRUG GO ,GNYIS PA LAN DUNG 'PHYUNG PHRAG DGU DANG BYE BA PHRAG BZHI'O, ,GSUM PA LA NI DUNG 'PHYUNG PHRAG DGU DANG BYE BA PHRAG GNYIS SO, ,SKU TSE'I TSAD NI LO BRGYAD KHRI BZHI STONG NGO, ,DAM PA'I CHOS NI LO BRGYAD KHRI'I BAR DU GNAS SO, ,SKU GDUNG NI RIL PO GCIG TU 'DUG GO ,ZHES GSUNGS SO, ^ ,GZHAN YANG, SNGON BYUNG BA 'KHOR LOS BSGYUR BA'I RGYAL PO YUL 'KHOR BSRUNG GI SRAS STONG GI DANG PO RNAM DAG BLO GROS NI SANGS RGYAS 'KHOR BA 'JIG ,GNYIS PA RNAM RGYAL SDE NI GSER THUB, GSUM PA DBANG PO ZHI BA NI 'OD SRUNGS, BZHI PA NGOR GRUB NI BDAG CAG GI STON PA, LNGA PA SKA DAGS CAN NI SANGS RGYAS BYAMS PAR 'GYUR BAR DKON BRTZEGS LAS GSUNGS SHING, 'KHOR LOS BSGYUR RGYAL RTZIBS KYI MU KHYUNG KYI MDUN NA 'DON BRAM ZE RGYA MTSO'I RDUL GYI SNYING PO NI BDAG CAG GI STON PA DANG, DE'I SLOB MA RIG BYED KLOG PA'I BRAM ZE STONG GI BZHI PA DRI MA MED PA NI SANGS RGYAS BYAMS PAR LUNG BSTAN TSUL SNYING RJE PAD DKAR LAS GSUNGS SO,, , ` GNYIS PA DGOS PA NI, RJE LCANG SKYA RIN PO CHES MDZAD PA'I DUS CHEN GYI BSHAD PA LAS, CHO 'PHRUL SMON LAM GYI SKABS SU BSKOR LAM LA RJE BTZUN BYAMS PA'I SKU BRNYAN SPYAN 'DREN BYED PA NI, 'DZAM
BU GLING PA'I MI'I TSE TSAD TSE LO BCU PA'I BAR DU MAR 'GRIB TE, DE NAS SLAR RIM GYIS YAR 'PHEL NAS TSE LO BRGYAD KHRI BAR GYUR PA NA RGYAL BA BYAMS PA MGON PO 'JIG RTEN DU 'BYON PAR 'GYUR BA YIN LA DE'I TSE 'KHOR GYI THOG MAR SKYE BA'I RTEN 'BREL BSGRIGS PA'I CHED DU DA LTA SKU BRNYAN SPYAN 'DREN PA DANG DE LA PHYAG MCHOD SMON LAM 'DEBS PA SOGS TSUL BZHIN DU BYAS NA DON DE 'GRUB PA'I DGOS PA YOD PAS RJE BDAG NYID CHEN POS CHO 'PHRUL MCHOD PA'I DUS SU BYAMS PA SPYAN 'DREN SOGS MDZAD PA YIN, ZHES GSUNGS PA LTAR DANG, YANG, BYAMS PA'I MDO LAS, MAR ME STONG PHRAG GCIG GAM ME TOG PHUL BSTONG PHRAG GCIG GAM, AUTPAL SNGON PO STONG PHRAG GCIG GIS MCHOD PA BYED PA DANG, MCHOD RTEN DANG DE DAG GI TOG BYED PA DAD SANGS RGYAS KYI SKU GZUGS BYED PA DAG NI BYAMS PA SANGS RGYAS PA'I TSE DE'I DRUNG DU SKYE ZHING DANG PO'I CHOS THOB PAR 'GYUR RO, ,ZHES DANG, DGE 'DUN LA BSOD SNYOMS DANG STAN 'BUL BA'I SKYE BOS YANG DAG BAR RDZOGS PA'I SANGS RGYAS BYAMS PA MTHONG BAR 'GYUR RO, ,THA NA ME TOG SNYIM PA GANG TZAM MAM, MAR ME GCIG TZAM 'BUL BA'AM, GZHAN BSOD NAMS BYED PA LA RDZES SU YI RANG BA STE DGE BA 'DI DAG RNAMS BYED PA'I LHA DANG MI RNAMS KYIS YANG DAG PAR RDZOGS PA'I SANGS RGYAS BYAMS PA MTHONG BAR 'GYUR RO, ,DE
, ,LA YANG DAG PAR RDZOGS PA'I SANGS RGYAS BYAMS PA MTHONG BAR 'DOD BAS SBYIN PA GTONG BA DANG, TSUL KHRIMS BSRUNG BA DANG, GSO SBYONG GI LAS BYED PA DANG, SGOM PAR BYED PA DANG, DGE BA'I LAS KYIS BAG YOD PAR GYUR NA NI GDON MI ZA BAR MTHONG NGO, ,ZHES GSUNGS BA LTAR GYI PHAN YON RNAMS 'THAB LA, YANG PAn CHEN NAGS RIN GYI GSUNG LAS, BDE BAR GSHEGS PA SANGS RGYAS KYI SKU GSUNG THUGS KYI RTEN BZHUGS PA'I DRI GTZANG KHANG DANG GTZUG LAG KHANG DANG GNAS MAL BZHENGS PA LTA CI SMOS, THA NA DE RNAMS KYI SGO KHYAMS DANG, G-YOS MAL BYED PA'I KHANG PHRAN TZAM BZHING PA'I CHED DU GOM PA BDUN BRGYAB NA YANG NGAN SONG DU MI 'GRO ZHING LHA LUS THOB BO, ,DKON MCHOG GSUM BZHUGS PA'I GNAS GZHI BZO BA DE LA DMIGS PA'I BZA' BTUNG SBYOR BA'I DU BA 'PHOG PA'I SEMS CAN DANG LAS MI'I RKANG 'OG SOGS SU SROG CHAGS SHI BA RNAMS KYANG NGAN SONG GSUM GYI GNAS SU MI LTUNG PHA LA PHA LA, ZHES 'BYUNG BA LTAR BYAMS MGON SBYAN DRANGS NAS MCHOD PA'I CHED DU 'GRO PA DANG, 'DO LI BTEG PA SOGS KYI PHAN YON LA GO BAR BYA, RGYAL PO GSAL RGYAL LA TSIGS SU BCAD PA'I MDO LAS, BDE GSHEGS MCHOD RTEN DAG LA DGA' BZHIN DU, ,RNAM MANG RGYA CHEN GDUGS NI BTEGS PA YIS, ,LHA MI'I 'JIG RTEN DAG NA GDUGS 'DRA BAR, ,LHA DANG MI YI DBANG PO
LTA BUR 'PHYUR, ,ZHES GSUNGS BA LTAR BYAMS BA'I MDUN DU GDUGS BZUNG BA'I PHAN YON DANG, MI RNAMS SU DAG SKU GDUNG SNYING PO CAN, ,DRI MED BSOD NAMS 'BYUNG GNAS GYUR PA LA, ,BA DAN MDZES PA SNA TSOGS 'DOGS PA DAG ,MTHU DANG LDAN ZHING SRID GSUM MCHOD GNAS 'GYUR, ,BDE GSHEGS MCHOD RTEN DANG PHAN BTAGS PA YIS, ,MI DBANG DPAL DANG LHA DBANG DPAL THOB CING, ,BDE PA'I MCHOG KYANG NYAMS SU MYONG GYUR NAS, ,RNAM PAR GROL BA'I COD PAN KHYAD BAR THOB, ,CES RGYAN BZUNG BA'I PHAN YON DANG, RGYAL BA'I MCHOD RTEN DAG LA DRIL PHUL BAS, ,TSIG BTZAN GRAGS PA CHEN PO DAG DANG LDAN, ,TSANGS PA'I SGRA DBYANGS YID 'OD SKYE BA DRAN, ,DE DAG GIS NI RGYAN RNAMS SNA TSOGS THOB, ,CES DRIL BU 'KHROL BA DANG, MKHAS PA SU DAG BDE GSHEGS MCHOD RTEN LA, ,DAD PA'I SEMS KYIS PHRENG BA 'DOGS BYED PA, ,GSER PHRENG RIN CHEN MANG POS LEGS SPRAS PA, ,BSOD NAMS LAS LDAN DE YI MGO LA THOGS, ,STON PA'I MCHOD RTEN DAG LA RGYAN 'PHYAD 'DOGS, ,DE DAG DO SHAL RGYAN LDAN NOR BU DANG, ,GANG BU DAG DANG DPUNG RGYAN MCHOG RNAMS KYIS, ,LUS BRGYAN 'JIG RTEN DAG NA RGYU BAR 'GYUR, ,CES PHRENG BA DANG RGYAN DANG, MI RNAMS GANG DAG THUB DBANG MCHOD RTEN LA, ,SPOS CHU DANG ZHING GTZANG BA'I
, ,KHRUS GSOL BA, ,DE DAG LUS LA DRI MA MED PA DANG, ,GDUNG BA MANG CING MDOG 'JAM MYA NGAN MED, ,CES KHRUS GSOL BA'I PHAN YON DANG, DAM CHOS PAR DKAR LAS, MCHOD RTEN DE LA GANG GIS THAL MO SBYAR, ,YONGS SU TSANG BA'AM THAL MO YA GCIG GAM, ,YANG NA MGO BO SKAD CIG BTUD PA DANG, ,DE BZHIN LAN CIG LUS KYANG BTUNG PA DANG, ,GANG GIS DUD BSREL GNAS PA DE DAG LA, ,G-YENG BA'I SEMS KYIS PHYAG 'TSAL SANGS RGYAS ZHES, ,TSIG GCIG LAN 'GA' BRJOD PAR BYAS PA YANG, ,DE DAG KUN GYIS BYANG CHUB MCHOG 'DI THOB, ,CES PHYAG 'TSAL BA DANG THAL MO SBYAR BA SOGS KYI PHAN YON DANG, GZHAN YANG MCHOD YON PHUL BA'I PHAN YON BCU DANG ME TOG PHUL BA'I PHAN YON BCU SOGS 'THOB PA DANG, YUL PHYOGS DER BKRA SHIS BDE LEGS RGYA CHEN PO 'BYUNG BA SOGS KYI DGOS BA MANG DU YOD DO,, ,,GSUM PA BSKOR LAM DU SBYAN 'DREN PA'I TSUL LA BKUR STI JI LTAR BYA BA NI, 'DUL BA MDO RTZA LAS, DE GRONG KHYER DU GSHEGS PAR BYA'O, ,'DI LA DGE SLONG GIS KYANG BKUR DU RUNG NGO, ,DE NI GSAR BU DAG LA 'BAB PO, ,SDE PA LNGA PO DAG GIS ZHAM RING BYA'O, ,MCHOD YON DU BYAS NI, RGAN PO NGAG GIS BZUNG DO, ,DE LA ROL MO BYED PA
DAG GIS ROL MO BYA BA DANG BKUR STI CHEN PO GZHAN YANG BZANG DO, ,ZHES DANG, DE LA GDUGS DANG RGYAL MTSAN DANG BA DAN BSGRED DO, ,ZHES SOGS GSUNGS BA LTAR YIN LA, DUS NI, RJE RIN PO CHES CHO 'PHRUL SMON LAM GYI MJUG TU MDZAD PA YIN ZHING, 'DUS SDE KHA CIG TU HOR ZLA GNYIS PA DANG, DRUG PA'I SMON LAM GYI MJUG TU BYED LA SOGS YOD PAS GANG LTAR BYED KYANG RUNG NGO, ,RTEN NI, BYAMS PA'I SKU BRNYAN LUGS MA DANG BRIS THANG SOGS GANG GIS KYANG RUNG LA, RTEN GZHAN GYI RIGS MNYAM DU SBYAN DRANGS NAS MCHOD KYANG MI DRUNG BA MED DO, ,SPYOD 'JUG LAS, BDAG NI MGON MED RNAMS KYI MGON, ,LAM ZHUGS RNAMS KYI DED DPON DANG, ,RGAL 'DOD RNAMS KYI GRU DANG NI, ,GZINGS DANG ZAM PA NYID DU GYUR, ,GLING DON GNYENG LA GLING DAD NI, ,GNAS MAL 'DOD LA GNAS MAL DANG, , BDAG NI LUS CAN BRAN 'DOD PA, ,KUN GYI BRAN DU 'GYUR BAR SHOG ,YID BZHIN NOR DANG BUM PA BZANG, ,RIG SNGAGS GRUB DANG SMAN CHEN DANG, ,DPAG BSAM GYI NI SHING DAG DANG, ,LUS CAN RNAMS KYI 'DOD 'JOR SHOG ,SA SOGS 'BYUNG BA CHEN PO DANG, ,NAM MKHA' BZHIN DU RTAG PAR YANG, ,SEMS CAN DPAG TU MED PA YI, ,RNAM MANG NYER 'CHO'I GZHIR YANG SHOG ,DE BZHIN NAM MKHA'I
, ,MTHAS GTUGS PA'I, ,SEMS CAN KHAMS RNAMS RNAM KUN DU, ,THAMS CAD MYA NGAN 'DAS PAR DU, ,BDAG NA NYID 'TSO'I RGYUD YANG SHOG ,CES GSUNGS PA LTAR SANGS RGYAS BCOM LDAN 'DAS RNAMS NI SMON LAM THAMS CAD GRUB PA DANG YON TAN MTHA' DAG RDZOGS PA'I GANG ZAG YIN PAS DE'I SKU BRNYAN LA MTHONG THOS DRAN REG TZAM BYAS KYANG PHAN YON RGYA CHEN PO 'BYUNG BAR NGES PAS SPYAN 'DREN PA PO RNAMS KYIS GZHAN GYI LANG MO DANG 'DU 'DZI'I LTAR MO LTAR MI BYA BAR SNYING NAS DAD GUS BSKYED PAR BYA'O, ,NGA NI LAG TU LEN TSUL DNGOS BRJOD PA LA, GRVA PA 'GA' ZHIG 'DU KHANG GI SGOR 'GRENG STE, THAMS CAD DU NI SA GZHI DAG ,ZHES SOGS 'DON, GRVA MAD GIS SGO CHEN GYI NANG DU SER SBRENG BYED, MCHOD G-YOG PA SOGS KYIS SPOS GLING BCAS, RJE BTZUN BYAMS PA'I SKU BRNYAN 'DU KHANG GI SKOR GDAN 'DREN BDAG DANG 'GRO BA'I MJUG TU SER SBRENG SOGS PHYI ROL DU THON, BYAMS PA'I SKU BKUR STI DANG BCAS TE GDAN DRANGS NAS BSKOR BA BYED, PHYOGS BZHIR KHRUS DANG MCHOD PA 'BUL DGOS PAS, COG TZE MTHON POR SKU BRNYAN ZHAL PHYIR BSTAN NAS BZHUGS SU GSOL, MDUN DU MCHOD PA SOGS BSHAMS, CHO GA 'DON PA PO RNAMS DE'I MDUN DANG, TSOGS PA MANG MAS G-YAS CI RIGS PAR GRAL LA 'KHOR, DE'I RGYAB TU YON BDAG RNAMS SDOD PA SOGS GANG 'OS KYIS
BSGRIG BAR BYA, DE NAS, SKU KHRUS GSOL BAR ZHU, GANG 'DIR BCOM LDAN 'DAS X KHRUS 'DI GSOL BAR BGYI'O, ,KHRUS KYI KHANG PA X JI LTAR BLTAMS PA X SKU KHRUS GSOL, ,AOm SARBA X DE DAG SKUL X RGYAL BA'I SKU GSUNG THUGS LA X AOm SARBA X KHYED SKU RANG BZHIN X AOm SARBA X DE DAG SKU LA X DE BZHIN GSHEGS DANG X AOm SARBA X 'GRO BA NYON MONGS X AOm SARBA X DE DAG SKU LA X 'DI NA SBYIN PA'I SOGS GSUM, DE DAG SKU LA X 'DI NI BRTZON 'GRUS SOGS GSUM, DE DAG SKU LA X 'DI NI KHRUS MCHOG X DE DAG SKU LA X STONG GSUM KUN DU X BYUG PAR BGYI, ,AOm BADZRA GANDHE A'A:- H'Um, DE NIS DE LA KHA DOG LEGS BSGYUR BA'I, ,NA BZA' SHIN TU DRI ZHIM YID 'ONG BA'I, ,GOS BZANG SRAB LA 'JAM PA SNA TSOGS DANG, ,RGYAN MCHOG BRGYA PHRAG DE DANG DE DAG 'BUL, ,AOm BADZRA WA SA SE A'A:- H'Um, MCHOD PA 'BUL BA NI, RAB 'BYAMS RGYA MTSO DPAG MED NA, ,MCHOD RDZAS JI SNYED YOD PA DANG, ,BDAG GIS GUS PAR BSHAMS PA 'DI, ,RJE BTZUN BYAMS PA MGON PO DANG, ,RGYAL BA SRAS DANG BCAS LA 'BUL, , THUGS RJE MNGA' BA KHYED RNAMS KYIS, ,CI BDE PAR NI BZHES NAS KYANG, ,SEMS CAN DON KUN MDZAD DU GSOL, ,AOm A'ADYA MEE TRI SA PA RI W'A RA P'U DZA ME GHA SA MU TRA SPHA RAn SA MA YE H'Um, 'DOD GSOL NI, RGYAL BA
, ,BYAMS PA'I SKU GZUGS MCHOG 'DI LA, ,PHYAG MCHOD MTHONG THOS DRAN REG SKYE BO KUN, ,MGON KHYOD THUGS RJE'I PHYAG GIS NYER BZUNG NAS, ,DGA' LDAN GNAS SU DES PAR DRANG DU GSOL, KHYOD ZHAL MIG GI BDUD RTZIR MI 'BRAL ZHING, ,THEG MCHOG GSUNG GIS RTAG TU 'TSO BA DANG, ,RGYAL SRAS SPYOD PA'I GNAS KUN MTHAR PHYIN NAS, ,MYUR DU SANGS RGYAS THOB PAR BYIN GYIS RLOBS, ,GNAS SKABS SU YANG BSAM PA'I DON KUN 'GRUB, ,MTHA' DAG 'GRO 'DI BYAMS PA'I SEMS DANG LDAN, ,RGYAL BA'I BSTAN PA PHYOGS BCUD DAR ZHING RGYAS, ,'GRO KUN PHAN BDE'I DPAL LA SBYOD PAR SHOG ,BSLAB PA GSUM LDAN DUR SMRIG 'DZIN PA YI, ,'DUS PA'I TSOGS KYIS GNAS 'DIR YONGS GANG ZHING, ,RTAG TU BSHAD SGRUB BYA BAS SRID MTHA'I BAR, ,THUB BSTAN PHYOGS BCUR RGYAS PA'I BKRA SHIS SHOG ,BSLU MED DKON MCHOG GSUM GYI BDEN PA DANG, ,MI PHAM RGYAL BA'I DBANG PO'I BYIN RLABS DANG, ,MTHU LDAN CHOS SKYOD BSRUNG MA'I 'PHRIN LAS KYIS, ,RNAM DAG SMON PA'I GNAS 'DI 'GRUB PAR SHOG ,TSOGS PA YON BDAG BCAS LA JA DANG CHOS STON GANG 'TSAM BYED, GZHI BDAG GTOR MA RGYAS BSDUS CI RIGS GTOR, SANGS RGYAS KUN LA PHYAG 'TSAL LO, ,ZHES SOGS KYIS SMON LAM GDAB, SHIS BRJOD NI, RGYAL MTSAN RTZE MOD X RTAG TU BYAMS PA
RNAM GSUM GOMS PA'I MTHUS, ,BDUD SDE BYAMS PA'I DPUNG GIS 'JOMS PA DANG, ,'GRO KUN BYAMS PA'I STOBS KYIS SKYOD MDZAD BA'I, ,RGYAL BA BYAMS PA MGON PO'I BKRA SHIS SHOG ,STON PA BLA MED X GNAS 'DIR DPAL 'BYOR X TSANGS DANG LHA DBANG X LDAN PAR SHOG ,PHYOGS BZHIR DE LTAR BYA, DE LTA BU'I TSUL GYIS BSKOR BA BYAS PA'I MJUG TU, 'DU KHANG GI SGOR BZHUGS SU GSOL NAS MDUN DU MCHOD PA BSHAMS, CHO GA PA DANG ROL CHA PA SOGS GIS? RDO BCAL GYI STENG 'OG CI RIGS PAR BSDAD NAS, STONG GSUM KUN DU NAS RLAN GYIS BRLAN PAR SHOG ,PHUN TSOGS GSOR 'ONG X SH'AKYA'I RGYAL PO'I ZHES PA'I CHIG, BYAMS PA MGON PO'I DBU LA PHUL BA YIS, ,ZHES BSGYUR NAS DBU RGYAN PHUL, BDAG DANG 'GRO LAS BZHUGS SU GSOL, RGYAL BA RGYA MTSO'I SOGS KYIS CHU GNYIS NYAD BYOD ROL MO, RIN CHEN DBANG GI SOGS KYIS 'DOD YON LNGA, ZHING 'DI 'KHOR LO SOGS KYIS RGYAL BYA, BYI BDUN, RIN CHEN GDUGS DANG SOGS KYIS BKRA SHIS RTAGS BRGYAD, ?DE LAS GZHAN YANG SOGS KYIS MCHOD PA GZHAN TE, GONG GI MCHONG PA RNAMS RGYAS PA BYA, MAntAL RGYAS PA PHUL, DE YANG, RGYAL BA BYAMS PA MGON PO'I LHA TSOGS ZHES BSGYUD, KHYAD PAR DU DPAG CAG DPON SLOB ZHES SOGS KYI 'DOD GSOL, SA GZHI SPOS KYIS X T'A YA MI, GRVA MANG 'GRENG STE, BYAMS PA'I SMON LAM 'DON BA'I TSE SBYIN BDAG RNAMS PHYAG BYAS TE BYIN RLABS ZHU,
, ,DE'I MJUG TU, RJE'I LHA KHANG GI SGOR GDAN 'DREN BA'I BAR SER SBRENG BYANG, GRVA MANG GIS PHYAG BTZAL NAS NANG DU BZHUGS SU GSOL, RGYAL BA BYAMS PA'I MA DAD, SHIS BRJOD SNGAR BZHIN BYA'O, ZHES PA'I NI DKAR BO DI YI LHA KHANG GI 'DUS SDE'I PHYAG LEN DU BYA BA'I PHYIR BSGRIGS PA STE, 'DIS KYANG ^ RGYAL BA'I BSTAN PA RIN PO CHE DAR ZHING RGYAS LA YUN RING DU GNAS PA DANG, 'GRO BA THAMS CAD BDE SKYID PHUN SUM TSOGS PAR GYUR CIG, MANGGA LAm,, , *, ,BLA MA KHRI 'DON DANG DBU MDZAD DGE BSKOS BSGO TSUL RNAMS BZHUGS SO,, ,,BLA MA SBYAN 'DREN PA LA, THOG MAR BLA MAS RANG GI NANG DU BLA MA'I RNAL 'BYOR DANG DMIGS BRTZE MA BTON NAS RJE RIN PO CHE LA GSOL BA LEGS PAR GDAB, YI DAM CHOS SKYONG LA'ANG GTOR 'BUL 'PHRIN BCOL BYAS NA LEGS, ^ 'DU KHANG DU DGE 'DUN TSOGS NAS SKYABS 'GRO, DGA' LDAN LHA BRGYA MA, DMIGS BRTZE MA 'DON ZHING, DE'I SKABS SU SPOS GLING SOGS KYIS BLA MA SPYAN DRONGS, BLA MAS CHOS GOS DANG BCAS 'ONGS NAS RTEN LA PHYAG BYA, SNYAN DAR RAM SPOS DANG MAR ME SOGS PHUL NAS BYIN RLABS ZHUS, SLOB MAS GDAN GYI STENG DU GDING BA DANG ZLA GAM BSHAM, BLA MA BZHUGS RJES DMIGS BRTZE MA GSUM TZAM BTON NAS, GRUB NA, DPAL LDAN SA GSUM MA'AM, LAM RIM GSOL 'DEBS DANG, PHYOGS DUS KUN GNAS SKYABS
GSUM BKA' SDOD BCAS, ,ZHES SOGS MTSUNGS MED BLTA BAS KYI BAR BTON PA'I MJUG TU, DBU MDZAD GROGS 'GA' BCAS LANGS TE, GRAL GYI MTHA' NAS MAntAL RGYAS PA BLA MA'I ZHABS BRTAN GYI TSIGS BCAD SOGS BCAS BTON NAS MAntAL PHUL, TSOGS PA RNAMS KYIS KHA BTAGS PHUL NAS RANG RANG GI GRAL DU SDONG, SPYIS NAS KYANG GSOL STON MANG 'GYED PHUL NAS RTEN 'BREL BZANG PO SGRIGS, DE RJES, MTSUNGS MED BLTA BAS MI DOMS SHING, ,ZHES SOGS DANG, CHOS SKYONG DANG GZHI BDAG GTOR MA RNAMS DANG, SHIS BRJOD, BSTAN 'BAR MA, CHOS KYI RGYAL PO, DMIGS BRTZE MA 'DON BZHIN TSOGS GROL BYA'O ^ ,DBU MDZAD BSGO BA LA, TSOGS PAS DMIGS BRTZE MA 'DON ZHING, GRVA BA 'GA' ZHIG GIS BKUR STIS SPYAN DRANGS, DBU MDZAD CHOS GOS ZLA GAM SOGS GYON ZHING 'ONGS NAS RTEN LA PHYAG BYA, BYIN RLABS ZHU, BLA MA LA KHA BTAGS DANG, BLA MAS KYANG TEN BREL BSGRIGS RJES RANG GI GDAN LA BSDAD DE DMIGS BRTZE MA LAN BDUN GYI BAR 'DON, DE NAS LANGS TE GSANG BA'I RNAM THAR GYI GSOL 'DEBS DANG, YANG BSDANG NAS SHER SNYING, CHOS KYI RGYAL PO, DMIGS BTZE MA NAMS BTON NAS TSOGS GROL LO, ^ ,DGE BSKOS BSGO BZHAG BYED PA
, ,LA DGE BSKOS SPYAN DRANG BA SOGS DBU MDZAD DANG 'DRA BA LA, BLA MAS KHA BTAGS BYIN TE RTEN 'BREL BSGRIGS RJES GRAL MTHAR SONG STE TSOGS KYI PHYOGS SU BLTAS TE 'GRENG, MCHOD G-YOG PAS 'BRAS DKAR BLUGS PA'I SDER MA BZAD PO'I KHAR DBYUG PA BZHAG NAS PHUL, DGE BSKOS KYIS THOG MAR DBYUG PA BLANGS, DE RJES 'BRAS DKAR NAS GYEN DU LAN GSUM 'THOR ZHING, DE YANG DANG PO'I TSE, 'DREN PA MNYAM MED SANGS RGYAS BCOM LDAN 'DAS SH'AKYA THUB PA, KHAMS GSUM CHOS KYI RGYAL PO RJE TZONG KHA PA, BKA' DRIN MTSUNGS MED BLA MA RIN PO CHE LA SOGS PA'I RTZA RGYUD KYI BLA MA DAM PA RNAMS SPYI BO'I GTZUG TU MCHOD MCHOD, CES PA DANG, GNYIS PA'I TSE, BSLU BA MED PA'I SKYABS GNAS MCHOG GSUM SPYI DANG, BSOD NAMS ZHING GI MCHOG TU GYUR PA 'DUS TSOGS RIN PO CHE 'DI NYID MCHED MCHAD, CES DANG, GSUM PA'I TSE, BSTAN PA RIN PO CHE BSRUNG ZHING SKYOD BA'I CHOS SKYONG BSRUNG MA DKAR PHYOGS SKYONG BA SPYI DANG, 'DUS SDE 'DI NYID KYI 'PHRIN LAS THAMS CAD TSUL BZHIN SGRUB PA'I CHOS SKYONG CHEN PO DAM CAN CHOS RGYAL LA SOGS PA'I BSRUNG MA RNAMS MCHOD MCHOD, CES BRJOD PA'AM DON YID LA BSAM BZHIN GTOR NAS, BLA MA MCHOG GSUM RNAMS KYIS BYIN GYIS BRLAB TU GSOL, CHOS SKYONG
BSRUNG MA RNAMS KYIS CHOS MTHUN GYI 'PHRIN LAS MTHA' DAG BSAM BZHIN DU SGRUB PAR MDZAD DU GSOL, ,ZHES GSOL BA LEGS PAR GDAB, DE NAS MCHOD G-YOG PAS SPOS RENG PHUL, CHAB 'BRIM PAS SPYI BLUGS BZUNG NAS, GDONG GRAL GYI NANG NAS YAR LA SONG NAS RGYAB GRAL GYI BAR NAS MANG 'ONG STE SPYI BLUGS RANG GNAS SU BZHAG ,DGE BSKOS KYIS, GDONG THAL G-YON GYI GSHAM NAS BRTZAMS TE SPOS BSKOR BYA, TSOGS BA RNAMS KYIS SGROL MA SHER SNYING, SENG GDONG MA BTON RJES TSOGS LA MANG JA DRONGS, DGE BSKOS KYIS PHYAG GSUM SNGON DU BTANG NAS MANG JA'I GNANG BA ZHU, DE YANG DED KYI TSOGS 'DIR JA THUG SOGS 'BUL RGYU'I GSOL BZHES LA RIGS MI 'DRA BA MANG DU YOD PAS, BZHES LHAG GNANG BAR 'OS PA RNAMS LA GNANG BA THUGS RJES 'DZIN PAR ZHU, ZHES ZHU, TSOGS PAS KYANG, CI BDER LONGS SPYOR, CES GNANG BA STER, CHOS SKYONG DANG GZHI BDAG GI GTOR MA, CHOS KYI RGYAL BO, DMIGS BRTZEM RNAMS BTON NAS TSOGS GROL LO, ^ ,MAndAL 'BUL BA'I TSE, BSTAN PA RIN PO TSE'I GSAL BYED DAM PAR GYUR PA, DPAL LDAN BLA MA DAM PA'I ZHABS DRUNG DU, BSTAN 'GRO'I DON DU ZHABS PAR BRTAN PAR BZHUGS PA'I YON DU MAndAL 'BUL BAR ZHU, ZHES
, ,SNYAN GSAN BYA, AOm BADZRA BHU MI A'A: H'Um, X LHA DANG MI'I DPAL 'BYOR PHUN SUM TSOGS PA MA TSANG BA MED PA 'DI NYID DPAL LDAN BLA MA DAM PA'I ZHABS DRUNG DU 'BUL BAR BGYI'O THUGS RJES 'GRO BA'I DON DU BZHAS SU GSOL, ,RJE BTZUN BLA MA'I SKU TSE RAB BRTAN CING, ,ZHES SOGS BRJOD DE MAndAL DANG, BRTAN BZHUGS KYI RTEN 'BREL BSGRIG PHYIR 'BUL RGYU RNAMS GANG 'OS KYI ZHU TSIG DANG BCAS TE PHUL, TSOGS PA RNAMS KYANG RANG RANG GI STAN LAS LANGS TE KHA BTAGS PHUL NAS GRAL LA 'KHOR, DE RJES BLA MA LA GSOL STON DANG, TSOGS PA RNAMS LA MANG JA CHA BRA KHA BTAGS KYI 'GYED BCAS PHUL, GZHAN RNAMS GONG DU BSHAD PA LTAR RO, ^ ,BYIN RLA BAS ZHU BA'I TSE, RJE TZONG KHA PA KHYOD KYIS THUGS RJES GZIGS LA, 'PHRAN BU BDAG GI RGYUD LA BSTAN 'GRO SPYI DANG KHYAD PAR DU DGON SDE 'DI LA PHAN 'DOD KYI BAS MA PA BZANG PO SKYE BAR BYIN GYIS BRLAB TU GSOL, ,BSAM PA BZANG POS GANG BYED THAMS CAD LA 'GAL RKYEN BAR CHAD MED CING MTHUN RKYEN TSAD BA DANG PHAN THOGS RGYA CHEN PO 'BYUNG BAR BYIN GYIS BRLAB TU GSOL, ,BYA BA GANG BYED THAMS CAD DGE 'DUN MANG PO'I THUGS LA 'THANG PA DANG, BDAG LA NYES LTUNG DU MI 'GYUR BAR BYIN GYIS BRLAB TU GSOL, ,
MDOR NA BSLU BA MED PA'I MGON SKYABS DAM PA KHYED NYID LAS GZHAN PA'I DE SA MED PAS GANG LEGS DANG GANG PHAN MTHA' DAG KHYED RANG MKHYEN, SNYAM PA'I BSAM PA SHUGS DRAG POS PUS MO BTZUGS, THAL MO SBYAR, SPYI BOS BTUD DE BYIN RLABS ZHU, RTEN GZHAN LA YIN TSE, YI DAM RDO RJE 'JIGS BYED KHYED KYIS, ZHES DANG, CHOS SKYONG BSRUNG MA KHYED RNAMS KYIS, ZHES PA LTA BU RIG PAS DPYAD DE BYA'O,, ,, *, ,RTEN RNYING LA TSON GSANG 'BUL TSUL BZHUGS,, ,,RJE'I SKU BRNYAN GYI SBYAN SOGS LA TSON GSANG 'BUL BA'I TSUL NI, SKYABS SEMS, SKAD CIG GROD BSKYED, MCHOD PA BYIN RLABS, MCHOD BSTOD RNAMS DANG, CHOS SKYONG DANG GZHI BDAG GI GTOR MA RNAMS RGYAS BSDUS CI RIGS CHOG GANG SHES KYIS BYAS NAS, SNYAN GSAN ZHU BA NI, RAB 'BYAMS RGYAL BA'I MKHYEN BRTZE NUS GSUM GYI, ,BDAG NYID RIGS GSUM MGON DANG DBYER MED BA'I, ,SKYABS MGON BLA MA MCHOG GI SKU BRNYAN LA, ,BDAG CAG SRI ZHU GUS PA'I TSUL GYIS SU, ,MDZES BYED TSON RTZI GSAR PA 'BUL BAL, ,BRTZE BAS DGONGS TE GNANG BA STZOL BA DANG, ,TSE RABS KUN DU 'BRAL MED RJES 'DZIN CING, ,MCHOG DANG THUN MONG DNGOS GRUB STZAL DU GSOL, ,CES SPOS DRIL
, ,DANG BCAS GSOL BA GDAB, DE NAS TSON PHUL BA'I RJES SU, SLAR YANG MCHOD BSTOD, GONG GI RAB 'BYAMS RGYAL BA'I NAS, MDZES BYED TSON RTZI GSANG BA PHUL BA YIS, , 'DREN MCHOG BLA MKHYOD DANG MI 'BRAL ZHING, ,ZHES SOGS DPAL LDAN SA GSUM MA'I MJUG GI SMON LAM DANG, GZHAN YANG SMON LAM SHIS BRJOD CI RIGS BYA'O, ,RTEN GZHAN LA TSON GSAR 'BRAL NA 'DIS RIGS 'GRO BYA'O,, ,, *, ,BSTAN 'GRO SPYI'I DON DU BSNGO BA BYED TSUL BZHUGS SO,, ,,NA MO GU RU, BSTAN 'GRO SPYI'I DON DU BSDO BA BYED PA LA, THOG MA SNYAN GSAN NI, PHUN SUM TSOGS PA'I DGE 'DUN RNAMS KYIS BSNGO BA'I MTHUN 'GYUR DANG DPANG BO THUGS LA 'DOGS PAR ZHU, BSTAN BA SPYI'I BSNGO BA NI, PHYOGS BCU'I ZHING RAB 'BYAMS MU MED PA NA BZHUGS PA'I BLA MA RGYAL BA SRAS DANG SLOB MAR BCAS PAS BDAG SOGS MAR GYUR NAM MKHA'I MTHA' DAD MNYAM PA'I SEMS CAN THAMS CAD LA GZIGS SHING DGONGS SU GSOL, ,DRIN CAN RTZA RGYUD KYI BLA MA RNAMS KYIS GTZO MDZAD PA'I SKYABS GNAS DKON MCHOG GSUM GYI THUGS RDZE BYIN RLABS DANG SBYIN PA'I BDAG PO RNAMS KYIS ZHI GSUM DANG 'BREL BA'I RNAM PAR DKAR BA'I RTZA BA JI SNYED YOD PA THAMS CAD PHYOGS GCIG TU
BSDOMS PA'I MTHU LA BRTEN NAS, KUN MKHYEN BU RAM SHING PA'I BSTAN PA SPYI DANG KHYAD PAR DU KHAMS GSUM 'GRO BA'I BLA MA RJE BTZUN TZONG KHA PA CHEN PO'I RING LUGS DRI MA MED BA 'DI NYID PHYOGS DUS GNAS SKABS THAMS CAD DU DAR ZHING RGYAS LA YUN RING DU GNAS PAR GYUR CIG ,BSTAN PA RIN PO CHE 'DI NYID 'DZIN SKYOD SPEL BAR BYED PA'I SKYES CHEN DAM PA GONG MA DGONGS BA CHOS KYI DBYINGS SU ZHI BAR GSHEGS PA'I TSUL BSTAN PA JI SNYED YOD PA THAMS CAD KYI THUGS ZAG PA MED PA'I DGONGS PA KHYAD PAR CAN RNAMS MI NYAMS SHING GONG NAS GONG DU YONGS SU RDZOGS PAR GYUR CIG ,DA LTA BSTAN 'GRO'I DPAL MGON DU ZHAL BZHUGS PA'I SKYES CHEN DAM PA JI SNYED YONG PA THAMS CAD KYI SKU TSE ZHABS PAD SRID MTHA'I BAR DU BRTAN ZHING RNAM PAR DKAR BA'I MDZAD PA DANG 'PHRIN LAS BZANG PO RNAMS ZLA BA YAR GYI NGO BZHIN DU GONG NAS GONG DU 'PHEL ZHING RGYAS PAR GYUR CIG ,PHYOGS BCU'I DGE 'DUN GYI SDE RAB 'BYAMS THAMS CAD DANG KHYAD PAR DU 'DUS SDE 'DIR BZHUGS PA'I DGE 'DUN RNAMS THUGS MTHUN ZHING KHRIMS GTZANG BA'I SGO NAS LAM BSLAB PA GSUM GYI NYAMS LEN LUNG SDE SNOD GSUM GYI 'CHAD NYAN LA SOGS PA BSHAD SGRUB KYI BSTAN PA'I BYA BA RNAMS NAM YANG MI NYAMS PAR GONG NAS GONG DU 'PHEL ZHING RGYAS PAR GYUR CIG ,GSON BSNGO NI, SKYABS
, ,GNAS DKON MCHOG GSUM GYI THUGS RJE BYIN RLABS DANG RTEN 'BREL BSLUB MED PA'I BDEN BA'I STOBS KYIS SEMS CAN THAMS CAD SPYI DANG KHYAD PAR DU DNGOS KYI SBYIN PA'I BDAG PO 'DI RNAMS KYI ZHES PA'AM, YANG NA DGE SLONG MING 'DI ZHES BYA BA SOGS RAB TU BYUNG BA RNAMS DANG, SBYIN BDAG MING 'DI ZHES BYA BA 'DI RNAMS KYI ZHES BA LTA BU SBYANG, TSE DANG BSOD NAMS DPAL DANG BYOD BA SNYAN GRAGS MNGA' THAD RIGS RGYUD ZAS NOR PA SOGS PA 'DI PHYI'I LEGS TSOGS THAMS CAD ZLA BA YAR GYI NGO BZHIN DU GONG NAS GONG DU 'PHEL ZHING RGYAS PAR GYUR CIG ,GZHAN YANG SNGON GYI LAS DANG 'PHRAL GYI RKYEN LAS GYUR PA NANG RIGS BZHI BRGYA RTZA BZHI BGEGS RIGS STONG PHRAG BRGYAD CU, GDON RIGS SUM BRGYA DRUG BCU LA SOGS PA PHYI DANG NANG GI 'GAL RKYEN NYER 'A TSE THAMS CAD NYE BAR ZHI BAR GYUR CIG ,SHI BSNGO NI, SLAR YANG SKYABS GNAS DKON MCHOG GSUM GYI THUGS RJE BYIN RLABS DANG RTEN 'BREL BSLU BA 'DI LA 'BREL BA GRUB CING RE LTOS 'CHA' BA'I TSE 'DAS RNAMS SEMS CAN JI SNYED YOD PA THAMS CAD DANG, KHYAD PAR DU DGE RTZA 'DI LA 'BREL BA GRUB CING RE LTOS 'CHA' BA'I TSE 'DAS RNAMS KYI ZHES PA'AM, CHE 'DAS CHE GE MO ZHES BYA BA LA SOGS PA RNAMS KYI TSE 'KHOR BA THOG MA MED PA NAS BSAGS BA'I LAS NGAN BA'I SDIG SGRIB BAG CHAGS DANG BCAS PA THAMS
CAD BYANG ZHING NGAG NAS MYUR DU MNGON PAR RDZOGS BAR 'TSANG RGYA BAR GYUR CIG ,SANGS MA RGYAS PA'I TSE RABS THAMS CAD DU CHOS LDAN GYI MI LUS RIN PO CHE THOB NAS RAB TU BYUNG ZHING DAM PA'I CHOS LA THOS BSAMS SGOM GSUM RNAM PAR DAG PA BYED PA'I SKAL BA DANG LDAN PAR GYUR CIG ,LAM THUN MONG BA'I RIM PA LA BLO LEGS PAR SBYANGS TE THUN MONG MA YIN PA DO RJE THEG PA'I CHOS SGOR ZHUGS NAS DAM TSIG DANG SDOM PA TSUL BZHIN DU BSRUNG ZHING LAM RIM PA GNYIS LA LEGS PAR BSLABS TE ZUNG 'JUG RDO RJE 'CHANG CHEN PO'I SKUR MNGON PAR RDZOGS BAR 'TSANG RGYA BAR GYUR CIG ,THUN MONG GI BSDO BA NI, 'JIG RTEN GYI KHAMS RNAMS SU CHAD CHU DUS SU 'BAB CING LO PHYUGS RTAG TU 'PHEL TE SEMS CAN THAMS CAD BDE SKYID PHUN SUM TSOGS PA'I DPAL LA SPYOD PA'I SKAL PA DANG LDAN PAR GYUR CIG ,KLU'I RGYA LA PO DGA' BO DANG NYER DGA' BO LA SOGS PA'I GZHI BDAG DKAR PHYOGS BA RNAMS KYI MTHU STOBS RGYAS SHING, NAG PHYOGS PA RNAMS KYI BSAM SBYOR DAN PA THAMS CAD NYE BAR ZHI BAR GYUR CIG ,BSTAN BA DANG BSTAN 'DZIN GYI SKYES BU THAMS CAD BSRUNG ZHING SKYONG BAR ZHAL GYIS BZHES PA'I CHO SA SKYONG BSRUNG MA THAMS CAD KYIS 'GAL RKYEN BAR CHAD THAMS CAD SEL ZHING, MTHUN RKYEN LEGS TSOGS THAMS CAD
, ,SPEL BA'I 'PHRIN LAS TSUL BZHIN DU SGRUB PAR GYUR CIG ,YANG NA, CHOS SKYOD BSRUNG MA MYUR MDZAD YE SHES KYI MGON PO PHYAG DRUG PA, MGON DKAR YID BZHIN NOR BU, DAM CAN CHOS RGYAL PHYI NANG GSANG GSUM, DPAL LDAN DMAG ZOR GYI RGYAL MO, CHOS SKYONG CHEN PO ZHAL BZHI PA, PHYAG BZHI PA, GUR MGON, RGYAL CHEN RNAM SRAS, CHOS SKYONG LCAM SRID, RGYAL PO SKU LNGA GNYAN PO, DAM CAN RDO RJE LEGS PA, RGYAL CHEN BKVAN YUN CH'AD LA SOGS BA MTHU STOBS NUS PA 'PHRIN LAS PHUN SUM TSOGS PA'I CHOS SKYONG BSRUNG MA THAMS CAD KYIS, ZHES PA LTA BU SBYAD NA'ANG RUNG NGO, ,SDA GYI GANG BYAS KYANG MJUG TU, MDOR NA SEMS THAMS CAD MYUR DU SANGS RGYAS SHING PHAN BDE'I 'BYUNG GNAS BSTAN PA RIN PO CHE DANG ZHING RGYAS LA YUN RING DU GNAS PAR GYUR CIG ,DGE BA 'DI YIS SKYE BO KUN, ,ZHES SOGS 'DON NO, ,CES PA 'DI NI DGA' LDAN BSTAN PA DAR RGYAS GLING GI T'A BLA MA ZHABS DRUNG BLO BZANG 'JAM DBYANGS BSTAN 'DZIN GYIS BSKUL BA'I TSE, ^ BLA MA DAM PA RNAMS KYI PHYAG BZHES BZHIN DU TSUL KHRIMS KYIS BRIS PA BSTAN 'GRO YONGS LA PHAN BDE RGYA CHEN PO 'BYUNG BAR GYUR CIG, ,,MANGGA LAm,, ` ,,
[BLANK PAGE]