/NGA 5\ CA 1 *, ,'PHAGS PA MDO SDE DKON BRTZEGS KYI KAR CHAG BRJED BYANG BZHUGS SO, ,
, ,'PHAGS PA DKON MCHOG BRTZEGS PA CHEN PO'I CHOS KYI RNAM GRANGS LE'U STONG PHRAG BRGYA PA LA, THOG MAR, /TSI\ PO TI LA, DANG PO NI, SDOM PA GSUM BSTAN PA ZHES BYA BA'I LE'U STE, BAM PO GSUM PA, SHOG GRANGS NGA GCIG PA, DGE SLONG BYANG SEMS KYI SPYOD PA GTZO BOR STON CING, MA 'ONGS 'CHAL BAR 'GYUR BA LAS BRTZAMS TE MANG DU GSUNGS PAR SNANG LA, 'JIG RTEN NGA DANG RTZOD KYI, NGA 'JIG RTEN DANG MI RTZOD DO, ,ZHES PA DANG, WA NI BROS TE PHUG TU GZHOL, KHUNG DU GZHOL BA SOGS DANG, ,CI 'DRA BA YI LAS BYAS PA, ,RNAM PAR SMIN PA'ANG DE 'DRAR 'GYUR, ,ZHES PA'ANG 'DIR 'DUG CING, BYA RGOD PHUNG PO'I RIR BZHUGS PA NA 'OD SRUNG GIS ZHUS PA'O, ^ ,GNYIS PA NI, 'PHAGS PA SGO MTHA' YAS RNAM PAR SBYONG
, ,BA ZHES BYA BA, BAM PO BZHI PA, SHOG BRGYA BCU GSUM NA RDZOGS PA, BYANG SEMS KYI SPYOD PA SPYI DANG GTZO BOR STONG NYID LAS BRTZAMS TE BSTAN PA, RGYAL KHAB 'ONG MA'I TSAL BYA KA LAN NGA KA'I GNAS SU, BYANG SEMS BKOD PA MTHA' YAS KYIS ZHUS PA'O, ^ ,GSUM PA NI, 'PHAGS PA DE BZHIN GSHEGS PA'I GSANG BA BSAM GYIS MI KHYAB PA BSTAN PA ZHES BYA BA, BAM PO BCU PA, SHOG GNYIS BRGYA SOGS NYIS LA RDZOGS PA, LE'U NYER LNGA PA STE, BYA RGOD PHUNG PO'I RIR BZHUGS PA NA, BYANG SEMS ZHI BA'I BLO GROS KYIS BSKUL NAS PHYAG RDOR GYIS GSUNGS PA, STON PA'I SKU TSE SNGON MA BRGYA BYIN MIG BZANG GIS SROG CHAGS DES ZHES PAR SPRUL NAS RANG GI SHAS SEMS CAN MANG PO NANG LAS THAR PAR BYAS PA, DES PA'I LE'U, SH'A RI'I BUS
DRANG SRONG SNANG BA ZHES PAR GYUR PA DANG, STON PAS BRAM ZE SDO SANGS ZHES BAR GYUR TE N+YA GRO DHA'I 'DAB GRANGS MKHYEN PA'I LO RGYUS BSTAN PA SOGS DAG GI GSANG BA'I LE'U, BYANG SEMS KYI SEMS KYI GSANG BA'I LE'U, SPRIN LDAN GYI 'JIG RTEN NAS BDE GSHEGS SPRIN DBYANGS RGYAL PO'I DRUNG NAS BYANG SEMS SGRA DBYANGS BSGRAGS PA ZHES BYA BA 'ONGS PA'I LE'U, YUL 'KHOR SRUNG GI SNGON BYUNG GI LE'U, BYANG CHUB KYI LAM GYI LE'U, BYANG SEMS SHUGS 'CHAD GIS STON PA'I SKU TSAD 'JAL BA SOGS DE BZHIN GSHEGS PA'I SKU'I GSANG BA'I LE'U, MO'U GAL GYI BUS STON PA'I GSUNG TSAD 'JAL BA DANG GSUNG YAN LAG RE BZHI BSTAN PA SOGS DE BA'I GSUNG GI GSANG BA'I LE'U, THUGS KYI GSANG BA'I LE'U, LAG NA RDO RJE'I YON TAN BRJOD PA'I LE'U, DKA' BA SPYAD PA'I LE'U, BYANG CHUB SNYING POR BZHUD PA'I LE'U, BDUD BTUL BA'I LE'U, CHOS 'KHOR BSKOR BA'I LE'U, DMIGS PA'I LE'U, PHYAG RDOR LUNG BSTAN PA'I LE'U, GNYIS SU MED PA BRJOD PA'I LE'U, STON PAS LCANG LO CAN DU GSHEGS NAS BSHOS GSOL BA'I LE'U, STON PAS PHYAG RDOR SOGS LA CHOS GSUNGS PA 'JIG RTEN SKYONG BA'I LE'U, RDO RJE'I ZHUS LAN 'GA' DANG, STON PAS SLAR BYA RGOD PHUNG PO'I RIR BYON PA BZHUD PA DANG BYON PA'I LE'U, MA SKYES DGRA ZHUS PA PHYAG RDOR GYI RNAM THAR SANGS RGYAS RNAM PAR ZHI
, ,SPYOD KYI DUS SU PHYAG RDOR GYIS BYANG SEMS DPA' STOBS BYA BAR GYUR PA BSTAN PA DPA' STOBS KYI LE'U, MA SKYES DGRAS ZHUS PA LUNG BSTAN PA'I LE'U STE PHYAG RDOR GYI RDO RJE GZHAN GYIS BSGUL MA NUS PA SOGS SO, ,STOD NYID BSTAN PA, SHAR PHYOGS MNGON DGA' NAS 'ONGS PA'I LHA'I BU RGYAL PO BZANG GIS ZHUS PA'I LE'U, GZUNGS KYI YON TAN GYI BSNGAGS PA'I DPE DGOD PA MI ZAD PA'I LE'U, DAM PA'I CHOS YONGS SU GTANG PA'I LE'U STE NYER LNGA'O, ^ ,SNGON BSKAL PA DPAG MED KYI SNGA ROL DU RNAM PAR BRGYAN PA ZHES PA'I 'JIG RTEN NA SANGS RGYAS YON TAN MTHA' YAS RIN CHEN SNA TSOGS BKOD PA'I RGYAL PO ZHES BYA BA BYUNG NGO, ,DE'I TSE 'KHOR LOS BSGYUR RGYAL YUL 'KHOR SRUNG SRAS STONG DANG, BTZUN MO'I 'KHOR BDUN 'BUM YOD PA DES, SANGS RGYAS DGE 'DUN BCAS PA LA LO BYE BAR BSNYEN BKUR BYAS, CHOS NYAN CING BSGOMS PAS RGYAL PO SRAS RNAMS BCAS MNGON SHES THOB, PHYIS RGYAL PO'I BTZUN MO MA SMAD PA DANG DPE MED MA ZHES PA GNYIS KYI PANG BAR BU GNYIS BRDZUS TE SKYES PA CHOS SEMS PA DANG CHOS KYI BLO GROS ZHES BAR BTAGS, PHYIS ZHIG NA RGYAL POS BU RNAMS GANG GI CHO 'TSANG RGYA BA SOGS BRTAG PA'I PHYIR BU RNAMS KYI MID YIG GSER GYI BUM PAR BCUG STE ZHAG BDUN SGRUB PA BYAS TE RE RE NAS PHYUD BAS, THOG MAR BU THU BO
RNAM DAG BLO GROS KYI MING BYUNG STE, DE NI 'KHOR BA 'JIG ,DE BZHIN DU GNYIS PA RNAM RGYAL DES NI GSER THUB, GSUM PA DBANG PO ZHI BA NI 'ONG SRUNG, BZHI PA DON THAMS CAD GRUB PA NI BDAG CAG GI STON PA, LNGA PA SKA DAGS CAN NI BYAMS PA, DE BZHIN DU, MENG GE ,TOG ,ME TOG DAM PA, ME TOG ,BCU PA SKAR MA RNAM RGYAL, BCU GCIG PA DRI MED 'OD NI SPYAN LEGS TE, DE NAS GZHAN THAMS CAD DANG, DE NAS STONG GI THA MA SNGAR GYI BU THAMS CAD KYI MDZAD PA RDZOGS PAR SMON LAM BTAB PA ZHES BYA BA BYUNG BAR SHES SO, ,DE NAS BU GZHAN RNAMS KYIS DRIS PAR, CHOS SEMS BAS, DE THAMS CAD KYI LAG NA RDO RJER GYUR TE, DE DAG GI CHOS THAMS CAD NYAN MOS RTOGS PAR SMON LAM BTAB PA STE, PHYAG RDOR 'DI YIN LA, CHOS KYI BLO GROS NI THAMS CAD LA CHOS 'KHOR BSKOR BAR BSKUL BA POR SMON LAM BTAB PA STE, TSANGS PA GTZUG PHUNG CAN NO, ,'DI NI GSANG BA BSAM GYIS MI KHYAB PA'I MDO'I YUL 'KHOR SRUNG GI LE'U LAS BSDUS TE BRIS, ^ ,STON PAS DRANG SROD LHUNG BA RI DVAGS KYI NAGS SU BZHUGS PA NA, SHAR PHYOGS DGRA 'DUL ZHES BA'I 'JIG RTEN GYI BDE GA SHEGS TZAM PA KA'I MDOG CES PA'I SANGS RGYAS KYI DRUNG NAS 'ONGS PA'I BYANG SEMS SHUGS 'CHANG ZHES BYA BAS, STON PA'I SKU TSAD 'JAL BA'I PHYIR STENG PHYOGS SU
, ,SANGS RGYAS KYI ZHING GANG GA'I KLUNG BYE BA PHRAG BRGYA'I BYE MA SNYED 'DAS TE PANG MA CAN ZHES PA'I 'JIG RTEN DU PANG MA'I DPAL GYI RGYAL PO'I SNYING PO ZHES PA'I SANGS RGYAS KYI DRUNG DU PHYIN KYANG SKU TSAD MA RTOGS TE, SANGS RGYAS DE LA ZHUS PA NA, DES KHYOD RDZU 'PHRUL 'DI TZAM GYIS BSKAL PA GANG GA'I KLUNG GI BYE MA SNYED GYI BAR BGRONG KYANG RTOGS MI NUS PAR GSUNGS PAS LOG STE STON PA'I DRUNG DU BYON NAS ZHUS TE PHYAG 'TSAL BAR GSUNGS, ,YANG MDO 'DIR PHYAG RDOR GYIS RGYAL BA RDO RJE RNAM GNON ZHES PA'I SANGS RGYAS SU 'GYUR BA DANG DE'I RNAM THAR GSUNGS, RNAM GNON GYI BSTOD PA RJE'I GSUNG 'BUM THOR BUR YOD, PHYAG DOR GYI SRAS KYI THU BO RDO RJE'I SDE, GNYIS PA LAG BZANG ZHES KYANG 'BYUNG NGO, ^ ,BZHI PA NI, 'PHAGS PA RMI LAM BSTAN PA ZHES BYA BA'I MDO, BAM PO GSUM PA, SHOG NYIS BRGYA BDUN BCU LA RDZOGS PA, SAR GNAS SEMS DPA' RNAMS KYI RMI LTAS MANG PO BSTAN PA, BYA RGOD PHUNG PO'I RIR BZHUGS PA NA BYANG SEMS RDO RJES RAB 'JOMS KYIS ZHUS PA'O, ^ ,LNGA PA NI, 'OD DPAG MED KYI ZHING BKOD KYI MDO, BAM GSUM PA, SHOG SUM BRGYA BRGYAD NA RDZOGS PA, BYA RGOD PHUNG PO'I RIR BZHUGS PA NA KUN DGA' BOS ZHUS PA'O, ,PO TI DANG PO RDZOGS SO,, ^ ,,/DZI\ DRUG PA NI, MI
'KHRUGS PA'I ZHING BKOD KYI MDO, BAM LNGA PA, SHOG BRGYAD CU PA, BYA RGOD PHUNG PO'I RIR BZHUGS PA NA SH'A RI'I BUS ZHUS PA'O, ^ ,BDUN PA NI, GO CHA'I BKOD PA BSTAN PA'I MNGO, 'OD MA'I TSAL DU BZHUGS PA NA BYANG SEMS BLO GROS MTHA' YAS SOGS GYIS ZHUS PA, BYANG SEMS RNAMS BDEN MED KYI GO CHA BGO BA LAS BRTZAMS TE MANG DU GSUNGS SHING, BAM LNGA, BRGYAD BRGYAD NA RDZOGS, ^ BRGYAD PA NI, CHOS KYI DBYINGS KYI RANG BZHIN DBYER MED PAR BSTAN PA'I MDO, MNYAN YOD NA LHA'I BU RIN CHEN MCHOG GI MOS BA BZHIN BCOM LDAN 'DAS KYIS BSKUL NAS 'JAM DPAL GYIS GSUNGS PA SOGS MANG STE, STONG NYID GTZO BOR BSTAN PA, BAM GNYIS, BRGYA GYA GSUM NA RDZOGS, ^ ,DGU PA NI, CHOS BCU PA'I MDO, BYA RGOD PHUNG PO'I RIR BYAD SEMS DGE BA DRI MED RNAM DAG RIN CHEN ZLA 'OD RGYAL POS ZHUS PA LTAR, GANG DANG LDAN NA THEG CHEN PAR 'JOG RGYU'I CHOS BCU SOGS GSUNGS PA STE, BAM GNYIS, SHU LO KA LNGA BRGYA SUM BCU YOD PA, SHOG NYIS BRGYA DRUG NA RDZOGS, ^ ,BCU PA NI, KUN NAS SGO'I LE'U ZHES BYA BA'I MDO, BYA RGOD PHUNG PO'I RIR, YONGS SU DAG PA DANG LDAN PA'I 'JIG RTEN NA BZHUGS PA ME TOG KUN DU RGYAS PA ZHES PA'I SANGS RGYAS KYI DRUNG NAS 'ONGS PA'I BYANG SEMS DRI MED SNYING PO'I SMON
, ,PA LTAR, 'JAM DPAL GYIS ZHUS NAS BCOM LDAN 'DAS KYIS GSUNGS PA STE, GZUGS TING NGE 'DZIN DU RTOGS BAR BYA BA SOGS TE, GZUGS NI DBU BA LTA BUR GSUNGS, ,DE LA SNYING PO MI RNYED DO, ,SNYING PO MED PHYIR GZUNG MED PHYIR, ,DES NI TING NGE 'DZIN CES BSTAN, ,SGRA NI, SGRA NI BRAG CHA LTA BU STE, ,DE LA DNGOS PO YOD MA YIN, ,THA DAD DBYE BA MED SHES SHING, ,MTSAN NYID MED PAR BYE BRAG MED, ,MTSAN NYID MED CING BYUNG BA MED, ,YA MA RLA DANG 'DUS MA BYAS, ,BRAG CHA LTA BUR SHES BAS NA, ,DES NI TING NGE 'DZIN CES BSTAN, ,DRI NI, JI LTAR RGYA MTSO'I GTING DAG NI, ,NAM YANG CIS KYANG GANG MED LTAR, ,BSKAL PA BYE BAR BSNAM BYAS KYANG, ,SNA NI TSIM PAR 'GYUR BA MED, ,SNA YI RNAM RIG GZUNG MED DE, ,BSLU BA'I CHOS DE YOD MA YIN, ,GAL TE YANG DAG YIN GYUR NA, ,DE LAS MYUR DU TSIM PAR 'GYUR, ,GZUNG BA MED CING YANG DAG MIN, ,SNA YANG YOD MIN GSOG TU SHES, ,GSOB DANG STONG PAR SHES PAS NA, ,DES NI TING NGE 'DZIN CES BSTAN, ,RO NI, LCE NI TSA DANG KHA BA'ANG MIN, ,SKYUD DANG LAN TSVA'ANG MA YIN TE, ,CI 'DRA'I RKYEN DANG LDAN PA LAS, ,LCE YANG DE DANG 'DRA BAR 'GYUR, ,RO YI GYU LAS BYUNG BA DANG, ,RKYEN LA RAG LAS SHES RGYUR CING, ,BSAM GYIS MI
KHYAB SHES BAS NA, ,DES NI TING NGE 'DZIN CES BSTAN, ,REG BYA NI, RNAM RIG LAS BYUNG REG BYA NI, ,NGO BO NYID KYIS YOD MA YIN, ,'JAM PA DANG NI RTZUB PA NYID, ,RKYEN RNAMS LAS NI BYUNG BA YIN, ,REG BYA GNAS PA MED PA STE, ,BDAG MED NYE BAR GNAS PA YIN, ,TSOGS RNAMS SBYOR BAR SHES PAS NA, ,NGES NI TING NGE 'DZIN CES BSTAN, ,BUD MED NI, 'BYUNG BA CHEN PO BZHI PO DAG ,DE LA BUR MED YOD MIN YANG, ,BYIS PA RNAMS NI RMONGS PA'I BLOS, ,'DOD PA'I GSOG LA SPYOD PAR BYED, ,SGYU MA'I BUD MED MTSAN MED KYANG, ,BUD MED GZUGS SU SNANG BA LA, ,GANG DAG MUN PAS BSGRIBS PA'I MI, , DE LA KUN DU CHAGS PA SKYED, ,JI LTAR SGYU MA'I BUD MED LA, ,'DOD CHAGS LDAN PA'I SEMS BSKYED KYANG, ,DE LA BUD MED YOD MA YIN, ,BYIN CI LOG GI SEMS KYIS NI, ,BSKAL PA BYE BA GRANGS MED DU, ,BLO GROS CHUNG RNAMS 'KHOR BAR BYED, ,DE NAS DNGOS PO MED SHES NA, ,BUD MED THAMS CAD MTSAN NYID MED, ,TING 'DZIN ZHI BA BRJOD PA NI, ,BUD MED GZUGS KYIS RAB TU BSTAN, ,KHYE'U NI, LJON PA'I MYU GU YOD MIN NA, ,ME TOG 'BYUNG BAR GA LA 'GYUR, ,ME TOG YOD PA MA YIN NA, ,'BRAS BU THOB PA'ANG MED PA LTAR, ,BUD MED YOD PA MA YIN PAS, ,KHYE'U YANG DMIGS PAR MI 'GYUR TE, ,BRTAGS
, ,PA'I DBANG DU SONG RNAMS KYIS, ,KHYE'U ZHES BYA BAR BRTAGS PA YIN, ,BUD MED SKYE BA MED SHES NA, ,KHYE'U YANG 'BYUNG BA YOD MIN TE, ,DNGOS PO THAMS CAD MED RTOGS PAS, ,DES NA KHYE'U NI TING 'DZIN BSTAN, ,ZHES SOGS RNAM GRANGS DU MAS BSTAN PA, BAM GNYIS, SHOG NYIS BRGYA BCO BRGYAD NA RDZOGS, ^ ,BCU GCIG PA NI, RASHMA SA MAN TA MUG TO NIR DE SHA 'OD ZER KUN DU BKYE BA BSTAN PA'I MDO, BAM LNGA, RGYAL KHAB BYA RGONG PHUNG PO'I RIR, BYANG SEMS ZLA 'OD GZHON NUR GYUR PAS ZHUS PA, SANGS RGYAS KYI 'OD ZER RNAM GRANGS SHIN TU MANG PO RGYU DANG YON TAN BCAS BSTAN CING, ZLA 'OD KYIS SMON LAM BTAB PA DANG, MA 'ONGS LUNG BSTAN DANG BCAS PA, SHOG NYIS BRGYA GYA GCIG NA RDZOGS, ^ ,'DI'I SMON LAM GYI GSUNG 'GA' ZUR DU BRIS YOD, MDO 'DI LAS, SKYES BU BLUN PO GANG YIN PA, ,RTZONG PA'I SMRA LA MOS PAS NA, ,RTZOD SMRA MED PA'I SPYOD PA LA, ,NAN TAN SGRUB PA RA MI NUS PAS, ,SKYES BU DE DAG RNAMS LA NI, ,TSUL BZHIN SEMS NI CI YANG MED, ,DE LTA BAS NA DE DAG LA, ,BSNYEN BKUR MI BYA BSNGAGS MI BRJOD, ,SKYES BU BLUN PO GANG YIN PA, ,LE LO SNYOMS LAS LA GNAS PAS, ,RTAG TU LUS DANG NGAG YID KYI, ,MI DGE'I LAS NI SPYOD
PAS NA, ,DE LA TSUL KHRIMS DAG PA DANG, ,SHES RAB MANG THOS CI YANG MED, ,RTAG TU 'DOD PA'I YUL SEMS SHING, ,'DU 'DZI DAG LA MOS PAR BYED, ,KHYOD KYIS 'DI LTAR BLUN PO DE, ,RIGS DANG RUS DANG, LUS KYANG NI, ,DMAN PA YIN PAR RAB TU LTOS, ,ZHES DANG, TSUL KHRIMS BSNGAGS PA BRJOD BYED KYANG, ,TSANGS PAR SPYOD PA SGRUB MI BYED, ,KHA NAS CHOS NI STON BYED KYANG, ,LUS KYIS CHOS MIN SPYOD PAR BYED, ,RANG GIS 'DUL BA STON BYED KYANG, ,RTAG TU 'DUL MIN SPYOD PAR BYED, ,CES DANG, 'TSAL BA'I TSUL KHRIMS CAN DAG GIS, ,GOS 'DI RAB TU BGOS GYUR KYANG, ,NGA RGYAL DAG NI BAG MED PA'I, ,SEMS NI RAB TU 'PHEL BAR BYED, ,DAD PAS BYIN PA CI ZOS PA, ,THU LUM 'BAR BA MING DANG 'DRA, ,ZHES DANG, DE 'DRA'I GANG ZAG BLUN PO NI, ,'KHOR MAD NANG DU GNAS GYUR KYANG, ,DPER NA JI LTAR WA SKYES NGAG ,SENG GE'I KHYUR NI ZHUGS PA BZHIN, ,ZHES DANG, RNYED PA 'DOD PA'I RGYU YI PHYIR, ,DGON PA DAG NA GNAS BYED KYI, ,MYA NGAN 'DAS PA'I YANG DAG RGYU, , BSGRUB PA'I PHYIR NI MA YIN NO, ,RMUGS DANG GNYID LA RAB TU DGA', ,LUS NI JI LTAR BDE SNYAM NAS, ,RTAG TU DE LTA'I DNGOS PO DAG ,BSGRUB PA LA NI MOS PAR BYED, ,ZHES SOGS
, ,GSUNGS, ^ ,BCU GNYIS PA NI, PITRA KA SDE SNOD, BYANG CHUB SEMS DPA'I SDE SNOD CES BYA BA'I MDO, BCOM LDAN 'DAS KYIS BYA RGOD PHUNG PO'I RI NAS RGYAL KHAB TU 'BYON PA'I SHUL DU KHYIM BDAG BZANG SKYOD GIS ZHUS PA, KHYIM BDAG MANG POS BCOM LDAN 'DAS GANG GI PHYIR RAB TU BYUNG BA'I RGYU MTSAN SOGS THOS NAS RAB TU BYUNG SPYI DGRA BCOM PAR GYUR PA, KHYIM BDAG GI LE'U STE, SHO LO KA BDUN BRGYA, BAM GNYIS YOD, SUM BRGYA NYER GCIG PAR PO TI GNYIS PA RDZOGS SO,, ^ ,,BYANG SEMS KYI SDE SNOD 'DIR, BZANG SKYOD GIS BCOM LDAN 'DAS LA ZHUS PA NA, KHAB NAS KHAB MA MCHIS PAR RAB TU BYUNG, ZHES PAR 'DUG ,YANG, SNANG BAR BYED PA RAB TU DKAR BA'I TSEMS, ,PAD MO'I RTZA BA BA ZHO CHU SKYA RA 'DRA, ,GSUNGS, YANG, SRID PA MANG BA'I SEMS CAN RNAMS, ,'DI NAS 'DI NI KUN DU TSOL, ,RNYED BA RNYED NAS NGA YIR 'DZIN, ,DE LAS RNAM PAR NGES PAR 'GYUR, ,BYA BA 'DI DAG BYA'O ZHES, ,'DUN PA'I 'DOD CHAGS RAB TU 'PHEL, ,'DUN PA'I 'DOD CHAGS 'PHEL BAS NA, ,LHAG PAR CHAGS PHYIR SER SNANG 'BYUNG, ,SER SNA'I NYES PAS 'JIG RTEN NA, ,KUN DU 'DZIN PA BSRUNG PAR 'GYUR, ,YONGS
SU 'DZIN PA KUN SRUNG BA, ,RGYUN MI 'CHAD PAR 'BYUNG BAR 'GYUR, ,BYIS BA KUN DU SRUNG BA'I PHYIR, ,DBYIG PA DAD NI MTSON 'DEBS SHING, ,SDIG PA THAMS CAD BYED PAS NA, ,DE LAS SDUG BSNGAL 'PHEL BAR 'GYUR, ,SRID PA'I GZHI LAS SDUG BSNGAL KUN, ,SHIN TU 'BYUNG BAR MTHONG BAS NA, ,RTZA BA MED CING GNAS MED PA'I, ,BYANG CHUB DAM PA RTOGS PAR 'DOD, ,CES SOGS MAD DU GSUNGS LA, YANG, JI LTAR GANG GA'I KLUNG GI BYE MA DPAG MED PA, ,DE LTAR PHYOGS BCU'I 'JIG RTEN KHAMS KYI RTZA RNAMS NI, ,DE DAG SKYES BU LA LAS MED BSREG THAL BAR BYAS, ,LO NI BRGYA STONG DAG TU RGYA MTSOR DKRUGS BA RNAMS, ,DE 'DRA'I STOBS BCU YE SHES MCHOG MNGA' BAS, ,THAL BA BLANGS PA 'GRO BA DAG LA LUD BSTAN PA, ,ZHING RNAMS RAB 'BYAMS NGAG GI SHING RIGS 'DI, ,DA TSIG THAL BA 'DI ZHES THAMS CAD MNGON PAR SHES, ,GSUNGS SHING, CHU THIG GCIG RGYA MTSOR BOR NAS LO BRGYA LON PA NA SLAD CHU GZHAN DANG MA 'DRES PAR LEN NUS PAR YANG GSUNGS SO,, ^ ,,/WI\ BYANG SDE'I BAM BZHI PA NAS BZUNG, SPYIR BAM NYI SHU, RGYAL KHAB KYI 'BYUNG PO GNOD SBYIN CI 'JIGS KYI LE'U, BYANG CHUB SEMS DPA'I YON TAN BRTAG PA'I LE'U, DE BZHIN GSHEGS PA'I YON TAN
, ,BSAM GYIS MI KHYAB PA'I LE'U STE, SEMS BSKYED DANG SDOM BSRUNG MI 'JIGS BZHI MA 'DRES BCO BRGYAD SHIN TU RGYAS PAR SNANG, TSAD MED BZHI'I LE'U STE, 'DI YANG RGYAS PAR 'DUG SBYIN PA'I LE'U, TSUL KHRIMS KYI LE'U, BZOD LE, BRTZON LE, BSAM LE, SHER LE STE, LE'U BCU GCIG PA, SHOG NYIS BRGYA SO BZHI LA RDZOGS, ^ ,BYANG CHUB SEMS DPA'I SDE SNOD KYI MDO DE NYID LAS, GZUGS 'DI DBU BA'I GOD BU 'DRA STE SNYING PO MED, ,TSOD BA CHU YI CHU BUR MTSUNGS SHING 'DRA BAR SEMS, ,'DU SHES DPYID KYI DUS KYI SMIG RGYU RGYU BA 'DRA, ,'DU BYED RNAMS NI CHA SKYES SHIG DANG 'DRA BAR BLTA, ,CI LTAR GAR MKHAN TSON LA SGYU MA BSLABS PA RNAMS, ,SKAD CIG GIS NI GZUGS RNAMS SNA TSOGS STON BYED BA, ,MI BDEN BYED PA DE DAG RNAM SHES SHES GYUR NAS, , MKHAS PA DE DAG THAMS CAD YANG YANG SMON PA MED, ,LONGS SPYOD RNAMS NI RI GZAR CHU DANG MTSUNGS SHING 'DRA, ,GLOG DANG MKHA' SPRIN PHUNG PO LTA BUR BYUNG NAS MED, ,LONGS SPYOD 'GYUR PA GZHU DRAG 'PHANGS PA'I MDA' LTAR SHES, ,MKHAS PA RNAMS NI KUN DU LONGS SPYOD SMON PA MED, ,CES DANG, KHYI BKRES PA ZHIG GIS SRANG GI SGOR KER RUS KHRAG GIS 'BAGS PA ZHIG RNYED NAS KHA CHU ZAGS SHING
'CHAR BA NA, SKYE BO MTHO ZHING BZANG BA ZHIG DE LOGS SU 'OD BA KHYI DES MTHONG ZHING BDAG GI KHA ZAS ZHIM PO 'DI 'PHROG GO SNYAM NAS, SHIN TU ZUGS SHING DRAG TU LTA LA MCHE BA STON CING ZA BAR BYED MOR, 'ON KYANG SKYE BO BZANG PO DES RUS PA DE LA CHAGS SEMS CUNG ZAD KYANG MED DO, ,DE BZHIN DU GZHAN GYI KHYIM LA SER SNA BYED CING, TSANGS PAR SPYOD PA'I RAB BYUNG GZHAN LA NGAN SMRA BYED PA'I RAB BYUNG NGAG NI DPE DON DU SBYAR NAS GSUNGS, ` 'DI MAN 'GA' ZHIG SHOG DRIL DU 'BRI DUS MDO GAD LAS BLANGS BA'I KHUNGS MA BRIS PAS, MDO 'DI'I GSUNG YIN MIN MA NGES KYANG 'DIR BRI BAR BYA'O, , DE YANG, CHOS KYI RJES SU MTHUN PA'I CHOS LA ZHUGS PA NI, GZUGS MI RTAG PAR BSGOMS NAS GZUGS KYI 'DOD CHAGS DANG BRAL BA SOGS BYED KYANG MYANG 'DAS MNGON DU MI BYED DE, DUG SPYOD PAS DUG SKYED PA DANG BDAG GIR BYED PA DANG NOR DU BYED BA DANG TSONG BAR BYED KYANG MI ZA BA BZHIN DANG, MI'I LAS MKHAN GYIS ME SBOR BA DANG GSO BA SOGS BYED KYANG LAG PAS MI 'DZIN PA BZHIN YIN PA'I PHYIR TE, GRAGS CHEN THABS LA MKHAS PA DANG, ,SHES RAB KHYAD PAR 'PHAGS PA YIS, ,NYAN THOS RNAMS KYI NGAS DAG LAS, ,YANG DAG 'DAS PAR GYUR PA DANG, ,PHUNG PO SKYE 'JIG ZAD 'GYUR BAR, ,YANG DAG
, ,DE BZHIN SHES GYUR KYANG, ,'GRO BA NYAM THAG 'DI THOS NA, ,MYA NGAN 'DA' BAR MI 'GRO BA'I, ,SHES RAB CHE RNAMS PHYAG BYA'I 'OS, ,'JIGS PA MED RNAMS PHYAG BYA'I 'OS, , SPYAN YANGS LDAN RNAMS PHYAG BYA'I 'OS, ,RGYAL BA'I SRAS RNAMS PHYAG BYA'I 'OS, ,ZHES DANG, ^ NGA RGYAL DANG CHE BA'I NGA RGYAL DANG BRAL BA NI, BDAG TU 'DZIN PA'I NGA RGYAL DANG, RIGS DUS GZUGS YO BYAD SOGS KYIS KHENGS PA'I CHE BA'I NGA RGYAL MED PA STE, NGA RGYAL CHE BA'I NGA RGYAL BRAL ZHING RTAG TU BYAMS PA'I SEMS, ,SNYING RJE'I YID DANG LDAN ZHING 'GRO BA DAG LA BAG YOD PA'I, , SEMS DPA' GTZO BO YANGS PA 'DI NA BSOD SNYOMS SPYOD BYED CING, ,LHA DANG MI RNAMS DAG LA PHAN PA BRJOD PAR BYED PA YIN, ,ZHES DANG, ^ DGONGS TE GSUNGS PA RTOGS PA LA MKHAS PA NI, MTSON PA LA, NYAN THOS RNAMS THEG DMAN PA YIN KYANG, BLA MED BYANG CHUB TU LUNG BSTAN PA NI, DPER NA RGYAL BU DBANG RTUL ZHIG LA BZO GNAS SLOB PA LA PHYIS SLOB DGOS RNAMS SNGAR BSLABS LA, SNGAR SLOB DGOS RNAMS PHYIS BSLAB PAR BYED KYANG DE TZAM GYIS RGYAL BU MIN PAR MI 'GYUR BA LTAR, DBANG RTUL 'GA' ZHIG SGOM LAM GYI SKABS SU BRAD PAR BYED RGYU'I NYON MONGS
RNAMS 'DAG BYED KYI THABS SU THEG DMAN DU BCUG NAS NYON MONGS ZAD PAR BYED KYANG DE TZAM GYIS SANGS RGYAS KYI RIGS MI 'CHAD PA LA DGONGS PA DANG, SA BCU PAS NYON MONGS ZAD KYANG RIGS MI NYAMS PA LTAR THEG DMAN PA LA'ANG SBYOD BA LA DGONGS, ^ BCOM LDAN 'DAS KYIS RO RGYAB NA'O GSUNGS PA NI, PHYI MA'I SKYE BO DGE BA BYED BYED PA 'GA' ZHIG NA BAR GYUR KYANG 'DI SNYAM DU, DE BZHIN GSHEGS PA BSOD NAMS DPAG TU MED PA SKU RDO RJE LTAR SRA BA YANG BSNYUN BZHES NA BDAG LTA BU CI SMOS BSAM NAS YI MUG PAR MI 'GYUR BA LA DGONGS, ^ BCOM LDAN 'DAS KYIS NGA NI RGAS 'KHOGS TE GTUGS PAS BSNYEN BKUR BA TSOL CIG GSUNGS PA NI, PHYIS NYAN THOS RGAS PA DAG RIM GRO PA MI BSTEN PAR STON PAS MA GNANG BAS 'PHONGS PAR MI 'GYUR BA LA DGONGS, ^ MO'U GAL GYI BU KHYOD SONG LA 'TSO BYED KYI GAN NAS SMAN LONGS GI GA BZA' BAR BYA'O GSUNGS PA NI, PHYIS NYAN THOS NAD PA SMAN DGOS PA DAG STON PAS MA GNANG ZHES 'PHONGS PAR MI 'GYUR BA LA DGONGS, ^ DE BZHIN GSHEGS PAS MU STEGS SPYOD PA BA DANG KUN DU RGYU DAG DANG LHAN CIG TSIG GIS RTZOD PAR BYED DO GSUNGS BA NI, PHYIS CHOS 'DOD PA DAG LA GZHAN GYIS GOL BAR BYED KYANG, DE BZHIN GSHEGS PA LA
, ,YANG PHYIR RGOL BA DAG YOD NA GZHAN LA LTA CI SMOS SNYAM NAS YI CHAD PAR MI 'GYUR BA LA DGONGS, ^ DE BZHIN GSHEGS PA'I ZHABS LA SENG LDENG GI TSAL PA ZUG GO GSUNGS PA NI, PHYIS CHOS PA DAG LA SDUG BSNGAL BYUNG YANG SNGON LAS SU BSAMS TE, DE BZHIN GSHEGS PA LA YANG SNGON LAS KYIS ZHABS LA TSER MA ZUG PA'I SNYUN MNGA' NA GZHAN LA LTA CI SMOS ZHES MI DGA' BAR MI 'GYUR BA LA DGONGS, ^ LTAS BYIN GYIS YUN RING PO NAS DE BZHIN GSHEGS PA'I GSHED MA DANG DGRA BOR GYUR BAR GSUNGS BA NI, SKYES BU DAM PA LHAS BYIN MED NA, DE BZHIN GSHEGS PA'I YON TAN MNGON PAR MI 'GYUR TE, GRONG BAR NA GLANG PO CHE NOR SKYONG RBAD PA DE BZHIN GSHEGS PAS BTUL BAS SKYE BO MANG POS DE BZHIN GSHEGS PA NGO MTSAR DU BZUNG BA YANG LHAS BYIN GYI RTZAL YIN BA BZHIN NO, ,SKYES BU DAM PA LHAS BYIN NI, BLA MED BYANG CHUB TU NYE BA YIN BAS DE LA SMAD NA ZHI NAS NGAN 'GROR SKYE BAR GSUNGS PAS BAG ZON BYA, ^ DE BZHIN GSHEGS PAS BSOD SNYOMS KYI PHYIR BRAM ZE'I GRONGS LA CAN DU LHUNG BZED BKRUS PAS ZHUGS PA BZHIN DU PHYIR BYUNG GSUNGS PA NI, PHYIS BSOD SNYOMS PA KHA CIG GRONG DANG GRONG KHYER SOGS SU ZHUGS TE BSOD SNYOMS MA RNYED KYANG,
DE BZHIN GSHEGS PA LA'ANG DE LTA BU MNGA' NA BDAG LA LTA CI SMOS SNYAM DU YI MUG PAR MI 'GYUR BA LA DGONGS, ^ BRAM ZE'I BU MO DREGS MAS SHID GZHOR LTO BAR BCINGS TE, DE BZHIN GSHEGS PA LA SKUR BA GDAB PO GSUNGS PA NI, PHYIS RAB BYUNG DAG LA SKUR BA GDAB PA BYUNG YANG SKYE BO DAD PA MED PAS DE BZHIN GSHEGS PA LA'ANG DE LTAR BYED NA BDAG LTA BU LA SMOS CI DGOS SNYAM NAS MI ZHUM PA LA DGONGS TE, BU MO DREGS MA NI, RE ZHIG SDIG PA'I LAS KUN DU RGYAS PA YIN PAS SHI NAS DMYAL BAR 'GRO BAR GSUNGS, ^ NYON MONGS MED KYI LJONGS SU DBYAR GNAS PAR ZHAL GYIS BZHES PA NA ZLA BA GSUM RTA CHAS KYI NAS GSOL TO GSUNGS BA NI, BRAM ZE DANG KHYIM BDAG DE DAG GIS SPYAN MI 'DREN PAR MKHYEN MOD KYANG, GANG GI CHAS GSOL BA'I RTA LNGA BRGYA PO DE'I DON GYI PHYIR TE, RTA DE DAG NI BYANG SEMS SHA STAG YIN KYANG SDIG GROGS KYI DBANG GIS SDIG PA BYAS PAS DUD 'GROR SKYES BA YIN LA, DE DAG GI NANG GI RTA CANG SHAS NI BYANG CHUB SEMS DPA' NYI MA'I SNYING PO ZHES BYA BA STE SMON LAM GYI DBANG GIS SKYES BA YIN ZHING, RTA DE DAG GI BYANG CHUB KYI SEMS MI BRJED PA DANG SKYE BA DRAN PAR BYED DO, ,ZLA BA GSUM 'DAS PA NA RTA LNGA BRGYA PO SHI STE DGA' LDAN GYI LHAR SKYES SHING STON PA'I DRUNG DU 'ONGS NAS
, ,CHOS NYAN PAS BLA MED BYANG CHUB TU NGES PAR GYUR CING, RTA RDZI NI RANG RGYAL DU 'GYUR BAR LUD BSTAN TO, ,DE'I TSE KUN DGA' BOS BCOM LDAN 'DAS NI 'KHOR LOS SGYUR BA'I RGYAL SRID SPANGS NAS RAB TU BYUNG YANG RTA CHAS GSOL TO ZHES GDUNG BAR GYUR PA DGONGS NAS STON PAS CHOMS BAR NAS, NAS 'BRU GCIG BSTZAL BA ZOS PAS SHIN TU RO BRO ZHING ZHAG BDUN GYI BAR DU TSIM NAS ZAS GZHAN MA ZOS TE, 'DI NI DE BZHIN GSHEGS PA'I MTSAN RO BRO BA'I MCHOG DANG LDAN PA ZHES BYA BA DE YIN NO, ,STON PA DANG LHAN CIG DBYAR GNAS PA'I DGE SLONG LNGA BRGYA LAS DGE SLONG BZHI BCU NI 'DOD CHAGS SPYOD PA DANG SDUG BA'I MTSAN MA LA SPYOD PA YIN PAS ZAS BSOD PA ZOS NA 'DOD CHAGS 'PHEL BAR 'GYUR BA LAS, ZAS NGAN PA ZOS PAS 'DOD CHAGS SRAB MOR GYUR NAS ZHAG BDUN GYIS DGRA BCOM PA THOB PO, ,DON 'DI LA KHA CIG GIS BCOM LDAN 'DAS KYIS, YON BDAG GIS BSHOS MI GSOL NA'ANG 'GRO DON MDZAD BA MI BSHOL LO SNYAM DU DAD PA DANG, KHA CIG GIS SKYE BO DANG BA MED PA RNAMS NI BCOM LDAN 'DAS LA'ANG BSHOS MI 'BUL NA BDAG LTA BU LA SMOS CI DGOS SNYAM NAS YI MI MUG PAR 'GYUR BA LA DGONGS TE, 'DI LTAR RTOGS PA LA MKHAS PA STE, BYANG CHUB
SEMS DPA' SNYING RJE'I BDAG ,'GRO DON GSUNGS PA GAD YIN DANG, ,DES DON GSUNGS PA GANG YIN PA, ,LEGS PA KHO NAR RTOGS PAR BYED, ,BRTAN PA DGONGS LA MKHAS GYUR PA, ,NYID MTSAMS SBYOR BA SPE NGAS BA RNAMS, ,RDZOGS PA'I SANGS RGYAS GRAGS LDAN GYIS, ,GSUNGS PA KHONG DU CHUD PA YIN, ,ZHES DANG, ^ BYANG CHUB SEMS DPA' THEG PA CHUNG DUS MYA NGAN LAS 'DA' BAR MI 'DOD PA NI, BYANG CHUB SEMS DPAS 'GRO BA'I DON GYI PHYIR 'KHOR BAR GNAS PA GTZO BOR BYED CING, NGAN 'GRO'I SDUG BSNGAL GYIS MNAR BAR GYUR KYANG RANG GCIG BUR GROL BAR MI 'DOD DE, SNYING RJE'I BDAG NYID CAN DANG NI, ,RI 'DRA'I SEMS KYIS SBYONG BYED LA, ,SEMS CAN DON LA MI SKYO ZHING, ,BYANG CHUB LAS NI PHYIR MI LDOG ,BYANG CHUB SEMS DPA' SEMS CAN LA, ,PHAN PAR 'DOD PAS SKYO MI BYED, ,SEMS CAN GZHAN LA PHAN PA'I PHYIR, ,BAG MED PA YANG MI BYED DO, ,ZHES GSUNGS SO, ,BDUD RTZI'I 'BRAS BU'I CIG SHOS KIM PA'I 'BRAS BUR BSHAD, ^ BCU GSUM PA NI, DGA' BO MNGAL DU 'JUG PA'I MDO, BAM GCIG ,NYAN YONG DU DGA' BO LA GSUNGS PA, SHOG NYIS BRGYA ZHE BRGYAD NA RDZOGS, ^ ,BCU BZHI PA NI,
, ,DGA' BO MDAL DU GNAS PA BSTAN PA'I MDO, BAM GSUM, GAG 'RDZID 'GRAM NA DGA' BO SOGS LA GSUNGS PA, SHOG NYIS BRGYA GYA GNYIS LA RDZOGS, ,MDO 'DI GNYIS BRJOD BYA PHAL CHER 'DRA ZHING, 'DUL BA LUNG DU GSUNGS PA DANG YANG SHAS CHER 'DRA LA, 'DI LAS DAGS RIM TZAM LOGS SU BRIS YOD, ^ BCO LNGA PA NI, 'JAM DPAL GYI SANGS RGYAS KYI ZHING GI YON TAN BKOD PA'I MDO, RGYAL KHAB DANG BYA RGOD PHUNG BO'I RI SOGS SU, BYANG SEMS SDIG BCOM DANG RGYAL PO MA SKYES DGRA DANG SH'A RI'I BU SOGS KYIS RIM GYIS ZHUS PA, BAM BZHI PA, SHOG SUM BRGYA SO DGU LA RDZOGS, 'DIR RGYAL BA KUN GZIGS KYI ZHING BKOD SOGS DANG, 'JAM DPAL SHAR PHYOGS NAS 'ONGS PA YANG 'DUG CING, 'DI'I ZHING BKOD SOGS 'GA' ZHIG LAM RIM BRGYAD PA'I RNAM THAR PAR PHRENG DU YOD, YANG, BYANG SHAR DU STONG GIS BRGYAN PA ZHES PA'I 'JIG RTEN NA SANGS RGYAS DBANG PHYUG CHEN PO'I RGYAL PO'I BSTAN PA LA LO BYE BA BRGYA STONG DU TSANGS PAR SPYAD PA LAS MI MDZED 'DIR SE GOL TOG TZAM GYI RING LA BYAMS PA BSGOMS PA'I PHAN YON CHE STE, DE NI STONG BRGYAN GYI SEMS CAN RNAMS NI SNYOMS 'JUG GI BDE BA LTA BU DANG LDAN PAS YIN GSUNGS
SHING, MI MJED ZHES PA STON PA'I 'KHOR BYANG SEMS SOGS KYIS DUG GSUM SOGS KYIS MI TSUGS PA'I DON DU YANG GSUNGS, PO TI GSUM PA RDZOGS SO,, ^ ,, /ZHI\ CU DRUG PA NI, YAB SRAS MJAS BA'I MDO, RGYAL PO MNGON PAR DAD PAR BYAS PA'I LE'U, RGYAL PO GSHEGS PA'I LE'U, RGYAL PO 'DUN PAR BYAS BA'I LE'U, LHA MIN LUNG BSTAN PA'I LE'U, SNGON BYUNG BA 'ONG SRUNG GIS ZHUS PA'I LE'U STE, 'DIR RGYAL BA DBANG PO'I TOG GI RNAM THAR GYI DUM BU 'DUG ,BYA'I RGYAL PO 'DAB BZANG STE, NAM MKHA' LDING GI LE'U, KLU'I BU MO LUD BSTAN PA'I LE'U, KLU'I LE'U, DE BZHIN DU, GRUL BUM GYI, DRI ZA'I, GNOD SPYIN GYI, MI 'AM CI'I, LHA 'PHENG LDAN GLANG PO CAN GYI, SUM BCU RTZA GSUM GYI, 'THAB BRAL GYI LE'U STE, 'DIR SHES PAR BYA BA GNYIS SU ZANG PA DANG, KUN RDZOB DE LA DON DAM DU SMRA BA, ,DE DAG NOR BA'I BLO LDAN SHES PAR BYA, ,ZHES PA'ANG 'DUG ,DGA' LDAN GYI, 'PHRUL DGA'I, GZHAN 'PHRUL DBANG BYED KYI, TSA DRAS PA'I, 'OD GSAL RIS KYI, DGE RGYAS RIS KYI LE'U STE, 'DIR, GANG GIS BDAG LA KHA ZAS BYIN PA, ZHES SOGS DKOR SBYOD
, ,GI BSNGO BA TSIG LHUG PA DE 'DUG ,'BRAS BU CHE BA'I, GNAS GTZANG MA'I, MU STEGS CAN GYI LE'U STE, 'DIR 'GRO DRUG GANG LAS SKYES PA'I RTAGS BA STAN PA LOGS SU BRIS YOD, ZAS GTZANG MA LA CHOS GSUNGS SHING SH'AKYA RNAMS LUNG BSTAN PA'I LE'U, GZI BRJID DAG PA LUNG BSTAN PA'I LE'U STE NYER DRUG ,BAM BCO LNGA, SHOG BRGYA GO GNYIS LA RDZOGS, YANG MDO 'DIR, SUM BCU RTZA GSUM GYI LHA NI RI RAB KYI ZOM NA GNAS PAR BSHAD LA, SUM BCU RTZA GSUM PA'I RDO LEB AAR MO NIG LTAR 'JAM PA'I KHANG PA, ZHES PA DANG, 'KHOR LO RIN PO CHE NI 'PHANG DU KHRU BDUN PA DANG, 'THAB BRAL LA THUN SPOMS PA ZHES DANG, DAG 'CHAL LA TSIG THUN TSAGS ZHES BYUNG NGO, ^ ,BCU BDUN PA NI, DABtANG?P'A LA YUL 'KHOR SKYONG GIS ZHUS PA'I MDO, BAM GSUM, BYA RGOD PHUNG PO'I RIR, BYANG SEMS KYI SPYOD PA MANG PO BSTAN CING, STON PA NYID KYI RNAM THAR MANG PO TSIGS BCAD KYIS BSTAN, MA 'ONGS DGE SLONG SOGS 'CHAL BAR 'GYUR BA BSTAN PA STE, 'OD DPAG MED KYI SKU SNGA RGYAL PO 'OD ZER LDAN, DE'I SRAS STON PA'I SKU SNGA GZHON NU BSOD NAMS 'OD ZER, DE'I GRONG KHYER GYI LHA NI SANGS
RGYAS MI 'KHRUGS PA STE, DE DUS KYI SANGS RGYAS DON GRUB BLO LA SRAS DES BSTOD PA NA, MTSAN MCHOG LDAN PA DRI MED ZLA BA'I ZHAL, ,SOGS TSIGS BCAD GCIG DANG, STOD BZHI BA SKYE BA MED BA'I TSUL, ,SOGS KYIS KYANG BSTOD, SHOG NYIS BRGYA NYER BDUN NA RDZOGS, ^ BCO BRGYAD PA NI, GAD POS ZHUS PA'I MDO, 'OD MA'I TSAL DU BYAMS MA'I BU GANG POS ZHUS, BAM GSUM, BYANG CHUB SEMS DPA' SPYOD BA'I LE'U, DE BZHIN DU, MANG DU THOS PA'I, PHYIR MI LDOG PA'I, DGE RTZA LDAN PA'I, RDZU 'PHRUL GYI STOBS KYI, THUGS RJE CHEN PO'I, BRGAL LAN BTAB PA'I, GAD PO'I LE'U BCAS, SHOG NYIS BRGYA GO DRUG NA RDZOGS, ^ ,BCU DGU PA NI, GRI HA PA TI AUG GRA KHYIM BDAG DRAG SHUL CAN GYIS ZHUS PA'I MDO, NUS LA MNYAN YOD NA'O, ,BAM GSUM, KHYIM PA'I BYANG SEMS KYI SPYOD PA DU MA DANG, RANG GI CHUD MA LA BSTEN RGYU'I 'DU SHES GO DGU, DE MDOR BSDUS PA BZHI, KHYIM NA GNAS PA'I SKYON DANG RAB TU BYUNG BA'I YON TAN SPEL TE SO SOR BRGYA DAD GSUM RE BSTAN PA SOGS TE, 'DI LAS DON 'GA' LOGS SU BRIS YOD, SHOG SUM BRGYA SO GSUM NA RDZOGS, ^ ,NYI SHU PA NI,
, ,BITYU TA BR'APTA GLOG THOB KYIS ZHUS PA'I MDO, BYA RGOD PHUNG PO'I RIR, BYANG SEMS KYIS GZHAN BKRI TSUL LAS BRTZAMS, BAM GNYIS, MJUG TU, MI ZAD PA'I GTER BSTAN PA'I LE'U RDZOGS SO ZHES 'BYUNG, SHOG SUM BRGYA LNGA BCU NA STE, PO TI BZHI PA RDZOGS SO,, ^ ,, /BRI\ NYER GCIG PA NI, M'A Y'A K'A RA BYA KA RA nA SGYU MA MKHAN LUNG BSTAN PA, SGYU MA MKHAN BZANG PO LUNG BSTAN PA'I MDO, BAM GCIG ,'DI'I DON BSDUS LOGS SU BRIS YOD, SHOG NYER GNYIS LA RDZOGS, ^ ,NYER GNYIS PA NI, MAH'A BRA TA HATYA DE SHA CHO 'PHRUL CHEN PO BSTAN PA'I MDO, MNYAN YOD DU LHA'I BU DED DPON GYIS ZHUS, CHO 'PHRUL GSUM SOGS LAS BRTZAMS TE MANG DU GSUNGS, BAM GNYIS, NGA BRGYAD NA RDZOGS, ^ NYER GSUM PA NI, BYAMS PA'I SENG GE'I SGRA CHEN PO'I MDO, 'OD SRUNG GIS THAR 'DOD RNAMS KYIS RAB TU BYUNG NAS JI LTAR BSLAB PA'I TSUL ZHUS, STON PAS BKA' BSTZAL, TSE 'DIR 'BRAS BU 'THOB BA DANG, MA 'ONGS CHOS DANG 'PHRAD PAR SEMS PA SOGS GSUNGS NAS, LNGA BRGYA THA MAL BSTAN PA 'DZIN PAR 'OD SRUNG LA BKA'
BSTZAL 'OD SRUNG GIS, LO BRGYA NYI SHU LON, BU SOGS MANG PA, NANG PA, NYAL BA LAS GZHAN MI THUB PA ZHIG LA MI ZHIG GIS GTER GTAD DE LO MANG LON NAS GTER DE BLANG BA'I PHYIR 'ONG PA'I BAR DU MI DE SHI NAS GTER DE YANG SUS KHYER BA MI SHES PAR 'GYUR BYA LTAR, NYAN THOS NI SHES RAB NYI TSE BA, YON TAN NYI TSE BA YIN PAS NA BSTAN PA'I KHUR 'DEGS MI NUS LA, LANG TSO 'KHOR G-YOG SOGS PHUN SUM TSOGS PA NUS PA CHE BZHIG LA SNGA RAS ZHIN GDAMS NA DES LEGS PAR GNYER NAS PHYIS LEN PA'I TSE STER NUS PA BZHIN YIN PAS, BYANG CHUB SEMS DPA' BYAMS PA LA GTOD CIG ,'DI NI RGYAL BU THU BO DANGS 'KHOR SANGS RGYAS KYI 'OG TU 'TSAD RGYA BAR 'GYUR BAS SO ZHES ZHUS, STON PAS KYANG BYAMS PA'I DBUR PHYAG BZHAG NAS BSTAN PA GTANG, BYAMS PAS KYANG ZHUM MED SENG GE BIS NGOM? BSKAL PA PHRANGS MED BAR YANG MI ZHUM PAR BSTAN 'GRO'I DON BGYI PAR DAM BCA' MDZAD, BYAMS PAS PHYI MA JI LTAR 'GYUR BA ZHUS, PHYIS KHYIM ZHIG TU LAN GCIG GNYIS TZAM SOD BA LA PHYIS KHYI GZHAN 'ONG BA LA 'JUNGS RNAM STON PA LTAR, DGE SLONG GIS DGE SLONG GZHAN LA DE LTAR BYA BAR 'GYUR BA SOGS DANG, DUR SMRIG BGOS NAS
, ,'CHAL BAR SPYOD PA NI LAM DU 'BAR BA'I GOS GYON PA DANG 'DRA BA SOGS BSTAN, MDO 'DI LAS DON 'GA' ZHIG BSDUS TE LOGS SU BRIS YOD, BAM BZHI, SHOG BRGYA DANG BCU GCIG NA RDZOGS, ^ ,NYER BZHI PA NI, BI NISHTZA YA RNAM PAR GTAN LA DBAB PA, 'DUL BA RNAM PAR GTAN LA DBAB PA NYE BAR 'KHYOR GYIS ZHUS PA'I MDO, MGON MED ZAS SBYIN GYI KUN DGA' RA BAR, BCOM LDAN 'DAS KYIS BYANG SEMS RNAMS LA MA 'ONGS THA MA LA BSTAN PA 'DZIN PAR SU SPRO DRIS, BYANG SEMS MANG POS RANG RANG GIS 'GRO DON JI LTAR BYED PAR SPRO BA ZHUS, DE NAS SH'A RI'I BUS DE RNAMS NGO MTSAR BAR ZHUS, BCOM LDAN 'DAS KYIS LAN GNANG ZHING, NYE BAR 'KHOR GYIS THEG PA GSUM GYI TSUL KHRIMS LAS BRTZAMS TE ZHUS, LAN BSTAN, BYANG SEMS RNAMS KYI NYES PA BSHAGS TSUL BSTAN PA LA LTUNG BSHAGS KYI MDO 'DI GSUNGS, DE YANG SANGS RGYAS PHAL CHER LA, DE BZHIN GSHEGS PA ZHES PA'I TSIG MED PAR 'DUG ,MDO 'DI'I DON LA SNGA RABS PA DAG GIS NOR BA BYUNG BA, BYANG CHUB GZHUNG LAM DANG THUB BSTAN BYI DOR DU LEGS PAR BSAL NAS GSUNGS PA YOD, BAM GNYIS, SHOG BRGYA
NYER DGU PA RDZOGS, ^ ,NYER LNGA PA NI, AAD TYA SHA YA SA NA COD NA LHAG BSAM BSKUL BA'I MDO, BAM GNYIS, SHU LO KA SUM BRGYA, SHOG BRGYA DANG DA GSUM NA RDZOGS, , MDO 'DI'I SNYING PO'I DON BSDUS PA'I TSIGS BCAD RJE'I GSUNG 'BUM THOR BUD YOD, ^ MDO 'DIR, CHOS KYI SBYIN PA BYA BAR 'DOD NA ZANG ZING MED PA STE RNYED BKU RA LA MI BLTA BAR CHOS BSHAD BYED PAR GSUNGS NAS, DE'I PHAN YON NYI SHU TSAN PA GNYIS BSTAN PA'I SNGA MA NI LAM RIM DU YOD LA, PHYI MA NI, SPOBS PA MA SKYES PA SKYE, SKYES PA CHUD MI ZA, GZUNGS THOB PAS SEMS DRANG POR 'GYUR, CHOGS CHUD DUS 'GRO BA MANG PO'I DON BYED, TSOGS CHUD DUS SEMS CAN RNAMS DE LA GUS SHING RIM GRO BYED PAR 'GYUR, LUS KYI SDOM PA 'THOB, DE BZHIN DU DAG DANG, YID KYI'ANG 'THOB, NGAN 'GRO'I 'JIGS PA LAS 'DA', DGA' BZHIN 'CHI BA'I DUS BYED, PHAS RGOL THAMS CAD CHOS DANG MTHUN PAR TSAD GCOD, GZI BRJID NI RIGS MTHON PO DAG GIS KYANG MI BZOD NA GZHAN CI SMOS SU 'GYUR, DBANG PO ZIL GYIS MI NON PAR 'GYUR, LHAG BSAM PHUN SUM TSOGS PAR 'GYUR, ZHI GNAS DANG LHAG MTHONG 'THOB,
, ,DKA' SPYAD RDZOGS PAR 'GYUR, BRTZON 'GRUS BRTZAMS PA LAS MI NYAMS, DAM PA'I CHOS KUN DU BSRUNG BAR 'GYUR, MYUR DU PHYER MI LDOG PA'I SA NON, BYANG CHUB SEMS DPA'I SPYOD PA THAMS CAD LA MTHUN PAR GNAS PAR 'GYUR RO GSUNGS SO, ,YANG, DENG MI NYAMS PA'I THABS NI, RANG GI 'KHRUL BA RTOG PA, GZHAN GYI SKYON MI GLENG BA, MDZA' BA SHES SOGS KYI KHYIM LA MI LTA BA, TSIG MI 'ONG BAS SPONG PAR STE BZHI DANG, THOS PA NYUNG BA SPONG BA, 'KHOR MI BSDU BA, DBEN PA BSTEN PA, BDAG DUL ZHI LA BRTZON PA STE BZHI YIN PAR GSUNGS, GZHAN YANG GNYID DANG LE LO DANG SMRA BA LA DGA' BA DANG KHYIM GYI BYA BA LA DGA' BA SOGS KYI NYES DMIGS BSTAN PA SOGS LAS DANG PO PA'I NYAMS LEN LA MKHO BA'I RIGS MANG DU 'DUG GO, ^ NYER DRUG PA NI, SU BA HU LAG BZANG GIS ZHUS PA'I MDO, 'OD MA'I TSAL DU, BYANG SEMS LAG BZANGS KYIS CHOS DU DANG LDAN NA MYUR DU 'TSANG RGYA BAR ZHUS, DE'I LAN DU PHYIN DRUG LA SLOB TSUL RGYAS BAR BSTAN NAS, PHYIN DRUG LA SLOB BAR MI NUS NA'ANG DUS DUS SU'AM CUNG ZAD CUNG ZAD DU YANG DE DANG DE'I GEGS BYED PA SEL BA DANG DE DAD DE'I RTOGS PA SGRUB PA
LA RTZOL, 'BOD, DE LTAR BYAS NA SKYE BA PHYI MAR MI ZHUM ZHING SGYID MI LUG PAR SGRUB NUS PAR GSUNGS TE, DON 'DI KUN MKHYEN BDE LAM DU YANG YOD, MDO 'DIR LANG LONG NI DBEN PA'I CIG SHOS SU BSHAD, BAM GCIG ,BRGYA GYA BZHI LA RDZOGS, ^ NYER BDUN PA NI, S'U RA TA DES PA, DES PAS ZHUS PA'I MDO, MNYAN YOD DU, BRGYA BYIN KYIS RANG GI BTZUN MO GTONG PA SOGS KYIS NGES PA SAD PA NA, DES PAS, GANG LA SDIG MED 'PHAGS PA NI, ,RNAM PA KUN GYIS MDZES PA YIN, ,BYIS PA SDIG PA BYED PA NI, ,SHIN TU BRGYAN KYANG MDZES MA YIN, ,ZHES PA SOGS NGO MTSAR BA CI YANG DON DU MI GNYER BA DANG, NOR BU RNYED NAS, SHIN TU DBUL PO LA STER ZER NAS RGYAL PO GSAL RGYAL LA BYIN PA SOGS KYIS RGYAL PO DAD PAR BYAS, BCOM LDAN 'DAS KYIS NGES PA RAB TU PHYUNG NAS 'TSAD RGYA BAR LUNG BSTAN PA BCAS, BAM GCIG ,SHOG BRGYA GO DGUR RDZOGS, ^ ,NYER BRGYAD PA NI, BI RANG TA TA DPA' BYIN, KHYIM BDAG DPAS BYIN GYIS ZHUS PA'I MDO, MNYEN YOD DU KHYIM PA'I BYANG SEMS KYIS JI LTAR BSLAB PAR BYA BA ZHUS, LAN GSUNGS PA STE, 'DI'I GSUNG 'GA' LOGS
, ,SU YOD, BAM GCIG ,SHU LO KA SUM BRGYA, SHOG NYIS BRGYA BCU GCIG PAR RDZOGS, ^ ,NYER DGU PA NI, AU DA YA NA 'CHAR BYED, PA RIB RA'I LE'U, BAR SA'I RGYAL PO 'CHAR BYED KYIS ZHUS PA'I LE'U, KOO SHAMBHI'I DBYANGS CAN GYI KUN DGA' RA BAR, SKYES PA BUD MED KYI SKYON MANG PO BSTAN PA STE, RGYAL POS DPE MED MA'I TSIG GIS SNGO SANGS MA LA MDA' 'PHANGS PAS RKYEN BYAS TE ZHUS PA'O, ,'DI'I GSUNG 'GA' ZUR DU YOD, BAM GCIG ,SHOG NYIS BRGYA NYER BZHI LA RDZOGS, ^ ,SUM BCU PA NI, SU MA TE D'A RA KA BU MO BLO GROS BZANG MOS ZHUS PA'I MDO, BYA RGOD PHUNG PO'I RIR, KHYIM BDAG DRAG SHUL CAN GYI BU MO STE, BYANG SEMS SU 'GYUR BA SOGS RDZU 'PHRUL BDEN PA'I BYIN RLABS MANG DU BSTAN, BAM GCIG ,SHOG NYIS BRGYA SO GCIG PAR RDZOGS, ,SO GCIG PA NI, GANG GOD TA RA GANG GA'I MCHOG GIS ZHUS PA'I MDO, MNYAN YOD NA DGE BSNYEN MA GANG GA'I MCHOG GIS STONG NYID KYI DRI BA DANG, DE'I LAN BCAS BSTAN PA, SHOG NYIS BRGYA SO LNGA PAR RDZOGS, ^ ,SO GNYIS PA NI, AA SHO KA DANG TA
MYA NGAN MED KYIS BYIN PA LUNG BSTAN PA'I MDO, BYA RGOD RING, MA SKYES DGRA'I BU MO STE, RANG GIS BYANG SEMS SU KHAS BLANGS NAS BYANG SEMS KYI CHE BA DANG RDZU 'PHRUL SOGS MANG DU BSTAN, BAM GNYIS, SHOG NYIS BRGYA NGA GNYIS LA RDZOGS, ^ ,SO GSUM PA NI, DRI MA MED KYIS BYIN PAS ZHUS PA'I MDO, BYA RGOD RING, GSAL RGYAL GYI BU MO STE PHAL CHER SNGAR BZHIN DANG, 'DI GNYIS KAS SKYES PAR SPRUL NAS RAB TU BYUNG ZHING 'TSANG RGYA BA'I LUNG BSTAN THOB PA YANG 'DUG ,BAM GNYIS, SHOG NYIS BRGYA DON LNGA PAR RDZOGS, , ^ SO BZHI PA NI, SANG KU SU MI TA BYANG SEMS YON TAN RIN CHEN ME TOG KUN DU RGYAS PAS ZHUS PA'I MDO, PHYOGS BCU'I SANGS RGYAS BCU MTSAN BZUNG BA'I PHAN YON BCAS BSTAN, BAM GCIG ,SHOG NYIS BRGYA BRGYAD CUR RDZOGS, ^ ,SO LNGA PA NI, BEE SHYA YUL, SANGS RGYAS KYI YUL BSAM GYIS MI KHYAB PA BSTAN PA'I MDO, BYA RGOD RIR, PHAL CHER 'JAM DPAL GYIS STONG NYID SOGS BSTAN, BAM GNYIS, SHOG SUM BRGYA GNYIS LA RDZOGS, ^ ,SO DRUG PA NI, SUSTHI TA RAB GNAS, LHA'I BU BLO GROS RAB GNAS
, ,KYIS ZHUS PA'I MDO, BYA RGOD RID, LHA'I BU BLO GROS RAB GNAS DANG 'JAM DPAL GNYIS KYIS DRIS LAN GYI TSUL DU STONG NYID BSTAN PA, BAM BZHI, SHOG SUM BRGYA NGA BDUN PAR RDZOGS, PO TI LNGA PA RDZOGS SO,, ^ ,, /'I\ DKEN BRTZEGS KYI THA MA, SO BDUN PA NI, SENG GES ZHUS PA'I MDO, BYA GONG RING, MA SKYES DGRA'I BU SENG GE BYA BAS, GANG GIS MDZES PAR 'GYUR BA, BRDZUS TE SKYE BA SOGS DU MA ZHUS, BCOM LDAN 'DAS KYIS LAN GSUNGS PA, TSIGS BCAD MA STE, BAM GCIG ,GANG GIS MI KHOM SPONG BAR 'GYUR, ZHES PA'I LAN DU, DAD PAS MI KHOM SPOD BAR 'GYUR, ZHES PA SOGS TE, SHOG BZHI, SHU LO KA DRUG BCU'O,, ^ ,SO BRGYAD PA NI, MAH'A RA HA SYO B'A YA KO SHA LYA DZNY'A NOD TA RA GSANG CHEN THABS LA MKHAS PA YE SHES DAM PA, PA RI BRTA LE'U, SANGS RGYAS THAMS CAD KYI GSANG CHEN THABS LA MKHAS PA BYANG CHUB SEMS DPA' YE SHES DAM BAS ZHUS PA'I LE'U, MNYAN YOD DU, YI DAM PAS, BYANG SEMS KYI THABS MKHAS GANG ZHUS PA'I LAN DU, DGE BA GANG BYAS RDZOGS BYANG DU BSNGO BA SOGS BSTAN, BAM
BZHI, SHU LO KA STONG NYIS BRGYA SUM BCU, SHOG LNGA BCU PAR RDZOGS, ^ ,YE SHES DAM PAS ZHUS PA'I MDZOD 'DIR, 'JIG RTEN KHAMS KYI ME TOG SPOS SOGS THAMS CAD YID KYIS BSDUS TE MCHOD PA DANG SBYIN BAR GTONG BA, SDUG BSNGAL CAN KUN BSDUS NAS BYAMS PA SGOM PA, PHYAG MCHOD GCIG BYED NA'ANG SANGS RGYAS THAMS CAD KYI CHOS NYID GCIG PA YON TAN MNYAM BA SHES NAS THAMS CAD LA PHYAG MCHOD BYED PAR 'GYUR SNYAM BA DANG DE LTAR DU 'GYUR BAR BSNGO BA, TSIGS BCAD GCIG KHA TON DU BYED NA'ANG, 'DI'I DON NI GSUNG RAB THAMS CAD KYI DON YIN PAS DE THAMS CAD BTON PA DANG 'DRA SNYAM PA DANG, 'DI THOS PA'I 'GRO BA THAMS CAD BYANG CHUB TU NGES PAR GYUR CIG CES SMON LAM GDAB PA SOGS NI BYANG CHUB SEMS DPA'I THABS MKHAS YIN PAR BSTAN, GZHAN YANG MI RNAMS 'DZEG MI NUS, LHA RNAMS 'BAB NUS PA DGONGS NAS 'DZAM BU'I GLING DU SKYE BA DANG, 'DI LHA KLU SOGS SAM CI ZHES THE TSOM ZA BA SOL PHYIR MNGAL DU ZHUGS, DKAR CHOS RGYAS PAR BYED PA DANG GZHAN LAS LHAG PA BSTAN BA'I PHYIR GLANG DKAR GYI RNAM PAS ZHUGS, DUS MA RDZOGS PAS DBANG PO MA TSANG BA 'DRA SNYAM PA BSAL PHYIR ZLA BA BCUR BZHUGS,
, ,PA MA'I MER MER PO LAS SKYES PA MIN, RDZUS SKYES SO SNYAM PA BSAL PHYIR MNGAL NAS SKYES, DBEN PA BSNGAGS SHING LHA SOGS KYIS MCHOD PA'I BSOD NAMS 'THOB PAR BYA BA'I PHYIR NAGS SU SKYES, YUM NI BUD MED GZHAN DANG 'DRA BA'I SDUG BSNGAL MED PA BSTAN PHYIR YUM LANGS TE SHING BLAG SHA BZUNG, KUN SPYOD GTZANG LA KHYAD PAR DU 'PHAGS BA BSTAN PA DANG LAS CAN GDUL PHYIR MCHAN G-YAS NAS BYUNG, BTZAS MA THAG BRGYA BYIN GYIS BLANGS PA NI BRGYA BYIN GYI SMON LAM YIN PAS DE'I CHED DANG, RDZU 'PHRUL GYI STOBS BSTAN PA DANG LAS CAN GDUL PHYIR GOM BDUN BOR, DER LHAGS PA'I NGA RGYAL CAN GYI LHA MANG GDUL PHYIR NGA NI 'JIG RTEN 'DI NA MCHOG CES GSUNGS, 'JIG RTEN DANG MTHUN PA DANG TSANGS DBANG GIS BSOD NAMS 'THOB PAR BYA PHYIR DE GNYIS KYIS KHRUS BYAS, DBANG PO SMIN PA DANG STOBS RTZAL PHUN SUM TSOGS PA DANG BDE BA PHUN SUM TSOGS PA RNAMS BSTAN PA'I PHYIR SLAR KHYIM DU ZHUGS NAS LO MANG POR BZHUGS, ZA MA'O SNYAM PA BSAL PHYIR BTZUN MO BZHES, 'DUN PA DANG RTA BSNGAGS LDAN GNYIS KYI SNGON SMON RDZOGS PHYIR RTA LA CHIBS NAS 'DUN PA ZHABS PHYIR MDZAD, YAB SOGS DAD PA LA DGOD PA
SOGS KYI PHYIR 'DZAM BU'I GRIB MAR BSAM GTAN MDZAD, PHYIS YAB SOGS KYIS GZHON NU NI BDAG CAG MI 'DOD PA MA YIN GYI, SKYE GA NA 'CHI MTHONG NAS SKYO BAS RAB TU BYUNG NGO ZHES GO BA DANG, 'GAS NI RAB TU BYUNG NA NGE LAS THAR SNYAM DU DANG PAR 'GYUR BA DGONGS TE SKYID TSAL DU GSHEGS, DGE BA DON DU GNYER BA SHUGS CAN YIN PA DANG RJES 'JUG LA'ANG BSTAN PHYIR NAM PHYER NAS KHAB NAS BYUNG, SKYE BO GNYID LOG PA NI LHAS YIN GYI, GZHON NUS MIN ZHES SDIG MI GSOG PA'I PHYIR DE LTAR MDZAD, CHOG SHES BSTAN PHYIR RTA RGYAN SOGS PHYIR BSKUR, YAB RGYAL POS GZHON NU'I DBU SKRA SUS 'BRIGS ZHES GZHAN LA CHAD PA MI BYED PA'I PHYIR RANG GIS SKRA BREGS, RANG GI 'KHOR GDUL BA'I PHYIR, BDAG GIS SANGS RGYAS 'OD SRUNG GI DUS SU, DGE SBYOD MGO REG LA BYANG CHUB GA LA YOD, BYANG CHUB NI THOB BAR DKA' ZHES SMRAS ZHES PA DANG, LAS DE 'DAG PAR MDZAD TSUL BSTAN, PHYI ROL PA LAS LHAG PA BSTAN PA DANG DAN PA LA MOS PA'I DRANG SRONG SA YA BZHI SOGS GDUL BA'I PHYIR LO DRUG DKA' BA SPYAD, PHYIS DGE RTZA CHUD BA RNAMS KYIS HA CANG DKA' THUB KYIS GDUNG NAS MCHOG SGRUB MI NUS PAR 'GYUR BA LA PHAN PA'I PHYIR SLAR
, ,YANG ZAS BZHES, CHOG SHES PA DANG BKRA SHIS LA PHAN PA'I PHYIR RTZVA BTING, BDUD LA 'DOD KHAMS PAS DAD PAS DE BTUL NA THAMS CAD DAD BAR 'GYUR BAS BDUD BTUL, LHA MANG PO GDUL BA'I PHYIR SANGS RGYAS NAS ZHAG BDUN MI G-YO BAR MNYAM PAR BZHAG ,'JIG RTEN PAS TSANGS PA NI THAMS CAD KYI BDAG PO BYED PA PO'O SNYAM DU 'DZIN PAS DE DAG 'DUL BA'I DBANG GIS TSANGS PAS BSKUL BA LA BRTEN NAS CHOS 'KHOR BSKOR, SRID PA THA MA PA NYI SHU LA GZHAN NYI SHUS GSOD SEMS SKYES PA SGROL PHYIR, DE BZHIN GSHEGS PAS KUN DGA' BO LA NGA 'DI LTAR 'BYUNG GSUNGS MA THAG ,SA NAS SENG LDENG GI TSAL BA RNON PO MTHO GANG TZAM BYUNG, MO'U GAL GYI BU SOGS KYIS RDZU 'PHRUL GYIS 'PHANG MA NUS, TSANGS PA'I 'JIG RTEN GYI BAR TSAL DE BCOM LDAN 'DAS KYI PHYI BZHIN 'BRANGS, BCOM LDAN 'DAS KYIS BYA RGOD RIR SLAR BYON NAS BZHUGS PA NA YANG 'ONGS TE ZHABS DRUNG DU GNAS, BCOM LDAN 'DAS KYIS DE'I STED DU ZHABS REG MA THAG TU BRUG ,KUN DGA' BOS RGYU MTSAN ZHUS, SNGON TSONG PA SGROL PHYIR SDIG CAN GYI MI ZHIG BSAD BA'I 'BRAS BUR GSUNGS PAS MI NYI SHU PO DES BSAM NGAN BOR
RO; ,'TSO BYED NAS SMAN AUD PA LA HASTA GAN DHA BLANGS NAS BZHES PA NI, DBEN PA'I DGE SLONG GNYIS NA NAS SMAN MA BROS PA LA BRTZE NAS BZHES PAS DE GNYIS KYIS THOS NAS SMAN 'THUNGS NAS GSOS PA STE DE SOGS KYI CHED YIN, SA LA CAN NAS LTUNG BZED BKRUS BA BZHIN DU PHYIR BYUNG YANG THUGS LA MTHO DMA' MED PAS LHA BDUN KHRIS DAD PA THOB LA, PHYIS SA LA CAN PA RNAMS KYANG THOS NAS DANG DE CHOS NYAN PA SOGS SU GYUR BAS DE'I CHED DO, ,KUN DU RGYU DAG GIS KUN DU RGYU MDZES MA BSAD DE RGYAL BYED TSAL GYI 'OBS SU BOR BA BTANG SNYOMS SU MDZAD PA NI, MU STEGS PA DAG GIS SANGS RGYAS NI GZHAN GYI DGE BA JI LTAR 'PHEL BA DANG JI LTAR GZHAG RGYU DE LTAR 'JOG GO ZHES RANG GI NYES PAS BDAG NYID KYIS TSAD GCOD PAR 'GYUR BA'I CHED DE, MDZES MA NI TSE ZAD CING RANG GI LAS KYIS DE LTAR GYUR PA YIN NO, ,NYON MONGS MED KYI LJONGS SU DBYAR GNAS PA RTA SOGS KYI CHED DE, RTA LNGA BRGYA PO PHYIS DGA' LDAN DU SKYES TE CHOS NYAN PA SOGS BYUNG, CHAGS SPYOD DGE SLONG BZHI BCU NI DBYAD GROL NAS ZHAG BDUN NA DGRA BCOM PA THOB, KUN DGA' BOS YID MI BDE BAR GYUR PA NA RO MCHOG BSTAN NO, ,GSO SBYONG GI SKABS, 'OD SRUNG RO RGYAB NA'O
, ,'PHAGS LAM YAN LAG BDUN SHOD CIG GSUNGS PA NI, 'OD SRUNG LAS SKYE BA SNGON MA RNAMS SU YAN LAG BDUN THOS PA'I LTA BRGYAD STONG GROL BAR BYA BA'I PHYIR TE, SANGS RGYAS KYIS BSTAN KYANG LAS 'BREL MED PAS SHES PAR MI 'GYUR RO, ,YANG RJES 'JUG GIS NA BA'I TSE CHOS NYAN PA'I DANG PA BSKYED PA'ANG NGO, ,SH'AKYA 'JIG PA NA, KUN DGA' BO KLAD PA NA STE MI BDE'O GSUNGS PA NI, NYE DU MI BSRUNG SNYAM DU SEMS PA'I SEMS BSRUNG BA DANG, CHAD SMRA'I LHA SUM STONG 'DUL BA'I CHED DU 'O, ,SEMS CAN SROG GCOD PA MANG PO 'DUS PA RNAMS KYIS KYANG, SANGS RGYAS KYANG SROG BCAD PA'I NYES PAS DBU BSNYUN NA GZHAN LTA CI SMOS SNYAM NAS 'GYOD PA SKYED PA'I CHED DU YOD DO, ,BRAM ZE BTA RA DHVA DZAS SPYO BA BRGYAS SPYOS KYANG DANG DU LEN PA NI, 'KHOR MANG BOS BCOM LDAN 'DAS KYIS MA ZHUM MA KHENGS BAR THUGS SHEN TU MNYAM PA MA THONG NAS BYANG CHUB TU SEMS BSKYED PAR 'GYUR BA DAG GI CHED DANG, BHA RA DHVA DZA YAD DAR NAS SKYABS SU SONG BA DE'I CHED DO, ,LHAS BYIN GYIS GNOD PA MANG DU BYAS PA NI, SLONG MO MED PA NA DBU SLONG BA SOGS KYIS PHYIN DRUG MYUR DU RDZOGS PAR BYED PA DANG, SGYOGS RDO 'PHANGS
PA SOGS NI LAS DE DAD DE'I 'BRAS BU'O ZHES BSTAN NAS 'GRO BA MANG PO 'DUL BA'I PHYER DU'O, ,DE RNAMS KYANG GZHAN LA PHAN PA'I THABS MKHAS YIN NO, ^ ,SO DGU PA NI, SHREsht'I CHONG DPON BZAD SKYONG GIS ZHUS PA'I MDO, 'OD MA'I TSAL DU, RNAM SHES JI LTA BU DANG 'PHO BA DANG SKYE BA SOGS LAS BRTZAMS TE ZHUS, RLUNG GIS BZANG NGAN GYI DRI KHYER BA BZHIN LAS KYI BAG CHAGS BSGO BA, GZUGS BRNYAN ME LONG DU 'CHAR BA BZHIN LUS SU 'GRUB PA, G-YUL NGOR RTA SHOR NA MYUR DU RTA GANG RNYED PA LA ZHON PA BZHIN BA RA DO BAS SKYE BA LEN PA SOGS BSTAN, BAM GNYIS, ROG DON GSUM NA RDZOGS, ^ ,BZHI BCU PA NI, D'A RI KLA BI MA LA SHUNG DHA BU MO RNAM DAG NGAD PAS ZHUS PA'I MDO, MNYAN YOD DU, GSAL RGYAL GYI BU MO STE, JI LTAR BYAS NA SANGS RGYAS DANG 'PHRANG PA, TSE RABS NGAN PA SOGS ZHUS, G-YO SGYU MED PA SOGS BSTAN, SHOG GYA BZHIR RDZOGS, ^ ,ZHE GCIG PA NI, BYAMS PAS ZHUS PA'I LE'U, BRGO NA BYIS PA GSOD KYI RID, BYANG SEMS KYI SPYOD PA DU MA DANG, BYAMS PAS BDAG CAG GI STON PA LAS BSKAL PA BZHI BCU'I SNGA ROL DU SEMS BSKYED BA DANG, STON PAS
, ,DBU SOGS BTANG BA'I DKA' THUB KYIS SNGAR SANGS RGYAS PA DANG, BYAMS PAS NYIN MTSAN DUS DRUG TU SMON LAM 'DEBS PA SOGS MDZAD BAR BSTAN LA, DE'I SMON LAM NI, BYAMS PA'I SMON LAM 'DI GSUNGS SO, ,BAM GNYIS, SHOG GO BDUN PAR RDZOGS, ^ ,ZHE GNYIS PA NI, BYAMS ZHUS CHOS BRGYAD PA, BYA RGOD PHUNG PO'I RIR, GZUNGS 'DUS NANG DU BZHUGS PA DANG GCIG GO ,SHOG BRGYA THAM BAR RDZOGS, ^ ,ZHE GSUM PA NI, K'A SHYA PA 'OD SRUNG GI LE'U ZHES BYA BA'I MDO, BYA RGAD PHUNG PO'I RIR, BAM BZHI, SHOG BRGYA SO BRGYAD NA RDZOGS, ^ ,MDO 'DIR BCOM LDAN 'DAS KYIS 'OD SRUNG LA, BYANG CHUB SEMS DPA'I SHES RAB NYAMS PA'I CHOS BZHI STE, CHOS DANG CHOS SMRA LA MI GUS PA, DPE MKHYUD BYED PA, CHOS 'DOD PA'I 'DUN BA ZLOG PA, BDAG BSTOD GZHAN SMOD BYED PA STE, DE NYID LAS, CHOS SMRA BA LA GUS PA MED PA YIN, ,CHOS LA SER SNA BYED PAR 'GYUR BA DANG, ,CHOS LA SLOB DPON DPE MKHYUD BYED PA YIN, ,CHOS 'DOD RNAMS LA BGEGS NI BYED 'GYUR CING, ,'DUN PA ZLOG BA DE BZHIN
RNAM 'KHRUG BYED, ,RGYAL BAS BSNGAGS PA'I CHOS NI YONGS MI STON, ,LE LO CAN DE BDAG BSTOD RTAG TU BRTZON, ,GZHAN LA SMOD PAR BYED LA MNGON PAR DGA', ,CHOS BZHI 'DI DAG RGYAL BA'I SRAS RNAMS KYI, ,SHES RAB NYAMS PAR 'GYUR BAR RGYAL BAS GSUNGS, ,ZHES DANG, SHES RAB 'PHEL BA'I BZHI NI, CHOS SMRA PA LA GUS DANG BCAS PA YIN, ,ZANG ZING MED CING RNYED DANG BKUR STI LA, ,RE BA MED CING TSIGS BCAD MI SEMS PAR, ,JI LTAR THOS PA'I CHOS RNAMS GZHAN LA STON, ,THOS LAS SHES RAB 'BYUNG BAR DES RIG NAS, , MGO LA 'BAD BZHIN RTAG TU THOS PA TSOL, ,DE NI JI LTAR THOS PA'I DON RNAMS 'DZIN, ,CHOS BZUNG NAS NI NAN TAN BYA PHYIR GNAS, ,MKHAS DE NAN TAN SNYING POR BYED PA YIN, , TSIG LHUR MI LEN SMRA BA LHUR MI LEN, ,MKHAS BAS CHOS BZHI 'DI DAG BSTEN BYAS NA, ,RGYAL BAS BSNGAGS PA'I SHES RAB THOB PAR 'GYUR, ,ZHES GSUNGS LA, YANG, BYANG CHUB KYI SEMS BRJED PA'I BZHI STE NAG CHOS BZHI, MI BRJED PA'I BZHI STE DKAR CHOS BZHI YIN LA, DGE BA'I CHOS SKYES BZANG PA'I BZHI, JE KHYAD DU 'GRO BA'I BZHI, GYA GYU
, ,CAN DU 'GYUR BA'I BZHI, DRANG PO'I BZHI, DMU RGOD KYI BZHI, CAD SHES KYI BZHI, 'KHRUL BA'I BZHI, LAM GYI BZHI, GROGS NGAN GYI BZHI, DGE BA'I GSHES GNYEN GYI BZHI, BYANG SEMS LTAR BCOS PA'I BZHI, YANG DAG PA'I BZHI, BDUD LAS 'DA' BA'I BZHI, DGE BA THAMS CAD SDUD PA'I BZHI, BSOD NAMS KYI TSOGS DPAG MED KYI BZHI, MA RIG BAG CHAGS KYI SA 'JOMS PA'I BZHI, SGRIB MED YE SHES 'THOB PA'I BZHI DANG, BYANG SEMS SU 'GYUR BA'I CHOS SO GNYIS, 'BYUNG BA BZHI SOGS DANG 'DRA BA'I DPE, TSUL BZHIN RAB TU SBYOD BA'I DBU MA'I LAM DANG, RAB BYUNG GI DRI MA GNYIS, GDUD BA GNYIS SOGS DANG, RGYAL PO SLAS DANG 'PHRANG PA LAS SKYES PA RGYAL BO'I BU YIN LA, BTZUN MO GZHAN DANG 'DRES PA LAS SKYES PA RGYAL PO'I BU MIN LTAR BYANG SEMS NYAN DANG RNAMS KYI KHYAD PAR DANG, KHYI NI RDO LAS 'JIGS KYANG RDO'I RJES SU 'BRANG GI SUS 'PHANGS BA DE'I RJES SU MI 'BANG PA LTAR, GZUGS SOGS LAS 'JIGS KYANG DE'I RJES SU 'BRANG PA DNAG, DBUL BO LA MDZOD LDAN KYI MING MI MDZES BA LTAR, NYAMS PA LA
DGE SBYONG GI MING MI MDZES PA DANG, MI DO'I MGO LA GSER PHRENG BTAGS KYANG GSON POR MI 'GYUR BA LTAR 'CHAL PAS CHOS GOS GYON YANG DGOS PA MED PA DANG, SRIN BU RDA MO DUNG KA MGO NAG GAN RGYAL DU GNAS PA DER 'JIGS PA YOD PA SOGS BSTAN, YANG DA NYID LAS, DPER NA RI MO MKHAN ZHIG GIS, ,GNOD SBYIN 'JIGS PA'I GZUGS BYAS NAS, ,DE YIS 'JIGS TE KHAS BUB TU, , 'GYEL NAS BRGYAL BAR GYUR PA LTAR, ,BYIS PA SO SO'I SKYE BO KUN, ,BDAG NYID KYIS NI BYAS PA YI, ,GZUGS SGRA SOGS LA RMONGS GYUR PAS, ,'GRO BA DRUG TU 'KHYAM PAR GYUR, ,CES DANG, DPER NA PHYIM DU MI 'GA' LA LA YIS, ,RING ZHIG LON NAS MAR ME BUS BYAS NA, ,DE LA MUN PA BDAG GNAS RING LON GYIS, ,'DI NAS MI 'GRO SNYAM DU SEMS PA MED, ,CES GSUNGS YANG STOD PA NYID LA LTA NYES NA SBYONG SMAN LTO LA GNAS PA DANG 'DRA BAR YANG GSUNGS SO, ^ ,ZHE BZHI PA NI, AAKshA YA MA TI BLO GROS MI ZAD PAS ZHUS PA'I MDO, BYA RGOD PHUNG PO'I RIR, BYANG SEMS KYI SPYOD PA SPYI DANG, SEMS BSKYED BCU, SA BCU, PHAD PHYIN BCU RNAMS BSTAN, BAM GCIG ,SHOG BRGYA ZHE DRUG NA RDZOGS, ^ ,ZHE LNGA PA NI,
, ,RAD NAR'A SHI RIN PO CHE'I PHUNG PO ZHES BYA BA'I MDO, BYA RGOD PHUNG BO'I RIR, 'OD SRUNG GIS ZHUS, DGE SBYONG GI RGYU MTSAN SOGS BSTAN PA DGE SBYONG GI LE'U, DGE SLONG GI LE'U, DGE SBYOD GDOL BA LTA BU'I LE'U, ZHAL TA BYED PA'I LE'U, DGON PA PA'I LE'U, BSOD SNYOMS PA'I LE'U, BAM GNYIS, MDO 'DIR, 'BRU'I NANG NA MA SMIN PA, MI GRUD PA, 'ONGS MED PA, 'BRAS 'DRA BA DAG NI SHIN TE ZHES BYA BAR GSUNGS PA STE, RAB BYUNG RNAMS LA MKHO CHE BA'I GSUNG MANG DU YOD, SHOG BRGYA DANG DON GSUM PAR RDZOGS, ^ ,ZHE DRUG BA NI, SHER PHYIN BDUN BRGYA PA, MNYAN YOD DU, 'JAM DPAL SOGS KYIS STONG NYID LAS BRTZAMS TE BKA' MCHING BYAS PA, BAM GNYIS, SHOG NYIS BRGYA RTZA GSUM NA RDZOGS, , ^ ZHE BDUN PA NI, RAD NA TZU tA GTZUG NA RIN PO CHES ZHUS PA'I MDO, BYA RGOD PHUNG PO'I RIR, SHAR PHYOGS ZHING BRGYA SGONG PHRAG 'GU BCU RTZA GNYIS 'DAS PA NA, LEGS SPRUL ZHES BYA BA'I 'JIG RTEN NA BZHUGS PA'I SANGS RGYAS YONGS DAG RAB GNAS KYI DRUNG NAS 'ONGS PA'I BYANG SEMS GTZUG NA RIN PO CHES ZHUS TE, PHYIN DRUG DANG BYANG PHYOGS SO BDUN RNAMS BSTAN, STON PA'I
SKU TSE SNGON MA BRTZON 'GRUS 'BAR BAS, BYAMS PA'I SKU TSE SNGON MA RGYAL BU GZHON NU NOR DPAL DAD PA LA DGOD PA'I PHYIR LO BRGYAD KHRI BZHI STONG DU DKA' BA SPYAD PA'ANG 'DIR SNANG LA, YANG, NGAG YONGS SU DAG PAS GSHE YANG SLAR MI GA SHE, LUS DAG PAS BRDEGS KYANG SLAR MI BRDEGS, SEMS DAG PAS KHROS KYANG SLAR MI KHRO, LHAG BSAM DAG PAS 'TSIG PAR BYAS KYANG SLAR MI 'TSIG PAR BSHANG, BAM GNYIS, SHOG NYIS BRGYANG BDUN NA RDZOGS, ^ ,ZHE BRGYAD PA NI, LHA MO DPAL 'PHRENG GI SENG GE'I SGRA'I MDO, STON BA MNYAN YOD DU BZHUGS PA NA, GSAL RGYAL GYI BU MO DPAL 'PHRENG GIS CHOS MNYAN NAS SEMS BSKYED PA LUNG BSTAN THOB PA SOGS TE, NGES RANG GI KHYIM THAB RGYAL PO GRAGS PA'I BSHES GNYEN GRONG KHYER 'THAB MED DU GNAS PA SOGS GRONG KHYER PA THAMS CAD THEG CHEN LA BTZUD, BYANG CHUB GSUM GYI KHYAD PAR SOGS MANG DU BSTAN PA, BAM GNYIS, SHOG NYIS BRGYA GYA LNGA PAR RDZOGS, ,LE'U ZHE DGU PA STE MDO THA MA NI, BY'A SA RGYAS PA, DRANG SRONG RGYAS PAS ZHUS PA'I MDO, STON PA GANG GA'I 'GRAM DU BZHUGS PA NA, DRI NAG MA'I BU DRANG SRONG RGYAS PAS ZHUS PA, SBYIN PA'I RNAM GZHAG
, ,DANG, PHRENG THOGS SOGS KYI LHAR SKYE 'CHI BYED TSUL RNAMS BSTAN PA STE, 'PHRENG THOGS KYI LHA DANG RGYAL CHEN BZHI DANG SUM BCU RTZA GSUM GYI GNAS DANG BDE BA DANG GZUGS DBYIBS SOGS BSTAN, CHOS BZANG 'DUN SA DANG GRONG KHYER LTA NA SDUG DANG, BRGYA BYIN GYI GZUGS BYAD SOGS DANG, SKYED TSAL SHI DI SHA KAD BA LANG BDAG BZHUGS PA YANG BSTAN, YANG MDO 'DI DMU STEGS PA'I DRANG SRONG DAG GI SPYOD TSUL BSTAN PA NI, DRANG SROD RAL BA'I CONG PAN CAN, RGAS PA, RAB TU SKEM PA, ZAS MI ZAB, SHING SHUN DAD G-YANG GZHI GYON PA, THAL BAS BYUG BA, THANG DANG BRAG KHROD DU GNAS PA, BKRES BKRES LTAR 'DUG PA, RLUNG 'BAB PA, ZLA PHYED BSNYEN GNAS BYED PA, YAN LAG SKEM PA, GCER BUR GNAS PA, AAG TSOM DAD SEN MO DANG SPU RID BA, DKA' THUB KYI NOR CAN, BZLAS BRJOD, SBYIN SREG ,BSRUNG BA, BKRA SHIS BYED PA, BLAG BA MED PA RANG SHING DRUNG GNAS PA, RKANG PA GYEN DU BSGRENG BA, TZOG TZOG BUR 'DUG PA, CHUNG 'DUG PA, MES BSREG PAR BYED PA, NYI MAS GDUNGS PA, BAB BAB TU GNAS PA, RIGS TZAM GYIS DGA' BA, BLA NA MED PA'I YE SHES DANG BRAL BA, THAR PA MI SHES PA, LTA BA MA DAG PA,
MTSOD PHYIR THOGS THOGS PA, SDO SANGS PO, MIG GNYIS SER BA, SKRA RTZUB CING GRUGS PA, LAG NA DBYUG GU GSUM THOGS PA, GZUGS MI SDUG PA, GTAM SNA TSOGS KYI GTAN TSIGS DANG LDAN BA, ZHES GSUNGS LA, SH'A RI'I BU SMIN MA RING BA, GNYED MA CAN, MGO SKYA BO, LAG PA G-YAS PAS SMIN MAS ZAD NAS, MIG GI PAGS PA BTEGS TE DRANG SRONG RGYAS PA LA BLTAS PAR BSHAD, ^ PHRENG THOGS KYI LHA RNAMS SHIN LJON PA ME TOG 'BRAS BU PHUN SUM TSOGS PA'I DRUNG DU GNAS SO, , 'CHI BA'I TSE GANG GI DRUB TU 'DUG PA'I SHING DE'I LO MA RNYIS, YAL GA 'PHYAD, ME TOG DANG DRI YANG MED PAR 'GYUR, LHA DE YANG DE NA 'DUG MI 'DOD PAR 'GYUR, KHA DGO BDUN PA'I ME TOG GI PHRENG BA MGUL DU THOGS PA SNGON RNYING PAR MI 'GYUR BA YANG RNYIS, BDE ZHING BSIL BA'I RLUNG LDANG BA DAG KYANG TSA BAR 'GYUR, DE MTHONG NAS RANG DANG DE'I MDZA' BA BU MO'I TSOGS RNAMS KYANG SNYING RJE RJE SKAD DU DU BAR BYED PA DANG, DE LTAR BU GYUR NAS 'CHI PAR BSHAD, RGYAL CHEN BZHI DANG SUM BCU RTZA GSUM PA'I
, ,LHA RNAMS 'CHI BA'I TSE JI LTAR 'GYUR BA NI LOGS SU BRIS YOD, YANG LHA'I ME TOG GI KHU BA ZHIM PO, BAD BA, BSIL BA, DRIS KYANG DA RO BAR BYED PA ME TOG GI CHANG ZHES BYA BA YOD PAR BSHAD DO, ,BAM PO GNYIS, SHOG GRANGS SUM BRGYA DANG BCU GCIG PAR RDZOGS PA STE, PO TI DRUG PA RDZOGS SO, , BH'A TU DBYINGS PRA KRi TI RANG BZHIN AA SAMBHE DA DBYED MED PA, WARMA GO CHA BYU HA BKOD PA, ^ DGE SLONG LEGS PA'I SKAR MA'I LO RGYUS NI DKON BRTZEGS 'DIR ZUR TZAM 'DUG ,LHA'I ROL MO'I BYE BRAG KHONG HU DANG, RDA PA TA HA ZHES BSHID, ^ LUS NI SKRA BREGS CHOS GOS GYON, ,LAG NA LHUNG BZED THOGS MOD KYI, ,SGO GSUM MA BSDAMS SDIG SPYOD PAS, ,DGE SLONG SHIN TE MA ZHES BYA, ,DBUL BA'I MI LA MJOD LDAN ZHES, ,MING BTAGS NA YANG MDZES MI 'GYUR, ,DE BZHIN KHRIMS 'CHAL SDIG CAN LA, ,DGE SLONG ZER NA'ANG BZANG RGYU MED, ,MI RO'I MGO LA GSER 'PHRENG NI, ,BTAGS NA'ANG GSON
POR MI 'GYUR RO, ,DE BZHIN KHRIMS MED BYA SGRAS NI, ,GYON NA'ANG DGE SLONG GAL YIN, MTHO BZANG YON TAN CHE LA PHYUG PA'I MI GZHON NUS, ,NGAR ZAB RIN CHON SOGS KYIS BRGYAN NA RAB MDZES LTAR, ,MANG THOS TSUL KHRIMS LEGS PAR BSRUNGS PA'I DGE SLONG NI, ,CHOS GOS GYON NAS CHOS BZHIN SPYOD PAS 'GRO KUN DGA', ,