/NGA8\ NYA 6 *, ,DGA' LDAN SOGS DAG ZHING DU SKYE BA'I SMON LAM BZHUGS, , 19
, ,DGE BA GANG BYED KUN GYI MJUG TU, DGE BA 'DI YI MTHU LA BRTEN NAS BDAG SKYE BA 'DI'I 'OG TU SKYE BA GZHAN GYIS BAR MA CHOD PAR DGA' LDAN GYI GNAS SU RGYAL BA 'JAM DPAL SNYING PO'I DRUNG DU SKYO BAR GYUR CIG ,DAD PA SHES RAB BRTZON 'GRUS LA SOGS PA DAM PA'I CHOS SGRUB PA'I SNOD PHUN SUM TSOGS PAR GYUR CIG ,TSE RING NAD MED LA SOGS PA'I RKYEN PHUN SUM TSOGS PAR GYUR CIG ,CHAGS SDANG RMONGS PA RNAM G-YENG LE LO LA SOGS PA'I NYON MONGS PA THAMS CAD CHUNG BAR GYUR CIG ,MDO SNGAGS YONGS SU RDZOGS PA'I LAM THAMS CAD THOS BSAM SGOM GSUM GYI SGO NAS TSUL BZHIN DU SGRUB PAR GYUR CIG ,NAM MKHA' DANG MNYAM PA'I SEMS CAN THAMS CAD KYI DON DU SANGS RGYAS KYI GO 'PHANG THOB PAR GYUR CIG ,CES BYA'O, ,BDE BA CAN DU BSNGO NA,
, ,BDE BA CAN KHYI ZHING DU RGYAL BA 'OD DPAG MED KYI DRUNG DU, ZHES PA DANG, MNGON DGA'I ZHING DU BSNGO NA, MNGON PAR DGA' BA'I ZHING DU RGYAL BA MI 'KHRUGS BA'I DRUNG DU, ZHES BRJES PAS 'GRUB PO, ,'DI YANG BTZUN GZUGS 2 TSUL KHRIMS KYIS BRIS BA DGE LEGS 'PHEL,, ,, 'BREL TSAD LA PHAN PA'I SMON LAM BZHUGS, ,'JAM MGON BLA MA'I THUGS RJE YIS, ,BLO BZANG TSUL KHRIMS DER RANG LA, ,CHOS LUS ZAD ZING PHAN GNOD 'BREL,, MTHONG THOS DRAN REG SKYE PA RNAMS, ,TSE 'DIR BAR CHAD KUN ZHI ZHING, ,TSE RING NAD MED BDE SKYID LDAN, ,PHYI MAR DGA' LDAN DU SKYES NAS, ,'JAM DPAL SNYING POS JES 'DZIN SHOG ,'DI NI GYIN PA TSUL KHRIMS KYIS DZA YA PAntI TA'I GSUNG LAS CUNG ZAD BSGYUR TE KHRIS BA DGE LEGS 'PHEL,, ,,SKYE BA KUN DU SHA CHAD LA SOGS PA, ,
SDIG DANG 'BREL BA'I BZA' BTUNG MI SPYOD PAR, ,CHOS MTHUN ZAS GOS SOGS KYIS 'TSO BA DANG, ,RTAG TU THOS BSAM BSGOM PA BYED PAR SHOG ,TSE RABS KUN DU CHOS MTHUN GYIS 'TSO BA'I SMON TSIG 'DI NI, DBYAR BDAG BA DGE SLONG BLO BZANG CHOS 'PHEL GYIS BSKUL BA LTAR BRIS PA DGE LEGS SU GYUR CIG,, *, ,'DI PHYI KUN DU NYE BAR PHAN PA'I 'DOD GSOL SMON LAM BZHUGS SO,, ,,NA MO GU RU, BLO LDAN GYI SKYE BOS RANG GI DON DU GNYER BYA GANG YIN PA DE NGOS GZUNG NAS DE NYID SGRUB PA'I THABS LA 'BAD DGOS SO, ,DE LA DON DU GNYER BYA MTHAR THUG PA NI SANGS RGYAS KYI GO 'PHANG YIN LA, DE THOB PA LA NI LUNG RTOGS KYI YON TAN YONGS SU RDZOGS PA DGOS SHING, DE RDZOGS PAR BYED PA LA MNGON MTHO'I RTEN KHYAD PAR CAN BRGYUD NAS CHOS RNAM DAG SGRUB DGOS, DE 'DRA'I RTEN THOB PA SOGS 'OD BA LA TSE 'DIR GTAN BDE'I RTZA BA BRTAN PO TSUGS PA ZHIG DGOS, DE TSUGS PA LA TSE RING ZHING NAD MED BA SOGS KYI MTHUN RKYEN DANG LDAN PA DGOS SO, ,DE RNAMS KYANG BSDU NA, GNAS SKABS MDOR MTHO DANG MTHAR THUG NGES LEGS GNYIS SU 'DU'O, ,DE DAG SGRUB PA'I RGYU NI, SROG GCOD SPONG BA LTA BU'I TSUL KHRIMS SNA GCIG YAN CHAD BSRUNG BAS GZHIR BZHAG LA, RTEN LA PHYAG MCHOD BSKOR BA KHA TON SOGS LUS NGAG GI DGE PA DANG, GZHUNG DANG GDAMS NGAG RNAMS LA BLTAS TE, DE'I DON LA
, ,DPYAD CING 'DU SHES DANG KUN SLONG BZANG PO SKYED PA SOGS YID KYI DGE BA RNAMS KYIS GROGS BYAS TE, ,SNGO SMON DRI MA MED PAS MTSAMS SBYOR BA RNAMS YIN NO, ,DE YANG SPYIR DGE BA GANG BYAS KYANG DE'I 'BRAS BU BDE BA 'BYUNG BA YIN MOD KYANG, SMON LAM GYIS MTSAMS SBYOR MA BYAS NA, DGE BA LA LA TSE 'DIR GLON PA DANG, LA LA SKYE BA GNYIS PAR SMIN, KHA CIG SKYE BA GSUM PA DANG, KHA CIG SKYE BA BRGYA STONG MANG PO'I RJES SU SMIN PA DANG, KHA CIG ZHE SDANG DANG LOG LTA SOGS KYIS BCOM PA SOGS KYANG SRID BAS, DGE BA THAMS CAD GCIG TU 'TSOGS NAS CHOS RNAM DAG SGRUB PA'I RGYU RKYEN DU 'GRO BA DKA'O, , MTSAMS SBYOR BYAS NA DGO BA SANG BUS THAMS CAD PHYOGS GCIG TU GYUR NAS NUS STOBS CHE BAR 'GYUR BAS RE'I MTHUS SKYE BA BRGYA STONG MANG PO'I BAR DU MTSAN NYID TSANG BA'I RTEN KHYAD PAR CAN 'THOB PA DANG, RTEN DE RNAMS LA YANG DAM PA'I CHOS TSUL BZHIN DU BSGRUBS NAS, SDIG SGRIB SDUG BSNGAL THAMS CAD RIM GYIS ZAD PA DANG, BSOD NAMS DANG YON TAN THAMS CAD RIM GYIS RDZOGS NAS 'TSANG RGYA BAR 'GYUR RO, , DE SANG DBEN NA RGYA MTSO CHEN POR CHU THIG CIG BLUGS NA RGYA MTSO MA SKAM BAR DU CHU THIG DE SKAM PAR MI 'GYUR BA LTAR, CHU THIG LTA BU'I DGE BA CHUNG DU ZHIG BYAS KYANG GNAS SKABS DANG MTHAR THUG GI DON THAMS CAD
'GRUB PA'I RGYUR BSDOS NAS SMON LAM BTAB NA, DON DE THAMS CAD MA RDZOGS KYI BAR DU DAG BA DE ZAD PAR MI 'GYUR ZHING, SO SOR MI SMIN PAR THAMS CAD GCIG TU GYUR TE MDON MTHO NGES LEGS MTHA' DAG GI RGYUD 'GYUR BA DANG, KHONG KHRO SOGS KYIS 'JIG PAR MI 'GYUR BA DANG, 'BRAS BU BSAM BZHIN DU 'GRUB PA DANG, BDE BLAG TU 'GRUB PAR 'GYUR BAS NA, DGE BA GANG BYAS THAMS CAD YID LA BYAS NAS SMON LAM GDAB PA SHIN TU GAL CHE'O, ,SMON LAM DRI MA CAN NI, SNGON BUNG MED CIG GIS 'PHAGS PA GA BYIN LA GUNG TSIGS PHUL BA'I DGE BAS LTAR SKYE RGYU YIN PA LA, RANG GI KHYO DANG BU SOGS LA KHROS NAS KHYED CAG GIS SDUG BSNGAL GANG MYONG BA KHO MOS MTHONG BAR GYUR CIG CES SMON LAM LOG PAR BTAB PAS, LHAR MI SKYE BAR YI DAGS MTHU CHEN DU SKYES PA DANG, 'BROG GNAS ZHES PA'I MI CIG GIS YUL KYI MI RNAMS LA KHROS NAS, BDAG GIS DGE BA GANG BYAS PA'I MTHUS 'DI RNAMS ZA BA'I 'BYUNG BO MTHE CHEN DU GYUR CIG CES BSNGO PAS GNOD SBYIN DU SKYES NAS MI MANG PO ZOS PA SOGS 'DUL BA LUNG LAS GSUNGS BA LTA BU YIN ZHING, TSE 'DI KHO NA'I CHED DU BSNGO BA DANG, PHYI MA'I LHA MI'I BDE BA TZAM GYI CHED DU BSNGO BA YANG DRI MA CAN YIN NO, ,DE'I PHYIR DE 'DRA'I KHYAD PAR SHES NAS, ZAD PAR 'GYUR BA'I BDE PA CHUNG DU'I CHED DU MI BSNGO BAR NAM
, ,YANG MI MDZAD PA'I BDE BA RGYA CHEN PO'I DON DU BSNGO DGOS SO, ,DON 'DI RNAMS LA DGONGS NAS, RJE RIN PO CHES, BDE MCHOG GI SMON LAM DU, DGE BA CUNG ZAD TZAM YANG RGYAL SRAS KYI, ,THABS MKHAS SMON LAM MCHOG GIS ZIN GYUR NA, ,'BRAS BU DMAN PA'ANG PHUL DU BYUNG 'GYUR ZHING, ,STUNG DU 'DZAD PA'ANG NAM YANG MI ZAD PAR, ,GSUNGS PHYIR DUS GSUM DGE BA CI MCHIS PA, ,RLABS CHEN SMON LAM RNAMS KYIS BSGYUR BA LA, ,MKHAS PA SU ZHIG RAB TU BRTZON MI BYED, ,DE PHYIR THABS MKHAS DE NI 'DIR BYA'O, ,ZHES GSUNGS SO, ,GZHAN YANG THOS SAM BSGOM PA TSUL BZHIN DU BYED MI NUS PA'I GANG ZAG GIS ZHING GI MTHU LA BRTA NI DGOS PAR GSUNGS PA DANG, ZHING GU MTHU LA BRTEN PA'I DGE PA NI KUN 'BYUNG RANG GI BAR MA'I GYUR ZHING THAR BA'I GYUR 'GRO BAR GSUNGS PA LTAR, SMON LAM GDAB PA LA YANG RANG STOBS KYIS LEGS BAR BSNGO MI NUS BA'I LAS DANG PO PA RANG CAG GIS, RANG NYID GAD LA BSTEN PA'I BLA MA YI DAM CHOS SKYONG RNAMS LA BLO BKAL NAS GSOL BA GDAB PA DANG, DGE BA BYAS PA RNAMS DRAN NAS BSNGO SMON BYED BA STE GNYIS TSOGS BYAS NAS 'DOD DON BDE BLAG TU 'GRUB PAR NGES SO, ,DE YANG BLA MA DRAN TSUL LA, CHOS KYI RGYAL PO TZONG KHA PA CHEN PO LA GSOL BA 'DEBS SO, ,ZHES PA LTA BU MTSAN DNGOS MI BRJOD BAR
YONGS GRAGS KYI MTSAN NAS BRJOD PA DANG, MKHAS GRUB DGE LEGS DPAL BZANG BO LA GSOL BA 'DEBS SO, ,ZHES PA LTA BU MTSAN DNGOS NAS BRJOD PA SOGS CI RIGS SNANG BAS GANG LTAR BYAS KYANG CHOG GO ,DE LA BLA MA DRAN TSUL NI, YID LA BLA MA RNAMS BSAM PA'I DAD GUS GYIS THAL MO SBYAR NAS, STON PA THUGS RJE CHEN PO DANG LDAN PA SANGS RGYAS BCOM LDAN 'DAS LA PHYAG 'TSAL LO, ,KHAMS GSUM CHOS KYI RGYAL PO RJE BTZUN TZONG KHA PA CHEN PO LA PHYAG 'TSAL LO, , BDAG GI DRIN CAN RTZA BA'I BLA MA RJE BTZUN 'JAM PA'I DBYANGS DANG NGO BO DBYER MA MCHIS PA BKA' DRIN MTSUNGS BRAL SKYABS MGON AA KY'A RIN PO CHE LA PHYAG 'TSAL LO, ,RDO RJE 'CHANG DBANG SNYIGS MA'I DUS SU DUR SMRIG GAR GYIS RNAM PAR ROL PA KHRI CHEN CHOS KYI RGYAL PO LA PHYAG 'TSAL LO, ,ZHES PA LTA BU'I BSTOD TSIG DANG BCAS PA'AM, LUNG RTOGS YON TAN KUN GYI GZHI RTZA YI GE DANG KLOG 'DON GYI RIM PA SLOB PAR MDZAD PA'I SLOB DPON RIN PO CHE LA PHYAG 'TSAL LO, ,MNGON MTHO NGES LEGS KUN GYI RGYU'I GTZO BOR GYUR PA SO THAR GYI SDOM PA LA STZAL BA'I MKHAN SLOB RIN PO CHE LA PHYAG 'TSAL LO, ,DNGOS GRUB MTHA' DAG STZOL BA'I YI DAM LHA TSOGS RNAMS KYI DBANG DANG RJES GNANG SOGS BSTZAL NAS BYIN GYIS BRLABS BA'I RDO RJE SLOB DPON RIN PO CHE LA PHYAG 'TSAL LO, ,PHYOGS BCU'I RGYAL BA SRAS BCAS THAMS CAD KYI THUGS KYI NYID KHU,
, ,GSUNG RAB KUN GYI SNYING PO GCIG TU BSDUS PA'I MAN NGAG BYANG CHUB LAM RIM GYI 'KHRID SOGS BSTZAL BA'I SLOB DPON RIN PO CHE LA PHYAG 'TSAL LO, ,ZHES PA LTA BU GANG BSTZAL BA'I CHOS KYI SGO NAS RTZA BA'I BLA MA RNAMS RE RE NAS BRJOD CING DRAN PAS YID KYI PHYAG BYA, YI DAM DRAN TSUL NI, YI DAM RDO RJE 'JIGS BYED LA PHYAG 'TSAL LO, ,MGON PO TSE DPAG MED LA PHYAG 'TSAL LO, ,SGROL DKAR YID BZHIN 'KHOR LO LA PHYAG 'TSAL LO, ,RTA MGRIN PADMA DBANG CHEN LA PHYAG 'TSAL LO, ,RJE BTZUN 'JAM BA'I DBYANGS, MGON PO BYAMS PA, 'PHAGS PA SPYAN RAS GZIGS, DPAL PHYAG NA RDO RJE SOGS YI DAM SANGS RGYAS RNAMS LA PHYAG 'TSAL LO, ,ZHES PA LTA BU DANG, CHOS SKYONG DRAN TSUL NI, CHOS SKYONG MGON PO PHYAG DRUG BA, MGON DKAR YID BZHIN NOR BU, DAM CAN CHOS RGYAL PHYI NANG GSANG GSUM, DPAL LDAN DMAG ZOD GYI RGYAL MO, CHOS SKYONG CHEN PO ZHAL BZHI PA, PHYAG BZHI PA, GUR MGON, RGYAL CHEN RNAM SRAS, CHOS SKYONG LCAM SRING, RGYAL PO SKU LNGA GNYAN PO, DAM CAN RDOR LEGS, RGYAL CHEN BKVAN YUN CHANG LA SOGS PA MTHU STOBS NUS BA 'PHRIN LAS PHUN SUM TSOGS PA'I CHOS SKYONG BSRUNG MA RNAMS LA PHYAG 'TSAL LO, ,ZHES PA LTA BU DANG, SKYABS GNAS DKON MCHOG GSUM LA PHYAG 'TSAL LO, ,
ZHES BA LTA BU BRJOD CID THAL MO SBYAR NAS BLA MA YI DAM CHOS SKYONG GANG DANG GANG LA BSTEN PA RNAMS DRAN PAR BYAS NAS, 'DOD PA'I DON LA GSOL BA GDAB PA NI, THOG MA MED PA NAS BSAGS PA'I SDIG SGRIB NYES LTUNG THAMS CAD BYANG ZHING DAG PAR MDZAD DU GSOL, ,'DI PHYI BAR DO'I 'JIGS SKRAG SDUG BSNGAL THAMS CAD LAS BSKYAB TU GSOL, BLO KHA CHOS LA PHYOGS PAR BYIN GYIS BRLAB TU GSOL, ,CHOS LAM DU 'GRO BAR BYIN GYIS BRLAB TU GSOL, , LAM LA BAR CHAD MI 'BYUNG BAR BYIN GYIS BRLAB TU GSOL, ,SKYE BA 'DIR LO DRUG BCU RTZA GRANGS DANG BDUN BCU SOGS JI SRID DAM BA'I CHOS SGRUB PA'I NUS PA BZANG PO YOD PA DE SRID DU TSE RING BA DANG NANG GDON SOGS KYI 'TSE BA MI 'BYUNG BAR MDZAD DU GSOL, ,DAM PA'I CHOS RNAM PAR DAG PA BSGRUBS NAS GTAN BDE'I RTZA BA BRTAN PO TSUGS PA DANG LAM RIM GYI RTOGS PA RGYUD LA SKYE BAR MDZAD DU GSOL, ,TSE YI 'DU BYED GTONG BA'I TSE NA YANG NANG DRAG POS GZIR BA MED PA DANG GNAD GCOD KYI SDUG BSNGAL MED PA DANG SEMS LA 'JIGS SKRAG MI 'BYUNG BAR MDZAD DU GSOL, ,SNGON BSAGS DGE BA RNAMS DRAN NAS DGA' PA DANG, BLA MA MCHOG GSUM SPYI DANG, KHYAD PAR DU, RJE RIN PO CHE, DRIN CAN RTZA BA'I BLA MA, YI DAM CHOS SKYONG RNAMS DRAN NAS DAD GUS SKYE ZHING, DE RNAMS KYI THUGS RJE'I BYIN RLABS MNGON DU 'GYUR BAR MDZAD DU GSOL,
, ,BAR DO'I GNAS SKABS NA YANG 'KHRUL SNANG 'JIGS SKRAG SDUG BSNGAL SDIG SEMS RNAMS MI 'BYUNG BAR, BAL AM YI DAM SOGS DRAN NAS DAD DUS SKYE ZHING, DE RNAMS KYI THUGS RJE'I BYIN RLABS MNGON DU 'GYUR BAR MDZAD DU GSOL, ,SKYE BA PHYI MAR DGA' LDAN DANG BDE BA CAN NAM, RANG GI YUL PHYOGS 'DIR DAL 'BYOR GYI CHOS BCO BRGYAD SOGS DAM BA'I CHOS SGRUB PA'I RGYU RKYEN PHUN SUM TSOGS PAR SKYE BAR MDZAD DU GSOL, ,MNGAL GYI DRI MA SOGS GANG GIS KYANG MI GNOD PAR MDZAD DU GSOL, ,DA LTA DMIGS BRTZE MA SOGS KLOG 'DON CUNG ZAD SHES GYUR DE, DAD PA SHES RAB BRTZON 'GRUS DANG, CHOS SGRUB 'DOD KYI 'DUN PA DANG, GTAN BDE'I RTZA BA TSUGS 'DOD SOGS CHOS MTHUN GYI BSAM BLO'I RIM PA GANG THOB PA RNAMS CUNG ZAD KYANG MI NYAMS SHING GONG NAS GONG DU 'PHEL BAR MDZAD DU GSOL, ,BAR DO DANG MNGAL GYI GNAS SKABS DANG BTZAS MA THAG PA SOGS KYI SKABS GANG GI TSE YANG DMIGS BRTZE PA MA DANG LAM RIM GYI TSIG DON CUNG ZAD KYANG MI BRJED PAR DRAN ZHING 'DON NUS PAR MDZAD DU GSOL, DE NGAG GI SKABS THAMS CAD DU NANG GDON BGEGS SOGS KYI 'TSE BA CI YANG MED CING, SDIG GROGS SOGS DANG MI 'PHRAD CING DE DAG GIS BKRIR MI BTUB PAR MDZAD DU GSOL, ,SKYI 'CHI BAR DO SOGS KYI
GNAS SKABS THAMS CAD DU 'JAM MGON BLA MA'I ZHAL YANG YANG MNGON SUM DU MTHONG NAS ZAB RGYAS CHOS KYI BDUD RTZI MANG DU 'THOB PAR MDZAD DU GSOL, ,YI GE'I RIGS RNAMS LAN GCIG BLTAS PA TZAM GYIS SHES NUS PA DANG, NYIN ZHAG RE RE LA SHO LO KA BRGYA STONG MANG PO YANG BDE BLAG TU 'DZIN NUS PA DANG, GSUNG SHAD NYAN PA DANG GZHUNG LA BLTA RTOG BYAS PA TZAM GYIS KYANG GZHUNG DON LEGS PAR SHES PA DANG, TSIG DON MTHA' DAG NAM YANG ME BRJED PAR GZUNG BA SOGS KYI YON TAN MANG BO DANG LDAN PAR MDZAD DU GSOL, ,CHUNG DUS NAS DKA' TSIGS MED PAR BLA MA DANG GROGS BZANG PO RNAMS DANG 'PHRAD CING DE DAG GIS BAG YOD LA SBYOR BA SOGS MTHUN RKYEN TSANG BA'I SGO NAS RIG GNAS SPYI DANG KHYAD PAR DU MDO SNGAGS GNYIS LA MKHAS PAR MDZAD DU GSOL, ,CHOS KYI PHYIR YUL PHYOGS GANG DU 'GRO 'DUG BYED KYANG 'GAL RKYEN MED CING MTHUN RKYEN TSANG BA DANG 'DOD DON BDE BLAG TU 'GRUB BAR MDZAD DU GSOL, ,KHYAD BAR TU MTSAN NYID DANG LDAN PA'I DGE BA'I BSHES GNYEN BDE BLAG TU RNYED CING BSAM SBYOR GYIS TSUL BZHIN DU BSTEN PA DANG, BLA MAS KYANG THUGS BRTZE BAS NYE BAR DGONGS TE, GZHUNG LUGS SPYI DANG KHYAD BAR DU MDO SNGAGS ZUNG DU 'BREL BA'I LAM RIM GYI 'KHRID YONGS SU RDZOGS PA GNANG BA DANG, DE YANG RIGS BA BZHIS,
, ,BSAM TSUL DANG DPYAD 'JOG GIS BSGOMS NAS RTOGS PA BSKYED TSUL SOGS DPYIS PHYIN PAR BSTZAL BA LA TSIG DON JI LTA BA BZHIN DU KHONG DU CHUD NAS SGRUBS MA MTHAR PHYIN PAR BYED NUS PAR BYIN GYIS BRLAB TU GSOL, ,DE LTAR SGRUB PA BYAS PAS RTOGS BA'I YON TAN PHYAR PAR CAN BDE BLAG TU SKYES NAS RANG GZHAN GYI DON THAMS CAD YONGS SU RDZOGS NUS BAR MDZAD DU GSOL, ,'DI YAN NI RANG LA NYE BAR MKHO BA'I DON YIN NO, ` ,DE NAS SMON, GZHAN YANG BDAG GI DRIN CAN RTZA BA'I BLA MA RIN PO CHE 'DI RNAMS KYI ZHABS PAD YUN DU BRTAN ZHING, LUNG RTOGS KYI YON TAN MTHAR PHYIN PA DANG, RNAM DKAR GYI 'PHRIN LAS GONG NAS GONG DU 'PHEL BAR MDZAD DU GSOL, ,BSTAN 'DZIN GYI SKYES BU DAM PA THAMS CAD KYI ZHABS PAD BRTAN ZHING BSTAN PA RIN PO CHE DAR ZHING RGYAS TE SEMS CAN THAMS CAD BDE SKYID PHUN SUM TSOGS PAR MDZAD DU GSOL, ,BDAG GI PHA MA NYE 'BREL SOGS DANG SLOB 'KHOR RNAMS TSE RING ZHING BSOD NAMS 'PHEL BA DANG NAD GDON BGEGS KYI 'CHO BA MED PAR BDE SKYID PHUN SUM TSOGS PA DANG, NYE 'BREL SOGS 'DI RNAMS KYI RIGS RGYUD PHYI MA RNAMS SU YANG TSE BSOD DPAL 'BYOR GNYEN DANG RTZA LAG PHUN SUM TSOGS SHING, TSE RABS THAMS CAD DU RJE RIN PO CHE DANG 'BRAL BA MED PAR MGON SKYABS SU
BSTEN NAS YON TAN KHYAD PAR CAN RNAMS THOB PAR MDZAD DU GSOL, ,BDAG LA 'BREL BA BZHAG PA'I SEMS CAN MI DANG DUD 'GRO SOGS THAMS CAD KYANG 'JAM MGON BLA MAS RJES SU 'DZIN PA'I SKAL LDAN DU 'GYUR BAR MDZAD DU GSOL, ,BDAG LA LTOS PA'I SEMS CAN DUS KYI CHOS NYID DU GYUR PA THAMS CAD KYANG SDIG SGRIB SDUG BSNGAL MTHA' DAG DANG BRAL NAS DGA' LDAN GYI GNAS SU SKYES TE RJE RIN PO CHES RJES SU BZUNG NAS BDE LEGS PHUN SUM TSOGS PA DANG LDAN BAR MDZAD DU GSOL, ,MDOR NA RANG GZHAN THAMS CAD KYI GNAS SKABS DANG MTHAR THUG GI DON THAMS CAD CHOS BZHIN DU 'GRUB PAR BYIN GYIS BRLAB TU GSOL, ,ZHES PA RNAMS TSANG BA'AM GANG 'DOD BA BLANGS NAS BYA, SMON LAM NI, BDAG GIS SKYE BA 'DIR CHUNG NGU'I DUS SU YI GE BSLABS PA DANG, 'DOD CHA SBYANGS PA DANG, SDOM PA BLANGS PA DANG, BLA MA'I ZHABS TOG DANG, RTEN LA PHYAG BSKOR DANG, NYIN RER BZA' BTUNG GI PHUNG KYIS MCHOD PA DANG, SPOS DANG MAR MI DANG CHU GTZANG MA SOGS KYI MCHOD GTOR DANG, KHA TON DANG GLEGS BAM BKLOGS PA DANG, LHA SKU BZHENGS PA DANG, GSUNG 'BUM SOGS GLEGS BAM BZHENGS PA DANG, DPE BRIS PA DANG, DPE CHA BLTA PA DANG, SMAN DANG JA THUG SOGS KYI SBYIN PA BTANG BA DANG, 'DUS TSOGS LA MANG 'GYED PHUL BA DANG, LAM RIM
, ,GYI MDZUB KHRID SOGS THOS BSAM SLOB GNYER GYI RIM PA BYAS PA DANG, GZHAN LA BSHAD NAS KHA TON SOGS BYED DU BCUG PA DANG, DBANG RJES GNANG LUNG SOGS THOB PA DANG, MI DGE BA'I PHYOGS SPANGS PA DANG, SANGS RGYAS KYI SKU BRNYAN LA BLTA BA TZAM BYAS PA SOGS KYI DGE RTZA JI SNYED BSAGS BA RNAMS DANG, SKYE BA SNGA PHYI RNAMS SU BSAGS PA DANG BSOG 'GYUR CI MCHIS PA THAMS CAD DANG, BLA MA YI DAM CHOS SKYONG SOGS SKYABS GNAS DAM PA RNAMS KYI THUGS RJE BYIN RLABS DANG TSOGS GNYIS SMON LAM DPAG TU MED PA RNAMS PHYOGS GCIG TU BSDOMS PA'I MTHU LA BRTEN NAS, TSE 'DI PHYI BAR DO SOGS GNAS SKABS DANG MTHAR THUG GI DON GANG YIN PA THAMS CAD BSAM BZHIN DU 'GRUB PAR GYUR CIG ,'GRUB PAR GYUR CIG ,'GRUB PAR BYIN GYIS BRLAB TU GSOL, , ZHES BA'AM, GONG GI 'DOD GSOL GYI TSIG GI BSGYUD DGOS RNAM BRJES TE SMON LAM DU BYAS KYANG RUNG STE, 'DI RNAMS KYIS RIGS 'GRO BYAS TE RANG LA TSE 'DIR GANG DGOS BA DANG BYI MAR GANG DGOS PA RNAMS LA YANG YANG BSAM BLO BTANG ZHING, DAM BA RNAMS KYIS MDZAD BA'I 'DOD GSOL SMON LAM DANG LAM RIM BLO SKYONG RNAMS SU BRTAG STE, RES GSOL 'DEBS DANG, RES SMON LAM GYI YUL DU BYAS TE LAG TU LEN BAR BYA'O, ,'DI LTAR CUNG ZAD GYIS TZAM GYIS 'DI PHYI'I DON LA BSAM NAS YID
'KHUL BA'I DUS DANG NYIN RE ZHING THO RANG GI DUS SOGS KYI TSE YID MA YENGS BAR DON RNAMS LEGS BAR DRAN BA'I SGO NAS BYA ZHING, LONG MED KYI SKABS RNAMS SU DON BSDUS TE BYA'O, ,DA YANG, STON BA SANGS RGYAS, RJE TZONG KHA BA, BLA MA RIN PO CHE, ZHES PA'AM RANG GI BLA MA RNAMS RE RE NAS DRAN NA LEGS, YI DAM CHOS SKYONG RNAMS LA PHYAG 'TSAL LO, ,'DI PHYI BAR DO'I 'JIGS PA MTHA' DAG LAS SKYOB TU GSOL, ,'PHRAL PHUGS KYI DON THAMS CAD BSAM BZHIN DU 'GRUB PAR MDZAD DU GSOL, ,LAM RIM GYI RTOGS PA KHYAD PAR CAN BDE BLAG TU SKYE BAR MDZAD DU GSOL, ,RANG GZHAN KUN LA PHAN BDE RGYA CHEN PO 'BYUNG BAR MDZAD DU GSOL, ,DE LTAR DU 'GRUB PAR GYUR CIG ,SNYAM DU BSAM PA'AM DAG TU BRJOD PA CI RIGS BYA'O, ,YANG NA RJE RIN PO CHE GCIG BU LA DMIGS NAS, GNAS CSKABS DANG MTHAR THUG GI DON THAMS CAD YID BZHIN DU 'GRUB PAR GYUR MCIG , 'GRUB PAR BYIN GYIS BRLAB TU GSOL, ,ZHES GONG GI DON RNAMS BSDUS TE BSAM NAS 'DOD GSOL SMON LAM BYAS NA'ANG CHOG CING, NYON MONGS BA CHUNG BAR 'GYUR BA DANG, DANG BRTZON SHES RAB SOGS KYI YON TAN CHE BAR 'GYUR BA'I CHED DU BSNGO BA RNAMS KHO BOS SNGAR SMON LAM GZHAN DU BRIS ZIN CING, SHES RAB RNAM BZHI SOGS YON TAN KHYAD PAR CAN MANG PO RNAMS BDE BA CAN SMON LAM SOGS SU 'BYUNG BAS 'DIR SO SOR MA BKOD, BLA MA LA DAD GUS DANG
, ,SKYES BU CHUNG DU DANG THUN MONG BA'I LAM RGYUD LA SKYAS NA RTOGS PA GONG MA RNAMS BDE BLAG TU SKYE BAR GSUNGS PAS, DON 'DI LA GOS SU SMON LAM GDAB PAR SMON 'DI LTAR, 'DAS DANG MA 'ONGS DA LTAR BYUNG BA DANG, ,'BREL BA'I LEGS TSOGS BDAG LA CI MCHIS PA, ,DE YIS DNGOS GRUB KUN GYI 'BYUNG GNAS MCHOG ,BSHES GNYEN DAM PA TSUL BZHIN BSTEN PAR SHOG ,DE YIS NYE BAR BSTAN PA'I GDAMS BA LAS, ,'ONGS PA'I DAL 'BYOR DON CHE RNYENG DKA' DANG, ,'JIG PAR SLA RANG NGAN 'GRO'I SDUG BSNGAL DANG, ,DE LAS SKYOB PA'I SKYABS 'GRO LAS 'BRAS RNAMS, ,LEGS PAR BSAM LA NGES PA BRTAN PO NI, ,RNYED NAS YANG DAG LAM GYI GZHI BYIN SHOG ,CES RJE RIN BO CHES BDE MCHOG GI SMON LAM DU GSUNGS PA LTAR GDAB, SPYIR 'DOD GSOL MON LAM GANG YIN KYANG RJE YAB SRAS SOGS DAM PA RNAMS KYI GSUNG LAS 'BYUNG BA BTZAL NAS, DE NYID NGAG 'DON DU BYAS NA BYIN RLABS CHE ZHING DNGOS GRUB MYUR BAS, DE LTA BU RNYED NA DE LA BSTEN PA LEGS, GONG DU BSHAD PA DE RNAMS KYIS DON DU GNYER BYA NGOS BZUNG NAS, BDE BA CAN SMON LAM DANG THOG MTHA' BAR SMON LAM SOGS DAM PA RNAMS KYIS MDZAD BA'I SMON LAM CI RIGS DAG TU 'DON ZHING, YID KYIS BSNGO BA DANG, DON NGE RNAMS RANG LA NGES BAR DGOS PA'I RGYU MTSAN YANG YANG BSAM NAS NGES SHES BSKYED PA DANG,
DE 'DRA BYUNG NA SNYAM PA'I 'DUN PA YANG YANG SBYANG BAR BYA'O, ,'DI PHYI KUN DU NYE BAR PHAN PA'I 'DOD GSOL SMON LAM 'DI NI, TSUL KHRIMS KYIS BSGRIGS BA'I TSE YI GER BKOD PA PO NI DGE SLONG BSTAN BA YAR 'PHEL DANG DGE TSUL BSAM GRUB NYI MA GNYIS SO, ,'DIS KYANG RANG GZHAN THAMS CAD KYI GNAS SKABS DANG MTHAR ZU LTA DE'O NA THAMS CAD CHOS BZHIN DU 'GRUB PAR GYUR CIG, ,,MANGGA LAm,, ,, *, ,'OD ZER BSTAN BA'I MDO LAS 'BYUNG BA'I SMON LAM BZHUGS SO,, ,,THUGS RJE CHEN PO RKANG GNYIS MCHOG GYUR PA, ,SBYIN PA'I PHA ROL PHYIN BA PHUN SUM TSOGS, ,JI LTAR BCOM LDAN SBYIN PA'I PHA ROL PHYIN, ,BDAG KYANG RING POR MI THOGS DE BZHIN SHOG ,THUGS RJE CHEN BO RKANG GNYIS MCHOG GYUR PA, ,TSUL KHRIMS RNAM DAG PHA ROL PHYIN DANG LDAN, ,JI LTAR BCOM LDAN TSUL KHRIMS PHA ROL PHYIN, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,BZOD PA'I PHA ROL PHYIN PA PHUN SUM TSOGS, ,JI LTAR BCOM LDAN BZOD BA'I PHA ROL PHYIN, , BDAG KYANG RING POR MI THOGS DE BZHIN SHOG ,THUGS RJE CHEN PO KANG GNYIS MCHOG GYUR PA, ,BRTZON 'GRUS PHA ROL PHYIN BA PHUN SUM TSOGS, ,JI LTAR BCOM LDAN BRTZON 'GRUS PHA ROL PHYIN, ,BDAG
, ,KYANG RING POR MI THOGS NGE BZHIN SHOG ,THUGS RJE CHEN PO RKANG GNYIS MCHOG GYUR PA, ,BSAM GTAN PHA ROL PHYIN PA PHUN SUM TSOGS, ,JI LTAR BCOM LDAN BSAM GTAN PHA ROL PHYIN, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,SHES RAB PHA ROL PHYIN PA PHUN SUM TSOGS, ,JI LTAR BCOM LDAN SHES RAB PHA ROL PHYIN, , BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,CHOS SKU'I PHA ROL PHYIN PA PHUN SUM TSOGS, ,JI LTAR BCOM LDAN CHOS SKYA'I PHA ROL PHYIN, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,RNAM DAG GZUGS NI DPAG MED PHUN SUM TSOGS, ,JI LTAR BCOM LDAN RNAM DAG GZUGS LDAN PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,RNAM DAG YID NI DPAG MED PHUN SUM TSOGS, ,JI LTAR BCOM LDAN RNAM DAG YID LDAN PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,YON TAN MCHOG NI DPAG MED PHUN SUM TSOGS, ,JI LTAR BCOM LDAN YON TAN MCHOG LDAN PA, ,BDAG KYANG RING POR MI THOGS DE BZHIN SHOG,
THUGS RJE CHEN PO RKANG GNYIS MCHOG GYUR PA, ,GZUGS KYI MTSAN NI DPAG MED PHUN SUM TSOGS, ,JI LTAR BCOM LDAN GZUGS KYI MTSAN LDAN PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,RNAM DAG SGRA NI DPAG MED PHUN SUM TSOGS, ,JI LTAR BCOM LDAN RNAM DAG SGRA LDAN PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,RDZU 'PHRUL CHEN PO DPAG MED PHUN SUM TSOGS, ,JI LTAR BCOM LDAN RDZU 'PHRUL MCHOG LDAN PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, SEMS CAN GDUL SLAD SRID PA GSUM NA BZHUGS, ,JI LTAR BCOM LDAN SEMS CAN GDUL MDZAD PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,'KHOR BA'I SPYOD PA DPAG MED DAG LAS 'DAS, ,JI LTAR BCOM LDAN 'KHOR BA'I SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,'DOD CHAGS SPYOD PA DPAG MED DAG LAS 'DAS, ,JI LTAR BCOM LDAN 'DOD CHAGS SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,ZHE SDANG SPYOD PA DPAG MED DAG LAS 'DAS, ,
, ,JI LTAR BCOM LDAN ZHE SDANG SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, GTI MUG SPYOD PA DPAG MED DAG LAS 'DAS, ,JI LTAR BCOM LDAN GTI MUG SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN BO KANG GNYIS MCHOG GYUR PA, ,'DOD CHAGS ZHE SDANG SPYOD PA DPAG MED 'DAS, ,JI LTAR BCOM LDAN 'DOD SDANG SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,ZHE SDANG GTI MUG SPYOD PA DPAG MED 'DAS, ,JI LTAR BCOM LDAN SDANG RMONGS SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR BA, 'DOD CHAGS GTI MUG SPYOD PA DPAG MED 'DAS, ,JI LTAR BCOM LDAN 'DOD MONGS SPYOD 'DAS PA, ,BDAG KYANG RING POR MI THOGS DE BZHIN SHOG ,THUGS RJE CHEN PO RKANG GNYIS MCHOG GYUR PA, ,CHA MNYAM SPYOD PA DPAG MED YANG DAG 'DAS, ,JI LTAR BCOM LDAN CHA MNYAM SPYOD 'DAS PA, ,BDAG KYANG RING POR MI THOGS DE BZHIN SHOG ,'DREN PA 'DOD CHAGS DAG LAS YONGS 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS
PA, ,BDAG KYANG DE 'DRA'I YE SHES 'GRUB PAR SHOG ,'DREN PA ZHE SDANG DAG LAS YONGS 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS PA, ,BDAG KYANG DE 'DRA'I YE SHES 'GRUB PAR SHOG ,'DREN PA GTI MUG SPYOD LAS YONGS 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS PA, ,BDAG KYANG DE 'DRA'I YE SHES 'GRUB PAR SHOG ,'DREN PA 'DOD CHAGS ZHE SDANG SPYOD 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS PA, ,BDAG KYANG DE 'DRA'I YE SHES 'GRUB PAR SHOG ,'DREN PA ZHE SDANG GTI MUG SPYOD 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS PA, ,BDAG KYANG DE 'DRA'I YE SHES 'GRUB PAR SHOG , 'DREN PA 'DOD CHAGS GTI MUG SPYOD 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS PA, ,BDAG KYANG DE 'DRA'I YE SHES 'GRUB BAR SHOG ,'DREN PA CHAGS SDANG GTI MUG SPYED 'DAS PAS, ,'JIG RTEN KUN LA SHIN TU PHAN 'DOGS MDZAD, ,JI LTAR BCOM LDAN 'JIG RTEN PHAN 'DOGS PA, ,BDAG KYANG DE 'DRA'I YE SHES 'GRUB PAR SHOG ,DE BZHIN GSHEGS PA
, ,MKHYEN PA MCHOG LDAN PAS, ,LHA TSOGS MANG PO THAMS CAD 'DUL BAR MDZAD, ,BDAG KYANG DE 'DRA'I YE SHES GRUB GYUR NAS, ,LHA MI KHA LO SGYUR BA'I STON PAR SHOG ,DE BZHIN GSHEGS BA MKHYEN PA MCHOG LDAN PAS, ,KLU TSOGS MANG PO THAMS CAD 'DUL BAR MDZAD, ,BDAG KYANG DE 'DRA'I YE SHES GRUB GYUR NAS, ,LHA MI KHA LO SGYUR BA'I STON PAR SHOG ,DE BZHIN GSHEGS PA MKHYEN BA MCHOG LDAN PAS, ,GNOD SBYIN MANG PO THAMS CAD 'DUL BAR MDZAD, ,BDAG KYANG DE 'DRA'I YE SHES GRUB GYUR NAS, ,LHA MI KHA LO SGYUR BA'I STON PAR SHOG ,DE BZHIN GSHEGS PA MKHYEN PA MCHOG LDAN PAS, , DRI BA THAMS CAD RAB TU 'DUL MDZAD CING, ,DE BZHIN GRUL BUM DPAG TU MA MCHIS PA, ,'KHOR BCAS JI SNYED RAB TU 'DUL BAR MDZAD, ,BDAG KYANG DE 'DRA'I YA SHES GRUB GYUR NAS, ,LHA MI KHA LO SGYAD BA'I STON PAR SHOG ,DE BZHIN GSHEGS PA MKHYEN PA MCHOG LDAN PAS, ,CHOS RNAMS YANG DAG DON NI RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,YANG DAG DE LA THE TSOM MA MCHIS SHOG , DE BZHIN GSHEGS PA SDUG BSNGAL ZAD MTHA' MKHYEN, ,SKYE DGU THAMS CAD LA NI PHAN 'DOGS MDZAD, ,BDAG KYANG DE 'DRA'I YE SHES GRUB GYUR NAS, ,SDUG BSNGAL ZAD LA THE TSOM MA MCHIS SHOG ,DE BZHIN
BSHEGS PAS RGYU ZAD MTHA' MKHYEN PAS, ,SKYE DGU THAMS CAD LA NI PHAN 'DOGS MDZAD, ,BDAG KYANG DE 'DRA'I YE SHES GRUB GYUR NAS, ,GYU BRAD DE LA THE TSOM MA MCHIS SHOG ,DE BZHIN GSHEGS PA MKHYEN PA MCHOG LDAN PAS, ,'JIG RTEN SPYOD PA DAG NI RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN SPYOD LA THE TSOM MA MCHIS SHOG ,DE BZHIN GSHEGS PA MKHYEN PA MCHOG LDAN PAS, ,'JIG RTEN GNAS DANG GNAS MED RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THABS CAD LA NI PHAN BGYID SHO ,DE BZHIN GSHEGS PA MKHYEN PA MCHOG LDAN BAS, , 'JIG RTEN LAS DANG 'BRAS BU RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN BAS, ,'JIG RTEN DANG BZHIN SNA TSOGS RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,THAMS CAD KUN DU 'GRO BA'I SPYOD PA MKHYEN, ,BDAG KYANG DE 'DRA'I YA SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,'JIG RTEN MOS PA
, ,SNA TSOGS RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,DBANG PO RNAMS KYI RANG BZHIN THAMS CAD MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,BSAM GTAN SPYOD PA DAG NI RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,RNAM PAR THAR PA'I SPYOD PA DAG NI RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,CHA MNYAM SPYOD PA DAG NI RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,SNYOMS 'JUG SPYOD PA DAG NI RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA 'KHOR BA RAB MKHYEN BAS,
'KHOR BA NYON MONGS RGYU LAS SKYES PAR MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PAS THAMS CAD RAB MKHYEN PAS, ,'JIG RTEN PHAN 'DOGS DBE ZLA YOD MA MCHIS, ,BDAG KYANG DE 'DRA'I YE SHES GRUB GYUR NAS, ,'JIG TEN THAMS CAD LA NI PHAN BGYID SHOG ,DE BZHIN GSHEGS PAS TING 'DZIN RAB GNAS PAS, ,KHYAD PAR CAB SA KYI YE SHES BSKYED PAR MDZAD, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD KHA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,SNGON GYI GNAS KYI SPYOD PA DPAG MED MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,'CHI 'PHO SKYE BA DPAG MED RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,NYON MONGS ZAD PA THAMS CAD RAB TU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,BLA MED BYANG CHUB YANG DAG
, ,MDON SANGS RGYAS, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,NYON MONGS BAG CHAGS DAG NI RAB TU SPANGS, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA MKHYEN PA MCHOG LDAN PAS, ,'KHOR BA NGES 'BYUNG CHOS NI RANG CHU MKHYEN, ,BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PAS CHOS DON RAB MKHYEN BAS, ,SEMS CAN DPAG MED RNAMS NI GO BAR MDZAD, BDAG KYANG DE 'DRA'I YE SHES GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PAS CHOS NYID SGYU MA DANG, ,RMI LAM SMIG RGYU LTA BUR RAB TU MKHYEN, ,BDAG KYANG DE 'DRA'I YE SHES 'GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PAS 'JIG RTEN THAMS CAD KYI, ,YI GE DAG DANG SPYOD PA RAB TU MKHYEN, ,BDAG KYANG DE 'DRA'I YE SHES 'GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PA SLOBS PA MCHOG LDAN BAS, ,DAM CHOS ZAB MO DAG NI STON PAR MDZAD, ,BDAG KYANG DE 'DRA'I YE SHES 'GRUB GYUR NAS, ,
'JIG RTEN THAMS CAD LA NI PHAN BGYID SHOG ,DE BZHIN GSHEGS PAS SKU GSUNG THUGS 'DUL BAS, ,THAMS CAD YE SHES RJES SU 'BRANG BAR MDZAD, ,BDAG KYANG DE 'DRA'I YE SHES 'GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PAS DUS GSUM RAB MKHYEN PAS, ,'DZIN DANG CHAGS PA MI MDA' THOGS MI MNGA', ,BDAG KYANG DE 'DRA'I YE SHES 'GRUB GYUR NAS, ,'JIG RTEN THAMS CAD LA NI PHAN BGYID SHOG ,DE BZHIN GSHEGS PAS TSUL KHRIMS TING 'DZIN DANG, ,SHES RAB BSGRUBS PAS DE LAS LDOG MI 'GYUR, ,BDAG KYANG DE 'DRA'I YE SHES 'GRUB GYUR NAS, ,KHAMS GSUM THUGS RJE CHEN BO'I GTZOD GYUR CIG ,DE BZHIN GSHEGS PAS RNAM GROL RAB BSGRUBS PAS, ,RNAM GROL MKHYEN DANG GZIGS BA LDOG MI MDA', ,BDAG KYANG DE 'DRA'I YE SHES 'GRUB GYUR NAS, ,KHAMS GSUM THUGS RJE CHEN PO'I GTZOR GYUR CIG ,DE BZHIN GSHEGS PAS ZHI GNAS LHAG MTHONG BSGRUBS, ,LHA MI'I 'JIG RTEN DAG NA MTSUNGS MA MCHIS, ,BDAG KYANG DE 'DRA'I YE SHES 'GRUB GYUR NAS, ,KHAMS GSUM THUGS RJE CHEN PO'I GTZE 'GYUR CIG ,DE BZHIN GSHEGS PA MKHYEN PA MCHOG LDAN PAS, ,'JIG RTEN CHOS RNAMS LA NI ZHEN MI MNGA', ,BDAG KYANG DE 'DRA'I YE SHES 'GRUB GYUR NAS, ,KHAMS GSUM THUGS RJE CHEN
, ,PO'I GTZOR GYUR CIG ,CES SMON LAM GDAB PA'I TSIGS BCAD 'DI NI ^ STON PA SH'AKYA'I RGYAL POS 'OD ZER KUN DU BGYI BA BSTAN PA'I MDO GSUNGS PA NA, BYANG CHUB SEMS DPA' ZLA 'ONG GZHON NUR GYUR PA ZHES BYA BAS, BCOM LDAN 'DAS LA BSTOD CING YON TAN BRJOD PA'I SGO NAS SMON LAM BTAB BA'I TSIGS BCAD MANG DU YONG PA LAS, BO DMAN DAG GIS KYANG GO SLA BA GSUNG ZHAL GSAL BAR BZHUGS PA 'DI RNAMS NI BTZUN GZUGS BLO BZANG TSUL KHRIMS ZHES BYA BAS BRUR DU BKOL BA LAGS SO, , 'DIS KYANG ^ RGYAL BSRAS BCAS THAMS CAD KYI MDZAD PA YONGS SU RDZOGS PAR SGRUB PA'I RGYUR GYUR CIG, ,,MANGGA LAm,, ,, *, ,DMIGS BSAL SMON LAM BZHUGS SO, ,NA MO GU RU, BDAG GI STON PA SH'AKYA'I RGYAL PO DES, ,RGYAL SRAS SPYOD PA RGYA MTSOR SLOB PA'I TSE, ,BRTZON 'GRUS CHEN POS TSOGS GNYIS RDZOGS PA LTAR, ,SHUGS DRAG BRTZON PA RGYUN DU BSTEN NUS SHOG ,RGYAL PO TSANGS BYIN ZHES BYAR GYUR PA NA, ,CHOS NYAN CHED DU BU SOGS PHUL BA LTAR, ,DAM CHOS STOL BA'I SLOB DPON MCHOG RNAMS LA, ,'KHOR DANG ZANG ZING MTHA' DAG 'BUL NUS SHOG ,RGYAL PO SHI BEE ZHES BYAR GYUR PA NA, ,CHOS PHYIR LUS KYI SHA KHRAG BTANG BA LTAR, ,RAB BRTAN NGANG PAS CHOS KYI BDUD RTZI'I PHYIR, ,LUS KYANG LDOG PA MED BAR GTONG NUS SHOG,
GA NA SHA NI PA LIR GYUR PA NA, ,CHOS PHYIR LUS LA MAR ME STONG BTZUGS LTAD, ,CHOS DANG CHOS SMRA BSNYEN BKUR BYED PA LA, ,YONGS SU GDUNG YANG DKA' SPYAD BZOD NUS SHOG ,BYI LING GAR LI ZHES BYAR GYUR BA NA, ,CHOS PHYIR LUS LA LCAGS GZER STONG BTAB LTAR, ,DAM CHOS DON DU GNYER BA'I 'DUN PA YIS, ,SROG KYANG PHANGS PA MED PAR GTONG NUS SHOG ,DRANG SRONG AUD TA LA ZHES GYUR PA NA, ,PAGS PA SHO GU KHRAG NI SNAG TSAR BYAS, ,RUS PA SMYU GUR BYAS TE CHOS BRIS LTAR, ,BDOG PA THAMS CAD CHOS LA GTONG NUS SHOG ,RGYAL BU THAMS CAD SGROL DU GYUR PA NA, ,BU DANG BU MO RGYAL SRID BYIN PA LTAR, ,SHIN TU PHRED BA'I NOD DANG 'KHOR LA SOGS, ,PHANGS PA MED PAR YONGS SU GTOR NUS SHOG ,RGYAL BU SNYING STOBS CHEN POR GYUR PA NA, ,STAG MO RANG GI SHA YIS GSOS PA LTAR, ,SHIN TU GCES PA'I SGYU LUS PHUNG PO 'DI, , SHA ZA'I TSOGS LA DGA' BAS SBYIN NUS SHOG ,RGYAL PO BYAMS PA'I STOBS SU GYUR PA NA, ,GNOD SBYIN RANG GI KHRAG GIS GSOS PA LTAR, ,BCAD PAR DKA' BA'I SNYING KHRAG DRON MO 'DI, ,KHRAG 'THUD DAG LA BRTZE BAS SBYIN NUS SHOG ,TSONG DPON KHYE'U CHU 'BEBS GYUR PA NA, ,BJER GSHEGS MTSAN BJOD NYA RNAMS DRANGS PA LTAR, ,CHOS KYIS PHONGS PA'I SKYE BO THAMS CAD LA, ,DAM PA CHOS KYI BYIN PA SBYIN PAR SHOG ,
, ,RGYAL BU DGE DON CHEN POR GYUR PA NA, KHAN DON LOG SGRUB THUGS RJES BROD PA LTAR, ,'KHOR GYI LOG SGRUB GSHIS NGAN 'KHRUGS PA LA, ,SNYING RJE CHEN POS LHAG PAR BZONG NUS SHOG ,BYANG CHUB SEMS DPA' SPRE'U DGYUR BA NA, ,SDIG CAN KHRON PA'I GNAS NAS DRANGS BA LTAR, ,NGAN BA DAG LA PHAN BTAGS MI SHOD KYANG, ,BZAD LAN MI 'DOD SNYING RJES DRANGS PAR SHOG ,KYE HUD PHA MAR MA GYUR SU YANG MED, ,'KHOR BA'I NANG NA BDE BA SKAD CIG MED, ,DA NI THUB CHEN DPA' BO'I RNAM THAR 'DI, ,GUS PAS BLANGS NAS MTHAR PHYIN BGYID PAR SHOG, ` ,,DGRA GNYEN 'GYUR BA BYIS PA'I 'DZINGS KHA 'DRA, ,LONGS SPYOD G-YO BA STON KHA'I SPRIN DANG MTSUNGS, ,GANG LA BLTAS KYANG SNYING PO MI 'DUG PA, ,SHES NAS GCIG BUR CHOS LA 'BAD PAR SHOG ,NANG DU 'BUL BA ZHABS TOG LA DMIGS NAS, ,PHYI TSUL 'CHOS PA'I SMIN MA ZENG ZING GIS, ,GSON GSHIN MANG PO BSLU BA'I ZOG PO YIS, ,'GRO BA'I YAR 'DREN BYED 'DOD SPONG BAR SHOG ,DPAD BDA' MA 'PHROD DAM SNGON RTZVA LTAR DOR, DANG DANG YID CHES PHAN SEMS MI LDAN PAR, ,NOR 'DOD GDUNG BAS KHA BYANG TSIG RGYUG GI ,CHO GA TZAM GYI G-YO SGYU SPONG BAR SHOG ,PHYOGS LHUNG PHRAG DOG GDON GYI DBANG GYUR TE, ,LOG LTA'I ME CHEN SPANG
BAS RANG GZHAN GYI, ,DGE BA'I NAGS TSAL BSREGS LA BSTAN 'GRO YI, ,DON CHEN SGRUB BAR RLOM BA SPONG BAR SHOG ,SKYE BO PHAN CHER GRAGS PA'I RJES 'BRANG ZHING, ,GAL CHUNG CHOS LA BYED PA'I DUS DAN 'DIR, ,MANG POS SMOD CING STOBS 'BYOR NYAMS CHUNG YANG, ,SGYID LUG MED BAR CHOS BZHIN SPYOD NUS SHOG ,RANG LA KHE CIG 'THOB TU DE BA'I TSE, ,RAL KHA'I KHROD DU'ANG LTOS PA MED PAR 'TSANG, , KYONG CIG KHEL BAR DOGS TSE MKHAN SLOB DANG, ,KHRAM SOGS LA'ANG 'GEL BA SPONG BAR SHOG ,RANG GIS PHAR LA GNOD PA MA BYED KYANG, ,LAS KYIS RANG LA GNAG PA GZHAN DAG LA, ,RANG GIS MA LEGS RKYEN NGAN BYUNG BA'I TSE, ,YI DANG MI 'CHOD SNYING RJE SKYE BAR SHOG ,PHA ROL PO YIS TSIG DAN SMRAS NA YANG, ,LAN DU ZHE LA PHOG PAR 'GYUR PA YI, ,TSIG NGAN SMRA BA'I SHAGS NGAN MI RGOD PAR, ,TSIG RTZUB NYES DMIGS DRAN NAS SPONG BAR SHOG ,GANG GIS BDAG LA GNOD PA BYAS PA DE, ,ZHE LA BZHAG NAS NAM ZHIG DE YI LAN, ,'JAL BAR NUS TSE 'DAL BA'I GZHUNG NGAN PO, ,'CHANG PA'I 'PHRANG SGUG CHEN PO SPONG BAR SHOG ,MI 'DOD DNGOS BO THABS KYIS GZHAN DAG LA, ,'GEL BA'I MDZO KHAL GLANG LA 'BYO BA DANG, ,RNYED BKUR LA SOGS THABS KYIS RANG NYID LA, ,BRGYUD BYED RKANG LAG MYUR MGYOGS SPONG
, ,BAR SHOG ,GZHAN PHYIR RDZOGS BYAD DON DU MI GNYER BAR, ,RNYED BKUR GAGS SOGS DON DU GNYER BA DANG, ,THOS BSAM SKAM PA'I DKA' SPYAD MI BZOD PAR, GNYEN SKYONG SDUG BSNGAL BZOD PA SPONG BAR SHOG ,DES 'GA' CHOS KYI BYA BA BAG RE BYED, ,GTZO BOR TSE 'DI'I BDE THABS SNA TSOGS SHIG ,BSGRUB BAR BYED PA'I RES 'JOG MI BYA ZHING, ,TSAM TSOM MED PAR CHOS LA 'BAD PAR SHOG ,RANG NYID MKHAS BTZUN BZANG BO LA SOGS PA'I, ,RGYU MTSAN 'GAS KYANG YUS BSGOM MI BYED CING, ,BSNYAN BKUR DMAN DANG DMA' BABS BYAS SOGS LA, ,MI 'DOD KO LONG SDOM PA SPONG BAR SHOG, CUNG ZAD DE LA'ANG DGA' DANG MI DGA' BA'I, ,RNAM 'GYUR STON PA'I YUD TZAM MI BYA ZHING, ,GZHAN LA PHAN PA CUNG ZAD BYAS PA LA, ,GTANG RAG 'OD CHE 'DOD PA SPONG BAR SHOG ,RNYED BKUR RANG GIS 'DU ZHING LONGS SPYOD CHE, ,SNYAN GRAGS RGYAS SHING SLOB 'KHOR MANG TSOGS KYANG, ,SRID 'BYOR RMI LAM DGA' BDE 'DRA BSAMS NAS, ,KHANGS DANG DREGS PA RTAG TU SPONG BAR SHOG ,'TSO BAS PHONGS SHING YI DVAGS BZHIN DU DBUL, ,RTAG TU MI YIS BRNYAS SHING TSABS CHE BA'I, ,NANG DAD GDON GYIS BTAB KYANG ZHUM BA DANG, ,YI CHAD MED BAS DGE BLA BRTZON BAR SHOG ,DA LTA'I BLA MA 'GA' YI RNYED GRAGS DANG, ,SLOB 'KHOR
RGYA CHEN 'DU 'JOD MANG PO'I TSOGS, ,MTHONG DAM THOS PA TZAM GYIS YID GDUNGS NAS, ,'GRAM CHU LDANG BAR BYED PA SPONG BAR SHOG ,RANG GI BU BZHIN BSKYANGS PA'I MI 'GA' YIS, ,BDAG LA DGRA BZHIN BRTA BAR BYED NA YANG, ,GDON GYIS SMYOS PA'I BU LA MA BZHIN DU, ,'KHRUG MED BYAMS DANG SNYING RJE SKYE BAR SHOG ,SNGON CHAD DMAN PA'I DUS SU LAN MANG BRNYAS, ,BAR DU RNYED BKUR KYEN GYIS PHRAG DOG BYED, ,RANG DON SGRUB TU GZHUG TSE BSNYEN BKUR TSUL, ,GROGS NGAN RNAMS LA RTAG TU BYAMS PAR SHOG ,THOS PA BYED TSE DANG BKUR RNAM 'GYUR STON, ,BSAM DON RDZOGS TSE LAM KHA'I RDO BZHIN BOR, , LKOG TU 'PHYA ZHING BRNYAS SMOD LTUR LEN PA'I, ,SLOB MA RNAMS LA'ANG MCHOG TU BRTZE BAR SHOG ,DAM CHOS THOS BSAM BYED PA'I DGOS PA NI, ,SHES NAS BLANG DOR SGRUB PA'I CHED YIN NA'ANG, ,PHYIR ZHING NGA RGYAL SOGS 'PHEL SKYOB PA'I LHA, ,GNOD PA'I BDUD DU DBAB PA SPONG BAR SHOG ,TSE 'DI 'BA' ZHIG DON GNYER SLOB MA LA, ,CHAGS SDANG 'DU 'JES 'DA' BA'I GO SKABS NAS, ,NYAMS LEN MED PA'I KHA BSHAD SKAM BYED PA, ,DAN SKYUGS BZHIN DU RIG NAS SPONG BAR SHOG ,SGO GSUM SPYOD PA BAG MED RANG DGA' SPYOD, ,NOR PHYUGS BSRUNG SPEL KHYIM GYI BYA BAS BYAL, ,KHREL MED LTO GOS
, ,'BA' ZHIG DON GNYER BA'I, ,SENG GZUGS KHYIM PA'I LAG LEN SPONG BAR SHOG, ` ,,RIG GNAS SPYI DANG KHYAD PAR NANG DON RIG ,GSUNG RAB SPYI DANG KHYAD PAR THEG CHEN CHOS, ,MDO SOGS SPYI DANG KHYAD PAR BLA MED KYI, ,RGYUD SDE RNAMS LA THOS BSAM BYED PAR SHOG ,'DUL BA NAS BZUNG DPAL LDAN 'DUS PA'I BAR, ,THOS BSAM NYAMS LEN SO SOR MI 'BYED PAR, ,KUN KYANG RDZOGS BYANG 'THOB PA'I CHA KYEN DU, ,NYAMS SU BLANG BYA'I CHOS SU GO BAR SHOG ,GSUNG RAB GANG MAS PANG SHANG TSE BLONG 'TSAM PA, ,DA LTA NYID NAS LAG TU LEN PA DANG, ,GZHAN DAG SMON YUL BYAS TE LEGS SKYOD BZHI, ,GNANG LA MKHAS PAS NYAMS SU LEN PAR SHOG ,RANG LA TSUL KHRIMS KHA TON THOS BSAM SOGS, ,YON TAN JI LTAR YONG KYANG GZHAN DAG LA, ,MNGON MTSAN CHUD ZHING BLOM SEMS MI BYED BAR, ,SHIN TU GSANG NAS LAM DU SLONG PAR SHOG ,RANG NYID MKHAS DANG NYAMS LEN YOD PA RU, ,GZHAN KYIS MTHONG NAS BSTAN BKUR RNYED PA 'BUL, ,BSAGS PA BRJOD SOGS BDUD KYI BSU BRI NGA KYIS, ,THOS BSAM BSGOM LA BAR CHAD MED PAR SHOG, ,,MTHO MNYAM
DMAN PA GANG LA'ANG PHRAG DOG DANG, ,'GRAN SEMS NGA RGYAL KHYAD GSOD BRNYAS BCOS KYI, ,NGAN SEMS SKAD CIG TZAM YANG MI SKYE BAR, ,SHIN TU GUS DANG DGA' DANG BYAMS PAR SHOG BDAG GI BSAM SBYOR BYA SPYOD RNAM 'GYUR SOGS, ,GANG YANG GZHAN LA GNOD DANG SDIG RKYEN DU, ,'GYUR PA REN MAR YID LA 'THAD PA'I DU, ,DBAN DAD BDE BA'I RGYU RU 'GYUR BAR SHOG ,CHO 'DI'I PHUN TSOGS RNYED BKUR GRAGS 'BYONG SOGS, ,SPU GRI'I SOR CHAGS SBRANG RTZI LTAR 'BRONG DRAS, ,DON GNYER SKAD CIG TZAM YANG MI SKYE BAR, ,CHOS MTHUN BSAM PA KHO NA SKYE BAR SHOG ,RIG GNAS SPYI DANG KHYAD PAR MDO SNGAGS KYI, ,GZHUNG KHUGS MCHOG LA BRTZON PA DRAG PO YIS, ,THOS BSAM BSGOM PAS RANG RGYUD LEGS SBYANGS TE, BSHAD SGRUB GNYIS KYIS BSTAN PA SPEL BAR SHOG ,'JIG RTEN KHAMS SU RTZI BCUD LO TOG RGYAS, ,NOR 'SBU LONGS SPYOD MKHOD GU'I 'BYOR BA 'PHEL, ,'GRO KUN CHOS MTHUN BSAM SBYOR BZANG PO YIS, ,BDE SKYID PHUN TSOGS DPAL LA ROL BAR SHOG, ` ,,MDOR NA SKYID SDUG LEGS NYES CI BYUNG YANG, ,SNGON BSAGS LAS 'BRAS KHO NAR NGES RNYED NAS,,
, ,RGYUN DU 'DOD LEN CHOS BZHIN BYED PA YIS, ,'GRO KUN KUN MKHYEN SA LA 'GOD PAR SHOG ,CES DMIGS BSAL CAN GYI NYAMS SU BLANG BYA 'GA' ZHIG SMON LAM GYI YUL DU BYAS TE SKYONG BA'I TSIGS BCAD 'DI NI, SED GZUGS TSUL KHRIMS ZHES BYA BAS ^ DAM PA DU MA'I GSUNG LAS BTUS SHING, 'GA' ZHIG LA NI PHRI SNON SOGS CI RIGS PAR BYAS TE BSGRIGS PA'O, ,'DIS KYANG ^ RGYAL BA GNYIS BA'I RING LUGS DRI MA MED PA 'DI NYID DANG ZHING RGYAS LA YUN RING DU GNAS PAR GYUR CIG, ,,MANGGA LAm,, , ^ ,
[BLANK PAGE]