/NGA9\ JA 1 *, ,DGE BSHES NGAG DBANG RGYAL MTSAN PA'I DRIS LAN BZHUGS SO, ,
, ,AOm SVA STI, DGE BA'I BSHES GNYEN CHEN PO SKU KHAMS BDE ZHING RNAM DKAR MDZAD BZANG GONG 'PHEL DU BZHUGS PA NAS GSUNG SHOG GNANG SKYES GSAR PA RTZAMS KYI DPE CHA 'GA' DANG BCAS BSTZAL BA 'BYOR PAS YID MCHOG TU SPRO, 'DIR YANG 'TSO BA BDE ZHING DGE SBYOR GYI 'DUN PA SNGAR MU LTAR MCHIS, SKABS DON, BSHES GNYEN CHEN BO NYID NAS GZHUNG LUGS MANG PO NAS 'BYUNG BA'I DON GYI CHA RNAMS LAS BRTZAMS PA'I BKA' DRI GNAD BA LA, DON JI BZHIN DU BRJOD PAR MA NUS KYANG RANG GI GO TSOD TZAM GYI LAN 'BUL BAR BYA'O, , DE YANG DRI BA DANG PO, JO BO RJE'I CHOS GSAN PA'I BLA MA LA, RJE'I LAM RIM DU, RTAG TU BSTEN PA'I BLA MA NI, ,SHANTI PA DANG GSER
, ,AOm SVA STI, DGE BA'I BSHES GNYEN CHEN PO SKU KHAMS BDE ZHING RNAM DKAR MDZAD BZANG GONG 'PHEL DU BZHUGS PA NAS GSUNG SHOG GNANG SKYES GSAR BRTZAMS KYI DPE CHA 'GA' DANG BCAS BSTZAL BA 'BYOR BAS YID MCHOG TU SPRO, 'DIR YANG 'TSO BA BDE ZHING DGE SBYOR GYI 'DU NA PA SNGAR MU LTAR MCHIS, SKABS DON, BSHES GNYEN CHEN BO NYID NAS GZHUNG LUGS MANG PO NAS 'BYUNG BA'I DON GYI CHA RNAMS LAS BRTZAMS PA'I BKA' DRI GNAD BA LA, DON JI BZHIN DU BRJOD PAR MA NUS KYANG RANG GI GO TSOD TZAM GYI LAN 'BUL BAR BYA'O, , DE YANG DRI PA DANG PO, JO BO RJE'I CHOS GSAN PA'I BLA MA LA, RJE'I LAM RIM DU, RTAG TU BSTEN PA'I BLA MA NI, ,SHANTE PA DANG GSER
LDAN ZHES BYA BA MDZAD PAR GSUNGS PA DANG, GRUB MTHA' CHEN MOR SHANTI PA SEMS TZAM PA'I BLA MA'I GRAS SU GSUNGS SHING, ZHI BA LHA DBU MA PA'I GRAS SU GSUNGS PA SOGS LA DPAGS NA SHANTI PA NI ZHI BA LHA MIN PAR NGES SNYAM MO, ^ ,DRI BA GNYIS PA, 'DUL 'DZIN PAS MDZAD PA'I GZHI GSUM CHO GA'I NANG SO THAR GYI MDO'I SKABS KYI, DE LTAR SO SOR DRIS NAS ZHES PA NAS, BSGRAG PAR BYA BA YIN NO ZHES PA'I BAR 'DI 'DON RGYU YIN NAM MIN ZHES PA LA, TSIG DE DAG NI SO THAR GYI MNGO'I GSUNG TSIG YIN PAS 'DON DGOS PAR SEMS SHING, BLA MA RNAMS KYI PHYAG LEN LA YANG 'DON PAR MDZAD DO, ^ ,DRI BA GSUM PA, BDEN 'DZIN MA RIG PA'I BAG CHAGS LA RANG GI SA BON DU GYUR PA DANG SHES SGRIB TU GYUR PA'I BAG CHAGS GNYIS GSUNGS PA DANG, SHES SGRIB SPONG BA'I MGO SA BRGYAD PA NAS BRTZAMS PA DANG, SA 'OG MAR YANG YOD PA RI GSUNGS PA DANG, SHES SGRIB LA SHES PA'I GZHI MTHUN YOD MED DU GSUNGS PA SOGS MI MTHUN PA YONG BAS JI LTAR YIN ZHES PA DANG, ^ DRI BZHI PA DMAN LAM SNGON DU SONG BA'I DGRA BCOM PA THEG CHEN LA ZHUGS NAS MTHONG LAM BAR CHAD MED LAM SOGS KYI TSE DE'I SPANG BYA GANG YIN, MNYAM RJES
, ,GNYIS GSUNGS PA'I MNYAM BZHAG YE SHES LA BAR CHANG MED LAM DANG RNAM GROL LAM YOD DAM MED, YOD NA DE'I SPANG BYA SGRIB PA GANG YIN, MED NA MNYAM RJES GNYIS YOD DAM MED CES PA LA, GRUB MTHA'I RNAM GZHAG THUB BSTAN LHUN PO'I MDZES RGYAN LAS GSUNGS PA RNAMS LA BRTAGS NA GO BAR 'GYUR BAS 'DIR DE DAG 'BRI BAR BYA'O, ,DE YANG GRUB MTHA' CHEN MO DE NYID LAS, 'DI PA'I LUGS KYI SHES SGRIB NI NYON MONGS PA'I BAG CHAGS LA BZHED CING, DE LA YANG NYON MONGS KYI SA BON LA BAG CHAGS SU BZHAG PA CIG DANG, NYON MONGS KYI SA BON MIN PA'I BAG CHAGS GNYIS LAS SHES SGRIB TU 'JOG RGYU NI PHYI MA STE, DGRA BCOM GNYIS DANG RIGS LA GNAS PA'I SEMS DPA' LA NYON MONGS KYI SA BON THAMS CAD ZAD PAS BDEN 'DZIN MI SKYE YANG DE'I BAG CHAGS KYIS BSLAD PAS SNANG YUL LA 'KHRUL BA'I BLO SKYED PA'O, ,DE LTAR NA NYON MONGS PA'I BAG CHAGS NI SHES SGRIB KYI GTZO BO DANG DE'I 'BRAS BU GNYIS SNANG 'KHRUL BA'I CHA RNAMS KYANG DER BSDUB YIN NO, ,RJE'I GSUNG SGRAS ZIN 'DI TZAM LA RJES 'BRAD MKHAS PA PHAL MO CHE MTHUN ZHING, ZHES DANG, YANG DE NYID LAS, MDO DGONGS 'GREL LAS SA BCU RE RE'I NGO SKAL GYI SPANG BYA KUN DU
RMONGS PA RE YONG PAR GSUNG MONG KYANG DE NAS BSHAD PA'I SPANG GNYEN GYI RNAM GZHAG RNAMS SKABS 'DIR JI LTA BA BZHIN KHAS LEN DGOS PA'I SHES BYED MED DO, ,SKYABS 'GRO BDUN CU PA LAS, MI SHES NYON MONGS MIN SPANGS PHYIR, ,ZHES DANG, MA RIG NYON MONGS MED YOD PAS, ,ZHES PA DANG, 'JUG 'GREL LAS, NYON MONGS PA CAN MA YIN PA'I MA RIG BA ZHES GSUNGS PA LA BRTEN NAS SHES PAR GYUR BA'I SHES SGRIB YOD PA 'THAD PHYOGS SU PAn CHEN BSOD NAMS RGYAL MTSAN DANG MKHAS GRUB CHEN PO 'JAM DBYANGS BZHAD PA'I RDO RJES GSUNGS SO, ,DE LTA NA YANG SHES SGRIB KYI MA RIG PA'I 'BRUG NON RJE THAMS CAD MKHYEN PAS MDZAD PA RNAMS SU GNYIS SNANG 'KHRUL PA'I BAG CHAGS LA 'BRU GNON MDZAD PA MA GTOGS, SHES PAR GYUR PA'I MA RIG PA LA 'BRUG NON MDZAD PA MI SNANG NGO,, MKHAS GRUB THAMS CAD MKHYEN PA DANG, RIGS PA'I DBANG PHYUG SER RJE BTZUN CHOS KYI RGYAL MTSAN PA YAB SRAS, MKHYEN RAB GTER CHEN 'JAM DBYANGS DGA' BA'I BLO GROS, RJE THAMS CAD MKHYEN PA DGE 'DUN RGYA MTSO, PAn CHEN BSOD NAMS GRAGS PA SOGS MKHAS GRUB PHAL MO CHES SHES PAR GYUR PA'I SHES SGRIB MED PAR BZHED CING, RJE BLA MA'I BSHAD RGYUD DANG SGRUD DANG SGRUB RGYUD GNYIS KA'I BSTAN
, ,PA'I BDAG POR GYUR PA PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS KYANG, SHES PA GCIG GIS BDEN GNYIS CIG CAR DU, ,MNGON SUM GZIGS PA'I SGRIB BYED PHRAB LA, ,MA RIG CES BTAGS SHES PA DNGOS MIN PAS, ,DE LA 'GAL BA CHA TZAM YOD MA YIN, ,ZHES RGYU MTSAN DANG BCAS TE GSUNGS PA RNAMS RJE'I GSUNG PHAL MO CHE DANG MTHUN TSABS CHE PAR 'DUG PAS DA DUNG BLO GROS DANG LDAN PA RNAMS KYIS ZHIB TU DPYAD PAR BYA'O, ,ZHES PA DAG, DMAN LAM SNGON DU SONG BA LAM DAG SA BDUN GYI GNAS SKABS KYI SPANG BYA SPONG LUGS NI, RANG RE'I MKHAS PA LA LA DAG ,DGONGS 'GREL NAS BSHAD PA'I SA BCU'I NGO SKAL GYI KUN RMONGS NYI SHU DANG GNAS NGAN LEN BCU GCIG YOD PA DANG, SA GONG MA'I YON TAN BRGYA PHRAG BCU GNYIS LA SOGS PA 'THOB PA LA GEGS BYED KYI SGRIB PA YOD PAS DE RNAMS SPONG PA'I BAR CHAD MED LA MA YOD PAR BZHED DO, ,YANG MKHAS PA KHA CIG MA DAG SA BDUN GYI GNAS SKABS SU STONG NYID MNGON SUM DU RTOGS PA'I MNYAM BZHAG YE SHES YOD KYANG DE 'DRA'I BAR CHAD MED LAM DANG RNAM GROL LAM MED LA, RJES THOB KYI BSOD NAMS KYI TSOGS RGYA CHEN PO GONG DU 'PHEL
BA'I KHYAD PAR GYIS YON TAN GONG MA RNAMS MNGON DU BYED PA'I RIM PA 'THAD CING DE NYID LA BRTEN NAS SA'I RIM PA 'JOG PA YIN NO ZHES BZHED PAR SNANG STE, GANG LTAR DMAN LAM SDON DU SONG BAS KYANG SA BRGYAD PA MA THOB BAR DU SHES SGRIB CUNG ZAD KYANG SPONG MI NUS SHING, SHES SGRIB SPONG BA LA BSKAL PA GRANGS MED GNYIS SA MNYER BDUN LTA BU'I BSOD NAMS KYI TSOGS KYIS ZIN PA ZHIG NGES PAR DGOS PA NI RJE BLA MA'I BZHED PA MTHAR THUG YIN ZHING GNANG KYANG SHIN TU CHE STE, THEG CHEN PA GZHAN GYI LUGS LA YANG SHIN TU MKHO BAR SNANG MO, ,ZHES GSUNGS SO, ,RJE 'JAM DBYANGS BZHAD PAS DBU MA'I MTHA' DPYOD DU, DGRA BCOM RTOGS PA SNGON SONG GI THEG CHEN MTHONG LAM GYI SPANG BYA NI, RGYAL SRAS KYI BSLAB BYA PHRA MOL MONGS PA'I MA RIG BA DANG, SEMS CAN DON BYED KYI LAS SNA TSOGS LA RMONGS PA'I MA RIG PA SOGS YIN PAR GSUNGS SHING, DE NYID SGRIB GNYIS GANG YANG MIN BAR GSUNG SO, ^ ,DRI BA LNGA PA, SPYIR MTHONG LAM BAR CHAD MED LAM GYIS SPANG BYA BDEN 'DZIN KUN BTAGS YIN PAR BSHAD PA DANG, BDEN 'DZIN KUN BTAGS YIN NA GRUB MTHAS BLO KHA BSGYUR BA'I DBANG GIS GYUR PAR BSHAD PAS GRUB MTHAS BLO MA BSGYUR BA'I GANG ZAG MTHONG LAM BAR CHAD MED LAM PA
, ,YOD DAM MED, YOD NA DE'I SPANG BYA GANG YIN, MED NA GRUB MTHA' BZHI'I GANG LA ZHUGS KYANG BLO KHA BSGYUR NAS BDEN PAR 'DZIN PA YIN PAS KHYAB PA YIN NAM ZHES PA LA, SPYIR MTHONG LAM PA YIN NA THAL 'GYUR PA YIN DGOS PAS GRUB MTHA' LA MA ZHUGS PA'I MTHOD LAM PA MI SRID LA, 'ON KYANG THAL 'GYUR BA'I LTA BA NI BDEN PAR 'DZIN PA'I DRI MA MA LUS PAR 'JOMS PAR BYED PA'I LTA BA RNAM DAG YIN PAS GRUB MTHA' DI NYID KYIS BSLAD PA'I NYON MONGS KUN BTAGS KYANG MED PAR SEMS SO, ,DE'I PHYIR RANG RGYUD PAS 'DOD PA LTAR GYI RANG NGOS NAS GRUB PAR 'DZIN PA DANG, SEMS TZAM PA MAN CHAD KYIS 'DOD PA LTAR GYI BDEN GRUB TU 'DZIN PA DANG, PHYI ROL PAS 'DOD PA LTAR GYI BDAG RTAG GCIG RANG DBANG CAN DU GRUB PAR 'DZIN PA SOGS KYI NYON MONGS RNAMS MTHONG SPANGS SU BYA DGOS SO, ,DE YANG DE'I RGYUNG LA NYON MONGS DE DAG DNGOS SU MED MOD KYANG, DE RNAMS LEGS PAR NGOS BZUNG NAS GNYEN PO BSGOMS PAS NAM YANG SKYE MI RUNG BAR BYED DGOS TE, DPER NA DGRA GNYEN GANG YANG MIN PA'I BAR MA'I SEMS CAN LA DNGOS SU CHAGS BA DANG SDANG BA GNAG YANG MED KYANG, BTANG SNYOMS BSGOM PA'I TSE BAR MA'I SEMS CAN DE GSOL
BTAB NAS CHAGS SNGANG BSKYED DU BCUG LA, DE BKAG NAS BTANG SNYOMS BSKYED DGOS PA LAM RIM DU GSUNG PA SOGS DANG 'DRA'AM SNYAM MO, ,'DI NI ZAD TZAM STE, DAG BYA NGOS MA ZIN PAR DE BKAG PA'I 'GOG PA 'THOB MI NUS PAS DE THAMS CAD LA YANG 'GRO'O, ^ ,DRI BA DRUG PA, YANG MTHONG LAM BAR CHAD MED LAM GYI SPANG BYA MTHONG SPANGS SPYI DANG BDEN 'DZIN KUN BTAGS GNYIS SU BSHAD PA'I MTHONG SPANGS SPYI NI, MNGON PA NAS BSHAD PA'I BDEN BZHI'I SGO NAS KHAMS GONG 'OG GI BYA BRAG GIS SPANGS BA'I MTHOD SPANGS DANG, 'JIG LTA THE TSOM NYON MONGS CAN TSUL ZHUGS MCHOG 'DZIN GYI KUN SPYOD GSUM RNAMS YIN NAM MIN, MIN NA GANG YIN, YIN NA DE KUN BTAGS YIN NAM, NYON SGRIB LA KUN BTAGS DANG LHAN SKYES GNYIS BSHAD PA DANG, BDEN 'DZIN LHAN SKYES NI BSGOM SPANGS YIN PAR GSUNGS BAS SO, ,ZHES PA LA, MNGON PA NAS GSUNGS PA DE RNAMS KYANG MTHONG SPANGS KUN BTAGS YIN MOD KYANG, DE'I STENG DU RANG NGOS NAS GRUB PAR 'DZIN PA DANG GZHAN DBANG BDEN GRUB TU 'DZIN PA SOGS KYANG GRUB MTHAS BSLAD PA'I NYON MONGS YIN PAS MTHONG SPANGS SU BYA DGOS SHING, THAL 'GYUR BA'I SKABS
, ,'DIR KUN SBYOR GSUM GYI NGOS 'DZIN LA YANG ZHIB TU DPYOD DGOS PA'I GNAS YOD DO, ,'O NA KYANG MTHONG SPANGS LA GRUB MTHA'I DBANG GIS KUN DU BTAGS PA MIN PA YANG PAR DU YOD DE, SDIG LTUR SDUG BSNGAL GYI RIGS MANG PO MTHONG LAM GYI STOBS KYIS 'DAG PAR 'GYUR BA LTA BU'O, ^ ,DRIB BDUN PA, DGE SLONG GI BSLAB BYA GNAM RTZE LDING MA'I SA SHOB GI THA MA THIG BZHI PA LA, DPAL 'BYOR SA DANG ME TOG MNGA' CAN 'JOMS, ,ZHES PA'I DPAL 'BYOR SA DANG ZHES PA GANG LA ZER, ZHES PA LA DPAL 'BYOR SA ZHES PA DGA' RAB DBANG PHYUG GI MED YIN ZHES THOS PA 'DRA BA SEMS LA DRAN YANG NGA LAM KHUNGS GSAL PO MA RNYED PAS THAG CHOD MA NUS SO, ^ ,DRI BA BGYAD PA, BLOS BYAS DANG NYI TSE BA'I STONG PA ZHES PA MCHON NA KANG LA PAR BA YIN, ZHES PA LA, BLOS BYAS KYI STONG PA LA STONG NYID DU 'DZIN PA NI CI YANG YID LA MI BYED PA LA STOD NYID BSGOM PAR 'DZIN PA DANG, SEMS GZUGS SU MA GRUB PAR BSGOM PA LA SEMS KYI CHOS NYID BSGOM PAR 'DOD PA STE, LHAG MTHOD CHEN MO'I KHYAB CHE BA 'GOG PA'I SKABS KYI PHYOGS SNGA LTA BU'O, ,DE YANG CING YANG MA GRUB PA DANG,
SEMS KHA DOG DANG DBYIBS SU MA GRUB PA RNAMS NI STONG NYID MA YIN KYANG, BLOS STONG NYID YIN BAR BZUNG BA LA DGONGS NAS BLOS BYAS KYI STONG PA ZHES GSUNGS SO, ,NYI CHO BA'I STONG PA NI YUL 'GA' ZHIG STONG LA, 'GA' ZHIG MI STONG PAR 'RDON PA'I YUL ZHIG LA BYA LA, DE YANG LHAG MTHONG CHEN MO LAS, DGAG BYA'I GNANG MTHAR GTUGS PA'I PHRA BA NAS MA KHEGS PAR LHAG MA LUS NA YOD PA'I MTHAR LTUNG NYID DNGOS POR MNGON PAR ZHAN BA BSKYED PAS SID BA LAS GROL BAR MI NUS SO, ,ZHES DANG, DES NA LTA BAS GTAN LA 'BEBS PA'I DUS SU STAN SKYES KYI MA RIG PAS JI LTAR BZUNG BA'I DON MED BAR GTAN LA 'BEBS PA GTZO BOR BZUNG NAS, DE'I YAN LAG TU KUN BTAGS KYI 'DZIN PA'I YUL RNAMS SUN 'BYIN PA MA SHES PAR LHAN SKYES KYI MA RIG BA'I 'DZIN STANGS SUN 'BYIN BA DOR NAS GANG ZAG GI BDAG 'GOG PA NA RTAG GCIG RANG DBANG CAN GYI BDAG DANG, CHOS KYI BDAG 'GOG PA NA GZUNG BA RTZAL PHRAN CHA MED DANG 'DZIN BA SKAD CIG CHA MED DANG RANG BZHIN KHYAD PAR GSUM LDAN LA SOGS PA GRUB MTHA' SMRA BA KHO NAS BTAGS PA RNAMS 'GOG PA NI RNAM PA THAMS CAD DU MI RUNG STE, ZHES GSUNGS PA SOGS LA BRTAGS NA GO NUS TE, BDAG RTAG PAR MA GRUB PA RTZAM
, ,LA STONG NYID DU BZUNG NA NYI TSE BA'I STONG PA LA STONG NYID KYI DON DU BZUNG BAR 'GYUR BA YIN ZHING GZHAN LA'ANG 'GRO'O, ^ ,DRI BA DGU PA, SPYIR LAS DANG PO PA ZHES PA GANG NAS BRTZAMS TE GANG GI BAR YIN, LAS DANG, DANG PO'I DON GANG YIN ZHES PA LA, GZHUNG CHEN MO RNAMS SU LAS DANG PO BA ZHES GSUNGS PA MANG DU YOD PA RNAMS NI SO SO'I SKABS THOB KYIS SHES DGOS PA LAS, THAMS CAD DON GCIG TU BYAR MI RUD LA, SPYIR LAS DANG PO PA ZHES PA'I LAS NI SANGS RGYAS KYI BSTAN PA LA GSAR TU 'JUG PA'I BYA BA'AM, DAM PA'I CHOS RNAM PAR DAG PA SGRUB PAR 'DOD PA'I BSAM PA THOG MAR SKYES PA LTA BU LA BYED CING, DANG PO ZHES PA'I DON YANG SNGAR NAS BYED KYIN YOD PA LTA BU MA YIN PAR GSAR DU BYED PA LA BYA'AM SNYAM, DE LA DANG PA NI DKAR PO'I CHOS THAMS CAD KYI GZHI DANG MA LTA BUR GSUNGS PAS DAD PA KHYAD PAR CAN SKYES PA NAS MA MTHA'I SA MTSAMS 'DZIN CID, YA MTHA' LAM DU MA ZHUGS KYI BAR LA BYAS NA 'GAL BA CHER MED DAM SNYAM MO, , ^ DRI BA BCU PA, RNAM 'GREL LAS, BRTZE LDAN SDUG BSNGAL GZHOM PA'I PHYIR, ,ZHES SOGS TSIGS BCAD GCIG GI TSIG DON GYI 'GREL PA ZHU, ZHES PA LA, RNAM BSHAD THAR LAM GSAL
BYED LAS, BRTZE LDAN BYANG SEMS SPYOR LAM PA CHOS CAN, THOG MAR RANG NYID SDUG BSNGAL ZHI BA'I THABS RNAMS LA MNGON SUM DU MTHOD BA'I CHER DU SBYOR BA GNYIS LDAN GYIS GOMS PAR MDZAD RIGS TE, SEMS CAN THAMS CAD KYI SDUG BSNGAL GZHOM PAR BZHED PA'I SO SKYE YIN PA'I PHYIR, KHYAB PAR THAL, THABS LAS BYUNG BA'I SDUG BSNGAL DANG 'GOG PA'I BDEN PA DANG DE'I RGYU KUN 'BYUNG DANG LAM GYI BDEN PA LKOG TU GYUR PA YIN NA, PHYIN CI MA LOG PAR 'CHAD SHES BA DKA' BA YIN PA'I PHYIR, ZHES GSUNGS LA, LEGS BSHAD GSER PHRENG LAS, GZHAN LA LAM MA NOR BAR STON PA LA RANG GIS LAM JI LTA BA BZHIN DU RTOGS PA SNGON DU 'GRO DGOS TE, RNAM 'GREL LAS, THABS BYUNG DE RGYU LKOG GYUR PAS, ,DE 'CHAD PA NI DKA' BA YIN, ,ZHES PA LTAR RO, ,ZHES GSUNGS, LAM RIM CHEN MO'I MCHAN DU, BSHAD BYA'I DON RANG GIS DES PA NI THABS DANG, DE GDUL BYA LA 'CHAD PA NI THABS LAS BYUNG BA YIN PA LA, THABS BYUNG GDUL BYA LA 'CHAD PA DE YI RGYU THABS DE RANG LA LKOG TU GYUR PAS NA, SLOB DPON DE GDUL BYA LA 'CHAD PA NI DKA' BA YIN, ZHES GSUNGS PA RNAMS LA BRTAGS NAS GO BA CHOS BAR GYIS, ,
, ,^ DRI BA BCU GCIG PA, SMAN GYI RGYUD BZHI'I DANG PO RTZA RGYUD KYI RTZA BA GSUM GYI SDOD PO DGU'I NANG TSAN, RTZA BA DANG PO'I SDONG PO GNYIS KYI GNYIS PA RNAM PAR GYUR PA NAD KYI SDONG PO'I YAL GA DGU'I YAL GA LNGA PA, DE LA RLUNG MKHRIS PA DKAN RGYU PA'I LAM GYI LO MA BCO LNGA YOD PA'I, DANG PO RLUNG NAD RGYU BA'I LAM, RUS PA RNA BA REG BYA SNYING SROG LONG, ,ZHES PA'I REG BYA NI, LUS ZUNGS DRI MA DBANG PO DON SNOD LNGA'I NANG TSAN DRI MA YIN NA, YIN NA BSHAD GCI RDUL GSUM GYI GANG LA GTOGS, DE JI LTAR YIN, ZHES PA LA, RLUNG GI RGYU LAM DU BSHAD PA'I REG BYA DE NI PAGS PA SPYI DANG KHYAD PAR DU PA SPYI'I PU GA YIN TE, DE'I THAD KYI BEE d'UR SNGON PO LAS, DRI MA'AM SNYIGS MA RNAMS KYI NANG NAS BA SPU'AM REG BYA'I LO MA, ZHES BSHAD LA, RLUNG NAD KYI RTAGS SU, SPU'I RTZE MO 'DAR BA DANG PHRU MA SER KHYER BA'I 'BYUNG BAR BSHAD BAS KYANG GO NUS SO, ^ ,DRI BA BCUG NYIS PA, BSHAGS PA'I YAN LAG GI ,DE DAG THAMS CAD BDAG GIS SO SOR BSHAGS, ,ZHES BA'I SO SOR ZHES PA NI JI LTAR BSHAGS PA LA SNYEGS PA YIN ZHES PA LA, BYAS BCUG RANGS PA GSUM SO SOR ZHES PA'I DOR TE, DPER NA 'DOD DON CHEN PO
ZHIG MA GRUB BA'I MIS 'DI LAS 'CHI BA BLA SNYAM NAS DUG ZOS PA LAS, PHYIS LUS LONGS SPYOD SOGS MTHA' DAG DANG 'BAL BA'I SDUG BSNGAL LA BSAM PAS SEMS GDUNG BA LTAR, SDIG PA BYAS PA DANG BYED DU BDUG BA DANG YI RANG BA DE DAG GIS BSKAL PA DPAG MED KYI BAR DU SDUG BSNGAL BZOD GLAGS MED PAS MNAR PAR 'GYUR BAS NA SHIN TU MA LEGS PA BYAS SO SNYAM DU SO SO'I NYES DMIGS DRAN BAS SEMS GDUNGS SHING 'GYOD DE, DA THABS ZHAN MED PAS BLA MA MCHOG GSUM GYI DE THAMS CAD BYANG ZHING DAG PAR MDZAD DU GSOL SNYAM PA NI BSHAGS TSUL YIN PAS SO, , SO SOR DRAN NAS 'GYOD DOGS STE, SDIG BA GANG LA SEMS DGA' BZHIN DU GNAS PA'AM 'GYOD PA MA SKYES NA SDIG PA DE NYID 'DAG PAR MI 'GYUR BA'I PHYIR RO, ,SANGS RGYAS YE SHES KYIS MDZAD PA'I LTUNG BSHAGS KYI 'GREL PA LAS, SDIG PA THAMS CAD NI SO SOR BSHAGS ZHES PA'I DON NI, LUS KYI SGO NAS BSAGS PA'I SDIG PA RNAMS PHYAG 'TSAL BA SOGS KYIS BSHAGS PA DANG, DAG GI SGO NAS BSAGS PA'I SDIG PA RNAMS DE BZHIN GSHEGS PA'I MTSAN BRJOD PA DANG GZUGS SNGAGS ZAB MO BZLAS PA SOGS KYI SGO NAS BSHAGS BA DANG, YID KYI SGO NAS BSAGS BA'I SDIG BA
, ,RNAM LAM BSGOM PA SOGS KYI SGO NAS BSHAGS DOGS PAS NA SO SOR BSHAGS ZHES PA YIN NO, ,ZHES GSUNGS BA YANG DON MTHUN PAR SNANG NGO, ,DE LTAR NA DRIS PA'I LAN RNAMS BRJOD ZIN TO, ,'ON KYANG BDAG LTA BU'I BLO DMAN GYI TSIG LA YID BRTAN MI BYA BAR, RJE BTZUN TZONG KHA PA YAB SRAS BRGYUD 'DZIN DANG BCAS PA'I LEGS BSHAD RNAMS LA ZHIB TU DPYAD NAS PHYIN CI MA LOG PA'I GO BRNYED DE NYAMS SU BLANGS NA 'PHRAL PHUGS KYI LEGS TSOGS THAMS CAD YID BZHIN DU 'GRUB NGES PAS THUGS LA 'DOGS PAR ZHU, ZHES PA 'DI NI KHO BO SHAR NAS DGE BA'I BSHES GNYEN NGAG DBANG RGYAL MTSAN PAS DRI BA GNANG BA'I LAN DU DGE SLONG TSUL KHRIMS KYIS BRIS PA DGE LEGS SU GYUR CIG, ,,MANGGA LAm,, ,,
[BLANK PAGE]